Skýrsla um starfssemi umhverfissviðs 2011

Starfsemi Umhverfissviðs 2011

Efnisyfirlit

INNGANGUR................................................................................................. 3

HLUTVERK .................................................................................................... 3

SKIPULAGSMÁL 2011 ................................................................................... 3

BYGGINGAMÁL ............................................................................................ 6

STAÐARDAGSKRÁ 21 .................................................................................... 8

UMHVERFISMÁL OG NÁTTÚRUVERND ........................................................ 9

OPIN SVÆÐI OG GARÐYRKJA ..................................................................... 10

MEINDÝRAEYÐING ..................................................................................... 11

DÝRAEFTIRLIT ............................................................................................. 12

FRAMKVÆMDA‐ OG ÞJÓNUSTUSTÖÐ ........................................................ 12

GATNAKERFI - NÝFRAMKVÆMDIR OG VIÐHALD ....................................... 15

STARFSEMI VEITNA .................................................................................... 15

VEÐURATHUGANIR .................................................................................... 17

EIGNASJÓÐUR, HELSTU VERKEFNI 2011 .................................................... 18

LANDUPPLÝSINGAKERFI ............................................................................. 19

BYGGINGASTJÓRINN .................................................................................. 20

GAGNASJÁ .................................................................................................. 21

LOKAORÐ ................................................................................................... 21

UMHVERFISSVIÐ MOSFELLSBÆJAR

Ársskýrsla 2011 - 3

INNGANGUR

Skýrsla um starfsemi umhverfissviðs kemur nú út fyrir árið 2011. Í henni er gert grein fyrir

helstu verkefnum liðins árs í öllum rekstrareiningum innan Umhverfissviðs sem og þeim

átaksverkefnum sem hafa verið í gangi árið 2011.

HLUTVERK

Umhverfissvið hefur umsjón með allri starfsemi sem tengist tækni- og umhverfismálum

bæjarins, s.s veitu‐ og fráveitukerfum, gatna‐ og umferðarmálum, almenningssamgöngum,

umhverfismálum, garðyrkju og opnum svæðum, skipulagsmálum, byggingareftirliti, bruna-

vörnum, fasteignum, meindýravörnum og eftirliti með dýrahaldi. Einnig hefur sviðið umsjón

með öllum nýframkvæmdum á vegum bæjarins.

Undir umhverfissvið fellur rekstur eftirtalinna deilda:

Skipulags- og byggingadeild

Umhverfisdeild

Framkvæmda‐ og þjónustudeild.

Eignasjóður

Veitur

Garðyrkja

Starfsemi þjónustustöðvar, vélamiðstöðvar, garðyrkjudeildar, dýraeftirlits og veitustofnana er

til húsa að Völuteig 15. Önnur starfsemi sviðsins er til húsa að Þverholti 2/Kjarna, 2. hæð.

Á sviðinu störfuðu á árinu 18 starfsmenn, 7 manns á skrifstofu umhverfissviðs í Kjarna og 11 í

Þjónustumiðstöð. Þrír starfsmenn voru í hlutastörfum.

Verkefni eignasjóðs eru í stöðugri endurskoðun. Á liðnu ári var aðaláherslan lögð á rekstur og

viðhald mannvirkja. Orkusparnaðarverkefni, sem byrjað var á árið 2010 til að stuðla á auknum

orkusparnaði i byggingum bæjarins, hefur gengið vel og hefur náðst allt að 15% sparnaður í

orkunotkun á einstökum stöðum. Þetta er verkefni sem fylgja þarf eftir og sífellt leita nýrra

leiða til að halda kostnaði í lágmarki. Þá hafa verkefni í auknum mæli verið innhýst í hagræðing-

arskyni, s.s. eftirlit með nýbyggingum, og hefur það haft í för með sér aukin verkefni innan

sviðsins.

SKIPULAGSMÁL 2011

Í upphafi ársins tóku gildi ný skipulagslög, sem m.a. höfðu þau áhrif að heiti skipulags- og bygg-

ingarnefndar breyttist í skipulagsnefnd. Verksvið nefndarinnar breyttist í samræmi við nafn-

breytinguna, þannig að afgreiðsla byggingarmála heyrði ekki lengur undir hana heldur færðist

alfarið yfir til byggingarfulltrúa. Nefndin fær þó enn til sín til umsagnar byggingarmál þar sem

uppi eru einhver álitamál varðandi túlkun á skipulagsákvæðum og hún annast áfram grenndar-

kynningar á byggingarleyfisumsóknum.


