Zoli letan pou zanfan

Zoli letanpou zanfan

ENN LIV SANTE POU LAKONPAGNMAN SKOLER(VOLIM 1)

A _ _ _ _ _ _ _ _ _ _ _ _ _ _ _ _B _ _ _ _ _ _ _ _ _ _ _ _ _ _ _ _C _ _ _ _ _ _ _ _ _ _ _ _ _ _ _ _D _ _ _ _ _ _ _ _ _ _ _ _ _ _ _ _E _ _ _ _ _ _ _ _ _ _ _ _ _ _ _ _F _ _ _ _ _ _ _ _ _ _ _ _ _ _ _ _G _ _ _ _ _ _ _ _ _ _ _ _ _ _ _ _H _ _ _ _ _ _ _ _ _ _ _ _ _ _ _ _I _ _ _ _ _ _ _ _ _ _ _ _ _ _ _ _J _ _ _ _ _ _ _ _ _ _ _ _ _ _ _ _K _ _ _ _ _ _ _ _ _ _ _ _ _ _ _ _L _ _ _ _ _ _ _ _ _ _ _ _ _ _ _ _M _ _ _ _ _ _ _ _ _ _ _ _ _ _ _ _

Enn liv sante pou lakonpagnman skoler

Zoli letanpou zanfan

7. Prefas 8. Bonzour zot tou 9. A E I O OU 10. Noutravay 12. Tang mama tang 13. If you're happyand you know it 14. Sa vie ton la 16. Ena enn troudan latmosfer 17. Head shoulders knees & toes18. Letan 19. Lindepandans 20. Rouz, Ble, Zonn,Ver 22. Sak zour enn paz 23. Bann zour lasemenn24. Bann mwa 26. This old man 28. There’s a holein the atmosphere 29. Mo mama pe al dormi 31.Memenn 32. Li met so enn dan so de 33. Vakansvakans vakans 34. Analiz sante

Pa premie fwa ki nou pe dir sa: li pli fasil fer enn zanfanaprann enn zafer kan li resanti enn plezir ladan. Sa plezir la,li gagn li dan zwe, dan sante, danse, dan konversasion kiena sinifikasion pou li. Akoz samem lang maternel inportan,akoz samem bann metod aktiv zwe enn rol divan-divan danninport ki demars pou montre zanfan lir.

Me zanfan pa lir zis pou lir ouswa pou pas enn lexame. Sili koumsa, ledikasion ki nou pe donn li napa vo gransoz epa pou amenn li bien lwin. Ni li, ni sosiete. Alor ninport kimetod montre, ki nou servi, bizin ena enn baz bien larz ki vizdevlopman integral zanfan la atraver enn konpreansion banndiferan tip lintelizans ki li ena. Nou baz larz dan Abaim, lifinn touzour repoz lor lang maternel pou al ver enn veritabmilti-lingwism ki permet anmemtan bann lezot aprantisazlavi dan enn manier efikas.

Nou sitie nou demars akonpagnman skoler la dan saperspektiv la. Li ti inportan gagn lintere zanfan pou ledikasion.Zot finn bien interese, zot ek zot paran. Li ti inportan fertransmision savwar lor bann size ki inportan kone e ki konsernbann nosion kouma letan, lespas, lanvironnman, konte,vakans, gramer dan langaz ek lezot ankor. Transmision finnfer, konesans pe grandi.

Apre inpe plis ki 2 an dan roul sa proze la, nou pe prezantprev sa transmission la. Li reprezant zordi enn sipor a bannaprantisaz pou lezot zanfan ousi. So valer vinn depi

partisipasion bann zanfan zot mem dan so realizasion depikoumansman ziska lafin. Nou finn konn prezerv sa prosesisla. So valer vinn dan so lestetik artistik e kiltirel ousi: Koumaenn prodwi literer e mizikal, li kapav servi kouma enn referansan matier konteni enn metod aktiv ki servi lamizik e lekritirpou devlop kapasite zanfan.

Akote sa 2-3 lane lakonpagnman skoler la, nou pe ousi sarye30 an laksion social e kiktirel abaim e 15 an proze Saturdaycare. Sa lane la, fer 10 an depi ki album Ti marmit finn sorti.Parkour bann zanfan Ti marmit finn bien ris. Zordi, nou fiertesorti depi transmission ki finn ena depi bann gran zanfan abann pli tipti. Sa bann la ki sarye sa nouvo album la avekenn viger extraordiner. Sa finn vinn posib parski zot mantalfinn devlop enn limaziner ki donn enn sinifikasion a zot lavi.Nou lazwa gran pou partaz tousala ar limanite antie. Pamwins ki sa! Ou va eskiz nou pou sa.

Alain MuneeanOktob 2012

Prefas

7

Bonzour zot touBonzour bonzour zot touMo espere zot tou zot bienMwa mo bien kontanPou retrouv zot azordiNou va pas enn bonn zourne

Bonzour madamBonzour bonzour madamNou espere ou ousi ou bienNou ousi bien kontanPou retrouv ou azordiNou va pas enn bonn zourne

Yer si zot rapel bienMo ti koz lor lepaseZordi nou explik tan prezanDime kan nou ariveZot pou konpran tan fitirKoumsa nou'a konpran tan bann verb

1. Bonzour zot tou

Good morning everybodyGood morning all childrenI hope everyone is wellAs for me I'm very happyTo see you again todayWe're go'nna have a wonderful day

Good morning madamGood morning to youWe hope that you are fine as wellAs you we are happyTo see you again todayWe're go’nna have a wonderful day

Yesterday if you recallI spoke on the past tenseToday let's talk on the present tenseWhen we come here tomorrowYou'll understand the future tenseThis way we'll know about verb tenses

good morningeveryone

8

a a a a ae e e e ei i i i io o o o oou ou ou ou oua e i o ou

a atann mwa enn ti mamae ekoute sinon mo alei initil to kriy papio okontrer pa dir enn moou oubien to'a zwe oulalou

