ABOUT THE AUTHOR - ZED Books · iyo arrimo kale oo badan oo u baahan in la qoro oo la tebiyo, iyo...
Transcript of ABOUT THE AUTHOR - ZED Books · iyo arrimo kale oo badan oo u baahan in la qoro oo la tebiyo, iyo...
1
ABOUT THE AUTHOR
QORAAGA BUUGGA
Mary Harper, qoraaga buuggani, waa suxufiyad ka
tirsan BBC-da oo ku takhasustay wax-ka-qorista
arrimaha Afrika. Waxay wax badan ka qortay, kana
warrantay Somalia,laga soo bilaabo dagaalladii
sokeeye ee 1991-kii, iyo meelaha kale ee xiisadaha
iyo dagaalladu ka taagan yihiin Afrika.
Maqaalado badan oo ay qortay Mary Harper ayaa lagu
soo daabacay jaraa'idka ay ka midka yihiin the
Economist, The Times iyo Washington Post. Waxay
shaadooyin sare oo jaamicadeed amma Digriiyo ka kala
qaadatay Jaamicadda Cambridge iyo Machadka
Daraasooyinka Bariga iyo Afrika ee ku yaal London(the
School of Oriental and African Studies, London).
Mary Harper waxay ku hadashaa waxna ku qortaa afafka
Ingiriisiga iyo Faransiiska. Waxa kale oo ay ku
hadashaa af-Boortaqiiska iyo afka loo yaqaan Wolof oo
ah af Afrikaan, inta baddanna lagaga hadlo dalka
Senegal.
Cunwaankeeda bogga Website-ka ee Internet-ku
waa:<www.maryharper.co.uk>
2
SOMALIA OO KHALAD LAGA FAHMAY?
Diin, Dagaal, iyo Rajada Dal iyo Dawladnimo
Burburtay.
Waxa qortay: Mary Harper
Waxa ugu horraantii la daabacay buuggan sannadkii
2012-kii, waxana dabacday shirkadda Zed Books, ee
cunawaanka: 7 Cynthia Street, London N1 9JF, UK, iyo
cunwaaka Maraykanka ee Room 400, 175 Fifth Avenue,
New York, NY I00I0, USA.
Bogga Website-ka Internet-ka: www.zedbooks.co.uk.
Xuquuqda qoraalka waxa iska leh Mary Harper:
Copyright(c)Mary Harper 2012.
Si waafaqsan sharciga xuquuda qoraallada, iyo
lahaanshaha hal-abuurka iyo ikhtiraaca ee Act 1988
(Cpyright, Designs and Patents Act 1988). Bogga
Website-ka Internetka ee Mary Haper:
www.maryharper.co.uk
Waxa tifaftiray buuggan ururka African Arguments, oo
ah urur soo saara oo tifaftira taxane ah buugaag
koob-kooban oo ku saabsan Afrikada maanta iyo
isbedellada ka socda.
XUSUUS:
Dhammaan xuquuqdani waa sharci, una dhawrsoon meelo
gaar ah. Waxa reebban in buuggani amma qaybo ka
3
tirsan, in la daabacdo, amma laga samaysto nuqliyo,
amma la min-guuriyo, amma lagu takri-falo, qaab
kasta, ha noqdo si toos ah, amma elektaroonic, amma
sawir photocopy ah, amma qaabab kaleba, haddii aan
ruqsad amma ogolaansho laga haysan marka hore
shirkadda Zed Books Ltd.
4
TUSMADA BUUGGA (CONTENTS)
Muuqaallo|.... Mahadnaq|…..Ereyga qoraaga|……
Xilli-taariikheedyo|…….
Hordhac ………………………………………………………….
1 Beelaha iyo Dalka …………………………………
2 Taariikhda ……………………………………………………
3 Xarakada Islaamiyadda ………………………
4 Qaran Fashilmay? ……………………………………
5 Budhcad-Badeedda ……………………………………
6 Somalia iyo Adduunka Dibadda ……
Gabagabo …………………………………………………………
Xusas|… Bugaagta iyo qoraallada tixraaca|….
5
MUUQAALLO (Illustrations)
Khariidado (Maps)
1.1 Somalia........................................
1.2 ‘Soomaali-Weyn’ iyo dhulalka ay kala degaan
qabaa’ilka/beelaha waaweyn.....................
1.3 Qaybaha waaweyn ee dhulka Soomaalida
1.4 Meelaha ay gaadheen weerarrada Budhcad-badeedda
Soomaalidu, 2005–2010..........................
Shax (Figure)
1.1 Shaxda qabaa’ilka/beelaha iyo lafaha Soomaalida..
Sawirro (Photographs)
1 Qof dumar ah iyo ilmo yar oo ku jira xeryaha
Muqdisho ee dadkii macaluushu soo barakicisay...
2 Dumar ka tirsan askarta ciidamada dawladda ku-
meel-gaadhka ah.................................
3 Wiil ka mid ah dadkii barabaxay magaalada
Muqdishu oo ku ciyaaraya ul uu qori oo kale ka
dhiganayo.......................................
4 Ciidammada al-Shabaab ee jooga Muqdishu.
5 Muqdishu, bixitaankii al-Shabaab ka dib,
September 2011.................................
6 Sarriflayaal, Hargeysa.........................
7 Dumar ka tirsan booliska Somaliland............
8 Nin Soomaali ah oo budhcad-badeed ah...........
9 Mid ka mid ah ciidammada al-Shabaab oo cunno baco
ku jirta u qaybinaya dad jooga Shabeellada Hoose
oo ka tirsan meelaha macaluushu ka jirto,
September 2011................................
6
10 Barakacayaal safaf ugu jira cunno loogu
qaybinayo magaalada Muqdishu..................
11 Ganacsade Soomaali ah oo jooga suuqa weyn ee
Eastleigh ....................................
7
MAHADNAQ (ACKNOWLEDGEMENTS)
Buuggani waxa uu siyaabo dhawr ah uga kooban yahay
dedaalka dhawr qof oo ka qayb qaatay. Maxamed Cadde
oo ka tirsan laanta af-Soomaaliga ee BBC-du waxa u si
hagar la’aan ah ugu hurey waqti badan oo ka mid ah
waqtigiisa, aqoontiisa iyo xidhiidhada uu leeyahay;
la’antiina iimana suurto gasheen in aan buuggani
qoro.
Sidoo kale waxa ka dhigan saaxiibkay Maxamed
Macallimuu oo jooga Muqdishu. Stephanie Kitchen waxa
uu bilowgiiba ku kalsoonaaday oo uu ku qancay hawsha
aan wado, waxanu mar walba i siinayey dhiirrigelin
iyo ballanqaad. Waxa kale oo aad mahadnaq u
jeedinayaa tifaftirayaashii kale ee ila shaqeeyey oo
ay ka mid yihiin Ken Barlow, Alex De Waal, Richard
Dowden iyo Robert Molteno.
Saaxiibaday iyo dadka kale ee aannu wada shaqaynno
ee laanta af-Soomaaliga ee BBC-da, kuwa haatan jooga
iyo kuwii horeba, waxan ka korodhsaday wax badan. Way
ka fara badan yihiin wax halkan lagu soo koobi karo
qof-qof, laakiin waxan jecelahay in aan si gaar ah u
xuso Axmad Siciid Cige, Cabdullaahi Xaaji, Yuusuf
Xassan, Bashkash Jugsoodhacay, Yoonis Cali Nuur,
Saciid Cali Muusa, Yuusuf Garaad Cumar, Cabdirasaaq
Xaaji Maxamed Siraad, iyo Xusseen Aw Jaamac Jibriil
Xagar. Waxa kale oo aan jecelahay in aan u
mahadceliyo Maxamad Caddow, Cabdirashiid Ducaale,
Cabdulqaadir Xaashi Cilmi, Cabdillaahi Faarax, Julie
Flint, Sally Healey, Ian Hoare, Karen O’Brien, iyo
James Wyle.
Mahadnaq ugu weyn waxan u jeedinayaa dhammaan
qoyskayga. Hooyaday Gay Harper, oo iyadu i gelisey
amma igu abuurtay xiisihii ugu horreeyey ee Somalia,
halkaasi oo ay shaqo u tagtay horraantii sannadihii
1990-meeyadii xilliyadii dagaalladu ugu xumaayeen,
kana ahayd kalkaaliye caafimaad magaalada Muqdishu.
8
EREYGA QORAAGA (AUTHOR'S NOTE)
Ka suxufi ahaan wax badan la socdey arrimaha Somalia
ka dhacayey labaatankii sano ee ugu danbeeyey, waxa
ii suurtogashay oo aan nasiib iyo fursad u helay in
aan la kulmo, waxna ka korodhsado, dadweyne ka kala
tirsan qaybaha kala geddisan ee mujtamacyada
Soomaalida, heer kasta, min madaxweynayaal, budhcad-
badeed, maalqabeenno milyanneerra ah, ilaa kuwa
saboolka ah ee wax walba ka farabaxeen.
Dadkaasi la'aantood, marnaba iima suurtogasheen in
aan hawshani qabto oo aan buuggan qoro, dadkani oo
aan qaarkood xattaa halis ku geliyey naftoodii amma
noloshoodii shaqo, inay ila soo xidhiidhaan oo ay ila
hadlaan, waxna ii sheegaan.
Hawshani aan qabtay shaqadeedu waxay inta badani ku
tiirsan tahay suxufiyiinta Soomaalida ee geesiyaasha
ah, kuwaasi oo ku dhex nool meelo ku sugan xaalado
khatar ah, haddana diyaar u ahaa inay ila
socodsiiyaan maalin kasta waxyaabaha dhacaya. Mar
mar, waxa dhacday xattaa inay iyagu ila soo
xidhiidhaan iyaga oo shucuurtoodu kacsan tahay oo
yaabban, si ay iila socodsiiyaan in maalintaas aanay
jirin wax dagaallo ah oo dhacay, xaaladdaasi oo iyaga
u ah mid qeyra-caadiah oo aanay u baran, ahna 'wax
cusub oo war noqon kara'.
Qaar ka mid ah suxufiyiintani, waxay ku kalliftay
inay debadaha u haajiraan, qaar kalena waxay ku
waayeen naftoodii.
Xogta iyo macluumaadka ku jira buuggani ee aan soo
ururiyey, waxay ka kooban yihiin wixii aan anigu kala
soo kulmay waayo-aragnnimadaydii ee aan ku soo arkay
Somalia iyo qurbajoogta Soomaalida, wixii aan ka
maqlay Soomaalida iyo dadka daneeya dalkaasi, iyo
wixii laga qoray ilaa hadda ee aan ka akhriyey.
9
In kasta oo aan xusayo, aanan tixraacayo kutub iyo
qoraallao sare oo akademi ah oo hore looga qoray
Soomaalida, hadda buuggani waa mid kooban ee ma aha
mid laga fili karo in uu wax kasta ka bixiyo sawir
buuxa, amma isdabayaal oo faahfaahsan, xaaladaha
Somalia oo dhan dhinac kasta; Iyadda oo aan rajaynayo
in aan jilciyey, oo uu qoraalkani fududeeyo fahamka
xaaladaha Soomaalida.
Hasse ahaatee, xog-baadhistii iyo soo-ururintii
macluumaadka buuggani waxa si weyn u xaddidey oo
xannibaad ku noqday dagaallada iyo xiisadaha Somalia,
macluumaadka halkan ku jirana looma wada qaadan karo
qaar si kasta u dhammaystiran. Waxa jira dhacdooyin
iyo arrimo kale oo badan oo u baahan in la qoro oo la
tebiyo, iyo doodo badan oo kale in la soo bandhigo.
10
Xilli-Taariikheedyo (Chronology)
Qarnigii 7-10 AD Dad baayac-mushtar ah oo ka kala
yimid dalal Carabta iyo Faarisiyiin
(Iraaniyiin)ayaa soo degey magaalooyinka
xeebaha; waxa kale oo ay faafinayeen diinta
Islaamka.
Qarnigii 17 AD Cummaan oo xilliyadaasi awod maamul ku
yeelatay xeebaha koonfureed ee Soomaalida.
1875 Masar oo qabsatay magaalooyin ka tirsan
xeebaha iyo qaybo ka mid ah berriga dhulka
Soomaalida.
1897 Kala qaybsashadii Somalia ee guumeysiga.
Ingiriiska, Itoobiya, Faransiiska, iyo
Talyaaniga ayaa kala qaybsaday gobolkaasi.
1900 – 1920 Hoggaamiyihii loo yaqaannay ‘Wadaadkii
Waallaa’ ee Sayyed Maxamed Cadulle Xassan oo
kala horjeestay dagaallo jihaad ah dalalkii
isticmaarka ee qabsaday Somalia, gaar ahaanna
Ingiriiska iyo Itoobiya.
1934 Talyaaniga oo dagaal ku qaaday Itoobiya.
1940 Talyaaniga oo qabsaday maxmiyaddii Ingiriiska
ee Somaliland Protectorate.
1941 Dalalkii Isbahaysiga ee dagaalkii labaad ee
adduunka oo jebiyey Talyaaniga. Maamulkii
milateriga ee Ingiriiska oo la wareegay
dhammaan qaybihii Soomaalida, marka laga
reebo maxmiyaddii uu haystey Faransiisku.
1943 Aasaaskii xisbigii ugu horreeyey ee ugu
weynaa ee Somalia ee Leegada SYL (Somali
Youth League).
1946 ‘Qorshihii Bevin’ amma ‘Bevin Plan’.
Wasiirkii Arrimaha Debadda ee Ingiriiska ee
waqtigaasi, Earnest Bevin, oo ku taliyey in
11
la mideeyo dhammaan qaybaha Soomaalida oo
maamul qudha la wada hoos keeno, taladaasi oo
lagu gacan-saydhay.
1950 Qaybtii Talyaanigu xukumi jirey ee Somalia
Italiana oo la hoos keenay wilaayadda
Jamciyadda Qaruumaha ka Dhaxaysa, si ku-meel-
gaadh ahna loogu igmaday in Talyaanigu sii
maamulo muddo toban sano ah. Maxmiyaddii
Ingiriiska ee Somaliland Protectorate
sideedii hore ayaa lagu celiyey oo Ingiriiska
ayay hoos timid mar kale, Ogaadeeniyana waxa
dib loogu celiyey Itoobiya.
26 June 1960 Madaxbannaanidii Somaliland.
1 July 1960 Madaxbannaanidii qaybtii Talyaaniga ee
Somalia Italiana iyo ku-biiriddii Somaliland,
halkaasi oo ay ka dhalatay Jamhuuriyaddii
Somalia.
1963 Jabhad mucaarad ah oo ka bilaabantay
Ogaadeeniya oo keentay dagaal kooban oo dhex
mara Somalia iyo Itoobiya.
1963 – 1967 Jabhad Shifto ah oo soomaali ah ayaa
olole gobannimodoon oo ay doonayeen inay kaga
madaxbannaanaadaan Kenya ka wadday gobolka
waqooyi-bari ee Kenya.
21 October 1969 Dawladdii rayidka ahayd oo lagu
afgenbiyey inqilaab milateri oo uu
hoggaaminayo General Maxamad Siyaad Barre.
Waxana la soo rogey habka ‘Hantiwadaagga
cilmiga ku dhisan’ oo uu tageerayey Midowgii
Soofiyet.
1973 – 1975 Qoritaankii af-Soomaaliga iyo ololihii
la-dagaallanka wax-qoris-la’aanta iyo wax-
akhris-la’aanta.
1974 – 1975 Abaaro xun iyo macaluul ba’an oo keenay
dadweyne fara badan oo ku barabaxay miyiga
waqooyiga, kuwaasi oo loo raray koonfurta
12
Somalia, loona sameeyey iskaashatooyin
beeraley iyo kuwo kalluumaysato.
1977 Qaybtii Faransiisku haysatay ee French
Somaliland oo madaxbannaanaatay, noqotayna
Jamhuuriyadda Djibouti, oo uu madaxweyne ka
noqday Xassan Guuleed Abtiddoon oo ka soo
jeedey qawmiyadda Soomaalida. Waxa kale oo
dagaal qaadday Jabhaddii Ogadeen oo ku
qaadday Itoobiya.
1977 – 1978 Dagaalkii Itoobiya iyo Somalia. Waxa la
jebiyey Somalia ka dib markii Midowgii
Soofiyet uu taageeray dhinicii kale. Waxa
kale oo dhicisoobey inqilaab la isku deyey in
lagu rido Siyaad Barre.
1982 Waxa samaysmay jabhadihii SSDF ee waqooyi-
bari, iyo SNM oo iyana ka samaysantay dhinaca
waqooyi-galbeed. Labaduba waxay degeen
Itoobiya oo ay saldhig ka dhigteen.
1988 Waxa la sameeyey jabhaddii USC oo ka
samaysantay Rooma.
26 January 1991 Madaxweyne Siyaad Barre oo xukunkii
laga tuuray, waxana ka tuurtay jabhaddii USC.
Dagaal-kooxeedyo ayaa ka bilaabmay magaalada
Muqdishu iyo meelo kale oo ka tirsan Somalia.
18 May 1991 SNM ayaa ku dhawaaqday madaxbannaanida
Somaliland.
May 1992 – 1993 Hawlgakii ‘Operation Restore Hope’
ee Qaramada Midoobay ; 30,000 oo ka kooban
ciidammada Maraykanka iyo dalal kale ayaa
bilaabay hawgallo nabad-ilaalineed.
May 1993 Hawlgalkii ‘Operation Restore Hope’ oo lagu
wareejiyey UNOSOMII.
5 June 1993 Ciidamadii hoggaamiye-kooxeedkii Maxamad
Faarax Caydiid oo diley in ka badan labaatan
13
askari oo ka socdey Pakistan, kana tirsanaa
ciidamadii nabad-ilaalinta ee Muqdisho
joogey.
October 1993 Dhacdadii ‘Black Hawk Down’ ee magaalada
Mudishu lagu soo ridey diyaaraddii
helikobtarka ee Maraykanka. Boqolaal Soomaali
ah iyo siddeed-iyo-toban askari oo Maraykan
ah ayaa iyagana la diley.
1994 Ciidamadii Maraykanka oo ka baxay Somalia.
1995 Ciidamadii nabad-ilaalinta ee Qaramada
Midoobey oo ka baxay Somalia.
1998 Gobolka waqooyi-bari ee Puntland oo ku
dhawaaqay maamul-goboleed u gaar ah.
2000 Shirweynihii dib-u-heshiisiineed ee Carta oo
lagu qabtay dalka Djibouti. Cabdulqaasim
Salaad Xassan ayaa wufuuddii shirkaasi u
dooratay in uu noqdo madaxweyne qaran oo ku-
meel-gaadh ah.
2002 – 2004 Shirweynihii nabadda ee Mbakagathi oo
lagu qabtay dalka Kenya, looguna doortay
Cabdullaahi Yuusuf in uu noqdo madaxweynaha
dawlad Federaal ah oo ku-meel-gaadh ah.
2006 Midowgii Maxkamadaha Islaamiga ah oo qabsaday
gobollada koonfurta iyo badhtamaha Somalia
intooda badan.
December 2006 Itoobiya oo gashay Somalia. Midowgii
Maxkamadaha oo laga tuuray xukunkii.
2007 Dawladdii ku-meel-gaadhka ee Federaalka oo u
guurtay magaalada Muqdishu. Waxana halkaasi
la geeyey ciidammo nabad-ilaalineed oo ka
socda Ururka Midowga Afrika.
2008 NATO oo oggolaatay in la geeyo ciidammo ka
tirsan ciidammadeeda badda biyaha Somalia, si
ay uga ilaaliyaan budhcad-badeedda.
14
2009 Ciidamadii Itoobiya oo ka baxay Somalia.
Hoggaamiyihii hore ee Midowgii Maxkamadaha
Islaamiga ah, Sheikh Shariif Sheikh Axmad, oo
shirkweynihii nabadda ee Djibouti loogu
dooratay in uu noqdo madaxweyne ku-meel-gaadh
ah.
2010 Ururka Islaamiyiinta ee al-Shabaab oo haysta
koonfurta iyo badhtamaha Somalia inteeda
badan ayaa shaaciyey oo ku dhawaaqay inay
taabacsan yihiin, kuna xidhan yihiin al-
Qaacida.
11 July 2010 Afar-iyo-toddobaatan qof oo lagu diley
magaalada Kampala ee dalka Uganda iyaga oo
daawanaya ciyaartii kubadda cagta ee adduunka
ee kama-danbaysta ahayd. Al-Shabaab ayaa
sheegatay inay iyadu qaadday weerarkaasi is-
qarxinta ahaa.
July 2011 Qaramada Midoobay oo ku dhawaaqay xaalada
macaluuleed oo ka jirta qaybo ka tirsan
gobollada koonfurta iyo badhtamaha Somalia.
October 2011 Kenya oo ciidamadeeda milaterigu ay
galeen koonfurta Somalia, iyaga oo
ujeeddadoodu ay tahay inay ka saaraan al-
Shabaab gobolkaasi.
15
HORDHAC (Introduction )
Somalia waxay ka mid tahay kuwa sumcaddoodu ugu
lidato adduunka. Marka la xusayo, inta badan waxay u
taagan tahay oo loogu halqabsadaa “qaran
guuldarraysatay”.1 Maraykanka iyo dalalka kaleba waxay
ku tilmaamaan inay hoy u tahay al-Qaacida. Hey’adaha
gargaarka (oo ay ka mid tahay hey’adda qaabilsan
qaxootiga ee UNHCR, sida uu ku dhawaaqay madaxa
hey’addaasi, Antonio Gutters, bishii July 2011),
waxay sheegeen in Somalia ay ka taagan tahay
“dhibaatadii ugu xumayd ee banii’aadminnimo ee
adduunku”.2
Kuwa kale, waxay ku tiriyaan dalalka adduunka ‘ugu
kharriban ee ugu musuqmaasuq badan”.3 Ceebaha Somalia
waxa ka mid ah xataa (sida lagu soo qoray jariidadda
Economist, sannadkii 2004), inay caan ku tahay
baasaaboorrada ‘been-abuurka ah” kuwa ugu horreeya
adduunka.4
Warbixinnada warbaahinta caalamiga ahi marka laga
hadlayo Somalia, waxay ku tilmaamaan dal “ budhcad-
badeeddu ay buxisay badixiisa”5 , (waxa tusaale loo
soo qaadan karaa maqaalad uu qoraaga Peter Hughes ku
soo saaray jariidadda Daily Telgragh, bishii May 13
ee 2011.
magaalo-madaxda Muqdishana waxa loo yaqaannaa
“meesha ugu khatarsan adduunka”6. Ereyga “muqdishu”
waxa uu erey-bixinta dadka qaar ula mid mid yahay
macne ahaan meel kharriban oo run ahaantii u taagan
xaalad dhibaato. Waxa jirtey xataa in riwaayad
Ingiriis ah oo la sameeyey sannaddii 2011 in loogu
magac-daray Mogadishu. Riwaayaddaasi kama hadlayn
Somalia, waxayse ku saabsanayd dugsi sare oo dhibaato
ay ka taagan tahay oo ku yaal magaalo weyn oo ka mid
ah Ingiriiska. Markii muddaharaadyado rabshada wattaa
ay ka dhaceen degaanno ka tirsan dalkan Ingiriiska
16
bishii August ee 2011, weriye ka tirsan BBC-da oo ka
soo warramayey rabshadahaasi gaar ahaan xaafadda
Tottenham ee London waxa uu ku tlmaamay inay xaafaddu
u ekaatay amma la mid noqotay Muqdishu.
Mar aan su’aalo ka weydiiyey koox ka tirsan caruurta
dalkan Ingiriiska waxa ay ka yaqaannaan Somalia, wiil
dhalinyaro ah oo ka mid ah kooxdaasi ayaa si fiican u
jilay qori boobe ah oo rasaasi si darandoorri ah uga
dhacayso. Wuxu sheegay in ciyaalka saxiibbadiisa ah
ee ay iskuulka ku wada jiraan ay ka cabsadaan waxa uu
ugu yeedhay “Malis” amma “Maaliga”, sbabtuna inay
tahay in jinsigaasi ay yihiin dad ama kooxo budhcad
ah oo dembiilayaal ah. “Noloshaadu waxay ku jirtaa
halis oo waa ku deysey haddii aad wax ku darsato
dadkaasi “Maliga” ah, ayuu yidhi wiilkaasi. Wiil kale
oo sagaal jir ah waxa uu isna ku sheegay Somalia inay
tahay meel “dadku ay sabool yinhiin laakiin ay
haystaan qoryo fara badan’. Gabadh yar ayaa iyana igu
tidhi Somalia waa meel ay ka buuxaan budhcad-badeed,
mid kalena waxay tidhi waa meel caruurta laga dhigto
askar dagaallanta.
Somalia waxay buuxiay dhammaan shuruudihii dal
Afrikaan ah oo dhibaatooyin hadheeyeen. Waxa ka jira
dagaallo, waxa ka jirta macaluul. Waxa laga helaa
muqaallada iyo sawirrada ugu habboon ee soo jiita
warbaahinta: hub aad loo isticmaalo, dhallinyaro
mooryaan ah oo adegsada hub,oo mukhaadaraad ku
waashay, oo xayraansan oo ku wareegaya baabuur
LandCruiser ah oo dusha laga jaray, dumar lafo ah oo
xammbaarsan caruur tag daran oo macaluulaysa, iyo
diqsi fara badan oo ku xoonsan wejiyadooda.
Muqaalladan iyo sawirrada noocan ahi waxay si weyn u
soo ifbaxeen oo Somalia telifishannada caalamka soo
gashay mar kale bishii July ee 2011 ka dib markii
Qaramada Midoobay ay ku dhawaaqday xaaladmacaluul ah
oo ka taagan gobollada qaar ee dalkaasi.
17
1 Qof dumar ah iyo ilmo yar oo ka mid ah dad soo
baracay ee ku jira xeryaha magaalada Muqdishu ee
dadkii macaluushu saamaysay, August 2011 (Mohamed
Moalimuu)
Muuqaalladan iyo magacyada halhayska looga dhigay,
waxay ka indha-saabeen adduunka,in la arko dhinayada
kale ee Somalia. In ka badan labaatan sano oo
dalkaasi ay ka taagnaayeen khilaafyo iyo
dhibaatooyin, waxay ku kalliftay in Soomaalidu
dhinaca kale ay kasbadaan waayo-aragnnimo, lana
yimaaddaan habab cusub oo siyaasadeed iyo kuwa
dhaqaale. Waxay si cuntanto oo dhakhso ah u dabbaqeen
adeegsiga tiknoolojiyada casriga ah, iyaga oo ku
18
dabbaqaya hab-dhaqankii farsamo ee xattaa ka
horreeyey isticmaarka. Waxayna taasi u suurtogelisey
inay sameeyaan adeegyada xawaaladaha lacagta ee ugu
horumarsan, uguna wax-ku-oolsan qaaraddaasi, iyo
weliba adeegyada isgaadhsiinta telifoonnada moobiilka
ah ee casriga ah, isla markaasina ugu jaban Bariga
Afrika.
Buuggani waxa uu soo bandhigayaa doodo ah in wax
badan oo kale laga kasban karo waayo-aragnnimada
Soomaalida iyo sida ay u macaamilaan ee ay wax u
qabsadaan; iyo in dalkaasi leeyahay dhinacyo badan oo
kale oo cuntama, oo aan ahayn uun iska-horimaadyo
dagaal, gaajo, budhcad-badeed, iyo islaamnnimo xagjir
ah. Waxa kale oo qoraalkani uu ka baaraandegayaa,
soona bandigaya sida ay ku timid in in ka badan
labaatan sano Somalia aanay yeelan dawlad dhexe oo
wax-ku-ool ah.
Waxa kale oo buuggani uu eegayaa kaalinta ay ku
yeesheen arrimaha Somalia quwadaha waaweyn ee debaddu
iyo hey’adaha caalamihga ahi. Waxanu isweydiinayaa
bal in kaalintaasi iyo sida ay u waajaheen Somalia,
gaar ahaanna dawladda Maraykanka iyo dalalka ay isku
bahda yihiin, inay waxtar u noqotay dalkaasi, iyo
inay qayb ka qaadatay burburkii koritaanka
qarankaasi, sida ay ku doodaan ee ay qabaan khubaro
fara badani.
In kasta oo Somalia ay jiraan waxyaabo badan oo
shaqeeyaa, haba u shaqeeyaan inta badan siyaabo aan
caadi ahayne, haddana waa in aan la yaraysan baaxadda
dhibaatooyinka yaalla. Laga soo bilaabo burburkii
dawladdii dhexe ee 1991 iyo sannadihii colaadeed ee
xigey, Somalia waxay ahayd dal aan sidiisa u taagnayn
ka-qaran siyaasadeed oo wadajira. Dalku waxa uu u
kala jajabay qaybo ka kooban gobollo iskood isku
19
maamula oo xuduudahoogu mar walba isbedelaan. Qaar ka
mid ah gobolladaasi waa kuwo xassillon marka la
barbar dhigo kuwa kale, gaar ahaanna Jamhuuriyadda la
magac-baxday Somaliland, hasse ahaatee aan weli
haysanin aqoonsi caalami ah. Laakiin Somaliland waxa
ka jira nidaam dawladnnimo oo ku dhisan hab
dimoqoraddi ah, marka loo eego qaybaha kale. Waxa
kale oo ka jira dhaqaale kobcaya, iyo habab kale oo
ijtimaaci ah oo si buuxa u shaqaynaya.
Arrinta Somaliland waa mid muran weyni ka taagan
yahay, in kasta oo ay dhinac kastaba u shaqayso una
jirto si madaxbannaan oo iskeed u taagan. Haddana
marka la eego mawqifka rasmiga ah ee dawladda ku-
meel-gaadhka ah ee Somalia iyo caalamkuba waxay u
arkaan Somaliland inay tahay qayb ka tirsan guud
ahaan Somalia. Mararka loo baahdo in la kala xuso,
waxan ku kala tilmaami doonaa labadaasi dal 'Somalia'
iyo 'Somaliland'. Mararka qaarna, gaar ahaan marka
aan ka hadlayo wixii ka horreeyey 1991-kii, ereyada
'Somalia' iyo 'Somali' waxan u adeegsan doonaa
magacyo koobaya labadaasi.
Ilaa sannadkii 2011, dad badan oo ka kala ah
Soomaali, shaqaalaha ajanebiga ee hey'adaha
gargaarka, diblomaasiyiin, aqoonyahanno, iyo kuwa
kaleba, marka ay xusayaan dalkaasi waxay fikri ahaan
uga hadlaan oo ay u kala saaraan saddex qaybood oo
kala gooni ah, kalana ah 'Koonfur-dhexe', Puntland
iyo Somaliland, xattaa haddii ay weli u aqoonsan
yihiin rasmi ahaan dal qudha.
Gobollada kale ee Somalia,intooda badani uma
habaysna qaab sugan oo iskood u taagan, kumana
shaqeeyaan nidaam sugan oo caalamka kale si sahal ah
u fahmi karo. Inta badan waxa ka jira xaalado
degganaansho la'aan ah oo aan la sadaalin karin,
waxana mar walba isbedela awodaha maamulka. In badani
20
waxay u aragtaa in xaaladaha noocani ahi ay khatar ku
yihiin Soomaalida lafteeda, dalalka deriska la ah iyo
caalamka intaba.
Somalia waxa mar kasta loo yaqaannaa 'qaran
fashilmay', taasi oo macnaheedu yahay in aanay
dalkaasi ka jirin wax nidaamsan oo si hagaagsan u
shaqeeya, isla markaasina aanay ka jirin nabadgelyo
amma horumar midna. Marka la qiimaynayo xaaladahani
loogu magac-daray Somalia, waa in lagu xisaabtamaa oo
la xusaa duruufihii hore ee ka jiri jirey dalkaasi
intii ka horraysey burburkii dawlad dhexe oo
shaqaysa. Waxa weligeedba si joogto ah u jirey xoogag
gooni ah oo ka durugsan awodda dhexe, dalkuna waxa uu
mar walba ku jirey xaalad uu qarka u saaran yahay in
uu kala burburo, xattaa intii ay ka talinaysey
xukuumaddii qalafsanayd ee kelidii-taliyihii Siad
Barre, intii u dhaxaysey 1969 ilaa 1991.
Dedaalkii Siad Barre ee uu isku deyayey inuu abuuro
awod dawladeed oo meel dhexe oo qudha laga wada
maamulo oo kelideed-talis ah, iyo awod shakhsiyadeed
oo isaga u gaar ah, arrimahani waxay aakhirkii
sababeen dhicitaankiisii; dagaal keenay burbur oo
lala galo Itoobiya sanadihii 1970-neeyadii.
Takooriddii la takooray qabaa'ilka qaar ee xoogga
badnaa iyo qaybihii kale ee danaynayey awodda
maamulkuna waxay keeneen in ku dhegenaanshihii awodda
xukunka ee Siad Barre ay bilawdo inay kala furfuranto
xattaa sanado badan ka hor intii aan laga tuurin
xukunka bishii January ee 1991.
Sababahaasi awgood, waxay noqonaysaa arrin khaldan
in lagu doodo in Somalia ay weligeedba hore u ahaan
jirtey dal xassilloon, iyo qaran si buuxda u
shaqaynaya oo leh hab dimoqoraadi ah amma nidaam
kaleba.
21
Waxa loo baahan yahay in loo helo Somalia qaab cusub
oo dawladnnimo oo ay dabbiqi karto, kaasi oo
suurtogal ay tahay in uu iskugu jirey qaababka
casriga ah iyo kuwii dhaqankooda ee ismaamulka,
qaabkaasi oo tixgelinaya isla markaasina ogolaanaya
in gobollada kala geddisani ay yeeshaan maamul-
hoosaadyo madaxbannaan ilaa heer.
Taariikhda jahawareerka leh ee beryahan danbe soo
martay dalkaasi iyo nidaam-darrada xun ee ka
taagnayd, waxay keeneen in siyaasadaha caalamku
ay fikrado xun ka qaataan dalkaasi oo si khaldan u
fahman, kuwaasi oo saamayn weyn ku yeeshay, wax
weynna u dhimay Somalia, Geeska Afrika, iyo inta ka
shishaysaba. Fikradahaasi khaldani waxay sii
xoogeysteen gaar ahaan sanaddii 2006 markii ay soo
ifbaxeen isbahaysigii maxkamadaha ee loo yaqaanney
Isbahaysiga Maxkamadaha Shareecada Islaamka(UIC), ee
ay qabsadeen degaanno badan oo ka tirsan dalkaasi,
ilaa iyo intii ciidamada Itoobiya oo Maraykanku uu
taageerayey, ee caawinayey dawladdii taagta darnayd
ee ku-meel-gaadhka ahayd ay galeen dalkaasi ee ay ka
saareen maamulkii Isbahaysiga Maxkamadaha Islaamiga
ah.
Dawladda Maraykanka iyo dalalka kale ee ay
bahwadaagta yihiin si khalad ah ayay u fasirteen
dhacdooyinkani. Waxay si khaldan isku mid ka soo
qaadeen dhaqdhaqaaq siyaasadeed oo islaami ah oo
gudaha ka dhashay iyo isbahaysiga guud ee caalamiga
ah ee al-Qaacida. Taasina waxay keentay in magacii
dalkaasi ay si dadban ugu meelmarto oo ay u faafto in
uu noqday hoy cusub oo ka soo ololaystaan
dagaalyhaniinta jihaad-doonka ah ee adduunka iska soo
urursanayaa.
Marka la eego qaabkii hore ee Isbahaysigii
Maxkamadaha Islaamiga ahi (UIC) ay ku samaysmeen,
umay taagnayn urur cusub oo wada dagaal Islaami ah.
22
Maxkamadihii Shareecadu waxay sannado dhawr ah ka
hirgeliyeen degaannadii ay ka abuurmeen ee Somalia,
ku-dhaqanka nidaam deganaansho iyo caddaalad, ka dib
markii maamulkii dawliga ahaa uu burburay. Waxay soo
rogeen hirgelinta xukun-ciqaabeedyo aad u qallafsan
oo ay ka mid yihiin addimada oo la jaro amma lugaha
iyo gacmaha oo qofka laga gooyo, laakiin waxa kale oo
ay hirgeliyeen nabdgelyo ay helaan dadweynaha intooda
badani. Waxa suurto gashay markii ugu horraysay, ilaa
dagaalladii sokeeye, in dadku ay mari karaan jidadka
magaalada Muqdishu iyaga oo aan wax cabsi ah qabin.
Hasse ahaatee waxa timid oo rumowdey markan cabsidii
ugu weyneyd ee ay qabeen Maraykanka iyo bahdiisii. Ka
sib markii la jebiyey isbahaysigii maxkamadaha
islaamiga ah sannadkii 2007-dii, qaybo ka tirsanaa
dhaqdhaqaaqaasi ayaa dib isku soo abaabulay oo noqday
miliishiyooyinka al-Shabaab ee dagaal-wadayaasha
Islaamiga ah, kuwaasi oo isla markaasina khatar ku ah
adduunka kale ee debadda. Dagaalyahaniin ajenebi ah
ayaa debadda kaga soo biiray islaamiyiintii
Soomaalida ee gudaha, waxayna al-Shabaab bishii
February ee 2010 markii ugu horraysay ay si cad u
caddaysatay ku-xidhnaanshaha al-Qaacida.
Sababta oo ah in loo arkay inay hoy u noqotay al-
Qaacida iyo ururrada kale ee ku xidhan, ayaa waxa ay
keentay in la soo geliyo Somalia tilmaamaha iyo
mawqifyada adag ee ay reer Galbeedku ka qaaten
xaaladihii ka abuurmay 9/11. Waxa lagu tilmaamay inay
noqotay 'Ciraaqdii Afrika', iyo 'Afqaanistaantii
Afrika'. Iyo weliba in sida Ciraaq iyo Afqaanistaan
oo kale, in Soomaaliyana ay noqotay meel aad loo
daneeyo marka la qiimaynayo ee indhaha lagu hayo
hadba sida siyaasadaha debadda ee Maraykanku
hoggaaminayaa ay u guulaystaan amma u
guuldarraystaan.
23
Kenya ayaa iyana si xad-dhaaf ah u isticmaashay oo
uga faa’iideysatay halhayska "La-dagaallanka
Argagixisada" bishii October ee 2011, waqtigaasi oo
markii ugu horraysey taariikhdeeda ilaa
gobannimadeedii ay weerar milatery ku qaaddo dal kale
oo debadeed. Ciidamada Kenya waxay galeen koonfurta
Somalia, iyaga oo ujeeddadoodu ay tahay inay meesha
ka saaraan al-Shabaab oo joogitaankooda agagaarka
xadka Kenya iyo xeryaha qaxootigu uu khatar weyn oo
nabadgelyo ku noqday Kenya. Ciidamada Kenya waxa
caawinayey diyaaradaha dagaalka ee Maraykanka ee loo
yaqaanno nooca 'drone-ka' ee iyaga is-wada, kuwaasi
oo ka soo kaca saldhigyo ku yaalla Ethiopia, kuna
qaada weerarro door ah bartilmaameedyo la rumaysan
yahay in al-Shabaab ay ku sugan yihiin.
Sida in badan oo caalamka ka tirsani ay u arkeen
Somalia, waxay muujinaysaa in lagu guuldarraystay in
la fahmo in aanu dalkaasi ahayn mid lagaga talogeli
karo in uu si moogaansho ah uun isku dhiibayo oo uu
ogolaanayo faragelin arrimihiisa gaarka ah lagula
kaco iyo in kolba wax lagu tijaabiyo oo lagu eego.
Waa in aan loo arag Somalia aalad Shax ah amma
"Chess" oo aan waxba kala ogeyn marka laga hadlayo
"Dagaalka Argagixisada". Soomaalidu waa dad leh ab
iyo taariikh, baraarug weyn iyo ujeeddo adag.
Qaar ka mid ah Somalidu waxay yaqaannaan sida looga
faa'iideysto xaaladda dalku ku sugan yahy ee lagu
magacaabay 'qaran fashilmay', iyo in dalkaasi uu
noqday meel argagixisadu ka abuuranto oo hoy u ah.
Siyaasiyiinta iyo qabqablayaasha dagaalka waxay
caadaysteen in si xeeladi ku jirto ay ugu eedeeyaan
kuwa ay iska soo horjeedaan inay yihiin Islaamyiin
xagjir ah, si ay u kasbadaan oo ay u helaan taageero
debadeed oo dhaqaale iyo mid milateri.
Somalia waxay weligeedba ahayd meel fool adag oo
24
dhibaato ku ah ajanebiga debaddu inay fahmaan oo ay
wax ka qabtaan. Sumcadda iyo sawirka ugu weyn ee
caalamku ka haysto dalkaasi waxa si cad u muujiyey
filimkii Hollywood ee Black Hawk Down. Filimkaasi
waxa uu ka sheekaynayaa sidii bishii Oktoobar ee 1993
ay miliishiyooyinkii taageersanaa qabqablihii
dagaalka ee Mohamed Farah Aideed ay u dileen siddeed
iyo toban askari oo ka tirsanaa ciidammadii
Maraykanka ee joogey Muqdishu, ka dib markii la soo
ridey laba diyaar oo Helikobtarro ah, nooca loo
yaqaan Black Hawk oo Maraykanku lahaa. Shilkani waxa
uu ku yeeshay Maraykanka saamayn weyn oo riiq argagax
ah ku reebtay, ka dib markii dadweynaha Maraykanku ay
telifishannada ka daawadeen meydadkii
askarta Maraykanka oo qaawan oo jidadka magaalada ay
jiid-jiidayaan dadweyne ku orinaya oo Somaaliyeed.
Hawlgal markii hore ku bilaabmay
gargaar bani'aadminnimo oo ujeedadiisu ahayd in lagu
quudiyo dad Afrikaan ah oo macaluuli haysey, ayaa
isku rogey dhibaato weji-gabax ku riddey dawladda
Maraykanka. Muddo bilo ah gudahood ka dib markii
shilkaasi dhacay, ciidammadii Maraykanku waxay ka
baxeen Somalia, waxana bedeley halkoodii hawlgal ah
ciidammado ka socda Qaramad Midoobey, kaasi oo aan
sidoo kale isaga laftiisu guulaysan, isla markaasina
si dhakhso ah isna uga baxay dalkaasi. Taasina waxay
dalkaasi geyeysiisey in sannadaao badan uu caalamku
ka indha saabto oo uu daayaco. Waxayna noqotay in
Somalia inteeda badan faraha laga qaado, iyagana la
isku daayo oo adduunku dhabarka u sii jeediyo, taasi
oo aakhirkii keentay in kalluumaysatadii ay isku
rogaan budhcad-badeed, Islaamiyiintii qunyar-socodka
ahaana inay noqdaan xagjir ku xidhan al-Qaacida.
Ra'yulcaamka guud ee reer Galbeedku ka qaatay
shilkii 'Black Hawk Down' waxay ku noqotay mid fajac
iyo xanuun leh: Sideebaa ummad sabool ah oo reer-
25
guuraa ahi ay u awodeen inay ku khasbaan dawladdii
ugu quwad weyneyd adduunku inay faraha ka qaaddo
hawlgal markii hore ujeeddadiisu ahayd faragelin
ban'aadminnimo? Laakiin haddana tani ma ahayn
markii ugu horraysay ee Somalia ay ka hortimaaddo ee
ay isku taagto xoogagga waaweyn ee adduunku.
In kasta oo aan sidaa loo aqoon, amma aanay u magac
dheerayn sida taariikhda 'Looltankii Weynaa' ee
Afghanistan oo kale, halkaasi oo muddo gaadhaysa ilaa
100 sanadood ay imbaraadooriyadihii Ruuska iyo
Ingiriisku ay isku deyayeen laakiin ku guulaysan
waayeen inay xoog ku muquuniyaan dalkaasi, haddana
taariikhda casriga ah ee Somalia waa mid ay ku ladhan
tahay dadkeeda oo isla qabweyn, iskana caabbiya kana
xeel badiya xoogagga ugu waaweyn ee hadba soo
waajaha. Laga soo bilaabo xilliyadii ugu horreeyey ee
reer Yurub ay gaadheen qaaradda Afrika, Soomaalidu
waxay soo jiiteen qorayaasha iyo mufakiriinta oo aad
u daneeyey.
Marka la eego waxyaabihii uu ka qoray sahamiyihii
Ingiriiska ahaa ee Richard Burton, ( buuggiisii
‘Lugtii/Socdaalkii ugu Horreeyey ee Bariga Afrika’
ee ugu horraantii la aabacay sanaddii 1856), wuxu ku
tilmaamay Soomaalida 'jinsi kulul oo ka kooban
jamaahiir kacsan'7. Aqoonyahanka culuunta bulshada ee
la yidhaa Professor Ioan Lewis, laguna tilmaami in uu
yahay caalimka ugu weyn ee dersey waxna ka qoray
Soomaalida, wuxu isna ku qoray (buuggiisii ‘Fahmidda
Somalia iyo Somaliland’ ee 2008), in Soomaalidu 'ay
si qaawan oo cad u quudhsadaan dadyowga kale'.8
Xaalad hore oo u dhiganta shilkii ' Black Hawk Down'
waxay tahay taariikhda loo yaqaan 'the Mad Mullah'
amma 'Wadaadkii Waallaa', naanaystan oo Ingiriisku
ugu yeedhi jirey Sayyed Mohamed Abdulle Hassan oo ay
col ahaayen, waxanu Sayyed Mohamed Abdulle Hassan
26
ahaa hoggaamiye-dagaal oo gabayaa ah. Waxanu dagaal
kula jirey ciidamadii isticmaarka labaatankii sano ee
ugu horreeyey qarnigii labaatanaad. Waxa uu
hoggaaminayey dagaal uu ku macneeyey Jihaad amma
dagaal diini ag oo lagu qaadayo gaalada. Sida
Soomaalida maanta oo kale, ujeeddada dagaalkiisu
waxay ahayd in uu golbolka ka xoreeyo oo ka ilaaliyo
reer Yurub, Itoobiya iyo Kiristaanku inay ku yeeshaan
saamayn. Wuxu awodey in uu dhawr sano iska caabiyo
xoogaggaasi, laakiin aakhirkii dhulalkii Soomaalidu u
badnayd ee ay degeysey waxa kala qaybsaday oo
xukunkoodii la wareegay amma qabsaday dawladdihii
Itoobiya, Ingiriiska, Talyaaniga iyo Faransiiska.
James Rennell Rodd oo ahaa hoggaamiyihii maamulkii
Ingiriiska ee qaabilsanaa Somalia, waxay noqon lahayd
in uu sidoo kalena wax ka qoro xaaladaha maanta ee
Somalia haddii uu soo gaadhi lahaa, (marka loo eego
waxyaabihii hore ee uu ka qoray dagaalladii
waqtigaasi. Waxana ka mid ahaa qoraalladiisaasi
‘Xusuus-Qoraalladii Diblomaasiyadda iyo Arrimaha
Ijtimaacia ah ee 1894 – 1901, iyo 1923’), waxanu ku
qoray mar uu ka faalloonayey xaaladihii dagaal ee
waqtiaas 'nafo badan oo qaali ah ayaa lumay, waxana
khasaaray kharash malaayiin ah oo ku baxay hawlgallo
aan la mahadin oo lagu qaaday cadow aan muuqan oo aan
la malayn karayn, oo na baday dhibaatooyin baaxad
leh, in ka badan muddo labaatan sano ah'.9
Wadaadkaasi lagu naanaystan jirey 'Mad Mullah' amma
'Wadaadkii Waallaa' waxa uu dagaalkiisa u adeegsan
jirey af iyo addinba. Gabaygiisa iyo masafooyinkiisa,
waxa uu u isticmaali jirey kicinta iyo qiiro-gelinta
taageerayaashiisa, ilaa maantadanna isaga iyo
fikradihiisii waxay leeyihiin saamayn iyo hiigsi.
Soomaaliduna waxay si xushmad iyo xiiso leh u soo
xigataa gabayadiisii. Ma aha inay ku xusayaan
dagalladii lala galay Ingiriiska, laakiin waxay ku
27
dabbaqaan oo ay barbar dhigaan xaaladaha taagan
haatan iyo xidhiidhka dalkaasi manta la leeyahy
Maraykanka iyo xulafadiisa.
Soomaalidu waa dad weli sii haysta dhaqan-afeedkii,
iyadoo gabayaa iyo maansooyinku ay si weyn uga
muuqdaa nolol-maalmoodkooda; in badanina waxay u
adeegsadaan gabayada iyo hal-haysyada maahmaahyada,
halqabsi iyo hal-tusaale ay u daliishadaan doodaha
iyo xallinta dhibaatooyin badan.
Inta badan intii hore la iskugu deyey faragelin
debadeed taariikhda Somalia, waxay badankoodu ku
danbeeyeen wax dib ugu noqda qaramadii shisheeyaha oo
lagu khasaar, waxyeello kalen ka timaaddo. Faham
la'aanta weyn ee xaaladaha dalkaasi waxa macnaheedu
uu yahay oo ay keenaysaa in xattaa marka adduunku
debadd uu daacadda ka yahay ee uu doonyo in uu si
dhab ah wax uga qabto dhibaatooyinka
banii'aadminnimada, sidii dhacay sannadkii 1990-dii
oo kale markii dagaalkiisa sokeeye iyo abaarihii
dabiiciga aha ee dhaliyeen macaluusha, in haddana
gurmadkaasi uu ku danbeeyey in uu qayb ka qaato
burbur kale oo dheeraad ah iyo kala qaybsanaan ku sii
dhacda dalkaasi, iyo iska horimaadyo hor leh, halkii
loola jeedey in lagu horumariyo nabadaynta.
Inta badan dedaalladii debadeed ee ku saabsanaa in
lagu dhiirrigeliyo Soomaalidu inay wax ka qabtaan oo
ay xal u helaan dhibaatooyinkooda, waxay sidoo kale
ku danbeeyeen in lagu fashilmo. Ilaa 2007-dii, waxa
la qabtay in aan ka yarayn afar iyo toban shirweyne
oo qaran oo dib-u-heshiisiineed, oo dhammaan Lola
jeedey in lagu soo afjaro khilaafaadkii tirada
badnnaa ee ka dhashay dhicitaankii Siyad Barre ka
bacdi. Shirarkaasi faraha badnnaa ee kharasyada
badanina ku baxeen waxa mar kasta maalgelinayey
dalalka debadda iyo hey'adaha caalamiga ah, waxana
28
mar kasta lagu qabanayey Somalia debaddeeda. Mararka
qaar waxay jiitamayeen sannado, kumana yeelan wax
saamayn ah oo sidaas ah xaaladihii gudaha.
Laga soo bilaabo sannadihii 1990-kii, hoggaamiyayaal
badan oo Soomaali ah ayaa waqti badan ku lumiyey
wadahadallo keliya oo ku saabsan sidiii Somalia loogu
soo dabbaali lahaa nidaamkii degganaanshaha, halkii
ay ku dhaqaaqi lahaayeen ficil ahaan wax-qabad la
taaban karo oo wax ugu filan horumarinta nolosha
dadweynaha caadiga ah. Waxase haatan la-yaabis leh
in weli quwadaha debaddu ay diyaar u yihiin inay sii
wadaan bixinta kharshayada shirarkaasi. Xaqiiqada ah
in Soomaalidu ay haddana awodi karaan inay weli ku
sii qanciyaan dalalka iyo ururrada debaddu inay sii
maalgeliyaan oo ay bixiyaan kharshaadka shirarkooda
qaran ee dib-u-heshiinta, ayaa waxay tani tusaale u
tahay sida qaar ka tirsan Soomaalidaasi ay ugu fiican
yihiin inay ka faa'iidaystaan xaaladaha jira. Waxay
helaan sannado badan oo ay kasbadaan khibrad iyo
xeelado ay ku maalaan ajanebiga, gaar ahaan marka ay
jiraan xaalado degdeg ah oo u baahan gurmad mucaawano
amma taageero ku aaddan ka-shaqaynta nabadgelyada.
Labaatan sano oo laga hadlayey wada hadallo
nabadgelyo oo lagu qabto hudheello iyo goobo kale oo
raaxo oo ka baxsan Somalia, waxay keeneen oo qudha
sii-kala-qaybsanaan kale oo weyn oo ku timaadda
hoggaanka Soomaalida dhexdooda, iyo dadweynihii looga
tegey inay ku sii jiraan khilaafaadkii iyo
jahawareerkii taagnaa.
Sababtuna waa dhab ahaantii hoggaamiyayaashooda iyo
guud ahaan caalamka oo gabay inay dib u soo celiyaan
degganaanshihii, sidaasi darteedna Soomaalidu waxay
abuurteen hababkooda iyo qaababkii ay ku badbaadin
lahaayeen jiritaankooda. Sida loo arko dalkaasi ee ah
' qaran fashilmay' ayaa ah mid gaaban oo si khatari
ku jirto wax u xaddideysa. Ka sakow qaska taagan iyo
29
maqnaanshaha xukuumad dhexe, waxa jira haddana
dhinacyo badan oo kale oo mujtamacaasi leeyahay oo
weli si wax-ku-oolnnimo ah u sii shaqaynaya, xattaa
gobollada ay sida weyn u saameeyeen khilaafaadka iyo
dagaalladu. Dhinacyadaasi, oo ay ka mid yihiin
ganacsiga iyo isgaadhsiintu, waxay noqdeen kuwa
badbaada oo sii kobca, gaar ahaanna xawaaladaha
lacagayowga, telifoonnada moobiilka, iyo ganacsiga
xoolaha nool.
Daraasadda iyo ka-baaraandegga ku saabsan xaaladaha
Somalia, haddii laga fikiro uun maqnaansha dawlad
dhexe oo keliya, waxa indhaha laga lalinayaa
qiimayntii kale ee dhinacyada iyo qaababka
ijtimaaciga ah, kuwa siyaasadda iyo dhaqaalaha ee
gaarka u Somalia, qaababkaasi oo laga yaabo inay
noqdaan kuwa weliba dalalka kale ee ay saameeyeen
dagaallada iyo burburkii dawladahoogii ay ka dayan
karaan oo ka faa'iideysan karaan.
In loo arko dalka oo dhan sida ay ku sugan tahay
caasimadda Muqdishu oo kale oo laga dhigo muraayadda
laga fiirinayo, waxay keenaysaa in sifooyin badan oo
laga bixiyo Somalia ay muujinayaan sawir ah in dalka
oo dhammi uu yahay mid dagaal joogto ahi uu meel
kasta ka jiro dhexdooda. Hasse ahaatee qaybo
ballaadhan oo kale ayaa deggan oo nabad waafi ahi ay
ka jirtaa, kuwaasi oo leh maamulkooda, nidaam-
sharciyoodkooda iyo dhaqaalahooda. Xaaladaha
Jamhuuriyadda la magac- baxday Somaliland ayaa ah
kuwa si fiican u hirgalay oo hagaagey, halkaasi oo
qaxooti badan oo hore uga yaacay dagaalladii ba'naa
ee sokeeye ee dhammaakii 1980-kii ay dib ugu soo
noqdeen hoygoodii. Qayb kale oo iyana deggan marka
loo eego inta kale waa gobolka waqooyi bari ee
Puntland ee deriska ah, kaasi oo samaystay
ismaamulkiisa daakhiliga ah, in kasta oo uu in muddo
ahu ahaa fadhiisin weyn budhcad-badeedda.
30
Waa wax aan la filayn in iska horimaadyadii iyo
dagaalladii ka holcay badhtamaha iyo Soomaaliyada
koonfureed sannadkii 2007, inay ahaayeen natiijooyin
ka dhashay faragelin caalami ah oo ujeeddadeedu ahayd
in meesha laga saaro urur isagu awodey in uu keeno
xassilooni iyo deganaasho ilaa heer ah, markii ugu
horraysey gobolladaasi, laga soo bilaabo horraantii
1990-kii. Sababaha uu ugu guuleystey ururkii
Maxkamadaha Islaamiga ahaa dedaalkiisii ahaa in uu
soo celiyo kala- danbayntii iyo degganaanshihii, waxa
loo aanayn karaa inta badan inay ugu wacnayd in uu
marka horeba ka soo aasaasmay oo uu ka soo abuurmay
min hoos ilaa kor. Sida ururka Xamaas ee
Falastiniyiinta oo kale iyo Ikhwaanul-Muslimiinka
Masar, Maxkamadihii Shareecadu waxay ku kasbadeen
taageradii ay heleen, adeegyadii aasaasiga ahaa ee
ay u qabteen dadweynihii la daayacay. Iyaga oo
buuxinayey foogge bannaanaa, Maxkamadahaasi waxay
bilaabeen inay qabtaan qaar ka mid ah adeegyadii iyo
hawlihii aasaasiga a ahaa ee ugu muhiimsanaa ee uu
qaban laha maamul dawli ahi, dal aan dawlad lahayd.
Sida muuqata muhimadda kowaad ee mujtamacu ma ahayn
wejiga islaamiga ah ee maamulkaasi, laakiin waxa ay
ahayd xaqiiqada timid ee ah in muddo kooban oo lix
bilood ah oo maxkamaduhu ay hayeen awodda
xukunka, in nabadgelyadii ay ka soo raysay oo ay ka
fiicnaatay sidii ay sanado oo hore ahaan jirtey. Tani
waxay dhinacyo badan kala mid tahay xaaladdii ka
jirtey dalka Afghanistan xilliyadii maamulkii
Taliban, xilliyadaasi oo in kasta oo aanay jirin
adeegyo dadweynaha loo qabatay, in haddana uu jirey
nidaam iyo sharci ilaa heer ah, ka dib sannado badan
oo qas iyo deganaansho la'aan ah.
Dadweynuhu wax badan oo qiimo culus ugu fadhiya ayay
u hureen sidii loo heli lahaa nabadgelyo, welina
dedaalkaasi waxay ka sii wadaan qaybo badan oo ka
31
tirsan Somalia oo kooxaha Islaamiyiinta ee xagjirka
ahi ay maamulaan, kuwaasi oo ka sii fog Isbahaysigii
Maxkamadaha Islaamiga ah (UIC). Xukun shareeco oo aad
u qallafsan, oo uu ka mid yahay qisaas amma dil toos
ah, ayaa si furan dadweynaha hortiisa loogu fuliyaa
qaybahaasi. Qaadka oo ah geed lagu mirqaamo oo caan
ah, si weynna uga mid noqday dhaqanka Soomaalida,
ayaa isna la mamnuucay. Dumarka ayaa lagu khasbay
inay si buuxda isku dedaan oo ay xidhan dhar culus oo
ah xijaab madow. Waxa kale oo dadweynaha laga
mamnuucay inay daawadaan filimmada iyo ciyaaraha
kubadda cagta ee lagu soo bandhigo goobaha
dadweynaha, lagana fiirsado fiidiyayaasha.
Xattaa marka aanay jirin wax u muuqaa kara
nidaamsanaan caadi ah amma xaalado deganaansho oo
dadweyne, waxa si habboon u shaqeeya oo socda qaybo
ka mid ah dhaqdhaqaaqa dhaqaale iyo nolosha
ijtimaaciga ah. Somalia waxay ka mid tahay dalalka
Afrika ee xiisadaha iyo dagaalladu sida ba'an u
aafeeyeen, laakiin haddana waxay ka mid ahayd
dalalkii ugu horreeyey oo uu ka hirgalo adeegga
telifoonnada moobiilku. Iyada oo ku burburtay
dagaalladii sokeeye, waxay haddana ka mid noqotay
dalalka Afrika ee si fudud ay uga hirgashay
isgaadhsiintu, si sahal ahna uga gudubtay cahdigii
telifoonnada xadhkaha ee dhulka mara oo ahaa qaar
qaylo kulul, oo haddan aan la isku hallayn karayn.
Isticmaalka adeegyada Internet-ka ayaa isna noqday
hab kale oo casri ah oo si degdeg ah uga dhex
hanaqaada jaalliyadaha Somaalida ee ku kala nool
caalamka. Baahida loo qabo is-wargelin xogeed iyo
macluumaad, wada ganacsi iyo inay wada xidhiidhaan oo
wada macaamilaan, ayaa noqotay mid aan lahayn oo aan
ku xidhnayn wax xuduudo ah oo kala xanniba.
32
Soomaalidu waa dad jecel inay wada sheekaystaan, kana
hadlaan gaar ahaan arrimaha siyaasadda. Qurbajoogta
faraha badan ee ku kala baahsan min Maraykan ilaa
Australia, min Khaliijka ilaa dalalka Scandinavia,
waxay si firfircoon oo xiiso leh u isticmaalaan
adeegyada casriga ah ee hawada sare ee Internet-ka.
Qaababkani tiknoolojiyada casriga ah iyo adeegyada
isgaadhsiinta ee intooda badan u gaarka ah Soomaalida
waxay lama-huraan u noqdeen socodsiinta hababka
baaxadda leh ee xidhiidhadooda ganacsiga caalamiga ah
ee adduunka ay ku leeyihiin. Somaalidu waxay
dhoofisaa oo ay iib geysaa xoolahooda nool, ilaa
Kenya dhexdeeda, ilaa dhinaca kale ee Badda Cas ee
dalalka Khaliijka. Qaadka waxa isna laga keenaa
Itoobiya iyo Kenya, kumana eka meelaha loo dhoofiyaa
Somalia gudaheeda oo qudha, waxase la gaadhsiiyaa
dalalka kale ee adduunku ee Soomaalidu ay ku nool
yihiin.
Marka si ahaan loo eego, waa wax fajac ah amma la-
yaab leh, in Somalia ay tahay mid aan ilaa heerkaas u
shaqayn sidii 'qaran dawli' ah oo casri ah. Iyada oo
ka duwan dalalka kale ee Afrika intooda badan, ma aha
dal u kala qaybsan qawmiyado kala geddisan amma
qabaa'il kala jinsiyado ah. Marka loo eego dalalka
Afrika ee ka hooseeya Saxaaraha, waxa u gaar ah
Soomaalida inteeda badan oo ay wadaagaan af qudha,
cunsur amma asal mid ah, dhaqan ay is kaga mid yihiin
iyo diin qudha. Waa wax aan la filayn in tusaalaha
kale ee muhimka ah ee loo soo qaadan karo
mujtamacyada isku midka ah ee wax walba wadaagaa
Afrika, in uu yahay dalka Botswana, oo ka mid ah
dalalka Afrika ee qarannimadoodu sida weyn u
hanaqaadday.
Hasse ahaatee midnnimada Somalia waxa ka hor imanaya
oo lid ku ah qaab-beeleedka mujtamacyadaasi u
samaysan yihiin, oo ah mid asal ahaan wax kala
33
qaybiya. Qaabkaasi beelaha iyo qabaailku waa mid aan
xad lahayn oo marba marka ka danbaysa sii kala
qaybsamaya, carqalad weynna ku ah dedaallada ku
saabsan in la sameeyo dawlad dhexe. Waqtigii buuggan
la qorayey, dawladda ku-meel-gaadhka ahi waxay ku
shaqaynaysey oo ay ku dhisnayd qaab ah in dalka ay ka
jiraan afar qabiil amma beelood oo waaweyni, in kasta
oo ay jiraan dad badan oo khilaafsan aragtidani.
Beeluhu waxay haddana u sii kala qaybsamaan qolooyin
amma jilibbo iyo jufooyin, kuwaasi oo haddana hoos u
soo daadega, ilaa ay mararka qaar gaadho heer qoysas
kooban oo baho ah, oo gooni isku taaga, lana baxa
magac ardaa amma juffo. (Sida uu soo xigtey Scott
Peterson qoraalladiisii 2002), waxa jirta maahmaah
Soomaaliyeed oo caan ah oo si fiican u tilmaamaysa
kala qaybsanaanta dabiiciga ah ee mujtamaca:
Aniga iyo tolkay, iyo adduunka kale oo is-haya;
Aniga iyo ehelkay, iyo tolkii kale oo is-haya;
Aniga iyo walaalkay, iyo ehelkii kale oo is-haya;
Aniga iyo walaalkay oo is-haynna.10
Nidaamka qolooyinka amma beeluhu waa mid aad u
murugsan oo xattaa Soomaalidu ay ku jahawareerto,
qaar ka mid ah Soomaalidaasina ay kuba gacansaydhaan
kaalinta qaab-beeleedka la siiyo iyo inay wax ahmiyad
ahba leedahay. Mana jecla xattaa inay sheegaan qolada
amma beesha ay ka soo jeedaan. Waxa cad in qaab-
beeleedku uu ka xoog weyn nidaam kasta oo kale oo
siyaasadeed oo la soo rogo, guud ahaanna uu isla
markiiba dhaqan rogayo wejigaasi siyaasadeed, qaab-
beeleedkaasi oo ah mid ka xoog weyn, kana jiritaan
fog qaab kasta oo dawladeed. Hasse ahaate qaab-
beeleedku ma aha wax mar walba halkiisa taagan oo aan
isbedeleen. Waa isbahaysi firfircoon oo taddawur
34
samaynaya, amma hore u socda, oo si joogto ah ula
qabsada xaaladaha iyo duruufaha, mar walbana isla
qaabaynaya oo la qabsanaya xaaladaha siyaasadeed ee
dalka.
Qolannimada iyo isbahaysigu beeluhu waxay sii
xoogeystaan oo ay yeeshaan ahmiyad weyn xilliyada
dagaallada iyo colaadaha. Soomaali badan oo reer-
magaal ah ayaa sheegay in aanay aqoon qolada amma
beelaha ay ka soo kala jeedeen saaxiibadood iyo
jaararkoodu, ka hor dagaalladii sokeeye. Mar kasta oo
kooxaha dagaalka ee beelaha kala geddisan ku dhisani
ay abuurmaanba, waxay noqonaysaa in Soomaalidana ay
ku kallifto, oo aanay helin wax kale oo aan ahayn in
cid walba ay la safato beeshooda, oo ay kala raacaan
kooxahaasi, waqtiyada dagaalladu ay qarxaan. Soo-
ifbixitaankii ururrada islaamiyiinu, waxa uu waxooga
hoos u dhigay ahmiyaddii beelaha, laakiin waa ka fog
tahay wax la hubo inay si buuxda oo joogto ah u
tirtir karaan ku- abtirsiga beelaha.
Siyaad Barre laftiisu waxa uu aaminsanaa in sida
qudha ee uu wax ku xukumi karaa inay tahay in la aaso
oo meesha laga saaro qabyaaladda amma siyaasadda
beelaha ku dhisan. Ka dib markii uu xukunka si xoog
ah ku qabsaday sannaddii 1969-kii, waxa uu isku deyey
in laga gudbo qabyaaladda isaga oo soo rogey qaab
hantiwadaag ah. Waxa kale oo uu hirgeliyey af-
Soomaaliga oo la qoro sannadihii 1970- yadii, waxanu
qaaday loole xoog leh oo heer qaran ah oo dadweynaha
lagu barayo wax- qorista iyo wax- akhrinta. Kuwanina
waxay ahaayeen dedaal uu ku doonayey in uu abuuro
dareen waddaninnimo oo qarannimo.
Laakiin nidaamkii diktaatooriga amma keli- taliska
ahaa ee Siyaad Barre waxa uu ahaa qaab si fudud oo
la arki karo awodda xukunka u siiya beeshiisii
35
Daaroodka ee uu ka soo jeedey. Aakhirkiina
siyaasaddaasi beelaysantahay ayaa sabab u noqotay
dhicitaankiisii. Waxay ahayd colaaddii iyo nacaybkii
weynaa ee loo qaaday beelaha Daaroodka, ee ay u
qaadeen beelihii kale ee isku arkayey inay yihiin
dadkii xaqa u lahaa degaannada Muqdishu, colaaddaasi
ayaa dhalisay kacdoonkii aakhirkii jebiyey Siyaad
Barre iyo ka-bixitaankiisii magaalo- madaxda, bishii
January ee 1991.
Xaqiiqo kale oo daliil u ah degganaansho la'aanta
asal ahaan ka jirtey Somalia xilliyadii
diktraatooriyaddii Siyaad Barre, waxa weeye in shan
bilood oo keliya ka bacdi ay qaybihii Waqooyiga ee
dallkaasi ay goosteen, iskoodna ugu dhawaaqeen
jamhuuriyadda madax baannaan ee Somaliland.
Xuduudaheeguna waxay ilaa xad ku sarjarnaayeen kuwii
maxmiyaddii hore ee Ingiriiska, ee iyana loo
yaqaanney 'Somaliland', maxmiyadaasi oo gooni ka
ahayd Koonfurta oo Talyaanigu guumaysan jirey, loona
yaqaanney 'Somalia', qaab gooni ah oo aad uga duwan
maxmiyaddii Ingiriiskana loo maamuli jirey.
Arrin kale oo ka hor imanaysa degganaanshaha Somalia
inay noqoto qaran dawli ah oo taabbogal ah, waxa
weeye iyana xaqiiqada ah in dadweyne ay wadaagaan
dhiig, dhaqan iyo af, ay ku baahsan yihiin oo ay
deggan yihiin dhulal ka baxsan xuduudaheega. Xiddigta
cad ee shanta gees leh ee ku taalla calanka buluugga
ah ee Soomaalida, waxay u taagan tahay 'Soomaali-
Weyn' oo koobaysa soohdimo iyo qaybo ballaadhan oo ay
ka mid yihiin gobollada af-Soomaaliga lagaga hadlo ee
Itoobiya, Djibouti iyo Waqooyiga Kenya, iyo weliba
Somaliland iyo Somalia.
Tani dhibaatooyin kuma keenayso Somalia oo keliya,
balse waxay saamaynaysaa oo kale dalalka xadka tooska
ah la leh ee jaarka ah, kuwaasi oo mid walba daka
deggan ay ka mid yihiin dadweyne badan oo dhalasho
36
ahaan Soomaali ah oo aan xassilloonayn amma aan la
maamuli karayn. Qas iyo dhibaatooyin ka dhaca
Somaliyana, waxay ka dhigan yihiin dhibaatooyin
saameeya dhammaan dalalka gobolka Geeska Afrika.
Waxa jira faraqyo waaweyn oo asaasi ah oo u dhexeeya
sida Soomaalidu u shaqayso ee ay u dhaqanto, iyo
sifooyinka calaamadaha la yaqaanno ee lagu
xisaabtamo, lana qiimeeyo marka laga cadlayo
casrigani, nooca loo aqoonsan karo qaran dawli ah.
Ajanebigu waxay kala kulmaan dhibaato iyo fool-adkaan
sidii ay u fahmi lahaayeen Soomaalida, waxana jira
faraq weyn u dhexeeya qaabka loo wadey dedaalladii ku
saabsan in la waajaho oo xal loo helo dhibaatooyinka
Somalia, iyo duruufaha dhabta ah, amma xaqaaq'iqa
jira ee ay ku dhaqmaan noloshooda dadweynaha
Soomaalidu. Dadka ugu habboon inay wax ka qabtaan
dhibaatooyinkooda, marka xal loo raadinayo Somalia,
waa Soomaalida laftooda. Tani waxa caddayn u ah oo
haatanba markhaati u noqotay ilaa xad sida loogu
guuleystey jamhuuriyadda la magic-baxday Somaliland.
Waa wax aan la filayn in gobolkii inta badan
quwadaha debaddu ay iska dhaafeen ee aan helin wax
buuran oo kaalmo shisheeye ah, in uu haatan ka mid
yahay qaybaha ugu deggan, xaqiiqo ahaanna ugu
diimoqoraaddisan dhammaan dalalka gobolka Gesska
Afrika. Casharro ayaa laga baran karaa waayo-
arragnnimaada laga soo kasbaday Somaliland, in kasta
oo aan casharradaasi si toos loogu wada dabbaqi
karaynin Somalia inteeda kale oo labaatankii sano ee
u danbeeyey jid kale oo kan ka duwan qaadaysey.
Dalalka debaddu kaalin ayay ku leeyihiin oo ay ka
qaadan karaan arrimaha Somalia, sababta oo ah gaar
ahaan jiritaanka kooxo ku xidhan ururka al-Qaacida,
iyo budhcad-badeedda oo saamayn khatareed oo caalami
ah yeeshay. Laakiin ilaa inta si cad oo buuxda loo
37
fahmayo, loona waajahayo hab iyo qaab ka duwan kuwii
hore, waxay ku sii jirayaan arrimaha Somalia, murug
iyo jahawareer, xaalado walaac leh iyo khatar ay ku
hayso adduunka debadda, waxana sii adkaanaysa sidii
dalkaasi loogu heli lahaa xal wax-ku-ool ah, oo wax
ugu filan Soomaalida iyo inta kale ee aan Soomaali
ahayn labadaba.
38
CUTUBKA 1-aad: Beelaha iyo Dalka (Clan and Country)
In kasta oo Somalia ay ka mid tahay qaaradda
Afrika, haddana debadda waxay ku xidhan tahay, hoosna
kaga began tahay dalalka iyo dunida Carabta (eeg
khariidadda 1.1). Muuqeedu wuxu u eg yahay foolka
amma iligga Jeerta; waana xagal toos ah oo fiiqan,
kuna taal dacalka ugu shisheeya ee gobolka Geeska
Afrika. Ku-dhawaanshaha dhulkaasi uu ku dhaw yahay
Jasiiradda Carbeed (amma Khaliijka), iyo xeebta dheer
ee uu leeyahay oo gaadhaysa ilaa 30,000 oo kiloomitir
oo badweynta Hindiya kaga dhereran tahay dhinaca
bari, dhinaca waqooyina uu kaga beegan yahay khooriga
istaraatijiga ah ee Khooriga Cadmeed, ayaa macnaheedu
uu yahay in Soomaalidu ay qarniyaal badan isku
arkayeen inay ka mid yihiin duni ka baxsan amma ka
shishaysa Afrika.
Soomaalidu waa dad debadda ku xidhan oo dhoofa amma
safra oo socdaal badan, in kasta oo ay yihiin
mujtamac ilaa heer aan si sahal ah dadka iyo
dhaqammada kale u dhex geli Karin. Waxay dhaqan dheer
u leeyihiin badmareennimada, waxayna sannado badan
raaci jireen maraakiibta caalamiga ah ee badaha.
Malaha dhaqanka iyo weliba xeebtooda oo ku taal meel
istaraatiji ah, ahna tan ugu dheer Afrika, ayaa loo
aanayn karaa oo laga heli karaa sababaha ugu weyn ee
u suurtogeliyey inay qarnigani kow-iyo-labaatanaad
noqdaan budhcad-badeedda ugu firfircoon adduunka,
kuwaasi oo ilaa dabayaaqadii sannadihii 2000
qabsanayey sannad walba daraasiin maraakiib ah iyo
boqolaal dad ah oo ay u qabsadaan madax-furasho.
40
Ma aha joqoraafiga amma dhul-dhaceeda oo qudha waxa
Somalia ka jeediyey Afrika. Dabcan qaaradda Afrika,
waxa ka jira dadyow amma qawmiyado aad u kala duwan,
laakiin faraqa amma kala-duwanaashaha u dhexeeya
Soomaalida iyo Afrikaanka kale intooda badan ayaa ah
mid gaar ahaan aad u weyn oo muuqda. Tani waxay ka
dhigatay arrin adag oo dhibaato ah, amma xataa aan
suurtogal ahayn, in la meeleeyo amma la helo wax
sugan oo inta badan lagu mitaalo Soomaalida, marka
laga hadlayo siyaabaha loo kala saaro amma loogu kala
abtiriyo dadyowga degaannada Afrika ee ka hooseeya
Saxaaraha. Soomaali badan ayaan isku arkin inay
yihiin Afrikaan; si ahaanna uga geddisan amma ka
baxsan. Waxayna ka sheegaan hadallo iyo sifooyin
qallafsan oo ay ku tilmaamaan dadka amma jinsiyadaha
kale ee ay u yaqaannaan ‘Afrikaanka’, amma ‘Madowga’
amma ‘San-Weynta’.
Mid ka mid ah sababaha ugu wacan dareenkoodan ah
inay isku arkaan inay ka duwan yihiin dadyowgaasi
kale, waxa weeye Soomaalida oo ah dad si sahal ah loo
soo sooci karo inay yihiin dad is leh oo isku hayb
iyo uskun ah, amma xattaa isku ‘asal amma jinsi’ ah.1
(eeg qoraalka Richard Dowden, Africa: Altered
States, Ordinary Miracles, London, 2008). Iyaga oo ka
duwan sida ay yihiin umadaha kale ee inta badan dal
kasta oo kale dalalka Afrika ee ka hooseeya
Saxaaraha, Soomaalida intooda badani waa dad isku
issir amma jinsi ah, isku diin iyo af ah, siyaabo
badan oo ballaadhanna isku dhaqan ah.
Dabcan waxa jira qaybo ka gaar ah sifooyinkani. Waxa
jira qaybo amma kooxo ka kooban dadka laga tiro badan
yahay Somalia, kuwaasi oo dhaqan ahaan la hayb-sooco
oo ay iska fogeeyaan beelaha tirada badani. Dadkaasi
laga tiro badan yahay qaar ka mid ah, waxa ku dhacay
dhibaatooyin dheeraad ah xilliyadii dagaallada.
Qawmiyadda ugu weyn qawmiayadaasia laga tirada badan
yahay waa qawmiyadda loo yaqaanno Bantu-ga amma
41
Jareerta, kuwaasi oo ka yimid oo ka soo jeeda
addoontii iyo beeraleydii dhulkaasi yimid ee degey.
Ereyga ‘Jareer’ waxa uu macno ahaan u taagan yahay
‘dadkii timo-adagta ahaa’. Inta badan waxay ku nool
yihiin oo ay deggan yihiin dhulka beeraleyda ah ee u
dhexeeya webiyada koonfurta Somalia, iyaga oo ah dad
ka tabcada beeraha, amma ah farsamayaqaanno xirfadley
ah. Laakiin in badan oo ka mid ah dakaasi ayaa la
barabixiyey. Mararka qaar, Soomaalidu waxay dadkaasi
ugu yeedhaan oo ay u yaqaannaan Addoon.
Qawmiyadaha kale ee laga tiro badan yahay waxa ka
mid ah dadka loo yaqaan Banaadiriga, oo ah dad dhaqan
ahaan ganacsato ah, asal ahaanna ka soo jeeda Carab,
kuna nool oo dega xeebaha. Waxa kale oo ka mid ah
kooxo diimeed oo aad u kooban oo Kiristaan amma
Masiixiyiin ah, kuwa xagga mihnadda amma xirfaddooda
gaar ah dhaqan ahaan lagu yaqaan oo ay ka mid yihiin
Tumaallada, Kabatolayaasha iyo dadka ka shaqeeya
magdinta hargaha iyo saamaha, iyo dadka loogu yeedho
amma loogu waco munaasabadaha gaarka ah iyo
ducooyinka. Qawmiyadahaasi laga tiro badan yahay
waxay ku hadlaan af-Soomali, laakiin inta badan gooni
ayay u degaan, waxana yassa oo quudhsada Soomaalida
kale.
Khayraadka (Resources)
Soomaalidu waxay jecel yihiin oo ay ku kaftamaan in,
xataa ka sakow dagaallada badan ee ay soo mareen una
adkaysteen, in haddana ay ku nool yihiin degaan iyo
nolol aad u adag oo dhibaato badan, taasina ay sabab
u tahay inay noqdaan dad had iyo jeer col-u-joog ah
oo heegan u ah dagaal. Dhulku intiisa badan waa dhul
omos ah, oo miyi ah qallalan oo aan la degin, oo si
teel-teel ah ay ugu dhaqan yihiin geela iyo xoolaha
kale ee aan nugulka ahayn amma u adkaysta degaannada
adag, xoolahaasi oo ay raacaan reer miyiga sidoo kale
42
iyaguna ad-adag oo had iyo goor la raadiya biyo iyo
daaqsin. Xoolaha nooli waxay qarniyaal badan ahaayeen
laf-dhabarta dhaqaalaha Soomaalidu uu ku tiirsan
yahay, iyaga oo xidhiidho ganacsi oo badda ah la
lahaa dalalka Carabta, dhinac dhulkana dalalka Kenya
iyo kuwa kale ee gobolka.
Waa wax xiiso leh marka aad daawato xoolaha la
dhoofinayo oo la saarayo maraakiib waaweyn oo ku soo
xidhata dekedda magaalada Berbera ee Somaliland, adhi
badan oo xayn-xayn amma hormooyin ah oo la soo tubay
marinnada dekadda oo lagu rarayo maraakiibta iyo
doonyaha, geela oo inta dabar lagu jebiyey, dhexdana
lagaga xidhay cayn amma xadhko, ka dibna lagu
dallacay oo kor loogu qaaday wiish oo cirka ka soo
laalaada. Inta bandanna waxa loo qaado laba-laba,
lana saaro dheegga markabka.
Xoolahaasi inta badan waxa loo dhoofiyaa Sucuudiga,
halkaasi oo lacag badan lagaga heli karo iibka
xoolaha, gaar ahaanna xilliyada Xajka oo suuqa
xooluhu aad u furan yahay. Hasse ahaatee ka-ganacsiga
xoolahaasi nooli waa mid khatartiisa leh. Sucuudigu
waxa uu marmar ku soo rogaa xoolahaasi Soomaalida
xayiraad amma manuucis in laga dejiyo oo la geeyo
dhulkooda, xayiraaddaasi oo mararka qaar socota
sannado badan. Waxa kale oo ganacsigaasi xoolaha
khatar joogto-ku-dhawaad ahi kaga timaaddaa abaaraha
iyo roob-yaraan.
In kasta oo lacag fiican laga helo iibka lo’da,
adhiga iyo riyaha, haddana geelu waa xoolaha ugu
mudan ee ugu qiimo badan Somalia, waxanu kaalin weyn
ku leeyahay dhaqanka Soomaalida. Caadiyan degaannada
miyiga waxa ka mid ah oo aad ku arkaysaa geel dhex
wareega dhul iskugu jira geed-qodaxeed, dacarley,
tiin iyo dundumoyin. Mararka qaar waxaad akaysaa neef
geel ah oo la seeteeyey amma la dabray, oo si qaab
daran u dhex bood-boodaya, ugana tallaabaya waddada,
43
taasina ay keento in uu xannibo oo uu joojiyo
baabuurtii maraysey waddadaasi. Dhulka kaynta amma
yacayga dhexdiisa, waxaad ku arkaysaa nirgo jooga oo
dhex wareegaya, nirgahaasi oo laga soocay halahii, si
aanay u jiqin. Waxad arkaysaa goosan iyo kadimo geel
ah oo foofay oo raamsanaya, una daaqaya dhinac kasta,
oo ay la joogaan geeljire reer miyi ah oo dhuudhuuban
oo xidhan maryo iyo dhar caadi ah, degtana ku sita
ul, oo eegaya geela. Nin la yidhaa Cabdillaahi Faarax
ayaa igu yidhi:
Annagu haddii aannu nahay Soomaali, annaga iyo
geelayaga lama kala saari karo. Taariikh ahaan
weligayo geela ayaannu ku xidhnayn oon ku noolayn
kana helnaa caano, hilib, lacagta, iyo rarka oo
aannu gaadiid ahaan u iscticmaallo. Waa waxa ugu
weyn amma ugu horreeya ee aannu ku guurno
geeddiga dheer, kuna raranno dhammaan xaamaanta
iyo agabka, geeddigaasi oo maalmo qaata, isaga oo
aan u baahan wax biyo ah. Geelu waa laf-dhabarta
reer miyiga. Soomaalidu aad ayay u jecel yihiin
geela, waayo, si weyn ayay ugu tiirsan yihiin oo
ay ugu xidhan yihiin. In kasta oo tiradii
dadweynaha reer miyiga ahi ay hoos u sii
dhacayso, haddan jacaylka ay u qabaan geelu waa
mid aan weligii dhimanayn. Xattaa waannu ka
gabaynaa geela. (Abdullah Farah, Farmer,
Somaliland).
Geela waxa lagaga baxaa oo la manaafacaadsadaa caadi
ahaan waqtiyada iyo duruufaha adag. Waxa lagu bixiyaa
yaradka, magta dhiiga amma qiime lacageed oo u
dhigma, iyo magta laga xaqo dhaawaca iyo nabarrada.
Geelu wuxu u taagan yahay nolosha aasaasiga ah ee
Soomaalida, waxayna u tiriyaan gabayo iyo heeso gaar
ah oo ay ku ammaanaan, waxayna iska dhigaan oo ay
matilaan geelii oo hadlaya. Geela Soomaalidu xataa
44
waxa uu Internet-ka ku leeyahay bog Facebook ah oo u
gaar ah.2
Mid ka mid ah sababaha geela loo siiyo mudnaanta ee
uu ugu weyn yahay dadka dhaqda, waxa ka mid ah awodda
uu u leeyahay in uu u adkaysto duruufaha amma
xaaladha adag ee degaannada dalkaasi. John Drysdale
oo khabiir ku ah arrimaha Somalia, waxyaabihii uu ka
qoray geela Soomaalida waxa ka mid ahaa (The Somali
Dispute, John Drysdale, 1964):
Geela Soomaalida, oo ah nooca hal-kurus-laha ah,
waxa uu qadi karaa oo uu biyo-la’aan joogi karaa
waqti dheer, oo ka badan inta noocyada kale ee
geelu xammili karaan. Cimilooyinka ugu kulul ee
ugu qallalan, uma baahna in la arooriyo oo la
waraabiyo wax ka badan saddexdii toddobaadba mar
... Xilliyadaasi jiilaalkana, reer-miyigu waxay
ku nool yihiin gebi ahaan caanaha geela. Xataa
dharabka amma sayaxa aroornimo ma dhaafo
debnihiisa, kuwaasi leefa marka uu dharabsanayo.3
Jacaylka iyo mudnaanta Soomaalidu siiso geela, waxa
kale oo si weyn uga hadlay Professor Lewis:
Geela maalka loo dhaqdaa, waa kan qudha ee
caanaha ay ka helaan, inta badanna ay ku tiirsan
yihiin geeljiraha iyo raacatadu. Kan la rarto, oo
inta badan aan la fuulin amma aan caadi ahaan
laga dhigan rakuub dadka lagu qaado, marka laga
reebo qofkii buka, waxa lagu gurtaa oo gaadiid
ahaan lagu qaataa aqalka iyo gurgurka kale ee
jilicdasan oo lagu raro, xamaanta iyo dhammaan
agabka kale ee reerku leeyahay, marka laga
guurayo meel ee loo guurayo meelo kale. Saanta
geela waxa laga samaystaa kabaha laga xidho
cagaagga socdaallada dhaadheer ee dalka
dhexdiisa. Laakiin waxa geela lagu qiimeeyo ee
45
ugu weyn ahmiyadda uu u leeyahay reer-miyiga, ma
aha faa’iidooyinkaasi oo qudha. Ka sakow muddada
dheer ee ay jirtay lacagta oo lagu isticmaalo
wax-kala-bedelashada iyo qiimaynta, haddana waxa
ugu weyn ee ugu horraantaba qofka lagu qimeeyo
maalkiisa, mansabkiisa iyo maqaamkiisu waa hadba
tirada geel ah ee uu leeyahay. Mudnaantan tooska
ah ee dhaqanka Soomaalidu uu siiyo geela ee wax
walba ka sarraysiiyo, sida iyo wax ugu fiican ee
lagu fassiri karaa amma loo sharrixi karaa waa in
geeluhu uu yahay waxa wax lagu sarjaro ee lagu
qiimeeyo, marka loo eego macaamilka ijtimaaciga
ah iyo kan dhaqaalaha ee reer-guuraaga
Soomaalida.4
Ka sakow degaannada iyo cimilada adag ee ay ku nool
yihiin, haddana xoolahaasi adkaysiga badani ma aha
isha qudha ee khayraadka Soomaalidu ku tiirsan tahay.
Dhina Waqooyi-bari ee Somalia, waxa taariikh ahaan
beryihii hore loo yaqaanney ‘dhulkii Bunt’ amma
‘Dhulkii Udugga’, waayo dhulkaasi oomanaha ah waxa si
teel-teel ah uga baxa dhir iyo geedo xabagtooda laga
sameeyo oo laga dhigto foox iyo meydin, kuwaasi oo
laga baayac-mushtarayn jirey muddo qarniyaal ah,
loona isticmaali jirey udug la shitto munaasbadaha
diiniga ah ee Masiixiyiinta iy Muslimiinta adduunka.
Gobolkaas is-maamulka Waqooyi Bari, waxa uu
sannadihii aynnu soo dhaafnay sheegtay oo uu dib u
soo ceshaday magacii Puntland, in kasta oo waqtigii
buuggan la qorayey uu gobolkaasi caan ku ahaa
budhcad-badeedda, oo aanu ku magac-dheerayn udugga.
Sannadihii aynnu soo dhaafnay, waxa laga helay
xeebaha Soomaalida kayd ah saliid iyo gas dabiiciga
ah, laakiin in la soo saaro kuwaasi waxa xannibay
dagaallada, budhcad-badeedda, iyo xaaladaha xagga
siyaasadda ee mugdiga ku jira ee aan la hubin amma
aan lahayn wax lagaga talo galo. Socdaal aan ku tegey
Somaliland sannadkii 2011, waxan kula kulmay kooxo ka
46
kala yimid Norway iyo Saudi Arabia oo halkaasi u
yimid inay eegaan sida ay suurtogal u tahay inay ka
qayb geli karaan mashaariicda was-soo-saarka xagga
tamarta amma shidaalka. Hasse ahaatee, maqnaanshaha
aqoonsi caalami ah oo uu helo dalkaasi ayaa dhibaato
iyo carqalad weyn hadda ka horba ku noqotay
horumarinta qaybtani dhaqaale.
Qaybo ka tirsan Somalia ayaa ah dhul masno ah oo wax
laga beeran karo, gaar ahaanna dhulka koonfurta ee u
dhexeeya labada webi ee dalkaasi ee Juubba iyo
Shabeelle. Dhaqan ahaanna dhulkaasi waxa ku noolaa
dad beeraley ah oo falan jirey galleyda, badarka,
masagada iyo midhaha kale, in kasta oo wax-soo-
saarkii beeruhu uu si weyn ugu dhex tabaaloobey
dagaalladii socdey sannadaha badan. Soomaalida reer-
guuraaga ahi waxay hoos u eegaan oo ay quudhsadaan
dadka beeraleyda amma qodaalka ah, reer-guuraagaasi
oo u arka nolosha deggan ee qodaalku inay ka hoosayso
dhaqankooda guurguurka ee joogtada ah.
Xilliyadii guumaysiga, waxa laga sameeyey hareeraha
webiyada beero waaweyn oo laga beero muuska , kaasi
oo inta badan loo dhoofin jirey debadda oo loo
iibgeeyo. Ganacsigaasi muusku wuxu socdey dhawr sano
waqtiyadii dagaallada kululi ay jireen ee ku xigey
dhicitaankii Siyaad Barre – run ahaantiina,
ganacsigaasi waxa loo yaqaanney ‘ka-ganacsigii muuska
dhiigga ah’ amma muuskii lagu helay dhiigga dagaalka,
waxanu gacan ka geystey maalgelinta iyo hanti-u-
samaynta kooxihii dagaallamayey qaar ka tirsan –
laakiin markii ay sii daba dheeraatay deganaansho-
la’aantii jirtey sannadaha badani, waxa burberay
dhammaan ka-ganacsigii caalamiga ahaa ee muuska,
iyadoo weliba badh ka tirsan beerihii muusku ay ku
dhex baaba’een dagaalladii kooxaha hubaysan ee kala
geddisnaa. Muusku waxa uu ka mid yahay raashinka
muhimka ah ee Soomaalidu ay quutaan, waxana inta
badan la raaciyaa cunnada amma soorta muhimka ah.
47
Xeebta dgeer ee Soomaalida waxa ka buuxa kalluun iyo
khayraadka kale ee badda, in kasta oo reer-miyiga
xoolo-dhaqatada ahi ay dhaqan ahaan caayaan oo ay
quudhsadaan dadka cuna kalluunka. Waxa jirta sheeko
amma hal-hays Soomaaliyeed oo ka hadlaya qof reer
miyi ah oo yalaalugo amma hunqaaco qabato mar kasta
oo uu arko amma la kulmo qof ku nool xeebta, sababta
oo ah in mar kasta oo maskaxdiisa ay ku soo dhacdo
qof cunaya kalluun, in si weyn loogu kaco oo ay
hunqaaco qabato. Ka sakow qabka iyo isla-weynida ay
qabaan reer-guraagu, ee ay hoos u eegaan beeraleyda
iyo kalluumaysatada, haddana tobannaan kun oo ka
tirsanaa dadkii xoolo-dhaqatada ahaa ayay ku
kalliftay inay iyaga laftoodu noqdaan beeraley iyo
kalluumaysato, ka dib markii ay ku soo barabaxeen
abaarihii ba’naa ee badhtamihii sannadihii 1970-
neeyadii. ee dawladdu ay u samaysay dakaasi dib-u-
dejin, abaarahaasi oo baabiiyey xoolohoodii iyo
qaabkoodii noloshooda. Isbedelkan waxay u arkeen mid
ceeb iyo weji-gabax ku ah oo aan u qalmin heerkii
amma hab-dhaqankii noloshooda.
Quudhsiga la iskala weyn yahay istimaalka kalluunku
waxay keentay dhibaatooyin waaweyn xilliyadii
macaluusha, sababta oo ah in Soomalida qaar ay
diidaan inay cunaan kalluunka, xattaa haddii aanay
jirin wax kale oo la heli karaa amma la quuto.
Shaqaalaha ajanebiga ah ee hey’adaha gargaarku waxay
ka hadlaan dhibaatada ka haysata diidmada dadku ay
diidan yihiin ee ay ka soo taagan yihiin inay cunaan
kalluunka, amma siiyaan caruurtooda xilliyadii
dagaallada ee horraantii sannadihii 1990-meeyadii,
xilliyadaasi oo magaalada Muqdisho ay gabaabsi ku
noqdeen noocyadii kale ee raashinka intoodii badnayd,
iyadoo weliba magaaladaasi ku taal meel xeeb ah oo
kalluun ka buuxo badweynta. Waxan xasuusnahay markii
aan tegey garoonka diyaaradaha ee magaalada Muqdishu
xilliyadii uu ugu kululaa dagaalkii sokeeye, oo dadku
48
ay macaluulayeen, laakiin haddana saxarado is-
danayaalla oo ka buuxa khayraadka badda amma kalluun
ayaa lagu rarayey diyaaradaha oo loo dhoofinayey
dalka Saudi Arabia, halkaasi oo lagu iibiyo qiime
lacageed oo aad u sarreeya, loona isticmaalo
faakihaysi.
In kast oo maanta ay sii kodhayso tirada dadka cuna
kallluunka ee Soomaalida ah, haddana khayraadkii
badda ee Somalia waxa soo food saartay dhibaato kale.
Doonyaha iyo maraakiibta kalluumaysiga ee ajanebiga
ahi waxay ka faa’iideystaan burburkii dawladda dhexe,
waxayna xaalufiyaan oo ay dhacaan biyaha Soomaalida.
Budhcad-badeed badan ayaa ku dooda in sababta ku
kalliftay inay ka tagaan xirfaddoodii iyo
shaqooyinkoodii kalluumaysiga, inay tahay boobka
ajanebigu ku hayo khayraadkii badahooga, taasina ay
ku khasabtay inay noqdaan budhcad-badeed. Buugga uu
qoray Martin Murphy ee Somalia: The New Barbary? Waxa
uu kaga hadlayaa ilaa heerka dhibaatadani ay
gaadhsiisan tahay:
Ka dib sannadkii 1991, ma jirin xoog amma ciidan
ilaaliya badahan kalluunka. Doonyo ajanebi ah
ayaa si weyn oo xun u soo galay badahaasi si ay u
urursadaan noocyada kalluunka kala geddisan ee
Tuunada, Libaax-badeedka, ceydinka, loobistarka,
iyo kalluun-cadka ... Doonyaha iyo maraakiibtaasi
kalluumaysigu waxay ka kala imanayeen, amma soo
maalgelinayey, sharikado deggan dalalka ay ka mid
yihiin Yemen, Masar, Saudi Arabia, Pakistan, iyo
kuwa kale oo ku yaal soohdimaha adduunka looga
yaqaan badaha fogfog ee kalluumaysiga adduunka,
kuwaasi oo ay ku jiraan dalalka Taiwan, Shiinaha,
Japan, Kuuriyada Koonfureed iyo Thailand, iyo
qaar ka tirsan dalalka Ururka Midowga Yurub, gaar
ahaanna Spain oo maraakiibtoodu inta badan
sittaan calanka Belize, amma ‘calammo kale oo
lagu danaysto, laguna dal maro’, si ay uga dul
49
boodaan oo ay u baal maraan xeerarka Ururka
Midowga Yurub.5
Reer-Guuraaga (Nomads)
Waa laga yaabaa in waxa ugu weyn ilaha iyo
imkaaniyaadka Somalia inay yihiin dadkeeda. Sababta
oo ah xaaladaha adage ee ay ku nool yihiin, waa dad
hal-abuur iyo karti wax-soo-saar oo weyn leh, aad u
adkaysi badan oo xammila duruufaha adag, kuna
wanaagsan wax rogrogista amma ganacsiga iyo baayac-
mushtarka. Ma jiraan wax badan oo kale oo Soomaalidu
ay ku tiirsan yihiin, oo aan ahayn lafahooga iyo
xidhiidha adag ee dhexdooda ee beelaha. Meel kasta oo
adduunka ay tagaan, way la qabsadaab oo ay ku noolaan
karaan, iyaga oo inta badan gala ganacsi amma
geddisleyn. Ka sakow sannadihii badnaa ee colaadda
iyo dhibaatooyinkii kale ee keenay in Soomaali badani
ay debadda degaan, amma ay ku jiraan sannado badan
xerooyinka qaxootiga amma kuwa barabaxayaasha, in
badan oo ka tirsan Soomaalidaasi waxay weli ku sii
dheggan yihiin, si weynna ugu faanayaan dhinacyo
badan oo ka tirsan dhaqankoodii reer-guuraannimo, in
kasta oo dhaqankaasi uu yahay qaab-nololeed in badan
oo iyaga ka mid ahi ay ka tegeen waa hore.
Waa adag tahay in tirokoob sugan laga sameeyo wax
kasta oo laga helo Somalia, hasse ahaatee waxa lagu
qiyaasaa in inta u dhaxaysa boqolkiiba 60 ilaa 70
Soomaalidu inay yihiin reer-guuraa amma ay ku xidhan
yihiin reer-guuraannimada.6 Si ka duwan xaaladaha
dalal badan oo kale oo Afrikaan ah oo hoos loo eego
amma la quudhsado mujtamaca iyo dhaqanka reer-miyiga,
Soomaalidu, xataa kuwa ku nool magaalooyinka dalka
gudhiisa iyo debadduba, waxa maankooda ku jira oo ay
qiimeeyaan dhaqanka iyo qaab-nololeedii noocaas ahaa,
waxayna sii wadaan xidhiidhka iyo danihii ay ku
lahaayeen miyiga. Waxan la fadhiistay wax badan oo
50
aan arkay Soomaali aannu is naqaan, magaalooyinka
London, Nairobi, Hargeysa iyo Muqdishu, iyaga oo ka
hadlaya, si hammi ah, geelooga iyo raga ilma-
adeerradood ah ee nasiibka badan ee weli reer-
guuraaga sii ah, amma ku sii hadhay noloshii miyiga.
Waxa weli loogu jecel yahay ee la weyneeyaa waa
geela, oo Soomaalidu ay ku sheegto waxa ugu fiican
uguna adag Soomaalida oo dhan. Waxay leeyihiin kaftan
xiiso leh, laakiin maldahan, oo ay hoos u eegaan waxa
ay ku tilmaaman nolosha fadhiga ah ee caajiska ah ee
reer magaalka, sida iyaga oo kale. Professor Ioan
Lewis Waxa uu faahfaahinayaa sida dhaqanka reer-
guraannimadu uu xuddun-dhexaad ugu yahay hab-
nololeedka Soomaalida:
Ma noqon karto wax la buunbuuninayo amma laga
bad-badinayo in miyigu uu yahay laf-dhabarta
dhaqaale ee dadweynaha Soomaalida intooda badan,
iyo in qaab-nololeedka miyiga iyo dhaqankii reer-
guraagu, in ay yihiin kuwa ka mudan ee ka
horreeya dhammaan dhinacyada kale ee nolosha
Soomaalida. Iyada oo ka geddisan marka la barbar
dhigo sida ay yihiin mujtamayada reer-guuraaga ah
ee tirada yar ee dalalka kale, reer-guuraaga
miyiga Soomaalidu kama go’na magaalada, kamana
soocna oo kama duwana dhaqan ahaan iyo bulso
ahaanba dadka kale ee magaalooyinka deggan
intooda badan, shaqaalaha rayidka ah amma
shaqaalaha dawladda ee kale ee ay ka midka yihiin
ciidamadu. Laga bilaabo min madaxweynaha ilaa
hoos, heer kasta dawladda iyo maamulka, ilaa kuwa
reer-magaalka ah ee ku nool nolol casri ah ,
waxay ku leeyihiin miyiga walaalo iyo ilma-
adeerro, iyo xoolaha nool oo wax ugu jiraan, oo
ay qaybo ku leeyihiin. Shaqaalaha rayidka ah ee
magaaladu caadiyan waxay maalgeliyaan xoolaha oo
loogu hayo miyiga, una hayaan xigtadooda miyiga
deggani.7
51
Waxa muhiim ah in la fahmo jiritaanka ‘dhaqanka iyo
dabeecadda’ miyiga ee Somalia, sababtuna waxay tahay
in taasi ay sahlayso oo sharraxayso in la garto
sababaha dalkaasi uu uga horjeedo ee uu uga dhabar-
adygayo in la helo nidaam ku dhisan dawlad dhexe.
Sida uu u faahfaahinayo Ioan Lewis, aragtida ku
saabsan ‘nidaam iyo qaab awodeed oo maamul leh,
heerar kala sarreeya, waa aragti bidci ah oo
shisheeye oo debadda ka ah dhaqanka mujtamaca reer-
guraaga ee Soomaalida, kaasi oo isagu leh nidaamkiisa
iyo xeerarkiisa dhaqanka ee la xidhiidha hababka loo
gaadho ee loo qaato go’aammada, habkaasi oo ku dhisan
qaab diimoqoraaddi ah oo ilaa heer noqon kara mid aan
ku dhisnayn wax nidaam dhexe ah’.8
Nolosha iyo dhaqanaaksi reer-guraagu waxa kale oo uu
sharraxayaa sababaha aanay Soomaali badan wax macno
ugu lahayn ee aanay u tixgelin xuduudaha dalalka iyo
aragtida ‘dal’ lafteeda. Reer-guuraagu waxay
wareegaan oo ay u guurguraan dhulalkii qarniyaal
badan ay mari jireen tolkoodii iyo reerahoogu, iyaga
oo aan wax dan ah ka gelin amma aan tixgelin wax
xuduud ah oo kala tusmeeya, in kasta oo dagaalladii
ay arrimahani isku dhex qasseen.
In kasta oo degaannada magaaloobay, iyo dagaalladii
sanadaha badan socdey iyo abaaruhuba ay keeneen in
Soomaali badani ay ka tagto miyigii iyo noloshiisii,
haddana weli waxa caadi ah in qoysaska magaalooyinka
ku nool ay caruurtooda wiilasha ah u diraan miyiga,
si ay halkaasi u soo joogaan dhawr bilood oo ay ula
soo noolaadaan qaraabadooda reer-guuraaga ah, taasi
oo loola jeedo inay ku ‘soo ad-adkaadaan oo ay soo
qabtimaan noloshaasi adag’. Suxufiga Soomaaliyeed ee
Maxamed Cadde, oo iga caawiyey intii aan ku jirey
ururintii macluumaadka buuggan, waxa uu ka hadlay
markii uu yaraa oo laga diray magaalada Muqdishu,
52
loona diray miyiga, si uu ula soo joogo ilma-
adeerradiisii reer-guuraaga ahaa. Waxanu yidhi:
Afar iyo labaatanka saacadood, hal mar ayaannu
wax cuni jirney, cunnadaasi oo ka koobnayd caano
geel oo lis ah. Waxan cuni jirney hilib dhawrkii
caano-maalba mar. Biyaha la cabbaa waxay ahaayeen
‘biyaha dhirta’ oo laga nuugo amma muudsado
xididdada iyo midhaha dhirta. Waxan ku seexan
jirney dhul qaawan oo aan wax gogol ah lahayn, oo
kaynta dhexdeeda laga xaadh-xaadho meel nadiif
ah, oo aan hore loo cagacagayn, oo la jiifsado.
