Tema:Biosfera - edukimi.uni-gjk.org Haskaj.pdf · Litosfera-(l itos-guri)- përfaqëson...
Transcript of Tema:Biosfera - edukimi.uni-gjk.org Haskaj.pdf · Litosfera-(l itos-guri)- përfaqëson...
Universiteti "Fehmi Agani" Gjakovë
Fakulteti i Edukimit
Programi:Fillor
Punim Diplome
Tema:"Biosfera"
Mentori: Kandidati:
Prof. Ass. Dr. Lulzim Zeneli Valmir Haskaj
Gjakovë 2017
2
PËRMBAJTJA
Falënderim----------------------------------------------------------------------------------------- 3
Hyrje------------------------------------------------------------------------------------------------ 4
1.BIOSFERA------------------------------------------------------------------------------------- 5
1.1.Qarkullimi i materiës në natyrë----------------------------------------------------- 8
1.1.1.Qarkullimi i ujit---------------------------------------------------------------------- 9
1.1.2.Qarkullimi i oksigjenit------------------------------------------------------------ 10
1.1.3.Qarkullimi i dyoksidit të karbonit------------------------------------------------ 11
1.1.4.Qarkullimi i azotit------------------------------------------------------------------ 12
1.1.5.Qarkullimi i fosforit---------------------------------------------------------------- 13
1.1.6.Qarkullimi i squfurit--------------------------------------------------------------- 14
2.EKOSISTEMI---------------------------------------------------------------------------------- 15
2.1.Funksioni i ekosistemit---------------------------------------------------------------- 17
2.2.Ndarja e ekosistemeve----------------------------------------------------------------- 19
Përfundimi------------------------------------------------------------------------------------------ 23
Literatura------------------------------------------------------------------------------------------- 24
3
Falënderim
Realizimi i këtij punimi u bë i mundur pas shumë përpjekjeve, ku përveç kontributit tim
personal nuk mund të lë pa përmendur mbështetjen e pafund nga shumë njerëz. Është një
kënaqësi e veçantë për mua që të falënderoj të gjithë që me mbështetën drejt kësaj rrugë,
edhe pse këtu i veçoj disa prej tyre. Një falënderim të veçantë ja dedikoj dhe udhëheqësit tim,
Prof. Dr. Lulzim Zeneli i cili me mbështetjen, orientimet, sugjerimet dhe që kontribuoi pa
kursim për kurorëzimin me sukses të këtij punimi. Një falënderim është për të gjithë miqtë
dhe kolegët, të cilët më mbështetën dhe me dhan force që të përfundoj punën që kisha filluar,
dhe e dija që pas të gjitha këtyre hapave gjithsesi do të merrja atë që e kisha endrruar. Në
fund doja të falënderoja nga zemra edhe gjithë familjen time për mbështetjen, shtytjen dhe
dashurinë që më kanë dhuruar gjithmonë drejt këtyre hapave të suksesit ju jam shume
mirenjohes gjithe jetën.
4
Hyrje
Biosfera - ( greq. Bios - jetë dhe sphaire - lëmsh) është njëri nga mbështjellësit sipërfaqësor
të planetit tonë, që së bashku me atmosferën, litosferën dhe hidrosferën e
sajojnë mbështjellësin gjeografik të Tokës, që është lënda e studimit të gjeografisë. Në
përbërjen e biosferës hyjnë të gjithë organizmat e gjallë në tokë, duke filluar prej
mikroorganizmave siç janë bakteret deri te njeriu.
Mikroorganizmat me ndihmën e qarkullimit të masave të ajrit depërtojnë në lartësi 10 deri
12 km mbi sipërfaqen e tokës. Në oqeane dhe dete organizmat jetojnë edhe në thellësi më të
mëdha, kurse bakteret anerobe (që mund të jetojnë dhe pa praninë e oksigjenit) gjenden deri
në tri km në thellësinë e korës së tokës. Prandaj sipas kësaj, biosfera përfshinë dhe
gërshetohet në pjesën më të poshtme të atmosferës-troposferës, tërë hidrosferën dhe pjesën
sipërfaqësore të litosferës. Mirëpo, pjesa dërmuese e organizmave të gjallë jeton në
sipërfaqen tokësore dhe në shtresat sipërfaqësore të ujërave detare dhe oqeanike.
Organizmat e gjallë, që e përbëjnë biosferën ndahen në dy grupe të mëdha: bimët dhe shtazët.
Shpërndarja e madhe gjeografike e bimëve dhe të shtazëve, si dhe prania e një periudhe
kohore shumë të gjatë në Tokë, e bëjnë një ndër faktorët kryesor që kanë ndikuar dhe
ndikojnë në pamjen e tashme të mjedisit gjeografik.
Zhvillimi i biosferës është i lidhur ngushtë me evulucionin gjeologjik të zhvillimit të korës së
tokës dhe ndahet në dy etapa: Etapa abiogjene, biogjene. Keto procese dhe vete biosfera
është e një rëndesie të veqante në jetën e njeriut në tokë.
5
1.Biosfera
Biosfera është shtresa e jetës në tokë që përfshin të gjithë organizmat e gjallë (përfshirë
njeriun) si dhë të gjitha materiet organike që nuk janë dekompozuar ende.Termi së pahri here
u përmend nga Lamarku (1802), duke nënkuptuar shtresën e jetës ku zhvillohet jeta, ndërsa
më vonë gjeologu austriak Zjusi me 1875, e definon si ‘‘vend i sipërfaqes së Tokës ku banon
jeta’’. Para se të zhvillohej jeta, Toka ishte një vend i zhveshur, me shkëmbi, detra të cekëta
dhe shtresa të holla të gazeve kryesisht me CO, CO2, azot molekular sulfide të H dhe avuj uji.
