REPUBLIKA E SHQIPËRISË UNIVERSITETI I TIRANËS ......1Abdullah Aliu, “E drejta Civile. Pjesa e...
Transcript of REPUBLIKA E SHQIPËRISË UNIVERSITETI I TIRANËS ......1Abdullah Aliu, “E drejta Civile. Pjesa e...
REPUBLIKA E SHQIPËRISË
UNIVERSITETI I TIRANËS
INSTITUTI I STUDIMEVE EVROPIANE
Tema:
MARRËDHËNIET PRIND-FËMIJË ME FOKUS NË TË DREJTAT
PASURORE. STANDARDET KOMBËTARE, EUROPIANE DHE
PRAKTIKA GJYQËSORE
KANDIDATI UDHËHEQËS HKENCOR
MND. Blerina SHKURTI Prof. Dr. Arta MANDRO
____________________ ______________________
Tiranë, 2016
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
2
REPUBLIKA E SHQIPËRISË
UNIVERSITETI I TIRANËS
INSTITUTI I STUDIMEVE EVROPIANE
Disertacion iparaqitur nga:
Blerina SHKURTI
Në kërkim të gradës shkencore:
“DOKTOR”
Në
“Studime Evropiane dhe Integrim Evropian”
Tema:
MARRËDHËNIET PRIND-FËMIJË ME FOKUS NË TË DREJTAT
PASURORE. STANDARDET KOMBËTARE, EUROPIANE DHE
PRAKTIKA GJYQËSORE
Drejtimi: Legjislacioni dhe Institucionet Evropiane
UDHËHEQËS SHKENCOR
Prof. Dr. Arta MANDRO
_________________________
Mbrohet më, dt..../...../201...
1........................................................................Kryetar
2........................................................................Anëtar (oponent)
3........................................................................Anëtar (oponent)
4.......................................................................Anëtar
5.......................................................................Anëtar
TIRANË, 2016
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
3
PASQYRA E PËRMBAJTJES
Lista e shkurtimeve…………………………………………………….................v
Parathënia………………………………………………………………...............vi
Hyrje……………………………………………………………………..............14
KAPITULLI I PARË
MARRËDHËNIET PERSONALE E PASURORE PRIND-FËMIJË NË
KËNDVËSHTRIMIN HISTORIK
1.1. Marrëdhëniet personale e pasurore prind-fëmijë sipas të drejtës zakonore
shqiptare……………………………………………………………………….....24
1.2. Marrëdhëniet personale e pasurore prind-fëmijë sipas të drejtës kanonike/
fetare që ka vepruar në Shqipëri……………………………………………........30
1.3. Marrëdhëniet personale e pasurore prind-fëmijë sipas të drejtës pozitive deri
në fillim të viteve 1990…………………………………………………………..32
1.4. Zhvillimi i jurisprudencës dhe mendimit shkencor lidhur me marrëdhëniet
prind-fëmijë pas viteve 1990.................................................................................49
KAPITULLI I DYTË
STANDARDET QË BUROJNË NGA INSTRUMENTET NDËRKOMBËTARE
DHE JURISPRUDENCA E GJEDNJ LIDHUR ME MARRËDHËNIET
PERSONALE E PASURORE PRIND-FËMIJË
2.1. Standardet e OKB lidhur me marrëdhëniet personale e pasurore prind-
fëmijë…………………………………………………………………………….61
2.2. Standardet që burojnë nga instrumentet e Këshillit të Europës lidhur me
marrëdhëniet personale e pasurore prind-fëmijë………………………………....69
2.3. Rëndësia e Konventave të Hagës lidhur me aspektet personale e pasurore të
marrëdhënieve prind-fëmijë………………………………………………...........78
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
4
2.4. Jurisprudenca e GjEDNj lidhur me aspektet personale e pasurore të
marrëdhënieve prind-fëmijë………………………………………………...........83
KAPITULLI I TRETË
LEGJISLACIONI SHQIPTAR DHE PROBLEME TË PRAKTIKËS
GJYQËSORE LIDHUR ME MARRËDHËNIET PERSONALE E PASURORE
PRIND-FËMIJË
3.1. Parimet kryesore të marrëdhënieve personale prind-fëmijë në legjislacionin
shqiptar……………………………………………………………………….......90
3.2. Aspektet pasurore të marrëdhënies prind-fëmijë sipas legjislacionit
shqiptar……………………………………………………………………….......95
3.3. Kujdesi institucional dhe aspektet e të drejtave pasurore të
fëmijëve……………………………………………………………………........119
3.4. Familja bujqësore dhe aspektet pasurore të marrëdhënieve prind-fëmijë në
familjen bujqësore………………………………………………………………126
3.5. Praktika gjyqësore shqiptare me fokus aspekte pasurore të marrëdhënieve
prind-fëmijë…………………………………………………………………......131
KAPITULLI I KATËRT
VËSHTRIME KRAHASUESE MBI MARRËDHËNIET PERSONALE E
PASURORE
PRIND-FËMIJË
4.1. Legjislacioni që rregullon marrëdhëniet familjare në Kosovë.…….............138
4.2. Legjislacioni italian, karakteristikat dhe veçoritë………………….............144
4.3. Legjislacioni francez, karakteristikat dhe veçoritë………………...............150
Përfundime…………………………………………………………….............153
Rekomandime………………………………………………………….............161
Bibliografia…………………………………………………………….............162
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
5
Lista e shkurtimeve
KF Kodi i Familjes, Ligji nr. 9062/ 08.05.2003 i ndryshuar
KC Kodi Civil, Ligji nr. 7850/29.07.1994 i ndryshuar
KPrc Kodi i Procedurës Civile, Ligji nr.8116/ 29.03.1996 i ndryshuar
LGJC Ligji “Për gjendjen civile”, Ligji nr. 10129/11.05.2009 i ndryshuar
GJEDNJ Gjykata Europiane e të Drejtave të Njeriut
OKB Organizata e Kombeve të Bashkuara
KH Konveta e Hagës
BE Bashkimi Europian
KE Këshilli i Europës
KCZ Kodi Civil i Zogut
KLD Kanuni i Lekë Dukagjinit
KDF Konventa për të Drejtat e Fëmijëve
KENJD Konventa Europiane për të Drejtat e Njeriut
LPK Ligji për Familjen i Kosovës
KCI Kodi Civil Italian
KCF Kodi Civil Francez, 1804
shek. Shekulli
Nr. Numër
f. Faqe
vëll. Vëllim
v. Viti
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
6
PARATHËNIE
Studimi ”Marrëdhëniet prind - fëmijë me fokus në të drejtat pasurore.
Standardet kombëtare, evropiane dhe praktika gjyqësore është një punim i cili
fokusohet tërësisht në marrëdhëniet e vetëm dy prej anëtarëve të familjes,
prindërve dhe fëmijëve. Lidhur me fëmijët, vlen të nënvizojmë se kuptimi i fjalës
‘fëmijë’ është ai sipas Konventës së të Drejtave të Fëmijëve (KDF) dhe
legjislacionit shqiptar në fuqi, çka nënkupton ‘çdo njeri deri në moshën 18 vjeç,
me përjashtim kur mosha madhore arrihet më përpara’ [KDF neni 1].
Marrëdhënia midis prindërve dhe fëmijëve është një marrëdhënie thelbësore në të
cilën mpleksen aspekte personale dhe pasurore. Idealisht, prindërit dhe fëmijët në
mënyrë natyrore e të heshtur duhet të mbështesin e respektojnë njëri tjetrin në të
dy këto aspekte, duke mbajtur larg çdo konflikt apo tension të mundshëm ndërmjet
tyre. Ky do të ishte rasti perfekt dhe ideal i një marrëdhënie të atillë unike ku nuk
do të kishte vend as për rregullime të detajuara ligjore e as për konflikte
gjyqësore. Por dihet se prindërit dhe fëmijët janë qenie humane dhe si të tillë janë
shumë larg perfektes dhe ideales. Ato, përveç afeksionit dhe lidhjes natyrore që i
bashkon, gjenden në mënyrë konstante përpara presionit dhe trysnisë së ushtruar
nga anëtarët e tjerë të famijles, të tretët, shoqëria dhe sfidat e ndryshme që hasin
gjatë jetës.
Konfliktet midis tyre janë një dukuri e njohur gjatë gjithë historisë së
ekzistencës së kësaj marrëdhënieje, kjo vjen për arsye të ndryshme, sociale,
politike dhe ekonomike. Ndryshimi i brezave, gjë që reflektohet dhe në ndryshimin
e mendësisë së tyre, është një nga arsyet kryesore të krijimit të konflikteve
ndërmjet këtyre subjekteve. Përveç kësaj arsyeje që i ka “qëndruar” stoike çdo
periudhe të njerëzimit (pasi shoqëria është në evoluim të vazhdueshëm), vendi ynë
ka qenë subjekt i ndryshimeve thelbësore në sistemin politik e ekonomik të tij.
Kështu, pas viteve ’90, kalimi nga regjimi politik komunist në atë demokratik solli
ndryshime dhe tensione të mëdha jo vetëm politike, por edhe shoqërore e
ekonomike. Duke qenë se shpesh themi se familja është celula bazë e shoqërisë,
ajo ishte një nga institucionet kryesore që u trondit nga ky ndryshim rrënjësor i
gjithë shoqërisë dhe ekonomisë.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
7
Problemet ishin të shumta dhe shpeshherë të vështira për t’u zgjidhur, jo
vetëm brenda familjes, por edhe nga organet kompetente, të cilat kishin rol
kryesor në zgjidhjen e konflikteve ndërmjet anëtarëve të saj. Objektivat e këtij
studimi janë evidentimi i evoluimin e marrëdhënieve ndërmjet anëtarëve të
familjes dhe veçanërisht ato ndërmjet prindërve dhe fëmijëve, rregullimet dhe
risitë që sjell KF dhe legjislacioni në fuqi për të minimizuar konflikte, si dhe
praktika gjyqësore kombëtare dhe ndërkombëtare ndaj këtyre marrëdhënieve
kryesisht në cështje që kanë të bëjnë me të drejtat pasurore, por pa lënë mënjanë
edhe ato personale.
Kështu, çështjet, që trajtohen e shtjellohen në këtë punim përmbledhtazi,
janë si më poshtë vijojnë: Ndryshimi dhe evoluimi i marrëdhënieve prind-fëmijë
në konceptin historik;Rregullimi i marrëdhënieve familjare ndërmjet anëtarëve të
familjes të cilët dalin nga familjet e ashtuquajtura të mëdha në familje në
kuptimin e ngushtë të fjalës (pra, nga familje të krijuara nga disa kurora, në
familje neutrale (të krijuara nga një ose maksimalisht dy kurora); Kalimi i
pushtetit prindëror nga babai (pater potestas), në pushtetin prindëror të të dy
prindërve; Ndryshimet ekonomike pas viteve ’90 në Shqipëri (lindja e pronës
private) dhe ndikimi i saj në marrëdhëniet midis anëtarëve të familjes dhe
kryesisht në marrëdhëniet prind-fëmijë; Ndryshimi i legjislacionit që rregullon
marrëdhëniet midis anëtarëve të familjes, risitë dhe problematikat që ai
evidenton; Zgjidhja e problematikave që kanë lindur nga situata të mëparshme
familjare (në sistemin e regjimit komunist) dhe që vijuan pas viteve ’90;
Rregullimi i marrëdhënieve pasurore prind-fëmijë në përputhje me kushtet e reja
të tregut, pronës private dhe sistemit kapitalist; Së fundi, krahasimi i modeleve të
ndryshme europiane dhe më gjerë, në fushën e marrëdhënieve prindërore, nё
funksion tё kuptimit tё dallimeve që ekzistojnë ndërmjet sistemeve të ndryshme
ligjore në këtë fushë.
Në kapitullin e parë të studimit do të fokusohemi te zhvillimi i
marrëdhënieve personale jopasurore dhe pasurore ndërmjet prindërve dhe
fëmijëve parë në këndvështrimin historik. Kështu, gjatë këtij kapitulli janë
analizuar marrëdhëniet personale e pasurore prind-fëmijë sipas të drejtës
zakonore shqiptare që ka vepruar në Shqipëri në Kanunet në fuqi të asaj kohe, siç
ishin: Kanuni i Lekë Dukagjinit (dhe varianti i Pukës), Kanuni i Labërisë, Kanuni
i
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
8
Skënderbeut (Shqipëria e Mesme), Kanuni i Maleve, Zakoni i Musë Ballgjinit
(lugina e lumit Shkumbin), Kanuni i Lumës, Sharti i Idriz Suli në Labëri.1
Të gjitha këto përmbledhje të normave zakonore të zbatueshme
sanksiononin “njëzëri” pozitën modeste të gruas në familje. Kjo pozitë
inferioriteti nuk lidhej vetëm me pushtetin ekonomik të burrave në familje (babait,
djalit, vëllait), por edhe me pushtetin juridik të tyre. Pozitë kjo që reflektohet dhe
në të drejtën kanonike të zbatueshme në territoret shqiptare.
Kështu, në territorin shqiptar për të rregulluar marrëdhëniet familjare dhe
kryesisht ato midis prindërve dhe fëmijëve në bazë të orientimit fetar të popullatës
gjenin zbatim tri lloje të drejtash fetare: E drejta e shenjtë myslimane (sheriati);
E drejta kishtare kanonike e ritit ortodoks; E drejta kishtare kanonike e ritit
katolik.
Të tria këto të drejta kanonike rregullonin marrëdhëniet familjare në
përputhje me filozofinë e besimit të tyre. Pavarësisht orientimeve të ndryshme
fetare, këto të drejta përligjnin të drejtën natyrore të çdo personi për të patur një
familje, duke e sanksionuar këtë “institucion” dhe marrëdhëniet që lindin prej saj
në përputhje me besimit së tyre. Më gjerësisht, e drejta zakonore dhe e drejta
kanonike e zbatuar në territoret shqiptare do të trajtohet në brendësi të këtij
kapitulli.
Me zhvillimet historike, ekonomike dhe shoqërore në vend, si dhe me
forcimin e pozitës së shtetit, e drejta pozitive filloi të rregullonte thuajse të gjitha
sferat e jetës duke i zënë kështu gradualisht vendin atyre aspekteve që më parë
rregulloheshin nga e drejta zakonore dhe e drejta kanonike.
Pasojat e pushtimit afro pesëshekullor otoman ishin të dukshme edhe pas
krijimit të shtetit shqiptar më 1912, ndaj deri në konstituimin e së drejtës pozitive
dhe hartimin e Kodit Civil të Mbretërisë Shqiptare u deshën më shumë se
pesëmbëdhjetë vjet. Megjithëse një legjislacion për t’u patur zili për nga fryma
perëndimore (KCZ u bazua në legjislacionin civil italian dhe zviceran) dhe
mënyra sesi rregullonte marrëdhëniet juridike të krijuara midisi subjekteve të së
drejtës, Kodi Civil i Zogut gjente pak zbatim në jetën e përditshme, kjo për shkak
se normat morale, zakoni, normat fetare e kanunore që patën ndikuar në shekuj
nëshoqërinë shqiptare ishin ende të forta dhe me ndikim të madh. Ndaj analizimi i
së drejtës pozitive e cila rregullon marrëdhëniet personale e pasurore ndërmjet
1 Abdullah Aliu, “E drejta Civile. Pjesa e përgjithshme”, Prishtinë, 2013, fq. 12.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
9
prindërve dhe fëmijëve deri në fillim të viteve ’90 do të bazohet mbi këtë sfond
historik të së drejtës.
Evoluimi i shoqërisë dhe marrëdhënieve juridike ndërmjet subjekteve të së
drejtës, ndikuan në zhvillimin dhe diversitetin e së drejtës pozitive të shkruar.
Duke qenë se fokusi i studimit tonë janë marrëdhëniet familjare e kryesisht
marrëdhëniet që krijohen ndërmjet prindërve dhe fëmijëve, edhe e drejta që do të
analizojmë do të jetë e orientuar në këtë këndvështrim. Kështu, do të analizojmë
ligjin “Mbi martesën”, të vitit 1948, dekretin “Mbi pronësinë”, të vitit 1955,
“Kodin e familjes” të vitit 1966, e në veçanti “Kodin e familjes” të vitit 1982, i
cili është ligji që ka rregulluar marrëdhëniet ndërmjet anëtarëve të familjes deri
në ndryshimet e para politike në RSh-së.
Pjesa e fundit e kapitullit të parë do të trajtojë zhvillimet e jurisprudencës
dhe mendimit shkencor lidhur me marrëdhëniet prind-fëmijë pas viteve 1990. Me
ndryshimet që pësoi shoqëria dhe ekonomia shqiptare pas rrëzimit të regjimit
komunist dhe me lindjen e pronës private, ndryshuan dhe marrëdhëniet pasurore
në familje. Rregullimi i këtyre marrëdhënieve paraqiti vështirësi të mëdha në
aspektin juridik, pasi ligjvënësi u gjet i papërgatitur për këtë ndryshim drastik të
marrëdhënieve pasurore në përgjithësi. Lindja e pronës private, rregullimi ligjor i
saj si dhe ndryshimet në ekonomin individuale të bashkëshortëve paraqitën
domosdoshmërin e rregullimit të marrëdhënieve pasurore ndërmjet tyre jo vetëm
nga normat e së drejtës civile por edhe nga norma të posaçme të së drejtës
familjare.
Kapitulli i dytë do të trajtojë standardet që burojnë nga instrumentet
ndërkombëtare dhe jurisprudencën e GJEDNJ-së lidhur me marrëdhëniet
personale e pasurore prind-fëmijë. Është e qartë se standardet legjislative të
unifikuara ndërkombëtare janë korniza ose hapësira brenda së cilës “notojnë”
legjislacionet kombëtare. Ato shërbejnë si pikë reference dhe si praktikë e mirë
për çdo pushtet ligjvënës kombëtar. Respektimi i tyre shpeshherë nuk shoqërohet
me forcën e ligjit, apo sanksionit të drejtpërdrejtë, megjithatë shtetet palë
shprehin vullnetin e tyre për respektimin dhe zbatimin rigoroz të këtyre
standardeve, gjë që vihet re në praktikën dhe hartimin e legjislacionit në
përputhje me frymën e standardeve, si dhe në zbatimin e detyrimeve ligjore të
vendosura nga autoritet ndërkombëtare të krijuara për zbatimin e tyre (të tilla siç
janë gjykatat, p.sh.: Gjykata e GJEDNJ).
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
10
Në këtë punim do të trajtohen Standardet e OKB-së, lidhur me marrëdhëniet
personale e pasurore prind-fëmijë. Më konkretisht do të trajtohet:
Konventa mbi të Drejtat e Fëmijës - instrument ligjor themeltar, parë ky në
këndvështrimin e mbrojtjes së interesit më të lartë të fëmijës. Kjo konventë që në
dispozitën e parë të saj jep përkufizimin se kujt do t’i drejtohemi me fjalën
“fëmijë”, përkufizim ky që i ka shërbyer shumë legjislacioneve të brendshme. Ky
përkufizim në fakt nuk shërben vetëm për identifikimin e subjektit “fëmijë”, por
ajo lidhet në mënyrë direkte me fillimin dhe mbarimin e institucionit të
përgjegjësisë së prindërve.
Në këtë konventë janë identifikuar më konkretisht të gjitha të drejtat e subjektit
fëmijë. Megjithatë, disa prej këtyre të drejtave janë sanksionuar edhe më parë
(KEDNJ, 1950) në mënyrë të përgjithshme për çdo qenie humane.
KDF ka në themel të tij një subjekt të posaçëm “fëmijën”, ndaj trajtimi i tij lind si
domosdoshmëri për këdo që do të zhvillojë një hulumtim në të drejtën familjare e
posaçërisht në atë pjesë që lidhet me të drejtat e fëmijëve. KDF përveç trajtimit të
të drejtave specifike të fëmijëve, merret në mënyrë të detajuar me përgjegjësinë
prindërore.
Siç edhe do të trajtojmë në vijim në këto parime përgjegjësia prindërore
përfshirë një gamë të gjerë marrëdhëniesh me karakter personal jopasuror e
pasuror ndërmjet prindërve e fëmijëve. Ndaj gjykoj se trajtimi i kësaj konvente
është domosdoshmëri në këtë hulumtim.
Një vend me rëndësi kanë zënë në punim standardet që burojnë nga
instrumentet e Këshillit të Europës lidhur me marrëdhëniet personale e pasurore
prind-fëmijë. Këshilli i Europës (KE) është një organizatë ndërkombëtare e
fokusuar në promovimin e demokracisë, shtetit të së drejtës, të drejtave të njeriut
dhe zhvillimit ekonomik në Europë. Ndryshe nga Bashkimi Europian, Këshilli i
Europës nuk krijon ligje të detyrueshme për shtetet anëtare, por ajo i jep fuqi disa
prej konventave që prekin aspekte të rëndësishme jetësore, të cilat kanë një
marrëveshje ndërkombëtare të nënshkruara ndërmjet mes shteteve anëtare të
Europës.
Kështu, nuk mund të lëmë pa përmendur instrumentin ligjor mbi të cilën
janë bazuar shumë e shumë legjislacione kombëtare në lidhje me të drejtat e
njeriut, si: Konventën Europiane të të Drejtave të Njeriut dhe instrumentin ligjor
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
11
zbatues të së drejtës, Gjykatën Europiane të të Drejtave të Njeriut (GJEDNJ), e
cila ka si “statut” të saj ka pikërisht këtë konventë. Megjithëse KEDNJ nuk lidhet
drejtpërdrejtë me të drejtat e prindërve dhe fëmijëve, ajo garanton për këto dy
kategori subjektesh, si për të gjithë individët, njohjen dhe respektimin e të
drejtave themelore me karakter ekonomik, politik, shoqëror dhe kulturor. Në
trajtesën tonë do të ndalemi tek disa të drejta specifike siç janë e drejta për të mos
u diskriminuar [neni 14 i KEDNJ], e drejta për të pasur familje, e drejta për të
patur jetë private [neni 8 i KEDNJ] etj. Si dhe të drejta të tjera proçeduriale që
lidhen me të drejtën për një gjykim të drejtë e të paanshëm [neni 6 i KEDNJ], etj.
Instrument tjetër ligjor i rëndësishëm i KE është dhe Konventa për
ushtrimin e të drejtave të fëmijëve (1996). Kjo konventë ka efekt të drejtpërdrejtë
në aspektet e mbrojtjes së të drejtave dhe interesave më të larta të fëmijëve
nëpërmjet marrjes së masave konkrete në favor të tyre. Konventa angazhon
shtetet palë, që nëpërmjet organeve të tyre kombëtare të nxisin promovimin dhe
ushtrimin e të drejtave të fëmijëve.
Kapitulli i tretë i studimit do të trajtojë standardet ligjore kombëtare dhe
problemet më të hasura të praktikës gjyqësore vendase lidhur me marrëdhëniet
personale jopasurore e pasurore prind-fëmijë. Duke qenë se marrëdhënia prind-
fëmijë është një marrëdhënie e cila nuk rregullohet vetëm nga ligji (normat e së
drejtës), por edhe nga natyra njerëzore e shoqërore e saj, , nuk mund të lëmë pa
përmendur në këtë trajtesë dhe parimet kryesore mbi të cilat ndërtohet ky raport,
siç janë parimi i reciprocitetit ndërmjet prindërve dhe fëmijëve, parimi i barazisë
së prindërve në ushtrimin e përgjegjësisë prindërore dhe parimi i barazisë së
fëmijëve pavarësisht statusit ligjor të tyre kundrejt prindërve.
Aspektet pasurore të marrëdhënies prind-fëmijë sipas legjislacionit shqiptar
është dhe fokusi kryesor i këtij studimi, ndaj ndalesa që do të bëhet në këtë
kapitull do të jetë më e thellë dhe më e detajuar. Kështu, gjatë trajtimit të këtij
kapitulli do të ndalemi tek shpjegimi i konceptit të pasurisë së fëmijës,
përkufizimit të tij si dhe mënyrave të fitimit të kësaj pasurie. Në vijim do të
trajtojmë marrëdhënien pasurore ndërmjet prindërve dhe fëmijëve si dhe
përgjegjësinë prindërore në lidhje me kontributin material për mirërritjen dhe
edukimin e fëmijës. Një aspekt i rëndësishëm i marrëdhënies pasurore ndërmjet
prindërve dhe fëmijëve është dhe koncepti i administrimit të pasurisë së fëmijës së
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
12
mitur, llojet dhe mënyrat e administrimit si dhe përgjegjësia juridike e prindërve
për administrimin e pasurisë së fëmijës.
Përveç të drejtës së administrimit të pasurisë së fëmijës në vijim do të
shohim se prindërit kanë dhe të drejtën e përdorimit të pasurisë së fëmijës në
rastet e parashikuara në ligj ose të autorizuara nga gjykata përkatëse. Gjithashtu,
prindi me autorizim të gjykatës në rastet kur vërtetohet interesi më i lartë i fëmijës
i lind e drejta e tjetërsimit të pasurisë së fëmijës.
Nga zbërthimi i kodit të familjes, por edhe ligjeve të tjera të posaçme, dalim
në konkluzionin se parimi i interesit më të lartë të fëmijës me fokus jo vetëm në
marrëdhëniet pasurore, por edhe në ato personale jopasurore, nuk është një
parim i cili mbrohet dhe respektohet vetëm nga subjekti më afër tij (prindi), por
është detyrë dhe përgjegjësi dhe e organeve të tjera shtetërore si dhe gjykatave.2
Fokus tjetër i këtij kapitulli është dhe familja bujqësore dhe aspektet
pasurore të marrëdhënieve prind-fëmijë në familjen bujqësore. Në studimin e
praktikës gjyqësore konstatohen një numër i madh rastesh ku prindërit kërkojnë
autorizimin e gjykatës për tjetërsimin e tokave bujqësore, ku të miturit janë
bashkëpronarë me arsyetimin se kjo është e nevojshme për edukimin, shkollimin,
mirërritjen e fëmijës, plotësimin e nevojave të veçanta të tij etj., ndaj është parë
me vend dhe trajtesa e këtij raporti. Në fund, për nga renditja e jo rëndësia, një zë
të veçantë në këtë kapitull do të zënë dhe rastet nga praktika gjyqësore shqiptare
me fokus aspektet pasurore të marrëdhënieve prind-fëmijë.
Duke qenë se subjektet në këtë marrëdhënie janë të barabartë për nga
respektimi i së drejtës, por jo të tillë në instrumentalizimin e saj (fëmija i mitur
nuk mund t’i drejtohet personalisht gjykatës për të pretenduar të drejtën e
shkelur), është e rëndësishme analizimi i disa rasteve nga praktika gjyqësore për
të parë se cilat janë rastet më të shpeshta në shkeljen apo mosrespektimin e kësaj
të drejte si dhe zgjidhjet e jurisprudencës në këtë drejtim.
Kapitulli i katërt është një kapitull krahasues, i cili fokusohet në
ngjashmëritë dhe ndryshimet që hasen në rregullimin e marrëdhënieve ndërmjet
prindërve e fëmijëve si në aspektin personal jopasuror dhe në atë pasuror
ndërmjet disa legjislacioneve që autori ka përzgjedhur për këtë studim.
2 Neni 2, Kodi i familjes, viti 2003.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
13
Realizimi i këtij disertacioni ka qenë një përpjekje e gjatë, e vështirë dhe një
ëndërr akademike e imja. E drejta familjare, si një nga degët më dinamike të së
drejtës, gjatë gjithë kohës ka koncepte kryesore në evoluim dhe ndryshim, çka e
bën tepër të vështirë studimin e saj, por njëkohësisht sfidues.
“E drejta familjare” ka qenë për mua zgjedhja e parë dhe e vazhdueshme
për ta lektuar, në auditorët studentorë për mbi 7 vite rresht. Për këtë i jam tepër
mirënjohëse profesorit të nderuar të së drejtës, prof. dr. Aleks Luarasit, i cili
besoi në ëndrrën time për të qëndruar përpara auditorit dhe të qenët vazhdimisht
një hulumtuese e së drejtës.
Mirënjohje dhe falënderim i veçantë shkon dhe për udhëheqësen shkencore
të këtij disertacioni, prof. dr. Arta Mandro, e cila që në kohën time studentore ka
qenë frymëzim dhe shembull i përkryer i lektorit dhe studiuesit të së drejtës, si dhe
ura lidhëse ime e parë me këtë fushë.
Falënderim i sinqertë dhe për kolegët e SHLUJ “Luarasi”, i cili është
institucioni ku unë jap mësim prej më shumë se 7 vite, pa ndihmën, mbështetjen
dhe këshillat e të cilëve punimi i këtij disertacioni do të ishte edhe më i vështirë.
Mirënjohje e përjetshme për prindërit e mi, të cilët me sakrifica të mëdha,
mbështetje dhe besimin e palëkundur tek unë rritën brenda meje një njeri të fortë,
me besim të plotë në vetvete dhe gjithmonë në kërkim të sfidave të reja akademike
dhe jetësore. Falënderoj vëllain tim dhe Irisin, të cilët më qëndrojnë pranë me
sinqeritet e dashuri e më japin zemër në çdo hap të jetës sime. Faleminderit! Ju
jeni gjithçka për mua!
Ky punim i dedikohet mbesës sime të dashur.
Për ty, ANA!
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
14
HYRJE
Në këtë punim trajtohet kryesisht përgjegjësia prindërore me fokus të drejtat
pasurore të fëmijës së mitur. Megjithëse marrëdhënia ndërmjet prindit dhe fëmijës
ka përgjithësisht karakter personal jo pasuror, një dimension i rëndësishëm i saj
është dhe karakteri pasuror i kësaj marrëdhënie. Si rrjedhojë mund të themi se
përkujdesi ndaj fëmijës së mitur ushtrohet duke mbrojtur si personalitetin ashtu
dhe të drejtat pasurore te tij.
Ky punim synon të evidentojë burimet e krijimit të marrëdhënies së prindërimit si
dhe pasojat dhe përgjegjësit që lindin për të gjithë kohëzgjatjen e kësaj.
Pavarësisht se në momentin e renditjes së burimeve kryesore për krijimin e
familjes vendin e parë e zë martesa, në trajtimin e këtij punimi do të shohim se
kjo marrëdhënie nuk lind për shkak të martesës por lind edhe për shkak të saj.
Prind bëhesh për shkaqe natyrore ose juridike (birësimi). Për njërën apo për
tjetrën arsye është ligji ai që të njeh si prind3. Pavarsisht se burimet e institutit të
prindërimit nuk janë fokusi kryesor i punimit tonë ato lidhen pazgjidhshëmrisht
me trajtimin e plotë të këtij studimi.
Pyetja kryesore të cilës do të mundohemi t’i japim përgjigje e ta trajtojmë më
gjerë në këtë punim është: A janë të drejtat pasurore të fëmijës së mitur të drejta
që njihen gjerësisht nga praktika gjyqësore, apo nga ligji, dhe nëse po, a janë
praktikisht të zbatueshme në shoqërinë ku jetojmë, për shkak të mentalitetit, apo
zhvillimit ekonomik social të vendit?
Për zbërthim e kësaj pyetje do të na ndihmojë më shumë sqarimi i disa
nënçështjeve të cilat do ta lehtësonin zhvillimin më të qartë të këtij punimi, të tilla
si:cili ka qenë sfondi historik dhe evoluimi i të drejtave pasurore të fëmijës së
mitur; si kanë ndikuar zhvillimet ekonomike, politike në respektimin dhe ruajtjen
e kësaj të drejte; cilët janë aktorët kryesorë për respektimin e mbrojtjen e kësaj të
drejte; cilat janë sanksionet e parashikuara me ligj për shkeljen e së drejtave
pasurore të fëmijës së mitur; cili është niveli i standardeve ndërkombëtare të
detyrueshme për Shqipërinë me qëllim që të evidentohet situata konkrete dhe
3 Mandro Arta, “E drejta Familjare” , Tiranë. 2009, fq.406
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
15
mundësia për përmirësime legjislative në këtë aspekt; si e trajton doktrina dhe
praktika gjyqësore vëndase dhe ndërkombëtare marrëdhënien pasurore ndërmjet
prindërve e fëmijëve; rastet më të spikatura dhe problematika që hasen në
trajtimin praktik të këtyre çështjeve.
Prindërimi është një institut i së drejtës familjare i cili në thelb ka
marrëdhënien midis prindërve dhe fëmijëve. Nëse do t’i jepnim nocionin juridik
të përdorur në legjislacionin vendas dhe jo vetëm, prindërimi do të përkufizohej si
përgjegjësi prindërore.
Përgjegjësia prindërore në kuptimin e ligjit (KF) është tërësia e të drejtave dhe e
detyrimeve që kanë prindërit ndaj fëmijëve të tyre të mitur, me qëllim, mirërritjen,
edukimin dhe krijimin e kushteve optimale për t’iu siguruar atyre një jetë të
përshtatshme. Parë në këndvështrimin e marrëdhënies, ajo karakterizohet në dy
drejtime, atë të marrëdhënies me karakter personal jopasuror dhe asaj me karakter
pasuror. Kështu të drejtat dhe detyrimet e prindërve kundrejt fëmijëve janë të
grupuara në këto dy drejtime kryesore.
Në këtë punim do të trajtohet kryesisht përgjegjësia prindërore me fokus të
drejtat pasurore të fëmijës së mitur. Megjithëse marrëdhënia ndërmjet prindit dhe
fëmijës ka kryesisht karakter personal jo pasuror, një dimension i rëndësishëm i
saj është dhe karakteri pasuror i kësaj marrëdhënieje. Si rrjedhojë mund të themi
se përkujdesi ndaj fëmijës së mitur ushtrohet duke mbrojtur si personalitetin ashtu
dhe të drejtat pasurore te tij.
Është botërisht e njohur se familja është “instituti” ku anëtarët e saj mbështesin
njëri tjetrin moralisht e financiarisht për shkak të lidhjes së afeksionit që ato kanë
ndërmjet tyre. Harmonizimi i vlerave morale dhe ato pasurore, kanë çuar në
ruajtjen dhe konsolidimin e institutit të familjes. Mbi këtë traditë, është ngritur
dhe mbështetur kuadri normativ i kodit të familjes. Nëse do të analizojmë me
kujdes dispozitat e KF do të vërejmë që respektimi dhe garantimi i të drejtave
pasurore të të miturit nuk është vetëm përgjegjësi apo detyrim ligjor i prindërve
por edhe i autoriteteve të tjera kompetente si dhe gjykatave. Por roli i këtyre të
fundit do të dal në pah e do të evidentohet vetëm në rastet kur prindërit me
veprimet apo mosveprimet e tyre cedojnë në ushtrimin e përgjegjësisë prindërore,
e sidomos në drejtimin e mbrojtjes e garantimit të të drejtave pasurore të fëmijëve
të tyre.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
16
Pyetjet e parashtruara me sipër janë shtjelluar dhe argumentuar e disa prej tyre
kanë zgjidhje konkrete gjatë punimit të këtij disertacioni. Struktura e këtij punimi
do të përbëhet nga katër kapituj kryesorë të detajuar me nënçështje kryesore për
zbërthimin në qelizë të çdo kapitulli.
Përgjegjësia prindërore është një institut që ka evoluar me kohën dhe me
zhvillimin e shoqërisë. Tradicionalisht, ati, “babai i familjes” dhe i fëmijëve, ishte
“mbreti”. Ajo çka i njihej ligjërisht atit që nga e drejta romake e deri në njëfarë
mase nga e drejta janë zakonore, por dhe tek e drejta pozitive e zbatuar në vendin
tonë në një periudhë të hershme, tek-tuk gjen vend e shfaqet edhe sot, në kohët
moderne, në praktikën e sjelljeve të prindërve ndaj fëmijëve në jetën familjare.4
Edhe në ditët e sotme në shoqërinë tonë gjejnë gjurmë të “poter potestas”
(pushtetit i të atit) në familje shqiptare. Babai në rolin e kryefamiljarit është
personi i cili vendos shpeshherë “fatin” e anëtarëve të tjerë të familjes. Ndaj Kodi
i Familjes (2003) është kujdesur dhe i ka kushtuar një rëndësi të veçantë
marrëdhënieve juridike ndërmjet prindërve e fëmijëve të tyre të mitur. Këtë e
vëmë re duke parë numrin e konsiderueshëm të dispozitave që rregullojnë
marrëdhënien, apo përgjegjësinë prindërore5, si dhe përmbajtjen e tyre të cilat
reflektojnë ndryshime jo të pakta nga legjislacionet e mëparshme.
Pavarësisht evidentimit të dispozitave, duhet pranuar që në fakt kodi i
familjes (2003) përshkohet i tëri nga parimi i interesit më të lartë të fëmijës.
Përgjegjësia prindërore, ndonëse e veçuar në një kapitull të vetëm, ajo, ku më pak
e ku më shumë, evidentohet në çdo institut të së drejtës familjare. Kështu në
pjesën e parë të KF (parimet e përgjithshme)6 vëmë re se edhe në kuptimin sasior
pesë prej parimeve (nga gjashtë në total) u referohen parimeve që lidhen
drejtpërdrejtë me të drejtat e fëmijëve7. Gjithashtu institutin përgjegjësisë
prindërore e shohim në disa dispozita tek instituti i martesës, zgjidhjes së
martesës, pavlefshmërisë së saj, bashkejetesës së faktit, birësimit etj. Ndaj mund
të themi se pavarësisht se marrëdhënia prind fëmijë në pamje të parë mund të
duket si një marrëdhënies tërësisht personale ndërhyrja e shtetit dhe rregullimi
ligjor i këtij raporti është e dukshme dhe e paevitueshme.
4 Mandro Arta, “E drejta Familjare”, Tiranë. 2009, fq.397 5 Shih nenet 215-239 të KF (2003). 6 Shih nenin 1 deri tek neni 6 i K.F(2003)
7 Mandro Arta, “E drejta Familjare , Tiranë. 2009, fq.49
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
17
Ligjvënësi është kujdesur që të drejtat dhe detyrimet bazë që lindin nga ky raport
të mos lihen aspak në diskrecion të vullnetit të palëve, por t’i gdhend ato në
norma juridike të cilat vendosin palët në pozita e detyrime.
Kodi i Familjes (2003), ndryshe nga legjislacioni i mëparshëm, me
nocionin “përgjegjësi prindërore” është kujdesur të japë epërsi detyrimeve apo
përgjegjësive që lindin nga marrëdhënia e prindërimit8. Në dallim nga
legjislacioni i mëparshëm, Kodi i Familjes (2003) përkufizon përgjegjësinë
prindërore, nëpërmjet përcaktimit të përmbajtjes së saj,duke kufizuar kështu
mundësinë për interpretime të ndryshme doktrinale. Marrëdhënia juridike mes
prindërve dhe fëmijëve lind si çdo marrëdhënie tjetër juridike e njohur nga e
drejta civile, me vërtetimin e fakteve juridike (ngjarje natyrore apo veprime të
njeriut). Kështu marrëdhënia juridike e prindërimit lind nga fakti natyror i
riprodhimit apo fakti juridik birësimit të fëmijës. Nëse do të analizojmë me
kujdes përgjegjësinë prindërore do të mund të rendisim disa karakteristika të saj si
më poshtë vijon:
a- Përgjegjësia prindërore është një e drejtë personale e prindërve9 kundrejt
fëmijëve të tyre. Të drejtat dhe detyrat që kanë prindërit kundrejt fëmijëve të tyre
duhet t’i ushtrojnë personalisht. Ato s’mund t’i tjetërsojnë apo të trashëgojnë këto
të drejta dhe detyrime. Përveç rasteve kur përgjegjësia prindërore i kufizohet dhe
hiqet me vendim gjykatë. Në këto raste përgjegjësia për rritjen dhe kujdesin i
kalon të tretëve.
b- Përgjegjësia prindërore ushtrohet dhe udhëhiqet vetëm nga parimi i interesit më
të lartë të fëmijës. Ndaj ligji është kujdesur që rregullimi i këtij instituti të mos i
lihet në dorë marrëveshjes ndërmjet prindërve, por ta rregullojë në mënyrë thuajse
taksative nëpërmjet dispozitave ligjore të parashikuara në KF (2003).
c- Përgjegjësia prindërore ushtrohet bashkërisht nga të dy prindërit. Edhe në rastet
e zgjidhjes së martesës apo pavlefshmërisë së saj asnjëri prej prindërve nuk i
humbet përgjegjësia prindërore pavarësisht se cilit prej tyre i është caktuar fëmija
në “kujdestari”. Prindërit gëzojnë potencialisht të drejta dhe detyrime të barabarta
kundrejt fëmijëve të përbashkët.
8Të drejtat dhe detyrimet që ligji u njeh prindërve ndaj fëmijëve të tyre të mitur ligjvënësi i ka përmbledhur në termin “E drejta prindërore” – Kodi i Familjes i Republikës Popullore Socialiste të Shqipërisë – Gazeta Zyrtare, nr. 3, v. 1982. 9 Tek termi “prindër” hyn prindërit natyrorë dhe prindërit birësues.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
18
d- Përgjegjësia prindërore është e njëjtë, pavarësisht statusit ligjor të fëmijës.
Nëse fëmijët kanë lindur nga një raport martesor apo jo, ati dhe nëna të njohur si
të tillë kanë të njëjta të drejta dhe detyrime kundrejt fëmijëve të tyre.
e- Përgjegjësia prindërore vazhdon derisa sa zgjat mituria, domethënë gjersa
fëmija mbush moshën 18 vjeç.10
Moshë kjo e parashikuar nga KC (1994) për
fitimin e zotësisë së plotë për të vepruar.11
Në raste përjshtimore të parashikuara
nga ligji kjo përgjegjësi zgjat deri sa fëmija të mbush moshën 25 vjeç12
.
f- Përgjegjësia mund të krijohet dhe hiqet vetëm me vendim të formës së prerë së
gjykatës. Asnjë marrëveshje ndërmjet prindërve, personi të tretë apo organ
administrativ nuk mund të kufizojë apo heqë këtë përgjegjësi.
Nga sa më sipër, na rezulton se përgjegjësia prindërore përfshin tërësinë e të
drejtave dhe detyrimeve, të cilat nëse do t’i klasifikojmë në bazë të përmbajtjes do
të dallonim:
Të drejta e detyrime prindërore që ushtrohen në lidhjen me personalitetin e
fëmijës e që lindin si pasojë e marrëdhënieve personale jopasurore.
Të drejta e detyrime prindërore që ushtrohen lidhur me pasurinë e fëmijës
e që lindin si rezultat i marrëdhënieve pasurore.
Pavarësisht ndarjes në dy kategori (atë personale jopasurore dhe pasurore) të
përgjegjësisë prindërore për efekt studimi, në jetën e përditshme është e vështirë
të ndahen në mënyrë kaq precize, pasi të dyja këto kategori ndërthuren me njëra-
tjetrën, duke dhënë panoramën e plotë të kësaj përgjegjësie. Ndaj shpeshherë gjatë
këtij punimi ka qenë i vështirë fokusi vetëm te të drejtat dhe detyrimet me
karakter pasuror, pa përmendur ato me karakter personal jopasuror. Për shembull
kur listojmë disa të drejta e detyrime të cilat ligji e doktrina i ka karakterizuar me
natyrë personale e jopasurore është tepër e vështirë të mos evidentohet dhe natyra
pasurore që i shoqëron këto të drejta e detyrime. Këtu mund të përmendim:
Detyrimin për mirërritje të fëmijës13
, megjithëse në KF (2003) nuk jepet një
përkufizim i saktë për termin “mirërritje”, doktrina e së drejtës familjare është
10 Shih nenin 216 të KF (2003) 11 Shih nenin 6 të KC (1994) 12 Shih nenin 197 të K.F (2003) “Detyrimi për ushqim ndërmjet prindërve dhe fëmijëve” 13 Shih nenin 215 të KF (2003).
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
19
munduar të jap në terma konkret përmbajtjen e këtij detyrimi (të prindërve) dhe të
drejtës (së fëmijëve.) Detyrimi prindëror për mirërritjen e fëmijës14
përfshin:
kujdesin ndaj shëndetit, zhvillimit fizik e psikik të fëmijës, krijimi i një mjedisi
familjar për fëmijën, parë në këndvështrimin subjektiv (mbështetje emocionale e
morale, bazuar në ndjenjat e dashurisë dhe afeksionit) dhe në këndvështrimin
objektiv (krijimi i kushteve materiale për një jetesë të denjë të fëmijës (ambient i
shtëpisë) si dhe sigurimi i një mirëqenieje materiale; ruajtja dhe mbikëqyrja e
fëmijës, marrja e masave me karakter edukues për fëmijën (edukimi dhe shkollimi
i tij). Të gjitha të drejtat e detyrimet e sipërpërmendura pavarësisht karakterit të
theksuar personal të tyre nuk mund të përjashtojmë në asnjë moment dhe
karakterin pasuror. Pra, ndonëse punimi është i fokusuar tërësisht në trajtimin e
marrëdhënieve pasurore ndërmjet prindërve dhe fëmijëve si kategori e
përgjegjësisë prindërore, është thuajse e pamundur të mos preken dhe aspektet
personale të kësaj përgjegjësie.
Duke qenë se fëmija (i mituri) është subjekt i së drejtës që në momentin e
konceptimit me kushte që ai të lind i gjallë, rrjedhimisht ai është dhe subjekt i të
drejtave pasurore të njohura nga ligji. Meqenëse i mituri është i pamundur
fizikisht, mendërisht dhe juridikisht që të zotërojë15
në mënyrë ezauruese këto të
drejta, lind nevoja për t’i tuteluar dhe mbrojtur ato kundrejt të tretëve.
Përfaqësuesi natyror e ligjor, pa qenë nevoja e përcaktimit nga një vullnet i
jashtëm, i të miturve janë prindërit (natyrorë dhe birësues) ex lege.16
Në zbatim të
nenit 232 të KF “Prindërit përfaqësojnë fëmijën e tyre të mitur që nuk ka mbushur
moshën katërmbëdhjetë vjeç, në të gjitha veprimet juridike, me përjashtim të atyre
që, sipas ligjit, i mituri mund t’i kryejë vetë.
I mituri që ka mbushur moshën katërmbëdhjetë vjeç i kryen vetë veprimet
juridike, por kurdoherë me pëlqimin paraprak të prindërve, me përjashtim të atyre
që sipas ligjit, mund t’i kryejë vetë.
Nga sa më sipër, vëmë re se përgjegjësia prindërore përfshin në tërësi
përkujdesjen ndaj të miturit për personin e tij, si dhe atë ndaj pasurisë ose të
drejtave pasurore të fëmijës nëpërmjet përfaqësimit ligjor dhe administrimit të
pasurisë të të miturit. Instrumenti ligjor nëpërmjet të cilit realizohet në praktikë si
përkujdesi prindëror ashtu dhe administrimi i pasurisë, është përfaqësimi ligjor i
fëmijëve në raport me të tretët. Në këtë mënyrë përgjegjësia prindërore ushtrohet
nëpërmjet përfaqësimit të fëmijës në çdo veprim juridik apo proces gjyqësor që
14 Sonila Omari, “E drejta familjare”, Tiranë, 2010, f. 367 e në vijim. 15 Shih nenin 6 të KC . 16 Shih nenet 215-232 të KF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
20
kanë të bëjnë personalisht me fëmijën apo pasurinë e tij. Ky detyrim për prindërit
rrjedh drejtpërdrejtë nga dispozitat e KF (2003).
Fëmija i mitur, duke qenë mbartës potencial i të drejtave dhe detyrimeve
të njohura nga ligji për çdo subjekt të së drejtës, e njëkohësisht duke mos patur
mundësi praktike për t’i vënë në jetë ato, ka nevojë absolute për një përfaqësues
ligjor, i cili e përfaqëson atë në çdo veprim juridik personal apo në lidhje me
administrimin ose përdorimin e pasurisë së tij. Në këtë mënyrë, e drejta realizohet
dhe nuk humbet e cenohet nga mosrealizimi i saj në kohë për shkak të
pamundësisë juridike të zotëruesit të saj. Nëpërmjet përfaqësimit, një tjetër
subjekt mund të kryejë veprime juridike në emër e për llogari të fëmijës, çka do të
thotë se marrëdhënia juridike krijohet automatikisht ndërmjet fëmijëve e të
tretëve, e si rrjedhojë dhe pasojat juridike të kësaj marrëdhënieje bien vetëm mbi
këto dy palë. Nga ana tjetër, duke qenë se prindi vepron në emër dhe për llogari të
fëmijës, ndërmjet prindërit e të tretëve nuk lindin të drejta e detyrime, përveçse
kur prindi si përfaqësues i fëmijës së mitur, kalon tagret e përfaqësimit.17
Përfaqësimi ligjor i fëmijës kryhet vetëm në mbrojtje të interesit më të lartë të tij,
ndaj si dhe në rastet e tjera të përfaqësimit18
, prindi nuk mund të kryejë veprime
juridike në cilësinë e përfaqësuesit të fëmijës, me veten e tij apo të përfaqësojë të
dy fëmijët në kryerjen e një veprimi juridik ndërmjet tyre.
Por cila është shtrirja dhe detyrimi i prindërve për të përfaqësuar të
miturin? Duke qenë se prindërit janë ex-lege përfaqësuesit ligjor të fëmijëve të
tyre, ato e përfaqësojnë të miturin që nuk kanë mbushur moshën katërmbëdhjetë
vjeç në të gjitha veprimet juridike në të tretët, me përjashtim të atyre veprimeve
që sipas ligjit i mituri mund t’i kryejë vetë.
KC (1994) parashikon se çdo veprim juridik i kryer nga i mituri nën moshën 14
vjeç (përveç atyre të parashikuara në nenin 8 të këtij kodi) do të konsiderohen
veprime juridike të pavlefshme.19
Siç e dimë dhe nga e drejta veprimet juridike të
pavlefshme nuk prodhojnë asnjë pasojë juridike për palët, edhe nëse ato kanë
prodhuar dhe në momentin kur konstatohet apo shpallet element i pavlefshmërisë,
secila palë i kthen palës tjetër çdo gjë që ka marrë prej saj dhe kur nuk është e
17 Shih nenin 64 e në vijim të KC. 18 Shih nenin 67 të KC. 19 Shih n. 232 të KF dhe n. 8 të KC “I mituri që nuk ka mbushur moshën 14 vjeç është i pazotë për të vepruar. Ai mund të kryejë veprime juridike që i përshtaten moshës së tij dhe që përmbushen aty për aty, si dhe veprime juridike që sjellin dobi pa asnjë kundërshpërblim. Veprimet e tjera i kryen në emër të tij përfaqësuesi ligjor”. Shih n. 15 dhe 52 të KC.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
21
mundur të kthejë po të njëjtin send, të paguajë vleftën e tij.20
Pra, palët kthehen në
gjendjen e mëparshme (përpara se të kryhej veprimin juridik) dhe çdo pasojë
kthehet në nul për palët.
Të miturit që kanë mbushur moshën 14 vjeç KC (1994) i njeh kryerjen e disa
veprimeve, me kusht marrjen e pëlqimit paraprak të prindërve, me përjashtim të
atyre që sipas ligjit i mituri mund t’i kryejë vetë. 21
Kështu, në bazë të nenit 7 KC (1994) fëmija mund të kryejë vetë këto veprime
juridike: të disponojë vetë atë që fiton me punën e tij; të depozitojë kursimet e tij;
të disponojë vetë dispozitat e tij; të bëjë pjesë në organizata shoqërore.
Këto veprime mund të kryhen dhe pa marrë pëlqimin paraprak të përfaqësuesit
ligjor (prindit) me kusht që ai të japë pëlqimin menjëherë pas kryerjes së veprimit.
Në bazë të nenit 33 të Kodit të Procedurës Civile (K.Pr.C.- 1996), nuk mund të
ngrihet padi nga një person të cilit i mungon zotësia për të vepruar, për këtë arsye
në emër e për llogari të tij padinë në gjykatën kompetente për mbrojtjen e
interesave të të miturit e ngre përfaqësuesi i tij ligjor. Nga ky rregull, është
parashikuar një përjashtim në nenin 7 të KF (2003), i cili njeh të drejtën
bashkëshortëve të mitur t’i drejtohen personalisht me kërkesë gjykatës për lejimin
e martesës përpara moshës së parashikuar nga dispozitat e këtij kodi (18 vjeç).
Ashtu si dhe në parimet e përgjithshme të institutit të përfaqësimit të njohura nga
e drejta, përfaqësimi nuk mund të realizohet për veprime juridike që ligji i ka
parashikuar si të drejta që lidhen ngushtësisht me personin, të tilla si kontrata
martesore, testamenti (me përjashtim të atij që ka për objekt sende të fituara si
rezultat i punës së të miturit) apo një kategori veprimesh personale jopasurore, si:
njohja, kundërshtimi, vërtetimi i atësisë, apo kundërshtimi i njohjes së amësisë
dhe atësisë.
Të gjitha veprimet e sipërcituara do të realizohen personalisht nga i mituri me
arritjen e moshës madhore.
Kjo procedurë e gjerë analitike ka kaluar në disa hapa të cilat nisin me kërkimin
doktrinar (mbledhja dhe përpunimi i literaturës). Ky hap konsiston në rishikimin e
20 Mandro Arta, “E drejta Familjare”, Tiranë. 2009, fq.456 21 Shih nenin 232 të KF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
22
literaturës në lidhje me objektin e studimit. Ai përfshin identifikimin, mbledhjen
dhe sistemimin e librave, monografive, artikujve shkencorë, kumtesave të
konferencave kombëtare dhe ndërkombëtare në fushën ligjore. Zgjedhja e
literaturës ёshtё shtrirë mbi një numër relativisht të konsiderueshëm autorësh të
huaj dhe vendas, konsultimin e një literature të gjerë, në kuadrin europian dhe
ndërkombëtar, në fushën e marrëdhënies së prindërimit. Për identifikimin e kësaj
literature kam shfrytëzuar burime të ndryshme të literaturës hard copy dhe atë
online. Kështu, kërkimi im shkencor është mundësuar nga literatura e ofruar nga
Biblioteka Kombëtare e Shqipërisë, Biblioteka e SHLUJ “Luarasi”, Biblioteka e
Shkollës së Magjistraturës dhe nga fondi personal i bibliotekës sime, gjithashtu
kam shfrytëzuar dhe literaturën e ofruar online nga faqet zyrtare të gjykatave të
ndryshme kombëtare dhe ndërkombëtare si dhe nga qasja në bibliotekën online
Questia (ku qasja ofrohet vetëm me pagesë.)
Hap tjetër me rëndësi i këtij studimi është ai i analiza e legjislacionit. Në
realizimin me sukses të objektivave të caktuara në këtë studim jam mbështetur në
metodën e analizës dhe sintezës. Kjo metodë konsiston në formulimin e
problemeve ligjore nëpërmjet analizës së legjislacionit. Në sistemin tonë juridik,
normat ligjore gjenden në kode, ligje dhe akte të tjera. Duke qenë se normat
rregullojnë situata të përgjithshme, metoda e analizës ligjore shërben për
identifikimin dhe zgjidhjen e problemeve të teorisë dhe të praktikës, nëpërmjet
interpretimit të këtyre normave. Gjithashtu, kjo metodë shërben për të sqaruar
paqartësinë e normave, vendosjen e tyre në një rend logjik dhe koherent dhe për të
analizuar ndërveprimin e tyre më të tjera norma. Veçanërisht e rëndësishme në
këtë punim, ka qenë analiza e kombinuar e normave të Kodit të Familjes me
parimet e përgjithshme të sanksionuar nga Kodi Civil në fuqi.
Kërkimi ndërdisiplinor në këtë punim është një proçes i domosdoshëm.. Procesit
të interpretimit dhe analizës së legjislacionit, kryesisht në rastet e paqartësisë së
normave, i vijnë në ndihmë faktorë të tjerë të jashtëm si analizimi i aspektit
historik, kontekstit social dhe atij ekonomik. Konkretisht në punim është analizuar
historiku i rregullimit ligjor të marrëdhënieve pasurore prind-fëmijë në Shqipëri
dhe në Europë, bazuar në kontekstin ekonomiko-social të secilës periudhë
historike.
Pavarësisht se studimi nuk realizohet në kuadrin e së drejtës së krahasuar është e
rëndësishme dhe metoda krahasuese për një kuptim dhe interpretim më të mirë të
normave të brendshme ligjore është menduar realizimi i analizës krahasuese
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
23
ndërmjet Kodit të Familjes dhe legjislacioneve të disa vendeve që kanë shërbyer
si modele në hartimin e legjislacionit tonë (legjislacioni italian, francez ) si dhe
analizën e një legjislacion në embrion të tij por me aspirata të mëdha në
përafrimin e tij me legjislacionet ndërkombëtare, Ligjin për Familjen në
Republikën e Kosovës. Nëpërmjet këtij krahasimi kërkohet të evidentohet shkalla
e përqasjes të tyre me legjislacionin vendas.
