BS ritgerð í viðskiptafræði Þjónustugæði Ikea...Um var að ræða stóra verslun,...
Transcript of BS ritgerð í viðskiptafræði Þjónustugæði Ikea...Um var að ræða stóra verslun,...
BS ritgerð
í viðskiptafræði
Þjónustugæði Ikea
Herborg Sørensen
Leiðbeinandi: Friðrik Eysteinsson, aðjunkt
Viðskiptafræðideild
Júní 2013
Þjónustugæði Ikea
Herborg Sørensen
Lokaverkefni til BS-gráðu í viðskiptafræði
Leiðbeinandi: Friðrik Eysteinsson, aðjunkt
Viðskiptafræðideild
Félagsvísindasvið Háskóla Íslands
Júní 2013
2
Þjónustugæði Ikea.
Ritgerð þessi er 12 eininga lokaverkefni til BS prófs við Viðskiptafræðideild,
Félagsvísindasviði Háskóla Íslands.
© 2013 Herborg Sørensen
Ritgerðina má ekki afrita nema með leyfi höfundar.
Prentun: Háskólaprent
Reykjavík, 2013
3
Formáli
Verkefni þetta er lokaverkefni til BS gráðu í viðskiptafræði við Félagsvísindasvið Háskóla
Íslands og er vægi þess 12 ECTS einingar. Leiðbeinandi verkefnisins var Friðrik Eysteinsson,
aðjunkt í markaðsfræði við viðskiptafræðideild Háskóla Íslands.
Ég vil fyrst og fremst þakka leiðbeinanda mínum, Friðriki Eysteinssyni, fyrir virkilega góða
og nákvæma leiðsögn við gerð ritgerðarinnar. Einnig vil ég þakka Arngrími Ísberg og Birgi
Sörensen fyrir yfirlestur og góðar athugasemdir.
Að lokum vil ég sérstaklega þakka Jóni Guðjónssyni fyrir allan þann stuðning sem hann veitti
mér meðan á skrifunum stóð.
4
Ágrip
Í þessari rannsókn verða þjónustugæði Ikea rannsökuð með megindlegri rannsóknaraðferð.
Mælitækið er RSQS en það byggir á SERVQUAL mælitækinu. RSQS mælir þjónustugæði í
fimm víddum, áreiðanleika, áþreifanleika, persónulegum samskiptum, lausn vandamála og
stefnu. Markmið rannsóknarinnar var að meta þjónustugæði Ikea út frá frammistöðu og
þjónustuvíddum. Einnig var lagt mat á hvort þörf væri á einhverjum aðgerðum til þess að
auka þjónustugæðin. Það var gert með því að nota sérstök styrkleikabil sem viðmið og bera
þau saman við niðurstöður hverrar spurningar. Niðurstöður rannsóknarinnar voru þær að Ikea
var með hæsta meðaltalið fyrir þjónustuþáttinn verslun Ikea býður upp á næg bílastæði fyrir
alla viðskiptavini og víddirnar stefnu og áþreifanleika. Niðurstöður sýndu einnig að þörf var á
aðgerðum vegna 11 þátta af 27.
5
Efnisyfirlit
1. Inngangur ............................................................................................................................ 7
2. Húsgagnaverslanir á Íslandi .............................................................................................. 9
2.1 Saga húsgagnaverslana á Íslandi ........................................................................................ 9
2.3.1 Saga Ikea ......................................................................................................................... 10
2.2 Smásala ............................................................................................................................. 11
2.3 Hagtölur ............................................................................................................................ 12
3. Þjónusta ............................................................................................................................... 13
3.1 Útvíkkun markaðsráðanna og markaðsþríhyrningur þjónustu ........................................... 15
3.2 Þjónustugæði ...................................................................................................................... 18
3.3 Þjónustuvíddir .................................................................................................................... 20
4. Þjónustugæðalíkön ............................................................................................................. 22
4.1 Gaps líkan – Gæðalíkan þjónustu ....................................................................................... 22
4.2 SERVQUAL ....................................................................................................................... 24
4.3 RSQS .................................................................................................................................. 25
4.3.1 Niðurstöður fyrri rannsókna ............................................................................................ 26
4.4 Gæði þjónustu í húsgagnaverslun á Íslandi ........................................................................ 27
5. Aðferðafræði ....................................................................................................................... 28
5.1 Þátttakendur ........................................................................................................................ 28
5.2 Mælitækið ........................................................................................................................... 28
5.3 Framkvæmd og úrvinnsla gagna ........................................................................................ 29
6. Niðurstöður ......................................................................................................................... 30
6.1 Frammistaða ....................................................................................................................... 32
7. Umræða ............................................................................................................................... 36
7.1 Hvernig meta viðskiptavinir frammistöðu Ikea í einstökum þjónustuþáttum? .................. 36
7.2 Hvernig meta viðskiptavinir frammistöðu Ikea í einstökum þjónustuvíddum? ................. 36
7.3 Hvaða þjónustuþætti þarf að bæta til að auka þjónustugæði Ikea? .................................... 36
7.4 Takmarkanir ....................................................................................................................... 37
7.5 Tillögur að frekari rannsóknum .......................................................................................... 37
8 Viðauki 1 .............................................................................................................................. 38
9 Viðauki 2 .............................................................................................................................. 41
10 Heimildir ............................................................................................................................ 46
6
Myndaskrá
Mynd 1. Einkenni þjónustu ....................................................................................................... 13
Mynd 2. Svið áþreifanleika ....................................................................................................... 14
Mynd 3. Útvíkkun markaðsráðanna.......................................................................................... 16
Mynd 4. Markaðsþríhyrningur þjónustu ................................................................................... 17
Mynd 5. Svæði umburðarlyndis ............................................................................................... 19
Mynd 6. Norræna sýnin ............................................................................................................ 20
Mynd 7. Ameríska sýnin ........................................................................................................... 21
Mynd 8. Gæðalíkan þjónustu .................................................................................................... 23
Mynd 9. Þjónustuvíddir ............................................................................................................ 24
Mynd 10. Víddir RSQS ............................................................................................................ 25
Töfluskrá
Tafla 1. Velta í smásölu með húsgögn, teppi og fleira ............................................................. 12
Tafla 2. 52.44.1 Húsgagnaverslanir ......................................................................................... 12
Tafla 3. Verslunartíðni viðskiptavina Ikea ............................................................................... 30
Tafla 4. Kyn þátttakenda .......................................................................................................... 30
Tafla 5. Aldursbil þátttakenda .................................................................................................. 30
Tafla 6. Skipting þátttakenda eftir grunn- og framhaldsnámi .................................................. 31
Tafla 7. Fjöldi í heimili ásamt þátttakanda ............................................................................... 31
Tafla 8. Meðaltal og staðalfrávik fyrir spurningar 1-28 og hverja vídd fyrir sig ..................... 32
Tafla 9. Þrjú styrkleikabil á 5 stiga Likert kvarða .................................................................... 34
Tafla 10. Þjónustuþættir á aðgerðabili ..................................................................................... 35
7
1 Inngangur
Húsgagnaverslunum á Íslandi hefur fjölgað mikið síðastliðna áratugi. Á höfuðborgarsvæðinu
einu eru um 50 húsgagnaverslanir. Húsgagnamarkaðurinn hefur verið í stöðugri þróun síðustu
áratugi og vaxið jafnt og þétt. Húsgagnaverslanir á Íslandi spanna allt frá litlum einkareknum
fyrirtækjum til stórra erlendra keðja. Stærri húsgagnaverslanir með því sniði sem við þekkjum
komu ekki fram hér á landi fyrr en 1981, en það ár var fyrsta Ikea verslunin opnuð á Íslandi
(Ikea, e.d.).
Þjónustugæði er hugtak sem reynst hefur erfitt að skilgreina og mæla. Algengasta
skilgreiningin er sú að þjónustugæði séu það hversu vel þjónusta mætir væntingum
viðskiptavinarins. Ef þjónusta er góð getur hún skapað langvarandi tengsl milli seljenda og
viðskiptavinar. Góð þjónusta getur einnig haft í för með sér gott orðspor og aukna arðsemi
fyrirtækisins (Shahin, 2006).
Parasuraman, Zeithaml og Berry (1985-a) hafa gert margar rannsóknir á
þjónustugæðum. Þau eru höfundar Gaps líkansins og SERVQUAL mælitækisins. Gaps
líkanið er byggt upp á 5 göpum. Gap 5, sem kallast viðskiptavinagapið, er kjarninn í líkaninu.
Því minna sem gap 5 er því betri er þjónustan.
SERVQUAL mælir stærð viðskiptavinagapsins. Með því er hægt að meta bæði
skynjun viðskiptavina á frammistöðu og væntingar þeirra til þjónustunnar. Ef skynjun
viðskiptavinarins er ekki í samræmi við væntingar eru gæði þjónustunnar röng (Shahin,
2006). Í rannsókn höfundar verður notast við mælitækið Retail Service Quality, RSQS
(Dabholkar o.fl., 1996). RSQS er byggt á SERVQUAL mælitækinu en var hannað með
sérstakri áherslu á smásölufyrirtæki.
Nokkrar rannsóknir hafa verið gerðar á þjónustugæðum íslenskra fyrirtækja/stofnana.
Sem dæmi má nefna hafa þjónustugæði banka (Vignir Guðjónsson, 2010), tryggingarfélaga
(Þorbjörn Geir Ólafsson, 2011), smásöluverslana (Brynhildur L. Björnsdóttir, 2011),
heilsugæslna (Brynja Laxdal, 2009), ferðaþjónustu (Áslaug Briem, 2011) og Þjóðleikhússins
(Hildur Guðný Káradóttir, 2012) verið rannsökuð. Hins vegar hefur enn engin rannsókn farið
fram á þjónustugæðum húsgagnaverslana á Íslandi.
8
Markmið rannsóknarinnar er að meta gæði þjónustu Ikea á Íslandi. Til þess að gera það verður
notast við mælitækið RSQS. Rannsóknarspurningarnar eru eftirfarandi:
1. Hvernig meta viðskiptavinir frammistöðu Ikea í einstökum þjónustuþáttum?
2. Hvernig meta viðskiptavinir frammistöðu Ikea í einstökum þjónustuvíddum?
3. Hvaða þjónustuþætti þarf að bæta til að auka þjónustugæði Ikea?
9
2 Húsgagnaverslanir á Íslandi
Í þessum kafla verður fjallað stuttlega um þróun smásölu og húsgagnaverslunar á Íslandi.
Einnig verður hugtakið húsgagnaverslun skilgreint og hagtölur skoðaðar.
2.1 Saga húsgagnaverslana á Íslandi
Ekki er hægt að segja nákvæmlega til um hvenær húsgagnaiðnaður hófst á Íslandi en líklega
var það upp úr byrjun seinni heimstyrjaldar. Í Frjálsri verslun kemur fram árið 1980:
Segja má að þróun húsgagna- og innréttingaiðnaðar hafi fyrir alvöru hafist
hérlendis upp úr byrjun seinni heimsstyrjaldarinnar. Fyrir stríðið hafði verið flutt
inn talsvert af húsgögnum en fyrir þann innflutning tók er styrjöldin skall á. Eftir
stríð hófst innflutningurinn aftur, en mjög aukin eftirspurn hér heima kom í veg
fyrir samdrátt framleiðslunnar að marki. Mjög háir tollar voru á þessum
innflutningi, eða um og yfir 90% (Frjáls verslun, 1980).
