Revista Keshilla Mjekesore Nr 9
-
Upload
adm-keshilla-mjeksore -
Category
Documents
-
view
459 -
download
5
description
Transcript of Revista Keshilla Mjekesore Nr 9
1
2
Përmbajtja Nr fq
Editoriali 3
Muaji Shkurt, muaji i Dashurisë 4
I. Çfarë është kanceri? Përhapja e kancerit tek meshkujt dhe femrat 5
II. Kanceri i kockave 8
III. Kanceri i kolonit 10
IV. Zbulohen 6 substanca natyrale të afta për “ të vrarë ” 100 % të qelizave të kancerit 14
V. Ulja apo humbja e dëgjimit! 15
VI. Shpjegime ne lidhje me perdorimin e pikave për vesh 19
VII. Barnat OTC, vetemjekimi, perkujdesjet 10
VIII. Difekti interatrial (DIA) dhe Difekti interventrikular (DIV) 22
IX. Trajtimi i reaksionit anafilaktik 24
X. Aspirina 25
3
Stafi
Kryeredaktor: Dukagjin Zeqiraj
Redaktore: Kristina Brajniku
Antare e stafit: Edita Bilali
Antar i stafit: Ylber Kallja
Antare e stafit: Hatixhe Kashari.
Antare e stafit: Ela Zhabjaku
Antare e stafit: Ylberzë Osmani
Ditet Ndërkombetare të percaktuar nga OBSH per muajin shkurt:
4 Shkurt: Dita e kancerit.
14 Shkurt: Dita e ndergjegjesimit te anomalive te lindura, defektet kardiake.
28 Shkurt: Dita e semundjeve te rralla.
4
Muaji Shkurt, muaji i Dashurisë…
Muaji Shkurt, muaji i Dashurisë, urojmë t’iu ketë gjetur të gjithve të dashurar. Të dashurar me jetën, te dashuruar
me familjen tuaj, të dashuruar me profesionin që keni, të dashuruar me punën që bëni, dhe pse jo të dashuruar me
personin e ëndrrave të tua (dashurisë së cilës i kushtohet dhe ky muaj). Thonë dashuria shëron dhe ndryshe nga të gjitha
medikamentet dhe ndërhyrjet mjeksore që për të shëruar kanë nevojë për objektivitet ajo është kaq e mahnitshme dhe kaq efikase saqë shëron duke
qënë vetë subjektive. Shëron nga stresi, shëron nga mos dashuria ndaj jetës, shëron nga humori i keq, shëron nga mendimet pesimiste, shëron nga ndjesia
e të qënit të sëmurë. Dashuria bën mrekullira, të bën të vraposh duke qënë i/e sëmurë, e si mund të themi që nuk shëron atëherë, ajo të bën te harrosh
sëmundjen, të bën të harrosh të keqën. Eshtë një ndjenjë përrallore që jetohet në realitet, është ndjenja më hyjnore, gjëndja më e ëmbël që ekziston. Fluturat në bark, rrahjet e shpeshta të zemrës që nuk kishin shpjegim, netët
pa gjum, pa arsye konkrete, vetëm duke menduar për atë, malli që nuk shpjegohej… edhe kto të shërojnë … Na ngelet vetëm t’iu themi Gëzuar dhe
DASHURONI GJITHMONË, është ndjenja që të shëron nga çdo e keqe e jetës, e nësë nuk të shëron 100%, të jësh i/e sigurtë që për aq sa do jetosh
duke dashurar, do jetosh i/e lumtur! Sa më shumë dashuri në zemrat tuaja dhe në familjet tuaja!
Me shumë dashuri Stafi i Këshilla Mjeksore!
5
I. Çfarë është kanceri? Përhapja e kancerit tek
meshkujt dhe femrat.
Kanceri është një term i përdorur për
sëmundje në të cilat qelizat anormale ndahen
në mënyrë të pakontrolluar dhe pushtojnë
inde të tjera.Qelizat kancerogjene mund të
përhapen në pjesë të tjera të trupit permes
gjakut dhe sistemit limfatik.
Kanceri nuk është thjesht një sëmundje por
një mori sëmundjesh. Janë më shumë se 100
lloje të kancerit. Shumica e tyre emërtohen
sipas organit apo tipit të qelizës nga e marrin
origjinën, psh: kanceri që e merr origjinën
nga koloni quhet kancer i kolonit, ai që e
merr origjinën nga qelizat e lekurës që
emertohen si melanocite (qe liza që
prodhojnë pigmentin që i jep ngjyrën
lekurës, tipikisht nishaneve) quhet
melanoma.
Tipet e kancerit ne i grupojmë në kapegori
më të përgjithshme ku më kryesorët janë:
Karcinoma – kancer që e merr
origjinën nga lëkura ose në indet që
veshin organet e brendshme,ndryshe
themi se origjinon nga indi
epithelial.Nënlloje apo nëntipe të
karcinomes
janë:adenocarcinoma,carcinoma
bazale,carcinoma skuamoze dhe
carcinoma e epitelit tranzitor.
Sarkoma - kancer që fillon në
kocka,kartilagje,ind
dhjamor,muskuj,enë gjaku,ind
lidhor.
Leukemia - kancer që fillon në indet
“gjak-formuese” si palca e kockave
dhe shkakton krijimin e një numri të
madh qelizash anormale të gjakut.
Limfoma dhe mieloma - kancer i
qelizave të mbrojtjes imunitare.
Kancer i sistemit nervor qëndror -
kancer i indit trunor dhe medules
spinale(palca e shtylles kurrizore)..
Origjina e kancerit.