Lor a e i o ou

a ala mo vini la lae etwa kifer to sovei imazinn ler mo'a atrap lio omilie lakour tantoou ouver so labous enn kou

Dir a e i o ou

a atansion to pena swae esey donn enn ti koudmei ise-pouse to'a vinio olie to al lapes kaboou oumem al promne partou

2. A E I O OU

9

Sant a e i o ou

a Ali vini enn ti mamae Eliza donn li enn koudmei Ikbal dir seteredmio Odil pou ekrir enn moou Oumes pou avoy kot mamou

Ekrir li a e i o ou

Pios, pik, rato, panieSizay, bouret, larozwar, lars, lansNou travay nou travayLansar, marto, lapins, lam lasiLapel, maset, gragnder, frotwarNou travay, nou travaySizo, santimet, masinn-a-koudLede, zegwi, karo tayerNou travay, nou travayPlim, pinso, kreyon papieMasinn soude, tournavisNou travay, nou travayGolet, lamson, moter batoGal, zaviron, file, zileNou travay, nou travayLater, lamer, latelie, santieLizinn, lekol, biro, karoNou travay, nou travay

3. Nou travay

10

Kolorye bann zouti lor sa paz la

Mo pas kot karo kannMo kas enn kannMo touy enn tangLer mo touy enn tangEnn mama tangTir deryer mwa

Relman relman relmanRelman relman relman

Kann kann kann kannPli dou ki batatGoute to'a kone

Zip simiz kalson paltoZip simiz kalson palto

4. Tang mama tang

12

Kolorye bann desin lor sa paz la

If you're happy and you know it clap your handIf you're happy and you know it clap your handIf you're happy and you know it and you really want to showIf you're happy and you know it clap your hand

If you're happy and you know it say helloIf you're happy and you know it say helloIf you're happy and you know it and you really want to showIf you're happy and you know it say hello

If you're happy and you know it raise your handsIf you're happy and you know it raise your handsIf you're happy and you know it and you really want to showIf you're happy and you know it raise your hands

If your're happy and you know it stamp your feetIf your're happy and you know it stamp your feetIf your're happy and you know it and you really want to showIf your're happy and you know it stamp your feet

5. If you're happy andyou know it

si to dakor to ere...Si to dakor to ere tap lameSi to dakor to ere tap lameSi to dakor to ere e to anvi nou koneSi to dakor to ere tap lame

Si to dakor to ere dir korekSi to dakor to ere dir korekSi to dakor to ere e to anvi nou koneSi to dakor to ere dir korek

Si to dakor to ere lev lameSi to dakor to ere lev lameSi to dakor to ere e to anvi nou koneSi to dakor to ere lev lame

Si to dakor to ere pil lipieSi to dakor to ere pil lipieSi to dakor to ere e to anvi nou koneSi to dakor to ere pil lipie

13

Sa vie ton laLi koz ennLi waya waya fer enn ta sennWaya waw waw lisien zapeDonn li enn lezoVie ton la balote rant lakaz

Sa vie ton laLi koz deLi waya waya mem li pa'le sedeWaya waw waw lisien zapeDonn li enn lezoVie ton la balote rant lakaz

Sa vie ton laLi koz trwaLi waya waya ar twa ek mwaWaya waw waw lisien zapeDonn li enn lezoVie ton la balote rant lakaz

Sa vie ton laLi koz katLi waya waya li konn kwi katkatWaya waw waw lisien zapeDonn li enn lezoVie ton la balote rant lakaz

Sa vie ton laLi koz sinkLi waya waya mem koum'enn gro tinkWaya waw waw lisien zapeDonn li enn lezoVie ton la balote rant lakaz

Sa vie ton laLi koz sisLi waya waya mem kouma enn pisWaya waw waw lisien zapeDonn li enn lezoVie ton la balote rant lakaz

Sa vie ton laLi koz setLi waya waya kontan fer lafetWaya waw waw lisien zapeDonn li enn lezoVie ton la balote rant lakaz

Sa vie ton laLi koz witLi waya waya ziska mo fer li twitWaya waw waw lisien zapeDonn li enn lezoVie ton la balote rant lakaz

6. Sa vie ton la

14

Kolorye bann sif lor sa paz la

Sa vie ton laLi koz nefLi waya waya li pli for ki enn befWaya waw waw lisien zapeDonn li enn lezoVie ton la balote rant lakaz

Sa vie ton laLi koz disLi waya waya dime li pou vinn risWaya waw waw lisien zapeDonn li enn lezoVie ton la balote rant lakaz

15

Kolorye sa lisien la ek so bann lezo

Ena enn trou dan latmosferTonton Sam tonton SamEna enn trou dan latmosferTonton Sam, get enn kou

Bous li ti ninport ti ninport ti ninportAbe bous li ti ninport ti ninport, siouple

Avek ki mo pou bous liTonton Sam tonton SamAvek ki mo pou bous liTonton Sam, siouple

Avek ler pir ti ninport ti ninport ti ninportAvek ler pir ti ninport ti ninport, siouple

Me kot mo pou gagn ler pirTonton Sam tonton SamMe kot mo pou gagn ler pirTonton Sam, kot sa?

Dan bann danbwa ti ninport ti ninport ti ninportDan bann danbwa ti ninport ti ninport, siouple

Bann danbwa mem ape morTonton Sam tonton SamBann danbwa mem ape morTonton Sam, bien mor

Me donn zot inpe ler pir ti ninport ti ninport ti ninportMe donn zot inpe ler pir ti ninport ti ninport, ler pir

Me ena enn trou dan latmosferTon ninport ton ninportE sa pe touy nou laterTon ninport, to pa trouve?