Në këtë përbërjë Toka paraqiste një planet armiqësorë ndaj jetës dhe shterpë dhe nga
shkencëtarët kjo faze e planetit quhet si gjeosferë. Gjeosfera si e tillë, ishte komplet
inorganike dhe përbëhej nga atmosfera, litosfera dhe hidrosfera. Me rrezatimin diellor gjatë
miliona viteve në token primitive, ndërveprimet kimik-fizike çojnë deri në evidencat e para të
jetës në Tokë: pika pa formë të caktuar, xhelatinoze që mund ta mblidhnin energjinë nga
mjedisi i jashtëm dhe të prodhojnë diçka nga lloji i vet. Format e tilla njihen si pikëzat
koacervate. Biosfera është koncepti bazë i biologjisë dhe ekologjisë e që vazhdon me
popullacionet, specie, ekoregjionet dhe biomet.1
Fig. 1. Koncepti bashkëkohor i biosferes
1" Njeriu dhe mjedisi jetësor" / Dr.sc. Zeqir Veselaj. Prishtinë, 2009. fq. 7
6
Biosfera përfshin dhe gërshetohet në pjesën më të poshtme të atmosferës-troposferës, tërë
hidrosferën dhe pjesën sipërfaqsore të litosferës. Mirëpo, pjesa dërrmuese e organizmave të
gjallë jeton në sipërfaqen tokësore dhe në shtresat sipërfaqësore të ujërave detare dhe
oqeanike.2Organizmat e gjallë, që e sajojnë biosferën ndahen në dy grupe të mëdha: në bimë
dhe shtazë. Bota e gjallë është më e zhvilluar në sipërfaqen e tokës dhe shtresat sipërfaqësore
të hidrosferës, por me rrymimet e ajrit organizmat në troposferë arrijnë deri në 10 km lartësi.
Në dete dhe oqeane jeta zhvillohet deri në thellësitë më të mëdha, ndërsa disa
mikroorganizma jetojnë edhe në thellësi të tokës deri në 4 km.Veprimi i organizmave të
gjalla në biosferë është shumë i madh, e veçanërisht veprimi kimik i bimëve të gjelbra, që e
shndërrojnë pamjen dhe përbërjen e sipërfaqes së tokës. Edhe oksigjeni i lirë në atmosferë u
krijua nga bimet e gjelbra me procesin e fotosintezës. Biosfera paraqet sistemin e ndërlikuar
dhe dinamik të Tokës, respektivisht mbështjellësin sipërfaqësor të saj që është në qarkullim
dhe zhvillim të pandërprerë. Biosfera në aspektin energjetik është sistem i hapur, sepse e
pranon energjinë nga Dielli, ndërsa në aspektin e qarkullimit të materies ajo është sistem i
mbyllur, biosfera funksionon në bazë të rrjedhjës së pandërprerë të energjisë dhe qarkullimit
të materies. Sipas koncepteve klasike biosfera përbëhet nga atmosfera (shtresa e ajrit),
hidrosfera (shtresa e ujit) dhe litosfera (shtresa e tokës). Ndërsa sipas koncepteve
bashkëkohore përveç këtyre tri shtresave ekzistojnë edhe antroposfera (pjesa e biosferës e
banuar nga popullata njerëzore dhe kriosfera (shtresa e akullit ku megjithatë ka jetë).
Atmosfera- paraqet pjesën e qaztë të biosferës e përbërë nga azoti (78%), oksigjeni
(20.95%), dioksidi i karbonit (0.03%), argoni (0.93%) dhe gazet tjera me 1%. Proceset
jetësore përfshijnë një numër të madh të reaksioneve kimike të cilat ose lidhin gazet nga ajri
ose emitojnë gazet në atmosferë. P.sh. fotosinteza shfrytëzon CO2 dhe liron O2 përderisa
gjatë procesit të frymëmarrjes së organizmave të gjallë ndodh e kundërta. Gjithashtu,
atmosfera mbron jetën në Tokë nga bombardimet e vazhdueshme të meteorëve. Në mungesë
të atmosferës, temperature në sipërfaqen e Tokës gjatë ditës do të arrrinte në në 200 grade
celcius, ndersa temperatura mesatare vjetore do të ishte për 33 grade celcius më e ulet.
2"Gjeografia"/ Gjimnazi i shkencave shoqërore. Kl-10, Prishtinë 2013. fq. 105
7
Hidrosfera- përfshin masën e tërësishme të ujit, e vendosur në mes atmosferës dhe litosferës
dhe përfshin rreth 70.8% të sipërfaqes së Tokës. Uji është esencial për të gjithë organizmat e
gjallë në Tokë, dhe si i tillë ka luajtur rolin kryesor në evolucionion dhe ekzistencën e jetës
në planetin tonë. Biosfera siq e dimë ne nuk mund të ekzistojë pa ujin e lëngët. Uji poashtu
është i rëndësishëm për transportin e substancave të tretura (fosfate dhe nitrate) që janë të
nevojshme për rritjen e bimëve, si dhe për transportin e produkteve të reaksioneve kimike.
Litosfera-(litos-guri)- përfaqëson mbështjellësin e epërm të fortë të Tokës. Mendohet se
trashësia e saj është prej 50-200 km. Litosfera dhe biosfera janë të lidhura pandashmërisht
përmes dheut që përbëhet nga përzierje e ajrit, materieve minerale, materieve organike dhe
ujit. Aktivitetet e bimëve në tokë siq është rritja e rrenjëve dhe prodhimi i acideve organike
janë gjithashtu të rëndësishme për aspektin mekanik dhe kimik të litosferës.