Të gjitha shfaqjet e kancerit origjinojnë nga
qeliza,njësia bazë e jetës.Për të kuptuar
kancerin duhet së pari të kuptojmë se çfarë
ndodh kur një qelizë normale shndërrohet në
kancerogjene. Trupi i njeriut është i ndërtuar
nga lloje të ndryshme qelizash.Këto qeliza
rriten dhe ndahen/shumohen në mënyrë të
kontrolluar për të ruajtur unitetin dhe
shëndetin.Kur qelizat plaken ose dëmtohen
ato vdesin dhe zëvendësohen nga qeliza të
reja. Por ndonjëherë shumimi i qelizave nuk
ndodh sipas procesit normal dhe kjo për
shkak se materiali gjenetik(ADN) dëmtohet
ose ndryshon duke dhënë mutacione që
prekin rritjen dhe shumimin qelizor.Në këtë
çast qelizat nuk vdesin atëherë kur duhet dhe
qeliza të reja prodhohen pa qenë nevoja dhe
në mënyrë të pakontrolluar.Këto qeliza
6
shtesë mund të formojnë një masë që quhet
tumor. Jo të gjithë tumoret janë
kancerogjenë; tumoret mund të jenë beninj
ose malinj(kancerozgjen).
Tumoret beninj nuk janë
kancerogjene.Ata hiqen me
kirurgji dhe zakonisht nuk
krijohen më.Këto tumore nuk
përhapen dhe në inde të tjera
përvec organit të prekur.
Tumoret malinje janë
kancerogjene.Qelizat e këtyre
tumoreve janë të afta të pushtojnë
indet dhe organet e tjera të
trupit,ndryshe themi që
metastazojnë.
Disa lloje kanceri nuk shfaqen si masa ose
tumore psh leukemia është një kancer i
palcës së kockave dhe gjakut.
3 llojet kryesore të shfaqjeve të kancerit
(që kanë një incidencë më të lartë në të
sëmurë)
1 Karcinoma
Zënë 90% të shfaqjes së malinjitetit.
2 Sarcoma
Qelizat muskulare dhe të kockave janë më të
prekurat nga kanceri.
3Leukemia dhe limfoma
Kanceret ose tumoret malinje emërtohen
sipas organit që kanë prekur.Format më të
shpeshta janë:
Retinoblastoma – kancer i syve
Osteosarkoma – kancer i kockës
Melanoma – kancer i lekurës-
melanociteve
Kancer i mushkërive
Kancer i kolonit
Kancer i prostatës
Kancer i gjirit
Punoi: H. Kashari
7
Përhapja e kancerit tek meshkujt dhe femrat.
Punoi: E. Bilali
8
II. Kanceri i kockave
Kanceri i kockave është një lloj kanceri që
prek si të rriturit dhe femijët,megjithëse tek
fëmijët dhe adoleshentët është më i
zakonshëm. Kanceri i konckës mund të jetë
primar kur origjinon nga vetë kocka ose
sekondar kur është metastazë.Kanceri
sekondar ose që është shpërndarë nga inde të
tjera të prekura në kockë është më i
zakonshëm,ndërkohë që kanceri primar
konsiderohet i rrallë.Më poshtë do
diskutojmë kancerin primar të kockës ose
kancerin e vërtetë të kockës.
Ka disa tipe të kancerit primar të kockës:
osteosarkoma
kondrosarkoma
Eëing's sarkoma
histiocitoma fibroze malinje
fibrosarkoma
kordoma
Osteosarkoma, kondrosarkoma,dhe Eëing's
sarkoma janë më zakonshmit.Në kockë
mund të shfaqen dhe forma të tjera malinje
si limfoma dhe mieloma multiple.Limfoma
është tipike për gjëndrat limfatike,por mund
ta marrë fillesën edhe në kockë.Mieloma
multiple prek qelizat e palcës së kockave
dhe jo vetë qelizat kockore kështu që nuk
konsiderohet si kancer i mirëfilltë i kockës
Shkaqet:
Disa gjendje të trashëgueshme mund ti rrisin
mundesitë për kancer kocke megjithëse
shkaku I vërtetë ende nuk dihet.Në këto
sëmundje të trashëgueshme përmendim:
Exostoses multiple
Sindroma Rothmund-Thomson
Retinoblastoma hereditare
Sindroma Li-Fraumeni
Sëmundja Paget
Terapitë e mëparshme të radiacionit mund të
japing predispozitë për kancer kockash.Kjo
lidhje është më e fuqishme nëse ekspozimi
ndaj radiacionit ka ndodhur në fëmijëri.Por
kjo nuk do të thotë që radioterapia si metodë
kuruese për kancerin është e padobishme
dhe e pasigurt.Për shumicën e sëmurëve me
kancer të kockave përfitimi nga radioterapia
është shumë më i madh se dëmi
imundshëm.Por kujdes me ekspozimet e
shumta ndaj rrezeve-X.
9
Simptomat
Janë të ndryshme në varësi të llojit të
kancerit të kockës,por dhimbja është
gjithmonë e pranishme.Ky kancer zakonisht
prek kockat e gjata(të krahëve dhe
këmbëve).Duhet patur parasush që jot ë
gjithë tumoret e kockave janë malinj,disa
janë beninj.Dhimbja e kockave është më
tepër e lidhur me një formë beninje se sa
malinje.Simptoma të tjera:
Zbutje e kyçeve ose inflamacion
Fraktura si pasojë ee dobësisë
kockore
Simptoma të tjera jo
specifike:temperature,humbje
peshe,lodhje,anemi.
Diagnoza
Simptomat sëbashku me gjetjet në
ekzaminimin fizik mund të identifikojnë
kancerin e kockës,por duhen bërë dhe
ekzaminime të tjera për të vërtetuar
diagnozën.
