IMYANDIKO MFASHANYIGISHO · - Kugaragaza amategeko y’igenamajwi amategako amwe y’igenamajwi...
Transcript of IMYANDIKO MFASHANYIGISHO · - Kugaragaza amategeko y’igenamajwi amategako amwe y’igenamajwi...
IKINYARWANDA
IMYANDIKO MFASHANYIGISHO
UMWAKA WA GATATU
Igitabo cy’umwarimu
iii
ISHAKIRO
IRIBURIRO v
1. INTEGANYANYIGISHO 1
2. UBUFATANYE N’UBWUZUZANYE MU MURYANGO 3
3. IKOMORAZINA MVANSHINGA: INGEREKA N’IMISOZO MUIKOMORAZINA 5
4. NYABURANGA AGURWA IMVURA 9
5. IZINA RY’URUSOBE 11
6. UMUVUGO: RWANDA NKUNDA, GIHUGU CYANJYE 24
7. IMYITOZO YO KWANDIKA UGARAGAZA UBUTINDE N’AMASAKU 26
8. KABUSHUNGWE 27
9. IHIMBAMWANDIKO: IBARUWA Y’UBUTEGETSI, UMWIRONDORO 28
10. IGITEKEREZO CYA MATAMA YA BIGEGA 32
11. INSHOBERAMAHANGA 34
12. IKINYAZINA MBANZIRIZA 35
13. UMWANDIKO: INGUFU MU KWIGISHA URUBYIRUKO KWIRINDA SIDAZIGIYE KONGERWA 37
14. IKINYAZINA NYAMUBARO, IKINYAZINA MBAZA, IKINYAZINA MBAZAMUBARE 38
15. IKORANABUHANGA MU BUVUZI RIRAKENEWE 39
16. IKINYAZINA NDAFUTURA, IKINYAZINA NDANGANTEKO 40
17. IKINAMICO: NIBAGANE ISHURI 41
18. INKURU ISHUSHANYIJE: UBURENGANZIRA BWA MUNTU NI INGENZI 43
19. INSHINGA: INSHINGA ISANZWE, INSHINGA NKENE, INGIRWANSHINGA 44
20. INDIRIMBO: RWANDANZIZA 49
21. ITANGAZO 50
22. IMIGANI MIGUFI 51
23. INYANDIKOMVUGO 52
v
IRIBURIRO
Iki gitabo ni imfasha nyigisho y’ingenzi igenewe umwarimu. azajya ayiyambaza kugirango afashe abanyeshuri be kumva imyandiko inyuranye ikubiye mu gitabo cyabo, kuyungukiramo ibitekerezo, gukungahaza imvugo yabo no kongera ubumenyi ngiro bigaragarira mu ruvange rw’imyitozo yabateganyirijwe.
Iki gitabo kandi umwarimu azakifashisha afasha abanyeshuri mu kumva no gusoba-nukirwa imiterere y’ururimi rwabo bazamura ubumenyi ngiro bugaragarira mu ruvange rw’imyitozo y’ikibonezamvugo yabateganyirijwe mu gitabo cyabo.
Cyakora si byiza ko umwarimu azafata iki gitabo cyonyine ngo acyandukuze abanye-shuri uku cyakabaye. agomba kugisoma akacyumva akagihuza n’ibyateguwe mu gitabo cy’umunyeshuri kandi agendeye kuri iki gitabo buri somo akariha intego ifutuye.
Ni ukukiyungurura ashishoje akanacyuzuza mu nteguro ye y’isomo
Iki gitabo kizafasha umwarimu guha abanyeshuri inyigisho y’ikinyarwanda ikubiyemo ib-intu bitatu by’ingenzi bikurikira: ubuvanganzo, iyigandimi n’ubumenyi ngengamibereho.
Mu buvanganzo uwiga ahura n’ingeri zinyuranye zigize ubuvanganzo nyarwanda. mu iy-igandimi umunyeshuri asobanukirwa imiterere y’ururimi rwe. Ku bijyanye n’ubumenyi ngengamibereho uwiga yunguka ubwo bumenyi asoma imyandiko Iinyuranye yaba iy’ubuvanganzo. Yaba n’inyandiko isanzwe nk’inkuru, amabwiriza, amatangazo n’indi.
Mwarimu azifashisha iki gitabo mu gufasha abanyeshuri kurushaho kumva no gusoba-nukirwa ururimi rw’ikinyarwanda ndetse no kurubakundisha
1
1. INTEGANYANYIGISHO
Ubumenyingiro ubumenyi
Umunyeshuri agomba gushobora:
- Kwisomera umwandiko gusoma umwandiko
- Gusomera abandi uwandiko mu rugero, titsa, afatanya amagambo ajyanye; nta kujijinganya
- Gukoresha amagambo yungutse mu Inyunguramagabo Mvugo no mu nyandiko
- Gushyira mu mwandiko amagambo awubuzemo
- Kuvuga ingingo z’ingenzi n’ Ingingo z’umwandiko Izizigaragira
- Kuvuga mu magambo make Ibyo yasomye
- Kuvuga igitekerezo cye mu ngingo z’umwandiko
- Kugaragaza imbata y’umwandiko Kwandika
- Kwandika nta kosa ibyo asomewe
Cyangwa yihibiye
- Gushyira utwatuzo ahakwiye
- Kwandika ibaruwa ndende ibara inkuru iyi n’iyi Kwandika
- Kurondora ibyo yabonye cyangwa Kugira mu ruhame yumvise
- Kuvuga imyandiko yafashe mu mutwe
Ahuza imvugo, igitekerezo n’ingiro
- Kwivuga
- Gusakuza
- Kujya impaka ku byo abona
Cyangwa yumva
- Kwerekana mu mwandiko Ikibonezamvugo Ibinyazina byizwe (ngenera, ngenga, Ibinyazina
Mbanziriza, mpamagazi)
- Guhimba interuro zirimo
2
IKINYARWANDA: IMYANDIKO MFASHANYIGISHO - IGItAbO cY’uMWARIMu
Ibinyazina byizwe
- Gushyira ibinyazina byizwe mu nteko
Zishobotse
- Gusanisha inshinga na ruhamwa Inshoza y’itondagura
- Gushyira inshinga yatanzwe mu bihe bikuru
Byayo akoresha indangasano zayo zose
- Kwerekana indangasano ziri mu nteruro Imbonerahamwe y’indagasano
Cyangwa ziri mu mwandiko
- Kugaragaza amategeko y’igenamajwi amategako amwe y’igenamajwi
Yakoreshejwe mu izina
- Gusoma amagambo n’interuro byanditse hagaragazwa Inozamvugo
Ubutinde n’amasaku
3
2. UBUFATANYE N’UBWUZUZANYE MU MURYANGO
2. 1. INTEGO ZIHARIYE • Kuvugaingoranen’ingarukaziterwan’ivangurairyoariryoryose
• Kuvugaibyizaby’uburinganiren’ubwuzuzanye
Ibikorwa bya mwarimu • Gusomeshabucece
• Kubazaibibazorusangekumwandiko
• Gusomeshaumwandikowosebaranguruye
• Gusomeshaumwandikoigikakukindiasobanuraamagambomashya
• Gusabaabanyeshurikuvugainyigishobakuyemumwandiko
• Kubazaabanyeshuriingarukaz’ivangurakumuryangonyarwanda
• Gusaba abanyeshuri kugaragaza ingamba bafata kugira ngo uburinganiren’ubwuzuzanye bigerweho
Ibikorwa by’umunyeshuri • Gusomabuceceadahwihwisa
• Gusomeraabandiaranguruyeyubahirizautwatuzon’iyitsa
• Kuvugainyigishoyakuyemumwandiko
• Gusubizaibibazokumwandiko
• Kuvugaingarukaz’ivangurakumuryangonyarwanda
• Kugaragazaingambabafatakugirangouburinganiren’ubwuzuzanyebigerweho
2. 2. INYUNGURAMAGAMBOTanga impuzanyito z’aya magambo:
a) Inkiko: Imipaka
b) Ishema: Ubutwari
4
IKINYARWANDA: IMYANDIKO MFASHANYIGISHO - IGItAbO cY’uMWARIMu
c) Kubyara: Kwibaruka
d) Kwijajara: Koroherwa
e) Ikiniga: Agahinda
2. 3. INGINGO Z’INGENZI Z’UMWANDIKO 1) Uyu mwandiko ni bwoko ki?
2) Ni bande bavugwa muri uyu mwandiko?
3) a) Nyir’ukubara inkuru avuga ko yavukiye mu gihugu giteye gite?
b) Kuri wowe wumva icyo gihugu ari ikihe?
