Starfsáætlun 2008-2009brakarborg.is/images/stories/file/starfsaatlun 08-09.pdf · Hvað það er...
Transcript of Starfsáætlun 2008-2009brakarborg.is/images/stories/file/starfsaatlun 08-09.pdf · Hvað það er...
Efnisyfirlit
1. Mat á leikskólastarfi.............................................................................................. 2
1.1 Innra mat ........................................................................................................... 2 1.1.1 Niðurstöður á innra mati ........................................................................... 2
1.2 Ytra mat............................................................................................................. 3 1.2.1 Niðurstöður á ytra mati............................................................................ 3
2. Markmið Brákarborgar 2008-2009 .................................................................... 4
2.1 Þróunarverkefnið samfélagið í einingakubbunum......................................... 4 2.2. Önnur markmið leikskólans............................................................................ 7 2.3 Dagskipulag Brákarborgar.............................................................................. 8 2.4 Foreldrasamstarf ...........................................................................................10
3. Kennarahópurinn.................................................................................................... 11
3.1 Dagatal kennara Brákarborgar......................................................................12
2
1. Mat á leikskólastarfi
Hér á eftir má sjá hvernig mat á starfi leikskólans fór fram á sl. skólaári.
1.1 Innra mat
• Umræður á starfsmannafundum og deildarfundum.
• Starfsviðtal sem allir fá við leikskólastjóra einu sinni á ári og eftir
þörfum.
• Skóladagatal og dagskipulag.
• Fundir og úrvinnsla úr námsferð til New York.
• Samtalsrammi lagður fyrir kennara á deildarfundum, með eftirfarandi
spurningum.
1. Hvernig hefur þér tekist að gefa börnum tækifæri á að læra á eigin
forsendum?
2. Hvaða merkingu leggur þú í að vera þátttakandi í leik með
börnunum? Og í hvaða formi hjálpar þú?
3. Hvaða leiðir eru farnar til að stuðla að frumkvæði?
4. Ræðið hlutverk ykkar sem fyrirmynd, hvað er mikilvæg fyrirmynd?
1.1.1 Niðurstöður á innra mati
• Skóladagatalið verður að mestu leiti svipað. Þær nýjungar sem teknar
voru inn á sl. ári eins og. ömmu og afa dagur, þóttu takast einstaklega
vel og ákveðið að halda þeim inni. Opin vika fyrir foreldra var of nálægt
jólum og verður hún seinna á næsta ári. Opna húsið sem verið hefur á
laugardögum verður framvegis með íþróttahátíð sem haldin er að vori.
Þetta fyrirkomulag skilaði 100% mætingu og starfsmenn og foreldrar
ánægðir.
3
• Helstu niðurstöður eftir námsferð leikskólans til New York voru þær
að lögð verður enn meiri áhersla á frjálsa leikinn. Dagskipulagið var
endurskoðað og hópatímar teknir út nema einu sinni í viku þar sem
hvert barn fer í hópavinnu með einingakubbana. Það helsta sem kom
fram í samtali kennara á deildum um hlutverk kennarans var að
börnunum gefst kostur á því að læra á eigin forsendum innan okkar
skipulags með efniviðnum, opnum spurningum frá kennaranum og í
frjálsa leiknum. Þátttaka kennara fer aðallega þannig fram að
kennarinn er nálægur, aðstoðar þau börn sem þurfa á því að halda og
finnur til efnivið við hæfi hvers og eins. Til að stuðla að frumkvæði
barnanna eru notaðar opnar spurningar, hvatning og hrós. Einnig að
börnin finni lausnirnar sjálf í leik sínum með opið leikefni. Sem
fyrirmynd telja kennararnir að sá sem kemur fram við aðra af hlýju,
umhyggjusemi, virðingu og áhuga sé góð fyrirmynd. Einnig er mikilvægt
að viðhorf okkar séu jákvæð og að vera til staðar fyrir börnin.
1.2 Ytra mat
Viðhorfskönnun sem flestir starfsmenn Reykjavíkurborgar tóku þátt í.
1.2.1 Niðurstöður á ytra mati
• Leikskólinn kom mjög vel út í viðhorfskönnuninni. Flestir liðir voru yfir
meðallagi miðað við aðra leikskóla og borgina í heild. Það sem við þurfum
hins vegar að bæta og ekki kom nógu vel út er vinnuaðstaða
starfsmanna. Einnig þarf að auka símenntun og skerpa á því hvað
símenntun er..