Metoda e analizës sё praktikës gjyqësore është gjithashtu një metodë mjaft e
rëndësishme, e cila shërben për të parë mënyrën e interpretimit dhe zbatimit
praktik që gjykatat shqiptare dhe ato të huaja i kanë bërë marrëdhënieve që lindin
nga instituti i prindërimit.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
24
KAPITULLI I PARË
MARRËDHËNIET PERSONALE E PASURORE PRIND-FËMIJË NË
KËNDVËSHTRIMIN HISTORIK
1.1 Marrëdhëniet personale e pasurore prind fëmijë sipas të drejtës zakonore
shqiptare
Në kohën kur normat e së drejtës zakonore rregullonin tërësinë e
marrëdhënieve shoqërore e juridike në Shqipëri celula bazë e shoqërisë fisnore
ishte familja patriarkale. Kjo ishte forma mbizotëruese e familjes shqiptare që nga
koha e bronzit deri në Luftën e Dytë Botërore, periudhë e cila përkon me
ndryshime ekonomike dhe shoqërore që detyrimisht ndikuan dhe në
transformimin e familjes. Familja patriarkale është forma e dytë e njohur e
familjes pas familjes matriarkale, pra kalimi nga e drejta amtare në atë atësore,
dhe në opinionin tim forma e fundit e mirëpërcaktuar e familjes. Këtu kemi
parasysh dhe përkufizimin e juristit të njohur romak Ulpianit22
i cili e përshkruan
familjen si një bërthamë apo bashkësi personash që janë vendosur nën të njëjtin
pushtet unik të paterfamilias-it dhe të lidhur ndërmjet tyre për arsye natyrore ose
juridike, i cili mbetet një përkufizim thuajse i saktë dhe në ditët e sotme në
shoqërinë shqiptare.
Nëse bëjmë një analizë më të detajuar të familjes patriarkale shqiptare sipas së
drejtës sonë zakonore do vëmë re se ajo përshkohet nga disa element thelbësor, të
dukshëm që kanë shoqëruar këtë formë të familjes gjatë gjithë vazhdimësisë së
saj. Familja patriarkale ishte bashkësi njerëzish me lidhje gjaku në vijë
mashkullore ose të bashkuar nga martesa. Kjo familje përbëhej nga disa “kurorë”
që kishin të përbashkët lidhjen e gjakut nga babai dhe që vazhdonte në vijë
mashkullore te anëtarët e saj. Paterfamilia-si ishte zakonisht burri më i vjetër i
22 Mandro Arta, “E drejta Familjare”, Tiranë. 2009, fq.18
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
25
familjes, i cili ndryshe njihej si i “zoti i shtëpisë”.23
Pushteti i tij mbi të gjithë
anëtarët e familjes dhe në drejtimin e punëve të përditshme ishte i
padiskutueshëm. Burimi i pushtetit të tij ishte vullneti i burrave madhorë të
familjes24
pasi femrat në familje konsideroheshin të ardhura (nuset) ose “derë e
huaj”(vajzat.) Sigurisht që ky pushtet siç ndodh rëndomtë vinte nga epërsia
ekonomike që kishin burrat ndaj grave, pasi pasuria e familjes patriarkale vinte
kryesisht nga puna e burrave në blegtori e bujqësi, ndërsa gratë merreshin me
rritjen e fëmijëve dhe kujdesin ndaj familjes. Familja patriarkale shqiptare kishte
një ekonomi të përbashkët ku të gjithë burrat anëtarë të familjes konsideroheshin
bashkëpronarë në tërësi të pasurisë, e cila në fakt administrohej në bazë të
vullnetit të paterfamilias-sit (kryefamiljarit të zgjedhur apo të trashëguar.) Ajo
çfarë mbetet karakteristike e familjes patriarkale por që në fakt e shohim të
trashëguar dhe në ditët e sotme në familjet “moderne” shqiptare është solidariteti
ndërmjet anëtarëve të familjes, në ndihmën reciproke që anëtarët i jepnin njëri
tjetrit për mbarëvajtjen e saj.
Shtjefën Gjeçovi në përmbledhjen e tij të Kanunit të Lekë Dukagjinit (më
vonë KLD) jep këtë përcaktim për familjen “Familja asht një të mbledhun
gjymtyrësh, të cilat gjallisin nën njëkulm, qëllimi i të cilit asht të shtuemit të
gjindjes nëpërmjet martesës, të mbkambunit e tyne kah zhdrivillimit të shtatit e
kah zhvillimi i mëndjes e shisës25
” Duket qartë që ky përcaktim krahas një
përkufizimi që në mendimin tim nuk është tepër i saktë për familjen (duke patur
parasysh strukturën dinamike të saj) e sheh atë si një organizëm të gjallë “një të
mbledhun gjymtyrësh që gjallisin nën një kulm” i cili si funksion kryesor ka atë të
shtimit anëtarëve të saj nëpërmjet lidhjeve të gjakut (riprodhimit) dhe lidhjeve
juridike (martesës) si dhe kujdesit që duhet patur në rritjen dhe edukimin e
fëmijëve. Ndërsa në KLD (variantin e Pukës) koncepti i familjes përkufizohet në
këtë mënyrë: “Shpi janë gjindja me lidhje gjaku që kanë për kulm një zot shpie e
çelen mbas fjalës së tij26
.” Në bazë të këtij përcaktimi shohim qartë që familja
23Luarasi Aleks, “Studimet për të drejtën zakonore, marrëdhëniet familjare”, Botimi i dytë, 2007, fq. 17. 24 Luarasi Aleks, “Studimet për të drejtën zakonore, marrëdhëniet familjare”, Botimi i dytë, 2007, fq. 16. 25 E drejta zakonore shqiptare, vëll. 1, KLD, v.p. 26 Kanuni i Lekë Dukagjinit, variant i Pukës, Tiranë, 1996.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
26
përbëhet nga anëtarë që rrjedhin në vijë të drejtë (ngjitëse dhe zbritëse)
mashkullore, të cilët bashkë me anëtarët e tjerë gjenden të gjithë nën pushtetin e të
zotit të shtëpisë ose ndryshe kryefamiljarit (paterfamiliasit), i cili drejtonte dhe
vendoste për gjithë punët e familjes. Ndryshe paterfamilias-i mund të shikohet
dhe në rolin e “administratorit” të familjes, përgjegjësi ligjor dhe faktik të
vendimmarrjes në familje.
Funksionet e familjes sipas të drejtës zakonore nuk ndryshojnë dhe aq
krahasuar me funksionet e familjes aktuale të rregulluar nga KF (2003). Kështu
funksioni kryesor i familjes ashtu si dhe sot është ai i riprodhimit njerëzor (të
shtuemt e gjindjes nëpërmjet martesës), si dhe funksioni i rritjes dhe edukimit të
fëmijëve (të mkambunit e tyne kah zhdrivillimi i shtatit, i mendies e i shisës.)27
Familja ashtu si dhe sot kryente gjithashtu funksionin ekonomik, duke përbërë
kështu një njësi të vërtetë ekonomike, ku të gjithë anëtarët e aftë për punë duhet të
punonin (në blegtori apo bujqësi, pasi këto ishin të vetmet forma ekonomike
fitimprurëse për familjen) dhe kishin të drejtë të përfitonin nga të ardhurat e saj, e
drejtë kjo që i përkiste kryesisht vijës mashkullore të anëtarëve të familjes.
Gjithashtu familja ishte për anëtarët e saj një strehë mbrojtëse ndaj rreziqeve të
mundshme që vinin nga faktorët e jashtëm. Ashtu si dhe sot anëtarët e familjes
patriarkale ishin mbështetje dhe forcë për njëri tjetrin, duke shprehur solidaritetin
në sfidat dhe rreziqet që vinin nga jashtë saj.
Shpesh gjejmë në të drejtën kanunore fjalë të ndryshme që personifikojnë
familjen të tilla si “shtëpia”, “zjarri” “tymi”, përkufizime që të çojnë ndër mend
kompaticitetin e familjes, si p.sh. shtëpia e cila personifikon strehën e gjithsecilit
prej nesh edhe sot dëgjojmë shprehje si “nuk ka si shtëpia jote”, ku shpeshherë
“shtëpia” nuk identifikohet me banesën, godinën, por me ndjenjat dhe afinitetin
që na lidh me vendin e përbashkët me anëtarët e tjerë të familjes, aty ku ndihemi
të sigurtë dhe ku rrethohemi nga ndjenja e dashurisë dhe sinqeritetit. Gjithsecili
nga ne fjalën “shtëpi” e lidh me familjen, me njerëz të dashur e të rëndësishëm në
jetë. Dhe fjalën “zjarr - flakë” e lidhim me një nga shpikjet më të mëdha të
njerëzimit. Zjarri në fakt është një nga shpikjet që ka “tronditur” thellësisht
mënyrën e jetesës së njeriut. Ndaj zjarrin e lidhim me jetën, evoluimin dhe
27 Luarasi Aleks, “Studimet për të drejtën zakonore, marrëdhëniet familjare”, Botimi i dytë, 2007, fq. 28.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
27
dinamizmin e saj si element thelbësor e ndikues në zhvillimin e shoqërisë njëjtë si
familja e cila është celula bazë e shoqërisë dhe motori kryesor i saj.
Marrëdhënia e cila do të trajtoj kryesisht në këtë kapitull dhe që është nën
temë e këtij punimi është marrëdhënia prind fëmijë në bazë të së drejtëz zakonore
shqiptare. Kur analizojmë marrëdhënien prind fëmijë duhet të kemi parasysh dy
aspekte kryesore të saj siç janë: marrëdhënia personale dhe marrëdhënia pasurore
ndërmjet tyre. Sigurisht thelb i raportit prind – fëmijë është marrëdhënia personale
ndërmjet tyre, gjë që është e përbashkët për të gjitha raportet që krijohen midis
anëtarëve të familjes. Derivat i kësaj marrëdhënie janë raportet pasurore që lindin
për shkak të dinamizmit dhe nevojave që ka jeta e njeriut. Megjithëse derivat i
marrëdhënieve personale, raportet pasurore midis anëtarëve të familjes dhe
veçanërisht ndërmjet prindërve dhe fëmijëve të tyre janë element i rëndësisë së
veçantë të një bashkëjetese të qëndrueshme, vazhdueshme e të shëndosh. Duke
qenë se familja tipike në të drejtën zakonore shqiptare është ajo patriarkale është
lehtë e imagjinueshme që pater potestas dominonte themelin e marrëdhënies
prind fëmijë në atë periudhë.
Kështu një e drejtë e veçantë thuajse ekskluzive e babait ndaj fëmijëve
ishte e drejta mbi jetën dhe vdekjen e tyre. Formalisht kjo e drejtë i përkiste babait
ndaj fëmijëve të tij dhe askujt tjetër, as të zotit të shtëpisë. Kështu për këtë të
drejtë KLD shpreh qartë “Baba ka tagër: mbi jetën e mbi gjallinë e të bijve. Me
rrahë, me lidhë, me burgosë a edhe me vra të birin a të binë, kanuja s’i lyp
arsye”28
. Sigurisht që kjo e drejtë zbatohej në raste të rralla e specifike ku për
shkak të rëndësisë dhe peshës që kishte ky vendim nuk mjaftonte vetëm vendimi i
atit por duhej dhe vendimi unanim dhe i përbashkët i burrave të familjes. Raste në
të cilat mund të merrej ky vendim ekstrem ishin p.sh. vrasja e një anëtari të
familjes, shkelja e besës së dhënë, mbetja shtatzënë e vajzës nga një lidhje
jashtëmartesore, pra të gjitha ato veprime që binin ndesh me parimet themelore të
kanunit dhe që turpëronin familjen në sytë e të tjerëve.
Pozita sunduese e babait në raport me fëmijët shprehej kryesisht në të
drejtën e tij për të urdhëruar fëmijët e vet, për kryerjen e detyrave të ndryshme
brenda dhe jashtë familjes. Këto detyra mund të kishin karakter ekonomik, si p.sh.
kryerja e punëve të ndryshme bujqësore dhe blegtorale apo dhe karakter jo
28 E drejta zakonore shqiptare, vëll. 1, KLD, v.p.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
28
ekonomik, siç mund të ishte “detyrimi për martesë”, për marrje gjaku etj.
Formalisht të dy prindërit kishin të drejta dhe detyrime të barabarta kundrejt
fëmijëve të tyre. Ato kishin si detyrë kryesore rritjen dhe edukimin e tyre,
sigurimin e mjeteve materiale për një jetesë sa më të mirë të fëmijëve, banesën,
ushqim, veshmbathje dhe sigurimin e pajës për vajzat (që ishte e vetmja pasuri e
tyre e siguruar nga familja e origjinës.) Është mëse e qartë parapëlqimi i etërve
dhe jo vetëm për të patur fëmijë meshkuj si pasardhës të tyre, kjo jo vetëm për
mendësinë e kohës por edhe për rrethanat në të cilën gjendej familja në atë
periudhë kohore.
Kështu fëmijët meshkuj përveç se do trashëgonin mbiemrin e familjes, ato
do ishin krahë pune, luftëtar- mbrojtës të pronave dhe nderit të familjes,
mbështetje e madhe dhe e sigurtë për të gjithë anëtarët e saj. Vajzat përkundrazi
shiheshin si një barrë për familjen e cila mund të pas sillte probleme deri në
gjakmarrje për nderin e tyre nga fëmijët djem të familjes. Shpesh vajzat
konsideroheshin “derë e huaj.29
” Për të gjitha këto arsye, edukimi i vajzave në
familje dhe kujdesi ndaj tyre ishte i rreptë e aspak tolerant. Nëna ishte prindi i cili
merrej kryesisht me edukimin dhe mirërritjen e fëmijëve duke qenë se ajo ishte
zakonisht shtëpiake dhe detyra e saj kryesore ishte të merrej me nevojat e familjes
brenda shtëpisë. Ndërsa ati merrej me plotësimin e nevojave ekonomike të
familjes. Prindërit i mësonin fëmijëve jo vetëm normat morale të sjelljes në
familje dhe shoqëri por dhe normat kanunore të vendit të cilat kishin fuqinë e
ligjit dhe zbatoheshin në mënyrë rigoroze nga vendasit. Kështu familja kthehej në
një vatër të vërtetë dhe të vetme të edukimit për fëmijën.
Duke qenë se familja mbahej kryesisht me të ardhurat e fituara nga puna
në blegtori e bujqësi apo punë të tjera të bëra jashtë ekonomisë familjare e
meshkujve të familjes, ishte babai i cili vendoste mbi fitimin e bijve të vet, të cilat
i bashkoheshin ekonomisë së përbashkët të familjes. Për çdo mosbindje apo
kundërshtim që i bëhej babait për detyrat e ngarkuara nga ai, ati kishte të drejtë të
merrte ndaj fëmijëve masa ndëshkimore të caktuara prej tij. Në bazë të drejtës
zakonore i zoti i shtëpisë ishte personi i vetëm që administronte të ardhurat e
familjes. Të gjitha të ardhurat e fituara nga puna e përditshme përfshirë këtu dhe
29 Luarasi Aleks,“Studimet për të drejtën zakonore, marrëdhëniet familjare”, Botimi i dytë, 2007, fq. 46.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
29
dhuratat anëtarët e familjes ja dorëzonin të zotit të shtëpisë. Sipas Kanunit të
Skënderbeut, i zoti i shtëpisë dispononte të gjitha fitimet me përjashtim të
dhurimeve dhe të “selemit”.30
Ai tjetërsonte pasurinë e familjes sipas nevojave të
saj dhe gjykimit të tij. Duke qenë se anëtarët e tjerë të familjes nuk zotëronin
pasuri personale (përveç rrobave të trupit) çdo veprim disponimi i kryer prej tyre
konsiderohej i pavlefshëm nëse nuk merrej miratimi i zotit të shtëpisë. Megjithatë
për disa veprime të rëndësisë së veçantë për pasurinë e familjes kanuni njeh
detyrimin e zotit të shtëpisë të marrë pëlqimin paraprakë të anëtarëve të tjerë
burra të familjes.
Për arsye se anëtarët e tjerë të familjes nuk dispononin pasuri vetjake, të
zotit të shtëpisë i lindte detyrimi që të plotësonte të gjitha nevojat ekonomike të
familjes. Pra siç vihet re nga parashtrimet e mësipërme e drejta zakonore
shqiptare sanksiononte pozitën e privilegjuar të burrit në familje parë në dy
aspekte në marrëdhënien burrë dhe grua (bashkëshortë) dhe në marrëdhënien
vajzë dhe djalë (fëmijë). Këtë konkluzion e nxjerrim duke lexuar në tërësi të
gjitha Kanunet në fuqi të asaj kohe në territoret shqiptare siç ishin Kanuni i Lekë
Dukagjinit, Kanuni i Labërisë, Kanuni i Skënderbeut (Shqipëria e Mesme),
Kanuni i Maleve, Zakoni i Musë Ballgjinit (lugina e lumit Shkumbin), Sharti i
Idriz Suli në Labëri31
.
Të gjitha këto përmbledhje të normave zakonorë të zbatueshme sanksionin
“një zëri” pozitën modeste të gruas në familje. Kjo pozitë nuk lidhej vetëm me
pushtetin ekonomik të burrave në familje (babait, djalit, vëllait) por dhe më
pushtetin juridik të tyre. Kështu sipas të drejtës zakonore burrat e fitonin zotësinë
për të vepruar me mbushjen e moshës 15 vjeç ndërsa gratë e fitonin këtë zotësi me
lidhjen e martesës. Në raport me burrat e familjes gruaja, nëna, vajza ishin të
zhveshura totalisht nga e drejta e pronësisë dhe e trashëgimisë si në familjen e
prindërve ashtu dhe në atë të burrit. E vetmja pasuri që ajo kishte ishte prika që i
jepej në momentin e martesës.
E drejta zakonore rregullonte gjithashtu dhe të drejtën e trashëgimisë, ku
në rastin e pasjes të paktën një fëmijë të gjinisë mashkullore ai trashëgonte të
gjithë pasurinë e atit. Femrat trashëgonin pasuri vetëm në rastin kur
30 Luarasi Aleks,“Studimet për të drejtën zakonore, marrëdhëniet familjare”, Botimi i dytë, 2007, fq. 179, “selemi-pasuria që sillte me vete gruaja me rastin e martesës (paja). 31 Abdullah Aliu, “E drejta Civile. Pjesa e përgjithshme”, Prishtinë, 2013, f. 12.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
30
trashëgimlënësi nuk kishte djem, por vetëm vajza të martuara, këto thirreshin si
trashëgimtare të radhës së dytë dhe konkurronin së bashku me kushërinjtë në
trashëgimin e pasurisë së luajtshme dhe të paluajtshme të atit të tyre. Vajzat e
martuara dhe kushërinjtë e tyre konkurronin së bashku si trashëgimtar të radhës së
dytë. Pjesa e vajzave në pasurinë e trashëgimlënësit quhej “miraz” dhe përbëhej,
sipas zakoneve të fshatit , nga ½, 1/3, 1/5 e tokës32
.
Megjithëse siç vihet re se e drejta zakonore është një e drejtë atërore që
sanksionon kryesisht të drejta për vijën e gjakun të gjinisë mashkullore, të dy
prindërit kishin për detyrë njëkohësisht dhe në mënyrë të barabartë (ndoshta i
vetmi moment barazie në të drejtën zakonore) të kujdeseshin për mirërritjen dhe
edukimin e fëmijëve të tyre.
1.2. Marrëdhëniet personale e pasurore prind-fëmijë sipas të drejtës
kanonike që ka vepruar në Shqipëri
E drejta kanonike ose ndryshe e njohur si e drejta fetare ka ndikuar mjaft në
jetën e njerëzimit si rregullator i marrëdhënieve shoqërore në periudhën kur e
drejta ishte ende në fazë embrionale. Kështu në territorin shqiptarë për të
rregulluar marrëdhëniet familjare dhe kryesisht ato midis prindërve dhe fëmijëve
në bazë të orientimit fetar të popullatës gjenin zbatim tre lloj të drejtash fetare:
a) E drejta e shenjtë myslimane (sheriati)
b) E drejta kishtare kanonike e ritit ortodoks
c) E drejta kishtare kanonike e ritit katolik
Të tria këto të drejta kanonike rregullonin marrëdhëniet familjare në përputhje me
filozofinë e besimit të tyre. Pavarësisht orientimeve të ndryshme fetare, këto të
drejta përligjnin të drejtën natyrore të çdo personi për të patur një familje, duke e
sanksionuar këtë institut dhe marrëdhëniet që lindin prej saj sipas besimit së tyre.
Le t’i analizojmë me radhë të tria këto të drejta kanonike që kanë bashkëvepruar
në territoret shqiptare:
Sheriati - e drejta e shenjtë myslimane. Martesa sipas kësaj të
drejte lidhej ndërmjet burrit dhe gruas përpara klerit (imamimit) i
32 Aleks Luarasi, “Studimet për të drejtën zakonore, marrëdhëniet familjare”, Botimi i dytë, 2007, f. 177.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
31
cili luante rolin e nëpunësit të gjendjes civile. Gruaja ishte
dukshëm në një pozitë të ulët deri dhe poshtëruese përkundrejt
burrit i cili lejohej të martohej me 4 gra njëkohësisht (parimi i
poligamisë). E vetmja e drejtë që i njihej gruas ishte administrimi i
pasurisë së saj vetjake që kryesisht vinte nga paja. Pushteti
prindëror i takonte burrit dhe vetëm në mungesë të tij ky pushtet
transferohej tek nëna. Në rast zgjidhje martese dhe kryesisht kur
fëmija ishte femër i lihej për rritje dhe edukim nënës deri sa i
mituri të mbushte moshën 7 vjeç, të gjitha detyrimet për ushqim
ndaj fëmijës i takonin burrit. Njohja e fëmijëve të lindur jashtë
martese nuk ligjërohej pavarësisht kërkesës së bërë nga personat e
interesuar përveç rasteve kur prindërit e fëmijëve të lindur jashtë
martese lidhin më vonë martesën. Birësimi megjithëse njihej sipas
së drejtës së shenjtë myslimane nuk krijonte të drejtën e
trashëgimisë ligjore në familjen e birësuesit33
E drejta kishtare kanonike e ritit ortodoks. Edhe në këtë të drejtë
kanonike martesa lidhej përpara klerit (priftit) i cili kishte
autoritetin për të lidhur në martesë një burrë dhe një grua.
Karakteristik e kësaj të drejtë ndryshe nga e sheriati është parimi i
monogamisë dhe numri i kufizuar i martesave të një burri në tre të
tilla nëse martesat e mëparshme kishin mbaruar apo ishin zgjidhur.
Kufizimet për lidhjen e martesës ishin strikte dhe të
mirëpërcaktuara. Gjithashtu në këtë të drejtë siç edhe në të gjitha të
drejtat e tjera kanonike vihet re pozita diskriminuese e gruas, në
rolin e bashkëshortes, nënës, vajzës apo motrës.
E drejta kishtare kanonike e ritit katolik. Edhe sipas fesë katolike
martesa ishte një institut fetar, ajo lidhej në kishë përpara klerit.
Bazohej në parimin e monogamisë. Nuk kishte numër të kufizuar
të lidhjes së martesës në rast vdekjeje të njërit prej bashkëshortëve,
siç ndodhte në të drejtën kanonike ortodokse. Karakteristikë e
kësaj të drejte ishte se nuk njihej instituti i zgjidhjes së martesës,
por njihej ai i anulimit të martesës për shkaqet e parashikuara nga
kjo e drejtë (në rastin e ekzistencës së ndalesave për ta lidhur
martesën) dhe instituti i veçimit personal të bashkëshortëve. Si dhe
33 Ksanthipi Begeja,“E drejta familjare”, v. 1984, f. 37.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
32
në të drejtat e tjera kanonike pushteti prindëror i takonte vetëm atit,
në rast mungese të tij ky pushtet i kalonte nënës.
1.3 Marrëdhëniet personale e pasurore prind-fëmijë sipas të drejtës pozitive
deri në fillim të viteve 1990
Rregullimi i pasurisë së bashkëshortëve sipas Kodit Civil të vitit 1929
(KCZ)
Pasojat e pushtimit afro pesë shekullor otoman ishin të dukshme. Legjislacioni
otoman vazhdoi të zbatohej edhe pas krijimit të shtetit shqiptar më 1912. Por
shumë shpejt gjithçka do të ndryshonte. Më në fund, shteti shqiptar do të krenohej
me hartimin e Kodit Civil të Mbretërisë Shqiptare i cili hyri në fuqi më 1 prill
1929. Një kod i bazuar në legjislacionet më përparimtare të botës perëndimore si
ai Francez, ku u bazuan dhe shtete të tjera si Zvicra dhe Italia. Hyrja në fuqi e
Kodit Civil të Zogut (si dhe njihet ndryshe) konkretizojë përkatësinë e të drejtës
civile shqiptare në familjen romano-gjermanike, duke lënë pas me historinë
periudhën otomane. Por sigurisht si dhe ndodh jo pak herë, teoria me praktikën
ndryshojnë. Kodi i ri civil, gjente pak zbatim në jetën e përditshme, kjo për
rrjedhojë e shumë faktorëve si: tradita, normat fetare dhe kanunore, mentaliteti etj,
që patën ndikuar në shekuj. Megjithatë Kodi Civil i 1929 (KCZ), mban vlera të
vyera për risitë që përmbante. Për herë të parë pas krijimit të shtetit Shqiptarë,
ekziston baza juridike për institucionin e familjes. Kodi parashikonte formën sipas
së cilës duhej të vishej martesa, konkretisht përpara nëpunësit të gjendjes civile.
Por megjithatë martesat sipas zakoneve vazhduan të ishin të pranishme, për këtë
arsye në dispozitat e tij parashikohej ndalimi i rregullimit të martesës sipas
zakoneve të vendit. Një ndër risitë kryesore të Kodit Civil 1929, ishte parashikimi
i rregullimit të regjimeve pasurore me ligj dhe kontratë (e drejtë e cila
parashikohet edhe nga Kodi i Familjes i vitit 2003, kjo tregon për emancipimin e
lartë që synonte të sillte ky kod).
Bashkëshortëve iu ofrua kështu mundësia që të zgjidhnin llojin e regjimeve
pasurore, midis asaj ligjore dhe me kontratë. Forma me kontratë bëhej me akt
publik nga noteri. Palët kishin të drejtë të ndryshonin regjimin e pasurisë në
kontratën e martesës vetëm para celebrimit të martesës, dhe po në të njëjtën
formë, pra me akt publik. Por me gjithë përparësitë dhe ndryshimet që solli kodi,
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
33
pozita juridike e gruas ishte inferiore ndaj bashkëshortit. Asaj i lejohej të
administronte vetëm pasurinë vetjake34
.
Rregullimi i pasurisë së bashkëshortëve dhe marrëdhëniet pasurore prind-
fëmijë, sipas ligjit “Mbi martesën” i vitit 1948 dhe dekretit “Mbi
pronësinë” i vitit 1955.
Pas disa viteve, konkretisht me vendosjen e regjimit komunist në Shqipëri pas
Luftës së Dytë Botërore, u ndërmorën një seri reformash në legjislacion. Kështu u
shfuqizua legjislacioni i periudhës së mbretërisë, duke i hapur rrugën krijimit të
një legjislacioni tërësisht të ri por që do ngrihej mbi themele ekzistuese. Kjo
periudhë karakterizohet nga ndryshime të shumta dhe të shpeshta në legjislacion.
Kështu martesa dhe regjimet pasurore bashkëshortore u rregulluan me ligjin nr.
601 dt. 18.05.1948 “Mbi martesën”, i cili hyri në fuqi më 1 shtator 1948.
Në vija të përgjithshme, ligji mbi martesën, ka vazhduar në linjat e Kodit Civil
të 1929. Kontrata martesore parashikohej si një e drejtë sipas së cilës
bashkëshortët e ardhshëm mund të ndryshonin regjimin e tyre pasuror, kurrsesi pa
anashkaluar normat detyruese që parashikonte ligji. “Pasuria vetjake e
bashkëshortëve në momentin e lidhjes së martesës mbetet e tyre, ata janë të lirë në
administrimin e saj. Ndërsa pasuria që bashkëshortët fitojnë gjatë martesës
konsiderohet pjesë e pasurisë së tyre të përbashkët.”35
Ligji mbi martesën shkon
dhe më tej duke njohur kontributin e secilit bashkëshort gjatë kohës që kanë qenë
të martuar, kontribut i cili merret parasysh në rastin e ndarjes së pasurisë
bashkëshortore.
Një plotësim i mëtejshëm i ligjit “Mbi martesën” i vitit 1948, u realizuar me
dekretin nr. 2083 dt. 06.08.1955 “Mbi pronësinë”, i cili parashikon në mënyrë të
veçantë bashkëpronësinë midis bashkëshortëve. Kështu sipas dekretit, pasuria e
fituar nga bashkëshortët gjatë martesës, u përket të dy bashkëshortëve, pra njeh
bashkëpronësinë në tërësi. Në këtë pasuri të përbashkët nuk përfshihen sendet që
ka përfituar secili bashkëshort gjatë martesës me dhurim ose trashëgim, depozitat
në arkat e kursimit të secilit, sendet e përdorimit thjesht vetjak si dhe sendet dhe
veglat e ushtrimit të veprimtarisë, mjeshtërisë. Gjithashtu sipas dekretit, veprimet
34 Ksanthipi Begeja, “E drejta familjare”, Tiranë 1984, fq. 40. 35 Mandro-Balili, Arta; Vjollca Meçaj, Tefta Zaka, Fullani, Fullani, “E drejta familjare”, Tiranë 2006, fq.205
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
34
juridike të kryera nga cilido bashkëshort, në lidhje me sendet e përbashkëta, janë
të vlefshme edhe kur kryen pa pëlqimin e bashkëshortit tjetër. Përjashtim bëjnë
veprimet juridike në lidhje me sendet e paluajtshme në pronësi të përbashkët, të
cilat domosdoshmërisht kërkojnë pëlqimin e të dy bashkëshortëve.36
E veçanta e ligjit mbi martesën 1948, qëndron në faktin se legjislatori i ka
kushtuar një rëndësi të veçantë fajësisë së bashkëshortit në zgjidhjen e martesës.
Me vendimin nr.8, dt.12.11.1960 të Plenumit të Gjykatës së lartë, ka dalë
udhëzimi mbi dhurimet e bëra para ose gjatë martesës. Sipas udhëzimit, dhurimet
e zakonshme që bashkëshortët i kanë bërë njëri-tjetrit, nuk kthehen në rast se
zgjidhet martesa me shkurorëzim. Kur martesa zgjidhet pa fajin e asnjërit
bashkëshort, dhurimet jo të zakonshme që ka përfituar njëri bashkëshort nga tjetri,
kthehen reciprokisht në gjendjen në të cilën ndodhen, në kohën kur ka lindur
shkaku i zgjidhjes së martesës.37
Kështu kur zgjidhet martesa për faj të njërit
bashkëshort, bashkëshorti tjetër (pala e “pafajshme”) përfiton dhurimet e
zakonshme dhe jo të zakonshme (që kishin një vlerë të konsiderueshme
monetare). Gjykata në ndarjen e pasurisë, gjithashtu merrte në konsideratë
kontributin e secilit bashkëshort, gjatë periudhës së martesës.
Gjykata e Lartë në praktikën e saj, konkretisht në vendimin nr.106 dt.
04.11.1959, ka arsyetuar mbi mënyrën e ndarjes së banesës bashkëshortore.
Kështu të drejtën e banesës pas shkurorëzimit e ka ai bashkëshort që është pronar
i shtëpisë, ose ai që ka patur banimin përpara celebrimit të martesës. Në rast se
bashkëshortët kanë fëmijë, të drejtën e banesës do ta ketë ai bashkëshort, të cilit i
janë lënë fëmijët për rritje dhe edukim. Në rast se bashkëshortët nuk kanë
pasardhës, të drejtën e banesës e ka bashkëshorti jo fajtor për zgjidhjen e
martesës. Në rast se bashkëshortët e shkurorëzuar kanë banesë të mjaftueshme
dhe mund të veçohen, atëherë gjykata përcakton dhomat që do të ketë çdo
bashkëshort.38
36 Mandro-Balili, Arta; Vjollca Meçaj, Tefta Zaka, Fullani, Fullani, “E drejta familjare”, Tiranë 2006, fq.115 37 Islamaj Fatri, “Regjimet pasurore martesore sipas kodit te familjes”, Shkolla Magjistraturës v. 2005 38 Udhëzime dhe Vendime të Gjykatës së Lartë, viti 1965, f. 346.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
35
Rregullimi i pasurisë së bashkëshortëve dhe marrëdhënia pasurore prind
fëmijë sipas Kodit të Familjes të vitit 1966.
Legjislacioni në fushën e së drejtës familjare, vazhdoi të ndryshojë me Kodin
e Familjes të vitit 1966. Ky kod u miratua me ligjin nr. 4020 dt. 23.06.1965 dhe
hyri në fuqi më 1 janar 1966. Në përgjithësi kodi, ka ndjekur vijën e legjislacionit
të mëparshëm, por gjithashtu ka sjellë dhe ndryshime të cilat do ti konsideroja
hapa prapa. Tashmë vullneti i bashkëshortëve në përcaktimin e llojit të regjimeve
pasurore që konkretizohej me hartimin e kontratës martesore veshur me formën e
aktit publik të hartuar nga noteri (që parashikohej në legjislacionet e mëparshme),
nuk parashikohej në këtë legjislacion.
Kodi njihte vetëm bashkëpronësinë ligjore, bashkësinë në tërësi, çdo
marrëveshje që binte në kundërshtim konsiderohej e pavlefshme. Pasuria që
gëzonin bashkëshortët përpara celebrimit të martesës, mbetej vetjake. Ata gëzonin
të drejtën e administrimit dhe disponimit të saj në mënyrë të pavarur nga
bashkëshorti tjetër. Ndërsa pasuria e fituar me punë nga bashkëshortët gjatë
martesës bëhej pasuri e përbashkët e bashkëshortëve, çdo marrëveshje e kundërt
konsiderohej e pavlefshme.39
Praktika gjyqësore ka sqaruar vështirësitë e hasura nga gjykatat e niveleve më
të ulëta që kanë rezultuar në dhënien e vendimeve të ndryshme për raste të njëjta.
Kështu Kolegji Civil i Gjykatës së Lartë ka sqaruar se gjatë martesës secili
bashkëshort mund të blejë sende të përdorimit familjar me të ardhurat e tij
personale, por kjo nuk do të thotë se këto sende do i përkasin në pronësi vetëm
atij që i blen. Sipas Kodit të Familjes, ajo pasuri që vihet gjatë martesës me
fitimet nga puna e të dy bashkëshortëve është pasuri e përbashkët, qoftë edhe kur
ndodhemi përpara rastit kur kontributi në të ardhura vjen nga njëri bashkëshort,
për shkak se gjykata merr parasysh kontributin e bashkëshortit tjetër në kryerjen e
punëve shtëpiake, administrimin, mbrojtjen dhe shtimin e pasurisë së
përbashkët40
.
Rëndësi në mënyrë të veçantë i kushtohej banesës bashkëshortore, kështu
sipas Kodit të Familjes dhe Udhëzimit të Gjykatës së Lartë, me banesë
39 Mandro-Balili, Arta; Vjollca Meçaj, Tefta Zaka, Fullani, Fullani, “E drejta familjare”, Tiranë 2006, fq.120 40 Udhëzime dhe Vendime të Gjykatës së Lartë 1970 f. 323.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
36
bashkëshortore duhet të kuptohen ato të ndara të banesës të cilat gjatë martesës
kanë qenë në përdorim ekskluziv të bashkëshortëve, pavarësisht se në emër të kujt
është lidhur qiraja e banesës fillimisht dhe sa kohë ka qëndruar e lidhur kjo
martesë. Gjykata duhet të ketë parasysh edhe faktin se a ka sipërfaqe të
mjaftueshme për të dy bashkëshortët dhe nëse po, si duhet ndarë ajo. Në këtë rast,
gjykata duhet të shoh në radhë të parë interesin e fëmijëve të mitur dhe në radhë të
dytë fajësinë e palëve në zgjidhjen e martesës. 41
Ajo çfarë u arrit me ndryshimet në legjislacionin shqiptar të kohës, ishte një
cenim i të drejtës së pronës private dhe të disponimit të saj sipas vullnetit të
pronarit. Ndër të tjera, kjo periudhë u karakterizuar me kufizime të shumta të
drejtave të pronës, në kuadër të qëndrimit politik të partisë – shtet që fatkeqësisht
gjetën pasqyrim dhe në regjimet pasurore martesore të bashkëshortëve.
Rregullimi i pasurisë së bashkëshortëve dhe i marrëdhënieve prind fëmijë
sipas Kodit të Familjes të vitit 1982.
Me Ligjin nr. 6599 dt. 29.06.1982 u miratua Kodi i Familjes, i cili hyri në fuqi
më 1 shtator 1982. Marrëdhëniet pasurore të bashkëshortëve nuk gjetën rregullim
ligjor në këtë kod, por në Kodin Civil miratuar me Ligjin nr. 6340, datë
26.6.1981, i cili hyri në fuqi më 1 janar 1982, konkretisht në nenet 86-87. Kodi
Civil njeh bashkëpronësinë në pjesë të bashkëshortëve, duhet hequr dorë nga
bashkëpronësia në tërësi që njihte Dekreti mbi pronësinë.
Sipas Dekretit mbi pronësinë, duhej provuar kontributi i bashkëshortëve në
pjesëtimin e pjesëve, ndërsa sipas Kodit Civil 1981, pjesët prezumohen të
barabarta por palëve u lejohet të provojnë të kundërtën (neni 87 Kodit Civil 1981
“Pjesa e secilit bashkëshort caktohet duke u nisur nga barazia e pjesëve. Por, duke
marrë parasysh të ardhurat nga puna e çdo bashkëshorti, kryerjen e punëve
shtëpiake, si edhe të çdo pune tjetër në administrimin, mbajtjen dhe shtimin e
objekteve në pronësi të përbashkët, pjesa e secilit mund të shtohet ose të
pakësohet.”)
Dispozitat që parashikonin regjimin e bashkëpronësisë, nuk mund të
cenoheshin nga marrëveshje apo deklarata të njëanshme të bëra nga njëri
bashkëshort, nëpërmjet të cilave njihej e drejta e pronësisë vetëm në favor të njërit
41 Islamaj Fatri, “Regjimet pasurore martesore sipas kodit te familjes”, Shkolla Magjistraturës, v.2005
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
37
bashkëshort. Një marrëveshje e tille ishte e pavlefshme, pasi ajo vinte në
kundërshtim me një dispozitë urdhëruese të ligjit. Dhe praktika gjyqësore i ka
konsideruar të pavlefshme marrëveshjet me anë të të cilave suprimohej ose
ngushtohej sfera e sendeve në bashkëpronësi të bashkëshortëve.42
Pra Kodi Civil
njihte pasurinë bashkëshortore e rregulluar vetëm nga dispozitat që përmbaheshin
në të.
Sipas neni 86 të Kodit Civil; “Sendet, depozitat në arkat e kursimit dhe
çdo gjë tjetër e fituar nga bashkëshortët gjatë martesës janë në bashkëpronësi të të
dy bashkëshortëve”, pra do të konsiderohen pasuri e përbashkët e bashkëshortëve,
sendet që njëri bashkëshort fiton me trashëgimi, me dhurim ose në çdo mënyrë
tjetër të ligjshme, qoftë edhe kur fiton të ardhura nga veprimtaria (p.sh. qiraja) e
sendit që ndodhet vetëm në pronësi të njërit bashkëshort.
Zgjidhje më së fundmi iu dha problemit të depozitave në të holla të depozituara
nga njëri bashkëshort, në llogarinë e tij personale. Duke qenë se ndodhemi
përpara rastit të një marrëdhënieje kontraktuale midis bashkëshortit depozitues
dhe depozitëmarrësit, kjo marrëdhënie nuk gjen rregullim tek neni 86 i Kodit
Civil të vitit 1981, pasi ky nen bën fjalë për objektet e së drejtës të pronësisë dhe
jo për objektin dhe marrëdhëniet e të drejtës së detyrimit. Kështu bashkëshorti jo-
depozitues nuk mund të disponojë mbi depozitat e kursimit të bëra nga
bashkëshorti tjetër, pasi nuk është palë kontraktuale në marrëdhënien juridike të
detyrimit. Por në rastin kur titullari i depozitës së shumave të fituara gjatë
martesës i ka tërhequr ato, bashkëshortit tjetër i lind e drejta të kërkojë në rrugë
gjyqësore pjesën që i takon.43
Veprimet juridike të realizuara nga bashkëshortët në kuadër të pasurisë së
përbashkët për sendet e luajtshme dhe të paluajtshme, nuk ka ndryshuar nga
rregullimi ligjor i legjislacioneve të mëparshme. Kështu sipas nenit 87, “veprimet
juridike, të kryera nga cilido bashkëshort në lidhje me sendet e përbashkëta të
tyre, janë të vlefshme edhe kur janë kryer pa pëlqimn e bashkëshortit tjetër. Por
tjetërsimi i pasurive të përbashkëta të paluajtshme duhet të bëhet gjithmonë me
pëlqimin e të dy bashkëshortëve”.
42 Sonila Omari, “E drejta familjare”, Tiranë, 2010, fq. 95 43 Mandro-Balili, Arta; Vjollca Meçaj, Tefta Zaka, Fullani, Fullani, “E drejta familjare”, Tiranë 2006, fq.75
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
38
Karakteristikë e kësaj periudhe mbeten dispozitat e Kodit Civil të vitit
1981 që rregullonin bashkëpronësinë ndërmjet bashkëshortëve, të cilat kishin
karakter urdhërues. Kështu ky kod, kishte institucionalizuar në mënyrë detyruese
regjimin e bashkëpronësisë ligjore, si të vetmin regjim pasuror bashkëshortor
duke përjashtuar çdo marrëveshje të kundërt, pavarësisht vullnetit të
bashkëshortëve. Karakteristikë mbetet gjithashtu cenimi i të drejtave reale të
fituara nëpërmjet trashëgimisë dhe dhurimit (pavarësisht faktit nëse fitoheshin në
kuadrin e familjes) të cilat konsideroheshin pjesë e bashkësisë ligjore martesore.
Edhe Kodi i Familjes i vitit 1982 përshkohet nga parimi i interesit më të lartë
të fëmijës, sidomos ndërmjet marrëdhënieve personale dhe pasure prind- fëmijë.
Sipas këtij kodi e përgjegjësia prindërore ushtrohet vetëm duke patur si
konsideratë parësore interesin e fëmijës. Kjo përgjegjësi ushtrohet personalisht
nga vet prindërit pa pasur të drejtë ta tjetërsojnë atë apo të heqin dorë prej saj.
Kështu prindërit kanë të drejta dhe detyrime të barabarta kundrejt fëmijëve të tyre,
asnjë marrëveshje e bërë prej tyre që do të binte në kundërshtim me këtë parim
nuk do të ishte e vlefshme. Edhe në rastin e zgjidhjes së martesës apo shpalljes së
pavlefshme të saj KF nuk i njeh më shumë të drejta njërit prind se tjetrit,
potencialisht ato kanë të drejta të barabarta kundrejt fëmijëve. E drejta prindërore
vazhdon deri sa fëmija të mbush moshën 18 vjeç, ka lidhur martesë, apo deri në
moshën 25 vjeç nëse fëmijët ndjekin shkollën e lartë. Në zbërthim të dispozitave
të KF të 1982 marrëdhënia juridike ndërmjet prindërve dhe fëmijëve shfaqet në dy
aspekte:
Marrëdhënie personale jo pasurore ndërmjet tyre – në këtë marrëdhënie
përfshihet:
1. E drejta e caktimit të emrit të fëmijës44
– kjo e drejtë i përket ekskluzivisht
prindërve të cilët e vendosin atë me marrëveshje ndërmjet tyre, përveç rasteve kur
ato janë të panjohur dhe fëmija deklarohet i braktisur.
2. Caktimi i mbiemrit të fëmijës – fëmija merr automatikisht mbiemrin e
përbashkët të prindërve. Kur prindërit mbajnë dy mbiemra të ndryshëm rregulli
ishte që fëmijët e lindur nga i njëjti atë dhe e njëjta nënë mbanin të gjithë një
mbiemër i cili ishte caktuar me marrëveshje ndërmjet bashkëshortëve, në rast se
44
Neni 6 i Ligjit Nr. 5840/20.02.1979 “Për regjistrimin e akteve të gjëndjes civile”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
39
kjo marrëveshje nuk arrihej fëmijët mbanin mbiemrin e atit 45
(të njëjtën dispozitë
e gjejmë edhe në Kodin aktual të Familjes, që në mendimin tim është i vetmi
parashikim i këtij kodi i cili vë në pozitë më favorizuese pozitën e atit dhe “shkel”
parimin e barazisë ndërmjet burrit dhe gruas, parim ky bazë i këtij kodi).
3. Detyrimin për të jetuar me fëmijët e mitur deri sa ato të arrijnë moshën
madhore, të lidhin martesë, apo të arrijnë moshën 25 vjeç nëse vazhdojnë
studimet e larta. Në zbërthim të nenit 66 të KF të vitit 1982 vëmë re detyrimin e
prindit për të mbajtur në pranë vetes (nëse bëjmë interpretimin e kësaj dispozite
ky detyrim zgjerohet me të pasurin të njëjtin vendbanim) si dhe nga ana tjetër të
drejtën e fëmijës së mitur për të jetuar me prindërit deri në arritjen e moshës
madhor. Prindërit që nuk jetojnë bashkë, duhet të merren vesh me cilin do të
jetojë fëmija. Kur kjo marrëveshje nuk arrihet, me kërkesën e njërit prej tyre,
vendos këshilli i kujdestarisë, duke marrë edhe mendimin e fëmijës, në qoftë se ka
mbushur moshën dhjetë vjeç. Në këtë rast, këshilli i kujdestarisë vendos edhe për
marrëdhëniet e prindit me fëmijën, me të cilin nuk do të jetojë fëmija.
Këshilli i kujdestarisë me kërkesën e njërit prej prindërve mund të ndryshojë
vendimin e vet, kur kanë ndryshuar rrethanat. Vendimi i këshillit të kujdestarisë
është titull ekzekutiv dhe zbatohet nga zyra e përmbarimit.
4. Mirërritja dhe edukimi i fëmijës46
. Pavarësisht se dispozita në të cilën bazohet
ky detyrim ka ngjyrimin politik të kohës, është mëse e qartë që në çdo kohë, në
çdo sistem një nga funksionet e familjes është rritja dhe edukimi i fëmijëve në
mënyrën më të mirë të mundshme. Përveçse një detyrim ligjor rritja dhe edukimi i
fëmijëve, kundrejt tyre dhe kundrejt shoqërisë, prindërit I kanë këto dy element
thirrje të brendshme që vjen pikërisht nga institute prindërimit, një “institut” i cili
krijon lidhje e nyje të pazgjidhshme midis prindit dhe fëmijëve të tyre. Prindërit
kanë detyrimin të krijon një mjedis familjar për fëmijët që nga lindja deri në
momentin që bëhen madhor (sigurisht që ky moment përfundimi është një afat
ligjor i vënë nga ligjvënësi për të çliruar palët nga presioni i ligjit, por ne e dimë
fare mirë, si rregull natyror, që marrëdhëniet familjare e sidomos ato midis prind
fëmijë mbeten të përjetshme e të pazgjidhshme, përherë në mbështetje e në
ndihmës të njëri-tjetrit.) Mjedisi familjar duhet të konceptohet në dy aspekte:
45 Shih nenin 27 të Kodit Familjes, Ligjin nr. 6599 dt. 29.06.1982 46
Shih nenet 7 dhe 9të Kodit Familjes, Ligjin nr. 6599 dt. 29.06.1982
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
40
a) në aspektin objektiv – krijimi i kushteve dhe jetëve materiale që garantojnë të
drejtat e fëmijës për të patur një jetë normale, këtu përfshihet sigurimi i banesës,
veshmbathjeve, ushqimit, etj,.
b) në aspektin subjektiv – krijimi i një mjedis familjarë të qetë e të ngrohtë, që
karakterizohet nga dashuria, përkujdesja dhe mos pasja e skenave të dhunës në
familje. Një mjedis i cili i siguron fëmijës një fëmijëri të qetë dhe pa probleme.
Edukimi dhe arsimimi i fëmijës është një tjetër detyrim i prindërve karshi
fëmijëve. Sigurisht ka qenë dhe mbetet ende postulat shprehja se “një njeri i
arsimuar është një njeri i edukuar”, megjithëse jo e vlefshme në të gjitha rastet,
arsimimi është një vlerë e shtuar për çdo njëri në veçanti e për të gjithë shoqërinë
në përgjithësi. Pavarësisht se prindërit janë kryesisht të prirur të bëjnë më të mirën
për fëmijët e tyre niveli i tyre kulturor, arsimor dhe ekonomik jo gjithmonë i
favorizon ato që të bëjnë zgjedhjen e duhur për fëmijët. Ndaj mendoj që
sanksionimi i arsimit të detyrueshëm për të miturit është detyrë e çdo ligjvënësi
për ta parashikuar. Në këtë periudhë arsimi tetëvjeçar ishte i detyrueshëm për çdo
fëmijë që kishte arritur moshën 6 vjeç.
5. Përfaqësimi natyror dhe ligjor i fëmijëve të mitur në mbrojtje të interesave të
tyre. Prindërit përfaqësojnë fëmijën e tyre të mitur që nuk ka mbushur moshën
katërmbëdhjetë vjeç në të gjitha veprimet juridike, me përjashtim të atyre që,
sipas ligjit, i mituri mund t’i kryejë vetë.
I mituri, që ka mbushur moshën katërmbëdhjetë vjeç, i kryen vetë
veprimet juridike, por kurdoherë me pëlqimin paraprak të prindërve, me
përjashtim të atyre që, sipas ligjit, mund t’i kryejë vetë . Nga interpretimi i nenit
71 shohim qartë që prindërit janë përfaqësues natyror e ligjor të fëmijëve, në
mbrojtje të të drejtave personale dhe pasurore të tyre, pa patur nevojë për një akt
të veçantë përfaqësimi. Kjo e drejtë përfaqësimi i prindërve është e plotë deri sa
fëmija është nën 14 vjeç (lidhet me mospasjen e zotësisë për të vepruar të çdo
personin nën moshën 14 vjeç) dhe vjen duke u kufizuar kur i mituri është 14-18
vjeç (ky kufizim vjen në proporcion me fitimin e zotësisë së kufizuar për të
vepruar nga i mituri), periudhë kjo kur i mituri lejohet të kryej disa veprime
juridike personalisht pa patur nevojën që të përfaqësohet nga prindi apo
përfaqësues të tjerë ligjor.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
41
Gjithashtu përveç të drejtave të parashtruara më lartë mbeten të
padiskutueshme dhe të drejta të tjera të cilat ndonëse të papërcaktuara në mënyrë
taksative nga ligjvënësi shkojnë në frymën e ligjit dhe burojnë nga marrëdhënia
natyrore dhe e veçantë që krijohet midis këtyre anëtarëve të familjes, siç janë e
detyrimi për të mbrojtur e kujdesur për jetën dhe shëndetin e fëmijëve, detyrimi
për të siguruar një fëmijëri të qetë dhe të sigurtë, larg dhunës dhe ambienteve ku
ushtrohet presion ndaj fëmijëve.
Marrëdhëniet me karakter pasuror ndërmjet prindërve dhe fëmijëve.
Këto marrëdhënie kanë karakter pasuror familjar, sepse nuk lindin në bazë të
ndonjë kontrate, por si rrjedhojë e jetesës së përbashkët familjare dhe i kujdesit të
ndërsjellët. Sipas legjislacionit në fuqi në periudhën kohore të cilën po trajtojmë
në këtë kre, i mitur që ka mbushur moshën 14 vjeç fiton zotësi të kufizuar për të
vepruar, dhe fiton zotësi të plotë për të vepruar me mbushjen e moshës 16 vjeç për
vajzat (e drejta për të lidhur martesë) dhe me mbushjen e moshës 18 vjeç për
meshkujt. Fitimi i zotësisë për të vepruar lidhet me faktin se personi bëhet i aftë
ligjërisht të ketë të drejta dhe të marri përsipër detyrime ndaj të tretëve. Kështu
personi që ka mbushur moshën sipas nenit 71 të KF të vitit 1982 ka të drejtë të
kryej vetë disa veprime juridike pa qenë nevoja të përfaqësohet nga prindi, por
gjithsesi duke marrë pëlqimin e tyre ose të kujdestarit për veprimet që kryen.
Gjithashtu ligji i njeh të drejtën të miturit që ka mbushur moshën 15 vjeç të hyjë si
anëtarë në kooperativë ose organizata të tjera shoqërore, të lidh marrëveshje pune
dhe të disponojë lirisht atë që fiton me punën e tij,të bëjë depozita në arkën e
kursimit, dhe t’i disponojë vetë këto depozita . Megjithëse për kryerjen e këtyre
veprimeve ligji nuk kërkon në mënyrë taksative që i mituri të marrë pëlqimin
paraprak të prindërve ky detyrim është i sanksionuar në nenin 72 të KF të vitit
1982.
Pavarësisht se të miturit përpara se të arrijnë moshën e kërkuar nga ligji për
fitimin e zotësisë së plotë për të vepruar, nuk kanë ose kanë zotësi të kufizuar për
të vepruar ato mund të jenë titullar të së drejtës së pronësisë për sendet e fituara
nga puna e tyre, trashëgimia, legu, dhurimi ose çdo mënyrë tjetër e ligjshme për
fitimin e titullit juridik të pronarit. Kjo pasuri është pasuri vetjake e fëmijës e cila
nuk përfshihet në pasurinë bashkëshortore të prindërve. Prindërit gëzojnë vetëm të
drejtën e administrimit të zakonshëm të kësaj pasurie duke patur përherë
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
42
konsideratë parësohere administrimin e saj në favor dhe vetëm për interesin më të
lartë të fëmijës. Pavarësisht se në dukje marrëdhënia prind fëmijë është një
marrëdhënie që dominohet më shumë nga prindërit, ligjvënësi është kujdesur që
këtë “pushtet” të prindërve ndaj fëmijëve të tyre ta kornizoj me dispozita ligjore.
Kështu në bazë të nenit 72 “Pasuria e të miturit, që nuk ka mbushur moshën
katërmbëdhjetë vjeç, administrohet nga prindërit në dobi të fëmijës, kurse pasuria
e të miturit, që ka mbushur moshën katërmbëdhjetë vjeç, administrohet nga vetë i
mituri, por gjithmonë me pëlqimin paraprak të prindërve” dhe nenit 73 të KF të
vitit 1982 “Tjetërsimi i pasurisë së paluajtshme të çdo fëmije të mitur gjer në
moshën tetëmbëdhjetë vjeç, si edhe të gjitha veprimet që kapërcejnë kufijtë e një
administrimi të thjeshtë të çdo pasurie të të miturit, mund të kryhet vetëm kur e
kërkon interesi i të miturit dhe gjithmonë me leje të këshillit të kujdestarisë.
Veprimi juridik, që është kryer pa u marrë leja e këshillit të kujdestarisë, mund të
shpallet i pavlefshëm me kërkesën e këshillit të kujdestarisë, të të miturit që ka
mbushur moshën katërmbëdhjetë vjeç, të prindit ose të kujdestarit të të miturit.
