GEDRAGSKODE - colgate.com · 2 GedraGskode ONS lEEf ONS wAARDES Deur ons Colgate-waardes uit te...

Ons leef ons waardes Omgee • Spanwerk wêreldwyd • deurlOpende verbetering

GEDRAGSKODE

Ons handhaaf die hoogste etiese standaard

B y die Colgate-Palmolive-maatskappy wys ons al langer as 200 jaar deurlopend hoe verbind ons is tot ons diepgewortelde waardes en beginsels deur met eerlikheid en integriteit sake te

doen, werk te maak van ons waardes, en te lei deur respek.

Dit is met trots dat ek die 25ste herdenking van ons maatskappy se gedragskode vier. Ons gedragskode het ons sedert sy bekendstelling in 1987 gelei met ’n stel beginsels wat Colgate se waardes en die gevestigde standaarde wat ons etiese optrede lei, weerspieël. Ten einde tred te hou met die veranderinge in die wêreld en in ons markte, word die gedragskode gereeld hersien, bygewerk en heruitgereik om te verseker dat dit relevant en omvattend bly. Gebeure in die sakewêreld was nog nooit so uitdagend of kompleks as nou nie; dit beklemtoon hoe dringend noodsaaklik dit is om op ’n etiese, wetsgehoorsame en maatskaplik verantwoordelike wyse sake te doen. As ’n wêreldmaatskappy in die ware sin van die woord wat in talle lande in die wêreld sake doen, moet ons almal verseker dat ons optrede en besluite voldoen aan ons ideale en waardes wat in ons gedragskode vervat is.

Elkeen van ons neem elke dag besluite wat moontlik finansiële, menslike, gemeenskapsverwante of etiese implikasies kan hê. Dit is belangrik dat u, as ’n lid van die Colgate-familie, ons gedragskode lees, verstaan en dit ten volle nakom. Die gedragskode beklemtoon ons elkeen se persoonlike verantwoordelikheid om met integriteit op te tree en die hoogste etiese standaarde te handhaaf.

Dit is egter nie genoeg om bloot van ons gedragskode te weet nie. As Colgate-mense bevorder ons etiese gedrag deur dit wat ons sê en doen. Ons neem verantwoordelikheid vir ons dade en besluite, en bevraagteken gedrag wat in stryd is met ons gedragskode en ander Colgate-beleidstukke.

Colgate se reputasie word aan elkeen van ons toevertrou. By voorbaat dankie vir u volgehoue verbintenis tot ons gedeelde waardes en u etiese leierskap, wat onontbeerlik is vir ons volgehoue sakesukses.

Ian CookVoorsitter, President & HUB

’ N B O O D S K A P VA N O N S V O O R S I T T E R , P R E S I D E N T & H U B

B

2 GedraGskode

ONS lEEf ONS wAARDESDeur ons Colgate-waardes uit te leef, naamlik omgee, spanwerk wêreldwyd en deurlopende verbetering, skep ons ’n kultuur waarin mense as ’n span optree en saam werk aan gemeenskaplike doelwitte. Colgate se drie grondwaardes vorm deel van alles wat ons doen.

OmGEE Die maatskappy gee om vir mense: Colgate-mense, klante, aandeelhouers, verbruikers, verskaffers en sakevennote. Colgate is daartoe verbind om in alle situasies met meegevoel, integriteit, eerlikheid en ’n hoë standaard van etiek op te tree, om met respek na ander mense te luister en verskille op prys te stel. Die maatskappy is ook daartoe verbind om die omgewing wêreldwyd te beskerm, om die gemeenskappe waar Colgate-mense woon en werk te verbeter, en om alle regeringswette en regulasies na te kom.

SPANwERK wêRElDwyDAlle Colgate-mense is deel van ’n wêreldwye span wat daartoe verbind is om oor die hele wêreld oor landsgrense heen saam te werk. Die maatskappy kan slegs winsgewende groei behaal en volhou as ons ons idees, tegnologieë en talente deel.

DEURlOPENDE VERBETERINGColgate-mense is daartoe verbind om elke dag as individue en as spanne te verbeter in hulle werk. Colgate sal “die beste word” deur verbruikers en klante se verwagtinge beter te verstaan, en deur voortdurend te streef om op produkte, dienste en prosesse te innoveer.

In vandag se toenemend mededingende mark is Colgate se waardes die grondslag van sukses vir individue, spanne en die maatskappy. Ons kan slegs verwag om uitstekende sakeresultate te behaal as ons ander mense respekteer en die Colgate-waardes uitleef.

ONS lEEf ONS wAARDES

ColGate-PalmoliVe-maatskaPPy 3

ONS lEI DEUR RESPEK"Ons lei deur respek" is hoe Colgate-mense werk maak van maatskappywaardes.

Deur te lei met respek skep ons ’n omgewing waar mense vrymoedigheid het om voorstelle te maak, idees te opper en by te dra tot die maatskappy.

Om te lei deur respek skep ’n omgewing waar mense werklik vir mekaar omgee en goed saamwerk om hul volle potensiaal te bereik.

Die beginsels van leiding deur respek is:

Kommunikeer Druk idees duidelik en eenvoudig uit; luister na ander mense; skep ’n omgewing waar mense gemaklik is om hul gedagtes te deel; wees ’n voorstander van die tydige en deurlopende vloei van inligting na en van ander mense.

Gee en vra terugvoer Ontwikkel alle Colgate-mense deur konstruktiewe, spesifieke terugvoer te gee; gee leiding en help mense om op koers te bly; moedig positiewe verandering aan en inspireer uitstekende werk.

Stel unieke bydraes op prys Waardeer en erken ander mense se bydraes en goeie werk; respekteer individualiteit; betrek ander mense wanneer jy besluite neem en prioriteite bepaal. Om mense se individuele verskille te waardeer is kernbelangrik as ’n mens nou en in die toekoms sakesukses wil behaal en handhaaf.

Bevorder spanwerk Skep ’n verbintenis tot gemeenskaplike doelwitte; los konflik op ’n positiewe manier op.

wees ’n voorbeeld Wees ’n positiewe voorbeeld van hoe om op ’n etiese manier sake te doen, stres te beheer, en ’n aangename, gebalanseerde werksomgewing te skep.

ONS lEI DEUR RESPEK

COLGATE-PALMOLIVE SE GEDRAGSKODE

INHOUDSOPGAwE

meer oor die gedragskode . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 5

Ons verhouding met mekaar . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 6

Ons verhouding met die maatskappy . . . . . . . . . . . . . . . . . . . . . . . . . . . . . . . . . . . . . . . . . . . . . . . . 8

Ons verhouding met ons direksie . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 14

Ons verhouding met eksterne sakeondernemings . . . . . . . . . . . . . . . . . . . . . . . . . . . . . . . . . . . . 15

Ons verhouding met verbruikers . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 17

Ons verhouding met die regering en die wet . . . . . . . . . . . . . . . . . . . . . . . . . . . . . . . . . . . . . . . . 19

Ons verhouding met die gemeenskap . . . . . . . . . . . . . . . . . . . . . . . . . . . . . . . . . . . . . . . . . . . . . . 23

Ons verhouding met die omgewing . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25

Ons verhouding met aandeelhouers . . . . . . . . . . . . . . . . . . . . . . . . . . . . . . . . . . . . . . . . . . . . . . . 26

Verantwoordelikheid vir nakoming . . . . . . . . . . . . . . . . . . . . . . . . . . . . . . . . . . . . . . . . . . . . . . . . 27

Soek leiding en rapporteer kwellinge . . . . . . . . . . . . . . . . . . . . . . . . . . . . . . . . . . . . . . . . . . . . . . 28

Onderwerpindeks . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 30

Vrae en antwoorde . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 31


mEER OOR DIE GEDRAGSKODE

Colgate se gedragskode dien as ’n riglyn vir ons daaglikse sakeomgang en weerspieël ons standaard vir gepaste gedrag en ons korporatiewe waardes. Die gedragskode laat ons elkeen duidelik verstaan dat die manier waarop ons bedryfsresultate bereik net so belangrik is soos die bereiking daarvan. Colgate se gedragskode geld vir alle Colgate-mense – insluitend direkteure, beamptes en al die maatskappy en sy filiaalmaatskappye se werknemers wêreldwyd. Hierdie vereistes geld ook vir verkopers en verskaffers, aangesien voldoening aan die gedragskode ’n voorwaarde is om sake te doen met Colgate.

Die belangrikste is dat elke werknemer verantwoordelik is om integriteit en leierskap te toon deur te voldoen aan die vereistes van die gedragskode, wêreldwye sakepraktykriglyne, maatskappybeleid en alle toepaslike wette. Deur etiek en integriteit ten volle deel te maak van ons volgehoue sakeverhoudings en besluitneming, toon ons ’n verbintenis tot ’n samelewing wat die hoogste etiese standaarde vooropstel.

Die maklikste manier om nakoming van die gedragskode te verseker, is om gesonde oordeel te gebruik en leiding te soek as daar vrae opduik. Elkeen van ons is verantwoordelik vir ons besluitneming en vir ons nakoming van die gedragskode. Indien u onseker is, vra u die volgende af voordat u op ’n spesifieke manier optree:

• Het ek magtiging om dit te doen?

• Stel ek ’n voorbeeld?

• Is die optrede die regte ding om te doen?

• Is die optrede wettig en strook dit met Colgate se waardes, die beginsels van om met respek te lei, die gedragskode, die maatskappy se sakepraktykriglyne en ander beleidstukke?

• Sal ek hierdie optrede met trots kan rapporteer aan iemand wat ek respekteer?

• Sal die optrede Colgate se reputasie as ’n etiese maatskappy versterk?

• Versinnebeeld ek die hoogste etiese standaarde?

Indien die antwoord op enige van hierdie vrae NEE is, of indien u enige vrae of kwellinge het oor die vertolking van die gedragskode of enige verwante Colgate-standaard, -beleid of -prosedure, moet u die situasie met u bestuurder, die mensehulpbron-afdeling, die wêreldwye regsorganisasie of wêreldwye afdeling vir etiek en nakoming bespreek.

Geen strafmaatreël sal teen enigiemand ingestel word wat oor ’n vermoedelike oortreding van die gedragskode kla, dit rapporteer, deelneem aan ’n ondersoek daaroor of help met ’n ondersoek nie, tensy daar bevind word dat daar met opset vals bewerings gemaak is of vals inligting voorsien is. Colgate sal die vertroulikheid van alle klagtes so ver moontlik handhaaf.

Die gedragskode is aanlyn beskikbaar en is in verskeie plaaslike tale vertaal. Colgate vereis dat alle Colgate-mense die gedragskode lees, verstaan en nakom. Nakoming gebeur egter nie vanself nie. Dit vra ’n verbintenis van ons elkeen. Om hierdie verbintenis te versterk, word gedragskode-opleiding en -sertifisering op ’n jaarlikse grondslag aan Colgate-mense oral oor die wêreld gebied.

6 GedraGskode

Ons omgang met mekaar moet op onderlinge vertroue en toewyding gebaseer wees. Ons is verantwoordelik om mekaar met respek en waardigheid te hanteer.

Ons streef daarna Om suksesvOlle werksverhOudings te hê.

Ons by Colgate is trots op ons mense se sterk persoonlike verbintenis en op die uitstekende prestasies wat uit daardie verbintenis spruit. Hierdie vlak van verbintenis kan egter slegs bereik word in ’n atmosfeer van vertroue, oop en eerlike kommunikasie en respek. Al u omgang met u eweknieë, die mense wat aan u rapporteer en u toesighouers moet soos ’n vennootskap aangepak word waarin elke individu se gedrag bepaal word deur ’n allesoorheersende verbintenis tot die hoogste etiese standaarde.

U verhouding met dié wat saam met u werk, moet wees soos iemand in ’n wenspan. Die groot dryfkrag agter ons onderneming is mense wat in harmonie saamwerk en fokus op ’n gemeenskaplike doelwit. Elke individu moet sy of haar verantwoordelikheid nakom – en rus in die wete dat ander mense dieselfde sal doen – om hierdie dinamiese spanverhouding te laat werk. Dit impliseer om op elke vlak aan ander mense die nodige steun te verleen om die werk gedoen te kry. Geen individu of sake-eenheid kan sy eie prioriteite voor die maatskappy s’n stel nie.

U verhouding met die mense saam met wie u werk of oor wie u toesig hou, moet etiek en nakoming bevorder deur te dien as voorbeeld van ordentlikheid, billikheid en integriteit. U verantwoordelikheid as leier is om prestasiestandaarde duidelik te definieer en om ’n omgewing te skep wat spanwerk en etiese optrede bevorder.

Ons staan OOp en eerlike kOmmunikasie vOOr.