Laakiin marka hore waxaan mar walba iska hubin
jirney in aan wax masas ahi ku jirin halkaasi,
inta aannaan dhinaca dhulka dhigin. Reer miyigu
wax badan iskuma raraan oo waxay qaataan wax yar
oo fudud. Waxay qaataan weyso qori ah oo biyaha
lagu shubto, biyahaasi oo aan loogu talo gelin in
la cabbo, laakiin lagu weyseysto, waayo, salaadda
ayaa ka weyn cabbista biyaha. Waxa kale oo ay
qaataan Barkin qori ah oo marka la seexanayo
habeenkii laga dhigto barkimo madaxa la saaro.
Waxa kale oo ay qaataan hub qori ah, amma ul, iyo
mar walba toorray amma abley dhexda ugu xidhan.
Beryahan, qof walba waxa uu sittaa telifoonka
gacanta ee moobiilka, kaasi oo faa’iido weyn u
leh si ay u ogaadaan wararkii u danbeeyey ee
qiimaha suuqa xoolaha, iyo inay kula xidhiidhaan
tolkood iyo qaraabadooda. Reer-guraagu waxay
xidhaan laba go’ oo cad-cad iyo kabo laga tolay
saanta geela amma shaagga baabuurta ee gaboobey.
Reer miyigu waa dad dabiici ahaan askar oo kale ah,
waxayna ku nool yihiin nolol heegan ah oo dagaal-u-
joog ah. Waa dad ad-adag, oo aan qaadan wax xamaan ah
oo culaysiya, una baratay inay socdaalaan oo ay
lugeeyaan dhul aad u fog. Waa dada la qabsan og
53
xaaladaha nololeed ee dagaal iyo dagaalyahannimada,
ha noqoto dagaallada Islaamiga ah, kuwa
miliishiyooyinka beelaha, amma ciidamada dawladda.
Waxa dhici karta oo kale in qaar ka tirsan reer
miyigu ay u dagaallamaan cid kasta oo ay wax dheeraad
ah ka helayaan amma siinaysa lacagta ugu badan.. Waxa
jirey warar joogto ah oo sheegaya in kooxda
Islaamiyiinta ah ee al-Shabaab ay si toos ah dad uga
soo qortaan oo ay uga soo kaxaystaan ciidamada
dawladda, iyo sidoo kale in ay dhacdo in dawladduna
ay ka soo kaxaystaan qaar ciidammada al-Shabaab,
sababtuna ay tahay hadba ka bixinaya ee ku ballan
qaada mushahar ka sarreeye kan kale.
Dumarka reer miyigu waxay sidoo kale ku jiraan nolol
adag oo culays ah. Inta raggu ku maqan yahay geela
iyo lo’da, waxay sii joogaan reerka oo ay ku hayaan
caruurta iyo dadka da’da ah, kuna sii ilaaliyaan
halaha, adhiga amma idaha iyo riyaha. Khabiirka wax
ka qora arrimaha Somalia ee Michael Walls (The
Emergence of a Somali State, African Affairs, 2009),
waxa uu ku doodayaa in, in kasta oo dumarka
Soomaalidu ay kaalin aasaasi ah ku leeyihiin
dhaqaalaha miyiga iyo kan magaaladaba, in haddana
mudnaanta iyo ahmiyadda mujtamacu uu siiyo
kaalintoodaasi ijtimaaciga ah, inta badan aanay ahayn
tan kowaad ee ay tahay ‘xagga danbe’ amma mid
hoosaysa. Waxana ka mid ah dooddiisa:
In kasta oo aanay ahayn qaabka keliya, haddana
hababka lagu xoojiyo xidhiidhka debadeed waxa ka
mid ah xididnnimada amma kala-guursiga.
Habkaasina waxa ka dhasha aakhirka kaalin weyn oo
laba dhinac amma weji ah, oo in kasta oo aanay
ahayn rasmi, haddana ay yeeshaan dumarku, oo ay u
dhexeeyaan xidhiidhka reerkii ay ka dhasheen iyo
reerka ay u dhexeen. Iyada oo dumarka Soomaalidu
ay muddo dheer lahaayeen kaalin muhim ah oo ah
inay u kala dab-qaadaan beelaha, inay kaalin ka
54
qaataan abaabulka reerka dhaqaalihiisa iyo
xoolaha, iyo inay ka shaqeeyaan oo si dadban u
saaraan culays iyo xoog suurtogelinta in la helo
oo la gaadho arrimaha qaar, haddana talada iyo
go’aannada rasmiga ah ee kama-danbaysta ah, ee la
xidhiidha arrimaha ijtimaaci iyo kuwa siyaasadda,
waxay si weyn ugu xidhan yihiin amma u yaallaan
oo iska leh ragga.9
Qoraaga Soomaaliyeed ee Nuuraddiin Faarax, waxa uu
si gaar ah u dareensan yahay oo uu ugu baraarugsan
yahay kaalinta dumarka ee mujtamaca Soomaalida.
Cunwaanka uu siiyey buuggiisii ugu horreeey ee uu
qoray, oo uu u bixyey Feedh Qalloocan (From A Crooked
Rib), cunwaankaasi waxa uu ka soo qaatay hal-hays
Soomaaliyeed oo dumarka loogu maahmaaho, dadka qaarna
ay aaminsan yihiin inay maahmaahdaasi asal ahaan ka
timid xadiis nabaw:
Ilaahay, dumarka waxa uu ka abuuray feedh
qalloocan, qofkii isku daya in uu toosiyaana, wuu
jebinayaa.
Buuggu waa sheeko ku saabsan gabadh reer miyi ah oo
la yidhaa Ceebla, oo reerkii ka baxsatay, una
carartay xagga magaalada, lana kulmaysa oo ku
danbaynaysa dhibaatooyin badan oo kala geddisan oo ka
soo maraya guurka raga ay la kulanto. Waxana ka mid
ah faqradaha sheekooyinka buuggaasi:
Si weyn ayay u necbayd kala takroorista loo kala
eexanayo ragga iyo dumarka: fikradda ah in
innamada amma wiilashu ay sidaan magacii iyo
heybaddii qoyska iyo reerka. Xataa ninka
dabbaalka ah amma maraanka ah ee kala dhiman,
waxa uu kelidii la qiimo yahay laba naakood,
marka la bixinayo magta dhiigga. Innamada, wiil
kasta waxa la siiyaa min labaatan ilaa soddon
55
geel ah marka loo xoolo-goynayo. Laakiin dumarku
waa in ay sugaan waxa calafkoodu noqdo ee uu ku
danbeeyo: marka ay helaan dhaxdin ee la
guurasado. Inanku isla marka uu dhasho, waxa
markaaba loogu xuddun-xidhaa hal. ‘Malaha,
Ilaahayba ragga ka jecel dumarka,’ ayay is-
tidhi.10
Buug danbe oo uu qoray Nuraddiin Farah, oo la yidhaa
Gifts, waxa uu kaga sheegaynayaa xaaladaha iyo
duruufaha la soo gudboonaanya shakhsiyadda sheekadu
ku socoto oo la yidhaa Duniya:
Waa marka ay isku aragto inay tahay qof dumar ah,
kana fikirto waxay ay tahay naagnimo amma
dhedignimadu ... waa markaa marka Duniya ay
qalbi-jabto ee qulubto. Nolosheedii oo dhan, heer
kasta iyo meel kasta, min caruurnimadeedii ilaa
muddakarnimadeedii, xilli kasta oo ay gasho,
waxay gelaysay oo ay taagnayd ‘meelo iyo
marxalado’ kala geddisan, marxaladahaasi iyo
meelahaasi oo mid walba rag uuni maamulayey, oo
ka talinayey, gacantana ku hayey. Miyayna ka
tegin gurigii aabbaheed, si toos ahna ugu
wareegin Subeyr [ninkeedii ugu horreeyey]?
Miyayna haddana ka cararin Subeyr oo aanay u
gelin Shiriye [ninkeedii labaad]? ... Isla
markaasi, intaasi oo dhan, waxa isna jirey
walaalkeed Abshir, oo iyada ka weyn, oo ah nin
macaan oo wanaageeda jecel, oo meel kasta iyo
waqti kasta ku daba-jirey, lana socdey oo ka war
helayey dhammaan dhaqdhaqaaqeeda, tallabo kasta
oo ay qaaddo, iyo wax kasta oo ay yab-yabato:
Abshir oo ah maxadad amma marxalad kale oo ka mid
ah nolosheeda. Haddana waa nin kale. Imika waa
Bosaaso [saaxiibkeed]. Xikmadda sheekada? (Morale
della Storia?) Duniya way barabaxday, sida dumar
kale oo fara badan oo dunida jogaaba ay ku sugan
56
yihiin. Dumar ahaanna, way fara-madhan tahay oo
ma lahayn wax milki amma hanti ah.11
Ilaa imikadan, wax badani iskama bedelin xalaadda
dumar badan oo jooga Somalia. Wasiirka qaabilsan
arrimaha dumarka ee dawladda ku-meel-gaadhka ah,
Maryam Qaasin, waxay sheegtay sannadkii 2011-kii in
‘khatarta ugu weyn ee qofka dumar ahi ay maanta ku
sugnaan karto Somalia dhexdeeda, waa haddii ay uur
yeelato’, sababta oo ah nabadgelyo la’aanta halkaasi
ka taagan iyo adeegyadii aasaasiga ahaa ee umusha oo
aan jirin. Khatartu maha oo qudha ta ay ku sugnaan
karaan xataa dumarka sida caadiga ah u foosha ee u
umula; Hey’adda Caafimaadka Adduunku (WHO) waxay
iyana sheegtay isla sannadkaasi, in kala-badh in ku
dhawdhaw dadka ay soo gaadhaan dhaawaca xabadaha ee
Somalia, inay yihiin caruur da’doodu ay ka yar tahay
shan jir.
2 Dumar ka tirsan askarta ciidamada dawladda ku-meel-
gaadhka ah (Mohamed Moalimuu)
57
Gabayga (Poetry)
Reer-guuraaga Soomaaliyeed waxay leeyihiin dhaqan-
afeed xoog leh, waxana laga yaaba in taasi ay ugu
wacan tahay noloshooda maadiga ah oo baahsan, iyo
dhaqaalaha iyo khayraadka noloshoodu ku tiirsan tahay
oo teel-teel ah. Professor Lewis waxa qabaa oo uu
sheegayaa in suugaan-afeedka iyo gabaygu ay yihiin
fanka ugu mudan ee ugu qiimo weyn waxyaabaha laga
helo ee ay leeyihiin ‘Soomaalidu’. Fan-
suugaaneedkaasi quruxda badan ee gaarka ee takhasuska
ay u leeyihiin, waa mid ku bannaan qaabka iyo
dhaqanka dad reer-guuraa ah oo u bartay inay mar
walba si sahal ah ula guurguuraan xoolohooda iyo
xamaantooda, laakiin hibo u leh af amma luqad qani
ah. Soomaalidu waa dad u dhashay inay hadlaan oo ay
afka ka hadlaan, gabayo tiriyaan, kuna fiican sheeko-
xariirada iyo inay wax isku tebiyaan.’12
Soomaalidu waxay si dhakhso ah ula qabsadeen oo ay
dhaqan-afeedkoodii ku dabbaqeen tiknoolojiyada cusub
ee maanta. Waxay si weyn oo xad-dhaaf ah u daneeyaan
dhageysiga idaacadaha iyo telifishannada. Xattaa waxa
la sheegay in xilliyadii dagaallada sokeeye ay ugu
kululaayeen ee sannadihii 1990-meeyadii, in dadku ay
joojin jireen dagaalka waqtiga ay soo galayso
idaacadda af-Soomaaliga ee BBC-du, si ay u
dhageystaan. Waxa kale oo ay aad u isticmaalaan
adeegyada Internet-ka; waxa jira boqolaal barood amma
website oo u go’an wararka Soomaalida, siyaasadda iyo
dhaqanka.
Gabaygu waxa kale oo uu weli ku sii leeyahay nolosha
Soomaalida kaalin weyn oo muhim ah, iyadoo tixraac
amma tusaale iyo hal-qabsi loo soo qaato gabayadii
raggii hore ee dhintay iyo kuwa maanta joogaba, oo
lagaga hadlo ammaanta, faanka, xifaalaynta iyo wax-
iska-sheegga, dhiirrigelinta, wax-is-xasuusinta, iyo
58
in lagu dabbaqo marka laga doodayo xaaladaha maanta
taagan.
Gabayaaga ugu caansan waxa ka mid ahaa Sayyed
Mohamed Abdulle Hassan oo loo yaqaanney ‘ Mad Mullah’
amma ‘Wadaadkii Waalla’, oo noolaa intii u dhaxaysey
sannadihii 1860 ilaa 1921-kii. In badan oo ka mid ah
gabayadiisa, waxa uu u adeegsan jirey dagaalka, si uu
u kiciyo oo uu u dagaal-geliyo ciidankiisa, una
cabsi-geliyo cadowgiisa. Waxa kale oo gabayadiisu ka
hadli jireen dhinacyada kale ee nolosha Soomaalida,
kuwaasi oo ay ku jiraan xaaladaha adag ee nolosha
degaannada dabiiciga ah ee ay ku dhex sugan yihiin.
Waxana ka mid ah tixaha gabaygan calaacalka ah ee soo
socda (oo Sayid Maxamed Cabdulle Xassan kaga
calaalcalyo dhul barwaaqo ahaa oo daraawiishtu ka soo
guurtey, ka dibna meeshii ay u soo guureen ee ay
degeen ay ka heshay abaar xumi):
Ramag dhalay lo’ wada riira iyo, raasumaal adhi
ah
Rigta ciirta caanaha la raqi, racawadii maalka
Ragraag sixinta oo gog weyn, lagu rabbaasaayo
Rogob iyo baruur iyo caddiin, ramaqsigii goolka
Raka sare rawaaxi iyo xariir, raarta laga
buuxshay
Ribix waxan ka helay maalintaan, rababkii Ayl
iilley
Ra’yigayga kuma hayn inaan, rug uga guuraaye
Wax rafaad i soo galay markaan, awrta soo raraye
Rabbi niman oqoon bay qubay, raaxadaan qabaye
Rag baa igu cabiidshaye Nugaal, uma risaaloone
Niman baa riddaan igu wadaye, raalli ma ahayne
59
Reerkayga kama soo mareen, rabadinkuu yiille
Sidaan raaska Dhooddi ugu furay, rina ma
dheefayne
Risiq lagama helin geelashii, reysinka ahaaye
Kolba haddaan ka soo ruqay kobtay, ramastu ii
tiillay
Kolaan ruqur jabsado maalintay, rayadu geedowdo
Amaan raran gashado quullihii, raanta le’ekaaye
Curdankii ruguugucay kolaan, rubuc ka soo beegto
Amaan midhaha roobkii ku baxay, regad ka soo
buuxsho
Haddaan Hawd rabaalkiisa aal, dan uma riiqdeene
Waxay ii riyaaqsheen dalkii, reebida ahaaye
Waa meel dugaag roorayaa, ruqumbiyaayaaye
Waa meel raqdii aad tagtaa, ruux dada ey tahaye
Waa meel aan raan geeda weyn, raxan ka daaqayne
Waa meel ris iyo caws rudma ah, laga rifaayaaye
Waa meelaan raandhiis lahayn, ruus ka soo
baxaye.13
Jacaylka, dagaalka, dumarka iyo geeluba waxay yihiin
arrimo dhammaan si siman uga ka dhex muuqda oo laga
hadlo gabayga Soomaalida. Tixahan soo socda, waxay ka
mid yihiin gabay uu tiriyey nin kale oo gabayaa ahaa
oo la odhan jirey Cumar Xusseen Ostreeliya
(Australia), oo dhintay sannadihii 1960-meeyadii.
Waxa lagu naanaysi jirey ‘Cumar-Ostareeliya’, sababta
oo ah isaga oo si joogto ah uga hadli jirey dalka
Australia oo uu booqasho ku tegey socdaalladiisii
60
adduunka uu ku mari jirey. Gabaygani soo socda oo uu
ku ammaanayo gabadh uu ku hal-qabsanayoo oo la yidhaa
Weris, waxa uu isla mar kaga hadlayaa quruxdeeda iyo
shanqadha ka baxaysa qalabka ay sidato, sida rasaas
dhacaysa oo kale:
……………………………………………………………………………………………………
……………………………………………………………………………………………………
……………………………………………………………………………………………………
……………………………………………………………………………………………………
……………………………………………………………………………………………………14
In gabay laga tiriyo oo laga faalloodo xaaladaha
imika taagan, waa arrin khatarteeda leh, noqonna
karta wax xattaa naftaada halis geliya. Cabdirashiid
Cumar, oo ah nin dhallinyar oo gabayaa ah, waxa uu
tiriyey bishii December ee 2009, gabay amma guurow uu
u bixiyey ‘Fatwa’, ka dib markii qof ismiidaamiyey uu
isku qarxiyey xaflad qalin-jebin ahayd magaalada
Muqdishu, oo loo samaynayey arday ka soo qalin
jebisay kulliyadda caafimaadka, halkaasi oo ay ku
dhinteen in ka badan labaatan qof oo ay ku jireen
wasiirro dawladda ka tirsanaa. Ururka al-Shabaab waxa
uu u sheegay ninkaasi in uu amma ka noqdo gabaygaasi
oo uu buriyo, amma tiriyo guurow kale oo uu ku
ammaanayo al-Shabaab, haddii kale in la dili doon
isaga. Cabdirashii arrintaasi waxa uu ku gacansaydhay
hanjabaaddaasi, waxayna ku kalliftay in uu dhuumasho
galo oo uu is-qariyo.
Guurowgaasi ‘Fatwa’ waxa ka mid ahaa tixahan soo
socda:
61
Helley waataan lahaa,
Fa’ looxbaa lagu dhigaa,
Furqaan waa la akhriyaa,
Faruuryaa laga hadlaa,
Faraaxo lagu qabtaa,
Feeraa laga neefsadaa,
Falaax waa faws Ilaah.
………………………………………………………
Fa’dii kale waxan lahaa,
Farood waa ficil dugaag,
Fidniyo dirir waa fasaad,
Fallaar-tuur iyo is-feer,
Firaar laga dheefo mooyee,
Colaad faa’iido malaha.
………………………………………………………..
Fa’dii kale waxan lahaa,
Soomaaliya furuq qabsaday,
Fidnadii jeer hore fag tiri,
Banaadiiqdii la furay,
Fataatiir iyo ciyaar,
firqo lagu jabay dhammaan,
Ayaan kuba fooraroon,
Fekar baan la maahsanaa.
....................
Fa’dii kale waxan lahaa,
62
Furuuc Soomaaliyey,
Fallaagada reer Shabaab,
Waxay fiicnaan filaan,
Waxay qarax faafiyaan,
Fantiyo furuq weeye oo,
Furqaanku u maanicoo,
Fassir loo haynine,
Waar hoy fiirsada dadow...15
Gabayada dhaqanka iyo heesuhuba waxay yihiin qaar
weli kaalin dhexe ku leh nolosha dhaqanka Soomaalida,
laakiin iyaga laftoodu waa wax qaabkoodu isbedelayo
oo la qabsanaya waqtiga, laguna dabbaqayo hadba
qaababka cusub ah ee socda, gaar ahaanna siiqada amma
heesaha loo yaqaanno riglada (rap), siiqadaasi oo ah
mid gaar ahaan dhaqan-afeedku u jajaban yahay amma
aad ugu bannaan. Tusaale ahaan fannaanka Soomaaliyeed
ee reer Canada, Kaynaan, waa laashin si weyn ugu
caanbaxay fankaasi casriga ah ee loo yaqaan raabka
amma riglada. Dhallinyarada Soomaaliyeed ee iyaguna
deggan dalkan Ingiriisku, waxay isku badhxeen oo ay
isku dareen heesihii dhaqanka iyo qaababka muusikada
casriga ah, markii ay soo saareen hees gaar ah oo ku
baaqaysay sii-deynta laba qof oo lammaane ahaa oo
Ingiriis ah, oo u afduubnaa budhcad-badeed Soomaali
ah oo qabsatay sannadkii 2009.
Dhaqanka gabayadan Soomaalida ee leh hal-abuurka
sare, kaftanka, is-xifaalaynta iyo maahmaahyaha, waxa
iyaguna soo raaca naanaysaha loo bixiyo Soomaali
badan, oo si xiiso leh oo xariifnnimo loo dhigo, kuna
ladhan macne amma sifo maldahan, mararka qaarna si
toos ah oo aan naxli lahayn loogu yeedho qofkaas. Dad
63
waaweyn oo muhim ah ayaa loo yaqaan oo ku magac-dheer
naanaystooda oo qudha. Waxa ka mid ah hogaamiye-
beeleed awod badan oo la yidhaa Shaati-Guduud, iyo
Indha-Cadde oo loogu bixiyey isaga oo caado u leh in
uu hadba indha-caddeeyo oo uu kor u taago marka uu
wax eegaya. Madaxweyne Maxamed Siyaad Barre waxa loo
yaqaanney Afweyne. Macnaha ereyga amma magaca Siyaad
laftiisu waa ‘Barihii amma dhibcihii Madoobaa’, amma
‘Calaamadihii Madoobaa’. Naanaysaha kale ee caanka ah
waxa ka mid ah Gurey oo loogu yeedho qofka bidixlaha
ah, Ganey oo loogu yeedho qofka foolasha qaar ka
maqan yihiin, Rooble oo loo bixiyo qofka dhashay
maalin-roobaad amma roob da’ay, iyo Geelle oo macne
ahaan ah qofkii geela badan lahaa, inta badanna loogu
yeedho dadka amma qofka dheer ee xooggan. Dumarka
laftoodu, mararka qaar waxay leeyihiin naanayso loo
bixiyo, kuwaasi oo inta badan ah ammaan-bilaash amma
ka-badbadis. Waxa ka mid ah Sonkorey oo tilmaamaysa
macaan, Luul oo macnaheedu yahay Dheeman, iyo
naanaysta Cod-Weyn.16
Soomaalidu waxa kale oo ay leeyihiin magacyo badan
oo ay ugu yeedhaan ajanebiga, oo inta badan quudhsi
ah. Dadka caddaanka ah, waxa loogu yeedhaa Gaalo oo
loola jeedo dadka aan ‘Ilaahay aaminsanayn’ amma
‘kufaarta’ ah. Magacan waxa kale oo loogu yeedhaa
dadka kale ee aan Muslinka ahayn iyagu. Ruusha iyo
Maraykanku waxay leeyihiin magac gaar ah oo loo
yaqaan, kaasi oo ah reer Kaba-Weyne, laguna
tilmaamayo qaradooda amma jidkooda weyn iyo sida
xoogga ah iyo cududda leh ee ay u tallaabsadaan.
Carabta waxa mararka qaar loogu yeedhaa Dheg-Cas,
Shiinahana Indha-Yar.
Qaadka (Qat)
Waxa kale oo ka mid ah dhaqanka Soomaalida, cunista
Qaadka. Caleenta amma geedkan oo lagu mirqaamo, waxa
64
laga beeraa Kenya iyo Ethiopia, Soomaaliduna waxay u
fadhida saacado badan oo ay qayilaan, inta badanna
gelinka danbe iyo fiidkii. Qaadku waa wax aad ugu
faafay Soomaalida, ayna qabatimeen oo intii
dagaallada sokeeye ay socdeen oo dhan, diyaarado lagu
geyn jirey Somalia, diyaaradahaasi oo ku degi jirey
garoomo la xaadh-xaadhay oo aan rasmi ahayn oo ku
kala yaal meelo fog-fog oo khatar ah oo dalka ka
tirsan. Ganacsiga Qaadka waxa laga helaa sannadkii
lacag gaadhaysa tobannaan malyuun oo doollar, umana
muuqan haba yaraatee mid dagaalladii ay saameeyeen oo
ay joojiyeenay.
Marka Qaadku soo dhaco ee uu yimaaddo, waxa abuurma
jawi kacsan oo buuq ah. Xaafadda Eastleigh, oo ah
xaafad ka tirsan magaalada Nairobi oo Soomaalidu ay
degto, waxa timaadda baabuur cararaysa oo si degdeg
ah u soo gala xaafaddaasi, kana yimaadda gobolka Meru
ee badhtamaha Kenya, halkaasi oo laga beero Qaadka.
Marka baabuurtaasi ay soo galaan, waxa abuurma buuq
miyir-la’aan ah oo la is dhexyaaco, iyada oo qaad-
walyaashu ay boobsiyaan inay kala soocaan qaadkaasi
cusub ee soo dhacay, una kala xidhaan qaybo loo kala
diro oo loo kala dhoofiyo Yurub, iyo inta gudaha lagu
iibinayo ee la reebayo. Eastleigh waxay leedahay suuq
u gaar ah oo lagu iibiyo Qaadka, loona yaqaan ‘Suuqa
Qaadka’, suuqaasi oo cammiran, ayna ku yaallaan
sakado meherado iyo tukaammo yaryar oo foodda saqafka
sare ee jiingadda ah laga soo wada lulay amma la
sudhay xidhmooyin ka kooban laamaha Qaadka. Nooca ugu
wanaagsan ee ugu tayo sarreeya Qaadka waxa lagu
iibiyaa xidhmadii ilaa $30 doollar oo Maraykan ah.
Jidadka suuqaasi waxa ka buuxa maqaaxiyo, halkaasi oo
dadku ay si nafis ah ugu fadhiyaan kuraas amma
derbiyada oo ay ku qayilayaan, kuna cabbayaan shaah
iyo sigaar, biyo amma cabbis kale oo fudud.
Maqaaxiyahan shaaha laga cabbo, oo ka mid ah
dhaqanka Soomaalida meel kasta oo adduunka ka tirsan,
65
waxay ka dhigan yihiin oo kale gole yar oo baarlamaan
oo lagu kulmo, si kululna loogaga doodo arrimaha
xagga siyaasadda ee gudaha iyo dhacdooyinka caalamiga
ah. Marka ay afkooda kala qaadaan ee ay hadlayaan,
waxa maraka qaar ka soo qubta calyo doog ah, oo ah
qaadkii ay taqsiisanaayeen, oo debadda u soo duula.
Waxaad moodda waxoogaa sidii lo’ raamsanaysa, iyaga
oo daamankooda ay ka muuqdaan oo ay ka soo buuran
tahay taqsiinta weyn ee ay ku gureen. (Qof ka mid ah
dadka sida weyn u qayila, xaafadda Easleigh ee
Nairobi, ayaa iiga warramay sida uu dareemo iyo
sababta uu u cuno Qaadka):
Waxan ahay muqayil weyn, horyaalka cunista
Qaadka. Annagu haddii aannu nahay Soomaali,
waxannu rumaysannahay in Qaadka uu yahay wax lagu
nafiso oo uu yahay waxa ugu fiican ee buuqa iyo
wareerka iyo daalka la iskaga biiyo. Maskaxda
ayuu si weyn u dejiyaa oo ka saaraa wareerka iyo
walaaca. Qaadku waa shay lagu mirqaamo, laakiin
haddana waa wax lagu nasto oo lagu raaxaysto.
Marka aan Qaadka cuno ee aan mirqaamo, nolol
cajaa’ib leh oo fiican ayaa i hortimaad oo aan
galaa. Marka aanan qayilin, waxan dareemaa cidlo
amma keli oo waan qaloodaa. Cunista Qaadka, waan
ku furfurmaa oo si weyn ayaan ugu sheekeeyaa,
waanu i dejiyaa. Dadka qaar ayaa yidhaa Qaadka
waa lagu dawakhaa amma waa lagu waashaa, laakiin
anigu taasi ma rumaysni. Xataa haddii uu
caafimaadkayga wax u dhimayo, dan kama lihi oo
kama werwero, waayo waan ka helaa oo wuxu iga
dhigaa mabsuud. Had iyo jeer, waannu ku kaftannaa
Qaadka oo aannu isku dacaayadaynna, waxanannu
isku nidhaa ‘ri camal ayaa u egtahay’, iyo ‘geel
camal ayaad u egtahay’. Ragga waaweyn ee
muqayilka ah, sidayda oo kale, qayilaaddu waa
waqtiyada ugu fiican ee ugu raaxada badan
66
noloshayada. (Maleele, Qaad-cun, xaafadda
Eastleigh, Kenya).17
Suuqyada magaalo-madaxda Hargeysa ee Somaliland, oo
ah qaar cammiran oo dhaqdhaqaa badani ka jiro, waxaad
ku dhex arkaysa dumar xijaaban oo ka soo jeeda
sandaqado iyo buushash lagu sawiray xidhmooyin Qaad
ah. Waxay iibiyaan Qaadkaasi oo ay ragga ugu ridaan
baco midabkoodu yahay buluug. Mid ka mid ah
‘dhibaatooyinka’ amma waxyeellada qaadku uu leeyahay
waa xashiishka. Somaliland inteeda badan waxad ku
arkaysaa bacahaasi oo ka wada dhalaalaya, kuwaasi oo
marka dadka qaadka cunaa ay iska tuuraan, dhirta
qodaxda lihi qabsato, halkaasina ka wada lulmaya
marka dabayshu ku dhacdo.
Dhakhtar qaabilsan cudurrada ku dhaca maskaxda amma
dhimirka, oo magaciisa la yidhaa Aden Ismail, waxa uu
ii sheekay, bukaan-socodka u yimaadda ee uu eego,
inta ay leeg yihiin dadka isku buuqsan ee qaba
waxyeello ka soo gaadhay amma la xidhiidha cunista
qaadka. Waxa uu ii sheegay in uu markaas ka yimid
guri ku yaal Hargeysa oo saddex nin oo walaalo ah
lagu hayo, laguna xidh-xidhay silsilado lagu jebiyey
oo loogu xidhay gidaarrada guriga. Si halkaasi loogu
hayo oo lagaga ilaaliyo inay weeraraan amma waxyeello
u geystaan dadka kale ee qoyska xaafadda, amma laga
ilaaliyo inay debadda u fakadaan oo ay Qaad u
doontaan.
Soomaali-Weyn (Greater Somalia)
Dareenka xoogga badan ee la xidhiidha
Soomaalinimada iyo dhaqanka Soomaaligu waa qaar
dhaafsiisan oo ka shisheeya xuduudaha Somalia iyo
Somaliland; taasi oo in la ogaado jiritaankeedu ay
67
muhiim u tahay in la fahmo ‘dhibaatada Somaalida’ iyo
siyaasadda guud ee gobolka.
Soomaali badan ayaa aaminsan in la khayaameeyey oo
laga dhacay dhul. Somalia waa mid ka duwan dalalka
kale ee Afrika badankooda, dalakaasi oo ay ku wada
nool yihiin qawmiyado jinsi ahaan kala duwan dal
kasta gudihiisa, kuwaasi oo had iyo jeer u tartama
awodda xukunka iyo khayraadka. Laakiin marka la
barbar dhigo dadweynaha Soomaaliyeed, waa qaar ku
kala baahsan dhulalka gobolka Geeska Afrika oo jooga
degaanno wax badan ka shisheeya inta ku qeexan
xuduudaha waddankooda. Haddii waddanka Soomaalida
lagu soo daro dhammaan dhulalka ay degaan ee ay u
badan yihiin Soomaalidu, waxa uu noqonayaa waddan aad
uga ballaadhan inta uu maanta yahay ee Somalia ka
kooban tahay marka lagu daro jamhuuriyadda la magac-
baxday Somaliland. Professor Ioan Lewis waxa uu ku
doodayaa in ‘Soomaalidu ay tahay qawmiyadda jinsi
ahaan ugu baahsan amma ugu filiqsan marka loo eego
keli-keli qawmiyadaha Afrika ... waxayna ku nool
yihiin oo ay had iyo jeer degaan dhul aad u
ballaadhan oo gaadhaya ilaa 400,000 oo mayl oo dhinac
kasta iska leeg.’18
Calanka qaranka ee Soomaalida, waxa ku yaal xiddig
cad oo dhexda kaga taal calan midabkiisu yahay cirka
oo kale amma buluuki ah. Shanta gees ee xiddigtaasi
waxay u taagan yihiin shanta gobol ee ‘Soomaali-
Weyn’, dhulkaasi oo aan weligii u jirin dal qudha oo
qaran ahaan loo aqoonsan yahay, laakiin ah mid
Soomaali badani ay u arkaan dhulkoodii hooyo ee ay
xaqa u lahaayeen, mararka qaarna ay u galeen dagaallo
sidii ay taasi u xaqiijin lahaayeen ee ay u samayn
lahaayeen.
Hasse ahaatee fikradda ku saabsan in la isku wada
keeno oo la mideeyo dhammaan Soomaalida oo dhan,
waxay u muuqata wax aan ka badnayn riyo amma khayaal.
68
‘Soomaali-Weyn’ weligeed ma noqon dal mid ah oo qaran
ahaan u jira, xattaa intii ka horraysay intii
Qaaradda Afrika aan la kala qayb-qaybsan ee
isticmaarkii, xilliyadii ‘Saami-qaybsiga Afrika’.
Iyadoo Soomaalidu ay tahay asal ahaan dad reer-
guuraa ah, waana dad had iyo goor socda oo xoolahooda
kolba meel u raraya, una wada guura oo u dega reer-
reer inta badan isku xidhan oo uu ka dhexeeyo dhiig
dhalasho amma dhaqan guur. Ma jirin baahi weyn oo
dhaqaale, amma siyaasadeed, amma mujtamac oo loo
qabay qaran dawli ah oo mid ah amma mucayan ah oo
Soomaaliyeed, in kasta oo Soomaalida lafteedu ay
yihiin dad isku mid ah, oo gaar ah, oo si weyn la
iskugu soo sooci karo.
‘Soomaali-Weyn’ waxa ku jira qaybo ka tirsan dhammaan
dalalka deriska la ah Somalia, sida awgeedna
fikraddan Soomaali-Weyn waa mid khatar ku ah dhammaan
dalalkaasi jaarka ah. Saddex ka mid ah shanta gees ee
xiddigta Soomaalidu, waxay u kala taagan yihiin
gobollada waqooyi-bari ee Kenya, bariga Itoobiya, iyo
Djibouti, kuwaasi oo dhammaantood ay degaan dad badan
oo asal ahaan Soomaali ka soo jeeda. Labada gees ee
kale ee xiddigtaasi waxay u taagan yihiin Somalia iyo
jamhuuriyadda la magac-baxday Somaliland (eeg
khariidadda 1.2).
69
Khariidadda 1.2 ‘Soomaali-Weyn’ iyo sida ay u kala
deggan yihiin beelaha waaweyni(Lewis 2002 [1980])
Xaqiiqada ah in dadka Soomaalidu ay ku baahsan
yihiin oo ay degaan dhul aad uga ballaadhan waddanka
Somalia ee hoos yimaad dawladda oo keliya, ayaa
keenaysa oo macnaheedu uu yahay in sheegadasha dhul-
ballaadhsiga ah ee ku saabsan in dib loo soo celiyo
70
oo la isku wada keeno degaannadaasi Soomaalida, in
sheegashadaasi ay marka la eego taariikhda gobolkasi
Geeska Afrika oo dhan ay u horseeday oo ay dhalisay
deganaansho la’aan joogto ah. Riyada ‘Soomaali-Weyn’
waxa qabay oo agtiisa ay ka jirtey dagaal-oogihii
gabayaaga ahaa, Sayyid Maxamad Cabdulle Xassan. In
kasta oo aanu weligii ku guulaysan in uu hirgeliyo oo
uu sameeyo waddan Soomaali-Weyn ah, haddana waxa uu
beeray midhihii iyo fikradda ah in loo dagaallamo
‘Soomaali-Weyn’ oo uu ku beeray maskaxda faacyo badan
oo danbe oo Soomaali ah.
Laga soo bilaabo gobannimadii Somalia ee 1960-kii,
hoggaamiyayaal kale oo uu ku jiro madaxweyne Maxamed
Siyaad Barre ayaa khatar iyo hanjabaado dhul-
ballaadhsi ah ku hayey dalalka la deriska ah.
Siyasaddaasi waxay mar keentay isku-dhac hubaysan oo
milateri oo mar walba ku dhammaanayey Somalia oo ku
jabta, oo aan ka keenin wax guul ah oo ay ku si
joogto ah ugu soo korodhsato dhulal kale. Dagaallada
ugu xumaa ee ugu burburka weynaa waxa ka mid ahaa
dagaalkii lala galay Itoobiya ee uu ku dhawaaqay
Siyaad Barre sannadkii 1977, kaasi oo ku dhammaaday
in si xun loogu jebiyo Somalia, isla markaasina
sababay oo horseeday dhicitaankiisii.
Riyada ‘Soomaali-Weyn’ waa mid jirta ilaa
maanatadani. Kooxaha Islaamiyiinta ah ee Soomaalidu,
oo uu ka mid yahay ururka al-Shabaab, waxay u
adeegsadaan qaddiyaddan, hub ay ku dagaal galaan iyo
baaq qaylo-dhaan ah oo ay ku kiciyaan dadweynaha, si
ay u helaan taageero. Tani waxa kaga yimid dhibaato
iyaga dib ugu soo noqotay sannadkii 2006-dii, markii
mid ka tirsan hoggamiyayaashii Maxakamadihii
Islaamiga ahaa, Sheikh Xassan Dahir Aweys, uu ku
hanjabay in uu qabsan doono gobolka Soomaalida ee
Itoobiya. Dhammaadkii isla sannadkaasi, Itoobiya
waxay weerartay oo ay gashay Somalia, waxayna
71
xukunkii ka tuurtay Midowgii Maxkamadaha Islaamiga ah
(UIC).
Colaado iyo dagaallo is xigey, iyo weliba
dhibaatooyin ku yimid degaanka ayaa kallifay in
boqolaal kun oo dadweynihii Soomaalida ahaa inay ka
baxaan dalkoodii oo ay noqdaan amma qaxooti, amma
tahriibayaal dhaqaale-raadis ah. Baadhitaan ay
samaysay Qaramada Midoobay sannadkii 2009 (UNDP,
Somalia’s Missing Million: The Somali Diaspora and
its Role in Development, 2009), waxay ku qiyaastay in
ilaa hal milyan oo qof oo ka mid ah guud ahaan tirada
dadweynaha Soomaalida oo dhan ilaa toban milyan, in
ay ku nool yihiin oo ay degeen dalka debaddiisa.19
Hasse ahaatee tirokoobyadani waxay u baahan yihiin
in si taxadir leh la iskaga hubiyo, sababta oo ah
iyadoo ay dhibaato tahay in tirokoobyo sugan laga
samayn karo Somalia gudaheeda iyo arrimaha Somalia,
iyo iyadoo ay baaba’een in badan oo ka mid ah
diiwaannadii iyo waraaqihii xafiisyada dawladdu
xilliyadii dagaallada.
Soomaalidu waxay tegeen oo ay degeen dalalka deriska
ah ee Kenya, Ethiopia iyo Djibouti, iyo dalalka kale
ee Afrika. Qaar kale waxay tegeen dalalka Yemen,
Khaliijka iyo Saudi Arabia. Waxa kale oo jira
jaalliyado aad u badan oo Soomaaliyeed oo deggan
dalalka Maraykanka, Canada, Australia iyo Yurub, gaar
ahaanna dalka Ingiriiska, Holland, Italy iyo dalalka
Scandinavian-ka. Soomaalidu waa dad runtii caalamka
ku baahsan, waxayna si buuxda uga faa’iideysteen
tiknoolojiyada cusub, si ay u adeegsdaan qalabka
isgaadhsiinta oo ay ku wada xidhiidhaan, iskuna xaal
ogaadeen oo ay is kaalmeeyaan, meel kasta oo ay
adduunka ka kala joogaan. Addeegyada Internet-ka,
telifoonnada moobiilka, iyo awodda ay u yeesheen inay
si dhakhso ah u xawilaan lacagayow iyaga oo
adeegsanayaa tiknoolojiyadaasi casriga ah, ayaa dinac
72
ahaan muujinaya inay jirto wax u dhigma amma u eg
fikradda ‘Soomaali-Weyn’ oo kale, fikraddaasi oo
gaadhsiisan xattaa meel ka baxsan oo ka fog inta ay
koobayso ee ay tilmaamayaan shanta gees ee xiddigta
Soomaalidu. In kasta oo ‘Soomaali-Weyn’ aanay
weligeed ahayn amma noqon marnaba wax dal ahaan u
jirey, laakiin waxay u jirtaa rajo ahaan iyo wax lagu
hirto, taasi oo ay qabaan oo aaminsan yihii Soomaali
badani ilaa maantadani, kuwaasi oo isku arka inay ka
mid yihiin ‘Qaran Soomaaliyeed’ oo weyn oo ka
ballaadhan inta xuduudaha hadda jiraa ay koobayaan.
Dhinaca kale wax jira xoogag iyo waxyaabo ka
geddisan oo burinaya amma ka horimanaya firaddani
dhul-ballaadhsiga, oo kala qaybin ku keenaya isla
dalkaasi gudihiisa. Mid ka mid ah jahawareerka weyn
ee ka jira Soomaalida dhexdeeda iyo ammurahooda, oo
si toos ah lid ugu ah oo ka horimanaysa riyadii
‘Soomaali-Weyn’, waa beelaha amma qabaa’ilka iyo
qaybaha kale ee loo kala baxay, kuwaasi oo keenay in
dalkaasi si weyn u kala jajabo oo u kala qaybsamo
gudihiisa. Xoogaggaasi amma kooxahaasina waxay
ahaayeen kuwa iyagu gacanta sare leh laga soo bilaabo
ilaa sannadihii u horreeyey ee qarnigan kow-iyo-
labaatanaad. Soomaaliyana waxay u kala qaybsantay
dalal iyo dawlado yaryar oo dhawr ah, oo qaarkood ay
gaadheen guulo u hirgala oo ka badan kuwa kale marka
la barbar dhigo.
Xaqiiqada ah in Somalia ay kala jajabtay oo kala
qaybsantay, in kasta oo ay yihiin dad isku mid ah
marka loo eego xagga jinsiga, luqada, diinta iyo
dhaqanka, ayaa macnaheedu ay tahay in mar kale sidii
hore ee loo arki jirey, loona dersi jirey
dhibaatooyinka siyaasadeed ee Afrika, in aan lagu
dabbiqi Karin Soomaalida oo aanay la mid ahayn. In
badan oo ka mid ah dhibaatooyinka ka jira Nigeria
amma Sudan, tusaale ahaan, waxa si weyn loogu
aaneeyaa oo sabab looga dhigaa kala geddisnaanta
73
xagga diinta iyo jinsiga, in kasta oo xaaladaha
dhaqaale iyo arrimo kaleba ay kaalin ku leeyihiin.
Xaaladaha iyo sababaha dhalinaya dhibaatooyinka
Somalia, la mid ma aha oo looma raaci karo sababahan;
waxase loo baahan yahay in sidooda iyo gooni
ahaantooda loo derso oo loo fahmo.
Dalkii markii noqday Qarankii Somalia ee madax
bannaanaaday bishii July ee 1960-kii, waxa uu haddana
ka mid noqday dalalka ugu cimri-gaabtay qaaraddaasi,
waxanu taagnaa oo uu u jirey ka qaran ahaan muddo wax
yar ka badan soddon sano. Gobolkii waqooyi-galbeed ee
Somaliland waxay iskood ugu dhawaaqeen inay noqdeen
jamhuuriyad gooni ah sannadkii 1991-kii, in kasta oo
aanay helin aqoonsi caalami ah. Puntland oo ku taal
dhinaca waqooyi-bari, waxay leedahay dawladdeeda iyo
ilaa heer maamul madaxbannaan. Qaybo badan oo kale oo
ka tirsan dalkaasi ayaa iyguna goonidooda u shaqeeya
oo isku maamula, in kasta oo maamulladaasi iyo gacan-
ku-hayntoodu ay mar walba is bedesho oo kolba cidi
qabsato, kooxaha kala geddisan ee danaha ka leh. Iyo
weliba xuduudaha qaybahaasi u dhexeeya oo aan
sugnayn, isna bedela (eeg khariidadda Map 1.3).
74
Map 1.3 Qaybaha waaweyn ee dhulka Soomaalida
Qaybhaasi qaar ka tirsan waxa ka taliya oo gacanta
ku haya kooxaha Islaamiyiinta ah, qaar kalena waxay
ku kala xidhan yihiin beelaha, qaarna waxay leeyihiin
‘madaxweynayaal’ iyagu iskood isku magacaabay oo
75
qurbaha ku nool, oo amma marmar gaadha halkaasi, amma
aan weligoodba tegin. Sannadkii 2011, qaybo ka tirsan
magaalada Muqdishu iyo meelo kale oo tiro yar, waxa
maamulaysay dawlad taag daran oo ku-meel-gaadh ah oo
ay taageerayaan ciidammo nabad-ilaalineed oo ka socda
Ururka Midowga Afrika. Xaaladahani mar walba is
bedelayaa waxay dhibaato ku noqdeen noloshii caadiga
ahayd ee Soomaalida, kuwasi oo mar walba ay ku
khasabto inay la qabsadaan, una dhaqmaan hadba qaabka
ay la yimaaddan kolba kooxda qabsata gobolka ay ka
tirsan yihiin ee ay deggan yihiin, iyaga oo ogsoon in
mar kasta ay dhici karto in haddana koox kale ay
timaaddo oo ay maamulka qabsato.
Beesha (The Clan)
Waxa ugu weyn ee Soomaalida kala qaybiyaa waa
beelaha amma qabiilka, kaasi oo ka koobma, iskuna
xidha kooxo dad ah oo noqda qaybo gooni-gooni ah amma
ardaayo, una dhigma jufooyinka amma qabaa’ilka kale
ee isku abtirsiinta ah. Jiritaanka xidhiidhka
beelahaasi ayaa mar walba ku ahaa carqalad adag oo
aan la dhaafi Karin, in laga abuuro Somalia qaran
dawli ah oo casri ah. Arrintani waxay qayb ahaan
sharraxaysaa amma tilmaamaysaa sababta loogu
guuldarraystay dedaalladii gudaha iyo kuwii debadda
ee ahaa in la ‘mideeyo’ Somalia oo la wada hoos keeno
maamulka dawlad dhexe oo qudha oo joogta magaalada
Muqdisho.
Intii aan wadey xog-baadhka buuggani, Soomaali dhawr
ah ayaan weydiiyey kaalinta iyo ahmiyadda beesha amma
qabiilka. Jawaabaha aan ka kala helay waxay
muujinayaan sida qodobkan amma arrintani ay u tahay
mid xasaasi ah. Mid ka mid ahi waxa uu iigu jawaabay:
76
Aadbaad u xishood daran tahay, in aad ka hadasho
oo aad i weydiiso qabaa’ilka; ma aha wax jira.
(Cumar Maxamed, Ganacsade, Muqdishu).
Gabadh kale waxay igu tidhi:
Beesha amma qabiiku waa xuddun-dhexaadda dunida
Soomaalida. Iyada ayaa sal u ah wax kasta oo
aannu nahay amma samaynanno (Aisha-Mariam,
kaaliye bulsho, Hargeysa).
Ninkanna, waxay isaga la tahay:
In Soomaalida loo arko oo loo raad-raaco beel-
beel waa wax gaboobey oo taariikhdii hore uun ku
eg. (Yoonis Xassan, ganacsade, Baydhabo).
Nin kalena wuxu igu yidhi:
Haddii aad doonayso Soomaalida in aad fahamto,
sida qudha ee lagu fahmi karaa waa iyada oo la
kala fahmo sida iyo waxa ay kala yihiin beeluhu
(Yuusuf Nuur, Oday-dhaqameed, Muqdishu).
Waxyaabaha ugu muhiimsan ee loo baahan yahay in la
famo marka laga hadlayo qabaa’ilka Soomaalida, waxa
weeye in la ogaado inay yihiin wax hadba is bedelaya
oo isku dhex qassan, oo aan mar walba kala qeexnayn.
Soomaalidu ma aha wax si sahal ah loogu kala sooc-
sooci karo qaab-beeleedyo sugan oo kala qeexan.
Sabatuna waxa weeye in beel kastaa gudaheeda ay sii
kala qaybsanto, oo ay u sii kala baxaan jili-jilib
iyo juffooyin amma bah-bah, taasi oo sii socota ilaa
heer hoose (eeg shaxda 1.1).
77
Isbahaysiga ka dhexeeya qaybahaasi amma bahahaasi
iyo ardaayadan mar walba sii kala qabsamaya ee aan
dhammaadka lahayni iyo meel ay isku tagaan, haddana
waa qaar mar walba is bedelaya. Taasi ayaana dhibaato
ku ah in dadka ajanebiga ahi ay fahmaan. Meel marka
hore u muuqata inay mid tahay, ayaa u sii kala bixi
kartaa laba jilib amma ka badan, oo iyaga laftoodu is
qaban kara oo iska horiman kara. Kuwii markii hore
ahaan jirey saaxiibada amma tolka ‘walaalaha ah‘ ayaa
isla marakaaba haddana noqon kara col; sidoo kale
kuwo ay ka dhaxaysey ’cadaawadi‘ ayaa noqon karaa
saaxiibbo, si dhakhso ah.
Arrintani waxay dhacday sannaddii 2006-dii, markii
koox ka kooban qabqablayaashii dagaalka iyo rag kale
oo ganacsato ahaa ay isbahaysteen ee ay samaysteen
ururkii Ka-hortagga Argagixisada iyo Dib-u-soo-
celinta Nabadda (ARPCT), kuwaasi oo doonayey inay ka
hortagaan oo ay iska caabbiyaan awoddii isbahaysiga
maxkamadaha shareecada ee Muqdishu oo sii faafaysay.
78
Ururkaasi ARPCT waxa la sheegay inuu ka heli jirey
taageero badan iyo lacagba hey’adda mukhabaraadka
Maraykanka ee CIA, heyaddaasi oo laga dhaadhacsiiyey
in maxkamadihii shareecadu ay u taagan yihiin khatar
argagixiso oo Islaami ah. Maraykanka iyo dawladihii
kaleba waxay ku jahawareereen isbedellada lama
filaanka ah ee hoggamiyaashii ururka ARPCT oo marba
dhinac u xaglinayey, mar ay u galaan oo ay ku biiraan
dhaqdhaqaaqii maxkamadaha iyo mar ay sidoo kale ka
soo goostaan oo ay dib ugu soo noqdaan ururkii ARPCT.
Isbedelladaasi joogtada ah ee isbahaysiyadu waa qaar
cudur noqday caam yeelay oo ka jira khilaafyada iyo
dagaallada Soomaalida, waana wax loo baahan yahay in
lagu xisaabtmao, aanu ogaado qof kasta oo isku deyaya
in uu fahmo Somalia.
Laanta af-Soomaaliga ee BBC-da ayaa markii ugu
horraysay ii kala sheegatay oo i kala bartay beelaha
Soomaalida, horraantii sannadihii 1990-meeyadii,
waqtigaasi oo ahaa xilliyadii ay ugu xumaayeen
dagaalladii koonfurta iyo badhtamaha Somalia, ka dib
dhicitaankii Siyaad Barre. Waxan dareemayey sidii
waxan qaadanayo oo an aan ka shaqaynayo cashar ku
saabsan xisaab heer sare ah oo kale, iyaga oo kolba
ii sawiraya shax, sida beelaha iyo jilibbadau u kala
baxaan, si murugsanna u muujinaya xidhhiidhka
isbahaysiyada amma bahaha iska hor iyo daba noqonaya
ee si ku-meel-gaadh ah uga dhex jira qabaa’ilkaasi.
Marka aan is idhaa hadda ayaad si fiican u fahamtay
qaababkaasina, waxa dhacda in mar kasta wax kasta si
degdeg ah isla markaaba isku bedelaan. Reer ayaa u
sii kala baxaya jilib-jilib, juffo-juffo iyo bah-bah,
iyo magacyo aanan hore u maqal. Reer markii hore mid
ahaa ayaa sii kala baxaya oo kala jabaya, oo
dhexdiisii iska hor imanaya, si weynna isku
gumaadaya. Waxa kale oo aan ogaaday in xataa
shaqaalaha kala geddisan ee laanta af-Soomaaligu, ay
qaarba i siinayaan qaabab iyo sawirro kala geddisan
79
isla xaaladahaasi Soomaalida, taasi oo ku xidhan
hadba beelaha ay ka soo kala jeedaan. Mararka qaar
waxa ka dhex dhasha doodo aad u kulul oo ay si kaftan
ah qaarkood isku weeraraan, beelaha gaar, iyo qaar
kale oo aan kaftankaas waxba ku darsan.
Ma aha Soomaalida oo qudha kuwa ka dooda beelaha,
xattaa aqoonyahannada aan iyagu ahayn Soomaali iyo
khubaro kale ayaa iyaguna ku kala qaybsan arrimahani.
Aqoonyahannadaasi qaarkood waxay ka duulaan dhinaca
beelaha marka ay dersayaan ee xog-baadh ku
samaynayaan Soomaalida, qaar kalena waxay ku doodaan
iyo in qodobbo amma arrima kale oo kala geddisan, oo
ay ka mid yihiin xaaladaha dhaqaalaha iyo xidhiidhada
ijtimaaciga ah, inay kaalin weyn oo muhim ah ku
leeyihin qaababka Soomaalidu ay u astaysan tahay.
Iyadoo mawduucan amma arrimaha ku saabsan beelaha
iyo qabaa’ilka Somaalida hore aad loogaga hadlay
qoraallo kale oo badan, ma doonayo in aan wax badan
ku sii talax tago, oo ka badan bogaggan kooban ee soo
socda. Hasse ahaatee waxan kula kulmi doonnaa
cutubyada soo socda qaar ka mid ah, waayo waa lama-
huraan, aniga oo rumaysan in mar walba beeluhu ay
kaalin xuddun-dhexaad ah ku leeyihiin arrimaha
Soomaalida. Sida ay u tidhi caalinka culuunta
Antrooboolojiyada ee Virginia Luling, beeluhu ‘ma aha
wax ku fiican oo qudha inay iyagu dhexdooda
dagaallamaan, (amma wada baayac-mushatreeyaan, amma
siyaasad isku qabtaan), laakiin waa wax ku habboon in
lagu fikiro oo la derso‘. (eeg: Virginia
Luling,‘Genealogy as theory, genealogy as tool:
aspect of Somali”Clanship”, Social Identities).20
Waa wax aan suurtogal ahayn in la fahmo Somalia,
haddii aan maanka lagu hayn oo aan la fahmin beelaha.
Waxa kale oo muhiim ah in la ogaado shakhsiyaadka
Soomaalidu qabaa’ilka ay ka soo kala jeedaan amma
qofka qoladiisa iyo cidda uu yahay, in kasta oo aan
80
dhammaan qof kasta oo Soomaali ahi aanu diyaar u
ahayn amma aanu doonayn in uu ku sheego qabiilkiisa.
Xattaa in la isku dayo in la magac-dhabo beelaha
muhiimka ah ee Soomaalida ayaa ah arrin keeni karta
dood iyo muran; shirkii nabad-raadinta Soomaaliyeed
ee sannadihii 2002 – 2004 waxa uu soo jeediyey in wax
lagu qaybsado hab-beeleed, kaasi oo maamulladii ugu
danbeeyey ay u isticmaalayeen qaabka loo raacayo
awod-qaybsiga xukunka dalka. Qaabkaasi oo loo yaqaan
‘qaabka 4.5’, waxa uu sheegayaa inay jiraan afar
beelood oo waaweyn oo kala ah Daarood, Dir, Hawiye
iyo Raxanweyn. ‘.5’ amma nus-jabkaasi wuxu u taagan
yahay beelaha yaryar oo dhan. Hasse ahaate habkani ma
noqon mid ay ku wada qancaan dhammaan kooxaha amma
beeluhu, qaarkoodna waxayba u arkeen inay ku tahay
ceeb iyo quudhsi iyaga oo rumaysan in aan la siin
saamigii ay ahayd inay helaan ee ay lahaayeen.
Ahmiyaddii beeluhu ay lahaayeen waxa si ahaan mugdi
geliyey isbedellada dhawaanaha ku soo kordhay
Soomaalida, gaar ahaanna soo ifbixitaanka kooxaha
Islaamiyiinta ah, sida al-Shabaab oo kale. Laakiin
dhaqan ahaan hab-beeleedku waxa uu weligii ahaa waxa
salka u ah qaabka Soomaalida iy xeerarkoodu ay ku
dhisan yihiin, gaar ahaanna reer-guuraaga amma reer-
miyigu. Iyaga oo dadweynuhu ay ahaayeen qaar had iyo
goor guurguura oo socda, qaybaha amma lafaha isku
abtirsiinta ah ayaa ah waxa salka u ah ee uu ka soo
unkamo mujtamaca Soomaalidu. Abtirsiintooda ayaana
dadku ay ku ogaadaan cidda ay yihiin, iyo xidhiidhka
amma inta ay isku jiraan cid kasta oo kale. Soomaali
badan ayaa weli korka ka haysa oo taqaan
abtirsiintooda dheer amma fog, ilaa awowoyaashoodii
hore; qaabkana waaxa uu ka mid yahay waxyaabaha salka
u ah dhaqan-afeedkooda, waxanu u suurtogeliyaa in qof
walba uu is ogaado cidda uu yahay iyo meesha uu ka
soo gelayo mujtamaca. Marka reer-miyigu ay kulmaan,
si ay isku aqoonsadaan, inta badan way is tohoydaan
81
oo waxay isweidiiyaan cidda ay yihiin, taasi oo
siyaabaha qaar ula mid ah baasaaboor oo kale.
In aad taqaanno abtirsiintaada, waa arrin muhim ah,
mararka qaarna noqon karta oo keeni karta badbaado
amma geeri. Sida uu John Drysdale ugu faahfaahiyey
buuggiisa, Soomaalidu aad ayay u yaqaannaan
abtirsiintooda:’Qof kasta oo ka mid ah iyaga, laga
soo bilaabo marka uu ilmuhu yahay siddeed jir, waa in
uu yaqaan oo uu kor ka tirin karaa abtirsiintiisa,
ilaa labaatan amma soddon oday, ilaa laga gaadho
odayga ugu danbeeya ee la iskugu wada yimaad.’21
Buugaagta badan ee uu ka qoray Somalia, professor
Lewis waxa uu wax badan kaga hadlayaa qabaa’ilka,
waxanu u arkaa in beeshu ay laf-dhabar u yahay
Soomaalida:
Waa abtirsiinta iyo haybta tan hoggaamisa
isbahaysiyada siyaasadeed iyo qaybaha is-
kooxaysiga. In kasta oo Soomaalidu ay mararka ku
sheegaan oo ay ku tilmaamaan ahmiyadda
abtirsiinta iyo faai’iidadeedu in ay la mid tahay
uun tan cunwaanka reer Yurub ee looga baahan
yahay in qofku yeesho, haddana si loo fahmo
ahmiyaddeeda runta ah waa in la ogaadaa inay ka
fog tahay oo ay ka weyn tahay abtirsiintu wax u
taagan in uu qofku sheegto dhalashadiisii hore
amma meesha uu ka soo jeedo oo qudha. Abtirsiintu
waxay qeexaysaa maqaam amma kaalinta siyaasadeed
iyo tan xeer-sharciyeed ee qofku ku lahaan karo
guud ahaan mujtamaca Soomaalida dhexdiisa, iyo
meesha uu ka gelayo ee uu ku leeyahay nidaamka
ijtimaaciga ah.22
Sida uu u sheegayo Ioan Lewis, beeshu waxa kale oo
ay dhaqan ahaan sal u tahay hab-sharciyeedka amma
xeerarka Soomaalida. Xidhiidhka ugu weyn ee beesha
82
dhexdeedu waa tan u dhaxaysa ee isku keenta qoysaska
meel ka soo wada jeeda ee isku raaska ah amma isku
abtirsiinta ah, oo tiro ahaan ka koobmi karaa min
dhawr bqoqol ilaa dhawr kun, waxayna ku bahoobaan
xeerka dhiigga amma magta oo waajib kaga dhiga inay
qaybsadaan oo ay bixiyaan, amma qaataan magtaasi oo
loo yaqaan Diyada. Nidaamkani waxa uu asal ahaan ka
soo jeeda dhaqan reer-guuraaga Soomaalida, oo inta
badan ku dagaallami jirey biyaha iyo baadka yar oo ay
iskaga horyimaaddaan. Qaabka lagu xalliyo khilaafyada
waxa loo yaqaan Xeer, waxana jira guurti odayaal ah
oo loo saaro oo yeesha waxa loo yaqaanno Shir, si ay
uga wada xaajoodaan bixinta magtaasi, inta ay
noqonayso iyo sida loo kala qaybsanayo.
Shirweynayaashii dhawrka ahaa ee nabadaynta
Soomaalida, iyo Golaha Guurtida ee Jamhuuriyadda la-
baxday Somaliland, waxay siyaabo badan u taagan
yihiin oo ay ula mid yihiin wax ka yimid oo ka soo
jeeda dhaqankaasi shirka odayaasha. Jiritaanka
nidaamkaasi xeer-Soomaaliga ee dhaqanka oo lagu daray
weliba shareecada, waxay noqdeen wax faa’ido badan u
yeeshay Soomaalida intii ay socdeen dagaalladii iyo
khilaafyadii Soomaalidu ilaa labaatankii sano ee u
danbeeyey. Waxayna galeen kaalintii uu qaadan lahaa
nidaam dawli ahi, kaasi oo sida muuqatay burburay,
kana tirtirmay qaybo badan oo ka mid ah dalkaasi.
Waxa jirtay mara badan oo la isku deyey in laga
gudbo nidaamka beelaha. Soo-ifbixitaankii kooxaha
Islaamiyiinta ahi, waxa uu siyaabaha qaar u hadheeyey
oo uu u yareeyey ahmiyaddii beelaha, waayo,
miliishiyooynika kooxahaasi, marka dusha laga eego,
waxa isku keenayey diinta amma sida ay u kala
taabacsan yihiin faracyada diinta, ee ma ahayn inta
badan xidhiidhka xagga wada-dhalashada. Waxa jira
ururrada diiniga ah ee ay ka midka yihiin al-Shabaab
oo ku xidhan al-Qaacida, Xisbul Islam oo isagu
waxoogaa qunyar-socod ah marka loo eego kan hore oo
83
al-Shabaab ay qabsatay oo la wareegtey sannadkii
2011-kii, iyo ururka darriqada Suufiyadda ee Ahlu
Sunna Wa Jamaaca. Hasse ahaatee dhammaan kooxahani,
gaar ahaanna hoggamiyayaashooda, waxa ilaa heer mid
walba lagu xidhiidhiyaa oo la sheegaa inay ka soo
jeedaan beelaha qaar amma juffooyin gaar ah.
Dedaalkii ugu weynaa oo wax badan laga soo shaqeeyey
sidii loo tirtiri lahaa qabyaaladda waxa uu dhacay
xilligii Siyaad Barre uu wadey ‘hantiwadaagga cilmiga
ah’, sannadihii 1970-neeyadii, markii Somalia ay
isbahaysiga la lahad Midowgii Soofiyet.
Idiyoolojiyadiisii iyo mabaadi’diisii xoogga lahayd
ee waddaniyadda iyo sida weyn ee uu uga soo horjeeday
reer-Galbeedka, ma ahayn wax u adkaysan karayey
nidaamka qabaliga ah, nidaamkaasi oo loo muujin
jirey, ugu yaraan marka dusha laga eego ee loo
sheegayo dadweynaha, in uu yahay wax gaboobay oo laga
baxay waqtigiisii oo haatan carqalad iyo dib-u-dhac
ku ah dhismaha qaran cusub oo casri ah. Si rasmi ah
ayaa loo mamnuucay qabyaaladdii, waxana meelaha
fagaarayaasha lagu gubay, laguna aasay sawirro loo
ekaysiiyey inay u taagan yihiin qabyaaladdi.
Caaqilladii iyo odayaashii beelaha ayaa laga bedeley
magacyadii, waxana loo bixiyey ‘nabaddoonno’, taasi
oo ka mid ahayd tallaabooyinkii la doonayey in lagu
yareeyo oo hoos loogu dhigo awoddooda, iyo in lagaga
gooyo oo aan sinaba loogu xidhiidhin beelahooda ay ka
soo jeedaan.
Siyaad barre waxa uu ku dedaalay in uu ku bedelo
nidaamkii adkaa ee qabaliga ahaa, abuurista
shaksiyado magac yeesha oo laga haybeysto. Waxa uu
isagu isa siiyey oo is gaadhsiiyey darajada ah
‘aabbihii qaranka’; waxana dalka oo dhan lagu
faafiyey sawirro ah ‘Jaalle Siyaad’, kuwaasi oo qaar
badan la barbar sudhay, laguna saddexeeyey Marx iyo
Lenin.
84
Ka sakow sida weyn ee khubadihiisu uga horjeedeen ee
ay u weerarayeen qabyaaladda, haddana dhinaca kale
waxa uu Siyaad Barre si hoose u wadey in uu
horumariyo danaha beeshiissii Marreexaan ee uu ka soo
jeedey iyo cidihii kale ee ay isku bahda ahaayeen.
Isbahaysiga beelahaasi waxa loo yaqaanney ‘MOD’,
kuwaasi oo ka koobnaa qaybaha beelaha Daarood ee
Marreexaanka, Ogaadeenka, iyo Dhulbahantaha.
Tani waxay il-colaadeed oo weyn ka keentay beelihii
kale, waxayna aakhirkii sababtay oo horseedday dagaal
sokeeye. Dhica waqooyi-galbeed, beelihii Isaaqa iyo
kuwa kaleba waxay samaysteen jabhaddii hubaysnayd ee
Dhaqdhaqaaqa Waddaniga ah ee Soomaaliyeed (SNM),
Majeerteenka iyo beelihii kale ee Daaroodkuna waxay
gobolka waqooyi-bari ka samaysteen Jabhaddii
Diimoqoraadiga ee Badbaadinta Soomaalida 9SSDF),
dhinaca koonfurtan Hawiyuhuna waxa samaysteen
Jabhaddii Golaha Midowga Soomaalida (United Somali
Cogress). Sannado ka bacdi, jabhadahani waxau ku
guulaysteen inay xukunkii ka tuuraan Siyaad Barre.
Midowgii Maxkamadaha Islaamiga ahina waxa ay
lumiyeen taageeradii dadweynaha markii ay bilaabeen
inay noqdaan qaar si weyn ugu xidhan oo ka soo jeeda
beel qudha, una adeegaya danaha beeshaasi, ammase hal
juffo oo ka mid ah beeshaasi. In kasta oo bilawgii
isbahaysiga maxkamadahaasi islaamiga ahi uu ka
koobnaa isbahaysi debecsan oo u dhexeeyey
maxkamadihii shareecada ee matilayey dhawr qolo iyo
jilibbo kala geddisan, haddana marba marka ka
danbaysa waxa loo arkay qaar awoddooda ay ku sii
ururayso oo ay ku sii xoogaysanaya xubnaha wada
danaha beesha Cayr ee ka tirsan beelweynta Hawiye.
Waa wax laga doodi karo in guddoomiyaha damaca weyn
amma caaddifadda weyn ee golihii shuurada ee Midowgii
Maxkamadaha, Sheikh Xassan Dahir Aweys, iyo
hoggaamiyaha miliishiyooyinkii maxakamadaha ee al-
shabaab, Aadan Xaashi Cayrow, inay wadeen oo ay u
85
taagnaayeen damac iyo dano sare oo beeleed. Laakiin
xaqiiqada ah in loo arkay in taasi ay wadaan ayaa
keentay oo ku fillaatay inay lumiyaan taageeradii
beelo badan oo kale oo aan iyagu ahayn Cayr.
Si kasta oo dadku ay ugu dedaaleen inta tamartood ah
inay baabiiyaan qabyaaladda oo ay ka tirtiraan
siyaasadda Soomaalida, haddana waxay noqotay wax loo
maaro waayey oo aakhirataankii lagu guuldarraystay.
Lagama yaabo in qabyaaladda amma nidaamka beelaha in
la waayo uu meesha ka baxo; waa wax ku dheehan oo ku
kaydsan dhaqanka abtirsiinta oo qof walba yaqaan oo
uu abtirsan karo, kuna jira oo lagu xuso gabayada iyo
meelo kaleba. Dadku dib ayay u soo noolayn karaan oo
ay u hawlgelin karaan sidii ay isku aqoonsan jireen
ee beel-beelnimada, mar kasta oo taasi ay u baahdaan;
waxay ka dhigan tahay caymis amma dammaanad oo kale
iyo qaab-dhsimeed ijtimaaci ah oo jira amma diyaar ah
oo mar walba taagan, iyo xidhiidh is-aamineed oo uu
ku socdo ganacsiga iyo baayac-mushtarka keleba. Qofku
keli ahaantii waxa uu kala xulan karaa heerka uu
doonayo in uu ka bilaabo cidda uu yahay, kor amma
dhexda, amma jilibka ugu hooseeya, taasi oo ku xidhan
hadba cidda uu u sheegayo meesha uu ka soojeedo.
Siyaabaha qaar, Soomaalida waxa xaddidada oo
xannibaad ku noqda beesha ay ka tirsan yihiin, taasi
oo ku xidhiidhin karta amma raacsiin karta koox gaar
ah, amma urur diimeed oo aanay doonayn amma wax niyo
ah u hayn inay ka mid noqdaan. Tusaale ahaan
xidhiidhka lala xidhiidhiyo beesha Ceyr ururrada
Islaamiga ah ee xagjirka ah, waxa macnaheedu ay tahay
oo ay keenaysaa in qof kasta oo ka tirsan beeshaasi
Ceyr, in loo arko oo loogu yeedho xagjir, sababtuna
ay tahay beesha lala xidhiidhinayo ee uu ka soo jeedo
qofkaasi, ee aanay ahayn waxa uu isagu shakhsi ahaan
rumaysan yahay amma aaminsan yahay.
In qof walba uu dabada ku hayo beel uu ka soo jeedo,
waxay u tahay badbaado iyo khatar labadaba. Beelaha
86
waxa ka dhex dhalan karaa colaad iyo dagaallo kooxeed
oo hubaysan, sidii dhacday dabayaaqadii sannadihii
1980-maadkii iyo 1990-maakii. In kasta oo beelaha
Hawiyuhu ay markii hore ku midaysnaayeen inay ka
horjeestaan Siyaad Barre, haddana ka dib markii uu
dhacay Siyaad Barre waxay isla markiiba si dhadhso ah
u kala qaybsameen dhexdoodii jilibbo iyo qabaa’il
iska soo horjeeda, taasi oo keentay inay ka dhex
dhacaan dagaalladii ugu xumaa ee dhiigga badani ku
daatay ee lagu dagaallamay jidadka iyo xaafadaha
magaalo-madaxda Muqdishu, sidii qolo walba qolada
kale uga qabsan lahayd. Muqdishu waxay noqotay
magaalo kala qaybsan, oo yeelata ‘khad cagaaran’ oo u
kala qaybiya koonfur oo ay qabsatay beesha Habar-
Gidir oo uu hoggaaminayo qabqablihii dagaalka ee
Maxamed Faarax Caydiid, iyo qaybta waqooyi oo ay
haysatay beesha Ab-Gaal oo uu hoggaaminayey Cali
Mahdi Maxamad. Sidaa si la mid ah, laakiin ka
waxyeello yarayd, ayaa ka dhacday Somaliland. Isaaqu
waxy ku midaysnaayeen SNM si loola dagaallamo Siyaad
Barre, laakiin markii dalkaasi uu ku dhawaaqay inuu
yahay jamhuuriyad madaxbannaan oo gooni u taagan,
dhawr dagaal oo yaryar ayaa ka dhex dillaacay isla
beelihii Isaaqa dhexdooda.
Ujeeddada cutubkani waxay ahayd in uu muujiyo inay
jiraan waxyaabo badan oo kale oo ku saabsan Somalia
oo la dersi karo, ee aanay ahayn uun dagaallo,
macaluul, xagjirnimo Islaami ah iyo budhcad-badeed,
waxyaabaha ka jira dalkaasi. Warbixinnada warbaahinta
badankooda, iyo in badan siyaasadaha debaddu ma
arkaan wax ka fog oo ka durugsan intaasi. Ilaa ay
hoos ugu daadegayaanna, ma gaadhi karaan xaqiiqada ka
jirta Somalia, sidoo kalena waxba kama tari karaan
wax-ka-qabashada dhibaatooyinka faraha badan ee
yaalla dalkaasi. Xaqiiqada ah in qarannimadii Somalia
ay bilawday inay kala burburto xattaa dhicitaankii
Siyaad Barre ka hor, ayaa macnaheedu uu yahay in
87
xalku aanu ku jirin nidaam ah dawlad dhexe oo ku
kooban Muqdishu. Dawladda Maraykanka iyo dawlado kale
ayaa haatan si gaabis amma tartiib-tartiib ah ugu soo
baraarugaya arrintani, waxayna soo rogeen sannaddii
2010 qaab amma siyaasad ‘laba weji’ amma laba waddo
ah, oo lagula dhaqmo Somalia, siyaasaddaasi oo ah in
la kordhiyo taageerada la siinayo gobollada deggan ee
ilaa heer ‘guulaystay’amma hirgalay, sida Somaliland
iyo Puntland, iyo dhinaca kale in isla markaasi la
sii wado taageerada loo fidiyo dawladda ku-meel-
gaadhka ah ee fadhida Muqdishu.
88
CUTUBKA 2aad: TAARIIKHDA (History)
Burburkii ku dhacay dawladnimadii iyo qarannimadii
Somalia sannadihii danbe, si fiican looma fahmi karo
haddii aan dib loogu noqon oo aan la tixraacin
taariikhdii hore ee dalkaasi. Wejiyo iyo xaalado
badan oo ku xeernaa amma sabab u noqday dhicitaankii
Siyaad Barre iyo guuldarradii ku xigtey ee lagu
fashilmay in la sameeyo dawlad dhexe oo shaqaysa,
waxa qayb ahaan loo aanayn karaa itijaahii ay u
socdeen iyo wejiyadii ay lahaayeen dhacdooyinkii hore
ee taariikhda Somalia, iyo weliba in si qota dheer
loo fahmo dhaqanka iyo mujtamaca Soomaalida, sida
lagu xusay cutubka 1aad ee buuggan.
Laakiin waxa adag in la fahmaa waa awod-darrida
muuqata amma doonis-la’aanta dawlado badan oo ajanebi
ah, hey’adaha caalamiga ah iyo siyaasiyiinta
Soomaalida oo aan u soo jeedin inay garawsadaan in
khaladaadkii hore ee dhacay amma jirey uun ay iyaguna
ku soo celcelinayaan oo ay sii wadaan. Waxay u
muuqdaan inay fuushan yihiin sallaan amma aalad
halkii hore uun ku leexaysanaysa amma ku
wareegaysanaysa, waxayna awodi laayi’iin amma aanay
doonayn inay ka degaan leexadaasi oo ay la yimaaddaan
hab kale oo cusub, ka sakow xaqiiqada ah inay jiraan
tusaalooyin looga shidaal qaadan karo amma loo raaci
‘toosinta iyo hagaajinta xaaladaha Somalia’,
tusaalooyinkaasi oo ay ka mid yihiin dhinacyada qaar
ee Midowgii Maxkamadahii Islaamiga ahaa, iyo waayo-
aragnimada Somaliland laga soo kasbaday.
Dib-u-eegista taariikhda Soomaalida ee aan halkan si
kooban ugu soo nakhtiimayno, waxa ka soo baxaya oo ay
ifinaysaa dhinacyo iyo qaabab gaar ah, iyo isla
arrimihii iyo dhaqankii soo taagnaa oo soo
noqnoqonaya, oo guud ahaan isla saamayntii hore oo
kale ku leh xaaladaha weli jira ilaa sannadkan 2011.
89
Intii aan ku jirey hawlaha diyaarinta iyo xog-
baadhka qoraalkii buuggan, waxan akhriyey buugaag
badan oo laga qoray Somalia tobannaan sano ka hor.
Markii aan akhriyey buugaagtaasi, waxa igu soo
dhacaysey inay fiicnaan lahayd in dad badan oo kale
ay iyaguna akhriyaan, waxna ka bartaan taariikhda
dalkaasi. Waxay u muuqataa in aan wax weyn iska
bedelin ilaa 1960-kii, waqtigaasi oo John Drysdale uu
qoray (Somali Dispute, 1960) sidatan:‘Iyada oo
noqotay wax lama-filaan ah, taariikhda Soomaalida
waxa ka soo baxay inay jiraan cillado xunxun iyo
khaladaad waaweyn, kuwaasi oo aan ka dhalan habka
dhaqan ahaan Soomaalidu ay isku maamulaan, laakiin ka
yimid dabbaqaadda iyo socodsiinta habab shisheeye oo
dawladnimo oo aanay fahmin Karin amma aan ku
bannaanayn, kuwaasi oo si aan ula-kac ahayn wax ugu
dhimay habsami-u-socodkii nidaamka maamulka.’1
Guumeysigii ka hor (pre-colonial)
Guud ahaan saddex weji amma dhinac oo waaweyn ayay
leedahay taariikhdii hore ee Somaalidu: xidhiidhkii
iyo macaamilkii Somaalidu la lahaan jirtey adduunka
dibadda, xiisadihii iyo dagaalladii dhici jirey, iyo
is-fidintii amma dhul-ballaadhsigii Soomaalida.
Xeebta dheer iyo dhul-dhaca meesha ay ku taallo ee ah
cidhifka waqooyi-bari ee dalalka Afrika ee ka
hooseeya Saxaaraha, ayaa macnaheedu waxa uu ahaa in
Somalia aanay weligeed ka mid ahayn dunidii loo
yaqaanney ‘Qaaradda Madow’ (qaaraddi aan la gaadhi
jirin amma aan wax xidhiidh ah lala lahayn). Somalia
waxay qarniyaal badan xidhiidh la lahayd qaybaha kale
ee debadda, waxayna hoy ay degaan u ahayd qawmiyadaha
dadyowga kale, gaar ahaanna xeebaha Somalia.
Culimadii hore ee ururinta taariikhda iyo
sahamiyayaashii Carabta ee safri jirey, waxay u
yaqaanneyn Soomaalida dad col-u-joog ah oo
90
dagaalyahan ah, oo boqolaal sano ka hor bilaabay si
tartiib-tartiib ah inay u dhul-ballaadhsadaan, kana
soo faafaan dhinaca xeebaha, una faafaan dhinacyada
galbeedka ilaa Itoobiya, iyo koonfur ilaa dhulalka
imika loo yaqaan waqooyiga Kenya, iyaga oo hadba
meesha ay tagaan ka bara-kicinaya dadkii kale ee
degganaa.
Sida uu u sharraxayo caalinka Professor Ioan Lewis
(A Modern History of Somalia, 2002), xidhiidhkii
dheeraa ee taariikheed ee dalkaasi uu la lahaa dunida
Carabta, ayaa waxa xidhiidhkaasi uu keenay in
Soomaalida qaar ay ku abtirsadaan in asalkoodu ka soo
jeedo qabiilada Quraysh ee Nebigii diinta Islaamka,
Nebi Maxamed:
Dhaqan ahaan ... Soomaalidu waxay inta badan isku
meeleeyaan xidhiidhada ay la lahaayeen Carabta,
waxayna ku faanaan caadada ah inay sheegtaan inay
ka soo jeedaan abtirsiinta nasabka ah ee Carabta
iyo ahlu-beytka qoyskii Nebi Maxamed. Hasse
ahaatee dooddani oo Soomaalida maanta ee
Somaalinnnimada weyneeyaa ay ku tilmaamaan wax
khayaal ah, haddana waa mid dhinac kasta iyo mar
kasta ka mid ah dhaqanka Soomaalida, iyo sida
weyn ee ay ugu xidhan yihiin diinta Islaamka.2
Sida uu qabo Ioan Lewis laftiisu, Soomaali badan
ayaan si dhab ah u rumaysnayn inay si toos ah uga soo
jeedaan Nebi Maxamed, in kasta oo ay u riyaaqaan
fikradda ah in uu jiro xidhiidh xagga dhiigga amma
dhalashada ahi. Culimada qaar, oo u ka mid yahay
Harold Nelson (Somalia: A Country Study (Washington,
DC: American University Press, 1982)), waxay iyaguna
gaadheen heer ka sii fog kan Professor Ioan Lewis,
waxayna iyagu su’aalo amma dood ka qabaan in
Soomaalidu assal-ahaanba ay wax xidhiidh ah la
leeyihiin gebi ahaan Carabta. Qoraallada Harold
91
Nelson-na waxa ka mid ah: Xidhiidhka ‘Soomaalidu’ ay
isku xidhaan inay ka soo jeedaan abtirsiintii hore ee
Carabta, waxa laga yaabaa taasi in aan loo heli Karin
qiil adag oo lagu daafaco haddii si qota dheer loo
baadho, waxana suurtogal ah inay ka timid uun
Soomaalida oo Islaamnimadu ku fog tahay, oo si weyn u
doonaya inay isku xidhiidhiyaan umaddii Nebiga.’3
Ka sakow in ay tahay wax dhab tahay iyo in kale, in
Soomaalidu ay asal ahaan ka soo jeedaan Carab,
haddana rumaysnaanta ay rumaysan yihiin in uu jiro
xidhiidh qota dheer oo u dhexeeya iyaga iyo dunida
Carabta ayaa laga dhex arki karaa oo sharrxaysa
sababaha Soomaali badani ay iskugu arkaan inay ‘ka
duwan yihiin’ Afrikaanka gobollada ka hooseeya
Saxaaraha, iyo sababaha dad sidaa u badan oo Soomaali
ahi ay u eegayeen ee ay uga dhursugayeen tobannaankii
sano ee la soo dhaafay dunida Carabta oo ay ka helaan
fursado iyo qaxootinnimo amma magangelyo.
Saamayn weyn oo fara badan ayay Carabtu ku lahayd
Somalia, muddo boqolaal sano ah. Laga soo bilaabo ugu
yaraan qarnigii toddobaad, waxa jirey jaalliyado amma
qawmiyado Carbeed oo baayac-mushtar ahaa oo ganacsi
awgii u degey magaalooyinka xeebaha Soomaalida, sida
Muqdishu, Saylac iyo Berbera, taasi oo keentay inay
is-dhex galaan oo ay kala guursadaan Soomaalidii iyo
Carabtii, oo uu dhex maro xidhiidh dhiig, isla
markaasna dedejiyey in diinta Islaamku ay ku sii
xididdaysato halkaasi, taasi oo Soomaalidu u
qaadatay, una dabbaqday si gaar ahaan iyaga ku
bannaan oo ah ‘qaab Soomaaliyeed’, kuna habboon
caqiidadooda Islaamnimo. Magaalada Saylac oo lahaan
jirtey deer adag oo ku wareegsan oo laga ilaaliyo,
kuna taal dhina waqooyi-galbeed ee xeebta, waxay
ahayd xarun caan ah, oo saldhig u ah barashada diinta
Islaamka iyo ganacsiga. Waxa magaaladaasi laga
dhoofin jirey bunka laga keenyo buuraleyda Abasiiniya
(Itoobiya), iyo addoonta laga keeno gudaha qaaradda,
92
kuwasi oo lagu soo bedelan jirey marka debadda loo
dhoofiyo hub, dhar, bir, weel dhoobo ah, timir, iyo
badeecado kale, kuwaasi oo keeni jireen doonyo,
lagana soo dejin jirey magaalada Saylac.
Waxa sidoo kale jirey saamayn iyo xidhiidho kale oo
qaarkood ka horreeyeen xataa kuwa Carabta. Masaaridii
hore, Giriiga iyo Roomaankii waxay u safri jireen
dhulkii loo yaqaanney ‘Dhulkii Punt’(bilaadul-bunt?)
amma dhulkii udugga, ee waqooyi-bari Somalia, si ay
uga soo iibsadaan xabagta udugga ah ee fooxa iyo
meydiga amma lubaanka. Waxa kale oo xeebahaasi degey
ganacsato Faarisiyiin ah (Persian) qarniyadii
sagaalaad iyo kii tobnaad. Boortaqiisku waxay iyaguna
weerareen qaar ka mid ah magaalooyinkii xeebahaasi.
Waxa kale oo jirey xidhiidho Somaalidu ay la lahaan
jirtey imbaraadooriyadihii Cusmaaniyiinta (Ottoman
Empire) ee Turkiga, Cummaan, Hindiya, iyo kuwa
kaleba.
Xilligii Guumeysiga (Colonial)
Qarnigii sagaal-iyo-tobnaad, Soomaalida waxa lagu
soo daray qorshihii reer Yurub ee ‘lagu kala
qaybsanayey Afrika’, in kasta oo aanay lahayn khyraad
badan oo loogu xisho oo qawdihii wax guumeysanayey ay
ka gurtaan. Soomaalidii, waxay is arkeen iyaga oo
indhaha lagu hayo oo ay ku soo jeedaan dalalkii
Ingiriiska, Talyaaniga, Faransiiska iyo Itoobiya oo
jaar la ahayd oo loo arkayey dawlad quwad weyn oo ka
jirta gobolkaasi. Sababtuna waxay dhinac ahaan ahayd
istaraatiji ahaan meesha ay ku taal oo muhiim ah, iyo
weliba Soomaalida oo ah dad socod badan oo guurguura,
oo mar walba marka ka danbaysay iyaga laftooduu sii
qabsanaya oo ku sii faafaya dhulal kale oo dheeraad
ah. Waxa bilaabantay inay iyaguna wax-iska-caabbin
kala kulmaan xoogag kale, markii ay ku sii faafayeen
ee ay u sii durkayeen dhinaca koonfureed iyo
93
galbeedka. Sida uu u sharraxayo Tom Farer(War Clouds
on the Horn of Africa: A Crisis Detente, New York,
1976), Dawladii isticmaarka Ingiriiska ee maamulaysey
Waqooyiga Kenya ‘ waxay soo afjartay 900 boqol oo
sannadood oo umadda Soomaalidu ay ku sii socotey oo
ay ku sii durkasey ilaa xeebaha Bariga Afrika. Iyaga
oo uu ka horyimid xooggii iyo quwaddii Ingiriisku,
Soomaalidii waxa lagu khasbay inay ogolaadaan inay ku
joogsadaan webiga Tana oo ay ka dhigtaan aaggooda
koonfureed. Halkaa ayaanay ku ekaatay.’4
Ingiriisku waxa kale oo uu ku lug lahaa dhinaca
waqooyi-galbeed ee dhulka Soomaalidu, in kasta ku-
lug-lahaanshaasi uu ahaa sife amma qaab ka duwan kuwa
hore. Ingiriisku ma wada doonayn inuu si buuxda u
wada qabsado gobolkaasi, laakiin waxa uu ka rabey oo
uu danaynayey xoolaha uu uga baahan yahay raashinka
saldhigii uu ku lahaa Cadan oo wax yar uga jirta
gobolkaasi dhinaca kale ee badda. Ilaa maantadanna,
xoolaha Soomaalida waxa laga dhoofiyaa baddaasi.
Intii u dhaxaysey sannadihii 1884 ilaa 1889,
Ingiriisku waxa uu la saxiixday qabaa’ilkii dhulkaasi
degganaa, heshiisyo dhawr ah oo is xigxigey,
heshiisyadaasi oo keenay in la sameeyo Maxmiyaddii
Ingiriiska ee Somaliland.
Ingiriiska waxa halkaas kala kulmay wax ka dheeri ah
oo ka badan wixii uu rabay ee uu ku gorgortamayey.
Imaanshihii iyo joogitaankiisii ciidda Soomaalidu
waxay si weyn uga cadhaysiisay Sayyid Mohamed Abdulle
Hassan oo ahaa hoggaamiye dagaal iyo gabayaa, waxanu
bishii June ee 1903 Ingiriiska u diray warqad
hanjabaad ah (tixraac: War Office, Official History
of the Operations in Somaliland, vol.1, 1907) oo u
dhignayd sida soo socota:
Haddii dhulkani uu ahaan lahaa mid beero la qoto
leh, amma ay ka buuxaan daaro ka dhisan amma
94
hanta kale oo taalla, waxay noqon lahayd wax
mudan oo u qalma in aad ku dagaallantaan.
Dhulkani waa wada kayn jiq ah, taasina idinka
wax faa’iido ah idiin ma leh. Haddii aad
doonaysaan ood iyo dhagax, halkan waad ka helin
kartaan oo way ka buuxaan. Waxa kale oo ka buuxa
dundumooyin badan. Milicduna aad ayay u
kulushahay. Waxa qudha ee aad iga heli kartaan
waa dagaal, ee ma aha wax kale.5
‘Mad Mullah’ amma ‘Wadaadkii Waallaa’ waxa uu kaga
dhabeeyey kelmaddiisiii amm hadalkiisii, waxanu ku
dhawaaqay dagaal jihaad ah, oo uu muddo labaatan sano
ah la dagaallamayey Ingiriiska iyo dawladihii kale ee
isticmaarka, ka hor intii aan ugu danbaystii la jebin
ee aan laga adkaan sannadkii 1920-kii.
Intii uu wade ololaha dagaal oo dhan, Sayyed Maxamed
waxa uu cadowgiisa ku hayey dagaal kulul oo af iyo
adinba ah, isaga oo isku tilmaami jirey in uu la mid
yahay awr didaa amm buubaa ah oo aan laylsanayn oo
keni adag, oo aan dabar iyo hoggaan midna aan aqoon.6
(Tixraac: Abdi Sheikh-Abdi, Divine Madness).
Warqad kale oo uu u qoray badhsaabkii Ingiriiska
sannadkii 1917-kii oo joogey magaalada Berbera,
Sayyed Mohamed Abdulle Hassan waxa uu ku gacansaydhay
eedayn ahayd in ciidamadiisa daraawiishtu ay
taakulayn ka heleen Turkiga, waxanu ugu baanay oo uu
Ingiriiska oo uu ugu soo hal-qabsaday guulihii
milateri ee isbahaysigii Turkiga iyo Jarmalku ay ka
soo hoyeen dagaalladii ay la galeen Ingiriiska
(Tixraac: Douglas Jardine, The Mad Mullah of
Somaliland, 1923), waxanu ku yidhi warqaddiisaasi:
Waxad ogtihiin, aniguna aan ogahay, wixii
Turkigu idinku dhigay, iyo wixii Jarmal idin
baday idinka, haddii aad tihiin dawladda
95
Ingiriiska. Waxay idinla noqotay oo aad u
haystataan in aan jilcay oo aan taag-darreeyey,
ayna igu khasabtay in aan debadda ka raadsado
saaxiibbo. Haddii taasi wax ka jiraan oo ay run
tahay in aan debadda ka doonto taageerana,
sababta qudha ee igu kallifaysaa waa Ingiriiska
iyo dhibaatada aad nagu haysaan. Waa idinka kuwa
isbahaysi la galay dadyowgii adduunka oo dhan,
sharmuudooyinki amma dhillooyinii iyo dadkii
fasahaadka, iyo kuwii madiidinka ahaa, waayo waa
idinka kuwa jilicdasan ee taagta darani. Haddii
aad tihiin dad xoog leh oo tamar haya, idinka
ayaa isku filnaan lahaa oo wax iska celin lahaa,
sidayada oo kale, idinka oo madaxbannaan oo xor
ah. Waxay calaamad u tahay oo ay muujinaysaan
taagdarradiinna, isbahaysigan aad la gasheen
Soomaalida, kuwa qabbaanka amma shaaqiga idiin ah
ee idiin adeega iyo Carabta, Soodaanta iyo
Kufaarta, khaniisiinta iyo Yamaniinta,
Nuubiyiinta, Hindida, Bunuushta, Faranji, Ruush,
Maraykan, Talyaani iyo Seerbiyiin, Boortaqiis,
Jabbaan, Giriig iyo buti, Siig iyo Baaniyaal,
Moors, Afqaaniyiin iyo Masaari. Waa niman xoog
badan, Idinkuna maadaama aad itaal daran tihiin,
waa in aad baridaan iyaga oo aad xod-xodataan
amma u shukaanstaan sidii dhillada oo kale.7
Markii ciidamadiisu ay dileen Abbaanduulihii wattey
ciidamada Ingiriiska, Richard Corfield, sannadkii
1913, Sayyed Maxamed Abdulle Hassan waxa uu tiriyey
gabay xun oo uu si weyn ugu tiiqtiiqsanayo, kuna
faanayo. Isaga oo Koofil ku hal-qabsanayan, waxa uu
yidhi:
Adaa Koofilow jiitayaan, dunida joogayne
Adigaa jidkii lagugu wadi, jimic la’aaneede
96
Jahannama la geeyow haddaad, aakhiruu jahato
Nimankii jannnow kacay war bay, jirin inshaalleye
Jameecooyinkii iyo haddaad, jowhartii aragto
Sida Eebbahay kuu jirrabay, mari jawaabteeda
Daraawiish jikraar nagama deyn, tan iyo jeerkii
dheh
Ingiriis jabyoo waxaa ku dhacay, jac iyo baaruud
dhen
Waxay noo janjuunteenba waa, jibashadiinnii dheh
Jigta weerar bay goor barqa ah, nagu jiteeyeen
dheh
Anigana Jikrey ila heleen, shalay jihaadkii dheh
Jeeniga hortiisey rasaas, igaga joojeen dheh
Jiiraayadey ila dhaceen, jilic afkoodii dheh
Siday kuugu jeexeen magliga, jararacdii sheego
Billaawuhu siduu kuu jarjaray, jiirarka u muuji
Nafjeclaysigiibaan ku idhi, jaallow iga daa dheh
Jajalleecadii baa wadanaha, jeex ka soo ruqay
dheh
Jeedaaladiibaa indhuhu, kor u jllaadmeen dheh
Jimic kagama helin tuugmadaan, jiriyey ruuxii
dheh
Markaan juuq idhaahdaba afkey, iga jifeeyeen dheh
Dhaaxaan jibaadayey dheg baan, jalaq la ii siin
dheh
Goortaan jarreerana gefoo, nolol ka jaanqaaday
Sida jananadii hore tashigu, igu jaguugnaa dheh
97
Taladii jinnigu ii hormaray, jaasadeed helay dheh
Jiidaha xanuunka leh markii, la igu jeeraarshey
Jibaadka iga soo baxay dadkii, jiifka qaban waa
dheh
Markay rubadu jaw tidhi or bay, iga ag jiibsheen
dheh
Jidhkaygii bahal baa cunoo, jiitey hilibkii dheh
Jurmidiyo baruurtii dhurwaa, jugux ka siiyaa dheh
Jiljilladiyo seedaha tukay, igaga jaadeen dheh
Haddaan lays jikaareyn tolkay, laga jil roonaa
dheh
Weligood waxaa lagu jaraa, jilibdhig duullaan
dheh
Daraawiidh waa jibindhowga iyo, jowga soo bixi
dheh.8
Dagaalladii wax-iska-caabbinta ee Sayyedku waxay
ahaayeen qaar aad u kulul, kuwaasi oo ku kallifay
dawaladdii Ingiriisku inay sannadkii 1919 u adeegsato
weerarro xagga cirka ah oo ay diyaarado ku garaacdo
isaga, waxayna ahayd markii ugu horraysay ee
Ingiriisku uu diyaarado ku duqeeyo meelo ka tirsan
gobolka Saxaaraha ka hooseeya ee Afrika. Ku-dhawaad
boqol sano ka dib waqtigaasi, quwadaha shisheeyuhu
waxay weli xagga cirka ka duqaynayaan dhaqdhaqaaqyada
Jihaad-wadayaasha ah ee Soomaalida: Dhawrkii sano ee
la soo dhaafay, dawladda Maraykanku waxay qaadday
dhawr weerar oo xagga cirka ah oo ay ku qaadday
bartilmaameedyo ku yaalla Somalia oo lagu sheegay
inay ku xidhan yihiin al-Qaacida.
98
Tom Farer waxa uu wax ka qoray sida Sayyed Mohamed
Abdulle Hassan uu u wadey ee uu ugu hawl geli jirey
fikradda ‘Soomaali-Weyn’ ee ahayd in Soomaalida oo
dhan la mideeyo oo laga dhigo dal qudha: ‘Waxa uu
baraarujiyey oo uu kobciyey fikradda ah in uu jiro
xidhiidh ka dhexeeya dhammaan Soomaalida oo dhan, oo
ka shisheeya amma ka weyn ka abtirsiinta beelaha iyo
xidhiidhka dhiigga, fikraddaasi oo gogol-xaadh amma
tixraac u noqonaysa arrimaha ilaa waqtigan taagan ...
sidaa awgeed, in kasta oo laga adkaaday, haddana ma
goblamin oo ma wada guuldarraysan.’9
Wax yar ka bacdi markii uu ku jabay Sayyedkii
dagaalladii uu kala horjeeday isticmaarkii
Ingiriiska, Faransiiska, Talyaaniga iyo Itoobiya,
waxa uu u dhintay xanuun. Dhulalkii ballaadhnaa ee
Afrika ee uu u dagaallamayey, dhulalkaasi oo Soomaali
badani ay u arkayeen inay yihiin dhulkoodii xaqa
ahaa, waxa waqti horeba loo kala qaybiyey shan
meelood oo kala gaar ah oo kala hoos yimaad
dawladihii istcmaarka:
NFD (Northern Frontier District): Qaybtani waxay
ka koobnayd degaannada waqooyi-bari ee Kenya oo
waqtigaasi Ingiriisku guumaysan jirey. Markii
Kenya ay madaxbannaanida qaadatay sannadkii 1963,
dawladdii markaas fadhidey Nairobi waxay diiddey
inay aqbasho rabitaankii dadweynihii u badnaa
Soomaalida ee degganaa gobolkaasi oo doonayey
inay ka go’aan Kenya, kuna biiraan Jamhuuriyaddii
cusbayd ee Somalia ee xornnimada qaadatay.
Ogadeeniya (The Ogaden): Qaybtani waxay noqotay
gobol ka tirsan Imbaraadooriyaddii Itoobiya, ka
dib markii Itoobiya ay qabsatay sannadihii u
dhexeeyey 1887 ilaa 1895, in kasta oo weli uu sii
ahaa gobolkaasi dhul lagu muransan yahay oo la
isku haysto. Gobolkaasi oo markii hore loogu
yeedhi ‘Ogaden’, markii danbe gobolkaasi iyo
99
degaannada kale ee Soomaalidu ay u badan tahay ee
Itoobiya waxa loo bixiyey ‘Kililka Shanaad’ iyo
‘Gobolka Soomaalida’.
‘Cote Francaise des Somalis’ amma ‘Xeebta
Soomaalida ee Farasiiska’: Dhulkaasi oo
Faransiiku haysan jirey waxa uu madaxbannaanaaday
sannadkii 1977 oo uu noqday Jamhuuriyadda
Djibouti.
Maxmiyaddii Ingiriiska ee Somaliland (British
Somaliland): Maxmiyaddii Ingiriisku waxay
madaxbannaani qaadatay 26-kii bishii June ee
1960, waxayn ku biirtay shan maalmood oo qudha ka
bacdi xornimadeedii oo ay la midoodey Somalia oo
Talyaanigu hore u guumaysan jirey, si ay u
abuuraan Jamhuuriyaddii Somalia. Laakiin waxay
haddana ka go’day 18-kii bishii May ee 1991 oo ay
noqotay Jamhuuriyadda la baxday Somaliland, iyada
oo la soo noqotay isla xuduudaheegii ay lahaan
jirtey waqtigii ay ahayd Maxmiyadda Ingiriiska.
Dhinaca Bari ee dalkaasi, waxa ka taagan khilaaf
ay isku haystaan gobolka la jaarka ah ee
Puntland.
Soomaaliyadii Talyaaniga (Somalia Italiana):
Qaybtani oo uu guumaysan jirey Talyaanigu, lana
hoos keenay, laga soo bilaabo 1950kii, Jamciyadda
Qaruumaha ka Dhaxaysa maamulkii Talyaaniga ee
halkaasi ka jirey, waxay iyana xornnimo qaadatay
1-dii bishii July ee 1960, iyaga oo isku biiray
qaybtii Ingiriisku xukumi jirey ee Somaliland,
halkaasina waxa ka samaysan tahay Jamhuuriyaddii
Somalia.
Kala-qaybintii Somalia loo kala qaybiyey shan
meelood oo gumeysigii kala xukumo, wax macne ah uma
100
samayn Soomaalida oo intooda badani ay ahaayeen dad
reer-guuraa ah, kuwaasi oo aan wax sidaa ah oo
qiimo leh aan u arkayn xuduudaha iyo dawlado dhexe.
Gabayaagii Soomaaliyeed ee Faarax Nuur, waxa uu ku
jahawareeray tartankii kululaa ee dawladihii
shisheeyaha ahaa ay ugu jireen dhulka Soomaalida.
Waxana ka mid ahaa gabayadiisii, tixahan soo socda:
Ingiriis, Talyaaniyo iyo Amxaar, wey akeekamiye
Arligaa la kala boobayaa, nin u itaal roone
Waa duni la kala iibsadoon, La na ogeysiinne
Waa duni ninkaad aammintaa, kuu abees yahaye
Waa duni akhyaartii lahayd, iib-ku-doon tahaye
Anse ila ah aakhiru-samaan, Iligyadiisiiye
Haddaad niman islaamiyo tihiin, Aadan ubadkiisa
Odayaal Ilaahay ka go’in, haynna oodina e .
Xilliyadii dagaalkii labaad ee adduunka, waxay ahayd
markii ay ugu dhaweyd Soomaalida, inay rumowdo
riyadoodii ay ku taamayeen ee ahayd in la helo
‘Soomaali-Weyn’. Sannadihii 1930-meeyadii,
hoggaamiyihii Fashiistada ahaa ee Talyaaniga, Benito
Mussolini, waxa uu u dagaallamay in uu ka sameeyo
Afrikada Bari Imbaraadooriyad Talyaanigu xukumo oo
noqota ‘Africa Orientale Italiano.’ Intii u dhaxaysey
sannadihii 1936 ilaa 1941-kii, Tatyaanigu waxa uu
qabsaday saddex qaybood oo ka mid ah xiddigta
Soomaalida (ee shan-geesoodka), kuwaasi oo kala ahaa
bariga Ethiopia, Maxmiyaddii Somaliland, iyo
Soomaaliyadii Talyaaniga. Ka dibna Ingiriiska ayaa ku
soo qaaday dagaallo rogaal-celin ah, waxanu
Ingiriisku qabsaday sannadkii 1941-kii, afar qaybood
101
oo ka mid ah xiddigtii Soomaalida, kuwaasi oo kala
ahaa: Ogaadeeniya, Soomaalidii Talyaaniga,
Somaliland, iyo waqooyi-bari Kenya.
Wasiirkii arrimaha debadda ee Ingiriiska ee
waqtigaasi, Ernest Bevin, waxa uu soo jeediyey in
dhammaan Soomaalida la wada hoos geeyo maamul qudha
oo meel keliya ah, Loona diyaar-gareeyo sidii loo
gaadhsiin lahaa madaxbannaani. Bishii June ee
sannadkii 1946-kii, waxa uu Ernest Bevin aqalka hoose
ee baarlamaanka Ingiriiska u soo jeediyey in dhulalka
lagaga hadlo af-Soomaaliga ...
... la isku wada geeyo, lagana dhigo dhul leh
maamul guud oo hoos yimaadda Jamciyadda Qaruumaha
ka Dhaxaysa, oo markaasi ay u suurto gasho
dadweynahaasi reer-guuraaga ahi inay maamushaan
noloshooda dhaqaale, iyaga oo aan la kulmi wax
carqalad ah oo weyn oo ku timaad, waxana dhici
karta inay helaan fursad dhab ah oo ay ku
samaystaan nolol dhaqaale oo fiican, sida looga
yaqaan dalkaasi ... Waxa keliya ee aan doonayo in
aan sameeyaa waa sidii aan reer-guuraagaasi
masaakiinta amma saboolka ah, aan u siin lahaa
fursad ay wax ku taransadaan oo ay nolol ku
samaystaan ... Cidna dani uguma jirto in laga
manciyo amma la iska hortaago dadkaasi saboolka
ah iyo lo’dooda halkaasi ku sugani inay helaan si
fiican oo ay u noolaadaan.