7. Ena enn troudan latmosfer

Donn sak pie nom enn plant andemik

16

Head shoulders knees and toesKnees and toesHead shoulders knees and toesknees and toesAnd eyes and ears and mouth and noseHead shoulders knees and toesknees and toes

Latet zepol zenou ledwa lipieZenou ledwa lipieLatet zepol zenou ledwa lipieZenou ledwa lipieLizie zorey labous neneLatet zepol zenou ledwa lipieZenou ledwa lipie

8. Head shoulders knees & toes

Desinn so lizie, zorey, nene ek labousEkrir bann lezot parti so lekor

17

Enn segonn mo viniDe minit kat mo’nn finiTrwa z’erdtan mo pe atannKat zour pase mo atann mem

Sink semenn mo konzeSis mwa apre mo’nn deorSet banane mo trimeWit deseni mo’nn vinn vieNef demi siek mo pa pou laDis siek pase to’a pans mwa

A letan mo kamaradSarye mwa lor vag to ledoRetourn mwa par deryerAmenn mwa lakaz mo mama

Olae ola ileOlae ola ileOlae olaileOlo la la e la lay la

9. Letan

18

Mark ler ek dat to nesans

Nou pei ti enn koloniAvan 68Nou pei indepandanDepi 68

Nou gran fami ti vinn isiSorti diferan peiViv ansam lor mem laterDerasine dan maler

Nou ti bizin libertePou nou gagn nou diniteAvek fierte nou santeIpipip mama moris

Lindepandans dan doulerAkoz maler divizionSakenn so bann finn fer nouFrol avek nou destriksion

Nou ankor swaf liberteSa nou pou al konkerirTonbe leve nou pou ansamZiska nou tou arive

Kouraz lafors ek lekerFinn fer nou sorti vinkerIni dan gran lazistisZiska forz enn sel nasion

10. Lindepandans

19

Ekrir dat exak nou lindepandans

_ _ /_ _ / _ _ _ _

St Brandon

RodriguesMauritius

Tromelin

AgalegaRouz, Ble, Zonn, VerPavion nou pei 4 koulerLor later, lor lamer, dan lezerSak fwa to regar fer mwa fier.

Rouz, kouler difeDan pavion nou pei kan floteMo pli kontan twa dan aswarLer to’amenn soley al kouse.

Ble, kolorye lamerLeve diboute nou avanseMo regar tous lorizonLa mo get bato pe valse

Rouz, Ble, Zonn, VerPavion nou pei 4 koulerLao lao mo pou lev twaMo pe nomm sa lor mo loner.

Zonn, dorir disabOrn nou leker ar salerMo pou ekrir to nom 1000 fwaMem vag vini efas li.

Ver, bote lanatirFer kares divan frisonn nouDan lete kouma dan liver

Mo va protez twa pou touzour

Rouz, Ble, Zonn, VerPavion nou pei 4 koulerSinser ki mo pou sinserSa lamour pou amenn leboner.

11. Rouz, Ble, Zonn, Ver

20

Chagos Archipelago

21

Kolorye nou pavionKi bann kouler to finn servi?

Sak zour enn pazSak paz bann frazSarye bien mo lazMo nepli anvi volaz

Sak zour enn pazSak paz bann frazSarye mwa dan niazPou mo al zwenn bann seki saz

Sak zour enn pazSak paz bann frazSarye mwa lor enn bazKot ena zoli peizaz

Sak zour enn pazSak paz bann frazSarye mwa ek mo lazLa kot na pena trikmardaz

12. Sak zour enn paz

22

Kolorye bann desin la ek nomm zot

Lindi mo al lekolMardi mo al lesonMerkredi ena enhancementZedi mo vinn repetitionVandredi mo zwe playstationSamdi mo vinn abaimDimans mo al promneApre lasemenn fini

Monday, tuesday, wednesday, thursday,friday, saturday, sunday, monday,tuesday, wednesday, thursday, friday,and then the week-end comes in.

13. Bann zour lasemenn

23

Nomm bann desin ki to pe trouve lor sa paz la ek kolorye zot

Zanvie ena bananeFevriye esklavaz aboliMars nou gagn lindepandansAvril nou zwe pwason davrilMe nou selebre fet travayZin nou fer fet lamizikZilie ena lexaminOut nou gagn konze lekolSeptam nou anplin revizionOktob selebre langaz kreolNovam nou rapel langazmanDesam bolom nwel pase

14. Bann mwa

24

Ekrir dat pou gagn konze lekol an ZilieEkrir dat zourne mondial souvenir abolision lesklavaz an OutEkrir dat zourne mondial lir/ekrir an Septam

o_e

_wo

t_ree

_ou_

_i_e

_i_

This old manHe plays oneHe plays knick-knack on my drumWith a knick-knack paddywhackGive a dog a boneThis old manComes rolling home

This old manHe plays twoHe plays knick-knack on my shoeWith a knick-knack paddywhackGive a dog a boneThis old manComes rolling home

This old manHe plays threeHe plays knick-knack on my treeWith a knick-knack paddywhackGive a dog a boneThis old manComes rolling home

This old manHe plays fourHe plays knick-knack on my doorWith a knick-knack paddywhackGive a dog a boneThis old manComes rolling home

This old manHe plays fiveHe plays knick-knack on my hiveWith a knick-knack paddywhackGive a dog a boneThis old manComes rolling home

This old manHe plays sixHe plays knick-knack on my stickWith a knick-knack paddywhackGive a dog a boneThis old manComes rolling home

15. This old man

26

Konplet bann let ki manke pou konn bann sif an angle

s_v_ _

e_g_ _

_i_ _

_ _ _

27

This old manHe plays sevenHe plays knick-knack on my heavenWith a knick-knack paddywhackGive a dog a boneThis old manComes rolling home

This old manHe plays eightHe plays knick-knack on my gateWith a knick-knack paddywhackGive a dog a boneThis old manComes rolling home

This old manHe plays nineHe plays knick-knack on my lineWith a knick-knack paddywhackGive a dog a boneThis old manComes rolling home

This old manHe plays tenHe plays knick-knack on my henWith a knick-knack paddywhackGive a dog a boneThis old manComes rolling home

Konplet bann let ki manke e kolorye sa vie ton ki pe balote la

There’s a hole in the atmosphereUncle Sam, Uncle SamThere’s a hole in the atmosphereUncle Sam, I pray