4 - Ársskýrsla 2011

Hvað umfang varðar voru skipulagsmálin í svipuðu fari og næstu tvö ár á undan, og mörkuðust

af því að byggingarframkvæmdir voru áfram í mikilli lægð. Vinnu að deiliskipulagi miðbæjarins

lauk með gildistöku þess í upphafi ársins og eftir það var endurskoðun aðalskipulagsins

langstærsta og mikilvægasta skipulagsverkefnið. Stefnt hafði verið að því að endurskoðuninni

lyki á árinu 2011 en það mun dragast fram á árið 2012.

Á árinu tóku eftirtaldar skipulagsáætlanir gildi (gildistökudagsetning í sviga):

Aðal- og svæðisskipulagsbreytingar:

Stofnanasvæði í landi Sólvalla, aðalskipulag (3.6.2011)

Stofnanasvæði í landi Sólvalla, svæðisskipulag (8.4.2011)

Nýtt deiliskipulag / heildarendurskoðun deiliskipulags:

Deiliskipulag miðbæjarins (18.1.2011)

Deiliskipulag Lækjarness, Mosfellsdal (18.1.2011)

Deiliskipulag Bókfells v. Helgadalsveg (9.2.2011)

Deiliskipulag frístundalóðar v. Silungatjörn, l.nr. 125184 (7.3.2011)

Deiliskipulag frístundalóðarinnar Lynghóls, l.nr. 125346 (10.3.2011)

Deiliskipulag vegar að Helgafellstorfu (27.9.2011)

Mynd 1. Deiliskipulag miðbæjarins - skýringaruppdráttur



Breytingar á deiliskipulagi:

Reykjahvoll 39 - 41, breyting á deiliskipulagi (9.2.2011)

Braut, Mosfellsdal, breyting á deiliskipulagi (25.2.2011)

Völuteigur 6, breyting á deiliskipulagi (25.2.2011)

Br. á deiliskipulagi við Reykjahvol, nr. 17, 19 og 25 (4.4.2011)

Br. á deiliskipulagi Leirvogstungu, leikskólalóð o.fl. (12.5.2011)

Br. á miðbæjarskipulagi, sorpskýli á lóð framhaldsskóla (20.5.2011)

Br. á deiliskipulagi slökkvistöðvarlóðar (20.7.2011)

Frístundalóð úr landi Lynghóls, br. á deiliskipulagi (17.11.2011)

Stórikriki 57, br. á deiliskipulagi Krikahverfis (17.11.2011)

Á árinu 2011 fóru fram 11 grenndarkynningar, þar sem kynntar voru tillögur að óverulegum

breytingum á deiliskipulagi og byggingarleyfisumsóknir í eldri hverfum.

Á árinu var lokið við gerð ofanflóðahættumats fyrir bæjarlandið, en það var unnið af sérfræð-

ingum Veðurstofunnar fyrir hættumatsnefnd, sem Mosfellsbær átti tvo fulltrúa í. Niðurstöður

matsins voru þær að hætta geti verið á snjóflóðum og skriðuföllum undir Úlfarsfelli og Helga-

felli, en hún sé tiltölulega lítil miðað við ofanflóðahættu á öðrum þéttbýlisstöðum hér á landi

þar sem á annað borð er um einhverja hættu að ræða. Í matinu voru því eingöngu skilgreind A-

og B-hættusvæði í Mosfellsbæ, tiltölulega lítil að umfangi, en engin C-svæði. Á A-svæðunum er

hættan minnst, og eru tvö hús ætluð til atvinnustarfsemi á slíku svæði undir Úlfarsfelli en á A-

svæði undir Helgafelli eru tvö íbúðarhús og eitt frístundahús.

Á árinu var sett fram nýtt staðgreinikerfi fyrir bæjarlandið þar sem því er skipt upp í þrjú

meginsvæði (Bærinn, Mosfellsdalur, upplandið) með eins stafs kennitölu, meginsvæðunum í

undirsvæði með tveggja stafa kennitölu og svo áfram koll af kolli. Staðgreinikerfið verður til að

byrja með notað við flokkun og vistun skipulagsgagna í því skyni að gera þau aðgengilegri, og

kerfið ætti einnig að geta komið að gagni við flokkun og vistun hverskyns annarra gagna á

Umhverfissviði, hjá einstökum starfsmönnum og í skjalasafni.

Mynd 2. Niðurstöður hættumats: A-svæði Mynd 3. A- og B-hættusvæði undir norðurhlíð

sunnan undir Helgafelli . Úlfarsfells.



