Detyra projektuese 2012-13..!!!
-
Upload
artisana-ajro -
Category
Documents
-
view
772 -
download
19
Transcript of Detyra projektuese 2012-13..!!!
SH.M.K “Niko Nestor” – Strugë - 2012-2013
Detyrë Projektuese
Lënda: Kirurgji me gjinekologji dhe akusheri me kujdes
TEMA:
1
Kandidati : Mentor: Artisana Ajro Nevzat Yseini IV-19 Mjeksi
Permbajtja
Hyrje / Qëllimi i
projektit............................................3
Cka është cikli menstrual
…………………………….......4
Cikli Ovarial…………………………………………………4-5
Cikli
Uterin ...........................................................6
Menstruacioni
Normal ............................................7-8
Treguesit e
Ovulacionit ......................................8
Hormonet ovariale..............................................9-
10
Crregullimet Menstruale ………………………..10-11
2
Shërimet e crregullimeve menstruale……………..12
Menopauza .......................................................13
Fazat e
Menopauzes............................................14
Fotografitë………………………………………….15-16-17
Literatura / Përfundimi ..........................................18
Hyrje...
Në lidhje me këtë temë sqarohen :
Njohja me fiziologjinë e organeve endokrine (boshti hipotalamus-hipofizë-ovare)
Mekanizmi i Ciklit Menstrual dhe Crregullimet e tij
Trajtimi i problematikës klinike të sëmundjeve dhe çrregullimeve hormonale si dhe për
vendosjen e diagnozës klinke dhe trajtimin terapeutik dhe kirurgjik
Disa nga simptomat më të shpeshta: Dhimbje shpine, dhimbje në pjesët e brendëshme të
"kofshëve", axhitim i të vjellave, diarre, kapsllëk, dhimbje koke, rritje e dëshirës për kontakt
seksual. Humbja e gjakut do të thotë oksigjenim më të pakët të qelizave të trupit, dmth lodhje më
të madhe se zakonisht për të njëjtën punë. Patjetër ato ditë duhet të hash më shumë se zakonisht.
Mirë është të: 1.Marrësh hekur nga farmacia; 2.Hash ushqime që përmbajnë shumë hekur-si
p.sh.mish të kuq; 3.Pish një gotë portokall të shtrydhur; 4.Hash perime ngjyrë jeshile; 5.Të mos
hash në të njëjtin vakt një ushqim të pasur me hekur.
3
Qëllimi i Projektit Cikli Menstrual-është dëshmia më e mirë e funksionimit të sistemit hipotalamus-
hipofizë-ovare që përcillet me ndryshime strukturale dhe funksionale në organe ku ajo vepron:
mitër, vaginë, gjinj. Qëllimi kryesor i cdo cikli menstrual është prodhimi i qelizës vezë e cila
duhet të mbarësohet dhe ndryshimet në endometrium ku duhet të vendoset veza e mbarësuar.
Arsyeja pse zgjodha këtë temë është që të dijmë sa më shumë rreth ciklit menstrual, rreth
metodave me të cilat mund ti largojme dhimjet gjat periudhes se tij, disa prej të cilave janë : Me
një qese(apo shishe) me ujë të ngrohtë mund të lehtësosh dhimbjet e barkut, është e këshilluar të
përdorësh veshje të rehatshme, çokollata stimulon prodhimin e serotoninës, frutat e thata mund të
dhurojnë një efekt qetësues natyral, të vendosësh diçka të ftohtë tek sytë lehtëson dhimbjen e
kokës e ardhur nga menstruacionet.
