Vlerësimi i nevojave për trajnim mbi LPPA - Hulumtim cilësor
Transcript of Vlerësimi i nevojave për trajnim mbi LPPA - Hulumtim cilësor
Vlerësimi i nevojave për trajnim mbi LPPA - Hulumtim cilësor
Raport për 7 grupet e fokusit me nëpunësit civilë
Komponenti 4. Aktiviteti 4.3
Datë: 25/05/2018
Mbështetja e Procesit të Reformës së Administratës Publike
INDEKSI
1 Objektivat 1
2 Metodologjia 1
3 Konkluzionet e përgjithshme 3
4 Një vështrim i përgjithshëm i perceptimit të LPPA-së 4
5 Këndvështrimi i komunave për LPPA-në 8
6 Zbatimi i procedurës administrative 11
7 Procesi i harmonizimit 14
8 Vlerësimi i nevojave për trajnim 17
9 Aneksi 1 - Skenari për mbajtjen e diskutimeve në grupet e fokusit 21
1
1 Objektivat
Ky studim është pjesë e projektit të BE-së: “Mbështetja e Procesit të Reformës së
Administratës Publike”. Qëllimi kryesor i këtij komponenti të Projektit është që të mbështes
zbatimin e vlerësimit të nevojave për trajnim në kompetencat e AP-së në Kosovë në
përmirësimin e mëtejshëm të një administrate publike të besueshme, të hapur, transparente
dhe të orientuar drejt klientit si pjesë përbërëse e një ambienti efikas të punës që i kontribuon
sigurimit të një standardi më të mirë për të gjithë qytetarët.
Qëllimi specifik i Projektit është që të sigurojë kapacitete të qëndrueshme dhe profesionale për
zbatimin efikas të Ligji të ri për Procedurën e Përgjithshme Administrative (LPPA) në të gjitha
nivelet administratës publike.
Në veçanti, hulumtimi cilësor i ilustruar në këtë raport i referohet Aktivitetit 4.3 të Komponentit 4.
Zhvillimi dhe zbatimi i programeve të trajnimit për LPPA, i cili mëton të jetë studim preliminar për
Vlerësimin e Nevojave për Trajnim (VNT)
Ky studim paraqet një hulumtim preliminar cilësor mbi perceptimin e LPPA-së dhe zbatimin e tij në
AP-në e Kosovës që do të përdoret si kornizë e përgjithshme për VNT.
Në mënyrë specifike, qëllimet e këtij hulumtimi cilësor janë si më poshtë:
• të hulumtojë qëndrimet e përgjithshme për LPPA-në e ri
• të vlerësojë të kuptuarit të parimeve të LPPA-së së ri
• të identifikojë shkallën e zbatimit të LPPA-së në fushat e ndryshme
• të identifikojnë pikëpjekjet në mes të LPPA-së dhe ligjeve specifike materiale
• t’i vlerësojë nevojave specifike të trajnimit dhe metodat e preferuara të trajnimit.
2 Metodologjia
Hulumtimi cilësor është bërë përmes teknikës së grupit të fokusit, që përfshinë një diskutim në
grupe prej 4-12 persona të cilëve u kërkohet nga moderatori që të flasin për një temë të caktuar.
Qëllimi i kësaj ka qenë që të kuptohen opinionet dhe qëndrimet dhe të eksplorohen dhe sqarohen
arsyet që qëndrojnë prapa tyre. Për dallim nga bisedat ose intervistat e thjeshta të strukturuara,
grupet e fokusit kanë një dinamikë dhe ndërveprime grupore, të cilat ofrojnë një spontanitet më të
madh, zvogëlojnë rezistencën e pjesëmarrësve dhe përmirësojnë dialogun, duke mundësuar në të
njëjtën kohë që të kuptohen më mirë problemet, pritjet dhe opinionet e vërteta për temën në fjalë.
Megjithatë, duhet të theksohet se kur interpretohen këto gjetje nuk mund të theksohen si dëshmi
statistikore. Është po ashtu me rëndësi të theksohet se kemi të bëjmë me perceptime, e jo me
fakte. Disa prej deklarimeve të raportuara gojore përmbajnë informata të pasakta, por ato
pasqyrojnë njohurinë dhe opinionet e pjesëmarrësve.
2
Takimi i grupit të fokusit ka zgjatur rreth dy orë. Në secilin prej takimeve është përdorur një
udhëzues për temat e pajtuara (shih Aneksin 1) dhe diskutimet janë regjistruar në formë të shkruar
gjatë takimeve. Të intervistuarit u siguruan se qëndrimet e tyre do të mbesin anonime.
Ky raport përfshinë mendimet më të rëndësishme gojore të thëna nga pjesëmarrësit.
Rekrutimi për grupin e fokusit dhe pjesëmarrja janë përmbledhur në tabelën më poshtë:
Lloji i grupit Data Vendi Nr. i
njerëzve të
rekrutuar
Nr. i
njerëzve që
kanë marrë
pjesë
Ministritë, Administrata
Tatimore dhe Dogana
12/02/2018 Prishtinë 10 6
Agjencitë e pavarura 13/02/2018 Prishtinë 12 7
Komuna e Gjilanit,
Komuna e Kamenicës,
Zyra Rajonale e
Administratës
Tatimore, Njësia e
decentralizuar e MPB-
së.
12/03/2018 Gjilan 21 10
Komunat e Mitrovicës,
Skenderajt dhe
Vushtrrisë
15/03/2018 Prishtinë 14 8
Komuna e Pejës, Zyra
Rajonale e
Administratës Tatimore
dhe Dogana
22/03/2018 Pejë 12 6
Komunat e Prizrenit,
Dragashit, Rahovecit
dhe Suharekës
28/03/2018 Prishtinë 16 10
Komunat e Gjakovës,
Rahovecit dhe Deçanit
03/04/2018 Gjakovë 10 6
3
3 Konkluzionet e përgjithshme
Perceptimi i LPPA-së dhe efektet e aplikimit të tij
Shumica e pjesëmarrësve të Grupeve të Fokusit e kanë mirëpritur iniciativën e organizimit të
diskutimeve rreth situatës në Administratën Publike (AP). Nëpunësit civilë nuk janë mësuar të
shprehin ose të shkëmbejnë mendimet e tyre, por ishin të kënaqur që e kishin këtë mundësi. Ky
aspekt vuri në pah një sektor që e ndien nevojën për ndryshim dhe përmirësim. LPPA i ri për disa
pjesëmarrës perceptohej si një përpjekje në drejtim të modernizimit, edhe nëse në praktikë ai nuk
e kishte arritur potencialin e vet të plotë.
Opinioni i përgjithshëm për këtë ligj është pozitiv. Ai po ashtu konsiderohet i avancuar pasi që ka të
bëj me të drejtat e njeriut dhe mbrojtjen e të drejtës së palës për tu ankuar. Qytetarët janë vënë në
qendër të AP-së dhe ata janë më të mbrojtur.
Shumica e të intervistuarve të punësuar në komuna mendonin se në disa komuna ky ligj akoma
nuk zbatohet. Ka mungesë të vetëdijesimit rreth karakteristikave dhe specifikave të LPPA-së.
Pengesat për një pranim më të mirë të këtij ligji të ri janë të shumta. Pikë së pari, qasja e
nëpunësve civilë ndaj qytetarëve: ata nuk u përgjigjen qytetarëve si klientë, nuk janë mësuar të
bëjnë përpjekje që të lehtësojnë shfrytëzimin e shërbimeve dhe të zvogëlojnë barrën
administrative. Për disa pjesëmarrës, ka filluar të marrë formë vetëdijesimi për këtë nevojë, por për
shumë prej tyre “zgjimi” i qytetarëve konsiderohet bezdisje në punën e tyre.
Sipas perceptimit të pjesëmarrësve ekziston edhe një aspekt tjetër që pengon pranimin e LPPA-së
së ri: AP punon në një kontekst ligjor i cili ndryshon vazhdimisht, disa ligje janë ndryshuar para se
të zbatoheshin plotësisht.
E fundit por jo për nga rëndësia, ka një aspekt praktik i disponueshmërisë së teknologjisë
informative dhe infrastrukturës. Pa këto kapacitete nuk do të jetë e mundur të zbatohen disa prej
dispozitave ligjore të LPPA-së.
Efektet e aplikimit të LPPA-së
Është e vështirë që të kuantifikohet ndikimi i ligjit të ri në zbatimin e procedurës administrative, pasi
që LPPA i ri bën ndryshime të vogla në pothuaj të gjitha fushat ligjore. Shumica e nëpunësve civilë
vazhdojnë të aplikojnë ligjet e tyre substanciale. Qëllimet dhe parimet e ligjit të ri nuk janë kuptuar
plotësisht dhe në përgjithësi nuk është i qartë raporti në mes të LPPA-së dhe ligjeve të tjera.
Pjesëmarrësit kishin njohuri të kufizuara dhe nuk i kuptonin plotësisht risitë që sillte LPPA i ri.
Pjesëmarrësit theksuan se janë të pakënaqur me LPPA-në e ri, sepse ai është i përkufizuar më
pak në aspektin formal se sa i vjetri. Mundësia për të interpretuar ligjin në mënyrë më fleksibile
është frikësuese dhe u jep atyre ndjenjën e një përgjegjësie më të madhe.
Shumë pjesëmarrës e theksuan problemin e mospërputhjeve ndërmjet LPPA-së dhe Ligjit material,
që konsiderohet si pengesë për punën e tyre të përditshme. Në përgjithësi, ata nuk e kuptojnë
marrëdhënien ndërmjet LPPA-së dhe ligjit të tyre substancial e veçanërisht mbivendosjet e tyre në
4
disa dispozita. Atyre u dukej e vështirë që të vendosnin se a duhet të zbatojnë LPPA-në apo ligjin
material.
Harmonizimi i ligjeve specifike me LPPA-në është një gjë shumë e rëndësishme e cekur nga
shumica e pjesëmarrësve. Konflikti në mes të ligjeve specifike dhe LPPA-së është problem i madh
dhe pjesëmarrësit nuk kishin dëgjuar kurrë për inicimin e këtij procesi dhe mendonin se do të jetë
shumë vështirë për ta arritur.
Pjesëmarrësit theksuan se LPPA ka paraparë shumë veprime të detajuara që duhet të ndërmerr
administrata, por mbesin edhe shumë gjëra të paqarta lidhur me heshtjen administrative, organet
vendimmarrëse, kontratën administrative, afatet dhe shkallët (instancat). Heshtja administrative
është një çështje tjetër që u përmend nga pjesëmarrësit. Kjo dispozitë nuk është e qartë dhe është
pak shqetësuese për ta. Ata thanë se ekzistojnë probleme aktuale në AP, siç është mungesa e
stafit dhe kapaciteti i tyre që të veprojnë shpejt për zgjidhjen e rasteve të vështira.
Nevojat për trajnim
Edhe nëse ligji ka hyrë në fuqi në qershor 2017, rezultatet e këtij studimi preliminar tregojnë se
pjesëmarrësit kanë nevojë për një trajnim të përgjithshëm për LPPA-në lidhur me konceptet
themelore të ligjit (qëllimet, konceptet, parimet, institutet e reja të aplikuara ligjore).