4) a) Ababyeyi bavuga ko muri uyu mwandiko bakundaga iki?
b) Birinda iki?
c) Baraharaniraga iki?
5) a) Ni uwuhe muco umwana wabo yaba yaratoye?
b) Ni iki cyamuteraga ishema?
6) Imirimo yakorwaga na nyina w’umwana mu gitondo ni iyihe?
7) a) Ese uyu mwandikiko uragaraza ko abagore aribo bakora cyane?
b) Sobanura igitekerezo cyawe
8) Umubyeyi w’umugore byaje kumugendekera bite?
9) Umugabo yabyitwayemo ate?
10) Uyu mwandiko watwigisha iki ku buringanire n’ubwuzuzanye bw’ibitsina?
5
3. IKOMORAZINA MVANSHINGA: INGEREKA N’IMISOZO MUIKOMORAZINA
3. 1. INTEGO ZIHARIYE • Kwerekanaamazinaakomokakunshinga
• Gusesenguraamazinaakomokakunshinga
• Kugaragazaamategekoy’igenamajwi
Ibikorwa bya mwarimu • Gutangainterurozirimoamazinaakomokakunshinga
• Gusesenguraayomazinayerekanauruharerw’ingerekan’imisozomuikomorazina
• Gusabaabanyeshurikuvugaandimazinaakomokakunshinga
• Gukoreshaimyitozokuikomorazina
Ibikorwa by’umunyeshuri • Gusomainteruroyahawe
• Gutahuramunteruriyahaweamazinayakomotsekunshinga
• Kuvugaingeroz’amazinaakomokakunshinga
• Kwerekanaisesenguran’amategekoy’igenamajwiyakoreshejwe
• Gukoraimyitozo
3. 2. IBISUBIZO KU MYITOZO
VUGA AMAZINA 4 AKOMOKA KU NSHINGA “GUTSINDA” UTUREMAJAMBO N’AMATEGEKO Y’IGENAMAJWIGutsinda: -intsinzi
-imitsindo
-imitsindire
-itsindwa
6
IKINYARWANDA: IMYANDIKO MFASHANYIGISHO - IGItAbO cY’uMWARIMu
Intego n’amategeko y’igenamajwiIntsinzi: i-n/-tsind-yi
i-n/-tsind-i:d+y→z
intsinzi
imitsindo: i-mi/-tsind-o
imitsindo
imitsindire: i-mi/-tsind-ir-e
imitsindire
itsindwa: i-Ø/-tsind-w-a
itsindwa
Shaka uturemajambo n’amategeko y’igenamajwi ku magambo akurikiraInshinzi: i-n/-shing-yi
i-n/-shinz-i:g+y→z
inshinzi
ikirango: i-ki/-rang-o
ikirango
ivuga: i-Ø/-vug-a
ivuga
umukwe: u-mu/-ko-e
u-mu/-kw-e:o→w/-J
umukwe
umwandiko: u-mu/- *and-ik-o
u-mw/-*and-ik-o
umwandiko
amategeko: a-ma/-tegek-o
amategeko
7
uMWAKA WA GAtAtu
umuvugo: u-mu/-vug-o
umuvugo
Gushaka inshinga cyangwa amagambo akomoka ku nshinga bifite ingereka muri aka kandiko. Kuvuga ubwoko bw’izo ngereka zakoreshejwe, gushaka uturema-jambo n’amategeko by’izo nshinga cyangwa ayo mazina
Sida ni indwara mbi yandurira mu mibonano mpuzabitsina nimureke tuyirekere abatagirwa inama.
Yandurira: i-a/-*and-ur-ir-a
y-a/-*and-ur-ir-a:i→y/-J
y-Ø/-and-ur-ir-a:a→Ø/-J
yandurira
imibonano: i-mi/-bon-an-o
an: ingereka ngirana
imibonano
tuyirekere: tu-yi/-rek-ir-e
ir: ingereka ngirira
tu-yi/-rek-er-e:i→e/Ce‾
abatagirwa: a-ba-ta/-gi-ir-w-a
ir: ingrreka ngirira
w: ingereka ngirirwa
a-ba-ta/-g-ir-w-a:i→Ø/-J
abatagirwa
Kugaragaza uturemajambo n’amategeko yigenamajwi ku magambo aciyeho akarongo
1. Nabonye inyamaswa y’inkazi
Inkazi: i-n-/- kar-yi
i-n/-kar-i:r+y→z
inkazi
8
IKINYARWANDA: IMYANDIKO MFASHANYIGISHO - IGItAbO cY’uMWARIMu
2. Urwangano ruba mu bantu ntacyo rumaze
Urwangano: u-ru/-ang-an-o
u-rw-ang-an-o
urwangano
3. Ibitekwa bigira akamaro mu buzima bwacu
Ibitekwa: i-bi-tek-w-a
Ibitekwa
4. Urugendo rurerure rusonga indembe
Urugendo: u-ru/-gend-o
Urugendo
Indembe: i-n/-remb-e
i-n/-demb-e:r→d/n-
5. Yubatse ivuriro atabara abarwayi
Ivuriro: i-Ø/-vur-ir-o Ivuriro
Abarwayi: a-ba/-rwar-yi
a-ba/-rway-i:r+y→y
6. Icyivugo cyuzuye kirangwa n’ibigwi n’ibirindiro
Icyivugo: i-ki-i/-vug-o
i-ky-i/-vug-o:i→y/-J
i-cy-I/-vug-o:ky→cymunyandiko
icyivugo
ibirindiro: i-bi/-rind-ir-o
ibirindiro
9
4. NYABURANGA AGURWA IMVURA
4. 1. INTEGO ZIHARIYE • Kugaragazaibirangaumugani
• Kugaragazainyigishoirimumugani
• Kugaragazaingingoz’ingenzin’iz’ingerekazigizeumwandiko
Ibikorwa bya mwarimu • Gusomeshabucece
• Kubazaibibazorusangekumugani
• Gusomaumuganiwose
• Gusomeshaumuganiigikakukindiasobanuraamagambomashya
• Gusomeshaumuganiwose
• Kuvugaibirangaumugani(bishingiyekumitereren’ikivugwamo)
Ibikorwa by’umunyeshuri • Gusomabucece
• Gusomaaranguruye,adategwayubahirizautwatuzon’iyitsa
• Kuvugamurimakeicyoyumbisemumuganiakurikijeinyurabwenge
• Gusubizaibibazo
• Kuvugainyigishoakuyemumugani
4. 2. INYUNGURAMAGAMBO 1) Amapfa: Inzara ikabije cyangwa igihe kirambye cy’ibura ry’ibiribwa ku bantu no ku
matungo bitewe n’ibura ry’imvura mu gihe kirekire
2) Uruharambuga: Ahantu hatari ibyatsi
3) Gusuhuka: Kwimuka bitewe n’inzara
4) Uruhira: Ibyatsi byameze aho batwitse
5) Kurimbanya: Gukaza umurego/ Kwiyongera
10
IKINYARWANDA: IMYANDIKO MFASHANYIGISHO - IGItAbO cY’uMWARIMu
6) Icyuzuriraho: Inzu yubatswe umunsi igahita yuzura
7) Kwangangiza: Kongoshyoshya
8) Kwivovota: Gutontoma kw’intare
9) Ibyoko: Icyerekezo cy’aho imvura ituruka
10) Inkorogoto: Ubwoko bw’ibiti byo mu ishyamba
4. 3. IBIBAZO KU MWANDIKO 1) Uyu mwandiko ni bwoko ki?
2) Ni bande bavugwa muri uyu mwandiko?
3) Ni ikihe kibazo cyari cyagaragaye i Rwanda?
4) Ni bande batanze inzira yo kubona igisubizo ku kibazo cyari cyagaragaye i Rwanda?
5) Garagaza indamuco n’izingereka ziri muri uyu mwandiko.
6) Ni izihe nyigisho twakura muri uyu mwandiko.
11
5. IZINA RY’URUSOBE
5. 1. INTEGO ZIHARIYE • Gutandukanyaizinary’urusoben’andimazina
• Kwandikaamazinay’urusobeyubahirizaamabwirizay’imyandikirey’ikinyarwanda
Ibikorwa bya mwarimu • Kwandikakukibahointerurozirimoamazinay’urusobe
• Gusobanuraizinary’urusobe
• Kwerekanaimiterereinyuranyey’izinary’urusobe
• Gukoreshaimyitozo
Ibikorwa by’umunyeshuri • Gusomainteruroyahawe
• Gutahuraamazinay’urusobearimunteruro
• Gutangaizindingeroz’amazinay’urusobe
5. 2. AMABWIRIZA Y’IMYANDIKIRE Y’IKINYARWANDAAmabwiriza ya Minisitiri no 13. 02/o3. 02/003 yo ku wa 2 Nyakanga 1985 yerekeye inyan-diko yemewe y’Ikinyarwanda.