Moedig kreatiewe en innoverende denke aan; indien u ’n toesighouer is, behandel u ondergeskiktes soos individue en gee hulle die nodige vryheid om hul werk te doen. Maak voorstelle vir prestasieverbetering.

U verhouding met u toesighouer moet gekenmerk word deur onderlinge respek en vertroue. U en u toesighouer is ’n span met die gesamentlike doel om die doelwitte te bereik wat die maatskappy vir u sake-eenheid gestel het. U is net so verantwoordelik soos u toesighouer om te verseker dat die kommunikasie tussen u oop en eerlik is. Neem so dikwels as wat u kan inisiatief. Wees innoverend om probleme op te los. U samewerking en kreatiwiteit is noodsaaklik om u eenheid en die maatskappy se doelwitte te bereik.

Ons ag COlgate-mense as Ons belangrikste hulpbrOn.

Colgate se verbintenis om na mense om te sien vind uitdrukking in die werkplek deur ’n verskeidenheid programme wat ten doel het om individuele en spanprestasie te beloon. U word aangemoedig om so ver soos wat u kan te vorder en om ’n sinvolle bydrae tot die maatskappy se sukses te maak. Op die ou end is dit die inspanning van ons talentvolle, vaardige mense wêreldwyd wat ons onderneming se sukses moontlik maak. Wat indiensneming spesifiek betref, is ons beleid:

• Dit is Colgate se beleid, praktyk en begeerte om indiensnemingsgeleenthede op ’n gelyke grondslag aan alle gekwalifiseerde persone te bied. Die maatskappy sal nie teen enige werknemer

ONS VERHOUDINGmET mEK AAR


of werkaansoeker diskrimineer op grond van ras, kleur, geloof, geslag, geslagsidentiteit, nasionale herkoms, etnisiteit, ouderdom, seksuele oriëntasie, gestremdheid, huwelikstatus, oudsoldaatstatus of enige ander kenmerk wat deur die wet in enige indiensnemingsbepalings of -voorwaardes beskerm word nie. Dit sluit werwing, aanstelling, bevordering, verplasing, vergoeding, opleiding, posverlaging of personeelvermindering in, maar is nie beperk daartoe nie.

• Ons gebruik nie kinderarbeid nie. Kinderarbeid word gedefinieer as die indiensneming van enige persoon jonger as die minimum ouderdom wat volgens wet in die betrokke jurisdiksie toegelaat word. Ons sal egter onder geen omstandighede bewustelik enigiemand jonger as sestien (16) jaar oud in diens neem nie.

• Ons handhaaf ’n inklusiewe werksomgewing en bereik uitnemendheid deur mense met uiteenlopende agtergronde na ons werksmag te lok en hulle te behou.

• Ons voorsien opleiding, onderwys en bevorderingsgeleenthede wat ontwikkeling en loopbaanvordering vir alle Colgate-mense moontlik maak.

• Ons doen prestasiemetings wat openhartige, akkurate terugvoer voorsien. Hierdie proses bevorder tweerigtingkommentaar en -gesprek, en oorsig van metings deur hoër bestuursvlakke.

• Ons beloon prestasie finansieel, en erken en beloon individue en spanne wie se bydrae hul normale pligte oorskry deur programme soos die voorsitter se "Jy-kan-’n-verskil-maak"-toekenningsprogram.

• Ons verbied enige seksuele of ander teistering van Colgate-mense deur enigiemand in die werkplek of terwyl hulle maatskappypligte uitvoer.

• Ons strewe daarna om partydigheid of die skyn van partydigheid in die werkplek te verhoed, ooreenkomstig die beleidstukke en prosedures wat deur die maatskappy aanvaar is.

• Ons streef daarna om potensiële gevare in die werkplek te elimineer en om te voldoen aan al die toepaslike wette en standaarde oor beroepsveiligheid en -gesondheid.

• Ons help om ’n veilige, gesonde en produktiewe werksomgewing vir alle Colgate-mense en ander mense te handhaaf deur:

– die besit, gebruik, verkoop of oordrag van onwettige dwelms of dwelmverwante toebehore op maatskappy-eiendom of in maatskappytyd te verbied;

– te verbied dat maatskappypligte onder die invloed van alkohol uitgevoer word;

– die besit of gebruik van wapens/vuurwapens of ammunisie op die maatskappyperseel of tydens die uitvoering van Colgate-pligte te verbied, onderhewig aan plaaslike wetgewing. Die besit van ’n wapen kan gemagtig word vir sekuriteitspersoneel waar sodanige besit nodig geag word om die veiligheid en sekuriteit van maatskappy-werknemers te verseker;

– enige optrede wat as gewelddadig, dreigend, afbrekend of intimiderend vertolk kan word te verbied; en

– te vereis dat enige voorval van dwelm- of alkoholmisbruik, geweld of ongeoorloofde wapenbesit onmiddellik by die bestuur aangemeld word.

Een van my kollegas het ’n onsmaaklike grap aan my en ’n paar ander kollegas ge-e-pos. Ek het aanstoot geneem, maar ek weet nie of ek my kollega moet nader oor my voorbehoud nie.

By Colgate-Palmolive is ons daartoe verbind om ’n professionele werksomgewing te handhaaf waarin alle Colgate-mense met respek en waardigheid hanteer word. Onsmaaklike of onvanpaste gedrag is dus nie aanvaarbaar nie. Indien u nie gemaklik voel om direk met u kollega hieroor te praat nie, tree asseblief met u bestuurder, die mensehulpbron-afdeling, of die wêreldwye afdeling vir etiek en nakoming in verbinding om u by te staan.

V:A:

8 GedraGskode

As Colgate-mense streef ons daarna om Colgate se beleid na te kom en terselfdertyd ons bes te doen om die maatskappy se prestasie te verbeter. Ons besef hoeveel geloof en vertroue in ons gestel word, en tree in alle situasies met integriteit en eerlikheid op om daardie geloof en vertroue te behou. Ons vermy botsende belange en ander situasies wat die maatskappy moontlik kan skaad.

Ons vermy bOtsende belange.

U oordeel is een van u belangrikste bates. U moet enige aktiwiteit, belang of verbintenis wat in stryd is met die uitoefening van u onafhanklike oordeel in die maatskappy se belang, of wat daardie oordeel skynbaar ondermyn, vermy. Botsende belange kan in baie gevalle ontstaan. Dit is onmoontlik om almal hier te dek, en dit sal nie altyd maklik wees om te onderskei tussen gepaste en ongepaste aktiwiteit nie. Indien u twyfel, raadpleeg u bestuurder, die mensehulpbron-afdeling of die wêreldwye regsorganisasie voordat u enigiets doen. Die volgende riglyne geld vir die algemeenste situasies waar belange bots:

Beleggings

Moenie enige belegging maak wat u sakebesluit kan beïnvloed nie. Maatskappybeleid verbied Colgate-mense om aandele te besit of eienaarsbelang te hê in ’n maatskappy wat met Colgate meeding of met Colgate sake doen. Hierdie verbod geld nie vir die besit van klein persentasies aandele (gewoonlik minder as 1%) in publiek verhandelde maatskappye nie, mits die belegging nie finansieel so aansienlik is dat dit die skyn van botsende belange wek nie. Indien u potensieel verbode beleggings gemaak het voor u by Colgate begin werk het, rapporteer die feite aan die wêreldwye regsorganisasie.

Familie

Stel u bestuurder in kennis en kry u afdelings- of funksiehoof en die wêreldwye regsorganisasie se goedkeuring voor u namens Colgate sake doen met enige maatskappy waarin u of ’n naby familielid in só ’n mate belang het dat u op enige wyse deur u of hul optrede daarby kan baat.

Ander werk

Moenie vir ’n mededinger van Colgate werk terwyl u vir Colgate werk of enige ander werk doen vir, of bystand verleen aan, enige derde party (verspreider, klant of verskaffer) wat u werksprestasie of -oordeel nadelig kan beïnvloed nie. Moenie maatskappytyd, -geriewe of -materiaal, handelsmerke of logo’s gebruik vir werk van buite wat nie verband hou met u werk by Colgate sonder magtiging van u afdelings- of funksiehoof nie.

Persoonlik

Hoewel ons Colgate-mense se reg op vrye assosiasie met die mense wat hulle in die werksomgewing teëkom, erken en respekteer, moet ons ook gesonde oordeel gebruik om te verseker dat sodanige verhoudings nie werksprestasie, die toesighoudingsvermoë oor ander mense of die werksomgewing self negatief beïnvloed nie.

ONS VERHOUDINGmET DIE mAATSK APPy


Enige werkplek-optrede wat spruit uit ’n romantiese of vriendskapsverhouding tussen werknemers kan onvanpas wees as die gedrag ’n ongemaklike werksomgewing vir ander skep. Partydigheid of die neem van sakebesluite wat op emosie, verbintenisse of vriendskappe gegrond is en nie op maatskappybelang nie, is verbode. Individue wat in ’n persoonlike verhouding of vriendskap betrokke is, moet takt, goeie oordeel en sensitiwiteit aan die dag lê.

Wees bewus dat ’n ander lid van u huishouding dalk in ’n hoedanigheid mag werk wat botsende belange of die skyn van botsende belange kan veroorsaak. Indien so ’n situasie ontstaan, raadpleeg u bestuurder, die mensehulpbron-afdeling of die wêreldwye regsorganisasie vir leiding.

Direksies

Kry goedkeuring van die uitvoerende hoof en die hoof-regsbeampte/regsadviseur voordat u instem om in ’n direksie of soortgelyke struktuur vir ’n onderneming van buite of ’n regeringsagentskap te dien. U afdelings- of funksiehoof moet vooraf goedkeuring verleen indien u in die direksie van ’n professionele of werkverwante organisasie sonder winsbejag wil dien.

Ander oorwegings

Ons strewe daarna om ’n positiewe werksomgewing te handhaaf wat ons maatskappy se waardes weerspieël en sterk werksverhoudings bevorder. Hoewel botsende belange dikwels ontstaan uit ons wisselwerking met eksterne partye, kan botsende belange of die skyn daarvan ook ontstaan uit interne wisselwerking. Dié van ons wat ander mense bestuur moet veral daarop bedag wees dat ons nie situasies skep wat vir ander mense kan lyk soos voortrekkery of potensieel botsende belange nie.

Indien u uself in ’n situasie bevind met wesenlike of potensiële botsende belange, moet u dit dadelik aan u bestuurder rapporteer sodat die situasie na behore in oënskou geneem en beoordeel kan word. Die maatskappy sal saam met u werk om die situasie aan te spreek en ’n gepaste oplossing te vind.

Ons beskerm die maatskappy se handelsgeheime en vertrOulike inligting.

Colgate se handelsgeheime, ander vertroulike inligting en baie van sy interne data is waardevolle bates. Die beskerming van hierdie bates, insluitende die handhawing van hul geheimhouding, speel ’n onontbeerlike rol in ons volgehoue groei en mededingingsvermoë. ’n Handelsgeheim is inligting wat in Colgate se sakebedrywighede gebruik word wat nie algemeen bekend is of maklik ontdek kan word nie, en waarvoor moeite gedoen is om die vertroulikheid daarvan te beskerm. Ander vertroulike inligting moet egter ook beskerm word.

Colgate se handelsgeheime en ander vertroulike inligting kan bestaan uit enige formule, ontwerp, toestel of inligting wat in ons sakebedrywighede gebruik word en wat Colgate die geleentheid bied om ’n voorsprong bo ons mededingers te verkry. Colgate se handelsgeheime en ander vertroulike inligting is nie altyd tegnies van aard nie. Dit kan ook die volgende insluit: sakenavorsing; nuwe produkplanne; strategiese doelwitte; enige soort bemarking- of verkoopsmateriaal of -inligting; enige ongepubliseerde finansiële of prysinligting; werknemer-, klant- en verkoperlyste, en inligting oor klantvereistes, -voorkeure, -sakegewoontes en -planne. Hoewel dit nie volledig is nie, dui die lys op die wye verskeidenheid inligting wat beskerm moet word. Handelsgeheime en ander vertroulike inligting hoef nie patenteerbaar te wees nie, maar kan nie publiek bekend wees nie.

Ek het onlangs my bestuurder se toestemming gekry om ’n tweede werk aan te pak – om eiendom te verkoop – om my inkomste aan te vul. Mag ek tydens werksure my werkstelefoon gebruik om my klante te skakel, of die kopieermasjien gebruik om afskrifte te maak van inligting oor eiendomme wat te koop is?

Nee. U beoogde gebruik van maatskappy-eiendom is streng vir u persoonlike gewin, hou nie verband met die bedryf van maatskappysake nie, en kan gesien word as iets wat inmeng met u vermoë om u werkverwante verantwoordelikhede uit te voer. Hoewel persoonlike gebruik van maatskappy-eiendom af en toe toelaatbaar is, moet dit beperk word en nie inmeng met die uitvoering van u werkverwante verantwoordelikhede nie.

