Doktoratura Elda Cina, Fakulteti i Ekonomise, Departamenti i Mat
Flora Doktoratura Qarri, Faculty of Natural Sciences, Departamenti i ...
Transcript of Flora Doktoratura Qarri, Faculty of Natural Sciences, Departamenti i ...
REPUBLIKA E SHQIPËRISËUNIVERSITETI I TIRANËS
FAKULTETI I SHKENCAVE TË NATYRËSDEPARTAMENTI I KIMISË
TIRANË, 2012
KANDIDATI FLORA QARRI
UDHËHEQËS SHKENCORPROF. DR. PRANVERA LAZO
VLERËSIMI I GJENDJES MJEDISORE TË ZONAVE VLORË-FIERNËPËRMJET MONITORIMIT TE AJRIT DUKE PËRDORUR MYSHQET SI BIOINDIKATORË
Disertacion
i paraqitur nga
MSc. Flora Qarri
udhëhequr nga
Prof.Dr. Pranvera Lazo
Për marrjen e gradës shkencore
Doktor
Tema: “VLERËSIMI I GJENDJES MJEDISORE TË ZONAVE VLORË-FIER NËPËRMJET MONITORIMIT TË
AJRIT DUKE PËRDORUR MYSHQET SI BIOINDIKATORË”
Mbrohet më dt. …./...../2012 para jurisë:
Kryetar ............…..…………………………..
Anëtar (Oponent) ……………………………………....
Anëtar (Oponent) ……………………………………....
Anëtar ………………………………………
Anëtar ………………………………………
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
1
FALENDERIME
Monitorimi në përgjithësi dhe ai i ajrit në veçanti, në rajonin e Vlorës paraqet interes për
studim për shkak të karakteristikave fiziko – gjeografike, pejsazheve dhe vlerave
turistike të qytetit. Lidhja ime profesionale me proçeset monitoruese ka filluar me
punimin për diplomën Master, ndërsa në këtë punim doktorature studimi është
thelluar më tej në një drejtim të ri, duke u fokusuar në teknikat e përdorura në
programet për hetimin e elementeve gjurmë në ndotjen e ajrit, si dhe në krahasimet midis
biomonitoruesve të ndryshëm. Në këtë tezë diskutohet mbi monitorimin e ajrit duke
përdorur myshqet dhe mjaltin si bioindikatorë, teknika të përdorura në programet për
hetimin e elementeve gjurmë në ndotjen e ajrit.
Për realizimin e këtij punimi është bërë një punë e vazhdueshme tre vjeçare, si në
terren, në laborator, duke u konsultuar me ekspertë të ndryshëm, si dhe me
literaturën.
Objektivi kryesor i këtij studimi është investigimi i depozitimit të ndotësve të ajrit në
rajonin e Vlorës dhe Fierit duke përdorur biomonitorë të ndryshëm.
Shpresoj që ky studim të jetë një kontribut i shtuar në percaktimin e nivelit të ndotjes
se ajrit dhe njohjen e burimeve specifike të ndotjes, por edhe për studime të ngjashme
në Shqipëri. Ky punim mendoj se më ka shërbyer për kualifikimin tim profesional dhe
gjithashtu më shërben si nxitje për të vazhduar punën time kërkimore edhe në të
ardhmen në fushën e monitorimeve mjedisore.
Dëshiroj të falenderoj të gjthë ata që më kanë ndihmuar në realizmin e këtij punimi.
Falenderime të veçanta i drejtohen profesores sime të mrekullueshme dhe
njëkohësisht modeste Prof. Pranvera Lazo, fjalët, idetë , këshillat dhe rekomandimet e
së cilës më kanë frymëzuar dhe ndihmuar gjatë gjithë procesit të realizimit të kësaj
teze. Ka qenë privilegj dhe nder për mua të kisha Prof. Pranveren si drejtuesen time
të tezës. Falenderoj gjithashtu në mënyrë të veçantë Prof. Trajçe Stafillov
(Universiteti i Shkupit) dhe Prof. Marina Frontasyeva (Instituti për Kerkime
Berthamore, Dubna – Moske) për kontributin në realizimin e matjeve dhe ndihmën në
pasurimin e literatures përkatëse.
Dua të falenderoj Z.Jani Marka për ndihmën në përcaktimin e llojeve të myshqeve.
Shpreh mirënjohje ndaj Departamentit të Kimisë (FSHN, UT) për mbështetjen dhe
dashamirësinë e treguar gjatë gjithë periudhës së realizimit të këtij punimi, duke më
krijuar mundësinë edhe për të punuar në mjediset e Laboratorit të Kimise Analitike.
Falenderoj gjithashtu Dr. Denada Kasemi, Dr.Hajdar Kiçaj për ndihmën në
kampionimet në terren. Falenderim të veçantë meriton edhe familja ime, e cila më
krijoi kushtet dhe mundësitë për të punuar gjatë gjithë këtij studimi.
Nga thellësia e zemrës, ju falenderoj shumë të gjithëve !!!
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
2
Përmbajtja
Falenderime Faqe 1
Pjesa teorike 4
1. Biomonitorimi i ajrit 4
1.1 Studimi i cilësisë së ajrit 4
1.1.1 Metalet e rënda në mjedis 6
1.1.2 Ndotja me metale të rënda nga trafiku rrugor 8
1.1.3 Faktorët e emëtimit nga trafiku rrugor 11
1.1.4 Koncepti dhe metodat e monitorimit të ajrit 11
1.2 Studimi i cilësisë së ajrit duke përdorur biomonitorë 17
1.2.1 Koncepti i biomonitorimit 18
1.2.2 Kriteret e përzgjedhjes së biomonitorëve 19
1.3 Tipet e biomonitorëve në monitorimin e ajrit 19
1.3.1 Myshqet 19
- Përdorimi i myshqeve në studime rajonale 20
1.3.2 Likenet 22
1.3.3 Myshqe apo likene? 23
1.3.4 Algat jeshile 24
1.3.5 Lëvorja e pemës 25
1.4 Sjellja e biomonitorëve 27
1.4.1 Mekanizmi i kapjes se grimcave të ajrit dhe metaleve të rënda 27
1.4.2 Faktorët që ndikojnë në përqëndrimin e metaleve gjurmë në myshqe 27
1.5 Bletët dhe mjalti si monitorues të ndotjeve ambientale 29
1.5.1 Bletët 29
- Monitorimi i pesticideve 30
- Monitorimi i metaleve të rënda 31
- Monitorimi i radionuclideve 32
1.5.2 Mjalti 32
1.6 Perspektiva 33
Pjesa eksperimentale
Qëllimi i studimit 34
2 Monitorimi i ajrit në zonën Vlorë – Fier me anë të myshqeve si
bioindikatorë
35
2.1 Materiale dhe metoda 36
2.1.1 Marrja e mostrave (Kampionimi) 36
2.1.2 Trajtimi paraprak i mostrave 38
2.1.3 Analiza kimike 38
2.1.4 Reagentët 39
2.1.5 Kontrolli i cilësisë së analizave 39
2.1.6 Aparaturat 39
- Teknika e disgregimit te mostrave biologjike dhe botanike 40
2.1.7 Analiza statistikore 44
2.2 Rezultate dhe analiza 45
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
3
2.2.1 Interpretimi i rezultateve eksperimentale 45
2.2.2 Analiza multivariable e korrelimit midis elementëve dhe analiza e grupit
(Claster)
53
- Analiza multivariable e grupit (Claster) 60
- Influenca e detit ne zonen bregdetare te Vlores 64
- Identifikimi dhe karakterizimi i ndotjes me ane te metodes multivariable PCA 65
2.3 Përfundime 68
3 Studimi i cilesisë së ajrit nga metalet e rënda me anë të metodes së
biomonitorimit aktiv me anë të myshqeve në zonën urbane të qytetit të
Vlorës
72
3.1 Materiale dhe metoda 73
3.1.1 Aparatura 73
3.1.2 Reagentë 74
3.1.3 Përzgjedhja e mostrës ―background‖ 75
3.1.4 Stacionet e monitorimit dhe trajtimi paraprak i mostrave 75
3.1.5 Disgregimi i mostrave 76
3.1.6 Kontrolli i cilësisë së analizës 77
3.2 Rezultate dhe diskutime 77
- Korrelimi dhe analiza multivariable e të dhënave 84
3.3 Përfundime 94
4 Monitorimi i ajrit ne zonën e Vlorës duke përdorur mjaltin si bioindikator 95
4.1 Materiale dhe metoda 95
4.1.1 Aparaturat 95
4.1.2 Reagentë 95
4.1.3 Stacionet e monitorimit 96
4.1.4 Disgregimi i mostrave të mjaltit 96
4.2 Rezultate dhe diskutime 96
4.3 Korrelimi linear midis elementeve dhe analiza multivariable e grupit 100
4.4 Krahasimi i akumulimit të elementëve në mjaltë dhe myshqe 106
4.5 Vlerësimi mjedisor i zonës bazuar në perdorimin e myshqeve dhe të mjaltit 112
4.5.1 Analiza e grupi për mostrat e myshqeve dhe të mjaltit 112
4.5.2 Përcaktimi i faktorëve të ndotjes atmosferike me anë të analizas PCA për
mostrat e myshqeve dhe të mjaltit
115
4.6 Përfundime 118
9. Bibliografia 119
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
4
PJESA TEORIKE
1. Biomonitorimi i ajrit
1.1 Studimi i cilësisë së ajrit
Ndotja e ajrit është ende një problem në shumicën e vendeve, jo vetëm për shkak të
dëmtimit të mjedisit, por edhe për shkak se ajo ndikon në shëndetin e njeriut dhe
përbën një problem kryesor ekonomik. Në Bashkimin Europian strategjia e
përcaktimit të cilësisë së ajrit është bazuar në vetitë fiziko-kimike të elementëve
ndotës të ambientit, matjes së përqëndrimit të tyre dhe teknikat plotësuese të
modelimit, siç është përcaktuar nga Direktiva e cilësisë së ajrit. Janë krijuar standardet
e cilësisë së ajrit (përkatësisht vlera limite dhe objektive ) për grupe të mëdha të
ndotësve të ajrit dhe programe të matjes për të monitoruar përqëndrimet ndotëse në
ajër.
Një direktivë e re në lidhje me kadmium, arsenikun, mërkurin, nikelin, hidrokarburet
aromatike dhe policiklikleve në ajër rekomandon, që përveç matjeve të detyrueshme
të përqendrimeve të ndotësve në atmosferë, të bëhet proçesi i monitorimit, i cili
konsiston në përdorimin e bioindikatorëve, të cilët shqyrtojnë ndikimet mbi
ekosisteme dhe vlerësohen si modele rajonale. Në fakt përdorimi i rregullt i bimëve
(kryesisht myshqet dhe likenet) si bioindikatorë, tashmë është një metodë e mirë
vendosur për monitorimin e depozitimeve atmosferike të metaleve në Evropë jo
vetëm nga ana shkencore, por edhe ekonomike.
Ndotja është një proçes, i cili ka një ndikim të dëmshëm mbi jetën. Një nga
shkaqet më të rëndësishme të ndotjes është shkalla e lartë e përdorimit të energjisë,
por gjithashtu dhe modernizimi dhe rritja e madhe e popullsisë. Janë gjetur lloje të
ndryshme të ndotjes. Në këtë seksion do të diskutojmë: Ndotjen e ajrit.
Ndotja e ajrit konsiston në grumbullimin në atmosferë të substancave, që në
përqëndrime të mjaftueshme rrezikojnë shëndetin e njeriut ose prodhojnë efekte të
ndryshme shpesh toksike në anë të shumta jetës. Ndër burimet kryesore të
ndotjeve janë sistemet e ngrohjes, djegia e mbeturinave të ngurta, trafiku i rënduar
dhe sidomos proçeset industriale.
Pesë llojet kryesore të ndotësve janë monoksidi karbonit, hidrokarburet, oksidet
e azotit, dioksidi i squfurit dhe oksidantët fotokimik. Më poshtë paraqiten disa
shembuj të ndotjes së ajrit:
Zhurmat janë disa tinguj të padëshiruar të krijuar në ajër, që kanë një efekt irritues
dhe të dëmshëm për njerëzit dhe kafshët. Shmangia e tyre do të ishte planifikimi i
kujdesshëm i rrugëve dhe pallateve në qytete, në mënyrë që të mos kishim përplasje
nga erërat duke formuar zhurma.
Tymi i duhanit është një nga format kryesore të ndotjes në ndërtesa. Kjo nuk sjell
infektimin e vetëm duhanpirësit, por një ndotje të të gjithë ajrit. Ekziston një lidhje
shumë e fortë midis duhanit dhe kancerit të mushkërive, e cila duhet pasur parasysh.
Gazrat e automjeteve janë përgjegjëse për 60% të të gjithë ndotjes së ajrit dhe në
qytete deri në 80%. Ka një larmi të madhe të kimikateve të dëmshme të pranishme në
këto gaze, madje disa nga ato janë nga më të rrezikshmit.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
5
Djegia e qymyrit pa masa të veçanta mund të ketë pasoja serioze. Nëse erërat nuk
do të shkaktojnë shpërndarjen e gazrave helmuese, ato mund të kenë efekte fatale dhe
mund të çojnë në vdekje.
Shiu acid është termi që përdoret për ndotjen e shkaktuar nga proçesi gjatë të cilit
dioksidi i squfurit dhe azotit kombinohen me lagështinë atmosferike dhe prodhon
rreshje shumë acide si: borë, breshër ose mjegull.
Ajri mund të konsiderohet një sistem analitik shpesh herë i vështirë për tu analizuar,
kjo për disa arsye të shprehura më poshtë:
shumica e substancave ndotëse në ajër janë në nivele të ulëta dhe shumë të ulëta.
substanca që do të analizohet mund të jetë në fazë të gaztë, të lëngët ( si rreshjet dhe
aerosolet ), ose të ngurtë ( si pluhura ose kripëra).
mjaft substanca kimike hyjnë në reaksione fotokimike dhe kimike në atmosferë
duke formuar substanca të tjera, të cilat në disa raste mund të jenë edhe më toksike
sesa ato që janë shkarkuar fillimisht.
Metodat e analizave kimike, të cilat përdoren për monitorimin e ajrit janë të shumta.
Ato duhet të jenë shumë fleksibël, megjithëse nivelet e përmbajtjes së analitit mund të
jenë të ndryshme. Përqëndrimet tipike të disa substancave ndotëse në ajër janë
pasqyruar më poshtë:
Tabela 1.1.1 Vlerat target dhe limit për metalet e rënda në grimcat PM10 në ajër.
Plumbi Arsenik Kadmium Nikel Mërkuri
Legjislacion Direktiva e Parë
Daughter (1999/30/EC)
Direktiva e Katërt
Daughter (2004/107/EC)
Direktiva e Katërt
Daughter (2004/107/EC)
Direktiva e Katërt
Daughter (2004/107/EC)
Direktiva e Katërt
Daughter (2004/107/EC)
Vlera Limit / Target 0.5 µg/m3
Vlera Limit
6 ng/m3
Vlera Target
5 ng/m3
Vlera Target
20 ng/m3
Vlera Target
Nuk është
specifikuar
Vlerësimi i pragut të
sipërm në % të vlerës
target
70% 0.35 µg/m3 60% 3.6 ng/m3 60% 3 ng/m3 70% 14 ng/m3 Nuk është
specifikuar
Vlerësimi i pragut të
poshtëm në % të
vlerës target
50% 0.25 µg/m3 40% 2.4 ng/m3 40% 2 ng/m3 50% 10 ng/m3 Nuk është specifikuar
Direktiva e parë ―Daughter― (1999/30/EC) përcakton një vlerë limit për plumbin në
atmosferë prej 0.5 µg/m3, e shprehur si një mesatare vjetore. Kjo është një vlerë limit,
e vendosur për tu arritur prej 1 Januarit 2005 (ose 1 Januar 2010 direkt, në afërsi të
zonave specifike).
Tabela 1.1.2 Mesatarja vjetore e metaleve të rënda nga WHO (µg m
3)
Metalet As Cd Cr(VI)* Pb Mn Hg Ni* V
Guida e mesatares
vjetore WHO (µg m-3) - 0.005 - 0.5 0.15 1 -
1.0*
*
Shënim:
*Këto komponime janë klasifikuar si karcerogjene nga WHO ( janë dhënë njësitë e
faktorëve të riskut)
** përqëndrim 24-h
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
6
1.1.1 Metalet e rënda në mjedis
Termi Metal i rëndë (MR) i referohet çdo elementi kimik metalik që ka një dendësi
relativisht të lartë dhe shfaq veti toksike ose helmuese në përqëndrime të ulëta.
Shembuj të metaleve të rënda janë: mërkuri(Hg), kadmiumi(Cd), arseniku(As),
kromi(Cr), taliumi(Tl) dhe plumbi(Pb).