Antroposfera- popullata njerëzore është duke shfaqur një kërcënim serioz për biosferën
përmes shkatërrimit të habitateve dhe formave tjera të veprimit të dëmshëm në biosferë. Ky
process po shkakton rrezikimi me zhdukje të mijëra specieve për çdo vit. Biosfera përfaqëson
rolin e organizmave të gjallë në tokë, ndërveprimin e saj me shtresat tjera në ciklet
biogjeokimike të qarkullimit të materies dhe energjisë. Biosfera luan rolin kryesor ne
qarkullimin e karbonit, azotit, fosforit, sulfurit, ujit dhe elementeve tjerë. Si rezultat proceset
biogjeokimike që kryhen në biosferë si fotosinteza, frymëmarrja, fiksimi i azotit janë
esenciale për të kuptuar karakteristikat fiziko-kimike të sistemit tokësor në tërsi.3
3 "Mjedisi jetësor" Dr.Ibrahim Ramadani, Prishtinë 2011. fq. 65
8
1.1.Qarkullimi i materiës në natyrë
Biosfera është një sistem që karakterizohet me një numër ciklesh të vazhdueshme të
qarkullimit të materies të përcjellur edhe me qarkullim të energjisë. Proceset e qarkullimit të
materieve njihen me emrin ciklet biogjeokimike. Uji padyshim është parakushti kryesore
sepse pa të nuk ka jetë, prandaj edhe ndahet si një cikël i veçantë. Elementet tjera si karboni
C, hidrogjeni H, oksigjeni O, fosfori P, sulfuri S, kur kombinohen në protein, yndyrna,
karbohidrate dhe acide nukleike, në fakt ndërtojnë bazat, energjitë dhe drejtimin për krijimin
dhe ekzistimin e jetës në tokë.Ndërsa pika fillestare dhe kruciale për qarkullimin e materies
dhe energjisë në ekosisteme padyshim se është fotosinteza.
Qarkullimi i energjisë është i domosdoshëm për përkujdesjen e strukturës së organizmave
përmes formimit dhe ndarjes së lidhjeve fosfotike. Në përgjithësi qarkullimi i materieve
mund të klasifikohet në 3 kategori: qarkullimi i ujit, qarkullimi i dioksid karbonit me
oksigjen CO2, dhe N dhe qarkullimi i materieve minerale.4
Sikur të mos ishte ky qarkullim i materieve inorganike do të rrezikohej edhe ekzistenca e
jetës në natyrë.Zbërthimi i lëndëve organike siç është thënë më herët, bëhet nën veprimin e
disa bakterieve dhe disa këpurdhave, që gjenden në mjedise të ndryshme. Fosfatet dhe
nitratet e krijuara merren përsëri nga bimët fotosintetikisht active për të sintetizuar lëndë
organike.5
4 Njeriu dhe mjedisi jetësor" / Dr.sc. Zeqir Veselaj. Prishtinë, 2009. fq. 8
5 "Biologjia"/ Kl-8, Esat Hoxha, Bexhet Mustafa, Esat Dauti, Ragip Rrustemi,Prishtinë 2005.fq. 31
9
1.1.1 Qarkullimi i Ujit
Uji është një nga elementet më të domosdoshm për jetën. Uji është present në katër mjediset
kryesore: në hidrosferë, në litosferë, në atmosferë në organizma dhe në të tria gjendjet
agregate: në formë të avullit në atmosferë, në gjendje të lëngët në det dhe në tokë, ndërsa në
gjendje te ngurt në akullnaja. Për nga sasia, uji është komponenta më e përfaqësuar e
biosferës. Sasia e përgjithshme e ujit në biosferë është 2100 milion km3. Njëkohësisht uji
është edhe përbërësi kryesorë i materies së gjallë. Te njerëzit uji përbën 63% të peshës së
trupit, ndërsa te disa lloje të organizmave merr pjesë edhe me mbi 90%. Me pjesën më të
madhe uji është koncentruar në dete dhe oqeane duke mbuluar ¾ e sipërfaqes tokësore.
Vetëm rreth 1% e ujit nga rezervat e përgjithshme në Tokë është në disponim për t’u
shfrytëzuar nga shoqëria njerëzore. Sikur të mungonte qarkullimi i ujit në natyre sipërfaqja
më e madhe e Tokës do të ishte shndërruar në shkretëtirë.6
Fig.2. Qarkullimi i ujit në natyrë
Uji në planet është gjithmonë në qarkullim, dhe forca kryesore lëvizëse e tij në biosferë është
energjia e diellit. Nën ndikimin e rrezeve, uji që gjendet në oqeane, detra, liqej, këneta,
lumenj dhe në tokë avullohet duke shkuar në atmosferë. Njeriu për nevojat e veta ( pije,
industry, bujqësi etj.) harxhon 2.5% nga sasia që bie në sipërfaqen e tokës.7
6 "Mjedisi jetësor" Dr.Ibrahim Ramadani, Prishtinë 2011. fq. 87
7 https://www.scribd.com/doc/96307861/Uji
10
1.1.2.Qarkullimi i oksigjenit
Oksigjeni është element shumë i rëndësishëm i cili merr pjesë në përbërjën e të gjitha
komponimeve biologjike. Në natyrë, përkatësisht në atmosferë, oksigjeni merr pjesë me afro
21% në përbërjen e ajrit. Oksigjen në gjendje të tretshme gjendet edhe në ujë.