BYGGINGAMÁL

Verksvið embættis byggingafulltrúa tengist skipulagsmálum, afgreiðslu byggingarleyfisumsókna

ásamt afgreiðslu aðal‐ og séruppdrátta, lóðaskráningu í landsskrá fasteigna, byggingaeftirliti og

úttektum. Einnig annast embættið gerð lóðarleigusamninga og fasteignaskráningu sem er

grundvöllur fyrir álagningu fasteignagjalda. Náið samstarf er við fjármáladeild‐ og stjórn-

sýslusvið vegna ýmis konar samninga og innheimtu fasteignagjalda.

Í desember 2010 tóku gildi ný lög um mannvirki í stað áður gildandi skipulags- og byggingar-

laga. Með gildistökunni urðu áherslubreytingar á verksviði byggingafulltrúa þannig að af-

greiðsluferli byggingarleyfisumsókna verður í ríkari mæli en áður alfarið á hendi bygginga-

fulltrúa.

Eins og áður hefur verið lögð mikil áhersla á uppfærslu fasteignaskráningar í grunn Fasteigna-

skrár, en það er verkefni sem stöðugt þarf að fylgja eftir svo grunnurinn sé sem réttastur.

Á árinu var gerð umfangsmikil úttekt á ástandi og öryggismálum á nýbyggingasvæðum. Í fram-

haldi af úttektinni var umráðendum lóða og mannvirkja send krafa um úrbætur. Góður árangur

náðist í átakinu, en nokkur málanna eru nú í gjaldþrotameðferð eða innheimtuferli dagsekta.

Fyrirliggjandi ástandsskýrsla hefur verið kynnt formlega. Framvinda verður síðan kynnt bæjar-

ráði og skipulagsnefnd ársfjórðungslega.

Umfangsmestu byggingarframkvæmdir sem voru til umfjöllunar á árinu eru nýtt hjúkrunar-

heimili við Langatanga og nýr framhaldsskóli við Bjarkarholt / Háholt, en stærð þessara tveggja

mannvirkja er 25.400 m³. Framkvæmdir eru hafnar við hjúkrunarheimilið og hönnunargögn

fyrir framhaldsskólann eru að verða tilbúin til útboðs.

Gerð lóðar‐ og mæliblaða er í auknum mæli unnin innan umhverfissviðs og stefnt er að aukinni

úrvinnslu verkefna innan sviðsins í stað aðkeyptrar þjónustu. Einnig er áætluð áframhaldandi

eftirfylgni með tiltektar- og öryggismálum ásamt útrýmingu gáma úr íbúðarhverfum.

Á árunum 2007 og 2008 var málafjöldi hjá byggingafulltrúa í hámarki, og voru skráð ný mál í

ONE-skjalakerfinu 307 talsins á fyrra árinu og 294 á því síðara. Á árunum þar á eftir hefur þróun

í málafjölda, afgreiðslum byggingarleyfisumsókna á afgreiðslufundum byggingafulltrúa, fjölda

og stærð samþykktra íbúða og annarra bygginga ásamt ýmsum byggingartengdum málum verið

sem hér segir:

Tafla 1. Málafjöldi hjá byggingafulltrúa og stærð bygginga í m³ 2007 - 2011

Ár Ný erindi í ONE

Mál afgreidd á

afgreiðslu-

fundum

Stærð bygginga í m³

2007 307

304.017

2008 294

145.875

2009 98 79 24.161

2010 102 56 8.989

2011 126 54 34.732



Yfirlit yfir afgreiðslur 2009:

Skráður fjöldi innkominna nýrra erinda í ONE var 98.

Samtals 79 afgreidd mál á afgreiðslufundum, breytingar og annað húsnæði.

6 einbýlishús, 4 parhús (íbúðir). Samtals 10 nýjar íbúðir.

Stærð samþykktra mannvirkja samtals: 24.161m³



Samtals 56 mál afgreidd á afgreiðslufundum, breytingar og annað húsnæði.

Þar af 1 einbýlishús. Samþykkt mannvirki samtals: 8.989m3


Skráður fjöldi lokinna mála í ONE var 132.


Samtals 54 mál afgreidd á afgreiðslufundum, breytingar og annað húsnæði.

1 einbýlishús, hjúkrunarheimili, framhaldsskóli. Samþykkt mannvirki samtals: 34.732 m2

Mynd 2: Fjöldi byggingarmála 2007 - 2011

Mynd 3: Rúmmál samþykktra mannvirkja 2007 - 2011

Í kjölfar efnahagshruns í október 2008 fækkaði nýjum byggingartengdum erindum umtalsvert.