Metalet e rënda janë komponentë përbërës natyral të kores së Tokës. Ato nuk mund
të degradohen ose të shkatërrohen lehtësisht. Në organizmin tonë metalet hyjnë në
përqëndrime të vogla nëpërmjet ushqimit, ujit të pijshëm dhe ajrit. Ndër metalet e
rëndë, të cilët sillen si elementë gjurmë (Hogan 2010) ka disa metale si zinku, bakri,
seleni të cilët janë thelbësorë për të ruajtur metabolizmin në trupin e njeriut.
Grumbullimi i tyre në përqendrime të larta mund të çojë në helmim të organizmit.
Helmimi nga metalet e rënda mund të vijë si rezultat i ndotjes së ujit të pijshëm (p.sh
nga tubat e plumbit), por mund të vijë dhe nga ndotja e ajrit si rezultat i
përqëndrimeve të larta të këtyre metaleve pranë burimeve të emisionit dhe nga futja e
tyre në zinxhirin ushqimor. Metalet e rënda janë të rrezikshëm, sepse ata kanë
tendencë të akumulohen.
Proçes akumulimi do të thotë rritja e përqëndrimit të një substance
kimike në organizmat biologjik, në krahasim me përqëndrimet fillestare të
substancës kimike për shkak të akumulimit në mjedis me kalimin e kohës.
Komponimet akumulohen në organizmat e gjalla në çdo kohë, prandaj marrja dhe
ruajtja e tyre ndodh më shpejt sesa mund të ndodhë metabolizmi i tyre. Depozitimi i
metaleve të rënda në mjedis mund të ndodhë nga lëshimi i tyre si mbeturina
industriale në lumenj, liqene dhe në ujërat nëntokësorë, por gjithashtu edhe nga shiu
acid. Motivet që çojnë në kryerjen e kotrollit të përqëndrimeve të metaleve të rëndë në
ajër, sediment apo lumenj janë të ndryshme. Disa prej tyre janë të rrezikshme për
shëndetin apo mjedisin (p. sh. mërkuri, kadmiumi, plumbi, kromi), ndërsa disa mund
të shkaktojnë gërryerje (p. sh. zinku, plumbi), disa të tjerë janë të dëmshme në mënyra
të tjera (p.sh arseniku mund të ndotë katalizatorët).
Brenda Komunitetit Europian trembëdhjetë elementët që sjellin shqetësimet më të
larta janë: arseniku, kadmiumi, kobalti, kromi, bakri, mërkuri, mangani, nikeli,
plumbi, kallaji dhe taliumi, emisionet e të cilëve janë të rregulluara në furrat e djegies
së mbeturinave. Disa nga këto elementë janë vërtetë të nevojshëm për njerëzit në sasi
minimale (siç është kobalti, bakri, kromi, nikeli). Ndërsa të tjerët janë kancerogjenë
ose toksikë p.sh në sistemin nervor qëndror ndikon mangani, mërkuri, plumbi,
arseniku; në veshka apo në mëlçi ndikojnë mërkuri, plumbi, kadmiumi, bakri, ndërsa
në lëkurë, kocka ose në dhëmbë ndikon nikeli, kadmiumi, bakri dhe kromi.
Ndotja nga metalet e rëndë mund të vijë nga shumë burime, natyrore (
vullkanet,zjarret proçeset biologjike etj) ose antropogjene (minierat, shkrirja dhe
pastrimi i metaleve p.sh: shkrirja e bakrit , përgatitja e lëndëve djegëse bërthamore,
djegia e karburanteve te ndryshme). Galvanizimi është burimi kryesor i kromit dhe të
kadmiumit. Metalet ndotëse mund të lokalizohen përmes rreshjeve të komponimeve të
tyre ose nga proçeset jonokëmbyese në tokë. Bimët që shfaqin një akumulim hiper të
tyre mund të përdoren për të akumuluar metale të rënda, të cilat i konsumojnë në
ciklin e tyre jetësorë duke shmangur kështu depozitimin e tyre në tokë. Shpesh herë
lëshimi në mjedis i metaleve të rënda vjen dhe si rezultat i trajtimit ndonjëherë të
pakujdesur të mbetjeve të minierave.
Atmosfera urbane shpesh herë është subjekt i llojeve të shumtë të ndotësve
antropogjenik të prodhuar nga disa burime:
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
7
Burimet stacionare përfshijnë tymin e lëshuar nga termocentralet, fabrikat e
prodhimit, minierat, djegësit e mbeturinave, furrnaltat dhe pajisjet ngrohese me
karburant në banesa.Në vendet në zhvillim, djegia tradicionale e biomasës është
burimi kryesor i ndotjes së ajrit
Burimet e lëvizshme janë të lidhura me trafikun dhe përfshijnë automjetet, anijet,
aeroplanet dhe efektet e zhurmës
Kimikatet, pluhurat dhe praktikat e djegies së kontrolluar në bujqësi dhe
menaxhimin e pyjeve.
Avujt nga bojrat, llaku i flokëve, llaku, spray aerosol dhe tretës te tjerë.
Depozitimi i mbeturinave në landfille, të cilat gjenerojnë metan (lëndë jo toksike,
merr flakë menjëherë dhe formon lëndë shpërthyese me ajrin dhe është asfiksues)
Ushtarake, sic jane armët bërthamore, lëndët helmuese, raketat.
Elementët gjurmë janë gjerësisht të shpërndara në mjedis dhe ndërveprimet e tyre me
komponentët e ndryshëm natyror rezultojnë me efekte toksike në biosferë. Transporti
dhe aktiviteti i elementeve gjurmë kanë tërhequr tashmë vëmendjen e
opinionit(Breiling M & Alcamo J, 1992)
Shumica e elementëve gjurmë në ekosistemet tokësore e ka origjinën nga depozitimet
atmosferike në të lagësht dhe në të thatë. Nga aspekti biokimik, depozitimet
atmosferike janë të lidhura me ndryshueshmërinë në burimet e ndotësve atmosferike
(Azimi S. et al 2005). Trafiku urban është burimi kryesor antropogjen i elementëve
gjurmë në ajër. Përqëndrimet e Fe dhe Cr, të cilat janë të njohura si thërrime të
mbetjeve nga industria e hekurit dhe çelikut (Markert et al 1996), mund të rriten nga
grimcat e prodhuara në industritë e tyre. Prania e një numri të madh të rafinerive të
naftës në zonat e qytetit mund të konsiderohet një tjetër burim përgjegjës për
depozitimet e elementëve gjurmë. Asocijimi i V me Ni është zakonisht përfaqësues i
proçeseve të djegies të naftës (Bargagli 1998). Përqëndrimet e larta të Ni në vende me
rafineri korrespondojnë me përqëndrime të larta të V në të njëjtin vend dhe ky fakt
tregon se këta dy element shpesh mund të ndodhen së bashku në naftën e papërpunuar
(Markert et al 1996) duke shkaktuar ndotje urbane.
Mikroelementët janë pjesë përbërëse e strukturave të bio-komponimeve të ndryshme
aktive. Nga ana tjetër zinku, bakri dhe mangani janë gjetur në enzima, kobalti në
vitamina, jodi dhe kobalti në hormone, bakri dhe hekuri në enzimat respiratore. Cd dhe
Zn jane mikroelementë shumë të rëndësishëm për funksionin natyror të trupit të
njeriut. Të dy marrin pjesë në formimin e strukturës së proteinave dhe enzimave dhe
marrin pjesë në sintezën e proteinave dhe metabolizmin. Mungesa e Zn mund të sjellë
dëmtime në sistemin imunitar, periudha më të gjata të shërimit të plagëve, depresion,
shikim të dëmtuar, çrregullime në shije dhe nuhatje (Smalinskienė A. et al 2001).
Megjithatë, dhe sasi të mëdha të këtyre mikroelementëve janë të dëmshëm për trupin e
njeriut dhe mund të çojnë në çrregullime të metabolizmit (Eriksson N. 2004). Përveç
elementëve të cilët janë të domosdoshëm për trupin e njeriut, ka një grup
mikroelementësh (plumbi, kadmiumi, mërkuri, alumini) të cilët janë të dëmshëm
(Piekut J. et al. 2004). Përqëndrimi i mikroelementëve që mund të shkaktojë rreziqe
toksike, përfshirë metalet e rënda në produktet ushquese, është rregulluar me vendosjen
e kufijve të lejueshëm të përqëndrimit të tyre. Maksimumi i kufijve të lejueshëm
përcaktohet në përputhje me rekomandimet e Organizatës Botërore të Shëndetit (WHO)
dhe nga Organizata e Kombeve të Bashkuara për Ushqim dhe Agrikulturë (FAO). Pb,
Cd, Cu dhe Zn i përkasin grupit të elementëve të dëmshëm, përqëndrimi i të cilave në
mjaltë është rregulluar nga standartet e mikroelementëve në produktet ushqimore.
Metalet e rënda dhe të rralla përmes tokës, pluhurit dhe sipërfaqes së gjetheve kalojnë
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
8
në lule, më vonë në nektar dhe në fund në mjaltë. Është e qartë që metalet e rënda në
mjaltë mund të jenë një eko-tregues i ndotjes së mjedisit.
1.1.2 Ndotja me metale të rënda për shkak të trafikut rrugor
Proçeset kryesore, me anë të të cilave automjetet çlirojnë ndotësit në mjedis janë
proçeset e djegies së karburantit, amortizimi i automjeteve (i motorrit, gomave, frenave),
rrjedhja e vajit apo anti-ngrirësve (anti-frizerve) dhe korozioni(Van Bohem and Van
de Laak, 2003). Ndërsa rregullimi i kontrollit të emetimeve ka çuar drejt një reduktimi
substancial në emetimet e djegies (shkarkimit nga marmita) që vijnë nga trafiku rrugor,
së fundmi është vënë re që emetimet që nuk vijnë nga djegia prej automjeteve rrugore
nuk pësojnë rënie (EEA, 2009). Plumbi çlirohet gjatë proçeseve të djegies së karburantit,
zinku e ka prejardhjen nga pluhuri i gomave (zinku është katalizator që përdoret në
prodhimin e gomave) dhe bakri e ka prejardhjen nga korozioni i radiatorit dhe frenave;
metalet e tjera të rënda kanë prejardhje të përzier (Van Bohem &Van de Laak, 2003).
Origjina e Zn që vinë prej trafikut rrugor është gjithashtu korozioni i sistemit ABS i
frenimit. (Legret & Pagotto, 1999).
Metalet e rënda më të rëndësishme, që lidhen me trafikun në ditët e sotme janë: Cu, Pb
dhe Zn (Legret & Pagotto, 1999). Taketat (fibrat) e morsave të frenave janë një burim i
rëndësishëm i metaleve të rënda (kryesisht Cu, Zn dhe Pb) dhe përsa u përket
karburanteve, vetëm nafta me përmbajtje plumbi (e cila përdorej dikur) përbën një burim
të rëndësishëm të metaleve. Historikisht plumbi ka qene metali i rëndë më i rëndësishëm
që lidhej me trafikun rrugor, por pas daljes nga qarkullimi i naftës me përmbajtje plumbi
emetimet e gazeve që vinin prej saj në botë, ranë në mënyrë të ndjeshme. Metale të tjera
me rëndësi për emetimet që vijnë nga trafiku rrugor janë përkatësisht: Cd, Cr, Cu, Ni,
Pb, Sb dhe Zn për amortizimin e frenave, Zn dhe gjurmët e Cd, Co, Cr, Cu, Hg, Mn,
Mo, Ni dhe Pb për gomat dhe Cd, Cr, Cu, Ni, Pb dhe V për gazet e çliruara nga
djegia e karburanteve fosile, (Hjortenkrans et al., 2006). Në një studim të realizuar
duke përdorur myshkun në një kërkim të zhvilluar në një prej tuneleve të Vienës
(Zechmeister et al., 2006) janë gjetur Ba, Cu, Mo, Pb, S, Sb dhe Zn si tregues të
ndotjes nga trafiku rrugor.
Numri i automjeteve të rregjistruar në Shqipëri është rritur nga viti në vit. Në vitin 2010
numri i automjeteve është rritur me 5.5 përqind kundrejt 2009 dhe në 2011 rritja është
2.8 përqind.
Nuk janë vetëm emëtimet nga trafiku ato që ndikojnë në sasitë e ndotësve të emëtuar nga
rruga; gjithashtu depozitimi atmosferik i shpërndarë në segmentet rrugore ka njëfarë
efekti në emetimet e përgjithshme (Steiner et al, 2007).
Çlirimet (emetimet) nga rruga në skajet apo bordurat rrugore mund të ndahen në
kategoritë që vijojnë: (Van Bohem & Van de Laak 2003; Steiner et al. 2007; shih
gjithashtu Figurën 1):
Ujë-rrjedhje rruge: Uji që rrjedh në një sipërfaqe rrugore mund t’i kthejë disa prej
ndotësve në një formë të tretur në anë të rrugës. Shumica e metaleve dhe pothuajse të
gjithë hidrokarburet aromatike policiklike (PAH-t) ngjiten në baltën që rrjedh nga rruga.
Sasia e rreshjeve që rrjedh mbi sipërfaqen e rrugës varion midis 20%-80%. Rrjedhja
varet nga shkalla e avullimit, formimit të bulëzave dhe të pellgjeve, tipit të rrugës
(lakimit, përthyerjes) dhe sidomos nga tipi i sipërfaqës së rrugës së përdorur (rrugë me
asfalt me sistem kullimi). Në momentin e rrjedhjes, rreshjet e shiut shpërbëjnë grimcat
dhe substancat e treteshme në ujë; afërsisht 6%-9% e substancës së përgjithshme të tretur
e ka prejardhjen nga vet rreshjet e shiut. Përqëndrime të larta të substancave të
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
9
rrezikshme në ujë- rrjedhje, formohen sidomos gjatë shpëlarjes së parë pas një periudhe
të thatë.
Spërkatja: i referohet ujit të spërkatur nga veprimtaria e trafikut gjatë rreshjeve
(spërkatje e lagësht), ose në kushte të thatësirës (spërkatje e thatë) e cila
lëshohet(emetohet) në bordurat e rrugës. Në të dy rastet, një pjesë e madhe e spërkatjeve
shtrihen në anë të rrugës ose në afërsi të saj. Diapazoni i spërkatjes varet nga kushtet
lokale dhe mund të përcaktohen nga matjet e metaleve të rënda në bordurat e rrugëve.
Rrymat: rryma (spërkatja atmosferike në distanca të mëdha) shkaktohet nga grimcat e
emetuara që fryhen nga era dhe që depozitohen në tokë deri në distanca relativisht të
mëdha nga rruga (disa qinda metra). Rrymat ndodhin si gjatë motit të thatë ashtu dhe atij
të lagësht.
Figurë 1: Skema e emetimit prej rrugëve (Steiner et al., 2007)
Burime të tjera emetimesh, që e kanë prejardhjen nga trafiku rrugor dhe nga egzistenca e
rrugëve janë:
Emetimet nga ―mobilimi‖ rrugor (kryesisht Zn nga sistemet ABS të frenimit dhe në
një shkallë më të ulët nga shenjat dhe portalet rrugore) dhe nga sipërfaqet e rrugëve si
pasojë e erozionit të materialeve që përbëjnë sipërfaqen e rrugës. Kullimi i substancave
kimike si pasojë e gërryerjes të rrugëve mund të ndodh, sidomos kur konstruksioni i
rrugës përmban materiale të dorës së dytë.
Mjetet dhe materialet për mirëmbajtjen gjatë dimrit: krahasuar me burimet e tjera, kjo
ndotje nga metalet e rënda është shumë e kufizuar; gjithsesi kripa e pakristalizuar
përmban NaCl me tretshmëri të lartë dhe kjo mund të influencojë rrjedhjen dhe
disponueshmërinë biologjike të një sërë metalesh.
Aksidentet rrugore, mbeturinat, rrjedhjet e substancave të ndryshme, herbicidet dhe
pesticidet: Substancat kimike mund të përhapen në mjedis si pasojë e aksidenteve me
makina. Edhe pse këto aksidente janë shumë të paparashikueshme, efektet mund të jenë
serioze, në varësi të përbërësve kimike të përfshirë. Mbeturinat e ngurta mund të thyhen
ose jo dhe si rrjedhjet nga sistemet hidraulike ashtu dhe ato të lubrifikimit të automjeteve
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
10
mund të shkaktojnë ndotje. (Van Bohem dhe Van de Laak, 2003)
Në varësi të përmasave të grimcave (Van Bohem dhe Van de Laak, 2003), grimcat
metalike të çliruara nga automjetet mund të mbeten në ajër për njëfarë kohe, por
shumica e tyre depozitohen në anë të rrugës dhe bimësia pranë rrugës është në gjendje
të akumulojë metalet e rënda dhe përbërësit e tyre. Metalet mund të depozitohen mbi
sipërfaqet e bimëve me anë të shiut apo pluhurit, por efektet indirekte të ndotjes së ajrit
gjatë kapjes nga toka janë gjithashtu të një rëndësie të madhe, sepse këto sipërfaqe toke
janë vazhdimisht të ekspozuara ndaj depozitimit të thatë si dhe të lagësht të metaleve
gjurmë. Tokat urbane dhe ato anës rrugës mund të marrin sasi të mëdha të metaleve
gjurmë nga burime të ndryshme antropogjene, por kryesisht nga emetimet e
automjeteve(Jozic et al., 2008).