Pjesëmarrësit i paraqitën problemet në përgatitjen e procesit për fillimin e zbatimit të LPPA-së.
Trajnimet është dashur të programohen para hyrjes në fuqi të ligjit të ri.
Pikat kryesore të nevojave për trajnim janë: trajnimet për pjesën e përgjithshme dhe për detajet
(nen për nen) e LPPA-së, d.m.th, një elaborim komplet të ligjit, nen për nen për të sqaruar çdo gjë
që nuk është kuptuar për afatet kohore, heshtjen administrative, vendimet, barrën e provës dhe
fushat e tjera që duhet të zbatohen. Për trajnimin e detajuar nevojiten tri ditë trajnim, mundësisht
jashtë Prishtinës.
Kishte propozime që trajnimi të mbahet në formë të ligjëratës me prezantime që sqarojnë
konceptet themelore dhe interpretimi i tyre me shembuj. Pjesëmarrësit duan të kenë një trajnim
interaktiv me shumë shembuj praktikë dhe një udhëzues hap pas hapi se si të zhvillohet procedura
administrative (“zbatimi i procedurës administrative në praktikë nga fillimi deri në fund”).
Do të jetë rendësi që në trajnime të përfshihet i tërë stafi i angazhuar në zbatimin e këtij ligji, e jo
vetëm udhëheqësit ose stafi në pozita të larta.
4 Një vështrim i përgjithshëm mbi perceptimin e LPPA-së
Sa i përket agjencive publike, perceptimi i tyre për LPPA-në është analitik. Ato mendojnë se
modernizimi i AP-së është një koncept i përgjithshëm dhe e shohin LPPA-në si pjesë e trendit që
ka për qëllim të përmirësojë AP-në e Kosovës. Rëndësia e këtij ligji qëndron në ndryshimin e
perspektivës së AP-së e cila nuk është e orientuar kah vetvetja por është e orientuar kah qytetari.
Në përgjithësi, përfaqësuesit e agjencive publike nuk janë shumë të kënaqur me shpejtësinë e
modernizimit të AP-së. Megjithatë, duke marrë parasysh pikënisjen, progresi është evident.
5
“Fjala modernizim është vetë-shpjeguese, ajo nënkupton zbatimin e të gjitha detyrave dhe
përgjegjësive të të gjithë nëpunësve civilë sipas standardeve, ajo nënkupton se të gjitha detyrat
duhet të jenë në përputhje me ligjet në fuqi...” Agjencia publike
“Modernizimi i administratës publike nuk nënkupton zbatimin e një ligji, siç është Ligji për
Procedurën e Përgjithshme Administrative...ajo ua ka bërë më të lehtë qytetarëve që të mbrojnë të
drejtat e tyre në mënyrë të duhur dhe më efikase. Për shembull, barra e provës, e cila kërkon që
institucionet të ofrojnë dëshmi (prova) në procedurën administrative. Kjo është ajo që mund ta
quajmë modernizim. Prapëseprapë, modernizimi i administratës është diçka më e madhe dhe më
komplekse.” Agjencia publike
“Mendoj se ka pasur progres viteve të fundit, duke marrë parasysh të kaluarën, historinë e
administratës sonë që ka dal nga një sistem post-komunist është punuar shumë për të arritur
progres. Janë hartuar shumë strategji nga Qeveria lidhur me digjitalizimin. Republika e Kosovës ka
krijuar një agjenci që merret me administratën elektronike (e-administrata). Ka shumë sfida...ne
nuk jemi shumë të kënaqur me progresin, por në krahasim me vitet e mëhershme, mendoj se
progresi është evident dhe gjërat janë duke ecur përpara.” Agjencia publike
“Ne nuk jemi në favor të modernizimit, ende ka punë për të bërë, besoj se ende jemi në fillim të
procesit, janë bërë disa përmirësime siç është e-administrata rreth të cilës jemi duke pasur shumë
vështirësi, zbatimi i saj është në nivel shumë të ulët, dhe mendoj se është bërë diçka sipërfaqësore
por jo edhe në detaje, dhe jo shumë e fokusuar.” Agjencia publike
Disa pjesëmarrës theksuan nevojën për modernizimin e AP-së dhe për organizimin e shërbimeve
ngjashëm me ato që janë parë jashtë vendit të tyre, siç janë one-stop-shop-et. Nevoja për një
ndërlidhje të plotë në mes të shërbimeve dhe komunikimit elektronike është domosdoshmëri për
një AP moderne.
“Në fakt, qëllimi ka qenë që të thjeshtësohet procedura administrative, kohëve të fundit në
Portugali kam parë një one-stop-shop ku procedurat kryheshin në një vend të vetëm, që paraqet
një lehtësim të madh për qytetarët, duhet të ekzistojë një bazë e të dhënave për marrjen e
shërbimeve në një vend të vetëm. Dhe ndoshta kjo është arsye e mirë që të kemi një administratë
të modernizuar. Në shumicën e rasteve palët i marrin dokumentet online dhe one-stop-shop-et
përdoren rrallë për dokumente. Kështu që, kjo do të lehtësojë procesin. Ministria e Administratës
Publike e ka filluar këtë por në Kosovë ende nuk e kemi arritur këtë.” Agjencia publike
“Pas luftës ne kemi trashëguar një sistem tipik komunist, kemi një sportel (recepsion) për shërbime
në disa komuna. Kështu që të gjitha shërbimet ofrohen brenda një dite ose një hapësire. Ne duhet
të kemi pajisjet teknologjike dhe bazën e duhur të të dhënave, pa këtë nuk mund të kemi shërbim
të duhur, ka pasur disa përmirësime edhe pse të gjitha komunat ende bazohen në këtë sportel.
Edhe në trafik, polici në telefon mund të kontrollojë të dhënat për automobilin tuaj, ende jemi në
proces por ende ka nevoje për përmirësime.” Agjencia publike
Nga fillimi i diskutimit përfaqësuesit e agjencive publike u fokusuan në problemet në procesin e
fillimit të zbatimit të LPPA-së. Trajnimet është dashur të programohen para hyrjes në fuqi të ligjit të
ri.
6
“Ministria e Administratës Publike është dashur të organizojë trajnime që nga fillimi, dhe të mos e
lë ashtu të paqartë. Institucionet tona është dashur të ndërmarrin hapa dhe të organizojnë trajnimet
dhe të jenë më pak të paqarta...ato nuk është dashur të presin një vit për nevojat e trajnimit. Ne
jemi në favor të harmonizimit të procesit. Ai është dashur t’i paraprijë ligjit e jo të ndodh një vit pasi
ai të hyj në fuqi.” Agjencia publike
“Ky takim i grupit të fokusit është i mirëseardhur, është shumë i dobishëm dhe është dashur të
bëhet para shumë kohe, sepse ne shohim raste që adresojnë gjërat përfshirë edhe ligjin e ri.”
Agjencia publike
Pjesëmarrësit theksuan se LPPA ka paraparë shumë veprime të detajuara që duhet të ndërmerr
administrata, por mbesin edhe shume gjëra të paqarta lidhur me heshtjen administrative, organet
vendimmarrëse dhe afatet kohore.
“Ky ligj është më i avancuar lidhur me të drejtat e njeriut dhe mbrojtjen e të drejtës së palës për
ankesë, afatet kohore janë më të qarta, të drejtat e njeriut mbrohen më mirë. Kërkesat duhet të
shqyrtohen në mënyrë urgjente nga administrata dhe heshtja administrative është sfidë...por ligji
përmban edhe fjalinë ‘në rastet kur nuk është rregulluar me ligjin e veçantë’. Për dallim nga ligji i
mëparshëm, në rastet kur pas parashtrimit të kërkesës palët kishin të drejtë të bëjnë padi në
gjykatën kompetente, gjykata kërkonte nga institucioni publik të nxirrte vendimin brenda një kohe
të arsyeshme. Tani kjo është 45 ditë nga dita e parashtrimit të kërkesës. Pala e ka edhe një të
drejtë të kërkojë certifikatë, çka nënkupton kjo, kush duhet ta lëshojë atë? Mungesa e kuorumit në
organet vendimmarrëse, ne nuk kemi asnjë mekanizëm tjetër për këto çështje pasi që jemi më pak
të rëndësishëm. Çështjet e tjera janë më specifike krahasuar me ligjin e vjetër.” Agjencia publike
“...ka një vendim për të ndërprerë punimet ose gërmimet, për të ndërprerë transmetimin e një
kanali...tani ne duhet të presim 30 ditë për ankesën e palës dhe e kemi ankesën në Bord, i cili
duhet të shqyrtoj një ankesë të tillë, por ai nuk është funksional sepse kemi mbetur pa një anëtar të
Bordit, e dimë se kalojnë vite derisa të emërohet një anëtar tjetër nga Kuvendi i Kosovës. Kështu
lëndët vonohen me muaj ose vite. Neni 130 kërkon nga ne që të nxjerrim një vendim tjetër nëse
duam të shohim efektin e ankesës, tani është e paqartë çfarë vendimi duhet të nxirret tani.”
Agjencia publike
Në doganë dhe ndërtimtari zbatohen ligje dhe rregullore specifike, për aq kohë sa nuk parashihet
ndryshe dhe kur LPPA e lejon zbatimin e tyre. Sipas mendimit të pjesëmarrësve, LPPA është
dykuptimshme dhe zbatimi i saj bëhet veçanërisht i vështirë kur kemi të bëjmë me ankesat.
Problemet dalin në sipërfaqe kur institucioni është organ i shkallës së dytë dhe duhet të vendos
për ankesat (se a të vendos apo jo dhe si duhet vendos).
“Nëse ligji është zbatuar plotësisht, veçanërisht LPPA, atëherë sigurisht se si rezultat do të kishim
një funksionim më të mirë të administratës, dhe ndërkohë edhe modernizimin e saj. Qëllimi këtu
është që të zbatohet Ligji ashtu siç është shkruar për të përfshirë çdo nen, ashtu siç është
shkruar.” Administrata Tatimore
“Në Doganën e Kosovës e tërë procedura zhvillohet në përputhje me këtë Ligj. Por duke marrë
parasysh se kemi pasur disa ligje të mëhershme...qoftë edhe si jurist, nganjëherë ballafaqohemi
me probleme në zbatimin e duhur të tij. Ne nuk jemi mësuar të kemi mundësi të marrim pjesë në
trajnime lidhur me ndonjë pjesë specifike të legjislacionit. Unë e kam zbatuar këtë ligj në çdo
7
aspekt, për të shqyrtuar vendimet dhe në seksion ku unë jam menaxher, ne përpiqemi të zbatojmë
Ligjin në çdo fushë.” Dogana
Heshtja administrative është një çështje tjetër që u përmend nga pjesëmarrësit. Kjo dispozitë nuk
është e qartë dhe është pak shqetësuese për ta. Ata thanë se ekzistojnë probleme aktuale në AP,
siç është mungesa e stafit dhe kapaciteti i tyre që të veprojnë shpejt për zgjidhjen e rasteve të
vështira. Pjesëmarrësit e punësuar në Doganë dhe në ndërtimtari paraqesin shumë probleme
praktike lidhur me zgjidhjen e rasteve të vështira.