Testet radiologjike si rrezet-X,rezonanca
MRI dhe CT skaneri identifikojnë saktë
kancerin e kockës.Teknikë tjetër
diagnostikuese është dhe një skanim i
kockës perms mjekësisë nukleare që i lejon
mjekut të shohë aktivitetin metabolik të
kockës.Kjo teknikë do të dallojë zona rritjeje
kockore ose fraktura. Së fundmi biopsia e
kockës është vendimtarjaPor të marrësh
biopsy nga një pacient me kancer primar të
kockës mund të rrezikojë metastazat,kalimin
e qelizave kancerogjene në gjak.Kjo biopsy
duhet të merret nga një kirurg me mjaft
përvojë në këtë drejtim
Trajtimi
Janë tre forma standarte të trajtimit të
kancerit të kockës:
Kirurgjia: Kancei I kockave më shpesh
është I trajtuar me kirurgji.Ky trajtim bëhet
në rastet kur nuk kemi metastaza dhe përveç
indit kancerogjen hiqet dhe një zonë e vogël
rreth e pëeqark lezionit malinj.Mund të jetë
e nevojshme dhe një radio apo kimioterapi
pas kirurgjisë
Radioterapia: uPërdor tufat e rrezeve me
energji të lartë për të shkrirë tumoret dhe për
të eleminuar qelizat
kancerogjene.Radioterapia demton ADN
qelizave kanceroze duke mos i lejuar ato të
shumohen,por mund të dëmtojë edhe qelizat
e dhëndosha përreth.Qelizat kanceroza janë
shumë të ndjeshme ndaj radiacionit dhe
vdesin,kurse qelizat e shëndosha edhe nëse
dëmtohen janë në gjendje që të rikuperojnë
veten..
Kimioterapia: I eleminon shpejt qelizat
kanceroze që shumohen shumë shpejt,por në
trupin e njeriut ka dhe qeliza të tjera që
shumohen shpejt si psh ato të folikulit të
flokut,keshtu edhe qelizat e shendosha do
preken nga medikamentet kimioterapeutik
duke dhenë efektet anesore si psh renia e
flokëve.
Punoi: H. Kashari
10
III. Kanceri i kolonit
Kanceri i kolonit ose kanceri kolorektal
është kanceri që prek zorrën e trashë ose
fundin e saj(rektumin).Ekzistojnë dhe tipe të
tjerë kanceri që mund të prekin kolonin si
psh.limfoma,tumoret karcinoide,melanoma
dhe sarkomat,që janë më të rrallë në zorrën e
trashë.Më poshtë po përshkruajmë vetëm
karcinomën e kolonit si shfaqje tipike që
origjinon direkt nga ky organ.Ndryshe
emërtohet dhe si adenokarcinoma e kolonit.
Shkaqet
Pothuajse të gjitha format e kancerit të
kolonit e kanë fillesën në disa gjendra të
vogla në submukozën e zorrës.Në shkaqet e
këtij kanceri numërohen disa.Fillimisht ai
shfaqet si një formë jokancerogjene pra
beninje në formën e polipeve të cilët ngadalë
fillojnë dhe zhvillohen në kancer ose
ndryshe në formë malinje.
Risk të lartë për zhvillimin e këtij kanceri
kanë personat që:
Janë mbi 60 vjec
Janë afrikano-amerikanë ose nga
Europa Lindore
Konsumojnë shumë mish të kuq dhe
mishra të konservuara
Kanë polipe në zorrën e trashë
Kanë sëmundje inflamatore të zorrës
si sëmundja Krohn ose koliti
ulcerativ.
Kanë histori familjare të kësaj
sëmundje
Kanë histori personale të kancerit të
gjirit.
Sëmundje të trashëgueshme mundet të rrisin
mundësitë e shfaqjes së kësaj patologjie si
psh:
Sëmundja polipoze adenomatoze
familjare(FAP-Familial adenomatous
polyposis)
Sindroma Lynch ose ndryshe kanceri
kolorektal jopolipoz i trashëguar
(Hereditary nonpolyposis colorectal
cancer-HNPCC).
Në riskun e shfaqjes së këtij kanceri ndikon
shumë dhe dieta ushqimore pasi ka të dhëna
që ky kancer mund të lidhet me një dietë me
fibra të pakta,të yndyrshme dhe të konsumit
të shumtë të mishit të kuq.Megjithatë lidhja
me dietën nuk është bërë ende shumë e qartë
nga studimet e bëra.Gjithashtu duhanpirja
dhe alkooli janë faktorë favorizues të
shfaqjes së kancerit.
Simptomat
Shumë shfaqje të kancerit janë fare pa
simptoma,megjithatë disa simptoma mund të
tregojnë për një kancer të mundshëm si psh.:
Dhimbje abdominale dhe humbje e
tendosjes në fundin e barkut.
Gjakrrjedhje anale
11
Diarre,konstipacion dhe çrregullime
të tjera të tretjes
Humbje peshe pa ndonjë arsye të
dukshme.
Shenjat dhe ekzaminimi
Një ekzaminim radiologjik mund ta
identifikojë kancerin para shfaqjes së
simptomave dhe ky është momenti kur
kanceri është më i kurueshëm.Mjeku do të
bëjë një ekzaminim fizik së pari duke
kontrolluar abdomenin.Ky ekzaminim
vështirë të vërë në dukje ndonjë problem me
perjashtim të rastit kur mjeku arrin të
palpojë një masë të çuditshme në
bark.Ekzaminimi rektal mund të identifikojë
një kancer rektal,por jo një të kolonit.Një
test i feçeve për gjurmë gjaku do të dalë
pozitiv.Si ekzaminim i mëtejshem aplikohet
kolonoskopia ose sigmoidoskopia për
diagnozë të saktë.Vetem kolonoskopia mund
ta shohë të gjithë zorrën e trashë dhe është
ekzaminimi më i mirë për vënien në dukje të
problemit.Bëhen gjithashtu dhe analiza të
gjakut për të kontrolluar praninë e ndonjë
anemie dhe funksionin e mëlçisë. Nëse jeni
diagnostikuar me kancer kolorektal më
shumë teste dhe ekzaminime do të bëhen për
të parë nëse është përhapur kanceri.Mund të
bëhen CT,MRI dhe PET skanerat.