V:

A:

10 GedraGskode

U pligte ten opsigte van Colgate se handelsgeheime en ander vertroulike inligting is:

• Om nie hierdie inligting aan ander Colgate-mense of derde partye bekend te maak nie, behalwe op ’n “moet-weet”- of “moet-gebruik”- grondslag, en in sulke gevalle, met vertroulikheidsaanduidings en ander databeskermingsmeganismes soos wagwoordbeskerming of enkripsie, waar van toepassing, en om nie hierdie inligting andersins bekend te maak nie.

• Om nie derde partye te betrek om hierdie inligting te hanteer sonder ’n gepaste evaluering van die derde party se sekuriteit en inligtingstegnologiebeheermaatreëls nie.

• Om nie hierdie inligting te plaas of te bespreek op webwerwe of sosiale media wat toeganklik is vir die publiek nie.

• Om nie hierdie inligting vir u eie gewin of vir die gewin van ongemagtigde persone buite Colgate te gebruik nie.

• Om alle ander redelike maatreëls te tref om Colgate se handelsgeheime en vertroulike inligting te beskerm, ooreenkomstig die maatskappy se sakepraktykriglyne.

Indien u Colgate verlaat, het u steeds ’n plig om Colgate se handelsgeheime en ander vertroulike inligting te bewaar, tot die inligting openbaar gemaak word of tot Colgate dit nie meer as ’n handelsgeheim of vertroulik ag nie. U moet ook in gedagte hou dat alle korrespondensie, gedrukte materiaal, elektroniese inligting, dokumente of enige tipe rekords, asook kennis van spesifieke prosesse, prosedures en Colgate-handelswyses – hetsy vertroulik of nie – aan die maatskappy behoort en binne Colgate moet bly. Persoonlike vaardighede wat in die gang van u werk aangekweek of geslyp is, bly natuurlik die persoonlike bates van die persoon wat weggaan. Indien u wonder of inligting vertroulik is of ’n handelsgeheim is, moet u met die wêreldwye regsorganisasie in verbinding tree.

Ons beskerm persOOnlike data

Ons respekteer ook die reg op privaatheid van ons werknemers, verbruikers, klante en verskaffers en ander individue met wie Colgate ’n sakeverhouding het. Colgate se beleid is om slegs werknemers, verbruikers, klante, verskaffers en ander individue se persoonlike inligting te verkry, verwerk, gebruik en behou indien dit nodig is, en dan binne die perke van die wetgewing van die lande waar ons sake doen, insluitende wetgewing wat verband hou met die insameling en gebruik van minderjariges se persoonlike inligting, en om alle redelike stappe te doen om sodanige inligting te beskerm.

Werknemers kan moontlik as deel van hul indiensneming deur Colgate sekere persoonlike inligting soos woon- en e-posadresse, familie-inligting met die oog op voordele en ander persoonlike inligting aan die maatskappy voorsien. Ons gebruik sulke inligting slegs vir die doel waarvoor dit aan ons voorsien is, tensy ’n werknemer instem tot ander gebruike, namate sakedoeleindes dit noodsaak en in ooreenstemming met plaaslike wette.

Net so, kan verbruikers moontlik persoonlike inligting soos name, straatadresse en e-posadresse aan die maatskappy voorsien tydens kontak met Colgate, byvoorbeeld deur die rig van versoeke vir produkinligting of deelname aan kompetisies wat deur die maatskappy geborg word. Ons gebruik sulke inligting slegs vir die doel waarvoor dit aan ons voorsien is, tensy ’n verbruiker instem tot ander gebruike, en namate ons rekordhouding-doeleindes dit vereis. Ons beleid is om nie verbruikers se persoonlike inligting met derde partye te deel nie, tensy dit nodig is om ’n diens aan ons verbruikers te lewer, in ooreenstemming met toepaslike wette en regulasies.

In die loop van sakeverhoudings met Colgate kan klante, verskaffers en ander individue moontlik persoonlike inligting soos name, telefoonnommers, faksnommers, straatadresse en e-posadresse aan die maatskappy voorsien. Ons gebruik sulke inligting slegs vir die doel waarvoor dit aan ons voorsien is en namate ons rekordhouding-doeleindes dit vereis. Ons beleid is om nie verbruikers, verskaffers en ander individue se persoonlike inligting met derde partye te deel nie, tensy dit in die konteks van ’n sakeverhouding nodig is, en dan in ooreenstemming met toepaslike wette en regulasies.


Wette oor verbruikers se privaatheid word voortdurend ontwikkel en gewysig. Ons verbind ons daartoe om privaatheidswette en -standaarde wat ontwikkel word, te monitor en kan moontlik, van tyd tot tyd, spesifieke beleidsrigtings opstel in reaksie daarop. Tree asseblief in verbinding met die wêreldwye regsorganisasie vir meer inligting oor die beskerming van persoonlike data.

Ons kOm beleid OOr pers- en mediaversOeke na.

Versoeke deur die media, pers, die finansiële gemeenskap of die publiek om Colgate se finansiële of sake-inligting te verkry, moet verwys word na die visepresident vir korporatiewe kommunikasie of die visepresident vir beleggersbetrekkinge. Versoeke vir inligting of ander kontak deur die Effekte-en-Beurskommissie, die New York Aandelebeurs of ander reguleerders en owerhede in die wêreld moet na die wêreldwye regsorganisasie verwys word. Dit is kritiek belangrik dat geen werknemer self op enige sodanige navraag of kontak reageer nie, aangesien enige ongepaste of onakkurate reaksie, selfs ’n weiering of ontkenning van inligting, tot negatiewe publisiteit kan lei en ook die maatskappy se regsposisie ernstig kan beïnvloed.

Hierdie beleid geld nie vir versoeke om finansiële inligting wat aan die publiek beskikbaar is, soos jaar- en kwartaalverslae, of vir die maatskappy se promosie- en publisiteitsbedrywighede nie.

Versoeke vir onderhoude met enige Colgate-individu wat verband hou met die maatskappy, sy sake en/of die uitreiking van enige maatskappy-persvrystellings en/of -verklarings moet vooraf deur die visepresident vir korporatiewe kommunikasie of die visepresident vir beleggersbetrekkinge nagegaan en goedgekeur word. Onderhoude wat deur die maatskappy geïnisieer is, moet op dieselfde wyse goedgekeur word voor dit met die media geskeduleer kan word.

Vir verdere inligting oor die maatskappy se riglyne vir die beskerming van vertroulike inligting, raadpleeg asseblief “Colgate-Palmolive se riglyne oor effekteverhandeling en vertroulikheid van inligting” en “Colgate-Palmolive se riglyne oor die beskerming van vertroulike maatskappy-inligting en respek vir ander se vertroulike inligting”, wat gevind kan word in die maatskappy se sakepraktykriglyne.

Ons stel betrOubare rekOrds en verslae Op.

Ons maatskappy se finansiële posisie en die resultate van sy bedrywighede moet aangeteken word in ooreenstemming met wetlike vereistes en algemeen aanvaarde rekeningkundige praktyk (AARP). Maatskappybeleid, asook die wet, vereis dat Colgate boeke, rekords en rekeninge moet opstel wat die aard van die saketransaksies en die gesteldheid van die maatskappy se bates akkuraat en billik weerspieël.

Die integriteit van die maatskappy se rekeningkundige en finansiële rekords hang af van die akkuraatheid en volledigheid van die basiese inligting wat inskrywing in die maatskappy se boeke en rekenings rugsteun. Almal wat betrokke is by die skep, verwerking en aantekening van sodanige inligting word verantwoordelik gehou vir die integriteit daarvan. Elke rekeningkundige of finansiële inskrywing moet presies weerspieël wat die ondersteunende inligting beskryf. Geen inligting moet van (of deur) die bestuur weerhou word nie, of van die maatskappy se interne of onafhanklike ouditeur nie.

Geen betaling sal namens die maatskappy goedgekeur of gedoen word met die bedoeling of verstandhouding dat enige deel van die betrokke betaling aangewend sal word vir enige ander doel as dié wat in die ondersteunende dokumente beskryf word nie. Geen vals of misleidende inskrywings moet om enige rede in enige maatskappyboeke of -rekords ingeskryf word nie, en geen maatskappyfonds, -bate of -rekening mag tot stand gebring, aangeskaf of gehou word vir enige doel nie, tensy die betrokke fonds, bate of rekening behoorlik in die maatskappyboeke en -rekords weergegee word. Geen korporatiewe fondse of bates moet vir enige onwettige of ongepaste doel gebruik word nie. Bestuurders en ander partye wat verantwoordelik is vir die opstel van finansiële inligting moet verseker dat Colgate se finansiële beleidsrigtings gevolg word. Inkomste en uitgawes moet tydig na behore aangedui word.

12 GedraGskode

Bates en laste moet na behore aangeteken en op ’n gepaste wyse gewaardeer word. Daarby moet diegene wat verantwoordelik of betrokke is om Colgate se opgawes aan die Effekte-en-Beurskommissie en ander opgawes wat deur die betrokke wetgewing vereis word, voor te berei en in te dien en om ander korrespondensie met die sake- of finansiële gemeenskap te voer, verseker dat die openbaarmaking in sodanige opgawes en korrespondensie volledig, billik, akkuraat, tydig en verstaanbaar is. Indien u bewus word van ’n moontlike weglating, vervalsing of onakkuraatheid in rekeningkundige of finansiële inskrywings, in basiese data wat sodanige inskrywings ondersteun of in Colgate se Effekte-en-Beurskommissieverslae of ander korrespondensie, of van enige gebrek in interne kontrolemaatreëls, moet u sulke inligting dadelik aan u bestuurder of aan die wêreldwye regsorganisasie rapporteer. U kan ook op ’n anonieme en vertroulike grondslag oor hierdie aangeleenthede met die maatskappy se wêreldwye afdeling vir etiek en nakoming in verbinding tree.

Ons beskerm COlgate se bates.

Maatskappybates, -geriewe of -dienste moet slegs vir wettige, gepaste en gemagtigde doeleindes gebruik word. Die diefstal van geld, eiendom of dienste word streng verbied. Colgate-toerusting, -stelsels, -geriewe, korporatiewe kredietkaarte en voorrade moet slegs gebruik word om Colgate-sake te doen of vir doeleindes wat deur die bestuur gemagtig is. U is persoonlik verantwoordelik vir die beskerming van Colgate-eiendom wat aan u toevertrou is, maar ook om te help dat die maatskappy se bates in die algemeen opgepas word. U moet bedag wees op enige situasie of insidente wat kan lei tot die verlies, misbruik of diefstal van maatskappy-eiendom en u moet al sulke situasies aan u bestuurder of aan die afdeling korporatiewe sekuriteit rapporteer sodra dit onder u aandag kom.

Slegs sekere beamptes en senior werknemers het die magtiging om besluite te neem wat die maatskappy se bates raak. U moenie besluite neem wat die maatskappybates raak tensy u behoorlik gemagtig is nie. Indien u wil uitklaar of u of iemand anders by magte is om oor die maatskappybates te besluit, moet u u eenheid of divisie se finansiële direkteur kontak.

Ons gebruik inligtingstegnOlOgie-hulpbrOnne en sOsiale media Op ’n verantwOOrdelike manier.

Ons moet Colgate se inligtingstegnologie-hulpbronne en sosiale media gebruik op ’n manier wat verantwoordelik is en wat strook met die gedragskode en alle ander maatskappy-riglyne, insluitend die maatskappy se sakepraktykriglyne en/of riglyne vir die benutting van inligtingstegnologie-hulpbronne en sosiale media.

Colgate se inligtingstegnologie-hulpbronne sluit alle huidige en toekomstige toerusting, sagteware en dienste in wat deur Colgate besit, gehuur of voorsien word wat data insamel, berg, oordra en verwerk.

Daarby sluit Colgate se inligtingstegnologie-hulpbronne ’n werknemer of derde party se persoonlike hardeware, sagteware of dienste in, in die mate wat dit gebruik word om toegang tot Colgate se inligtingstegnologie-hulpbronne te verkry of met dit te kommunikeer.

Wat moet ek doen as ek gevra word om die oploping van sekere uitgawes te laat oorstaan tot die volgende tydperk? As iemand byvoorbeeld vir my sê: “Solank ons dit binne hierdie finansiële jaar aanteken, doen ons niks verkeerd nie”, is dit waar?

Nee. Om met opset die oploping van uitgawes te vertraag, is ’n misleidende, onaanvaarbare en moontlik onwettige praktyk. Daar moet akkuraat en eerlik oor elke sake- en finansiële transaksie, hoe onbenullig ook al, verslag gedoen word. Vervalsing van enige maatskappydokument is ’n ernstige oortreding en kan lei tot diensbeëindiging.