Minisitiri w’amashuri abanza n’ayisumbuye:
Amaze kubona itegeko-nshinga rya Repubulika y’u Rwanda, cyane cyane mu ngingo yaryo ya 4:
Yongeye kubona amabwiriza ya Minisitiri no 05/03/492 yo ku wa 6 Gashyantare 1974 yerekeye ihuza ry’imyandikire y’ikinyarwanda.
Amaze kumva Inama yo mu rwego rw’Igihugu yerekeye imyandikire yemewe y’ikinyarwanda yashyizweho n’ibaruwa no 09. 02. /02. 4/30. 92 yo ku wa 3 Kanama 1983 igateranira i Nyakinama kuva ku wa 8 kugeza ku wa 13 Kanama 1983;
Atanze amabwiriza akurikira:
12
IKINYARWANDA: IMYANDIKO MFASHANYIGISHO - IGItAbO cY’uMWARIMu
UMUTWE WA I
Imyandikire y’inyajwi
INGINGO YA MBERE
Ikinyarwandagifiteinyajwieshanuzandikishwaizinyuguti:a,e,i,o,u.
INGINGO YA KABIRI
Gukurikiranya inyajwi birabujijwe keretse mu nyandiko y’ijambo (i) « saa » rivuga igihe no mu ijambo « yee »kimwe no mu magambo y’amarangamutima (yooo!) no mu myan-dikire ya gihanga.
UMUTWE WA II
Imyandikire y’ingombajwi
INGINGO YA 3
Ingombajwi z’ikinyarwanda zandikishwa izi nyuguti: b, c, d, f, g, h, j, k, l, m, n, p, r, s, t, v, w, y, z.
INGINGO YA 4
Inyuguti ya l izakoreshwa gusa mu iyandika ry’amazina bwite y’abantu n’ay’ahantu yari isanzwe ikoreshwamo mbere y’aya mabwiriza kimwe no mu magambo y’amatirano atarin-jira mu Kinyarwanda.
Ingero: Kamali, Kigali, Angola, telefoni
INGINGO YA 5
Mu kwandika ingombajwi, birabujijwe gukurikiranya inyuguti zisa karatse inyuguti ya « n» mu gihekane « nny »
Urugero: umukinnyi
INGINGO YA 6
Inyuguti zandika ibihekane byemewe mu kinyarwanda zikubiye muri iyi mbonerahamwe. Ibitarimo birabujijwe usibye mu « bg » mu ijambo «Kabgayi »
1.─ bw by byw mb mbw mby mbyw
2.─ cw cy ─ nc ncw ncy ─
13
uMWAKA WA GAtAtu
3.─ dw ─ ─ nd ndw ndy ─
4.─ fw ─ ─ mf mfw ─ ─
5.─ gw ─ ─ ng ngw ─ ─
6.─ hw ─ ─ ─ ─ ─ ─
7.─ jw jy ─ nj njw njy ─
8.─ kw ─ ─ nk nkw ─ ─
9.─ ─ ly ─ ─ ─ ─ ─
10.─ mw my myw ─ ─ ─ ─
11.─ nw ny nyw ─ ─ nny ─
12.─ pw py ─ mp mpw mpy ─
13.pf pfw pfy ─ ─ ─ ─ ─
14.─ rw ry ─ ─ ─ ─ ─
15.─ sw sy ─ ns nsw nsy ─
16. sh shw shy shyw nsh nshw nshy nshyw
17.─ tw ty ─ nt ntw nty ─
18.ts tsw ─ ─ ─ ─ ─ ─
19.─ vw vy ─ mv mvw ─ mvy
20.─ zw ─ ─ nz nzw mvy ─
Ingerobw : ubwato
by : ibyatsi
byw : kuyobywa
mb : imbaraga
mbw : imbwa
mby : imbyino
mbyw : kurembya
cw : kwicwa
cy : icyaha
nc : incarwatsi
cw : ncweze (= nceceke)
ncy : incyamuro
dw : kudodwa
nd : inda
ndw : indwara
ndy : inda
14
IKINYARWANDA: IMYANDIKO MFASHANYIGISHO - IGItAbO cY’uMWARIMu
fw : igufwa
mf :imfizi
mfw : imfwati (= isuka)
gw : kugwa
ng : ingoma
ngw : ingwate
hw : amahwa
jw : ijwi
jy : urujyo
nj : injangwe
njw : injwiri
njy : injyana, injyo
kw : ubukwe
nk : inka
nkw : inkwano
ly : Kalyabwite
mw : umwana
my : imyeyo
myw : kuramywa
nw : umunwa
ny : inyana
nyw : kunywa
nny : umukinnyi
pw : gucapwa
py : gupyoka
mp : imparage
mpw : impwempwe
mpy : impyisi
pf : gupfa
pfw : gukapfwakapfwa
pfy : nakapfakapfye
rw : urwara
ry : iryinyo
sw : umuswa
sy : gusya
ns : insina
nsw : konswa
nsy : insyo
sh : ishami
shw : igishwi
shy : gushya
shyw : umwishywa
nsh : inshishi
nshw : yanshwanyaguje
nshy : inshyushyu
nshyw : -
tw : gutwara
ty : ityazo
nt : intara
ntw : intwaro
nty : intyoza
ts : umutsi
tsw : kotswa
vw : guhovwa
15
uMWAKA WA GAtAtu
vy : zahovye (inzuki)
mv : imvura
mvw : urahomvomvwa (n’iki?)
mvy : yahomvomvye
zw : guhazwa
nz : inzu
nzw : kuganzwa
mv : imvura
INGINGO YA 7
Birabujijwe kwandika ibihekane kw, hw, gw bikurikiwe n’inyajwi o cyangwa u.
Ingero:
Kwanga koga ni bibi
Kubaka ni ukugereka ibuye ku rindi
UMUTWE WA III
Gukata
INGINGO Y 8
Inyajwi zisoza ibyungo na, nka kimwe n’izisoza ibigenera n’ijambo nyiri zirakatwa iyo zikurikiwe n’amagambo atangiwe n’inyajwi.
Ingero:
- Wakomerekejwe n’iki?
- Nta cyibyara nk’intare n’ingwe.
- Nyir’ubwenge aruta nyir’uburyo.
- Umubare w’amashuri y’imyuga uriyongera.
INGINGO YA 9
Inshinga ni na si kimwe n’izindi nshinga zose n’indangahantu ku na mu ntizikatwa.
Ingero:
- Amasunzu si amasaka
- Abagabo ni imyugariro
- Abana bavuye ku iriba bajya mu ishuri
16
IKINYARWANDA: IMYANDIKO MFASHANYIGISHO - IGItAbO cY’uMWARIMu
UMUTWE WA IV
Amagambo y’inyunge
INGINGO YA 10
Amagambo y’inyunge yandikwa umujyo umwe.
Icyakora mu bisingizo no mu migani, amazina nteruro n’amagambo y’inyunge akabije uburebure yandikwa atandukanijwe kandi agashyirwa mu twuguruzo n’utwugarizo.
Ingero:
- Umwihanduzacumu
- Rugwizangoga
- Ubwo « Inshyikanya ku mubiri ya Rugema ahica » aba arahashinze.
UMUTWE WA V
Ingingo zihariyeINGINGO YA11
Ibyungo « na » « nka » bikurikiwe n’ibinyazina ngenga bivuga ba nyakubwirwa (ngen-ga ya mbere n’iya kabiri) byandikwa mu ijambo rimwe ariko bikandikwa bitandukanye n’ibinyazina muri ngenga ya gatutu (mu nteko) .
Ingero:
- Ndumva nawe umeze nkanjye
- Ndabona natwe tumeze nkamwe
- Ndumva na we umeze nka bo
- Ndabona na ko kameze nka bwo
INGINGO YA 12
Iyo ikigenera gikurikiwe n’ikinyazina ngenga byandikwa mu ijambo rimwe.
Ingero:
- Umwana wanjye
- Umurimo wacu
- Amafaranga yabo
17
uMWAKA WA GAtAtu
INGINGO YA 13
Impakanyi nta yandikwa itandukanye n’ikinyazina ngenga n’insano ngira biyikurikiye. Iyo indanganteko n’insano ngira ari inyajwi « i » cyangwa « u », indomo ihinduka inyerera « y » cyangwa « w ».