“LPPA është i paqartë në mënyrën si është hartuar, përkundër faktit se përpiqemi të zbatojmë atë,
por prapë është shumë i paqartë. Ne kemi punuar me Procedurën e Përgjithshme Administrative të
Ish-Jugosllavisë, pastaj edhe me ligjin e ri të miratuar me 2005, i cili po ashtu ishte i paqartë gjatë
zbatimit të tij. Mendoj se Ligji i fundit është edhe më i paqartë në zbatim...Palëve u mungon
njohuria për LPPA-në... Ky ligj ua njeh palëve të drejtën në institucione publike ose në procedura
të cilat do të ndërmerren në mënyrë të drejtpërdrejtë... Unë dhe kolegët e mi punojmë në shkallën
e dytë, ne vendosim në shkallën e dytë në Ministrinë tonë. Shqyrtimi i ankesave të pranuara nga
palët e pakënaqura me vendimet e komunave në shkallën e parë na vë në pozitë të vështirë, dhe
ky ligj nuk na jep mundësinë që kemi pasur me ligjin e vjetër nga viti 2005... A duhet të vendosim
ne si organ i shkallës së dytë apo a duhet organet komunale të marrin vendim si shkallë e parë
dhe e dytë. Pra, sipas këtij ligji është hequr/larguar procedura me dy shkallë/instanca. Sistemi dy
shkallësh i procedurës administrative nuk mund të zbatohet kur, pas përfundimit të procedurës së
shkallës së dytë, ne e dimë se ata mund t’i drejtohen gjykatës administrative...kemi shumë
dyshime se a duhet të vendosim ne apo komunat. Ne konsiderojmë se është dashur të kemi një
trajnim para se të hynte ligji në fuqi, ka pasur kohë të mjaftueshme për të mbajtur trajnime të tilla.”
Ministria e Mjedisit dhe Planifikimit Hapësinor
“Po flisnim për organin më të lartë, pasi që në kuadër të komunës mund të ketë një komision për
ankesa që funksionon si shkallë e dytë. Është e paqartë se kush është kjo shkallë e dytë. Pastaj
heshtja administrative duhet të konsiderohet miratim, kjo nuk duhet të ndodh. Nganjëherë edhe
nëse nuk duam, prapëseprapë do të heshtim (nuk mund të përgjigjemi) pasi që nuk kemi zyrtarë,
dhe kjo u jep mundësi palëve që pa pasur vendim të mund të marrin veprime të mëtejshme. Edhe
në Ligjin për Ndërtim heshtja është miratim.” Ministria e Mjedisit dhe Planifikimit Hapësinor
“Unë e kam studiuar këtë ligj, dhe ky ligj nuk parasheh ndonjë kthim të rastit/lëndës për shqyrtim
për të marrë vendim tjetër, kurse më përpara kemi pasur këtë mundësi në bazë të ligjeve të
vjetra... Ka edhe një problem tjetër, nëse nuk e kthejmë rastin/lëndën në shkallën e parë atëherë
ne duhet të vendosim, e nëse e ndryshojmë lëndën, subjekti i lëndës nuk mund t’i ankohet sërish
Doganës... Ne kemi probleme të mëdha me kundërvajtjet, për shembull kur dikush ia jep veturën
dikujt tjetër për ta vozitur, vetura nuk është e regjistruar dhe vozitësi nuk e ka ditur se vetura nuk
është e regjistruar. Dogana e kap atë dhe ndërmerren masat, pastaj një person tjetër ankohet dhe
thotë se është vetura ime dhe se ishte faji i tij, sepse personi që ka qenë duke vozitur nuk e ka
ditur se vetura është e paregjistruar. Kështu që tani duhet të ndryshojmë lëndën dhe në atë
moment atij personi nuk i jepet kurrfarë e drejte për tu ankuar në Doganë. Përpara, në shkallën e
parë ka qenë shumë më lehtë, edhe nëse rasti/lënda ishte dërguar në gjykatë ajo u kthye prapa
për shkelje procedurale dhe në fund pala e merr atë të drejtë nga gjykata.” Dogana
8
“...as që mund të identifikohet se çka ka dashur të thotë ligji me ato dispozita...shfuqizimi tani është
anulim i aktit, kështu që nëse nuk është shfuqizim ne kemi probleme. Ka qenë revokim dhe
shfuqizim (ang. revocation and abolishment) i rasteve, tani është shfuqizim dhe anulim (annulment
and revocation). Janë disa terma që nuk kanë qenë gabim në ligjin e mëhershëm dhe ka qenë më
lehtë të zbatohet ai.” Dogana
Mendoj se heshtja administrative mund të aplikohet vetëm për organin e shkallës së parë, unë nuk
mendoj se mund të aplikohet për organin e shkallës së dytë. Për tu konsideruar që ankesa është
miratuar.” Ministria e Mjedisit dhe Planifikimit Hapësinor
“Në dogana heshtja administrative nuk nënkupton se heshtja është pranim, për doganën është një
seksion që është shumë i qartë se në momentin që ne nuk i përgjigjemi me kohë palës ajo ka të
drejtë të paraqes ankesë në gjykatë. Por rasti nuk miratohet nëse ne nuk përgjigjemi.” Dogana
“Ne jemi 3 persona që punojmë në seksion qe trembëdhjetë vjet, së paku na duhen edhe 3
persona të tjerë, rastet janë shumë të vështira...Palët veprojnë pa rregullore dhe ne duhet të
merremi me pasojat.” Ministria e Mjedisit dhe Planifikimit Hapësinor
Një çështje tjetër e theksuar nga pjesëmarrësit janë afatet. Risitë që janë paraqitur me ligjin e ri
nuk janë shumë të qarta dhe është vështirë të aplikohen në sektorin e ndërtimtarisë.
“Lidhur me afatet kohore të parapara në këtë ligj, nën seksionin II të kapitullit për përfundimin e
procedurës nuk janë paraparë aq keq, kërkesa për shtyrjen e afateve kohore, pastaj nenet 98
(paragrafët 1, 2, 3), 99, për shtyrjen e afatit për palën. Këto nene e ofrojnë të drejtën për shtyrjen e
këtyre afateve, dhe afatet që mund të shtyhen vetëm një herë nga institucionet. Neni 98 rregullon
çështjen e shtyrjes së afateve, pastaj neni 99/1 i cili parasheh vetëm një herë shtyrjen e afatit
kohor të paraparë me ketë ligj. Për shembull, ekziston nevoja që të shtyhen afatet sepse nevojitet
vendimi i një organi më të lartë, siç është për shembull kuvendi komunal ose ndonjë instancë
tjetër. Unë konsideroj se shtyrja e procedurës mund të bëhet për aq kohë sa i duhet organit tjetër
që të vendos. Sepse nuk është e lehtë për ministrinë që të përgjigjet në një kërkesë të caktuar,
veçanërisht në rastet e ndërtimit.” Ministria e Mjedisit dhe Planifikimit Hapësinor
5 Këndvështrimi i komunave për LPPA-në
Pjesëmarrësit e punësuar në komuna theksuan rëndësinë e këtij ligji në ndryshimin e perspektivës
së AP-së. Një AP më e orientuar drejt qytetarit është sinonim i modernizimit dhe nevoja për ta
kuptuar dhe absorbuar këtë trend të ri të përcaktuar në LPPA është thelbësore.
“Këto palë kanë më shumë të drejta, për qytetarët parashihen përgjigje më të shpejta, heshtja
administrative është miratim.” Komuna
“Ky ligj është më në favor të qytetarëve, qytetarët kanë më shumë të drejta se që kanë pasur
përpara. Ligji nuk i ka specifikuar aktet administrative, vendimet. Ligji i zbatuar është një sfidë për
administratën, përderisa për qytetarët ai ka një efekt më të favorshëm. Është dashur të përgatitej
një komentar për këtë ligj, për zbatim më të mirë të tij.” Komuna
“LPPA mund të ketë ndikim pozitiv në modernizimin e shërbimeve publike. Ligji duhet të jetë i
thjeshtë dhe i zbatueshëm... Mendoj se ligjet duhet të jenë të thjeshta që të zbatohen si duhet.
9
Nëse kanë shumë mangësi dhe ne përpiqemi të plotësojmë këto mangësi duke nxjerr legjislacion
sekondar mendoj se kjo krijon shumë probleme për zbatimin e tij. Për më tepër, duhet eliminuar
dilemat që ekzistojnë lidhur me afatet kohore për shkak se disa procedura të veçanta
administrative janë të rregulluara me ligjet e veçanta. Është e nevojshme që disa çështje specifike
në procedurën administrative të rregullohen me legjislacion sekondar.” Komuna
Komunat ballafaqohen me shumë vështirësi në zbatimin e LPPA-së. Ligji nuk është i lehtë për tu
kuptuar prandaj nuk është arritur zbatimi i tij akoma. Disa të anketuar mendojnë se në disa
komuna ky ligj akoma nuk zbatohet. Ka mungesë të vetëdijesimit rreth karakteristikave dhe
specifikave të LPPA-së.
“Në fillim kur e morëm këtë ligj, ishim të kënaqur, sepse dukej një ligj shumë i avancuar, por në
lidhje me zbatimin dhe aplikimin e tij, mendoj se ka rezultuar që të jetë shumë i vështirë. I ka disa
mangësi të cilat e bëjnë të vështirë për tu zbatuar. Ndoshta i mungonin elementet përcjellëse si
udhëzimi administrativ për zbatimin e tij, por është pak e vështirë të zbatohet ky ligj. Në ligj mund
të shihni disa kontrata me qytetarët, pastaj organin superior, mungesën e konkluzionit i cili ka
ekzistuar në ligjet e mëhershme, me të cilat ne kemi zgjidhur çështjet sekondare, të cilat nuk kanë
asgjë të bëjnë drejtpërdrejtë me procesin.” Komuna
“Në pozitën time (Udhëheqës i Zyrës së Gjendjes Civile) ky ligj zbatohet më shumë në fillim të
procedurës, kur parashtrohen kërkesat, pastaj unë filloj të përdor ligjet e tjera që zakonisht
zbatohen. Në shumicën e rasteve që i shikoj, nga vendimet që i pranoj vërej se ato (komunat e
tjera) nuk e zbatojnë LPPA-në, ata thonë se nuk janë të informuar...” Komuna
“Lidhur me LPPA-në, komuna dhe qeveria në shumicën e rasteve nuk e aplikojnë këtë ligj, në
sektorin e burimeve njerëzore ne kemi ligje specifike, akte nënligjore dhe udhëzime, etj., me të cilat
punojmë, nganjëherë ne e zbatojmë atë sipas nevojës.” Komuna
“Vërtetë, ka një mungesë të vetëdijesimit (informimit) të komunave për zbatimin e këtij ligji. Pasi që
ky ligj tashmë ka hyrë në fuqi, mendoj se faza tjetër duhet të jetë ngritja e vetëdijes së zyrtarëve në
komuna, e jo vetëm në ministri. Ne punojmë në shumë ligje, por kurrë se kemi aftësinë që të
zbatojmë ato, ne prodhojmë ligje dhe rregullore që nuk janë plotësisht funksionale/ të
zbatueshme.” Komuna
Në disa komuna kishte njohuri më të sakta për LPPA-në dhe pjesëmarrësit treguan se i kishin
kuptuar më mirë parimet e tij. Ata theksuan rëndësinë e këtij ligji për të drejtat e qytetarëve dhe
nevojën për zbatimin e plotë të tij.
