Politihunden Falk på farleg oppdrag
-
Upload
det-norske-samlaget -
Category
Documents
-
view
229 -
download
4
description
Transcript of Politihunden Falk på farleg oppdrag
TONE NØRVÅGPolitihunden Falk til teneste! Samlaget 2011
Politihunden Falk på nattevakt. Samlaget 2012
Politi
Politi
Politi
Politi
Politi
Politi
Bli med schæferhunden Falk på den første arbeidsdagen hans som politihund!
Det har skjedd fæle ting på barneskulen i løpet av natta, og
hundepatruljen blir tilkalla for å ordne opp. Falk må bruke sansane
sine til å løyse oppdraget i lag med hundeføraren sin, Hanne.
Klarer dei å finne gjerningsmannen?
Tone Nørvåg jobbar som politi på Herøy på
Sunnmøre. Dette er den første boka hennar.
samlaget.no9 7 8 8 2 5 2 1 7 8 4 3 2
ISBN 978-82-521-7843-2
Tone NørvågPolitihunden
FalkPolitihunden
Falk
Tone Nørvåg
Po
litihu
nd
en
Falk
til ten
este
!
til teneste!
Tone Nørvåg
Politi
Politi
Politi
Politi
Politi
Tone Nørvåg
På nattevakt
Politihunden
FalkPolitihunden
Falk
Bli med politihunden Falk på nattevakt!
Det er kveld på Holmøyane, og Falk og politidama hans, Hanne, har
nattevakt. Falk håper å fange ein etterlyst tjuv, men det er også andre
som er ute i mørket ... Mystiske lydar fører dei til gullsmeden i sentrum,
og før natta er over har Falk endå ein gong fått vist kva han duger til.
Tone Nørvåg jobbar som politibetjent på
Herøy på Sunnmøre.
Dette er den andre boka hennar.
Les også: Politihunden Falk til teneste!
Po
litihu
nd
en
Falk
På
natte
va
kt
samlaget.no9 7 8 8 2 5 2 1 8 1 9 1 3
ISBN 978-82-521-8191-3
Les også:
Tone Nørvåg
POLITIHUNDEN FALK
PÅ FARLEG OPPDRAG
SamlagetOslo 2014
© Det Norske Samlaget 2014www.samlaget.no
Omslagsdesign: Kine Røst
Printed in PolandTrykkeri: Scangraphic ASBoka er sett med Stone Serif 13 pkt
ISBN 978-82-521-8255-2
5
1
Ein ulande snøstorm herjar over Holmøyane
medan Mathias kjempar seg framover i
nattemørket. Vinden piskar mot kinna og
slit i kleda hans, men han ensar det ikkje.
Han har eit viktig oppdrag: Miljøsvinet
må stoppast! Flaksande snøfnugg tett i tett
gjer det vanskeleg for Mathias å sjå kvar
han set føtene, men han er godt kjend med
vegen. Dei andre står nok og ventar på han
no. Han set opp farten.
Snøstormen dyttar Mathias i ryggen opp
siste bakken til fyret. Det er ingen å sjå.
6
7
Han kikar seg forsiktig rundt før han opnar
døra og stig inn i det mørke rommet.
Dei andre har ikkje kome. Men dei kjem
vel snart? Han leitar fram kikkerten frå
sekken sin og set seg ved vindauget. Her har
han god utsikt mot fiskeskøyta «Flora». Ho
ligg og duppar bortmed hamna.
Berre vent du, tenkjer Mathias.
Han hakkar tenner. Det er kaldt både ute
og inne.
Pål og Andrea kjem visst ikkje. Har dei
gløymt oppdraget? Dei skulle vere ved fyret
innan klokka fire! No er ho halv fem, og
ingen har dukka opp. Pål svarer ikkje på
melding heller. Søren!
– Eg må gjere det aleine!
Mathias skvett litt når han høyrer si eiga
tynne stemme. Han skriv nokre ord på ein
lapp til dei andre, i tilfelle dei kjem likevel.
8
Han tek med seg målingsbøtta frå sekken
og dreg hetta godt over hovudet før han
snik seg langs sjøkanten mot båtane.
Den gamle dieselmotoren på «Flora» harkar
som ei hås gammal kråke. Båten ligg på
tomgang, og pipa spyr ut svart eksos.
– Liggje her og skjemme ut øya vår på
denne måten, mumlar Mathias irritert.
Han svingar seg lett over rekkverket
med spannet i handa, og trippar bort til
rorhuset. Han jekkar av lokket, dyppar
kosten nedi og kliner raudmålinga utover.
MILJØSVIN skriv han med så store
bokstavar han klarer. Han teiknar eit digert
kryss over båtnamnet.
Brått ser Mathias noko i sidesynet som
beveger seg. Kva var det? Han må nærmare
for å sjå. Nei, fysj og fy! Ei havørn heng opp
ned med klørne knytte stramt saman rundt
9
ein kjepp. Mathias mistar spannet forferda,
og målinga renn bortover det snødekte
dekket. Han høyrer plasket då spannet
treffer sjøen. Mathias rekk så vidt å tenkje:
10
EG MÅ VEKK! før to sterke hender rykker
tak i han bakfrå og dreg han med inn i
båten.
11
2
I Solstien 5 ligg politihunden Falk i korga
si og søv. Den brune langhåra pelsen er
nybørsta og fin, og han luktar som ei
sommar gul blomstereng. Tvillingane Kasper
og Jenny bada Falk før han la seg.
