Trilla á vefmiðum á... · 2018. 10. 15. · 2 Nótnarit í Gegni: 3 Innlendar tónbækur fyrir...
Transcript of Trilla á vefmiðum á... · 2018. 10. 15. · 2 Nótnarit í Gegni: 3 Innlendar tónbækur fyrir...
Háskóli Íslands
Hugvísindasvið
Hagnýt menningarmiðlun
Trilla á vefmiðum
Uppfærsla á www.siton.is, vefsíðu lítils
hagsmunafélags í skapandi greinum
Lokaverkefni til MA-prófs í hagnýtri menningarmiðlun
Gylfi Garðarsson
Kt.: 160156-5899
Leiðbeinandi: Sigurjón Ólafsson
September 2017
2 Trilla á vefmiðum
ÞAKKIR
Ég vil þakka leiðbeinanda mínum, Sigurjóni Ólafssyni, fyrir hans góðu leiðsögn með
verkefnið. Einnig færi ég Ármanni H. Gunnarssyni bestu þakkir fyrir alla hans
ósérhlífnu leiðsögn í aðdraganda verkefnisins og Sumarliða Ísleifssyni fyrir gott
utanumhald á lokaverkefnisferli Hagnýtrar menningarmiðlunar.
Síðast en ekki síst þakka ég mínu dásamlega fjölskyldufólki fyrir ómældan áhuga og
hvatningu.
3 Trilla á vefmiðum
ÁGRIP
Greinargerð þessi er lokaverkefni mitt í Hagnýtri menningarmiðlun við Háskóla
Íslands. Hún greinir frá undirbúningi að bættu vefsetri fyrir hagsmunafélag í skapandi
greinum að nafni Samband íslenskra tónbókaútgefenda (SÍTÓN).
Verkefnið tekur fyrir þarfagreiningu og kröfulýsingu verksins ásamt viðeigandi
undirþáttum. Farið er yfir helstu atriði vefmiðlunarfræðanna og leitast við að vísa í þau
þegar það á við í verkefninu.
Lagt var upp með þá tilgátu að vefkynning og vefsala á afurðum fjárlítilla aðila í
skapandi greinum sé mun happadrýgri með vefsíðu hagsmunafélags þeirra en með
vefsíðu hvers meðlims fyrir sig. Samtímis var athugað hvort lokað samskiptasvæði
félagsmanna á vefsíðu félagsins væri mögulegt og æskilegt. Niðurstaða verkefnisins
sýnir að vörukynning á vefsíðu félagsins er bæði gerleg og álitleg. Og sú var einnig
niðurstaðan varðandi lokað samskiptasvæði félagsmanna á vefsíðunni. Hins vegar sýnir
niðurstaðan að þótt netverslun með vörurnar sé gerleg þá er hún ekki æskileg fyrir
hagsmunafélag og jafnvel hættuleg fyrir svo lítið félag sem hér um ræðir.
Markmið verkefnisins er að það geti nýst að hluta eða í heild sem leiðarlýsing eða
gátlisti fyrir aðra litla hagsmunaaðila í skapandi greinum.
Heiti verkefnisins, Trilla á vefmiðum, er tvíhliða myndlíking. Það skírskotar annars
vegar til einyrkjans sem rær á nærmið vefsins á trillu sinni. Um leið gefur heitið í skyn
að þessi tiltekni einyrki sé fiskimaður tónlistarinnar (tónatrilla). Hvoru tveggja á við um
vefsíðu hagsmunafélagsins SÍTÓN og ekki síður um þær vefsíður sem félagsmennirnir
gera út hver um sig.
4 Trilla á vefmiðum
EFNISYFIRLIT
Þakkir ........................................................................................................................ 2
Ágrip.......................................................................................................................... 3
Efnisyfirlit ................................................................................................................. 4
Myndaskrá ................................................................................................................. 5
Inngangur .................................................................................................................. 6
1. Bakgrunnur verkefnisins ....................................................................................... 7
Söguágrip nótnamiðlunar á Vesturlöndum ........................................................... 7
Margt smátt – Vandi nótnaútgáfu á Íslandi ........................................................... 8
2. Tilgangur vefsíðunnar og vefmiðlunarfræðin ..................................................... 12
Flokkun og val þjónustusviða – Aðalskipulag .................................................... 12
Flokkun þjónustusviða samkvæmt Selcuk Cebi .................................................. 13
Fjögur þjónustusvið vefsíðunnar siton.is ............................................................ 15
Vefmiðlunarfræði hagnýtrar menningarmiðlunar ............................................... 17
Notandinn í fyrirrúmi – Hefðir, skimun, kjörnun, greiningar og fleira ............... 18
Tryggð við hefðir ............................................................................................ 19
Skimun ............................................................................................................ 20
Kjarni máls og beinar leiðir ............................................................................. 20
Með greiningu skal vef byggja ........................................................................ 22
3. Undirbúningur ..................................................................................................... 24
Greiningaraðferðir ............................................................................................... 24
Vefmælingar ........................................................................................................ 24
Flokkunaræfing ................................................................................................... 26
Samnburðarmat ................................................................................................... 26
Félag íslenskra bókaútgefenda (FÍBÚT) ......................................................... 27
Musikforlæggerne Danmark ........................................................................... 28
Forlagið útgáfa ................................................................................................ 29
Salka – Útgáfuhúsið Verðandi. ....................................................................... 30
Kröfulýsing .......................................................................................................... 31
Markmið eiganda vefsíðunnar ......................................................................... 31
Markhópar ....................................................................................................... 32
Efni og virkni .................................................................................................. 34
Leiðarkerfi og forsíða ...................................................................................... 36
5 Trilla á vefmiðum
Skissur af efstu skjámynd – Hugmyndir um lokaútlit ......................................... 38
Kannanir og viðtöl ............................................................................................... 41
Vefkönnun hjá skráðum notendum www.songbok.is ..................................... 41
Spurningakönnun hjá viðskiptavinum Tónastöðvarinnar ............................... 44
Viðtal við vefstjóra Forlagsins ........................................................................ 44
Kostnaður ............................................................................................................ 45
4. Framkvæmd ......................................................................................................... 47
Lén, vefumsjónarkerfi og þema/viðmótssnið ...................................................... 47
Viðbætur og hjálpartól ........................................................................................ 48
Greiningarvinna ................................................................................................... 49
Prófunarvefur settur upp ...................................................................................... 49
Efnisöflun inn á prófunarvef ............................................................................... 50
Kostnaðarathugun ................................................................................................ 50
5. Framhaldið .......................................................................................................... 51
6. Lokaorð ............................................................................................................... 54
Heimildaskrá ........................................................................................................... 56
Viðauki – Könnun um tónbækur á Netinu .............................................................. 57
Tölvupóstar til markhóps .................................................................................... 57
Könnunarspurningar ............................................................................................ 58
MYNDASKRÁ
Mynd 1 Skipurit þjónustusviða vefsíðna skv. Selcuk Cebi ..................................... 14
Mynd 2. Einbeitingarsvæði augnhreyfinga á vefsíðu með myndefni ..................... 20
Mynd 3 Langi hálsinn og halinn skv. G.McGovern ................................................ 21
Mynd 4 Forsíða núverandi vefs ............................................................................... 25
Mynd 5 Upplýsingar um útgefanda ......................................................................... 35
Mynd 6 Vara X: Grunnvörulýsing ......................................................................... 36
Mynd 7 Vara X: Tengiupplýsingar ......................................................................... 36
Mynd 8 Líklegt upplýsinga- og afgreiðsluferli í netverslun ................................... 52
6 Trilla á vefmiðum
INNGANGUR
Í þessari greinargerð birtist fræðilegi hluti lokaverkefnis míns um vefmiðlun í hagnýtri
menningarmiðlun frá Háskóla Íslands. Verklegi hlutinn felst í vefsíðuuppfærslu sem
styðst við þær niðurstöður sem hér verður lýst.
Í greinargerðinni verður farið yfir bakgrunn, undirbúning og framkvæmd á
uppfærslu vefsíðu lítils hagsmunafélags í skapandi greinum. Félagið heitir Samband
íslenskra tónbókaútgefenda (SÍTÓN) og vefsíðan er siton.is.
Viðfangsefni verkefnisins er ekki valið af handahófi því ég hef sjálfur starfað við
tónbókaútgáfu frá 1986 og var hvatamaður að stofnun SÍTÓN árið 2012.
Sem upphafsmaður og formaður SÍTÓN frá stofnun hef ég eðlilega velt mikið fyrir
mér hvernig Netið getur nýst í þágu félagsmanna. Vefsíðan siton.is var sett upp á fyrstu
vikum félagsins til að miðla tilvist þess og fréttum sem varða félagið ásamt því að gera
grein fyrir útgefendum í félaginu. Vefsíðan hefur ekki sinnt annarri þjónustu og verður
að telja hana fremur staðan upplýsingamiðil (e. static medium) fyrir félagið. Samkvæmt
flokkun sem rædd er síðar í greinargerðinni mun núverandi þjónusta vefsíðunnar
flokkast sem sú einfaldasta (lágmarks kynning) af fjórum mögulegum þjónustusviðum
slíks vefs.
Frá upphafi hefur stefna félagsins verið að bæta inn á vefsíðuna kynningum um
útgefið efni félagsmanna og jafnvel netsölu þess. Að auki verður í verkefninu skoðað
hvernig innri vefur gæti þjónað félagsmönnum og hvort umfang við uppsetningu og
rekstur innri vefs sé innan skynsemismarka fyrir svo lítið félag.
7 Trilla á vefmiðum
1. BAKGRUNNUR VERKEFNISINS
Vefsíðan sem þetta vefmiðlunarverkefni fjallar um er www.siton.is. Þar er vettvangur
hagsmunafélagsins Samband íslenskra tónbókaútgefenda (SÍTÓN) til að kynna sig og
hið afmarkaða fag innan skapandi greina sem félagið nefnir tónbókaútgáfu. Til að fá
innsýn í bakgrunn og inntak verkefnisins er eðlilegt að líta á örstutt yfirlit yfir sögu
vestrænnar og innlendrar nótnamiðlunar og íhuga tilgang og markmið með vefsíðunni.
Söguágrip nótnamiðlunar á Vesturlöndum
Miðlun ritaðrar tónlistar á Vesturlöndum, þ.e. nótnarita og nátengdra prentgripa, á rætur
að rekja til útbreiðslu tíðarsöngs kirkjunnar á miðöldum1. Þótt vísbendingar um
tónatákn megi greina í munum frá grískri fornmenningu og síðar þá er það fyrst á
miðöldum að sú þróun hefst sem leiddi til nútíma nótnaritunar. Á dögum Mozarts má
segja að nótnaritunarkerfið hafi náð fullum þroska. Á einu sviði sat nótnamiðlun þó enn
föst í gömlu handverki með þeim afleiðingum að ávinningur af prentbyltingu
Gutenbergs og síðar offsetprentunar nýttist nótnamiðlun aðeins að hluta. Sjálf
nótnasetningin, það að grafa hverja blaðsíðu í pjáturplötu, varð nefnilega ekki
betrumbætt fyrr en undir lok 20. aldar. Hafði nótnagrafið þá verið notað svo til óbreytt
í um 500 ár. En loksins, eftir fimm alda bið, komu fram tvær tækninýjungar á árunum
eftir 1970 sem stökkbreyttu faginu, þ.e. ljósritunarvélin og tölvan. Bæði tækin
auðvelduðu framleiðsluferlið til muna en einnig miðlunina. Engu að síður reyndust þau
á endanum mikið skaðræði fyrir tekjugrunn útgefenda og höfunda. Framan af var
ljósritunarvélin í sviðsljósinu og nýttist aðallega til að auðvelda undirbúning fyrir
prentun. En eftir því sem möguleikar tölva til myndrænnar vinnslu urðu betri fór að
bera á tilraunum til að nýta tölvutækni fyrir alla verkþætti nótnaritunar. Stökkbreyting
varð með tilkomu svonefndrar „skrifborðsútgáfu“ (e. desktop publishing) um 1985. Á
innan við áratug hafði gamla nótnagrafinu verið bylt úr sessi. Um 1995 var sú bylting
afstaðin.
Sem stafrænar myndir lá beint við að hinar nýju afurðir nótnasetningar hentuðu
fullkomlega nýju afsprengi tölvutækninnar, Netinu. Sömuleiðis lá beint við að
útgefendur og aðrir hagsmunaaðilar myndu nýta þá öflugu möguleika til fjölmiðlunar
nótna sem vefmiðlun býður upp á. Svo mikið er víst að hin nýja tækni reyndist hinn
1 Saga nótnaritunar í suttu ágripi: https://notendur.hi.is/gyg9/notnaritun-sagan-i-stuttu-agripi.pdf
8 Trilla á vefmiðum
mesti happafengur almennum notendum nótnarita, t.d. tónlistarskólum. En því miður
fyrir höfunda og útgefendur þá gróf þessi þróun verulega undan sölu nótnarita eins og
fyrr er getið. Sú öfugþróun hófst með tilkomu ljósritunarvéla eftir 1970. Upp frá því
stigmagnaðist ólögleg afritun og varð svo að segja stjórnlaus þegar óheft netmiðlun
nótna var komin á fullan skrið eftir síðustu aldamót. Um 2010 höfðu réttindahópar
útgefenda og höfunda ekki enn fundið leiðir til að girða fyrir ólöglega dreifingu eða
skapa arðbæra vefmiðlun á nótnaefni sínu. Útlitið var slæmt og leiddi af sér mikla
samþjöppun nótnaútgefenda á Vesturlöndum, líklega meiri samþjöppun en sést hafði í
almennri prentútgáfu.
Eftir 2010 hafa helstu hagsmunaaðilar í vaxandi mæli fetað sig inn á braut
vefmiðlunar með því hugarfari að mæta notendum nótnarita á forsendum hinnar nýju
miðlunartækni. Kynning, samsetning og verðlagning vefmiðlaðra nótna fellur nú betur
að kröfum um meiri fjölbreytni og upplýsingar, persónumiðaðra vöruúrval og
hagstæðari miðlun. Leiðin að þessu markmiði hefur tekið merkilega langan tíma en
forleggjurum til varnar má segja að eftir aldarlanga kyrrstöðu var líklega ógerlegt að
fylgja þeim hraða sem stökkbreyting tölvutækninnar kastaði í fang þeirra.
Margt smátt – Vandi nótnaútgáfu á Íslandi
Fram til ársins 2012 höfðu nótnaútgefendur á Íslandi ekki stofnað til sérstaks
hagsmunafélags um sitt svið. Hin nýja tækni nótnasetningar hafði þó haft mjög
greinileg áhrif hér á landi eins og sést á miklum vexti í útgáfu nótnarita á áratugnum
1985 til 1995 skv. skrám Landsbókasafns Íslands2 (Gylfi Garðarsson, 2015). Með
örfáum undantekningum hafði nótnaútgáfa í landinu verið borin uppi af
einstaklingsframtaki án formlegs bakstuðnings svo nokkru nemi. Er svo reyndar enn að
miklu leyti. Auk einstaklingsútgefenda gáfu almenn bókaforlög út eitt og eitt nótnarit á
stangli, líklega fyrir sakir vensla eða vinskapar í flestum tilfellum. Álíka sögu má segja
um nótnaútgáfu Námsgagnastofnunnar3. Innan kirkjunnar var sálmasöngsbókin sem
dómorganistar útbjuggu 1935 endurprentuð óbreytt fram undir aldamót en fátæklegt
viðbótarkver fékkst naumlega útgefið 1976. Eftir 1995 sneri kirkjan hins vegar við
blaðinu og hefur síðan verið eina stönduga stofnun landsins sem stutt hefur nótnaútgáfu
myndarlega í gegnum forlag sitt, Skálholtsútgáfuna. Árin 1961-1966 stóð
2 Nótnarit í Gegni: https://notendur.hi.is/gyg9/notnarit-i-gegni-_almenn-kynning_2.pdf 3 Innlendar tónbækur fyrir skóla og kirkjur 1935-2014: https://notendur.hi.is/gyg9/2015/03/innl-
tonbaekur-fyrir-skola-og-kirkju-1935-2014.pdf
9 Trilla á vefmiðum
Menningarsjóður (ríkisins) að ritröðinni Musica Islandica sem var nótnaútgáfa á
verkum valinna íslenskra tónskálda. 1968 tók Íslensk tónverkamiðstöð við því kefli og
hefur síðan þá haldið utan um nótur íslenskra tónskálda í félaginu. Aðallega hefur
félagið staðið að skráningu og erlendri kynningu verkanna en ekki formlegri útgáfu
þeirra þótt nokkur dæmi séu um það. Félagið hefur frá upphafi notið árlegs framlags úr
ríkissjóði, sem hefur staðið undir húsnæði og lágmarks starfsemi. Örfá dæmi eru um
starfsemi sérstakra nótnaútgáfa fyrir 1980 en af örlögum þeirra má ráða að þau hafi
ýmist skort burði eða meðbyr til langlífis (Drangeyjarútgáfan, Hljóðfærahús
Reykjavíkur, Landsútgáfan).
Eins og þessi frásögn ber með sér var orðið ærið tilefni til að íslenskir
nótnaútgefendur fylktu liði um hagsmuni sína um síðustu aldamót. Af nógum
verkefnum var að taka, til dæmis samhæfingu í útgáfumálum. Er þá ekki síst átt við þá
möguleika sem vefmiðlun býður upp á.