Cka është Cikli MenstualSistemi riprodhues femëror, në ndryshim nga ai mashkullor, paraqet ndryshime ciklike të
rregullta, të cilat mund të shihen përgatitje periodike për fertilizimin dhe shtatzaninë. Në qeniet
humane cikli menstrual është mujor dhe karakteristika e tij më e dukshme është gjakderdhja
vaginale periodike e cila shoqërohet me rënien e mukozës uterine (menstruacioni). Gjatësia e
ciklit është shumë e variueshme te gratë, por një formë normale është ajo prej 28 ditësh nga
fillimi i një periode menstruale deri në fillimin e periodës pasardhëse. Zakonisht, ditët e ciklit
identifikohen me numra, duke filluar nga dita e parë e menstruacioneve. Cikli menstrual
zhvillohet në dy faza dhe atë:
Faza ovariale (vezore) Faza uterine (në miter)
Cikli Ovarial
Qysh nga lindja, ekzistojnë shumë folikuj primoidalë nën kapsulën ovariale. Secili prej tyre
përmban një ovocit të papjekur. Në fillim të cdo cikli, disa prej këtyre folikujve zgjerohen, dhe
formohet një kavitet përrreth ovocitit (formimi i antrumit). Ky kavitet është i mbushur me likuid
folikular. Në qeniet humane një nga folikujt e njërës vezore fillon të rritet shpejt rreth ditës së 4
gjashtë dhe shëndrrohet në folikul dominant, ndërsa të tjerët mbeten, duke formuar kështu folikujt
atretikë. Procesi i atrofizimit përfshin apoptozën. Është e panjohur mënyra se si një folikul
përzgjidhet për t’u bërë folikul dominant në këtë fazë folikulare të ciklit menstrual, por kjo duket
të jetë e lidhur me aftësinë e folikulit sekretuar estrogjenë në brendësi të tij, cka nevojitet për
maturimin përfundimtar. Kur grave ju jepen preparate të tillë, si gonadotropinat pituitare shumë
të purifikuara në formë ineksionesh, zhvillohen shumë folikuj njëherësh. Qelizat e theca interna
të folikulit janë burimi fillestar i estrogjenëve qarkullues. Megjithatë, fluidi folikular ka
përmbajtje të lartë estrogjeni, dhe një pjesë e mirë e këtij estrogjeni vjen nga qelizat granuloze.
Rreth ditës së 14 të ciklit, folikuli i tensionuar rupturohet, dhe ovociti ekspulsohet në kavitetin
abdominal. Ky është procesi i ovulacionit. Ovoctiti kapet nga fundi me fimbrie të tubave uterinë
(oviduktet). Ai transportohet në utreus dhe, po të mos ndodh fertilizimi, ai flaket jashtë nëpërmjet
vaginës. Folikuli që rupturohet në kohën e ovulacionit mbushet me gjak dhe formon atë që disa
herë quhet corpus hemorrhagicum. Një sasi minimale gjaku folikuli në kavitetin abdominal mund
të shkaktoj irritim peritoneal, të shprehur me dhimbje të lehta të fundit të barkut. Qelizat
granulare e thekale të folikulit që shtresëzohen, shpejt fillojnë të proliferojnë, dhe gjaku I
koaguluar zëvendësohet me qeliza luteale të pasura në lipide e me ngjyrë të verdhë, duke formuar
corpus luteum. Kjo shënon fillimin e fazës luteale të ciklit menstrual, gjatë së cilës qelizat luteale
sekretojn estrogjen dhe progestgeron. Nëse shfaqet shtatzania, corpus luteum persiston dhe
zakonisht nuk ka më perioda deri pas lindjes. Nëse nuk ka shtatëzani, corpus luteum fillon të
degjeneroj rreth katër ditë para menseve pasuese (dita e 24-t e ciklit) dhe zëvendësohet
eventualisht nga ind dhjamor duke formuar corpus albicans. Cikli ovarian është i ngjashëm në
mamiferet e tjera, përvec faktik që në shumë specie ovulojnë më shumë se një folikul dhe si
rregull ka barra multiple. Copus luteum foromhet në disa specie submamare por jo në të tjera. Te
njeriu, nuk formohen ovocitet të rinj pas lindjes. Gjatë zhvillimit fetal, vezoret përmbajn më
shumë se 7-milion folikuj primoidal. Sidoqoftë, shumë prej tyre pësojnë atrezi (involicion) para
lindjes dhe të tjerë humbasin pas lindjes. Në kohën e lindjes ka rreth 2-milion ovocite por 50%
janë atretikë. Ato që janë normal ndjekin pjesën e parë të ndarjes së parë mejotike rreth kësaj
periode dhe hyjnë ne një stad arresti në profazë, në të cilën ata që mbijetojnë persistojnë deri në
moshën adulte. Atreiza vazhdon gjatë zhvillimit, dhe numri i ovociteve në të dy ovaret në kohën
e pubertetit është më pak se 300-mijë. Vetëm një nga këto ovocite për cikël (ose afërsisht 500
gjatë gjithë jetës riprodhuese normale) arrijn maturimin, pjesa tjetër degjeneron. Pikërisht përpara
ovulacionit plotësohet ndarja e parë mejotike. Njëra nga qelizat bija, ovocitet sekondare, merr 5
shumicën e citoplazmës, ndërkoh që tjetra, e ashtuquajtura trupëza e parë polare, fragmentohet
dhe zhduket. Ovociti sekondar fillon menjëherë ndarjen e dytë mejotike, por kjo ndarje ndal në
metafazë dhe plotësohet vetëm kur një spermatozoid penetron ovocitin. Ndërkohë, trupëza e dytë
polare paloset dhe ovociti i fekonduar procedon për të formuar një individ të ri. Ndalesa në
metafazë i dedikohet, të paktën në disa specie formimit të ovocitit të proteinës pp39mos, e cila
është koduar nga pro-onkogjeni c-mos. Kur ndodh fertilizimi, proteina pp39mos shkatërrohet
brenda 30 minutash nga calpani , një cistinë proteazë kalcium-dependente.