Kur këshilli i kujdestarisë jep pëlqimin më vonë, veprimi juridik nuk shpallet i
pavlefshëm.” Nga interpretimi i dispozitave të mësipërme dalin qartë këto tipare
të së drejtës së prindërve për të administruar pasurinë e fëmijës së mitur:
-Administrimi i pasurisë së fëmijës së mitur kryhet i plotë nga prindërit që nga
momenti i ngjizjes së fëmijës, me kusht lindjen gjallë të tij deri në arritje e moshës
14 vjeç
-Administrimi i pasurisë nuk duhet të kapërcejë kufijtë e administrimit të
zakonshëm të pasurisë, ndryshe çdo administrim i pasurisë tej kësaj kornize nga
prindërit do të konsiderohet i pavlefshëm, nul. Nga dispozita nuk del qartë se
çfarë lloj administrimi do të konsideronim administrim të thjeshtë, të zakonshëm,
por në mendimin tim do të jemi përpara këtij administrimi kur shpenzohet një
pjesë e vogël e pasurisë kryesisht për nevojat e fëmijës (ushqim, veshmbathje,
arsimim) apo për nevoja thelbësore të familjes në mënyrë që të krijohet një mjedis
i qetë familjarë për fëmijën. Neni 72 përcakton se kë do të quajmë administrim të
jashtëzakonshëm të pasurisë së të miturit (tjetërsimi i pasurisë së paluajtshme) por
unë mendoj që ky lloj veprimi nuk duhet të jetë dyshemeja e administrimit të
jashtëzakonshëm të pasurisë por tavani i saj, pasi me tjetërsimin e pasurisë
humbet dhe titulli juridik i pronësisë së fëmijës së mitur. Në mendimin tim përveç
përgjegjësisë në administrim të zakonshëm dhe të jashtëzakonshëm të pasurisë së
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
43
fëmijës, prindërit duhet të kishin përgjegjësi dhe për keqadministrimin/përdorimin
e pasurisë apo dhe për mos ushtrimin e kujdesjes ndaj saj (me mosveprim) duke
qenë përfaqësues natyror e ligjor të fëmijës (ex lege) pra ligji i ka njohur të drejtën
që ato të veprojnë në emër e për llogari të fëmijës së tyre.
-Administrimi i pasurisë duhet të kryhet nga prindërit duke patur konsideratë
parësore interesim primar të fëmijës. Pra duke kryer administrimin e pasurisë së
fëmijës në mënyrë të tillë që ajo të jetë në shërbim të drejtpërdrejtë të të miturit.
Megjithatë duke qenë se i mituri rritet pranë ambientit familjar ku ka dhe anëtar të
tjerë të familjes, kjo pasuri mund të administrohet dhe në favor të familjes në
tërësi gjë që ndikon në mënyrë indirekte tek i mituri. Kjo ndodh për shkak të
lidhjeve shumë të ngushta që krijohen brenda familjes dhe që ndikojnë në mënyrë
të paevitueshme çdo anëtar të familjes në kuptimin e ngushtë të saj.
-I mituri që ka mbushur moshën 14 vjeç, mund ta administroj vet pasurinë e fituar
prej tij me një nga mënyrat që ligji njeh për të fituar titullin juridik të pronësisë,
por ky administrim kufizohet nga marrja e pëlqimit paraprak të prindërve. Ky
kufizim është vënë jo pa qëllim nga ligjvënësi i cili ka gjykuar që i mituri
pavarësisht se me arritjen e moshës 14 vjeç fiton zotësi të kufizuar për të vepruar
ai ende nuk ka pjekurin e duhur psikike për të administruar në funksion të interesit
të tij pasurinë, ndaj në rolin e kontrollorit të këtij interesi është vënë prindi, i cili
për shkak të lidhjes së afërt e të përditshme që ka me fëmijën është “rojtari” më i
mirë i interesave të tyre.
-Me qëllim që të sigurohet në maksimum mbrojtja e interesave të fëmijëve, ligji i
ka vënë një kufizim taksativ prindit i cili kërkon të çoj të drejtën e tij të
administrimit të pasurisë së të miturit në ekstremet e tij, në tjetërsimin e pasurisë
së paluajtshme. Tjetërsimi apo disponimi është një nga tagrat kryesor të së drejtës
së pronësisë dhe tagri i vetëm që dallon pronarin nga jo pronari. Me tjetërsim do
të kuptojmë të drejtën e pronarit të sendit për të vendosur fatin e tij (të sendit.)
Titullari i së drejtës së pronësisë me anë të këtij tagri mund ta shesë, dhurojë,
shkatërrojë, asgjësojë, ta lë testament apo të ndryshoj destinacionin ekonomik të
tij. Duke qenë se ky tagër i përket ekskluzivisht titullarit të së drejtës së pronësisë
legjislatori me të drejtë vendos kufizime për personat të cilët kanë të drejtë
administrimi mbi këtë pasuri, në këtë rast prindërve pavarësisht shkakut që ato
kanë për të kryer këtë veprim. Ky kufizim është tutelë e sigurtë për të drejtën e
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
44
pronësisë. Megjithatë neni 73, parashikon përjashtimin nga rregulli (ku vetëm
titullari juridik i së drejtës së pronësisë përcakton fatin e sendit) kur përmbushen
dy kritere specifike: a) kur tjetërsimin e pasurisë e kërkon interesi më i lartë i
fëmijës dhe b) kur për tjetërsimin e pasurisë jepet leje nga këshilli i kujdestarisë i
cili është organ që mbron interesat e të miturve. Kjo leje mund të jepet përpara
apo pas kryerjes së veprimit juridik të tjetërsimit, por nëse ajo nuk jepet atëherë
ky veprim juridik shpallet i pavlefshëm.
Një aspekt tjetër me karakter pasuror në marrëdhënien prind-fëmijë është
dhe detyrimi për ushqim. Detyrimi për ushqim është një detyrim ligjor, pa
kundërshpërblim dhe me karakter vetjak, në bazë të të cilit një ose disa anëtarë të
familjes detyrohen t’u sigurojnë mjetet e jetesës anëtarëve të tjerë të familjes që
janë të paaftë për punë dhe nuk kanë mjete të mjaftueshme për të jetuar47
. Pra
detyrimi për ushqim është një detyrim i cili i përket jo vetëm këtyre dy anëtarëve
(prindërve dhe fëmijëve) por dhe anëtarëve të tjetër të familjes, për arsye se fokusi
i temës është mbi prindërit dhe fëmijët unë do të trajtojë vetëm marrëdhënien që
lind midis tyre për shkak të këtij detyrimi. Ky detyrim paraqitet si detyrim
reciprok i prindërve dhe fëmijëve ndaj njëri tjetrit. Detyrimi për ushqim i
prindërve dhe i fëmijëve paraqitet me dy cilësi thelbësore ai është një detyrim
reciprok (prindërit ndaj fëmijëve dhe anasjelltas) dhe solidar (prindërit përgjigjen
solidarisht ndaj fëmijëve në këtë detyrim dhe fëmijët pavarësisht numrit të tyre
përgjigjen në mënyrë solidare ndaj prindërve të njëjtë.) Pavarësisht se është një
detyrim reciprok i prindërve ndaj fëmijëve të tyre dhe anasjelltas, fëmijët ndryshe
nga prindërit e fitojnë këtë të drejtë që nga momenti i lindjes gjallë deri me
arritjen e moshës 16 vjeç për vajzat dhe 18 vjeç për djemtë, apo deri në moshën
25 vjeç kur ato vazhdojnë studimet e larta.
Përveç rastit të mësipërm kur ky detyrim rrjedh ex lege detyrimi për ushqim
në përputhje me nenet 78-91 të KF të vitit 1982 është një detyrim i kërkueshëm i
cili duhet të përmbushi këto kushte:
a) Legjitimitetin (aktiv) e kërkuesit – të jetë anëtarë i familjes së personit të
detyruar ose ish-bashkëshortë (deri në 3 vite pas zgjidhjes së martesës);
b) Legjitimitetin (pasiv) të personit të detyruar – të jetë anëtar familjeje me
kërkuesin ose ish-bashkëshortë (deri në 3 vite pas zgjidhjes së martesës);
47 Shih nenin 78 të Kodit Familjes, Ligjin nr. 6599 dt. 29.06.1982
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
45
c) Kërkuesi duhet ti drejtohet me kërkesë gjykatës për përmbushjen e këtij
detyrimi;
d) Kërkuesi të jetë i paaftë për punë;
e) Kërkuesi nuk ka mjete të mjaftueshme për të punuar;
f) Personi i detyruar të ketë mundësi ekonomike të përmbushi këtë detyrim.
Në mënyrë që ky detyrim apo e drejtë të plotësohet duhet të ekzistojnë të gjitha
kriteret/kushtet e mësipërme njëkohësisht. Duke u fokusuar vetëm në detyrimin
për ushqim ndërmjet prindërve dhe fëmijë të tyre, subjekt të kësaj marrëdhënieje
detyrimi janë prindërit dhe fëmijët. Detyrimi për ushqim i prindërve kundrejt
fëmijëve të tyre është një detyrim i cili nuk kushtëzohet nga aftësia ose paaftësia e
tyre për punë (kujtojmë këtu që fëmijët në bazë të legjislacionit në fuqi të
periudhës që po analizojmë të miturit kishin të drejtë të fillonin punë që në
moshën 15 vjeç (kjo është një e drejtë dhe o detyrim për të miturin) ndërkohë që
sipas dispozitave të këtij kodi detyrimi për ushqim i prindërve ndaj fëmijëve zgjat
deri në moshën 25 vjeç në rast se fëmija vazhdon studimet e larta) apo nga
gjendja ekonomike në të cilën ndodhet fëmija pranë prindit tjetër (nëse prindërit
kanë zgjidhur martesë.) Ky detyrim vazhdon për aq kohë sa provohet që fëmijës
nuk i sigurohen mjetet e nevojshme të jetesës. Edhe nëse fëmija i mitur punonte
dhe si rrjedhojë siguronte të ardhura, nëse vërtetohen se këto të ardhura nuk
siguronin mjetet e mjaftueshme për të jetuar detyrimi për ushqim për prindin
vazhdonte. Fakti nëse fëmija gjeneronte të ardhura të tjera nga punësimi, dhurimi
apo trashëgimia ndikonte vetëm në caktimin e masës së detyrimit. Nga ky
arsyetim nxjerrim konkluzionin se me ndryshimin e kushteve nga të dyja kahet ky
detyrim mund të ndryshohet, shtohet, pakësohet apo edhe të shuhet.
Detyrimi i prindërve për ushqim për fëmijën e mitur mbaron48
kur:
- fëmija birësohet; (prindi bën një deklaratë me shkrim për pamundësinë e
ushtrimit të përgjegjësisë prindërore për shkaqe kryesisht ekonomike)
- kur fëmija siguron vetë të ardhura të mjaftueshme për të jetuar;
- kur fëmija bëhet madhor (16 vjeç vajzat, 18 vjeç djemtë)
- kur vajzat emancipohen përpara moshës 18 vjeç (martohen), në këtë rast
detyrimi për ushqim nuk shuhen por i kalon bashkëshortit të vajzës (këtu
-
48
Shih nenin 87 të Kodit Familjes, Ligjin nr. 6599 dt. 29.06.1982
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
46
na del në pah një karakteristik tjetër i detyrimit për ushqim që është ajo e
zëvendësimit të personit të detyruar në bazë të radhës më të afërt)
Përveç detyrimit për ushqim që kanë prindërit për fëmijët e mitur KF i vitit
1982 parashikon dhe detyrimin për ushqim ndaj fëmijëve madhor kur:
- vazhdojnë studimet e larta deri në moshën 25 vjeç49
- janë të paaftë për punë
- dhe nuk kanë mjete të mjaftueshme për të jetuar
Prindi sigurisht për nga natyra është i prirur të ndihmoj fëmijën e tij në çdo
kohë e në çdo rast pa qenë nevoja e referimit në dispozita ligjore, por pavarësisht
kësaj ligjvënësi ka synuar të tutelojë me anë të këtyre dispozitave ato marrëdhënie
prind fëmijë që nuk bazohen në lidhje të shëndosha familjare (rasti i prindërve që
kanë zgjidhur martesë, ose martesa është shpallur e pavlefshme apo në rastet e
fëmijëve të lindur jashtë martese.)
Siç thamë dhe më sipër detyrimi për ushqim është një detyrim reciprok i
prindërve ndaj fëmijëve dhe anasjelltas. Kjo rrjedh nga marrëdhënia e ngushtë
familjare e afektive që lidh këto dy subjekte të së drejtës me njëri tjetrin. Një nga
parimet bazë të së drejtës familjare në fakt është mbështetja reciproke morale dhe
materiale që anëtarët e familjes kanë me njëri tjetrin, e akoma më shumë në
marrëdhënien prind-fëmijë e cila është një marrëdhënie e drejtpërdrejtë gjinore
ndërmjet tyre. Në përfundim të kësaj analize të shkurtër subjekte të kësaj
marrëdhënieje detyrimi janë gjithashtu fëmijët ndaj prindërve të tyre50
kur
plotësohen këto dy kushte:
- prindi është i paaftë për punë (është invalid i shkallës së I apo të II, apo
është në moshën e pensionit)
- prindi nuk siguron dot mjete të mjaftueshme për jetesën
Në rastet kur ka më shumë se një fëmijë, ky detyrim është solidar për të gjithë
fëmijët. Detyrimi solidar nuk do të thotë që të gjithë fëmijët janë të detyruar
njësoj në masën e detyrimit por do të thotë që të gjithë fëmijët janë të legjitimuar
pasivisht kundrejt prindërve të tyre (të cilët në këtë rast janë subjekte të
legjitimuara për të kërkuar këtë detyrim.) Shpesh, tradita dhe mentaliteti na kanë
49 Shih nenin 80 të Kodit Familjes, Ligjin nr. 6599 dt. 29.06.1982 50 Shih nenin 78/a të Kodit Familjes, Ligjin nr. 6599 dt. 29.06.1982
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
47
udhëhequr në perceptime të gabuara të zbatimit të së drejtës, duke supozuar që
fëmija që ka në ngarkim prindin duhet të shlyej të gjitha detyrimet ndaj tyre me
“kushtin imagjinar” që pasuria e tyre (e prindërve) do trashëgohet nga ato. Ky
është një fakt i pasigurtë dhe jo gjithmonë i realizueshëm i së ardhmes, pasi
pasuria që trashëgohet i përket të gjithë trashëgimtarëve ligjor të trashëgimlënësit,
dhe në rastin ideal kur trashëgimlënësi ka disponuar pasurinë e tij pas vdekjes me
testament ekziston “rreziku” i rezervës ligjore. Ndaj ligjvënësi duke parashikuar
të gjitha këto situata të bazuara në fakte hipotetike është treguar i kujdesshëm të
bashkëdetyrojë të gjithë fëmijët kundrejt prindërve por ndërkohë masa e detyrimit
caktohet individualisht për çdo fëmijë të detyruar në një raport të drejtë me
nevojat ekonomike të prindërve dhe në proporcion me të ardhurat individuale të
tyre. Pra në këtë rast detyrimi është i njëjtë dhe masa e shlyerjes së tij është e
ndryshme. Ky detyrim nuk mbaron as kur prindi lidh një martesë tjetër dhe krijon
një familje të re (fëmijë të tjerë), kjo situatë sjell vetëm ndarjen e detyrimit në më
shumë frymë por nuk shuan detyrimin në vetvete që kanë fëmijët ndaj prindërve
të tyre, sepse ky raport mbetet i pandryshueshëm përgjithnjë. Ky detyrim shtrihet
ndaj fëmijëve madhor të aftë për punë, ndaj fëmijëve madhor të paaftë për punë
por që disponojnë të ardhura në saje të një dhurimi, trashëgimie a legu si dhe ndaj
fëmijëve të mitur kur vërtetohet se ato disponojnë të ardhura nga puna e tyre
(mosha 15 vjeç), dhurimi, trashëgimia ose legu.
Nëse do i bëjmë një analizë përmbledhëse këtij detyrimi që lind ndërmjet këtyre
dy subjekteve kryesore të familjes do të dallojmë se:
E drejta për të kërkuar detyrimin për ushqim është një e drejtë me karakter
ngushtësisht personal, ajo as trashëgohet, as tjetërsohet dhe as i kalohet
anëtarëve të tjerë të familjes (ndryshe ndodh me detyrimin në fakt që në
rast pamundësie përmbushjeje i kalon anëtarët në radhë më të afërt
familjare)
Vendimi që përmban detyrimin për ushqim është një detyrim që nuk merr
asnjëherë formë të prerë apo cilësinë e res judicata (gjësë së gjykuar) për
sa kohë ky vendim me tjetërsimin e rrethanave nga të dyja kahet është i
ndryshueshëm (mund të shtohet, pakësohet, zëvendësohet ose shuhet.)
Detyrimi për ushqim kërkohet vetëm në kohën kur janë plotësuar kushtet
për të përfituar nga kjo e drejtë (pamundësia dhe nevoja e përfituesit.)
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
48
Detyrimi për ushqim lind vetëm në momentin kur ky detyrim kërkohet dhe
nuk ka fuqi prapavepruese për palët pavarësisht rrethanave të mëparshme.
E drejta për të kërkuar detyrimin për ushqim është e paparashkrueshme,
ajo mund të kërkohet në çdo kohë kur vërtetohen rrethanat e këtij
detyrimi.
Përfitimi që passjellë e drejta për këtë detyrim nuk llogaritet si e ardhur
apo fitim e përfituesit, si rrjedhojë ajo nuk shërben si ardhur e cila mund të
llogaritet për të shlyer një detyrim për ushqim të mundshëm të përfituesit
dhe si rrjedhojë ajo është e pasekuestrueshme.
Një marrëdhënie tjetër pasurorë që lind midis prindërve dhe fëmijëve është
dhe ajo dëmit jashtë kontraktor të shkaktuar nga i mituri e parashikuar këtë herë
në nenin 339 të Kodit Civil51
. Kështu prindi detyrohet të shlyej çdo dëm
jashtëkontraktor të shkaktuar nga fëmija i mitur i cili nuk ka mbushur moshën 14
vjeç, dhe dëmet e shkaktuara nga fëmija i mitur i cili ka mbushur moshën 14 vjeç
i cili nuk disponon pasuri në emër të tij ose pasuria e tij është e pamjaftueshme
për të shlyer të tërë dëmin. Kjo përgjegjësi lidhet me faktin se prindi është i pari
përfaqësues natyror i fëmijës i cili përgjigjet për veprimet e tij.
Të gjitha këto marrëdhënie personale dhe pasurore që lindin gjatë gjithë
ekzistencës së tyre ndërmjet prindërve dhe fëmijëve karakterizohen nga ndjenjat
humane, për mbështetje të vazhdueshme morale e materiale reciproke karshi
njëri-tjetrit, që lindin natyrshëm me lindjen e këtij raporti sa specifik aq dhe unik
në llojin e tij. Gjithashtu këto parime i gjejmë të sanksionuara në nenin 8 dhe
nenin 11 të KF të vitit 1982 ku respektivisht thuhet :“Fëmijët kanë për detyrë të
respektojnë prindërit e të kujdesen për ta, sidomos kur janë të paaftë dhe pa mjete
të mjaftueshme jetese” dhe “Anëtarët e familjes kanë për detyrë të ndihmojnë
njëri-tjetrin dhe të marrin pjesë, sipas aftësive dhe mundësive të tyre, në ngritjen e
mirëqenies materiale dhe në zhvillimin kulturor të familjes.” Të dyja këto nene
sanksionojnë në fakt solidaritetin që duhet të ketë ndërmjet anëtarëve të familjes
për shkak të lidhjes specifike reciproke dhe ngushtësisht personale që ato kanë me
njëri tjetrin.
Së fundmi për çka parashtruam deri tani vlen të theksojmë dhe një dispozitë
tjetër të KF e cila në mendimin tim është unike për nga lloji i saj për shkak të
51 Ligji nr. 6340, datë 26.6.1981 “Për Kodin Civil”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
49
lindjes së të drejtave dhe detyrimeve ndaj këtyre subjekteve të së drejtës familjarë,
që rrjedhin nga një marrëdhënie e parregulluar nga ligji (e palegjitimuar), gjë që
është një dukuri e rrallë e së drejtës pasi kryesisht të drejtat e detyrimet lindin nga
marrëdhënie “të njohura”, sanksionuara nga e drejta (ligji), neni 11 i KF shprehet
se “Fëmijët e lindur nga prindër, që nuk janë në lidhje martesore midis tyre, kanë
po ato të drejta e detyra si edhe fëmijët e lindur nga prindër të lidhur me martesë
midis tyre”52
1.4.Zhvillimi i jurisprudencës dhe mendimi shkencor lidhur me
marrëdhëniet prind-fëmijë pas viteve 1990
Me ndryshimet që pësoi shoqëria dhe ekonomia shqiptare pas rrëzimit të
regjimit komunistë dhe me lindjen e pronës private ndryshuan dhe marrëdhëniet
pasurore në familje. Rregullimi i këtyre marrëdhënieve paraqiti vështirësi të
mëdha në aspektin juridik pasi ligjvënësi u gjet i papërgatitur për këtë ndryshim
drastik të marrëdhënieve pasurore në përgjithësi.
Nga viti 1981 deri në miratimin e Kodit të Familjes (2003) marrëdhëniet
pasurore ndërmjet bashkëshortëve janë rregulluar nga dispozitat e Kodit Civil të
vitit 198153
në bazë të të cilit regjimi pasuror që i nënshtroheshin bashkëshortët
ishte regjimi i bashkëpronësi ku çdo send apo pasuri e fituar pas lidhjes së
martesës (përveç sendeve të të përdorimit vetjak) prezumohej e barabartë
ndërmjet bashkëshortëve. Sipas këtij regjimi të dy bashkëshortët bëhen
bashkëpronar për shkak të ligjit i kësaj pasurie. Ky lloj regjimi pasuror i
bashkëshortëve rregullohej vetëm nga ligji (pra ishte regjim i detyrueshëm - ex
lege) dhe nuk lejonte asnjë hapësirë vullnetit të palëve. Çdo marrëveshje e bërë
ndërmjet palëve (bashkëshortëve), konsiderohej e pavlefshme.
Zhvillimi i jurisprudencës dhe mendimi shkencor lidhur me marrëdhëniet
prind fëmijë pas viteve 1990 do trajtohet më gjerë në kapitujt në vazhdim.
Gjej me vënd në këtë kapitull të trajtoj dhe evoluimin e ndryshimin e kuptimit të
familjes në kohët moderne, si domosdoshmëri për të kuptuar evoluimin e
marrëdhënieve prind fëmijë në vazhdim.
52 Kodi i familjes i RPSSH – 1 shtator 1966. 53 Ligji nr. 6340, datë 26.06.1981.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
50
E drejta familjare do të përkufizohet si një tërësi normash juridike që
rregullojnë marrëdhëniet personale jo pasurore dhe ato pasurore ndërmjet
personave që Kodi i Familjes apo ligje të tjera i ka atribuuar atyre cilësinë e
anëtarëve të familjes. Marrëdhëniet familjare sipas KF burojnë nga lidhjet juridike
dhe ato gjinore që krijohen ndërmjet anëtarëve të familjes. Në këtë kontekst nga
interpretimi që bëjmë dispozitave të KF dhe legjislacionit ndërkombëtar në
përgjithësi për të drejtën familjare, kuptojmë që marrëdhëniet familjare janë ato
marrëdhënie që krijohen nga martesa, gjinia, krushqia, bashkëjetesa e faktit dhe
birësimi. Është e diskutueshme krijimi i marrëdhënieve familjare të lindura nga
instituti i kujdestarisë për vetë karakteristikat që ka ky institut i cili është i
përkohshëm dhe i zëvendësueshëm, tipare të cilat nuk i gjejmë në marrëdhëniet që
krijohen midis anëtarëve të familjes, ku zakonisht këto marrëdhënie
karakterizohen nga lidhja e përjetshme afinitive ndërmjet tyre.
Gjatë viteve të fundit koncepti i familjes ka evoluar dukshëm. Me të drejtë
konstatohet se përkufizimi për familjen shpesh herë nuk është i qartë në
legjislacion përkatës të së drejtës familjare. Kjo jo pa arsye, duke qenë se
dinamika e familjes e bën të pamundur një përkufizim final për të, të tillë që të
gdhendet në një dispozitë. Pavarësisht kësaj, të gjithë ne kemi një përkufizim për
familjen në subkoshiencën tonë.
Sipas Deklaratës Universale të të Drejtave të Njeriut “Familja është njësia
themelore dhe natyrore e shoqërisë” (neni 16/3) dhe “Burri dhe gruaja, në një
moshë të caktuar, pa dallim nga raca, kombësia, besimi kanë të drejtë të martohen
dhe të krijojnë familje” (neni 16/1). Nga viti 1948, vit në të cilën u shpall kjo
deklaratë deri në ditët e sotme këto parime mbeten në thelb të pandryshueshme.
Pavarësisht nga evoluimi i strukturës së familjes ajo mbetet e qëndrueshme në
rëndësinë dhe vlerën që ajo mbart.
Sipas Konventës Europiane të të Drejtave të Njeriut, Artikulli 8: “Çdokush ka të
drejtën e respektimit të jetës së tij private dhe familjare, banesës dhe
korrespondencës së tij.
Autoriteti publik nuk mund të ndërhyjë në ushtrimin e kësaj të drejte, përveçse në
shkallën e parashikuar nga ligji dhe kur është e nevojshme në një shoqëri
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
51
demokratike, në interes të sigurisë publike, për mbrojtjen e rendit publik,
shëndetit ose moralit ose për mbrojtjen e të drejtave dhe lirive të të tjerëve”.
Në kuptimin e nenit 8 të KEDNJ-së, shtetet jo vetëm detyrohen të mos ndërmarrin
veprime që e cenojnë këtë të drejtë, si një plotësim i një detyrimi negativ, por mbi
ta rëndojnë edhe detyrimet pozitive me qëllim që e drejta të jetë efikase dhe e
realizueshme.
Familja merr nuanca të ndryshme në vende e kultura të ndryshme por ajo
çka i bashkon të gjithë në një pikë të vetme është lidhja shpirtërore që i bashkon
anëtarët e familjes si personat më të rëndësishëm e më të afërt të tyre. Nëse do
mundohemi sado pak të jemi më konkret ti japim përgjigje termit “familje”, duhet
t’i referohemi doktrinës pasi jo gjithnjë legjislacionet familjare janë në gjendje të
japin të gjithë përmasën e evolucionit social të familjes dhe për më tepër, pasi
formulohen, kanë disa vështirësi që shfaqen në pamundësinë e përfshirjes së të
gjitha elementeve të këtij institucioni, që herë shfaqet në përmasa “mikro” e herë
edhe në ato “makro”.54
Vetë fjala “familje” e ka origjinën nga fjala latine
“famulus” që do të thotë skllav shtëpiak55
. Më vonë koncepti i familjes u zgjerua,
dhe me këtë term kuptohej një grup njerëzish, të lidhur nga ana ekonomike dhe
shoqërore nën pushtetin e “pater familias.” Kjo lloj familjeje ka ekzistuar në
shekuj tek iliro-shqiptarët, që nga koha e bronzit kur lindi së pari familja
monogame deri në shek. 20. Për një kohë të gjatë ajo ka qenë forma tipike e
organizimit të tyre shoqëror. Familja është një institut në evolucion të
pandalshëm, megjithatë ajo ngelet absolutisht një institut shoqëror universal dhe i
përjetshëm. Pavarësisht evoluimit të saj ajo mbetet një pikë kyçe dhe e një
rëndësie të veçantë për jetën e njeriut.
Me gjithë dilemat që ligjvënësi ka për të përkufizuar nocionin e familjes,
doktrina është munduar ti japi asaj një formë më statike, duke e përkufizuar
shpesh familjen si njësi sociale të krijuar nga lidhjet e gjakut (marrëdhënie
natyrore që krijohen midis prindërve dhe fëmijëve, vëllezërve dhe motrave,
fëmijët të vëllezërve dhe motrave, gjyshit/gjyshes dhe nipit/mbesës, emtës/ungjit
dhe nipit/mbesës) dhe lidhjet juridike (marrëdhëniet juridike që krijohen midis
54 Mandro Arta, “E drejta Familjare”, Tiranë. 2009, fq.18 55 Luarasi Aleks, “Studimet për të drejtën zakonore, marrëdhëniet familjare”, Botimi i dytë, 2007, fq. 12
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
52
bashkëshortëve, në marrëdhëniet e birësimit, dhe të krushqisë). Siç mund ta vëmë
re nocioni i mësipërme përfshin familjen në kuptimin e ngushtë dhe familjen në
kuptimin e gjerë të saj.
Por a mund ne sot t’i përmbahemi përkufizimit të dhënë nga doktrina për
konceptin familje? Cilat janë sfidat që përballet familja, dhe a mund të qëndroj ajo
ende nën këto koncepte? Sigurisht, i marrim si vlera të pandryshueshme disa
karakteristika të saj themelore dhe unike. Ajo është njësi themelore natyrore, një
prej njësive më gjithëpërfshirëse, më të përsosura, afinitive dhe të sigurta për
njeriun, i cili nga natyra është i prirur ndaj një shoqërizimi të vazhdueshëm56
. Por
në të njëjtën kohë ky institucion në dukje solid është vazhdimisht nën trysnin e
ndryshimeve të rrethanave shoqërore, politike dhe ekonomike. Tashmë
prezumohet se familja “moderne” ka pësuar transformime të rëndësishme në
strukturën bazë të saj. Ndryshimet e rrethanave shoqërore kanë kontribuar në
ndryshimin e konceptit të familjes “klasike”, duke zgjeruar konceptin e familjes,
me koncepte të tjera siç është ai i bashkëjetesës (të ashtuquajturës “familje fakti”),
familjeve me një prind, me më shumë se dy prindër (e njohur në Shtetet e
Bashkuara të Amerikës), familjeve që krijohen nga martesa e dy personave me
seks të njëjtë, familjeve që nuk kanë fëmijë etj.
Madje në shek. XXI mund të zgjerojmë konceptin e familjes dhe më tej, si
psh disa njerëz konceptojnë si familjen e tyre një ose disa persona të cilët nuk
kanë as lidhje gjaku dhe juridike me to por kanë një bashkëjetesë shoqërore të
vazhdueshme, ose disa të tjerë që i konsiderojnë kafshët e tyre si anëtar të familjes
(madje duke i lënë ato si trashëgimtar). E kush mund t’i fajësoj këto koncepte të
reja? Fundja a nuk është marrëdhënia familjare një lidhje afinitive, që zgjat në
kohë dhe bazohet në besimin dhe mbështetjen reciproke të anëtarëve të saj?
Përgjigja është po. Disa të tjerë të cilët mund të kenë humbur familjarët e tyre
krijojnë një raport të ngjashëm me strukturën e familjes me miqtë e tyre apo të
afërm, duke ndarë shpesh interesat, ekonominë dhe qëllimet e përbashkëta gjë që
ndodh në një familje “normale-tradicionale.” Ato nuk janë persona të rastësishëm
që i lidh një interes i momentit, por është një lidhje e vazhdueshme dhe e
qëndrueshme në kohë. Po kështu edhe për njerëzit që krijojnë një raport
“familjar” me kafshët e tyre (p.sh. familjet të cilat nuk kanë fëmijë), raporti që ato
56 Omari Luan, “Parime dhe institucione të së drejtës publike”, Tiranë 1993, fq. 4.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
53
krijojnë është një raport përgjegjësie i njëjtë me atë për një anëtar familjeje. Pra
siç mund të shohim familja në dukje mund të na tingëllojë si një koncept i
thjeshtë, por në të njëjtën kohë i pamundur për të dhënë një përkufizim
përfundimtar për të.
Por cilat janë sfidat e familjes tradicionale në shek. XXI? Më poshtë po listoj disa
prej tyre.
Ndryshimi i konceptit të martesës. Për një kohë të gjatë Komisioni
Europian mendonte se jeta familjare është e mundur vetëm ndërmjet
personave, që janë të lidhur me lidhje gjaku apo juridike, nëpërmjet
martesës apo adoptimit.57 Siç e shohim, në këtë kategori nuk përfshiheshin
çiftet homoseksuale, lidhjet lesbike etj. Në raportin “X, Y dhe Z kundër
Britanisë së Madhe”, i cili i referohej refuzimit të regjistrimit të një
personi transeksual pas operacionit, si babain e fëmijës, së lindur nga
partnerja e tij në rrugën e fekondimit artificial, megjithëse, një tendence të
dukshme në shtetet e Konventës për njohjen juridike të efekteve të
ndryshimit të gjinisë gjykata konstatoi se ende nuk ka një standard të
përbashkët europian në sferën e të drejtave prindërore të transeksualëve.
Në këtë sferë, shtetet e Këshillit të Evropës janë pajtuar me njëra tjetrën
vetëm në një shkallë të vogël, ndërkaq që e drejta është, me sa duket, në
një stad kalimtar, prandaj shteteve u duhet njohur një hapësirë e madhe
lirie.58
Këto forma të reja të prindërimit homoseksual kanë hapur derën e
kombinimeve të ndryshme nga ç’janë njohur më parë. Për shembull, një
femër mund t’i dhurojë një vezë partneres së saj, vezë që pas fekondimit
artificial sjell një fëmijë për “çiftin.” Materiali gjenetik mashkullor në këtë
rast mund të merret nga një çift meshkujsh homoseksualë, të cilët më pas
do të luajnë rolin si bashkëprindër për fëmijën, fëmijë ky, që do të ketë
katër prindër (fakti) nëse ndërmjet tyre do të ekzistoj një marrëveshje e
tillë. Këto dukuri dhe situata janë tashmë një realitet. Nëse më parë
martesa, lidhej midis dy personave me gjini të kundërt (parimi i
heteroseksualitetit) sot në shumë vende të botës lejohen martesa e dy
57 Raporti “X, Y dhe Z kundër Britanisë së Madhe”, 27.06.1995. 58 ECtHR X,Y & Z v UK Govt, No. 75/1995/581/667 29 April 1997
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
54
personave me gjini të njëjtë. P.sh. 36 vende në Shtetet e Bashkuara të
Amerikës lejojnë sot lidhjen e martesave homoseksuale, nga të cilat 25
shtete e kanë lejuar me vendim të gjykatës, 8 shtete me legjislaturë të
brendshme, dhe 3 shtete me votim popullor59
. Në Europë 12 shtete njohin
martesën brenda së njëjtës gjini dhe 26 të tjera njohin bashkëjetesën
ndërmjet tyre. Nuk na mbetet tjetër veçse të presim e të shohim se çfarë
rregullimi dhe mbrojtje ligjore do të marrë kjo dukuri edhe në vendet e
tjera, përfshirë këtu edhe Shqipërinë
Tendenca tjetër shumë e debatueshme përkrah asaj të familjes faktike
ndërmjet personave të së njëjtës gjini është dhe “martesa e personave që
kanë ndërruar gjini”. Në çështjen “Rees” dhe më pas “Cossey kundër
Britanisë së Madhe” gjykata duhet të merrte një pozicion ndaj pretendimit
të shkeljes së nenit 8 të KEDNJ, të ngritur nga transeksualët. Shkak për
këtë ishte refuzimi i autoriteteve, për të kryer regjistrimet e nevojshme në
certifikatat e lindjes, që do të merrnin parasysh gjendjen pas operacionit të
ndryshimit të seksit. Gjykata theksoi se “përderisa Konventa gjithmonë
duhet të interpretohet në prizmin e rrethanave të ndryshueshme, duhet
vazhdimisht të merret parasysh nevoja e krijimit, për këtë arsye, të
kushteve të përshtatshme ligjore”. Në çështjen “Cossey”, gjykata pohoi se
është e mundur që në të ardhmen shteti të jetë i detyruar të garantojë
mundësinë e martesës, pavarësisht nga shënimi në certifikatë që i referohet
gjinisë. Vëmë re se raporti ndaj transeksualizmit gradualisht po ndryshon
dhe po zgjerohen njohuritë për këtë temë. Megjithatë, mbeten shumë
pikëpyetje dhe çështje të hapura juridike. Kthesa në qëndrimet e Gjykatës
ndodhi vetëm në vendimet “Christine Goodëin dhe I. kundër Britanisë së
Madhe” në të cilat ajo theksoi rëndësinë e jashtëzakonshme të
interpretimit dhe të zbatimit të Konventës, në mënyrë që të drejtat të jenë
praktike dhe të efektshme, dhe jo të drejta teorike dhe iluzive, si dhe
detyrimin e Gjykatës për të ushtruar një interpretim dinamik dhe në
frymën e zhvillimit. Ajo theksoi se nëse shteti ka dhënë pëlqimin, për të
ndihmuar shërimin dhe operimin e personit transeksual, nuk mund të
quhet i pranueshëm refuzimi, për të mos njohur pasojat juridike të tij. Në
shek. XXI të drejtat e transeksualëve për të zhvilluar, në mënyrë të plotë,
59 Human Rights Campaign, "Marriage Center" www.hrc.org
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
55
personalitetin e tyre si dhe për siguri vetjake dhe morale, nuk mund të jenë
objekt mosmarrëveshjesh të mëtejshme. Nuk mund të vazhdojë ende
situata, në të cilën transeksualët e operuar, vazhdojnë të mbeten ndërmjet
njërës dhe tjetrës gjini.
Gjykata duhet të zgjidhte, jo shumë kohë më parë, edhe nëse autoritetet
kishin pasur të drejtë të refuzonin dhënien e pëlqimit për adoptimin e
fëmijës nga një transeksual. Në vendimin “Frette kundër Francës”,
Gjykata tërhoqi vëmendjen se adoptimi nënkupton që fëmijës i jepet
familje dhe jo familjes i jepet fëmija. Pra, shtetet duhet të garantojnë që
personat e zgjedhur si prindër adaptivë, t’i ofrojnë fëmijës kushtet më
optimale të kujdesit. Rëndësi të veçantë merr interesi i fëmijës dhe jo ai i
prindërve adoptues, qofshin këta transeksual apo jo.
“Familja e Faktit” 60 ose “bashkëjetesa e faktit” ndryshe juridikisht
konturohet si bashkëjetesë e përbashkët e një çifti burrë e grua, e
karakterizuar nga vazhdimësia dhe stabiliteti i marrëdhënies në fjalë.
Aktualisht, në planin ndërkombëtar, debati për bashkëjetesën e faktit është
kristalizuar në një numër të madh përfundimesh doktrinale dhe në një
numër jo të vogël rastesh nga praktika gjyqësore bashkë me disa
rregullime juridike të herëpashershme që kanë ardhur si pasojë e
ndërhyrjeve legjislative në disiplinimin e kësaj marrëdhënie. Bashkëjetesa
është përqafuar dhe është pranuar si formë e familjes edhe në Shqipëri ku
sanksionohet edhe në nenin 163 në Kodin e Familjes së RSH si më poshtë:
Neni 16361
“Bashkëjetesa është një bashkim fakti midis burrit dhe gruas që jetojnë
në çift, e karakterizuar nga një jetë e përbashkët, që paraqet një karakter
stabiliteti dhe vazhdueshmërie.”
Bashkëjetesa shpesh ka provuar sjelljen e të njëjtave pasoja si bashkëjetesa
juridike (martesa).
60 KaliaArdian, “Revista e Drejta Parlamentare dhe Politikat Ligjore - “Bashkëjetesa e faktit” , Tiranë 2011 61 Shih nenin 163 të KF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
56
Një nga format e tjera të familjes “moderne” është dhe “Familja me një
prind”. Kjo familje krijohet për shumë arsye. Vlen të përmendim dy
aspekte këtu: atë vullnetar dhe jo-vullnetar. Në aspektin vullnetar kjo
familje krijohet kur dëshirohet nga një person (kryesisht femrat) lindja e
një fëmije nëpërmjet metodave të riprodhimit të asistuar apo birësimi i
fëmijës nga një prind i vetëm. Kurse, në aspektin jo-vullnetar, hyjnë rastet
kur mund të ketë vdekur njëri prej bashkëshortëve dhe bashkëshorti tjetër
nuk martohet përsëri; kur ndodh divorci midis një çifti; kur njëri prej
bashkëshortëve braktiset etj. Pra, me zhvillimin e shoqërisë dhe me
evoluimin e kohës shumë situata të jetës reale dhe familjare ndryshojnë
dhe domosdoshmërisht sjellin pas tyre krijimin e dukurive të reja që deri
më parë nuk ishin shfaqur. Edhe në Shqipëri ka shumë familje me një
prind, dhe kjo ka ardhur nga arsye nga më të ndryshmet. Kjo lloj familje
ka nevojë për mbrojtje ligjore dhe për siguri. Për këtë Komiteti i
Ministrave i Këshillit të Europës, në një nga rezolutat e tij, e njohu gruan e
vetme dhe fëmijën e saj si një nga format e familjes. Këtë gjë Gjykata e
përmendi edhe në vendimin “Marckx kundër Belgjikës”62
Vrojtime të ndryshme kanë provuar se struktura e familjes është më pak e
rëndësishme se sa cilësia e marrëdhënieve në familje. Të gjitha këto
tregojnë se struktura e familjes po ndryshon dhe se rritja e fëmijëve nuk
shoqërohet më domosdoshmërisht me institutin e martesës apo
bashkëjetesës dhe më kryesorja me pjesëmarrjen e të dy prindërve.
Surrogacia (zënia dhe mbajtja e fëmijës në bark për një nënë tjetër),
birësimi dhe teknologjia kanë mundësuar që shumë prindër të kenë fëmijë
pa patur marrëdhënie seksuale.
Forma e fundit bashkëkohore e familjes që është shfaqur së fundmi është
“Familja me tre prindër”, ndryshe, familja e krijuar nga një dhurues
gjenetik. I ashtuquajturi “fekondimin prindëror i trianshëm in vitro” që në
të ardhmen do të mund të ndalë sëmundjet trashëguese, theksojnë
shkencëtarët. Fëmijët në këtë lloj të fekondimit do të kishin gjenet e nënës,
babait dhe të një femre tjetër - donatores. Shkencëtarët paralajmërojnë që
mjekësia me praktikat e tilla mund të ndryshojë përgjithmonë natyrën e
shoqërisë njerëzore, dhe është e nevojshme të gjendet ekuilibri në mes
dëshirës për t’u ndihmuar prindërve të kenë fëmijë të shëndetshëm dhe
62 ECtHR Marckx v. BelgiumNo. 00006833/74, 13 June 1979
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
57
ndikimeve të mundshme në to dhe shoqërinë në tërësi. Kjo dukuri
megjithëse jo në përmasa të mëdha është një situatë e cila shumë shpejt do
të ndjejë nevojën e rregullimeve të ndryshme ligjore.
Sikurse rezulton nga zhvillimi historik i familjes, rruga që kjo ka ndjekur nga
familja patriarkale që dominonte qytetërimin feudal, e deri në pranimin e barazisë
juridike të anëtarëve të saj, ka kaluar nëpërmjet tensionesh sociale dhe konfliktesh
në ndërgjegjen kolektive. Parë në këtë këndvështrim, duhet pranuar se organizimi
i jetës familjare dhe i personave që e përbëjnë atë, nuk kanë qenë dhe as mund të
jenë të përcaktuara njëherë e përgjithnjë.
Familja ka lindur, ndryshon dhe zhvillohet në vazhdimësi, krahas zhvillimeve
që pëson vetë shoqëria. Në këto rrethana, nëpërmjet normave të saj legjislacioni
familjar duhet të kontribuojë në mbrojtjen e hierarkisë së vlerave të qytetërimit, të
formuara si pasojë e një eksperience shumëvjeçare të njerëzimit. Në këtë kuptim,
e drejta familjare shfaqet si një garanci për një qëndrim apo ndërgjegje juridike
korrekte, e cila respekton parimet morale, por njëkohësisht edhe lirinë e çdo
individi. Nga ana tjetër, dinamika e jetës na ballafaqon me qasje të ndryshme,
mënyra të reja të menduari e të jetuari, të cilat na bëjnë të reflektojmë si në
drejtim të njohjes dhe respektimit të lirive të individit ashtu edhe ruajtjes së
konceptit të familjes tradicionale. Konstatojmë sot se në shoqëri janë shfaqur stile
të reja jetese, të cilat ndryshojnë nga struktura tradicionale e familjes apo sipas
rastit, nga burimi që shërben për formimin e familjes.
Në këto rrethana të reja, e drejta familjare duhet të ndjekë prirjet dhe prurjet
bashkëkohore, e duhet t’u japë zgjidhje fenomeneve të reja. Ajo duhet të rishikojë
normat e mëparshme, duke i modifikuar ato, apo nëpërmjet zbatimit të parimeve
të përgjithshme të saj duhet t’i garantojë mbrojtje edhe formave të reja të familjes.
Legjislacioni familjar duhet t’i përgjigjet edhe kërkesave të atyre personave që
nuk dëshirojnë t’i nënshtrohen modelit tradicional të familjes, por të cilëve në të
njëjtën kohë nuk mund t’u mohohen të drejtat dhe detyrimet që lindin nga këto
mënyra jetese.
Pavarësisht të gjitha dilemave për të dhënë një përkufizim nocionit të familjes
duket se një gjë na bashkon të gjithëve, pavarësisht nëse familja është e përbërë
nga dy nëna ose dy etër, nëse ajo është e madhe apo e vogël, është fakti apo
ligjore, çdo familje është unike dhe gjëja më e rëndësishme për secilin nga ne.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
58
Kodi i Familjes (2003) përshkohet në tërësinë e tij nga disa parime themelore
në bazë të të cilave funksionon çdo institut i kësaj të drejte. Parimet themelor të
përligjura në Kushtetutën e Republikës së Shqipërisë dhe në Kodin aktual të
Familjes, i japin familjes dhe veçanërisht martesës një pozitë dhe mbrojte të
posaçme nga shteti dhe e drejta. Kodi Familjes çelet në pjesën e parë të tij me 6
dispozita në të cilat shpërfaqen dukshëm parimet kryesore që përshkojnë atë në
çdo institut të tij e kryesisht parimet i referohen fëmijëve, familjes, martesës dhe
bashkëshortëve. Nëse i shohim në mënyrë më të detajuar parimet vëmë re se 5
prej tyre u referohen parimeve që lidhen drejtpërdrejtë me fëmijët dhe mbrojtjen e
interesave të tyre. Madje nëse do të bëjmë një analizë se cili është parimi kryesor i
këtij kodi padyshim që jo vetëm unë por edhe studiues të tjerë të kësaj dege të së
drejtës janë dakord që parimi që përshkon çdo institut të kësaj fushë është parimi i
interesit më të lartë të fëmijës. Ky parim udhëheq dispozitat e Kodit Familjes.
Dhe jo vetëm dispozitat e KF por dhe vendimet e organeve kompetente dhe
gjykatave duhet të kenë si konsideratë parësore interesin më të lartë të fëmijës63
gjatë dhënies së një vendimi prej tyre.
Njohja e parimeve të përgjithshme të së drejtës familjare merr një rëndësi të
veçantë në ato raste kur për zgjidhjen e një konflikti haset një vakum ligjor për
shkak të mungesës së dispozitave taksative për zgjidhjen e tij apo kur ka një
konflikt midis tyre. Nëse mundohemi ti bëjmë një analizë më të detajuar të Kodit
të familjes do të vëmë re se parimet më të rëndësishme të tij janë si më poshtë
vijojnë:
Parimi i mbrojtjes së familjes dhe martesës nga shteti dhe e drejta64
. Ky parim
përveçse i njohur dhe i sanksionuar nga e KF njihet gjithashtu dhe si parim
kushtetues. Në zbatim të këtij parimi, çdo individi i njihet e drejta themelore për
të patur familje dhe për të lidhur martesë sipas legjislacionit në fuqi të RSH.
Ndryshe nga nocioni apo përkufizimi i familjes që siç e parashtruam dhe më lartë
legjislatori ka qenë i “paaftë” për ta përkufizuar, instituti i martesës është një nga
institutet më të rregulluara në këtë Kod, duke parashikuar kryesisht norma
urdhëruese për bashkëshortët në martesë. Ndryshe nga ç’jemi mësuar në të drejtën
civile ku vullneti i palëve prevalon në shumicën e veprimeve juridike të
63 Shih nenin 2 të KF. 64 Shih nenin 53 të Kushtetutë së Republikës së Shqipërisë .
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
59
parashikuara në Kodin Civil, i cili përbëhet kryesisht nga norma lejuesi, Kodi i
Familjes për shkak se rregullon një aspekt tepër të rëndësishëm në jetën e njeriut
siç është familja për të siguruar qëndrueshmërinë dhe jetëgjatësinë e
marrëdhënieve familjare përbehet kryesisht nga norma detyruese/urdhëruese për
anëtarët e familjes dhe të tretët. Kështu për shembull janë të përcaktuara në
mënyrë taksative kushtet thelbësore të lidhjes së martesës, ndalesat, rastet e
zgjidhjes apo pavlefshmërisë së saj, të drejtat dhe detyrimet themelore ndërmjet
anëtarëve të familjes deri në ndërhyrjen e gjykatës (e cila kryesisht ne
veprimtarinë e saj investohet vetëm nga palët dhe shprehet vetëm për kërkimet e
bëra prej tyre) për të respektuar këto të drejta e detyrime.
Parimi i barazisë morale dhe juridike të anëtarëve të familjes. Ky parim përveçse
një parim kushtetues65
është mishëruar dhe në dispozitat e KF duke ia “veshur”
atë të gjithë anëtarëve të familjes. Kështu këtë parim e shohim më konkretisht në
Nenin 1 të KF ku thuhet së “Martesa, si një bashkëjetesë ligjore, mbështetet në
barazinë morale dhe juridike të bashkëshortëve…” apo në nenin 4 të po këtij kodi
ku thuhet se “Fëmijët e lindur jashtë martese kanë të njëjtat të drejta dhe detyra si
fëmijët e lindur nga martesa” apo në nenin 53 dhe 220 të kodit ku në thelb të tyre
qëndron ushtrimi i përgjegjësisë prindërore së bashku nga të dy prindërit.
Parime që përshkojnë institutin e martesës. Duke qenë një nga burimet kryesore
të krijimit të familjes, martesa mbetet një nga institutet më të rregulluara të këtij
kodi. Në sistemin tonë të së drejtës njihet vetëm martesa civile e cila në fakt është
një bashkëjetesë ligjore dhe fakti midis një buri dhe një gruaje. Koncepti martesë
civile vjen për shkak të formës së kërkuar nga ligji për lidhjen dhe njohjen e saj.
Çdo formë tjetër e lidhjes së martesës nuk do të konsiderohet e ligjshme
në kuptimin e këtij ligji66
. Në përpjekje për ti dhënë një përkufizim këtij instituti,
martesa përfaqëson një bashkim ligjor dhe faktik të dy individëve të gjinive të
ndryshme, të cilët lidhen nga ndjenja e dashurisë, respektit, mirëkuptimit reciprok
dhe mbështesin moralisht e kontribuojnë bashkërisht në familjen e krijuar rishtazi.
Nga përkufizimi i mësipërm i cili nuk është as më pak as më shumë po një
përmbledhje e të gjitha dispozitave që flasin për martesën në KF dalin qartë disa
parime që përshkojnë thellësisht dhe kryesisht institutin e martesës, siç janë:
65 Shih neni 18 të Kushtetutës së Republikës së Shqipërisë 66 Shih nenin 15 të KF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
60
parimi i martesës së njohur nga ligji (martesës civile), parimi i monogamisë,
parimi i heteroseksualitetit, parimi i barazisë juridike e financiare, parimi i
ndihmës reciproke e solidaritetit.
Parimi i interesit më të lartë të fëmijës. Ky është parimi kushtetues mbi të cilat
janë hedhur themelet e KF67
dhe jo vetëm. Pavarësisht se ky është një nga parimet
më të rëndësishme të këtij Kodi dhe gjithë legjislacionit në fuqi në RSH organet
ligj zbatuese duket se shpesh herë nuk e njohin, zbatojnë apo anashkalojnë këtë
parim në veprimtaritë e tyre vendimmarrëse. Në përputhje me nenin 2 të KF, kjo
konsideratë parësore e interesit më të lartë të fëmijës mbetet kryesisht detyrë e
prindërve si personat me kontakt më të afërt e drejtpërdrejtë me fëmijët, si dhe
organeve kompetente përfshirë këtu dhe gjykatat të cilat në gjithë veprimtarinë e
tyre si dhe gjatë vendimmarrjes duhet të kenë si konsideratë parësore interesin më
të lartë të fëmijës.
67 Shih neni 54/1 të Kushtetutës së Republikës së Shqipërisë
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
61
KAPITULLI I DYTË
STANDARDET QË BUROJNË NGA INSTRUMENTET
NDËRKOMBËTARE DHE JURISPRUDENCA E GJEDNJ LIDHUR ME
MARRËDHËNIET PERSONALE E PASURORE PRIND-FËMIJË
2.1. Standardet e OKB lidhur me marrëdhëniet personale e pasurore prind-
fëmijë
Organizata e Kombeve të Bashkuara (OKB) është themeluar pas Luftës së
Dytë Botërore (1945) me iniciativën e shteteve fituese të Luftës së Dytë Botërore
(ShBA, Kina, Anglia, Bashkimi Sovjetik dhe Franca) me qëllim forcimin e
bashkëpunimit midis shteteve të botës, zhvillimin ekonomik dhe ruajtjen e paqes
në botë (sot OKB ka 193 shtete anëtare.) OKB njihet si organizata më e madhe në
botë e cila për qëllim ka sigurinë ndërkombëtare, zhvillimin ekonomik dhe
barazinë sociale. Kjo organizatë ka qendrën e saj në Gjenevë. Misioni i OKB-së
për të siguruar stabilitet, paqe dhe respektimin e të drejtave të njeriut në çdo vend
anëtarë të saj nuk duket gjë e lehtë, megjithatë fal saj instrumenteve të saj,
funksionalitet dhe besimit tek shtetet anëtare e bëjnë atë organizatën më të madhe
në vend. Një nga instrumentet ligjor kryesor për të vendosur unanimisht
dakordësinë e anëtarëve të saj për çështje të ndryshme e delikate janë Konventat.
Konventat e OKB-së që lidhen me çështjet familjare dhe marrëdhëniet e
prindërimit dhe që përbëjnë interes për studimin tonë do ti shqyrtojmë si më
poshtë vijon:
Konventa mbi të Drejtat e Fëmijës – 20 nëntor 1989
Konventa bazohet në një nga parimet themelore të drejtave të njeriut Parimi i
Mosdiskriminimit. Në nenin 2 të saj ajo shprehet se të drejtat e njohura nga ajo do
i njihen dhe garantohen çdo fëmije që ndodhen nën juridiksionin e shteteve
anëtare pavarësisht dallimeve gjinore, fetare, racore, prejardhjeje etj.68
Në fakt kjo
68 Konventa mbi të Drejtat e Fëmijës 20 nëntor 1989 – Neni 2 “Shtetet Palë angazhohen të respektojnë të drejtat e përmendura në këtë Konventë dhe t’ia garantojnë ato çdo fëmije, që përfshihet në juridiksionin e tyre, pa asnjë lloj dallimi, pavarësisht nga raca, ngjyra, gjinia, gjuha, feja, opinioni politik ose çdo opinion tjetër, nga origjina kombëtare, etnike ose
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
62
dispozitë nuk është gjë tjetër veçse rikonfirmim dhe specifikim në subjekt të nenit
1469
për ndalimin e diskriminimit, të KEDNJ (04 nëntor 1950.)
Konventa në nenin 1 të saj jep një përkufizim i cili ka shërbyer si i tillë në shumë
legjislacione të brendshme për personat që do i konsiderojmë më statusin fëmijë,
status i cili fitohet me lindjen gjallë dhe mbaron me mbushjen e moshës 18 vjeç,
me përjashtim të rasteve kur mosha madhore arrihet më përpara70
(bëhet fjalë kur
i mituri “emancipohet” përpara kësaj moshe, p.sh. në rastin e lidhjes së martesës
apo kur legjislacionet e brendshme kanë parashikuar moshë tjetër për fitimin e
zotësisë për të vepruar.) Kjo dispozitë në fakt nuk rregullon vetëm përkufizimin e
subjektit fëmijë por nga ana tjetër lidhet drejtpërdrejtë me fillimin dhe mbarimin e
institutit të përgjegjësisë prindërore, pra me momentin e rregullimit të
marrëdhënieve personale dhe pasurore midis prindërve dhe fëmijëve. Një parim
tjetër që sanksionon kjo Konventë është Parimi i interesit më të lartë të fëmijës,
parim ky që udhëheq gjithë legjislacionin familjarë të brendshëm të shteteve
anëtare. Konventa shprehet se respektimi i këtij parimi nuk është vetëm detyrim
kryesor i prindërve, por dhe i çdo organi tjetër vendimmarrës që ushtron
autoritetin e tij në lidhje me respektimin e të drejtave të fëmijëve71
. Ky parim
shërben në fakt për të verifikuar çdo vendimmarrje që ka të bëj me fëmijën ose
për të rrëzuar çdo vendim apo veprim që vjen në kundërshtim me këtë parim.
