Umbhashe wethu news isssu issue 1

IFUNA INTYWENKA YEMALI KU RHULUMENTE: INDODA YASE DUTYWA – R3 MILLION

LOCAL NEWS, SPORT AND VIEWS Sithetha sonke

NewsIindaba zenu zindaba zethu Issue 3 Mbhashe ‘s online community newspaper

Email: [email protected]

Mbhashe Wethu

15 May 2015 Cell: 081 335 3343/Fax: 086 606 5937 www.surejoe.wordpress.com

Xolelo Nkukwana wase Dutywa

Limfiliba nangakumbi ikamva lendoda yase Dutywa eyabethwa ngamadindala aseDutywa yaqhawuka ingalo. UXolelo Nkukwana waku Wakeni eDutywa wabethwa lidindala wadumba ingalo yase kunene ngonyaka ka-2006. Waye banjelwe ityala lodlwengulo sele wasigqiba esosigwebo sakhe seminyaka emithandathu. UNkukwana uthi ingalo yakhe kwanyanzeleka ukuba iqhawule ngonyaka ka-2008 emva kokubhidla. Uthi idindala elalimbethile “ngenxa kanobenani” selaxhoma kumsebenzi walo esebeni. Xa uNkukwana ezama ukuthetha namagosa esebe lezoluleko uthi amxelela ukuba makaye emagqwetheni. “Bathi sokuze benze nanto malunga nebango lam. Bathi mandiye emagqwetheni. Kudala ndisehla ndisenyuka ndizama ukuba ndihlawulwe,” utshilo ethetha nephepha-ndaba Ilisolezwe. “Akukho nyathelo ndingalithathanga, kwankqu ne-ofisi yomkhuseli woluntu (Public Protector) sele ndiyibhalele ndibika lomba wam. Umbutho wamagqwetha aseMzantsi Afrika (Law society) nawo ndiwubhalele kodwa abakaphenduli. Elinqaku liphumela kwikhasi lesi sithandathu (page 6)

mailto:[email protected]

uCaley van der Kolk ukhutshiwe kwi top 11 yokusasaza kwi TV

Mbhashe Wethu NewsIindaba zenu zindaba zethu

Ngazo zonke iindaba ezitshisa ibunzi ezenzaka ekuhlaleni kulo mmandla woMbhashe, silume indlebe ngokutsalela okanye ubhalele oonondaba bethu nantsi idilesi kancwadi zeposi: [email protected]

okanye utsalele ku: 081 335 3343

www.surejoe.wordpress.com

Date: 15 May 2015 Pg 2 Mbhashe Wethu News

UCaley oyinzwakazi ekhulele ku Gatyana ebingenele ukhuphiswano lokufuna oyena msasazi ubalaseleyo kumabonakude (Presenter Search on 3) ukhutshiwe kolukhuphiswano kwiveki nje ezimbalwa ezidlulileyo. Eligwangqakazi lakwa Kolk belichongwe kwabalishumi elinanye abaseleyo emva kochungechunge lolukhuphiswano, lo ka Caley eyonanto aziqaqambise ngayo kubagwebi bolukhuphiswano kukukwazi ukusebenzisa iilwimi ezohlukeneyo nanjengoko ulwimi lwesi Xhosa elithetha ngokungathi waluncanca emabeleni. Abagwebi bawatshabalalisile amathemba alenzwakazi okuba ngumsasazi ophume gqathu ngethuba bewisa isigwebo sokuba akenzanga kakuhle kulomjikelo ngenxa yezinto ezithile abathe bazibona iziziphene kumalinge akhe. UCaley “uNomagwangqazana nanjengoko sisitsho xa simteketisa sileli phephandaba” uthe ababukeli bakamabonakude mabalindele lukhulu kuye olukhuphiswano ibisisiqalo sendlela ende yakhe kwezosasazo nanjengoko amehlo wakhe esawajongise phambili watsho esithi iinduku zakhe usazilalise emgqubeni singanikezeli kuba amazimba ephalele kolukhuphiswano lwe "Presenter Search on 3". UCaley ngethuba ebhalela abemi bo Mzantsi Afrika, ethetha ngamazwi abhalwe kwi foto yakhe, ebhalwe ngesi Ngesi uthe "Now is your chance to vote me back onto your big screen, Because TV needs REAL People“ ukutsho oku ngexesha benikwe ithuba lesibini kolukhuphiswano.