‘Qorshihii Bevin’ weligii ma noqon mid hirgala,
sababtuna waxay ahayd iyaga oo quwadihii kale ee
waaweynaa ee soo baxay dagaalkii labaad ee adduunka
ka dib ay ka dhega-adaygeen oo ay ka horjeesteen,
kuwaasi oo kala ahaa Faransiiska, Ruushka, iyo
Dawladdii Maraykanka. Afartii gobol ee ku hoos jirey
waqtigaasi maamulkii milateriga ee Ingiriisku,
sidoodii hore ayay ku soo noqdeen, marka laga reebo
102
qaybtii uu Talyaanigu xukumayey, qaybtaasi oo
sannadkii 1950-kii la hoos keenay wilaayadda Qaramada
Midoobey, maamulkeendana loo wakiishay in Talyaanigu
sii wado muddo toban sano ah, muddadaasi ka bacdi oo
ay madaxbannaani ku gaadhi karaan.
Waxa laga yaabaa in waxa ugu xanuunka badnaa
Soomaalida, inay ahayd in Itoobiya lagu wareejiyey
dhulal ay u arkayeen dalkoodii ay iyagu xaq ay u
lahaayeen. Soomaali badani weli waxay ku canaantaa oo
ay kaga cabataa Ingiriiska in uu uu Ogaadeeniya ku
wareejiyey Itoobiya sannadkii 1948-kii, haddana in uu
badhtamihii sannaddii 1950-kii sidoo kale ku
wareeijiyey isla Itoobiya dhulalkii daaqsinta ahaa ee
Hawd iyo Riseef Eeriya ‘Reserved Area’.
Waxa dhibaato iyo madax-farad joogto ku noqotay
dawladda Itoobiya, arrinta dadweyne Soomaaliyeed oo
aad u fara badan oo deggan Itoobiya. ‘Gobolka
Soomaalida’ ee bariga Itoobiya, waxa tobannan sannaba
uu ku jirey xaalado dagaal oo si joogta ay u wadaan
jabhado mucaarad ahi, kuwaasi oo mar walba gacan ka
helayey cid kasta amma dawlad kasta oo ka talinaysey
Somalia. Dhinacyada qaar marka laga eego, maqaamkii
gaarka ahaa ee la siiyey Itoobiya xilliyadii
isticmaarka, waa mid ilaa hadda sii jira. Itoobiya
waxay tahay ‘saaxiib gaar ah’ oo uu leeyahay
Maraykanku, marka loo eego ‘la-Dagaallanka
Argagixisada’, gaar ahaanna dhinaca Somaalida.
Itoobiya waxay gacan ka geysatey fulinta qorshihii
Maraykanka ee ‘hawlgalkii kharribnaa’ ee laga
sameeyey Somalia sannadkii 2006-kii ee Itoobiya ay
kaga saartay halkaasi Midowgii Maxkamadaha Islaamiga
ah (UIC), kuwaasi oo Maraykanku u arkayey Islaamiyiin
xagjir ah oo khatar ah.
Itoobiya waxay iyana dhinaceeda lahayd oo ay wadatey
danaheeda istaraatiji oo sabab u ahaa inay baabiiso
Maxkamadihii Islaamiga ahaa; maxkamadahaasi waxay u
103
arkaysey inay isbahaysi la leeyihiin Eitrea oo
mararkaasi ka hor dagaal ahli ah la gashay Itoobiya.
Gobannimadii (Independence)
Sannadihii 1940-meeyadii iyo 1950-meeyadii, qaybtii
Soomaalida ee Tayaanigu xukumi jirey waxa ka
bilaabmay dhaqdhaqaaqyo xisbiyo siyaasadeed; waxana
samaysmay sannadkii 1943-kii, Ururkii Dhallinyarada
Soomaaliyeed ee SYC (Somali Youth Club), ururkaasi oo
markii danbe isku bedelay mid ka mid ah xisbiyadii
waaweynaa ee siyaasadda, noqdayna xibigii Leegada ee
SYL (Somali Youth League). Isla markaasi, soomaalida
waxa ilaa heer loo diyaarinayey madaxbannaani.
Doorashooyin ah dawladaha hoose ayaa la qabatay
sannadkii 1954-kii, sannadkii 1956-kiina Talyaanigii
waxay Soomaalida ku wareejiyeen maamulka intiisii
badnayd. Sannadkii 1960-kiina waxa xornnimo qaatay
Somaliland iyo Soomaaliyadii Talyaaniga labadaba,
kuwaasi oo midoobay 1-dii bishii July, noqdayna
Jamhuuriyaddii Somalia. In badan ayaa u arkayey oo ay
ka go’nayd in tallaabadani ay ahayd bilawgii, oo ay
ku xigi doonaan dhulalkii kale ee Soomaalida oo ku
soo biira, oo ay midoobi doonto ‘ummadda’
Soomaaliyeed, yeelanna doonto dawlad keliya.
Dadkii rajadaasi qabey ee ay ka go’nayd waxa ka mid
ahaa raiisal-wasaarihii Somalia ee waqtigaasi,
Abdirashid Ali Sharmarke, oo markii danbe noqday
madaxweyne (Tixraac: Dr Abdirashid Ali Shramarke, The
Somali Peninsula: A New Light on Imperial Motives,
London, 1962), waxanu yidhi:
Nasiibdarrada na haysata waxa ka mid ah, dalalka
aannu deriska nahay, oo sida dalalka kale ee
Afrikaanka ah aannu ka rabno oo isku deyeynno in
aannu ka wada shaqaynno dhismaha horumarka iyo
xidhiidh fiican oo siman oo aannu yeelanno, in
104
aanay ahayn jaarkayaga. Jaarkayagu waa dadkii
nala dhashay ee Soomaalida ah, oo
muwaadinnimadoodii amma dhalashadoodii laga been-
abuuray, aanay been-abuureen ‘habab la dejiyey’
oo ku salaysan xuduudo aan loo kala aabbo yeelin.
Waxay ku khasabtay dadkaasi inay kolba dhinaca
uga tallaabaan oo ka gudbaan xuduudo macmal ah oo
been-abuur ah, dhulkoodii daaqsinta. Waxay degaan
isla dhulkayaga oo kale, waxayna ku tiirsan
yihiin dhaqaalaha miyiga, sida aannu annaguba u
nahay ee aannu ugu tiirsannahay. Isku af ayaannu
ku hadalnaa. Waxannu nahay isku diin, isku dhaqan
iyo isku caadooyin. Sideebaannu walaalahayo ugu
arki karnaa oo aannu ugu aqoonsan karnaa dad
ajanebi ah.11
Soomaaliyadii cusbayd ee madaxbannaanaatay waxay
marka hore indhaha ku haysay gobolka NFD ee waqooyi-
bari ee Kenya oo markaas isticmaarku xukumayey.
Dawladdii Somalia waxay ku doodi jirtey in ‘iyagoo
isku issir iyo af ah, dadka reer NFD ee gobolka
waqooyi bari inay yihiin dad la dhashay oo la ab iyo
tafiir ah dadweynaha Jamhuuriyadda Soomaaliyeed,
laakiin Kiiniya ay ku yihiin dad shisheeye oo ajanebi
ah.’ Waxayna u soo jeedin jireen dawladdii Ingiriiska
ee waqtigaasi xukumaysey halkaasi in dhulkaasi ‘lagu
soo daro oo lala mideeyo Jamhuuriyadda Somalia, marka
ay Kiiniya xornimadeeda qaadato.’12 (Tixraac: The
issue of the Northern Frontier District, White Paper
Isuued by the Somali Government, Mogadishu, 1963).
Guddi gaar ah oo Ingiriisku u saaray inay soo
baadhaan arrinani waxay waxay ogaadeen sannadkii
1926-kii, in dadweynaha ku nool gobolkaasi oo in ka
badan boqolkiiba 60 ay yihiin Soomaali, inay dhammaan
si wadajir ah u doonayaan inay ka go’aan Kenya,
aakhirkana ku biiraan Somalia. Laakiin dadweynaha
reer Kenya intooda badan, iyo dalalkii kale ee
Afrikaanka ahaa ee madaxbannaanida cusub qaatay, iyo
105
kuwii kale ee xornimadoodu soo dhaweyd, ayaa ka
horjeestey arrintani, iyaga oo ka cabsi qaba in tani
ay dhiirrigelin doonto dhaqdhaqaaqyada kale ee gooni-
u-goosatada ah ee ka jira qaaradda. Waxayna noqotay
in arrintii la laalo, taasi oo cadho weyn ka keentay
Somalia, una goysey si ku-meel-gaadh ah xidhiidhkii
diblomaasi dawladda Ingiriiska sannadkii 1963-kii.
Sidii Itoobiya oo kale, Kiiniya waxay sannado badan
dhibaatooyin waaweyn kala kulantay dadweynaha
Soomaaliyeed ee ku dhaqan dalkeeda. Waxyaabihii uu
hore uga qoray arrimahani John Drysdale sannadkii
1964-kii, ayaa ilaa maantadani jira oo leh isla
saamayntii iyo ahmiyaddii ay waqtigaasi lahaayeen,
waxana ka mid aha qoraalkaasi: ‘Kiiniya iyo Itoobiya
labadaba waxa soo foodsaaray dhibaatada dad aan la
xukumi karayn, aan diyaar u ahayn wada-shaqayn,
kacsan oo dagaallama, oo reer-guraa ah oo si sahal ah
oo dhakhso badan hadba meel u guura, iyaga oo aan la
ogaan, oo marna soo gala marna ka baxa Jamhuuriyadda
Somalia, iyaga oo hubaysan amma aan hubaysnayn,
kuwaasi oo si buuxda u maareeya amma ugu nool
duruufaha degaannadooda lama-degaanka ah.’13
Mas’uul sare oo ka tirsanaa dawladdii isticmaarka ee
Ingiriiska, Lord Rennel Rodd, oo sannado badan ku
qaatay Geeska Afrika, waxa uu rumaysnaa isna in
siyaasadda dawladdiisa ee ku waajahan Somalia ay
keeni doonto mustaqbalka dhibaatooyin adag. Waxanu
qoray:
Haddii aynnu sidaa u danayn lahayn ... (aduunkuna
si macquul ah u eegi lahaa), dhammaan Soomaalida
... waxa suurtogal ahayd in la wada hoos keeno
maamulkeenna. Laakiin adduunku si macquul ah uma
eegi arrintani, innaguna sidaas umaynaan danayn.
Sidaasi awgeedna, qaybta keliya ee Afrika ee sida
weyn dadkeedu ay isku wada mid yihiin ayaa la
kala qayb-qaybiyey oo loo kala jarjaray, si ka
106
dhigan oo kale dhibaatadii Julius Caesar
(Hoggaamihi milateri ee Imbaraadooyiaddii
Roomaanka oo noolaa intii u dhaxaysay 100-44 sano
ka hor dhalashadii Nebi Ciisse) ee gobolladii
Gaul (degaannadii iyo qabaa’ilkii dhinaca galbeed
ee Yurub ee waqtigaas), gobolladaasi oo noqday
goobo ay ku herdamaan oo ay ku dagaallamaan reer
Yurub ilaa labadii kun ee sannadood ee u
danbeeyey. Somaliland-na, amma dhulka
Soomaaliduna, waxa dhici karta in uu noqdo
goobtii dalalka Afrikada Bari ay ku herdamayeen.14
(Tixraac: Sir Gerald Reece, The British Survey,
Colonial Office, 1952).
Ka sakow niyad-jabka Soomaalidii ay ka qaadeen inay
ku guulaysan kari waayeen abuuristii ‘Soomaali-Weyn’,
sanadihii koobnaa ee ugu horreeyey gabannimadii ka
dib, waxa samaysmay hab baarlamaani ah oo dimoqoraadi
ah oo firfircoon, oo ka dhex hirgalay Jamhuuriyaddii
cusbayd. Doodaha kulul ee baarlamaanka dhexdiisa,
ololayaasha doorashooyinka ee ay ku looltamayeen
musharrixiin iyo xisbiyo tiro badan, arrimahani waxay
u muuqdeen qaar ku bannaan dhaqanka firfircoon ee
Soomaalida oo jecel doodaha iyo af-ka-hadalka.
Sannadkii 1969, waxa jirey 1,002 laba musharrax oo ka
soo kala jeeda 62 xisbi oo u tartamayey kuraasta
baarlamaanka dalka oo tiradoodu ahayd 123 kursi.
Sagaalkii sanadood ee u horreeyey gobannimadii
dalkaasi, waxay ahaayeen kuwa ilaa heer cuntama oo
xiiso leh, ka sakow dhibaatooyin ka imanayey isku-
dhacyo qabaa’il, khilaafyo u dhexeeyey labadii
mustacmaradood amma qaybood ee hore ee isku darsaday,
tacliin-la’aan, iyo dhibaatooyin kale. Caalinka xagga
culuunta siyaasadda ee Ali Mazrui (oo u dhashay reer
Mombasa, Kenya), waxa uu qoray in xilliyadaasi
Somalia ay noqotay ‘ dalka ugu dhawdhaw Afrika ee ku
dhaqmaa siyaasad furfuran intii ka danbaysey
guumeysigii.’15
107
Nidaamkii Keli-Taliska ahaa (Dictatorship)
Wax walba waxay isbedeleen sannadkii 1969-kii.
15-kii bishii Oktoobar ee sannadkaas, waxa la diley
madaxweynihii Abdirashid Ali Sharmarke, waxana diley
nin ka tirsanaa bileyska, dilkaasi oo u muuqday inuu
ahaa aargudasho aano qabiil oo hore. Wax ka yar
toddobaad gudihii, ayaa aroornimadii hore ee 21-kii
bishii Oktoobar ay ciidammadii milaterigu qabsadeen
meelihii muhiimka ahaa magaalada Muqdishu, waxana la
mamnuucay xisbiyadii siyaasadda, waxana la xidhxidhay
siyaasiyiin sarsare. Laga soo bilaabo waqtigaas, waxa
xukumayey dalkaasi Gole Sare oo Kacaan oo uu
hoggaaminayo madaxii ciidamada, General Mohamed Siad
Barre. Hogaamiyihii inqilaabkaasi aan dhiiggu ku
daadanna, waxa uu awodda xukunka haystay muddo ka
badan labaatan sano.
Hab ah ‘Hantiwadaag Cilmi Ku Dhisan’ ayaa la soo
rogey, waxana habkaasi ku ladhnaa isku-daygii
tirtirista qolo-qolonnimada amma qabyaaladda, hab-
beeleedkaasi oo ka mid ah waxyaabaha aasaasiga u ah
mujtamaca Soomaalida. Siyaad Barre waxa uu sheegay oo
uu ku tilmaamay inay ku tahay cudur amma habaar aan
loo adkaysan karayn kacaanka hantiwadaagga ah, waxanu
yidhi: ‘Qabyaaladda iyo waddaninnimadu ma wada socon
karaan. Waa nasiibdarro in qabiilku uu yahay mid aad
ugu weyn ummaddeenna. Haddii Soomaali oo dhammi ay
Cadaabta gelayso, waxay ku cadaab-tegayaan waa
qabyaaladda.’
Hal-ku-dhegyada ugu waaweyn ee Soomaaliyadii cusbayd
ayaa noqday ‘Qabyaaladdu waa mid wax kala qaybisa,
Hantiwadaaggu waa mid wax mideeya.’ Soomaalida waxa
laga mamnuucay inay iskugu yeedhaa amma isku
aqoonsadaan beelaha ay ka soo kala jeedaan, waxana
lagu amray inay isku wacaan Jaalle, ereygaasi oo
macnihisu yahay saaxiib amma macag. Sawirro laga
108
dhigay inay u taagan yihiin qabiilka amma qabyaaladda
ayaa la soo sameeyey, ka dibna la aasay amma la
gubay, si tusaale looga dhigo tirtiristii
qabyaaladda. Iyadoo la raacayo habkii dalalkii kale
ee Shuuciga ahaa ee isbahaysiga cusub ay la yeelatay
Somalia, ee Midowgii Soofiyet iyo Kuuriyada Waqooyi,
waxa dadweynihii lagu dhiirrigeliey inay ka qayb
qaataan mahrajaanno iyo mashaariicda iska-wax-u-
qabso. Waxa la qaaday tallaabooyin kale oo dheeraad
ah oo la rabey in lagu cidhib-tiro ‘dhaqamadii
gaboobey’ ee uu watey nidaamka qabaliga ah ee dhaqan-
afeedka amma wax-qoris-la’aanta, waxana la soo rogey
markii ugu horraysey qoritaanka af-Soomaaliga,
sannadkii 1972. Waxa ku xigey olole ballaadhan oo la
qaaday sannadkii 1974-kii, oo lagu faafinayey
barnaamijyadii dadweynaha ee wax-qorista iyo wax-
akhrinta. Sida uu ku tilmaamay Professor Ioan Lewis
qoraalladiisii, waxa la xidhay dugsiyadii sare ee
dalka intoodii badnayd, iyadoo in ka badan soddon kun
oo qof oo ka kooban ardaydii iyo macallimiintii loo
kala diray degaannadii miyiga, si ay u soo baraan
dadweynaha reer-miyiga ah wax-qorista iyo wax-
akhrinta, daryeelka caafimaadka iyo nadaafadda
aasaasiga, iyo mabaadi’da hantiwadaagga. Waxana ka
mid ahaa waxyaabihii uu qoray:
Iyaga oo la sii siiyey qalab ka kooban bustayaal,
sabuurado isku laab-laabmaya (oo aan laakiin
hagaag u kala furmayn), caagado biyo ah iyo agab
kale, iyo weliba qaddar gunno ah oo dhan laba
shilin maalintii, ardaydaasi iyagu fursadda
gaarka ah hore ugu helay waxbarashadii
magaalooyinka dhexdooda, waxay noqotay inay ula
tagaan oo ay u gudbiyaan midhihii kacaanka
jaallayaashoodii miyiga ee hore loo daayacay,
ayna marti u noqdaan, lana joogaan qoysaskii reer
miyiga, martigelintaasina ugu abaalgudaan inay
baraan dadkaasi wax-akhrinta iyo wax-qorista.’16
109
Xilliyadaasi ayay bilaabantay in xaaladaha Somalia
ay si weyn u xumaadaan oo ay u qasmaan. Sannadihii
1974 ilaa 1975-kii, waxa dalkaasi ka dhacay waxa
waqtigaas lagu tilmaamay abaarihii ugu ba’naa
taariikhda dalkaasi. Sannadkii 1977, iyadoo uu soo
cusboonaaday dedaalkii ku saabsanaa in la helo
‘Soomaali-Weyn’, isla markaasina ay suurtogal ahayd
in meesha ay ku jirtey ujeeddo ah in dadka laga
jeediyo dhibaatooyinkii gudaha ka taagnaa, Siyaad
Barre waxa uu ku dhawaaqay dagaal lagu qaaday
Itoobiya, oo looga gol lahaa in lagu qabsado gobolka
Ogaden. Waa markaasi dagaalladaasi ay qarxeen markii
Midowgii Soofiyet uu si weyn oo la yaab leh u bedeley
xidhiidhkii isbahaysi ee dhincyadii dagaallamayey,
waxanu tuuray Somalia oo uu laalay isbahaysigii uu la
lahaa, ka dib markii hoggaamiyihii kacaankii
Maarkiistaha amma Shuuciga ahaa ee cusbaa ee
Itoobiya, Mengisyu Haile Mariam, oo sannadkii 1974-
kii afgenbiyey Boqor Haile Selassie, uu dawladdii
Soofiyet-ka weydiistey taageero. Dawladdii Soofiyetku
waxay siisay saaxiibkoodii cusbaa ee Itoobiya
taakulayn iyo hub milateri oo aad u fara badan, taasi
oo keentay in la jebiyo Somalia sannadkii 1978-kii.
Burburkii ka abuurmay abaarihii iyo dagaalladii waxay
horseedeen inay sii korodho tiro badan oo ka tirsan
Soomaalidu inay ku kacaan oo ay ka horjeestaan
madaxweynahoogii. Sannadkii 1978-kiina, koox ka
kooban saraakiishii milateriga ayaa isku deyey
inqilaab dhicisoobey oo ay kula kaceen Siyaad Barre,
kacdoonkaasi oo caalamad u ahaa amma muujinayay
niyad-jabka sii badanaya.
Waxa bilaabantay in dalku uu kala daato oo uu sii
kala burburo. Dedaalkii Siyaad Barre uu ku doonayey
in uu ku tirtiro qolo-qolonnimada iyo qabyaaladda
waxa uu noqday dhibaato isagii dib ugu soo noqotay oo
saamaysay ; sannadihii 1980-maadkiina, waxa samaysmay
110
dhawr jabhadood oo ku dhisan gobolaysi iyo beelo.
Kuwa ugu horreyey kooxahan waxa ka mid ahayd
jabhaddii SNM (Somali National Movement). Jabhaddaasi
waxay markii hore ahayd oo ay ku bilaabanatay beelo
badan oo isbahaystay, markii danbana urur u taagan
danaha beelihii Isaaqa ee ka soo jeedey Maxmiyaddii
hore ee Ingiriiska ee Somaliland, kuwaasi oo ka
dagaallamayey waxa ay u arkeen fogeyn la foogeeyey oo
la takrooray, iyo cadaadis iyo ciqaab ay kula kacday
dawladdii Siyaad Barre.
Jawaabta ay dawladdii ka bixisay arrintani iyo
tallaabooyinka ay kala hor tagatay jabhaddani
mucaaradka, waxay ahaayeen qaar si xad-dhaaf ah u
qallafsan oo waxshinnimo. Ciidamadii dhulka iyo kuwii
cirka ee Siyaad Barre waxay duqayn xoog leh ku
sameeyeen magaala-madaxdii gobolka ee Hargeysa, oo
sida duqayntaasi ay magaaladii u baabiisay lagala mid
dhigay oo loogu magac-daray ‘Dresden-tii Afrika’
(Dresden of Africa). Waxay noqotay wax naadir ah oo
far-ku-tiris ah in la helo gidaar amma guri taagan oo
bed qaba oo duqayntaasi ka badbaaday, waxana la
burburiyey amma la bililiqaystay dhammaan guryihii
iyo dhismayaashiii, iyo saqafyadii, mid kasta.
Magaaladii waxay noqotay meel gabaahiir ah oo la
burburiyey, si xunna loo fadhataystay, dadweynihii ku
noolaana ay aakhirkii ka qaxeen oo ay u lugeeyeen
ilaa Itoobiya, qaxaasi oo ahaa, sida uu ku tilmaamay
Mark Bradbury buuggiisii ‘Samaysankii Somaliland’
(Becoming Somaliland, London, 2008), mid weyn oo
qeyra-caadi ah amma oday-ka-sheegee ah, wanu qoray:
‘Qaxii ay qaxeen dadweyne ku dhaw-dhaw ilaa 500,000
oo qof oo rayid ah oo ka qaxay waqooyiga Somalia, una
qaxay Itoobiya sannadkii 1988, waxay dhacdadani ka
dhignayd dhacdooyinka ugu waaweyn ee ugu darnaa dad
xaddigaasi leh oo si xoog ah mar qudha loogu kallifay
in ay barakacaan, taariikhda Afrika.’17
111
Bishii May ee 1988, weerarradii Jabhaddii SNM ay ku
qaadday Magaalooyinka Hargeysa iyo Burco, waxay bilaw
u ahaayeen dagaalladii sokeeyey ee Somalia, kuwaasi
oo socdey muddo ka badan labaatan sanadood ah. Waxa
kale oo jirey jabhado kale oo ka samaysmay meelo kale
oo ka tirsan dalka. Sannado hore, dhinaca waqooyi-
bari waxa ka samaysantay jabhaddii SSDF (Somali
Salvation Democratic Front), dhinaca koonfur iyo
badhtamaha Somalia-na waxa ka dhisantay jabhaddii USC
(United Somali Congress) oo inta badan u taagneyd
danaha beelaha Hawiye. Beelihii Ogaadeenna waxay
samaysteen dhaqdhaqaaqii SPM (Somali Patriotic
Movement). Bishii August ee 1990-kii, jabhadihii
SNM, SPM, iyo USC waxay ku shireen Itoobiya, waxayna
ku heshiiyeen inay samaystaan isbahaysi midaysan oo
ay isku bahaystaan dagaalka ay kala horjeedeen Siyad
Barre.
Xilligaasi, dawladdii dhexe waxa haysatey oo ay ku
jirtey xaalad la yaab leh oo aan la filayn oo la mid
ah tan haatan timid labaatan sano ka bacdi
waqtigaasi, xaaladdaasi oo ahayd xukunka dawladdii
dhexe oo ku soo ururay, kuna koobnaaday wax aan sida
uga durugsanayn magaalo-madaxda. Waxa aad u soo
yaraaday oo soo koobmay dhulkii uu gaadhsiisna awodda
xukunka ee Siyaad Barre, oo gaadhay ilaa heer
mucaaradkiisii ay ugu yeedhaan ‘Duqii Magaalada
Muqdishu’. Jabhadihii mucaaradka ahaa waxay ku soo
durkeen oo ay hareereeyeen magaaladii, 26-kii bishii
ee 1991-kiina, Siyaad Barre waxa farahiisa ka baxay
xukunkii magaalo-madaxda, waxana ka saartay halkaasi
jabhaddii USC.
Burburkii Dawladda (State Collapse)
Dhicitaankii Siyaad Barre ma noqon dhammaadkii
dagaalka. In kasta oo xukunkii laga tuuray kelidii-
teliye had iyo jeer naxariis darnaa oo qallafsanaa,
112
haddana laga soo bilaabo sannadkii 1990-kii,
dadweynaha Soomaaliyeedd intooda badani waxay
ahaayeen kuwa aan haysan hoggaan dhexe oo si wax-ku-
ool ah u shaqeeya, waxayna ku noolaayeen dawlad-
la’aan.
Isla markii Siyaad Barre laga turay xukunka, wax
markiiba iyagu dhexdooda isku jeestey ururkii USC.
Waxa burburtay midnimadii Hawiyaha, iyaga oo laba
beelood oo ka mid ah beelaha Hawiyaha, kalana ah
Abgaal iyo Habar Gidir, ay dhex martay colaad aad u
qadhaadhi oo ay isku noqdeen cadow xun, iskuna
bilaabeen dagaallo. Qof Ingiriis ah oo la yidhaa
Murray Watson, oo ka tirsanaa shaqaalihii hey’adaha
gargaarka, ayaa goobjoog ka ahaa oo ka hadlay
dagaalladii maalmihii ugu horreeyey halkaasi ka
dhacay, sannadkii 1991-kii. Waxanu yidhi:
Dagaallo badan iyo taxshhiirado ayaa ka dhacaya
agagaarka qasriga madaxtooyada. Waxan hadda soo
maray cusbitaalka oo maalin kasta la keeno konton
ilaa lixdan qof oo dhaawac ah. Maalin kasta,
dhakhtarradu waxay sameeyaan qalliin addimada oo
la jaro ah, min toban ilaa shan-iyo-toban qalliin
oo noocaasi ah. Dhiig ayaa igaga yaal oo soo
gaadhay lugahayga. Ma malayn kartid dilka xun ee
halkan ka dhacay. Waxan ka soo qaaday sawirro
meydadka jidka daadsanaa hadda. Ma jiraan imika
meydad badan oo sii yaallaa, waayo, eyda ayaa
cuntay intoodii badnayd. Laakiin weli waxa sii
yaalla gacmo dad oo ka dhex muuqda ciidda.
Hareeraha waddada waxa ku yaalla xabaalo degdeg
ah oo lagu aasay dadka isla goobihii ay ku
dhinteen. Dadka wax ku dhaceen ee dhintay amma
dhaawacmay, intooda badani waa dad rayid ah ; waa
dumar, waa rag da’ah, waa caruur.
Tani waxay ahayd Somalia iyo hab-beeleedkeeda oo
sida ugu weyn iyagu isku baabiinayey amma is-cidhib
113
tirayey. Dhicitaankii Siyaad Barre, halkii uu ka
horseedi lahaa nabad, iyo in la dhiso nidaam sugan oo
dawli ah oo ku dhisan dimoqoraadiyad iyo caddaalad,
waxa ka dhashay oo uu keenay dagaallo aan caqli ku
fadhiyin, dagaalladaasi oo saamayntii
dhibaatooyinkoodii ugu xumaa ay ku dhaceen
dadweynihii rayidka ahaa.
Nidaamkii diktaatooriga ahaa ee keli-taliska, waxa
bedeley qabqablayaal dagaal, oo ahaa hoggaamiyayaal-
beeleed awod badan, oo ay taageerayaan maalqabeenno
baayacmushtar ah iyo kooxo hubaysan oo miliishiyooyin
ah, kuwaasi oo Somalia inteedii badnayd u rogey
degaanno kala gooni ah oo ay kala xukumaan
qabqablayaal dagaal. Kooxahaasi waxay ahaayeen kuwa
iyagu midba midka kale la dagaallamayey, amma midba
midka kale la samaysanayey gaashaanbuur isbahaysi,
isbahaysigaasi oo haddana si dhakhso ah u burburayey
muddo yar ka bacdi. Xaaladaha noocan ah ee aan la
sadaalin karin, ee sida dhakhsa ah isku bedeleyey,
waxay jahawareer ku noqdeen cid kasta, gudaha iyo
debadda Somalia labadaba.
Mar aan booqday Somalia, horraantii sannadihii 1990-
meeyadii, aad ayay u yarayd in aad aragto qof aan
hubaysnayn, yar iyo weyn ragga, oo aan qori sidan.
Hubku waxa uu noqday mid daruuri ah oo loo baahan
yahay sida shaadhka la gashado oo kale, kana
muhiimsan kabaha. Wiilal yaryar oo dagaalyahanno ah
oo indhuhu soo baxsan yihiin, dhididna ka soo boodey,
ayaa eryayey oo watey buurbuur nooca dagaalka ee
Soomaalida ah oo loo yaqaanno baabuurta ‘Tiknikada’.
Waa baabuur dusha laga jaray amma Land Cruiser-ro ah,
oo qoryo waaweyn la saaray, aanay la socdaan
miliishiyo aad u hubaysani. Taxshiiradaha iyo
rasaasta joogatada ahi waxay dileen tobannaan kun oo
qof, in badan oo kale way dhaawaceen, waana la
barakiciyeen, waxayna dagaalladaasi baabiiyeen
114
magaaladii Muqdishu oo ka mid ahayd magaalooyinka ugu
qurux badan Afrika.
Nin ka mid ah raggii isku deyey in la joojiyo
burburkaasi, waxa uu ahaa Cumar Salaad, oo
mas’uuliyado sare ka soo qabtay xukuumaddii Siyaad
Barre, laakiin waqtigani ka mid ahaa mucaaradka oo uu
ku biiray. Waxanu yidhi:
Waxaan soo arkay ee aan u soo joogey waxay
ahaayeen wax aad u fool xun, aad iyo aad u fool
xun. Waxa socdey dil, waxa socdey boob, waxa
socdey qas. Dadku guryaha ayay boobayeen oo
xadayeen, dumarka ayaa la kufsanayey. Waxay ahayd
wax argagax leh oo aad u fool xun. Waxan ku
dedaalayey inta karaankay ah in aan gacan ka
geysto badbaadinta dadkii qaraabada iyo asaxaabta
ahaa. Miliishiyooyinka beeluhu waxay ku
dagaallamayeen oo ay haysteen dhammaan noocyada
hubka : qoryaha boobayaasha culculus ee
mashiingaannada, kuwa fudud ee reyfallada,
madaafiicda lidka diyaaradaha oo la saaray buur
Land Cruisero ah, iyo xataa sawaariikhda Katuusha
ah. Muddo yar ayaa gebi ahaan badhtamihii
magaalada lagu baabiiyey oo laga wada dhigay
burbur ciid iyo quruurux ah.
Waxan tegey Tiyaatarkii Qaranka , oo ahaa dhisme
aad u qurux badan oo bilicsan, kaasi oo si weyn
loo fadhataystay, lana qaawiyey gebi ahaan. Waxan
sii qaaday qaar ka tirsan ilaalaladaydii oo aan
geeyey tiyaatarkii, waxanan amar ku siiyey inay
xabbado dusha u ridaan oo ay dulmariyaan
budhcadda wax bililiqaysanaysa. Tani waxay ka
cabsiisay tuugadii oo yaacay. Ka dibna laba ka
mid ah ilaaladaydii ayaan halkii kaga tegey si ay
halkaasi u joogaan, una badbaadiyaan tiyaatarka.
Waxan tegey meel maqaaxi amma hudheel ah oo wax
laga cuno magaalada Muqdishu. Waxanan halkaasi ku
115
arkay dadkii oo afka iyo gacmaha iska marinya
waraaqihii sirta ahaa ee xafiisyada dawladda.
Xataa waxay la aadayeen oo ay ku isticmaalayeen
musqulaha. Ninkii hudheelka lahaa ayaan siiyey
waxoogaa lacag ah, waxanan ka ururiyey oo aan ka
qaaday waraaqahaasi qaaliga ahaa ee muhimka ahaa.
Laakiin haddana waxan arkay hudheelladii kale ee
magaalada oo dhan oo waxaasi iyo wax la mid ahi
ay ka socdaan. Ka dibna waxa soo ururiyey oo aan
badbaadiyey waraaqo badan, intii aan gaadhi
karayey. Aakhirkiina waxan isku keenay wax noqday
ilaa 175 fayl oo ah dhakumantiyadii rasmiga ahaa
ee dawladda.
Dilkii iyo burburkii waxa soo raacday gaajo. Waxay
si dhakhso ah iskugu bedeshay xaalad macaluuleed, oo
ban’iidam abuuray. Inta badan dhulkii masnada ahaa ee
wax ka bixi jireen ee Somalia, ee u dhaxeeyey labada
webi ee Jubba iyo Shabeelle, ayaa noqday dhul ay ku
dagaallamaan kooxihii iska soo horjeedey. Dadkii
beeraleyda ahaa ee degganaa halkaasi, waxay noqdeen
wax la laayey, wax la barakiciyey oo lagu kallifey
inay qaxaan, amma wax lagu khasbay inay ku biiraan
miliishiyooyinka. Waxa bilaabantay in dadku ay u
dhintaan macaluul, gaar ahaanna qaybo ka tirsan
gobollada koonfureed iyo kuwa dhexe ee Somalia. Cumar
Salaad waa u qiiroodey oo maroora-dillacay markii uu
iiga sheekaynayey markii ugu horraysay ee u soo
booqday degaannadii ugu darnaa ee macaluushu
saamaysay, degannadaasi oo loo yaqaanney ‘Saddex-
Geeskii Geerida’, waxanu yidhi:
Waxan arkay boqolaal caruur ah oo daadsan, safaf
dhaadheer, waddada laamiga ah hareeraheeda. Way
wada qaawanaayeen, waxayna ahaayeen lafo qalfoof
ah, laakiin may dhimanin. Weli waa sii
noolaayeen, laakiin waxay qarka u saarnaayeen
inay dhintaan. Markii aan warsaday waxa caruurta
intaasi leeg halkani keenay ee ay ka qabaanayaa
116
waddada, waxa la ii sheegay in waalidkoodu uu ku
wada dhintay macaluushii. Waan ilmeeyey. Waxa ugu
daran ee aan arkay waxa uu ahaa ilmo yar, oo
qalfoof ah, oo jaqaysaa naaskii hooyadeed oo meyd
ah. Waan hunqaacay. Ka bacdina waxan go’aansaday
in aan soo kaxeeyo suxufiyiin iyo weriyayaal
ajanebi ah oo aan keeno degaankan, si ay adduunka
ugu faafiyaan wararka waxyaabaha ka dhacayaa ee
ka taagan Somalia.
Xattaa dadkii iyagu wax badan hore uga soo shaqeeyey
dhulalka ay ka jiraan dagaallada iyo macaluusha, sida
Tony Vaux oo kale oo ka tirsan shaqaalaha hey’adaha
gargaarka, waxa aad u taabatay xaaladdii ay ku arkeen
Somalia, waxanu yidhi Tony :’Tani waxay ahayd
xaaladdii ugu xanuunka badnayd ee i soo marta intii
aan socdaalayey ee aan wareegayey oo dhan ee aan u
shaqaynayey hey’adda OXFAM in ka badan labaatan sano,
socdaalladaasi oo ay ku jiraan kuwii aan ku tegey ee
aan ku soo arkay xaaladihii Itoobiya sannadkii 1984-
kii. Heerka dhibaatada ee xaaladda Somalia, waa mid
aad u weyn oo ba’an marka loo eego kuwaasi kale.
Dhibaatada banii’aadminnimo ee halkasi ka jirtaana
waa mid aan aslanba la rumysan karin.’
Markii sawirradii iyo muuqaalladii aafadaasi lagu
baahiyey ee ay ka soo baxeen telifishannada caalamka,
waxa bilaabmay olole caalami ah oo dadweyne oo loo
sameeyey in la qaado tallaabooyin, oo wax la qabto.
Laakiin xaaladahani waxay ahaayeen qaar adag, oo aan
caadi ahayn, oo khatar ah. Somalia waxay ahayd dal
aanay ka jirin dawladi, oo ay ka socdaan dagaallo xun
oo soo noqnoqonaya, oo aan la sadaalin karin, oo
baahsan. Guud ahaan waxa adkaatay sidii loo heli
lahaa qaab lagu gaadhsiiyo dadka baahan gargaar
banii’aadminnimo. Xaaladdu waxay ahayd mid aad u xun
oo gaadhay ilaa heer ah in la toogto maraakiibtii
siddey gargaarka, xataa ka hor inta aanay soo gaadhin
berriga.
117
Faragelintii Dibadeed (Intervention)
Qiyaastii siddeed-iyo-toban bilood ka bacdi markii
Muqdishu ay duntey, Golaha Ammaanka ee Qaramada
Midoobay waxa uu bishii April ee 1992 ogolaaday in la
geeyo Somalia ciidammo nabad-ilaalineed oo gaadhayaa
ila saddex kun, hawlgalkaasi oo loo yaqaanney UNOSOM.
Waxase isla markiiba caddaatay in loo baahan yahay
wax intaa ka badan oo ka ujeeddo dheer.
Madaxweynihii Maraykanka ee waqtigaasi, George Bush,
oo xilligiisii sii dhammaanayey, ayaa qaaday
tallaabadii u horraysay, isaga oo soo jeediyey in
ciidamada Maraykanku ay qaadaan oo ay hoggaamiyaan
hawlgal aad uga ballaadhan kaas hore oo ay fuliso
Jamciyadda Qaruumha ka Dhaxaysaa, si loo suurtogeliyo
oo loo hubiyo in si bed qabta loo gaadhsiin karo
gargaarka banii’aadminnimo dadka macaluulaya, kuwa
barabaxay, iyo kuwa dhaawac ah ee Somalia. 3-dii
bishii December ee 1992, ayaa markii ugu horraysay
taariikhda Golaha Ammaanka ee Qaramada Midoobey, uu
Goluhu ansixiyey faragelin Jamciyadda Qaruumaha ka
Dhaxaysaa ay iskeed ugu dhaqaaqdo iyada oo
adeegsanaysa xoog milateri oo lagu qaado dal iyo
qaran madaxbannaan. UNOSOM waxa lagu bedeley UNITAF.
Horraantii sannadkii xigey waqtigaas, waxa la
bilaabay hawlgal loo bixiyey ‘Operation Restore Hope’
amma Hawlgalkii Soo-celinta Rajada; waxana Somalia u
duulay oo tegey ilaa lix boqol oo suxufi oo ka kala
socda warbaahinta debadda, si ay warbixinno uga soo
sameeyaan hawlgalladii u muuqday wax aan la malayn
Karin oo riyo amma khayaal ah oo xaqiiqada ka fog, ee
ciidamada Maraykanku ay si cajiib ah ugu degayeen,
goor habeennimo ah, xeebta badda Muqdishu, iyaga oo
isku dhigayey oo u libiqsanayey kamarooyinka
sawirrada iyo filimmada markii ugu horraysey ee ay
cagaha dhigayeen dalkan ay u yimaaddeen inay
118
‘badbaadiyaan’. Ciidammo ka badan 25,000 oo Maraykan
ah ayaa ka qayb qaadaneyey fulinta hawlgalkani.
Hawlgalkii ‘Operation Restore Hope’ ee Soo-celinta
Rajadu waxa uu gaadhay guulo bilaw ah, isaga oo
suurtogeliyey in taakulayntii gargaarka iyo
gaadiidkii sideyba, in ay gaadhaan meelihii loogu
talo galay, iyada oo aanay soo weerarin, oo aanay
boobin amma dhicin miliishiyo-beeleedku.
Laakiin Jamciyadda Qaruumaha ka Dhaxaysa iyo
Maraykanka midna si buuxda uma fahmin murugsanaanta
xaaladaha ka jira gudaha. Waxa bilaabmay in
xaaladihii ay si dhakso ah isku bedelaan oo sii
xumaadaan, kana sii daraan. Waqtigaasi, hawlgalkaasi
oo loo yaqaanney UNOSOM II, waxa uu noqday kan ugu
ballaadhan adduunka ee ay fuliso Jamciyadda Qaruumaha
ka Dhaxaysaa, waxana ku hawllana hawlwadeenno
gaadhaya ilaa 30,000 oo qof iyo kharash ku dhaw-dhaw
US$1.5 bilyan oo doollar sannadkii.
Kooxaha qaar ee Soomaalida ayaa bilaabay inay u
arkaan ciidamadaasi hubaysan ee ajanebiga ah ee
nabad-ilaalintu inay la jiraan amma ka tirsan yihiin
beel ka mid beelihii ay is-hayeen ee ka soo horjeedey
iyaga, sidaasi awgeedna ay mudan yihiin in lagala
hortago dagaal, gaar ahaanna marka ay ku kacaan falal
daandaansi ah. Waxana arrintaasi ay keentay in la
dilo bishii June ee 1993, in ka badan labaatan askari
oo Baakistaaniin ah oo ka tirsanaa ciidamadii nabad-
ilaalinta, ciidamadaasi oo wadey hawlo hub-baadhis
ah, oo ay isku deyeen inay ku qaadaan
miliishiyooyinkii General Aideed.
Dilkii askartaasi reer Pakistan waxay jawaab xun oo
xoog leh ka keentay abbaanduulihii Maraykanka ahaa ee
hawlgalkaasi ‘Operation Restore Hope’, Admiral
Jonathan Howe, oo ku dhawaaqaya dagaal uu kaga
dhabeeyey oo aanu waxba ula hadhin dhinac kasta in
lagu qaado General Caydiid, isaga oo madaxa General
119
Caydiidna saaray oo sheegay inuu ku doonayo lacag
dhan US$20,000 oo doollar oo la siinayo qofkii soo
qabta amma soo sheega. General Caydid waxa u noqday
nin ku bannaan magacan naanaysta ah ee uu leeyahay oo
macnihiisu uu yahay ‘ninkii aanay ceebtu raaci karayn
ee aan qaadanayn’; waxanu isna dhinaciisa kaga
dhawaaqay in uu isna ku bixinayo US$20,000 oo doollar
oo abaalmarin ah ciddii keenta madaxa Admiral Howe oo
sidiisii ah, amma ‘Animal’ Howe oo ah sida ay ugu
yeedhi jireen Soomaali badani.
Ciidammadii Maraykanku waxay sii xoojiyeen
hawlgalladoodii, iyaga oo hadba joojiya oo baadha
Soomaalida maraysa dariiqyada amma suuqa, olole
baadhitaanna ku qaada suuqa Bakaaraha oo weerara,
suqaasi oo isku meel lagu iibin jirey hubka iyo
rasaasta, iyo dharka, bakaashka iyo alaabta guryaha,
hilibka iyo khudaarta. Suuqa Bakaaraha oo ah kan ugu
weyn magaalada Muqdishu, waxa uu noday
bartilmaameedka ugu weyn, suuqyada laga adeegto ee
adduunka. Sannado badan ayaa waxa suuqaasi ku socdey
weerarro baadhitaan iyo duqayn. Intii u dhaxaysay
laga soo bilaabo badhtamihii sannadihii 2000 ilaa
dabayaaqadii sannadahaasi, suuqaasi Bakaaraha waxa
weerarro joogto ah ku hayey ciidamada dawladda
Soomaalda iyo kuwa nabad-ilaalinta ee Ururka Midowga
Afrika, iyada oo loo arkayey meel ay al-Shabaab ku
dhuumato, isla markaasina u ah il muhim ah oo
dhaqaale ka soo galo.
Xiisadihii u dhexeeyey General Caydiid iyo
ciidamadii Maraykanku waxay meel sare oo dagaal
gacan-ka-hadal ah gaadheen bishii Oktoobar ee 1993,
oo u dhacay dagaalkii loo bixiyey ‘Dagaalkii ugu
Horreeyey ee Muqdishu’ amma ‘Black Hawk Down’. Laba
diyaaradood oo Maraykan ah oo ah nooca helikobtarrada
loo yaqaan Black Hawk ayaa la soo ridey oo la soo
dhigay jidadka magaalaada. Hawlgal balaadhan oo kale
oo milateri, oo la doonayey in lagu soo furto oo lagu
120
soo badbaadiyo askartii saarnayd diyaaradaaasi la soo
ridey, waxa lagu diley oo ku dhintay siddeed-iyo-
toban askari oo Maraykan ah, kuwaasi oo meydadkoodii
la jiidjiidey jidadka. Tirada dhabta ah ee Soomaalida
ku dhimatay dagaalladaasi ba’naa lama oga, laakiin
waxa lagu qiyaasaa boqoaal.
Dhacdadani oo dib u soo celisay xusuusihi
dagaalladii Vietnam, waxay ku noqotay dawladda
Maraykanka culays aan la xamili karayn oo aan la sii
wadi karayn. Madaxweynihii cusbaa ee xilka la
wareegey, Bill Clinton, waxa uu amar ku bixiyey in
ciidamadaas laga soo saaro halkaasi oo dib loogu soo
celiyo dalkooda; intoodii badnaydna waxa la soo
dhamaystirey oo ay tegeen sannadkii xigey waqtigaasi.
Ciidamadadii nabad-ilaalinta ee Qaramada Midoobey oo
noqday ciidammo aad u daaley oo niyad-jabay, waxay ku
dedaaleen inay sii wadaan hawlgalladoodii,
dedaalkaasi oo aakhirkii u muuqday mid aan wax-ku-ool
noqon oo aan shaqayn. Markii aan booqday magaalada
Muqdishu sannadkii 1994, ciidamadaasi nabad-ilaalinta
ee loo yaqaanney ‘blue helmet’ ( amma caanka ku ahaa
midabka koofiyadaha milateri ee ay xidhan yihiin oo
ah bey-bey amm buluuki), waxay ahaayeen kuwa dhammaan
aan lagu arkin meel ka baxsan xeryaha amma
saldhigyada Qaramada Midoobey. Waxan arkay tiro yar
oo ka tirsan ciidammadaasi nabad-ilaalinta oo ku
gabbanaya, cabsi awgeed, jawaanno ciid ah oo la
teeday goobaha kontoroolka ee magaalada oo ay dhufeys
ka dhigtaan. Laakiin waqtigani waxay ahaayeen
ciidammo runtii ahaantii jabay, jabkaasi oo ka soo
gaadhay isla dadkii ay u yimaaddeen markii horeba
inay badbaadiyaan. Intii ka hadhay ciidamadii nabad-
ilaalintuna si dhakhso ah ayay uga baxeen halkaasi,
iyaga oo u kala tegey Somalia iyo axwaasheeda, amma
arrimaheedu halka ay ku danbaynayaan.
121
Faragelintii milateri ee Maraykanka iyo Qaramada
Midoobay ee Somalia ee sannadihii 1990-meeyadii, waxa
ay noqon karayaan tusaalaha ugu xiiso badan amma ugu
fiican ee la soo qaadan karo marka laga hadlayo
doodda ah ‘Somalia oo khalad laga fahmay’, amma sida
khaldan ee loo waajahay. Hawlgalkani waxa uu u
taagnaa oo tusaale u ahaa qaabkii hore ee khaldanaa
ee madax-adaygga ahaa, ee noqday in loo adeegsado
ciidammo ajanebi ah iyo ujeeddo fiican, dhismaha
dawlad iyo dal. Tusaalooyinkii ugu danbeeyey ee
Ciraaq iyo Afqaanistaanna, waxay u muuqdaan in aanay
noqon casharro wax laga bartay oo waayo-aragnimo laga
kasbaday. Mark Bradbury waxa uu tilmaan ka bixinayaa
sida ay saamayn fog ugu yeelatay guuldarradii lagu
guudarraystay siyaasadda debadda ee ku aaddanayd
Somalia, sida ay saamayn ugu yeelatay meelo kale oo
Afrika ah oo dhibaato weyni oo tan xigtey ay ka
dhacday, ahna xasuuqii Rwanda ee sannadkii 1994:
Madaxweyne Bush, oo dhiirrigelin ka helay
guulihii dalalkii isbahaysigu ay ka soo hooyeen
Khaliijka, hawlgallada milateri iyo gargaarka
banii’aadminnimo waxay u ahaayeen fursad kale oo
maraykanku ku muujin karo kaalintiisa caalamiga
ah, ee ah in uu yahay bileyskii caalamka, marka
laga hadlayo ‘nidaamka adduunka cusub’ ...
Ergeyga joogtada ah ee dawladda Maraykanka u
fadhiyey Qaramada Midoobey, oo ahayd waqtigaasi
Madelaine Albright, waxay sheegtay in ujeeddada
faragelintaasi ay ahayd ‘ wax aan ka yaran in la
dib loo soo celiyo oo loo dhiso ummad dhan oo
laga dhigo ummad heybad leh oo shaqaynaysa, oo
jirta oo lafaheeda wax u qabsanaysa, kana mid ah
oo u tirsan ummadaha adduunka’... Hawlgalkii
UNOSOM waxa uu ahaa mid aan si fiican looga
fikirin, si liidatana loo maamulayey oo aan wax
lala socodsiin, kaasi oo saamayn weyn ku yeeshay
Somalia iyo jawaabihii amma tallaaboyinkii
122
caalamiga ahaa ee laga qaadayey amma wax lagaga
qaban lahaa dhibaatoyinka kale ee meelo kale ka
dhaca. Hammigii amma aragtidii George Bush ee
ahayd in loo dejiyo nidaam cusub aduunkan cusub,
waxa hammigaasi lagu aasay jidadka magaalaa
Muqdishu. Niyad-la’aantii uu Maraykanku kaga
maagey ee ka gaabsaday in uu wax ka qabto
xasuuqii ka dhacay dalka Rwandan, waxa ugu wacnaa
oo ay ahayd natiijo si toos ah uga dhalatay
waayo-aragnimaaasi ka soo martay Somalia.18
Waa wax lala yaabo oo aan la filayn in iyada oo
General Caydiid uu dagaal kula jiro Maraykanka iyo
Jamciyadda Qaruumaha ka Dhaxaysa, in haddana ay
jireen dad ka tirsan beeshiisa Habar-Gidir, inay
lacag fiican ka samaynayeen ‘cadowga’, iyada oo
suurtogal ay tahay in badh ka mid ah lacagayowgii
caalamiga ahaa (amma hantidii garaarka ee caalamka)
in loo leexiyey General Caydiid oo lagu maalgeliyey
dagaalladii uu wadey. Dadkaasi qaarkood waxay ka
shaqaynayeen maamulka hawgalladaasi oo ay ku dhex
jireen, iyo UNOSOM oo ay u ahaayeen turjumaanno,
waxana dhici karta inay u gudbiyeen kooxdii General
Caydiid, warar iyo xog hoose oo ku saabsan
hawlgalladaasi nabad-ilaalinta.
Sida aalaaba ka dhacda xaalado badan oo kale oo
colaadeed, hawlwadeennadii banaamijyada gargaarka
banii’aadminnimo ee Somalia, waxa la soo gudboonaatay
inay mar walba ‘la macaamilaan shaydaanka’, si ay
shaqadoodu u socoto oo ay hawshooda u gutaan. Waxay
guryo iyo xafiisyo ka kiraysteen rag ganacasato ah oo
maalqabeenno ah, kuwaasi oo qaar ka mid ahi ay
maalgelinayeen oo ay hanti siinayeen qabqablayaashii
dagaalka. Miliishiyooyinka dagaalku waxay
cusbitaallada ku khasbi jireen, iyaga oo hubkood
adeegsanaya si ay xoog wax ugu helaan, in iyaga loogu
horraysiiyo oo marka hore la daweeyo, lagana hor
mariyo dadka kale ee rayidka ah.
123
Hey’adaha gargaarku waxay ku bixiyeen lacag
kumannaan doollar ah oo ay siiyeen Soomaali hubaysan,
si loo ilaaliyo nabadgelyada shaqaalahooga,
hantidooda, baabuurtooda, iyo ilaalinta qaybinta
taagulaynta gargaarka. Kooxdii haysatey ee xukumasey
dekeddu, waxay lacag badan ka sameeyeen cashuurihii
ay ka qaadayeen shixnadaha garaarka ah ee soo degaya,
iyo gargaarkaasi banii’aadminnmo oo badh loo leexiyo
suuqa, si loo iibiyo oo ay macaash iyagu ay qaataan
uga helaan, amma u qaybiyaan taageerayaashooda iyo
miliishiyada u dagaallamaysa. Mark Bradbury waxa uu
mar kale ka hadlayaa saamaynta amma natiijada xun ee
aan loo kasin ee ka soo baxday faragelintii caalamiga
ahayd sida ay ku danbaysey:
Ilaa hadda wax badan ayaa laga qoray siyaabaha
gargaarka caalamiga ahi uu u dhex geli karo ee uu
uga mid noqon karo dhibaatooyinka dagaallada,
gargaarkaasi oo loo looltamo amma loo tartamo
sidii loo leexsan lahaa ee loo bililiqaysan
lahaa, iyo sidii dhaqaale loogu heli lahaa
dagaallada amma loo sii wadi lahaa qaabab amma
farsamooyin lagu ugaadhsado oo si xoog ah wax
loogu dhaco. Horraantii sannadihii 1990-meeyadii,
Somalia waxay ahayd tusaalaha ugu fiican ee loo
soo qaadan karo marka arrimahani la dersayo.
Faragelintii weyneyd ee UNOSOM ee dhinaca
koonfurtu waxay sii xoojisey qaababkii iyo
farsamooyinkii ay wax ku dhici jireen
qabqablayaasha dagaalku, iyo inay soo baxaan oo
soo bataan nooc cusub oo ganacsato ah. Waxa kale
oo faragelintaasi ka dhashay in Muqdishu ay sii
ahaato meel khilaafyo iyo dagaallo ay weli ka
oogan yihiin.19
Xaaladani waxay ahayd mid sii socotey ilaa
sannadahaasi dagaallada oo dhan. Warbixin uu soo
saaray Guddiga Qaramada Midoobey ee la-socodka
arrimaha Somalia (Tixraac: Warbixintii bishii March
124
ee 2010) waxa lagu sheegay in ilaa kala-badh cunnadii
gargaarka ee la geeyey Somalia, in loo leexiyey
qandaraaslayaal musuqmaasuq ah iyo kooxaha
Islaamiyiinta ee dagaallamaya.20 In kasta oo hey’adda
Qaramada Midoobey u qaabilsan cunnada adduunka ee WFP
ay markii hore diiddey oo ay beenisay eedaymahani,
haddana waxay sheegtay inay joojinayso la-macaamilkii
saddexda nin ee qandaraaslayaasha Soomaalida ah ee
lagu dhex magacaabay warbixintaasi.
Dawlad ‘Magac-u-yaal ah’(Virtual Government)
Markii hawlgalladii UNOSOM ay sida buuxda u
fashilmeen, dawladihii ajanebiga ahaa waxay dabbaqeen
oo ay la yimaaddeen tabo iyo xeelado kale oo gebi
ahaan ka duwan habkii hore, waxayna ka doorbideen
inay ka joogaan debadda oo aanay dhex gelin Somalia.
Ka sakow waxoogaa ka mid ah hey’adaha Qaramada
Midoobey iyo hey’adaha aan Dawliga ahayn ee NGO-yada
oo halkaaasi ku hadhay, dalkaasi waxa uu inta badan
noqday mid isaga iyo arrimihiisa loo kala tegey oo
faraha laga qaaday. Dagaalladii halkoodii ayay ka sii
socdeen, waxana halkeedii ka sii jirtey la’aanta amma
maqnaanshaha dawlad dhexe. Waxa kale oo dalkii ka
yaacay intii ka bixi karaysay ee aan ahayn wixii ay
noqotay inay dagaallamaan amma ay u suurtogashay inay
lacag fiican ka helayaan hawlaha xaaladahaasi
nidaamdarrada iyo sharci-la’aanta ah ee ka jirey
dalkaasi.
Waxa dhammaaday cahdigii amma xilligii faragelinta
tooska ah; waxana hadda la soo gaadhay waqtigii la
abaabulayey qabashada shirar dhaadheer oo is-dabajoog
ah oo nabadeed, kuwaasi oo uu caalamku wadey, laguna
qabanayey meelo bed qaba oo ka durugsan Somalia, oo
kala ah Itoobiya, Kiiniya iyo Djibouti. Shirarkaasi
oo ay ka soo qabgelayeen wufuud boqolaal ah oo ka
kala socda qabaa’ilka, dhinacyada siyaasadda, iyo
125
kooxaha markaasi danaynayey Somalia, waxay ahaayeen
qaar jiitama muddo bilo ah amma mararka qaar sannado.
Waxa ku baxay kharash aad u fara badan oo aan la
malayn Karin, oo malaayiin doollar ku kacay ururradii
iyo hey’adihii maalgelinayey ee Jamciyadda Qaruumaha
ka Dhaxaysa, Ururka Midowga Afrika, Ururka Midowga
Yurub, iyo kuwo kaleba. In kasta oo shirarkaasi ay ku
guuldarraysteen inay nabad ka dhaliyaan Somalia,
haddana waxa laga yaaba inay wax ka tareen qaboojinta
amma khafiifinta dareenkii is-canaanashada dalalka
iyo hey’adaha debadda, iyadoo dawladaha ajanebiga
haatan loo arkayey inay isku hawlayaan oo ay ku
dedaalayaan inay ‘wax ka qabtaan’ arrimaha Somalia,
iyaga oo aan ku sugnaan khatar ah faragelin badan oo
toos ah oo dalka dhexdiisa lagu sameeyo.
Shirarkaasi dib-u-heshiisiinta qaran, waxay shaqo
weyn oo muhim ah u noqdeen dad badan oo ka tirsan
wufuuddii Soomaalida, kuwaasi oo qaarkood lagu soo
xulay si khaldan oo sharci-darro ah oo aan wakiilnimo
sax ah ku fadhiyin, ayna iskood iskaga soo xusheen
Jamciyadda Qaruumaha ka dhaxaysa iyo hey’ahada kale.
Waxana lagu dejiyey wufuuddaasi oo loo suurtogeliyey
inay ku jiraan, raashin fiicanna ka cunaan hudheello,
kuwaasi oo kharashkooda cid kale bixinaysay. Waxa
waxaasi oo dhan ka muhiimsanaa oo meesha ku jirtey
iyana, inay hadda joogaan meel debadda ah oo ka fog
khatartii iyo dhiiggii daadanayey ee Somalia. Waxa
kale oo ugu jirey dano gaar ah shirarkan jiitamaya,
ilaa inta suurtogal ah ee ay sii socon karaan.
Dawladda Kiiniya waxa ka muqatey inay khaati iska
taagtey mid ka mid ah shirarkaasi dabada dheeraaday
oo socdey muddo ka badan laba sano, waxayna dawladda
Kiiniya u samaysay wufuuddii ‘xaflad sii-sagootin
ah’, taasi oo ulajeedadeedu ahayd in si reer-
magaalnimo amma asduran loogu sheego wufuuddaasi
martida ahayd in la gaadhay waqtigii ay tegi
lahaayeen ee ay ku noqon lahaayeen dhulkoodii.
126
Sabab ka mid ah sababaha shirarkaasi ay ugu
danbeeyeen guuldarrada waxay ahayd in, in kasta oo
afka laga sheegi jirey hab federaal ah, in haddana ay
u muuqdeen inay danaynayaan oo xoogga la saarayo
abuurista nidaam ku dhisan dawlad dhexe oo
saldhigeedu yahay magaalada Muqdishu. Dhawr dawladood
oo ‘ku-meel-gaadh’ ah oo ka soo baxay shirarkaasi
ayaa la sameeyey, laakiin midina ma noqon wax
shaqeeya oo wax-ku-ool ah, oo wax ugu filan Somalia.
Maamulkii uu hoggaaminayey madaxweyne Cabdullaahi
Yuusuf sannadkii 2005-tii, uma suutoobin xataa in uu
tago oo uu dego magaalada Muqdishu, iyada oo ay aad u
weyneyd colaadda iyo cadaawadda loo hayey.
Dawladdiisii waxay markii hore fadhiisin ka dhigatay
magaalada Jowhar oo ilaa sagaashan kiiloomitir
dhinaca waqooyi kaga began Muqdishu. Haddana waxay ku
kalliftay in dawladdii ay u guurto meel kale oo ka
sii fog, oo ah magaalada Baydhabo ee koonfurta, ka
dib markii Cabdullahi Yuusuf ay isku dhaceen ee ay
kala boodeen mid ka mid ahaa qabqablayaashii
waaweynaa ee Jowhar.
In kasta oo maamulladaasi ku-meel-gaadhka ahaa ay
ahaayeen qaar caalamku u aqoonsan yahay inay yihiin
dawladihii sharciga ahaa ee Somalia,, haddana run
ahaantii may ahayn wax ka badan dawlado ‘magac-u-
yaal’ ah, waayo, waxba faraha kumay hayn oo may
maamuleen. Tusaale ahaan ra’iisal-wasaarihii mid ka
mid ah maamulladaasi, Cumar Cabdirashiid Cali
Sharamaarke, waxa uu sannaddii 2009 aniga ii
qaxiijiyey oo uu ballanqaaday in uu tirtiri doono
budhcad-badeedda, muddo laba sanadood ah gudahood.
Laakiin, iyadoo dawladdiisu aanay wax awod ah ku
yeelan qaybaha Somalia ee budhcad-badeeddu ay ka
hawlgalaan, ballan-qaadkiisaasi waxa uu noqday mid
madhan.
127
Arrimaha kale ee ka sii daran kuwan ee ah wax
khayaal ah oo xaqiiqada ka fog, waxa weeye ragga ku
jira ee deggan hudheellada magaala-madaxda Kiiniya ee
Nairobi, ee sheegtay inay u yihiin ‘madaxweyneyaal’
iskood iyagu isku magacaabay qaybo kala duwan oo ka
mid ah Somalia. Bishii Oktoobar ee 2010, waxan aniga
oo yaabban fadhiistay barxadda hudheelka Andalus ee
ku yaal xaafadda Eastleigh oo Soomaalidu u badan
tahay, halkaasi oo ay kolba igu dhaafayeen oo ay i ag
marmarayeen wufuud ka kala soctey ‘dawladaha’ kala
geddisan ee Soomaalida, iyaga oo mid walba ku taagan
yahay suudh amma lebbis heer sare ah, oo raqabadda
suudhadhkaasi ku soo dhejistey ‘calamada’ qaybaha
amma dhulalka ay kala sheeganayaan. Qaar badan oo ka
tirsan ‘golaha dawladda’ amma wasiirada dawladahaasi
is-magacaabay, waxay ka yimaaddeen Soomaalida qurba-
joogta ah ee deggan dalalka Yurub iyo Maraykanka.
Qaarkood weligood ma tegin dhulalkan ay kala
sheeganayaan inay xukumaan oo ay dawlad u yihiin.
Qaar ka tirsan mudanayaasha baarlamaanka ‘runta’ ah
ee Soomaalida, oo laga sugayey inay ka hawlgalaan
baarlamaanka magaalada Muqdishu, waxay fadhiyaan
magaalada Nairobi oo ay ku qaataan waqti aad uga
badan inta ay joogaan Somalia, halkan Nairobi oo ay
si nabadgelyo ah ugu nool yihiin, halkii ay u
badheedhi lahaayeen inay dhex joogaan xabbadda iyo
hoobiyayaasha maalin walba socda ee dhacaya.
Maamullada Kale (Alternative Authority)
Intii ay jiitamayeen shirarkaasi dib-u-heshiisiintu,
lana dhisayey dawladahaasi is-xigxigey ee ku-meel-
gaadhka ahaa, waxa jirey maamullo kale oo soo baxayey
oo ka dhismayey Somalia. Sida aan ku soo qaadi doonno
cutubka 4-aad ee buuggan, gobollada qaar waxay
128
samaysteen maamulladooda goonida ah, kuwaasi oo ay ku
jirto jamhuuriyadda la magac-baxday Somaliland, iyo
gobolka is-maamulka ee Puntland. Qaar kale waxay
samaysteen nidaamyo degaan oo ay ku socodsiiyaan
sharci iyo nidaam, sida ka jirtey qaybo ka tirsan
magaalada Muqdishu iyo degaannada ku hareeraysan,
qaybahaasi oo maxkamado shareeco oo ku kala xidhan
beelo iyo juffooyin kala geddisan ay ilaa heer ka
wadeen nidaam sharci oo wax lagu kala socodsiiyo,
laga soo bilaabo sannadihii 1990-meeyadii. Iyada oo
aanay jirin dawlad dhexe oo shaqaysaa, waxa sii
korodhay awoddii maxkamadaha. Waxayna isku yimaaddeen
sannadkii 2006-dii, si ay samaystaan Midowgii
Maxkamadaha Islaamiga ah. Laakiin waxa kala tuuray oo
xukunkii ka ridey lix bilood oo qudha ka bacdi intii
ay awodda hayeen, Itoobiya oo ku soo qaadday weerar
uu Maraykanku ku taageerayey.
Qaar ka tirsan hoggaamiyayaashii Midowga Maxkamadaha
Islaamiga ah (UIC), waxay u carareen debadda, waxayna
tegeen dalka Eritrea, halkaasi oo iyaga iyo rag kale
oo mucaarad ahaaba ay isku urursadeen, kuna sameeyeen
Isbhaysigii Dib-u-xoraynta Somalia. Kuwii kale, oo ay
ku jiraan miliishiyooyinkii maxkamaduhu, waxay galeen
ayga amma duurka koonfurta Somalia, dhulka kaymaha ah
ee u dhaw xuduudda Kenya, halkaasi oo ay dib isku soo
abaabuleen, kuna soo sameeyeen dhaqdhaqaaqa Islaamiga
ah ee al-Shabaab, magacaasi af-Carabiga macnihiisu
yahay ‘Dhallinyarada’. Ururkani waxa uu noqday mid
aad u fog amma xagjir ah, oo u taagan khatar weyn oo
caalami ah. Siyaabaha qaar marka loo eego,
siyaasadihii uu hoggaaminayey Marakanku ee ku
waajahnaa Maxkamadihii Islaamiga ahaa (UIC) ayaa
abuuray isla wixii loola jeedey in lagaga hortago oo
lagu burburiyo; falalkii siyaasadhaasina waxay kaalin
ka qaateen in uu sii fogaado dhaqdhaqaaqaasi.
Dabayaaqadihii sannadihii 2000, al-Shabaab iyo
miliishiyooyinkii kale ee diiniga ahaa waxay awodeen
129
inay qabsadaan oo ay xukumaan qaybo badan oo ka
tirsan koonfurta iyo badhtamada Somalia, iyadoo
dawladdii uu caalamku aqoonsanaana ay ku kooban tahay
uun degmooyin tiro yar oo ku yaal magaalo-madaxda
Muqdishu. Dagaalyahanno ajanebi ah ayaa ku soo biiray
ololihii dagaalka, dhaqdhaqaaqii al-Shabaabna waxay
bilaabeen inay debadda geeyaan, oo u dhoofiyaan
dagaalkii meelo kale. Bishii July ee 2010, laba qof
oo ka tirsanaa dadka is-miidaamiya ee al-Shabaab ayaa
isku qarxiyey oo ku diley ilaa afar-iyo-toddobaadtan
qof magaalo-madaxda dalka Uganda ee Kampala, dadkaasi
oo daawanayey ciyaarihii kama-danbaysta ahaa ee
kubadda cagta ee adduunka.
Labaatan sano oo ay socdeen dedaalladii caalamiga
ahaa ee la doonayey in xal loogu helo dhibaatooyinka
Somalia, waxay noqdeen qaar aan wax sidaas ah tarin
oo aan ku guulaysan, dhinacyada qaarna waxayba
noqdeen qaar dhibaatooyin waaweyni ka yimaaddaan.
Dalkuna waxa uu noqday mid kolba sii gala dhibaato
kale oo midiba mid kale u sii dhiibta, iyagoo
dagaalladu ay noqdeen wax joogto ah nolosha dadweyne
badan.
Laakiin sawirka amma muuqaalka dalka oo dhammi ma
wada aha sidan. Qaybo ka tirsan dhulka Soomaalida
ayaa ahaa nabad, laakiin waxa abuurmay oo soo baxay
faac aan aqoon wax aan dagaal ahayn, gaar ahaanna
koonfurta iyo badhtamaha Somalia. Marka aan la
sheekaysto dadka ku nool magaalada Muqdishu amma
meelaha kale ee dagaalladu ay aafeeyeen sannado
badan, waxa ugu horreeya ee ay ka hadlaan waa qaylada
rasaasta iyo duqaynta. Laakiin marka aan la
sheekaysto iyagana Soomaalidii ka timid
degaannadaasi, ee socdaalka gaaban ku tegey amma ku
joogey Hargeysa, amma Nairobi amma London, waxa ugu
horreeya ee ay ka hadlaan waa sida ay u fiican tahay
ee ay uga raysteen inay ka soo fogaadeen qayladii
130
rasaasta, sawaariikhda amma bambooyinka, iyo
hoobiyayaashii.
Qofka aan ugu yaraan maalin walba la hadlaa
magaalada Muqdishu waa weriyaha BBC-da, Mohamed
Ibrahim Mucallimuu. Ka bacdi marka aannu isa
salaanno, waxa uu ii tiriyaa oo uu ii akhriyaa
dhammaan waxyaabihii maalintaasi dhacay ee jirey.
Sidii caadiga ahayd, waxa uu ii tiriyaa inta qof ee
la diley, inta dhaawacantay, haddii ay ku jiraan
caruur amma dumar uur leh. Waxa uu iiga warramaa
cidda bilawday dagaalka, inuu ahaa daal culus iyo
inta uu leekaa, inta saacadood iyo daqiiqo ee uu
socdey, isaga oo mararka qaar telifoonka igu
maqashiinaya qaylada rasaasta iyo gawda duqaynta. Waa
qof had iyo goor deggan, aan dhac-dhac lahayn,
ixtiraam badan oo macaan oo si fudud loola xidhiidhi
karo. Laakiin maalin ayuu ila soo hadlay oo uu guriga
iga soo wacay, isaga oo codkiisu u muuqdo inuu naxsan
yahay oo uu gariirayo. Halkii uu awal isla markaaba
wax iigu sheegi jirey daqiiqado kooban, waxay ku
qaadatay markan waqti dheer in uu warramo. Waxa uu ka
hadlay sida uu ku soo arkay kooxo dad ah oo khasab
lagaga soo saaray guryahoodii, ayna ka soo saartay
dawladda oo burburisay dhismayaashii guryahaasi, oo
ay ku sheegtay meel ay ku soo dhuuntaan oo ay gabbood
ka dhigtaan al-Shabaab. Waxa uu ii sheegay in uu soo
arkay goysaskii oo la soo tubay, kuna nool meel
bannaan oo cidlo ah, oo aanay ku haysan wax hoy ah.
Halkaasi waxan ku soo arkay, ayuu yidhi, wiil yar.
Waxa uu sidaasi ula yaabay ee uu ka argagixiyey
Mucallimuu waxa uu ahaa wiilkaasi yar oo ul ka
samaystay wax uu qori uu ekeysiiyey, oo uu ku
ciyaarayo. Wax wiilasha yaryari ay sameeyaan adduunka
oo dhan, ayaa sidaa weyn uga yaabiyey Mucallimuu, si
ka badan oo ka daran waxyaabaha ka dhasha dagaallada
maalin walba ka dhacay ee uu ku arko hareerihiisa.
131
Maalintii danbe markii aan shaqada tegey, waxan
helay email iiga yimid Mucallimuu oo sawir la socdo.
Waan furtay, waxanan arkay canuggan yar ee gashan
shaadhka cas oo ku ciyaaraya wax uu qori u
ekeysiiyey, bacaadka dhexdiisa.
3 Wiil ka mid ah dadkii barabaxay magaalada Muqdishu
oo ku ciyaaraya ul uu qori oo kale ka dhiganayo.
Aqoonyahanka Soomaaliyeed ee Said S Samatar, oo
deggan dalka Maraykanka, waxa uu rumaysan yahay in
dagaalladii sannadaha badan socdey ay maskaxdii iyo
dhaqankiiba ka bedeleen dadweyhihii. Qoraal uu
sameeyey sannadkii 2010, waxa uu bixinayaa sawir amma
muuqaal ka dhigan sidii oo dunidii oo dhammi ay
jahawareertay amma waalatay oo kale:
Waxa aan hore loo arag ee hadda ka hor aan inna
soo marini waa dhibaatadani weyn ee cusub ee sida
lama-filaanka ah ugu habsatey, una sii shidday
dagaalladan socda ee ahliga ah ee Somalia, oo
noqoday qarax baahsan oo saameeyey amma taabtay
dhinac kasta iyo meel kasta, oo ah dagaallo aan
132
lahayn ujeeddo iyo ka-jeeddo midna, kuwaasi oo
noqday waalli weyn oo caam yeeshay amma ay ka
siman yihiin dadweynihii, si guudna u baabiiyey
qiyamkii, iyo caadooyinkii iyo xeerarkii soo
jirey ee la yaqaanney, ee lagu xallin jirey
khilaafyada, ee xilliyada adag ee dheeraa la soo
tijaabiyey. Natiijada iyo waxyaabaha ka dhashay
burburka xeerarkaasi dhaqanka ee ay ku macaamili
jireen beeluhuna, waxay u muuqdaan inay yihiin
mujtamcii oo khalkhalay amma si weyn u argagaxay,
una jahawareeray, oo raggii iyo dumarkiiba ay
isku dhaceen, oo si indho-la’aan ah iniba inta
kale gacanta ula tagtay, birtana la iska aslay oo
la isku diley si qaab-darro ah oo aan la isku
aabbo yeelin, rasaasna la mariyey wax kasta oo
dhaqaaqa, si waalli iyo miyir la’aan ah oo ku
xasuusinaysa dhacdooyinka ka hadlaya dhaantada
amma ciyaarta waallida ah ee laga heli karo
bogagga buugga uu qoray Dostoevsky oo kale ....
Inta aan qoraalkani samaynayey gudaheeda oo
qudha, waxa dhici karta in marka la isku
celceliyo tirada dadka maalin kasta lagu dilo
magaalo-madaxda Muqdishu, inay gaadhayso soddon
ilaa afartan qof maalin kasta, iyada oo cidina
aanay garanayn cidda dishey amma sababta loo
diley. Dilka ayaa ah wax kasta! Haddii maanta uu
qof sitta sameecad/makarafoon uu ka soo dego
samada amma cirka, oo uu weydiiyo dadweynaha reer
Muqdishu:’Waar bal maxaad isku dileysaan ee aad
xabadda u rideysaan?’, shaki la’aan jawaabtu
waxay noqonaysaa:’Waa caadi oo noloshiibaa sidaas
noqotay.’ Ma aha wax lala yaabo in dalalka
Afrika, Somalia ay u taagan tahay oo ay uga
dhigan meelaha laga dardaar weriyo ee ay tahay in
laga digtoonaado amma la iska ilaaliyo oo aan la
tegi Karin.21
133
Dhinacyo badan marka laga eego, tusaalaha Somalia
waxa kale oo uu u taagnaan karayaa waxyaabaha loo
baahnayahay in laga digtoonaado ee ay tahay ‘in aan
la samayn’, marka laga hadlayo siyaasadaha debadda
amma faragelinta banii’aaminnimo. Dulmarka kooban ee
aan ku soo samaynnay taariikhda dalkaasi, waxay
muujisay sida dhibaatooyinkaasi ay u dhaceen ee kolba
ay iskaga soo daba nqonqonayeen ilaa iyo xilliyadii
guumeysiga, iyo sida dedaalladii badnaa ee la isku
deyayey in waxa laga qabto dhibaatooyinkaasi ay u
gelayeen kolba isla khaladaadkii oo soo noqnoqda, oo
la galo marba marka ka danbaysa, tobannaankaas
sannadood oo dhan.
Waxayaabihii ay arkeen ee ay talooyinka ka dhiibteen
mas’uuliyiintii hore ee Ingiriiska xilliyadii
isticmaarka, waa qaar ilaa maantadani taagan oo wax-
ku-ool ah, oo leh isla ahmiyaddii waqtigaasi ay
lahaayeen oo kale, horraantii qarnigii labaatanaad.
Dabcan wejiyadii iyo qaabakii dhibaatooyinkaasi ay
lahaayeen waqtigaasi waa qaar imika isbedeley oo
siyaabo kale u jira, xilliyadii kala geddisnaa ee
kala danbeeyey taariikhda Somalia. Laakiin waxa weli
jira waxyaabo aasaasi ah oo ay ka siman yihiin amma
iskaga wada mid yihiin, kuwaasi oo ay tahay in aan la
iska idha-tirin amma aan la yaraysan.
Dedaalladii debadda iyo gudaha ee ku saabsanaa sidii
nabad looga dhalin lahaa Somalia, ee wax loogu qaban
lahaa dadweynaha baahan, dedaalladaasi waxa ay
noqdeen qaar iyaga laftoodii ay mar walba dhibaato ka
ka soo noqoto. Ka sakow guudarrooyinkaasi
fashilaadda, dhinacyadii iyo dadkii isku deyayey
dadaalladaasi xal-raadiska ahaa, waxay u muuqdeen
inay ku xayirmeen oo ay galeen dabin ah dhibaatooyin
aan dhinacna looga bixi karayn oo soo noqnoqonaya, oo
ah qabashada ‘shirar nabadeed’, iyo samaynta
‘maamullo amma dawlado ku-meel-gaadh ah’.
134
Dad aad u fara badan ayaa iska indhatiray xaqiiqada
ah in sanadihii badnaa ee aanay jirin dawlad
shaqaysaa, in haddana la helay waayo-aragnnimo xiiso
leh oo lagu guulaystay, laguna kasbaday nabadda iyo
deganaashaha ka jirey meelo gudaha ah, kuwaasi oo ka
yimid la-qabsashada dadku ay la qabsadeen sida loo
noolaado ee la isku maamulo, marka iyo meesha aan
dawladi ka jirin. Tusaalooyinkanna waa qaar noqonaya
casharro faa’iido leh oo la adeegsado, dhalinayana
fikrado cusub, siyaabaha wax looga qaban karo
dhibaatooyinka ka taagan qaybaha kale ee Somalia, iyo
xattaa qaybaha kale ee dunida.
Sannadihii badnaa ee deganaansho la’aanta iyo dawlad
la’aantu, waxa kale oo ay keeneen inay dhashaan kooxo
dagaal oo badan oo kala nooc ah, oo kuwoodii ugu
danbeeyey ay yihiin asal ahaan Islaamiyiin. Cutubka
soo socda ayaa eegi doona oo dersi doona sida
kooxahaasi dagaalka ee Islaamiyiinta ah ee Somalia ay
u soo ifbaxeen, una soo taddawureen. Cutubyadaasi
waxay muujin doonaan in aanu ururka al-Shabaab ee ku
xidhan al-Qaacida, iyo ururrada kale ee dagaalka ee
Islaamiyiintu, in aanay ahayn wax mar qudha uun
abuurmay, amma soo baxay oo ka dhashay meel aan loo
fadhiyin oo aan la iska filayn, laakiin ay yihiin wax
leh taariikh iyo asal dib loo raaci karo faacyo
badan, amma tobannaan sano.
135
CUTUBKA 3aad: XARAKADA ISLAAMIYADDA (ISLAMISM)
Somalia 2011-kii: Waqooyi-Galbeed arrimahooda gooni
ayay u wateen, oo ay u maamulanayeen jamhuuriyadda la
magac-baxday Somaliland oo ah mid hirgashay, marka
loo eego qaybaha kale, labaatankii sano ee la soo
dhaafay. Qaybaha kale ee waqooyiga Somalia, si buuxda
ugamay wada goosan xidhiidhkii Somalia inteeda kale,
laakiin waxay samaysteen maamulladooda goonida ah oo
u shaqeeya si dhinac ahaan madaxbannaan oo kale.
Qaybo ka tirsan magaalo-madaxda Muqdishu, waxa
maamula dawladda ku-meel-gaadhka ah oo jiritaankeedu
ku tiirsan yahay taageerada ciidamada Midowga Afrika
ee ka kala socda dalalka Uganda iyo Burundi; qaybo
badan oo kale oo ka mid ah badhtamaha iyo koonfurta
Somalia, waxa ka taliya miliishiyooyinka al-Shabaab
oo qirta inay taabacsan yihiin amma daacad u yihiin
ururka al-Qaacida, kuna soo rogey sharciyo iyo
xukunno aad u qallafsan qaybahaasi ay maamulaan,
sharciyadaasi oo ku khasbay dadweynaha inay wax weyn
ka bedelaan qaabkii caadiga ahaa ee ay u dhaqmi
jireen noloshooda. Dumarka waxa lagu soo rogey inay
xidhaan dhar adag oo culus, iyo xijaab wejigooda
qarinaya; ragguna inay madaxa iska xiiraan oo ay
timaha iskaga jaraan quruurado la jejebey haddii
timahoodu ay dheeraadaan (eeg warbixinta ururka
xuquuqda banii’aadamka ee Human Rights Watch ee
bishii April 2010).1 Telifoonnada moobiilka ahna waa
laga jejebiyaa haddii ay ciyaaraan amma garaacaan
dhawaaqyo muusiko ah, kuwa lagu eedeeyo gogol-dhaafna
waa la arjumaa, iyada oo dhagax lagu dilo laguna
aasso ciid, oo lagu soo kiciyo dadweynaha.
Degaannada ay xukumaan ururka al-Sahabaab ma aha
qaar midaysan oo wada hoos yimaad maamul keliya oo
dhexe oo Islaami ah oo adag. Magaalo iyo tuulo kasta,
sida loo maamulo ee loo dhaqo ayaa kala duwan,
waxayna ku xidhan tahay hadba kooxda xagjirka ah ee
136
waqtigaasi ka talisa goobtaas. Ninkan, oo aan isagu
rabin in halkan lagu xuso magaciisa, waxa uu ka
hadlay xaaladda xukunka al-Shabaab ee magaalada
Jowhar oo ilaa sagaashan kiiloomitir dhinaca waqooyi
ka xighta Muqdishu. Waxanu yidhi:
Waxa ugu horreeya, ugu weyn ee aan rabo in aan
ka Sheego xaaladda nololeed ee Jowhar waa nabad
ka jirto magaalada. Ma leh budhcad amma mooryaan
wax dhaca, waayo waxa gacmaha ka jaraysa al-
Shabaab, amma wax taas ka xun ayaa lagu
samaynayaa haddii la qabto. Runtiina cabsida laga
qabo ciqaabta noocan ah, waa shaqaysay.
Xaaladda nabadgelyo ee fiicnaatay, macnaheedu
waxa weeye in dadku ay si xor ah u socon karaan
magaalada Jowhar; waxay aadi karaan meel kasta oo
ay rabaan, xataa habeen-badhka. Taasi waa wax aan
ka jirin oo aan suutogal ahayn qaybaha kale ee
gobollada dhexe iyo kuwa koonfurta Somalia ee
aanay maamulin miliishiyooyinka al-Shabaab.
Xornnimada qudha ee aannu haysannaa waa in aannu
socsocon karno. Laakiin ma jirto xorriyatul-qawl
oo ma hadli karno. Dadku ma sheegi karaan waxa ay
doonayaan, xaqiiqo ahaanna kama caban karaan al-
Shabaab, waayo meel kasta waxa u jooga basaasiin.
Haddii uu qof wax ka sheego, waxa hubaal ah in
qofkaas, rag iyo dumar mid kasta, in loo soo
dirayo telifoon hanjabaad ah, oo al-Shabaab ay u
soo dirayso. Waxa dhacda in dagka la dilo, haddii
lagu soo eedeeyo inay wax u basaasaan dawladda
ku-meel-gaadhka ah, Itoobiyaanka amma Maraykanka.
Magaaladan, dadka maskaxda ayaa ayaa si ahaan
looga haystaa oo laga kontoroolaa.
Ma jirto wax madadaalo ah oo lagu haysto oo ka
sii jirta magaalada. Waxay u muuqataa in al-
Shabaab aanay rabin in aannu helno wax aanu isku
maaweelinno amma ku istareexno. La nooma ogola
137
wax muusig ah in aannu daarno, waxana naga
mamnuuca in aannu daawanno filimada oo aannu
tagno meelaha lagu daawado fiidiyayaasha oo ah
waxyaabaha ugu waaweyn ee aannu isku maaweelin
jirney. Waxa la noo ogol yahay telifishannada
qaar ee Islaamiga ah in aanu ku daawan karno
guryahayaga, laakiin taasi waa takroorid iyo
cidlo gooni-gooni ah.
Waxyaabaha dhallinyarada reer-Jowhar ay jeclaan
jireen waxa ka mid ah inay caado u lahaayeen inay
aadaan qolalka amma goobaha dadweynaha u furan ee
lagu soo bandhigo fiidiyayaasha iyo filimada, si
ay u soo daawadaan ciyaaraha kubadda cagta. In
badan, imika waabay iska dhaafeen guud ahaan
xiisihii ay u hayn jireen ciyaaraha, waayo wax
macno iyo xiiso ah ma leh in ciyaarahaasi kubadda
cagta lagu dhex daawada guryaha dhexdooda oo
qudha.
Tuulooyinka gobolkayagan, waxa dhex mari jirey
tartan kubadda cagta ah. Waxay ahayd wax xamaasad
iyo xiiso badan in la daawado ciyaarahaasi.
Laakiin imika, ma jiraan oo waa la manuucay
tartannadii, in kasta oo wiilasha loo ogol yahay
inay sameeyaan ciyaaro aan rasmi ahayn oo
kubbadeed. Al-Shabaab waxay dadka ku dhiirri-
gelisaa inay ku tartamaan ganidda leebka amma
fallaadha iyo qaansada. Waxan u malaynayaa in
ujeedada tani ay ka leeyihiin ay tahay inay ku
tababaraan dhallinayra sidii ay u yeelan
lahaayeen shiish heer sare, una noqon lahaayeen
dagaalyahanno fiican.
Weli waxa ka sii jira Jowhar dugsiyo, laakiin
xaaladdoodu aad ayay u adag tahay oo dhibaato ka
jirtaa. Waxa la kala saaraa wiilasha iyo
gabdhaha, al-Shabaabna inta ay dugsiyada tagaan
ayaa waxay ka jeediyaan wacyi diini ah iyo
138
hanuunin. Toddobaad kasta, mar amma laba jeer
ayay aadaan dugsiyada oo ay ardayda yaryar la
hadlaan, ugana sheekeeyaan ahmiyadda jihaadka.
Arrintani waxay khilaaf iyo isku-dhac ka dhex
abuurtay dadka kala da’da ah, sababta oo ah
caruurtu waxay dugsiyada ka yimaaddaan iyaga oo
jibbaysan oo ku dhawaaqaya sida ay ula dhacsan
yihiin ee ay u fiican tahay in la galo dagaalka
jihaadka. Waxay la murmaan waalidkkooda oo ay
diidaan inay dhageystaan amma maqlaan waanada
waalidka ee ah dagaalku inuu yahay wax xun.
Al-Shabaab waxay ku soo rogtay Jowhar nidaam
cusub. Dumarka looma ogola inay guryaha ka baxaan
oo ay bannaanka aadaan haddii aanay is dedin oo
aanay wejigooda qarin. Waa inay xidhaan dhar
shuko amma xijaab ah oo ka weyn oo culus. Mararka
qaar waxad arkaysaa indhahooda oo si dirqi ah oo
dedeg ah ay wax yar kugu soo eegayaan, mararka
kalena haba yaraatee waxba kama arkaysid. Mana
aha suurtogal in aad kala garato in qofkaas
dumarka ahi ay tahay qof yar, qof da’-dhexaad ah,
amma qof weyn. Xattaa dumarkii reer miyiga ahaa
waa inay xidhaan dharkan dhibta ah ee noocan ah
marka ay imanayaan magaalada iyo tuulooyinka
hareeraha ee ay keenyaan caano ay iibiyaan.
Sidoo kale, raggu ma badbaadin. Kooxan xagjirka
ah, waxay nagu amraan in aannu la baxno gadh
dheer, waxana naga mamnuuc ah in aannu xidhanno
saraawiil dhaadheer. Waa in ilaa kuraanta amma
kubka hoostiisu na muqataa oo aan la dedin.
Waa sahal in aad dadka ka garato oo aad soo
soocdo dagaalyahannada ka tirsan al-Shabaab,
Jowhar dhexdeeda. Waxay u lebbistaan sida Taliban
oo kale. Waxay xidhaan lebbiska dhaadheer ee loo
yaqaan Shalwaar-ka oo ka kooban qamiis dheer iyo
surwaal hoos ka soo gaaban, oo isku midab ah.
139
Dusha waxay ka xidhaan dharka milateriga,
madaxana waxay had iyo jeer ku duubtaan
cimaamadaha Falastiiniyiinta oo kale. Qaarkood
waxay sittaan calanka madow ee al-Shabaab.
Al-Shabaab si weyn uma joogto Jowhar, waayo
taageerayaasha intooda badani waxay jiraan meelo
kale oo ay ka soo dagaallamayaan oo dalka ka mid
ah. Magaalada waxa ilaaliya afartan ilaa konton
ka mid ah ciidamada al-Shabaab, laakiin intaasi
ku filan, waayo waxay leeyihiin basaasiin fara
badan oo la shaqeeya. (Qof ku nool magaalada
Jowhar, March 2011).
Bilawgii (Origins)
In badan ayay ku noqotay wax lama-filaan ah waxa loo
arkay ee loo muujiyey soo-ifbixitaan degdeg ah oo
Islaami dagaal-ooge ah, oo ka dhashay Somalia, iyo
furin horle amma aag cusub oo al-Qaacida ah oo ka
furmay halkaasi. In kasta oo kooxaha mitidka ah ee
Islaamiyiintu ay haatan yeesheen saamayn weyn oo aan
hore loo arag, gaar ahaan marka la eego baaxadda
dhulka ballaadhan ee ay ka haystaan dalka, haddana
nidaamka Islaamiga ah ee loo adeegsado ujeeddooyin
siyaasaddu, oo ay ku jirto in lagu baaqo in la qaado
dagaal jihaad ah si loo gaadho ujeeddooyinkaasi, ma
aha wax ku cusub Somalia. Waa arrin dib ugu noqonaysa
oo loo abtirin karo in ka badan ilaa boqol sano ka
hor. Waxana jira sababo macquul ah oo mucayan ah,
sababaha haatan ay u soo if-baxday arrintani.
Taariikhdu waa wax soo noq-noqonaysaa mar kasta iyo
marba marka ka danbaysa. Kooxaha Islaamiyiintuna waa
qaar marna dhasha oo soo if-baxa, marna burbura oo
meesha ka baxa. Waxana isbedelayaa magacyadooda,
laakiin isla noocii dadka iyo fikradihii, amma isla
mabaadi’dii ayaa mar walba soo if-baxa.
140
In kasta oo aanay ahayn wax sinaba aan looga hortegi
karayn in sanadkii 2011, in qaybo badan oo ka tirsan
Somalia ay qabsadaan oo ay hoos yimaaddaan
miliishiyooyinka xagjirka ah ee al-Sahabaab, haddana
soo-ifbixitaankii al Shabaab ma ahayn mid meel madhan
oo lama-filaan ah ka yimid amma ka dhashay. Laakiin
waxa isweydiin leh sababaha kooxdani ay ugu
guulaysatey inay qabsato dhulalka sidaasi u
ballaadhan, uguna soo rogtey dadweynaha afkaartii ay
iyagu watteen, iyada oo kooxaha kale ee Islaamiyiinta
ah ee ka jiri jirey halkaasi ay ku guulaysan waayeen
hadda ka hor in ay taasi oo kale sameeyaan? Ma waxa
weeye sababtu in Somalia aanay sannado badan ka jirin
dawlad dhexe? Mise waa in al-Qaacida ay noqotay wax
amma urur caalami ah, mar kastana ku jirta Internet-
ka, oo meelo badan oo adduunka ah oo kala geddisan ku
faafinaysa kicin iyo Islaamnimo Xagjir ah oo dagaal-
ooge ah, isla markaasina si degdeg ah u wada
xidhiidhinaysa xubnaha qurbajoogta ee madluunka ah ee
la takrooray, iyo taageerayaasha jihaadka ee gudaha
amma dhulkii hooyo?
Inta aynaan dib u raacin taariikhda soo-ifbixitaanka
iyo taddawurka kooxaha Islaamiyiinta ah ee Somalia,
waxa muhim ah in la xuso oo la ogaado in Soomaalida
badankoodu, in kasta oo ay wada yihiin Muslim, in
haddana aanay ku dhaqmin amma taageerin Islaamnimada
xagjirka ee mitidka ah. Waxay leeyihiin qaababkooda
iyo hababkooda u goonida ah ee ugu dhaqmaan diinta,
sida ay u leeyihiin oo kale qaabab ay u maareeyaan
dhinacyo badan oo ka mid ah noloshooda. Qarniyo badan
ayay soo ahaayeen dad Muslim ah, waxayna guud ahaan
ku soo dhaqmayeen oo ay ahaayeen Sunniyiin, qaybtaasi
Islaamka oo ah qayb qunyar-socod ah oo leh dulqaad
sugan, una leh dulqaadkaasi iyo ixtiraam mad-habaha
iyo dariiqooyinka kale ee kala geddisan ee diiniga ah
ee la kala haysto.
141
4 Ciidammada al-Shabaab ee jooga Muqdishu (Mohamed
Moalimuu)
Soomaalidu waxay dhaqaan ahaan caado u leeyihiin
inay weyneeyaan oo ay ka haybeystaan mashaayikhda iyo
weliyada dariiqada Suufiyadda, waxayna kala taabacaan
oo ay ku kala jiraan saddex farac amma jameeco oo
dariiqadaas Suufiyadda ka wada tirsan, kalana ah
Qaadiriya, Axmadiya, iyo Saalixiya. Sida uu ku
doodayo caalimka Ioan Lewis (buuggiisa Saints and
Somalis: Popular Islam in a Clan-based Society),
Soomaalidu waxay sii xoojiyeen qaybaha Islaamka ee
iyaga ku bannaan amma ku habboon dhaqankood. Waxana
ka mid ah qoraalkiisa: ‘Dariiqada Suufiyadda – marka
la barbar dhigo Shareecada – ayaa noqonaysa marka loo
eego mabaadi’deeda asalka ah amma asaasiga ahi, tan
ku bannaan ee ku habboon mujtamaca Soomaalida:
Mabaadi’daasi ayaa ah kuwa sida weyn loo dabbaqay ee
142
loo qaatay, looguna dhaqmay, iyada oo waxyaabaha
xukunka Shareecadu ay farayso inta badan aan la
tixgelin oo aanay ahayn qaar lagu dabbiqi karo oo
lagu socodsiin karo mujtamac ka kooban qabaa’il.’2
Hasse ahaatee arrimahaasi waxay sabab hordhac ah iyo
tixraac u noqdeen hab-siyaasadeedka Islaamiga ah ee
dagaal-oogaha ah, amma ujeedooyinkiisa u adeegsada
dagaal, ee Somalia. Mid ka mid ah tusaalihii ugu
horreeyey, uguna caansanaa waa dagaalkii Jihaadka ee
Sayyid Mohamed Abdulle Hassan uu kaga horjeedey
xoogaggii isticmaarka, horraantii qarnigii
labaatanaad. In kasta oo hawlgalladiisii jihaadku ay
aakhirkii fashilmeen oo aanay guulaysan, haddana
gabayadii Sayyidka iyo afkaartiisii waxay noqdeen
kuwa sii jira oo yidiilo ku abuura Soomaalida,
sababta oo qayb ahaan ah isku-milanka amma isku-darka
diinta iyo wadaniyadda oo daruuri noqday, iskuna
xidhmay. Jihaadkii Sayyidku waxa uu noqday tusaale
ay ku daydaan dhaqdhaqaaqyada kale ee diiniga ah ee
Soomaalida ee dagaal-doonka ahi, kuwaasi oo qaarkood
ay lahaayeen qorshe amma ujeeddo la mid ah kuwii
Sayyidka oo ah: in dalka laga saaro faragelinta
debadeed iyo in la abuuro ‘Soomaali-Weyn’.
Hogaamiyaha awodda weyn ee Islaamiga ah, Shiikh
Hassan Dahir Aweys, oo kaalin weyn ka soo qaatay
kooxaha diiniga ah ee dagaal-oogayaasha ah ee
Soomaalida ilaa sannadihii 1990-yadii, siyaabo badan
ayay warbaahinta reer-Galbeedku ugala mid dhigtay oo
ay ugu ekeysiisay ‘Wadaadkii Waalnaa’ amma ‘Mad
Mulla-hii’ maanta ee waqtigan, isaga oo la baxay gadh
cas oo uu si weyn u xinneeyo, jeediyana khudbado
siyaasad iyo diini ah oo xamaasad iyo kicin badan.
Islaamku kaalin weyn ayuu ka soo qaatay wacyiga iyo
baraarugga siyaasadeed ee dadweynaha, ilaa laga soo
gaadhayey sannadihii xornimada ee 1960-kii iyo intii
ka danbaysayba. Caqiidadda Islaamku waxay ahayd in
143
badan wax soo-jireen ah oo kaalin muhiim ah ku leh
haybta Soomaalinnimada, siyaabo badanna lama-huraan
ay u noqotay inay qayb ka qaadato abuuritaanka
qarankii cusbaa ee dawliga ahaa ee Soomaalida ee
madaxbannaanaaday oo casri ah. Tani waxay ahayd xilli
xiiso leh oo la soo gudboonaaday Afrika, oo
dadweynuhu ay kaga xoroobayaan waqtigii iyo
taariikdii guumaysiga, isla markaasina ay dhaadayaan
oo ay isku deyayaan inay helaan afkaar cusub oo
siyaasadeed, kuwa diimeed, iyo kuwa khusaynaya
dhinacyada kale ee noloshooda. Soomaalidu waxay ka
dhaadatey oo ay ka qaadatay dalalka Carabta ee u dhaw
aragtida iyo afkaarta cusub ee la xidhiidha hab-
siyaasadeedka Islaamiga ah. Qaar badan ayaa wax ku
soo bartay dalalka Carabta, kuwaasi oo ay saameeyeen,
soona jiiteen kooxaha iyo ururrada ay ka midka yihiin
Ikhwaanu-Muslimiinka Masar.
Inqilaabkii Siyaad Barre ee 1969-kii iyo soo-
rogitaanka habkii ‘Hantiwadaagga Cilmiga ah’ ee
xigey, waxay burburiyeen wax badan oo ka mid ah
firfircoonidii iyo dhaqankii ahaa in si madaxbannaan
loo fikro sannadihii gobannimada ka bacdi. Diinta
lafteedu kama badbaadin oo kama reebbanayn
cadaadiskan. Xilliga ugu xumaa ee ugu xasaasisanaana
waxa uu ahaa sannadkii 1975-kii, markii qaar ka
tirsan madaxda culumaa-u-diinku ay ka hadleen ee ay
si weyn uga horjeesteen soo-rogitaankii xeer cusub oo
ahaa xeerka qoyska oo khilaaf iyo muran badan keenay,
xeerkaasi oo waxyaabah badan ee ku jira ay ka mid
ahayd xuquuq dheeraad ah oo la siinayo dumarka.
Dawladdu waxay cambaarayntaasi loo soo jeediyey kaga
jawaabtay iyada oo dishey toban wadaad oo ka mid ah
culumadii ugu af-dheeraa, isla markaasina la
xidhxidhay daraasiin kale.
Dilkaasi lagula kacay culumadu, waxa uu keenay in
qaar badani oo ka mid ahaa kooxihii diintu inay kala
dhuuntaan oo ay si qarsoodi ah u hawlgalaan, qaar
144
kalena ay dalka iskaga baxaan oo ay debadda u
yaacaan. Markaasi ayay diintu noqotay xoog iyo qaab
wax-iska-caabbineed oo lagaga horjeesto Siyaad Barre.
Waxa la-yaab leh oo lama-filaan ah in firadihii iyo
mabaadi’dii ururrada diiniga ah ee debadda ka
samaymay qaarkood ay si weyn oo soke ugu
dhadhawaayeen oo ay u ekaayeen mabaadi’dii uu
aaminsanaa ee xuddunta u ahaa noocii hantiwadaagga ee
Siyaad Barre. Sida ku qoran warbixin uu soo saaray
machadka dalka Noway ee NIBR (Norwegian Institute for
Urban and Regional Research), waxa warbixintaasi ay
tilmaamaysaa sida ururka al-Islaax ee Soomaalidu,
kooxdaasi oo dalka Saudi Arabia ka soo aasaasantay
sannadkii 1978, sida ‘ay si toos ah u quudhsadeen
siyaasadda salka ku haysa habka beelnimada, si weynna
ay u wadeen in Islaamka iyoislaamnimadu ay ka
sarreeyaan beelaha iyo beelnimada’.3
Dhicitaankii Siyaad Barre ka bacdi, iyo burburkii
dawladnimadii Somalia ee ku xigtey, waxa soo if-baxay
oo dalkii ku faafay kooxo diini ah. Guddida la-
Socodka Xiisadaha Caalmiga ah ee ICG waxay ka hadleen
(eeg warbixinta ay kaga hadleen Islaamiyiinta Somalia
ee 2005) soo if-bixitaanka ururadaasi: ‘waxa mar
qudha si lama-filaan ah oo jahawareer ah u soo baxay
ururro abaabulan oo diimeed, oo mid walba iska
dhigayo in uu u taagan yahay dariiqo amma mabaadi’
mucayan ah oo gaar ah. Waxa ay ka midaysan yihiin ee
u dhexeeyaana uu yahay inay doonayaan in Somalia lagu
soo rogo xukun Islaami ah oo ‘dhab ah’ oo aan la
badhxin.
Hasse ahaatee inta badan kooxahii awodda lahaa ee
sanadihii 1990-yadii, badankoodu waxay ahaayeen kuwa
ku dhisan qabaa’il amma beel-beel. Waa waqtigii
nidaamyada qabqablayaasha dagaalku ay ka jireen
Somalia. Waxayna noqotay in diinta iyo kooxaha
diiniga ahi inay markooda sugaan, inta wax
145
isbedelayaan. Umana suurtogelin ilaa laga soo
gaadhayey qarnigii koobiyo-labaatanaad in kooxaha
diiniga ahi ay awodaan inay kaalin sare ku lahaadaan
khilaafaadka iyo dagaallada dalka. Waxaba laga yaaba
inay sugayeen ilaa intii uu dhacayey weerarkii 9/11
iyo intii al-Qaacida ay soo baxaysey ee ay noqonaysay
dhaqdhaqaaq caalami ah oo lagu daydo, iyo weliba
xagga horumarka adeegyada Internet-ka, telifoonnada
moobiilka, iyo qalabyada kale ee isgaadhsiinta ee
casriga ah, kuwaasi oo dhiirigelin karaa, damacna
gelin kara, isla markaasina xidhiidhin kara dadka
jihad-doonka ah.