– Shampo for tjukt og glansfullt hår, det
passar perfekt!
Jenny kniste då ho tømte flaska over
Falk sin ustyrlege, lange pels. No er Falk i
drøymeland. Han vrir seg litt på koseteppet,
vert liggjande på rygg med potane til vêrs
og tunga hengande som eit vått slips ned
mot haka. Det er varmt og trygt, og Falk
snorkar der han ligg.
12
Med eitt vaknar Falk av lydar frå loftet.
Hanne romsterer der oppe. Han gjespar og
strekkjer den lange kroppen sin. Lydane
ovanpå er raske, det betyr at ho har lita tid.
Han set seg til å vente ved trappa. Hanne
kjem ned i bra fart, og Falk pip av glede. Ho
har på seg politiuniforma!
– God morgon, Falk!
Ho bøyer seg ned og får ein sleik på
kinnet av sin aller beste firbeinte ven.
13
– Vi må av garde. Dei treng oss på
Sandsøya. Hanne forklarer medan ho tek på
han halsbandet han er så stolt av.
Skal tru kva som har skjedd i natt,
undrar han idet han pressar snuten varsamt
mot soveromdøra til tvillingane. Dei ligg så
fint og søv, berre leselampa mellom sengene
er vaken. Falk må alltid innom for å seie
ha det til Kasper og Jenny før han skal på
oppdrag. Han snusar inn den gode lukta av
bestevenene sine, ryggar stille ut i gangen
igjen, og er klar.
Falk går opp på bakbeina og ser politibilen
gjennom vindauget. Viktor 3-0 er fullstendig
nedsnødd! Han ser så vidt blålysa på taket
gjennom alt det kvite. Hanne kjem med ei
brødskive i munnen, litt forkava.
Sandsøya er eit stykke unna, Falk hugsar
at dei må ta ferje dit. Skal tru kva som ventar
dei der?
14
Hanne tek langkosten og skuflar bilen
rein for snø.
– Hopp inn, kompis! Ho opnar bakluka
på gløtt og lèt den beste politihunden på
Holmøyane finne plassen sin i buret.
Frå styrehuset på ferja ser ein nesten heile
verda. Hav og himmel og øyar så langt
auget kan sjå utanfor dei store vindauga.
Falk sit ved sida av styrmannsstolen og kikar
bedande på skipper Rusten.
– Kan det vere svele du vil ha? Rusten
humrar og deler svela si i to. Falk lograr glad
og sluker godbiten i eit jafs.
– Det kan hende vi treng hjelp av deg,
seier Hanne alvorleg til skipperen, og gir
teikn til Falk at han skal slutte å tigge.
– Kva har skjedd? spør Rusten. Falk
spissar øyra. Han veit det heller ikkje.
15
– Det er ein gut som har forsvunne, seier
Hanne. Falk kikar på henne. Forsvunne?
Hanne les i notatblokka si.
– Ein 11-åring som heiter Mathias er
sakna frå heimen sin.
Hanne kikar på Rusten. – Eg vil at du
skal høyre litt rundt, finne ut kva folk veit.
16
Rusten nikkar.
– Eg ringer deg så snart eg har noko å
bidra med.
Rusten noterer Hanne sitt telefon-
nummer i skipsboka si. Som gammal ferje-
mann kjenner han mykje folk, både av den
eine og den andre sorten. Han seier han vil
nøste litt i dette.
Falk går ut på dekket. Det er bra ruskete
vêr, men ikkje så gale at det er til å få sjøverk
av. Den verste stormen har heldigvis roa seg.
Han uroar seg for Mathias. Elleveåringar skal
sove trygt heime i senga si no, sånn som
Kasper og Jenny gjer …
17
3
I messa om bord i «Flora» slår to sinte nevar
i bordet så ein tom kaffikopp dett utfor
kanten. Han hamnar på dørken i tusen knas.
Mathias skvett til.
– Slutt med den sutringa, gut!
Stemma til kapteinen stig til eit brøl,
og spyttet fyk ut av munnen hans som
sidelengs regn i stiv kuling. Mathias kikar
skremd ned i fanget sitt. Han er så redd at
han held på å tisse i buksa.
Kapteinen minner Mathias om ein
svolten bjørn: ville brune auge, rufsete hår,
og ein nase som har hatt besøk av fleire
18
knyttnevar opp gjennom åra. Han har til
og med ein diamant i den eine framtanna.
Men det skumlaste med han er arret,
som strekkjer seg heilt frå augebrynet til
munnvika.
Lampa over bordet svingar sakte fram og
tilbake, og båten ruggar og knirkar i takt
med bølgjene utanfor.
– Eg vil berre heim, ver så snill, prøver
Mathias forsiktig. – Eg er lei meg, eg tenkte
ikkje ...
– STILLE! glefser kapteinen. Han har
bestemt seg. Guten kan ikkje få gå på land.
Han må straffast.
– Dette er du skuld i sjølv! brummar
han. – Opp med deg!
Mathias vert skubba innover ein gang,
forbi eit stort bur med den skumlaste
hunden han nokon gong har sett.
19
20
Hunden angrip buret frå innsida, han glefser
og knurrar så bjeffa smell i veggane.
Kapteinen sparkar i buret.
– Tei still, Bosco!