Në varësi të ndotësve dhe veçorive të tokës, ndotësit do të ngjiten pas tokës (do të
akumulohen) ose do të filtrohen në tokë dhe do të përfundojnë në depozitat ujore të
tokës. Nëse toka ngopet me ndotës, ata mund të filtrojnë në shtresa më të thella të tokës
dhe, për një periudhe kohe relativisht të gjatë apo shumë të gjatë në ujrat nëntokësore.
Ndotja është sidomos e pranishme pranë rrugës dhe në një thellësi prej afërsisht 40cm.
Në një largësi prej afërsisht 10 m nga rruga, cilësia e tokës është e krahasueshme me
cilësinë e background-it të tokës. Në shtresën e sipërme të tokës dhe në rastin e rrugëve
më të vjetra përqëndrimet e substancave të thjeshta (Pb, Zn, PAH) zakonisht i tejkalojnë
vlerat e synuara( target) dhe në disa raste edhe vlerat e pikës së ndërhyrjes (Van Bohem
and Van de Laak, 2003). Në një studim në Brisbane, Australi u arrit në përfundimin se
përqëndrimet totale të plumbit në tokat në anë të tri rrugëve kryesore (28,000-121,000
automjete në ditë) ishin midis 400 deri 900 herë më të larta se në zonat sfond (20 km larg
aktiviteteve urbane). Përqëndrimet ranë me rritjen e distancës dhe me rritjen e thellësisë
prej nga u morën kampionet e tokës. Përqëndrimet në largësinë 5 m nga rruga në tri
vendodhje të studiuara ishin 15, 13 dhe 2.3 herë më të ulëta dhe në 25m, 44, 25 dhe 13
herë më të ulëta se sa përqëndrimet respektive të tri zonave në distancën prej 0 m.
Përqëndrimet më të mëdha u gjetën pranë rrugës që kishte numrin më të madh të
automjeteve dhe që nuk kishte bordura trotuaresh apo kanalizime që të lejonin rrjedhjen
e ujërave të rrugës dhe shpëlarjen e ndotësve drejt pjesës anësore të rrugës. U zbulua
gjithashtu se reduktimi i shpejtë i niveleve të përgjithshme të plumbit me thellësinë
lidhej ngushtë me rënien e shpejtë si të karbonit organik ashtu edhe të karbonateve të
kalciumit në tokë (Al-Chalabi & Hawker, 2000). Në një studim për përmbajtjen e Zn,
Pb dhe Cd në bimët dhe myshqet e lëndinave përgjatë autostradës M3 në Hungari, u
has gjithashtu një reduktim i ndotjes me rritjen e largësisë nga rruga (janë analizuar
kampione në nivelet 5, 10, 25, 50, dhe 100 m distancë nga rruga), dhe niveli më i lartë i
përqëndrimeve ishte midis largësisë nga 5m deri në 10m (Naszradi et al., 2004).
Grimcat që vijnë nga trafiku i rrugës emëtohen në fraksione të ndryshme. Elementët e
emëtuar me tepri në PM10 përgjatë një rruge me trafik është hekuri (Fe, mesatarja 4.5
+/- 1.7% e masës PM10 ), kalcium (Ca, 4.2 +/- 0.9%), silica (Si, 3.9 +/- 0.8%), natriumi
(Na, 2.2+/-0.8%), magnezi (Mg,1.1+/-0.2%), squfuri (S,0.84+/-0.26%), alumini(Al,0.69
+/-0.24%) dhe kaliumi (K, 0.41 +/-0.10%), respektivisht. Këto elemente janë përbërës
kryesorë të materialeve të kores së tokës dhe i atribuohen kryesisht riakumulimit të
pluhurit të rrugës si pasojë e sasive të mëdha të pranishme në PM10 (Lough et al., 2005).
Emëtime të rëndësishme të bariumit (Ba), zink (Zn), bakër (Cu), antimon (Sb), dhe
plumbi (Pb) janë zbuluar edhe në PM10. Edhe pse shuma e këtyre pesë elemente nuk
kalon 1% të PM10 në masë, ato mund të jenë të rëndësishme për efektet në shëndet
dhe mund të japin disa indikacione të burimeve emetuese të grimcave, të tilla si veshja
e frenave.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
11
1.1.3 Faktorët e emëtimit nga trafiku rrugor
Amortizimi i taketave (fibrave) të frenave përbën një burim kryesor të metaleve si zinku,
bakri, bariumi, dhe plumbi dhe vajrat e motorave konsiderohen rendom si burim i
rëndësishëm i Zn (Laschober et al., 2004). Abrazioni mekanik i trupit të makinës mund
të emëtojë gjithashtu grimca që përmbajnë zink, nikel si dhe përbërës të tjerë të
aliazheve të çelikut. Një tjetër burim potencial për emëtimin e metaleve është
riakumulimi i dherave dhe pluhurit të rrugës (Laschober et al., 2004).
Emisionet e metaleve të rënda janë funksion i përdorimit të karburantit, ku përpos
emisioneve që vijnë direkt nga djegia e karburantit ka dhe burime të tjera të
shkarkimit të tyre, psh vaji për lubrifikim dhe emisionet e veshjes së motorit. Ka një
mungesë informacioni të besueshëm në lidhje me shkallën e emëtimit të metaleve,
prandaj përcaktimi i emëtimeve të metaleve të rënda nga automjetet është një proçedurë
që shoqërohet me pasiguri të mëdha.
Tabela 1.1.3.1 Ngarkesa e vlerësuar totale e metaleve të rënda në 1997-1998(Legret
&Pagotto 2000)
Metali kryesor që vin nga trafiku rrugor është plumbi (Pb).Plumbi vin kryesisht nga
djegia e karburantit me plumb. Metale të tjera të rënda që kanë origjinë të lidhur me
trafikun rrugor janë kadmiumi (Cd), zinku (Zn), kromi (Cr) dhe nikeli (Ni).
Egziston një marrëveshje e përgjithshme në literaturë se, 75% e Pb që gjendet në naftë
emëtohet në atmosferë, ndërsa 25% mbetet në motor, si Pb i sipërfaqes së amortizuar të
motorit (15%) apo si Pb i mbetur në vajin lubrifikant (10%) (Mielke et al., 2010; Legret
dhe Pagotto, 2000).
1.1.4 Koncepti dhe metodat e monitorimit të ajrit
Biomonitorimi është përkufizuar përgjithësisht si përdorimi i organizmave bio për të
marrë informacion mbi karakteristika specifike të biosferës. Termi bioindikator ose
biomonitor është përdorur për t'iu referuar një organizmi ose një pjese të saj, që
përshkruan shfaqjen e ndotësve në bazë të simptomave specifike, reaksioneve,
ndryshimeve morfologjike ose të përqëndrimeve (Markert et al. 1997). Organizmi i
përdorur quhet një bioindikator ose monitorues biologjik (Markert et al. 1997). Ka një
variacion të konsiderueshëm midis termit bioindikator dhe monitor biologjik.
Bioindikatori në përgjithësi i referohet të gjithë organizmave që ofrojnë informacion
mbi mjedisi apo cilësinë e ndryshimeve mjedisore, dhe biomonitoret janë organizma
që japin informacion sasior mbi cilësinë e Mjedisit (Markert et al., 2003). Organizmat
mund të klasifikohen në përputhje me mënyrën me të cilën manifestohet reagimi:
Tregues reagimi (indikatorë), të cilat kanë një reagim të ndjeshëm ndaj ndotësve të
ajrit dhe të cilat janë përdorur sidomos në studimin e efekteve të ndotësve në
përbërjen e specieve, dhe në funksionimin ekologjike dhe fiziologjik.
Tregues akumulimi që lehtësisht grumbullojnë një varg të ndotësve dhe për këtë
Metal Ngarkesa e vlerësuar vjetore
Cd 2
Cr 24
Ni 99
Pb 7700
Zn 7300
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
12
arsye janë përdorur sidomos kur monitorohet sasia e ndotësve dhe shpërndarja e tyre
(Markert et al. 1997). Organizmat, më tej mund të jetë klasifikohen në bazë të
origjinës së tyre në biomonitorë pasivë, në të cilat organizmat që ndodhen natyrshëm
në zonën e studimit janë të monitoruara, dhe biomonitorë aktivë në të cilat organizmat
në sillen në zonën e kërkimit nën kushte të kontrolluara për një periudhe specifike të
kohës (Markert et al. 2003).
Një tregues akumulimi i mirë për ndotësit e ajrit duhet të plotësoje disa kërkesa
(Wittig 1993, Conti & Cecchetti 2001). Ai duhet të akumulojë ndotës prej ajrit në të
njëjtën mënyrë dhe në të njëjtën shkallë në kushte të ndryshme. Ndotësve duhet të
lehtësisht të matshëm dhe matjet duhet të japin informacion në lidhje me nivelin e
depozitimit të ndotësit. Ai gjithashtu duhet të tregojë kufijtë e rrezikut të shkaktuara
nga rritja e nivelit të ndotësit. Llojet e organizmave (speciet) të përdorur duhet të jenë
të zakonshëm mjaftueshëm dhe në gjendje të mblidhen përgjatë vitit në të njëjtën
zonë. Përdorimi i tyre duhet të jetë i bazuar në metodat standarde të marrjes së
mostrës dhe analizës. Në mënyrë që të përcaktohet gjendja e ekosistemit në lidhje me
ndotësit që studiohen, është e domosdoshme të njihet paraprakisht sfondi
(background) i këtij tipi ekosistemi (Seaward 1995). Niveli sfond zakonisht është
konsideruar niveli " natyral" në të cilin emisionet kanë një efekt sa më të vogël të
mundshëm (Conti & Cecchetti 2001). Niveli sfond i ndotësve të ndryshëm varion
sipas specieve bimore. Myshqet dhe likenet konsiderohen bimët më të mira për
përdorim si biomonitorë të ndotësve të ajrit (Rühling & Tyler 1968, Puckett 1988).
Gjithashtu lëvorja e pemëve është përdorur gjerësisht në investigimin e cilësisë së ajrit
industrial dhe në zonat urbane.
Kështu, me zgjedhjen e duhur të organizmave, monitorimi i ndotjes së ajrit është i
mundur madje edhe në zonat e largëta ku mostrat mund të mblidhen dhe matjet e
ndotësve mund të bëhen njëkohësisht në laborator. Meqë depozitimi i ndotësve mund
të bëhet në sipërfaqe, këto mund të merren me kujdesin e duhur dhe të trajtohen sipas
procedurave përkatëse para matjeve eksperimentale.
Biomonitorimi është një metodë pasive dhe siguron një masë të ekspozimit të
integruar për një periudhë kohe. Avantazhet kryesore janë:
Nuk është i nevojshëm përdorimi afatgjatë i pajisjeve të shtrenjta të mostrimit.
Marrja e mostrave të organizmave që përdoren si monitor biologjik në përgjithësi
është e lehtë.
Përqëndrimet në organizmat monitorues janë më të larta sesa në sistemin që do të
monitorohet. Kjo përmirëson saktësinë e matjeve.
Shumica e organizmave pasqyrojnë mesatarisht kushtet e jashtme gjatë periudhave
të caktuara kohore. Kjo bëhet e rëndësishme kur niveli i monitorimit ndryshon shpejt
me kalimin e kohës.
Kontrollet objektive të cilësisë së mjedisit dhe të shkallës së ndotjes së tij mund të
jenë efikasë, vetëm në qoftë se do të përcaktohet saktë përmbajtja e elementëve
gjurmë në të, qofshin ato nga burime natyrore, apo nga burime antropogjene.
Megjithatë, matjet individuale të kryera në mënyrë të izoluar kanë pak vlerë, sepse
nëpërmjet tyre nuk mund të nxirren përfundime për ndryshimet e nivelit të substancës
në kohë dhe nga njëri vend në tjetrën. Për të bërë një vlerësim objektiv të gjendjes së
mjedisit duhet të kryhet monitorimi i tij.
Monitorimi nënkupton matje të përsëritura që kryhen në kohë dhe në hapësirë të
caktuar, duke zgjedhur në mënyrë të përshtashme stacionet, kohën dhe
shpeshtësinë ( frekuencën) e marrjes së mostrave (ose të matjeve të drejtperdrejta).
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
13
Është me rëndësi të veçantë, që përpara se të fillojë monitorimi, të përcaktohet qëllimi
për të cilin do të kryhet ai.
Qëllimet e monitorimit të mjedisit mund të jenë të ndryshme :
Për të vlerësuar pasojat e ndotjes në njerëzit dhe në mjediset jetësore, si dhe për të
identifikuar lidhjet ndërmjet përqëndrimit të substancave ndotëse dhe pasojat në
shëndetin e njerëzve, në ndryshimet klimatike, në pejsazhin, etj.
Për të studiuar bashkëveprimet ndërmjet substancave ndotëse dhe përbërësve të tjerë
të mjedisit, për shembull: për të vlerësuar kontributin e secilit burim ndotës etj .
Për të vlerësuar nevojën e kontrollit ligjor në lidhje me shkarkimet e substancave
ndotëse, në përputhje me standartet apo normat e shkarkimeve në mjedis. Vlerësimi i
efikasitetit të legjislacionit për ndotjen e mjedisit kryhetgjithashtu, nëpërmjet
organizimit të një proçesi monitorues të përshtatshëm.
Për të garantuar përshtatshmërinë e një objektivi mjedisor për t’u përdorur për një
qëllim të caktuar.
Për hartimin e programit të monitorimit e rëndësishme është radhitja e objektivave të
monitorimit, sepse nga to varen parametra mjaft të rëndësishëm të monitorimit, si
p.sh: numri, vendosja e stacioneve të marrjes së mostrave dhe teknikat analitike që do
të përdoren për analizimin e matjeve. Dallohen dy tipa kryesore të monitorimit të ajrit
1. monitorimi i burimeve të ndotjes të ajrit
2. monitorimi i cilësisë së ajrit të mjedisit
Këto dy tipa dallohen jo vetëm nga objektivat që kërkohet të arrihen, por edhe nga
metodat e matjeve analitike që përdoren në secilin prej tyre. Le të shohim veçmas të
dy tipat kryesor të monitorimit të ajrit.
Monitorimi i burimeve të ndotjes mund të zhvillohet për disa qëllime si:
Vlerësimi i sasive të elementëve gjurmë që shkarkohen gjatë një periudhe kohe të
caktuar nga një ose disa burime,
Vlerësimi i efikasitetit të punës të pajisjeve të kontrollit dhe të pastrimit të
shkarkimeve në ajër,
Kontrolli për konfrontimin e niveleve të shkarkimeve të substancave ndotëse me
kufijtë e lejuara nga normat dhe aktet ligjore.
Monitorimi i cilësisë së ajrit bëhet për të vlerësuar gjendjen cilësore të ajrit në një
zonë, qytet, rajon etj. Në çdo çast, duhet pasur parasysh që mostrat e marra të
përfaqësojnë kushtet, të cilat mbizotërojnë në mjedis në kohën dhe vendin e marrjes
së mostrave. Ka dy mënyra të kryerjes së monitorimit në lidhje me vendmarrjen e
mostrave :
mund të merren mostrat drejtpërdrejtë atje ku ndodh shkarkimi nga burimi, para
shpërndarjes së tyre në mjedis.
mund të merren mostrat në një rajon mjedisor, pa marrë parasysh vendndodhjen e
burimeve të elementëve gjurmë.
Zakonisht, asnjë nga këto dy mënyra të marra veçmas nuk jep të gjitha të dhënat e
nevojshme për të zgjidhur një problem mjedisor dhe shpeshherë, kërkohen kombinimi
i tyre. Kohëzgjatja e marrrjes së mostrës së ajrit ka një ndikim të madh në vlerat e
gjetura të niveleve të substancës që monitorohet. Shihet se marrja e mostrave të ajrit
për periudha kohe relativisht të gjata jep një vlerë të përqëndrimit mesatar, i cili nuk
pasqyron ndryshimet momentale ose gjatë periudhave kohore të shkurtëra të niveleve
të substancës ndotëse, të cilat mund të jenë shumë të mëdha.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
14
Hapat e një programi monitorimi janë:
Objektivat
Stacionet Parametrat
Marja e Mostrave
Aparaturat Analitike
Metoda analitike dhe
Kalibrimi
Regjistrimi i Rezultateve
Vlerësimi
Paraqitja e rezultateve
Shpërndarja e
Informacionit
Kohëzgjatja
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
15
Metodat e monitorimit ndahet në dy grupe: aktive dhe pasive.