V:

A:


Colgate se inligtingstegnologie-hulpbronne, asook sosiale media, moet op ’n beleefde, professionele wyse vir Colgate-sakedoeleindes gebruik word, en slegs op ’n beperkte en gepaste wyse vir persoonlike gebruik. Daarby word die volgende gebruike verbied:

• Om teisterende, diskriminerende, aanstootlike, lasterlike, vals of dreigende boodskappe te stuur, insluitend dié wat aanstootlike inhoud bevat oor ras, godsdiens, nasionale herkoms, etnisiteit, kleur, geslag, geslagsidentiteit, ouderdom, burgerskap, oudsoldaatstatus, huwelikstatus, gestremdheid of enige ander kenmerk wat kragtens wet beskerm word.

• Ongemagtigde verspreiding van Colgate se vertroulike of handelsgeheim-inligting, of ongemagtigde bespreking van maatskappysake of interne prosesse op enige eksterne webwerf.

• Om sekuriteitsbreuke of -ontwrigtings van netwerkkommunikasie te veroorsaak of toe te laat, en/of u gebruikers-ID of wagwoord op ’n onvanpaste wyse aan ander bekend te maak of om ander toe te laat om u gebruikers-ID of wagwoord te gebruik.

• Enige ander gebruik wat deur die maatskappy se sakepraktykriglyne of die riglyne vir die benutting van inligtingstegnologie en sosiale media verbied word.

Colgate behou die reg voor om, behalwe in soverre dit deur toepaslike wetgewing beperk word, alle maatskappy-inligtingstegnologiehulpbronne in gepaste omstandighede en voortspruitend uit toepaslike wette te monitor, toegang daartoe te verkry en dit te evalueer. Die maatskappy se reg om alle maatskappy-inligtingstegnologiehulpbronne te monitor, toegang daartoe te verkry en dit te evalueer sluit alle sake- en persoonlike inligting in wat met maatskappy-inligtingstegnologiehulpbronne geskep, geberg of gestuur is, en sluit ook sosiale media-platforms in wat via maatskappy-inligtingstegnologiehulpbronne besoek is. Werknemers moet geen verwagting oor privaatheid hê ten opsigte van sulke sake- of persoonlike inligting nie.

Colgate behou die reg voor om enige gebruiker se toegang tot, of gebruik van, Colgate se inligtingstegnologiehulpbronne te eniger tyd en om enige rede op te skort of te beperk, met of sonder waarskuwing vooraf, behalwe waar dit deur die wet verbied word.

Ek besoek dikwels blogs wanneer ek tuis ontspan, en verlede week het ek kommentaar deur ’n voormalige werknemer opgemerk wat sy ervaring by ons maatskappy op ’n baie negatiewe manier beskryf. Dit het my baie omgekrap. Mag ek op hierdie kommentaar reageer?

U mag nie namens die maatskappy op kommentaar reageer nie. Dit staan u egter vry om in ’n persoonlike hoedanigheid te reageer, mits u nie die maatskappy se riglyne vir die benutting van inligtingstegnologiehulpbronne en sosiale media oortree nie, en nie die maatskappy se vertroulike inligting bekend maak nie. Ons moedig u ook aan om hierdie aangeleentheid onder u bestuurder of die mensehulpbron-afdeling se aandag te bring.

V:

A:

Ek en my dogter gebruik partykeer my maatskappy-skootrekenaar om toegang tot die internet te kry. Sy het onlangs gevra of sy en ’n vriend my rekenaar kan gebruik toe ek een naweek uitstedig was. Is dit in die haak om my aantekenbesonderhede en wagwoord vir haar te gee?

Nee. Aantekenbesonderhede en wagwoorde help ons om ons inligtingstegnologiehulpbronne veilig te hou. U moet nie hierdie inligting aan enigiemand bekend maak nie. Dit is ook nie ’n goeie idee om aantekenbesonderhede of wagwoorde op u rekenaar te plak of dit in u rekenaarsak te hou nie. U kan ook maatskappydata beter teen ongemagtigde gebruikers beskerm deur u wagwoorde van tyd tot tyd te verander. Daarby behoort familielede nie u maatskappy-skootrekenaar vir persoonlike doeleindes te gebruik nie.

V:

A:

14 GedraGskode

Ons is bevoorreg om ’n groep uitstaande individue te hê wat in die maatskappy se direksie dien en wat advies, leiding en leierskap voorsien wat onontbeerlik is vir ons volgehoue sukses. Danksy hul gesamentlike agtergrond in sake, onderwys en publieke diens, internasionale ervaring, akademiese prestasie, morele en etiese karakter en diversiteit, voorsien ons direksie doeltreffende oorsig oor die maatskappy se sake.

Ons het ’n Onafhanklike, ervare en diverse direksie.

Onafhanklikheid kweek integriteit en toerekenbaarheid. Colgate se beleid is om ’n direksie te hê wat hoofsaaklik uit onafhanklike direkteure van buite bestaan. Alle direkteure wat op die direksie se komitees dien wat oorsig bied oor oudit-, vergoeding- en bestuursgedrag-aangeleenthede, is onafhanklik. Daar is geen oorvleuelende direkteurskappe nie; dit is die maatskappy se beleid dat geen van die onafhanklike direkteure enige konsult-, regs- of ander fooie buiten direkteursfooie van die maatskappy ontvang nie.

Ons bevOrder direkte, OOp kOmmunikasie met die direksie.

Colgate se direkteure het gereelde, direkte kontak met die maatskappy se bestuur, binne én buite die raadsaal. Senior sleutelbestuurders vergader gereeld tydens direksievergaderings en meer informele sessies met die direkteure, en saam neem hulle aktief deel aan openhartige gesprekke oor verskeie sakeaangeleenthede. Direkteure word genooi om senior bestuurders tussen geskeduleerde direksievergaderings met vrae en voorstelle te kontak, en maak gereeld daarvan gebruik. Die oop, eerlike atmosfeer wat daaruit spruit, weerspieël Colgate se oorkoepelende korporatiewe kultuur, en help die direksie om ’n aktiewe rol te speel in die ontwikkeling en leiding van die maatskappy se sakestrategie.

Ons is verbind tOt uitstekende kOrpOratiewe bestuursgedrag.

Colgate se direksie het leiding geneem wat steun aan korporatiewebeheer-inisiatiewe betref. Colgate was een van die eerste van sy tydgenote om ’n formele gedragskode te aanvaar wat alle sakebedrywighede reguleer, en om ’n handves vir die direksie en sy komitees te ontwikkel. Colgate het die laaste twee dekades uitstekende korporatiewe beheerpraktyke geïmplementeer wat aanhoudend verbeter en verfyn word. Colgate se direksie staan sentraal in hierdie beleidsrigtings en glo sterk dat goeie korporatiewe beheer ons langtermyn-sakesukses in die hand werk en dit trouens aanhelp.

Vir ’n meer gedetailleerde bespreking van Colgate se korporatiewe bestuursgedragprogram, raadpleeg asseblief “Colgate-Palmolive se maatskappydireksie riglyne oor belangrike korporatiewe bestuursgedrag-aangeleenthede” wat op die maatskappy se webwerf beskikbaar is.

ONS VERHOUDING mETONS DIREKSIE


Elkeen van ons is verantwoordelik vir die wyse waarop verskaffers en kliënte ons beleef. Dit is noodsaaklik dat ons ons reputasie vir eerlikheid en billike optrede by hierdie groepe handhaaf.

Ons gaan eties met verskaffers en kliënte Om.

Ons doel met ons aankoopbedrywighede is om volgehoue, betroubare voorsieningsbronne te verseker. Eerlike onderhandelings met klante en verskaffers is noodsaaklik vir gesonde, blywende verhoudings. Ons beskou dus ons verskaffers as vennote en verwag dat hulle ’n billike wins moet maak. Ons oorweeg alle voornemende verskaffers regverdig en op gelyke voet. Besluite berus op objektiewe kriteria soos prys en gehalte, asook ’n verskaffer se betroubaarheid en integriteit. Die gee of ontvang van enige terugskotte, omkoopgeld of soortgelyke betalings van welke aard word streng verbied.

Ons doen geen persoonlike gunste vir kliënte ten opsigte van pryse, promosietoelae, bemarkings- of soortgelyke bystand nie; ons behandel alle kliënte op dieselfde sakegrondslag. Onderhandelinge met kliënte en verskaffers word bespreek in die afdeling van hierdie gedragskode wat oor ons verantwoordelikhede kragtens die mededingingswette handel.

Die Colgate-verskaffersgedragskode is in verskeie tale op die maatskappy se webwerf beskikbaar onder die “Work With Us”- (“Werk saam met ons”) afdeling vir verskaffers.

Ons gee Of Ontvang nie Onvanpaste geskenke nie.

Dit is onaanvaarbaar om enige geskenke, betalings of ander persoonlike voordele te gee of te ontvang of om enige sakebesluit te beïnvloed, of skynbaar te beïnvloed. U moet vooraf goedkeuring kry by die wêreldwye regsorganisasie of die wêreldwye afdeling vir etiek en nakoming indien u beoog om ’n geskenk te gee of te ontvang waarvan die waarde meer as net nominaal is ($50, USD). Hou ook in gedagte dat u slegs een geskenk met nominale waarde per kalenderjaar uit ’n enkele oord mag aanvaar. Indien dit die maatskappy in die verleentheid kan stel indien u nie ’n spesifieke geskenk – waarvan die waarde meer as nominaal is – aanvaar nie, moet u die wêreldwye regsorganisasie in kennis stel dat u die geskenk aanvaar het, en hulle sal help bepaal wat daarmee moet gebeur. Daarby moet u nie reël om namens ’n nabye familielid ’n geskenk, betaling of ander voordeel wat nominale waarde oorskry te gee aan, of te ontvang van, enigiemand met wie die maatskappy ’n bestaande sakeverhouding het of met wie die maatskappy ’n sakeverhouding wil vestig nie. Volg die volgende reël: moet nooit ’n geskenk of diens aanvaar as dit u onder verdenking bring of dit kan laat lyk asof u onder verdenking is nie. Dit sluit nie sakeverwante vermaak af en toe, waarvoor ’n wederdiens bewys kan word, of geskenke met ’n suiwer nominale waarde in nie.

U moet weet dat spesiale reëls geld vir gepaste gedrag ten opsigte van optrede teenoor federale, deelstaat-, plaaslike of oorsese regerings, wat verskil van die reëls vir optrede teenoor nieregeringsmaatskappye. Gewoonlik mag ’n mens nie enige geskenk, fooi of waardevolle artikel, insluitende etes of reise, aan regeringsamptenare bied, tensy die wêreldwye regsorganisasie dit vooraf goedgekeur het nie.

Colgate-leweransiers en verskaffers moet altyd ingelig word oor die vereiste om die gedragskode na te kom as hulle vir ons werk en die moontlikheid om hul sakegeleentheid by ons te verloor indien hulle dit nie doen nie. Daarby moet ons klant- of verskafferbeleid nakom in soverre dit nie met ons eie beleidstukke bots nie.

ONS VERHOUDING mETANDER SAKEONDERNEmINGS

16 GedraGskode

Ons respekteer ander se handelsgeheime en vertrOulike inligting.

Colgate se beleid is om nie bewustelik inbreuk te maak op die geldige en afdwingbare intellektuele eiendomsregte van ander nie. Dit is ook maatskappybeleid om ander se handelsgeheime en ander vertroulike inligting te respekteer. Dit is veral belangrik indien u kennis dra van ’n vorige werkgewer se handelsgeheime en vertroulike inligting. Indien enige vrae in hierdie verband opduik, moet u die wêreldwye regsorganisasie raadpleeg.

Dit is belangrik om die maatskappy te beskerm teen toekomstige eiendomsreg-skendings of geldelike eise indien enigiemand buite die maatskappy u nader met ’n uitvinding, ontdekking of idee, veral in gevalle waar ons eie werk of ons konsultante s’n voorheen tot dieselfde uitvinding, ontdekking of idee gelei het en ons dit in ’n maatskappyproduk wil implementeer. Moenie persone van buite toelaat om enige besonderhede oor hul uitvinding, ontdekking of nuwe idee te onthul nie. Verwys alle ongevraagde idees na die verbruikersake-afdeling in u area sonder om dit in oënskou te neem, sodat dit volgens die maatskappy se prosedures hanteer kan word.

Vir verdere inligting oor die beskerming van ander se inligting, raadpleeg asseblief “Colgate-Palmolive se riglyne oor die beskerming van vertroulike maatskappy-inligting en respek vir ander se vertroulike inligting”, wat gevind kan word in die maatskappy se sakepraktykriglyne.