Han skubbar Mathias inn på ein
knøttliten lugar. Det luktar sur sild og
kvalmande diesel. Døra smell igjen bak han,
og låsen vert vridd rundt utanfrå. Mathias
sig ned på køya. Aldri har han kjent seg så
fortapt og aleine.
21
4
– Det er så stille her utan Mathias.
Ingrid, mor til Mathias, står i døra til
rommet hans i Fjordgata 12. Hanne og Falk
undersøkjer rommet.
– Vi fattar ikkje kvar gutungen har
gjort av seg, seier Olav, far til Mathias, med
skjelven stemme.
Hanne og Falk forstår at foreldra er
frykteleg fortvila.
– Fortel kva som skjedde, seier Hanne.
– Då vi kika inn på rommet hans i dag
tidleg, var det tomt. Dyna låg på golvet.
Sidan har vi leita overalt, både her heime
22
og rundt på øya, men han er søkk borte.
– Vi fattar det ikkje, sukkar Olav.
Falk kjenner at det luktar Mathias av
sengekleda. Han jobbar med snuten rundt
heile dyna, og får Mathias si lukt festa i
minnet. Varmen er forsvunnen ut av senga,
så guten har nok fleire timars forsprang.
23
Hanne slår på Ipaden som ligg på
nattbordet. BELLONA lyser mot henne.
Olav ser det same.
– Mathias er oppteken av miljøet,
forklarer han.
Hanne nikkar.
Falk står og snusar på ein mobilladar.
Hanne ser kva Falk har funne.
– Har Mathias telefon?
– Ja, den har han nok med seg, men
han svarer ikkje, seier Olav.
– Dette er heilt ulikt Mathias, seier
Ingrid. – Han har aldri gjort noko slikt før.
Hanne ser at Falk er utolmodig etter å
starte søket. Han står i døropninga og ser
etter henne. Ho må berre instruere foreldra
fyrst.
– De blir her i tilfelle Mathias skulle
dukke opp. La oss ta oss av leitinga. Ring
meg uansett kva de kjem på. Eg må vite
24
kva han hadde på seg og om noko er vekke frå
heimen.
Hanne skannar rommet medan ho
snakkar.
– Og vi må få namn og adresser til venene
hans.
25
Ingrid nikkar, set seg på huk framfor
Falk og ser han bedande inn i auga.
– Finn guten min, kviskrar ho.
Falk legg den eine poten trøystande på
kneet hennar.
Falk finn vegen ned trappa og inn på
vaskerommet, ut bakdøra. Her har Mathias
gått nokre timar tidlegare, det kjenner han
godt. Lukta hans heng igjen i lufta.
Samtidig som Hanne går etter Falk ut
i den kalde morgonen har Operasjons-
sentralen sett eit stort apparat i sving for å
finne den sakna guten. Hanne veit at leite-
mannskap har møtt opp på bedehuset, og
der er politibetjent Flo i full sving med å
leie aksjonen.
26
5
Bak den låste døra på lugar nr. 4 ligg Mathias
og torer nesten ikkje å trekkje pusten. Han
fiklar forsiktig under puta og finn fram
IPhonen. Han streika ute i kulda, men
kanskje har han varma seg opp no? Utruleg
flaks at kapteinen ikkje fann telefonen. Han
vart rasande då han oppdaga kva Mathias
hadde gjort.
Mathias skjelv på hendene der han prøver
å få liv i mobilen. Nei, han er nok for kald
enno. Får håpe der er nok batteri! Han kikar
ut gluggen og ser at dagslyset held på å presse
vekk natta.
27
Mathias kan ikkje fatte at han er
innestengd. Kidnappa! HAN! Så merkar han
at båten flyttar på seg. Motorduren vert
sterkare og fortvilinga til Mathias like eins.
28
6
Falk kjenner at lukta vert svakare når han
kjem ut i snøen. Han snusar seg av garde,
over markene, forbi kyrkja på haugen,
over den attfrosne Blåelva og ned mot
campingplassen. Der finst ingen spor i
snøen, vinden har viska vekk alt.
Falk følgjer instinkta sine. Han grev
snuten ned i snøen, fnyser og blæs, luktar
og grev. Så halsar han vidare. Han styrer
dei nedover mot sjøen, som ligg og glinsar i
den låge vintersola. Så stoppar han ved ein
lyktestolpe, går litt rundt og gjer vending
mot venstre.
29
– Kvar endar vi no då, lurer Hanne på,
der dei trakkar i snø til knea. – Der framme
ligg Lisjeblink!
Falk ser også det vesle fyret. Sporet går i
den retninga.
Falk stoppar og kikar på Hanne idet han
høyrer at ho får ei tekstmelding.
– Det er frå far til Mathias, fortel ho,
og blar seg nedover med tastane. – Mathias
var ikledd dette: svart, tjukk boblejakke
med hette, lys grå joggebukse, truleg blå
cherroxar, ei kvit lue med svart mønster.
Ryggsekken hans er borte. Ein grøn NIKE-
sekk.
Falk lyttar. Hanne les vidare:
– Eit spann raudmåling og ein kikkert er
også vekke.
Falk ser undrande opp på Hanne.
– Vi får fortsetje leitinga, Falk, så tenkjer
eg han snart dukkar opp.
30
31
Falk dreg Hanne opp bakken mot fyret,
og før dei har rokke å finne igjen pusten ser
dei ein kikkert i det eine vindauget.