Monitorimi aktivë përfshin (Ceburnis D. &Valiulis D., 1999) ekspozimin e specieve
të mirë përcaktuar nën kushte të kontrolluara, ndërsa Monitorimi pasiv i referohet
analizës së vëzhgimit të bimëve autoktone. Në përgjithësi, metoda e monitorimit pasiv
ka një të metë të madhe: të gjitha proçeset dhe të gjitha burimet veprojë në të njëjtën
kohë dhe nuk ka mundësi të ndarjes së tyre për kërkimin e një proçesi të veçantë. Për
proçedurën e transplanteve u përdorën kryesisht organizma të përshtatshëm si myshqe
ose likene, të cilat u transportuan nga zona të pandotura në shqyrtimin e vendeve të
ndotura. Koha e ekspozimit të këtyre organizmave nuk është e përcaktuar mirë, por
ndryshimet në efikasitetin akumulues për shkak të ndryshimeve klimatike, ende nuk
janë të njohura plotësisht. Kjo metodë është aplikuar për të testuar speciet që përdoren
si bioindikator, duke përcaktuar kështu ndjeshmëritë e tyre ndaj ndotësve. Edhe pse
ekzistojnë një numër i madh studimesh, ka ende nevojë për një krahasim sasiorë të
përqëndrimeve të kimikateve të mjedisit që janë akumuluar në bioindikatorët me
vlerat standarte të tyre në ajër të kryera në të njëjtin vend. Vendosja e kushteve për
përcaktimin sasior të ndotjes nga metalet e rëndë në ajër, bëhet duke zgjedhur speciet
bimore të përshtatshme. Kjo zgjedhje realizohet duke u bazuar në njohuritë në lidhje
me efektet e varianteve gjenetike dhe ndikimi i mikroklimës në efikasitetin e
akumulimit të bimëve gjatë proçeseve të biomonitorimit. Një aspekt kryesor që duhet
pasur parasysh është dhe vlerësimi i kohës së saktë të analizës (Thoni & Hertz 1987).
Një metodë tjetër e përcaktimit të metaleve të akumuluar në specie të caktuara është
Metoda e monitorimit pasiv jo-të drejtpërdrejtë, e cila bën krahasimin e
përqëndrimeve të metaleve në myshk me përqëndrimet e metaleve në rreshje
(Cˇeburnis & Valiulis 1999). Biomonitorimi aktiv i masës së myshqeve në të thatë ose
në të lagësht është përdorur për të ekzaminuar elementët gjurmë atmosferike të
depozituar në zonat urbane. Aftesinë e akumulimit të elementëve në myshkun
Sphagnum girgensohnii, Russow e testoi në lidhje me depozitimet atmosferike. Zonat
e myshqeve u ngritën për pesë periudha 3-mujore (korrik 2005-tetor 2006) në tre zona
të caktuara, duke përfaqësuar kështu tri vende urbane. Një interes të veçantë pati dhe
përdorimi i Metodave Indirekte të Monitorimit (Goodman & Roberts 1971, Hynninen
1986, Fernandez et al, 2004) të tilla si përdorimi i organizmave, që veprojnë si
bioakumulator. Myshqet kanë qenë gjithashtu të njohur si biomonitorë të vlefshëm në
vlerësimin e tendencave të përkohshme rreth akumulimit të metaleve gjurmë (
Harmens et al, 2008) si dhe gjithashtu në të gjithë variacionet hapësinore përgjatë
kufijve kombëtarë (Schröder et al, 2008). Në zonat urbane, ku mushqet janë shpesh të
pakta apo edhe mungojnë janë vendosur biomonitorues aktiv me qëllim vlerësimin
hapesinor dhe të përkohshëm të depozitimit të papastërtive në zonat me përqendrim të
lartë ndotje (Culicov & Yurukova 2006, Vasconcelos & Tavares 1998).
Monitorimi i depozitimeve të elementëve gjurmë duke përdorur paketat e myshqeve
dhe likeneve është jo shumë i kushtueshëm dhe mund të sigurojë informacion mbi
biodisponueshmërinë e vazhdueshme të ndotësve atmosferike dhe efekteve të tyre
biologjike. Aktualisht ka një mungesë në standardizimin e disa problemeve, që janë
ende të pazgjidhura, sidomos në lidhje me përzgjedhjen e llojeve të përshtatshme të
myshqeve dhe likeneve, që duhen përdorur dhe gjithashtu trajtimet paraprake që i
duhen bërë mostrës (Castello 1996, Figueira et al, 2002). Gjatë proçeseve të
akumulimit të ndotësve të ajrit prej myshqeve dhe likeneve, proçesi mund të
shoqërohet me efekte anësore të faktorëve klimatikë dhe mjedisore, por që janë në
nivele të pakta.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
16
Disa studime u janë përkushtuar faktorëve, që ndikojnë dukshëm në akumulimin e
elementëve gjurmë në myshqet vëndase ose në mostrat e transplantuar si në zonat
përkatëse dhe në kushtet laboratorike.
Faktorët kryesorë fizikë janë:
Transplantimi, i cili mund të shkaktojë një stres psikologjik, por jo një ndikim në
efikasitetin akumulues (Claveri & Mouvet 1995, Kelly et al 1987)
Pozicioni i myshkut brenda në paketa, por duhen marrë parasysh disa tipare si:
dendësia e pakos, madhësia e rrjetës dhe mënyra e akumulimit
Temperatura, e cila mund të prodhojë efekte të rëndësishme në akumulimin e Zn
nga Fontinalis antipyretica (Adami et al 2007, Bargagli 1998, Pickering & Puia 1969)
dhe nga R. Riparioides, ndërsa në akumulimin e Cu nuk shfaq asnjë ndikim (Kelly et
al. 1987, Mouvet & Claveri 1995).
Shumë studime të tjera janë përqëndruar në faktorët kimikë, të cilët shfaqin ndikimet
e tyre në proçeset e monitorimit:
pH, i cili shfaq ndikimin e tij në marrjen e të gjithë elementëve së bashku, sepse
aciditeti mund të përcaktojë ndarjen (e rrjedhimisht bio-disponibilitetin) e një metali
në ujë, duke qenë se protonet konkurrojnë me metalet kationike për faqet e
detyrueshme.
përqëndrimi i Ca, Mg dhe Mn në ujë si agjentë mund të ndikojë në akumulimin e Zn
në myshk në kushte laboratorike.
një korrelacion i rëndësishëm u gjet jo vetëm midis përqëndrimeve të disa
elementëve gjurmë në myshk dhe në ujë, por edhe midis përqëndrimeve të metalit dhe
alkalinitetit të ujit, ndër to mund të përmendim substancat reaktive të fosfateve, të
amoniakut, të nitrateve dhe të sulfateve me ndikim në përqëndrimin e ujit (Fernandez
et al 2006, Wehr et al. 1987)
Proçesi i monitorimit të ajrit është realizuar duke përdorur myshqe dhe likene si
bioindikatorë. Për vendet, në të cilat nuk ndodheshin këto specie janë përdorur
transplantet e tyre. Në zonat urbane, ku myshqet dhe likenet shpesh janë të pakta apo
edhe mungojnë, është caktuar teknika ''moss bag‖ose ―paketë‖ e cila u zhvillua në
mënyrë që të monitorojë ndotjen e ajrit të qytetit ( Adamo et al. 2003, Goodman &
Roberts 1971). Paketat e transplanteve përbëhen nga një rrjetë në përgjithësi prej
najloni, e cila ruan aftësinë shplarëse të myshqeve dhe likeneve. Kjo teknikë ka këto
përparësi:
uniformiteti ne sipërfaqe dhe periudha e ekspozimit
fleksibiliteti në përzgjedhen e vendodhjes dhe numrin e stacioneve
përqëndrimet origjinale të njohura të ndotësve në proçesin e biomonitorimit
efikasiteti për akumulimin e sa më shumë elementë.
Përveç kësaj paketat kanë mundësinë për të eliminuar ndotjen nëpërmjet rrënjëve
aspiratore dhe në krahasim me mostrat e tjera ato ofrojnë kosto më të ulët dhe
efikasitet më të lartë. Kufizimet më të mëdha të metodës janë:
efikasiteti i mbledhjes së ndotësve të panjohur të ndryshëm.
përqëndrime të matura të metaleve mund të reflektojnë normat relative të
depozitimive dhe jo ngarkesën totale atmosferike të ndotësve (Temple et al. 1981)
një tjetër aspekt kritik i proçesit të biomonitorimit me anë të transplantëve është
kohëzgjatja e ekspozimit (Bargagli 1998)
bioindikatorët mund të arrijnë një pikë të ngopjes gjatë marrjes së një elementi
performanca e biomonitorimit gjithashtu mund të ndryshojë nga kushtet klimatike
dhe mjedisore (Garty et al. 1993).
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
17
1.2 Studimi i cilësisë së ajrit me anë të metodës së biomonitorimit
Monitorimi i ndotjes së ajrit me anë të metodës së biomonitorimit duke përdorur
bioindikatorë të ndryshëm, po shfaqet si një mundësi efektive dhe një alternativë
ekonomike për kryerjen e matjeve direkte të parametrave të ndryshëm të përcaktimit të
cilësisë së ajrit të ambientit. Kjo është veçanërisht e përshtatshme për monitorimin e
zonave të gjera (Rühling dhe Tyler, 1968). Dobia e myshqeve në përcaktimin e
përqëndrimit të metaleve të rënda dhe atyre gjurmë në zona të ndryshme gjeografike
është diskutuar në mjaft studime të ndryshme (Gjengedal dhe Steinnes, 1990;. Markert et
al, 2003). Shumë vende evropiane kanë përdorur myshqet që në fillim të viteve 1960, në
studime në nivel kombëtar dhe internacional për depozitimin e metaleve në atmosphere
( Rühling, 1994). Në praktikë, kontrolli i ndotësve antropogjenik të ajrit është një problem
shumë kompleks, ku burimet dhe emisionet duhet të menaxhohen dhe monitorohen dhe
aspektet ekonomike duhet të integrohen (Sloof, 1993). Pjesa më e madhe e studimeve për
ndotjen e ajrit janë të bazuara në aerosolet atmosferike të mbledhura mbi filtrat e
grimcave. Kjo është një metodë aktive që jep një ide mbi ndotjen atmosferike me
elementët gjurmë vetëm gjatë kohës së marrjes së mostrës. Ajo kërkon marrjen e
mostrave në terma afatgjatë dhe në një numër të madh të vendeve ku merren mostrat.
Matjet kërkojnë pajisje të sofistikuara teknike të cilat janë të shtrenjta. Mungojnë teknika
të ndjeshme dhe me kosto të ulët që lejojnë matjen e njëkohshme të shumë ndotësve të
ajrit (Puckett, 1988). Biomonitorimi është zgjidhje e vetme. Në këtë tezë, diskutohet
dobia e biomonitorimit si një teknikë e përdorur për hetimin e ndotjes atmosferik me
elementët gjurmë. Ai përfshin parimet, mundësitë dhe strategjitë e sugjeruara për të
zhvilluar metoda të tilla.
Të gjithë komponimet kimike ose elementet që janë lëshuar në atmosferë kryesisht si
rezultat e aktivitetit njerëzor dhe që mund të shkaktojnë dëmtime në organizmat e
gjallë janë quajtur ndotës të ajrit (Moriarty 1999). Shumica e metaleve të rënda dhe
komponimet e squfurit dhe azotit janë konsiderur ndotës me origjinë antropogjene
(Pitcairn et al. 1995, Whelpdale et al. 1998, Pacyna & Pacyna 2001).
Burimet natyrorë të këtyre komponimeve përfshijnë vullkanet, djegien e pyjeve,
proçeset biologjike të dekompozimit dhe oqeanet. (Nriagu 1989). Shkalla dhe masa e
përhapjes së emisionit varet nga tipi i burimit të emisionit, përbërja e emisionit dhe
kushtet e motit. Shumica e emisioneve mbeten afër burimit, por disa mund të
udhëtojnë qindra kilometra.
Në përgjithësi, metalet e rënda ndodhen në atmosferë në formë të ngurtë duke ju
bashkangjitur grimcavete të imta të ajrit, të njohura si PM2.5 dhe PM10.
Cilësia e ajrit mund të monitorohet duke matur direkt ndotësit në ajër ose në depozita,
duke ndërtuar modele që pasqyrojnë përhapjen e ndotësve, ose duke përdorur
biomonitorë (Markert et al. 2003). Matjet direkte japin informacion objektiv rreth
nivelit te ndotësve, por ato janë të shtrenjta dhe ekziston rreziku i kontaminimit kur
përcaktojmë nivele përqëndrimi të ulëta. Modelet japin informacion rreth zonave të
gjera dhe ato mund të përdoren për të prodhuar parashikimet e cilësisë së ajrit në të
ardhmen. Megjithatë, saktësia e tyre është e varur nga cilësia e të dhënave të
përdorura në ndërtimin e modeleve. Biomonitorët japin informacion edhe mbi sasinë e
ndotësve dhe efektin e tyre në shfaqjen dhe në gjendjen e biomonitorëve. Megjithëse
metodat janë të shpejta dhe të lira, ata vetëm japin një pasqyrë relativisht të përafërt të
cilësisë së ajrit dhe të depozitimit të ndotësve.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
18
1.2.1 Koncepti i biomonitorimit
Biomonitorimi është përkufizuar përgjithësisht si përdorimi i organizmave bio për të
marrë informacion mbi karakteristika specifike të biosferës. Organizmi i përdorur quhet
një bioindikator ose monitories biologjik (Markert et al., 1997). Ka dallime të
konsiderueshme midis termit bioindikator dhe monitor biologjik. Bioindikatori në
përgjithësi i referohet të gjithë organizmave që ofrojnë informacion mbi mjedisi apo
cilësinë e ndryshimeve mjedisore, dhe biomonitorët janë organizma që japin
informacion sasior mbi cilësinë e Mjedisit (Markert et al., 2003). Organizmat e
përdorur si biomonitorë më tej mund të klasifikohen në bazë të origjinës së tyre në
biomonitorë pasivë, në të cilat organizmat që ndodhen natyrshëm në zonën e studimit
janë të monitoruara, dhe biomonitorë aktivë në të cilat organizmat në sillen në zonën e
kërkimit nën kushte të kontrolluara për një periudhë specifike të kohës (Markert et al.
2003).
Një tregues akumulimi i mirë për ndotësit e ajrit duhet të plotësojë disa kërkesa
(Wittig 1993, Conti & Cecchetti 2001). Ai duhet të akumulojë ndotës prej ajrit në të
njëjtën mënyrë dhe në të njëjtën shkallë në kushte të ndryshme. Ndotësve duhet të
lehtësisht të matshem dhe matjet duhet të japin informacion në lidhje me nivelin e
depozitimit te ndotësit. Ai gjithashtu duhet të tregojë kufijtë e rrezikut të shkaktuara
nga rritja e nivelit të ndotësit. Llojet e organizmave (speciet) e përdorur duhet të jenë
të zakonshëm mjaftueshëm dhe në gjendje të mblidhen përgjatë vitit në të njëjtën
zonë. Përdorimi i tyre duhet të jetë i bazuar në metodat standarde të marrjes së
mostrës dhe analizës. Në mënyrë që të përcaktohet gjendja e ekosistemit në lidhje me
ndotësit qe studiohen , gjendja e ekosistemit në zonën sfond që studiohet gjithashtu
duhet të jetë e njohur (Seaward 1995). Niveli sfond zakonisht është konsideruar niveli
"natyral" në të cilin emisionet kanë një efekt sa më të vogël të mundshëm.(Conti &
Cecchetti 2001). Niveli sfond i ndotësve të ndryshme varion sipas specieve bimore.
Myshqet dhe likenet konsiderohen bimët më të mira për përdorim si biomonitorë të
ndotësve të ajrit(Rühling & Tyler 1968, Puckett 1988). Gjithashtu lëvorja e pemëve
është përdorur gjerësisht në investigimin e cilësisë së ajrit industrial dhe në zonat
urbane.
Kështu, me zgjedhjen e duhur të organizmave, monitorimi i ndotjes së ajrit është i
mundur madje edhe në zonat e largëta ku mostrat mund të mblidhen dhe matjet e
ndotësve mund të bëhen në laboratore milje larg nga zona e studimit. Meqë
depozitimi i ndotësve mund të bëhet në sipërfaqe, këto mund të merren me kujdesin e
duhur dhe të lahen mostrat para matjeve.
Biomonitorimi është një metodë pasive dhe siguron një masë të ekspozimit të
integruar për një periudhë kohe. Avantazhet kryesore janë:
Përdorimi afatgjatë i pajisjeve të shtrenjta të mostrimit nuk është e nevojshme.
Marrja e mostrave të organizmave që përdoren si monitor biologjik në përgjithësi
është e lehtë.
Përqëndrimet në organizmat monitorues janë më të larta sesa në sistemin që do të
monitorohet. Kjo përmirëson saktësinë e matjeve.
