ᐊ ᑭ ᓂ ᕐ ᒧ ᑦ ᐅ ᓂ ᒃ ᑳ ᖅ ᑐ ᐊ ᑦ

ᐃᓄᐃ ᑦ ᐅ ᑉ ᐱᕆ ᔭᖏ ᑦ ᐅ ᓂ ᒃ ᑳ ᖅ ᑐ ᐊ ᓪ ᓗ

ᐅᖃᓕ ᒫ ᒐ ᖅ ᓯ ᕗ ᓪ ᓕ ᖅ ᐹ ᖅ

ᐊ ᑭ ᓂ ᕐ ᒧ ᑦ ᐊ ᓂ ᒃ ᑳ ᖅ ᑐ ᐊ ᑦ

ᑎ ᒍ ᔭ ᐅ ᓯ ᒪ ᔪ ᑦ ᑎ ᑎ ᕋ ᖅ ᑕ ᐅ ᓪ ᓗ ᑎ ᓪ ᓗᓅ ᓪ ᒪ ᒃ ᑑ ᒪ ᑦ ᒧ ᑦ

ᑐ ᑭ ᒧ ᐊ ᒃ ᑎᖏ ᑦᒫ ᑭ ᑲ ᒃ ᑭ ᒃ

ᐋ ᖅ ᑭ ᒋ ᐊ ᖅ ᓯ ᓪ ᓗᓂᓃ ᓪ ᑯ ᕆ ᔅ ᑕ ᕗ ᕐ

© ᓄᓇᕗᒻᒥᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᑲᑐᔾᔨᖃᑎᒌᑦ 2006

© Inhabit Media, 2006

ISBN 978-0-9782186-1-4

ᐊᑕᖏᖅᑐᑎᒃ ᐊᔪᕆᑦᑕᐅᒋᐊᖃᙱᑦᑐᑦ. ᐃᓚᐃᓐᓇᖏᓪᓘᓐᓃᑦ ᑎᑎᕋᖅᑕᐅᔪᓂᒃ ᓴᖅᑭᖅᑕᐅᑲᓐᓂᖅᓯᒪᔪᑦ, ᐋᖅᑭᒋᐊᖅᑕᐅᔪᑦ ᐅᕝᕙᓘᓐᓃᑦ, ᖃᕋᓴᐅᔭᒃᑯᑦ, ᐊᓯᐊᒍᓪᓗ, ᐊᒥᓲᓕᖅᑎᑕᐅᓗᑎᒃ,

ᐊᔪᕆᑦᑕᐅᓗᑎᒃ, ᐊᓯᐊᓄᓪᓘᓐᓃᑦ ᐋᖅᑭᓱᖅᑕᐅᓗᑎᒃ, ᑎᑎᖅᑲᑎᒍᑦ ᐊᖏᖅᑕᐅᓯᒪᑎᓐᓇᒋᑦ ᒪᓕᒐᖅᑎᒍᑦ ᓯᖁᒥᑦᑎᒐᔭᖅᑐᑦ ᐊᔪᕆᑦᑕᐅᒋᐊᖃᕐᓂᖏᑦᑐᓂᒃ.

ᑎᒍᔭᐅᓯᒪᔪᑦ ᑎᑎᕋᖅᑕᐅᓪᓗᑎᓪᓗᓅᓪ ᒪᒃᑑᒪᑦᒧᑦ

ᑐᑭᒧᐊᒃᑎᖏᑦᒫᑭ ᒪᒃᑭᒃ

ᑎᑎᖅᑐᒐᖅᑎᑯᓘᑦ ᕉᓲ

ᐋᖅᑭᒋᐊᕆᔪᖅᓃᓪ ᑯᕆᔅᑕᕗᕐ

ᑖᓐᓇ ᐊᒥᓲᓕᖅᑎᑕᐅᓯᒪᔪᖅ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᓐᓄᑦ ᐊᒻᒪᓗ ᐃᓕᖅᑯᓯᓕᕆᔨᒃᑯᓐᓄᑦ (ᓄᓇᕗᑦ

ᒐᕙᒪᒃᑯᖏᑦ).

wo8ixt5yp5nw

5wo8ix3Fz

iwk4tg5w

o8ixDt5nos3i6 Ilin

niatitsijitsait Ilinniarvingani Inuktitut Ilinnia

ruti

tsal

iurn

iq Nunavut Teacher Education Program Inuktitu

t Pub

licat

ion

Nunavut Bilingual Education Society

kN}Ku5 m3}D1i5 scsyo1k5 wo8ix6t5ti3u5 vg0pctÇ}Qq5

ᐃ ᓗ ᓕ ᖏ ᑦ

ᐃᓕᓴᕆᔭᐅᔪᑦ 6

ᖃᓄᐃᑦᑑᓂᖏᓐᓂ ᓇᓗᓇᐃᖅᑕᐅᔪᑦ 7

ᐅᓂᒃᑳᖅᑐᐊᖅ ᑲᐅᔾᔭᔾᔫᑉ ᒥᔅᓵᓄᑦ 11

ᐅᓂᒃᑳᖅᑐᐊᖅ ᑭᕕᐅᑉ ᒥᔅᓵᓄᑦ ᐅᖃᓕᒫᒐᖅ 1 17 ᐅᖃᓕᒫᒐᖅ 2 23 ᐅᖃᓕᒫᒐᖅ 3 27 ᐅᖃᓕᒫᒐᖅ 4 31 ᐅᖃᓕᒫᒐᖅ 5 35 ᐅᖃᓕᒫᒐᖅ 6 39 ᐅᖃᓕᒫᒐᖅ 7 43 ᐅᖃᓕᒫᒐᖅ 8 47 ᐅᖃᓕᒫᒐᖅ 9 51 ᐅᖃᓕᒫᒐᖅ 10 55 ᐅᖃᓕᒫᒐᖅ 11 59 ᐅᖃᓕᒫᒐᖅ 12 63 ᐅᖃᓕᒫᒐᖅ 13 67ᑕᑲᓐᓈᓗᒃ 71 ᐱᙳᐊᖅᑕᐅᔪᖅ ᓯᕗᓪᓕᖅ 73 ᐱᙳᐊᖅᑕᐅᔪᖅ ᐊᐃᑉᐸᖓ 85 ᐱᙳᐊᖅᑕᐅᔪᖅ ᐱᖓᔪᐊ 95

�

ᐃ ᓕ ᓴ ᕆ ᔭ ᐅ ᔪ ᑦ

ᐃᓕᓴᕆᔪᒪᒐᑦᑎᒍ ᐃᑲᔪᓚᐅᖅᑐᑦ ᐃᓐᓇᕐᓂᑦ ᐅᓂᒃᑳᖅᑏᓪᓗ ᐃᓚᖏᑦ ᑎᒍᔭᐅᓪᓗᑎᒃ ᐱᖓᓲᓕᖅᑕᐅᓪᓗᑎᒃ.

ᖁᔭᓐᓇᒦᕈᒪᑦᑎᐊᖅᑲᕗᑦ ᖃᓄᐃᒋᔭᐅᓂᐊᖅᑐᔅᓴᐅᙱᒃᑲᓗᐊᖅᑯᑦ.

ᑖᓐᓇ ᐅᖃᓕᒫᒐᖅ ᓴᖅᑭᕋᔭᓚᐅᙱᑦᑐᖅ ᐃᑲᔪᕐᓂᖏᑉᐸᑕ ᐅᑯᐊ, ᐊᔅᓱᕈᕐᓂᕆᓚᐅᖅᑕᖏᑦ ᕿᓄᐃᓵᕈᓐᓇᑦᑎᐊᖅᑐᑎᓪᓗ:

ᓲᓴᓐ ᓵᒪᓐᔅᕉᑕ ᐅᖔᓛᖅᐋᓇ ᓯᒡᓗᕐ

�

ᖃ ᓄ ᐃ ᑦ ᑑ ᓂ ᖏ ᓐ ᓂ ᒃ ᓇ ᓗ ᓇ ᐃ ᖅ ᑕ ᐅ ᔪ ᑦ

ᐱᖓᓲᓕᖅᑲᖓᔪᓂᒃ ᐅᓂᒃᑳᖅᑐᐊᖅᑕᓕᒃ ᖃᐅᔨᒪᔭᐅᑦᑎᐊᖅᑐᑎᓪᓗ ᐃᓄᓐᓄᑦ ᓯᓚᕐᔪᐊᕐᒥ. ᐅᓂᒃᑳᑦ ᑎᒍᔭᐅᓯᒪᔪᑦ ᑎᑎᕋᖅᑕᐅᓪᓗᑎᓪᓗ ᓇᑭᙶᖅᓯᒪᑐᐃᓐᓇᖅᑐᓂᒃ. ᐱᖓᔪᐊᓕ, ᐅᐱᒍᓱᑦᑎᐊᖅᑐᖅ ᐊᕐᓇᖅ ᑲᑎᑎᑕᐅᒍᒪᙱᑦᑐᑦ, ᑎᑎᕋᖅᑕᐅᖔᖅᓯᒪᔪᖅ ᐱᙳᐊᕈᑎᐅᓂᐊᖅᑐᓂ, ᐊᑐᖅᑕᐅᔪᓐᓇᕋᔭᖅᑐᔅᓴᐅᓪᓗᓂ ᐃᓕᓴᐃᔨᓄᑦ ᐊᔾᔨᐅᙱᑦᑐᒥᑦ ᐱᓕᕆᖃᑎᖃᕈᒪᒐᔭᖅᑐᓂᒃ ᐃᓕᓐᓂᐊᖅᑎᖁᑎᖏᓐᓂ ᐱᖅᑯᓯᖏᓐᓂ ᐊᑐᕐᓗᑎᒃ. ᑕᑲᓐᓈᓗᒃ ᐅᓂᒃᑳᖅᑐᐊᖅ ᑎᑎᕋᖅᓯᒪᔪᖅ ᐱᙳᐊᕈᑎᐅᔪᓐᓇᕐᓂᐊᖅᑐᓂ ᐊᒥᓱᓄᓪᓗ ᐃᓄᓐᓄᑦ ᐅᓂᒃᑳᖅᑐᐊᕆᔭᐅᓯᒪᓪᓗᑎᒃ. ᑕᒪᓐᓇ ᓇᓗᓇᙱᑦᑐᖅ ᖃᐅᔨᒪᔭᐅᑦᑎᐊᖅᑐᖅ ᑎᑎᖅᑐᒐᖏᑦ, ᐅᓂᒃᑳᖏᑦ ᑕᕐᕆᔮᔅᓴᓕᐅᖅᑕᐅᓯᒪᒻᒪᑕ ᐊᒻᒪᓗ ᑕᑯᓐᓇᒐᔅᓴᕈᖅᑎᑕᐅᓯᒪᓪᓗᑎᒃ ᐅᐊᑦᑎᐊᕈ, ᐊᓕᐊᓇᐃᒍᓱᒍᑕᔅᓴᐅᔪᒫᖅᑐᑎᒃ ᓈᓚᑦᑎᓄᑦ, ᐅᓪᓗᒥᐅᔪᖅ ᐱᔭᕆᐊᑐᒻᒪᑕ, ᐊᔪᕐᓇᑦᑎᐊᒻᒪᕆᙱᑉᐸᑕ, ᐃᔅᓯᕚᖃᑎᒌᑦᑎᐊᕐᓗᓂ, ᐃᓱᒪᒋᔭᖃᕐᓗᑎᒃ ᐅᐊᑦᑎᐊᕈᕐᓂᓴᕐᓂᑦ ᑕᐃᒪᐃᒐᔪᖃᑦᑕᓚᐅᕐᖓᑕ ᐅᐊᑦᑎᐊᕉᓗᐊᙱᑦᑐᖅ. ᑕᑭᓂᖅᐹᖅ ᐅᓂᒃᑳᖅᑐᐊᖑᕗᖅ ᑭᕕᐅᖅ ᑭᓱᑐᐃᓐᓇᓪᓚᕆᓐᓂᒃ ᐅᓂᒃᑳᕆᔭᐅᓪᓗᑎᒃ. ᐅᓂᒃᑳᖓ ᓇᑭᑐᐃᓐᓇᑦᑎᐊᖅ ᓯᓚᕐᔪᐊᑉ ᐅᑭᐅᖅᑕᖅᑐᖏᓐᓂ ᐅᓂᒃᑳᖅᑐᐊᕆᔭᐅᓯᒪᓪᓗᑎᒃ ᖃᓄᐃᓕᐅᖅᓯᒪᑐᐃᓐᓇᑦᑎᐊᖅᑐᑎᒃ. ᑭᓯᐊᓂᓕ ᓇᓗᓇᐃᖅᓯᒪᓛᖑᕗᑦ ᐊᔾᔨᒌᓐᓂᖏᑦ ᐅᓂᒃᑳᖅᑐᐊ: ᑭᕕᐅᖅ ᑐᖁᑕᐅᖃᑦᑕᖅᓯᒪᙱᑦᑐᖅ ᑐᙵᓇᕐᓂᖓᓐᓄᑦ, ᐊᑯᓂᐊᓗᓪᓗ ᐊᐅᓪᓚᖅᓯᒪᕙᑦᑐᓂ, ᐊᒥᓱᓂᓪᓗ ᖃᓄᓕᐅᕈᓘᔭᖃᑦᑕᖅᑐᓂ ᐊᑐᖅᑐᓂᒋᑦ ᐱᒃᑲᐅᓂᖏᑦ ᖃᓄᖅᑑᕈᓐᓇᕐᓂᖏᑦ, ᐊᖅᑯᓵᖅᓯᒪᔭᓕᒫᖏᑦ ᐊᓂᒍᖃᑦᑕᖅᑐᓂᒋᑦ ᖃᓄᐃᒐᓂ ᐊᖏᕐᕋᖃᑦᑕᖅᑐᓂ. ᑭᕕᐅᖅ ᐱᑦᑎᐊᖏᓐᓇᕋᓱᐊᖅᑎᓪᓗᒋᑦ

�

ᖁᔭᓈᖅᑕᐅᑐᐃᓐᓇᖃᑦᑕᖅᓯᒪᕗᖅ. ᐊᕕᙵᕐᒥᑦ ᐃᑲᔪᓚᐅᖅᓯᒪᔪᖅ ᐃᒫᖅᓯᒪᔪᒥᑦ ᓴᓗᒻᒪᓴᖅᑐᓂᐅᓪᓗ ᓇᑦᑎᐅᑉ ᓴᐅᓂᒥᓂᖓᓐᓄᑦ ᓄᓇᒨᓚᐅᙱᓐᓂᖓᓂᐅᒃ. ᐅᑉᐱᕆᒻᒪᒋᑦ ᖃᓄᖅ ᐃᑉᐱᒍᓱᓐᓂᖃᕐᒪᖔᑕ ᐊᒻᒪᓗ ᐃᑉᐱᒍᓱᑦᑎᐊᖃᑦᑕᖅᑐᓂᓗ ᐹᖅᓯᔭᖅᑐᓕᕋᒥ ᐊᖑᒻᒥᑦ ᐃᕐᕋᕕᖃᙱᑦᑐᒥᑦ ᑲᙳᑦᑎᖁᓇᓂᐅᒃ. ᑭᓯᐊᓂᓕ ᑐᙵᓇᕈᓐᓇᖅᑲᑦ, ᑭᕕᐅᖅ ᓂᙵᒍᓐᓇᖅᑐᐊᓘᒻᒥᔪᖅ ᓂᙵᐅᒪᓕᕐᓗᓂ. ᕿᓄᐃᓵᕈᓐᓇᐃᓕᒐᒥ ᓄᓕᐊᕐᒥᓄᑦ ᑲᖑᕐᒧᑦ, ᑭᕕᐅᖅ ᐅᖅᓱᖓᓐᓂ ᕿᓚᓗᒐᐅᑉ ᒥᓗᕆᐊᖅᑐᓂᐅᒃ ᐊᒪᐅᑎᑦᑎᐊᕙᖓᓐᓂ ᓱᕈᐃᓇᓱᐊᖅᑐᓂ. ᓴᐸᖓᕐᓂᑦ ᒪᕐᕉᓐᓂᒃ ᐋᓯᕙᕋᓛᕈᓘᓐᓂᒃ ᐱᓚᐅᖅᓯᒪᒋᓪᓗᓂ ᐊᓈᓇᖓᑕ ᑐᖁᒐᓱᐊᓚᐅᖅᓯᒪᒐᒥᐅᒃ. ᐊᔅᓱᕈᓐᓇᖅᑐᓂᓗ ᐊᑦᑕᓇᕈᓐᓇᖅᑐᓂᓗ ᐃᓄᓐᓄᑦ ᐊᑭᕋᖏᓐᓄᑦ ᐃᓕᕋᓇᕋᓱᐊᖅᑐᓄᑦ. ᑕᐃᒃᑯᐊ ᒪᕐᕉᒃ ᓄᓕᐊᖏᒃ ᕿᒫᓵᖃᑎᖃᖅᑑᒃ ᐅᓱᐊᓗᒻᒥᑦ ᐱᐅᙱᑦᑐᕐᔪᐊᕌᓗᒃᑯᑦ ᑲᒪᒋᓐᓂᓚᐅᖅᓯᒪᓪᓗᓂᐅᒃ ᑕᐃᓐᓇᑎᑐᑦ ᐃᓕᓴᐱ ᐊᑭᒪᓂᕆᓚᐅᖅᓯᒪᔭᖓ. ᑭᕕᐅᖅ ᑲᐱᓯᓪᓗᓂ ᑐᖁᑦᑎᓐᓂᓚᐅᖅᓯᒪᔪᖅ ᐅᓱᐊᓗᒻᒥᑦ, ᓂᕿᓕᐊᕆᓪᓗᓂᐅᒃ ᓄᓕᐊᕐᒥᓄᑦ, ᐋᓐᓂᑎᖅᐸᑦᑐᓂᒋᓪᓗ ᐊᓱᐃᓪᓛᓪᓕ ᕿᒥᓕᖅᑕᒥᓂᕆᓪᓗᓂᒋᑦ ᓄᓕᐊᖏᒃ. ᐊᑭᒪᓂᕐᒥᑦ ᐅᓂᒃᑳᖃᕐᓂᖅᓴᐅᔮᖅᑐᑦ ᑖᒃᑯᓂᖓ ᑭᓯᐊᓕ ᑕᐃᒪᐃᙱᑦᑐᖅ ᐃᓚᖓᓐᓂ. ᑲᐅᔾᔭᔾᔪᒃ ᓂᓪᓕᙲᓐᓇᑐᐃᓐᓇᕈᓐᓇᕆᕗᖅ ᑐᓵᙳᐊᖏᓪᓗᓂ ᓄᓇᖅᑲᑎᖏᓐᓂ ᑕᐃᒪᐃᑕᐅᙱᓇᖅᑐᓂᒃ ᑭᓯᐊᓂᓕ “ᕿᓄᐃᓵᖃᑦᑕᖁᔭᐅᓚᐅᖅᑐᖅ.” ᑕᒪᓐᓇ ᐅᓂᒃᑳᖅᑐᐊᖅ ᐱᙳᐊᖅᑕᐅᔫᔮᖅᓯᒪᔪᖅ ᐃᓕᓐᓂᐊᑎᑦᑎᒍᑎᐅᓯᒪᒻᒪᑕ ᑲᐅᔾᔭᔾᔫᑉ ᐊᖏᔪᖓᓐᓄᑦ ᑕᒪᒃᑯᐊ ᑎᒥᑦᑎᒍᑦ ᐱᔪᓐᓇᖏᑦᑕᕋᓗᐊᖏᑦ ᐸᕐᓇᒍᑎᒋᒋᐊᖃᖅᑕᖏᑦ ᓴᙵᑦᑎᖁᓪᓗᒍ ᐊᑭᕋᖏᓐᓄᑦ. ᑲᐅᔾᔭᔾᔫᑉ ᓄᓕᐊᖅᑖᖓ, ᐃᔨᖅᓯᒪᐃᓐᓇᓚᐅᖅᑐᖅ ᑭᓯᐊᓂᓕ ᓴᖅᑭᕆᐊᖃᓕᕋᒥ ᐊᒻᒪᓗ ᑭᓇᑐᐃᓐᓇᕐᓗᓂ ᐱᑦᑎᐊᓐᓂᖏᑦᑐᖅ ᐊᑭᕙᑦᑐᓂᖏᑦ, ᐊᓐᓇᒍᓐᓇᔾᔮᖏᑦᑐᑦ ᑕᒪᑐᒥᖓ. ᑕᒪᓐᓇ ᐃᓱᒪᒋᓪᓗᒍ ᓇᓗᓇᙱᑦᑐᖅ

�

ᑲᐅᔾᔭᔾᔫᑉ ᐊᑭᒪᒋᐊᖅᓯᒪᓂᖏᓐᓂ. ᓄᓇᖅᑲᑎᒌᓕᒫᐸᓗᐃᑦ ᓄᖑᑦᑐᓂᒋᑦ, ᓇᓗᓇᕈᓐᓃᖅᑯᖅ ᐃᓅᖃᑎᒌᓐᓂᒃ ᐊᔅᓱᕉᑎᖃᕈᓐᓇᕐᖓᑕ ᑐᙵᓇᙱᓐᓂᖏᓐᓂ ᐱᔾᔪᑎᖃᖅᑐᑎᒃ. ᑕᑲᓐᓈᓗᒃ ᖃᐅᔨᒪᔭᐅᑦᑎᐊᖅᑐᖅ ᐊᑎᖓᓐᓄᑦ. ᐅᖃᓕᒫᖅᑐᓄᒃ ᖃᓪᓗᓈᑎᑐᑦ ᓯᐊᓐᓇᐅᕗᖅ. ᐅᓂᒃᑳᖓᓪᓕ ᐊᔾᔨᐅᖏᓐᓂᐊᓗᐊᓄᑦ ᐊᑕᐅᓯᓪᓚᕆᑯᓗᒻᒥᑦ ᐅᓂᒃᑳᕆᔭᔅᓴᐅᓐᓂᖏᑦᑐᖅ ᐃᓄᐃᑦ ᐱᖅᑯᓯᖏᑦ ᐅᓂᒃᑳᖅᑐᐊᕐᓂᕆᕙᑦᑕᖏᑦ ᒪᓕᓪᓗᒋᑦ ᖃᓄᐃᑦᑐᓪᓚᕆᑯᓘᓐᓂᖓᓐᓂ ᓇᓗᓇᐃᑦᑎᐊᕋᔅᓴᐅᖏᑦᑐᖅ. ᑭᓯᐊᓂᓕ ᐱᔾᔪᑎᖃᓗᐊᖅᑐᖅ, ᖃᓄᑦᑐᖃᓲᖑᕙ ᑭᓇᑐᐃᓐᓇᖅ ᒪᓕᒋᐊᓕᓐᓂᒃ ᒪᓕᙱᑐᐊᕐᖓᑦ ᐃᓄᓐᓄᑦ ᒪᓕᑦᑕᐅᒋᐊᓕᓐᓂᒃ? ᑕᕝᕙᓂᓗ ᑕᑲᓐᓈᓗᒻᒥ ᐅᓂᒃᑳᖅᑐᐊᕐᒥ, ᐊᑦᑕᓇᖅᑐᐃᓐᓇᐅᕗᑦ ᖃᓄᐃᒍᑎᒥᓂᖏᑦ ᐃᒻᒥᓄᑦ ᐊᑖᑕᒥᓄᓪᓗ. ᑕᐃᒪ ᑐᑭᓯᐅᒪᔭᐅᒋᐊᖃᖅᑐᖅ ᓂᕕᐊᖅᓯᐊᖅ ᓈᓚᑐᐃᓐᓇᕆᐊᖃᙱᓚᖅ ᐊᑖᑕᒥᓂᒃ, ᑭᓯᐊᓂᓕ ᒪᓕᔅᓴᐃᓐᓇᕆᐊᖃᖅᑐᖅ ᐅᐃᑖᕆᐊᖃᕐᓂᕐᒥᑦ. ᐃᓱᒪᖅᓱᕈᑎᒋᙱᑕᖓᓕ ᑕᒪᓐᓇ ᓇᒻᒥᓂᑐᐃᓐᓇᖅ ᖁᕕᐊᓱᓕᑐᐃᓐᓇᕆᐊᖃᙱᒻᒪᑦ ᑭᓯᐊᓂᓕ ᐃᓅᖃᑎᒌᑦ ᐱᓂᐊᕐᓂᖏᓐᓂ ᒪᓕᒋᐊᖃᕐᖓᑕ. ᐃᓅᖃᑎᒌᑦ ᐊᐅᓚᑕᐅᙱᑐᐊᖅᑲᑕ, ᓄᓇᓕᒃ ᑲᔪᓯᒍᓐᓇᔾᔮᖏᒻᒪᑦ ᐊᒻᒪᓗ ᑕᒪᒃᑯᐊᑐᐊᑦ ᑐᙵᕕᒋᔭᐅᒻᒪᑕ ᐃᓅᖃᑎᒌᓐᓂᖅ ᐊᑐᖅᑕᐅᖏᓐᓇᕆᐊᖃᖅᑐᑎᓪᓗ. ᑕᑲᓐᓈᓗᒃ ᐅᐃᓂᒍᒪᙱᓐᓂᖓᓐᓄᑦ ᓈᒻᒪᒋᔭᖃᓚᐅᖅᓯᒪᙱᓐᓂᖓᓐᓄᑦ ᐃᒻᒥᓂᒃ ᓯᓚᕐᔪᐊᕐᓕ ᐊᓱᐃᓪᓛᒃ ᐳᓯᑦᑑᔮᖅᑯᖅ, ᑕᑯᒍᓐᓇᐃᓕᓪᓗᓂᒋᓪᓗ ᑕᐃᒫᔅᓴᐃᓐᓇᖅ ᑕᑯᔭᐅᒐᓗᐊᖅᑎᓪᓗᒋᑦ ᑭᓯᐊᓂᓕ ᓇᒻᒥᓂᑐᐊᖅ ᑕᑯᔪᒪᔭᒥᓂᒃ ᑕᑯᓐᓇᓕᖅᑐᓂᒋᑦ. ᐊᒻᒪᓗ ᑎᒥᖓᓐᓃᓕᖅᑐᖅ ᐅᑉᐱᕆᔭᖓ, ᑕᐃᒫᓪᓚᕆᒃ, ᐊᖑᒻᒥᑦ ᑕᑯᓐᓇᙳᐊᖅᑕᖓᓂ ᐅᑉᐱᕆᔭᖃᑐᐊᓕᖅᑐᓂ. ᑕᑯᒍᓐᓇᐃᓕᓪᓗᓂ ᐊᖑᑦ ᐱᐅᓂᖓᓐᓂ. ᐊᑖᑕᖓ ᐊᔅᓱᕉᑎᒋᓕᕆᓪᓗᓂᐅᓪᓗ ᐃᓱᒪᒋᔭᖏᓐᓂ ᒪᓕᙱᒻᒪᑦ. ᑐᙵᓇᕐᓂᖓ, ᓇᓪᓕᒍᓱᓐᓂᖓ, ᐊᑖᑕᖓᓗ ᑲᑉᐱᐊᑦᑕᐅᓕᖅᑐᓂ, ᐸᓂᒻᒥᓂᒃ ᖁᔭᓈᖅᓯᓯᒪᔪᖅ, ᑐᓂᓯᑐᐃᓐᓇᕈᒪᔪᖅ ᐸᓂᒻᒥᓂᒃ

10

ᓈᒻᒪᒋᔭᒻᒥᓂᒃ ᒪᓕᓐᓂᐊᓕᕋᒥ. ᑕᐃᒫᑐᐊᖅ ᐃᓱᒪᖃᓕᖅᑐᓂ ᐊᒻᒪᓗ ᑕᕝᕙᓂ ᐅᓂᒃᑳᖅᑐᐊᒥ ᓵᓚᖃᖅᑐᖃᕈᓐᓃᖅᑐᓂᒃ ᑕᒪᒃᑮᒃ ᐊᑖᑕᒌᒃ ᐃᒫᖅᑐᒥᓂᐅᓪᓗᑎᒃ. ᑭᓯᐊᓂᓕ ᑕᑲᓐᓈᓗᒃ ᐃᒪᕐᒥᐅᑕᐅᖏᓐᓇᓕᖅᑐᓂ ᓈᓚᑦᑏᑦ (ᐅᖃᓕᒫᖅᑐᑦ) ᓇᒻᒥᓂᑐᐊᖅ ᐃᓱᒪᖅᓱᕈᒪᓕᕐᓗᓂ ᐱᐅᙱᑦᑐᐊᓗᒃᑯᑦ ᐊᑐᕋᔅᓴᐅᔮᖏᓐᓇᖅ ᑕᐃᒫᒃ ᐃᖅᑲᐃᑎᑦᑎᔾᔪᑕᐅᓕᖅᑐᓂᑦ ᐅᓪᓗᒥᐅᓕᖅᑐᖅ. ᖃᓄᕐᓕ ᑕᒪᒃᑯᐊ ᐅᓪᓗᒥ ᐅᖃᓕᒫᕋᓱᐊᕆᐊᖃᓕᖅᑲᕗᑦ ᐅᓂᒃᑳᖅᑐᐊᑦ? ᓇᐃᑦᑐᖅ ᑭᐅᔾᔪᓯᖅ, ᒪᑐᐃᖓᑦᑎᐊᕆᐊᕐᓗᓂ ᐅᓂᒃᑳᕆᔭᐅᔪᑦ ᐃᓱᒪᒋᓇᓱᐊᕐᓗᒋᑦ. ᐊᒻᒪᓗ ᐱᖅᑯᓯᑐᖃᕐᒦᙶᖅᑑᒐᓗᐊᑦ ᐃᓕᓐᓂᐊᑎᑦᑎᒍᑎᔅᓴᐃᑦ, ᐅᓂᒃᑳᖅᑐᐊᖑᓚᐅᖅᓯᒪᔪᑦ ᓈᓚᒐᔅᓴᑐᐃᓐᓇᐃᑦ ᑕᐃᒪᐃᒍᓐᓇᕆᕗᒍᑦ ᒪᓕᑦᑎᐊᑐᐊᕈᑦᑕ. ᑕᒪᒃᑯᐊ ᐅᓂᒃᑳᖅᑐᐊᑦ ᐊᔾᔨᒋᙱᑦᑎᐊᕐᖓᒋᑦ ᐅᓪᓗᒥ ᐊᑐᖅᐸᑕᑦᑎᓐᓂ ᖃᐅᔨᒪᔭᑦᑎᓐᓂ ᑭᓯᐊᓂᓕ ᑕᒻᒪᕐᓂᕋᕆᐊᖃᙱᑕᕗᑦ ᓱᓕᙱᑦᑑᔭᕆᐊᖃᙱᓐᓂᕋᕆᐊᖃᙱᑕᕗᑦ. ᑭᓇᓕ ᓱᓕᙱᓐᓂᕋᕈᓐᓇᖅᑲ ᓂᕐᔪᑏᑦ ᓂᓪᓕᐊᒍᓐᓇᕐᖓᑕ ᐆᒪᔪᓄᑦ, ᐊᓯᔾᔩᔪᓐᓇᖅᑐᑦ ᐃᓅᓯᕐᒥᓂᒃ, ᐊᔾᔨᐅᖏᑦᑐᑦ ᐆᒪᔪᐃᑦ ᖃᓄᐃᒍᓐᓇᕐᓂᖏᓐᓂᓪᓗ? ᐊᖏᖅᓯᒪᙱᒃᑯᑦᑎᒍᑦ ᑕᒪᒃᑯᐊ ᐅᓂᒃᑳᖅᑐᐊᑦ ᓇᑭᙶᖅᓯᒪᓂᕆᔭᑦᑎᓐᓂ ᐊᖏᙱᒐᔭᖅᑯᒍᑦ, ᑕᒪᒃᑯᐊ ᐃᓄᐃᑦ ᐱᓂᐊᕐᓂᕆᓯᒪᔭᖏᑦ ᐊᓂᒍᐃᓯᒪᙱᓐᓂᖏᓪᓗ, ᐅᑉᐱᕆᔭᖏᑦ, ᓯᒡᒐᔾᔨᓂᖏᑦ, ᒥᓐᓂᓂᖏᑦ, ᐱᔪᒪᔪᑑᓂᖏᑦ, ᐊᒻᒪᓗ ᐊᔅᓱᕉᑕᐅᖃᑦᑕᖅᑐᒥᓃᑦ ᑲᔪᓯᒐᓱᐊᕐᓂᖏᓐᓂ ᐊᐅᓚᑦᑏᓐᓇᕋᓱᐊᕐᓂᖏᓐᓂ ᓄᓇᓖᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

ᑲᐅᔾᔭᔾᔪᒃ

12

ᑲᑉᐱᐊᑯᓗᒻᒥᑦ ᓂᕕᐊᖅᓯᐊᑯᓗᒻᒥᓪᓗ ᐃᓚᖏᓐᓃᑦᑐᖃᕈᓐᓃᓚᐅᖅᓯᒪᒻᒪᑦ ᓇᑦᑎᖅᓯᐅᕆᐊᖅᓯᒪᑎᓪᓗᒋᒃ ᐅᑭᐅᒃᑯᑦ.

ᐃᑲᔪᖅᑕᐅᔪᓐᓇᓚᐅᙱᑦᑑᒃ ᓴᕐᕙᐅᕙᓪᓕᐊᓕᖅᑎᓪᓗᒋᒃ. ᐊᖏᔪᖅᑳᖏᑦ, ᓄᑲᑉᐱᐊᑉ ᐊᖏᔪᐊᓗ ᑐᖁᖓᓱᒋᑦᑎᓕᖅᑐᒥᓃᒃ ᑕᐃᒃᑯᓇᙵᑦ. ᑭᓯᐊᓂᓕ ᑐᖁᓯᒪᙱᑦᑑᒃ. ᐅᓪᓗᒐᓛᓗᓐᓂᒡᒎᖅ ᓴᕐᕙᐅᓚᐅᖅᑑᒃ ᐊᓱᐃᓪᓛᓪᓕ ᓄᓈᖅᑕᓯᓐᓇᓕᕋᒥᒃ ᐊᓯᖏᓐᓄᑦ ᑎᒍᐊᖅᑖᖑᓚᐅᖅᑑᒃ ᐊᕕᑎᑕᐅᓪᓗᑎᒃ. ᑕᐃᒫᓪᓕ ᐋᓪᓚᓃᓕᓚᐅᖅᓯᒪᕘᒃ ᓄᑲᑉᐱᐊᑯᓗᒃ ᓂᕕᐊᖅᓯᐊᑯᓗᓪᓗ. ᑖᒃᑯᓇᓃᓕᖅᑐᑎᒃ ᐱᑦᑎᐊᖅᑕᐅᖃᑦᑕᓚᐅᙱᑦᑐᐊᓘᒻᒪᑎᒃ. ᓂᕕᐊᖅᓯᐊᑯᓗᒃ ᐱᕐᕋᐃᖏᓐᓇᖃᑦᑕᕆᐊᖃᓚᐅᖅᑐᖅ ᐃᕙᓗᒥᒃ ᐅᔭᑦᑎᐅᑎᐅᓂᐊᖅᑐᓂᒃ ᖃᓪᓕᓐᓄᑦ ᐊᒻᒪᓗ ᓄᑲᑉᐱᐊᖅ, ᑲᐅᔾᔭᔾᔪᒃ, ᑲᐅᒐᖅᓯᖃᑦᑕᕆᐊᖃᓚᐅᖅᑐᖅ ᖁᓪᓕᐅᑉ ᐅᖅᓱᒃᓴᖓᓂᒃ. ᓯᓂᖃᑦᑕᕆᐊᖃᓚᐅᙱᑦᑐᖅ ᐃᓪᓗᕕᒐᕐᒥ ᑭᓯᐊᓂᓕ ᑐᖅᓲᖓᓂ ᕿᒻᒥᐅᑉ ᐊᑯᓐᓂᖏᓐᓃᖃᑦᑕᖅᑐᓂ ᖁᐊᕐᓂᐊᖏᒻᒪᑦ. ᕿᒻᒦᓪᓕ ᑐᙵᓇᓚᐅᖅᑐᑦ. ᐃᓚᒋᔭᐅᑐᐃᓐᓇᓚᐅᖅᑐᖅ. ᐃᓚᖓ ᕿᒻᒥᖅ ᐊᑭᓯᕆᓪᓗᓂᐅᒃ, ᐃᓚᖓ ᐊᓪᓕᓂᕆᓪᓗᓂᐅᒃ, ᐊᒻᒪᓗ ᓴᓂᕋᖏᓐᓃᑦᑐᖃᖃᑦᑕᖅᑐᓂᑦ ᑕᐃᒫᒃ ᐅᖅᑰᖃᑦᑕᖅᑐᒥᓂᖅ. ᐃᓄᐃᑦ ᕿᓚᐅᔾᔭᒐᔪᖃᑦᑕᓚᐅᖅᓯᒪᒻᒪᑕ ᓂᕆᖃᑎᒌᑦᑐᑎᓪᓗ ᖃᒡᒋᒥ. ᑲᐅᔾᔭᔾᔪᓪᓕ ᖃᐃᖁᔭᐅᓚᐅᖅᓯᒪᙱᑦᑎᐊᖅᑐᓂ, ᐊᓂᑦᑎᖔᖃᑦᑕᕆᐊᖃᖅᑐᒥᓂᕐᓕ ᖁᕐᕕᓐᓂᒃ. ᐊᖑᑎᕋᓛᕈᓘᓪᓗᓂ ᐊᔾᔭᖅᓯᒡᒐᐃᓐᓇᖃᑦᑕᖅᑐᒥᓂᖅ ᖁᕐᕕᓐᓂᒃ ᐅᓯᕋᖅᑐᐊᖃᑦᑕᖅᑐᓂ ᐃᑎᕈᕐᒥᒃ ᐊᓇᕐᓂᓪᓗ. ᐊᒥᓱᐊᖅᑎᐊᓗᒃ ᑭᙴᒪᔭᐅᖃᑦᑕᖅᑐᓂ ᖃᐃᒐᓪᓚᖃᑦᑕᖅᑐᑎᒃ, “ᓇᐅᓕ ᑲᐅᔾᔭᔾᔪᒃ, ᑕᐃᓐᓇ ᑲᐅᒐᖅᓯᖃᑦᑕᓲᑦ?” ᑲᐅᔾᔭᔾᔪᒃ ᐃᓪᓗᕕᒐᕐᒨᕐᖓᑦ ᒪᕐᕉᓐᓂᒃ ᐃᓅᓱᑦᑑᓐᓂ ᐊᕐᓇᑕᖃᓚᐅᖅᑐᖅ ᐊᖏᔪᑦᑎᓂᓪᓗᑭᐊ ᐊᖑᑎᓂᒃ ᐃᓐᓇᕐᓂᓪᓘᓐᓃᑦ ᐅᑕᖅᑭᔭᐅᕙᑦᑐᓂ. ᑲᐅᔾᔭᔾᔪᒃ ᓱᕐᓗᖏᑎᒍᑦ ᑲᐅᔭᐅᕙᑦᑐᓂ ᐊᐃᕕᐅᑉ ᑑᒑᒥᓂᐊᓗᖏᓐᓄᑦ,

ᓄ

ᐊᑭᓂᕐᒧᑦ ᐅᓂᒃᑳᖅᑐᐊᑦ

13

ᐊᒃᑭᑦᑕᐅᕙᑦᑐᓂ ᐃᓕᔭᐅᕙᑦᑐᓂ ᐊᓯᒪᐅᑦᑕᕐᒧᑦ. ᐋᓐᓂᓇᖅᑐᐊᓗᒎᖅ ᑕᐃᒪᐃᑕᐅᖃᑦᑕᓗᐊᒧᒡᒎᖅ ᓱᕐᓗᖏᒃ ᐊᖏᓪᓕᔪᐊᓘᓕᓚᐅᖅᓯᒪᔫᒃ ᑎᒥᖓᓕ ᐱᕈᒃᑲᓂᖅᓯᒪᙱᑦᑎᐊᖅᑐᓂ. ᑲᐅᔾᔭᔾᔪᒃ ᐱᓯᒪᑦᑎᔨᖃᓚᐅᙱᑦᑐᑦᑎᐊᖅ ᑭᓯᐊᓂᓕ ᒪᕐᕉᓐᓄᒃ ᓂᖏᐅᕈᓘᓐᓄᒃ ᓇᓪᓕᒍᓱᒃᑲᒥ, ᑕᑯᓐᓇᖅᑐᖃᙱᒐᐃᒻᒪᑦ, ᓂᕿᒥᓂᕈᓗᓐᓂᒃ ᑲᐅᔾᔭᔾᔫᑉ ᓂᕆᓂᐊᖅᑕᖏᓐᓂ ᑐᓂᓯᖃᑦᑕᖅᑐᒥᓃᒃ. ᑲᐅᔾᔭᔾᔪᒃ ᐊᔅᓱᐊᓗᒃ ᐅᖓᓕᖅᑐᓂ ᐃᓚᒥᓂᒃ ᑭᓯᐊᓂᓕ ᐅᖃᐅᔾᔭᐅᖃᑦᑕᕐᓂᕐᖓᑦ ᐊᖏᔪᖅᑳᒥᓄᑦ, ᐊᖏᔪᖓᓄᓪᓗ ᐊᖓᒃᑰᓪᓗᓂ, ᕿᓄᐃᓵᖃᑦᑕᖁᔭᐅᓯᒪᒻᒪᑦ ᐱᑦᑎᐊᖅᑕᐅᙱᒃᑲᓗᐊᖅᑲᑦ. ᑲᐅᔾᔭᔾᔫᑉ ᓇᔭᖓ ᐱᑦᑎᐊᖅᑕᖅᐸᑯᓘᓚᐅᙱᒻᒥᔪᖅ. ᒪᐅᓇᖏᒡᒎᒃ ᐊᑐᓕᓂᐊᓘᓪᓗᑎᒃ ᓄᖑᓯᒪᒻᒪᕆᑦᑐᑦ ᓴᐅᓂᕐᒥᓄᑦ ᐱᕐᕋᐃᔪᑯᓗᐊᐱᐅᕙᑦᑐᑦ ᑭᓯᐊᓂᓕ ᕿᒥᕆᔭᐅᕙᑦᑐᖅ ᐃᓪᓗᕕᒐᕐᒥᓗ ᓯᓂᑦᑎᑕᐅᕙᑦᑐᓂ. ᐅᓐᓄᒃᑯᑦ ᐅᑭᐅᕌᓘᑎᓪᓗᒍ, ᓯᓂᑦᑐᐃᓐᓇᐅᓕᖅᑎᓪᓗᒋᑦ, ᑲᐅᔾᔭᔾᔪᒃ ᓂᐱᓂᒃ ᑐᓵᓕᖅᑐᒥᓂᖅ ᐃᓪᓗᕕᒐᐅᑉ ᓯᓚᑖᓂ, “ᑲᐅᔾᔭᔾᔫᒃ! ᖃᐃᓚᐅᕆᑦ! ᑲᐅᔾᔭᔾᔫᒃ! ᖃᐃᓚᐅᕆᑦ!” ᑭᓯᐊᓂᓕ ᑲᑉᐱᐊᓱᒧᑦ ᐊᓂᒋᐊᔅᓴᖅ ᕿᒻᒥᓂᒃ ᐊᓂᑎᖔᓚᐅᖅᑕᖓ, “ᐊᑭᓯᕋ, ᐊᓂᓗᑎᑦ ᑕᑯᔭᖅᑐᓚᐅᕆᑦ ᑭᓇᐅᒻᒪᖔᖅ.” ᐊᓱᐃᓪᓛᓪᓕ ᕿᒻᒥᓂ ᑕᑯᔭᖅᑐᖅᑎᓕᖅᑐᓂᐅᒃ ᐅᑎᕋᒥ ᐅᖃᖅᑐᓂ, “ᐃᓄᑦᑕᖃᙱᑦᑐᖅ, ᓯᓂᑐᐃᓐᓇᖔᓕᕆᑦ.” ᐅᐊᑦᑎᐊᕈᐊᕐᔪᕈᓘᓕᕐᒥᑎᓪᓗᒍ ᓂᓪᓕᖅᑐᖃᒃᑲᓂᖅᑐᓂ, ᑲᐅᔾᔭᔾᔫᒃ! ᑲᐅᔾᔭᔾᔫᒃ! ᖃᐃᓚᐅᕆᑦ!” ᑭᐅᓪᓗᓂ ᑲᐅᔾᔭᔾᔪᒃ, “ᑲᑉᐱᐊᓱᒃᑲᒪ.” ᑲᐅᔾᔭᔾᔪᕐᓕ ᐊᓂᑎᑦᑎᖔᓕᕆᕗᖅ ᕿᒻᒥᒥᒃ ᐊᓪᓕᓂᕆᕙᑦᑕᖓᓐᓂ ᖃᐅᔨᒋᐊᖅᑐᖁᓪᓗᓂᐅᒃ. ᕿᒻᒥᖅ ᐅᑎᕋᒥ ᐅᖃᖅᑐᓂᓗ, “ᐱᑕᖃᙱᑦᑐᖅ.” ᑕᐃᓐᓇ ᓂᓪᓕᖃᑦᑕᖅᑐᖅ ᓂᓪᓕᑲᓐᓂᖅᑐᐊᓘᓪᓗᓂ ᕿᒦᓪᓕ ᑐᓵᙳᐊᖏᒻᒪᕆᓕᖅᑐᑦ. ᐊᓱᐃᓪᓛᓪᓕ, ᑲᐅᔾᔭᔾᔪᒧ ᓇᒻᒥᓂᖅ ᑕᑯᔭᖅᑐᓕᖅᑐᓂ ᑕᖅᑭᖅᑐᐊᓘᓪᓗᓂᓗ ᑕᑯᓕᓚᐅᖅᑕᖓ ᐊᖏᔪᓂ. ᑲᐅᔾᔭᔾᔫᑉ ᐊᖏᔪᐊ ᓄᓇᒨᕈᔾᔨᓪᓗᓂ ᐃᓐᓈᕈᐊᓗᒻᒧᑦ

