THERO YA PASEKA - Webnodefiles.reformed-church-khunwana.webnode.com/200000004-70fbb71f35... ·...
Transcript of THERO YA PASEKA - Webnodefiles.reformed-church-khunwana.webnode.com/200000004-70fbb71f35... ·...
THERO YA PASEKA BONA KWANA YA MODIMO EE TLOSANG MALEO A LEFATSHE THERO YA MORENA JESU KRISTE NAKONG YA LOSO LWA SEFAPAANO
Page 1 of 12
BUISA: MATHEO 27: 32-JOHANE 19:30
DITEMA-THERO: LK.23:34, 43, 46; MTT.27:46/MK.15:34 JN.19:26-27, 28,
30
MOTLHODI-THERO: Bonang kwana ya Modimo ee tlhosang maleo a
lefatshe!
Gompieno ke ne ke sa ikaelela go ka lo itsese sepe fa e se Jesu
Keresete fela,ka jalo a re reetseng tsa loso lwa Morena Jesu Kriste.
Morena Jesu Kriste mo tshekong ya gagwe one a atlholelwa loso jaaka
disenyi tseo o neng a bapotswe le tsona;a boga loso lwa
sefapaano.Jesu o ne a atlholetswe loso lwa sefapaano,gonne lefoko le
re: Botlhe ba re a bapolelwe sefapaanong...a mo ba neela gore a
bapolwe.Tshwetso e ne e tshotswe go se na gore katlholo e ka
busediwa morago kgotsa gona go dira boikuelo.
Lefoko le le boitshepo le re: “ya re ba tswela kwa ntle”, ga go
tlhalosege sentle gore a ba ne ba tswela kwa ntle ga kgotla-tshekelo
kgotsa kwa ntle ga motse. Mme gona moo ba kopana le Simone wa
Page 2 of 12
Kirene yo e neng ele rraagwe Aleksantere le Rufo, ba mo pateletsa go
sikarisa Jesu Kriste Sefapaano. Simone a sikara sefapaano go fitlha
Felong-ga-logata moo Jesu Kriste le disenyi tse pedi ba ne ba
bapolelwa teng. Go ne go bidiwa Felo-ga-logata(Golgotha)gonne go ne
go tletse magata a batho bao baa neng ba bapolelwa teng ka gale.
Seno se tiisetsa tota gore katlholo ga ya ka ya busediwa morago kgotsa
gona go ka sekegwa,Simone le ena ke mosupi wa seo gonne o ne a
sikara sefapaano seo se neng se dirafatsa katlholo.
Le mafoko aa reng: “Fa o le morwaa Modimo,fologa mo sefapaanong”
a supa sentle gore Jesu o atlholetswe loso lwa sefapaano.
Mo boemong jwa gore Jesu Kriste a ikarabele mo mantsweng a tshotlo
ao o a amogelang, o tsweletsa pele tiro ya gagwe ya go rera efangeli ya
pholoso eo e neng e supa boleng jwa loso lwa gagwe lwa sefapaanong.
Jesu Kriste fa a ne a le mo sefapaanong o ne a rera mafokong aa reng:
FATHER, FORGIVE THEM: FOR THEY DO NOT KNOW WHAT THEY ARE
DOING-RARA, BA ITSHWARELE; GONNE GA BA ITSE SE BA SE DIRANG.
LK.23:34
TODAY YOU WILL BE WITH ME IN PARADISE- KAJENO O TLA NNA LE NNA
MO PARADEISENG. LK.23:43
WOMAN, LOOK! YOU SON, SON LOOK! YOUR MOTHER-MOSADI BONA
MORWAO KE YOO, MORWA BONA MMAAGO KE YOO. JN.19:26-27
MY GOD, MY GOD, WHY HAST THOU FORSAKEN ME?-ELI, ELI, LAMA
SABAGATHANI? MODIMO WA ME, MODIMO WA ME, O NTLOGELETSENG.