Fyrstu húsgagnaverslanirnar sem opnaðar voru á Íslandi einkenndust af því að
húsgögnin voru smíðuð á smíðaverkstæðum sem voru hluti af versluninni þar sem þau voru
síðan seld. Var þetta fyrirkomulag ólíkt því sem gengur og gerist nú þar sem nánast allt er
framleitt erlendis. Þjónustan var persónulegri og verslanir voru oft á tíðum nefndar eftir
eigendum. Algengt var að verslanirnar væru í einkaeigu og oft heilu fjölskyldurnar sem komu
að rekstrinum. Á árum áður verslaði fólk frekar við húsgagnaverslunina sem var nálægt
heimili þeirra sökum hás flutningskostnaðar. Flutningskostnaður hefur nú lækkað til muna á
Íslandi og fólk því tilbúnara að sækja sér vörur um lengri vegalengdir (Axel Hall o.fl., 2002).
Í lok seinni heimsstyrjaldar, 1945, var Trésmiðjan Víðir stofnuð. Víðir var lengi stærsti
húsgagnaframleiðandinn á landinu með hátt í 100 manns í vinnu. Trésmiðjan Víðir var bæði
húsgagnaverkstæði og húsgagnaverslun eins og algengt var á þeim tíma. Guðmundur
Guðmundsson, kallaður Guðmundur í Víði, rak verslunina í hartnær 50 ár (Æskan, 1983;
Morgunblaðið, 1987). Víðir skar sig frá öðrum húsgagnaverslunum að því leyti að hún var
mun stærri en tíðkaðist á þessum árum. Árið 1973 var fyrirtækið starfrækt í húsnæði sem var
5500 fm að flatarmáli. Fyrir vikið varð þjónustan ópersónulegri en þrátt fyrir það þá þekktu
allir Guðmund því hann hafði byrjað smátt eins og aðrir eigendur húsgagnaverslana (Frjáls
verslun, 1973).
10
Upp úr 1970-80 var húsgagnaverslun í miklum blóma eins og kemur fram í grein í Vísi
árið 1977: ,,Nýlega var opnuð í Reykjavík verslunin Casa, “-Sérverslun með listræna
húsmuni.“ Það er svo sem ekkert fréttnæmt út af fyrir sig, húsgagnaverslanir eru hér á öðru
hverju götuhorni, og fjölgar stöðugt.“ (Björn Björnsson, 1977). Frá 1945-1980 hafði
húsgagnaverslun vaxið nokkuð jafnt og þétt og breytingarnar helst orðnar þær að verslanirnar
voru stærri og meira var af innfluttum vörum. ,,Markaðshlutdeild innlendu framleiðslunnar
hefur verið mjög há, undanfarin ár, 90 til 98 prósent, en fer nú lækkandi.“ (Frjáls verslun,
1975).
2.3.1 Saga Ikea
Stofnandi Ikea, Ingvar Kamprad, hóf starfsferil sinn sem ungur drengur. Hann var útsjónar-
samur er hann keypti eldspýtur og seldi síðan nágrönnum sínum þær með álagningu og
hagnaðist á viðskiptunum. Þá fór hann að auka vöruúrvalið og seldi t.d. fisk, fræ og jóla-
skreytingar. Ingvar vildi tryggja að hagnaðurinn væri sem mestur og annaðist hann t.d. sjálfur
afhendinguna á vörunum. Fyrst notaði hann reiðhjól. Síðar fékk hann að nýta mjólkurbílinn,
sem dreifði mjólkurvörum í íbúðahverfinu til að koma vörum sínum til skila (Ikea, 2013) .
Árið 1943 stofnaði Ingvar fyrirtækið, Ikea. Hann gekk sjálfur í hús til að selja vörur
sínar. Tveimur árum síðar, 1945, hóf hann að auglýsa vörur fyrirtækisins í dagblöðum.
Framleiðsla á húsgögnum hófst árið 1947 og voru viðtökurnar góðar. En það var ekki fyrr en
árið 1951, sem hann ákvað að sinna eingöngu húsgagnagerð og hætta framleiðslu á öðrum
vörum. Fyrsta Ikea verslunin var opnuð í Älmhult árið 1958. Um var að ræða stóra verslun,
flatarmálið var 6700 fermetrar. Með henni hafði Ingvar opnað stærstu húsgagnaverslun í allri
Skandinavíu. Árið 1963 opnaði fyrsta Ikea verslunin utan Svíþjóðar, í Osló, höfuðstað
Noregs. Þegar í kjölfarið fylgdi verslun í Stokkhólmi, sem var 45,800 fermetra í anda
Guggenheim safnsins í New York. Mátti ljóst vera að Ingvar ætlaði sér að stofna verslana
stórveldi. Mikil velgengni verslunarinnar hafði það í för með sér að hún sprengdi utan af sér
rýmið. Þetta leiddi til nýrrar tegundar verslunar s.k. opins vöruhúss, sem var lykillinn að
sérstöðu Ikea og nýrri upplifun viðskiptavina (Ikea, 2013).
Árið 1973 var fyrsta verslunin utan Skandinavíu opnuð. Það var í Sviss og í kjölfarið
var opnuð verslun í Þýskalandi sem varð stærsta markaðssvæði Ikea. Fyrsta verslunin í
Bandaríkjunum var opnuð árið 1985. Stöðug uppbygging hefur í raun átt sér stað hjá Ikea með
sífellt fleiri verslunum í fleiri löndum. Nú eru 338 verslanir starfandi í 38 löndum og nú er svo
komið að Ikea er stærsti húsgagnaframleiðandi í heiminum (Ikea, 2013).
11
Árið 1981 var Ikea verslun opnuð hér á landi en fyrst aðeins sem deild í Hagkaupum.
Um tíma var hún síðan í Húsi verslunarinnar gegnt Kringlunni. Það var svo þann 18. ágúst
1994 sem Ikea opnaði stórverslun í Holtagörðum (Vísir, 2006). Bæði stærð verslunarinnar og
vöruúrval var nýlunda hér á landi og markaði byltingu miðað við það sem þekkst hafði áður
hér á landi (Morgunblaðið, 1994). Þann 12. október 2006 fluttist Ikea úr Holtagörðum í
glæsilega 20.600 fermetra verslun í Kauptúni í Garðabæ (Ikea, e.d.).
2.2 Smásala
Smásala er sala á vörum og þjónustu frá einstaklingum eða fyrirtækjum til neytenda. Með
neytendum er átt við aðila sem kaupa vöru og þjónustu eingöngu til neyslu. Smásalar eru hluti
af samþættu kerfi sem kallast framboðskeðjan. Þeir kaupa vörur í miklu magni frá
framleiðendum eða beint í gegnum heildsala og selja svo í minna magni til viðskiptavina.
Smásala hefur margvísleg form, getur til dæmis farið fram í áþreifanlegum verslunum eða í
gegnum netið. Húsgagnaverslanir eru nánast undantekningarlaust smásöluverslanir
(Britannica, e.d.).
Árið 2008 tók gildi ný atvinnugreinaflokkun á Íslandi, ÍSAT2008. Hún er byggð á
atvinnugreinaflokkun Evrópusambandsins sem gildir í öllum ríkjum þess. Samkvæmt þeirri
flokkun falla húsgagnaverslanir undir flokkinn 47.59.1 smásala á húsgögnum í sérverslunum.
Húsgagnaverslanir geta þó einnig fallið undir flokkinn 47.59 smásala á húsgögnum,
ljósabúnaði og öðrum ótöldum heimilisbúnaði í sérverslunum (Hagstofa Íslands, e.d.-a).
Í árbók verslunarinnar árið 2010 er hægt að finna skilgreiningu á 13 flokkum verslana.
Flestar húsgagnaverslanir myndu falla undir flokkinn sérvöruverslun (specialty store):
,,Venjulega lítil verslun með sérhæft vöruframboð. Í boði er staðbundið, breitt og djúpt
vöruval, með öflugum neytendaupplýsingum og þjónustu. Verðlag er venjulega allt frá því að
vera miðlungshátt og þar fyrir ofan. Dæmi um sérvöruverslanir eru málningarbúðir og
heimilisvöruverslanir.“ (Emil B. Karlsson, 2010).
Stærri húsgagnaverslanir myndu falla undir flokkinn stórmarkaðir (hypermarket):
,,Þetta er smásöluverslun með sölurými sem er a.m.k. 5.000 m2 og venjulega utan við
miðborgarsvæði. Einkum með sjálfsafgreiðslu og býður upp á matvöru, svo og mikið úrval
annarrar neytendavöru og varnings fyrir skammtíma, meðaltíma og langtíma þarfir.“ (Emil B.
Karlsson, 2010).
12
2.3 Hagtölur
Í árbók verslunarinnar kemur fram að árið 2009 hafi velta húsgagnaverslunar dregist saman
um 5,1% að nafnvirði, en samdrátturinn var í raun 40,8% að teknu tilliti til verðbólgu. Lægri
ráðstöfunartekjur hafa leitt til þess að heimilin hafa dregið saman seglin í kaupum á
varanlegum neysluvörum. Rekstrarskilyrði hafa því reynst erfið hjá þessari tegund verslana
sökum minnkandi eftirspurnar og minni álagningar á þeim vörum sem þó seljast (Emil B.
Karlsson, 2010). Eftir 2009 hefur hinsvegar kaupmáttur launa aukist og á síðasta ári var
aukningin 3,6%. Allt lítur út fyrir að sú þróun eigi eftir að halda sínu striki en þó er nokkur
óvissa um það sökum núverandi efnahagsástands (Árni Sverrir Þorsteinsson og Emil B.
Karlsson, 2012).
Tafla 1 sýnir húsgagnaveltu á árunum 2001 til 2009. Veltan jókst jafnt og þétt frá 2001
til 2007 en þegar hrunið varð árið 2008 og kreppan skall á þá fór veltan að minnka og varð
minnst 14.368 milljónir króna árið 2009.
Tafla 1. Velta í smásölu með húsgögn, teppi og fleira
2001 2002 2003 2004 2005 2006 2007 2008 2009 Breyting
7.875 7.836 8.913 9.701 12.113 12.324 15.635 15.134 14.368 -5,1
Í töflu 2 má sjá fjölda húsgagnaverslana á landinu frá árinu 1995 til 2012 samkvæmt
ÍSAT95 og ÍSAT2008, sem eru flokkunarstaðlar byggðir á atvinnugreinaflokkun
Evrópusambandsins. Húsgagnaverslunum hefur fjölgað jafnt og þétt í gegnum árin en fjöldinn
var sem mestur árið 2009 en þá voru 78 húsgagnaverslanir á landinu. Á 18 árum hefur fjöldi
húsgagnaverslana nánast tvöfaldast.
Tafla 2. 52.44.1 Húsgagnaverslanir
1995 39 2004 61
1996 40 2005 68
1997 40 2006 74
1998 45 2007 79
1999 47 2008 74
2000 51 2009 78
2001 51 2010 74
2002 56 2011 72
2003 61 2012 72
Hagstofa Íslands, 2011 -b.
Hagstofa Íslands, 2011 -c, 2012 -d.
13
3 Þjónusta
Þjónustu má skilgreina sem ætlunarverk, ferli og frammistöðu. Hún er ólík öðrum gæðum að
því leyti að hún er yfirleitt óáþreifanleg og eyðist í sömu andrá og hún er notuð (Zeithaml
o.fl., 2009). Til að útskýra muninn á vöru og þjónustu settu Parasuraman og fl. (1985-a) fram
fjóra þætti sem aðgreindu þjónustu frá vöru.
