TRAJTIMI I DËNIMIT ME VDEKJE SIPAS BURIMEVE · PDF filembrojtur dhe e garantuar me aktet...
-
Upload
hoangkhanh -
Category
Documents
-
view
256 -
download
9
Transcript of TRAJTIMI I DËNIMIT ME VDEKJE SIPAS BURIMEVE · PDF filembrojtur dhe e garantuar me aktet...
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
73
K.D.U. 343.25(091)
Prof. As. Dr. Agron BEKA
TRAJTIMI I DËNIMIT ME VDEKJE SIPAS BURIMEVE
JURIDIKE GJATË HISTORISË
“Jam për dënimin me vdekje – të dënimit me vdekje”
A.Beka (1994)
Përmbledhje
E drejta për të jetuar është e drejtë fundamentale e njeriut, e drejtë e
mbrojtur dhe e garantuar me aktet më të larta juridike vendore dhe
ndërkombëtare. Kjo është një e drejtë e pazëvendësueshme dhe e
pakomenpzueshme, e cila garantohet edhe me Deklaratën Universale të të
Drejtave të Njeriut të viti 1948 dhe me Konventën Evropiane për të Drejtat e
Njeriut (1950). Botën e sotme bashkohore e karakterizojnë zhvillime të
ndryshme, ekonomike, politike, sociale etj., të cilat ndikojnë në paraqitjen e
veprave të ndryshme kriminale, që për pasoj kanë dëmtimin dhe
shkatërrimin e vlerave më të çmuara të njeriut. Prandaj, për këtë arsye është
e nevojshme marrja e masave të ndryshme preventive dhe represive, me
qëllim të parandalimit të dukurive kriminale në shoqëri.
Tema që trajtohet është një temë e cila ka zgjuar polemika të
ndryshme ndërmjet autorëve të ndryshëm që merren me studimin e
problematikës së denimit me vdekje (pro and contra). Objekt trajtimi i këtij
punimi është vështrimi i përgjithshëm i dënimit me vdekje gjatë historisë,
sipas Kodi të Hamurabit dhe sipas “Kur’ani”-it.
Fjalët kyqe: Denimi, denimi me vdekje, sanksioni, kriminaliteti,
vepra penale, Kodi i Hamurabit, “Kur’an”, etj
Prof. As. Dr. Agron BEKA
74
Vështrime të përgjithshme
Dënimi me vdekje është një ndër dënimet më të vjetra. Ai paraqitet
në shtetet e para të krijuara gjatë historisë dhe ekziston akoma sot e kësaj
dite. Gjatë historisë së tij të gjatë, ky dënim ka pasur disa forma të paraqitjes
së saj dhe është ekzekutuar në mënyra të ndryshme. Qëllimi i tij, ka qenë
kryekëput hakmarrja ndaj kryesit dhe paraqitja e frikësimit tek opinioni i
gjerë publik. Mënyrat e ekzekutimit të këtij dënimi janë varur nga shkalla e
zhvillimit të shoqërisë dhe nivelit të organizimit të aparatit shtetërorë. Në
fillim, këto mënyra të ekzekutimit të denimit me vdekje kanë qenë mjaftë
primitive, të vrazhda, mizore dhe barbare dhe si qëllim të fundit kishin
shkaktimin e mundimeve dhe vuajtjeve sa me të mëdha ndaj kryesit të
veprës penale dhe frikësimin e opinionit të gjerë1.
Ndër format dhe mënyrat më të shpeshta të ekzekutimit të dënimit
me vdekje, në kohën e vjetër, dhe në mesjetë, në bazë të burimeve –
historike, kanë qenë:
prerja e kokës,
vënia në hu,
djegia në turrë të druve,
mbytja në ujë,
helmimi,
copëtimi i gjymtyrëve të trupit,
mbytja me gurë,
mbytja me anë të prerjes dhe nxjerrjes së organeve vitale,
gozhdimi në kryq për së gjalli,
varrja,
futja në varrë për së gjalli dhe forma të tjera të ekzekutimit të
këtij dënimi2.
Në të shumtën e rasteve, ekzekutimit të dënimit me vdekje i ka
paraprirë një procedurë e veçantë e shkaktimit të vuajtjeve dhe mundimeve
fizike dhe trupore të personave të dënuar me vdekje .
1 Dr.Ragip Halili, Penologjia, Prishtinë 2005 fq.84
2 Po aty , fq ,84
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
75
Dënimet me vdekje si dënime eliminuese në kohën e vjetër e
sidomos në mesjetë, ishin shumë të shpeshta. Sipas disa të dhënave nga
literatura penologjike, gjatë vitit 1688, dënimi me vdekje në Angli
shqiptohej për 50 vepra penale, ndërsa nga fundi i atij shekulli , ky dënim
parashikohej për 200 vepra penale. Po ashtu në Francë, gjatë sundimit të
mbretit Henry VIII, janë varur më tepër se 72.000 vjedhës.