ᑲᐅᔾᔭᔾᔪᒃ

14

ᐃᓄᓐᓄᑦ ᐅᐸᑦᑕᐅᓚᐅᖅᓯᒪᙱᑦᑐᒧᑦ. ᑕᑉᐸᐅᖔᓗᑐᐃᓐᓈᖅᑐᑎᒃ ᖄᓪᓚᕆᐊᓗᐊᓄᑦ. ᑲᐅᔾᔭᔾᔪᒃ ᑲᑉᐱᐊᓱᑦᑐᐊᓘᓕᖅᑐᓂᓗ. ᐊᖏᔪᐊ ᐅᖃᖅᑐᓂ, “ᑲᑉᐱᐊᓱᙱᓪᓗᑎᑦ, ᓄᑲᕋᓛᒃ. ᐃᓕᓐᓂᐊᖅᑎᒋᐊᖅᑐᕆᒃᑭᑦ ᓴᙵᑦᑎᒋᐊᖃᕋᕕᑦ ᐱᔪᓐᓇᓂᖅᑖᕐᓗᑎᓪᓗ ᓴᙱᔪᐊᓘᓕᕐᓂᐊᕋᕕᑦ. ᓈᓚᑦᑎᐊᕐᓂᐊᖅᑯᑎᑦ ᐊᓯᓐᓄᑦ ᐅᖃᑦᑕᐃᓕᑦᑎᐊᕐᓗᑎᓪᓗ, ᑕᑯᔅᓴᐅᖃᑦᑕᔾᔮᖏᓐᓇᒪᓕ ᑭᒃᑯᓕᒫᓄᑦ ᑭᓯᐊᓂᓕ ᑕᑯᔭᑐᐊᕆᔪᓐᓇᕐᓂᐊᕆᙵ.” ᑲᐅᔾᔭᔾᔪᓪᓕ ᐊᓱᐃᓪᓛᒃ ᐃᓕᒍᒪᑦᑎᐊᓕᖅᑯᖅ ᐊᖏᔪᒻᒥᓂᒃ. “ᓱᒋᐊᖃᖅᑯᖓ,” ᐊᐱᕆᓪᓗᓂ. ᐊᖏᔪᐊ ᐅᖃᖅᑐᓂ ᐅᔭᕋᓱᔾᔪᐊᓗᒻᒥᒃ ᐊᒃᑭᔅᓯᒋᐊᖃᕐᖓᑦ. ᑲᐅᔾᔭᔾᔪᒃ ᐱᔪᓐᓇᕐᓂᓕᒫᒻᒥᓂᒃ ᐊᒃᑭᔅᓯᓇᓱᐊᓕᖅᑐᒥᓂᖅ ᑭᓯᐊᓂ ᖁᐊᕈᑎᓯᒪᒻᒪᑦ ᐊᐅᓪᓚᔾᔭᖏᒻᒪᕆᑦᑐᖅ. ᐊᖏᔪᐊ ᐊᔅᓱᕈᒃᑲᓐᓂᖁᔨᓪᓗᓂ ᑲᐅᔾᔭᔾᔪᒥᒃ. ᑭᓯᐊᓂᓕ ᐊᔅᓱᕈᖅᑐᕐᔪᐊᕌᓘᒐᓗᐊᕐᖓᑦ ᑲᐅᔾᔭᔾᔪᒃ ᐊᐅᓪᓚᔾᔭᐃᔪᓐᓇᓚᐅᙱᒻᒪᕆᑦᑐᖅ. ᐊᖏᔪᐊ ᐃᐸᕋᐅᑎᕋᓛᖃᖅᑐᓂ ᐃᐸᕋᖅᓯᖃᑦᑕᓕᖅᑐᓂ ᑲᐅᔾᔭᔾᔪᒥᒃ. “ᐊᑏᓗᒃᑲᓐᓂᖅ,” ᐅᖃᖅᑐᓂ ᑲᐅᔾᔭᔾᔪᓪᓗ ᐱᒋᐊᒃᑲᓂᖅᑐᓂ. ᐊᒥᓱᐊᖅᑎᐊᓗᒃ ᑲᐅᔾᔭᔾᔪᒃ ᐊᒃᑭᔅᓯᒐᓱᖃᖅᑕᖅᑑᒐᓗᐊᖅ ᑭᓯᐊᓕ ᐊᒃᑭᕈᓐᓇᓚᐅᙱᑦᑕᖓ ᐊᖏᔪᐊᑕᓗ ᐃᐸᕋᐃᓐᓇᖅᑐᓂᐅᒃ ᐅᖃᐅᑎᕙᑦᑐᓂᐅᒃ, “ᐊᑏᓗᒃᑲᓐᓂ,” ᐊᓱᐃᓪᓛᓪᓕ ᑲᐅᔾᔭᔾᔪᒃ ᑲᑉᐱᐊᓱᓕᕋᒥ ᐃᐸᕋᖅᑕᐅᒃᑲᓐᓂᕆᐊᔅᓴᖅ ᐊᔅᓱᕈᖅᑐᕐᔪᐊᕌᓘᓕᖅᑐᓂ ᐊᒃᑭᑦᑖᓗᒋᕚ. “ᑕᐃᒪᑲᓚᐅᖅ. ᖃᐅᑉᐸ ᖃᐃᖁᓛᕆᕙᒋᑦ, ᐊᓂᖁᓕᕈᒃᑭᑦ ᐊᓂᓛᖅᑯᑎᑦ ᐃᓕᓐᓂᐊᖅᑎᑲᓐᓂᓛᕋᒃᑭᑦ.” ᐅᓐᓄᑕᒫᑦ ᑕᐃᒫᔅᓴᐃᓐᓇᖅ ᐊᖏᔪᐊᑕ ᐃᓕᓐᓂᐊᖅᑎᖃᑦᑕᖅᑐᓂᐅ ᐊᓱᐃᓪᓛᓪᓕ ᑲᐅᔾᔭᔾᔪᒃ ᓴᙱᔪᕈᖅᐸᓪᓕᐊᔪᐊᓗᑐᐃᓐᓇᐅᓪᓗᓂ. ᑭᓇᑐᐃᓐᓇᑦᑎᐊᕐᒧ ᐅᖃᓚᐅᙱᑦᑐᖅ ᓴᙵᑦᑎᓕᕋᓗᐊᕋᒥ ᖃᐅᑕᒫᑦ ᓱᓕ ᐃᓄᓐᓄᑦ ᓱᒃᑯᔨᐊᖑᖃᑦᑕᖅᑐᓂ. ᐊᓱᐃᓪᓛᓪᓕ, ᑲᐅᔾᔭᔾᔪᒃ ᐊᒃᑭᔅᓯᔪᐊᓘᓪᓗᓂ ᐅᔭᕋᖅᐸᔮᖑᓂᖅᐹᕐᒥᑦ ᐃᓐᓈᕈᕐᒥ ᐊᖏᔪᐊ

ᐊᑭᓂᕐᒧᑦ ᐅᓂᒃᑳᖅᑐᐊᑦ

15

ᖁᕕᐊᑦᑐᓂ. “ᓴᙱᑎᑦᑎᐊᖅᑯᑎᑦ ᓈᒻᒪᔅᓯᕗᑎᑦ,” ᐅᖃᖅᑐᓂ. “ᖃᐅᑉᐸᑦ, ᐃᔨᖅᓯᒪᓛᖅᑯᑎᑦ ᓇᓄᕐᔪᐊᕌᓗᓐᓂᒃ ᐱᖓᓱᓂᒃ ᓄᓇᔅᓯᓐᓅᖅᑐᖃᓛᕐᖓᑦ.” ᐅᓪᓛᕌᓗᒃᑯᑦ, ᑕᐃᒫᒃ ᐅᖃᐅᔾᔭᐅᓚᐅᕋᒥ, ᐱᖓᓱᐊᓗᓐᓄᑦ ᓇᓄᐊᓗᓐᓄᑦ ᑳᑦᑐᐊᓗᓐᓄᑦ ᑎᑭᕌᖅᑕᐅᓪᓗᑎᒃ ᓂᕿᔅᓴᖅᓯᐅᖅᑐᓂᒃ. ᐊᖑᑎᓕᒫᑦ ᖁᕕᐊᑦᑐᑎᒃ ᐅᓪᓚᔅᓴᕋᓕᖅᑐᑦ ᓱᒋᐅᑎᓯᐅᖅᑐᑎᒃ. ᐅᖅᓱᑲᓪᓚᕈᓗᓐᓂᒃ ᓇᕆᐊᖃᖅᑐᑎᒃ ᑭᓯᐊᓂᓕ ᓇᓄᕐᓄᑦ ᓇᐃᔭᐅᑐᐃᓐᓇᖅᑐᑎᒃ ᓂᕆᔭᐅᙱᑦᑎᐊᖅᑐᑦ. ᐊᕐᓇᐃᓪᓗ ᖃᐃᒐᓛᖅᑐᐊᓘᓕᖅᑐᑎᒃ. “ᓇᕆᐊᕐᓂᒃ ᓂᕆᙱᑦᑐᐊᓗᐃᑦ. ᓇᐅᓕ ᑲᐅᔾᔭᔾᔪᒃ? ᕿᓂᖅᑕᐅᓚᐅᕐᓕ! ᓇᕆᐊᕆᓚᐅᕐᓚᕗᑦ ᓇᓄᕐᓄᑦ.” ᓇᒥᓕᒫᑦᑎᐊᖅ ᕿᓂᖅᑕᐅᓕᕋᓗᐊᕐᖓᑦ ᑲᐅᔾᔭᔾᔪᒃ ᓇᓂᔭᐅᙱᑦᑐᖅ. ᐃᓄᐃᑦ ᑲᑎᑦᑐᐃᓐᓈᓘᓪᓗᑎᒃ ᑕᑯᓐᓇᖅᑐᑎᒃ ᐱᖓᓱᐊᓗᓐᓂᒃ ᓇᓄᐊᓗᓐᓂᒃ ᑕᑯᔭᐅᒐᓂ ᑲᐅᔾᔭᔾᔪᒃ ᐅᓪᓚᑦᑐᐊᓘᑎᓪᓗᒍ ᐃᔨᕆᐊᖅᑐᓵᖅᑐᖅ ᐊᖑᑏᑦ ᓴᓂᐊᓄᑦ. ᑲᐅᔾᔭᔾᔪᒃ ᐊᒃᑭᓯᓪᓗᓂ ᐊᖑᒻᒥᒃ ᐅᐃᔾᔮᑎᑦᑐᓂᐅᒃ ᐅᔭᕋᖅᑎᑐᑦ ᐃᒋᑦᑕᖅᑳ ᓇᓄᕐᓄᑦ ᑳᑦᑐᐊᓗᓐᓄᑦ. ᐊᑕᐅᓯᐅᓈᖅᑎᖅᑐᒋᑦ ᑲᐅᔾᔭᔾᔫᑉ ᐊᒃᑭᖃᑦᑕᖅᑐᓂᒋᒃ ᐃᒋᖃᑦᑕᖅᑕᒥᓂᖏᑦ ᓇᓄᕐᓄᑦ ᑕᐃᒃᑯᐊ ᐋᓐᓂᖅᑎᕆᖃᑦᑕᖅᑐᒥᓃᑦ ᑲᐅᔾᔭᔾᔪᒥᒃ. ᐱᓯᔅᓯᑦᑕᐅᒐᓱᐊᕋᓗᐊᕐᖓᑦ ᓱᙳᐊᙱᑦᑎᐊᖅᑐᓂᒃ ᑲᑕᒐᑐᐃᓐᓇᖅᑐᖅ ᖃᕐᔪᐃᑦ ᓄᓇᒧᑦ. ᑲᐅᔾᔭᔾᔪᒃ ᓴᙱᔪᐊᓘᓕᖅᑐᓂᒃ ᐱᔪᓐᓇᖅᑐᐊᓘᓕᖅᑐᓂᓗ. ᐃᓄᓕᒫᑦ ᐱᑦᑎᐊᖃᑦᑕᓂᙱᑦᑐᓕᒫᑦ ᑲᐅᔾᔭᔾᔪᒥᒃ ᑐᖁᓪᓗᑎᒃ ᑐᖁᔪᐃᓐᓇᐅᒌᕐᖓᑕ ᓇᓄᐃᑦ ᐃᑲᔪᖅᑎᖏᑦ ᕿᒪᔅᓯᓪᓗᑎᒃ. ᑎᓴᒪᓂᒃ ᐊᕐᓇᓂᒃ ᑐᖁᑕᐅᒃᑲᐃᓚᐅᙱᑦᑐᖅ ᑲᐅᔾᔭᔾᔪᒃ ᒪᕐᕉᒃ ᐊᖏᔪᒥᓅᖅᑐᓂᒋᒃ ᓄᓕᐊᖅᑖᕆᓂᐊᓕᕋᒥᒋᒃ, ᑕᐃᒃᑯᐊ ᐃᔨᕋᖅᑐᖅᑐᑎᒃ ᓂᕆᑎᑦᑎᖃᑦᑕᓚᐅᖅᑐᑦ ᑲᐅᔾᔭᔾᔪᒥᒃ. ᐊᐃᑉᐸᖏᓪᓕ ᒪᕐᕉᒃ ᐊᕐᓈᒃ ᑕᐸᓱᐃᓐᓇᖃᑦᑕᖅᑐᐊᓘᓚᐅᖅᑑᒃ ᑲᐅᔾᔭᔾᔪᒥᒃ ᓄᓕᐊᖅᑖᕆᓪᓗᓂᒋᒃ. ᒪᕐᕉᓪᓕ ᐊᖏᔪᐊᑕ ᓄᓕᐊᖅᑖᕆᓚᐅᖅᑕᖏᑦ ᐱᑦᑎᐊᖅᑕᐅᕙᑦᑐᑎᒃ ᑭᓯᐊᓂᓕ ᑲᐅᔾᔭᔾᔫᑉ ᓄᓕᐊᖅᑖᖏᒃ ᐱᑦᑎᐊᖅᑕᐅᒐᑎᒃ.

ᑲᐅᔾᔭᔾᔪᒃ

1�

ᑲᐅᔾᔭᔾᔪᒃ ᐋᓐᓂᖅᑎᖃᑦᑕᖅᑐᓂᒋᒃ ᐋᓐᓂᖅᑎᕈᓐᓇᖅᓯᑐᐊᕋᐃᒐᒥᒋᒃ. ᐋᓐᓂᑎᑦᑕᐅᑦᑕᐃᓕᒪᓇᓱᐊᖅᑐᑎᒃ ᓄᓕᐊᖏᒃ ᐱᐅᓂᖅᓴᐅᒐᓱᖃᑦᑕᒻᒪᕆᓚᐅᖅᑑᒃ ᑲᐅᔾᔭᔾᔪᒧᑦ. ᓂᕆᔪᒪᓕᕋᐃᒻᒪᑦ ᐅᓪᓚᔅᓴᕋᒻᒪᕆᖅᐸᑦᑑᒃ ᓄᓕᐊᖏᒃ ᐱᔨᑦᑎᕋᓱᑦᑐᑯᓗᐊᐲᒃ. ᑲᐅᔾᔭᔾᔪᕐᓕ ᐋᓐᓂᖅᑎᕆᕙᑦᑐᓂ ᑭᖑᓪᓕᖅᐹᕈᓗᒻᒥᑦ ᐊᐃᕕᐅᑉ ᑑᒑᖏᓐᓄᑦ. ᐅᕝᕙᓘᓐᓃᑦ ᐊᐱᕆᒐᐃᒻᒪᑦ, “ᓇᐅᓕ ᐱᕐᕋᖅᓯᒍᑏᒃ ᕿᔫᒃ?” ᖃᐃᑦᑎᖅᑳᖅᑐᖅ ᐋᓐᓂᑎᖅᑕᐅᒐᓂ ᑕᐃᓐᓇᓕ ᓇᓂᓯᙱᑦᑐᖅ ᐋᓐᓂᑎᖅᑕᐅᓪᓗᓂ. ᑲᐅᔾᔭᔾᔪᒃ ᐊᔅᓱᐊᓗᒃ ᐋᓐᓂᖅᑎᕆᖃᑦᑕᖅᑐᒥᓂᐅᒻᒪᑦ ᓄᓕᐊᖏᓐᓂᒃ ᐅᓗᐊᕈᓗᖏᑦ ᐊᖏᔪᐊᓘᓕᒻᒪᕆᑦᑐᑎᒃ ᐋᓐᓂᑎᖅᑕᐅᓗᐊᒧᑦ. ᐃᓚᖏᑦ ᐅᓂᒃᑳᖃᑦᑕᖅᑐᑦ ᑲᐅᔾᔭᔾᔪᒎᖅ ᑐᖁᑦᑎᓚᕿᓕᖅᑐᒥᓂᖅ ᓄᓕᐊᖏᓐᓂ ᐊᖏᕐᕋᑦᑕᓕᖅᑯᖅ ᐊᓯᕙᖅᑎᒻᒪᕆᐅᓕᖅᑐᓂ. ᐃᓚᖏᓪᓕ ᐅᓂᒃᑳᖃᑦᑕᓲᑦ ᑐᖁᑕᒥᓂᐅᒋᐊᖓ ᑲᑉᐱᐊᒋᔭᐅᓗᐊᒧᑦ ᓴᙱᔪᐊᓘᓂᖓᓐᓄᑦ. ᑭᓯᐊᓂᓕ ᐅᐊᑦᑎᐊᕈᐊᓗᒃ ᑕᒪᓐᓇ ᑕᐃᒪᐃᓕᓚᐅᖅᓯᒪᒻᒪᑦ ᖃᐅᔨᒪᔭᐅᓪᓚᕆᙱᑦᑐᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 1

1�

ᐊᑦᑎᐊᕈᐊᓘᓚᐅᖅᓯᒪᔪᖅ ᐃᓄᑦᑕᖃᓚᐅᖅᓯᒪᔪᖅ ᓄᓇᖃᖅᑐᑎᒃ ᓯᔾᔭᐅᑉ ᖃᓂᒋᔭᖓᓂ. ᐅᐱᕐᖓᓵᒃᑯᒡᒎ, ᐊᐳᑦ ᐊᐅᓕᕋᐃᒻᒪᑦ, ᐃᓄᓕᒫᑦ ᐊᖅᓴᖃᖅᑕᖅᑐᒥᓃᑦ

ᖁᕕᐊᓱᑦᑎᐊᖅᑐᑎᒃ. ᐊᑕᖏᑦᑎᐊᖅᑐᑎᒃ, ᑭᓯᐊᓂᓕ ᐊᑕᐅᓯᖅ ᓄᑲᑉᐱᐊᖅ, ᐱᖃᑕᐅᖃᑦᑕᓚᐅᙱᑦᑐᖅ, ᐱᖃᑕᐅᔪᒪᑦᑎᐊᕋᓗᐊᖅᑐᓂ ᑕᑯᕋᓐᓈᑐᐃᓐᓇᖃᑦᑕᓚᐅᖅᑐᖅ ᑲᑉᐱᐊᓱᑦᑐᓂ ᐱᖃᑕᐅᔭᕆᐊᖓ. ᑖᓐᓇ ᓄᑲᑉᐱᐊᑯᓗᒃ ᓂᖏᐅᕐᒥᓂᐅᑕᐅᓚᐅᖅᑐᖅ ᐊᑭᐊᓂ. ᐱᙳᐊᖃᑕᐅᓚᐅᕋᐃᒻᒪᑦ, ᐋᓐᓂᖅᑕᐅᖃᑦᑕᖅᑐᓂ ᑎᓪᓘᓴᓕᖃᑦᑕᖅᑐᓂᓗ ᐊᓐᓄᕌᖏᓪᓗ ᐊᓕᑦᑐᖅᑕᐅᕙᑦᑐᑎᒃ ᐊᖑᑎᐊᓗᓐᓄᑦ ᐃᓐᓇᕐᓂᑦ. ᓂᖏᐅᖓ ᐊᓯᕙᖅᑎᖃᓚᐅᙱᒻᒪᑦ, ᒥᖅᓱᖃᑦᑕᕆᐊᖃᓚᐅᖅᑐᖅ ᐊᒡᒍᐊᖅᑎᕆᓪᓗᓂ ᐃᕐᖑᑕᖓᑕ ᐊᓐᓄᕌᖏᓐᓂ ᐊᓕᑦᑐᖅᑕᐅᕙᑦᑐᓂᒃ. ᐊᑯᓂᐊᓗᒃ ᑕᐃᒪᐃᓕᐅᖅᑕᐅᖃᑦᑕᐃᓐᓇᕐᖓᑦ ᐊᓱᐃᓪᓛᓪᓕ ᓱᒋᐊᕈᒪᓕᖅᑐᒥᓂᖅ. ᐃᕐᖑᑕᓂ ᑎᓕᓪᓗᓂᐅᒎᖅ ᓄᓇᓕᒻᒨᖁᔭᖓ ᕿᓂᕆᐊᖁᓪᓗᓂᐅᒃ ᕿᓯᒥᓂᕐᓂᒃ ᐃᓕᕐᓂᑯᓂᓪᓘᓐᓃᑦ, ᕿᓯᖁᑎᖃᕈᓐᓃᕐᖓᑦ ᐊᒡᒍᐊᖅᓯᔾᔪᑎᔅᓴᓂᒃ. ᓄᑲᑉᐱᐊᑯᓗᒃ ᓇᓂᓯᓪᓗᓂ ᕿᓯᒥᓂᕐᒥᒃ ᓇᑦᑎᐅᑉ ᓂᐊᖁᒥᓂᖓᓐᓂᒃ ᐊᓱᐃᓪᓛᓪᓕ ᓂᖏᐅᕐᒥᓅᕈᑎᓕᖅᑐᓂᐅᒃ. ᓂᖏᐅᖓ ᕿᓯᑲᓪᓚᕈᓗᓐᓂᒃ ᑲᑎᖅᓱᐃᓕᖅᑐᒥᓂᖅ ᑕᓯᓯᖅᑐᓂᐅᒃ ᓈᒻᒪᒋᓕᕐᖓᒍ ᑭᓯᐊᓂ ᓄᑲᑉᐱᐊᑉ ᓄᖅᑲᐅᑎᓪᓗᓂᐅᒃ, ᓂᐊᖁᖓᓂᑦ ᑕᐅᓄᖓ ᐳᑐᒍᖓᓄᑦ ᓈᒻᒪᓯᒻᒪᑦ. ᐊᑎᓯᑎᑦᑎᐊᖅᑐᓂᐅᒃ ᓄᑲᑉᐱᐊᖅ ᑕᓕᖏᒃ ᐊᐃᖅᑐᓂᒋᒃ ᑕᓕᕈᖏᓐᓄᑦ ᕿᓯᐅᑦ ᐊᓱᐃᓪᓛᓪᓕ ᓇᑦᑎᐊᕈᓘᔮᓕᖅᑐᓂ. ᓇᑎᕐᒥ, ᕿᑎᓪᓗᐊᖓᓂ ᑐᐱᐅᑉ, ᐊᒻᒪᔪᖅᑕᖃᓚᐅᕐᖓᑦ ᐊᐅᑉᐸᓪᓕᐊᔪᑦ ᐊᐳᑦ ᑕᒪᐅᖓ ᑰᒐᓛᑦᑐᑎᑦ. ᓵᑦᑐᔮᕐᒥᒃ ᐅᔭᕋᕐᒧᑦ ᒪᑐᓯᒪᓪᓗᓂ ᑕᐃᓐᓇ ᐊᒻᒪᓂᖅ. ᓂᖏᐅᖓ, ᐊᖓᒃᑰᓪᓗᓂ, ᓄᑲᑉᐱᐊᕐᒥᒃ ᐊᒻᒪᓂᕐᒨᖅᓯᓪᓗᓂ ᐊᓱᐃᓪᓛᓪᓕᒎᖅ ᔭᒐᑉᐳᖅ, ᑭᓯᐊᓂᓕ ᐳᐃᖔᓕᖅᑐᓂ ᑲᖏᖅᑐᒧᑦ ᐃᓄᐃᑦ ᓄᓇᖓᓐᓄᑦᑎᐊᖅ

ᐅ

ᐊᑭᓂᕐᒧᑦ ᐅᓂᒃᑳᖅᑐᐊᑦ

1�

ᐳᐃᓪᓗᓂ. ᐳᐃᖃᑦᑕᖅᑐᓂ ᐊᖅᑲᖃᑦᑕᖅᑐᓂᓗ ᐃᒪᕐᒥ ᐃᓄᐃᓪᓗ ᑕᑯᒐᒥᒃ ᑲᒪᒻᒪᕆᓕᖅᑐᒥᓃᑦ ᓇᑦᑎᐊᕈᓗᑦᑕᖃᕆᐊᖓ ᓯᔾᔭᐅᑉ ᖃᓂᒋᔭᖓᒎᑦᑎᐊᖅᑐᓂ. ᐊᓱᐃᓪᓛᓪᓕ ᐊᖑᑏᑦ ᐅᓪᓚᔅᓯᔪᐊᓘᓪᓗᑎᒃ ᖃᔭᖏᓐᓄᑦ. ᓇᑦᑎᐊᕈᒪᒐᒥ. ᓂᖏᐅᖓ ᑐᓵᖃᑦᑕᖅᑐᓂᐅᒃ ᐊᐃᑉᐸᕆᙱᒃᑲᓗᐊᖅᑎᓪᓗᓂᐅᒃ, ᓄᑲᑉᐱᐊᖅ ᐳᐃᔾᔪᖅᑐᓂ ᐃᒪᕕᒻᒧᑦ ᓇᐅᓕᑦᑕᐅᓂᐊᙱᒻᒪᑦ ᐊᓯᕙᖅᑎᓄᑦ. ᖃᓪᓕᒐᐃᒻᒪᑕ, ᐊᖅᑲᖃᑦᑕᖅᑐᓂ, ᐳᐃᑦᑕᓕᕆᕗᖅ ᐅᖓᓯᑦᑐᒧᑦ. ᐳᐃᔾᔪᖅᑎᓪᓗᒍ, ᓄᑲᑉᐱᐊᖅ ᓂᖏᐅᖓᑕ ᐅᖃᐅᓯᖏᓐᓂ ᒪᓕᑦᑐᓂ. ᐅᖃᐅᔾᔨᓪᓗᓂ, “ᐃᖏᕐᕋᑐᐃᓐᓇᕆᑦ ᑭᓯᐊᓂ ᐅᖓᓯᑦᑐᐊᓘᓕᕈᕕᑦ. ᑕᓕᕈᕐᓄᑦ ᐃᒪᕐᒥᒃ ᐸᑦᑕᓐᓂᐊᖅᑯᑎᑦ ᐅᖓᓯᓪᓕᒍᕕᑦ ᐅᖃᕐᓗᑎᓪᓗ, “ᐅᖔ, ᐅᖔ, ᐊᐃᑉᐸᕋᓕ? ᐃᓚᒐ ᓇᐅᒃ? ᓯᓚᒐ ᓇᐅᒃ?”’ ᓄᑲᑉᐱᐊᒃ ᓈᓚᑦᑐᓂ ᓂᖏᐅᕐᒥᓂᒃ ᐊᑯᓂᐅᙱᑦᑐᖅ ᐅᖃᕋᑖᑦᑎᐊᖅᑎᓪᓗᒍ ᐊᓄᕆᓕᖅᐸᓪᓕᐊᓪᓗᓂ, ᒪᓪᓕᓕᖅᐸᓪᓕᐊᓪᓗᓂᓗ, ᖃᓐᓂᖅᑐᐊᓘᓕᖅᑐᓂᓗ. ᐊᓯᕙᖅᑏᑦ ᓇᓗᓕᖅᑎᐊᖅᑐᑎᒃ ᑕᑯᔪᓐᓇᐃᓪᓕᓪᓗᑎᓪᓗ ᓇᑦᑎᙳᐊᖑᖅᑲᐅᔪᒥᒃ ᑕᐃᓐᓇᓕ ᓯᔾᔭᒧᑦ ᐅᑎᖅᑎᐊᖅᑐᒥᓂᐅᓪᓗᓂ, ᕿᒪᑦᑐᓂᒋᑦ ᐊᓯᕙᖅᑏᑦ. ᐊᓯᕙᖅᑏᑦ ᖃᔭᖅᑐᕋᓱᐊᖅᑐᑎᒃ ᐊᔅᓱᕈᓕᖅᑐᒥᓃᑦ ᐅᑎᕋᓱᐊᕋᓗᐊᖅᑐᑎᒃ ᓄᓇᒻᒥᓄᑦ ᑭᓯᐊᓂᓕ ᐊᓄᕆᐊᓗᒻᒧᑦ ᒪᓕᐊᓗᓐᓄᓪᓗ ᐅᖓᓯᓪᓕᕙᓪᓕᐊᑐᐃᓐᓇᓕᖅᑐᒥᓃᑦ. ᐃᓚᖏᑦ ᖃᔭᐅᓪᓗᑎᒃ ᐃᒫᕋᒥ ᐃᐱᓪᓗᑎᒃ. ᒪᕐᕉᒃ ᐊᖑᑏᒃ ᐱᖃᓗᔭᐅᑉ ᐅᖓᑖᓅᖅᑐᒥᓃᒃ ᕿᒫᓪᓗᑎᒃ ᐊᓄᕆᐊᓗᒻᒥᒃ ᒪᓕᐊᓗᓐᓂᓪᓗ. ᐊᐃᑉᐸᖓ ᓇᑦᑎᕐᒥᓂᑦ ᐊᑎᓯᓵᕋᓱᒃᑲᓗᐊᖅᑐᓂ ᑭᓯᐊᓂᓕ ᖃᔭᐅᒻᒪᑦ ᐃᐱᕗᖅ. ᐊᓐᓇᒐᓱᐊᕋᓗᐊᖅᑐᓂᐅᒃ ᐱᖃᑎᖓᑦᑕ ᑭᓯᐊᓂᓕᑦᑕᐅ ᐃᒫᕋᒥ ᓂᓪᓕᓇᖅᑐᐊᓗᒻᒧᑦ ᑐᖁᒋᓪᓗᓂ. ᐊᑕᐅᓯᕐᓕ, ᓴᐱᓕᕐᓂᖏᑦᑐᖅ ᐊᓄᕆᐊᓗᒻᒥᒃ ᒪᓕᐊᓗᓐᓂᓪᓗ. ᑕᐃᓐᓇᓕ ᑭᕕᐅᕐᒥᒃ ᐊᑎᖃᓚᐅᖅᑐᖅ ᐃᓚᖃᖅᑐᓂ ᑭᓱᖁᑎᖏᓐᓂᒃ. ᐊᑖᓂ ᖃᔭᖓᑕ ᓇᓄᐊᓗᒃᑕᖃᓚᐅᖅᑐᖅ ᓂᓪᓕᐊᔪᐊᓘᓪᓗᓂ

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

20

ᓯᓚᑲᒻᒪᒧᑦ ᐊᒻᒪᓗ ᑭᖑᓂᑦᑎᐊᖓᓂ ᖁᐸᓄᐊᑯᓗᒻᒥᒃ ᓂᓪᓕᐊᔪᖃᖅᑐᓂ. ᑭᕕᐅᖅ ᒪᓕᐊᓗᒻᒧᑦ ᑎᑭᑕᐅᓕᕋᐃᒻᒪᑦ ᖃᐃᒐᓪᓚᖃᑦᑕᖅᑐᒥᓂᖅ, “ᑕᐃᑲ ᓄᓇ. ᑕᐅᕙ ᓯᔾᔭ.” ᑕᐃᒫᒃ ᓂᓪᓖᓐᓇᖃᑦᑕᖅᑐᓂ ᑭᓯᐊᓂᓕ ᓄᓇᖃᕈᓐᓃᖃᑦᑕᖅᑐᒥᓂᖅ. ᐊᓄᕆᔪᐊᓘᑎᓪᓗᒍ ᓱᓕ ᒪᓪᓕᐊᓗᐃᓪᓗ, ᑭᕕᐅᖅ ᐊᖑᐊᖅᑐᖅᐹᓘᒐᓱᒃᑲᓗᐊᖅᑐᓂ. ᖃᔭᕐᒥᓂᒃ ᐊᑯᓂᐊᓘᖅᑐᑯᓗᐊᐱᒃ ᐊᓪᓛᑦ ᑕᑕᐸᓗᒻᒪᕆᓕᖅᑐᒥᓂᖅ ᐃᑎᕈᕐᒥᓂᒃ. ᐊᓱᐃᓪᓛᓪᓕ ᑭᕕᐅᖅ ᐃᒃᑲᑐᔅᓯᐊᑦᑕᓕᕐᓂᖅᑯᖅ ᓄᓇᓯᐊᖅᑐᓂᓗ. ᑕᖃᔪᖅᐹᓘᓪᓗᓂᓗ ᖃᔭᓂ ᑐᓚᑦᑎᑐᐃᓐᓇᖅᑐᓂᐅᒃ ᓄᓈᖅᑐᓂ. ᑭᕕᐅᖅ ᐃᐱᙱᕈᓘᔭᖅᑐᓂ ᐅᐱᓐᓇᕋᓂᓕ ᒥᑕᐅᑎᔅᓴᖃᑦᑕᓚᐅᕐᓂᖏᑦᑐᖅ ᐃᓕᐊᕐᔪᕐᒥᒃ ᐊᓯᖏᓪᓕ ᑕᐃᒪᐃᖃᑦᑕᓚᐅᖅᓯᒪᒻᒪᑕ. ᑭᕕᐅᑉ ᖃᔭᓂ ᑯᕕᓪᓗᓂᐅᒃ ᑯᔾᔭᑎᑦᑐᓂᐅᒃ ᓯᔾᔭᒥ ᐸᓂᖅᓯᕐᓂᐊᓕᕐᖓᑦ. ᓇᓪᓚᖅᑐᓂ ᑕᒫᓂᑐᐃᓐᓇᖅ ᓯᔾᔭᒥ ᓯᓐᓇᕆᔅᓯᑦᑕᐅᑎᒋᑲᓴᑦᑎᐊᖅᑐᓂ. ᑕᐃᒪᓕ, ᓯᓂᑦᑎᓪᓗᒍ ᑐᓵᓕᕐᒥᔪᖅ ᖃᐃᒐᓛᖅᑐᒥᑦ, “ᐃᖅᑯᒻᒪᓚᐅᕆᑦ, ᖃᐃᓵᕆᑦ, ᖃᔭᐃᑦ ᓴᕝᕙᐅᓕᕐᖓᑦ ᐅᓕᓐᓂᒧᑦ!” ᑭᕕᐅᖅ ᕿᓚᒥᐊᓗᒃ ᒪᑭᑦᑐᓂ ᖃᔭᕐᒥᓂᒃ ᑕᑯᓕᕆᕗᖅ ᓴᕐᕙᐅᕙᓪᓕᐊᖑᔮᕐᔪᖅᑐᒥᑦ. ᑭᕕᐅᕐᓕ ᐅᓪᓚᓯᑦᑕᐅᑎᒋᓪᓗᓂ ᖃᔭᓂ ᓄᓈᖅᑎᓕᓚᐅᖅᑕᖓ, ᐸᕐᓇᑦᑎᐊᓕᖅᑐᓂᐅᓪᓗ. ᕿᑭᖅᑕᒦᒃᑲᒥ ᐊᖏᕐᕋᕈᒪᓕᕐᓂᕐᖓᑦ ᐊᓱᐃᓪᓛᓪᓕ ᐸᕐᓇᓯᓪᓗᓂ ᑭᓯᐊᓂ ᓂᐱᒥᒃ ᑐᓵᒃᑲᓐᓂᓕᖅᑐᓂ “ᐃᔾᔨᓯᒪᒐᒪ ᐲᕆᐊᖅᑐᓚᐅᕈᒃ,” ᐅᖃᖅᑐᓂ. ᑭᕕᐅᕐᓕ ᕿᓂᓕᕋᓗᐊᕋᒥ ᓇᓂᓯᒍᓐᓇᓂᙱᑦᑐᖅ. ᐱᓱᕋᔭᒻᒪᕆᓕᖅᑐᖅ ᕿᓂᖅᑐᓂ ᑭᓯᐊᓂᓕ ᓇᓂᓯᙱᑦᑎᐊᖅᑐᒥᓂᖅ. ᖃᖅᑲᓕᐊᕈᒪᓕᖅᑐᒥᓂᖅ ᑕᑯᓇᓱᑦᑎᐊᕐᓂᐊᕋᒥ. ᑭᕕᐅᖅ ᑐᓵᒃᑲᓐᓂᓕᕆᓪᓗᓂ ᓂᐱᒥᒃ ᑕᐃᒫᔅᓴᐃᓐᓇᖅ ᐅᖃᐅᔾᔨᔪᒥᒃ, “ᐃᔾᔨᓯᒪᒐᒪ ᐲᕆᐊᖅᑐᓚᐅᕈᒃ.” ᑕᐃᓐᓇᓴᐃᓐᓇᐅᔮᖅᑐᖅ ᐅᖃᐅᔾᔨᖅᑲᐅᔪᖅ ᖃᔭᖓᑦᑕ ᒥᔅᓵᓄᑦ. ᑭᕕᐅᕐᓕ ᑕᑯᑦᑕᓕᕆᕗᖅ ᓴᐅᓂᕐᒥᒃ ᑭᐊᓯᒥᓂᕐᒥᒃ ᓇᑦᑎᕐᒧᑦ ᓄᓇᒦᑦᑐᒥᒃ, ᓯᐅᕋᕐᒧᑦ ᓴᐅᔭᐅᓯᒪᕈᔪᑦᑐᒥᒃ. ᑎᒍᓪᓗᓂᐅᒃ ᓴᓗᒻᒪᓕᖅᑕᒥᓂᖓ

ᐊᑭᓂᕐᒧᑦ ᐅᓂᒃᑳᖅᑐᐊᑦ

21

ᐃᔾᔪᐃᓐᓇᕈᔫᓪᓗᓂ ᓯᐅᕋᕈᔫᓪᓗᓂᓗ ᓴᐅᓂᖅ. ᐃᓕᒃᑲᓂᖅᑐᓂᐅᒃ ᐃᓂᒋᖅᑲᐅᔭᖓᓐᓄᑦ ᖃᔭᕐᒥᓅᓕᖅᑐᒥᓂᖅ. ᑭᕕᐅᖅ ᐃᓚᖏᓐᓅᕈᒪᓪᓚᕆᓕᖅᑐᓂ ᖃᔭᖓ ᐃᒫᖅᑐᓂᐅᒃ ᐊᓱᐃᓪᓛᓪᓕ ᕿᑭᖅᑕᒥᑦ ᐊᐅᓪᓚᓕᕐᓂᖅᑯᖅ. ᐃᖏᕐᕋᓯᕋᑖᖅᑎᐊᖅᑐᓂ ᑭᕕᐅᖅ ᓂᐱᒥᒃ ᑐᓴᒃᑲᓐᓂᓕᕐᓂᕐᒥᔪᖅ. “ᐃᑲᔪᓚᐅᙵ, ᐃᑲᔪᕆᐊᓚᐅᙵ. ᑎᒍᓚᐅᙵ,” ᑎᒍᔭᐅᔪᒪᑦᑎᐊᖅᑐᓂ. ᑭᕕᐅᖅ ᕿᓂᓕᕋᒥ ᓇᓂᓯᔪᒥᓂᖅ ᐊᕕᙵᕋᓛᕈᓗᒻᒥᒃ ᐃᒫᖅᓯᒪᔪᒥᒃ. ᐃᒫᕐᓂᕋᒥ ᓄᓈᕋᓱᐊᒡᒐᖅᑐᒥᓂᐅᒐᓗᐊᖅ ᓄᓈᕈᓐᓇᓂᙱᑦᑐᖅ. ᑭᕕᐅᖅ ᓇᓪᓕᒍᓱᓕᕋᒥ ᐊᕕᙵᕐᒥᒃ ᑎᒍᓪᓗᓂᐅᒃ ᐃᒪᕐᒥᑦ ᓄᓈᖅᑕᒥᓂᖓ. ᑭᕕᐅᕐᓕ ᐊᓱᐃᓪᓛᒃ ᐊᐅᓪᓚᑦᑕᓯᓐᓇᓕᖅᑐᓂ ᕿᑭᖅᑕᒥᑦ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 2

24

ᕕᐅᖅ ᐊᖑᐊᖅᑐᓂ ᐅᖓᓯᑦᑐᐊᓗᒻᒧᑦ ᕿᑭᖅᑕᒦᙶᖅᑐᓂ ᖃᓄᖅ ᐊᖏᕐᕋᓂᐊᕐᒪᖔᕐᒥ ᖃᐅᔨᒐᓱᐊᖅᑐᓂ. ᐊᑯᓂᐊᓗᒎᖅ ᑕᑯᓚᐅᖅᓯᒪᒐᓂ ᑭᓱᑐᐃᓐᓇᕐᒥᒃ

ᑭᓯᐊᓂᓕ ᐃᒪᕕᐊᓗᑐᐃᓐᓇᕐᒥᒃ ᐊᓱᐃᓪᓛᓪᓕᒎᖅ ᐅᖓᓯᑦᑐᐊᓗᒻᒥ ᓄᓇᓯᐊᓕᖅᑐᒥᓂᖅ. ᐸᓂᖅᑐᒨᕈᒪᓪᓕᓪᓚᕆᓕᖅᑐᓂ ᓄᓈᕈᒪᓪᓚᕆᓕᖅᑐᒥᓂᖅ ᐊᓱᐃᓪᓛᓪᓕ ᑐᓚᑦᑐᓂ, ᖃᔭᕐᒥᓂᒃ ᐊᒧᓯᓪᓗᓂ ᕿᒥᕐᕈᕈᓘᔭᓕᖅᑐᒥᓂᕉᖅ ᓄᓇᒥᒃ. ᐊᓱᐃᓪᓛᓪᓕ ᑐᐱᖅᓯᐊᖅᑐᓂᖅ ᕿᓯᒻᒥᒃ. ᑭᕕᐅᖅ ᑕᑯᔭᖅᑐᓕᖅᑐᓂ ᑭᓱᑕᖃᕐᒪᖔᖅ. ᖃᐅᔨᒪᑦᑎᐊᕋᓱᑦᑐᓂ ᑐᐱᕐᒨᓕᖅᑐᒥᓂᖅ ᑕᑯᔭᖅᑐᖅᑐᓂ. ᐊᒻᒪᓂᖅᑕᖃᖅᑐᓂ ᓴᓂᕌᓂ ᑐᐱᐅᑉ ᑕᑯᒋᐊᓕᖅᑐᒥᓂᖅ. ᐃᓗᐊᓂ, ᐊᕐᓇᖅᐸᔮᕌᓗᒻᒥᒃ ᑕᑯᓚᐅᖅᑐᖅ ᓴᓗᒻᒪᖅᓴᐃᔪᖅ ᐃᓄᒥᓂᐅᑉ ᐅᕕᓂᖓᓂ ᕿᓯᑦᑎᑐᑦ ᓴᓗᒻᒪᓴᖅᑐᓂᐅᒃ. ᑭᕕᐅᕐᓕ ᐊᔅᓱᐊᓗᒃ ᑕᑕᒥᑦᑐᒥᓂᖅ. ᑭᕕᐅᖅ ᐅᕆᓗᖃᑦᑕᓕᖅᑐᒥᓂᖅ ᖃᐅᔨᒃᑲᐃᓇᓱᐊᖅᑐᓂ ᐊᕐᓇᕐᒥᒃ ᑭᓯᐊᓂᓕ ᐊᕐᓇᖅᐸᔮᕌᓗᒃ ᓯᕗᓪᓕᖅᐹᒥ ᖃᐅᔨᙳᐊᓚᐅᙱᑦᑐᖅ. ᑭᕕᐅᖅ ᐅᕆᓗᐃᓐᓇᖃᑦᑕᖅᑐᓂ ᐊᕐᓇᖅᐸᔮᕐᒧᑦ ᕿᕕᐊᕋᓂᓘᓐᓃᑦ ᐊᕐᓇᖅ ᐅᖃᖅᑐᐊᓘᓕᕆᓪᓗᓂ, “ᑯᑐᖅᐸᖏᑦᑐᖅ ᑯᑐᓕᖅᑐᓂ.” ᐊᕐᓇᖅ ᕿᕕᐊᖅᑐᓂ ᑭᕕᐅᕐᒧᑦ ᑭᓯᐊᓂᓕ ᑕᑯᔪᓐᓇᖏᑦᑕᖓ ᐃᔨᖏᒃᑕ ᓯᓂᖏᒃ ᐊᖏᓗᐊᒧᒡᒎᖅ ᑕᑯᔪᓐᓇᖏᒻᒪᕆᑦᑐᖅ. ᐊᕐᓇᖅ ᐅᓗᒻᒥᓂᒃ ᑎᒍᓯᓪᓗᓂ ᐊᓱᐃᓪᓛᓪᓕᒎᖅ ᐃᔨᖏᒃᑕ ᓯᓂᖏᒃ ᐱᓚᑉᐸᖏᒃ ᑕᑯᔪᓐᓇᕐᓂᐊᓕᕋᒥ. ᑭᕕᐅᕐᓕ ᖃᐅᔾᔨᐊᓪᓚᓕᖅᑐᒥᓂᖅ ᑖᓐᓇ ᐊᕐᓇᖅᐸᔮᖅ ᐆᔪᓕᐅᖅᑐᕉᖅ ᐃᓅᑉ ᐊᒡᒐᖏᓐᓂ ᓂᕿᖓᓐᓂᓪᓗ. ᑕᑕᒥᑦᑐᓂ ᐊᔅᓱᐊᓗᒃ. ᑭᕕᐅᖅ ᓄᓇᒧᑦ ᐹᓪᓚᒃᑲᒥ ᖃᐅᔨᒪᔪᓐᓃᖅᑐᓂᓗ; ᐊᓂᖅᓵᕈᓐᓇᐃᓕᒻᒪᕆᑦᑐᓂᒎᖅ ᐊᐅᓪᓚᔾᔭᒍᓐᓇᐃᓕᒪᕆᑦᑐᓂᒎᖅ ᖁᐊᖅᓵᖅᓯᒪᒐᓗᐊᒧᑦ. ᐊᑲᐅᓯᔫᒥᒻᒪᒡᒎᖅ, ᑭᕕᐅᖅ ᖃᐃᒐᓛᓕᖅᑐᒥᓂᖅ, “ᐃᓄᐊᓗᖑᓇ! ᐃᓄᐊᓗᖑᓇ!” ᐊᕐᓇᖅᐸᔮᕌᓗᒃ ᖃᐃᖁᔨᓕᖅᑐᓂ ᑭᕕᐅᕐᒥᒃ ᑐᐱᖓᓐᓄᑦ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