Óáþreifanleiki (intangibility)
Óstöðugleiki (heterogenity)
Óaðskiljanleiki (inseparability)
Varanleiki (perishability)
Mynd 1. Einkenni þjónustu (Vargo og Lusch, 2004)
Þjónustu er ekki
hægt að varðveita
eins og vörur
Þjónusta verður ekki
stöðluð eins og
framleiðsla á vörum
Óáþreifanleiki
Þjónusta
Óaðskiljanleiki
Óstöðugleiki Óvaranleiki
Ekki er hægt að snerta þjónustu
eins og hægt er að snerta vörur
Þjónustu er neytt á sama tíma
og hún er veitt
14
Áþreifanleiki
Óáþreifanleiki
•Gosdrykkir
•Bílar
•Tölvur
•Bækur
•Snyrtivörur
•Kennsla
•Símaþjónusta
•Fjárfestingar
•Ráðgjöf
•Læknisheimsókn
Í fyrsta lagi er það áþreifanleiki. Með honum er átt við að þjónusta er frammistaða, en
ekki vara. Þjónusta getur þannig ekki verið skynjuð á sama hátt og vara. Það má sjá, bragða
og snerta á vöru en það er ekki hægt þegar um þjónustu er að ræða.
Þjónustu er ekki hægt að telja, mæla, geyma, prófa og sannreyna til að tryggja gæði áður en
hún er seld (Parasuraman o.fl., 1985-a; Parasuraman o.fl., 1985-b).
Framleiðslufyrirtæki myndi flokkast sem fyrirtæki sem einungis framleiðir og selur
áþreifanlega vöru. Þjónustufyrirtæki myndi aftur á móti flokkast sem fyrirtæki sem býður
eingöngu upp á óáþreifanlega vöru. Flest fyrirtæki bjóða þó upp á einhverja blöndu af þessum
tveimur þáttum. Þjónusta er því oft mikilvægur þáttur þegar kemur að vöruframboði
framleiðslufyrirtækja. Ef tekið er dæmi þá bjóða bílaframleiðendur oft upp á margs konar
þjónustu sem tilheyrir bílnum, svo sem ábyrgð, eftirlit og viðgerðarþjónustu. Á
skyndibitastöðum eru áþreifanlegir þættir eins og matur og umbúðir en samt er reksturinn
skilgreindur sem þjónusta (Margrét Reynisdóttir, 2006).
Mynd 2. Svið áþreifanleika (Shostack, 1977)
Í öðru lagi er það óstöðugleiki. Þjónustufyrirtæki (veitingastaðir, læknavaktir,
bílasölur) reiða sig mikið á starfsmenn en frammistaða þeirra er oft mismunandi frá degi til
dags. Kröfur viðskiptavinarins breytast einnig frá degi til dags. Erfitt er að gæta samræmis í
vinnubrögðum hjá starfsfólki og upplifun neytandans kann að vera allt önnur en fyrirtækið
leggur áherslu á (Parasuraman o.fl., 1985-a ).
15
Þórhallur Örn Guðlaugsson (1997) skrifar: ,,Óstöðugleiki þjónustu verður fyrst og
fremst til vegna samskipta þess sem veitir þjónusta, þ.e. starfsmannsins og þess sem er veitt
þjónusta, þ.e. viðskiptavinarins. Báðir þessir aðilar geta haft áhrif á gæði þeirrar þjónustu sem
veitt er, starfsmaðurinn með mismunandi frammistöðu og viðskiptavinurinn með mismunandi
upplifun á veittri þjónustu.“ Sem dæmi er nefnt að farþegar strætisvagna eru mun kröfuharðari
að morgni til en seinna um daginn, þ.e. þeir eru ósveigjanlegri gagnvart seinkunum, vilja
gjarnan tíðari ferðir og eru í heildina séð ekki jafn umburðarlyndir hvað varðar frammistöðu
fyrirtækisins í því að standa við gefin loforð.
Í þriðja lagi er það óaðskiljanleiki. Veiting og notkun þjónustu er óaðskiljanleg. Vara
er fyrst framleidd, næst seld og að lokum neytt en því er öðruvísi farið með þjónustu, sem er
seld, veitt og notuð samtímis. Þjónustufyrirtæki hafa ennfremur minni stjórn á gæðum
þjónustunnar þegar þátttaka viðskiptavinarins er mikil (t.d. tími í hárgreiðslu, tími hjá lækni)
vegna þess að viðskiptavinurinn hefur þá meiri áhrif á það sem gerist í ferlinu. Í þessum
tilvikum þá hefur þátttaka notandans (lýsing á því hvernig klippingin skuli vera, útskýring á
einkennum sjúkdóms) mikil áhrif á gæði þjónustunnar (Parasuraman o.fl., 1985-a;
Parasuraman o.fl., 1985-b).
Í fjórða lagi þá er það óvaranleiki. Hann merkir að þjónustu er ekki hægt að geyma,
skila, eða endurselja (Bessom og Jackson, 1975). Ónotað hótelherbergi eða ópantað flugsæti
er ekki hægt að endurheimta. Aftur á móti er hægt að geyma vöru, skila eða skipta næsta dag
ef viðskiptavinur er óánægður. Sökum þess að ekki er hægt að geyma þjónustu á lager eins og
hægt er með vöru þá finnst þjónustufyrirtækjum oft erfitt að stilla saman framboði og
eftirspurn. Stundum er of mikil eftirspurn (vinsæll veitingastaður á laugardagskvöldi) og
stundum er mjög lítil eftirspurn (endurskoðandi að sumri til) (Parasuraman o.fl., 1985-b).
16
Fólk ( people )
Umgjörð
( physical evidence )
Ferlar ( process )
3.1 Útvíkkun markaðsráðanna og markaðsþríhyrningur þjónustu
Markaðsráðarnir eða hin fjögur “P“ (product, price, place, promotion) voru kynnt til sögunnar
árið 1953 af Neil Borden (Van Waterschoot og Van den Bulte, 1994). Nokkrum árum síðar
birtist hugtakið í kennslubókum og varð fljótlega óumdeilt grunnlíkan markaðsfræðinnar
(Grönroos, 1994).
Í markaðssetningu þjónustu hafa Booms og Bitner bætt þremur auka markaðsráðum á
listann; fólki (people), umgjörð (physical evidence) og ferlum (process) (Booms og Bitner,
1982).
Mynd 3. Útvíkkun markaðsráðanna (Booms og Bitner, 1981)
Markaðsráðunum var bætt við vegna sérstakra eiginleika þjónustu. Vegna þess að
þjónusta er notuð á sama tíma og hún er veitt taka viðskiptavinir oft þátt í þjónustuferlinu og
eiga í beinum samskiptum við starfsfólk fyrirtækisins. Bæði framlínustarfsfólkið og
viðskiptavinurinn sjálfur gegna því mikilvægu hlutverki þegar kemur að þjónustugæðum.
Umgjörðin felur í sér alla þá áþreifanlegu þætti sem hafa áhrif á þjónustuna svo sem hönnun,
innréttingar, vörumerki, bréfsefni og plastpoka. Öll senda þau sterk skilaboð til
viðskiptavinarins um gæði þjónustunnar sem hjálpar til við að gefa fyrirtækinu ákveðna
ímynd og stjórna væntingum viðskiptavinarins.
17
Starfsaðferðir, búnaður og röð aðgerða þar sem þjónustan fer fram er kallað ferli
hennar. Ferlið sem farið er í gegnum til að fá máltíð á skyndibitastað eins og McDonalds er
augljóslega annað en á fínum veitingastað. Til þess að tryggja ánægju viðskiptavina er
mikilvægt að þeir skilji ferlið og að óþægindi eins og til dæmis biðröð/biðtími sé stundum
óumflýjanlegur (Bitner 1990).
Booms og Bitner skilgreina og færa rök fyrir því að hinir nýju markaðsráðar séu
ómissandi þegar kemur að kynningu á þjónustu, bæði fyrir og á meðan þjónustan á sér stað.
Fyrirtækið getur haft bein áhrif á nýju markaðsráðana og þannig á væntingar, hegðun og
upplifun viðskiptavinarins. Nýju markaðsráðarnir eru í raun sérstaklega mikilvægir þar sem
eðli þjónustu og mikil þátttaka viðskiptavinarins í ferlinu öllu magnar áhrif þeirra að svo
miklu leyti að þeir skipta jafnvel meira máli en hinir hefðbundnu markaðsráðar (product,
price, place, promotion) þegar kemur að því að veita góða þjónustu (Booms og Bitner, 1981;
Rafiq og Ahmed, 1995).
Kotler (1994) setti fram þjónustumarkaðsþríhyrning sem lýsir sambandinu á milli
fyrirtækis, starfsmanna og viðskiptavina þess. Þríhyrningurinn felur í sér að um sé að ræða
þrjár gerðir af markaðsfærslu þar sem hver og ein er jafn mikilvæg til þess að
þjónustufyrirtæki geti notið velgengni.
Mynd 4. Markaðsþríhyrningur þjónustu (Kotler, 1994)
Innri
markaðsfærsla
Ytri
markaðsfærsla
(External
FYRIRTÆKIÐ
STARFSFÓLK Gagnvirk
markaðsfærsla
(Interactive marketing)
VIÐSKIPTAVINIR
18
Ytri markaðfærsla, sem sjá má á hægri hlið þríhyrningsins snýst um markaðssamskipti
á milli fyrirtækis og viðskiptavinar (t.d. verðlagning, dreifing og auglýsingar). Hér eru þau
loforð skilgreind sem þarf til að uppfylla væntingar viðskiptavinarins. Gagnvirka
markaðsfærslan, sem sjá má á grunnlínu þríhyrningsins sýnir tengslin milli starfsmanna og
viðskiptavina fyrirtækisins. Hér er annaðhvort staðið við gefin loforð eða ekki, með öðrum
orðum er það hér sem þjónustan er veitt. Mikilvægt er að sem mest svörun sé á milli ytri
markaðsfærslu og gagnvirkrar markaðsfærslu, það er ef ekki er staðið við gefin loforð breytir
engu hversu ytri markaðsfærslan er markviss og rétt gagnvart viðskiptavininum, vinnan er
unnin fyrir gíg og gæti jafnvel haft þveröfug áhrif miðað við hvað lagt var af stað með. Vinstri
hlið þríhyrningsins er innri markaðsfærsla og felur í sér tengslin á milli starfsmanna og
fyrirtæksins. Á þessum vettvangi fer fram mikilvægt starf, sem tekur mið af því að starfsmenn
geti innt af hendi loforð sem ytri markaðsfærslan gefur til kynna. Hér er um að ræða til dæmis
starfsþjálfun, hvatningu og umbun starfsfólks fyrir starf sem innt er af hendi. Ef starfsmenn
hafa ekki getu eða vilja til að framkvæma þjónustuna eins og til er ætlast getur fyrirtækið á
engan hátt staðið við “loforðið“ og markaðsþríhyrningurinn fellur um sjálfan sig (Gremler
o.fl., 1994; Þórhallur Örn Guðlaugsson 1997).
3.2 Þjónustugæði
Þegar viðskiptavinur kaupir vöru veltir hann fyrir sér öllum þáttum hennar til að meta gæðin.
Nokkur dæmi eru stíll, litur, vörumerki og umbúðir. Þegar þjónusta er keypt hefur
viðskiptavinurinn færri áþreifanlega þætti til að mynda sér skoðun á gæðum hennar.
Áþreifanlegu þættirnir eru raunar takmarkaðar við aðstöðu, búnað og starfsmenn og því verða
notendur að treysta frekar á aðrar vísbendingar. Sumir fræðimenn hafa bent á að verð sé
sérstaklega mikilvæg vísbending þegar kemur að gæðum ef aðrar upplýsingar eru af skornum
skammti (Parasuraman o.fl, 1985-a).