Lágmarki virðist hafa verið náð á árunum 2009 og 2010, en nokkur aukning hefur orðið á mála-

fjölda og umfangi bygginga sem voru til umfjöllunar á árinu 2011.

0

50

100

150

200

250

300

350

2007 2008 2009 2010 2011

Ný erind í ONE

Mál afgreidd á afgreiðslufundum

0

50.000

100.000

150.000

200.000

250.000

300.000

350.000

2007 2008 2009 2010 2011

Stærð bygginga í m³



STAÐARDAGSKRÁ 21

Á árinu 2011 komu margvísleg verkefni inn á borð umhverfissviðs, tengd umhverfismálum og

Staðardagskrá 21, s.s.varðandi útivist, lýðheilsu, úrgangsmál og náttúruvernd.

Frá árinu 2008 hefur Mosfellsbær lagt aukna áherslu á Staðardagskrá 21. Markmið bæjarins er

að vera í fremstu röð sveitarfélaga hvað varðar sjálfbæra þróun og leitast við að vera framsæk-

ið, umhverfisvænt og nútímalegt bæjarfélag. Allar stefnur sem unnar hafa verið hjá Mosfellsbæ

á undanförnum árum hafa tekið mið af stefnu bæjarfélagsins varðandi sjálfbæra þróun. Fram-

kvæmdaáætlun Staðardagskrár 21 var endurskoðuð árið 2010, og í kjölfarið var unninn verk-

efnalisti fyrir Staðardagskrá 21 fyrir árið 2011, þar sem fram komu þau málefni sem Mos-

fellsbær lagði áherslu á.

Margs konar samstarf er við skóla og stofnanir í bænum varðandi umhverfismál, og má þar

m.a. nefna uppsetningu á útikennslusvæði í Litla-Skógi við Hlíðartún á árinu. Unnið var við

grænt bókhald og stofnanir bæjarins voru hvattar til að skoða möguleika á að taka upp grænt

bókhald í starfsemi sinni.

Í september 2011 var haldinn opinn íbúafundur um lýðræðismál og lýðræðisstefnu Mosfells-

bæjar, þar sem umhverfisstjóra/staðardagskrárfulltrúa var m.a. falið að fylgjast með fram-

kvæmd stefnunnar með árlegri greinargerð. Í september var tekið á móti sendinefnd tékk-

neskra bæjarstjórnarmanna, sem voru að kynna sér umhverfisvænar skrifstofur og umhverfis-

mál hér á landi.

Viðhaldið var virku samstarfi við samráðshóp staðardagskrárfulltrúa á landsvísu og fundað

reglulega um málefni tengd sjálfbærri þróun í sveitarfélögum á Íslandi. Í október var haldið á

Selfossi málþing á vegum Sambands Íslenskra Sveitarfélaga um sjálfbærni, svo og umhverfis-

þing á vegum Umhverfisráðuneytisins með sérstakri áherslu á náttúruvernd, þar sem fulltrúi

Mosfellsbæjar tók virkan þátt. Fulltrúar Mosfellsbæjar tóku einnig þátt í stórum samráðsfundi

á vegum Sambands Sveitarfélaga á Höfuðborgarsvæðinu, og voru í framhaldinu skipaðir í

vinnuhópa, s.s. varðandi heilbrigðiseftirlit, vistvænar samgöngur og aukna sorpflokkun. Þessi

vinna skilaði sér m.a. í tillögum

fulltrúa sveitarfélaga á höfuðborgar-

svæðinu varðandi vistvænar sam-

göngur og úrgangsmál, þar sem voru

lögð drög að aukinni sorpflokkun,

sem nú er fyrirhugað að taka upp á

höfuðborgarsvæðinu. Í framhaldinu

hefur farið fram mikil vinna við að

undirbúa auka sorpflokkun íbúa í

Mosfellsbæ. Stefnan felur í sér að öll

heimili í Mosfellsbæ fá nýtt endur-

vinnsluílát afhent á árinu 2012, sem

ætlað er til þess að flokka frá allan

pappír og pappa.