4
2. Markmið Brákarborgar 2008-2009
Vorið 2008 fengum við styrk til þess að fara út í þróunarverkefni sem stefnt
hefur verið að í rúmt ár fyrsta úthlutun þar er í september 2008.
2.1 Þróunarverkefnið samfélagið í einingakubbunum
Tilgangur verkefnisins er að dýpka enn frekar starf okkar með
einingakubbana hvað varðar hlutverk og kennsluhætti kennara og
námsmöguleika barna og sýna fram á hvernig þeir geta nýst sem námsefni í
samfélagsfræði fyrir leikskólabörn.
Markmið verkefnisins er að athuga hvaða áhrif það hefur á einingakubbastarf
í leikskólanum Brákarborg, að dýpka hugmyndafræði þá sem kennd er við
John Dewey og Caroline Pratt, með því að innleiða samfélagsfræði í leik og
nám barnanna með einingakubba sem hannaðir voru af Pratt. Í verkefninu
verður skoðað hvernig samfélagið sem börnin lifa í, birtist í leik með
einingakubbana. Hvað það er sem kemur fram í leiknum sem verður með vísun í
þá samfélagslegu þætti sem þau upplifa í vettvangsferðum, í umræðum með
kennara og barnahóp og með spurningum kennara. Á hvaða hátt kemur
samfélagsleg tenging fram í tungumáli barnanna og hvað er það sem þau læra
um samfélagið með þessari innleiðingu. Í verkefninu munu kennarar beita
lýðræðislegum kennsluháttum og virkja börnin til þátttöku og ákvörðunartöku
í námi sínu. Markmið verkefnisins er tvískipt og snýr annars vegar að
hlutverki og kennsluháttum kennara og hins vegar að námi barna.
Kennararnir:
• Dýpka þekkingu sína á hugmyndafræðinni á bak við einingakubbana með
því að auka markvisst tengsl barnanna við samfélagið.
• Efla sig í að spyrja börnin opinna spurninga.
5
• Þjálfa sig í að efna til umræðna með börnunum í tengslum við
vettvangsferðir og rannsóknir um samfélagið sem leitað verður til í
auknum mæli.
• Tileinka sér lýðræðislega kennsluhætti í anda Johns Dewey með því að
virkja börnin til þátttöku og ákvörðunartöku.
Börnin:
• Nota samfélagið í auknum mæli sem kveikju í námi barnanna með
öflugri tengingu á milli vettvangsferða, leik með einingakubba,
umræðum og spurningum kennara.
• Fá tækifæri til að vinna úr reynslu sinni og rannsóknum á skapandi hátt
og setja upplifun sína í það form sem þau sjálf kjósa að gera. Bæði
hvað varðar samskiptin við kennarana og barnahópinn, sem tungumálið
gerir þeim kleift í leik með einingakubbana, sem og kubbabyggingarnar.
6
Leiðir í vinnu með þróunarverkefni
1. hluti. Haust 2008.
Við munum byrja á því að hafa markvissar kubbastundir á hverri deild með
hverjum hóp, hópstjóra og verkefnastjóra með sama hætti og gert hefur
verið. Unnið verður með börnunum í einingakubbunum og farið í
vettvangsferðir út í samfélagið. Kennarar leggja kapp á að tengja
vettvangsferðir við leik barnanna í kubbunum og skapa ríkulegt námsumhverfi
sem hefur að geyma gott úrval af viðbótarefniviði til sköpunar sem leiðir til
lausnaleitar hjá börnunum. Þeim verður gefinn kostur á lengdum leiktíma.
Einnig fá börnin að láta byggingar standa yfir tvo leiktíma til að byrja með og
smátt og smátt verður sá tími lengdur með tilliti til þarfa barnanna þ.e.
tímabil sem gæti náð yfir allt að vikutíma.
Samhliða því verður undirbúningur fyrir kennara leikskólans í formi, lesturs,
umræðna, fræðslu og fyrirlestra til eflingar fagmennsku innan leikskólans.
Ákveðnar hugmyndir og óskir hafa komið upp um hvert skal leita í því
sambandi. Einnig verða notaðar skráningar til endurmats og umræðna um
kennsluhætti kennaranna. Kennarar byrja strax á skráningum og ætlunin er
að nota bæði skriflega og myndræna skráningu auk hljóðupptöku.
2. hluti. Vor 2009.