Vegna óáþreifanleika þjónustu, getur það reynst fyrirtækjum erfiðara að skilja hvernig
neytendur skynja þjónustuna og þjónustugæði. ,,Þegar þjónustuveitandi veit hvernig þjónustan
mun vera metin af viðskiptavininum, munum við geta lagt til hvernig sé best að hafa áhrif á
þetta mat í rétta átt.“ (Parasuraman o.fl., 1985-a).
Til eru mismunandi skilgreiningar á hugtakinu þjónustugæði en þær hafa verið
umdeildar meðal fræðimanna (Brady o.fl., 2001). Að mati Parasuraman o.fl. (1985-a) er hægt
að skilgreina þjónustugæði sem muninn á þjónustu sem viðskiptavinur ætlast til að fá og
þeirrar þjónustu sem hann fær.
19
Samkvæmt Brady og Cronin (2001) eru þjónustugæði byggð á skynjun viðskiptavinar á
útkomu þjónustunnar og því hvernig umhorfs er á þjónustuvettvanginum.
Fræðimönnum og stjórnendum í þjónustufyrirtækjum ber flestum saman um að gæði
þjónustu feli í sér samanburð á væntingum og frammistöðu: ,,Þjónustugæði eru mælikvarði á
það hversu vel þjónustustigið sem veitt er fellur að væntingum viðskiptavinarins. Að veita
gæðaþjónustu þýðir að væntingar viðskiptavinarins eru uppfylltar reglulega og áreiðanlega.“
(Lewis og Booms, 1983).
Segja má að skipta megi væntingum til þjónustu í tvö stig (Zeithaml, 1993). Fyrra
stigið er óskaþjónusta (desired service) en það er stig þjónustu sem viðskiptavinurinn vonast
til að fá og felur í sér hvaða þjónustu viðskiptavinurinn telur að hægt sé og ætti í raun að vera
veitt. Seinna stigið, fullnægjandi þjónusta (adequate service), felur í sér minni væntingar en
það er stig þjónustu sem viðskiptavinurinn er sáttur við að fá. Fullnægjandi þjónusta er
lágmarksþjónusta sem fyrirtæki getur veitt en samt vonast til að mæta grunnþörfum
viðskiptavinarins. Á mynd 5 er blái reiturinn bil umburðarlyndis. Umburðarlyndisbilið sýnir
muninn á milli fullnægjandi þjónustu og óskaþjónustu (Zeithaml o.fl, 1996).
Mynd 5. Svæði umburðarlyndis (Zeithaml o.fl., 1993)
Fyrirtækið þarf að hafa áhrif á væntingar viðskiptavina til að tryggja að þær séu
raunhæfar og til að það geti uppfyllt þær. Einu forsendurnar sem skipta máli við mat á
þjónustugæðum eru skilgreindar af viðskiptavinum. Gæði þjónustu byggja því algjörlega á
mati viðskiptavinarins og þegar uppi er staðið er það það eina sem skiptir máli (Zeithaml o.fl,
1996).
Litlar væntingar Miklar væntingar
Svæði umburðarlyndis
(Zone of Tolerance)
Væntingar
Óskaþjónusta
(Desired service)
Fullnægjandi þjónusta
(Adequate service)
20
Mannlega víddin
(functional quality)
Hvernig þjónustan er innt af hendi.
Tæknilega víddin
(technical quality)
Þjónusta sem
viðskiptavinurinn fær á þjónustu-
vettvangi.
Ímynd fyrirtækis
(corporate image)
Ímynd viðskiptavinar á
fyrirtækinu.
3.3 Þjónustuvíddir
Viðskiptavinir meta þjónustugæði út frá eigin skynjun á svokölluðum þjónustuvíddum. Hver
vídd inniheldur nokkra þætti eða atriði sem hægt er að leggja sjálfstætt mat á. Margar tilraunir
hafa verið gerðar til að skilgreina þjónustuvíddir en þær sem eru hvað þekktastar eru norræna
sýnin (nordic perspective) og ameríska sýnin (american perspective) (Brady og Cronin,
2001).
Norræna sýnin er komin frá Grönroos en hann telur þjónustuvíddirnar vera tvær,
mannlega vídd (functional quality) og tæknilega vídd (technical quality). Mannlega víddin
lýsir skynjun viðskiptavinarins á þeim samskiptum sem fara fram á milli hans og starfsfólks
við afhendingu þjónustunnar. Tæknilegi víddin endurspeglar niðurstöðuna sem verður við
þjónustuathöfnina (service act), eða þjónustuna sem viðskiptavinurinn fær á
þjónustuvettvangnum (service encounter) (Brady og Cronin, 2001). Grönroos telur einnig að
ímynd fyrirtækisins (corporate image) skipti máli. Ímyndin er eins og sía í líkaninu sem
hefur jákvæð, hlutlaus eða neikvæð áhrif á skynjuð gæði eftir því hvort viðskiptavinurinn
telur þjónustu fyrirtækisins góða, hlutlausa eða slæma. Ímyndin breytist þannig eftir því
hvernig gæðin eru skynjuð af viðskiptavininum. Ef viðskiptavinurinn er jákvæður í garð
fyrirtækisins er líklegra að hann fyrirgefi smávægileg mistök heldur en ella og öfugt
(Grönroos, 1998). Á mynd 6 má sjá víddir norrænu sýnarinnar.
Mynd 6. Norræna sýnin (Grönroos, 1998)
21
Áreiðanleiki (reliability) Hæfni til að framkvæma þjónustu nákvæmlega og áreiðanlega.
Svörun (responsiveness)
Vilji til að hjálpa viðskiptavinum og veita skjóta þjónustu.
Trúverðugleiki (assurance) Þekking og kurteisi starfsmanna og hæfni þeirra í að veita traust og öryggi.
Hluttekning (emphaty) Umhyggjusöm, einstaklings-bundin athygli sem fyrirtæki veitir viðskiptavinum sínum.
Áþreifanleiki (tangibles) Aðstaða, búnaður og framkoma starfsfólks.
Ameríska sýnin (Parasuraman, Zeithaml, og Berry 1988) inniheldur fimm víddir sem
lýsa einkennum þjónustusamskipta:
Mynd 7. Ameríska sýnin (Parasuraman o.fl., 1988)
Ekkert almennt samkomuleg er um eðli hverrar víddar eða umfang. Tvær, þrjár, fimm,
og jafnvel tíu víddir hafa áður verið settar fram af hinum ýmsu fræðimönnum. Hins vegar er
það ljóst að gæðamat þjónustu er mjög flókið ferli sem erfitt er að festa hendur á (Brady og
Cronin, 2001).
22
4 Þjónustugæðalíkön
Í þessum kafla verður fjallað um Gaps líkan Parasuraman o.fl. (1985-a). Einnig verður fjallað
um tvö mælitæki sem mæla þjónustugæði, annars vegar SERVQUAL (Parasuraman o.fl.,
1988) og hins vegar RSQS (Dabholkar o.fl., 1996).
4.1 Gaps líkan – Gæðalíkan þjónustu
Parasuraman og fleiri (1985-a) settu fram gæðalíkan þjónustu (Gaps Model of Service
Quality) en í því er lagt upp með að skynjun viðskiptavinarins á þjónustugæðum ráðist af
fjórum göpum. Göpin fjögur kallast framkvæmdagöp en þau fela í sér framkvæmd
þjónustunnar þar sem hvert gap um sig lýsir muninum á milli frammistöðu fyrirtækisins og
væntingum markhópsins.
Framkvæmdagöpin eru:
Gap 1: Markaðsupplýsinga-gap (marketing information gap)
Gap 2: Staðla-gap (standards gap)
Gap 3: Þjónustuframmistöðu-gap (service performance gap)
Gap 4: Miðlunar-gap (communication gap)
Síðasta gapið, gap fimm, er viðskiptavinagapið (customer gap) sem er jafnframt
kjarninn í líkaninu. Það felur í sér mismuninn á væntri þjónustu og skynjaðri þjónustu.
Framkvæmdagöpin fjögur hafa áhrif á viðskiptavinagapið en því stærri sem
framkvæmdagöpin eru því stærra verður viðskiptavinagapið. Því má segja að því stærra sem
viðskiptavinagapið er, því lélegri verður þjónustan.
Til að koma í veg fyrir að gap fimm myndist verður þjónustan að samræmast
væntingum viðskiptavinarins. Til þess að auka þjónustugæðin er mikilvægt að þekking sé á
öllum fimm göpunum. Á mynd 8 má sjá uppbyggingu Gaps líkansins (Parasuraman o.fl.,
1985-a).
23
Mynd 8. Gæðalíkan þjónustu (Parasuraman o.fl., 1985-a)
Persónulegar
þarfir Orðspor Verð Fyrri reynsla Auglýsingar
Vænt þjónusta
Skynjuð þjónusta
Veitt þjónusta
Þjónustustefna
Þekking á
væntingum
Ytri miðlun til
viðskiptavina
Fyrirtækið
Viðskiptavinir
Gap 5
Gap 2
Gap 3
Gap 4
Gap 1
24
4.2 SERVQUAL
SERVQUAL er mælitæki á þjónustugæði. Það var þróað á miðjum 9. áratugnum af
Zeithaml, Parasuraman og Berry. SERVQUAL er ein þekktasta aðferðin við að mæla gæði
þjónustu. SERVQUAL er ætlað að mæla stærð gaps fimm, viðskiptavinagapsins, en það er
kjarninn í Gaps líkaninu og skiptir fyrirtæki mestu máli (Parasuraman o.fl., 1988).
SERVQUAL samanstendur af 22 spurningum sem skiptast á fimm víddir. Sjá mynd 9.
Mynd 9. Þjónustuvíddir (Parasuraman o.fl., 1988)
Hver vídd er mæld með fjórum til fimm fullyrðingum og á tvo vegu, væntingar til
þjónustu annars vegar og skynjun á þjónustunni hins vegar. Sjö stiga Likert kvarði er notaður,
þar sem 1 er mjög ósammála og 7 mjög sammála. Útkoma fyrir hverja og eina vídd er að
lokum margfölduð með stuðli/vigt sem byggir á mati viðskiptavina á mikilvægi hennar
(Parasuraman o.fl., 1994).
Þrátt fyrir mikla notkun og vaxandi vinsældir hefur SERVQUAL verið talsvert
gagnrýnt. SERVQUAL var ætlað að mæla gæði hvaða þjónustufyrirtækis sem er en það hefur
verið notað á spítölum, í bönkum, á dekkjaverkstæðum og á skyndibitastöðum svo dæmi séu
tekin. Vegna þess hversu almennt mælitækið og víddir þess eru þá hefur þó verið lagt til að
það væri aðlagað að þeim greinum sem skoðaðar eru hverju sinni (Naik o.fl., 2010).
Þannig hefur verið hönnuð sérstök útgáfa af SERVQUAL sem er aðlöguð að
smásöluverslunum. Finn og Lamb (1991) halda því fram að smásöluverslun sé annars eðlis en
önnur þjónusta að því leyti að þar fer fram þjónusta og sala á vörum og því er upplifun
viðskiptavina önnur. Af þeirri ástæðu þarf mælitæki sem tekur tillit til beggja þessa þátta.
Þar kemur RSQS til sögunnar.
Áreiðanleiki
Svörun
Trúverðugleiki
Hluttekning
Áþreifanleiki
Þjónustugæði
25
4.3 RSQS
Dabholkar og fl. (1996) hönnuðu mælitækið RSQS til að mæla gæði þjónustu í
smásöluverslunum. RSQS inniheldur fimm grunnvíddir. Þremur þeirra má skipta í
undirvíddir. Sjá mynd 10 (Dabholkar o.fl., 1996).