Ráðgjöf við ýmis samtök, áhugafélög og íbúa um umhverfismál er fyrirferðarmikill þáttur starf-

seminnar. Má þar nefna Hestamannafélagið Hörð, Skógræktarfélag Mosfellsbæjar, Skátafélagið

Mosverja og Umhverfis- og náttúrufræðifélag Mosfellsbæjar. Af stærri verkefnum má nefna

Mynd 4: Gróður á Langahrygg



samstarfsverkefni Mosfellsbæjar,

hestamannafélagsins og skógræktar-

félagsins um uppgræðslu á Langa-

hrygg. Einnig var unnið með fyrir-

tækjum að undirbúningi að umhverf-

isvænni starfsemi í Mosfellsbæ.

Áfram var unnið með skátafélaginu

að stikun gönguleiða í bæjarlandinu

og ný og uppfærð útgáfa gönguleiða-

korts var gefin út.

Samráð og samvinna við Heilbrigð-

iseftirlit Kjósarsvæðis hefur einnig

verið að aukast, m.a. varðandi meng-

un frá fyrirtækjum, og skilar sér vonandi í í hreinna umhverfi. Í lok árs fór umhverfisstjóri í

þriggja mánaða afleysingu sem heilbrigðisfulltrúi hjá Heilbrigðiseftirliti Kjósarsvæðis, en það

var jafnframt liður í hagræðingu og sparnaði hjá Mosfellsbæ.

Loks má geta þess að þátttaka í fjölbreyttum verkefnum á borð við Evrópsku Samgönguvikuna,

átakið „Hjólað í vinnuna“ og Vistvernd í verki, hefur öll verið á hendi umhverfisdeildar.

UMHVERFISMÁL OG NÁTTÚRUVERND

Framkvæmd umhverfismála í Mosfellsbæ heyrir undir umhverfissvið og umhverfisstjóra. Um-

hverfisstjóri er jafnframt starfsmaður umhverfisnefndar, sem einnig starfar sem náttúruvernd-

arnefnd, og sér hann um að undirbúa fundi nefndarinnar.

Verkefni umhverfisnefndar á árinu voru fjölbreytt, en áherslan var á margvísleg náttúruvernd-

armál, ásamt úrgangsmálum, uppgræðslu og skipulagi, auk þess sem árlegar umhverfisviður-

kenningar voru veittar.

Málefni tengd utanvegaakstri voru áberandi á árinu 2011, m.a. vegna fjölda kvartana. Ráðist

var í aðgerðir til að takmarka utanvegaakstur í útmörk Mosfellsbæjar. Hafist var handa við

samráðsverkefni á vegum umhverfisnefndar vegna utanvegaaksturs í útmörkinni, sem felst í

kortlagningu slóða í samráði við hagsmunaaðila. Verkefninu verður haldið áfram árið 2012. Þá

er umhverfisstjóri starfsmaður ungmennaráðs Mosfellsbæjar og sér um undirbúning funda

þess ásamt tómstundafulltrúa.

Ársfundur Umhverfisstofnunar og náttúruverndarnefnda sveitarfélaga var haldinn í Mosfellsbæ

í október 2011, þar sem umfjöllunarefnið var friðlýsingar svæða, umsjón, vernd og nýting. Um

40 fulltrúar frá Umhverfisstofnun og hinum ýmsu náttúruverndarnefndum sóttu fundinn, og

fóru í fundarlok í skoðunarferð um bæinn með viðkomu í friðlandinu við Varmárósa og við

Varmá þar sem lagfæringar á bakkarofi stóðu yfir. Í tengslum við ársfundinn var unnið að

endurnýjun á friðlýsingu Varmárósa og gerð umsjónarsamnings um svæðið.

Umhverfisstefna bæjarskrifstofu Mosfellsbæjar var innleidd á árinu 2011 og með því setti

skrifstofan sér skýr markmið um pappírsnotkun, úrgangsmál, orkumál og vistvænar sam-

göngur.

Mynd 5: Uppgræðslusvæði á Langahrygg



Samskipti við SORPU bs. vegna lyktarmengunar frá Álfsnesi voru mikilvægur hluti af starfsemi

umhverfissviðs árið 2011. Talsvert barst af kvörtunum frá íbúum í Mosfellsbæ vegna ólyktar

frá bögguðum úrgangi og frá lyktarsterkum úrgagni í seyruholu. Verkefni til að koma í veg fyrir

lyktarmengun frá starfsemi urðunarstaðarins í Álfsnesi er í gangi og mun vonandi skila árangri í

minni lyktarmengun frá starfseminni.

OPIN SVÆÐI OG GARÐYRKJA

Garðyrkjudeild Mosfellsbæjar sér um öll almenn garðyrkjustörf og umhirðu gróðurs í landi

Mosfellsbæjar, auk viðhalds og umhirðu á stofnanalóðum bæjarins. Áhersla er á að halda

opnum svæðum snyrtilegum og aðgengilegum fyrir almenning.