MTT.27:46/MK.15:34
I AM THIRSTY-KE NYORILWE. JN.19:28
IT IS FINISHED-GO WEDITSWE. JN.19:30
FATHER, INTO THY HANDS I COMMEND MY SPIRIT-RARA, KE NEELA MOWA
WA ME MO DIATLENG TSA GAGO. LK.23:46
Page 3 of 12
RARA BA ITSHWARELE; GONNE GA BA ITSE SE BA SE DIRANG LK.23:34
Jesu Kriste one a rapelela botlhe,bao baa ba neng ba mo sotla le
mongwe le mongwe yo e leng moleofi. Go boammaruri go re batho ba
ne ba sa itse se ba se dirang, gonne ba ne ba ithaya ba re ba sotla Jesu
Kriste le go mo didimatsa. Ka nte Jesu e ne o tsamaya fela jaaka go ne
go rulagantswe, gonne o ne a bua a re Morwa-Modimo o tsaya fela ka
fa go rulagantsweng ka teng, fela go latlhega morwa-tatlhego. Jesu
Kriste one a rata gore batho ba bone sebaka sa go ithaabologelwa le go
ikotlhaela maleo a bone esita le bone babogisi ba gagwe. Gonne
Modimo o sa kgatlhwe ke loso lwa modira-dibe,o ne a rata gore le
bone bao baa bapotsweng le ena ba tle ba bone boitshwarelo jwa
maleo a bone.
Jesu o ne a ruta batho go itshwarela ba bangwe melato ya bona ka
mantswe a thapelo ya Morena a a reng: O re itshwarele melato ya
rona jaaka le rona re itshwarela ba ba melato le rona! A tswelela-pele a
re: Gonne fa lo itshwarela batho ditlolo tsa bone, le lona Rraeno wa
legodimo o tla lo itshwarela. Mme fa lo sa itshwarele batho ditlolo tsa
bone, Rraeno le ene ga a kitla a lo itshwarela ditlolo tsa lona. Morena
Jesu Kriste o ne a netefatsa mafoko ano ka mantswe a no ao a buang
nakong ya sefapaanong. Gape Jesu o ne a bontsha boleng jwa loso lwa
gagwe lwa sefapaano, go bontsha gore o ineetse mo sefapaanong gore
re le batho re bone boitshwarelo jwa maleo a rona. Ka jaanong lo bone
boitshwarelo jwa maleo a lona, ene e re fa lo rapela lo eme, lo
itshwarela yo lo gopolang molato wa gagwe, gore Rraeno yo o kwa
magodimong le ene a lo itshwarele ditlolo tsa lona.
Page 4 of 12
Mme fa lona lo sa itshwarele, itseng gore Rraeno le ena yo o kwa
magodimong ga a nke a lo itshwarela ditlolo tsa lona. O ne a dirisa
mafoko aa reng: “Mme nna ke lo raya ke re: ‘Ratang baba ba lona, lo
tshegofatseng ba ba lo hutsang; ba ba lo tlhoileng lo ba direleng
molemo, lo rapelele ba ba lo kgobatlang, ba lo bogisa. Ga dirafala
lefoko leo le builweng ke moporofeti Jesaya le le reng: ‘Ka moo ke tla
mo abela boswa mo go ba bagolo; o tla ananya thopo le ba ba thata;
ka gonne o ne a neela bophelo jwa gagwe mo losong; a balwa le
baikepi.
Mme tota o ne a rwala boleo jwa ba bantsi, a rapelela baikepi. Batho
ba mo sotla ka go mo kgwela mathe, ba mo rwesa le serwalo sa
mmitlwa. Ba kgaoganya diaparo tsa gagwe, ba di tlhabela tengwa. Ga
dirafala lefoko leo le builweng ke Dafita mo Pesalomeng le le reng:
“Nka bala marapo otlhe a me, mme bone ba a mpona, ba ntebile ba
kgatlhega. Ba kgaoganya diaparo tsa me, mme kojwana ya me ba e
tlhamela tengwa”.
Le fa Jesu a ne a rapelela baleofi botlhe, monna mongwe wa sesenyi
yo o neng a bapotswe nae o ne a sa tlhaloganye le go utlwa seo Kriste
o neng a se bua ka mafoko ano. Gonne o ne a tswelela-pele ka go kgala
le go sotla Jesu Kriste are: A ga o Kriste ne, ipholose le rona o re
pholose! Jesu fa a ne a re Rara ba itshwarele, gonne ga ba itse se ba se
dirang; o ne a ba pholosa mo sebeng sa bona,gonne seo e ne e le
morero wa loso lwa MORENA Jesu Kriste sefapaanong.