Almenn bókaforlög á Íslandi hafa átt erfitt með að fóta sig þegar vefmiðlun er annars
vegar og hafa sum þó prófað ýmsar leiðir í þeim efnum. Með það í huga þarf ekki að
koma á óvart að hin fáu og smáu nótnaforlög landsins hafa litla sem enga tilburði sýnt
til eiginlegrar vefmiðlunar. Til þess hefur skort ýmsar forsendur, fyrst og fremst
fjárhagslegar. Óhætt er að fullyrða að þessi staða standi innlendri nótnamiðlun fyrir
þrifum og takmarki mjög flæði innlends nótnaefnis til notenda. Til að bregðast við þessu
er hægt að feta ýmsar leiðir. Eins og sagan kennir þá er sú augljósasta yfirleitt að
sameina kraftana og með það að markmiði var í maí 2012 loksins stofnað
hagsmunafélag útgefenda prentaðra tónbóka á Íslandi. Félagið hlaut nafnið Samband
íslenskra tónbókaútgefenda, skammstafað SÍTÓN. Aðild að systursamtökum á
Norðurlöndum og alþjóðlega fékkst um leið og eftir því var leitað vorið 2013.
Mikilvægasti byrjunarávinningur félagsins var viðurkenning gerðardóms á rétti SÍTÓN,
f.h. innlendra nótnaútgefenda, til þóknunar vegna ljósritunar nótnaefnis í skólum
landsins. Eitt af mörgum öðrum verkefnum hins unga félags er að bregðast við
umbyltingu á miðlun prentaðs efnis með stafrænum aðferðum tölva, skanna og Netsins.
Fáeinir útgefendur hafa sett upp sína eigin vefsíðu til að kynna útgáfuefnið. Þrjár af
þessum vefsíðum bjóða upp á bein kaup á vefnum (netverslun) en hinar eingöngu
vörukynningu. Hönnun og viðmót eru með afar ólíku sniði eins og eftirfarandi skjáskot
sýna. Tvær virkustu vefsíðurnar tilheyra Skálholtsútgáfunni og Gítarskólanum og eru
báðar með netsölu. En eins og sést þá eru þær mjög ólíkar, enda með afar ólíka
markhópa.
10 Trilla á vefmiðum
Skálholtsútgáfan er útgáfufélag þjóðkirkjunnar sem hefur m.a. það hlutverk að styðja
við tónlistarstarf í kirkjum
og söfnuðum landsins
með útgáfu vandaðs
tónbókaefnis. Útgáfan
notar hið íslenska Zolon
netverslunarkerfi frá io
ehf til að kynna og selja
sínar vörur.
Gítarskólinn er rekinn af Eyþóri Þorlákssyni gítarleikara og syni hans Sveini til að
miðla eigin gítartónsmíðum, kennsluefni og útsetningum, aðallega út fyrir Ísland.
Vefsíðan hefur íslenskt, enskt og spánskt viðmót og mest af efninu er gjaldfrjálst. Af
þeim ástæðum fær hún
mikið innlit erlendis frá og
eru mörg dæmi um notkun
efnisins á Youtube
myndskeiðum í Evrópu,
báðum Ameríkuálfunum
og Asíu.
Söngbók.is er vefmiðlun Nótuútgáfunnar sem höfundur þessa verkefnis rekur.
Vefsíðan er fyrst og
fremst ætluð til
vörukynningar en með
því að nota sama
netverslunarkerfi og
Skálholtsútgáfan (Zolon)
þá geta notendur keypt
bækurnar á vefnum ef
þeir vilja.
11 Trilla á vefmiðum
Fjórir eftirfarandi útgefendur í SÍTÓN nota vefsíðu til vörukynningar án söluvirkni
og eru skjáskot af vefsíðum þeirra fyrir neðan listann:
• Opus Music Theory (opusmusic.is og garmur.is/opus)
• Ísalög (isalog.info)
• Nótnaútgáfa BÞV (pianonam.is)
• Nótnaútgáfa Þ.M.G (gitarleikur.is)
Með því verkefni sem hér birtist er kastljósinu beint að vefsíðu hagsmunfélags
ofantalinna og fleiri útgefenda, siton.is, og skoðað hvaða áskorunum sem fyrr eru rakin
sé hægt að mæta í fyrirhugaðri uppfærslu vefsíðunnar.
12 Trilla á vefmiðum
2. TILGANGUR VEFSÍÐUNNAR OG VEFMIÐLUNARFRÆÐIN
Til að sjá hvaða vefmiðlunarfræði koma við sögu í þessu verkefni fannst mér
nauðsynlegt að íhuga vel hvaða tilgangi vefsíðan siton.is ætti að þjóna. Má segja að í
því felist að vefsíðunni sé mörkuð ákveðin stefna og grunnur að kröfulýsingu. Þó að
verkefnið sé á því sviði menningarmiðlunar sem kallast vefmiðlun þá mun vefsíðan sem
verkefnið fjallar um ekki standa fyrir birtingu á sjálfu innihaldi þeirra menningarafurða
sem vefsíðan snýst um. Það er ekki tilgangur vefsíðunnar að birta höfundaréttarvarið
efni nema e.t.v. sýnidæmi sem ekki þarf leyfi til að birta.
Fyrirfram er ætlað megin hlutverk vefsíðunnar að miðla upplýsingum á tilteknu
sviði innan skapandi greina, þ.e. tónbóka. Nánar tiltekið væri tilgangur siton.is
samkvæmt þessu verkefni að:
1. Kynna fagsvið SÍTÓN, félagsmenn og störf þeirra
2. Auðvelda samskipti um innri málefni félagsins
3. Kynna afurðir félagsmanna (vörurnar)
4. Efla viðskipti (eigin eða annarra) með afurðirnar
Hér reynir á ýmis fræði vefmiðlunar og verður nú fjallað um þau helstu.
Flokkun og val þjónustusviða – Aðalskipulag
Þegar skilgreining á hlutverki og tilgangi vefsíðu liggur fyrir er hægt að átta sig á hvaða
þjónustusvið þarf að setja upp á henni. Þetta eru grunnsvið vefsvæðisins sem likja má
við aðalskipulag sveitarfélaga. Vegna mikilvægis síns þótti mér til vinnandi að athuga
hvort finna mætti á Netinu fræðilega umfjöllun um flokkun þjónustusviða vefsíðna.
Leitin fór fram með því að nota leitarorðastrengi sem höfðu orðin „website design“ í
aðalhlutverki. Var leitað bæði á almenna hluta Google leitarvélarinnar en einnig á
Google Scholar til að skoða rannsóknagreinar. Markmiðið var að finna heimildir sem
skilgreina vel þjónustusviðin sem fyrirhuguð eru á vefsíðunni þannig að forgangsröðun
verkefna við uppsetningu siton.is gæti verið skipulegri en ella og í skynsamlegu
kostnaðar- og tímasamhengi. Niðurstaðan var að horfa til flokkunar sem birt er í
rannsókn Selcuk Cebi frá 2013, Determining importance degrees of website design
parameters based on interactions and types of websites (Cebi, 2013).
13 Trilla á vefmiðum
Til hliðsjónar hafði ég listann að ofan um fjórskiptan tilgang vefsíðunnar sem er um
leið forgangsflokkun. Áður en lengra er haldið er við hæfi að líta aðeins betur á hvern
lið í listanum.
Í fyrsta lagi á vefsíðan að miðla upplýsingum um útgefendur tónbóka innan
hagsmunafélagsins SÍTÓN og fagið sem slíkt. Þessu hlutverki sinnir vefsíðan að
einhverju leyti nú þegar en gæti gert því mun betri skil.
Næst í forgangsröðinni er að athuga hvort tilefni sé til að bjóða upp á afmarkaðan
aðgang að vefsíðunni eða innri vef fyrir félagsmenn. Við skoðun á vefsvæðum ýmissa
hagsmunafélaga á Netinu sést að flest þeirra hafa þennan þjónustuþátt sem hluta af
viðkomandi vefsíðum. Eins og vænta má er tilgangur þeirra oftast samskipti um
viðkvæmar upplýsingar svo sem taxta, samninga, styrki, fundargerðir og önnur
hagsmunamál sem ekki eiga heima á opnum vettvangi.
Í þriðja lagi þarf að skoða hvort miðlun vöruupplýsinga um afurðir útgefendanna
sé möguleg á vefsíðunni og skoða hvernig framsetning á slíkri kynningu sé best fyrir
komið.
Nátengt vörukynningu eru bein viðskipti með afurðirnar eða netverslun. Þar þarf
hins vegar að hafa hugfast að bæði uppsetning og rekstur slíks þjónustusviðs er margfalt
umfangsmeiri en upplýsingamiðlun um starfsemi og vörur. Þessi liður er þar af leiðandi
hafður í fjórða sæti forgangsflokkunar þjónustusviða vefsíðunnar enda vel mögulegt að
netverslun á afurðunum sé betur fyrir komið á annarra vegum. Engu að síður er óhætt
að ganga út frá að þótt netverslun með afurðir félagsmanna fari ekki fram á vefsvæði
félagsins þá sé æskilegt að félagið hafi undir höndum nýtanlega skilgreingu um
framsetningu slíks þjónustusviðs, skilgreiningu sem henti í tilfelli tónbóka.
Flokkun þjónustusviða samkvæmt Selcuk Cebi
Í rannsókn Selcuk Cebi 2013 er meðal annars litið til möguleika og aðferða til að flokka
vefsíður og þjónustur þeirra eftir eðli og hlutverki. Rannsóknin er viðbót við rannsókn
hans frá árinu á undan, A quality evaluation model for the design quality of online
shopping websites. Eins og heiti greinanna gefa til kynna var Cebi að rannsaka hvernig
nota má greiningu á viðmótshegðun notenda til að gera þjónustur vefsíðna skilvirkari.
Leiðir hann m.a. fram reikniformúlur (algrím) til að flýta fyrir og auðvelda svörun
vefsíðna. En það var annað í skrifum Cebi sem vakti athygli mína í tengslum við
vangaveltur um skilgreiningu þjónustusviða á vefsíðum.
14 Trilla á vefmiðum
Eitt af verkefnum í rannsókn Cebi 2013 var að skoða hvernig flokkun þjónustusviða
vefsíðna er skilgreind í fjórum eldri rannsóknum aðskilinna fræðimanna á árunum
2003-2011. Í skýrslu sinni leggur Cebi sjálfur til sína eigin flokkun með hliðsjón af
rannsóknum hans og annarra. Eftir að hafa kynnt mér þær flokkunarskilgreiningar sem
Cebi skoðaði og borið þær saman við hans eigin útfærslu þótti mér niðurstaða hans
rökrétt og ákvað að hafa hliðsjón af hans flokkun að svo miklu leyti sem það getur átt
við í þessu verkefni.
Skv. niðurstöðum Cebi skipta eldri rannsóknirnar þjónustuliðum vefsíðna í 4-6
flokka án undirflokka. Ekki er ástæða til að ígrunda þær niðurstöður hér en þær má
finna í grein Cebi (2013) til frekari glöggvunar. Niðurstöðu hans sjálfs skal hins vegar
getið nánar. Þar leggur hann til skilgreiningu á 2-3 megin þjónustusviðum vefsíðna og
7 undirflokkum þeirra. Megin sviðin skilgreinir hann eftir tveimur aðal hlutverkum en
ef vefurinn inniheldur bæði hlutverkin skilgreinir hann það sem þriðja sviðið, þ.e.
blöndu hinna beggja. Tvö aðal hlutverkin eru viðskipti (e. commercial) og þjónusta (e.
service). Hið þriðja á svo við þegar bæði aðal hlutverkin koma saman (e. mixed type).
Viðskipta-hlutverkinu fylgja svo 3 undirflokkar og þjónustuhlutverkinu fylgja 4
undirflokkar. Blandaði flokkurinn getur síðan innihaldið alla 7 undirflokka viðskipta og
þjónustu.
Flokkun Cebi eftir hlutverki vefsíðna er lýst með eftirfarandi skipuriti í greininni.
Minnt er á að undir „Mixed Type“ heyra allir undirflokkar „Commercial“ og „Service“
yfirflokkanna þó skipuritið sýni það ekki.
Mynd 1 Skipurit þjónustusviða vefsíðna skv. Selcuk Cebi
Með rómverskum tölum verður flokkun Cebi svohljóðandi:
I. Commercial Type
15 Trilla á vefmiðum
i. B2B (business to business. T.d. heildsala eða ráðgjöf)
ii. B2C (business to customer. Smásala, t.d. Amazon eða Hópkaup.is)
iii. C2C (customer to customer. Notendasala, t.d. Bland.is)
II. Service Type
i. Self Service (sjálfsafgreiðsluvefir, t.d. Skattur.is eða heimabankar)
ii. Information (upplýsingavefir, t.d. frétta- eða fræðsluvefir)
iii. Entertainment (afþreyingarvefir, t.d. leikjavefir eins og Eve online)
iv. Communication (samskiptavefir, t.d. Facebook)
III. Mixed Type
I. Commercial (með undirflokkum I: i-iii)
II. Service (með undirflokkum II: i-iv)
Þótt rannsóknir Selcuk Cebi fjalli að mestu um atriði eins og algrím fyrir
notendahegðun, þá er niðurstaða hans varðandi flokkun þjónustusviða vefsíðna það eina
úr grein hans 2013 sem kemur við sögu í þessu verkefni. Til viðbótar er viðeigandi að
geta þess að mikilvægur hluti í grein hans er tilgreining eldri rannsókna sem hann hafði
til skoðunar. Þetta skiptir máli þegar haft er í huga hve vefmiðlunfræði er ungt
fræðasvið og vandaðar rannsóknir á sviðinu fáar og afskekktar. Hugsanlega eru
aðgengileg gögn um slíkar rannsóknir algengari en hér er ályktað en víst er að í grein
Cebi má finna haldgott yfirlit yfir fræðilegar rannsóknir um vefmál fram til 2012. Af
heimildaskrá greinarinnar má einnig sjá hve ung þessi fræði eru því rannsóknirnar eru
hlutfallslega fáar og ná stutt aftur í tímann. Getið er rannsókna aftur til 1995 og þeim
fer greinilega fjölgandi þegar nær dregur nútímanum. Má ætla að það gefi fyrirheit um
mikla aukningu í rannsóknum á komandi árum.
Fjögur þjónustusvið vefsíðunnar siton.is
Eins og fyrr er getið hafði ég fyrirfram flokkað mögulega þjónustuliði siton.is í fjögur
svið þar sem þeim er forgangsraðað með tilliti til undirbúnings, uppsetningar og
reksturs á viðeigandi þjónustuliðum vefsíðunnar. Nr. 1 er metið það hlutverk sem er
hlutfallslega mikilvægast en útheimtir minnstu fyrirhöfnina að koma upp og halda við.
Nr. 4 er það hlutverk sem krefst mestrar fyrirhafnar að koma á fót og halda við.
Séu þjónustusviðin fjögur flokkuð skv. skilgreiningu Cebi myndi vefsíðan falla
undir yfirflokkinn „Mixed Type“ (III) ef hún hefði með höndum bæði
upplýsingamiðlun og viðskipti, þ.e. „Information“ (upplýsingamiðlun) og „B2C“
16 Trilla á vefmiðum
(netverslun). Sé hlutverki innri vefs bætt við þjónustu síðunnar kæmi flokkurinn „Self
service“ til sögunnar. Ef viðskiptaliðurinn er tekin úr listanum verður vefsíðan
eingöngu Service-Type (II).
Að teknu tilliti til flokkunar Cebi gæti upphaflegi listinn fyrir forgangsflokkun nú
fengið eftirfarandi skilgreiningu þar sem rómverskar tölur vísa í flokkun hans:
1. Ytri vefur A: (II-ii) Kynning á faginu, meðlimum félagsins og störfum þeirra
2. Innri vefur: (II-i) Lokað samskiptasvæði meðlima félagsins
3. Ytri vefur B: (II-ii) Kynning á útgefnu efni meðlima (vörum og þjónustu)
4. Ytri vefur C: (I-i+ii) Sala á vörum og þjónustu, smásala og e.t.v. heildsala
Flokkunarskilgreining Cebi breytir í sjálfu sér ekki upphaflega listanum. Það sem
flokkunarniðurstaða hans gerir hins vegar er að renna fræðilegum stoðum undir
upphaflegu flokkunina á þjónustusviðum siton.is með röklegu samhengi sem er
gagnlegt til að forgangsflokka vefuppsetningar. Samlíkingin í upphafi kaflans við
aðalskipulagsvinnu sveitarfélaga felst í að þar, líkt og með flokkun þjónustusviða
vefsíðna, eru hlutverk aðskilinna landsvæða fyrirfram ákveðin til að forgangsflokka í
senn óhjákvæmilega, æskilega og mögulega nýtingu þeirra þótt ekki verði allir
nýtingarmöguleikar raungerðir strax. Líkt og með aðalskipulag gerir ofangreind
forgangsflokkun kleift að skipuleggja langtímahlutverk vefsvæðis og verkefnastýra
uppsetningu þjónustusviðanna í rökréttri kostnaðar- og tímaröð á hverjum tíma.
Áður en skilið er við vangaveltur um fræðilega flokkun þjónustusviða vefsíðna er
vert að geta þess að þegar leitað er að fræðilegri umfjöllun um ofangreind 4 svið kemur
fljótt í ljós að mjög mikill munur er á framboði af efni til að styðjast við, frá einu sviði
til annars.
Undir þau svið sem að ofan eru listuð nr. 1 og 3 má fella þá þjónustuþætti sem eru
lang algengastir á Netinu svo sem spjallþræði og upplýsingavefi af öllum gerðum og
stærðum. Á það jafnt við um vefmiðlun á vegum einstaklinga, félagasamtaka, fyrirtækja
eða stofnana – frá einkabloggi og einföldum smávefsíðum til Já.is og Facebook. Fagleg
umfjöllun um þessi svið er nokkuð víðtæk og af miklu að taka.