Pa oksigjen nuk ja jetë, meqenëse ai shërben për frymemarrjen e qenieve të gjalla si dhe në
formimin e shtresës së ozonit si mbrojtëse e jetës në Tokë nga rrezet ultravjollce. Sasi të
konsiderueshme të oksigjenit, pos në frymëmarrje harxhon gjatë proceseve oksidative në
mjetet transportuese si dhe në stabilimentet e fabrikave. Ripërtërirjen e oksigjenit në natyrë e
bëjnë kryesisht bimët (vegjetacioni) përmes procesit të fotosintezes. Me anë të fotosintezës
gjatë një viti lirohen 430-470 miliard ton oksigjen.8
Ky element hyn në shumë reaksione kimike dhe me këtë rast shpenzohet. Në biosferë krijon
shumë okside. Pjesa më e madhe e oksigjenit (rreth 80%) krijohet në dete. Oksigjeni u zbulua
nga kimisti suedez Carl Eilhelm Scheele në 1771, por pas tij kishtë edhe shume supozime të
njëpasnjeshmë.9
Fig.3. Cikli biogjeokimik i oksigjenit
8 "Biologjia" Kl-8 Esat Hoxha, Bexhet Mustafa, Esat Dauti, Ragip Rrustemi,Prishtinë 2005.fq.33
9 https://wol.jw.org/sq/wol/d/r41/lp-al/102009045
11
1.1.3.Qarkullimi i dyoksidit të karbonit
Në ajër përveç gazeve tjetë të rëndësishëm për botën e gjallë gjendet edhe CO2. Në ajër ka
0.03% sasi kjo mjaft e vogël por shumë e rëndësishme për botën e gjallë sepse ëdhë një ndër
komponentët më të rëndësishme të procesit të fotosintesës. Qarkullimi i CO2 në biosferëm
mundësohet kryesisht nga aktiviteti i vegjetacionit. Të gjitha bimët e gjelbërta e shfrytëzojnë
CO2 për ta kryer procesin e fotosintesës, përmes të cilës krijojnë materiet organike që hyjnë
në zinxhirin ushqimor dhe përmes tij barten në format tjera të gjalla.
Një pjesë e materieve organike në bimë dhe shtazë, në zinxhirët trofikë me anë të
frymëmarrjes zbërthen në ujë dhe CO2, dhe kështu një pjesë e CO2 kthehet në atmosferë. Një
pjesë e mbeturinave të bimëve dhe shtazëve si dhe ekstrementet e shtazëve nën ndikimin e
këpurdhave, mikroorganizmave dhe aprofagëve zbërthen deri në CO2 dhe ujë të cilët shkojnë
në atmosferë.
Sasia e përgjithshme e CO2 sipas dia të dhënave logaritet në afro 3000 miliard kilogram.
Nëse CO2 nuk do të ripërtërihej në atmosferë, atëherë sasia e tij do harxhohej për afro 50
vjet, sepse çdo vit me anë të fotosintesës lidhe rreth 49 milion kilogram CO2. Përtërirja e CO2
bëhet edhe gjatë erupsioneve organike, si dhe me difuzion nga basenet ujore (detra e oqeane).
Sipas llogarive mendohet se i tërë CO2 që gjendet në atmosferë, kalon nëpër biosferë brenda
afatit prej 300 vjet. Rregullatori kryesor i CO2 në atmosferë është oqeani, nga kjo shihet se
oqeani ka fuqi të madhe puferike.10
10Njeriu dhe mjedisi jetësor" / Dr.sc. Zeqir Veselaj. Prishtinë, 2009. fq.11
12
1.1.4.Qarkullimi i azotit
Azoti është element i rëndësishëm biogjen i cili në atmosferë merr pjesë me 78%, ndërsa
pjesa tjetër e azotit është e koncentruar në tokë në formë të komponimeve inorganike (nitrate,
nitrite dhe në formë të kripërave të amoniakut), por edhe në formë të lidhjeve organike (te
urea dhe aminoacidet). Në organizma pjesëmarrja e tij arrin deri në 3% të lëndës së thatë dhe
është përbërës i proteinave dhe acideve nukleike. Bimet nuk mund ta marrin azotin molekular
(N2) prej atmosferës. Për qarkullimin e azotit në biosferë me rëndësi primare është
pjesëmarrja e baktereve të cilat e fiksojnë azotin atmosferik dhe e transformojn në forma
kimike, të cilin mund ta shfrytëzojnë organizmat autotrof.
Bimët mund ta shfrytëzojnë azotin vetëm në formë të nitrateve dhe amoniakut dhe nitratet e
tretura i transformojnë në aminoacide. Prej aminoacideve krijohen albumin specifike të cilat i
përdorin kafshët përmes ushqimit për krijimin e albuminave. Kafshët azotin e hedhin në
formë të urinës ose acidit urik, kafshët azotin e marrin përmes ushqimit nga bimët.11
Fig.4.Qarkullimi i azotit
Azoti molekular mund të shfrytëzohet në dy mënyra: Fiksimi abiologjik dhe biologjik.
Fiksimi biologjik- nënkuptohet kalimi i N molekular në okside të N dhe amoniak, ndersa ai
biologjik- është i rëndesishëm për procesin e shëndrrimit të azotit në nitrite dhe nitrate.12
11 "Mjedisi jetësor" Dr.Ibrahim Ramadani, Prishtinë 2011.fq. 90, 9112 https://sq.wikipedia.org/wiki/Azoti
13
1.1.5.Qarkullimi i fosforit
Fosfori është element i rëndësishëm për botën e gjallë sepse hyn në përbërjen e
komponimeve organike si ATP, ADP, ADN, ARN etj. Për këtë arsye qarkullimi i fosforit në
biosferë ka rëndësi të madhe. Si edhe sulfuri, P nuk shfrytëzohet në gjendje elementare, por
në formë të joneve të cilat bimët i shfrytëzojnë përmes rrënjëve së bashku me ujin.
