Læsi og leikskóli Leikskólinn Miðborg · 2019-03-26 · 2 Læsi er mikilvægur þáttur í...
Transcript of Læsi og leikskóli Leikskólinn Miðborg · 2019-03-26 · 2 Læsi er mikilvægur þáttur í...
Læsi og leikskóli
Leikskólinn Miðborg
2017
2
Læsi er mikilvægur þáttur í námi barna og í leikskólanum er lagður grunnur að læsi í víðum
skilningi. Bæði í aðalnámskrá leikskóla og í stefnu Reykjavíkurborgar kemur fram að vinna
skuli að læsi barna í leikskóla og að hver leikskóli skuli móta sér læsisstefnu. Leikskólinn
Miðborg hefur mótað læsisstefnu en þessi bæklingur fjallar um leiðir til læsis sem styðja við
læsisstefnuna. Er bæklingurinn hugsaður sem aðgengileg fræðsla um fjölbreyttar leiðir til
læsis í Miðborg.
Áður en börn hefja hefðbundið lestrarnám þarf að byggja grunn og er það hlutverk
leikskólans. Efla þarf hljóðkerfisvitund barnanna, orðaforða, málskilning og hvetja til
bókstafaþekkingar og ritunar. Börn læra meðal annars með því að leika sér, upplifa á eigin
skinni, gera tilraunir, öðlast mismunandi lífsreynslu og að skapa. Þetta þýðir að þegar börn
eru að sulla með vatn, róla, leika sér í sandinum, fara í vettvangsferðir, hlaupa, skoða
skordýr, skoða blóm, leika sér með kubba, leika sér í hlutverkaleik, spila, syngja, spila á
hljóðfæri, hlusta á sögur, segja sögur, teikna, mála, leira, leika sér í roki, leika sér í rigningu
og leika sér í snjó eru þau að leggja grunn að lestri og ritun.
Aðferðirnar sem eru hér til umfjöllunar hafa víðtækari áhrif heldur en eingöngu á læsi í
hefðbundnum skilning (þ.e. lestur) en hér verður eingöngu fjallað um þann þátt í námi
barnanna.
Unnið af:
Lena Sólborg Valgarðsdóttir
Saga Stephensen
Stuðst var við eftirfarandi heimildir:
Aðalnámskrá leikskóla 2011
Lesið í leik – Læsisstefna leikskóla 2013
Ritröð um grunnþætti menntunnar – Læsi 2012
3
Teikna sögur og texta
Þegar sagðar eru sögur er gjarnan notast við tússtöflu eða stórt karton til að teikna söguna.
Atburðarásin er teiknuð á meðan sagan er sögð. Þegar notast er við stórt karton er sagan
gjarnan hengd upp á vegg. Þá geta
börnin skoðað söguna að vild og
endursagt hana sjálf í huganum
eða með vinum sínum. Með þessu
móti er auðvelt fyrir kennara að
vinna innan svæðis mögulegs
þroska hjá hverju barni. Það er að
segja, einfalda sögurnar fyrir þá
sem það þurfa og á sama tíma að
veita áskoranir fyrir þá sem lengra
eru komnir. Þar sem deildirnar eru aldursblandaðar getur það komið sér vel.
Börnin í Miðborg eru sífellt að læra ný lög og nýja texta. Sama aðferð er notuð við þá
kennslu. Notast er við tússtöflu eða stórt karton og teiknaðar eru myndir sem tákna
lykilorðin í textanum. Þannig er hægt að ræða einstaka orð og orðasambönd.
Þessar aðferðir hafa meðal annars stuðlað að því að
börnin teikni sínar eigin sögur, hvort sem að þau hafa
skáldað þær sjálf eða eru að endursegja sögur sem
þau hafa heyrt. Að teikna sögur og texta ýtir einnig
undir fjölbreyttari orðaforða barnanna. Þessir þættir
ýta m.a. undir orðaforða, en nú er talið að orðaforði
sé einn af mikilvægustu grunnum í læsisnámi barna
og fyrir lesskilning síðar á lífsleiðinni.
4
Ávallt er teiknað í lestrarátt til að ýta undir skilning á hvar eigi að byrja að lesa. Ekki er
engöngu stuðst við myndir heldur eru einnig notaðir bókstafir og hefur það haft jákvæð áhrif
á áhuga barna á letri. Börnin fara að veita ritmáli í umhverfinu meiri eftirtekt og nýta ýmsan
efnivið til að skapa bókstafi. Börnin hafa sum hver nýtt sér leir eða kubba til að móta
bókstafi og orð.
Munir og brúður
Þegar sagðar eru sögur er gjarnan
notast við muni eða brúður til að
styðja við söguna. Hægt er að
grípa í nálægan efnivið eða vera
með skjóðu sem hægt er að grípa
í.