Stadet e zhvillimit të kancerit:
Stadi 0: faza më e hershme në
shtresën më të brendshme indore të
zorrës.
Stadi I: kanceri ka prekur shtresat e
brendshme
StadiII: kanceri është përhapur në
shtresën muskulare të zorrës
Stadi III: kanceri ka prekur nyjet
limfatike
Stadi IV: kanceri ka prekur organet e
tjera
Ka teste të gjakut që mund të identifikojnë
markerë tumorale si psh. antigjenin
karciembrionik(CEA) dhe CA 19-9.
12
Trajtimi
Trajtimi apo kurimi varet nga shumë faktorë
duke përfshirë stadin e avancimit të
sëmundjes dhe perfshin:
Kirurgjinë ose kolonektomia për
hequr qelizat kanceroze(hiqet një
pjesë e zorrës).
Kimioterapia për të vrarë qelizat
kanceroze
Radioterapia për të shkatërruar indin
kanceroz
Kirurgjia
Nëse kanceri është në stadin 0 mund të
trajtohet me heqjen e qelizave kanceroze me
ndihmën e kolonoskopisë.Për stadet më të
avancuar I,II,III kërkohet kirurgji më e
gjerë duke hequr të gjithë pjesën e zorrës së
prekur,pra bëhet një rezeksion i kolonit.Nëse
jemi në stadin IV gjendja është e pashpresë
dhe i sëmuri i ka ditët e numëruara.
Kimioterapia Pothuajse të gjithë pacientët në stadin e III
duhet të bëjnë kimioterapi pas kirurgjisë për
6-8 muaj-ndryshe kjo emërtohet kirurgji
adjuvante.Medikamenti 5-fluorouracil mund
të rrisë shanset për kurim në pacientë të
vecantë. Kimioterapia gjithashtu përdoret
për përmirësimin e simptomave dhe për të
zgjatur sado pak jetën e të sëmurit me
kancer në stad IV.
Irinotecan,oxaliplatin,capecitabine
dhe 5-fluorouracil janë
medikamentet më të përdorshëm
kimioterapeutik.
Antitrupa monoklonale si
psh.cetuximab
(Erbitux),panitumumab
(Vectibix),bevacizumab (Avastin),
dhe droga të tjera përdoren vetëm
ose në kombinim me kimioterapinë.
Mund të jepet vetëm njëri prej këtyre
medikamenteve ose një kombinim i tyre.Ka
një diskutim nëse pacientet në stad II të
bëjnë apo jo kimioterapi pas kirurgjisë
megjithatë kjo duhet konsultuar me
onkologun për rastin e veçantë.
Radioterapia Radioterapia përdoret në pacientë në stad
III me kancer koloni shpesh në kombinim
me kimioterapinë.Për pacientë në stadin e
IV ku kanceri është përhapur dhe në
mëlçi,përdoren procedura që trajtojnë direkt
mëlçine si psh.:
Diegie e masës kanceroze-ablacion.
Përqëndrim i kimioterapisë dhe
radiacionit direkt në mëlçi.
Ngrirje e masës kanceroze-
krioterapia
Kirurgjia
Prognoza
Në shumicën e rasteve kanceri i kolonit
është i kurueshëm kur kapet herët në
kohë.Se sa mirë shkojnë gjërat varet nga
shumë faktorë veçanërisht nga stadi i
sëmundjes.Kur kapet dhe trajtohet në fazë të
hershme shumë pacientë mbijetojnë të
paktën 5 vjet nga koha e
13
diagnostikimit.Nëse kanceri nuk rishfaqet
më pasi kanë kaluar 5 vjet ateherë pacienti
konsiderohet i sheruar.Stadet I,II,III të
kancerit konsiderohen mundësisht të
kurueshëm ndërkohë që stadi IV është i
pashpresë.
Komplikacionet
Bllok i kolonit duke shkaktuar
obstruksion të zorrës.
Shpërndarja e kancerit në organe të
tjera
Zhvillimi i një vatre tjetër kanceri
Kërko ndihmë mjekësore nëse vë re:
Fece të errëta
Gjak
Çrregullime të traktit tretës
Humbje peshe e pashpjegueshme.
Punoi: H. Kashari
14
IV. Zbulohen 6 substanca natyrale të afta për “
të vrarë ” 100 % të qelizave të kancerit ...
Ekspertët kanë kohë që e thonë tashmë: një
mënyrë jetese e shëndetshme dhe një dietë e
pasur ushqimore luajnë një rol të
rëndësishëm në parandalimin dhe luftën
kundër kancerit. Së fundmi vjen një
konfirmim i ri që duket i pabesueshëm: 6
substanca natyrore që gjënden në ushqime
dhe specie të ndryshme, të kombinuara
ndërmjet tyre, përbëjnë një “kokteil” efektiv
që mund të vrasë 100 % të qelizave
kancerogjene të tumorit në gji.
Studimi u udhëhoq nga Madhwa Raj,
studiues dhe profesor i obstetrikës dhe
gjinekologjisë në qëndrën e kërkimeve
shkencore LSU në New Orleans dhe i
qëndrës kërkimore për kancerin, Stanley S.
Scott. Rezultatet u botuan në numrin e
nëntorit të revistës shkencore : Journal of
Cancer.