Ingero:
Nta we mbona
Nta cyo ndwaye
Iwacu nta wurwaye
Ya nka nta yagarutse
Muri iri shuri nta batsinzwe
INGINGO YA 14
Ibinyazina ndangahantu ho, yo, mo, mwo n’akajambo ko bifatana n’inshinga bikurikiye, keretse iyo nshinga ari ni cyangwa si
Ingero:
Wa mugabo nimusangayo turagenderako ntitugaruka.
Si ho ngiye.
Rya riba yarivuyemo.
Kuki yamwihomyeho?
Ni mo (mwo) mvuye.
INGINGO YA 15
Imvugo « kugira ngo » cyangwa ibinyazina biremetse nka « wa wundi » na « aho ngaho » byandikwa mu magambo abiri.
Urugero:
Kugira ngo wa wundi adasanga wagiye, ukwiriye kuba ugumye aho ngaho.
INGINGO YA 16
Aya magambo yerekana ibihe yandikwa mu ijambo rimwe: nimunsi, nijoro, nimugoroba, ejobundi. Ariko Ariko amagambo aremetse nka (i) saa tatu, (i) saa cyenda… yandikwa mu magambo abiri.
18
IKINYARWANDA: IMYANDIKO MFASHANYIGISHO - IGItAbO cY’uMWARIMu
INGINGO YA 17
Amagambo nk’aya aranga ahantu (imuhira, hejuru, iburyo, ikambere, imbere, inyuma,) n’amagambo akomoka kuri « i » y ‘indangahantu ikurikiwe n’ikigenera wa n’ikinyazina ngenga (iwacu, iwabo, iwanyu. . .) yandikwa mu ijambo rimwe.
INGINGO YA 18
Bitavuguruje ibivugwa mu ngingo ya 117, iyi « i » y’indangahantu ikurikiwe n’izina, ry’ahantu yandikwa itandukanye n’iryo zina.
Ingero:
i Butare, i Kigali, i Kibungo.
UMUTWE WA VI
Amazina bwite
INGINGO YA 19
Amazinay’ibihugun’ay’uturere afite indomoafit indomoyandikwa atandukanyen’iyondomo, ariko yo ikandikwa mu nyuguti nto, keretse iyo itangira interuro.
Ingero:
u Rwanda, u Burundi, u Bufaransa, u Bushiru, i Gisaka, u Murera….
U Rwanda rurigenga.
INGINGO YA 20
Amazina bwite y’abantu y’amavamahanga atari ay’idini akomeza inyandiko y’aho ako-moka, nyuma bakandika mu dukubo uburyo avugwa mu Kinyarwanda.
Ingero:
Einstein (Enshiteni)
Schumacher (Shumakeri)
Fraipont (Ferepo)
INGINGO YA 21
Amazina y’ibihugu n’ay’uturere by’amahanga yandikwa uko avugwa mu kinyarwanda, nyuma bagashyira mu dukubo uko asanzwe yandikwa mu rurimi akomokamo.
19
uMWAKA WA GAtAtu
Ingero:
Cadi (Tchad)
Kameruni (Cameroun)
Wagadugu (Ouagadougou)
UMUTWE WA VII
Utwatuzo n’imikoreshereze y’inyuguti nkuru
INGINGO YA 22
Dore ibimenyetso by’utwatuzo n’imikoreshereze yabyo:
- Akabago (.) gasoza interuro ihamya.
Urugero:
Umwana mwiza yumvira ababyeyi
- Akabazo (?) gasoza interuro ibaza.
Urugero: Uzajya i Kigali ryari ngo tuzajyane?
- Agatangaro (!) gasoza interuro itangara, kagashyirwa n’inyuma y’amarangamutima.
Urugero:
- Mbega ukuntu kino kiyaga ari kini!
- Ni ingwe ni ingwe y’ingore, iyo ngira umuhoro wanjye!
- Uramwishe ntibihagaze, urabe wumva mutima muke wo mu rutiba!
- Ntoye isaro ryiza wee!
- Akitso (,) gakoreshwa mu nteruro kugira ngo bahumeke akanya gato.
Urugero:
Umunyeshuri ushaka kujijuka, yirnda gusiba, ntakubagane mu ishuri kandi agakurikiza inama za mwarimu.
- Uturegeka (…) dukoreshwa iyo berekana interurobarogoye irondora ritarangiye, cyangwa iyo mu nteruro hari ijambo bacikije
20
IKINYARWANDA: IMYANDIKO MFASHANYIGISHO - IGItAbO cY’uMWARIMu
Urugero:
Mu rugo haba ibikoresho byinshi: ibibindi, ibyansi, ishoka, ibitebo, isekuru…
Baragenda ngo bagereb ku Ruyenzi bahahurira na mwene…simuvuze nzamuvumba!
- Utubago tubiri (:) dukoreshwa mu nteruro iyo hari ibigiye kurondorwacyangwa gusobanurwa, ariko ntidukoreshwa inyuma y’ingirwanshinga « ti ».
Urugero:
- Burya habaho imirimo myinshi: guhinga, kubaka, kubaza n’ibindi.
- Mariya ati « ibyo uvuze bingirirweho»
- Akabago n’akitso (:) bikoreshwa mu nteruro bagira ngo batandukanye inyangingo ebyeri ziremye kimwe kandi zuzuzanya.
Urugero:
Gusoma neza si ugusukiranya amagambo: gusoma neza ni ukwitonda
- Utwuguruzo n’utwugarizo (« ») dukikiza amagambo y’undi asubirwamo, imvugo itanye n’imvugo isanzwe, cyangwa ingingo igomba kwitabwaho. Utwuguruzo n’utwugarizo dukoreshwa na none iyo hari inyito ikemangwa cyangwa kugira ngo bakikize amazinanteruro n’amagambo y’inyunge akabije kuba maremare
Ingero:
Igikeri kirarikocora kiti « kuba mu bibuba si ko guhunika ibigega »
- Nuko « wa mugore » arakenyera aragenda nk’abandi bagore.
- Ubwo « Inshyikanya ku mubiri ya Rugema ahica » aba arahashinze.
Iyo utwuguruzo n’ utwugarizo twinjira mu tundi mu nteruro hakoreshwa akuguruzo n’akugarizo kamwe (‘… ’) .
Urugero:
- Umugaba w’ingabo ati « ndashaka ko ‘Inshyikanya ku mubiri ya Rugema ahica ’ aza hano »
Udukubo () dukikizaamagambocyangwaibimenyetsobifiteicyobisobanuracyangwaseicyo byuzuza mu nteruro. Banadukoresha iyo bashaka kwerekana uko basoma amagambo y’amavamahanga aruhije gusoma. Badukoresha kandi ku mazina y’ibihugu n’ay’uturere by’amahanga amenyereye kwandikwa uko avugwa mu kinyarwanda, bashaka kwerekana uko asanzwe yandikwa mu ndimi akomokamo.
21
uMWAKA WA GAtAtu
Ingero:
- Burugumesitiri yabwiye abaturage ko kugira ngo barwanye inzara, bagomba gushoka ibishanga (impeshyi) yabaye ndende kwirirwa banywa bakabifasha hasi.
- Einstein (Enshiteni)
- Schumacher (Shumakeri)
- Fraipont (Ferepo)
- Cadi (Tchad)
- Kameruni (Cameroun)
- Wagadugu (Ouagadougou)
- Akanyerezo (-) gakoreshwa ku kiganiro kugira ngo berekane iyakuranwa ry’amagambo. Gakoreshwa kandi bakata ijambo ritarangiranye n’impera y’umurongo. Banagakoresha kandi imbere n’inyuma y’interuro ihagitse.
Ingero:
Mu mvugo y’abasubizanya.
- Wari wagiye he?
- Kwa Migabo.
- Wamusanze iwe?
- Ni ho namusanze.
• mugukataijambomugiheritarangiriyekumurongobaritangiriyeho.
Urugero:
- Nahuye ihene ku gasozi ndavu
- nika.
• imberen’inyumay’interuroihagitse.
Urugero:
Ejo nzajya mu misa - sinzi niba wari uzi ko nsigaye njyayo – ntuzantegereze mbere ya saa sita.
- Udusodeko [ ] dukikiza intekerezo cyangwa insobanurobongeye mu mvugo isobanura amagambo y’undi.
22
IKINYARWANDA: IMYANDIKO MFASHANYIGISHO - IGItAbO cY’uMWARIMu
Urugero:
- Yaravuze ati « sinshobora kurara ntariye inkoko [ayo yari amirariro] keretse narwaye ».
INGINGO YA 23
Inyuguti nkuru ikoreshwa:
- Mu ntangiriro y’interuro.
Urugero:
Isuka ibagara ubuntu ni akarenge.