Mynd 10. Víddir RSQS (Dabholkar o.fl., 1996)
Áþreifanleiki (physical aspects): Vídd áþreifanleika hefur tvær undirvíddir, útlit
(apperance) og þægindi (convenience). Í áþreifanleikavídd RSQS er bætt við útliti aðstöðu
(apperance of the physical facilities) sem og hversu þægilegt skipulag er á versluninni og á
almenningsvæði í kring (convenience of store layout and puclic areas).
Áreiðanleiki (reliability): Vídd áreiðanleika hefur undirvíddirnar loforð (promises) og að
gera hlutina rétt (doing it right). Hér er vídd RSQS svipuð og vídd áreiðanleika SERVQUAL.
Persónuleg samskipti (personal interaction): Vídd persónulegra samskipta í RSQS er
samsett úr tveimur víddum SERVQUAL, svörun (responsiveness) og trúverðugleika
(assurance). Víddin mælir skynjun viðskiptavinar á því hvort verslunin hafi kurteisa og
hjálpsama starfsmenn sem vekji traust, samanber undirvíddirnar tiltrú (inspiring confidence)
og kurteisi/hjálpsemi (courteousness/helpful).
Þjónustugæði
Persónuleg
samskipti Áreiðanleiki Áþreifanleiki Lausn
vandamála Stefna
Útlit Þægindi Loforð Tiltrú Kurteisi
Að gera
hlutina
rétt
26
Lausn vandamála (problem solving): Lausn vandamála er ný vídd sem mælir frammistöðu
starfsfólk og getu þess til að takast á við vandamál eins og meðhöndlun kvartana og hversu
auðvelt er að fá vörum skilað eða skipt.
Stefna (policy): Stefna er einnig ný vídd en hún endurspeglar þá þætti þjónustugæða sem
stefna verslunar hefur bein áhrif á svo sem hvort að bjóða eigi upp á gæðavörur, næg bílastæði
eða þægilegan opnunartíma.
Mælitæki RSQS innheldur 28 spurningar. 17 spurninganna koma úr SERVQUAL
mælitækinu, en þær 11 sem eftir eru koma úr eigindlegum rannsóknum. 5 spurningar úr
SERVQUAL mælitækinu áttu ekki við smásöluverslanir og var þar afleiðandi sleppt. RSQS
mælitækið var hannað út frá aðstæðum í Bandaríkjunum og með Bandaríkjamenn í huga og
því getur verið erfitt að fanga svið allra víddanna fimm í löndum þar sem menningin er ólík
hinni bandarísku (Gaur og Agrawal, 2006).
4.3.1 Niðurstöður fyrri rannsókna
Boshoff and Terblanche (1997) rannsökuðu þjónustugæði í verslunarmiðstöð (department
store), sérvöruverslun (specialty store) og stórmarkaði (hypermarkets) í Suður-Afríku. RSQS
var talið réttmætt og áreiðanlegt mælitæki í smásöluverslun. Mehta, Lalwani og Han (2000)
rannsökuðu þjónustugæði í matvöruverslun og raftækjavöruverslun í Singapore. RSQS var
betra mælitæki á þjónustugæði í matvöruverslunum en raftækjavöruverslunum. Siu og
Cheung (2001) rannsökuðu þjónustugæði í vöruhúsakeðju (department store chain) í Hong
Kong. Fimm vídda uppbygging RSQS átti ekki við; í staðinn kom sex vídda uppbygging út úr
rannsókninni.
Kim og Jin (2002) rannsökuðu þjónustugæði í lágvöruverðsverslunum (discount
stores) í Bandaríkjunum og Kóreu. Þeir komust að því að mat viðskiptavina á gæðum er
mismunandi eftir menningarheimum (Gaur og Agrawal, 2006). Siu og Chow (2003)
rannsökuðu þjónustugæði í japönskum matvöruverslunum í Hong Kong. Fimm spurningum
var eytt af RSQS listanum. Víddin lausn vandamála í RSQS var sameinuð víddinni
persónuleg samskipti og ný vídd varð til, trúverðugleiki (trustworthiness). Kaul (2005)
rannsakaði þjónustugæði í sérvöruverslunum (specialty stores) á Indlandi. Niðurstöður þeirra
leiddu í ljós að gæðamat viðskiptavina skiptist í fjórar víddir og 6 undirvíddir (Gaur og
Agrawal, 2006).
27
Brynhildur L. Björnsdóttir (2011) rannsakaði þjónustugæði í smásöluverslun á Íslandi. Gerð
var þáttagreining og kom í ljós fullyrðingar listans hlóðu á þrjár víddir en ekki fimm.
4.4 Gæði þjónustu í húsgagnaverslun á Íslandi
Engar mælingar hafa verið gerðar á þjónustugæðum húsgagnaverslana á Ísland með RSQS
svo vitað sé til. Markmið rannsóknar höfundar er að meta þjónustugæði Ikea á Íslandi.
Rannsóknarspurningarnar eru eftirfarandi:
1. Hvernig meta viðskiptavinir frammistöðu Ikea í einstökum þjónustuvíddum?
2. Hvernig meta viðskiptavinir frammistöðu Ikea í einstökum þjónustuþáttum?
3. Hvaða þjónustuþætti þarf að bæta til að auka þjónustugæði Ikea?
28
5 Aðferðafræði
Rannsóknin byggir á megindlegri aðferðafræði í formi spurningakönnunar. Í þessum kafla
verður nánar greint frá þátttakendum rannsóknarinnar, mælitækinu sem og framkvæmd
hennar og úrvinnslu gagna.
5.1 Þátttakendur
Þýðið var skilgreint sem þeir sem versla einu sinni eða oftar í Ikea á ári. Við val á
þátttakendum var notast við hentugleikaúrtak grunn- og framhaldsnema við Háskóla Íslands.
Niðurstöðurnar endurspegla því eingöngu afstöðu þeirra.
5.2 Mælitækið
Mælitækið sem notast er við er RSQS en það mælir þjónustugæði í smásöluverslun. Notast
var við þýðingu Brynhildur L. Björnsdóttur og Friðriks Eysteinssonar (2011), þau forprófuðu
listann einnig. Í samráði við framkvæmdastjóra Ikea var ákveðið að sleppa einni spurningu úr
spurningalistanum. Það var gert vegna þess að spurningin var ekki talin eiga við á íslenskum
markaði. Spurningin snerist um hvort verslunin byði upp á eigin greiðslukort. Listi höfundar
samanstóð því af 27 spurningum. Í viðauka 1 má finna upprunalegu spurningar RSQS
mælitækisins í heild sinni á ensku og íslensku.
Spurningarnar 27 skiptast á 5 víddir. Þær eru áþreifanleiki með undirvíddirnar útlit og
þægindi, áreiðanleiki með undirvíddirnar loforð og að gera rétt, persónuleg samskipti með
undirvíddirnar tiltrú og kurteisi/hjálpsemi og víddirnar lausn vandamála og stefna en þær hafa
ekki undirvíddir. Spurningunum var svarað á 5 bila Likert kvarða með svarmöguleikunum
mjög ósammála (1) til mjög sammála (5).
Einni spurningu var bætt við um heildarþjónustugæði: ,,Heilt á litið veitir Ikea
gæðaþjónustu“. Í viðauka 2 má finna lokaútgáfu spurningalistans.
29
5.3 Framkvæmd og úrvinnsla gagna
Spurningalistinn var settur upp á rafrænan hátt með forritinu Google Docs. Starfsfólk á
skrifstofu nemendaskrár Háskóla Íslands sá um að senda listann til nemenda. Þann 8.
nóvember 2012 var tölvupóstur sendur á samtals 8.605 nema í Háskóla Íslands sem gefið
höfðu leyfi fyrir því að taka þátt í könnunum. Ef þátttakandi hakaði við ,,Ég versla aldrei í
verslun Ikea“ í fyrstu spurningu þá birtist könnunin ekki og viðkomandi var þakkað fyrir
þátttökuna. Ef þátttakandi hakaði við einhvern af hinum fjórum valmöguleikunum birtist
könnunin. Ítrekun var send út 15. nóvember. Könnuninni var lokað 21. nóvember.
Gagnavinnsla fór fram í forritinu Excel.
30
6 Niðurstöður
Alls svöruðu 359 könnuninni. Vert er að benda á að sumir þátttakendur svöruðu ekki öllum
spurningunum. Í töflu 3 má sjá hversu oft þátttakendur versla að meðaltali í Ikea.
Tafla 3. Verslunartíðni viðskiptavina Ikea
Tíðni Prósenta
1-2 sinnum á ári 100 27,9%
3-4 sinnum á ári 102 28,4%
5-6 sinnum á ári 60 16,7%
7-8 sinnum á ári 47 13,1%
9-10 sinnum á ári 20 5,6%
Oftar en 10 sinnum á ári 30 8,4%
Samtals 359 100,0%
Í töflu 4 má sjá kynjahlutföllin. Konur voru í miklum meirihluta en það er í samræmi
við það að konur eru í meirihluta í Háskóla Íslands.
Tafla 4. Kyn þátttakenda
Tíðni Prósenta
Karl 69 19,4%
Kona 286 80,6%
Samtals 355 100,0%
Í töflu 5 sést aldursskipting þátttakenda. Flestir eru á aldrinum 18-24 ára eins og búast
mátti við þar sem flestir þeirra eru háskólanemar og oftast á þeim aldri.
Tafla 5. Aldursbil þátttakenda
Tíðni Prósenta
18-24 ára 128 35,8%
25-34 ára 115 32,1%
35-44 ára 56 15,6%
45-54 ára 44 12,3%
55-64 ára 13 3,6%
65 ára eða eldri 2 0,6%
Samtals 358 100,0%
31
Í töflu 6 má sjá skiptingu þátttakanda eftir því hvort þeir eru í grunn- eða
framhaldsnámi. Tæplega helmingi fleiri eru í grunnámi.
Tafla 6. Skipting þátttakenda eftir grunn- og framhaldsnámi
Tíðni Prósenta
Grunnám 227 63,4%
Framhaldsnám 131 36,6%
Samtals 358 100,0%
Tafla 7 sýnir hversu margir búa á heimili ásamt þátttakanda. Algengast er að tveir búi
á heimili.
Tafla 7. Fjöldi í heimili ásamt þátttakanda
Tíðni Prósenta
1 33 9,2%
2 108 30,1%
3 79 22,0%
4 81 22,6%
5 eða fleiri 58 16,2%
Samtals 359 100,0%
.
32
6.1 Frammistaða
Reiknuð voru meðaltöl og staðalfrávik fyrir hverja spurningu fyrir sig í RSQS
spurningalistanum. Einnig voru reiknuð meðaltöl fyrir hverja vídd. Að lokum var meðaltal og
staðalfrávik einnig reiknað fyrir fullyrðinguna: ,,Heilt á litið veitir Ikea góða þjónustu“.
Niðurstöður má sjá í töflu 8.