32
7
I lugar nr. 4 har Mathias nett vakna.
Motorduren frå båten kan ikkje lenger
høyrast. Har vi stoppa? Han sprett ut av
køya og bort til gluggen. Ligg båten til kai?
Kvar er vi?
Alt han ser er kvitt. Snø og fabrikkbygg.
Gamle kvite murhus med knuste vindauge.
Eit nedlagd fiskemottak, kanskje? Tilbake
i køya leitar han etter telefonen. Hjartet
hamrar i brystet hans medan fingrane søkjer
under puta. Verkar han? Han trykkjer spent
på knappen. Nei, ingenting skjer. Mathias
ristar fortvila på hovudet. Kva no?
33
Men akkurat idet han skal til å stappe
telefonen tilbake under puta kjem eit lite
eple til syne på skjermen. JA!! Mathias vert
så glad, han kan ikkje tru det. No må ikkje
kapteinen kome, kjære Gud la meg få ringe
etter hjelp!
Batteriet har 22 prosent igjen. Han
trykkjer 112, og sekunda går. Sekund som
kjennest som timar.
34
8
– Mathias! Hanne roper inn døra til fyret i
håp om å få svar.
Stemma kjem i retur. Falk og Hanne
går inn i lag. Rommet er lite og rundt med
kvitmåla veggar. Fyrlykta i taket har ikkje
lyst på mange år. Det er ingen i rommet.
– Mathias er ikkje her lenger, slår Hanne
fast.
Den tomme ryggsekken hans ligg slengd
på golvet. Falk ser med ein gong noko kvitt
som heng på veggen. Han bjeffar heilt til
Hanne kjem bort.
– Sjå her, ja, kva er dette då, Falk?
35
Eit ark med sirlege bokstavar er hekta på
ein spikar på veggen.
– Høyr her, Falk, dette er interessant: Til
S.M.A. Oppdrag startar som planlagt. Vent
på meg her. M.
Hanne set seg ned ved vindauget og kikrar
ut. Falk står ved sida av og prøver å sjå det
ho ser.
36
– Har Mathias spionert på einkvan?
Hanne pratar med seg sjølv. – Viss han har
skrive denne beskjeden i løpet av natta, så er
det nokon som veit kvar og kva han skulle.
Frå fyret leier Falk Hanne til båthamna.
I sjøen ligg eit målingsspann og slår mot
fjøresteinane.
– Nei og nei. Har han gått hit, Falk?
Hanne kikar bekymra ned i den kalde,
mørkeblå sjøen. Ho tør ikkje tenkje tanken
på at Mathias kan liggje der.
– Søk, Falk!
Hanne og Falk spring langs kaikanten.
Dei leitar etter noko dei ikkje ønsker å finne.
Forsiktig klatrar dei inn under kaia, og auga
deira jaktar vilt nedi det klare vatnet. Lykta
til Hanne lagar lyssirklar i sjøen. Heldigvis er
det ingen Mathias å sjå.
37
Hanne fiskar opp mobilen sin, tastar med
hurtige trykk.
– Kvar er «Hårek»? spør ho kollegaen i
andre enden av telefonlinja.
– Politibåten ligg klar. Dei set fart mot
deg straks.
– Flott, flott, svarer Hanne andpusten.
– «Hårek» må endevende alle båtar i
nærleiken! Og be Flo om å starte søk langs
sjøkanten på denne sida av øya, avsluttar ho.
38
Deretter gir Hanne Falk nye arbeids-
oppgåver. Han snusar og leitar langs flyte-
bryggjene. Ei etter ei vert kontrollerte, men det
er ingen spor etter Mathias. Hanne går langs
kaia og styrer Falk, og for kvar bryggje kjem
han tilbake til henne og får hundesnop.
Kva skulle han midt på natta med måling?
grublar ho.
Det er kaldt, og klokka har blitt ti på
formiddagen. Mathias har vore sakna i fire
lange timar.
Skipper Rusten frå ferja ringer Hanne.
– Eg har fått høyre at ein båt med namn
«Flora» har hatt tilhald på øya i eit par vekers
tid.
– Ja vel? spør Hanne.
– Ja, han gjekk ut i dag tidleg før
morgongry. Det går rykte om snikjakt og ymse
lovbrot her på øya.
39
– Veit vi kvar båten gjekk? vil Hanne vite.
– Nei, han vart sett gå utover mot Djup-
fjorden. Det er alt eg veit.
– Takk, hald meg informert!
Hanne legg på og snur seg mot Falk.
– Eg har på følelsen at det kan liggje noko
her. Ein sjark med skumle saker i lasten og
ein liten miljøaktivist? Her er framleis fleire
spørsmål enn svar, Falk, men vi gir ikkje opp!
Falk ser at Hanne har fått ein glød i auga,
eit håp om løysing.
Både Mathias og «Flora» er vekke. Kan det
vere ein samanheng?
Dei vert ståande tankefulle og stire mot
sjøen ei lita stund. Det er heilt vindstille, og
snøfillene daler langsamt ned frå den grå
himmelen. Hanne held rundt ryggen på Falk.
– Vi må finne Mathias, Falk, vi berre må!
40
9
– Det er veldig viktig at de fortel oss alt de
veit, seier Hanne og ser Pål og Andrea rett i
auga.