Farið verður markvisst í vettvangsferðir og unnið úr þeim m.a. í
einingakubbum, myndlist, tónlist og námsgreinar þannig samþættar. Þar að
auki munum við gera alla þætti skráninga markvissari og jafnframt hefst
úrvinnsla gagna. Stefnt er að því að endurmeta veturinn og setja okkur
markmið fyrir áframhaldið bæði hvað varðar innra starfið utanaðkomandi
fræðslu fyrir starfsmannahópinn.
7
2.2. Önnur markmið leikskólans
• Nám barnanna fer fram í gegnum svokallað verkefnaval þar sem
áhugasvið þeirra ræður ferðinni.
• Fjölbreyttara opið leikefni verður lagt inn.
• Unnið markvisst með öll námsviðin.
• Ákveðin hlutverk á hverjum degi sem börnin taka þátt í að vinna.
• Öðruvísi dagar verða reglulega á fimmtudögum.
Leiðir
• Verkefnavalið fer þannig fram að kennarinn tekur til leikefni og börnin
eru svo á því svæði sem áhugi þeirra segir til um. Þetta getur verið
bæði úti og inni. Öll börn út einu sinni á dag.
• Aukið verður úrvalið af leikefni fyrir börnin í verkefnavalinu og má þar
nefna, smíðar, fjölbreyttari leir, sand, ljósaborð og myndvarpa.
• Tónlist er á hverjum degi og nú í fyrsta skipti í langan tíma erum við
með gítarleikara til að spila undir við söng barnanna. Myndlist er í boði
á hverjum degi með mismunandi fjölbreyttum efniviði. Hvert barn fer í
skipulagða hreyfistund einu sinni í viku og auk þess verður mikil áhersla
lögð á hreyfingu í útiveru og gönguferðum. Mikið verður unnið með
menningu og samfélag í tengslum við þróunarverkefnið ásamt öllum
öðrum námssviðum. Við gerum börnin meðvituð um umhverfið sitt, að
þau taki eftir fjölbreytileika náttúrunnar og beri virðingu fyrir henni
með gönguferðum, útiveru og umræðum. Málrækt er rauður þráður í
gegnum allt starfið í leikskólanum. Þau börn sem þurfa á sérstakri
aðstoð að halda fá hana markvisst í hverri viku.
8
• Börnin sjá um ákveðin hlutverk á hverjum degi í Brákarborg. Þessi
hlutverk verða svo smá saman flóknari eftir aldri þeirra og þroska. Þau
hlutverk sem að elstu börnin sinna eru:
1. Aðstoða litlu börnin í ávaxtatíma og að klæða þau út.
2. Sópa gólfin.
3. Skola fernur og fara með í endurvinnslutunnu.
4. Leggja á borð.
5. Sjá um að fataklefi sé snyrtilegur.
6. Raða bókum.
7. Passa að ekki leki vatn úr krönunum á snyrtingum.
• Sameiginlegir söngfundir eru alltaf í leikskólanum á fimmtudögum og
einnig eru ýmsar aðrar uppákomur reglulega yfir veturinn.
2.3 Dagskipulag Brákarborgar
7:30-08:20 Leikskólinn opnar róleg stund
8:20-08:50 Morgunverður
9:00-11:30 Frjáls leikur úti og inni
11:30-12:00 Tiltekt og samvera
12:00-12:30 Hádegisverður
12:30-13:00 Hvíld
13:00-14:30 Frjáls leikur úti og inni
14:30-15:00 Tiltekt og samvera
15:00-15:30 Kaffitími
15:30-17:00 Frjáls leikur og tiltekt
17:00 Leikskólinn lokar
Hver deild útfærir sitt dagskipulag nánar.
9
Samsetning barnahópsins veturinn 2008-2009.
Barnahópurinn, aldurssamsetning, fjöldi og kyn
0
1
2
3
4
5
6
7
8
9
10
2003 2004 2005 2006
Drengir
Stúlkur
10
2.4 Foreldrasamstarf
Mjög gott samstarf hefur verið við foreldra í Brákarborg. Því verður haldið
áfram og einhverju bætt við.
Markmið
• Þróunarverkefni kynnt vel fyrir foreldrum.
• Leikefnið sýnilegt.
• Vinna með einstaklingsnámskrá fyrir hvert barn í samráði við foreldra.
• Gera skráningar úr starfi barnanna sýnilegri fyrir foreldra.
• Gera heimasíðuna að öflugri upplýsingamiðli.
• Halda áfram uppákomum með þátttöku foreldra.
Leiðir
• Kynna þróunarverkefni á foreldrafundi og setja reglulega upplýsingar
inn á heimasíðu til að þeir geti fylgst betur með.
• Bjóða foreldrum að byggja úr einingakubbunum á foreldrafundi.