- Nyuma y’akabago, y’akabazo, na nyuma y’agatangaro.
Ingero:
Twese duhagurukire kujijuka. Wabigeraho ute utazi gusoma? Ntibishoboka.
Ntoye isaro ryiza shenge wee! Reka njye kuryereka nyogokuru.
- Ku nyuguti itangira amazina y’amezi.
Urugero: Ugushyingo gushyingira Ukuboza
- Ku nyuguti itangira amazina bwite y’abantu n’aya’ahantu.
Urugero: RutayisireatuyeiButarehafiy’Akadahokwa
- Ku nyuguti itangira amazina y’imirimo, ay’inzego z’imirimo n’ay’amashyirahamwe.
Ingero: Burugumesitiri runaka.
Minisiteri y’Amashuri Abanza n’Ayisumbuye.
Umuryango Gatolika w’Abakozi.
- Ku nyuguti itangira amazina y’impamyabushobozi, ay’icyubahiro, n’ay’ubwenegihugu.
Ingero:
Dogiteri kanaka
Papa Piyo
Komini Nyarugenge
Abanyarwanda n’Abarundi
23
uMWAKA WA GAtAtu
UMUTWE WA VIII
Ibimenyetso bigaragaza ubutinde n’imiterer y’amasakuMu myandikire ya gihanga (mu mashuri no mu bushakashatsi) , imiterere y’amasaku iga-ragazwa n’agasharu ndyomoso (^) kameze nk’agatemeri ku masaku nyejuru, ku masaku nyesi nta kimenyetso bakoresha.
Ubutinde bugaragazwa n’inyajwi ebyiri zikurikiranye ku migemo miremire.
5. 3. IBISUBIZO KU MYITOZOItegereze aya mazina y’urusobe akurikira maze uyashyire mu mwanya wayo abonekamo ukurikije amoko y’amazina y’urusobe
1) Umukangurambaga: izina ry’urujyanonshinga (inshinga+izina)
Gukangura +imbaga
2) Umwihanduzacumu: izina ry’urujyanonshinga (inshinga+izina)
Kwihanduza +icumu
3) Iyicarubozo: izina ry’urujyanonshinga (inshinga+izina)
Kwica +urubozo
4) Sibomana: izina mpindurarwego
5) Nyiranyoni: izina ry’akabimburasano
6) Inzitiramibu: izina ry’urujyanonshinga (inshinga +izina)
Kuzitira+imibu
7) Nzamurambaho: izina ry’urujyanshinga (inshinga +ikinyazina ngenga cy’inyumane) kuramba +ho
8) Mugiraneza: izina ry’urujyanonshinga (inshinga +ingera y’uburyo)
Kugira +neza
9) Umunyamerwe: izina ry’akabimbura nyabyo
10) Umunyarwanda: izina ry’akabimbura nyabyo
24
6. UMUVUGO: RWANDA NKUNDA, GIHUGU CYANJYE
6. 1. INTEGO ZIHARIYE • Gusomaaranguruyeyumvikanishainjyana
• Kubwiraabandiumuvoyafashemumutweashizeamangaashyiramoisesekaza
• Guhangaumuvugomugufiya
Ibikorwa bya mwarimu • Gusomeshabucece
• Kubazaibibazorusange
• Gusomeshaumuvugoikigakukindihasobanurwaamagambomashya
• Gusabaabanyeshurikuvugainyigishoirimumwandiko
• Gusomeshaumuvugowose
• Gutozaumuvugo
• Gukoreshaumwitozowoguhanga
Ibikorwa by’umunyeshuri • Gusomabucece
• Gusomayubahirizainjyana
• Gusubizaibibazoyabajijwe
• Kuvugaumuvugoyatojwe
• Kugaragazainyigishoyakuyemumwandiko
• Kuvugaicyoatekerezakugukundaigihugu
• Gufataumuvugomumutwe
• Guhangaumuvugo
25
uMWAKA WA GAtAtu
6. 2. INYUNGURAMAGAMBOSobanura aya magambo
1) Ikirato: Ni ikintu cyo kwishimirwa ugaragariza abandi ubwiza bwacyo
2) Ubwuzu: Ibyishimo
3) Isheja: Ishema
4) Uburanga: Ubwiza buhebuje
6. 3. IBIBAZO KU MWANDIKO 1) Uyu mwandiko ni bwoko ki?
2) Ese muri uyu mwandiko umusizi arasingiza iki?
3) Garagaza impamvu zingenzi uyu zerekana ko uyu musizi akunda igihugu cye.
4) Ni ibihe byiza bitatse u Rwanda bigaragara muri uyu mwandiko?
5) Ni irihe somo abatuye u Rwanda n’abo hanze yarwo bakwigira muri uyu mwandiko?
6. 4. UMWITOZO: Hanga umuvugo ku nsanganyamatsiko zikurikira 1) Barezi dukunda soko y’ubumenyi
2) Afurika yacu
26
7. IMYITOZO YO KWANDIKA UGARAGAZA UBUTINDE N’AMASAKU
7. 1. INTEGO ZIHARIYE • Kwandikaamagamboagaragazaubutinden’amasaku
• Kugaragazaubutinden’amasakumunteruro
Ibikorwa bya mwarimu Kwibutsa abanyeshuri kwifashisha amagambo fatizo mu kwandika amagambo agaragaza ubutinde n’amasaku
Ibkorwa by’umunyeshuri Gukora imyitozo yo kwandika agaragaza ubutinde n’amasaku
7. 2. IBISUBIZO KU MYITOZOKugaragaza ubutinde n’amasaku by’amagambo akurikira (gabanya ibimenyetso)
1. Amagambo: amagaambo
2. Ikibonezamvugo: ikibônezamvûgo
3. Uburakari: uburaakari
4. Umunyeshuri: umunyêeshuri
5. Umukangurambaga: umukâangurambâga
6. Umuzirantege: umuziranteenge
7. Umucuruzi: umucûruuzi
8. Umudiho: umudiiho
9. Umutware: umutwaâre
10. Umuririmbyi: umurîriimbyi
27
8. KABUSHUNGWE
8. 1. INTEGO ZIHARIYE • Kugaragazaindangamucon’ingingoz’amatekazirimumwandiko
• Gutandukanyainsigamigani,umuganimuremuren’igitekerezo
• Gusobanurainsigamigani
Ibikorwa bya mwarimu • Gusomeshabucece
• Gusomeshainsigamuganiigikakukindiasobanuraamagambomashya
• Gusomeshainsigamuganiyose
• Kubazaibibazokumwandiko
• Gutandukanyainsigamugani,umuganimuremuren’igitekerezo
• Kubazaindangamucon’ingingoz’amatekazirimumwandiko
Ibikorwa by’umunyeshuri • Gusomabucece
• Gusomaaranguruye,yubahirizautwatuzon’iyitsa
• Gusubizaibibazokumwandiko
• Kuvugaindangamucon’ingingoz’amatekazirimumwandiko
28
9. IHIMBAMWANDIKO: IBARUWA Y’UBUTEGETSI, UMWIRONDORO
9. 1. INTEGO ZIHARIYE • Kwandikaibaruway’ubutegetsiyubahirizaintêgoyayo
• Kwandikaumwirondoro
Ibikorwa bya mwarimu • Kuganiran’abanyeshurikuburyobunyuranyebwokoherezaubutumwa
• Gusobanuraibitandukanyaibaruwaisanzwen’iy’ubutegetsi
• Gusobanuraimvugoikoreshwamuibaruway’ubutegetsi
• Kwerekanaibiceby’ingenzibigizeibaruway’ubutegetsi
• Gusabaabanyeshurikwandikaibaruway’ubutegetsi
• Gusobanuraumwirondoroicyoaricyo
• Kwerekanaibicebiwugize
• Kwerekanaukowandikwa
• Gusababurimunyeshurikwandikaumwirondorowe
Ibikorwa by’umunyeshuri • Gusomabucece
• Gusomaaranguruye,yubahirizautwatuzon’iyitsa
• Gusubizaibibazokumwandiko
• Kuvugaindangamucon’ingingoz’amatekazirimumwandiko
• Kugaragazaibiceby’ingenzibigizeibaruway’ubutegetsi
• Kwandikaibaruway’ubutegetsiyubahirizaimyandikireyemewey’ikinyarwanda
• Kwandikaumwirondorohubahirizwaimiterereyawo
29
uMWAKA WA GAtAtu
IBARUWANDAYAMBAJE Aloyizi Ruhanga kuwa 20 Kamena 2012
Umujyi wa Kigali
Akarere ka Gasabo
Umurenge wa Rusororo
Ikigo cya Ruhanga
Umwaka wa Gatatu Bwana muyobozi ushinzwe uburezi mu karere ka GASABO.