Me vonë në praktikën e ekzekutimit me vdekje paraqiten disa forma
të tjera të cilat konsiderohen se janë më humane. Kësisoj mënyra të
ekzekutimit që aplikohen më shpesh e të cilat, personave të dënuar u
shkaktohej më pak dhimbje e vuajtje fizike e psikike , konsideroheshin:
prerja e kokës nën gijotine;
varja;
pushkatimi;
karrige elektrike;
kthina e gasit etj.
Të gjitha këto mënyra të ekzekutimit ishin të drejtuara drejt
eliminimit të kryesit të veprës penale nga shoqëria. Në këtë mënyrë,
ekzistonte bindja se shoqëria më me sukses mbrohet nga kriminelët e këtillë,
sidomos nga përsëritja e veprave penale, e nga ana tjetër edhe opinioni do të
rezervohej nga kryerja e krimeve për shkak të frikës nga ekzekutimi i
dënimeve të tilla3.
Pra këto forma të shqiptimit të dënimit me vdekje janë konsideruar
ndër format më të shpeshta dhe më të rënda gjatë asaj periudhe kohore, me
të cilat shoqëria ka reaguar ndaj kriminalitetit në përgjithësi dhe ndaj
kryerësëve të veprave penale në veçanti. Vlen të theksohet se këto lloje të
dënimeve janë shqiptuar për një numër tejet të madh të veprave penale.
Dënimi me vdekje haset që nga kohërat më të lashta, që nga
Babilonia, Greqia e vjetër etj. Një dënim të këtillë e hasim edhe në kodet e
para të shoqërisë njerëzore, si te Kodi i Hamurabit , Ligji i XII tabelave, etj.
Në antikë sistemi i dënimeve dhe ekzekutimi i tyre ndryshonte
varësisht prej vendit ku shqiptohej ky dënim. Ekzistonin këto lloje të
dënimeve:
dënimi me vdekje;
robërim, (shndërrimi në skllav);
konfiskimi dhe dënimet e tjera pasuror;
3 Po aty , fq ,85
Prof. As. Dr. Agron BEKA
76
dëbimi nga vendi;
dënim i humbjes së nderit dhe të drejtave qytetare, etj .
Në vendet e Greqisë së vjetër, Athinë, Spartë etj., ekzekutimi i
dënimit me vdekje bëhej në mënyrë më humane se në vendet e lindje se
lashtë (Babilonia , Egjipti etj). I dënuari me vdekje kishte në dispozicion të
zgjedhte njërën prej tri mënyrave të vdekjes:
të pinte helmin (psh. Sokrati , për shkak se i kishte ofenduar
perënditë , u dënua me vdekje dhe për ekzekutim zgjodhi pirjen e
helmit);
litari;
therja.
E drejta penale Athinase edhe pse në krahasim me të drejtën penale
të shteteve të lindjes së lashtë, ishte më e zhvilluar, megjithatë nuk e bënte
dallimin e qartë të elementeve objektive dhe subjektive të veprës penale,
nuk e bënte individualizimin dhe gradimin e përgjegjësisë penale.4 Zoti i
shtëpisë përgjigjej për veprat penale që i kryenin anëtarët e familjes dhe
skllevërit e tij dhe të ngjashëm.
Dënimi me vdekje ishtë lloji më i vjetër i dënimit në historinë e së
drejtës penale. Me mileniume të tëra madje gjerë në fund të shekullit XVIII
në Evropë dhe në kontinente të tjera të botës, dënimi me vdekje ka qenë i
paraparë për një numër të madh të veprave penale. Kështu, në legjislacionin
penal të Francës në shekullin e XVIII dënimi me vdekje parashihej për 115
vepra penale. Gjatë kësaj periudhe të gjatë të historisë së njerëzimit, dënimi
me vdekje i cili ndryshe quhet edhe dënim kapital (“poena kapitalis”), është
ekzekutuar në mënyra shumë të vrazhda dhe me mundime paraprake.5
a) Denimi me vdekje sipas “Kodit të Hamurabit”
Një ndër ligjet më të njohura, me rëndësi juridiko – histrorike të
periudhës së hershme skllavopronare janë:
- “Kodi i Hamurabit” (1792 – 1750 p.e.s)6;
4 Dr. Hilmi Ismajli & Dr. Fatmir Sejdiu, Historia e shtetit dhe e së drejtës I, Prishtinë, 2002,
fq., 93-94 5 Dr.Ismet Salihu , E drejta penale (pjesa e pergjitheshme) Prishtine 2005 fq. 448
6 Kodin e Hamurabit të gdhendur në guri e kanë zbuluar një grup arkeologësh francez, në
vitin 1901-1902, në gërmadhat e qytetit Suzi të Iranit të sotëm. Ky monument me rëndësi
të madhe historike – juridike ruhet në Luvër të Parisit.
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
77
- “Kodi Manu” (2000 – 1200 p.e.s);
- “Ligjet e Drakonit” (621 p.e.s);
- “Ligji i XII tabelave” (450 p.e.s), etj.
Kodi i Hamurabit është përmbledhje – ligj që e nxorri perandori,
sundimtari i Babilonisë Hamurabi në vitin 1694 p.e.s. Ky kod ka qenë i
shkruar – gdhendur në një shtyllë guri në lartësi prej 2.25 metra. Poashtu, në
gurin e tillë ka qenë e gdhendur edhe figura e Hamurabit në pozicionin e
pranimit të Kodit nga perëndia e Diellit, i quajtur: Shamash.