Yo mongwe wa tsona disenyi tse, a kgalemela seo se kgalang Jesu are:
A le wena ga o boife Modimo, etswe o bapotswe fela jaaka ene; yo ene
ga a dira sepe mme fa ele rona re amogela tseo dire tshwanetseng. Fa
Page 5 of 12
a sena go bona le go ipobola maleo a gagwe, are : ‘Morena, o nkgopole
fa o fitlha mo bogosing jwa gago’. Jesu fa a mo araba are:
AMMARURI KE GO RAYA KE RE: KAJENO O TLA NNA LE NNA MO
PARADEISENG LK.23:43
Jesu o araba monna yo o utlwileng fa go na le boitshwarelo mo
Modimo, ebile a bona gore a dirise tshono eo a e neelwang go
sokologa. Monna yo, o bona boitshwarelo jwa gagwe ka netefaletso ;
Ammaruri ke go raya ke re: kajeno o tla nna le nna mo paradeiseng.
Paradeise le bogosi jwa Morena Jesu Kriste di kopana jang, fa monna
yo a re: ‘O nkgopole fa o tsena mo bogosing jwa gago mme Jesu ene a
bo a araba a re: ‘O tla nna le nna mo paradeiseng?’
Ga dirafala lefoko le le reng: Gona le bangwe ba bone ba ba emeng fa,
ba ba se kitlang ba utlwa loso ka gope ba ise ba bone Morwa-Motho a
tla ka puso ya gagwe. Jesu o simolola ka lefoko la netefaletso:
“Ammaruri ke go raya ke re”, gonne lefoko la Morena ele la
boammaruri le botlalo. Lefoko leno la segerika∏ᾳῤᾳ∂έῐσᾡ
(paradeisoo) le bolela tshimo ya Modimo eo eleng legodimong.Mme fa
re gopola lefoko tshimo re gopola tshimo ya Etene eo Modimo o neng
o beile motho mo go yona mo tshimologong.
Mo tshimong eno e ne ele sesupo sa gore motho o ne a le mo bogone
jwa Modimo, go fitlhella a leofa mme Modimo wa mo leleka go yona
ka ntlha ya sebe. Modimo wa thibella motho go ka tsena mo tshimo
eno gape ka go baya bokerubime mo dintlheng tsotlhe go disa tshimo
eno. Ka loso lwa Morena wa rona Jesu Kriste motho o bona gape
tshiamelo ya go tsena mo tshimong ya Modimo le go nna mo bogone
Page 6 of 12
jwa Modimo. Lefoko la Morena le re: “ ...Yo o fenyang ke tla mo naya
go ja setlhare sa bophelo se se mo Paradeiseng ya Modimo”. Rea itse
gore mo tshimologong Modimo o ne o ileditse motho go ja leungo la
setlhare sa kitso ya molemo le bosula, wa be wa mo thibela le go ka ja
setlhare sa botshelo. Mme botlhe bao baa fentseng ka loso lwa
Morena Jesu Kriste ba bona tshiamelo ya go ja setlhare sa bophelo mo
Paradeiseng ya Modimo. Gape yo o fenyang Morena o tla mo naya
gore a nne le Ena mo sedulong sa gagwe sa bogosi, jaaka le Ena a
fentse, a ntse le Rre mo sedulong sa gagwe sa bogosi. Ka jalo Paradeise
le bogosi jwa Modimo ke tulo e le nngwe fela, ga gona pharologanyo
go tsona. Monna yo wa sesenyi o fentse ka go dumela mo go Jesu
Kriste jaaka Mopholosi wa gagwe. Nna le wena fa re ipobola maleo a
rona le go dumela mo go Jesu Kriste gore ka go swa gagwe mo
sefapaanong re bone boitshwarelo jwa maleo a rona,re tla pholosiwa
le go bona phenyo mo mading a Morena wa rona Jesu Kriste. Jesu
Kriste mo thapelong ya gagwe fa a rapelela badumedi a re: “Rara, ke
rata gore ba o ba nneileng le bone ba nne le nna kwa ke leng teng,
gore ba bone kgalalelo ya me eo e nneileng, ka o nthatile lefatshe le ise
le thaiwe.