Studimi. Stafi i kërkimit shkencor testoi
10 substanca, të njohura tashmë per efektin
mbrojtës, të pranishme në ushqime si
brokoli, rrushi, soja, shafrani i Indisë dhe
molla, përpara vendosjes së 6 komponentëve
më të mirë për të përdorur. Në mënyrë më
specifike ato ishin: 1) isoflavonet nga soja,
2) curcumin nga shafrani i Indisë, 3) indol-
3-carbonoli nga cruciferet (lule tipike me 4
petale), 4) phycocyanina C nga Spirulina
(cianobakter), 5) resveratroli nga rrushi dhe
6) një flavonoid (quercetin) që gjëndet në
fruta, perime dhe çaj. Këto gjashtë substanca
janë administruar më pas si në qelizat e
kancerit ashtu dhe në një grup të qelizave të
kontrollit, si veç dhe në kombinim ndërmjet
tyre. Rezultati ishte i papritur nga
studiuesit: në qoftë se substancat ishin të
paefektshme të administruara më vete, të
administruara së bashku u bënë shumë të
fuqishme dhe mund të vrisnin 100% të
qelizave të kancerit.
Hulumtimet kanë treguar se administrimi i
këtij “ kokteili ” substancash ka qënë në
gjëndje për të reduktuar qelizat e kancerit në
mënyrë të konsiderueshme: më shumë se
80%. Në qelizat mostra u vu re një proces që
çoi në eliminimin prej 100% të qelizave të
kancerit. Përveç kësaj, studimet e mëtejshme
të shkencëtarëve nuk kanë zbuluar efekte
anësore të dëmshme në qelizat e kontrollit.
Këto përbëjnë lajme të mira që mund të
çojnë me kalimin e kohës në zhvillimin e
trajtimeve më pak invazive se ato që
ekzistojnë për momentin.
Punoi: E. Bilali
15
V. Ulja apo humbja e dëgjimit!
Anatomia e veshit.
Veshi është organi i dëgjimit. Anatomikisht
ndërtohet nga tri pjesë:
1) Veshi i jashtëm.
2) Veshi i mesëm.
3) Veshi i brendshëm.
1) Veshi i jashtëm ndërtohet nga:
Aurikula (llapa e veshit) dhe
Kanali i jashtëm i dëgjimit, e
kufizuar nga membrana timpanike
(daullja e veshit).
Kanali i jashtëm ka një gjatësi prej 2.5cm.
1/3 e jashtme e tij përbëhet nga ind
kartilagjenoz i cili përmban ciliet (qimet)
dhe glandulat (gjëndrat) e dyllit me funksion
mbrojtës ndaj infeksioneve. Ndërsa 1/3 e
brendshme përbëhet nga indi kockor i
mbështjell nga një lëkurë shumë e hollë.
2) Veshi i mesit kufizohet nga membrana
timpanike gjerë tek koklea apo labirinthi
(kërmilli). Ai përfshin:
Membranën timpanike.
Kavitetin (hapesirën) timpanik.
Kockat e dëgjimit [Maleus, ikus dhe
stapes, të cilat lidhen me daullen e
veshit nga njera anë dhe me koklean
(kërmillin) në anën tjetër, duke vën
në lëvizje likidin koklear dhe duke e
shëndrruar tingullin mekanik në
tingull neurosensorial nëpërmjet
nervit statoakustikus apo
vetibulocochlear (nervi i dëgjimit
dhe ekuilibrit)].
Tubi i Eustachain, i cili lidh veshin e
brendshëm me nazo-faringsin,
përgjegjës për ajrosjen e veshit të
brendshëm duke eleminuar
infeksionet.
Pjesën timpanike të nervit facial dhe
qelizat mastoidea.
3) Veshi i brendshëm përbëhet nga:
Labirinthi, koklea (kërmilli).
Kanalet semicirkulare.
Kanali i brendshëm i dëgjimit ku
kalon nervi statoakustikus.
Humbja apo ulja e dëgjimit është dy llojesh:
1) Shurdhësia konduktore
(transmisive), dëmtime të cilat
lokalizohen në veshin i mesit dhe të
jashtëm. Janë dëmtime të
rigjenerueshme dhe të rikthyeshme.
2) Shurdhesia neurosensoriale e lidhur
me dëmtimet e nervit të dëgjimit,
janë lezione të parikthyeshme.
16
Shkaqet e përgjithshme të uljes dhe
humbjes së dëgjimit.
1) Shaqet e shurdhësisë konduktore janë:
Otitis media acuta et chronic
(Infeksioni akut dhe kronik i veshit
të brendshëm).
Otitis serosa (Infeksioni seroz i
veshit).
Otitis externa (Infeksioni i veshit të
jashtëm).
Otoschlerosis ( Karakteristika klinike
e së cilës është dëgjimi në ambjente
me zhurmë dhe paaftësia për të
dëgjuar në ambjent të qetë).
Dëmtimet e mebranës timpanike.
Bllokimet e kanalit të jashtëm të
veshit nga procese të ndryshme si
polipet, furunkulat, etj.
Futja aksidentale e trupave të huaj në
vesh.
Barotraumat (otohematomat).
Shkaqet e shurdhësisë neurosensoriale:
Presbiacusia (shurdhësia për shkak të
procesit të plakjes).
Otoschlerosis medikamentoz.
Humbja e lindur apo e trashëguar e
dëgjimit.
Dëmtimet e nervit statoakustikus
(shoqërohet gjithmonë me humbje të
dëgjimit dhe marrje mendësh).
Diagnoza e shurdhësisë.
Diagnoza e uljes dhe humbjes së dëgjimit
bëhet me anë të:
Vlerësimit klinik.
Provave komertonale.
Audiometrisë.
Otoscopys.
Tinutus (zhurmat ne vesh).
Tinitus përkufizohet si zhurma në vesh.
Është mjaft i zakonshëm dhe shumë i
vështirë për tu trajtuar.
17
Mund të jetë i vazhdueshëm dhe i ndërprerë,
me intensitet të ndryshëm dhe është më
shqetësuese në ambjentët e qeta, gjatë
lodhjes, ankthit, stresit etj.
Shkak i saj mund të jetë secila patologji e
lartpërmëndur. Trajtimi i saj në shumë raste
është i pamundur, por mund të qetësohet me
përdorimin e sëdativëve si β-Histina (β-
sterik).
Përmbledhje!