Alle rundt kjøkenbordet i Fjordgata 12 er
alvorlege. Dei vaksne ventar på kva ungane
har å fortelje.
– Altså, dette med «Flora» var noko vi
snakka om, for alle veit at ho forureinar
veldig der ho ligg. Ho lek diesel.
Det er Pål som snakkar fyrst. Han gir
ordet vidare til Andrea.
– Vi spionerte nokre gonger frå
Lisjeblink, fortel ho. – Kapteinen lét båten
41
liggje på tomgang, og han kasta søppel over
bord.
Pål nikkar.
– I førgår var det ekstra ille. Då heiv han
flasker rett i moloen så det spruta glasskar
overalt.
42
Falk ser ned på potane sine. Glasskar er
slett ikkje godt å trakke på.
– Vi planla å gi han noko å tenkje på.
Som ei åtvaring.
Stemma til Andrea forsvinn nesten.
Tanken på at Mathias er borte er tung å
bere. Hanne legg lappen frå fyret på bordet.
– Vil dette seie at Mathias var i fyret i
natt og venta på dykk?
Alle les lappen, og Pål og Andrea
nikkar.
– S.M.A står for Sandsøyas Miljø-
Agentar. Vi skulle møtast, men så forsov vi
oss, og no må noko ha hendt med Mathias.
Det er heilt forferdeleg, svarer Pål alvorleg
og gøymer andletet bak skjelvande hender.
Dei vaksne ser på kvarandre.
– Fyrste del av forsvinninga er oppklart,
slår Hanne fast. – Det var viktig at dette
kom fram.
43
Ho ser trøystande på ungane.
– No står det igjen å få svar på to
spørsmål: Kvar er Mathias no? Og kvar er
«Flora»?
Falk reiser seg.
– Ja, no vil Falk ut og leite vidare, seier
Hanne og reiser seg frå bordet. – Det som er
viktig no er å halde saman. Politiet skal nok
finne Mathias!
Hanne småpratar med Falk på veg ut til
Viktor 3-0.
– No gjeld det å samle fleire bitar i
puslespelet.
Falk er einig. Dei manglar framleis den
viktigaste brikka: Mathias.
– Kven kan ha sett mannskapet på
«Flora»? spør Hanne medan politibilen
køyrer sakte frå Fjordgata.
Falk gøyr når dei passerer butikken.
44
– Godt tenkt, Falk! Der står snøplogen til
Plog-Emil! Det er verdt eit forsøk.
Brøytebilen har mykje å gjere på snørike
dagar, men også brøytemannskap må ha
matpausar. Inne i butikken står Plog-Emil og
skravlar med Emma bak disken.
45
– Hei, helsar Hanne og børstar av seg og
Falk litt snø idet dei kjem inn.
– Hallo, er det noko nytt om Mathias?
spør Emil bekymra.
Alle på den vesle øya har fått med seg at
det er leiteaksjon på gang.
– Vi leitar med full styrke. Eg jaktar på
opplysningar om båten «Flora», som har
vore her eit par veker, seier Hanne.
Plog-Emil bøyer seg for å helse på Falk.
Han er ein luring, og han får med seg
litt forskjellig når han køyrer rundt med
snøplogen.
– Du meiner sikkert den gamle balja til
han sværingen?
Falk kikar spent opp på Hanne. Ho
noterer på blokka si.
– Ja, kanskje. Kva har du sett? spør
Hanne.
Emma lyser opp.
46
– Han med arret? Han har vore innom
butikken eit par gonger i lag med eit beist av
ein hund. Litt skummel type!
Emma sperrar opp auga og blæs ei boble
som sprekk over nasen på henne.
– Såg ut som han hadde fått ein sabel i
trynet, seier Emil.
– Eg må vite alt om denne mannen. Kva
tid var han her, var han aleine, var det andre
som såg han?
Spørsmåla dett i rekkje og rad ut av
Hanne, og Emma nikkar storøygd tilbake.
– Eg kan godt teikne mannen om du vil,
kjem det blygt frå henne.
Falk ser at ho vert litt raud i kinna.
– Det vil eg veldig gjerne!
Hanne gir Emma eit ark, og saman med
Falk står ho spent og ventar på resultatet.
47
10
– Politiets nødtelefon!
Mathias hoppar nesten i senga, det
svarer i andre enden! Han vert så glad for å
få svar at han ikkje heilt veit kva han skal
seie.
– Hallo, hei, eg må ha hjelp!
Mathias kviskrar engsteleg og raskt.
Dama på sentralen svarer roleg og høfleg, ho
ber Mathias om å fortelje.
– Eg heiter Mathias Vik. Eg er innestengd
i ein båt, men eg veit ikkje kvar vi er!
Mathias er så letta over å få kontakt med
politiet at han græt stille.
48
– Så fint at du ringde oss, Mathias, vi
leitar etter deg! seier politidama i telefonen.
– Fortel meg kva du ser.
– Vi ligg inntil land, det er ei diger kai
utanfor her, mange kvite murhus. Kjem de
og hentar meg snart? Eg vil heim!
– Ja, no skal vi halde kontakten så lenge
vi kan, Mathias, og vi skal finne deg og få
deg heim!
Mathias kjenner at det gjer godt å snakke
med politidama.
– Du, eg ser eit grønt hus litt lenger oppe
i bakken, det liknar eit lagerbygg, fortset
han.