’n Deel van my werk behels om reëlings te tref vir verskeie sakebyeenkomste, -reise en -konvensies. ’n Plaaslike hotel waar ek gereeld verblyf bespreek, het nou vir my ’n gratis naweek aangebied vir my huweliksherdenking. Dit is ’n mooi gebaar van meelewendheid. Mag ek dit aanvaar?

Nee. As jy die aanbod aanvaar, sal dit vir jou moeilik wees om in die toekoms onpartydig voor te kom as jy hotelverblyf moet reël. Selfs die skyn van sulke botsende belange is onvanpas, en moet vermy word deur die aanbod beleefd van die hand te wys.

V:

A:

Ek het onlangs ’n mededingende maatskappy verlaat en by Colgate aangesluit. Ek het gereken dit kan my nuwe span help as ek ’n opsomming maak van alles wat ek oor my vorige werkgewer se sakeplanne en -strategieë kan onthou. Is dit die regte ding om te doen?

Dit sal hoogs oneties, en moontlik onwettig, wees as u u vorige werkgewer se vertroulike inligting deel. U moet geen niepublieke inligting, waartoe u toegang gehad het terwyl u vir ’n mededinger gewerk het, bekend maak nie, en as u ooit gevra word om dit te doen, moet u die situasie onmiddellik aan ’n hoër bestuursvlak, die mensehulpbron-afdeling, die wêreldwye regsorganisasie of die wêreldwye afdeling vir etiek en nakoming rapporteer.

V:

A:


Ons reputasie is gebou op die gehalte en veiligheid van ons produkte. Ons verbintenis tot gehalte en veiligheid is noodsaaklik vir ons maatskappy se volgehoue groei en sukses.

Ons stel die hOOgste standaarde vir Ons prOdukte.

Ons is verbind daartoe om te verseker dat verbruikers peil kan trek op Colgate-produkte se betroubaarheid, gehalte en uitmuntende werking. Buiten die feit dat ons miljarde mense dien in die markte waar ons sake doen, moet ons voortdurend daarna streef om ons produkte op die doeltreffendste manier moontlik te vervaardig sodat die grootste getal verbruikers dit kan bekostig.

Produkte wat deur Colgate verkoop word, moet nie net aan alle wetlike veiligheidstandaarde voldoen nie, maar ook aan maatskappystandaarde, wat dikwels strenger is. Ons neem deel aan programme om vinnig bystand te verleen aan verbruikers indien daar vermoedelik met produkte gepeuter word, dit misbruik of vervals word. Verbruikersgesondheid, -veiligheid en -welstand is van uiterste belang vir ons. As ’n Colgate-werknemer is dit u verantwoordelikheid om onmiddellik enige kwessies wat verband hou met produkgehalte of -veiligheid aan u sake-eenheidbestuurder te rapporteer as u dit teëkom.

Ons gee gehOOr aan verbruikers.

Aangesien ons handel dryf met verbruikersprodukte, hang ons sukses af van verbruikerstevredenheid, -vertroue en -goedgesindheid. Die beste manier om ons doelwitte te bereik en aan verbruikers se behoeftes te voldoen, is om ’n konsekwente, billike en sensitiewe verbruikerskommunikasieprogram te volg.

Ons besef die belangrikheid daarvan om verbruikers se behoeftes en voorkeure ten opsigte van ons produkte vooruit te skat en om te verseker dat ons daaraan gehoor gee. Ons glo ook dat verbruikersmenings, -kwellinge en -navrae oor ons produkte wat aan die maatskappy gerig word, ’n belangrike bron van inligting is. Verbruikersbehoeftes verander voortdurend; ons moet dus voortdurend luister wat mense soek en ons kreatiwiteit gebruik om daardie veranderende behoeftes te bevredig.

Wanneer ’n verbruiker sy ontevredenheid lug, hanteer ons die probleem spoedig, hoflik en billik, en wend alle redelike pogings aan om die verbruiker se goedgesindheid en aankope van Colgate-produkte te behou of terug te wen.

Ons advertensies is akkuraat.

Advertensies is een van die belangrikste aspekte van ons besigheid. Advertensies moet kreatief en mededingend wees, maar terselfdertyd eerlik en akkuraat, nie misleidend nie en moet altyd voldoen aan die toepaslike wetgewing. Ons advertensies moet ook enige stereotipering van individue op grond van faktore soos die volgende vermy: ras, geloof, nasionale herkoms, etnisiteit, kleur, geslag, geslagsidentiteit, ouderdom, burgerskap, seksuele oriëntasie, oudsoldaatstatus, huwelikstatus, gestremdheid of enige ander kenmerk wat kragtens wet beskerm word. Advertensies skep meer as net ’n beeld van die produk. Dit bou ons reputasie vir betroubaarheid en geloofwaardigheid.

ONS VERHOUDINGmET VERBRUIKERS

18 GedraGskode

Boonop lê ons sorg aan die dag om die media te kies waarin ons advertensieboodskappe verskyn. Ons laat nie toe dat ons advertensies op televisieprogramme of in ander media verskyn wat nodelose of oormatige geweld of seks bevat, wat antisosiaal is of wat ons maatskappy se reputasie of produkte negatief kan beïnvloed nie.

Ons handhaaf handelsbillikheid ten opsigte van die uitdink, gebruik en keuse van advertensies, handelsmerke en ontwerpe, sodat ons produkte uit hoofde van hul eie gehalte en ons reputasie sukses kan behaal, nie deur nabootsing of deur te handel in ons mededingers se klandisiewaarde nie. Handelsbillikheid vereis:

• Streng nakoming van plaaslike wetlike vereistes ten opsigte van handelsmerkskending en onbillike mededinging.

• Om nie bekende handelsmerke, slagspreuke, advertensietemas en grafika na te aap wat deur multinasionale maatskappye en streeksgebonde mededingers buite u area gebruik word nie.

Vir ’n vollediger bespreking van die maatskappy se advertensieriglyne, raadpleeg “Colgate-Palmolive se advertensieriglyne” en “Colgate-Palmolive se advertensieplasing-beleidsverklaring”, wat gevind kan word in die maatskappy se sakepraktykriglyne.


Ons gehoorsaam alle wette waaraan Colgate se sakebedrywighede moet voldoen. Ons beleid is om die gees van die wet te eerbiedig, nie net die letter nie. Maak dit ’n gewoonte om die wêreldwye regsorganisasie te raadpleeg wanneer u ook al twyfel.

Ons vOldOen aan alle mededingingswette/antitrustwette.

Colgate se beleid is dat alle werknemers ten volle aan elke land, deelstaat en plek waar Colgate sake doen se mededingingswette (bekend as antitrustwette in die VSA) moet voldoen. Die doel van mededingingswette is om die mededingingsproses tot voordeel van verbruikers te beskerm. Mededingingswette verseker dat maatskappye meeding om besigheid te kry deur laer pryse, innoverende produkte en beter diens te bied, nie deur in te meng met markkragte soos vraag en aanbod nie. Mededingingswette beskerm maatskappye ook teen roofsugtige of onbillike optrede deur dominante maatskappye, en maak die mededinging-speelveld vir almal toeganklik en regverdig. Colgate ondersteun die oogmerke van mededingingswette. Ons glo dat ons maatskappy op sy beste vaar in ’n mededingende mark.

Byna elke land het mededingingswette deurgevoer. Dit is ons verantwoordelikheid om die wette waar ons sake doen te verstaan en om, waar nodig, leiding van die sake-eenheid se regsadviseur of die wêreldwye regsorganisasie te bekom. Ons moet die letter én die gees van die toepaslike wette nakom.

Mededingingswette oral in die wêreld verbied ooreenkomste tussen bestaande of potensiële mededingers wat mededinging benadeel. Onafhanklikheid is die sleutel tot nakoming. Colgate moet onafhanklik optree in sy sakebedrywighede – prysvasstelling, afslag, promosies, koop- en verkoopvoorwaardes; keuse van klante, verspreiders en verskaffers; en die keuse van produk om te vervaardig en hoeveel om te verkoop. Dit is belangrik om in gedagte te hou dat ’n onwettige ooreenkoms nie ’n formele dokument, of selfs op skrif hoef te wees nie. Dit kan ’n verbale ooreenkoms wees, of afgelei uit ’n sakerigting wat ingeslaan word of uit opmerkings in dokumente. ’n Ooreenkoms hoef ook nie suksesvol in werking gestel te word om onwettig te wees nie.

Mededingingswette stel ook sekere perke aan verhoudings met klante en verspreiders. Enige poging om klante of verspreiders die vryheid te ontsê om pryse vas te stel, bepalings en voorwaardes van kooptransaksies te bepaal of om onregmatige perke op hul reg om onafhanklik sake te doen te plaas, is in die meeste lande ’n oortreding van die mededingingswette.

Die gevolge van nienakoming van mededingingswette is geweldig verreikend vir Colgate en sy mense. Oortreding van sommige mededingingswette kan lei tot boetes en tronkstraf vir die betrokke individue, en tot selfs groter boetes vir die maatskappy. Boonop kan siviele gedinge aanhangig gemaak word om skadevergoeding en regskoste te eis, selfs al word die saak nie krimineel vervolg nie.

U moet die wêreldwye regsorganisasie raadpleeg indien u te eniger tyd hoegenaamd twyfel of optrede wat u oorweeg ’n kwessie kan raak kragtens mededingingswette.

Vir verdere inligting oor mededinging-/antitrustkwessies, raadpleeg asseblief “Colgate-Palmolive se riglyne oor internasionale mededinging”, wat gevind kan word in die maatskappy se sakepraktykriglyne.

ONS VERHOUDING mETDIE REGERING EN DIE wE T

20 GedraGskode

Ons kOm wette OOr effekte na.

Af en toe kan u dalk inligting hê oor Colgate, of oor ander publiek verhandelde maatskappye met wie Colgate sake doen of onderhandel, wat nie bekend is aan die publiek nie (“niepubliek”) – byvoorbeeld finansiële of bedryfsyfers, moontlike verkrygings, afstanddoenings of finansieringstransaksies, bemarkingsplanne of nuwe produkbekendstellings.

Inligting word gereken as “niepubliek” totdat dit behoorlik aan die publiek bekend gemaak is, d.w.s. die inligting is wyd versprei en genoeg tyd het verloop vir die effektemark om die inligting te verwerk. Indien hierdie niepublieke inligting as “wesenlik” beskou kan word – m.a.w. inligting wat ’n oordeelkundige belegger in ag sal neem wanneer hy ’n beleggingsbesluit neem – geld die volgende kragtens die toepaslike effektewette en maatskappybeleid:

• U moenie vir u eie gewin of vir iemand anders se gewin aandele, skuldbriewe of effekte verhandel van die maatskappy (Colgate of ’n ander) op wie die niepublieke inligting betrekking het nie.

• U moenie ander mense aanmoedig of oorhaal om op grond van sulke niepublieke inligting aandele, skuldbriewe of ander effekte van sodanige maatskappye te verhandel nie.

• U moet u daarvan weerhou om sulke niepublieke inligting aan mense buite Colgate bekend te maak.

• U moenie sulke niepublieke inligting met mense binne Colgate bespreek nie, tensy hulle nodig het om kennis te dra daarvan.

Colgate-mense wat kennis dra van niepublieke inligting oor Colgate, moet uiterste sorg aan die dag lê om dit vertroulik te hou. Hulle moenie Colgate-aandele, -skuldbriewe of ander -effekte verhandel nie, of die aandele, skuldbriewe of ander effekte van enige ander betrokke maatskappy, voor die niepublieke inligting aan die publiek bekend gemaak is, en vir ’n redelike tyd daarna nie. Só ’n verbod geld ook op die uitoefening van aandele-opsies, en besluite oor belegging in of afstanddoening van Colgate-effekte in die maatskappy se voordeleplanne.

Indien u Colgate verlaat, het u steeds ’n plig om die vertroulikheid van sodanige niepublieke inligting te handhaaf, tot daardie inligting genoegsaam aan die publiek bekend gemaak is.

Indien u twyfel of inligting “wesenlik” is of genoegsaam aan die publiek bekend gemaak is, moet u met die wêreldwye regsorganisasie in verbinding tree en uself daarvan weerhou om die betrokke effekte te verhandel of om die inligting bekend te maak, tot u in kennis gestel is dat die inligting nie wesenlik is nie, of dat dit reeds openbaar gemaak en verwerk is.

’n Sakekontak het onlangs vir my vertel van ’n byeenkoms wat deur een van ons direkte mededingers by ’n tandheelkundige konferensie gehou is. Ek wil graag hul byeenkoms bywoon, maar ek is bang hulle laat my nie in as hulle weet ek is van ’n mededingende maatskappy nie. Kan ek dit bywoon, mits ek my identiteit verswyg?