MOSADI BONA MORWAO KE YOO, MORWA BONA MMAAGO KE YO O
JN.19:26-27
Jesu o tlisa kopano go batsadi le bana ba bona, fela jaaka le ena a tla
kopa le Rara ka go dira thato ya gagwe.
Maria le Johane yo e neng ele mongwe wa barutwa bao Jesu o neng a
ba rata thata ba tshwaragangwa losong lwa Morena Jesu. Jesu o ne a
bue mafoko aa reng; “Lo se gopole gore ke tsisitse kagiso mo
lefatsheng; ga ke a tsisa kagiso, fa e se tšhaka. Gonne ke tsile go
Page 7 of 12
lotlhanya motho le rraagwe, morwadi le mmaagwe, ngwetsi le
matsalaagwe. Mme ba ntlo ya motho e tla nna baba ba gagwe”.
Ka mafoko ano Kriste o ne a ruta gore ga ese botlhe ba lelapa bao baa
tla mo salang morago, bangwe ba tla mo sala morago, fa bangwe ba tla
mo itatola. Jaanong Jesu Kriste ka loso lwa gagwe o tlisa kagiso le
botsalano go Modimo le batho, fela jaaka a e supa ka Maria le Johane.
Jesu Kriste o ne a supa boleng jwa kopano le kitlano ya lelapa la
bodumedi. Tshwaragano ya badumedi go aga lelapa la bokriste,mme fa
o lebelela mo sebakeng seno o bona malapa a le mantsi a sena kitlano
ya bodumedi.
Batsadi le bana ba bone ga ba mmogo mo loratong lwa Modimo
Rraetsho ka Jesu Kriste Morena wa rona. Ba re dumelang mo go Jesu
Kriste ka loso lwa gagwe re bona tshiamelo ya go bidiwa bana ba
Modimo.
ELI,ELI,LAMA SABAGATHANI?MODIMO WA ME,MODIMO WA ME,O
NTLOGELETSENG? MTT.27:46/MK.15:34
Jesu fa a bua mafoko ano ba ithaya ba re o bitsa moporofeti Elia, ke
moo ba bangwe ba reng: “Lesa, re boneng gore a Elia o tla tla,a mo
golola. Ka nte Jesu o ne a bua le Modimo Rara yo o leng legodimong, fa
a ne a bona thata ya boModimo e mo tlogela gore a tle a boge
botlhoko jwa sefapaano le jwa dibe tsa rona batho bao re leng baleofi.
Mantswe a, a tlhagelela mo Pesalomeng ya Dafita : Modimo wa me,
Modimo wa me, o ntlogeletseng, wa nna kgakala le thuso ya me,
kgakala le mafoko a selelo se segolo sa me?
Modimo wa me, ke bitsa motshegare, mme ga o nkarabe; le mo
bosigong ke a lela, mme ga ke gomotsege. Se nne kgakala le nna,
Page 8 of 12
gonne pitlagano e gaufi, mme ga go na mothusi. Thata ya me e
omeletse jaaka lengetana,loleme lwa me lo kgomaretse magalapa a
me; mme o ntatsa mo loroleng lwa loso. Gonne ke utlwa kgalo ya
batho ba le bantsi.Poitshego e ntlheng tsotlhe,ka ba gakololana ka ga
me; ba ikaeletse go mpolaya. Mme nna ke ikantse wena, MORENA, ka
re : “O Modimo wa me”.
KE NYORILWE JN.19:28
Ba ithaya ba re o tshwerwe ke lenyora la go bona metsi ka ntlha ya
letsapa le go goa ga gagwe, ke moo ba mo nayang motatsa eleng
nngwe ya diaseine tseo di neng di noa ka yona nako tseo.Go ne go le
Aseine ya weine le Aseine ya Motatswa le matute a moweine. Motatsa
ene e le weine ee tlhwatlhwa e tlase eo e neng e noa ke batho bao ba
neng ba bogisa le go bapolela batho losong.