Ky kod përbëhej nga 3 pjesë të shkruara në një tekst:
1. Pjesa hyrëse – prologu;
2. Ligjet e shkruara – pjesa normative;
3. Pjesa përfundimtare – epilogu.
Pjesa më e rëndësishme dhe kryesore ishte pjesa e dytë d.m.th.pjesa
normative, e cila ishte e përbërë prej 282 neneve. Kjo pjesë përmbante
dispozita nga degët e ndryshme të së drejtës. Me këto dispozita
rregulloheshin mardhëniet e ndryshme juridike nga:
E drejta sendore;
E drejta e detyrimeve;
E drejta martesore dhe familjare;
E drejta trashëgimore;
E drejta penale, etj.
Pra, ky kod sipas autorit M. Kelmendi7 përmbante norma:
Mbi gjyqet;
Mbi sendet nga e drejta reale;
Për martesën, familjen dhe trashëgimin;
Për mbrojtjen e jetës së njeriut dhe integritetit të tij fizik;
Për të drejtën penale;
Për punën, përgjegjësinë rreth shkaktimit të dëmeve dhe për
veglat e punës;
Në shumë nene bëhet fjalë edhe për procedurën penale –
gjyqësore të asaj kohe dhe për provat material e dëshmitë.8
7 Muhamet Kelmendi, Historia e shtetit dhe së drejtës, Prishtinë, 2015, fq.70.
8 Muhamet Kelmendi, po aty, fq.70.
Prof. As. Dr. Agron BEKA
78
Ndërsa, sipas autorëve prof. H. Ismaili dhe F. Sejdiu9 Kodi i
Hamurabit përmbante dispozita nga fusha e së drejtës:
Sendore (reale);
Detyrimeve;
Martesore dhe familjare;
Trashëgimore;
Penale;
Gjyqësia dhe procedura gjyqësore.10
Ky kod kryekëput ka pasur karakter klasor dhe sanksiononte
pabarazinë formale – juridike, duke e mbrojtur parimisht interesin e
shtresave sunduese. Përkundër kësaj, ky kod ka një rëndësi historike pasi që
shumë kode e ligje të mëvonshme si bazë për hartimin e legjislacionit nga
fusha e së drejtës e kanë marrur për bazë këtë kod.
Sipas këtij kodi denimi me vdekje shqiptohej për vepra penale të
caktuara dhe mënyrat më barbare dhe më të shpeshta të ekzekutimit të
dënimit me vdekje, sipas Kodit të Hamurabit ishin:
- Djegia;
- Vrasje;
- Lidhja dhe hedhja në ujë;
- Qitja në huj (të varet në litar), etj.
Ndërsa, sipas autorëve prof.dr.Ismet Elezi dhe Ela Elezi11
dënimi me
vdekje sipas Kodit të Hamurabit shqiptohej për vepra penale të caktuara dhe
ekzekutohej në mënyrat më barbare:
- Me djegie (nenet 24, 110, 157);
- Me vrasje (neni 153);
- Me hedhje në ujë (neni 108, 129, 133, 155) etj.12
- Vdekja me kamxhik (neni 202).
Dënimi me vdekje sipas Kodit të Hamurabit shqiptohej në 35 raste të
ndryshme:
9 Hilmi Ismaili & Fatmir Sejdiu, Historia e shtetit dhe e së drejtës I, Prishtinë, 2002, fq.51.
10 Hilmi Ismaili & Fatmir Sejdiu, po aty, fq. 51 – 65.
11 Më gjerësisht shih: Ismet Elezi & Ela Elezi, Historia e së drejtës penale, Tiranë, 2010.
12 Ismet Elezi & Ela Elezi, vepër e cituar, fq. 16.
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
79
- Nëse dikush e akuzon tjetrin dhe akuzën e shpreh para gjykatës,
por atë nuk mund ta provojë, ai që ka akuzuar TË VRITET (Neni: 1);
Pra, këtu kemi të bëjmë me kryerjen e veprës “mashtrim dhe
deklarim i rrejshëm” të kryesit të veprës ndaj të cilit shqiptohej një denim i
tillë.