– Det er kjempefint, Mathias, kan du sjå
folk der?
– Nei, ingen. Vi er her aleine, kviskrar
han.
Mathias tviheld på telefonen, livredd for
å miste kontakten.
50
11
– Slik ser han ut!
Andrea held opp skissa si så dei andre får
sjå.
– Ja, verkeleg likt!
Emil er imponert. Hanne kjenner igjen
Ben Ronny Mork med det same. Falk ser at
ho grøssar. Hanne veit at Mork er ein kald
fisk. Ho har arrestert han før.
– Tusen takk, Andrea, du er verkeleg god
til å teikne!
Hanne plukkar med seg arket,
og dei skundar seg ut til hundebilen.
Operasjonssentralen ringer i det same.
51
Hanne set han på høgtalar.
– Vi har Mathias på nødlinja, seier
politibetjenten frå politihuset. – Han sit
fanga om bord i «Flora»!
Falk sperrar opp auga, og Hanne kjem
med eit lite utrop. Endeleg livsteikn!
– Telefonen hans er i området Hansvika,
ved den gamle fiskebollefabrikken. Båten
52
ligg til kai der, fortel politidama frå
sentralen. – Set kursen dit med det same,
vi varslar «Hårek» og dei andre patruljane.
– Det kan vere gode gamle Benny
Mork som har teke guten, opplyser
Hanne.
– Ja, det kan stemme med beskrivinga
Mathias har gitt oss, svarer dama på
sentralen.
– Vi må ha bevæpning, seier Hanne
og møter Falk sine auge i spegelen.
– Bevæpning er gitt, er svaret ho får.
Hanne ringer til ferjeskipper Rusten
med det same:
– Nødoppdrag, Rusten, vi må av garde
ASAP!
Falk ser stolt på Hanne der ho køyrer
i full fres mot ferjekaia. Dei andre
patruljane kjem like bak. Det går fort, Falk
ser snøspruten stå bak Viktor 3-0. Det er
53
inga tid å miste. Mathias treng dei!
Hanne kallar saman alle kollegaene
til møte i ferjekiosken. Mørkeblå
politiuniformer sit samanklemde på brune
skinnbenkar for å leggje ein god plan.
Kaffikoppane varmar kalde nevar.
– Politibåten har meldt at dei no held
«Flora» under oppsikt. Fiskeskøyta ligg like
innanfor Måseholmen, i Hansvika.
Hanne er sakleg og fortel tydeleg til dei
andre som sit konsentrerte og lyttar.
– Det er ikkje sett folk i eller ved båten
enno. Vi veit ikkje kor mange som er om
bord, men Mathias sit innelåst der. Han
har berre sett éin mann, som vi trur er Ben
Ronny Mork – kjend som Benny Mork.
Det går eit sukk gjennom forsamlinga
av politifolk. Alle har høyrt om han.
– Mathias har beskrive arret. To vitne
har sett det same.
54
Hanne held opp skissa som Emma teikna.
– Dei fleste kan sikkert hugse biljakta då
han køyrde rett inn i ferjebommen, fortset
ho. – Han fekk store skadar, men har nok
ikkje gitt opp det kriminelle livet av den
grunn.
Leif Arne frå lensmannskontoret i Volda
tek ordet:
– Han rana Pengesentralen i Bergen ein
gong, og då skaut han mot politiet. Ha det i
55
bakhovudet, folkens, denne mannen skyr
ingenting!
Falk føler den spente stemninga i ferja.
Dette kan verte farleg. Han gøyr, og då kjem
Hanne på noko viktig.
– Benny har ein stor hund med seg,
kanskje ein pitbull. Eg veit at Benny er glad
i slike.
Alle rettar auga mot Falk.
– Godt vi har deg då, Falk! Leif Arne
blunkar lurt til Falk. – Pitbullen
ligg tynt an!
– Alle går over i kanal 3, beordrar
Hanne. – Sambandssjekk og kontroll av
utstyr før vi køyrer i land.
Ho reiser seg opp, ser Falk alvorleg inn i
auga og avsluttar: – Mathias skal heil heim
til foreldra i dag!
Falk lograr med halen, og alle politifolka
nikkar alvorleg. Slik må det verte!
56
12
Mathias høyrer steg som nærmar seg ute
i korridoren. Han stiller seg borte ved
gluggen og gøymer telefonen bak ryggen.
Lydane stansar utanfor lugaren. Han kan
nesten høyre sin eigen puls.
Ver så snill, ikkje kom inn! roper han
inni seg.
Det fiklar i låsen, og Mathias set seg ned
inntil veggen og gøymer andletet mellom
knea. Han ventar det verste. Han held seg
for øyra, orkar ikkje høyre kva som skjer.
Men ingenting skjer. Han løftar blikket
forsiktig og høyrer at stega forsvinn igjen.
Utanfor bjeffar Bosco.
58
– Han var utanfor her, men kom ikkje
inn, kviskrar Mathias letta til politidama.
– Det var fint, Mathias, politiet er på veg
no. Hald deg i ro, men sjå ut vindauget sånn
at dei kan finne deg fort.
Mathias er ikkje sein om å gjere det ho ber
han om. Han står og speidar til auga vert
såre. Kor lenge er det til dei kjem? Brått ser
han noko mørkt bevege seg nede på kaia.
Kva? Har kapteinen forlate skuta? Mathias
nærmast roper i telefonen.