• Einstaklingsnámskrá unnin með foreldrum í foreldraviðtölum að hausti.
• Hafa myndrænar skráningar úr starfinu sýnilegar á hverri deild.
• Auka fréttir inni á heimasíðunni. Upplýsingar frá hverri deild verði
markvissari.
• Þeim uppákomum sem hafa verið undanfarin ár verður haldið áfram og
vægi opinnar viku aukið.
• Stofna foreldraráð að hausti
11
3. Kennarahópurinn
Á meðfylgjandi töflu má sjá hvernig starfsfólk Brákarborgar skiptist niður
eftir starfsheitum.
Starfsfólk Brákarborgar haustið 2008
0
1
2
3
4
5
6
Leikskólakennari
Grunnskólakennari
Leikskólakennaranemi
Þroskaþjálfanemi
Leiðbeinandi 2
Starfsmaður
Matsveinn
Starfsfólk Brákarborgar haustið
2008
Markmið
• Áframhaldandi samstarf við hina Bugðuleikskólana.
• Umræðufundir þar sem fræðilegt lesefni er lagt til grundvallar.
• Að kennarar tileinki sér skráningu í starfinu.
• Bæta vinnuaðstöðu kennara sem kom ekki nógu vel út í
starfsmannakönnun.
• Gera góðan starfsanda í Brákarborg enn betri.
Leiðir
• Námskeiðsdagur með hinum Bugðuskólunum þar sem kennarar hafa
tækifæri til að velja sér smiðjur og sitja sameiginlegt námskeið.
Sameiginlegur starfsmannafundur með fræðslu, kennaraskiptum,
handleiðslu á milli skóla og fl.
• Deildarfundir þar sem skráningar á þróunarverkefni verða skoðaðar
og metnar.
12
• Starfsmannafundir verða að hluta til notaðir til að ræða um það
fræðilega efni sem lagt verður fyrir vegna þróunarverkefnis.
• Allir starfsmenn fái námskeið í skráningu.
• Ýta á framkvæmdir við viðbyggingu við leikskólann sem áður hefur
verið farið fram á, til að kennarar fái vinnu- og viðtalsherbergi.
• Hafa gleðina í fyrirrúmi í starfi okkar með börnunum og vera áfram
með uppákomur fyrir kennarana utan vinnutíma.
3.1 Dagatal kennara Brákarborgar
September
• 8. september starfsdagur í Brákarborg
Fyrirlestur um aga -Sigrún Kristjánsdóttir
Fyrirlestur um opinn efnivið -Elva Önundardóttir
Hópavinna - endurskoðað námskrá
Deildarfundir
• 10. september stjórnendafundur hjá Bugðu
Undirbúningur fyrir námskeiðsdag hjá Bugðuleikskólum
• 20-21. september óvissuferð
• 23. september foreldrafundur – kynning á starfsáætlun 2008-2009
og kynning á þróunarverkefni. Aðalfundur foreldrafélagsins og kynning
á deildum.
13
Október
• 7. október starfsmannafundur
Seinni hluti um aga- Sigrún Kristjánsdóttir
Þróunarverkefni- umræður
• 24. október námskeiðsdagur með Bugðu
Fyrirlestur um skráningu fyrir hádegi.
Eftirfarandi smiðjur eftir hádegi.
Einingakubbar
Stærðfræði
Skapandi starf
Útikennsla
Tónlist og hreyfing
Hagstæð innkaup
Málstofa um sérkennslu
Nóvember
• 4. nóvember starfsmannafundur
Upplýsingafundur
Þróunarverkefni
• 28. nóvember jólagleði starfsfólks
Janúar
• 9. janúar starfsdagur í Brákarborg
Starfsmannahandbók f.h.
Þróunarverkefni e.h.
• 13. janúar starfsmannafundur með Bugðu
Fyrirlestur- óákveðið
14
Febrúar
• 3. febrúar starfsmannafundur
Upplýsingafundur
Þróunarverkefni
Mars
• 3. mars starfsmannafundur
Upplýsingafundur
Þróunarverkefni
Apríl
• 7. apríl starfsmannafundur
Upplýsingafundur
Þróunarverkefni
Maí
• 5. maí starfsmannafundur
Upplýsingafundur
Þróunarverkefni
• 18. maí starfsdagur
Endurmat með Bugðuleikskólum f.h.
Endurmat fyrir Brákarborg e.h.
Deildarfundir eru þriðju hverju viku á hverri deild og fundir vegna
þróunarverkefnis þriðju hverja viku.