“LPPA është kushtetutë për administratën, që nënkupton se të gjitha fushat e tjera që përcaktohen
me ligje të veçanta duhet të jenë në përputhje me këtë ligj. Ky është ai ligji themelor ndërsa të
tjerët janë pjesë e tij.” Komuna
“Palët kanë më shumë të drejta, parashihen përgjigje më të shpejta për qytetarët, heshtja
administrative është miratim, dhe ky është prioritet për palën, gjë që ka shkaktuar një ndryshim në
qasjen ndaj të drejtave të qytetarëve. Unë kam kërkesa të drejtpërdrejta, mendoj se ligjet e tjera
nuk janë harmonizuar me të dhe ne si komunë kemi 8 ligje dhe nuk e dimë sa duhet t’i
përmbahemi këtij ligji. Një komentar mbi këtë ligj do ta bënte procesin shumë më të lehtë, ligji i
Shqipërisë është shumë i ngjashëm me këtë dhe në të njëjtën kohë ka pasur komente me hyrjen
10
ne fuqi të ligjit, ndërsa ne jemi në telashe sepse shumë pak është duke u zbatuar. Kam vërejtur se
ligji nuk është duke u zbatuar, si zyrtar ligjor unë i kam dërguar një letër drejtorive që të
respektojnë afatet kohore dhe të zbatojnë ligjin. Shumica e drejtorive i kanë harmonizuar format e
vendimeve, sepse ka forma të ndryshme të marrjes së vendimeve nga e njëjta komunë... Duhet të
ketë trajnime specifike për sjelljen e nëpunësve civilë ndaj qytetarëve, ne kemi kodet e etikës dhe
çdo gjë, por ka një nevojë urgjente për trajnimin e stafit se si duhet punuar dhe respektuar
qytetarët në komuna.” Komuna
“Ka një mungesë të zyrtarëve ligjorë prandaj ka vonesa në nxjerrjen e vendimeve. Sipas këtij ligji
kjo është problem për komunën dhe kjo nuk do të jetë në të mirë të institucionit. Përveç Kadastrës,
të gjitha departamentet e tjera i sjellin rastet/lëndët në zyrat tona, ata kurrë nuk i zgjidhin vet rastet
ose nuk marrin vendim. Qytetarët kanë keqtrajtime të ndryshme, pasi që ata duhet të udhëtojnë
nga zonat e ndryshme rurale për certifikata të ndryshme sepse degët zyrave të tyre nuk kanë qasje
në sistem.” Komuna
“Ky ligj është më shumë në favor të qytetarëve, qytetarët kanë më shumë të drejta se që kanë
pasur përpara. Ligji nuk i ka specifikuar aktet administrative, vendimet. Ligji është një sfidë për
administratën që ta zbatojë, përderisa është një ligj më i favorshëm për qytetarët. Për një zbatim
më të mirë, është dashur të përgatitej komentari për këtë ligj.” Komuna
Çështjet e para të përmendura në mënyrë spontane nga nëpunësit civilë nga komunat ishin afatet
kohore, tarifat që qytetarët duhet të paguajnë për aktet administrative, nevojën për procesin e
harmonizimit, heshtjen administrative, organet kolegjiale për vendime dhe problemin e korrigjimit të
vendimit.
“Lidhur me afatet kohore në fushën ligjore, kuptohet se afatet kohore janë afate formale dhe
materiale ligjore. Këto definohen me norma ligjore, sa i përket afateve prej 15 ditësh për ankesa në
shkallën e parë, këtu ka pengesa në zbatimin e procedurës administrative në shkallën e parë
sepse afatet ligjore përcaktohen me ligj dhe nuk respektohen. Prandaj, do të ishte mirë të kishim
komentarë dhe interpretime më të fuqishme për zbatimin e ligjit, sepse është në interes të zyrtarit
dhe qytetarit, me të cilët ne duhet të punojmë çdo ditë.” Komuna
“Sa i përket LPPA-së, në sektorin ku unë punoj pak më afër, ne merremi me afatet sepse puna
jonë ndërlidhet me shumë me sektorin e shëndetësisë ku ka kërkesa të ndryshme nga palët që
kërkojnë zgjidhje të menjëhershme. Procedura administrative ka një afat kohor prej një muaji deri
në marrjen e vendimit. Në përgjithësi, ai është baza për administratën, por në sektorin tim ai është
i lidhur më ngushtë me afatet, ankesat, etj.” Komuna
“Ka shpenzime të panevojshme, siç janë ndërrimi i emrit ose një shkronje, ose një shkronje e emrit
është shkruar gabimisht, atëherë pala duhet të paguaj 20 euro që është tepër shumë, si tarifë për
lëshimin e vërtetimit, ka problem dhe ka nevojë për harmonizim. Neve na duhet të caktojmë tarifën
për një vërtetim...ka shumë burokraci dhe barrë për qytetarët.” Komuna
“Ky ligj do të modernizojë administratën, por do të ishte mirë të harmonizohen ligjet. Ligji për
Ndërtim i ka disa ndryshime, veçanërisht afatet. Pastaj heshtja administrative parashihet edhe në
ligjet tona por me afate ndryshe, pasi që ne e kemi shkurtuar afatin në ligjin e veçantë, përderisa
LPPA i parasheh 45 ditë.” Komuna
11
“...nuk ka harmonizim të ligjeve ndërmjet ligjeve që rregullojnë procedurat dhe ligjeve komunale që
e rregullojnë fushën.” Komuna
“Në procesin e marrjes së vendimeve, nëse ka nevojë të bëhet ndonjë ndryshim në një vendim i cili
tashmë është marrë, si për shembull emrat? Çka duhet të bëjmë ne në lidhje me këtë? Si të
korrigjojmë një vendim i cili tashmë është marrë, dhe e dimë atë, dhe si të ndalim këto vendime në
mënyrë që të mos ketë ndonjë ankesë, kur shohim se kemi bërë një gabim, qoftë edhe në data.
Nenet 50, 53 dhe 54 të ligjit. Për ne është e paqartë se si mund të korrigjojmë vendimet tona, si
mund t’i ndryshojmë ato, pa i dërguar në shkallën e dytë dhe me çfarë vendimi? Përpara e kemi
pasur konkluzionin për të ndryshuar një vendim.” Komuna
“Ne të gjithë jemi dëshmitarë të një trendi të ndryshimit të vazhdueshëm të ligjeve. Në lidhje me
këtë ligj konkret, nuk ka pasur ndryshime që nga viti 2005. Normalisht praktika sjell ndryshime, por
në këtë rast konkret ka përmirësime në disa aspekte, por ka disa mungesa në krahasim me ligjin e
mëparshëm. Çka kam vërejtur është se organet kolegjiale të cilat përpara kanë qenë vetëm me
kryesues, tani kanë edhe zëvendës kryesues dhe kjo është më e avancuar për arsye praktike në
mungesë të kryesuesit ne mund të mos kishim vendime, por brenga më e madhe është fakti se
zyrtarët e administratës nuk janë mësuar akoma me zbatimin e Ligjit.” Komuna
6 Zbatimi i procedurës administrative
Pjesëmarrësit përfaqësonin agjencitë që punojnë në fusha të ndryshme dhe zbatojnë LPPA-në
vetëm kur janë të detyruar. Ligji i ri është zbatuar gjatë zgjedhjeve, rekrutimit të stafit, procesit të
privatizimit dhe në procedurën e likuidimit të kompanive. Në shumicën e rasteve, në procedurat
administrative janë zbatuar ligjet e veçanta dhe pjesëmarrësit kanë theksuar vështirësitë për
llogaritjen e afatit. Ka edhe një rritje të rasteve në të cilat ankesat e palës merren parasysh nga
administrate dhe gjykatës.
“Ne bëjmë çdo gjë bazuar në ligj...zakonisht numri më i madh i rasteve të zbatimit të këtij ligji
fillojnë kur kemi zgjedhje, pasi që kemi organin e zgjedhjeve dhe të ankesave dhe si shkallë të
tretë kemi gjykatën, kështu që kemi organ në tri nivele. Ka një numër të madh të rasteve të
ankesave kundër KQZ-së nga subjektet e regjistruara, partitë, votuesit ose individët të cilëve u janë
shkelur të drejtat. Në shumicën e rasteve ne kemi konfirmuar vendimet që kanë rezultuar nga
zgjedhjet dhe nga organi i ankesës dhe ne ua kthejmë vendimet palëve në bazë të dëshmive. Ka
një afat kohor prej 24 orësh për të marrë vendim e pastaj për të parashtruar ankesë në shkallën e
dytë, dhe paneli ka 72 orë që të përgjigjet ose të vendos, nganjëherë është shumë e vështirë të
respektohet ky afat për shkak të kompleksitetit të procesit zgjedhor...” Agjencia Publike
“Ne si agjenci kemi pasur shumë probleme në llogaritjen e afateve dhe ankesave, kështu që afatet
kohore ishin llogaritur në mënyrën që ata mendonin se ishte më e mira në ligjin e vjetër, por me
ligjin e ri kjo është qartësuar. Kemi pasur shumë ankesa që janë refuzuar nga Bordi Mbikëqyrës
për shkak të llogaritjes së afateve. Kështu, LPPA i ri e ka qartësuar këtë. Lidhur me atë se si të
bëhet harmonizimi i ligjeve të veçanta me atë të përgjithshëm, në këtë rast Agjencia e Privatizimit e
ka një rregullore e cila përfshinë privatizimin dhe likuidimin e kompanive, dhe afatet kohore nuk
janë në harmoni me LPPA-në.” Agjencia publike
12
“Ne si agjenci kemi pasur shumë probleme në llogaritjen e afateve dhe ankesave, kështu që afatet
kohore ishin llogaritur në mënyrën në të cilën ata mendonin se ishte më e mira në ligjin e vjetër,
por me ligjin e ri kjo është qartësuar. Kemi pasur shumë ankesa që janë refuzuar nga Bordi
Mbikëqyrës për shkak të llogaritjes së afateve. Kështu, LPPA i ri e ka qartësuar këtë. Lidhur me
atë se si të bëhet harmonizimi i ligjeve të veçanta me atë të përgjithshëm, në këtë rast Agjencia e
Privatizimit e ka një rregullore e cila përfshinë privatizimin dhe likuidimin e kompanive, dhe afatet
kohore nuk janë në harmoni me LPPA-në. Mendoj se harmonizimi nuk mund të bëhet për shkak të
specifikave të institucionit tonë, në praktikë si Departament ne jemi përballur me vështirësi me
afatet në rastet e ankesave.” Agjencia publike
“LPPA është ligj themelor, dhe unë do flas hapur, një numë i vogël i agjencive të pavarura kanë
ligje specifike, që tregon për rolin, funksionin dhe llogaridhënien e tyre. Bazuar në atë ligj, ne
funksionojmë si organ vendimmarrës, bordi është organi më i lartë vendimmarrës dhe
llogaridhënës, i cili i raporton Kuvendit të Republikës së Kosovës. Bordi nxjerr akte legjislative
sekondare, të cilat ndërlidhen me ankesat që rregullohen nga një rregullore e veçantë e cila
rregullon ankesat e konsumatorëve, subjekteve dhe kompanive të licencuara që punojnë në
fushën e energjisë. Ai nuk i adreson afatet kohore...” Agjencia publike
“Shumë pak ankesa janë parashtruar sipas ligjit të ri...të gjitha ankesat e parashtruara sipas ligjit të
vjetër do të mbulohen me ligjin e vjetër...ka një vit që ne nuk e kemi një anëtar të Bordit dhe nuk
jemi funksional. Ka shumë kërkesa që nuk janë shqyrtuar për dy vite tashmë. Çka të bëhet në këto
raste? A është ky rast i heshtjes administrative?” Agjencia publike
Përfaqësuesit nga Dogana dhe Administrata Tatimore zbatojnë ligjet e tyre specifike në
procedurën administrative. Është vështirë për ta të perceptojnë LPPA-në si ligj të përgjithshëm dhe
kornizë, sepse ligjet e tyre specifike janë të detajuara dhe përfshijnë të gjitha procedurat që ju
duhen atyre për të kryer punën e tyre. LPPA zbatohet në rastin e ankesave.