Impamvu: Gusaba guhindurirwa Ikigo Binyujijwe ku muyobozi w’ikigo ikigo
Cya RUHANGA.
Ku muyobozi w’ikigo cya
GIKOMERO.
Bwana muyobozi,
Nejejwe no kubandikira iyi baruwa mbasaba guhindurirwa ikigo.
Bwana muyobozi nifuzaga ko mwampindurira ikigo nkava ku kigo nigaho cya RUHANGA nkajya kwiga ku kigo cya GIKOMERO kubera ikibazo cy’urugendo rurerure mpura na-cyo. MU by’ukuri niga aho I RUHANGA nabanaga na nyogokuru none yaranyirukanye. Ababyeyibanjyebatuyehafiy’ikigocyaGIKOMERO.
Mu gihe ngitegereje igisubizo cyanyu cyiza mbaye mbashimiye Bwana muyobozi.
BIMENYESHEJWE:
- Umuyobozi ushinzwe uburezi NDAYAMBAJE Aloyizi Mu murenge wa RUSORORO
- Ababyeyi banjye
I. Ibice bigize umwirondoro mu magambo makeMu magambo make umwirondoro ugizwe n’ibice bikurikira:
1. Ibiranga umuntu: niho utanga umwirondoro wawe usanzwe
2. Amashuri wize: uvuga amashuri wize (aho wahereye kugeza aho ugeze)
30
IKINYARWANDA: IMYANDIKO MFASHANYIGISHO - IGItAbO cY’uMWARIMu
3. Ubumenyingiro: aho wakoze
Amahugurwa wakoze
4. Indimi ukoresha: indimi uvuga n’ikigero uriho mu gukoresha buri rurimi.
5. Ibindi: ibindi bintu waba ukora mu buzima bwa buri munsi
6. Indahiro: aho uvuga ko wemeza neza ko ibyo wavuze haruguru ari ukuri
7. Amazina n’umukono
8. Aho bikorewe n’itariki
UMWIRONDORO
A. IBIRANGA UMUNTU
- Amazina: MUKESHIMANA Joziane
- Amazina ya papa: NDAYAMBAJE Aloyizi
- Amazina ya mama: NIRERE Coleta
- Itariki y’amavuko: 1/3/1997
- Igihugu: Rwanda
- Irangamimerere: ingaragu
- Aho mbarizwa: akagali: Ruhanga
- Umurenge: Rusororo
Akarere: Gasabo
Umujyi wa Kigali
Telephone: 0783384871
B. AMASHURI
2003-2009: amashuri abanza ku kigo cya Ruhanga
2009-2012: icyiciro rusange ku kigo cya Gikomero
C. UBUMENYINGIRO
2008-2009: ingando y’intore yabereye mu kigo cya Kabuga
31
uMWAKA WA GAtAtu
D. INDIMI: ikinyarwanda: neza cyane
Icyongereza: neza
E. IBINDI: kuririmba muri Korari INTORE ZA KRISTU
Ndemeza Ko Ibyo Mvuze Haruguru Ari Ukuri
MUKESHIMANA Joziyane
Bikorewe I Rusororo kuwa 17/06/2012
32
10. IGITEKEREZO CYA MATAMA YA BIGEGA
10. 1. INTEGO ZIHARIYE • Kugaragazaindangamucon’ingingoz’amatekazirimumwandiko
IBIKORWA BYA MWARIMU • Gusomeshabucece
• Kubazaibibazorusangekumwandiko
• Gusomaumwandikowose
• Gusomeshaumwandikoigikakukindiasobanuraamagambomashya
• Gusabaabanyeshurikuvugainyigishobakuyemumwandiko
• Gusabaabanyeshurigutahuramumwandikoindangamucon’ingingoz’amateka
IBIKORWA BY’UMUNYESHURI • Gusomabucece
• Kuvugamurimakeibirimumwandikoyasomyeakurikizainyurabwenge
• Gusomaigikacy’umwandikoadategwa,yubahirizautwatuzon’iyitsa
• Gusubizaibibazoabajijwekumwandiko
• Kuvugainyigishobakuyemumwandiko
• Kutahuraindangamucon’ingingoz’amatekazirimumwandiko
10. 2. INYUNGURAMAGAMBOIsaro
Igicuku gishyira inkoko
Indongozi
Guhagatira
I bugoyi
33
uMWAKA WA GAtAtu
10. 3. KUMVA UMWANDIKO 1. Uyu mwandiko ni bwoko ki?
2. Matama ya bigega yavutse ku ngoma y’uwuhe mwami?
3. Ni bande bumvise umwana arira? Bakoze iki?
4. Ni ibuhe butumwa mugunga yashyiriye umwami?
5. Hakozwe iki kugirango umwami amenye iby’umwana wariraga?
6. Tanga impamvu yatumye Bigega ashimira mugunga .
34
11. INSHOBERAMAHANGA
11. 1. INTEGO ZIHARIYE • Gutahurainshoberamahangamumwandikoasomye • Kuzisobanuranokuzikoreshamumvugonomunyandiko
IBIKORWA BYA MWARIMU • Gusomeshaumwandiko • Gufashaabanyeshurigutahurainshoberamahangamumwandikowizwe • Kuzisobanura • Gusabaabanyeshurikuvugaizindinshoberamahangabazi • Gusabakuzikoreshamumbugonomunyandiko
IBIKORWA BY’UMUNYESHURI • Gusomaumwandiko • Gutahurainshoberamahangamumwandiko • Kuvugaizindinshoberamahangaazi • Kuzikoreshamumvugonomunyandiko
11. 2. GUSHAKA INSHOBERAMAGANGA ZIKANASOBANURWA 1. Kuruhira nyanti: kuruhira ubusa 2. Kwigira nyoni nyinshi: kwiyoberanya, kwiyumanganya 3. Kugwa agacuho: kunanirwa cyane 4. Kubera vundi kabutindi: kumumerera nabi 5. Kubura epfo na ruguru: kubura uko ubigenza 6. Kurya nk’uwicariye umwobo: kurya cyane kandi byinshi 7.Kuryank’urongoyeimfizi:kuryacyanekandibyinshi 8. Kubura byose nk’ingata imennye: kubura ibyo wizeraga byose 9. Kubika umuntu: kuvuga ko umuntu yapfuye 10. Gukubita ubusa nka sakabaka: kuburiramo
35
12. IKINYAZINA MBANZIRIZA
12. INTEGO ZIHARIYE • Gutahuraikinyazinambanziriza,ikinyazinampamagazi
• Kugaragazauturemajambotw’ikinyazinambanzirizak;ikinyazinampamagazi
IBIKORWA BYA MWARIMU • Gutangainterurozibonekamoikinyazinambanziriza;ikinyazinampamagazi
• Kwerekanaibinyazinambanziriza;ibinyazinampamagazibinyuranyebirimunteruro
• Gusesengura ibyo binyazina hagaragazwa ibicumbi bitandukanye n’amategekoy’igenamajwi
IBIKORWA BY’UMUNYESHURI • Gusomainteruroyahawe
• Gutahuraikinyazinambanziriza;ikinyazinampamagazi
• Kugaragazauturemajambotw’ikinyazinambanziriza;ikinyazinampamagazi
12. 3. IBISUBIZO KU MYITOZO 1. Kuvuga itandukaniro riri hagati y’ikinyazina mbanziriza n’ikinyazina nyereka
gifite igicumbi/-0
• Ikinyazinambanzirizakigiraisakunyejuru,kibanzirizainshingaitondaguye
Ur: uwô mvuga ni njye muzi
• Ikinyazinanyerekagifiteigicumbi/-okijyanan’izinakandikigiraisakunyesi
2. Gushaka ikinyazina mbanziriza, intego n’amategeko y’igenamajwi mu nterurozikurikira
a) Uwo mugabo aravugisha ukuri
Nta kinyazina mbanziriza kirimo ahubwo ino ‘uwo’ ni ikinyazina nyereka
b) Nabasobanuriye ko ibyo avuga abeshya
Ibyo: ikinyazina mbanziriza
36
IKINYARWANDA: IMYANDIKO MFASHANYIGISHO - IGItAbO cY’uMWARIMu
c) Niba mutemera abo naboherereje mubivuge
Abo: ikinyazina mbanziriza
d) Icyo nzi cyo muri kumbeshya
Icyo: ikinyazina mbanziriza
e) Aho bagiye ntawahamenya
Aho: ikinyazina mbanziriza
f) Yabonye izo baragiye azitiranya n’ize
Izo: ikinyazina mbanziriza
3. Kwerekana ibinyazina mpamagazi, n’intego n’amategeko y’igenamajwi byabyo munteruro zikurikira
a. Wa mukobwa we, itonde !