Cikli UterinNë fund të menstruacioneve, të gjitha shtresat e endometrit, përvec asaj të thellë kanë rënë. Nën
influencën e estrogjenëve prej folikulit në zhvillim, endometri rritet shpejt në trashësi nga dita e
pestë të ciklit menstrual deri në të katërmbëdhjetën. Ndërsa trashësia rritet, gjëndrat uterine
tërhiqen së jashtmi dhe kështu ato zgjaten dhe sekretojnë në sasi të vogël. Këto ndryshime
endometriale quhen proliferative dhe kjo pjesë e ciklit menstrual është quajtur shpesh faza
proliferative. Eshtë quajtur gjithashtu si faza preovulatore apo folikulare e ciklit. Pas ovulacionit,
endometri bëhet më tepër i vaskularizuar dhe lehtësisht edematizon nën influencën e estrogjenit
dhe progesteronit prej corpus luteum. Gjëndrat bëhen edhe më të përdredhura e tortuoze dhe
fillojnë të sekretojnë një likuid transparent. Për pasojë, kjo fazë e ciklit është quajtur faza
sekretore ose faza luteale. Më vonë në fazën luteale, endometri, sikurse gjëndra pituitare
anteriore, prodhon prolaktin, por funksioni i kësaj prolaktine endometriale është ende i panjohur.
Endometri furnizohet nga dy lloj arteriesh. 2/3 e shtresës sipërfaqësore endometriale që bien gjatë
menseve, shtresa funksionale furnizohet nga arteriet spirale të gjata e të përdredhura, ndërsa
shtresa e thellë e cila nuk rrëzohet, shtresa bazale furnizohet nga arteriet bazilare, të shkurtra e të
drejta.
Kur corpus luteum regredon, bie suporti hormonl për endometrin. Ai bëhet më i hollë, c’ka shton
përdredhjen e arterieve spirale. Në endometër shfaqen vatra nekroze dhe këto kolabohen. Në
vazhdim ka spazmë dhe më tej nekrozë të mureve të arterieve spirale, duke cuar në hemorragji në
fillim me pika, e cila shtohet gradualisht dhe prodhon fluksin menstrual. Vazospazma ndodh
6
probablisht nga clirimi i prostaglandinave lokale. Gjenden sasi më të mëdha prostaglandinash në
endometrin sekretor dhe në gjakun menstrual, dhe infuzioni i PGF-2a shkakton nekrozë
endometriale dhe gjakderdhje. Një teori e shpërthimit të menseve thotë se në qelizat endometriale
nekrotike qahet membrana lizozomalw dhe clirohen enzimat që strimulojnë formimin e
prostaglandinave prej fosfolipideve të qelizave. Nga pikpamja e funksionit endometrial, faza
proliferative e ciklit menstrual paraqet restaurimin e epiteliumit prej menstruacionit të kaluar dhe
faza sektore paraqet përgatitjen e uterusit për inplantimin e ovocitit të fertilizuar. Gjatësia e fazës
sekretore është mjaft konstante, rreth 14 ditë dhe variacionet e vërejtura në gjatësinë e ciklit
menstrual i dedikohen, në shumicën e rasteve, variacioneve të fazës proliferative. Kur nuk ndodh
fertilizimi gjatë fazës sekretore, endometri bie dhe fillon një cikël i ri.
Mensturacioni normalGjaku menstrual ështëkryesisht arterial, me vetëm 25% origjinë venoze. Ai përmban mbeturina
indesh, prostaglandina dhe sasi relativisht të mëdha fibrolizine nga indi endometrial. Fibrolizina
shkrin koagulat, kështu që gjaku menstrual normalisht nuk përmban koagula vetëm nëse fluksi
është i shtuar. Kohëzgjatja e zakonshme e fluksit menstrual është 3-5 ditë, por mund të vërehen
edhe flukse njëditore apo 8-ditore në gra normale. Sasia e gjakut të humbur mund të variojë nga
spoting i lehtë deri në 80ml, sasia mesatare e humbur është 30ml. Humbja mbi 80ml nuk është
normale. Por sasia e gjakut të humbur mund të ndikohet nga faktorë të ndryshëm, përfshirë
trashësinë endometriale, terapinë dhe sëmundjet që ndikojnë në mekanizmin e koagilimit. Pas
menstruacioneve rigjenerohet një endometër i ri nga shtresa basale.