Mend it tiny thing, tiny thing, tiny thingJust mend it tiny thing, tiny thing, I pray

How shall I try to mend it?Uncle Sam, Uncle Sam,How shall I try to mend it?Uncle Sam, I pray

With some pure air tiny thing, tiny thing, tiny thingWith some pure air tiny thing, tiny thing, I pray

Where shall I go for that air?Uncle Sam, Uncle Sam,Where shall I go for that air?Uncle Sam, I pray

In the forests tiny thing, tiny thing, tiny thingIn the forests tiny thing, tiny thing, I pray

But the forests are dyingUncle Sam, Uncle Sam,But the forests are dyingUncle Sam, I pray

Get them to breathe some pure air tiny thing,tiny thing, tiny thingGet them to breathe some pure air tiny thing,tiny thing, I pray

But there’s a hole in the atmosphereStupid guy stupid guyAnd it’s killing the planetStupid guy can’t you see?

16. There’s a holein the atmosphere

28

Kolorye bann desin lor sa paz la me pa respir lafime polision

Mo mama pe al dormiTo mama pe al dormiSo mama pe al dormiNou mama pe al dormiZot mama pe al dormiBann la zot mama pe al dormi

Ler mo ti enn tipti tifiMo papa ti dir mwaFode pa to plore sak fwaTo pa trouv to mamaLi dir mwa parey kouma twaMama bizin dormiLerla li sant sa ti sante laPou li konsol mwa

Ler mo ti enn tipti garsonMo papa ti dir mwaFode pa to plore kanTo mama kit twa li aleLi bien fatige li pe bizin al repozePou aswar li kapav leveKan to somey kase

Inpe pli tar kan mo mamaTi retourn kot mwaMo ti dimann mo papaKi kote mama ti ale

Lerla li sant so refrinLi sanz de ti parolTousala pou li dir mwaMama ti al dormi

Mo mama ti al dormiTo mama ti al dormiSo mama ti al dormiNou mama ti al dormiZot mama ti al dormiBann la zot mama ti al dormi

Zis avan mo mama aleMo papa va dir mwaNapa trakase li pou retourneEnn ti mamaKan li retourne li pou amennEnn gro gatoFer enn ti dodo twa ousiLi pou retourne

Mo mama pou al dormiTo mama pou al dormiSo mama pou al dormiNou mama pou al dormiZot mama pou al dormiBann la zot mama pou al dormi

17. Mo mama pe al dormi

29

(Ekrir bann pronom posesif an angle ek franse)

KREOL FRANÇAIS ENGLISH

Mo Ma/Mon My

To

So

Nou

Zot

Bann la zot

30

Kolorye bann ti gato lor sa paz la

Memenn pe penn enn denn kouler lesielLi bien anpenn avek AntwennKi dir li zis bon pou fer senn

Bann pinso kouler sakenn so sakennPe amenn so denn lor enn lasennAla mikro koumans fer larsenn

Memenn koum'enn larenn lor enn lasennPe vir vire rod enn kikennKi pou kont sakenn enn par enn

Bann pinso kouler sakenn so sakennPe amenn so denn lor enn laplennRes zis so lezel pou li penn

Memenn pe penn enn zenn ti lasirennLi bien anpenn avek AntwennKi dir sa koum'enn labalenn

Bann pinso kouler sakenn so sakennBann lake enn pwason kapitennLabalenn soufle fer lafontenn

18. Memenn

31

Nomm bann kouler larkansiel ek kolorye bann desin ki lor sa paz la zoli zoli

Li met so enn dan so deLi met so de dan so trwaLi met so trwa dan so katLi met so kat dan so sinkLi met so sink dan sosisLi met so sis dan soset

Ha ha ha haha ha ha

19. Li met so enndan so de

Kolorye sak bwat enn kouler diferan pou amiz zot bien

32

Vakans Vakans VakansDimoun res dan lakazVakans Vakans VakansEnn bon moman repoVakans Vakans vakansLekol in gagn konzeVakans vakans vakansNou tou ena bien sans

Nou revize apre nou zwe Nou organiz bann programNou al kanpe lamer promneNou get bann ti komik

Nou al leson ek fennsiferKan fini nou al konserNou al lapes Kap MalerePwason morde nou danse

Nou fer dezordNou gagn kriyeGaloupe repran kayePou enntan nou fer bon zanfanLandime nou al sinema

20. Vakans vakans vakans

33

Met bann sif ek kolorye sa lamarel laSey zwe lamarel ar bann ledwa

Tit Bann tematik Konsep ki kapavdevlope

Melodi

2. A E I O OU literesi Aprantisaz bann son,silab, vwayel danalfabet, tan inperatif

Melodi lintrodiksion mizikal sa morso lasorti depi tradision 'rhythm and blues'.Lor so refrin, melodi la pwiz depi modrepetitif lor sak let alfabet ki nome. 4premie fraz mont an tonalite avan kimelodi la desann lor so 2 dernie fraz.

34

1. Bonzour zot tou Lakey depi profeser ezanfan, verb

Respe, bienveni, lakey,tan prezan, pase, fitirbann verb

Parti lavwa sa melodi la sorti depitradision zwe zanfan, sirtou zwe kot enaeleman sikane ou dramatizasion. Lirepetitif e kourt dan so striktir fraz avekbann ti varyasion not ki monte dantonalite. So parti instrimantal soulignankor plis sa bann varyasion la.

3. Nou travay Travay Metie, lokipasion, travay,laktivite, zouti, masinn,lekipman

Sa morso la ena enn melodi lanons/exklamasion/pankart, lor rebor,revandikatif. Dan so lintrodiksion mizikal,li koumanse lor bann not ki ot mem, avekenn sistem kestion/repons. Dan so bannkouple, 4 fraz melodik form so baz, 2premie kouma bann afirmasion e 2 kiswiv kouma bann konfirmasion danmanier repetitif.

