Лöсьöдicны:Игнатова Елена АлександровнаНогтева Галина Валентиновна

Уджлöн медшöр могъяс:2.Тöдмöдны велöдчысьясöс чужан сиктлöн оласногын аслысполослунъясöн.2. Чуйдны велöдчысьясöс выль корсьысьöмъяс дорö.3 дасьтыны челядьос сочинение гижигкежло.

G:\свое видео и фото\Пожег\P1000179.JPG

Кодi сэтшом пожогсаясыс?Кулoмдiн районса олысьяслы – пожöгсаяс, тайö абу сöмын Пожöг сиктсаяс, но и сельсöвет улö пырысь мукöд сиктын олысьяс. А Пожöг сельсöвет улö пырöны: Полле (Великополье), Пожöгдiн, Мале, Вомынъюр, Вомынбöж, Шахсикт, Кекур. Водзын ещö татчö жö пыравлiсны Вомын да Сьöдтыдiн. Сиктъясас олöмыс кусöма нин, йöз сöмын гожöмнас нин турун пуктiгöн овлöны, а нимтысян нимыд сiдзи абу и вушйöма. И артмöдöны тайö сиктъясыс аслыспöлöс семья, быд «челядьлöн» – аслас ним. Оласног сертиыс. Йöз олан сям серти.

G:\свое видео и фото\Пожег\P1000188.JPG• G:\свое

видео и фото\Пожег\P1000188.JPG

Пожöгса Чай юысьяс.

Кыдзи тыдовтчö, Усть-Пожег сикт артмывлöма медся важöн, но прöзвищеыс – öнiя кадся нин.

«Пожöгсаястö чай юысьяснад кутiсны шуны сы вöсна, мый бöръя кадас олöны уна воöм йöз. Локтасны – налы патераяс пöжалуйста.

Олöй да красуйтчöй. Дась, государственнöй тшöт весьтö. (Печеницына А.Е., Пожöг).

• G:\свое видео и фото\Пожег\P1000284.JPG

А Чай юысьнад эз вичкоö ветлöм вöсна шуны. Зэв на дыша пожöгсаыд вичкоад ветлöмаöсь. Тимон Öдя тай миян висьтавлас-а. Сiйö öд сэсся пöрысь да бурджыка на миян дорысь помнитö» (Шахова Л.А., Шахсикт, 66 ар).

• G:\свое видео и фото\Пожег\P1000317.JPG

Вомынбöжса – Пинькайяс.Тулыс-гожöмнас татчöс Кырйывсянь юргылiсны мича сьыланкывъяс. Ёна

уджалöм бöрын вомынбöжсаяс татчö и чукöртчывлöмаöсь гажöдчыны, мудзсö

веськöдны. Гажыс сэнi вöвлi, майбырöй! Юргö кузяла и пасьтала. Öтвылысь вöлöм

горöдасны 10-15 мужичöйулов: «Вай босьтамöй, босьтамöй ворсны-сьывны…»

• G:\свое видео и фото\Пожег\P1000445.JPG

«Вомынбöжсаыд аслыспöлöсöсь. Асьнысö век быттьö прамöйджыкöн лыддьöны, вульскыштны радейтöны. Син саяд радейтöны вöчны. «Пинь» кывйысь на, колöкö, пинь пырыс шуöны быттьö» (Чисталева А.С., Шахсикт).

• G:\свое видео и фото\Пожег\P1000506.JPG

Польчи – Номъяс.

«Польчиыд ливкйöдлöмöн сёрнитöны да. Нюжйöдлöны пö да. Нюжöдасны да Пожöгдiнöдз автобусöн воан. Кутшöмкö тай мода налöн. Сэсся кöть любöй оз польчиöн шусьы – тöдан. Ой-ой аслысног быттьö и сёрнитöны» (Шахова А.А.,

Шахсикт, 55 ар).

• G:\свое видео и фото\Пожег\P1000441.JPG

Шахсиктсаяс – Лягушаяс.«Шахсикт пуксьöма нюр вылö. Водзынтö весиг юкмöссьыд лягушаясыд сюрлöны вöлöм. Сэсся мукöд сиктса дорысь кö, абу синмö пырысьöсь. Асьнысджык олöны. Абуджык гораöсь, абуджык пакöсьтаöсь сiдзсö. Сэсся и лягушаяс» (Л.В. Лудыкова, Пожöг).