Nee. Dit is nooit gepas om u identiteit te verswyg ten einde inligting oor ’n mededinger te kry nie. U moet ook die wêreldwye regsorganisasie raadpleeg voordat u enige byeenkoms saam met ’n mededinger bywoon, aangesien sulke byeenkomste kwelpunte oor mededingingswette kan laat ontstaan.

V:

A:

Ek besef dat ek nie maatskappy-effekte kan koop op grond van binnehandel-inligting nie, maar kan ek ’n familielid of vriend aanraai om dit te doen?

Nee. U sal wette op binnehandel oortree as u dit doen, presies asof u self die effekte koop. Daarby kan die persoon vir wie u aangeraai het ook die wet oortree indien hulle weet dat u inligting op binnehandel-inligting gebaseer is.

V:A:


Ons maak nie pOlitieke bydraes nie.

Geen maatskappyfondse of -bates mag gebruik word vir bydraes aan enige politieke party of kandidaat op federale, deelstaat- of plaaslike vlak nie, hetsy in die Verenigde State of in die buiteland. ’n Politieke bydrae sluit direkte (d.w.s. geld) én indirekte bydraes in. Indirekte bydraes sluit die aankoop van fondsinsamelingskaartjies, produkbydraes, vrywilligerwerk deur Colgate-mense binne normale werksure en die gebruik van Colgate-geriewe vir fondsinsameling of politieke doeleindes in. Indien u ’n vraag het oor ’n indirekte bydrae, kontak asseblief die wêreldwye regsorganisasie.

Die maatskappy word verbied om enige Colgate-persoon of individu wat met die maatskappy geassosieer word (stemmemakers van buite inkluis) direk of indirek in enige vorm te vergoed vir politieke bydraes wat die persoon beoog om te maak of reeds gemaak het.

Dit staan individuele Colgate-mense vry om persoonlike bydraes te maak vir die kandidate of partye van hul keuse. ’n Individuele bydrae is die verantwoordelikheid en las van die individuele persoon. Colgate sal geen verantwoordelikheid of verpligting vir ’n persoonlike bydrae aanvaar nie. ’n Persoonlike bydrae sal voorts ook nie gemaak word met die doel om Colgate of een van sy bedryfsmaatskappye te help om besigheid te verkry of te behou nie.

Colgate behoort, net soos die meeste internasionale maatskappye, aan ’n paar handels- en bedryfsverenigings in die Verenigde State en betaal jaarliks lidmaatskapfooie aan hulle. Om te help verseker dat hierdie bedryfsverenigings nie enige deel van die lidmaatskapgeld wat Colgate betaal vir politieke bydraes aanwend nie, lig Colgate se hoofbeampte vir etiek en nakoming elke jaar die VSA-bedryfsverenigings in oor ons beleid wat sulke bydraes verbied, en vereis dat elke bedryfsvereniging aan ’n jaarlikse sertifiseringsproses deelneem. Om meer hieroor te wete te kom, raadpleeg asseblief ons beleid oor politieke bydraes wat in die bestuursgedrag-afdeling van die webwerf www.ColgatePalmolive.com gevind kan word.

Ons gaan eties Om met ander mense.

Die maatskappy se beleid is dat Colgate-mense alle omkoperywette wêreldwyd ten volle moet nakom, en dat hulle nie by enige omkopery betrokke moet raak nie. U moet derhalwe nie probeer om enige eksterne party, met wie u maatskappysake doen, se oordeel of gedrag te beïnvloed deur beloftes, geskenke of ander voordele, of deur enige ander onwettige aansporing nie.

Boonop kan sekere wette oor stemmemakery vereis dat die maatskappy en/of sy mense as ’n stemmemaker registreer en aanmeld indien ’n Colgate-persoon met ’n regeringsamptenaar kommunikeer met die doel om wetgewing of sekere ander amptelike handelinge te beïnvloed. Indien u by sulke optrede betrokke is, moet u die wêreldwye regsorganisasie in kennis stel.

Colgate se verbintenis om wettig en eties met regerings om te gaan, geld wêreldwyd. Maatskappybeleid, die VSA se wet oor korrupte buitelandse praktyke en soortgelyke korrupsie-wetgewing oral in die wêreld verbied ons mense of hul agente om geld of enigiets van waarde – hetsy kontant of nie, of hetsy direk of indirek deur ander – aan enige buitelandse amptenaar (d.w.s. buitelandse staatsamptenaar, buitelandse politieke party of partybeampte of kandidaat vir buitelandse politieke pos) te gee of aan te bied om daardie amptenaar oor te haal om enige regeringshandeling of -besluit te beïnvloed, of om die maatskappy te help om sakegeleenthede te kry of dit te behou nie.

Om seker te maak dat u nie hierdie reël oortree nie, is dit maatskappybeleid dat, met die uitsondering van wetlik vereiste fooie (byvoorbeeld, die vereiste permit- of lisensiefooie), geen betalings, vermaak, geskenke of ander waardevolle items direk of indirek aan buitelandse beamptes gegee sal word nie, tensy dit vooraf deur die wêreldwye regsorganisasie as wettig goedgekeur is kragtens VSA- en ander toepaslike wette.

Wees altyd direk en eerlik in u omgang en kommunikasie met regeringsamptenare. Enige bewustelike of opsetlik verkeerde stellings teenoor regeringsamptenare (mondeling of skriftelik), veral enige vals verklaring onder eed, kan die maatskappy en sy mense blootstel aan aansienlike boetes.

22 GedraGskode

Hou in gedagte dat regeringswerkers in party lande, buiten die ooglopende tradisionele regeringsamptenare, ook universiteitsprofessore, skoolonderwysers, tandartse, veeartse, dokters en staatsmediawerknemers kan insluit.

Vir meer gedetailleerde leiding oor die maatskappy se beleidsrigtings in hierdie verband, sien “Colgate-Palmolive se riglyne oor die VSA se wet oor korrupte buitelandse praktyke” en “Colgate-Palmolive se riglyne oor sakeverhoudings met regeringsliggame”, wat in die maatskappy se sakepraktykriglyne gevind kan word.

Ons bestuur rekOrds OOreenkOmstig die wet.

Ons kom alle wette en regulasies oor die bestuur van maatskappyrekords na (insluitende fisiese dokumente en elektroniese data).

Indien u weet van ’n lasbrief, gedingvoering of ’n hangende regeringsondersoek, of as so iets aan u gerapporteer word, kontak onmiddellik die wêreldwye regsorganisasie. In so ’n geval moet u alle rekords behou waarmee daar op die lasbrief gereageer kan word, wat betrekking het op die gedingvoering of wat verband mag hou met die ondersoek, ongeag die vereistes van die rekordhoudingsprogram. U mag nie sodanige rekords vernietig of wysig nie, aangesien die onvanpaste vernietiging van rekords ernstige gevolge kan hê vir die maatskappy en vir u persoonlik – insluitende siviele en/of kriminele strawwe. Indien u wonder of ’n verslag verband hou met ’n ondersoek, gedingvoering of ’n lasbrief, kontak die wêreldwye regsorganisasie voordat u van die betrokke dokument ontslae raak.

Ons kOm internasiOnale handelsregulasies na.

Die maatskappy voldoen, in die uitvoering van sy binnelandse én sy buitelandse bedrywighede, ten volle aan alle toepaslike wette – veral VSA-wette – wat invoere, uitvoere en sakebedrywighede met partye buite die VSA reël. Hierdie wette stel perke aan die tipe produkte wat in die Verenigde State ingevoer mag word, en die manier waarop dit ingevoer word. Dit kan ook uitvoer na, en die meeste ander transaksies met, sekere lande verbied. Samewerking met, of deelname in, buitelandse boikotte van lande wat nie deur die Verenigde State geboikot word nie, word ook verbied. Colgate-mense moet maatskappybedrywighede só beoefen dat hulle die wette van die lande waar hulle werksaam is, ten volle nakom. Dit kan egter gebeur dat daar ’n verskil ontstaan tussen een land se wette en dié van die Verenigde State of die maatskappybeleid. Indien u bewus raak van so ’n verskil, moet u u bestuurder in kennis stel en die wêreldwye regsorganisasie raadpleeg.

Vir meer gedetailleerde leiding oor hierdie wette en die lande waarop hulle betrekking het, raadpleeg “Colgate-Palmolive se riglyne oor internasionale sakebedrywighede”, wat in die maatskappy se sakepraktykriglyne gevind kan word.

Ek verstaan dat daar wette is wat die omkoop van regeringsamptenare verbied. Maar verbied die wet ook die omkoop van mense wat nie regeringsamptenare is nie?

Daar is omkoperywette wat omkopery tussen privaat handelsmaatskappye, m.a.w. kommersiële omkopery, verbied. Hierdie wette is net so belangrik – en streng afgedwing – as dié wat omkopery van regeringsamptenare en -werknemers verbied.Hou altyd in gedagte dat maatskappybeleid en plaaslike wetgewing die omkopery van enigiemand in die uitvoering van maatskappysake verbied, ongeag of dit ’n regeringsamptenaar of ’n privaat persoon is.

V:A:

Hoe bepaal ek hoe lank ek maatskappyrekords moet hou en wanneer ek dit kan wegmaak? Raadpleeg die maatskappy se intranetwerf vir rekordbestuur by OurColgate.com > C-P Sites > Legal and Regulatory, of tree in verbinding met u plaaslike rekordskoördineerder (waar van toepassing).

V:A:


Die maatskappy streef daarna om ’n bydraende lid van die wêreldgemeenskap te wees. Ons is burgers van elke plek waar ons sake doen en, net soos individuele burgers, het ons ’n burgerlike verantwoordelikheid om die gesondheid, onderwys en welstand van die gemeenskap te ondersteun.

Ons neem deel aan plaaslike skenkings en vrywilligerwerk.

Ons doel oral in die wêreld is om deel te neem aan projekte om die ontwikkeling en welstand van die plaaslike gemeenskap te bevorder. Sulke projekte sluit deelname aan liefdadigheidspogings in, asook die aanvaarding van verantwoordelikheid vir hulp aan armes, beseerdes en dakloses tydens nasionale rampe. Ons hooffokus is op jong mense, veral die onderwys van jong mense. Colgate glo dat vandag se beleggings in ons kinders in die toekoms tot ons almal se voordeel sal strek. Dit is hoekom die maatskappy oral in die wêreld leesprogramme, mentorskap-inisiatiewe, sportkompetisies en ander jeugaktiwiteite borg. Hierdie pogings kweek ’n gees van mededinging en prestasie in die jeug.

Die maatskappy moedig sy mense ook aan om in hul vrye tyd deel te neem aan plaaslike liefdadigheidsaktiwiteite waarvan hulle hou.

Ons werk saam met regerings aan kwessies wat Ons besigheid raak.

Ons maatskappy is waarlik globaal in omvang, en verkoop sy produkte in meer as 200 lande en gebiede. Ons beleid is om saam met plaaslike en nasionale regerings te werk. Daar kan van tyd tot tyd kwessies ontstaan wat ons bedrywighede raak. Die maatskappy sal, na deeglike oorweging, menings en aanbevelings oor spesifieke kwessies aan regerings bied om ons sakedoelwitte en -behoeftes te ondersteun.

Ons staan uitbuitende, Onmenslike arbeidspraktyke teen.

Colgate staan die onwettige gebruik van kinderarbeid, die uitbuiting van kinders en alle ander vorme van onaanvaarbare hantering van werkers teen. Trouens, Colgate se beleid verbied samewerking met enige verskaffer of kontrakteur wat bekend is vir die onaanvaarbare behandeling van sy werkers, insluitende kinderuitbuiting, lyfstraf, vrouemishandeling, dwangarbeid of ander vorme van mishandeling. Die maatskappy aanvaar nie enige oortreding van kinder- of ander arbeidswette nie; indien die maatskappy te wete kom van enige oortreding van ons beginsels, is dit voldoende rede om die sakeverhouding onmiddellik te beëindig.

Ons tOOn Ons verbintenis tOt universele menseregte.

Colgate is verbind tot respek vir menseregte oral in die wêreld. Daarom handhaaf Colgate die volgende standaarde, en streef daarna om saam met sakevennote te werk wat dieselfde doen:

• gelyke geleenthede vir alle werknemers op alle vlakke, ongeag ras, kleur, geloof, geslag, geslagsidentiteit, nasionale herkoms, etnisiteit, ouderdom, seksuele oriëntasie, gestremdheid, huwelikstatus, oudsoldaatstatus of enige ander kenmerk wat deur die wet in enige indiensnemingsbepalings of -voorwaardes beskerm word;

ONS VERHOUDINGmET DIE GEmEENSK AP

24 GedraGskode

• ’n veilige, gesonde werkplek wat mense se gesondheid en die omgewing beskerm;

• betaling van ’n werknemersloon wat werknemers in staat stel om ten minste hul basiese behoeftes te dek, en die voorsiening van geleenthede aan werknemers om hul vaardighede en vermoëns te verbeter;

• die agting van werknemers se wetlike reg op vryheid van assosiasie; en

• samewerking met regerings en gemeenskappe waar ons werksaam is om die onderwys-, kulturele, ekonomiese en maatskaplike peil van daardie gemeenskappe te verbeter.