Ritm Larmoni Linstriman prezan

Apart so lintrodiksion mizikal ki retourne sakfwa ant ant bann refrin e kouple e ki ritme lorritm 'rhythm and blues', sa sante la so ritmbien pros ek enn ritm lamars. Kapav santi sasirtou dan so bann refrin. Li interesan notalternans son ek silans lor dernie fraz danrefrin. Lor so bann kouple, ena bann sekanskestion/ repons lor enn mod donn lord.

Kapav disteng 3 sekans dan sa morso la: 1.so lintrodiksion mizikal 2. so refrin 3. so bannkouple. So lintrodiksion bien plat avek bannlakor mazer. So refrin montre bann progresionlakor avek bann lakor miner ki rant ant bannlakor mazer. So kouple ousi zwe lor progresionbann lakor mazer e miner me avek bann diferanlanfaz son ek silans.

Lagitar SoloLagitar BasLagitar RitmikLakok dizefRavannTabourinn

35

Ritm salsa ki sarye sa sante la. Nou pli kapavremark sa kan nou ekout lintrodiksion mizikalsante la. Apre ki zot monte an kresenndo, bannnot terminn ek son diplet kabasa ki ranpli lespassilans kan tou lezot linstriman aret sek.

Sa morso la zwe lor bann lakor mazer.Larmonizasion bien sinp e pena granprogresion. Ena enn sel tonalite lavwa onivonot. Selma, lavwa solo swiv par enn ker kotena bann lavwa diferan pitch.

Lagitar RitmikLagitar BasLakok dizefKabasaRavannTabourinn

Ritm terner sega modern sarye sa morso la.Ena bann finision fraz mizikal an sispans kiritm partikilie ravann dan manier zwe moderndone.

So larmoni bien dinamik depi lintrodiksionmizikal avek armonika an solo. Finision ansispans sa lintrodiksion la, ki swiv par ennsizonnman ravann, prepar pou larantre ennseri vokal an solo. Sa kontinie dinamizlarmonizasion la. An dernie, enn deziem vwalor de dernie fraz remont ankor dinamik la.Lintrodiksion mizikal avek armonika zwe lorbann lakor mazer alor ki lor bann kouple nouterminn avek enn lakor miner. Larmoni samorso la vinn akor plis dinamik avek progresionmelodik lagitar bas dan bann finision fraz.

ArmonicaLagitar BasLagitar SoloLagitar RitmikRavann


Melodi

5. If you're happyand you know it

Swiv bann linstriksionsinp

Lazwa, konpran e met anpratik bann aksion

So lintrodiksion mizikal enn version aseplat so melodi sante avek mwinsvaryasion dan tonalite bann not. Santela limem so melodi sorti depi tradisionsante zanfan ki repetitif e kourt. Anplis,so bann fraz mizikal mont an tonalite.

36

6. Sa vie ton la Nimeresi Konte, rim dan langaz So melodi pas par bann ti fraz ti frazavek bann ti varyasion dan nivo banntonalite. Li bien repetitif.

4. Tang mama tang Son ek rim Silab avek son ann e ang,mo avek son ann e ang,fraz avek son ann e ang;onomatope ritmik; rim

Kapav apel sa enn melodi rakonte akozli pran bann intonasion rakont zistwar.So premie 3 faz prezant kontex zistwarla alor ki 3 fraz ki swiv dekrir sodenouman. Li terminn ek enn lanfazlakorite repetitif (relman relman...) Melodilor kann, kann sorti depi bann sonoritekas andan modern kan zwe ravann. Frazonomatope ena enn melodi minimal.


Nou retrouv enn ritm lamars isi. Me li ennlamars ki pran bann lanvol R&B sirtou lor bannparti instrimantal e bann finision bann fraz.Relasion ant bann son e bann silans bieninteresan akoz ena lespas ki garde pou fer sekipe dimande dan linstriksion.

Sante la zwe lor bann lakor mazer e li paretpli natirel kan pa fer bann progresion lakor.Bann diferan pitch lavwa zanfan an solo donnenn textir varye ki ed dan armonizasion santela mem si zot tou sant lor enn sel tonalite.

ArmonicaLagitar BasLagitar SoloLagitar RitmikRavannLameLipie

37

Version sa morso la al lor enn ritm bosanova. Lintrodiksion mizikal par mandolinn lor banntonalite pli ot ki lavwa ki rantre apre, donnmorso la enn depar remarkab. Bann diferanlavwa bann ti zanfan avek diferan pitch kreenn kalite larmoni ase spesial. Dan deziemparti morso la, larmoni ranforsi par bann 2eme 3em lavwa an ker. Sante la zwe lor bannlakor mazer.

MandolinnLagitar BasLagitar AkonpagnmanRavannTanbourinn

lintrodiksion mizikal avek mandolinn e premieparti morso la ena enn ritm terner sega modern.Mouvman kas andan rantre sorti dan zweravann form baz ritmik deziem parti morso la.Dan trwaziem parti morso la nou retrouv rouleprimitif sinp kouma baz ritmik pou sekansonomatope (zip, simiz...)

Ena enn baz armonik statik dan koumansmansa morso la par enn ker ki sant lor enn memtonalite. Rantre mizikal mandolinn ki repranmelodi (relman relman) amenn eleman dinamikdan stritir armonik morso la. Sa dinamik lasanze 2 fwa avek lavwa e mouvman ravannlor kann kann e onomatope lor roule primitifsinp.

Lagitar RitmikLagitar BasLakok dizefKabasaRavannMaravann


Melodi

7. Ena enn troudan latmosfer

Lanvironnman/lekolozi Ler, latmosfer, lafore,polision, kous dozonn

Melodi sa morso la ena enn tonaliteinterpelasion. Savedir li koumans plitolor bann not ot e li repetitif. Anplis lienn morso bien plis melodik ki armonikakoz li difisil pou tini drwa lor bann lakor.Sekans so bann not al dan manier sotsote ki rapel boukou enn tradision lafrik.