Ciklet anovulatorë
Në disa rrethana ovulacioni nuk ndodh gjatë ciklit menstrual. Cikle të tillë anovulatorë janë të
zakonshëm për 12-18 muajt e parë pas menarkës dhe përsëri para fillimit të menopauzës. Kur nuk
ndodh ovulacioni, nuk formohet corpus luteum dhe mungojnë efektet e progesteronit mbi
endometrin. Estrogjenët vazhdojnë të shkaktojnë rritjendhe endometri proliferativ bëhet mjaft i
trashë dhe bie e fillon të cikatrizohet. Koha që duhet për shfaqjen e hemorregjisë varion, por
7
zakonisht ajo shfaqet në më pak se 28 ditë nga menstruacioni i fundit. Fluksi është gjithashtu
variabël dhe varion nga i paktë deri në relativisht të bollshëm.
Ndryshimet ciklike në kolum uteri
Megjithëse është në vazhdimësi të trupit të uterusit, qafa e mitrës është e ndryshme në mjaft
drejtime. Mukoza e qafës uterine nuk pëson deskuamacione ciklike, por ka ndryshime të rregullta
në mukusin cervical. Estrogjenët e bëjnë mukusin më të hollë dhe më alkalin, ndyshime këto që
favorizojnë mbijetesën dhe tranportimin e sperms. Ndërsa progesteroni e bën atë të trashë.
Mukusi është më i hollë në kohën e ovulacionit, dhe elasticiteti i tij rritet, kështu që në mes të
ciklit, një pikë mund të zgjatet në formën e një filli të gjatë e të hollë, me një gjatësi 8-12cm apo
edhe më shumë. Në vazhdim, nëse një shtresë e hollë shtrihet mbi një lame, kur thahet ajo ka
pamjen e gjethes së fierit. Pas ovulacionit dhe gjatë shtatzënësisë mukusi cervikal bëhet i trashë
dhe nuk merr më pamjen e gjethes së fierit.
Ndryshimet ciklike në gjinjtë
Megjithëse laktacioni normalisht nuk ndodh deri në fundë të shtatzënisë, ekzistojnë ndryshime
ciklike në gjendrat mamare gjatë ciklit menstrual. Estrogjenët shkaktojnë proliferimin e
duktuseve mamarë, kurse progesteroni shkakton rritjen e lobuleve dhe të alveoleve. Enjtja e
gjinjve, tendosja dhe dhimbja e përjetuar nga shumë gra gjatë 10 ditëve para menseve, i
dedikohen probabilisht fryrjes së duktuseve, hiperemisë dhe edemës së indeve intersticialë të
gjinjve. Të gjithë këto ndyshime së bashku me simtomat regredojnë gjatë menstruacioneve.
Treguesit e ovulacionitNë praktikën klinike është shpesh e rëndësishme të njihet nëse ka ndodhur ovulacioni apo jo dhe
se kur ka ndodhur gjatë ciklit. Gjetja e një modeli sekretor në biopsinë endometriale tregon se
është prezent një corpus luteum funksional. Më pak real është fakti që gjetja e qelizave të mukusit
cervikal që nuk marrin pamjen e gjethes së fierit, në një grua e cila ka mense të rregullta, të jetë
evidencë e së njëjtës gjë si më lart. Një tregues i përshtatshëm dhe i arsyeshëm për kohën e 8
ovulacionit është ndryshimi-zakonisht rritje- i temperaturës bazale trupore. Gratë e interesuara
për matjen e temperaturës dhe plotësimin e një tabele përkatëse duhet të përdorin një termometër
me gradacione të gjëra dhe ta matin temperaturën e tyre (orale dhe rektale) në mëngjes para se të
ngrihen nga shtrati. Shkaku i ndryshimit të temperaturës në kohën e ovulacionit është probabilisht
rritja e sektretimit të progesteronit, pssi ai njihet të jetë termogjen.
Ovulacioni normalisht ndodh 36-38 orëpas fillimit të kurbës së LH në mes të ciklit. Ovociti rron
afërsisht 72 orë pasi është ekspulsuar nga folikuli, por ai është i fertilizueshëm për një kohë mjaft
më të shkurtër se kaq.