CALEY VAN DER KOLK

081 335 3343 081 335 3343

COMMENTS, LETTERS AND EMAILwe invite our readers to comment on mistakes in the newspaper and shall correct significant errors as soon as possible. Send info to the editor: [email protected] / www.surejoe.wordpress.com


Bayathunga abahlali baseXhora

Abahlali base Xhora baze nendlela entsha neyahlukileyo yokugxotha ikati eziko, ngokuthi baqale i project yokuthunga. Elinye ilungu le Phakamani Cuntsula Project nelingu mququzeleli, u Nothusile Mbikeni uthe “Sagqiba ekubeni singamalungu asekuhlaleni sibenento esiyenzayo ngezizethu izindla ezakuthi iphilise intsapho zethu”. Uqhube wathi le project bayiqale kunyaka ophelileyo beyiqala bengamalungu angamashumi amahlanu – 50. Utsho esithi phambi kokuba baqalise neliphulo labo lokuthunga bebelichitha ixesha labo ngezinto eziselwayo, uthe kungokunje akusekho bantu bahamba zindywaleni nanjengoko benento yokwenza bengabahlali. Ukwathe eminye yeminqweno yabo kukuba babandakanye ulutsha lufunde apha kubo. Ingxelo iqhuba ithi ‘okwangoku izinto zokusebenza basabetha kubo ezipokothweni kuba bengekafumani nkxaso kwabaseburhulumenteni kodwa benethemba lokuba ngenye imini elishishini labo lizakukhula. U Vuyisa Hlonyana olilungu lale project nowenza izihlangu uthi uchulumance kakhulu kukuba yinkxalenye yale project kuba ufunde lukhulu kuyo


By: Mbhashe Wethu News Source

Ungathanda ukuba yinxalenye yolusana lusakhasayo? u Mbhashe Wethu News ucela nisithumelele iindaba zenu? Wamnkelekile [email protected]

ABALELALNGA ABAHLALI BASE XHORHA

Ikhona italente kulo mmandla, abathengi nabafundi ku Gatyana bakhe bathi nqumama okomzuzwana bezokuphosa amehlo ngethuba omnye wabahlali ebonisa nge talente yakhe ngakudederhu lwevenkile edolophini yaku Gatyana.

Cnr Rein & Whack StreetDutywaTel: 047 489 2227/8

Imbotyi zam ziyavuthwaKutshiphu

Page

Ikasi la Ma Kasi no: Nosithembele

uMbhashe FM sisikhululo sosasazo esifumaneka kumnatha weinternet kuphela. Sisasaza umculo, kunye nenkqubo ezishicilelweyo.Ukuba nawe unomdla wenkqubo yakho isasazwe kwelijelo ungathiushicilele inkqubo leyo ze uyithumele kuthi ukuba isemgangathweniWokusasazwa sakukwazisa siyidlale.surejoe.wix.com/mbhashe-fm ze ucofe ku Listen Live kungenjalo surejoe.wordpress.com ukhethe iqhosha Mbhashe FM Live


NOSITHEMBELE

Artist : Nosithembele Album : UngumalusiFrom : Willowvale

Willowvale: I'm Nosithembele, original from Willowvale currently staying in Langa Township, Cape Town, I am a born again Christian under Twelve Apostles Church in Christ. I was still a child when I started to singing at school and My talent grow when I joined church choir in 1999, then I end up being a solo Artist from 2006 that's where I decided to recorded my first album called "Nkosi Sihlangule" then by 2008 I recorded my second album "Leth'Uxolo" and i also have DVD which is a collection of those two Cd's. 2014 its been a great year I have manage to release my new album titled "Ungumalusi" is now out .For more information about Nosithembele contact this email:[email protected] or Nosthembele on Facebook

Ngu: Mfuras Mfondini

Feel It - Love It – Sithetha sonke

https://nosithembelemusic.wordpress.com/


ULUVO LWAM – IN MY VIEW

Ubalasele uMbhashe ngembali nezokhenketho!!!