Wa: ikinyazina mpamagazi
b. Yaravuze ati: «mwa bagore mwe, mujye mwubaha abagore banyu!»
Mwa: ikinyazina mpamagazi
c. Wa kana we, jya wubaha ababyeyi!
Wa: ikinyazina mpamagazi
d. Erega wa mugabo we, niko bigenda mu buzima !
Wa: ikinyazina mpamagazi
e. Wa mbwa we, uransuzugura nta soni
Wa: ikinyazina mpamagazi
37
13. UMWANDIKO: INGUFU MU KWIGISHA URUBYIRUKO KWIRINDA SIDAZIGIYE
KONGERWA
13. 1. INTEGO ZIHARIYE • KwirindaSidan’izindandwarazifatiramumyanyandangagitsina
IBIKORWA BYA MWARIMU • Kugiranan’abanyeshuriikiganirokigufikiganishakumwandikocyangwakwitegere
no kujya impaka ku mashisho yerekaye umwandiko
• Gusomabucece
• Kubazaibibazorusangekumwandiko
• Gusomaumwandikowose
• Gusomeshaigikakukindi
• KugaragazaingarukazaSidakumunyandikonokugihugu
• Gusabaabanyeshurigutangainyigishoirimumwandiko
• Gusabaabanyeshurikugaragazaingambabafata
IBIKORWA BY’UMUNYESHURI • Kwitegerezaamashushoakayavugaho
• Gusomabucece
• Gusubizaibibazokumwandiko
• Gusomaigika
• Gusubizaibibazokumwandikowose
• Kuvugainyigishoakuyemumwandiko
• KuganirakungambazafatwangobirindeSidanokuzijyahoimpaka
38
14. IKINYAZINA NYAMUBARO, IKINYAZINA MBAZA, IKINYAZINA MBAZAMUBARE
14. 1. INTEGO ZIHARIYE • Gutahuraikinyazinanyamubaro;ikinyazinambaza/mbazamubare
• Kugarazagaza uturemajambo tw’ikinyazina nyamubaro; ikinyazina mbaza/mbazamubare
IBIKORWA BYA MWARIMU • Gutangainterurozibonekamoikinyazinanyamubaro;ikinyazinambaza/mbazamubare
• Kwerekanaibinyazinanyamubaron’ibinyazinambaza/mbazamubarebinyuranyebirimu nteruro
• Gusesengura ibyo binyazina hagaragazwa ibicumbi bitandukanye n’amategekoy’igenamajwi
IBIKORWA BY’UMUNYESHURI • Gusomainteruroyahawe
• Gutahuraikinyazinanyamubaro;ikinyazinambaza/mbazamubare
• Kugaragaza uturemajambo tw’ikinyazina nyamubaro; ikinyazina mbaza/mbazamubare
39
15. IKORANABUHANGA MU BUVUZI RIRAKENEWE
15. 1. INTEGO ZIHARIYE • Gutahuraibirangaikoranabuhangary’abanyarwandabohambere
• Kugaragazauruharerw’ikoranabuhangamuiterambere
IBIKORWA BYA MWARIMU • Gusomeshabucece
• Kubazaibibazorusangekumwandiko
• Gusomaumwandikowose
• Gusomeshaumwandikoigikakukindiasobanuraamagambomashya
• Gusaba abanyeshuri gutahura mu mwandiko ibiranga ikoranabuhanga biri mumwandiko
• Gusaba abanyeshuri kugereranya ikoranabuhanga ry’Abanyarwanda n’iry’andimahanga
IBIKORWA BY’UMUNYESHURI • Gusomaumwandikobucece
• Kuvugamurimakeibirimumwandikoyasomweakurikizainyurabwenge
• Gusomaigikacy’umwandikoadategwa,yubahirizautwatuzon’iyitsa
• Gusubizaibibazoabajijwekumwandiko
• Kuvugaibirangaikoranabuhangabirimumwandiko
• Kujya Impaka ku ruhare rw’ikoranabuhanga mu mibereho y’Abanyarwanda bohambere
40
16. IKINYAZINA NDAFUTURA, IKINYAZINA NDANGANTEKO
16. 1. INTEGO ZIHARIYE • Gutahuraikinyazinandafutura,ikinyazinandanganteko
• Kugaragazauturemajambotw’ikinyazinandafutura,ikinyazinandanganteko
IBIKORWA BYA MWARIMU • Gutangainterurozibonekamoikinyazinandafutura;ikinyazinandanganteko
• Kwerekana ikinyazina ndafutura, n’ikinyazina ndanganteko binyuranye biri munteruro
• Gusesengura ibyo binyazina hagaragazwa ibicumbi bitandukanye n’amategehoy’igenamajwi
IBIKORWA BY’UMUNYESHURI • Gusomainteruroyahawe
• Gutahuraikinyazinandafutura;ikinyazinandanganteko
• Kugaragazauturemajambotw’ikinyazina
16. 1. IBISUBIZO KU MYITOZOGuhimba umwandiko w’imirongo 6 urimo ibinyazina ndafutura birebire 6 n’ibinyazinandafutura bigufi 4
Umugabo yabajije undi ati: «abandi bagabo ko batakigaragara ». undi aramusubiza ati: «nanjye byaranyobeye». Arongera ati: «ahubwo umugore wanjye amaze iminsi ambaza aho abandi bagore baba». Yungamo ati: «reka dutegereze uwundi munsi umwe turebe». Undi ati «nibyo koko, nabo iyindi minsi yo ntawamenya »
Ese uzi n’irindi jambo, hari umusore uherutse kumbwira nawe ngo abandi basore yarababuze undi ati: «iby’iyi si ntawabimenya».
41
17. IKINAMICO: NIBAGANE ISHURI
17. 1. INTEGO ZIHARIYE • Kuvugaatajijinganyakandiashizeamanga
• Kuvugaahuzaimvugon’ingirokandiashyirahoisesekaza
IBIKORWA BYA MWARIMU • Gusomeshaikinamico
• Gusobanuraamagambomashya
• Gusabaabanyeshurigufatamumutwe
• Guhaburimunyeshuriurubugarwe(ibyoagombagukina)
• Kubatozagukina
IBIKORWA BY’UMUNYESHURI • Gusomaikinamico
• Gufatamumutweikinamico
• Kuvugainyigishoukuyemo
• Gukina
17. 2. INYUNGURAMAGAMBO
Sobanura aya magamboBiri n’amahire
Umutaru
Mukwano
Ingarambe
Kwipfobya
Atanyagura
42
IKINYARWANDA: IMYANDIKO MFASHANYIGISHO - IGItAbO cY’uMWARIMu
17. 3. KUMVA UMWANDIKO 1. Ni bande bavugwa muri uyu mwandiko?
2.VugaabafitanyeisanonaNyagashumba
3. Mushirabwoba yatanze bisobanuro ki mu nama?
4. Erekana ukuntu Nyagashumba yari umubyeyi gito
5. Kuki umuyobozi w’inama atareze Nyagashumba?
6.Mumwandikobaravugakoishuririfitekamaroki?