38

8. Head shoulders knees & toes

Lekor imin – anatomi Konesans sertin partilekor imin, konesans soprop lekor, kordinasionfizik

Premie parti melodi la ase plat antermvaryasion not. Deziem parti mont anleskalie avan ki li repran lor enn tonalitepli ot premie fraz sante la. Melodi danlintrodiksion mizikal sa morso la biendiferan depi melodi sante la kan parolrantre. Anplis, li koumans lor bann notot pou terminn lor bann not bakontrerman a bann parti vokal. Li ennmelodi ki konstrir apartir bann tiregroupman not (diplet) ki zwe vit vitenn deryer lot.

9. Letan Letan kouma reper bannperyod, kalandriye.

Segonn, minit, lerdtan,zour, semenn, mwa, lane,deseni, siek.

So kouple mars kouma kestion/reponsdan enn stil deklamasion san granvaryasion not dan 4 premie fraz. Sekansswivan sarye 5 fraz avek monte antonalite lor 4em e 5em fraz ziskaredesann lor 6em fraz. Lor so refrin enaenn melodi antrenan avek bannvaryasion dan tonalite ki al bien avektex sante la.


Enn ritm vals diriz sa morso la (1-2-3) So baz armonik bien statik e repetitif. Li trouvso laspe dinamik atraver vokal ki fer a dedimounn. Bann lakor zwe an mazer.

Lakok dizefLagitar AkonpagnmanLagitar Bass

39

Sa sante la ena enn ritm lamars lor beat 1-2.Nou remark sa sirtou dan so premie parti. Lorso deziem parti, san deranz premie ritm la, enndeziem ritm amenn enn sakadman. Lagitar bassoulign sa bien. Ritm lor so lintrodiksion mizikalbien pros ek R&B e nou remark sa bien avekseki lagitar solo fer dan manier repetitif kanbann lavwa rantre e dan manier li swiv lavwakan zot fer deziem parti sante la.

Sa sante la zwe lor bann lakor mazer. Enn seltonalite lavwa bann zanfan sarye li. Soarmonizasion pli remarkab avek solo repetitiflagitar lor premie parti e progresion not lagitarsolo e lagitar bas lor deziem parti.

Lagitar SoloLagitar RitmikLagitar BasKabasaRavann

Ritm terner sega bien an avan dan sa morsola. Roule modern (1 2 3 4 5 6) ki sarye li.

Onivo instrimantal, mandolinn introdir santela lor enn pitch persan avek mwins varyasionki nou retrouve dan bann lavwa apre.Larmonizasion swiv sema sega tipik apelasione roule mem si toulede zwe lor mem vites.Bann lavwa olae azout ankor plis kouler tipikdan armonizasion la. Sante la zwe lor bannlakor mazer.

MandolinnLagitar BasLagitar AkonpagnmanRavannTriyangMaravannKrapo


Melodi

10. Lindepandans Patriyotism Listwar, apartenans apei, kolonizasion,lindepandans

Lor so refrin, melodi la zwe lor enn modkestion/repons lor 2 fraz mizikal. Enainpe varyasion dan tonalite antkoumansman e lafin bann fraz la. Lor sokouple, melodi la ase plat avek bien tigitevolision lor so bann tonalite.

4011. Rouz, Ble, Zonn, Ver Patriyotism Listwar, apartenans a

pei, kolonizasion,lindepandans

Melodi lintrodiksion mizikal sa morso lapar lagitar solo, fer avek bann tiregroupman not (bann diplet) an memsekans me ki progres depi pli ot ziskapli ba. Parti vokal par kont koumans parnot pli ba pou al ver not pli ot avek ennase gran varyasion ant lede. Sa donn lienn ferver akoz li enn kri akot lor sakfraz, dernie not ena enn ti liberteprolonzman.

12. Sak zour enn paz Son Silab avek son az, moavek son az, fraz avekson az; rim; letan; sazes

Bann ti regroupman not (diplet) dan ennsekans ki koul bien dan enn mem flo,karakteriz lintrodision mizikal sa morsola. Par strof 4 fraz lor so refrin, bannvokal koumans depi bann not ba pou alver bann not pli ot. Enn kou li ouver, ennkou li ferme. Lor bann kouple, melodi laal lor bann not ankor pli ot ankor.


Ritm zeneral sa morso la sorti depi enn demarspreske karnaval. Ena enn mouvman lamars verkiksoz ousi ladan. Kan analiz deziem vwa lorsa sante la li pous dan direksion enn ritm plintdepi lafrik.

Lintrodiksion mizikal atraver enn solo lagitarki sot sote anplas avan li monte an tonalite esispans donn depar armonizasion sa morsola. Li dinamik depi koumansman mem. Depirepons a premie fraz statik, ena enn deziemlavwa lor bann repons refrin. Lintrodiksionmizikal e refrin zwe lor bann lakor mazer earmonizasion fer atraver progresion lakor lorkouple avek bann lakor miner.

Lagitar RitmikLagitar BasLagitar SoloRavannTabourinn

41Ritm terner sega modern sarye sa morso la.Dayer,roule modern (1 2 3 4 5 6) ki fer so bazritmik.

Lintrodiksion vokal (akapela) ena enn gransinifikasion armonik akoz li donn enn granlanpler lintrodiksion mizikal ki melodi lagitarsolo fer zis apre. Sa lintrodiksion mizikal lareprezant parti dinamik dan larmoni morso la.Progresion lakor sorti depi miner, pas par mazeravan retourn lor miner. Bann lavwa sant anker lor bann kouple lor bann lakor miner. Enndeziem vwa rann sa parti morso la dinamikousi.

Lagitar RitmikLagitar BasLagitar SoloRavannMaravannTriyangLaflit

Ritm roumba amenn sa morso la bout an bout. Solo lagitar dan lintrodiksion mizikal sa morsola reprezant so premie parti statik danarmonizasion. Li zwe anplas ale vini lor 2 lakormazer. Letan lavwa rantre an ker, armonizasionres touzour statik san progresion lakor memsi ena enn trwaziem lakor ki rantre. Lor bannkouple, lavwa solo kontinie gard armonizasionla statik. Lor dernie refrin, letan pe al fini, enaenn armonizasion dinamik ki fer avek 3 lezotlavwa ki rant lor premie vwa.