Cdo shurdhësi konduktore pavarësisht
shkakut, përvec shkaqeve kongenitale (të
lindura) apo të trashëguara, nëse
diagnostikohen saktë dhe trajtohen në kohën
e duhur dhe në mënyrën e duhur, duke
eleminuar shkakun janë dëmtime të
rikthyeshme të cilat shërohen plotësisht. Cdo
shurdhësi neurosensoriale, pavarsisht
shkakut dhe që shoqërohen me dëmtime të
parikthyeshme të nervit statoakustikus, me
gjithë trajtimin e mundur dëmtimet nuk janë
të rikthyeshme, gjithmonë duke u bazuar në
stadin e lezionit (psh një proces infeksioz i
leht i sapo nisur i këtij nervi, me trajtimin e
duhur rigjenerohet, stadet e avancuara mund
të jenë të parikthyeshme).
Pyetje dhe përgjigje!
1.Nëse nervi statoakustikus është i dëmtuar,
sa është mundësia e riparimit???
Nëse nërvi është i dëmtuar në stadin e
parikthyeshme mundësia e riparimit është e
pamundur. Nëse lezioni i nervit sapo ka
filluar, mund të prandalohet dëmtimi i
mëtejshëm i tij si dhe të rigjenerohet në një
nivel të papërcaktuar saktësisht.
2. Nëse ju operoheni për sinusitis dhe
praninë e një kocke të devijuar apo polipi në
hundë, a do keni permirësim në dëgjim???
Trajtimi i sinuseve, eleminimit të polipit dhe
të kockave devijuese në hundë në këtë rast
bëhet për rritjen e cilësisë së jetës tuaj dhe
për të parandaluar komplikacionet që mund
të cojnë në shfaqjen e patologjive që bëhen
shkak për humbjen e dëgjimit. Pra trajtimi i
tyre parandalon shfaqjen e këtyre
komplikacioneve duke mos lejuar humbjen e
dëgjimit. Por prania e një kocke të devijuar,
polipi apo sinusitis nuk mund të jetë shkak
për ulje të dëgjimit.
3. Cilët mund të jenë shkaqet e sekrecioneve
të vazhdueshme nga goja dhe hunda???
Prania e sekrecioneve të vazhdueshme më
shumë se 6 muaj nga goja dhe hunda mund
të jetë pasojë e sinusistis chronic, pharingitis
chronic, tonsilitis chronic (bajameve),
rhinitis allergic, otitis externa, otitis media,
otitis interna etj.
Sugjerime!!!
1. Mos neglizhoni në asnjë rast
praninë e shqetësimeve të
vazhdueshme lidhur me këto
patologji, por edhe në patologji të
tjera.
2. Eleminoni stresin, ankthin dhe
frikën, merruni me aktivitete
fizike, sociale dhe kulturore.
3. Eleminoni ambjentet me zhurmë
të lartë dhe qëndroni në ajër të
pastër.
4. Eleminoni përdorimin e gjatë të
kufjeve, sidomos me zë të lartë.
18
5. Konsultohuni me një mjek
otorinolaringolog (ORL) me
experiencë të gjatë në këtë fushë.
6. Vjerësojeni dhe kujdesuni më
shumë për veten, tashmë edhe
disa tumorë shërohen nëse ato
trajtohen në kohën e duhur dhe
me efikasitet.
7. Cdo gjë edhe nëse është pak
komplekse e ka një zgjidhje,
ashtu sic cdo shkak e ka një
arsye!
Punoi: MSc. Ylbi KALLJA
19
VI. Shpjegime ne lidhje me perdorimin e pikave
per vesh
1- Lajini mire duart me uje te rrjedhshem e
sapun.
2- Pastrojeni veshin tuaj paraprakisht me
nje nape sterile.
3- Para se ti hedhim pikat në vesh, mbahet
shishja per disa minuta ne dore qe te ngrohet
ne temperaturen e trupit. Nuk duhet ngrohur
duke u futur ne uje te ngrohte ose ngrohje
me menyra te tjera sepse temperatura mund
te rritet ne menyre te pakontrolluar.
4- Nese pikat jane ne trajte suspensioni,
tundeni shishen per rreth 10 sekonda.
5- Ia perkulim te semurit koken anash ose e
shtrijme anash me veshin e semure te
pozicionuar nga lart.
6- Terheqim lehte majen e veshit ne drejtim
te majes se kokes (prapa dhe siper) ne
menyre qe kanali i veshit te duket me mire.
7- Hedhim ne kanalin e veshit sasine ose
numrin e rekomanduar te pikave. Shtypim
lehte bulben e veshit me gisht, ne menyre qe
te orientojme drejtimin e pikave nese nuk
jane hedhur fiks ne vendin e duhur.
8- Qendrohet ne ate pozicion 5 minuta dhe
pastaj nese kerkohet, mund te pikojme edhe
veshin tjeter.
9- Veshi mbyllet me pambuk vetem ne rastet
kur ky veprim kerkohet. Per kete lexo fleten
shoqeruese te barit.
10- Djegia qe shkakton hedhja e pikave ne
vesh nuk duhet te zgjase per shume minuta.
11- Lajini edhe njehere duart per te hequr
medikamentin qe mund t’ju kete rene ne
kontakt me gishterinjte.
Punoi: E. Bilali
20
VII. Barnat OTC, vetemjekimi … perkujdesjet …
Barnat OTC përbëjnë grupin e
preparateve qe mund te merren ne farmaci
pa receten e mjekut. Ato kane veti te
perndryshojne funksionet e organizmit, te
trajtojne apo te parandalojne semundje.
Duke qene se sigurohen me lehte, barnat
OTC preferohen shpesh ne rastet e
dhimbjeve me origjine te ndryshme (
dhimbje koke, dhembi, shpine…), ne rast
temperature, ne trajtimin e konstipacionit
(kapsllekut), te diarrese, nauseas apo te
kongjestionit ( bllokimit) te hundeve, ne
alergji, kolle e problem te lekures.