Ururka Al-Itixaad (Al-Itihaad)
Kooxda ugu xoogga weyneyd kooxaha diiniga ah ee ka
soo baxay Somalia sannadihii 1990-yadii waxay ahayd
al-Itixaad al-Islaamiya. Waxay ka abuurantay dhawr
urur-goboleed oo isku darsamay oo dhammaan taabacsan
mad-habta Wahaabiga ee lagaga dhaqmo dalka Sucuudiga,
oo aad u adag, aadna uga duwan dariiqooyinka waaweyn
ee diiniga ah ee Soomaalidu ku dhaqanto. Ururkii al-
Itixaad waxa uu baaba’ay markii la gaadhay
badhtamihii 2000, laakiin siyaabo badan waxa uu u
noqday gogoldhig horseeday dhalashada ururka al-
Shabaab iyo kooxaha kale ee xagjirka ah, oo uu ku
jirey isna ururkii Xisbul Islaam ee la jebiyey
sannadkii 2011, aanu ka adkaaday ururka al-Shabaab,
kuna biiray oo lagu daray al-Shabaab.
Qaar ka tirsan xubnihii al-Itixaad waxay ka mid
noqdeen hoggaamiyayaasha waaweyn ee Midowgii
Maxkamadaha Islaamiga ah, ururka al-Shabaab iyo kooxo
kale. Waxa ku jira dadkaasi Ahmed Abdi Godane, oo loo
yaqaan Abu Zubeyr, oo waqtigii lagu jirey qoraalka
buuggani, guud ahaan loo arkayey amma loo aqoonsanaa
in uu yahay hoggaamiyaha al-Shabaab. Waxa kale oo ka
mid ahaa xubin kale oo muhim ka ah ururka dhexdiisa
146
oo ahaa Hassan Turki. Hoggaamiyihii hore ee al-
Itixaad, Shiikh Hassan Dahir Aweys, ayaa isna sii
ahaa xubin muhim ah oo ka tirsan dhaqdhaqaaqa
Islaamiga ah ee Soomaalida, iyo weliba si ahaan
hoggaamiyaha ruuxiga ah. Kaalintiisu waxay dhinacyada
qaar u eg tahay oo la mid tahay tan Dr Hassan al-
Turaabi ee Sudan oo ahaa maskaxdii ruuxiga ahayd ee
ka danbaysay aragtida dawladda ee ‘Kacaanka Islaamiga
ah ee Joogtada ah’.
Dhinacyo badan marka laga eego, al-Shabaab waxay
noqonaysaa uun ururkii al-Itixaad oo halkii laga sii
ambaqaaday amma laga sii wadey, marka loo eego
afkaarta iyo aragtida ay taabacsan yihiin ee ay
wattaan: labada kooxoodba waxay aaminsan yihiin in
aanay diintu ka reebanayn siyaasadda oo aan la kala
sooci Karin, waxa kale oo ay ka siman yihiin
quudhsiga iyo dhaleecaynta dariiqada Suufiyadda ee
Somalia oo ay u arkaan mid aan ku bannaanayn
Islaamka. Sida weyn ee al-Shabaab ay uga soo
horjeeddo dhaqanka Suufiyadda, waxa muujinaya ilaa
heerka ay socdeen ee ay ku buriyeen weyneyntii iyo
heybaddii culimada waaweyn ee suufiyadda, kuna
burburiyeen dhawr ka tirsan qabuurihi culimadaasi,
iyo maqaamyadii musheekhda waaweyn.
Al-Itixaad waxay bilawgii ka samaysay meel u dhaw
magaalada Boosaaso ee waqooyi-bari ‘imaarad’ Islaami
ah, oo ay ka dhigteen saldhig ay ku tababaraan ilaa
kun qof oo dagaallama. Laakiin waa laga saaray
gobolkaasi, sannaddii 1992-kiina waxay saldhig ka
samaysteen magaalada Luuq oo ku taal gobolka Gedo ee
koonfurta Somalia, una dhaw xuduudda Itoobiya. Kooxo
ka tirsan miliishada al-Itixaad ayaa ka gudbi jirey
xadka, una tallaabi jirey dhinaca bari ee Itoobiya,
halkaasi oo ay ku biiri jireen jabhadda ONLF (Ogaden
National Liberation Front), jabhaddaasi oo sannado
badan u dagaallamaysey xuquuqda Soomaalida Itoobiya.
147
Guddida Baadhitaanka Dhibaatooyinka Caalamiga ah ee
ICG waxay faahfaahin ka bixinaysaa sida ururka al-
Itixaad uu u helayn fursad amma foogge bannaanaaday
oo uu buuxiyo, sida kooxihii kale ee diiniga ahaaba
ay u heleen fursado kuwaa la mid ah ka dib markii
dawladdii dhexe ay burburtay ee meesha ka baxday:
‘Dhawrkii sano ee xigey burburkaasi, kooxdani waxay
noqotay tan ugu weyn ee milateri iyo xoog
siyaasadeedba, ee ka jirta gobolka Gedo, sababta oo
ah inta badan nidaamkii iyo dhisibiliinkii adkaa ee
ay lahaayeen, marka loo eego xaaladihii jahawareerka
iyo sharci-la’aanta ee taagnaa.’5
Ururku waxa kale oo uu al-Shabaab kala mid ahaa
nooca qawaaniinta ay soo rogeen. Khabiir ku xeel-
dheer arrimaha Somalia oo magaciisa la yidhaa Ken
Menkhaus (wuxu qoray buugga Somalia: State Collapse
and the Threat of Terrorism), waxa uu sifaynayaa sida
‘Imaaraddii’ ay ka sameeyeen Luuq ‘ay uga mamnuuceen
cunista Qaadka oo ah caleen lagu mirqaamo oo
Soomaalida caado u ah, iyo weliba beeritaanka buuriga
amma tubaakada. Waxa kale oo lagu soo rogey dumarku
inay is-dedaan oo ay xidhaan shuko amma xijaab.’6
Sidii Midowgii Maxkamadaha Islaamiga ah oo kale,
jabkii iyo dhicitaankii al-Itixaad waxa uu yimid ka
dib markii ay u jeesteen ee faraha la galeen qaybaha
Soomaalidu ay degto ee dalka Itoobiya. Badhtamihii
1990-yadii, waxay bilaabeen kicin iyo abaaul ku
saabsan xoraynta gobolkaasi, waxayn ka fuliyeen
magaalada Diridhaba ee Bariga Itoobiya iyo weliba
magaalo-madaxda Addis Ababa, weerarro bambaane amma
garnayl oo dhawr qof ay ku dhinteen. Iyadoo
weerarradani ka jawaabaysa, Itoobiya waxay qaadday
duqayn xagga cirka ah oo ay ku qaadday Luuq, kuna
burburisay awodii al-Itixaad.
Al-Itixaad waxa kale oo ay isku soo jeedisay
Maraykanka. Dhawr maalmood ka bacdi markii la
148
weeraray dhismayaashii Twin Towers bishii September
ee 2001, George Bush waxa uu soo saaray amar fulineed
oo lagu xayirayo hantida ilaa toddoba-iyo-labaatan
urur amma sharikadood iyo shaksiyaad gaar ah, kuwaasi
oo uu sheegay inay ku xidhan yihiin argagixisada. Al-
Itixaad waxay liiskaasi kaga jirtey lambarka tobnaad.
Midowgii Maxkamadaha Islaamiga ah (Union of Islamic
Courts)
Sannadihii badnaa ee dagaallada qabaa’ilka iyo
qabqablayaasha dagaalku ay ka socdeen Somalia, waxa
haddana jirey qaabab kale oo ku saabsana dhawrista
nidaamka iyo socodsiinta sharciyada oo ka shaqaynayey
Somalia. Jiritaanka xeerar dhaqan oo soo-jireen ahaa,
gaar ahaanna ay leeyihiin dadweynaha reer-guraaga
amma reer-miyiga ah, ayaa ka dhignaa nidaam
dadweynuhu ay yaqaannaan oo si weyn ugu habboon inay
ku dhaqmaan kagana badbaadaan saamaynta burburkii
dawladnimada.
Waxa kale oo jirey nidaamyo abuurmayey si ay u
buuxiyaan fursadihii iyo fooggayaashii bannaanaaday.
Qaybo ka mid ah dalkaasi, waxa ka abuurmay maxkamado
shareeco oo noqday kuwa ugu muhiimsan ee sameeya
nidaam iyo caddaalad. Bilawgii, awoddoodu waxay ku
koobnayd meelo xaddidan amma qaybo yaryar; tusaale
ahaanna magaalo-madaxda Muqdishu, awodda maxkamad
kastaa waxay ku ekayd dhawr sakadood oo qudha oo
magaalada ka tirsan. Maxkamadahaasi qaar ka tirsani
waxay soo baxeen wax yar ka bacdi dhicitaankii Siyaad
Barre, waxana ka mid ahaa maxkamadihii ka dhismay
degaannada waqooyi ee Muqdishu ee uu xukumayey
hoggaamiye-beeleedkii Ali Mahdi Mohamed. Laga soo
bilaabo horraantii sannadihii 1990-yadii, waxay ka
hirgeliyeen degaannadaasi qaabab sharci oo ay wax ku
socodsiiyaan, oo ay ka mid yihiin sharciyada ciqaabta
149
ee shareecada iyo addimada qofka, amma gacmaha iyo
lugaha, oo dadka laga jaro.
Bilawgii, maxkamaduhu umay taagneyn wax ka badan
qaybo yaryar oo aan lahayn xidhiidh sidaa u weyn, oo
mid walba dhinaceeda u madax bannaan tahay,
goonideedana u jirto, mid walbana ay ku kooban tahay
oo xukunkeedu uu gaadhsiisan yahay oo qudha qaybta
amma xaafadda ay ka dhex jirto. Laakiin sannadba
sannadka ka danbeeya, markii la waayey wax dhaama oo
iyaga bedela oo soo baxa, maxkamadihii waxa noqdeen
qaar awoddoodu sii korodhay, mar walbana soo-dhaweyn
ka helay dadweynaha oo awalba khaati ka taagnaa oo ka
daaley boobka tuugada budhcadda ah iyo
qabqablayaashii dagaalka.
Maxkamaduhu waxay sii xoogeysteen oo ay bilaabeen
inay noqdaan awod wax bedeli karta markii ay ku
midoobeen ka-hortagga cadow ay wadajir u yeesheen oo
ahaa Isbahaysigii Dib-u-soo-celinta Nabadda iyo la-
Dagaallanka Argagixisada ee Maraykanku taageerayey,
isbahaysigaasi oo ay samaysteen koox ka kooban
qabqablayaashii dagaalka, sannadkii 2006. Intii ka
danbaysay dhacdadii 9/11 ee saamaynta ku yeelatay
adduunka, ‘Isbahaysigaasi’ waxa u suurtogashay inay
si fudud oo sahal ah uga dhaadhiciyaan oo ay u tusaan
Maraykanka iyo xulafadiisa, in maxkamadihii
shareecadu ay yihiin khatar weyn oo ‘argagixiso’, una
noqon karaan abbaan amma hoy ay ka abuurmaan
Islaamiyiin xagjir ahi. Waxa suurtogal ah, in haddii
aanay samaysmi lahayn kooxdaasi ‘la-dagaallanka
argagixisada’, isla markaasina aanu Maraykanku u
fidin kalsooni iyo sumcad sidaas u weyn, in
maxkamaduhu aanay weligood midoobeen, waxayna iska
sii ahaan lahaayeen badanaa kooxo yaryar oo gooni-
gooni ah oo aan wax xidhiidh ah lahayn, oo mid walba
goonideeda ugu adeegta qayb gaar ah oo ka mid ah
dadweynaha Soomaalida. Marka ay midoobeen waxay ahayd
oo keliya markii ay iska horyimaaddeen cadow guud oo
150
ay wada yeesheen oo noqday isbahaysigii
qabqablayaasha dagaalka, markaasi ayayna joojiyeen oo
ay ka gudbeen inay sii ahaadaan maxkamado
xidhiidhkoodu dabacsan yahay oo keli-keli ah, una
gudbeen inay yeeshaan midow xooggan oo ururnnimo,
lehna hab iyo qaab-dhismeed awodeed amma maamul oo
cad.
Iyada oo la-yaab iyo lama-filaan weyn ku noqotay
adduunka debadda, Midowgii Maxkamadaha Islaamiga ah
ee (UIC), waxay milateri ahaan jebiyeen oo ay ka
adkaadeen isbahaysigii qabqablayaasha dagaalka ee
magaalada Muqdishu, nuskii danbe ee sannadkii 2006-
diina, waxay awodeen inay qabsadaan qaybo badan oo ka
tirsan koonfurta iyo badhtamaha Somalia. Khabiirka
isna ku xeel-dheer arrimaha Somalia, Ronald Marchal
(buuggiisii Somalia: a new front against terrorism,
ee 2007), waxa uu ku doodayaa in ‘guushii maxkamadaha
ee magaalada Muqdishu macnaheedu uu noqday
dhammaadkii nidaamka kooxaha iyo kooxaysiga ee u
jirey qaabab ah inay abaabulaan amma ka shaqeeyaan
nidaam-siyaasadeedka nololosha Soomaalida,
kaalintaasi oo ay ku jireen laga soo bilaabo
sannadkii 1991-kii … Guushani maxkamaduhu waxa kale
oo ay muujinaysay soo-ifbaxa faac amma nooc cusub oo
siyaasiyiin ah.’ Roland Marchal waxa kale oo uu
ifinayaa waxa uu ku tilmaamay xidhiidh ‘si weyn oo
qeyra-caadi ah u murugsan oo noocyo badan’ oo ka
dhexeeya maxkamadihii shareecada iyo beelaha: ‘dhinac
ahaan, maxkamadaha laftoodu waxay yihiin hey’ado
beeleed amma qabaa’il … Maxkamaduhu waxay siyaabo
badan oo kala duwan ugu xidhan yihiin beelaha.
Mararka qaar, awodda ay ku leeyihiin beeshu waa mid
xaddidan oo kooban, mararka qaarna xidhiidhkoodu waa
mid qota-dheer oo soo jireen ah.’7
Muddadii koobnayd ee lixda bilood ahayd ee Midowgii
Maxkamadaha Islaamiga ahi ay hayeen awodda xukunka,
xaaladda nololeed ee Soomaali badan oo ku hoos jirtey
151
xukunkooda, waxay u ahayd mid ka badaabdo iyo
nabadgelyo badan xaaladihii ay ku soo jireen lix-iyo-
tobankii sano ee la soo dhaafay. Iyaga oo ka
duwanaaday nidaamyadii qabqablayaasha dagaalka,
nabad-ilaaliyayaasha ajanebiga ah iyo dawladihii is
xig-xigey ee ku-meel-gaadhka, Midowgii Maxkamadaha
Islaamiga ahi waxay awodeen inay wax ka qabtaan
ammaanka oo ay yareeyaan khatartii nolosha dadweynuhu
ay mar walba ku sugnayd. Si ka bad-badis ah oo sare
ayaa loo xiisaysiiyey oo loo ammaanay xilligii
maamulka Maxkamadaha Islaamiga ah, laakiin haddana
shaki kuma jiro in dadweynuhu ay markii ugu horreysey
sannado badan ka dbacdi ay awodeen inay si xor ah u
mari karaan amma u socon karaan jidadka iyo suuqyada
magagaalada, iyaga oo aan wax cabsi ah qabin.
Warqad ay wadajir u qoreen Cederic Barnes iyo Harun
Hassan sannadkii 2007 oo ay cunwaan uga dhigeen ‘The
Rise and Fall of Mogadishu’s Islamic Courts’, waxay
kaga hadleen horumarka xiisaha leh ee cajiibka ee ay
magaaladu samaysay:
Maxkamaduhu waxay ku guulaysteen wax aan la
malayn karayn, iyaga oo mideeyey Muqdishu markii
ugu horraysey lix-iyo-toban sano, dibna u soo
celiyey oo u soo nooleeyey nabaddii iyo
badbaadadii. Maxkamaduhu waxay qaadeen oo ay
fuliyeen tallaabooyin muhiim ah oo tusaale aad u
fiican ah oo saamaynaya daryeelka dadweynaha.
Waxa la qaaday isbaarooyinkii jidadka iyo xattaa
qashinkii is dul-buuxiyey ee tuulna meel kasta
magaalada ee kharribey, isna gaadhay muddo toban
sano ah amma ka badan. Waxa dib loo furay
dekeddii weyneyd iyo garoonkii diyaaradaha ee
magaalada Muqdishu, dibna loo hagaajiyey markii
ugu horraysay toban sano. Dadkii sida
sharcidarrada ah ku degey guryihii iyo
dhismayaashii dawladda ayaa laga raray, waxana la
152
joojiyey boobkii dhulka ee sharcidarrada ahaa.
Waxana la saaray maxkamado gaar ah oo wax ka
qabta dacwadaha faraha badan ee ku saabsan
hantida guryaha iyo dhulka la isku haysto oo
tiro-dhaafay.8
Nabaddaasi waxy ugu kacday dadweynaha qiime sare,
iyada oo ay ula timid waxyaaba badan inay maraan oo
ay xammilaan. Waxa la soo rogey ciqaabo aad u
qallafsan oo ku salaysan shareecada, waxana la
mamnuucay cunista Qaadka. Dumarka ayaa waajib lagaga
dhigay inay is-dedaan oo ay jidhkooda wada qariyaan,
waxana loo diidey dadaweynuhu inay ku daawadaan
filimmada goobaha furan ee dadku ay isku yimaaddaan,
Laakiin sida ay sheegeen dadweynihii ku noolaa
meelihii ay maamulayeen maxkamaduhu, haddana waxa wax
laga qabtay oo si weyn u yaraaday dhibaatooyinkii
dagaallada iyo dhacii iyo boobkii budhcadda, kuwaasi
oo soo dishoodey, wax weynna u soo dhimay noloshoodii
muddo shan-iyo-toban sano ah. Sida laga soo xigtey
qoraallo ay samaysay Anna Lindley sanadkii 2007,
waxyaabihii dadweynuhu ay tilmaameen waxa ka mid
ahaa:
Markii maxkamaduhu ay dalka yimaaddeen, mudnaanta
koowaad waxay siiyeen nabadgelyada iyo badbaadada
shacabka. Waxay hubiyeen in qof kasta oo mooryaan
amma budhcad ah, in laga qaado qoriga oo uu soo
dhiibo. Waxa la xidhay dhammaan goobihii lagu
daawan jirey fiidiyayaasha. Dadkii Qaadka iibin
jirey, qof walba waxa uu joojiyey iibinta
geedkaasi sunta ah ee laga gadayo dadweynaha. Wax
walba waxay noqdeen caadi oo xaaladihii way
degeen. Waxyaabahanna waxay runtii ahaayeen waxa
dadweynuhu ay rabaan, ka dib markii muddo lix-iyo
toban sano ah ay ku soo jireen, kuna soo dhex
153
noolaayeen, dagaallo. Waxay nooga dhignayd in
Ilaahay uu aqbalay dhammaan ducadayadii.9
Meelaha ay xukumayeen Maxkamaduhu, waxay ugu
guulaysteen wax-ka-qabashada nabadda iyo
dhibaatooyinka kale si ka weyn oo ka badan meel kasta
oo kale intii ka danbaysey xukunkii Siyaad Barre.
Sababta oo ah maxkamadaha oo asalkoodii hoos ka soo
abuurmay, dadweynaha dhexdiisa, si ay u fuliyaan
hawlaha ugu muhiimsan ee adeegga dadweynaha ee ay
qaban lahayd dawladi, mujtamac aan haatan lahayn
dawlad qaran, waxa marba marka ka danbaysa
maxkamadihii loo arkay kuwa sharci ah oo dadweynaha
ay u adeegayaan aqbalsan yihiin amma ogol yihiin.
Waxyaabah ugu muhiimsan ee ay soo kordhiyeen
Maxkamadihii Islaamiga ahaa waxa ka mid ahaa sida ay
u hubiyeen dhaqangalka sharciyada aasaasiga ah iyo
nidaamka guud, oo ay ku jiraan hirgelinta heshiisyada
iyo qandaraasyada, kuwaasi oo keenay in uu socdo
ganacsigii iyo macaamilkii madaniga ahaa. Hawlaha iyo
waajibaadka Islaamka waxa ka mid ah inay jiraan
sharciyo iyo xeerar diyaar ah oo lagu dhaqmo oo ka
dejisan amma ka yaalla dhinacyo badan oo ka mid ah
nolosha ijtimaaciga ah, dhaqaalaha iyo siyaasadda,
sharciyadaasi oo ogolaanaya, amma suurtogelinaya, in
uu jiro qaab maamul iyo nidaam dadweyne oo lagu
dhaqmo marka aanay jirin dawlad dhexe oo qaran.
Qaar ka mid ah siyaasadihii Maxkamadaha Islaamiga ah
waxay la kulmeen oo ka horyimid dhalliilo, sababta oo
ah saamaynta siyaasadahaasi ay ku yeesheen
dhaqaalihii dadweynha. Marba marka ka danbaysa ee
Maxkamaduhu ay sii noqdaan amma u shaqeeyaan sidii
qaab sugan oo ‘dawladeed’ oo kale, waxa hoos u sii
dhacaysey sumcaddooda iyo taageerada dadweyne. Waxana
ugu wacna, tusaale ahaan, waxyaabaha ay ka midka
yihiin mamnuuciddii ka-ganacsiga Qaadka oo saamayn
xun yeeshay. Saamayntaasi kuma yeelan oo qudha
154
Soomaalidii badnayd ee ka ganacsan jirtey ee kala soo
bixi jirtey wax ay ku noolaadaan, ee waxa kale oo uu
ku yeeshay oo uu taabtay dadkii beeri jirey ee
dhoofin jirey ee dalalka Kenya iyo Itoobiya.
Maxkamaduhu waxa kale oo ay mamnuuceen dhoofinta
dhuxusha, taasi oo ay sheegeen inay xaalufinayso
dhirtii, una xun tahay fayo-qabka degaanka. Taasina
waxay meel xun dhigtay oo ay uga sii dartay nolohii
dadkii ku tiirsanaa ka-shaqaysiga iyo iibinta
dhuxusha, iyo dadkii isticmaalayey ee wax ku
karsanayey intaba.
Markii Midowgii Maxkamadaha Islaamiga ahi ay soo
rogeen cashuuro badan oo dheeraad ah bishii Oktoobar
ee 2006, taasi waxay ku kicisay oo ay ku keentay
maxkamadihii cadho iyo xiisado dadweyne. Waayo,
dadweynuhu waxay u barteen meel aan nidaam ka jirin
oo ay marmar wax u tuuraan amma u dhiibaan
qabqablayaasha dagaalka iyo miliishiyooyinka oo ay
laaluushaan. Laakiin umay baran beryahaas wax maamul
dhexe ah oo cashuur ku soo roga dakhligooda.
Marba marka ka danbaysa ee ay sii xoogeysato awodda
Maxkamaduhu, waxa qabsanayey oo la wareegayey niman
leh damac siyaasadeed, oo uu ugu weyn yahay Sheikh
Hassan Dahir Aweys, oo ahaa hoggaamiyihii hore e al-
Itixaad, isla markaasina ah nin si firfircoon ugu
heellan oo ka shaqeeya horumarinta danaha beesha
Cayr. Isaga oo kaashanay ninka kale ee ay isku beesha
Cayr yihiin, Adan Hashi Cayro, oo ahaa horjooge
tababarro milateri lagu soo siiyey dalka Afghanistan
oo miliishiyooyinkii Maxkamadaha u bedeley ciidanka
adag ee al-Shabaab oo dhisibiliin sare leh, Sheikh
Hassan Dahir Aweys waxa uu meeshii ka saaray xubnihii
qunyar-socodka ahaa ee Midowgii Maxkamadaha Islaamiga
ah, waxanu fogeeyey xubno badan oo kale oo aan iyagu
ka tirsanayn beesha Cayr. Adan Hashi Ayro, sida
Hassan Dahir Aweys oo kale, wuxu sannado badan ku soo
155
jirey ururradii Islaamiga ahaa ee dagaal-oogayaasha
ahaa, isaga oo ka soo dagaallamay gobollada waqooyi-
bari ee Somalia iyo gobolka Soomaalida ee Itoobiya
sannadihii 1990-yadii. Ugu yaraan laba jeer ayuu
tababar milateri ku soo qaatay Afghanistan. Sida laga
soo xigtey Machadka Jamestown Foundation ee
Maraykankana, waxa uu la kulmay Osama bin Laden
markii uu halkaasi joogey. Adan Hashi Cayro waxa uu
ku dhintay oo lagu diley weerar gantaal, nooca
Tomahawk ee Maraykanka, gudaha Somalia bishii May ee
2008. Isla markiibana, dilkaasi waxa uu ka dhigay
Cayro geysi weyn oo shahiidey, waxanu ku kiciyey
dagaalyahannadii al-Shabaab inay sii xoojiyaan
hawlgalladoodii. Cajalad fiidiyow ah oo la sii daayey
amma la faafiyey dhimashadiisii ka bacdi, Ayro waxa
uu kaga hadlayey mudanka sharafta qiimaha sare iyo
khayrka weyn ee ku jira in loo dhinto qaddiyadda:
‘inteenna badan al-Shabaab in niyaddeenna iyo
nafteennuba ay la jirto oo ay raacayso mujaahid kasta
oo shahiida oo innaga tirsan … Waa sharaf weyn in aan
noqoto shahiid. Guulo waaweyn ayaa ku kasban karnaa
oo aan ku gaadhi karnaa in aan shahiidno, afkana
ciidda ugu gurno gaaalada iyo munaafiqiinta la
jirta.’
Hassan Dahir Aweys waxa uu aad ugu foojignaa oo uu
ku dedaalayey in uu siyaasaddiisa iyo waxa uu
rumaysan yahay ee uu watto, in uu ku faafiyo xataa
dhulalka ka baxsan xuduudaha Somalia, gaar ahaanna
Itoobiya. Badhtamihii bishii December ee 2006,
Midowgii Maxkamadaha Islaamiga ahi waxay ku
dhawaaqeen dagaal Jihaad ah oo lagu qaado Itoobiya,
taasi oo ka dhignayd inay saxeexeen xukunkii dilka
ahaa ee iyaga lagu fulin lahaa amma lagu qaadayey.
Dhawaqaasi Jihaadku waxa uu siiyey Ra’iisal-
wasaaraha Itoobiya Meles Zenawi, sababihii iyo
marmarsiiyihii uu u baahna si uu dagaal ugu qaado
Maxkamadaha. Waxana arrintaasi ku garab taagnaa oo
156
caawiyey dawladda Maraykanka, oo iyadu rabtey in laga
takhaluso oo laga tirtiro, lagana saaro Somalia
Maxkamadaha Islaamiga. Qabanqaabadan dagaal ee
Itoobiya waxay ahayd mid u cuntanta oo faa’iido u leh
Maraykanka, waayo Itoobiya waxay ka dagaallami kartaa
oo ay geli kartaa halkii Maraykanka, iyada oo aan loo
baahan in mar kale lagu celiyo amma ay soo noqoto
dhibaatadii weyneyd ee ka timid faragelintii
Maraykanka ee horraantii sannadihii 1990-yadii.
Maalin ku beegnayd maalinta Ciidda Masiixiga ah ee
sannadkii 2006, diyaaradaha dagaalka ee Itoobiya
waxay garaaceen garoonka diyaaradaha iyo dekedda
magaalada Muqdishu. Maxkamadihii Islaamiga ahaa ma
lahayn wax rajo ah iyo awod ay ugu babac dhigi karaan
amma iskaga celin karaa xoogga milateri ee cududda
weyn ee Itoobiya, gaar ahaanna awoddooda xagga cirka
iyo gacanta xagga sahanka ee ay ka helayeen
Maraykanka. Muddo toddobaad qudha ah ka bacdi,
maalintii sannadka cusub ee 2007, Midowgii
Maxkamadaha Islaamiga ahi waxay ka baxeen magaaladii
ugu danbaysey ee ay haysteen oo ah magaalada dekedda
leh ee koonfurta ee Kismayo. Hoggaamiyayaashi
Maxkamaduhu intoodii badnayd waxay u carareen dalka
Eritrea, miliishiyooyinkii dagaallamayeyna waxay
galeen oo ay ku dhiinteen dhulka kaymaha ah ee ku
dhaw xadka Kenya, kaymahaasi oo ay adag tahay in la
galaa. In kasta oo Itoobiya ay ahayd ‘wejiga muuqada
amma food-saaraha’ la adeegsanayo weerarradaasi
maalintii Ciidda Masiixiga ah, Haddana Maraykanku si
toos ah ayuu ugu jirey oo uu ugu lug lahaa
dhacdooyinkaasi. 9-kii bishii January, diyaarad weyn
oo ah nooca dagaalka ee AC-130 ee Maraykanka ayaa
bambooyin la dhacday oo ku riddey dagaannada cidhifka
koonfur-bari ee Somalia. Bartilmaameedka la sheegayna
waxa uu ahaa in la khaarajiyo oo la tirtiro xubno
amma kooxo al-Qaacida ah oo halkaasi ku sugnayd, iyo
weliba in laga hortago waxa loo arkay khatar
157
xagjirnimo ah oo ka soo fool leh Midowgii Maxkamadaha
Islaamiga ah. Maraykanku waxa uu aaminsanaa in qaska
iyo xaaladaha nidaamdarrada ah ee Somalia, inay
sahlayaan in al-Qaacid ay ka dhigan karto meel ay ku
gabbadaan oo hoy u noqota. Bartilmaameed weyn oo
muhim ah waxa ahaa Fazul Abdalla Mohamed, oo ahaa nin
u dhashay dalka Comoro, haystayna baasaaboor
Kiiniyaan ah, ninkaasi oo maraykanku ku daba jirey
kuna eedeynayey in uu ka danbeeyey qaraxyadii
sannaddii 1998-kii lagula kacay safaaradihiisii
Nairobi iyo magaalada Daresalam, iyo weerarradii kale
ee bishii June ee 2002 lagu qaaday huteel ku yaal
magaalada Mombasa, iyo diyaarad laga lahaa dalka
Israel.
Fazul Abdullah Mohamed, waxa aakhirkii lagu diley
magaalada Muqdishu bishii June ee 2011, taxshiirado
ay ku lug lahaayeen oo ay isweydaarsadeen ciidammo
dawladda ka tirsani; waraaqo laga helay meydkiisiina
waxay muujiyeen in uu qorshaynayey weerarro is-
dabajoog ah oo lagu qaado meelo ka tirsan dalka
Ingiriiska, oo uu ku jiro machadka amma kulliyadda
caanka ah ee aad loo qaddariyo ee Eton College.
Wax yar ka bacdi gelitaankii Itoobiya, wasiirkii
gaashaandhigga ee Somalia, Kornayl Barre Adan Shire,
waxa uu ku dhawaaqay in si buuxda looga adkaaday oo
gebi ahaanba la jebiyey kooxihii Islaamiyiinta.
Iyadoo la xidhay xuduuddi Kenya, maraakiibta dagaalka
ee Maraykankuna ay ilaalinayeen xeebaha, isla
markaasina ciidamada Itoobiyaanka oo aad u hubaysan
iyo kuwii dawladda ku-meel-gaadhka ahina ay ka soo
durkayaan dhinac waqooyi, wasiirku waxa uu sheegay in
kooxahaasi Islaamiyiinta ah aanay wax kale u furnayn
oo aan ahayn ‘in amma ay badda ku qaraqmaan oo ay ku
halligmaan, amma mitidaan oo ay dagaalka ku wada
dhintaan.’ Markii weerarrada cirka ee Maraykanku ay
bilaabmeen, ma ahayn waxa ku dhintay Islaamiyiintii
oo qudha, waxa kale oo ku dhintay daraasiin ka mid ah
158
reer-miyigii iyo xoolahoodii. Tani waxay keentay
xamaasad iyo dareen nacayb oo loo qaado Maraykanka,
sida qof Soomaali ahi uu u dhigay ee uu u yidhi,
‘Maraykanku waxay garaacayaan dad meydad ah oo hore u
dhintay’.
Hoggaamiyayashii Maxkamaduhu waxay ku tilmaameen ka-
bixitaankoodii magaalada Muqdisho ‘Xeel Dib-u-
gurasho’, waxayna sheegeen inay isticmaali doonaan
xeeladaha jabhadaynta ee ku-dhifo-oo-ka-dhaqaaq ee
‘nooca dagaalka Ciraaq’ oo kale. Istaraatijiyadan
amma qorshaha noocan ah waxa kale oo dhiirrigelinayey
Islaamiyiinta xagjirka ah ee meelaha kale ee
adduunka, oo qaarkood ay u aqoonsadeen kana dhigteen
miliishiyooyinkii maxkamadaha, jaallayaashoodii
Jihaadka. Cajalad fiidiyow ah oo markaas laga soo
duubay ninkii labaad ee hoggaanka al-Qaacida, Ayman
al-Zawahiri, waxa uu ugu baaqay in dhammaan
Muslimiintu inay u gurmadaan Soomaalida oo ay ku
biiraan qaadista dagaallo ah ‘jid-goyn gaadmo,
miinooyin dhulka lagu aaso, iyo weerarro is-miidaamin
ah’ oo algu qaado ‘Saliibiyiinta weerarka ah ee
ciidamada Itoobiya’, ‘loona raamsado sida libaaxu u
cuno wixii u gacan gala ee u ugaadhsado’.
Dhawaaqii tala-xumda ahaa ee aanay u midaan deyin
Midowgii Maxkamadihii Islaamiga ee ahaa in Jihaad
lagu qaado Itoobiya, waxa uu horseeday dhawaaqaasi
jabkii milateri ee ku dhacay iyaga. Laakiin dhinaca
kale waxay ku guuleysteen dagaalkii lagu kasbanayey
maanka iyo qalbiga dadweynaha ee loogu jirey helidda
taageeradooda. Somaalida badankeeda, joogitaanka
ciidamada Itoobiya ee ciiddooda, iyo diyaaradaha
dagaalka ee Maraykanka ee soo gelaya hawadoodu, waxay
ahayd wax aan loo dulqaadan karayn. 6-dii bishii
January, maalmo yar uun ka bacdi markii Maxkamadihii
UIC laga saaray magaalada Muqdishu, dadaweynihii
magaalo-madaxda degganaa waxay oogeen oo ay dhigeen
muddaharaadyo aad u waaweyn oo qas keenay oo laga
159
horjeedo Itoobiyaanka. Saddex qof oo ka mid ahaa
dadkii muddaharaadayey ayaa la toogtey oo dhintay.
Markii la gaadhasy toddobadii bisha January-na,
muddaaharaayadii waxay ku faafeen oo ay gaadheen
magaalada Beledweyn oo ku dhaw xadka Itoobiya.
Nbadgelyo-darradii ayaa ku sii korodhay magaalada
isla markii Maxkamaduhu ay ka baxeen Muqdishu. Waxa
ugu horreeya ee la soo gudboonaaday dadweynihiina
waxa uu noqday inay is-ilaaliyaan lafahooda. Waxay
iska dhegatireen baaqii dawladda federaalka ah ee ku-
meel-gaadhka ah ee timid magaalada, ee ahaa in hub-
ka-dhigis la sameeyo, waxana hawada ka buuxsamey
taxshiirado ah qoryo cusub oo dadku suuqyada ay ka
soo gateen oo la tijaabinayo. Sida uu u dhigay qof ka
mid ah dadka ku nool Muqdishu, waxa uu ku tilmaamay
oo uu yidh, ‘Waxannu dib ugu soo noqonnay halkii hore
ee aannu taagnayn, halkii aannu maraynney 1991-kii’,
isaga oo xusaya xilliyadii qaska iyo dagaallada ee ka
danbeeyey dhicitaankii madaxweyne Mohamed Siyaad
Barre.
Qabsashadii Itoobiya ay qabsatay Somalia iyo
duqayntii xagga cirka ee Maraykanku, kuma guulaysan
in la khaarajiyo oo laga tirtiro Somalia
dhaqdhaqaayada Islaamiga ah. Taasi cagsikeedii ayaa
timid oo waxa abuurmay wax dhinaca kale ah.
Maxkamadihii waxay soo noqdeen iyaga oo leh qaab kale
oo ka sii khatarsan sidii hore, oo ah ururka al-
Shabaab, kaasi oo qabsaday dhul ballaadhan oo ka
tirsan gobollada dhexe iyo koonfurta Somalia, oo ay
ku jirto magaalada Muqdishu inteeda badan. Meelo
badan, miliishiyooyinkii beelaha, waxa bedelay oo
halkoodii galay ciidamada kooxaha diiniga ah oo ay ku
jiraan kuwa al-Shabaab, Xisbul Islaam, iyo kuwa
dariiqada Suufiyadda ee Ahlu Sunna Wa Jamaaca, oo
iyagu taageersan oo la saffan dawladda ku-meel-
gaadhka ah, dagaalka lagula jiro kooxaha
Islaamiyiinta xagjirka ah.
160
Al-Shabaab
Al-Shabaab waxay ka kortay inay sii ahaato
miliishiyo yar oo koban oo ka tirsan kooxdii
Maxkamadaha Shareecada, waxayna noqdeen oo ay isku
bedeleen dhaqdhaqaaqa ugu xoogga iyo awodda badan ee
Islaamiyiinta Somalia. Sida aan ku soo fahfaahinnay
bogaggii hore ee cutubkan, waxay isku baahiyeen oo ay
ku soo rogeen xukunkodii iyo aragtidoodii qaybo badan
oo dalka ka tirsan. Waxa laga bartay caalamka; waxana
lagu daray liiska Maraykanka ee ururrada debadda ee
argagixisada ah, sannadkii 2008, Boqortooyada
Ingiriiskuna waxay mamnuucday ururkaasi sannadkii
2010. Al-Shabaab waxay ku biireen kooxaha ku xidhan
al-Qaacida, iyaga oo bishii February ee 2010-kii
markii ugu horraysey ku dhawaaqay in ‘dagaalka
Jihaadka ee Geeska Afrika ay waajib tahay in lagu
xidhiidhiyo oo lala mideeyo Jihaadka caalamiga ah ee
ay hoggaaminayso shabakadda al-Qaacida.’10
Al-shabaab oo ah dhaqdhaqaaq sirtiisu aad u adag
tahay oo si weyn u dhawrta arrimihiisa hoose, waxa
adag in hubaal ahaan loo ogaado waxa run ahaantii ay
u dagaallamayaan, iyo cidda dhab ahaan ay kala yihiin
hoggaamiyayashoodu. Mabaadi’dooda idiyoolojiyadeed
iyo hoggaankooduba, labaduba waxay u muuqdaan qaar
caadi ahaan si joogto ah isku bedela, mana ahaa in
ururkaasi loo arko mid gebi ahaan midaysan oo is wada
leh amma meel ka soo wada jeeda. Warbixin uu soo
saaray Golaha Ammaanka ee Qaramada Midoobay oo la
faafiyey sannadkii 2010, waxay dhaqdhaqaaqaasi ku
tilmaantay: ‘isbahaysi kooxo baahsan oo ka kala
kooban kuwa Jihaad-doon ah, kuwa leh dano ganacsi,
iyo miliishiyooyin beeleed, kuwaasi oo ay hasytaan
dhibaatooyin ah khilaafyo ba’an oo gudaha ah oo
dhexdooda ka jira, oo ku saabsan kaalinta
dagaalyahannada ajanebiga ah ee ku dhex jira,
161
adeegsiga dadka ismiidaaminaya ee samaynaya
isqarxinta naftaa-hurista ah, iyo arrinta ku saabsan
wada hadal siyaasadeed.’11
Al-Sahabaab waxa kale oo ay ku kala qaybsan tahay
xagga mabaadi’da fikirka idiyoolojiga ah amma
ujeeddooyinka ay hiigsanayaan. Hoggaamiyayaasha qaar
waxay aaminsan yihiin oo ay sheegaan inay u
dagaallamayaan in laga dhiso Somlaia gudaheeda
Jamhuuriyad Islaami ah, inta imika xududaheedu ay
koobayaan. Qaarna waxay sheegaan in qorshahoodu uu
yahay in la abuuro waxa ay ku tilmaameen
‘Jamhuuriyadda Islaamiga ah ee Soomaali-Weyn’, qaar
kalena waxay ku doodaan inay damacsan yihiin in
Jihaadka la gaadhsiiyo meelo ka fogfog ‘Soomaali-
Weyn’, oo la sameeyo dawlad weyn oo baaxad ballaadhan
oo Islaami ah oo gaadha ilaa Afrikada Bari iyo ilaa
Masar. Mararka qaar, al-Shabaab waxay u muuqdaan in
damacoodu uu xattaa inta ka sii weyn yahay oo uu ka
shisheeyo. Bishii May ee 2009, hoggaamiyaha
ururkaasi, Sheikh Ahmed Abdi Godane, waxa uu ku
dhawaaqay hadalladan: ‘Waannu sii wadaynnaa dagaalka,
dagaalladuna ma joogsanayaan ilaa iyo inta Shareecada
Islaamka laga hirgelinayo ee lagaga dhaqmayo dhammaan
qaaradaha adduunka, iyo ilaa inta Muslimiintu ay
xoraynayaan Jerusalem amma Beytul-Qudus.’
Al-shabaab waxa kale oo ay ku kala duwan tahay
qaababka xeeladaha milateri ee ay adeegsadaan. Waxay
ku bilaabeen xeelado dagaal oo ah ku-dhifo-oo-ka-
dhaqaaq, iyaga oo hadba tuulo amma magaalo qabsanayey
muddo kooban, ka bacdina ka baxayey si ay u aadaan oo
ay uga soo dagaallamaan meelo kale. Xeeladahaasi
waxay argagax geliyeen oo cabsi ku faafiyeen qaybo
badan oo ka tirsan Somalia. Al-Shabaab waxay markii
danbe noqdeen xoog qabsada oo haysta dhulalka qaar,
taasi oo keentay in dhulalkaasi ay ka hirgeliyaan
deganaansho ilaa heer ah, una suutogeliyey inay ku
162
soo rogaan sharciyo iyo xeerar aad u qallafsan oo
adag.
Bishii August ee 2011, ururka al-Shabaab waxa uu ku
dhawaaqay in uu ka baxayo magaalo-madaxda Muqdishu.
Dawladda ku-meel-gaadhka ahi waxay sheegatay in taasi
guul u tahay ciidammada dawladda. Laakiin
tallaabadani al-Shabaab waxay si kasta oo loo eegaba
u muuqatay mid ay dhinaca kale u bedelaayaan
xeeladahoogii dagaalka, iyada oo waqtigaasi ururka ay
wiiqeen kala qaybsanaan hoggaanka dhexdiisa ah iyo
ilihii muhimka ahaa ee dhaqaaluhu ka soo geli jirey
oo qaar ay waayeen.
5 Muqdishu, bixitaankii al-Shabaab ka dib, September
2011 (Mohamed Moalimuu)
Mid ka mid ah sababaha ay aad iigu adkaatay in aan
helo amma ogaado waxa al-Shabaab ay damacsan tahay ee
ay doonayso, waa iyada oo mar walba ay adag tahay oo
163
aanay fududayn qof aad la hadasho oo ka tirsan
dhaqdhaqaaqaasi, sababta oo gaar ahaan ah aniga oo ah
qod dumar ah, isla markaana reer-Galbeed ah. Ka dib
markii aan wax badan la xaajoonayey ee aan la
hadlayey dad noo dhexeeya oo na xidhiidhiya, iyo
kolba farriimo qoraal ah oo aan diro amma la iiga soo
diro lambarro kala geddisan, iyo telifoonno aan diro
oo markasta la ii sheeko in aan soo waco lambar kale,
waxan aakhirkii ku guulaystay bishii March ee 2011 in
telifoonka la iigu ballamiyo hoggaamiyaha
Islaamiyiinta, Sheikh Hassan Dahir Aweys. Haddana
waxa la bedelay waqtigii ballanta daqiiqaddii u
danbaysey, waxanan u baahday in aan ku celceliyo
dirista telifoonno iyo farrimo kale oo qoraal ah oo
danbe, intii aanay run ahaantii ii suurtogelin in aan
la hadlo hoggaamiyahaasi. Iyada oo la noo kala
af-celinayo amma la noo kala tarjumayo, markii aan
weydiiyey ujeeddada al-Shabaab ay u dagaallamayso,
waxa uu iigu jawaabay jawaab gaaban, oo uu ka
warwareegayo in uu wax faahfaain ah bixiyo, isaga oo
kor u dhawaqaya, cod isku-kalsooni ku jirto, mararka
qaarna ku qoslaya su’uaalaha, amma u muuqda in uu
laba yaabay su’aalahayga oo uu ka boodey, una arkay
wax meel-ka-dhac ah oo aan meesha qaban. Waxanu iigu
jawaabay:
Saddex sababood ayaa noogu wacan dagaalka. Marka
hore, dalkayagii ayaa la soo weerary oo la soo
galay. Mar labaadka, waxa la noo diidan yahay in
aannu ku dhaqanno diintayada aannu rumaysannahay.
Mar saddexaadka, waxannu la dagaallmaynnaa kuwa
hortaagan ee carqaladda ku ah danaha dadkayaga,
ee ka hortaagan inay samaystaan dawlad Islaami
ah.
Waxan imika loo yaqaan amma loogu yeedho
‘dawladda Somalia’, ma aha dawlad run ah oo
jirta. Waa dawlad been-been ah oo la asturayo
amma loo xilqarinayo. Waxa la isku deyey in
164
dadweynaha lagu siro amma lagu hodo, qaar ka
tirsan mucaaradka oo lagu soo daray dawladda, si
loo khaldo oo loo qaso ujeeddooyinkayaga iyo
mabaadi’dayada. Laakiin taasi ma aqbalayno;
waanannu sii wadaynnaa la-dagaallanka dawladdan
been-beenta ah, Insha Allana waannu guulaysan.
Aragtida amma nidaamka diimoqoraadiyada ee ka
soo bilaabantay dalka Giriigga ayaa imika cid
walba lagu khasbayaa oo dhuunta laga gelinayaa.
Waxan rumaysanahay in Islaamku ka weyn yahay
caalami ahaan habka dimoqoraadiyadda. Waxa aannu
doonaynno in aanu abuurno oo aannu dhisnaa waa
dawlad Islaami ah oo aannu ka samaynno halkan
Somalia, ka sakow nidaamkan diimoqoraadiyadda ee
la nagu khasbaayo.
Wax kasta oo ka dhacay Somalia, Maraykanka ayaa
hore u qorsheeyey oo ka danbeeyey. Maraykanku
waxay isku deyayaan wax kasta oo ay kaga hortegi
karaan in Somalia laga sameeyo dawlad Islaami ah.
Waxa ugu horreeya ee aannu doonaynno in aannu ku
dhaqaaqnaa waa in lga hirgeliyo xukun Islaami ah
oo sax ah oo qumman gudaha xuduudaha haatan jira
ee Somalia dhexdooda. Maadaama boqolkiiba-boqol
ay Soomaalidu yihiin dad muslim ah, waa inay
raacaan oo ay ku dhaqmaan mabaadi’da saxda ah ee
Islaamka. Tallaabada labaad ee ololahayagu waa
mid markaas ka bacdi iman doonta oo laga
dhursugayo, taasina waxa u baahnaan doontaa is-
fahamka deriskayaga amma dalalka jaarka ah iyo
mujtamaca caalamka.
Al-Qaacida waxan wadaagnaa afkaar, laakiin
dalkayagu waxa uu ahaa mid muddo dheer ku soo
jirey xaalad milateri oo dagaallo ka socdeen,
umana baahnin gacan amma kaalmo debadeed. Al-
Shabaabna wax xidhiidh ah oo xagga maamulka ah
lama leh al-Qaacida.
165
In lala hadlo oo aad hesho hoggaanka iyo madaxda al-
shabaab, xataa waxa ka sii dhibaato badan inay kula
hadlaan askarta hoose amma miliishiyada caadiga ah ee
ururkaasi oo ay adag tahay in aad la xidhiidhi karto.
In badan oo iyaga ka tirsan waxa la faraa oo lagu
amraa inayna la hadal ajanebiga. Bishii April ee
2011, waxa ii suurtogashay in aan la xidhiidho nin
hore uga tirsanaan jirey miliishiyada dagaalka ee al-
Shabaab, ninkaasi oo magaciisa loogu yeedho Al
Ahzari. Ninkaas waxa uu ka tegey ururkaasi, waxanu
haatan degganaa Muqdishu, nabadgelyadiisana waxa
mas’uul ka ahaa oo ilaalinaysey dawladda ku-meel-
gaadhka ah. Waxanu yidhi:
Waxan ku biiray al-Shabaab sannadkii 2006, waaayo
waqtigaasi waxan aaminsanaa inay u dagaallamayaan
diinta Islaamka. Waxan horjooge u ahaa unug amma
koox aan hoggaaminayey, waxanan ka soo
dagaallannay guud ahaan Somalia oo dhan: dhinaca
koonfurta ee u dhaw xuduudda Kenya, Muqdishu
gudaheeda, Kismaayo, iyo dhul badan oo kale oo ka
kala tirsan koonfurta iyo badhtamaha Somalia.
Maalmahan, dadka lama siiyo wax kharash ah amma
mushahar ah oo ay ugu dagaallamaan al-Shabaab;
waxa qudha ee loo sheekaa waa inay u
dagaallamayaan diinta Islaamka. Xataa kuwa
dagaalka ku jira ee leh caruur yaryar oo aan
haysa wax ay cunaan amma cabbaan, lama siiyo wax
mushahar ah – waxa loo sheegaa ‘Ilaahay ayaa wax
idin siin doona’.
Aad ayay u adkayd noloshu al-Shabaab dhexdeeda,
sababta oo ah waxa qudha ee aan meesha ku haynney
amma ku jirey waxa uu ahaa dagaal. Waxa la na
fari jirey in aannu la dagaallanno ciidamada
nabad-ilaalinta ee Midowga Afrika, kuaasi oo
haysta hub culculus iyo baabuur milateri oo
gaashaaman. Waxa qudha ee annagu aannu haysanney
166
waxay ahaayeen qoryaha fudud ee AK-47. Marka
arrintaas aannu ka cabanno ee aan weydiinno, waxa
la nagu eedayn jiey in aannu noqonnay munafaqiin
riddo ah amma xujoobey, waxana la na marsiin
jirey ciqaab.
Kuwa loo adeegsado inay is-miidaamiyaan oo ay
is-qarxiyaan, dagaalka al-Shabaab daraaddiis,
guud ahaan waa dad dhallinyaro ah oo aad u
yaryar. Inta badan waxa la siiyaa tababar ilaa
lix bilood ah, maalin kastana waxa lagu akhriyaa
wacdi maskaxda ka bedela, waxana loo sheegaa inay
tegi doonaan jannadii. Qaar ka mid ah madaxda
sare ee al-Shabaab, waxay iska yeelyeelaan oo ay
iska dhigaan inay qaadanayaan iyaguna
tababarkaasi, si ay u noqdaan naftooda-huryaal
is-qarxin raba. Waxay bilaabaan inay iska
ilmaysiiyaan oo ay iska oohiyaan, iskana dhigaan
dad doonayaan oo codsanayaa in iyagana lagu daro
hawlgallada is-qarxinta; laakiin tabaarayaashu
waxay u sheegaan, iyada oo dadka kale afka laga
maqashiinayo, in markan la soo xulay dad kale oo
diyaar ah, iyagana waqtigoodu iman doono oo la
gaadhi doono. Arrimahani waxa loo isticmaala
xeelado dadka maskaxda lagaga qabsado oo lagu
duufsado, oo lagu khaldo dadka dhallinyarada ah
ee qaadanaya tababarrada is-miidaaminta. Al-
Shabaab had iyo jeer waxay diyaarisaa dad u
jooga oo heeggan u ah inay fuliyaan hawlgallo is-
qarxin ah – tiro u dhaxaysa soddon ilaa
tddobaatan qof mar kasta.
Al-Shabaab waxay u foojigan tahay oo ay ku dadaashaa
inay ka dhaadhiciso oo ay ku shubato dhallinyarada
yaryar, afkaarta iyo mabaadi’da ay wattaan, oo
dhallinyartu aaminaan, qaatanna afkaartaasi, iyaga oo
aan wax su’aal ka keenin, waxna iska weydiin.
167
Sida aan ku soo faahfaahinnay bilawgii cutubkan, al-
Shabaab waxay ku wacdidaa caruurta dugsiyada inay
galaan Jihaadka. Waxa kale oo ay adeegsadaan tabo iyo
xeelado kale aan caadi ahayn, isla markaana argagax
leh oo ay ku dagaalgeliyaan caruurta, kuna
dhiirrigeliyaan inay ku kacaan inay isticmaalaan oo
ay fuliyaan tabahaasi.
Mid ka mid ah xeeladahaasi, oo gaar ahaan loo soo
qaadan karo tusaalaha ugu qallafsan, waxa uu ka
dhacay magaalada Koonfurta ku taal ee Marka bishii
Oktoobar ee 2009, maalintaasi oo la diley laba qof oo
lagu eedeeyey inay basaasiin yihiin. Al-Shabaab waxay
ku amartay in la xidho dhammaan dugsiyada
maalintaasi, si carurta iyo ardaydu u yimaaddaan
goobta, marka la fulinayo dilalkaasi, una daawadaan.
Hawlwadeennada ururkaasi waxay kula dhex wareegeen
magaalada sameecado, waxayna dadweynaha ugu baaqeen
in la soo baxo oo la soo aado fagaaraha amma garoonka
dilalkaasi ay ka dhacayaan. Dadka halkaasi la soo
tubay waxay u badnaayeen dumar iyo caruur, waxayna ku
khasbanaayeen inay daawadaan dilka labadaasi qof ee
lagu soo edeeyey inay ahaayeen ‘basaasiin’.
Isla sannadkaasi, dhacdadaasi mid la mid ah ayaa ka
dhacday magaalada Kismayo ee dekedda koonfureed.
Bishii Ramadaan ee sannadkaasi, al-shabaab waxay soo
abaabushay tartan hal-xidhaale ah, amma weydiin-iyo-
wax-ka-dheh, oo ay u qabatay dhallinyarada magaalada.
Su’aalaha kediska ah ee la isku xujeynayey waxay u
badnaayeen kuwa la xidhiidha diinta Islaamka. Ninkii
madaxda ka ahaa ee hoggaminayey abaabulka
tartankaasi, Abdiweli Mohamed Adan, waxa uu sheegay
in ujeedada tartanku ay tahay in lagaga joojiyo
dhallinyaradu inay waqtigooda ku lumiyaan waxyaabo
kale, isla markaasina xoogga la saaro oo loo soo
jeesto arrimaha muhimka ah ee ay ka midka yihiin
daafacaadda dalkooda iyo diintooda.
168
Dhammaadkii bishii Ramadaan, boqolaal qof ayaa la
iskugu yeedhay xaflad, munaasabad lagu bixinayey
abaalmarintii tartankaasi cidda ku guuleysatey.
Abdiweli Mohamed Adan, waxa uu dadweynihii u
faahfaahiyey noocyada jaa’isadaha la bixinayo: ‘Qofka
helay tartankii ee kowaad waxa la siinayaa abaalmarin
ah qori cusub oo noociisu yahay AK-47, laba bam amma
garnayl oo kuwa gacanta ah, miinada loo dhigo
taangiyada dagaalka, qalab xafiis oo uu ku jiro
kombuyuutar. Jaa’isadda labaadna waa qori duug ah
amma aan cusbayn oo AK-47 ah, iyo qalab xafiis.
‘Weligey anigu ma arag oo ima soo marin jaa’isad
intaas lee amma abaalmarintaasi oo kale’, ayuu yidhi
hogaamiyihii.
Jaa’isadahaasi waxa lagu soo wareejiyey oo lala dhex
maray dadweynihii daawanayey, iyadoo hawlwadeennadii
al-Shabaab ay ku boorrinayaan waalidiintu inay u
ogolaadaan caruurtoodu inay ku tababartaan oo ay
isticmaalaan hubkaasi, una sheegaya in tani ay ka
caawin doonto inay bartaan sida loola dagaallamao
cadowga.
Tusaale kale oo naxdin lihi waa cajaladaha amma
suxuunta DVD ee filimada Bollywood (ee Hindiga ah) oo
loo qaybiyo dhallinyarada loo tababarrayo hawlgallada
ismiidaaminta amma inay is-qarxiyaan. Dhallinyarada u
jajaban ee u debecsan fikradahaasi ayaa laga
dhaadhiciyaan in filimadaasi ay yihiin Jannadii oo ay
soo duubeen, soona direen, shuhadadii al-Shabaab ee
janna-tegey kuwaasi oo wax kasta iyo raaxo kasta ku
haysta halkaasi, ka dib markii ay fuliyeen weerarro
is-qarxin ah ee ay naftooda hureen.
Waxan weydiiyey Sheikh Hassan Dahir Aweys, bal waxa
uu ku sababayn karo oo qiil u noqon karaa in caruurta
maskaxdooda la bedelo oo waxyaabo kale laga
dhaadhiciyo, loona qorto al-Shabaab. Waxanu iigu
jawaabay: ‘Marka ay noqoto in la qorto caruurta,
169
diinta Islaamku waxay qabtaan oo ku qeexan in qofku
uu yahay qaan-gaadh qaadi kara masuuliyad, marka
da’diisu ay gaadho shan-iyo-toban sano. Qof kasta oo
ka yar shan-iyo-toban jir, kama qaybgalo dagaalka.
Laakiin dadka waaweyn iyo dumarka iyagu doonayaa inay
ka qayb galaan dagaalka, waa u furan tahay oo waa loo
ogol yahay, waayo waa wax ku bannaan diintayada.’
Waxan la kulmay wiilal ka soo baxsaday khassabka ay
al-Shabaab wax ku qorato, waxayna u soo yaaceen
dhinaca Kenya oo ay xadka ka soo tallaabeen, ilaa ay
soo gaadheen xaafadda Eastleigh ee Nairobi. Lafteedu
ma sahlana in aad hesho oo aad la kulanto
dhallinyaradaasi, waayo waxay ka dhuumanayaan
bileyska Kenya, sababta oo ah iyaga oo aan haysan wax
waraaqo ah, dalkana ku jooga si sharci-darro ah. Waxa
la i geeyey meel durugsan oo ka mid ah luuq-luuqyada
qarsoodiga ah ee xaafadda Easleigh, halkaasi oo ah
duni kale oo ay ku soo degaan dadka cusub ee dhawaan
ka yimid Somalia, kuna yaallaan guryo burbursan oo
xaaladdoodu aad u liidato. Waxay iga qaadatay waqti
badan iyo dedaal weyn sidii aan ugu qancin lahaa
dhallinyaradaasi inay soo baxaan oo ay ila kulmaan.
Laakiin aakhirkii waxay yimaaddeen luuq-luuqii boodku
madoobeeyey, iyaga oo isa soo dhex tubay
bullaacadihii debadda yaalley iyo qashinkii is dul
buuxiyey meehsa. Waqti ayay ku qaadatay inay ila
hadlaan, laakiin marka ay bilaabaan hadal, ma kala
joojinayaan. Wiilal aad u fara badan ayaa
hareerahaygii ku soo xoomay oo soo buuxiyey, iyaga oo
buuqaya, una garaabaya laba qof oo iyaguna hadda soo
galay oo iiga warramayey nacaybka ay u hayaan al-
shabaab, iyaga oo cabsiyi ay indhahooda mar kasta ka
muuqato. Wiilka ugu horreeyey ee ila hadlay waxa uu
ahaa Mohamed. Waxa uu sheegay in da’diisu ay tahy
shan-iyo-toban jir, kana soo cararay magaalada
Baydhabo. Waxanu yidhi:
170
Waxan ka soo cararay magaaladaydii, waayo
dagaalyahannada al-Shabaab ee halkaasi joogaa
waxay ku khasbaan dhallinyarada inay ku biiraan
iyaga. Wiilasha reer Baydhabo, waxa qudha ee u
bannaan waa laba midkood; inay amma al-Shabaab ku
biiraan, amma meesha iskaga tagaan oo ay ka
yaacaan dhulka al-Shabaab xukunto. Ururkani
Islaamiyiintu waxay ciqaabaan dhallinyarada
diidda inay iyaga ku biiraan. Waxay la dhacaan
dhirbaaxo, karbaasha, iyo xadhig. Waxayna ku
khasbaan inay ku biiraan miliishiyada. In badan
oo ka tirsan dhallinayaradii aannu isku dugsiga
amma fasalka ahayn, waxa lagu khabay inay ku
biiraan al-Shabaab; imikadanna dagaalka ayay ku
jiraan. Ma lihi wax qoys amma qaraabo ah, amma
saaxiibbo ah oo ii jooga Kenya. Waana dhib
miidhan halkani, waayo mar walba waxa ku
caydhsanaya booliska Kenya. Laakiin waa ka
sabata-bixi doonnaa.
Wiilka labaad ee aan la hadlay si weyn ayuu u
daldalmayey oo waxa uu jeedinayey khubad dheer oo uu
wax kaga sheegayo al-Shabaab, isagoo u muuqda in uu
dhiiradey oo uu ku dayday ka dib markii wiilkii isaga
ka hoorreeyey ee Mohamed uu ila hadlay. Magaciisa
waxa uu ku sheegay Abdirahaman, iyo in uu ka yimid
isagu Muqdishu:
Waxan uga soo tegey culayskii ay nagu hayeen ee
aan kala kulmaayey al-Shabaab. Wadaaddada
kooxdaasi ayaa yimaadda xaafadaha magaalada,
goobaha dhallinyaradu iskugu yimaaddaan, waxayna
na fari jireen in aannu ku soo biirno Jihaadka.
Qaar ka tirsan saxiibaday waxay siiyeen lacag si
ay ugu biiraan, qaar kalena waxay ka dhaadhicyeen
in diinta awgeed ay ugu soo biiraan oo ay u
dagaallamaan. Wadaaddadu waxay noo sheegeen inay
171
waajib tahay in la galo dagaalka, jihaadkuna uu
yahay waajib diini ah. Al-Shabaab waxay isku
dayday inay naga dhaadhiciso in haddii aanannu
iyaga ku biirin, in aanaan ahayn dad Muslin ah.
Xataa halkan Kenya, mar walba cabsi ayaa igu
jirta. Daqiiqad walba waxan ka baqanayaa in
dawladdu ay i qabato oo dib la iigu celiyo
Somalia. Ma haysto wax aqoonsi ah amma waraaqo
ah, mar kastana waa la i xidhi karaa. Waxan arkay
booliska oo dhex wareegaya Eastleigh, oo soo
qabqabanaya, soona ururinaya Soomaalida. Marka
taasi aan arkana, cagaha ayaan wax ka dayaa oo
waan cararaa, inta karaankay ah.
Kooxaha islaamiyiinta xagjirka ahi waxay mar walba
soo rogaan qawaaniin cusub, oo mid walba sii
cadaadinayo qaababkii dhaqanka iyo nolosha ee
xuddunta u ahaa Soomaalida. Ugu horraantii,
dadweynaha waxa laga mamnuucay inay goobaha furan
amma fagaarayaasha ku daawadaan filimmada iyo
tartanka ciyaaraha kubadda cagta. Waxa haddana ku
xigey in laga mamnuuco codadka amma muusikada
dhawaaqa telifoonnada moobiilka ah marka la soo
garaaco. Markii danbana, waxa la soo rogey waxyaabo
aad uga fog xaqiiqada, waxana ka mid ah miliishiyadii
al-Shabaab ee joogtey magaalada Jowhar oo bishii
April ee 2010, oo dugsiyadii magaalada ka mamnuucday
in la tumo ama la garaaco jalas amma dawan, marka
xiisadaha amma casharrada fasallady ay dhammaadaan.
Waxayna sabab uga dhigeen in dawankaasi aad ugu dhaw
yahay jalaska kaniisadaha Masiixig ah. Waxan amar
lagu siiyey macallimiinta dugsiyada in hadda iyo
wixii laga bilaabo, inay sacabka tumaan marka
casharradu xiisaduhu dhammaadaan.
Isla bishaasi, ururkii Xisbul Islam waxa uu isna
amar ku bixiyey in idaacaduhu ay joojiyaan inay
172
saaraan wax muusiko amma heeso ah, iyaga oo ku
hanjabay in la dili doono kuwa u hoggaansami waaya
ammarkan iyo sharcigan cusub.
Maalin ka bacdi markii amarkani la soo rogey,
dadweynihii ku noolaa magaalada Muqdishu waxay
subaxnimadii ku soo tooseen oo ay ku waabariisteen
idaacadihii oo saaraya shanqadh rasaas dhacaysa,
halkii ay ka dhageysan jireen heeso caadi ah iyo
muusik. Weriyayaasha joogey idaacaduhu waxay go’aan
ku gaadheen inay saaraan qayladan rasaasta, si ay ugu
ciyaaraan oo ay ugu dheel-dheelaan kooxaha
Islaamiyiinta ah (ee soo rogey amarkan). Iyo weliba
iyaga oo saaray cida raha, caadadaasi oo ah sida
Soomaalidu iskaga maadsato amma iskugu dheel-dheesho.
Ali Sheikh Yasin oo ka tirsan xarunta Elman ee ku
taal magaalada Muqdisho oo ah urur u doodada xuquuqda
banii’aadamka, waxa uu yidhi: ‘Halkan ayaan joognaa
oo aan ka hadlaynnaa heesha iyo muusikada oo aan ku
tilmaamaynno inay yihiin denbi ka dhan ah Islaamka,
haddana maalin waxa la gala denbiga ugu weyn dunuubta
ee ah dilka qofka banii’aadamka ah oo la galabsado
saacad kasta maalin kastaba. Idaacaduhu waxay
sameeyeen wax xiiso leh oo lagu qoslo, oo ay kaga
hortagaan mamnuuciddan. Laakiin waxan ka baqayaan in
kooxahani ay soo rogi doonaan amarro iyo xukunno kale
oo kuwii hore ka sii daran.’12
Waxay u muuqataa in aanay jirin wax xidhaya amma
xaddidaya sida al-Shabaab ay iskugu deyeyso inay
xakamayso dhaqanka iyo nolosha dadweynaha, iyaga oo
tallaabo-tallaabo u cabbudhinaya amma u yaraynaya
xorriyaadkii dadweynaha. Bishii January ee 2011, mar
aan fadhiyey barxadda hudheel ku yaalla magaalo-
madaxda Somaliland ee Hargeysa, waxa la ii soo
sheegay xukunkii ugu danbeeyey ee al-Shabaab ay soo
rogto, kaasi oo ay kaga manuucday in raga iyo dumarku
ay is gacan-qaadaan marka ay isa salaamayaan, dadka
173
hortiisa amma dhexdiisa. Waxay ahayd galab amma fiid
hore, oo dadka hareerahayga fadhiya oo dhammi
hudheelka dhexdiisa, ee ahaa dhammaantood dad
Soomaali ah oo iskugu jira rag iyo dumarba, oo wada
cabbaya shaah, amma iskugu yimid inay ka sheekaystaan
siyaasadda, amma telifishanka ka daawadaan ciyaaraha
tartanka kubadda cagta. Raggu waxay xidhnaayeen
macawiso midabbo badan leh, waxayna garbaha u saarnaa
go’yaal shaal ah oo aad loo xardhay, iyaga oo
salaamayaa dumarka sida bilicsan u lebbisan ee iska
soo wada lulay qalabka iyo saanadda quruxda ee
dumarku xidhaan. Marka raggu uu salaamaya dumarka, ma
ahayn gacan-qaad qudha, ee si fudud ayay weliba u
dhunkanayeen, sida caadada u ah Soomaalida.
Maalintaasi lafteeda waxan ka imid Muqdishu,
halkaasi oo dumarka qudha ee aan ku arkay ay ahaayeen
qaar gabbanaya oo is-dedey, iskuna qariyey maryo amma
shukooyin calculus oo madow; taaso oo ka geddisan
xorriyaadka iyo qosolka amma farxadda halkan
hudheelka Hargeysa taalla oo aan wax loo dhigo amma
ka weyni aanay jirin. Jawiga galabtaasi waxa uu ahaa
mid fiican oo xiiso iyo faraxad ka muuqato dadka oo
wada mabsuud ah. Ragguna waxa si qurux badan u
tirinayeen oo ay u soo xiganayeen tixo ka mid ah
gabayada Soomaalida oo ay u marinayen dumarka.
Hasaawe hoose oo reer-magaalnimo ayaa socdey, laakiin
ku bannaan jawiga meesha ka jira.
Waxan weydiiyey hogaamiyaha Islaamiyiinta, Skeikh
Hassan Dahir Aweys, waxa ay uga go’an tahay ee sida
weyn uu ugu doonayo in uu soo rogo qaab iyo nidaam
Islaami ah oo buriya amma tirtira dhaqankii iyo
caadooyinkii Soomaalida. Waxanu iigu jawaabay:
Waxan aad ula yaabbanahay in aad i weydiiso
su’aashaas oo kale. Marka ugu horraysa, waxa
looga baahan yahay reer-Galbeedku inay noo
sheegaan sababta ay u isticmaalayaan ee ay ugu
174
fulinayaan tallaabooyinka iyo xukunnada
qallafsan, ee ay ka midka yihiin sida xun ee
loola dhaqmo maxaabiista ay ka qabteen al-
Qaacida. Maxaad uga walaacsan tahay haddii aannu
hirgelino shareecadayada Islaamka? Waa wax la
wada og yahay in shareecada Islaamku ay tahay tan
ugu fiican mujtamaca.
Marka ay noqoto xagga anshaxa dharka amma
lebiska ee Islaamka, waa wax Ilaahay xukumay,
waxayna ku taal Quraanka. Xijaabku ma aha wax
dumarka lagu khasbo, laakiin waa wax ay rabaan
iyagu inay xidhaan, si ay u raacaan amarka iyo
xukunka Eebbe. Waxan la yaabbanahay waxa weeye
dalalka reer-Galbeedka ah oo doonaya inay nagu
khasbaan sida iyagu ay u dhaqmaan ee ah in la
is-qaawiyo. Taasi waa mid aad u xun oo khatar ah.
Marka ay timaaddo ciqaabta ah in dadka la arjumo
amma dhagax lagu dilo, marka ugu horraysa waa
sharci diintu ay qabto oo waajib ah. Haddii reer-
Galbeedku ay diidan yihiin in la raaco oo la
dabbaqo shareecada Ilaahay, taasi iyaga ayay u
taal amma ay khusaysaa. Laakiin annaga waxa naga
go’aan oo waajib nagu ah in aannu hirgelinno ku-
dhaqanka qawaaniinta diiniga ah. Dhaqannada iyo
hirgelinta xukunnada ah dhagax-ku-diliddu waa
qaar faa’iidooyin la taaban karo u leh mujtamaca,
iyo guud ahaanba dadweynaha.
Isla markaas ay al-Shabaab soo rogayaan mamnuucidda
heesaha iyo muusiga idaacadaha, kuna amrayaan in la
xidho telifishannada iyo idaacadaha, Al-Shabaab waxay
dhinaca kale ka kordhinaysay mar kasta, oo ay
keensanaysay iyadu, qalab cusub oo warbaahineed oo
casri ah oo ay u adeegsato borobagaanada ay iyadu
faafsanayso. Sannadkii 2011, waxay fureen telifishan
ay iyagu leeyihiin, oo magaciisa la yidhaa al-
175
Qaddaa’ib, kaasi oo isticmaalayey xaruntii iyo
qalabkii telefishankii magaalada Muqdishu ee ‘Codka
Nabadda’ oo ay qabsadeen.
Telifishankaasi al-Qaddaa’ib waxa uu soo saari jirey
muuqaallo iyo filimmo dad lagu sheego inay qiranayaan
inay ahaayeen basaasiin, oo la soo tubo meel fagaare
ah inta aan la dilin ka hor. Waxa kale oo laga sii
deyn jirey waraysiyo laga soo qabto madaxda al-
Shabaab oo khudbado dhaadheer u jeedinaya dadweyne
aad u fara badan oo isku soo baxay. Sida caadada u ah
ee lagu yaqaan dadka Jihaad-doonka ah,
taliyayaashaasi waxa mar kasta ku xeeran oo
ilaalinaya kooxo hubaysan oo xidhan tuutaha
milateriga, oo lulaya calanka madow ee al-Shabaab,
madaxa iyo weijiga ku qariyey dahaadh dheer amma oo
ku soo duuduubtay cimaamado.
Telifishankaasi waxa uu muujiyaa kulanno diini ah oo
aad u ballaadhan, oo jidadka la isa soo buuxiyey ilaa
inta ishu ay qabanayso, iyadoo dadweynuhu ay si jamac
ah u tukanayaan, si nidaamsan oo isla haystana u
rukuucayaan una sujuudayaan.
Waxa kale oo ku jira muuqaalladaasi caruur aan qaan-
gaadh ahayn oo tababar milateri lagu siinayo ayga
miyiga, oo iyaga oo ku faraxsan kor u haya waraaqo
amma kartoonno ay ku toogasho bartaan oo xabadihii ay
ku dal-dalooliyeen.
Waxa kale oo la saaraa qasaai’dka iyo heesaha
Jihaadka ee kicinta, iyo sawirro farshaxan ah oo
bixinayaa muqaallo argagax leh, iyo weliba muuqaallo
si lama-filaan ah u muujinya dhallaan socsocda
dadweynaha dhexdiisa, oo qoryo sitta, kuna soo
fiiqaya kamarada.
Al-Shabaab waxay ka faa’iideysatey sida soomaalidu u
jecel yihiin ee ay u xiiseeyaan isticmaalka Internet-
ka, waxayna bilaabeen website-yo aad u sarreeya oo
176
casri ah. Marka mid laga xidhaba, isla markaaba mid
kale ayay furaan oo ay bilaabaan. Bogagga website-
yadaasi waxa ka buuxay sawirrada dhul boodh badan oo
al-Shabaab ay sheegaan inay dhawaan ‘qabsadeen’,
sawirro naxdin leh oo ah meydad dad rayid ah oo
jidkoodii la googooyey, ayna ku eedeeyaan falalkaasi
ciidamada nabad-ilaalinta ee AMISOM iyo kuwa dawladda
ku-meel-gaadhka ah. Waxa ku jira sawirro laga soo
qaaday qof la sheegay inuu ka mid yahay ciidamada
nabad-ilaalinta ee reer Uganda oo al-Shabaab ay
qabatay, ninkaasi oo argagax ka muuqdo, indhihisuna
kolba dhinac eegayaan. Ninkaasi waxa la haystey dhawr
bilood oo weli lama sii deyn ilaa waqtigii la qorayey
buuggan.
Al-Shabaab waxa kale oo ay u isticmaasha internet-ka
inay ku soo urursato lacagayow qaadhaan ah, oo si
toos ah ay u abaabusho munaasabado ay ku codsanayso
in lagu yabooho deeqo, munaasbadahaasi oo marar socda
maalmo, kuna jira Internet-ka. Warbixin ay soo
saartay Qaramada Midoobey ayaa waxay ka hadlaysaa mid
ka mid ah munaasabadahaasi qaadhaan-ururinta ee
noocaasi ah oo socotey muddo saddex cisho ah, bishii
May ee 2009, iyo mid kale oo muddo laba toddobaad ah
ku jirtey Internet-ka oo wax loogu ururinayey gaar
ahaan kooxaha al-Shabaab ee gobollada dhexe ee
Somalia. Waxayna tidhi warbixintu:
Xarunta Salaaxuddiin ee magaalada Muqdishu ee
al-Shabaab, waxay si toos ah xaruntaasi u
xidhiidhisaa oo ay abaabushaa munaasabadaha
noocan ah oo ay ka soo qayb galaan boqolaal qof
oo ka tirsan qurbajoogta ... Hoggaamiyayaasha al-
Shabaab ee gobolladuna waxay halkaasi kala
hadlaan dadka, oo ay u sheegaan dhibaatooyinka
soo waajaha mujaahidiinta iyo qoysaskooda ku
sugan ee ku nool gobolladaasi oo abaaro iyo
colaado haystaan. Dadkii ka soo qayb galay
munaasbaddaasi ee baaqyada loo jeediyeyna waxay
177
ku yabooheen lacag ka badan $40,000 oo doollar
oo ay ku ballanqaadeen.13
Iyaga oo adeegsanaya qalabkan cariga ah ee xoogga
weyn ee borobagaandada ee u furan, oo gaadhya qof
kasta oo gala Internet-ka, al-Shabaab waxay soo
jidataa oo ay ka heshaa dacallada adduunka oo dhan
dad taageerayaal ah, gaar ahaanna Soomaalida qurbaha
ku nool. Laakiin marka dadku ay ku soo biiraan
ururkaasi, ee ay u soo galaan si ikhtiyaari ah ammaba
la soo khasbo, waxa ku adkaata sidii marka danbe ay
uga tegi lahaayeen, sida uu sheegay Al Ahzari oo hore
uga tirsanaan jirey miliishiyada al-Shabaab:
Sannadkii 2010, waxan goostay in aan iskaga tego
al-Shabaab. Waxa lagu jebiyey dagaalkii kooxdii
amma unuggii aan anigu wattey ee aan
hoggaaminayey. Nimankii iga sarreeyey ee i
xukumayey waxay shakhsi ahaan aniga i fareen in
aan khaarajiyo dhammaan raggii iga dhaawacmay.
Markaasi ayaan fahmay in al-Shabaab ay ka
hojeeddo Soomaalida iyo diintoodaba, sidaa
awgeedna waan ka goostay oo waan ka baxsaday.
Waxa qudha ee ii suurtogeliyey in aan goostaana
waxay ahayd dawladda oo i ilaalinaysey. Al-
Shabaab mar kasta way gawracaan dadka ka taga ee
ka goosta, waayo waxay ka baqayaan in dadkaasi ay
kashifaan oo ay faafiyaan sirtooda. Waa wax aad u
yar oo far-ku-tiris ah in qof uu awodo sidayda oo
kale in uu ka baxsado. Si iskaa ah waad ugu biiri
kartaa al-Shabaab, laakiin waa wax aan inta badan
suurtogal ahayn in aad ka tegi karto.
178
Dibad-ka-keenista iyo Dibad-u-dhoofinta Jihaadka
(Importing and exporting jihad)
Iyada oo ka duwan xaaladaha ka jira Somalia dhxdeeda
oo dhallinyarada iyo wiilasha lagu khasbo inay ku
biiraan al-Shabaab iyaga oo aan raalli ka ahayn,
haddana qaar ka mid ah Soomaalida ku nool dalka
dibaddiisa ayaa aad u doonaya inay ku biiraan
kooxdaasi. Qaar ayaa iskaga tegey oo faraha ka qaaday
noloshii ay ku noolaayeen dalalka Yurub iyo Maraykan,
si ay iskugu soo qarxiyaan Somalia. Ilaa iyo intii
Maraykanka iyo dalal kaleba ay al-Shabaab la
xidhiidhiyeen ee ay ku magacaabeen inay kaalin weyn
ka qaadato jihaadka caalamiga ah, isla markaasina ay
qayb weyn ka tahay bahda al-Qaacida, al-Shabaab waxay
soo jiidatey oo daneeyey dagaalyahanno badan oo aan
Soomaali ahayn oo ajanebi ah, oo ay ku jiran kuwo u
dhashay dalalka Aasiyada Koonfureed, Carab iyo
Afrikaan, oo ka yimid meelo kale.
Kaaliyaha Xoghayaha Arrimaha Debadda ee Maraykanka u
qaabilsan Afrika, Jonnie Carson, waxa uu ka hadlay
walaaca laga qabo dagaalyahannada ajnebiga ah ee laga
yaabo inay ku xidhan yihiin al-qaacida ee ka garab
dagaallamaya al-Shabaab. Waxanu yidhi: ‘Waxannu si
weyn uga walaacsannahay wararkaasi oo u muuqda qaar
khatar iyo xaqiiqo ah oo la rumaysan karo, in al-
Shabaab ay ku dhex jiraan oo ay dagaalka kala qayb
qaadanayaan dad asalkoodu yahay Aasiyada Koonfureed
iyo Jajniyiin. Tani waa xaalad walaac weyn leh,
waxayna muujinaysaa khatarta weyn ee ka soo fool leh
dhibaatada Somalia.’
Waxay u muuqataa in gaar ahaan xidhiidh khaas ahi uu
ka dhexeeyo kooxaha jihad-wadayaashaaha ah ee Somalia
iyo Yemen. Taasi ma aha waxa lala yaabo oo aan la
filayn marka loo eego sida labada dal ay dhul ahaan
iskugu dhaw yihiin iyo sida Maraykanku u arko iyaga,
jaalliyadda amma qawiyadda ballaadhan ee Soomaalida
179
ee ka jirta Yemen, iyo tan ugu muhiimsan oo ah in
labada dawladood ee labadaasi dalba ay yihiin qaar
daciif ah oo tag daran, amma ku dhaw burbur. Marka
degaanaanshihii dalka Yemen uu sii kala jajabo ee uu
sii xumaadaba, waxa suurtogal ah in dhaqdhaqaayada
Islaamiga ah ee labadaasi dal ay isku sii dhawaadaan
oo ay isku xidhmaan. Afhayeen u hadlay ururka al-
shabaab waxa uu sheegay 2009-kii, in labada dhinacba
ay isweydaarsanayaan dagaalyahanno.
Osama bin Laden oo isagu waqtigaasi ahaa
hoggaamiyaha al-Qaacida, waxa uu ku ammaanay oo kor u
qaaday magaca iyo heerka Somalia ee qadiyadda
Jihaadka, mar uu kaga hadlay cajalad laga soo duubay,
oo la sii daayey sannaddii 2009, oo 11 daqiiqo
socotey, oo uu gebi ahaan kaga hadlayo dalkaasi.
Dhambaalkaasna waxa cunwaan looga dhigay ‘Wada
dagaalka, geesiyaasha Soomaaliyeedow’, waxanu u
hibeeyey ‘ku walaalaha samirka badan ee muslimiinta
Soomaaliyada Mujaahidka ah.’ Osama bin Laden waxa uu
ugu baaqay Soomaalida in la afgenbiyo oo xukunka laga
tuuro madaxweynihii cusbaa ee dalkaasi, Sheikh
Sharif Sheikh Ahmed, oo hore u ahaan jirey madaxa
Midowgii Maxkamadaha Islaamiga ah, waxanu ku eedeeyey
in uu ka tegey diintiisii, ugana baxay si uu dawladda
ugu biro, amma sida uu u dhigay ‘ in uu la
shuraakoobo oo la rafiiqo gaalada.’ Waxa uu ku
tilmaamay Islaamiyiinta Somalia, dhaqdhaqaaq weyn oo
ka tirsan Jihaadka caalamiga ah, oo uu u aqoonsaday
bah si wadaag ah uga qayb qaadanaysa halganka:
‘Waxaad tihiin furinta koowaad amma safka hore ee
difaaca dunida Islaamka ee aagga Koonfur-Galbeed,
samirkiinna iyo qaddiyaddiinna weyn ee adagina waxay
kaalmaynaysaa oo ay u gargaaraysaa walaalihiinna reer
Falastiin, Ciraaq, Afghanistan, Muslimiinta reer
Makhrib, Pakistan, iyo meelaha kale ee Jihaadku uu ka
socdo.’
180
Dilkii Osama bin Laden ee ay geysteen ciidamada
gaarka ah ee Maraykanku bishii May ee 2011, siyaabo
kala geddisan ayaa looga arkay Somalia. Dumar ayaa ku
dabbaaldegey oo damaashaad iskugu soo baxay jidadka
qaybaha dawladdu ay xukunto ee magaalada Muqdishu,
iyaga oo ku faraxsan dhimashada ninka ay ku sheegeen
ee ay u haystaan in uu mas’uul ka ahaa dilalka
raggoodii iyo wiilashoodii ay jeclaayeen. Dhinaca
kalena al-Shabaab waxay soo saartay odhaah ay ku
sheegayaan inay u aargudi doonaan ninkaasi. Qaar ka
mid aha dagaalyahannaduna waxay soo xidheen weer cad
oo muujinaya, caalamadna u ah, sida ay ugu
murugoonayaan.
Waa adag tahay in si sugan loo ogaado tirada dhabta
ah ee dagaalyahannada ajanebiga ah ee ku soo biiraya
Jihaadka Somalia iyo dalalka ay ka kala yimaaddeen,
laakiin aad ayay u joogaan halkaasi oo way ku badan
yihiin. Al Ahzar oo isagu hore uga tirsanaan jirey
al-Shabaab ayaa ka hadlay sida jihad-wadayaasha
ajanebiga ahi ay uga hawlgalaan Somalia ee ay u
yihiin kooxo gooni ah oo sidooda u taagan ururka
dhexiida. Waxanu yidhi:
Waxan dagaal wada galnay dhawr kooxood oo ka
tirsan kooxahaasi ajanebiga ah. Tirada ajanebiga
Jihaad-wadayaasha ah ee jooga Somalia waa
qiyaasti ilaa 1,800. Marka siyaabaha qaar loo
eegana, iyaga ayaa ah hoggaanka al-Shabaab. Waxay
dagaalka u galaan koox-koox gaar ah oo goonidooda
ah, saldhiggooda u weynina waa Muqdishu. Waxa ku
jira Carab, Pakistaniin, iyo dad caddaan ah –
xattaa Maraykan – iyo kuwa badan oo Afrikaan ah
sida Kiiniyaan, Sudan, Itoobiyaan, iyo
Eritrea-yaan.
Qaar badan oo ka mid ah ajanebigani waxay
dalalkoodii ka yihiin denbiilayaal. Mid u dhashay
dalka Bangladesh waxa uu ii sheegay in uu xabsiga
181
ku jirey muddo shan-iyo-toban sano ah, ka bacdina
uu soo baxsaday oo uu yimid Somalia. Waxa uu
sheegay in aanu doonayn in nabaddii iyo
degganaanshihii ay ku soo noqdaan Somalia, waayo,
waxa uu yidhi waa sahlantahay in halkan lagu
dhuunto inta uu jiro ee uu socdo qaskani.
Ajanebigu waxay doonayaan in Somalia ay sidaa sii
ahaato, dal aan dawlad lahayn. Waayo waxay iyaga
u noqonaysaa meel ku habboon inay u soo qaxaan oo
ay hoy ka dhigtaan.
Waxa kale oo ku soo biiray Soomaali badan oo
qurbaha ka yimaadda oo la shaqeeya kooxahaasi
ajanebiga ah, una ah dirawaliin, tarjumaanno iyo
ciidan ilaaliya. Waxay u yimaaddaan ee ay ugu soo
noqdaan Somalia inay shahiidaan. Soomaalida aan
wax dhibaato ahi ka haysan qurbaha, ee aan wax
tuhun amma shaki ah aan loo daba joogin, ayaa had
iyo jeer loo soo diraa halkan, si ay u fuliyaan
hawlgallo debadeed. Xataa waxay diyaar u yihiin
inay sugaan sannado badan inta ay ka fulinayaan
weerarro debadeed. Dan kama leh inta ay ku
qaadanayso. Waxa jira unugyo qarsoodi ah oo
jihaaad-wadayaal ah oo ka jira dhulalka ay ka
midka yihiin Holland, Maraykanka iyo Ingiriiska,
kuwaasi oo dejinaya amma samaynaya qorshayaal ku
saabsan sidii weerarro loogu qaadi lahaa
dalalkaasi.
Hoggaamiyaha Islaamiyiinta, Hassan Dahir Aweys, waxa
uu isna ka hadlay dagaalyahaniintan ajanebiga ah:
Maxaa ku jaban in taageero aad ka hesho dadka
kale, haddii cadowgaagu uu yahay mid kaa xoog
badan oo haysta hub badan? Maxaa ku khaldan in
aannu helno taageero? Haddii dadka jilicdasan ee
saboolka ahi ay is habeeyaan, si ay ula
dagaallamaan cadowgooda, maxaa ku jaban inay
182
taageero ka raadsadaan meel kasta oo ay ka heli
karaan?
Ajanebiga ku jira al-Shabaab intooda badan asalkoodu
wuxu ka soo jeedaa Soomaalida qurbaha deggan ee
haysata dhalasho Maraykan amma reer Yurub ah. Waxay
bilaabeen inay u soo kicitimaan Somalia ka dib markii
Itoobiya ay soo gashay dalkaasi bishii December ee
2006. Hey’adda mukhaabaraadka Maraykanka ee CIA waxay
sheegtay in duullaankaasi uu ‘sii shiday’ oo uu
dhaliyey in Soomaalidii debaddu ay ku biiraan
ururrada xagjirka ah ee Islaamiyiinta. Marka lagu
xisaabatamo in duullaankaasi Itoobiya uu haystay
taageerada Maraykanka, waxay noqonaysaa mid sax ah in
lagu doodo in uu ahaa hawlgalkaasi wadajirka ahaa, ka
sii fogeeyey Soomaalida qurbajoogta ah ee ku kallifay
inay dagaallo jihaad ah ka fuliyaan dalkoodii hooyo.
Mid ka mid ah dadkaasi jihad-doonka ah ee ku soo
guryo-noqday Somalia, waxa uu yahay Shirwac Ahmed, oo
ah lix-iyo-labaatan jir asalkiisu Soomaali yahay
laakiin qaatay dhalashada Maraykanka, oo ka yimid
gobolka Minnesota, waxanu iskaga tegey waxbarashadii
koolajka sii uu ugu biro oo uu ugu dagaallamo al-
Shabaab. Waxa uu is-qarxiyey bishii Oktoobar ee 2008,
isaga oo kaxaystay baabuur laga soo buuxiyey
waxyaabaha qarxa, lana galay dhisme ay dawladdu
lahayd oo ku yaalley gobolka Puntland ee Waqooyiga-
Bari ee Somalia. Warbaahinta Maraykanku (sida laga
soo xigtey qoraallada Andrea Elliot ee ‘A call to
jihad, answered in America, New York Times 12 July
2009) waxay ku tilmaantay ninkaasi ‘qofkii ugu
horreeyey ee Maraykan ah ilaa hadda inta la og yahay
ee is-miidaamiya amma is-qarxiya.’14
Sirwac Ahmed waxa uu ka mid ahaa dhawr ah
dhallinyaro Soomaaliyeed oo ka tegey magaalada ugu
weyn gobolka Minnesota ee Minneapolis, si ay ugu
183
biiraan ururka al-Shabaab. Hey’adda mukhaabaraadka
Maraykanka ee FBI waxay ku qiyaastay in intii u
dhaxaysey bishii September ee sannadkii 2007 ilaa
bishii October ee 2009, in tiro ka badan labaatan qof
oo Soomaali ahi inay ka tegeen Minnesota si ay ugu
biiraan kooxda Islaamiga ah ee Somalia. Minneapolis
waa magaalo-madaxda qurbajoogta Soomaalida ee
Maraykanka. Qayb ka mid ah magaaladaasi degaannada
gaboobey oo Soomaalidu aad u isticmaashana waxa loo
yaqaan’Muqdishu-Yarey’; magacaasi oo la mid ah ka ay
Kiiniyaanku u bixiyeen ee ay u yaqaanaan xaafadda
Eatleigh ee Nairobi.
Dawladda Maraykanku waxay aad uga walaacsan tahay
xagjirnimada Soomaalida, walaacaasi oo keenay ilaa
heer ay dawladdu ay ka samayso magaalada Minneapolis
xafiis gaar ah iyo cutub ka tirsan heyadda
mukhaabaraadka ee FBI oo la yidhaa Iskaashiga
Hawlgalka Gaarka ah ee Ka-hortagga Argagixisada
(Joint Terrorism Task Force). Warbixin arrintaasi ku
saabsan oo FBI ay qortay sannadkii 2009, waxa ka mid
ahaa:
Ilaa dabayaaqadii 2006, waxan aragnay dhawr qof
oo ka tirsan Maraykanka – oo qaar badani ay asal
ahaan ka soo jeedaan Somalia, qaarna aanay la
lahayn wax xidhiidh ah oo noocaasi ah – kuwaasi
oo u safra Somalia, si ay u tababaraan amma ay
uga qab qaataan dagaalka ay al-Shabaab ay waddo.
Tirada dadka noocaasi ah ee aannu rumaysannahay
inay tegeen Somalia, waxay ka badan tahay marka
la barbar dhigo guud ahaan dadka ka tegey
Maraykan ee tegey meelaha kale ee adduunka ee
xiisaduhu ay ka jiraan, dhawrkii sano ee la soo
dhaafay. Waxanan aragnay inay ka badan tahay
tirada dadka ka taga Minneapolis marka loo eego
qaybaha kale ee dalka mid kasta.15
184
Cabsida ugu weyn ee la qabaa waa inay dhici karto in
maalin ka mid ah maalmaha ay Soomaalida deggan
Maraykanku qaadaan waxa FBI ay ku tilmaantay
‘hawlgallo argagixiso’ oo laga fuliyo ciidda amma
dhulka Maraykanka dhexdiisa.
Bishii February ee 2010, Agaasiimaha Heyadda
Muklhaabaraadka Qaranka ee Maraykanka, Dennis Blair,
waxa uu u sheegay guddi gaar ah oo ka tirsan aqalka
sare ee odayaasha ee Senate, oo loo saaray inay
dhageystaan oo ay dersaan warbixinno ku saabsan
‘Kahataraha Haataan Taagan iyo Kuwa Meelo Kale Kaga
Soo Fool leh Maraykanka’, waxa uu u sheegay in uu
rumaysan yahay in qaar ka tirsan dagaalyahannada
tababarka ka bixinaya Somalia iyo kuwa dagaalka ku
jiraaba, inay dhici karto in hawlgalladooda ay ku soo
jeediyaan oo la beegsadaan Maraykanka.
Maraykanku waxay ka qaadeen tallaabooyin Soomaalida
Maraykanka ah. Bishii August ee 2010-kiina, afar-iyo-
toban qof ayaa lagu soo oogey dacwado la xidhiidha
falal argagixiso, falalkaasi oo ay ku jiraan
lacagayow, dad iyo taakulayn kale oo loo fidiyey al-
Shabaab. Laba qof oo dadkaasi ka mid ahaa ayaa la
xidhay, laba-iyo-tobankii kalena waxa la rumaysan
yahay inay mar horeba dalka ka baxeen oo ay tegeen
Somalia. Sida laga soo xigtey Xeer-Ilaaliyaha Guud ee
madaxda ka ah Waaxda Caddaaladda ee Maraykanka, Eric
Holder, waxa uu sheegay in ‘dacwadahan iyo
xidhitaanka dadkani ay sii ifiyeen oo la ogaadey
jiritaanka hawlgallo khatar ah oo xidhiidhsan oo
loogu ururiyo, looguna diro hanti iyo dad dagaallama
labadaba ururka al-Shabaab, lagana soo ururiyo
dhammaan magaalooyinka Maraykanka.’
Bishii July ee 2011, wiil lix-iyo-labaatan jir ah oo
Soomaali ah, oo magaciisa la yidhaa Omar Abdi
Mohamed, oo deggan magaalada Minneapolis, waxa uu ka
dhex qirtay maxkamad ah kuwa federaalka Maraykanka,
185
in uu qabo denbi ah inuu ka qayb galay qaadhaan loo
ururinayey in la geysto falal kala ah dil, afduub iyo
dhaawacyo ah, kuwaasi oo laga fuliyo debadda.
Xeer-Ilaaliyaha B. Todd Jones ee Maraykanku waxa uu
isna sheegay (warbixintii FBI ee 2010):
Dadka ku lug leh qorshayaashani la maleegayey, ee
uu ka midka yahay Omar Abdi Mohamed, waxay
jebiyaan sharciga, iyaga oo ku kacay tallaabooyin
khaldan oo kahatar ah oo ay ku taageerayaan urur
argagixiso ah. Aakhirkana taasi waxay keentaa
inay kala geyso oo dhibaato ku abuurto qoysas
badan oo Soomaalida Maraykanka ah. Waalidiinta
ayaa ka cadhooda oo walaac ay ku abuurtaan
caruurtoodii wiilasha ahaa oo la waayo, oo inta
badan iska taga iyaga oo aan la ogeyn, oo aan isa
sheegin amma is ogeysiin waalidkood. Mararka
qaar, qoysasku waxay ka ogaadaan oo ay ka war
helaan oo qudha meesha iyo waxa ay ku danbeeyeen
caruurtoodii iyo dadkoodii marka ay ka arkaan oo
keliya fiidiyayaasha Internet-ka ee al-Shabaab ku
faafsato borobagaandada.16
Baadhitaan isna ay samaysay FBI oo loogu magic-daray
hawlgalka ‘Operation Rhino’, oo ku waajahnaa
dhallinyarada Soomaalidu ee deggan Minneapolis, waxa
ka soo baxay in dhallinyaradaasi muddo dhawr sano
ahba ay tegayeen oo ay ku noqonayeen Somalia si ay
uga soo dagaallamaan halkaasi:
Kooxihii ugu horreeyey ee la ogaado inay halkaasi
u safreen, waxay ka ambabaxeen dalka Maraykanka
bilihii October iyo December ee 2007, iyaga oo
qaar kalena ka daba tegey bilhii February 2008,
November 2008, iyo October 2009. Markii Somalia
ay gaadheen, waxa la dejiyey guryo gaar ah oo ay
leeyihiin al-Shabaab oo ku yaal koonfurta
186
Somalia, ilaa iyo intii loo samaynayey xero
tababar oo al-Shabaab ay leedahay oo
dhallinyaradaasi lagu tababaro. Tababarkaasi waxa
bixinayey saraakiil sarsare oo ka tirsan al-
Shabaab iyo al-Qaacida qaybteeda qaabilsan
Afrikada Bari.’17
Qaar ka tirsam Soomaalida Maraykanka ee ku biiray al-
Shabaab waxay ahaayeen dad dayro ah oo ka baxay
mujtamaca jaalliyadaha Somaalida, ka dib markii ay ku
biireen kooxaha dhallinyarada dibjirka ah ee noqda
budhcad wax boobta, kooxahaaso oo ay ka mid yihiin
kuwa la baxay magacyada ‘Rough Tough Somalis’ iyo
‘Murda Squad’. Jihaadku, waxa uu si ahaan uga dhigan
yahay qaab kale oo ay isku muujiyaan dhallinyarada
caasiga ah ee ku caasigarooba qoysaskooda iyo
nidaamyada mujtamaca ee jira. Waxa uu uga dhigan
yahay sida balwadii Rock and Roll oo kale oo casri
ah.
Wararka iyo macluumaadka la xidhiiodha kooxha
xagjirka ah ee Islaamiyiinta Somalia, waxa si sahal
ah looga heli karaa Internet-ka; waxana jira website-
yo tiro badan iyo bogagga lagu sheekaysto oo ku
xidhan al-Shabaab, kuwaasi oo u ah dhallinyarada
Soomaaliyeed ee madluunka ah amma kacsan ee ku nool
Minnesota, meel iyo goobo ay ka helaan agab iyo
waxyaabo ay lab-raacaan amma la dhacaan, amma u
arkaan qaddiyad habboon in la guto. Tusaalena waxa uu
ah agabkaasi mid ka hadlaysa jihaadka oo al-Shabaab
ay bogaggeeda internetka soo gelisay, oo u qornaa
sidatan, ‘Ma garan kartid macaanka Jihaadka ilaa aad
ku soo biirto oo aad soo gashid Jihaadka.’
Adeegga Intyernetku waxa kale oo uu suurtogeliyaa in
kuwii tegey Somalia ay la soo xidhiidhaan kuwii kale
ee ka hadhay amma aan weli tegin, oo ay ugu baaqaan
inay ku soo biiraan oo ka daba yimaaddaan, iyaga oo
187
‘weyneynaya amma buunbuuninaya’ wanaagga iyo
ahmiyadda hawlaha ay ku jiraan. Farriin amma dhambaal
la soo geliyey adeegga Facebook oo uu soo geliyey qof
Soomaali ah oo dhawaan ka tegey Maraykanka, tegeyna
magaalada Muqdishu, waxa uu ku soo qoray, ‘Sup dawg,
kaalaya halkan oo iskeena magaaladan M-Town ... oo ah
meel raggu ay wada sittaan dhammaan noocyada hubka
amma qoryaha.’18 Waxa jira dagaalyahannada kale ee ka
tegey qurbaha oo iyagu ilaa heer mutacallimiin ah ka
roon wiilkan, oo iskaga tegey koolajyadii
waxbarashada ee ay ku jireen, tegeyna Somalia si ay
uga qayb galaan dagaalka.
Dhallinyarada Soomaalida ee iyaguna qaatay dhalasho
reer-Yurub ah waxa kale oo iyaguna u tagaan si ay ugu
biiraan al-Shabaab. Dalka Ingiriiska, oo ay deggan
yihiin qamiyadda amma jaalliyadda ugu ballaadhan ee
Soomaalida ee dalalka Yurub, hey’ahada nabadgelyadu
waxay ku qiyaasaan daraasiin tirada dhallinyarada
baxday. Mid ka mid ah waxa lagu sheegay inuu ahaa nin
kow-iyo-labaatan jir ahaa oo ku noolaa xaafadda
Ealing ee Galbeedka magaalada London, oo ka baxay
halkaas bishii October ee 2007, iskuna qarxiyey goob
kontorool oo ku taal magaalada koonfureed ee
Baydhaba, halkaana ku diley ilaa labaatan askari oo
ka tirsanaa ciidanka dawladda. Sida ay sheegtay
dawladda Somalia-yana, qarax is-miidaamin ahaa oo
lagula kacay sannadkii 2009 munaasabad xalaflad
qalin-jebin ahayd magaalada Muqdishu, waxa fuliyey
qof Soomaali ah oo ka yimid dalka Denmark, oo u soo
lebbistey sidii qof dumar ah oo kale.
Ma cadda sabata dadka intaas leeg ee is-miidaamiya
iskuna qarxiya Somalia gudaheeda, sabata ay u yihiin
badankoodu dhallinyaro ka timid qurbaha, ee ay u
noqon waayeen dad gudaha laga qortay.
Walaaca ugu weyn ee dawladaha debaddu ay qabaan waa
cabsida laga qabo, iyo xaqiiqada sii kordhaysa, in
188
Soomaalidu ay qaadaan weerarro ay ka fuliyaan
Somaaliya debaddeeda. In kasta oo badiyaa meelaha ay
aadaan dhallinyarada Soomaalida ee qurbaha ka tagtaa
ay tahay Somalia, haddana waxa jirey weerarro
Islaamiyiinta Somalia ay ka fuliyeen dalka
debaddiisa. Ka ugu xumaa waxa uu ahaa kii lagu diley
tiro ka badan toddobaatan qof dalka Uganda,
weeraraasi oo ay fuliyeen dad is-qarxiyey oo ka
tirsanaa ururka al-Shabaab.
Waxa jira tusaalooyin kale, xataa meelo si weyn uga
fog Afrika. Hey’adaha Nabad-Sugidda ee Australia
waxay sheegeen bishii August ee 2009, inay ogaadeen
oo ay heleen qorshe shirqool oo ay maleegayeen kooxo
soo-galooti ah amma ajanebiga degey dalkaasi ka
tirsan, oo ay ku jiraan saddex Soomaali ah oo haysta
dhalashada Australia. Qorshaasi oo lagu damacsanaa in
la fuliyo weerar is-qarxin ah oo lagu qaado saldhig
milateri oo ku yaal magaalada Sydney.
Saddex ka mid ahaa afar nin oo lagu helay denbi ah
hawlgal la fashiliyey oo lagu damacsanaa in lagu
qarxiyo tareennada iyo maxadadaha dhulka hoostiisa ee
magaalada London 21-kii bishii July ee 2005, waxay
noqdeen Soomaali. Wasiirkii hore ee Ingiriiska u
qaabilsanaa Afrika, Lord Malloch Brown, waxa uu
sheegay sannadkii 2009, in Somalia ay u taagan tahay
oo ay kaga soo fool leedahay dalkan Ingiriiska khatar
ka weyn tan Afghanistan.
Sumcadda Somalia ee loo arkay aag amma meel weyn oo
Afrika ah Dagaalka Argagixisada, iyo weliba meel laga
soo abaabulo oo laga dhoofiyo weerarrada debadda,
arrimahani waxay keeneen in Somaalida uu raaco oo uu
u meelmaro ‘magac xun’ oo dalalkii kale ee adduunka
ugu faafa, mararka qaarna si khalad ah loogu
xidhiidhiyo oo loogu eedeeyo dad Soomaali ah inay ka
qayb qaateen hawlaha dagaalka ee Islaamiyiinta.