- Nëse dikush e akuzon tjetrin për magji, por atë nuk mund ta
provojë, ai që akuzohet për magji, shkon e kërcen në lumë: nëse atë e merr
lumi, ai që e akuzon do t’ia merrë shtëpinë. Mirëpo, nëse lumi tregon se
është i pafajshëm dhe ai noton, ai që e akuzon për magji, TË VRITET, ai që
kërcen në lumë do t’ia marrë shtëpinë shpifësit të vet (Neni: 2);
- Nëse dikush në process dëshmon në dëm të të pandehurit, dhe atë
që thotë nuk e provon: nëse procesi ka të bëjë me jetën, dëshmitari TË
VRITET (Neni: 3);
- Nëse dikush i vjedh sendet hyjnore ose të pallatit, nga tempulli ose
pallati, TE VRITET; edhe ai që i pranon nga ky sendet e vjedhura, TË
VRITET (Neni:6);
- Nëse dikush blen ose prnon në depozitë pa dëshmitarë, ose pa
kontratë nga djali ose skllavi i dikujt, argjendin ose arin,ose skllavin ose
skllaven,ose gjedhin, ose delen, ose gomarin, ose dicka tjetër, konsiderohet
si hajn, TË VRITET (Neni: 7);
- Nëse dikush vjedh gjedhin, ose delen, ose derrin, ose barkën, nëse
gjëja e vjedhur i takon perëndisë ose pallatit do ta japë tridhjetëfishin, nëse
i takon mushkenit13
, do ta kompenzojë dhjetëfishin, nëse hajni nuk ka të
paguajë, TË VRITET (Neni: 8);
- Nëse dikush, të cilit i mungon ckadoqoftë, atë e gjen te tjetri: nëse
ai te i cili gjendet sendi i humbur, thot: “shitësi ma ka shitur, para
dëshmitarëve e kam blerë”, dhe nëse pronari i gjësë së humbur thotë: ..do
t’i sjellë dëshmitarët, të cilët e njohin atë që më humbi”, atëherë blerësi
duhet ta sjellë shitësin, i cili ia ka shitur, dhe dëshmitarët para të cilëve e ka
blerë, edhe pronari i sendit të humbur, duhet ta sjellë dëshmitarin, i cili e
njeh sendin e tij të humbur. Gjyqëtari duhet t’i shqyrtojë thëniet e tyre;
dëshmitarët para të cilëve është paguar cmimi, dhe dëshmitarët që e njohin
sendin e humbur, duhet të tregojnë para perëndisë cka dinë. Shitësi atëherë
13
Mushkenu – pjesëtar i shtresës së ulët, i klasës skllavopronare. Jeta, integriteti trupor dhe
pasuria e tij ishin më pak të mbrojtura se sa aviliumi (pjesëtar i shtresës së lartë të klasës
skllavopronare), por më tepër se e skllavit.
Prof. As. Dr. Agron BEKA
80
është hajn dhe TË VRITET. Pronari i sendit të humbur e fiton atë, blerësi i
fiton nga shtëpia e shitësit paratë që i ka paguar (Neni: 9);
- Nëse blerësi nuk i sjell shitësin dhe dëshmitarët, para të cilëve e ka
blerë, kurse pronari i sendit të humbur i sjellë dëshmitarët, të cilët e njohin
sendin, atëherë blerësi është hajn dhe do TË VRITET, pronari do ta marrë
sendin që e ka humbur (Neni: 10);
- Nëse pronari i sendit të humbur nuk i sjell dëshmitarët, të cilët e
njohin sendin, ai është i pandërgjegjshëm dhe shpifës, TË VRITET (Neni:
11);
- Nëse dikush vjedh djalin e huaj të mitur, TË VRITET (Neni: 14);
- Nëse dikush nga porta e nxjerr skllavin ose skllaven e pallatit ose
skllavin e ndonjë mushkeni, ose skllaven e ndonjë mushkeni, TË VRITET
(Neni: 15);
- Nëse dikush në shtëpinë e vet pranon skllavin os skllaven e ikur, të
pallatit ose të ndonjë mushkeni, dhe në thirrjen e hapët të nëpunësit, nuk i
qet jashtë, TË VRITET (Neni: 16);
- Nëse atë skllav e mban në shtëpinë e vet dhe mandej skllavi gjendet
tek ai, ky njeri TË VRITET (Neni: 19);
- Nëse dikush e shpon shtëpinë, para asaj vrime TË VRITET dhe të
varroset (Neni: 21);
- Nëse dikush bën hajni dhe zihet TË VRITET (Neni: 22);
- Nëse në shtëpinë e dikujt shpërthen zjarri dhe dikujt, që vjen ta
fikë, i ngel syri në pronën e pronarit të shtëpisë, merr pronën e pronarit të
shtëpisë, TË HIDHET PO NË ATË ZJARR (Neni: 25);
- Nëse luftëtari ose nëpunësi, i cili merr urdhër të niset në rrugë të
mbretit (në luftë), nuk shkon, e paguan një zëvendës, zëvendësi i tij shkon,
luftëtari ose nëpunësi TË VRITET, zëvendësi i tij do ta marrë shtëpinë e tij
(Neni: 26);
- “Nëse guvernatori ose prefekti lejon lirimin e luftëtarit dhe për
shërbim të mbretit merr dhe dërgon të paguarin si zëvendës, ai guvernator
ose prefekt TË VRITET” (Neni: 33);
- “Nëse guvernatori ose prefekti ia merr luftëtarit pronën, i shkakton
dëm luftëtarit, në process luftëtarin ia dorëzon më të fortit, luftëtarit ia merr
dhuratën që ia ka dhënë mbreti, ai guvernator ose prefekt TË VRITET”
(Neni: 34);
- …të vritet. (Neni: 98)
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
81
- Nëse tavernjerja si cmim të pijes nuk e pranon drithin sipas peshës