25

ᐸᓂᖅᓯᖁᒐᒥᒋᑦ ᐃᓐᓂᑕᖏᓐᓃᓐᓂᐊᕐᖓᑕ ᐊᓐᓄᕌᖏᑦ, ᖃᐅᓯᐅᒻᒪᑕ ᓱᓕ ᐅᒥᐊᖅᑐᖅᑲᐅᑎᓪᓗᒍ. ᐊᕐᓇᖅᐸᔮᖅ ᐃᑲᔪᖅᑐᓂ ᑭᕕᐅᕐᒥᒃ ᐃᓐᓇᖅᑎᓕᖅᑕᒥᓂᖓ, ᓂᐊᖁᒥᓃᓐᓇᑦᑎᐊᖑᓪᓗᓂᒎᖅ ᐃᓄᓐᓄᑦ ᓂᐊᖁᒥᓂᕐᓂᑦ ᐃᓪᓕᖓ. ᐊᕐᓇᖅᐸᔮᖅ ᑭᕕᐅᖅ ᐊᓐᓄᕌᖏᓐᓂᒡᒎ ᐃᓕᓯᓪᓗᓂ ᐃᓐᓂᑕᕐᒧᑦ, ᐊᓂᓪᓗᓂᓗ ᕿᔪᑦᑕᕆᐊᖅᑐᓂ. ᑭᕕᐅᕐᒥᒃ ᑐᖁᑦᑎᔪᒫᕐᖓᑦ ᐆᔪᓕᐅᕐᓂᐊᖅᑐᓂᐅᓪᓗ ᓂᕆᑦᑕᓕᖅᑳ. ᑭᕕᐅᕐᓕ ᖃᐅᔨᒪᓚᐅᙱᑦᑐᖅ ᐊᕐᓇᖅᐸᔮᖅ ᐊᑎᖃᕐᖓᑦ ᐃᒍᑦᑕᕐᔪᐊᕐᒥᒃ. ᑭᕕᐅᖅ ᓯᓂᓕᕐᓂᖅᑐᓂᒎᖅ ᐃᖅᑯᒻᒪᕋᒥᓕ ᖃᐅᔨᔪᒥᓂᖅ ᐊᑦᑐᐊᒐᒥᒎᖅ ᓂᐊᖁᒥᓂᕐᒧᑦ. ᓂᐊᖁᒥᓂᖅ ᐅᖃᖅᑐᓂ ᑭᕕᐅᕐᒧᑦ ᖃᐅᔨᒪᖁᔨᓪᓗᓂ. ᐅᖃᖅᑐᓂᓗ; “ᐅᕙᒍᑎᑑᓕᕐᓂᐊᖅᑐᑎᑦ ᐊᐅᓪᓚᓵᙱᒃᑯᕕᑦ, ᐊᓐᓄᕌᓵᓕᕆᑦ ᕿᒫᓵᕐᓗᑎᑦ ᒫᓐᓇ.” ᑭᕕᐅᖅ ᐊᓐᓄᕌᖅᑐᓂᒎᖅ ᑲᒥᓂ ᐱᓇᓱᐊᖅᑐᓂᒋᒃ ᖁᕝᕙᕆᐊᑐᐃᓐᓇᐸᑦᑐᓂᖅ ᐃᒻᒥᓂᒃ ᐃᓐᓂᑕᖅ ᑭᕕᐅᑉ ᑎᑭᒍᒍᓐᓇᐃᓕᓪᓗᓂᐅᒃ. ᑎᑭᒐᓱᖃᑦᑕᕋᓗᐊᕋᒥᒋᒃ ᑲᒥᖏᒃ ᑭᓯᐊᓂ ᖁᕝᕙᕆᐊᓯᑐᐃᓐᓇᖃᑦᑕᖅᑐᓂ ᐃᓐᓂᑕᖅ. ᐊᒪᐅᓕᒐᕋᓛᕈᓗᒻᒥᒃ ᐃᓯᖅᑐᖃᖅᑐᓂ ᐅᕕᖅᑎᑦᑐᓂᐅᒃ ᐃᓕᑕᖅ ᑲᒦᓪᓕ ᑲᑕᑦᑐᑎᒃ ᓇᑎᕐᒧᑦ. ᑭᕕᐅᕐᓕ ᑲᒥᙱᒻᒪᕆᑦᑐᓂ ᑎᒍᓵᑐᐃᓐᓇᖅᑐᓂᒋ ᕿᒫᓯᓕᖅᑐᒥᓂᖅ. ᐅᓪᓚᑦᑐᓂ ᖃᔭᕐᒥᓄᑦ. ᐱᓱᕝᕙᓗᑦᑐᒥᒃ ᑐᓵᓪᓗᓂ ᑐᓄᐊᓂ. ᖃᔭᕐᒥᓅᕋᒥᒎᖅ, ᐊᔾᔭᖅᑐᓂᐅᒃ ᐃᒫᓄᑦ ᐅᓪᓚᓕᖅᑐᒥᓂᕉᖅ. ᑭᕕᐅᖅ ᑐᓄᒻᒧᑦ ᕿᕕᐊᑲᐅᖅᑐᖅᑐᓂ ᑕᑯᓇᓱᐊᖅᑐᓂᑦ ᐊᕐᓇᖅᐸᔮᖅ ᓇᒦᓕᕐᒪᖔᖅ.ᐃᒍᑦᑕᕐᔪᐊᖅ ᖁᖅᑐᕋᐅᑎᖏᑦ ᐊᑎᓇᓱᐊᖅᑕᒥᓂᖏᑦ. ᐊᓱᐃᓪᓛᓪᓕ ᐅᓗᒻᒥᓂᒃ ᑎᒍᓯᓪᓗᓂ ᐅᔭᕌᓗᒻᒥᒃ ᖁᐱᓯᔪᒥᓂᖅ. ᕿᕕᐅᕐᒧᒡᒎᖅ ᖃᐃᒐᓪᓚᒃᑐᓂ, “ᖃᔭᕐᓂᓪᓕ ᓱᓂᐊᓕᖅᑭᑦ?” ᑭᕕᐅᖅ ᐊᔪᖅᓯᓚᐅᖅᑐᖅ ᓯᑯᒧᑦ ᐃᒫᕈᓐᓇᐃᓕᑦᑎᐊᖅᑐᓂ. ᑭᕕᐅᖅ ᑲᐱᓯᓪᓗᓂ ᓯᑯᒥᒃ ᖁᐱᓚᐅᖅᑕᖓ, ᐃᒪᕈᖅᑐᓂ. “ᐃᒫᓃᓐᓂᕈᕕᑦ ᐅᓈᕐᓄᑦ ᐱᒋᐊᕋᔭᕆᒃᑭᑦ.” ᑭᕕᐅᖅ ᖃᐃᒐᓪᓚᑦᑐᓂ ᐊᕐᓇᖅᐸᔮᕐᒧᑦ. ᐊᕐᓇᖅᐸᔮᖅ ᐅᖃᑐᐃᓐᓇᓕᖅᑐᓂ, “ᐆ” ᐊᒻᒪᓗ

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐱᓱᑐᐃᓐᓇᓕᖅᑐᓂᒎᖅ ᓯᔾᔭᒃᑯᑦ, ᑭᕕᐅᕐᒥᒃ ᐊᖑᐊᖅᑐᒥᒃ ᒪᓕᑦᑐᓂ ᓯᑯᓯᐅᖅᑐᐊᓘᓪᓗᓂᒎᖅ ᑭᕕᐅᖅ. ᑭᕕᐅᕐᓕᒎᖅ ᕿᒪᔅᓯᔪᒪᑐᐃᓐᓇᓕᖅᑐᖅ ᐊᕐᓇᖅᐸᔮᕐᒥᒃ. ᐊᕐᓇᖅᐹᔮᖅ ᖃᐅᔨᒪᓚᐅᖅᑐᖅ ᓄᕗᐊᑦᑎᐊᖓᒎᕈᓂ ᑭᕕᐅᑉ ᐊᖑᔪᓐᓇᔾᔮᖏᒻᒪᒍ. ᐊᓱᐃᓪᓛᑲᓐᓂᐊᓗᓪᓕ ᐅᓗᒻᒥᓄᑦ ᓯᓚᑐᐃᓐᓇᕐᒧᑦ ᐊᕕᔅᓯᔫᔮᖅᑐᓂ ᐱᓕᕐᓂᖅᑯᖅ ᓯᕗᓂᑦᑎᐊᖓᒍᑦ. ᑭᕕᐅᕐᓕ ᐊᑦᑕᓇᖅᑐᒦᓕᓚᐅᖅᑐᓂ. ᐊᖑᐊᕋᓱᑦᑐᐊᓘᒐᓗᐊᖅᑐᓂ ᑭᓱᓕᐊᓗᒻᒥ ᑭᓯᐊᓂᓕ ᐊᖑᐊᕐᓂᖅᓴᐅᓕᕋᐃᒻᒪᑦ ᐊᔪᖅᓯᓂᖅᓴᐅᔮᓕᖅᐸᑦᑐᓂ. ᐊᓱᐃᓪᓛᓪᓕ ᓄᓈᓗᒃ ᐳᕐᕆᓚᓐᓂᖅᑯᖅ ᐊᒻᒪᓗ ᑭᕕᐅᖅ ᓇᒧᙵᕕᔅᓴᐃᒍᑎᓪᓗᓂᒎᖅ. ᑭᕕᐅᖅ ᐊᑐᓕᓚᐅᖅᓯᒪᔪᖅ ᐃᕆᓇᓕᐅᑎᒥᒃ ᐊᔪᖅᓯᓯᒪᓂᐊᕈᓐᓃᕐᖓᑦ ᓯᑯᖃᕈᓐᓃᖅᑐᒥᓪᓘᓐᓃᑦ. ᖃᔭᓂ ᐊᔭᐅᖅᑐᐸᑦᑐᓂᐅᒃ ᕿᒪᔅᓯᓚᐅᖅᑐᖅ ᓄᓇᒥᑦ ᐃᒪᕕᒻᒨᖅᑐᓂ ᐊᑦᑕᓇᖅᑐᒦᒍᓐᓃᖅᑐᓂ.

ᐃᒍᑦᑕᕐᔪᐊᖅ ᐊᖏᕐᕋᑐᐃᓐᓇᓕᓚᐅᖅᑐᖅ.

ᐊᑭᓂᕐᒧᑦ ᐅᓂᒃᑳᖅᑐᐊᑦ2�

ᐅᖃᓕᒫᒐᖅ 3

2�

ᕕᐅᖅ ᖁᕕᐊᓕᓚᐅᖅᑐᖅ ᕿᒪᔅᓯᓚᐅᕋᒥᒎᖅ ᐊᕐᓇᖅᐸᔮᕐᒥᒃ ᐊᖑᐊᑐᐃᓐᓇᓕᖅᑐᓂᓗ ᐊᑦᑕᓇᖅᑐᒦᔾᔮᕈᓐᓃᖅᑐᑯᓘᒐᒥᓗ ᖁᕕᐊᑦᑐᓂ. ᐊᑯᓂᐅᙱᑦᑐᖅ ᓄᓇᓯᐊᖅᑐᓂ

ᑕᐃᑯᙵᓕᖅᑐᓂ. ᓄᓈᖅᐸᓪᓕᐊᓕᕋᒥᒎᖅ ᖃᐅᔨᓕᖅᑐᖅ ᑐᐱᖅᑕᖃᕐᖓᑦ ᓯᔾᔭᒥ. ᑐᓚᑦᑐᓂ ᖃᐅᔨᒋᐊᑦᑎᐊᕋᓱᐊᓕᖅᑐᒥᓂᖅ. ᖃᔭᖅᑕᖃᖅᑐᓂᒎᖅ ᒪᕐᕉᓂᓪᓗᒎᖅ ᓇᑦᑎᐊᒥᓂᖅᑕᖃᖅᑐᓂ ᕿᔪᑦᑕᖃᖅᑐᓂ ᐊᑯᓐᓂᖏᓐᓂ. ᐱᓱᕋᔮᑦᑐᓂ ᓯᔾᔭᒃᑯᑦ, ᑭᕕᐅᖅ ᐃᓄᔅᓯᐊᓚᐅᖅᑐᖅ ᒪᕐᕉᓐᓂᒃ ᑎᒍᓯᔫᓐᓂᒃ ᕿᔪᒻᒥᒃ ᓇᑦᑎᐊᒥᓂᕐᓂᓪᓗ ᑐᐱᕐᒨᕈᔾᔨᔫᓐᓂᒃ. ᑭᕕᐅᖅ ᒪᓕᔅᓴᖅᑐᓂ ᑕᐃᒃᑯᓐᓂᖓ ᐃᓅᓐᓂᒃ ᑐᐱᕐᒧᑦ ᑕᒻᒫᕐᓂᐊᓕᕋᒥᒎᖅ. ᑕᐃᒃᑯᐊ ᐃᓅᒃ ᐊᕐᓇᐅᓪᓗᑎᒃ ᑭᕕᐅᕐᓕ ᓄᓕᐊᖅᑖᓕᖅᑐᒥᓂᖅ ᓄᑲᖅᑎᕐᒥᒃ. ᐃᓐᓇᐅᓂᖅᓴᖅ ᓴᑭᑖᕆᓪᓗᓂᐅᒡᒎᖅ. ᓯᓂᑦᑎᓪᓗᒋᑦ ᕿᔪᑲᓪᓚᕈᓗᒃ ᐊᑯᓐᓂᖓᓐᓂ ᓯᓂᓚᐅᖅᑐᖅ. ᐅᓐᓄᐊᒃᑯᑦ ᑭᕕᐅᖅ ᕿᑦᑎᖃᑦᑕᓚᐅᖅᑐᖅ ᑐᓴᕋᐃᒐᒥ ᓂᐱᐊᓗᓐᓂᒃ. ᓂᐱᓕᐊᓘᕙᓚᐅᖅᑐᖅ ᕿᔪᑲᓪᓚᕈᓗᒃ ᑭᓯᐊᓂᓕ ᑭᕕᐅᖅ ᐃᖅᑯᒻᒪᕋᐃᒻᒪᑦ ᓂᐱᖃᕈᓐᓃᓵᖃᑦᑕᖅᑐᓂ ᕿᔪᑲᓪᓚᕈᓗᒃ. ᐅᓐᓄᐊᓕᒫᕌᓗᒡᒎ ᕿᑦᑎᔪᒥᓂᖅ ᑭᕕᐅᖅ, ᓯᓐᓇᑮᓐᓇᑦᑎᐊᖅᑐᓂ. ᕿᓚᓐᓂᐊᓗᖏᑦ ᕿᔫᑉ ᖃᓱᕙᓗᖃᑦᑕᐃᓐᓇᓚᐅᕐᖓᑕ ᓱᑲᕝᕙᓗᐃᓐᓇᖅᑐᑎᓪᓗ ᓂᐱᓕᕈᓘᔮᓘᓕᖃᑦᑕᖅᑐᑎᒃ. ᐅᓪᓛᕈᕐᒥᒻᒪᒡᒎᖅ ᑭᕕᐅᖅ ᑲᒪᓪᓚᕆᓚᐅᖅᑐᖅ ᖃᐅᔨᒻᒪᑦ ᓱᓇᐅᕝᕙ ᐅᓇ ᓴᑭᖓᑕ ᐅᐃᐸᑦᑎᐅᕈᓗᐊ! ᐅᓪᓛᕌᓗᒃᑯᑦ ᐃᖅᑯᕐᒪᑐᐊᕐᖓᑦ ᑭᕕᐅᑉ ᓴᑭᖓ ᖃᔭᕐᒨᖅᓯᓚᐅᖅᑐᖅ ᕿᔪᑲᓪᓚᕈᓗᒻᒥᒃ ᐳᑦᑕᖅᑯᑎᖃᖅᑐᓂ ᐅᓈᖃᖅᑐᓂᓗ, ᐊᓯᕙᖅᑎᓪᓚᕆᐊᓗᑦᑎᑐᑦ. ᐊᔭᑦᑐᓂᐅᒃ ᖃᔭᖅ ᐊᓄᕆᒧᑦ ᓴᕐᕙᐅᓕᖅᑐᓂ ᐅᖓᓯᔅᓯᔪᐊᓘᓪᓗᓂ. ᖃᐅᑎᓪᓗᒍᓕ ᑭᕕᐅᖅ ᓄᐊᓕᖓᓗ ᓴᑭᖓᓗ ᐃᖅᑯᒪᕐᒥᒻᒪᑕ ᖃᔭᖅ ᑐᓚᔅᓯᒪᓕᓚᐅᖅᑐᖅ. ᕿᓚᔅᓯᒪᔪᖃᖅᑐᓂ ᖃᔭᕐᒥᑦ ᓇᑦᑎᐊᒥᓂᑯᓗᓐᓂᒃ ᕿᔪᑲᓪᓚᕈᓘᑉ ᓇᑦᑎᐊᒥᓂᖅᑕᒥᓂᖏᓐᓂ. ᐊᕐᓈᓐᓄᒃ ᑐᐱᕐᒨᕈᔾᔭᐅᓪᓗᑎᒃ ᑭᕕᐅᕐᓗ ᐊᒧᓪᓗᓂᐅᒃ ᖁᔭᖅ.

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

2�

ᐃᓱᒪᓕᖅᑐᒥᓂᕐᓕ ᑖᓐᓇ ᕿᔪᕈᓗᒃ ᐅᐃᕐᓘᑎᑐᐃᓐᓇᕈᓗᒃ ᐊᑑᑎᖃᙱᑦᑐᖅ. ᐊᓱᐃᓪᓛᓪᓕᒎᖅ ᑭᕕᐅᖅ ᓯᔾᔭᒨᖅᑐᓂ ᒥᓗᕆᐅᑎᓕᕐᓂᖅᑳ. ᕿᔪᑲᓪᓚᕈᓗᒃ ᐅᑎᓚᐅᓯᒪᙱᑦᑎᐊᒻᒪᕆᑦᑐᓂ. ᑭᕕᐅᖅ ᓇᑦᑎᖅᓯᐅᕆᐊᖏᓐᓇᖃᑦᑕᓚᐅᕋᒥ ᓂᑭᔅᓴᖅᓯᐅᖅᑐᓂ ᓄᓕᐊᕐᒥᓄᑦ ᓴᑭᒥᓄᓪᓗ ᖃᐅᑕᒫᕐᓗ ᓇᑦᑎᒥᓂᕐᓂᒃ ᐊᖏᕐᕋᐅᔾᔩᓐᓇᑦᑎᐊᖅᑐᓂᒎᖅ. ᐊᖏᕐᕋᕋᐃᒐᒥᒎᖅ ᓄᓕᐊᖓᑕ ᕿᓐᓂᖃᑎᒋᖃᑦᑕᓚᐅᖅᑕᖓ. ᑭᕕᐅᕐᓕ ᐅᔾᔨᕈᓱᓚᐅᙱᑦᑐᖅ ᓴᑭᖓ ᓯᓐᓇᔪᒥᓂᖅ ᐸᓂᒻᒥᓂᒃ. ᑭᕕᐅᕐᓕᒎᖅ ᐊᓯᕙᖅᓯᒪᑎᓪᓗᒍ, ᓴᑭᖓ ᐅᖃᓚᐅᖅᑐᒥᓂᖅ ᐸᓂᒻᒥᓄᑦ ᑯᒪᐃᕈᒪᓪᓗᓂᐅᒃ ᓂᐊᖁᐊ. ᑯᒪᐃᖅᑐᓂᐅᒃ ᑕᐃᒫᒃ, ᐊᓈᓇᖓᑕ ᑲᐱᓐᓂᓚᐅᖅᑕᖓ ᐸᓂᓂ ᓯᐅᑎᖓᒍᑦ ᑐᖁᑦᑐᓂᐅᓪᓗ. ᐅᕕᓃᔭᓕᖅᑐᓂᐅᒃ ᐸᓂᓂ ᑕᓕᒃᑯᖏᒃ, ᓂᐅᒃᑯᖏᒃ ᓂᐊᖁᖓᓗ, ᐊᓪᓛᑦ ᓄᔭᐃᔭᓕᖅᑐᓂᐅᒃ ᓇᒻᒥᓂᖅ ᐊᑎᓪᓗᓂᒋᑦ ᐸᓂᐅᙳᐊᓵᕋᓱᑦᑐᓂᒃ. ᑭᕕᐅᕐᒥᒃ ᐅᐃᑖᕈᒪᓂᑯᒧᑦ. ᓴᑭᖓ ᑭᕕᐅᕐᒥᒃ ᑕᑯᒻᒪᑦ ᑐᓚᒋᐊᖅᑐᖅᑐᒥᒃ ᑐᙵᓵᕆᔭᖅᑐᓕᖅᑕᒥᓂᖓ, ᓄᓕᐊᕆᔭᐅᙳᐊᕋᓱᐊᖅᑐᓂ. ᑭᕕᐅᖅ ᖃᓪᓕᒻᒪᑦ ᓴᑭᖓ ᖃᐃᒐᓛᓕᖅᑐᒥᓂᖅ, “ᒪᔾᔮ ᓯᔾᔭᕆᓐᓂᖅ.” ᑭᓯᐊᓂᓕ ᐅᒡᒋᐊᑦᑎᓚᐅᖅᑐᖅ ᓄᓕᐊᖓ ᐊᔾᔨᒋᑦᑎᐊᙱᑖᓗᒋᒻᒪᒍ ᐊᓱᐃᓪᓛᓪᓕ ᑭᐅᓪᓗᓂ, “ᑲᒥᓪᓚᓚᐅᕆᑦ.” ᑲᒥᓪᓚᕐᖓᑦ ᑭᕕᐅᖅ ᑕᑯᓕᖅᑐᒥᓂ ᐅᕕᓂᐊᓗᐊᒎᖅ ᓂᐅᖏᒃᑕ ᖃᓱᖓᔪᐊᓘᓪᓗᑎᒃ, ᐃᒧᓗᕿᐊᓗᐃᑦ ᓂᕕᖓᑐᐃᓐᓇᖅᑐᐊᓘᓪᓗᑎᒡᒎᖅ. ᑭᕕᐅᖅ ᐊᐱᕆᓕᖅᑐᒥᓂᖅ ᓱᓐᓂᕐᒪᖔᑕ. ᐅᓂᒃᑳᓕᕐᖓᑦ ᓱᓚᐅᕐᓂᕐᒥᓂᒃ ᓴᑭᖓ, ᑭᕕᐅᖅ ᐊᓱᐃᓪᓛᓪᓕ ᓄᓕᐊᖅᑖᙳᐊᕋᓱᑐᐃᓐᓇᓕᖅᑐᒥᓂᖅ.ᑕᐃᒪᐃᖏᓐᓇᕋᒥ, ᑭᕕᐅᖅ ᐊᓯᕙᖅᐸᒻᒪᑦ ᓂᕿᔅᓴᓯᐅᖅᑐᓂᑦ ᓄᓕᐊᕐᒥᓄᑦ ᑭᓯᐊᓂᓕ ᖃᐅᔨᒪᙱᑦᑐᖅ ᓄᓕᐊᖅᑖᕆᕋᑖᓚᐅᖅᑕᖓ ᕿᒪᑦᑕᐅᓇᓱᐊᕋᒥ ᐅᐃᒥᓄᑦ. ᑭᕕᐅᖅ ᐳᐊᓗᐃᖅᓯᙳᐊᖃᑦᑕᖅᑐᓂ ᑲᒥᒻᒥᓂᓪᓘᓐᓃᑦ ᓄᓕᐊᖓᑕ ᑭᓯᐊᓂ ᐳᐊᓗᓕᐅᕆᐊᖃᓕᖅᑐᓂᐅᒃ ᑲᒻᒥᓪᓗᓂᓪᓘᓐᓃᑦ ᑕᐃᒫᒃ ᑭᓯᐊᓂᐅᓕᕐᖓᑦ. ᓱᓇᐃᕙ

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐃᒃᑯᐊ ᑭᕕᐅᖅ ᓴᓂᕐᕙᕋᓱᐊᖅᓯᒪᔭᖏᑦ ᐊᖏᕐᕋᕋᓱᐊᓕᕈᓂ ᐅᖓᓯᑦᑐᐊᓗᒻᒧᑦ ᐊᑐᓛᕋᒥᒋᒃ. ᑲᖐᓱᑦᑐᐊᓘᓕᕐᖓᑦ ᓄᓕᐊᖓ ᐊᐱᕆᓕᖅᑐᒥᓂᖅ ᑭᕕᐅᕐᒥᒃ, “ᕿᒪᓐᓂᐅᓴᒐᕕᙶ ᑕᐃᒫᖏᒃᑯᐊ ᐳᐊᓗᐃᖅᓯᙳᐊᖅᑐᐊᓘᕙᑉᐱᑦ ᑲᒦᖅᓯᙳᐊᖅᑐᐊᓘᕙᑉᐱᓪᓘᓐᓃᑦ? ᕿᒪᑐᐊᕈᕕᙵ ᐱᐅᙱᑐᖅᓯᐅᓛᖅᑐᑎᑦ ᓯᕗᓂᑦᑎᓐᓂ.” ᑭᕕᐅᕐᓕ ᕿᒪᐃᔪᒪᓕᓚᐅᖅᑐᖅ ᓴᑭᒻᒥᓂᒃ ᓄᓕᐊᕆᓕᖅᑕᒥᓂᒃ ᐊᒻᒪᓗ ᐱᕕᖃᓕᑐᐊᕋᒥ ᕿᒪᔅᓯᓚᐅᖅᑐᖅ ᖃᔭᖅᑐᖅᑐᓂ ᐊᖑᐊᖅᑐᓂ ᐊᓪᓛᑦ ᑭᖑᒧᑦ ᑕᑯᓴᙳᐊᕈᓗᓚᐅᙱᑦᑎᐊᖅᑐᖅ.

ᐊᑭᓂᕐᒧᑦ ᐅᓂᒃᑳᖅᑐᐊᑦ30

ᐅᖃᓕᒫᒐᖅ 4

32

ᕕᐅᖅ ᐊᑯᓂᐊᓗᒃ ᐸᐅᖅᑐᓂ ᕿᑭᖅᑕᖅᓯᐊᕋᒥᒎᖅ ᑐᓚᒋᐊᖅᑐᓕᖅᑐᒥᓂᖅ. ᑕᖃᓯᒪᓪᓗᓂ ᐸᐅᙳᑦᑎᐊᖅᑐᓂᓗ ᑐᐱᓕᖅᑐᓂ ᑕᐃᑲᓃᑲᐃᓐᓇᕐᓂᐊᕋᒥ. ᖃᐅᑕᒫᑦ

ᐊᓯᕙᖅᐸᑦᑐᓂᒎᖅ ᐅᑎᕐᓂᑕᒫᕐᓗ ᐆᔪᓕᐅᖅᓯᒪᔪᖃᐃᓐᓇᑦᑎᐊᖅᑐᓂ ᑭᕕᐅᕐᒧᑦ. ᑭᓯᐊᓂᓕ ᓂᓪᓕᓇᖃᑦᑕᖅᑐᕈᓘᓪᓗᑎᒃ. ᐊᓱᐃᓪᓛᓪᓕ ᐊᖏᕐᕋᔅᓴᕋᐃᓐᓂᖅᓴᐅᖃᑦᑕᐸᓪᓕᐊᓕᖅᑐᓂ ᓂᓪᓕᓇᓗᐊᖃᑦᑕᕈᓐᓃᖅᑐᑎᓪᓗ. ᐃᓚᖓᓐᓂᓪᓗᒎᖅ ᐆᓇᒻᒪᕆᑦᑎᓪᓗᒍ ᓱᓕ ᐊᖏᕐᕋᓚᐅᖅᓯᒪᓪᓗᓂ. ᑭᕕᐅᖅ ᓇᓗᓕᖅᑐᓂᒃ ᑭᐊ ᐆᔪᓕᐅᕈᑎᕙᒻᒫᖔᒍ. ᐊᓱᐃᓪᓛᓪᓕ ᐃᓄᔅᓱᒐᓕᐅᕐᓂᐊᕐᓂᕋᓕᖅᑐᓂᑦ ᐃᔨᖅᓯᒪᖃᑦᑕᕐᓂᐊᕐᖓᑦ ᖃᐅᔨᓂᐊᕐᖓᑦ ᑭᓇ ᑐᐱᖓᓐᓅᖃᑦᑕᕐᒪᖔᖅ. ᑕᐃᒪᓕᒎᖅ ᐊᓯᕙᙱᖔᖅᑐᓂ ᑭᕕᐅᖅ ᐃᓄᔅᓱᒐᓕᐅᖔᓕᖅᑐᒥᓂᖅ ᖃᐅᔨᓂᐊᕐᖓᒃ ᑭᓇᖅ ᑐᐱᖓᓅᖃᑦᑕᕐᒪᖔᖅ. ᐊᓱᐃᓪᓛᓪᓕ ᑎᕆᒐᓂᐊᕐᒥᒃ ᑐᐱᖓᓅᖅᑐᖃᖅᑐᓂ ᐃᓯᖅᑐᓂᓗ. ᐃᓯᖅᓯᒪᔅᓴᑲᐃᓐᓇᒐᓛᓚᐅᖅᑐᓂᒎᖅ ᐊᓂᔪᖃᖅᑐᓂ ᐊᕐᓇᕐᒥᑦ ᑎᕆᒐᓂᐊᔭᒥᑦ ᑎᒍᒥᐊᖅᑐᒥᑦ. ᑐᐱᐅᑉ ᖄᖓᓅᖅᑐᓂᐅᒃ. ᐃᒐᓇᓱᐊᓕᖅᑐᓂᒎᖅ ᐆᔪᓕᐅᕋᓱᓕᖅᑐᖅ. ᐆᔪᓕᐅᕐᓂᖓᓂᒎᖅ ᖃᐅᔨᓴᖃᑦᑕᖅᑐᒥᓂᖅ ᐊᕐᓇᖅ ᖃᐃᔪᖃᓕᙱᒃᑲᓗᐊᕐᒪᖔᖅ. ᑕᑯᔭᐅᒍᒪᙱᒧᑦ ᑭᕕᐅᖅ ᐅᑎᖅᑲᑦ. ᑭᕕᐅᖅ ᐃᔨᖅᓯᒪᓪᓗᓂ ᐃᓄᔅᓱᒐᐃᑦ ᑐᓄᐊᓂ ᑕᑯᔭᐅᓚᐅᕋᓂ. ᑭᕕᐅᑉ ᑐᐱᖓᓐᓂ ᐊᕐᓇᖅ ᐃᓯᑲᐃᓐᓇᕋᐃᒻᒪᑦ ᑭᕕᐅᖅ ᖃᓪᓕᒋᐊᖃᑦᑕᖅᑐᒥᓂᖅ. ᐃᓱᐃᓪᓛᓪᓕᒎᖅ, ᐊᕐᓇ ᐊᓂᓪᓗᓂ ᐆᔪᓕᐊᒥᓂᒃ ᖃᐅᔨᓴᕆᐊᖅᑐᓂ ᖃᐃᔪᖃᓕᙱᒃᑲᓗᐊᕐᒪᖔᓪᓗ ᖃᐅᔨᓴᖅᑐᓂ, ᐃᓯᕐᒪᑦ ᑭᕕᐅᖅ ᖃᓂᑦᑐᕈᓘᓕᖅᑐᓂ ᑐᐱᕐᒧᑦ ᖃᓪᓕᕙᓪᓕᐊᖏᓐᓇᕋᒥ. ᐊᕐᓇᖅ ᐃᓯᖅᑐᓂ ᑭᕕᐅᖅ ᐅᓪᓚᔅᓯᓵᖅᑐᓂ ᑎᒍᓵᖅᑐᓂᐅᒃ ᑎᕆᒐᓂᐊᕋᔭᖅ. ᑭᕕᐅᖅ ᑐᐱᕐᒨᖅᑐᓂ ᐊᕐᓇᖅ ᑕᐃᑲᓃᑦᑐᓂ. ᐊᕐᓇᖅ ᐱᔪᒪᓪᓗᓂ ᑎᕆᒐᓂᐊᔭᖓᓂ ᑭᕕᐅᕐᓗ ᐃᒫᒃ ᑭᐅᓪᓗᓂ, “ᑭᓯᐊᓂᓕ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

33

ᓄᓕᐊᖅᑖᕆᓂᐊᕈᒃᑭᑦ.” ᐊᕐᓇᓪᓕ ᕿᐊᓕᖅᑐᓂ ᐱᔪᒪᒃᑲᓂᖅᑐᓂ ᑎᕆᒐᓂᐊᔭᖓᓂ ᑭᕕᐅᕐᒥᑦ. ᑭᕕᐅᕐᓕ ᐅᖃᖅᑐᓂᒎᖅ ᐱᓂᐊᖅᑕᖓᒎᖅ ᑭᓯᐊᓂ ᓄᓕᐊᖅᑖᕆᓂᐊᖅᑲᒍ. ᐊᕐᓇᖅ ᐊᖏᓕᑕᐃᓐᓇᖅᑐᓂ ᑭᕕᐅᒃᑯᓪᓕ ᑐᐱᖃᑎᒌᓕᖅᑐᑎᒃ. ᐅᐊᑦᑎᐊᕈᑲᓪᓚᐅᓕᖅᑎᓪᓗᒍ ᐃᓯᖅᑕᐅᓪᓗᑎᒃ ᑐᓗᒐᕐᒧᑦ ᐊᓱᐃᓪᓛᓪᓕ ᑭᕕᐅᑉ ᐊᓯᕙᖃᑎᓐᓈᕇᓕᖅᑐᕆᓪᓗᓂᐅᒡᒎᖅ. ᑐᓗᒐᕐᓕᒎᖅ ᐃᓄᕈᓚᐅᖅᑐᖅ ᑭᕕᐅᕐᒥᒃ ᐊᓯᕙᖃᑎᖃᖃᑦᑕᕐᓂᐊᕐᖓᑦ. ᑐᓗᒐᖅ ᑐᐱᕐᒥᐅᑕᐅᖃᑕᐅᓚᐅᖅᑐᖅ ᑭᕕᐅᒃᑯᓐᓂ ᓄᓕᐊᕇᓐᓂ. ᐅᓐᓄᒃᑯᑦ ᓯᓂᓐᓂᐊᓕᖅᑎᓪᓗᒋᑦ ᑐᓗᒐᖅ ᐅᖃᓚᐅᖅᓯᒪᔪᕉᖅ, “ᐊᓇᕐᓂᐊᕋᒪ ᐊᕐᓇᑦᑎᐊᕙᕈᕐᓗᓂ ᑕᑭᔪᑯᓗᓐᓂᒃ ᕿᕐᓂᑕᓪᓚᕆᐊᓗᓐᓂᒃ ᓄᔭᖃᕐᓗᓂ, ᓴᓪᓘᓗᐊᙱᓪᓗᓂ ᓴᙱᔪᑦᑎᐊᕙᑯᓗᒻᒥᒃ ᑎᒥᖃᕐᓗᓂ.” ᑐᓗᒐᐅᑉ ᓂᐊᖁᓂ ᐅᓕᒃᑐᓂᐅᒃ ᕿᐲᓐᓄᑦ. ᐊᓇᕇᕋᒥ ᕿᐱᓂ ᐲᖅᑐᓂᐅᒃ ᐊᓇᒥᓂᕋᓗᐊᖓ ᐊᕐᓇᕈᖅᑐᓂ. ᑐᓗᒐᖅ ᖁᕕᐊᓱᑦᑐᒻᒪᕆᐅᓕᖅᑐᓂᒎᖅ ᓄᓕᐊᖃᓕᕋᒥ. ᐅᐊᑦᑎᐊᕈᑲᓪᓚᐅᓕᖅᑎᓪᓗᒍᓕ ᑐᓗᒐᖅ ᐊᑭᓖᖃᑎᖃᕈᒪᓕᕐᓂᕆᕗᖅ ᑭᕕᐅᑉ ᓄᓕᐊᖓᓂ. ᓯᕗᓪᓕᖅᐹᒥᓪᓕᒎᖅ ᐊᖏᓚᐅᙱᑦᑑᒐᓗᐊᖅ ᑭᕕᐅᖅ, ᑐᓗᒐᖅ ᐊᔪᐃᓐᓇᓗᐊᖅᑐᐊᓘᒻᒪᑦ ᐊᖏᖅᑕᓯᓐᓇᓕᖅᑐᒥᓂᖅ ᑭᕕᐅᖅ. ᑭᕕᐅᖅ ᐅᖃᐅᔾᔨᓕᖅᑐᓂ ᑐᓗᒐᕐᒥᒃ, “ᐊᖏᖅᑐᖓ ᑭᓯᐊᓂ ᐅᖃᐅᑎᑦᑕᐃᓕᑦᑎᐊᕐᓂᐊᖅᑲᑦ ᒪᒪᖏᓐᓂᕋᕐᓗᒍ ᐊᔅᓱᐊᓗᒃ ᑲᙳᑦᑎᓲᖑᒻᒪᑦ ᑎᐱᓕᐊᓘᓂᖓᓄᑦ, ᐋᓐᓂᖅᓴᕋᐃᒻᒪᑦ ᐃᓱᒪᖓ ᐃᖅᑯᓪᓕᐅᑕᐅᑐᐊᖅᑲᑦ ᑎᐱᓗᓐᓂᖓᓂᒃ. ᑐᓗᒐᖅ ᐃᖅᑯᓪᓕᐊᓂᐊᕐᓂᕋᕋᕐᓂ ᐊᕐᓇᐅᑉ ᑎᐱᖃᕐᓂᖓᓐᓂ. ᐅᓐᓄᒻᒪ ᐊᑭᓖᓕᖅᑐᒥᓃᒃ ᓄᓕᐊᕐᒥᓂᒃ. ᐅᐊᑦᑎᐊᕉᓕᖅᑎᓪᓗᒍᒡᒎᖅ ᑐᓗᒐᖅ ᓇᐃᒪᓇᓱᐊᓕᖅᑐᒥᓂᖅ. ᖃᐅᔨᒪᓪᓗᓂ ᑎᕆᒐᓂᐊᕐᒦᙶᖅᑐᖅ. ᐊᕐᓇᖅ ᑎᕆᒐᓂᐊᖑᓚᐅᖅᓯᒪᔪᖅ ᕿᐊᓕᖅᑐᓂ. ᐊᕐᓇᐅᑉ ᑎᕆᒐᓂᐊᔭᖅ ᐱᓪᓗᓂᐅᒃ ᐊᖑᓚᓕᖅᑕᒥᓂᖓ ᑭᒍᑎᒻᒥᓄᑦ, ᕿᐊᖏᓐᓇᑦᑎᐊᖅᑐᓂ. ᐊᖑᓚᓪᓗᓂᐅᒃ ᓱᓕ ᐊᓱᐃᓪᓛᓪᓕ

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐊᑎᑲᓪᓚᑦᑖᓗᒋᕚ ᑎᕆᒐᓂᐊᔭᖅ ᑎᕆᒐᓂᐊᕈᒃᑲᓂᖅᑐᓂᓗ. ᑎᕆᒐᓂᐊᖅ ᐸᖓᓕᑲᑕᑦᑐᓂ ᓂᒪᑦᑐᐊᓘᓪᓗᓂᓗ ᑐᐱᕐᒥ. ᑐᓗᒐᖅ ᖁᐊᖅᓵᖅᑐᓂ ᖃᐃᒐᓪᓚᓕᖅᑐᒥᓂᖅ, “ᐄᖅ, ᐊᓯᕙᖃᑎᓐᓈᒪ ᓄᓕᐊᖓᓂ ᔭᒐᐃᑎᒃᑭᕙᕋ!” ᑭᕕᐅᖅ ᑐᓴᕋᒥ ᑐᓗᒐᕐᒥᑦ ᖃᐃᒐᓛᖅᑐᐊᓗᒻᒥ ᓂᙵᑦᑐᒥᓂᖅ ᐅᖃᖅᑐᓂᓗ,” ᐋᐋᖅ!” ᑭᓱᔅᓱᓐᓂᐊᓗᖏᓐᓇ! ᓇᑭᙶᖅᑐᐊᓗᖏᓐᓇ ᐊᓇᕐᓂᐊᓗᒃ?” ᑐᓗᒐᐅᑉ ᓄᓕᐊᖓᓕ ᐃᓪᓚᓕᖅᑐᓂ ᕿᐱᑦᑕᖅᑯᖅ. ᑭᕕᐅᑉ ᕿᐲᒃ ᐲᕐᖓᒋᑦ ᐊᓇᖅᑕᓕᒥᓂᐊᓗᒎᖅ. ᐊᕐᓇᖅ ᐊᓇᕈᒃᑲᓂᖅᑐᒥᓂᕉᖅ. ᑭᕕᐅᖅ ᑐᐱᕐᒥᓅᓵᕋᓱᑦᑐᓂᒃ ᓄᓕᐊᓂ ᑎᕆᒐᓂᐊᖅ ᕿᓂᕆᐊᖅᑐᓂᐅᒃ. ᑐᔾᔭᐃᓕᖅᑐᓂ ᑭᕕᐅᕐᓕ ᐃᙱᐅᔮᕐᔪᓕᖅᑐᓂ ᐱᓱᓕᖅᑐᖅ ᑭᓯᐊᓂᓕ ᐊᖑᙱᑕ ᓄᓕᐊᓂᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ34

ᐅᖃᓕᒫᒐᖅ 5

3�

ᕕᐅᖅ ᕿᓂᙳᖅᑐᓂ ᑎᕆᒐᓂᐊᕐᒥᑦ ᓄᓕᐊᖓᓂᒃ ᐊᓱᐃᓪᓛᓪᓕ ᑐᓚᒋᐊᖅᑐᓕᖅᑐᒥᓂᖅ. ᐊᔅᓱᐊᓗᒎᖅ ᑐᑦᑐᒥᓂᕐᒥᒃ ᑲᔾᔮᓕᖅᑐᓂ ᑐᑦᑐᓯᐅᓕᖅᑐᒥᓂᖅ.