– No er han på land! Eg ser han nede
på kaia, han går inn i det kvite murhuset!
Mathias høyrer at den same beskjeden vert
gitt vidare til patruljane på politiradioen.
Så vert kontakten broten.
– Hallo? Mathias får ikkje svar. Telefonen
er tom for batteri!
59
13
Falk ligg tett inntil Hanne på utkikspost
ved det grøne lagerbygget.
– Til alle patruljar frå Viktor 3-0:
Situasjonsrapport!
Hanne snakkar med dempa stemme i
politiradioen, og ho får svar med ein gong.
– Mike 2-0 på plass!
– UP 632 på plass!
– Golf 4-2 på plass!
– Fint, då er vi klare. Slutt frå Viktor 3-0!
Falk ser «Flora» hundre meter lenger
nede. Skal tru om Mathias er der? Akkurat
då kjem det ein ny beskjed frå Hanne:
– Viktig melding til alle patruljar:
60
Mathias er observert i glugge nr. 4 på
styrbord side. Slutt frå Viktor 3-0!
Falk strekkjer hals, men han ser ikkje det
same som Hanne ser i kikkerten. Forresten,
der var ein bevegelse i gluggen! Guten er der!
Falk kjempar for å ikkje vifte med halen.
61
Hanne og Falk snik seg langs lagerveggen
i knehøge snøhaugar. Planen går ut på at
dei skal så nær «Flora» som råd, for å få
henta Mathias kjapt ut når sjansen byr
seg. Ingen aner kvar Benny Mork har gjort
av seg. Han kan liggje og lure kvar som
helst.
Falk ser konturane av «Hårek» ute i
sundet, og kystvakta og redningsskøyta er
ikkje langt unna. Dei er mange og sterke.
62
14
Frå lugaren ser Mathias politifolk som
nærmar seg båten. I øvste etasje på murhuset
på kaia ser han kapteinen stå og følgje
med gjennom eit vindauge. Korleis skal
han få varsla politiet om kvar kapteinen
er? Mobiltelefonen er ubrukeleg no som
batteriet er utlada.
Mathias viftar med armane, men det
verkar ikkje som om nokon ser det. Han
merkar at vinden har teke tak i båten på ny,
for det ruggar meir og meir. Han kjenner på
lugardøra. Ho er open! Han kikar forsiktig
ut. Står Bosco i buret, tru?
63
64
Mathias er nervøs, og nærmar seg
listande. Han såg ikkje Bosco nede på kaia
i lag med kapteinen, så han kan liggje
kvar som helst og lure. Hundeburet står
med open dør. Det er tomt. Mathias listar
seg vidare. Det er heilt stille i båten. Ekkelt
stille.
65
15
Samtidig har Falk fått ferten av Benny
og Bosco ved inngangen til det gamle
fabrikkbygget. Han knurrar, og Hanne
forstår kva det betyr.
– Benny! Hanne roper så det nesten
drysser av den kvite murpussen.
Benny svarer ikkje. Men det gjer Bosco!
Hanne og Falk høyrer hunden kome før
dei ser han. Bjeffinga kjem nærmare og
nærmare, og med eitt kjem han springande
rett mot Hanne i tunge klyv. Ho trår eit
kjapt steg til side og slår etter han med
66
batongen. Bingo! Ho treffer han over
nakken, og med eit hyl rullar han rundt før
han på nytt går til angrep.
No har Hanne sleppt taket i Falk.
Hundane står mot kvarandre og flekkjer
tenner, og det er Falk som er mest
utolmodig. Han prøver å bite tak i nakken
på Bosco, men glepp unna. Bosco snur seg
mot Hanne. Det er henne han vil ta fyrst.
Hanne prøver å sparke Bosco, men
bommar skikkeleg og ramlar på ryggen.
Å, nei! Ho prøver å dra seg bakover for å
kome unna det farlege beistet. For ein galen,
galen hund!
Bosco er lynrask, smett på sida av Hanne
og glefser mot armen hennar. Ho greier å få
tak i halsbandet hans. Dei skarpe tennene
hans er farleg nær. Falk stuper etter og set
tennene sine i baken på Bosco. No er alt lov.
67
Bosco hyler og hoppar rundt for å ta
Falk, men Falk er førebudd. Han har rygga
ein meter bakover. Han vil lokke Bosco vekk
frå Hanne så ho kan kome seg unna. Bosco
siklar veldig, og han knurrar i jamn dur
med vidt oppsperra auge. Falk ryggar mot
kaikanten med blikket låst fast på Bosco.
68
Bosco spenner musklane og skal til å
hoppe på Falk. Då ser Hanne Leif Arne i
sidesynet. Han har Bosco i siktet, og like
etter smell det. Bosco dett over ende. Falk er
snar til å springe bort til Hanne. Heldigvis
er det berre hòl i uniforma hennar, og ikkje
i Hanne! Falk snur seg litt skeptisk mot
Bosco, som ligg heilt urørleg på bakken. Han
går forsiktig bort og snusar på han. Bosco
pustar.
– Bosco kjem til å sove godt nokre timar
no, Falk, fortel Hanne.
Falk ser ei pil stå i nakken på han. Leif
Arne løftar den bedøvde hunden forsiktig
opp og ber han bort til politibilen.
Falk knurrar mot murtrappa. Benny er der
oppe.
–Shh, roleg Falk, no må vi tenkje smart!
