本土語言口說藝術

一、前言

二、舉棚頭為例

三、伯公个傳說（棚頭加相聲）

四、敬字亭

一、前言：客語口說藝術，包括單人表演的棚頭、竹板

快書相聲、講古等。棚頭：有一韻到底的，例如，「張三郎賣

茶」中的「跳酒」前一段：「記得真記得，記得舊年介五月節…」。也有換韻的（叫花轍），如「月光光，好種薑…」

竹板快書：一人表演，通常一韻到底，一人扮演兩、三個角色。客家電視台張春泉的表演可參考（網路雅虎或谷歌輸入「張春泉」，有「說大話」等海陸客家腔的竹板快書，很值得看）

相聲：通常二人合說。

二、舉棚頭為例：「棚頭」意謂在戲棚上演出一棚戲，而這「一

齣戲的開頭」，即稱作「棚頭」；凡是在正戲上場前之演出，皆可稱作「棚頭」。 「棚頭」形式，以「數板」為主，並搭配「幫腔」、「搭腔（答腔）」內容包括客家俚語、諺語、師傅話、令仔及對聯等，多以詼諧逗趣，充滿節奏韻律，或以相褒方式進行。演員必須在內容牽引帶到與正戲相關的話語上，將「棚頭」與「正戲」之間，做一個巧妙銜接。（與正戲不相干，亦可。如跳酒，內容滑稽、無釐頭，純粹娛樂觀眾，和正戲無關）

例如：古琢古琢 真古琢

耕田人 就改田角 釣蛤蟆 就 嘴角

牽豬哥 做覡公 就歕牛角 爛蚊帳 就蚊叨腳 爛草蓆 就恁虐削 爛枕頭 就刺腦殼 水打田

就做石駁（ ） 台灣頭 算到台灣尾 我个老猴嬤

就第一惡 有時來冤家 就摎我捉去 跪該尿桶角啊 尿桶角

例如：投投投 愛投就來投

食 个糯米飯 傍 个 毋使打毋使罵 行到大庄頭

一投投到外家頭 丈人老 坐在廳下頭 擎著一支煙筒頭

開聲話 毋好有氣頭 行出廳下頭 來到大山頭

看著山頂 一枝歿樹頭 剖著三擔過兩頭啊 過兩頭

三、伯公个傳說（棚頭加相聲）棚頭：客家人伯公情，舉頭三尺有神明，保護民安係伯公， 二月二伯公生，客家庄食伯公福，田頭田尾伯公掌，風調雨順好年冬啊好年冬 。

 甲：福如東海乾坤大, 德比南山日月長，正大

光明香火旺，神威靈感名聲揚。乙：這四句對聯捱毋試聽過，係麼个意思啊？甲：你喔！喊你讀書毋讀書，在該啄目睡？乙：喲！捱無講你仰會知呢？甲：捱看你係麻布做衫【看透透】這四句詩對仔，

第一隻字連起來，就係答案咧！乙：「福如東海乾坤大, 德比南山日月長」，

「正大光明香火盛，神威靈感名聲揚」「福德正神」係麼人啊。

甲：就係伯公啦！ 相傳伯公个本名係張福德，佢係五品官、知府大人，人當好，會【將心比心】代人想，受到百姓尊敬。因為佢逐日辛苦操煩，一生人盡勞碌，做好心、做善事，食咧 102歲正過身，大家為到愛感謝佢再生時節个關心、照顧，故所，大家出錢起伯公廟來祈求伯公个保護。

乙：你喲！關公酒醉【看毋出來】咧！難怪捱等庄肚个伯公廟，逐隻月舊曆初一、十五，初二、十六就會有當多人環等牲儀、水果、金香去拜拜。

甲：這就係安到【做牙】，毋單淨恁仰，舊曆二月初二係伯公生，大家除忒拜伯公，食伯公福，還要請做戲班仔做戲感謝伯公，希望佢在新个一年，保佑大家平安康健、大豐收好年冬。

乙：毋過，捱看到个伯公廟，攏係細細間个。

甲：聽吾婆講：頭擺生活苦，最早拜个係石頭伯公、大榕樹伯公，生活較好過，大家出錢起伯公廟。

乙：聽講有大間个伯公廟有影冇？甲：台東池上大坡伯公廟【福德宮】，係台東縣最大間个。還有，全台灣最大間伯公廟，在屏東縣車城个福安宮。

乙：照你恁仰講，滿奈仔都會有伯公囉！

甲：係啊！有土地个所在就有伯公。

乙：到底有幾多種个伯公啊？

甲：聽等來，有庄頭伯公、田頭、田尾伯公、水頭、水尾伯公、山頭伯公、龍神伯公、地門堂伯公等等。

乙：還有還有【伯公伯婆，無殺雞、無殺鵝，殺隻鴨仔像匹婆……」】？

甲：你呀！莫在該乞食仔唱山歌【窮開心】。

乙。捱聽吾公講：伯公會尋牛。 甲：半夜看日頭【敢有影】。个你講來聽看啊！

乙：吾公係耕種人，牛仔對佢來講係當重要個个，因為頭擺係農業社會，耕田做事就係愛牛仔藤手做。人講：六月冬頭，家神牌就會震動，緊工時節，家家屋屋大家無閒直掣，恁堵好，牛仔無陀好勢煞來打 ，今這下愛仰葛煞正好。背尾阿太講：遽遽去問伯公。結果啊！牛仔正經尋到咧！