ᐅᖓᓯᑦᑐᕈᓗᒻᒦᓕᖅᑐᓂ ᑭᕕᐅᖅ ᐊᐅᓚᔪᒥᒃ ᑕᑯᓕᕐᓂᕐᒥᔪᖅ. ᒪᕐᕉᔮᖅᑑᒃ ᐅᒥᒻᒫᒃ ᐹᔫᒃ ᐊᐳᖃᑦᑕᐅᑎᓪᓗᑎᓪᓗ. ᑕᑯᔭᖅᑐᓕᖅᑕᒥᓂᖏᒃ ᓱᒻᒪᖔᑎᒃ. ᖃᓪᓕᒐᒥᒎᖅ ᑭᕕᐅᖅ ᒪᕐᕉᓐᓂᒃ ᑭᙶᓘᓐᓂᒃ ᑕᑯᓪᓗᓂ ᐊᐳᖃᑦᑕᐅᑎᔪᐊᓘᓐᓂᒃ. ᖃᓂᓗᐊᕋᓱᐊᕋᓂ ᖃᐅᔨᒐᓱᐊᓕᖅᑐᖅ ᓱᓂᐊᕐᓂᕐᒥᓂᒃ. ᑭᕕᐅᖅ ᐅᐃᕙᕋᓱᐊᓕᖅᑐᓂᑦ. ᑭᓯᐊᓂᓕ ᖃᓪᓕᑐᐊᕋᒥ ᑭᙶᓘᒃ ᓇᓛᓅᖃᑦᑕᖅᑐᐊᓘᓪᓗᑎᒃ ᐊᖅᑯᑕᐃᒍᔾᔨᓪᓗᑎᒡᒎᖅ. ᓇᓛᓅᖏᓐᓇᑦᑎᐊᖅᑐᑎᒡᒎᖅ. ᐊᓯᐊᒎᕐᕕᖃᙱᑦᑎᐊᕐᖓᒡᒎ, ᑭᕕᐅᖅ ᐊᑯᓐᓂᖓᒎᓵᕆᐊᖓ ᐃᓱᒪᓕᖅᑐᒥᓂᖅ ᐊᕕᒃᑲᓂᕐᒥᒻᒪᑎᒃ. ᑭᙶᓘᒃ ᐊᕕᒻᒪᑎᒃ, ᑭᕕᐅᖅ ᐊᔅᓱᐊᓗᒃ ᐅᓪᓚᒍᓐᓇᕐᓂᓕᒫᒥᓂᒃ ᐅᓪᓚᔅᓯᓪᓗᓂ. ᑭᙶᓘᒃ ᑲᑎᒻᒪᑎᒃ ᐊᐳᖅᑐᐊᓘᒻᒪᑎᒃ ᑭᕕᐅᕐᓗ ᐊᓂᒍᙱᑲᓴᑦᑎᐊᖅᑐᓂᒎᖅ. ᓯᕐᓚᑦᑎᐊᖅ ᖄᖅᑕᐅᖏᑦᑐᖅ ᐊᓪᓛᑦ ᐅᕕᓂᕈᖓᑕ ᑐᓄᐊ ᐊᓕᒻᒪᕆᑦᑐᖅ ᓰᒥᐅᑎᒻᒪᖅᑲᐃ. ᑭᕕᐅᖅ ᑐᐊᕕᓕᖅᑐᓂ ᕿᒫᓵᕈᒪᓪᓗᓂ ᑭᙶᓘᓐᓂᒃ ᐅᖓᓯᔅᓯᒐᒥ ᖁᕕᐊᓱᓕᖅᑐᒥᓂᖅ. ᐃᑲᕐᕋᒐᓚᐃᒡᒎᖅ ᐊᓂᒍᖅᓯᒪᓕᖅᑎᓪᓗᒋᑦ, ᑭᕕᐅᖅ ᐊᖅᑯᓵᖅᓯᓕᕐᓂᕐᒥᔪᖅ ᐅᒃᑯᓯᕐᔪᐊᕌᓗᒻᒥᑦ. ᐅᐃᕙᕈᓐᓇᖏᑦᑎᐊᖅᑐᓂᐅᓪᓗ. ᐅᐃᕙᕋᓱᐊᕋᓗᐊᕋᐃᒻᒪᒍᒎᖅ, ᓇᓛᓅᓵᖃᑦᑕᖅᑐᕈᓘᓪᓗᓂ ᐃᑳᖅᑎᑎᑦᑕᐃᓕᒪᓪᓗᓂᐅᒃ. “ᓱᓂᐊᓕᖅᑯᖓᓕᑭᐊᕐᖓᐃ?” ᑭᕕᐅᖅ ᐃᓱᒪᓪᓗᓂ. ᐅᒃᑯᓯᐊᓗᒃ ᐆᒋᖃᓚᐅᖅᑐᒥᓂᖅ, ᑎᖅᑎᒃᑐᐊᓘᓪᓗᓂ. ᑭᕕᐅᕐᓕ ᖃᐅᔾᔨᐊᓪᓚᓕᖅᑐᒥᓂᖅ ᑖᒃᑯᐊᒎᖅ ᐆᒋᖏᑦ ᐃᓄᒥᓃᑦ. ᑭᕕᐅᕐᓕ ᐃᓱᒪᓕᖅᑐᒥᓂᖅ ᐅᖃᖅᑐᓂᓗ, “ᖃᓄᐊᓗᓪᓕᑭᐊᕐᖓᐃ ᐃᑳᕐᓂᐊᓕᕋᓗᐊᕆᕗᖓ?” ᖄᖓᓅᓵᖅᑐᓂ ᑭᕕᐅᖅ ᓯᓇᕐᔪᐊᓅᖅᑐᓂ ᐅᒃᑯᓯᐅᑉ. ᐃᔪᒃᑲᖅᑕᐃᓕᒪᑦᑎᐊᖅᑐᓂ ᒪᐅᔭᕋᓕᖅᑐᒥᓂᖅ ᐃᓄᒥᓂᕐᓂᑦ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

3�

ᓯᓇᕐᔪᐊᓅᒃᑲᓐᓂᓕᖅᑐᓂ ᐃᓪᓗᐊᓄᑦ. ᑭᕕᐅᖅ ᐊᖅᑲᓵᖅᑐᓂ ᓄᓇᒧᑦ ᐊᓪᓛᓪᓘᓐᓂᒡᒎᖅ ᐃᓯᒐᖏᑦ ᖃᐅᓯᓕᙱᑦᑎᐊᖅᑐᒥᓃᑦ. ᑭᕕᐅᖅ ᑕᖃᑦᑎᐊᕋᒥ ᑕᒪᒃᑯᐊᕌᓗᐃᑦ ᐃᑳᓵᕋᓱᐊᖃᑦᑕᖅᑐᓂᒋ ᐃᔅᓯᕚᑲᐃᓐᓇᓕᖅᑐᒥᓂᕉᖅ ᑕᖃᐃᖅᓯᖅᑐᓂ. ᑕᖃᐃᖅᓯᕐᓂᖓᓂ, ᐃᓱᒪᒋᓕᖅᑕᒥᓂᖓ ᓄᓕᐊᓂ ᑎᕆᒐᓂᐊᖑᓚᐅᖅᑐᖅ. “ᐊᔅᓱᐊᓗᒃ ᐅᖓᓕᖅᑕᕋ ᓄᓕᐊᕋ,” ᐃᓱᒪᓪᓗᓂ. ᑕᖄᐃᖅᓯᑲᐃᓐᓇᓚᐅᖅᑐᓂᒎᖅ ᐱᓱᓯᒋᐊᓕᖅᑐᒥᓂᖅ ᑕᐃᒪᓕ ᐹᖅᓯᖔᓕᕐᓂᕐᒥᔪᖅ ᐊᕐᓇᒧᑦ ᐅᑉᐸᑎᐊᓘᓐᓂᒃ. ᑕᐃᒪᐃᖅᑲᐅᒥᒐᒥ, ᐅᐃᕙᕆᐊᕋᓱᐊᒃᑲᓂᖅᑐᒥᓂᖅ ᐅᑉᐸᑎᐊᓘᓐᓂᑦ ᑭᓯᐊᓂᓕ ᓇᓛᓅᖃᑦᑕᖅᑐᐊᓗᑐᐃᓐᓈᒃ. ᓇᐅᒃᑯᕈᓘᔮᓘᕋᓱᐊᕋᓗᐊᕋᒥ ᑭᕕᐅᖅ ᐃᑳᕈᓐᓇᖅᑎᖏᑦᑎᐊᖅᑕᖓ ᐊᕐᓇᐅᑉ ᐅᑉᐸᑎᐊᓘᒃ. “ᖃᐅᔨᒪᓕᖅᑯᖓᓕ ᓱᓂᐊᕐᒪᖔᕐᒪ,” ᑭᕕᐅᖅ ᐅᖃᖅᑐᓂ. ᐊᓯᐊᓂ ᐃᓱᒪᒃᑲᓂᙱᑦᑎᐊᖅᑐᓂ ᐊᕐᓇᐅᑉ ᐅᑉᐸᑎᐊᓗᖏᒃ ᓄᓕᐊᓕᖅᑕᒥᓂᖏᑦ ᑕᖃᔪᐊᓘᓪᓗᑎᒃ ᐅᑉᐸᑎᐊᓘᒃ ᐊᓱᐃᓪᓛᓪᓕᒎᖅ ᑭᕕᐅᖅ ᕿᒪᔅᓯᔪᓐᓇᓕᕐᓂᖅᑯᖅ ᑐᐊᕕᙱᑦᑎᐊᖅᑐᓂ. ᑭᓯᐊᓂᑦᑕᐅᕉᖅ ᑕᖃᔪᕈᓘᓚᐅᖅᑐᖅ! ᑕᖃᐃᖅᓯᓚᐅᖅᑐᓂ ᕿᕕᐅᖅ ᑐᑦᑐᓯᐅᒃᑲᓐᓂᓕᖅᑐᒥᓂᕉᖅ. ᒪᕐᕉᓐᓂᒃ ᑐᑦᑐᑦᑐᓂ ᐃᓚᖏᑦ ᑐᑦᑐᒥᓃᑦ ᕿᓐᓂᓪᓗᓂᒋᒃ. ᐊᓱᐃᓪᓛᓪᓕ ᐱᓱᒃᑲᓐᓂᓕᖅᑐᓂ ᑐᐱᖅᓯᐊᑦᑕᖅᑯᖅ. ᐅᐸᑦᑐᓂᐅᒃ ᒪᕐᕉᓐᓂᒃ ᐊᕐᓇᑕᖃᖅᑐᓂ. ᑐᙵᓱᑦᑎᑕᐅᓪᓗᓂ ᐃᓯᖁᔭᐅᓪᓗᓂ ᖁᕕᐊᑦᑐᑎᓪᓗᒡᒎᖅ ᐳᓛᖅᑎᖃᕐᓂᐊᓕᕋᒥ. ᑭᕕᐅᖅ ᑕᐃᑲᓂᒥᐅᑕᐅᖃᑕᐅᓕᖅᑐᓂ ᐊᓱᐃᓪᓛᓪᓕᒎᖅ ᓄᓕᐊᑖᕆᓕᕐᓂᖅᐸᐃᑦ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 6

40

ᕕᐅᖅ ᖁᕕᐊᒋᔭᖃᓚᐅᖅᑐᖅ ᓄᓕᐊᖏᓐᓂᒃ. ᖃᐅᑕᒫᑦ ᓄᓇᒧᑦ ᐱᓱᑦᑐᓂ ᑐᑦᑐᓕᐊᖃᑦᑕᖅᑐᓂ ᐊᖏᕐᕋᕋᐃᒻᒪᓪᓗ ᓄᓕᐊᖏᒃ ᓯᓂᖃᑦᑕᖅᑑᒃ, ᑭᕕᐅᕐᓗ ᐊᐱᕆᓚᐅᖅᓯᒪᑦᑕᕋᓂ

ᓱᒻᒪᑦ ᓯᓂᖃᑦᑕᕐᒪᖔᑎᒃ ᑭᓯᐊᓂᓕ ᖃᐅᔨᒍᒪᓕᓚᐅᖅᑐᖅ. ᑭᕕᐅᖅ ᐅᖃᐅᔾᔨᓪᓗᓂ ᓄᓕᐊᖏᓐᓂᒃ, “ᑐᑦᑐᓕᐊᕋᒪ, ᐅᓐᓄᒃ ᑭᓯᐊᓂ ᐅᑎᕐᓂᐊᖅᑐᖓ.” ᑕᐃᒪᓕ, ᑭᕕᐅᖅ ᑐᑦᑐᓕᐊᙳᐊᓕᖅᑐᒥᓂᖅ ᐃᔨᖅᑐᓂᓗ ᐃᓄᔅᓱᒐᐃᑦ ᑐᓄᐊᓄᑦ ᑕᑯᓐᓇᓕᖅᑐᒥᓂᖅ. ᐅᓪᓘᓕᖅᑎᓪᓗᒍ ᓄᓕᐊᖏᒃ ᐊᓂᓪᓗᑎᒃ ᕿᒥᕐᕈᓕᖅᑐᑎᒡᒎᖅ ᑭᕕᐅᖅ ᑕᒫᓃᙱᒃᑲᓗᐊᕐᒪᖔᖅ. ᕿᔪᑦᑕᕆᐊᓕᖅᑐᒥᓃᖅ ᓯᒃᑭᑦᑕᖅᑐᑎᒃ ᐃᓪᓚᕋᓚᑦᑐᒥᓃᒃ ᐱᓱᑦᑑᒃ. ᑭᕕᐅᖅ ᑕᑯᔭᐅᓚᐅᕋᓂᑦ ᒪᓕᑦᑐᒥᓂᖅ. ᑕᐃᒃᑯᐊ ᒪᕐᕉᒡᒎ ᓄᓕᐊᖏᒃ ᑕᓯᑲᓪᓚᕈᓗᒻᒨᖅᑐᒥᓃᒃ. ᐊᐃᑉᐸᖓ ᐅᔭᕋᑲᓪᓚᕈᓗᓐᓄᑦ ᒥᓪᓗᓕᖅᑐᒥᓂᖅ ᑕᓯᕐᒧᑦ ᖃᐃᖁᔨᓕᖅᑐᑎᒃ, “ᐅᑦᑐᐃᓪᓕ ᐅᓱᑦᑐᕆᐊᖃᖅᑯᑦ. ᐅᓱᑯᔅᓲᒃ ᒪᐅᓇ ᓄᐃᓚᐅᕆᑦ! ᒪᐅᓇ ᓄᐃᓚᐅᕆᑦ!” ᐊᓱᐃᓪᓛᓪᓕᒎᖅ ᐅᓱᕐᔪᐊᕌᓗᒻᒥᑦ ᓄᐃᔪᖃᖅᑐᓂ ᑕᐃᒪᓕ ᑭᕕᐅᑉ ᓄᓕᐊᖓᑕ ᐊᐃᑉᐸᖓ ᑕᓯᕐᒨᖅᑐᓂ, ᑯᔭᓕᖅᑐᒥᓂᖅ ᐅᓱᒻᒥᒃ. ᐱᔭᕇᕐᖓᑦ ᐊᐃᑉᐸᖔᖓ ᑕᐃᒫᔅᓴᐃᓐᓇᖅ ᐱᓪᓗᓂ. ᓄᓕᐊᖏᒃ ᑐᐊᕕᓕᖅᑐᑎᒃ ᐊᖏᕐᕋᒥᓄᑦ, ᐆᔪᓕᐅᖅᑐᑎᒃ ᑭᕕᐅᕐᒧᑦ ᐃᓐᓇᑎᖅᑐᑎᒃ ᖃᐅᔨᒪᙱᑦᑎᐊᖅᑐᑎᒃ ᑭᕕᐅᖅ ᑕᑯᓐᓇᖅᑲᐅᒻᒪᑦ. ᖃᐅᑎᓪᓗᒍ ᒪᑭᑦᑐᓂ ᓱᓕ ᓄᓕᐊᖏᒃ ᓯᓂᑦᑎᓪᓗᒋᑦ ᑕᓯᕋᓛᕐᒨᓕᓚᐅᖅᓯᒪᔪᖅ. “ᓂᕿᐊᓗᒻᒥᑦ ᓂᕆᑎᓐᓂᐊᕋᒃᑭᑦ.” ᑭᕕᐅᖅ ᐅᖃᖅᑐᓂ. ᑭᕕᐅᖅ ᒥᓪᓗᖅᑐᓂ ᑕᓯᕐᒧᑦ ᓯᒃᑭᑕᙳᐊᖅᑐᓂ ᐃᓪᓚᕋᓚᙳᐊᖅᑐᓂ ᓄᓕᐊᖏᒃ ᑕᐃᒪᐃᓚᐅᕐᖓᑎᒃ. ᖃᐃᒐᓛᖅᑐᓂ, “ᐅᓱᑯᔅᓲᒃ ᖃᐃᓚᐅᕆᑦ! ᖃᐃᓚᐅᕆᑦ! ᐅᕝᕙ ᐅᑦᑐᒃ!” ᐊᓱᐃᓪᓛᓪᓕ ᐅᓱᐊᓗᒃ ᓴᖅᑭᖅᑐᐊᓘᕗᖅ ᑕᓯᕐᒥ. ᑭᕕᐅᖅ ᑕᓯᕐᒨᖅᑐᓂ ᓯᒃᑭᑕᙳᐊᖅᑐᓂ ᐃᓪᓚᕋᓗᙳᐊᖅᑐᓂᓗ. ᖃᓪᓕᒻᒪᑦ ᑎᒍᓪᓗᓂᐅᒃ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

41

ᐅᓱᐊᓗᒃ, ᑲᐱᔮᓗᒋᕚ ᓇᑲᑦᑐᓂᐅᓪᓗ. ᑕᓯᖅ ᐊᐅᒻᒥᑦ ᑕᑕᑦᑎᐊᓕᖅᑐᓂ. ᑭᕕᐅᕐᓕ ᐊᖏᕐᕋᖅᑐᓂ ᐅᓱᐊᓗᒃ ᐆᔪᓕᐊᕆᓕᖅᑕᒥᓂᖓ. ᑐᐹᖅᑐᓂᒋᒃ ᓄᓕᐊᖏᒃ ᐅᖃᖅᑐᓂᓗ, “ᐆᔪᓕᐅᕈᑎᕋᑖᕆᔅᓯ, ᐊᑏᑦ ᐊᖏᔪᐊᓗᓐᓂᒃ ᓂᕆᓇᓱᐊᕆᔅᓯ.” ᓂᕆᓪᓗᑎᒃ ᕿᕕᐊᖃᑦᑕᐅᑎᓕᖅᑐᒥᓃᒃ ᓄᓕᐊᖏᒃ ᐊᐱᕆᓪᓗᑎᓪᓗ, “ᐅᓇ ᑭᓱᑯᓗᒃ? ᒪᒪᖅᑐᐊᓗᒃ ᑎᓯᔪᐊᓘᓪᓗᓂᓗ, ᓄᑭᕈᔫᑦᑎᐊᖅᑐᓂᓗ.” ᑭᕕᐅᕐᓕ ᑭᐅᓪᓗᓂ, “ᐅᐃᕕᑦ ᐅᓇ ᐅᓱᖓ, ᖁᕕᐊᒋᔮᓗᔅᓯ.” ᑭᕕᐅᑉ ᓄᓕᐊᖏᒃ ᕿᐊᓯᓪᓗᑎᒃ. ᑭᕕᐅᖅ ᐊᔅᓱᐊᓗᒃ ᓄᓕᐊᖏᓐᓄᒃ ᓂᙵᐅᒪᓕᖅᑐᒥᓂᕉᖅ. ᐊᓂᓪᓗᓂ ᓄᐊᑦᑎᓕᖅᑐᒥᓂᖅ ᖁᐱᕐᕈᑯᑖᕈᓗᓐᓂᒃ ᓄᓇᒥᐅᑕᓂᒃ. ᐊᖏᕐᕋᕋᒥᒎᖅ ᓄᓕᐊᓂᒃ ᐊᐱᕆᓕᖅᑕᒥᓂᖏᒃ ᓇᓪᓕᐊᓐᓂ ᑲᑉᐱᐊᒋᔭᖃᓛᖑᒻᒪᖔᑎᒃ, ᖁᐱᕐᕈᑯᑖᕈᓗᓐᓂᒃ ᐊᑦᑐᓈᕐᒥᓪᓘᓐᓃᑦ. ᑭᕕᐅᖅ ᕿᑎᕈᓪᓕᐊᓗᓐᓂᒃ ᓈᕕᑦᑎᓪᓗᓂ ᓇᑎᕐᒧᑦ ᑐᐱᕐᒥ. ᐅᖃᐅᑎᓪᓗᓂᐅᒃ ᑕᐃᓐᓇ ᓄᓕᐊᖓ ᑲᑉᐱᐊᓱᖃᙱᓐᓂᕋᖅᑐᖅ ᕿᑎᕈᓪᓕᓂᒃ ᖃᓪᓕᖏᖁᓪᓗᓂᐅᒃ ᐃᖏᖁᕚ ᕿᑎᕈᓪᓕᓄᑦ. ᕿᑎᕈᓪᓕᐊᓗᐃᑦ ᐳᓚᓪᓗᑎᒃ ᐅᑦᑐᖓᒍᑦ ᐊᓪᓛᑦ ᐃᑎᖓᒍᑦ ᓂᕆᔭᐅᓕᖅᑐᓂ ᐃᓗᐊᓂ ᓯᓚᑖᓄᑦ. ᑭᕕᐅᖅ ᐊᑦᑐᓈᕐᒧᑦ ᕿᒥᓕᖅᑕᒥᓂᖓ ᐊᐃᑉᐸᖓ ᓄᓕᐊᓂᑦ ᑐᖁᓪᓗᓂᐅᒃ. ᑕᐃᓐᓇᓗ ᓯᕗᓪᓕᖅᐹᖅ ᕿᑎᕈᓪᓕᓄᑦ ᑐᖁᑕᐅᖅᑲᐅᔪᖅ ᕿᒥᑦᑐᓂᐅᒃ ᑐᖁᓪᓚᕆᒃᑲᓗᐊᕐᒪᖔᖅ ᖃᐅᔨᒪᓂᐊᕋᒥ. ᐊᓱᐃᓪᓛᓪᓕ ᑭᕕᐅᖅ ᐃᓄᑑᖏᓐᓇᓕᖅᑐᓂ ᑭᓯᐊᓂᓕ ᐊᖏᕐᕋᒥᓅᕈᒪᓕᓚᐅᖅᑐᖅ. ᐊᓱᐃᓪᓛᒎᖅ ᐸᕐᓇᓕᖅᑐᓂ, ᓇᒻᒪᓕᖅᑐᓂ ᐱᓱᓯᐅᔮᕐᔪᓕᖅᑐᒥᓂᖅ ᓯᕿᓂᐅᑉ ᒥᔅᓵᓄᑦ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 7

44

ᕕᐅᖅ ᐊᑯᓂᐊᓗᒃ ᐱᓱᑦᑐᓂ ᑕᖃᓪᓗᓂᓗ, ᓱᓇᒃᑯᑖᖏᑦ ᐃᓕᓪᓗᓂᒋᒃ ᓯᓂᓕᖅᑐᒥᓂᖅ ᓄᓇᐃᓐᓇᕐᒥ. ᐃᖅᑯᒻᒪᕋᒥ ᑐᓴᖅᑑᔮᖅᑐᓂᒎᖅ ᑲᖑᕐᕙᓗᓐᓂᒃ ᐊᓱᐃᓛᒎᖅ

ᖁᓚᐅᑦᑐᖃᓕᖅᑐᓂᒃ ᑲᖑᕐᓂᒃ. ᒪᑭᑦᑐᓂ, ᑭᕕᐅᖅ ᖃᐅᔨᓕᕐᒥᔪᖅ ᐊᕐᓇᕕᐊᒥᒃ ᑲᖑᕐᒥᒃ ᓴᓂᓪᓕᖃᖅᑐᓂ. ᐃᓱᐃᓪᓛᓪᓕ ᑭᕕᐅᖅ ᓄᓕᐊᖅᑖᓕᕐᓂᕆᕗᖅ ᑲᖑᕐᒥᒃ. ᑲᖑᖅ ᐊᓈᓇᒥᓂᒥᐅᑕᐅᓚᐅᖅᑐ ᐊᓱᐃᓪᓛᓪᓕ ᑭᕕᐅᖅ ᑕᐃᑲᓂᒥᐅᑕᐅᖃᑕᐅᓕᖅᑐᓂ ᑐᐱᖓᓐᓂ. ᐅᑭᐊᔅᓵᖑᓚᐅᖅᓯᒪᒻᒪᑦ ᑭᕕᐅᕐᓕ ᕿᓐᓂᔅᓴᓂᒋᐊᖃᕐᓂᐊᖅᑐᓂᒎᖅ ᐅᑭᐅᓚᐅᙱᓐᓂᖓᓐᓂ. ᑐᓐᓄᑖᕆᐊᖃᖅᑐᓂᓗ ᖁᓪᓕᕐᒥᓄᑦ. ᑭᕕᐅᖅ ᖃᐅᑕᒫᑦ ᐊᓯᕙᖃᑦᑕᓚᐅᖅᑐᖅ ᐊᖏᕐᕋᕋᐃᒻᒪᓪᓗ ᑕᖃᓯᒪᖃᑦᑕᖅᑐᓂ ᑳᑦᑐᐊᓘᓪᓗᓂᓗ. ᑭᕕᐅᖅ ᐊᖏᕐᕋᕋᐃᒻᒪᑦ ᓄᓕᐊᖓ ᐅᖃᖅᐸᑦᑐᓂ, “ᐅᐃᒃ, ᐅᕝᕙ ᓂᕆᓂᐊᖅᑕᐃᑦ, ᑲᒥᓪᓚᓚᐅᕐᓚᒋᑦ ᐸᓂᖅᓯᕐᓗᒋᓪᓗ.” ᑭᕕᐅᑉ ᑲᒥᖏᒃ ᐸᓂᕋᐃᒻᒪᑎᒃ ᑭᕕᐅᑉ ᓴᓂᐊᓅᖃᑦᑕᖅᐸᑦᑕᒥᓂᖏᑦ ᐊᑐᐃᓐᓇᕈᖅᓴᖅᑐᓂᒋᒃ. ᑭᕕᐅᖅ ᓄᓕᐊᖓᓗ ᑕᓪᓕᒪᓂᒃ ᑲᖑᐊᕋᖃᓚᐅᖅᑑᒃ. ᑕᐃᓐᓇ ᑲᖑᖅ ᐊᔅᓱᐊᓗᒃ ᓴᓗᒪᔫᓚᐅᖅᑐᖅ ᓴᓂᐊᕐᔪᑯᓘᒐᓗᐊᕐᓂᒃ ᑕᑉᐱᓚᐅᖅᑐᖅ. ᐊᖑᑏᑦ ᐊᕐᕕᒻᒪᑕ, ᐊᕐᓇᐃᑦ ᐊᔾᔭᖅᑐᖅᑎᑕᐅᖃᑦᑕᓚᐅᖅᓯᒪᔪᑦ ᓯᔾᔭᒧᑦ. ᑖᓐᓇᓕ ᑲᖑᖅ ᓄᓕᐊᖓ ᑭᕕᐅᑉ ᑕᐃᒪᐃᒍᒪᓚᐅᙱᑦᑐᖅ ᐅᖅᓱᒥᒍᒪᙱᓐᓇᒥ. ᐊᐅᒥᒍᒪᒐᓂᓗ ᓱᓗᑯᓗᖏᒃ ᐊᐅᒥᑦᑕᖅᐱᐊᕐᖓᑕ, ᑭᕕᐅᖅ ᓯᒡᒐᔾᔨᓕᓚᐅᖅᑐᖅ ᐊᖑᑎᐅᖃᑎᒥᓂᒃ ᓄᓕᐊᖏᓪᓕ ᐃᑲᔪᖅᑎᐊᓚᐅᕐᖓᑕ, ᐊᓱᐃᓪᓛᓪᓕ ᖃᐃᒐᓪᓚᑦᑐᓂ ᐊᕐᓇᒥᓄᑦ, “ᖃᐃᓚᐅᕆᑦ ᐃᑲᔪᓚᐅᙵ ᐅᖅᓱᒥᒃ ᓂᕿᓂᓪᓗ ᑐᐱᕐᓅᕈᔾᔨᑎᓪᓗᖓ.” ᑭᕕᐅᕐᓕ ᓂᙵᑦᑐᓂ ᑕᓗᕈᒃᑯᔾᔨᓕᖅᑐᓂᓗ ᓄᓕᐊᕐᒥᓂᒃ. “ᑎᒍᒥᐊᑦᑎᐊᓚᐅᕈᒃ ᐊᔾᔭᖅᓯᖃᑦᑕᓚᐅᕆᑦ ᐊᕐᓇᐃᑦ ᑕᐃᒫᒃ ᐊᔾᔭᖅᓯᒻᒪᑕ,” ᖃᐃᒐᓪᓚᑦᑐᓂ. ᑲᖑᖅ ᓂᙵᑦᑐᓂ ᖃᐃᒐᓪᓚᓕᕐᒥᔪᖅ ᑭᕕᐅᕐᒧᑦ, “ᐅᖅᓱᕈᓗᐊᓗᒻᒥᑦ ᐊᔾᔭᖅᓯᒍᒪᙱᓐᓇᒪ”

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

45

ᐊᐃᕙᐅᑎᓕᕆᓪᓗᑎᒃ. ᑭᕕᐅᖅ ᐅᖅᓱᑲᓪᓚᕈᓗᒻᒥ ᑎᒍᓯᓪᓗᓂ ᒥᓗᕆᐅᔾᔭᒥᓂᖓ ᓄᓕᐊᕐᒥᓄᑦ. ᑲᖑᖅ ᕿᐊᓕᖅᑐᓂ ᑐᐱᕐᒥᓄᑦ ᐅᑎᑦᑕᓕᕆᕗᖅ. ᑭᕕᐅᑉ ᓴᑭᖓ ᑲᖒᒻᒥᔪᖅᑕᐅ, ᑕᓯᕐᒨᖃᑦᑕᕈᒪᒐᒥ ᑕᓯᕐᒨᖃᑦᑕᖅᑐᓂ ᓂᕆᔭᖅᑐᖅᑐᓂ ᐃᕕᔅᓱᒐᕐᓂᒃ, ᑲᖑᖅ ᓴᑭᖓ ᓂᕆᑎᓪᓗᒍ ᐃᕕᔅᓱᒐᕐᓂᒃ ᐅᖃᖅᑐᓂᓗ, “ᓂᕆᔪᐊᓗᑐᐃᓐᓇᐅᓂᐊᖅᑲᓪᓕ ᐃᕕᔅᓱᒐᕐᓂᑦ?” ᑭᕕᐅᑉ ᓄᓕᐊᖓ ᑐᓴᕋᒥ ᑲᑉᐱᐊᓱᓚᐅᖅᑐᖅ ᐅᐱᓐᓇᕋᓂᓕ ᓂᒋᐊᓅᖅᐸᓪᓕᐊᒋᐊᖃᕐᓂᐊᓕᕐᖓᑕᓕ. ᐊᓈᓇᖓ ᐃᖅᑯᓪᓕᓚᐅᖅᓯᒪᙱᑦᑎᐊᕐᖓᑦ ᑕᒪᒃᑯᓂᖓ ᐃᕕᔅᓱᒐᑯᓗᓐᓂᑦ ᓂᕆᕙᑦᑕᖏᓐᓂ. ᑭᕕᐅᖅ ᓄᓕᐊᖓ ᕿᑐᕐᖓᖏᓐᓄᑦ ᐅᖃᓚᐅᖅᑐᖅ, “ᐊᒃᑲᓯ/ᐊᖓᓯ ᐊᔭᓯ/ᐊᑦᑕᓯᓗ ᐊᐅᓪᓚᓛᓕᕐᖓᑕ. ᖃᐅᔨᓴᖃᑦᑕᖅᓯᐅᒃ ᒪᓕᔅᓴᓛᕋᑦᑎᒍ. ᑭᓯᐊᓂᓕ ᐊᑖᑕᓯ ᐃᖅᑯᓕᕐᕕᒋᑦᑕᐃᓕᑦᑎᐊᖅᓯᐅᒃ.” ᑲᖑᐊᕋᑦ ᐊᓃᙳᐊᖅᑐᑎᒃ ᑐᐱᐅ ᓯᓚᑖᓂᑦᑎᐊᖅ ᑕᑯᒐᐃᒻᒪᑕ ᑲᖑᕐᓂᒃ ᐊᐅᓪᓚᓕᖅᑐᓂᒃ ᐅᓪᓚᔅᓯᓵᖃᑦᑕᓚᐅᖅᑐᑦ ᐊᓈᓇᒥᓄᑦ ᐅᖃᕆᐊᖅᑐᖅᑐᑎᒃ, “ᑕᑉᐸᑲᓕ! ᑕᑉᐸᑲᓕ!” ᐊᓈᓇᖓᑕ ᒪᓕᖁᓇᓂᒋᑦ, ᐊᔭᒋᙱᒻᒪᒋᑦ/ᐊᑦᑕᒋᙱᒻᒪᒋᑦ ᐊᒻᒪᓗ ᐊᒃᑲᒋᙱᒻᒪᒋᑦ/ᐊᖓᒋᙱᒻᒪᒋᓪᓗ. ᑲᖑᐊᕋᐃᑦ ᑕᑯᒻᒥᒻᒪᑕ ᑲᖑᕐᓂᒃ ᐊᐅᓪᓚᓕᖅᑐᓂᒃ ᐊᓈᓇᒥᓂᒃ ᐊᐱᕆᓚᐅᖅᑐᑦ ᐃᓚᒋᒻᒪᖔᒋᒃ. ᑭᕕᐅᑉ ᓄᓕᐊᖓ ᐅᖃᖅᑐᓂ, “ᐃᓚᒋᕙᓪᓚᐃᖏᑦᑕᓯ ᐅᑯᐊ,” ᕿᑐᕐᖓᒥᓄᑦ ᑕᐃᒪᐃᓕᓪᓗᓂ, “ᓯᔾᔭᒨᓚᐅᕆᔅᓯ ᓱᓗᔅᓯᐅᕆᐊᕐᓗᓯ.” ᑲᖑᐊᕋᐃᑦ ᑲᖒᓪᓗᑎᒃ ᓱᕈᓯᐅᓯᓐᓈᓚᐅᖅᑐᑦ ᐊᒡᒐᖃᖅᑐᑎᒃ. ᓱᓗᐃᑦ ᐊᓈᓇᒥᓅᕈᑎᓪᓗᓂᒋᒡᒎ ᐊᓱᐃᓪᓛᓪᓕᒎᖅ ᐊᓈᓇᖓᑕ ᑯᑭᐊᑕ ᐃᑭᐊᖓᓅᖅᑲᖅᑐᓂᒋᒃ ᓱᕈᓯᐅᑉ. ᕿᐊᓕᖅᑐᑎᒃ ᐃᒫᒃ, “ᖀ, ᖄ, ᖀ, ᖄ, ᖀ, ᖄ” ᐊᓱᐃᓪᓛᓪᓕ ᑎᖏᓪᓗᑎᑦ. ᑭᕕᐅᕐᓕ ᐊᖏᕐᕋᕋᒥᒡᒎ ᐊᓯᕙᖅᓯᒪᓚᐅᖅᑐᓂ ᓴᑭᓂ ᐊᐱᕆᓕᖅᑕᒥᓂᖓ ᓇᒧᙵᓂᕐᒪᖔᑕ ᓄᓕᐊᖓ ᕿᑐᕐᖓᖏᓪᓗ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᖃᐅᔨᒪᓂᕋᕐᓇᓂ ᐊᓱᐃᓪᓛᓪᓕ ᕿᕕᐅᖅ ᕿᓂᕆᐊᓕᖅᑐᒥᓂᖅ. ᕿᕕᐅᖅ ᒪᓗᒍᓱᓚᐅᙱᒻᒪᕆᑦᑐᑦ ᐃᓚᓕᒫᑦᑎᐊᖏᑦ ᐊᐅᓪᓚᖅᑲᐅᓂᖏᓐᓂᒃ.

ᐊᑭᓂᕐᒧᑦ ᐅᓂᒃᑳᖅᑐᐊᑦ4�

ᐅᖃᓕᒫᒐᖅ 8

4�

ᕕᐅᖅ ᖁᕕᐊᓱᒍᑎᖃᓚᐅᙱᑦᑐᖅ ᓄᓕᐊᕐᒥᓂᒃ ᐃᓚᖏᓐᓂᓪᓗ ᕿᒪᑐᐃᓐᓇᖅᑐᒥᓂᕐᓂᑦ ᐱᓚᑦᑐᓂ ᐊᕐᕕᒻᒥᒃ ᐱᓱᑐᐃᓐᓇᓕᖅᑐᓂᓗ ᕿᓂᕆᐊᖅᑐᓂᒋᑦ. ᑭᕕᐅᖅ ᐊᑯᓂᐊᓗᒃ

ᐱᓱᑦᑐᓂ ᐊᖑᑎᕐᔪᐊᕌᓗᒻᒥᒃ ᐹᖅᓯᒻᒪᑦ ᑰᑉ ᓴᓂᐊᓃᑦᑐᒥᒃ ᐊᒡᒍᐃᔪᖅ ᕿᔪᒻᒥᒃ ᐅᓕᒪᐅᑎᒥᓄᑦ. ᑭᕕᐅᖅ ᐊᐱᕆᔪᒪᓕᖅᑐᓂᐅᒃ ᐊᖑᑎᐊᓗᒃ ᑕᑯᓚᐅᕐᓂᕐᒪᖔᖅ ᑭᕕᐅᑉ ᐃᓚᖏᓐᓂᒃ. ᑭᕕᐅᖅ ᐅᐸᑦᑐᓂᐅᒃ ᐊᖑᑎᐊᓗᒃ ᓵᑦᑎᐊᖓᓃᑦᑐᓂ. ᑭᕕᐅᖅ ᑕᑯᔪᓐᓇᓚᐅᖅᑐᖅ ᓂᕆᓕᒃᑕᖓᓐᓂ ᐃᑎᖓᒍᑦ. ᐃᕐᕋᕕᖃᕐᓂᖏᑦᑐᖅ. ᑭᕕᐅᖅ ᐃᓱᒪᓕᓚᐅᖅᑐᖅ ᐱᐅᓂᖅᓴᐅᔭᕆᐊᖓ ᓴᓂᕋᖔᖓᒍᑦ ᐅᐸᓪᓗᓂᐅᒃ ᑲᙳᑎᓐᓂᐊᖏᒻᒪᑦ. ᐊᓱᐃᓪᓛᓪᓕ ᓴᓂᕋᖓᒍᑦ ᐅᐸᓕᖅᑐᓂᐅᒃ. ᐊᖑᑎᐊᓗᒃ ᐱᓕᕆᔪᑯᓗᐊᐱᒃ ᖃᐅᔨᓚᐅᙱᑦᑐᖅ ᑭᕕᐅᖅ ᖃᐃᒐᓗᐊᕐᖓᑦ. ᖁᒻᒧᑦ ᑕᑯᓴᕐᖓᑦ ᑭᕕᐅᕐᒥᓪᓗ ᐊᐱᕆᓪᓗᓂ, “ᓇᐅᒃᑰᖅᑐᑎᒃ ᐅᐸᑉᐱᙵ?” “ᓴᓂᕋᑦᑎᒍᑦ,” ᑭᕕᐅᖅ ᑭᐅᓪᓂ. ᐊᖑᑦ ᓱᓕ ᐊᐱᕆᒃᑲᓂᖅᑐᓂ, “ᓇᐅᒃᑰᖅᑐᑎ ᐅᐸᑉᐱᙵ? ᑐᓄᒃᑰᕐᓂᕈᕕᑦ ᐊᒡᒍᕐᓂᐊᕆᒃᑭᑦ ᐅᓕᒪᐅᑎᓐᓄᑦ.” ᑭᕕᐅᖅ ᐅᖃᐅᑎᓪᓗᓂᐅᒃ ᓴᓂᕋᖓᒎᕐᓂᕋᖅᑲᐅᓪᓗᓂ, ᓱᓕᙱᒃᑲᓗᐊᕐᖓᑦ. ᐊᖑᑦ ᖁᔭᓐᓇᒦᖅᑐᓂ ᑭᕕᐅᕐᒥᒃ ᐅᑉᐱᕆᒐᒥᐅᒃ. ᑭᕕᐅᖅ ᐊᐱᕆᓪᓗᓂ ᑕᑯᓐᓂᕐᒪᖔᖅ ᓄᓕᐊᖓᓐᓂ ᓱᕈᓯᖏᓐᓂᓪᓗ. ᐊᖑᑦ ᑕᑯᔪᒥᓂᐅᓂᕋᖅᑐᓂ. ᐊᑯᓂᑲᓪᓚᕈᓗᒃ ᑕᒫᓃᖅᑲᐅᒻᒪᑕ, ᐃᑳᓚᐅᙱᓐᓂᖏᓐᓂ ᑰᒃᑯᑦ. ᑭᕕᐅᖅ ᒪᓕᒍᒪᓪᓗᓂ ᐃᓚᖏᓐᓂ ᑭᓯᐊᓂᓕ ᖃᐅᔨᒪᓚᐅᙱᑦᑐᖅ ᖃᓄᖅ ᐃᑳᕐᓂᐊᕐᒪᖔᕐᒥ. ᑭᕕᐅᖅ ᐊᐱᕆᓪᓗᓂ ᐊᖑᒻᒥᒃ, “ᖃᓄᖅ ᐃᑳᕐᓂᐊᕋᒪ?” ᐊᖑᑦ ᑭᕕᐅᕐᒧ ᐃᑲᔪᕈᓐᓇᕐᓂᕋᖅᑐᓂ ᐃᑳᕋᓱᐊᕐᓂᖓᓐᓂ ᐱᓕᕆᐊᖏᓐᓂ ᐱᔭᕇᖅᑲᑦ. ᐊᓱᐃᓪᓛᒃ ᐊᒡᒍᐃᖏᓐᓇᖅᑐᓂᒃ ᕿᔪᓐᓂᒃ ᕿᔪᑲᓪᓚᕈᓗᓐᓂᒃ ᑲᑕᑦᑐᖃᕋᐃᒻᒪᑦ ᑰᒻᒧᑦ ᐃᖃᓗᕈᖅᐸᑦᑐᑎᒃ. ᑭᕕᐅᖅ ᑕᑯᓐᓇᑐᐃᓐᓇᖅᑐᓂ ᐊᒡᒍᐃᑎᓪᓗᒍ ᐊᖑᑦ ᐊᖏᔪᐊᓗᒻᒥᒃ ᐲᖅᑐᖃᕐᖓᑦ ᐊᒻᒪᓗ ᑰᕐᒨᖅᑐᓂ ᐃᖃᓗᐊᓗᕈᖅᑐᓂ. ᑭᕕᐅᕐᒧ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

4�

ᐅᖃᖅᑐᓂ ᑰᒻᒨᖁᔨᓪᓗᓂ ᐃᖃᓗᐊᓘᑉ ᐸᐱᕈᖓᓅᖁᔨᓪᓗᓂ. ᑭᕕᐅᑉ ᓂᐅᑐᐊᖏᑦ ᐃᒫᖅᓯᒪᓪᓗᑎᒃ. ᐃᖃᓗᒃ ᐃᑳᖅᑐᓂ ᑭᕕᐅᕐᓗ ᓂᐅᓪᓗᓂ. ᑭᕕᐅᖅ ᖁᔭᓐᓇᒦᖅᑐᓂ ᐃᖃᓗᒻᒥᒃ ᐊᓱᐃᓪᓛᓪᓕ ᐱᓱᓕᖅᑐᓂ. ᑭᕕᐅᖅ ᐅᓪᓗᓂᒃ ᖁᓕᓂᒃ ᐱᓱᑦᑐᓂ, ᓯᓂᑲᐃᓐᓇᖃᖅᑕᖅᑐᓂ. ᑎᑭᑦᑕᓯᓐᓇᖅᑕᓕᖅᑯᖅ ᑐᐱᖅᑕᓕᒻᒧᑦ ᓄᓇᒥ. ᑭᕕᐅᖅ ᓱᕈᓯᕐᓂᒃ ᐱᙳᐊᖅᑐᓂᒃ ᑕᑯᓪᓗᓂ ᐃᓕᓴᕆᓪᓗᓂᒋᑦ ᓱᓇᐅᕝᕙᐃᒃᑯᐊ ᓇᒻᒥᓂᖏᑦ. ᓱᕈᓰᑦ ᑕᑯᓪᓗᑎᒃ ᑭᕕᐅᕐᒥᒃ ᐊᒡᒋᓕᖅᑐᒥᑦ ᐊᒻᒪᓗ ᓄᑲᖅᑎᖅᐹᖅ ᑐᐱᕐᒨᖅᑐᓂ ᐊᓈᓇᒥᓂᒃ ᐅᖃᐅᔾᔨᔭᖅᑐᖅᑐᖅ ᐊᑖᑕᖓ ᑎᑭᒻᒪᑦ. ᐊᓈᓇᖓ ᐅᖃᖅᑐᓂ, “ᐊᑖᑕᐃᑦ ᑎᑭᔾᔮᖏᑦᑐᖅ ᐅᐱᓐᓇᕋᓂ ᕿᒪᓚᐅᕋᑦᑎᒍ ᑰᑉ ᐊᑭᐊᓄᑦ.” ᓄᑲᑉᐱᐊᑯᓗᒃ ᐅᖃᕋᓱᐊᖅᑐᓂᓗ ᐊᑖᑕᖓᒎᖅ ᖃᐃᓕᕐᖓᑦ, ᑭᕕᐅᖅ ᓄᓕᐊᖓ ᑲᖑᖅ ᓇᓗᓕᖅᑐᓂ. “ᐊᑏᑦ ᖃᐃᖁᓕᕈ ᐅᕗᖓ.” ᓄᑲᑉᐱᐊᑯᓗᒃ ᐊᓂᓪᓗᓂ ᐊᑖᑕᒥᓄᑦ ᐅᖃᖅᑐᓂ. “ᐊᓈᓇᒪ ᖃᐃᖁᒻᒪᑎᑦ, ᐃᓯᓕᕆᑦ. “ᑭᕕᐅᖅ ᐃᓯᖅᑐᓂ ᑐᐱᕐᒧᑦ ᐃᓕᓴᕆᑦᑕᐅᑎᒋᓪᓗᓂᐅᒃ ᑲᖑᖅ ᓄᓕᐊᖓ ᐊᒻᒪᓗ ᑲᖑᖅ ᐃᓕᓴᖅᓯᓪᓗᓂ ᐅᐃᒋᓂᖓᓂᒃ. ᑲᖑᖅ ᐅᐃᓂᑦᑐᒥᓂᐅᓪᓗᓂ ᖃᖁᓪᓗᒃ ᐸᕐᓇᓵᖅᑐᐊᓘᓕᖅᑐᓂ ᐊᓂᓵᕐᓂᐊᓕᕋᒥ. ᖃᖁᓪᓗᒃ ᐅᑎᖅᑐᓂ ᐅᖃᓕᕆᕗᖅ, “ᐊᕿᐊᕈᕋ ᕿᒪᒃᑲᒃᑯ. ᓇᐅᓕ?” ᑲᖑᖅ ᓄᓕᐊᖓ ᐊᕿᐊᕈᒻᒥᓂᒃ ᑐᓂᓪᓗᓂ ᐊᓱᐃᓪᓛᓪᓕ ᑲᖁᓪᓗᒃ ᑎᖏᓪᓗᓂ. ᑭᕕᐅᕐᓕ ᖁᕕᐊᓕᓚᐅᖅᑐᖅ ᐃᓚᖏᑦ ᐱᓯᒪᓕᕐᖓᒋᑦ ᑭᓯᐊᓂᓕ ᑲᖑᖅ ᐃᓄᓐᓃᒍᒪᒍᓐᓃᓚᐅᖅᑐᖅ ᐊᑯᓂᐅᙱᑦᑐᖅ ᑎᖏᑐᐃᓐᓇᓕᖅᑐᒥᓃᑦ ᕿᒪᔅᓯᓪᓗᑎᑦ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 9

52

ᕕᐅᖅ ᖃᐅᔨᒪᑦᑎᐊᓚᐅᖅᑐᖅ ᐅᑎᓵᕆᐊᖃᕐᓂᐊᕋᒥ ᐅᑭᐅᓚᐅᙱᓐᓂᖓᓐᓂ ᑕᓰᓪᓗ ᐃᒪᕐᓗ ᓯᑯᓚᐅᙱᓐᓂᖏᓐᓂ. ᐊᓱᐃᓪᓛᓪᓕ ᐃᒫᖅᑐᓂᐅᒃ ᖃᔭᓂ

ᐸᐅᓕᖅᑐᓂ ᐊᖏᕐᕋᖓᑕ ᒥᔅᓵᓄᑦ. ᑭᕕᐅᕐᓕ ᖃᐅᔾᔨᐊᓪᓚᓕᕆᕗᖅ ᓯᑯᐊᖅᓯᒪᔪᒃᑰᓕᕋᒥ ᐊᓱᐃᓪᓛᓪᓕ ᐃᒪᒃᑰᓕᖅᑕᓂᖅᑯᖅ ᐊᑦᑕᓇᖅᑐᒦᒍᓐᓃᖅᑐᓂ. ᑭᕕᐅᕐᓕ ᐃᒫᓂ ᐊᐅᓚᔪᒥᒃ ᑕᑯᓪᓗᓂ ᖃᔭᖓᑕ ᓯᕗᓂᑦᑎᐊᖓᓂ. ᓇᑦᑎᐅᓱᒋᓚᐅᖅᑕᖓ. ᑕᐃᓐᓇ ᐆᒪᔪᐊᓗᒃ ᖃᓪᓕᕙᓪᓕᐊᓪᓗᓂ ᖃᐅᔨᑦᑕᓕᖅᑯᖅ ᑭᕕᐅ ᑖᓐᓇ ᐆᒪᔪᖅ ᑑᑕᓕᐅᒻᒪᖔᑦ. ᑑᑕᓕᒃ ᐳᐃᖃᑦᑕᑐᐃᓐᓇᖅᑐᓂ ᑭᕕᐅᕐᒧᑦ, ᐊᖅᑲᖃᑦᑕᖅᑐᓂ ᐳᐃᓕᖅᑭᖃᑦᑕᖅᑐᓂᓗ. ᑕᐃᒪᓕ, ᑑᑕᓕᒃ ᑭᕕᐅᕐᒧᑦ ᐅᖃᖅᑐᓂ, “ᓇᐅᓕᙵ. ᓇᐅᓕᙵ ᖃᔭᐃᑦ ᓱᕋᖅᑎᑕᖅᐱᐊᕋᒃᑯ.” ᑑᑕᓕᓪᓕ ᐊᓱᐃᓪᓛᒃ ᕿᑦᑐᑳᖅᓯᓕᕐᓂᖅᑯᖅ ᑭᕕᐅᑉ ᖃᔭᖓᓂ ᑯᑭᐊᓗᒻᒥᓄᑦ. ᑭᕕᐅᖅ ᕿᒪᔅᓯᓇᓱᐊᓕᖅᑐᒥᓂᖅ ᑑᑕᓕᒥᒃ ᐊᓯᐊᓄᑦ ᐃᖏᕐᕋᓇᓱᐊᖅᑐᓂ ᑭᓯᐊᓂᓕ ᐊᖅᑲᓚᐅᖅᑐᓂ ᑑᑕᓕᒃ ᐳᐃᒃᑲᓐᓂᖃᑦᑕᖅᑐᐊᓗᒃ ᑭᕕᐅᑉ ᓵᑦᑎᐊᖓᓄᑦ. ᓱᓯᒐᓱᐃᓐᓇᖅᑐᐊᓘᖏᓐᓇᖅᑐᓂ ᑑᑕᓕᒃ ᑭᕕᐅᕐᒧᑦ ᑕᐃᒫᔅᓴᐃᓐᓇᖅ ᐅᖃᐃᓐᓇᖅᑐᓂ, “ᓇᐅᓕᙵ, ᖃᔭᐃᑦ ᓱᕋᖅᑎᖅᑕᖅᐱᐊᕋᒃᑯ.” ᐃᓱᐃᓪᓛᓪᓕ ᑑᑕᓕᒃ ᖃᔭᐅᑎᑦᑎᓇᓱᑦᑐᐊᓘᓕᖅᑐᓂ ᑭᕕᐅᕐᒥ ᑭᓯᐊᓂᓕ ᑭᕕᐅᖅ ᐱᔪᓐᓇᕈᓘᔭᕋᒥ ᐲᕆᐊᕈᓐᓇᖅᓯᓚᐅᖅᑐᖅ. ᑕᐃᒪᐃᓕᐅᖏᓐᓇᕈᔪᑦᑎᐊᖅᑐᓂ ᖃᐅᔾᔨᐊᓪᓚᑦᑕᓕᕆᕗᕐᓕ ᑭᕕᐅᖅ ᖃᔭᖓ ᓯᕗᐊ ᐊᖅᑲᖅᑎᑕᐅᓇᓱᐊᑦᑐᐊᓘᓕᕐᒥᔪᖅ. ᑭᕕᐅᖅ ᐃᐱᓂᐊᖅᑐᒋᓕᖅᑐᓂ ᓇᐅᓕᓚᐅᖅᑕᖓ ᑑᑕᓕᒃ. ᑑᑕᓕᒃ ᐲᕋᓱᑦᑐᒻᒪᕆᐅᓪᓗᓂ ᐃᖏᕐᕋᕈᓘᔭᖅᑐᐊᓘᓪᓗᓂ ᑭᕕᐅᕐᓗ ᑎᒍᒥᐊᕋᓱᒡᒐᖅᑐᐊᓘᓪᓗᓂ ᐅᓈᕐᒥᓂᒃ. ᐊᓱᐃᓪᓛᓪᓕ ᑑᑕᓕᒃ ᐲᖅᑐᒥᓂᐅᓪᓗᓂ ᓇᐅᓚᕐᒥᒃ ᐊᖅᑲᑕᖅᑯᖅ. ᑭᕕᐅᖅ ᑕᖃᑦᑎᐊᖅᑐᓂᒎᖅ ᑭᓯᐊᓂᓕ ᖁᕕᐊᑦᑐᓂ ᑑᑕᓕᒃ ᐅᑎᑦᑕᐅᑎᒋᖏᓐᓂᖓᓂᒃ. ᐅᑎᖅᑐᒥᓂᐊᓘᓪᓗᓂ ᑑᑕᓕᒃ ᑭᓯᐊᓂᓕ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