së madhe, por merr para, dhe nëse cmimi i pijes në krahasim me drithin
është më i vogël, kjo duhet të provohet ndërsa ajo DO TË HUDHET NË
UJË (Neni: 108);
- “Nëse tavernjerja, kur në shtëpinë e saj tubohen komplotistët, nuk i
zën ata dhe nuk ia dorëzon pallatit, TË VRITET” (Neni: 109);
- Nëse gruaja e shuguruar (e cila nuk guxon më të martohet) hap
tavernenë ose hyn në tavern për të pirë, TË DIGJET (Neni: 110);
- Nëse i burgosuri vdes në shtëpinë e burguesit nga dajaku ose
keqtrajtimi patroni i të burgosurit do ta ftojë në gjykatë burguesin e tij; nëse
i vdekuri ka qenë biri i njeriut të lirë, DO TË VRITET biri i tij (i burguesit),
nëse ka qenë skllav, do të paguajë një të tretën e minës së argjendit, dhe do
të humbë krejt cka ka dhënë hua (Neni: 116);
- Nëse gruaja e dikujt zihet në shtrat me një mashkull tjetër, të lidhen
dhe TË HIDHEN NË UJË, nëse pronari i gruas dëshiron, mund të lejojë që
gruaja të jetojë, e mbreti i skllavit që skllavi të jetojë (Neni: 129);
- Nëse ndonjë njeri dhunon femrën e huaj, e cila ende nuk ka pasur
marrëdhënie me mashkul dhe ende jeton në shtëpinë e babait, dhe tek ajo
me atë rast zihet, ai njeri TË VRITET, gruaja le të jetë e lirë (Neni: 130);
- Nëse ndonjë njeri zihet rob lufte e në shtëpinë e tij ka se cka të
ngrënët, e nëse gruaja del prej shtëpisë së burrit dhe shkon në ndonjë shtëpi
tjetër, për atë se ajo grua nuk e ruan trupin e vet dhe për atë se shkon në
shtëpi tjetër, të qitet para gjyqit dhe TË HIDHET NË UJË (Neni: 133);
- Nëse ajo nuk ka të drejtë, nëse del nga shtëpia, shtëpinë e
shkatërron, burrin e lë pas dore, ajo grua TË HIDHET NË UJË (Neni:
143);
- Nëse gruaja e ndonjë e vret burrin e vet për ndonjë meshkull tjetër
TË QITET NË HU (Neni: 153)14
;
- Nëse dikush i zgjedh djalit të fejuarën , e djali kontakton me të,
kurse ai me të fled he me atë rast zihet, TË LIDHET DHE TË HIDHET NË
UJË (Neni: 155);
- Nëse dikush fle me të ëmën pas vdekjes së babait të vet, që të dytë
TË DIGJEN (Neni: 157);
- Nëse ajo grua vdes, TË VRITET vajza e tij - e sulmuesit (Neni:
210)15
;
14
Të varet në litar.
Prof. As. Dr. Agron BEKA
82
- Nëse dikush e mashtron kirurgun dhe nëse ky e vulos dikë me vulë
të skllavit të patjetërsueshëm, ai njeri TË VRITET dhe të varroset në
shtëpinë e vet: kirurgu do të betohet: “nuk e vulosa me dije” dhe do të jetë i
lirë (Neni: 227);
- Nëse ndërtuesi ia ndërton tjetërkujt shtëpinë dhe nuk ia ndërton të
fortë dhe shtëpia, të cilën e ngrit, rrënohet dhe e mbytë pronarin, TË
MBYTET ndërtuesi (Neni: 229);
- Nëse mbytet djali i pronarit, TË VRITET djali i atij ndërtuesi
(Neni: 230).
Njohja në vija të përgjithshme e Kodit të Hamurabit shërbeu si bazë
për të krijuar një përfytyrim të mjaftueshëm për të drejtën penale të krej
Lindjes së Lashtë, e cila u bë burim kryesor i së drejtës penale
skllavopronare.16
b) Dënimi me vdekje sipas “Kur’an”-it17
(610 - 632)
Kur’ani18
si një ndër burimet kryesore të së drejtës së Sheriatit
përveç që përmban dispozita me karakter moralo – fetar, ai përmban edhe
dispozita të karakterit juridik, por që në esencë edhe këto janë të përshkruara
me një frymë fetare, që dmth se jo rrallë dispozitat e tij kanë më tepër
karakter moral se sa juridik, Përveç dispozitave morale, nga e drejta
familjare, trashëgimore, luftarake (ndërkombëtare). obligative ai përmban
15
Nëse dikush i mëshon vajzës shtatëzënë të njeriut të lirë dhe nga goditja e tillë ajo vdes,
do të vritet vajza e sulmuesit). 16
Ismet Elezi & Ela Elezi, vepër e cituar, fq.16. 17
Agron Beka, Dënimi me vdekje në të drejtën penale”, fejton, “Bota e re”, nr.21, Prishtinë,
1990. 18
Në Kur’an (Suretu el Bekare, kap. 2 ajeti 2) shkruan: “Ky është libri që nuk ka dyshim në
të (sepse është prej Allahut), është udhëzues për ata që janë të devotshëm”. Autori Jetish
Bajrami në parathënien e KUR’AN-it (me përkthim dhe komentim të H. Sherif Ahmeti,
Prishtinë, 1988) shkruan: “Kur’ani, pa dyshim është Fjalë e Allahut, KELAMULL-
LLAH, i cili në formë të Shpalljes iu dërgua Muhammedit a.s. Ai i zbriti Muhammedit
a.s. për ta orientuar drejt në besimin në një Zot dhe për t’i nxjerrë njerëzit nga errësira
dhe injoranca dhe për t’i shpjerë në dritë, në rrugën e drejtë, në rrugën e njerëzisë e të
emancipimit dhe të prosperitetit e të progresit individual dhe shoqëror”. Ndërsa, Dr.