Sannadkii 2009, waxan la xidhiidhay nin Soomaali ah
189
oo magaciisa la yidhaa Mohamed Suleiman Barre, wax
yar ka bacdi markii ninkaasi laga soo sii daayey
Xabsi ku yaal Guantanamo. Waxa uu halkaasi ku xidhnaa
muddo dhawr sano ah intii aan la sii deyn ee aan loo
mastaafurin Jamhuuriyadda la baxday Somaliland.
Waxanu igu yidhi:
Waxa la iga soo qabtay dalka Pakistan sannadkii
2001, waxana la igu eedeeyey in aan ku lug lahaa
hawlo argagixiso. Saraakiisha ciidamada
sirdoonka ee Pakistan waxay i geeyeen xabsi ay ku
ururiyaan oo lagu hayo dadka lagu tuhunsan yahay
argagixisada. Muddo afar bilood ku dhawdhaw ayaa
halkaasi la igu hayey. Markii danbe waxa ii
yimid, oo saddex jeer igu soo noqnoqday,
saraakiil Maraykan ah oo su’aalo baadhitaan i
weydiiyey. Waxay ii sheegeen inay soo heleen oo
ay soo ogaadeen telifoonno aan dirsaday iyo qaar
aan helay, iyo in ay ila soo xidhiidheen
hawlwadeenno sarsare oo lagu tuhusan yahay
argagixiso. Waxay igu khasbeen in aan qirto
waxyaabo aanan samayn oo aanan gelin.
Ka dibna aniga iyo saddex qof oo kale ayaa loo
qaaday oo loo wareejiyey xabsi ku yaal saldhigga
gegida diyaaradaha ee Bagram ee Afghanistan,
halkaasi oo jidh-dil aad u xun la nagula kacay
Waxay nagu sameeyeen waxyaabo aad u xun. Markii
danbe waxa la ii diray xabsiga Guantanamo,
halkaasi oo aan ku jirey dhar sano, oo inta badan
aan gooni u xidhnaa, cidlana ahaa. Waxana si weyn
iiga xumaatay maskaxdii oo dhaawacantay.
Haatan waxa dareemaa sidii nin xabaal ka soo
baxay oo kale amma dib u soo noolaaday. Waxayna
igu qaadanaysaa waqti in aan dib ula qabsado
dunidii dhabta ahayd. Waxa qudha ee aan doonayaa
amma jecelahay waa in aan u noolaado sida qof
caadi ah. Ilaa hadda ma garanayo waxa markii
190
horeba la ii xidhay ee aan geystey. Waxa la i soo
daayey siddeed sano ka bacdi markii aan xidhnaa,
iyada oo aan wax maxkamad ah la i geyn oo aan la
igu soo oogeyn wax dacwad ah.
Waxa suurtogal ah in dabagalka sii kordhaya ee
bartilmaameedka laga dhiganayo Soomaalida adduunka ku
kala dhaqan, in taasi ay keento, sidii duullaankii
Itoobiya ee Somalia ee 2006-dii oo kale, inay sii
fogeyso oo ay sii kiciso mujtamacyada Soomaalida, una
horseeddo weerarro kale oo dheeraad ah oo ay ka
geystaan gudaha iyo debaddaba.
Waxay noqonaysaa arrin khalad ah in lagu doodo in
intii ka horraysey soo-bixitaankii Midowga
Maxkamadaha Islaamiga ah, in aanay ka jirin Soomalia
dagaallo Islaami ahi. Sida ka lagu soo xusay
cutubkani, waxa sannado badan ka jirey Somalia kooxo
xagjir ah, in kasta oo ay ahaayen wax kooban oo aan
sida u sii ridneyn.
Dilkii sannadkii 2011 lagu diley magaalada Muqdishu
madaxii qaybta al-Qaacida ee Afrikada Bari, Fazul
Abdullah Mohamed, waxay caddaynaysaa in Somalia ay
hoy u ahayd hawlwadeennada saresare ee caalamiga ah
ee al-Qaacida. Weli ma kala cadda in Fazul Abdullah
Mohamed uu soo degey oo uu xarun ka dhigtay Somalia
intii ka horraysay soo-bixitaankii al-Shaab amma
intii ka danbaysey.
Laakiin xaqiiqada ah in ururkaasi uu ilaa sanadihii
labada kun aakhirkoodiiba uu gacanta ku hayey qaybo
badan oo ka tirsan koonfurta iyo badhtamaha Somalia,
oo ay ku jiraan qaybo badan oo ku yaal magaalo-
madaxda Muqdishu, ayaa dalkaasi ka dhigtay meel soo
jidata oo hoy u noqota hawlwadeenno sarsare oo ka
tirsan dhaqdhaqaayada Islaamiyiinta caalamiga ah.
191
Mar kale, Maraykanka iyo dawladaha isbahaysiga ay
leeyihiin waxay khalad ka fahmeen xaaladaha ka jira
Somalia. Waxay si degdeg ah u qaateen in Midowgii
Maxkamadaha Islaamiga ahaa ay yihiin wax khatar ah.
Fahamkaasi khaldani waxa laga yaabaa in uu si aan ku-
talo-gal ahayn oo kama’ ah kaalin uga qaatay soo-
bixitaanka dagaallo Islaami ah oo ka dhaca dalkaasi.
Waxa laga yaabaa inay ka roonaan lahayd in dawladaha
debaddu ay aqoonsadaan, halkaasina ka sii
ambaqaadaan, guulaha cumtama ee wax-ku-oolka ah ee
Maxkamadihii Islaamiga ahaa (UIC) ay soo hoyeen, lana
shaqeeyaan, kuna caawiyaan sidii loo dhisi lahaa
qaran dawli ah. Laakiin halkii ay taasi ka samayn
lahaayeen, xukunkii ayay ka tureen, waxayna
baabiiyeen dedaalkii ugu weynaa ee lagu guulaystey
laga soo bilaabo ilaa sannadkii 1991-kii, ee ku
saabsanaa sidii dib loogu soo celin lahaa nidaamkii
iyo deganaanshihii koonfurta iyo badhtamaha Somalia.
Natiijada qudha ee ka dhalatay siyaasaddaasina waxay
noqotay soo-bixitaanka ururka al-Shabaab oo ka sii
fog, kana sii xagjirsan kuwii hore, yeeshayna weji
caalami ah, soona jiitey dagaalyahanno ajanebi ah,
siina kordhiyey cabsidii laga qabey in Soomaalidu ay
qaadaan weerarro Islaami ah oo laga fuliyo Marykanka
dhexdiisa.
192
CUTUBKA 4aad: Qaran Fashilmay?
Waxan hor taaganahay qaybta 'Somalia' ee aqalka
kaydka buugaagta ee Machadka daraasooyinka Bariga iyo
Arrimaha Afrika ee London (School of Oriental and
African Studies library.) Markii aan sidaa isha u
mariyey buugaagta taalla khaanadaha, waxa igu soo
boodey noocyadan cunwaannada soo socda ee ku saabsan
waxyaabihii laga qoray Somalia: Somalia: Dawlad
Dagaal Kula Jirta Isla Dadkeedii, Qarankii Dumey, Ka
soo Bilaw Siyaasad Xun ilaa Xaalad Wada Qasan Dalkii
Somalia, Somalia oo Kala Burburtay, La-Haystayaal:
Dadkii Iyaga Laftoodu Is-Afduubay, Khayaamayntii
Somalia, Jidkii Eberka, Isbaabiintii Somalia ... waxa
ka muuqda halkaas oo aad dareemaysaa in uu jiro
burbur xad-dhaaf ah, guuldarro iyo rajo la'aan weyn.
Sawirka amma muuqaalka guud ee laga qaadanayo
Somalia waa dal 'fashilmay' oo aan dawlad lahayn,
dadkiisii ku noolaana aan faraha waxba ugu jirin oo
gacantooda ay ka baxday arrimaha la xidhiidha wax ka
qabashada aayahooda danbe; meel wax walba ay
burbureen, waxa guud ahaan jira ee caamka ahina ay
yihiin iska horimaadyo, gacan-ka-hadal iyo macaluul.
Ujeeddada cutubkani waa in uu su'aalo iyo dood ka
keeno caadi ahaan sida loo arko iyo fikradaha laga
haysto Somalia, dhinac kalena uu wax ka eego oo uu ka
warbixiyo. La iskama indhatiri karo dhibaatada iyo
khatarta ka jirta halkaasi, laakiin haddana waa in
aan loo ogolaan in kuwaasi ay wada hadheeyaan oo ay
si buuxda u qariyaan dhinacyada kale ee laga sameeyey
dalkaasi horumar cuntama oo wax-ku-ool ah, laga soo
bilaabo 1991-kii.
Somalia waxay mar kasta ugu horraysaa liiska dalalka
iyo dawladaha adduunka ee fashilmay, waxayna xagga
sare kaga jirta dhinac kasta oo muujinaya qiyaasaha
sare ee lagu asteeyo 'guuldarrooyinka' amma burburka
xagga arrimaha ijtimaaciga ah ee bulshada, kuwa
dhaqaalaha iyo siyaasadda intaba.1
Warbixin laga sameeyey sannaddii 2010 tirokoobka iyo
xisaabinta sida ay iskugu xigaan 'dawladaha
193
fashilmay' ee adduunku, oo uu sameeyey machadka
daraasooyinka ee la yidhaa Sanduuqa Nabadda 'Fund for
Peace' oo ka tirsan Maraykanka, Somalia waxay ka
dhigantay sidii horyaal ku badiyey ciyaarihii
Olombikada oo kale, waxayna keentay oo ay si sugan u
heshay 'dhammaan 10-kii dhibcood' ee laga rabey,
saddex ka mid ah 12-kii qaybood ee laga qiyaas
qaadanayey burburka iyo guuldarrooyinka. Qaybihii
kale badankoodana waxay heshay ilaa min '9 dhibcood'.
2011-kiina, waxay sannad kasta mar afraadkii maraysay
haddana dalka ugu horreeya liiskaasi guuldarrooyinka.
Marka la eego warbixinnada warbaahinta, warbixinnada
qaarkood iyo daraasooyinka dhaadheer ee baaxadda leh
ee ay qoraan ururrada xuquuqda banii'aadamka,
khubarada iyo machadyada baadhitaanka,
akademiyooyinka iyo meelaha kaleba, waxay had iyo
jeer u xusaan oo ay ku tilmaamaan Somalia 'qaran
fashilmay', taasi oo horseedda in laga qaato dalkaasi
fikrad ah in aanay ka jirin haba yaraatee wax si
hagaagsan oo caadi ah u shaqeeya amma socda, in waxa
qudha ee ka jiraa ay yihiin dhiig daadanaya, iyo dal
ay qarqiyeen qas iyo nidaamdarro. Muuqaalka noocan
ahi waa mid horseedaya fool-habaw amma khalad,
waxayna taasi siyaabo badan oo suurtogal ah uga qayb
qaatay siyaasadaha habawsan iyo mawqifyada
jahawareersan ee ku aaddan Somalia, kuwaaso oo aan ku
koobnayn oo qudha dawladaha ajanebiga ah ee debadda,
laakiin sidoo kalena saameeyey hey'adaha, ururrada
wax u ololeeya, maalgeliyayaashii la fili lahaa iyo
dhinacyo kaleba.
Sidii loola macaamili lahaa ee wax looga qaban lahaa
dalalka loo arko 'qarannada fashilmay' ayaa ka mid
noqotay qaybaha ugu muhiimsan siyaasadda arrimaha
debadda ee dawladda Maraykanka. Sannaddii 2002-dii,
Qorshaha Istraatijiyadeed ee Nabdsugidda Qaran ee
dawladda Maraykanka waxa uu sheegayey in "haatan
khatarta Maraykanka kaga soo fool leh dalalka awodda
leh ee xoogga wax ku qabsan karaa, in ay ka yar tahay
tan innagaga iman karta kuwa fashilmaya ee sii
burburaya'. Qorshaha Istraatijiyadeed ee
Gaashaandhigga Maraykanku waxa uu isna sanaddii 2008
u arkay oo uu u aqoonsaday in 'fashilka amma
194
guuldarrada' ku timaadda dawlad, inay la iman karto
khatar weyn oo xagga nabadgelyada ah; waxana ka mid
ahaa warbixintaasi: ' Awod-darrida dawlado badani
aanay awodi karin inay si sugan u ilaaliyaan nabadda
iyo deganaanshahooda, amma ay la shaqayn karaan
jaararkooda si wax looga qabto oo loo hubiyo
nabadgelyada iyo deganaanshaha goboleed, waxay
arrimahani la imanayaan khatar iyo dhibaato ku timaad
hannaankii caalamiga ahaa ... Haddii aan wax laga
qabanna, deganaansho la'aanta noocaas ahi waxay noqon
kartaa mid sii faafta, oo saamayn kartan, khatarna ku
noqota gobollada ay ku xidhan yihiin danaha
Maraykanka, dalalka aynnu la leenahay isbahaysiga,
iyo saaxiibadeen.'
Ereyada 'qaran fashilmay' ma aha qaar loo fasiri
karo oo loo qaadan karo si dhexdhexaad ah oo aan
dhinac u xaglinayn. Qoraaga Noam Chomsky, waxa uu
sannaddii 2006 ka qoray buug dhan oo uu ku dabbaqayo
ereyadan dawladda Maraykanka.2 Tilmaamaha iyo
fasiraadaha qaar ee lagu asteeyo 'qaran fashilmay',
waxa ku jira kuwo lagu dabiqi karo marka laga doodayo
xaaladda Somalia, laakiin waa in aanay noqon qaar si
maldahan uun loo yidhaa oo loogu isticmaalo guud
ahaan wax kasta. Waa in si sugan loogu isticmaalaa
qaybaha iyo dhinayada ku bannaan in lagu sifeeyo
weedhahaasi, xilliyada gaar ee taariikhda dalkaasi.
Xarunta Baadhitaanka Dalalka Qalalaasuhu ka jiro ee
Jaamicadda Culuunta Dhaqaalaha ee London, waxay ku
macnaysaa weedhan ‘qaran fashilmay', dal amma dawlad
' tahli waayey inay gutaan xilkii iyo waajibaadkii ka
saarnaa daryeelka arrimihii asaasiga ahaa ee
nabadgelyada iyo horumarinta, isla markaasina aan wax
awod iyo maamul ah ku lahayn ilaalinta dhulkooda iyo
xuduudihiisa'. Tani waa mid la xidhiidha oo lagu
dabbiqi karo qaybo ka tirsan Somalia, gaar ahaanna
gobollada koofureed iyo kuwa badhtamaha ee dalkaas.
Waxa kale oo isna faa'iido leh oo halkan wax ku
biirinaya qoraalka aqoonyahanka Maraykanka ah ee
Robert Rotberg ee 2002, ee uu kaga hadlay 'Wejiga
Cusub ee Faashilnnimada amma Guuldarraysiga Qaran
Dawli ah'; kaasi oo uu ku macneeyey 'qaran fashilmay'
in lagu tilmaami karo dal ' ku jira xaalado kacsan,
aan xassiloonayn oo dagaallo iyo khilaafyo qota
195
dheeri ka oogan yihiin, khatar ah, oo ay si xoog leh
ugu looltamayaan kooxo dagaallamayaa' iyo in uu
dalkaasi u noqon karo 'hoy iyo gabbaad martigeliya oo
ay ku noolaan karaan kooxo iyo ururro aan ku xidhnayn
amma matilin dawlad dhexe oo qaran - sida
qabqablayaal dagaal iyo ururro argagixiso'.3
In kasta oo si kasta iyo dhinac kasta oo laga eegaba
ay u 'burburtay' dawladdii dhexe ee Somalia, haddana
waxay noqonaysaa arrin khalad ah in loo qaato in
burburkii dawladdaasi uu horseeday in aakhirkii wax
kasta oo kaleba ay iyaguna sidoo kale wada baaba'een
dalka oo dhan. Sababaha warbaahinta iyo warbixinnada
kaleba ay u bixiyaan muuqaalka amma fikradda ah in
dhammaan Somalia oo idili ay tahay meel
'guudarraysatay' oo burburtay, waxa ka mid ah
sababahaasi in si weyn indhaha loogu hayo oo qudha
xaaladda magaalada-madaxda Muqdisho, oo loo muujiyo
in dalka oo dhammi sidaasi wada yahay; magaalada
Muqdishu oo ku-dhawaad maalin kasta lagu laayo dad
rayid ah, ayna ka jiraan xaalado qasan iyo dagaallo
aan la sadaalin karin oo u dhexeeya dagaalyahanno ku
xidhan al-Qaacida,, maleeshiyooyin beeleed, kooxo
budhcad ah, ciidammo daacad u ah 'dawlad dhexe' oo
aan tamar lahayn, iyo ciidammo nabad-ilaalineed oo ka
tirsan Ururka Midowga Afrika. Waxa xaaladahaasi ku
soo biiray budhcad-badeedda, dadka ajanebiga ah ee
afduubka loo qabsado, iyo weerarrada kooxaha
islaamiyiinta ah ee Soomaalidu ay ku qaadayaan
dalalka kale, kuwaasi oo abuuray 'jawigii iyo
xaaladihii aan caadiga ahayn ee ku habboonaa' in
warbaahintu ay danayso oo ay soo jiidato. Somalia
waxa laga helayaa oo ka buuxa agab kasta oo looga
baahan yahay 'warka xun ee dhiillada leh'; sidaasi
awgeedna waxay ilo fiican u tahay warbaahinta, taasi
oo aad u wafaqsan amma ku bannaan cuqdadaha laga qabo
iyo fikradaha laga aaminsan yahay Afrika. Tani waxay
ka muuqataa maqaalad uu qoraaga Ian Birrel uu ku soo
daabacay jariidadda The Observer, oo uu kaga hadlayey
wararka iyo warbixinnada maanta ee Afrika, qayb ka
mid ahina u dhignayd sidatan:
Bal ka fikir Afrika. Dad badan waxay uga dhigan
196
tahay marka la soo qaado magaceega iyo
xaaladaheega oo madaxooga ku soo dhacaya
macaluul, saboolnnimo, cudur , khilaafyo. Waa
afarta astaamood ee rukunka u ah aafada iyo
halaagga weyn ee ku habsadey Afrika. Suxufiyiinta
ku daba jira ee raadinaya waxay wax ka qoraan
amma ka sheekaan waxay eegeegayaan wararka iyo
arrimaha la xidhiidha dhimasho, aafo amma
masiibooyin iyo burbur, iyadoo dhinaca kale
hey'adaha samafalku, si ay u helaan deeqo, ay sii
xoojiyaan fikradaha aan qiilka lahayn iyo
cuqdadaha laga qabo Afrika, iyaga oo soo bandhiga
caruur la il daran nafaqa-darro iyo dadka waaweyn
oo dhimanaya.4
Sababtuna waxa weeye in 'afartan astaamood'; iyo
kuwa kaleba ay ka jiraan Somalia, sidaasi awgeedna ay
u fududahay in suxufiyiintu ay si sahal ah uga gadi
karaan tifaftirayaashooda wararka iyo warbixinnada la
xidhiidha xaaladaha Somalia, iyaga oo u dhigaya amma
ku tilmaamaya 'aafadii iyo halaaggii ugu weynaaa ee
Afrika'. Dadweynaha kala ah dhageystayaasha,
daawadayaasha, iyo akhristayaasha warbaahintu waxay
si gaar ah ugu dhega nugul yihiin wararka iyo
warbixinnada ku saabsan 'aafooyinka iyo darxumada
Afrika', sababta oo ah in kuwaasi ay yihiin waxa la
siiyey mudnaanta kowaad ee la baray inay ka filaan
Afrika. Xaaladda Somalia-yana waa mid si sugan ugu
bannaanaan karaysa oo loogu dabbiqi karo xaaladaha
'dhimashada, burburka iyo halaagga' ee qalabka
warbaahintu uu guud ahaan ka qoro amma ka faafiyo, in
kasta oo ay ku danbayso in sawirka ay ka bixinayaan
dalkaasi uu noqdo mid xaddidan oo aan dhammays ahayn,
iyo xaqiiqada ka jirta gudaha oo dhalan rogan.
Waxan qirayaa in marka aan qorayo wararka iyo
warbixinnada ku saabsan dagaallada Muqdidishu, waxaan
is arkaa aniga oo si aan u kas ahayn ay ii
jiidanayaan oo ay ii hoggaaminayaan waxyaabihii iyo
weedhihii caanka ahaa ee hore loogu bartay halkaasi
oo farahaygu boobayaan marka aan wax qoraacayo ee aan
qorayo. Waxan mar walba is arkaa aniga oo ku
bilaabaya weedhaaha ay ka mid yihiin, ' Shaqaalaha
caafimaadka ee jooga magaalo-madaxda Somalia ee
197
Muqdishu waxay sheegayaan in ugu yaraan tiro ilaa X
gaadhaysa ay ilaa hadda ku dhinteen dagaallada u
dhexeeya kooxaha Islaamiyiinta ah iyo dhinaca kale
ciidammada dawladda ku-meel-gaadhka ah oo ay
taageerayaan ciidamada nabad-ilaalinta ee Midowga
Afrika.' Waxan meesha u soo geliyey oo aan u
adeegsanayaa ereygan ' ugu yaraan' ka hor inta aanan
sheegin tirada dadka ilaa hadda lagu diley halkaas,
sababta oo ah in tiradaasi dhimashado ay sii kordhi
karto isla maalintaasi dagaalladu ay socdaan
dhexdeeda.
Iyada oo tafaasiisha iyo sifaha laga bixiyo Somalia
ay inta badan ku kooban yihiin oo laga hadlo uun
dhinacyo xaddidan oo ku kooban waxyaabaha laga
aaminsan yahay iyo cuqdadaha laga qabo, ayaa waxa
jira in dad badani aanay weli fursad u helin inay si
dhab ah u fahmaan dalkasi, una arkaan in uu yahay wax
amma si ka duwan qaran 'fashilmay' amma 'aan wax
qabsan karayn oo aan lahayn xaddaarad iyo horumar',
isla markaasina khatar weyn oo sii kordhaysa ku ah
lafahiisa iyo caalamka kale. Hal-hayskani 'qaran
fashilmay' waxa waxa uu noqday mid faa'iido u yeeshaa
oo ay si ku-danaysi ah u isticmaalaan dhinacyada
qaar, kuwaasi oo ay ku jirto dawladda Maraykanku,
waxayna u adeegsatay inay ku bannaysato oo ay qiil
uga dhigto siyaasadaheega ku waajahan Somalia. In loo
sawiro oo loo soo bandhigo xaaladaha Somalia
siyaabahaasi xaddidan ee ku kooban uun dhinacyada
qaar, kama qarinayso oo keliya inay dadku arkaan amma
ogaadaan sawirka iyo xaqiiqada runta ah ee ka jirta
gudaha; laakiin waxa kale oo ay horseedday siyaasado
jahawareersan oo aan sugnayn oo dhibaatada ka
dhalatay aanay saamayn Somalia gudaheeda oo qudha,
laakiin ay mararka qaar saamaysay iyana quwadaha
debadda ee isku deyayey inay fuliyaan siyaasadahaasi.
Somalia ma buuxinayso midna qaababka la yaqaan
haatan ee u dhigmi karaa 'qaran dawli ah', hasse
ahaatee taas macnaheedu ma ahaa inay tahay dhammaan
meel si buuxda u wada baaba'day oo kala burburtay.
Xattaa magaalada muqdishu oo dagaallo is dabajoog ahi
ay waxyeelleeyeen labaatankii sano ee la soo dhaafay,
haddan waxa ka jira dhinacyada qaar waxyaabo badan oo
198
weli 'shaqaynaya', oo si ahaan u nidaamsan. Tusaale
ahaan waxa jira adeegyada baabuurta gurmadka degdegga
ah iyo shaqaalahoodii oo maalin kasta khatar ku
gelinaya naftooda inay ku wareegaan oo ay kaga dhex
shaqeeyaan baabuurtaasi magaalada, si ay u raadiyaan,
una soo daadgureeyaan meydadka dadka ku dhinta
dagaallada iyo kuwa ku dhaawacma.
Mar aan tegey garoonka diyaaradaha ee magaalada
Muqdishu bishii January ee 2011, waxay ahayd goob
habaysan oo ranji cusub oo dhalaalayaa ka muuqdo. Rag
buurbuuran oo caddaan ah, oo sitta lebbis shaqaale
iyo shaadhadh gacmo-gaab ah oo ku dhejisan, una
shaqeenayey shirkad magaceega la yidhaa SKA, ayaa si
firfircoon oo milaterinnimo halkaas uga wadey
hawlihii shirkaddaasi. Diyaaraddii aan ka soo raacay
magalada Nairobi ee ku socotey Muqdishu-, waxa kale
oo la socdey dad ganacsato ah oo Soomaali ah iyo
goysas fara badan oo ka soo noqonayey fasaxyadoodii.
Waxan fadhiistay meel ku xigtey kursi ay fadhiday qof
dumar ah oo aad u bilicsan, oo deggan dalka Canada,
laakiin halkan u timid si ay u soo eegto fursadaha
ganacsi ee ka jira magaalada Muqdishu. 'Lacag aad u
fara badan ayaa halkan laga samayn karaa,' ayay igu
tidhi. Waxayna intaas raacisay, ' Waxan ku talo jiraa
in aan qandaraasyo waaweyn oo lacag badani ku jirto
la galo ciidamada nabad-ilaalinta ee Ururka Midowga
Afrika oo aan u keeno waxyaabaha ay u baahan yihiin.'
Dawlado yaryar (Mini-states)
Qayb ka mid ah Somalia oo aan hubaal ahaan lagu
dabbiqi karin ereyada ' qaran fashilmay', waxa weeye
jamhuuriyadda la magacbaxday Somaliland, dalkaasi oo
dib-u-dhis ka samaynaya burburkii dagaallada iyo
dhismaha nidaam dawladnnimo oo shaqaynaya. In kasta
oo aanay haysan aqoonsi caalami ah, haddana
Somaliland waxay leedahay dhaqaale kobcaya iyo nidaam
siyasadeed oo diimooqoraaddi ah oo u shaqaynaya si ka
fiican dalal badan oo kale oo ka tirsan qaaraddaasi.
Sida aan kaga hadli doono hadhow cutubkan dhexdiisa,
waayo-aragnnimada iyo xaaladaha Somaliland waa qaar
aad uga duwan in lagu tilmaamo dal 'faashil ah’ amma
199
guuldarraystay, ilaa iyo intii ay ku dhawaaqday
madaxbannaanideeda sannadkii 1991-kii.
Somaliland waa tan ugu mudan ee loo soo qaadan karo
tusaale xagga horumarka iyo deganaanshaha, laakiin
waxa jira qaybo kale oo ka tirsan dhulka Soomaalida
oo sidoo kale muujiyey inay yihiin qaybo siyaasadeed
oo shaqayn kara, horumarna samayn kara, kuwaasi oo
ilaa iyo heerar kala geddisan ku guulesyey wax-
qabadkaasi. Waxa jira maamul-goboleedka Puntland oo
xuduud la leh Somaliland, oo ilaa iyo 1998-kii lahaa
madaxweynahooga, dawlad iyo maamul-goboleed. May
raacin iyagu tubta Somaliland oo iyadu ku dhawaaqday
madaxbannaani, waxayse u shaqaysaa siddii 'dawlad-
yar' oo kale oo ka tirsan Somalia. Puntland waxay la
kulantay dhibaatooyin dhawr ah, waxay ku lug leedahay
khilaaf dheer oo muddo soo socdey oo xagga xuduudda
ah, mararka qaarna isku bedelayey gacan-ka-hadal, oo
u dhexeya iyada iyo Somaliland. Waxa kale oo soo
martay xisado dhawr ah oo waaweyn oo siyaasadeed, oo
dagaallo ay ku jireen. Muddo sanado ahna, waxay u
ahayd saldhig weyn oo ay ka ololaystaan budhcad-
badeeddu. Laakiin xaaladaha ka jira dhulkaasi
ballaadhan, lagama mid dhigi karo xaaladaha sida weyn
u qasan iyo dagaallada ka taagan koonfurta shishe ee
Somalia.
Ku-dhawaaqidda maamul-goboleedyo hoose oo si ahaan u
madaxbannaan oo ah 'dawlado-yaryar', waxay noqotay
qaabab la xiiseeyo oo la daneeyo xilligan ilaa
sanadihii u danbeeyey ee la soo dhaafay, gaar ahaanna
ay wadeen siyaasiyinta Soomaalida ee ka tirsan qurba-
joogto. Sannaddii 2011-kii, qaar ka tirsan
'dawladahaasi yaryar' ayaa u shaqaynayey sidii qaybo
ilaa heer goonidooda u kobci kara oo shaqayn kara,
waxana ka mid ah gobollada dhexe ee Somalia ee Ximin
iyo Xeeb, kuwaasi oo lahaa 'madaxweyne' ka yimid
qurba-joogta Soomaalida ee deggan Maraykanka. Waxa
kale oo ka mid ah Galmudug oo isna 'madaxweynaheedu'
uu yahay Soomaali Ingiriis ah. Hasse ahaatee maamul-
goboleedyadaasi waxay ahaayeem kuwa aad u jilicsan,
halisna ugu jira weerarro kaga yimaadda al-Shabaab
iyo kooxaha kale ee hubaysan.
200
Dadweynaha ku nool gobolladaasi waxa ka muuqatey
inay u arkayeen maamuladaasi gudaha kuwa
sharcinnimadooda iyo aqabalaaddoodu ay ka badan
tahay, kana mudan tahay tan dawladda dhexe ee Muqdihu
fadhida, shaqadoodu iyo wax-qabadkooduna ka wax-ku-
oolsan yahay. Tusaale ahaan bishii november ee 2010
markii la soo daayey lammaanihii Ingiriska ahaa ee
Paul iyo Rachel Chandler, ee ay soo daayeen kooxdii
budhcad-badeedda ahayd ka dib markii ay haysteen
muddo sannad ka badan, 'maamulkii' markaasi loo
dhiibey qoyskaasi waxa uu ahaa 'madaxweynihii'
gobolka Cadaado, Mohamed Adan. Waxa uu ahaa mudane
Mohamed Adan qofkii markii ugu horrayseyba telifoon
iigu sheegay siideynta qoyskaasi reer Chandler, iyo
meesha, goorta, iyo habka loo sii deyn doono. Mar
danbe ayuu haddana i soo wacay oo uu ila socodsiiyey
in lammaanahaasi la soo geliyey gactiisa iyaga oo bed
qabaa oo fayow, lana siiyey adeeg uu ku tilmaamay
'biyo ay ku qubeystaan oo ay ku nafisaan' iyo 'qureec
aad u fiican oo dhandhamaysa'. Qoyskaasi reer
Chandler, waxa markii danbe loo duuliyey xagga
magaalada Muqdishu, si looga qaado sawirro ay kula
jiraan xubno ka tirsan dawladda ku-meel-gaadhka ah.
Tani uma muuqan ujeedadeedu inay tahay wax wax sidaas
ah ka badan is-tus loogu talo galay warbaahinta, si
loogu muujiyo adduunka indhaha ku hayey arrintani in
dawladda dhexe ay masuul ka ahayd oo ay ka shaqaysay
hawlgalladii siideyntan.
Qaar ka tirsan 'dawladahan yaryar' ee Somalia, waa
in aan loo qaadan si dhab ah oo tixgelin culus mudan,
sababta oo ah iyaga oo aan wax sidaas ah ka badnayn
amma u jira magac ahaan uun. Run ahaantiina waa wax
asal ahaan dhalanteed ah, kana mid ah dhulalka riyada
ah ee ay ku hammiyayaan siyaasiyiinta debadda ku nool
ee u hamuumaya awod xukun oo ay helaan, laakiin
awoddoodu aad u yar tahay. Abuurista mid ka mid ah
dhulalka noocaas ah waxa lagu dhawaaqay bishii march
ee 2011-kii, waxana ku dhawaaqay wasiirkii hore ee
gaashaandhigga, Mohamed Abdi oo loo yaqaanno
'professor Gandhi'. Waxa uu ku dhawaaqay gobolkaasi
cusub oo loo bixiyey 'Azania', oo ka kooban dhul aad
u ballaadhan oo ku fidsan koonfurta Somalia, laga soo
bilaabo magaalada istaraatijigga ah ee dekedda
201
koonfureed ee Kismayo ilaa iyo xadka Kenya. Xaqiiqada
ah in 'professor Gandhi' uu kaga dhawaaqay arrintani
Kenya dhexdeeda, iyada oo in badan oo ka tirsan
gobolladaasi 'Azania', oo ay ku jirto magaalo-madaxda
Kismayo, ay gacanta ku hayeen ururka Al-shabaab,
tallaabadani waxay ka dhignayd mid aan wax macno ah
iyo qiimo muuqda sideedaba aan ku fadhiyin.
In kasta oo burburkii dawladdii dhexe uu ahaa
sababta horseedday soo ifbixitaanka al-Shabaab iyo
ururrada kale ee Islaamiyiinta ah iyo inay noqdaan
ururro awod leh oo maamul kale samaysan kara, haddana
qaybaha ay ka taliyaan laguma tilmaami karo qaar
qasan oo aanu maamul iyo nidaam sharci ka jirin.
Qaybaha badan ee ka tirsan koonfurta iyo badhtamaha
Somalia ee ay ka taliyaan miliishiyooyinka
Islaamiyiinta ah, waxay ku shaqeeyaan oo ka jira
xukunno adag; oo ah qaab ka mid ah 'qaababaka aadka u
qallafsan ee u adag', oo lagu soo rogey qaybahaasi.
Hab-dhaqankii nolosha caadiga ah ayaa si aad u
qallafsan loo xaddidey, waxa luntay oo meesha ka
baxay xorriyaad badan. laakiin haddana meelaha ay
sida buuxda u maamulaan al-Shabaab ayaa ka nabadgelyo
iyo badbaado fiican qaybo badan oo kale oo ka tirsan
dalka. Dad dhawr ah oo asaxaab iyo jaallayaal ah oo
ka shaqeeya meelaha ay ka jiraan dagaallada iyo
deganaansho la'aanta Somalia, gaar ahaanna Muqdishu,
waxay u direen qoysaskoodii degaannada ay al-Shabaab
ka taliyaan si ay ugu noolaadaan halkaasi, sababta oo
ah in degaannadaasi ay ka badbaado badan yihiin
meelaha kale, haddii dadkaasi ay dhawraan qawaaniinta
lagu maamulo.
Waayo-aragnnimada Somalia, laga soo bilaabo
dhicitaankii Siyaad Barre, waxay tusaalooyin fiican u
noqonaysaa sida mujtamaca uu u shaqayn karo ee uu u
noolaan karo iyada oo aanay jirin dawlad dhexe oo
shaqaynaysa oo wax ku filani. Waxa kale oo ay
muujinaysaa awodda ay Soomaalidu u yeelan karto inay
yeeshaan hal-abuur amma inay ikhtiraaca farsamooyin
iyo habab kale oo ay ku noolaan karaan, iyo sida ay
ugu adkaysan karaan, ugana soo waaqsan karaan
dhibaatooyinka. Somaliland waa tusaalaha ugu weyn ee
202
ugu mudan bislaanshaha iyo degganaanshaha ilaa
heerkaas marka loo eego qaababka cusub ee siyaasadeed
ee samaysmay, waxana soo raacda Puntland. Dhulalka ay
ka taliso al-Shabaab waxa ka jira qaabab kale oo
Islaami ah. Waxa iyaguna jira qaabab kale oo hoose oo
gudaha ah oo noqon karaa tusaalooyin kale, in kasta
oo inta badan ay yihiin qaar aan degganayn oo aan wax
badan sii jirin, kuna kooban qaybo yaryar oo
xaddidan. Waxa ka mid ah degaannada ay ka soo
jeedaan, kana taliyaan qabqablayaasha dagaalka,
hoggaamiyayaasha beelaha, isbahaysiyada amma
danwadaagta ganacsatada, iyo kooxaha diintu. Sida
aynnu ku eegi doonno cutubka soo socda, ururro bulsho
oo yaryar, iyo suuqyare dhaqaale ayaa ka samaysmay
xatta degaannada ay ka jiraan budhcad-badeeddu
Dhaqaalaha (The Economy)
Dhinacyada sida weyn ee layaabka iyo xiisaha leh
loogu guulaystey xilliyadii 'guuldarrada iyo
fashilka' qarannimadii amma dawladnnimadii Somalia,
waxa ka mid ah dhinacydaasi xagga dhaqaalaha, oo
muujiyey soo-kaabasho weyn oo qeyra-caadi ah,
dhaqaalahaasi oo isku qaabeeyey, mararka qaarna ka
faa'iideystey maqnaansha amma jiritaan la'anta dawlad
dhexe oo xoog leh.
Qoraaga Peter Little, waxa uu qoray 2003-dii buug
xiiso leh oo la yidhaa, Somalia: Dhaqaale aan lahayn
dawlad ka danbaysa, buuggaasi oo uu kaga hadlayo sida
waaxyaha dhaqaale ee qaar, gaar ahaanna xoolaha nool,
ay u kobceen, una tanaadeen, iyada oo aanay jirin
dawlad dhexe. Waxa uu soo bandhigayaa sawir ku
saabsan dalkaasi, laakiin aad uga duwan kan inta
badan lagu soo badhigo warbaahinta iyo warbixinnada
kale. Waxyaabha uu ku qoray buuggaasina waxa ka mid
ah:
Laga soo bilaabo burburkii dawladda dhexe iyo wax
kasta oo ahaa hadhaageegii, waxa aad u adkayd in
la isqabadsiiyo oo la isbarbar dhigo qaska,
macaluusha, nidaamdarrada iyo iska-horimaadyada
mar kasta ku soo baxayey ee laga daawanayey
203
warbaahinta reer Galbeedka, iyo dhinaca kale
warbixinnadaydii ku ladhnaa ee ku saabsan nolosha
ijtimaaciga ah iyo tan dhaqaale ee Soomaalida.
Waa wax u muuqda inay tahay arrin aan isqabanayn
oo aan la isku xidhi karayn ... Iyadoo ku xidhan
qof walba aragtidiisa iyo dhinaca uu wax ka
eegayo, Somalia waxay yeelan kartaa laba weji oo
kala ah yididiilo fiican oo dhaqaale - hab
dhaqaale oo hantigoosi amma maalqabeennimo oo si
xor ah u shaqaynaya, iskiina u socda, oo aan ku
tiirsanayn jiritaan dawladeed, iyo dhinaca kale
walaac iyo rajo-la'aan siyaasadeed. Caalami ahaan
sida loo arko Somalia iyo muuqaalka guud ee
yeelanaysa waa tusaalaha dalalka ' aan weligii
iyo weligii ' noqon qaran dawli ah oo taabbagal
ah, diblomaasiyad faashil noqotay, iyo inay u
taagan tahay dawlad-la'aan tan ugu muddo dheer ee
ilaa hadda la arkay inay soo martay qaran,
taariikhdan casriga ah ee adduunka.5
Daraasooyin kale oo laga dheegtey baadhitaan
tirokoobyo oo ay sameeyeen heydaha Jamciyadda
Qaruumaha ka Dhaxaysa, Bangiga Adduunka, iyo
hey'adaha kale ee caalamiga ah, waxa kale oo
daraasooyinkaasi ay muujinayaan sida run ahaantii uu
u koray dhaqaalaha Soomaalidu, taasi oo ka geddisan
wixii laga filayey, sannadihii badnaa ee aanay jirin
dawad dhexe oo wax ku filani. Warbixin uu soo saaray
machad ku yaal dalka Maraykanka oo la yidha 'Machadka
Madaxa Bannaan' 'the Independent Institute' sannaddii
2006-dii, oo uu cunwaan uga dhigay 'Somalia Burburkii
Dawladda ka Bacdi: Qas mise Horumar?', waxa uu
faahfaahin kaga bixinya xaaladda koboca dhaqaale ee
haatan:
Iyada oo ah arrin aad uga fog xaalad qalalaase
iyo burbur dhaqaale, waxa nooga soo baxay
daraasooyinkan, oo aan aragnay in Somalia guud
ahaan ay aad uga fiican tahay heerkii ay maraysey
marka loo eego xattaa markii ay lahayd dawlad.
Shaqaynta uu shaqaynayo nidaam iyo hab dhaqaale
oo asaasi ahi, waxa suurtogal ka dhigaya
jirintaanka xeerar ku dhisan habab dhaqan oo
dadka u dhexeeya, oo lagu xalliyo khilafaadka,
204
iyo nidaam lacageed oo dhaqaale oo aan ku
xidhnayn dawlad. Marka sidaas loo eego ee
asaaskaasi laga duulo, waxan arkaynnaa in
ganacsiga madaniga ah ee magaalooyinka iyo
dhaqdhaqaaqa baayacmushtariga, inay suurtogal
tahay inay socdaan oo ay shaqeeyaan amma kobcaan.
Waxa kale oo ballaadhay amma horumaray waaxyihii
dhaqaalaha miyiga ... Ganacsigii madaniga ahaa ee
magaalooyinka, Sharikadihii caalamiga ahaa, iyo
dhaqaalihii miyiga ee reer-guuraaga daaqsatada ah
iyo beeraleyda, waxay noqdeen qaar dhammaan
shaqeeya oo ka dhex socda Somalia oo aan dawlad
lahayn, taasi oo keentay in lagu guulaysto in la
helo heer nololeed oo dalka ka jira, oo la mid ah
amma ka sarreeya kan ummadaha dalal kale oo badan
oo Afrikaan ah.6
Sida lagu sheegay isla warbixintaasi, Machadkaasi la
yidhaa Machadka Madaxa Bannaan, waxa uu ka
baaraandegey kana qiyaas qaatay ilaa saddex iyo toban
hal-beegayaal oo qodob. Waxana ka mid ah heerka amma
tirada dhimashada, qiyaasta la fili karo in cimriga
qofku uu gaadhi karo waqtiyadani. Waxan u soo baxday
in in kasta oo heerka nolosha caadiga ee Somalia uu
noqon karo mid hooseeya marka la barbar dhigo kuwa
reer Galbeedka, in haddana ay nolosho guud ahaan
fiican tahay marka loo eego dalalka kale ee Afrika.7
Somalia waxay ka gashay oo ay ka mid ahayd 50%-ka ugu
sarreeya dalalka Afrika qiyaastii lix qodob oo ka mid
ahaa saddex iyo tobanka qodob ee hal-beegayaasha ahaa
ee laga tilmaan qaadanayey. Waxayna kuwa ugu hoosseya
ka mid ahayd saddex qodob oo keliya oo ay ku jiraan -
heerka dhimashada dhallaanka, helitaanka biyo nadif
ah oo faya qaba, iyo tallaalka. Dhinacyada qaar ee
hal-beegayaashaasi oo ay ka mid yihiin isgaadhsiinta
ayaa sameeyey horumar weyn, laga soo bilaabo
dhicitaankii dawladda dhexe, iyada oo Somalia ka soo
gudubtay kaalintii 29-aad ee ay ku jirtey, una
gudubtay kaalinta 28-aad marka loo eego liiska
heerarka dalalka Afrika.
Baadhitaan uu Jaamicadda West Virginia uu sameeyey
Peter leeson sannadkii 2006 oo warbixin uu ka soo
saaray u cunwaan uga dhigay, 'Dawlad-la'aan ka
205
Roonaatay Dawladnnimadii: Somalia ka hor iyo ka dib
burburkii dawladnnimada', waxa uu ku eegayaa sida
xaaladaha horumarku ay isku bedeleen marka loo eego
ilaa siddeed iyo toban qodob oo lagaga qiyaas qaato
heerarka horumarka, laga soo bilaabo burburkii dawlad
dhexe oo shaqaysa.8 Marka loo eego macluumaad la soo
ururiyo sannadihii 1985 – 1990, ee haddana la barbar
dhigo macluumad kale oo la soo ururiyey sannadihii
danbe ee 2000 - 2005, Peter Leeson waxa u soo baxday
in Somalia horoumarkeedu uu ka fiicanaa xilliyadan
dawlad-la'aanta, waqtiyadii ay dawlad lahaan jirtey.
Marka la eego inta ay ka keentay Somalia saddex iyo
toban qodob oo ka mid ah siddeed iyo tobankii hal-
beege ee laga qiyaas qaadanayey, si muuqata ayay
horumar uga samaysay saddex iyo tobanka qodob intii
ka danbaysey burburkii dawladnnimo; waxayse hoos ugu
dhacday laba dhinac oo qudha oo kala ah: waxbarashada
dadka waaweyn ee heerka wax-qorista iyo wax-akhrinta,
iyo heerka tirada caruurta gasha ee la qoro
dugsiyada.
Waxa loo baahan yahay in laga taxaddiro oo fiiro
gaar ah loo yeesho daraasooyinka ku salaysan
macluumaadka iyo tirokoobyada laga soo ururiyo
Somalia. Waayo, waxa dhammaan adkayd oo dhibaato
ahayd sida loogu kalsoonaan karo ee la iskugu hallayn
karo sugnaanshaha macluumaadka laga soo ururiyo
dalkaasi, laga soo bilaabo sannadihii 1980-kii, taasi
oo sabab ay u tahay xaaladihii khatarta ahaa ee ka
jirey dalka gudhiisa, iyo weliba xaqiiqada jirta ee
ah in wasaarado iyo waaxyo badan oo dawladdu ay
lahayd ay burbureen, wax alla wixii xog iyo diiwaanno
amma dhakumantiyo qoraal ah ee yaalleyna ay la
baaba'een.
Daraasooyinkan laga sameeyey waxay ka bixinayaan
Somalia sawirro cuntama oo wanaagsan, laakiin haddana
waa in aan lagu dagmin oo aanay maldahin xaqiiqada ah
in boqolaal kun oo Soomaali ah jiritaankoodii noloshu
qarka u saaran yahay inay le'daan. Dadka rayidka ah
ee lagaga tegey Muqdishu, badankoodu waa intii bixi
kari weydey ee meelna u dhaqaaqi kari waayey. Sida
laga soo xigtey warbixinnada Qaramada Midoobey,
tirada dad ka badan 400,000 oo qof oo ku noolaa
206
degaanno iyo guryo ku meelgaadh ah, agagaarka jidka
isku xidha Muqdishu iyo magaalada Afgooye, ayaa
warbixintu waxa ay ku tilmaantay in sannadkii 2010-
kii uu degaankaasi noqday kan ugu weyn ee ay ku
jiraan barakacayaasha gudaha ee ugu badan adduunka.
Degaankaasi oo loo yaqaanno 'Jidka Afgooye', waxa uu
noqday kan saddexaad ee ugu weyn degaannada cammiran
ee Somalia, marka laga reebo Muqdishu iyo Hargeysa.
Sawirrada qalabka sattelite-ku waxay muujinayaan sida
degaankaasi oo ahaa mid si caadi ah oo teelteel loo
degganaa 2007-dii, sida haatan uu u noqday magaalo
weyn iyo xarun ay samaysteen oo ay cammireen
dadweynihii barakacayaasha ahaa,, muddo saddex sano
ah oo qudha ka bacdi.9 Qaramada Midoobay waxay ku
qiyaastaa in dadweynaha Somalia oo ku dhawdhaw guud
ahaan ilaa 10 malyuun, in in ka badan 20% tiradaasi
ay amma gudaha ku barakacsan yihiin, amma ay noqdeen
qaxooti debadda ku nool. Iyadoo baayacmushtarka iyo
ganacsatadu ay ka sameeyeen macaash aad u fara badan
kana faa'iideysteen burburkii dawladda, ayaa haddana
malaayiin qof oo kale ay yihiin kuwa qaba baahi weyn
oo aan waxba haysan.
Bishii January ee 2011, waxan la kulmay haweenay
magaceegu ahaa Ubax oo waqtiyadaasi ka soo carartay
Muqdishu, una soo carartay Nairobi. Waxay taagnayd
waddo qarkeed, waddadaasi oo ahyd mid googo'an oo
boholo badani ku yaallaan, baabuur guux badanna ay
marayaan oo ay dhaafayeen. Waxa horyaalley miis
jilicsan oo si xun lugihiisu u qotomaan oo ku dhaw
inuu kala dhaco. Miiskaas waxa si nidaamsan u dul
wadhnaa dhar waxoogaa ah oo duug ah oo ah dharka
caruurta. Haweeneydu waxay xidhnayd xijaab madow oo
dhammaan jidhkeeda qariyey, oo ay ku jiraan xatta
gacmaha iyo lugaha oo sharabaaddo u gashan yihiin.
Waxa qudha ee aan arki karaayey waxay ahaayeen
indhaheeda bigbigta hayey.Waxay igu tidhi:
Muqdisho waxan uga imid oo aan uga soo cararay
xabbadihii, madaafiixdii iyo duqayntii ka socotey.
Waxan uga imid dagaalka aan kala go'a lahayn ee
maalinba maalinta ka danbaysa sii soconaya ee aan
istaageyn. Waxan uga soo carararay aniga oo aan helin
wax alla wax lacag ah oo aan caruurtaydii ku masruufo
207
amma ku quudiyo. Ninkaygii waxa lagu diley
dagaalladaasi, mana jirin qof kale oo aan ku
tiirsanaadaa.
Waxan ka soo tegey caruurtaydii oo aan kaga imid
Muqdishu, waayo ma hayn wax aan ku soo kexeeyo oo aan
halkan ku keeno. Waxa i diley warwarkoodii. Laakiin
maxaaban u tari karayey ee aan u qaban kari lahaa
markii aan halkaasi joogey? Noloshooda kama adkayn oo
uma helayn waxa ay cunaan, sababta oo aha
dagaalladaas dhan. Waxan bixiyey laba boqol oo
doollar si aan halkan u imaaddo. Baabuur ayaan
Muqdisho ka soo raacay ilaa xadka Kenya, haddana mid
kale ayaa u soo raacay Nairobi. Waxan ilaahay ka
baryayaa oo aan rajaynayaa in aan halkan ka helo
waxoogaa lacag ah si aan caruurtaydii yaryarayd wax
ugu diri karo.
Maqnaanshaha ay meesha ka maqan tahay dawlad dhexe
oo wax ku filan oo shaqaynaysaa, waxay keentay madax
bannaani dhinacyada qaar ee dhaqaalaha iyo fursadaha
oo laga faa'iideysto, laakiin hadda sida qof kasta oo
Soomaali ahba uu ku sugan yahay ee xaaladaha dalku u
saameeyeen, ayaa ganacsatadana waxa sidoo kale
xakameeyey dagaallada iyo nabadgelyo la'aanta. Weli
waxay ku khasban yihiin inay bixiyaan cashuuro iyo
lacaga dulsaar ah oo ay siiyaan hoggaamiyayaasha
kooxaha, maamullada gudaha, kooxaha Islaamiyiinta ah,
miliishiyooyinka dekadaha iyo garoommada, iyo kooxaha
hubaysan ee jidadka iyo isbaarooyinka. Laakiin, sida
Peter little uu ku sheegay qoraalkiisii 'Somalia;
Dhaqaale aan Dawlad lahayn', 'heerarka cashuuraha iyo
xaddidaadda ganacsigu si weyn ayay uga hooseeyaan
heerarkii ay ahaayeen wixii ka horreeyey 1991-kii.'10
Mujtamaca Soomaalidu waa mid sida muuqata kaga
habboon mujtamacyada kale intooda badan inay la
qabsadaan oo ay qabatimaan xaaladaha la'aanta iyo
maqnaanshaha dawlad amma maamul dhexe. Waxa suurtogal
ah in dalal badan oo kale oo adduunka ka tirsani ay
la kulmi lahaayeen dhibaatooyin iyo burbur ka qota
dheer, kana baaxad ballaadhan kan Soomaalida, haddii
ay sidooda oo kale ku jiri lahaayeen sannado badan oo
dawlad la'aan ah. Ku-sugnaanshaha mar walba halis iyo
208
dagaallo soo fool yeelan kara, iyo dhaqdhaqaaq iyo
guurguur joogto ah, waxay wax badan ka mid ahaayeen
dhaqanka iyo nolosha asaasiga ah ee reer-
guuraannimada ee Soomaalida. Dhaqanka bixinta magta
dhiigga ee loo yaqaan Diyada waa qaab caymis ah. Isna
xeerka Soomaalidu waxa uu yahay nidaam sharci oo kale
oo dadweynaha u dhexeeya.Iibsiga badeecadaha iyo
isdhaafsiga lacagayowgu waa qaar iyaguna ku dhisan
is-aamminaad, macaamil iyo xidhiidh-beeleedyo amma
jilibbo. Maqaalad ay Anna Lindley ku soo saartay
majalladda Africa Affairs bishii August ee 2009 oo ay
ku eegaysey waxa u dhexeeya “Lacgayowga aan Xalaasha
ahayn ee Musuqmaasuqa” iyo “Hantida Horumarineed”,
ayaa waxa ay ku qortay:
Dhinac ka mid ah dhinacyada cuntama ee‘dawlad-
la’aanta’, waxa weeye Somalia oo ka faa’iideysatey
maqnaanshaha sharciyadii wax xaddidayey iyo
nidaamkii maamulka ee sida weyn u xakameynayey
hawlaha ganacsiga iyo baayacmushtarka, sharciyadaasi
oo si aad ah uga jira qaybaha kale ee Afrika,
kuwaasi cunaqabateeya amma cabudhiya dhaqdhaqaaqii
iyo danayntii ganacsiga iyo wax-rogrogista, iyo
koboca dhaqaalaha … Dad badan oo ka faallooda
arrimaha dhaqaalaha ayaa xusay in dagaalladii
sokeeye ee Soomaalida natiijooyinkii ka dhashay ay
si lama-filaan ah ugu ekaadeen amma u muuqdeen inay
keeneen isbedel weyn oo ah qaab barnaamij dib-u-
habayneed: Waxay si buuxda u xoreeyeeyeen
dhaqaalihii oo waxay meesha ka saareen kontoroolkii
iyo sharciyadii dawliga ahaa – waxa
madaxbannaanaaday baayac-mushtarkii debadeed,
heerarkii sarrifka lacagaha, waxayna meesha ka
saareen dhaqaalihii kaabista ee dawladdu ku
kaabaysey waaxyaha qaar, waxay baabiiyeen waaxyihii
dhaqaalahii dawliga ahaa ee guud. Waxa abuumary
sharikado gaar loo leeyahay oo waaweyn oo galay
halkii waaxyaha amma kambaniyadii dawliga ahaa.11
Dhaqankooda reer-guraannimada ee Soomaalida ayaa u
horseeday marka horeba inay samaeeyaan ganacsi ku
bannaan qarnigan kow-iyo-labaatanaad. Waa dad had iyo
jeer socda, safra oo ku xidhan caalamka. Waa dad u
bartay inay guurguuraan oo ay qaataan hantidooda, la
209
xidhiidhaan dad ku kala sugan meelo kala geddisan
adduunka, una kala gudbiyaan lacagyowga iyo
badeecadaha meelo kala geddisan, iyaga oo aan
dhawrayn xuduudaha waddammada. In badani waxay
leeyihiin ku-dhac iyo dhiiranaan gaar ah oo sida ay
rabaan wax ugu takri fali kara iyaga oo aan
habrab,haddii ereygan si cuntanta loo eego oo dhinaca
fiican laga fiiriyo. Waxay ku dhiirradaan inay ku
kacaan amma ku weydiiyaan waxyaabo dadka kale inta
badan ay ka waabtaan. Waxan la fadhiistay nin
ganacsade ah oo Soomaali ah hudheel ku yaalla
magaalada London, isaga oo sameynayey xidhiidho iyo
macaamil badan oo ganacsi oo adeegsanaya
telifoonnadiisa mobiilka oo dhawrka kala
geddisan,kana diraya kombuyuutarkiisa iPad emaillo
badan oo aan kala go’ lahayn, cunayana sixni weyn oo
baasto ah, nooca bolognaise. Waxa uu iga codsaday in
aan u qoro email qof ka mid ah macmiishiisa, kana
diro moobilkiisa BlackBerry, waxanu wacay qofkii
hudheelka ka shaqaynayey ee samaynayey adeegga
cunnada, isaga oo baadhbaadhaya oo soo saaraya
waraaqo aad u fara badan. Waxanu ku amray shaaqigii,
isaga oo si amar-ku-taaglayn iyo dhiirranaan ah u
dhoolla-caddaynaya:’Waraaqahani iigu dir Fax, una dir
lamabarkani.’ Shaaqigiina isla markiiba madaxa ayuu
ruxay, waxanu si dhakhso ah ugu dhaqaaqay inuu fuliyo
hawshaasi. Ninkan ganacsadaha ahi kuma xisaabtamo
meesha uu joogo marka uu wax samaynayo amma qabanayo
hawlihiisa. Waxa uu ka dhex shaqeeyaa oo uu
hawlihiisa ka kala socodsiiya magaalooyinka Muqdishu,
Dubai, London iyo Nairobi. Waxa uu la mid yahay sidii
uu joogo gurigiisii oo kale, marka uu hoos fadhiyo
geed ku yaal Soomaaliya hadhkiisa ee uu ku hoos
cunayo qaad, lana qayilayo geel-jiraha ilma-
adeerradiis ah, sidii wuxu fadhiyo oo kale qolkii
amma xafiiskii shirarka ee London. Waa reer-guuraa
casri ah oo koontadiisa lacageed ee baankuna ay aad u
ladan tahay.
Sabab kale oo ugu wacan Soomaali badan oo baayac-
mushtar ah in dhaqaalahoodu guuleysto oo ay ilaa heer
najaxaan marka loo eego heerarka kuwa kale, waxa ka
mid ah iyaga oo u badheedha khatarta ganacsiga.
Ganacsade Soomaali ah oo fadhigiisu yahay magaalada
210
Nairobi, lana yidhaa Sheikh Shakuul, ayaan weydiiyey
in uu ii sheego sirta ka danbaysa amma sababta keenta
guusha Soomaalida ee xagga ganacsiga. Waxanu iigu
jawaabay:
Waxan u malaynayaa in aad u baahantahay in aad
ahaato qof Soomaali ah, si aad u fahamto
arrintani! Waxyaabaha Soomaalida u gaarka ah waxa
ka mid ah is-aaminaadda. Dadku way kuu imanayaan,
waxay kuu dhiibanayaan lacagtooda iyada oo aan la
kala qaadan wax qoraallo ah iyo wax saxiix ah
midna, waxayna ku odhnayaan, ‘waa tan lacagtaydii
ee waxan kaa rabaa in aad gacan I siiso’, waxana
kuu imanaya shan ilaa lix qof oo wada socda,
iyaga oo dhammaan kugu qaba aamin. Tani waxay ka
mid tahay hantida iyo qaniimadaha waaweyn ee
aannu qabno. Haddii qof uu doonayo in uu meherad
amma tukaan ka furto meel, waxa uu la hadlayaa
ilma-adeerradiisa kala jooga London,, Koonfur
Afrika, Muqdishu amma Mombasa, dhammaanna waxbay
ku soo tarayaan. Waxay u suurtogelinayaan in uu
furto meheraddii, isna sidoo kale waxa uu wax
tarayaa kuwii kale. Is-aaminaaddu waa sirta amma
tiirka guuleysiga Soomaalida. Haddana Soomaalidu
waa dad si layaab leh u firfircoon oo hawlkar ah.
Sababta oo ah dagaalladii Somalia, ma jirto
dawlad dhexe, ma jiraan hey’ado caawiya
dadweynaha. Sidaa awgeed, waxay noqotay in qof
walba uu isagu qabsado arrimihiisa iyo
hawlihiisa, waana in aad adigu isku tashataa. Qof
walba waxa haysata qaraabadiisii oo dhibaataysan,
sidaa awgeedna qof walba waxa uu dareensan yahay
masuuliyadda ka saaran in uu wax u qabto inta
kale. Dagaalladii ayaa ka mid ah sababaha ugu
waaweyn ee dhaliyey dhammaan firfircoonidan iyo
dhaqdhaqaaqan ganacsiga.
Ka sakow maqnaanshaha dawlad wax-ku-ool ah oo
shaqaynaysa, haddana waxa jira heshiisyo ganacsi oo
lala sameeyey dalalka deriska ah iyo baayacmushtarka
caalamiga ah. Mar aan diyaarad u raacay magaalada
Muqdishu xilliyadii dagaalladu ay ugu sarreeyeen
sannadihii 1990-dii, dadka keliya ee kale ee saarnaa
diyaaraddaasi waxay ahaayeen laba qof oo
211
Filibiiniyiin ah oo ganacsato ah, kana socdey
shirkadda weyn ee caalamiga ah ee Dole Fruit ee ka
ganacsata khudaarta. Waxay u socdeen wadahadallo ku
saabsan sida ay suurtogal u tahay inay heshiisyo
ganacsi la sameeyaan hoggaamiyayaasha kooxaha ee
xukuma dhulka iyo beeraha uu ka baxo muuska iyo
khudaarta kale. Peter Little, qoraalkiisa ‘Dhaqaale
aan dawlad lahayn’, waxa uu ku soo bandhigayaa
tusaalooyin kale oo ku saabsan ganacsiga caalamiga ah
ee ka jira Somalia:
Jiritaan la’aanta aanay jirin dawlad la aqoonsan
yahay iyo hey’ado qaran, sida hey’adihii
maaliyadda amma sharciyada iyo caddaaladda, taasi
kama mancin sharikadaha caalamiga ah ee
sharciyaysani inay la macaamilaan Somalia, oo ay
ku jiraan dawladaha gooni-u goosiga ah ee
waqooyigu. Sharikadda Dole Fruit Inc waxay ku
lahayd maalgelin beerah Somalia sannadihii 1990-
yadii, waxa kale oo iyaguna maalgelin ku lahaa
sharikadaha xagga beeraha ee Talyaaniga. Waxa
kale oo iyaguna haatan adeegyo ka sameeya
Somalia, sharikadaha caalamiga ah ee buqshadaha
iyo waraaqaha degdegga ah ee tooska ah, ee ay ka
mid yihiin DHL, iyo weliba sharikadaha baabuurta,
sida sharikadda General Motors ee Kenya.12
Xoolaha Nool(Livestock)
Ganacsiga xoolaha nool,oo ah waxa ugu qiimo badan
Somalia, ayaa si weyn u koray ilaa intii ay burburtay
dawladnnimadii. Tani waxa qayb ahaan ugu wacan dadka
reer-guuraaga ee dhaqda adhiga, riyaha, lo’da iyo
geela oo noloshoodu aanay weligood wax weyni kaga
xidhmin amma uga baahan dawlad dhexe. Qaabka ay u
nool yihiin ee ay u dhaqmaan ayaan dhinacyo badan la
qabsan karayn oo aan la soconayn nidaam rasmi ah oo
dawli ah oo dhexe; waxay caado u leeyihiin inay iska
indhatiraan xuduudaha dalalka oo aanay hawrin,waxayna
leeyihiin hababkooda dhaqanka ee mujtamaca iyo
xidhiidhada ijtimaaciga ah, kuwa xeerarka iyo
nidaamyadooda dhaqaale. Reer-miyigu waxay
212
korodhsadeen wax ka badan wixii ay ku waayeen
dhicitaankii xukuumaddii Siyaad Barre oo iyadu ahayd
mid dadka dhici jirtey oo ku dul noolayd, isla
markaasina carqaldaynaysey horumarkooda. Waxa
suurtogal ah in hab-dhaqankii caadada ahaa ee nolosha
reer-miyigu uu sii xoogeystey oo uu ka sii
faa’iideystey jiritaan la’aanta dawlad leh nidaam;
dadkuna waxay dib ugu noqdeen hababkoodii iyo
sidoodii hore ee fududayd ee caadada u ahayd, ee ay
arrimahooda u qabsan jireen, una maamulan jireen
danahooda.
Hasse ahaatee waa wax cajaa’ib ah oo aan la malayn
karayn in,in kasta oo ay jireen sannnado badan oo
dagaallo iyo qas uu socdey,in haddana sida uu Peter
Little uu ku sheegay qoraalladiisa, dhaqaalaha reer-
guuraannimada ee Somalia uu ahaa mid hoggaan u ah
gobolkaas, kana xoog badan kan dalaka kale ee la
deriska ah ee Ethiopia iyo Kenya oo deganaansho
dheeraad ahi uu ka jiro marka la barbardhigo Somalia.
Waxana ka mid ahaa qoraalladaasi Peter Little:
‘Somalia (oo ay ku jirto Somaliland) waa mid kaalin
weyn kaga jirta weli ganacsiga xoolaha nool, heer
gobol iyo mid caalami ah intaba, waxana ka yimid 60%
dhammaan xoolaha laga dhoofiyey dalalka Afrikada Bari
sannadihii 1990-meeyaadkii.’13
Peter Little waxa kale oo uu sheegay in xoolaha ka
dhoofayaa Somalia ee la geeyo Kenya iyo suuqyada kale
ee debadda inay si weyn ay tiradoodu kor ugu kacday
intii ka danbaysay dhicitaankii Siyaad Barre. Cutub
ka mid ah qoraalladiisa oo uu si ku bannaan ugu
magacdaray ‘Xilliyadii tanaadka iyo kor-u-kaca weyn
ee dhaqaale dal si buuxda u burburay dhexdiisa’, waxa
uu kaga hadlayaa sida la-yaabka leh ee kor-u-kaca
degdegga ah uu u sameeyey ka-ganacsigii xoolaha nool
ee ka gudbyey xadka Kenya. Waxanu gaar ahaan indhaha
ku hayey iibka xoolaha nool magaalada Garissa ee
Kenya ee ku dhaw xadka Somalia:’Qiimaha guud ee iibka
lo’da magaalada Garissa, waxa uu sameeyey kor-u-kac
layaab leh oo ah 400% intii u dhaxaysey 1991 ilaa
1998, iyo 600% sannadihii u dhexeeyey 1989 ilaa 1998-
kii. Peter Little waxa uu mar kale qoraalladiisa ku
sheegay in marka la eego tirada guud ee sannadkiiba,
213
lo’da iib gashay inay kor uga kacday 24,395 neef
sannadkii 1989, waxayna gaadhay ilaa 100,000 oo neef
sannaddii 1998-kii.14
Waxa kale oo aad u firfircoonaa tirade amma xaddiga
ganacsiga aadayey ee loo dhoofiyey dalalka Khaliijka.
Peter Little waxa kale oo uu sheegay:
Ganacsiga debadda ee dhexe (riyaha iyo idaha) ee
laga dhoofiyo Somaliland iyo Puntland oo la deris ah
ayaa iyaguna sannadkii 1999 ka badnaa tiro ahaan
intii dhoofi jirtey ka hor dhicitaankii dawladda.
Sannadihii 1980-meeyadii, Somalia waxay ka mid ahayd
dalalka debadda u dhoofiya xoolaha nool kuwa ugu
badan adduunka … Sannaddii 1999, dekadaha ku yaalla
waqooyiga ee Boosaaso iyo Berbera waxa ka dhoofay
xoolo gaadhaya 2-9 malyuun oo neef, nooca ganacsiga
dhexe. Haddana labadaasi dekadood ee Soomaaliyeed,
tirada xoolaha ka dhoofay waxay guud ahaan u
dhigamayeen 95% dhammaan riyaha laga dhoofiyey
gobolka Afrikada Bari oo dhan, iyo 52% idaha. Waana
guul la-yaab leh oo uu gaadhay mujtamac ‘aan dawlad
lahayni.’15
Ka sakow kor-u-kacaasi, haddana ganacsigaasi xoolaha
nooli waxa uu ahaa mid aan sugnayn oo ku jira khatar
iyo dammaanad la’aan. Xoola-dhaqatada reer-guuraaga
ah, ma aha qaar ka reebban oo ka bed qaba saamaynta
dagaallada, kuwaasi oo mararka qaar ku kallifay inay
bedelaan meelihii ay mari jireen amma wax ku raaci
jireen qarniyaal badan. Dhallinyarada ragga ah ee
reer-guuraaga oo iyagu leh xoog, awod adkaysi oo heer
sare ah iyo aqoon ay u leeyihiin degaannada ay u nool
yihiin, waxa inta badan ilaashada oo indhaha ku haya,
si ay ciidan uga qortaan, ururka al-Shabaab iyo
kooxaha kale ee hubaysan. Qaar ayaa si khasab ah
loogu qortay miliishiyooyin, qaarna iskood ayay ugu
biireen, iyaga oo u xilanaya dhaqaale amma lacag
loogu ballan qaado, arrimo diimeed amma dano kale.
Dadweynaha ku tiirsan iibka xoolahoodu, waxay
dhibaato kala kulmayeen mamnuucidda mararka qaar
dawladda Sucuudigu ay ku soo rogeysey xoolaha laga
keensado ee laga soo dhoofiyo dhulalka Soomaalida, si
looga hortago faafitaanka cudurka loo yaqaanno Rift
214
Valley Fever. Waxa kale oo gobolkaasi uu halis u
yahay marar badan abaaro iyo jiilaallo rob la’aan ah,
kuwaasi oo keena dhimasho ku dhacda tobannaan kun oo
xoolo ah iyo waxyaabihii ay ku tiirsanayd nolosha
dadweynahaasi oo baaba’a. Qaybo ka mid ah Somalia
ayaa sannaddii 2011 waxa saameeyey xaalado ay
Qaramada Midoobey ku tilmaantay abaarihii ugu xumaa
ee ka dhaca muddo lixdan sanadood ah dalkaasi,
kuwaasi oo ku kallifay dadweynihii inay barakacaan oo
mararka qaar ay lugeeyaan muddo toddobaadyo ah, iyaga
oo ka sii gudbaya boqolaal mayl oo ka mid ah dhulalka
colaadaha iyo dagaalladu ay ragaadiyeen, si ay u
gaadhaan xeryaha qaxootiga ee ku yaal Kenya iyo
Ethiopia oo horeba u buux-dhaafay. Qaar kalena waxay
u qaxeen dhinac Muqdisho, oo in kasta oo ay iyana la
degeen dagaallada maalin kasta ka dhacayey
magaaladaasi, haddana ay u arkeen meel u dhaanta
dhulkii qallalay ee ay ka yimaaddeen.
Xawaaladaha iyo Isgaadhsiinta (Money transfer and
telecommunications)
Dhinacyo kale oo si weyn loogu guulaystay
hirgelintooda waa waaxyaha xawaaladaha lacagaha iyo
isgaadhsiinta oo si dhakhso ah u baahay laga soo
bilaabo horraantii sannadihii 1990-naadkii. Sabatana
waxa qayb ahaan lagu sheegi karaa maqnaanshaha
sharciyadii iyo xeerarkii dawliga ahaa ee kontorooli
lahaa amma habayn lahaa, iyo baahida dadweynaha ku
kala baahsan dacallada adduunk ay u qabeen inay wada
xidhiidhaan oo ay isla socdaan, waxna is taraan.
Ka dib burburkii dawladdii dhexe, dadweynaha
Soomaalidu waxay mar kasta sii noqonayeen qaar iyagu
isku tashada oo ku tiirsanaada hababkoodii dhaqanka
ee caadada ay u lahaayeen ee ay isku dhaafsan jireen
lacagaha, qaabakaasi oo loo yaqaanney xawaalad.
Waxana xawaaladuhu ay u hirgaleen si ka geddisan kan
ka-ganacsiga xoolaha nool, qaabkaasi oo aan wax weyni
iska badelin faacyo badan, marka laga reebo
telifoonnada mobiilka ah oo soo biiray, lagana yaabo
in uu ka mid noqday adeegyada muhimka ah ee ku soo
kordhay reer-miyiga, una suurtogeliyey inay meelo fog
215
ka hubiyaan qiimaha suuqyada xoolaha nool lagu kala
iibsado. Xawaaladuhu waxay noqdeen qaab adeeg oo
casri ah oo sare oo caalami ah. Xawaaladaha
Soomaalidana, waxa lagu doodi karaa inay yihiin kuwa
ugu casrisan ee ugu horumarsan ee qaaraddaas, iyaga
oo adeegsada tiknoolojiyadii ugu danbaysey ee lagu
xawilo lacagayowga loo kala dirayo guud ahaan
caalamka.
Isku-darka qaababka dhaqanka ee macaamilka iyo
adeegyada tiknoolojiyada casriga ah, waxay noqdeen
kuwo si fiican uga shaqeeyey, uguna bannaanaaday gaar
ahaan qaybtani xawaaladaha. Qaab-beeleedka haybta ee
macmiishu waxa uu noqday nidaam la iskaga ilaaliyo
khayaamada iyo dhuumashada marka laga hadlayo
macaamilka lacagaha. Waxa uu suurtogelinayaa qaabkani
in si sahal ah loo aqoonsado amma loo raadiyo dadka
aan daacadda ahayn ee wax khayaamaynaya amma is
qarinaya. Waxa kale oo uu suurtogelinayaa in si
dadban loo hubiyo dadka wax idin dhex mari karaan ee
noqon karaa shuraake baayac-mushtar amma wakiillo.
Xeerarka Soomaaliduna waxay noqon karaa qaar loo
adeegsado dammaanad-qaadka qandaraasyada iyo xallinta
khilaafyada xagga lacagaha amma ganacsiga. Anna
Lindsey ayaa si weyn wax uga qortay xawaaladaha
Soomaalida:
Iyada oo ka fog xeelado ay adeegsadaan tiro yar
oo qurbajoog ah oo samaynaya hab ay lacag ku
helaan, adeegyada xawaaladuhu waxay noqdeen
qaabab ballaadhan oo muhiim ah. Marka la eego
jiritaan la’aanta nidaam bangiyo amma baanan ka
shaqaynaya dalkaasi, adeegyadani xawaaladuhu
waxay noqdeen kuwa xidhiidhiya dhaqdhaqaaqa iyo
socodsiinta macaamilka dhaqaale iyo wax-
isdhaafsiga gobollada Soomaalida iyo adduunka
kale – xidhiidhinta xawaaladaha, baayac-
mushtarka, maalgelinta, gargaarka, iyo lacagyowga
siyaasadeed.16
Jamciyadda Qaruumaha ka Dhaxaysaa waxay ku qiyaastay
in sannad kasta tirade lacagaha xawaaladaha ee loo
diro Somalia iyo Somaliland ay ka badan tahay $1.5
bilyan oo doollar. Waqtigii la samayanayey qoraalkan,
tiro badan oo ka mid ah lacagahaasi xawaaladda, waxa
216
laga diray oo la sii mariyey Shirkadda xawaaladda
lacagta ee Dahabshiil. Waana wax lama-filaan ah in
shirkadda Dahabshiil, oo ka mid ah sharikadaha ugu
waaweyn ee xawaaladaha ee Afrika, in haddana
saldhiggeedu uu yahay Somaliland oo ah dal gooni u
goostay oo aan weli madaxbannaanidiisa cidina
aqoonsan. Dahabshiil runtii waa shirkad ganacsi oo
caalami ah, waxayna ka shaqaysaa ilaa 150 dal oo
adduunka ah, waxayna leedahay shaqaale iyo hawl-
wadeenno gaadhayaa ilaa laba kun oo qof, ilaa
labaatan kun oo laamood iyo wakiillo oo qaarkood ku
kala yaallaan magaalooyinka London, Sydney,
Minneapolis iyo Toronto. Qaar kalena waxay ka furan
yihiin tukaamada iyo meherado ku kala baahsan meelaha
fogfog ee miyiga ah ee Somalia, Ethiopia iyo
Koonfurta Sudan.
Shirkadda Dahabshiil waxay ganacsigeeda ka soo
bilawday meel hoose, waxayna ka bilawday magaalada
Burco oo ku taalley gobolkii Waqooyi Galbeed ee
Somalia, halkaasi oo sannadkii 1970-kii uu ka furay
milkiilaha Maxamad Siciid Ducaale meherad lagu iibiyo
bakaashka iyo badeecado uu ka keeno Yemen iyo dalal
kale oo adduunka ka kala tirsan. Waxa uu u baahday
lacag-yamani uu ku soo iibsado badeecadahaasi uu ka
keensanayey Yemen. Sida awgeedna waxa uu heshiis la
galay Soomaalidii ku noolayd magaalada Cadan, waxanu
kula heshiiyey inay lacag yamani ah u dhiibaan marka
hore isaga oo uu ka qaado, si uu u geliyo bakaashka
iyo badeecadaha uu uga baahan yahay Yemen, ka dibna
uu lacagtaasi ku siiyo lacag-Soomaali, inta ay ku
noqoto, qoysaska iyo qaraabada dadkaasi ay wax u
dirayeen ee deggan Burco. Sidaasina waxa ku abuurmay
qaab-xawaaladeed kooban oo aan sugnayn.
Dagaalki sokeeye ee 1980-naadkii, Maxamad Siciid
Ducaale waxa kaga baaba’ay wax kasta oo uu haystey.
Waxayna ku kalliftay in uu lug kaga baxo magaalada
Burco, isaga iyo qoyskiisii, una baxaan dhinaca
miyiga, ka bacdina ay galaan xeryihii qaxootiga ee ku
yaalley Ethiopia. Halkaas, waxa uu arkay inay ku
jirto fursad weyn oo ganacsi oo laga faa’iidaysan
karo. Soomaalida qurbajoogta ahi waxay doonayeen inay
lacagayow u diraan qoysaskooda iyo qarabadooda ku
217
jirtey xeryahaasi qaxootiga, sidaas awgeed ayuu dib
uga bilaabay halkaasi ganacsigiisii oo hadda yeeshay
qaab kale oo xawaaladeed. Wiilka uu dhalay milkiilaha
aasaasay shirkaddaasi Dahabshiil, wiilkaasi oo haatan
ah Maamulaha Guud ee shirkadda, Cabdirashiid Ducaale,
ayaa iiga sheekeeyey sida dagaalladii ay u horseedeen
koboca soo-ifbixitaan ganacsi oo aan caadi ahayn:
In Kasta oo aan wax walba luminay oo ay nagaga
dhex baaba’een dagaalladii sokeeye, haddan
qaybtii debadda ee ganasigayaga xawaaladda
lacaguhu waxay noqotay mid kor u kacda, taasi oo
ka timid dagaalladii. Qaxootigii Soomaalida ayaa
ku kala baahay adduunka, haddii ay tahay Yurub,
Maraykanka, Australia, iyo Aasiya. Mar walba
waxay naga codsanayeen oo ay na weydiinayeen,
‘maxaad xafiis uga furi weydeen Sweden, Canada,
Soomaali fara badan ayaa joogta halkan?’, sidaasi
awgeed ayaa waxa ay noqotay in aannu aniguna ku
baahinno xafiisyadayadii adduunka oo dhan.17
Shirkadda Dahabshiil waxay si dhakhso ah u soo
jiidatey oo kale hey’adaha gargaarka iyo ururrada
kale ee caalamiga ah ee danaynayey inay hanti u
diraan meelaha fogfog ee adag ee Geeska Afrika,
kuwaasi oo u arkay adeegyadaasi xawaaladda ee
Dahabshiil inay yihiin adeegyo dhakhso badan, la isku
hallayn karo oo lagu kalsoonaan karo, oo aan
khidmaddoodu ahayn mid qaali ah. Xafiiska weyn ee
Dahabshiil ee magaalada Nairobi, waxan ku arkay hawl-
wadeenno ka socda Qaramada Midoobey oo halkaasi ka
diraya lacgayow aad u buuran, una diraya
barnaamijyada iyo mashaariicda ay ka wadaan Somalia.
Shirkaddu waxa kale oo ay adeegyo u fidisaa
mujtamacyada kale ee gobolka, oo ay ku jiraan
dadyowga reer Rwanda iyo Koonfurta Sudan, kuwaasi oo
iyagana ay saameeyeen dagaallo, si weyn oo baahsanna
u barabaxay.
Xarunta weyn ee maamulka Dahabshiil, oo ka kooban
dabaqyo badanina, waxay ku taallaa badhtamaha
magaalada Hargeisa, waxana ku hareeraysan meherado
kala nooc ah oo is dhex yaalla. Hareeraheeda, dumar
ayaa ku iibiya xidhmooyin qaad ah oo daray ah, oo ay
ku hayaan maqsinno iyo meherado yaryar. Qaar kalena
218
waxay ku haystaan maqaaxiyo lagu iibiyo shaah macaan,
oo ay fadhiistaan raggu saacado badan oo ay kaga dhex
doodaan arrimo siyaasadeed maqaaxiyahaasi yaryar ee
wax lag cuno, kuna fadhiyaan kuraas daxaleysatey,
boodhka dhexdiisa iyo hadhka sandaqado kookooban oo
jiingado yaryar ah. Wajahadda tooska ah ee
dhismahaasi Dahabshiil hortiisa, waxa tuban oo ku
yaal ‘baananka jidka’, oo ah sarriflayaal haya
khaanado shabag ah oo lacagayaw tuulani ka buuxaan,
lacagahaasi oo isugu jira noocyada shilin-soomaaliga,
doollarka maraykanka, iyo kuwa kale ee qalaad. Marka
ay rabaan sarriflayaashu inay qado tagaan, waxay
lacagtaasi kaga tagaan isla khaanadihii uun oo ay ku
qufulaan, kagana dhaqaaqaan sidaasi.
6 ‘Sarriflayaal’ Hargeysa (Mary Harper)
Marka aad gasho gudaha dhismahaasi Dahabshiil, waa
adduun gebi ahaan ka duwan wixii hore. Qolka weyn ee
kombuyuutarrada, waxa ka guuxaya mishiinno waaweyn oo
shaqaynaya, iyo nalal bigbiglaynaya, iyadoo
kombuyuutarradu ay lagacaha u kala dirayaan adduunka.
Dabaq kale, maqsinku waxa uu u kala qaybsan yahay
219
qaybo kala qaabilsan gobollada kala geddisan. Mid ka
mid ah qaybahaasi, ninka fadhiya oo qaabilsan gobolka
‘Aasiyada Koonfyreed’, waxa uu mashquul ku ahaa
dirista farriin qoraal ah oo uu u gudbinayey qof ku
sugan degaan fog oo ka tirsan miyiga Somaliland oo uu
ku ogeysiinayo in uu tago amma la xidhiidho laanta
ugu dhaw ee degaankiisa ee Dahabshiil, si uu uga
qaato lacag dhan $200, lacagtaasiu oo uu soo diray
qof qaraabadiisa ah oo jooga dalka Bangladesh. Muddo
daqiiqado ah gudahood ayaa lacgayowga lagu diri karaa
oo lagu xawilaa; shirkadduna waxay shaqaysaa afar-
iyo-labaatanka saacadood maalin kasta, toddobada
cishaba toddobaadkii, 365 maalmood sannadkii.
Xafiis kale, waxan kula kulmay oo i qaabilay nin si
fiican oo xarrago leh u lebbisan, oo xidhan suudh
madow, shaadh cad, iyo tay cagaaran oo ah astaanta
Dahabshiil. ‘Weligaa ma aragtay hal malyuun oo
doollar oo naqad ah?’ ayuu i weydiiyey. Ka bacdina
inta uu foorarsaday ayuu furay oo uu i tusay khasnad
lacagi ka buuxdo, waxanu soo saaray kolba xidhmo
lacag ah oo ka kooban doollar wada cusub oo waraaqo
ah,oo boqol-boqol dollar ah oo si adag iskugu
xidhxidhan. Xidhmo kasta waxay ka koobnayd kun-kun
doollar, amma $100,000 oo dollar; waxanu ka soo
saaray khasnaddii in ka badan toban xidhmo oo kale.
Noocyada lacagayowga kala duwan ee halkaasi lagu soo
bandhigay ayaa iyaguna ahaa wax aan caadi ahayn oo
aan la malayn Karin, taasi oo muujinaysey dhinacyada
run ahaantii caalamiga ah ee Soomaalida. Ka sakow
doollarka Maraykanka iyo shilinka Soomaaliland, waxa
kale oo halkaasi yaalley lacagayow ay ka mid yihiin
lacagta Euro-ga, Doollarka Australia, Giniga
Ingiriiska, lacagta Dirhamka ee Dubai, Shilinka
Kenya, Riyaalka Yemen, iyo noocyo kale oo badan.
Dabaqa hoose waxa tuban safaf dhaadheer oo isugu
jira rag ganacsato ah, dumar xidhan diricyo midabbo
badan, reer miyi leh timo dabiici ah oo aan soo
feedhan, oo gashan kabo sandhal ah iyo qamiisyo
dhaadheer, iyo dad reer Somaliland ah oo fasax ku
yimid Hargeisa, kana kala yimid Maraykanka iyo dalal
kale. Dhammaan dadkani waxay u yimaaddeen oo ay
220
halkan u joogaan inay diraan amma ka qaataan lacag.
Nin ka mid ah dadkaasi waxa hadda loo dhiibay oo uu
qaatay lacag dhan $140 doollar, lacagtaasi oo uu u
soo diray qof qaraabadiisa ah oo deggan xaafadda
Southall ee magaalada London. Haweenay meesha joogtey
waxay iyana lacag u diraysey qof saaxiibkeed ah oo
jooga Puntland. Nin kale waxa uu isna lacag ku
shubanayey koontadiisa uu ku leeyahay Dahabshiil.
Sharikadaha xawaaladaha qaar ee Soomaalida ayaa lagu
eedeeyey inay qayb ka qaataan oo ay sii huriyaan
colaadaha, iyada oo la sii mariyo lacagaha u socda ee
loo dirayo kooxaha dagaal-oogayaasha ah sida al-
Shabaab oo kale. Wax yar ka bacdi weerarkii 9/11 ee
lagu qaaday Maraykanka, dawladda Maraykanku waxay
albaabada u xidhay sharikaddii waqtigaasi ugu weyneyd
sharikadaha xawaaladda ee Soomaalida ee Barakaat, oo
ay ku eedaysay in sharikaddaasi ay hanti amma lacago
u gudbiso al-Qaacida. Tallaabadani waxay saamayn xun
ku yeelatay Soomaalidii ku tiirsanayd xawaaladdaasi
ee debadda looga soo diri jirey lacagaha, markii ay
istaageen ee la joojiyey masaariiftii ay heli jireen
ee noloshoodu ku xidhnayd.
Abdirashid Duale oo ka tirsan shirkadda Dahabshiil
waxa uu ku nuuxnuuxsanayaa in shirkaddoodu ay raacdo
oo ay ku dhaqanto xeerar aad u sugan oo ka yaal
rogrogga iyo xawilaadda aan sharciga ahayn ee
lacagaha xaaraanta ah, ilaalisana habab lagaga
hortago oo u dejisan, isla markaasina ay ka hubiso
macmiisheeda inayna magacyadoodu ku jirin liiska
caalamiga ah ee dadka looga shakisan yahay denbiyada
noocaasi ah, amma inay xubno ka yihiin ururrada la
mamnuucay. Waxanu yidhi:
Waxan ku dedaallaa in aan hubinno in macmiisha
isticmaalaya adeegyadayadu ay yihiin dadkii saxda
ahaa ee habboonaa; waxan ogaannaa haybtooda,
annaga oo raacaynna habka iyo dhaqanka Soomaalida
ee belaha iyo qofka qoladiisa. Waxa kale oo aan
hubinnaa macluumaadka iyo waraaqaha qofka lagu
aqoonsan karo. Waa in aannu dhawrnaa oo aannu
raacnaa xeerarka caalamiga ah. Annaga iyo
wakiilladayaduba waxannu ruqsad iyo ogolaansho ka
221
haysannaa hey’adaha caalamiga ah ee dejiya,
hubiyana ku-dhaqanka xeerarkani, oo ay ku jiraan
Waaxda Lacagaha ee Maraykanka (US Treasury
Department), Hey’adda Adeegyada Lacagaha ee
Ingiriiska (British Financial Services
Authority), Bangiga Dhexe ee Dubai (Dubai Central
Bank), iyo dhawr heyadood oo ka mid ah hey’adaha
lacagayowga ee Afrikaanka ah.
Horumarka sare ee ay sameeyeen sharikadaha waaweyn
ee xawaaladaha Soomaalidu wuxu dhinaca kale keenay
inay soo baxaan oo ay iyaguna horumar sameeyaan
qaybaha iyo sharikadaha kale ee dhaqaaluhu, sida ay
qortay mar kale Anna Lindley:’Qaybtani waxay si
dhakhso ah u soo biirisay oo ku ladhmay tiknoolojiyo
cusub oo gudbisa macluumaadka lacgayowga xawaaladaha
la dirayo, lana bixinayo, tiknoolojiyadaasi oo isugu
jira Raadyowyo lagu wada hadlo ilaa qalabka FAX-yada
lagu diro, telifoonnada moobiilka iyo kuwa satellite-
ka, email-lada, iyo borogaraamyada kale ee
kombuyuutarrada ee sharikaduhu u baahan yihiin si ay
u socodsiiyaan hawlahooda. Maalgelinta ballaadhan ee
ay sameeyeen xawaaladaha Somaalidu waxay gacan ka
geysatey isbedelka isgaadhsiinta Somalia.’18
Somalia waxay qaadday tallaabo weyn xagga
mustaqbalka isgaadhsiinta, waxayna dhaaftay dalal
badan oo ku yaal Afrika oo siyaasi ahaan ka deggan,
dhaqaale ahaanna ka horreeya. Sida Jamhuuriyadda
Diimoqoraaddiga ah ee Congo oo kale, oo lafteedu
lahayd xukuumad dhexe oo awoddeedu ay kooban tahay
sannadihii 1990-yadii, Somalia waxay si degdeg ah ula
qabsatay oo ka hirgalay telifoonnada gacanta ee
moobiilka, iyadoo dad badani ay iska dhaafeen gebi
ahaanba telifoonnadii caadiga ahaa ee dhulka ee la
soo gashan jirey. Ma aha wax iska dhacay oo sideeda
iskugu soo beegmay uun ‘isbedelka amma kacaanka xagga
isgaadhsiinta’ ee Somalia iyo isla waqtigii ay
burburaysay dawladnnimadii. Maqnaanshihii sharciyo
iyo nidaam dawli ah oo habeeya isgaadhsiinta oo
meesha ka baxay, waxay noqotay mid si weyn u
dhiirigelisa oo badhitaageerta horumarka degdegga ah
ee qaybtani ay samaysay. Looma baahan in la dalbado
oo la qaato wax ruqsad amma liisan ah oo lagu xidho
222
furashada sharikadahaasi. Waxana jirey oo kale suuq
xor ah. Magaalada Muqdishu, xilliyo ay burburayeen
kaabayaashii kale ee dhaqaalaha intooda badani, oo
jidadku ay baaba’ayeen dayactir la’aan awgeed,
madaafiicda iyo xabbaduhu ay burburiyeen
dhismayaashii, la bililiqaystay xadhkihii korantada
iyo dhuumihii biyaha oo go’ay, ayaa dhinaca kale waxa
soo baxay oo meel walba laga taagey magaalada
tiirarka dhaadheer ee anteenooyinka telifoonnada
moobiilka. Maamule ka tirsan Shirkadda Telesom ee
Somalia, oo la yidhaa Abdullahi Mohamed Hussein, ayaa
faahfaahiyey sida maqnaanshihii dawlad dhexe oo
meesha ka baxday ay u sahashay in la sameeyo shirkado
telifoon: ’Wasaaraddii boosaha iyo isgaadhsiinta ee
dawladdu, kelideed ayay qandaraas iyo monobooliyad ku
haysatey hawshan oo cidina kulama tartamayn. Laakiin
markii dawladdii la ridey ka bacdi, waxannu xor u
noqonnay oo aanu u madaxbannaanaanay in aannu abuurno
sharikadahayaga ganacsiga. Waxaannu aragnay in suuqii
uu ka bannaanaaday faraq-fursadeed weyni, waayo waxa
baab’ay dhammaan adeegyadii hore. Baahi weyn ayaa
jirtey.’19
Jiritaan la’aanta sharciyo xaddida ganacsigan, iyo
suuqa oo uu ka jiro tartan kululi, waxay keeneen in
Somalia ay ka mid noqoto dalalka Afrika ee leh
adeegyada ugu jaban xagga qiimaha ee telifoonnada
mobiilka, iyada oo sharikadaha isgaadhsiintu ay
sameeyaan adeegyo kala geddisan oo noocyo badan, oo u
suurtogelinaya macmiishooda telifoonnadu inay kula
hadli karaan ehelkooda jooga debadda qiime wax yar oo
qadder ah ka badan kan telifoonnada gudaha. Tayada
addeegyada telifoonnadu waa qaar fiican oo la isku
hallayn karo, waxanad si sahal ah ula xidhiidhi
kartaa meelo fogfog oo miyi ah Somalia, oo ka sahlan
sidii aad ula xidhiidhi lahyd xataa caasimadaha
waaweyn ee meelaha kale ee Afrika qaarkood. Waxa kale
oo jira noocyo badan oo kala geddisan madaxyada
telifoonnada gacanta ee moobiilka oo lagu iibiyo
Somalia, qaarkoodna waxay leeyihiin oo la gelin karaa
isla madaxii laba Sim-kaadh isla mar. Waxa laga helaa
oo kale madaxyo waaweyn oo u eg kuwa dhulka amma
xafiisyada iyo guryaha, laakiin ah runtii moobiillo
xoog badan oo lagu isticmaalo xafiisyada, guryaha iyo
223
goobaha kale ee joogtada ah. Dhaqan-afeedka xoogga
leh ee Soomaalida ayaa kaalin weyn ka qaatay
socodsiinta qaybtani isgaadhsiinta. Maqalka codka ee
afka-ka-hadalku waa mid muhiim ka ah Somalia, sidaasi
awgeedna waxa caan ah oo laga helaa ku-hadalka iyo
dhageysiga telifoonnada iyo raadyowyada. Qaar ka mid
ah asaxaabta iyo macaariiftayda Soomaaliyeed, waxad
mooddaa inay rabaan in cid kasta oo ka ag dhawiba ay
maqasho waxa ay ku hadlayaan iyo sheekadooda
telifoonnada ee labada dhinacba, marka ay telifoon
diraan ee ay cid kale la hadlayaan. Waxayna furaan
sameecadda telifoonka oo ay meel durugsan iska
dhigaan, kalana hadlaan qofka kale ee ku jira, iyaga
oo kor u qaylinaya. Sheekada iyo jawaabaha qofka
kalena waxa maqli kara oo la socon kara qof kasta oo
halkaasi ka ag dhaw.
Sannadihii dheeraa ee dagaalladu ay ka socdeen
Somalia, iyo barakacii ka dhashay oo Soomaalidii ay u
kala qaxday dhammaan dacallada adduunka, arrimahani
waxay keeneen baahida ah in la helo adeegyo muhim ah,
sida telifoonno dhakhso badan oo xoog leh, Internet
iyo xawaalado. Xiisadihii iyo dagaalladii ayaa noqday
xoog weyn oo socodsiiya qaybahani ganacsi.
Soomaaliduna waxay u baahan yihiin inay ku
xidhnaadaan adduunka iyaga oo adeegsanaya qaababkani
tiknoolojiyada elektaroonikada ah, si ay u
socodsiiyaan ganacsigooda, ula xidhiidhi karaan
asaxaabtooda iyo ehelkooda, iyo si ay ula socdaan
waxyaabaha ka dhacaya Somalia. Waxay si weyn ula
qabsan og yihiin oo ay isla markaaba baran karaan
adeegsiga tiknoolojiyadii ugu danbaysay ee casriga
ahayd, waxayna i tuseen sida xeel-dheerida ah iyo
dhammaan farsamooyinka loo isticmaalo Internetka iyo
telifoonnada moobillada.
Somaliland
Marka la soo qaado Somalia ee ay maskaxdooda ku soo
dhacdo dadka intiisa badan, waxay u maleeyaan guud
ahaan meel ay ka jiraan qas iyo xiisado aan lahayn
dhammaad, gaajo, budhcad-badeed, iyo dagaallo ku
xidhan oo al-Qaacida ay ku lug leedahay. Laakiin waxa
224
jirta arrin kale, sida uu u sharraxayo Mark Bradbury,
waxyaabihii uu ka qoray Somaliland, 2008-dii:
Somaliland oo ku taal dhinaca ugu shisheeya ee
waqooyi ee Geeska Afrika, waxay noqotay mid ka
mid ah xukuumadaha ugu deggan Geeska Afrika,
waxayna sannadka 2006 muujin kartaa oo ay ku
faani kartaa inay samaysatay dawlad dadweynuhu ay
soo doorteen, iyo nidaam sugan oo diimoqoraaddi
ah oo la tartami kara mid kasta oo kale oo ka
jira dalalka gobolka iyo dawladaha muslimka ah
intooda badan. Sidaas awgeed, Somaliland waxay
gooni ka ahaanaysaa oo ay ka baxsanaanaysaa
muuqaalka laga haysto qaybta gobolkan ee Afrika
ee ah meel ay wada aafeeyeen dagaallo, burbur iyo
cadaadis ijtimaaci ah, kuwaasi oo lala
xidhiidhinayey gobolkan ilaa 1990-yadii.20
Ali Mazrui, aqoonyahanka reer Tanzania, waxa uu isna
ku doodayaa inay haatan jiraan laba Soomaalyieed:
Ka dib markii Soomaaliyadii Waqooyi ay ka noqotay
midnnimadii sannaddii 1991, Geeska Afrika waxa uu
arkay oo ka soo baxday “ Arrin ah laba
Soomaaliyeed”. Soomaaliyada Muqdishu waxa ka sii
jirta xaalad ah qas iyo jahawareer nidaam-
la’aaneed, iyadoo Soomaaliyada Hargeisa ay sii
xoogeysanayso oo ay ka jirto xaalad ‘dhisme qaran
oo min hoos ilaa kor ah’, oo salka ku haysa hab-
dhaqanka, gudahana laga wado oo ka dhalatay.21
In aad isku marto ‘Labada Soomaaliyeed’ isla maalin
qudha, waxaad ka kasbanaysaa waayo-aragnnimo xiiso
leh. ‘Soomaaliyada Muqdishu’, ma aha meel aad ku
nasan karto oo la joogi karo; magaaladu waa meel kala
qaybsan oo ay ka buuxaan ciidammo milateri, oo
aagaggeega dagaalku ay mar kasta isbedelayaan. Dadka
rayidka ahi marnaba ma haystaan badbaado amma
nabadgelyo, xataa haddii ay tahay tii ay ka heli
lahaayeen ciidamada nabad-ilaalinta ee Ururka Midowga
Afrika oo ururrada xuquuqda aadamigu ay ku eedeeyaan
inay madaafiic culus ku garaacaan xaafadaha ay
dadweynuhu deggan yihiin. Waxaa si weyn u xaddidan
dhaqdhaqaaqa iyo isku socodka dadweynaha iyo sida ay
225
u dhaqmi karaan. Si xor ah uma socon karaan;
degaannada ay xukumaan ururrada islaamiyiinta ahina,
dumarku waxay ku khasban yihiin inay is-dedaan oo ay
xidhaan xijaab dhammaan jidhkooda saran,
caruurtooduna waxay halis ugu jiraan in al-Sahabaab
iyo miliishiyooyinka kale ay khasab ku qortaan.
‘Soomaaliyada Kale’ waa mid aad uga fog taas.
Sanaddii 2011, waxan diyaarad ka raacay magaalada
Muqdishu, waxanan tegey magaalada dekedda leh ee
Berbera ee Somaliland, waxan lugeeyey xeebta. Waxan
halkaas ku arkay dumar dhallinyaro ah oo baashaalaya,
kuna daansha-daanshoonaya badda, ku dabbaalanay
biyaha oo kolba dhinac isku qalaama-rogaya, lugaha
circa u saydhaya, qosol dhagdhagta haya, oo farxad la
qaylyaya. Waxay ka dhignayd sidii dheri biyo ka
karayaan oo daboolka laga qaaday oo kale. Dadka waxa
loo ogolaaday oo ay fursad u heleen inay neefsadaan
oo ay nafisaan, si xor ahna u dhaqmaan. Iyada oo ka
geddisan xaaladda ‘Soomaaliyada Muqdishu’, halkan ma
joogaan ciidammo nabad-ilaanineed oo ka tirsan Ururka
Midowga Afrika, waxa ka jirtey nabad iyo deganaansho.
Looma baahna in aad wadato ciidammmo hubaysan oo ku
ilaaliya. Dadka qudha ee aan arkay inay hubaysan
yihiin oo qoryo siteyna waxay ahaayeen askar ka
tirsan ciidammada nabadgelyada. Xaaladdan imiku, aad
ayay uga duwaneyd markii ka horraysay xilligan ee aan
booqday Somaliland oo ahayd badhtamihii 1990-kii.
Waqtigaasi, dhallinyarada intooda badani waxay wateen
hub, sidii waxay dareemayaan inay yihiin qof qaawan
oo kale haddii aanay sidan qori.
Intii danbe ee sannadihii 1980-aadkii iyo horraantii
1990-aadkii, Somaliland waxay hubaal ahaan ahayd
qaybta sida ugu weyn ee ugu ballaadhan loo burburiyey
dhulka Soomaalida. Marka la isku eego faraqa u
dhexeeya dalkaasi burbursanaa ee waqtigaasi iyo
xaaladda ka jirtey sannadkii 2011, waxay ahayd mid
aan guud ahaan la malayn karayn oo aan la rumaysan
Karin. Waxan fuulay oo aan is dul taagey buur
magaalada hoos loo eegi karo; waxa ka jirey
dhismayaal ilaa inta ishaydu ay qabatay dhinac kasta.
Jidadku waxay ahaayeen kuwa aad dareemayso ammaan iyo
badbaado; waxa jirtey saxmad waddada baabuurta, dad
226
riixaya karyoonayaal ka buuxa lacagta shilinka ah ee
Somaliland, dumar waxoogaa khudaar ah oo ay iib
geynayaan ku sida denbiillo amma sallado ka samaysan
caag, oo leh midabbo dhalaalaya – qof walba waxa uu u
muuqday inuu ku foofsanaa danihiisa iyo hawshiisa oo
uu qabsanayey. Waxa halkaas ka jira macraddo badan oo
ay yaallaan baabuurro duug ah amma hore loo
isticmaalay, qof samaystay tukaan ah laybareeri
buugaagta laga helo, iyo maqaaxiyo iyo huteello wax
laga cuno, waxna laga cabbo oo waddada ku yaal oo u
furan cid kasta oo reer Somaliland ah. Waxa jira
maqaaxiyo shaaha laga cabbo oo ay fadhiistaan dadkii
joogey halkaas ee ku hadhay ilaa xilliyadii
dagaallada, kuwii ka soo noqday Ethiopia, iyo kuwa ka
yimid meelo fogfog oo kale. Mid ka mid ah hudheellada
waxa inta badan yimaadda qurba-joogta reer Somaliland
ee deggan Canada, gudahana waxa loo yaqaan oo loogu
yeedhaa ‘reer Canada amma Kanadiyaankii’, mid kale
waxa loo yaqaannaa ‘reer Australia amma
Austraaliyaankii’, kuwa kalena ‘reer Sweden’, ‘reer
Denmark’, iyo ‘Ingiriis’. Waxa kale oo jira maqaaxiyo
ay gaar u leeyihiin dadka ka soo yaacay dagaallada
Muqdishu iyo meelaha kale ee Somalia.
Inta badan isbedelka ka jira Somaliland, waxa ugu
wacan dadka qurba-joogga ahaa ee debadda ka soo
noqonaya, kuwaasi oo la soo noqda aqoon, waayo-
aragnnimo xirfadeed, imkaaniyaad amma hanti
maalgelineed. Iyaga oo la soo noqday aragti ah inay
wax qabsan karaan, kuna dhiirran karaan, waxan ka
fikiray inay yihiin ‘Halyeyadii Somaliland’ ee
horseedayaasha u ahaa. Waxay gacan ka geystaan
socodsiinta dhaqaalaha, waxayna kaalin mudan ka
qaataan siyaasadda. Dawladdii la soo dooratay 2010-
kii, waxa lagu eedeeyaa inay si aad ah u tahay
‘ajanebi’, sababta oo ah mansabyo badan oo muhim ah
waxa la geeyey oo jooga dad ka yimid qurba-joogta.