Neni 6 i Konventës, sanksionon dhe njëherë nenin 272
të KEDNJ, parimin se e
drejta e jetës mbrohet me ligj. Në bazë të këtij parimi askush, as prindërit të cilët
prezumohen se janë subjektet që kanë më shumë të drejta natyrore dhe pozitive
ndaj fëmijëve të tyre nuk e kanë të drejtën për të vendosur për jetën e fëmijës.
shoqërore, pasuria, paaftësia, prejardhja familjare apo çdo gjendje tjetër e fëmijës ose prindërve të tij ose përfaqësuesve të tij ligjorë.” 69 Konventa Europiane e të drejtave të Njeriut – Neni 14 “Gëzimi i të drejtave dhe i lirive të përcaktuara në këtë Konventë duhet të sigurohet, pa asnjë dallim të bazuar në shkaqe të tilla si seksi, raca, ngjyra, gjuha, feja, mendimet politike ose çdo mendim tjetër, origjina kombëtare ose shoqërore, përkatësia në një minoritet kombëtar, pasuria, lindja ose çdo status tjetër. 70 KDF Neni 1 “Në këtë Konventë, me fëmijë kuptohet çdo qenie njerëzore nën moshën 18 vjeç, me përjashtim të rasteve kur mosha madhore arrihet më përpara, në përputhje me legjislacionin të cilit ai i nënshtrohet. 71 Shih nenin 3 të KDF. 72 Shih nenin 2 “E drejta për jetën” të KENJD.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
63
Mbetet për të diskutuar e drejta e eutanazisë73
e cila njihen në disa vende të botës,
shtete këto anëtare të kësaj organizate. Duke qenë se prindërit janë përfaqësues
natyror dhe ligjor për fëmijën e mitur ky vendim i vështirë në rastet e
parashikuara nga legjislacioni i brendshëm i cili e pranon këtë dukuri, i mbetet
atyre. A është kjo shkelje e nenit 6 të kësaj Konvente? Kjo çështje has diskutime
të larmishme dhe opinione të ndryshme në praktikë dhe teori, ku nga njëra anë
“partizanët” e KEDNJ-së dhe KDF mendojnë se eutanazia e shkel “më të dyja
këmbët” këtë parim dhe nga ana tjetër “partizan” të drejtave të njeriut që
mendojnë që individët janë vetë “zotë” të jetës së tyre, të cilët mund të vendosin ti
japin fund asaj në rrethana të caktuara e të parashikuara nga ligji.
Sipas KDF shtetet palë duhet t’i sigurojnë të gjitha kushtet qytetarëve të
saj të respektojnë të drejtat e prindërimit dhe të fëmijëve, në mënyrë që ato të
kenë një jetë të qetë e të vazhdueshme familjare, të tillë që ti lejoj përmbushjen e
të drejtave dhe detyrimeve karshi njëri-tjetrit74
.
Në bazë të nenit 18 të KDF “1.Shtetet Palë përpiqen me të gjitha mundësitë, për
të siguruar njohjen e parimit, sipas të cilit të dy prindërit kanë përgjegjësi të
përbashkët për edukimin dhe zhvillimin e fëmijës. Përgjegjësinë kryesore për
edukimin dhe zhvillimin e fëmijës e kanë prindërit, ose sipas rastit, përfaqësuesit e
tij ligjorë. Ata duhet të udhëhiqen, në radhë të parë, nga interesi më i lartë i
fëmijës.
2. Për të garantuar dhe zhvilluar të drejtat e përmendura në këtë Konventë,
Shtetet Palë u japin ndihmën e duhur prindërve dhe përfaqësuesve ligjorë të
fëmijës, në ushtrimin e përgjegjësisë që u bie atyre për rritjen e fëmijës dhe
sigurojnë ngritjen e institucioneve, qendrave ose shërbimeve të kujdesit për
fëmijët.
3. Shtetet Palë marrin të gjitha masat e nevojshme për t’u siguruar fëmijëve,
prindërit e të cilëve janë në marrëdhënie pune, të drejtën të përfitojnë nga
shërbimet dhe lehtësitë e kujdesit për fëmijët, për të cilat janë ngritur.”
Nga kjo dispozitë shohim qartë vullnetin e kombeve për të vendosur në
dispozicion të prindërve dhe fëmijëve çdo instrument shtetëror me qëllim
73 The painless killing of a patient suffering from an incurable and painful disease or in an irreversible coma – Online Dictonary 74 Shih nenin 9 të KDF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
64
përmbushjen sa më të plotë të përgjegjësisë prindërore, kriter ky që lidhet në
mënyrë të drejtpërdrejtë me parimin e interesit më të lartë të fëmijës. Në rast
pamundësie të prindërve për ushtrimin e kësaj përgjegjësie. Jemi në rastet e
pamundësisë ose mundësisë së kufizuar për ushtrimin e përgjegjësisë prindërore
kur:
- Prindërit janë shpallur të zhdukur, janë shpallur të vdekur apo kanë
vdekur- përgjegjësia prindërore ka mbaruar;
- Prindërit janë duke vuajtur një dënim penal me burg – përgjegjësia
prindërore është e kufizuar
- Prindërve iu është hequr përgjegjësia prindërore me vendim gjykate të
formës së prerë (kur ato kanë kryer vepra që shfaqin rrezikshmëri të lartë
ndaj jetës e shëndetit të fëmijës)
KDF njeh si përgjegjësi të prindit që të siguroj për fëmijën një mjedis familjarë të
tillë që të siguroj zhvillimin e fëmijës, edukimin dhe arsimimin e tij75
.
KDF është një konventë që mbështetet në një sërë aktesh ndërkombëtare të
rëndësishme, veçanërisht në Deklaratën Universale të të Drejtave të Njeriut dhe
në Paktet Ndërkombëtare mbi të Drejtat e Njeriut, Deklaratën mbi të Drejtat e
Fëmijës, e cila synon të angazhojë shtetet palë dhe njëkohësisht bashkëpunimin
ndërkombëtar në mbrojtjen e të drejtave të fëmijëve, dhënien e vëmendjes dhe
krijimin e kushteve të duhura të jetesës për fëmijët në të gjitha vendet e botës.
Kur flasim për të drejtën e konsiderojmë atë si një tërësi rregullash dhe
normash që veprojnë në një shoqëri të organizuar në një shtet. E drejta familjare,
është ajo degë e së drejtës e cila përbëhet nga tërësia e normave juridike të cilat
rregullojnë marrëdhëniet që lindin nga martesa, nga lidhjet gjinore, birësimi dhe
kujdestaria. E drejta familjare na ndesh me një koncept shumë të afërt për të gjithë
ne, pasi secilit nga ne, ky tog fjalësh i sjell në mendje imazhin e familjes ku jemi
rritur , imazhin e familjes që duam të krijojmë apo që tashmë kemi krijuar. Me
familje ne do të kuptojmë njësinë bazë të shoqërisë si dhe njësinë themelore
natyrore. Familja është ajo njësi e cila bën të mundur krijimin e lidhjeve shumë të
forta dhe të sigurta, mbrojtëse dhe gjithëpërfshirëse ndërmjet pjesëtarëve të saj.
75 Shih nenin 27 të KDF.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
65
Edhe neni 53 i Kushtetutës së RSH sanksionon të drejtën për martesë dhe
për familje si një e drejtë themelore e njeriut, ndërsa në nenin 54 të saj sanksionon
mbrojtjen e veçantë nga shteti që i sigurohet fëmijëve, grave shtatzëna etj. Me
lidhjen e martesës ndërmjet burrit dhe gruas lind e drejta e krijimit të familjes e
cila në vetvete përmbush një qëllim akoma më të madh , atë të sjelljes në jetë të
fëmijëve, duke i dhënë kështu martesës një tjetër dimension që tejkalon bashkimin
faktik dhe juridik te burrit dhe gruas. Në dispozitat e konventave të ndryshme
ndërkombëtare, Kushtetutës apo KF sanksionohen rregullime lidhur me familjen
dhe fëmijët. Në këto dispozita gjejmë të sanksionuara të drejtat dhe detyrimet e
bashkëshortëve dhe veçanërisht të drejtat e fëmijëve duke qartësuar konceptin mbi
fëmijët, duke evidentuar mbrojtjen e veçantë te tyre si dhe duke përcaktuar në
mënyrë rigoroze detyrimet e prindërve ndaj fëmijëve.
“Me fëmijë do të kuptojmë çdo qenie njerëzore nën moshën 18 vjeç, me
përjashtim të rasteve kur mosha madhore arrihet më përpara.” Nga ky
përkufizim për fëmijën në konventën për të drejtat e fëmijëve si dhe përkufizimit
që i bëhet në nenin 2 të KC (1994) “Zotësia juridike fillon me lindjen e personit
gjallë dhe mbaron me vdekjen e tij. Fëmija kur lind i gjallë gëzon zotësi juridike
që nga koha e nxënies”, kuptojmë se fëmijës i sigurohet mbrojtje jo vetëm pas
lindjes, por që në konceptim me kusht që të lind i gjallë. Kjo lloj mbrojtje na
udhëheq drejt një nga parimeve më të rëndësishme të së drejtës familjare që është
parimi i interesit më të lartë të fëmijës.
Ky parim sanksionohet gjithashtu dhe në të drejtën tonë të brendshme në nenin 2
të KF(2003) ku shprehet se “Prindërit, organet kompetente dhe gjykatat, në
vendimet dhe veprimtarinë e tyre, duhet të kenë si konsideratë parësore interesin
më të lartë fëmijës.” Ky parim gjen zbatim së pari tek prindërit e fëmijës pasi janë
ata aktorët kryesorë që përballen me të jo vetëm në raste të veçanta por në
përditshmërinë e tyre. Prindërit janë ata të cilët përballen me nevojat e fëmijëve,
jo vetëm në ushqim dhe në veshje, por në tërësi për mirëqenien e fëmijëve,
edukimin, arsimimin dhe zhvillimin e tyre.
Po çfarë ndodh nëse ndërmjet prindërve ka kontradikta thelbësore, të cilat
bëjnë që funksionimi i martesës së tyre të mos jetë më i mundur? Nëse nga një
martesë e tillë ka në mes fëmijë të cilët pavarësisht gjithçkaje kanë nevojë për
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
66
përkujdesje dhe asistencë të vazhdueshme për mirërritjen e tyre? Shpeshherë
kontradikta të tilla çojnë në kërkesën për zgjidhje të martesës nga ana e
bashkëshortëve duke përfshirë tashmë aktorë të rinj, të cilët kujdesen që gjatë
zgjidhjes së martesës dhe ndarjes së përgjegjësisë prindërore interesi me i mirë i
fëmijës të mos cenohet. Për të mbajtur të paprekur këtë parim, si në rastin e
zgjidhjes së martesës me marrëveshje, si në rastin e veprimeve dhe vendimeve me
karakter pasuror, KF (2003) ka sanksionuar në mënyrë specifike hapat që duhet të
ndërmarrë organi kompetent gjatë zgjidhjes së martesës.
Për të ruajtur këtë parim dhe për të siguruar përmbushjen e tij , Republika e
Shqipërisë ka ratifikuar gjithashtu Konventën e Hagës “Për rivendosjen
ndërkombëtare të detyrimit ushqimor ndaj fëmijëve dhe formave të tjera të
mbështetjes për anëtarët e tjerë të familjes” . Objekti i kësaj konvente konsiston
në garantimin e rivendosjes efektive ndërkombëtare të detyrimeve ushqimore dhe
formave të tjera mbështetëse për anëtarët e tjerë të familjes duke krijuar një sistem
gjithëpërfshirës bashkëpunimi n/d autoriteteve të shteteve kontraktuese; duke
vënë në dispozicion kërkesat për marrjen e vendimeve për detyrime ushqimore;
duke parashikuar njohjen dhe zbatimin e këtyre vendimeve si dhe duke kërkuar
masat efektive për zbatimin e shpejtë të vendimeve për detyrimin ushqimor. Kjo
konventë zbatohet për detyrimet ushqimore që lindin nga marrëdhënia prind-
fëmijë ndaj një personi nën moshën 21 vjeç.
Kur flasim për përgjegjësinë prindërore do të kuptojmë tërësinë e të
drejtave dhe detyrimeve që kanë prindërit ndaj fëmijëve që të sigurojnë
mirëqenien emocionale, fizike, sociale dhe materiale të tyre. Në përputhje me këtë
përkufizim vjen edhe përmbushja e interesit më të lartë të fëmijës, që do të thotë
se të gjitha vendimet e autoriteteve kompetente dhe të vet prindërve lidhur me
atribuimin e përgjegjësisë prindërore ose mënyrën se si duhet të ushtrohen këto
përgjegjësi duhet të mbështeten mbi një analizë dhe arsyetim të plotë të interesave
të fëmijës. Përmbushja e detyrimit për ushqim siç dhe sanksionohet në KF, në
nenin 197 ku specifikohet se “Prindërit kanë detyrim për ushqim ndaj fëmijëve të
tyre, kur këta nuk kanë mjete të mjaftueshme për të jetuar. Një fëmijë i mitur
mund t’i kërkojë prindërve të tij detyrimin për ushqim edhe kur ka pasuri, kur të
ardhurat nga pasuria dhe nga puna e tij nuk i përmbushin nevojat e tij. Detyrimi
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
67
për ushqim vazhdon edhe për kohën që fëmijët madhorë ndjekin shkollën e
mesme ose të lartë, deri në moshën 25 vjeç”. Për forcimin dhe përmbushjen sa më
të plotë të interesit të lartë të fëmijës konventa e Hagës sanksionon në disa nene të
saj rëndësinë e këtij parimi, duke evidentuar rolin e organeve qendrore në
përmbushjen e tij dhe jo vetëm. Nëpërmjet kësaj marrëveshje përcaktohen disa
fusha bashkëpunimi ndërmjet shteteve palë, duke filluar me caktimin e një
autoriteti qendror për të përmbushur detyrat që caktohen nga konventa për këtë
autoritet; më pas duke përcaktuar funksionet e përgjithshme dhe specifike të
këtyre autoriteteve qendrore; bërjen e kërkesave ndërmjet autoriteteve qendrore të
një shteti kontraktues duke i vënë në dispozicion si kreditorit dhe debitorit
kërkesat specifike që mund të drejtojnë për rivendosjen e mbështetjes financiare
ose kundër një vendimi ekzistues për detyrim ushqimor. E drejta për të hartuar
një kërkesë të tillë do të jetë në përputhje me neni 11 të kësaj konvente ku janë të
përcaktuara në mënyrë të detajuar përmbajtja e kërkesës dhe nenin 12 të po kësaj
konvente ku parashikon procedurën për marrjen dhe trajtimin e kërkesave dhe
çështjeve nëpërmjet autoriteteve qendrore. Gjithashtu kjo konventë përkufizon atë
që do të quhet marrëveshje e detyrimit ushqimor duke përcaktuar se kjo
nënkupton një marrëveshje më shkrim në lidhje me pagesën e detyrimit ushqimor
që:
- është hartuar ose regjistruar zyrtarisht si instrument ligjor nga një autoritet
kompetent ; ose
- është bërë ligjërisht e vlefshme ose lidhur, regjistruar ose depozituar me një
autoritet kompetent dhe mund ti nënshtrohet rishikimit dhe ndryshimit nga një
autoritet kompetent;
Sipas këtij përkufizimi, qartësohet se detyrimi ushqimor për asnjë moment nuk
mund të lihet i papërcaktuar ose në dëshirën e palëve. Është tejet e rëndësishme
kjo marrëveshje të jetë jo vetëm e hartuar në mënyrë të detajuar duke specifikuar
detyrimet e palëve, por njëkohësisht duhet të jetë autoriteti kompetent i cili për të
zbatuar standardet ligjore për përmbushjen e interesit më të lartë fëmijës.
Në kapitullin e V të kësaj konvente do të njihemi edhe me një pjesën më të
rëndësishme të kësaj konvente e cila, në këtë kapitull ka parashikuar në mënyrë
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
68
konkrete njohjen dhe ekzekutimin e vendimeve të marra nga një shtet kontraktues
në shtetet e tjera. Ky kapitull zbatohet vetëm për ato vendime të dhëna nga një
autoritet gjyqësor ose administrativ në lidhje me një detyrim ushqimor; në rast se
një vendim nuk ka lidhje vetëm me detyrimin ushqimor atëherë ndikimi i këtij
kapitulli kufizohet vetëm në atë pjesë të vendimit që ka lidhje me detyrimin
ushqimor.
Nga neni 20-26 i kësaj konvente janë parashikuar në mënyrë të detajuar: Bazat
për njohjen dhe ekzekutimin e vendimit; Vlefshmëria e pjesshme dhe njohja dhe
ekzekutimi i pjesshëm; Procedurat për njohjen dhe ekzekutimin e një kërkese;
Procedurat alternative për njohjen dhe ekzekutimin e një kërkese;
Dokumentacioni i nevojshëm; Procedura e kërkesës për njohje.
Nëpërmjet këtyre neneve iu jepet mundësia subjekteve kreditore dhe debitore për
të vepruar në lidhje me të drejtat dhe detyrimet e tyre ndaj fëmijës, jo vetëm në
shtetin e origjinës, por edhe në shtete palë të kësaj konvente nëse njëri nga
subjektet i nënshtrohet një juridiksioni tjetër përveç shtetit të origjinës ku është
marrë vendimi për detyrimin ushqimor. Në këtë mënyrë njërit nga subjekteve i
lind e drejta për të bërë ekzekutimin e vendimit edhe në një shtet tjetër ose në rast
mosdakordësie me vendimin e dhënë në shtetin e origjinës i lind e drejta për
rishikim ose ndryshim vendimi. Përpos të gjitha këtyre lehtësirave që krijohen nga
kjo konventë, në kapitullin IV të saj janë parashikuar edhe kufizimet e
procedimeve. Në rastin kur një vendim merret nga një shtet kontraktues, ku
kreditori ka vendbanimin e zakonshëm, procedimet për të ndryshuar vendimin ose
për të marrë një vendim të ri, nuk mund të paraqiten nga debitori në një shtet
tjetër kontraktues për aq kohë sa kreditori ka vendbanimin e zakonshëm në shtetin
ku është marrë vendimi. Në pikën 2 të po këtij neni janë parashikuar edhe
përjashtimet për pikën e mësipërme.
Neni 30 i kësaj konvente specifikon rastet e ekzekutimit të marrëveshjes
së detyrimit ushqimor duke u shprehur se një marrëveshje e tillë, e bërë në një
shtet kontraktues do të jetë objekt njohje dhe ekzekutimi, sikurse një vendim sipas
këtij kapitulli, me kusht që ajo të jetë e ekzekutueshme në vendin e shtetit të
origjinës.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
69
Sipas të gjithë neneve të lartpërmendura të kësaj marrëveshje, neneve të
lartpërmendura të kushtetutës dhe neneve lartpërmendura të KF evidentohet fakti
se fëmija praktikisht përbën hallkën më të dobët e cila ka nevojë për mbështetje
dhe mbrojtje të veçantë si nga legjislacioni i brendshëm ashtu edhe ai
ndërkombëtar. Nxitja dhe të investuarit në mbrojtjen dhe përmbushjen e parimit
të interesit më të lartë të fëmijës i ndihmon ato të edukohen në mënyrë cilësore,
duke pasur parasysh të drejtat e tyre për tu shkolluar, për tu formuar, për tu
zhvilluar në kushte të mira dhe ambiente të ngrohta familjare. Është detyrë e
prindërve në radhë të parë që të sigurojnë nivelin e jetesës së fëmijëve të tyre dhe
detyrë e shtetit që të kujdeset për mundësinë dhe realizimin e kësaj të drejte. Kjo
detyrë e shtetit mund të përmbajë edhe ndihma materiale për prindërit dhe fëmijët
duke bërë të mundur që të realizohet dhe ajo që duhet përmbushja e lumturisë dhe
mirërritjes së fëmijës.
2.2. Standardet që burojnë nga instrumentet e Këshillit të Europës lidhur me
marrëdhëniet personale e pasurore prind fëmijë
Këshilli i Europës (KE) është një organizatë ndërkombëtare që është e
fokusuar në promovimin e demokracisë, shtetit të së drejtës, të drejtave të njeriut
dhe zhvillimit ekonomik në Europë. Kjo organizatë është themeluar në vitin 1949
dhe ka 47 shtete anëtare. Ndryshe nga Bashkimi Europian (BE), KE nuk krijon
ligje të detyrueshme për shtetet anëtare por ajo i jep fuqi disa prej konventave që
prekin aspekte të rëndësishme jetësore, të cilat si bazë kanë marrëveshje
ndërkombëtare të krijuara mes shteteve anëtare të Europës. Instrumenti ligjor dhe
drejtës- zbatues i kësaj organizate është Gjykata Europiane e të Drejtave të Njeriu
(GJEDNJ), e cila ka si “statut” të saj Konventën Europiane të të Drejtave të
Njeriut (KEDNJ.)
Duke iu referuar instrumenteve ligjore europiane të së drejtës, si burim kryesor të
saj do të përmendim traktatet, konventat, aktet të tjera nënligjore, apo dhe
praktikën gjyqësore, të paraqitura nga Këshilli i Europës (KE) dhe Bashkimi
Europian (BE).
Fëmijët, përveç se janë subjekt i mbrojtjes së veçantë nga shteti, ata janë
edhe bartës të të drejtave. Ata janë përfitues direkt apo indirekt të të gjitha të
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
70
drejtave themelore të njeriut të njohura nga e drejta e brendshme dhe
ndërkombëtare.
Konventa për të Drejtat e Fëmijëve (KDF), si një instrument themelor i cili ka për
subjekt të posaçëm të miturin, parashikon një sërë të drejtash subjektive për të
miturin dhe detyrime ligjore për respektimin e tyre nga prindërit, organet
kompetente dhe gjykatat. Duke qenë se shpeshherë çështjet gjyqësore për
mbrojtjen e të drejtave të të miturit nisen nga prindërit apo njëri prej tyre, duke
patur parasysh kapacitetin e kufizuar ligjor të fëmijëve është e rëndësishme njohja
e këtyre të drejtave dhe mënyra e mbrojtjes së tyre nga këta përfaqësues ligjorë.
Ndryshe nga KDF, e cila jep qartazi përkufizimin formal të fëmijës76
, në
legjislacionin e Bashkimit Europian (traktate, akte nënligjore etj.) nuk do të hasim
një përkufizim uniform se kë do të quajmë fëmijë. Kështu, koncepti i fëmijës
ndryshon në varësi të kontekstit të ligjit apo aktit nënligjor që rregullon një fushë
të caktuar, p.sh.: në ligjin e BE që rregullon lëvizjen e lirë të qytetarëve të BE-së
dhe anëtarëve të tyre të familjes77
, fëmijët përkufizohen si “pasardhës të
drejtpërdrejtë, të cilët janë nën moshën 21 vjeç”78
etj.
As Konventa Europiane për të Drejtat e Njeriut nuk përmban një
përkufizim për fëmijën, por neni 1 i saj detyron shtetet që të sigurojë respektimin
e të drejtave të parashikuara në këtë Konventë për këdo (everyone) që i
nënshtrohet juridiskionit të kësaj konvente. Gjithashtu, dhe neni 14 i saj garanton
gëzimin e të drejtave të përcaktuara në këtë Konventë pa asnjë dallim për të gjithë
subjektet e së drejtës.79
Përkufizimi i unifikuar i termit fëmijë lidhet dhe shkakton drejtpërdrejtë
pasoja për përgjegjësinë prindërore të prindërve të fëmijës. Kështu, kjo
përgjegjësi fillon dhe mbaron në bazë të përcaktimeve ligjore të këtij koncepti.
Për këtë arsye, Gjykata Europiane e të Drejtave të Njeriut ka pranuar si
përkufizim për të miturin konceptin e parashikuar në nenin 1 të KDF.
76 Shih nenin 1 të KDF. 77Directive 2004/38EC of the Europian Parlament and of the Council, 29 April 2004 78Directive 2004/38EC of the Europian Parlament and of the Council, 29 April 2004/ Article 2/2/b 79 KEDNJ – Neni 14 “Gëzimi i të drejtave dhe i lirive të përcaktuara në këtë Konventë duhet të sigurohet, pa asnjë dallim të bazuar në shkaqe të tilla si: seksi, raca, ngjyra, gjuha, feja, mendimet politike ose çdo mendim tjetër, origjina kombëtare ose shoqërore, përkatësia në një minoritet kombëtar, pasuria, lindja ose çdo status tjetër.”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
71
Edhe në legjislacionin tonë të brendshëm nuk ka një përkufizim konkret të
këtij termi, nga interpretimi ligjor që i bëjmë normave të së drejtës civile e më
specifikisht asaj që rregullon zotësinë për të vepruar deduktojmë se fëmijë do të
konsiderohet çdo person i cili nuk ka mbushur moshën 18 vjeç, moshë në të cilën
fitohet zotësia e plotë për të vepruar.
Ndryshe nga Konventa Europiane për të Drejtat Themelore të Njeriut, e
cila nuk parashikon të drejta specifike për subjektin e posaçëm “fëmijë”, Karta
Sociale Europiane80
e Këshillit të Europës parashikon të drejta konkrete për këto
subjekte të së drejtës, p.sh.: neni 7 i saj përcakton detyrimin për të mbrojtur
fëmijët nga shfrytëzimi ekonomik. Në këtë dispozitë parashikohen një sërë
kufizimesh për punëdhënësin në favor të punëmarrësit të mitur.81
Gjithashtu,
Karta Sociale Europiane parashikon dhe të drejtën e fëmijëve dhe të rinjve për
mbrojtje sociale, ligjore dhe ekonomike82
. Me synimin për të siguruar ushtrimin
efektiv të së drejtës së fëmijëve dhe të rinjve që të rriten në një mjedis i cili
inkurajon zhvillimin e plotë të personalitetit të tyre dhe të aftësive të tyre fizike
dhe mendore, palët angazhohen, direkt ose në bashkëpunim me organizatat
publike dhe private, për të marrë të gjitha masat e duhura dhe të nevojshme që
synojnë kujdesin, asistencën, arsimimin dhe trajnimin e të rinjve nëpërmjet
institucioneve të veçanta që ofrojnë këto shërbime për të siguruar mbrojtjen e
fëmijëve nga neglizhenca, dhuna dhe shfrytëzimi, si dhe për t’i siguruar fëmijëve
dhe të rinjve një arsimim fillor dhe të mesëm të lirë e për t’i inkurajuar ato në
frekuentimin e rregullt në shkolla. Shtetet palë duhet të vënë në dispozicion
struktura të posaçme për realizimin dhe përmbushjen e këtyre qëllimeve të
parashikuara në Kartë. Përveç kësaj, KE ka miratuar një numër të konsiderueshëm
të traktateve që adresojnë një gamë të çështjeve e të drejtave specifike për fëmijët,
të tilla si: Konventa mbi statusin ligjor të fëmijëve të lindur jashtë martese;
Konventa mbi marrëdhëniet me fëmijët, Konventa për ushtrimin e të drejtave të
fëmijëve etj. Shtjellimi më i detajuar i këtyre instrumenteve ligjore janë të
përfshira në këtë punim.
80European Social Charter, Turin 18.10.1961 81 Karta Sociale Europiane, neni 7 parashikon se minimum i moshës i lejuar për t’u punësuar është mosha 15 vjeç, gjithashtu ky nen përcakton se puna që do të kryhet nga i mituri i cili vazhdon njëkohësisht dhe studimet parauniversitare të detyrueshme duhet të jetë e tillë që të mos pengojë vazhdimin normal të studimeve etj. 82European Social Charter, Turin 18.10.1961/ Article 17
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
72
Gjykata Europiane e të Drejtave të Njeriut (GJEDNJ) ka juridiksion mbi të
gjitha çështjet që kanë për bazë ligjore KEDNJ dhe Protokollet e saj83
. Edhe pse
në dispozitat e saj nuk gjejmë asnjë rregullim specifik për të drejtat e fëmijëve,
fëmijët shpeshherë, vetë apo nëpërmjet përfaqësuesve të tyre ligjorë, i gjejmë si
subjekte paditëse në çështjet gjyqësore që shqyrtohen nga kjo gjykatë. Rastet më
të shumta për mbrojtjen e së drejtës së fëmijëve i gjejmë në rastet e cenimit të të
drejtave të parashikuara në nenin 884
, neni 685
, neni 1486
të KENJD-së etj.
Në vijim do të fokusohemi tek instrumentet ligjor të kësaj organizate.
a- Konventa Europiane për të Drejtat e Njeriut (KEDNJ) – 4 nëntor 1950,
Romë. Ky instrument, ndonëse nuk lidhet drejtpërdrejtë me të drejtat e
prindërve dhe fëmijëve, garanton për këto dy kategori subjektesh, si për të
gjithë individët, njohjen dhe respektimin e të drejtave themelore me
karakter ekonomik, politik, shoqëror dhe kulturor. Konventa i jep Gjykatës
Evropiane të të Drejtave të Njeriut kompetencën për të mbrojtur të drejtat
themelore. Disa prej tyre mbrohen pa kufizime si: e drejta për jetën,
ndalimi i torturës, skllavërisë dhe punës se detyruar. Disa te tjera janë te
mbrojtura por mund te jene te kufizuara me kushte, si: e drejta e
respektimit të jetës private dhe familjare, liria e mendimit e ndërgjegjes
dhe besimit fetar, liria e shprehjes, liria e tubimit dhe organizimit në
shoqata. Të drejtat procedurale të mbrojtura si: e drejta e lirisë dhe
sigurisë, për një gjykim të drejtë dhe të paanshëm, ndalimi i abuzimit të të
drejtave, të drejtat sociale si: e drejta për të pasur familje, ndalimi i
diskriminimit, kufizimet për aktivitetin politik të të huajve). Protokollet
shtesë mbrojnë gjithashtu të drejtën e pronës, të drejtën për arsimim, të
drejtën për zgjedhje te lira, për të mos u gjykuar apo dënuar dy herë,
ndalimi i dënimit me vdekje etj. Konventa përcakton konceptet,
procedurat dhe statutin e Gjykatës Evropiane të të Drejtave të Njeriut me
qëllim garantimin e respektimit të angazhimeve të marra nga shtetet
anëtare të Këshillit të Evropës.
83 Neni 32 i KEDNJ-së. 84 Neni 8 i KENJD-së, “E drejta për respektimin e jetës private dhe familjare”. 85 Neni 6 i KENJD-së, “E drejta për një proces të rregullt”. 86 Neni 6 i KENJD-së, “Ndalimi i diskriminimit”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
73
KEDNJ është ratifikuar në RSH me Ligjin Nr. 8137, datë 31.07.1996 “Për
ratifikimin e Konventës Europiane e të Drejtave të Njeriu dhe Lirive
Themelore.” Kjo konventë mbetet për RSH korniza e artë mbi të cilën
shtrihet i gjithë legjislacioni i brendshëm.
b- Konventa për ushtrimin e të drejtave të fëmijëve – 25 janar 1996,
ratifikuar me Ligjin nr. 10425 datë 02.06.2011
Nga këndvështrimi i të drejtave të fëmijëve “Konventa e Këshillit të
Evropës “Për Ushtrimin e të Drejtave të Fëmijëve, ka efekt të
drejtpërdrejte në aspektet e mbrojtjes së të drejtave dhe interesave më të
mira të fëmijëve nëpërmjet marrjes së masave konkrete në favor të tyre.
Qëllimi i kësaj konvente është që të angazhojë shtetet anëtare të Këshillit
të Evropës dhe shtetet e tjera nënshkruese, që në favor të mbrojtjes së
interesave më të mira të fëmijëve, të marrin masa për të promovuar të
drejtat e tyre, t’u japin atyre të drejta procedurale dhe të lehtësojë
ushtrimin e këtyre të drejtave, duke siguruar që fëmijët, vetë ose nëpërmjet
personave ose organeve të tjera, të informohen dhe të lejohen për të marrë
pjesë në procedime që ndikojnë tek ata para një autoriteti gjyqësor.
Dispozitat e saj paraqesin masat procedurale për të promovuar ushtrimin e
të drejtave të fëmijëve, si të drejtat procedurale të fëmijëve ku përfshihen:
E drejta për t’u informuar dhe për të shprehur pikëpamjet e tij ose të saj në
procedim, e drejta për të aplikuar për emërimin e një përfaqësuesi të
veçantë, te drejta procedurale shtesë fëmijëve në lidhje me procedimet
para një autoriteti gjyqësor që ndikojnë tek ata, roli i autoriteteve
gjyqësore i cili lidhet drejtpërdrejt me procesin e vendimmarrjes, detyrimi
për të vepruar shpejt, detyrimi për të vetëvepruar, detyrimin për emërimin
e nj përfaqësuesi për fëmijën. Gjithashtu në këtë kapitull parashikohet
edhe roli i përfaqësuesit, i cili siguron të gjithë informacionin përkatës për
fëmijën, nëse fëmija, sipas ligjit të brendshëm, konsiderohet se ka
arsyetim të mjaftueshëm; përcakton pikëpamjet e fëmijës dhe ia paraqet
këto pikëpamje autoritetit gjyqësor.
Konventa angazhon shtetet palë, që nëpërmjet organeve të tyre kombëtare
të nxisin promovimin dhe ushtrimin e të drejtave të fëmijëve. Këto organe
nxiten të bëjnë propozime për të forcuar ligjin në lidhje me ushtrimin e të
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
74
drejtave të fëmijëve, si dhe të japin mendime në lidhje me projekt
legjislacionin mbi ushtrimin e të drejtave të fëmijëve.
Konventa është e ndarë në 6 kapituj, ku dy kapitujt e parë i referohen
angazhimeve të shteteve palë për marrjen e masave legjislative dhe të tjera
që mund të jenë të nevojshme për të siguruar zbatimin e parimeve. Në
parimet kryesore të këtyre dispozitave parashikohen: marrëdhënia
ndërmjet një fëmije dhe prindërve të tij ose të saj, marrëdhëniet ndërmjet
një fëmije dhe personave të tjerë, përveç prindërve të tij ose të saj, e drejta
e fëmijës për t'u informuar, konsultuar dhe shprehur mendimet e tij ose të
saj, zgjidhja e mosmarrëveshjeve në lidhje me marrëdhëniet, marrëveshjet
që duhet të nxisin shtetet palë me njëra tjetrën për marrëdhëniet për
fëmijët, dhe garancitë e nevojshme për zbatimin e këtyre marrëveshjeve.
c- Konventa mbi marrëdhëniet me fëmijët – 15 maj 2003, ratifikuar me Ligjin
Nr. 9359, datë 24.03.2005
Kjo Konventë ka për qëllim që në mbështetje të Konventës Evropiane për
njohjen dhe ekzekutimin e vendimeve në lidhje me kujdestarinë e fëmijëve
dhe rivendosjen e kujdestarisë mbi fëmijët, të instrumenteve të tjerë
ndërkombëtarë si ato të OKB-së, Këshillit të Evropës, të angazhojë shtetet
palë të saj në marrjen e masave për përcaktimin e parimeve të
përgjithshme për t'u zbatuar me lidhje në vendimet mbi marrëdhëniet me
fëmijët, rregullimin e garancive të përshtatshme për të siguruar ushtrimin e
rregullt të marrëdhënieve dhe kthimin e menjëhershëm të fëmijëve në fund
të afatit të marrëdhënies, si dhe vendosjen e bashkëpunimit ndërmjet
organeve qendrore, organeve gjyqësore dhe organeve të tjera për të nxitur
dhe përmirësuar marrëdhëniet ndërmjet fëmijëve, prindërve të tyre dhe
personave të tjerë që kanë lidhje familjare me fëmijët.
d- Konventa për statusin juridik të fëmijëve të lindur jashtë martese – 15
tetor 1975, ratifikuar me Ligjin nr. 10424, datë 02.06.2011
Nga këndvështrimi i të drejtave të fëmijëve, instrumenti mbron
drejtpërdrejtë kategorinë e fëmijëve të lindur jashtë martese, duke
përcaktuar rregulla dhe standarde për përmirësimin e statusit të tyre dhe
barazimit me statusin e fëmijëve të lindur në martesë.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
75
Kjo Konventë përcakton disa rregulla dhe standarde në lidhje me statusin
juridik të fëmijëve të lindur jashtë martese, me qëllim për të përmirësuar
statusin ligjor të fëmijëve të lindur jashtë martese, duke zvogëluar dallimet
ndërmjet statusit të tyre ligjor dhe atij të fëmijëve të lindur në martesë, si
dhe harmonizimin e ligjeve të shteteve anëtare në këtë fushë. Në bazë të
kësaj Konvente, çdo palë kontraktuese merr përsipër të sigurojë
përputhshmërinë e ligjit të saj me dispozitat e Konventës dhe të njoftojë
Sekretarin e Përgjithshëm të Këshillit të Europës për masat e marra për
këtë qëllim.
Sipas Konventës, amësia e çdo fëmije të lindur jashtë martese do të
bazohet vetëm në faktin e lindjes së fëmijës, ndërsa atësia e fëmijëve të
lindur jashtë martese mund të përcaktohet nëpërmjet njohjes vullnetare ose
me vendim gjyqësor. Njohja vullnetare e atësisë nuk mund të
kundërshtohet, për aq sa parashikon ligji i brendshëm për këto procedura,
përveç kur personi që kërkon të njohë ose që ka njohur fëmijën nuk është
babai biologjik.
Konventa përcakton se babai dhe nëna e një fëmije të lindur jashtë martese
kanë të njëjtin detyrim për t’u kujdesur për fëmijën sikur të ishte lindur në
martesë. Edhe kur detyrimi ligjor për t’u kujdesur për një fëmijë të lindur
në martesë bie mbi anëtarë të caktuar të familjes së babait ose nënës, ky
detyrim do të zbatohet në interes të fëmijës së lindur jashtë martese. Në
përputhje me qëllimin për të barazuar statusin e fëmijëve të lindur jashtë
martese me atë të fëmijëve të lindur në martesë, Konventa parashikon se
një fëmijë i lindur jashtë martese ka të njëjtën të drejtë të trashëgimisë në
pasurinë e babait dhe nënës së tij, dhe të një anëtari të familjes së babait
ose nënës të tij, sikur të kishte qenë i lindur në martesë. Së fundi,
Konventa përcakton se lidhja e martesës ndërmjet babait dhe nënës së një
fëmije të lindur jashtë martese i jep fëmijës statusin ligjor të fëmijës së
lindur në martesë.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
76
Në raportin mbi parimet dhe bazën ligjore për sa i përket lindjes së përgjegjësisë
prindërore të përpiluar nga Komiteti i Ekspertëve në të drejtën familjare87
të KE-
së janë përcaktuar qartë momenti i lindjes së përgjegjësisë prindërore si për nënën
edhe për babain si dhe të gjitha të drejtat dhe detyrimet e palëve88
në
marrëdhënien e prindërimit. Ky raport, i cili ndryshe quhet dhe “Libri i Bardhë”
përmban njëzet e nëntë parime të cilat ndahen në tri pjesë kryesore:
1. Parime që lidhen me lindjen e marrëdhënieve të prindërimit;
2. Parime që lidhen me pasojat ligjore pas lindjes së marrëdhënies së
prindërimit;
3. Parime që lidhen me pasoja të mundshme ligjore në rastet kur prindërit
nuk janë të njohur (pra kur nuk ka marrëdhënie prindërimi).
Në pjesën e parë, pra në parimet që lidhen me lindjen e marrëdhënieve të
prindërimit ka rreth shtatëmbëdhjetë parime që kanë të bëjnë me njohjen e
amësisë, njohjen e atësisë, rastet e riprodhimit të asistuar mjekësor, kundërshtimin
e atësisë dhe të amësisë.
Pjesa e dytë e “Librit të Bardhë”, përmban parime që lidhen me çështjet e
përgjegjësisë prindërore, mirërritjes, edukimit, arsimimit, respektimit të të
drejtave të fëmijëve etj. Pjesë të cilën do ta trajtojmë në mënyrë më të thelluar në
vijim.
Pjesa e tretë, parashikon pasojat e mundshme ligjore për përgjegjësinë prindërore
në kohën kur prindërit janë të panjohur apo kur i është hequr apo kufizuar
përgjegjësia prindërore.
“Libri i Bardhë” është hartuar në bazë të eksperiencave të komisioneve të
posaçme të KE-së që kanë trajtuar legjislacionin familjar apo edhe nga praktika
gjyqësore e GJEDNJ-së në shqyrtimin e çështjeve të të drejtave me aspekt
familjar. Ndaj synimi i këtij libri është që t’i vijë në ndihmë shteteve gjatë
reformave legjislative në këtë fushë.
87Committee Of Experts On Family Law (CJ-FA), November 2006 88 Palë të marrëdhënies së prindërimit janë prindërit dhe fëmijët.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
77
Fokusi i këtij punimi janë pasojat ligjore me karakter personal dhe pasuror të
marrëdhënies së prindërimit, ndaj në vijim do të trajtoj vetëm pjesën që lidhet me
këto pasoja në raportin prind-fëmijë.
Kështu, në bazë të parimit nr. 18 të “Librit të Bardhë”, “Përgjegjësia
prindërore është një “koleksion” i detyrave dhe kompetencave të prindërve për të
siguruar mirëqenien morale dhe materiale të fëmijëve.” Këto kompetenca apo
detyra përfshijnë: kujdesin dhe mbrojtjen e veçantë, krijimin e raporteve
personale dhe ruajtjen e tyre, kujdesin shëndetësor dhe detyrimin për edukim,
arsimim të fëmijës, krijimin e mjedisit familjar, përfaqësimin ligjor dhe
administrimin e pasurisë së të miturit. Kjo përgjegjësi duhet të ushtrohet
bashkërisht në mënyrë të barabartë89
nga të dy prindërit dhe në rast pamundësie90
të njërit prej tyre nga prindi i cili ushtron përgjegjësinë prindërore. Kjo përgjegjësi
nuk humbet dhe as pakësohet në rast se prindërit zgjidhin martesën apo martesa e
tyre shpallet e pavlefshme91
.
Qëllimi kryesor i këtyre parimeve është ushtrimi i përgjegjësisë prindërore
në funksion të interesit më të lartë të fëmijës. Në përmbledhje të tyre realizojmë
se përgjegjësia prindërore fillon që me lindjen e marrëdhënies së prindërimit, për
të dy prindërit bashkërisht dhe në mënyrë të barabartë, pavarësisht statusit92
ndërmjet tyre apo statusit ligjor të fëmijës93
. Të njëjtat parashikime ligjore, pa
asnjë përjashtim i hasim dhe në legjislacionin tonë të brendshëm që rregullon të
drejtën familjarë94
. Për faktin se fëmija është një subjekt i veçantë i së drejtës dhe
për shkak të lidhjes së ngushtë personale dhe afektive që krijohet nga marrëdhënia
e prindërimit, rregullimi i të drejtave që lidhen me to shpeshherë është i unifikuar
dhe i njëjtë në pjesën më të madhe të legjislacioneve ndërkombëtare, kjo si
89CJ-FA/ 2006/4, Principle 20. 90Rastet e pamundësisë janë rastet kur prindit i është hequr apo kufizuar përgjegjësia prindërore apo kur ai ka vdekur. 91CJ-FA/ 2006/4, Principle 22. 92 Të martuar ose jo (janë në bashkëjetesë/kanë zgjidhur martesë/apo martesa është shpallur e pavlefshme). 93 Të lindur brenda apo jashtë martese. 94 Kodi i Familjes/2003.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
78
rrjedhojë edhe e traktateve, apo e konventave të nënshkruara nga shtetet
përkatëse.
2.3. Rëndësia e Konventave të Hagës lidhur me aspektet personale e pasurore
të marrëdhënieve prind fëmijë
Konventat e Hagës krijojnë një gamë të gjerë të konventave që mbrojnë të
drejtat e fëmijëve. Më poshtë do bëjmë një analizë të këtyre konventave që lidhen
drejtpërdrejtë me rregullimin e marrëdhënieve personale dhe pasurore midis
prindërve dhe fëmijëve.
a- Konventa mbi mbrojtjen e fëmijëve dhe bashkëpunimin në lidhje me
birësimet jashtë vendit - 29 maj 1993, ratifikuar me Ligjin Nr. 8624 datë
15.06.2000
Nga këndvështrimi i të drejtave të fëmijëve, kjo Konventë garanton mbrojtjen e
fëmijëve kur kryhet birësimi i tyre nga një shtet në një shtet tjetër, me qëllim që
ky birësim të bëhet në interesin më të lartë fëmijës, si dhe të parandalohet
rrëmbimi, shitja ose trafikimi i fëmijëve. Kjo Konventë ka si qëllim që të merren
masat mbrojtëse për të siguruar që birësimet jashtë vendit të bëhen në interesin
më të lartë të fëmijës dhe duke respektuar të drejtat e tij themelore, të përcaktuara
në të drejtën ndërkombëtare; të krijohet një sistem bashkëpunimi midis shteteve
kontraktuese, për të siguruar që këto masa të respektohen dhe në këtë mënyrë të
parandalohet rrëmbimi, shitja ose trafikimi i fëmijëve; si dhe të sigurohet njohja
në shtetet kontraktuese e birësimeve të bëra në përputhje me këtë Konventë.
Konventa zbatohet kur një fëmijë që ka vendbanimin e zakonshëm në një shtet
kontraktues (shteti i origjinës), është shpërngulur, shpërngulet ose do të
shpërngulet në një shtet tjetër kontraktues (shteti pritës), ose pas birësimit të tij në
shtetin e origjinës, nga bashkëshortët ose nga një person që ka vendbanimin e
zakonshëm në shtetin pritës, ose për qëllimet e një birësimi të tillë në shtetin
pritës ose në shtetin e origjinës. Kjo Konventë është e zbatueshme vetëm për
birësimet që krijojnë një marrëdhënie të përhershme prind-fëmijë.
Në Konventë janë përcaktuar kushtet kumulative të domosdoshme për t’u
plotësuar për të realizuar birësimin ndërvendas. Sipas Konventës çdo shtet
kontraktues duhet të përcaktojë një autoritet qendror që do të përmbushë detyrat
dhe përgjegjësitë që u ngarkon kjo Konventë. Konventa ka detajuar procedurën që
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
79
duhet ndjekur për të realizuar një birësim jashtë vendit. Në bazë të Konventës
personat që zakonisht banojnë në një shtet kontraktues dhe që dëshirojnë të
birësojnë një fëmijë, me vendbanim të zakonshëm në një shtet tjetër kontraktues,
duhet t’i drejtojnë një kërkesë autoritetit qendror të shtetit ku banojnë zakonisht.
Birësimi ndërvendas sipas Konventës realizohet nëpërmjet bashkëpunimit,
shkëmbimit të informacioneve, dokumenteve dhe raporteve përkatëse ndërmjet
shtetit të origjinës së fëmijës dhe shtetit pritës ku fëmija kërkohet të birësohet.
Birësimi i kryer në përputhje me këtë Konventë duhet të vërtetohet nga një
autoritet kompetent i shtetit të birësimit, dhe në këtë rast njihet nga gjitha shtetet e
tjera kontraktuese të Konventës.
b- Konventa mbi juridiksionin, ligjin e zbatueshëm, njohjen, zbatimin dhe
bashkëpunimin në lidhje me përgjegjësinë prindërore dhe masat për mbrojtjen e
fëmijëve – 19 tetor 1996, ratifikuar me Ligjin Nr. 9443, datë 16.11.2005
Nga këndvështrimi i të drejtave të fëmijëve, Konventa përfaqëson një instrument
të rëndësishëm në mbrojtje të fëmijëve dhe pasurisë së tyre, duke përcaktuar sipas
kritereve autoritetin kompetent për të marrë masa mbrojtëse për fëmijët ose
pasurinë e tyre, ligjin e zbatueshëm, si dhe njohjen dhe zbatimin e këtyre masave
në shtetet e tjera palë të Konventës. Kjo Konventë përfaqëson një akt të
rëndësishëm ndërkombëtar në fushën e mbrojtjes së fëmijëve, e fokusuar në
rregullimin e situatave ndërkombëtare lidhur me përgjegjësinë prindërore. Sipas
Konventës termi “përgjegjësi prindërore” nënkupton autoritetin prindëror ose çdo
marrëdhënie të ngjashme të autoritetit që përcakton të drejtat, kompetencat dhe
përgjegjësitë e prindërve, kujdestarëve ose përfaqësuesve të tjerë ligjorë në lidhje
me fëmijën ose pasurinë e tij. Objektivat e Konventës janë: 1. Përcaktimi i shtetit,
autoritetet e të cilit kanë juridiksion për të marrë masa në lidhje me mbrojtjen e
fëmijëve ose pasurisë së tyre; 2. Përcaktimi i ligjit që duhet të zbatohet nga këto
autoritete në ushtrimin e juridiksionit të tyre; 3. Përcaktimi i ligjit të zbatueshëm
për përgjegjësinë prindërore; 4. Njohja dhe zbatimi i këtyre masave mbrojtëse në
të gjitha shtetet kontraktuese; dhe 5. Vendosja e bashkëpunimit ndërmjet
autoriteteve të shteteve kontraktuese për përmbushjen e qëllimeve të kësaj
Konvente. Konventa zbatohet për fëmijët nga momenti i lindjes deri në moshën
18 vjeç. Në bazë të kësaj Konvente, si rregull, juridiksioni për të marrë masa në
lidhje me mbrojtjen e fëmijës ose të pronës së tij u përket autoriteteve gjyqësore
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
80
ose administrative të shtetit kontraktues ku fëmija ka banesën e përhershme. Në
rast ndryshimi të banesës së përhershme të fëmijës në një shtet tjetër kontraktues,
autoritetet e shtetit të banesës së re kanë juridiksion. Por, Konventa ka caktuar
edhe rregulla specifike për përcaktimin e autoriteteve të cilëve u përket
juridiksioni për marrjen e masave mbrojtëse në situata të ndryshme, si në rastin e
fëmijëve emigrantë, fëmijëve banesa e përhershme e të cilëve nuk mund të
përcaktohet, në rastet e largimit apo mbajtjes së padrejtë të fëmijës në një shtet
tjetër etj.
Si rregull, në ushtrimin e juridiksionit të tyre, autoritetet e shteteve kontraktuese
do të zbatojnë ligjin e tyre. Megjithatë, Konventa parashikon mundësinë që, nëse
mbrojtja e fëmijës ose e pasurisë së fëmijës e kërkon, ato mund të zbatojnë
përjashtimisht ose ta marrin në konsideratë ligjin e shtetit tjetër, me të cilin situata
ka një lidhje thelbësore. Në bazë të kësaj Konvente, masat e marra nga autoritetet
e një shteti kontraktues do të njihen nga funksionimi i ligjit në të gjitha shtetet e
tjera kontraktuese. Nga ana tjetër, Konventa parashikon edhe rastet kur një shtet
mund të refuzojë njohjen, kryesisht nëse masa është marrë duke shkelur rregullat
lidhur me juridiksionin, parimet themelore të procedurës së shtetit të kërkuar, bie
ndesh me politikën publike të shtetit të kërkuar apo është në kundërshtim me
interesin më të mirë të fëmijës. Konventa përcakton procedurën e zbatimit të
masave të marra nga një shtet kontraktues në një shtet tjetër.
Për zbatimin e Konventës çdo shtet kontraktues duhet të caktojë një autoritet
qendror që do të ushtrojë detyrat dhe përgjegjësitë që Konventa u ngarkon këtyre
autoriteteve. Autoritetet qendrore duhet të bashkëpunojnë me njëri-tjetrin në të
gjitha drejtimet e përcaktuara nga Konventa, për të përmbushur objektivat dhe
qëllimet e saj.
c- Konventa e Hagës për rivendosjen ndërkombëtare të detyrimit ushqimor
ndaj fëmijëve dhe formave të tjera të mbështetjes për anëtar – 23 nëntor
2007, ratifikuar me Ligjin Nr. 63/2012
Konventa garanton mbrojtjen e të drejtave të fëmijëve dhe të grave, pjesëtare të
familjes, duke përcaktuar rregullat dhe kriteret për njohjen dhe ekzekutimin e
vendimeve që përmbajnë detyrim ushqimor apo forma të tjera të mbështetjes
financiare, në një shtet tjetër. Kjo Konventë përcakton rregullat, kushtet dhe
procedurat për marrjen e vendimeve, si dhe për njohjen dhe ekzekutimin e
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
81
vendimeve të marra nga autoritetet kompetente të një shteti anëtar, në lidhje me
detyrimin për ushqim dhe forma të tjera të mbështetjes financiare ndaj fëmijëve
dhe anëtarëve të tjerë të familjes, në një shtet tjetër anëtar të Konventës. Objekti i
kësaj Konvente është garantimi i rivendosjes efektive ndërkombëtare të
detyrimeve ushqimore dhe formave të tjera të mbështetjes për anëtarët e familjes,
veçanërisht nëpërmjet: 1) krijimit të një sistemi gjithëpërfshirës bashkëpunimi
ndërmjet autoriteteve të shteteve kontraktuese; 2) vënies në dispozicion të
kërkesave për marrjen e vendimeve për detyrime ushqimore; 3) parashikimit të
njohjes dhe zbatimit të vendimeve për detyrime ushqimore; dhe 4) kërkimit të
masave efektive për zbatimin e shpejtë të vendimeve për detyrimin ushqimor. Në
bazë të Konventës çdo shtet kontraktues duhet të caktojë një autoritet qendror për
të përmbushur detyrat që vendosen nga Konventa për këtë autoritet. Këto
autoritete duhet të bashkëpunojnë me njëri-tjetrin dhe të nxisin bashkëpunimin
ndërmjet autoriteteve kompetente në shtetet e tyre për të arritur qëllimet e
Konventës. Në mënyrë të veçantë, sipas Konventës këto autoritete janë
përgjegjëse dhe duhet të marrin masat e duhura për: shqyrtimin dhe transmetimin
e kërkesave të paraqitura në përputhje me Konventën; për të ndihmuar në
përcaktimin e vendndodhjes së debitorit ose kreditorit; për të ndihmuar në marrjen
e informacionit përkatës në lidhje me të ardhurat dhe rrethanat e tjera financiare të
debitorit ose kreditorit; për të nxitur zgjidhje miqësore, me synim pagesën
vullnetare të detyrimit ushqimor; për të lehtësuar mbledhjen dhe transferimin e
përshpejtuar të pagesave të detyrimit ushqimor; për të lehtësuar marrjen e provave
dokumentuese ose provave të tjera etj.
Në Konventë janë detajuar rregullat procedurale për paraqitjen e kërkesës,
përcjelljen, dhe komunikimin mes autoriteteve qendrore të shtetit kërkues dhe
shtetit të kërkuar. Kërkesa bëhet nëpërmjet autoritetit qendror të shtetit
kontraktues në të cilin banon kërkuesi, për autoritetin qendror të shtetit të kërkuar.
Konventa përcakton llojet e kërkesave që mund të paraqiten sipas saj, përkatësisht
nga kreditori apo debitori, në lidhje me rivendosjen ndërkombëtare të detyrimit
ushqimor apo forma të tjera të mbështetjes financiare ndërmjet anëtarëve të
familjes. Këto kërkesa kanë të bëjnë kryesisht me njohjen dhe ekzekutimin e një
vendimi në shtetin e kërkuar, zbatimin enjë vendimi të marrë ose të njohur në
shtetin e kërkuar, apo ndryshimin e një vendimi të marrë në shtetin e kërkuar ose
në një shtet të ndryshëm nga shteti i kërkuar. Konventa parashikon në një kapitull
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
82
të posaçëm rregullat për njohjen dhe ekzekutimin e vendimeve që përmbajnë
detyrimin për ushqim apo forma të tjera të mbështetjes financiare ndaj anëtarëve
të familjes, duke përcaktuar rastet kur vendimi duhet të njihet, apo në të kundërt të
refuzohet, nga autoriteti kompetent i shtetit të kërkuar. Në Konventë theksohet
fakti që autoriteti kompetent i shtetit të kërkuar nuk mund të shqyrtojë themelin e
vendimit të marrë nga autoriteti përkatës i shtetit të origjinës. Gjithashtu, autoriteti
kompetent i shtetit të kërkuar është i detyruar nga përfundimet e fakteve në të cilat
autoriteti i shtetit të origjinës ka bazuar juridiksionin e tij.