Lagitar SoloLagitar BasLagitar RitmikLakok dizefRavann


Melodi

42

13. Bann zour lasemenn Letan Kalandriye, zour Lor so lavwa, so melodi enn melodilaronn. Li sirkiler an 4 fraz avek bann tivaryasion tonalite. So lintrodiksionmizikal avek bann ti regroupman 2 notlor enn tan, swiv enn kadans leskalielor trwa pa avan li retombe.

14. Bann mwa Letan Kalandriye, bann mwa,bann levennmaninportan dan lane,

Melodi sa morso la ena enn tonalitelanons avek bann not ki dan oter. An 4fraz melodik, zot dan direksion ennleskalie desandan. Ena enn kourtintrodiksion mizikal ki dan mem stillanons. Ant bann lavwa individiel bannti zanfan e zot sante anker, ena ennrepriz melodik ek solo lagitar.

15. This old man Nimeresi an angle Konte Parti lavwa sa melodi la sorti depitradision zwe zanfan, sirtou zwe kot enaeleman sikane ou dramatizasion. Lirepetitif e kourt dan so striktir fraz avekbann ti varyasion not ki monte dantonalite. So parti instrimantal soulignankor plis sa bann varyasion la.


43

Lor so lintrodiksion mizikal, nou retrouv ennform siplifie enn ritm afro-kibin. Li karakterizepar bann not kourt (diplet - 2 lor enn tan) ennapre lot. Kan lavwa rantre, li vinn pli kalm, pliskouma ritm lamars/laronn zanfan. Ena ennaksantiasion sa ritm la dan lintrodiksion mizikalmorso la avek lagitar solo e lagitar bas ki zweansam ansam.

Bout-an-bout, morso la deroule lor ennprogresion lakor depi mazer al ver lakor minere retourne. Bann lavwa individiel zanfan amennbann varyasion akoz sakenn so pitch diferan.Kan zot sant anker, armonizasion bien markanakoz ena enn sanzman dinamik.

Lagitar RitmikLagitar BasLagitar SoloLakok dizefRavannTabourinnLaflit

Sa ritm la fer rapel bokou ritm roumba. Melodibas an progresion dan bann finision fraz depinot ot ziska not ba kre kondision pou ena ennrepriz ritmik pli ot.

So lintrodiksion mizikal lor enn tonalite an oterdonn sa morso la enn depar armonik insertinsirtou kan li aret sek. Li kontinie avek enn serilavwa individiel zanfan lor mem tonalite mediferan pitch. Sa mintenir so eleman dinamik.Apre solo lagitar ki repran melodi prinsipal,lavwa ker zanfan rantre pou donn li enn bazarmonik statik. Morso la zwe lor bann lakormazer.

RavannLagitar BasLagitar SoloLagitar Akonpagnman

Version sa morso la al lor enn ritm bosanova. Lintrodiksion mizikal par mandolinn lor banntonalite pli ot ki lavwa ki rantre apre donnmorso la enn depar remarkab. Bann diferanlavwa bann ti zanfan avek diferan pitch kreenn kalite larmoni ase spesial. Dan deziemparti morso la, larmoni ranforsi par bann 2eme 3em lavwa an ker. Sante la zwe lor bannlakor mazer.

MandolinnLagitar BasLagitar AkonpagnmanRavannTanbourinn


Melodi

44

17. Mo mamape al dormi

Pronom, verb Tan prezan, pase, fitir,Pronom posesif

Lintrodiksion mizikal sa morso la onivomelodik koumanse avek ennkonversasion ant lagitar ek laflit kotsakenn reponn so kamarad dan 3 frazmizikal. Li koumanse dan enn tonaliteba e kontinie monte ziska sa amenn linivo kot lavwa solo rantre lor premiekouple. Melodi kouple fer par enn seriregroupman bann not (diplet) ki montean douser avan zot stabilize lor preskemem nivo kot zot finn arive lao.Lerlarefrin rantre. So melodi an 4 fraz lor zis3 not e li fini lor not pli ba.

18. Memenn Son, rim Silab avek son enn, moavek son enn, fraz avekson enn; rim

Ena 4 fraz melodik dan sak strof sa poemla. Nou retrouv enn melodi rakonte andouser, seki fer ki pena bann granvaryasion dan bann intonasion mem sikouple ek refrin pa resanble.Lintrodiksion mizikal morso la par kontdemontre bann gran lekar ant banntonalite ki al an montan.

16. There’s a holein the atmosphere

Lanvironnman/lekolozi Ler, latmosfer, lafore,polision, kous dozonn

Melodi sa morso la ena enn tonaliteinterpelasion. Savedir li koumans plitolor bann not ot e li repetitif. Anplis lienn morso bien plis melodik ki armonikakoz li difisil pou tini drwa lor bann lakor.Sekans so bann not al dan manier sotsote ki rapel boukou enn tradision lafrik.


45

Enn ritm lamars (1-2) bien repetitif sarye samorso la bout-an-bout.

Sa morso la zwe lor bann lakor mazer. Solintrodiksion mizikal dinamik akoz lagitar soloe laflit, de linstriman avek bann textir diferan,an konversasion. Lor tou lezot intermed mizikalnou retrouv mem interaksion dinamik enn kouavek lagitar, enn kou avek laflit e enn kou avekmandolinn. Bann parti vokal res statik dan zotarmonizasion avek enn sel nivo lavwa e sanprogresion bann lakor.

Lagitar SoloLagitar BasLagitar RitmikRavannLaflitArmonicaMandolinn

Nou dekouver enn ritmik balad lor fon ritmterner sega dan sa morso la. Ravann zwe lorenn ritm predominan roule modern.