“Për dallim nga kolegët e tjerë ne e përdorim LPPA-në më pak se ata, për faktin se e kemi ligjin
tonë specifik i cili parasheh procedurat në administratën tatimore. Në departamentin e ankesave
kur merret një vendim për ankesat e tatimpaguesve ne përdorim LPPA-në, vetëm nenet të cilët nuk
janë përfshirë në ligjin tonë për procedurat. Kështu, ka një numër të vogël nenesh që i përdorim
ose i cekim se i aplikojmë.” Administrata Tatimore
“Dispozitat e LPPA-së aplikohen në procedurën e zbatuar nga Dogana vetëm në rastet kur ajo nuk
parashihet në Kodin tonë Doganor. Kodi Doganor, njëjtë si ligji për administratën tatimore,
parasheh të gjitha procedurat që duhet t’i respektojmë; për më tepër, ka sektorë si shqyrtimi i
vendimeve ose sektori për kundërvajtjet që kanë të bëjnë më shumë me procedurat administrative.
Mendoj se ligjet janë hartuar për tu zbatuar dhe ato përcaktojnë disa rregulla, të cilat çdo organ
duhet t’i zbatojë, por edhe zbatimi i ligjit paraqet një siguri ligjore për palët që marrin pjesë në
procedurën administrative. Zbatimi i plotë i LPPA-së do të ndikojë në sigurinë juridike të palëve
dhe do të arrijë modernizimin e administratës publike duke respektuar dispozitat e ligjeve të
aplikueshme. Është lehtë të zbatohet ky ligj pasi që pjesërisht tashmë është i inkorporuar në
procedurat doganore.” Dogana
13
Këtu janë disa shembuj se si zbatohet procedura administrative. Zakonisht palët duhet
personalisht të shkojnë në zyrë dhe të marrin me vete dokumentet.
“Ne i shqyrtojmë ankesat nga palët e pakënaqura, kështu që pala fillimisht e dorëzon një kërkesë
në autoritetin komunal...si shembull konkret mund të përmendim çështjen e lejes ndërtimore.
Autoriteti komunal, supozojmë se e refuzon kërkesën e palës, atëherë pala e pakënaqur
parashtron ankesë në organin e shkallës së dytë. Shkalla e dytë, në këtë rast Ministria e Mjedisit, e
shqyrton ankesën dhe ligjshmërinë e saj në bazë të LPPA-së, nëse e ka parashtruar personi i
autorizuar, se a është parashtruar ajo brenda afatit të paraparë. E pastaj fillojmë shqyrtimin e
ankesës. Palët kryesisht nuk janë të informuara dhe nuk na informojnë ne se cila ka qenë
procedura në shkallën e parë, kështu që përmes një letre ne kërkojmë nga pala dhe organi i
shkallës së parë të plotësojnë dosjen e nevojshme, e cila ka çuar në refuzimin e lejes së ndërtimit.
Kështu, shkalla e parë dhe pala e plotësojnë dosjen me dokumentacion, në këtë rast ose e
aprovojmë lëndën ose e hedhim poshtë ankesën e palës dhe e konfirmojmë vendimin e shkallës
së parë. Pas gjithë kësaj ne e këshillojmë palën që të iniciojë konfliktin administrativ në Gjykatën
Themelore të Prishtinës. Ligji i ri thekson se organi më i lartë e bën shqyrtimin. Kështu që janë disa
gjëra të paqarta lidhur me organin më të lartë. Mund të jemi ne ose mund të jetë drejtori në
komunë. Por Ligji për Ndërtim parasheh që pala e pakënaqur mund të paraqes ankesë në Ministri.
Pra këtu kemi dilemën ose kundërthënien ndërmjet dy ligjeve. Ministria e Mjedisit dhe Planifikimit
Hapësinor
“Kur parashtrohet një kërkesë për leje ndërtimi, ajo protokollohet dhe drejtori e emëron një zyrtar
që të procedojë lëndën dhe të vendos për kërkesën e parashtruar. Ankesa do të parashtrohen në
nivelin komunal e pastaj ajo do të procedohet në Ministrinë e Mjedisit dhe Planifikimit Hapësinor.
Në rastet e provave dhe dëshmive, ne nuk kemi qasje në kadastër, por kemi komunikim të mirë
mes nesh. Kështu që koordinohemi. Por janë disa dokumente që palët duhet t’i sigurojnë vet pasi
që për disa dokumente palët duhet të paguajnë taksa departamenteve të tjera.” Komuna
“Qytetarët vijnë në zyrën pritëse dhe njihen me të gjitha dëshmitë që duhet të paraqesin, ndodh që
dokumentacioni të jetë i kompletuar dhe ne kemi mundësi që të pranojnë atë dhe nëse lënda nuk
është e kompletuar atëherë ajo refuzohet, ne përpiqemi të paraqesim dëshmi ku kërkojmë
dokumente për të plotësuar lëndën, ne në kadastër kemi raste me dy subjekte që janë të
ndërlidhura. Zakonisht përpiqemi të marrin dëshmi për një rast edhe pa dijeninë e palës, pasi të
arrihet konkluzioni se ka nevojë për dokumente shtesë, është absurde që nuk ka konkluzion sepse
ka raste kur palët adresojnë kërkesa për rastet nga viti 2015. Ne tani kemi problem sepse nuk
mund të aprovojmë një kërkesë të tillë në mungesë të dëshmive. Afatet kohore janë shumë të
shkurtra për shkak të numrit të madh të rasteve dhe numrit të vogël të stafit. Vetëm brenda një viti
ne kemi marrë më shumë se 2000 dosje, është e pamundur për ne që të respektojmë të gjitha
afatet dhe ligjin. Por jemi duke u përpjekur me të gjitha kapacitetet tona.” Komuna
“Unë personalisht jam pjesë e Komisionit për ndarjen e subvencioneve dhe ndihmës për njerëzit
në nevojë. Ne kemi pasur raste të ndryshme të sëmundjeve të qytetarëve, të cilët nuk kishin
mundësi të mbulonin të gjitha shpenzimet për shërim. Kështu që, Komisioni takohet një ose dy
herë në javë, sipas nevojës dhe ne shqyrtojmë kërkesat, në bashkëpunim me kryesuesin e
komisionit, mjekun dhe mua. Ne kemi pasur raste të sëmundjeve për të cilat nevojitet trajtim jashtë
vendit ose brenda mundësive që kemi pasur e kemi ndihmuar pacientin. Në momentin kur është
bërë kërkesa ne e kemi shqyrtuar dhe sipas mundësive buxhetore kemi propozuar një shumë të
14
caktuar sa ka lejuar buxheti komunal dhe ia kemi dërguar propozimin kryetarit, ndërsa kryetari
është ai që vendos. Kërkesat janë bazuar në LPPA dhe kthimi i përgjigjes bëhet brenda afatit ligjor
prej një muaji.” Komuna
Disa komuna përmendën vështirësitë në respektimin e afateve kur organet e shkallës së dytë nuk
përgjigjen në kërkesa.
“Ne kemi një Komision për regjistrimin civil në Komunën e Skenderajt, dhe po ashtu Komision në
Ministrinë e Punëve të Brendshme, p.sh., Komisioni për shqyrtimin e kërkesave për regjistrimet e
më pastajme ose kërkesat për shqyrtimin e ndryshimit të emrit personal. Sipas LPPA-së ne kemi
afatin prej 45 ditësh për të vendosur, ndërsa Ministria e Punëve të Brendshme i ka 20 ditë që të
kthej konfirmimin e regjistrimit të më pastajmë, për të konfirmuar nëse mund të gjendet ose jo në
librat amzë. Ka raste kur ata nuk na përgjigjen për 2 muaj, kështu që ne nuk mund t’i përgjigjemi
palës brenda afatit”. Komuna
Në shumicën e rasteve komunikimi me palët bëhet përmes thirrjeve telefonike dhe personalisht.
“Ne shpesh i thërrasim ata në telefon, dhe nuk u shkruajmë emaila në adresat private dhe të
ngjashme, pasi thonë se nuk e kanë parë atë. Unë u shkruaj emaila komunave. Për të mos i
vonuar gjërat për palët, pasi që palët investojnë shumë dhe nëse çështja vonohet për një javë, pasi
të kenë kaluar javë dhe muaj unë do kem raste të tjera për tu marrë me to.” Ministria e Mjedisit dhe
Planifikimit Hapësinor
“Varësisht nga rasti ne komunikojmë me palët përmes telefonit ose emailit, veçanërisht në rastet
kur duam që ato të përfundohen më shpejt dhe të mos shkaktohen probleme për palët ne ua japim
atyre numrat tonë të telefonit dhe emailat, në mënyrë që palët të mund të dërgojnë dokumentin e
skanuar ose dokumentet e tjera plotësuese që nevojiten. E ceka se ne si doganë gjithmonë
përpiqemi tua bëjmë më të lehtë palëve që të paraqesin dokumentet” Dogana
“Ne nuk e përdorim komunikimin elektronik, ne e dërgojmë çdo komunikim në formë të shtypur me
vendim. Ne nuk kemi shumë procedura administrative, përveç kadastrës dhe urbanizmit. Kemi
problem me regjistrimin civil, ndryshimin e emrave, në komunikim me Ministrinë e Punëve të
Brendshme. Lëshimi i dokumenteve civile është një çështje që lidhet me shërbimet elektronike,
vetëm një numër i vogël dokumentesh mund të lëshohen.” Komuna
“Ne nuk e përdorim aq shpesh komunikimin elektronik me palët, ne do të komunikonim me palët ,
por kemi probleme me emaila, ndërsa ne komunikojmë përmes telefonit ku pala i jep të dhënat që
duhen për të komunikuar.” Komuna
7 Procesi i harmonizimit
Një pikë shumë e rëndësishme e cekur nga shumica e pjesëmarrësve është harmonizimi i ligjeve
të veçanta me LPPA-në. Konflikti në mes të ligjeve specifike dhe LPPA-së është problem i madh
dhe pjesëmarrësit nuk kishin dëgjuar kurrë për inicimin e këtij procesi dhe mendonin se do të jetë
shumë vështirë për ta arritur.
