Cousas da rata Luisa
O BISCOITO
COMO HOXE NON VAN SAÍR, QUE FAI FRÍO E CHOVE MOITO, PARA ENREDAR AO TEMPO VAN A FACER UN BISCOITO.
MIRAN NO RECETARIO. HAI TANTO DONDE ESCOLLER! -IMOS LER OS COMPOÑENTES, PARA VER CAL PODEMOS FACER.
-PARA ESTE HAI QUE TER PIÑA. -PARA ESTOUTRO HAI QUE TER NATA… -POIS NON SE PODEN FACER QUE NON OS TEMOS NA CASA.
-HAI IOGUR, FARIÑA, AZUCRE, ACEITE, LIMÓN E OVOS, -HAI LEVADURA E MANTEIGA… PARA ESTE TÉMOLO TODO!
MIRAN NAS LACENAS. BUSCAN NOS CAIXÓNS. COLLEN NA NEVEIRA. VAIA REVOLUCIÓN!
1 IOGUR 3 OVOS
3 VASOS DE IOGUR DE FARIÑA
1 VASO DE IOGUR DE ACEITE
2 VASOS DE IOGUR DE AZUCRE
O ZUME E AS RELADURAS DUN LIMÓN
1 SOBRE DE LEVADURA
MANTEIGA
CON TODO POSTO Á MAN, E O BATEDOR,
UNHA ESPÁTULA, O MOLDE,A RELADEIRA E O ESPREMEDOR.
E O CUNCO,
CUNCO
BATEDOR
RELADEIRA
ESPREMEDOR
ESPÁTULA
MOLDE
CADA UN CO SEU MANDIL, E BEN LAVADIÑAS AS MANS, PÓÑENSE CON ANSIA AO LABOR DE MEDIR E MESTURAR.
ANTES DE QUE EMPECE TODO, E PARA QUE ESTEA QUENTE LOGO, LUISA, QUE OS SUPERVISA, VAILLES ENCENDENDO O FORNO.
DENTRO DUNHA CUNCA GRANDE BOTAN OVOS, AZUCRE E IOGUR, E REMÉXENNO BEN TODO, UN POUQUIÑO CADA UN.
ENGÁDENLLE A FARIÑA, AOS POUCOS, E O VASIÑO DE ACEITE…
O ZUME, AS RELADURAS E A LEVADURA PARA QUE MEDRE.
DESPOIS UNTAN BEN O MOLDE, POR DENTRO, COA MANTEIGA. ESO DÍXOLLO LUISA, …QUE ASÍ AO COCER NONSE APEGA.
VERTEN A PASTA NO MOLDE. CHEIRA TAN BEN QUE ARRECENDE.
NO FORNO MÉTEO LUISA. NON VAIA A SER QUE SE QUEIMEN!
OS NENOS VIXÍAN ATENTOS, CADA INSTANTE, CADA CAMBIO, PAREZ QUE A PORTA DO FORNO TEN AOS TRES HIPNOTIZADOS.COMO MEDRA!... COMO SUBE!... AI QUE BONITIÑO ESTÁ!...MAMÁ QUE XA ESTÁ DOURADO! MIRA, QUE SE VAI QUEIMAR!
LUISA, TODO PACENCIA, AGARDA A MEDIA HORA LONGA, ATA QUE CHEGA O MOMENTO DE APAGAR O FORNO E ABRIRLLE A PORTA.
MÁNDAOS SAÍR DE ALÍ. PON OS GUANTES DE FORNEAR, E SÁCAO CON MOITO COIDADO, PORQUE SE PODE QUEIMAR.
E TEN QUE APARTALOS DEL, QUE XA O QUEREN EMPEZAR.-QUE NON SE PODE COMER. QUE AÍNDA TEN QUE ARREFRIAR.
UN CHÉIRAO – AI QUE BEN CHEIRA! OUTRO TÓCAO – XA CASI ESTÁ! E O TERCEIRO PROTESTA - VOULLO DECIR A MAMÁ!
E LUISA, ENTREMENTRES, PONSE A FACER CHOCOLATE. QUECE O LEITE, BOTA AS ONZAS E, AO XEITO, REMEXE E BATE.
-QUE BEN CHEIRA ESTA COCIÑA… QUE ATA A FAME FAI ENTRAR- DI ROXELIO QUE SE ACHEGA POLA PORTA A MIRAR.
OS NENOS POÑEN A MESA, QUE HOXE VAN MERENDAR O SEU PRIMEIRO BISCOITO… FEITO COAS SÚAS MÁNS!
MENTRAS LUISA O CORTA …TODOS LLE BOTAN A MAN.TEN UNHA PINTA TAN BOA QUE NON PODEN AGARDAR!
COLLEN, REMATAN, REPITEN. -AI QUE VER… QUE RICO ESTÁ ! FAN SOPAS NO CHOCOLATE… QUE CHEA ESTÁN A PILLAR!
NON DEIXARON NIN MIGALLA! NON SEI COMO NON ESTOUPARON! COMÉRONNO TODO,… TODIÑO,… E A NÓS NON NOS CONVIDARON.
fin
Mon Daporta
Top Related