Mid ka mid ah dadka ‘Halyeyada Somaliland’, waxa
weeye Abdulqadir Xaashi Cilmi, oo ah ganacsato
hudheel leh, oo ku soo noqday dalka, ka dib markii
sannado badan uu ka soo shaqeeyey sharikadaha
saliidda ee Kuwait. Waxa uu ka hadlay sida isaga iyo
saaxiibbadii ay ugu soo gurmadeen dawladdii
227
Somaliland, wax yar ka bacdi markii dalkaasi uu ku
dhawaaqay madaxbannaanidiisa:
Markii aan ku soo noqday Somaliland, qof walba
qori ayuu sittey. Dalku waxa uu ku jirey oo
marayey meeshii ugu hoosaysey. Waxa jirtey dawlad
magac ahaan uun u jirta, laakiin wax muuqda oo la
taaban karayaa ma jirin. Sida awgeed waxay
noqotay oo nala soo gudboonaatay in aannu wax
qabanno. Waxannu gacan ka geysanney dhismihii
ciidammada bileyska oo aannu bixinno
mushaharkoodii, u iibinno raashin iyo shidaalka
baabuurta. Waxannu sidoo kale ka yeellay
qaadiyada maxkamadaha, culimada diinta iyo
macallimiinta. Markii uu awodda xukunka qabtay
madaxweynihii labaad, Maxamad Ibraahim Cigaal,
sannaddii 1993-kii, ma jirin wax agab iyo waraaqo
ah oo yaalley xafiiskiisa, xattaa qalin ha
noqdee. Waxan ku noqday Kuwait, waxanan la
socodsiiyey asaxaabtaydii reer Somaliland ee
halkaasi joogey, in aanay jirin hal warqad ah
amma qalin ah oo yaalley miiskii madaxweynaha.
Laba toddobaad gudahood, ayaa waxannu ka soo
buuxinney qol ka mid ah qolalkii gurigeyga agab-
xafiiseed, kuwaasi oo aannu u soo dirnay
Madaxweyne Cigaal oo joogey magaalada Hargeysa.
‘Halyeyada Somaliland’, waxay mar walba ku
dedaalayaan inay ballaadhiyaan danahooda ganacsi,
iyaga oo isla markaana gacan ka geysanaya horumarinta
dalka. Abdulqaadir Xaashi Cilmi waxa uu i tusay sahan
qorshe oo ay dalbadeen isaga iyo koox kale oo
ganacsato ah oo ku saabsan waddo ay doonayaan inay
sameeyaan oo si toos ah uga baxda una kicitinta
dhinaca waqooyi ee magaalada Hargeisa ilaa iyo badda,
waddadaasi oo furaysa iskuna xidhaysa dhul fog oo ay
adkayd in la maro oo ka tirsan waddankaasi:
Dadka deggan gobolkaasi, waxa dhibaato ka
haysataa sidii ay ugu xidhmi lahaayeen qaybaha
kale ee Somaliland. Dhulku waa dhul masno ah oo
wax laga beeri karo, waxa ku dhaqan xoolo badan
oo nool, baddana waxa ka buuxa kalluun. Laakiin
dhulkaasi waa go’doon oo lama mari karo, oo waxa
228
ku yaal buuro adag oo dhibaato ku ah dadweynaha,
kana xannibaya inay soo raraan oo soo mariyaan
badeecdahoodii iyo waxyaabihii ay u iib geyn
lahaayen Hargeysa iyo magaalooyinka kale. Waxay
si weyn ugu baahan yihiin waddo ay wax soo
mariyaan. Ma sugi karno ilaa inta ay dawladdu ka
helayso dhaqaale ku filan oo ay ku samayso
waddadaas; lacagtu waa in ay annaga naga
timaaddaa. Marka aannu qorshaha sahanka
dhammaynno, waxannu la xidhiidhi doonnaa oo aannu
u tegi doonnaa dadweynaha gobolkaasi, waxanannu
ka codsan doonnaa inay ku deeqaan wax kasta oo
qaadhaan ah oo ay kari karaan inay ku soo
biiriyaan dhismaha jidkaasi. Ha noqoto hal
doollar, neef adhi ah, wax kasta. Kuwa Somaliland
aan aqoonsanayni, nama yaqaanaan. Somaliland way
jiraysaa, wayna soconaysaa oo sare ayay u
kacaysaa, haddii la na aqoonsado iyo haddii
kaleba. Faa’iidooyinka aqoonsi la’aantu ay noo
keentay waxa ka mid ah in aanu annagu isku
tashannay lafahayaga. Waxannu ka dhigannay diinka
guguurta oo kale. Waxan u gurguuranna oo aan u
soconna si gaabis ah, laakiin waannu naqaan halka
amma meesha aannu u soconno.
Mashruuc kaasi la mid ah, waxa haddaba laga
hirgeliyey magaalada Burco, halkaasi oo laga dhisay
biriij amma buundo ka tallowda doox weyn oo waqtiga
jiilaalkii ee uu madhan yahay dhexdiisa ay ka
muuqdaan hadhaagii baabuurta gaashaaman iyo kuwii
kale ee milateriga ee lagaga yaacay waqtiyadii
dagaalladii sokeeye oo daxalaystey; dooxaasi oo
laakiin waqtiga roobabka aad u soo rogamada oo ay soo
maraan daadad laxaad leh oo kala xidha magaalada,
qaadana xoolaha iyo dadka isku daya inay ka
tallaabaan. Biriijkaasi waxa lagu dhisay lacagayow ay
bixiyeen dadku, inta baddanna ay ku deeqeen
ganacsatada waaweyn, oo ay ku jirto Shirkadda
Xawaaladda ee Dahabshiil, iyo weliba dadweynaha
degaanka oo iyagu helayey ka-faa’iideysiga
dhismahaasi. Dadweynuhu waxay ku deeqeen wax kasta oo
ay helayeen – ha noqoto waqtigooda, xirfaddooda,
229
waxoogaa lacag ah oo Shilin-Somaliland ah, digaagad,
ri’ amm neef geel ah.
Huteelka Abdulqaadir Xaashi Elmi, waxa uu ahaa oo
kale meesha aan kula kulmay ‘Halyeyo’ dhawr ah oo
kale, dhallinyaro iyo waayeel intaba, dadkaasi oo ku
soo noqday Somaliland, kana soo kala noqday dalalka
Malaysia, Canada, Norway, Sweden, Britain amma
Ingiriiska, Khaliijka, iyo dalalka kale ee adduunka.
Waxa joogey dhallinyaro hangooda iyo hammigoodu badan
yahay oo si weyn wax u xiisaynaya oo xirfadda
kombuyuutarku si heer sare ah u kasbaday, lana
dhacsan fursadaha badan ee ganacsi ee ka jira
halkaas, lagana heli karo dalka. Waxa jirey qof
dhallinyaro ah oo aqoonyahan ah oo doonayey inuu
sameeyo urur khubaro ah oo la-taliyaal ah, iyo
injineer ka yimid Norway oo aqoon u leh saliidda
batroolka, una yimid in uu eego sida ay suurtogal u
tahay in la qodo saliid la soo saaro.
Galab ka mid ah galbaha, waxan la kulmay nin
Somaliland u dhashay laakiin haatan ah Kanadiyaan
‘Canadian’, oo magaciisa la yidhaa Abdillahi Farah.
Wuxu ii sheegay in uu isagu bilaabay beertii ugu
horraysay Somaliland ee nooceedu yahay ta l’oda lagu
xannaaneeyo, laguna dhaqo si caano iyo subag badan
looga helo (diary farm). Marka la eego degaankan oo
ah mid aad u qallalan, aan lahaynna daaq iyo nabaad
badan, waxan u sheegay in aanan hadalkiisaa
rumasanayn. Waxa uu ii soo jeediyey inuu i geeyo oo
uu i soo tuso beerta. Waxanannu ambabaxnay
aroornnimadii hore maalintii danbe, annaga oo xawli
sare ku soconna, sii maraynna oo ka gudbaynna dhul
aan sinnayn oo ciid ah, dhexda ku sii dhaafaynna
geel, dundumooyin iyo dhir-qodaxeed. Mar qudha, ayaa
sidii dhalanteed ka muuqda meel lama-degaan ah oo
kale, waxa naga soo hor baxay, dhul doog ah oo cagaar
la widhwidhaya. Waa ‘Dooxadii Doogga ahayd ee Beerta
Lo’da’, halkaasi oo Abdilahi Farah uu ku rakibay
qaabka iyo qalabka casriga ah ee beeraha lagu
waraabiyo, qaabkaasi oo awodsiiyey in uu beeri karo
noocyada kala duwan ee daaqa, caleen iyo raashin kala
duwan oo loo dhigo lo’da beerta lagu dhaqo, waxanu
midho iyo iniin tijaabo ah ka soo iibsaday Kenya iyo
230
Sudan. Nooca lo’da loo yaqaan Holstein ee midabkeedu
iskugu dhafan yahay madow iyo caddaan, oo kuula
ekaanaysa sidii waxay dhex tuban tahay beerihii daaqa
cagaaran ee Yurub oo kale, waxa uu ka keenay Ethiopia
oo dhulka la soo mariyey, waxanu lagu tallaalay oo
lagu mudey meni amma biyo laga keenay Maraykan.
Faransiiskana waxa looga keenay qalabkan casriga ah
ee farsamada sare ee yaalla dhismahan nadiifta ah ee
dhalaalaya ee lo’da lagaga lisso caanaha.
Markii aan weydiiyey Cabdillaahi oo aan isagu hore
ugu lahayn khibrad iyo waayo-aragnnimo xirfadda
beeraha halka iyo sida uu ku keenay fikraddan iyo
farsamadan qaabkan waraabinta dhulka, qodista
ceelasha, beerista iyo kaydinta raashinka lo’da ee
nafaqada leh, iyo samaynta beer-lo’aaddani, waxa uu
kaga kacay qosol, waxanu ii sheegay inuu inta badan
ka ogaadey, kana bartay Internet-ka. Jawaabtiisu
waxay u taagnayd oo ka muuqatey dareenka
halyeynnimada ee sida qayaxan caadada u ah reer
Somaliland. Waxa uu ii sheegay in fikraddan ah inuu
sameeyo beer-lo’aad ay markii ugu horraysay ku soo
dhacday markii aabbihii ay ku soo baxday cilladda
lafo-jajabka oo ka timaadda macdanta loo yaqaan
Calcium oo jidku waayo amma ka yaraata, cilladdaasi
oo ku badan Somaliland. Waxanu intaasi ku daray in
hammiga iyo ujeeddada weyn ee ku dhaqaajisay
hawshani, inay ahyd inuu wax ka hagaajiyo caafimaadka
dadweynaha dalka, oo uu u helo caano lo’aad. Waxa
kale oo suurtogal ah in Abdillahi Faarax uu
rajaynayey inuu lacag badan ka heli doono hawshan uu
u badheedhay ee beer-lo’aadda.
Qaar kale oo reer Somaliland ah, waxa suurtogal ah
in hammigooda iyo ujeeddadoodu ay u badan tahay in ay
ka imanaysa damiir banii’aadminnimo iyo dareen
baraarug oo ah inay mas’uuliyad iska saaraan wax-ka-
qabasho dhibaato dadweyne. Adan Ismail, oo ah
dhakhtar xagga cudurrada maskaxda iyo dhimirka ah, oo
ka shaqeeya dalka Canada, waxa uu u huraa waqitigiisa
muddo toddobaadyo ah inuu halkan yimaaddo sannad
kasta, oo uu lacag la’aan ku daaweeyo dadka maskaxda
amma dhimirka wax ka qaba ee jooga Somaliland, waayo
dalkan ma joogaan dhakhaatiir dabiibta canuunnada
231
maskaxda iyo dhimirka. Afadii hore ee uu qabi jirey
Madaxweyne Cigaal, Edna Adan Ismail, oo ah dhakhtarad
umuliso ah, waxay ka fadhiisatay shaqadeedii ay ka
haysey Qaramada Midoobey, waxayna Hargeysa ka
samaysay cusbitaal haweenku ku umulaan, halkaasi oo
ay weliba ku tababarto dhakhtarro iyo kalkaaliyayaal
caafimaad oo umulisooyin ah. Waxyna igu tidhi:
Waxan ku hammiyi jirey in aan dhiso cusbitaal
ilaa markii aan 11 jir ahaa. Mid waxan ka
bilaabay dhismihiisii magaalada Muqdishu, laakiin
waxa la burburiyey markii dagaalladu ay qarxeen.
Markii aan gaadhay da’dii hawlgabka ee shaqada
laga fadhiisanayey, ayaa waxan goostay in aan mar
kale isku dayo dhisme cusbitaal oo markan aan ka
sameeyo dalkayga hooyo ee Somaliland. Waxa la i
siiyey dhul aad u ballaadhan oo ahaan jirey
xabaalo iyo qashin-qub, markii danbena meel wax
lagu laayo oo lagu toogto dadka dilka lagu
fulinayo ee maxaabiista siyaasadda. Dadku aad
ayay u necbaayeen oo ay u karhi jireen goobtan,
laakiin immika way jecel yihiin. Lacagtaydii xaqa
iyo gunnada hawlgabka iyo hantidaydii kale ayaan
ku kharash-gareeyey dhismihii cusbitaalkan,
halkii aan meel kale degi lahaa ee aan iska
ciyaari lahaa turub ilaa inta aan ku dawakhayo.
Iyada oo ay socdaan dhammaan mashaariicdan gaarka
ahi, dawladda Somaliland waa mid kooban oo taag
daran. Sabatuna waa dalkani oo aan haysan aqoonsi
caalami ah. Ma heli karo deyn debadeed oo buuran oo
uu ku bixiyo kaabayaasha dhaqaalaha iyo qaybaha kale
ee horumarinta. Dhibaatadanna waxay madluun ka
dhigtay, oo warwar ku haysaa Madaxweynaha, Ahmed
Siilaanyo, oo yidhi:
Waxannu u baahannahay aqoonsi dibadeed, waayo waa
sida qudha ee aannu xubin buuxa uga noqon karno
mujtamaca amma duwalka caalamka. Kama qaybgeli
karno shirarka ay soo abaabulaan ee ay qabanayaan
Qaramada Midoobey iyo ururrada kale. Kama
faa’iidaysan karo barnaamijyada iyo mashaariicda
Baanka Adduunka iyo hey’adaha kale ee caalamiga
ah. Wax badan ayaa nagu seega aqoonsi la’aanta.
232
Samir badan ayaannu arrintani u yeelannay,
waxanan rajeynayaa in aannu u aayi doonno
samirkaasi oo aanu abaalkiisa heli doonno. Haddii
aannu helno aqoonsi caalami ah inta aan anigu
madaxweynaha ahay, waxannu samayn doonnaa
dabbaldeggii ugu weynaa ee weligii soo mara
adduunka.
Reer Somaliland waxay u muuqdaan inay aad uga roon
yihiin oo ay ugu badinayso ka maqnaanshaha shirarka
caalamiga ah, amma haddii si kale loo dhigo, inay u
aayeen oo ay u fiican tahay inayna ka mid noqon
hababka ku tiirsan mucaawanada. Waxay ka midaysan
yihiin, sida weyn ee ay ugu dhegan yihiin , una
doonayaan inay helaan aqoonsi caalami ah. raallina
kuma aha inay sidan ku sii jiraan, ka sakow
carqaladaha badan ee ka hortaagan, oo ay sii ahaadaan
mujtamac shaqaynaya oo ka jira dal aan la qoonsanayn.
Waa wax suurtogal ah haddaii la aqoonsan lahaa, in
Somaliland ay ka bilaabanto kala daadsanaan oo hanti
lagu khasaariyo waxyaabo dheeraad ah oo magaca
dawladnnimo amma qarannimadu ay la imanayso oo ku
ladhan. Tusaale ahaan, waxa laga yaabaa inay damcaan
inay safaarad weyn ka furtaan meel ka mid degaannada
bilicdasan ee heerka sare ah, ee qaaliga ah ee
magaalada London, halka imika uu ka yahay maqsin
qudha oo ku dhex yaal suuq aan bilic lahayn oo ka
tirsan xaafad gabowdey oo ka mid ah xaafadaha Bariga
London. Mark Bradbury, buuggiisa uu ka qoray
Somaliland, waxa uu ku sheegayaa inay jiri karaan
dhinacyo badan oo laga eegi karo doodda ku saabsan
bal in Somaliland ay wax ka taransan lahayd iyo in
kale, mucaawanooyin dheeraad ah oo debadeed oo ay
hesho:
Sababta oo ah faragelinta xagga milateri iyo tan
banii'aadminnimo ee Koonfurta ee natiijada xumi
ka timid, waxa timid dood odhanaysa in Somaliland
ay u ayday oo ka faa'iidaysatay inay ahaato mid
bannaanka ka joogta oo 'ka madaxbannaan ku-
xidhnaansho mucaawano'. Dood taasi ka duwan ayaa
iman karta, oo ah in mujtamaca caalamiga ah ay
seegtay fursadda ah in uu ka shidaal qaato habka
muwaafaqada amma heshiiska siyaasadeed ee
233
Somaliland ee xoojinta mabaadi'da maamul-
wanaagga. Haddii heerka kooban ee caalamiga ah
amma mucaawanooyinka xaddidan ee loo fidiyo
somaliland ay dib u dhigeen dib-u-soo-kaabashadii
muuqan lahayd ee xagga dhaqaalaha iyo siyaasadda
ee dalkaasi, markaasi waxa la odhan karaa dhinaca
kale inay ku kacday qiime amma la timid saamayn
banii'aadminnimo. Mana aha wax sahlan oo
suurtogal ah in si sugan loo xisaabiyo
saamayntaasi. Haddana maqnaanshaha faragelin weyn
oo debadeed waxay keentay in siyaasadda guduhu ay
hoos ka soo dhisanto, iyada oo aanay hageyn
saamayn ka timaadda imkaaniyaad, amma taageero
iyo ajandooyin debadadeed.22
waxa jira sabab Somaliland qiil uga dhiganayso inay
xaq u leedahay madaxbannaani. Sida uu qabo xeerka
Ururka Midowga Afrika, xuduudaha dalaku waa inay ku
ekaadaan xuduudihii ay lahaayeen ee loo qeexay
waqtigii ay gobannimada qaateen ee ay madax
bannaanadeen. Maxmiyaddii hore ee Ingiriiska ee
Somaliland waxay dhawr maalmood ahayd dal
madaxbannaan oo leh xuduudo gooniya oo sugan, ka hor
intii aanay la midoobin dalkii loo yaqaanney Somalia
italiana ee Koonfurta oo ahayd mustacmarad Talyaani.
Hasse ahaatee waxa carqalad weyn oo aan la dhaafi
karin ku noqotay mawqifka Dawladda Ku-meel-gaadhka ah
ee Muqdishu oo si aan leexleexad lahayn uga horjeedda
madaxbannaanida Somaliland. Dawladaha ajanebigu waxay
beryahan danbe wax ka bedeleen mawqifkoodii hore ay
ugu dhegganaan jireen ee ku aaddanaa Somaliland.
Maraykanku waxa uu ku dhawaaqay sanadkii 2010 inuu
taageero dheeraad ah siinayo dalkaasi. Ingiriiska
ayaa isna bedeley mawqifkiisii amma sidii uu ula
macaamilayey. Inta badan dalalka aduunku waxay ku
doodaan in uu yahay Ururka Midowga Afrika kan ay la
gudboon tahay in uu go'aan ka gaadho waxa laga
yeelayo Somaliland ee arrinteedu ay noqonayso. Marka
loo eego awod-darrida iyo guud ahaan inta badan wax-
ku-ool la'aanta ururkaasi, lagama yaabo dadweynaha
Somaliland inay beryahaasi arkaan wax isbedel ah oo
dhakhso ah oo ku yimaad sida ay haatan yihiin amma
xaaladda ay ku sugan yihiin.
234
Sabata ay dad sidaas u badan oo reer Somaliland ah
oo qurba-jooga ahaa ay ugu noqonayeen dhulkoodii, una
awodeen inay ku dhiiradaan bilaabidda mashariic xiiso
leh oo lafahooda iyo guud ahaanba dalka ay wax ugu
qabanayaan, waxa weeye in ilaa 1991-kii ay Somaliland
dib u dhisaysey dhaqaalaheeda, mujtamaceeda, iyo
dawladdeedaba, taasi oo ka duwan xaaladaha ka jirey
Somalia. Dib-u-dhiskani waxay u samaynaysay oo uu u
socda si gaabis ah oo qun-yar-socod ah, kuna salaysan
habkooda iyo qaabkooda, si xeelad ahna looga guurayey
nidaamkii siyaasadeed ee ku dhisnaa qaab-beeleedka,
loona gudbayey qaab ugu danbayntii ah hab
diimoqoraadi ah oo soomaaliyeed oo ku dhisan axsaab
badan. Sababta oo ah in aan Somaliland debadda
lagaga keenin qaababka reer-Galbeedka ee nabadaynta
iyo dib-u-dhiska, Somaliland waxay siyaabo badan uga
badbaaddey waxa ku dhacay ee ay ku danbeysey Somalia.
Waayo-aragnnimada tusaale ee Somaliland waxay
muujisay oo ay soo bandhigtay in haddii dadka loo
dhaafo inay iyagu maamushaan arrimahooda, in
Soomaalidu ay awod u leedaay inay samysantaan qaran
dawli ah oo isagu isku tiirsan oo iskii wax u qabsan
kara.
Ka bacdi markii Somaliland ay ka goosatay Somalia,
18-kii bishii May ee 1991-kii, taasi oo sabab u
noqotay inay ka sabata baxdo fargelin debadeed, dadka
reer-Somaliland waxay dib ugu noqdeen oo ay hoos ugu
dhaadheceen dhaqankoodii, iyaga oo dhisay nidaam
bilawgii ku qotomey siyaasad hab-beeleed iyo
qaddarinta hoggaanka iyo talada odayaasha, laakiin
marba marka ka danbaysa la sii waafajinayo oo la isla
qabadsiinayo qaababka casriga ah ee siyaasadda. Waxa
la qabtay shirar badan oo is-xigxigey oo ay yeesheen
beeluhu, shirarkaasi oo ergooyinku ka kala socdey
dhammaan qaybaha mujtamacaasi ay ka doodeen, kana
wada tashadeen, qaab-siyaasadeedka la qaadanayo, iyo
sida loo qaybsanayo awodda xukunka. Iyadoo ka duwan
'shirarkii dib-u-heshiinta' ee faraha badnaa ee
debadaha laga soo abaabulay ee loo qabtay Somalia
laga soo bilaao 1991-kii, kuwan Somaliland ee hoos
iyo gudaha ka soo asaasmay ee cidda qabsatay iyo
cidda loo qabtay ay soomaali ahaayeen, waxa ka soo
baxay hab lagu dhaqmi karo oo wax-ku-ool ah oo
235
cuntama, ficil ahaanna runtii shaqaynaya oo la
dabbiqi karo. Shirarkaasi siyaaasadeed ee Somaliland
waxay iskugu soo biyo shubteen aakhirkii,
shirweynihii magaalada Borama sanadkii 1993, kaasi oo
socdey muddo afar bilood ah, kuna dhammaaday
magacaabidda madaxweynihii labaad ee Somaliland,
uguna xilli dheeraa, Mohamed Ibrahim Egal. Mark
Bradbury waxa uu qabaa in ahmiyadda shirkaasi
saamayntiisu aanay ku ekayn oo qudha xuduudaha
Somaliland, laakiin ay aad uga durugsan tahay: '
Shiiirweynihii Borama ee 1993 ma koobayn astaynta
xaaladaha siyaasadeed ee Somaliland oo qudha,
laakiin waxa kale oo uu tusaale u ahaa hab
nabadayneed oo dadweyne oo dhaqan ah oo gudaha ka soo
asaasma, qaabkaasi oo wax u dhigmaa ay ku yar yihiin
Afrikada maanta.23
Bradbbury waxa uu ku doodayaa in tiirka aasaasiga u
ah guulaysiga Somaliland uu yahay in dawladnnimadu
ay ka soo bilaabantay aasaaska hoose ee mujtamaca
amma dadweynaha, taasi oo si weyn uga geddisan qaabka
Somalia ay ku socotey: ' Haddii aynnu dib u xusno
sifihii ay Virginia Luling ka bixisay Somalia 1980-
yadii, ee ay ku tilmaantay " dawlad ka dul laallaadda
dadweyne aan weligood dhisan lahayn dawlad noocaas
ah, amma aan dalban lahayn iyada oo kale oo aan ku
iman rabitaankooda", haddii sifahaasi la barbardhigo
oo loo eego , tan Somaliland waxay u muuqanaysaa mid
ku dhisan, kana timid dadweynaha, ee aanay ahayn mid
dusha lagaga keenay."24
Waxa loo dejiyey Somaliland nidaam dawli ah oo
iskugu dhafan noocyo kala duwan. Waxa la isku milay
oo uu iskugu jiraa qaababka dawliga ah ee reer-
Galbeedka iyo kuwa dhaqanka ee arrimaha ijtimaaciga
iyo siyaasadda. Tani waxay ka muuqataa oo laga dhex
arki karaa hey’addaha sharci-dejinta amma golayaasha
Somaliland oo iskugu jira qaababka dhaqanka iyo kuwa
casriga ah. Golaha Guurtidu waxa uu ka kooban yahay
Odayaasha beelaha, halka aqalka baarlamaanka amma
golaha wakiilladu uu ka kooban yahay mudanayaal la
soo doorto. Is-waafajinta qaababkani dhaqanka
Soomaalida ee golaha odayaasha ee loo yaqaan Guurtida
236
ee lagu daray qaabkii dawliga ahaa, lana siiyey
golahaasi guurtida kaalin cad oo hawlaha iyo
mas’uuliyaadka ay gudanayaan, kuwaasi oo ay ku jirto
xallinta khilaafaadka gudaha, arrimahani waxay u
suurtogeliyeen in Somaliland ay ka faa’iidaysato oo
ay adeegsato qaababkii hore u jirey ee dhaqanka ee
is-maamulka, oo aanay iska indha-tirin amma burinin
habakaas. Golaha Guurtida ee lagu soo daray nidaamkii
siyaasiga ahaa, waxay suurtogelisay in si wax-ku-ool
ah oo cuntanta loo adeegsado odayaasha ugu mudan
mujtamaca ee laga danbeeyo, lana maqlo talooyinkooda
waayo-aranimo ee xallinta khilaafaadka. Tani waxay ka
mid tahay sababaha keenay in aanay khilaafaadkii
faraha badnaa ee gudaha ee dalkaasi inta badan aanay
isku rogin, amma ay far-ku-tiris ahaayeen, dagaallo
buuxa oo dhex mara beelaha. Haddana golaha guurtida
ee mudanka odayaashaa dadweynaha ee lagu soo daray
nidaamkii dawliga ahaa, waxa kale oo si sugan loo
habeeye in qaabka siyaasiga ahi uu matilo oo ay ka
dhex muuqdaan beelaha dalkaasi. Aasaasi ahaanna,
habka dawliga ahi waa isbahaysi awod-qaybsi oo ka
kooban beelaha waaweyn ee dalkaasi, iyada oo beeluhu
ay kuraas amma wakiillo ay ku leeyihiin aqalka sare
iyo kan hoose labadaba, kuraastaasi oo tiradoodu ku
salaysan tahay qorshe amma qaab hore loo dejiyey oo
loo cayimay.
Si haddaba qaabkaasi isku-jirka ah ee Somaliland uu
u hirgalo, una xuubsiibto nidaam dawli ah oo loo dhan
yahay laguna wada jiro, tani waxay u baahatay in la
helo hoggaan adag oo isku kalsoon. Tani waxa aad
loogu sii baahday gaar ahaan xilliyadii hore ee ay
jilicsanayd ee halistu ay jirtey, markii Somaliland
ay bilawga ahayd ee ay iskeed ugu dhawaaqday
jamhuuriyad socod-barad ah, Somalia oo si weyn liddi
ugu ahyd gooni-u-goosashada Somaliland-na ay ka
holcayeen dagaallo sokeeye.
Ninka haddaba yeeshay geesinnimadii uu ugu badheedhi
lahaa in uu hoggaamiyo Somaliland sannadihii ay
dhallaanka ahayd ee ay debecsanayd waxa uu noqday
madaxweyne Mohamed Ibrahim Egal oo ahaa siyaasi leh
waayo-aragnnimo iyo heybad shakhsiyadeed, oo
waqtigaas looga baahnaa oo muhim u ahaa si Somaliland
237
ay u sii jirto oo ay u hanaqaaddo. Waxa uu yaqaanney
sida looga hortago ee la iskaga caabbiyo kuwa iska ka
soo horjeeda ee dhallila ee debadda iyo gudahaba.
Waxa uu ka badbaadi karayey siyaasadihii Soomaalida
ee qasnaa, isagoo hore u soo kala qabtay mansabyo
siyaasadeed oo sarsare, oo ay ku jirto ra’iisal-
wasaare, iyo isagoo waqti badan ku jirey xabsiga
xilligii xukunkii Mohamed Siyaad Barre. Waxa uu ahaa
nin xariif ah oo xeelado badan, toos ah oo aan u
habran cidna, oo hadallo iyo kaftan qayaxan. Ma ahayn
nin u dhaqma hadba sida laga filayo ee ay tahay
munaasabadda lagu jiraa. Mar aan la kulmay sannaddii
1994 oo lagu jirey xilliyo gaar ahaan adag, oo
miliishiyooyin ka soo horjeedaa ay joogeen agagaarka
magaalo-madaxda, dagaallo qabaa’ilna ay ka socdeen
qaybo ka tirsan Somaliland, waxa uu u dhaqmayey sidii
nin aan waxaasba danaynayn oo aanay damqayn, una
muuqda in isku-kalsoonidiisa oo qudhihi ay ku filan
tahay cadowgiisa oo meesha ka baxa.
Cigaal waxa uu joogey muddo ku filan in uu soo saaro
Somaliland, dadweynaheedana ku beero isku-kalsooni ah
inay iyagu wax qabsan karaan oo ay istaagi karaan.
Markii uu dhintay 2002-dii, Somaliland waxay jirtey
11 sano, waxayna muddadaasi noqotay dal iskii wax u
qabsan kara oo isku tiirsan, iyada oo dib ay ugu soo
noqdeen boqollaal kun oo qaxooti ahaa oo ka yaacay
dagaalladii 1980-maadkii, haatanna dib ugu soo noqday
si ay u helaan nolol fiican.
Habkii loogu gudbayey madaxtooyo cusub waxa uu ahaa
mid si caadi oo aan dhib lahayn u dhacay, sababta oo
ah in marka horeba uu jirey qaab hore loo dejiyey oo
ku saabsanaa qofka xilka qabanaya ee loo magacaabi
karo, go’aankaasi oo ka mid ah awodaha waaweyn ee la
siiyey aqalka sare ee Golaha Guurtida.
Markii loo magacaabay Dahir Riyaale Kaahin
madaxweynannimada, dalku wuxu galay marxaladdii
labaad xagga horumarka siyaasadda, waxana si caadi ah
loogu gudbay hab xaddidan oo ku dhisan nidaamka
diimoqoraadiyadda axsaabta badan. Somaliland waxay
dabbaqday oo ay u gurguuranaysay sida ‘diinka’ oo
kale, si ay u gaadho nidaam siyaasadeed oo loo dhan
238
yahay, waxayna u socotay si tartiib-tartiib ah,
laakiin ay hubto halka ay u socoto. Laba iyo tobankii
sano ee ugu horreeyey intii ay jirtey Somaliland,
gebi ahaanba ma jirin wax axsaab ah oo siyaasadeed.
Ka dibna, si looga hortago ururro siyaasadeed oo ku
abtirsada beelo dabadana ku haya dano qabaa’il, waxa
la xaddidey tirada axsaabta oo lagu koobay saddex;
kuwaasi oo kala ahaa Kulmiye, Ururka Diimoqoraadiga
ah ee Ummadaha Bahoobey (UDUB), iyo Ururka
Caddaaladda iyo Daryeelka Dadweynaha (UCIDD).
Dastuurka dalkaasi waxa uu ka mamnuucayaa axsaabtu
inay ku dhisnaadaan qabyaalad amma gobolaysi. Markii
la gaadhay sanaddii 2011, waxa socdey doodo ku
saabsan in la sameeyo hab kordhinaya ka wada
qaybgalka siyaasadda. Qaabkani waxa uu dhinacyo badan
kala mid yahay kii Uganda oo kale, oo madaxweyne
Yuweri Museveni oo markii ugu horraysay ku bilaabay
inuu soo rogo hab aan sidiisaba ku dhisnayn wax
axsaab ah, kaasi oo markii danbe la ogolaaday in uu
si tartiib-tartiib ah iskugu bedeley oo looga gudbo
nidaamka dimoqoraaddiyada ee axsaabta badan, iyada oo
dalkaasi uu ka soo baxayey sannado badan oo ay ka
jireen khilaafyo iyo naxariisdarro siyaasadeed.
Tijaabadan Uganda waxay ahayd mid bilawgii si fiican
loogu guulaystay, laakiin markii danbe kharribantay,
markii uu Museveni xukunka ku sii dhegganaaday.
Dawladda Somaliland, mararka qaar ururrada xuquuqda
aadamigu waxay ku eedeyn jireyn dulqaad la’aan iyo
inay ku kacayso wax-cadaadin. Bishii July ee 2007-
dii, waxa la qabqabtay madaxdii urur siyaasadeed oo
marakaasi samaysmay, ururkaasi oo la odhan jirey
Qaran. Waxana wasaaradda arrimaha guduhu ay ku
eedaysay inay khatar gelinayaan nabadgelyada qaranka.
Saddex ka mid ah madaxdii ururka Qaran ayaa markii
danbe la xidhay iyada oo aan maxkamad la geyn.
Doorashadii madaxweynennimada ee bishii April 2003,
Dahir Riyaale Kaahin waxa uu ku helay aqlabiyad aad u
yar oo ahayd siddeetan cod oo qudha oo uu dheeraaday
qofkii ugu weynaa dadkii isaga la tartamayey, oo ahaa
musharraxii ka socdey xisbiga Kulmiye. In kasta oo ay
jireen eedaymo ku saabsan musumaasuq iyo falal wax-
239
isweydaarin ah, haddana Somaliland kama dhicin qas
iyo dhiig daataa. Riyaale waxa uu sii ahaaday
madaxweynihii dalka xilli labaad. Doodo kulul ayaa ka
dhacay baarlamaanka, mararka qaarna gacan-ka-hadal.
Laakiin hadda Somaliland waxay awoddey inay daboolka
ku hayso oo ay halkaa ku ekaadaan khilaafyada
siyaasadeed, taasi oo macnaheedu noqon karo in ay soo
baxayso oo looga gudbayo diimoqoraadiyad caafimaad
qabta oo xoog leh, oo afkaarta kala geddisan
macnaheedu aanay ahayn inay isku rogaan dagaal gacan-
ka-hadal ah.
Waxa jirey xilliyo ay taagnaayeen xiisado waaweyn oo
siyaasadeed, laga soo bilaabo sannaddii 2008-dii ilaa
2010-kii, markii doorashooyinkii la filayey ay kolba
dib u sii dhaceen, sababta oo ahayd dhibaatooyin la
xidhiidhey liiskii diiwaangelinta cod-bixiyayaasha
iyo arrimo kale oo murugsanaa. Markii aakhirkii ay
suurtowdey in la qabto doorashadii sanadkii 2010-kii,
dadweynaha waxa ka go’naa inay dhiibtaan codkooda,
waxayna galeen safaf dhaadheer oo ay tubnaayeen
milicda saacado badan, iyaga oo aan waxba ka soo
qaadin oo iska indhatiray hanjaabadihii iyo
digniintii ururka al-Shabaab ee ahaa in aan loo soo
bixin oo aan laga qayb geli doorashooyinkaasi.
Hoggaamiyihii xisbiga mucaaradka ah ee Kulmiye ayaa
doorashadaasi ku helay aqlabiyad kooban. Iyada oo ka
geddisan sida ay yeeleen hoggaamiyayaashii dalal kale
oo Afrikaan ah oo ka horumarsan Somaliland, lehna
nidaamyo diimoqoraddi ah, sida Ivory Coast, Zimbabwe
iyo Kenya, madaxweynihii waqtigaasi waxa uu aqbalay
natiijadii ka soo baxday doorashadaasi, waxanu
awoddii xukunka ku wareejiyey Ahmed Mohamed Siilaanyo
oo noqday madaxweynihii afraad ee dalkaasi muudadii
labaatanka sano ahayd ee Somaliland ay jirtey.
Somaliland ma aha meel aan lahayn mashaakilkeeda.
Gobollada Sool, Sanaag iyo Cayn ayaa ah kuwa uu ka
jiro khilaaf ka dhexeeya Puntland, mararna ay ka
dhacaan dagaallo goosgoos oo dhex mara labada dhinac.
Waxa kale oo gobolladaasi ka jirta kooxda mucaaradka
ah ee SSC, kuwaasi oo u dagaallamaya sidii
gobolladaasi ay dib ula midayn lahaayen Somalia.
Somaliland waxa kale oo wax ka soo gaadheen
240
dagaallada ay wadaan kooxaha Islaamiyiintu.
Hoggaamiyaha al-Shabaab, Ahmed Abdi Godane, waa nin
reer Somaliland ah. Hey’adaha nabad-sugidduna waxay
sheegaan inay jiraan xubno qarsoon oo ka tirsan
taageerayaasha al-Shabaab oo ku dhex dhuumanaya dalka
dhexdiisa. Bishii October ee 2008, al-Shabaab waxay
magaalada Hargeysa ka dhex fulisay sadderx qarax oo
ismiidaamin ahaa oo ay mar ku wada qaadday qasriga
madaxtooyada, xarumaha Barnaamujka Horumarinta ee
Qaramada Midoobey (UNDP), iyo xafiiskii ilaalinta
danaha Ethiopia. Isla markaasi waxay ka dhex fulisay
Puntland laba weerar. Waxa ku dhintay weerarradaasi
oo lagu diley dad ilaa soddon qof ah.
Sarkaal sare oo ka tirsan waaxda nabadgelyada ee
Somaliland waxa uu ii sheegay in bileyska iyo
milateriga dalku ay yihiin kuwa taag daran oo aan wax
ka qaban karayn khataraha waaweyn ee ku iman kara
nabadgelyada. Waxa uu sheegay in ciidamada
nabadgelyadu ay yihiin kuwa la lumiyey oo musuqmaasuq
kharribey: ‘sharciga halkan ka shaqeeyaa waa konton
doollar oo Maraykan ah’, ayuu yidhi. Hargeisa waxa uu
ku tilmaamay inay tahay ‘albaabka loo sii maro
Muqdishu’, waxanu intaasi ku daray in Islaamiyiinta
xagjirka ah qaarkood ay ka soo galaan gobolka dhinaca
Somaliland oo ay marin ka dhigtaan, halkaasi oo aan
inta badan laga yaabin in laga shakiyo. Dhibaato kale
oo sarkaalkaasi ii sheegay waxa weeye in Somaliland
ay haatan ku sugan yihiin dhallinyaro Soomaaliyeed oo
mashaakil kala kulmay xagga sharci, gaar ahaan
mukhaadaraadka amma maandooriyayaasha, dalalkii ay
joogi jireen ee Ingiriiska, Holland, Denmark, iyo
dalalka kale ee Yurub. Waxa uu yidhi dhallinyaraasi
waxay ku dhex milmeen ddweynihii halkan ee gudaha,
iyaga oo la yimid falal-denbiyeedyo ay dalka soo
geliyaan.
Arrinta ah jiritaanka ‘laba Soomaaliyeed’ waxay
keenaysaa su’aalo muhiim ah oo la isweydiiyo. Maxay
ku dhacday in in ka badan labaatan sano ka bacdi, in
Qaramada Midoobey iyo dawladaha ugu awodda badan
adduunku ay weli sii wadaan inay siiyaan hanti,
aqoonsi, iyo taageeraba dawladda ‘dhexe’ ee Muqdishu
oo mararka qaar maamulkeedu aanu dhaafsiisnayn wax
ka baxsan dhawr degmo oo ka tirsan magaalo-madaxda,
241
weligeedna aan wada gaadhin Somalia oo dhan? Maxay
uga gaabiyeen inay ka shidaal qaataan tusaalaha iyo
waayo-aragnnimada Somaliland, oo ay u garan waayeen
in, halka la samaynayo faragelin debadeed oo fara
badan, in malaha ay habboon tahay in la yareeyo, oo
sidaasi ay tahay sida loogu qaatey?
7 Dumar ka tirsan booliska Somaliland (Mary Harper)
Iyada oo imika Ingiriiska iyo Maraykanu ay siinayaan
Somaliland iyo gobollada kale ee deggan ee
Soomaaliyeed taageero dheeraad ah, waxa iman karta
khatar kale oo soo biirta oo ah in laga yaabo in
lacagayowga la geynayo dhulalkaasi ay keenaan
dhibaatooyin kale.
Somaliland waxa qarqiyey oo ka buuxa hey’adaha aan
dawliga ahayn (NGOs). Markii aan baabuur ku dhex
maray magaalada Hargeisa, calaamadaha iyo boodhdhka
aan arkay waxay u badnaayeen, marka laga reebo
xayeysiisyada sharikadaha isgaadhsiinta iyo
242
kambaniyada telifoonnada gacanta ee moobiillada,
boodhadka shaacinaya magacyada hey’adaha aan dawliga
ahayn ee gudaha (NGOs) iyo kuwa caalamiga ah, iyo
hey’adaha Jamciyadda Qaruumaha ka dhaxaysa ee jooga
dalka. Waxan qoray liis koobaya magacyada aan ku
arkay laba jid amma waddo oo qudha: Action Against
Poverty, Somaliland Youth Peer Education Group,
Handicap International, UNESCO, Mercy Corps, FAO,
UNDP … Markii aan dhex luugeeyey xaafadaha kale ee
liita ee saboolka ah ee magaaladana, dadku inta ay i
joojiyaan, ayay i weydiinayeen, ‘NGO-gee ayaad ka
tirsan tahay amma ka socotaa? Maxaad noo siddaa?’
Dhibaato kale oo walaac leh oo ay la imanayaan
hey’adahan caalamiga ah ee horumarintu ee soo
badanayaa waa dadkii aqoonta iyo kartida lahaa ee
Somaliland oo ku qulqulaya hey’adahaasi, kana tegaya
hey’adihii gudaha iyo ururradii waddaniga ahaa, iyaga
oo u xilanaya mushaharka sare, iyo magaca laga yaabo
inay ku helaan inay u shaqeeyaan Qaramada Midoobey
(UN), amma hey’ad kale oo caalami ah. Dad dhawr ah oo
reer Somaliland ah, oo sannado badan ku qaatay dib-u-
dhiskii dalkooda, iyaga oo aan helin mucaawano
sidaaya oo debadeed, waxay ii sheegeen inay ka
baqayaan in NGO-yadan badan ee dalka qarqiyeen ay
dhici karto inay tirtiraan niyaddi iyo isku-tashigii
ahaa in dadku ay iskood ‘wax u qabsan karaan’, kuna
bedelaan dhaqan ah in aad cid kale ku tiirsanaatid oo
aanad adigu waxba qabsan.
Waxyaabaha cuntama ee Somaliland ay dhaqan gelisey,
gaar ahaanna abuuritaanka nidaam siyaasi ah oo
shaqaynaya, waa wax ay kaga dayan karaan gobollada
kale ee Somalia ee ismaamulka hoose lihi. Laakiin
haddii taasi lafteeda lagu sii talax tago oo lagu
fogaado, waxay keeni kartaan inay samaysmaan dhawr
dawladood oo kale oo Soomaaliyeed, iyo in guud
ahaanba Somalia ay si rasmi ah u kala burburto amma u
kala qaybsanto. Waxa kale oo suurtagal ah in
Somaliland ay ka mid noqoto dawlad Soomaaliyeed oo
laakiin ku dhisan hab guud oo federaal qaab sare ah,
oo nidaamka siyaasadeed ee Somalilandna uu noqdo mid
ay kaga daydaan oo ay qaataan maammullada gobollada
kale. Laakiin tani lagama yaabo inay dhacdo, waayo
243
Somaliland ma doonayso inta suurtogal ah inay wax ku
sidaaya ku darsato Somalia, ugu yaraan marka loo eego
sida xaaladdeedu ay haatan tahay. Ismail Mohamed
Hurre, oo lagu naanayso Boobaa, horena u ahaan jirey
wasiirka arrimaha debadda ee dawladdii ku-meelgaadhka
ahayd ee Somalia, waa nin asalkiisu ka soo jeeda
Somaliland.. Laakiin markii aan la kulmay sannaddii
2010-kii, waxa uu dhawr sannaba degganaa huteelka
Andalus ee magaalada Nairobi. In kasta oo uu asal
ahaan ka soo horjeedo fikradda gooni-isku-taagga amma
madaxbannaanida Somaliland, haddana waxa uu qabaa in
magaala-madaxda Hargeisa ay noqon karto xaruntii
awodda xukunka ee Somalia oo dhan:
Somaliland waxay immika taagan tahay heer ay
xukumi karto Somalia oo dhan. Somaliland haatan
waa meel nabad ah oo bed qabta, laakiin haddii
xaaladda Muqdishu ay sidaas ku sii jirto oo ay ku
sii socoto, qaskaas iyo dagaalladaasi waxa uu
aakhirka saamayn doonaa oo uu gaadhi doonaa
Hargeisa, ha noqoto xilli dhaw amma xilli danbe.
Qayb keliya kama jiri karto nabad iyo
degganaansho aan ka jirin kuwa kale. Soomaalidu
waxay noqonaysaa mid amma wada dhibaataysan, amma
wada tanaadda oo horumar wada samaysa. Waxannu
nahay ummad qudha oo qaran ah. Qolooyinka amma
beeluhu ma noqon karaa qaran. Ummadda
Soomaaliyeed ee Geeska Afrika waa dal gebi ahaan
mid ah. Kama rajo qabno oo ma sugeynno in dib loo
abuuro qaran Soomaaliyeed oo ka kooban shantii
xiddigood. Taasi waxay noqonaysaa riyo fog oo
cirka jirta. Waa in aan ku xisaabtanna xaqaa’iqa
maanta jira, labada qaybood ee dadweynaha deggani
ay boqolkiiba-boqol yihiin Soomaali. Labadaas
qaybood mustaqbalkooda iyo aayahooda danbe waa
isku mid oo waa mid ay wadaagaan, nabad iyo nabad
la’aan labadaba.
Sannadkii 2011, xubno ka tirsan baarlamaanka
fahdigiisu yahay magaalada Muqdishu iyo Soomaali kale
oo reer-Koonfureed ah oo muhim ah, ayaa waxa ka
muuqatay inay ka gunuunacayaan amma ka murmayaan
suurtogalnnimada in Somlia oo dhan laga xukumo
Hargeisa. Tiro yar ayaa xataa sheegtay inay jeclaan
244
lahaayeen in madaxweynaha Somaliland, Ahmed Silaanyo,
in uu la wareego xukunka dhammaan dhulka Soomaalida.
Sida uu ugu tilmaamay Michael Walls qoraalkiisii
‘Soo-ifbixitaanka Somaliland’ ee 2009, Somalia waxa
horyaal waxyaabo badan oo ay ka baran karto
Somaliland, oo ku saabsan sida ay uga gudbi karto
meel dagaallo ay burburiyeen, una gudbi karto qaab-
dawladeed shaqaynaya oo wax-ku-ool ah:
Xilligan xaaladaha ka jira dhulalka Koonfurta iyo
Badhtamaha Somalia ay yihiin qaar ugu wacnaan
kara in quus laga taagnaado, waxa muhiim ah in la
aqoonsado oo la isku dayo in wax laga barto
xaqiiqada taal Somaliland ee ka duwan
xaaladahaasi, halkaasi oo imkaaniyaadkii gudaha,
si habboon oo wax-ku-ool ah loogu adeegsadey
sidii loo heli lahaa nabad waarta iyo hab u
muuqada nidaam diimoqoraadi ah oo shaqaynaya.25
Guusha Somaliland waxa xuddun u ah qaababkeeda
siyaasadeed ee isku-dhafka ah ee sida firfircoon u
shaqaynaya, kuwaasi oo meelaynaya oo tixgelinaya hab-
beeleedka iyo hoggaankii dhaqanka, laakiin aan u
ogolaanayn inay yeeshaan awodda buuxda iyo gacanta
sare ee siyaasadda. Suxufiga Raage Omaar oo ah nin ka
soo jeeda Somaliland, sida uu ku qoray maqaalad ku
soo baxaday jariidadda the Guardian 6-dii July ee
2010 oo cunwaankeedu ahaa ‘Jihaad-doonka albaabka
kugu xiga jooga’, waxa uu isna qabaa inay tahay wax
lala yaabo in dawladaha debaddu aanay ilaa hadda si
buuxda ugu soo jeesan Somaliland, marka loo eego
siyaasadahooga ku aaddan Somalia, laakiin ay ka door
bideen inay xoogga saaraan dalalka kale ee la deriska
ah Somalia:
Dawladda go’doonka ah ee Muqdishu ee Qaramada
Midoobay ay ilaaliso, ma haysato cid kale oo ay
iskaashadaan oo leh ciidan nabadgelyo oo xoog
leh, hey’ado iyo waaxyo ku dhisan hab
dimoqoraaddi ah, iyo aqoon dheer xagga dhaqanka
Soomaalida, luqada, nidaamk beelaha iyo
siyaasadda intaba. Ilaa hadda, dawladaha reer-
galbeedku, waxay ka dhawrayeen dalalka Ethiopia,
245
Kenya, Uganda iyo kuwa kale inay noqdaan bahda
ugu weyn ee ay iskaashadaan, iyaga oo indhaha ka
lalinaya oo aan tixgelinayn cidda ay kaashan
lahaayeen ee dan toos ahi ay ugu jirto in nabad
iyo xassillooni laga sameeyo Muqdishu, lana
joojiyo faafitaanka caaddifadda waddaniyadda ee
is-ballaadhinta.26
Waaya-aragnnimada Somaliland waxay ugu yaraan
keenaysaa tusaale rajo oo ay yeeshaan, kana
fii’deystaan qaybaha kale ee Somalia ee ku
guuldarraystay inay ka sabatabaxaan dagaallo iyo
deganaansho la’aan aan dhammaad lahayn oo soo
noqnoqonaya. Dhinacyada ay iskaga midka yihiin ee ay
wadaagaan gobolladaasi ayaa ka badan oo ka weyn
waxyaabaha ay ku kala geddisan yihiin; haddii
Somaliland ay wax qabsatayna, sidoo kale Somalia
iyana waxbay qabsan kartaa. Labadaba waxa burburiyey
dagaallo, labadaba waxa si qoto dheer oo murugsan uga
ka jira hab-beeleedyo dhaqan ah oo loo kala qaybsamo,
labadabana waxa ka jira dadweyne leh hal-abuur, ku-
dhac iyo dhiirranaan. Xaqiiqada ah in xataa qaybihii
Somalia ee ay ugu badnaayeen qaska iyo dagaalladu, in
haatan ay awodeen inay horumar dhaqaale oo degdeg ah
ka sameeyaan dhinacyada qaar oo ay ku jiraan xoolaha
nool, sharikadaha xawaaladaha lacagaha iyo kuwa
isgaadhsiinta, waxay noqonaysaa oo soo kordhinaysaa
in dawladnnimo ‘fashilanta’ amma guudaraysta aan loo
qaadan Karin in macnaheedu yahay dal fashilmay.
246
CUTUBKA 5aad: Budhcad-badeedda (Piracy)
Magacaygu waa Geeddow Cali. Waxan ku noolahay
meel ka mid ah xeebaha Soomaaliyeed ee Badweynta
Hindiya. Waxan jecelahay in aan la iigu yeedhin
‘budhcad’ ee la iigu yeedho xubin ka tirsan
‘ciidanka ilaalada xeebaha’.
Dhulkayaga si fiican ayaannu ugu noolaan jirney,
laakiin duruufaha ayaa nagu kallifay in aannu
noqonno waxa haatan aannu nahay. Waxannu ahaan
jirney kalluumaysato, noloshayadiina waxa khatar
geliyey ajanebi soo galay badahayagii oo
kalluunkayagii qaatay. Sidaa awgeedna, waxan
go’aansannay in aannu arrintaasi wax ka qabanno,
waana sababtaa ujeedadaa aannu u samaynnay
ururkan ‘Ciidamada Ilaalada Xeebaha’.
Waxannu soo qabannaa maraakiibta soo gasha
badahayaga. Waxannu ka qaadnnaa ‘khidmad amma
cashuur’, waxanannu ka codsannaa in aanay dib
noogu soo noqon. Lacagtaas waxannu ku
isticmaalnaa in aannu dib ugu soo iibsanno
qalabkii ay naga burburiyeen ajanebiga nagu soo
duuley, iyo in aannu magdhaw ka siinno qoysaskii
dadkii naga tirsanaa ee ay dileen amma
dhaawaceen. Aniga noloshaydu aad ayay u fiican
tahay imika, laakiin waxa jira dad ka tirsan
‘Ilaalada Xeebaha’ oo ku nool xaalado aad u
liita.
Waxan maqlay in la nagu sheego in aannu ku
xidhannahay ururro waawaeyn oo caalami ah oo
dembiilayaal ah. Waxaas waa wax aan waxba ka
jirin gebi ahaan oo been ah, in kasta oo aannu
jecel nahay in aannu taageero ka helno cid kasta
oo dhinacayaga ah oo ka horjeesata gardarrada
Maraykanka.
247
Hadda ka hor waxannu ogaan jirney oo keliya
meesha ay joogaan maraakiibta ajanebiga ah ee
maraya agagaarka xeebahayaga, laakiin maalmahani
ciidamadan soo duuley ayaa aad u kordhiyey
ilaaladii. Laakkiin dan kama lihin taas oo kama
werwerno, waayo waxannu samaynay farsamooyin kale
oo aannu ku ogaan karno, kuna soo qabsan karno
maraakiibta maraysa meel kasta, xattaa kuwa
maraaya agagaarka Cummaan, India, iyo Madagascar.
Adduunka intiisa kale waxa ka dhaadhacsan oo ay
noo haystaan in aannu nahay dad xun. Waxay noo
haystaan denbiilayaal in aannu nahay. Laakiin ma
jirto cid qudha oo inta ay noo timid wax na
weydiisey. Duruufahan waxa keenay, ma jirin wax
kale oo aanu samayn karanney amma ku bedelanno;
waxa la nagu khasbay in aannu noqonno ‘Ciidamada
Ilaalada Xeebaha’, waxana noogu wacan ajanebigan
nagu soo duuley. Sidaas ayaanan ku sii wadeynna
oo ku jireynna ilaa inta la noo imanayo ee wax la
na weydiinayo, dhibaatooyinkayagana la
garawsanayo. (Geeddow Cali, February 2011).
Soo-ifbixitaanka budhcad-badeedda ka dillaacday
Somalia, laga soo bilaabo badhtamihii sannadkii 2000,
waxay soo jeedisey adduunka oo ku baraarugay
dhibaatadani, una daneeyey si ka weyn oo ka badan
sidii loo danayn jirey wax kasta oo kale oo ka mid ah
xaaladaha dalkaasi. Jaraa’idka ayaa ka qoray
maqaalado iyo bogaga aad u fara badan, qalabka
warbaahintuna waxa uu siiyey waqti dheeraad ah oo ka
badan inta la siiyo mawaadiicda kale, in kasta oo
falalkani budhcad-badeeddu ay yihiin hawlgallo ay ku
lug leeyihiin qayb yar oo keliya oo ka tirsan
dadweynaha, haddana ay yihiin arrimahaasi oo dhammi
kuwo guud ahaan ka bixinaya Somalia sawir amma
muuqaal aan sax wada ahayn.
248
Warbaahinta reer-Galbeedku waxay harraad weyn oo aan
la haqabtiri karayn u qabaan wararka iyo sheekooyinka
la xidhiidha ee ka hadlaya arrimaha budhcad-badeedka.
Waa arrin yeelan karta waxyaabo la daneeyo oo si
lab-la-kac ah oo caruurnnimo loo xiiseeyo, laakiin
dhinaca kalena ah naxarii-darro xanuun badan oo ku-
talax-tag ah.
Doonyo yaryar oo dheereeya oo ay saran yihiin kooxo
Soomaali ah oo dhuudhuuban oo wada caato ah, oo la
luudaya qoryo ku culus iyaga, ayaa ku wareega
badweynta Hindia, si ay u ugaadhsadaan maraakiibta.
Waxay qaataan oo ay adeegsadaan qalab yaryar oo
fudud, sida xadhko wata qadhabatooyin la sudho
meelaha la rabo in la fanto amma la fuulo, sallaan
amma jaranjarooyin, si ay u fuulaan oo ay u qabsadaan
maraakiibta waaweyn ee raran iyo shaqaalaha la socda,
ugana qaataan lacag madax-furasho ah oo malaayiin
doollar ah, madax-furashadaasi oo marka la bixiyo oo
keliya ka bacdi ay sii daayaan dadkii la-haystayaasha
ahaa iyo maraakiibtii. Waxa dhacda is-rasaasayn iyo
taxshiirado la is-weydaarsado, weerarro iyo hawlgallo
la isku dayo in dadkaasi iyo maraakiibtaasi lagu soo
furto, iyo hawgallo ku danbeeya khasaare iyo
dhibaatootin naxdin iyo murugo leh oo ka yimaadda.
Waa wax u ekaan kara filimada Hollywood ee la jilo
iyo sheekooyinka khatarta ah ee qar-iska-xuurnnimada,
laakiin waa wax run ah oo jira.1
Budhcad-badeedda Soomaalida, waxa ka abuurmay
dhaqaale cusub, kaasi oo aan u keenin budhcadda
afduubta maraakiibta oo keliya lacagyow aad u fara
badan, laakiin sidoo kale dhakhli badan iyaguna ka
hela oo ay ku qabaan kuwa soo abaabula ee ka danbeeya
hawlgalladaasi iyo kuwa gacanta dhexe amma
dillaaliinta ah ee u qaabilsan gorgortanka. Qaar
kalena waxay siyaabo kale lacago uga helaan
farsamooyinka noqday shaqo iyo xirfad lagu xoogsado
oo wax lagu helo ee hawlaha la xidhiidha budhcad-
249
badeedda iyo sidii wax looga qaban lahaa
dhibaatadaasi.
Waxa la abuuray sharikado cusub oo xagga
nabadgelyada ah oo ka ilaaliya maraakiibta weerarrada
budhcad-badeedda. Waxa lagu dhaqaaqay sidii loo
samayn lahaa, loona iibgelin lahaa, qalabka ka-
hortagga budhcadbadedda, kuwaasi oo ay ku jiraan
xayndaabyo silig amma taar ah oo koranto lagu xidho
oo lagu wareejiyo dheegga maraakiibta, tuunbooyin
amma dhuumo waaweyn oo lagu furo budhcadda iyo qoryo
madaafiic ah oo qaylo dheer oo aan loo adkaysan
Karin, oo lagaga sasiyo, la iskaga waabiyo ciddii
looga shakiyo inay weerar yihiin ee ku soo dhawaata
maraakiibtaasi. Waxa soo baxay noocyo cusub oo ah
khubaro, la-taliyayaal, caymis, qareenno, wakiillo,
shaqaale iyo ciidammo gaar ah oo xagga nabadgelyada
ah, iyo dillaaliin qaabilsan wada hadallada
gorgortanka lacagta madax-furashada, dhammaan
kooxahaasi oo budhcad-badeedda Somalia ay u noqotay
shaqo ay lacagayow fiican iyo nolol ka heli karaan.
Heerarka caymiska ee maraakiibta ka gooshaysa
xeebaha Somalia, waxay kor u kaceen toban-laab markii
budhcad-badeeddu ka bilaabantay soohdimahaasi.2
250
Khariidad 4.1 Meelaha ay gaadheen weerarrada budhcad-
badeedda Soomaalidu, 2005 – 2010
Ka sakow dhammaan khubaradan cusub, iyo joogitaanka
ciidammo caalami ah ee ilaaliya xeebaha Somalia,
haddana waxa sii korodhay budhcad-badeeddii
251
gobolkaas, in kasta oo tirada weerarrada ay qaadaan
ay yihiin qaar isbedelaya oo ku xidhan hadba xilliga
lagu jiro. Bishii Oktoobar ee 2009, waxa la afduubay
siddeed markab iyo 170 shaqaale ah oo ay qafaasheen
budhcad-badeeddu. Bishii April ee 2011-kiina, sida
laga soo xigtay tirakoob ay samaysay hey’adda
caalamiga ah ee ka-hortagga budhcad-badeedda ee
Ecoterra, tirada maraakiibta la qabsaday waxay
gaadhay ilaa konton, iyo shaqaale ka badan siddeed
boqol oo qof.3
Soomaalidu waxay noqdeen kuwa ugu firfircoon, uguna
badan xagga ku-guuleysiga hawlgallada qafaalashada,
marka loo eego budhcad-badeedda adduunka. Sida uu
sheegay Xafiiska Badaha Caalamiga ah (International
Maritime Bureau), guud ahaan tirada maraakiibta
adduunka oo dhan laga afduubay sannadkii 2010 waxay
dhammayd 53 markab, 49 kuwaas ka mid ahna waxa
qabsaday budhcad-badeed Soomaali ah. Isna machad
Maraykan ah oo la yidhaa One Earth Future, waxa uu
2010-kii ku qiyaasay in falalka budhcad-badeedda, oo
intooda badan ka dhaca xeebaha Somalia, inay ku
kacaan kharash dhan inta u dhaxaysa toddoba ilaa
laba-iyo-toban bilyan oo dollar oo kaga baxa
dhaqaalaha caalamiga ah.4
Waxay u muuqataa in sida qudha ee looga hortegi
karo, loona hubin karo in budhcad-badeeddu aanay soo
weerarin maraakiibta ka gooshaysa xeebaha Somalia,
inay tahay in maraakiibtaasi la raaciyo ciidammo iyo
maraakiib ah kuwa dagaalka ee badda oo la oo
ilaaliya. Hawgallada noocan ah, waxa gaar ahaan loo
abaabulay maraakiibta Barnaamijka Cunnada Adduunka ee
Qaramada Midoobey (WFP) ee raashinka gargaarka ah u
qaada Somalia, kana taga dekadda Mombassa ee Kenya,
maraakiibtaasi oo ilaa hadda ka badbaadey weerarrada
budhcad-badeedda. Laakiin ma noqonayso wax suurtogal
ah in markab kasta oo ka mid ah tobannaanka kun ee
252
markab ee sannad kasta mara soohdimahaasi, in loo
sameeyo oo la raaciyo ciidammo ilaaliya.
Ciidamada caalamiga ah ee ilaalinta badahaasi, ayaa
ka sameeyey Khooriga Cadmeed aag marin ah oo bedqaba
amma ka fayow budhcad-badeedda oo ay mari karaan
maraakiibtu, khoorigaasi oo la sii mariyo boqolkiiba-
shan-iyo-soddon saliidda adduunka. Khoorigaasina waxa
loo yaqaan meel halis ah oo u nugul budhcad-badeedda
amma ‘Hoygii Budhcad-badeedda’, sababta oo ah
weerararda badan ee ay halkaasi ka soo qaadaan.
Tallaabooyinkani, budhcad-badeeddu waxay kaga
jawaabeen iyaga oo bedeley xeeladihii iyo hababkii ay
adeegsan jireen ee ay wax ku soo qafaalan jireen.
Halkii ay awal ka isticmaali jireen doonyo yaryar oo
ay ka soo kaxaystaan Somalia oo ay wax ku weeraraan,
waxay sameeyeen inay marka hore soo qabsadaan
maraakiib heer dhexe ah oo ay ku rartaan qalabka iyo
doonyaha dheereeya, kuna tagaan meelo fogfog oo ah
badweynta Hindiya, ilaa Sychelles, India iyo
Madagascar, kana qaadaan duullaankooda hakaasi.
Sannadkii 2011, hawlgallada budhcad-badeedda
Soomaalidu waxay gaadheen dhul iyo meelo aad u
ballaadhan oo baaxad weyn – ilaa afar milyan oo
kiiloomitir oo dhinac walba iska leeg oo badweynta
ah. Dhulka baaxaddaasi lihina waa mid aad ugu culus
oo aan suurtogal ahayn in ciidamada caalamaiga ah ee
ilaalada baduhu inay la wada socdaan oo ay ka
warhayaan, iskaba daa inay ilaaliyaan oo ay
kormeeraane. Adeegsiga maraakiibtaasi heerka dhexe ah
ee ay marka hore soo qabsadaan budhcad-badeeddu, kuna
shaqaystaan inta badan isla shaqaalihii
maraakiibtaasi, waxay awodsiisay budhcad-badeeddu
inay sii wadan karaan hawgalladooda sanadka oo dhan,
sababta oo ah maraakiibtaasi waaweyni waa qaar u
adkaysan kara badaha kacsan iyo hawada kharriban.
253
Markabkii Sirius Star (The Seirius Star)
Mid ka mid ah weerarradii ugu cajiibsanaa, uguna
dhiirranaa waxa uu dhacay bishii November ee 2008,
markii koox yar oo ah budhca-badeed Soomaaliyeed ay
afduubeen markabkii Sirius Star, marabkaasi oo ahaa
nooca ugu waaweyn ee qaada saliidda, lagana lahaa
dalka Saudi Arabia, oo dhererkiisa iyo baaxaddiisa
lagu qiyaasay iuu le’egaa ilaa sadex garoon oo kuwa
kubada cagta ah oo la isku wada daray. Waxaa la
weeraray isaga oo marayaa meel 450 mayl-badeed u jira
oo kaga beegan dhinaca koonfur-bari ee xeebta Kenya.
Waxanu waqtigaasi ahaa markabkii ugu weynaa ee
weligii budhcad-badeed u gacan-gala ee ay qabsato.
Markabkaasi Sirius Star, oo ka soo kicitimay dalka
Saudi Arabia una socdey Maraykan, waxa uu sidey
saliid qiimaheedu dhan yahay $100,000,000 (boqol
milyan oo doollar oo Maraykan ah), taasi oo ka badan
rubuc, amma afar meelood marka loo qaybiyo meel
ahaan, guud ahaan saliidda Saudi Arabia ay soo saarto
maalintii. Wararkii ku saabsanaa afduubka markabkaasi
waxay saameeyeen suuqyadii dhaqaalaha ee adduunka,
waxayna sababeen in qiimihii saliidda qaydhiin ee
suuqyada adduunku ay kor u kacaan.
Weerarradaasi qaawan ee noocan ah, waxa
suurtogelinaya budhcad-badeedda oo mararka qaar awodi
kara inay fuulaan maraakiibta, iyada oo aan laga
warhelin oo aanay ogaan shaqaalaha maraakiibtaasi.
Waxay eegtaan meesha ugu gaaban dheegga markabka ,
mara uu biyaha ku dhex jiro ee ay ka fanan karaan,
iyaga oo watta marka ay u soo dhawaadaan maraakiibta,
doonyo yarar oo aad u dheereeya, inta badanna ku soo
dhex duunta xilliyada habeenkii ee madowga ama
gudcurka ah. Waxayna sudhaan dheegga markabka, xadhko
leh qadhabatooyin iyo sallaan amma jaranjarooyin,
waxayna si degdeg a u fantaan oo ay u fuulaan
markabka. Iyada oo aanay sideedaba hubaysnayn
254
shaqaalaha maraakiibku, budhcad-badeeddu waxay
yeelanayaan gacanta, sare marka ay fulaan ee ay
tagaan markabka dhexdiisa, waayo iyagu waxay sitaan
hubkoodii iyo qoryohoogii.
Waxa ii suurtogashay in aan helo lambarka telifoon
aan kala xidhiidhi karo markabkaasi Sirius Star,
laakiin waxa dhacday in mar kasta oo saaxiibadayda
Soomaalidu, ama aniga laftaydu, in mar kasta oo aanu
isku dayno in aannu garaacno oo uu noo galo lambarkii
telifoonka ee markabku, in budhcad-badeeddu ay nagu
jarayeen oo ay gooyaan, isla marka aannu u sheegno in
aannu ka tirsannaay oo aannu ka soo wacanno BBC-da.
Waxannu isku daynay in aannu kula hadalno af-
Ingiriisi, af-Soomaali, iyo af-Carabi intaba, laakiin
kumaannu guulaysan in la nala hadlo.
Waxay noqotay arrin madaxa iga qabsatay oo ay igaga
dhegtay in aan mar uun la hadlo budhcad-badeedda,
lambarkoodiina waxan gashaday telifoonkayga
moobiilka, maalin kastana waxan garaaci jirey oo aan
wici jirey dhawr jeer. Gabadh aan dhalay ayaa aragtay
sida aan ugu xiiqay ee aan ugu dedaalayo in aan
garaaco oo aan la xidhiidho. Galab roon da’ayo oo
Axad ah magaalada London, ayaa waxan ka doonay
gabadhii xaflad dhalasho oo ay tagtay, oo aan ka soo
qaaday, waxase dhexda naga helay saxmad weyn oo aan
socon kari weyney waddadii. Gabadhii waxay bilawday
inay kolba iga cadhaysiiso, iyada oo i weydiinaysa
inay ii garaacdo oo ay wacdo budhcad-badeeddii.
Markii aan khaati iska taagey, ayaan aakhirkii is-
dhiibay, telifoonkiina xaggeyda u tuuray, iyadoo
fadhida xagga danbe ee baabuurka. Waxanan ku
idhi:‘Wuxu ku jiraa lambarkoodu oo aad ka heli kartaa
liiska magacyada xarafka “P” oo u taagan Budhcad-
badeed’. Lambarkii ayay garaacday, waxayna bilawday
sheeko-baraley. Sheeko xiiso leh oo mucjiso ah ayaa
255
la sii wadey, halkaasi oo aakhirkii ay ku guulaysatay
inay ku qanciso budhcad-badeeddii inay ila hadlaan,
waxayna u sheegtay in aan anigu soo wici doono
maalinta soo socota ee berri ah.
Subaxii danbe, aniga iyo qof Soomaali ah oo aannu
wada shaqaynno ayaa garaacay lambarkii. Budhcad-
badeeddu way filayeen telifoonkayagan, waxayna naga
codsadeen in aannu ku soo celinno, si ay noogu
dhiibaan oo aanu ula hadalno horjoogaha kooxda oo ay
noo sheegeen in uu hurdo, sababta oo ah inuu soo
jeeday habeennimadii oo dhan oo uu gaadh ka hayey
amma ilaalinayey dadkii la-haystayaasha ahaa. Waxan
garaacnay waqtigii la nala ballamay ee la noo qabtay,
waxana na salaamay horjoogihii kooxdaas budhcad-
badeedda, kaasi oo magaciisa noogu sheegay ‘Dubbad’.
Waxa uu u hadlayey sidii nin deggan, qabana isku
kalsooni, aadna ugu faraxsan in uu nala hadlo. Waxa
uu u muuqdey in uu ku wareeray buugga diiwaagelinta
markabka iyo agab kale ee uu ka dhex helay markabka.
Sida ka muuqatay hadalladiisiina, waxa caddaan ah in
isaga iyo kooxdiisa budhcad-badeeddu ay la yaabeen
inta uu le’eg yahay markabkan u soo gacan galay,
weynida baaxaddiisa iyo dhererka xad-dhaaf.
Dubbad waa uu sheegay in aanu isagu si toos ah ugu
dhex jirin wax wadahadallo amma gorgortan ah oo ku
saabsan siideynta markabkani Sirius Star, iyo sidoo
kale in aanu la socon oo wax fikrad ah ka haysan
tirada lacagta madax-furashada ah ee lagu xidhay.
Waxaa uu noo sheegay in sababta qudha ee ay u
qabsadeen markabkani saliidda inay tahay lacag, iyo
in uu raalli ku noqonaya waxa uu ku tilmaamay
‘qiimaha caadiga ah’ ee madax-furashada laga bixiyo
siideynta markab kasta, qiimahaasi oo waqtigaas ahaa
ilaa laba milyan oo doollar. Waxa uu ku nuuxnuuxsaday
in shaqaalaha markabka saaran oo dhan shan iyo
labaaan qof oo isugu jira Polish, Croatian, Sucuudi,
Filipino iyo Ingiriis, inay yihiin badeecad agtooda
256
qaali ka ah, oo qiime sare ugu fadhida, oo faa’iidada
ugu jirta ee ay ka helaaan shaqalahaasi oo nool, ay
aad uga badan tahay tan ay ka heli lahaayeen iyaga oo
dhintay amma meyd ah. Wanu yidhi: ’Shaqaaluhu ma aha
maxaabiis meel ku xidhan. Way socsocon karaan oo
kolba goob ayay tegi karaan, meel kasta iyo mar kasta
oo ay doonaan. Xattaa waxay ku seexan karaa
sariirahoodii caadiga ahaa, waxanan u ogolaannay inay
haystaan furayaashoodii. Waxa qudha ee ka maqani waa
xorriyaddoodii, inay ka daadegi karaan amma ka tegi
karaa markabka dhexdiisa.’
Dubbad waxa uu faahfaahin ka bixiyey in, in kasta oo
uu ogsoon yahay saamaynta xun ee caalamiga ah ee ay
yeelatay falalka budhcad-badeedda ka soo baxday
xeebaha Somalia, in haddana aanay jirin wax kale oo
ay ku bedelan karayeen amma samayn karayeen. Waxanu
yidhi:
Si buuxda ayaan u ognahay cawaaqibka ka
dhalanaya, laakiin waxa loo baahan yahay in
adduunku fahmo dhibaatada na haysata ee na
hortaal, halkan Somalia. Siddeed iyo toban sano,
halkan kama jirin wax nabad ah. Ma jirto wax
nolol ah oo lagu haysto halkan. Khayraadkii ugu
danbeeyey ee Soomaalidu haysteen waxa uu ahaa
badda, laakiin maraakiib shisheeye ah ayaa
boobtay oo guratay dhammaan kalluunkayagii. Waana
taasi ta na badday ee nagu kalliftey in aannu ku
kacno budhcad-badeednnimo, si aannu u noolaanno.
Ka dibna waxa telifoonkii loo dhiibey kabtankii
markabka, Marek Nishky, oo ah nin Polish ah. Waxanu
yidhi: ’Waannu iska fiicanahay, guud ahaan. Dhammaan
shaqaalihii iyo saraakiishuba, xaaladdoodu waa fiican
tahay. Ma jirto wax amma sabab aannu u cabannaa. Waxa
la noo ogolaaday oo la na siiyey fursad aanu kula
xidhiidhno oo aannu kula hadalno qoysaskayagii. Sida
257
aad adiguba garan kartana, taasi waa waxa noogu
muhiimsan ee noogu weyn immika.’
Lacag madax-furasho ah oo dhan $25 milyan oo doollar
oo Maraykan ah ayay markii hore dalbadeen in loo
bixiyo baadifad, si loo sii daayo markabaas Sirius
Star, laakiin laba bilood ka bacdi markii afduubkaasi
uu dhacay, waxa markabkii lagu sii daayey, sida la
sheegay, $3 milyan oo doollar oo Maraykank ah.
Lacagtaasi madax-furashada ah waxa la sii saaray
diyaarad nooca fudud ah, waxa loo duuliyey xaggii uu
joogey markabkii. Lacagtii naqadka ahayd oo ku jirta
jawaan lagu xidhay baarashuudka hawada, nooc yar oo
midabkiisu cassaan yahay, ayaa diyaaraddii ay ka soo
tuurtay xagga sare ee cirka, kuna soo riddey markabka
dushiisii.
Hasse ahaatee arrintii ma noqon mid ay calfadaan oo
aahkirkii ay u aayaan budhcad-badeeddii. Sida laga
soo xigtay qaraabadoodii, duufaanno ayaa dhexda ka
helay intii ay ku soo socdeen Somalia, iyaga oo
wattey doonni yar. Doonnidii ayaana la rogmatey,
waxana la sheegay in shan ka mid ah budhcad-badeeddii
ay hanfadeen oo baddu liqday, saddexdii kalena ay soo
gaadheen xeebta, iyaga oo aan waxba ka haysan
saamigii iyo qaybihii ay ka heleen lacagtii
baadifadda ahayd, lacagtaasi oo la sheegay in baddii
kacsanayd ay qaadday. Nin adeer u ah qof ka mid ah
budhcad-badeeddi baddu liqday ayaa sheegay in
meydkiisii aakhirkii laga helay xeebta oo uu ku soo
caaryey, jeebkiisiina laga soo saaray bac ay ku jirto
lacag dhan $153,000 oo doollar oo Maraykan ah, taasi
oo ahayd waxa qudha ee ka hadhay amma laga arkay
saddexdii milyan ee doollar ee madax-furashada ahaa.’5
258
Khuraafaadka iyo Khaladaadka (Myths and
misconceptions)
Waxa jira sheekooyin badan oo aan waxba ka jirin iyo
khuraafaadkh la faafiyey oo la xidhiidha budhcad-
badeedda Soomaalida. Sheekooyinkaas qaar ka mid ah
waxa abuuray oo faafsaday budhcad-badeedda laftooda,
qaarna warbaahinta, oo inta badan meelo soke oo fudud
wax ka eegta, una dhigtay arrimaha taagan, qaab
xasaasi ah oo buunbuunis ah, iyo weliba qaybo kale oo
ay faafiyeen khubarada xagga nabadgelyada ee
ajanebiga ah iyo dhinacyada kale ee ka faa’iidaysta
dhibaatadan, kuna tiirsan sii-jiritaankeeda.
Sheekooyinka khayaalka ah ee la sameeyey ee hadda
socda waxa ka mid ah in dhammaan budhcad-badeeddu ay
ahaayeen dad kalluumaysato ah oo lagu kallifay inay
bedelaan mihnaddoodii amma shaqadoodii, sababtuna ay
tahay maraakiibta kalluumaysiga ee ajanebiga ah oo
kalluunkii ka dhammeeyey biyaha Soomaalida. In kasta
oo shaki la’aan kalluunkii Somalia ay muddo dheer
bililiqaysanayeen oo ay yareeyeen amma madhiyeen
kalluumaysato debadda kaga timid, haddana
‘biliiliqadaasi ay ku kacayaan maraakiibta
shisheeyuhu’, waxay noqotay jawaabta caadada ay ka
dhigteen budhcad-badeedda Soomaalidu marka ay ka
hadlayaan sababaha ugu wacan falalka ay ku kacaan,
iyaga oo guud ahaan isku deyaya inay qiil u raadiyaan
waxyaabaha ay samaynayaan.
Sida Geeddow Cali oo kale, kaasi oo lagu xusay
bilawgii cutubkan, budhcad-badeed badan ayaa isku
tilmaama inay yihiin ‘Ilaalada Xeebaha’, oo ay
daafacayaan xeebahooda, kana daafacayaan doonyaha
kalluumaysiga iyo maraakiibta shisheeyaha ee wasakhda
suntan ah ku aasaya badda, iyo in wixii ku soo xad-
gudba ay ka qaadaan ‘lacag’ ganaax ah. Marka loo eego
afkan ay ku hadlayaan, waxay u muuqdaan inay isku
deyayaan inay ka dhigaan falalka ay ku kacayaan qaar
259
aan denbi ahayn ee bannaan. Mid ka mid ah budhcad-
badeedda oo magaciisa ku sheegay ‘Xassan’, waxa uu ka
hawlgeli jirey dekedda Xaradheere, intii aanay
xoogagga Islaamiyiinta ahi ka qabsan magaalada
sannadkii 2010-kii, waxanu yidhi:
Waxan ahaan jirey nin kalluumaysato ah, laakiin
waxa biyahayagii soo galay maraakiib kalluumaysi
oo naga qaatay dhammaan kalluunkayagii. Dhawr
sano ka hor, waxa halkan iman jirey in ka badan
toddoba boqol oo markab oo ajanebi ah, kuwaasi oo
kalluunka kala bixi jirey biyaha Soomaalida.
Hadda, wax kalluun ah oo ku hadhay halkani ma
jiro oo laga helayaa – waxba noogamay tegin.
Markii ay waxaasi nagu sameeyeen, annaguna
waxannu go’aansannay in aannu iyaga caydhsanno oo
aannu ugaadhsanno, taasi midhaheedii ayaannu
imika guranaynnaa oo aan u aynay. Shaqa fiican
ayaannu runtii ka qabannay ajanebigan khaatarta
iyo cidhiidhiga ku hayey noloshayadii, waayo
imika waxannu helnay faa’iidadii go’aankii aannu
ku gaadhnay in aannu iyaga ku jeesanno oo wax ka
qabanno.
Waxannu go’aansannay in ajanebiga aannu ka
waabinno oo ka celinno kalluunkayagii, haatanna
iyaga ayaannu kalluumaysanaynaa. Hadda, dadka
qudha ee ka faa’iideysta ‘kalluumaysiga’ waa
annaga oo ah ‘Ilaalada Xeebaha’, waayo waxannu
‘kalluumaysannaa’ oo soo dabanna dad aannu madax-
fuarsho u qabsanno oo la-haystayaal noo noqda.
Budhcad-badeed badan oo Soomaali ah ayaa xumaan u
qaata oo ka xanaaqa in loogu yeedho magaca ‘budhcad-
badeed’. Qaarkood waxay rumaysan yihiin in magacaasi
ku bannaan yahay maraakiibta shisheeyaha ee soo gasha
260
biyaha Soomaalida. Waxan la hadlay oo kale bishii
July ee 2011, nin budhcad-badeed ah, amma sida uu
isku tilmaamay ka tirsan ciidamada ‘Ilaalada
Xeebaha’, oo magaciisa la yidhaa Daahir, oo joogey
magaalada Hobyo ee ku taal xeebta, ninkaas oo igu
yidhi:
Horta, adduunka su’aal ayaan weydiinayaa. Yaa
budhcad-badeed ah? Ma maraakiibta kalluumaysiga
iyo kuwa dagaalka ee badahayaga soo galay ee wax
kasta naga gurtay, kalluunkayagii,
khayraadkayagii, xorriyaddayadii iyo wax kasta?
Misse annaga, dadkan ilaashanaya xeebahoodii?
Su’aasha aan weydiinayo caalamku waa taas. Waana
taasi su’aasha u baahan in laga jawaabaa.
Maamullada ka jira Somalia laftoodu, waxay mararka
qaar ka qayb qaateen sheekooyinka khuraafaadka ah ee
laga faafiyey waxyaabaha ka dhacaya xeebaha Somalia
oo loo ekeysiiyey wax aan u dhigmin amma u qalmin
budhcad-badeednnimo. Bishii January ee 2011,
baarlamaanka Soomaalidu waxa uu diidey in uu ansixiyo
sharci mamnuucayey budcad-badeednnimada. Qaar ka mid
ah xubnaha mudanayaasha baarlamaanka ayaa ku sifeeyey
budhcad-badeeddu inay yihiin ‘geesiyaal’ ka celinaya
biyaha Soomaalida maraakiibta shisheeye; waxayna
sheegeen inayna ahayn budhcad-badeed, laakiin ay
yihiin ciidammo aan rasmi ahayn oo ilaalada xeebaha
ah.
Warbaahinta qaar ayaa iyaguna ku tilmaamay in
budhcad-badeeddu ay la mid yihiin oo ay u dhigmaan
maanta sheekooyinkii ‘Robin Hoods’ oo kale (waa
sheekooyin khayaal ahaa oo la abuuray, kuna saabsanaa
nin Ingiriis ah oo dayro ah, oo qarnigii 12-aad dhici
jirey dadka taajiriinta amma maalqabeennada ah, si uu
u caawiyo dadka saboolka); waxana lagala mid dhigay
falalka budhcad-badeedda in wixii ay ka dhacaan
261
maalqabeenka, inay ku taageerayaan fuqarada, iyada oo
run ahaantii sida ka sii sugani ee ka sii habbooni ay
noqon karto in loogu yeedho denbiilayaal. Qof
budhcad-badeed ah oo la yidhaa Aadan, ayaa isagu ka
daacadsanaa kuwa kale ee saaxiibadiis ah, mar uu ka
hadlayey ujeeddooyinkiisa: ‘Budhcad-badeeddu dhammaan
waa dad xun oo kharriban. Waa kooxo heshiis ku ah oo
qudha inay dhacaan maraakiibta badaha.’6
Baadhitaan uu sameeyey 2009-kii aqoonyahan u dhashay
dalka Norway, oo mgaciisa la yidhaa Stig Jarle, oo uu
ku sameeyey budhcad-badeedda Soomaalida, waxa uu ku
doodayaa in haddii ujeedada keliya ee hawlgallada
budhcad-badeeddu amma ‘Ilaalada Xeebuhu’ ay tahay
inay ka ilaaliyaan biyaha Soomaalida maraakiibta
kalluumaysiga ee sharcidarrada ah oo keliya, in
markaasi ay weerari lahaayeen oo kelia doonyaha
kalluumaysiga oo qudha, ee aanay beegsadeyn
maraakiibta ganacsiga ee sidda shixnadaha iyo
badeecadaha, saxiimadaha amma doonayaha yaryar ee
tamashalaha iyo dalxiiska, iyo maraakiibta sidda
saliidda. Waxanu ku yidhi qoraalkiisa:
Iyada oo ay dhici karto in budhcad-badeeddu ay
run ahaantii cabsi geliyaan maraakiibta
kalluumaysiga, oo ay iska hortaagaan
kalluumaysiga aan sharciga ahayn, haddana
bartilmaameedyada ay beegsadaan budhcad-badeeddu
waxay si cad u muujinayaan in waxa ay u xishaan
ee muhiimka u ahi uu yahay faa’iidada lacageed ee
ka soo gelaysa falalkaasi, kaasi oo uga muhiimsan
wax kasta amma ujeeddo kale oo kasta oo la
xidhiidha ka-hortagga kalluumaysiga sharcidarrada
ah. Guud ahaan Maraakiibta ay qabsadeen budhcad-
badeeddu ma ahayn maraakiib kalluumaysi oo si
sharcidarro ah u kalluumaysanayey, laakiin waxay
ahaayeen maraakiib caadi ah oo xamuul ah, oo
262
marayey biyaha Somalia, kuwa Yemen, amma biyaha
caalamiga ah.7
Marka siyaabaha qaar loo eego, hawlgallada budhcad-
badeeddu waxay ka xannibeen oo ay horjoogsadeen
shaqadii kalluumasatadii gudaha ee Soomaalidu, halkii
ay ka celin lahaayeen maraakiibta iyo doonyaha
kalluumaysiga ee ajanebiga, una suurtogelin lahaayeen
in Soomaalidu ay si nabad ah u kalluumaysato.
8 Nin Soomaali ah oo budhcad-badeed ah, Ismaaciil
Elix (Mary Harper)
263
Mararka qaarna, waxayba ka cabsiiyaan oo ay didiyaan
kalluumaysatada Soomaalida, mararna ciidamada
caalamiga ah ee ilaalada badaha iyo maraakiibta kale
ayaa ku khaldama kalluumaystada Soomaalida oo mooda
inay yihiin budhcad-badeed, iyaga oo ku fura dhuumo
aad u xoog weyn iyo taxshiirado, amma kala wareega oo
ka qaada qalabkooda, amma xidhxidha, amma ka dhex
gala oo joojiya shaqadoodii iyo meheradoodii. Waxa
kale oo jirta in lacagta faraha badan ee madax-
furashada ah ee ay helaan budhcad-badeeddu, inay la
weynaato oo ay soo jiidato kalluumaysatada kale, oo
ay damac iyo hunguri geliso, iskagana tagaan
shaqooyinkoodii hore ee kalluumaysiga, si ay ugu
biiraan budhcad-badeedda oo iyaga lagtoodu ka mid
noqdaan. Wararka laga helo tuulooyinka ay joogaan
budhcad-badeeddu ayaa sheegay doonyo kalluumaysi oo
lagaga tegey xeebaha oo halkaas ku burburay, kuwaasi
oo ay iskaga tegeen dadkii hore u lahaan jirey oo
imika helay doonyo dheereeya oo casri ah oo ay u
kaxaysataan badda, kuna ugaadhsadaan dad ay soo
qafaashaan oo ay soo afduubtaan, halkii ay ka raadsan
lahaayeen kalluun. Xabsiga magaalada Hargeysa, waxan
kula kulmay nin budhcad-badeed ahaan jirey oo la soo
qabtay, oo la yidhaa Ismaaciil Elix. Waxa uu iiga
sheekeeyey sida uu maalin qudha isku bedeley ee uu u
go’aansaday in uu joojiyo shaqadiisii ahayd
kalluumaysato, waxanu tegey suuqa Boosaaso oo uu ka
soo iibsadey qori AK-47 ah, qori baasuuke ah, iyo
doonni nooca dheereeya ah. Hawgalkii ugu horreeyey ee
budhcad-badeednnimo ee uu galo ayaa lagu soo qabtay,
waxana lagu xukamay shan-iyo-toban sano oo xadhig ah.
Kama muuqan wax murugo ah oo ii muujinaya in uu ka
xun yahay waxyaabaha uu sameeyey, in kasta oo uu
lumiyey dhammaan xidhiidhka qoyskiisa iyo
qaraabadiisa, sannado badan oo ka mid ah
cimrigiisiina uu ku jiri doono xabsi ku yaal meel
guud ahaan ahaan loo arko dhul shisheeye.
264
Dhaqaalaha Budhcad-badeedda (Pirate economy)
Budhcad-badeednnimadu waxay noqotay wax laga helo
lacag badan oo malaayiin doollar ah,oo laga bixiyo
sii-deynta maraakiibta iyo shaqaalaha, taasi oo in
muddo ahba soo jiidanaysay dad badan oo aan ahayn
iyagu kalluumysato, siina noqonaysay hawl iyo farsamo
aad u heer sarraysa oo denbiilannimo oo lagu
shaqaysto. Hasse ahaatee, kalluumaysatada lafteedii
ayaa noqotay qayb weyn oo muhim ah oo ka qayb gasha
hawlgal kasta oo ay fulinayaan kooxaha budhcad-
badeedku, sababta oo ah aqoonta iyo waayo-aragnimada
ay u leeyihiin badda, kaxaynta iyo ku shaqaynta
doonyaha iyo qalabka kale ee badda. Budhcad-
badeednnimadu waxay noqotay shaqo weyn oo la
doorbido, iyada oo laga heli kara lacagayow badan oo
xad-dhaaf ah. Dadka ku ladnaaday ee ka helay wax
bandan, waxa ka mid ah ninkan budhcad-badeedka ah ee
magaciisa la yidhaa Xassan oo yidhi: ‘Xaaladdayda
dhaqaale waa mid aad iyo aad u fiican. Xattaa
sannadkan oo dhan uma baahni in aan ku noqdo baddii,
waayo waxan qabsaday kal-hore, hal markab. Lacagtii
aan ka helayna waxan gashaday meel kale oo runtii aad
u fiican. Arrimahayguna aad ayay u fiican yihiin.
Noloshayduna aad iyo aad ayay uga roon tahay oo ay
uga fiican tahay imika markii aan ahaan jirey
kalluumaysatada.’
In kasta oo la bixiyo sannad kasta tobannaan milyan
oo dollar oo madax-furasho ah, haddana waxa aad u
adag oo aan suurtogal ahayn in la helo tiro sugan
amma xisaabta saxda ah ee lacgta soo gasha guud ahaan
kuwa ku lug leh budhcad-badeednimada Soomaalida, iyo
sida lacagtaasi loo qaybsado. Waxa aad loo adkeeyey
in la dabageli karo oo la raadraaci karo lacagayowga
madax-furashada ah, iyadoo ay jirto xaqiiqada ah in
budhcad-badeeddu ay isticmaalaan habab wax badan soo-
jireen ahaa oo la mariyo lacagahaasi, loona yaqaan
xawaaladaha, kuwaasi oo ku dhisan is-aaminaad iyo
265
wada-xidhiidh afka ah, iyada oo aanay jirin wax
qoraal ah oo waraaqo ah oo la kala qaato, amma
kombuyuutar la geliyo oo la tixraaci karaa.
Madaxa Xafiiska Dalalka Afrikada Bari u qaabilsan
Barnaamijka Gacansiinta Badmareennada, oo ah ninka la
yidhaa Andrew Mwangura, waxa uu la socda hadba
hawlgallada budcad-badeedda ee xeebaha Soomaalida,
waxanu la xidhiidhaa oo waanwaan la gala budhcad-
badeedda. Waxa uu ii soo diraa farriimo amma
dhambaallo qoraal ah oo uu si sugan iigu sheegayo
meesha iyo waqtiga la afduubay markab, xattaa saacado
badan ka hor inta aanay wararkaasi helin wakaaladaha
wararku, ee aanay baahin. Waxanu sheegay ninkaasi in
budhcad-badeedda iyagu fuliya weerarka ee qabsadaa
maraakiibtaasi, in ayna run ahaantii iyagu ka wada
war hayn oo aanay wada helin dhammaan lacagyowga
madax-furashada ah ee la bixiyo. Waxanu yidhi: ‘Iyagu
waxay yihiin oo qudha askartii amma ciidankii lugta.
Waa dhallinyaro, inta bandanna aan ahayn rag muddakar
ah, hubaal ahaanna ma wada helaan oo gacmahooda kuma
wada danbayso dhammaan kacagtaasi.’8
Suuq dhaqaale oo yar ayaa ka abuurmay hawhlahaasi
budhcad-badeednimada, oo wax ka soo galaan dadweynaha
ku nool tuulooyinka xeebaha waqooyi-bari iyo
badhtamaha Somalia, iyo weliba kuwa ka sii shisheeya.
Waxay u muuqataa inayna jirin wax xeerar ah amma
nidaam ah oo laga siman yahay oo ku saabsan sida
lacagtaasi loo qaybiyo ee ay ku kala danbayso, iyo
wararka amma macluumaadka la xidhiidha arrimahani oo
aad loo ilaaliyo, loona qariyo, sababta oo ah dadka
ku lug leh falalkan denbiilannimada ah oo aan doonayn
inay bixiyaan xog sugan iyo macluumaad buuxa oo
faahfaahsan. Sida loo kala qaybiyo lacagayowga loo
qaato madaxfurashada, waxa lagu xusay warbixin ay soo
saartay Jamciyadda Qaruumaha ka Dhaxaysaa,
warbixintaasi oo ku dhisnayd warar laga soo ururiyey
266
oo laga soo xigtey budhcad-badeed joogta magaalada
Eyl ee ku taal dhinaca waqooyi-bari ee gobolka
Puntland, magaaladaasi oo wax badan saldhig weyn u
ahayd budhcad-badeedda. Waxayna u dhignayd sidatan:
Miliishiyada badda (Budhcad-badeedda tooska wax u
afduubka ee hawshaasi fuliya) – boqolkiiba 30
Miliishiyada berriga/dhulka (kooxaha hubaysan ee
jooga amma kontoroola degaannada berriga ee
budhcad-badeedd u ah saldhig ay ka soo
lollaystaan amma duulaan) – boqolkiiba 10
Dadweynaha degaanka (odayaasha iyo saraakiisha
maamulka ee degaanka) – boqolkiina 10
Maalgeliyayaasha laga sii qaato lacagaha deymanka
ee iyo biilasha – boqolkiiba 20
Hoggaamiyayaasha iyo dillaaliinta waaweyn ee ka
danbeeya budhcad-badeedda – boqolkiiba 30
Sida uu soo xigtey ee uu qoray isna Jeffrey
Gettleman oo qoraalkiisaas lagu soo saaray jariidadda
New York times bishii Oktoobar ee 2008, nin la yidhaa
Faarax Ismaacii Iid, oo lagu xukumay shan-iyo-toban
sano oo xabsi ah, oo uu ku galabsaday falal budhcad-
badeednnimo, waxa uu isagu sheegay oo uu bixinayaa
sawir waxoogaa ka duwan taasi, sida loo kala qaybiyo
lacagtaasi:
Miliishiyada badda (Budhcad-badeedda tooska wax u
afduubka ee hawshaasi fuliya) – boqolkiiba 30
Horjoogaha hoggaamiya kooxda budhcad-badeedda –
boqolkiiba 20
267
Maalgeliyayaasha hawlgallada soo socda, oo ay ku
jiraan hubka, shidaalka, iyo sigaarka –
boqolkiiba 20
Saraakiisha dawladda – boqolkiiba 30, 9
Qofka ugu horreeya budhcad-badeedda ee ugu hor-fuula
markabka la afduubayo, waxa la sheegay inuu helo oo
la siiyo amma libin-laab qaybtii saami ahaan uu u
heli lahaa lacagtaas, amma baabuur; kuwa kalena waxay
qaataan saamiyo isleeg. Haddii la dilo amma la
dhaawaco qof ka mid ah budhcad-badeeddaasi,
qoyskiisii waxa la siiyaa magdhaw dhaqaale amma
lacageed.
Waxa jirey eedaymmo la xidhiidha in qaar ka tirsan
saraakiisha dawladdu inay wax ka helaan
lacagayowgaasi budhcad-badeednimada, gaar ahaanna
Puntland, halkaasi oo la sheego in dakhliga soo gala
budhcad-badeedda ee sannad kasta ka soo gala lacagaha
madax-furashad ahi, in uu ka badan yahay
miisaaniyadda gobolka oo dhan oo ilaa $20 milyan oo
doollar oo Maraykan ah. Agaasiimaha guud ee
wasaaradda kalluumaysiga iyo dekedaha, Cabdi-Waxiid
Jowhar, ayaa qiray sannadkii 2008 oo sheegay ‘inay
jiraan dad dawladda ka tirsan oo la shaqeeya budhcad-
badeedda.’10 Waxa la eryey oo shaqadii laga
fadhiisiyey ku-xigeenkii taliyaha ciidanka booliska
ee Puntland, sababo la xidhiidha eedaymo loo soo
jeediyey oo ahaa in uu ku xidhan yahay budhcad-
badeedda. Warbixin ay soo saartay guddida Qaramada
Midoobey u qaabilsan la-socodka arrimaha Somalia,
sannadkii 2010, waxa lagu sheegay in:
Ka bacdi laba iyo toban sano oo horumar ilaa heer
cuntamaa uu ka jirey Puntland, marka loo eego
268
gobollada kale, in haddana maamulka cusub ee
dhawaanta la sameeyey ee Abdirahman Mohamed
‘Faroole’, in uu ku wado oo uu ku sii riixayo
Puntland sidii iyo habkii ay ku noqon lahayd dal
iyo maamul denbiile ah. Baadhitaannada ay
sameeyeen guddidaasi la-socodka arrimaha Somalia,
oo salka ku haya waraysiyo lala yeeshay dad
xogogaal ah oo u dhuun-daloola arrimaha budhcad-
badeedda, wada-hadallada iyo gorgortanka lacagaha
madax-furashada ee la bixiyo iyo sida loo kala
qaybiyo amma loo kala bixiyo, waxay xaqiijiyeen
in mas’uuliyiin sarsare oo ka tirsan Puntland, oo
uu ku jiro Madaxweyne Faroole iyo xubno ka tirsan
golihiisa wasiirrada oo uu ka mid yahay gaar
ahaan wasiirka arrimaha gudaha, General Abdullahi
Ahmed Jama ‘Ilkajiir’ iyo wasiirka xagga amniga
gudaha General Abdillahi Ahmed Saiid Samatar,
inay wax ka helaan lacagyowga budhcad-badeedda
amma madax-furashada afduubyada.11
Lacagta madax-furashada waxa kale oo waxoogaa ka mid
ahi uu gaadhaa dadku ku nool tuulooyinka ay joogaan
budhcad-badeeddu. Sida ay sheegtay wakaaladda wararka
ee AP bishii November ee 2008, haweeney magaceeda la
yidhaa Shamso Moalim oo deggan magaalada Xaradheere
oo hore u ahaan jirtey saldhig budhcad-badeed, waxay
ka hadashay sida budhcad-badeddu ay wax uga bedeleen
duruufihii nololeed ee qoyskeeda, waxayna tidhi: ‘Ka
sakow halka iyo meesha lacagtaasi ka timaaddo, amma
ha ahaato xaaraan sharcidarro ah amma yayna ahaane,
waxan odhan karaa nolol ayay soo gelisey oo ka
bilawday magaaladayada. Caruurtayadu haatan kama
warwaraan waxay cunaan, Subaxdii waxay tagaan dugsi-
quraanka islaamiga ah, galabtiina waxay dheelaan
ciyaarta kubadda cagta. Waa mabsuud oo waa faraxsan
yihiin.’12
269
Dadka deggan tuulooyinka ay joogaan budhcad-
badeeddu, waxay ka hadleen sida markasta oo lala
yimaaddo xeebahooda markabka la soo afduubay, sida
suuqu ugu cammirmo ee budhcad-badeeddu ay u
yimaaddaan ee ay ugu soo degaan, si ay u iibsadaan
shidaal, biyo, cabbitaan fudud, riyo, ido amma wanan,
bariis, baasto, iyo sigaar. Haweeney tukaan ku haysta
Xaradheere, oo la yidhaa Sahra Sheikh Dahir, ayaa
iyana tidhi:’Budhcad-badeeddu annaga ayay nagu
tiirsan yihiin, annaguna waxannu ku qabnaa
faa’iido’.13 Meel kale oo iyana dakhli ka soo galo
dadweynaha degaannada ay ka taliyaan budhcad-badeddu,
waxa weeye diyaargaraynta iyo iibka cunno gaar ah oo
loo sameeyo dadka la-haystayaasha ah ee madax-
furashada loo haysto, kuwaasi oo inta badan aan
jeclaysan amma aan ka helin cunno-Soomaalida.
Heerka-nolosha (Lifestyle)
Wax badan ayaa laga sheegay sida budhcad-
badeednnimadu ay bashbash iyo barwaaqo ugu keentay
nolosha dadweynahaha iyo tuulooyinka ku yaal xeebaha
ay joogaan. Hasse ahaatee, iyadoo ay ku kallifto in
budhcad-badeeddu mar kasta ay bedelaan
saldhigyadoodii oo ay ka guurguuraan, tuulooyinkaasi
waxay noqdaan marka danbe kuwa ay ka dhacdo busaarad
iyo baaba’, lacagtii inteeda badan la gashadu
magaalo-madaxyada gobollada iyo magaalooyinka kale ee
waaweyn. Dakhliga ka soo baxa budhcad-badeednnimada
Soomaalida, waxa kale oo la sheegay in uu qayb ka
qaatay horumarka weyn ee la-yaabka leh ee uu sameeyey
ganacsiga iyo hantida kale ee xaafadda Eastleigh ee
magaalada Nairobi, xaafaddaasi oo inta badan ay
Soomaalidu degaan, iyo weliba lacagta naqadka ah ee
Soomaalidu ku iibsato guryo qaali ah oo ku yaal
xaafadaha ugu fiican caasimadda ee heerka sare ah ee
270
lagu raaxaysto. Qawmiyadda Soomaalida ee Kenya ayaa
si weyn u beenisa wararkani.
Kor-u-kaca hantida magaalo-madaxda Puntland ee
Garoowe, iyo magaalada kale ee ugu weyn ee dekadda ah
ee Boosaaso oo cammirmay, waxa loo aanayn karaa oo si
cad loogu xidhiidhin karaa hantidaasi inay tahay mid
ka timid budhcad-badeedda. Guryo waaweyn oo cusub oo
fillooyin ah, oo Soomaalidu ugu yeedho ‘qasriyo’,
ayaa la dhistay oo lagu soo wareejiyey deyrar waaweyn
oo dhaadheer. Budhcad-badeedda qaar ayaa jecel inay
si muuqata amma is-tus-ah oo xad-dhaaf oo aan
xisaabtan lahayn, inay wax u kharash-gareeyaan, una
noolaadaan, iyaga oo iibsadaa baabuurta xarrakada iyo
Land Cruiser-ro qaali ah. Ragga Soomaalidu waxay ku
cawdaan in budhcad-badeeddu ay qaali-gareeyeen oo ay
sicir-barar ku rideen guurkii, iyaga oo gabdhaha
cusub ee ay guursanayaan ka bixiyaa yarad iyo
gabbaati aad u fara badan, isla markaasin sameeya
xaflado aroos oo socda dhawr maalmood, oo la
martiqaado fannaaniinta iyo kooxaha muusikada ee ugu
fiican, casuumado raashin ah iyo waxyaabo kale.