Nýframkvæmdir á vegum garðyrkjudeildar taka helst til opinna svæða og frágangs göngustíga

og áningastaða. Verktakar annast að stærstum hluta slátt á vegum bæjarins, en eftirlit með

verkinu er í höndum garðyrkjustjóra.

Af helstu verkefnum má nefna að unnið var markvist að uppbyggingu Ævintýragarðs og var þar

einkum unnið að gerð göngustíga og áningastaða við þá. Einnig er verið að vinna eftir

gróðursetningaráætlun, og má þar t.d. nefna að unnið var að gróðursetningu rósa meðfram

svokölluðum Rósastíg og gróðursetningu berja og ætirunna meðfram svokölluðum Ætistíg, og

munu þau verkefni halda áfram á

þessu ári. Önnur verkefni í bæjar-

landinu voru endurnýjun og við-

hald áningarstaða, með niðursetn-

ingu nýrra bekkja og sorptunna.

Einnig fór fram mikil grisjun og

klipping á gróðri bæjarins sam-

hliða gerð nýrra gróðurbeða.

Strangar kröfur eru gerðar um eft-

irlit með leiksvæðum barna og því

hefur eftirlit Mosfellsbæjar með

skipulögðum leiksvæðum verið að Mynd 6: Ævintýragarðurinn

Mynd 7: Tjaldstæðið á Varmárhól.



aukast. Nú fara fram reglulegar yfirlitsskoðanir, ítarlegri rekstrarskoðanir ársfjórðungslega og

umfangsmikil árleg innri aðalskoðun. Niðurstöður eru settar fram í sérstakri ástandsskýrslu og

unnið er að því að nýta stjórnunarkerfi bæjarins til að tryggja betri stýringu og eftirfylgni.

Á Varmárhól skammt frá Varmárskóla var komið upp tjaldstæði fyrir tjöld, tjaldvagna, fellihýsi

og húsbíla. Sett voru upp leiðbeiningaskilti og merkingar, rafmagn og vatn tengt, komið upp

vaski og uppþvottaaðstöðu, skjólvegg, bekkjum og bráðabirgða salernisaðstöðu. Auk þess fór

fram umfangsmikil gróðursetning á svæðinu og lagfæring slóða inná það.

MEINDÝRAEYÐING

Talsvert hefur verið veitt af ref og mink í útmörk Mosfells-

bæjar á undanförnum árum. Síðustu ár hafa verið veiddir í

sveitarfélaginu að jafnaði 35 – 50 refir og minkar. Á síðasta

veiðitímabili veiddust 17 refir, sem er um helmingi færri

dýr en tímabilið á undan, sem er vísbending um að ágæt-

lega gangi að halda stofninum í lágmarki. Ríkið greiðir ekki

lengur niður kostnað við refaveiðar, en Mosfellsbær hefur

engu að síður talið mikilvægt að vinna áfram að grisjun á

ref. Á tímabilinu veiddust 42 minkar, sem er svipað og

verið hefur undanfarin ár. Almennt virðist fjöldi veiddra

minka vera á niðurleið sem bendir til þess að aðgerðir til

fækkunar á mink séu að skila árangri.

Eyðingu vargfugla var haldið áfram á árinu og voru veiddir

tæplega 200 sílamáfar, sem er svipað og árin á undan.

Alltaf er nokkuð um mýs á haustin en rottur finnast nánast

ekki. Nokkrar rottur fundust þó við Leirvogsá og í Helgadal í

vetur, en voru teknar af meindýraeyði. Líklega er þar um

að ræða tilfallandi dæmi og bendir ekkert til þess að hér séu rottur að staðaldri. Lítið var um

geitunga, og mun minna en undanfarin ár. Áfram var unnið að fækkun villtra kanína í bæjar-

landinu með því að bregðast við kvörtunum frá íbúum, og virðast aðgerðir frá árunum 2009 -

2010 hafa gefist vel og að vel gangi að halda stofninum í lágmarki.