Tafla 8. Meðaltal og staðalfrávik fyrir fullyrðingar 1-28 og hverja vídd fyrir sig
Númer
fullyrðingar
og víddar Fullyrðingar Meðaltal Staðalfrávik
1 Verslun Ikea er búin nýjustu tækjum og innréttingum. 3,87 0,820
2 Ásýnd verslunar Ikea er aðlaðandi. 3,99 0,990
3
Kynningarefni verslunar Ikea, svo sem innkaupapokar,
auglýsingar og heimasíða, eru aðlaðandi í útliti. 3,88 0,940
4
Verslun Ikea býður upp á hreina, aðlaðandi og þægilega
aðstöðu (salerni, skiptiborð). 3,95 0,940
5
Uppröðun í verslun Ikea auðveldar viðskiptavinum að finna
það sem þá vantar. 3,89 1,000
6
Skipulag í verslun Ikea auðveldar viðskiptavinum að athafna
sig. 3,96 0,960
Vídd 1 Áþreifanleiki (physical aspects) (1-6) 3,92 0,942
7 Verslun Ikea stendur við gefin loforð. 3,76 0,871
8 Þjónusta í verslun Ikea er fljót og góð. 3,48 1,075
9 Í verslun Ikea er veitt þjónusta án mistaka. 3,24 0,950
10 Í verslun Ikea fær viðskiptavinur þær vörur sem hann vantar. 3,70 0,967
11
Í verslun Ikea er lögð áhersla á að afgreiðsla gangi hratt og vel
fyrir sig. 3,77 0,990
Vídd 2 Áreiðanleiki (reliability) (7-11) 3,59 0,971
12
Starfsfólk verslunar Ikea býr yfir þekkingu til að svara
spurningum viðskiptavina um vörur og þjónustu. 3,51 0,91
13 Framkoma starfsfólks verslunar Ikea ber vott um fagmennsku. 3,54 0,918
14
Viðskiptavinir finna til trausts í viðskiptum sínum við verslun
Ikea. 3,75 0,841
15 Starfsfólk verslunar Ikea veitir skjóta þjónustu. 3,52 0,939
33
16
Starfsfólk verslunar Ikea segir viðskiptavinum nákvæmlega
hvenær þjónusta verði veitt. 3,26 0,992
17
Starfsfólk verslunar Ikea er aldrei of upptekið til að svara
fyrirspurnum viðskiptavina. 3,02 1,110
18 Í verslun Ikea fær hver viðskiptavinur athygli. 2,78 1,152
19 Starfsfólk verslunar Ikea er ávallt kurteist við viðskiptavini. 3,97 0,873
20
Starfsfólk verslunar Ikea er kurteist í símtölum við
viðskiptavini. 3,69 0,803
Vídd 3 Persónuleg samskipti (personal interaction) (12-20) 3,45 0,949
21 Hægt er að skila eða skipta vörum hjá verslun Ikea. 4,29 0,851
22
Ef viðskiptavinur á í vandræðum gerir starfsfólk Ikea sitt besta
til að leysa þau. 3,84 0,883
23
Starfsfólk verslunar Ikea getur leyst strax úr kvörtunum
viðskiptavina. 3,35 0,875
Vídd 4 Lausn vandamála (problem solving) (21-23) 3,83 0,870
24 Gæði vara sem verslun Ikea selur eru góð. 3,61 0,880
25
Verslun Ikea býður upp á næg bílastæði fyrir alla
viðskiptavini. 4,77 0,569
26
Verslun Ikea býður upp á hentugan opnunartíma fyrir alla
viðskiptavini. 4,65 0,669
27 Verslun Ikea tekur við greiðslukortum. 4,73 0,720
Vídd 5 Stefna (policy) (24-27) 4,44 0,710
28 Heilt á litið veitir Ikea góða þjónustu. 4,17 0,773
Svörin við flestum fullyrðingunum voru á efri hluta Likert skalans. Sú vídd sem var
með hæsta meðaltalið var stefna með meðaltalið 4,44 en sú vídd sem var með lægsta var
persónuleg samskipti með 3,45. Fullyrðingin sem var með hæsta meðaltalið var verslun Ikea
býður upp á næg bílastæði fyrir alla viðskiptavini en hún tilheyrir víddinni lausn vandamála.
Fullyrðingin í verslun Ikea fær hver viðskiptavinur athygli var með lægsta meðaltalið eða
2,78. Sú fullyrðing tilheyrir víddinni áreiðanleiki.
Framkvæmt var eins úrtaks t-próf á öllum spurningum RSQS spurningalistans til þess
að kanna hvort að tölfræðilega marktækur munur væri á meðaltali spurninganna og
viðmiðunargildinu 3. Niðurstöður t-prófsins sýndu að reiknuð meðaltöl allra fullyrðinga
rannsóknarinnar væru marktækt stærri eða minni en 3 nema hvað varðar fullyrðingu 17,
starfsfólk verslunar Ikea er aldrei of upptekið til að svara fyrirspurnum viðskiptavina. Sú
fullyrðing var með óvenju hátt staðalfrávik en t-prófið staðfesti ómarktækni hennar ((M=3,02,
34
SD=1,11); t(354)=0,34, p>0,05). Einnig kom í ljós að þátttakendur merktu marktækt við hærri
tölu en 3 þegar fullyrðingu 28 var svarað sem þýðir að þátttakendum finnist þjónusta Ikea
heilt á litið vera góð ((M=4,17, SD=0,773); t(355)=28,53, p<0,01). Að lokum var einnig
framkvæmd dreifigreining á meðaltölum víddanna. Niðurstöðurnar voru þær að marktækur
munur var á meðaltölum víddanna og meðaltal víddarinnar stefna því hærra en víddarinnar
persónuleg samskipti með meira en 99% vissu (F=6,17, p=0,0017)
Til að geta borið kennsl á þá þjónustuþætti sem þurfti að bæta var ákveðið að notast
við styrkleikabil. Styrkleikabilin miðast við 5 punkta Likert-kvarða þar sem meðaltal á bilinu
1,00-3,69 nefnist aðgerðabil, sem gefur til kynna að þörf sé á að bæta úr þjónustunni, meðaltal
á bilinu 3,70-4,19 nefnist starfhæft bil, sem bendir til þess að þjónustan sé ásættanleg og
meðaltal á bilinu 4,20-5,00 nefnist styrkleikabil, sem vísar til þess að þjónusta fyrirtækisins sé
til fyrirmyndar. Sjá töflu 9 (Svafa Grönfeldt og Judith Strother, 2006).
Tafla 9. Þrjú styrkleikabil á 5 stiga Likert kvarða
Framkvæmt var annað t-próf á öllum fullyrðingum RSQS spurningalistans til þess að
kanna hvort að tölfræðilega marktækur munur væri á meðaltali fullyrðinganna og
viðmiðunargildinu 3,69. Niðurstöður t-prófsins sýndu að reiknuð meðaltöl 22 fullyrðinga
rannsóknarinnar voru marktæk og meðaltöl 6 spurninga ómarktæk. Þær síðarnefndu voru
verslun Ikea stendur við gefin loforð, í verslun Ikea fær viðskiptavinur þær vörur sem hann
vantar, í verslun Ikea er lögð áhersla á að afgreiðsla gangi hratt og vel fyrir sig,
viðskiptavinir finna til trausts í viðskiptum sínum við verslun Ikea, starfsfólk verslunar Ikea er
kurteist í símtölum við viðskiptavini, gæði vara sem verslun Ikea selur eru góð.
Tafla 10 sýnir þá þjónustuþætti sem lentu á aðgerðabili eða undir 3,69.
Bil Kvarði
Aðgerðabil 1,00 - 3,69
Starfhæft bil 3,70 - 4,19
Styrkleikabil 4,20 - 5,00
35
Tafla 10. Þjónustuþættir á aðgerðabili
Ellefu þjónustuþættir lentu á aðgerðabili. Þeir tilheyra víddunum áreiðanleiki, persónuleg
samskipti, lausn vandamála og stefnu. Flestir tilheyra víddinni persónuleg samskipti eða 7
talsins. Af þessum ellefu þjónustuþáttum sem lentu á aðgerðarbili höfðu tveir svo lágt
útreiknað t-gildi að ekki var að hægt að dæma um það hvort meðaltöl þeirra væru fyrir ofan
eða neðan 3,69. Þessir þættir voru, gæði vara sem verslun Ikea selur eru góð og starfsfólk
verslunar Ikea er kurteist í símtölum við viðskiptavini.
Að lokum er þess vert að minnast sérstaklega á það að Ikea kom jákvætt út úr
aukaspurningunni (spurning 28: Heilt á litið veitir Ikea góða þjónustu) sem bætt var við
RSQS listann. Meðaltalið fyrir þá fullyrðingu var 4,17.
Númer
fullyrðingar
og víddar Fullyrðingar Meðaltal Styrkleikabil
8 Þjónusta verslunar Ikea er fljót og góð. 3,48 Aðgerðabil
9 Í verslun Ikea er veitt þjónusta án mistaka. 3,24 Aðgerðabil
Vídd 2 Áreiðanleiki (personal interactions) (7-11) 3,59 Aðgerðabil
12
Starfsfólk verslunar Ikea býr yfir þekkingu til að svara
spurningum viðskiptavina um vörur og þjónustu. 3,51 Aðgerðabil
13
Framkoma starfsfólks verslunar Ikea ber vott um
fagmennsku. 3,54 Aðgerðabil
15 Starfsfólk verslunar Ikea veitir skjóta þjónustu. 3,52 Aðgerðabil
16
Starfsfólk verslunar Ikea segir viðskiptavinum nákvæmlega
hvenær þjónusta verði veitt. 3,26 Aðgerðabil
17
Starfsfólk verslunar Ikea er aldrei of upptekið til að svara
fyrirspurnum viðskiptavina. 3,02 Aðgerðabil
18 Í verslun Ikea fær hver viðskiptavinur athygli. 2,78 Aðgerðabil
20
Starfsfólk verslunar Ikea er kurteist í símtölum við
viðskiptavini. 3,69 Aðgerðabil
Vídd 3 Persónuleg samskipti (personal interaction) (12-20) 3,45 Aðgerðabil
23
Starfsfólk verslunar Ikea getur leyst strax úr kvörtunum
viðskiptavina. 3,35 Aðgerðabil
Vídd 4 Lausn vandamála (problem solving) (21-23) 3,83 Starfhæft bil
24 Gæði vara sem verslun Ikea selur eru góð. 3,61 Aðgerðabil
Vídd 5 Stefna (policy) (24-27) 4,44 Styrkleikabil
36
7 Umræða
Í þessum kafla verður rannsóknarspurningunum þremur svarað, ályktanir dregnar,
takmarkanir tíundaðar og tillögur gerðar að frekari rannsóknum.
7.1 Hvernig meta viðskiptavinir frammistöðu Ikea í einstökum þjónustuþáttum?
Ikea kom vel út úr nánast öllum þeim fullyrðingum sem kannaðar voru. Þær sem höfðu hæstu
meðaltöl voru verslun Ikea býður upp á næg bílastæði fyrir alla viðskiptavini, hægt er að skila
eða skipta vörum hjá verslun Ikea, verslun Ikea býður upp á hentugan opnunartíma fyrir alla
viðskiptavini og verslun Ikea tekur við greiðslukortum. Þetta kemur ekki á óvart þar sem
þessar fullyrðingar eru einar af lykiláherslunum í þjónustustefnu fyrirtækisins. Niðurstöður
voru einnig samkvæmt væntingum þegar kemur að fullyrðingunum skipulag í verslun Ikea
auðveldar viðskiptavinum að athafna sig og uppröðun í verslun Ikea auðveldar
viðskiptavinum að finna það sem þá vantar en Ikea leggur mikið upp úr því á að aðgengi
viðskiptavina í versluninni sé sem þægilegast.