Në bazë të dispozitave të kësaj Konvente, ekzekutimi i vendimit kryhet në
përputhje me ligjin e shtetit të kërkuar. Konventa përcakton parimin e
mosdiskriminimit si parim themelor për ekzekutimin e vendimeve të njohura sipas
saj. Në kuadër të këtij parimi, çdo shtet i adresuar duhet të ofrojë minimalisht të
njëjtat metoda ekzekutimi për çështjet sipas Konventës, të cilat janë të
zbatueshme dhe për çështjet që rregullohen nga legjislacioni i brendshëm. Shtetet
kontraktuese duhet të vënë në dispozicion në ligjin e tyre të brendshëm masa
efektive për ekzekutimin e vendimeve sipas kësaj Konvente, masa të cilat mund të
përfshijnë: mbajtjen nga paga, konfiskimin e pasurisë së një personi të tretë nga
llogaritë bankare dhe burime të tjera, zbritjet nga pagesat e sigurimeve shoqërore,
barrën mbi ose shitjen e detyruar të pronës etj.
Edhe sipas së drejtës ndërkombëtare, interesi më i lartë i fëmijës duhet të jetë
konsideratë parësore në rastet e birësimit. Përveç këtij interesi parësor, gjatë
procedurës së birësimit duhet të kihen parasysh edhe parimet e tjera të
përgjithshme të parashikuara në Konventën për të Drejtat e Fëmijëve, siç janë
parimi i mosdiskriminimit, të drejtës së jetës, respektimit të interesave dhe
pasioneve të fëmijëve etj. Mbështetur në këto parime mund të përmendim dhe
Konventën e Hagës mbi “Mbrojtjen e fëmijëve dhe bashkëpunimin në lidhje me
birësimin”, gjithashtu dhe Konventën Europiane për Adoptimin e Fëmijëve (e
rishikuar)95
, kjo konventë parashikon se nuk mund të jepet miratimi për kryerjen e
procedurës së birësimit nga organet kompetente, pa patur fillimisht pëlqimin apo
mendimin e fëmijës së mitur (në varësi të gjendjes së maturisë të të kuptuarit të
këtij veprimi nga fëmija.)
95 Kjo konventw wshtw nwnshkruar nw vitin 2008 dhe ka hyrw nw fuqi nw vitin 2011
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
83
2.4. Jurisprudenca e GjEDNj lidhur me aspektet personale e pasurore të
marrëdhënieve prind-fëmijë
Me hyrjen në fuqi të Konventës Europiane të të drejtave të njeriut (3
shtator 1953), u aktivizua edhe Gjykata Europiane për të Drejtat e Njeriut
(GJEDNJ- 1959.) Përveç parashtrimit të një katalogu të të drejtave civile dhe
politike si dhe lirive, Konventa krijoj edhe këtë mekanizëm për vënien në zbatim
të detyrimeve të ndërmarra nga Shtetet Kontraktuese. Në bazë të Konventës, në
versionin e saj origjinal, ankesat mund të ngriheshin kundër Shteteve
Kontraktuese, ose nga Shtete të tjera Kontraktuese, ose nga kërkues individualë
(individë, grupe individësh, organizata jo-qeveritare). Njohja e së drejtës për
kërkesa individuale gjithsesi nuk ishte e detyrueshme, dhe kështu mund të
ushtrohej vetëm kundër atyre Shteteve që e kishin pranuar atë (Protokolli Nr.11 i
Konventës në vijim e bën pranimin e saj të detyrueshëm.) Konventa parashikon
një sërë të drejtash që direkt apo indirekt lidhen me jetën familjare dhe
rregullimin e marrëdhënieve ndërmjet anëtarëve të familjes. Artikulli më tipik i
cili përdoren më së shumti si bazë ligjore nga ankuesit të cilët pretendojnë se i
është shkelur e për respektimin e jetës private dhe familjare është artikulli 8 i
Konventës.96
Në vijim do të paraqesim disa nga çështjet më tipike të ankimuara në këtë
gjykatë që kanë të bëjnë kryesisht me konfliktet që krijohen midis prindërve dhe
fëmijëve në marrëdhëniet personale jopasurore dhe pasurore ndërmjet tyre.
Në rastin Camp dhe Bourimi kundër Hollandë 97
(3 tetor 2000) aplikanti i parë
dhe djali i saj fëmija (ankuesi i dytë), ishin detyruar të lëviznin nga shtëpia e tyre
familjare pasi i aplikantit i parë nuk kishte lidhur martesë me babain e fëmijës së
saj përpara vdekjes së tij si dhe babai nuk kishte njohur ende atësinë e fëmijës.
96 Nenin 8 të KEDNJ-së. 1. Çdo njeri ka të drejtën për respekt për jetën e tij private dhe familjare, vendbanimin e tij dhe korrespondencën e tij. 2. Një autoritet publik nuk ndërhyn ndaj ushtrimit të kësaj të drejte përveçse kur kjo është në përputhje me ligjin dhe kur është e nevojshme në një shoqëri demokratike në interes të sigurimit kombëtar, sigurisë publike ose mirëqenies ekonomike të vendit, për parandalimin e çrregullimeve ose krimit, për mbrojtjen e shëndetit ose moralit, ose për mbrojtjen e të drejtave dhe lirive të të tjerëve. 97 ECtHR Camp & Bourim v Netherlands, No.28369/95, 3 October 2000
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
84
Sipas ligjit holandez bashkëjetuesit nuk gëzojnë të drejtën e trashëgimisë nëse kjo
nuk është parashikuar nga trashëgimlënësi me testament, në të njëjtën kohë këtë të
drejtë nuk e gëzon dhe fëmija të cilit nuk i është njohur atësia ose amësia. Ndaj
dhe pasuria e tij (në këtë rast banesa në të cilën jetonte me bashkëjetuesen dhe
fëmijën e tyre), trashëgohej nga trashëgimtarët e tij ligjor (prindërit, vëllezërit e
motrat e të ndjerit.) Pas kësaj periudhe me akte të mëvonshme fëmija me vendim
gjykate ju njoh atësia e të ndjerit, por vendimi nuk kishte fuqi prapavepruese, ndaj
ai nuk përfitoj nga trashëgimia e të atit e cila ishte çelur përpara këtij momenti.
Në këtë rast Gjykata u shpreh se ka pasur shkelje të nenit 14 (ndalimi i
diskriminimit) në lidhje me Nenin 8 (e drejta për respektimin e jetës familjare) të
Konventës në lidhje me ankuesin e dytë. Gjykata arsyetoi se fëmija nuk kishte
gëzuar të drejtën e tij si trashëgimtar ligjor të të atit vetëm sepse njohja e atësisë
për shkak të rastit fatkeq dhe procedurave ishte zgjatur dy vite në kohë nga çasti i
vdekjes së prindit. Kjo përbënte pa dyshim një ndryshim në trajtim midis
personave në situata të ngjashme, në bazë të lindjes brenda apo jashtë martese.
Një diferencim i tillë i të drejtave të fëmijëve të lindur brenda apo jashtë martese
binte ndesh me parimet e Konventës. Gjykata gjatë hetimit të çështjes ka vënë re
se i ndjeri patur të gjitha qëllimet që të njoh atësinë e fëmijës si dhe të lidhte
martesë me nënën e tij përpara vdekjes.
Për sa më sipër gjykata nuk bie dakord me arsyetimin e bërë nga shteti holandez
për të diferencuar të drejtat dhe detyrimet që kanë fëmijët në bazë të statusit ligjor
të prindërve të tyre (të martuar apo bashkëjetues) për aq kohë sa provohet
legjitimiteti i tyre. Sipas gjykatës njohja e atësisë dhe amësisë ka fuqi
prapavepruese, që do të thotë që fëmijët gëzojnë të gjitha të drejtat e tyre që nga
momenti i konceptimit pavarësisht momentit të njohjes së tyre nga prindërit.
Edhe në një rast të ngjashëm atë të Inze kundër Austrisë 98
( (28 tetor 1987)
ankuesi nuk kishte të drejtë ligjore për të trashëguar fermën e nënës së tij, sepse ai
kishte lindur jashtë martese, pasi ajo vdiq pa lënë testament. Edhe pse ai kishte
punuar në fermë derisa ai ishte 23, gjysmë-vëllai (vëlla nga nëna) i tij ka
trashëguar të gjithë fermë. Me një zgjidhje gjyqësor të mëvonshëm, aplikanti në
fund mori një pjesë të tokës e cila kishte qenë premtuar atij nga nëna e tij gjatë
jetës së saj. Gjykata u shpreh se ka pasur shkelje të nenit 14 (ndalimi i
98
ECtHR Inze v Austria, No.8695/79, 28 October 1987
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
85
diskriminimit) të Konventës në lidhje me nenin 1 të protokollit nr.1 (e drejta për
gëzimin paqësor të pronës së) të Konventës. Pasi rikujtoi se Konventa është një
instrument i gjallë, që të interpretohet në dritën e kushteve të sotme, dhe se çështja
e barazisë midis fëmijëve të lindur në dhe të fëmijëve të lindur jashtë martese sa i
përket të drejtave të tyre civile, është në përputhje më parimet e KEDNJ-së
Në rastin Brauer kundër Gjermanisë99
(28 maj 2009) aplikantja nuk ishte
në gjendje për të trashëguar nga babai i saj që e kishte njohur atë në bazë të një
ligji që lidhet me të drejtat e fëmijëve të lindur jashtë martese para datës 1 korrik
1949. Të drejta të barabarta të trashëgimisë në dispozicion sipas ligjit të ish-
Republikës Demokratike Gjermane (ku ajo kishte jetuar për pjesën më të jetës së
saj) nuk zbatohen për shkak se babai i saj kishte jetuar në Republikën Federale të
Gjermanisë, kur Gjermania ishte i bashkuar. Ankuesi u ankua se, pas vdekjes së
babait të saj, përjashtimi i saj nga çdo e drejta të pasurive të tij, kishte arritur në
trajtim diskriminues dhe kishte qenë tërësisht disproporcionale. Gjykata u shpreh
se ka pasur shkelje të nenit 14 (ndalimi i diskriminimit) në lidhje me Nenin 8 (e
drejta për respektimin e jetës private dhe familjare) të Konventës. Ajo nuk mund
të gjej ndonjë bazë mbi të cilën një diskriminim i tillë në bazë të lindjes jashtë
martese mund të justifikohet sot.
Rast i ngjashëm mund të përmendim dhe rastin Mazurek kundër
Francës100
(1991) ku aplikanti, fëmijë i lindur jashtë martese, pasi bie dakord për
të emëruar noterin i cili do të bënte ndarjen e pasurisë, vëren se Neni 760 i Kodit
Civil kufizonte të drejtat në trashëgimi të fëmijëve të lindur jashtë martese, gjë që
konsiderohej diskriminuese dhe që binte në kundërshtim me Nenin 8 dhe Nenin
14 të Konventës dhe me Nenin 334 të Kodit Civil i cili mishëron parimin se
fëmijët e lindur nga martesa dhe fëmijët e lindur jashtë martese kanë të drejta të
barabarta. Mazurek pretendoi të ishte një mbajtës të drejtash të njëjta me ato të një
fëmije të ligjshëm. Ai gjithashtu jep argumente për të hedhur poshtë pretendimet e
Alain (fëmijës së lindur brenda martese) mbi shumën e parave të tërhequr nga
depozita bankare e nënës së tyre si një dhuratë, duke i bashkangjitur një letër të
lënë nga e ndjera më 20 janar 1988 si dhe deklaratave të disa dëshmitarëve. Në
lidhje me shkeljet e pretenduara të Nenit 14 të Konventës, Gjykata përsërit se ky
99 ECtHR Brauer v Germany, No.3545/04, 28 may 2009 100 ECtHR Mauzerek v France, No.34406/97, 1 February 2000
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
86
nen siguron gëzimin e të drejtave dhe lirive të garantuara nga Konventa, duke
ofruar mbrojtje kundër trajtimit të ndryshëm, pa një justifikim objektiv dhe të
arsyeshëm, të personave. Prandaj, duhet të përcaktohet nëse dallimi në trajtim
ishte i justifikuar. Për qëllime të Nenit 14 të Konventës, një ndryshim i trajtimit
është diskriminues në qoftë se ajo “nuk ka justifikim objektiv dhe të arsyeshëm”,
nëse ajo “nuk ndjek një qëllim legjitim”, ose nëse nuk është një “marrëdhënie të
arsyeshme proporcionaliteti ndërmjet mjeteve të përdorura dhe qëllimit që
kërkohet të realizohet”. Gjykata përsërit se Konventa është një instrument i gjallë
e cila duhet të interpretohet në dritën e kushteve të sotme. Gjykata konsideron se
qëllimi i mbështetur nga Qeveria e Francës, që është mbrojtja e familjes
tradicionale, është ndoshta legjitime. Gjykata vëren që në fillim se institucioni i
familjes nuk është fikse, qoftë historikisht, qoftë nga ana sociale apo edhe nga ana
ligjore. Sistemi i brendshëm Francez i Drejtësisë nuk ka gjetur asnjë terren në
rastin konkret për të justifikuar diskriminimin e fëmijëve të lindur jashtë martese.
Në çdo rast, një fëmijë i lindur jashtë martese nuk mund të fajësohet për rrethanat
për të cilat ai ose ajo nuk është përgjegjës. Gjykata arrin në përfundimin se nuk
kishte një marrëdhënie të arsyeshme të proporcionalitetit midis mjeteve të
përdorura dhe qëllimit të arritur, prandaj ka pasur një shkelje të Nenit 1 të
Protokollit Nr.1 të marrë së bashku me Nenin 14 të Konventës.
Në lidhje me pretendimin për shkelje të Nenit 8 kjo merret e lidhur me Nenin 14
të Konventës si dhe duke pasur parasysh përfundimet e nxjerra nga paragrafi i
mësipërm, duke pasur parasysh argumentet e ofruara nga palët janë të njëjta me
ato që shqyrtohen në kontekstin e Nenit 1 të Protokollit Nr. 1 të marra në lidhje
me Nenin 14 të Konventës, Gjykata nuk e konsideron të nevojshme për ta
shqyrtuar këtë ankesë.
Veprime juridike, kontrata në kundërshtim me interesin e fëmijëve:
Në rastin S.L. dhe J.L. kundër Kroacisë101
(7 maj 2015) kishte të bënte me
një marrëveshje për të shkëmbyer një pronë bregdetare me vlerë të
konsiderueshme me një pronë tjetër më pak të vlefshme. Ky shkëmbim ishte bërë
me pëlqimin e Qendrës së Mirëqenies Sociale Kroate, pasi të dy aplikantët
(pronar të pronës bregdetare) në kohën e shkëmbimit ishin minorenë, dhe nëna e
tyre ishte një narkomane në vështirësi financiare e babai tyre ishte në paraburgim.
Duke qenë se shkëmbimi i kësaj prone ishte dukshëm në disfavor të të miturave
101 ECtHR S.L & J.L v Croatia, No.13712/11, 7 May 2015
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
87
(titullare të së drejtës së pronësisë), ati i tyre ishte munduar të kundërshtonte këtë
vendim në gjykatën vendase duke arsyetuar edhe se avokati i cili kishte
përfaqësuar të bijat në këtë veprim kishte konflikt interesi me to. Para Gjykatës,
ankuesit u ankuan se shteti kroat, përmes Qendrës për punë sociale, kishte
dështuar për të mbrojtur interesat e miturave si pronarë të një vilë e cila ishte me
vlerë të konsiderueshme më të madhe se të banesës ishin dhënë në këmbim.
Pyetja kryesore në këtë rast ishte nëse shteti mori interesin më të lartë të fëmijëve
në konsideratë gjatë pranimit të shkëmbimit të pronës? Si të mitur interesat e tyre,
në rast të pamundësisë së prindërve, duhet të mbrohen nga shteti, në veçanti
përmes Qendrës për punë sociale dhe kjo ishte detyrë e gjykatave civile për të
shqyrtuar pretendimet në lidhje me marrëveshjen e shkëmbimit të cilat ka ngritur
çështjen e përputhshmërisë me detyrimin kushtetues të shtetit për mbrojtur
fëmijët. Gjykata u shpreh se në rastin e aplikantëve ka pasur një shkelje të nenit 1
(mbrojtja e pronës) të Protokollit 1 të Konventës, duke gjetur se autoritetet
vendase kanë dështuar të marrin masat e nevojshme për të mbrojtur interesat e
pronësisë të fëmijëve në marrëveshjen e shkëmbimimit të pasurisë së paluajtshme.
Veprime në lidhje me administrimin e pasurisë së fëmijës
Në rastin Stagno kundër Belgjikës102
. Pas vdekjes së babait të tyre të dy
aplikantët, të cilët në momentit e vdekjes së të atit ishin të mitur si dhe disa
pasardhës të tjerë përfituan një shumë parash nga një kompani sigurimi në Belgjik
si përfitues të sigurimit të jetës së babait të tyre. Nëna e fëmijëve si përfaqësuese
ligjore e tyre, depozitoj shumën e parave në një llogari bankare e cila u boshatis
në më pak se një vit. Me arritjen e moshës madhore të dy fëmijët ngrejnë padi
kundër nënës së tyre si dhe kundër kompanisë së sigurimit. Pak më vonë ato
arrijnë një marrëveshje me nënën e tyre dhe heqin dorë nga padia e ngritur kundër
saj. Në GJEDNJ aplikantët pretendojnë se i është shkelur (privuar) e drejta e tyre
për t’iu drejtuar gjykatës vëndase, pasi kjo e fundit pretendon se e drejta e tyre
është parashkruar edhe pse gjatë asaj periudhe ankuesit ishin minoren. GJEDNJ
konstaton se ka patur shkelje të nenit 6 të KEDNJ-së nga gjykata vendase, duke
penguar aplikantët të ushtrojnë të drejtën e tyre, kjo gjykatë ka favorizuar
kompaninë e sigurimit. GJEDNJ vlerëson se respektimi strikt i afatit të
102
ECtHR Stagno v Belgium, No.1062/07, 7 July 2009
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
88
parashkrimit, pa marrë parasysh rrethanat e veçanta rast pas rasti, ka penguar
aplikantët për të përmbushur të drejtën e tyre.
Një rast tjetër interesant përsa i përket keq administrimit të pasurisë së të
miturit nga prindërit është dhe rasti i famshëm i artistit të mitur anglez Stephen
John Coogan, i cili paditi nënën dhe menaxherin e tij për keqpërdorim të të
ardhurave të fituara nga i mituri me anë të punës artistike. Në bazë të ligjit
Kalifornian të asaj kohe, të ardhurat e të miturit administroheshin dhe i përkisnin
prindërve të tij. Pasi Coogan realizoi në moshën 21 vjeçare se të gjitha të ardhurat
e tij ishin konsumuar, ai paditi nënën e tij dhe menaxherin. Duke qënë se kërkesa
e tij nuk ishte e bazuar në ligjin në fuqi të asaj kohe, Cooganit nuk j’u kthyhen
asnjëherë të ardhurat e konsumuara nga prindërit e tij. Si rrjedhojë, për të
mbrojtur të drejtat e të miturve të cilët merreshin me punë artistike që sillnin të
ardhura të në vitin 1939 në Kaliforni hyri në fuqi i famshmi Coogan Laë (Ligji
Kogan). Ligji u miratua me qëllimin për të ruajtur një pjesë të të ardhurave të
fëmijës aktor ose që merret me veprimtari krijuese deri sa ai të arrij moshën
madhore. Në fillimet e tij ligji parashikonte depozitimin nga punëdhënesi e një
pjese të të ardhurave të fituara nga aktori i mitur në një depozitë bankare të
caktuar nga gjykata, më pas me ndryshimet në vijim ky ligj parashikonte se të
gjitha ardhurat e fituara nga i mituri i përkasin vetëm atij, dhe do të konsiderohej
shkelje çdo përdorim i pautorizuar i tyre. Ky ligj është në fuqi edhe sot, ku më
shumë se kurrë të miturit artist fitojnë shuma marramëndëse parash nga puna e
tyre artistike.
Çështje që efektojnë në marrëdhëniet e birësimit:
Çështja Zaiet kundër Rumanisë103
, ka të bëj me kërkesën e aplikantes për
anullimin e proçedurës së birësimit të saj, nxitur nga e motra gjithashtu e birësuar,
tridhjetë e një vite pasi ishte miratuar proçedura dhe tetëmbëdhjetë vite pas
vdekjes së nënës së tyre. Ankuesi pretendoi në mënyrë të veçantë se anulimi i
birësimit të saj ka qenë një ndërhyrje arbitrare dhe jo proporcionale në jetën e saj
familjare, duke parashtruar se ajo kishte jetuar me nënën e saj birësuese që nga
mosha nëntë dhe se marrëdhëniet e tyre ishte e bazuar në dashuri, përgjegjësi dhe
reciproke mbështetje. Ajo gjithashtu u ankua se, pas anulimit të birësimit të saj,
ajo humbi titullin për pesë hektarë pyje ajo trashëguar nga nëna e saj birësuese.
103 ECtHR Zaiet v Romania, No.44958/05, 24 March 2015
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
89
Ky ishte rasti i parë të cilin Gjykata duhet të marri në konsideratë anulimin e
urdhrit birësimit në një kontekst ku prindi birësues kishte vdekur dhe i birësuari
ka kohë arritur moshën madhore. Në rastin e ankuesit, Gjykata, ka konstatuar se
vendimi i anulimit ishte i paqartë dhe i mungon arsyetimi për marrjen e një mase
të tillë radikale, si dhe arriti në përfundimin se ndërhyrja në jetën e saj familjare
nuk ishte i mbështetur nga arsye përkatëse dhe të mjaftueshme, në kundërshtim
me nenin 8 (e drejta për respektimin e jetës private dhe familjare) të Konventës.
Gjykata vuri në dukje në mënyrë të veçantë që, në çdo rast, anulimi i një
procedure birësimi nuk duhet të jetë parashikuar si masë ndaj fëmijës së adoptuar
dhe theksoi se në dispozitat dhe vendimeve për çështjet e birësimit ligjore,
interesat e fëmijës duhej të mbetet i lartë. Gjykata gjithashtu se ka konstatuar një
shkelje të nenit 1 të protokollit nr.1 (mbrojtja e pronës) të Konventës, për shkak të
ndërhyrjes joproporcionale me pronën e aplikantit të drejtën mbi tokën e
kontestuar.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
90
KAPITULLI I TRETË
LEGJISLACIONI SHQIPTAR DHE PROBLEME TË PRAKTIKËS
GJYQËSORE LIDHUR ME MARRËDHËNIET PERSONALE E
PASURORE PRIND-FËMIJË
3.1. Parimet kryesore të marrëdhënieve personale prind-fëmijë në
legjislacionin shqiptar
Marrëdhënien juridike që krijohet ndërmjet prindërve e fëmijës/ve e drejta
e përkufizon si përgjegjësi prindërore. Në bazë të nenit 215 të kodit të familjes
“Përgjegjësia prindërore përfshin tërësinë e të drejtave dhe detyrave që kanë për
qëllim të sigurojnë mirëqenien emocionale, sociale dhe material të fëmijës, duke u
kujdesur për të, duke mbajtur raporte vjetake me të, duke i siguruar atij mirërritje,
edukimin, arsimimin, përfaqësimin ligjor dhe administrimin e pasurive të tij.’’104
Momenti i lindjes së kësaj marrëdhënie juridike (përgjegjësisë prindërore) që
krijohet mes fëmijëve dhe prindërve është vërtetimi i faktit juridik të riprodhimit
apo të birësimit të fëmijës.
Dispozita e sipërcituar (215 KF) njeh të drejta e detyrime të barabarta pavarësisht
nga burimi i lindjes së kësaj marrëdhënie.105
Prindërimi si çdo marrëdhënie tjetër
juridike krijon të drejta e detyrime për palët. Edhe pse parimi kryesor i së drejtës
në çdo marrëdhënie që krijohet ndërmjet subjekteve të së drejtës është parimi i
barazisë së palëve, në këtë marrëdhënie (prindërimi) vëmë re se prevelon interesi
me i lartë i njërës palë, ai i fëmijëve. Ky parim në fakt përshkruan të gjitha
dispozitat e KF dhe përputhet tërësisht me frymën e tij. Kjo do të thotë që të gjitha
marrëdhëniet e këtij lloji do të kushtëzohen prej këtij parimi, sepse ai është më
lartë e më parësor.106
Në bazë të KF detyrën për të respektuar këtë parim e kanë
prindërit, organet kompetente dhe gjykata.107
104 Siç mund te shohim koncepti i marrëdhënies të prindërimit ka evoluar në kohë duke kaluar pushteti absolut i pater familias (e drejta romake – pater potestas) tek parimi i interesit më të lartë ai të fëmijës” 105 Nga zbërthimi i KF marrëdhënia e prindërimit lind që nga moment i vërtetimit të faktit të qenit prind pavarësisht burimit të kësaj marrëdhënie (prind biologjik apo birësues, lindur nga martesa apo jashtë saj) - njohje vullnetare apo vendim gjyqësor. 106 Mandro Arta, “E drejta Familjare”, Tiranë. 2009, fq.59
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
91
Ndonëse neni 2 i KF parashikon një parim të përgjithshëm në lidhje me të drejtat
e fëmijëve, çka do të thotë se i shtrin efektet e tij në të gjitha aspektet që lidhen
me vendime ose veprime për rregullimin e marrëdhënieve personale (vetjake) e
pronësore me të miturit dhe për të miturit, kodi, në pjesë të ndryshme të tij, si për
të tërhequr vëmendjen e autoriteteve (prindërve, institucioneve të edukimit etj)
kryesisht gjyqësorit i cili me vendimet e tij me palë të miturin disponon mbi të
tashmen e të ardhmen personale dhe pasurore të tij, nënvizon edhe njëherë në
mënyrë të veçantë parimin e interesit më të lartë të fëmijës.108
Në zbërthim të dispozitës që rregullon përgjegjësinë prindërore,109
mund të
klasifikojnë tërësinë e të drejtave dhe detyrimeve në:
1. Të drejta e detyrime me karakter personal jo pasurore;
2. Të drejta e detyrime me karakter pasuror që ushtrohen lidhur me pasurinë
e fëmijës.
Në vazhdim po trajtojmë të drejtat e detyrimit e sipërcituara:
Të drejtat e detyrimet me karakter personal jopasuror në marrëdhënien e
prindërimit:
E drejta e caktimit të emrit të fëmijës – kjo e drejtë i përket ekskluzivisht
prindërve të cilët e vendosin atë me marrëveshje ndërmjet tyre. Në rastet kur
prindërit janë të panjohur dhe fëmija deklarohet i braktisur emri i fëmijës
vendoset nga autoriteti më i lartë lokal i vendit ku është gjetur fëmija (kryetari i
bashkisë ose komunës.)
Caktimi i mbiemrit të fëmijës – fëmija merr automatikisht mbiemrin e përbashkët
të prindërve. Kur prindërit mbajnë dy mbiemra të ndryshëm rregulli është që
fëmijët e lindur nga i njëjti atë dhe e njëjta nënë mbajnë të gjithë një mbiemër i
cili caktohet me marrëveshje ndërmjet bashkëshortëve, në rast se kjo marrëveshje
nuk arrihet fëmijët mbajnë mbiemrin e atit (në mendimin tim është i vetmi
parashikim i këtij kodi i cili vë në pozitë më favorizuese pozitën e atit dhe “shkel”
parimin e barazisë ndërmjet burrit dhe gruas, parim ky bazë i këtij kodi).
107 Shih nenin 2 të KF. 108 Mandro Arta, “E drejta Familjare”, Tiranë. 2009, fq.52 109 Shih nenin 2 të KC.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
92
Detyrimin për t’u kujdesur për fëmijët e mitur deri sa ato të arrijnë moshën
madhore, të lidhin martesë, apo të arrijnë moshën 25 vjeç110
nëse vazhdojnë
studimet e larta. Prindërit që nuk jetojnë bashkë, duhet të merren vesh se me cilin
prej tyre do të jetojë fëmija. Kur kjo marrëveshje nuk arrihet, nëpërmjet kërkesës
së njërit prej tyre, është gjykata ajo që vendos prindim me të cilin do të jetoj i
mituri. Nëse fëmija ka mbushur moshën 10 vjeç gjatë gjykimit të çështjes gjykata
dëgjon dhe mendimin e fëmijës. Në këtë rast, gjykata vendos dhe për mënyrën e
ushtrimit të përgjegjësisë prindërore për prindin i cili nuk do të jetoj me fëmijën.
Vendimi i gjykatës mund të ndryshohet nëse vërtetohet se rrethanat në të cilat
është marrë ky vendim kanë ndryshuar
Mirërritja dhe edukimi i fëmijës. Është mëse e qartë që në çdo kohë, në çdo sistem
një nga funksionet e familjes është rritja dhe edukimi i fëmijëve në mënyrën më të
mirë të mundshme. Përveçse një detyrim ligjor rritja dhe edukimi i fëmijëve, është
thirrje e brendshme që vjen pikërisht nga instituti i prindërimit, një “institut” i cili
krijon lidhje e nyje të pazgjidhshme midis prindit dhe fëmijëve të tyre. Prindërit
kanë detyrimin të krijon një mjedis familjar për fëmijët që nga lindja deri në
momentin që bëhen madhor (sigurisht që ky moment përfundimi të përgjegjësisë
prindërore është një afat ligjor i vënë nga ligjvënësi për të çliruar palët nga
presioni i ligjit, por ne e dimë fare mirë, si rregull natyror, që marrëdhëniet
familjare e sidomos ato midis prindërve dhe fëmijëve mbeten të përjetshme e të
pazgjidhshme, përherë në mbështetje e në ndihmës të njëri-tjetrit.)
Koncepti mjedisi familjar duhet të parë në dy aspekte:
a) në aspektin objektiv – krijimi i kushteve dhe të mirave materiale që garantojnë
të drejtat e fëmijës për të patur një jetë normale, këtu përfshihet sigurimi i
banesës, veshmbathjeve, ushqimit, etj.
dhe në
b) në aspektin subjektiv – krijimi i një mjedis familjarë të qetë e të ngrohtë, që
karakterizohet nga dashuria, përkujdesja dhe shmangia e skenave të dhunës në
familje. Një mjedis i cili i siguron të miturit një fëmijëri të qetë dhe pa probleme.
110 Shih n. 197 të KF “Detyrimi për ushqim ndërmjet prindërve dhe fëmijëve”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
93
Edukimi dhe arsimimi i fëmijës është një tjetër detyrim i prindërve kundrejt
fëmijëve. Sigurisht ka qenë dhe mbetet ende postulat shprehja se “një njeri i
arsimuar është një njeri i edukuar”, megjithëse jo e vlefshme në të gjitha rastet,
arsimimi është një vlerë e shtuar për çdo njëri në veçanti e për të gjithë shoqërinë
në përgjithësi. Pavarësisht se prindërit janë të prirur të bëjnë më të mirën për
fëmijët e tyre niveli i tyre kulturor, arsimor dhe ekonomik jo gjithmonë i
favorizon ato që të bëjnë zgjedhjen e duhur për fëmijët. Ndaj mendoj që
parashikimi ligjor për arsimin e detyrueshëm111
për të miturit është detyrë e çdo
ligjvënësi.
Përfaqësimi natyror dhe ligjor i fëmijëve të mitur në mbrojtje të interesave të
tyre. Prindërit përfaqësojnë fëmijën e tyre të mitur që nuk ka mbushur moshën
katërmbëdhjetë vjeç në të gjitha veprimet juridike, me përjashtim të atyre që,
sipas ligjit, i mituri mund t’i kryejë vetë.
I mituri, që ka mbushur moshën katërmbëdhjetë vjeç, i kryen vetë veprimet
juridike, por kurdoherë me pëlqimin paraprak të prindërve, me përjashtim të atyre
që, sipas ligjit, mund t’i kryejë vetë. Nga interpretimi i dispozitave shohim qartë
që prindërit janë përfaqësues natyror e ligjor të fëmijëve, në mbrojtje të të drejtave
personale dhe pasurore të tyre, pa patur nevojë për një akt të veçantë përfaqësimi.
Kjo e drejtë përfaqësimi e prindërve është e plotë deri sa fëmija është nën moshën
14 vjeç (lidhet me mospasjen e zotësisë për të vepruar të çdo personin nën
moshën 14 vjeç) dhe vjen duke u kufizuar kur i mituri është 14-18 vjeç (ky
kufizim vjen në proporcion me fitimin e zotësisë për të vepruar nga i mituri),
periudhë kjo kur i mituri lejohet të kryej disa veprime juridike personalisht pa
patur nevojën që të përfaqësohet nga prindi apo përfaqësues të tjerë ligjor.
Gjithashtu përveç të drejtave të parashtruara më lartë mbeteten të padiskutueshme
dhe të drejta të tjera të cilat ndonëse të papërcaktuara në mënyrë taksative nga
ligjvënësi shkojnë në frymën e ligjit dhe burojnë nga marrëdhënia natyrore dhe e
veçantë që krijohet midis këtyre anëtarëve të familjes, siç janë e detyrimi për të
mbrojtur e kujdesur për jetën dhe shëndetin e fëmijëve, detyrimi për të siguruar
një fëmijëri të qetë dhe të sigurtë, larg dhunës dhe ambienteve ku ushtrohet
presion ndaj të miturve.
111 Shih nenin 22 të Ligjit Nr. 69/2012 “Për sistemin arsimor parauniversitar në Republikën e Shqipërisë”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
94
Marrëdhëniet personale prind-fëmijë për fëmijët e lindur jashtë
martese
Fëmijët e lindur jashtë martese kanë të njëjtat të drejta dhe detyra si fëmijët e
lindur nga martesa.112
Përgjegjësia prindërore ndaj fëmijës së lindur jashtë
martese ushtrohet nga prindi që e ka njohur fëmijën si të tij. Në qoftë se ai është
njohur nga të dy prindërit, përgjegjësinë prindërore e kanë të dy prindërit. Me
kërkesë të të atit, të nënës ose të prokurorit, gjykata mund të ndryshojë kushtet e
ushtrimit të përgjegjësisë prindërore dhe të vendosë që ai të ushtrohet nga njëri
prind ose nga të dy bashkërisht. Gjykata në këtë rast vendos se me cilin prind do
të banojë fëmija. Gjykata vendos për të drejtën e vizitës dhe të mbikëqyrjes së
prindit, me të cilin fëmija nuk banon.113
Marrëdhëniet personale ndërmjet prindërve dhe fëmijëve të birësuar
Në rastin e fëmijëve të birësuar, i mituri gëzon të njëjtin status si fëmija
biologjik. Në këtë kuptim ai gëzon të njëjtat të drejta e detyrime kundrejt
prindërve birësues dhe anëtarëve të tjerë të familjes.114
Marrëdhëniet personale prind fëmijë në situatat e zgjidhjes së
martesës
Përveç pasoj kryesore atë të shuarjes së raportit ndërmjet bashkëshortëve
zgjidhja e martesës, sjell pasoja juridike dhe në drejtim të ushtrimit të
përgjegjësisë prindërore. Sqarojmë se marrëdhënia prindërore nuk lind
detyrimisht si rezultat i martesës, por si vërtetim i faktit juridik të lindjes apo
birësimit, ndaj zgjidhja e saj nuk sjell asnjë pasojë në drejtim të përmbajtjes së
marrëdhënieve prindërore (të drejtave e detyrimeve të fëmijëve) por për shkak të
natyrës që ajo ka sjell në drejtim të mënyrës së ushtrimit të këtyre të drejtave e
përmbushjes së detyrimeve përkatëse115
. Sikurse mund të merret me mënd, për
fëmijën e lindur brenda martese, përgjegjësia prindërore ushtrohet së bashku e
njëkohësisht nga të dy bashkëshortët (prindërit e fëmijës.) Ky ushtrim i
112 Shih nenin 4 të KF. 113 Shih nenin 227 të KF. 114 Shih nenin 259 të KF. 115 Shih nenin 154 të KF “Zgjidhja e martesës nuk prek të drejtat dhe detyrimet që kanë prindërit ndaj fëmijëve të tyre, me përjashtim të rasteve të parashikuara në këtë Kod”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
95
përbashkët i të drejtave dhe detyrimeve ndaj fëmijës, bazohet së pari në jetesën e
përbashkët të prindërve me fëmijën gjatë martesës, ndaj si rrjedhojë zgjidhja e
martesës do të ndikoj dhe në ushtrimin e përbashkët të përgjegjësisë prindërore,
pasi kuptohet që fëmija nuk mund të jetoj njëkohësisht me të dy prindërit. Në
bazë të përcaktimit të prindit me të cilin do të banojë fëmija do të përcaktohet dhe
mënyra se si do të ushtrohen të drejtat dhe detyrimet nga prindi që nuk
bashkëjeton me fëmijën. Në këtë situatë gjykata është organi kompetent (në rast të
mungesës së një marrëveshje ndërmjet palëve-prindërve) i cili do të caktoj:
- Prindin të cilit do t’i besohet rritja dhe edukimi i fëmijës pas zgjidhjes së
martesës;
- Përcaktimin e mënyrës së ushtrimit të të drejtave dhe detyrimeve ndaj
fëmijës;
- Kontributin material për mirërritjen dhe edukimin e fëmijës;
- Te drejtat dhe detyrimet lidhur me administrimin dhe përdorimin e
pasurisë së fëmijës
- Çdo parashikim tjetër në Kodin e Familjes në lidhje me përmbushjen e
përgjegjësisë prindërore.
Marrëdhëniet personale me të afërmit
Prindërit nuk mund të ndalojnë fëmijën të ketë marrëdhënie vetjake me gjyshërit e
tij, me përjashtim të rasteve kur ekzistojnë shkaqe të rënda. Në rast
mosmarrëveshjeje midis palëve, gjykata mund të vendosë për mënyrën e
rregullimit të këtyre marrëdhënieve.
3.2. Aspektet pasurore të marrëdhënies prind-fëmijë sipas legjislacionit
shqiptar
Fëmijës në cilësinë e subjektit të së drejtës, i cili gëzon zotësi juridike që në
momentin e konceptimit116
mund t’i përkasin sende apo të drejta reale të tjera mbi
to, të fituara sipas mënyrave të parashikuara në kodin civil për fitimin e pronësisë
dhe të drejtave reale të tjera117
.
116 Shih nenin 2 Kodi Civil “Zotësia juridike fillon me lindjen e personit gjallë dhe mbaron me vdekjen e tij. Fëmija kur lind gjallë gëzon zotë juridike që nga koha e zënies”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
96
Mënyrat e fitimit të pasurisë së fëmijës që ndeshen me shpesh në praktikë
janë:
Trashëgimia
I mituri mund të jetë subjekt i fitimit të trashëgimisë testamentare dhe ligjore.
Ai në cilësinë e trashëgimtarit mund të fitojë të gjithë pasurinë e trashëgimlënësit
ose një pjesë të saj, apo vetëm një send të caktuar ose një të drejtë tjetër
pasurore.118
Fëmija gëzon zotësi për të trashëguar që në momentin e konceptimit
nëse ka lindur gjallë apo kur ka lindur brenda 300 ditëve nga vdekja e
trashëgimlënësit, duke prezumuar që ka qenë zënë në momentin e çeljes së
trashëgimisë119
. Në cilësinë e trashëgimlënësit mund të jenë prindërit ose persona
të tretë në lidhje gjinore ose jo me fëmijën. Në konceptin e pasurisë së trashëguar
përveç aktivit bën pjesë dhe pasivi që shoqëron trashëgimin e fituar.120
Pasuria e fituar me leg
Në bazë të nenit 384 të K.C- “Trashëgimlënësi mund të ngarkoj
trashëgimtarin dhe trashëgimtarët e caktuar në testament nga rradha e parë, e dytë
dhe e tretë që t’u japin një ose më shumë trashëgimtareve ligjor një përfitim
pasuror nga trashigimia, pa i bërë këta trashigimtarë.” Kur trashigimlënësi, që nuk
ka trashigimtar të rradhëve të mësiperme, ka caktuar në testament si trashigimtar
persona të tjerë, mund ti ngarkoj këta me leg në dobi të çdo personi tjetër.
Dispozitat e zotësisë për të trashëguar vlejnë edhe për personin që i është lënë
legu. Nga sa më sipër vëmë re që personi që trashëgon pasuri me anë të legu, në
këtë rast fëmija, e fiton këtë pasuri nëpërmjet testamentit me kushtin që në kohën
e çeljes së trashigimisë të jetë gjallë ose të jetë zënë 300 ditë para vdekjes së
trashigimlënësit dhe të ketë lindur gjallë. Përveç pasurisë konkrete të trashëguar
me anë të legut, legatari ka të drejtë të kërkoj frutet ose kamatat që rrjedhin nga
117 Shih nenin 163 e në vijim të K.C 118 Shih nenin 332 të K.C 119 Shih nenin 320 të K.C 120 Vendim Unifikuesi GJ L ,Nr 23,dt 01.04.2002
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
97
legu që nga dita që i është caktuar dorëzimi i legut121
. Sigurisht në rastin e
fëmijës kjo kërkesë bëhet e aplikueshme nëse përfitimet (frutat) e ardhuara nga
pasuria janë shfrytëzuar nga persona të tretë e jo nga prindërit e tyre.
Pasuri të fituara nga kontrata e dhurimit
Një nga mënyrat tipike të fitimit të pronësisë nga i mituri është kontrata e
dhurimit, me anë të së cilës dhuruesi (prindërit apo persona të tjerë) i kalojnë
fëmijës në pronësi pa kundërshpërblim një send ose një të drejtë tjetër reale. Në
cilësinë e dhuruesit mund të jenë prindërit, një i afërm ose një person tjetër i tretë
(ligji nuk prashikon asnjë kufizim për rrethin e dhurueseve.)
Kontrata në dobi të personave të tretë 122
Kjo kontratë e parashikuar në nenin 694 të K.C rregullon një veprim juridik
ndërmjet dy palëve që lidhin një kontratë prej së cilës rrjedhin të drejta për një
person të tretë, i cili nuk merr pjesë në këtë marrrëveshje. Në cilësinë e personit të
tretë mund të jetë fëmija i mitur. Në praktikë mund të ndeshim rastet e kontratës
së depozitës bankare që mund të lidhin prindërit në favor të fëmijës dhe fëmijëve
të tyre, kontratës së sigurimit vullnetar të jetës në favor të fëmijës apo në rastin e
një kontrate dhurimi me kusht ose barrë, kur përmbushja e këtyre elementeve
konsiston në përmbushjen e detyrimit në favor të fëmijës.
Të ardhurat e fituara nëpërmjet punës
Bazuar në K.C i mituri ka të drejtë të fitoj të ardhura nëpërmjet punës së tij, në
përputhje me moshën dhe legjislacionin e punës. Gjithashtu në konceptin e punës
së të miturit mund të futen dhe veprimtaria krijuese e tij, artistike, shkencore apo
sportive nga e cila i mituri fiton të ardhura.Të ardhurat e fituara në një nga
mënyrat e parashikuara më sipër bëjnë pjesë në pasurinë e fëmijës.
Në bazë të Kodit të Punë (KP)123
së Republikës së Shqipërisë të miturit nga
mosha 16 deri në 18 vjeç mund të punësohen në punë të lehta, që nuk dëmtojnë
shëndetin dhe formimin e tyre124
. Në nenin 98 të KP përcaktohet dhe mosha
121Shih nenin 385 të K.C 122 Shih nenin 694 të K.C 123 Ligji nr. 8961/12.07.1995, i ndryshuar
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
98
minimale për të punuar, kështu: “1) Ndalohet marrja në punë e të miturve nën
moshën 16 vjeç. Bëjnë përjashtim rastet kur të miturit nga mosha 14 deri në 16
vjeç punësohen gjatë pushimeve shkollore vetëm në punë të lehta, që nuk
dëmtojnë shëndetin dhe formimin e tyre. 2) Të miturit nga mosha 14 vjeç deri në
moshën 16 vjeç mund të jenë subjekt i këshillimit dhe i formimit profesional, sipas
rregullave të përcaktuara me vendim të Këshillit të Ministrave.”
Të ardhurat e fituara nga puna e të miturit nëse ta pakonsumuara bëjnë
pjesë në pasurinë vetjake të tij dhe mund të administrohen nga i mituri pas
pëlqimit të dhënë nga prindërit.
Nga sa më sipër gjatë ushtrimit të përgjegjësisë prindërore ndaj të miturit në
marrëdheniet me karakter pasuror prindërit janë përgjegjës për:
a) Përfaqësimin ligjor të fëmijës së mitur;
b) Administrimin e pasurisë së fëmijës së mitur;
c) Përdorimi i pasurisë së fëmijës së miturit 125
Me pasuri të të miturit do të kuptojmë tërësinë e të drejtave dhe detyrimeve
pasurore të tij, të cilat i gëzon si titullar apo si subjekt i së drejtës civile. Në këtë
kuptim si pasuri të fëmijës do të përfshihen të gjitha sendet apo të drejtat të tjera
të fituara, sipas mënyrës të përcaktuar me ligj, të cilat mund të jenë origjinale ose
të prejardhura, mortis causa ose intervivos.
Kuptimi i përfaqësimit ligjor. Përfaqësimi ligjor i fëmijës së mitur
Neni 232 i K.F126
paraqet instrumentin ligjor nëpërmjet të cilit realizohen në
praktikë detyrimet prindërore ndaj të miturve nëpërmjet, përfaqësimit ligjor të
tyre. Për shkak se ky detyrim buron nga dispozitat ligjore, dhe konkretisht nga
dispozitat e parashikuara në K.F, prindërit konsiderohen, përfaqësues ligjor të
fëmijës. Siç e dim dhe nga e drejta civile për të qënë subjekt i së drejtës personat
124 Shih nenin 99, të KP 125 Sqarim: Pavarsisht se në n.1 të KDF parashikon se “Me fëmijë kuptohet çdo qënie njerëzore nën moshën 18 vjeç, me perjashtim kur mosha madhore arrihet më përpara’’ autori ka preferuar të përdori fjalën ‘’I mituri’’ për të identifikuar me lehtësisht në praktik kufirin e përgjegjësisë prindërore ndaj fëmijve – pasi raporti prind-femijë mbetet i përjetshëm edhe kur fëmija ka kaluar fazën e miturisë 126 Shih nenin 232 të K.F
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
99
duhet të gëzojnë zotësi juridike. Zotësia juridike është mundësia në potencë e
personit për të qënë mbartës i të drejtave dhe detyrimeve brënda kufijve të
vendosura nga ligji. Në këto kushte edhe i mituri gëzon që në lindje aftësinë për të
qënë në potencë titullar i të drejtave dhe detyrimeve civile.Vënia në jetë dhe
ushtrimi i këtyre të drejtave si dhe marrja përsipër e përmbushjes së detyrimit
nëpërmjet kryerjes së veprimeve juridike, kryhet vetëm kur subjekti i
marrëdhënies juridike civile të ketë fituar zotësinë e plotë për të vepruar.
Kodi Civil e ndan në tre faza arritjen e zotësisë të plotë për të vepruar:
a) Pazotësia për të vepruar127
- I mituri që nuk ka mbushur moshën 14 vjeç është i
pazoti për të veprua. Ai mund të kryej veprime juridike që përputhen me moshën
e tij dhe që përmbushen aty për aty. Veprimet e tjera i kryen në emër të tij
përfaqësuesi i tij ligjor (që mund të jetë prindi ose një përfaqësues tjetër i caktuar
me vendim gjykate)
b) Zotësi e kufizuar për të vepruar128
- I mituri që ka mbushur moshën 14 vjeç
mund të kryej veprime juridike vetëm me pëlqimin e mëparshëm të përfaqësuesit
të vet ligjor. Disa veprime juridike pavarsisht se mund të marrin pëlqimin e
prindërve mund të kryhen nga i mituri vetem pas arritjes së moshës madhore, si
psh: kontrata martesore, testament, njohja dhe kundërshtimi i atësisë, etj.
c) Zotësi e plotë për të vepruar129
personi kur mbush moshën 18 vjeç, fiton
zotësinë që me veprimet e tij të fitojë të drejta e të marri përsipër detyrime civile.
Dispozita parashikon dhe fillimin e zotësisë së plotë për të vepruar të gruas që
martohet përpara kësaj moshe. Në këtë rast këtu mund të vihet shenja e barabartë
dhe për burrin që lidh martesë përpara moshës 18 vjeç (instituti i
emancipimit130
).131
Pavarësisht arritjes së moshës 18 vjeç të kërkuar nga ligji,
kodi civil parashikon edhe një kusht tjetër të fitimit të plotë të zotesisë për të
vepruar, atë të qënit i aftë mendërisht për të kuptuar qëllimin dhe rëndësinë e
veprimeve juridike që personi do të kryej. Nga sa është parashtruar më sipër
kuptohet që mungesa e zotësisë për të vepruar nuk i lejon të miturin të marrë pjesë
127 Shih nenin 8 të K.C 128 Shih nenin 7 të K.C 129 Shih nenin 6 të K.C 130 Mandro Arta, “E drejta Familjare”, Tiranë. 2009, fq.85 131 Shih nenin 7 të K.F
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
100
i vetëm në kryerjen e veprimeve juridike të caktuara. Për kryerjen e tyre për efekt
vlefshmërie është e nevojshme dhe pëlqimi paraprak i prindërve ose përfaqësimi i
vullnetit të tyre nga persona që kanë zotësi të plotë për të vepruar.
Nga njohuritë që kemi nga instituti i përfaqësimit, përfaqësuesi kryen veprime
juridike në emër e për llogari të fëmijës. Kjo do të thotë se megjithëse
përfaqësuesi ligjor i të miturit shpreh dhe vullnetin personal në kryerjen e
veprimeve juridike (kujtojmë që nuk jemi në rastin e perfaqësimit me prokurë) të
drejtat dhe detyrimet që lindin prej tij vijnë drejtpërdrejtë për të miturin pa qenë
nevoja të kryhen veprime të tjera. Pra marrëdhënia juridike që lind, krijohet direkt
ndërmjet fëmijës dhe të tretit (veprimet juridike kryhet në emër e për llogari të
fëmijës dhe përfaqesuesi ligjor nuk është fare palë në këtë marrëdhënie.) Si
rregull përfaqësimi ligjor i të miturit kryhet nga prindërit e tij e në mungesë të tyre
nga një përfaqesues i caktuar me vendim gjykate132
.
Në të gjitha rastet aplikohen parimet e përgjithshme të institutit të përfaqësimit të
parashikuara në kodin civil133
të tilla si :
-Nëse kalohen tagret e përfaqësimit ligjor përgjegjësinë ndaj të tretëve do ta mbaj
përfaqesuesi ligjor134
-Përfaqësuesi nuk mund të kryej veprime juridike në këtë cilësi me veten135
e tij
apo të përfaqësojë të dy fëmijët në kryerjen e një veprimi juridik ndërmjet tyre.
-Ndalimi i institutit të përfaqësimit për veprime të karakterit ngushtësisht
personal.136
Megjithëse këto veprime nuk mund të kryhen as nga i mituri pasi i
mungon zotësia e nevojshme për t’i kryer, ato nuk mund të kryhen as përfaqësuesi
ligjor i tyre.
Kuptimi dhe administrimi i pasurisë së të miturit
132 Shi nenin 232 të Kodit të Familjes 133 Titulli 3, Kreu 1 i K.C 134 Shih nenin 78 të K.C 135 Shih nenin 67 të K.C 136 Shih nenin 64 të K.C
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
101
Sikurse përmëndëm dhe më parë me pasurinë e të miturit do të kuptojmë të
gjitha ato sende apo të drejta reale mbi sendet e fituara në një nga mënyrat e
parashikuara për fitimin e pasurisë të në kodin civil. Megjithëse titullar të së
drejtës së pronësisë apo të drejtave të tjera reale, në mungesë të zotësisë për të
vepruar të të miturit, ushtrimi i këtyre të drejtave do të realizohet nga prindërit që
gëzojnë përgjegjësi prindërore.
Administrimi i pasurisë së të miturit është një prej aspekteve më të
rëndësishme të ushtrimit të përgjegjësisë prindërore duke pasur një funksion të
rëndësishëm që shprehet në realizimin e interesave të fëmijës dhe në përfshirjen
në qarkullimin civil të sendeve që përbëjnë pasuri të miturit, në kushtet kur ky i
fundit nuk ka zotësi të plotë për të vepruar.137
Mungesa e këtij kushti ligjor mund
të passjell që veprimi juridik i kryer nga i mituri, të jetë i pavlefshëm. Ndaj në
këtë aspekt është i rëndësishëm një mbrojtje ligjore, që realizohet gjatë ushtrimit
të përgjegjësisë prindërore nëpërmjet mundësisë së administrimit të pasurisë së të
miturit.
Në të drejtën civile një prej klasifikimeve që i bëhen veprimit juridik është
dhe kategorizimi në veprime juridike administrimi dhe disponimi. Te veprimet
juridike të administrimit ruhet substanca efektive e pasurisë duke u kufizuar në
nxjerrjen e frutave, ndërkohë që në veprimet e disponimit implikohet një
ndryshim që konsiston në esencën ekonomike ose juridike të elementëve të
ndryshëm të pasurisë.138
Duke interpretuar këtë klasifikim në raport me nenet
231-236 të Kreut III, që parashikon normimin e përgjegjësisë prindërore për
pasurinë e të miturit, mund të evidentojmë se administrimi i pasurisë realizohet jo
vetëm në kutimin tradicional të administrimit ( përkufizuar më sipër), por në disa
raste në konceptin e administrimit, si pjesë përbërëse e këtij të fundit përfshihet
edhe disponimi.
Kriter parësor dhe përcaktues për përfshirjen e veprimeve juridike të
disponimit brenda administrimit në kuptimin “lato sensu” është dobishmëria e
tyre në raport me tërësinë e pasurisë së të miturit.139
Pra, për të konkluduar nëse
137 Cendon Paolo, Commentario al codice civile. Artt. 315-455 : “Potesta. Tutela dei minori.” fq. 58 138 Nuni Ardian, “Leksione të së drejtës civile”, Tiranë 2004, fq 145 139 Omari Sonila “Leksione të së drejtës familjare”, Tiranë 2006, fq.296
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
102
një veprim disponimi është në fakt një veprim administrimi duhet parë nëse ky
veprim i përgjigjet qëllimit të mirëadministrimit të pasurisë së të miturit.
Administrimi i pasurisë së të miturit është një e drejtë subjektive dhe njëkohësisht
detyrim për prindërit që ushtrojnë përgjegjësi prindërore, qëllimi i të cilit është
mbrojtja e interesave të të miturit dhe njëkohësisht parandalimi i rrezikut të
paralizimit të qarkullimit civil të sendeve që i përkasin personave që sipas të
drejtës civile nuk kanë zotësi për të vepruar, siç janë të miturit. Në praktikë
administrimi i pasurisë së të miturit realizohet nga prindërit nëpërmjet kryerjes së
veprimeve juridike në drejtim të pasurisë së të miturit, në emër dhe për llogari të
fëmijës.
Llojet e administrimit të pasurisë. Mënyrat e administrimit ligjor.
Përgjegjësia juridike e prindërve për administrimin e pasurisë së
fëmijës
Duke hedhur një vështrim në doktrinën juridike140
si dhe duke përdorur me
analogji konceptin e administrimit në disa institute të rëndësishme si psh:
administrimi i pasurisë së bashkëshortëve, administrimi i bashkëpronësisë apo i
pasurisë trashëgimore mund ti klasifikojmë veprimet e administrimit në veprime
të administrimit të zakonshëm dhe veprime që kalojnë kufinjtë e administrimit të
zakonshëm (administrim i jashtëzakonshëm.) Edhe në KF në kreun e
përgjegjësisë prindërore për pasurinë e të miturit nuk parashikohet shprehimisht
një klasifikim i tillë, por duke analizuar terminologjinë e përdorur në nenin 234 të
këtij kreu ku thuhet : “...si dhe përgjithësisht veprimet, që kapërcejnë kufinjtë e
administrimit të thjeshtë të çdo pasurie të të miturit...” mund të arrijmë në
përfundimin e klasifikimit të sipërpërmendur.