• G:\свое видео и фото\Пожег\P1000195.JPG

Малеса – Кöчьяс.«Мале – гöра вылö пуксьöм неыджыд сикт. Душ-мöд кöзяйство водзынтö и

вöлöма. Öнi тай выль керкаястö улiас пуктiсны-а. Вöрыд матын. Кöчыд подöн волö

горт дорöдзныс. А ещö öти малеса олысь висьтавлiс, быттьö сиктас важöн, абу

нин öнi, öти мужичöй овлöма. Кывйыс вылын. Праздник лунö стопка саяд заклад

вартас, мый пызан вомöныс чеччыштас. Ог тöд, абу, навернö, воöма пызан мöдарад. Пожöгын тай быттьö пöслöвича сяма эм, малеса Кöч моз пö эн чеччав, кокыд

пö дженьыд мöдарöдзыс воны» (Игнатова Е.А., Пожöг, 41 ар).

• G:\свое видео и фото\Пожег\P1000172.JPG

).Кекурса – Кöинъяс.

Мыйысь жö, кутшöм бурысь Кекур грездса йöзöс нимтöны тайö горш да наян вöрпа нимнас? «Мый нö, кöиныд абу на лёк звер. Некодысь оз пов. Кекурсаясыд сэтшöмöсь жö. Гортад эськö вермасны и тышкасьны öта-мöд костас. Пурки-парки. А рытнас танцы вылö чукöрöн век лэччöны, став тышкасьöмыс нин вунöма. Мед кекурсатö кодкö вöрзьöдас, став стаянас уськöдчасны да пурасны. Мед кö луннас на öта-мöдыскöд тышкасисны. Вунöма нин» (Ольга Тимушева, 17 арöса, Кекур грезд

• G:\свое видео и фото\Пожег\P1000278.JPG

Пожöгдiнса – Ракаяс.

Мыйла Пожöгдiнса – Ракаяс? Зэв гора йöз. Öта-мöдсö венны век видзöдчöны. Быттьö ордйысьöм мунö, кодi медся гора. Со и ракаяс» (Л.В. Лудыкова, Пожöг сикт).«А асывнад кö öтчыд школьнöй автобусад веськавлан, пöтмöныд лоö. Збыльысь öд Пожöгдiнса челядьыд зэв гораöсь. Велалöмаöсь да, öлöдны он вермы горзöмсьыс. Мукöдыд всё равно абу татшöмöсь, зонмö» (Тарабукина В.В., Великополье, 44 ар).

• G:\свое видео и фото\Пожег\P1000297.JPG

Кывкöртöд.А öнi неуна сёрнитыштам сы йылысь, кутшöм кывкöртöдъяс позьö вöчны Пожöг

гöгöрса сикт «прöзвищеяс» кузя. Öти-кö, быд торъя сиктлöн эм аслас «медаль». Кыдзи висьталöны информаторъяс, нимтысьöмыс мунö важысянь нин и öнöдз на

тайö нимтысян модаыс кольöма. Быдлунъя олöмын та йылысь некод оз думыштлы, но и ни öти морт юалöмаяс пöвстысь эз сюр, мед эськö нимтысьöмыс кыдзкö увтыртiс найöс. Мöдарö на, быд пемöсысь медся бурсö öдйöджык корсьлiсны. Чужан сикт йывсьыныс кö сёрниыс мунiс. А вот орчча сиктсаяс прöзвищеысь и омöльторсö нин тшöтш индывлiсны. Колö тöдчöдны, мый быд сиктöс нимтöмын тыдовтчö сиктлöн оласногыс. И сэтшöм стöч характеристика сетö – он вушты.

Талунъя том йöз чайтöм серти, нинöм лёкыс таын абу. Öти зонка весиг тöдчöдiс, мый кöчъяслöн да ракаяслöн пö восьыс быдса тöлысьöн торйöдöмаöсь. Сiдзкö,

медся почётнöйöсь. Став коми йöзыс пö миянöс пыдди пуктöны.Нимтысян модаыс Пожöг гöгöрса сиктъясын талун ньöти на абу вушйöма.

Вермас лоны, чужас кö матын выль сикт – öдйö нимтö и бöръясны.