“Kjo është çështja më e madhe për të gjitha ligjet e miratuara në Kosovë pasi ligji është hartuar
vetëm për përgjegjësitë e një institucioni, duke mos i kushtuar vëmendje implikimit me ligjet e tjera,
15
sa është në konflikt me ligjet e tjera...për të harmonizuar ligjin tonë me Ligjin për Procedurën e
Përgjithshme Administrative ne duhet të ndryshojmë Ligjin për Zgjedhjet, e po ashtu afatet për
zgjedhjet...” Agjencia Publike
“Ka konflikt në mes të ligjeve specifike dhe zbatimit të tyre, ku ligjet e reja nuk parashohin ndonjë
çështje të caktuar. Komunat nuk kanë komision zyrtar ose statutor për të harmonizuar rregulloret,
sepse ligji nuk mund të rregullojë të gjitha aspektet/fushat. Në praktikë ndodh që një vendim i
caktuar të ndryshojë brenda një ore nga zyrtarët drejtues/ menaxhues. Duhet të ketë disa kufizime
edhe për stafin e nivelit të lartë drejtues. Kjo ka të bëj me procesin e vendimmarrjes dhe obligimin
e zyrtarëve që të ndryshojnë vendimet, edhe pse ne kemi besim se një vendim i tillë nuk duhet të
lëshohet.” Komuna
Me ligjin e ri kanë ndodhur shumë ndryshime në procedurën administrative. Megjithatë, duhet të
bëhen shumë ndryshime edhe në ligjet e veçanta. Në fusha të caktuara ata janë përballur me
konflikt ndërmjet LPPA-së dhe ligjeve specifike lidhur me afatet, heshtjen administrative,
ndryshimet e nevojshme në secilin institucion. Bazuar në opinionin e pjesëmarrësve harmonizimi i
procesit do të jetë shumë i vështirë për faktin se ka shumë ligje specifike që rregullojnë fusha
specifike.
Procesi i harmonizimit është një hap i domosdoshëm për zbatimin e LPPA-së, me mundësinë për
zbatimin e dispozitave nga ligji më i favorshëm. Pasi që disa ligje, siç është kodi doganor, janë në
procedurën e ndryshimit, dhe do të harmonizohen. Ndërsa në administratën tatimore kishte një
diskutim për harmonizimin e ligjeve, por ende nuk është bërë asgjë në këtë drejtim. Lidhur me
thjeshtësimin e procedurave, ato tashmë janë duke u zbatuar nga dogana.
“Kemi diskutuar për konfliktin ndërmjet këtij Ligji dhe ligjeve të tjera, që janë krejtësisht në
kundërshtim me ligjet e tjera që zbatohen nga institucionet. Kështu, sipas mendimit tim, këto
dispozita duhet të zbatohen me ligjet e veçanta. Ky është problem sepse mund të ndodh që
dispozitat e LPPA-së janë më në favor të palëve se sa me ligjet e veçanta. Nuk do të ishte gabim,
do të ishte mirë të harmonizohen këto ligje. Dhe po ashtu, nuk do të ishte gabim nëse e zbatojmë
një dispozitë që është në favor të palës.” Dogana
“Lidhur me seksionin e ankesave ne kemi kodin doganor i cili është ligj i veçantë, në kod
parashihen afatet kohore por ne nuk shohim ndonjë problem, përveç rasteve që ne i shqyrtojmë.
Kur kemi ndonjë rast, i kemi 30+30 ditë, pra kemi 60 ditë për tu marrë me rastin e palës. Kjo është
në kundërshtim me LPPA-në, pasi që ai thotë se ky afat duhet të jetë vetëm 30 ditë. Nuk jemi
përballur me ndonjë problem të madh. Në rastet kur kemi të bëjmë me dispozita më të favorshme
për palët atëherë e përdorim këtë ligj.” Dogana
“Ne kemi një afat kohor për shqyrtim sipas ligjit tonë tatimor, sipas atij ligji kemi 60 ditë, ndërsa
bazuar në LPPA i kemi 30 ditë. Ne kemi diskutuar disa herë si administratë tatimore që të bëjmë të
drejtën e apelit 30 ditë, në përputhje me LPPA. Por për një vit e kemi diskutuar këtë çështje dhe ky
ndryshim nuk është bërë akoma. Ka disa çështje dhe probleme, por ne kemi diskutuar që të
harmonizojmë atë me LPPA.” Administrata Tatimore
“...tani që ligji ka hyrë në fuqi dhe të gjitha ligjet e tjera duhet të harmonizohen, pasi që shumë
dispozita ishin në konflikt me atë ligj. Zyrtarët ligjorë e kanë analizuar edhe LPPA-në...Kodi
Doganor është në procedurë të ndryshimit dhe ka mundësi që dispozitat që nuk janë në harmoni
me LPPA-në të ndryshohen dhe përshtaten në këtë ligj të ri. Unë besoj se ky ligj ka më pak norma
16
ose dispozita që nuk janë në harmoni me Kodin Doganor, pastaj Ligji për kundërvajtje. Ka pasur
një kapitull të tërë që është dashur të harmonizohet me kodin doganor, i tërë kapitulli ishte në
konflikt. Do të lexoj një dispozitë - Neni 13 i Kodit Doganor thekson se me përjashtim të nenit të
paraparë në paragrafin e nenit 75, çdo gjë e përfshirë në këtë ligj të ri do të zbatohet për doganën.
Kështu që Kodi Doganor e njeh efektin pezullues të ankesës. Prandaj duhet të shikojmë këtë dhe
disa çështje të tjera në mënyrë që të harmonizohet ligji me LPPA-në, sepse jemi në proces të
ndryshimit të tij.” Dogana
“Pasi vet termi nëpunës civil nënkupton se jemi në shërbim të qytetarit, ne ballafaqohemi
drejtpërdrejtë me praninë fizike të qytetarit, i cili kërkon realizimin e një të drejte në administratën
lokale. Sa më përket mua, çështja kryesore është leja e ndërtimit, e cila po ashtu i sjell të hyra
buxhetit të komunës. Ka raste të aplikimit për leje të ndërtimit, por para kësaj, kërkohet që toka
bujqësore të shndërrohet në tokë ndërtimore, ne jemi të obliguar që ta lajmërojmë palën brenda 8
ditësh se duhet të plotësojë një dokument të caktuar. Pasi që konkluzioni tregon se kemi të bëjmë
me një proces i cili nuk është çështje vendimtare në proces. Pastaj, heshtja administrative është
miratim, kjo duket se është kopjuar nga ndonjë ligj tjetër, sepse ligji duhet të bazohet në vendin ku
zbatohet në mënyrë që të mos dështoj, derisa koha kalon shumë shpejt, ne kemi në afat kohor prej
15 ditësh, ne rrallë mund të vendosim për një afat 15 ose 30 ditësh. Mendoj se ky ligj duhet të jetë
më i rreptë, më i lehtë për tu zbatuar sepse në të kaluarën është thënë se juristët i mësojnë ligjet
dhe fati i një të drejte të qytetarit varet nga ne.” Ministria e Mjedisit dhe Planifikimit Hapësinor
“Ekziston nevoja për një komentar për këtë ligj, për shembull, kërkesa për ndërrimin e emrit dhe
mbiemrit zakonisht duhet të realizohet brenda 24 orësh, kështu që mendoj se duhet të parashihet
që për disa shërbime të ketë afate të kategorizuara. Për të ndryshuar një shkronjë sipas këtij ligji
mund të presësh 30 ose 40 ditë, por në praktikë komunat besojnë se mund ta bëjnë këtë për 24
orë ose gjatë ditës. Nëse zyrtari dëshiron të mbështetet në LPPA atëherë ai mund të zgjas këtë
afat. Por pala kërkon shërbime më të shpejta. Problemet e tilla ka mundësi të zgjidhen me
komentar. Nëse ky ligj bëhet më praktik nëse ka qartësi, ai bëhet më i aplikueshëm... Në përgjigje
të urdhrit për shërbime të qytetarëve, varësisht nga sistemi, ndodh që vet sistemi të imponojë 30
ditë, kur mund të kesh 45 ditë. Ndoshta vet sistemi i ka mangësitë e tij në lidhje me ligjin. Ne nuk
jemi aq të familjarizuar me ligjin, është ide e mirë të organizohet një grup i tillë punues sepse mund
të shohim përvojën e të tjerëve, varësisht nga sektorët, derisa neve na vjen keq që është bërë
shumë pak në lidhje me këtë.” Komuna
Disa pjesëmarrës pesimistë mendonin se procesi i harmonizimit do të jetë i pamundur që të
realizohet për shkak të kompleksitetit dhe për shkak të faktit se në të kaluarën, ligjet janë
zëvendësuar pa u arritur zbatimi i tyre i plotë.
“Lidhur me harmonizimin e këtij ligji me ligjet e tjera, është e nevojshme për një proces të tille, por
nuk besoj se kjo mund të ndodh, i kam dyshimet e mija. Secili në fushën e vet, por edhe ligjet me
të cilat punojmë duhet të ndryshohen, harmonizohen, etj. Për shembull, Ligji për Vetëqeverisje
Lokale parasheh peticionin por nuk jep sqarime se si duhet të prezantohet një peticion i tillë, si po
mendohet ai se çfarë periudhe i nevojitet. Thjeshtë është si titull por nuk është i rregulluar si
kategori. Ose drejtori i drejtorisë ka të drejtë të marrë një vendim të caktuar. Për shembull, ne kemi
parë vendime, se si një drejtor i caktuar ka marrë vendime bazuar në një nen të veçantë (62.2) i cili
nuk parasheh asnjë të drejtë për marrjen e një vendimi të tillë. Nuk besoj se mund të ndodh
procesi i harmonizimit, pasi ligjet vetëm janë miratuar, dhe nuk janë të zbatueshme. Ka ligje që e
17
kanë centralizuar plotësisht pushtetin. Sa i përket Qendrës së Shërbimeve për Qytetarët, nuk
mendoj se një qendër e tillë mund të bëj tërë punën e urbanizmit, ata persona nuk kanë njohuri të
mjaftueshme për të kryer këtë punë. Duhet të jetë vetëm një zyre e informimit por jo e gjithë puna
duhet të kryhet aty” Komuna
8 Vlerësimi i nevojave për trajnim
Pjesëmarrësit theksuan nevojën e një trajnimi të përgjithshëm për LPPA-në dhe të fokusuar në
argumente specifike siç janë afatet, heshtja administrative, vendimet dhe barra e provës. Për
trajnim më të detajuar ata propozuan një periudhë prej 3-5 ditësh, përderisa një ditë mund të jetë e
mjaftueshme për tu thelluar në tema specifike dhe në vështrim të përgjithshëm të Ligjit.
Shumica e pjesëmarrësve besojnë se stafi i përfshirë në trajnime duhet të jetë i nivelit drejtues:
udhëheqësit e divizioneve, komisioneve disiplinore dhe komisioneve ad hoc.