Meindýr

Veiðitímabil

2005 - 06 2006 - 07 2007 - 08 2008 - 09 2009 - 10 2010 - 11

Refir 21 27 51 29 40 17

Minkar 65 63 49 44 35 42

Vargfugl 331 213 261 210 214 185

Tafla 2. Skrá yfir fjölda veiddra meindýra

Myndir 8 og 9: Minkur og síla-mávur

http://frontpage.simnet.is/dna/Silamafur-59.jpg

http://www.nsv.is/imNSV/minkur 11 staerri.JPG



DÝRAEFTIRLIT

Lögð hefur verið sérstök áhersla á dýraeftirlit síðustu árin. Starfandi er sérstakt hundaeftirlit

sem sinnir eftirliti utan hefðbundins vinnutíma. Það fyrirkomulag hefur reynst ágætlega, þar

sem töluvert er um handsömun hunda. Einnig hefur verið lögð áhersla á forvarnir og fá þeir

hundaeigendur sem kvartað er út af heimsókn og fræðslu frá hundaeftirlitsmanni. Skráðum

hundum fjölgar milli ára og eru nú 625. Um 15% færri hundar voru handsamaðir árið 2011 en

árið á undan. Fjöldi kvartana er svipaður og árið 2010.

Tafla 3. Yfirlit yfir skráða hunda, kvartanir og fjölda handsamaðra hunda 2007 - 2011

Talsverð aukning hefur orðið í fjölda hundsbita milli ára. Mjög brýnt er að stemma stigu við

þessari neikvæðu þróun, m.a. með því að auka fræðslu og samvinnu við hundaeigendur til að

hindra að slík atvik komi upp aftur og aftur. Þá hefur nokkuð verið um vanrækslu á köttum.

Búfjáreftirlit hefur verið með hefðbundnu sniði undanfarin ár, en forðaeftirlitsmaður er starf-

andi í samvinnu sveitarfélaganna á svæði 1 (Reykjavík, Seltjarnarnes, Mosfellsbær og Kjós).

Mosfellsbær hefur undanfarin ár sinnt bráðaviðhaldi á ofanbyggðargirðingu. Umgengni um

girðinguna hefur verið mjög slæm og hún jafnvel klippt niður af vegfarendum. Umsjón girðing-

arinnar heyrir undir samtök sveitarfélaga á höfuðborgasvæðinu, en brýnt er að rekstrarfyrir-

komulag girðingarinnar verði endurskoðað svo girðingin komi að þeim notum sem henni er

ætlað. Handsömun hesta hefur verið með svipuðu sniði og undanfarin ár. Mesti álags‐ og

hættutíminn er upphaf skammdegis á haustin og hefur fjöldi handsamaðra hrossa verið þó

nokkur.

Á hverju ári er unnin skýrsla um ástand beitarhólfa, sem hafa verið í útleigu hjá Mosfellsbæ í

gegnum Hestamannafélagið Hörð og hefur ástand þeirra að öllu jöfnu verið viðunandi.

FRAMKVÆMDA‐ OG ÞJÓNUSTUSTÖÐ

Mosfellsbær rekur innan framkvæmdadeildar þjónustustöð, vélamiðstöð, veitur og trésmiðju

að Völuteigi 15. Þar vinna 11 starfsmenn í 100% stöðum, þar af eru tveir sem vinna hjá veitum

og einn trésmiður á vegum eignasjóðs er með aðsetur í þjónustustöð. Starfsmenn þjónustu-

stöðvar sjá um ýmsa þjónustu við stofnanir bæjarins og bæjarbúa og má þar helst nefna:

Viðhald og rekstur gatna, stíga og holræsa

Snjóruðning og hálkueyðingu

Rekstur vélamiðstöðvar

Rekstur umferðarmannvirkja

Aðstoð við slátt, klippingar og aðra hirðingu bæjarins

Dýraeftirlit

Aðstoð við Eignasjóð, garðyrkjudeild, vinnuskóla bæjarins og veitur

Rekstur trésmiðju

2007 2008 2009 2010 2011

Skráðir hundar 403 500 520 578 625

Kvartanir 55 127 86 58 59

Handsamaðir 32 41 32 33 28



Allur rekstur stærri tækja og bíla bæjarins fellur undir starfsemi þjónustudeildar. Stór hluti

hálkuvarna og snjómoksturs er unninn með eigin tækjum og sparast með því verulegir

fjármunir í samanburði við aðkeypta verktakavinnu.