Ka nte Jesu fa a ne a re: “Ke nyorilwe”, ba gopola gore o batla metsi,
mongwe wa babogisi a taboga a ina ngami mo motatseng, ae tlhomela
mo lotlhakeng, a mo nosa. Eleng seo se boletsweng ke Dafita a re: “
Nyatsego e mphatlotse pelo, ka felwa ke thata; ke tlhologeletswe
boutlwelo-botlhoko, mme ga bo yo, le bagomotsi, mme ga ke ba bone.
Ba nneile santlhokwe go nna sejo sa me, mme e rile ke nyorilwe, ba
nnosa motatsa”. Jesu o ne a sa nyorelwa sepe sa tsona mme o ne a
nyoretswe senwelo seo o kileng a rapela ka sona fa a le Gethsemane.
Fa a le Gethsemane a ile go rapela o bua mafoko aa reng: “ Rra, fa go
ka kgonega, a senwelo se, se mphete; fela e se nne ka fa nna ke ratang
ka teng, mme go dirafale kafa wena o ratang ka teng.Rra, fa senwelo
se, se sa ka ke sa mpheta ke sa se nwe, a thato ya gago e dirafale!”.
Jesu fa a kgalemela Petoro o mo raya a re: “Somela tšhaka mo
kgwatleng. A ga ke a tshwanela go nwa senwelo se Rara a se
Page 9 of 12
nneileng?”.Mafoko a, a Segerika ‘∏ῐνᾡ ∏οṭέῤῐον( Pinoo Poterion) a
bolela go ‘boga’; se se bolela gore Jesu o ne a rata go boga dipogo tsa
sefapaano le go utlwa botlhoko jwa dibe le go sikara maleo. Matlhoko
a dibe a ne a mo utlwalela Moyeng le mo mmeleng, a ikutlwa a
tshwanelwa ke go a sikara le go a boga. Jesu Kriste o ne a sikara le go
pogisiwa ka ntlha ya maleo a ba le bantsi, gore bao baa dumelang mo
losong lwa gagwe batle ba bolokesege le go bona boitshwarelo jwa
maleo a bona.
GO WEDITSWE! JN.19:30
Ya re tsotlhe di sena go phethagala, Jesu a sena go wetsa tiro yotlhe e
Rara o mo romileng yona; ke moo a reng: “Go weditswe!”. Jesu o ne a
bue mafoko aa reng: “Nna ke na le tshupo ee fetang ya ga Johane;
gonne ditiro tse Rara o di nneetseng go di wetsa,e bong tsona ditiro
tse ke di dirang,di supa ka ga me gore Rara o nthomile. Gonne thato ya
ga Rre ke go re,mongwe le mongwe yo o lebang Morwa,a ba a dumela
mo go ene,a nne le bophelo jo bo sa khutleng,mme nna ke tle ke mo
tsose ka letsatsi la bofelo.Ke go galaleditse mo lefatsheng ka go fetsa
tiro eo e nneetseng go e dira. Jaanong,wena Rara, nkgalaletse mo go
wena ka wesi ka kgalalelo e ke neng ke na le yona fa go wena,lefatshe
le ise le nne teng”.
Fa motho a romilwe go nna ‘Ambasatara’ ya naga ee rileng mo nageng
e nngwe, fa tiro ya gagwe e fedile,o tshwanelwa ke go boela gae;go
supa mo nageng e a leng go yona le e a tswang go yona go re o dirile
tiro.Jesu tiro e fedile o tshwanelwa ke go boela gae,kwa o tswang teng
le go amogela maemo a gagwe kwa legodimong.Tsotlhe tseo di
builweng ka ga gagwe mo dikwalong tsa phethega le go dirwa botlalo.
Leina la gago ke le ba itsisitse,mme ke tla fela ke le ba itsise gore lorato
Page 10 of 12
lo o nthatileng ka lone lo nne mo go bone, le nna ke nne mo go
bone,go bua MORENA JESU.