Shumica e organizmave pasqyrojnë mesatarisht kushtet e jashtme gjatë periudhave
të caktuara kohore. Kjo bëhet e rëndësishme kur niveli i monitorimit ndryshon shpejt
me kalimin e kohës.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
19
1.2.2 Kriteret e përzgjedhjes së biomonitorëve
Teorikisht, speciet e biomonitorimit për ndotësit e ajrit me elementë gjurmë janë
selektuar në bazë të specificitetit (akumulimi konsiderohet se ndodh vetëm nga
atmosfera) (Rühling, 1994). Në praktikë, për të qenë një biomonitor i përshtatshëm ai
duhet të ketë disa karakteristika:
Organizmat duhet të jenë të zakonshëm në zonën që na intereson.
Organizmat mund të përdoren si mostra dhe mund të mblidhen përgjate gjithë
stinëve; nëse jo, atëherë ato mund të kultivohen në disa paisje të thjeshta speciale,
në mënyrë që të mund të përdoren për ti rritur ato në të gjitha sezonet.
Monitoruesi duhet të jetë tolerant ndaj ndotësit në nivele të përshtatshme.
Përveç këtyre kritereve të domosdoshëm, ekzistojnë dhe disa kritere të tjera shtesë si:
Elementët aspirator (përthithës) duhet të jenë të pavarur nga kushtet lokale
Ndryshimi biologjik i organizmit duhet të jetë i kufizuar.
Nivelet e përqëndrimit të akumuluar duhet të jenë të matshme me teknikat
analitike rutinë.
Mungesa e sasive të ndjeshme të elementëve të përthithur prej burimeve të tjera
nga atmosfera.
Mekanizmat fiziologjike të përthithjes së elementeve duhet të jenë të njohur për
të lehtësuar interpretimin e rezultateve.
Biomonitori duhet të pasqyrojë ndryshimin e përqëndrimit të elementëve si
rezultat i ekspozimit të integruar për një periudhë të kohës.
Organizmi duhet të ketë një background të ulët të përqëndrimit të këtyre elementëve.
Metodat e kampionimit dhe protokolli për përgatitjen e mostrës për kryerjen e
matjeve duhet të jetë i thjeshtë dhe i shpejtë.
Biomonitorët e përshtatshëm, të cilët plotësojnë kushtet, e bëjnë të mundur dhe me
kosto relativisht të ulët monitorimin e vazhdueshëm dhe retrospektiv të ndotjes së
ajrit. Kur qëllimi është informacioni në kohë mbi përqëndrimin e elementëve gjurmë
në zona specifike, përdorimi i monitorëve të tillë është i preferuar.
1.3 Tipet e biomonitorëve në monitorimin e ajrit
1.3.1 Myshqet
Myshqet konsiderohen si bioakumules efektivë të elementëve gjurmë në sajë të
morfologjisë së tyre të veçantë, karakteristikave anatomike dhe fiziologjike.
Akumulimi dhe ruajtja e elementëve favorizohet nga këto faktorë:
Mungesa e rrënjëve bën që elementët ushqyes minerale t’i marrin nga depozitimet
atmosferike të grimcave, gazeve dhe kripërave të tretshme
Morfologji e veçantë, e cila përcakton një raport të madh sipërfaqe/vëllim
Depërtueshmëri e lartë në inde e ujit dhe elementëve
Kapacitet i lartë ujë-mbajtës
Një kapacitet i lartë këmbyes që i atribuohet faqeve të ndryshme të murit qelizor
dhe pjesës së jashtme të cipës qelizore
Duhet theksuar që marrja dhe ruajtja e elementëve ndikohet shumë dhe nga kushtet
klimatike si: frekuenca e erës dhe shpejtësia e saj; frekuenca e reshjeve, intensiteti dhe
kohëzgjatja e tyre.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
20
Përmbajtja totale e elementëve në myshqe mund të konsiderohet si rezultat i një
balance midis sasisë së akumuluar gjatë periudhës së thatë dhe të lagësht të vitit, dhe
humbjeve që përcaktohen nga këto faktorë:
Largimi i materialeve në trajtë grimcash nga reshjet
Zhvendosja nga elementët e tjerë
Tretja e disa joneve nga shiu acid
Dëmtimi qelizor
Humbja e pjesëve të vyshkura ose të dëmtuara të myshkut
Elementët janë të pranishëm në myshqe:
Jashtë qelizave
Në trajtën e grimcave të bllokuara
Në trajtën e formave të tretshme
Si forma që këmbehen në membrana ose në murin qelizor, etj
Elementët në trajtë grimcash janë mbizotëruese në emisionet e zonave urbane,
industriale dhe bujqësore. Myshqet që u përdorën për monitorimin e elementëve
gjurmë janë Hypnum cupressiforme dhe Scleropodium Purum.
Hypnum cupressiforme është një specie mjaft e përhapur në gjininë e hypnumit. Ajo
gjendet në të gjitha kontinentet, përveç Antarkidës dhe ndodhet në një shumllojshmëri
të gjerë të habitateve dhe zonave klimatike. Kjo specie zakonisht rritet në trungjet e
pemëve, mbi sipërfaqet e mureve dhe shkëmbinjve. Ajo preferon mjediset acide dhe
është një ndihmuese e madhe në përcaktimin e niveleve të ndotjes. Hypnum
cupressiforme është një myshk mesatar me gjatësi 20-10cm. Gjethet janë të
mbivendosura duke të dhënë përshtypjen e një peme selvie. Por ka edhe disa specie
hypnum, të cilët janë të gjatë dhe të hollë rreth nga 0.3-0.6mm në 1.0-2.1mm. Këto
kanë formë të lugët, tipi konike. Gjethet e pemës për pasojë janë më të vogla dhe
shumë më të ngushta. Myshku përmban kapsula, të cilat janë të mbushura me spore.
Kapsulat janë të gjata rreth 1.7-2.4mm dhe kanë një kapak si mbajtës me përmasa 0.
6-0.9 mm.
Përveç myshqeve të përmendura më lart, në metodat e biomonitorimit janë përdorur
mjaft edhe myshqet: Pleurozium schreberi dhe Hylocomium splendens.Në shumicën e
vendeve këto janë speciet që përdoren më shumë. Por ka dhe vende ku është e
nevojshme të përdorim specie të tjera si p.sh: Pleurocarpous. Në këtë rast zgjedhja e
parë do të jetë Hypnum cupressiforme e ndjekur nga Pseudoscleropodium purum.
Përdorimi i bryophiteve të tjera përveç atyre që përmendëm më lart, bëhet pak më i
vështirë. Kjo ndodh pasi, që një specie të përdoret si bioindikator, duhet në fillim të
kryhen krahasime paraprake rreth rezultateve që ato japin për akumulimin e metaleve
të rëndë, me rezultatet e specieve më të preferuara. Nomenklatura e saktë e specieve
të myshkut i referohet Hill (2006).
Përdorimi i myshqeve veçanërisht në studime rajonale
Përdorimi i myshqeve si biomonitorë të ndotjes atmosferike është bërë i
zakonshëm pas metodave të përshtatshme të kampionimit dhe analizave të
myshqeve të zhvilluara në Suedi (Rühling & Tyler 1968, Tyler 1970). Myshqet janë
përdorur vecanërisht në studimet rajonale të metaleve të rënda. Studimi i parë në shkallë
të gjerë u zhvillua jashtë Skandinavisë në fund të 1960(Rühling & Tyler 1973) dhe
studimi i parë nacional është kryer në Suedi, Norvegji dhe Danimarke në fund të 1970
dhe në 1980 (Steinnes 1977, Pilegaard et al. 1979, Rühling & Skärby 1979, Gydesen
et al. 1983). Gjatë 1980 studimet monitoruese mbuluan gjithe vendet nordike (Rühling
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
21
et al. 1987, Rühling 1992) dhe në 1990, shumicën e vendeve në Europë (Rühling
1994, Rühling & Steinnes 1998, Buse et al. 2003). Rezultatet e shumë studimeve
rajonale janë publikuar gjate dekadave të fundit (Zechmeister 1994, 1997, Steinnes
et al. 1994, 2001, Liiv et al. 1994, 2002, Kuik & Wolterbeek 1995, Markert et al.
1996, Herpin et al. 1996, Berg & Steinnes 1997, Čeburnis et al. 1997, Siewers &
Herpin 1998, Sucharová & Suchara 1998, Galsomiès et al. 1999, Grodzińska et al.
1999, Gerdol et al. 2000, Fernández et al. 2000, 2002, Figueira et al. 2002, Schröder et
al. 2002, Ötvös et al. 2003). Llojet e myshqeve të përdorur gjerësisht në kampionim
kanë qenë Hylocomium splendens and Pleurozium schreberi, Hypnum cupressiforme,
Scleropodium purum dhe Brachythecium sp. Qëllimi i studimeve ka qenë sigurimi i
informacionit për depozitimet rajonale të metaleve të rënda, ndryshimet në strukturen e
depozitimit, përhapja në distanca të mëdha e emisionit dhe burimet lokale te
emisionit.
Një numër i konsiderueshem i studimeve rajonale mbi përqendrimin e metaleve të
rënda dhe elementeve të tjerë janë kryer duke perdorur myshqet, kryesisht në Europë
(Ross 1990, Mäkinen 1994, Äyräs et al. 1997, Reimann et al. 1997, 1998, 2001,
Halleraker et al. 1998, Faus-Kessler et al. 1999, 2001, De Caritat et al. 2001) dhe në
Amerikën e Veriut (Groet 1976, Rinne & Barclay-Estrup 1980, Pott & Turpin
1998). Përqendrimet e metaleve janë investiguar në zona të quajtura sfond(zona
background) (Carballeira et al. 2002), parqet nacionale(Grodzińska 1978, Wiersma et
al. 1995), zonat artike (Ford et al. 1995, Riget et al. 2000) etj. Krahasimet e serive
kohore të përqëndrimit të myshqeve janë kryer duke përdorur psh mostra
herbariumesh (Pott & Turpin 1996, Herpin et al. 1997). Një sasi e konsiderueshme
kërkimesh janë kryer në studimeve rajonale psh, metodat e analizës dhe kampionimit
(Steinnes et al. 1993, Wolterbeek & Bode 1995), përdorimi i materialeve referuese
(Steinnes et al. 1997), përqendrimi në myshqe në lidhje me nivelet e depozitimit (Berg
& Steinnes 1997b, Reimann et al. 1999), faktorë të ndryshëm që ndikojnë në
përqëndrim (Zechmeister 1998, De Caritat et al. 2001, Fernández & Carballeira 2002),
ndryshimet midis myshqeve (Thöni et al. 1996, Halleraker et al. 1998), myshqet si
depozita akumuluese në lidhje me biomonitorë të tjerë (Bargagli et al. 2002), efikasiteti
i akumulimit (Gjengedal & Steinnes 1990, Čeburnis et al. 1999) dhe analiza e të
dhënave (Schaug et al. 1990, Kuik & Wolterbeek 1995). Indekset e ndotjes janë
llogaritur në bazë të përqëndrimeve (Grodzińska et al. 1999), zonës së zgjedhur si
sfond dhe vlerave të faktorëve të ndotjes (Fernandez et al. 2002), si dhe vlerave
absolute të depozitimit (Berg et al. 1995, Sucharová & Suchara 2004). Vëmendja
gjithnjë e më shumë në rritje është fokusuar mbi efektet e depozitimit të metaleve të
rënda në shëndetin e njeriut (Wappelhorst et al. 2000, Wolterbeek 2002).
Përdorimi i myshqeve si indikatorë akumulativ të azotit dhe squfurit në monitorimin e
cilësisë së ajrit është neglizhuar relativisht. Në përgjithësi, përqëndrimet e azotit në
myshqe lidhen mjaft mirë me përqëndrimet në ujin e shiut (Baddeley et al. 1994,
Pitcairn et al. 1995). Myshqet nuk janë konsideruar kurrë biomonitorë të mirë për
përqëndrimin e squfurit, megjithëse psh Pakarinën (1981) ka raportuar që
përqëndrimet e squfurit në myshqet Sphagnum lidhen mirë me përqëndrimet e SO2
atmosferik. Arsyeja kryesore për vlerën e dobët të biomonitorimit mund të jetë fakti
që squfuri i dëmton bimët në përqendrime të larta (Äyräs et al. 1997). Studime më
pak të shtrira janë kryer mbi përqëndrimet e squfurit dhe të azotit në myshqe. Këto
përqëndrime në myshqe janë përcaktuar përgjithësisht si një pjesë e analizave të
hollësishme mbi metalet të rënda dhe metalet gjurmë (Halleraker et al. 1998,
Sucharová & Suchara 1998).
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
22
Një numër i konsiderueshem i studimeve të tjera rajonale mbi metalet e rënda dhe
përqëndrimin e tyre janë kryer duke përdorur myshqet fillimisht në Amerikën e
veriut(Pott and Turpin, 1996). Përveç studimeve kombëtare, studime të ndryshme
rajonale janë kryer mbi faktorët që ndikojnë në përqëndrimin e metaleve (Zeichmeister,
1998), duke përfshirë myshqet si akumulatore depozitues në raport me
biomonitorë të tjerë, si edhe mbi vlerave absolute të depozitimit. In Wisconsin
USA teknika ―moss-bag‖ është përdorur për të monitoruar metalet e rënda, sulfur dhe
azot duke përdorur çanta rrjetë që përmbanin Sphagnum russowii (Makholm and
Mladenoff, 2005). Studime të ngjashme janë në Romania, Russia and Bulgaria duke
përdorur Sphagnum girgensohnii; 36 elemente janë investiguar (Culicov et al., 2005).
Në Indi, studimet fillestare patën si qëllim monitorimin e ndotjes së elementëve
gjurmë duke përdorur myshqet si biomonitorë (Chakrabortty et al., 2004; Chakrabortty
et al., 2006). India ka një shtrirje të madhe gjeografike dhe studimet atje kanë
identifikuar Pinnatella alopccuroides, Pterobryopsis flexiceps and Bryum spp. si
biomonitorë efektive të rajonit.
1.3.2 Likenet
Likenet janë criptogama shumëvjeçare. Ato jetojnë në tipa substratesh të ndryshme,
zakonisht në zona të thata ose të varfra me lëndë ushquese në rajonet veriore dhe sub-
artike(Nash 1996). Llojet e likenive të përshtatura më mirë si biomonitorë janë likenet
foliose dhe fruticose epiphytic.
Likenet konsistojnë në një bashkim simbiotik të dy organizmave: komponenti kërpudhë
është zakonisht një Ascomycetes fungus dhe komponenti alge është një alge jeshile
(Chlorophyceae) dhe/ose blu-jeshile (Cyanobacteriae). Komponenti kërpudhë është
përgjegjës për marrjen e ujit dhe mineraleve dhe komponenti algor, i cili rritet midis
fungal mycelia, per proçesin e fotosistezës.
Pjesa më e madhe e likeneve i marrin nutrientet e tyre prej depozitimit të lagësht
dhe të thatë (Martin & Coughtrey 1982, Garty 1993). Ato zotërojnë shumë nga
karakteristikat e myshqeve që i bëjnë ato të përshtatshme për qëllime monitoruese:
Degët e tyre me sistem vaskular janë të zhvilluara dobët
Nuk kanë rrënjë reale
Rriten ngadalë
Janë bimë shumëvjecare
Kanë një shpërndarje gjeografike jashtëzakonisht të gjerë (Wolterbeek et al. 2003).
Likenet posedojnë të njëjtin mekanizëm fiziologjik-kimik që ndikon në akumulimin
e ndotësve të ajrit si dhe tek myshqet (Tyler 1989, Richardson 1995). Proçeset
fiziologjike që ndikojnë akumulimin në likene kanë qenë studiuar më shumë se në çdo
bimë tjetër. Përpjekje janë bërë edhe për të shpjeguar proçeset e akumulimit me
ndihmën e modeleve matematikore(Reis et al. 1999). Këto studime kanë theksuar
rëndësinë e morfologjisë dhe fiziologjisë së likeneve në akumulimin e elementëve
(Brown 1991, Sloof & Wolterbeek 1991a). Dallime të dukshme në akumulimin e
elementëve janë gjetur në lloje të ndryshme likenesh dhe madje dhe midis
popullatave të ndryshme si rezultat i ndryshimeve morfologjike dhe fiziologjike.
(Sloof 1995, Bennett & Wetmore 1999). Ndjeshmëria e likeneve ndaj ndotësve të ajrit
varion ndjeshëm. Shumë specie janë veçanërisht sensitive ndaj SO2, azotit,
komponimeve të fluorit dhe të ozonit (Hawksworth & Rose 1970, Kovacs 1992). Këto
komponime ndikojnë në gjendjen e likeneve dhe reduktojnë kapacitetin e likeneve për
të akumuluar dhe adsorbuar elementë nga atmosfera. Metalet e rënda ndikojnë në
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
23
depërtueshmërinë e membranave qelizore të likeneve (Tyler 1989, Tarhanen et al.
1996) megjithatë, efektet negative të metaleve të rënda në përhapjen apo zhvillimin e
likeneve zakonisht bëhen të dukshme në përqëndrime të larta të metaleve (Van
Dobben et al. 2001). Metalet e rënda rrisin mungesën e ujit në (Nieboer et al. 1976).