Umasipala wase Mbhashe awumkhulwanga kuyaphi xa uthelekiswa nabanye omasipala abakwizixeko ezikhulu kweli Phondo le Mpuma Kapa ezifana no Monti kunye no Bhayi. Lo masipala wenziwe ngokudityaniswa kwedolophu ezintathu I Dutywa, u Gatyana kunye ne Xhora kwaye usemazantsi mpuma kwiphondo lase Mpuma Kapa, uyinxalenye yo Masipala wesithili se Amathole. Ngokobalo manani lika 2011 kukho iinginginya zabantu abaqikelelwa malunga ne 259 949 abahlala kulo mmandla nabanesininzi esintetho isisiXhosa zekubekho elogcuntswana lithetha lwimi zimbi. UMbhashe waziwa ngokuba likomkhulu lamaXhosa nanjengoko undlunkulu useNqadu kwidolophu yaku Gatyana phantsi kuka Xolilizwe. Kucando mida lobu Khosi norhulumento lwangaphambili ibisakuba sisizwe sama Gcaleka ze idolophu yase Xhorha iwelele kuma Bomvana. uMongameli wesibini welilizwe loMzantsi Afrika nowonyulwa ngokwentando yesininzi uMnumzana Thabo Mbeki uyinzalwelwane yalapha. Ngokwembali uHintsa wamaXhosa owabulawa kwiimfazwe zamhlamnene wangcwatyelwa phezu komlambo iNqabarha, ingcwaba lakhe nesele libonwa njengebhakana esetyenziswa kwezokhenketho ngabatyeleli nabaqokeleli bembali. Nangona uMasipala wase Mbhashe ukuluhlu lo masipala abangatyebanga kuyaphi kwezoqoqosho kodwa awutyebanga uteketeke kwezokhenketho, kuba ukwinxweme elaziwa njenge Wild Coast nelinomtsalanane omangalisayo kwezokhenketho ngokuthi udlisele ngeelwandle, indalo kunye nendawo zokuphumla ezifana ne Kob Inn, Dwesa-Cwebe nalapho uyofika begxalathelana abakhenkethi ngeholide bezokuzonwabisa. Inqaku liyaqhuba

Zitshonaphi na inyosi? Ward 25

Umbuzo othi "Zitshona phi na inyosi" ngumbuzo owayanyaniswa nokuzama ukuqonda ukuba luphina ulonwabo kulempelaveki luninzi lwabantu abantetho isisiXhosa. Kanti kubahlali bakwa Ward 25 bawutolika ngolunye uhlobo lombuzo kuba kufuneka bemanxadanxada bejongene netsili elimnyama khaca lenyosi zokwenene. I Zingisa Ward 25 Willowvale Honey Agricultural Co-Op Limited liphulo apho kufuywe khona iinyosi ngenjongo zokushishina ngazo zakuba zifikelele kwelonqanaba. Inyosi zithi zivelise incidi encasa nencamise ngencasa nethi ithengiswe kudederhu lwevenkile, ihoney ngelwi lasemzini.

Kananjalo kulemihla siphilakuyo ye demakhrasi lengingqi yase Mbhashe ayiziyekelanga kwaye ayibambanga gazi ekuveliseni inkcubabuchopho kunye nengqanga kumabakala awohlukeneyo, sele ivelise ompondozihlanjiwe abafana Nolusanda Mcinga, Kholeka Dubula, Bethusile nabaye bangovulindlela kwezinye iimvumi zalapha ezisaze ngobuso ezifana no Thumeka, Siniko Bulana, Nosithembele, Nonzwakazi Mgudlwa, Mahlanyana Mvana ka Davide, Msirana Pantsula LoMrapper nabantu abafana no Mthunzi Mhaga, Zizo Beda zinzalelwane zalapha. Kananjalo ziseninzi izinto ezisafuna ukujongwa nezingumceli mngeni ezifana nentswelangqesho, ukuphuculwa kwezoqoqosho kunye notyalo mali ngongxowankulo. #SENDITSHILO


Dutywa ( formerly known as Idutywa) is a town in the Eastern Cape of South Africa, formerly part of the Transkei. It is the birthplace of former president Thabo Mbeki who became the president of South Africa in 1999. It 35 kilometers north of Gcuwa on the N2 road. Dutywa is the headquartes of Mbhashe Municipality in the Amathole District Municipality. This town of Dutywa was founded in 1858 as a military fort after a dispute between a Natala Colony raiding and local people. It was named after the Dutywa River a tributary of Mbhashe River. The name means a “place of disorder” in the isiXhosa language. Its spelling officially changed from”Idutywa” to “Dutywa” on the 16 of July 2004.