Përsa i përket kritereve ligjore që duhen marrë në konsideratë për këtë
klasifikim, KF nuk shprehet në mënyrë nominative, por një vlerësim i drejtë për
këtë kategorizim, mendoj që duhet të bëhet në bazë të kritereve përjashtuesë141
,
kritereve rastësore, të lidhura ngushtësisht me rrethanat në të cilat është kryer
140 Nuni Ardian, “Leksione të së drejtës civile”, Tiranë 2004, fq 210 141 Neni 234 i K.F. liston veprimet që tejkalojnë administrimin e zakonshëm. Duke përjashtuar këto veprime, konkludojmë se veprimet e tjera do të konsiderohen Brenda sferës së veprimeve të zakonshme të administrimit.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
103
veprimi si dhe kriterit ekonomik142
, që konsiston në efektet ekonomike dhe
intensitetin që krijon veprimi i kryer në pasurinë e të miturit. Për të përcaktuar
nëse një veprim i përket sferës së veprimeve të zakonshme të administrimit apo
veprimeve jo të zakonshme të administrimit duhet analizuar me kujdes jo vetëm
përmbajtja dhe natyrën e veprimit juridik, por duhet parë dhe funksioni dhe efekti
që sjellin në pasurinë e të miturit. Në këtë kontekst do të konsiderohen veprime,
që tejkalojnë administrimin e zakonshëm të pasurisë së të miturit të gjitha dhe
vetëm ato veprime, të cilat parashikohen shprehimisht në ligj. Mendojmë që
karakteristikat e përbashkëta të këtyre veprimeve janë se kryerja e tyre mund të
dëmtojnë, të reduktojnë madhësinë e pasurisë apo të ndryshojnë cilësinë,
strukturën apo madhësinë e pasurisë. Ndërsa ato veprime që ruajnë, përmirësojnë
apo rrisin cilësinë dhe madhësinë e pasurisë së të miturit, apo zvogëlojnë humbjet
e saj do të konsiderohen veprime të zakonshme administrimi.
Duke interpretuar dhe përmbledhur karakteristikat përkatëse të
sipërpërmendura, që një akt i ndryshëm nga kategoria e specifikuar,
individualizuar dhe inkuadruar nga ligji si veprime të administrimit të
jashtëzakonshëm për tu konsideruar brenda administrimit të zakonshëm duhet:
- Të jetë objektivisht të përshatshëm në funksion të ruajtjes së vlerave dhe
karakteristikave thelbësore të pasurisë së të miturit, pavarësisht qëllimeve
subjektive të atyre që i kryejnë këto veprime.
- Të kenë një vlerë ekonomike jo domosdoshmërisht të lartë në sensin absolut.
- Të mbartin një rrezik të ulët ( modest) për qëndrueshmërinë si dhe me natyrën
dhe karakteristikat e kësaj pasurie. Një veprim që cenon qoftë edhe një prej këtyre
karakteristikave mendojmë se do të quhet tejkalim i veprimeve të administrimit të
zakonshëm.
Rregullimi ligjor i administrimit të pasurisë së të miturit, përbën një zhvillim
pozitiv, që i shërben qëllimit të realizimit të një mbrojtjeje të dyfishtë si në
drejtimin e interesave të fëmijës ashtu edhe atë të qarkullimit civil, i cili në këtë
mënyrë nuk privohet nga sendet që i përkasin subjekteve pa zotësi për të
142Rescigno Pietro, “Le fonti del diritto italiano, Commentario di Codice Civile, a cura di, Giuffre Editore, fq 101
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
104
vepruar.143
Regjimi juridik i veprimeve të administrimit rregullohet, në parim me
dispozita urdhëruese e për rrjedhojë ndalohet çdo marrëdhënie e prindërve që
mund ti sjellë ndryshime atij . 144
Administrimi i zakonshëm i pasurisë së fëmijës
Administrimi i pasurisë së fëmijës si rregull kryhet nëpërmjet kryerjes së
veprimeve juridike të administrimit të zakonshëm, të cilat janë veprime që kanë
për objekt ruajtjen, mirëmbajtjen dhe shtimin e pasurisë së fëmijës. Këto veprime
mund të kryhen nga secili prind që ushtron përgjegjësin prindërore.145
Veprimet e
administrimit të zakonshëm kanë për qëllim të ruajnë dhe shtojnë pasurinë, në
shkëmbim të një shpenzimi jo shumë të lartë.146
Kështu në kategorinë e
veprimeve të administrimit të zakonshëm mund të futen :
-shpenzime që kryhen për riparimin, mirëmbajtjen e një sendi ku shuma e
shpenzuar për këto veprime është proponcionalisht më e vogël se vlera e sendit;
-sigurimi i pasurisë së fëmijës;
-regjistrimi i pronës së paluajtshme në hipotekë;
-ngritja e padisë për shpërblim dëmi;
-tjetërsimi i sendeve që dëmtohen lehtësisht;
-pranimi i dhurimit,legut;
-pranimi i trashigimisë – mendojmë që ky veprim mund të hyj dhe në kategorinë e
veprimeve të administrimit të jashtëzakonshëm për sa kohë nga pranimi i pasurisë
së trashegimisë trashegimtari është jo vetëm përfitues i aktivit por edhe i pasivit të
pasurisë së fituar në trashigimia.
Nga sa më sipër që të gjendemi përpara administrimit të zakonshem duhet të
plotësohen një nga këto kritere:
a) kryerja e shpenzimeve minimale në raport me vlerën e sendit;
b) ekzistenca e nje rreziku për humbjen dhe prishjen e sendit;
143 Bonilini Giovanni, “Manual i së drejtës familjare”, Tiranë 2005, fq 302 144 Shih nenet 67-108 të K.F 145 Shih nenin 122 të K.F 146 Omari Sonila, “E drejta Familjare”, Tiranë 2010, fq 414
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
105
c) veprimi të kryhet në dobi të pasurisë së fëmijës;
d) veprimi të jetë i domodoshem për ruajtjen e pasurisë së fëmijës.
Në rastet kur veprimi juridik në lidhje me administrimin e pasurisë kryhet
nga i mituri që nuk ka mbushur moshën 14 vjeç apo nga i rrituri i cili nuk është në
cilësinë e përfaqësuesit ligjor të të miturit veprimi juridik i kryer prej tyre
konstatohet i plavlefshëm me kërkesën e subjektit të legjitimur të interesuar.147
Ndërsa veprimi i administrimit të zakonshem të kryer nga i mituri që ka mbushur
moshën 14 vjeç pa marrë miratimin e përfaqësuesit ligjor sanksionohet me
pavlefshmeri relative të veprimit të kryer.148
Megjithatë disa veprime të
administrimit të thjeshtë mund të kryhen nga vetë i mituri pa u përfaqësuar në
kryerjen e tyre nga përfaqësuesi ligjor të tilla si149
:
a. veprime që i përshtaten moshës së tij e që përmbushen aty për aty si psh;blerja
e sendeve të konsumit, lodrave, etj.
b. veprime juridike që i sjellin dobi pa kundërshperblim.
Administrimi i jashtëzakonshëm i pasurisë së fëmijës
Në bazë të nenit 234 te KF:
“Tjetërsimi i pasurisë së paluajtshme të çdo fëmije të mitur deri në moshën 18
vjeç, lënia në hipotekë, ngarkimi me një barrë, marrja hua në emër të të miturit,
heqja dorë nga trashëgimia apo legu ose mospranimi i dhurimit, si dhe
përgjithësisht veprimet që kapërcejnë veprimet, kufinjtë e një administrimi të
thjeshtë të çdo pasurie të të miturit, mund të kryhen vetëm kur e kërkon interesi i
tëmiturit dhe me autorizimin e gjykatës së vendbanimit të të miturit.
Veprimi juridik që është kryer pa marrë autorizimin e gjykatës mund të shpallet i
pavlefshëm me kërkesën e prokurorit ose të kujdestarit të të miturit.
147 Konstatimi i pavlefshmërisë në veprime juridike bëhet vetëm nga gjykata përkatëse. Konstatimi kryhet vetëm në rastet e pavlefshmërisë absolute të veprimeve juridike. 148 Veprimi juridik relativisht i pavlefshëm shpallet nga gjykata me kërkesë të subjekteve të legjitimuara. 149 Shih nenin 232 të K.F dhe nenin 8 të K.C
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
106
Në qoftë se gjykata jep pëlqimin më vonë, veprimi juridik nuk shpallet i
pavlefshëm.”
Duke analizuar dispozitën e sipërpërmendur konstatojmë se një veprim
administrimi që tejkalon kufinjtë e një administrimi të zakonshëm duhet
detyrimisht të jetë në interes të fëmijës dhe të jetë dhënë autorizimi i gjykatës.
Duket se legjislatori e ka vështirësuar kryerjen e një veprimi që tejkalon
administrimin e zakonshëm të pasurisë së të miturit me qëllim që ky veprim ti
nënshtrohet kontrollit gjyqësor për të garantuar dhe për të mbrojtur interesat
ekonomike dhe më gjerë të drejtave pasurore të fëmijës, si një kategori që për
shkak të moshës dhe ligjit nuk është e aftë për të përcaktuar individualisht atë çka
është interesi më i lartë për ta. Nga përmbajtja e dispozitës ligjore të sipërcituar
rezulton se investimi i gjykatës në çështje të kësaj natyre e ngarkon këtë të fundit
me detyrimin për të verifikuar:
Së pari : Miturinë e fëmijëve për të cilët kërkohet lëshimi i autorizimit, fakt ky që
provohet me dokumentet zyrtare të identifikimit të fëmijës si çertifikatë,
pasaportë.
Së dyti : Cilësinë e të miturve si titullarë mbi pasuritë mbi të cilat do të kryhet një
veprim administrimi jo in zakonshëm
Fëmija mund të jetë pronar i vetëm i pasurisë së paluajtshme (psh në rastin kur
atij i ka kaluar pronësia me trashëgimi ligjore apo testamentare, me kontratë
dhurimi apo me forma të tjera ligjore) ose mund të jetë bashkëpronar me persona
të tjerë siç është psh rasti i bashkëpronësisë së tokave bujqësore.
Së treti : Faktin nëse tjetërsimi është ose jo veprim që diktohet nga interesi i
tëmiturve, si element që kushtëzon pranimin ose jo të kërkësës për lëshimin e
autorizimit.
Tjetërsimi është një veprim juridik që tejkalon administrimin e zakonshëm
pasi nëpërmjet këtij veprimi jo vetëm ndryshohen destinacioni ekonomik i sendit
(pasuri e të miturit), por ndryshon dhe titullari i të drejtës së pronësisë së sendit
nga fëmija i mitur drejt një titullari të ri. Tjetërsimi mund të realizhet nëpërmjet
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
107
kontratës së dhurimit, kontratës së shitjes, shkëmbimit etj. Pra, kur prindërit gjatë
ushtrimit të përgjegjësisë prindërore kryejnë një veprim juridik me anë të të cilit
tjetërsojnë një pasuri të paluajtshme të të miturit duhet të jenë të pajisur me
vendimin e gjykatës që autorizon kryerjen e këtij veprimi. Në praktikë ndodh që
prindërit e fëmijës të tjetërsojnë një pasuri të paluajtshme pa marrë autorizimin e
gjykatës, shpeshherë dhe për shkak të padijenisë së ligjit. Pyetja juridike që
shtrohet në këtë rast është: Në rastet kur prindërit e fëmijës kanë tjetërsuar një
pasuri të paluajtshme të të miturit pa autorizimin e gjykatës a do të konsiderohet
ky veprim në kategorinë e veprimeve absolutisht të pavlefshme? Duke j’u referuar
nenit 234 të kodit të familjes ku thuhet se”...Veprimi juridik që është kryer pa
marrë autorizimin e gjykatës mund të shpallet i pavlefshëm me kërkesën e
prokurorit, të prindit ose të kujdestarit të të miturit. Në qoftëse gjykata jep
pëlqimin më vonë, veprimi juridik nuk shpallet i pavlefshëm”, arrijmë në
përfundimin se një veprim juridik i kryer në këto kushte nuk do të jetë absolutisht
i pavlefshëm por relativisht i pavlefshëm, çka do të thotë se tjetërsimi i kryer pa
autorizimin e gjykatës mund të kthehet i “vlefshëm” edhe pasi është kryer nese
gjykata vlerëson se është kryer në favor të interesit të fëmijës.
Marrëdhëniet pasurore prind fëmijë për fëmijët e lindur jashtë martese.
Siç u shprehëm dhe më lartë në bazë të Kushtetutës së Republikës së Shqipërisë,
fëmijët e lindur jashtë martese kanë të drejta të barabarta me të lindurit nga
martesa.150
Edhe kodi i familjes në mbështetje të këtij parimi kushtëtues njeh dhe
sanksionon barazinë juridike të fëmijëve pavarsishtë nga statusi ligjor i tyre.151
Dallime e vetme që mund të bëhen për shkak të statusit ligjor të fëmijës janë ato
që i përkasin:
- Mjeteve ligjore për përcaktimin e atësisë
- Mënyrën dhe ushtrimin e përgjegjësisë prindërore në varësi të njohjës së
atësisë apo amësisë.
Do të konsiderojmë fëmijë të lindur jashtë martese, fëmijët të cilët nuk kanë
lindur gjatë marrëdhënies martesore të dy prindërve. Si rrjedhoj do të quhen të
tillë fëmijët që:
150 Shih nenin 54/2 të Kushtetutës së RSH 151 Shih nenin 4 i K.F.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
108
a) Fëmijët të cilët kanë lindur gjatë bashkjetesës faktike të prindërve
(bashkjetesës)152
b) Fëmijët që kanë lindur 300 ditë nga mbarimi apo pavlefshmëria e
martesës;
c) Fëmija i cili pavarsishtë se ka lindur gjatë martesës, gjykata ka pranuar
padinë e kundërshtimit të atësisë së prezumuar.
Pavarsisht rasteve të mësipërme të gjitha pasojat pasurore ndërmjet prindërve dhe
fëmijëve do të jenë të njëjta me pasojat pasurore që kanë fëmijët brënda martesës.
Neni 164 i Kodit të Familjes parashikon se “Personat bashkëjetues mund të lidhin
marrëveshje përpara noterit, ku përcaktojnë pasojat që rrjedhin nga bashkëjetesa
lidhur me fëmijët dhe pasurinë gjatë bashkëjetesës.”
Pavarsisht se në dukje ky parashim duket lejues duke lënë në vullnetin e
bashkëjetuesve të parashikojnë pasojat e bashkjetesës në një akt të lidhur përpara
noterit, duhet të mbajnë parasysh që parimet dhe parashikimet e bëra në Kodin e
Familjes e në veçanti ato që kanë lidhje me fëmijët janë kryesisht të natyrës
detyruese, ndaj mund të themi që parashikimet që do të bëjnë prindërit në këtë
marrëveshje të mundshme do të jenë vëtëm për ato të drejta e detyrime që nuk
janë taksative në K. F.
Marrëdhëniet personale ndërmjet prindërve dhe fëmijëve të birësuar.
Marrëdhënia që krijohet ndërmjet të birësuarit dhe birësuesit do të jetë ajo e
krijimit të një marrëdhënie të re familjare e juridike ndërmjet tyre dhe të gjithë
anëtarëve të tjerë të familjes.153
Në bazë të parashikimeve të Kodit aktual të
Familjes ndërmjet birësuesit dhe të birësuarit do të krijohen të njëjta të drejta e
detyrime njësoj si në marrëdhënien biologjike prind- fëmijë. Kështu birësimi jo
vetëm krijon marrëdhënie prindërore ndërmjet birësuesit dhe të miturit, por
njëkohësisht krijon të drejta e detyrime edhe ndërmjet të miturit dhe personave në
gjini me birësuesin.154
Nga sa më sipër të gjitha parashikimet e bëra në Titullin III të Kodit të
Familjes që rregullojnë përgjegjësinë prindërore do të zbatohen edhe në rastin e 152 Shih nenin 163 të K. F. 153 Shih nenin 259 të K. F. 154 Omari Sonila, “E drejta Familjare”, Tiranë 2010, fq 461
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
109
birësimit, këto të drejta do të materializohen sipas rastit në të drejtën e detyrimit
për ushqim, në atë të përfaqësimit ligjor, administrimit të pasurisë, në të drejtën e
trashëgimisë etj.
Marrëdhëniet personale prind fëmijë në situatat e zgjidhjes së martesës
Megjithëse marrëdhënia prindërore dhe të drejtat e detyrimet që lidhen me të
nuk lind si rezultat i martesës, por i faktit juridik të lindjes apo veprimit juridik të
birësimit , zgjidhja e martesës do të sjellë pasoja juridike edhe në drejtim të
marrëdhënies prindërore ndërmjet fëmijës dhe secilit prej ish bashkëshortëve.
Këto pasoja i vëm kryesisht re në mënyrën e përmbushjes dhe ushtrimit të
detyrimeve përkatëse. Kështu zgjidhja e martesës e cila si pasojë kryesore të saj
ka veçimin e bashkëshkortëve nga njëri tjetri, do të ndikojë edhe në ushtrimin e
përbashkët të përgjegjësisë prindërore, pasi fëmija do të “detyrohet” të jetoj vetëm
me njërin prej prindërve. Pavarsisht kësaj në Kodin aktual të Familjes është
parashikuar se zgjidhja e martesës nuk prek të drejtat dhe detyrimet që kanë
prindërit ndaj fëmijëve të tyre.155
Sikurse kemi trajtuar edhe më sipër të drejtat dhe detyrimet pasurore ndërmjet
prindërve dhe fëmijëve janë:
- Kontributi material i prindërve për mirërritjen, edukimin dhe arsimimin e
fëmijës;
- Administrimi i pasurisë së fëmijës;
- Përfaqësimi ligjor i fëmijës së mitur;
- Përdorimi i pasurisë së fëmijës së miturit;
- E drejta e trashëgimisë.
Sipas dispozitave të Kodit të Familjes secili prej prindërve ka detyrimin ligjor
të kontribuojë për mirërritjen, edukimin dhe arsimimin e fëmijëve të tyre. 156
Pavarësisht statusit ligjor që kanë bashkëshortët me njëri tjetrin, ky detyrim nuk
hiqet apo pakësohet për asnjërin prej tyre. Pas zgjidhje së martesës problemi që
evidentohet më së tepërti është mënyra e përmbushjes së këtij detyrimi dhe
përcaktimi i sasisë së nevojshme të kontributit të secilit bashkëshortë. Kështu
edhe pse gjykata në vendimin e zgjidhjes së martesës përcakton edhe prindin i cili
155 Shih nenin 154 të K.F. 156 Shih nenin 215 të K.F.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
110
do të jetoj me fëmijën e mitur, kjo nuk e përjashton prindin tjetër nga detyrimi për
dhënien e kontributit material për fëmijën. Masa dhe mënyra e depozitimit të
kontributit për detyrimin ushqimor parashikohet nga gjykata në po të njëjtin
vendim.157
Madje ky detyrim parashikohet për prindin edhe nëse atij i është hequr
përgjegjësia prindërore.158
Nga sa më sipër na rezulton se ky detyrim rrjedh për shkak të marrëdhënie
së prindërimit dhe jepet kryesisht nga gjykata pavarsishtë nëse palët e interesuara
e kanë parashikuar si objekt kërkimi në padi apo jo. Mbrojtja e interesit më të
lartë të fëmijës imponon ndërhyrjen e gjykatës, e cila sipas rastit , do të zgjidhë
konfliktin ndërmjet prindërve nëse këta nuk bien dakord mbi masën e këtij
detyrimi, apo do të kontrollojë marrëveshjen e tyre, duke verifikuar
pajtueshmërinë e saj me interesat e fëmijës, në rastet kur ish bashkëshortët kanë
konkluduar në drejtim të shumës së nevojshme për shpenzimet periodike të
fëmijës.159
Nga interpretimi i kryqëzuar që i bëjmë neneve 197 paragrafi i dytë dhe nenit
235 paragrafi i parë i Kodit të Familjes rezulton se prindërit kanë detyrimin për
ushqim ndaj fëmijëve të tyre, kur këta nuk kanë mjete të mjaftueshme për të
jetuar, kjo rrjedh nga e drejta e përdorimit të pasurisë së fëmijës që kanë prindërit
për interes të të miturit. Por zotërimi i një pasurie nga i mituri nuk e përjashton
apriori prindin për dhënien e kontributit. Përdorimi i pasurisë së fëmijës bëhet
atëhere dhe vetëm nëse plotësohen këto kushte:
- Zotrimi i një pasurie nga i mituri;
- Përdorimi i kësaj pasurie për mirërritjen, edukimin dhe arsimimin e të
miturit apo për plotësimin e nevojave të domosdoshme të familjes;
- Kjo pasuri mund të përdoret vetëm kur prindi apo prindërit nuk zotërojnë
pasuri tjetër të tyren, apo nuk kanë të ardhura të mjaftushme për të
plotësuar nevojat e familjes.
Rastet më të hasura në praktikë kanë të bëjnë me konkretizimin e nevojave të
fëmijës. A do të mjaftohen prindërit të plotësojnë vetëm nevojat bazike të
157 Shih nenin 161 të K.F. 158 Shih nenin 196 paragrafi i dytë i K.F. 159 Omari Sonila, “E drejta Familjare”, Tiranë 2010, fq 260
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
111
fëmijëve të tyre, apo kontributi i tyre do të përfshij edhe nevoja të tjera që e
tejkalojnë këtë kufi?
Mendoj se përcaktimi konkret i nevojave të fëmijëve të fëmijëve do të bëhet rast
pas rasti, në varësi të rrethanave konkrete në të cilën do të gjendet fëmija i mitur,
të cilat përfshijnë, moshën, gjëndjen shëndetsore, pasionet e tij apo fusha të tjera
që vleresohen me interes për mirërritjen e fëmijës. Ky vlerësim duhet të bëhet nga
gjykata për çdo fëmijë të mitur për të cilën prindi që nuk jeton me to ka detyrimin
për kontributin material. Mundësia ekonomike e secilit prind është një tjetër kusht
i cili duhet të merret parasysh nga gjykata gjatë caktimit të masës së kontributit
familjar. Mundësia ekonomike e secilit bashkëshortë përbëhet nga të ardhurat e
deklaruara nga puna e përhershme e tyre, llogarit bankare apo pasuri të tjera të
fituara me një nga mënyrat e parashikuar në ligj për fitimin e pasurisë.
Përsa më sipër secili prej ish-bashkëshortëve është i detyruar t’i japë tjetrit
të dhëna të sakta për pasurinë dhe të ardhurat e tij, kur ato janë të nevojshme për
të caktuar detyrimin për ushqim. Me kërkesën e secilit prej tyre, në mungesë të
dhënies vullnetare të këtij informacioni apo kur dyshohet se ish bashkëshorti nuk
tregon të gjithë pasurinë e tij, ish bashkëshorti tjetër ka të drejtë t’i drejtohet
punëdhënësit, organeve financiare përkatëse apo çdo organi tjetër ku mund të
merrën këto prova , të cilët janë të detyruar të japin të gjithë informacionin e
nevojshëm për gjendjen pasurore të ish- bashkëshortit tjetër dhe për të gjitha të
ardhurat e tij.160
Bashkëshortët kanë detyrimin solidar të kontribojnë materialisht
për mirërritjen, edukimin dhe arsimimin e fëmijës së tyre.161
Ndaj pavarsisht se
me cilin prej tyre do të jetoj fëmija, kontributi material do të ndahet midis të dy
ish bashkëshortëve në përputhje me pasurinë dhe të ardhurat e tyre. Në rastet e
zgjidhjes së martesës me pëlqim reciprok të bashkëshortëve, bashkëshortët
sëbashku me kërkesën për zgjidhjen e martesës, paraqesin përpara gjykatës dhe
një projektmarrveshje e cila parashikon rregullimin e pasojave juridike që vijnë
nga zgjidhja e martesës. Ndodh në praktikë, që prindi i cili ka marrë përsipër të
jetoj me fëmijën të kërkoj edhe mbulimin e të gjitha shpenzimeve të nevojshme
për mirërritjen e tij. Gjykoj se pavarsisht vullnetit të palëve, gjykata duhet të hetoj
mbi këtë kërkesë me qëllim mbrojtjen e interesit më të lartë të të miturit, i cili
160 Shih nenin 162 të KF 161 Shih nenin 204 të KF
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
112
mund të cënohet nga ky parashikim. Vetëm në rastin kur gjykata krijon bindjen e
brëndshme se prindi i cili ka marrë përsipër mbulimin e të gjitha nevojave të
fëmijës, është realisht i aftë të mbuloj vetë këto shpenzime atëhere ajo mund të
pranoj projekt marrëveshjen e paraqitur nga palët, në rast të kundërt ajo ja kthen
për rishikim palëve.
Në rastet kur prindërit kanë më shumë se një fëmijë të mitur, dhe secilit
prej tyre u besohet nga gjykata nga një fëmijë apo më shumë, doktrina ka
përkrahur tezën e mos vendosjes së detyrimeve të ndërsjellta mbi fëmijët162
, por
përmbushjen e detyrimit të plotë vetëm tek fëmija përkatës. Mendoj që kjo situatë
duhet të vlerësohet rast pas rasti, pasi sikurse e theksuam dhe më lartë detyrimi
për kontributin material varet tërësisht nga rrethanat dhe nevojat që ka secili
fëmijë. Kështu psh. njëri prej fëmijëve mund të gëzoj pasuri personale, apo të
zotëroj të ardhura nga puna e vet, tjetri mund të jetë më i mitur dhe me probleme
shëndetsore. Gjykoj se përcaktimi i kontributit material ka karakter te theksuar
personal, si në drejtim të fëmijës që përfiton ashtu dhe në drejtim të prindit tjetër,
ndaj mendoj që nuk duhet të ketë apriori ndarje të kësaj përgjegjësie ndërmjet
prindërve, por gjykata duhet të hetoj rast pas rasti duke mbajtur në konsideratë
interesin më të lartë të fëmijës. Përveç një ndarjeje të barabartë të kontributit
material të prindërve kundrejtë fëmijëve, në rastet kur gjykata mendon se nuk
ka përse të vendoset detyrimi i ndërsjelltë për ushqim i prindërve, ajo mund të
vendos masën e kompesimit që do t’i duhet të shlyej ish-bashkëshorti tjetër në
favor të fëmijës tjetër që ndodhet në kushte më të disfavorshme në krahasim
me fëmijën që ai ka në besim.
E drejta për të kërkuar kontributin material për fëmijën lind që nga data e
ngritjes së pasdisë së zgjidhjes së martesës163
e jo nga data kur vendimi ka marrë
formë të prerë. Sikurse e dimë zgjidhja e martesës vjen si shkak i një krize që
kanë ndërmjet tyre gjatë marrëdhënies bashkëshortore, vet bashkëshortët. Ku
shpesh herë veçimi faktik nga njëri tjetri ndodh jo vetëm në momëntin e shpalljes
së vendimit për zgjidhjen e martesës por që në momentin e ngritjes së padisë apo
edhe më herët. Ndaj nevoja e kontributit material mund të lind përpara momentit
të shpalljes së vendimit, ndaj ligja ka parashikuar si moment fillimi atë të ngritjes
162 Begeja Ksanthimi, “E drejta Familjare e RPSH”, Tiranë 1984, fq.296 163 Shih nenin 210 të K.F.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
113
së padisë për zgjidhjen e martesës. Nëse gjatë shqyrtimit të çështjes provohet e
kundërta, pra që fëmija/ fëmijët kanë jetuar bashkarisht me të dy prindërit të cilët
kanë përmbushur vullnetarisht detyrimin e kontributit familjar atëherë ky
pashikim bëhet i detyrueshëm në momentin kur vendimi për zgjidhjen e martesës
ka marrë formë të prerë. Vendimi i gjykatës që përcakton detyrimin për ushqim
përbën titull ekzekutiv, ndaj në rastet e mospërmbushjes vullnetare të saj, vendimi
do të ekzekutohet me ndihmën e zyrës së përmbarimit. Sanksion për
mospërmbushjen e këtij detyrimi e gjejmë dhe në Kodin Pënal të RSH.164
Në bazë të neneve 215 dhe 231 të Kodit të Familjes, prindërit kanë
përgjegjësi prindërore (ex-lege) të administrojnë në përputhje me interesin më të
lartë të fëmijës pasurinë e këtij të fundit. Në rastin e zgjidhjes së martesës mbetet
për tu zgjidhur fakti se cili prej prindërve do të kryej këtë administrim. Përcaktimi
se cili prej ish bashkëshortëve do të administroj pasurinë e të miturit do të bëhet
me vendim gjykate, në rast se prindërit nuk e kanë parashikuar atë në projekt
marrëveshjen që i paraqesin gjykatës. Administrimi i pasurisë së të miturit do të
kryhet nga të dy prindërit nëse vendimi i gjykatës i ka caktuar ato bashkarisht si
përgjegjës për këtë veprim, pra në kryerjen e veprimeve juridke që kanë lidhje me
administrimin do të marrin pjesë si prindi me të cilin jeton fëmija gjithashtu dhe
prindi tjetër.
Në rastet kur fëmija fiton zotësinë e kufizuar për të vepruar165
ai mund të
kryej vetë disa veprime juridike të parashikuara në ligj (mund të bëjë pjesë në një
organizatë shoqërore, të disponoj atë që fiton me punën e tij, të depozitojë
kursimet e t’i disponoj vetë këto dispozita166
) por vetëm me pëlqimin paraprak të
prindërve të tij (prindit me të cilin jeton dhe prindit tjetër.)
Administrimi i pasurisë së të miturit ndahet në administrim të zakonshëm
dhe administrim të jashtëzakonshëm të pasurisë.
Administrimi i zakonshëm i pasurisë së fëmijës realizohet si rregull, nëpërmjet
kryerjes së veprimeve juridike të administrimit të zakonshëm, të cilat përfshijnë
veprime që kanë për objekt ruajtjen, mirëmbajtjen dhe shtimin e pasurisë së
164 Shih nenin 125 të Kodit Penal të RSH, Ligji nr.7895, datë 27.1.1995 165 Shih n. 8 të K.C. 166 Shih n. 7 të K.C.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
114
fëmijës. Duke qënë se administrimi i zakonshëm ka si karakteristikë veprimin e
aty për atyshëm i cili i sjell benefit të mënjëhershëm fëmijës, pa cënuar thelbin e
pasurisë së tij mendoj se ky veprim administrimi mund të kryhet edhe vetëm me
pëlqimin apo veprimet e prindit me të cilën jeton fëmija pa patur nevojë
detyrimisht të merret edhe pëlqimi i prindit tjetër, i cili mund të merrt në një
momënt të dytë, tashmë si konfirmim të veprimeve të kryera e jo si pëlqim.
Gjykoj se për shkak të pasojës së menjëhershme që ka administrimi i zakonshëm i
pasurisë do të ishte pengesë pritja e marrjes së pëlqimit të prindit tjetër i cili nuk
jeton më me fëmijën, nuk i njeh aty për aty nevojat e fëmijës, madje mund të jetoj
edhe në një qytet apo shtet tjetër nga fëmija.
Për të qenë përpara një veprimi të administrimit të zakonshëm duhet të
përmbushen një nga këto kushte:
- veprimi i kryer të kërkoj kosto minimale në raport me vlerën e sendit apo
të drejtës që pretendohet të ruhet apo fitohet;
- veprimi të shtoj të ardhurat e të jetë në dobi të interesit më të lartë të
fëmijës;
- të ekzistojë një rrezik për humbjen ose dëmtimin e sendit.
Këto veprime të cilat gjykohen se janë të domosdoshme për pasurinë e fëmijës
dhe në dobi të interesit më të lartë të tij mund të kryhen nga secili prind veç e veç
apo bashkarisht pa qënë i nevojshëm lëshimi i autorizimit të gjykatës.
Adminsitrimi i jashtëzakonshëm i pasurisë së të miturit parashikohet
konkretisht në nenin 234 të Kodit të Familjes, i cili parashikon se “Tjetërsimi i
pasurisë së paluajtshme të çdo fëmije të mitur deri në moshën tetëmbëdhjetë vjeç,
lënia hipotekë, ngarkimi me një barrë, marrja hua në emër të të miturit, heqja
dorë nga trashëgimia apo legu ose mospranimi i një dhurimi, si dhe përgjithësisht
veprimet që kapërcejnë kufijtë e një administrimi të thjeshtë të çdo pasurie të të
miturit, mund të kryhen vetëm kur e kërkon interesi i të miturit dhe me autorizim
të gjykatës së vendbanimit të të miturit. Veprimi juridik, që është kryer pa u marrë
autorizimi i gjykatës, mund të shpallet i pavlefshëm me kërkesën e prokurorit, të
prindit ose të kujdestarit të të miturit. Në qoftë se gjykata jep pëlqimin më vonë,
veprimi juridik nuk shpallet i pavlefshëm.”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
115
Nga sa më sipër mund të analizojmë se në katëgorinë e administrimit të
jashtëzakonshëm të pasurisë futen ato veprime që kanë të bëjnë me:
- Tjetërsimin e pasurisë. Tjetërsimi i pasurisë lidhet ngushtë me tagrin e
disponimit, tagër ky i cili i takon eksluzivisht pronarit të sendit. Tjetërsimi
i pasurisë përcakton fatin e sendit (shitje, dhurim, shkatërim, etj) dhe si
rrjedhojë e këtij veprimi tagri i pronarit kalon nga pronari aktual tek
pronari tjetër. Duke qënë veprim i cili shkakton pasoja të ndjeshme dhe
përfundimtare mbi pasurinë e të miturit, ky veprim juridik bënë pjesë në
kategorinë e veprimeve që tejkalojnë administrimin e zakonshëm të
pasurisë.
- Lënia në hipotekë e sendeve të paluajtshme të fëmijës, është një veprim
tjetër juridik që si rregull i takon titullarit të së drejtës së pronësisë. Lënia
në hipotekë e sendeve të paluajtshme të fëmijës vendoset si garanci reale
për të garantuar përmbushjen e një detyrimi ndaj të tretëve. Ky veprim vë
në rrezik serioz pasurinë fizike e materiale të fëmijës ndaj konsiderohet si
një veprim që i tejkalon kufijtë e administrimit të zakonshëm, pasi me
kalimin e afatit të caktuar dhe vazhdimin e mospërmbushjes së detyrimit
tek të tretët, këto të fundit i lind e drejta për të shitur sendin me qëllim
përmbushjen e detyrimit për të cilën është ngarkuar ky send. Mendoj që
dispozita të lexohet edhe a contrario duke vlerësuar dhe si veprim i
kategorisë së administrimit të jashtëzakonshëm edhe rastet kur prindi heq
dorë nga e drejta e hipotekës kur ajo vihet për të garantuar një detyrim në
dobi të fëmijës.
- Vendosja e një barre në ngarkim të pasurisë së fëmijës. Sipas kodit civil
do të konsiderohen të drejta reale mbi sendin e tjetrit: servituti, uzufrukti,
përdorimi e banimi dhe emfiteoza. Këto të drejta konsiderohen një barrë
për pronarin e sendit, pasi krijimi i tyre redukton përmbajtjen e së drejtës
së pronësisë, duke e kufizuar pronarin në ushtrimin e tagreve të pronësisë
dhe duke lejuar të tretët të ushtrojnë këto të drejta të fituara mbi sendin.
Pengu është një e drejtë tjetër reale e garancisë i cili vendoset në dobi të
palës së tretë për të garantuar atij përmbushjen e detyrimit. Në ndryshim
nga hipoteka e cila është një garanci reale që vendoset mbi sendet e
paluajtshme, pengu është një garanci reale që vendoset mbi sendet e
luajtshme.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
116
- Marrja hua në emër të të miturit. Huamarrja është një veprim disponimi
për të dyja palët (si për huamarrësin dhe për huadhënësin). Si rregull
kontrata e huasë është një veprim juridik me kundërshpërblim, si rrjedhojë
përveç kthimit të sendit/ sendeve të marra hua, huamarrësi duhet të paguaj
dhe kamatën e paracaktuar me marrëveshje ndërmjet palëve.
- Heqja dorë nga trashëgimia apo legu, ose mospranimi i një dhurimi janë
gjithashtu veprime që tejkalojnë kufirin e administrimit të zakonshëm të
pasurisëe. Të gjitha këto veprime bëjnë pjesë në kategorinë e veprimeve
juridike pa kundërshpërblim, ndaj si rregull shtojnë aktivin e pasurisë së të
miturit.
- Si dhe veprime të tjera të që kapërcejnë kufijtë e një administrimi të
thjeshtë (si psh, tjetërsimi i sendeve të luajtshme që kanë një vlerë të
caktuar, padia për kërkimin e sendit, pjestimi i bshkëpronësisë, etj,.)
Veprimet e mësipërme që të jenë të vlefshme duhet të plotësojnë këto kushte:
- Veprimi të jetë kryer nga përfaqësuesi ligjor i fëmijës (sikurse jemi
shprehur dhe më lartë prindërit janë ex lege përfaqësues ligjor të të
miturit);
- Veprimi të kryhet vetëm në dobi dhe për interes më të lartë të fëmijës;
- Veprimi kryhet vetëm me pëlqimin dhe konsensusin e të dy prindërve (kur
njëri prej tyre nuk është dakord vendimin për kryerjen ose jo të veprimit e
merr gjykata);
- Kryerja e veprimit të bëhet vetëm pasi është marrë autorizimi përkatës i
gjykatës. (praktika e doktrina njeh edhe rastet kur autorizimi i gjykatës
merret edhe pas kryerjes së veprimit juridik, nëëse vlerësohet se kryerja e
tij është bërë në përputhje me interesat e të miturit.)
Bazuar në nenin 215 të Kodit të Familjes, një nga të drejtat dhe detyrimet ligjore
më të rëndësishme që rrjedhin për shkak të ligjit të prindërve kundrejtë fëmijëve
është dhe ajo e përfaqësimit ligjor të fëmijës në kryerjen e veprimeve juridike, si
pasojë e të cilave lindin të drejta e detyrime me përmbajtje personale jopasurore
apo pasurore mbi fëmijët. Administrimi i pasurisë së fëmijës kryhet si rregull
nëpërmjet përfaqësimit në kryerjen e veprimeve juridike që lidhen me pasurinë e
tij.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
117
Përfaqësimi ligjor i fëmijës si rregull ushtrohet nga secili prind, ndaj qënia brënda
apo jashtë martese e tyre nuk influencon në zbatimin e këtij detyrimi. Prindërit
përfaqësojnë fëmijët e tyre në veprime me të tretët deri sa të miturit të arrijnë
moshën madhore. Në rastet kur kryerja e disa veprimeve juridike parashikon
dhënien e pëlqimit bashkarishtë të të dy prindërve, zbatimi i saj në praktikë është
veçanërisht i vështirë në rastin kur prindërit kanë zgjidhur kurorë. Kështu për
realizmin e përfaqësimit ligjor të miturit për realizimin e këtyre veprimeve,
nevojitet një marrëvëshje ndërmjet të dy bashkëshkëshortëve, ose në rast se kjo
nuk arrihet kërkohet autorizimi i gjykatës. Autorizimi i gjykatës kërkohet edhe në
rastet kur bashkëshortën janë dakordësuar për kryerjen e veprimit juridik, por ky i
fundit tejkalon kufijtë e veprimit juridik të zakonshëm (rasti i administrimit të
jashtëzakonshëm.)
Prindërit pavarsisht konsensusit të tyre nuk mund të përfaqësojnë të
miturit në kryerjen e disa veprimeve juridike të cilat kanë karakter ngushtësisht
personal dhe që kërkohen të kryhen personalisht nga subjekti i së drejtës, në këtë
rast i mituri. Mund të përmëndim si veprime të kësaj kategorie, hartimin e
testamentit, apo lidhjen e kontratës martesore. E drejta e përdorimit të pasurisë së
fëmijës së mitur. Sipas nenit 231 të Kodit të Familjes “Prindërit e fëmijës kanë të
drejtën e administrimit dhe të përdorimit të pasurisë së fëmijës së tyre.” E drejta e
përdorimit të pasurisë së fëmijës mund të jetë e ngjashme me analogji me
institutin e uzufruktit ligjor të parashikuar në Kodin Civil.167
Parë në këtë
këndvështrim ky parashikim mund të klasifikohet më shumë në kategorinë e të
drejtave sesa detyrimeve që parashikohen për prindërit kundrejt të miturit. Kështu
prindërit kanë të drejtë të përdorin sendet e fëmijës dhe të gëzojnë frutet që vijnë
prej tyre.168
Kjo e drejtë përftohet detyrimisht etëm nga prindi të cilit i është lënë
në ngarkim administrimi i pasurisë, sipas parimit të përgjithshëm që frutet si
rregull mblidhen nga personi i cili e posedon sendin. Pra, pas zgjidhjes së
martesës kjo drejtë do të ushtrohet nga të dy prindërit e fëmijës, vetëm nëse me
marrëveshje apo si rezultat i vendimi të gjykatës, është përcaktuar mënyra e
ushtrimit të përbashkët të përgjegjësisë prindërore, apo vetëm nga prindi që
gjykata apo vetë ato me marrëveshje(prindërit) kanë caktuar shprehimisht me këtë
167 Shih n.232 të K.C. “Uzufrukti është e drejta e një personi (uzufruktarit) për të gëzuar një
send që është në pronësi të një tjetri, me detyrim që ta ruaj e ta mirëmbajë atë” 168 Shih nenin 151 të K.C.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
118
të drejtë. Kështu prindërit apo gjykata mund të kënë përcaktuar shprehimisht se
cilat janë të drejtat e prindit që nuk banon me fëmijën, duke e përjashtuar këtë nga
administrimi ligjor apo shprehimisht vetëm nga përdorimi i sendeve të fëmijës,
prindi të cilit i është besuar fëmija, do të gëzoj për rrjedhojë në mënyrë eksluzive
të drejtën e përdorimit të pasurisë së fëmijës.
E drejta e përdorimit të pasurisë së fëmijës i siguron prindit titullar të kësaj të
drejte të posedojë fizikisht e të përdorë sendin, gjë që si rrjedhojë lejon vjeljen
dhe pervetësimin e frutave natyror apo civile të sendit, në atë masë që i nevojitet
prindërve dhe familjes së tyre. Kjo e drejtë është një e drejtë që përfitohet pa
kundërshpërblim, çka do të thotë se prindi nuk do të konsiderohet si huapërdorës i
sendit. Pavarsisht se me përfitimin e kësaj të drejte prindi titullar ngarkohet me
disa detyrime (psh, kufijtë e së drejtës së tij nuk mund të kalojnë caqet e
përdorimit të pasurisë, të ardhurat e fituara nga përdorimi i pasurisë duhet të
përdoren vetëm në interes të fëmijës apo nevojave familjare, çdo e ardhur tjetër që
tejkalon këto caqe i kthehet fëmijës) ato nuk kanë detyrimin të kundërshpërblejnë
fëmijën si rezultat i fitimit të kësaj të drejte.
E drejta e përdorimit të pasurisë së fëmijës ka karakter personal169
dhe të
përkohëshëm.170
Kjo e drejtë parashikohet vetëm në favor të prindërve i cili nuk
në asnjë momënt nuk gëzon tagrin e tjetërsimit të kësaj të drejte (as nëpërmjet
veprimeve juridike intervivos ashtu edhe mortis causa.) Kjo drejtë si rregull
zbatohet për aq kohë sa zgjat edhe përgjegjësia prindërore. E drejta e përdorimit të
pasurisë së fëmijëve është një e drejtë e pasrashikuar dhe e rregulluar nga ligji,
ndaj çdo marrëveshje që bie në kundërshtim me parashikimet e saj do të
konsiderohet e pavlefshme. E drejta e trashigimisë së prindit/ prindëre dhe
fëmijës/fëmijëve. Fëmijët janë trashigimtar ligjor të prindërve (dhe anasjelltas) si
para dhe pas zgjidhjes së martesës së tyre. Ato gëzojnë reciprokishtë cilësinë e
trashigimtarit ligjor. I mituri i cili ka mbushur moshën katërmbëdhjetë vjeç mund
të disponoj me testament të ardhurat e fituara nga puna e tij. Ndryshe nga
prindërit fëmijët e mitur gëzojnë të drejtën e rezervës ligjore171
edhe në rastet kur
prindi ka përcaktuar nëpërmjet testamentit të tjerë trashigimtarë apo ka cënuar
169 Shih nenin 231 të K.F. 170 Shih nenin 216 të K.F. 171 Shih nenin 379 të K.C.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
119
pjesën që i takon fëmijës së mitur në cilësinë e trashigimtarit ligjor të rradhës së
parë.
3.3. Kujdesi institucional dhe aspektet e të drejtave pasurore të fëmijëve
Veprime të tjera që tejkalojnë administrimin e zakonshëm.
Neni 234 i KF megjithëse fillon me një listim të atyre veprimeve që
konsiderohen jashtë kufinjve të administrimit të zakonshëm dhe si të tilla
kërkojnë domosdoshmërinë e autorizimit të gjykatës, nuk e mbyll këtë listë në
mënyrë shterruese pasi legjislatori e ka lënë të hapur duke parashikuar : “... si dhe
përgjithësisht veprimet që kapërcejnë kufinjtë e administrimit të zakonshëm”.
Duke iu referuar doktrinës dhe praktikës gjyqësore mund të përmendim si
veprime të tilla:
Tërheqja e shumave të depozituara në llogari bankare në emër të fëmijës.
Në doktrinën juridike172
tërheqja e shumave në llogari bankare në emër të
fëmijëve do të konsiderohet si veprim jashtë kufinjve të administrimit të
zakonshëm në rastet kur llogaria në emër të fëmijës përmban një shumë relativisht
të konsiderueshme dhe në rastet kur qëllimi i tërheqjes do të jetë jo për plotësimin
e nevojave të përditshme të fëmijës. Edhe praktika gjyqësore këto veprim i
konsideron si jo të zakonshme.
Në një rast të tillë që pati gjykata173
është shprehur se : “Nga shqyrtimi në tërësi i
të gjitha rrethanave të çështjes në analizë dhe të akteve të administruara në dosje,
në raport me shpjegimet e palës kërkuese dhe ligjin, gjykata çmon se kërkesa e
kërkuesit duhet pranuar për sa më poshtë: Kërkuesja Vjollca Hoxha ushtron e
vetme përgjegjësinë prindërore ndaj 4 fëmijëve të saj L.H. S.H. dhe E.H,
meqënëse prindi tjetër Dtitan Hoxha është në pamundësi të ushtrimit të
përgjegjësisë prindërore pasi ka vdekur. Nisur sa më sipër meqënëse rezultoi e
provuar se fëmijët janë të mitur dhe meqënëse ky veprim i kapërcen kufinjtë e një
172 Begeja Ksanthimi, “E drejta Familjare e RPSH”, Tiranë 1984, fq.217si dhe Omari Sonila, “Leksione të së drejtës familjare” Tiranë 2006 173 Shih vendimin e Gjykatës së Shkallës Parë Tiranë, nr.1040, datë 16 shkurt 2010
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
120
administrimi të thjeshtë të pasurisë së të miturve, gjykata ka vendosur se do të
ishte në interesin më të lartë të fëmijëve që të autorizohej kërkuesja, nëna e
fëmijëve, për administrimin dhe disponimin e depozitave në emër të të miturve,
pasi tërheqja e këtyre parave do të ishte e nevojshme për tu përdorur për
mirërritjen, edukimin dhe arsimimin e tyre, si dhe nisur nga fakti se fëmijët kanë
një jetesë të një niveli të lartë, pasi studiojnë në shkolla të huaja private jashtë
shtetit, në Itali.” Në vendimin e sipërpërmendur, mendojmë se megjithëse kërkesa
është e drejtë dhe e bazuar në ligj, gjykata nuk ka bërë aspak arsyetim në lidhje
me natyrën juridike të këtij veprimi dhe pse është i nevojshëm autorizimi i
gjykatës. Gjykata e ka marrë të mirëqenë që jemi përpara një veprimi të
administrimit të jo të zakonshëm pa analizuar cilësitë e veprimit juridik, sasinë e
konsiderueshme ose jo të shumave të depozituara në bankë, si dhe impaktin që ky
veprim do të kishte mbi pasurinë e të miturve në rastin konkret.
Tjetërsimi i një sendi të luajtshëm.
Neni 234 i KF konsideron si veprim juridik të administrimit jo të zakonshëm
vetëm tjetërsimin e sendeve të paluajtshme. Ndërkohë praktika gjyqësore pranon
si veprime që tejkalojnë administrimin e zakonshëm dhe tjetërsimin e disa
sendeve të luajtshme174
, si psh tjetërsimin e automjeteve, titujve të kreditit etj.
Veprimi juridik, që është kryer pa u marrë autorizimi i gjykatës, mund të shpallet i
pavlefshëm me kërkesë të prokurorit, të prindit ose kujdestarit të të miturit.
Nëqoftëse gjykata jep pëlqimin më vonë për veprin juridik të kryer, ky veprim
nuk shpallet i pavlefshëm. Në përputhje me nenin 222 të kodit të familjes, kryerja
e veprimeve juridike jo të zakonshme realizohet me vullnetin e përbashkët të dy
prinderve që ushtrojnë përgjegjësinë prindërore. Duke qenë se veprimet e
administrimit të jashtëzakonshëm janë kryesisht veprime disponimi ato përveç
vullnetit të përbashkët të prindërve kanë nevojë t’i ushtrohen dhe kontrolleve
gjyqësore. Ndaj administrimi jo i zakonshëm i pasurisë të të miturit si rregull
realizohet pas autorizimit të dhënë nga gjykata, por nese gjykata për shkaqe dhe
arsye me rëndësi jep më vonë pëlqimin e saj veprimi juridik shpallet i
vlefshëm.175
174 Shih psh Vendimin e Gjykatës së Shkallës së Parë Tiranë, Nr.797, datë 09 shkurt 2010 si dhe vendimin Nr. 1862, datë 10 mars 2010 në po të njëjtën gjykatë. 175 Shih nenin 234 të K.F
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
121
Në dhënien e autorizimit të saj gjykata do të vleresoj duke u nisur nga rëndësia e
veprimit:
1. Dobinë ekonomike që ky veprim do të ketë në raport me pasurinë e të miturit;
2. Parimin e interest më të lartë të fëmijës në kryerjen e veprimit të administrimit
jo të zakonshëm.
Autorizimi i gjykatës është element i vlefshmërisë së veprimit juridik të
administrimit tëe jashtëzakonshëm të pasurisë së të miturit.
Në vijim do të permendim disa nga veprimet me tradicionale të administrimit të
jashtëzakonshem të pasurisë së të miturit të cilat kryesisht janë veprime disponimi
(pra vendosin për fatin e sendit)
Tagri për të tjetërsuar sendet objekt pronësie si rregull i perket titullarit te se
drejtes se pronesise mbi sendin, ndaj dhe tjetersimi i pasurise qofte edhe nga
perfaqesuesi ligjor i femijes, kërkon autorizimin e gjykatës në mënyrë që veprimi
të konsiderohet i vlefshëm.
Shpronësimi i pasurisë së paluajtshme të të miturit.
Nga përmbajtja e nenit 190 të K.C176
deduktojmë se edhe sendet e
paluajtshme që bëjnë pjesë në pasurinë e fëmijës mund të shpronësohen kundrejtë
një shpërblimi të drejtë, kur e kërkojnë interesat publikë. Sigurisht per ato qe
njohin konceptin e shpronesimit është fare e qartë se ai kryhet në bazë të parimit
të interesit publik i cili prevalon ndaj interesit personal, vetjak, ndaj është fare e
pa arsyeshme të mendohet se vullneti i përfaqësueve ligjor të fëmijës apo
autorizimi i gjykatës do të luajë rol në këtë proces. Pra e thënë në fjalë të tjera as
pëlqimi (vullneti) i perfaqesueve ligjor as autorizimi, i gjykatës nuk ka rol
vendimarrës në vlefshmërinë e këtij proçesi (shpronësimet). Por, ndërkohë që
vendimi i shpronësimit nuk mund të konsiderohet nga përfaqesuesi ligjor i
fëmijës, lidhur me përcaktimin e masës së shperblimit prindi mund të bëj ankim
në gjykatë. 177
Ngarkimi i pasurisë së fëmijës me barrë
a) Lënia në hipotekë e sendeve të paluajtshme të fëmijës:
176 Shih nenin 190 të K.C 177 Omari Sonila, “E drejta Familjare”, Tiranë 2010, fq 418
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
122
Ngarkimi i pasurive të fëmijës me një të drejtë reale gëzimi në favor të një të
treti. Bazuar në K.C 178
përveç se drejtës së pronësisë si e drejta madhore reale që
mund gëzohet mbi një send nga titullari i kësaj të drejte mbi sendin mund të
gezohen edhe disa të drejta reale minore siç janë servitutet,uzufrukti, perdorimi i
banimit, enfiteoza, etj,. E drejta e pronësisë mbi sende të paluajtshme i jep të
drejtën titullarit të tyre, t’I vendosë ato si garanci reale për të garantuar
përmbushjen e një detyrimi të tij apo të një të treti. Në rastet kur prindërit si
përfaqësues ligjorë të fëmijës, gjatë administrimit të pasurisë së tij, mund të
vendos që të vë si garanci për shlyerjen e një detyrimi pasuror, pasurinë e
paluajtshme të fëmijës. Hipoteka, megjithëse për kreditorin e saj konsiderohet e
drejtë reale, për fëmijën në cilësinë e debitorit, ajo do të jetë një barrë që i vihet
pasurisë së tij.179
Lënia në hipotekë e sendeve të paluajtshme të fëmijëve,
konsiderohet një veprim që i kalon caqet e administrimit të zakonshëm të pasurisë
nga prindërit, pasi në rastet e mospërmbushjes së detyrimit kontraktual nga ana
tyre, pala kreditore mund të realizoj tjetërsimin e kësaj pasurie (veprim ky që futet
në tagrin e disponimit të pasurisë- tagër i njohur vetëm për pronarin e sendit.) Për
këtë shkak, duke parashikuar se lënia në hipotekë e një sendi të paluajtshëm,
rrezikon seriozisht humbjen përfundimtare të pasurisë të fëmijës së mitur, ky
veprim duhet të hetohet dhe të autorizohet nga gjykata.
Të gjitha këto të drejta reale minore konsiderohen një barrë për pronarin e sendit,
pasi realizimi i tyre redukton përmbajten e të drejtës së pronësisë. Ndaj duke i
konsideruar si një barrë që i rëndon sendit, objekt pronësie të pasurisë së fëmijës
ato mund t’i ngarkohen sendit nga prindërit vetëm në rastet kur gjykata e ka
autorizuar atë.
b) Ngarkimi i pasurive të fëmijës me një të drejtë reale gëzimi në favor të një të
treti.
Bazuar në K.C 180
përveç së drejtës së pronësisë si e drejta madhore reale
që mund gëzohet mbi një send nga titullari i kësaj të drejte mbi sendin mund të
gëzohen edhe disa të drejta reale minore siç janë servitutet,uzufrukti, përdorimi i
banimit, enfiteoza, etj,. Të gjitha këto të drejta reale minore konsiderohen një
178 Shih nenin 232-295 dhe 784 e në vijim të K.C 179 Shih nenin 560-580 i K.C 180 Shih n. 232-295 dhe 784 e në vijim të K.C
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
123
barrë për pronarin e sendit, pasi realizimi i tyre redukton përmbajten e të drejtës
së pronësisë. Ndaj duke i konsideruar si një barrë që i rëndon sendit, objekt
pronësie të pasurisë së fëmijës ato mund t’i ngarkohen sendit nga prindërit vetëm
në rastet kur gjykata e ka autorizuar atë.
c)Vendosja e të drejtave reale të garancisë
Përveç sendeve të paluajtshme të cilat vihen në hipotekë si garanci reale
për shlyerjen e një detyrimi kontraktual, edhe mbi sendet e luajtshme në pronësi të
fëmijës bazuar në legjislacionin civil mund të ngarkohen me barrë. Barra në këtë
rast vjen në formën e kolateralit apo pengut si garanci reale për përmbushjen e
detyrimit kontraktual. Sikurse dhe në rastin e hipotekës, kreditori në pamundësi të
përmbushjes së detyrimit nga debitori mund të tjetërsoj sendin e luajtshëm të
ngarkuar me barrë për shlyerjen e këtij detyrimi, gjë që çon në humbjen e së
drejtës së pronësisë mbi sendin. Ndaj për analogji edhe në këto raste gjykata duhet
të autorizoj prindin për kryerjen ose jo të këtij veprimi juridik, duke analizuar me
kujdes të gjitha rrethanat e duke çmuar prioritare në dhënien e vendimit të saj
interesin më të lartë të fëmijës.
5) Heqja dorë nga trashëgimia legu apo mospranimi i dhuratave.
Si rregull trashigimia, legu dhe dhuratat shtojnë aktivin e pasurisë së
individit ndaj në parim pranimi i tyre nga prindërit bën pjesë në administrimin e
zakonshëm të pasurisë së të miturit. Ndërsa heqja dorë apo mospranimi i tyre
duket sikur e privon të miturin nga shtimi i pasurisë së tij ndaj të gjitha këto
veprime bëjnë pjesë tek adminsitrimi i jashtëzakonshëm i pasurisë dhe kërkojnë
autorizimin e gjykatës për realizimin e tyre e të motivohen vetëm në kushtet e
mbrojtjes së interesit të fëmijës rast pas rasti.