Ndotësit e ajrit kanë një efekt të ndryshëm mbi partnerët kërpudhe dhe alge. Partneri
alge raportohet se reagon me ndjeshëm ndaj depozitimeve acide dhe metaleve të rënda
dhe tregon akumulime të ndryshme të metaleve në varësi të aciditetit të rreshjeve.
(Demon et al. 1989, Tarhanen et al. 1999). Tharja sporadike e likeneve mund të
ketë efekt në akumulimin dhe adsorbimin e elementëve(Puckett 1988). Pas një
periudhe të thatë, rreshjet e shiut mund rezultojnë me një largim të grimcave. Ekziston
një numër i konsiderueshëm faktorësh, të cilët mund të ndryshojnë përqëndrimin e
ndotësve në likene(Brown 1991, Garty 2000). Këto faktorë janë, në shumicën e
rasteve, janë të njëjta me ato që ndikojnë edhe tek myshqet, ku ndër të tjera mund të
përmendim:
Cilësia e depozitimit (forma e përhapjes, përbërja, pH)
Klima (përbërja e rreshjeve, temperatura, era, thatësira, gjatësia e periudhës së
rritjes)
Faktorët ambiental lokalë (bimësia, cilësia e substrateve, qëndrimi nën gjethet e
rëna dhe mënyra sesi bima i merr komponentët nga toka, shplarja, pluhuri që vjen
nga dherat në afërsi të tyre, lartësia gjeografike e zonës).
Nga ana tjetër, rënia e gjetheve dhe mënyra sesi bima i merr komponentët nga
toka, të cilat variojnë sipas kurorës së pemëve kanë një efekt më të madh mbi
likenet epiphytic sesa në myshqet terricolous (Barkman 1958, Rasmussen 1978).
Nutrientet dhe elementët e tjerë mund të kalojnë prej substrateve në likene(De Bruin &
Hackenitz 1986, Bargagli 1990, Wolterbeek & Bode 1995).
1.3.3 Myshqe apo likene?
Myshqet dhe likenet janë bimë të cilat akumulojnë lehtësisht ndotësit e ajrit (Rühling
dhe Tyler, 1970; Bargagli, 1998). Rezultatet e marra prej ndryshimeve midis myshqeve
dhe likeneve si bioindikatorë akumulimi varen nga:
llojet e specieve të përdoruara në studim
lloji i emëtimit
mjedisi në zonën e marrë në studim.
Faktorët që ndikojnë në përqëndrimin e metaleve të rënda në myshqet tokesore dhe
likenet epiphytic të rritura në të njëjtin vend janë mbulesa e krijuar nga pemët (tenda)
rënia e gjetheve dhe mënyra sesi bima i merr komponentët nga toka. Rënia e
gjetheve mund të ketë veçanërisht efekt të fortë në përqëndrimin e elementëve tek
likenet epiphytic (Barkman, 1958). Efekti i rënies së gjetheve në myshqet tokësore
varion dhe varet nga fakti që myshku rritet nën apo në mes të kurorave.
Në studimet e biomonitorimit, mostrat e myshqeve mblidhen në zona të hapura
midis mbulesës së kurorave në mënyrë që të minimizohet efekti i rënies së
gjetheve. Sasia e gjetheve të rëna dhe mënyra sesi i merr bima përbërjet nga toka varion
sipas tipit të kurorës së pemës. (Rasmussen, 1978). Tenda e krijuar nga kurorat e pemëve
mban një pjesë të elementëve të transportuar nga rreshjet e lira, por rreshjet gjithashtu
shplajnë dhe largojnë një pjesë të nutrienteve, si për shembull (Ca, K, Mg, Mn) prej
tendës së kurorave, të cilat në vazhdim absorbohen nëpërmjet rreshjeve nga likenet
epiphytic. Ka gjithashtu variacion në përqëndrimin e elementëve në myshqe dhe likene,
veçanërisht në zonat e thata ku rreshjet janë përqëndruar në periudhën e dimrit.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
24
Ndryshime mes përqëndrimit në myshqe dhe likeneve epiphytic në zonën e veriut të
Europës vijnë nga fakti që likenet epiphytic janë të ekspozuara ndaj ndotësve të ajrit
gjatë gjithë vitit, ndërsa myshqet janë të mbrojtura nga dëbora që mbulon vendin më
shumë se gjysmën e vitit. Karakteristikat e ndryshme morfologjike dhe fiziologjike te
myshqeve dhe likeneve shkaktojnë pjesërisht diferencat në efiçensen e përthithjes së
metaleve. Struktura e siperfaqes së myshqeve është e ndryshme nga ajo e likeneve dhe
ato kanë një siperfaqe më të madhe në raport me peshën.
Sipërfaqja e likeneve në shumë raste është më e ashpër dhe më poroze se ajo e
myshqeve. Disa studime tregojnë se likenet epiphytic akumulojnë më shumë metale të
rënda në peshë të thatë sesa myshqet. Arsyeja e ndryshimit mund të jetë per shkak të
variacionit në efiçensën e përthithjes në kushte depozitimi të ndryshme ose per shkak
të efektit të rënies së gjetheve mbi likenet epiphytic (Steinnes, 1993). Likenet
gjithashtu akumulojnë metale të rënda volative (Hg, Pb) të cilat vazhdimisht
riqarkullojnë në atmosferë më lehtë se sa në myshqet (Evans dhe Hutchinson, 1996).
Disa studime tregojnë që myshqet akumulojnë pluhur më lehtë sesa likenet (Steinnes,
1995). Përqëndrimet e metaleve në myshqe janë zakonisht më të larta pranë burimit
të emisionit (prodhimit) dhe më të ulëta në zonën background (sfond) se sa vlerat
koresponduese në likenet epiphytic. Gjthashtu është raportuar që kontributi i
materialit grimcor në përqëndrimin total në myshqe zvogëlohet në varësi të rritjes së
distancës nga burimi i emisionit, në zona të thata dhe ato bujqësore. Veçanërisht në
zonat e thata dhe në ato me bimësi të rrallë, metalet me origjinë nga toka (Al, Cr, Fe,
Ti) akumulohen më lehtë në myshqe sesa në likene (Loppi dhe Bonini, 2000). Myshqet
dhe likenet përshkruajnë depozitimin e lagët në mënyra të ndryshme. Testet
laboratorike kanë treguar që këmbimi i kationeve është një proçes shumë i shpejt në
Hylocomium splendens dhe kjo çoi në konkluzionin që përqëndrimi i matur në këtë
lloj myshku reflekton përbërjen e ujrave të shiut para marrjes së mostrave, më shumë
se efektet e akumulimit në periudha afatgjata (Brown dhe Brûmelis, 1996).
Reimann et al. (1999) ka raportuar në studimet e tij të kryera në gadishullin Kola në
veri-perëndim të Rusisë që përqëndrimi i shumë elementëve në myshqe ishte i lidhur
më ngushtë me përbërjen kimike të ujit të shiut, sesa me nivelet e depozitës vjetore të
reflektuara nga likenet terricolous (Bargagli, 1998).
Nuk egzistojnë evidenca të qarta që të tregojnë cili mund të jetë biomonitori më i
mirë në studimet rajonale, sepse rezultatet ndryshojnë nga një vend në tjetrin.
Megjithatë, mekanizmi përmes të cilit myshqet dhe likenet akumulojnë metale të
rënda është kaq i ndryshëm saqë ato nuk mund të përdoren për të zëvendësuar njëri
tjetrin në studimet nacionale. Në varësi të kushteve të vendit, myshqet mund të jenë
më të përshtatshme për studime rajonale sesa likenet epiphytic. Ndryshimet midis
pjesëve të ndryshme të vendit dhe vendndodhja e burimeve të emisionit shprehen më
qartë në myshqe sesa në likene. Wolterbeek et al. (1996) rekomandon përdorimin e
myshqeve sepse ato reflektojnë më lehtë ndryshimet lokale në depozitimin e metaleve
të rënda, ndërsa likenet mund të jenë indikatorë më të mirë akumulimi sesa myshqet në
kushte të thata.
1.3.4 Algat jeshile
Algat jeshile, kryesisht Protococcus viridis, janë të vetmet organizma qelizore të
cilat jetojnë në simbiozë me likenet, ndër të tjera me Scoliciosporum chlorococcum.
Taksonomia e tyre nuk njihet shumë. Søchting (1997) ka gjetur që një kore alge në
halat e bredhit i përket familjes Protococcus spp. (Desmococcus spp.) dhe
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
25
Apatococcus spp.
Alga jeshile ndodhet në pemë dhe në substrata të tjera të përshtatshme veçanërisht
afër burimeve të ndryshme të azotit (Göransson 1990, Søchting 1997). Ato i marrin
nutrientet prej depozitimit të thatë dhe të lagësht njësoj si likenet epiphytic. Ato
kërkojnë temperaturë të mjaftueshme, lagështi të lartë dhe dritë të përshtatshme për
rritjen e tyre.
Alga jeshile rritet veçanërisht në Norvegji në halat e bredhave dhe në trungjet e
pemëve, si dhe në vitet e fundit në pjesën jugore të Europës qëndrore (Peveling et al.
1992, Thomsen 1992, Poikolainen et al. 1998).
1.3.5 Lëvorja e pemës
Lëvorja e jashtme e pemëve përbëhet nga shtresa e brendshme (phloem), shtresa
që çon në drunjëzim (phellogen), dhe shtresa e jashtme (rhytidom or phellem) e
ndërtuar nga qeliza druri të vdekura (Srivastava 1964, Prance et al. 1993). Këto qeliza
druri të vdekura zakonisht bëhen pjesë në studimet e biomonitorimit. Cilësia e lëvores
ndryshon në përputhje me përbërjen e mureve të shtresës së jashtme (phellem) dhe të
trashësisë së shtreses së jashtme dhe të brendshme. Ka dallime të konsiderueshme në
përbërjen kimike të lëvores së pemëve të ndryshme (Barkman 1958).
Lëvorja është e formuar nga shtresa, ku çdo shtresë e re formohet nën shtresën e vjetër
gjatë një periudhe të caktuar të kohës, psh në pishën Scot gjatë një periudhe prej dy
vjetësh (Schulz et al. 1999). Shtresa e vjetër sipërfaqësore është e vdekur dhe nuk
ndodhin me ndryshime në të pasi është formuar.
Akumulimi i ndotësve atmosferik në lëvore është një proçes i pastër fiziologjik-kimik.
Ndotësit ose akumulohen në mënyrë pasive në sipërfaqen e lëvores ose bëhen të
adsorbueshëm përmes proçeseve të këmbimit jonik në pjesën e jashtme të shtresës se
drunjezuar të vdekur (Walkenhorst et al. 1993, Schulz et al. 1997). Për shembull,
squfuri akumulohet në lëvore si acid sulfurik (H2SO4), pjesa më e madhe e të cilit
vepron më tej me kalciumin për të formuar gipsin (CaSO4) (Kreiner 1986).
Akumulimi i metaleve të rënda varet nga madhësia e grimcave dhe forma në të
cilën metali ndodhet. Ato formojnë komponime me elementë të tjerë. Heichel dhe
Hankin (1972) raportuan në fillim të viteve 1970, që grimcat që përmbanin
plumb të ardhur nga shkarkimet e trafikut urban në USA ishin vendosur
kryesisht në sipërfaqe, ose në indet sipërfaqsore të lëvores dhe madhësia e tyre
varionte nga 3 - 13 µm. Aciditeti i lëvores ka ndikim në përqëndrimet e disa metaleve
të rënda. Për shembull, në një studim mbi ndodhjen e likenit epiphytic mbi lis apo
frashër, Bates dhe Brown ( 1981) gjetën një korelacion negativ midis pH të lëvores dhe
përqëndrimit të hekurit. Ata arritën në përfundimin që kjo vjen për shkak të rritjes së
ndryshueshmërisë së Fe me uljen e pH së lëvores. Nuk ka migrim të dukshëm të
elementëve nga sipërfaqja e lëvores përmes indeve te lëvores në trungun qëndror ose
anasjelltas (Trüby 1988, Schulz et al. 1997). Gjithashtu migrimi i metaleve të rënda
prej tokës nga rrënja në lëvore kur ajo formohet është zakonisht i parëndësishme
(Trüby 1988). Nga ana tjetër, transporti i metalet e rënda dhe komponime të tjera
mund të kryhet prej erës nga toka në sipërfaqen e lëvores. Struktura e sipërfaqes
së lëvores ka një influecë të konsiderueshme në akumulimin pasiv mbi sipërfaqen
e lëvores. Një sipërfaqe e ashpër, gropa-gropa mund të akumuloj më lehtë se një
sipërfaqe e lëmuar. Studimi i realizuar nga Szopa (1973) mbi përqëndrimin e
plumbit përgjatë autostradave në USA tregoi që përqëndrimi i plumbit në lëvore
reagon shpejt ndaj ndryshimeve të përqëndrimit të plumbit në atmosferë. Përveç
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
26
përqëndrimit të squfurit, pH, kapacitetit buferik dhe konduktivitetit elektrik, lëvorja
mund të përdoret si indikator i përqëndrimit të SO2 atmosferik. Ndotësit acid
zvogëlojnë pH e lëvores, ndërsa ndotësit alkalinë rrisin pH e lëvores. Është gjetur një
varësi e qartë midis pH dhe përqëndrimit të kationeve në lëvore (Farmer et al. 1991).
Kur pH i lëvores është i ulët, shuma e kationeve të shkëmbyeshme është gjithashtu e
ulët dhe anasjelltas. Përveç ndotësve, pH ndikohet gjithashtu nga lloji i pemës, mosha
e pemës dhe shëndeti i saj, kushtet e motit, substrati dhe trashësia e mostrës (Staxäng
1969, Grodzińska 1982). Për shkak të aciditetit të ulët, lëvorja e pemëve gjetherënëse
është më e ndjeshme ndaj ndryshimit të pH se sa pemët halore (Härtel & Grill 1972).
Konduktiviteti elektrik i lëvores shkaktohet kryesisht nga prezenca e sulfateve dhe
komponimeve të tjera (Kreiner & Härtel 1986). Pëqëndrimi i sulfateve në lëvore
është përcaktuar kur konduktiviteti i lëvores është përdorur si indikator (Härtel &
Grill 1972). Lëvorja e pemëve halore (conifere) është më e përshtatshme për matjet e
conduktivitetit sesa pemët gjetherënëse, sepse intervali i vlerave të konduktivitetit në
pemët halore është më i madh sesa në pemët gjetherënëse të të njëjtës zonë (Kienzl
1978). Përveç ndotësve, vlera e konduktivitetit të lëvores ndikohet kryesisht nga
rreshjet e shiut, lagështira e lartë e ajrit dhe kriprat e detit (Kienzl & Härtel 1979,
Poikolainen 1997).
Faktorët që ndikojnë përbërjen kimike të lëvores së pemës, përveç ndotësve janë
përgjithësisht të njëjtë me ato të myshqeve dhe likeneve, edhe pse reaksionet kimike që
ndodhin në lëvore janë disa të ndryshëm sepse lëvorja është një material jo i gjallë i
bimës. Përqëndrimet në lëvore janë janë të ndikuar kryesisht nga cilësia e lëvores, stina
dhe rënia e gjetheve, si dhe stemflow (Staxäng 1969, Härtel 1982, Schulz et al. 1999).
Në përgjithësi, përqëndrimet e elementëve në lëvoren e bimëve gjetherënëse janë më
të larta sesa në lëvoret e koniferëve (Rasmussen 1978). Megjithatë ka ndryshime të
konsiderueshme në përqëndrime midis koniferëve. Për shembull, përqëndrimet e zinkut
dhe magnezit në lëvoren e bredhave në Norvegji janë zakonisht më të lartë sesa ato të
pishave në Scotsi (Olsson 1978). Përqëndrimet janë më të larta në sipërfaqen e
shtresës së jashtme të lëvores dhe ulet me shpejtësi duke lëvizur drejt shtresës së
brendshme (Karandinos et al. 1985, Schulz et al. 1997). Janë raportuar edhe
ndryshime në përqëndrimet e lëvores përgjatë trungut (Barnes et al. 1976).
Ndryshime të qarta sezonale janë vërejtur në vlerat e konduktivitetit dhe në
përqëndrimin e sulfurit në lëvore për shkak të faktorëve të lidhur me motin dhe me
nivelet e emisionit (Kienzl 1978). Në një studim të realizuar nga Kosmus dhe Grill
(1986) në Graz, Austria, u gjet se mikroklima ka një rol të rëndësishëm në
shumën e depozitimit të ndotësve dhe në përqëndrimet e elementëve në lëvore.