Colgate heg nie net waarde aan ’n skoner, gesonder omgewing omdat dit die regte ding is om te doen nie, maar ook omdat dit sakegewys sin maak. Ons behoefte om ons deel vir die beskerming van ons planeet te doen fokus daarop om sake te doen op ’n wyse wat veilig is vir die omgewing, en wat ons wêreld vir toekomstige geslagte bewaar.

Ons is verbind tOt vOlhOubaarheid en maatskaplike verantwOOrdelikheid.

Volhoubaarheid is gebiedend noodsaaklik vir Colgate se langtermynsake. Dit is bepalend vir die maatskappy se sukses. Dit rus op ons Colgate-waardes van omgee, spanwerk wêreldwyd en deurlopende verbetering. Ons fokus is op mense, prestasie en planeet.

Verder is ons daartoe verbind om ons wêreldwye volhoubaarheidsdoelwit te bereik, naamlik om te verseker dat Colgate se besigheid konsekwent en op ’n verantwoordelike manier groei, sodat die mense wat ons dien – insluitend werknemers, ons aandeelhouers en ander belanghebbers wêreldwyd – voordeel sal trek en dat die welstand van toekomstige geslagte terselfdertyd bevorder sal word.

Die afgelope paar jaar het ons verbintenis tot volhoubaarheid en maatskaplike verantwoordelikheid gegroei namate ons hierdie inisiatiewe in ons sakebedrywighede geïntegreer het. Hierdie geïntegreerde benadering het ons inisiatiewe vir volhoubaarheid en maatskaplike verantwoordelikheid en ons sakeprestasie versterk, wat ons help om die beste talent te werf en te behou, wat op sy beurt meewerk om verhoudings met ons belanghebbers te verbeter, en nuwe geleenthede vir innovasie te bied. Die belangrikste uitvloeisel van hierdie verbintenis is waarskynlik dat dit Colgate-mense oral in die wêreld aanvuur en betrek.

U kan die opsomming van ons volhoubaarheidsbeleidsrigtings en -programme sien in die “Ons leef ons waardes”-afdeling van die www.ColgatePalmolive.com-webwerf.

Ons bewaak en beskerm die Omgewing.

Die maatskappy is verbind tot die bewaring van die omgewing. Elkeen van ons moet derhalwe die letter en die gees van toepaslike omgewingswette en regulasies en die publieke beleidsrigtings wat hulle verteenwoordig, nakom. Geen individu of bestuurder in die maatskappy het die magtiging om teenstrydig met hierdie beleid op te tree, of om sodanige optrede deur enige ander persoon te magtig, te koördineer, goed te keur of oor die hoof te sien nie.

Ons sal oop kommunikasie met die publiek voorstaan en ’n aktiewe, produktiewe vennootskap nastreef met die gemeenskappe waar ons sake doen. Ons sal voortgaan om inligting oor ons omgewingsbeleid en -programme met verbruikers te deel en om saam te werk met gemeenskapsleiers en alle ander partye wat ons verbintenis deel om ons omgewing vir toekomstige geslagte te bewaar.

Colgate verleen hoë prioriteit daaraan om in ons immer veranderende wêreld op ’n verantwoordelike en beleefde wyse sake te doen. Hierdie pogings het gelei tot verhoogde doeltreffendheid en finansiële voordele vir die maatskappy. Ons weet daar lê nog baie werk voor. Ons volgehoue strategie om ons omgewingsafdruk te verklein sal ’n integrale deel bly van hoe ons ons produkte vervaardig, verpak, versprei en bemark.

Vir meer inligting oor die omgewingswette wat op die maatskappy van toepassing is en die maatskappy se verwante beleidsrigtings en -prosedures, raadpleeg asseblief “Colgate-Palmolive se verklaring oor omgewing, beroepsgesondheid en -veiligheid”, wat gevind kan word in die maatskappy se sakepraktykriglyne.

ONS VERHOUDING mETDIE OmGEwING

26 GedraGskode

Ons streef daarna om die belange van ons aandeelhouers te dien en om aandeelhouerwaarde te help bou.

Ons handhaaf gOeie kOrpOratiewe bestuursgedrag Om aandeelhOuerwaarde te beskerm.

Die maatskappy se beleidsrigtings en -programme oor korporatiewe bestuursgedrag, waarvan hierdie gedragskode ’n sleutelelement is, dien as ’n belangrike veiligheidsmeganisme vir aandeelhouers. Die Amerikaanse Kongres, die Effekte-en-Beurskommissie, die New York Aandelebeurs en ander reguleerders en owerhede wêreldwyd het die afgelope paar jaar baie wigte en teenwigte deurgevoer ten einde die etiese korporatiewe gedrag te bevorder wat al jare lank standaardpraktyk by Colgate is. ’n Onafhanklike direksie, wat bestaan uit ’n wesenlike meerderheid onafhanklike direkteure, en onafhanklike komitees wat toesig hou oor oudit-, vergoeding- en bestuursgedragsake, dien ons aandeelhouers goed. Komiteehandveste en bestuursgedragriglyne wat gereeld bygewerk word, omskryf die direkteure se rolle en verantwoordelikhede en die maatskappy se korporatiewe bestuursgedragbeginsels baie duidelik.

Vir ’n meer gedetailleerde beskrywing van die maatskappy se korporatiewe bestuursgedragprogram, raadpleeg asseblief “Colgate-Palmolive se maatskappydireksie se riglyne oor belangrike korporatiewe bestuursgedrag-aangeleenthede” en die handveste van die maatskappy se ouditkomitee, die nominasie-en-korporatiewebestuursgedrag-komitee, die personeel-en-organisasiekomitee en die finansiële komitee, wat almal beskikbaar is op die maatskappy se webwerf.

Ons handhaaf streng OuditprOgramme Om beleggersvertrOue te verhOOg.

Die maatskappy is verbind tot die gehalte, integriteit en deursigtigheid van sy finansiële verslae. Hierdie verbintenis word weerspieël in die maatskappy se ou, beproefde beleidsrigtings en prosedures, insluitende ’n interne ouditgroep wat finansiële beheermaatreëls wêreldwyd monitor, onafhanklike ouditeure met ’n breë mandaat en ’n onafhanklike ouditkomitee wat toesig hou oor hierdie areas. Ons verwag van Colgate-mense om oop en eerlike kommunikasie en ’n vrye vloei van inligting met die interne en eksterne ouditeure en die ouditkomitee te handhaaf ten einde die doeltreffendheid van hierdie hulpbronne te optimaliseer.

Raadpleeg asseblief “Colgate-Palmolive se maatskappy-ouditkomitee-handves” wat beskikbaar is op die maatskappy se webwerf vir bykomende inligting oor die belangrike rolle van die maatskappy se interne ouditeure, onafhanklike ouditeure en die ouditkomitee.

Ons hOu aandeelhOuers ingelig OOr die maatskappy se vOrdering.

Aandeelhouers word elke jaar uitgenooi na die maatskappy se jaarvergadering, waar die maatskappy se vordering die afgelope jaar in oënskou geneem word en waar aandeelhouers die geleentheid kry om vrae aan die maatskappy se senior bestuurslede te rig. In die maande tussenin kan aandeelhouers die maatskappy se webwerf, www.ColgatePalmolive.com, besoek vir meer inligting oor onlangse produkbekendstellings, die jongste finansiële resultate, die maatskappy se volhoubaarheidswerk en ander sakeverwikkelings.

ONS VERHOUDINGmET AANDEElHOUERS


Dit is nie voldoende om ’n geskrewe gedragskode te hê nie – gedragstandaarde moet oorgedra word aan, en nagekom word deur, diegene wat gevra word om dit na te kom.

kOmmunikasie en Openbaarmaking is nOOdsaaklik.

Wanneer ons diens aanvaar by Colgate, word elkeen van ons aanspreeklik vir die nakoming van hierdie gedragstandaarde, asook alle wette en regulasies en die meer gedetailleerde riglyne wat vervat is in die sakepraktykriglyne en in die ander beleidstukke, prosedures en riglyne wat deur ons maatskappy, sy filiaalmaatskappye, bedryfseenhede en divisies opgestel word. Bestuurders is verantwoordelik om hierdie standaarde oor te dra aan diegene saam met wie hulle werk, om seker te maak dat hulle dit verstaan en daarby hou, en om ’n klimaat te skep waarin mense etiese en wetlike kwessies vrymoedig kan bespreek.

COlgate se wêreldwye afdeling vir etiek en nakOming hOu tOesig OOr nakOming.

Die wêreldwye afdeling vir etiek en nakoming sal nakoming van die gedragskode en die sakepraktykriglyne monitor. Die afdeling doen verslag aan die uitvoerende hoof/direksievoorsitter en die ouditkomiteevoorsitter van Colgate se direksie oor die vestiging, inwerkingstelling en toepassing van die gedragskode en verwante programme.

Inligting wat aan die wêreldwye afdeling vir etiek en nakoming oorgedra word of wat deur ander kanale kom, word – waar nodig – vertroulik aan die ouditkomitee oorgedra.

VER ANT wOORDElIKHEID VIRN A KO m I N G

28 GedraGskode

SOEK lEIDING EN RAPPORTEER KwEllINGEu wOrd aangemOedig Om leiding te sOek.

Hierdie gedragskode kan nie klinkklare antwoorde op alle vrae voorsien nie. Duidelikheid hieroor hang uiteindelik af van elke persoon se begrip van wat nodig is om aan die maatskappy se hoë standaarde te voldoen, insluitende ’n begrip van wanneer dit goed is om leiding oor die regte pad vorentoe te soek.

In die meeste gevalle moet u vrae oor die riglyne wat in hierdie gedragskode beskryf word, onder u direkte bestuurder of die wêreldwye regsorganisasie se aandag bring, wat op hul beurt weer sulke sake met sy of haar toesighouer, ’n ander prokureur in die wêreldwye regsorganisasie, die wêreldwye afdeling vir etiek en nakoming of die mensehulpbron-afdeling vir die betrokke eenheid of divisie sal bespreek. U kan self ook hoër bestuursvlakke of die wêreldwye afdeling vir etiek en nakoming kontak – hetsy direk of via Colgate-Palmolive se etieklyn (voorheen bekend as die blitslyn), soos hier onder aangedui.

u mOet vermOedelike OOrtredings aanmeld.

Indien u weet van ’n oortreding van die gedragskode of van ander maatskappy-riglyne, of rede het om dit te vermoed, moet u daardie inligting onmiddellik aan u bestuurder, mensehulpbron-afdeling of die wêreldwye regsorganisasie rapporteer. So nie kan u sonder vrees vir vergelding vrymoedigheid neem om hoër bestuursvlakke of die wêreldwye afdeling vir etiek en nakoming te nader. Colgate sal nie teen enige individu vergeld wat inligting oor potensiële oortredings in goeder trou rapporteer nie, of wat aan enige ondersoek of verrigting deur die maatskappy of die regering deelneem, tensy daar bevind word dat daar opsetlik vals inligting voorsien is. Die maatskappy sal ook die nodige stappe neem om ’n individu se identiteit, en die inligting wat hy of sy voorsien, vertroulik te hou, en sal inligting slegs op ’n “moet-weet”-grondslag bekend maak, waar sodanige bekendmaking:

• Onvermydelik is om ’n doeltreffende ondersoek te doen en gepaste stappe te doen, of

• Deur toepaslike wetgewing vereis word.

u kan die wêreldwye afdeling vir etiek en nakOming by COlgate-palmOlive se etieklyn kOntak.

Die doel van Colgate-Palmolive se etieklyn is:

• Om Colgate-mense van raad te bedien en om duidelikheid te help verkry oor hoe die gedragskode in spesifieke situasies toegepas kan word; en

• Om ’n alternatiewe kommunikasiemiddel te skep waardeur mense inligting oor wetsoortredings of aktiwiteite wat in stryd is met die gedragskode onder die maatskappy se aandag kan bring.

U kan met die wêreldwye afdeling vir etiek en nakoming in verbinding tree deur Colgate-Palmolive se 24-uur-etieklyn te skakel by 1-800-778-6080 (Noord-Amerika) of 1-212-310-2330 (kollekteeroproep vanaf alle ander plekke buite Noord-Amerika).