Me vdekjen e organizmave të gjallë bimorë e shtazorë përmes dekompozimit nga
bioreducentët, në tokë prapë krijohen fosfatet. Një pjesë e fosfateve të krijuara gjatë
mineralizimit të materieve organike prapë hyjnë në bimë në formë të joneve fosfate.
Një pjesë e fosfateve me anë të ujit shkojnë në basenet ujore të liqeneve dhe deteve ku
shfrytëzohen nga ana e fitoplanktonit. Qarkullimi i fosforit në natyrë është më i thjeshtë se sa
qarkullimi i azotit. Fosfori mineral është i rrallë në biosferë, duke përbërë 1% të sasisë së
përgjithshme. Në biosferë fosfori gjendet në formë të plehrave të shpendëve dhe fosile të
kafshëve.
Zvogëlimi i fosforit në tokë ndodh më tepër në viset tropike, për shkak të reshjeve të mëdha.
Përdorimi i madh i tij në amvisëri, industri dhe aktivitetet e ndryshme kalon në ujërat
efluente, ndërsa përmes lumenjve përcillet deri në liqene. Prezenca e tij në ujë stimulon
zhvillimin e algave planktonike, ndërsa kjo ka për pasojë zvogëlimin e sasisë së oksigjenit në
ujë dhe zhdukjen e peshqve.13
13 "Mjedisi jetësor" Dr.Ibrahim Ramadani, Prishtinë 2011.fq.92
14
1.1.6.Qarkullimi i squfurit
Squfuri konsiderohet si element çelës në formimin e lidhjeve disulfide pa të cilat nuk mund
të ketë struktura terciare të albuminave. Në natyrë squfuri paraqitet si SO2 dioksid i squfurit,
SO3 sulfid, SO4 sulfat, Squfurin organik prej qelizave bimore e shtazore e zbërthejnë disa
baktere deri te hidroksidi i squfurit (H2S) i cili mund të oksidohet në sulfat amoniak (NH4)2
SO4.
Sasi e konsiderueshme e squfurit lirohet me djegien e qymyrit, i njohur si dioksid i squfurit
SO2, i cili shkakton ndotjen e mjedisit jetësor. Prezenca e squfurit në ekosistem është
indicator i shpërbërjes së shpejtë të albuminave.14
Fig.6. Qarkullimi i squfurit (gazrat që ndotin ambientin në mase të madhe)
14 "Mjedisi jetësor" Dr.Ibrahim Ramadani, Prishtinë 2011.fq.95
15
2.Ekosistemi
Ekosistemi paraqet njësinë themelore strukturale të biosferës. Pasi që ekosistemet në natyrë
janë të llojllojshëm dhe të renditur në mënyra të ndryshme, për këtë arsye edhe struktura e
biosferës është mozaik. Definicionin e parë për ekosistemin e ka dhënë shkencëtari Roy
Clapham me 1930 për të paraqitur komponentët fizike dhe biologjike të mjedisit dhe
marrëdhëniet në mes tyre. Më vonë Tensly me 1935 e definon ekosistemin si një tërësi që
përbëhet nga vendbanimi jetësor (biotopit) dhe bashkësia e qenieve të gjallë (biocenoza).
Biotopi + biocenoza – ekosistemi
Më vonë definicione për ekosistemin kanë dhënë edhe shumë shkencëtar të tjerë. Kështu
Ramade me 1981 konstaton se ‘‘në suaza të mjediseve të ndryshme jetësore dhe numrit të
madh të qenieve të gjalla që banojnë biosferën, mund të dallojmë unitetin ekologjik
funksional stabil në kohë të quajtur ekositem. Pra ekosistemi paraqet tërësinë e faktorëve
fiziko-kimik të mjedisit jetësor (biotopit) dhe të qenieve të gjalla (biocenozës).15
Fig.7. Ekosistemi (biotopi dhe biocenoza)
15 Njeriu dhe mjedisi jetësor" / Dr.sc. Zeqir Veselaj. Prishtinë, 2009. fq.15
16
Biotopi- Paraqet ambientin fizik në të cilin organzmat e gjalla realizojnë ciklet jetësore. Emri
biotope rrjedh nga fjala bios – jetë dhe topos – truall. Biotopi është njësia themelore
topografike me kufij të përcaktuar hapësinor, që paraqet kompleksin e faktorëve ekologjikë,
me kombinimin e kushteve të ngjashme ose identike, Pra, biotopi paraqet vendin ku
mundësohet jeta ose vendin e banimit.
Biotopi mund të definohet edhe si komponent abiotik i ekosistemit ose vend që e zë
biocenoza e caktuar. Ndryshe mund të thuhet se biotopi paraqet pjesën e hapësirës të cilen e
karakterizon kompleksiteti i faktorëve ekologjik. Veçori themelore e biotopit është trualli dhe
klima. Trualli ose toka është përbërës themelor i ekosistemit dhe biosferës. Humuset si
komplekse të substancave të polimerizuara kushtëzojnë plleshmërinë e tokës. Sipas këtyre
faktorëve, disa vende të banimit dallohen mes veti.