Mehmed Begovic në “Serijatsko bracno pravo”, Beograd, 1936, fq. 68, shkruan: “Kur’ani
është burim themelor-kryesor i islamizmit dhe për të paraqet një lloj kushtetute”, ndërsa
autori S. Jasic: në “Zakoni starog i srednjeg veka”, Beograd, 1986. fq. 68 shkruan:
”Kur’ani është burim themelor i të së drejtës së Sheriatit – libër i shenjtë që përmban
dispozita hyjnore që Muhammedi ia la popullit”.
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
83
edhe dispozita nga e drejta penale, ku me rëndësi shqyrtimi është, sidomos i
quajturi dënim HADD19
.
Dënimi HADD në vete përmban dy lloj dënimesh:
1) DËNIME TRUPORE- siq janë:
a) Dhënia e një numri të konsiderueshëm të rënash (80 deri në
100);
● Në Suretu “en Nurë”, kaptina 24, ajetet 4 dhe 2, thuhet:
“Edhe ata të cilët bëjnë shpifje për gratë e ndershme dhe nuk sjellin
katër dëshmitarë, t’i rrahni ata me nga tetëdhjetë të rëna dhe atyre mos u
pranoni dëshminë më kurrë. Të tillët janë të pabesueshëm”. Dispozitë
obliguese është që:
“Laviren dhe lavirin t’i rrahni, secilin prej tyre me nga njëqind të
rëna, dhe në zbatimin e dispozitave të Allahut mos u tregoni zemërbutë ndaj
atyre dyve, nëse jeni që besoni Allahut dhe botës tjetër. E gjatë zbatimit të
ndëshkimit ndaj tyre, le të jenë të pranishëm një numër besimtarësh”.
b) Prerja e dorës për hajni.
● Në Suretu “el Maide”, kaptina 5, ajeti 38, thuhet:
“Vjedhësit dhe vjedhëses preni duart, si shpagim t’ veprës që bënë
(kjo masë është) dënim nga Allahu. Allahu është i fuqishëm, ligjdhënës i
urtë”.
2) DËNIMIN ME VDEKJE - i cili mund të shqiptohej për:
a) Marrëdhënie seksuale jashtëmartesore të kryer nga personat e
martuar (mysliman);
b) Grabitje (që dmth. Prerje të rrugës).20
Ndërsa sipas autorit Josip Molnar në “Bota pa trekëmbësh”21
, dënimi
me vdekje sipas Kur’an-it shqiptohet për këto vepra:
19
Mr. Ejup Sahiti: “Disa njohuri themelore për të drejtën e Sheriatit”, revista “E drejta”, nr.
2, Prishtinë, 1985, fq. 169, shkruan: “Hadd quhet ai sanksion që parashihet për ato pak
vepra penale të inkriminiuara me Kur’an siç janë: marrëdhënia seksuale jashtë kurorës,
shpifja për kurvëri, dehja, vjedhja dhe grabitja, për të cilat përveç për shpifje, ndjekja
bëhet ex officio, sepse konsiderohet se cënohet e drejta hyjnore. Në të vërtetë sanksioni
had përmban në vete disa lloje të dënimiy…”. 20
Mr. Ejup Sahiti, vepër e cituar, faqe 169 - 172. 21
Fejton, “Rilindja”, 1989, nr. 16.
Prof. As. Dr. Agron BEKA
84
a) Tradhti bashkëkohore;
b) Dhunim;
c) Raste të rënda të imoralitetit (p.sh. Zina-ja).22
● Në Suretu “en Nisaë”, kaptina 4, ajeti: 15, thuhet:
“Ato nga gratë tuaja që bëjnë imoralitet (zina), kërkoni që kundër
tyre të dëshmojnë katër vetë prej jush (burra); nëse vërtetohet me
dëshmitarë (imoraliteti), mbyllni ato në shtëpia derisa t’i marrë vdekja ose
derisa Allahu të përcaktojë ndonjë rrugë për to”.