Innri vefir, liður nr. 2 í ofangreindum lista, virðast hafa notið lítillar fræðilegrar
athygli lengi vel. Talsverða breytingu á því má hins vegar greina á undanförnum árum
og er nú hægt að finna ýmislegt bitastætt í þeim efnum, t.d. í útgefnu efni sem tilgreint
var í vefmiðlunarnámskeiðum H.Í. 2016, HMM228F og RÚT801F.
17 Trilla á vefmiðum
Liður nr. 4 í ofangreindum lista tekur til hvers konar þjónustu á vefsíðu með
greiðslumiðlun. Fræðileg umfjöllun um þetta svið virðist lítið skarast við umfjöllun um
hin þrjú og þarf greinilega að leita á önnur mið til að nálgast gagnlega umfjöllun
sérstaklega um þetta svið. Skýringar á þessu eru væntanlega ýmsar en ætla má að
umfjöllun um það svið fari að mestu fram innan markaðs- og viðskiptafræða auk
raungreina vegna tæknihlutans (verkfræði, stærðfræði, forritun osfrv.).
Vefmiðlunarfræði hagnýtrar menningarmiðlunar
Í ofangreindri umfjöllun um flokkun þjónustusviða var minnst á framboð af fræðilegri
umfjöllun um vefmiðlun, t.d. ritrýndar rannsóknir og bækur. Var þá m.a. átt við
umfjöllun sem kafar vel undir efstu lög notendaviðmótsins. Hér mætti nefna Handbook
of human factors in web design (Vu og Proctor, 2011) og Unified Theory of Acceptance
and Use of Technology (UTAUT) (Al-Qeisi, Dennis, Alamanos og Jayawardhena,
2014). Í báðum bókunum er tekin fyrir mannleg hegðun gagnvart vefviðmóti og reynt
að varpa ljósi á helstu áhrifaþætti hegðunarinnar. Bókanna er víða getið og virðast þær
hafa leitt af sér lífleg umsvif á fræðasviði vefmiðlunar. Fræðileg umfjöllun um
tæknilegar og viðskiptalegar undirstoðir vefsvæða væri sömu leiðis áhugaverð ef því
væri að skipta.
Frá sjónarhóli hagnýtrar menningarmiðlunar er hins vegar yfirleitt ekki ástæða til að
kafa mjög djúpt í veffræðin þótt áhugaverð séu. Í hagnýtri menningarmiðlun felst sú
sérþekking að geta valið álitlegustu miðlunarleiðina fyrir efnivið menningar hverju
sinni en kalla til sérfræðinga þegar laga þarf „vélina“ og „farartækið“. Á heimasíðu
HMM4 segir að námið sé „fyrir þá sem vilja leggja fyrir sig störf í menningargeiranum“.
Sannarlega þarf menningarmiðlari að þekkja umfjöllunarsvið vefmiðlunar þokkalega.
Mikilvægara fyrir hann er þó að vita nokkurn vegin hvaða sérþekkingu reynir á og
hverja þarf að kalla til ef þörf krefur. Með hliðsjón af því er mikið af umfjöllunarefni
að finna, prentað og á Netinu, sem byggir jöfnum höndum á formlegum og óformlegum
rannsóknum sem og reynsluheimi þeirra sem taka þátt í umræðunni. Til þeirra fræða
leitar hagnýt vefmiðlun yfirleitt að svörum og verður nú litið nánar á þau helstu.
4 Hagnýt menningarmiðlun við Háskóla Íslands: http://menningarmidlun.hi.is/um-namid/
18 Trilla á vefmiðum
Notandinn í fyrirrúmi – Hefðir, skimun, kjörnun, greiningar og fleira
Tilgangur flestra ef ekki allra vefsíðna er miðlun upplýsinga og gagna á milli fólks.
Stundum gagnvirkt. Í orðræðu um vefmál er manneskjan sem situr við skjáinn og nýtir
þjónustu á Netinu nefnd „notandi“. Óhætt er að fullyrða að áherslan á að skilja
notandann hafi vaxið í takt við aukinn skilning um að það er hann, notandinn, sem öll
fyrirhöfnin snýst um. Mikilvægast þykir að ná góðu sambandi við notandann og
auðvelda honum sem mest samskiptin á vefsíðum. Eftir því sem vefmiðlun hefur þróast
hafa margs konar aðferðir komið fram til að gera miðlunina og notendaupplifunina
skilvirkari. Snúast þær aðallega um að greina hegðun og hugsanir notenda svo sem
líkamsbeitingu, feril um vefsvæði og viðhorf. Hreyfingar augna eru rannsakaðar,
smelliferlar eru raktir, notendaprófanir fara fram leynt og ljóst og könnuð eru viðhorf
og afstaða frá minnstu til stærstu atriða. Í mannlegri hegðun vefnotenda má fyrirfram
ganga að mörgu vísu. En alls ekki öllu. Það þarf að rýna og skoða til að sjá hvort
hugmyndir okkar um mikilvæg hegðunaratriði notenda standist eða ekki. Hefðir og
vanahegðun á Netinu eru stundum aðrar en við höfum talið og það getur verið dýrkeypt
að fylgjast ekki með. Þar koma sérfræðingar og ráðgjafar til sögunnar.
Enginn skortur er á alþjóðlegum sérfræðingum á sviðið vefmiðlunar. Á meðal þeirra
eru fáeinir sem hafa komið við sögu hagnýtrar vefmiðlunar um langt skeið. Hér heima
er Sigurjón Ólafsson einn þeirra sem hefur lagt mikið af mörkum, ekki síst með bók
sinni Bókin um vefinn: Sjálfshjálparkver fyrir metnaðarfulla vefstjóra (Sigurjón
Ólafsson, 2015). Eins og vænta má af fyrstu bók sinnar tegundar á íslensku þá leggur
Bókin um vefinn áherslu á skilvirk og hagnýt grundvallaratriði fyrir vefstjóra. Sem
samþjappað fræðslurit eða kver er eðlilegt að þar vanti ýmislegt á dýpt og breidd. En
um leið sýnir það trúnað höfundar við kenningar í bókinni um að láta það mikilvægasta
ganga fyrir. Skiljanlega verður yfirgripsmikið fræðiefni í veffræðum seint útgefið í
íslenskri bók. Óhjákvæmilegt verður að nálgast það áfram á ensku eða öðrum
tungumálum. Í bók Sigurjóns eru sumir viðurkenndustu ráðgjafar í vefumræðu á ensku
kynntir og kjarninn í ráðgjöf þeirra. Þar koma m.a. við sögu Gerry McGovern, Jakob
Nielsen, James Robertson, Paul Boag og Steve Krug. Til einföldunar má draga helstu
atriði í máli þeirra saman í einfaldar viðmiðunarreglur.
• Hefðir ber að virða.
• Efni þarf að forgangsraða eftir mikilvægi fyrir notendur og vera auðskimað.
• Efni sem er lítið eða ekkert skoðað má oftast fjarlægja (oft >70% efnis).
19 Trilla á vefmiðum
• Hegðun notenda þarf að sígreina til að geta bætt þjónustu vefsins.
• Allt að ofan, ásamt öðru, gildir einnig um innri vefi.
Tryggð við hefðir
Spakmælið segir að erfitt sé að kenna gömlum hundi að sitja. Það þarf því ekki að koma
á óvart að vanahegðun er útbreidd á internetinu eins og annars staðar. Í upphafi Netsins
var fyrirmyndin að vefhönnun sótt til umbrotshefða lesefnis á Vesturlöndum, aðallega
dagblaða. Ætlunin var að auðvelda fólki að tileinka sér hinn nýja miðil án þess að ögra
vanahegðuninni um of. Gilti það í báðar áttir. Hönnunin var gamalkunnug bæði fyrir
þann sem miðlaði og notandann. Hún byggði á fínstilltri hefð sem hafði þróast í
dagblaðaútgáfu um langt skeið. Hugtök eins og forsíða, haus, áhersluborði (e: banner),
textasvæði (e: body), hliðardálkar og fótur koma úr fagmáli dagblaða og bóka. Bæði
hönnunin sjálf og fagorð voru yfirfærð á vefmiðilinn. „Above the fold“ (ísl: yfir brotinu)
er ein skilgreining af þessum toga. Með því er átt við efri hluta forsíðu dagblaðs sem
hefur verið brotið saman um miðju. Sú skilgreining var hiklaust heimfærð upp á efstu
skjámynd á vefforsíðu. Þar þurfa mikilvægustu skilaboð vefsvæðisins að birtast rétt eins
og gert er á efri helmingi dagblaðsforsíðu. Efni með minna fréttagildi hafnar þá neðar
á síðunni þar sem notandinn finnur það með því að fletta undir brotið, þ.e. skruna niður
fyrir fyrstu skjámynd hverrar síðu (Vu og Proctor, 2011)5.
Á fyrstu árum Netsins sýndi sig að þar, eins og í blaðaútgáfu, myndu ýmsar hefðir
taka sér bólfestu. Menn sáu að vefhönnunaratriði sem reyndust vel urðu að hefð burtséð
frá uppruna eða nýmæli. Þótt tilraunagleði og hömlulítið athafnafrelsi hafi einkennt
upphafstíma Netsins þá staðfestu jafnt stórar sem smáar rannsóknir með tímanum að
notendur vilja halda í það sem virkar best. Tryggðin við sumar hefðir á vefsvæðum er
stundum svo mikil að jafnvel lítil frávik fæla notendur í stórum hópum frá viðkomandi
vefsíðu. Mörg dæmi eru um undirskriftarsöfnun og vefmótmæli gegn breytingum á
vinsælum vefsíðum. Það er því ekki að ástæðulausu að þeir sem gerst hafa fylgst með
þróun vefhönnunar leggja þunga áherslu á virðingu fyrir hefðum á Netinu. Í bók sinni
Don‘t make me think mælir Steve Krug með að halda fast í þá hefð að hafa L-in þrjú,
Logo-Leiðarkerfi-Leit, efst á vefsíðum og upplýsingar um eiganda vefsins neðst á
síðunni (Krug, 2014). Á milli efstu og neðstu hluta vefsíðunnar er svo svæðið þar sem
eigandi vefsvæðisins kemur textaefni sínu á framfæri. Og þar verður fyrir enn ein hefðin
5 Handbook of human factors in Web design: 158
20 Trilla á vefmiðum
sem byggir á vestrænni ritmenningu, því að skrifa og lesa textalínu frá vinstri til hægri,
ofan frá og niður. Við nánari athugun kemur hins vegar í ljós að flestir notendur lesa
yfirleitt ekki texta vefsíðna frá orði til orðs.
Skimun
Jakob Nielsen gerði einhverjar þekktustu rannsóknir í vefmiðlunarfræðum 1997, 2006
og 2013. Niðurstöðurnar sýndu hvernig augu flestra notenda fara um vefsíður með
texta, á hvaða svæðum þau dvelja lengst og minnst. Um leið sýndu niðurstöðurnar
greinilegan mun á skimun og lestri eftir áhugagildi vefsíðuefnis fyrir notandann
(Nielsen, 1997, 2006, 2013). Notendur skima sem sagt textaefni fremur en að lesa það.
Þeir veita skjásvæðinu efst og til vinstri mesta athygli en athyglin minnkar eftir því sem
neðar dregur á skjánum og til hægri. Litgreining augnhreyfinganna framkallar mynstur
sem minnir á bókstafinn F. Í rannsókninni 2013 sýndi Nielsen fram á að vel útfærð
vefhönnun getur þó leitt til meiri lesturs og víðar um skjásíðuna.
Sé vefsíða hins vegar byggð á myndefni þá hverfur F-mynstrið að mestu þegar
notendur vafra og leita á slíkum vefsíðum samkvæmt rannsókn S. Shrestha o.fl. 2007
(Shrestha og fl., 2007).
Mynd 2. Einbeitingarsvæði augnhreyfinga á vefsíðu með myndefni
Kjarni máls og beinar leiðir
Orðatiltækið um að skilja kjarnann frá hisminu á vel við í vefmiðlun. Vefsvæði hafa
mikla tilhneigingu til að bólgna út af gögnum, stundum þannig að upp safnast
21 Trilla á vefmiðum
óstjórnlegt gagnamagn. Í flestum tilfellum hafa gögnin ratað þangað í góðri trú um
mikilvægi og ágæti þeirra frá sjónarhóli einhvers hjá vefeigandanum. Frá sjónarhóli
notenda gildir hins vegar allt öðru máli eins og Gerry McGovern sýnir fram á í bók
sinni The stranger's long neck how to deliver what your customers really want online
(McGovern, 2010). Í bókinni kynnir hann niðurstöður samanburðarrannsókna á
leitartíðni valinna leitarorða (e. search terms) og efnismagni vefsíðna sem leitin skilar.
Til að skýra mál sitt notar hann myndlíkinguna af risaeðlu með háan, lóðréttan háls og
langan láréttan hala.
Mynd 3 Langi hálsinn og halinn skv. G.McGovern
Það sýndi sig í rannsóknum McGovern að yfir 60% af efni vefsíðna fá minna en 20%
af leitum notenda (eftirspurn) en 35% efnis fær um 55% eftirspurnarinnar. Aðeins 5%
af efni vefsíðnanna fékk heil 25% af leitareftirspurn eða fimmfalt miðað við
efnishlutfallið (25/5). Sambærilegt hlutfall þess 60% efnis sem fékk undir 20% af
leitum var aðeins einn þriðji (20/60). Niðurstaða McGovern sýnir þannig að svo lítið
sem 5% af efni vefsvæðis geti verið 15 sinnum eftirsóttara eða mikilvægara en heil 60%
af sama vefsvæði. Á þessu sést að vefstjóri verður að hafa strangan aga á hvað er birt á
vefsvæði sem hann ber ábyrgð á. Kjarninn er mikilvægastur og hismið verður oft að
víkja. Í einstökum tilfellum mælir McGorvern með förgun á 75-80% af efni á vefsvæði.
Ekki óskylt málefni er skýrleiki í leiðarkerfi vefsvæða. Gerry McGovern segir að
leiðarkerfi vefsvæðis eigi að vera jafn skýrt og leiðarlýsing um samgöngumannvirki
eins og flugstöð. Steve Krug tekur í sama streng og kallar bók sína því til áréttingar
Don‘t make me think. Sigurjón Ólafsson orðar það svo að vefsvæði verði að gefa til
kynna hver lykilverkefni þess séu um leið og maður lítur á það. Vefsíðan verður að
aðstoða við að leysa slík verkefni fljótt og vel6.
6 Bókin um vefinn, bls. 83
22 Trilla á vefmiðum
Með greiningu skal vef byggja
Í einni af merkilegri fréttaröðum undanfarið ár kemur fram að atferlisfræðin (e.
behavioural sciences) hafa nú gert sérfræðingum mögulegt að greina félagslegar
skoðanir einstaklinga mun nákvæmar en nánasta fjölskylda eða vinir þeirra geta gert.
Það sem meira er; nú vita menn hvernig er hægt að nota þessi fræði til að hafa leiðandi
áhrif á lykilhópa þar sem greiningin á við. Niðurstaðan byggir á tengingu viðamikilla
atferlisrannsókna við „Like“-hegðun á Facebook samfélagsvefnum. Samkvæmt
fréttunum þá nægir að hafa 4-10 „Like“ smelli einstaklings til að geta séð hvernig þarf
að matreiða skilaboð þannig að honum muni undantekningarlaust líka við þau. Í
umfjöllun New York Times 19.-20. nóvember 20167 segir að þetta hafi fyrirtækið
Cambridge Analytica sannreynt bæði í Brexit kosningunni og forsetakosningum BNA
á því ári. Fyrirtækið aðstoðaði í kosningaherferðunum sem studdu Brexit í Englandi og
Trump-framboðið í BNA. Telja sumir að aðferðin hafi jafnvel riðið baggamuninn í sigri
þeirra framboða sem fyrirtækið vann fyrir.
Að stjórnmálum slepptum þá undirstrika þessar fréttir það sem vefráðgjafar hafa
löngum haldið fram, að greining á notendahegðun hvers vefsvæðis sé forsenda til að
gera vefinn skilvirkari. Sigurjón Ólafsson leggur í bók sinni mikla áherslu á reglulega
athugun á notendahegðun. Þar segir að vilji maður reyna að koma til móts við óskir
notenda sé mikilvægast að nota hjálpartól eins og Google Analytics og Google Search
Console8 ásamt notendaprófunum.9 Ekki þurfi meira en 3-4 tíma á mánuði í slíkar
athuganir. Helstu atriði til að fylgjast með í Google tólunum eru að mati Sigurjóns:
• Fjöldi einstakra (e. unique) notenda og hvaðan þeir koma.
• Endurkomuhlutfall fyrri notenda samanborið við nýja notendur.
• Ferill um og viðverutími á einstökum hlutum vefsvæðisins. Ath. vel brottfall.
• Hlutfallið á milli þriggja helstu tækja notenda, tölvu, spjaldtölvu og síma.
• Hvar notendur koma inn á vefsvæðið og hvar þeir fara út (e. entry-exit).
• Hvort algengustu leitarorð notenda séu einnig algeng á vefsvæðinu.
• Hvort marktækur árangursmunur komi fram við A/B prófun.
• Viðbragðshraði vefsvæðisins.