Dad badan ayaa ii sheegay in budhcad-badeeddu ay si
xun u cabbaan khamriga, si weynna u cunaan qaadka iyo
mukhaadaraadka kale ee adag oo ay qaataan, ulana
yimaaddaan fusuq iyo balwado dhaqan-xumo ah oo
kharribaya mujtamaca ay ku dhex noolyihiin. Waxase
dhici karta in eedaymahani ay ka mid yiihin cuqdadaha
iyo ‘sheekooyinka khurafaadka’ ah ee laga faafiyo
budhcad-badeedda, iyo hab ay Soamaalida aan iyagu ku
lug lahayn hawlaha budhcad-badeeddu ay iskaga
fogeeyaan oo isku barraxaan.
Ka sakow baabuurta casriga ah, guryaha cusub, iyo
xafladaha aroosyada ee ka-badbadiska ah, lacagtaasi
waxa badh dib loogu maalgeliyaa hawlgallada budhcad-
badeednnimada lafteeda. Budhcad-badeeddu waxay ka
qalin-jebiyeen oo ay ka dallaceen inay sii ahaadaan
271
kalluuaysato caadi ah oo masaakiin ah, oo watta
doonyo xunxun oo kharaab ah iyo qoryo daxalaystay,
waxayna u dallaceen inay helaan qalab farsamo sare
iyo hub casri ah, iyo doonyo qaali ah oo ay
kaxaystaan. Mid ka mid ah sababaha u suurtogeliya in
budhcad-badeeddu ay gaadhaan boqolaal kiloomitir oo
badda gudaheeda ah, waxa weeye inay heli karaan
qalabka lagu helo adeegyada Sattelite-ka ee wax
lagula socdo, iyo doonyo dheereeya oo ka xoog badan
kuwii hore. Ka sakow cunaqabataynta xagga hubka ee
Qaramada Midoobey ay ku soo rogtay Somalia, haddana
budhcad-badeeddu wax dhibaato ah kalamay kulmin inay
helaan oo gacmahooda uu soo galo hub aad u fara badan
iyo rasaas. Dagaalladii sokeeye ee labaatanka sano
iyaguna ka socdey dalkaasi, waxay keeneen in hub
badan uu ku faafo dalka. Dalka Yemen oo isna waxoogaa
xagga Khooriga Cadmeed ka xiga, ayaa laga helaa hub,
shidaal, iyo qalab kale oo muhiim u ah budhcad-
badeedda. Marba marka ka danbaysa ee budhcad-
badeeddnimadu ay sii daba-dheeraataba, budhcad-
badeeddu waxay sii helayaan khibrad iyo waayo-
aragnnimo dheeraad ah, waxayna la imanayaan tabo iyo
xeelado hor leh oo ay ku soo qabsadaan maraakiibta
waaweyn, shaqaalaha iyo badeecadaha qaaliga ah ee
maraakiibtaasi ay sidaan.
Qaab-dhismeedka (Structure)
Horumarka sii kordhaya ee budhcad-badeeddu ay ka
samaynayaan xagga qalabka casriga ah ee ay
adeegsadaan iyo qaababka heerka sare ah ee
hawlgalladoodu u abaabulan yihiin, ayaa dhaliya
tuhunka ah inay suurtogal tahay inay ku xidhan yihiin
kooxo caalami ah oo dembiilayaal ah.
Bishii February ee 2011, haweeneyda madax ka ah
hey’adda mukhaabaraadka ee ka-hortagga budhcad-
badeedda ee dawladda Maraykanka, Donna Lee Hopkins,
272
shir jaraa’id oo ay ku qabatay magaaladan London,
waxay ku sheegtay in isbedel dib-u-habayneed oo
buuxaa uu ku dhacay budhcad-badeeddii Soomaalida oo
ay si buuxda ugu xuub siibteen abaabul heer sare ah,
sannadahan danbe. Waxayna tidhi: ‘Budhcad-badeedda
Soomaalidu way ka koreen sidii hore ee ay haayeen
kooxo kala geddisan oo teelteel ah, oo iyaga iyo
dhibaatadooduba ku kooban tahay gudaha oo keliya, oo
ku eg uun dadka xeebaha oo diiddan kalluumaysiga
sharci-darrada ah ... waxayna noqdeen shabakad si
weyn iskugu xidhan oo awod leh, oo ka shishaysa
xeebahaasi oo caalami ah, oo abaabulan, noqotayna
shirkad qawlaysato oo ay ku bahoobeen denbiilayaal.’14
Waxayna intaasi ku dartay in deganaansho la’aanta ka
jirta gobolkaasi iyo marinnada baayacmushtarka oo
halis ku jira, in labadaasi dhibaato oo isbiirsaday
ay abuureen xaalad ah ‘jawigii qasnaa ee ku
bannaanaa’ budhcad-badeedda Soomaalida ee ay u
baahnaayeen, waxayna digniin ku bixisay in khatar
loogu jiro in dhibaatadani ay noqoto oo ay ku
dambayso mid waxba laga qaban kari waayo.
Tilmaanta haweeneydani waxay si weyn oo fog uga
duwan tahay tii uu soo bandhigay ee uu bixiyey Stig
Jarle Hansen ee uu ku dooday in budhcad-badeedda
Soomaalidu ay yihiin kooxo yaryar oo aan sidaa u sii
ridneyn oo ku kooban gudaha oo keliya:
Khuraafaadka ka jira ee laga faafiyey budhcad-
badeedda Khooriga Weyn ee Cadmeed ayaa ah wax
fara badan, laakiin kooxa caadiga ah ee budhcad-
badeeddu waa qaar ku dhisan jufo-jufo amma
jilibbo, oo si liidata oo heer hoose ah u
qalabaysan, kana kooban kalluumaysatadii hore.
Sidaa awgeed, budhcad-badeeddu waa qaar baahsan
oo aan lahayn abaabul iyo maamul dhexe oo aan is-
haysan amma aan xidhiidhsanayn, kana fog sida ay
qabaan ee ay soo jeediyaan dad badani, oo ah in
273
budhcad-badeeddu ay yihiin kooxo si heer sare ah
u dhisan amma u abaabulan oo u hawl gala. Dadka
maalgeliya ee iyaga ka danbeeyaana waxay u dhisan
yihiin qaab u eg qaababka ay u dhisan yihiin uun
maalgeliyayaasha Soomaalida ee adduunku.15
Hansen waxa uu soo jeedinayaa oo ay la tahay in
budhcad-badeeddu aanay lahayn qaab rasmi ah amma
nidaamsan oo ay ku dhisan yihiin, iyo in ‘kooxda
budhcad-badeedda’ ahi ay mararka qaar ka kooban tahay
wax aan ka badnayn hal qoys:
Koox kasta oo ah budhcad-badeed, caadi ahaan waa
koox aan sidaa u midaysnayn oo la socota qofka
watta ee soo urursaday, badiyaana qofkaasi
hoggaamiyaha ahi waxa uu hore u ahaan jirey oo uu
soo maray budhcad-badeed, kaasi oo lacagtii hore
ee uu soo helay haatan dib u maalgelinaya
hawlgallo cusub oo budhcad-badeednnimo.
Shaqadiisuna inta badan waa ninkii dhaqaalaha
hayey ee kharaska keenyayey ... Baaxadda iyo
tirada kooxaha budhcad-badeedkuna waa kala
geddisan yihiin oo waxay noqon karaan qaar ka
kooban min hal-hal qoys oo keliya, oo kala ah
odaygii amma aabbihii, wiilkii, iyo doonni yar,
kuwaasi oo raadinaya masruufkii iyo wax ay ku
nollaadaan, amma kooxo ballaadhan oo gaadhaya
ilaa 200 oo xubnood.16
Ka sakow sida uu u dhigayo Hansen ee ugu tilmaamayo
in budhcad-badedduu aanay lahayn wax nidaam ah oo
habaysan, waraysiyo baadhitaan oo aan sameeyey
sannadkii 2011, oo aan la yeeshay qaar ka tirsan
kooxo kala geddisan oo budhcad-badeed ah, waxa iiga
soo baxay inay leeyihiin xeerar anshax oo adag oo
qoraal ah oo ay ku dhaqmaan. Xeerarkaasi waa kuwa
kala geddisan oo ku xidhan hadba kooxda samaysatay ee
ay khuseeyaan. Waxa ku jira xeerarkaasi kuwa ku
274
saabsan sida loola dhaqmayo dadka la haystayaasha ah
ee la qabsado, iyo qaababka kala geddisan ee loo
weerari karo maraakiibta, iyada oo maraakiibta qaar,
gaar ahaanna kuwa Kuuriyada Waqooyi, la ogol yahay in
weerarro kulul oo dheeraad ah loo adeegsado oo lagu
qaadi karo. Sida uu ii sheegay nin ka mid ah budhcad-
badeedda oo la yidhaa Dahir, oo igu yidhi: ‘waxannu
leenahay xeerar kala geddisan oo aannu ugu talagalnay
dalalka kala geddisan. Tusaale ahaan haddii aannu la
kulanno markab laga leeyahay Kuuriyada Koonfureed,
waxannu ku qaadnaa weerar ba’an oo kulul. Waxay ku
xidhan tahay hadba sida ay noola macaamilaan ee ay
noola dhaqmaan maraakiibtaasi shisheeyuhu. Si xun
ayay noola dhaqmaan Kuuriyaanka Koonfureed iyo
Hindidu oo way nala dagaallamaan, si ka daran kuwa
kale. Annaguna waxannu ku qaadnaa dagaal adag oo xoog
leh oo ah waxa ay naga galabsadeen.’
Dhammaan kooxaha budhcad-badeeddu waxay leeyihiin
xeerar iyo qaabab lagu ciqaabo xubnaha iyaga ka
tirsan ee jebiya anshaxa u yaalla, waxana ku jira
xadhig la xidho qofka, khasiraad amma ganaax iyo eri
laga caydhiyo kooxda oo laga saaro. Kuwa dhawra ee
sida daacadnnimada ah ugu hoggaansama sharciyadaasi,
waxa la siiyaa abaalmarin, iyaga oo mutaystay magac
iyo sharaf lagu ixtiraamo, iyo weliba mararka qaar
hadiyado iyo lacag dhiirrigelin ah.17
Xidhiidhka Kooxaha Islaamiyiinta ee xagjirka ah
(Links with radical Islamists)
Warbaahinta qaar iyo warbixinno kale ayaa sheega in
budhcad-badeeddu ay ku xidhan yihiin ururrada al-
Shabaaab iyo kooxaha kale ee xagjirka ah, una yihiin
kooxaha Islaamiyiinta ah ilo muhiim ah oo dhaqaale
amma lacageed. Waa laga yaaba in budhcad-badeeddu ay
siiyaan khidmad amma cashuuro kooxaha Islaamiyiinta
ah ee ka taliya degaannada ay ka hawlgalaan, laakiin
275
xidhiihdhka ka dhexeeyaa uma muuqdo mid ka sii fog
intaasi.
Marka qudha ee wax laga qabtay budhcad-badeedda ee
la kontoroolay waxay ahayd sannadkii 2006, markaasi
oo Midowgii Maxkamadaha Islaamiga ahi (UIC) ay hayeen
awodda xukunka ee goboollada Koonfurta iyo badhtamaha
Somalia intooda badan. Midowgii Maxkamaduhu (UIC)
waxay sheegeen oo ay soo rogeen in budhcad-
badeednnimadu ay tahay shay xaaraan ah oo ka
horjeedda shareecada iyo caqiidada Islaamka. Waxayna
weerarro ku qaadeen dekedaha ay ka ololaystaan
budhcad-badeeddu, waxayna ku guulaysteen inay guud
ahaan iyo gebi ahaanba ka tirtiraan budhcad-
badeednnimada dalka oo dhan. Koox kale oo Islaamiyiin
ah oo iyana weerar ku qaadday budhcad-badeeddu waxay
ahayd kooxdii Xisbul Islaam. Sannadkii 2010, waxay ka
saareen oo ay ka caydhiyeen budhcad-badeeddii,
magaalada Xaradheere oo ka mid ahayd meelaha
saldhigyada waaweyn u ah ee haystaan, iyaga oo ku
eedeeyey in falalkooda iyo waxyaabaha ay ku
dhaqmayaan ay yihiin kuwa ka baxsan diinta oo ka soo
horjeeda Islaamnimada. Waxa jirey warar xiiso leh oo
ka hadlayey budhcad-badeed fara badan oo gaadhaya
inta u dhaxaysa saddex boqol ilaa afar boqol oo
baxsad ah, oo dhinaca miyiga amma kaymaha u yaacay,
iyaga oo ku raran hubkoodii, oo qaarkood ay
lugaynayaan, qaar kalena ay wataan baabuur Land
Cruiser-ra ah. Markii danbe waxay degeen magaalada
dekedda ah ee Hobyo oo waqooyiga ka xigta Xaradheere.
Inta ay xaaladda Soomaaliya tahay mid qasan oo aan
degganaynna, waxa suurtogal ah in budhcad badeeddu ay
helaan saldhig kale oo kolba ay u guuraan oo ay
degaan, oo ka mid ah xeebta dheer.
276
Ma ahayd sida kale ee ugu habboon? (The best option?)
Dawladaha waaweyn ee adduunka, waxay ku noqotay
arrin aanay filayn oo ku-soo-booddo ah soo-
iftixibaankii budhcad-badeedda ka bilaabantay
Somalia. Ma jirin markaasi qaab iyo hab la adeegsado
oo loogu talo galay in si wax-ku-ool loogaga hortago
dhibaatadaas, taasi oo macnaheedu noqday in budhcad-
badeeddu ay fulin karaan hawgalladooda iyaga oo aan
ka werwerin wax khatar ah oo ay la kulmi karaan, isla
markaasina ay ogyihiin in meesha ay ugu jirto fursad
weyn oo ay wax badan ka heli karaan. Sida ay
wakaaladda wararka ee Reuters ka soo xigatey bishii
November ee 2008, Taliyaha guutada shanaad ee
Ciidammada Badda ee Maraykanka, Vice-Admiral William
Gortney, waxa uu gartay amma aqoonsaday sababaha
budhcad-badeednimadu ay u noqotay wax si weyn u soo
jiidata Soomaalida, waxanu yidhi:‘Ma jirto sabab aad
ugu biiri weydo oo aad u noqon weydo budhcad-badeed.
Markabka aan doonayo in aan qabsado oo aan weerara,
ma aha mid isagu aniga i soo tuukanayo oo xabad igu
soo ridaya, waana mid aan lacag ku heli doono. Ima
xidhi karaan oo maba hayaan meeshii la igu xukumi
lahaa ee maxkamad la igu saari lahaa.’18
Vice-Admiral Gortney aragtidiisan, waxa kale oo isna
la qaba Patrick Cullen oo ah khabiir dhinaca arrimaha
nabadgelyada, oo ka tirsan Jaamicadda Culuunta
Dhaqaalaha ee London:‘Budhcad-badeednnimadu waa shaqo
iyo xirfad heer sare ah oo fiican haddii aad ka hawl
gelayso dal faqiir ah oo aan nidaam iyo sharci lahayn
sida Somalia oo kale. Marka la isbarbar dhigo
khatarta, iyo dhinaca kale faaii’dada ka soo gelaysa
ee meesha ku jirta ee loogu badheedhayaana waa mid
aad u badan oo weyn.‘19
Budhcad-badeeddnimada, waxa si toos ah iyo si dadban
labadaba u kaaliyey deeqaha debadda. Barnaamijyada
277
iyo mashaariicda loogu talo galay in wax lagaga qabto
oo lagu yareeyo saboolnimada haysata dadka ku nool
xeebaha, ayaa ugu dedaalay sidii ay ugu heli
lahaayeen ee ay ugu keeni lahaayeen dadkaasi saboolka
ah doonyo kalluumaysi, doonayahaasi oo laakiin ay si
kastaba u dhacday in aan lagu isticmaalin amma aan
loogaga faa’iideysan ujeedooyinkii loogu talo galay.
Waxa kale oo la sameeyey amma la hagaajiyo kaabayaal
ay ka mid yihiinka dekado yaryar oo macmal ah,
kuwaasi oo iyagana laga yaabo in laga faa’iideyteen
oo ay caawiyeen. Tusaalaha ugu fiican ee la soo
qaadan karo sida khaldan ee loo leexiyey mucaawanadii
debadda ee marka hore laga lahaa ujeedada fiican, ee
ay aakhirkii uga faa’iideysteen dad khalad ah oo aan
ahayn kuwii loogu talo galay, waxa ka mid ah arrin ka
dhacday Puntland, halkaasi oo shirkad Ingiriis ah oo
xagga ammaanka qaabilsan, oo la yidhaa Hard Security
UK ay ka waddey tababarro la siinayo ciidanka
ilaalada xeebaha ee gudaha, doonyo iyo qalab kale oo
ay ku hawl galaan ciidamadaas, una adeegsadaan
ilaalinta badda oo ay ka ilaaliyaan budhcad-badeedda
iyo maraakiibta kalluumaysiga sharcidarrada ah ee
ajanebiga ah. In kasta oo bilawgii uu mashruucaasi
ahaa mid lagu guulaystay oo si fiican u hirgalay,
haddana shirkaddii Hard UK waxay degaannadaasi ka
baxday sannadihii 2000, ka dib markii halkaasi uu ka
qarxay khilaaf dagaal oo gudaha. In badan oo ka
tirsan ‘ilaaladii xeebaha‘ ee cusbaa ee sida fiican
loo tababaray, ayaa si dhakhso ah u bedeley
shaqooyinkoodii oo noqday budhcad-badeed, una
adeegsaday qalabkoodii cusbaa iyo khibraddii ay
heleen, si ka geddisan oo aad uga duwan ujeedadii
markii hore laga lahaa ee loogu talo galay.
278
Maxaa lagu samayn karaa marka la soo qabto qof
budhcad-badeed ah? (What do you do with a pirate when
you catch one?)
Dihbaatooyinka waaweyn ee la xidhiidha budhcad-
badeedda Soomaalida, waxa ka mid ah sida la odhan
karo ee loo maarayn lahaa budhcad-badeedda marka la
soo qabto. Xeerka caalamiga ah ee Qaramada Midoobey
ee ka dejisan sharciyada baduhu waxa uu dhigayaa oo
ku macnaynayaa budhcad-badeednnimadu inay tahay denbi
caalami ah meel kasta, waxanu u ogolaanayaa dal kasta
amma qaran kasta oo madaxbannaan oo dawli ahi, xaqa
uu u leeyahay in uu soo qabqabto, dacwadan ku soo
oogo oo uu maxkamad saaro budhcad-badeedda. Laakiin
dalal badan waxa ka maqan oo aanay lahayn sharciyadii
gaarka ahaa ee loo adeegsan lahaa arrimahani.
Waxa kale oo jahawareer ka jira dalka xaqa u
yeelanaya in uu sharciyadiisa iyo awoddiisa ku fuliyo
oo uu ku qaado budhcad-badeeddaasi; waayo waxa laga
yaabaa in markabku uu sito oo uu ku dal-maraayo calan
gooni ah, laakiin isla markabkaasi in dal kale laga
leeyahay, iyo in uu sito badeecado iyo shixnado loo
wado dalal kale oo dhawr ah, iyo in shaqaalaha saaran
dhalashadoodu ay iskugu jirto dalal kala gooni ah.
Waxa kale oo iyana meesha ku jirta oo muhim ah dalka
laga leeyahay ee uu ka tirsan yahay markabka dagaal
ee soo qabtay budhcad-badeeddaas.
Bilawgii, waxa dhici jirtey in la iska sii daayo
badankooda budhcad-badeedda ay qabtaan maraakiibta
dagaalka ee shisheeyuhu. Dalal badan oo ku jira
hawlgalka caalamiga ah ee ilaalinta badaha ayaa raaci
jirey oo ku dhaqmi jirey siyaasadda ah ‘soo qabo oo
sii daa’, sababta oo ah in la qaso oo la curyaamiyo
budhcad-badeedda, halkii la marin lahaa qaabab iyo
habab adag oo dhibaato badan oo maxkamado lagu saaro.
Tusaale ahaan, bishii September ee 2008, markab
dagaal oo laga leeyahay dalka Denmark ayaa soo qabtay
279
toban qof oo lagu tuhmey inay yihiin budhcad-badeed,
iyaga oo maraya Khooriga Cadmeed, oo sitta
garnayllada basuukayaasha iyo sallaan dheer. Ka dib
markii la hayey muddo toddobaad ah, mas’uuliyiintii
reer Denmark waxay go’aansadeen inayna haysan wax
awod sharciyeed ah oo ay ku maxkamadeeyaan dadkaasi,
sida awgeedna waxay kala wareegeen qalabkii ay
siteen, waxayna geeyeen dadkii xaggaa iyo xeebaha
Somalia oo ay ku daadiyeen.
Bishii April ee 2009, ciidammo ka socda dalka
Holland oo ka tirsan ciidamada ilaalada ee
gaashaabuurta NATO, ayaa soo qabtay toddoba budhcad-
badeed ah oo Soomaali ah, hasse ahaatee way iska sii
daayeen, iyaga iyo doonnidoodiiba, iyo weliba shidaal
ku filan oo ay sii siiyeen, si ay iyaga oo bedqaba oo
nabad ah ay u gaadhaan dhulkoodii oo ay dib ugu
noqdaan. Afhayeen u hadlay ciidamada badda ee NATO oo
la yidhaa Taliye Chris Davies, waxa uu sheegay in
sharci ahaan aanay jirin wax kale oo la samayn
karayey: ’Waa arrin la xidhiidha xagga sharciyadda
iyo sharci-dejinta. Budhcad-badeeddu waxay ahaayeen
qaar bilawgii la soo qabtay oo rumaan ahaan loo
hayey, waxana laga qaaday hubkii oo waxa laga dhigay
dad aan waxba samayn karayn oo aan lahayn awod. Dib
ayaana loo celiyey budhcad-badeeddaasi oo la sii
saaray doonnidoodii, lana sii siiyey raashin iyo
daruuriyaad kale oo taakulayn ah.’20
Laakiin waxa jirey budhcad-badeed kale oo aan iyagu
sidaa u sii nasiib badnayn. Qaar ka mid ah kuwaasi,
waxa loo dhiibay oo lagu wareejiyey maamulka
Puntland, halkaasi oo lagu xidhay xabsiyo buux-
dhaafay. Mid ka mid ah budhcad-badeeddaasi, muddo
toddoba bilood ah ayuu ku qaatay oo lagu dhex hayey
markab dagaal oo Maraykan ah, waayo ma jirin cid
go’aan ka gaadhi karaysay waxa ay tahay in lagu
sameeyo amma sida la odhanayo. Qaar kale, waxay u
gacan galeen ciidamada ilaalada badda ee Yemen oo
280
qabqabtay, maxkamadna lagu saaray dalkaas Yemen, oo
lagu xukumay dil.
Markii muddo laga soo wareegey, waxa jirtey haddana
in qaar ka tirsan budhcad-badeeddaasi in loo qaaday
xabsiyo ku kala yaal dalalka Faransiiska, dalalka
Netherlands, Maraykanka iyo meelo kale, halkaasi oo
qaarkood bilo ay ku sugayeen in maxkamad la geeyo,
iyada oo la diyaarinayey shariciyadii loo baahnaa.
Kiiskii amma dacwaddii maxkamadeed ee ugu horraysay
ee lagu qaado qaaradda Yurubna, waxa laga furay
maxkamad ku taal dalka Holland, bishii May ee 2010.
Sida ay ku tilmaantay jaridadda Daily Telegrah oo soo
xiganaysa Collin Freeman oo wax ka qoray dacwaddaasi
maxkamadeed, bishii June ee 2010, dadkaasi oo ahaa
shan qof oo Soomaali ah, waxa la soo fadhiisiyey
qolka maxkamad ku taal magaalada Rotterdam, iyaga oo
‘xidhan dhar la soo ergisey, una muuqda in si weyn ay
iskugu buuqsan yihiin oo ay jahawareersan yihiin, oo
dhinacna u muuqda inay caajisan yihiin oo ay ka
jajaban tahay, dhinacna faraxsan.’21 Shantaasi qof ee
Soomaalida ah, waxa loo haystay oo lagu soo ogay
dacwad, iyaga oo loo cuskanayo sharciyo ‘budhcad-
badeednimada’ oo markii hore la dejiyey qarnigii
toddoba-iyo-tobnaad. Dadkan la heystey ee
eedaysanayaasha ahaa waxay ku doodeen inay
kalluumaysanayeen, wax xabbado ahna in aanay ridin.
Hasse ahaatee qaar ka tirsan shaqaalihii markabka oo
Turki ah, oo saarnaa markabkaasi Holland oo ah nooca
xamuulka oo ka diiwaan-gashan jasiiradaha Antilles,
ayaa waxa ay ku fureen markhaati ah in raggaasi ay u
soo dhawaadeen markabka, iyaga oo watta doonni aad u
dheeraynaysa oo si xawli leh u socota, soona ridaya
taxshiirado iyo basuukayaal ay la soo eegteen dheegga
sare ee markabka. Soomaalidii waxa lagu helay inay
galeen denbigaasi, mid kastana waxa lagu xukumay shan
sanadood oo xabsi ah.
281
Dalka Maraykanka, intii ka danbaysay sannadkii 1820-
kii, dadkii ugu horreeyey ee xeer-beegti Maraykan ahi
ay ku qaaddo kuna hesho denbi ah fal dudhcad-badeed,
waxa ay noqdeen shan Soomaali ah, oo bishii March ee
2011-kii lagu xukumay xabsi-daa’im amma madaxaa-ha-ku
furo. Waxay sameeyeen khalad xun oo halis weyn ah, oo
ay ku khaldameen markab dagaal oo Maraykan ah oo ku
jira hawlgal ah ka-hortag budhcad-badeed, una qaateen
in uu yahay markab xamuul oo ganacsi.
Dalalka reer-Galbeedka, waxa kale oo ay dhibaato ka
haysataa cabsida ay ka qabaan in budhcad-badeeddaasi
marka ay dhamaystaan xukunkii xabsida, inay isku deyi
doonaan inay is-dhiibaan oo ay dalbadaan magangelyo.
Budhcad-badeeddii ku xidhnayd dalka Holland, waxa la
sheegay inay aad ugu faraxsanaayeen inay markii ugu
horraysay noloshooda helaan musqulo biyo leh, laydh
amma koranto afar-iyo-labaatanka-saacadood ah, iyo
furaashyo raaxo badan. Looyar amma qareen u doodayey
mid ka mid ah budhcad-badeedda, waxa uu ka hadalay
nolosha raaxada ah ee xabsiyada Holland dhexdeeda,
marka loo eego xaaladihii hore ee nololeed ee
budhcad-badeeddan: ‘Markii ugu horraysay ee aan la
hadlo amma wax weydiiyey eedaysanihii aan wakiilka ka
ahaa ee aan daafacayey, waxa uu ii sheegay in
joogitaanka halkan ee imiku ay tahay jannadii oo
kale. Markii ugu horraysey noloshiisa, marna ma uu
dareemin wax khatar ah oo uu ka cabsado halkan,
Waxanu ku jirey xabsi casri ah oo leh suuli amma
musqul iyo meel lagu qubeysto oo casri ah, kuwaas oo
ah noocii ugu horreeyey ee uu abidkii helo
noloshiisa.’22
Iyaga oo qaba noloshaasi raaxada leh, marka loo eego
sidii hore ee ay ahaan jireen, ee ay helayaan shanto
sano ee ay ku jiraan xabsiyadan Holland, kuna
haystaan qolal amma maqsinno gaar u ah oo leh
telefishankii, musqushii iyo meeshii qubeyska ee ay
ku maydhan lahaayeen, haddana budhcad-badeeddaasi
282
waxa si kastaba suurtogal u ah inay xaq u yeeshaan
inay is-dhiibaan oo ay codsadaan in la siiyo
magangelyo, isla marka muddadii xukunka xabsigu ka
dhammaato.
Bishii March ee 2010, tirada guud ee maxaabiista
budhcad-badeedda Soomaalidu waxay kor u dhaaftay
siddeed boqol oo ku kala jira xabsiyada lix-iyo-toban
dal oo kala duwan. Waxa jirey dedaallo badan oo kala
geddisan oo la isku deyey in la sameeyo hab lagu
midaynayo nidaamyada dacawadaha maxkamadeed ee la
saarayo budhcad-badeedda iyo xabsiyada lagu haynayo,
laakiin ilaa iyo hadda midna laguma guulaysan.
Sannadkii 2009-kii, dalalka Marayknka, Midowga
Yurub, Canada iyo dalal kale ayaa heshiis la gaadhay
dawladda Kenya, heshiiskaasi oo ahaa in dadka loo
haysto budhcad-badeednimada loo wareejiyo magaalada
Mombasa ee xeebta ku taal, halkaasina lagu hayo,
laguna maxkamadeeyo. Hasse ahaatee bishii April ee
2010 ayay dawladda Kenya sheegtay in aanay aqbali
doonin cid danbe oo loo haysto budhcad-badeednimo oo
loo keeno, sababta oo ah in aanay haynin kharashkii
iyo dhaqaalihii ku bixi lahaa ee loo baahnaa. Waxa
kale oo ay intaasi ku dareen in hey’adaha caddaaladda
ee Kenya imikaba ay qabaan kullays badan oo haysta oo
aanay wada qaadi Karin, waxayna tibaaxeen in aanay
doonayn in Kenya ay noqoto ‘Guantanamo-dii Budhcad-
badeedda’. Ka dibna, lacagayow dheeraad ah oo debadda
ah ayaa loo qoondeeyey maxkamad u gaar ah budhcad-
badeedda oo laga sameeyey Mombasa, laakiin ila hadda
hawshaasi ma noqon mid u hirgasha sidii laga rabey.
Sannadkii 2010-kii, dalka Sychelles oo budhcad-
badeedda Soomaalidu si xun u saamaysay ayaa heshiis
la saxeexday Jamciyadda Qaruumaha ka dhaxaysa,
heshiiskaasi oo dhigaya in halkaasi lagu maxkamadeeyo
dadka loo haysto falalka budhcad-badeednnimada. Hasse
ahaatee jasiiraddaasi waxay leedahay oo ku yaalla hal
283
xabsi oo qudha, umana qalabaysan xabsigaasi si qaadi
kartaa oo ku filan daryeelka dhibaato iyo culays
baaxaddaas weyn leh.
Waxa jirey talooyin la soo jeediyey oo ku saabsanaa
in laga dhex sameeyo Somaliland iyo Puntland
maxkamado iyo xabsiyo budhcad-badeed oo caalamku
maalgeliyo, laakiin waqtigii la qorayey buuggani,
kuwasi laftooda waxa ka horyimid carqalado amma
dhibaatooyin.
Marka ay sii daba dheeraataba... (The longer it goes
on...)
Mar kasta oo la sii xoojiyo raadcaysiga lagu soo
qabqabnayo budhcad-badedda xeebaha Soomaalida, iyo
mar kasta oo budhcad-badeed kale oo dheeraada la sii
xukumo oo xabsiyada loo diro, waxa kale oo iyaguna
sii kordhaya noocyada falalka iyo weerarrada budhcad-
badeerddu ay ku kacayaan. Bilawgii, waxa aad u yaraa
dilka amma dhaawaca loo geysto dadka la-haystayaasha
ah ee la qafaasho, sababta oo ah inay uga faa’iido
badan yihiin oo qiimo weyn ay ugu fadhiyaan budhcad-
badeedka, inta la-haystyaashaasi nolol lagu hayo ee
ay bedqabaan amma nool yihiin, ka sakow halkii laga
dili lahaa amma ay noqon lahaayeen wax dhintay. Hasse
ahaatee waxa dhacday in sannadihii u danbeeyey ay sii
korhdaysay tirada dadka la-haystayaasha ah ee dhinta.
Bishii February ee 2011, waxa la diley afar qof oo
Maraykan ah oo la haystey, mar ay ciidammo Maraykan
ahi ay qaadeen hawlgal ay doonayeen inay dadkaasi ku
soo furtaan. Waxa khatar kale la sii geliyey
xaaladihii xasaasiga ahaa ee awalba taagnaa, kuwaasi
oo maraakiibta iyo dadka saaran ee shaqaalaha ah la
soo deyn jirey ka dib marka madax-furasho la bixiyo,
iyo budhcad-badeedda ay qabtaan ciidamada ilaalada
badda ee caalamiga ahi oo la iska sii deyn jirey oo
loo suurtogelin jirey amma loo ogolaan jirey inay dib
284
ugu noqdaan dhulkoodii. Marka oo ay sii kordhaan
tirooyinka budhcad-badeedda la dilo ee ay dilaan
ciidammo nabadgelyo oo gaar ah amma ciidamada
komaandoosta ee badda ee qaada weerarrada ay ku soo
furanayaan maraakiibta, waxa dhinac kale suurtogal ah
inay iyaguna sii kordhaan dilalka budhcad-badeeddu ay
kula kacaan dadka la-haystayaasha ah.
Waxa kale oo sii kordha cadhada iyo gaca-ka-hadalka
budhcad-badeedda, mararka wadahadalka iyo gorgortanka
lacagta madax-furashadu ay sii jiitamaan amma
burburaanba. Bishii January ee 2010, nin la yidhaa
‘Caddow’ oo ka mid ahaa budhcad-badeeddii haysatey
lammaanihii Ingiriiska ahaa ee Paul iyo Rachel
Chandler, waxa uu ii sheegay in waxa uu ku tilmaamay
‘wiilal yaryar’ oo ka tirsan kooxdihii, inay ‘ku
qabteen lammaanahasi qoryihii ay haysteen, kuna
garaaceen’, sababtana waxay ahayd ayuu yidhi inay
‘aad uga xanaaqeen oo ay ka cadhoodeen wadahadalladii
lacagta madax-furashada oo wax horumar ah laga samayn
waayey’.
Warbixin uu soo saaray machadka loo yaqaan One Earth
Future Foundation sannadkii 2011-kii, waxa uu
faafiyey oo kashifay sheekooyinka aan waxba ka jirin
ee la isla dhex maro ee sheega in budhcad-badeedda
wax qabsataa ay yihiin dad leh naxariis
banii’aadminnimo. Waxayna tusaale u soo qaadanaysaa
oo ay eegaysaa warbixintaasi, waayo-aragnimada
argagaxa leh ee ay soo mareen iyo waxyaabaha la baday
ee lagula dhaqmay shaqaalaha maraakiibta ee la
qabsado, kuwaasi oo sharikadaha maraakiibta ee ay ka
tirsan yihiin mar walba u sheegaan oo amar ku siiyaan
shaqaalaha, in aanay bixin wax warar ah oo ku saabsan
sidii loola dhaqmay iyo dhibaatooyinkii ay soo
mareen. Sababtuna waxa weeye in sharikadahaasi ay ka
baqanayaan in taasi ka cabsiiso oo ay ka joojiso in
dadku ay shaqooyin u doontaan maraakiibta.
285
Warbixintu waxay ku tilmaamaysa wax ‘layaab leh’ oo
laga argagaxo dhaawaca iyo dhibaatooyinka
banii’aadminimo ee soo gaadha shaqaalaha maraakiibta
ee la qafaasho, kuwaasi oo intooda badani ka yimaadda
amma u kala dhashay dalalka Philippines, India iyo
Bangladesh, oo warbaahinta caalamku aanay iyaga sidaa
u danayn, si la mid ah sida ay u daneeyaan la-
haystayaasha reer-Galbeedka ah. Kaija Hulburt oo
bishii June ee 2011 wax ka qoray dhibaatooyinka
banii’aadminnimo ee ay geystaan budhcad-badeedda
Somaalida, waxa qoraalladaasi ka mid ahaa:
Weerarrada (soo-furashada ah) lagu guuleysto iyo
kuwa aan lagu guulaysan labaduba waxay khatar
gelinayaan badmareennada oo halis ugu jira inay
la kulmaan dhibaatooyin xanuun iyo argagax leh oo
muddo dheer ku dhaca jidhkooda iyo maskaxdoodaba.
Budhcad-badeedda Soomaalidu waa qaar si weyn u
hubaysan, oo inta badan sitta qoryo, noocyada
boobaha ah ee otomaatigga ah, gantaallo
baasuukayaal ah, iyo waxyaabaha qarxa. Budhcad-
badeeddu waxay weerar ku qaadaan maraakiibta,
waxay faraxumeeyaan amma ku dacatiyaan oo ay
gacan ula tagaan badmareennada, dadka la-
haystayaasha ahna, waxay hoos-geeyaan oo ay u
sameeyaan rag aad u hubaysan oo si buuxda u
kontoroola, gaadhna ka haya oo waardiyeeya.
Dhammaan xaaladahani oo dhammi waa qaar keeni
karaa inay sababaan dhaawacyo halis ah oo soo
gaadha iyo xattaa dhimasho ku timaad
badmareennada. Waxa intaasi dheer, saamaynta
dhibaatooyinkaasi muddada dheer ay ku jiraan ay
ku yeelanayaan ee ay u dhaawacayaan maskaxda iyo
dareenka badmaaxyada, oo in kasta oo dhaawacaasi
uu yahay mid aan isla markaaba si sahal ah loo
ogaan Karin oo aan u muuqan, haddana ah mid
riiqdiisa danbe ee uu ku reebayaa ay aad u xun
tahay.23
286
Warbixintu waxay sheegtay in sannadkii 2010 oo
keliya gudihiisii, in dad ka badan afar kun oo qof oo
badmareenno ah lagula kacay weerarro hubaysan, qaar
kalena laga dhigtay gaashaan banii’aadan. Waxana
warbixintu intaasi ku dartay in marka la isku
celceliyo, muddada la haysto dadkaasi ay noqonayso
ilaa shan bilood. Waxa kale oo ay ka hadashay
noocyada ciqaabta kala geddisan ee jidh-dilka ah ee
lagula kaco, waxana ka mid ah ayay tidhi:
Dhuumo xoog leh oo biyo ah oo lagu furo la-
haystayaasha, iyaga oo lagu dhex xidho
qaboojiyayaasha markabka oo dusha lagaga qufulo,
dadkaas oo lagu xidho dheegga sare ee markabka oo
ay ku dhacdo qorrax amma milic aad u kulul oo
lagu gubanayo, iyo la-haystayaasha oo inta la
dedelo oo la foorariyo, madaxa hoos loogu rido oo
la quusiyo badda ... iyada oo laga soo deldelo
tiirarka markabka iyo biraha qadhabatooyinka ah
ee la sudho hilibka ... la-haystayaasha oo inta
la wada qaawiyo oo dharka laga dhigo, la iskugu
keeno oo la soo tubo meel ka mid ah markabka
dhexdiisa ... iyo iyada oo lagula kaco dilal
beenbeen ah oo ku-dheeldheelis ah.24
Warbixintu waxay soo xiganaysaa nin ah farsamayaqaan
xagga matoorrada, oo lagu qabsaday markabkii MV
Marida Marguerite ninkaasi oo yidhi: ‘Maalin ka mid
aha maalmaha, ayaa waxay i geeyeen xagga dusha ee
markabka, waxayna iga xidheen gacmaha iyo lugaha oo
ay garba-duub iskugu kay jebiyeen dhabarka, sidaasina
aan ku jirey muddo laba saacadood ah. Waxa kale oo
xiniinyaha ay igaga xidheen oo ay igu kiijiyeen
waayir amma xadhig caag ah.’25
Sida ay ka soo xigatey jariidadda The Guardian, nin
isna Hindi ah, oo hore loo qabsaday, magaciisana la
yidhaa Dipendra Rathore, ninkaasi oo saarna markab la
287
qabsaday bishii April ee 2010, waxa uu sheegay in
weli ay sii haysato dhibaatada raadkii uu ku reebay
argagixii uu soo maray:
Mar walba waxay nagu hayeen xaalad argagax iyo
naxdin ah – si isdaabajoog ah ayay noo garaaci
jireen, iyaga oo nala dhacaya biro dhaadheer ...
waxan arkay shaqaalihi saxiibaday ahaa oo lala
dhacayo ulo, iyo xadhkaha korantada oo xiniinyaha
lagaga xidhay, nin inta xadhko lagu xidhay laga
soo deldalay tiirka sare ee markabka, halkaasina
ka soo deldalnaa dhawr saacadood. Xattaa haddii
aanan indhahayga ku arag oo aanan goobjoog ka
ahayn ciqaabaha jidh-dilka ah, waxan maqlayey
qaylada. Welina qayladii dhegahayga ayay ka sii
yeedhaysaa ilaa maantadani.26
Marka loo eego waayo-aragnimada dhibaatooyinkani
laga soo kasbaday, haddana talooyinka ay soo saaraan
ciidamada badda ee Midowga Yurub ee ku qoran qoraalka
cunwaankiisu uu yahay Sida looga badbaado amma looga
sabatabaxo budhcad-badeedka xeebaha Somalia
(Surviving Piracy off the Coast of Somalia),
talooyinka halkaasi ku yaal ayaa u muuqda wax kooban
oo xaddidan. Waxana ka mid ah: ‘Haddii markabkaaga ay
budhcad-badeed qabsato, waa in aad ku talo gashaa
inay dhici karto in lagu haysto muddo dheer.
Caadiyan, inta dadka la haystaa waxay u dhaxaysaa lix
ilaa laba-iyo-toban toddobaad, laakiin waxa laga
yaaba in intaasi ay wax badan ka sii dheeraato, iyada
oo ku xidhan hadba sida loogu guulaysto wadahadallada
gorgortanka.’27
Iyada oo aanay dawladda ku-meel-gaadhka ah ee
Somalia aanay xukumin oo aanay gaadhsiisnay
degaannada ka tirsan dalka ee budhcad-badeednimadu ka
jirto, suurtagal uma aha in dawladdu ay ka qaaddo
tallaabooyin wax ku filan, oo wax lagaga qabanayo
288
dhibaatadaas. Bishii Oktoobar ee 2009, ra’iisal-
wasaarihii waqtigaas, Omar Sharmarke, waxa uu ii
xaqiijiyey oo uu ku ballanqaaday in xukuumaddiisu ay
ka dhammayn doonto oo laga tirtiri doono budhcad-
badeedda xeebaha Somalia oo dhan, labada sano ee soo
socda gudahooda. Waxa uu ku gacansaydhay oo aanu
waxba ka soo qaadin soo-jeedintaydii ahayd in laga
yaabo in taasi ay ku noqoto hawl aad u cuslus oo
dhibaato ku ah dawladda, maadaama ay awodda
dawladdiisu xaddidan tahay, oo ay ku kooban tahay uun
jidad yar oo ka tirsan magaalo-madaxda Muqdishu.
Waxanu igu yidhi:’ Ma ahin waxa aan karti iyo awod
lahayn, laakiin imkaaniyaadkii aannu wax kaga qaban
kari lahayn dhibaatadani ayaanaan haysan oo aan
dhammaan halkan wada ool. Waa sababtaa, sababta aannu
debadda uga raadinaynno taageero iyo maalgelin.
Waannu titiri doonnaa budhcad-badeedda, annaga oo u
adeegsanaynna dadweynaha iyo olole waci-gelineed,
kuna xoojinaynna quwad milatetr.’
Sidii aan horeba u soo sheegnay, Midowgii
Maxkamadaha Islaamiga ahi waxay awodeen inay wax ka
qabtaan oo dhibaatadii budhcad-badeeddu ay aad u
yaraato. Hansen waxa uu isna ka hadlayaa sida
xukuumadda la magacbaday Jamhuuriyadda Somaliland ay
guulo uga soo hoysey la-dagaallanka budhcad-badeedda:
Guulaha Somaliland ka gaadhay la-dagaallanka
budhcad-badeednnimada ayaa ah wax weyn oo loo
bogo oo aan la filayn ... ka sakow ciidamadooda
ilaalada xeebaha oo aad u taag daran, haddana
weerarrada budhcad-badeedda ee ka dhacay qaybaha
ku aaddan iyaga ee aagga dhaqaale ee badaha
Soomaaliyeed, ayaa ahaa weerarro tiradoodu ay ka
yar tahay qiyaastii mid amma hal labadii sanaba
mar ka dhaca halkaasi, marka la eego guud ahaan
tobankii sano ee ugu danbeeyey. Somaliland waxay
si degdeg ah uga hortagtaa kooxaha budhcad-
badeedda ee la soo sheego, ee wararkooda la isla
289
dhex maro, kooxahaasi oo ay soo qabqabtaan amma
gacanta ku soo dhigaaan ka hor inta aanay is-
abaanulin, amma xilliga ay diyaargaroobayaan ee
weli aanay ku kicin wax hawlgal ah oo ay
fuliyaan.28
Waa wax xiiso leh in Midowgii Maxkamadaha Islaamiga
ah iyo xukuumadda Somaliland ay ku guulaysteen in wax
laga qabto oo la yareeyo dhibaatada kaga timaadda
budhcad-badeednnimada, si ka badan heerka wax-
qabashada ciidamada caalamiga ah ee ilaalada badda
xeebaha Soomlia oo kharsha aad u badani ku baxo,
kuwaasi oo aan samayn oo qudha hawgallo wadajir ah oo
ay iska kaashadaan ciidamada hawlgallada gaarka ah ee
Ururka Midowga Yurub iyo gaashaanbuurta NATO,laakiin
ay ka qaybqaataan maraakiib dagaal oo goonida ah, oo
ka kala socda dalal ay ka mid yihiin Ruushka, Iran,
India, China iyo Japan.
Tani waxay daliil amma caddayn u tahay in sida ugu
habboon ee waxa lagaga qaban karo dhibaatada budhcad-
badeedda, inay tahay xagga dhulka, iyada oo loo
adeegsanayo inta badan qaababka iyo tabaha wax lagu
xalliyo ee gudaha ee Soomaalida, kuwaasi oo lagu
ladhi karo gacansiin iyo taageero debadeed.
Budhcad-badeeddu waxay keentay in caalamku uu fikrad
khaldan oo aan wada sax ahayn uu ka qaatto Somalia.
Sawika guud ee laga haystaana waa dal ay abaaro ku
habsadeen oo la degeen, oo ay haystaan kooxo ku
xidhan al-Qaacida, oo budhcad-badeed gashay oo ay ku
faaftay biyahooga amma badahooga.
Lama dafiri karo in kooxo marka sidaas loo eego ilaa
heer koobani, in ay horseedeen oo ay sababeen
dhibaatooyin khasaare oo ballaadhan. Laakiin haddana
xaqiiqada ah in maamullo gudaha ah oo yaryar, oo
awoddoodu ay kooban tahay marka la barbar dhigo kuwa
kale, in ay keeneen oo ay heleen xal iyo farsamooyin
wax-ku-ool ah oo shaqaynaya, taasi ayaa manaheedu uu
290
yahay in dhinac kale looga wareegi karo, iyada oo
laga shidaal qaadanayo amma wax laga baranayo
tusaalooyinka waayo-aragnnimada Midowgii Maxkamadaha
Islaamiga ah iyo Somaliland.
291
CUTUBKA 6aad: SOMALIA IYO ADDUUNKA DEBADDA
Faragelinta debadeed ee lagu samaynayey Somalia,
laga soo bilaabo dhicitaankii Siyaad Barre ee 1991-
kii, waxay noqdeen qaar aan inta badan lagu gaadhin
ujeeddooyinkii laga lahaa, sida aan loogu guulaysan
ee ay ku danbeeyeen dedaalladii kale ee debadda ee
isku deyayey in dib loogu dhiso dawladnnimadii, amma
wax lagaga qabto dhibaatooyinka dalkaasi. Qaar maba
yeelan wax saamayn ah, qaarna waxay uga sii dareen oo
ay sii xumeeyeen xaaladihii halkaasi ka jirey. Sida
ay tilmaamayso qoraaga Anna Lindley, ka sakow
dhammaan wixii faragelin ahaa ee lagu sameeyey
Somalia, haddana Soomaalidu marna ma ogolaan inay
noqdaan oo keliya madiidin ay ku adeegtaan ajanebigu:
Faragelinta debadeed waxay marar badan kaalin
weyn ka qaadatay abuurista xaalado dagaal iyo
burbur dawladnnimo. Somalia, waxa jirey
xilliyadii dagaalkii qaboobaa oo la maalgelinayey
dhismaheeda milateri (taasi oo marna la
bedeleyey, mararna lagala noqonayey oo la
joojinayey), mucaawano caalami ah (oo marna si
xad-dhaaf ah loo siinayey, mararna laga
joojinayey), iyo dib-u-habayn koboca dhaqaalaha
oo ku salaysan afkaarta casriga ah ee
furfurnaanta amma liberaalka (oo ay ku jirto
khaladaadka aragtidani laga fahmay). Dhammaan
arrimahani waxay gacan ka geysteen inay
deganaansho la’aan ku keenaan dawladnnimadii iyo
qarannimadii, faragelintii caalamiga ahaydna
waxay si cad ugu guuldarraysatay inay xal u hesho
khilaafka Somalia ilaa bilawgii muddo labaatan
sano ah. Laakiin, ka sakow guuldarrada
qorshayaashii loo dejiyey in isbedel lagaga
sameeyo Somalia, haddana nolosha Soomaalida ee
gobolkaasi waxay ahayd mid socota, soona martay
qaabab kala duwan oo ijtimaaci iyo dhaqaale,
habab cusub oo siyaasadeed iyo isbedello.1
292
Dadka leh awodda siyaasadeed, ma aqbalaan in
siyaasadahoogii ku aaddanaa Somalia inay fashilmeen.
Ra’iisal-wasaarihii hore ee dawladda Ingiriiska, Tony
Blair, mar la weydiiyey bishii September ee 2010-kii
in uu u arko in siyaasadihii reer-Galbeedka ee ku
aaddanaa Somalia iyo Yemen ay dhibaato ku keeneen
reer-Galbeedka oo ay sii xoojiyeen uun ururka al-
Qaacida iyo ururrada kale ee xagjirka ah, halkii ay
ka daciifin lahaayeen, waxa uu ku jawaabay Tony
Blair:
Marka kooxahan jooga Yemen iyo Somalia ay
gumaadayaan dadweynaha aan waxba galabsan, ma aha
annaga kuwa ugu wacan ee ku kicinaya inay
falalkaasi ku dhaqaaqaan. Waxa nala gudbooni waa
in aannu ka qabanno. Waa dood aan qiime iyo macne
ah lahayn in la yidhaado annaga ayaa ugu wacan oo
ku kallifaynna inay sidaas sameeyaan....Ma
waafaqsanin oo ma aqbalayo hadalladan odhanaya
siyaasadaha dalalka reer-Galbeedka ayaa sii
xoojiyey ururradan Yemen iyo Somalia. Siyaasadaha
reer-Galbeedku waxay u qaabaysan yihiin oo loogu
talo galay in laga hortago oo wax laga qabto
xumaha iyo wixii khalad ah, wixii dib-u-
socodnnimo, dammiir-xumo iyo dib-u-dhac ah.2
Somalia waxay dhibaato weyn oo madax-xanuun ah ku
ahayd quwadaha waaweyn ee debadda, xilliyo badan oo
ka tirsanaa taariikhdeeda. Laga soo bilaabo
horraantii 1900-kii, ciidamadii daraawiishta ee
wadaadkii ‘Mad Mullah’, waxay qas kala hortegeen
qorshayaashii isticmaarka, gaar ahaanna kuwii
Ingiriiska. Faragelintii Maraykanka iyo Jamciyadda
Qaruumaha ka Dhaxaysa ee 1990-yadii waxay noqdeen
kuwa gaar ahaan yeeshay saamayn xun iyo xanuun weyn.
Hawlgallo loogu talo galay bilawgii inay noqdaan
293
gurmad banii’aadminnimo, ayaa waxa ay ku danbeeyeen
ciidamadii Maraykanka iyo Qaramada Midoobey inay ka
mid noqdaan dhinacyadii dagaallameyey ee is-hayey,
kuwaasi oo in badan oo ka tirsan dadkii loogu talo
galay in ciidamadaasi ay u gurmadaan oo ay u
gargaaraan, ay u arkeen isla ciidamadaasi qaar cadow
ah. Waa markaas marka uu soo baxay hal-hayska amma
ereyada ah ‘hawlgal leexday/isbedely’. Ereyadaas waxa
soo saaray qoraaga Jim Hoagland oo wax ku qori jirey
jariidadda the Washington Post, isaga oo wax ka qoray
faragelintii Maraykanka ee 1993; waxana ugu
horraantii lagu isticmaalay in lagu tilmaamo sida
faragelin debadeed ay ugu danbayn karto wax gebi
ahaanba ka geddisan, kana murug iyo mashaakil badan,
wixii hore ee loogu talo galay amma ujeeddooyinkii
marka hore laga lahaa in hawgalkaasi uu guto.3
Xilliyadii faragelintaasi debadeed ee burburku ka
yimid, xoghayaha guud ee Qaramada Midoobey waxa ahaa
Boutros Boutros-Ghali. 1996k-kii, waxa uu ka hadlay
sida xaaladaha Somalia ay u noqdeen kuwa ugu fool
adag ee weligood la soo gudboonaaday Jamciyadda
Qaruumaha ka Dhaxaysa, waxanu yidhi: ‘dedaalkii
Qaramada Midoobey ee ku saabsanaa sidii wax looga
qaban lahaa dhibaatooyinka banii’aadminnimo ee
Somalia, sidii kor loogu qaadi lahaa dib-u-
heshiisiinta kooxaha dagaallamaya iyo hroumarinta
dib-u-heshiisiinta qaran, dedaalladani waxay
horseedeen oo ay keeneen dhinaca kale hawlgalladii
ugu qallafsanaa ee ugu fool adkaa, ugu hawl badnaa
taariikhda Jamciyadda Qaruumaha ka Dhaxaysa kontonkii
sano ee ay soo jirtey.’
Ka dib markii lagu guuldarraystay hawlgalladii
kharashka badani ku baxay ee Qaramada Midoobey iyo
Maraykanka, oo weji-gabax ku danbeeyey, quwadihii
shisheeyaha iyo hey’adihii caalamiga ahaa intoodii
badnayd waxay ka baxeen Somalia. Qaybo ka tirsan
dalkaasi waxay galeen xaalado nabadgelyo-la’aan amma
294
deganaasho la’aan ah oo joogto ah, waxayna u kala
jajabeen qaybo iyo kooxo kala geddisan oo mar walba
isbedelaya, inta bandanna midba midka kale dagaal
kula jiro. Qaybo kale oo dalkaasi ka tirsanaa
goonidooda ayay u baxeen, qaybta ugu fogaatey ee
tusaale loo soo qaadan karaana waxay noqotay
Somaliland oo ku taal Waqooyi Galbeed oo iyadu ku
dhawaaqday madaxbannaani, oo in kasta oo aanay helin
guud ahaan wax mucaawano ah oo debadeed oo muuqda,
haddana samaysay dib-u-dhis gaadhay in uu abuurmo hab
siyaasadeed iyo mid dhaqaale oo shaqaynaya.
Sidii nabad iyo deganaansho waara looga dhalin lahaa
Somalia, waxay noqotay hawl aad u weyn, ilaa haddana
aan maare loo helin oo hortaal dawladaha debadda ee
siyaasadaha hoggaamiya. Sideedaba, labada waxa fudud
in laga hadlo oo la tiriyo waxyaabaha ka qabsoomi
waayey arrimaha Somalia, marka loo eego wixii
qabsoomay. Waxa guuldarraystay fargelintii
ballaadhnayd ee milateri. Waxa kale oo fashilmay
shirarkii durugsanaa ee dib-u-heshiisiinta ee lagu
qabanayey dalalka debadda. Haddana lama hayo ilaa
hadda wax dammaanad-qaad ah oo lagu kalsoonaan karo
in hababka ka shaqeeyey Somaliland, iyo Puntland iyo
maamul-goboleedyada kale oo ilaa heer ka yar marka la
barbar dhigo Somaliland, in lagu dayan karo oo sidoo
kalena lagu dabbiqi karo meelaha kale oo ay habakaasi
ka shaqayn karaan. Waayo waxa dhici kartaa in haddii
habkani la wada raaco, aakhirka ay suurtogal noqoto
in dalku gebi ahaanba uu kala qaybqaybsamo, oo uu
lumiyo guud ahaan jiritaankii qaran dawli ah.
Somalia iyo ‘la-Dagaallanka Argagixisada’(Somalia and
the ‘War on Terror’)
Kor-u-kicitaankii dagaallada Islaamiyiinta ee
gobolkaasi iyo meelaha kale ee adduunka ka tirsan,
waxay Somalia dib ugu soo celiyeen raadaarka amma
295
indhaha caalamka. Dhacdooyinka ugu waaweyni waxay
ahaayeen sanaddii 1998-kii, markii la duqeeyey ee la
qarxiyey safaaradihii Maraykanka ee ku kala yaalley
dalalka Kenya iyo Tanzania, iyo weerarlki al-Qaacida
ay ku qaadday Maraykanka 11-kii bishii Sept 2001,
weerarradaas oo wax weyn ka bedeley sidii adduunku u
dhaqmayey. Ururkii Islaamiyiinta Soomaalida ee al-
Itixaad ayaa waxa lagu daray liiska Maraykanka ee
ururrada lala xidhiidhiyo argagixisada. Waxa sidoo
kale liiskaasi lagu daray shirkaddii xawaaladaha
lacagta ee Soomaalida ee al-Barakaat. Laba bilood ka
bacdi weerarkii 9/11, dawladda Maraykanku waxay amar
ku bixisay in la xidho shirkaddii al-Barakaat.
Maraykanku waxay ku eedeeyeen milkiilihii
shirkaddaasi, Ahmed Ali Jimale, in uu yahay nin ay
saaxiib yihiin oo taageera Osama Bin Laden, oo
maamula lacagihiisa, una gudbiya lacagahaasi ururka
al-Qaacida meel kasta oo adduunka looga baahdo. Sidii
aan horeba u soo sheegnay, waxa la fadhiisiyey amma
la xayiray koontooyinkii baananka ee shirkaddaas,
taasi oo macnaheedu noqday in Somaalidii qurba-joogta
ahayd aanay awodi Karin inay lacagayow u diraan
qaraabadoodii iyo qoysaskoodii joogey Somalia ee
noloshoodu ku xidhnayd xawaladahaasi. Madaxweyne
George W Bush waxa uu si weyn uga faa’iideystey
adeegsiga siyaasadda hal-hayska ‘la-Dagaallanka
Argagixisada’, markii bishii November ee 2001 uu ku
dhawaaqay xidhitaankii al-Barakaat:
Xidhitaanka shabakadahan amma adeegyadani waxay
keenayaan kala-dhantaalinta iyo joojinta hawlaha
ururradan dilaaga ah. Tallaabadan maanta la
qaaday waxay kala dhantaalaysaa isgaadhsiintii
iyo taakulayntii al-Qaacida oo ay ka xannibayso
hanti muhim ah oo ay heli jireen. Waxay inna
siinaysaa xog iyo macluumaad muhim ah, waxayna
farriin adag oo cad u diraysaa hey’adaha iyo
sharikadaha lacagayowga ee adduunka; farriintaasi
296
oo ah – in aad amma annaga nala jirtaan, amma la
jirtaan argagixisada. Haddii ay noqoto in aad la
jirtaan argagixisadana, waxad heli doontaan oo la
idin marin doonaa abaalkiinna. Waxan la
dagaallamaynnaa cadow ku dhuumanaya hogag ku yaal
Afghanistan, iyo kuwo noo soo hoos gelaya
mujtamacayaga amma dadweynahayaga. Waa cadow
jiritaankiisu ku xidhan yahay oo qudha inay
dhuumasho ku jiraan meel mugdi ah. Maanta waxan
qaadnnay tallaabooyin kale oo muhim ah oo aan ku
fashilinaynno cadowgaasi, bannaankana ku soo
dhigaynno, kuna wiiqaynno awoddiisa uu khatar ku
noqon karo Maraykanka iyo nolosha dadka aan
denbiga lahayn.4
Muddo sannad ka yar ka dib, al-Barakaat waxa laga
saaray liiskii argagixisada ee Maraykanka, markii la
waayey xaqaa’iq amma caddaymo ku filan in loo cuskado
inay marin u yihiin lacagayowga al-Qaacida. Laakiin
tallaabadani waxay noqotay ciyi waa ka beryey oo
waqtigii loo baahnaa la soo dhaafay. Maraykanku waxa
uu fogeeyey oo uu dayriyey dad badan oo jooga
Somalia, isaga oo ka jaray amma joojiyey ilihii ay
noloshoodu ku xidhnayd ee ay ku tiirsanayeen boqolaal
kun oo ka tirsan dadweynuhu, iyo isaga oo is-
raaciyey, una dhigay in xidhiidh dhow oo sokeeye ka
dhexeeyo al-Itixaad, al-Barakaat, iyo dhinaca kale
al-Qaacida. Xidhiidhinta ururradani lala xidhiidhiyey
argagixisnnimada, Maraykanku waxa uu kaalin ka qaatay
in haatan Somalia si kale loo arko oo looga fikiro.
Waxyaabaha ka dhaca dalkaasina waxa marba marka ka
danbaysa laga dhex arkayey al-Qaacida iyo dagaallo
Islaami ah. Taariikhdii ayaa dib loo qoray, waxana
dib u qoray qaar ku dooday in al-Qaacida ay masuul ka
ahayd oo ka danbaysey dilkii 18 askari oo ka tirsanaa
milateriga Maraykanka ee magaalada Muqdishu sannadkii
1993. Dhacdooyinkii 9/11 iyo waxyaabihii ka dhashay
297
ee ‘la-Dagaallanka Argagixisada’ waxay wax ka
bedeleen oo ay qaabeeyeen siyaabihii Maraykanka iyo
kuwa kaleba ay u arkayeen ee ay u waajahayeen
Somalia. Siyaabo bandanna, waxay noqotay meel lagu
bilkeediyo amma tijaabiyo sida quwadaha adduunku ay
wax uga qaban karaan ee ay uga hortegi karaan
Islaamiyiinta xagjirka ah, gaar ahaanna
joogitaankooda Afrika.
Istaraatijiyadii Hey’adda Nabad-Sugidda Qaranka ee
Mraykanka ee 2002, ee xilliyadii maamulkii madaxweyne
Bush, waxay muujinaysay wejiga cusub ee siyaasadda
Maraykanka ee ku fool leh Afrika wixii ka danbeeyey
dhacdadii 9/11; siyaasaddaasi oo xoogga saaraysay
dedaallada la xidhiidha la-dagaallanka iyo ka-
hortagga argagixisada: ‘Afrika, rajada iyo fursadaha
ka jiri kara waxa barbar yaal cudurro,, dagaallo, iyo
saboolnnimo ba’an. Kuwani waxay khatar ku yihiin laba
arrimood labadaba, kuwaasi oo kala ah qiyamka suubban
ee Maraykanka ee ah in la daryeelo heybadda
bani’aadamka, iyo dhinaca kale mudnaanta
istaraatijiyada Maraykanka ee ah la-dagaallanka
argagixisada caalamiga ah.’5 Afar sano ka bacdi,
istaraatijiyadii Maraykanka waa la sii bara-
dheeraysiiyey oo kor ayaa loo qaaday. Afrika waxa
lagu asteeyey amma tilmaamay inay tahay mid leh
‘mudnaan sare’. Qoraalkii qorshaha istaraatijiyadeed
ee Nabad-Sigidda Qaranka ee Maraykanka ee sanaddii
2006-dii, waxa ku yaalley: ‘Nabadgelyada iyo
badbaadadeennu waxay ku xidhan tahay in lagala
shaqeeyo Afrikaanka, xoojinta dawladaha jilicdasan ee
sii fashilmaya oo la dabaqabateeyo iyo meelaha aan
lahayn maamul dawli ah oo loo sameeyo hab iyo nidaam
diimoqoraadi ah oo shaqeeya.’6
Soo-ifbixitaankii awodda Midowga Maxkamadaha
Islaamiga ah (UIC), waxay ka dhignayd oo calaamad ay
u ahayd isbedel kale oo ku yimaad siyaasaddii debadda
ee ku waajahnayd Somalia. Maraykanka iyo kuwa kaleba
298
waxay u muuqdeen inay ku adkaatay inay fahmaan asalka
maxkamadahaasi oo ku bilaabmay isbahaysi debecsan
amma heer hoose ah oo ay samaysteen maxkamadihii
shareecada oo ka dhashay gudaha. Maraykanku waxay u
arkeen oo qudha khatar ku xidhan al-Qaacida.
Ururradii gudaha iyo dawladihii debadda ee ka soo
horjeedey maxkamadahaasi UIC, gaar ahaann
qabqablayaashii dagaalka ee Soomaalida iyo Ethiopia,
waxay u isticmaaleen oo ay uga faa’iideysteen
walaacaasi uu maraykanku ka qabey dhaqdhaqaqaasi
maxkamadaha, sidii iyaga maslaxaddoodu ay ku jirtey.
Qabqablayaashii dagaalka oo cabsi weyn ka qaaday
awodda iyo sumcadda sii ballaadhanaysa ee
maxkamaduhu, waxay sii huriyeen cabsidii Maraykanka
ee ku saabsanayd khataraha Islaamiyiinta Somalia ka
iman kara oo sii kordhaya, iyaga oo u dhigaya in
maxkamadaha Islaamiga ah ee UIC ay yihiin qaar soo
saara oo lagu abuuro xagjirnnimada, iyo meel ay dhici
karto inay iskugu tagaan oo ay ku ololaystaan kuwa
jihad-doonka ahi. Maraykanku waxay qaateen
fikraddaasi, waxayna taageereen abuuritaankii ay
qabqablayaasha dagaalku samaysteen Isbahaysigii la-
Dagaallanka Argagixisada iyo Dib-u-soo-celinta
Nabadda. Isticmaalka ereyada ‘nabadda’ iyo ‘la-
dagaallanka argagixisada’ ee magaca Isbahaysigaasi,
waxay ahaayeen qaar xeelad iyo ujeeddooyin aan daacad
ahayn ay ka wateen qabqablayaasha dagaalku, sida
muuqatana ay ugu talo galeen inay ku helaan
taageerada Maraykanka. Qabqablayaasha wax u darnaa
iyaga oo ay si weyn u danaynayey inay dib u soo
ceshadaan awoddii xukunka ee Maxkamadihii UIC ay la
wareegeen, taasi ayaana runtii kala weyneyd la-
dagaallanka ‘argagixiso’ amma dib-u-soo-celinta
nabadda.
Si ahaan, waxa loo qaadan karaa in Maraykanka iyo
dalalka ay isbahaysiga leeyihiin ay hore u
go’aamiyeen in Somalia ay tahay aag cusub oo al-
299
Qaacida ay ku jirto, dhawr sano ka hor xataa intii
aanay taasi dhaboobin. Aragtidani waxa laga yaabay
inay kaalin ka qaadatay soo-ifbixitaanka dhaqdhaqaaq
islaami ah oo xagjir ah oo ka hanaqaada Somalia.
Aragtida loo arkay iyo la-dhaqanka loola dhaqmay
Soomaalida sidii waxay yihiin argagixiso oo kale,
waxa laga yaaba in taasi lafteedu ay gayeysiisay oo
ay ku kalliftay in dadka qaar ee dalkaasi ay noqdaan
xagjir. In Somalia lagu shaabadeeyo magacaasi oo lala
xidhiidhiyo argagixisadana, waxa laga yaabay in taasi
lafteedu ay si dadban ugu noqotay xayeysiis iyo
iidheh soo jiidata, kuna baraarujisa oo ay ku soo
hirtaan dagaalyahannada jihad-doonka ah ee ajanabiga
ah, ee doonaya inay hawlgalladooda ku faafiyaan
adduunka, kuna yeeshaan lug iyo galaangal gobollada
Afrika ee ka hooseeya Saxaaraha. Sida uu qoray
caalimka culuunta Anthrooboolojiyada, Markus Virgil
Hoehne, sananddii 2009, baadhitaan la sameeyey waxa
ka soo baxay in laga yaabo in Maraykanku uu ku
khaldanaa in uu ku degdego in Somalia lagu tilmaamo
amma laga dhigo meel soo dhaweysa oo ay ku gabbadaan
argagixisada Islaamiyiinta ahi:
Iyadoo ka geddisan aragtidii laga qaatay iyo sida
loo haysto Somalia oo ah ‘meel madow oo khatar
ah’ oo aan maamul iyo nidaam ka jirin, sida ay ku
dhawaaqeen ee ay ku doodeen siyaasiyiinta iyo
aqoonyahannada qaar, Barnaamijka Harmony ee
Xarunta xog-baadhka la-Dagaallanka Argagixisada
ee West Point (Akademiyada Sare ee Milateriga
Maraykanka ee gobolka New York), waxa
barnaamijkaasi uu dhawaan muujiyey in
maqnaanshaha amma jiritaan la’aanta dawladeed ee
Somalia aanay ka dhignayn in si toos ah dalkaasi
u noqday meel ay ku beeranto argagixisnnimada al-
Qaacida. Xog-baadhayaashii warbixintaasi, oo ka
duulayey warbixinno xagga mukhaabaraadka aha oo
sir ahaa oo markan la ogolaaday in la akhristo
300
amma la faafiyo, oo la xidhiidhey hawlgalladii
al-Qaacida ee Geeska Afrika ee sannadihii 1990-
yadii, waxay ku soo gabagabeeyeen in hawlgallada
Islaamiyiintii ajanebiga ahaa ay kala kulmeen
Somalia dhibaatooyin la mid ah kuwii ka hor yimid
hawlgalladii Qaramada Midoobey iyo faragelintii
Maraykanka ee milateri iyo gargaarka
banii’aadminnimo ee Somalia, sanadihii u
dhexeeyey (1992 – 1995): Dhinac ahaan waxa shaki
iyo aammin-darro ku keenay inay yihiin ‘ajanebi’
wata dariiqooyin iyo mad-habo Islaami ah laakiin
loo arko wax bidci ah oo aan caan ka ahayn amma
aan laga aqoon Somalia. Waxa kale oo dhibaato ku
noqday nidaamka isbahaysiga beelaha iyo
qabaa’ilka ee mar kasta isbedelaya, kaabayaasha
iyo adeegyada dalka ee jilicdasan amma burbursan,
badbaado la’aanta, iyo iyaga oo khatar ugu sugnaa
faragelin debadeed, maadaama aanay jirin dawlad
ilaalinaysa qarannimada dalkaasi iyo in aan la
soo faragelin. Waxa kale oo ay halis ugu jireen
in la sheego oo ashkhaas hoose oo denbiilayaal ah
amma Soomaalida kaleba ay ‘lacag kaga qaataan’
cadowga (Maraykanka).7
Soo-gelitaankii Itoobiya (The Ethiopian Invasion)
Isaga oo ka digtoon in mar kale la sameeyo faragelin
burbur ka yimaaddo sidii tii horraantii 1990-yadii oo
kale, Maraykanku waxa uu ka foojignaa in uu isagu
qaado tallaabo weyn oo milateri oo toos ah oo uu ka
qaado waxa loo arkayey khatarta al-Qaacida ee ka soo
socota Somalia. Waxase uu helay saaxiib kale oo u
qummin kara danihiisa oo ah Ethiopia oo uu ka dhigay
dal muhim ah oo qayb ka ah iskaashiga ‘la-Dagaallanka
Argagixisada’, Ethiopia oo iyada lafteedu lid ku
ahayd oo ka horjeeddey Midowgii Maxkamadaha Islaamiga
ah. In kasta oo Ethiopia iyada lafteedu ay diyaar u
301
ahayd iskaashigaasi, haddana waxay ahayd tan gaar
ahaan ugu liidata ee la doorbidi karo amma ku
bannaanaan karta ka qaybgalka iskaashigaasi, sababta
oo ah cadaawadda taariikhda dheer ee ka dhaxaysa
Somalia iyo Ethiopia, oo faragelin kasta oo Ethiopia
ay ku jirto ay dadweynaha Somalida intooda badani u
arkayaan arrin xassaasi ah oo daandaansi weyn ah.
Iyadoo haysata taageerada Maraykanka, Ethiopia waxay
si buuxda weerar ugu qaadday oo ay gashay Somalia
bishii December 2006, waxayna halkaas u dirtay oo
galay ciidamo gaadhaya 14,000, waxayna duqayn xagga
cirka ah ku qaadday goobo istaraatiji ah oo ku dhex
yaalley magaalada Muqdishu. Isla markaasi, Maraykanku
waxa uu isna xagga cirka ka garaacay dhawr jeer oo uu
bartilmaameedsaday dad lagu tuhunsanaa inay yihiin
saraakiil sarsare oo ka tirsan al-Qaacida iyo
Islaamiyiinta kale oo uu sheegay inay ku dhuumanayaan
Somalia. Weerarradaas intooda badani ma asiibin oo la
lama helin bartilmaameedyadii ay beegsanayeen, haddii
ay xilligaasi kuba sugnaayeen dadkaasi la
raacdaysanyey gudaha Somalia. Waxase ku dhintay dad
rayid ah oo ay ka mid yiihin reer-guuraa iyo
xoolahoodii. Hawlgalladani waxay sii didiyeen oo ay
sii fogeeyeen dadweynihii, waxana laga yaabaa inay
qaar kale oo ka mid ah Soomaalidii ay ku sii riixeen
amma ku kallifeen inay ku biiraan kooxihii xagjirka
ahaa ee diinta ee dagaallamayey.
Kaaliyihii xoghayaha arrimaha debadda ee Maraykanka
ee waqtigaas, Jendayi Frazer, ayaa gacan weyn ka
geysatay qaabaynta iyo meelmarinta siyaasaddan,
waxayna siyaasaddani ka mid noqotay dedaalladii ugu
waaweynaa ee lagu hungoobay ee ku aaddana Somalia,
dhibaatada ugu weynina ka timid sanadihii la soo
dhaafay ee u danbeeyey. Jendayi Frazer waxay sheegtay
in Maxkamidihii Islaamiga ahaa (UIC) ay aad ugu
xidhnaayeen Islaamiyiinta xagjirka ah, iyada oo ku
eedaysay in al-Qaacida ay fogeysey oo ay meesha ka
302
saartay xubnihii qunyar-socodka ahaa ee ururkii
Maxkamadaha, isla markaasina ay al-Qaacida qabsatay
oo ay la wareegtey hoggaankii dhaqdhaqaqaasi. Waxay
sheegtay in Maxkamaduhu ay dhaqaale ka helaan
Eritrea, Yemen, Masar, iyo Saudi Arabia. Waxayna ku
eedaysay Eritrea inay jebisay qaraarkii
cunaqabataynta caalamiga ah ee hubka ee lagu soo
rogey Somalia, iyadoo hub u dirtay Maxkamadihii
Islaamiga ahaa (UIC). Mararka qaar waxay u muuqatey
inay isku deyeyso in ay iyadu maamusho xaaladaha
Somalia oo ay si sii hoosaysa oo ku-talax-tag ah ay
faraha ula dhex gelayso. Waxay si joogto ah uga
hadlaysey wax kasta, waxayna ugu baaqi jirtey xubnaha
qunyar-socodka ah ee ururku inay ku soo biiraan
wadahadallada dib-u-heshiisiinta oo ay iska fogeeyaan
kuwa ay ku tilmaami jirtey xagjirka.
Jendayi Frazer waxay noqotay qofka u taagan ee
matila siyaasadda reer-Galbeedka ee ku aaddan
Somalia, taasina waxay keentay in hoggaamiyayaasha
Islaamiyiintu ay weerar xagga afka ah ku qaadaan
iyada. Sannaddii 2009, waxa Internetka la soo geliyey
farriin amma cajalad cod ah oo la sheegay inay ka
timid Osama bin Laden. Cajaladdaasi, waxa uu ku
baaqayey in la rido madaxweynihii cusbaa ee markaas
la doortay, Sheikh Sharif Sheikh Ahmed, oo uu ku
tilmaamay aalad uu maraykanku ku adeeganayo. Bin
Laden waxa uu sheegay in doorashada Sheikh Sharif ay
ka danbaysay waxa uu ku tilmaamay ‘olole iyo
talooyin’ ka yimid ‘haweeneydaas Maraykanka ah’.
Gelitaankii Ethioipia waxa uu ku guuleystay in uu
awoddi xukunka ka tuuro Midowgii Maxkamadaha
Islaamiga ah (UIC), laakiin halkii uu ka tirtiri
lahaa xagjirnnimada Islaamiga ah, waxa uu horseeday
inay abuurmaan oo ay soo baxaan kooxo kale oo ka sii
fog, kana xagjirsan Midowgii Maxkamadaha. Kooxahaasi,
kan ugu weyni waxa uu noqday garabkii miliishiyada
maxkamadaha ee al-Shabaab ee uu hoggaaminayey Adan
303
Xaashi Ceyro oo lagu soo tababaray dalka Afghanistan.
Halkii ay miliishiyadaasi iyaguna u carari lahaayeen
dalka Eritrea, oo ay u baxsadeen xubno badan oo ka
tirsanaa Midowgii Maxkamaduhu, waxay ku dhex milmeen
oo ay ku kala dhex dhuunteen kaymaha ku yaal
agagaarka xadka Kenya oo ay ku baaheen, halkaasi
ayayna dib isaga soo abaabuleen iyaga oo ah xoog soo
qaadi kara dagaallo ba’an. Al-shabaab, aakhirkii
waxay qabsadeen gobolladii koonfurta iyo badhtamaha
Somalia intoodii badnayd, oo ay ku jiraan qaybo badan
oo ka tirsan magaalada Muqdishu.
Waxa la barbar dhigi karaa Jabhaddii Islaamiga ahayd
ee Badbaadinta ee Algeria (FIS)ee milaterigu iska
hortaagey inay xukunka la wareegaan ka dib
doorashooyinkii 1991-kii. Hawlgalladii ku saabsanaa
in la tirtiro oo meesha laga saaro jabhaddaasi FIS,
waxa ka dhalatay dhibaato weyn oo waxyeello hor leh
la timid. Halkii laga filayey inay baaba’do, waxay
isku bedeshey abaabul ka sii xagjirsan sidii hore.
Waxa xigey toban sano oo ay socdeen dagaallo islaami
ahi, kuwaasi oo lagu diley tobannaan kun oo qof,
kuwaasi oo qaar badan oo ka mid ahaa la gawrcay.
Arrimahani waxay keeneen in markii danbe ay soo baxdo
oo ay abuuranto qaybta al-Qaacida ee dalalka Afrikada
Waqooyi, ee loo yaqaan al-Qaacidada Gobolka Islaamiga
ah ee Maghreb.
Gelitaankii Ethiopia iyo dagaalladii ka dhashay ee
magaalada Muqdishu, waxay keeneen mid ka mid ah
dhibaatooyinkii banii’aadminnimo ee ugu xumaa ee abid
soo mara Somalia. Intii u dhaxaysey sannadihii 2007 –
2008, qiyaasti saddex-meelood labo ahaan dadweynihii
magaaladu waxay noqdeen kuwa barabaxa oo ka qaxa
halkaasi, in badanina waxay u yaaceen oo tegeen
xerooyin xaaladdoodu ay aad u liidato oo ku yaal
agagaarka amma duleedka magaalada Muqdishu, halkaasi
oo mar kasta khataro waaweyni ka jireen sidii
taakulayn gargaar loo gaadhsiin. Qaar kalena waxay u
304
yaaceen oo ay ku biireen xeryaha qaxootiga awalba
buux-dhaafka ahaa ee dalalka Kenya, Djibouti,Yemen,
Somaliland iyo Puntland. Qaybo dhan oo ka tirsan
magaalada Muqdisho waxay noqdeen qaar gebi ahaanba
haawanaya oo dadkii rayidka ahaa iskaga wada baxay,
waxayna qaybahaasi noqdeen meelo magaalada dhexdeeda
ah ay ku dagaallamaan ciidamada Ethiopia, kuwa
dawladda ku-meelgaadhka ah, miliishiyooyinka beelaha,
iyo dagaalyahannada Islaamiyiinta ahi. Warqad
warbixin ah oo loo diyaariyey sanadkii 2010 Machadka
Daraasooyinka Siyaasadda Debadda ee xaruntiisu tahay
dalka Maraykanka, ayaa qoraaga warbixintaasi, Bronwyn
Bruton, waxa uu kaga hadlayaa sida gelintaankii
Ethiopia uu u horseeday hawlgalladii Islaamiyiinta oo
si dhakhso ah kor ugu kaca:
Joogitaankii TFG (Dawladda ku-Meel-gaadhka ah ee
Federaalka) iyo gaar ahaan ciidamada Ethiopia
waxay mar qudha dhaliyeen kacdoon kooxo xoog leh
oo ka hawlgala magaalada Muqdishu.
Maliishiyooyinkii al-Shabaab waxay heleen
taageero ballaadhan oo dadweyne, iyagoo noqday
dhaqdhaqaaq wax-iska-caabbin ah. Dagaalyahannada
jihad-doonka ah ee ajanebiga ah, oo al-Qaacida ay
ku jirto, waxay markiiba dareemeen in halkaas ay
ku jirto fursad aan hore u soo marin oo ay ka
faa’iidaysan karaan, kagana dhigi karaan
dagaallada Somalia kuwa caalami ah, waxayna si
dhakhso ah taageero ula soo gaadheen al-Shabaab.
Daraasiin ka kooban ajanebi jihad-doon ah ayaa
soo galay Somalia, oo soo waaridey amma la yimid
xeeladihii dagaalka ee al-Qaacida. Waxa joogto
noqday qaraxyada meelaha fogfog laga
dhiraandhirriyo amma laga daaro, iyo kuwa is-
miidaaminta ee is-qarxinta, ilaa labadii sano ee
ku xigeyna, al-Shabaab waxay qabsadeen guud ahaan
Koonfurta Somalia badankeedii.8
305
Hawlgalkii oo Dhibaato ka timid (The mission
backfires)
Waxa lagu doodi karaan inay ka roonaan lahayd haddii
quwadaha ajanebigu ay la shaqayn lahaayeen Midowgii
Maxkamadaha, halka ay ku dedaaleen inay meesha ka
saaraan oo ay burburiyaan. Waayo, si kastaba ha
ahaatee maxkamaduhu waxay suurtogeliyeen in
dadweynuhu helo xassillooni iyo deganaansho ilaa heer
ah iyo nidaam, muddadii koobnayd ee lixda bilood
ahayd ee ay xukunka hayeen. Maxkamadaha waxa ku jirey
xubno qunyar-socod ah iyo kuwa xagjir ah labadaba.
Sinaba umay ahayn arrin la hubo in cabsida Maraykanku
uu ka qabey Midowgii Maxkamadaha inay noqon lahayd
wax aakhirka dhabowda oo soo baxda, haddii la
baxnaani lahaa oo la sii ogolaan lahaa in
Maxkamadahaasi ay sii jiraan oo ay xukunka sii
hayaan, siina xoogeystaan. Sida uu qabo Professor
Abdi Samatar oo ah aqoonyahan Soomaaliyeed, Midowgii
Maxkamadaha Islaamiga ahaa (UIC) ‘waxay ahaayeen qaar
diyaar u ah, doonayana inay la shaqeeyaan dawladda
Maraykanka’9, laakiin taasi umay suurtoobin waayo waxa
carqalad ku noqotay mawqifkii Jendayi Frazer iyo
saraakiisha kale ee Maraykanka oo il colaadeed ku
eegayey Maxkamadahaasi.
Waa wax aan la filayn in Sheikh Sharif Sheikh Ahmed,
oo isagu ahaa hoggaamiyihii hore ee Midowgii
Maxkamadaha Islaamiga ah, in loo doortay 2009-kii
madaxweynaha dawladdii ku-meel-gaadhka ahayd ee
Somalia ee caalamku taageerayey. Haddii haddaba
mujtamaca caalamku ay diyaar u noqdeen inay la
shaqeeyaan haatan isla Sheikh Sharif-kii oo weji
cusub loo yeelay, loona dhiibay mansabkan cusub, waxa
la isweydiin karaa sababta aan loo rabin in lala
shaqeeyo markii uu hoggaaminayey Midowgii
Maxkamadaha? Suurtogal ma noqon lahayd in
Maxkamadihii Islaamiga ahaa inay raaci lahaayeen oo
ay qaadan lahaayeen mawqif qunyar-socod ah oo dhexe
306
haddii ay heli lahaayeen kalsoonida taageerada
Qaramada Midoobey, Dawladda Maraykanka iyo quwadaha
kale? Laakiin Sheikh Sharif Sheikh Ahmed waxa markan
loo arkay in uu khayaameeyey qaddiyaddii oo la gatay,
waxana xukunkiisii ku gacansaydhay Soomaali badan oo
u arkay nin uun reer-Galbeedku wato oo uu ku
adeeganayo.
Sida uu ku doodayo Bronwyn Bruton, waxa adag in la
garowsado sababaha caalamku u sii wadey in uu siiyo
aqoonsi caalami ah maamulladii ku-meel-gaadhka ahaa
ee is-xigxigey, ee loogu aqoonsaday inay yihiin
xukuumadaha sharciga ah ee Somalia:
Siyaasadda hadda ee la siinayo dawladda ku-meel-
gaadhka ah ee federaalka ah (TFG) taageeri
milateri iyo mid diblomaasiyadeed, ma aha mid
midho dhal ah. Haddana siyaasaddani waa hawl adag
oo ku kacaysa qiime sare iyo kharash badan.
Hawgallada milateri ee taagnaa ilaa bishii May
2009, hase ahaatee aan wax horumar ah laga
samayn, waxay keeneen inay ka barakiciyaan
magaalada Muqdishu dadweyne ka badan laba boqol
oo kun – tanina waxay sii daba dheeraysay
dhibaatooyin soo noqnoqonayey oo dadweyne iyo
xagjirnnimo sii korodha. Waxa kale oo ay sii
kordhisay culayskii iyo dhibaatooyinkii foosha
xumaa ee argagaxa lahaa ee qaxootiga xadka Kenya.
Hawlahani waxay noqdeen qaar ay ka imanayaan
dhibaatooyin waaweyn oo ku kacaya qiime sare oo
aan u qalmin in loo galo daafacaadda iyo
badbaadinta dawlad ay yar tahay taageerada ay ku
haysato gudaha, oo aan maamulin dalka, oo in
kasta oo caalamku uu la dedaalay shantii sano ee
u danbaysay, aan haddana ka samayn wax horumar ah
xagga dhismaha hey’ado wax-ku-ool ah iyo awod
milateri, si ay dalka u xukunto. Haddii aan la
helin awod siyaasadeed oo gudaha ah oo wax-ku-ool
ah oo badhi-taageerta, hawlgallada nabad-
307
ilaalineed ee hadda ka jira halkaasi waxa laga
yaaba inay ku danbeeyaan qaar aan midho dhalin oo
aan wax-ku-ool noqon, sidii hawlgalladii hore ee
gelitaankii ciidamada Ethiopia ee Somalia, waxana
dhici karta in aakhirka ay ku danbayso in
ciidamadan imiku ay uga baxaan halkaasi si
foolxun oo la mid ah sidii kuwii hore.10
Warbixin Guddiga la-Socodka Arrimaha Somalaia uu u
diyaariyey Golaha Ammaanka ee Qaramada Midoobey
sannadkii 2010, ayaa ahayd mid si weyn u duraysay oo
u dhaliilaysey gaar ahaan hey’adaha iyo ciidamada
nabadgelyada ee dawladda ku-meel-gaadhka ah: ‘In
kasta oo la siinayey tababarro debadeed iyo kaalmo,
haddana ciidamada nabadgelyada ee dawladdu waxay
yihiin qaar aan wax ku fillayn oo aan ahayn hawl-
qabad, oo aan habaysanayn oo kala daadsan, oo ku
dhaqma musuqmaasuq – ciidamadaas oo isugu jira
miliishiyooyin madaxbannaan oo kala taabacsan
saraakiisha sare ee dawladda, iyo saraakiil milateri
oo faa’iido ku qaba dagaallada, kana dhega-adayga in
la mideeyo ciidamada oo loo sameeyo hoggaan amma
talis meel qudha ah.’11
Qaar ka mid ah dhibaatooyinka soo waajaha ciidamada
dawladda Soomaalida, waxay ka muuqatay oo lagu soo
qaaday dhambaal taar ah oo diblomaasiyiin Maraykan
ahi ay direen 2009-kii, dhambaalkaas oo ay heshay
wakaaladda wararka qarsoodiga ah ee Wikileaks, kuna
faafisay bogagga Internetka ee website-keeda.
Dhambaalku waxay uu ka hadlayaa ‘kulan kooban oo ka
dhacay garoon diyaaradeed oo ku yaal magaalada
Nairobi’, oo dhexmaray diblomaasi Maraykan ah iyo
ra’iisal-wasaarihii hore ee Somalia, Omar Abdirashid
Ali Sharmarke.12 Arrinta weyn ee lagaga wada hadlay
kulankaasi waxay ku saabsanayd baahida loo qabo
qalabka raadiyayaasha isgaadhsiinta ee lagu wada
308
hadlo. Mudane Sharmarke waxa uu u faahfaahinayaa
diblomaasigaasi, dhibaatada ka timid la’aanta amma
yaraanta qalabkaasi milateri ee baahida weyn loo
qabey, oo keentay in lagu fashilmo weerar rogaal-
celin ahaa oo weynaa oo ciidamada dawladda iyo kuwa
nabad-ilaalinta ee Midowga Afrika ee jooga Muqdishu
ay ku qaadi lahaayeen al-Shabaab. Waxa qudha ee
ciidamadu ay ku wada xidhiidhi karayeen waxa uu ahaa
telifoonnada moobiilka, taasi oo keentay is-fahmid
la’aan weyn oo khatar ah. Ciidamadii Ururka Midowga
Afrika waxa la soo gudboonaatay inay sameeyaan dib-u-
gurasho degdeg ah, waayo waxay heleen xog iyo warar
aan sugnayn oo jahawareersan, iyaga oo khalad fahmay,
una qaatay in la go’doomiyey oo ciidamadii mucaaradka
ee ka soo horjeeday ay ku xeeran yihiin. Dhambaalku
waxa uu ka hadlayaa sida mudane Shramaarke uu u
baryayo amma u tuugayo diblomaasigaasi ee uu uga
doonayo qalabkaasi haloo-halooda iyo kuwa kale ee
isgaadhsiinta milateri ee goobaha dagaalka.
In muddo ah, dawladda Somalia ma awodin in ay xataa
ka hawlgasho magaalada Muqdishu dhexdeeda, sababta oo
ah nabadgelyo-darrada halkaas ka jirta iyo colaadda
ay u hayaan dadweynaha magaaladu. Markii ay
dawladdaasi ka soo guurtay magaalada Baydhaba ee ay
ku soo noqotay caasimadda, jiritaankeedu waxa uu ku
tiirsanaa markii hore ciidammadii Ethiopia, intii
danbana joogitaanka ciidamada nabad-ilaalinta ee
Uganda iyo Burundi. Mudanayaasha baarlamaanka iyo
saraakiisha kale ee dawladdu, waqtigooda inta badan
waxay ku qaataan oo ay ku nool yihiin hudheello ku
kala yaal Kenya iyo meelo kale, sababta oo ah
magaalada Muqdishu oo ah meel ay weli ka taagan
yihiin dhibaatooyin iyo xaalado colaadeed. Wasiirkii
hore ee dawladda Ingiriiska u qaabilsanaa arrimaha
Afrika, Chris Mullin, waxa uu ku qoray buuggiisii
xusuusqorka, shir uu sannadkii 2004 kula yeeshay
magaalada Nairobi madaxweynihii dawladdii ku-meel-
309
gaadhka ahayd ee Somalia, Abdullahi Yusuf: ‘Qodobka
ugu horreeya hawlo badan oo qorshaha maanta iigu
jirey: booqasho gaaban oo aan ugu tegey Abdullahi
Yusuf, “madaxweynaha” cusub ee Somalia. Dabcan hadda
ma aha nin waxaas oo kale (madaxweyne) ah amma lagu
tilmaami karo. Waa nin uun ku jira huteel ku yaal
Nairobi. Ka bacdi, huteel kale, waxan kula hadlay
“baarlamaanka” cusub ee Somalia, oo ay ka mid yihiin
qaar ka tirsan dadkii laftoodu ka dhigay ee
geyeysiiyey Somalia inay noqoto meel burbur ah.’13
Nin hore u ahaan jirey wasiirka arrimaha debadda ee
Somalia, Ismail Mohamed Hurre Buubaa, marka aan kula
kulmay qolka uu kaga jiro Huteelka Andalus ee
magaalada Nairobi, waxa uu iiga sheekeeyeyn nolosha
siyaasiyiinta Soomaalida ee ku sugan debadda oo si
ahaan u muuqda inay ku jiraan mustaafuris debadeed:
Nairobi si kastaba waxay u tahay xarunta dhexe ee
ay isugu yimaaddaan Soomaalidu. Qof kasta oo
doonaya in uu la socdo waxyaabaha ka dhacaya
Soomaaliya waa in uu joogaa amma Somalia
dhexdeeda amma Nairobi, gaar ahaanna meesha ugu
fiican oo ah huteelkan, waayo maalin kasta waxaad
ka helaysaa oo ku soo dega qof ka yimid Somalia
oo sida dhammaan wararkii ugu danbeeyey.
Siyaabaha qaar, huteelkani waxan u arkaa inuu
yahay hoygeygii. Marka aad ku jirto hudheel kani
oo kale ah, hudheel Soomaaliyeed oo dadka deggan
ugu yaraan boqolkiiba sagaashan ay Soomaali
yihiin, maba dareemaysid in aad sidaa uga ka fog
tahay dalkaagii. Waxyaabaha annu huteelkan
dhexdiisa kaga sheekaysannaa waa kuwii aannu kaga
sheekaysan jirney maqaaxiyada muqdisho dhexdooda.
Hubaal ahaan waxan dareemaa sidii waxan dalkii
joogo oo kale; waxan ku noolaa sidan muddo toban
sano ku dhawdhaw oo aan ku jirey huteelada Kenya.
Siyaabaha qaar, aad ayaan uga xumahay, aniga iyo
310
siyaasiyiinta kale ee Soomaaliyeed ee ku nool
halkan Kenya intuba. Waxan moodnaa in aan dalkii
joogno, laakiin ma joogno. Wararka ka yimaadda
Somalia waa qaar inaba dhiillo ah, sidaa awgeedna
mar kasta waa na dhibaan oo waxay nagu hayaan
walaac xanuun leh.
Xaqiiqada ah in waxa qudha ee suurogeliyey in
dawladda ku-meel-gaadhka ahi ay ku soo noqoto
magaalada Muqdishu, in ay ahayd faragelintii milateri
ee Ethiopia ee Maraykanku uu ka danbeeyey, ayaa waxay
keentay in Soomaali badani ay u arkaan dawladdu inay
tahay mid laga keenay debadda oo aan lahayn sharciyad
amma aan haysan ogolaanshaha dadweynaha. Dawladda ku-
meel-gaadhka ah ee federaalka ah waxa loo yaqaan oo
loogu yeedhaa daba dhilif, taasi oo ah naanays aad u
liidata, loogana jeedo inay tahay ‘dawlad loo
samaystay inay fuliso dano iyo ujeeddooyin ajanebi’
amma lagu adeegsado. Maraykanka, Qaramada Midoobey
iyo dawladaha iyo ururrada kaleba waxay ku
guuldarraysteen inay fahmaan taas, in si dawladdu ay
u hesho aqbalaadda sharcinnimo ee dadweynaha
Soomaalida, inay tahay in aan lala xidhiidhin oo aan
loo arag mid ajanebi ka danbeeyo oo uu wato.
Hubka Maraykanku uu siinayey Dawladda Somalia, sida
kuwii bilihii May iyo June ee 2009 oo kale oo la
siiyey 94 tan oo hub iyo rasaas ah14 – iyo
tababarradii khubarada ajanebigu ay u samaynayeen
ciidamada dawladda ku-meel-gaadhka ah, arrimahani
waxay siiyeen qiil iyo sababo xoogagga ka soo
horjeeda dawladda dhexe ee dalkaas, waxayna heleen
sababo ay ugu tilmaami karaan dawladdaasi inay tahay
mid daba-dhilif ah oo ajanebi wato, jiritaankeeduna
ku xidhan yahay taageerada iyo ilaalada ay ka hesho
xoogag debadeed oo qudha.
311
Waxa jirey khilaaf u dhaxeeyey dawladda Maraykanka
dhexdeeda oo ku saabsan sida ugu habboon ee wax looga
qaban karo dhibaatada Somalia. Qaarkood, sida Johnnie
Carson oo ah mas’uulka ugu sarreeya ee xafiiska
arrimaha debadda u qaabilsan Afrika, waxa uu u
muuqdaa inuu aad uga foojigan yahay oo uu iska
ilaalinayo in wax ciidamo ah oo Maraykan ah si toos
ah loo geeyo dhulka Somalia dhexdiisa, isaga oo ka
cabsi qaba in taasi ay keeni doonto taageero dheeri
ah oo ay helaan kooxaha al-Shabaab iyo kooxaha kale
ee ka soo horjeeda reer-Galbeedka. Sidatan ayaanu
Johnnie Carson u dhigay badheedhihiisa, ‘ma doonaynno
wax ah raad milateri amma ciidammo ah oo aannu geynno
gudaha’ Somalia.
Hasse ahaatee milateriga Maraykanka iyo hey’adaha
mukhaabaraadkuba waxay kordhiyeen hawlgalladoodii ay
ka wadeen Somalia gudaheeda, oo mararka qaar si aan
toos ahayn ay uga fulinayaan halkaasi. Sannadkii
2011, maamulka Pentagon ee gaashaandhigga Maraykanku
waxay ogolaadeen in hub qiimihiisu gaadhayo $45
milyan oo doollar in loo raro ciidamada nabad-
ilaalinta ee Midowga Afrika ee jooga Muqdishu. Bishii
August ee 2011, jariidadda New York Times waxay
qortay in askar hore uga tirsanaan jirtey ciidamada
dalalka Faransiiska, Koonfur Afrika iyo dalalka
Scandinavian-ka, oo u shaqeeya haatan sharikad gaar
ah oo deggan Maraykanka oo qaabilsan xagga
nabadgelyada, lana yidhaa magaceega Bancroft Global
Development, inay askartaasi ka hawgalaan xero aad
loo adkeeyey loona ilaaliyo oo ku taal magaalada
Muqdishu, halkaasina ay ciidamada Afrikaanka ah ku
siiyaan tababarro ku saabsan xeeladaha dagaalka
dhuumaalaysiga ee magaalooyinka dhexdooda. Jariidaddu
waxa kale oo ay sheegtay in hey’adda mukhaabaraadka
Maraykanka ee CIA ay ku lug leedahay xarun weyn oo
saldhig ah oo laga sameeyey garoonka diyaaradaha ee
Muqdishu dhexdiisa, dhismahaasi oo Soomaalidu u
312
taqaan ‘Pink House’ amma ‘Sarta Cas’, taasi oo loola
jeedo midabka dhismayaashaa, amma haddii si sahal ah
loo dhigo,‘Guantanamo’. Jariidadda New York Times
waxa kale oo ay sheegtay in saraakiisha CIA ay si
wadajir ah u fulinayeen oo ay gacan ka geysteen
maraanmarka iyo baadhitaanka dadka lagu tuhunsan
yahay argagixisada ee ku xidhan xabsi ku yaal
Somalia, iyo inay si qarsoodi ah u tababaraan hawl-
wadeennada mukhaabaraadka iyo nabad-sugidda:
Iyaga oo ka duwan ciidamada caadiga ah ee
dawladda, ciidamadan sida gaarka ah u tababaran
ee kamaandoosta Soomaaliyeed ee CIA-du tababartay
waxay ku qalabaysan yihiin hub cusub, qalabka iyo
funaanadaha aan xabbaddu Karin ee la xidho,
muraayado madow iyo dahaadhka amma koofiyadaha
madaxa la gashado ee wejiga qariya, si aan loo
aqoonsan. Ciidamadani waxay ka mid yihiin
hey’adda nabad-sugidda Somalia – waana hey’ad
qaabilsan xagga mukhaabaraadka oo inta badan CIA-
du ay maalgeliso – waxayna hoos timaad dawladda
ku-meel-gaadhka ah ee federaalka ah. Hase ahaatee
dad badan oo jooga Muqdishu ayaa rumaysan in
hey’addan nabad-sugidda Soomaaliyeed ay
samaysanayso awod ka madaxbannaan dawladdan
taagta daran.15
Waxa lagu doodaa in horumarka xeeladaha dagaalka ee
ciidamada Ururka Midowga Afrika iyo kuwa Soomaalida
ee keenay in dagaalyahanno badan oo ka tirsan al-
Shabaab laga saaro oo ay ka baxaan magaalada Muqdishu
sannadkii 2011, in horumarkaasi uu ka yimid inta
badan kaalmada tooska ah iyo midda dadban ee
Maraykanka. Ma kala cadda in jabhaddaasi
Islaamiyiinta ah si kama-danbays ah loo wiiqay, iyo
inay galeen uun marxalad iyo xeelado kale oo
argagixisnnimo oo ah ku-dhifo-oo-ka-dhaqaaq. Marka la
313
eego taariikhdii hore ee faragelinta Marykanka ee
Somalia iyo waxyaabihii ka dhashay oo lagu tilmaamo
‘xabaasha hawlgallada Maraykanka’, waxa halkaas laga
dhadhansan karaa in taasi macnaheedu uu yahay in la
qaatey oo ay roon tahay in faragelintu ay noqoto mid
aan sidaa u muuqan oo aan toos ahayn. Wax kasta oo
laga dhex arko ‘Maraykan’ in uu ka danbeeya, waxay u
noqonaysaa kooxaha Islaamiyiinta ah dacaayad weyn oo
ay ka faa’iideystaan, waxayna keenaysaa colaad ka
timaad Soomaali badan oo kale.
In kasta oo dawladda Maraykanku ay ku adkaysanayso
in aanay filayn oo ay ku noqotay arrin ku-soo-booddo
ah gelitaankii Kenya ay ku gashay Somalia bishii
Oktoobar ee 2011, haddana Maraykanku waxa uu Kenya la
wadaagaa danta ah in la jebiya al-Shabaab, waxanu
muddo dheer la lahaa Kenya is-bahaysi xagga
nabadgelyada ah. Kordhintii la kordhiyey adeegsiga
weerarrada diyaaradaha loo yaqaan Drones ee
Maraykanka isla waqtigii milateriga Kenya uu ku
dhaqaaqay hawlgalkani, dad badan oo Somalia joogaa
waxay u arkeen oo u macnaysteen in weerarkani Kenya
uu yahay mashruuc amma qorshe uu Maraykanku ka
danbeeyo. Meelo dhawr ah oo ka tirsan Somalia, gaar
ahaanna meelaha lagu diley dad rayid ah oo ku dhintay
weerarada ciidamada ‘soo-galootiga’ ah, waxay
dhalisay nacayb dheeraad ah oo loo qaado Maraykanka
iyo dhinaca kale u-garaabis iyo taageero loo hayo al-
Shabaab. Gelitaankii Kenya waxa kale oo uu si weyn u
qasay oo kala gooyey hawlihii gargaarka
banii’aadminnimo, xilli ay macaluuli taagnayd.
Dadka danaynaya in Somalia ay ka hirgasho dib-u-dhis
qaran iyo xaaladaha nabagelyo oo hagaaga, waxa laga
yaabaa in waxa ugu habbooni ay tahay inay dersaan oo
wax ka kasbadaan waayo-aragnnimada tijaabooyinka
siyaasadeed ee ka shaqeeyey dalka, oo labada ugu
door-rooni ay yihiin Somaliland iyo Midowgii
Maxkamadaha Islaamiga ah. Labaduba waxay ka soo
314
dhismeen ‘hoos’, iyada oo la adeegsanayo qaababkii
dhaqanka ee Soomaalida iyo kuwa casriga ah oo la is-
waafajiyey. Maraykanka iyo Ingriisku arrimahani waxay
garawsadeen oo ay ku baraarugeen mar danbe. Sannadkii
2010, Maraykanku waxay ku dhawaaqeen in Somalia ay
kula dhaqmayaan siyaasad laba dhinac ka kooban,
labadaas oo kala ah inay sii wadayaan aqoonsiga iyo
taageerda dawladda fadhigeedu yahay magaalada
Muqdishu, iyo dhinaca kale inay kordhinayaan la-
shaqaynta iyo taageerada gobollada kale ee deggan ee
waqooyiga, gaar ahaanna Somailand iyo Puntland.