6) Pjestimi i bashkëpronësisë
Pasuria e fëmijës sipas rastit mund të jetë në cilësinë e bashkëpronësisë
dhe femija në atë të bashkëpronarit në pjesë apo tërësi të pasurisë. Në përputhje të
dispozitave të K.C 181
për bashkëpronësinë secili bashkëpronar ka të drejtë të
kërkoj në çdo kohë pjestimin e bashkëpronësisë. Kur njeri nga bashkëpronarët
është i mitur veprimi juridik i pjestimit të pasurisë bëhet vetem me autorizim
181 Shih nenin 353 të K.C
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
124
gjykate. Parimi i interesit më të lartë të fëmijës është kriter primar që shoqëron
çdo vendim gjykate në lidhje me pasurinë e të miturit e jo vetëm. Kështu kur i
mituri është në bashkëpronësi me prindërit e tij gjykata për përfaqësimin e
paanshëm të interesave të femijes do të caktoj një kujdestar të posaçëm gjatë
proçedurës së pjestimit të bashkëpronësisë.
7) Tjetërsimi i sendeve të luajshme
Kur sendet e luajtshme kanë një vlerë të konsiderueshme të tillë që i
prekin në mënyrë të thelbësore aktivin e pasurisë së të miturit për tjetërsimin e
tyre kërkohet autorizimi i gjykatës për vendosjen e “fatit” të sendit. Me tjetërsim
do të kuptojmë kalimin e së drejtës së pronësisë nga një subjekt në tjetrin. Kemi
tjetërsim të sendit, kur ai dhurohet, shitet apo shkatërohet. Pra, në terma juridik në
momentin e tjetërsimit të sendit pronari fillestar zhvishet nga e drejta e pronësisë
dhe të gjitha tagrat e tjera që kjo e drejtë mbart.
8) Tërheqja e shumave të depozituara në llogari bankare në emër të fëmijës
Doktrina juridike klasifikon tërheqjen e shumave të depozituara në llogari
bankare në emër të fëmijës si veprime të administrimit të jashtëzakonshëm të
pasurisë182
. Madje edhe kur këto shuma janë depozituar nga vetë prindërit e
fëmijës në momentin e depozitimit ato bëjnë pjesë në inventarin e pasurisë së
fëmijës duke bërë që prindërit të humbin çdo lloj të drejte mbi këto depozita, pasi
të ardhurat e prindërve janë bërë pjesë e pasurisë së fëmijës. Pas këtij momenti,
prindi ka mbi këto të ardhura vetëm të drejteën e administrimit të tyre në emer e
për llogari të fëmijës.
9) Lidhja e kontratës së qirasë
Lidhja e kontratës së qirasë mbetet në kufijte e një veprimi administrimi të
zakonshëm, nëse ajo lidhet për një afat të arsyetueshem. Për të vlerësuar interesin
e të miturit në një rast të tillë, gjykata duhet çmojë ndërmjet interesit të tij për
fitimin e të ardhuarve dhe atij të përdorimit personal teë sendit. Në çdo rast
mendoj se afati maksimal i arsyeshëm duhet të zgjasë deri në arritjen e moshës
madhore nga i mituri.
182 Begeja Ksanthimi, “E drejta Familjare e RPSH”, Tiranë 1984, fq.218
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
125
10) E drejta e përdorimit të pasurisë –uzufruktli ligjor
E drejta e përdorimit të prinderve mbi sende apo pasurinë e fëmijës,
përkufizohet si një e drejtë reale, e cila i jep mundësinë prindit titullar të përdorë
sendin dhe të gëzoje frutet e tij, në përputhje me nevojat e fëmijës dhe familjes se
tij. E drejta reale përdorimit të prindërve bashkekziston me të drejtën e pronësisë
së fëmijës. Pasuria që përdoret është në propocion me nevojat e tyre dhe anëtarëve
të familjes. Nga vete termi “e drejtë e perdorimit” deduktojme se ajo është dhe
mbetet një e drejtë subjektive e prindërve, ndaj ushtrimi i saj nuk është i
detyrueshëm por ai çmohet nga prindi titullar.
E drejta e përdorimit përfshin posedimin fizik të sendit dhe përvetësimin e fruteve
natyrorë apo civile të sendit, në atë masë që i nevojitet prindërve dhe familjes së
tyre . E drejta e përdorimit të sendit është një e drejtë pa kundërshperblim, pra
prindit nuk i lind detyrimi ligjor të kundërshpërblejë fëmijën pas përdorimit të
sendit. Kjo e drejtë ka karakter ngushtësishtë personal, pra lidhet vetem me
subjektet që kanë cilësinë e prindit, ajo as tjetersohet dhe as trashëgohet .
Pavarsishtë rasteve të sipërcituara, në disa raste të parashikuara shpehimisht
prindi pavarsisht se ushtron përgjegjësinë prindërore, ai mund të përjashtohet nga
e drejta e përdorimit të sendit në rastet kur:
Disponuesi i pasurive të dhuruara apo trashëguara, ka parashikuar përjashtimin e
prindit nga e drejta e përdorimit apo administrimit. Fitimi i pasurisë nga ana e të
miturit i nënshtrohet kushtit zgjidhës që “prindi/prindërit të mos kenë të drejtën e
përdorimit mbi sendet e dhuruara apo të trashiguara “Kushti i parashikuar nga
disponuesi, si rregull duhet të jetë i shprehur në kontratën e dhurimit dhe në
dispozitat e testamentit183
- Për pasuritë e fituara nga fëmija në trashgimi, kur prindi është përjashtuar
nga fitimi i tyre si rezultat i padenjësisë 184për të trashëguar.
Megjithëse dispozitat e kodit të familjes nuk I referohen shprehimisht dispozitave
të kodit civil mbi trashëgiminë, bazuar në dispozitat e përgjithëshme që
rregullojnë zotësinë për të trashëguar, prindit nuk I njihet e drejta e uzufruktit
183 Omari Sonila, “E drejta Familjare”, Tiranë 2010, fq 414 184 Shih nenin 322 të KC
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
126
ligjor mbi pasurinë e trashëguar me zëvëndësim nga fëmija kur prindi është
përjashtuar për shkak të padenjësisë për të trasheguar.
Sikurse e përmendëm edhe në fillim të këtij kreu përgjegjësia prinderore
ka burimin e saj në momentin e riprodhimit dhe në momentin e krijimit të
marrëdhënies juridike të birësimit. Kështu pas përfundimit të proçedurave teë
birësimit, të drejtat dhe detyrimet që formojnë përmbajtjen e përgjegjësisë
prindërore transferohen nga prindërit biologjik tek ato birësues. Kjo pergjegjësi
lind automatikisht nga data kur vendimi gjygjësor ka marrë formë të prerë. Nga
momenti i fillimit të përgjegjësisë prinderore, birësuesi duhet të kujdeset e të
siguroj mirëqënien emocionale, sociale dhe materiale të të birësuarit njësoj sikur
ai të ishte fëmija natyral. Të gjitha pasojat dhe trajtimet mbi pasurinë e fëmijës së
mitur të birësuar do të trajtohen njësoj si në marrëdhënien natyrore të prindërimit.
Nuk ka vend në këtë punim trajtimi i institutit të kujdestarisë pasi
pavarsisht se ky institut krijon marrëdhënie përfaqsimi midis kujdestarit e të
miturit që është nën kujdes, ky institut nuk krijon marrëdhënie prindërimi e për
rrjedhojë as lindjen e përgjegjësisë prinderore. Sikurse e dim edhe nga trajtimi i
ligjit dhe i literaturës instituti i kujdestarisë është i përkohshëm dhe i
zëvëndësueshëm ndaj si rrjedhojë nuk mund të jetë burim i krijimit të
marrëdhënieve familjare ndërmjet kujdestarit dhe të miturit që ështëe nën
kujdestari. Gjithashtu parimet mbi përfaqësimin, administrimin apo përdorimin e
pasurisë së fëmijës së mitur që trajtuam në këtë kapitull nuk cënohen nga statusi
ligjor i prindërve, nëse ato kanë zgjidhur martesën apo martesa e prindërve është
shpallur e pavlefshme.
3.4. Familja bujqësore dhe aspektet pasurore të marrdhënieve prind fëmijë
në familjen bujqësore.
N ë studimin e praktikës gjyqësore konstatohen një numër i madh rastesh ku
prindërit kërkojnë autorizimin e gjykatës për tjetërsimin e tokave bujqësore, ku të
miturit janë bashkëpronarë me arsyetimin se kjo është e nevojshme për edukimin,
shkollimin, mirërritjen e fëmijës, plotësimin e nevojave të veçanta të tij, etj.
Problemet juridike që kemi evidentuar për diskutim në këtë drejtim janë :
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
127
A mund të jenë fëmijët e mitur anëtarë të familjes bujqësore dhe nëse po cilat janë
kushtet dhe subjektet për të qenë subjekt përfitues i saj? A duhet të pranojë
gjykata kërkesa për lëshimin e autorizimeve për tjetërsimin e tokave bujqësore për
të miturit që kanë lindur pas ndarjes së tokave bujqësore sips Ligjit Nr. 7501, date
19.07.1991 “Për Tokën”apo duhet detyrimisht që këta të mitur të kenë qenë në
çertifikatën e përbërjes familjare në momentin e ndarjes së tokës për frymë?
Në lidhje konceptin, përbërjen, kriteret për të qenë anëtar i familjes bujqësore KC
parashikon në nenin 222 se : “Pronësia mbi pasurinë e anëtarëve të familjes
bujqësore, u përket në tërësi anëtarëve të saj, të cilët nëpërmjet punës ose të
drejtave të tjera të fituara, kanë kontribuar në krijimin dhe në mbajtjen e
ekonomisë bujqësore”.
Ndërsa në nenin 223 të KC parashikohet se : “Familja bujqësore përbëhet nga
persona që lidhen ndërmjet tyre për shkak gjinie, martese, birësimi ose pranimi i
si anëtar të saj.”
Në interpretim të dispozitave të mësipërme për të qenë anëtar i familjes bujqësore
duhen të plotësohen dy kritere :
1. Kriteri i qënies anëtar për shkak të gjinisë, birësimit apo pranimit si anëtar
i saj.
2. Kriteri i dytë, ai i kontributit që duhet të japë anëtari i familjes bujqësore
në krijimin dhe mbajtjen e ekonomisë bujqësore.
Në bazë të këtyre dy kritereve duket në pamje të parë se të miturit plotësojnë
vetëm kriterin e parë dhe jo ate të krijimit dhe kontributit në familjen bujqësore,
por në fakt edhe ky kriter duket se plotësohet për shkak të shpërndarjes të tokës
bujqësore.185
Meqë kjo tokë iu shpërnda ish anëtarëve të kooperativave bujqësore,
duke patur për bazë numrin e frymëve të këtyre familjeve, do të thotë se në këtë
185 Ashtu si për ccdo mënyrë tjetër të fitimit të pronësisë mbi tokën bujqësore si send i paluajtshëm në bazë të ligjit “Për tokën”Nr.7501, datë 19.07.1991, e drejta e pronësisë kalon në momentin e disponimit apo të kalimit të tagrave të pronësisë nga njëri subject te tjetri, pra nga shteti i cili ishte pronar i tokës bujqësore që i përkiste ish kooperativave bujqësore, tek familjet bujqësore anëtare, sipas kushteve dhe kritereve të përcaktuara me ligj, në bazë të numrit të frymëve në përbërjen e familjes bujqësore në momentin e disponimit të tokës nga ana e Komisionit të ndarjes së tokës në fshat, sipas proccedurës së parashikuar në ligj dhe në VKM. Pikërisht momenti i kalimit të tokës s ëish kooperativave bujqësore në bazë të ligjit “Për
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
128
kuptim në krijimin e këtyre familjeve bujqësore kanë kontribuar edhe të miturit
pavarësisht nga mosha.186
Në këtë drejtim sipas Ligjit187
Nr. 7501, datë
19.07.1991 dhe sipas pikës 1 dhe 2 të Vendimit të Këshillit të Ministrave nr. 255,
datë 02.08.1991 : “1. Toka ndahet sipas gjendjes aktuale të sipërfaqes që ka
kooperativa bujqësore dhe numrit të frymëve...2.Në të gjitha rastet toka ndahet
përpjestimisht për çdo familje sipas numrit të frymëve të gjendjes civile në datën 1
gusht 1991...”
Pra, edhe fëmijët e mitur për shkak të ekzistencës së tyre në momentin e krijimit
të familjes bujqësore konsiderohet se e plotësojnë dhe kushtin e dytë, gjithmonë
duke iu referuar Ligjit “Për tokën”, në zbatim të së cilit do të përfitonin tokë
bujqësore vetëm ata persona që kishin lindur para datës01.08.1991. duket se kjo
është baza ligjore ku mbështeten gjykatat në rastet kur rrëzojnë kërkesat për
lëshimin e autorizimit për tjetërsimin e apsurisë së të miturit. Psh në një vendim
gjyqësor188
gjykata është shprehur se : “Duke qenë se sipërfaqja e llojit ullishte
1100 metra katrorënuk rezulton të jetë pasuri e të miturve E.G, S.G për shkak se
ata sipas çertifikatave të lindjes, nuk kanë qenë anëtarë të familjes bujqësore në
datë 01 Gusht të vitit 1991, atëherë nga kjo gjykatë nuk mund të lëshohet
autorizimim për tjetërsimin e një pasurie të paluajtshme që i përket vetëm babait
të tij.”
Pothuajse të njëjtin qëndrim konstatojmë dhe një sërë vendimesh të tjera, ndër të
cilat mund të veçojmë arsyetimin e dhënë në një çështje të dhënë nga Gjykata e
Shkallës së Parë Tiranë189
ku argumentohet se : “Sipas VKM nr. 255, datë
02.08.1991 e cila ka dalë në zbatim të ligjit nr. 7501 datë 19.07.1991 “Për
tokën”pika 2 e tij, toka ndahet përpjetimisht për çdo familje sipas numrit të
tokën”, në pronësi të familjeve bujqësorenëpërmjet disponimit të Komisioneve të Ndarjes së Tokës në Fshat me Aktin e marrjes së tokës në pronësi, përbën momentin e fitimit të pronësisë mbi tokën bujqësore nga ana e familjes bujqësore dhe anëtarëve të saj sipas numrit te frymëve dhe ccertifikatës së përbërjes familjare në momentin e ndarjes së tokës 186Artikull “Mbi disa cështje të bashkëpronësisë”, nga Av. Dashamir Kore, botuar në revistën “Trajtime Juridike”, Viti i Botimit 2002, fq.186 187 Ky ligj është azhornuar disa herë konkretisht me Ligjin Nr. 7715, datë 02.06.1993, me Ligjin Nr. 7855, datë 29.07.1994, Ligjin Nr. 7971 datë 26.07.1995, Ligjin Nr. 8752, datë 26.03.2001 dhe ndryshimi i fundit ka qenë me Ligjin Nr. 9244, fatë 17.06.2004 188 Shih për më tepër Vendimin nr. 212 të Gjykatës së rrethit Gjyqësor Fier, datë 21 Prill 2010 189 Vendim nr. 795 të Gjykatës së Rrethit Gjyqësor Tiranë, datë 09 Shkurt 2010
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
129
frymëve të gjendjes civile në datë 01.08.1991. nga çertifikata e përbërjes
familjare me nr.162/84, datë 02.10.2009 rezulton se D.J është dtl. 1996. Pra, në
kohën kur kërkuesat pretendojnë se, kanë marrë tokën bujqësore fëmija D.J nuk
kishtë lindur, me si rrjedhojëajo nuk mund të konsiderohet pjesëtare e familjes
bujqësore, ndoshur në këto rrethana, gjykata çmon se nuk mund të përfitojnë tokë
e kërkuesit të cilët janë të paslindur.”
Në kundërshtim me këto vendime në studimin e praktikës gjyqësore konstatojmë
një kategori tjetër vendimesh gjyqësore të cilat i pranojnë kërkesat për lëshimin e
autorizimit për tjetërsimin e tokës bujqësore edhe pse fëmija i mitur nuk ka qenë
në gjendjen civile të datës 01.08.1991, pa hetuar në lidhje me anëtarësinë e
familjes bujqësore në momentin e tjetërsimit. Arsyetimi i gjykatës në një vendim
të tillë190
është : “Nga hetimi gjyqësor rezultoi se kërkuesi si përfaqësues i
familjes së tij në bazë të ligjit 7501, dt. 30.07.1991 “Për tokën”ka marrë në
pronësi tokë bujqësore të ndodhur në zonën kadastrale nr. ...” Bashkëpronarë në
këtë pasuri të paluajtshme fituar në bazë të ligjit “Për tokën”, përveç kërkuesit si
përfaqësues i familjes bujqësore dhe bashkëshortes së tij janë edhe fëmijët e tij,
midis të cilëve edhe fëmija M.M, i cili është i mitur 9 i datëlindjes 10.03.1994). ky
përfundim arrihet duke patur parasysh se sipas ligjit për tokën, ndarja e tokës
bëhej mbi bazën e numrit të anëtarëve të familjes bujqësore dhe se sipas neneve
222 e 223 të KC pronësia mbi pasurinë e anëtarëve të familjes bujqësore u përket
në tërësi anëtarëve të saj të cilat përcaktohen si personat që lidhen ndërmjet tyre
për shkak gjinie, martese, birësimi ose pranimi si anëtar i saj. Në këto kushte
gjykata çmon se kërkesa e paraqitur prej kërkuesit Z.M është e drejtë dhe duhet
pranuar, duke i dhënë autorizimin për të shitur pasurinë e llojit tokë are.”
Duket se në një rast të tillë gjykata barazon nocionin e të qënurit anëtar i familjes
ligjore, pra që është lidhur për shkak gjinie me atë të qënurit anëtar i familjes
bujqësore duke e konsideruar anëtarësinë e këtij të fundit rezultat automatik që
vjen për shkak të lidhjes gjinore. Sa më sipër duke u përpjekur për ti dhënë
përgjigje pyetjse se nëse anëtarë të familjes bujqësore do të jenë vetëm fëmijët e
mitur që kanë të tillë në vitin 1991, kur është bërë ndarja e tokës bujqësore apo do
të jenë dhe të miturit pas kësaj date, analizojmë dispozitat e KC në lidhje me
bashkëpronësinë e familjes bujqësore si më poshtë vijon:
190 Vendim nr. 38 të Gjykatës së Rethit Gjyqësor Fier, datë 01 Shkurt 2010
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
130
Duke qenë se dispozitat e KC theksojnë që bashkëpronësia në familjen bujqësore
krijohet për shkak të gjinisë, martesës, birësimit apo pranimit si anëtar i saj duke
krijuar në këtë mënyrë tendencën që rrethi i bashkëpronarëve të rritet duke u
dhënë mundësinë të bëhen bashkëpronarë mbi tokën bujqësore të shpërndarë në
vitin 1991, edhe përsonave që lindin më vonë, si dhe personave të tjerë që bëhen
anëtarë të familjes bujqësorenëpërmjet martesës apo birësimit.
Mendojmë, që të njëjtin karakter shtrirës të rrethit të bashkëpronarëve ka edhe
neni 5, paragrafi b, i Ligjit nr. 8337, datë 30.04.1998 “Për kalimin në pronësi të
tokës bujqësore, pyjore, livadheve dhe kullotave191
, kur kërkon si dokument bazë
për regjistrimin çertifikatën e përbërjes familjare, jo atë të vitit 1991, kur doli ligji
“Për tokën”, por atë në momentin e tjetërsimit të tokës bujqësore.
Në këtë mënyrë për tjetërsimin e tokës bujqësore të përfituar mbi bazën e ligjit
7501 “Për tokën”, mendojmë që kryetari i familjes bujqësore duhet të marrë
autorizimin nga gjykata kompetente. Qëndrimi i praktikës gjyqësore në lidhje me
këtë moment është i ndryshëm. Kjo për faktin se ashtu sikurse theksuam më sipër
disa mbajnë qëndrimin për pranimin e kërkesës për lëshimin e autorizimit për
tjetërsimin e pjesës së fëmijës së lindur pas datës 01.08.1991, duke u bazuar në
dispozitat e Kodit Civil për bashkëpronësinë e anëtarëve të familjes bujqësore, si
dhe nenit 5/b të ligjit për “Kalimin në pronësi të tokës bujqësore, pyjore,
livadheve dhe kullotave.” Ndërsa pjesa tjetër mban qëndrimin se këto kërkesa nuk
duhet të pranohen pasi bëhet fjalë për një person i cili nuk ka përfituar tokë mbi
bazën e ligjit 7501 “Për tokën”dhe rrjedhimisht nuk është bashkëpronar në
familjen bujqësore. Diskutomi mbetet akoma i hapur për sa kohë që nuk ka një
unifikim përfundimtar të probemit nga Gjykata e Lartë.
Në lidhje me këtë çështje mendojmë se për efekte të ligjit, që bëri të mundur
kalimin e tokës nga posedimi në pronësi duhet parë përbërja e gjendjes familjare
në momentin e kur kjo tokë bujqësore u ka kaluar në pronësi nenit 5/c të ligjit për
191 Sipas nenit 5, pika b e këtij ligjindër dokumentet e nevojshme që duhet të paraqiten për regjistrim në zyrën e regjistrimit të pasurive të paluajtshme në rastin kur kalohet pronësia mbi tokën bujqësore në favor të personave të tretë janë dhe aktet që vërtetojnë përbërjen e familjes bujqësore në çastin e kalimit të pronësisë, të vërtetuar nga çertifikata e gjendjes civile. Kërkimi i vërtetimit të për bërjes së familjes bujqësore në momentin e kalimit të pronësisë mbi tokën bujqësore, të lë të nënkuptosh se gjithë personat që bëjnë pjesë në familjen bujqësore në momentin e tjetërsimit të tokës janë edhe bashkëpronarë të tij.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
131
“Kalimin në pronësi të tokës bujqësore, pyjore, livadheve dhe kullotave”. Nëse
fëmijët kanë qenë në përbërjen familjare në këtë moment mendoj që ata janë bërë
bashkëpronar të tokës bujqësore ndaj duhet marrë autorizimi i gjykatës.
Së fundmi, duke iu rikthyer dhe një herë faktit që tjetërsimi i një sendi të
paluajtshëm siç është toka bujqësore është një veprim tej administrimit të
zakonshëm të administrimit të pasurisë së të miturit, gjykatat duhet të kenë kujdes
në analizimin e interesit më të lartë të fëmijës. Për të dhënë një vendim të drejtë
gjykatat duhet të hetojnë se pse kërkohet autorizimi i shitjes së kësaj toke, cilat do
të jenë përfitimet që do të ketë fëmija, a mund të arrihet në të njëjtin rezultat me të
ardhurat ekzistuese të prindit që kërkon autorizimin, mënyra si do të përdoren
këto të ardhura. Vetëm duke analizuar me kujdesn këto rrethana gjykata mund të
evidentojë interesin më të lartë të fëmijës, që duhet të jetë konsiderata parësore në
çdo vendim gjyqësor.
3.5. Praktika gyqësore shqiptare me fokus aspektete pasurore të
marrdhënieve prind fëmijë
Çështjet e autorizimit të gjykatave për tjetërsimin e pasurisë së fëmijës
Në bazë të KF (2003), prindërit bashkarisht kanë të drejta dhe përgjegjësi të
njëjta kundrejtë fëmijëve si në aspektin e të drejtave personale dhe ato pasurore.
Pavarsisht se doktrina ka ndarë administrimin e pasurisë së fëmijës në
administrim të zakonshëm dhe administrim të jashtëzakonshëm të saj vetë Kodi i
Familjes (2003) nuk ka një ndarje të tillë specifike.
Tjetësimi i pasurisë së të miturit
Në interpretim të nenin 234 të Kodit të familjes ku thuhet se “Tjetërsimi i
pasurisë së paluajtshme të çdo fëmije të mitur deri në moshën tetëmbëdhjetë vjeç,
lënia hipotekë, ngarkimi me një barrë, marrja hua në emër të të miturit, heqja dorë
nga trashëgimia apo legu ose mospranimi i një dhurimi, si dhe përgjithësisht
veprimet që kapërcejnë kufijtë e një administrimi të thjeshtë të çdo pasurie të të
miturit, mund të kryhen vetëm kur e kërkon interesi i të miturit dhe me autorizim
të gjykatës së vendbanimit të të miturit. Veprimi juridik, që është kryer pa u marrë
autorizimi i gjykatës, mund të shpallet i pavlefshëm me kërkesën e prokurorit, të
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
132
prindit ose të kujdestarit të të miturit. Në qoftë se gjykata jep pëlqimin më vonë,
veprimi juridik nuk shpallet i pavlefshëm” konkludojmë se disa veprime
administrimi do të kryhen vetëm me pëlqimin (autorizimin) e gjykatës kur
kryerjen e këtij veprimi e kërkon interesi më i lartë i fëmijës.
Në kushtet kur prindërit e fëmijës kanë tjetërsuar një pasuri të paluajtshme të të
miturit pa autorizimin e gjykatës, a do të konsiderohet ky veprim absolutisht i
pavlefshëm?
Duke u bazuar në interpretimin e pjesës së fundit të nenit 234 të KF konkludojmë
se një veprim juridik i kryer në kushte të tilla nuk do të jetë absolutisht i
pavlefshëm por relativisht i pavlefshëm192
, çka do të thotë se tjetërsimi i kryer pa
autorizimin e gjykatës mund të “ligjërohet”edhe pasi është kryer nëse gjykata
vlerëson se është kryer në favor të interesit të fëmijës. Pyetja që shtrohet është
sesa do të jetë periudha maksimale “post factum” që prindi mund t’i drejtohet
gjykatës për marrjen e këtij autorizimi. Duke qënë se ligji nuk parashikon një afat
të tillë mendojmë se caktimi i kësaj perudhe (pra pranimi apo rrëzimi i kërkesës
për marrjen e autorizimit) do t’i lihet në dorë bindjes së brëndshme të gjykatës
kompetente që do të shqyrtoj këtë kërkesë.
Nga hulumtimet e rasteve praktike në rastet e shqyrtimit të kërkesava për
administrimin e pasurisë së të miturit, vihet re se kjo kërkesë iniciohet kryesisht
nga ati i fëmijës, shumë rrallë nga nëna (vetëm në rastet kur nënat janë të veja,
apo ka zgjidhur martesën, etj.,) dhe jo shumë raste kur kjo kërkesë iniciohet nga të
dy prindërit.
Kështu, në GJRRGJ Tiranë për vitin 2011 nga 95 kërkesa për lëshim autorizimi
rezulton se në 31 prej tyre janë kërkues të dy prindërit; në 17 prej tyre kërkuese
është vetëm nëna dhe në 47 është vetëm ati. Në pothuaj shumicën e rasteve të
këtij viti [2011] bëhet fjalë për autorizim për tjetërsimin e pronës së familjes
bujqësore ku fëmijët janë bashkëpronarë apo pronarë të pasurisë së paluajtshme
192
Të njëjtin qëndrim mban edhe jurisprudenca italiane. Konkretisht në lidhje me këtë ccështje Gjykata e Lartë Italiane në vendimin nr.7638, datë 10.07.1991 është shprehur se “një kontratë shitje e një pasurie të paluajtshme të një të mituri, e lidhur nga prindërit e të miturit pa marrë autorizimin e gjykatës nuk do të konsiderohet absolutisht e pavlefshme, por e anullueshme, me përjashtim të rastit kur palët sipas parimit të autonomisë kontraktuale, kanë parashikuar vlefshmërinë dhe fillin e ekzekutimit të kontratës detyrimisht me dhënien e këtij autorizimi.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
133
tokë bujqësore. Vetëm në një rast kërkohet autorizim për shitjen e autoveturës
fituar me trashëgimi nga fëmija pas vdekjes së atit dhe ky është ndër rastet që
kërkesa është bërë nga nëna. Për vitin 2011, ka edhe 2 raste të tjera ku pasuria nuk
është tokë bujqësore dhe në një prej tyre nëna që paraqitet si kërkuese është e ve
dhe në tjetrin kërkuese është halla si kujdestare e fëmijëve të mbetur jetimë. Në
këto dy raste kërkohet autorizim për tërheqjen e depozitës bankare të fituar më
trashëgimi nga fëmija/fëmijët193
. Nga analiza e vendimeve gjyqësore vihet re se
përgjithësisht, vendimi i gjykatës lëshohet në emër të kërkuesit pa nënvizuar se
është një autorizim i lëshuar për të dy prindërit, dhe pa specifikuar mënyrën e
përdorimit të të ardhurave të fituara nga administrimi i pasurisë së të miturit.
Në doktrinën juridike një problem i diskutueshëm është nëse do të konsiderohet
veprim i administrimit të jashtëzakonshëm të pasurisë së të miturit blerja me të
ardhurat e tij të një sendi të paluajtshëm dhe në këtë kontekst është apo e
nevojshme marrja e autorizimit të gjykatës. Në këtë çështje juridike duket se
mendimet janë të ndryshme dhe të ndara në dy grupime.
Sipas grupimit të parë nuk është e nevojshme marrja e autorizimit të gjykatës për
sa kohë që blerja e një sendi të paluajtshëm është një kapital i sigurtë, pasi të
ardhurat e fëmijës në fonde monetare i kthen në një send të paluajtshëm, që mund
të konsiderohet një investim i sigurtë. Në këtë mënyrë ruhet dhe sigurohet pasuria
e të miturit, duke e mbrojtur atë nga rreziqe të mundshme që cënojnë tërësinë e
kësaj pasurie. Përkundrejt këtij grupimi ekziston dhe mendimi tjetër në bazë të të
cilit blerja e një sendi të paluajtshëm do të konsiderohet si veprim jo i zakonshëm
pasi jo domosdoshmërisht garantohen në këtë mënyrë të ardhurat e fëmijës.194
Në
këtë kontekst mendojmë që investimi i të ardhurave të të miturit për blerjen e një
pasurie të paluajtshme nuk është një situatë që me siguri sjell ruajtjen,
konservimin e pasurisë së të miturit. Duke qenë se është ekzistente mundësia psh
e zhvlerësimit të vlerës së një pasurie të paluajtshme (psh një apatament,nje truall)
në raport me paratë likuide, të cilat mund të përdoren në mënyra nga më të
ndryshme, do të ishte më e arsyeshme vlerësimi i gjykatës nëse investimi i këtyre
të ardhurave të bëhej ose jo në këtë mënyrë. Pra, jemi të mendimit që ky veprim të
konsiderohet në kuadër të veprimeve jo të zakonshme të administrimit.
193 Arta Mandro, “Të drejtat pronësore të grave në Shqipëri”, UN Woman 2016 194 Omari Sonila, “Leksione të së drejtës familjare”, Tiranë 2006
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
134
Lënia në hipotekë e pasurisë së fëmijës
Hipoteka është një e drejtë reale që vihet mbi pasurinë e debitorit ose një të
treti, në dobi të kreditorit, për të siguruar përmbushjen e një detyrimi. Prindërit, që
administrojnë pasurinë e të miturit, mund të garantojnë përmbushjen e
detyrimeve, që përbëjnë pasive të pasurisë së fëmijës nëpërmjet vendosjes së
hipotekës mbi pasurinë e tëmiturit, deri në atë vlerë që garanton detyrimin e
kreditorit. Me anë të hipotekës nëse nuk përmbushet detyrimi i garantuar me
hipotekën branda afateve të përcaktuara në kontratë, kreditorit i lind e drejta e
shitjes së sendit, mbi të cilin është vendosur hipoteka deri në përmbushje të vlerës
së detyrimit. Duke qenë se ky veprim mund të dëmtojë, të reduktojë madhësinë e
pasurisë apo të ndryshjnë cilësinë, strukturën apo madhësinë e pasurisë legjislatori
e ka rradhitur në kategorinë e veprimeve që tejkalojnë administrimin e
zakonshëm, ndaj është e nevojshme autorizimi i gjykatës.
Ngarkimi i pasurisë së të miturit me barrë.
Koncepti i të drejtës civile mbi të drejtat reale është e drejta e personit mbi
sendi (res). Në kategorinë e të drejtave reale kryesore doktrina juridike ka
klasifikuar të drejtat reale madhore dhe të drejtat reale minore, të cilat konsistojnë
në të drejtat reale mbi sendet e tjerëve. Në këtë kategori, përfshihen vetëm ato të
drejta të parashikuara nga ligji në mënyrë kufizuese. Si të tilla konsiderohen e
drejta e uzufruktit, servitutit, e drejta e peërdorimit, banimit, emfiteozës. Këto të
drejta relae kufizojnë pronarin e sendit në ushtrimin e tagrave të tij. Për këtë arsye
në rastet kur pasuria e të miturit ngarkohet nga prindërit e tij me një barrë është e
nevojshme autorizimi i gjykatës nesë cënohët apo jo interesi të miturit.
Marrja hua në emër të fëmijës
Kontrata e huasë është një kontratë me anë të cilës njëra palë (huadhënësi) i
jep në pronësi një pale tjetër huamarrësit, një shumë të hollash ose sende që
përcaktohen në numër, peshë ose me masë dhe huamarrësi detyrohet ti kthejë
huadhënësit aq tq holla dhe aq sende të atij lloji dhe asaj cilësie brenda afatit të
caktuar në kontratë ose kur nuk është caktuar afat me kërkesën e
huadhënësit.195
në praktikë janë jo të vogla rastet kur përfaqësuesi i të miturit merr
195 Shih nenin 1050 i K.C
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
135
në emër të tij hua kundrejt detyrimit që në fund të afatit të kontraktuar të kthejë të
njëjtin lloj sendesh si dhe shpërblimin në formën e kamatës ose interesit ( nëse
palët kanë parashikuar një gjë të tillë). Duke u nisur nga pasojat juridike që
prodhon një kontratë e tille, fëmija në emër të të cilit është marrë hua është i
ekspozuar nga një sërë rreziqesh, të cilat janë : Së pari : Në fund të afatit të
kontraktuar fëmija në pozitën e huamarrësit është i detyruar të kthejë të njëjtin
send, pa marrë parasysh vlerën e konsumimit të sendit gjatë afatit të kontraktuar.
Së dyti : Nëse palët kanë parashikuar shpërblim në këtë kontratë, duhet të paguhet
shpërblimi në formën e interesit. Së treti : Në rast se fëmija-huamarrës është në
vonesë, ai detyrohet të paguajë kamatvonesat. Së katërti : Nëse fëmija është në
pamundësi për të kthyer të njëjtin send, ai është i detyruar të paguajë vlerën e tyre
sipas kohës dhe vendit në të cilën do të bëhej kthimi.
Sa më sipër duke qenë se ekzistojnë një numër i madh rreziqesh që mund të sjellin
cënimin e tërësisë së pasurisë së të miturit legjislatori e ka parë të nevojshme
marrjen e autorizimit të gjykatës. Roli i kësaj të fundit natyrisht që është i
rëndësishëm, pasi ajo duhet të analizojë të hjitha kushtet dhe veçoritë e kontratës
si afatet, sasia e marrë hua, shpërblimi, interesi që ka fëmija në lidhjen e kësaj
kontrate etj. Vetëm nëse ekziston një bilanc pozitiv në favor të interesit të të
miturit gjykata mund të autorizojë kryerjen e këtij veprimi juridik.
Heqja dorë nga trashëgimia, legu apo mospranimi i dhurimit.
Një prej karakteristikave të përbashkëta të instituteve të trashëgimisë, legut
apo dhurimit është në parim përfitimi apo shtimi i pasurisë së personit në favor të
të cilit kryhen këto veprime. Duke e lidhur këtë karakteristikë, me nocionin e
administrimit të pasurisë së të miturit, duke qemë se këtij të fundit nuk i cënohet
pasuria nga kryerja e këtyre veprimeve është e kuptueshme që nuk është e
nevojshme marrja e autorizimit të gjykatës. Ndërsa në rastet kur prindi si
administrues dhe përfaqësues ligjor i fëmijës heq dorë nga pranimi i trashëgimisë,
legut apo dhurimit, në potencial cënohet mundësia e zmadhimit apo përmirësimit
të pasurisë së të miturit, ndaj është e nevojshme marrja e autorizimit të gjykatës.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
136
Probleme të konstatuara gjatë studimit të praktikës gjyqësore:
1. Problemi i parë lehtësisht i evidentueshëm gjatë studimit të praktikës gtjyqësore
është mangësia e arsyetimit të vendimeve gjyqësore që kanë për objekt lëshimin e
autorizimit për kryerjen e veprimeve që tejkalojnë kufinjtë e një administrimi të
zakonshëm. Gjykatat mjaftohen vetëm me përmëndjen formale të parimit të
interesit më të lartë të fëmijës pa bërë një zbërthim të këtij nocioni në çdo rast
konkret, pa provuar se pse në rrethanat konkrete të çdo çështjeje është ose jo i
nevojshëm lëshimi i autorizimit për kryerjen e veprimit.
Psh në një çështje me anë të së cilës është kërkuar lëshimi i autorizimit për
tjetërsimin e pasurisë së të miturit nga gjykata është shprehur: “Këto pasuri janë
planifikuar të shiten me qëllim përmbushjen e nevojave ekonomike të familjes si
dhe në interesin e fëmijëve të mitur për mirërritje, shkollim dhe edukim. Gjykata
çmon që ky tjetërsim i pasurive të paluajtshme është në interesin e të miturve M.K
i datëlindjes 24.04.1999 dhe M.K i datëlindjes 24.04.1999 duke favorizuar
interesin e tyre në mirërritje, edukim dhe shkollim.” Gjykata në këtë çështje nuk
argumenton se pse shitja e pasurisë së paluajtshme do të ndikojë pozitivisht në
mirërritjen e fëmijës, ku do të konsistojë edukimi dhe shkollimi i fëmijës dhe si
do të përdoren të ardhurat në këtë drejtim , pse është ose jo i nevojshëm lëshimi i
autorizimit etj.
2. Dhënia e vendimeve duke mos hetuar në mënyrë të plotë në lidhje me shkaqet
për të cilat kërkohët autorizimi, impaktit që do të ketë dhënia ose jo e këtij
autorizimi në mirërritjen e fëmijës etj. Pra, shpeshherë jepen vendime pa u bazuar
në prova dhe fakte, në funksion të interesit më të lartë të fëmijës. Psh argumenti i
rëndomtë i paraqitur nga prindërit në gjykatë është dhe nevoja për shkollimin api
edukimin e fëmijëve. Në këtë drejtim gjykatat në disa raste nuk hetojnë me kujdes
nëse fëmija është apo jo në shkollë, pasi mund të ndodhë që kërkuesit e paraqesin
formalisht si shkak për të bazuar pretendimin e tyre, në kushtet kur qëllimi i
vërtetë mund të jetë realizimi i interesave të tyre dhe jo të fëmijëve. Gjithashtu në
disa raste gjykatat nuk kanë hetuar nëse të ardhurat e kërkuesve janë aq të
pamjaftueshme sa të justifikojnë domosdoshmërisht nevojën për të kryer një
tjetërsim të pasurisë së të miturit me qëllim interesin më të lartë të këtij të fundit.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
137
Nëse të ardhurat e kërkuesit janë të mjaftueshme për të siguruar më së miri
mirërritjen e fëmijës ka të ngjarë që dhënia e autorizimit të cënojë interesin më të
lartë të fëmijës.
3.Gjithashtu në rastet kur gjykatat pranojnë kërkesën për dhënien e këtij
autorizimi për tjetërsimin e pasurisë së të miturit (që sipas këtij studimi përbëjnë
pjesën më të madhe të vendimeve) gjykatat nuk përcaktojnë modalitetet e kryerjes
së këtij tjetërsimi duke mos përcaktuar mënyrën se si do të përdoren të ardhurat e
përfituara nga ky tjetërsim për të qenë në favor të interesit më të lartë të fëmijës.
Nga evidencat statistikore të nxjerra nga faqja zyrtare e Gjykatës së Rrethit
Tiranë, rezulton se në vitin 2014 janë rreth 145 çështje për lëshim autorizimi për
tjetërsimin e pasurisë së fëmijës së mitur, ku rreth gjysma e tyre rezultojnë të
pushuara ose të rrëzuara për shkak të bazës ligjore, ku afati i përfundimit të tyre
varion kryesisht nga 2-12 muaj. Në vitin 2015 në Tiranë rezultojnë rreth 85
çështje për lëshim autorizimi për tjetërsimin e pasurisë së fëmijës së mitur, ku
rreth gjysma e tyre rezultojnë të pushuara ose të rrëzuara (48) për shkak të bazës
ligjore, ku afati i përfundimit të tyre varion kryesisht nga 2-12 muaj. Në vitin
2016 në Tiranë rezultojnë rreth 156 çështje për lëshim autorizimi për tjetërsimin e
pasurisë së fëmijës së mitur, ku më pak se gjysma e tyre rezultojnë të pushuara
ose të rrëzuara (66) për shkak të bazës ligjore, ku afati i përfundimit të tyre varion
kryesisht mbi 6 muaj196
.
Në çështjet gjyqësore me objekt lëshimin e autorizimi për tjetërsimin e
pasurisë së fëmijës së mitur, rezulton që thuajse në të gjitha rastet kërkues është
prindi i fëmijës së mitur, ku më së shumti si arsye për lëshimin e këtij autorizimi
evidentohet nevoja për edukim dhe arsimim të të miturit.
196 http://www.gjykatatirana.gov.al/
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
138
KAPITULLI I KATËRT
VËSHTRIME KRAHASUES MBI MARRËDHENIET PERSONALE E
PASURORE PRIND FËMIJË
Mentaliteti në vende të ndryshme për funksionimin e një familje është i
ndryshëm. Ajo që i përafron ato është legjislacioni, që i bën funksionale duke
treguar edhe shkallën e emancipimit të shoqërisë.
Natyrisht ky emancipim është i lidhur ngushtë me një seri faktorësh ku më
kryesorët janë:
-Faktori Politiko – Shoqëror
-Faktori Ekonomiko – Social
Në vende me struktura shtetërore të konsoliduara dhe ekonomi të përparuar
familja ka tjetër potencial dhe integrim në jetën politiko – shoqërore të shoqërisë
në përgjithësi. Pavarsia ekonomike jo vetëm që krijon premisa për një familje me
partnerë të pavarur ekonomikisht, por zgjidh dhe probleme të tjera si pozitën e
barabartë apo eleminimin e dhunës dhe diskriminimit. Më poshtë po parashtroj
disa veçori të kodeve të tre vëndeve të përzgjedhura nga unë në këtë studim, dy
vëndeve europiane dhe një vëndi i cili synon të jetë pjesë e Bashkimit Europian në
një të ardhme të shpejtë.
4.1 Legjislacioni që rregullon marrëdhëniet familjare në Kosovë.
Sot Republika e Kosovës punon me Ligjin për Familjen me nr.2004/32, i cili
në nenin 1 shkruan:
“Fushë veprimi i rregullativës rregullon fejesën, martesën, marrëdhëniet ndërmjet
prindërve dhe fëmijëve, adoptimin (birësim), kujdestarine, mbrojtjen e fëmijëve
pa përkujdesje prindërore, marrëdhëniet pasurore në familje dhe proçedurat e
posaçme të gjykatës përkitazi me kontekstet lidhur me marrëdhëniet familjare” .
Në një vështrim të shpejtë në jetën e familjes kosovare vërejmë se me gjithë
përmirsimet rrënjësore të realizuara përmes Kornizës Ligjore ka probleme të
mëdha.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
139
Tradita, dënimi social, frika nga reperkursioni, vartësia ekonomike, shqetësimi
nga humbja e kujdestarisë për fëmijët kanë kontribuar në ngurimin e viktimave
për të kërkuar drejtësi. Korniza Kushtetuese e Kosovës në pjesët 3/2 c, e dhe 3/3
paraqit disa instrumente ndërkombëtare për të drejtat e njeriut që inkludohen në
Kodin e Familjes si konventa të zbatueshme, të shpallura perms rregullorës
UNMIK-ut.
Në bazë të legjislacionin kosovar për të drejtat dhe detyrimet e prindërve
ndaj fëmijëve të tyre, vëm re se dhe ato si në legjislacionin shqiptar ndahen në dy
kategori në marrëdhënie personale jopasurore dhe në marrëdhënie me karakter
tërësisht pasuror. Pavarësisht nëse fëmija jeton me të dy prindërit apo vetëm me
njërin prej tyre, prindërit kanë përgjegjësi të përbashkët për përkujdesjen ndaj
tyre.197
Në legjislacionin për të drejtën familjare në Kosovë të drejtat dhe detyrat
e prindërve ndaj fëmijëve numërohen si më poshtë vijon198
: vënia e emrit personal
fëmijës; ruajtja dhe mirërritja; edukimi dhe arsimimi; mbajtja (ushqimi);
përfaqësimi; administrimi i pasurisë; tjetërsimi dhe ngarkimi i pasurisë.
Në përputhje me frymën e gjithë këtij studimi po i trajtojmë shkurtimisht të drejtat
dhe detyrimet e sipërpërmëndura për të bërë kështu një krahasim me
legjislacionin tonë vendas.
Vënia e emrit personal të fëmijës
Është një e drejtë dhe detyrë e prindërve ndaj fëmijëve të tyre. Emri personal
është e drejtë personale e çdo qytetari, si rrjedhoj kjo e drejtë i takon çdo fëmije të
lindur. Prindërit me marrëveshje caktojnë emrin dhe mbiemrin e fëmijës së tyre.
Në rastin kur prindërit nuk arrijnë marreveshjen fëmijës, emrin ja cakton organi i
kujdestarisë, pasi t’i ketë dëgjuar të dy prindërit. Fëmija mund të ketë vetëm një
mbiemër dhe ai mund të jetë mbiemri i përbashkët i prindërve, ose mbiemri i
njërit prind. Nëse prindërit nuk bien dakort rreth mbiemrit, atëhere organi i
kujdestarisë pasi të ketë dëgjuar të dy prindërit cakton mbiemrin e
197 Leslie J.Harris & Lee e. Teitelbaum, fq.979 198 Ligji nr.2004/32 “Për familjen në Kosovë”, Pjesa e katërt “Marrëdhëniet ndërmjet prindërve dhe fëmijëve”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
140
fëmijës, por çdo herë mbiemrin e përbashkët të prindërve ose mbiemrin e njërit
prind199
. Fëmijëve të përbashkët prindërit nuk mund t’ua caktojn mbiemra
tëndryshem200
. Nëse njëri prind nuk është i gjallë, ose nuk ka mundësi të ushtrojë
të drejtën prindërore (për shkak se i është hequr zotësia për të vepruar ose i është
hequr e drejta prinderore) ose është i panjohur, emrin dhe mbiemrin e fëmijës e
cakton prindi tjetër. Në rast se të dy prindërit e fëmijës nuk janë gjalle, ose nuk
mund ta ushtojnë të drejtën prindërore ose janë të panjohur emrin dhe mbiemrin e
fëmijës e cakton organi i kujdestarise201
.
Në legjislacionin shqiptar ndiqet po i njëjti rrugëtim për vendosjen e emrit dhe
mbiemrit të fëmijës me ndryshimin e vetëm që “roli” i atribuar organit të
kujdestarisë ne legjislacionin e Kosovës, në legjislacionin tonë kombëtare
ushtrohet nga gjykata kompetente (gjykata e shkallës së parë të rrethit ku kanë
vendbanimin ose vëndqëndrimin prindërit ose njëri prej tyre)
Ruajtja dhe mirërritja e fëmijëve
Ruajtja dhe mirërritja e fëmijëve është përgjegjësi e prindërve, dhe njëherësh
është e drejtë dhe detyrë e përcaktuar në ligj. Prindërit kanë përgjegjësi për
ruajtjen e shendetit të fëmijëve dhe përkujdesjen për mirërritjen e tyre. Ruajtja e
fëmijëve nënkupton ruajtjen e tyre në çfaredo rreziku që mund t’i kanoset si dhe
ruajtjen e shëndetit dhe mjekimin e fëmijëve. Ndërsa mirërrritja e fëmijve
nënkupton, përgjegjësinë e prindërve që fëmijës apo fëmijëve t’ju sigurohen
kushte për zhvillimin normal fizik dhe psikik. Neni 5 i LKF, flet për parimet
themelore të marrëdhënieve familjare, mbrotjen që gëzojnë fëmijët pa përkujdesin
prindëror dhe ata me çrregullime mentale ose fizike, si dhe fëmijët prindërit e të
cilëve nuk janë të aftë të krijojnë kushte jetesore per vete dhe femijet e tyre. Këta
fëmijë gëzojnë përkrahje financiare dhe shoqërore. Çdo fëmijë ka të drejtën e
pamohueshme për të jetuar. Sipas LKF ruajtja apo mbrojtja e fëmijëve është
përgjegjësi e prindërve, në rast pamundësie nga ana e tyre kjo përgjegjësi u kalon
institucioneve shtetërore përkatëse. Ruajtja dhe mirërritja e fëmijëve nënkupton
edhe të drejtën e prindërve që të jetojnë në bashkësi me fëmijët e tyre gjë që e bën
më lehtësisht të mundur realizimin e mbrojtjes dhe mirërritjes së fëmijëve.
199 Shih nenin 130 Ligji nr.2004/32 “Për familjen në Kosovë” 200 Po aty 201 Po aty n. 131
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
141
Edukimi dhe arsimimi
Edukimi dhe arsimimi paraqesin një përgjegjësi të prindërve karshi fëmijëve të
tyre. Kjo njëherësh është e drejtë por edhe detyrë e prindërve e përcaktuar me ligj.
Prindërit kanë për detyrë që t’i edukojnë fëmijët dhe të përkujdesen për arsimimin
e tyre. Kështu në nenin 3, të LFK, është parashikuar se është përgjegjësi e të dy
prindërve rritja dhe edukimi i fëmijës së tyre derisa sa femija të arrijë moshën 18
vjeç. Detyrimi i prindërve për shkollimin e fëmijëve vazhdon derisa fëmija të ketë
mbushur moshën madhore. Ndryshe nga legjislacioni shqiptar i cili parashikon
shtrirjen e përgjegjësisë prindërore deri në moshën 25 vjeç të fëmijës në rastet kur
ai vazhdon studimet e larta, LKF si kufi maksimal moshe ka parashikuar moshën
26 vjeç202
.
Mbajtja - Detyrimi për ushqim
Mbajtja e fëmijës sipas LFK-së nënkupton përgjegjësinë e prindërve që t’i
sigurojnë fëmijës të mirat material e domosdoshme. Në kuadrin e nevojave
jetesore të fëmijës mund të listojmë detyrimin për ushqimin, veshmbathjen,
shkollimin, mjekimin, etj,. Prindërit kanë përgjegjësi për t’i siguruar fëmijës
mirëqënie emocionale, sociale dhe material.203
Si rregull prindërit e realizojnë këtë detyrë bashkërisht gjatë jetës së përbashkët.
Prindërit me pasurinë e tyre kujdesen për mbajtjen e fëmijëve. Por në rast
pamundësie dhe kur fëmijët disponojmë pasuri të tyre, kjo pasuri mund të shërbej
për plotësimin e nevojave thelbësore të sipërpërmëndura. Kjo pasuri (pasuria e të
miturit) mund të përdoret rast pas rasti dhe për nevojat e domosdoshme të
bashkësisë familjare204
.
Ndryshe nga Kodi i Familjes i RSH, LFK, parashikon dhe detyrimin e mbajtjes së
fëmijës madhor i cili nuk është në gjëndje të punojë për shkak të sëmundjes, të
metave fizike dhe mendore, dhe i cili nuk ka sasi të mjaftueshme të mjeteve
financiare për shpenzimet e tij financiare. Prindërit kanë për detyrim të sigurojnë
ndihmën financiare derisa një situatë e tillë të mbaroj205
202 Shih nenin 290 Ligji nr.2004/32 “Për familjen në Kosovë” 203 Shih nenin 128/4 Ligji nr.2004/32 “Për familjen në Kosovë” 204 Shih nenin 135/1 Ligji nr.2004/32 “Për familjen në Kosovë” 205 Shih nenin 291 Ligji nr.2004/32 “Për familjen në Kosovë”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
142
Përfaqësimi i fëmijës
Ashtu si dhe në të drejtën tonë të brendshme edhe sipas legjislacionit të
Kosovës prindi është përfaqësuesi ligjor i fëmijës së mitur206
. Përfaqësimi i
fëmijës nënkupton kryerjen e veprimeve juridike dhe të punëve të tjera, (punë të
cilat nevojitet zotësia për të vepruar) nga ana e prindit në emër dhe për llogari të
fëmijës. Kjo përgjegjësi vazhdon deri në moshën madhore të fëmijëve. Ndërsa kur
fëmija edhe pas moshes madhore nuk është në gjëndje për të vepruar prindërit
janë përfaqësues të tij ligjor ex lege. Përfaqesues ligjor të fëmijës janë të dy
prindërit. Edhe në rastet kur përfaqësimi kryhet nga njëri prind, veprimi juridik i
kryer prej tij konsiderohet se është kryer me pëlqimin edhe të prindit tjetër, në rast
se ky veprim nuk kundërshtohet nga prindi tjetër.
Ashtu si dhe në legjislacion shqiptar edhe në legjislacionin e kosovës, disa
veprime juridike me karakter tërësisht personal nuk mund të kryehen me anë të
përfaqësimit, por vetëm me veprime reale të subjektit të së drejtës, në këtë rast të
fëmijës. Psh prindi nuk mund të përfaqësoj fëmijën e tij në lidhjen e martesës,
kundërshtimin e atësisë ose amësisë, njohjen e amësisë ose atësisë, pasi këto
veprime hyn në kategorinë e veprimeve ngushtësisht personale të cilat duhen të
realizohen nga vet personi subjekt i kësaj të drejte, me plotësimin e kritereve të
parashikuara në ligj (fitimin e zotësisë së kufizuar apo të plotë për të vepruar.)
Disa veprime të tjera prindi i kryen në emër dhe për llogari të fëmijës vetëm nëse
këto veprime autorizohen (lejohen) nga Organi kompetent i Kujdestarisë 207
(organ
ky që zëvëndëson rolin e gjykatës në Shqipëri.)
Në bazë të nenit 136 të LFK-së, fëmijët deri në moshën 14 vjeç nuk kanë fare
zotësi për të vepruar, dhe me arritjen e kësaj moshe fëmija mund të kryej disa
veprime me lejen e prindërve të tij ose të organit të kujdestarisë.
Me arritjen e moshës 15 vjeç, fëmija me pëlqëimin e prindërve mund të kryej disa
punë të vogla dhe të disponoj të ardhurat e realizuara prej saj, me detyrimin që së
pari të kontribuojë për ushqimin, edukimin dhe arsimimin e vet. Parashikim ky i
cili nuk njihet në mënyrë eksplicite nga e drejta jonë vendase.
206 Shih nenin 133 Ligji nr.2004/32 “Për familjen në Kosovë” 207 Shih nenin 135 Ligji nr.2004/32 “Për familjen në Kosovë”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
143
Fëmija nga mosha 14 vjeç deri në moshën 18 vjeç ka zotësi të kufizuar për të
vepruar, ndaj për të gjitha veprimet e lejuara nga ligji për për t’u kryer
personalisht nga i mituri kërkohet lejimi/miratim/ autorizimi i prindërve ose
organit kompetent të kujdestarisë.
Administrimi i pasurisë së fëmijëve
Pasurinë e fëmijës deri në arritje të moshës madhore e administrojnë prindërit
e tij.208
Fëmija mund të ketë pasuri personale të fituar në bazë të mënyrave të
fitimit të pronësisë të njohura nga e drejta civile si psh me trashegim, dhurim, nga
puna e tij me ndonje lojë të fatit (llotari) ose ndonje forme tjeter te papare me
ligj209
. Kjo është pasuri personale e tij. Administrimi i pasurisë nënkupton
ndërmarrjen e masave dhe veprimeve të ndryshme me qëllim ruajtjen dhe shtimin
e saj. Prindi gjatë administrimit të pasurisë së fëmijës duhet të ketë parasysh këto
dy kritere.
Fëmijët mund të ndërmarrin disa veprime rreth administrimit të pasurisë së tyre
kur kanë arritur moshën 14 vjeç. Gjithashtu fëmija që ka mbushur moshën 15 vjeç
mund të administrojë të ardhurat e fituar me punën e tij me pelqimin e prindit.
Prindërit me marrëveshje e administrojnë pasurinë e fëmijës. Administrimi i
pasurisë së fëmijës nënkupton edhe mbledhjen e fryteve që rrjedhin nga pasuria e
tij (mbledhja e fryteve natyrore dhe civile.)