Ngoku ndibongoza nina maphepha-ndaba nindincedise ndikwazi ukufikelela kwi-ofisi kaMongameli uJacob Zuma.” UNkukwana uthi eyona nto ayifunayo kukuba ahlawulwe lisebe lezoluleko imali engange zigidi ezithathu zeerandi (R3m). “Ingxaki kukuba andisakwazi kuzenzela izinto endandikade ndizenza, andisakwazi ukulima, ukuqhuba isithuthi kuba umsebenzi wam ndandikade ndingumqhubi wezithuthi zika wonkewonke andikwazi ngoku. Akululanga ebomini bam, ndiyasokola ngenxa yokubethwa ngethuba ndandidontsa isigwebo sam,” utshilo uNkukwana, noneminyaka engamashumi amathathu anesine.

Othethela isebe lezoluleko apha kwiphondo leMpuma Koloni uZama Feni uthi kudala bezenza iinzame belisebe becebisana noNkukwana ukuba makathabathe nawaphina amanyathelo “ntonje akazimameli ezethu iingcebiso koko ufuna ukusimangalela,” utshilo uFeni. Igqwetha elizimeleyo kwidolophu yaseMonti lithi lingamcebisa ekubeni aqale phantsi lo ka Nkukwana ngokuthi ayofaka ityala elitsha kumapolisa akufutshane naye. UNkukwana uthi waxelelwa ukuba alahlekile amaxwebhu akhe kumapolisa aseDutywa. Uthi usezakuthi gqolo engena iminyango de afumane intlawulo yakhe.

Inqaku liyaqhuba Lisuka kwikhasi lokuqala( page1)

Would you like to support the Mbhashe Wethu News? Ungathanda ukufaka inkxaso kweliphephandaba ukuze likhule? Sibhalele kaloku indaba zenu, ziindaba zethu

Elangeni

Evelyn Street IdutywaTel: 047 489 1371

Rein Street Dutywa Tel: 047 489 1417

BAKHALA ESIMANTSHIYANE ABAFUNDI BASE DUTYWA

AMATHALA: Avaliwe amathala eencwadi eGcuwa nase Dutywa

Bakhala esimantshiyane abafundi bommandla wase Dutywa ngelithi urhulumente wephondo le Mpuma Koloni “akayikhathalelanga” imfundo yabo. Ababafundi bathi urhulumente akade azinanze izikhalo zabo zokuvulwa kwethala lencwadi elisedolophini eDutywa. Amathala encwadi eDutywa nase Gcuwa avalwa ngeyoMsintsi ku2013 emva kokuba urhulumente kwafumaniseka ukuba wahlulekile ukuhlawula intlawulo yombane namanzi. UChulumanco Damoyi oneshumi elinesithandathu ubudala nongumfundi webanga lesithoba (Grade 11) kwisikolo iButterworth High eGcuwa uthe ukuvalwa kwethala laseGcuwa kuyenza nzima imfundo yabo.“Ekhaya sibasixhenkxe, andinalo ixesha kufuneka kulale umntu wonke endlini nditsho ndikwazi ukufunda. Ukuba akukalalwa soze ndikwazi ukufunda endlini. Indichaphazela kakhulu into yokungabikho kwelithala,” utshilo uDamoyi.“Naxa sinikwe umsebenzi esikolweni asikwazi ukuyokufumana iincwadi, sixhomekeka kunxibelelwano lwalemihla uGoogle ukuze kube kanti sifumana ulwazi ngesosifundo sinikwe umsebenzi ngaso,” utshilo uDamoyi.UDamoyi weleke ngelithi bayamcela urhulumente akhawulelane nabo kulomceli-mngeni bajongene nawo. “Zizakuphucuka njani iziphumo zeliphondo xa kusekho iingxaki eziloluhlobo ezijongene nabafundi.”Owayesakuba ngumphathiswa wesebe lezemidlalo ubugcisa kwakunye nenkcubeko kweliphondo uXoliswa Tom kwaku kudala esenza izithembiso esithi lizakuvulwa kungekudala elithala. Ababafundi bathi babanethemba ngokungena kukamphathiswa uPemmy Majodina ngelithi lizakuvulwa elithala. Othethela isebe lezemidlalo ubugcisa kwakunye nenkcubeko kwiphondo leMpuma Koloni uAndile Nduna uvumile ngenene esithi sekulithuba evalile lamathala.“Silisebe siva ubuhlungu kakhulu ngentlungu yabantwana balammandla. Sisekwintetha noomasipala abachaphazeleka malunga noku, kwaye sizakuyiqwalasela lenyewe,” utshilo uNduna. elinqaku belipapaswe li Isolezwe