“Fokusi i trajnimit duhet të jetë në disa çështje që i rregullon ky ligj, siç janë heshtja administrative,
pasi që ligji e rregullon atë dhe çka ndodh nëse pala e bën një kërkesë dhe organi administrativ
hesht dhe pala ka të drejtë të ankohet në një shkallë tjetër dhe vendimi i asaj shkalle ka karakter
ekzekutiv, dhe pa pasur vendimin administrativ ne nuk mund të vendosim. Ne duhet të aprovojmë
ankesën, të detyrojmë organin administrativ që të zbatojë vendimin i cili nuk ekziston. Këto
probleme duhet të ngrihen dhe sqarohen në trajnime me njerëzit që e zbatojnë këtë ligj. Mendoj se
te shfuqizimi i aktit, duhet të eliminohet pasoja retroaktive. Këto janë situata që nuk janë të qarta
dhe duhet të diskutohen. Unë e kam përmendur edhe çështjen tjetër të afateve, sa herë që ka
ndonjë ndryshim në këtë ligj të ri, duhet të vihet theksi në faktin se ky ligj është miratuar, dhe pse
nuk aplikohet njëjtë për tërë ligjin.” Agjencia publike
Trajnimet për çdo gjë, nëse është për aspekte të detajuara atëherë të jetë 3-5 ditë, por nëse është
vetëm për disa tema atëherë një ditë është e mjaftueshme. Shembuj se çka ka dashur të thotë
ligjvënësi me disa dispozita.” Agjencia publike
“Një trajnim në çështjet siç janë afatet, heshtja administrative dhe fushat e tjera që duhet të
zbatohen, menaxhmenti i lartë duhet të vijojë këtë trajnim, udhëheqësit e divizioneve, varësisht se
si janë të organizuara organizatat. Komisionet, komisionet disiplinore, komisionet ad hoc, etj.
“Agjencia Publike
“Të ketë trajnime të përgjithshme në disa fusha të caktuara, të adresohen afatet, barra e provës,
etj.”
“Zyrtarët kompetentë kanë pak njohuri se si duhet të zbatohet ky ligj. Kjo nënkupton se problemi
kryesor është që të njihet ligji, ne jemi dëshmitarë se nuk mjafton vetëm që të lexohet dhe
analizohet ligji, por duhet edhe të diskutohet për ligjin. Normalisht, ligji si akt i referohet akteve të
tjera nënligjore që rregullojnë ligjin dhe praktikën, por nuk kam parë të jetë nxjerr ndonjë akt i tillë.
Unë konsideroj se gjatë kohës sa ligji nuk kishte hyrë në fuqi, edhe pa hyrë në fuqi kanë mundur të
merren iniciativat për nxjerrjen e akteve nënligjore. Çdo veprim që e ndërmarrim bazohet në këtë
ligj, ne si administratë e shohim se si këto takime vonohen, ato është dashur të organizohen më
herët. Disa komuna supozojnë se ligji i mëhershëm ende është mbetet akoma në fuqi.” Komuna
18
Pikat kryesore të nevojave për trajnim janë: trajnimet për pjesën e përgjithshme dhe për detajet
(nen për nen) të LPPA-së, d.m.th, një elaborim komplet të ligjit, çështjet si afatet kohore, heshtja
administrative, vendimet, barra e provës, dhe fushat e tjera që nuk kuptohen e duhet të zbatohen.
Për diçka më të detajuar duhet një trajnim 3 ditor dhe nëse është e mundur jashtë Prishtinës.
Kishte propozime që trajnimi të mbahet në formë të ligjëratës me prezantime që sqarojnë
konceptet themelore dhe interpretimi i tyre me shembuj. Pjesëmarrësit do të donin të kenë një
trajnim interaktiv. Do të jetë rendësi që në trajnime të përfshihet i tërë stafi i angazhuar në zbatimin
e këtij ligji, e jo vetëm udhëheqësit ose stafi në pozita të larta.
“Natyrisht ekziston nevoja për trajnim për këtë ligj, sepse ai ka sjell disa ndryshime, edhe pse disa
prej këtyre ndryshimeve nuk janë aq të mëdha, por si staf i Doganës ne është dashur ta
parashohim këtë për secilin ndryshim të ligjit para zbatimit të tij. Të dërgohen zyrtarët kompetent
të përfshirë në zbatimin e këtij ligji që të trajnohen në mënyrë që t’i shohin ndryshimet. Arsyeja për
këtë është se personi që e ka hartuar ligjin ndoshta ka një sqarim më të mirë për nenet, ose për
disa seksione që janë të paqarta.” Komuna
“Zyrtarët ndoshta nuk janë të familjarizuar me këtë ligj, ndoshta ministria mund të organizojë
trajnime në komuna me të gjithë zyrtarët. Institucionet kanë më shumë se 20 zyrtarë ligjorë, secili
prej tyre duhet të di si të interpretojë këtë ligj. Në këtë rast, për ta më së miri është që të mbajnë
trajnim dhe të shmangin shkeljet dhe zbatimin jo të drejtë të këtij ligji. Ne duhet ta dimë se mund të
shkelim të drejtën e qytetarit, i cili mund të drejtohet në instancat e tjera. Thënë më saktë, trajnimi
në secilin komunë dhe insistimi edhe një herë se të gjitha këto është dashur të bëheshin një vit më
herët.” Komuna
Pothuaj nuk ka pasur fare përvoja të mëhershme në trajnimin për LPPA-në, disa pjesëmarrës
raportojnë për një takim me MAP për tu informuar rreth hyrjes në fuqi të ligjit të ri.
“Ne kemi pasur disa grupe punuese lidhur me Ligjin për ndërtim, Ligjin për legalizim por jo
drejtpërdrejtë për LPPA-në, për të cilin kishim më së shumti nevojë.” Ministria e Mjedisit dhe
Planifikimit Hapësinor
“Ne kemi mbajtur trajnime për çështjet e përgjithshme dhe ato më të mëdha, por jo trajnime
praktike.” Komuna
“Në shumicën e trajnimeve ku kam marrë pjesë njerëzit që i kanë mbajtur trajnimet kanë pasur më
pak njohuri se pjesëmarrësit. Nëse do të kemi trajnime në të cilat dikush me njohuri të mirë do të
mbante trajnimin, ne me kënaqësi do të ofronim ato trajnime. Janë organizuar disa takime
informuese për LPPA-në nga MAP, por jo trajnime për nivelin praktik. Ne do të na duhen disa
trajnime për aktet administrative, përmbajtjen e tyre, bazën ligjore dhe çështjet e tjera të
ndërlidhura me aktet administrative. Mendoj se drejtorët e departamenteve duhet të kenë trajnime
për të pasur ide të qartë rreth aktit dhe vendimit administrativ. Zyrtarët specifik në departamentet e
ndryshme kanë nevojë për trajnim. Definitivisht ka nevojë për trajnime. Një trajnim i detajuar se si
të hartohet akti administrativ.” Komuna
Pritjet për trajnimet janë shumë të ngjashme, pjesëmarrësve u duhet një vështrim i përgjithshëm i
ligjit për ta kuptuar atë më mirë. Ata mëndonin për sqarimin e ligjit, nen për nen. Përveç kësaj, ata
19
theksuan nevojën e trajnimit specifik në fushën e tyre specifike me sqarimin e hapave të
procedurës administrative. Ata do të donin të kishin shembuj dhe njohuri praktike me modele të
kontratës administrative.
“Pjesëmarrësit duan të kenë trajnim praktik. Ata konsiderojnë se trajnimet nuk duhet të jenë më të
gjata se 2-3 ditë. Trajnimet duhet të fokusohen në përgatitjen e akteve administrative, por duhet të
mbulojnë tërë procedurën administrative. Komuna
“Më së miri do të ishte të organizohen trajnime në komuna dhe të jenë të obliguar të gjithë zyrtarët
ligjorë që të marrin pjesë në ato trajnime. Ky do të ishte modeli më i mirë. Në çdo komunë, do të
jetë duhet të mbahen një ose dy ditë trajnimi për temat e nevojshme. Ose kjo të bëhet në faza, së
pari të organizohet trajnimi emergjent në fushat për të cilat kërkohet trajnim i shpejtë dhe pastaj
bazuar në nevoja çdo vit të avancohet me trajnime ku do të përfshihen tema që nuk kanë qenë në
trajnime të mëhershme.” Komuna
“Ka nevojë për një trajnim se si të hartohet një kontratë administrative. Kur nuk keni një draft të
kontratës administrative atëherë do të hartojmë në vend të saj një kontratë të zakonshme, dhe në
mënyra të ndryshme. Ose akte administrative, një trajnim ku mund të hartojmë një akt administrativ
si dhe të nxjerrim dhe zbatojmë akte administrative. Domethënë trajnime praktike. Ose aprovimi i
kërkesës përmes heshtjes administrative, duhet të parashihet një udhëzim administrativ lidhur me
heshtjen administrative dhe çfarë rastesh mund të miratohen në heshtje.” Komuna
“Asnjë trajnim nuk ka efekt nëse nuk ka praktikë, na duhet një trajnim praktik, për shembull se si të
vendoset për pronën e paluajtshme të komunës dhe për nënshkrimin e kontratës, hartimin e
vendimit me ligjin e ri. Duhet punuar në grupe për të hartuar vendimet. Trajnimet duhet të mbahen
në fusha të ndryshme, të mbahen me palë të caktuara, me zyrtarët ligjorë që i zbatojnë procedurat.
Trajnimet duhet të zgjasin 5 ditë intensive, trajnimet duhet të jenë për gjeodezi, urbanizëm, për
zyrën e gjendjes civile, bujqësi, zhvillim ekonomik, këto janë më të dobishme.” Komuna
“Deri më tani ne gjithmonë kemi pasur trajnime me PowerPoint, nuk është praktike që të lexohet
ajo çka tashmë është e paraparë në ligj, ne na duhet trajnim praktik. Prej fillimit të procedurës e
deri në fund ose deri në zbatimin e aktit dhe shkëmbimit të përvojave jo-teorike. Kohëzgjatja e
trajnimit duhet të jetë së paku 3-5 ditë pune, me njerëz të përgatitur në terren që e njohin ligjin, për
zyrtarët ligjorë që e zbatojnë procedurën.” Komuna
“Ne duhet të kemi një trajnim praktik, i cili do të mbulojë procedurën administrative - fillimin e
procedurës administrative deri në lëshimin e aktit administrativ në mënyrë praktike, ose zbatimin e
procedurës administrative në praktikë prej fillimit deri në fund. Një trajnim i përgjithshëm.” Komuna
“Do të ishte mirë të shiheshin të gjitha aspektet e procedurës administrative prej fillimit deri në fund
të saj, por në praktikë. Ky është mendimi im dhe trajnimi që do e preferoja. Mund të ketë tema të
tjera, për shembull kontratat administrative ose tema të tjera.” Komuna
“Në këtë aspekt unë nuk do t’i ndaja fushat, por konsideroj se do të ishte e nevojshme të kemi një
elaborim të plotë të Ligjit, nen për nen për të sqaruar çdo gjë në rast se nuk kuptohet nga njerëzit
në administratë. Edhe pse nëse e ndajmë atë sipas fushave, kjo do të ishte e mirëseardhur, por
elaborimi i secilës pikë, ose pjesë të Ligjit në mënyrë të kuptueshme, do të ishte shumë më mirë.”