Disa spermatozoidë mund të mbijetojnë në traktin gjenital femëror dhe të sjellin fertilizimin për
mbi 120 orë para ovulacionit, por perioda më fertile është saktësisht ajo e 40 orëve para
ovulacionit. Sidoqoftë, për të interesuarit e “metodës ritmike“ të kontacepsionit, duhet theksuar se
ka raste të rralla por të dokumentuara në literaturë, të barrave që rezultojnë nga koituse të izoluar
në cdo ditë të ciklit.
Hormonet ovarialeHormonet janë substanca që prodhohen në gjëndrat endokrine dhe pastaj me anë të qarkullimit të
gjakut transportohen deri në vendin e veprimit (komunikimi endokrin).
Për zhvillimin normal të ciklit menstrual duhet të koordionohen veprimet hormonale në tri nivele:
Hipotalamus – hipofizë
Ovare – ku vjen deri te pjekja e vezoreve- gametogeneza dhe prodhimi i hormoneve
seksuale
Mitra- si organ ku këto veprojnë
Hipotalamusi
Hipotalamusi është pjesë e dijencefalonit e vendosur mbi kryqëzimin e nervit optik. Mbaresat
nervore të cilat prodhojnë hormonin GnRH mbarojnë në eminencija mediana prej ku GnRH kalon
në gjakun portal që bashkon hipotalamusin me adenohipifizën. Në hipotalamus gjenden
9
receptorët për estrogjene, progresteron, androgjene dhe glikokortikoide. Hipotalamusi kontrollon
adenohipofizën me lirimin apo inhibimin e hormoneve.
Hormonet e hipotalamusit janë:
o Gonadotropine releasing hormone GnRH,
o Faktori porlaktin inhibues PIF
o Tireotropin releasing hormone TRH
o Kortikotropin releasing hormone CRH
o Hormoni i rritjes releasing hormone GHRH
o Somatostatin dhe
o Urokortin
Cikli normal menstrual varet nga hormone GnRH I cili stimulon lirimin e FSH dhe LH në
adenohipofizë. Në hipotalamus dhe hipofizë gjenden receptorët për hormonet steroide të ovareve
(estrogjen, progesteron, androgjen) të cilat me ndikimin direkt në hipotalamus dhe hipofizë
ndikojnë në prodhimin e FSH dhe LH me të cilën realizohet ndikimi në veprimin e ciklit
menstrual.
Crregullimet MenstrualeÇdo ndryshim i skemës normale te menstruacioneve tek një femër quhet çrregullim menstrual.
Çfarë janë çrregullimet menstruale?
Amenorreja është mungesa e menstruacioneve. Dallojmë amenorrenë primare, atëherë kur fare
nuk është paraqitur,dhe sekondare, kur menstruacionet në fillim kanë qenë të rregullta por më
vonë janë çrregulluar apo kanë munguar fare.
Amenorreja konsiderohet atëherë kur menstruacionet nuk paraqiten së paku 3 cikle. Femrën te e
cila menstruacionet nuk janë paraqitur deri në moshën 16 vjeçare duhet dërguar te mjeku si
dyshim në amenorrenë primare Ciklet e rralla dhe jo të rregullta (oligomenorreja) janë mjaftë të
shpeshta në pubertetin e hershëm dhe nuk janë për tu shqetësuar. Poashtu, gjakderdhja është e 10
ndryshme, dikush gjakderdhë më pak e dikush më shumë. Ndonjëherë gjakderdhja mund të
mungoj fare, gjersa në muajin e ardhshëm të jetë më e madhe, që me siguri është pasojë e
mungesës së ovulimit në ciklin paraprak.
Brengosëse është nëse ciklet zgjasin më pak se 21 ditë, dhe gjakderdhjet më gjatë se 8-10 ditë
ose, ciklet dukshëm ndryshojnë gjatë disa muajve. Këto raste tregojnë një problem me ovulimin.
Menorragjitë (gjakderdhjet e shumta). Gjakderdhjet e mëdha ose menoragjitë paraqiten te 9%
deri 14% te të gjitha femrat dhe mund të jetë pasojë e shumë problemeve.
Dismenorea (ngërçet e forta menstruale). Te të gjitha femrat gjatë gjakderdhjes paraqiten
kontrakcionet (ngërçet) e mitrës, por te disa mund të jenë më intensive dhe më të shpeshta. Në ato
raste flasim për dismenorenë (menstruacionet e dhimbshme).
Cilët janë shkaktarët e menstruacioneve të çrregullta?