Af öðrum greiningaraðferðum sem koma fram í Bókinni um vefinn má nefna að:
7 Sjá: https://www.nytimes.com/2016/11/20/opinion/the-secret-agenda-of-a-facebook-quiz.html 8 Sama og Google Webmaster Tools í Bókinni um vefinn, bls. 116 9 Bókin um vefinn, bls. 45, 116, 175
23 Trilla á vefmiðum
• Árangursmæla t.d. áskrift, sölu eða annað (bls. 40)
• Búa til persónur og notendasögur (bls. 42)
• Gera flokkunaræfingar, ef tími og aðstæður leyfa (bls. 42)
• Bera saman skyldar vefsíður við sína og nýta það besta (bls. 47)
• Gera einfaldar netkannanir (bls. 48)
• Gera einföld notendapróf (bls. 107)
• Taka viðtöl við notendur og hagsmunaaðila vefsins (bls. 109-112)
• Gera notendaendurgjöf mögulega í viðmótinu (bls. 113)
24 Trilla á vefmiðum
3. UNDIRBÚNINGUR
Til að undirbúa sem best sjálfa uppfærslu siton.is hefur þurft að huga að ýmsum
undirliggjandi þáttum. Grunnatriði var að fara yfir aðstæður í fag- og markaðsbakgrunni
eiganda vefsins til að fá hugmynd um hvaða hlutverkum vefsíðan gæti mögulega þurft
að sinna. Um þetta var fjallað í kaflanum Bakgrunnur verkefnisins. Að því loknu var
hugað að tilgangi vefsíðunnar og hvaða vefmiðlunarfræði kæmu mögulega við sögu.
Með hliðsjón af bakgrunnskaflanum voru fjögur hugsanleg þjónustusvið tilgreind sem
valmöguleikar í stefnumörkun vefsíðunnar. Sérstaklega var hugað að forgangsflokkun
og vali á þjónustusviðum sem eins konar aðalskipulags siton.is. Frá þessu segir í
kaflanum Tilgangur vefsíðunnar og vefmiðlunarfræðin. Verður nú lýst öðrum
undirbúningsþáttum vefuppfærslunnar.
Greiningaraðferðir
Í 2. kafla Bókarinnar um vefinn er sérstaklega fjallað um undirbúning vefverkefna.
Farið er yfir aðskildar aðferðir til að greina stöðu vefs sem á að uppfæra, hvernig megi
finna hvað sé gott og hvað þarfnist úrbóta. Við lok kaflans er svo birt afar gagnleg,
leiðbeinandi tafla10 til að meta vægi og forgangslíkindi hverrar greiningaraðferðar. Í því
verkefni sem hér er til umræðu eiga sumar aðferðirnar vel við og aðrar síður.
Vefmælingar
Ein af mikilvægustu greiningaraðferðunum er vefmælingar. Vefsíðan siton.is var sett
upp með minnstu mögulegu fyrirhöfn og kostnaði í maí 2012. Eigandinn var nýstofnað
hagsmunafélag hvers meðlimafjöldi yrði fyrirsjáanlega að hámarki 20-25 félagsmenn
og fæstir með getu til að greiða há félagsgjöld. Ákveðið var að nýta næstódýrustu
þjónustu Wordpress.com ($3 á mánuði) fyrir vefkerfi og hýsingu vefsins. Vefsíðan
skyldi birta lágmarksupplýsingar um félagið ásamt umfjöllun (e. posts) um fag- og
hagsmunamál félagsins á blogg-hluta vefsins. Lágmarksupplýsingarnar voru settar sem
undirsíður í leiðarkerfinu (Um SÍTÓN | Stjórn | Meðlimalisti | Lög félagsins) en blogg-
hlutinn hægra megin við það með heitinu Fréttir og fleira. Að lokum var virknin Hafðu
samband sett lengst til hægri í leiðarkerfið.
10 Bókin um vefinn, bls. 48-49
25 Trilla á vefmiðum
Blogg innlegg hafa verið fá enda eru allir félagsmenn uppteknir í krefjandi störfum.
Öll innleggin nema það fyrsta eru frá formanni félagsins. Innleggin eru blanda af
fréttum og fagumfjöllun, alls 17 innlegg. Þau skiptast þannig á milli ára: 2012 (2), 2013
(5), 2014 (3), 2015 (3), 2016 (2), 2017 jan.-ág. (2).
Eitt af því sem vinnan við þetta verkefni hefur leitt í ljós eru ókostir þess að nota
Wordpress.COM frekar en Wordpress.ORG. Þar af er einn ókosturinn hindrun á að nýta
greiningartólið Google Analytics (GA) nema í dýrustu áskrift að WP.com. Á móti býður
fyrirtækið upp á eigið greiningartól sem vantar hins vegar margt úr GA.
Eins og þessi frásögn gefur til kynna þá er grundvöllur til vefmælinga á siton.is
fremur veikur. Vefsíðan er einföld, með engan mannauð til útbreiðslu, fá blogg-innlegg
og höfðar til mjög þröngs markhóps. En „hafa skal það sem hendi er næst“ og ekki
hunsa þá tölfræði sem WP.com greiningartólið hefur þó fram að færa.
Samkvæmt tólinu voru innlit á vefsíður og
blogg pósta 2.936 talsins frá maí 2012. Af þeim
teljast 474 til forsíðunnar sem er föst (e. static)
og inniheldur lista yfir félagsmenn, sumir með
innsettum tenglum á vefsíður þeirra. Annað og
þriðja mesta innlitið var á tvö blogg um tilgang
nótna sem ritmáls, samanlagt 335 innlit. Þetta
var í janúar 2014 þegar greinarnar birtust og þeim var miðlað á Facebook, sem hefur
líklega aukið fjölda innlita verulega. Næstu fjórir hlutar vefsins í fjölda innlita eru
leiðarkerfissíðurnar Um SÍTÓN (145), Meðlimir (124), Lög félagsins (113), Hafðu
samband (112) og Stjórn (91). Restin af innlitum, 80 og færri, skiptast á milli blogg-
innleggja í Fréttir og fleira.
Kerfið hefur aðeins greint leitarhugtök í 16 tilfellum þar af þrjú hugtök samtals 10
sinnum (nótur – sítón – hlustun og greining). Í 275 tilfellum hefur kerfið ekki getað
greint leitarhugtak. Sennilega hefði GA getað greint þau flest.
Smellir eru frá upphafi samtals 1.305 talsins. Af þeim voru 633 eða 49% á tvo
útgefendur á forsíðunni; Opus Music Theory (25%) og Gítarskólann (24%). Næst í
röðinni eru ýmis PDF skjöl í blogg-greinum (11%) og útgefandinn Höfum gaman
(10%). Aðrir vefhlutar fengu 5% eða minna af heildarsmellum.
Tilvísanir inn á siton.is eru samtals 1.537 frá upphafi. Af þeim má rekja 809 (52%)
til hlekkja sem eru birtir á vefsíðum eigenda Gítarskólans (eythorsson.com og
Mynd 4 Forsíða núverandi vefs
26 Trilla á vefmiðum
classicalguitarschool.net) en þær síður eru mikið heimsóttar frá BNA og Evrópu að
sögn eigandans.
Greiningartól WP.com getur sýnt fjölda innlita frá hverju landi en ekki eftir hvaða
leiðum eða annað. Engu að síður er forvitnilegt að sjá nokkuð háar tölur frá sumum
löndum. Heildartalan er 4.859 og eru það oftast innlend innlit en samt fara þau ekki yfir
50% af heildinni. Næst á eftir koma Brasilía (11%) og BNA (6%) og á eftir þeim Ítalía,
Spánn og Þýskaland með samtals 8% innlita. Nokkuð ljóst virðist að þessi umferð stafar
af tilvísunum Gítarskólans sem getið er að ofan. Einhver innlit má líklega rekja til
systursamtaka á Norðurlöndum þar sem Danmörk á oftast í hlut (2%).
Gestafjöldi (e. unique visitors) er sagður vera 2.622 á öllu tímabilinu en nánari
upplýsingar um gestina eru ekki i boði.
Flokkunaræfing
Þessi greiningaraðferð var ekki notuð í verkefninu af ýmsum ástæðum. Þar munar mest
um einfalt skipulag vefsíðunnar með undir 10 grunnsíðum sem hafa það hlutverk að
þjónusta um 20 félagsmenn og þá sem þeim tengjast. Þetta einfalda upplag er kjarninn
í siton.is og þess vegna er harla lítið að flokka og fáir sem koma við sögu sem
hagsmunaaðilar eða notendur. Ef vörukynning á útgefnu efni bætist í vefinn kallar það
hins vegar á flokkunaræfingu sérstaklega fyrir þá þjónustu þar sem gera má ráð fyrir
ólíkum skoðunum félagsmanna og notenda um framsetninguna. Í því tilfelli þarf
birtingarmynd einstakra upplýsingaþátta eins og tegundar, magns og forgangs í
vefviðmótinu að falla að óskum hins almenna notanda fremur en útgefenda í SÍTÓN. Í
spurningakönnun verkefnisins gáfu svörin greinilega til kynna, eins og vænta mátti, að
almennir notendur hafa mestan áhuga á vöruupplýsingum en síst á félagsmálum
útgefenda. Vegna kostnaðar og umfangs þarf ákvörðun um að bæta vörukynningu á
vefsíðuna að bíða umfjöllunar félagsmanna í haust. Þegar sú ákvörðun liggur fyrir er
hugmyndin að greina þennan þjónustuþátt sérstaklega, m.a. með flokkunaræfingu.
Þangað til verður stuðst við þá framsetningu sem kerfið eða þemað í prófunarvef
verkefnisins, sitonprufa.website, býður upp á.
Samnburðarmat
Í bók sinni The user experience team of one lýsir Leah Buley ýmsum aðferðum til að
skilja vefhegðun notenda betur (Buley, 2013). Ein þeirra er að bera saman nokkrar
27 Trilla á vefmiðum
vefsíður með álíka hlutverk og vefsíðan sem verið er að vinna með.11 Í
smanburðarmatinu eru fyrirfram ákveðnir þættir metnir og reifaðir. Verður nú litið með
þessari aðferð á fjórar vefsíður sem siton.is getur miðað við og fjallað um. Þær eru
• Félag íslenskra bókaútgefenda (fibut.is)
• Dönsk systursamtök SÍTÓN (musikforlaeggerne.dk)
• Forlagið, útgáfa (forlagid.is/forlagid-utgafa)
• Salka, útgáfa og netverslun (salka.is)
Þættir sem teknir verða fyrir eru:
• Meginefni
• Hönnun
• Hlutverk
• Leit
• Styrkleikar
• Veikleikar
Félag íslenskra bókaútgefenda (FÍBÚT)
Vefsíða FÍBÚT hefur áberandi
yfirbragð blogg-vefs með frétta- og
upplýsingamiðlun af árlegum
viðburðum á vegum félagsins.
Fréttayfirlit þekur ¾ af skjámyndinni á
forsíðu en lógó, leitarreitur og 9 liða
leiðarkerfi birtast lóðrétt í vinstri hlið.
Enginn fótur er neðst á vefnum. Efsti liður leiðarkerfisins (a), og um leið forsíðan, er
„Fréttir“ og síðan koma 4 liðir helgaðir árlegum viðburðum (b,c,d,e), sumir með
gagnasöfn aftur í tímann. Þar fyrir neðan eru tveir liðir sem innihalda undirsíður með
upplýsingum, f) annars vegar um fagumhverfið og g) hins vegar um félagið. Næstsíðasti
liðurinn í leiðarkerfinu (h) er gátt fyrir meðlimi félagsins á innri vef. Síðasti liðurinn (i)
er með 2 enskar undirsíður, önnur með félagaskrá og hin með samningsform á ensku.
Efni vefsins og virkni virðist hafa tvo markhópa í forgrunni, þ.e. fréttamiðla og meðlimi
félagsins, en erlendum gestum eru boðnar lágmarksupplýsingar á ensku. Almennir
bókanotendur hafa lítið að sækja á vefinn og er greinilega reiknað með að útgáfurnar
sinni þeim markhópi sjálfar með eigin vefmiðlun. Leitarvirknin er góð og þjónar
11 Buley 2013 : 140
28 Trilla á vefmiðum
tilgangi vefsins vel, þ.e. að finna hratt upplýsingar fyrir fréttamiðla og félagsmenn. Aðal
styrkleiki vefsins er hve trúr hann er sínu einfalda hlutverki og auðnotaður til þeirra
verka. Helstu veikleikar eru úreltar fag- og félagsupplýsingar, óþarflega textamiðað
birtingarform og fáar fréttir, allt merki um vanrækslu á vefsíðunni. Hnappar fyrir Tweet
og Like endurgjöf við hverja frétt virðast skila litlu m.v. teljara þeirra. Með orðafækkun
og smærri myndum mætti fá yfirlit yfir mun fleiri fréttir á hverri skjámynd. Ekkert
samspil er með Facebook síðu félagsins og undirstrikar það aftur litla virðingu fyrir
vefsíðunni.
Musikforlæggerne Danmark
Þetta er vefur systurfélags
SÍTÓN í Danmörku. Aðal liðir
leiðarkerfisins eru í 6 kössum
til hægri frá lógóinu. Tveir
fyrstu snúast um upplýsingar
sem varða félagsmenn, a)
Foreningen, b) Medlemmer.
Undir þeim eru m.a. fréttaveita
og gátt á innri vef fyrir
félagsmenn. Þrír næstu liðir eru um c) árleg fagverðlaun (Carl Prisen), d) styrktarsjóð
(Kulturelle midler) og e) árlegan fagviðburð (Spil Dansk). Aftasti liður leiðarkerfisins
(f) snýst um kynningu á höfundarétti. Á forsíðunni er FB hnappur sem opnar FB síðu
félagsins þar sem fréttainnlegg eru nokkuð tíðari en á vefsíðunni. Einnig er Youtube
hnappur sem opnar tiltekið myndskeið á YT. Fótur vefsíðunnar er þrískiptur í a)
leiðarstef vefsíðunnar, b) samskiptaupplýsingar og c) 5 nýjustu fréttirnar sem
textahlekkir. Undir leiðarkerfinu þekur myndaslæða með 5 kynningum um 2/3 svæðis
forsíðunnar og er því mjög áberandi. Undir slæðunni eru svo 2 reitir og undir þeim 3
reitir, allir 5 með stuttum texta við áberandi fyrirsögn. Hönnun vefsins skilar mjög
skimanlegri forsíðu, myndrænni og með stuttum textastrengjum. Á forsíðu er ekki
leitarreitur, sem er undarlegt, líklega yfirsjón fremur en ásetningur. Hins vegar er
leitarreitur á flestum undirsíðum sem skilar niðurstöðum aðgreindum í blogg-færslur
og undirsíður. Aðal markhópur vefsins virðist fyrst og fremst vera meðlimir félagsins
samkvæmt efni og virkni vefsins. Engar ráðstafanir eru sjáanlegar fyrir erlenda gesti,
sem er undarlegt. Almennir tónbókanotendur hafa lítið að sækja á vefinn og er
29 Trilla á vefmiðum
greinilega reiknað með að útgáfurnar sinni þeim markhópi sjálfar. Aðal styrkleiki
vefsins er skýrt leiðarkerfi og skimanleiki. Sem dæmi þá eru meðlimaupplýsingar hvers
félagsmanns aðeins í einni línu en aukaupplýsingar birtast ef smellt er á línuna.
Forlagið útgáfa
Forlagið sinnir fleiri
hlutverkum en almennt
tíðkast um útgáfur og reynir
að koma því helsta að á
vefsíðu sinni. Vefsíðan
heldur fast í hefðirnar með
áberandi haus-borða þvert
yfir efstu skjámyndir um
allan vefinn. Yfir borðanum er topp-vallisti sem er aðgengilegur á öllum undirsíðum.
Þar er hugað að a) erlendum útgáfum með áhuga á efni Forlagsins, b)
samskiptaupplýsingum, c) upplýsingasíðum fyrir ýmsa kúnnhópa og verðandi höfunda,
d) gátt á innri vef (Mitt svæði) og e) körfu netverslunarinnar. Undir haus-borðanum er
aðal leiðarkerfið í 5 liðum auk leitarreits. Fjórir fyrstu liðirnir eru a) bókakynning, b)
höfundakynning, c) fréttaveita og d) kynning á forlaginu. Aftasti liður leiðarkerfisins
(e) er hlekkur í netverslun Forlagsins.
Undir aðal leiðarkerfinu eru þrjú lárétt myndagallerí af bókakápum með 6 fastar bækur
hver lína. Í fyrstu línunni eru valdar bækur en næstu tvær sýna nýjustu bækurnar. Undir
þessu koma svo 4 nýjustu fréttirnar með mynd og 5-6 textalínur. Hægra megin við
fréttirnar er vel útfærður FB dálkur sem opnar ólíka vefglugga eftir því hvar smellt er,
oftast FB síðu Forlagsins. Spyrja má af hverju ekki sé hafður lítill FB hnappur á fyrstu
skjámynd forsíðu í þessum tilgangi? Fótur vefsíðunnar hentar ekki þeim sem er á
útgáfuvefnum því þar eru allar upplýsingar miðaðar við netverslunina eða
bókaverslunina á Fiskislóð en ekki útgáfuna. Fara þarf í aðal leiðarkerfið og liðinn „Um
útgáfuna / Hver erum við?“ til að finna heimilisfang og afgreiðslutíma útgáfunnar.
Hönnun vefsins skilar mjög skimanlegri forsíðu, myndrænni og með stuttum
textastrengjum. Eitt og annað mætti gera betur svo sem að gera fréttasíðuna skimanlegri
með einnar línu yfirliti í hægri hlið í stað FB reits sem þarf ekki meira en lítinn hnapp.
Leitarvirknin er gamalkunnug, án stuttniðurstöðu eða orðatillögu en leitarniðurstöður
eru hins vegar þægilega flokkaðar með aðgreiningu í bækur, höfunda og blogg-færslur.