Biocenoza- Është bashkësi jetësore e një numri komunitetesh të cilët jetojnë në një areal,
duke u varur nga burimet mjedisore. Biocenoza është tërësi e llojeve të organizmave të gjallë,
bimëve dhe shtazëve me renditje të caktuar ose dendësi të caktuar të banimit.
Biocenozat për nga mënyra e sigurimit të ushqimit marrin emërtimet fitocenoza dhe
zoocenoza. Fitocenoza konsiderohet burim i zinxhirit trofik, ndërsa bazohet në mënyrën
vetushqyese, ose autotrofe. Zoocenoza konsiderohet hallka e mëtejme e zinxhirit trofik ose
ndyshe këto organizma mund të quhen organizma heterotrofe.16
16"Mjedisi jetësor" Dr.Ibrahim Ramadani, Prishtinë 2011.fq.73, 80
17
2.1.Funksionimi i ekosistemit
Në çdo ekosistem ndodh qarkullimi i përhershëm i materies dhe energjisë, në mes pjesëve
biotike dhe abiotike të tij. Nga ky aspekt ekosistemi paraqet një ndërlikueshmëri të theksuar.
Në çdo ekosistem, faktorët e mjedisit të jashtëm (faktoret klimatik, edafik dhe orografik)
veprojnë në biocenozë përkatësisht në qenie të gjalla të cilat në ndikimin e tyre ndryshojnë
pak a shumë. Këto veprime që i bën mjedisi mbi qeniet e gjalla quhen aksion. Nga ana tjetër
organizmat (në të cilët ndikojnë faktorët e mjedisit të jashtëm) reagojnë në ta duke bërë
ndikim të caktuar në biotope. Këto ndikime të organizmave të gjallë në mjedisin e jashtëm
quhen reasione. Në çdo ekosistem kryhet shkëmbimi i përhershëm i materies dhe energjisë,
në të cilin proces marrin pjesë komponentët e tij biotike dhe abiotike. Rolin kryesor në
funksionimin e një ekosistemi e ka regjimi hidrotermik, si element përbërës i pjesës abiotike,
përkatësisht regjimi ujor i tokës dhe ajrit për ekosistemet tokësore dhe regjimi i temperaturës
për ekosistemet tokësore dhe ujore. Regjimi hidrotermik përmes energjisë diellore paraqet
forcën lëvizëse perkatësisht motorin e çdo ekosistemi. Në suaza të pjesës abiotike të një
ekosistemi, inkorporohen materiet minerale nga toka, uji dhe ajri, CO2, oksigjeni dhe energjia
e rrezatimit të diellit, si energji primare, ndërsa prej pjesës biotike inkorporohen prodhuesit,
konsumuesit dhe reducentët (zbërthyesit).
Producentët (prodhuesit) përfshijnë të gjitha bimët e gjelbra, dhe disa baktere autotrof të cilat
kryejnë procesin e fotosintezës. Gjatë fotosintezës, me ndihmën e energjisë së diellit,
dyoksidit të karbonit dhe kriprërave minerale, prodhojnë materiet organike dhe lirojnë
gjithashtu oksigjenin. Është konstatuar se gjatë një viti në Tokë prodhohet sasi e madhe e
masës organike prej rreth 100 miliard tona.
Konsumuesit (harxhuesit përfshijnë organizmat të cilët ushqehen me materie të gatshme
organike. Më tutje ndahen në: konsumuesit e rendit të parë ku bëjnë pjesë organizmat që
ushqehen me bime (shtazët bimëngrënëse) dhe konsumuesit e rendit të dytë dhe tretë ku
bëjnë pjesë shtazët të cilët ushqehen me shtazë të tjera përkatësisht shtazët mishngrënëse.
Njeriu është konsumues i rendit të 1, 2 dhe të 3.17
17 https://sq.wikipedia.org/wiki/Ekosistemi
18
Zbërthyesit (reducentët) – janë grup i organizmave të cilat zbërthejnë materiet duke i rikthyer
ato në materie inorganike, përkatësisht kryejnë procesin e mineralizimit.Roli i reducentëve
është i rëndësishëm sepse bëjnë ripërtrirjen e materieve minerale të domosdoshme të cilat
shfrytëzohen prapë nga ana e producentëve. Secili nga nivelet trofike karakterizohet me
ndyshimet e caktuara të materies dhe energjisë, të cilat janë me karakter reversibil d.m.th.
shkallët përfundimtare të transformimit të materies njëkohësisht janë edhe fillestare.
Fig.8. Zinxhiri ushqyes
Këta janë organizma heterotrofë që substancën organike e krijojnë prej prodhimeve primare
bimore. Në rendin e parë të bimëngrënësve, janë shpënzuesit primarë(herbivore) ku bëjnë
pjesë: milingonat, skrrajt insektet, shpendët, peshqit etj.
19
2.2.Ndarja e ekosistemeve
Sipas prejardhjes së tyre ekosistemet ndahen nëekosistemet dy grupe: natyrore dhe artificial.
Ekosistemet natyrore – për fshijnë të gjitha ato ekosisteme në Tokë që janë krijuar si rezultat
i kombinimit të llojeve bimore dhe shtazore në kohë dhe hapësirë, ekosistemet natyrore u
krijuan dhe u zhvilluan përmes proceseve natyrore.
Këto ekosisteme janë me karakter mjaft stabil dhe mund të ndryshojnë vetëm me ndryshimin
e ndonjërit prej faktorëve abiotik (zjarret, vërshimet, thatësira e gjata etj.). Ndryshimet e
mëdha të ndonjërit prej faktorëve ekologjik si temperature, apo kompleksit të faktorëve
klimatik mund të çoj deri në zhdukjen e një apo më shumë ekosistemeve natyrore.