Dogana
20
“Ne duam trajnim për gjithçka, për ofrimin e dëshmive, procedurën e ankesës.” Ministria e Mjedisit
dhe Planifikimit Hapësinor
“Ne presim që të kemi trajnim me procedura dhe nene të qarta që kanë të bëjnë me
vendimmarrjen, dhe kjo do të ishte shumë më e lehtë. Por trajnimi duhet të bëhet për njerëz
adekuat, për ata që janë të përfshirë në zbatimin e këtij Ligji, e jo që të shkojnë udhëheqësit e
departamenteve dhe stafi menaxhues, derisa ne si zbatues zakonisht lihemi anash.” Agjencia
publike
Shumë pjesëmarrës cekën nevojën për një komentar të mirë për këtë ligj që do të lehtësonte
zbatimin e tij.
“Një komentar për këtë ligj do të lehtësonte shumë gjëra, por nëse ka nevojë edhe të nxirren akte
nënligjore, udhëzime administrative, të cilat rregullojnë çështjet e komplikuara, siç janë afatet.”
Komuna
21
9 Aneksi 1 - Skenari për zhvillimin e diskutimeve në grupin e fokusit
SKENARI PËR MBAJTJEN E DISKUTIMEVE NË GRUPIN E FOKUSIT
Ministria e Administratës Publike e mbështetur nga Projekti i BE-së “Mbështetja e Procesit të
Reformës së Administratës Publike” është duke organizuar një seri të grupeve të fokusit me
përfaqësuesit e organeve të administratës publike për zbatimin e Ligjit për Procedurën e
Përgjithshme Administrative. Ligji për Procedurën e Përgjithshme Administrative i cili ka hyrë në
fuqi në qershor 2017 ofron zgjidhje të reja për procedurat administrative, risi dhe më shumë të
drejta për palët në procedurën administrative. Në këtë grup të fokusit ne do të diskutojmë për
zbatimin e dispozitave të tij nga organet publike, identifikimin e sfidave për zbatim, harmonizimin
me legjislacionin tjetër dhe nevojat më të rëndësishme për trajnim të administratës publike për
LPPA-në e ri.
Hyrja – 10’
o Fjalët hyrëse o Informacion mbi natyrën dhe qëllimin e diskutimit o Informimi i pjesëmarrësve për rregullat kryesore për pjesëmarrje në
diskutimet në grup: - Të flitet hapur dhe lirisht, por një nga një; - Të sigurohet konfidencialiteti i përgjigjeve të dhëna; - Të shprehin opinionet e tyre sinqerisht dhe hapur sepse ne
jemi të interesuar njëjtë si për mendimet pozitive ashtu edhe në ato negative;
- Nuk ka përgjigje të duhur ose të gabuar por vetëm pikëpamje të ndryshme; të ndjehen të lirë të thonë çka mendojnë edhe kur opinionet e tyre janë të ndryshme.
- Të jenë sa më të specifik që të jetë e mundur; o Prezantimi i moderatorit/udhëheqësit dhe pjesëmarrësve
Nxehja – 10’ përmes një pyetjeje krahasuese jashtë temës, do të vihen në pah qëndrimet e
zakonshme spontane për temën e hulumtimit.
Koment i citimit: “Modernizimi i shërbimeve publike dhe administratës publike bëhet përmes
zbatimit të suksesshëm të LPPA-së”
Shkurt: gjatë orëve të ardhshme do të diskutojmë për atë se kush është “i
familjarizuar” (kush ka njohuri) dhe sa ka njohuri për LPPA-në e ri dhe cili është
ndikimi i risive në LPPA në fushën e legjislacionit të veçantë administrativ? Sa larg
22
shkon ajo njohuri dhe përvojë e juaj? A ka ndonjë problem me të cilin jeni lodhur
duke u marrë ose duke u brengosur për to? Cilët janë institutet ligjore që janë
veçanërisht sfiduese?
І. FAKTE TË PËRGJITHSHME 10’
Përshkrimi/ lista e fakteve dhe lokacioneve (niveli sa ata dinë dhe sa mund të mendojnë)
Të bëjmë një llogaritje të shpejtë sipas institucionit/ pozitës - çfarë lloji procedurash
administrative, ku dhe nën cilin ligj ose me pjesëmarrjen e cilës pozitë:
Janë vendosur/ nxjerrë aktet administrative
Janë zgjidhur duke aplikuar procedurat
Derisa ata flasin plotësohet tabela e vizatuar paraprakisht në flipchart (tabelën e bardhë)
ІІ. DISKUTIM PËR ORGANIZIMIN E PROCEDURËS ADMINISTRATIVE 30’
1. Si zbatohet procedura administrative? - rastet tipike dhe jo-tipike - si lëshohet/nxirret akti administrativ (raporti me LPPA-në dhe legjislacionin e veçantë të fushës ligjore)
2. Kush dhe si i merr vendimet dhe nxjerr aktet administrative, arsyetimin e vendimeve, korrespondencën me palët e përfshira, njoftimin, etj., (dhe të gjitha atributet e nevojshme që i kërkon një akt administrativ)?
3. A e përdorni komunikimin elektronik në procedurat administrative? (nëse po, a është ajo mënyra e zakonshme e komunikimit që e përdorni?)
4. Kushtet ideale dhe reale për procedurën “e duhur” administrative 5. Arsyet e dështimit (përfshirë ankesat kundër akteve administrative, nëse ka të tilla). 6. Si të tejkalohen pengesat dhe vështirësitë lidhur me zbatimin e LPPA-së së ri? 7. Ku nuk bëhet zbatimi (resp. problemet) - pse? Çka planifikohet në këtë drejtim? 8. Ku janë problemet themelore - në rregullim/ mjedis/ kapacitet/ motivim?
Qëllimi i këtij rrethi pyetjesh është të nënvizohet në mënyrë spontane kuptimi që pjesëmarrësit ja
japin trajnimit në mesin e faktorëve të tjerë të rëndësishëm për zbatimin e LPPA-së së ri?
ІІІ. HARMONIZIMI I LPPA-SË ME LIGJET E TJERA 20’
23
Kosova përballet me sfida të konsiderueshme lidhur me harmonizimin e ligjeve duke marrë
parasysh larminë e institucioneve dhe burimeve për akte ligjore, si në të kaluarën ashtu edhe tani.
Komenti i citimit: “Ligji për Procedurën e Përgjithshme Administrative, si rregull, do të zbatohet për
çdo procedurë administrative. Transparenca, parashikueshmëria dhe qartësia ligjore në
vendimmarrje, si dhe standardet e legjislacionit të mirë, kërkojnë sistem të unifikuar dhe koherent
të procedurave administrative me numër minimal të procedurave të veçanta.”
1. Çka dini për procesin e harmonizimit? 2. Lidhur me fushën tuaj të zbatimit të legjislacionit substancial, a ka nevojë për
harmonizim?
ІV. NEVOJAT E TRAJNIMIT 40’
Qëllimi përfundimtar i takimit tonë është të përcaktojmë së bashku në mënyrë sa më të
detajuar nevojat e ndryshme të trajnimit për administratën tuaj. Por para së gjithash, të
flasim për përvojat tuaja të trajnimit në të kaluarën.
1. A keni marrë pjesë deri më tani në trajnime lidhur me zbatimin e procedurës administrative dhe LPPA-së? Nëse jo - a e dini çfarë trajnimesh janë mbajtur për nëpunësit civilë nga administrata juaj (nëse është mbajtur ndonjë).
2. A keni marrë pjesë kohëve të fundit në trajnime, lidhur me fushën tuaj të zbatimit të legjislacionit substancial? Nëse jo - a e dini çfarë trajnimesh janë mbajtur për nëpunësit civilë nga administrata juaj.
3. A ka ndonjë trajnim sistematik në të cilin nuk je në gjendje të marrësh pjesë, qoftë të brendshëm ose të ofruar nga institucionet e jashtme të trajnimit
Tema e trajnimit, lokacioni dhe kohëzgjatja, sa ka qenë adekuat dhe përfitimi, zbatimi i asaj që
është mësuar. Vlerësimi i përparësive dhe mangësive të trajnimeve;
4. Nëpunësit civilë/ punonjësit në cilat pozita/funksione në administratën tuaj kanë më së shumti nevojë për trajnim për të qenë më efektiv në punën e tyre, lidhur me gjykimin e çështjeve administrative?
5. Në lidhje me cilin operacion (hap në procedurën administrative) ka nevojë për trajnim? (nëse ajo çështje është prekur tashmë)
6. Me çka duhet të njihen ata në detaje, çka duhet të mësojnë më mirë?
24
7. A ka ndonjë temë apo çështje në të cilën mendoni se jeni përgatitur mjaft si rezultat i praktikës suaj ose për shkak të trajnimeve të mëhershme ose vetë-përgatitjes?
8. Në cilat tema do të dëshironit të thellonit njohuritë? Në lidhje me çka më specifikisht: - ........................... - Tjetër?
Testi për klasifikimin e nevojave sipas kritereve të cilat i formulojnë pjesëmarrësit së pari
spontanisht e pastaj me mbështetjen e moderatorit. (Të plotësohet në formular)
Për shembull:
One Stop Shop
Miratimi i presupozuar i kërkesës së palës
Kontrata administrative
Rindërtimi i dosjeve
Garantimi i të drejtave të akorduara
Ankesa
Llojet e dëshmive (dëshmitarët, dokumentet, inspektimi në terren, deklarata e palës, dëshmia e ekspertit)
Sigurimi i dëshmive
E drejta dhe detyrimet e personit zyrtar
Miratimi i presupozuar i kërkesës së palës (heshtja administrative)
Njoftimi dhe dorëzimi i aktit administrative
Mjetet juridike të rregullta (Parashtresa dhe ankesa)
Mjetet e jashtëzakonshme juridike dhe përsëritja e procedurës
Zbatimi i detyrueshëm i detyrimeve monetare dhe jomonetare
Vendimi për zbatim të detyrueshëm
Zbatimi me forcë
Ekzekutimi i detyrimeve jofinanciare nëpërmjet palëve të treta
Përfundimi i zbatimit
Mbrojtja nga sjellja e organeve publike dhe ofruesve të shërbimeve publike (me theks në ankesë)
6. Cilat janë preferencat tuaja lidhur me stilin dhe metodën, lokacionin dhe kohëzgjatjen?
***
Pas secilit bllok të pyetjeve bëhet një përmbledhje e shkurtër e opinioneve të grupit.
Para mbylljes së diskutimit:
25
A dëshiron dikush të shtoj diçka për këtë temë ose të ngrit ndonjë çështje të rëndësishme
të cilën kemi harruar ta diskutojmë:
Shprehja e falënderimit dhe përmbyllja e diskutimit.
***
Diskutimi i grupit të fokusit do të zgjas për të paktën 2 orë. Ai do të regjistrohet me diktafon vetëm
për qëllime të studimit. Analiza e rezultateve dhe fjalori i përdorur do të shërbejë ekskluzivisht për
pyetësorin për specifikimin e studimit bazuar në temë, në kuadër të kornizës së specifikimeve
teknike të projektit.
Moderatori do të:
përpiqet të adresojë pyetjet e mundshme, kryesisht të bazuara në skenar, pa e ndërprerë rrjedhën e natyrshme të diskutimit;
përpiqet të përfshijë të gjithë pjesëmarrësit në diskutim dhe të inkurajojë shkëmbimin e natyrshëm të mendimeve dhe ideve;
shtojë pyetjet bazuar në tendencat interesante që ndodhin në procesin e diskutimit.