Emsengeni Wholesale & Hardware (Trade Depot)Main StreetWillowvale Tel: 047 499 1155

ISAZISO KWEZEMIDLALOIqela lakho lezemidlalo

lingathi lipapashwe kweliphephandaba

uMbhashe Wethu News mahala, thumela

imifanekiso nengxelo ngokuthe vetshe enikwenzileyo.

Cell: 081 335 3343 thumela nango whatts app

okanye [email protected]

www.surejoe.wordpress.com


Mbhashe Wethu Sport

Mbhashe Wethu News

15 May 2015

To advertise with us contact:Cell: 081 335 3343 or 074 448 8143

Fax: 086 606 5937Email: [email protected]

CHIEFS: 2014/2015 PSL CHAMPIONS


Iqela iKaizer Chiefs liyinikwe ngokusesikweni indebe ye Premier Soccer League kumdlalo obubanjelwe kumabala ezemidlalo ase Bhayi, nalapho Amakhosi ebequbisene neqela le “Chilli Boys” I Chippa United. Amakhosi kule sizini khange afundise ntakubhabha xa equbisana namanye amaqela ngethuba avele avula umsantsa kwangoko kwi ligi nangona amaqela afana neMamelodi

Sundowns akhe azama ukuthoba umoya kwi Kaizer Chiefs, Amakhosi aphendula ngelithi asipheli moya sani, la makhwenkwe ase Naturena azibonakalisile ukuba ngenene ebezimisele ukuthwaliswa isitshaba sobuntshantsheli kule sizini.

.

Kwelinye icala le PSL, amaqela amakhulu nawaziwayo kwibhola ekhatywayo kweli azibone ezalelwe yinj' endlini ngethuba ezibona amathuba awo okudlala kudidi oluphezulu etshabalala. Iqela le Moroka Swallows, Free State Stars, Platinum Stars, Chippa United naqela le Amazulu icamagu alivumanga kubo ngethuba bekhuphisana kule sizini, nalapho sibone iqela elinembali lase Thekwini I Amazulu lisehliselwa kumgangatho ongezantsi we National First Division logama iMoroka Swallows inyembezi isazibambe ngenkophe kuba izakuqubisana namaqela akwa NFD besilwela indawo kumaqela amakhulu e PSL kumjikelo olandelayo. Iqela lase Thekwini iLamntoville Golden Arrrows lizakuthabatha indawo eshiywe liqela I Amazulu kwi PSL ngokuthi libezintshatsheli kwi ligi ye NFD, eliqela likhokhelwa ngabaqeqeshi abasebatsha, uShaun Bartlett encediswa ngu Bheka Phakathi. Imidlalo yokuhlungela iqela lesibini elizokudlala kwi PSL (play off) izakudlalwa ngentsuku zatywala

GOLDEN ARROWS ZINTSHATSHELI ZE NATIONAL FIRST DIVISION 2014/2015

KRWAQU KWEZEMIDLALO, SIJONGE IBHOLA EKHATYWAYO

Umbhashe wethu news isssu issue 1

Documents

Transcript of Umbhashe wethu news isssu issue 1