53

ᐊᓯᐊᓗᖏᓐᓂ ᓇᔅᓴᖅᑐᒥᓂᐅᓪᓗᓂ. ᑭᕕᐅᖅ ᖃᐅᔨᓚᐅᖅᑐᖅ ᑖᓐᓇ ᐃᓅᓱᑦᑐᕈᓘᒻᒪᑦ ᑖᒃᑯᐊ ᐃᓛᓗᒋᓪᓗᓂᒋᑦ ᐊᖏᔪᖅᑳᒃᑯᖏᓪᓗ. ᑭᕕᐅᖅ ᑲᑉᐱᐊᓱᓕᓚᐅᖅᑐᖅ ᑕᑯᒻᒪᑦ ᐃᓄᒋᐊᕌᓗᓐᓂᒃ ᑑᑕᓕᓐᓂᒃ. ᑑᑕᓖᒃ ᐱᓇᓱᐊᖅᑐᐊᓘᓕᖅᑐᑦ ᑭᕕᐅᕐᒥᒃ ᐊᔅᓱᕈᑦᑎᐊᖅᑐᓂ ᐊᖑᐊᓕᖅᑐᒥᓂᖅ ᑑᑕᓕᐊᓗᐃᓪᓗ ᒪᓕᑦᑐᑎᒃ ᑭᖑᓂᑦᑎᐊᖓᓐᓂ. ᑭᕕᐅᖅ ᖃᐅᔨᒪᓚᐅᖅᑐᖅ ᑑᑕᓕᐊᓗᓐᓂᒃ ᐊᓐᓇᓐᓂᐊᖅᑐᖅ ᑭᓯᐊᓂ ᓄᓈᕈᓂ. ᑭᕕᐅᖅ ᓯᑯᒨᖅᑐᓂ ᐊᓪᓛᑦ ᓯᔾᔭᖅᐸᓯᕐᒨᖅᑐᓂ. ᓯᑯᒨᕐᖓᑦ, ᖃᔭᓂ ᐊᒧᓪᓗᓂᐅᒃ ᐅᓪᓚᔅᓯᔪᒥᓂᖅ ᑐᐊᕕᖅᑐᖅᐹᓘᓪᓗᓂ ᓯᔾᔭᒧᑦ. ᑑᑕᓕᑦ ᑕᖃᓪᓗᑎᑦ ᐊᙳᑎᒍᓐᓇᐃᓕᓪᓗᑎᒃ. ᑕᑯᒐᒥ ᑭᕕᐅᕐᒥᒃ ᓯᔭᒦᑐᒥᒃ, ᑑᑕᓖᑦ ᑕᕆᐅᕐᒨᑐᐃᓐᓇᓕᖅᑐᒥᓃᑦ. ᑭᕕᐅᖅ ᑐᔾᔫᒥᓚᐅᖅᑐᖅ ᓄᓈᖅᓯᒪᓕᕋᒥ ᑑᑕᓕᓐᓃᒍᓐᓃᕋᒥ. ᑐᐱᕐᕕᒋᓂᐊᖅᑕᖓᓃᓕᖅᑐᒥᓂᖅ ᖃᔭᖓᓗ ᑕᑯᔅᓴᐅᓪᓗᓂ ᖃᐅᔨᓴᖅᓯᓐᓈᕐᓂᐊᕐᖓᒍ. ᑭᕕᐅᕐᓕ ᓂᕆᓕᖅᑐᓂ ᓯᓂᓕᖅᑐᒥᓂ ᐊᑯᓂᐊᓗᓪᓗ ᓯᓂᑦᑐᓂ, ᓯᓐᓇᑦᑑᒪᑦᑕᓕᕐᓂᖅᑯᖅ ᑑᑕᓕᓐᓂᒃ, ᖃᖅᓴᐅᕐᓂᑦ ᑲᖑᕐᓂᓪᓗ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 10

5�

ᖃᐃᖅᓯᓚᐅᖅᑎᓪᓗᒍ, ᑭᕕᐅᖅ ᐸᕐᓇᓕᖅᑐᒥᓂᖅ ᐱᓱᒋᐊᓯᓪᓗᓂ. ᖁᕕᐊᓱᓕᓚᐅᖅᑐᖅ ᓄᓇᒦᒋᐊᖓ ᑑᑕᓕᐊᓗᓐᓂᐅᖏᑦᑐᖅ. ᑎᕐᓕᐊᖅᓯᓪᓗᓂ ᑐᐱᕐᓂᒃ

ᑕᑯᕋᓐᓈᓚᐅᖅᑐᖅ ᐊᓱᐃᓪᓛᓪᓕ ᓄᓇᖓᓐᓅᕈᒪᓕᖅᑐᓂ. ᑎᑭᐸᓪᓕᐊᑎᓪᓗᒍ ᐊᖑᒻᒧ ᐅᐸᑦᑕᐅᓪᓗᓂ ᐅᖃᐅᔾᔭᐅᑕᖅᑯᕉᖅ ᓄᓕᐊᓕᔭᖅᑑᔮᙱᒻᒪᑦ ᑭᕕᐅᖅ, ᐊᖑᑦ ᐅᖃᖅᑐᓂ ᒪᕐᕉᓂᒡᒎ ᐊᕐᓇᑕᖃᕐᖓᑦ ᐃᓄᑑᓪᓗᑎᒃ ᓯᓚᑖᓃᑦᑑᓐᓂᒃ ᓄᓈᑕ. ᑭᕕᐅᕐᓕᒎᖅ ᐊᓱᐃᓪᓛᒃ ᐅᐸᓕᕐᓂᖅᑲᖏᒃ ᑕᐃᑲᓂᒥᐅᑕᐅᓂᐊᓕᕋᒥ. ᑭᓯᐊᓂᓕ ᐊᖑᑦ ᐅᖃᐅᔾᔨᓚᐅᖅᑐᖅ ᑭᕕᐅᕐᒥᒃ, “ᓯᓂᓐᓂᐊᓕᕈᕕᑦ ᐅᓐᓄᒃ, ᐅᔭᖅᑲᒥᒃ ᓵᑦᑐᔮᕐᒥᒃ ᓈᕐᒥᐅᑕᖃᕐᓂᐊᖅᑯᑎᑦ ᓇᑦᑎᖅᐱᑦ ᐃᓗᐊᒍᑦ. ᐃᔨᖅᓯᒪᑦᑎᐊᕐᓂᐊᖅᑲᑦ.” ᑭᕕᐅᕐᓕ ᑐᑭᓯᓚᐅᙱᑦᑐᕉᖅ ᓱᒻᒪᑦ ᐅᔭᕌᓗᒻᒥᒃ ᓈᕐᒥᐅᑕᖃᕆᐊᖃᕐᒪᖔᖅ ᖁᔭᓐᓇᒦᑐᐃᓐᓇᓕᖅᑐᓂᐅᒃ ᐊᕐᓇᓄᑦ ᐳᓛᕆᐊᓕᖅᑐᒥᓂᖅ. ᐊᖅᑯᑖᓂᒎᖅ ᓇᓂᓯᒐᒥ ᓵᑦᑐᔮᕐᒥᒃ ᐅᔭᕋᕐᒥᒃ ᓇᑦᑎᓕᒻᒥᓅᖅᑐᓂᐅᒃ. ᑐᐱᕐᒨᕐᖓᑦ ᐊᕐᓈᒃ ᑐᙵᓱᑦᑎᑦᑎᓪᓗᑎᒃ ᓂᕆᑎᑦᑎᓪᓗᑎᓪᓗ. ᑭᕕᐅᕐᒥᒃ ᓇᓪᓚᖓᖁᔨᓪᓗᓂ ᐊᑯᓐᓂᖏᓐᓂ. ᑭᕕᐅᕐᓕ ᒪᓕᑐᐃᓐᓇᖅᑐᓂ ᐊᓱᐃᓪᓛᓪᓕᒎᖅ ᓯᓂᑦᑐᒋᔭᐅᓕᕋᒥ ᐃᓯᔾᔪᑦᑐᐊᓘᓕᖅᑐᑎᒃ ᑖᒃᑯᐊᒃ ᐊᕐᓈᒃ. “ᐸᒥᐅᑦ ᐊᑐᐃᓐᓇᕈᖅᑳ?” ᐊᐃᑉᐸᖓ ᑭᐅᓪᓗᓂ, “ᐄ ᐱᒋᐊᕈᓐᓇᖅᓯᕙᕋ.” ᐊᕐᓈᒃ ᓱᓇᐅᕝᕙ ᐋᓯᕙᐅᓐᓂᕐᖓᑎᒃ ᑐᖁᑦᑎᖃᑦᑕᕈᒪᓪᓗᑎᒃ ᓂᕆᓕᕐᒥᓗᒋᑦ ᑐᖁᑦᑕᖏᑦ. ᐊᐃᑉᐸᖓ ᐊᕐᓇᖅ ᐊᓐᓄᕋᐃᔭᖅᑎᖅᑐᓂ ᓇᓪᓚᖓᙳᐊᕋᓱᐊᖅᑐᓂ ᖄᖓᓂ ᑭᕕᐅᑉ. ᑕᑭᔪᐊᓗᒻᒥᒃ ᐸᒥᐅᖃᓚᐅᖅᑐᖅ. ᐸᒥᐅᕐᒥᓄᑦ ᐊᓱᐃᓪᓛᒃ ᐱᒋᐊᖅᑐᐊᓘᓕᖅᑐᓂ ᑲᐱᓂᐊᕋᒥᐅᒃ ᑭᕕᐅᖅ ᓈᖓᒍᒃ. ᐊᕐᓇᖅ ᐊᔅᓱᐊᓗᒃ ᐋᓐᓂᖅᑐᓂ ᓱᓇᐅᕙᐅᓇᒎᖅ ᐸᒥᐅᕌᓗᐊ ᑑᖅᑐᐊᓗᒃ ᐅᔭᖅᑲᒧᑦ ᓯᖁᒥᒃᑲᒥ ᓇᑲᑦᑐᒥᓂᐊᓗᒃ. “ᐸᒥᐅᕋ, ᐊ‘ᐋ ᑐᑐᑐᑐᑐᑐ! ᐸᒥᐅᕋ ᐊ’ᐋ ᑐᑐᑐᑐᑐᑐᑐ!! ᐸᒥᐅᑯᓗᒐ ᐊ’ᐋ ᑐᑐᑐᑐᑐᑐᑐ! ᐊᕐᓇᖅ ᑕᐃᒪᐃᓕᐅᑐᐃᓐᓇᓕᖅᑐᓂ. ᐊᐃᑉᐸᖓᓕ ᐊᕐᓇᖅ ᐱᒋᐊᔮᖅᓯᒪᑦᑕᐅᑎᒋᔪᐊᓘᓪᓗᓂ

ᑕ

ᐊᑭᓂᕐᒧᑦ ᐅᓂᒃᑳᖅᑐᐊᑦ

5�

ᑲᐱᓯᓂᐊᕋᒥ ᑭᕕᐅᕐᒥᒃ ᑭᓯᐊᓂᓕ ᑕᑯᒐᒥ ᐊᐃᑉᐸᖓ ᖃᓄᐃᓕᒻᒪᖔᖅ ᑲᑉᐱᐊᓱᓕᕋᒥ ᕿᒪᔅᓯᔪᒥᓂᖅ. ᑭᕕᐅᖅ ᖃᐅᔨᒪᓕᖅᑐᓂ ᓱᒻᒪᑦ ᐅᔭᖅᑲᒥᒃ ᓵᑦᑐᔮᕐᒥᒃ ᓈᒻᒥᐅᑕᖃᕆᐊᖃᕐᓂᕐᒪᖔᖅ. ᐃᓄᑐᐊᑦᑎᐊᖑᓕᖅᑐᓂ ᑐᐱᕐᒥ, ᑭᕕᐅᖅ ᐅᓐᓄᐊᑲᓐᓂ ᑕᒪᓃᓐᓂᐊᓕᖅᑐᒥᓂᖅ ᐊᔅᓱᐊᓗᓪᓗᒎᖅ ᓯᓂᑦᑎᐊᖅᑐᒥᓂᐅᓪᓗᓂ. ᖃᐅᒻᒪᑦ ᐊᐅᓪᓚᖅᑐᓂ ᐅᐊᑦᑎᐊᕉᓕᕐᒥᑎᓪᓗᒍᒎᖅ ᖃᕐᒪᓯᐊᖅᑐᒥᓂᖅ. ᓇᓂᓯᓪᓗᓂ ᒪᕐᕈᐊᓘᓐᓂᒃ ᐋᓯᕙᕋᓛᕌᓘᓐᓂᒃ ᓴᐸᖓᕐᒥᒃ ᐱᙳᐊᓖᒃ, ᑭᕕᐅᑉ ᐊᖅᓵᖅᑐᓂᒋᒃ ᐅᐱᓐᓇᕋᓂᒎᖅ ᐊᓈᓇᖏᑦᑕ ᑐᖁᒐᓱᐊᓚᐅᖅᑕᖓ. ᐋᓯᕙᕋᓛᕌᓘᒃ ᕿᐊᓇᓱᐊᓕᖅᑐᑎᒃ ᑭᕕᐅᕐᓕ ᖃᔭᕐᒥᓅᑐᐃᓐᓇᖅᑐᓂ ᐊᐅᓪᓚᓕᖅᑐᒥᓂᖅ ᓯᔾᔭᒃᑯᑦ ᐸᐅᖑᔮᕐᔪᑦᑐᓂ. ᐃᖏᕐᕋᑎᓪᓗᒍ ᐃᓄᒻᒧᑦ ᓂᐱᒥᒃ ᑐᓵᓕᕐᒥᔪᖅ. ᓄᓇᒧᑦ ᕿᕕᐊᕋᒥ ᑖᓐᓇᓕᒎᖅ ᐃᓄᔅᓱᑉᐸᔮᕌᓗᒃ. ᐃᓄᔅᓱᑉᐸᔮᕌᓗᒃ ᖄᖏᓕᕐᖓᒍ ᐅᖃᖅᑐᐊᓘᓪᓗᓂᒎᖅ, “ᐅᕕᓗᒃᑭᐊᖅ ᑎᒍᓂᐊᖅᐹᑎᑦ! ᐅᕕᓗᒃᑭᐊᖅ ᑎᒍᓂᐊᖅᐹᑎᑦ!” ᑭᕕᐅᖅ ᕿᕕᐊᕐᖓᑦ ᑐᓄᒻᒧᑦ ᑕᑯᓕᕐᒥᔪᕉᖅ ᒪᕐᕉᐊᓘᓐᓂᒃ ᐅᕕᓗᐊᓘᓐᓂᒃ ᖃᔭᕐᒥᓅᖅᐸᓪᓕᐊᔫᒃ. ᐅᕕᓗᐊᓘᒃ ᖃᐃᒐᓛᓕᕐᒥᔫᒃ ᐃᒫᒃ, “ᑯᑉᓗ ᓴᓪᓗᔪᐊᓗᒃ! ᑯᑉᓗ ᓴᓪᓗᔪᐊᓗᒃ!” ᐅᕕᓗᕐᔪᐊᕌᓘᒃ ᑮᓯᓵᕋᓱᑦᑐᐊᓘᒃ ᖃᓂᖅᐸᔮᕌᓗᖏᓐᓄ, ᐊᐃᑦᑕᖃᑦᑕᖅᑐᐊᓘᓪᓗᑎᒃ ᖃᓪᓕᒐᐃᒐᒥ.ᑭᕕᐅᖅ ᐊᔅᓱᕈᕈᓇᕐᓂᓕᒫᕐᒥᓄᑦ ᐸᐅᓕᓚᖅᑐᖅ ᓯᕗᓕᐅᖅᑕᐅᓪᓗᓂ ᓴᐅᕐᕋᕐᒧᑦ ᕿᒫᓪᓗᑎᒃ ᐅᕕᓗᐊᓕᓐᓂᒃ ᑕᕆᐅᕐᒨᖅᑐᑎᒃ. ᓴᐅᕐᕋᖅ ᐅᐊᑦᑎᑦᑎᐊᓚᐅᖅᑐᖅ ᑕᒪᐅᓈᑦᑎᐊᓕᕋᓗᐊᕐᒪᖔᖅ ᐊᖅᑯᑎᖓᒍᑦ ᐱᓗᐊᖅᑐᒥ ᑭᕕᐅᖅ ᓯᓂᕈᔪᖃᑦᑕᓕᖅᑎᓪᓗᒍ. ᓴᐅᕐᕋᖅ ᑐᐹᖅᓯᒻᒪᑦ ᑭᕕᐅᕐᒥᒃ ᐃᓕᓴᖅᓯᓕᓚᐅᖅᑐᖅ ᓇᒦᓐᓂᖓᓐᓂᒃ ᐊᖏᕐᕋᖓᑕ ᖃᓂᒋᔭᖓᓃᓕᖅᑐᓂ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 11

�0

ᕕᐅᖅ ᑐᓚᑦᑐᓂ ᑕᖃᒐᒥ ᐃᔅᓯᕚᕐᖑᕋᒥ ᐅᓐᓄᐊᓕᒫᖅ. ᑐᐱᖅᑐᓂ ᓯᔾᔭᒥ ᑐᑦᑐᓕᐊᓕᖅᑐᒥᓂᖅ ᕿᓐᓂᓂᐊᖅᑕᖏᓐᓂ. ᐊᒃᖤᒃ ᓱᕋᐃᖃᑦᑕᖅᑐᐊᓗᑐᐃᓐᓇᐅᒻᒪᑦ ᕿᓐᓂᖏᓐᓂᒃ

ᑭᕕᐅᑉ ᓂᕆᖃᑦᑕᖅᑐᓂᒋᓪᓗ ᓂᖀᑦ. ᑭᕕᐅᖅ ᐊᒥᓲᓂᖅᓴᓄᑦ ᕿᓐᓂᖃᑦᑕᖅᑐᓂᒃ ᓱᓕ ᐊᒃᖤᐅᑉ ᓱᕋᐃᓐᓇᖃᑦᑕᖅᑐᓂᒋᒃ. ᐊᒃᖤᒃ ᐱᓪᓗᓂ ᑭᕕᐅᕐᒥᑦ ᕿᓐᓂᓕᖅᑕᒥᓂᖓ ᐅᑭᐅᖑᓕᖅᑲᑦ ᓂᕆᓛᕐᖓᒍ. ᐅᑭᐅᕐᖓᑦ ᐊᒃᖤᒃ ᐊᐃᔅᓯᓕᓚᐅᖅᑐᖅ ᑭᕕᐅᕐᒥᑦ ᕿᓐᓂᓯᒪᔭᖓᓂ. ᐊᒃᖤᒃ ᐅᔭᕋᕐᓂᒃ ᐲᔭᐃᓪᓗᓂ ᑭᕕᐅᑉ ᐃᓯᒐᖏᓐᓂ ᓄᓱᒐᓱᓕᖅᑐᓂᐅᒃ. ᑭᓯᐊᓂᓕ ᑭᕕᐅᖅ ᐊᐅᓚᔾᔭᒍᓐᓇᓚᐅᙱᑦᑐᖅ ᐊᒃᖤᒃ ᐊᐅᓚᔾᔭᔅᓯᒐᓱᒃᑲᓗᐊᕐᖓᑦ. ᐅᔭᕋᓕᒫᑦᑎᐊᑦ ᑭᓯᐊᓂ ᐲᔭᖅᑐᓂᒋᒃ. ᐊᒃᖤᒃ ᐊᒧᓯᑕᐃᓐᓇᓚᐅᖅᑐᖅ ᑭᕕᐅᕐᒥᒃ ᖃᐅᔨᒋᐊᖅᑐᓂᐅᓪᓗ ᐆᒪᒻᒪᖔᖅ ᑭᓯᐊᓂᓕ ᑭᕕᐅᖅ ᐊᓂᖅᓵᖅᑐᓚᐅᙱᑦᑐᖅ. ᐊᒃᖤᒃ ᖃᐅᔨᒋᐊᕐᔫᒥᖃᑦᑕᓚᐅᖅᑐᖅ ᑭᕕᐅᕐᒥᒃ ᐊᓂᖅᓵᖅᑐᕐᒪᖔᒃ ᑭᓯᐊᓂᓕ ᐊᓂᕐᓂᖃᙱᑦᑎᐊᓚᐅᖅᑐᖅ. ᐊᒃᖤᒃ ᐊᖏᕐᕋᕐᒥᓄᑦ ᑎᑭᓕᕐᖓᑦ ᑕᑯᓪᓗᓂᐅᒃ ᓄᓕᐊᓂ ᐃᕐᓂᖏᓪᓗ. ᖃᐃᒐᓪᓚᑦᑐᓂᓗ, “ᐊᖏᕐᕋᐅᔾᔨᕗᖓ ᒪᒪᖅᑐᑯᓗᒻᒥᑦ ᓂᕆᓂᐊᖅᑕᑎᓐᓂ.” ᓄᓕᐊᖓ ᐃᕐᓂᖏᓪᓗ ᖁᕕᐊᑦᑐᑎᒃ ᐅᓪᓚᓯᓪᓗᑎᒃ ᐊᑖᑕᒥᓄᑦ ᐅᓂᐊᖃᑕᐅᓂᐊᕋᒥ ᑭᕕᐅᕐᒥᑦ ᖃᕐᒪᒥᓄᑦ. ᐊᒃᖤᐅᑉ ᑯᔾᔭᖓᑎᑦᑐᓂᐅᒃ ᓇᑉᐸᖅᑕᖓ ᐊᑭᓐᓇᕐᒧᑦ ᐅᐱᓐᓇᕋᓂ ᖁᐊᖅ. ᑭᕕᐅᕐᒥᑦ ᐊᐅᔅᓯᐊᖃᓕᖅᑐᓂ ᐊᒡᒍᕐᓂᐊᕋᒥᐅᒃ ᐅᓕᒪᐅᒻᒧᑦ, ᐹ ᓴᓂᑦᑎᐊᖓᓃᑦᑐᓂ ᐅᓕᒪᐅᑦ. ᐊᒃᖤᐅᑉ ᐃᕐᓂᖏᒃ ᐊᓗᑉᐹᖅᑐᑎᒃ ᐊᐅᑉᐸᓪᓕᐊᓕᖅᑐᒥᑦ ᑭᕕᐅᑉ ᓂᐊᖁᖓᓂ ᕿᖓᖓᓂᓪᓗ. ᐊᐅᑉᐸᓪᓕᐊᓕᕋᒥ ᐅᐃᑦᑐᓂᓗ ᖃᐅᔨᒐᓱᐊᖅᑐᓂ ᓇᒦᒻᒪᖔᕐᒥ. ᐊᒃᖤᒃ ᓯᓂᓕᖅᑐᒥᓂᐅᓪᓗᓂ ᐊᑯᓂᐊᓗᒃ ᐱᓱᖅᑲᐅᒐᒥ. ᐃᕐᓂᖏᒃ ᐅᖃᖅᑐᑎᒃ ᐊᑖᑕᒥᓄᑦ, “ᐊᑖᑕ, ᓂᕿᔅᓴᕗᑦ ᐅᐃᑉᐳᖅ! ᓂᕿᔅᓴᕗᑦ ᐅᐃᑉᐳᖅ!” ᐊᒃᖤᖅ ᐅᖃᖅᑐᓂ, ᐅᐃᑐᐃᓐᓇᓕᕐᓕ. ᐅᕿᑦᑐᕈᓘᖅᑲᐅᔪᖑᓇ ᐅᓂᐊᖅᑐᒍ, ᐅᐃᑐᐃᓐᓇᓕᕐᓕ.” ᐊᒃᖤᒡᓕ ᓯᓂᓕᖅᑭᑦᑐᓂ.

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

�1

ᑭᕕᐅᕐᓕ ᓱᒃᑲᓕᔪᐊᓗᒻᒥᑦ ᐊᐅᑉᐸᓪᓕᐊᓕᖅᑐᓂ ᑕᑯᒐᒥᐅᒃ ᐊᒃᖤᒃ ᓯᓂᑦᑐᖅ ᐅᓕᒪᐅᑎᐊᓗᒃ ᑎᒍᓵᖅᑐᓂᐅᒃ ᓂᐊᖁᐃᖅᑐᓂᐅᓪᓗ ᐊᒃᖤᒃ. ᑭᕕᐅᕐᓕ ᐊᓂᓵᕋᓱᐊᖅᑐᓂ ᐊᖅᑯᑖᓂ ᐊᕐᓇᓪᓘᑉ ᐊᒪᐅᑎᖓᑕ ᐊᑯᖓ ᐅᓕᒪᖅᑐᓂᐅᒃ. ᑭᕕᐅᖅ ᐊᔅᓱᕐᔪᐊᕌᓗᒃ ᐅᓪᓚᓕᖅᑐᒥᓂᖅ ᐊᒃᖤᒃ ᐊᕐᓇᓪᓗᒃ ᑐᓄᑦᑎᐊᖓᓂ ᐸᖓᓛᕆᑦᑎᓪᓗᓂ. ᑭᕕᐅᖅ ᑕᖃᓕᕋᓗᐊᖅᑐᓂ ᐃᔨᕐᕕᔅᓴᖃᙱᑦᑎᐊᖅᑐᖅ ᐊᓱᐃᓪᓛᓪᓕ ᑎᑎᖅᓯᑯᑖᓕᖅᑐᒥᓂᖅ ᓄᓇᒥ ᕿᒡᒌᖅᑐᓂᓗ ᐅᖓᑖᓄᑦ. ᑭᕕᐅᕐᓗ ᐅᖃᓕᖅᑐᓂ, “ᓇᐅᒃ ᑕᐃᒪ ᑰᒃ?” ᐊᓱᐃᓪᓛᓪᓕᒎᖅ ᑰᕌᓗᒻᒥᒃ ᓴᖅᑭᖅᑐᖃᖅᑐᓂ. ᐊᒃᖤᒃ ᐊᕐᓇᓪᓗᒃ ᑰᒻᒨᕐᖓᑦ ᐊᐱᕆᓕᖅᑐᒥᓂᖅ ᑭᕕᐅᕐᒥᑦ, “ᖃᓄᕐᓕ ᐃᑳᕋᕕᑦ?” ᑭᕕᐅᕐᓗ ᑭᐅᓪᓗᓂ, “ᐃᒥᖅᑕᐃᓐᓇᕆᓚᐅᖅᑐᒍ, ᐃᑳᖅᑕᖅᑯᖓ ᐅᕆᐊᓕᕆᓪᓗᒍ.” ᐊᓱᐃᓪᓛᓪᓕᒎᖅ ᐊᒃᖤᒃ ᐃᒥᖅᑐᐊᓘᓕᕐᓂᖅᑯᖅ ᑰᒻᒥᒃ. ᐃᒦᓐᓇᖅᑎᐊᖅᑐᓂ ᑭᓯᐊᓂᓕ ᑰᕌᓗᒃ ᓄᖅᑲᓚᐅᙱᑦᑐᑦᑎᐊᖅ ᐃᖏᕐᕋᓕᖅᐸᓪᓕᐊᑐᐃᓐᓇᖅᑐᖅ ᐃᑎᓪᓕᕙᓪᓕᐊᓪᓗᓂᓗ. “ᐃᒥᒃᑲᓂᕐᓗᑎᑦ,” ᑭᕕᐅᖅ ᐅᖃᖅᑐᓂ. ᐊᓱᐃᓪᓛᓪᓕᒎᖅ ᐊᒃᖤᒃ ᖄᖅᑐᐊᓘᓪᓗᓂ ᓇᒧᕈᓘᔮᓘᖅᑐᓂ ᓯᓚ ᐳᔫᕈᔪᓕᖅᑐᓂ ᓴᔅᓯᓕᖅᑐᓂᓗ ᓄᓇᓕᒫᖅ. ᑕᐃᒫ ᑕᕝᕙ ᓴᔅᓯᖅᑖᓚᐅᖅᓯᒪᓐᓂᖅᑯᖅ. ᑭᕕᐅᖅ ᐳᔪᕈᔫᕈᓐᓃᖅᓯᐊᖃᖅᑐᓂ ᐃᑯᓪᓚᕐᖓᑦ ᐊᓱᐃᓪᓛᓪᓕ ᐊᒡᒍᖅᑐᓂᐅᒃ ᐊᕐᓇᓪᓘᖅᑲᐅᔪᒃ ᐊᒃᖤᒃ ᐊᒥᖓ ᑕᓯᓯᖅᑐᓂᐅᒃ ᐊᒻᒪᓗ ᐃᓐᓂᖅᑐᓂᐅᒃ. ᑭᕕᐅᕐᓕ ᐅᑎᓕᖅᑐᒥᓂᖅ ᖃᕐᒪᕐᒥᓄᑦ ᓯᓂᓕᖅᑐᓂ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 12

�4

ᕕᐅᖅ ᖃᐅᑎᓪᓗᒍ ᐊᓯᐊᓅᖔᓕᖅᑐᒥᓂᖅ ᐊᖏᕐᕋᒥᓄᑦ. ᑕᑯᓪᓗᓂ ᐃᑦᑕᒥᒃ, ᑐᐱᕐᒥᒃ ᕿᓯᒻᒥᒃ ᐊᑕᐅᓯᑐᐊᑦᑎᐊᖑᓪᓗᓂ. ᐃᓄᑐᐊᕐᒥᓪᓗ ᐊᕐᓇᑕᖃᖅᑐᓂ ᑕᐃᑲᓂ. ᑐᙵᓇᖅᑐᑯᓘᓪᓗᓂ

ᑐᙵᓱᑦᑎᑦᑎᐊᖅᑐᖅ ᑭᕕᐅᕐᒥᒃ. ᑭᕕᐅᖅ ᐃᓯᕐᖓᑦ ᑐᐱᕐᒧᑦ ᐊᕐᓇᖅ ᐊᓐᓄᕌᖏᓐᓂ ᐸᓂᖅᓴᐃᒍᒪᓚᐅᖅᑐᖅ. ᑭᕕᐅᖅ ᐊᓱᐃᓪᓛᒃ ᓯᓂᑦᑕᕈᒪᓕᖅᑐᓂ, ᐊᓱᐃᓪᓛᓪᓕ ᐊᕐᓇᖅ ᓄᓕᐊᖅᑖᕆᓪᓗᓂᐅᒃ. ᐃᖅᑯᒪᕐᖓᑦ ᐅᓪᓛᒃᑯᑦ ᐊᕐᓇᕐᓕ ᐃᒐᓕᕇᖅᑎᓪᓗᒍ ᓯᓚᒥ. ᑭᕕᐅᖅ ᓇᓪᓚᖓᓪᓗᓂ ᐃᓪᓕᕐᒥ. ᑕᑯᑦᑕᓕᖅᑯᖅ ᑲᑭᐊᑯᑖᕈᓗᓐᓂᒃ ᓴᓂᐊᓂ. ᑭᕕᐅᖅ ᑲᒥᖏᓐᓂ ᑎᒍᓯᒋᐊᕐᖓᑦ ᐸᓂᖅᓴᐃᕕᒃ, ᐃᓐᓂᓴᖅ ᐃᒻᒥᓂᒃ ᖁᒻᒧᐊᑦᑐᓂ ᑕᐃᓐᓇᓗ ᑲᑭᐊᑯᑖᕈᓗᒃ ᑲᐱᓯᓇᓱᐊᖅᑐᓂ. ᑭᕕᐅᖅ ᕿᒪᔅᓯᖃᑦᑕᖅᑐᓂ ᑲᒥᖏᓪᓗ ᑎᒍᒋᐊᖅᐸᒃᑲᓗᐊᖅᑐᓂᒋᑦ ᑭᓯᐊᓂ ᑎᑭᒍᓐᓇᕐᓇᓂᒋᑦ. ᖃᐃᒐᓪᓚᑦᑐᓂ ᓄᓕᐊᖅᑖᖅᑲᐅᒥᓄᑦ, “ᑲᒦᒃᑲ ᑎᒍᔭᖅᑐᓚᐅᒃᑭᑦ. ᐃᓐᓂᓴᐃᑦ ᖁᒻᒧᐊᖃᑦᑕᖅᑐᐊᓗᑐᐃᓐᓇᐅᒻᒪᑦ ᑎᑭᒍᓐᓇᖏᓐᓇᒃᑭᑦ.” ᑭᕕᐅᖅ ᑭᐅᔭᐅᓂᕐᒥᓂᒃ ᓈᒻᒪᔅᓴᕈᓐᓃᖅᑐᓂ, “ᓂᕕᙵᓚᐅᕋᒃᑭᓪᓕ ᓇᒻᒥᓂᖅ ᐱᓇᓱᐊᓕᒃᑭᑦ,” ᐊᕐᓇᖅ ᐅᖃᖅᑐᓂ. ᐃᓪᓚᖅᓯᑐᐃᓐᓇᖅᑐᓂ ᐊᕐᓇᖅ ᒥᑕᐅᑎᔅᓴᕐᕙᓗᑦᑑᔮᖅᑐᓂ. ᑭᕕᐅᖅ ᑲᑭᐊᑯᑖᕈᓗᒻᒥᓪᓕ ᕿᒪᔅᓯᒍᓐᓇᓚᐅᙱᓚᖅ, ᑲᐱᓰᓐᓇᕋᓱᐊᖅᑐᐊᓗᒻᒥᑦ. ᕿᒡᒋᖃᑦᑕᖅᑐᓂ ᑲᐱᔭᐅᒋᐊᕋᐃᒻᒪᑦ ᐃᓪᓕᕐᒦᑦᑐᓂ ᓄᓕᐊᕐᒥᓂᒃ ᖃᐃᖁᔨᖃᑦᑕᕋᓗᐊᖅᑐᓂ, “ᑕᑯᓕᕆᑦ, ᐃᓐᓂᓴᐃᑦ ᐲᕆᐊᖏᓐᓇᕐᖓᑦ ᐊᓐᓄᕌᒃᑲ ᑎᑭᒍᓐᓇᖏᓐᓇᒃᑭᑦ.” ᑭᕕᐅᖅ ᐅᖃᐅᓯᕆᓇᓂᐅᒃ ᑲᑭᐊᒃ ᓇᓗᒋᖅᑲᐅᒍᓐᓃᖅᑕᖓ ᐊᖓᒃᑰᓂᖓᓂᒃ ᑐᖁᒍᒪᓪᓗᓂᐅᓪᓗ. ᑭᕕᐅᖅ ᕿᒫᖏᓐᓇᕋᓱᐊᖅᑑᒐᓗᐊᖅ ᑲᑭᐊᑯᑖᕈᓗᒻᒥᒃ ᑲᐱᓯᓇᓱᐊᖃᑦᑕᖅᑐᓂᒃ. ᐊᓱᐃᓪᓛᓪᓕ, ᑭᕕᐅᖅ ᐃᖅᑲᐃᒐᒥ ᑑᕐᖓᕐᒥᓂᒃ ᓇᓄᕐᒥᑦ ᖃᐃᒐᓪᓚᓕᖅᑐᖅ ᓂᐱᕕᐅᑎᐊᓗᒻᒥᓄᑦ, “ᓇᓄᖁᑏᒃ ᖃᐃᓚᐅᕆᑦ ᐅᕙᓐᓃᒋᐊᖅᑐᓚᐅᕆᑦ ᐃᑲᔪᕆᐊᓚᐅᙵ.” ᑭᕕᐅᖅ ᖃᔭᖓᓐᓂ ᓇᓄᕐᕙᓗᑦᑕᖃᓕᖅᑐᓂ ᓂᓪᓕᐊᔪᐊᓗᒻᒥᒃ

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

�5

ᐊᓱᐃᓪᓛᓪᓕ ᓂᐱᖃᕈᓐᓃᑳᓪᓚᑉᐳᖅ. ᐊᓱᐃᓪᓛᓪᓕ ᓂᐱᐊᓗᐊ ᐃᑯᐊᓚᒦᕝᕙᓗᓕᖅᑐᖅ ᐊᕐᓇᐅᑉ ᐃᒐᕕᒋᖅᑲᐅᔭᖓᓐᓂ. ᐅᔭᕋᐃᑦ ᐃᑯᐊᓚᔪᑦ ᐊᐅᓚᔪᐊᓘᓕᖅᑐᑎᑦ. ᓇᓄᕐᕙᓗᐊᓘᒃᑲᓐᓂᓕᖅᑐᓂ, ᑕᕝᕙᓂᓪᓚᕆᑯᓗᒃ ᑐᐱᕐᒥ. ᐊᕐᓇᖅ ᕿᒪᔅᓯᑲᐅᖅᑐᖅᑐᓂ ᑐᐱᕐᒧ ᐃᓪᓕᕐᒨᖅᑐᓂ ᓴᓂᐊᓄᑦ ᑭᕕᐅᑉ. ᑭᕕᐅᖅ ᑐᖁᑕᐅᓂᐊᖅᑐᒋᓕᖅᑐᓂ ᐊᕐᓇᕐᒧᑦ ᑭᓯᐊᓂ ᐊᕐᓇᖅ ᑲᑉᐱᐊᓱᓐᓂᑯᖓᓄᑦ ᓇᓄᕐᒥᒃ ᕿᒪᔅᓯᓪᓗᓂ. ᑎᒍᓪᓗᓂᒋᒃ ᑭᕕᐅᑉ ᐊᓐᓄᕌᖏᑦ ᐃᓐᓂᓴᕐᒥ. “ᐊᓕᖅᓯᑯᓘᒃᑭᒃ, ᓇᙵᖔ, ᐱᐅᔪᑯᓘᒃ ᑲᒦᒃᑭᒃ, ᓇᙵᖔ, ᐱᓂᕋᑯᓘᒃᑭᒃ, ᓇᙵᖔ,” ᐊᕐᓇᖅ ᑕᐃᒫᒃ ᓂᓪᓕᐊᓪᓗᓂ. ᑭᕕᐅᖅ ᑕᑯᒍᓐᓃᖅᑐᓂ ᑲᑭᐊᓐᓂᒃ ᐊᓱᐃᓪᓛᒃ ᐊᓐᓄᕌᓵᖅᑐᓂ ᐊᓂᓵᑦᑕᖅᑯᖅ ᐊᕐᓇᖅ ᕿᒪᑦᑐᓂᐅᒃ. ᑭᕕᐅᖅ ᐊᓂᑐᐊᕐᖓᑦ ᖃᔭᒻᒥᓅᖅᑕᐅᑎᒋᕗᖅ, ᐃᒫᖅᑐᓂᒃ ᐊᐅᓪᓚᓵᑦᑕᓕᖅᑯᖅ. ᐊᕐᓇᖅ ᑭᖑᓂᑦᑎᐊᖓᓃᑦᑐᓂ ᐅᓗᐊᓗᒻᒥᓂᒃ ᐊᐅᓚᑎᑦᑎᓪᓗᓂ ᓂᐊᖁᖓᑕ ᖁᓛᒍᑦ. ᐃᒫᖅᑐᓂ ᓯᖏᕐᓂᖓᒎᖅᑐᓂ ᐃᒪᖅ ᑭᓯᐊᓂᓕ ᑭᕕᐅᖅ ᑎᑭᑕᔅᓴᐅᒍᓐᓃᖅᑐᓂ. ᐊᓇ ᐊᓱᐃᓪᓛᒃ ᐊᑦᑐᖅᓯᓪᓗᓂ ᖃᔭᐅᑉ ᓄᕗᐊᓂᒃ ᑭᓯᐊᓂᓕ ᑭᕕᐅᖅ ᑑᖓ ᑎᒍᓪᓗᓂᐅᒃ ᑑᕆᐊᙳᐊᕋᓱᐊᖅᐸᑦᑐᓂᒃ ᐊᕐᓇᖅ. ᐊᕐᓇᖅ ᐲᕆᐊᖃᑦᑕᖅᑐᓂ ᑎᒍᒥᐊᕈᓐᓃᑲᓪᓚᒻᒪᑦ ᐃᖏᑲᓪᓚᑦᑐᓂ. ᐅᓗᖓ ᓯᖁᒥᑦᑐᓂ ᐊᒥᐊᓱᓘᓕᖅᑐᑎᒃ ᐊᓱᐃᓪᓛᓪᓕ ᓯᑯᐊᖅᑐᐊᓘᓕᖅᑐᓂ. ᑭᕕᐅᖅ ᓯᑯᒦᒍᓐᓃᕇᖅᑐᓂ ᕿᒪᔅᓯᓪᓗᓂ ᐃᒪᕕᒻᒧ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᐅᖃᓕᒫᒐᖅ 13

��

ᕕᐅᖅ ᐸᐅᖅᑐᓂ ᖃᔭᖅᑑᔮᕐᔪᖅᑐᓂ ᑕᑯᔫᒥᓚᐅᕐᒥᔪᖅ ᐃᓄᕐᔫᔮᖅᑐᒥᒃ. ᑭᓯᐊᓂᓕ ᓇᓗᓚᐅᖅᑐᖅ ᐃᓅᔫᔮᓲᖑᒻᒥᒻᒪᑕ ᓇᓄᐃᑦ ᐅᖓᓯᑦᑐᒥ. ᑭᓲᒐᓗᐊᕈᓂ ᐊᐅᓚᓚᐅᖅᑐᖅ ᑭᕕᐅ

ᑕᑯᑦᑕᓕᕆᕗᖅ ᐊᑕᐅᓯᐅᙱᒻᒪᑕ ᑕᐃᒃᑯᐊ. ᐊᒥᓱᑲᓪᓚᐃᑦ ᓯᑯᒦᑦᑐᑦ ᑭᕕᐅᕐᓕ ᖃᐅᔨᒋᕗᖅ ᑕᑯᔭᐅᒻᒥᒻᒪᑦ. ᑭᕕᐅᖅ ᐸᐅᖅᑐᓂ ᐅᐸᑦᑐᓂᒋᑦ ᑕᐃᒃᑯᐊᓗ ᖃᐃᒐᓪᓚᒃᑐᓂᒋᑦ, “ᑭᓲᒐᕕᑦ? ᐃᓅᕖᑦ? ᐃᓅᒍᕕᑦ ᖃᐃᓕᕆᑦ ᐃᓅᙱᒃᑯᕕᑦ, ᐊᐅᓪᓚᕆᑦ.” ᑲᑉᐱᐊᓱᓚᐅᕐᖓᑕ ᐋᓪᓚᓂᒃ. ᑭᕕᐅᖅ ᑭᐅᓪᓗᓂ, ᐃᓅᕗᖓ. ᑭᕕᐅᖑᕗᖓ, ᑕᐃᓐᓇ ᐊᓄᕆᐊᓗᒻᒧᑦ ᓴᕝᕙᐅᓚᐅᖅᓯᒪᔪᖅ. ᑕᐃᓐᓇᐅᕗᖓ. ᐅᑎᖅᐳᖓ, ᐋᓯᒡᒐᐃᑦ, ᐋᓯᒡᒑᓯᒡᒐᐃᑦ!” ᐊᓱᐃᓪᓛᓪᓕ ᑭᐅᔭᐅᓕᕆᕗᖅ, “ᐊᓱᐃᓪᓛᒃ ᑭᕕᐅᖅ. ᐃᖅᑲᐅᒪᓕᖅᑯᒍᑦ. ᐅᑎᕐᓂᑕᒫᑦ ᓄᓇᑦᑎᓐᓄᑦ ᐅᖃᖃᑦᑕᖅᐸᔪᒻᒪᑦ ᐋᓯᒡᒐᐃᑦ,” ᐃᓚᖓ ᐅᖃᓕᕆᓪᓗᓂ ᑭᕕᐅᕐᒧᑦ, “ᑖᓐᓇᐅᓈ ᖃᐃᒐᓛᖅᑐᖅ ᐋᓯᒡᒐᐃᑦ, ᐋᓯᒡᒑᓯᒡᒐᐃᑦ. ᑭᕕᐅᖑᒍᕕᑦ ᐃᕐᓂᕆᕙᙵ.” ᑭᕕᐅᖅ ᒪᕐᕉᓐᓂᒃ ᐃᕐᓂᖃᓚᐅᕐᖓᑦ ᐱᕈᖅᓯᒪᓕᖅᑐᑎᒃ ᐊᐅᓪᓚᖅᓯᒪᓂᖓᓂ. ᒪᕐᕉᒃ ᐃᕐᓂᖏᒃ ᐅᐸᒍᑎᖅᑳᓚᐅᖅᑑᒃ ᐸᕐᕆᐊᖅᑐᑎᒃ ᖃᐅᔨᒐᒥᒃ ᐃᓅᒻᒪᑦ. ᓯᕗᓪᓕᕐᒥᓕ ᖃᐅᔨᓪᓚᕆᓚᐅᙱᑦᑑᒐᓗᐊᒃ ᑭᓇᐅᒻᒪᖔᒃ ᑭᓯᐊᓂ ᑭᕕᐅᖅ ᐅᖃᕐᖓᑦ ᐋᓯᒡᒐᐃᑦ ᖃᐅᔨᓕᓚᐅᖅᑑᒃ ᐊᑖᑕᒋᒻᒪᒍ. ᕿᒪᔅᓯᑐᐃᓐᓇᕋᔭᓚᐅᖅᑑᓪᓕ ᑭᕕᐅᖅ ᐅᖃᕐᓂᖏᑉᐸᑦ ᑕᐃᒫᒃ. ᑭᕕᐅᑉ ᐊᑖᑕᖓ ᐃᓚᒋᔭᐅᓚᐅᖅᑐᖅ ᐊᓯᕙᖅᑎᓂ ᐊᔅᓱᐊᓗᓪᓗ ᖁᕕᐊᑦᑐᓂᒃ ᐃᕐᓂᓂ ᑕᑯᒐᒥᐅᒃ. ᑕᕝᕙᑕᐃᓐᓇᕐᓗ ᑐᖁᓪᓗᓂ ᖁᕕᐊᓗᐊᒧᑦ. ᑭᕕᐅᖅ ᐅᖃᐅᔾᔭᐅᓚᐅᖅᑐᖅ ᓱᓕ ᓄᓕᐊᖏᒃ ᐆᒪᒻᒪᑎᒡᒎ. ᐊᐃᑉᐸᖓ ᐅᐃᑖᖅᑐᒥᓂᐅᓪᓗᓂ ᑭᓯᐊᓂᓕ ᐊᐃᑉᐸᖓ ᓱᓕ ᐃᓄᑐᐊᖅ. ᑭᕕᐅᖅ ᐅᑎᓵᕈᒪᑦᑎᐊᓕᖅᑐᓂᒎᖅ ᓄᓇᓕᒻᒧᑦ ᐃᕐᓂᖏᒃ ᓇᔅᓴᕐᓗᒋᒃ ᐊᒻᒪᓗ ᓯᕗᒃᑲᖅᑕᓕᖅᑐᓂ, ᕿᒪᑐᐃᓐᓇᖅᑐᓂᒋᒃ ᐊᓯᖏ ᐊᖑᑏᑦ ᐱᓚᑦᑐᑦ ᐊᐃᕕᕐᒥᒃ ᓯᑯᒥ.