7.2 Hvernig meta viðskiptavinir frammistöðu Ikea í einstökum þjónustuvíddum?
Víddin stefna var með hæsta meðaltalið að mati viðskiptavina Ikea, eða 4,44. Víddirnar
áþreifanleiki og lausn vandamála fylgja á eftir með meðaltölin 3,92 og 3,83. Víddirnar
áreiðanleiki og persónuleg samskipti fá meðaltölin 3,59 og 3,45. Það kemur ekki á óvart að
víddin persónuleg samskipti sé ekki með hærra meðaltal en raun ber vitni sökum þess að
stefna Ikea er að draga úr ýmissi þjónustu við viðskiptavini til að geta boðið upp á lægra verð.
Það vekur hins vegar athygli að áreiðanleiki hafi ekki fengið hærra meðaltal.
7.3 Hvaða þjónustuþætti þarf að bæta til að auka þjónustugæði Ikea?
Ellefu þjónustuþættir voru á aðgerðabili en sjö þeirra tilheyrðu víddinni persónuleg samskipti
og töldust því ekki þarfnast umbóta ef litið er til stefnu Ikea. Þá þætti sem Ikea þyrfti að bæta
eru þjónusta verslunar Ikea er fljót og góð, í verslun Ikea er veitt þjónusta án mistaka,
starfsfólk verslunar Ikea getur leyst strax úr kvörtunum viðskiptavina og gæði vara sem
verslun Ikea selur er góð. Fyrstu þrjár fullyrðingarnar í upptalningunni gætu stafað að því að
Ikea ræður tiltölulega fáa starfsmenn miðað við stærð verslunarinnar til þess að draga úr
kostnaði og geta boðið upp á lægri verð eins og fram kom hér að ofan. Þannig getur
viðskiptavinum mögulega reynst erfitt að fá snögga og gallalausa þjónustu, sér í lagi ef mikið
er að gera í versluninni. Síðasta fullyrðingin í upptalningunni er þó umhugsunarverð sökum
37
þess að Ikea nýtir hlut af þeim sparnaði sem hlýst af því að ráða færri starfsmenn til þess að
auka vörugæðin. Velta má vöngum yfir því hvort þessi niðurstaða eigi meira skylt við
markaðstöðu Ikea og verð varanna, þ.e.a.s. að viðskiptavinir skynji gæðin út frá verði en ekki
raunverulegum gæðum.
7.4 Takmarkanir
Sökum þess að stuðst var við hentugleikaúrtak á meðal háskólanema er ekki hægt alhæfa um
niðurstöðurnar fyrir markhópinn. Þær endurspegla því aðeins afstöðu þeirra sem tóku þátt í
rannsókninni.
7.5 Tillögur að frekari rannsóknum
Hugmynd að frekari rannsókn væri að rannsaka aðrar húsgagnaverslanir og gera samanburð.
Einnig væri áhugavert að bera saman Ikea á Íslandi við aðrar Ikea verslanir erlendis.
38
8 Viðauki 1
Áþreifanleiki
1. Verslun Ikea er búin nýjustu tækjum og innréttingum.
This store has modern-looking equipment and fixtures.
2. Ásýnd verslunar Ikea er aðlaðandi.
The physical facilities at this store are visually appealing.
3. Kynningarefni verslunar Ikea, svo sem innkaupapokar, auglýsingar og
heimasíða, eru aðlaðandi í útliti.
Materials associated with this store‘s service (such as shopping bags, catalogs, or
statements) are visually appealing.
4. Verslun Ikea býður upp á hreina, aðlaðandi og þægilega aðstöðu (salerni,
skiptiborð).
This store has clean, attractive, and convenient public areas (restrooms, fitting
rooms).
5. Uppröðun í verslun Ikea auðveldar viðskiptavinum að finna það sem þá vantar.
The store layout at this store makes it easy for customers to find what they need.
6. Skipulag verslunar Ikea auðveldar viðskiptavinum að athafna sig.
The store layout at this store makes it easy for customers to move around in the store.
Áreiðanleiki
7. Verslun Ikea stendur við gefin loforð.
When this store promises to do something by a certain time, it will do so.
8. Þjónusta verslunar Ikea er fljót og góð.
This stores provides its services at the time it promises to do so.
9. Í verslun Ikea er veitt þjónusta án mistaka.
This store performs the service right the first time.
10. Í verslun Ikea fær viðskiptavinur þær vörur sem hann vantar.
This store has merchandise available when the customers want it.
11. Í verslun Ikea er lögð áhersla á að afgreiðsla gangi hratt og vel fyrir sig.
This store insists on error-free sales transactions and records.
39
Persónuleg samskipti
12. Starfsfólk verslunar Ikea býr yfir þekkingu til að svara spurningum
viðskiptavina um vörur og þjónustu.
Employees in this store have the knowledge to answer customers´ questions.
13. Framkoma starfsfólks verslunar Ikea ber vott um fagmennsku.
The behavior of employees in this store instills confidence in customers.
14. Viðskiptavinir finna til traust í viðskiptum sínum við verslun Ikea.
Customers feel safe in their transaction with this store.
15. Starfsfólk verslunar Ikea veitir skjóta þjónustu.
Employees in this store give prompt service to customers.
16. Starfsfólk verslunar Ikea segir viðskiptavinum nákvæmlega hvenær þjónusta
verði veitt.
Employees in this store tell customers exactly when services will be performed.
17. Starfsfólk verslunar Ikea er aldrei of upptekið til að svara fyrirspurnum
viðskiptavina.
Employees in this store are never too busy to respond to customers´ requests.
18. Í verslun Ikea fær hver viðskiptavinur athygli.
This store gives customers individual attention.
19. Starfsfólk verslunar Ikea er ávallt kurteist við viðskiptavini.
Employees in this store are consistently courteous with customers.
20. Starfsfólk verslunar Ikea er kurteist í símtölum við viðskiptavini.
Employees in this store treat customers courteously on the telephone.
Lausn vandamála
21. Hægt er að skila eða skipta vörum hjá verslun Ikea.
This store willingly handles returns and exchanges.
22. Ef viðskiptavinur á í vandræðum gerir starfsfólk Ikea sitt besta til að leysa þau.
When a customer has a problem, this store shows a sincere interest in solving it.
23. Starfsfólk verslunar Ikea getur leyst strax úr kvörtunum viðskiptavina.
Employees in this store are able to handle customer complaints directly and
immediately.
40
Stefna
24. Gæði vara sem verslun Ikea selur er góð.
This store offers high quality merchandise.
25. Verslun Ikea býður upp á næg bílastæði fyrir alla viðskiptavini.
This store provides plenty of convenient parking for customers.
26. Verslun Ikea býður upp á hentugan opnunartíma fyrir alla viðskiptavini.
This store has operating hours convenient to all their customers.
27. Verslun Ikea tekur við greiðslukortum.
This store accepts most major credit cards.
28. Verslun Ikea býður upp á eigin greiðslukort.
This store offers its own credit card.
41
9 Viðauki 2
Herborg heiti ég og er að vinna að B.S. verkefni mínu, Þjónustugæði Ikea.
Eftirfarandi könnun er hluti af því verkefni. Leiðbeinandi er Friðrik Eysteinsson.
Mér þætti vænt um ef þú gæfir þér um það bil 8 mínútur til að svara þessari könnun. Fyllsta
trúnaðar er gætt og eru svörin ekki rekjanleg til einstakra þátttakenda.
Vinsamlegast smellið á meðfylgjandi tengil og þá opnast síða inn á könnunina.
Með fyrirfram þökk fyrir þátttökuna,
Herborg Sörensen
----------------------------------------------------------------------------------------------------------------
Hversu oft á ári verslar þú að meðaltali í Ikea?
Aldrei
1-2 sinnum á ári
2-3 sinnum á ári
4-5 sinnum á ári
5-6 sinnum á ári
7-8 sinnum á ári
9-10 sinnum á ári
Þú ert beðin/n um að taka afstöðu til fullyrðinga um ýmsa þjónustuþætti hjá Ikea
og hversu ósammála eða sammála þú sért þeim. Ef þú ert mjög ósammála fullyrðingunni þá
hakar þú við töluna 1. Ef þú ert mjög sammála þá hakar þú við töluna 5. Ef afstaða þín liggur
þarna á milli, þá hakar þú við viðeigandi tölu.
42
1. Verslun Ikea er búin nýjastu tækjum og innréttingum.
Mjög ósammála Mjög sammála
2. Ásýnd verslunar Ikea er aðlaðandi.
Mjög ósammála Mjög sammála
3. Kynningarefni verslunar Ikea, svo sem innkaupapokar, auglýsingar og heimasíða,
eru aðlaðandi í útliti.
Mjög ósammála Mjög sammála
4. Verslun Ikea býður upp á hreina, aðlaðandi og þægilega aðstöðu (salerni,
skiptiborð).
Mjög ósammála Mjög sammála
5. Uppröðun í verslun Ikea auðveldar viðskiptavinum að finna það sem þá vantar.
Mjög ósammála Mjög sammála
6. Skipulag í verslun Ikea auðveldar viðskiptavinum að athafna sig.
Mjög ósammála Mjög sammála
7. Verslun Ikea stendur við gefin loforð.
Mjög ósammála Mjög sammála
8. Þjónusta í verslun Ikea er fljót og góð.
Mjög ósammála Mjög sammála
9. Í verslun Ikea er veitt þjónusta án mistaka.
Mjög ósammála Mjög sammála
10. Í verslun Ikea fær viðskiptavinur þær vörur sem hann vantar.
Mjög ósammála Mjög sammála
11. Í verslun Ikea er lögð áhersla á að afgreiðsla gangi hratt og vel fyrir sig.
Mjög ósammála Mjög sammála
43
12. Starfsfólk verslunar Ikea býr yfir þekkingu til að svara spurningum viðskiptavina
um vörur og þjónustu.
Mjög ósammála Mjög sammála
13. Framkoma starfsfólks verslunar Ikea ber vott um fagmennsku.
Mjög ósammála Mjög sammála
14. Viðskiptavinir finna til trausts í viðskiptum sínum við verslun Ikea.
Mjög ósammála Mjög sammála
15. Starfsfólk verslunar Ikea veitir skjóta þjónustu.
Mjög ósammála Mjög sammála
16. Starfsfólk verslunar Ikea segir viðskiptavinum nákvæmlega hvenær þjónusta verði
veitt.
Mjög ósammála Mjög sammála
17. Starfsfólk verslunar Ikea er aldrei of upptekið til að svara fyrirspurnum
viðskiptavina.
Mjög ósammála Mjög sammála
18. Í verslun Ikea fær hver viðskiptavinur athygli.
Mjög ósammála Mjög sammála
19. Starfsfólk verslunar Ikea er ávallt kurteist við viðskiptavini.
Mjög ósammála Mjög sammála
20. Starfsfólk verslunar Ikea er kurteist í símtölum við viðskiptavini.
Mjög ósammála Mjög sammála
21. Hægt er að skila eða skipta vörum hjá verslun Ikea.
Mjög ósammála Mjög sammála
22. Ef viðskiptavinur á í vandræðum gerir starfsfólk Ikea sitt besta til að leysa þau.
Mjög ósammála Mjög sammála
44
23. Starfsfólk verslunar Ikea getur leyst strax úr kvörtunum viðskiptavina.
Mjög ósammála Mjög sammála
24. Gæði vara sem verslun Ikea selur er góð.
Mjög ósammála Mjög sammála
25. Verslun Ikea býður upp á næg bílastæði fyrir alla viðskiptavini.
Mjög ósammála Mjög sammála
26. Verslun Ikea býður upp á hentugan opnunartíma fyrir alla viðskiptavini.
Mjög ósammála Mjög sammála
27. Verslun Ikea tekur við greiðslukortum.
Mjög ósammála Mjög sammála
28. Heilt á litið veitir Ikea góða þjónustu.
Mjög ósammála Mjög sammála
45
Bakgrunnsspurningar
29. Hvert er kyn þitt?
Karl
Kona
30. Á hvaða aldursbili ert þú?