Nuk ka metoda standarte për marrjen e mostrave dhe analizimin e mostrave të
lëvoreve. Gjatë marrjes së mostrave duhet patur parasysh: vendndodhja dhe
numri i pemëve ku do të merren mostrat, mosha e pemës dhe shëndeti i saj,
lartësia e pikës ku do të merret mostra në trungun e pemës, cilësia e lëvores dhe
koha e kampionimit Staxäng 1969, Wolterbeek et al. 1996b, Schulz et al. 1997). Në
mënyrë që të minimizohet efekti i variacionit midis mostrave individuale, nje sasi
e madhe kampionesh prej një numri pemësh përdoren për analizat e mostrave të
lëvores. (Kreiner & Härtel 1986, Huhn et al. 1995).
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
27
1.4 Sjellja e biomonitorëve
1.4.1 Mekanizmi i kapjes së grimcave të ajrit dhe metaleve të rënda.
Ndotësit e ajrit depozitohen në myshqe në tre forma si tretësira ujore, në formë të
gaztë dhe në grimcat e bashkangjitura. Akumulimi i ndotësve në myshqe ndodh
përmes një numri mekanizmash të ndryshëm, si:
Si shtresë grimcore.
Kapja e tyre në sipërfaqen e qelizave.
Inkorporimi i tyre në murin e jashtëm të qelizave përmes proçeseve të këmbimit
jonik.
Kalimit të kontrolluar metabolik në qeliza (Brown & Bates, 1990).
Kapja e grimcave ndikohet nga madhësia e grimcave dhe struktura sipërfaqsore e
myshqeve, ndërsa jono këmbimi është një një proçes i shpejtë fiziologjik-kimik që
ndikohet nga numri dhe tipi i kationeve të lira të shkëmbyera, mosha e qelizave,
kushtet e rritjes, temperatura, precipitimi, pH, përbërja e ndotësit dhe kushtet e
shpëlarjes (Tyler, 1990). Në proçesin e jonkëmbimit, kationet dhe anionet u
bashkangjiten grupeve organike funksionore në muret e qelizave kryesisht përmes
proçesit të kelatimit (Rao, 1984).
Përbërja kimike e depozitimit ka një efekt të madh në akumulimin e ndotësve, sepse
efiçenca kapëse (aspiratore) e myshqeve për elemente individuale ndryshon shumë
(Berget al., 1995). Efiçensa kapëse e metaleve të rënda më të zakonshme ndjek në
përgjithësi radhën Pb > Co > Cr > Cu > Cd > Mo > Ni > V > Zn > As (Zeichmeister
et al., 2003). Një përqindje e lartë e ngarkesës ndotëse akumulohet në myshqe
nëpërmjet depozitimit të njomë. Sasia, kohëzgjatja dhe intensiteti i rreshjeve
ndikon në proçesin e akumulimit dhe atë të shplarjes (Berg et al., 1995). Kontributi
i depozitimit të thatë rritet me lëvizjen nga klima e lagësht drejt klimës së thatë.
(Couto et al., 2004). Ka dallime të konsiderueshme në kullimin ose rrjedhjen e
elementëve në varësi të faktit që ato janë të lidhur me murin qelizor apo akumulohen në
sipërfaqen e myshqeve (Čeburnis & Valiulis, 1999).
Efikasiteti aspirator është prekur edhe nga konkurrenca për zona të lira të këmbimit të
kationeve, për shembull, prania e kripërave të detit dhe depozitimi acid ka efekt në
thithjen e metaleve nga myshqet (Gjengedal & Steinnes, 1990). Lloji i bimësisë dhe
pluhurit të tokës gjithashtu raportohet që shkaktojnë dallime rajonale në efikasitetin
aspirator (Čeburnis et al., 1999). Në përgjithësi, lidhja më e mirë midis përqëndrimeve
në myshqe dhe në depozitimin e lagësht është gjetur për elementet që kanë një
efikasitet të lartë aspirator prej depozitimit të lagësht, si p.sh: Pb, Cd, Co dhe Cu
(Ross, 1990).
1.4.2 Faktorët që ndikojnë në përqëndrimin e metaleve gjurmë tek myshqet si
biomonitorë
Myshqet Epiphytic mund të përdoren gjerësisht si organizma biomonitorues. Kjo
bazohet kryesisht në mungesën e rrënjëve kur krahasohet me bimë të larta. Kështu,
ato e marrin rezervën( ushqimin) e tyre të mineraleve nga burimi ajër dhe jo nga pjesa
e poshtme (Martinetal,1982). Përveç ndotësve të ajrit që kanë origjinën nga burime
antropologjike, përqëndrimet në myshqe janë të prekur nga shumë faktorë "natyrore"
e lidhur me:
vetitë morfologjike dhe fiziologjike të myshqeve
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
28
vendin ku myshqet janë rritur dhe mjedisin e tyre aktual.
Myshqet janë specie që lulëzojnë në një klimë të lagësht. Myshqet Ectohydric janë
përdorur si biomonitor në shumë raste. Ato posedojnë disa cilësi të veçanta, që i bëjnë të
përshtatshëm për monitorimin e ndotësve të ndryshëm të ajrit (Onianwa 2001,
Zechmeister et al., 2003), si për shembull:
Myshqet nuk kanë rrënjë reale, kështu që ato nuk mund ti marrin nutrientet nga toka.
Myshqet në përgjithësi i sigurojnë lëndët ushqyese nëpërmjet depozitimit të thatë dhe
të lagësht.
Kapja e nutrienteve nga atmosfera ndikohet nga cuticula e zhvilluar dobët.
Myshqet rriten në sipërfaqe të mëdha në raport me peshën e tyre, gjë që luan rol në
përmirësimin e proçesit të adsorbimit.
Myshqet kanë aftësi për tu rritur në grupe.
Avantazhe të tjera janë:
Norma e ngadaltë e rritjes lejon që ato të akumulojnë ndotës për një periudhë të gjatë të
kohës
Kanë degë vaskulare të pazhvilluara, që lejojnë adsorbim më të mirë se në bimët
vaskulare.
Paraqesin ndryshime minimale morfologjike gjatë jetës së tyre
Jane bimë shumëvjeçare
Kanë shpërndarje të gjerë
Paraqesin lehtësi në marrjen e mostrave
Ndotësit e ajrit depozitohen në myshqe në formën e tretësirave ujore, në formën e gaztë
ose si grimca të ngjitura. Akumulimi i ndotësve në myshqe ndodh përmes një numri
mekanizmash të ndryshëm:
shtresa grimcash ose kapje grimcash nga sipërfaqja e qelizave
incorporimi (përfshirja) në muret e jashtme përmes proçeseve të këmbimit jonik
shkëmbimi metabolik i lëndëve përmes qelizash (Brown & Bates 1990, Tyler 1990).
Lidhja midis grimcave varet nga madhësia e grimcave dhe sipërfaqja e strukturës së
myshqeve. Jonokëmbimi tek myshqet, është një proçes i shpejtë fiziologjik-kimik që
varet nga numri dhe lloji i kationeve të lira, mosha e qelizave dhe reaksioni i tyre i
tharjes, kushtet e rritjes, temperatura, pH i precipitimit, përbërja e ndotësve etj (Tyler
1990, Brown & Brûmelis1996). Në proçesin e jonokëmbimit, kationet dhe anionet
bëhen të lidhur me grupet funksionale organike në muret e qelizave përmes kelatimit
(Rao1984). Ka diferenca të dukshme në shplarjen e elementëve në varësi të pH,
nëse këta elementë janë lidhur me muret e qelizave apo janë akumuluar në
sipërfaqen e myshqeve (Čeburnis&Valiulis 1999). Efiçenca përthithëse (aspiratore)
është gjithashtu e ndikuar nga konkurenca për zona të lira të këmbimit të kationeve.
Kështu, prezenca e kripës së detit dhe depozitimi acid është gjetur se ka një efekt të
rëndësishëm në absorbimin e metaleve prej myshqeve (Gjengedal & Steinnes 1990).
Lloji i bimësisë dhe pluhuri i tokës janë raportuar se shkaktojnë ndryshime rajonale në
efiçencën aspiratore të myshqeve. (Čeburnis et al. 1999). Në përgjithësi, lidhja më e
mirë midis përqëndrimit në myshqe dhe në depozitimin të njomë (lagësht) është
gjetur për elementët (Pb, Cd, Co, Cu) që kanë një efiçencë aspiratorë të lartë në
krahasim me depozitimin e thatë (Ross 1990, Berg et al. 1995). Përveç kësaj për
ndotësit e ajrit që vijnë nga burime antropologjike, përqëndrimi në myshqe varet
gjithashtu nga shumë faktorë ―natyrale‖ të lidhur me vetitë morfologjike dhe fiziologjike
të myshqeve, si dhe zona ku myshku është rritur. Ka ndryshime natyrore në përbërjen
kimike midis llojeve individuale dhe madje midis popullatave të të njëjtës specie, midis
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
29
specieve që rriten në kushte të ndryshme si dhe midis pjesëve të ndara të myshqeve
individuale (Ross 1990, Thöni et al. 1996, Zechmeister et al. 2003). Sasi të vogla të
lëndëve ushqyese mund të kalojnë në myshqe nga substrate të ndryshme (Brown &
Bates 1990, Økland et al., 1999). Nutrientet mundet gjithashtu të zhvendosen prej një
pjese të myshkut në një pjesë tjetër të tij (Brûmelis & Brown 1997). Grimcat minerale
me origjinë nga toka dhe themelet gjithashtu rrisin përqëndrimin e Fe, Cr, Al dhe Ti
në zona që kanë një bimësi të rrallë, një klimë e thatë apo toka të pasura me minerale
(Mäkinen 1994, Bargagli et al., 1995). Faktorë të tjerë që ndikojnë në përqëndrimet e
elementëve apo nutrientëve të ndryshëm përfshijnë:
Qëndrimin pezull.
Kullimi prej shtresave vegjetative të lokalizuara mbi myshqe (Steinnes, 1993).
Statusi i nutrienteve të zonës (Pakarinen & Rinne 1979, Økland et al., 1999).
Ujrat që vijnë nga shkrirja e dëborës (Ford et al.,1995).
Bimësia e zonës (DeCaritat et al., 2001).
Lartësia ka efekt (Zechmeister, 1995; Gerdol et al., 2002) për shkak të ndryshimeve
në sasinë e precipitimeve, pluhurit ose prodhimin e biomasës.
Metodat e përdorura të kampionimit dhe të matjes kanë gjithashtu një influencë të
konsiderueshme në rezultatin analitik në studimet e biomonitorimit(Markert &
Weckert 1989, Steinnes et al. 1993, Wolterbeek & Bode 1995). Për shembull,
përqëndrimi i fituar në analizat kimike të realizuara me AAS, ICP-AES or ICP-MS
vetëm përshkruajnë porcionin e elementit që tretet në acid, ndërsa metodat e
bazuara në teknikat e rrezatimit japin përqëndrimin total të secilit element në
materialin e marrë në studim (Djingova & Kuleff 2000).
Mosha e myshqeve. Gjetja që pjesë të myshqeve të vjetra kanë përqëndrim më të
lartë të metaleve, ka çuar në supozimin që bimët sigurojnë një regjistrim historik dhe
interaktiv të reservës së metaleve në ambient.
1.5 Bletët dhe produktet e bletëve si monitorues të ndotjeve ambientale
1.5.1 Bletët
Bletët janë indikatorë biologjik të mirë sepse ato tregojnë dëmtimin kimik të
ambientit ku ato jetojnë përmes dy sinjaleve: vdekshmërisë së lartë (në rastin e
pesticideve) dhe mbetjeve në trupin e tyre ose në produktet e zgjuas së tyre (në
rastin e perticideve dhe ndotësve të tjerë si metalet e rënda dhe radionuklidet) që
mund të hetohen me anë të analizave laboratorike të përshtatshme (Celli G. 1994).
Disa karakteristika ekologjike dhe morfologjike e bëjnë bletën një dedektor
ekologjik të besueshëm: e lehtë për tu shumëzuar (shtuar), organizëm thuajse i
kudogjendur, me kërkesa modeste ushqimore, trupi i bletës është i mbuluar me
qime, të cilat e bëjnë atë të përshtatshme për të mbajtur materialet dhe substancat që
vijnë në kontakt me të; është e ndjeshme ndaj shumë produkteve që përdoren për
mbrojtjen e bimëve duke zbuluar kur ato janë shpërndarë në mënyrë të paligjshme
në mjedis (psh gjatë lulëzimit, në prezencë të erës etj), shkalla e saj shumë e lartë e
riprodhimit dhe jetëgjatësi mesatare relativisht e shkurtër, kolonitë i nënshtrohen
rigjenerimit të shpejtë dhe të vazhdueshëm, lëvizshmëria e saj e madhe dhe fluturimi
në hapësira të gjera lejon që të monitorohen zona të mëdha. Bleta është efikase në
shumë studime mjedisore.
Për më tepër, të gjithë sektorët e mjedisit (toka, bimësia, uji, ajri) janë provuar nga
bletët. (Fig. 1.5.1.1), duke siguruar indikatorë të shumtë (përmes ushqyerjes) për
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
30
secilën stinë. Në fund, një gamë e gjerë materialesh është sjellë në koshere (nektar,
polen, mjalti i insekteve, propolis dhe ujë) dhe ato ruhen sipas kritereve të
verifikueshme.
Figura1.5.1.1 Diagrama e shpërndarjes së substancave ndotëse në ambient. Zona gri tregon
sektorët ambientalë të vizituar nga bletet
Monitorimi i pesticideve
Sic u tha më lart, bletët janë jashtëzakonisht të ndjeshme ndaj pesticideve. Për këtë
arsye, numri i bletëve të ngordhura në koshere është variabli më i rëndësishëm për
vlerësimin e ndotjeve (Celli G., Porrini C. 1996) dhe ndryshon në varësi të një numri
faktorësh, si: toksiciteti (për bletët) i një numri përbërësish aktivë të përdorur[LD50]
(Atkins E. L., 1981), prania dhe shtrirja e lulëzimit midis bimëve të kultivuara ose
spontane prania e bletëve në zonën dhe në kohën e trajtimit kimik, mjetet e
përdorura për të përhapur pesticidet, prania e erës etj. Shumë bletë të goditura direkt
nga një insekticid nuk kanë fuqi të mjaftueshme për tu kthyer në kosheret e tyre dhe
ato ngordhin në fusha ose gjatë fluturimit të kthimit. Bletë të tjera të goditura pak, që
vizitojnë lule të bimëve të trajtura (ndonjëherë përbërësit aktivë nuk kanë efekte të
neveritshme) ose mbledhin nektar dhe polen prej bimëve natyrore (jo të kultivuara) të
kontaminuara nga ―mbetje‖, do të ngordhin përfundimisht në koshere. Në këto raste
bletët sillen si indikator të drejtpërdrejtë. Në skemën tonë të monitorimit disa rezultate
mund të merren vdekshmëria javore, përbërësit aktivë përgjegjës për ngordhjen e
bletëve, periudhat dhe zonat me risk të lartë, kulturat e trajtuara, gabimet e kultivuesve
në manaxhimin e mbrojtjes së bimëve. Është e mundur gjithashtu të vlerësohet shkalla e
rrezikut ambiental duke përpunuar të dhënat nëpërmjet indekseve specifike (Porrini C.
1999).
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
31
Figura 1.5.1.2 Stacione monitorimi, të përbëra nga dy koshere të pajisura me gracka për
mbledhjen e bletëve të ngordhura. (“nën shportë”)
Disa prej insekticideve të reja që përdoren aktualisht në bujqësi, nuk shkaktojnë
vdekshmëri të lartë tek bletët, por ato mund të provokojnë efekte në sjelljen e
bletëve edhe në doza të ulta. Këta përbërës aktivë janë të vështirë për tu zbuluar
me metoda kimike, prandaj është e nevojshme ndryshimi i strategjive të
monitorimit në lidhje me këto efekte të reja.
Monitorimi i metaleve të rënda
Aspekti themelor që dallon metalet e rënda prej ndotësve të tjerë, siç janë pesticidet,
është futja e tyre në territor dhe e ardhmja e tyre ambientale. Pesticidet janë të
shpërndara në kohë dhe në hapësirë dhe në varësi të llojit të komponimit kimik ato
degradohen nga faktorë të ndryshëm ambientalë në periudha të gjata ose të shkurtra të
kohës. Metalet e rënda, në anën tjetër, emetohen në mënyrë të vazhdueshme nga
burime të ndryshme natyrore dhe antropike dhe meqë ato nuk janë të degradueshme,
ato në mënyrë të vazhdueshme janë ―në lojë‖ duke hyrë në cikle fizike dhe biologjike.
Metalet e rënda të pranishme në atmosferë mund të depozitohen në trupat me push të
bletëve dhe të sillen në koshere me polenin, ose ato mund të absorbohen bashkë me
nektarin e luleve, përmes ujit ose nektarit. Një numër variablash merren në
konsideratë kur përdoren bletët ose produktet e koshereve të bletëve siç janë mjalti,
për të monitoruar metalet e rënda në mjedis, si:
moti (shiu dhe era mund të pastrojnë atmosferën ose të transferojnë metalet e rënda
në një sektorë tjetër mjedisor),
stina (rrjedhja e nektarit, e cila është zakonisht më e madhe në pranverë se në verë
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
32
dhe në vjeshtë, mund të hollojë ndotësin),
origjina biologjike e mjaltit (nektari i luleve me morfologji të hapur dhe nektari i
insekteve janë më shumë të ekspozuar ndaj ndotësve.