Ekosistemet artificial - krijohen si rezultat i veprimtarisë së njeriut si p.sh. agrosistemet,
monokulturat pyjore, agrofitocenozat etj. Mbahen si ekosisteme vetëm me kujdesin e njeriut.
Sipas përbërjes sëtyre ekosistemet ndahen në:
Ekosistemet tokësore - ekosistemet pyjore, stepore, gjysmëshkretinore, shkretinore etj.
Ekosistemet tokësore përfshijnë të gjitha ekosistemet në sipërfaqen kontinentale, të cilat janë
pjesë të pedosferës dhe litosferës. Pra, në këto ekosisteme ambient themelor i organizmave
është toka dhe ajri.
Ekosistemet ujore - ekosistemet e oqeaneve, detrave dhe ujërave të ëmbla. Sipas madhësisë
së tyre ekosistemet ndahen në: nanoekosisteme (pika e ujit, gjethi i rënë), mikroekosisteme
(trupi i bimës, gjethet e rëna), mezoekosisteme (livadhi, pylli i ahut, kënetat etj) dhe
makroekosisteme (tajga, pyjet tropikale, oqeani).
20
Biomet
Të gjitha ekosistemet në Tokë janë të ndara në grupe, në kuadër të regjioneve të caktuara
klimatike, në njësi të rendit të parë (biomet), të cilat i karakterizon tip i caktuar i ekosistemit
me forma të caktuara jetësore.
Biomet po ashtu mund të grupohen në tërësi më të mëdha, kryesisht në tri tërësi (hapësira)
jetësore në Tokë:
hapësira e deteve dhe oqeaneve,
hapësira e ujërave të ëmbla dhe
hapësira tokësore – kontinentale.
Të gjitha këto së bashku paraqesin një tërësi të botës së gjallë të quajtur biosferë.
Hapësira e deteve dhe e oqeaneve
Të gjitha detet dhe oqeanet së bashku me botën e gjallë në të përbëjnë një biom të veçantë.
Zonat e deteve përcaktohen me depërtimin e rrezeve të dritës në thellësi të ujit. Zonat
kryesore në det janë:
zona euforike (pjesa e sipërme e ndriçuar e detit),
zona batiale (zona e cekët bregdetare) dhe
zona abisile (thellësitë e mëdha të deteve dhe oqeaneve)
Hapësira tokësore – kontinentale
Në kuadër të tërësisë kontinentale dallohen zonat klimatike të cilat njihen si komplekse
natyrore, ose biome. Këto janë hapësira të cialat dallohen nga njëra – tjetra për nga proceset
dhe dukuritë, pastaj përkah tipi i tokave, bota bimore dhe shtazore, kushtet klimatike, duke
integruar në vete ekosisteme me veçori të ngjashme. Faktorët ekologjikë kontrollojnë
shtrirjen horizonatale dhe vertikale të këtyre makroekosisteme.
Në sipërfaqen e Tokës dallohen disa biome:biomi i pyjeve tropike, gjetherënëse i brezit të
mesëm, i stepave, i shkretëtirave, i tajgave dhe i tundrave.
21
Biomi i pyjeve tropike
Pyjet tropike shtrihen në brezin ekuatorial, duke përfshirë ekosisteme pyjore me pasuri të
konsiderueshme dhe të shumëllojshme të botës së gjallë bimore e shtazore. Pyjet tropike me
lagështi shtrihen rreth lumenjve të mëdhej si: Amazon, Kongo, pastaj në rripin bregdetar të
Guajanës dhe kanalit të Mozambikut, Madagaskar, Arkipelagin e Malajës etj.
Fitomasa arrin ne 650 tonelata për hektar. Disa lloje drunore arrijnë deri 100 metra lartësi,
ndërsa nën kurorat e tyre zhvillohen disa kate bimore. Me një fjalë, mes botës bimore
zhvillohet lufta për dritë. Disa lloje bimore që rriten shpejt mund ta shijojnë atë, ndërsa të
tjerat mbeten poshtë në gjysmerrësirë. Bota bimore zhvllohet ashtu, njëra mbi tjetrën, sikurse
katet e ndërtesave. Këtu vetëm katet e larta, kurorat e drunjeve të lartë kanë mundësinë të
ngrohen nga dielli.
Biomi i pyjeve gjetherënëse i brezit të mesëm
Brezi i mesëm i pyjeve gjetherënëse karakterizohet me ndërrimin e stinëve dhe me periudha
vegjetative verore e dimërore, në të cilën bota e gjallë bimore e shtazore është mjaft e
bujshme dhe e shumëllojshmë. Kufiri bioklimatik i pyjeve gjetherënëse varet nga disa faktorë
natyrorë. Në viset me nxetësi të pamjaftueshme ato kalojnë në pyje halore, ndërsa kufiri
jugor kontakton me formacione barishtore për shkak të thatësisë së madhe.
Biomi i stepave
Stepat përfshijnë hapësira të mëdha barishtore me terrene të rrafshëta në të gjitha kontinentet,
te cila në Amerikën Veriore quhen prerie, kurse në Amerikën Jugore quhen pampase. Bota
bimore kryesisht është barishtore dhe e shumëllojshme, ndërsa druri rrallë shihet i vetmur.
Bota shtazore ështe shumë e pasur dhe e llojllojshme, sikurse bimngrënësit ashtu edhe
mishngrënësit. Biomasa e stepave ndryshon duke u varur nga sasia e reshjeve dhe ajo arrin
deri 1.5 tonelata për hektar, ndërsa masa e rrënjëve 3 – 4 tonelata për hektar.