30 Trilla á vefmiðum
Vegna fjölbreytilegs hlutverks síns eru markhópar vefsíðunnar nokkrir en hönnun
vefsins miðast þó greinilega mest við almenna bókanotendur. Áberandi bókakynningar
eru á forsíðu, í fyrsta lið leiðarkerfis sem og netverslunartengli í 5 lið þess. Þessu til
viðbótar eru sér þjónustusíður fyrir kennara, nemendur og fyrirtæki í undirsíðum.
Höfundar eru eðlilega mikilvægur markhópur síðunnar en þess sér aðeins stað í öðrum
lið leiðarkerfisins þar sem auðvelt er að finna upplýsingar um alla höfunda útgáfunnar,
þ.e. ljósmynd, ævi, fagferil og verk. Erlendir hagsmunaaðilar fá síðan smá hjálp vefsins
með 2 atriði. Það eru „Foreign rights“ í topp-vali og „About Forlagid“ í undirsíðu um
útgáfuna. Aðal styrkleiki vefsins er skýrt leiðarkerfi og skimanleiki, sérstaklega á
forsíðu en einnig á t.d. höfundarsíðu og algengum spurningum (e. FAQ).
Salka – Útgáfuhúsið Verðandi.
Vefsíða Sölku leggur megin
áherslu á einfalda og
fljótlega þjónustu við
almenna bókanotendur.
Vefurinn er fyrst og fremst
netverslun með bækur
útgáfunnar. Annað, t.d.
ábending til höfunda, er haft
á undirsíðunni „Um Sölku“
og er það fljótlesið/skimað. Haus vefsins fylgir hefðum með lógói í miðjum borða en
póstlistaskráningu, leit, hnappa á samskiptamiðla og körfu netverslunar sitt hvoru
megin við lógóið. Þar undir er aðal leiðarkerfið með 5 liði. Það eru a) forsíðuhlekkur,
b) bækurnar, c) fréttir, d) um Sölku og e) innskráningargátt notenda. Allir nema einn
eru til að þjónusta bókanotendur þannig að þeir kaupi það sem þeim líst vel á á vefnum.
Efri helmingur forsíðunnar er lagður undir 3 línur af myndagalleríum af bókarkápum
með hlekki í vörukynningu og pöntunarhnappi bókanna. Þar undir, í tveimur dálkum til
vinstri, eru 2-3 nýjustu fréttapistlar útgáfunnar en til hægri er þriðji dálkurinn þar sem
streymast nýjustu FB færslur. Leitarvirknin er afar snögg og birtir vallilista með
stuttniðurstöðum en þó ekki orðatillögu. Ekki er reiknað með neinum erlendum gestum
á vefsíðunni.
31 Trilla á vefmiðum
Kröfulýsing
Kröfulýsingu vefverkefnis má líkja við handrit að bók eða tónverki sem kemur til
uppsetningar og umbrots. Allir útgefendur læra fljótt að lélegt handrit leiðir alltaf til
meiri vinnukostnaðar á umbrotsstiginu. Þessu er álíka farið varðandi vefverkefni og í
Bókinni um vefinn er kröfulýsing sögð með því mikilvægasta í undirbúningi
vefverkefna12. Hér á eftir greinir frá helstu kröfulýsingaratriðum fyrir uppfærslu
siton.is.
Markmið eiganda vefsíðunnar
Vefsíðan siton.is er eign hagsmunfélags tónbókaútgefenda á Íslandi, SÍTÓN. Félagið
setti upp einfalda útgáfu strax við stofnun í maí 2012 en til lengri tíma hefur verið horft
til vefuppbyggingar sem getur eflt félagið og meðlimi þess, faglega og fjárhagslega.
Upphaflegur tilgangur siton.is var að kynna félagið, verkefni þess, fagið og
útgefendur í félaginu. Með tímanum hafa orðið ljósari kostir þess að hafa innri vef á
vefsíðunni þar sem trúnaðargögn og innanfélagssamskipti gætu átt sér vettvang. Innri
vefi er almennt að finna á vefsíðum stærri hagsmunafélaga, væntanlega í breytilegum
tilgangi frá einu félagi til annars. Við fyrstu sýn kann að virðast sem lítið hagsmunafélag
hafi litla möguleika á innri vef en með hjálp Wordpress viðbóta eru ýmsar viðráðanlegar
lausnir í boði sem henta félagasamtökum. Nánar segir frá því í Viðbætur og hjálpartól
í 4. kafla verkefnisins.
Frá upphafi hefur einnig verið rætt innan félagsins um möguleikann á því að bæta á
vefsíðuna kynningum um útgefið efni félagsmanna og jafnvel athuga möguleika á
netverslun með efnið. Í því lokaverkefni sem hér liggur fyrir voru slíkir möguleikar
athugaðir og kom í ljós að viðráðanlegt sé að tengja vörukynningareiningu við
aðalvefinn. Netverslun er hins vegar hvorki raunhæfur né fýsilegur möguleiki í gegnum
siton.is. Ástæðurnar eru margar en þær veigamestu eru annars vegar lögin um
neytendakaup og samningsgerð og hins vegar of flókin kerfis- og hagsmunaumgjörð.
Með þetta í huga eru markmið SÍTÓN í vefuppfærslunni að:
• Gera kynningu á félaginu, meðlimum og faginu betri og sýnilegri
• Setja upp innri vef sem getur þjónað félagsstarfinu
• Setja upp vörukynningarvef og tengja við siton.is
12 Bókin um vefinn, bls. 39
32 Trilla á vefmiðum
Markhópar
Vefsíða SÍTÓN getur varðað aðskilda markhópa. Með tilliti til fjárráða félagsins er hins
vegar óhjákvæmilegt að meta gildi hvers þeirra til að notagildi síðunnar verði sem mest.
Um tilgang vefsíðunnar hefur komið fram að í sinni einföldustu mynd eigi hún að veita
upplýsingar um félagið, hverjir eru meðlimir, hver verkefni félagsins eru, um hvað fagið
snýst og hagsmunamál félagsmanna. Út frá því er eðlilegt að álykta að fyrsti markhópur
síðunnar séu félagsmennirnir sjálfir. Þeir eiga að geta fundið á síðunni upplýsingar og
gögn sem sameinar og eflir þá í sínu fagumhverfi.
Næst á eftir félagsmönnum þarf vefsíðan að höfða til mikilvægustu viðskiptavina
þeirra, kennara, nemenda og skóla í tónlistarfræðslu. Tónastöðin hefur um langt skeið
verið eina verslun landsins sem sinnir íslenskum tónbókamarkaði af alúð. Þar á bæ
stjórnar Gautur G. Gunnlaugsson málefnum tónbóka. Í starfi sínu er Gautur í einstakri
stöðu til að fylgjast með þróun málaflokksins í landinu og leggja mat á ýmsar stærðir. Í
viðtölum við Gaut (Gautur G. Gunnlugsson, 2017) taldi hann að rekja mætti yfir 90%
af tónbókaviðskiptum í landinu til tónlistarfræðslu, formlegrar eða óformlegrar. Til
marks um sterk hagsmunatengsl þessa markhóps við félagsmenn SÍTÓN má líta á
niðurstöður úr könnun sem SÍTÓN gerði hjá kennurum tónlistarskóla í janúar 2017. Af
þremur fjölmennustu námsgreinunum voru bækur frá útgefendum innan félagsins í
öllum efstu 4 sætum yfir mest notuðu kennslubækur fyrir píanó og söng og í 2. og 3.
sæti fyrir gítar. Að hreinum kennslubókum slepptum þá telur Gautur næst mestu
eftirspurnina vera eftir safnritum sem eru mikið notuð meðfram kennsluefninu. Um 1/3
af útgefnu efni meðlima SÍTÓN er kennsluefni fyrir grunnnám í tónlist og um 1/3 safnrit
sem miðast við grunn- og miðnámsgetu. Reynsla bæði Tónastöðvarinnar og útgefenda
sýnir að lítill markaður er fyrir tónbækur með hálistrænt efni eða kennsluefni sem krefst
færni umfram grunnnám. Í óbirtri könnun sem Sigrún Grendal og Árni Sigurbjarnarson
gerðu á vegum Félags tónlistarkennara árið 2009 reyndust um 86% af um 5000
nemendum tónlistarskóla vera í grunnnámi. Af þessu má ráða að lang mikilvægasti
markhópur SÍTÓN vefsíðunnar á eftir sjálfum félagsmönnum séu tónlistarkennarar,
tónlistarnemendur og skólar með tónlistarfræðslu, sérstaklega á grunnnámsstigi.
Þótt almennir tónlistariðkendur og áhugafólk tengist tónlistarfræðslunni oftast á
einn eða annan hátt þá sækist þessi hópur mest eftir vinsælli tónlist á þægilegu og
hagstæðu formi fremur en beinu kennsluefni. Þetta sýnir reynsla Tónastöðvarinnar að
sögn Gauts og það er einnig reynsla útgefenda í SÍTÓN. Alþjóðlega er þessari þörf að
mestu svarað með hvers konar safnritum, sbr. að ofan, oftast byggðum á sönglögum.
33 Trilla á vefmiðum
Sama á við á Íslandi. Í rannsókn minni árið 2014 á umfangi skylduskráðra nótnarita í
landskerfi bókasafna, Gegni, (Gylfi Garðarsson, 2015) kom í ljós að slík safnrit voru
yfir 70% af skráðum titlum nótnarita í kerfinu. Samanlagður eintakafjöldi þeirra í
bókasöfnum reyndist tæplega 4800 stk. eða yfir 91% af tiltækum nótnaritum safnanna.
Enn fremur kom í ljós að safnritin voru tiltæk í 145 af 170 almennra bókasafna og
grunnskólasafna eða í um 85% safnanna. Þar sem innkaup bókasafna miðast við
eftirspurn undirstrika þessar tölur hve mikilvægur markhópur almennir
tónlistariðkendur og áhugafólk er fyrir tónbókaútgefendur. Þennan markhóp mætti í
vissum tilfellum meta til jafns við tónlistarkennara og nemendur þótt hér sé hann hafður
skör neðar.
Sem fyrr sagði er Tónastöðin eina verslun landsins sem sinnir tónbókamarkaðnum
að einhverju marki. En þótt aðrir söluaðilar á Íslandi séu jafn áhugalausir um tónbækur
og raun ber vitni þá er mikilvægt fyrir útgefendur í SÍTÓN að upplýsingar um útgefanda
og helst einnig útgefin verk séu aðgengileg á Netinu í þeim tilfellum þegar söluaðila
vantar þær. Söluaðilar fá til dæmis fyrirspurnir um tónbækur frá skólum og erlendum
viðskiptavinum og skiptir þá miklu fyrir útgefendur að söluaðilinn viti fyrirfram hvar
lágmarks upplýsingar sé að finna um útgefandann og viðeigandi tónbækur.
Lágmarksupplýsingar um útgefandann væru t.a.m. nafn, samskiptamöguleikar,
útgáfusvið o.þ.h. Enn betra væri að góðar vöruupplýsingar fengjust einnig á vefsíðunni
eða með aðstoð hennar. Söluaðilar eru þannig markhópur sem skiptir nokkru máli
varðandi vefsíðu SÍTÓN og þeim mun meira sem vöruupplýsingar á vefsíðunni eru
ítarlegri.
Sem hagsmunafélag þarf SÍTÓN stundum að ná athygli almennings eða fréttamiðla.
Í þeim efnum er vefmiðillinn einstaklega gagnlegur og auðveldlega má sjá fyrir sér að
frétt eða fróðleikur hljóti litla eða enga athygli ef efnið er ekki birt og vistað á siton.is.
Frá þessu sjónarhorni er skynsamlegt að líta á almenning og fréttamiðla sem sérstakan
markhóp fyrir vefsíðuna, næst á eftir söluaðilum.
Síðast en ekki síst þarf að huga að hlutverki SÍTÓN í alþjóðlegu samhengi. Þegar
tónbókaútgefandi á Íslandi sækir um leyfi fyrir erlendu verki í t.d. safnriti þá skiptir
máli að hann geti sýnt fram á aðild að SÍTÓN sem er meðlimur í alþjóðasamtökum
tónlistarútgefenda, ICMP13. Með því að vísa í meðlimaskrá siton.is þar sem nafn hans
er tilgreint undirstrikar það trúverðugleika hans sem ábyrgs tónbókútgefanda. Sé
13 International Confederation of Music Publishers: https://www.icmp-ciem.org/
34 Trilla á vefmiðum
hlutverkunum snúið við og erlendur aðili þarf að komast í samband við íslenskan
tónbókaútgefanda, t.d. vegna leyfismála, þá er líklegast að systurfélögin og
alþjóðasamtökin beini honum á siton.is. Á vefsíðum erlendra systurfélaga og
fjölþjóðasamtaka er algengt að birta hlekk í vefsíður hvers annars. Hlekkur í siton.is er
t.d. á vefsíðu danska systurfélagsins14 og vefsíðu ICMP. Í því sambandi þarf að huga
að heppilegu viðmóti eða lendingarsíðu og er gott dæmi um einfalt en skilvirkt viðmót
af þessu tagi á vefsíðu finnska systurfélagsins, Suomen Musiikkikustantajat15. Í
einhverjum tilfellum geta fréttir af hagsmunamálum íslenskra tónbókaútgefenda haft
gildi út fyrir landið og jafnvel styrkt hagsmunastöðuna hér heima. Í þeim tilfellum væri
eðlilegt að nýta siton.is sem miðil.
Samkvæmt ofansögðu gætu mögulegir markhópar og þjónusta vefsíðunnar fyrir þá
forgangsraðast með eftirfarandi hætti:
1. Félagsmenn (fagfréttir, hagsmunamál, innanfélagsupplýsingar og samskipti)
2. Kennarar, nemar og skólar (fag- og þjónustuupplýsingar, hagsmunasamskipti)
3. Iðkendur og áhugafólk (fag-, þjónustu- og vöruupplýsingar)
4. Söluaðilar (vöru- og þjónustuupplýsingar)
5. Almenningur og fréttamiðlar (fróðleikur, fréttir, hagsmuna- og framfaramál)
6. Erlendir aðilar (fagupplýsingar og hagsmunasamskipti)
Efni og virkni
Það er eðli blogg-síðna að safna í sarpinn og oft má segja að fleiri og innihaldsríkari
innlegg séu af hinu góða. Öðru máli gegnir um undirsíður vefsvæða og efnismagn þeirra
því þar þarf, skv. kenningu Gerry McGovern um langa hálsa og hala (bls. 21 hér að
ofan), að stunda stöðuga endurskoðun og niðurskurð. Umfang efnis á undirsíðum
siton.is hefur verið í algjöru lágmarki og þarfnast ekki niðurskurðar heldur meiri
uppbyggingar og útfærslu í takt við vannýtta möguleika vefmiðlunar. Í
samanburðarskoðunum sýndi sig að núverandi aðalleiðarkerfi er í ágætu samræmi við
sambærilegar vefsíður hagsmunasamtaka þótt um mun einfaldari vef sé að ræða hjá
siton.is.
Veftréð mun því halda grunnskipulagi sínu að mestu en fáeinar viðbótarútfærslur
verða tengdar inn í það. Leitast verður við að hafa útfærslurnar í einingum (e. modular)
14 MPA Denmark: http://musikforlaeggerne.dk/dmff-internationalt/ 15 MPA Finnland: http://www.musiikkikustantajat.fi/en
35 Trilla á vefmiðum
til að auðvelda
viðhald og jafnvel
aftengingu eininga ef
þarf. Efnisaukning
grunnsvæðisins felst
aðallega í að einföld
ferilskrá eða saga
hvers útgefanda
verður tengd honum á
undirsíðunni Meðlimir.16
Með færslu hýsingar lénsins frá WP.com er fyrirhugað að nýta hið opna fjöllausna-
umhverfi WP.org til að opna nýja þjónustumöguleika eins og rætt var um á bls. 13-16.
Í forgangi er að setja upp innri vef eða „Mínar síður“ fyrir innanfélagsmál svo sem
miðlun trúnaðar- og viðskiptagagna. Þar eiga félagsmenn að geta skráð sig inn á lokað
svæði til að sækja viðeigandi gögn. Hugmyndin er að byrja á einföldustu atriðum eins
og miðlun fundargerða og öðrum einföldum aðgerðum
á meðan athugað er hvaða útfærsla hentar. Ekki er
reiknað með mikilli efnisvinnu við þetta en þeim mun
meiri tíma í að velja og aðlaga hentuga viðbót (e.
plugin). Með tilliti til fyrirhugaðrar vörukynningar verður einnig athugað hvort
innskráningin geti ekki um leið verið skráningargátt fyrir vöruupplýsingar frá
félagsmönnum. Þegar uppsetning á viðbót fyrir innri vef er lokið hefst vinna við
innsetningu efnis sem ætlunin er að vinna eftir hendinni.
Lang umfangsmesti þjónustuliðurinn af þeim sem viðraðir eru á bls. 13-16 varðar
kynningu á útgefnu efni félagsmanna SÍTÓN. Heildarfjöldi titla er yfir 200 en nægilegt
væri að hafa kynningar um 50 þeirra tilbúnar áður en þjónustan færi í loftið. Engu að
síður er talsverð efnisvinna við hvern titil, textaskrif, myndvinnsla og kerfistengingar á
milli Wordpress eininga. Í sumum tilfellum gæti sýnishorn af hljóðupptöku eða
myndskeiði átt vel við. Þessi efnisvinna getur hafist þegar tvö fyrstu forgangs-
þjónustusvið vefsíðunnar eru tilbúin (Ytri kynning A og Innri vefur, sjá bls. 16). Á
prófunarvef verkefnisins eru nokkur dæmi um innihald og útlit bókarkynninga.17
16 Dæmi: https://siton.is/um-siton/medlimir/notnautgafa-bjorgvin/ 17 Prófunarvefur verkefnisins er: http://sitonprufa.website/
Mynd 5 Upplýsingar um útgefanda
36 Trilla á vefmiðum
(!: margir kerfisliðir á prófunarvefnum hafa ekki verið íslenskaðir ennþá)
Mikil áhersla verður á að hafa leitarvirkni aðgengilega á öllum vefnum. Tengingar
við Facebook verða sömuleiðis auðséðar og opið verður fyrir athugasemdir notenda á
blogg-hlutanum.