U kan ook per gewone pos, e-pos of faks met wêreldwye afdeling vir etiek en nakoming in verbinding tree. Die posadres is:

Global Ethics and Compliance Colgate-Palmolive Company 300 Park Avenue, 8th Floor

New York, NY 10022

Die vertroulike e-posadres is: [email protected]. Die vertroulike faksnommer is: 1-212-310-3745.


Ons moedig u aan om die wêreldwye afdeling vir etiek en nakoming te kontak en om vrae oor die gedragskode te vra of om enige vermoedelike oortredings daarvan te rapporteer. Ons neem u besorgdheid ernstig op; alle gerapporteerde oortredings sal spoedig ondersoek word. Dit is gebiedend noodsaaklik dat persone wat sake rapporteer nie hul eie ondersoeke probeer doen nie, aangesien komplekse regskwessies betrokke kan wees. As u op u eie optree, kan u die geldigheid van ’n ondersoek op die spel plaas en uself en Colgate negatief beïnvloed.

Ons moedig u aan om uself te identifiseer wanneer u skakel ten einde ondersoek- en opvolgwerk te vergemaklik. U kan inligting anoniem voorlê waar plaaslike wetgewing dit toelaat. Sekere lande het wette wat die tipe inligting wat u kan bekend maak, beperk. Indien hierdie wette op u situasie van toepassing is, sal ’n verteenwoordiger van die wêreldwye afdeling vir etiek en nakoming u na iemand in u sake-eenheid verwys wat u met u vraag of kwelling kan bystaan.

Dit mag nodig wees om persoonlike data wat in een land verkry is, oor te dra na ’n ander land – insluitend die Verenigde State – om ’n oortreding of vermoedelike oortreding van die gedragskode of die sakepraktykriglyne te ondersoek. Verder kan enige werklike of vermoedelike oortreding van die gedragskode of sakepraktykriglyne daartoe lei dat ’n verslag wat moontlik persoonlike data bevat by die wêreldwye afdeling vir etiek en nakoming ingedien word. In sulke gevalle kan maatskappywerknemers en Colgate-entiteite wat aan die wêreldwye afdeling vir etiek en nakoming se werksaamhede deelneem, persoonlike data gebruik om die verslag te ondersoek, maar net so lank as wat redelikerwys nodig is om dit te doen (sodanige persoonlike data sal daarna vernietig word of behou word, afhangende bloot van wat maatskappybeleid of die wet vereis).

dissiplinêre stappe kan geneem wOrd.

Die maatskappy volg ’n “geen verdraagsaamheid”-beleid ten opsigte van enige gedrag wat die gedragskode of die sakepraktykriglyne oortree. Dit beteken dat, sodra daar bevestig word dat ’n oortreding plaasgevind het, gepaste stappe geneem sal word wat strook met die aard en omvang van die oortreding. As sulks is dit die maatskappy se bedoeling om die voorkoms van gedrag wat nie met die gedragskode of met sakepraktykriglyne strook nie te voorkom, en om sulke gedrag wat wel voorkom, so vinnig as moontlik nadat dit ontdek is, kort te knip. Colgate-mense wat die gedragskode of sakepraktykriglyne oortree, stel hulself bloot aan dissiplinêre optrede, wat diensbeëindiging insluit, onderhewig aan plaaslike wetgewing.

die gedragskOde het betrekking Op alle COlgate-mense en maatskappybedrywighede.

Die gedragskode geld vir almal wat vir die Colgate-Palmolive-maatskappy en sy filiaalmaatskappye werk, insluitende beamptes, en geld ook vir die maatskappydirekteure en -agente, in ooreenstemming met toepaslike wetgewing. Afskrifte van die gedragskode, beskikbaar by die wêreldwye afdeling vir etiek en nakoming, moet aan persone en entiteite gegee word wat aangestel en gemagtig is om namens die maatskappy op te tree op gebiede waar die gedragskode van toepassing is. Colgate-mense oral in die wêreld toon hul verbintenis tot nakoming en die maatskappy se etiese standaarde deur op ’n jaarlikse grondslag deel te neem aan gedragskode-opleiding en -sertifisering.

30 GedraGskode

Advertensie-akkuraatheid . . . . . . . . . . . . . . . . 17

Akkurate finansiële rekords . . . . . . . . . . . . . . . 11

Ander mense se vertroulike inligting . . . . . . . 16

Beskerming van maatskappybates . . . . . . . . . . 12

Bestuur van rekords . . . . . . . . . . . . . . . . . . . . . . 22

Binnehandel-/sekuriteitewetgewing . . . . . . . . 20

Botsende belange . . . . . . . . . . . . . . . . . . . . . . . . . 8

Colgate se direksie . . . . . . . . . . . . . . . . . . . . . . . 14

Dataprivaatheid . . . . . . . . . . . . . . . . . . . . . . . . . 10

Dissiplinêre optrede . . . . . . . . . . . . . . . . . . . . . . 29

Etieklyn . . . . . . . . . . . . . . . . . . . . . . . . . . . . . . . . 28

Geen verdraagsaamheid . . . . . . . . . . . . . . . . . . 29

Geen vergelding . . . . . . . . . . . . . binne-agterblad

Geskenke en vermaak . . . . . . . . . . . . . . . . . . . . 15

Handel- en bedryfsverenigings . . . . . . . . . . . . 21

Handelsgeheime . . . . . . . . . . . . . . . . . . . . . . . 9, 16

Invoer-/uitvoerbeheermaatreëls . . . . . . . . . . . 22

IT-hulpbronne/sosiale media . . . . . . . . . . . . . . 12

Kinderarbeid . . . . . . . . . . . . . . . . . . . . . . . . . . 7, 23

Kontak ons . . . . . . . . . . . . . . . . . . . . . . . . . . . . . 28

Mededinging-/antitrustwette . . . . . . . . . . . . . . 19

Mediaversoeke . . . . . . . . . . . . . . . . . . . . . . . . . . 11

Menseregte . . . . . . . . . . . . . . . . . . . . . . . . . . . . . 23

Ons klante . . . . . . . . . . . . . . . . . . . . . . . . . . . . . . 15

Ons verbruikers . . . . . . . . . . . . . . . . . . . . . . . . . 17

Ons vertroulike inligting . . . . . . . . . . . . . . . . . . . 9

Partydigheid . . . . . . . . . . . . . . . . . . . . . . . . . . . 7, 9

Politieke bydraes . . . . . . . . . . . . . . . . . . . . . . . . . 21

Produkgehalte en -veiligheid . . . . . . . . . . . . . . 17

Rapportering van vermoedelike oortredings . 28

Teen omkopery/FCPA . . . . . . . . . . . . . . . . . . . . 21

Teen teistering . . . . . . . . . . . . . . . . . . . . . . . . . . . 7

Veilige werksomgewing . . . . . . . . . . . . . . . . . . . . 7

Verskaffer-gedragskode . . . . . . . . . . . . . . . . . . . 15

Volhoubaarheid/maatskaplike verantwoordelikheid . . . . . . . . . . . . . . . . . . . . . 25

Vrywilligerdienste en skenkings . . . . . . . . . . . 23

GEDRAGSKODE SE ONDERwERP-INDEKS


VRAE EN ANT wOORDE

V: Waar kan ek Colgate se gedragskode vind?

A: U kan dit op OurColgate.com vind, asook op Colgate se eksterne webwerf, www.ColgatePalmolive.com. Indien u nie internettoegang het nie, kan u ook ’n afskrif by die mensehulpbron-afdeling op enige plek in die wêreld kry. Die gedragskode is beskikbaar in 40 tale.

V: Hoe weet ek watter standaarde in die werkplek geld?

A: Colgate kom alle wette en regulasies na, oral waar ons sake doen. Daarby kan daar moontlik spesifieke maatskappybeleid en -prosedures wees wat oor daardie onderwerp handel. Begin by die gedragskode – maar vra gerus u bestuurder, die mensehulpbron-afdeling, wêreldwye afdeling vir etiek en nakoming of die wêreldwye regsorganisasie indien u nie die antwoorde vind wat u soek nie.

V: Vir wie geld die gedragskode?

A: Alle Colgate-werknemers op alle vlakke moet die gedragskode nakom. Daar is geen uitsonderings nie.

V: Gestel ek oortree die maatskappybeleid per ongeluk?

A: Alle Colgate-werknemers het ’n verantwoordelikheid om te verseker dat hul optrede strook met die gedragskode. Dit is hoekom ons u elke jaar vra om die gedragskode deur te gaan en te sertifiseer, en om enige vereiste opleiding te voltooi wat vir u voorgeskryf word. Daar word ook van u verwag om enige vrae of kwelpunte by u bestuurder, wêreldwye afdeling vir etiek en nakoming of die wêreldwye regsorganisasie te opper. Indien u optrede strydig is met die gedrag wat in die gedragskode of in ander maatskappybeleidstukke beskryf word, sal dit u nie noodwendig teen dissiplinêre optrede of wetlike gevolge beskerm as u sê dat u opregte bedoelings gehad het, of dat u nie geweet het dat u optrede onvanpas was nie.

V: My bestuurder het vir my gesê om iets te doen wat volgens my moontlik teen die wet is. Wat staan my te doen?

A: U moet met u bestuurder praat om seker te maak dat u die versoek verstaan. Indien u ná daardie gesprek nog steeds besorg is, moet u met die wêreldwye afdeling vir etiek en nakoming by Colgate-Palmolive se etieklyn, of die wêreldwye regsorganisasie in verbinding tree om u besorgdheid te rapporteer:

Colgate-Palmolive se etieklyn [email protected]

1-800-778-6080 (Noord-Amerika) 1-212-310-2330 (kollekteeroproep vanaf buite Noord-Amerika)

1-212-310-3745 (faks)

Onthou, dit is nooit aanvaarbaar om die wet te oortree nie, ongeag wie vir jou gesê het om dit te doen. Moet nooit u werk of die maatskappy se reputasie op die spel plaas deur iets onwettig of oneties te doen nie.

32 GedraGskode

V: Waarheen kan ek gaan vir opleiding oor bykomende nakoming- en etiekverwante vrae?

A: Tree in verbinding met mensehulpbron-afdeling, wêreldwye afdeling onderwys en opleiding, die wêreldwye regsorganisasie of wêreldwye afdeling vir etiek en nakoming.

V: Is die gedragskode vertroulik?

A: Nee, ons stel ons gedragskode beskikbaar op ons webwerf, en voorsien afskrifte op versoek.

V: Verwag ons dat ons verskaffers Colgate se gedragskode nakom?

A: Ons verwag dat ons verskaffers dieselfde hoë etiese standaard handhaaf wat ons binne die maatskappy nakom. Die Colgate-Palmolive-maatskappy het ’n verskaffersgedragskode ontwikkel, wat in verskeie tale beskikbaar is en op ons maatskappywebwerf gevind kan word onder die “Work With Us”- (“Werk saam met ons”) afdeling vir verskaffers.


beleid van geen vergelding

Colgate se beleid en praktyk is om die hoogste etiese standaarde te handhaaf en om ’n werkplek te skep wat vry is van onvanpaste of onwettige gedrag, waarin mense aangemoedig word om hul besorgdheid sonder vrees vir vergelding met die maatskappy te deel. Gevolglik sal daar by Colgate geen strafmaatreël teen enige werknemer, voormalige werknemer, agent of derde party geneem word wat oor ’n vermoedelike oortreding van die maatskappy se gedragskode, maatskappybeleid of toepaslike wetgewing kla, dit rapporteer, dit ondersoek of help ondersoek nie, tensy daar bevind word dat daar met opset vals bewerings gemaak word of vals inligting voorsien word. Colgate sal die vertroulikheid van alle klagtes so ver moontlik handhaaf. Alle aantygings van vergelding sal

ondersoek word; indien nodig, sal dissiplinêre stappe tot en met diensbeëindiging geneem word.

LEER • TREE OP • PRAAT

U kan met die wêreldwye afdeling vir etiek en nakoming in verbinding tree deur Colgate-Palmolive se 24-uur-etieklyn

te skakel by 1-800-778-6080 (Verenigde State) of 1-212-310-2330

kollekteer (internasionaal), of via gewone pos, e-pos of faks

Global Ethics and Compliance Colgate-Palmolive Company 300 Park Avenue, 8th Floor

New York, NY 10022

[email protected]

1-212-310-3745 (faks)

D12-128 5/12

CorporateCommunications300ParkAvenueNewYork,NY10022-7499

GEDRAGSKODE - colgate.com · 2 GedraGskode ONS lEEf ONS wAARDES Deur ons Colgate-waardes uit te...

Documents

Transcript of GEDRAGSKODE - colgate.com · 2 GedraGskode ONS lEEf ONS wAARDES Deur ons Colgate-waardes uit te...