7. Nyagashumba yarikosoye?
8. Iriya nama urayishima iki?
43
18. INKURU ISHUSHANYIJE: UBURENGANZIRA BWA MUNTU NI INGENZI
18. 1. INTEGO ZIHARIYE • GusomaInkuruahuzaamashushon’amagambo
• Kugaragazainyigishoirimunkuru
IBIKORWA BYA MWARIMU • Kwerekanaamashushonokubasabakuvugamumagambomakeibyobabona
• Gusomeshabucece
• Gusomeshabaranguruye
• Kubazaibibazobigaragazaisanoirihagatiy’amashushon’amagambo
• Kubazainyigishobakuyemunkurun’inganbabafashe
• Gusabaabanyeshurigukinaiyonkuru
IBIKORWA BY’UMUNYESHURI • Kuvugamumagambomakeibyobabonakumashusho
• Gusomabucecebahuzaamashushon’amagambo
• Gusomabaranguruye
• Kuvugaisanoirihagatiy’amashushon’amagambo
• Kuvugainyigishobakuyemunkuru
• Kuganirakubyangombwangohubahirizweuburenganzirabwamuntu
• Gukinabiganainkuru
44
19. INSHINGA: INSHINGA ISANZWE, INSHINGA NKENE, INGIRWANSHINGA
19. 1. INTEGO ZIHARIYE Gutandukanya inshinga ahereye ku ntêgo
IBIKORWA BYA MWARIMU • Kwandikainterurozirimoamokoanyuranyey’inshinga
• Gutahurainshingazirimo
• Kuvugaubwokobwaburinshingayatahuwe
IBIKORWA BY’UMUNYESHURI • Gusomainteruroyahawe
• Gutahurainshingazirimunteruro
• Kuvugaubwokobw’inshungayabonye
19. 2. IBISUBIZO KU MYITOZO 1. gutaga inshinga zikomoka kuri aya mazina:
a. ijana: kujanisha
b. ihaho: guhaha
c. icyico: kwica
d. amizero: kwizera
2. gushaka intego n’amategeko y’igenamajwi by’amagambo ari hejuru n’inshingazayakomotseho
a) Ijana: i-Ø/-jan -a nta tegeko
Kujanisha: ku/-jan –ish –a nta tegeko
b) Ihaho: i-Ø/-hah-o
Guhaha: ku/-hah-a
45
uMWAKA WA GAtAtu
Gu/-hah-a:k→g/-GR
Guhaha
c) Icyico: i-ki/-ic-o
i-ky/-ic-o:i→y/-J
i-cy/-ic-o:ky→cymumyandikire
icyico
kwica: ku/-ic-a
kw/-ic-a: u-w/-J
kwica
d) Amizero: a-ma/-izer-o
a-m/-izer-o:a→Ø/-J
amizero
kwizera: ku/-izer-a
kw/-izer-a:u→w/-J
kwizera
Kugaragaza intego n’amategeko y’igenamajwi by’amagambo aciyeho akarongo
i.Barakamfitiyearikontacyobitwaye
Barakamfitiye:ba-ra-ka-n/-fit-ir-ye
Ba-ra-ka-m/-fit-ir-ye:n→m/-f
Ba-ra-ka-m/-fit-iy-e:r+y→y
Barakamfitiye
ii. Twari tuziranye
Twari: tu-a/-ri
Tw-a/-ri:u→w/-J
Twari
Tuziranye: tu/-z-ir-an-ye
Tuziranye nta tegeko
46
IKINYARWANDA: IMYANDIKO MFASHANYIGISHO - IGItAbO cY’uMWARIMu
iii. Bari baruzwi na benshi
Bari: ba-a/-ri
b-a/-ri:a→Ø/-J
bari
baruzwi: ba-Ø/-ruz-w-i
baruzwi nta tegeko
iv. Uyu mwana yari umunyeshuri mwiza none ni umwana mubi sinzi aho yabikuye
Yari: a-a/ri
y-a/-ri:a→y/-J
yari
ni: ni ntihinduka
sinzi: si-n/-zi
sinzi nta tegeko
Kugaragaza intego n’amategeko y’igenamajwi by’amagambo aciyeho akarongo
Batya: ba/-ti-a
Ba/-ty-a:i→y/-J
Batya
Baribaza bati: «uriya mwana ni uwa he?»
Bati: ba/-ti
Bati
Ese murabigenza mute ko ataje?
Mute: mu/-te
Mute
Udushwiriri twose dushira dutyo
Dutyo: tu/-ti-o
Du/-ti-o:t→d-GR
Du/-ty-o:i→y/-J
47
uMWAKA WA GAtAtu
Dutyo
Inka zose zipfa zityo
Zityo: zi/-ti-o
Zi/-ty-o:i→y/-J
Zityo
Garagaza intego n’amategeko y’igenamajwi by’amagambo aciyeho akarongo
Dukwiye kwirinda uburangara bwatuma dushya
Dukwiye: tu-Ø/-kwir-ye
Du/-kwir-ye:t→d/-GR
Du-kwiy-e:r+y→y
Dukwiye
Kwirinda: ku-I/-rind-a
Kw-i/-rind-a: u-w/-J
Kwirinda
Dushya: tu-Ø/-hi-a
Du-Ø/-hi-a:t→d/-GR
Du-Ø/-hy-a:i→y/-J
Du-Ø/-shy-a:h+y→shy
Dushya
Ntitugoma kwigira uko tutari
Ntitugomba: nti-tu-Ø/-gomba
Ntitugomba nta tegeko
Kwigira: ku-i/-gir-a
Kw-i/-gir-a:u→w/-J
Kwigira
Tutari: tu-ta-Ø/-ri
Tutari
48
IKINYARWANDA: IMYANDIKO MFASHANYIGISHO - IGItAbO cY’uMWARIMu
Ugukanira ni we umenya urugukwiye
Ugukanira: u-ku/-kan-ir-a
u-gu/-kan-ir-a:k→g/-GR
ugukanira
umenya: u-Ø/-meny-a
umenya
ntibigeze barya na busa
ntibigize: nti-ba-i/-ger-ye
nti-b-i/-ger-ye:a→Ø/-J
nti-b-i/-gez-e:r+y→z
kora neza ibyo wize n’ibyo wahuguwemo
wize: u-a/-ig-ye
w-a/-ig-ye:u→w/-J
w-Ø/-ig-ye:a→Ø/-ig-ye:a→Ø/-J
w-Ø/-iz-e:g+y→z
wize
49
20. INDIRIMBO: RWANDANZIZA
20. 1. INTEGO ZIHARIYEKuririmba Indirimbo
IBIKORWA BYA MWARIMU • Gusomeshaumwandiko
• Gusobanuraamagambomashya
• Kubazaibibazorusange
• Kumvishaabanyeshuriindirimbo
• Kuririmbisha
IBIKORWA BY’UMUNYESHURI • GusomaUmwandiko
• Gubizaibibazoyabajijwe
• Gutegaamatwiyumvainjyanan’amagambo
• Kuvugainyigishoakuyemundirimbo
• Kuririmba
50
21. ITANGAZO
21. 1. INTEGO ZIHARIYE • Kwandikaamatangazaanyuranye(abika,amenyesha,aranga,arangisha)
IBIKORWA BYA MWARIMU • Gusomeshaamatangazo
• Kuvugaubwokobwaburitangazo
• Kwerekanaibibabikubiyemuitangazo
• Kwandikishaitangazo
IBIKORWA BY’UMUNYESHURI • Gusomaamatangazo
• Kuvugaubwokobwaburitangazo
• Kwerekanaibikubiyemuitangazo
• Kwandikaitangazo
21. 2. IMYITOZOGuhimba itangazo ryawe bwite
a) Rirangisha
b) Ribika
51
22. IMIGANI MIGUFI
22. 1. INTEGO ZIHARIYE • Gusesenguraibivugwamumiganimigufi
• Gukoreshaimiganimigufi
IBIKORWA BYA MWARIMU • Gusomeshaumwandiko
• Gusabaabanyeshurikwerekanaimiganimigufiirimumwandiko
• Gusobanuraimiganimigufiyavanywemumwandiko
• Gusabaabanyeshurikuvugaimiganiivugakunsanganyamatsikorunaka
• Kwandikaimiganiyatanzwenokuyisobanura
IBIKORWA BY’ABANYESHURI • Gusomaumwandiko
• Kwerekanaimiganimigufiirimumwandiko
• Gusobanuraimigani
• Kuvugaimiganimigufiijyanyen’insanganyamatsikoyahawe
22. 2. IMYITOZO:
Sobanura iyi migani 1) ‘’Abahigi benshi bayobya imbwa’’
2) ‘’Banza ubaze iruta suma ufate’’
3) ‘’Imbwa irakira ariko ntibura guhunahuna’’
4) ‘’Ubuze ay’iburyo akama ay’ibumoso’’
5) ‘’Ujya gutera uburezi arabwibanza’’
52
23. INYANDIKOMVUGO
23. 1. INTEGO ZIHARIYEGukora inyandikomvugo yubahiriza imitere y’indandikomvugo
IBIKORWA BYA MWARIMU • Gusomeshainyandikomvugo
• Gusomeshainshozay’inyandikomvugo
• Kwerekanaibicebigizeinyandikomvugon’ibivugwamo
• Gusaba abanyeshuri gukora inyandikomvugo y’inama cyangwa y’ikiganiro nokubakosora
IBIKORWA BY’UMUNYESHURI • Gutangaibibazobyagibwahoinama
• Gutangaibitekerezokunsanganyamatsikoyemewe
• Kwandikaingingoz’ingenziz’ibivugirwamunama
• Gukorainyandikomvugo
23. 2. Umwitozo: Gerageza gukora inyandikomvugo y’ikiganiro kuri iyi nsangamatsiko:
‘’Abanyeshuri bo mu mwaka wa gatatu w’amashuri yisumbuye batsinda ikizamini gisoza ikiciro rusange ari uko biganye umwete.