Lidhur me çështjen e shqyrtuar më parë, ja një rast i cili ka ndodhur
në Pakistan (Islamabad):
“Mohamed Servar e Shahida Pervin u burgosën e u dënuan me
vdekje pasi që u martuan, me ç’rast martesa e parë e Shahidës, sipas
vlerësimit të gjyqit të shkallës së parë, nuk ishte shkurorëzuar siç duhet. Kjo
mjaftoi që të dy të shpallen përgjegjës për veprën e “ZINAS” (marrëdhënies
seksuale jashtë martesës) për të cilën sipas të “Drejtës së Sheriatit”
parashihet dënimi me vdekje – Gjuajtja me gurë. Gjyqi i Apelacionit në
Karaqi konstatoi se martesa e parë e “kundërvajtëses” ishte shkurorëzuar
legalisht, prandaj edhe e abrogoi vendimin e gjyqit më të ulët me të cilën
Mohamedi dhe Shahida ishin dënuar me vdekje, për shkak të tradhëtisë
bashkëshortore. Por rasti nuk përfundiu me kaq, sepse “tradhtarët” u liruan,
ndërsa kundër burrit të pare të Shahides u hap procedura për paraqitje të
rrejshme. Ky vendim i Gjyqit të Lartë në Karaqi është i rëndësishëm për
faktin se në të thuhet: “dënimi me vdekje nuk ka mundur të shqiptohet edhe
sikur vendimi për shkurorëzim të mos ishte i plotfuqishëm, sepse e drejta e
Sheriatit parashesh se “ZINA” mund të dëshmohet vetëm me deklaratat e
katër dëshmitarëve”.23
Sipas autorit Mr. R. Çeliq, avokat: “Dënimi me vdekje sipas Kur’an-
it mund t’i shqiptohej për dëshmi të rrejshme dëshmitarit. Këtë mendim të
Çeliqit e kundërshtojnë shumë autorë të së drejtës penale - islame të cilët
duke u mbështetur në Kur’an (24:23,24) kanë ardhur në përfundim se: “nuk
22
“ZINAJA”- prostitucioni, kurvëria është një prej veseve më të shëmtuara që rrënon në
themel qytetërimin e një basgjësie njerëzore, andaj feja ka paraparë masa të rrepta
ndëshkuese kundër bartësve të kësaj dukurie, e me qëllim të formimit të individëve me
moral të lartë e të pastër, të cilët do ta përbëjnë një bashkësi të lumtur me virtyte shumë të
larta. (H. Sh. Ahmeti në komentin e tij: “Kur’an-i”, përkthim me komentim, 1988). 23
Agron Beka, Dënimi me vdekje sipas Kur’ani-it (610- 632), “Dituria Islame”
(Legjislatura Islame), nr.70, Prishtinë, 1995, fq.46 – 47; Gazeta “Rilindja”, me titull:
“Lirimi”.
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
85
është fjala për dënimin me vdekje për dëshmi të rrejshme, sepse dëshmitarët
(katër duhej të ishin) apo ndonjëri prej tyre në çdo kohë mund të deklaronin
(para kadiut) se tërhiqen nga dëshmia e dhënë më pare. Prandaj, sikur e
drejta t’i kanosej denim me vdekje për dëshmi të rrejshme, mendojmë se
mundësia e tërheqjes nga dëshmia do të kishte qenë iluzore”24
. Pra, sipas të
Drejtës së Sheriatit “pasojat e dëshmisë së rrejshme pikësëpari janë të
natyrës morale”.25
Sipas autorit Dr. Mehmed Begoviqit, Kur’an-i parashesh dënim të
dyfishtë:
a) Dënim nga ana e faktorëve shtetërorë;
b) Dënim nga ana e Zotit në këtë apo në “Botën tjetër”26
. Po ashtu
kur është fjala për dënimin me vdekje, kemi të bëjmë me:
- Dënimin me vdekje në këtë Jetë – Botë (si të tilla ishin rastet e
lartëcekura);
- Dënimi “me vdekje” në “Atë Jetë – Botë” (pra, “kur i vdekuri
dënohet me dënim me vdekje”).
● Kështu në Suretu “En-nisa”, kaptina 4, ajeti 10, 14, 30, 56,
thuhet:
“Ata që e hanë pa të drejtë pasurinë e jetimëve, në të vërtetë ata
hanë atë që mbush barkun e tyre zjarr dhe do të futen në zjarrin e
xhehenemit”.
“Kush e kundërshton Allahun dhe të dërguarin e tij, dhe i shkel
dispozitat e Tij, atë e shtie në zjarr të përjetshëm. E për të është një dënim i
rëndë”
“Kush bën këtë (që e ndaloi Zoti) qëllimisht dhe tejkalon kufijtë, Ne
do ta hedhim atë në një zjarr të fortë. Dhe kjo është lehtë për Allahun”.
“Është e vërtetë se ata, që mohuan argumentet Tona, do t’i hedhim
në zjarr. Sa herë që u digjen lëkurat e tyre, Ne ndërrojmë lëkura të tjera që
të shijojnë dënimin. Allahu është i plotëfuqishëm, i drejtë”.
● Në Suretu “El maide”, kaptina 5, ajeti 33, thuhet:
24
Mr.Ejup Sahiti, vepër e cituar, fq.173 – 174; Radislav Čelić, Svedoci kao dokazno
sredstvo”, Kraleve, 1972, fq.9. 25
Po aty, fq.173; “Kur’an” (2:282). 26
Dr.Mehmet Begovic, vepër e cituar, fq.68; “Kur’an” (99:7,8); Mr.Ejup Sahiti, veper e
cituar, fq.161.