Ingiriisku waxa uu isna bilaabay inuu kordhiyey oo uu
dardar dheeraad ah geliyo wada-shaqayntii uu la lahaa
labadaas gobol. Dhambaal kale oo qarsoodi ahaa oo
diblomaasi Maraykan ahi uu diray 2009-kii, ayna
faafisay wakaaladda Wikileaks, waxa uu ka hadlayey
sida ‘Ingiriiska u qorshaynayo in uu “sii-xoojiyo”
taageerada uu u fidiyo Somaliland, in kasta oo
dawladda Ingiriisku aanay ka fikiraynin inay aqoonsi
siiso marxaladdan hadda la joogo.’16
Madaxweyne Obama waxa uu isna isla markaas sii wadey
siyaasaddii maamaulkii Maraykanka ee isaga ka
horreeyey, ee loo arkayey Somalia dal ay ka jirto
khatar argagixiso. Tani waxa uu caddeeyey oo uu u ku
dhawaaqay markii uu booqashada ku tegey Afrika
sannadkii 2009, oo uu yidhi: ‘Marka xasuuq dadweyne
uu ka socdo Darfur, amma argagixiso ay ka jirto
Somalia, arrimahani ma aha dhibaatooyin u gaar ah
Afrika oo qudha, waa dhibaatooyin nabadgelyo oo
caalami ah, waana in si caalami ah looga jawaabaa oo
wax looga qabtaa.’
Waxyaabihii aakhirkii ka dhashay gelitaankii
Ethioipia ee Somalia, ma ahayn oo keliya inay geysey
magaalada Muqdishu dawlad tag daran oo aan haysan
taageero dadweyne, barakac ku dhacay boqolaal kun oo
qof, iyo dagaalladii oo si weyn u kodhay. Laakiin
waxa kale oo ay xagjir ka sii dhigeen koox yar oo ay
315
ka go’an tahay mintidnnimada jihaadku. Waxayna
kooxdani noqotay laxaadka asaaska u ah xoogagga
dagaalka Islaamiyiinta ee al-Shabaab, kuwaasi oo
sanado kooban gudahood ku qabsaday koonfurta iyo
badhtamaha Somalia inteeda badan, si khasab ahna ugu
soo rogey dadweynihii, nidaamyo amma habab iyo dhaqan
aanay weligood caado u yeelan oo aanay hore u aqoon,
weligoodna aanay diyaar u noqon inay aqbalaan. Virgil
Hoehne, waxa uu mar kale qoraalladisii 2009 ku
faahfaahinayaa sida siyaasaddii Maraykanka iyo
Ethiopia ay iyada lafteedu u abuurtay, marka laga
eego dhinacyo badan, bahalkii amma baalayadii cabsida
weyn laga qabey ee ay isku deyayeen inay ka hortagaan
oo ay dilaan:
Sannaddii 2009, ka dib saddex sano oo ay ku soo
jireen jabhadnnimo iyo dagaal, Islaamiyiinta
mitidka ah ee Somalia, gaar ahaanna al-Shabaab,
run ahaantii waxay u ekaadeen oo ay la maqaam
noqdeen heerkii uu marayey ururkii Taliban
xilligii 1996, ee uu ahaa urur ku soo ad-adkaaday
oo ku soo xoogeystey dagaallo, iyo idiyoolojiyo
amma mabda’ aan laalaabad lahayn, una diyaar ah
in uu dal xukumo. Marka sidaas loo eego,
dacaayadihii lagaga hotagayey Islaamiyiinta ee
sannadkii 2006 waxay noqdeen kuwa wixii laga
baqayey inay keenaan run ahaantii keenay oo
Islaamiyiintii sii fogeeyey, siina xoojiyeyey,
halkii ay wax ka yeeli lahayd. Laga soo bilaabo
2006-dii, Somalia waxay ahayd tusaalaha ugu
fiican ee la soo qaadan karo marka laga hadlayo
guuldarrada siyaasadda Maraykanka (iyo Ethiopia)
ee la-dagaallanka argagixisada, siyaasaddaasi oo
run ahaantii abuurtay iyadu dhibaatadii markii
hore loogu talo galay inay ka hor tagto oo ay wax
ka qabato.17
316
Islaamiyiintii oo hoggaankii qabsaday (The Islamists
take hold)
Itoobiyaanku waxay rasmi ahaan ka baxeen Somalia
bishii January ee 2009, laakiin ciidamadoodu waxay
weli ku sii jireen dalka, gaar ahaan gobollada ku
yaal xuduudda. Ethiopia waxa kale oo ay taageero u
fidinaysay kooxaha ka soo horjeeda Islaamiyiinta,
sida xarakada Suufiyadda ee Ahlu Sunna Wa Jamaaca,
dhaqdhaqaaqaasi oo isbahaysi aan sugnayn la leh
dawladda ku-meel-gaadhka ah, dagaalna kula jira
ururka al-Shabaab, koonfurta iyo badhtamaha Somalia.
Maraykanku waxa uu isna sii wadey in uu Somalia ka
soo weerarro xagga cirka, isaga oo diyaaradihiisa
milateriga iyo kuwa loo yaqaan drones-ku ee is-wadaa
ay duqaynayaan bartilmaameedyo mucayan ah. Bishii May
ee 2008, hoggaamiyihii miliishiyada al-Shabaab, Adan
Xaashi Cayrow, ayaa lagu dilay weerar noocani ahi.
Dhambaal ay direen diblomaasiyiin Maraykan oo cunwaan
looga dhigay ‘dhimashadii Cayro’, ayaa waxa lagu
saadaaliyey in dhimashadiisaasi uu meesha ka baxay ay
yeelanayso ‘saamayn dhawr ah oo cuntama’ amma fiican,
oo ay ku jirto weerarradii al-Shabaab oo marka hore
qas ku yimaaddo oo kala go’a, looltan xagga
madaxtinnimada ah oo ka dhex bilaabma xarakadaasi
gudaheeda, iyo rajadii dib-u-heshiisiinta Soomaalida
oo sii korodha. Hasse ahaatee, xarakadaasi oo had iyo
jeer kala jajabnayd, waxa ay noqotay, haddii wax
saamayn ah ay tani ku yeelatay, inay xoog iyo awod ka
sii qaadeen dilkii Cayro. Cadhadii iyo ficilkii ay ka
qaadeen arrintani waxay sii midaysay xubnihii
ururkaasi, waxayna ku kicisay dagaal ay ku qaadaan
waxa ay u arkeen ‘gaalada’ dawladda ku-meel-gaadhka
ah iyo koox kasta oo kale oo shisheeye ka danbeeyo.
Ahmed Abdi Godane oo ka soo jeeda Somaliland, oo sida
Cayro oo kale ahaa nin isna ugu yaraan xagjir ah,
ayaa loo magacaabay hoggaamiyaha cusub ee xarakada.
317
Si la mid ah sidii madaxweyne Bush uu u adeegsanayey
hal-ku-dhegga ‘la-dagaallanka argagixisada’ markii uu
ku dhawaaqayey xidhitaanka shirkad Soomaaliyeed oo
xawaaladeed, al-shabaab waxay iyana isticmaashay hal-
ku-dhegyada jihaadka ee ay caadada u leeyihiin oo ay
ugu hanjabaan kuna baqdin geliyaan Maraykanka. Bishii
January ee 2010, afhayeenka al-Shabaab Sheikh Ali
Mohamed Raage, waxa uu soo saaray digniin uu u
jeedinayo madaxweynihii cusbaa ee la doortay ee
Maraykank, Barack Obama, waxanu ku yidhi
digniintaasi:
Haddii uu Obama cidamadiisa u soo diro Somalia,
waxay ku danbayn doonaan halkii ay ku danbeeyeen
kuwii 1993, markii meydkoodii la jiid-jiidey
jidadka magaalada Muqdishu, burburkii
diyaaradahooguna uu buuxiyey wadooyinka
caasimadda. Haddii Maraykanku ay rabaan in
ciidamadooda ay u soo diraan Somalia, waxannu u
dhigi doonnaa cashar. Waxan ku ballan qaadayaa in
aan ula dagaallami doonno si ka daran sida aan
ula dagaallanno ciidamada Afrikaanka ah ee imika
jooga halkan. Farriinta aan u dirayo Obama waxa
ay tahay, ha u soo dirin halkan wiilasha
Maraykanka, hana ku bixin maalkiinna iyo
hantidiinna dagaal aydaan weligiin ku guulaysan
doonin.
Dhibaatada Gargaarka (The challenge of aid)
Dhibaatada kooxaha Islaamiyiinta ee Somalia waa mid
ka ballaadhan oo aan ku waajahnayn siyaasadaha
debadda oo qudha. Waxa kale oo ay noqotay dhibaato
saamaynaysa gudaha dalalka ay joogaan qaxootiga
Soomaalidu, kuwasi oo ay ka mid yihiin Kenya, Yemen,
Maraykanka, Ingiriiska, Australia iyo dalalka
318
Scandinavia, dalalkaasi oo dhalinyarada Soomaalida ee
la qabsan kari weyda nidaam ka jira dhulalkaasi ay
dib ugu soo noqdaan Somalia, si ay ugu biiraan
dagaallada jihaadka, amma ay ka qayb qaataan
shirqoollo iyo qorshayaal argagixiso oo lagu weeraro
dalalka ay joogaan ee martigeliyey. Caalamiyeyntan
sii kordhaysay ee hawlgallada kooxaha Soomaalida, iyo
weliba marka lagu daro joogitaanka Somalia ay joogaan
dagaalyahanno aan Soomaali ahayn oo ku dhex jira al-
Shabaab, ayaa taasi macnaheedu uu yahay in
dhibaatadii ay noqotay mid caalami ah.
9 – Mid ka mid ah ciidammada al-Shabaab oo cunno baco
ku jirta u qaybinaya dad jooga Shabeellada Hoose oo
ka tirsan meelaha macaluushu ka jirto, September 2011
(al-Shabaab)
319
Ka sakow jiritaanka kooxaha Islaamiyiinta ah ee
Somalia, iyo khatarta ay ku hayaan adduunka debadda,
haddana waxa dhinaca kale dhibaato weyni ay ka
haysataa dalalka debadda hawlaha gargaarka
banii’aadminnimada ee dalkaasi ka socda. Hey’adaha
gargaarka ayaa dhibaato weyn kala kulma sidii ay u
gaadhsiin lahaayeen taakulayn degdeg ah dadka u
baahan gargaarkaasi. Waxana dhacda in la dilo, lana
afduubo shaqaalaha hey’adaha gargaarka iyo in lagaga
qaato lacagyow fara badan oo baad ah goobaha
isbaarooyinka. Waxa kale oo jirtey in ururka al-
shabaab uu marar badan ka mamnuucay hey’adaha
gargaarku inay ka hawlgalaan gobollada ay ka
taliyaan. Dhibaatadani waxay sii cuslaatay gaar ahaan
bishii July ee 2011, markii Qaramada Midoobey ay ku
dhawaaqday xaalad macaluuleed oo ka jirtey laba gobol
oo ay al-Shabaab ka taliso, oo kala ahaa Bakool iyo
Shabeellada Hoose. Hase ahaatee iyaga oo si deggan oo
xeelad leh u maaraynaya, ayaa Qaramada Midoobey iyo
hey’adaha gargaarka ee kaleba ay waxoogaa horumar ah
ka sameeyeen inay kala xaajoodaan al-Shabaab sidii
gargaarka loo gaadhsiin lahaa gobolladaasi. Ka
bacdina Maraykanka ayaa ku dhawaaqay in uu isna
taakulayn u dirayo dhulalka ay al-Shabaab haystaan,
ilaa inta Qaramada Midoobay ay dammaanad qaadayso
nabadgelyada hawlaha gargaarkaas banii’aadminnimo.
Wax yar ka bacdi hadalkaasi Maraykanka, al-Shabaab
waxay ku dhawaaqday in aanay ogolaan doonin cid
ajanebi ah oo timaadda gobolladaasi. Waxana suurtogal
ah in al-Shabaab ay ka booddey mawqifka iyo
hadalladan qaawan ee Maraykanka. Mar kale Maraykanku
waxa uu qiimayn khaldan ku sameeyey xaaladaha ka jira
Somalia, iyada oo sida uu u dhaqmay ay wax u dhintay
dadkii dhibaataysnaa ee baahnaa oo gargaarkii ka kala
go’ay, iyo hey’adihii gargaarka banii’aadminnimada oo
uu qas ku keenay dedaalkii ay ku suurtogeliyeen inay
hawlahooda ka fulin karaan oo ay sii wadi karaan
shaqooyinkii ay ka hayeen meelaha ay al-Shabaab
320
xukumaan intii ay mamnuucidda gargaarku taagneyd oo
dhan.
Sida Jamciyadda Qaruumaha ka Dhaxaysaa ay sheegtay,
waxa kale oo jirtey dhibaato ah musumaasuq ka dhex
jira isla hawlaha gargaarka iyo qaybintiisa. Warbixin
uu soo saaray Golaha Ammaanka ee Qaramada Midoobey
ayaa waxa lagu sheegay in la ogaadey sannaddii 2010,
in ilaa kala-badh raashinkii gargaarka ee loogu talo
galay in la gaadhsiiyo dad laba milyan iyo badh
gaadhaya oo Soomaali ah, inay leexsadeen kooxo
musumaasuq ah oo ka kala kooban qandaraaslayaal,
kooxaha Islaamiyiin ah, iyo shaqaale ka tirsan
hey’adaha gargaarku. Warbixintu waxay inaasi ku
dartay in hey’adda Qaramada Midoobey u qaabilsan
barnaamijka cunnada adduunka ee WFP ay 80% siisay
qandaraasyada rarista iyo geynta raashinkaasi
gargaarka meelihii looga baahnaa, qandaraasyadaasi oo
dhammaa ilaa $200 oo milyan oo dollar, inay siisay
saddex nin oo keliya oo ganacsato Soomaali ah,
kuwaasi oo iyaguna si sharcidarro ah u sii iibiyey
raashinkaasi, si ay macaash badan uga sii helaan.
Waxa kale oo warbixintu ay sheegtay in in ka tirsan
gargaarkaasi lagu isticmaalay dagaallada: ‘Qaybo ka
tirsan taakulayntii banii’aadminnimada, gaar ahaanna
raashinkii gargaarka ahaa, ayaa waxa loo leexiyey
ciidamada oo lagu isticmaalay ujeeddooyin milateri.
Qaar badan oo ka tirsan qandaraaslayaasha Soomaalida
ee la shaqaynayey hey’adaha gargaarka ayaa haddana
samaystay isbahaysi dhexdooda ah iyo shuraake kooxaha
ah, awod weynna yeeshay – kuwaasi oo qaar ka mid ahi
ay si toos ah ugu gudbiyaan macaashka ay helaan,
ammma raashinka gargaarka laftiisaba, kooxaha
hubaysan ee mucaaradka.’18 WFP iyadu way ku
gacansaydhay eedaymahaasi, laakiin waxay sheegtay
inay ka joojinayso qandaraasyadii saddexdaasi qof
inta la samaynayo baadhitaanno.
321
Ma aha ganacsatada awodda badan ee Soomaalida oo
qudha kuwa ka faa’iideysta hey’adha gargaarka. Waxa
jira Soomaali badan oo kale oo waayo-aragnnimo iyo
khibrad badan ka soo helay ku-xidhnaanshaha iyo
helidda gargaarka debadda, kuwaasi oo bartay, kuna
noqday khubaro sida looga faa’iideysto hey’adaha
gargaarka. Tani waxan ku soo arkay Somaliland
sannadkii 1994, markaasi oo wakiillo ka kala socda
hey’adaha Qaramada Midoobey iyo kuwa kale ee
gargaarka banii’aaminnimadu ay halkaasi tegeen si ay
ugu gurmadaan dadkii ku dhex tabaaloobey dagaallo
qabaa’il oo xilliyadaasi ka dhacay dalka. Waxan u
safray magaalada Oodweyne, aniga oo sii raacay koox
gurmad ah oo ka kooban khubaro ka socota hey’ado
gargaar oo ajnebi ah. Waxa ugu horreeyey ee aannu ku
dhaqaanay waxay ahayd in aannu la kulanno duqii
magaaladaasi. Wuxu noo akhriyey liis dheer oo ah
waxyaabaha ‘sida degdegga ah loogu baahan yahay’, ee
ay u baahan yihiin dad uu ku tilmaamay inay u soo
qaxeen magaalada, kana soo qaxeen dagaallo ka socda
meelo kale oo ka tirsan dalka. Waxanu yidhi:’ Guud
ahaan waxan halkan ku haynnaa dad dhan 6,100 qof oo
ah dad u baahan gargaar oo in badani ay
macaluulayaan, nafaqa-darrana ay hayso, isla
markaasina aan haysan wax hoy ah. Ilaa hadda shan
boqol ayaa u dhintay dhaawacyadii dagaalka ka soo
gaadhay, gaajo iyo cudurro.. Waxan u baahannahay
baco, bustayaal, dhar, raashin ay ka mid yihiin
digir, saliidda cunnada, weelkii wax lagu karsan
lahaa, iyo daawooyin.’
Laakiin markii aan magaalada soo dhexmaray ee aan ku
soo wareegey, waxa markiiba ii caddaatay inayna jirin
dad u dhawdhaw tiradaasi 6,100-ka ah ee lagu sheegay
‘dadka u baahan gargaar degdeg ah’. Waxa dhici kartaa
inay yihiin wax kooban oo daraasiin ah. Kuma jirin
wax macaluul hayso, amma cudurro u jiifa, amma hoy
la’ oo bannaanka yaal, waayo, dhammaantood waxay la
322
joogeen qoysas magaalada deggan. Hey’adaha gargaarku
wax badan oo caynkaas ah kama qaban sidii ay wax uga
qaban lahaayeen khaladaadka noocaas ah; waayo in laga
hadlo oo la wadwado dhibaato banii’aadminnimo oo ka
jirta Somaliland, ayaa iyada lafteeda macnaheedu ay
tahay in la helo fursado qandaraasyo iyo lacagayow
dheeraad ah – waxa la helayaa oo sii soconaya
shaqooyinkii lagu adeegsan jirey.
Saamaynta Goboleed (Regional Implications)
Dhibaatooyinka Somalia waxay saameeyeen dalal badan
oo kale oo ka tirsan dalalka Afrikada Bari iyo Geeska
Afrika. Qaxootigii ayaa ku qulqulay oo ka tallaabaday
xuduudaha. Xiisadaha iyo dagaallada Somalia waxa kale
oo ay aafeeyeen oo deganaansho la’aan ku abuureen
dalalka deriska ah, oo qaarkood si toos ah u galeen
dagaalladaasi, iyaga oo leh weji ah ciidammo nabad-
ilaalineed, amma ilaalinaya danahooda. Dhibaato
markii hore ahayd kooxo gudaha ah oo Islaamiyiin
xagjir ah, ayaa waxay isku rogeen oo ay noqdeen
dhibaato goboleed, iyo xataa mid caalami ah.
Tusaalooyinka ifinaya sida dalalka gobolku ay uga
walaacsan yihiin xaaladaha Somalia, waxa ka mid ah
dalalka Uganda, Kenya, Ethioipia, iyo Djibouti oo
ogolaaday in ciidammo Somali ah lagu tababaro
dhulkooda, kuwaasi oo mararka qaar ay ku gacan-
siinayaan khubaro milateri, amma naba-sugid, oo reer-
Galbeed ahi. Uganda iyo Burundi waxay halkaasi
geeyeen ciidammo nabad-ilaalineed. Urur-goboleedyada
IGADD iyo Midowga Afrikana, shirar aan dhammaad
lahayn ayay ka yeesheen xaaladaha Somalia. Laakiin
kuwani ma yeelan wax saamayn ah oo cuntanta, sida
iyaguna aanay u yeelan wax saamayn ah oo buuran kuwii
Jamciyadda Qaruumaha ka Dhaxaysa, kuwii Ururka
Midowga Yurub, iyo ururrada kale ee calamiga ah
intuba.
323
Saamaynta Uganda iyo Burundi kuma koobna oo qudha in
ay halkaasi u direen ciidammo nabad-ilaalineed,
kuwaasi oo daraasiin ka mid ahi ay ku dhinteen.
Laakiin waxa kale oo ku soo fool yeeshay hawlgallo
aar-gudasho ah oo kaga yimaad al-Shabaab iyo kooxaha
kale ee mucaaradka ah, taasi oo ka dhalanaysa
joogitaanka ciidammadoodaasi ee Somalia. Bishii July
ee 2010, al-Shabaab waxay laba weerar oo wax-qarxin
ah isku mar ku qaadday magaalo madaxda Uganda ee
Kampala, halkaasi oo ay ku dhinteen dad ka badan
toddobaatan qof.
10 – Barakacayaal safaf ugu jira cunno loogu
qaybinayo magaalada Muqdishu (Mohamed Moallimu).
Ka sakow deganaansha ka jira gobollada Somaaliyeed
ee Puntland iyo Somaliland, haddana iyaga laftoodu
kamay wada bed-qabin amma fayoobayn weerarrada
Islaamiyiinta. Bishii Oktoobar ee 2008, saddex qarax
oo is-miidaamin ah ayaa isku mar lagu wada qaaday
324
goobo ku yaal magaalada Hargeysa, kuwaasi oo dad
badani ku dhinteen. Isla maalintaasi waxa iyana la
weeraray Puntland. Hawlgalladani waxay tilmaamayaan
awodda ay al-Shabaab u leedahay inay qaaddo weerarro
xidhiidhsan oo heer sare ah.
Ethiopia iyo Eritrea (Ethioipia and Eritrea)
Gaar ahaan Ethiopia, lagama saari karo khilaafyada
iyo dagaallada Somalia. Labada dal, waxay faacyo
badan ahaayeen deris aan xidhiidhkoodu fiicnayn oo
aanu caadi ahayn, oo waqtiba-ka-waqti ay colaado iyo
dagaallo buuxa ka dhex dhacaan. Sababta weyn ee
dhalisay xidhiidhka xun iyo colaadda joogtada ahina
waa ‘gobolka Soomaalida’ ee Itoobiya, kaasi oo xuduud
dheer la wadaaga Somalia oo ay ka jireen muddo dheer
jabhado mucaarad ah oo gudaha ah oo saameeyey.
Ethiopia waxay ka hirgelisay Somalia dhexdeeda wax u
muuqan kara dhul ka caaggan milateri oo aan loo soo
dhaafi Karin. Joogitaanka ciidamada Ethiopia ee
gudaha Somalia ayaa noqotay wax joogto ah oo mar
walba la sheego, ilaa aakhirkii ay noqotay wax iska
caadi ah oo aan ahayn ‘war cusub’ oo soo kordhay.
Haddana Ethiopia oo qayb weyn ka ah isbahaysiga ree-
Galbeedka ee ‘la-Dagaallanka Argagixisada’,
fagargelinteeda Somalia waxay yeelatay weji iyo
kaalin caalami ah, sida kaalintii ay lahayd
xilliyadii dagaalka qabow ee 1970-yadii.
Dal kale oo isna si weyn faraha ugula jira arrimaha
Somalia waa dalka Eritrea. Waana in la fahmo oo loo
arkaa in faragelintaasi waxa salka u ah ee keenayaa
inay yihiin khilaafka soo-jireenka ah ee ka dhexeeya
iyada iyo Ethiopia, oo dagaal qadhaadhi u ka dhex
dhacay sannadihii 1998 ilaa 2000, wax yar uun ka dib
markii Eritrea ay ka madaxbannaanaatay Addis Ababa.
Eritrea waxay u aragtaa dawladda federaalka ah ee ku-
meel-gaadhka ah ee Somalia, mid Ethiopia ay wadato oo
325
danaheeda ay ku fushanayso, sida awgeedna Eritrea
waxay caawisaa kooxaha mucaaradka ah ee ka soo
horjeeda dawladda Somalia. Qaramada Midoobey,
Maraykanka iyo dawladaha kaleba waxay mar walba ku
eedaynayeen Eritrea inay siiso kooxaha Islaamiyiinta
ah ee Somalia taageero siyaasadeed, mid dhaqaale, mid
diblomaasiyadeed iyo mid milateri intaba, iyadaoo
jebinaysa qaraaradii caalamiga ahaa ee
cunaqabatayntii xagga hubka Somalia ee lagu soo
rogey. Waxa kale oo lagu eedeeyey inay u fidiso
kooxaha Islaamiyiinta ah ee Soomaalida, tababarro ay
ku siiso Cassab oo ku taalla bariga Eritrea iyo
Teseney oo galbeedka ah.19 Madaxdii Midowga
Maxkamadaha ee Somalia waxay u carareen magaalada
Asmara, ka dib markii ciidamada Ethiopia ay galeen
Soomalia sannadkii 2006, waxayna halkaasi ka
sameeyeen hoggaan iyo maamul debadda jooga oo ka
horjeeda dawladda caalamku aqoonsan yahay ee ku-meel-
gaadhka ah ee Somalia.
Dhambaal qarsoodi ahaa oo ay dirtay safaaradda
Maraykanka ee Asmara sannadkii 2009, laakiin si u
dusey oo ay faafisay wakaaladda Wikileaks, ayaa waxa
uu ka hadlayaa sida Etritrea ay u bilawday inay
qaaddo olole diirran oo saaxiibtinnimo oo ay u
muujiso Maraykanka, wax yar ka bacdi markii Barack
Obama uu la wareegey xafiiska ee uu noqday
madaxweynaha Maraykanka. Ololahaasina waxa ka mid
ahaa casuumad maalin ah oo loo fidiyey safiirka
Maraykanka iyo marwadiisa, ayna u fidiyeen saraakiil
ka tirsan dawladda Eritrea, waxana lagu casuumay beer
uu leeyahay agaasiimaha waaxda dhaqaalaha ee Eritrea.
Dhambaalkaasi waxa uu ku tilmaamayaa agaasiimahaasi
in uu yahay ‘farsamayaqaanka dhaqaalaha sii dumaya ee
dalka’. Dhambaalka intiisa kale waxay si quudhsi ah
oo ku-dheel-dheel ah uga hadlaysaa nooca martiqaadka
iyo qadadii loo sameeyey: ‘Qadada waxa la keenay
geed-qodaxeed sogsog ah hoostii oo ku yaal laag doox
326
ah oo dhagax badan. Safiirka iyo marwadiisii waxa loo
keenaya hilib ka kooban uur-ku-jirta adhiga oo la soo
shiilay, lana soo marmariyey malab iyo basbaas kulul.
Laakiin lama soo raacin weelkii maamuuska ee macdanta
ahaa ee wax lagu cuni lahaa, suxuun wax lagu gurto,
koobab wax lagu cabbo, amma qalab wax lagu googoosto.
Waxa kale oo la soo raaciyey qadadaasi sharaab iyo
cabbis fara badan oo ka kooban khamri adag oo
qadhaadh, oo nus ahaan la khamiiriyey, ahna nooca
waddaniga ah ee loo yaqaan magac ku bannaan oo ah
“sewa”.’20
Qadadaasi uma muuqan inay wax badan ka tartay
hagaajinta xidhiidhkii Maraykanka iyo Eritrea.
Dhambaalkaasi waxa uu intaasi sii raaciyey walaaca
weyn ee Maraykanku ka qabo xidhiidhka Eritrea ay la
leedahay ururka al-Shabaab, waxanu soo qaaday sida
sarkaal ka tirsan Eritrea uu u qiray xidhiidh ilaa
heer ah oo ay la leeyihiin ururkaasi. Waxanu
dhambaalkaasi intaas ku sii daray in Maraykanku u soo
saaray digniin cad oo toos ah oo uu siinayo Eritrea,
ugana digayo cawaaqib xun oo ay mutaysan doonto
haddii ay ku sii waddo taageerada ay siinayso
ururkaas al-Shabaab.
Eritrea waxay iyana dhinaceeda ku taagnayd oo ay
dhaliilo waaweyn u soo jeedinaysey dawladda
Maraykanka. Bishii August ee 2007, madaxweynaha
Eritrea, Isaias Afewerqi, waxa uu ku eedeeyey
Maraykanku in uu ku dedaalayo inu waxyeello u geysto
danaha dalkiisa Eritrea, waxanu ugu baaqay dawladda
Maraykanku inay joojiso waxa uu ku tilmaamay falalka
iyo siyaasadda qar-iska-xuurnnimada ah. Waxa uu ka
digay siyaasadda arrimaha debadda ee Maraykanka oo uu
sheegay inay adduunka u horseedayso jid khatar ah.
Wax yar ka hor hadalladaasi madaxweyne Afewerqi, waxa
jirtey odhaah iyana ka soo yeedhay Kaaliyihii
Xoghayaha Arrimaha debadda ee Maraykanka u
qaabilsanaa Arrimaha Afrika, Jandayi Frazer, oo
327
sheegtay in Maraykanku uu ka fikirayo in Eritrea lagu
daro liiska dawladaha abbaaniya ee taageera ee
argagixisada.
Kooxaha Islaamiyiinta ee Somalia ma dafiraan inay
taageero ka heleen Eritrea. Hoggaamiyaha
Islaamiyiintaasi, Hassan Dahir Aweys, waxa uu 2011-
kii si cad u qiray gacanta iyo kaalinta Eritrea.
Waxanu yidhi:
Abaal weyn ayaannu u haynnaa Eritrea, laba
sababood awgood. Waxay diidey inay taageerto
dagaalladii gardarrada ahaa ee la nagu soo
qaaday, waxayna soo dhaweysey dadkayagii. Waxa
kale oo ay na siisay taageero siyaasadeed.
Eritrea waa dal faqiir ah oo saboolnnimo weyni ka
jirto, waxana lagu soo rogey ciqaab iyo
cunaqabatayn, sababta oo ah naxariista iyo
taageerada yar ee ay noo fidisay. Qof kasta oo
sidoo kale nagu eega il naxariiseed oo noo
dhoolla-caddeeya, waxa loo ciqaabaya si
naxariis-darro ah. Haatan Eritrea waxa ay ku
jirta xaalad adag. Waannu ka xunnahay arrintaasi,
waayo Eritrea waxay ciqaabtaasi ku mutaysatay
annaga awgayo. Qaramada Midoobey waxay ku
canaananaysaa Eritrea sababta keliya ee ah inay
gacan siisay oo ay u gargaartay dad khalad lagu
sameeyey oo meel laga dhacay. Imika Eritrea
lafteeda ayaa la cambaaraynayaa. Waa wax aan la
qaadan karin oo maskaxdu aanay aqbali karin in la
cambaareeyo dad u gargaaray dad jilicsan oo
dhibaato loo geystey, la soo weeraray oo la
qabsaday.
Yemen
Xiisadaha iyo dagaallada Somalia waxa kale oo ay
saameeyeen dalka Yemen. Waxa jooga oo ay haysaa
328
qaxooti badan oo Soomaaliyeed, oo in badano oo
daraasiin ah ay ku dhintaan sannad kasta doonyaha soo
qaada dadka tahriibta ah ee ku dega Khooriga Cadmeed.
Kooxaha Islaamiyiinta ah ee ka dagaallamaya labadaasi
dal, waxay lugaha kula kala jiraan dagaallada ka kala
socda labada dalba. Al-Shabaab waxay u dirtaa Yemen
dagaalyahanno iyaga ka tirsan, sidoo kalena kooxaha
Yemen waxay iyaguna u diraan Somalia dad dagaalo
jihad ka fuliya halkaasi. Tani waxa isna qiray
afhayeenka al-Shabaab, Sheikh Ali Mohamed Raage, oo
yidhi sannaddikii 2010: ‘Arrinta ku saabsan Yemen,
ciidammada aannu halkaasi u dirno iyo dagaalyahannada
ay noo soo diraan, waxay ka mid yihiin xidhiidhka
sokeeye ee ka dhexeeya labada dhinac. Waa intaas inta
aan hadda ka sheegi karaa arrintaasi, iyada oo aannu
go’aan ku gaadhnay in aan warbaahinta lagala hadal oo
aan loo bandhigin arrimaha noocan ah.’
Wax yar ka bacdi hadalkaasi, isna ku-xigeenka
hoggaamiyaha qaybta ururka al-Qaacida ee Gacanka
Carbeed, Saeed al Shihri, waxa uu ammaan u soo
jeediyey kooxda al-Shabaab, cajalada laga soo duubay
oo la soo geliyey Internetka. Waxanu yidhi:
Waxan u sheegayaa oo aan ku leeyahay
walaalahayaga qaaliga ah ee jooga Somalia,
Ilaahay ha idinka raalli ahaado, hana idinka
jasaa’i siiyo, waanad ku mahadsan tihiin
ciidammadiinna aad noo soo dirteen...Ka sakow
dhibaatooyinka idin haysta iyo cagajugleynta la
idiin geysanayo ee la idinku maagayo jihaadka aad
waddaan, haddana weli waxaad awoddeen in aad noo
soo dirtaan ciidammo na caawiya... dhinac
kastana, midba midka kale, waynnu iska
kaashanaynna dagaallada soo socda ee aan kula
jirno Maraykanka oo ah kan horseedka ka ah
fusukha adduunka.
329
Kenya
Dal kale oo si weyn ay iyana u saamaysay dhibaatada
Somalia waa dalka Kenya. Tobannaan kun oo qaxooti
Soomaali ah ayaa ku qulqulayey dalkaasi dhawrkii sano
ee u danbeeyey, gaar ahaanna markii ay sii
xoogeysteen dagaalladii Koonfurta Somalia. Haddana
waxa xaladdihii uga sii daray abaarihii ba’naa iyo
macaluushii 2011-kii. Xerada qaxootiga ee Dhadhaab ee
waqooyiga Kenya, oo ay ku jiraan inta badan qaxootiga
Soomaalidu, waa xerada ugu balladhan ee qaxooti ee
adduunka. Ma wada qaadi karto qaxootiga sida joogtada
ah ugu soo qulqulaya mar kasta. Markii hore xeradaasi
waxa loogu talo galay ilaa 90,000 oo qof oo keliya.
Laakiin bishii November ee 2011, qaxootiga soo galay
xerooyinkaasi ee la dejiyey waxay kor u dhaafeen
500,000, kuwaasi oo buux-dhaafiyey, kana dhigay
xeradii meel xaaladaha noloshu ay cidhiidhi yihiin,
cagajuglayn iyo naxariis-darro xunna kala kulmay
ciidamada nabadgelyada ee Kenya, sida lagu sheegay
warbixin uu soo saaray ururka u dooda xuquuqda
aadanaha ee Human Rights Watch sanadkii 2009.21 Iyana
Qaramada Midoobay, waxay sheegtay in sannadkii 2011
oo keliya dadka soo galay xeradaasi Dhadhaab ay
ahaayeen 200,000 oo qof.
Dhibaatada dhex taalla Kenya iyo Somalia, waa mid
iyana soo taxnayd faacyo badan oo hore. Xataa ka hor
xornnimadii 1960-kii, Somalia waxay daba joogtey
Degmada Aagga Waqooyi(NFD) ee Kenya xilligii
isticmaarka, degmadaasi oo soomaalidu ay rabtey in
lagu soo daro oo ay qayb ka noqoto dhulka Somalia.
Gobolkani waxa uu xuduud la leeyahay koonfurta
Somalia, waxan dega oo u badan dadweyne asalkoodu
Soomali yahay. Ka dib wada hadallo iyo gorgortan daba
dheeraaday, Ingiriisku waxa uu go’aan ku gaadhay in
gobolkaasi uu ka sii mid ahaado oo uu ku hadho Kenya,
taasi oo ka keentay Somalia inay xidhiidhkii
diblomaasiyadeed u jarto Ingiriiska. Marka la eego
330
dhibaatooyinka joogtada ah ee had iyo jeer ka haysta
gobolkaasi, Kenya waxa laga yaabo in siyaabo badan
awgood ay u qoomamaynayso in aanay uga hadhin dhulkan
oomanaha ah ee kulul in uu raaco Somalia.
Sanadihii aynnu soo dhaafnay, gobolka Waqooyi-Bari
ee Kenya waxa uu ahaa mid xaaladaha ka jiraa ay si
gaar ah u kacsan yihiin, ka dib markii al-Shabaab ay
qabsatay gobollada ku dhawdhaw ee Somalia intooda
badan. Ciidamada ilaalada xuduudda ee Kenya, waxay
deggan yihiin meelo ay iska gaadhi karaan
miliishiyooyinka Islaamiyiinta. In kasta oo rasmi
ahaan uu xadkaasi xidhan yahay, haddana suurtogal ma
aha in la wada kontoroolo, sababta oo ah xuduudda oo
aad u dheer, si sahal ahna la iskaga gudgudbi karo.
Soomaalida Kenya ee gobolkaasi deggani waxay ku
cawdaan in al-Shabaab ay ka qorato degaannadooda
dhalinyaro ay ka tallaabiyaan xadka, si ay uga qayb
galaan dagaallada ka socda Somalia. Dawladda
Maraykanku waxay sheegaysaa inay hayso ‘sababa lagu
rumaysan karo inay dhacday in al-Shabaab ay dad ka
qorato, ilaa heer xaddidan, xerada qaxootiga ee
Dhadhaab.’22
Mararka qaar, dagaallada Somalia waxay u tallaabaan
dhinaca Kenya. Bishii October ee 2010, dagaal ayaa ka
dhex qarxay miliishiyo-beeleed iyo al-Shabaab
magaalada xuduudda ku taalla ee Beled-Xaawo. Boqolaal
qof oo ka yaacaya dagaalladaasi ayaa ka tallaabay
xuduudda, una tallaabay magaalada Mandera ee Kenya oo
saddex kiloomitir oo qudha u jirta Beled-Xaawo.
Iyada oo xiisadaha iyo dagaallada Somalia ay noqdeen
qaar aad ugu dhaw, Kenya waxay go’aan ku gaadhay inay
mudnaanta kowaad siiso inay is-daafacdo oo ay
ilaaliso nabadgelyadeeda, waxayna qayb ka qaadatay
barnaamij laga wado gobolka oo lagu tababarayo
ciidammo Soomaaliyeed oo milateri iyo booliis ah.
Waxan jirey warar sheegayan in ciidamadaasi oo dhan
331
2,500, in badh ka tirsani aanay wada ahayn Soomaali
laga soo qortay Somalia, laakiin inay ku jiraan dad
Kiiniyaan ah oo asalkoodu Soomaali yahay. Kenya waxay
kaalin firfircoon oo taageero ah ku lahayd ‘dagaalka
dhulka Juubbooyinka’, qorshaasi oo ku saabsana in al-
Shabaab dib looga qabsado gobollada ugu hooseeya ee
koonfurta Somalia, lagana sameeyo halkaasi wax u
dhigma dhul milateriga ka caagan, oo aan la soo
dhaafin, oo u dhexeeya labada dal. Dawladda Kenya,
tallaabo weyn oo kale oo muhim ah ayay sii qaadday
bishii Oktoobar ee 2011, markaas oo ay u dirtay
gudaha Somalia boqolaal ka tirsan ciidamadeeda,
ka dib markii kooxo Soomaali ahi ay ka afduubeen
gudaha Kenya afar qof oo ajanebi ah. Kenya waxay
afduubkaasi dusha ka saartay al-Shabaab, waxayna
sheegtay inay sii wadayso weerarrada xagga cirka iyo
dhulka ee ay la beegsanayso kooxdaasi, ilaa iyo inta
Kenya ay nqonayso meel ka bed qabta waxa ay ku
tilmaantay ‘khatarta al-Shabaab’. Al-Shabaab waxay
diiddey inay wax lug ah ku leedahay afduubyadaasi,
waxayna intaasi ku dartay in milatery Kenya oo aan
lahayn wax waayo-aragnnimo ah ‘uu dhandhamin doono
xanuunka xabadda mujaahidiinta.’
Kenya, waxay ku dhex qabsatay xaalad iyo marxalad
adag. Iskama indhatiri karto dhibaatada Somalia,
haddana gelitaanka ay weerartay Somalia, kama keenin
oo keliya colaad dheeraad ah oo kaga timaad al-
Shabaab, waxase sidoo kale ay cadownnimo kaga
kasbanaysaa Soomaali badan oo kale. Iskaashiga Kenya
ay la leedahay dalalka Maraykanka iyo ururk Midowga
Yurub ee la xidhiidha ‘la-Dagaallanka Argagixisada’,
iyo weliba magaalada dekedda ah ee Mombasa oo ay ku
yaallaan maxkamad iyo xabsi gaar ah oo debadda laga
maalgeliyo, oo lagu xukumo laguna xidho budhcad-
badeedda, arrimahaasi macnahooda waxa uu noqonayaa oo
ay keenayaan in Soomaali badani ay u aragto Kenya dal
cadow ah.
332
Kenya, waxa jira sababo badan oo ugu wacan walaaca
ay qabto. Bishii September ee 2010, booliska Kenya
waxa uu faafiyey oo uu si qarsoodi ah ugu gudbiyey
warbaahinta, jiritaanka xubno iyo laan ka tirsan al-
Qaacida oo ka jirta gobolka Afrikada-Bari, kaasi oo
ay ku eedeeyeen labadii weerar ee isku mar lagu
qaaday goobo ka tirsan dalka Uganda. Sida ku qornayd
qoraalladaasi qarsoodiga ah, daraasiin dhalinyaro ah
oo jooga Kenya oo la qortay, kuna biiray xubnahaasi
laanta al-Qaacida, ayaa al-Shabaab ay ku soo
tababartay Somalia dhexdeeda, kuwaasi oo qorshaynaya
weerarro lagu qaado Kenya. Bishii November ee 2010,
lix qof oo dhallinyaro ah oo u sii jeedey dhinaca
Somalia ayaa lagu qabtay magaalada xeebta ku taal ee
Lamu, kuwaasi oo looga shakiyey inay ka mid yihiin
taageerayaasha al-Shabaab, una socdeen halkaasi si ay
uga qayb galaan dagaallada Somalia. Maalmo ka bacdi
markii ciidammada Kenya ay galeen Somalia bishii
October ee 2011, laba weerar oo ahaa bambooyin lagu
qarxiyey goobo ku yaalla magaalada Nairobi, waxa lagu
diley hal qof, in badan oo kalena way ku dhaawacmeen.
Qof Kiiniyaan ah oo sheegtay in uu ka tirsan yahay
ururka al-Shabaab, ayaa waxa lagu xukumay xabsi-
daa’im madaxaa-ha-ku-furo ah, ka dib markii uu qirtay
in uu ka qayb qaatay weerarkaasi.
Hey’adaha dawladda waxa la gudboon inay
foojignaadaan, laakiin haddana waa inay ka
digtoonaadaan inay kiciyaan oo ay ka cadhaysiiyaan
Soomaalida, iyada oo ay jiraan gaar ahaan dad badan
oo ah muwaadiniin Kiiniyaan ah oo asalkoodu Soomali
yahay, amma Soomaali qaxooti ahaan ku joogta
dalkaasi. Al-Sahabaab waxay sheegtay inay rumaysan
tahay in ay si durduro ah ku gaadhi karto oo ay socon
karto ilaa magaalada Nairobi, iyada oo aan wax
dhibaato ah la kulmin. Sababtana waxay ku sheegtay in
Kenya aanay lahayn xoog iyo tamar ay wax iskaga
celiyaan, marka la barbar dhigo Ethiopia oo loo arko
333
mid milateri ahaan iyo xukuumad ahaanba ka awod weyn.
Somaalidu waxay dhexdooda ku kaftamaan in
ciidamadooda milateriga loo hayo inay la dagaallamaan
Ethiopia, laakiin Kenya in boolisku ku filan yahay.
Warbixin Qaramada Midoobay ay soo saartay 2010-kii,
ayaa lagu sheegay in hawlgallada Islaamiyiinta
Somalia ay gudaha u sii galeen oo xoog ku yeesheen
Kenya dhexdeeda. Waxan ka mid ahaa warbixintaasi
waxayaabaha ku qoran:
Jaalliyadaha ballaadhan ee Soomaalida ah ee ku
dhaqan Kenya, ku-dhawaanshaha Kenya ay ku
dhawdahay Somalia, iyo xuduudda sida sahalka la
iskaga gudgudbi karo ee labada dal u dhaxaysa,
dhammaan arrimahani waxay gacan ka geysanayaan in
Kenya ay noqoto saldhig amma xarun weyn oo laga
taageero kooxaha hubaysan ee mucaaradka ah ee
Somalia. Xubnaha ururrada al-Shabaab iyo Xisbul
Islam, waxay si sahal ah oo xor ah u tagaan,
ugana soo noqdaan magaalada Nairobi, halkaasi oo
ay ka soo urursadaan qaadhaan lacageed, kana soo
qortaan dad, kana helaan in lagu daaweeyo
dagaalyahannadooda dhaawacma. Xidhiidhkani waxa
rukun weyn u ah oo suurtogeliya wadaaddo
maalqabeenno ah oo halkaasi ku jooga kuna
shaqeeya ganacsato ahaan, kuwaasi oo ku xidhan
machadyo diimeed oo kooban oo caan ku ah
xidhiidhka ay la leeyihiin ururada iyo
hawlgallada xagjirka ah...Shabakadaha ururradani
waxay ahaayeen kuwo muddo dheerba u fidinayey
kooxaha xagjirka ah ee Soomaaliyeed taagerooyin
dhaqaale iyo kuwa fikri ah oo hoggaamineed.23
Dhambaal kale oo diblomaasiyiin Maraykan ahi ay
direen sannadkii 2009, oo ‘Sawir ka bixinaya sida Al
Shabaab ay dad uga qorato Kenya dhexdeeda’, ayaa waxa
uu ka hadlayaa sida dalkaasi uu u noqday ‘meel fiican
oo laga qoran karo wiilal dhalinyaro ah’ oo ku biira
334
ururrada ay ka midka yihiin al-Shabaab. Waxanu u
yaalley sidatan:
Nin ganacsato ah oo deggan Isiolo (Siiyalow) ayaa
sheegaya in lixdan dhallinyaro ah oo Soomaali
kiinyaan ah oo ka tirsanaa magaalada, in la
waayey ilaa bishii January ee 2008 oo ay ku
biireen dagaallada Somalia, iyo in laba ka tirsan
dhallinyaraadsi, oo qof ahaan uu yaqaanney, ay ku
dhinteen dhawaan weerarro is-miidaamin ah oo ay
ka fulinayeen magaalada Muqdisho. Waxa uu intaasi
ku daray in qoritaanka dhalinyaraadaasi laga
qoranayo magaalada Isiolo, in laga abaabulo oo
laga hoggaamiyo masaajid ku yaalla xaafadda
Eastleigh (magaalada Nairobi) oo ay leeyihiin
wadaaddo xagjir ah, laakiin in fulinta hawshani
in ay u xilsaaran yihiin xubno ka tirsan afar
masaajid oo xagjir ah oo ku yaal magaalada
Isiolo. Waxanu raaciyey in waalidiinta
dhallinyaraasi ay si hoose oo qarsoodi ah u
sameeyaan tacsida iyo xusaska geerida
dhallinyaradaasi, iyaga oo ka baqaya inay hadlaan
oo la maqlo. Xataa haddii dawladda Kenya ay isku
hawsho inay wax ka qabato shabakadahaasi qoranaya
dhallinyarada, ayuu yidhi ninkaasi, ma aha
dhibaatooyinkani kuwa loo heli karo xal sahal ah
oo degdeg ah. Waxan sii wadi doonnaa in aannu
eegno bal in iyo sida Maraykanku uu noogu soo
gurman karo ee uu arrimahani nooga caawin karo.24
Wararkani waxay cadho weyn ka keenayaan Soomaali
badan oo joogta Kenya oo uu ka mid yahay ganacsadaha
weyn ee xaafadda Eastleigh, Sheikh Mohamed Ibrahim
Shakuul. Waxanu yidhi isaga oo arrintani ka
faalloonaya:
Wax badan ayaannu maqalnay warar ku saabsan
lacagyow budhcad-badeed iyo kuwa argagixiso oo la
335
sheego in la soo geliyo xaafaddan Eastleigh.
Arrimahan waa in la kala saaraa oo la kala
qeexaa, mid walbana goonideeda loo eegaa. Annagu
lacagtayada waxannu ka helnaa maalgeliyayaal gaar
ah iyo deyman aannu ka qaadanno bangiyada
Islaamiga ah. Dacaayadaha iyo cuqdadaha
warbaahintu faafinayso ee sheegaya in lacagayow
budhcad-badeed iyo kuwa argagixiso in halkani ay
yimaaddaan, waa wax aan jirin.
Qof kasta oo waxaas sheegaya, waxan ku xujeyn
karaa oo aan weydiin karaa bal in uu i tuso qof
keliya oo baayac-mushtar ah oo jooga halkan
xaafadda Eastleigh, oo faraha kula jira hawlo
sharci-darro ah. Bal waa qofka i tusa taas.
Waannu naqaan dadka aannu la macaamilno. Waannu
naqaan dadka wax naga dhexeeyaan ee aannu
shuraakaha nahay. Nasiibdarro, dacaayadahan la
faafinayaa waa kuwa salka ku haya takrooris iyo
midab-kala-sooc, iyo cunsuriyad lagaga horjeedo
qawmiyado gaar ah iyo hawlahooda..
Ma lihi oo kuma doodayo in wax kasta oo ka jira
xaafadda Eastleigh amma qawmiyadda Soomaalida
dhexdeeda, in wax walba ay boqolkiiba boqol sax
yihiin oo ay si hagaagsan u socdaan, mana wada
ogi oo ma lihi awoddii aan kula wada socon lahaa
arrimahaasi. Laakiin aniga oo ka mid ah xubnaha
odayaasha ee qawmiyaddan, aadna ugu dhex jira
hawl-maalmeedkooda iyo nolosha dadweynaha, waxan
kuu xaqiijinayaa in aanay halkan ka jirin falal
noocaas ahi, haddii ay dhacdo inay jiraanna, inay
yihiin wax aan sidaa u sii ridneyn.
Qaybaha kale ee baayac-mushtarka qawmiyaddaasi
Soomaalida ee deggan Kenya, waxay ka hadleen dulmiga
ay kala kulmaan booliska Kenya. Waxan la sheekaystay
nin ganacsade weyn ah oo Somaali ah, oo aan kula
kulmay xafiiskiisa ku yaal badhtamaha magaalada
336
Nairobi. Ma rabin oo diyaar uma ahayn ninkaasi in
magaciisa la sheego. Waxase uu sheegay oo uu igu
yidhi:’Ma ogtahay waxa booliska Kenya ay u yaqaannaan
ee ay ugu yeedhaan Soomaalida? Waxay noogu yeedhaan
mashiinnada amma khasnadaha ATM ee lacagta lagala
baxa. Sababtuna waxa weeye sida qudha ee aannu u
socon karno ugana dabbaalan karno ee aanu u qabsan
karno hawlahayagu, waa in aannu laaluush siinnaa
booliska, wax kastaba.’
Ninkaasi ganacsada ahi, waxa uu had iyo jeer
isticmaalaa magaca iyo wejiga nin kale oo aan
Soomaali ahayn oo ay ku wada jiraan ganacsiga oo ay
shuraake yihiin, marka ay arrimahooda ka soo
dhammaysanayaan wixii kaga xidhma xafiiyada dawladda
iyo hey’adaha. Magaca Soomaali iyo in laguu aqoonsado
sidaasi, ayuu yidhi, waa mid ‘ganacsi ahaan is-
miidaamin ah’ oo dilaysa ganacsigaagii. Waxa jira
sababo caqli gal ah oo ugu wacan in uu sidan u hadlo.
Sideedaba xaaladaha nololeed ee Soomaalida joogta
Kenya, waxay marba marka ka danbaysa sii noqonayaa
kuwa sii adkaada oo ay dhibaato kala kulmaan. Had iyo
jeer shaki weyn ayaa laga qabaa, in kasta oo qaar
badani ay u dhasheen dalkaasi. Badhtamaha magaalada
Nairobi, waxan ku arkay oo aan goobjoog ka ahaa, qof
kasta oo u muuqda in uu yahay Soomaali – kuwaasi oo
ciidamada nabadgelyadu ay si sahal ah u garan karaan,
uguna soo sooco karaan muuqoooda gaarka ah – in la
joojiyo oo la baadho, korkoodana la marmariyo qalabka
wax lagu baadho, mar ay gelayeen dhismayaal xafiisyo
ah. Dadka aan Soomaalida ahayn, lama baadhayn oo waa
la iska dhaafayey. Bishii August ee 2010, Bangiga
Dhexe ee Kenya, waxa uu ku amray dhammaan baananka
kale iyo hey’adaha dhaqaalaha iyo maalgelinta ee
dalka, in ay la socdaan dhaqdhaqaaqa ganacsi iyo
lacagaha Soomaalida ku sugan dalka Kenya gudihiisa ee
looga shakisan yahay inay xidhiidh la leeyihiin
kooxaha Islaamiyiinta xagjirka ah ee Somalia.
337
Cuqdadda laga qabo Soomaalidu waxay ka dex jrta
heerar iyo qaybo badan oo ka tirsan mujtamaca Kenya.
Dhinac ahaan waa dad laga cabsado oo la neceb yahay;
dhinaca kalena waa dad lala dhaco oo la jecel yahay
xirfadda iyo waayo-aragnnimada ay u leeyihiin
ganacsiga. Fikradaha uu qabo qof taksiile ah oo ii
qaaday dhinaca xaafadda Eastleigh, waxay muujinayaan
oo ay u taagan yihiin sida ay in badan oo ka tirsan
dalkaasi ay u arkaan Soomaalida. Waxanu igu yidhi
taksiilahaasi:’Soomaalidu waa dad aad iyo aad u xun.
Waxay ku iibiyaan Eastleigh wax kasta, xattaa hub.
Waa dad musumaasuq badan oo kharriban, mar kastana
dagaallamaya oo is laynaya, waayo, dhaqan ahaan iyo
dabeecad ahaan ayay yihiin dad xaruuri ah oo kacsan
oo gacantu ka soo horrayso. Budhcad-badeedda
Soomaalidu waxay yimaaddaan halkan, magaalada Narobi.
Waxayna ka iibsadaan guryo qaali ah xaafadaha ugu
wanaagsan. Kiiniyaanku way neceb yihiin Soomaalida,
laakiin waa dad ku fiican ganacsiga.’
Ganacsadaha Sheikh Shakuul waxa uu isna iiga
sheekeeyey sida ganacsiga Soomaalidu uu faa’iidooyin
waaweyn ugu leeyahay Kenya. Waxan kula kulmay
xafiiskiisa ku yaal sariibad amma suuq cusub oo uu ka
dhisayo xaafadda Eastleigh, halkaasi oo shanqadha iyo
buuqa shaqadu ay ka socdeen. Waxanu yidhi:
Waa in qof kastaa uu u bogaa oo uu soo dhaweeyaa
ganacsiga iyo meheradaha noocan ah. Hawlahani
waxay abuureen shaqooyin badan, dadweynaha ayaa
wax ka helayaa oo dakhli ka soo gelayaa, dawladda
ayaa dakhli cashuureed ka helaysa. Dad badan ayaa
hawlaha ku tiirsan oo ay caawiyaan – ha ahaadaan
Kiiniyaan, Soomaali, iyo dad kaleba.
Waxay ila tahay in Soomaalidu ay yihiin hanti
amma xoog wax-ku-ool ah, oo wax ugu filan Kenya
oo wax ku soo kordhinaya, ee aanay ahayn dad
culays ah oo dulsaar ah, sababtuna waxa weeye
338
waxay abuuraan oo laga helaa shaqooyin. Bal fiiri
inta qof ee halkan ka shaqaynaya, dhismahan
halkan ka socda oo keliya. Boqolaal qof oo
kiinayaan ah ayaan siinayaa oo iga helaya nolol-
maalmeedkoodii. Dawladdu waxay ka qaadataa
cashuur dhammaan meheradaha iyo tukaammada ku
yaal xaafaddan Eastleigh. Waxay ka heshaa dakhli
dhammaan cashuuraha la saaro badeecadaha ay
keenaan ee ay soo dejiyaan Soomaalidu. Waxay ila
tahay in cuqdaddan laga qabo Soomaalidu, inay
tahay uun xaasidnnimo lid ku ah kartidooda tartan
ee suuqa. Soomaalidu waxay kor u qaadeen nolosha
boqolaal qof, haddii aanay ahaynba malaayiin, oo
Kiiniyaan ah, kuwaasi oo ay u abuureen, siiyeenna
shaqooyin kala ah agaasiimayaal, xisaabiyayaal,
gabdhaha boo’isooyinka ee qabta adeegyada
guryaha, shaqaale, horjoogayaal goobaha shaqada
iyo dhismayaasha, iyo wixii la mid ah. Waa in aan
labada dhinacba dhinac kasta wax ka fiirinna.
Colaadda loo qabo Soomaalida, ee ay u qabaan
Kiiniyaanku, waxa laga yaabay inay ka imanayso sida
ay ugu guuleysteen ganacsiga, ee aanay ahayn inay ku
xidhan yihiin budhcad-badeed iyo Islaamiyiin xagjir
ah. Soomaalidu waxay awalba ahaayeen kuwa heer fiican
jooga, Kenya dhexdeeda, xattaa intii ka horraysay
soo-bixtaankii budhcad-badeedda iyo al-Shabaab. Ma
jiro meel uu kaga badan yahay baayac-mushtarkoodu
xaafadda Eastleigh, degaankaasi oo loo yaqaan af-
Sawaaxiliga ‘Mogadishu Kidogo’ oo macnaheedu yahay
‘Muqdisho-yar’. Waa meel cammiran oo ay ka buuxaan
hudheello, sariibado, tukaammo iyo suuqyo waaweyn oo
laga adeegsadaa. Waxa ku yaalla dhismayaal iyo xarumo
waaweyn oo daraasiin ah oo wada tukaammo ah, lehna
magacyada: Day to Day Center, Bangkok Shopping Mall,,
Prestige Center,, Towhid Shopping Complex, Emirates
339
Shopping Mall,, Olympic Shpping Center, Sunrise
Shopping Mall ...
Qiimaha jaban iyo noocyada badan ee badeecadaha kala
duwan ee yaalla suuqyadaasi, ayaa soo jiita dad badan
oo u yimaadda inay wax iibsadaan, kana kala yimaad
guud ahaan Kiiniya oo dhan, iyo dalalka kale ee
Afrikada Bari. Waxa jira dhismayaal badan oo cusub oo
hadda halkaasi ka socda, oo qaarkood dusha lagaga
dheehay marmar iyo muraayado qaali ah oo aad iska
dhex arkayso, iyo qaar kale oo dabaqyo badan ah.
Xaafadda Eastleigh, waa meel isku dhex daadsan oo
aan u nidaamsanayn sida xaafadaha kale ee badhtamaha
Nairobi ee u dhawdhaw. Adeegyadeeduna waa qaar aad u
liita. Waxa ka jira boholo iyo dhul googo’an meel
kasta, jidadkuna waa qaar badankoodu ay burbursan
yihiin oo aan la samayn. Dadka lugaynaya, waxay ku
kalliftaa inay dhex maraan oo ay kolba ka tallaabaan
dhul wasakh ah oo ay ku soo jabeen biyihii
bullaacadaha, iyo buuro qashin tuulan ah oo aan cidna
qaadin. Waxa mar walba googo’a korantada iyo biyaha.
Waxa aad u xun adeegyada bulshada, taasi oo ku
kalliftay dadweynaha xaafaddaasi inay joojiyaan
sannaddii 2010, cashuurihii gudaha ee dawladda hoose
ee ay bixin jireen; go’aankoodaasina waxa taageertay
maxkamad.
Huteelka Andalus, oo hoy u ah siyaasiyiin oo
Soomaaliyeed oo debadda ku nool, waxa uu ku
dhexyaalla oo uu ka mid yahay sakadaha suuqa weyn ee
Eastleigh Mall. Suuqaasi oo ka duwan sariibadaha
tukaanleyda kale badankooda, ma aha meel mugdi ah oo
cidhiidhi ah oo buuq badan oo ay buux-dhaafiyeen
meherado is dabayaal. Waa duni yar oo gooni ah oo
sideeda u jirta. Waxa ku yaal meelaha lagu jimicsado
oo casri ah, xarumo caafimaad, hudheel wax laga cuno,
bangi iyo masaajid. Waxa kale oo ku taal saldhig ay
leedahay Idaacadda FM Star oo ku hadasha af-Soomaali
340
iyo goob Internet ah, labadaasi adeeg oo muhiim u ah
xidhiidhinta iyo u-tebinta wararka Somalia, dadka
jooga gudaha iy kuwa qurbaha labadaba.
11 Ganacsade Soomaali ah oo jooga suuqa weyn ee
Eastleigh (Mary Harper)
Firfircoonida iyo hawlkarnimada ka jirta xaafadda
Eastleigh, deganaanshaha Somaliland, iyo nabaddii
ilaa heer ay suutogeliyeen Midowgii Maxkamadaha
Islaamiga ahi, dhammaan waxay tusaale u yihiin sida
Soomaalidu ay wax u qabsan karto ee ay ‘ u toosin
karto’ arrimaheeda, iyaga oo adeegsanaya qaababkooda
u gaarka ah iyo talooyinkooda. Malaha rajada ugu
fiican ee Somalia ay yeelan karto, waxay noqon kartaa
in loo daayo oo loo raaco si la mid ah qaababkoodaasi
iyaga u goonida ah, oo in kasta oo aanay ahayn nidaam
341
adduunku wada yaqaan oo caadi ah, in hadda loo
adeegsan karo qaab gaar ah oo Soomaaliyeed oo keeni
kara deganaansho.
Sida immika ay tahay, Somalia waxay u taagan tahay
mid ka mid ah dhibaatooyinka ugu wawaweyn ee ugu
cadhada iyo madax-wareerka badan ee horyaalla
dawladaha dejiya siyaasadaha caalamiga ah.
Faragelintii debadeed ee dagaallada Somalia, haddii
ay ahaayeen kuwa milateri oo toos ah amma si kale ah,
ilaa iyo hadda ma shaqayn oo waxa ka yimid
dhibaatooyin. In Somalia faraha laga qaado amma la
iska fogeeyo oo aan loo dhawaan, waxay noqotay sidoo
kale arrin aan lagu guulaysan. Iyada oo ay sii
korhdayso tirada dadka Soomaalida ee ka tirsan
qurbajoogta, ee dib ugu noqonaya Somalia si ay ugu
biiraan dagaallada ay wadaan kooxaha Islaamiyiinta
ahi, iyo weliba inay suurtogal tahay in dadkaasi ay
ka qayb qaataan qorshayaal ku saabsan weerarro lagu
qaado dhulalka ajanebiga ee debadda, ‘dhibaatada
Soomaalidu’ waxay u muuqataa inay sii xoogeysanayso,
siina noqonayso dhibaato caalami ah. Islaamiyiinta
xagjirka ah ee aan Soomaalida ahayn, iyagana Somalia
waxay ugu jirtaa hadda xagga hore liiska dalalka ay
doonayaan inay tagaan oo ay ka soo dhex dagaallamaan.
342
GABAGABO(Conclusion )
Murugsanaanta xaaladaha Somalia iyo xilliga dheer ee
khilaafyada iyo iska horimaadyadeedu ay qaateen, iyo
weliba faragelinta joogtada ah ee debadeed ee dalkaas
ee aan xal iyo wax-ku-ool noqon, waxay badeen
arrimahani jahawareer ay ka qaadeen in badan oo ka
mid ah dadka gudaha iyo kuwa debaddu intuba, iyo
xattaa mararka qaar inay ka magaan oo ay ka cabsadaan
halkii looga wareegi lahaa ee danbe.
Sawirka had iyo jeer laga bixiyo Somalia, iyo sida
loo soo bandhigo ee ah inay tahay dalka adduunka
dhinac kasta qarannimadiisii si weyn u fashilantay,1
(eeg warbixintii Guddida La-socodka iyo Talo-ka-
bixinta Dhibaatooyinka Caalamia ah e ICG ee 2008), ee
hoy u noqday budhcad-badeed, Islaamiyiin xagjir ah,
iyo dad macaluulaya, xaaladahani waxay sii xumeeyeen
dhbaatooyinkii, waxayna si kasta qayb ka qaateen
siyaasadaha habawsan ee lagu waajahayo dalkaasi.
Sababta oo ah in Somalia lagu tilmaamo oo lagu
magcaabo sifooyin badan oo ay ka mid yihiin qaran
'fashilmay', 'jilicsan', amma 'burburay', taasi waxay
keentay in kuwo badan iyo meelo badan oo ka mid ah
kuwa siyaasadda dejiyaa amma qorsheeyaa ay go'aan ku
gaadhaan in Somalia ay u taagan tahay wax khatar ku
ah nabadgelyada iyo badbaadada adduunka.
La-xidhiidhinta lala xidhiidhiya 'burbur qaran' inay
keenayso argagixiso caalami ah ayaa xoogeysatay gaar
ahaan intii ka danbaysey weerarradii 9/11. Hasse
ahaatee fikradda adduunku uu qaatay ee ah in khatar
caalami ahi ay ka soo fool leedahay Somalia oo aan
dawlad xukunta lahayn, ayaa ah wax marka horeba la
buunbuuniyey. Tanina waxay horseedday in la qaato
go'aanno siyaasadeed oo dibadeed oo liita oo ku
aaddan dhinacyada khataruhu ka iman karaan, iyo in
wejiyada xunxun oo qudha loo fiirsado ee aan la
343
danayn dhinacyada wanaagsan ee cuntama ee rajo fiican
yeelan kara. Dabbaqaadda go'aannadani iyo fahamkaasi
laga qaatay Somalia ayaa siyaabo badan u dhaliyey in
si khaldan hoggamiyaasha siyaasaduhu ay u arkaan
Somalia inay tahay wax laga cabsado oo aan la fahmi
karin.
Siyaabaha loola dhaqmayo Somalia waxa lagu daray oo
lagala mid dhigay xaaladihii ka dhashay dhacdooyinkii
9/11 iyo tallaabooyinkii laga qaadayey, taasi oo
keentay in si aragti-gaabnaan ah laga eego dhinac
qudha oo aan waaqici ahayn, waxayna Somalia ka mid
noqotay sheekadii amma siyasaddi'Dagaalka
Argagixisada'. Xattaa dhicitaankii Siyaad Barre ka
hor, Somalia waxay ahayd dal arrimihiisu fool adag
yihiin, marar badanna khatar ah, laakiin burburkii
dawladda dhexe macnaheedu ma ahayn in isla markaaba
si toos ah ay khatar degdeg ah ay ugu noqotay dalalka
reer Galbeedka, iyo hoy ay yeeshaan
ururrada Islaamiyiinta xagjirka ah.
Khubarada siyaasadda ee debadda ee darsa Somalia
guud ahaan kuma baraarugin arrimahan, xilliyadii ay
'fashilmaysey' dawladdii dhexe. Inta baddanna,
sababta oo ah in dawladnnimadii ay ahayd mid
fashilmaysey amma sii burburaysey, Soomaalidu waxay
samaysatay qaabab xiiso leh oo cajaa'ib ah oo ay
adeegsato, una bedela hawlihii ijtimaaci ahaa ee
dawlad dhexe qaban lahayd, kuwaasi oo qaar ka mid ah
laga dhigan karo tusaale ay ku dayan karaan dalalka
kale ee dagaallada iyo noocyada kale ee deganaansho
la'aantu ay saameeyeen. Xaqiiqada ah in dhinacyo
badan oo ka mid ah xaaladaha nololeed ee Somalia ay
yihiin kuwa aan caadi ahayn, macnaheedu ma aha inay
khaldan yihiin, amma yihiin dad xun, amma khatar uuni
ka soo fool leedahay.
344
Guulaha ugu badan tijaabooyinka laga arkay Somalia,
waxay ahaayeen 'kuwo ka dhashay gudaha', kana yimid
aasaaska hoose ee mujtamaca amma dadweynaha, ee ma
ahayn kuwa dusha lagaga keenay oo ka yimid debadda.
Khabiirka Bronwyn Bruton, (buuggiisa uu ka qoray
arrimaha Somaalia ee uu u bixiyey Somalia: A New
Approach,2010), waxa uu soo jeedinayaa inay la
gudboon tahay dawldda Maraykanku inay cashar ka
barato waayo-aragnnimada laga helay in la iska
fogeeyo Somalia oo faraha lagala baxo, waxanu ku
doodayaa: 'Waxa lagu magacaabi karo "ka-maqnaansho
iyo in la eegto uun oo aan masuuliyad la iska saarin
inay tahay ta habboon", waxa laga yaabaa inay u
muuqato arrin ka duwan oo ka horiman karta sidii loo
arkayey amma laga rajaynayey inay noqon doonto.
Laakiin in haba yaraatee wax uun la qabto ayaa ka
roon in waxyeello la eegto amma la geysto.’2
Xukunkii Isbahaysiga Maxkamadaha Islaamiga ah ee
koonfurta iyo badhtamaha Somalia iyo Jamhuuriyadda la
Magac Baxday Somaliland ee qaybihii waqooyi galbeed,
waa labada tusaale ee ugu mudan, lagana faa'iidaysan
karo; laakiin haddana ma aha in si aan waaqici ahayn
loola dhaco uun. Qoraaga Mark Bradbury, (buuggiisa ku
saabsan Somaliland ee 2008, 'Becoming Somaliland,
2008), waxa uu ku doodayaa in midka ka mid ah
sababaha ilaa hadda aan Somaliland arrimaheeda loo
qaadan si weyn oo culus oo laga dhigan karo tusaale
lagu daydo, waxa weeye in arrinteedu aanay lahayn
meel ay ka soo gelayso amma kala qabsanayso qaababka
iyo sharciyada hadda la yaqaan ee dejisan ee loo eego
ahaansha ummad gooni ah amma qaran dawli ah oo iskii
u taagan. Waxana ka mid ah dooddiisa:
Somaliland waxay ka mid tahay dalal dhawr ah oo
soo baxay laga soo bilaabo dhammaadkii
Dagaalkii Qaboobaa, kuwaasi oo aan lahayn meel ay
kala qabsan karaa qaababka sharciyeed ee
345
dawladnnimo gooni ah ee ilaa hadda adduunku ku
dhaqmo ee caadiga. Waxana kuwaasi loo sifeeyaa
siyaabo kala duwan oo kala ah 'maamullo gaar ah
oo aan ahayn qaran dawli ah', 'maamul-u-yaal amma
dawlad-u-yaal', iyo 'maamul amma dawlad maaul
kale oo dawladeed ku hoos jira amma hoos
yimaadda.’
Qaybahani siyaasadeed waa qaar dood iyo su’aalo
ka keenaya nuxurka ay ku fadhiyaan xeerarka amma
sharciyada caalamiga ah, iyo mid ahaansha dhuleed
ee dalalka adduunka, iyadoo qurbajoogta faraha
badan ee qaybahaasi ay wax ka bedelayaan
fikradihii laga qabay muwaadinnimada, isbedelna
ku keenayaan noocyadii xidhiidhka dalalka iyo
muwaadiniintooda, iyo weliba sidoo kale siyaabaha
ay u dabbiraan una soo saaran dhaqaalaha
noloshooda. Marka la eego xaaladda dadweyne badan
oo ku nool dalalkan aan loo aqoonsanayn qaran
dawli ah oo iskii u taagan, maamulladaasi gudaha
ee siyaasadeed ee ay samaysteen waxay hirgeliyaan
nidaam iyo adeeg nabadgelyo oo ka fiican kuwii
ay qaban jireen dawladihii hore ee rasmiga ahaa.
Somaliland waxay su'aalo ka qabtaa qaabka
dedaalka caalamiga ah ee ku saabsan dib-u-dhiska
Somalia, iyada oo wax iska weydiinaysa asaasi
ahaan qaabka iyo nooca dawladnnimadaasi dib loo
dhisayo, iyo dhinaca kale iyada oo soo banhigtay
hab kale oo loo mari karo dib-u-dhiskaasi, kaasi
oo ka duwan, laguna bedeli karo qorshaha qaabka
dib-u-dhiska ee ilaa maanta ay wadeen
diblomaasiyiinta ajanebiga iyo barnaamijyada
hey’adaha gargaarku.3
Mid ka mid ah 'guuldarrooyinka' ugu waaweyn ee ku
dhacay siyaasadaha ku aaddanaa Somalia waxay noqotay
346
in lagu dhegganaa uun oo dabada la sii hayey shirar
dhaadheer oo 'nabadeed amma dib u heshiisiineed', oo
caaalamku abaabulo, kharash badanina ku baxo, laguna
qabto dalka debaddiisa. Ilaa imikana waxa la qabtay
in ku dhawdhaw labaatan shir oo noocaasi ah oo aan
midna lagu guulaysan. Shirarkaasi waxa ka dhashay
dawlado daciif ah oo kala danbeeyey oo ku-meel-gaadh
ahaa, oo mid walba guuldarro ku danbeysey.
Dawladahaasi waxay ka jireen oo keliya oo ay
maamulayeen qaybo kooban oo ka tirsan dalka, mararka
qaarna awoddoodu maba gaadhsiisnayn wax ka badan
dhismayaal amma sakado dhawr ah oo madhan oo ka
tirsan magaalo-madaxda Muqdishu.
Arrinta ku saabsan in lagu dhaqmayo hab federaal
ah, waxay iyana noqotay mid afka uun laga yidhaa oo
hadal ah, laakiin habka maamulka iyo awoddo waxay u
janjeedhsameen inay si weyn ugu koobnaadaan meel
qudha oo dhexe oo ay iskugu soo ururaan, ahna
magaalada Muqdishu oo keliya. Mararka qaar
maamulladaasi waxa sadhig u ahaa oo ay fadhiyeen
magaalooyin kale oo Soomaaliyeed, amma xattaa dalka
debaddiisa, sababta oo ahayd dagaalladii socdey, iyo
colaaddii iyo nacaybkii weynaa ee joogitaankoodu uu
ka kiciyey caasimadda. Waxa ka maqnaa sharciyaddii,
aqoonsigii iyo aqbalaaddii loo baahnaa ee dadweynaha
ay ka helin lahaayeen. Sababta oo ah in Soomaali
badani ay u arkayeen wax debadda lagu soo dhoodhoobay
oo ajanebi ka keenay. Dawladahaasi waxa kale oo ku
adkaatay inay jebiyaan oo ay ka adkadaan kooxihii ay
iska soo horjeedeen ee ay cadowgooga ahaa, waxan
sabab u ah khilaafyada jira oo ah qaar qoto dheer oo
si weyn u kala qaybsan, una murugsan. Warbixin
Qaramada Midoobay xafiiskeeda qaabilsan la socodka
arrimaha Somalia ay ka soo saartay bishii March ee
2010-kii, ayaa si cad u tilmaamaysa xaaladdani
taagan:
347
Xiisadaha iyo dagaallada socda waxay tusaale xun
u yihiin oo ay u taagan yihiin qaab xun oo isugu
jira 'dagaal-jabhadeed noocyo kala geddisan ka
kooban': noocyo dagaallo milateri ah, xeelado
dagaal iyo qaabab aan caadi ahayn, iyo weliba
gacan-ka-hadal iyo dil aan waxba loo aabbo
yeelayn, xoog-ku-muquunin arxan darro iyo
denbiilannimo jahawareersan - kuwaasi oo weliba
ay soo raacdo, marka xaaladda Soomaalida la eego,
faragelin kaga timaadda dawladaha deriska la ah.
Dawladda taagta daran ee ku-meel-gaadhka ah ee
federaalka Somalia waxa si aan wax-ku-ool ahayn
ula daalaadhacaysey dagaallada ay rabtey inay
kaga hortagto kooxo kala geddisan oo isku milan,
iskuguna jira kuwo diimeed oo xagjir ah, kuwa
siyaasadeed, kuwa leh dano dhaqaale oo fursado ay
ka faa'iideystaan eegeeganaya, iyo kuwa dano
beeleed amma qabiil watta.4
Quwadaha reer Galbeedku, gaar ahaanna Maraykanka iyo
Ingiriisku, waxay sannaddii 2010 dib-u-eegis ku
sameeyeen habka loo waajahayo ee wax looga qabanayo
arrimaha Somalia. Waxana la sii wadey taageerada iyo
aqoonsiga dawladda ku-meel-gaadhka ah ee muqdishu
fadhida, waxase dhinaca kale aad loogu soo jeestey,
oo sidii hore si ka badan loo daneeyey, qaybaha kale
ee deganaansha dheeraadka ahi uu ka jiro, gaar
ahaanna Puntland iyo Somaliland. Waxayna dabbaqeen
siyaasad ah 'laba toobiye oo isbarbar socda',
labaatan sano ka bacdi dhicitaankii dawladdii dhexe.
Tallaabadani waxay hubaal ahaan ahayd mid lala soo
daahay si ay wax saamayn ah oo badan ugu yeelato
gobollada koonfureed iyo kuwa badhtamaha dalkaasi,
gobolladaasi oo dagaallada iyo xiisaduhu ay u noqdeen
wax si joogto ah u socda oo caado amma dhaqan noqday.
Dawladaha shisheeyuhu waxay aakhiritaankii
348
bilaabayaan inay ku dhaqaaqaan taageerada gobollada
uu ka jiro degganaansha dheeraadka ahi ee dhulalka
Soomaalida; waxa kale oo ay si dhaw indhaha ugu
hayaan dhinacyada cuntama ee horumarka laga
samaynayo, qaybaha kale ee dalka ee dagaalladu sida
ba'an u saameeyeen.
Dhinacyadaasi waxa ka mid qaybaha sameeyey koritaan
dhaqaale oo dheeraad ah oo ku dhisan habab dhaqan iyo
kuwa casriga ah intaba. Waxana wax badan laga
korodhsan karaa sida layaabka leh ee loogu guulaystay
ganacsiga xoolaha nool sanadihii colaaduhu ay
socdeen, iyo abuuritanka lama-filaanka ah ee waaxyo
kale oo dhaqaale oo cusub, oo ay ka mid yihiin
isgaadhsiintu. Sabaha ay u hirgaleen waaxyahanina
waxa ka mid ah iyada oo aanay jirin faragelin iyo
kontorool dawladeed.
Soomaalidu waa dad firfircoon oo karti leh, waxayna
si dhiirranaan leh u dabbaqeen tiknoolojiyada casriga
ah. Kartidan iyo dhiirranaantan awgood, ayaa ka sakow
sannadihii badnaa ee dagaallada iyo dawlad la'aanta
oo lafteedu dhinaca kale sabab u noqotay inay la
yimaaddaan kartidan, ay haddana sameeyeen horumar
muhim ah oo dhaqaale oo saamayn ku yeeshay qaybo
badan oo ka tirsan Afrika iyo adduunka kaleba. Sida
kartida leh ee ay ula qabsadeen, una adeegsadeen
tiknoolojiyada Internet-ka iyo telifoonnada mobiilka,
ayaa gaadhsiisey Soomaalidu in ay si buuxda oo dhab
ah uga qayb galaan dhaqaalaha caalamiga ah, in kasta
oo siyaabo badan ay u yihiin dad aan lahayn dawlad
qaran oo wakiil ka ah amma ka mas’uul ah. Waxay ku
kala baaheen adduunka, laakiin waxay noqdeen oo ay
yihiin xoog dhaqaale oo is-haysta. Waxay si buuxda
ugu xidhan yihiin gudaha, gobollada iyo ganacsiga
caalamiga ah, he'yadaha iyo suuqyada dhaqaale, ha
noqoto ka-ganacsiga xoolaha nool ee dhaqanka u haa,
amma ganacsiga casriga ah ee xawaaladaha lacagta.
349
Waxay ka dhigan tahay sidii wax mujtamaca Somaalidu
uu si ahaan u dul maaxayo adduunka, oo uu gaadhay
marxalad iyo heer horumar oo ah kan ugu casrisan,
kana sare maray heerkii ku koobnaa dawlad qaran.
Sabaha Soomaalida u suurtogeliyey inay ilaa
heerkaasi wax qabsadaan iyada oo aanay jirin dawlad
dhexe oo awod leh, waxa ka mid ah hab-dhaqankooda oo
aan ku dhisnayn nidaam dawli ah. Qaabka ah dawlad-
qaraneed ma aha mid Soomaalidu u aragto in uu wax
macne ah oo faa'iido ah u leeyahayhay. Waxay
leeyihiin qaababkooda dhaqan ee ay isku habeeyaan,
mana aha in hoggaamiyaasha siyaasadda ee caalamku ay
taasi la yaabaan amma ku gacansaydhaan, hab ay dhici
karto inay u arkaan wax lagu tilmaami karo nidaam aan
qeexnayn oo aan mug lahayn in laga dhigto hab-
siyasadeed lagu dhaqmo. Dhaqanka reer-guuraannimada
ee ku dhisan habka abtirsiinta beelnnimo ee
Soomaalida ayaa ahaa mid soo-jireen ah oo ay ku
dhaqmi jireen, mujtamcuna si wax-ku-ool ah iskugu
maamuli jirey, wax badan ka hor intii aanay dusha
kaga iman nidaamyadii dalalkii isticmaarka ee
qabsaday Somalia. Soomaaliduna muddo qarniyaal ah
ayay la macaamili jirtey, lana lahayd baayacmushtar,
dalal leh dawlado dhexe oo ka mid ah dalalka Carabta,
Aasiyada Koonfureed iyo Yurub.
In ka badan labaatan sano ayay dawladaha debaddu ku
hawllanaayeen inay xal u helaan dhibaatooyinka
Somalia. Fargelin milateri, hawlgallo gargaar oo
banii'aadminnimo iyo kuwii diblomaasiyadeed, waxay ku
guuldarraysteen inay keenaan isbedel waxtar ah, amma
xal waara oo laga hirgeliyo dalkaasi. Waxana laga
yaabaa in loo baahan yahay in la qaado tallaabooyin
horleh oo cusub oo dhiirranaani ay ku jirto, sida
Soomaalida lafteedu ay u dhiirradaan oo kale.
Adduunka intiisa kalena, waxay u baahan yihiin oo
kale inay aqoonsadaan oo ay gartaan in Soomalidu ay
351
Xusas Tixraac (Notes)
Hordhac (Introduction)
1 www.foreignpolicy.com/failedstates
(Markii ugu danbaysay ee la eegay August 2011).
2 Antonio Guterres, United
Nations High Commissioner for
Refugees, July 2011.
3 www.transparency.org/policy_
research/surveys_indices/cpi/2010/
results (Markii ugu danbaysay ee la eegay August 2011).
4 Economist, 371, 2004, p. 58.
5 Weedhaan amma ereyadan waxay had iyo jeer ku soo baxaan oo lagu
arkaa warbixinnada warbaahinta, tusaale ahaan, Peter
Hughes, Daily Telegraph, 13 May 2011.
6 www.foreignpolicy.com/articles/
2009/02/16/the_most_dangerous_
place_in_the_world (Markii ugu danbaysay ee la eegay
August 2011), www.bbc.co.uk/news/
uk-politics-14558721 (Markii ugu danbaysay ee la eegay
August 2011).
7 Richard Burton, First Footsteps
in East Africa (New York: Dover, 1987
[1856]), vol. 1, p. 122.
8 Ioan Lewis, Understanding
Somalia and Somaliland (London:
Hurst and Co., 2008), p. 25.
9 James Rennell Rodd, Social and
Diplomatic Memories 1894–1901, 1923.
10 Scott Peterson, Me Against My
Brother (New York: Routledge, 2002),
p. 1.
1 Beelaha iyo Dalka (Clan and country)
1 Richard Dowden, Africa: Altered
States, Ordinary Miracles (London:
Portobello, 2008), p. 93.
2 www.facebook.com/#!/pages/
Somali-Camel/111689282692 (Markii ugu danbaysay ee la eegay January
2011).
3 John Drysdale, The Somali Dispute
(New York: Praeger, 1964), p. 10.
4 Ioan Lewis, A Modern History of
Somalia (Oxford: James Currey, 2002),
p. 8.
5 Martin Murphy, Somalia: The
New Barbary? (London: Hurst and Co.,
2011), p. 18.
6 Ioan Lewis, Understanding
Somalia and Somaliland (London:
Hurst and Co., 2008), p. 3.
7 Ibid., p. 56.
8 Lewis, A Modern History of
352
Somalia, p. 10.
9 Michael Walls, ‘The emergence
of a Somali state’, African Affairs,
108(432), 2009, p. 377.
10 Nuruddin Farah, From a
Crooked Rib (London: Heinemann,
1970), p. 13.
11 Nuruddin Farah, Gifts (Cape
Town: Kwela Books, 2001), p. 197.
12 Lewis, Understanding Somalia
and Somaliland, p. 23.
13 B. W. Andrzejewski and Sheila
Andrzejewski, An Anthology of Somali
Poetry (Bloomington: Indiana University
Press, 1993), p. 32.
14 Ibid., p. 78.
15 www.bbc.co.uk/news/
world-africa-12246627 (Markii ugu danbaysay ee la eegay
August 2011). Si aad u aragto Cabdirashiid Cumar oo af-Soomaali ku
tirinaya gabygiisa, eeg www.youtube.com/watch?v=MrXh3ceV_MA.
16 Si aad u hesho faahfaahin ku saabsan naanaysaha Soomaalida, fiiri
qoraallada ‘Somali (nick)names and their meanings’ ee Marcus
Hoehne iyo Muuse Cali Faruur
iyo Axmed Cabdullahi Du’aale ee
Marcus Hoehne iyo Virginia Luling
(eds), Peace and Milk, Drought and
War ( London: Hurst and Co., 2010),
pp.8345–63.
17 Qayb ka mid ah waraysigan waxa markii hore laga sii daayey
idaacadda caalamiga ah ee BBC-da sannadkii 2011. Qaybo lagu xusay
buuggan waxa lagu sii daayey barnaamijyo aan u sameeyey BBC-da;
qaybo kalena waa agab assal ah oo aan xigasho ahayn.
18 Lewis, A Modern History of
Somalia, p. 1.
19 UNDP, Somalia’s Missing Million:
The Somali Diaspora and Its Role
in Development, 2009.
20 Virginia Luling, ‘Genealogy as
theory, genealogy as tool: aspect of
Somali “clanship”’, Social Identities:
Journal for the Study of Race, Nation
and Culture, 12(4), July 2006.
21 Drysdale, The Somali Dispute,
p. 8.
22 Lewis, Understanding Somalia
and Somaliland, p. 23.
2 Taariikhda (History)
1 John Drysdale, The Somali Dispute
(London: Pall Mall Press, 1964),
p. 21.
2 Ioan Lewis, A Modern History of
Somalia (Oxford: James Currey, 2002),
353
p. 5.
3 Harold Nelson (ed.), Somalia:
A Country Study (Washington, DC:
American University Press, 1982), p. 7.
4 Tom J. Farer, War Clouds on the
Horn of Africa: A Crisis for Détente
(New York: Carnegie, 1976), p. 54.
5 War Office, Official History of
the Operations in Somaliland, vol. 1,
1907, p. 192.
6 Abdi Sheikh-Abdi, Divine Madness
(London: Zed Books, 1993), p. 55.
7 Douglas Jardine, The Mad Mullah
of Somaliland (London: H. Jenkins,
1923), p. 249.
8 Sheikh-Abdi, Divine Madness,
p. 77.
9 Farer, War Clouds on the Horn of
Africa, p. 62.
10 B. W. Andrzejewski and I. M.
Lewis, Somali Poetry: An Introduction
(Oxford: Clarendon Press, 1964), p. 57.
11 Dr Abdirashid Ali Sharmarke,
The Somali Peninsula: A New Light on
Imperial Motives, London, 1962.
12 The Issue of the Northern Frontier
District, White Paper issued by the
Somali government, Mogadishu, 1963.
13 Drysdale, The Somali Dispute,
p. 162.
14 Sir Gerald Reece, The British
Survey, Main Series no. 98 (London:
Colonial Office, 1952), quoted in Said
Samatar, Somalia: Nation in Search of
a State (Boulder, CO: Westview Press,
1987).
15 Iqbal Jhazbhay, Somaliland:
An African Struggle for Nationhood
and International Recognition (South
Africa: Institute for Global Dialogue
and South African Institute for International
Affairs, 2009), p. 13.
16 Ioan Lewis, Making and Breaking
States in Africa (Lawrenceville, NJ:
Red Sea Press, 2010), p. 89.
17 Mark Bradbury, Becoming
Somaliland (London: Progressio,
2008), p. 73.
18 Ibid., p. 48.
19 Ibid., p. 92.
20 Warbixin guddida la-socodka arrimaha Somalia ee UN, 10 March
2010.
21 Said Samatar, in Marcus Hoehne
and Virginia Luling (eds), Milk
and Peace, Drought and War (London:
354
Hurst and Co., 2010), p. 217.
3 Xarakada Islaamiyadda (Islamism)
1 Human Rights Watch, Harsh
War, Harsh Peace, April 2010, www.
hrw.org/reports/2010/04/13/harshwar-
harsh-peace (Markii ugu danbaysay ee la eegay,
August 2011).
2 Ioan Lewis, Saints and Somalis:
Popular Islam in a Clan-based Society
(London: Haan, 1998), p. 25.
3 Stig Jarle Hansen and Atle
Mesoy, The Muslim Brotherhood in
the Wider Horn of Africa, NIBR, p. 40,
www.nibr.no/uploads/publications/
06d76b6e0d14594c9a753c487ed50e51.
pdf ( August 2011). Markii ugu danbaysay ee la eegay
4 International Crisis Group,
Somalia’s Islamists, 2005, p. 1, www.
crisisgroup.org/en/regions/africa/
horn-of-africa/somalia/100-somaliasislamists.
aspx (Markii ugu danbaysay ee la eegay August
2011).
5 Ibid., p. 7.
6 Ken Menkhaus, Somalia: State
Collapse and the Threat of Terrorism,
IISS Adelphi Paper 364, p. 56.
7 Roland Marchal, ‘Somalia: a new
front against terrorism’, SSRC blog,
2007, www.hornofafrica.ssrc.org/
marchal/index1.html (last accessed
August 2011).
8 Cedric Barnes and Harun Hassan,
The Rise and Fall of Mogadishu’s
Islamic Courts, Chatham House, 2007,
www.chathamhouse.org/publications/
papers/view/108453 (Markii ugu danbaysay ee la eegay August 2011).
9 Lagu xusay Anna Lindley,
‘ Leaving Mogadishu: towards a
sociology of conflict-related mobility’,
Journal of Refugee Studies, 2010.
10 Odhaah Al-Shabaab soo saartay, February
2010.
11 Warbixin guurtida khubarada UN,
2010, p. 6, www.un.org/ga/search/
view_doc.asp?symbol=S/2010/91 ( March 2011).
12 IRIN, Markii ugu danbaysay ee la eegay April 2010.
13 Warbixin khubarada UN,
2010, p. 30.
14 Andrea Elliot, ‘A call to jihad,
answered in America’, New York Times,
12 July 2009.
15 FBI report, 2009.
16 FBI report, 2010.
355
17 Ibid.
18 Elliot, ‘A call to jihad’.
4 Qaran Fashilmay? (A failed state?)
1 www.foreignpolicy.com/failedstates
(Markii ugu danbaysay ee la eegay August 2011).
2 Noam Chomsky, Failed States:
The Abuse of Power and the Assault on
Democracy (New York: Metropolitan,
2006).
3 Robert I. Rotberg, ‘The new
nature of nation-state failure’, Washington
Quarterly, 25(3), 2002, p. 85.
4 Ian Birrell, ‘It’s time the world
listened to new stories out of Africa’,
Observer, 20 February 2011.
5 Peter Little, Somalia: Economy
without State (Oxford and Bloomington:
James Currey and Indiana
University Press, 2003), p. xv.
6 Benjamin Powell, Ryan Ford and
Alex Nowrasteh, ‘Somalia after state
collapse: chaos or improvement?’,
Independent Institute, November
2006.
7 Ibid.
8 Peter Leeson, Better Off
Stateless: Somalia before and after
state collapse, West Virginia University,
2006.
9 www.unhcr.org/4ca602a66.html
(Markii ugu danbaysay ee la eegay August 2011).
10 Little, Somalia: Economy without
State, p. 8.
11 Anna Lindley, ‘Between “dirty
money” and “development capital”’,
African A!airs, August 2009, p. 528.
12 Little, Somalia: Economy without
State, p. 166.
13 Ibid., p. 37.
14 Ibid., p. 91.
15 Ibid., p. 131.
16 Lindley, ‘Between “dirty
money” and “development capital”’,
p. 539.
17 Focus on Africa, April–June
2011.
18 Lindley, ‘Between “dirty money”
and “development capital”’, p. 523.
19 news.bbc.co.uk/1/hi/world/
africa/4020259.stm (Markii ugu danbaysay ee la eegay
August 2011).
20 Mark Bradbury, Becoming
356
Somaliland (London: Progressio,
2008), p. 1.
21 Iqbal Jhazbhay, Somaliland:
An African Struggle for Nationhood
and International Recognition (South
Africa: Institute for Global Dialogue
and South African Institute for International
A9airs, 2009), p. 14.
22 Bradbury, Becoming Somaliland,
p. 93.
23 Ibid., p. 106.
24 Ibid., p. 242.
25 Michael Walls, ‘The emergence
of a Somali state’, African Affairs,
108(432), 2009, p. 389.
26 Rageh Omaar, ‘The jihadists
next door’, Guardian, 6 July 2010.
5 Budhcad-Badeedda (Piracy)
1 Waxa jira buugaag iyo sheekooyin badan oo sii kordhaya oo laga
qoray budhc-badeedda Soomaalida, iyo weliba sheekooyin si toos ah
looga soo xigtey dadkii la qabsaday ee budhcad-badeeddu afduubka u
haysatey. Waxa ka mid ah qoraalladaasi: Paul iyo Rachel Chandler,
iyo Sarah Edworthy, Hostage: A Year at Gunpoint
with Somali Gangsters (Edinburgh:
Mainstream, 2011), Colin Freeman,
Kidnapped: Life as a Somali Pirate
Hostage (Wolvey: Monday, 2011), iyo
Elmore Leonard, Djibouti (London:
Weidenfeld iyo Nicolson, 2011).
2 business.timesonline.co.uk/
tol/business/industry_sectors/banking_
and_2nance/article4727372.ece
(Markii ugu danbaysay ee la eegay August 2011).
3 Ecoterra International Counter-
Piracy Updates.
4 oneearthfuture.org/images/imagefiles/The%20Economic%20Cost%200f
%20Piracy%20Full%20Report.pdf (Markii ugu danbaysay ee la eegay
August 2011).
5 news.bbc.co.uk/1/hi/7824353.
stm (Markii ugu danbaysay ee la eegay August 2011); www.
guardian.co.uk/world/2009/jan/10/
sirius-star-somalia-pirates-drown (Markii ugu danbaysay ee la eegay
August 2011).
6 Stig Jarle Hansen, Piracy in
the Greater Gulf of Aden: Myths,
Misconceptions and Remedies, NIBR,
2009, p. 12.
7 Ibid., p. 8.
8 news.bbc.co.uk/1/hi/world/
africa/8061535.stm (Markii ugu danbaysay ee la eegay
August 2011).
9 Je9rey Gettleman, ‘Somalia’s
pirates flourish in a lawless nation’,
357
New York Times, 30 October 2008.
10 Ibid.
11 Warbixintii Golaha ammaanka ee UN, March 2010, p. 39.
12 AP, November 2008.
13 Ibid.
14 Shir Jaraa’id, Safaaradda Maraykanka,
London, February 2011.
15 Hansen, Piracy in the Greater
Gulf of Aden, p. 41.
16 Ibid., p. 34.
17 Macluumaadka la xidhiidha anshaxa hawlgalka waxan helay mar aan
samaynayey xog-baadh bishii July ee 2011, aanan u samaynayey guddida
la socodka hubka yaryar.
18 Reuters, November 2008.
19 Ibid.
20 BBC, April 2009.
21 Colin Freeman, ‘Somali pirates
on trial in Holland’, Daily Telegraph,
138June 2010.
22 Ibid.
23 Kaija Hulburt, The Human
Cost of Somali Piracy, June 2011, p.813,
oceansbeyondpiracy.org/cost-ofpiracy/
human-cost-somali-piracy (Markii ugu danbaysay ee la eegay August
2011).
24 Ibid., p. 17.
25 Ibid., p. 17.
26 Dipendra Rathore, ‘Experience:
I was kidnapped by Somali pirates’,
Guardian, 11 June 2011.
27 www.marad.dot.gov/
documents/EUNAVFOR_Surviving_Piracy_
Seafarers_Lea:et_v2.pdf (Markii ugu danbaysay ee la eegay August
2011).
28 Hansen, Piracy in the Greater
Gulf of Aden, p. 30.
6 Somalia iyo Adduunka Dibadda (Somalia and the outside
World)
1 Anna Lindley, ‘Between “dirty
money” and “development capital”‘,
African A!airs, 108(433), 2009, p. 539.
2 BBC, 3 September 2010.
3 Ereygan waxa bixiyey qoraaga Jim Hoagland oo wax ku qora
jariidadda the Washington Post columnist Jim, waxanu ka hadlayaa
faragelintii Marayanka ee Somalia ee sannadkii 1993.
4 Odhaah ka soo baxday Aqalka Cad ee Maraykanka, Washington, DC, 7
November 2001.
5 Qorshaha Istaraatijiyadeed ee Dawladda Maraykanka, White House,
September 2002.
6 Qorshaha Istraatijiyadeed ee Maraykanka, White House,
March 2006.
7 Marcus Virgil Hoehne, African
Arguments blog, SSRC, 2009,
358
hornofafrica.ssrc.org/somalia/ (Markii ugu danbaysay ee la eegay
August 2011).
8 Bronwyn Bruton, Somalia: A
New Approach, Council on Foreign
Relations, 2010, p. 8.
9 BBC, 13 September 2011.
10 Ibid., p. 19.
11 Warbixintii Guurtida la-socodka arrimaha Somalia ee UN, 10 March
2010, p. 6.
12 Taar ay direen dibloomaasiyiinta Maraykanku, ‘Somalia
– TFG prime minister worried about
rival organization, anxious for USG
help’, Wikileaks, 2009.
13 Chris Mullin, A View from the
Foothills (London: Pro2le, 2009),
p.8503.
14 Warbixin guddida la-socodka arrimaha Somalia ee UN,, 10 March
2010, p. 54.
15 Jeffrey Gettleman, Mark Mazzetti
iyo Eric Schmitt, ‘U.S. relies on
contractors in Somalia con:ict’, New
York Times, 10 August 2011.
16 Taar ay direen diblomaasiyiin Maraykan ahi, ‘Carter
informed that UK to increase Somalia
engagement’, Wikileaks, 2009.
17 Marcus Virgil Hoehne,
Africa Arguments blog, SSRC, 2009,
hornofafrica.ssrc.org/somalia/ (Markii ugu danbaysay ee la eegay
August 2011).
18 Warbixin guddida la-socodka arrimaha Somalia ee UN, 10 March
2010, p. 7.
19 Ibid., p. 24.
20 Taar ay direen diblomaasiyiin Maraykan ahi, ‘An Eritrean
overture to the United States’,
Wikileaks, 2009.
21 Human Rights Watch, Welcome
to Kenya, June 2010.
22 Taar ay direen diblomaasiyiin Maraykan ahi, ‘A
portrait of Al Shabaab recruitment in
Kenya’, Wikileaks, 2009.
23 Warbixin guddida la-socodka arrimaha Somalia ee UN, 10 March
2010, p. 25.
24 Taar ay direen diblomaasiyiin Maraykan ahi, ‘A
portrait of Al Shabaab recruitment in
Kenya’, Wikileaks, 2009.
Gabagabo (Conclusion)
1 Guddida ICG ee International Crisis Group,
Somalia: To Move Beyond the Failed
State, 2008.
2 Bronwyn Bruton, Somalia: A
New Approach, Council on Foreign
Relations, 2010, p. 5.
359
3 Mark Bradbury, Becoming
Somaliland (London: Progressio,
2008), p. 6.
4 Warbixin guddida la-socodka arrimaha Somalia ee UN, 10 March 2010,
p. 6.
360
Buugaagta tixraaca iyo qoraallada aan soo akhriyey
(Bibliography)
Ali, A. H. (2007) Infidel, London:
Simon and Schuster.
Andrzejewski, B. W. and S. Andrzejewski
(1993) An Anthology of Somali
Poetry, Bloomington: Indiana University
Press.
Andrzejewski, B. W. and I. M. Lewis
(1964) Somali Poetry: An Introduction,
Oxford: Clarendon Press.
Bowden, M. (1999) Black Hawk Down:
A Story of Modern War, New York:
Atlantic Monthly Press.
Bradbury, M. (2008) Becoming Somaliland,
London: Progressio.
Chomsky, N. (2006) Failed States: The
Abuse of Power and the Assault
on Democracy, New York: Metropolitan.
De Waal, A. (2004) Islamism and Its
Enemies in the Horn of Africa,
London: Hurst and Co.
Dowden, R. (2008) Africa: Altered
States, Ordinary Miracles, London:
Portobello.
Drysdale, J. (1964) The Somali Dispute,
New York: Praeger.
— (1994) Whatever Happened to
Somalia, London: Haan.
Elmi, A. E. (2010) Understanding the
Somali Conflagration, London:
Pluto.
Farah, N. (1970) A Crooked Rib,
London: Heinemann.
— (1986) Maps, London: Penguin.
— (1998) Secrets, New York: Arcade.
— (2001) Gifts, Cape Town: Kwela
Books.
Farer, T. (1976) War Clouds on the Horn
of Africa: A Crisis for Détente, New
York: Carnegie.
Hoehne, M. and V. Luling (eds) (2010)
Peace and Milk, Drought and War,
London: Hurst and Co.
Warbixinnada ICG (International Crisis Group) ee ku saabsan Somalia,
www.crisisgroup.org/en/regions/
africa/horn-of-africa/somalia.aspx
(markii ugu danbaysay ee la eegay August 2011).
Jardine, D. (1923) The Mad Mullah of
Somaliland, London: H. Jenkins.
361
Jhazbhay, I. (2009) Somaliland: An
African Struggle for Nationhood
and International Recognition,
South Africa: Institute for Global
Dialogue and South African Institute
for International Affairs.
Leonard, E. (2011) Djibouti, London:
Weidenfeld and Nicolson.
Lewis, I. (1961) A Pastoral Democracy,
Oxford: James Currey.
— (1998) Saints and Somalis: Popular
Islam in a Clan-based Society,
London: Haan.
— (2002 [1980]) A Modern History of
Somalia, Oxford: James Currey.
— (2008) Understanding Somalia and
Somaliland, London: Hurst and Co.
— (2010) Making and Breaking States
in Africa, Lawrenceville, NJ: Red
Sea Press.
Lindley, A. (2010) The Early Morning
Phone Call: Somali Refugees’
Remittances, New York: Berghahn
Books.
Little, P. (2003) Somalia: Economy
without State, Oxford and Bloomington:
James Currey and Indiana
University Press.
Menkhaus, K. (2004) Somalia: State
Collapse and the Threat of Terrorism,
International Institute
for Strategic Studies and Oxford
University Press.
Mohamed, N. (2010) Black Mamba
Boy, London: HarperCollins.
Mullin, C. (2009) A View from the
Foothills, London: Profile.
Murphy, M. (2011) Somalia: The New
Barbary?, London: Hurst and Co.
Nelson, H. (ed.) (1982) Somalia: A
Country Study, Washington, DC:
American University Press.
Omaar, R. (2006) Only Half of Me,
London: Viking.
Peterson, S. (2002) Me Against My
Brother, New York: Routledge.
Samatar, A. (1994a) Socialist Somalia:
Rhetoric and Reality, London: Zed
Books.
— (ed.) (1994b) The Somali Challenge:
From Catastrophe to Renewal?,
Boulder, CO: Lynne Rienner.
Samatar, S. (1987) Somalia: A Nation
in Search of a State, Boulder, CO:
Westview Press.