RARA, KE NEELA MOWA WA ME MO DIATLENG TSA GAGO LK.23:46
Ke neela mowa wa me mo seatleng sa gago, ke wena yo o nkgolotseng,
MORENA, Modimo oo ikanyegang. Lesire la tempele la gagoga ka
bogare. Gore re tlhaloganye sentle ka lesire le, re tshwanelwa ke go
tlhaloganya kago ya Tabernakele eo Modimo o neng o laetse Moše go
e aga. Tabernakele e, ene e kgaogantswe ka dikarolo di le tharo ebong
ya lelapa, Felo-ga-Boitshepo le Felo-ga-Boitshepo-jwa-Maitshepo.
Gone go na le lesire leo le kgaogantseng Felo-ga-Boitshepo le Felo-ga-
Boitshepo jwa Maitshepo.
Mo Felong-ga-Boitshepo go ne go tsena batho botlhe gone go tla go
obamela Modimo ka gale, mme Felong-ga-Boitshepo –jwa-Maitshepo
go tsena fela Moperesiti yo mogolo gangwe fela ka ngwaga go dira
thuanyo ya maleo a batho.
Lesire leo le neng la gagoga ka bogare ene ele leo le neng le
kgaogantse Felo-ga-Boitshepo le Felo-ga-Boitshepo-jwa-Maitshepo.
Lesire leo le neng le thibela mongwe le mongwe go tsena mo Felong-
ga-Boitshepo-jwa-Maitshepo mme go letleletswe fela moperesiti yo
mogolo fela go tsena ka madi a dikwana go dira thuanyo ya maleo a
batho. Ka tseo Mowa oo Boitshepo o ne o supa gore tsela ee yang kwa
Felong-ga-Boitshepo e ne e ise e bonatshege, fa taberenakele ya ntlha
e sa ntse ele teng...
Page 11 of 12
Lefoko la Morena le re: “Jaanong he, ba ga etsho, ere ka re na le
phuthologo ka madi a ga Jesu go ka tsena mo Felong-ga-Boitshepo-
jwa-maitshepo ka tsela e ntšhwa ee phelang eo e e bulegetseng go ka
ralala lesire, ke gore, ka nama ya gagwe,e re ka re bile re na le
moperesiti yo mogolo yo o okameng Ntlo ya Modimo.
A re atameleng he ka dipelo tsa boammaruri,re na le tumelo ee
tletseng,re kgatshitswe dipelo, go tlositswe matswalo,re bile re
tlhapisitswe mebele ka metsi aa phepa.
Seno se bolela gore ka Jesu Kriste yo eleng tsela le boammaruri le
bophelo re na le tshono ya go tsena kwa legodimong gonne re bone
thuanyo ka moperesiti yo mogolo yo o tseneng ka madi a gagwe fa
pele ga Modimo wa rona.
Keresete o tsile go nna moperesiti yo mogolo wa masego aa tla tlang,a
ralala Felo-ga-Boitshepo fa go gaisang ga pele ka bogolo le botlalo, fa
go sa dirwang ka diatla, ke gore, fa e seng ga tlholego eno.Rara, ke
neela moya wa me mo diatleng tsa gago, sebaka sa me se mo seatleng
sa gago. Nkgolole mo diatleng tsa baba ba me le mo go ba ba
ntelekileng.Ya re a sena go bua jalo, a ntsha mowa.Ga rea tshwanela
go tlhaloganya mafoko a,jaaka ‘leele’,seno se tlhalosa gore o ne a
neela mowa kgotsa gona go swa;fela jaaka mang le mang wa rona a
swa.
E rile re le bokoa,Keresete a swela rona baikepi ka nako ya teng.Kana
go thata gore mongwe a ka beta pelo,a swela yo o molemo.Mme
Modimo o supile lorato lo o re ratang ka lone,ka Keresete a re
swetse,re ntse re le baleofi.Jaanong e re ka re siamisitswe ka madi a
gagwe,bogolo jang ne re tla pholosiwa ke ene mo bogaleng. Gonne fa
re ne ra ruanngwa le Modimo ka loso lwa Morwaa-ona re le baba,re tla