甲：十五暗晡个月光【有影喔】，伯公實在還靈喔。ㄟ、講咩奇怪，恁多神明做麼个淨問伯公呢？

乙：因為伯公係管土地上所有个事情。故所，華語、河洛人講土地公就係恩个伯公。

甲乙：「有福有德千家敬，正當為神萬世尊」，笑容滿面當仁慈，做善事係好功德，值得大家來學習啊來學習。 承蒙大家，正來料

四、敬字亭【棚頭】世間文字就係寶，一字值得千金銀。無論讀書做生理，看字毋識青盲牛，敬惜文字係美德，客家子弟好品德、好品德。甲：阿珍妹，你識字麼？ 乙：當然識字啊，捱呀上知天文下識地理甲：半夜仔看日頭【敢有影】，該捱講一隻令仔分你揣乙：揣令仔對捱來講，就像鴨仔吞 公【簡單】啦甲：聽等來！「草木相打，人來救開」揣一隻字。乙：嗯嗯，敗勢呢？捱揣毋出。甲：你呀！講麼个識天文地理，捱看你係牛肚笥【草包】。

答案係茶米个茶。 乙：該你再出題分捱揣。甲：好咧！好咧！今晡日毋係來揣令仔个，係來打嘴古个。

乙：打嘴古捱最好甲：今晡日愛講个就係字啦！乙：字有麼个好講个。甲：無講你毋知，生趣个漢字，係上古時代流傳下來个，頭擺个人，用索仔打結來記事，背尾就有人造字。

乙：个字係麼人造个？甲：係倉頡神君造个。乙：棚頂睡目【高明】喔甲：聽講倉頡神君造字个時節，天頂跌下來个係穀，鬼仔在半夜緊噭。

故所啊！字个發明，係一件大事情喔。乙：地牛大翻身【大地動】甲：恩客家人晴耕雨讀，字紙像有神靈樣仔，做

毋得坐著、 dioˇ著。

乙：雞媽生卵【確實係】！吾婆常透講：「坐字紙啊！會讀書毋識！尸朏還會綿忒」

甲：吾公咩講：佢兜頭擺無用个字紙，做毋得儘採擲，愛拿去惜字亭燒忒，無就拿去河壩唇燒忒，燒忒介火灰，安著「聖蹟」。放水流、就係人講个「送聖賢升天」。

乙：故所，恩敬惜字紙，就係尊敬聖賢。甲：你就毋知，恩老祖先發明字了後，人就變聰明哩，有識字介人，同無識字介人，實在正當多。

乙：昔時賢文講「讀書須用意，一字值千金」。

甲：客家庄肚有「敬字亭」你知麼？

乙：捱識聽人講敬字亭有當多名仔。甲：敬字亭咩安著惜字亭、字紙亭、聖蹟亭、文筆亭等等，簡單講，就係「敬字亭」。

乙：在奈位有敬字亭呢？甲：在南部，高雄美濃最多，故所，全國最多博士个就係美濃。這就表示，美濃人敬惜字紙、讀書風俗好

乙：喔！孔夫子打屁【文氣沖天】恩後山敢有「敬字亭」？

甲：有啊！在池上天公廟。係東部唯一介敬字亭

乙：捱知哩，天公廟項一片係金爐，一片係敬字亭 。

甲：你看哪，敬字亭有三層，塔肚最頂高个係北斗七星君，對聯左手片寫「字交天下士」，正片寫「亭藏古今書」。第二層，係燒字紙介所在。最底下係字紙介火灰。火灰就係「聖蹟」。

乙：故所，客家人盡重視文字，無用介報紙、雜誌、有字个紙，拿來敬字亭化火、送上天。

甲：嗯，三个人就椿斗米【毋會錯】。 

乙：這下係電腦个時代，還愛敬惜字紙咩？

甲：「敬惜字紙」就係尊重文化、知識。「敬字亭」就係恩尊重客家傳統、重視環境保護介精神。

甲乙：古早聖賢造文字，文字寫書就有靈，敬惜字紙敬聖賢，敬奉字紙像拜神，池上街路天公廟，就有一座敬字亭，後山淨有這一座，人人講佢十分靈。十分靈。恁仔細，有閒正來尞。