22
Biomi i shkretëtirave
Shkretëtirat përfshijnë territore mjaft të mëdha në të gjitha kontinentet. Bota bimore dhe
shtazore është shumë e rrallë. Karakteristikë për shkretëtirat janë deveja me gunga dhe
kaktusi të cilat mund të qëndrojnë gjatë pa ujë.
Biomi i tajgave
Tajgat përfshijne një brez mjaft të gjerë kontinental të pyjeve të Evropës, Azisë dhe
Amerikës Veriore me gjerësi prej 1600 km, me klimë të thatë dhe të ftoftë dhe me botën
shtazore mjaft të pasur. Kusht i vetëm për zhvillimin e pyjeve në tajga është se vetëm një
muaj gjatë tërë vitit temperature kalon mbi 10 grade dhe vetëm 2-3 muaj pa ngrica. Reshjet
arrijnë deri 450 mm në vit sidomos gjatë korrikut dhe gushtit. Për shkak të temperaturave të
ulëta avullimi është mjafti vogël dhe toka ka mjaft lagështi. Nëpër tajga rrjedhin lumenjtë e
mëdhenj si: Obi, Jenisei, Lena, Mekenzi, Jukoni, si dhe një numër i madh i liqeneve që zënë
sipërfaqe mjaft të mëdha.
Biomi i tundrave
Tundrat përfshijnë hapësirat më veriore vegjetative dhe shtrihen deri në viset arktike të
mbulura me borë dhe me akull të përhershëm. Temperaturat e ulëta dhe tokat e varfra kanë
kushtëzuar zhvillimin e një jete të kufizuar të disa llojeve. Mbulesën bimore e përbëjnë
barishtet e shkurta e të rralla dhe myshqet, ndërsa bota shtazorë është e varfër dhe e
përshtatur në temperatura të ulëta.
Tundrat janë territore të ftohta, me dimra të gjatë (6 – 9 muaj) dhe temperature më të ulëta se
-4 grade. Vera është e freskët dhe e shkurtë. Temperatura nuk arrin në 10 grade as në stinën e
verës. Për shkak të temperaturave të ulëta të ajrit, proceset biokimike nuk zgjasin më tepër se
80 ditë. Deri ne 20 cm toka është gjithnjë e ngrirë, ndërsa në Siberi arrin deri në 800 metra.
Reshjet janë të pakta dhe arrijnë deri 300 mm në vit. Për shkak të temperaturave të ulëta edhe
avullimi është i vogël, ndërsa toka është plot ujë.18
18 "Mjedisi jetësor" Dr.Ibrahim Ramadani, Prishtinë 2011.fq.105, 119
23
Përfundimi
Në këtë punim jam munduar të shtjelloj një teme te shkurtër mbi rëndësine e biosferës dhe
ekosistemit në përgjithesi. Nëpërmjet këtre rreshtave të këtij punimi kam cekur rendësine e
ekosistemit në të cilin jetojnë dhe në të cilën nuk do të kishtë jetë pa praninë e tij shumë të
rëndesishme.
Poashtu përmes këtij punimi kam cekur shkatërrimet që dita ditës po i bëhet ekosistemit dhe
biosferës në përgjithesi në po shofim gjdo ditë që ekosistemet e shumta po shkatërrohen nga
dora e njëriut nga e cila biosfera është e rrezikuar, ndërsa ajo u ndërtua për të na mundesuar
që të jetojmë në të.
Në të shumtën e rasteve në nuk janë të vetëdijeshëm për ato veprime ndaj natyrës, por një gje
e dimë që njerëzit po e degradojnë ato dita ditës.
Në tere planetin tonë ka mjaft dallime ne biotope dhe biocenoze, ato dallojnë nga njëra tjetra
shumë për nga bota bimorë dhe shtazore.
Biosfera është e pazëvendësueshme prandaj kujdesin ndaj saj duhët ta shtojme edhe më
shumë, më një fjali të vetme në mund ta pershkruajme atë " Pa të nuk ka jetë, andaj mos ta
shkatërrojmë.
Në po shofim që shtresa e ozonit po shkatërrohet nga puna në ekosistem dhe dimë që nëse
shkojmë drejt këtyre hapave në do të kemi shumë pasoja të pakthyëshme dhe ndryshime të
mëdha në ekosistem dhe biosferë.
24
Literatura
"Njeriu dhe mjedisi jetësor" / Z.Veselaj, “Prishtinë’’ 2009”
"Mjedisi jetësor" / Ibrahim Ramadani, Prishtinë 2011
"Biologjia" / Kl; 8 Esat Hoxha, Bexhet Mustafa, Esat Dauti, Ragip Rrustemi,Prishtinë 2005
"Biologjia" / Kl11-Prishtinë 2011
"Gjeografia" / Kl10-Prishtinë 2013; Dr. Asllan Pushka, Nevzad Krasniqi
Burime nga internet
https://sq.wikipedia.org/wiki/Biogjeografia
https://sq.wikipedia.org/wiki/Biosfera
https://sq.wikipedia.org/wiki/Ekosistemi
https://sq.wikipedia.org/wiki/Cikli_i_Ujit
https://www.scribd.com/doc/96307861/Uji
https://www.google.com/search?q=cikli+i+oksigjeni
https://wol.jw.org/sq/wol/d/r41/lp-al/102009045
https://www.google.com/search?q=cikli+i+azotit
https://www.google.com/search?q=qarkullimi+i+squfurit
https://sq.wikipedia.org/wiki/Ekosistemi
https://sq.wikipedia.org/wiki/Energjia_ne_ekosistem