Putri Novita Sari

12020114025/ 2012 A

TEORI ABRAHAM MASLOW

Abraham Maslow miyos ing Brooklyn, New York, tanggal 1 April taun 1908. Maslow

digedhekake sajrone kulawarga Yahudi Rusia karo wong tuwa sing ora nduweni tingkat

pendidikan kang dhuwur. Nalika cilik dheweke kalebu bocah kang kurang berkembang

dibanding karo bocah saumurane. Dheweke urip ing lingkungan perpustakaan, ing donya

ngenani buku.

Wiwitane Maslow kuliyah ing jurusan hukum, nanging pungkasane dheweke milih

nyinaoni psikologi lan lulus ing Universitas Wisconsin. Nalika kuliyah, dheweke rabi karo

misanane sing jenenge Bertha sasi Desember 1928, uga temu karo mentor utamane yaiku

profesor Harry Harlow. Dheweke oleh gelar bachelor nalika taun 1930, master nalika taun

1931, lan Ph.D taun 1934. Maslow banjur njingglengi riset lan studine ing Universitas

Columbia, ing kene dheweke temu karo mentor liyane yaiku Alfred Adler, salah siji kolega

awal saka Sigmund Freud.

1. Teori Humanistik lan Aktualisasi Diri

Abraham Maslow dikenal minangka pelopor aliran psikologi humanistik. Maslow

percaya menawa manungsa tergerak kanggo mangerteni lan nampa dheweke sabisane.

Teorine misuwur nganti dina iki ngenani Hierarchy of Needs utawa Hirarki Kebutuhan.

Panguripan kulawarga lan pengalaman nalika urip menehi pangaribawa kanthi panemu-

panemu psikologine.

Psikolog humanis percaya menawa saben wong nduweni pepenginan sing kuwat

kanggo realisasi potensi-potensi tumrap pribadhine dhewe, kanggo nggayuh tingkatan

aktualisasi dhiri. Sajrone panemune Maslow, manungsa kang “mengaktualisasi” dhirine, bisa

nduweni akeh puncak saka pengalaman tinimbang manungsa kang kurang “mengaktualisasi”

dhirine.

2. Hierarki Kebutuhan

Interpretasi saka Hirarki kebutuhan Maslow kang direpresentasi tumrap wujud

piramida karo kebutuhan kang luwih dhasar ana ing bagian paling ngisor.

Maslow nggunakake piramida minangka peraga kanggo visualisasi panemune

ngenani “teori hierarki kebutuhan”. Miturut Maslow manungsa “termotivasi” kanggo meloki

kebutuhan uripe. Kebutuhan kasebut nduweni tingkatan utawa hirarki, wiwit sing paling

ngisor (asipat dhasar) nganti paling dhuwur (aktualisasi dhiri), yaiku:

a. Kebutuhan Dasar

Minangka tingkat sing paling ngisor utawa paling dhasar, ana kebutuhan kang asipat

fisiologik (kebutuhan tumrap udara, makanan, minuman, dsb) kang titikane saka

kacingkrangan (defisi) samubarang saka awak wong kang bersangkutan. Kebutuhan iki

diarani kebutuhan dhasar (basic needs) kang menawa ora dituruti tumrap kahanan kang

paling ekstrim (tuladhane keluwen) manungsa kang bersangkutan kuwi bisa kilangan kendali

amarga kapasitas manungsa kasebut nduweni punjer kanggo nuruti kebutuhan dhasar

kasebut. Menawa kebutuhan kang asipat dhasar iki wis dituruti, tuwuh kebutuhan kang luwih

dhuwur yaiku kebutuhan tumrap rasa aman (safety needs).

b. Kebutuhan Rasa Aman

Jinis kebutuhan kang kaloro iki nduweni sesambungan karo jaminan kasarasan,

stabilitas, perlindungan, struktur, keteraturan, kahanan kang bisa dikira-kira, bebas saka rasa

wedhi lan cemas, lsp. Padha karo kebutuhan dhasar mau menawa ora dituruti kanthi jangka

wektu kang suwi lan akeh sing ora dituruti, pandulune wong tumrap dunya bisa

dipangaribawani lan bisa cundhuk ing arah negatif.

c. Kebutuhan Dicintai dan Disayangi

Sawise manungsa wis nuruti kebutuhan rasa aman, banjur tuwuh kebutuhan tumrap

dinduwen lan ditresnani (belongingness and love needs). Saben wong pengen nduweni

hubungan kang akrab lan cedhak, dheweke pengen nresnani lan ditresnani. Saben wong

pengen setya marang kanca. Saben wong nduweni kelompoke dhewe. Pengin dadi bagian

saka kulawarga, kelompok, masyarakat. Menawa ora nduweni kanca, kulawarga bakal krasa

dhewean, sepi.

d. Kebutuhan Harga Diri

Ing sisi liyane, menawa kebutuhan tingkat telu wis dituruti, bakal tuwuh kebutuhan

harga diri (esteem needs). Ana rong jinis kebutuhan tumrap harga diri. Kapisan kebutuhan

tumrap kekuatan, penguasaan, kompetensi, percaya diri, lan kemandirian. Dene sing kaloro

yaiku kebutuhan penghargaan diri saka wong liya, status, ketenaran, dominasi, kebanggan.

Dianggep wigati lan apresiasi saka wong liya. Wong kang dituruti kebutuhan tumrap

kebutuhan harga diri bakal tampil dadi wong kang percaya diri, ora gumantung marang wong

liya lan siyap kanggo berkembang kanggo nggayuh kebutuhan kang luwih dhuwur yaiku

aktualisasi diri (self actualization).

e. Kebutuhan Aktualisasi Diri

Kebutuhan iki yaiku kebutuhan kang ana sajrone 17 meta kebutuhan sing ora disusun

kanthi hirarki, nanging padha ngisi. Menawa 17 meta kebutuhan ora dituruti bakal kedadean

meya patologi kayata apatisme, kebosanan, putus asa, ora nduweni rasa humor, keterasingan,

mentingake dhirine dhewe, kilangan selera, lsp.