Prof. As. Dr. Agron BEKA
86
“Dënimi i atyre që luftojnë (kundërshtojnë) Allahun dhe të
dërguarin e Tij dhe bëjnë shkatërrime në tokë, nuk është tjetër vetëm se të
mbyten ose të gozhdohen ose (të gjymtohen), t’u priten duart dhe këmbët e
tyre të anëve të kundërta, ose të dëbohen nga vendi. Kjo (masë ndëshkuese)
është poshtërim për ta në dynja, dhe në botën tjetër ata do të kenë dënim të
madh”.
● Në Suretu “El Haxhxh”, kaptina 22, ajetet 9, 19, 22, thuhet:
“Ai që shtrëmbëron qafën (në shenjë mendjemadhësie), e përpiqet t’i
humbë njerëzit nga rruga e Allahut. Atij do t’i takojë poshtrimi në këtë jetë,
ndërsa në ditën e kiametit atij do t’ia veshim dënimin e djegies (të zjarrit)”.
“Këta janë dy kundërshtarë (grupe kundërshtarësh: besimtarë dhe
jobesimtarë), që janë zënë rreth Zotit të tyre; e atyre që nuk besuan, u qepën
rroba prej zjarrit e u hidhet uji i valë mbi kokat e tyre”.
“Sa herë që përpiqen të dalin prej tij nga vuajtjet e padurueshme,
kthehen me dhunë në të përsëri (u thuhet): “ Vuane dënimin me djegie!”
● Në Suretu “Gafir” kaptina 40, ajetet 70, 71 dhe 72, thuhet:
“Ata janë që përgënjeshtruan librin (Kur’anin) dhe atë me çka Ne i
dërguam të dërguarit tanë, e më vonë ata do të kuptojnë”.
“Atyre do t’u vihen prangat dhe zinxhirët në qafat e tyre e do të
zhyten në ujin e valë dhe pastaj do të digjen në zjarr”.
● Në Suretu “El kamer”, kaptina 54, ajetet 47 dhe 48, thuhet:
“S’ka dyshim se idhujtarët kriminelë, janë edhe në një huti edhe në
një zjarr të madh”.
“Ditën kur me fytyrat e tyre do të tërhiqen zvarrë në zjarr.“Vuanie
dënimin Sekar”(emër i një xhehenemi)”.
Pra kemi ende raste kur dënimi “me vdekje” në këtë apo “në atë Jetë
– Botë”, shqiptohet për shkeljen e dispozitave të “Kur’an”-it.
Sipas “Kur’an”-it disa nga mënyrat e ekzekutimit të dënimit me
vdekje janë:
● Mbytja, gozhdimi ose gjymtimi (“ Suretu el Maide”, 5:33);
● Futja në zjarrin e përjetshëm të xhehenemit (Suretu “En nisa”,
4:10,14);
● Zhytja në ujin valë (Suretu “Gafir”, 40:71, 72);
TRAJTIMI I DËNIMIT ME VDEKJE SIPAS BURIMEVE JURIDIKE GJATË HISTORISË
87
● Gjuajtja me gurë 27
(Rasti në Pakistan);
● Mbyllja në shtëpi deri në vdekje (Suretu “En-nisa”, 4:15). Këtu
kemi të bëjmë me kombinimin e shqiptimit të dënimit: Burg i
përjetshëm dhe dënimit me vdekje.
Mendimet e autorëve janë të ndryshëm lidhur me numrin e veprave
për të cilat parashihet dënimi me vdekje sipas (Kur’an-it) të së Drejtës së
Sheriatit. Përkundër kësaj Kur’ani ka anën e vet pozitive lidhur me numrin e
vogël të veprave për të cilat parashihet dënimi me vdekje (nga ana e
faktorëve shtetërorë), gjë që nuk mund të thuhet edhe për mënyrën e
ekzekutimit të dënimit me vdekje.
27
Rasti i cekur më lartë, i ndodhur në Pakistan.
Prof. As. Dr. Agron BEKA
88
Prof. As. Dr. Agron Beka
TREATMENT OF THE DEATH PENALTY UNDER CERTAIN
LEGAL RESOURCES THROUGHOUT HISTORY
Abstract
The right to life is a fundamental human right, the right protected
and guaranteed by the highest local and international legal acts. This is an
indispensable right guaranteed by the Universal Declaration of Human
Rights of 1948 and the European Convention on Human Rights (1950).
Today's modern world is characterized by various developments such as
economic, political, social, etc., which affect the appearance of various
criminal offenses that as a consequences leads to the destruction of the most
precious human values. Therefore, for this reason it is necessary to take
various preventive measures and repressive, in order to prevent criminal
phenomena in society. The topic addressed is a topic that has stirred
controversy among various different authors dealing with the study of the
problems of the death penalty (pro and contra). Treatment object of this
paper is the overview of the death penalty throughout history, according to
the Code of Hammurabi and by "Quran”.
Key words : punishment , death penalty , penalty , crime , criminal
offenses , the Code of Hammurabi , "Qur'an " , etc.