Baz armonik deza bien dinamik danlintrodiksion mizikal sa morso la. Laflit e lagitarsolo zwe dan bann diferan direksion melodiklor ritm balad sega modern. Nou retrouv ennarmonizasion statik letan lavwa rantre danbann kouple. Lor bann refrin, plizir tonalitelavwa (2em e 3em vwa) vinn dinamiz larmonia diferan moman dan morso la. Mem si zotzwe bien ansam, bann melodi laflit e lagitarsakenn al dan zot direksion e kre enn bazdinamik pou larmoni.

Lagitar RitmikLagitar BasLagitar SoloLaflitKrapoRavann

Enn ritm vals diriz sa morso la (1-2-3) So baz armonik bien statik e repetitif. Li trouvso laspe dinamik atraver vokal ki fer a dedimounn. Bann lakor zwe an mazer.

Dizef TapazLagitar AkonpagnmanLagitar Bass


Melodi

46

20. Vakans vakans vakans

Vakans Repo, lwazir, sorti, lekilibant lwazir e letid

Melodi lintrodiksion mizikal sa morso lasorti depi lamizik magrebien sirtou akozmandolinn. Refrin fer ar 4 fraz mizikallor sistem kestion/repons. Bann tonaliteplito ba. Lor bann kouple, bann tonalitepran depi pli ot vinn pli ba.

19. Li met so enn danso de

Nimeresi Aprann konte Ena enn sel mem fraz melodik repetitifavek sak fwa sanzman bann sif. Sotonalite preske kouma enn litani.


47

Enn ritm karnaval (samba) prezan dan sa morsola. Lintrodiksion ki koumanse avek perkisionaksantie sa santiman la.

So baz armonik bien dinamik depi koumansmem so lintrodiksion mizikal. Bann lakor mazerprogres ver lakor miner dan enn demars kottonalite monte ziska retonbe kan kouple rantre.Bann refrin reprezant parti statik armonizasionavek tigit varyasion dan tonalite. Bann koupleresorti akoz zot koumanse avek bann tonalitepli ot e enn ti progresion lakor me touzour danmazer. Armonizasion fer ousi par lapor enndeziem vwa lor kouple e termine par soloarmonika lor fon lagitar bas lor dezieminstrimantal.

Lagitar RitmikLagitar BasKabasaRavannMaravannMandolinnLavwaArmonica

Sa ritm la baze lor enn zwe ant son ek silanslor enn rezis terner akot silans ki tande lor 4eme 5em beat donn li enn sakadman. Ritm la sortidepi sega tipik primitif.

Lintrodiksion mizikal par laflit e bann intermedant ant avek armonika e soufle labous kre ennbaz armonik avek enn gran varyasion not vitvit enn apre lot. 2 lakor mazer ale-vini partisipdan sa larmoni la lor bout kot ena lavwa la.

Lagitar AkonpagnmanLagitar BasLaflitRavannArmonicaSoufle LabousRiye

Allenson St LouisAnais GrenadeAnais JeanAnastasia QuirinAvathea BarryBrina LowtooEsthel NettaEmilie NettaJuliette SamKareshma ArekionKeisha JosonKelly GurbhooKessidy KistohurryKetty Gurbhoo

Levy JosonMadison JeanMaydison St LouisMegane RoussetyNancy QuirinPriyanka LowtooQueency PolidorQuessia CastorStephane NeerputhVarsha LowtooSorenza GaiquiJoanna OlivierGeorgina OlivierLouis Antoinette

Kenny ConstantRyan HumbertNathalia BremnerKevin ArekionGina ColasRozanne EtienetteStephan PhilippeMichel LabelleMarousia BouvéryJake FrancoisAurelie EléonoreJason BisnathO’brian Polidor

Alain Muneean lagitar, mandolinn, armonika, laflitAurelie Eléonore lakok dizefO’brian Polidor triyang, krapoCharles Gobin jerikannClifford Dahoo lagitarJake Francois tambourinnJason Bisnath (Timoumounn) kabasaJefferson Bisnath ravannMarousia Bouvéry ravann, maravannStephan Polidor ravannShawn Fanchon lagitar

Lavwa

Mizisien

Lanrezistreman: Layv Sant AbaimInzenyer Son: Philippe de Magnée (Filou)Lekritir, tradiksion, adaptasion, konpozision: AbaimLankadreman: Marie Ange Eleonore, Juliette Gurbhoo,Linda Netta ek Chantal DahooGrafix: toolBoxRemersiman: Tou bann paran zanfan ek sinpatizan ki finn donn koudme prepar e servi nou bann bon ti manze.Remersiman special: SBM

Gamma FoundationTandrayen Pillay

Finn inprim sa liv la lor papie ki respekte lanvironnman.Mersi MWT Paper Processing Ltd ki finn donn nou papie an kado.Linteryer Munken Polar 120gKouvertir Munken Polar 300g

Linpresion : T Printers

Prodiksion, edision ek distribision:Abaimc/o Colonel Maingard Govt. SchoolColonel Maingard StreetBeau BassinMauritiustel/fax: 230 466 [email protected]

N _ _ _ _ _ _ _ _ _ _ _ _ _ _ _ _O _ _ _ _ _ _ _ _ _ _ _ _ _ _ _ _P _ _ _ _ _ _ _ _ _ _ _ _ _ _ _ _Q _ _ _ _ _ _ _ _ _ _ _ _ _ _ _ _R _ _ _ _ _ _ _ _ _ _ _ _ _ _ _ _S _ _ _ _ _ _ _ _ _ _ _ _ _ _ _ _T _ _ _ _ _ _ _ _ _ _ _ _ _ _ _ _U _ _ _ _ _ _ _ _ _ _ _ _ _ _ _ _V _ _ _ _ _ _ _ _ _ _ _ _ _ _ _ _W _ _ _ _ _ _ _ _ _ _ _ _ _ _ _ _X _ _ _ _ _ _ _ _ _ _ _ _ _ _ _ _Y _ _ _ _ _ _ _ _ _ _ _ _ _ _ _ _Z _ _ _ _ _ _ _ _ _ _ _ _ _ _ _ _

BAR CODE

Zoli letan pou zanfan

Documents

Transcript of Zoli letan pou zanfan