69
Hanne fordeler arbeidsoppgåvene
mellom alle patruljane så dei får omringa
bygninga. Benny må ikkje få stikke av.
Falk og Hanne legg seg i skjul og ventar
ved trappa på baksida av bygget. Vinden
blæs snø rundt dei, og det er kaldt. Minutta
går. Falk har lyst til å springe opp og
hente Benny, men han veit han må vere
tolmodig.
Så kjenner han det. Det er vibrasjonar
i lufta, og lukta av Benny kjem nærmare.
Hanne merkar på Falk at noko er i ferd med
å skje. Øyra hans står rett opp, han er som
fastfrosen medan han lyttar. Benny er på
veg mot dei. Kanskje han trur at politiet
har gitt opp? Då trur han i så fall feil!
Der får Falk auge på han på avsatsen.
Han kjem tomhendt, listande. Falk går
fram og stiller seg så Benny ser han.
70
Benny kvepp til, og Falk ser at han vurderer
å snu. Falk viser tenner og knurrar, og lyden
er ikkje til å misforstå.
– Kom roleg ned trappa, Benny, så kjem
ingen til skade!
71
Hanne peikar på han med pistolen.
Benny hevar begge armane, og han gjer
som han får beskjed om. Hanne borar
blikket i han. Benny set seg ned på kne.
Falk vert ståande og knurre mot han til
han har lagt seg flat, og Hanne klipsar
handjerna på han.
72
16
Mathias småspring mot det han trur er
utgangen. Han har nett høyrt eit smell. Var
det eit skot? Han er kjemperedd. Så høyrer
han plutseleg ei stemme som roper STÅ I RO!
Mathias skvett som om han skulle ha vorte
skoten, han dett rett i dørken med hovudet
gøymt under redde hender. Var det sånn
det skulle ende? Mathias kjenner at alt vert
svart, han svimar av.
Ei ruglete våt tunge vekkjer Mathias, som
gliper forvirra med auga.
73
– Stopp, Falk, eg må få bere han vekk!
Mathias ser rett opp på ein langhåra
hund med snille auge, og han smiler letta.
Takk og lov at det er ein politihund, og
ikkje Bosco!
Han kjenner at han vert løfta av sterke
armar. Hanne ber han ut til dekk og
hjelper han på land. Der står både politi
og ambulanse og ventar på han. Mathias
er sliten. Han vert lagd på ei båre og trilla
inn i ambulansen.
Hanne vil snakke med Mathias før dei
reiser av garde med han. Mathias kikar
fram frå den varme dyna når døra går
opp. Han ser mange svarte hjelmar med
opne visir. Det er smilande politifolk som
står utanfor. Og ein politihund som kjem
snikande og legg potane på dyna hans.
– Falk vil så gjerne helse på deg,
74
Mathias, seier Hanne, og Mathias nikkar.
– Han har leita etter deg i heile dag, så
gjett om han er glad no!
Ho bøyer seg ned og klemmer Falk, og
Mathias smiler når han ser kor fornøgd
hunden er.
75
– Det var min feil, seier Mathias med
tynn stemme. – Eg tagga på båten.
– Ja, du braut lova, Mathias, det er
sant, svarer Hanne. – Det må vi snakke om
seinare. Det viktigaste no er at du er trygg.
Hanne stryk luggen hans vekk frå
panna.
– No ventar foreldra dine på legevakta,
fortel ho.
– Men kva skjer med «Flora»? spør
Mathias. – Båten er ei miljøbombe.
Hanne nikkar. Mathias har rett.
– «Flora» vert teken hand om, ver du
trygg!
Mathias ser letta ut.
– Ho har nok segla sin siste seglas, seier
Hanne.
– Då var det verdt det, gliser Mathias litt
lurt, og Hanne ristar smilande på hovudet.
76
Hanne ser at Mathias kikar forbi henne,
og ho snur seg. Der går Benny med bøygd
hovud mellom to væpna politimenn.
– Då var eventyret ute for kaptein Mork
for denne gong, seier Hanne, og så vinkar ho
Mathias av garde.
Halen til Falk viftar glad frå side til side,
til ambulansen er ute av syne.
77
17
Falk ser med ein gong på det lure uttrykket
til Hanne at noko kjekt skal skje. Det er tid
for belønning! Han sprett rundt henne,
superglad og spent! Så rettar ho handa i
vêret. Falk set seg lydig ned og følgjer handa
hennar med falkeblikk.
– 1, 2, 3!
Hanne kastar tennisballen mot det grøne
lagerbygget, og Falk fyk av garde i vill fart.
Ein lukkeleg snøkvit hund kjem tilbake med
ballen mellom tennene. Falk får behalde
ballen på heile turen heim.
78
79
Heime er det tid for kvelds. Den nysteikte
røvarkaka til Hanne får bein å gå på.
Kasper og Jenny ligg i sofaen på kvar
si side av Hanne og vert kila på ryggen
medan Hanne les høgt frå eventyrboka.
Falk legg seg ved føtene deira og høyrer på.
Ute herjar stormen igjen, men inne
er det varmt og godt. Det knitrar i peisen.
Falk kjenner seg mett og god, og best som
det er, greier han ikkje å halde auga opne
lenger. Han høyrer «snipp, snapp, snute»
langt, langt vekke, legg poten over snuten
sin – og vekk vert han ...