Á myndinni má sjá hvernig
einingakubbar, dýr og lituð blöð
hafa verið nýtt á einfaldan máta til
að segja söguna um geiturnar
þrjár. Með þessari aðferð gefst kostur á að örva orðaforða á skemmtilegan hátt. Hægt er að
ræða um hver fer fyrstu yfir brúnna og hver fer síðastur. Hugtök eins og minnstur, stærstur,
yfir og undir verða ljóslifandi.
5
Þessi aðferð kveikir gjarnan í hugmyndaflugi barnanna og þau fara segja sögur sjálf, annað
hvort endursegja sögur sem þau hafa heyrt eða skapa sínar eigin. Hvoru tveggja er
mikilvægur þáttur í málþroska barnanna og þar af leiðandi læsi síðar meir.
Upplifanir
Leikur er mikilvægur þáttur í læsisnámi barna,
með því að nota skynfæri og öðlast reynslu
eykst orðaforði barnanna og þar af leiðandi
lesskilningur síðar meir. Í leik og skapandi
starfi þjálfa börnin einnig fínhreyfingar sem
kemur sér vel þegar kemur að ritun. Því er lögð
rík áhersla á leik barna og að skapa menntandi
umhverfi.
Í leikskólanum Miðborg er unnið eftir þema í
mánuð í senn. Unnið er með fjölbreytta þætti
eins og árstíðir, vísindi, náttúru og umhverfi og
heimamenningu. Leitast er við að þemavinnan
hverju sinni sé fjölbreytt og unnin út frá
áhugasviði barnanna. Unnin eru listaverk, farið
er í vettvangsferðir, ýmsir munir eru fengnir að
láni, sungin eru lög tengd þemanu og er það
tengt við leik barnanna.
6
Hversdagsleikinn í leikskólanum er ekki
síður mikilvægur þáttur í læsisnámi
barnanna. Helst ber að nefna frjálsan leik
og skapandi starf. Þar sem börnin fá
tækifæri til að örva málþroska sinn,
upplifa þyngdaraflið með því að hoppa úr
gluggakistunni, sulla með vatn og búa
þannig til kenningar um hvað sekkur og
hvað ekki, hverskonar ílát þarf til að halda
vatni, hvernig blandast mismunandi efni við vatn (drullumalla), upplifa veðráttu á eigin
skinni, teikna, leika í þykjustunni, spila, leggja á borð og syngja saman.
Sögutaska
Sögutöskur eru skjóður eða pokar með sögum og munum í og eru þær ýmist heimatilbúnar
eða aðkeyptar. Mismunandi er hvað er í hverri skjóðu en hægt er að finna hluti á borð við
brúður, söguteppi, bækur, spil og fleira en munirnir eru ætlaðir til að styðja við þá sögu sem
skjóðan inniheldur.
Í leikskólanum eru til aðkeyptar sögutöskur sem eru notaðar í samverustundum með
börnunum. Þá eru sagðar sögur sem skjóðurnar innihalda og munirnir notaðir til stuðnings.
Einnig er ítarefni í skjóðunni sem hvetur til þess að unnið er áfram með söguna.
Leikskólaárið 2016-2017 var gerð tilraun með
sögutösku á Hæð, elstu deild leikskólans. Í
töskunni eru bók, samstæðuspil, stílabók og
brúða ásamt leiðbeiningum til foreldra um
hvernig nota megi töskuna. Öll börn á deildinni
skiptust á að fá töskuna heim og fengu að vera
með hana í viku í senn. Bókin Dimmalimm varð
fyrir valinu m.a. vegna þess að hún var til á
nokkrum tungumálum í leikskólanum. Foreldrar voru hvattir til þess að lesa bókina fyrir
börnin en ef bókin var ekki til á móðurmáli barnanna voru þeir beðnir um að tala um það
sem var að gerast á myndunum á móðurmálinu. Í leikskólanum lásum við svo bókina á
7
íslensku. Foreldrar voru hvattir til þess að spila samstæðuspilið með börnunum á
móðurmálinu. Í stílabókina máttu börnin teikna myndir og semja sögu sem foreldrar þeirra
skrifuðu niður á móðurmálinu. Þátttaka í verkefninu var mjög góð og stefnt er að því að þróa
það áfram í vetur.
Bókin mín
Stefnt er að því að öll börn í Miðborg fái bók sem þau geta fyllt út í með starfsfólki eða með
foreldrum sínum. Nú þegar hefur hluti barnanna fengið slíka bók en hefð er fyrir því í
Miðborg að þau börn sem eru tví- eða fjöltyngd hafi bók sem fari á milli heimilis og leikskóla.
Áherslurnar með Bókinni minni breytast þó og kemur hún til með að vera nokkurs konar
ferilbók.
Bókin mun sýna ferli barnsins í gegnum myndir og frásagnir, sýna hvar áhugasvið barnsins
liggur hverju sinni og nám barnsins frá upphafi leikskólagöngunnar til loka. Barnið getur farið
með bókina heim að vild, skoðað hana og sett í hana myndir eða frásagnir með foreldrum
sínum.
Hægt er að nota bókina sem kveikjur að samræðum og getur það komið sér vel þegar byggja
þarf brú milli tveggja tungumála.