ᑭ

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᖃᓪᓕᒻᒪᑦ ᑕᐃᒫᔅᓴᐃᓐᓇᖅ ᓂᓪᓕᐊᖅᑲᐅᒻᒪᑦ ᓂᓪᓕᖅᑐᓂ, “ᐋᓯᒡᒐᐃᑦ, ᐋᓯᒡᒑᓯᒡᒐᐃᑦ, ᐋᓯᒡᒑᓯᒡᒐᐃᑦ.” ᐃᓄᐃᑦ ᖃᐅᔨᓪᓗᑎᒃ ᑭᓇᐅᒻᒪᖔᖅ ᑎᑭᑦᑐᖅ ᑭᓯᐊᓂᓕ ᖁᐊᖅᓵᒻᒪᕆᓚᐅᖅᑐᑦ ᐆᒪᓂᖓᓂᒃ ᓱᓕ ᑭᕕᐅᖅ. ᑭᕕᐅᖅ ᓴᕝᕙᐅᒻᒪᑦ ᐃᒪᕕᒻᒧᑦ ᑕᑯᔭᐅᒃᑲᓂᕐᓂᐊᖅᑐᒋᔭᐅᓚᐅᕈᓐᓃᕐᖓᑦ. ᑭᕕᐅᖅ ᑐᓚᕋᑖᑦᑎᐊᖅᑐᓂ ᐊᐃᑉᐸᖓ ᓄᓕᐊᖓ ᐃᓕᓴᖅᓯᒻᒪᑦ ᑭᕕᐅᑉ ᖃᔭᖓᓐᓄᑦ ᐃᑭᑦᑕᐅᑎᒋᓪᓗᓂ. ᐅᕕᖅᑐᑎᒃ ᐃᒫᖅᑐᑎᓪᓗ. ᑭᕕᐅᖅ ᖃᔭᕐᒥᓂᒃ ᒪᑭᑎᑦᑎᓪᓗᓂ ᓄᓕᐊᓂ ᐊᒧᓪᓗᓂᐅᒃ ᐃᒫᓂ ᐃᐱᑲᓴᒻᒪᑦ. ᑭᕕᐅᖅ ᓄᓈᖅᑎᑦᑐᓂᐅᒃ ᓄᓕᐊᓂ ᓱᒍᓐᓃᑕᖅᑯᖅ. ᑕᐃᓐᓇᓕ ᐊᐃᑉᐸᖓ ᓄᓕᐊᖓ ᐅᐃᑖᖅᑐᒥᓂᖅ ᐊᓐᓄᕌᖅᓯᒪᓚᐅᖅᑐᖅ ᑎᒻᒥᐊᕋᔭᕐᓂᑦ. ᑭᕕᐅᑉ ᐊᐃᑉᐸᖓ ᓄᓕᐊᖓ ᐊᓐᓄᕌᖅᓯᒪᓪᓗᓂ ᐅᑲᓕᕋᔭᐅᔭᕐᓂᒃ, ᑭᕕᐅᖅ ᑐᓂᓯᓚᐅᖅᑐᓂ ᐅᐃᖃᙱᑦᑐᒧᑦ ᓴᐸᖓᕐᓂᒃ ᑕᐃᓐᓇ ᐅᐃᓕᔭᖅᑐᖅ ᓴᐸᖓᖃᕇᕐᖓᑦ ᑎᒻᒥᐊᕋᔭᖓᓂ. ᑭᕕᐅᑉ ᓄᓕᐊᒥᓂᖓ ᓈᒻᒪᔅᓴᕈᓐᓃᖅᑐᐊᓘᓪᓗᓂ, ᓯᒡᒐᔾᔨᓪᓗᓂ ᓴᐸᖓᖅᑖᖅᑎᑕᐅᙱᓐᓇᒥ. ᑭᕕᐅᖅ ᑐᓵᙳᕋᒥ ᓂᓪᓕᐊᑲᒻᒪᑦᑐᒥᒃ ᑐᓂᓯᑐᐃᓐᓇᓕᖅᑕᒥᓂᖓ ᓴᐸᖓᕐᓂᒃ. ᓱᓕ ᓂᓪᓕᐊᑲᒻᒪᐃᓇᖅᑐᓂ ᐊᓱᐃᓪᓛᓪᓕ ᑭᕕᐅᑉ ᓄᓕᐊᖅᑖᕆᒃᑲᓐᓂᑐᐃᓐᓇᓕᖅᑕᒥᓂᖓ.

ᑕᐃᒪᐃᓐᓂᓚᐅᖅᓯᒪᔪᖅ ᑭᕕᐅᖅ, ᖃᐅᔨᒪᔭᐅᑦᑎᐊᖅᑐᖅ ᐊᐅᓪᓚᖃᑦᑕᕐᓂᖓᓄᑦ, ᑭᓯᐊᓂᓕ ᐃᓅᖃᑎᖓᓐᓄᑦ ᐅᑎᓚᐅᖅᓯᒪᕗᖅ ᐊᐅᓪᓛᖃᑦᑕᕇᕐᖓᑦ.

ᐅᓂᒃᑳᖅᑐᐊ ᑭᕕᐅᑉ ᒥᔅᓵᓄᑦ

ᑕᑲᓐᓈᓗᒃ

ᑕᑲᓐᓈᓗᒃ

ᐱᙳᐊᖅᑏᑦ

ᑕᑲᓐᓈᓗᒃ - ᐊᕐᓇ ᐃᓅᓱᑦᑐᖅ ᐅᐱᒋᔪᖅ

ᐊᑖᑕᖓ - ᓇᓗᓕᐅᖅᑲᔪᕈᓗᖅ ᐃᓐᓇᖅ ᐊᖑᑦ

ᖃᖁᓪᓗᖅ - ᓴᓪᓗᑐᔪᕈᓗᒃ ᑎᒻᒥᐊᖅ ᐃᒪᕐᒥᐅᑕᖅ

ᑐᓗᒐᖅ - ᐅᓂᒃᑳᖅᑎ

ᐱᙳᐊᖅᑕᐅᔪᖅ 1

�4

ᐅ ᐃ ᖓ

ᐅᓂᒃᑳᖅᑎ ᑕᑲᓐᓈᓗᒃ ᐊᖏᔪᖅᑳᕋᓛᖑᓪᓗᓂ ᐊᒻᒪᓗ ᐃᓱᒪᑐᔫᓪᓗᓂ

ᐊᓈᓇᐃᓚᐅᖅᓯᒪᔪᖅ. ᓈᓚᒍᓐᓇᖏᑦᑐᖅ ᐊᑖᑕᒥᓂᒃ, ᑭᓱᓕᒫᑦᑎᐊᕐᓂᒃ

ᐱᑎᑉᐸᒃᑲᓗᐊᕐᖓᒍ ᓈᓚᒍᓐᓇᖏᑦᑕᖓ. ᐱᐅᓴᑐᐃᓐᓇᐃᓐᓇᖅᑐᖅ ᑲᒥᒻᒥᓂᒃ

ᐊᒪᐅᑎᒥᓂᓪᓗ ᐊᒻᒪᓗ ᐊᑖᑕᒥᓄᒃ ᐃᓪᓚᐃᖅᑕᐅᑎᑉᐸᑦᑐᓂ ᓄᔭᑯᑖᑯᓗᖏᑦ

ᕿᕐᓂᖅᑕᐅᓪᓗᑎᒃ. ᑭᓱᓕᕆᔪᓐᓇᖏᑦᑎᐊᖅᑐᖅ ᐊᖏᕐᕋᒥᓂᒃ ᐊᑖᑕᒥᓂᑐᐊᖅ

ᐱᔨᖃᑐᐃᓐᓇᕈᒪᔪᖅ.

ᑕᑲᓐᓈᓘᑉ ᐊᑖᑕᖓ ᐅᐃᔅᓴᖅᓯᐅᓵᕋᓱᐊᖅᑑᒐᓗᐊᖅ

ᐸᓂᑦᑎᐊᕙᑯᓗᒻᒥᓄᑦ ᑭᓯᐊᓂᓕ ᐊᖏᔪᖅᑳᕋᓛᕈᓘᓪᓗᓂ. ᖃᐃᖃᑦᑕᖁᔨᓲᖅ

ᐊᑖᑕᖓ ᓴᓂᓪᓕᒻᒥᓂᒃ ᓇᓪᓕᐊᑐᐃᓐᓇᖅ ᐃᕐᓂᕆᔭᐅᔪᖅ ᑲᑎᑎᑕᐅᔪᒪᖁᓪᓗᒍ

ᐸᓂᒻᒥᓄᑦ. ᐊᑕᐅᓯᐅᓈᖅᑎᖅᑐᑎᒃ ᐱᐅᔪᐊᓘᓪᓗᑎᒃ, ᓴᙱᔪᐊᓘᓪᓗᑎᒃ,

ᐊᐱᕆᖃᑦᑕᖅᑐᑦ ᑕᑲᓐᓈᓗᒻᒥᒃ ᓄᓕᐊᖅᑖᕈᓐᓇᕐᒪᖔᑎᒃ ᑭᓯᐊᓂᓕ

ᓇᓪᓕᐊᓐᓂᑐᐃᓐᓇᑦᑎᐊᖅ ᐊᖏᓚᐅᙱᑦᑐᖅ.

ᐃᓚᖓᓐᓂ ᐅᓪᓗᖓᓐᓂ ᑕᑯᒥᓇᑦᑎᐊᖅᑐᒥᒃ ᐊᖑᒻᒥᒃ

ᓴᖅᑭᖅᑐᖃᓚᐅᖅᓯᒪᔪᖅ, ᖃᖁᓪᓘᓪᓗᓂ ᑭᓯᐊᓂᓕ ᐊᓯᐊᖑᙳᐊᕋᓱᐊᖅᑐᓂ,

ᑕᑲᓐᓈᓗᒃᑯᓅᖅᑐᓂ. ᐃᙱᖅᑐᓂ ᐃᙱᐅᓯᑦᑎᐊᕙᑯᓗᒻᒥᒃ,

ᖃᐃᖁᓇᓱᐊᖁᓪᓗᓂᐅᒃ ᐊᖏᕐᕋᖓᓅᖁᓪᓗᓂᐅᒃ. ᑕᑲᓐᓈᓗᒃ

ᐱᐅᔅᓴᓕᖅᑕᐅᑎᒋᓚᐅᖅᑐᖅ ᑖᔅᓱᒥᖓ ᓴᙱᔪᐊᓗᒻᒥᒃ ᐃᙱᖅᑕᑯᓗᖓᓂᓪᓗ

ᑐᓴᕐᓂᕈᓱᑦᑐᓂᒃ ᐊᓱᐃᓪᓛᓪᓕᒃ ᐊᖏᑦᑕᐅᑎᒋᓪᓗᓂ ᑕᓯᐅᕆᐊᓯᓪᓗᓂᐅᒃ.

ᑐᓗᒐᖅ: ᐃᙱᖅᑐᖅ

ᑐᓗᒐᐅᑉ ᐃᙱᐅᓯᖓ, ᐃᙱᕈᔫᔭᐅᓯᐅᓂᖅᓴᖅ ᐃᙱᒐᑐᐃᓐᓇᐅᖏᑦᑐᖅ,

ᐃᙱᖅᑕᐅᒋᐊᖃᖅᑐᖅ ᒪᓕᓪᓗᑎᒃ ᕿᓚᐅᔾᔭᑦᑐᒥᒃ, ᓂᐱᖃᑦᑎᐊᕋᓱᐊᕐᓗᓂ

ᒪᓕᒐᓱᐊᕐᓗᓂ ᐃᓄᐃᑦ ᕿᓚᔾᔭᐅᓯᖏᓐᓂᒃ. ᐊᑐᓂ ᑎᑎᕋᖅᓯᒪᔪᑦ

ᐊᑭᓂᕐᒧᑦ ᐅᓂᒃᑳᖅᑐᐊᑦ

�5

ᑕᑭᓂᖏᑦ ᑎᓴᒪᕌᖅᑎᓪᓗᒋᑦ ᕿᓚᐅᔾᔭᖅᑐᒥᒃ ᒪᓕᓐᓂᐊᖅᑐᑦ.

ᐅᖃᐅᓯᖏᑦ ᐃᙱᑦᑎᐊᕋᓱᐊᕐᓗᒋᑦ, ᐱᓐᓇᔭᑦᑎᐊᕐᓗᑎᒃ, ᓱᒃᑲᐃᓪᓗᑎᒃ

ᐊᒻᒪᓗ ᐃᓱᒪᔮᙳᐊᕐᓗᑎᒃ, ᐱᓗᐊᖅᑐᒥᒃ ᓄᖅᑲᑲᐃᓐᓇᕈᓯᖓᓐᓂ.

ᑐᓗᒐᖅᑎᑐᑦ ᓂᓪᓕᐊᓇᓱᐊᕐᓗᓂ ᐅᖃᐅᓯᖏᓪᓗ ᒪᓕᓪᓗᒋᑦ, ᓲᕐᓗ

ᑲᔪᖏᖅᓴᐃᓇᓱᐊᕐᓂᐊᖅᑐᓂ.

ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂ ᑭᓯᐊᓂ ᑕᑯᔪᓐᓇᖅᑐᖅ!ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂ ᑭᓯᐊᓂ ᑕᑯᔪᓐᓇᖅᑐᖅ!

ᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᖅ ᑖᖅᑐᐊᓘᓪᓗᓂᓗᐃᓄᓕᒫᑦ ᐆᓕᑦᑐᑦ ᕿᐊᓪᓗᑎᓪᓗᓂᕐᔪᑎᓕᒫᑦ ᓯᓂᑦᑐᑦ ᐃᔨᖅᓯᒪᓪᓗᑎᓪᓗᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᒃ ᑖᖅᑐᐊᓘᓪᓗᓂᓗ

ᓄᖅᑲᑲᐃᓐᓇᕐᓂᖅ

ᖃᐅᒪᑎᑦᑎᕗᖓ ᓯᓚᕐᔪᐊᒥᒃᐃᓄᐃᑦ ᓂᕆᐅᔮᖅᑎᓕᖅᐸᒃᑲ ᑲᑉᐱᐊᓱᑦᑐᑦᑕᕐᓂᓕᒫᑦ ᐊᓯᔾᔨᖅᑐᐃᓐᓇᐅᑦᑎᐊᕐᒪᑕᖃᐅᒪ ᑖᖅᑐᐊᓗᓪᓗ ᐊᑕᐅᓯᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᓂᐱᑯᓗᓐᓂᒃ ᓯᓚᕐᔪᐊᒨᕈᔾᔨᕗᖓᐅᖃᐅᓯᕐᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᖑᑎᓄᑦ ᓂᕐᔪᑎᓄᓪᓗᓱᓕᓂᖅ ᑕᕐᕋᓕᓂᐅᕗᖅ, ᑕᕐᕋᓕᓂᖅ ᓱᓕᓂᐅᕗᖅ

ᑕᑲᓐᓈᓗᒃ

��

ᖃᐅᒪ ᑖᖅᑐᐊᓗᓪᓗ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᑕᑲᓐᓈᓗᒃ ᐃᓅᓱᑦᑐᑯᓗᒃ ᐅᐱᒍᓱᑉᐳᖅᓱᓕᙱᑦᑐᐊᓗᒃ ᖃᖁᓪᓗᒃ ᓯᓚᑦᑐᑲᒻᒪᕈᓘᕗᖅᖁᕕᐊᙱᑦᑐᕈᓗᒃ ᐊᑖᑕᖓ ᕿᔅᓵᓕᖅᐳᖅᑭᓱᒥᓪᓕ ᐱᒋᐊᕈᑎᖃᕐᓂᐊᓕᖅᐱᑕ?

ᓄᖅᑲᑲᐃᓐᓇᕐᓂᖅ

ᐊᑖᑕᖓᑕ ᐃᓪᓗᕕᒐᖓᓂ, ᑕᑲᓐᓈᓗᒃ ᐃᔅᓯᕚᑐᐃᓐᓇᖅᑐᖅ ᖁᓪᓕᐅᑉ ᓴᓂᐊᓂ ᐃᓯᒐᐃᔭᖅᓯᖅᑐᓂ, ᐊᑖᑕᖓᓗ ᑕᑯᓐᓈᖅᑐᓂ ᑑᕐᒥᓂᒃ.

ᐊᑖᑕ: ᐸᓃᒃ, ᐅᐃᑖᕆᐊᖃᓕᕋᓗᐊᖅᑐᑎᓪᓕ. ᑕᐃᒪᙵᓂ ᐊᓈᓇᐃᓚᐅᖅᓯᒪᒐᕕᑦ ᑭᓱᓕᒫᕌᓗᓐᓂᒃ ᐱᓇᓱᐊᕈᓐᓇᖅᑕᒃᑲ ᐱᔭᒃᑲ ᐃᓕᓐᓄᑦ. ᐃᑦᑐᕈᖅᐸᓪᓕᐊᒐᒪ ᐊᑯᓂᐅᙱᑐᕐᓗ ᐱᓯᒪᒍᓐᓇᔾᔮᕈᓐᓃᕋᒃᑭᑦ. ᐆᒪᔪᕋᓱᐊᑦᑎᐊᕈᓐᓇᐃᓕᒐᒪ ᑕᓖᒃᑲᓗ ᑕᐃᒫᒃ ᓴᙱᔫᕙᓚᐅᕐᖓᑕ ᓴᙱᔫᒍᓐᓃᖅᑐᑎᒃ.

ᑕᑲᓐᓈᓗᒃ: ᐊᑖᑖᒃ, ᐃᓯᒐᐃᓕᕋᒪ. ᐅᖅᓱᑖᒃᑲᓐᓂᕆᐊᖃᕋᓐᓄᒃ ᖁᓪᓕᑎᓐᓄᑦ. ᕿᐅᖃᑦᑕᕆᐊᖅ ᐱᐅᒋᙱᓇᒃᑯ.

ᐊᑖᑕ: ᐸᓃᒃ, ᑕᐃᒪᐃᑦᑐᑐᐊᕌᓗᓐᓂᒃ ᐃᓱᒪᕙᒃᑲᕕᑦ! ᑕᐃᒫᓪᓕ ᐅᐃᑖᔾᔮᖏᑦᑐᑎᑦ. ᐊᖑᒻᒥᒃ ᖃᐃᖁᔨᖅᑲᐅᔪᖓ ᐃᓅᓱᑦᑐᒥᒃ ᐳᓛᕆᐊᖁᔨᓪᓗᖓ. ᐅᐃᑦᑎᐊᕙᐅᒐᔭᖅᑐᖅ ᓴᙱᔪᐊᓘᓪᓗᓂ ᐊᖑᓇᓱᐊᑦᑎᐊᒃᑲᐅᓪᓗᓂᓗ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᑕᑲᓐᓈᓗᒃ: ᑕᐃᒫᑐᐊᕌᓗᓪᓕ ᐃᓱᒪᕙᒃᑲᕕᑦ ᐊᑖᑖ!! ᐱᐅᙱᑦᑐᕈᓗᒻᒥᑦ ᐅᐃᑖᔾᔮᖏᑦᑎᐊᖅᑐᖓ, ᐊᖑᑎᐸᑦᑎᐅᕈᓗᐃᑦ ᑕᐃᒫᖏᓐᓇᖅ ᑕᑯᓯᒪᔪᖓ ᐊᖑᑎᓂᒃ. ᖁᕕᐊᓱᑦᑎᑦᑎᒐᓱᐊᕈᓐᓇᖏᑦᑐᕈᓗᐃᑦ. ᓂᕿᓕᐅᕈᔾᔨᖃᑦᑕᕈᒪᙱᑦᑎᐊᖅᑐᖓ, ᐊᓐᓄᕋᔾᔨᐅᓪᓗᖓᓘᓐᓃᑦ, ᕿᑐᕐᖓᖅᑖᕐᕕᒋᔪᒪᙱᑕᒃᑲ ᐃᒻᒥᓃᓐᓇᕆᔪᑐᐊᕌᓗᑐᓇᐅᒐᓱᐊᖅᑎᓪᓗᒋᑦ ᑕᒫᓂ. ᐱᑖᕆᔭᐅᔾᔮᖏᑦᑎᐊᖅᑐᖓᓕ ᐱᑖᕆᔭᐅᓚᐅᖅᓯᒪᔾᔮᖏᑦᑎᐊᖅᑯᖓᓕ!

ᐊᑖᑕ: ᐸᓃᒃ, ᐸᓃᒃ, ᐃᓱᒪᑐᓗᐊᕋᓱᙱᓚᐅᕆᑦ. ᐱᑐᐃᓐᓇᐅᙱᓇᓱᐊᓗᐊᖅᑐᐊᓘᒐᕕᑦ. ᐆᒪᓇᓱᑦᑐᐃᓐᓇᐅᒋᐊᖃᕋᑦᑕ; ᐱᔭᕆᐊᑭᓐᓂᖅᓴᖅᑕᖃᙱᒻᒪᑦ. ᐊᖏᔪᖅᑳᖑᑎᒋᐊᖃᕐᓂᖏᒃᑲᓗᐊᕆᒃᑭᓪᓕᖃᐃ. ᐊᔅᓱᐊᓗᒃ ᓇᓪᓕᒋᓕᓚᐅᖅᓯᒪᒐᒃᑭᑦ ᐊᓈᓇᐃᕕᑦ. ᐋᒡᒑᔾᔮᖏᓐᓇᒃᑭᑦ ᑭᓱᑐᐃᓐᓇᕐᒥᒃ. ᑭᓱᑐᐃᓐᓇᓪᓚᕆᒻᒥᒃ ᐱᑎᒍᓐᓇᕋᒃᑭᑦ. ᐃᓅᓱᑦᑑᒐᕕᑦ, ᐱᐅᔪᐊᓘᓪᓗᑎᑦ, ᐱᔪᓐᓇᑦᑎᐊᕋᕕᑦ, ᐅᐃᓂᒃᑯᕕᑦ ᐅᐃᑖᕆᔭᐃᑦ ᖁᕕᐊᑦᑎᐊᕋᔭᖅᑐᖅ. ᐅᖃᐅᓯᒃᑲᑐᕐᖑᑯᐊ ᓈᓚᓚᐅᒃᑭᑦ; ᐃᓕᖅᑯᓯᕆᒐᑦᑎᒍ. ᐃᓐᓇᐃᑦ ᐅᖃᐅᓯᖏᑦ ᑐᓵᙱᓵᑦᑕᐃᓕᒃᑭᑦ.

ᑕᑲᓐᓈᓗᒃ: ᐃᓐᓇᐃᑦ ᓂᓪᓕᐊᑐᐃᓐᓇᖅᑐᕈᓘᕙᑦᑐᑦ. ᖃᓄᕐᓕ ᐅᕙᓐᓄᑦ ᐃᑲᔫᑎᓂᐊᕐᖓᑕ? ᓱᒻᒪᓪᓕ ᓈᓚᒋᐊᖃᖅᑯᖓ ᑭᓲᙱᑦᑐᕈᓗᒻᒥᒃ, ᐃᓐᓇᑐᖃᑐᐃᓐᓇᕈᓗᓐᓂᒃ! ᖃᐅᔨᒪᙱᑦᑐᕈᓗᐃᑦ ᐃᓅᓱᑦᑑᓇᓱᐊᕆᐊᖓ. ᐳᐃᒍᖅᓯᒪᔪᕈᓗᐃᑦ ᓯᒡᒐᔾᔨᑐᐃᓐᓇᖅᑐᑦ ᖁᕕᐊᓱᙱᓐᓇᒥ ᐅᕙᓐᓂᒃ ᓯᒡᒐᔾᔨᓗᐊᒧᑦ ᖁᕕᐊᓱᒍᓐᓃᖅᑐᑦ ᐃᕝᕕᑐᑦ. ᐅᐃᑖᕈᒪᙱᑦᑐᖓ. ᐅᐃᖃᔅᓴᐃᓐᓇᕆᐊᖃᙱᑦᑐᖓ. ᑭᓇᑐᐃᓐᓇᕐᒧᑦ ᐃᑲᔪᖅᑕᐅᒋᐊᖃᙱᑦᑐᖓ!

ᐊᑖᑕ: ᐸᓃᓪᓕ ᑕᐃᒫᕌᓗᒃ ᓂᓪᓕᐊᒋᐊᖃᙱᑦᑐᑎᒃ. ᐱᐅᓯᕚᓪᓕᕈᑎᐅᔾᔮᖏᑦᑐᐃᑦ ᐊᒻᒪᓗ ᐊᔅᓱᐊᓗᒃ ᑲᑉᐱᐊᓲᑎᕙᒋᑦ.

ᑕᑲᓐᓈᓗᒃ

��

ᑕᐃᒃᑯᐊ ᐊᖑᑎᑦ ᑲᑉᐱᐊᓲᑎᕙᒃᑲ ᓄᓕᐊᖃᕋᓱᐊᕐᓂᐊᖅᑐᑦ ᐸᓂᓐᓂᒃ. ᐊᐃ ᐅᐊᑦᑎᐊᕈᐊᐃ, ᑭᓇᑭᐊᖅ ᐃᓯᕆᐊᖅᑐᓕᖅᑐᖅ?

ᐊᖑᒻᒥᒃ ᐃᓅᓱᑦᑐᒥᒃ ᐃᓯᖅᑐᖃᖅᑐᓂ. ᐊᓐᓄᕌᖅᓯᒪᓪᓗᓂ ᓇᑦᑏᓇᕐᓂᒃ ᐊᔾᔭᖅᓯᓪᓗᓂ ᑑᕐᒥᓂᒃ.

ᐊᑖᑕ: ᐋ, ᑕᑲᓐᓈᓗᒃ, ᐅᕝᕙ ᐅᓇ ᐃᓅᓱᑦᑐᖅ ᐊᖑᑦ ᐅᖃᐅᓯᕆᓚᐅᖅᑕᕋ. ᓴᙱᔪᐊᖣᓪᓗᓂ ᐊᓯᕙᖅᑎᑦᑎᐊᕙᐅᓪᓗᓂ ᓂᕿᔅᓴᖅᓯᐅᖅᑎᑦᑎᐊᕙᐅᓂᐊᖅᑐᓂ ᐅᕙᑦᑐᓐᓄᑦ. ᖃᐅᔨᒪᑦᑎᐊᖅᑐᖅ ᓂᕐᔪᑎᓂᒃ ᓄᓇᒥᐅᑕᕐᓂᒃ ᐃᒪᕐᒥᐅᑕᓂᓪᓗ ᐅᕙᑦᑎᓃᑉᐸᑦ ᕿᐅᓚᐅᖅᓯᒪᔾᔮᖏᑦᑎᐊᖅᑐᒍᒃ...

ᑕᑲᓐᓈᓗᒃ: ᐊᑖᑕ, ᓱᒻᒪᑦ ᑕᐃᒪᐃᓕᐅᕋᓱᐊᖃᑦᑕᖅᑲᑦ ᓲᕐᓗ ᐅᐃᑖᖅᑎᓇᓱᐊᖅᑐᖓ. ᑕᑯᓕᕈᒃ! ᑮᓇᖓ ᕿᓕᕈᐃᓐᓇᖅ ᐊᓄᕆᒥᑦ ᓂᓪᓚᒥᓪᓗ. ᐃᔨᖏᓪᓗᑦ ᓂᑲᓪᓗᕈᓘᔮᖅᑑᒃ ᓂᕕᖓᔫᒃ ᓄᓇᖏᓐᓂ ᐃᔨᑭᑦᑐᑯᓗᐊᐱᒃ. ᐊᒡᒐᖏᑦ ᐃᒃᑲᓗᑦᑐᐊᓘᓪᓗᑎᒃ. ᕿᒻᒥᓛᕈᓗᑦᑎᑐᑦ ᓂᕆᑎᑕᐅᔪᒪᔫᔮᖅᑐᖅ ᖁᖓᑦᑐᕈᓗᑐᐃᓐᓇᐅᓪᓗᓂ.

ᐊᑖᑕ: ᐸᓃᒃ, ᐋᓐᓂᕐᓇᖅᑐᐊᓗᓐᓂᑦᑐᖅ ᓂᓪᓕᐊᙱᓚᐅᕆᑦ. ᑖᓐᓇ ᐊᖑᑦ ᐃᓅᓱᑦᑐᖅ ᐅᖓᓯᑦᑐᐊᓗᒻᒦᙶᖅᓯᒪᔪᖅ ᐊᑖᑕᖓᑕ ᓄᓇᖓᓐᓂᑦ ᓄᓕᐊᓂᒋᐊᖅᑐᕋᓱᐊᖅᑐᓂ ᐃᓕᓐᓂᒃ.

ᑕᑲᓐᓈᓗᒃ: ᐅᑎᑐᐃᓐᓇᕈᓗᓕᕐᓕ ᐊᖏᕐᕋᒥᓄᑦ. ᐅᖃᖃᑎᒋᔾᔮᖏᑦᑕᕋ. ᑕᑯᓴᔾᔮᙱᑕᕋ. ᓄᓕᐊᖅᑖᖑᔾᔮᖏᑦᑐᖓ ᑖᔅᓱᒧᖓ. ᐊᖏᕐᕋᖁᓚᐅᕈᒃ.

ᐊᑖᑕ: ᐸᓃᒃ, ᑖᓐᓇᑑᓕᖅᑐᖃᐃ ᐅᐃᔅᓴᖅᑖᕆᔪᓐᓇᖅᑕᕐᓂᑦ. ᐊᓯᖏᓪᓕ ᐊᖑᑎᓕᒫᕌᓗᐃᑦ ᐊᖏᖅᓯᒪᙱᓐᓇᕕᒋᑦ. ᓱᒃᑲᓐᓂᕆᐊᔅᓴᕐᓕ ᓇᓗᓕᖅᑐᖓ. ᖃᓄᐃᓐᓂᐊᓕᕐᒪᖔᓐᓄᓪᓕ

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᖃᐅᔨᒪᒍᓐᓃᖅᑐᖓ. ᐃᓐᓇᐅᓕᖅᑐᖓᓗ ᐃᓅᓱᑦᑑᓪᓗᑎᓪᓗ. ᖃᓄᐃᑦᑑᓂᐊᓕᖅᑭᓄᓪᓕᑭᐊᕐᖓᐃ?

ᑕᑲᓐᓈᓗᒃ: ᐊᑖᑕ ᐃᓱᒫᓗᒃᑲᐅᓗᐊᖅᑐᐊᓘᒐᕕᑦ. ᑭᓱᓕᒫᑦᑎᐊᕐᓂᓪᓕ ᐱᖃᖅᑐᒍᑦ. ᐅᓇ ᕿᒻᒥᓛᕈᓗᒃ ᐊᖏᕐᕋᖁᓕᕈᒃ ᕿᒻᒥᑎᑐᑦ ᑮᑦᑕᖅᐱᐊᕋᒃᑯ.

ᐊᖑᑎ ᐃᓅᓱᑦᑐᖅ ᑕᑯᓴᑐᐃᓐᓇᖅᑐᓂ ᐊᑖᑕᖓᓄᑦ ᑕᑲᓐᓈᓗᒻᒧᓪᓗ ᐸᓂᖓᓄᑦ, ᖁᔭᓇᕈᓘᑐᐃᓐᓇᖅᑐᓂ ᐊᓂᑐᐃᓐᓇᓕᖅᑐᖅ. ᑕᑲᓐᓈᓗᒃ ᓇᓚᕈᑐᐃᓐᓇᖅᑐᓂ ᐱᕐᕋᓕᖅᑕᖏᑦ ᓄᔭᓂᑦ. ᐊᑖᑕᖓ ᐃᑯᒻᒪᓴᖅᑐᓂ ᖁᓪᓕᕐᒥᒃ. ᓂᐱᖃᙱᑦᑎᐊᓕᖅᑑᒃ.

ᓂᐱᑭᑦᑐᑯᓗᒻᒥᒃ ᓂᔾᔮᕙᓗᑦᑐᒥᒃ ᑐᓴᖅᓴᐅᔪᖃᓕᖅᑐᓂ. ᑖᓐᓇ ᓂᓪᓕᐊᔪᖅ, ᐱᐅᔪᐊᓘᓪᓗᓂ, ᕿᐊᕙᓗᑦᑐᓂ ᖃᖁᓪᓗᒃ, ᐃᓄᑐᐊᕐᕙᓘᑦᑕᕋᓗᐊ, ᓇᓪᓕᒍᓱᒍᒪᑦᑎᐊᖅᑐᓂ. ᑐᓴᖅᓴᕈᖅᐸᓪᓕᐊᓪᓗᓂ ᐊᑖᑕᖓᑕᓗ ᐸᓂᖓᑕᓗ ᓈᓚᑉᐸᓪᓕᐊᖏᓐᓇᕋᓱᐊᖅᑐᒍ ᓂᔾᔮᔪᖅ.

ᑕᑲᓐᓈᓗᒃ: ᐊᑖᑕ ᓈᓚᑦᑕᓕᕆᑦ! ᖃᓄᐃᑦᑐᕐᖏᓐᓇ ᓂᓪᓕᐊᔪᖅ ᑐᓵᔭᕋ? ᑐᓵᕕᐅᒃ? ᐱᐅᔪᐊᓗᒃ, ᑐᓵᕕᐅᒃ?

ᐊᑖᑕ: ᐸᓃᒃ ᐊᓄᕆᕐᕙᓗᑐᐃᓐᓇᒥᓪᓕ ᑐᓵᔪᖓ, ᓯᓚᑲᒻᒪᐅᓛᓕᕆᕗᖅ.

ᑕᑲᓐᓈᓗᒃ: ᐋᒡᒐᐃ! ᑐᓵᓕᕆᑦ, ᐊᑖᑕ! ᑐᓴᖅᓴᕈᖅᐸᓪᓕᐊᑐᐃᓐᓇᓕᖅᑐᓂ ᐊᔅᓱᐊᓗᓪᓗ ᑐᓴᕐᓂᖅᑎᐊᖅᑐᓂ. ᐋ, ᑭᓇᑭᐊᕐᖏᓈ ᑕᐃᒫᑯᓗᒃ ᐃᙱᓲᖑᒻᒪᑦ? ᑭᓇᐅᒻᒪᒃᑭᐊᕐᖓᐃ. ᖃᐅᔨᒍᒥᓈ. ᖃᐅᔨᒍᒥᓈ.

ᐊᑖᑕ: ᐄ! ᐄ! ᑐᓴᖅᐸᕋ! ᑐᓴᖅᐸᕋ! ᑕᐃᒪᐃᑦᑐᑯᓗᒻᒥᒃ

ᑕᑲᓐᓈᓗᒃ

�0

ᑐᓴᓚᐅᖅᓯᒪᙱᑦᑎᐊᖅᑐᖓ. ᑕᕐᓂᑯᓗᖃᐃ ᐅᕙᑦᑎᓐᓂ ᕿᔅᓵᑦᑐᓂᒃ ᐱᓐᓇᔭᑦᑎᑦᑎᒋᐊᖅᑐᓕᖅᑐᖅ. ᐅᕝᕙᓘᓐᓃᑦ ᐊᓯᐊᓅᕈᔾᔨᓇᓱᐊᖅᑐᖅ ᐅᕙᓐᓂᒃ. ᑭᓯᐊᓂ ᐊᔅᓱᐊᓗᒃ ᑐᓴᕐᓂᖅᑐᖅ!

ᑕᑲᓐᓈᓗᒃ: ᐋ, ᓇᓗᓇᙱᑦᑎᐊᖅᑐᖅ ᑕᕐᓂᑯᓘᒻᒧᑦ ᐊᖑᒻᒥᓪᓕ ᑕᐃᒫᒃ ᐃᙱᖅᑐᖃᕋᔭᙱᑦᑎᐊᕐᖓᑦ. ᑕᕐᓂᑲᒻᒪᓪᓕ ᑕᐃᒫᒃ ᓂᓪᓕᐊᔾᔮᖏᒻᒪᑦ. ᑭᓇᐅᒻᒪᖔᖅ ᑕᑯᔪᒪᑦᑕᕋᓗᐊᖅᑲᕋ.

ᐊᖑᑎᑦᑎᐊᕚᓗᒻᒥᑦ ᐃᓪᓗᕕᒐᕐᒨᖅᑐᖃᖅᑐᓂ. ᑕᑲᓐᓈᓗᒃ ᐊᑖᑕᖓᓗ ᐃᓕᓴᖅᓯᖏᑦᑎᐊᖅᑐᑎᒃ ᐊᓪᓛᑦ ᑖᓐᓇ ᖃᖁᓪᓘᒋᐊᖓ ᖃᐅᔨᔭᐅᙱᑦᑐᖅ. ᐊᓐᓄᕌᑦᑎᐊᕙᐅᓂᖅᐹᕐᓂᒃ ᐊᓐᓄᕌᖅᓯᒪᓪᓗᓂ, ᐆᑦᑐᖅᓯᒪᑦᑎᐊᖅᑐᓂᒃ ᒥᖅᓱᖅᓯᒪᑦᑎᐊᖅᑐᓂᓪᓗ. ᐱᓱᑦᑎᐊᖅᑐᐊᓘᓪᓗᓂ ᓇᓗᕈᔪᑦᑑᔮᙱᑦᑎᐊᖅᑐᓂᓗ. ᐃᙱᖅᑐᓂ. ᑕᑲᓐᓈᓗᒃ ᐊᑖᑕᖓᓗ ᓈᓚᑐᐃᓐᓇᓕᖅᑑᒃ, ᑲᒪᓪᓚᕆᓕᖅᑐᑎᓪᓗ.

ᖃᖁᕐᓗᖅ:ᐅᖓᓯᑦᑐᐊᓗᒻᒦᙶᖅᓯᒪᕗᖓᐃᒫᓗᒃᑯᑦ ᓄᓈᓗᒃᑯᓪᓗᓄᓕᐊᑦᑎᐊᕙᔅᓯᐅᕆᐊᖅᓯᒪᓪᓗᖓᓄᓕᐊᖅᑖᕆᔪᒪᔭᓐᓂᒃ

ᓰᕐᓇᕈᔪᑦᑐᑯᓗᐃᑦ ᓂᕿᑦᑎᐊᕙᐃᑦᓂᕿᒋᕙᑦᑕᒃᑲ ᐊᖏᕐᕋᓐᓂᑳᓐᓂᕐᒥᒃ ᖃᐅᔨᒪᙱᑦᑎᐊᖅᑐᖓᐊᒥᒐᙱᑦᑎᐊᖅᑐᓂᒃ ᐱᑕᖃᕐᖓᑦ

ᐊᐅᒻᒥᑎᒃᑲ ᐅᓪᓗᓕᑯᓘᓪᓗᑎᒃᐱᐅᓂᖅᐹᑦᑎᐊᖑᓪᓗᑎᒃ

ᐊᑭᓂᕐᒧᑦ ᐅᓂᒃᑳᖅᑐᐊᑦ

�1

ᓇᓄᕋᐃᑦ, ᕿᓰᑦ ᐊᒦᓪᓗᕿᐅᓇᖅᑐᖃᙱᑦᑎᐊᖅᑐᖅ

ᖁᓪᓕᕋ ᐃᑯᒻᒪᔅᓴᐃᓐᓇᖅᑯᖅᐅᖅᓱᒃᓴᒥᒃ ᐃᓱᒫᓗᓇᖅᑐᖃᕋᓂᐅᒃᑯᓯᒃᑲ ᑕᑕᐃᓐᓇᖅᑐᑦᐊᓯᖏᓐᓂᒃ ᐱᔭᕆᐊᖃᙱᑦᑎᐊᖅᑯᖓ

ᐅᖓᓯᑦᑐᐊᓗᒻᒦᙶᖅᓯᒪᕗᖓᐃᒫᓗᒃᑯᑦ ᓄᓈᓗᒃᑯᓪᓗᓄᓕᐊᑦᑎᐊᕙᔅᓯᐅᕆᐊᖅᓯᒪᓪᓗᖓᓄᓕᐊᖅᑖᕆᔪᒪᔭᓐᓂᒃ

ᑕᑲᓐᓈᓗᒃ: ᐋ, ᐃᙱᐅᓯᑦᑎᐊᕚᓗᒃ! ᐃᙱᑲᓐᓂᕈᒃ; ᐅᕙᓐᓄᑐᐊᖅ, ᐊᑏ, ᐅᕙᓐᓄᑐᐊᖅ.

ᖃᖁᕐᓗᖅ: ᑕᑲᓪᓈᓗᒃ, ᖃᐅᔨᒪᑦᑎᐊᕋᒃᑯ ᐊᑎᕆᓛᖅᑕᐃᑦ, ᐃᓕᓐᓄᑦ ᐃᙱᖁᓕᑐᐊᕋᐃᒍᕕᙵ ᐃᙱᖃᑦᑕᕐᓂᐊᖅᑯᖓ. ᐱᐅᓂᖅᐹᑐᐊᑦᑎᐊᖑᒐᕕᑦ ᑕᑯᓯᒪᔭᓐᓂ ᑭᓱᑐᐃᓐᓇᑦᑎᐊᕐᓂᒃ ᐱᐅᓂᖅᓴᖅᑕᖃᔾᔮᙱᓚᖅ.

ᐊᑖᑕ: ᑭᓇᐅᒐᕕᑦ? ᓇᑭᙶᖅᓯᒪᒐᕕᑦ? ᑕᑯᓚᐅᖅᓯᒪᙱᑦᑎᐊᕆᒃᑭᑦ ᑭᓯᐊᓂᓕ ᐃᓕᓴᕐᓇᕈᔪᑦᑑᔮᖅᑐᑎᑦ! ᓄᓕᐊᖅᓯᐅᖅᑮᑦ?

ᖃᖁᕐᓗᖅ: ᐄ. ᓄᓕᐊᖅᓯᐅᖅᑐᖓ. ᑕᕝᕗᖓᑦᑎᐊᖅᑑᔮᖅᑐᖓᓪᓗ.

ᐊᑖᑕ: ᑳ, ᐊᓯᐊᓂ ᕿᓂᕈᓐᓃᕆᑦ! ᐸᓃᒃ, ᖃᓄᕐᓕ ᑖᓐᓇ ᐊᖑᑦ ᐃᓱᒪᒋᕕᐅᒃ? ᑭᐅᑦᑕᐅᑎᒋᑦᑕᐃᓕᒋᑦ ᑕᐃᒪᐃᑦᑐᒥᒃ

ᑕᑲᓐᓈᓗᒃ

�2

ᐱᑕᖃᒃᑲᓂᙱᑐᐃᓐᓇᕆᐊᖃᕐᖓᑦ. ᑕᑯᑦᑕᓕᒃᑭᓪᓕ ᐊᓐᓄᕌᖏᑦ, ᒥᖅᓱᖅᓯᒪᑦᑎᐊᖅᑐᐊᓗᐃᑦ! ᑕᓕᐊᓗᖏᒃ ᑕᑯᓕᒃᑭᒃ, ᓴᙱᔪᐊᓘᒃ! ᐃᙱᐅᓯᖏᓪᓗ ᓈᓚᑦᑎᐊᕐᓗᒋᑦ, ᐆᒪᔪᒦᙶᖅᓯᒪᔫᔮᙱᒻᒪᕆᑦᑐᑦ ᑭᐊᑐᐃᓐᓇᐅᓪᓗ ᐊᔪᕆᒍᓐᓇᔾᔮᓇᓂᒋᑦ!

ᑕᑲᓐᓈᓗᒃ: ᐊᑖᑖ, ᑕᕝᕙ ᐅᓇ ᐅᑕᖅᑮᓐᓇᖅᑕᕋ. ᐃᙱᐅᓯᖏᑦ ᐱᐅᔪᐊᓗᐃᑦ, ᐊᓐᓄᕌᑦᑎᐊᕆᑦᑐᕐᔪᐊᕌᓘᓪᓗᓂ, ᐃᔨᖏᓪᓗ ᕿᓪᓕᒻᒪᕆᑦᑐᑎᒃ ᐊᖏᕐᕋᖓᓗ ᑭᓱᖃᑦᑎᐊᖅᑐᓂ. ᓄᓕᐊᖅᑖᕆᓂᐊᓕᖅᑳᖓ.

ᐊᑖᑕ: ᑭᓇᐅᒐᕕᑦ ᓇᑭᙶᖅᓯᒪᒐᕕᑦ! ᖃᐅᔨᒪᔫᔮᑦᑎᐊᕋᓗᐊᖅᑐᑎᑦ ᑭᓯᐊᓂᓕ ᐊᑎᖅᓯᔪᓐᓇᖏᓐᓇᒃᑭᑦ.

ᖃᖁᕐᓗᖅ: ᖃᖁᓪᓘᕗᖓ ᐅᖓᓯᑦᑐᐊᓗᒻᒦᙶᖅᓯᒪᕗᖓ.

ᐊᑖᑕ: ᖃᖁᓪᓘᒃ, ᑐᓂᑦᑎᐊᖅᐸᕋ ᐸᓂᒐ. ᐊᒥᓱᐊᓗᓐᓂᒃ ᐊᖏᙱᔅᓯᒪᕗᖅ ᑭᓯᐊᓂᓕ ᒫᓐᓇ ᓇᓂᓯᕗᖅ ᐱᐅᒋᔭᒥᓂᒃ. ᑎᒍᓚᐅᕈᒃ, ᐱᒋᓂᐊᓕᕋᕕᐅᒃ.

ᖃᖁᕐᓗᖅ: ᐊᑏ ᐊᓂᓕᕐᓗᒃ, ᑕᑲᓐᓈᓘᒃ ᐅᖓᓯᑦᑐᐊᓗᒻᒨᕆᐊᖃᕋᓐᓄᒃ ᑖᖅᓯᕙᓪᓕᐊᒋᓪᓗᓂᓗ. ᓂᑦᑕᐃᓕᕙᓪᓕᐊᓕᖅᑐᓂᓗ ᐃᖏᐅᓕᑉᐸᓪᓕᐊᓕᖅᑐᓂᓗ ᐃᒪᖅ. ᓂᕐᔪᑎᓕᒫᑦ ᓄᓇᒥᐅᑕᐃᑦ ᐃᒪᕐᒥᐅᑕᐃᓪᓗ ᕿᒫᒻᒪᑕ ᓯᓚᒥᒃ. ᐱᓐᓇᔭᒋᐊᖃᙱᓇᓐᓄᒃ. ᖃᐃᓚᐅᕆᑦ, ᓄᐊᓕᐊᒃ.

ᑕᑲᓐᓈᓗᒃ: ᐅᐃᒃ, ᖃᐃᓕᖅᐳᖓ.