Leiðarkerfi og forsíða
Aðalflokkar leiðarkerfisins
• Forsíða: Föst síða (e. static) með kynningu á verkum og umfjöllun skv. WP þema
• Um félagið: Upphaf og markmið, Meðlimir, Stjórn, Félagslög, Hafa samband
• Málefnin: Yfirlit, Allar færslur
• Útgefið efni (bætt inn eftirá): Efnisflokkar (yfirlitssíða), Efnisflokkar 1-10
• Hægri hliðardálkur: Síðustu færslur, Málaflokkar, Málasafn, Skoðun gesta
Aðalval + Hliðardálkur (sitonprufa.website)
Mynd 7 Vara X: Grunnvörulýsing Mynd 6 Vara X: Tengiupplýsingar
www.siton.is↓
Forsíða Um félagið Málefnin Útgefið efni Hægri hliðardálkur(Föst síða með
kynningum á verkum
og málefnum)
↓ ↓ ↓ ↓
Upphaf og markmið Yfirlit Efnisflokkar (yfirlitssíða) Síðustu færslur
Meðlimir Allar færslur Efnisflokkur 1 Málaflokkar
Stjórn ... Málasafn
Félagslög ... Skoðun gesta
Hafa samband Efnisflokkur 10
37 Trilla á vefmiðum
Forsíðan – umbrot á prófunarvef (sitonprufa.website)
i (Mínar síður) (Leit) ?(Toppval)
MIÐSVÆÐI-EFRA: Kynning á verkum
MIÐSVÆÐI-NEÐRA: Umræða um fag og hag (síðustu 4 blogg-færslur)
FÓTUR: Staðalupplýsingar (um okkur osfrv.)
(Aðalval)Haus: Lógó + bakgrunnsmynd
38 Trilla á vefmiðum
Skissur af efstu skjámynd – Hugmyndir um lokaútlit
Tilgangur vefsíðunnar skv. 2. kafla (bls. 16) er að miðla bæði fagumræðu og
upplýsingum um útgefið efni félagsmanna SÍTÓN. Til að endurspegla þetta er
hugmyndin að forsíðan beini kastljósi á nýjustu blogg-færslur (Málefni) og á
slembivaldar bækur. Annað hvort til skiptis eða á tvískiptum skjá eins og sést á skjáskoti
úr prófunarvefnum á bls. 37. Liðir í leiðarkerfinu eru aðeins 4 ásamt leitarreit.
Meðlimagátt gæti verið efst til vinstri eða í fellivallista undir „Um okkur“.
A.1 - Forsíða í tölvuskjá
Hér er dæmi um
forsíðu þar sem allt
svæðið undir
leiðarkerfinu er
notað til að kynna
eina bók. Einnig
mætti hafa fleiri
bækur í galleríi
sbr. skjáskotið á
bls. 37 að ofan.
B.1 - Vöruflokkasíða – Útgefið efni (efnisflokkar e. hljóðfærum)
Ef smellt er á
„Útgefið efni“ þá
birtist yfirlit yfir
efnisflokka bóka
eftir hljóðfærum.
Sjá einnig B.2 á
næstu blaðsíðu
(skjáskot af
prófunarvef).
39 Trilla á vefmiðum
B.2 - Vöruflokkasíða (skjáskot af efnisflokkum á prófunarvef)
C - Vörulisti-1 (vörur undir vöruflokkasíðu)
Ef smellt er á
efnisflokk birtist
listi með þumal-
myndum yfir bækur
í þeim flokki.
Röðunarmöguleikar
gætu verið útgáfuár,
stafrófsröð o.fl.
40 Trilla á vefmiðum
D - Vara-1 (Bók-1 vörulýsing)
Ef smellt er á bók í
listanum birtist
mynd af bókarkáp-
unni til vinstri en til
hægri verða allar
upplýsingar um
bókina. Mögulega
verða hlekkir á
netverslanir t.d.
Pennans og fl. (sjá
einnig Mynd 6 á
bls. 36).
A.2 - Forsíða í snjallsíma B.3 - Vöruflokkasíða í snjallsíma
Ef vefsíðan er skoðuð með
snjallsíma á viðmótið að
aðlagast sjálfkrafa (e.
responsive) með álíka
hætti og hér er sýnt.
41 Trilla á vefmiðum
Kannanir og viðtöl
Gerð var tvíþætt könnun fyrir verkefnið undir fyrirsögninni „Könnun um tónbækur á
Netinu“. Annars vegar var send út vefkönnun í gegnum þjónustuna Surveygizmo á
netföng skráðra notenda vefsíðunnar Söngbók.is og hins vegar var viðskiptavinum í
versluninni Tónastöðinni boðið að svara sömu könnun skriflega.
Að auki var tekið viðtal við vefstjóra Forlagsins til að varpa ljósi á bakgrunn og
önnur atriði við nýlega uppfærslu á vefsvæði útgáfunnar og netverslun. Punktur úr
viðtali við eiganda vefsíðunnar salka.is frá haustinu 2016 kemur einnig við sögu.
Vefkönnun hjá skráðum notendum www.songbok.is
Til að fá tilfinningu fyrir hugmyndum notenda tónbóka varðandi netaðgang að slíku
efni þá varð fyrir valinu að leita svara hjá 60 skráðum notendum á vefsíðu
Nótuútgáfunnar, songbok.is. Notuð var vefkönnunarþjónustan Surveygizmo.com og fór
könnunin fram dagana 24. júlí til 4. ágúst 2017. Um 20 gild svör bárust. Ætla má að
sumarleyfi hafi leitt til lægra svarhlutfalls en ella. En þótt svarhlutfallið gefi ekki tilefni
til sterkra ályktana þá er ástæðulaust að skoða ekki ýmsar nothæfar vísbendingar sem
könnunin gefur.
Kynjahlutfall svarenda og landshlutadreifing eru í þokkalegu jafnvægi miðað við
hve fáir svara en aldursdreifing sýnir hins vegar að fáir svarenda eru undir 40 ára aldri.
Tónlistarþekkingu sína álíta flestir svarendur á bilinu frá áhugaiðkun til
miðnámsgetu:
22%
33%
45%
Landshlutadreifing svarenda
Suðurland og SuðurnesAðrir landshlutarHöfuðborgarsvæðið
22%
78%
Aldursdreifing svarenda
Undir 40 ára Yfir 40 ára
5%
39%56%
Kynjahlutfall svarenda
Ósvarað KVK KK
Engin eða mjög lítil
Lítil - T.d. sem aðstandandi tónlistariðkanda
Nokkur - Sem tónlistariðkandi í áhugamennsku
Nokkur - Hef stundað grunnnám í tónlist
Þó nokkur - Samsvarandi miðnámi í tónlist
Mikil - Samsvarandi framhaldsnámi í tónlist
Mjög mikil vegna sérnáms og/eða atvinnumennsku í tónlist
Hlutfall svarenda eftir tónlistarþekkingu
42 Trilla á vefmiðum
Það tæki sem hópurinn notar helst til netferða vegna tónbóka er hefðbundin tölva
en ætla má að hlutfall snjallsíma væri hærra ef fleiri í hópnum væru undir fertugu.
Áhugi á að nýta Netið vegna tónbóka er í góðu meðallagi.
Við spurningunni um hve æskilegt
sé að hafa tilgreinda þjónustuliði á vef
siton.is telur enginn að þeir séu óþarfir.
Hins vegar þykir svarendum æskilegra
að á síðunni finnist upplýsingar um
bækurnar en upplýsingar um félagið og
meðlimina.
Af næsta svari má
ráða að reynsla af
söluaðila og vöruverð
skipti minna máli en
þægindi,
vöruupplýsingar og
möguleiki á niðurhali
bóka og bókhluta.
10% 20% 70%
Hvernig tæki notarðu helst ef þú ferð á Netið vegna
tónbóka?
Snjallsíma Spjaldtölvu Borðtölvu/fartölvu
5% 75% 20%
Hvað giskarðu á að þú notir Netið mikið til að fræðast um
eða sækja prentsett efni með tónlist eða um tónlist?
Ekkert Nokkuð Mikið
Uppl. umfélagið
Uppl. umútgefendur
Uppl. umbækurnar
Netsala bóka
Hve æskilegt telur þú að eftirfarandi þjónustuliðir séu á vefsíðu hagsmunafélags
eins og SÍTÓN?
Óþarft Nokkuð æskilegt Mjög æskilegt
Verð Þægindi Þjónusta Innihalds-upplýsingar
Reynsla afsöluaðila
Möguleiki ániðurhali
Niðurhalbókhluta
Hve mikil áhrif hafa eftirfarandi atriði á hvort þú myndir kaupa prentsett tónlistarefni á Netinu?
Engin Nokkur Mikil
43 Trilla á vefmiðum
Efnið sem svarhópurinn sækist mest eftir er greinilega söngtextar og nótur. Ekki er
ósennilegt að yngri svarendur sæki meira í grip og TAB en hér kemur fram.
Til að fá einhverja hugmynd um kostnaðarskynjun notenda í netverslun var annars
vegar spurt hvað þætti eðlilegt gjald fyrir niðurhal á prentútgáfu lags eða einni blaðsíðu
og hins vegar hvað burðargjald á
heimsendu kennsluhefti mætti kosta.
Eins og gröfin sýna þá má niðurhal á
einni blaðsíðu eða einu lagi ekki fara
yfir 500 kr. að flestra áliti. Skoðun
svarenda á burðargjaldi er ekki eins
afdráttarlaus eða til helminga undir
600 kr. og undir 900 kr. Í fáeinum
svörum voru nefndar upphæðir á milli 100 kr. og 1500 kr.
Í lokin var spurt um viðhorf til mikilvægis íslenskra tónbóka og kannana um málefni
þeirra og reyndust þau afar jákvæð samkvæmt svörunum.
Annað
500-800 kr
200-500 kr
Fylgni við verðhugmynd á 1 bls. niðurhali
Annað
300-600 kr
600-900 kr
Fylgni við verðhugmynd á burðargjöldum
Ekkert af ofangreindu
Annað
TAB
Grip
Kennsluefni
Bókstafshljómar
Nótur
Textar
Hvað af eftirfarandi tónlistarefni er mikilvægt fyrir tónlistariðkun þína (eða náins aðstandanda)?
Hefðirðu áhuga á að taka þátt í fleiri könnunum um
málefni tónbóka?
Ertu fylgjandi því að málefni íslenskra tónbóka séu
könnuð nánar?
Eru íslenskar tónbækur mikilvægar fyrir þína
tónlistariðkun
Eru íslenskar tónbækur mikilvægar fyrir íslenskatónlistarmenningu
Viðhorf til mikilvægis íslenskra tónbóka og kannana um málefni þeirra
Já Nei Veit ekki
44 Trilla á vefmiðum
Spurningakönnun hjá viðskiptavinum Tónastöðvarinnar
Til að fá sjónarhorn annars konar notenda voru spurningarnar í vefkönnuninni prentaðar
út og viðskiptavinum hljóðfæraverslunarinnar Tónastöðvarinnar boðið að svara þeim
þann 25. júlí 2017. Tóku tólf manns boðinu. Nokkur munur er á svörum þessa hóps og
hins sem svaraði vefkönnuninni í sumum spurningum en lítill í öðrum. Megin munurinn
er eftirfarandi:
• Konur voru hlutfallslega færri svarenda í búðinni en í vefkönnuninni.
• Hlutfallslega mun fleiri svarenda í búðinni voru undir 40 ára en í vefkönnuninni.
• Landshlutadreifing búðargesta var allt önnur en í vefkönnuninni eða ¾ frá
höfuðborgarsvæðinu.
• Varðandi tækjanotkun reyndust spjaldtölvur vera áberandi hærra hlutfall en í
vefkönnuninni sem stafar líklega af ólíkum aldri svarhópanna.
• Tónlistarefni sem flestir búðargestirnir lögðu áherslu á var hljómaleiðbeiningar
(grip+bókstafshljómar) og nótur en síst söngtextar sem voru efst í vefkönnuninni.
Önnur svör voru meira eða minna eins og svörin í vefkönnuninni.
Viðtal við vefstjóra Forlagsins
Forlagið ehf stendur fyrir umsvifamestu bókaútgáfu á Íslandi í gegnum nokkur
útgáfunöfn (JPV, M&M, Vaka-Helgafell, Iðunn o.fl.). Árlega hfa komið út um 150 ný
verk á vegum fyrirtækisins. Vefkynning og netverslun hafa langa sögu hjá Forlaginu
og á síðasta ári (2016) fékk allt vefviðmót fyrirtækisins mikla uppfærslu. Í því ferli
þurfti væntanlega að íhuga vel ýmis atriði sem eru til skoðunar í þessu lokaverkefni og
því þótti mér forvitnilegt að fá sjónarmið vefstjóra fyrirtækisins á nokkrum þeirra.
Vefstjóri Forlagsins, Kristrún Hauksdóttir, hafði verið viðloðandi vefmál fyrirtækisins
í yfir 8 ár þegar viðtalið fór fram. Ræddum við aðallega um netverslunina. Í mjög
samandregnu máli kom fram að netverslun Forlagsins hvílir á bandarísku
kerfisgrunnunum Wordpress (WP) og WooCommerce. Við þá eru tengd sérsniðið þema
og aðrar lausnir sem verktakar á Íslandi smíða og halda við. Kemur Dóttir vefhönnun
ehf þar mikið við sögu. Meðal annars láta þessar lausnir vefinn nýta gagnagrunna
bókhalds og lagers Forlagsins til að draga úr óþarfa innslætti og villum. Dæmi um
samkeyrslugögn eru ISBN númer, verð, höfundarnöfn og fleira. Aðspurð sagði Kristrún
að söluvefsgrunnar eins og Shopify, sem forlagið Salka valdi framyfir WP, hafi ekki
komið til álita í uppfærslunni vegna góðrar reynslu Forlagsins af samþættingu WP
45 Trilla á vefmiðum
sérlausna við innanhúskerfi sín. Í viðbót við innanhúskerfin er vefkerfið tengt
utanaðkomandi þjónustum eins og greiðslugátt og Rafbókalagernum. Kostnaður við
WP þemað felst í vinnukostnaði innlendu verktakanna án reglulegrar leigu eins og
tíðkast um svokölluð „Premium“ þemu. Bókhaldslega má segja að netverslun
Forlagsins felist í gjaldfrjálsum rekstri á erlendum kerfisgrunnum (Wordpress +
WooCommerce) en eign- eða gjaldfærðum innlendum sérlausnum sem nýta grunnana.
Kostnaður
Ríkisstofnanir með sprenglærðu fagfólki reynast sjaldnast færar um að áætla með
sæmilegri nákvæmni útgjöld vegna opinberra framkvæmda. Það er því ekki á vísann að
róa um útgjaldaáætlanir við stofnun og rekstur vefsíðu á „amatör“-stigi. Til að kanna
mögulegt kostnaðarbil ákvað ég að leita í Google leitarvélinni að „cost of website“.
Þaðan tók ég saman lista með 5 nýlegum niðurstöðum sem eiga við um Bandaríkin en
ættu að gefa einhverja tilfinningu fyrir málinu. Flestar greinarnar miðuðu við aðlagaða
vefsíðu með allt að 50 undirsíðum og innifalið:
• Vefumsjónarkerfi
• Aðlögun / hönnun viðmótsins
• Uppsetningu viðmótsins (þemans)
• Hýsingu
• Lén
Það sem er ekki reiknað með í tölunum er m.a.:
• Frumuppsetning léns (án hönnunar eða samningu efnis)
• Að læra á notkun vefsmíðaverkfæris (t.d. í Wordpress)
• Að læra hönnun og umbrot vefs
• Samning efnis / innihalds
• Bilanagreining og reglulegt viðhald
Lægsti mögulegi kostnaður skv. greinunum er $65 fyrir lén og ársleigu á hýsingu.
Þá er reiknað með ókeypis vefumsjónarkerfi eins og Wix og að eigandinn annist öll
verkefni sjálfur. Á móti kemur fram í greinunum að útboð stærri vekefna t.d. stórrar
netverslunar með mikla umferð geta orðið allt að $100þ. og yfir. Hvorugt tilfellið telja
greinarhöfundar hins vegar raunhæfa áætlun fyrir fyrstu vefsíðu lítils rekstrarðila.
Lægstu tölur þeirra um raunhæf útgjöld eru á bilinu $300-1500. Þær hæstu eru á bilinu
46 Trilla á vefmiðum
$1600-10.000. Meðaltalskostnaður allra fimm er á bilinu $640-3.920. Skv. gengi
dollars 1.sept. 2017 væri það um 68.000-420.000 kr. Sumir greinarhöfunda tiltóku að
erlendir vefhönnuðir væru oftast ódýrari en þeir bandarísku. Hvort það eigi við um
íslenskt verðlag verður ekki fullyrt en munurinn er varla mikill. Lausleg athugun gefur
eftirfarandi kostnaðaráætlun:
ISNIC
• Íslenskt lén: 6.000 kr. árgjald
Wordpress.org (m.v. gengi $ 1. sept. 2017)
• Vefumsjónarkerfi WP: 0 kr.