Këto fryte duhet të përdoren për ushqimin, edukimin, arsimimin, e fëmijës si dhe
shtimin e pasurisë së tij. Të ardhurat nga pasuria e fëmijës prindërit mund t’i
përdorin edhe për nevojat e bashkësisë familjare kur nuk kanë mjete të
mjaftueshme.210
Tjetërsimi dhe ngarkimi i pasurisë së fëmijëve
Tjetersimi i pasurisë (disponimi) nënkupton të gjitha mënyrat e bartjes së pasurisë
prej një titullari të së drejtës në titullarin tjeter. Si tjetersim të pasurisë
konsiderohet, shitja, dhënia hua, ndërrimi i pasurisë etj.
208 Shih nenin 134 Ligji nr.2004/32 “Për familjen në Kosovë” 209 Aliu Abdullah, Haxhi Gashi, “E drejta Familjare”, Prishtinë 2003, fq.230 210 Shih nenin 135 Ligji nr.2004/32 “Për familjen në Kosovë”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
144
Ndërsa ngarkimi i pasurisë nënkupton, vendosjen e ndonjë pengu, hipoteke ose
detyrimi tjetër mbi pasurinë e fëmijës.Prindërit kanë përgjëgjësi që në kuadër të
autorizimeve që kanë të bëjnë edhe për tjetersimin dhe ngarkimin e pasurisë së
fëmijës për nevojat e fëmijës. Disponimi me pasurinë e fëmijës në radhë të parë
bëhet për ushqimin, edukimin dhe arsimimin e tij. Prindërit mund ta tjetersojnë
apo ta ngarkojnë pasurinë e fëmijeës vetëm me lejen e organit të kujdestarisë.211
4.2 Legjislacioni italian, karakteristika dhe veçoritë
Legjislacioni Italian është ndër më të vjetrit në Europë dhe si i tillë ka pësuar
ndryshime gjatë periudhave të ndryshme duke u përmirsuar dhe arritur standarte
të larta. Ndryshe nga shumë vende që vijnë nga blloku lindor socialist, që kanë
patur kode të veçanta të familjes, Italia nuk ka pasur një kod të tillë.
Rregullimi i të gjithë legjislacionit për familjen është përfshirë brënda Kodit Civil.
E megjithatë në nenet e tij bëhet rregullimi ligjor për çdo aspekt juridik të
funksionimit të familjes. Sipas së drejtës së brëndshme Italiane, familja është një
formacion shoqëror nëpërmjet të cilit individi zhvillon personalitetin e tij.212
Njerëzit nga vetë natyra e tyre priren të shoqërohen në grup, nëpërmjet
marrëdhënieve që krijohen ndërmjet anëtarëve të këtij grupi, njeriu realizon
nevojat e veta, si ato shpirtërore ashtu dhe ato materiale. Institucioni mikro në të
cilën evidentohet ky grupim shoqëror është familja. Sipas të drejtës Italiane,
familja është një bashkësi njerzish të lidhur nga dashuria e ndërsjelltë dhe
solidariteti, nga lidhje që marrin rëndësi juridike dhe përfaqëson formën e parë të
bashkëjetesës së organizuar.213
Martesa është parë gjithmonë si burimi kryesor i
krijimit të familjes dhe marrëdhënieve familjare që lindin prej saj. Kështu nga
martesa lindin tre lloj marrëdhëniesh:
- Marrëdhëniet bashkëshortore
- Marrëdhëniet prindërore (midis prindërve dhe fëmijëve dhe ndërmjet
fëmijëve me njëri tjetrin)
- Marrëdhëniet e krushqisë
211 Po aty 212 Neni 2 Kushtetuta Italiane 213 Bonilini Giovanni, “Manual i së drejtës familjare”, Tiranë 2005, fq 7
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
145
Fokusi i studimit tonë janë marrëdhëniet personale jopasurore dhe pasurore që
krijohen gjatë raportit prind fëmijë, pavarësisht statusit juridik të fëmijëve apo
prindërve me njëri=tjetrin. Kushtetuta Italiane si dhe legjislacioni i brëndshëm që
rregullon të drëjtën familjare në Republikën e Italisë garantojnë mbrojtjen,
sidomos nga ana e prindërve të fëmijëve të lindur brënda martese apo jashtë saj,
duke zhdukur përfundimisht çdo pabarazi morale, shoqërore e juridike.214
Kështu në bazë të nenit 536 të Kodit Civil Italianë (1942), fëmijët konsiderohen
trashigimtarë të ligjshëm pavarsisht nëse ato kanë lindur brënda apo jashtë
martese, janë birësuar, apo janë ngjizur nga prindërit e tyre në një nga mënyrat e
njohura ligjërisht të riprodhimit të asistuar. E drejta familjare në legjislacionin
Italian është pjesë integrale e Kodit Civil Italian (1942), ndaj dhe raportet e
krijuara ndërmjet anëtarëve të familjes rregullohen nga parashikemet e
dispozitave që gjënden në këtë Kod, ndryshe kjo nga e drejta familjare e
rregulluar nga legjislacioni shqiptar e cila herë ka qënë e përfshirë si pjesë e Kodit
Civil e herë si një kod më vete (kodi aktual i familjes.) Kështu Kodi Civil Italian
është i ndarë në gjashtë libra (nëndarje) sipas kategorive të marrëdhënieve që ai
rregullon. Duke qënë se studimi fokusohet vetëm në raportet personale e pasurore
ndërmjet vetëm dy anëtarëve të familjes (prindërve dhe fëmijëve), pjesa e cila
është hulumtuar në këtë kod është e përqëndruar vetëm në këtë fushë.
Libri i parë i Kodit Civil Italian rregullon kryesisht marrëdhëniet familjare
ndërmjet anëtarëve të familjes e në veçanti raportet midis prindërve dhe fëmijëve
të tyre. Në bazë të ligjit fëmija gëzon të drejtën të rritet, edukohet, mbështet
moralisht dhe financiarisht nga prindërit në mënyrë që të zhvilloj aftësitë natyrore
dhe aspiratat e tij. Fëmija ka të drejtë të rritet në mjedis familjar në mënyrë që t’i
garantohen raportet e afërta me anëtarët e tjerë të familjes215
. Pavarsisht këtyre të
drejtave të njohura të fëmijëve ato kanë detyrimin respektojnë prindërit e tyre dhe
të kontribuojnë në familje në përputhje me aftësitë dhe burimet e të ardhurave të
214 Neni 125 Kushtetuta Italiane 215 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 315
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
146
tyre, për aq kohë sa ato bashkëjetojnë në këtë mjedis familjar.216
Prindërit kanë
detyrimin të krijojnë një mjedis familjar217
për fëmijët e tyre, ti mbështesin ato
moralisht dhe financiarisht gjatë gjithë miturisë. Prindërit kanë të njëjtat të drejta
e detyrime (përgjegjësi prindërore) pavarsisht faktit nëse ato jetojnë sëbashku me
fëmijët apo të ndarë prej tyre.218
Prindërit kanë detyrimin të përmbushin të gjitha nevojat e fëmijëve në përputhje
me të ardhurat e tyre në bazë të punës apo të ardhurave të tjera që ato disponojnë.
Në rast se prindërit janë në pamundësi financiare për të përmbushur detyrimet
bazë kundrejtë fëmijëve, paraardhësit e tyre detyrohen të plotësojnë këto
nevoja.219
Ky detyrim është parashikuar edhe në Kodin tonë të Familjes (2003),
në titullin II “Detyrimi për ushqim”, Kreu I “Personat e detyruar”, neni 192 i cili
parashikon detyrimin për ushqim që kanë anëtarët e familjes kundrejtë njëri tjetrit
sipas rradhës së përcaktuar në këtë dispozitë. Sipas nenit 318 të Kodit Civil
Italian, fëmijët nuk mund të braktisin shtëpinë e prindërve përpara arritjes së
moshës madhore, në rast se kjo gjë ndodh prindërit mund t’i drejtohen me kërkesë
gjykatës. Një rast të tillë nuk e gjejmë të parashikuar në legjislacionin tonë të
brendshëm, gjithsesi me analogji mund t’i referohemi Titullit III, të KF
“Përgjegjësia prindërore”, e cila parashikon në tërësi detyrimin e prindërve për
mbështetjen morale, financiare si dhe krijimit të një mjedisi familjar për fëmijët e
tyre deri sa ato të arrijnë moshën madhore220
. Prindërit kanë detyrimin ligjor jenë
përfaqësues të fëmijëve të tyre në të gjitha veprimet juridike si dhe gjatë
administrimit të pasurisë së fëmijës.221
Në bazë të po këtij parashikimi ligjor njësoj si dhe në të drejtën tonë familjare
administrimi i pasurisë së fëmijës ndahet në dy lloj administrimi: në
216 Po aty 217 Mjedisi familjar duhet të kuptohet në këndvështrimin objektiv – krijimi I kushteve materiale për një jetë normale e të shëndetshme dhe në këndvështrimin subjektiv – krijimi i një atmosfere familjare që karakterizohet nga dashuria, respekti, mbështetja e mirëkuptimi ndërmjet anëtarëve të familjes. 218 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 316 219 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 317 220 Shih n.216 të K.F 221 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 320
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
147
administrimin e zakonshëm dhe administrimin e jashtëzakonshëm të pasurisë.
Prindërit mund të realizojnë administrimin e zakonshëm të pasurisë së fëmijës së
mitur bashkarisht ose në mënyrë individuale për sa kohë nga ky administrim i
pasurisë përfitues kryesor, parësor është fëmija i mitur. Në rastet kur për shkak të
interesit më të lartë të fëmijës së mitur kërkohet administrimi i jashtëzakonshëm i
pasurisë (tjetërsimi, dhurimi, shkatrimi, heqja dorë nga legu apo trashigimia, etj.)
për të kryer këtë lloj administrimi prindi duhet të marrë autorizimin e gjykatës
përkatëse. Thënë ndryshe të gjitha tagret që përfshin disponimi i pasurisë së të
miturit nga ana e prindërve nuk mund të ushtrohen nga to pa patur autorizimin e
gjykatës përkatëse (një veprim i tillë në rast të kundërt do të konsiderohej i
pavlefshëm.222
)
Në rastet kur mund të ketë një konflikt të mundshëm për pasurinë e të miturve që
gjenden nën përgjegjësinë e prindërve të njëjtë, apo në raste konflikti ndërmjet
pasurisë së të miturit me atë të prindërve të tyre, gjykata vendos një kujdestar të
posaçëm për administrimin e pasurisë së të miturit. Kur ky konflikt lind ndërmjet
pasurisë së njërit prej fëmijëve me pasurinë vetjake të vëtëm njërit prej prindërve
atëherë përgjegjës për administrimin e pasurisë së fëmijës është vetëm prindi
tjetër i cili është jashtë këtij konflikti. Kujdestari i posaçëm në rastet e
sipërmëndura, caktohet nga gjykata me kërkesë të vetë fëmijës së mitur,
prokurorit apo një të afërmi i cili ka një interes të ligjshëm dhe të drejtpërdrejtë.223
Në legjislacion që rregullon të drejtën familjare në shqipëri nuk është parashikuar
një rast i tillë hipotetik ndaj dhe për rastet e sipërcituara zgjidhja në praktik mbetet
e vështirë. Kujdestari i posaçëm përmëndet vetëm në rastet e caktimit të
kujdestarisë për të miturit kur prindërit e tyre janë në pamundësi të ushtrimit të
përgjegjësisë prindërore. Rasti kur kujdestari i posaçëm përfaqëson të miturin
është vetëm kur i interesi i të mituri është në konflikt me interesin e kujdestarit.
Jam e mendimit që një parashikim i tillë në rastet e konfliktit të interesit pasuror
ndërmjet fëmijëve me njëri tjetrin si dhe fëmijëve me prindërit e tyre, të vendoset
dhe në kodin aktual të familjes, pasi situata të tilla i hasim shpesh në
përditshmërinë tonë. Gjithashtu mbeten në interes dhe e drejta e fëmijës për t’ju
222 Po aty 223 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 321
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
148
drejtuar me kërkesë gjykatës në rast se mendon se i cënohet e drejta e tij. Sigurisht
i mituri që i drejtohet me kërkesë gjykatës ka fituar një shkallë pjekurie për të
kuptuar dhe vlerësuar të drejtat që i njihen atij nga ligji ndaj mendoj se pavarsisht
se dispozita e kodit civil Italian nuk parashikon moshën e të mitur, ai të paktën
duhet të ketë arritur moshën 14 vjeç, moshë kjo kur i mituri fitonë zotësinë e
kufizuar për të vepruar. Në opinionin tim në raste specifike, për shkak të interesit
të drejtpërdrejtë që cënohet dhe ka i mituri në këto çështje ai duhet të renditet në
subjektet e legjitimuara për t’i drejtuar kërkesë apo kërkesë padi gjykatës.
Sipas legjislacionit italian, prindërit të cilët ushtrojnë përgjegjësinë prindërore
ndaj fëmijëve të tyre, kanë të drejtën e uzufruktit ligjor mbi pasurinë e fëmijës së
mitur. 224
Frytet225
(natyror dhe civil) të nxjerra nga pasuria e të miturit mund të
përdoren nga prindërit për mbajtjen e familjes, edukimin dhe arsimin e fëmijëve
deri në moshë madhore të tyre.
Nuk bëjnë pjesë e uzufruktit ligjor të pasurisë së fëmijës, pasuritë e
poshtëshënuara226
:
- Mallrat e blera nga fëmija me anë të të ardhurave të fituara nga puna e
tyre;
- Pasuria e dhuruar apo lënë në trashigimi në favor të të miturit me kusht që
ai ta përdorë atë për zhvillimin e karrierës apo të një pasioni artistik;
- Pasuria e dhuruar apo lënë në trashigimi në favor të të miturit me kusht që
prindërit apo njëri prej tyre të mos ketë të drejtë të përdori apo përfitoj nga
kjo pasuri;
- Pasuria e dhuruar apo lënë në trashigimi në favor të të miturit kur prindi ka
kundërshtuar pranimin e kësaj pasurie. Nëse ky kundërshtim ka ardhur
vetëm nga njëri prej prindërve, prindi tjetër gëzon të drejtën e përdorimit
të saj.
Rastet e cituara më sipër nuk parashikohen në legjislacionin tonë i cili në nënin
236 të tij shprehet se “E drejta e përdorimit të pasurisë së fëmijës është e lidhur
me të drejtën e administrimit ligjor. Kjo e drejtë u takon të dy prindërve
224 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 324 225 Shih nenin 145 të K.C 226 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 324
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
149
bashkërisht ose atij që i është ngarkuar me administrimin e pasurisë.” Gjithashtu
as në dispozitën në vazhdim227
e cila parashikon rastet e pushimit apo të mos
ekzekutimit të së drejtës së përdorimit të pasurisë së fëmijës nga prindi, nuk
gjejmë ndalimet e parashikuara në legjislacionin italian.
Uzufrukti ligjor (përdorimi i fruteve natyror e civil) i nxjerr nga pasuria e të
miturit në bazë të legjislacionit italian nuk mund të përdoret nga prindërit për të
shlyer debi apo të jetë objekt i tjetërsimit, vendosjes së pengut apo hipotekës për
interesa personal të prindërve. Ky kufizim ligjor shërben për të mbrojtur interesin
më të lartë të fëmijës në rastet e përdorimit të fruteve të nxjerra nga pasuria e tij.
Gëzon të drejtën e uzufruktit ligjor mbi pasurinë e fëmijës dhe prindi i cili ri
martohet, me kushtin e vetëm që ky uzufrukt të jetë në dobi parësore (për
mirërritjen, edukimin, arsimimin) për fëmijën e mitur, pronar të kësaj pasurie.228
Në bazë të nenit 329 të Kodit Civil Italian, prindërit të cilët kanë uzufruktuar
pasurinë e fëmijës, pa patur të drejtë dhe kundër tyre nuk është ngritur asnjë
kërkesë padi gjatë kohës së uzufruktimit, atyre dhe trashigimtarëve të tjerë të tij
nuk i lind detyrimi që të kthejnë mbrapsht frutet e konsumuara deri në momëntin
kur kjo e drejtë behët e kërkueshme. Prindërit si përfaqësues ligjor të fëmijëve të
tyre, administrojnë pasurinë e fëmijës së mitur ex – lege, kur bëhet fjalë për
administrimin e zakonshëm të saj. Në rastet e keqadministrimit apo keqpërdorimit
të kësaj pasurie nga ana e prindërve, gjykata me kërkesë të subjekteve të
legjitimuar (fëmijës së mitur, prokurorit apo të afërmëve që kanë interes të
drejpërdrejtë e te ligjshëm), mund t’ja heqi prindërve (apo njërit prej tyre) këto të
drejta duke i zëvëndësuar ato me një kujdestar të posaçëm për administrimin e
pasurisë së të miturit.229
Nga sa më sipër shohim që pavarsisht se Kodi aktual i Familjes në
shqipëri ndonëse ka kaluar dekadën e hyrje në fuqi të tij, në kushtet e evoluimit të
shoqërisë dhe ekonomisë ka ende nevojë për plotësimin dhe rregullimin e
227 Shih nenin 237 të K.F. “E drejta e përdorimit të pasurisë së fëmijës nga prindi pushon: a) kur fëmija bëhet madhor; b)për shkaqet për të cilat merr fund përgjegjësia prindërore ose administrimi ligjor; c) për të gjitha shkaqet që lidhen me marrjen fund të uzufruktit”, shih dhe nenin 255 të K.C. 228 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 328 229 Codice Italiano (1942), Libro Primo, Delle persone e della famiglia, Titolo IX “Della potesta dei genitori”, articolo 334
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
150
normave ligjore të cilat rregullojnë marrëdhëniet pasurore ndërmjet prindërve dhe
fëmijëve.
4.3 Legjislacioni francez, karakteristika dhe veçoritë
Baza e sistemit ligjor në Francë është hedhur në një dokument të
rëndësishëm të hartuar fillimisht në 1804 i njohur si Kodi Civil i Napoleonit, i cili
përcaktonte të drejtat dhe detyrimet civile të qytetarëve, përfshirë këtu të drejtat
reale, të trashigimisë, të marrëdhënieve ndërmjet anëtarëve të familjes, etj. Në
thelb Kodi Civil, ishte një përshtatje me nevojat e shekullit nëntëmbëdhjetë në
Francë me parimet e së drejtës romake dhe ato zakonore. Kodi Civil i Napoleonit
mbetet edhe sot e kësaj dite themeli i ligjit francezë edhe pse ai tashmë është
përditësuar dhe zgjeruar shumë herë në përputhje me zhvillimin ekonomik dhe
social të shoqërisë franceze. Marrëdhënien ndërmjet prindërve dhe fëmijëve
(marrëdhëniet prindërore), rregullohen pikërisht nga ky kod. Në nenin 371/1230
të
Kodit Civil Francezë është dhënë përkufizimi i autoritetit prindëror i cili është një
grup të drejtash dhe detyrimesh që ka për qëllim interesin e fëmijës, për të
mbrojtur shëndëtin, moralin, edukimin dhe arsimimin e tyre. Autoriteti prindëror
(e njohur si përgjegjësia prindërore në legjislacionin tonë) është përgjegjësi e
përbashkët e babait dhe nënës pavarsisht nëse ato gjënden brënda martesës apo
jashtë saj.
Në zbërthim të dispozitave të Kodit Civil Francezë marrëdhëniet ndërmjet
prindërve dhe fëmijëve si dhe në të drejtën tonë të brëndshme ndahen në
marrëdhënie me karakter personal jo pasuror dhe në ato me karakter pasuror.
Sigurisht që edhe disa marrëdhënie me karakter personal jopasuror mbartin në
vetëvete pasoja apo ngarkesa pasurore kryesisht për prindërit.
Të drejtat dhe detyrimet e prindërve dhe fëmijëve kundrejtë njëri tjetrit i gjejmë të
renditura nga neni 370 i KCF e në vijim. Një panoramë të shkurtër të tyre po jua
paraqesë si më posht:
- Përgjegjësia e prindërve për të mbrojtur shëndetin dhe moralin e fëmijëve
të tyre të mitur231
230 Kodi Civil Francezë 21 mars 1804 231 Shih nenin 371-1 të KCF
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
151
- Përgjegjësia e prindërve për mirërritjen dhe krijimin e një mjedisi familjar
për fëmijën.232
Fëmija ka detyrimin për të jetuar me prindërit e tij, pasi ato
(prindërit) kanë detyrën e “rojtarit” për fëmijët e tyre.233
Gjithashtu nga
ana tjetër prindërit kanë detyrimin ligjor për të siguruar një banesë ku të
jetojnë bashkërisht me fëmijët e tyre. Në rastet kur prindi nuk kujdeset pa
arsye duke neglizhuar respektimin e këtij detyrimi, ai mund të dënohet nga
gjykata për kundravajtje penale me gjobë deri në vlerën 100.000 euro apo
me burgim deri në shtatë vite.
- Detyrimin e mbikqyrjes. Në rolin e rojtarit prindërit mbikqyrin jo vetëm
shëndetin, sigurinë dhe moralin e të miturit por ato kanë detyrimin të
monitorojnë çdo lëvizje apo veprim të fëmijëve në raport me anëtarët e
tjerë të familjes , miqtë, të njohurit, etj. Ky lloj monitorimi përfshin të
gjitha format e komunikimit dhe korrespondencës, verbal, email apoo
telefon. Ky detyrim vazhdon për prindërit derisa fëmija të arrij një pjekuri
të caktuar.
- Kontrolli i prindërve kryhet dhe bëhet vetëm në interes të fëmijës së mitur
në përputhje dhe me parashikimet e Konventës Ndërkombëtare të të
drejtave të Fëmijëve234
- Detyrimi për të edukuar fëmijën e mitur. Ky “mision” nuk është i kufizuar
vetëm në rregjistrimin e fëmijës në një shkollë, por ai vazhdon dhe me
edukuimin e fëmijës me normat morale, fetare apo qytetare të shoqërisë
apo komunitetit në të cilin ato jetojnë. Legjislacioni francezë parashikon si
arsim të detyrueshëm arsimin që zhvillohet nga mosha 6 deri në moshën
- 16 vjeç, si dhe njeh të drejtën e prindërve që të arsimojnë fëmijët e tyre
privatisht në shtëpi.235
-
Detyrime (përgjegjësi) me karakter pasuror:
- Prindërit kanë detyrimin të sigurojnë ushqimin dhe plotësimin e nevojave
jetësorë të fëmijës së mitur, në përputhje me të ardhurat e tyre.236
Kjo
përgjegjësi i takon të dy prindërve pavarsishtë nëse ato jetojnë bashkë apo
232 Shih nenin 371-3 të KCF 233 www.dossierfamilial.com 234 Shih n. 16 Konventa Ndërkombëtare të të Drejtave të Fëmijëve, datë 20 nëntor 1989 235 Shih nenin 371 KCF 236 Shih nenin 371-2 të KCF
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
152
të ndarë dhe pavarsisht statusit ligjor që ato kanë në raport me njëri tjetrin.
Prindërit duhet ti sigurojnë nevojat e fëmijëve në përputhje me burimet
financiare të familjes. Detyrimi për ushqim nuk kufizohet vetëm në
detyrimin për ti siguruar nevojat ushqimore bazike të fëmijës, por ai
shtrihet dhe në mbulimin e shpenzimeve për veshmbathje, edukim dhe
arsimin të fëmijës së mitur deri sa i mituri të arrij moshën madhore apo
deri në përfundim të studimeve të tij.
Pra është shumë interesant fakti se si ka evoluar gjatë viteve legjislacioni për
familjen dhe në mënyrë të veçantë përmirësimi i pozitës ekonomiko – shoqërore i
gruas si dhe forcimi i karakterit social dhe mbrojtjes së familjes si dhe lirive e të
drejtave .
Nuk do të le papërmendur këtu se një rol të rëndësishëm në emancipimin e
familjes veç reformave dhe përmirsimit ligjor ka luajtur dhe arti e letërsia në
veçanti. Të gjithë e vlerësojnë dhe nuk e harrojnë romanin “Pa Familje” të Hector
Malot të botuar në vitin 1878 që edhe sot konsiderohet një himn për familjen .
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
153
PËRFUNDIME DHE REKOMANDIME
Përfundime
Ne të gjithë jemi qënie sociale e humane që do të na duhet të jetojmë e të
përshtatemi ndaj një shoqërie në të cilën nuk i vendosim ne rregullat. Që në çastin
e ardhjes në jetë ne jemi të lidhur me prindërit tanë, nëpërmjet nyjes së hollë e të
“pazgjidhshme” të kërthizës, një varësi biologjike e shëndetëshme dhe e
fuqishme.
Marrëdhënia e prindërimit, nën këndvështrimin e legjislacionit shqiptar ka pësuar
ndryshime të rëndësishme, duke filluar nga rregullimi që bëhej në të drejtën
zakonore, më tej në të drejtën kanonike e deri në të drejtën pozitive që nga Kodi
Civil i Zogut (1929) deri në lëgjislacion aktual që rregullon të drejtën familjare
(Kodi i Familjes-2003)
Kështu e përbashkëta në trajtimin e marrëdhënies së prindërimit në të drejtën
zakonore e përmbledhur në Kanunet që vepronin në territoret shqiptare ishte
autoriteti absolut i burrit të shtëpisë, autoritet ky i evidentuar më së shumti në
marrëdhëniet me femrat e familjes. Ky pushtet i figurës atërore vjen si rezultat i
pozitës inferiore të gruas që evidentohet në çdo parashikim të Kanuneve.
I njëjti model pushteti evidentohet edhe në të drejtën kanonike në fuqi të asaj
kohe. Madje edhe në Kodin Civil të Zogut, megjithse në raport me parashikimet e
së drejtës zakonore dhe asaj kanonike solli në teori forcimin e pushtetit dhe rolit të
gruas brënda familjes, sërisht pushtetin më të madh prindëror e ushtronte ati i
fëmijëve dhe vetëm në rast se ky ishte i pamundur për t’a ushtruar atë, ky rol i
ngarkohej gruas (nënës).
Ligji “Mbi raportet në mes prindërve dhe fëmijëve” (1948), eleminoi në mënyrë
përfundimtare në të drejtën familjare autoritetin absolut të babait mbi fëmijët,
duke i dhënë pushtet prindëror të barabartë të dy bashkëshortëve (atit dhe nënës).
Gjithashtu dhe Kodi i Familjes i vitit 1982 bazohej në parimin e ushtrimit
të përgjegjësisë prindërore nga të dy prindërit pa bërë një diferencim midis burrit
dhe gruas pasi sipas tij “Prindërit kanë të njëjta të drejta dhe detyrime ndaj
fëmijëve të mitur”.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
154
Kodi i Familjes (2003) e përcakton të drejtën prindërore (përgjegjësinë
prindërore) si një e drejtë vetjake, absolute, e patrëshëgueshme, një detyrim nga i
cili nuk mund të hiqet dorë dhe as mund të ndryshohet me marrëveshje midis
prindërve me njëri tjetrin apo me persona të tjerë.
Sikurse është trajtuar në këtë punim kjo përgjegjësi ka dy funksione
kryesore, funksionin e rregullimit të marrëdhënieve me karakter personal
jopasuror që konsiston në detyrimin për të mirërritur, edukuar, arsimuar dhe
krijuar një mjedis të përshtatshëm familjar për fëmijën e mitur dhe në funksionin
e rregullimit të marrëdhënieve pasurore që konsiston në administrimin e pasurisë
së të miturit dhe përfaqësimin e tij në raport me të tretët.
Në bazë të nenit 216 të KF “Fëmija ndodhet nën përgjegjësinë prindërore
deri në arritjen e moshës madhore”. Sipas kësaj dispozite, legjislatori ka
përcaktuar në mënyrë taksative kufirin maksimal të shtrirjes kohore të
përgjegjësisë prindërore duke referuar në moshën madhore, që sipas legjislacionit
tonë është mosha 18 vjeç. Megjithatë ka raste kur përgjegjësia prindërore
mbaron më parë kësaj moshe, në rastet kur fëmija fiton zotësinë për të vepruar
përpara arritjes së moshë 18 vjeç (rastet e autorizimit të lidhjes së martesës së
martesës nën moshë ose i ashtuquajturi – emancipimi i kërkuesit) ose zgjatet
vetëm në aspekte të caktuara përtej moshës së caktuar në ligj në rastet kur
fëmija vazhdon shkollën e mesme ose të lartë deri në moshën njëzet e pesë
vjeç. Lindja e përgjegjësisë prindërore fillon që në momentin e konceptimit të
fëmijës, momenti kur fëmija fiton zotësinë juridike.237 Me fitimin e zotësisë
juridike fëmija bëhet subjekt i së drejtës, ndaj mund të themi se përgjegjësia
prindërore lind paralelisht me lindjen e zotësisë juridike të fëmijës nëse
verifikohet lindja gjallë238.
Marrëdhëniet prindërore ndërmjet prindërve dhe fëmijëve si dhe
përgjegjësitë (të drejtat dhe detyrimet) që lindin nga ky raport mbeten të tilla
pavarsisht statusit ligjor të prindërve (të martuar, bashkjetues, të shkurorzuar,
237 Shih nenin 2 të K.C. “Zotësia juridike fillon me lindjen e personit gjallë dhe mbaron me vdekjen e tij. Fëmija kur lind gjallë gëzon zotësi juridike që nga koha e zënies”
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
155
apo kur një martesë shpallet/konstatohet e pavlefshme) dhe pavarsisht statusit
ligjor të fëmijës (i lindur brënda apo jashtë martese, i birësuar apo fëmijë
biologjik.)
Nga sa më sipër dallojmë tre raste të ushtrimit të përgjegjësisë prindërore :
a) Ushtrimi i përgjegjësisë prindërore nga të dy prindërit (kur jemi në
kushtet e njohjes së fëmijës);
b) Ushtrimi i përgjegjësisë prindërore vetëm nga njëri prind (kur prindi
tjetër ka vdekur, i është hequr përgjegjësia prindërore me vendim
gjykate apo nuk ka kryer proçedurën e njohjes së fëmijës);
c) Ushtrimi i përgjegjësisë prindërore nga të tretët (kur fëmija ka lindur
nga prindër të panjohur, të dy prindërit kanë vdekur ose i është hequr
përgjegjësisa prindërore)
Në këndvështrimin e së drejtës civile pasuria e të miturit do të konsiderohet
tërësia e të drejtave dhe detyrimeve pasurore të tij, të cilat i gëzon si titullar apo
subjekt i së drejtës civile. Në këtë kuptim si pasuri të fëmijës do të përfshihen të
gjitha sendet apo të drejtat e tjera që lidhen me to dhe që fitohen sipas mënyrave
të përcaktuara në ligj, të cilat mund të jenë origjinale ose të prejardhura.
Administrimi i pasurisë së të miturit është një e drejtë subjektive dhe
njëkohësisht detyrim për prindërit që ushtrojnë përgjegjësi prindërore, qëllimi i të
cilit është mbrojtja e interesave të fëmijës dhe njëkohësisht parandalimi i rrezikut
të paralizimit të qarkullimit civil të sendeve që i përkasin personave që sipas të
drejtës civile nuka kanë zotësi për të vepruar, siç janë të miturit.
Siç edhe e kemi trajtuar edhe në këtë studim, administrimi i pasurisë së
fëmijës së mitur ndahet në administrim të zakonshëm dhe administrim të
jashtëzakonshëm të pasurisë. Duke qënë se KF nuk shprehet taksativisht për të
bërë klasifikimin e veprimeve të zakonshme dhe të jashtëzakonshme, për të
përcaktuar nëse një veprim i përket sferës së veprimeve të zakonshme të
administrimit apo veprimeve jo të zakonshme duhet analizuar me kujdes jo vetëm
përmbajtja dhe natyra e veprimit juridik por duhet parë dhe funksioni dhe efekti
që sjellin në pasurinë e të miturit. Në këtë kontekst do të konsiderohen veprime që
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
156
tejkalojnë administrimin e zakonshëm të pasurisë së të miturit të gjitha dhe vetëm
ato veprime të cilat parashikohen shprehimisht me ligj.
Duke evidentuar si karakteristik te përbashkët të këtyre veprimeve, masën
e dëmtimit apo reduktimit të pasurisë apo të ndryshojë cilësinë, strukturë apo
madhësinë e pasurisë. Ndërsa ato veprime që ruajnë , përmisojnë apo rrisin
cilësinë dhe madhësinë e pasurisë së të miturit, apo zvoglojnë humbjet e saj do të
konsiderohen veprime të zakonshme administrimi.
Kështu nëse do mundohemi të grupojmë disa karakteristika themelore të një
administrimi të zakonshëm të pasurisë mund t’i listojmë ato si më poshtë:
- Veprimi i administrimit të jetë objektivisht i përshtatshëm në funksion të
ruajtjes së vlerave dhe karakteristikave thelbësore të pasurisë së të miturit.
- Të ketë një vlerë ekonomike jo të lartë në krahasim me vlerën në total të
sendit.
- Të mbart një rrezik minimal për qëndrueshmërinë si dhe vlerën ekonomike
të pasurisë së të miturit.
Nëse një veprim administrimi i pasurisë cënon qoftë edhe një nga elementet e
mësipërm atëhere do të gjëndemi përpara administrimit të jashtëzkonshëm të
pasurisë, dhe për këtë do të nevojitet autorizimi i gjykatës për të siguruar
vlefshmërinë e vëprimit. Një veprim që i tejkalon parashikimet e mësipërme duhet
ti nënshtrohet detyrimisht kontrollit të gjykatës në mënyrë që të sigurohet qëllimi
për të cilën pretendohet se po kryhet ky veprim, interesi më i lartë i fëmijës. Një
veprim juridik, i cili i tejkalon kufinjtë e një administrimi të zakonshëm, i kryer pa
marrë autorizimin e gjykatës nuk do të jetë domosdoshmërisht absolutisht i
pavlefshëm, çka do të thotë se tjetërsimi i kryer pa autorizimin e gjykatës mund
“të ligjërohet” eshe pasi është kryer nëse gjykata vlerëson së është kryer në favor
të interesit të fëmijës.
Nga studimi i praktikës gjyqësore konstatojmë se mangësia e arsyetimit të
vdendimeve gjyqësore që kanë për objekt lëshimin e autorizimit për kryerjen e
veprimeve që tejkalojnë kufinjtë e një administrimi të zakonshëm. Gjykatat
mjaftohen vetëm me përmëndjen formale të parimit të intëresit më të lartë të
fëmijës pa bërë një zbërthim të këtij nocioni në çdo rast konkret, pa provuar se pse
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
157
në rrethanat konkrete të çdo çështjeje është ose jo i nevojshëm lëshimi i
autorizimit për kryerjen e veprimit.
Një tjetër problem i hasur në praktik është dhe dhënia e vendimeve duke mos
hetuar në mënyrë të plotë në lidhje me shkaqet për të cilat kërkohet autorizimi,
impakti që do të ketë dhënia ose jo e autorizimit në mirëqënien e fëmijës.
Duke u dhënë kështu shpesh herë vendime pa u bazuar në prova dhe fakte
konkrete në funksion të interesit më të lartë të fëmijës. Në rastet kur gjykatat e
pranojnë kërkesën për dhënien e këtij autorizimi për tjetërsimin e pasurisë së të
miturit, nuk përcaktojnë modalitetet e kryerjes së këtij tjetërsimi duke mos
përcaktuar mënyrën sesi do të përdoren të ardhurat e përfituara nga ky tjetërsim
për të qënë në favor të interesit më të lartë të fëmijës.
Gjatë studimit të praktikës gjyqësore, konstatojmë qëndrime të ndryshme
të gjykatave në lidhje me dhënien e autorizimit për tjetërsimin e tokave bujqësore,
ku i mituri mund të jetë bashkëpronar. Qëndrimi i parë për këtë çështje është ai
sipas të cilit autorizimi duhet dhënë vetëm në rastet kur fëmija i mitur ka qënë në
përbërjen e çertifikatës familjare në datën 01.08.1991 (sipas VKM nr. 255, datë
02.08.1991), ndërkohë që sipas grupimit të dytë duhet parë përbërja e çertifikatës
familjare në momentin e tjetërsimit të tokës bujqësore (sipas nenit 5, paragrafi “c”
i Ligjit nr. 8337, datë 30.04.1998 “Për kalimin në pronësi të tokës bujqësore,
pyjore, livadheve dhe kullotave”. Në lidhje me këtë çështje mendojmë se për efekt
të ligjit, që bëri të mundur kalimi i tokës nga posedimi në pronësi duhet parë
përbërja e gjendjes familjare në momentin kur kjo tokë bujqësore u ka kaluar në
pronësi (neni 5/c i ligjit për “Kalimin në pronësi të tokës bujqësore, pyjore,
libadheve e kullotave.” Nëse fëmijët kanë qënë në përbërjen familjare në këtë
moment mendoj që ata janë bërë bashkëpronar të tokës bujqësore ndaj duhet
marrë autorizimi i gjykatës në rastet e administrimit të jashtëzkonshëm të kësaj
pasurie nga prindërit e të miturit.
Si përfundim kodi aktual i familjes tregon përpjekje reale dhe evolimin në
drejtimin e mbrojtjes së të drejtave pasurore në marrëdhënien prind fëmijë duke
përkufizuar saktë të gjitha elementet e domosdoshmërisë në këtë marrëdhënie siç
janë :
a. Përfaqësimi ligjor i fëmijës së mitur
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
158
b. Administrimi i pasurisë së fëmijës së mitur
c. Përdorimi i pasurisë së fëmijës së mitur
Zbatimi në praktikë i këtyre dispozitave ligjore lë shumë për të dëshiruar; kjo për
shkak të zhvillimit ekonomik e shoqëror të shoqërisë shqipëtare. Problemi i
zbatimit në praktik të gjitha rregullimeve ligjore që parashikojnë administrimin e
pasurisë së femijës së mitur nga prindërit qëndron në mosrespektimin në realitet të
tre parimeve bazë që parashikohen në kodin e familjes, parime mbi të cilat
mbështeten dhe kanë themelet dispozitat e veçanta që rregullojnë marrëdhenien
prind fëmijë, të cilat janë:
1.Parimi i barazisë së burrit dhe gruas në të gjitha institutet e së drejtës
familjare, e vecanërisht në institutin e përgjegjësisë prindërore.
Kështu shpeshherë në familjet tradicionale shqiptare ende kemi gjurmë të
pater potestas. Ati i familjes, burri i shtepisë (kryefamiljari) ka ende pushtet
superior ndaj anëtareve të tjerë të familjes. Ai vendos kryesisht për drejtimin e
familjes, administrimin e të ardhurave dhe hera herës dhe për fatin e fëmijëve (në
lidhje me shkollimin apo lidhjeve martesorë të mundshme.) Në kushtet kur figura
atësore ka ende pushtet absolut në jetën e fëmijëve, bëhet i vështirë shpeshherë
realizimi apo mbrojtja konkrete e të drejtave pasurore të tyre. Duke qene se
familja shqiptare ka qene gjithmone një familje kompakte dhe e lidhur ndërmjet
anëtarëve të saj ekziston edhe sot koncepti se pasuria e njërit prej anëtarëve të saj
është në fakt pasuria e gjithë familjes.
Koncepti i pasurisë vetjake edhe pse i njohur dhe i rregulluar nga ligji në jetën e
përditshme shpeshherë anashkalohet dhe nënvleftësohet nga të gjithë anëtarët e
familjes, e si rrjedhojë e drejta jo rrallë herë nuk kërkohet e nuk zbatohet.
Siç e dim në sistemin tonë gjyqësor gjykata investohet me kërkesë të palëve dhe
jo kryesisht. Ndaj për të patur një zbatim të drejtë të normës ligjore pretendimi i
palës duhet të ngrihet në gjykatë nga personi i autorizuar (përfaqësuesi ligjor.)
Duke qënë se i mituri nuk ka të drejtë proceduriale të drejtohet gjykatës me
kërkesë padi në emër e për llogari të tij këtë kërkesë duhet ta realizoj përfaqësuesi
i tij ligjor që siç kemi trajtuar dhe më pare, shpesh herë në këtë rol është prindi i
fëmijës së mitur që jo rrallë herë është personi i cili nuk ka respektuar të drejtat
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
159
pasurore të fëmijës së tij. Në këtë konfuzion praktikë e ligjor pala më e dëmtuar
është fëmija të cilës parimisht e teorikisht i njihet e drejta dhe mbrojtja e saj dhe
praktikisht konflikti më i mundshëm që lind me respektimin e këtyre të drejtave
është pikërisht me prindërit e tyre të cilët nga ana tjetër janë të parët subjektet të
legjitimuara për të mbrojtur ato. Kjo është vështirësia kryesore në praktikë e
realizimit konkret të këtyre të drejtave. Për këtë arsye do të sygjeroja që në raste
specifike kur pasuria e fëmijës rrezikon të keqadministrohet dukshëm nga
prindërit i mituri mbi 14 vjeç t’i drejtohet personalisht gjykatës me kërkesë
vendosjen e një kujdestari të posaçëm për administrimin e pasurisë së tij derisa i
mituri të arrijë moshën madhore. Si në rastet e kërkesës për autorizimin e gjykatës
për lidhjen e martesës përpara moshës së caktuar nga ligji, nga bashkëshortët e
ardhshëm të cilët nuk kanë mbushur moshën 18 vjeç, edhe në rastet e mbrojtjes së
të drejtave pasurore të fëmijës së mitur, gjykata për shkaqe me rëndësi duhet të
pranojë kërkesën e të miturit për t’iu drejtuar gjykatës për caktimin e një
kujdestari të posaçëm për mbrojtjen e pasurisë së fëmijës kur prindërit e fëmijës
haptazi e keqpërdorin apo keqadministrojnë atë. Kjo kërkesë mund të ngrihet
përpara gjykatës edhe nga subjekte të tjera të legjitimuara ( të parashikuara në
ligj) për ngritjen e saj, të tillë mund të jenë të paralindurit (gjyshja,gjyshi) apo
vellezërit dhe motrat që kanë arritur moshën madhore, kjo për shkak të lidhjes së
afërt gjinore që kanë këto subjekte me të miturin dhe prindërit e tij, gjë që shërben
në dijenin sa më korrekte të fakteve.
Gjithashtu do të rekomandoja sensibilizimin e të miturit duke parashikuar në
programin arsimor parashkollor njohuri bazë mbi gamën e të drejtave që
kushtetuta dhe ligje të veçanta parashikojnë për të këtë kategori, mënyrën e
mbrojtjes dhe zbatimit të këtyre të drejtave, në mënyrë që i mituri jo vetëm të
gëzoj të drejtat e tij por edhe të ketë njohuri për rrugën e realizimit të tyre.
2.Parimi i barazisë se fëmijëve është parimi i dytë themelor që përshkon K.F.
Në bazë të këtij parimi i njihen të drejta të barabarta fëmijëve të lindur nga
martesa, jashtë martese apo fëmijëve të birësuar. Thënë në terminologji juridike
“Fëmijët gëzojnë të drejta të barabarta pavarësisht statusit ligjor të tyre.”
Siç kemi trajtuar edhe më parë nënë dhe atë bëhesh pavarësisht statusit ligjor që
kanë prindërit me njëri tjetrin. Që në momentin e njohjes apo vërtetimit të amësisë
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
160
dhe atësisë lind përgjegjësia prindërore, e cila nuk lidhet me faktin nëse prindërit
janë të martuar, kanë zgjidhur martesë apo martesa e tyre është shpallur e
pavlefshme. Gjithashtu përgjegjësia prindërore (lindja e të drejtave e
detyrimeve)lind që në momentin e përfundimit të procedurave të birësimit.Që nga
ky moment fëmija i birësuar barazohet me statusin e fëmijës natyror dhe si
rrjedhoj fiton të gjitha të drejtat e parashikuara për të.Kështu pavarësisht statusit
ligjor të fëmijës apo prindërve me njëri tjetrin,që në momentin e njohjes dhe
vërtetimit të amësisë dhe atësisë,lindin të drejtat dhe detyrimet e parashikuara në
K.F për këtë marrëdhënia,më poshtë po listoj disa të drejta e detyrime në
pasuror të cilat janë focus i kë tij punimi të tilla si: e drejta për të trashëguar nëri
tjetrin (prindi-fëmijë e anasjelltas); detyrimi për ushqim (detyrimi reciprok);
detyrimi për mbështetje financiare etj.
Në mentalitetin shqiptar ekziston ideja se prindërit janë përgjegjës vetëm për
fëmijët që lindin brenda martese dhe me zgjidhjen e saj “barra”kryesore i bie
prindërit “kujdestar”. Kjo qasje praktikisht mund të tingëlloj e vërtetë për aq kohë
sa njeri prind kujdeset në pjesën më të madhe të kohës për fëmijën dhe prindi
tjetër vetëm në periudha të caktuara të saj, për të dyja palët krijohet iluzioni se të
drejtat dhe detyrimet kundrejtë njëri tjetrit janë të cunguara ose jo të plota,
ndërkohë që për to juridikisht asgjë nuk ka ndryshuar de facto marrëdhënia e tyre
është e cunguar për shkak të dinamizmit të jetës.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
161
Rekomandime
Pavarsisht se kush e ushtron përgjegjësinë prindërore, parimi i cili duhet të
udhëheqë të gjithë aktorët e sistemit të drejtësisë, prindërit dhe autoritetet
e tjera është parimi i interesit më të lartë të fëmijës. Parim ky i cili
kontrollohet dhe zbatohet edhe nga gjykata gjatë shqyrtimit të çështjeve
me palë të miturin. Në rastin kur cështjet shkojnë në gjykatë, çdo vendim i
saj duhet të ndalet në një analizë të plotë të këtij interesi dhe jo vetëm
duke cituar thjesht nene të konventave ose legjisacionit lidhur me të.
Barazia e prindërve në ushtrimin e përgjegjësisë prindërore dhe në të
drejtat pasurore duhet të nxitet dhe të jetë objekt i vlerësimit nga gjykata.
Kërkesat për autorizim vetëm nga ana e atit të fëmijës, pa marrë mendimin
e nënës, sjellin epokën e pushtetit atëror në vendimmarje të tilla.
Informimi i prindërve për të patur njohuri për gamën e të drejtave të
fëmijëve të mitur të njohur nga ligji i brendshëm dhe aktet ndërkombëtare,
është kusht i domosdoshëm për garantimin dhe respektimin e këtyre të
drejtave. Kjo për shkak se shpesh prindërit janë mbrojtësit e parë të
drejtave të fëmijëve të tyre, duke i zbatuar ato apo duke kërkuar
respektimin e tyre në gjykatë apo organe të tjera kompetente. Në mungesë
të këtyre njohurive (gamës legjislative dhe instrumentave për zbatimin e së
drejtës) nga ana e prindërve interesi më i lartë i fëmijës rrezikohet rëndë.
Fëmijës së mitur në përputhje me moshën dhe kapacitetin psikik për të
kuptuar duhet t’i garantohet aksesi për t’u informuar mbi bazën ligjore të
drejtave që i njihen atyre si subjekt i së drejtës.
Fëmijës së mitur në përputhje me moshën dhe kapacitetin psikik për të
kuptuar duhet t’i garantohet e drejta për t’u konsultuar dhe ndihmuar për
mënyrën e instrumentalizimit dhe zbatimit sa më rigoroz të së drejtës së
njohur nga ligji.
Fëmijës së mitur në përputhje me moshën dhe kapacitetin psikik për të
kuptuar duhet t’i garantohet e drejta për të shprehur mendimet e tij ose të
saj në rastet e çështjeve gjyqësore që lidhen me administrimin e pasurisë
së të miturit.
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
162
Bibliografia
1. Ksanthipi Begeja, ‘E drejta Familjare e RPS të Shqipërisë’, Botim i Universitetit të
Tiranës, Fakulteti i Shkencave Politike dhe Juridike. Tiranë, 1984.
2. Arta Mandro, ‘E drejta Familjare’, Tiranë, viti 2009
3. Sonila Omari, ‘E drejta Familjare’, Botim i Fakultetit të Drejtësisë, Universiteti i
Tiranës, . Tiranë,
4. Arta Balilaj Mandro, Vjollca Mecaj, Tefta Zaka, Arjana Fullani, “E Drejta
Familjare”, Tiranë 2006
5. Aurela Anastasi, ‘Çështje të njohjes së atësisë në kuadrin e së drejtës për një jetë
familjare normale’, botuar në revistën “Ligji-mundësi zhvillimi për gratë” nr. 14,
Tiranë 2004
6. Aleks Luarasi, ‘Marrëdhëniet Familjare. Studimet për të drejtën zakonore shqiptare’,
SHB Luarasi, Tiranë 2001
7. Manual mbi zbatimin e Kodit të Familjes dhe legjilsavionit civil në lidhje me ceshtjet
për të miturit.
8. Ledi Bianku, ‘Jurisprudenca e Gjykatës së Strasburgut’, Botim i Qëndra Evropiane,
Tiranë 2005.
9. Arta Mandro, ‘E drejta Romake’, Tiranë 2007.
10. Arta Mandro, ‘Interesi më i lartë i fëmijës’, botuar në revistën “Jeta Juridike’, Botim i
Shkollës së Magjistraturës, Tiranë 2009.
11. Manual i Kodit të Familjes, botim i nismës për të Drejtat e Grave, tetor 2004, Autor
Prof.Dr Arta Mandro
12. Prof. Dr. Ismet Elezi, “Mendimi juridik shqipëtar”, Tiranë 1999
13. Kristaq Traja, ‘Natyra juridike vendimeve të Gjykatës së Lartë’, Revista ‘Jeta
Juridike’ Botim i Shkollës së Magjistraturës nr.1, Tiranë 2005
14. Tefta Zaka, ‘Konventa mbi të drejtat e fëmijës dhe legjislacioni shqiptar, Tiranë 2001,
Botim i UNICEF
15. Luan Omari, “Parime dhe institucione të së drejtës publike”, Tiranë 1993
16. Ardian Kalia, “Revista e Drejta Parlamentare dhe Politikat Ligjore - “Bashkëjetesa e
faktit” , Tiranë 2011
17. Leksione të së drejtës së trashigimisë, Prof. Dr. Ardian Nuni, Tiranë 2007
18. Leksione të së drejtës civile, Prof. Dr. Ardian Nuni, Tiranë 2011
19. “Përmbledhje e disa prej vendimeve të Gjykatës Evropiane të Drejtësisë për çështjet e
barazisë gjinore”, UN Woman, Tiranë 2013
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
163
20. Franceso Galgano “E drejta private”, botim i vitit 1999
21. Giovani Bonilini, “Manual i së Drejtës Familjare” , Botimi i II i azhornuar, Tiranë
2010
22. Giovanni Boninni, “Nozioni di Diritto di Famiglia”, v.2006
23. Paolo Cendon, Commentario al codice civile. Artt. 315-455 : “Potesta. Tutela dei
minori.”
24. Pietro Rescigno, “Le fonti del diritto italiano, Commentario di Codice Civile, a cura
di, Giuffre Editore,
25. Marcella Fortino, “Diritto di Famiglia”, Bot.II Giuffre Editore, Milano 2004
26. Michele Sesta, “Diritto di Famiglia”, botim i CEDAM, Padova-Itali 2003,
27. Francesko Galgano, “E drejta Private”, SHB Luarasi, Tiranë 1999
28. Marek Antoni Novicki, “Gurët Udhërrëfyes” jurisprudencë e Gjykatës Evropiane të të
drejtave të Njeriut, Tiranë 1999
29. Aquino Tracey, “Family Law”. Third edition, London- Sydney 2001
30. Revista e Drejta Parlamentare dhe Politikat Ligjore, Botim i Qëndrës së Studimeve
Parlamentare
31. Revista “Drejtësia Popullore” viti 1948- 1990
32. Donna Gomie, David Harri, Leo Zëaak, “Law and practice of the Eoropean
Convention on human rights and the European Social Charter” Councile of Europe
Publishing 1996
33. The Children and Parents Code in Sweden, SFS 1949:381 Föräldrabalk
34. Getting divorced ëhen you have children, Brochure, 2000 on The National Board of
Health and Welfare's ëebsite
35. Child support in France
36. Family Law in France
37. Filiation and Paternity in France
38. Giulio Vismara "Il diritto di famiglia in Italia dalle riforme ai codici", v.1978
39. Arta Mandro, “Çështje familjare e martesore dhe barazia gjinore- Roli i gjykatës”,
Tiranë 2015
40. Arta Mandro, “Të drejtat pronësore të grave në shqipëri”, botimi i II 2016, UN
Woman
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
164
Tabela e ligjeve dhe akteve normative kryesore ndër vite lidhur me
marrëdhënien prind- fëmijë
1. Kodi Civil (e drejta Familjare si pjesë e kodit civil) 1929
2. Kushtetuta e R.P.Sh – 1946
3. Kushtetuta e RPSSH- 1976
4. Dekreti nr. 1892 datë 05/071954 “Mbi trashigiminë”
5. Kodi i Familjes së RPSH- 1 janar 1966
6. Kodi i Familjes së RPSSH – 1 shtator 1982
7. Ligji nr.604 datë 20.05.1984 “Mbi raportet ndërmjet prindërve dhe fëmijëve”
8. Udhëzim Nr.3 datë 17/03/1979 “Mbi marrëdhëniet prindër-fëmijë me rastin e
zgjidhjes së martesës”
9. Kushtetuta e RSH- Ligji nr.8417 datë 21/10/1998
10. Për ratifikimin e Konventës Evropiane “Për ushtrimin e të drejtave të
fëmijëve”, nr 9359, date 24/03/2005
11. Për aderimin e RSH në Konventën e Hagës “për juridiksionin, ligjin e
zbatueshëm, njohjen, zbatimin dhe bashkëpunimin në lidhje me përgjegjësinë
prindërore dhe masat për mbrojtjen e fëmijëve”, Nr.9443 datë 16/11/2005
12. Mbi ratifikimin e “konventës Evropiane” “Për marrëdhëniet me fëmijët”, Nr.
9359 datë 24/03/2005
13. Konventa Evropiane e të drejtave të Njeriut – Romë 4 nëntor 1950
14. Konventa për të Drejtat e Fëmijës, 20 nëntor 1989
15. Karta Sociale Europiane – 18.10.1961
16. Konventa Evropiane për Ushtrimin e të Drejtave të Fëmijës- 25 janar 1996
17. Konventa e Hagës për mbrojtjen e të Miturve dhe për Bashkëpunimin në
Fushën e Birësimit Ndërkombëtar - 29 maj 1993
18. Rregullorja e Keshillit (EC) nr. 1347 datë 29/05/2000 “Mbi juridiksionin,
njohjen dhe ekzekutimin e vendimeve në çështjet martesore dhe në çështjet e
përgjegjësisë prindërore për fëmijët e të dy bashkëshortët”
19. Rekomandimin e Këshillit të Evropës nr. R (84) 4 “Mbi përgjegjësinë
prindërore”
20. Codice Italiano (1942), Libro Primo, Delle persone e della famiglia, Titolo IX
“Della potesta dei genitori”,
21. COMMITTEE OF EXPERTS ON FAMILY LAW (CJ-FA), November 2006
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
165
22. Directive 2004/38EC of the Europian Parlament and of the Council, 29 April
2004
23. Konventa mbi marrëdhëniet me fëmijët – 15 maj 2003
24. Konventa për statusin juridik të fëmijëve të lindur jashtë martese – 15 tetor
1975
25. Konventa mbi juridiksionin, ligjin e zbatueshëm, njohjen, zbatimin dhe
bashkëpunimin në lidhje me përgjegjësinë prindërore dhe masat për mbrojtjen e
fëmijëve – 19 tetor 1996
26. Konventa e Hagës për rivendosjen ndërkombëtare të detyrimit ushqimor ndaj
fëmijëve dhe formave të tjera të mbështetjes për anëtar – 23 nëntor 2007
BLERINA SHKURTI Marrëdhëniet prind-fëmijë me fokus në të drejtat pasurore. Standardet kombëtare, europiane dhe praktika gjyqësore
166
Faqe online:
http://www.gjykatatirana.gov.al/
http://www.gjykataelarte.gov.al/
www.qbz.gov.al
http://www.ligjet.org/
http://hudoc.echr.coe.int/
http://www.gjk.gov.al/
http://www.coe.int/
https://www.openstarts.units.it
http://www.jus.unitn.it/
https://www.legifrance.gouv.fr
http://lexinter.net/ENGLISH/civil_code.htm
http://assembly-kosova.org/
http://www.echr.coe.int/Documents/Handbook_rights_child_ENG.pdf
http://www.coe.int/t/dghl/standardsetting/family/CJFA_2006_4e%20Revised%20
White%20Paper.pdf
http://www.un.org.al/editor-files/file/TeDrejtatPronesore2016.pdf