ᐊᑖᑕ: ᓴᐃᓕᓕᑕᐃᓐᓇᖅᑯᖓ. ᐸᓂᒐ ᓈᒻᒪᒋᔭᒥᓂᒃ ᓇᓂᓯᒻᒪᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

�3

ᑐᐊᕕᓕᕆᔅᓯ, ᐊᓄᕆᑖᖅᐸᓪᓕᐊᒻᒪᑦ ᐅᓪᓗᕆᐊᖅᑕᖃᖅᑐᓂᓗ ᑕᖅᑭᐅᑉ ᓇᓛᓂ. ᑕᐃᓐᓇᓖᓛᒃ ᐃᓕᓴᕆᐸᓗᑦᑎᐊᕋᒃᑯᑦ ᖃᖁᕐᓗᖅ.

ᑕᑲᓐᓈᓗᒃ

ᐱᙳᐊᖅᑕᐅᔪᖅ 2

��

ᐅ ᐃ ᖓ

ᐅᓂᒃᑳᖅᑎ

ᐊᑯᓂᐊᓗᒃ ᑎᑭᓐᓇᓱᐊᓚᐅᖅᑐᑎᒃ ᑕᑲᓐᓈᓗᒃᑯᑦ

ᐅᐃᖓᓗ ᖃᖁᓪᓗᖅ ᐊᖏᕐᕋᒥᓄᑦ ᑎᑭᑲᐃᓐᓇᖅᑐᑎᒃ.

ᑕᑲᓐᓈᓗᒃ ᑕᖃᑦᑎᐊᖅᑐᓂ ᓯᓂᑐᐃᓐᓇᓕᖅᑐᓂᒃ ᐅᓪᓗᒐᓚᓐᓂᒃ.

ᐃᖅᑯᒪᕐᖓᑦ ᓯᓐᓇᑑᒪᑐᐃᓐᓇᖅᑑᔮᖅᑐᒥᓂᖅ; ᖃᖁᓪᓘᑉ ᐊᖏᕐᕋᖓ

ᖃᐅᒪᑦᑎᐊᖅᑐᐊᓘᓪᓗᓂ, ᐊᕙᓗᖏᑦ ᐊᒥᕐᓂᒃ ᓈᑦᑎᐊᖅᑐᑦ,

ᐱᖓᓱᓂᒃ ᖁᓪᓕᖃᖅᑐᓂ ᐆᓇᕈᔪᑦᑐᑯᓘᒻᒦᓕᖅᑐᓂ. ᐅᒃᑯᓰᓪᓘᓃᓪᓗ.

ᓂᕿᑕᖃᑦᑎᐊᖅᑐᑎᒃ. ᐅᐃᕐᖓᕈᓐᓃᖅᑐᓂᒃ, ᓯᓐᓇᑦᑑᒪᔫᔮᖅᑐᓂ, ᑕᑲᓐᓈᓗᒃ

ᒧᒥᕈᔪᓕᖅᑐᓂ ᑕᖃᒐᒥ ᓯᓂᓕᒃᑲᓂᖅᑐᓂ.

ᕿᓚᒥᕈᓗᒃ ᐃᖅᑯᒪᖅᑐᓂ ᑕᑲᓐᓈᓗᒃ ᕿᒥᕐᕈᓕᖅᑐᓂ

ᐊᖏᕐᕋᖅᑖᖅᑲᐅᒥᓂᒃ. ᑲᒪᓪᓚᕆᑦᑐᖅ ᑕᑯᔭᒥᓂᒃ. ᑭᓱᓕᒫᑦᑎᐊᑦ

ᐊᓯᔾᔨᖅᑐᑎᒃ. ᐃᓪᓗᖓ ᑖᖅᑐᐊᓘᓪᓗᓂ ᐃᒃᑮᓇᖅᑐᐊᓘᓪᓗᓂᓗ ᐊᒻᒪᓗ

ᐊᓄᕆᕙᓗᑦᑐᑎᒃ ᐊᕙᓗᖏᓐᓂ. ᐃᖃᓗᒥᓂᕐᓄᑦ ᓂᐊᖁᒥᓂᐊᓗᑦᑕᖃᐅᖅᑐᓂ

ᓴᐅᓂᒥᓂᐊᓗᓐᓂᓪᓗ ᓇᑎᕐᒥ. ᖁᓪᓕᖅᑕᖃᕋᓂ ᐃᖃᓗᒥᓂᕐᒧᑦ

ᐃᒍᓇᖅᓱᓐᓂᑐᐃᓐᓇᖅᑐᓂᒃ ᐃᓪᓗᒃ.

ᑐᓗᒐᖅ: ᐃᙱᑦᑐᖅ

ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂ ᑭᓯᐊᓂ ᑕᑯᔪᓐᓇᖅᑐᖅ!ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂ ᑭᓯᐊᓂ ᑕᑯᔪᓐᓇᖅᑐᖅ!

ᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᖅ ᑖᖅᑐᐊᓘᓪᓗᓂᓗᐃᓄᓕᒫᑦ ᐆᓕᑦᑐᑦ ᕿᐊᓪᓗᑎᓪᓗᓂᕐᔪᑎᓕᒫᑦ ᓯᓂᑦᑐᑦ ᐃᔨᖅᓯᒪᓪᓗᑎᓪᓗ

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᒃ ᑖᖅᑐᐊᓘᓪᓗᓂᓗ

ᓄᖅᑲᑲᐃᓐᓇᕐᓂᖅ

ᖃᐅᒪᑎᑦᑎᕗᖓ ᓯᓚᕐᔪᐊᒥᒃᐃᓄᐃᑦ ᓂᕆᐅᔮᖅᑎᓕᖅᐸᒃᑲ ᑲᑉᐱᐊᓱᑦᑐᑦᑕᕐᓂᓕᒫᑦ ᐊᓯᔾᔨᖅᑐᐃᓐᓇᐅᑦᑎᐊᕐᒪᑕᖃᐅᒪ ᑖᖅᑐᐊᓗᓪᓗᑦ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᓂᐱᑯᓗᓐᓂᒃ ᓯᓚᕐᔪᐊᒨᕈᔾᔨᕗᖓᐅᖃᐅᓯᕐᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᖑᓐᓄᑦ ᓂᕐᔪᑎᓄᓪᓗᓱᓕᓂᖅ ᑕᕐᕋᓕᓂᐅᕗᖅ, ᑕᕐᕋᓕᓂᖅ ᓱᓕᓂᐅᕗᖅᖃᐅᒪ ᑖᖅᑐᐊᓗᓪᓗ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᑕᑲᓐᓈᓗᒃ ᐃᓅᓱᑦᑐᑯᓗᒃ ᐅᐱᒍᓱᑉᐳᖅᓱᓕᙱᑦᑐᐊᓗᒃ ᖃᖁᓪᓗᒃ ᓯᓚᑦᑐᑲᒻᒪᕈᓘᕗᖅᖁᕕᐊᙱᑦᑐᕈᓗᒃ ᐊᑖᑕᖓ ᕿᔅᓵᓕᖅᐳᖅᑭᓱᒥᓪᓕ ᐱᒋᐊᕈᑎᖃᕐᓂᐊᓕᖅᐱᑕ?

ᓄᖅᑲᑲᐃᓐᓇᕐᓂᖅ

ᑕᑯᔅᓴᐅᓗᓂ ᖃᖁᓪᓘᑉ ᐊᖏᕐᕋᖓᑕ ᐃᓗᐊ. ᐊᑦᑎᑦᑐᐊᓘᓪᓗᓂ ᐊᕙᓗᖏᓪᓗ ᐊᐃᖅᓯᒪᓪᓗᑎᒃ ᐱᑐᖄᓗᓐᓂᒃ ᐊᓕᑦᑐᖅᓯᒪᔪᐊᓗᓐᓂᒃ ᑐᑦᑐᕋᔭᕐᓂᒃ ᕿᓯᓐᓂᓪᓗ. ᓇᑎᖓ ᓴᐅᓃᓐᓇᒥᓂᑐᐃᓐᓇᐅᓪᓗᓂ,

ᑕᑲᓐᓈᓗᒃ

��

ᓱᓗᓂᓪᓗ ᓂᒃᑯᑐᖄᓗᓐᓂᓪᓗ ᓂᕿᒥᓂᕐᓂᒃ. ᖁᓪᓕᖅᑕᖃᙱᑦᑐᓂ ᐅᒃᑯᓯᑦᑕᖃᕋᓂᓗ. ᐊᒻᒪᔪᓪᓛᓪᓗᓂ ᐊᕙᓗᖏᑦ ᐊᓄᕆᕐᕙᓗᑐᐃᓐᓇᐅᓪᓗᑎᒃ. ᑕᑲᓐᓈᓗᒃ ᐃᓯᖅᑐᓂ.

ᑕᑲᓐᓈᓗᒃ: ᓱᓕᖅᑯᖓᓕ! ᓱᓕᖅᑯᖓᓕ! ᓯᓐᓇᑦᑑᒪᑲᒻᒪᑦᑑᔮᓕᖅᑐᖓᓕ! ᐅᐃᒪᓕ ᑕᐃᒪᐃᑦᑐᐊᓗᒻᒦᓐᓂᐊᕐᓂᕋᓚᐅᙱᒃᑳᖓ. ᓇᐅᓕᑭᐊᕐᖓᐃ? ᓇᐅᓕᑭᐊᕐᖓᐃ? ᐅᐃᒃ! ᐅᐃᒃ! ᐅᐃᒃ!

ᕿᐊᓪᓗᓂ. ᖃᖁᓪᓗᖅ ᐃᓯᖅᑐᓂ.

ᖃᖁᓪᓗᖅ: ᓱᒻᒪᑦ ᖃᐃᒐᓛᖅᑭᑦ ᓄᓕᐊᒃ? ᑭᓱᒥᒃ ᐱᔪᒪᒐᕕᑦ?

ᑕᑲᓐᓈᓗᒃ: ᐅᐃᑯᓘᒃ, ᓱᓕᖅᑐᖓᓕᑭᐊᖅ. ᑕᑯᔭᑐᐊᒃᑲᓕ ᓴᐅᓂᒥᓂᐊᓗᐃᑦ ᐊᓕᑦᑐᖅᓯᒪᔪᓪᓗ ᐊᒦᑦ. ᖁᓪᓕᑦᑕᖃᕋᓂ ᐃᒃᑮᓇᖅᑐᐊᓘᓪᓗᓂ ᖁᕕᐊᓱᙱᑦᑎᐊᖅᑐᖓᓕ. ᖃᐃᓚᐅᕆᒃ ᐃᙱᕐᕕᒋᓚᐅᙵ. ᐊᑲᐅᓯᓂᐊᕋᒪ.

ᖃᖁᓪᓗᖅ: ᐊᑖᑕᒃᑯᓯᓐᓃᙶᕋᓱᓚᐅᕋᓐᓄᑦ ᐊᑯᓂᐊᓗᒃ ᑕᖃᒐᕕᑦ. ᑕᑯᔪᓐᓇᖏᓐᓇᕕᑦ ᐃᓱᒪᒋᔭᕐᓂᑦ. ᐃᓱᒪᑦᑎᐊᕈᓐᓇᐃᓕᒐᕕᑦ ᓄᓕᐊᑯᓗᒐ ᓂᓪᓚᓱᑦᑐᒦᓕᖅᑐᖅ ᐱᐅᙱᑦᑐᐊᓗᒻᒥᓪᓗ! ᑕᕝᕙ ᐊᖏᕐᕋᕋ! ᕿᒥᕐᕈᐊᑦᑎᐊᓕᕆᑦ!

ᖃᖁᓪᓗᖅ ᐃᓴᕈᖅᓱᓕᕐᖓᑦ ᐃᓪᓗᖓ ᖃᐅᒻᒪᑦᑎᐊᖅᑐᓂ. ᓂᐱᖃᑦᑎᐊᖅᑐᑯᓘᓕᖅᑐᓂ. ᑕᑯᒋᓇᐃ ᖁᖓᓕᖅᑐᓂ ᐅᐸᑦᑐᓂᐅᒃ ᐅᐃᓂ. ᑕᐃᒫᖑᙱᑦᑐᖅ ᑕᑯᓐᓇᙳᐊᓕᖅᑐᓂ ᐃᓴᕈᖓ ᖃᖁᓪᓘᑉ ᑎᒍᒻᒪᒍ.

ᑕᑲᓐᓈᓗᒃ: ᐅᐃᒃ, ᐊᒡᒐᑎᒃ ᓂᕈᒥᑦᑐᑯᓗᐃᑦ: ᐃᔩᒃᑭᓪᓗ

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᕿᓪᓕᑦᑎᐊᖅᑐᑎᒃ; ᓱᓗᑎᓪᓗ ᕿᓪᓕᖅᑐᑯᓘᓪᓗᑎᒃ. ᐃᓄᑑᙳᖃᑦᑕᖅᑐᖓ ᐅᕙᓃᒍᓐᓃᕋᐃᒐᕕᑦ. ᓱᒻᒪᓪᓕ ᐊᑯᓂᐊᓗᒃ ᐅᕙᓃᑉᐸᖏᓪᓚᑎᑦ? ᐃᓱᒪᖃᓕᖅᐸᒃᑲᒪ ᐱᐅᙱᑦᑐᐊᓗᒻᒥᒃ ᑲᑉᐱᐊᓱᓕᖃᑦᑕᖅᑐᖓᓪᓗ.

ᖃᖁᓪᓗᖅ: ᑭᓱᑐᐃᓐᓇᑦᑎᐊᕐᒧᑦ ᐋᓐᓂᖅᑕᐅᔾᔮᙱᓚᑎᑦ. ᓯᓂᓕᕆ ᑲᑉᐱᐊᓇᖅᑐᐊᓗᐃᓪᓗ ᔭᒐᓐᓂᐊᖅᑐᑎᑦ.

ᖃᖁᓪᓗᖅ ᐃᓪᓕᒨᕈᔾᔨᓪᓗᓂ, ᕿᐱᑦᑐᓂᐅᒃ ᐊᒥᕐᒧᑦ ᐃᙱᕐᕕᒋᓕᕆᓪᓗᓂᐅᒃ. ᑕᑲᓐᓈᓗᒃ ᓯᓐᓇᕆᔅᓯᓪᓗᓂ. ᐃᙱᕇᕋᒥ ᖃᖁᓪᓘᑉ ᐊᒥᑦᑎᐊᕚᓗᐊ ᐲᖅᑐᓂᐅᒃ ᑕᐃᒫᒃ ᑕᑯᔅᓴᐅᒐᒥ ᑕᑯᔅᓴᕈᖅᑐᓂ, ᑎᒻᒥᐊᖅ. ᐃᓪᓗᖓ ᐃᒃᑮᓇᖅᓯᓪᓗᓂ ᑖᖅᓯᑲᓐᓂᖅᑐᓂᓗ. ᑕᑲᓐᓈᓗᒃ ᐃᖅᑯᒻᒪᕐᖓᑦ ᑕᑯᓪᓗᓂᐅᒃ ᐅᐃᓂ ᐊᓯᔾᔨᓕᖅᑎᓪᓗᒍ ᑎᒻᒥᐊᒧᑦ. ᐊᓂᓪᓗᓂ ᐊᒻᒪᓗ ᑕᑲᓐᓈᓗᒃ ᖃᐅᔾᔨᐊᓪᓚᑦᑐᓂ ᕿᐊᓕᖅᑐᓂᓗ.

ᑕᑲᓐᓈᓗᒃ: ᓯᓚᐃᕐᕆᔭᐅᓐᓂᕋᒪ. ᐅᐃᒐ ᑎᒻᒥᐊᕈᓗᒃ! ᓇᐃᑦᑐᕈᓘᓪᓗᓂ ᐱᐅᙱᑦᑐᐊᓘᓪᓗᓂ ᓯᒡᒍᕈᓗᐊᓗ ᓄᕝᕗᑦᑎᐊᕆᑦᑐᕈᓘᓪᓗᓂ, ᐅᑭᔨᔪᕈᓗᑐᐃᓐᓇᐅᓪᓗᓂ, ᐃᔨᐸᑦᑎᐅᕈᓗᖏᓪᓗ. ᐋ, ᓱᒻᒪᓪᓕ ᑕᒪᓐᓇ ᑕᑯᓐᓂᖏᒃᑲᓗᐊᕆᕙᕋ! ᖀᒥᒋᔮᓗᒋᓕᖅᑕᕋ! ᖀᒥᒋᔮᓗᒋᓕᖅᑕᕋ! ᖀᒥᒋᔮᓗᒋᓕᖅᑕᕋ! ᖃᓄᖅᑐ ᕿᒫᓗᓚᐅᕐᓚᒍ. ᖃᓄᐊᓗᓪᓕ ᕿᒪᔅᓯᓂᐊᕋᒪ? ᖃᐅᔨᒪᙱᑦᑐᖓᓕ ᖃᓄᖅ ᕿᒫᓇᓱᐊᕐᓂᐊᕐᒪᖔᕐᒪ.

ᖃᖁᓪᓗᖅ ᐃᓯᖅᑐᓂ, ᑕᑯᓐᓇᑐᐃᓐᓇᓕᖅᑐᓂᐅᒃ ᑕᑲᓐᓈᓗᒃ. ᑕᑲᓐᓈᓗᒃ ᖃᐃᒐᓛᓕᖅᑐᓂ ᐅᐃᒥᓄᑦ.

ᑕᑲᓐᓈᓗᒃ: ᓯᓚᐃᕐᕆᓐᓂᕋᕕᙵ ᓴᓪᓗᔨᕈᓗᑐᐃᓐᓇᐅᔪᑎᑦ ᐱᓪᓚᕆᐅᙱᑦᑐᕈᓘᔪᑎᑦ. ᓯᓚᐃᕐᕆᓐᓂᕋᕕᙵ

ᑕᑲᓐᓈᓗᒃ

�0

ᐅᖃᑦᑎᐊᙳᐊᖅᑐᐊᓘᓪᓗᑎᑦ ᐃᙱᙳᐊᖅᑐᐊᓘᓪᓗᑎᓪᓗ. ᐊᑖᑕᒐᓗ ᓴᓪᓗᓪᓗᒍ. ᓯᓚᐃᕐᕆᓐᓂᕋᕕᙵ!

ᖃᖁᓪᓗᖅ: ᓇᒻᒥᓂᖅ ᓯᓚᐃᕐᕆᓚᐅᖅᑐᑎᑦ! ᐃᒻᒥᓂᑐᐊᕌᓗᒃ ᐅᐱᒋᓪᓗᑎᑦ ᐊᖑᑏᑦ ᐅᐱᒋᙱᑦᑎᐊᖅᑐᒋᑦ ᓄᓕᐊᓂᒍᒪᓚᐅᖅᑐᑦ. ᓇᒻᒥᓂᑐᐊᕌᓗᒃ ᐃᓱᒪᒋᕙᑦᑐᑎᑦ ᓇᒻᒥᓂᑐᐊᕐᓗ ᐸᓯᔭᔅᓴᑑᓪᓗᑎᑦ.

ᑕᑲᓐᓈᓗᒃ: (ᓂᐱᑭᑦᑐᓂ ᓂᓪᓕᐊᓕᖅᑐᖅ, ᐊᓴᑦᑎᔪᖅᑎᑐᑦ): ᐱᐅᔪᐊᓗᓐᓂᒃ ᐱᔪᓐᓇᕐᓂᖃᖅᑐᑎᑦ. ᐊᖏᕐᕋᑦᑎᐊᕙᐅᑎᒍᓐᓇᖅᑐᒍ ᐃᓪᓗᐃᑦ ᐊᒥᑦᑎᐊᕙᑯᓗᓐᓂᓪᓗ ᑕᑯᔅᓴᐅᑎᑦᑎᓪᓗᑎᑦ. ᓂᕿᐊᓗᓐᓂᓪᓗ ᐅᖅᓱᔅᓴᓂᓪᓗ ᖁᓪᓕᓐᓄᑦ ᐱᑕᖃᖅᑎᑦᑎᓪᓗᑎᒃ. ᐅᕙᓐᓄᑦ ᑕᒪᒃᑯᐊ ᓴᖅᑭᕈᓐᓇᖅᑐᒋᓪᓗ!

ᖃᖁᓪᓗᖅ: ᖃᓄᑐᐃᓐᓇᑦᑎᐊᕐᓕ ᐊᑐᕈᒪᔭᓐᓂᒃ ᐊᑐᕈᓐᓇᖅᑐᖓ. ᑕᐃᒪᐃᓐᓂᐊᖅᑐᖓᓪᓗ.

ᑕᑲᓐᓈᓗᒃ: (ᐊᓴᑦᑎᓪᓗᓂ): ᐊᑏᑦ, ᐅᕙᓐᓄᑦ, ᐅᕙᓐᓄᑐᐊᖅ, ᓇᒻᒥᓂᕆᒐᕕᙵ, ᓄᓕᐊᑯᓗᒋᒐᕕᙵ, ᑭᓱᑐᐃᓐᓇᓪᓚᕆᓐᓂᒃ ᖁᔭᓈᖅᓯᓚᐅᖅᑐᖓ; ᐊᑖᑕᒪ ᐊᖏᕐᕋᑦᑎᐊᕙᖓ, ᐊᐅᒻᒥᑎᖃᑦᑎᐊᖅᑐᓂ ᐊᒥᕐᓂᒃ, ᖁᓪᓕᒧᓪᓗ ᐅᖅᑰᑦᑎᐊᖅᑐᓂ ᖃᐅᒪᑦᑎᐊᖅᑐᓂᓗ.

ᖃᖁᓪᓗᖅ: ᐅᕙᓐᓄᑦ ᑭᓱᓕᒫᑦ ᖁᔭᓈᖅᑕᒥᓂᖅᑎᑦ! ᕿᒪᓵᕈᒪᓚᐅᖅᓯᒪᔭᐃᑦ ᐊᑖᑕᕈᓗᐃᑦ. ᑕᑯᑐᐊᕋᕕᙵᓕ ᐊᐅᓪᓚᕈᒪᓕᑦᑕᐅᑎᒋᓚᐅᖅᓯᒪᔪᑎᑦ. ᐊᐅᓪᓚᓵᕈᒪᑐᐃᓐᓇᓚᐅᖅᑐᑎᑦ. ᖁᔭᒋᑐᐃᓐᓇᖔᓕᙵ ᕿᒪᔅᓯᑎᒍᓐᓇᓚᐅᕋᒃᑭᑦ ᐱᐅᙱᑦᑐᐊᓗᒻᒥᒃ. ᒫᓐᓇ, ᕿᓄᖓᕙᓗᑐᐃᓐᓇᕈᓐᓃᕆᑦ ᐅᓇ ᑲᒥᒐ ᓴᓇᒋᐊᓚᐅᕈᒃ.

ᑕᑲᓐᓈᓗᒃ: ᐅᓇ ᕿᓯᒥᓂᕈᓗᑐᐃᓐᓇᖅ. ᒥᖅᓱᕈᒪᓱᐃᑦᑑᔪᖓᓕ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

�1

ᒥᖅᓱᓚᐅᖅᓯᒪᖏᑦᑐᖓ. ᓴᓇᒍᓐᓇᖏᑦᑐᖓ. ᓴᓇᔭᔅᓴᖅᑕᖃᙱᑦᑐᖅ. ᑳᓕᕋᒪ, ᐅᓪᓗᒐᓚᓐᓄᑦ ᓂᕆᓚᐅᙱᑦᑐᖓ. ᐃᓪᓗᐃᑦ ᐃᒃᑮᓇᖅᑐᐊᓗᒃ ᑖᖅᑐᐊᓘᓪᓗᓂᓗ. ᐆᓕᓕᖅᑐᖓᓕ...

ᖃᖁᓪᓗᖅ: ᖁᕕᐊᓱᓕᓚᐅᖅᓯᒪᙱᑦᑐᑎᑦ! ᑭᓱᑐᐃᓐᓇᑦᑎᐊᑦ ᓈᒻᒪᑦᑐᖃᓚᐅᖅᓯᒪᖏᑦᑐᑦ ᐃᓕᓐᓄᑦ. ᑭᓇᐅᓱᒋᒐᕕᓪᓕᑭᐊᕐᖓᐃ? ᐃᖃᓪᓕᐊᕋᒪ. ᐅᑎᕈᒪ ᓴᓗᒪᔪᒧᑦ ᐅᑎᕈᒪᔪᖓ ᑲᒦᒃᑲᓗ ᐋᖅᑭᒋᐊᕐᓂᐊᖅᑳᒃᑭᒃ ᑕᐃᒪᐃᙱᒃᑯᕕᑦ ᖁᕕᐊᙱᔾᔪᑎᔅᓴᓐᓂᒃ ᓴᖅᑮᕕᒋᓂᐊᕆᒃᑭᑦ!

ᖃᖁᓪᓗᖅ ᐊᓂᓪᓗᓂ, ᑕᑲᓐᓈᓗᒃ ᐃᓄᑑᒃᑲᓐᓂᓕᖅᑐᓂ.

ᑕᑲᓐᓈᓗᒃ: ᓱᒐᓱᓐᓂᐊᓕᖅᑯᖓᓕ! ᓱᒐᓱᓐᓂᐊᓕᖅᑯᖓᓕ! ᐅᓈᓗᒃ ᕿᒪᒋᐊᓕᕗᑦ ᕿᐅᓗᖓᓗ ᑳᓪᓗᖓᓗ ᑐᖁᒐᔭᖅᑐᖓ ᕿᒪᙱᑯᒃᑯ. ᐅᐃᒐ ᓇᓪᓕᒍᓱᙱᑦᑎᐊᖅᑐᖅ. ᐃᓄᑐᐊᑦᑎᐊᖑᔪᖓ. ᐋ, ᖃᓄᖅᑐ ᐊᑖᑕᒪ ᐊᖏᕐᕋᖓᓃᖔᓕᕐᓚᖓᑐᖅ: ᐊᑖᑕᑯᓗᒐ ᓇᓪᓕᒍᓱᓚᐅᖅᑐᖅ ᐅᕙᓐᓂᒃ ᓂᕿᔅᓴᖅᓯᐅᖅᑐᓂᓗ. ᐊᖏᕐᕋᑲᓐᓂᕐᓂᕈᒪ ᓈᓚᓐᓂᐊᓕᖅᑕᒃᑲ ᐅᖃᐅᓯᖏᑦ. ᓈᓚᐃᓐᓇᓪᓚᕆᖃᑦᑕᓛᓕᖅᑕᕋ. ᓈᓚᒍᒪᑦᑎᐊᓕᖅᑕᒃᑲ ᐅᖃᐅᓯᑯᓗᖏᑦ. ᑭᓱᕐᕙᓘᒐᓗᐊᖏᓐᓇ!

ᓯᓚᒃᑰᔮᖅᑐᖅ, ᑕᑲᓐᓈᓗᒃ ᑐᓵᓕᖅᑐᖅ ᐊᑖᑕᖓᑕ ᓂᐱᖓᓂᒃ, ᓂᓪᓕᐊᔪᖅ ᐸᓂᒻᒥᓄᑦ.

ᐊᑖᑕ: ᐋ ᐸᓃᒃ, ᓱᔭᐅᓕᕋᕕᓪᓕᑭᐊᕐᖓᐃ! ᑕᐃᒪᙵᓂ ᐊᐅᓪᓚᓚᐅᕋᕕᑦ ᓯᓐᓇᑦᑑᒪᑲᐃᓐᓇᖅᑐᖓ. ᐊᐅᓪᓚᐅᑎᒋᓚᐅᖅᑕᕐᓂᑦ ᓯᓚᓕᒫᕌᓗᒃ ᐃᒪᕐᓗ ᐱᐅᙲᓐᓇᓕᖅᑐᖅ ᑕᐃᒫᒃ ᑕᑯᓚᐅᖅᓯᒪᙱᑦᑎᐊᖅᑐᖓ. ᐃᓱᒫᓗᓕᖅᑐᖓᓕ.

ᑕᑲᓐᓈᓗᒃ

�2

ᑕᑲᓐᓈᓗᒃ: ᐊᑖᑖ, ᐊᑖᑕ, ᑐᓵᕙᒌᑦ ᐃᕝᕕᓪᓚᕆᐅᕚ? ᓇᒦᒃᑲᕕᑦ? ᐅᕙᓃᑉᐲᑦ! ᑐᓵᒍᓐᓇᖅᑭᙶ?

ᐊᑖᑕ: ᐄ, ᐸᓂᑯᓘᒃ. ᑐᓵᕙᒋᑦ ᑕᕐᓃᓪᓗ ᐃᑲᔪᖅᑎᒃᑲ ᐅᕙᓐᓂᒃ ᐅᖃᐅᔾᔨᕗᑦ ᐊᔅᓱᕈᓕᕋᕕᑦ ᐋᓐᓂᐊᓪᓗᑎᓪᓗ.

ᑕᑲᓐᓈᓗᒃ: ᓱᓕᔪᖅ ᐊᑖᑕ, ᓱᓕᔪᖅ. ᐅᕙᓂ ᐱᐅᒋᙱᑖᓗᒐ. ᐅᐃᒐ ᑎᒻᒥᐊᕈᓗᒃ. ᐊᖏᕐᕋᖓ ᑎᐱᓗᑦᑐᐊᓘᓪᓗᓂ ᑳᑦᑐᐊᓘᓪᓗᖓᓗ ᕿᐅᔪᐊᓘᓪᓗᖓᓗ. ᐊᑖᑕ, ᐊᐃᓚᐅᙵ ᐅᕙᙵ ᕿᒪᔅᓯᓂᐊᕋᒪ.

ᐊᑖᑕ: ᐃᑉᐱᒍᓱᓚᐅᕋᒪ ᓈᒻᒪᑦᑐᖅᑕᖃᙱᒻᒪᑦ ᓯᕗᓪᓕᕐᒥ ᑕᑯᒐᒃᑯᑦ ᖃᖁᓪᓗᕈᓗᒃ ᐊᖏᕐᕋᑎᓐᓅᕐᖓᑦ ᑭᓯᐊᓂᓕ ᒪᓕᒍᒪᔮᓗᒋᓚᐅᕋᕕᐅᒃ. ᐅᐃᑖᕐᓂᐊᖅᑐᒋᓚᐅᖅᓯᒪᒍᓐᓃᖅᑐᑎᓪᓗ.

ᑕᑲᓐᓈᓗᒃ: ᐊᑖᑕ, ᐊᐃᓚᐅᙵ. ᓱᓕᑦᑎᐊᖅᑐᖓ ᓈᓚᐃᓐᓇᕐᓂᐊᓕᕆᒃᑭᑦ. ᓱᖁᑐᐊᕋᐃᒍᕕᙵ ᐅᐸᑦᑕᐅᑎᒌᓐᓇᖃᑦᑕᕐᓂᐊᓕᖅᑐᖓ ᐃᓱᒪᓕᐊᑎᓪᓗ ᓈᒻᒪᒌᓐᓇᕐᓂᐊᓕᖅᑐᒋᑦ. ᐊᑏ, ᐊᑖᑕ, ᐊᐃᓚᐅᙵ ᐅᐃᐸᑦᑎᐅᕈᓗᒐ ᐅᑎᓚᐅᙱᓐᓂᖓᓂ.

ᐊᑖᑕ: ᐅᐃᑦ ᓴᙱᔪᐊᓘᕙᓪᓚᐃᔪᖅ, ᐸᓃᒃ. ᐊᖓᔪᖅᑳᕐᔪᐊᕌᓘᕙᓪᓚᐃᒻᒪᑦ ᑎᒥᖓ ᐊᓪᓛᑦ ᓇᒻᒥᓂᖅ ᐊᓯᔾᔨᕈᓐᓇᖅᑐᖅ. ᐅᑎᖅᑲᑦ ᑕᐃᑲᓃᑎᓪᓗᖓ, ᐃᓄᐊᖅᓯᑐᐃᓐᓇᕆᐊᓕᒃ ᐅᕙᑦᑎᓐᓂ.

ᑕᑲᓐᓈᓗᒃ: ᑭᓱᑐᐃᓐᓇᓪᓚᕆᒃ ᐅᕙᙵᑦ ᐱᐅᓂᖅᓴᐅᓕᖅᑯᖅ: ᐊᓪᓛᑦ ᑐᖁ. ᐅᕙᓃᒃᑲᓐᓂᕈᓐᓇᖏᑦᑎᐊᓕᖅᑐᖓ. ᐊᑏ, ᐊᑖᑕ, ᐊᖏᕐᕋᐅᑎᔭᖅᑐᓚᐅᙵ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

�3

ᐊᑖᑕ: ᖃᓄᖅᑑᕋᓱᐊᕐᓂᐊᖅᑯᖓ. ᑭᓯᐊᓂᓕ ᑲᑉᐱᐊᓱᑦᑐᖓ ᖃᓄᐃᑦᑐᖃᑐᐃᓐᓇᕆᐊᖃᕐᓂᖓᓐᓂ. ᐋ ᐸᓂᑯᓘᒃ, ᐋ .

ᑕᑲᓐᓈᓗᒃ: ᑐᐊᕕᓕᕆᑦ, ᐊᑖᑕ, ᑐᐊᕕ; ᒫᓐᓇ ᑭᓯᐊᓂ ᐊᐃᒍᕕᙵ.

ᑕᑲᓐᓈᓗᒃ ᐸᕐᓇᓕᖅᑐᓂ ᕿᒫᓯᓪᓗᓂ ᐃᓪᓗᒻᒥᑦ.

ᑕᑲᓐᓈᓗᒃ

ᐱᙳᐊᖅᑕᐅᔪᖅ 3

��

ᐊ ᑖ ᑕ ᖓ

ᐅᓂᒃᑳᖅᑎ

ᐅᖓᓯᑦᑐᐊᓗᒻᒦᑦᑐᓂ ᑕᑲᓐᓈᓘᑉ ᐊᑖᑕᖓ ᐅᒡᒍᐊᓕᖅᐳᖅ ᐸᓂᖓ

ᓄᓕᐊᖅᑖᕆᔭᐅᒃᑲᓚᐅᕐᖓᒍ ᖃᖁᓪᓗᕐᒧᑦ. ᓯᓐᓇᑦᑑᒪᑲᒻᒪᖃᑦᑕᖅᑐᓂ

ᓲᕐᓗ ᑎᕆᒐᓂᐊᖅ ᐅᑲᓕᕈᖅᑐᓂ ᐊᒻᒪᓗ ᐊᒪᕈᖅ ᐊᕕᙵᕈᖅᑐᓂ.

ᐊᑖᑕᖓ ᑐᑭᓯᔪᓐᓇᖏᓪᓚᖅ ᓯᓐᓇᑦᑑᒪᒥᓂᒃ ᑭᓯᐊᓂᓕ ᖃᐅᔨᒪᕗᖅ

ᐱᐅᙱᖅᑐᖅᑕᖃᕐᖓᑦ ᐃᓄᒻᒥᒃ ᐊᓯᐊᓂᓘᓐᓃᑦ ᑐᓴᖅᑎᑕᐅᓇᓱᐊᕐᖓᑦ.

ᐃᓛᓐᓂᑯᓪᓗ ᐸᓂᖓ ᑐᓵᕙᑦᑐᓂᐅᒃ ᕿᐊᔪᖅ.

ᐊᑖᑕᖓ ᑎᓕᓯᕗᖅ ᑕᕐᓂᖁᑎᒻᒥᓂᒃ ᑐᑭᓯᑎᑕᐅᒍᒪᓪᓗᓂ

ᓯᓐᓇᑦᑑᒪᒥᓂᒃ. ᐅᖃᐅᔾᔨᓪᓗᑎᒃ ᐸᓂᖓᑕᒎᖅ ᖃᐃᖁᒻᒪᒍ. ᐃᑲᔪᖅᑕᐅᓗᓂ

ᑕᕐᓂᖁᑎᖏᓐᓄᑦ ᐊᑖᑕᖓ ᐅᖃᐅᔾᔨᕗᖅ ᐸᓂᒻᒥᓂᒃ ᖃᐃᓂᐊᓕᕐᓂᕋᖅᑐᓂ

ᐊᖏᕐᕋᐅᑎᓂᐊᓕᖅᑐᓂᐅᒃ.

ᑐᓗᒐᖅ: ᐃᙱᖅᑐᖅ

ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂᒃ ᑭᓯᐊᓂ ᑕᑯᔪᓐᓇᖅᑐᖅ!ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂᒃ ᑭᓯᐊᓂ ᑕᑯᔪᓐᓇᖅᑐᖅ!

ᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᖅ ᑖᖅᑐᐊᓘᓪᓗᓂᓗᐃᓄᓕᒫᑦ ᐆᓕᑦᑐᑦ ᕿᐊᓪᓗᑎᓪᓗᓂᕐᔪᑎᓕᒫᑦ ᓯᓂᑦᑐᑦ ᐃᔨᖅᓯᒪᓪᓗᑎᓪᓗᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᒃ ᑖᖅᑐᐊᓘᓪᓗᓂᓗ

ᓄᖅᑲᑲᐃᓐᓇᕐᓂᖅ

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᖃᐅᒪᑎᑦᑎᕗᖓ ᓯᓚᕐᔪᐊᒥᒃᐃᓄᐃᑦ ᓂᕆᐅᔮᖅᑎᓕᖅᐸᒃᑲ ᑲᑉᐱᐊᓱᑦᑐᑦᑕᕐᓂᓕᒫᑦ ᐊᓯᔾᔨᖅᑐᐃᓐᓇᐅᑦᑎᐊᕐᒪᑕᖃᐅᒪ ᑖᖅᑐᐊᓗᓪᓗᑦ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᓂᐱᑯᓗᓐᓂᒃ ᓯᓚᕐᔪᐊᒨᕈᔾᔨᕗᖓᐅᖃᐅᓯᕐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓄᓐᓄᑦ ᓂᕐᔪᑎᓄᓪᓗᓱᓕᓂᖅ ᑕᕐᕋᓕᓂᐅᕗᖅ, ᑕᕐᕋᓕᓂᖅ ᓱᓕᓂᐅᕗᖅᖃᐅᒪ ᑖᖅᑐᐊᓗᓪᓗ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᑕᑲᓐᓈᓗᒃ ᑲᑉᐱᐊᓱᑦᑐᐊᓘᕗᖅᐊᑖᑕᒥᓂᒃ ᑐᔅᓯᕋᖅᑐᖅ ᓯᓐᓇᑦᑑᒪᖓᑎᒍᑦᑕᐃᓐᓇᑐᐊᖅ ᒫᓐᓇ ᐃᑲᔪᕈᓐᓇᕐᖓᑦᑭᓱᒥᓪᓕ ᐅᑉᐱᕆᔭᖃᕐᓂᐊᓕᖅᑲᑦ?

ᓄᖅᑲᑲᐃᓐᓇᕐᓂᖅ

ᑕᑯᔅᓴᐅᑎᑦᑎᓂᐊᖅᑐᑦ ᑕᑲᓐᓈᓗᒃ ᐅᒥᐊᕐᒨᕈᔾᔭᐅᑎᓪᓗᒍ ᐊᑖᑕᖓᑕ. ᓯᓚ ᑖᖅᑐᐊᓘᓕᖅᑐᓂ ᑲᑉᐱᐊᓇᖅᑐᐊᓘᓪᓗᓂ; ᐊᓄᕆᕙᓗᑦᑐᐊᓘᓪᓗᓂ ᐃᒪᕐᓗ ᖃᓄᐃᕈᔪᑦᑐᐊᓘᓪᓗᓂ. ᑎᒻᒥᐊᕐᕙᓗᐃᓪᓗ ᑐᓴᖅᓴᐅᓪᓗᑎᒃ ᐅᖓᓯᑦᑐᒥ, ᐅᖃᖃᑦᑕᐅᑎᓪᓗᑎᒃ. ᑕᑲᓐᓈᓗᒃ ᐊᑖᑕᖓᓗ ᑐᐊᕕᓕᖅᑐᑎᒃ. ᐊᓐᓄᕌᖏᓐᓂ ᐅᒥᐊᕐᒧᑦ ᐃᒋᑦᑎᓪᓗᑎᒃ ᑕᑲᓐᓈᓗᒃ ᐊᑖᑕᖓᑕᓗ ᓵᕕᑎᑦᑐᓂᐅᒃ ᐅᒥᐊᖅ.

ᑕᑲᓐᓈᓗᒃ

��

ᑕᑲᓐᓈᓗᒃ: ᐊᑖᑖᒃ, ᖁᔭᓐᓇᒦᒃ ᐊᓐᓇᑦᑎᒃᑲᕕᙵ. ᖁᔭᓐᓇᒦᒃ, ᖁᔭᓐᓇᒦᒃ.

ᐊᑖᑕ: ᖁᔭᒋᙱᓪᓗᖓ ᐸᓃᒃ. ᐊᑖᑕᒋᒐᕕᙵ. ᑕᑯᓐᓇᕈᓐᓇᖏᑦᑐᖓᓕ ᐋᓐᓂᐊᑎᓪᓗᑎ ᕿᔅᓵᓇᖅᑐᒦᑎᓪᓗᑎᑦ, ᐅᖓᓯᑦᑐᐊᓘᒻᒦᑎᓪᓗᑎᓪᓗ. ᖃᓄᑐᐃᓐᓇᑦᑎᐊᕐᓕ ᐃᑲᔪᕋᔭᕆᒃᑭᑦ, ᓇᓪᓕᒋᔮᓗᒋᒐᒃᑭᑦ. ᑭᓯᐊᓂᓕ ᕿᒫᓵᕆᐊᖃᓕᖅᑐᒍᒃ.

ᑕᑲᓐᓈᓗᒃ: ᐄ. ᐄ. ᖃᖁᓪᓗᑲᒻᒪᕈᓗᒃ ᐅᑎᑐᐃᓐᓇᕆᐊᖃᓕᑐᐃᓐᓇᕐᖓᑦ ᓴᙱᔪᐊᓗᐃᓪᓗ ᑕᕐᓂᖁᑎᖏᑦ ᐃᑲᔪᕋᔭᖅᑐᑎᒃ. ᑲᑉᐱᐊᓱᓕᖅᑐᖓ.

ᐊᑖᑕ: ᑲᑉᐱᐊᓱᙱᓪᓗᑎᑦ, ᐃᑯᓪᓕᐊᖅᑐᖅ ᐅᖓᓯᔅᓯᒌᓐᓂᐊᖅᑐᒍᑦ ᐅᕙᙶᓗᒃ ᐱᐅᙱᑦᑐᐊᓗᒻᒥᑦ.

ᑕᑲᓐᓈᓗᒃ: ᓯᓚ ᑖᖅᑐᐊᓘᒻᒪᑦ ᓄᕗᔭᐃᓪᓗ ᐃᖏᕐᕋᔪᐊᓘᓪᓗᑎᒃ. ᐊᓄᕆᓗ ᕿᐊᔫᔮᖅᑐᓂ ᓄᑕᕋᖅᑎᑐᑦ.

ᐊᑖᑕ: ᑕᐃᒪᐃᑦᑐᓂᒃ ᐃᓱᒫᓗᓗᐊᙱᓪᓗᑎᑦ. ᐊᑦᑕᕐᓇᖅᑐᒦᒍᓐᓃᖅᑐᑎᒃ ᐅᕙᓐᓃᓕᕋᕕᑦ ᖃᖁᓪᓘᓪᓗ ᓱᔾᔮᒍᓐᓃᕌᑎᑦ.

ᑕᑲᓐᓈᓗᒃ: ᐊᑖᑕ, ᖃᐅᔨᓐᓂᕈᕕᓪᓕ ᖃᓄᖅ ᐃᑉᐱᒋᑎᑉᐸᓚᐅᕐᒫᖓ. ᓱᒃᑯᔨᐊᖑᓚᐅᖅᑐᖓ, ᐃᒥᖅᑕᖅᑎᐅᓪᓗᖓ, ᐊᐅᒻᒥᑎᖃᖅᑐᖓ ᕿᓯᑐᖃᒥᓂᐊᓗᓐᓂᒃ, ᐆᓕᑉᐸᑦᑐᖓ ᐃᓄᑐᐊᖑᐃᓐᓇᖅᑐᖓᓪᓗ ᑎᐱᓕᐊᓗᒻᒥ ᖃᖁᓪᓗᒃ ᖃᐅᑕᒫᑦ ᐃᖃᓪᓕᐊᖅᓯᒪᑎᓪᓗᒍ. ᓂᕆᔭᑐᐊᕆᕙᓚᐅᖅᑕᒃᑲ ᑭᒃᑲᖅᑐᖓ ᐃᖃᓗᒥᓂᕐᓂᑦ. ᐊᒥᑐᖃᒥᓂᐊᓗᓐᓂᓪᓗ ᓂᕆᕙᑦᑐᖓ ᑳᓐᓂᐊᖏᓐᓇᒪ,

ᐊᑖᑕ: ᐋᓐᓂᕐᓇᕆᑦᑎᐊᖅᑕᕋ ᑕᐃᒫᒃ ᐱᓯᒪᔭᐅᓐᓂᕋᕕᑦ ᖁᕕᐊᓱᙱᑦᑐᐊᓗᒻᒧᑦ, ᑕᑎᒋᔭᔅᓴᐅᙱᑦᑐᕈᓗᒻᒧᑦ. ᑭᓯᐊᓂᓕ, ᐸᓃᒃ,

ᐊᑭᓂᕐᒧᑦ ᐅᓂᒃᑳᖅᑐᐊᑦ

��

ᓈᓚᓚᐅᕈᕕᙵ ᑕᐃᒪᐃᒃᑲᔭᓚᐅᙱᑦᑐᖅ.

ᑕᑲᓐᓈᓗᒃ: ᐃᖅᑲᐃᑎᒍᓐᓃᙵ, ᐊᑖᑕ. ᖃᐅᔨᒪᓕᖅᑐᖓ ᑕᒻᒪᓚᐅᕋᒪ ᐊᑐᖅᑕᐅᖁᔭᕐᓂᑦ ᐊᑐᕈᒪᓚᐅᙱᓐᓇᒪ ᐅᐃᑖᖁᒐᕕᙵ ᐊᓯᖏᓐᓂ. ᑭᓯᐊᓂᓕ ᐃᓕᑉᐳᖓ ᑕᒻᒪᕐᓂᕆᓚᐅᖅᑕᕐᓂᑦ. ᓈᓚᖃᑦᑕᕐᓂᐊᓕᕆᒃᑭᑦ ᖃᐅᔨᒪᓕᕋᒪ ᐅᖃᐅᓯᑎᑦ ᓱᓕᒻᒪᑕ.

ᐊᑖᑕ: ᑐᓴᕈᒥᓇᑦᑎᐊᖅᑐᖅ ᑕᒪᒃᑯᐊ, ᐸᓃᒃ. ᑐᓵᕕᓪᓖ? ᑐᓵᕕᐅᒃ?