• Þema: 8.000 kr. árgjald (plug-in fyrir aðal útlit)
• WooCommerce: 0 kr.
• Innskráningarviðbót: 8.000 kr. árgjald (plug-in fyrir innri vef)
1984 ehf
• Hýsing vefs m. SSL18: 12.000 kr. árgjald (m.v. 3 ár fyrirfram)
Uppsetning
• Vefhönnun: 230.000 kr. eingreiðsla Á þremur fyrstu árunum yrði útlagður kostnaður skv. þessum tölum um 332.000 kr.
og árlegur meðalkostnaður skv. því um 110.000 kr. Ekki er reiknað með efnisvinnu
umfram það lágmark sem vefhönnuður þarf til að setja upp snið fyrir einingar í þemanu.
Varlega má áætla að öflun og skráning upplýsinga um meðlimi geti tekið á bilinu 5-10
klst. Umfang vöruskráningar verður hins vegar margfalt tímafrekara. Miðað við 1-2 klst
pr. vöru þá væri það 50-100 klst. vinna fyrir þær 50 bækur sem áætlað er að birta í fyrstu
umferð. Eftir er að athuga hvort mögulegt sé að opna meðlimum leið til að skrá sínar
bækur sjálfir á innri vefnum.
18 Secure Sockets Layer: dulkóðað samskiptalag á milli vefsíðu og notanda
47 Trilla á vefmiðum
4. FRAMKVÆMD
Margþættar aðgerðir hefur þurft til að undirbúa uppfærsluna sem verkefnið fjallar um.
Í undanfarandi kafla er undirbúningi margra þeirra lýst sem liðum í þarfagreiningu
verkefnisins. Í þessum kafla verður lýst hvernig staðið var að aðgerðunum með hliðsjón
af sjálfum einingum vefsíðunnar fremur en greiningu á skyldum við hagsmunaaðila og
notendur.
Lén, vefumsjónarkerfi og þema/viðmótssnið
Lénið siton.is hefur verið í eigu SÍTÓN síðan 2012 og því þurfti ekki að velta vöngum
yfir því í þessu verkefni. Til fróðleiks má þó segja frá því að nafn félagsins réðist að
nokkru af því að þetta lén var laust á sínum tíma. Upprunalega var ætlunin að nota orðið
„Félag“ í byrjun nafnsins en lénið „fiton.is“ var frátekið. Þar sem „siton.is“ var á lausu
þá var ákveðið að nota „Samband“ í byrjun nafnsins.
Vefur siton.is hefur verið í Wordpress vefumsjónarkerfinu síðan hann var settur upp
2012. Þegar ég byrjaði á þessu lokaverkefni hugleiddi ég þann möguleika að nota
netverslunarkerfi eins og Shopify sem vefkerfi síðunnar. Það tengdist m.a. þeirri
hugmynd að hafa netverslun á vefsíðunni. En fljótlega kom í ljós að vandamál
núverandi umsjónarkerfis fólst í lokuðu umhverfi WP.Com og að það mætti leysa með
því einfaldlega að færa hýsinguna annað og sækja Wordpress kerfið til WP.Org. Við
það opnast víðtækir möguleikar á þemum og viðbótum með mjög hóflegum tilkostnaði.
Niðurstaðan er því að nota áfram Wordpress umsjónarkerfið.
Nokkuð viðtekið virðist að nota orðið „þema“ yfir enska heitið „theme“ í WP
umhverfinu. Einnig hef ég séð orðið „sniðmát“ notað. Sjálfum þykir mér fyrirbærinu
best lýst með hugtakinu „viðmótssnið“ en það er önnur saga. Í þessu verkefni ákvað ég
að nota bara „þema“ sem flestir þekkja nú þegar. Við athugun á heppilegu þema gáði
ég sérstaklega að því hvort einhver þeirra þættu ganga vel með netverslunarviðbótinni
WooCommerce (WC). Það var til að sjá hvernig virkni og viðmót það gæfi af sér. WC
er lang útbreiddasta netverslunarviðbótin fyrir Wordpress umhverfið þannig að slíkt val
gæti reynst heppilegt til að auðvelda yfirfærslu gagna yfir í netverslun síðar meir. Eftir
lestur fjölda umsagna ákvað ég að nota þemað Virtue,19 ókeypis gerðina, frá
framleiðandanum Kadence Themes. Í greiddu útgáfunni ($ 45-75 á ári) er mikið af
19 Kadence Themes: http://docs.kadencethemes.com/virtue-free/
48 Trilla á vefmiðum
útfærslumöguleikum bætt í þemað sem auðvelda mjög að móta það. Því var þó sleppt í
þessu verkefni þar sem um prófunarvef er að ræða. Eins og myndir nr. 6 og 7 á bls. 33
sýna þá eru fjölbreyttir birtingarmöguleikar vöruupplýsinga í gjaldfrjálsa þemanu. Á
móti þá eru óæskileg einkenni um netverslun of áberandi. Mögulega er auðvelt að
fjarlægja þessi einkenni eða finna hentugra þema en það bíður frekari skoðunar.
Viðbætur og hjálpartól
Til að setja upp meðlimasvæði eða innri vef á siton.is leitaði ég fyrst á Google og í
framhaldi af því á Worldpress.org. Í ljós kom að það er til sægur af viðbótum til að
halda utan um meðlimaskrár í Wordpress umhverfinu. En virkni þeirra og gæði eru allt
annað en einsleit. Við lestur á umsögnum og samanburð á uppgefinni virkni sást þó að
þau snúast flest um aðgangsstýringu á bloggfærslum (e. posts) en ekki gögnum eða
síðum. Það varð til þess að ég prófaði leitarorð um öryggi gagna og þá kom í ljós
viðbótin Advanced Access Manager,20 sem mér virðist sú líklegasta til að leysa málið.
Ekki hefur unnist tími til að prófa lausnina en umsagnir tuga notenda benda til að þetta
sé tólið sem geti gert innri vefinn að veruleika. Þar sem prófunin fer fram eftir
verkefnaskilin er þó ekki hægt að útiloka að hlutverk innri vefs verði leyst með öðrum
hætti þegar til kastana kemur.
Forsenda þess að geta sett upp vörukynningu á vefsíðunni með þemanu sem var valið
er að netverslunarviðbótin WooCommerce sé til staðar. Þemað sækir sinn vörustrúktúr
þaðan. Það var því einboðið að sækja WC viðbótina og virkja hana. Sem var ágætt því
ég var spenntur að fá tækifæri til að snerta aðeins á því fræga tóli. Afritun þess og
innsetning gekk hratt og snurðulaust og hefur það sinnt sinni bakvinnslu fyrir Virtue
þemað á prófunarvefnum áfallalaust frá byrjun. Það verður spennandi að vinna meira
með möguleika WooCommerce á þessari vefsíðu eða annarri.
Facebook síða SÍTÓN var stofnuð um leið og vefsíðan, 30. maí 2012, og tenging í
hana var sett efst í hægri hliðarsvæði vefsíðunnar. Tengingin mun halda sér eftir
uppfærsluna þótt hún sé ekki komin á prófunarvefinn ennþá. Ekki er ætlunin að nota
aðra samfélagsmiðla á vegum félagsins.
20 AAM: https://wordpress.org/plugins/advanced-access-manager/#reviews
49 Trilla á vefmiðum
Greiningarvinna
Í kaflanum um undirbúning hér á undan er farið ítarlega yfir greiningarvinnuna og hér
stikla ég á því helsta.
Framanaf notaði ég talsverðan tíma í vangaveltur um akademískar fræðigreinar á
sviði vefmiðlunar. Lagði ég full mikið út af þessu atriði. En það skilaði þó frásögn af
rannsóknum hins tyrkneska Selcuk Cebi og hvernig nota má tillögu hans um samræmda
flokkun þjónustusviða vefsíðna í þessu verkefni. Frá því er greint ítarlega í 2. kafla.
Frá fyrstu stigum verkefnisins hef ég reglulega verið að bera saman vefsíður sem eru
hliðstæðar eða skyldar siton.is. Skoðað leiðarkerfi og helstu þjónustuliði til að athuga
hvort vefsíða SÍTÓN sé ekki á réttum nótum hvað það varðar.
Varðandi mælingar þá rýndi ég í tölfræði greiningartólsins í Wordpress.com og átti
von á fremur fábrotnum upplýsingum en fékk hins vegar nokkuð meira en ég bjóst við.
Til að nálgast notendasjónarmið vegna hugsanlegrar vörukynningar á vefsíðunni
gerði ég notendakönnun. Fór töluverð fyrirhöfn og tími í undirbúning, framkvæmd og
úrvinnslu hennar. Könnunin var gerð bæði á notendum vefsíðunnar Söngbók.is og
gestum í versluninni Tónastöðin.
Til að fá raunhæfa mynd af mögulegum kerfiseiningum að baki vörukynningu og
netverslun á vefsíðum tók ég viðtal við vefstjóra vefsíðunnar forlagið.is og gerði grein
fyrir því ásamt broti úr viðtali við eiganda útgáfu- og netsöluvefsins salka.is.
Í undirbúningi vefverkefna þarf að skilgreina markmið vefeigandans og hverjir
helstu markhópar vefsíðunnar eru. Hvað það varðar studdist ég við eitt og annað sem
kemur fram í 3. kafla. Í niðurstöðunni má eflaust greina mínar eigin hugmyndir og
væntingar um uppfærslu vefsíðunnar en vonandi sést á verkefninu að öðru leyti að það
er ekki út í bláinn.
Prófunarvefur settur upp
Til að geta prófað vefumsjónarkerfi Wordpress ásamt þemum og viðbótum eins og
WooCommerce var nauðsynlegt að finna einfalda og ódýra leið sem myndi ekki raska
vefsíðunni siton.is. Sem fyrr kom
Google leitarvélin til bjargar með
fjölda af niðurstöðum við
spurningum eins og „free website
hosting“ og „free domain name“.
50 Trilla á vefmiðum
Niðurstöðurnar þurfti svo að rýna vel en á endanum valdi ég lénið sitonprufa.website
ásamt hýsingu hjá Namecheap.com fyrir um 1100 krónur í eitt ár. Að því fengnu hófst
uppsetning prófunarvefsins og prófun á því helsta sem skipti máli fyrir þetta verkefni.
Efnisöflun inn á prófunarvef
Uppistaðan í efni prófunarvefsins var sótt frá núverandi vefsíðu með útflutningstóli
Wordpress (export). Það voru síður leiðarkerfisins, myndefni og blogg-færslur. Dæmin
um ný atriði sem fyrirhugað er að bæta inn með uppfærslunni voru síðan nýskráð á
prófunarvefnum. Þar var um að ræða myndir og lýsingar á 17 bókum (products) sem
má nú finna undir „Útgefið efni“ lengst til hægri í leiðarkerfi prófunarvefsins. Þrátt fyrir
fyrirhöfnina var lærdómsríkt fyrir mig að ná tökum á samspili kerfiseininganna og sjá
hvaða möguleikar búa í þeim. Nokkur dæmi um undirsíður með nánari upplýsingum
um meðlimi vann ég hins vegar inn á núverandi vefsíðu eftir að útflutningnum sem
segir frá að ofan var lokið. Með því móti fylgja þær síður með upphaflega efninu þegar
uppfærslan verður keyrð inn á nýja vefinn.
Kostnaðarathugun
Framkvæmdinni á leit að kostnaðarmati út frá greinum sem Google leitarvélin fann er
það vel lýst í lok 3. kafla að best er að vísa í þá frásögn freker en að endurtaka hana hér.
Í lokin á þeirri frásögn er sundurliðuð niðurstaða af lauslegri kostnaðarathugun sem ég
gerði á nokkrum vefsíðum á Netinu og er rétt að grein aðeins frá þeirri vinnu. Það
reyndist nokkuð auðvelt að finna verðupplýsingar helstu þjónustuaðila með þemu og
viðbætur fyrir vefumsjónarkerfið Wordpress og netverslunarkerfið WooCommerce. Á
Íslandi liggja slíkar upplýsingar einnig á lausu. Árgjald á léni kemur fram á forsíðu
ISNIC21 og árgjald hýsingar á slóðinni Vörur/Verðlisti hjá 1984 ehf.22 Varðandi
verðupplýsingar fyrir vefhönnun þá leitaði ég til Veftorgs.is þar sem Garðar Garðarsson
áætlaði út frá þeim upplýsingum sem ég gaf upp hvað uppfærsluverkefnið myndi líklega
kosta.
21 ISNIC forsíða: https://www.isnic.is/is/ 22 Verðlisti 1984 ehf: https://www.1984.is/product/pricelist/
51 Trilla á vefmiðum
5. FRAMHALDIÐ
Þegar þetta meistaraverkefni er komið í hillur H.Í. hefst sjálf uppfærsluvinnan á siton.is.
Eins og komið hefur fram er ætlunin að halda vefsíðunni áfram í Wordpress (WP)
vefumhverfinu. Hins vegar verður lénið fært úr hýsingu hjá WP.com og mun
uppfærslan hefjast á því að flytja lénið þaðan, mögulega á íslenskan þjónustuaðila eins
og 1984 ehf. Um leið þarf að skipta út núverandi viðmóti eða þema með því sem best
hefur virkað á prufuléninu (sitonprufa.website). Núverandi leiðarkerfi með undirsíðum
og blogg-hluta flytjast óbreytt yfir þannig að það verður í sjálfu sér einföld og fljótleg
aðgerð. Fjarvera vefsíðunnar (e. downtime) ætti að vera í lágmarki við flutninginn, varla
meiri en 1-2 dagar, sem væri í góðu lagi. Þýða þarf viðmót hins nýja þema á íslensku
sem getur verið fljótlegt eða seinlegt eftir gæðum þemans sem verður fyrir valinu.
Sjaldnast næst að klára öll nauðsynleg þýðingartilvik strax eftir uppsetningu en ætla má
að því ljúki meðfram annarri uppfærsluvinnu á fyrstu dögunum eftir flutning.
Þegar vefsíðan er aftur komin á Netið eftir flutninginn verður hafist handa við að
bæta inn nýjum undirsíðum með kynningum á meðlimum félagsins ásamt því að snyrta
og laga viðmótið eins og þurfa þykir. Þegar því er lokið verður fyrsta þjónustusvið
vefsins tilbúið samanber lið nr. 1 á bls. 16 (Ytri vefur A).
Næsti verkliður verður að velja viðbót fyrir innri vef, þ.e. lokaðan aðgang
félagsmanna eða „Mínar síður“. Það er þjónustusvið nr. 2 á bls. 16 (Innri vefur). Ýmsar
útgáfur eru til fyrir WP vefi og verða þær sem sýnast álitlegastar skoðaðar og prófaðar
á prufuléninu til að auðvelda valið. Ég geri ráð fyrir að mesti tíminn í þessum verklið
fari í þær prófanir. Þegar sú viðbót sem verður fyrir valinu er komin upp á siton.is verður
notkunarmöguleikunum leyft að koma í ljós með tímanum frekar en að ráðast í miklar
byrjunaraðgerðir eftir uppsetninguna. Þegar frá líður er gert ráð fyrir virkjun álitlegra
möguleika innri vefsins í skömmtum eða eftir því sem hentar í hverju tilviki.
Þriðji verkliðurinn snýr að vörukynningunni og mun hann krefjast mestrar
fyrirhafnar og tíma. Þetta er þjónustusvið nr. 3 á bls. 16 (Ytri vefur B). Á
prófunarvefnum notaði ég þemað Virtue og netverslunarviðbótina WooCommerce til að
sjá hvernig virkni og viðmót það gæfi af sér. Þessi samsetning ber hins vegar full mikil
einkenni verslunarvefs sem notendur á siton.is gætu misskilið sem netverslun og
orsakað neikvæð viðbrögð þegar þeir sjá að það er ekki tilfellið. Vörukaup verða að
óbreyttu ekki í boði á þessari vefsíðu af ástæðum sem tilgreindar eru hér neðar. Eftir er
að kanna hvort til sé heppilegt þema með vörukynningarumgjörð sem ekki verður
52 Trilla á vefmiðum
misskilin fyrir netverslun en uppfyllir að öðru leyti nauðsynlega þætti eins og
gagnatöflu sem auðvelt er að yfirfæra í netverslun. Dæmigerð einkenni netverslunar
eins og karfa og pöntunarviðmót væru þá ekki til staðar. Í því tilfelli væri samt ekki
útilokað að hafa pöntunarhlekk yfir á aðskilda söluvefi eins og forlagid.is, penninn.is,
boksala.is og fleiri slíka.
Þjónustusviðið í lið nr. 4 á bls. 16 er netverslun (Ytri vefur C). Ég hætti við áform
um að virkja þennan lið og er rétt að útskýra aðeins hvers vegna. Upphaflega taldi ég
það vera raunhæfan möguleika að setja upp netverslun á siton.is. En í greiningarvinnu
verkefnisins kom fljótt í ljós hve óraunhæft það er í raun. Læt ég nægja að benda á tvö
afgerandi atriði. Það fyrra varðar ábyrgð söluaðila skv. neytenda- og samningslögum.