Shkaktarët e amenorresë (mungesa e menstruacioneve). Te adoleshentet nevojitet një kohë që
ovulacioni të stabilizohet, e ndonjëherë gjakderdhjet edhe ndalen për disa muaj. Çdo herë që
menstruacionet mungojnë, duhet vërtetuar a bëhet fjalë për shtatzëni apo jo, edhe pse secila
situatë me stres, madje edhe brenga për shtatzëni, mund të ndikoj në mungesën e gjakderdhjes.
Ushtrimet e tepërta dhe ndryshimi i peshës trupore. Besohet se ushtrimet trupore të tepërta
(psh., vrapimi për 20 orë gjatë javës disa muaj) ndikon në zvogëlimin e hormoneve seksuale dhe
si pasoj çrregullimi i menstruacioneve. Poashtu pesha e madhe trupore ndërlidhet me këto
çrregullime, pasi që dihet se një sasi e estrogjenit prodhohet edhe në indin dhjamor dhe kjo mund
të ndikon në ciklin menstrual.
Sindromi i vezoreve policistike. Ky sindrom paraqitet të 6% e femrave dhe është rezultat i asaj
që vezoret formojnë sasi të mëdha të androgjenëve (hormoneve mashkullore) sidomos
testosteronit. Formimi i rritur i androgjenëve sjellë deri te koncentrimi i lartë i HL (hormonit
luteinizues) dhe koncentrim të zvogluar HFS (hormonit folikulostimulues), prandaj folikulet nuk
mund të prodhojnë vezë të pjekur. Kur folikulet nuk mund të prodhojnë veze, ato fryhen me lëng
dhe shndërrohen në ciste.
11
Koncentrimi i rritur i prolaktinës:Hormonin prolaktin e prodhon hipofiza e cila stimulon
prodhimin e qumështit të nënës. Koncentrimet e larta të prolaktinës te femrat që nuk janë
shtatzëne mund të inhibojë ovulimin dhe në këtë mënyrë të shkaktoj amenorrenë. Disa barëra,
duke përfshirë edhe mjetet orale kontraceptive (tabletat) dhe disa antipsikotik, mund ta risin
koncentrimin e prolaktinës.
Shkaktarët tjerë: Terapia e karcinomës mund t’i shkatërrojë folikulet dhe çrregullon funksionin
e vezoreve. Sindromi Turner është çrregullim i rrallë gjenetik te i cili mungon kromozomi x,
prandaj nuk zhvillohen vezoret funksionale. Problemet me gjëndrën tiroide, qoftë si pasojë e
prodhimit të rritur (hipertiroidizmi) apo të zvogëluar (hipotiroidizmi) mund ta ndërprejnë
ciklin.Sinroma Cushing (çrregullim i gjëndrës mbiveshkore), poashtu mund të shkakton
amenorrenë.
Shërimi i çrregullimeve menstruale (vetëndihma + mjeku i praksës së përgjithshme)
Dieta: Rregullat e përgjithshme të ushqimit të shëndosh vlejnë për të gjithë, duke përfshirë pemët
e freskëta dhe perimet dhe duke i ikur ushqimit jo të shëndosh (junk food). Disa ndryshime në
ushqim 14 ditë para gjakderdhjes mund tu ndihmojnë femrave me probleme nga dhimbjet
menstruale. Te disa femra ndihmon evitimi i mishit të kuq dhe prodhimeve qumështore, kofeinës
dhe alkoolit. Disa studime vërtetojnë se marrja e vitaminës B1 (tiaminës) ndikon në zvogëlimin e
dhimbjeve menstruale.
Aktiviteti fizik:Aktiviteti fizik është shumë i rëndësishëm për ruajtjen e shëndetit. Preferohet që
aktiviteti fizik të mos jetë shumë energjik.
Preparatet bimore: Preparatet në bazë bimore dhe çajet e ndryshme janë treguar efikas në
zbutjen, madje edhe zhdukjen e simptomave të ndryshme gjatë ciklit menstrual. Çaji i kamomilit,
majdanozit, mentës, janë treguar shumë efikas.
12
Cilat barna përdoren gjatë çrregullimeve menstruale?
Analgjetikët e zakonshëm:
Josteroidet antiinflamator (NSAID). Josteroidet antiinflamator (NSAID) bllokojnë
prostaglandinet (substancat qe rrisin kontrakcionet e mitrës). Posaçërisht janë efikas në
zvogëlimin e gjakderdhjeve të mëdha dhe ngërçeve. Acidi acetilsalicinik është preparat
antiinflamator që përdoret më së shpeshti por, janë edhe disa të tjerë, si (diklofeni, ketoprofeni,
ibuprofeni) që jepen me recetë apo pa të.
