70 L i a h o n a

TAM

ARII (M

AU)

Na Angela Peña Dahle

« A haapa’o i te mau faaueraa. Tei roto i te reira te vai- hau- raa e

te hau » (Children’s Songbook, 146).

Ua amu o Ana i ta’na tapu tortillas (faraoa tô

popaa) hopea E mea marû e te au maita’i. E mea au roa na Ana te totillas (faraoa tô popaa) a to’na mama ruau. Te reira te tuhaa maita’i a’e o te tamaaraa po’ipo’i.

Ua hi’o noa o Ana i to’na mama ruau,

o Abuela, ia ho-roi i te au’a.

Mai te au i te tahi atu mau huru po’ipo’i. Tera râ, te vai ra hoê mea taa ê.

E mea matarohia e haere o Abuela i te makete no te hoo mai i te maa. Aita râ i haere i teie mahana. I teie mahana, aita e moni no te hoo mai i te maa.

« Eaha ta matou e amu ananahi ? » Ua uiui noa te mana’o o Ana.

Ua haamana’o a’era o Ana. Ua ite oia e tei hea te tahi moni te vairaa ! I na po ra, ua ite oia ia Abuela i te tuuraa i te tahi pesos (moni) i roto i te hoê ahu uouo na’ina’i.

« Abuela, ua mo’ehia ia oe ? E moni ta oe no te hoo mai i te maa ».

« Eaha te moni ? » Te uiraa ïa a Abuela.

Ua horo atura o Ana no te tii i te moni. Ua ueue a’era oia i te faarii moni na’ina’i. Clink ! Clink !

Ua ata o Abuela. « Ta taua tuhaa ahuru te reira, e Ana. Nana te reira moni ».

« Tera râ, eaha ta taua e amu ana-nahi ? » Te uiraa ïa a Ana.

Ua parau maira o Abuela e, « Eiaha e haape’ape’a ». « Te ti’aturi nei au e, e tauturu mai te Metua i te ao ra ia taua ».

I te po’ipo’i i muri iho, ua horo’a o Abuela i te tortilla tô popaa hopea FA

AHO

HO’A

RAA

NA A

NDRE

W B

OSL

EY

na Ana. I reira, ua parahi atura oia i roto i to’na parahiraa. Ua niranira oia i te mau tiare uteute i ni’a i te hoê ahu, e ua faati’a maira i te mau aamu no ni’a i te anotau e tamahine na’ina’i oia. E ere to’na te hoho’a haape’ape’a.

I reira, ua faaroo a’era o Ana i te hoê patoto. Ua horo atura oia e iriti i te opani.

« Tonton Pedro ! »Ua parau maira o tonton Pedro e,

« ua puta mai te mana’o i roto ia’u ia haere mai e farerei ia orua ». Ua tuu maira oia e toru pute i ni’a i te amuraa maa. Hoê e faraoa ota tô popaa no te tortillas to roto. Te tahi, e i’o puaa to roto. E te tahi faahou e légume apî to roto no te makete mai.

« Aue, aiu e », te parau ïa a Abuela. « E hamani au na oe i ta’u tihopu i’o puaa au roa a’e ! »

« Ta oe te tihopu au roa a’e i te ao nei », te parau ïa a tonton Pedro.

Ua ata o Ana e ua pa’ipa’i i to’na na rima.

I muri iho, ua faaea oia. Te vai ra hoê mea ta’na i hinaaro ia ite. « Abuela, ua ite anei oe e, e haere mai o tonton Pedro i teie mahana ? No reira anei oe i ore ai e haape’ape’a ? »

Na ô maira o Abuela e, « Aita ». « Ia aufau ana’e au i ta’u tuhaa

ahuru, te vai ra to’u ti’aturi e, e haamaita’i mai te Metua i te ao ra ia’u. E ua na reira Oia ! »

Ua tauahi atura o Ana ia Abuela. E au oia mai te tamahine oaoa roa a’e i Mexico. Ua ti’aturi raua o Abuela i te Metua i te ao ra. I teie nei, eita ta’na e nehenehe e tia’i no te amu i te tihopu au a Abuela ! ◼Te ora ra te taata papa’i i Caroline apato’erau, i Marite

Te moni na te Metua i te ao ra