Nokkuð ljóst er að örlítið hagsmunfélag, án starfsmanns, hefur engar forsendur til að
bregðst við hugsanlegum kröfum vegna vanefnda á fyrrgreindum lögum. Gildir einu
hvort tilefnið væri lítið eða ekkert, möguleikinn einn og sér nægir til að félagið verður
að forðast slíkar aðstæður. Hitt atriðið snýst um umfang og flækjustig við
greiðslumiðlun og vöruafgreiðslu í netverslun. Mynd 8 Líklegt upplýsinga- og
afgreiðsluferli í netverslun er gróf skýringarmynd af helstu ferlum upplýsinga og
Mynd 8 Líklegt upplýsinga- og afgreiðsluferli í netverslun
53 Trilla á vefmiðum
vöruafgreiðslu sem þurfa að vera fyrir hendi til að fullnusta pöntun í netverslun. Fylltir
örvaroddar tákna ferla til kaupanda en tómir tákna ferla frá honum. Og eins og fyrr segir
þá er skýringarmyndin alls ekki tæmandi. Ef einhverjum þykir þessi mynd flókin þá
bendi ég á að í hana vantar m.a. alla ferla fyrir greiðslumiðlun. En þrátt fyrir þessa
niðurstöðu varðandi möguleika á netverslun þá hefur verkefnið kallað fram haldgóðar
upplýsingar sem geta nýst í leit að öðrum leiðum til markaðssetningar á Netinu. Nægir
þar að nefna möguleika á yfirfærslu gagna úr vörukynningarhluta vefsíðunnar í
netverslanir annarra aðila.
54 Trilla á vefmiðum
6. LOKAORÐ
Í þessu lokaverkefni hef ég leitast við að draga fram mikilvæg atriði sem geta verið litlu
hagsmunafélagi í skapandi greinum leiðarlýsing fyrir vefvist á sínum hagsmunamálum,
einfaldri eða metnaðarfullri. Verkefnið tekur fyrir undirliggjandi krafta á sviði sem ég
hef atast í með hléum um langt árabil. Sem höfundur, útgefandi og áhugamaður um
nýtingu Netsins hef ég kynnst alls konar aðferðum til að nýta Netið í þágu míns starfs-
og áhugasviðs, tónlistar og útgáfu tónbóka. En eins og á flestum sviðum þá lærist fljótt
að í þessum efnum er ekki sopið kálið þótt í ausuna sé komið. Að baki vel heppnaðri
vefmiðlun liggur í flestum tilfellum gríðarleg vinna þótt auðvitað séu dæmi um hið
gagnstæða. Er það þá yfirleitt fyrir tilviljun, heppni eða jafnvel vinnuframlag annarra.
Heiti verkefnisins vísar í hugarheim sjávarútvegs og samsvörun við trilluútgerð. Það
er ekki tilviljun. Ég er uppalinn í sjávarplássi, fæddur inn í fjölskyldu með 200 ára
útgerðarsögu og hef um 10 ára reynslu af störfum í sjávarútvegi. Í dag gera flestir sér
grein fyrir að veraldarvefurinn getur verið gjöful auðlind þegar vitað er hvaða afli fæst
á hverju miði og með hvaða veiðarfærum. En til að sækja aflann þarf fyrst að útvega
bátinn, búa hann veiðarfærum og finna út hvaða mið gefa hvaða fisk. Það verkefni sem
hér var unnið sneri aðallega að því að gera trilluna sjófæra með lágmarks
veiðarfærakosti. Ekki var fjallað um hvernig gjöfulustu mið eru fundin né með hvaða
veiðarfærum. Í þeim efnum vísast til markaðsfræða og samspils þeirra með öðrum
fræðum til að streyma upplýsingum, vöru og fjármunum í réttar hendur og fullnægja
lögmætum réttindum allra hlutaðeigandi um leið.
Þótt beinast hafi legið við að ráðast í uppfærslu vefsíðunnar sem um ræðir, siton.is,
án þess að fara í gegnum þau heilabrot sem þetta lokaverkefni kallar á þá hefur
fyrirhöfnin borgað sig með miklum ávinningi fyrir hina eiginlegu uppfærslu. Verkefnið
krafðist mun umfangsmeiri forgreiningar en fyrirhugað hafði verið og með öðru hefur
það skilað afar mikilvægum gögnum og upplýsingum sem munu gera uppfærsluna
talsvert skilvirkari. Fyrir var vefsíðan siton.is raunveruleg og virk vefsíða með hlutverk
og sögu þó stutt væri. Og þörf var á að uppfæra hana hvort sem var. Það er því óhætt
að segja að ávinningurinn af verkefninu verði margþættur. Í fyrsta lagi hefur verkefnið
skilað faglegri undirbúningi en ella fyrir hina eiginlegu vefuppfærslu. Í öðru lagi skilar
það meistaraverkefni við H.Í. Og í þriðja lagi verður það vonandi til hjálpar fyrir
einhverja með svipuð markmið í sinni vefmiðlun og tónbókaútgefendur í SÍTÓN.
55 Trilla á vefmiðum
Umfram allt þá vona ég að verkefnið leiði til öflugri vefmiðils hagsmunafélags
tónbókaútgefenda og færi meðlimum þess fjárhagslegan og faglegan ávinning sem ekki
hefði verið mögulegt með öðrum hætti. Mínir ágætu félagar í SÍTÓN hafa ásamt öðrum
lagt á sig ómælda fyrirhöfn til að glæða íslenska menningu meira og betra tónlistarlífi.
Þeirra framlags er ekki getið í fyrirsögnum fjölmiðla þótt tugþúsundir landsmanna hafi
notið krafta þeirra í tónlistaruppeldi og tónlistarafþreyingu. Tónlistin er takmarkalaus
gleðigjafi og fæst okkar geta ímyndað sér tilveruna án hennar. En þegar öllu er á botninn
hvolft þá er allt það verðmætasta í íslenskri tónlistarmenningu háð þeirri umgjörð sem
tónlistarlífinu er búin. Góð umgjörð gefur af sér verðmætari og fyllri tónlistarmenningu
og þar er vönduð vefmiðlun einn af lykilþáttunum í dag.
56 Trilla á vefmiðum
HEIMILDASKRÁ
Al-Qeisi, K., Dennis, C., Alamanos, E. og Jayawardhena, C. (2014). Website design quality and usage behavior: Unified Theory of Acceptance and Use of Technology. Journal of Business Research, 67(11), 2282-2290. doi:http://dx.doi.org/10.1016/j.jbusres.2014.06.016
Buley, L. (2013). The user experience team of one : a research and design survival
guide. Rosenfeld Media, Brooklyn, New York. Cebi, S. (2013). Determining importance degrees of website design parameters based
on interactions and types of websites. Decision Support Systems, 54(2), 1030-1043. doi:http://dx.doi.org/10.1016/j.dss.2012.10.036
Gylfi Garðarsson. (2015). Nótnarit í Gegni : Greinagerð til almennrar kynningar á úttekt
fyrir Samband íslenskra tónbókaútgefenda um skylduskráð nótnarit í landskerfi bókasafna. Sótt 15. ágúst 2017 af https://notendur.hi.is/gyg9/notnarit-i-gegni-_almenn-kynning_2.pdf
Gautur G. Gunnlaugsson. (2017). Viðtöl höfundar við Gaut G. Gunnlaugsson,
deildarstjóra í Tónastöðinni, um innlendan nótnamarkað, tekin vorið 2017. Krug, S. (2014). Don't make me think, revisited: A common sense approach to Web
usability (3. útgáfa). New Riders, Berkeley. McGovern, G. (2010). The stranger's long neck how to deliver what your customers
really want online (pp. 218 p.). London: A & C Black,. Nielsen, J. (1997). How Users Read on the Web. Nielsen Norman Group. Sótt 5. ágúst
2017 af https://www.nngroup.com/articles/how-users-read-on-the-web/ Nielsen, J. (2006). F-Shaped Pattern For Reading Web Content. Nielsen Norman
Group. Sótt 5. ágúst 2017 af https://www.nngroup.com/articles/f-shaped-pattern-reading-web-content/
Nielsen, J. (2013). Website Reading: It (Sometimes) Does Happen. Nielsen Norman
Group. Sótt 5. ágúst 2017 af https://www.nngroup.com/articles/website-reading/
Sigurjón Ólafsson. (2015). Bókin um vefinn: sjálfshjálparkver fyrir metnaðarfulla
vefstjóra. Iðnú, Reykajvík. Shrestha, S. og fl., o. (2007). Eye Gaze Patterns while Searching vs. Browsing a
Website. Software usabillity research laboratory (SURL). Sótt 5. ágúst 2017 af http://usabilitynews.org/eye-gaze-patterns-while-searching-vs-browsing-a-website/
Vu, K.-P. L. og Proctor, R. W. (2011). Handbook of human factors in Web design (2.
útgáfa). CRC Press, Boca Raton.
57 Trilla á vefmiðum
VIÐAUKI – KÖNNUN UM TÓNBÆKUR Á NETINU
Gerð var tvíþætt könnun fyrir verkefnið undir fyrirsögninni „Könnun um tónbækur á
Netinu“. Annars vegar var send út í gegnum þjónustuna Surveygizmo vefkönnun á 68
netföng skráðra notenda vefsíðunnar Söngbók.is og hins vegar var viðskiptavinum í
versluninni Tónastöðinni boðið að svara sömu könnun á blaði.
Tölvupóstar til markhóps
Fyrsta útsending, 24. júlí 2017:
(erindi/subject): Könnun um tónbækur á Netinu
Kæri viðtakandi Þú ert ein(n) af skráðum notendum hjá vefversluninni www.songbok.is sem er í umsjá
minni. Með þessum pósti leita ég eftir þátttöku þinni í könnun sem ég er að gera fyrir Samband
íslenskra tónbókaútgefenda (SÍTÓN) um tónbækur á Netinu. Könnunin er jafnframt hluti af meistaraverkefni í menningarmiðlun við H.Í. Könnunin opnast með því að smella á gula hnappinn hér fyrir neðan. Svartími er áætlaður 3-5 mínútur og svörin eru ekki persónugreinanleg ef nafn þitt eða
netfang koma ekki fram í opnum svarreitum. Könnuninni lýkur föstudaginn 4. ágúst 2017. Ef þú vilt koma ábendingum á framfæri þá er hægt að skrá þær í síðasta lið könnunarinnar
eða senda mér þær beint á netfangið [email protected] Með fyrirfram þökk Gylfi Garðarsson
Áminning var send á öll netföngin 3 dögum eftir fyrstu útsendingu:
Könnun um tónbækur á Netinu (áminning)
Góðan daginn Ég vil minna á boð um þátttöku í könnun minni og SÍTÓN um tónbækur á Netinu.
Boðið var sent þér þann 24. júlí Hafirðu áhuga á að taka þátt í könnuninni en átt eftir að svara geturðu smellt á gula hnappinn hér fyrir neðan til að opna hana.
Svartími er áætlaður 3-5 mínútur og svörin eru ekki persónugreinanleg ef nafn þitt eða netfang koma ekki fram í opnum svarreitum. Könnuninni lýkur föstudaginn 4. ágúst 2017.
58 Trilla á vefmiðum
Ef þú hefur þegar svarað könnuninni eða vilt ekki taka þátt þarftu ekki að bregðast á neinn hátt við þessum pósti né við lokaáminningu sem verður send í næstu viku.
Með sumarkveðju Gylfi Garðarsson
[könnunarhnappur)
Lokaáminning var send á öll netföngin 3 dögum fyrir lokadag:
Könnun um tónbækur á Netinu lýkur 4. ágúst (lokaáminning)
Góðan daginn [Sami texti og í áminningu]
Með sumarkveðju Gylfi Garðarsson
[könnunarhnappur)
Könnunarspurningar
Hugsun okkar með TÓNBÓK
Tónbækur á Netinu
(Á Netinu er mikið til af prentsettu tónlistarefni eins og textum, hljómum, TAB, nótum o.fl.. Þar er einnig gnótt upplýsinga um útgefnar tónbækur. Sumt er hægt að fá til sín með niðurhali eða heimsendingu)
1) Hvað giskarðu á að þú notir Netið mikið til að fræðast um eða sækja
prentsett efni með tónlist eða um tónlist?
59 Trilla á vefmiðum
* (0 = ekkert, 4 = mikið)
0_______1_______2_______3_______4_______
2) Hvernig tæki notarðu helst ef þú ferð á internetið vegna tónbóka? *
( ) Borðtölvu / fartölvu ( ) Spjaldtölvu ( ) Snjallsíma
Vefsíða SÍTÓN
(Vefsíða Sambands íslenskra tónbókaútgefenda er www.siton.is)
3) Hve æskilegt telur þú að eftirfarandi þjónustuliðir séu á vefsíðu
hagsmunafélags eins og SÍTÓN?
(0 = óþarft, 2 = mjög æskilegt)
Upplýsingar um félagið ................................................. 0______1______2______ Upplýsingar um útgefendurna ....................................... 0______1______2______ Upplýsingar um bækurnar ............................................ 0______1______2______ Netsala á bókunum ....................................................... 0______1______2______
Búðin eða netið
(Ef þig vantaði prentsett lag eða texta, hluta úr tónbók eða alla bókina og þetta fengist allt í netverslun)
4) Hve mikil áhrif hafa eftirfarandi atriði á hvort þú myndir kaupa prentsett
tónlistarefni á Netinu? *
(0 = engin áhrif, 2 = mikil áhrif) Verð ..................................................................................0______1______2______ Þægindi .............................................................................0______1______2______ Þjónusta ............................................................................0______1______2______ Upplýsingar um innihald ..................................................0______1______2______ Reynsla af söluaðila .........................................................0______1______2______ Stafrænt niðurhal ..............................................................0______1______2______ Að geta fengið hluta úr bók ..............................................0______1______2______
60 Trilla á vefmiðum
Annað? (má sleppa):
Þínar tónbækur (Ef þú eða náinn aðstandandi þinn iðkar tónlist)
5) Hvað af eftirfarandi tónlistarefni er mikilvægt fyrir tónlistariðkun þína (eða
nánins aðstandanda)?
* (Merktu við einn eða fleiri svarmöguleika)
[ ] (a) Nótur fyrir viðkomandi tónlistariðkun
[ ] (b) Kennsluefni fyrir tónlistariðkunina
[ ] (c) Söngtextar
[ ] (d) TAB
[ ] (e) Hljóma-bókstafir (C-F-G7 o.s.frv.)
[ ] (f) Hljóma-grip fyrir gítar eða hljómborð
[ ] Annað - Hvað?: _________________________________________________
[ ] Ekkert af ofangreindu
Verð – Niðurhal á afmörkuðu tónlistarefni
(Á Netinu er oft hægt að kaupa afmarkað tónlistarefni, t.d. eitt sönglag eða tilteknar blaðsíður)
6) Hvað finnst þér eðlilegt að borga fyrir niðurhal á prentútgáfu lags eða einni
blaðsíðu af tónlistarefni? *
(Merktu við einn svarmöguleika)
( ) 200-500 kr.
( ) 500-800 kr.
( ) Verðhugmynd þín: _________________________________________________
Verð – Póstkostnaður
(Ef þú pantar prentað eintak af bók og færð hana heimsenda með pósti)
7) Hvað finnst þér eðlilegt að borga í póstkostnað fyrir heimsendingu á tónbók
eins og t.d. kennsluhefti fyrir hljóðfæri? *
(Merktu við einn svarmöguleika)
( ) 300-600 kr ( ) 600-900 kr ( ) Verðhugmynd þín:: _________________________________________________
61 Trilla á vefmiðum
Bakgrunnur þátttökuhóps
(Spurningar 8-11 eru eingöngu notaðar til að gera tölfræðigreiningu svaranna skýrari. Svörin verða
ekki persónugreind)
(Merktu við einn svarmöguleika í hverri spurningu)
8) Kyn? *
( ) KVK ( ) KK ( ) Vil ekki svara því
9) Aldursbil? *
( ) Undir 40 ára ( ) Yfir 40 ára ( ) Vil ekki svara því
10) Landshluti sem þú býrð í? *
( ) Höfuðborgarsvæðið ( ) Suðurland eða Suðurnes ( ) Annar landshluti en að ofan
11) Þekking þín á tónlist? *
( ) Engin eða mjög lítil ( ) Lítil - T.d. sem aðstandandi tónlistariðkanda ( ) Nokkur - Sem tónlistariðkandi í áhugamennsku ( ) Nokkur - Hef stundað grunnnám í tónlist ( ) Þó nokkur - Samsvarandi miðnámi í tónlist ( ) Mikil - Samsvarandi framhaldsnámi í tónlist ( ) Mjög mikil, vegna sérnáms og/eða atvinnumennsku í tónlist ( ) Veit ekki
Tónbækur á íslensku eða ekki
(Útgáfa íslenskra tónbóka hefur almennt ekki staðið undir sér og sumir spyrja hvort það sé yfirleitt
þörf fyrir tónbækur á íslensku. Hvað finnst þér?)
12. Telur þú mikilvægt fyrir tónlistarmenningu Íslands að gefnar séu út
tónbækur á íslensku?
(t.d. söngtextar, söngnótur, spilaleiðbeiningar, tónfræði o.s.frv.) *
62 Trilla á vefmiðum
( ) Já ( ) Nei ( ) Veit ekki
13. Er mikilvægt fyrir þína eigin tónlistariðkun að gefnar séu út tónbækur á
íslensku?
(t.d. söngtextar, söngnótur, spilaleiðbeiningar, tónfræði o.s.frv.) *
( ) Já ( ) Nei ( ) Veit ekki
Ábendingar eða athugasemdir
14) Ef þú hefur ábendingar til okkar eða athugasemdir þá er velkomið að
skrifa þær hér.
(Má sleppa ef vill)
Síðast en ekki síst
(Áður en við þökkum fyrir okkur væri gagnlegt að fá skoðun þína á tveimur atriðum)
15) Ertu fylgjandi því að málefni íslenskra tónbóka séu könnuð nánar?
( ) Já ( ) Nei ( ) Hef ekki skoðun á því
16) Hefðirðu áhuga á að taka þátt í fleiri könnunum um málefni tónbóka?
( ) Já (netfang:)
( ) Nei
Könnun lokið