ᖃᖁᓪᓗᕐᕙᓗᐊᓘᓪᓗᑎᒃ ᐊᒥᓱᐊᓗᐃᑦ ᓴᖅᑭᖅᑐᑦ ᐅᒥᐊᕐᒧᓪᓗ ᐊᐅᖅᓵᑐᐊᓘᕙᑦᑐᑎᒃ. ᑕᑲᓐᓈᓗᒃ ᐊᑖᑕᖓᑕ ᓴᓂᐊᓄᑦ ᐊᖁᕕᖓᓪᓗᓂ ᑲᑉᐱᐊᓱᓐᓂᑯᖓᓄᑦ. ᖃᖁᓪᓗᕐᓗ ᐊᐅᖅᓵᕆᐊᖅᑐᓂ ᐅᒥᐊᕐᓗ ᓵᑦᑎᐊᖓᓅᖅᑐᓂ. ᖃᖁᓪᓗᕐᓗ ᑎᒻᒥᐊᖑᔭᖅᑐᐊᓘᓪᓗᓂ ᓂᓪᓕᐊᕈᓘᔭᖅᑐᐊᓘᓕᖅᑐᖅ.

ᖃᖁᓪᓗᖅ: ᓇᒧᙵᓕᖅᑭᑦ? ᓄᖅᑲᕆᑦ! ᓄᖅᑲᕆᑦ! ᐸᓃᑦ ᖃᐃᓚᐅᖅᑕᐃᑦ, ᐃᓱᒪᖅᓱᖅᑐᑎᒃ ᐊᐃᓕᕆᓪᓗᒍᓪᓗ ᑎᓪᓕᒑᕆᓇᓱᐊᖅᑑᔮᖅᑐᒍ!

ᐊᑖᑕ: ᐄ ᐸᓂᒐᓕᐅᓇ ᕿᒫᑎᓕᖅᑕᕋ ᐃᓕᓐᓂᑦ. ᓴᓪᓗᓯᒪᒐᕕᐅᒃ, ᓴᓪᓗᓯᒪᒐᕕᙵ. ᑕᐃᒪᐃᑦᑑᓚᐅᙱᓐᓇᕕᑦ ᐃᓅᙱᑦᑐᐊᓘᓪᓗᑎᑦ!

ᑕᑲᓐᓈᓗᒃ: ᐆᒻᒪᑎᒐ ᐋᓐᓂᓚᐅᕋᕕᐅᒃ. ᓯᓚᐃᕐᕆᓚᐅᕋᕕᙵ ᐃᙱᐅᓯᑦᑎᐊᕙᓐᓄᑦ ᑭᓱᓕᒫᓐᓂᓪᓗ ᐱᑎᓐᓂᐊᕐᓂᕋᖅᑐᖓ ᐱᔪᒪᑐᐃᓐᓇᖅᑕᕐᓂᑦ. ᑭᓯᐊᓂᓕ ᓴᓪᓗᔪᐊᓘᓚᐅᕋᕕᑦ. ᓴᓪᓗᓚᐅᕋᕕᑦ, ᒪᓕᑦᑕᐅᒍᒪᔪᑯᓗᐊᐱᒃ. ᑕᑯᓐᓂᖏᑦᑎᐊᕐᒥᔪᖓ ᖃᖁᓪᓗᕈᓗᑐᐃᓐᓇᐅᓂᕐᓂᒃ.

ᖃᖁᓪᓗᖅ: ᓂᓪᓕᐊᙱᓚᐅᕆᑦ, ᓄᓕᐊᒃ; ᑕᐃᒫᐸᑦᑎᐊᕌᓗᒃ ᓱᒻᒪᑦ

ᑕᑲᓐᓈᓗᒃ

100

ᐅᕙᓐᓄᑦ ᓂᓪᓕᐊᕕᑦ; ᖃᖁᓪᓗᕈᓗᑐᐃᓐᓇᖅ! ᐃᒪᒃᑯᑦ, ᓄᓇᒃᑯᑦ ᑰᒃᑯᑦ ᑕᓯᒃᑯᓪᓗ ᖃᖓᑐᐃᓐᓇᑦᑎᐊᖅ ᐊᑐᕈᓐᓇᑦᑎᐊᖅᑕᒃᑲ. ᐊᓄᕆᒻᒧᑦ ᐃᖏᕐᕋᑎᑕᐅᑦᑎᐊᖅᐸᑉᐳᖓ ᐃᖃᓗᐃᓪᓗ ᐃᒻᒥᒃᓂ ᑐᓐᓂᖅᑯᑎᒋᕙᑦᑐᑎᒃ ᑳᓐᓂᐊᖏᓐᓇᒪ. ᓱᓗᒃᑲᓗ ᐅᖅᑰᔾᔪᑎᒋᓪᓗᒋᑦ ᓂᓪᓚᓱᐊᓗᒻᒥ ᑎᒻᒥᐊᖑᖃᑎᒃᑲᓗ ᐃᓄᑐᐊᖑᖁᔨᙱᑦᑎᐊᖅᑐᑎᒃ. ᓂᕐᔪᑏᑦ ᖃᓄᐃᑦᑐᑐᐃᓐᓇᐃᑦ ᓄᓇᒥᐅᑕᐃᑦ ᐃᒪᕐᒥᐅᑕᐃᓪᓗ ᐅᕙᓐᓂᒃ ᐋᓐᓂᖅᓯᔾᔮᖏᑦᑎᐊᖅᑐᑦ ᐊᖏᔪᖅᑳᕌᓘᒐᒥ ᑎᒻᒥᐊᖑᖃᑎᒃᑲᓄᑦ.

ᑕᑲᓐᓈᓗᒃ: ᓱᓕᕗᑎᑦ. ᐊᖏᔪᖅᑳᕌᓘᕗᑎᑦ ᑎᒻᒥᐊᖑᖃᑎᓐᓄᑦ ᐅᕙᓐᓂᓪᓗ ᐱᖃᕆᐊᑐᙱᓚᑎᑦ ᐃᓄᕈᓗᑐᐃᓐᓇᐅᔪᖓ. ᐱᒋᒍᓐᓃᙵ ᓂᓪᓕᐊᑲᒻᒪᔾᔪᑎᒋᔾᔮᖏᓚᒋᓪᓗ. ᐃᙱᐅᓯᑯᓗᑦᑎᑦ ᐱᐅᒌᓐᓇᕐᓂᐊᖅᑲᒃᑲ ᐆᒪᓂᓕᒫᓐᓂᒃ, ᓴᒃᑯᐃᒍᕕᙵ.

ᐊᑖᑕ: ᖃᖁᓪᓘᖅ, ᓱᒻᒪᑦ ᐸᓂᒐ ᐱᒋᔪᒪᕕᐅᒃ? ᑕᑯᓯᒪᔭᐃᑦ ᐃᕿᐊᑦᑕᐅᓂᖓᓐᓂ; ᓂᕿᓕᐅᕈᓐᓇᖏᑦᑐᖅ ᒥᖅᓱᕈᓐᓇᕋᓂᓘᓐᓃᑦ. ᓵᓚᐅᒍᓐᓇᖏᑦᑐᖅ, ᐊᓪᓛᑦ ᐊᑖᑕᒥᓄᑦ. ᓇᒻᒥᓂᖅᓱᕈᒪᑐᐃᓐᓇᖅᑐᖅ ᐃᓱᒪᑐᐊᖃᖅᑐᓂᓗ ᑭᓇᑐᐃᓐᓇᑦᑎᐊᕐᒥᒃ ᓈᓚᔾᔮᖏᑦᑐᖅ. ᐅᒡᒍᐊᓕᖅᑯᖓᓕ ᐃᓕᓐᓄᑦ ᐱᔭᐅᖁᓕᓚᐅᖅᓯᒪᒻᒥᒐᒃᑯ. ᓴᒃᑯᐃᓚᐅᕈᒃ ᐃᓕᓐᓂᓪᓗ ᑕᐸᓱᓚᐅᖅᓯᒪᔾᔮᒍᓐᓃᖅᑯᒍᑦ.

ᖃᖁᓪᓗᖅ: ᐅᖃᐅᓯᕈᓗᑦᑎᑦ ᑎᑦᑎᒋᕙᒃᑲ! ᑕᑯᓱᒋᙱᓐᓇᕕᙶ ᓱᓇᓱᐊᕋᓗᐊᕐᒪᖔᖅᐱᑦ? ᐊᖏᑐᐃᓐᓇᕐᓂᐊᖅᑐᒋᕕᙵ ᓴᓪᓗᓂᐊᓗᓐᓂᑦ? ᐸᓃᑦ ᓄᓕᐊᕆᓕᖅᑲᕋ. ᐊᐅᓪᓚᓵᕈᒪᓚᐅᖅᓯᒪᔪᖅ ᐃᓕᓐᓂᑦ ᑕᑯᑐᐊᕐᖔᖓ ᐊᐅᓪᓚᖃᑎᖃᕈᒪᓕᑦᑕᐅᑎᒋᓚᐅᖅᓯᒪᕗᖅ. ᓄᓕᐊᕋᐅᓇ ᐱᒐ ᐅᐃᖓᓃᒋᐊᓕᒃ. ᐊᖏᕐᕋᐅᑎᓕᕐᓚᒍ ᐅᑎᑐᐃᓐᓇᖔᓕᕆᑦ ᐊᖏᕐᕋᕐᓄᑦ ᐅᕙᑦᑎᓐᓂ ᑲᒪᙱᑦᑎᐊᕐᓗᑎᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

101

ᖃᖁᓪᓗᖅ ᓄᓕᐊᕐᒥᓂᑦ ᑕᓕᖓᒍᑦ ᑎᒍᓪᓗᓂᐅᒃ ᐊᒧᓇᓱᐊᖅᑐᓂᐅᒃ ᐅᒥᐊᕐᒥ. ᐊᕐᓇᖅ ᒪᓂᒐᓂ ᐊᑖᑕᖓᑕᓗ ᐃᑲᔪᕆᐊᖅᑐᓂᐅᒃ. ᑖᒃᑯᐊ ᐱᖓᓱᑦ ᐊᔅᓱᐃᓪᓛᒃ ᐹᕈᓘᔭᖅᑐᐊᓘᓕᖅᑐᑎᒃ ᖃᖁᓪᓗᕐᓗ ᓴᒃᑯᐃᓪᓗ ᑎᖏᓪᓗᓂ. ᓂᙵᐅᒪᔪᐊᓘᓪᓗᓂᓗ ᖃᖁᓪᓘᔭᓕᖅᑐᓂ.

ᖃᖁᓪᓗᖅ ᐅᕙᓐᓂᑦ ᕿᒫᒍᓐᓇᔾᔮᖏᑦᑐᑎᑦ. ᓯᓚᐃᑦᑐᕈᓘᔪᑎᑦ, ᓴᙲᑦᑐᕈᓘᔪᑎᑦ, ᐃᓄᑐᐃᓐᓇᕈᓘᔪᓯ! ᑕᕐᓂᖁᑎᒃᑲ ᐃᑲᔪᖅᑎᒋᓗᒋᑦ ᐊᖏᕐᕋᕐᓂᐊᖏᑦᑎᐊᖅᑯᓯᒃ.

ᐊᑖᑕ: ᑐᐊᕕ, ᐸᓃᒃ ᕿᒫᓵᖔᓕᕐᓗᒃ ᖃᖁᓪᓗᒃ ᑕᕐᓂᖁᑎᒥᓂᒃ ᖃᐃᖁᔨᓚᐅᙱᓐᓂᖓᓐᓂ.

ᑲᓪᓕᖅᑐᐊᓘᓪᓗᓂ ᐊᓄᕆᕙᓗᑦᑐᐊᓘᓕᖅᑐᓂ. ᓂᓪᓕᐊᕈᓘᔭᖅᑐᐊᓘᓕᖅᑐᑎᒃ ᑎᒻᒥᐊᑦ, ᓂᐱᓕᐊᓘᓕᖅᑐᑎᓪᓗ. ᒪᓪᓕᓕᖅᑐᐊᓘᓪᓗᓂᓗ ᐊᒥᐊᕐᓗ ᐊᐅᓚᔪᐊᓘᓕᖅᑐᓂ. ᑕᑲᓐᓈᓗᒃ ᐊᑖᑕᖓᓗ ᐊᒥᐊᕐᒥ ᐳᑕᑎᑦᑎᓇᓱᒡᒐᑐᐃᓐᓇᓕᖅᑐᑎᑦ.

ᑕᑲᓐᓈᓗᒃ: ᐊᑖᑕ, ᐊᑖᑕ, ᐃᐱᓂᐊᓕᖅᑐᒍᓪᓕ. ᐃᒪᖅ ᓂᙵᐅᒪᔪᐊᓘᓕᕐᖓᑦ ᒪᓪᓕᐊᓗᐃᓪᓗ ᐅᒥᐅᑎᑦᑎᓂᐊᓕᖅᑐᑎᒃ ᐅᒥᐊᕐᒥᑦ.

ᐊᑖᑕ: ᕿᒫᒋᐊᖃᓕᖅᑐᒍᑦ. ᕿᒫᓵᕆᐊᖃᓕᖅᑐᒍᑦ.

ᖃᖁᓪᓗᖅ: ᕿᒪᔅᓯᒍᓐᓇᖏᑦᑐᓯ. ᐃᒫᕐᓂᐊᓕᖅᑐᓯ ᑕᐃᑲᓂᒥᐅᑕᐅᒐᔅᓯ. ᓯᓚᐃᑦᑐᕈᓗᐃᑦ, ᐊᑑᑎᖃᙱᑦᑐᕈᓗᐃᑦ, ᑕᐅᑐᙱᑦᑐᕈᓗᐃᑦ, ᐃᓄᕈᓗᐃᑦ! ᕿᒫᒍᓐᓇᖏᑦᑐᓯ. ᓇᒧᙵᕕᔅᓴᖃᙱᑦᑐᓯ, ᑭᓯᐊᓂ ᐃᒪᕕᐅᑉ ᐃᖅᑲᖓᓄᑦ!

ᑕᑲᓐᓈᓗᒃ

102

ᐊᑖᑕ: ᐊᓐᓄᕌᒃᑯᕖᑦ ᐃᒋᓚᐅᕈᒃ, ᐸᓃᒃ. ᐅᓯᓗᐊᕆᐊᖃᙱᓇᑦᑐᒍᒃ ᐅᒥᐅᑦᑕᖅᐱᐊᕋᓐᓄᒃ ᐃᒻᒪᐸᓪᓕᐊᑐᐃᓐᓇᕐᖓᑦ ᐅᒥᐊᕗᒃ. ᐃᒋᓚᐅᕈᒃ, ᐃᒋᓚᐅᕈᒃ!

ᑕᑲᓐᓈᓗᒃ ᐃᒋᑦᑎᓪᓗᓂ ᐊᓐᓄᕌᒃᑯᕕᒻᒥᓂᒃ ᐃᒪᕐᒧᑦ. ᐅᒥᐊᖅ ᐅᕚᓕᖅᑐᓂ ᒪᓪᓕᕐᒧᑦ. ᐊᑖᑕᖓ ᑕᑲᓐᓈᓗᓪᓗ ᐅᒥᐊᕐᒦᒐᓱᒡᒐᑐᐃᓐᓇᓕᖅᑐᑎᒃ.

ᑕᑲᓐᓈᓗᒃ: ᐱᔭᕆᐊᑐᓗᐊᓕᖅᑐᖅ. ᐅᒥᐊᖅ ᐃᒻᒪᐸᓪᓕᐊᑐᐃᓐᓇᕐᖓᑦ. ᑭᕕᓂᐊᓕᖅᑐᒍᒃ. ᐊᑖᑕ, ᑲᑉᐱᐊᓱᓕᕋᒪ. ᐃᒪᕐᒥᐅᑕᐅᒍᒪᙱᑦᑐᖓᓕ ᖁᐱᕐᕈᓕᐊᓗᓐᓂᒃ. ᑲᑉᐱᐊᒋᒐᒃᑭᑦ. ᑲᑉᐱᐊᒋᔭᐃᓐᓇᕆᒐᒃᑭᑦ. ᐋ, ᖃᖁᓪᓘᖅ, ᐱᐅᒋᙱᑕᕐᔪᐊᕌᓗᒋᒋᒃᑭᑦ, ᐱᐅᒋᙱᑕᕐᔪᐊᕌᓗᒋᓕᕆᒃᑭᑦ! ᐱᐅᒋᙱᑕᕐᔪᐊᕌᓗᒋᓕᕆᖅᑭᑦ! ᐃᓄᑐᐊᖑᐃᓐᓇᕐᓂᐊᖅᑯᑎᑦ ᑕᐃᒪ! ᐃᓄᑐᐊᖑᐃᓐᓇᕐᓂᐊᖅᑯᑎᑦ ᑕᐃᒪ ᓇᒧᙵᓕᕋᐃᒍᕕᑦ ᐃᒪᒃᑯᑦ! ᕿᐊᖏᓐᓇᕐᓂᐊᖅᑯᑎᑦ ᑕᐃᒪ ᓈᓚᑦᑕᐅᖃᑦᑕᖏᓪᓗᑎᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ!

ᖃᖁᓪᓗᖅ: ᐃᕝᕕᕈᓗᒃ, ᐃᓕᔅᓯᕈᓗᒃ, ᕿᒫᒍᓐᓇᔾᔮᖏᑦᑐᑎᑦ ᐅᕙᓐᓂᑦ. ᐅᕙᓐᓂᑦ ᐱᑦᑎᐊᙱᓂᐊᓗᔅᓯᓐᓄᑦ ᑕᐃᒪᑐ ᓱᑳᓪᓚᓂᐊᖅᑯᓯ. ᐊᓄᕆᐊᓗᒃ ᓄᖅᑲᔾᔮᖏᑦᑐᖅ ᑭᓯᐊᓂ ᐃᖃᓗᓕᒻᒥᐅᑕᐅᓕᕈᔅᓯ. ᑲᑉᐱᐊᓵᕆᓇᓱᐊᕋᓱᐊᖅᑐᓯ ᑲᑉᐱᐊᒋᙱᑕᕈᓗᒋᔭᔅᓯ. ᐊᖏᔪᖅᑳᖑᔪᖓᓕ. ᐃᒪᖅ ᐱᖁᑎᖓ ᐃᒪᕐᒥᐅᑕᐅᓂᐊᓕᕆᓪᓗᓯᓗ!

ᐊᑖᑕ: ᐸᓃᒃ, ᐃᒫᓅᓕᕆᑦ, ᑕᐃᒫᒃ ᑭᓯᐊᓂ ᐃᓅᓂᐊᖅᑐᑎᑦ.

ᑕᑲᓐᓈᓗᒃ: ᐃᒫᓅᕆᑦ! ᖃᓄᐃᓕᓇᓱᑉᐱᑦ? ᐊᑖᑕ, ᐃᐱᓂᐊᖅᑐᖓᓕ!

ᐊᑖᑕ: ᐋᒡᒐ. ᐃᐱᔾᔮᖏᑦᑐᑎᑦ. ᐅᒥᐊᕐᒧᑦ ᑎᒍᒥᐊᕐᓂᐊᖅᑯᑎᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

103

ᐅᒥᐊᒻᒦᖏᓐᓇᕈᕕᑦ ᐃᐱᔪᐃᓐᓇᐅᓂᐊᖅᑐᒍᒃ. ᐊᑏ ᑐᐊᕕ, ᐃᒫᓅᓕᕆᑦ. ᑕᐃᒫᒃ ᑭᓯᐊᓂ ᐃᓅᓂᐊᖅᑐᒍᒃ.

ᑕᑲᓐᓈᓗᒃ: ᐃᒫᓂᓕ ᑐᖁᒋᐊᔅᓴᖅ ᑲᑉᐱᐊᓱᑦᑐᖓ ᐊᑖᑕ. ᑕᑯᓕᕈᒃ ᐊᐅᓚᔪᐊᓗᒃ ᓂᓪᓕᐊᔪᐊᓘᓪᓗᓂᓗ ᐃᒪᖅ. ᐆᒪᔪᖃᖅᑐᓂᓗ ᖁᐱᕐᕈᐊᓗᓐᓂᒃ ᐆᒪᔪᕐᓂᑦ ᓂᕆᔭᐅᓂᐊᖅᑐᖓᓕ, ᐃᔩᒃᑲᓗ ᒥᓗᑦᑕᐅᓗᑎᒃ, ᓴᐅᓂᒃᑲᓗ ᓄᐊᑕᐅᓗᑎᒃ! ᐃᒫᕈᓐᓇᖏᑦᑐᖓ!

ᐊᑖᑕ: ᓈᓚᓚᐅᙵ. ᐃᒫᓚᐅᕆᑦ ᐃᐱᔪᐃᓐᓇᐅᓂᐊᖅᑐᒍᒃ ᐃᒫᙱᒃᑯᕕᑦ.

ᑕᑲᓐᓈᓗᒃ: ᐋᒡᒐ! ᐋᒡᒐ! ᑲᑉᐱᐊᓱᒃᑲᒪ!

ᐊᑖᑕᖓᑕ ᑎᒍᓪᓗᓂᐅᒃ ᑕᑲᓐᓈᓗᒃ ᐃᖏᑎᒍᑦ ᐹᓕᖅᑐᑎᒃ. ᐊᓱᐃᓪᓛᓪᓕ ᐊᑖᑕᖓᑕ ᐊᔭᑦᑐᓂᐅᒃ ᐃᒫᓄᑦ ᑎᒍᒥᐊᕋᓱᒡᒐᓕᖅᑐᓂ ᐅᒥᐊᕐᒧᑦ ᑕᑲᓐᓈᓗᒃ. ᖃᖁᓪᓗᖅ ᑎᒻᒥᐊᓪᓗ ᓂᓪᓕᐊᔪᐊᓘᖏᓐᓇᖅᑐᑎᒃ ᕿᐊᕙᓗᑦᑐᐊᓘᖏᓐᓇᖅᑐᑎᓪᓗ ᐅᒥᐊ ᖃᓂᒋᔭᖓᓂ.

ᖃᖁᓪᓗᖅ: ᐅᑯᐊᕈᓗᒃ! ᐅᑯᐊᕈᓗᒃ! ᕿᒫᒍᓐᓇᖏᑦᑐᓯ. ᐃᒫᖅᐸᓪᓕᐊᙳᓱᑦᑐᓯ. ᑕᑯᑦᑕᓕᕈ ᑎᒍᒥᐊᕋᓱᐊᒡᒐᖅᑐᖅ ᐅᒥᐊᕐᒧᑦ. ᐅᓰᒻᒪᓗ ᖃᖁᓪᓗᕈᓘᔪᖓ!!!

ᑕᑲᓐᓈᓗᒃ: ᐊᑖᑕ. ᑎᒍᒥᐊᕈᓐᓇᐃᓕᔪᖓ. ᑕᖃᑦᑎᐊᕋᒪ. ᐅᒥᐊᕐᒧᑦ ᐃᑭᑎᒃᑲᓐᓂᓚᐅᙵ. ᐊᑏ ᐊᑖᑕ, ᐃᑭᑎᓚᐅᙵ, ᐃᑭᑎᓚᐅᙵ.

ᐊᑖᑕ: ᐊᓐᓇᒍᓐᓇᖏᓐᓇᒃᑭᑦ ᑭᓯᐊᓂᓕ ᓇᒻᒥᓂᖅ ᐊᓐᓇᒐᓱᐊᕐᓂᐊᖅᑐᖓ. ᐅᒥᐊᕐᒧᑦ ᑎᒍᒥᐊᙱᓚᐅᕆᑦ. ᓴᒃᑯᐃᓚᐅᕆᑦ!

ᑕᑲᓐᓈᓗᒃ: ᐊᑖᑕ, ᖃᓄᐃᓕᒐᓱᐊᖅᑭᑦ, ᓴᒃᑯᐃᓚᖔ? ᓴᒃᑯᐃᒍᒪᓕ

ᑕᑲᓐᓈᓗᒃ

104

ᐃᐱᓂᐊᖅᑐᖓ. ᐃᑲᔪᓚᐅᙵ! ᐃᑲᔪᓚᐅᙵ!

ᐊᑖᑕ: ᐅᒥᐊᖅ ᓴᒃᑯᐃᓚᐅᕈᒃ. ᓴᒃᑯᐃᓚᐅᕈᒃ! ᓴᒃᑯᐃᓚᐅᕈᒃ!

ᐊᑖᑕᖓᑕ ᓴᒃᑯᐃᑎᒐᓱᐊᖅᑕᖓ ᑕᑲᓐᓈᓘᑉ ᐊᒡᒐᖏᑕ ᐃᓄᒐᙳᐊᖏᓐᓂ ᐅᒥᐊᕐᒥᑦ. ᑎᒍᒥᐊᓕᖅᐸᓪᓕᐊᑐᐃᓐᓇᖅᑐᓂ. ᓴᒃᑯᐃᑎᒍᓐᓇᕐᓇᓂᐅᒃ ᐃᓄᒐᙳᐊᖏᑦ.

ᑕᑲᓐᓈᓗᒃ: ᓱᓕᖅᑭᓪᓕ! ᓱᓕᖅᑭᓪᓕ! ᐃᐱᓂᐊᖅᑐᖓ!

ᐊᑖᑕ: ᓇᒻᒥᓂᖅ ᐊᓐᓇᒋᐊᖃᖅᑐᖓ. ᓴᒃᑯᐃᒋᐊᖃᕐᓂᐊᖅᑐᑎᑦ. ᐅᒥᐊᖅ ᐊᖅᑲᖅᑎᓕᕋᕕᐅᒃ. ᓴᒃᑯᐃᓚᐅᕆᑦ! ᓴᒃᑯᐃᓚᐅᕆᑦ! ᓈᓚᖏᑦᑐᐊᓗᖔᓯᑦ ᐸᓂᒐ, ᓈᓚᓚᐅᙵ. ᐊᑖᑕᐃᑦ ᓈᓚᓚᐅᕈᒃ. ᓴᒃᑯᐃᓚᐅᕆᑦ!

ᖃᖁᓪᓗᖅ: ᐊᑖᑕᐃᑦ ᓈᓚᓚᐅᕈᒃ, ᓄᓕᐊᒃ, ᐅᕙᓐᓂᑦ ᐊᓪᓛᑦ ᓈᓚᕋᑖᙱᓐᓇᕕᑦ! ᐊᑖᑕᐃᑦ ᓈᓚᓚᐅᕈᒃ! ᓇᓪᓕᑦᑏᑦ, ᐱᓯᒪᑦᑎᔩᑦ ᐊᑖᑕᐃᑦ! ᐅᐃᒋᑐᐃᓐᓇᕆᖓᓕ.

ᐊᑖᑕ: ᐅᕙᑦᑎᓐᓄᑦ ᓴᓪᓗᓯᒪᔪᐊᓘᒐᕕᑦ! ᐅᕙᑦᑎᓐᓄᑦ ᓴᓪᓗᓯᒪᔪᐊᓘᒐᕕᑦ! ᑭᓇᐅᒻᒪᖔᖅᐱᑦ ᖃᐅᔨᒪᓕᕆᒃᑭᑦ.

ᖃᖁᓪᓗᖅ: ᑕᐃᓐᓇᐅᔮᕈᓐᓃᖅᑐᑎᓪᓕ! ᓇᐅᓪᓕ ᓇᓪᓕᒍᓱᑦᑐᐊᓘᓚᐅᖅᑐᖅ ᐊᑖᑕᖓ ᑭᓱᑐᐃᓐᓇᑦᑎᐊᕐᒥᒃ ᐱᔪᓐᓇᓚᐅᖅᑐᖅ ᐸᓂᒻᒥᓄᑦ! ᓴᓪᓗᑐᔪᐊᓗᒃ, ᐃᓄᕈᓗᐃᑦ ᓴᓪᓗᑐᔪᐊᓗᐃᑦ! ᐃᐱᓕᕆᑦ! ᐃᐱᓕᕆᑦ! ᐃᐱᓕᕆᑦ! ᐃᐱᓕᕆᑦ! ᐃᐱᓕᕆᑦ!

ᐊᑖᑕ: ᐸᓂᒐᓕ ᐱᔪᓐᓇᖅᑕᕋᓗᐊᑦ ᑭᓯᐊᓂᓕ ᐱᔾᔮᖏᑦᑎᐊᕆᙵ!

ᐊᑭᓂᕐᒧᑦ ᐅᓂᒃᑳᖅᑐᐊᑦ

105

ᐊᑖᑕᖓᑕ ᓴᕕᐊᓗᐊ ᑎᒍᓪᓗᓂᐅᒃ ᑕᑲᓐᓈᓘᑉ ᐊᒡᒐᖏᑕ ᐃᓄᒐᙳᐊᖏᑦ ᓇᑲᑦᑐᓂᒋᑦ ᓇᒡᒍᐊᖓᑎᒍᑦ. ᐊᓱᐃᓪᓛᓪᓕ ᓴᒃᑯᐃᓪᓗᓂ ᐅᒥᐊᕐᒥᑦ.

ᑕᑲᓐᓈᓗᒃ: ᐋ’ᐋ! ᐋ’ᐋ! ᓱᔪᐊᓘᓕᖅᑭᑦ, ᓇᓪᓕᒍᑦᑕᐃᑦᑐᐊᓗᒃ ᐊᑖᑕᒐ. ᐃᓄᒐᙳᐊᒃᑲ ᐊᐅᓈᓕᖅᑯᑦ, ᓱᓕ ᑎᒍᒥᐊᕈᓐᓇᖅᑐᖓ! ᓱᒻᒪᓪᓕ ᑕᐃᒪᐃᒃᑲᓗᐊᕆᕕᑦ ᐸᓂᒋᒋᙵ!

ᐊᑖᑕ: ᓄᓕᐊᕆᓕᕐᖔᑎᓪᓕ. ᑕᐃᒫᒃ ᑭᓯᐊᓂ. ᓴᒃᑯᐃᖏᒃᑯᕕᑦ ᐃᐱᓂᐊᖅᑐᐃᓐᓇᐅᔪᒍᑦ. ᓴᒃᑯᐃᓚᐅᕆᑦ! ᓴᒃᑯᐃᓚᐅᕆᑦ!

ᐊᑖᑕᖓ ᓱᓕ ᓴᒃᑯᐃᑎᑦᑎᓇᓱᐊᖅᑐᓂ ᐸᓂᒻᒥᓂᒃ ᐅᒥᐊᕐᒧᑦ ᑎᒍᒥᐊᖏᓐᓇᖅᑐᒥᑦ. ᑭᓯᐊᓂᓕ ᑕᑲᓐᓈᓗᒃ ᑎᒍᒥᐊᖏᓐᓇᖅᑐᖅ ᑎᒍᒥᐊᓕᕈᒪᑐᓐᓇᖅᑐᓂᓪᓗ ᐊᔅᓱᕈᑦᑎᐊᓕᖅᑐᓂᓗ. ᐊᑖᑕᖓᑕ ᐃᓄᒐᙳᐊᖏᑦ ᓇᒡᒍᐊᑲᓐᓂᖓᔪᑦ ᓇᑲᒃᑲᓂᖅᑲᖏᑦ. ᑕᑲᓐᓈᓗᒃ ᐊᓱᐃᓪᓛᒃ ᓴᒃᑯᐃᓪᓗᓂ.

ᑕᑲᓐᓈᓗᒃ: ᐊᒡᒐᑯᓗᒃᑳ, ᐃᓄᒐᙳᐊᑯᓗᒃᑳ; ᐊᑖᑕᒐ, ᐊᑖᑕ ᓱᒻᒪᑦ ᑕᐃᒪᐃᑉᐱᙵ! ᑎᒍᒥᐊᖏᓐᓇᕋᓱᐊᕆᐊᖃᖅᑲᖓ ᐃᓄᒐᙳᐊᖃᙱᒃᑲᓗᐊᕐᓗᖓ ᐊᒡᒐᒃᑯᑦ. ᓱᒻᒪᓪᓕ ᑕᐃᒪᐃᑉᐱᙵ ᑕᐃᒪᐃᑕᔅᓴᐅᖏᑦᑐᖓᓕ! ᐃᓅᓱᑦᑑᓪᓗᖓ, ᓯᓚᐃᑦᑑᓚᐅᖅᑐᖓ. ᐊᑖᑕᒋᒋᒃᑭᑦ. ᑕᐃᒪᑐ ᐃᐱᓂᐊᖅᑯᑎᑦ, ᓇᓪᓕᒍᑦᑕᐃᑦᑐᕈᓗᒃ, ᐃᓄᑲᒻᒫᓗᒃ, ᐃᒻᒥᓂᑐᐊᖅ ᐃᓱᒪᒋᔪᕈᓗᒃ ᐊᑖᑕᒐ!

ᖃᖁᓪᓗᖅ: ᑳᑯᓘᑯᐊ! ᐊᑖᑕᖓ ᓇᓪᓕᒍᓱᑦᑐᐊᓗᒃ ᐸᓂᒻᒥᓂᒃ ᐃᐱᖁᔨᓕᖅᐳᖅ ᐸᓂᖓᓪᓗ ᐃᐱᖁᔨᒋᓪᓗᓂ ᐊᑖᑕᒥᓂᒃ!

ᐊᑖᑕ: ᐃᒻᒥᓂᑐᐊᕌᓗᒃ ᐃᓱᒪᒌᓐᓇᖅᑐᑎᑦ, ᓈᓚᒍᓐᓇᖏᑦᑎᐊᖅᑐᑎᒃ,

ᑕᑲᓐᓈᓗᒃ

10�

ᐸᓂᔅᓴᕆᙱᑦᑎᐊᕆᒃᑭᑦ. ᓇᒻᒥᓂᕈᓗᒃ ᑕᐃᒪᐃᑎᑦᑐᑎᑦ; ᓇᒻᒥᓂᕈᓗᒃ ᑕᐃᒪᐃᑎᑦᑐᑎᑦ, ᐃᓱᒪᖅᓱᕈᒪᓂᐊᓗᓐᓄᑦ ᐱᙱᔭᐃᒐᓱᒧᑦ. ᑕᐃᒪᐃᓐᓂᖓᓐᓄᑦ, ᐸᓂᒋᔪᓐᓃᖅᑲᒋᑦ ᓇᒻᒥᓂᖅ ᐊᓐᓇᒐᓱᑐᐃᓐᓇᖔᕐᓂᐊᓕᖅᑐᖓ.

ᐊᑖᑕᖓ ᐸᓂᒻᒥᓂᒃ ᐊᔭᔅᓯᒐᓱᑦᑐᖅ ᐅᒥᐊᕐᒥ ᑭᓯᐊᓂᓕ ᐊᔅᓱᕈᐃᓐᓇᖅᑐᓂ ᐸᓂᖓ ᑎᒍᒥᐊᖏᓐᓇᖅᑯᖅ. ᐊᑖᑕᖓ ᐃᓄᒐᙳᐊᓕᒫᑦᑎᐊᒻᒪᕆᖏᑦ ᐊᒡᒐᖓᓐᓂ ᓇᑲᑉᐸᖏᑦ. ᑕᑲᓐᓈᓗᒃ ᐊᓱᐃᓪᓛᒃ ᓴᒃᑯᐃᕗᖅ.

ᑕᑲᓐᓈᓗᒃ: ᐋ, ᖁᔭᓈᖅᑕᐅᑐᐃᓐᓇᖅᑯᖓᓪᓕ ᐊᑖᑕᓐᓄᑦ ᐅᐃᓐᓄᓪᓗ. ᐃᐱᓕᖅᑯᖓ. ᐃᐱᓕᖅᑯᖓᓕ. ᐊᑭᒋᐊᓪᓚᕆᓐᓂᐊᖅᑕᒃᑲ. ᐊᑭᒋᐊᓪᓚᕆᓛᖅᑕᒃᑲ ᐊᑕᖏᑦᑎᐊᕐᓗᒋᑦ. ᐊᑭᒋᐊᕈᒫᕐᓂᐊᖅᑕᒃᑲ ᐅᕙᓐᓂᒃ ᐱᑦᑎᐊᓚᐅᙱᓐᓂᖏᓐᓄᑦ ᖁᐱᕐᕈᓕᐊᓗᒻᒨᖅᑎᑦᑎᒻᒪᑎᒃ ᐃᒪᕕᐊᓗᒻᒧᑦ. ᐊᑭᒋᐊᓛᖅᑕᒃᑲ, ᐊᑭᒋᐊᓛᖅᑕᒃᑲ...

ᑕᑲᓐᓈᓗᒃ ᑭᕕᓪᓗᓂ ᐃᒪᕕᒻᒧᑦ. ᑎᒻᒥᐊᑦ ᖃᖁᓪᓗᕐᓗ ᒥᑕᐅᑎᔅᓴᖅᑐᐊᓘᓪᓗᑎᒃ ᖁᕕᐊᑉᐳᑦ. ᖃᖓᑕᔭᕋᖅᑐᑎᒃ ᐅᒥᐊᕐᒥ ᑲᑉᐱᐊᓵᕆᓕᕐᒥᔪᑦ ᐊᑖᑕᖓᓂᒃ ᕿᑲᑐᐃᓐᓇᓕᖅᑐᒥ ᐅᒥᐊᕐᒥ ᓇᖏᑐᐃᓐᓇᖅᑐᒥᒃ.

ᐊᑖᑕ: ᖃᖁᓪᓗᕈᓗᒃ, ᑕᐃᒪᑐ ᕿᐊᖏᓐᓇᖅᑐᐊᓘᓂᐊᖅᑯᑎᑦ ᓯᓚᑲᒻᒪᐅᖏᓐᓇᖅᑐᒥ. ᑕᐃᒪᑐ ᓂᓪᓕᐊᕙᓗᐊᓗᐃᑦ ᐃᓄᑐᐊᕐᕙᓗᐊᓗᒃ ᓇᓪᓕᒋᓕᖅᑕᐅᓂᐊᙱᓚᖅ ᑕᐃᒪᐃᓚᐅᕋᕕᙵ. ᑕᐃᒪᑐᖅ ᓂᕿᒥᓂᑐᖄᓗᑐᐃᓐᓇᕐᓂᒃ ᓂᕐᕆᑯᐊᓗᓐᓂᒃ ᓂᕿᖃᐃᓐᓇᕐᓂᐊᖅᑯᑎᑦ. ᑭᓯᐊᓂᓕ ᐃᒻᒥᓂᒃ ᐊᓐᓇᒋᐊᖃᖅᑯᖓ!

ᖃᖁᓪᓗᖅ: ᐅᕙᓐᓄᑦ ᐱᐅᙱᔾᔪᑎᖃᕋᓱᐊᕈᓐᓇᔾᔮᖏᑦᑐᑎᑦ.

ᐊᑭᓂᕐᒧᑦ ᐅᓂᒃᑳᖅᑐᐊᑦ

10�

ᓴᙱᔪᐊᓘᒐᒪ. ᓇᒻᒥᓂᖅ ᐊᓐᓇᐅᒪᒍᓐᓇᔾᔮᖏᑦᑐᑦ. ᑭᖑᕙᓗᐊᖅᑐᖅ. ᐃᕝᕕᑦᑕᐅ ᐃᒪᕕᒻᒥᐅᑕᐅᓂᐊᕆᕗᑎᑦ. ᑕᖃᒋᑦᑎᐊᓕᕆᒃᑭᑦ ᐸᓃᓪᓗ. ᓇᒻᒥᓂᖅ ᑐᑯᖃᑎᒌᒋᐊᖃᖅᑯᓯ. ᓇᒻᒥᓂᖅᓱᕆᐊᖃᓕᖅᑐᓯ. ᐱᓯᒪᓚᐅᕋᕕᐅᒃ ᐸᓃᑦ ᐊᒻᒪᓗ ᓯᓚᑲᒻᒫᓗᒻᒧᑦ ᐱᓯᒪᔭᐅᓂᐊᓕᖅᑐᓯ!

ᓂᐱᒃᑭᐊᓘᓕᖅᑐᓂ ᑲᓪᓕᐊᓗᐃᑦ ᒪᓪᓕᐊᓗᐃᓪᓗ ᐅᒥᐊᕐᒥᑦ ᐃᒦᓪᓗᑎᒃ. ᐊᑖᑕᖓ ᐅᒥᐊᕐᓗ ᑭᕕᓪᓗᑎᒃ. ᑎᒻᒥᐊᑦ ᖃᖁᓪᓗᕐᓗ ᐅᐃᔾᔮᖅᑐᑎᒃ ᑎᖏᓯᒪᑐᐃᓐᓇᖅᑯᑦ ᓯᓚᑲᒻᒪᒧᑦ ᑲᑎᑉᐸᓪᓕᐊᓪᓗᑎᒃ.

ᐅᓂᒃᑳᖅᑐᖅ

ᑕᑲᓐᓈᓘᑉ ᐊᑖᑕᖓ ᑭᕕᓪᓗᓂ ᐃᖅᑲᖓᓐᓄᑦ ᑕᑯᔭᐅᒃᑲᓐᓂᓚᐅᖅᓯᒪᒍᓐᓃᖅᑐᓂᓗ, ᐃᓚᖏᓐᓄᑦ ᐅᖃᐅᓯᐅᕙᑦᑐᖅ ᐆᒪᒻᒪᑦ ᓱᓕ ᑕᐅᓇᓂ ᐃᖅᑲᖓᓐᓂ ᓱᓕ ᕿᐊᕙᑉᐳᖅ ᓂᙵᐅᒪᓪᓗᓂ ᐱᑦᑎᐊᖅᑕᐅᓚᐅᙱᓐᓂᒥᓂᖓᓐᓄᑦ ᖃᖁᓪᓗᕐᒧ.

ᑕᑲᓐᓈᓗᒃ, ᑭᓯᐊᓂ, ᐆᒪᔪᖅ ᐃᖅᑲᖓᓐᓂ ᐊᑭᒋᐊᖏᓐᓇᖅᑐᓂᓗ ᐊᑭᒋᐊᕐᓂᐊᕐᓂᕋᐃᓐᓇᓚᐅᖅᓯᒪᒐᒥ. ᓇᒡᒍᐊᖏᑦ ᐊᒡᒐᖏᑦᑕ ᓂᕐᔪᑎᕈᖅᑐᑎᒃ ᐃᒪᕐᒥᐅᑕᐅᓪᓗᑎᒃ ᐊᒻᒪᓗ ᐃᓚᒋᒻᒪᒋᑦ ᑎᒥᖏᑦᑕ ᓈᓚᑉᐸᑉᐳᑦ. ᐃᓛᓐᓂᒃᑯᑦ ᓂᕐᔪᑎᓂᒃ ᕿᑲᖁᔨᑐᐃᓐᓇᐸᑉᐳᖅ ᑳᓕᖁᓪᓗᒋᑦ ᐃᓄᕈᓗᐃᑦ ᐆᒪᔪᕐᓂᒃ ᓂᕿᖃᖅᐸᑦᑐᑦ. ᐃᓛᓐᓂᒃᑯᑦ ᓂᙵᐅᒪᓕᖃᑦᑕᖅᑐᖅ ᐃᓪᓚᐃᖅᑎᔅᓴᖃᙱᓐᓇᒥ ᐅᐱᓐᓇᕋᓂ ᐊᑖᑕᖓᑕ ᐃᓪᓚᐃᖃᑦᑕᓚᐅᕐᖓᒍ. ᐊᖓᒃᑯᓄᑦ ᑭᓯᐊᓂ ᓂᙵᐅᒪᙱᑲᐃᓐᓇᕈᓐᓇᖅᑎᑕᐅᕗᖅ. ᐊᖓᒃᑯᐃᑦ ᐃᑲᔪᖅᑎᖏᑦ ᐊᖅᑲᖅᑐᑎᒃ ᐃᒫᓄᑦ ᐃᓪᓚᐃᖅᓯᒋᐊᖅᑐᐸᑉᐳᑦ ᑕᑲᓐᓈᓘᑦ ᓄᔭᑯᑖᖏᓐᓂᒃ. ᑕᐃᒫᒃ ᑭᓯᐊᓂ ᓂᕐᔪᑏᑦ ᐊᓯᐊᓅᑲᐃᓐᓇᕈᓐᓇᓲᖑᒻᒪᑕ ᖁᕕᐊᒋᔭᐅᓕᖅᑐᑎᓪᓗ ᐃᓄᓐᓄᑦ; ᖃᖓᐅᓛᕆᕗᑭᐊᖅ.

ᑕᑲᓐᓈᓗᒃ

10�

ᑐᓗᒐᖅ: ᐃᙱᖅᑐᖅ

ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂᒃ ᑭᓯᐊᓂ ᑕᑯᔪᓐᓇᖅᑐᖅ!ᐊᕌ, ᐊᕌ, ᐊᕌ, ᐊᕌ!ᐊᖑᑦ ᑕᐅᑐᙱᑦᑑᒐᓗᐊᖅᑐᓂᒃ ᑭᓯᐊᓂ ᑕᑯᔪᓐᓇᖅᑐᖅ!

ᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᖅ ᑖᖅᑐᐊᓘᓪᓗᓂᓗᐃᓄᓕᒫᑦ ᐆᓕᑦᑐᑦ ᕿᐊᓪᓗᑎᓪᓗᓂᕐᔪᑎᓕᒫᑦ ᓯᓂᑦᑐᑦ ᐃᔨᖅᓯᒪᓪᓗᑎᓪᓗᓯᓚᕐᔪᐊᓕᒫᕌᓗᒃ ᐃᒃᑮᓇᖅᑐᐊᓗᒃ ᑖᖅᑐᐊᓘᓪᓗᓂᓗ

ᓄᖅᑲᑲᐃᓐᓇᕐᓂᖅ

ᖃᐅᒪᑎᑦᑎᕗᖓ ᓯᓚᕐᔪᐊᒥᒃᐃᓄᐃᑦ ᓂᕆᐅᔮᖅᑎᓕᖅᐸᒃᑲ ᑲᑉᐱᐊᓱᑦᑐᑦᑕᕐᓂᓕᒫᑦ ᐊᓯᔾᔨᖅᑐᐃᓐᓇᐅᑦᑎᐊᕐᒪᑕᖃᐅᒪ ᑖᖅᑐᐊᓗᓪᓗᑦ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᓂᐱᑯᓗᓐᓂᒃ ᓯᓚᕐᔪᐊᒨᕈᔾᔨᕗᖓᐅᖃᐅᓯᕐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓄᓐᓄᑦ ᓂᕐᔪᑎᓄᓪᓗᓱᓕᓂᖅ ᑕᕐᕋᓕᓂᐅᕗᖅ, ᑕᕐᕋᓕᓂᖅ ᓱᓕᓂᐅᕗᖅᖃᐅᒪ ᑖᖅᑐᐊᓗᓪᓗ ᐊᑕᐅᓯᐅᒍᓐᓃᖅᑯᒃ

ᓄᖅᑲᑲᐃᓐᓇᕐᓂᖅ

ᐊᑭᓂᕐᒧᑦ ᐅᓂᒃᑳᖅᑐᐊᑦ

10�

ᑕᑲᓐᓈᓗᒃ ᐃᑎᔪᐊᓗᒻᒦᓕᖅᑐᖅᐊᑦᑕᓇᖅᑐᒦᑦᑐᓂ ᐃᓱᒪᒋᔭᐅᑲᒻᒪᓕᖅᑐᓂᓗᐃᓄᐃᑦ ᑲᑉᐱᐊᓱᖃᓕᖅᑐᑎᒃᑭᓱᒥᓪᓕ ᐅᑉᐱᕆᔭᖃᕐᓂᐊᓕᖅᑲᑦ?

ᓄᖅᑲᑲᐃᓐᓇᕐᓂᖅ

ᑕᑲᓐᓈᓗᒃ