Megjithese te sigurta kur perdoren ashtu
sic duhet, barnat OTC mund te shkaktojne
edhe efekte te padeshiruara. Nese vendosni
te vetemjekoheni , gjithmone sigurohuni per
5 gjera:
1- Eshte bari i duhur
2- Per personin e duhur
3- Ne dozen (sasine) e duhur
4- Per periudhen (kohen) e duhur
5- Ne rrugen e duhur
Ju nuk do te anashkalonit udhezimet e
mjekut gjate perdorimit te medikamenteve te
pershkruara ne recete, keshtu qe nuk duhet
te anashkaloni as etiketen qe shoqeron cdo
bar OTC. Etiketa ju informon per:
Lenden vepruese (barin kryesor)
Qellimet e perdorimit
Perkujdesje te vecanta
Udhezime te ndryshme
Perberesit joveprues
Mbani parasysh:
Mundohuni te evitoni cdo lloj bari,
qofte edhe OTC nese jeni shatazane
apo ushqeni femijen me gji.
Femijet nuk jane thjesht te rritur “te
vegjel” (small adults), prandaj jo te
gjitha barnat OTC jane te
pershtatshme per ato.
Aspirina duhet shmangur te femijet,
pervec ndonje rasti te vecante te
rekomanduar nga mjeku.
Ekspertet mjekesore nuk
rekomandojne perdorimin e
preparative kunder kolles te femijet
nen 6 vjec.
Evitoni alkoolin nese merrni barna
anti-alergjike, preparate kunder
kolles qe permbajne
dekstrometorfan, ose barna kunder
pagjumesise.
Mos perdorni barna OTC
gjumesjelles nderkohe qe merrni
medikamente qetesuese te
rekomanduara nga mjeku.
21
Konsultohuni me mjekun para se te
perdorni nje preparat me permbajtje
aspirine, nese merrni hollues gjaku,
nese vuani nga diabeti apo guta
(podagra).
Mos perdorni laksative nese keni
dhimbje stomaku, nausea apo te
vjella.
Konsultohuni me mjekun para se te
perdorni dekongjestionues nazal
(zhbllokues hundesh) nese vuani nga
tensioni i larte i gjakut, depresioni,
diabeti apo keni probleme me
zemren, tiroiden ose prostaten.
Shmangni preparatet me permbajtje
te pseudoefedrines, klorfeniramines
te femijet nen 2 vjec.
Diabetiket duhet te kene kujdes
pasi ne shume preparate OTC ka
permbajtje sheqeri.
Punoi: E Zhabjaku
22
VIII. Difekti interatrial (DIA) dhe Difekti
interventrikular DIV
Përbën rreth 7 % të kardiopative
kongenitale, predominojnë femrat me një
raport 2:1. Një DIA është një difekt i
semptumit interatrial i vendosur më shumë
në qëndër në regjonin e formamen ovale.
Komunikimi interatrial mund të provokojë
një shunt majtas – djathtas, që mund të jetë i
rëndësishëm. Hipertensioni arterial
pulmonar që është i moderuar, mund të
bëhet i madh me krijimin e rezistencave
pulmonare deri në moshën 20 – 30 vjec.
Klinika: Shënjat funksionale varen nga
madhësia e DIA. Në rast të një difekti
mesatar shënjat janë pak të rëndësishme.
Shenjat varen nga vonesa e kapjes së
difektit. Kur difekti është i madh,
përballohet keq në moshën 6 – 12 muaj.
Diagnoza:
Radiografia e toraksit tregon një
kardiomegali, vaskularizimi pulmonar është
i theksuar. Në EKG ka pak ndryshime, vihet
re bllok inkomplet i degës së djathtë, më
vonë shfaqet edhe hipertrofia atriale.
Në ekokardiografi me doppler vihet në një
përqindje të madhe diagnoza e DIA.
Kateterizimi nuk është gjithmonë i
nevojshëm.
Ecuria e DIA: Difektet e këtij lloji
zakonisht janë të tolerueshme deri në
moshën adulte 20 – 30 vjec.
Mjekimi është kirurgjikal. DIA të mbyllura
në fëmijëri duhet të konsiderohen si të
shëruara. Observimi kërkon një ekzaminim
kardiologjik cdo 2 – 3 vjet.
Punoi: K. Brajniku
23
Difekti interventrikular DIV
Takohet në rreth 25 % të kardiopative
kongenitale. Shoqërohet me anomali
kromozomike e sidomos trizominë 21,
sindromin alkolofetal. Në formimin e tij
zakonisht komunikimi është vendosur në
pozicionin lart dhe përpara të pjesës
membranoze të septumit interventrikular,
ose me rrallë në pjesën muskulare poshtë
septumit.
Shunti majtas – djathtas mbingarkon
mushkëritë, atriumin e majtë dhe ventrikulin
e majtë . Ai është përgjegjës për shënjat
respiratore, hipervaskularizimin e
mushkërisë dhe dilatacionin e atriumit të
majtë e të arterieve pulmonare.
Ecuria e DIV: Kur difekti ka dimensione të
vogla shkon drejt mbylljes, për ato mesatare
drejt reduktimit të madhësisë. Ky evolucion
natyror, maksimumi zgjat vetëm gjatë vitit
të parë të jetës.
Diagnoza e një DIV suspektohet nga
auskultimi i zemrës. Zhurma sistolike që
dëgjohet është intense, latero – sternale e
majtë, mjaft poshtë që iradiohet në të gjitha
drejtimet. Zhurma mund të jetë e lehtë ose e
ëmbël, kur komunikimi interventrikular
është shumë i vogël. Nganjëherë zhurma
mungon në rastet e difekteve shumë të gjëra
dhe në këto raste dëgjohen të forcuara tonet
e zemrës.