Yngri en 18 ára
18-24 ára
25-34 ára
35-44 ára
45-54 ára
55-64 ára
65 ára eða eldri
31. Ert þú í grunnnámi (BA/BS) eða framhaldsnámi (MA/MBA/MS, Phd)?
Grunnnámi
Framhaldsnámi
32. Hversu margir búa á heimili þínu (að þér meðtöldum/talinni)?
1
2
3
4
5 eða fleiri
46
10 Heimildir
Axel Hall, Ásgeir Jónsson og Sveinn Agnarsson. (2002). Byggðir og búseta: Þéttbýlismyndun
á Íslandi. Hagfræðistofnun Háskóla Íslands.
Áslaug Briem. (2011). Þjónustugæði í íslenskri ferðaþjónustu og áhrif mismunandi
menningar í þjónustu. Óbirt MS-ritgerð: Háskóli Íslands, Félagsvísindadeild.
Bessom, R. M., & Jackson, D. W. (1975). Service retailing: A strategic marketing
approach. Journal of Retailing, 8(Summer), 137-149.
Bitner, M. J. (1990). Evaluating service encounters: the effects of physical surroundings
and employee responses. The Journal of Marketing, 69-82.
Björn Björnsson. (1977). Casa, ný verslun með gamla meistara. Sótt 6. júlí af
http://timarit.is/view_page_init.jsp?issId=247639&pageId=3363125&lang=is&q=h%F
Asgagnaverslanir
Booms, B. H., & Bitner, M. J. (1981). Marketing strategies and organization structures for
service firms. Marketing of services, 47-51.
Brady, M. K., & Cronin Jr, J. J. (2001). Some new thoughts on conceptualizing perceived
service quality: a hierarchical approach. The Journal of Marketing, 34-49.
Britannica. (e.d.). Retail. Sótt 16. júní 2012 af http://www.britannica.com/EBchecked/
topic/499874/retailing
Brynhildur L. Björnsdóttir. (2011). Þjónustugæði í smásöluverslun. Óbirt MS-ritgerð: Háskóli
Íslands, Félagsvísindadeild.
Brynhildur Lilja Björnsdóttir og Friðrik Eysteinsson. (2011). Þjónustugæði í smávöruverslun.
Í Auður Hermannsdóttir, Jón Snorri Snorrason og Þóra Christansen (ritstjórar),
Vorráðstefna Viðskiptafræðistofnunar Háskóla Íslands: Erindi flutt á ráðstefnu í apríl
2011. Reykjavík: Viðskiptafræðistofnun Háskóla Íslands.
Brynja Laxdal. (2009). Þjónustugæði og lífsstílsbreytingar. Þjónustukönnun innan
Heilsugæslu. Óbirt MS-ritgerð: Háskóli Íslands, Félagsvísindadeild.
47
Dabholkar, P. A., Thorpe, D. I., & Rentz, J. O. (1996). A measure of service quality for retail
stores: scale development and validation. Journal of the Academy of Marketing
Science, 24(1), 3-16.
Emil B. Karlsson. (2010). Árbók verslunarinnar 2010. Sótt 21. júní 2012 af
http://www.bifrost.is/Files/Skra_0043278.pdf
Árni Sverrir Hafsteinsson og Emil B. Karlsson. Árbók verslunarinnar 2012. Sótt 20. apríl
2013 af http://www.rsv.is/files/Skra_0057592.pdf
Finn, D. W., & Lamb, C. W. (1991). An evaluation of the SERVQUAL scales in a retailing
setting. Advances in consumer research, 18(1), 483-490.
Frjáls verslun. (1975). Þurfa að taka meira mið af markaðnum. Sótt 30. júní 2012 af
http://timarit.is/view_page_init.jsp?issId=232953&pageId=3159188&lang=is&q=H%FAsg
agnaverslanir
Frjáls verslun. (1973). Með endurskipulagningu má tvöfalda eða þrefalda afköst hvers manns.
Sótt 3. júlí 2012 af http://timarit.is/view_page_init.jsp?issId=232923&pageId=3156508&
lang=is&q=Gu%F0mundur%20Gu%F0mundsson%20%ED%20V%ED%F0i
Frjáls verslun. (1980). Erlend húsgögn að ná sömu markaðshlutdeild og íslensk. Sótt 12. Júní
2012 af http://timarit.is/view_page_init.jsp?issId=233042&pageId=3164693&lang=
is&q=h%FAsgagnaverslanir
Gaur, S. S., & Agrawal, R. (2006). Service quality measurement in retail store context: a
review of advances made using SERVQUAL and RSQS. The Marketing Review, 6(4),
317-330.
Gremler, D. D., Bitner, M. J., & Evans, K. R. (1994). The internal service
encounter. International Journal of Service Industry Management, 5(2), 34-56.
Grönroos, C. (1994). From marketing mix to relationship marketing: Towards a paradigm
shift in marketing. Management Decision, 32(2), 4-4.
Grönroos, C. (1998). Marketing services: the case of a missing product. Journal of business &
industrial marketing, 13(4/5), 322-338.
Hagstofa Íslands. (e.d.-a). ÍSAT 2008. Sótt 21. júní 2012 af http://www.hagstofa.is/Pages/1830
48
Hagstofa Íslands. (2011-b). Heildarvelta í verslun. Sótt 30. júní 2012 af
http://www.hagstofan.is/?PageID=2595&src=/temp/Dialog/varval.asp?ma=FYR04201%26
tHeildarvelta+%ED+verslun+1998%2D2010+++%26path=../Database/fyrirtaeki/veltutolur
/%26lang=3%26units=Millj%F3nir%20kr%F3na
Hagstofa Íslands. (2011-c). Fjöldi fyrirtækja og félaga í atvinnugreinum. Sótt 21. júní 2012 af
http://www.hagstofan.is/?PageID=2595&src=/temp/Dialog/varval.asp?ma=FYR01003%26
ti=Fj%F6ldi+fyrirt%E6kja+og+f%E9laga+eftir+atvinnugreinum+%28%CDSAT95%29+1
994%2D2007%26path=../Database/fyrirtaeki/fjoldi/%26lang=3%26units=fj%F6ldi
Hagstofa Íslands. (2012-d). Fjöldi fyrirtækja og félaga í atvinnugreinum. Sótt 21. júní 2012 af
http://www.hagstofan.is/?PageID=2595&src=/temp/Dialog/varval.asp?ma=FYR01003%26
ti=Fj%F6ldi+fyrirt%E6kja+og+f%E9laga+eftir+atvinnugreinum+%28%CDSAT95%29+1
994%2D2007%26path=../Database/fyrirtaeki/fjoldi/%26lang=3%26units=fj%F6ldi
Hildur Guðný Káradóttir. (2012). Á öllum sviðum lífsins: Þjónustugæði Þjóðleikhússins. Óbirt
BS-ritgerð: Háskóli Íslands, Félagsvísindadeild.
Ikea. (e.d.). Saga Ikea. Sótt 14. júní 2012 af http://www.ikea.is/saga_ikea
Ikea. (2013). Ikea History. Sótt 11. apríl af 2013 af http://www.ikeafans.com/ikea/ikea-
history/ikea-history.html
Kotler, P. (1994). Marketing Management. Englewood Cliffs (NY): Prentice Hall.
Lewis, R. C., & Booms, B. H. (1983). The marketing aspects of service quality. Emerging
perspectives on services marketing, 65(4), 99-107.
Margrét Reynisdóttir. (2006). Þjónustugæði: Samkeppnisforskot og velgengni. Sótt 21. apríl
2013 af http://www.gerumbetur.is/wp-content/uploads/2012/03/Margr%C3%A9t-
Reynisd%C3%B3ttur-Riti%C3%B0-%C3%9Ej%C3%B3nustug%C3%A6%C3%B0i.pdf
Morgunblaðið. (1987). Minning: Guðmundur Guðmundsson forstjóri Fæddur 4. júní 1910
Dáinn 13. desember. Sótt 2. júlí 2012 af http://www.mbl.is/greinasafn/grein/9150/
Morgunblaðið. (1994). Verslun Ikea í nærmynd. Sótt 14. júlí 2012 af
http://timarit.is/view_page_init.jsp?issId=126614&pageId=1812085&lang=is&q=IKEA%2
0IKEA
49
Naik, C. N., Krishna, G. S., & Gantasala, V. P. (2010). Service quality (SERVQUAL) and its
effect on customer satisfaction in retailing. European Journal of Social Sciences, 16(2),
231-243.
Parasuraman, A., Zeithaml, V. A., & Berry, L. L. (1985-a). A conceptual model of service
quality and its implications for future research. The Journal of Marketing, 41-50.
Parasuraman, A., Zeithaml, V. A., & Berry, L. L. (1985-b). Problems and strategies in
services marketing. The Journal of Marketing, 33-46.
Parasuraman, A., Zeithaml, V. A., & Berry, L. L. (1988). SERVQUAL: A multiple-item scale
for measuring consumer perceptions of service quality. Journal of retailing, 64(1), 12-40.
Parasuraman, A., Zeithaml, V. A., & Berry, L. L. (1994). Alternative scales for measuring
service quality: a comparative assessment based on psychometric and diagnostic
criteria. Journal of retailing, 70(3), 201-230.
Rafiq, M., & Ahmed, P. K. (1995). Using the 7Ps as a generic marketing mix: an exploratory
survey of UK and European marketing academics. Marketing Intelligence &
Planning, 13(9), 4-15.
Shahin, A. (2006). SERVQUAL and model of service quality gaps: a framework for
determining and prioritizing critical factors in delivering quality services.Service quality–
An introduction, 117-131.
Shostack, G. L. (1977). Breaking free from product marketing. The Journal of Marketing, 73-
80.
Strother, J. og Grönfeldt, S. G. (2006). Service Leadership: The Quest for Competitive
Advantage. Thousand Oaks, CA: Sage Publications, Inc.
Van Waterschoot, W., & Van den Bulte, C. (1992). The 4P classification of the marketing
mix revisited. The Journal of Marketing, 83-93.
Vargo, S. L., & Lusch, R. F. (2004). The Four Service Marketing Myths Remnants of a
Goods-Based, Manufacturing Model. Journal of Service Research, 6(4), 324-335.
Vignir Guðjónsson. (2010). Þjónustugæði íslenskra banka og sparisjóða. Óbirt BS-ritgerð:
Háskóli Íslands, Félagsvísindadeild.
50
Vísir. (2006). Ikea er stærsta verslun landsins. Sótt 9. júlí 2012 af http://www.visir.is/ikea-er-
staersta-verslun-landsins/article/2006110180095
Zeithaml, V. A., Berry, L. L., & Parasuraman, A. (1993). The nature and determinants of
customer expectations of service. Journal of the academy of Marketing Science,21(1),1-12.
Zeithaml, V. A., Berry, L. L., & Parasuraman, A. (1996). The behavioral consequences of
service quality. The Journal of Marketing, 31-46.
Þorbjörn Geir Ólafsson. (2011). Þjónustugæði íslenskra tryggingarfélaga. Óbirt MS-ritgerð:
Háskóli Íslands, Félagsvísindadeild.
Þórhallur Örn Guðlaugsson. (1997). Inngangur að markaðsfræði, fjölrit. Reykjavík:
Háskólafjölritun.
Æskan. (1983). Athafnamenn. Sótt 4. júlí 2012 af http://timarit.is/view_page_init.jsp?issId=
304855&pageId=4634255&lang=is&q=%ED%20V%ED%F0i