Paracetamoli zvogëlon nivelin e gonadotropinës dhe i estradiolit (lloj i estrogjenit) me çka mund
të ndikohet në çrregullime menstruale.
Në terapinë e çrregullimeve menstruale përdoret edhe terapia hormonale (mjetet kontraceptive
orale, progesteroni etj.
MENOPAUZA - Menopauza është ndalimi i menstruacioneve fillon zakonisht në moshën
45-55 vjeç.Ka raste të rralla që fillon dhe më shpejt.Në fazën e menopauzës vezoret gati ndalojnë
prodhimin e hormoneve: progesteron dhe estrogjen.Gjithashtu dhe nivelet e testosteroneve ulen.
Disa simptoma të menopauzës janë: djersitje natën, papritur të kesh vapë ose ftohtë,
menstruacione të parregullta, humbje e hormonit libido(hormoni i seksit), ndryshime në humor
dhe gjendje shpirtërore, lot të papritur, lodhje, çrregullime gjumi, rrallim i flokëve dhe rritje të
qimeve të fytyrës, humbje memorie, rritje në peshë, vështirësi në përqendrim, depresion, ankth,
dhimbje koke, dhimbje trupi, kruajtje lëkure etj. Pikërisht për të rralluar këto lloj simptomash,
shumë femra rekomandohen të bëjnë terapi hormonesh. MOSHA: Mes moshës 45 dhe 50-
vjeçare në vezore piqet një numër i vogël i vezëve, kështu që ato tajisin gjithnjë më pak hormone
femërore.Pak nga pak ovulacionet rrallohen, kurse menstruacionet ndërpriten - fillon menopauza.
Konsiderohet si gjë normale nëse mbarimi i kohës së frytnimit fillon ndërmjet moshës 45 dhe 55-
vjeçare, ndërsa nëse gjakderdhja menstruale ndërpritet para moshës 45-vjeçare, kemi të bëjmë me
menopauzën. Kjo ndodh për shumë arsye: për shkak të problemeve të trashëgimisë, të
problemeve me organin riprodhues, për shkak të kushteve të këqija të jetesës. Pastaj, është
dëshmuar se pirja e duhanit e bllokon para kohe punën e vezoreve. Ndodh që në kohën ndërmjet
moshës 40 dhe 45-vjeçare cikli menstrual papritmas të bëhet i parregullt, kurse gjakderdhja të jetë
13
më e gjatë dhe më e madhe. Në moshën që i paraprin menopauzës, vezoret tajisin më shumë
estrogjen sesa ka nevojë, madje jo vetëm gjatë kohës së gjysmës së parë të ciklit(gjë që është
normale), porse edhe në gjysmën e dytë. Në këtë mënyrë mukoza e anit është në mënyrë të
pabarabartë, prandaj për këtë shkak gjakderdhja është më e gjatë dhe më e madhe. Kur ndodh të
ketë gjakderdhje tepër të madhe dhe të gjatë, është gjë e domosdoshme të hiqet endometria. Gjatë
kohës së menopauzës shtrohet si nevojë më e domosdoshme se kurdoherë më parë të bëhen disa
analiza.Vizita gjinekologjike dhe pap-testi, kontrolli i gjinjve në ultrazë dhe analiza e gjakut janë
të domosdoshme. Menstruacionet vijnë më herët ose më vonë, zhduken gjatë disa muajve dhe
shfaqen papritmas, janë shumë më të mëdha ose më të shkurtra se përpara. Kur menstruacionet
nuk shfaqen disa muaj me radhë çdo femër duhet të jetë e sigurt se gjendet në menopauzë.
Megjithatë, kjo gjë mund të dihet me siguri vetëm me anë të analizës së statusit hormonal. Edhe
pse pjellshmëria zvogëlohet pas moshës 45-vjeçare gjatë kohës së menstruacioneve të parregullta
mund të ndodh femra të mbetet shtatzënë. Më së miri është të evitohet me anë të hapave me dozë
të vogël të hormoneve. Nuk rekomandohet të përdoret spiralja, sepse mund të nisë parregullsi më
të madhe të menstruacioneve.Simptomat e menopauzës shkaktohen nga ndryshimet e nivelit të
estrogjenit dhe progesteronit.