Plumbi në zonat urbane dhe industriale është gjetur në sasi më të mëdha brenda bletës
sesa në sipërfaqen e bletës, në një shkalle shumë shprehëse (p<0.0001), ndërsa
raporti përmbyset në zonat natyrore (p<0.0005). Në lidhje me nikelin, një ndryshim i
rëndësishëm është gjetur vetëm në zonat natyrore (p <0.05), ku sasia ishte përsëri më
e lartë në sipërfaqe të bletëve. Për kromin një sasi dukshëm më e lartë është gjetur në
sipërfaqen e bletëve në të tre mjediset:
urbane: p <0,05;
industriale: p <0.005;
natyrale: p <0.005).
Rezultatet për plumbin tregojnë se ndotja e vazhdueshme nxit absorbim më të lartë të
ndotësve, nga thithja ose gëlltitja në trupin e bletës gjatë marrjes së ushqimit. Nga ana
tjetër, nivelet më të larta të tre metaleve në lëkurën e bletëve në zona natyrore të
sugjerojnë se ndotësit janë të shpërndarë kudo në atmosferë dhe ato nuk depozitohen
në komponentët ambientale të vizituar nga bletët.
Monitorimi i radionuclideve
Përdorimi i bletëve dhe i produkteve të tyre për të monitoruar radioaktivitetin daton në
fund të viteve 1950, por efikasiteti i shkëlqyer i bletëve në detektimin e radioizotopeve
u demostrua pa mëdyshje në gjendjen e emergjencës të krijuar në Chemobyl (April -
May 1986). Janë realizuar projekte në kuadër të Chemoby-it ku mostra të shumta
bletësh, dylli dhe poleni janë analizuar. Përfundimet kanë treguar se poleni është
indikatori më i mirë i ndotjeve atmosferike radionuclide. Bletët mund të përdoren
gjithashtu për monitorim, ndërsa ka pengesa të shumta në përdorimin e mjaltit.
1.5.2 Mjalti
Kërkesa për produktet bio është rritur dukshëm vitet e fundit. Mjalti është padyshim një
produkt bio natyral dhe me vlera nutritive të larta, si dhe me karakteristika perfekte
bakteriale, konservuese dhe nxitëse. Vlera e mjaltit varet nga lloji, vendndodhja,
mjedisi, koha e mbledhjes, kushtet e motit (Gaidamavičius A. 2005). Në mjaltin
natyror ka më shumë se 75% karbohidrate (kryesisht fruktoza dhe glukozë), acide
organike (oksalik, laktik, malik, tartaric, citric), aminoacide (pralinë, fenilalaninë),
hidroksiamina, vitamina, fermente, lëndë minerale dhe mikroelemente (Kubilienė L.
2004). Një mungesë, tepricë apo prishje balance e këtyre mikroelementeve mund të
shkaktojë probleme shëndetsore tek njeriu. Përbërja e lëndës minerale në mjaltë është
gjetur të jetë identike me gjakun e njeriut. Mikroelementet janë biologjikisht të
akumulueshëm dhe shumë aktive; ato sigurojnë zhvillimin natyror të reaksioneve
fiziologjike, marrin pjesë në metabolizëm dhe ndikojnë në metabolizmin e
përgjithshëm, rritjen, sistemet e qarkullimit dhe ndikojnë në riprodhim si katalizatorë të
reaksioneve të ndryshëm biokimikë. Metalet gjurmë janë të rëndësishëm në dietat
ditore, për shkak të vlerave të tyre ushqyese esenciale dhe efekteve të mundshme të
dëmshme. Metalet si hekur, bakër, zink dhe mangan janë metale esenciale pasi ato
luajnë një rol të rëndësishëm në sistemet biologjik, ndërsa plumbi dhe kadmiumi janë
metale joesenciale të cilët mund të jenë toksike edhe në sasi gjurme. Metalet esenciale
gjithashtu mund të kenë efekte të dëmshme, kur marrja e tyre tejkalon sasinë e
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
33
rekomanduar në mënyrë të konsiderueshme. Meqë ushqimi është një nga burimet
kryesore të joneve të metaleve të rënda për njeriun, analizat e mostrave ushqimore për
përmbajtjen e metaleve gjurmë bëhen në mënyrë të vazhdueshme. Mjalti është një
ushqim i rëndësishëm sepse ai posedon veti ushyese, shëruese dhe profilaktike, të cilat
i referohen përbërjes kimike të tij. Duke qenë se mjalti përdoret për qëllime shëruese,
ai duhet të jetë i lirë ndaj përbërësve të dëmshëm. Ai duhet të përmbajë sasi të
limituara të ndotësve, të tillë si metalet gjurmë dhe analiza e mjaltit për përmbajtjen e
këtyre metaleve është e rëndësishme dhe e nevojshme për kontrollin e cilësisë së
ushqimit (Merin et al.,1998).
1.6 Perspektivat
Lehtësia e marrjes së mostrave, mungesa e nevojës për pajisje teknike të komplikuara
dhe të shtrenjta dhe sjellja akumulative dhe e shtrirë në kohë e biomonitorit myshk i
japin biomonitorimit të elementëve gjurmë në atmosferë avantazhe për përdorim të
vazhdueshëm në të ardhmen, veçanërisht në studimet në shkallë të gjerë.
Biomonitorimi është një metodë shumë e rëndësishme për identifikimin e burimit. Një
nga sfidat më të rëndësishme në studimet e biomonitorimit është të krijojë protokolle
standarte për marrjen e mostrave, përgatitjen e mostrave, analizat e elementeve në
mënyrë që të merren rezultate të krahasueshme të paktën në shkallë rajonale. Nga
mbledhja e myshqeve në stinët verë ,vjeshtë dhe dimër, është e mundur të njihen
zonat specifike të ndotura nga elementet gjurmë. Dikush mund të parashikojë një
myshk të përshtatshm që mund të përdoret si një biomonitor për një element gjurmë të
vetëm ose për një grup elementesh gjurmë. Është shumë e vështirë për çdo përqasje
tjetër të marrësh një pamje kaq të detajuar të variacioneve në kohë dhe hapësirë me një kosto kaq të arsyeshme. Kjo madje mund të bëhet duke përdorur transplantet e
likeneve dhe të myshqeve (Giordano et al., 2005). Gjithashtu struktura hapësinore e
veçantë e burimeve të ndotjes ndërvepron me paraqitjen hapësinore të mostrave, duke
rezultuar me grupe të dhënash me shpërndarje që janë shumë të ndryshme nga
shpërndarja e supozuar zakonisht normale.
Hapi i parë në analizën e këtij lloji të dhënash duhet të jetë kontrolli i prezencës të
strukturave hapësinore në shkallë më të madhe sesa rrjeta e marrjes se mostrave
(rrjeta e kampionimit) për të shmangur gabimet. Kështu që harta e gjeneruar nuk
duhet të përmbajë informacion rreth burimeve të ndotjes me një shkallë hapësinore
më të vogël se shkalla hapësinore e rrjetit të kampionimit (Aboal etal., 2006). Të
dhënat mund të mblidhen nga qasja analitike cluster, e cila lejon një hetim të
strukturave të emisionit që mbeten të njëjta me kalimin e kohës, apo nga përqindjet
statistikore që ilustrojnë të dy tendencat hapësinore dhe kohore të akumulimit të
metaleve (Pesch dhe Schroeder, 2006).
Shumë teknika shumë-elementësh, të tilla si EDXRF, INAA, dhe ICP-MS, mund të
përdoren për përcaktimin e elementëve gjurmë dhe toksike. Zhvillimi i programeve
shumë disiplinësh që do të mbledhë të dhëna që i përkasin ndotjes atmosferike me
elementë gjurmë mund të bëjë të mundur të nxirren modele për nivelet e
ekosistemeve, që përshkruajnë përhapjen dhe efektet e ndotësve të ajrit.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
34
PJESA EKSPERIMENTALE
QËLLIMI I STUDIMIT
Objektivi kryesor i këtij studimi është investigimi i depozitimit të ndotësve të ajrit në
rajonin Vlorë-Fier duke përdorur biomonitorë të ndryshëm për këtë qëllim.
Ndërmarrja e studimeve të tjera në rajone të ndryshme të vendit, do të bëjnë të
mundur krijimin e hartës së niveleve të ndotjes së ajrit në Shqipëri. Objektiv kryesor i
këtij punimi është përcaktimi i metaleve të rënda dhe mikro e makro elementeve në
myshqe, rezultatet e të cilit do të bëhen pjesë e studimit që mbulon tërë vendet e
Europës nisur në 1990 nëpërmjet ICP Vegetation Programme.
Objektiva të rëndësishme të studimit janë:
1. Të investigojë depozitimin e metaleve të rëndë më të zakonshëm në zonën e
Vlorës në bazë të përqëndrimit të tyre në myshqe (Hypnym cupressiforme dhe
scleropodium purum) dhe të identifikojë burimet kryesore të emisionit.
2. Të krahasojë aftësinë e myshqeve, mjaltit dhe ―moss bag‖ si biomonitorë të
metaleve të rënda në studime rajonale.
3. Të krahasojë nivelin e depozitimit të metaleve të rënda në zonat urbane
dhe ato rurale të rajonit të Vlorës.
Shpresojmë që ky studim të japi një kontribut modest në thellimin e njohjes mbi
ndotjen e ajrit, si dhe të shërbejë si referencë për studime të ngjashme në Shqipëri.
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
35
Kapitulli II
2 Monitorimi i ajrit në zonën Vlorë – Fier me anë të myshqeve si
bioindikatorë
Vlora është një qytet bregdetar shumë i populluar, më afërsisht 124 mijë banorë. Ajo
shtrihet në jug të Shqipërisë dhe ka klimë mesdhetare.Vlora ka përballë gadishullin e
Karaburunit dhe ishullin e Sazanit dhe ka plazhe shkëmbore dhe me rërë. Vlora është
porti i dytë më i madh në Shqipëri dhe ka lidhje të rregullta me tragete dhe anije me
portet italiane. Vlora është në një pozicion të favorshëm gjeografik, i cili garanton
fluks të madh lëvizjeje të popullatës, si dhe një zonë me rëndësi të veçantë turistike.
Rrethi i Fierit karakterizohet si një rajon fushor me lartesi nga 0-100 m mbi nivelin e
detit dhe me toka shumë pjellore. Edhe relievet kodrinore janë pergjithësisht të buta
dhe të mundshme për shfrytëzim bujqësor. Në zonat e rrafshta ka toka të hirta kafe.
Ka edhe lloje të veçanta tokash si aluvionale që takohen në luginat e Semanit dhe
Vjosës, tokat e kripura që shtrihen në Hoxharë si dhe tokat moçalishte të Roskovecit.
Bota natyrore bimore e rrethit është transformuar nga veprimtaria e njeriut. Megjithatë
rrethi i Fierit dallohet për disa lloje bimësh, sidomos në pjesët bregdetare e fushore,siç
janë brezi i shkurreve dhe i pyjeve mesdhetare. Shkurret përbëhen nga nënkati i
makies, ku rriten shkurret me gjelberim të përhershëm si mareja, shqopa, gjineshtra,
dafina. Në këtë nënkat bimor rriten edhe disa drurë të lartë si selvia, valanidhi, pisha e
butë dhe e egër, që në disa raste formojnë pyje të vegjël. Nëntoka është mjaft e pasur
me lëndë djegëse siç janë gazi natyror dhe nafta ku dallohet zona e Patos-Marinzës, e
cila është dhe zona naftëmbajtese më e madhe nëe Shqipëri. Gjithashtu nëntoka është
e pasur dhe me materiale ndërtimi si zhavore, rëra, argjila etj. Rrethi i Fierit është një
nga rrethet ku shoqëria njerëzore ka demtuar botën e gjallë, si dhe me ndotjen mjaft të
madhe të ajrit. Në të bëjnë pjesë disa zona te nxehta mjedisore si : fusha
naftënxjerrese Marinëz-Patos, Rafineria e Naftës Ballsh, Uzina e Azotikut, etj. Këto
zona kanë sjelle ndotjen e dy lumenjve Gjanica dhe Seman, ujërave nëntokesore dhe
në kombinim me automjetet e transportit, që çlirojnë një numer të madh gazrash,
pluhuri dhe bloze, si dhe kanë bërë qe Fieri te këtë edhe një ajër tepër te ndotur në
nivele mbi normat e lejuara.
Në përgjithësi, prezenca e zonave detare paraqet problem përsa i përket mënyrës së
të kuptuarit, monitorimit dhe parashikimit të transportit dhe shpërndarjes së ndotësave
të ndryshëm në atmosferë. Nga ana tjetër, për shkak të aktivitetit të dendur njerëzor,
zonat detare në përgjithësi, paraqiten ndër më të ndoturat përsa i përket ndotjeve
urbane apo industriale, gjë që ndikon direkt në shëndetin e njerëzve dhe në cilësinë e
ekosistemeve. Vija bregdetare pëson një shkallë ndryshimi në të gjitha parametrat
sipërfaqsore: thyerjet e sipërfaqes, temperaturën, lartësinë mbi nivelin e detit të
terrenit etj. Përgjegjësit në atmosferë më të ulët - shtresa kufitare - janë të shumtë dhe
të ndryshme. Zakonisht më të njohurit si rezultat i fenomenit mesoscale janë flladi i
detit dhe formimi i shtresave të brendëshme kufitare në det të hapur.
Flladi i detit është ndoshta qarkullimi mesoscale me prototipik dhe ishte një nga të
parët që është simuluar në modelet numerike mesoscale (Estoque 1961). Me
zhvillimin e modeleve më të avancuara, kjo ka qenë rishqyrtuar shumë herë (Colby
2004, Marshall et al. 2004). Megjithëse sfondi teorik është mjaft i thjeshtë dhe i
kuptueshëm, pamja aktuale komplikohet nga ndjeshmëria ndaj kompleksitetit real të
mjedisit, të tilla si ndryshimet në orientimin e vijës bregdetare dhe bregut. Nevoja për
VLERËSIMI I GJENDJES MJEDISORE TË ZONAVE VLORË-FIER NËPËRMJET
MONITORIMIT TË AJRIT DUKE PËRDORUR MYSHQET SI BIOINDIKATORË
36
të kuptuar më mirë këtë sistem kompleks lind pjesërisht nga ndikimi i tij në
transportin dhe shpërndarjen e ndotësve të përhapur me rrugë ajrore. Kur ndotësit që
vijnë nga emisionet bregdetare lëvizin nga zonat bregdetare me temperaturë më të
lartë në drejtim të siperfaqes së ujit me temperaturë më të ulët, rritja e stabilitetit statik
redukton përzierjen, duke ruajtur kështu përqëndrime të larta lokale. Nëse era e detit
më pas transporton ajrin e ndotur mbi tokë, kjo mund të çojë në përqëndrime të larta
të ndotësve në vende shumë larg nga burimet e emetimit. Koha e saktë e qarkullimit
mesoscale në lidhje me emisionet dhe me shkallët kohore të shndërrimeve kimike
është kritike.
2.1 Materiale dhe metoda
2.1.1 Marrja e mostrave (Kampionimi)
Mostrat u morën në një periudhë relativisht të thatë gjatë periudhës Shtator-Tetor
2010 në 10 stacione të ndryshme të zonës Vlorë-Fier. Për shkak të problemeve
gjeografike të relievit, stacionet e monitorimit nuk janë të shpërndara në mënyrë
uniforme. Proçesi i marrjes së mostrave u krye në përputhje me udhëzimet e dhëna në
―LRTAP Convention - ICP Vegetation protocol and sampling strategy of the
European Programme on Biomonitoring of Heavy Metal Atmospheric Deposition‖
(Rühling et al. 1987, Kubin et al. 2000).
Myshqet pleurocarpous mosses mund të zgjidhen për kampionim. Dy llojet e
preferuara për investigimin e ndotjes së ajrit janë: Pleurozium schreberi and
Hylocomium splendens. Megjithatë, në shumë vende përfshirë dhe vendin tonë është
e nevojshme të përdoren të tjera pleurocarpous mossess.
Në këtë rast zgjedhja e parë për ne ishte Hypnum cupressiforme, që është mjaft i
përhapur në këtë zonë, e ndjekur nga Pseudoscleropodium purum (Harmens et al.,
2008).
Për secilën pikë monitormi u përcaktuan dhe koordinatat gjeografike të tyre. Të gjitha
pikat e monitorimit u zgjodhën në distancë mbi 300 m nga rrugët kryesore dhe
godinat e mëdha, si dhe mbi 100 m larg nga rrugët dytësore apo shtëpitë e zonave
rurale. Gjatë marrjes së mostrave, u punua në zona të hapura, larg kurorës së pemëve,
shkurreve apo barit të lartë. U punua me mostra kompozite, ku 5 deri 10 mostra të