Konfirmimi i diagnozës bëhet më
ekokardiografi me doppler. Kateterizimi nuk
është i domosdoshëm.
Mjekimi i vetëm i DIV është mbyllja e
difektit. Kjo mund të jetë spontane ose
kirurgjikale. Mjekimi medikamentoz
rezervohet në rastet kur shuntet majtas –
djathtas tolerohen keq. Në këto raste mund
të përdoret digoksina, lasiksi, kaptoprili ,
kineziterapi respiratore në rast të mbi
infeksioneve bronkiale.
Indikacionet e ndërhyrjes kirurgjikale janë:
DIV keq i toleruar, më pak se 6 muaj kur
tentativa me trajtim konservativ ka dështuar.
DIV me hipertension pulmonar më shumë se
50 mmHg, më shumë se 6 muaj.
Pas ndërhyrjes kirurgjikale rezultatet janë
shumë të mira dhe flitet për shërim të
sëmundjes.
Punoi: K. Brajniku
24
I X. Trajtimi i reaksionit anafilaktik
Një plan i suksesshëm i këti reaksioni
anafilaktik ka bazen në njohjen e
simptomave të këti reaksioni, duke ordinuar
medikamentet adekuate dhe në sasi
adekuate. Epinephrina është medikamenti i
parë që përdoret në trajtimin e reaksionit
anafilaktik. Ky medikament ka për bazë
menjanimin e simptomave të shfaqura dhe
stopon progredimin e reaksionit me tej. Nuk
lejohet të përdoret pa receten e mjekut, është
ideale që ky medikament të japet sa më heret
që dallohen këto simptoma. Antihistamina
është një grup tjetër i medikamenteve që
mund të përdoret tek reaksionet anafilaktike,
pothujse të njejtin rol e kanë dhe steroidet.
Antihistamina dhe medikamentet e astmës
mund të administrohen me epinephrinen por
kurr si të vetme.
Për një trajtim të suksesshëm është i njohur
rregull i 3-shit që është mirë ta zbatoj secili
mjek që ka të bejë me reakson anafilaktik:
1. Njohja e simptomave
2. Reagim i shpejtë
3. Rishikim se si ka ndodhë dhe të
ndalohet mundësia e përseritjës
Nëse dyshoni që një shok anafilaktik po
ndodh, mos humbni kohën, reagoni sa më
parë që mundeni për të mos lënë sëmundjen
të përfundoj me letalitet. Nëse ndodheni në
një vend ku dikush pëson reaksion
anafilaktik vepro në këtë menyrë: Ndiq
udhëzimet e mjekut tuaj dhe fillo me
mjekimin menjëherë, dhe lajmëro menjëherë
emergjencën dhe trego arsyen se pse është
duke u kërkuar emergjenca. Si përfundim
përsoni që ka pësuar reaksion anafilaktik sa
më parë duhet të dergohet në spital që të
marr mjekimin adekuat.
Punoi: D.Zeqiraj
25
X. Aspirina….
E pranishme në në treg prej më shumë se
100 vitesh, aspirina, me emrin shkencor
acidi acetilsalicilik, mbetet një ndër barnat
më të përdorura me ose pa rekomandimin e
mjekut.
Aspirina rezulton e dobishme në :
Temperaturë
Dhimbje të lehta e të moderuara (
dhimgje koke, dhëmbi, dhimbje e
kockave apo muskujve, shqetesime
menstruale…)
Sëmundje reumatizmale ( artrit
reumatizmal, ethe reumatizmale,
inflamacion i nyjeve …)
Studimet të ndryshme e sjellin aspirinën
si një zgjidhje shumë të mirë për problemet
e zemrës dhe të mpikjes së gjakut. Gjithnjë e
më shumë, aspirina po rekomandohet në:
Parandalimin e atakut në zemër
Parandalimin e trombozave nga
mpikja e gjakut
Parandalimin e komplikacioneve pas
bypass-it , stenteve koronare
Aspirina vepron duke penguar
prodhimin e disa substancave në organizëm
që janë përgjegjëse për dhimbjet,
temperature, enjtjen apo mpiksjen e gjakut.
Me te njejtin mekanizëm, qe e bën të
dobishme, aspirina mund te shfaqë veprime
të padëshiruara nëse nuk respektohet doza
(sasia) dhe shpeshtësia në marrje. Më e mira
është të bëhet një konsultë me mjekun,
sidomos kur pretendohet që aspirina të
përdoret cdo ditë, për periudha të gjata
kohore.
Aspirina nuk përdoret te fëmijët nën
12 vjec, pervecse nën kujdesin e
mjekut për raste te vecanta.
Tek të rriturit, në rast temperature
apo dhimbje, rerkomandohet të
merret një tablet (500mg) cdo 4-6
ore. Kujdes !! Jo më shumë se 4g në
ditë.
Si pjesë e trajtimit në sëmundje
reumatizmale, doza e rekomanduar
është rreth 3g në ditë.
Si terapi për parandalimin e
problemeve kardiake apo te mpiksjes
së gjakut, aspirina merret rregullisht,
në doza të vogla, deri në 100 mg në
ditë.
Tabletat e aspirinës gëlltiten duke i
shoqëruar me një gotë të mbushur plot me
ujë , e preferueshme pas ushqimit, për të
parandaluar shqetësimet në stomak.
Këshillohet që ndërsa përdorni aspirinën
, të konsumoni mjaftueshëm lëngje, pasi
26
aspirina mund të jetë e dëmshme në rast
dehidratimi.
Ndërprisni marrjen e aspirinës nëse
temperatura zgjatë më shumë se 3 ditë, nëse
dhimbja zgjatë më shumë se 10 ditë apo
nëse vëreni enjtje e skuqje në ndonjë zonë të
trupit, pasi mund të jenë situate që kërkojne
konsultë me mjekun.
Punoi: E. Zhabjaku
27