Faza para-menopauzale: Gjatë kësaj faze prodhimi i një sërë hormonesh që kanë të bëjnë
me riprodhimin,përfshirë këtu estrogjenin,progesteronin dhe testosteronin pakësohet dhe
çrregullohet,ndonjëherë edhe me ngritje të vrullshme dhe të paparashikueshme nivelesh. Gjatë
kësaj kohe bie pjellshmëria.Një prej shenjave më të dukshme që femrat provojnë në këtë fazë
janë afshe të papritura nxehtësie, që shkaktohen nga luhatjet hormonale. Ndryshimet e papritura
të humorit, pagjumësi, lodhje, probleme me kujtesën dhe një sërë simptomash të tjera ndonjëherë
nuk kanë lidhje me çrregullimin hormonal të kësaj faze.
Faza pas-menopauzale: Është faza që përfshin gjithë periudhën pas përfundimit të
pakthyeshëm të prodhimit të hormoneve të pjellorisë dhe bashkë me to,edhe të largimit të
ndikimit të tyre në mbarë organizmin.Niveli i hormoneve vazhdon të bjerë gjatë kësaj faze derisa
zhduket përfundimisht.Është e rëndësishme që të theksojmë se jo që të gjitha gratë përjetojnë të
njëjtin nivel simptomash,por edhe tek ato gra që simptomat janë gati të pandjeshme,nuk mund të
thuhet se janë të ngjashme me ato të grave të tjera,pasi janë të ndryshme sipas njeriut.Tharja e
lëkurës dhe “mpirja vaginale” mund të vijnë si pasojë e rënies së niveleve të estrogjenit,kurse
afshet e nxehta dhe ndryshimet e papritura të humorit ndodhin për shkak të vrullit të
14
menjëhershëm të prodhimit hormonal.Këto simptoma zakonisht zhduken ose qetësohen në fazën
pas-menopauzale.Si femrat që bëjnë trajtim për zëvendësimin hormonal,ashtu edhe atë që nuk
ndjekin trajtime të tilla,spikasin mungesë fuqie dhe shpesh dhimbje trupi.Ndër simptomat e tjera
janë raportuar njolla të kuqe në lëkurë,rrahje të shpeshta zemre,depresion,ankth,irritim ,probleme
me kujtesën,mungesë përqendrimi,tharje të vaginës apo urinim të shpeshtë.Pjesa më e madhe e
femrave kanë edhe çrregullime të vazhdueshme dhe përherë e më të shpeshta të ciklit
menstrual.Zakonisht koha mes një cikli dhe tjetrit bëhet e paparashikueshme,më e gjatë ose më e
shkurtër se normalja dhe vetë fluksi mund të jetë herë më i madh e herë më i vogël se normalisht,
madje duke u zgjatur edhe më shumë se ditët e zakonshme.Në fazat fillestare të menopauzës
njihen edhe cikle që zgjasin nga dy javë.Numri i cikleve të munguara rritet me afrimin e
periudhës së fundit të menopauzës,por edhe pse menopauza quhet e arritur pas një mungese të
plotë 12 mujore,një mungesë prej 6 muajsh duhet konsultuar me një mjek.
Sistemi i ri riprodhues Fig.1
15
Fig.2-Ditët e ciklit menstrual
Fig 3- Menstruacioni normal
16
Fig 4- Organet Reproduktive të femrës
Fig.5-Faqet e përbashkëta për rritje të endometriumit në të kuqe
17
Fig.6 -Menopauza
LITERATURA:
1. http://www.mjeku24.com 2. http://www.tiranachat.net
3. Bales G.W Precocious Puberty. Manual of clinical problems Gynecology 1990 4. Reneteria S.C La consultation de Gynecologie chez Hyg. 1996; 54; 1352-30
18
5. Brook C.D.G Precocious puberty, clinical endocrinology
Përfundimi ... -Si përfundim shpresoj që femrat të kenë sa më pak dhimbje gjat menstruacjoneve dhe tu
përmbahen të gjitha këshillave mjeksore. Gjithashtu të bejnë vizita të her pas hershme mjeksore
që të dimë mbi gjendjen tonë, të kryejmë sa më shumë ushtrime dhe aktivitete fizike dhe tu
permbahemi dietave perkatëse. Kujdesuni për veten nëse deshironi të keni një trup të mirë, të
bukur dhe të shëndoshë. Merrni qetësues mjekësorë, vlerësoni marrjen e magnezit, mos harroni
vajin e peshkut, merrni vitaminën E si mjet parandalues, komunikoni me mjekun tuaj, bëni një
kontroll të përgjithshëm, ndoshta dhimbjet tuaja mund të shkaktohen nga ndonjë gjendje tjetër
mjekësore, e cila duhet të trajtohet.
19