Í þeim tilgangi að gera góða þjónustu betri hefur verið haldin skrá yfir þær ábendingar sem

koma inn til þjónustustöðvar. Þar er skráð um hvað ábendingin snýst, hvenær hún barst og til

hvaða úrræða var gripið. Flestar ábendingar snúast um snjómokstur, sorpmál, veitumál og

hunda. Misjafnt er á milli ára hvaða málaflokkur er stærstur hverju sinni. Ábendingarnar eru

líka af margvíslegum toga, þannig nota menn stundum tækifærið og kvarta yfir nágrannanum

sem var að skjóta upp flugeldum eða þá að hjóli hafi verið stolið. Þessi atriði eru öll skráð niður

þó að þau falli ekki beint undir verksvið þjónustustöðvarinnar. Í meðfylgjandi töflum og kökuriti

má sjá hvernig ábendingar skiptust milli málaflokka árið 2011.

Mynd 10: Hlutfallsleg skipting ábendinga fyrir 2011

Í heild fjölgaði ábendingum um 6% frá árinu 2010. Ábendingar varðandi snjómokstur urðu um

þrefalt fleiri í ár, sem skýrist af því að desember var með eindæmum snjóþungur. Ábendingar

varðandi veitur voru hinsvegar mun færri þetta árið, þar sem ekki komu til nein stórvægileg

tjón á lögnum.

Sjá töflur á næstu síðu.

meindýr 2%

dýraeftirlit 9% gatnaviðhald

2%

sorphirðing 16%

opin svæði - rusl 8%

leikvellir 1%

holræsi rotþrær

4%

vatnsveita 4%

hitaveita 3%

snjómokstur 40%

umferðarmerki 1%

annað 7%

byggingar 2%

Skipting ábendinga % - 2011



Yfirlit yfir ábendingar árin 2010 og 2011:

Flokkar Fjöldi 2010 Fjöldi 2011 Hlutfall %

Meindýr 17 16 2

Dýraeftirlit (136) 63 8

Gatnaviðhald 19 16 2

Sorphirðing 125 122 17

Opin svæði - rusl 51 57 8

Leikvellir 9 11 1

Holræsi/rotþrær 31 4

Vatnsveita 151 veitur 30 4

Hitaveita 20 3

Snjómokstur 92 295 40

Umferðamerki/biðskýli 10 7 1

Byggingar 15 3

Annað 88 56 7

Heildarfjöldi ábendinga 698 737 100

Tafla 4: Flokkun ábendinga í þjónustustöð árin 2010 og 2011

Snjómokstursábendingar 2010 2011

Janúar 4 0

Febrúar 9 74

Mars 74 45

Apríl 0 1

Nóvember 3 11

Desember 2 164

Samtals 92 295

Tafla 5. Fjöldi ábendinga um snjómokstur árin 2010 og 2011

Mestu snjóa- og hálkumánuðirnir voru febrúar, mars og desember. Í febrúar og mars bárust

119 ábendingar á móti 83 árið áður eða 43% fleiri. Ábendingar í desember 2011 voru 164 á

móti tveimur árið áður. Á árinu 2011 var mokað snjó og hálkuvarið fyrir um tólf milljónir króna.

Vinna Þjónustustöðvar var um 6.5 milljónir, keypt var sandur og salt fyrir um 2 milljónir og

verktakakostnaður var um 3.5 milljónir króna. Stærsti hluti kostnaðarins féll til í desember og

var sérstök áhersla lögð á að halda stofnbrautum og tengivegum greiðfærum.



GATNAKERFI - NÝFRAMKVÆMDIR OG VIÐHALD

Helstu verkefni á sviði gatnagerðar á vegum Mosfellsbæjar 2011 var yfirborðsfrágangur í

Álafosskvos og ýmis minni verkefni, s.s uppsetning hraðahindrana og 30 km hliða í samræmi

við áætlun þess efnis sem samþykkt var af skipulagsnefnd og bæjarráði. Gengið var frá

göngustíg frá miðbæjartorgi í tengslum við betrumbætur á lóðinni við Háholt 14, en á þeirri lóð

vantar ennþá nokkuð upp á að frágangur sé viðunandi. Gengið var frá umhverfi Vesturlands-

vegar í tengslum við tvöföldun vegarins frá Þverholti að Þingvallagatnamótum. Hafnar voru

framkvæmdir við stofnstíg meðfram Vesturlandsvegi, en þar er um að ræða hjóla- og göngustíg

sem mun tengja Mosfellsbæ við Reykjavík. Þessi stígur nær frá Aðaltúni að Bauhaus í Reykjavík.

Umsvif gatnagerðar er í sögulegu lágmarki í sveitarfélaginu nú eftir efnahagshrun en þó má

geta þess að reynt hefur verið að viðhalda götum og skiltum eftir fremsta megni. Þá hafa nýir

reiðvegir verið lagðir í samvinnu við reiðveganefnd og eldri vegir verið lagfærðir. Dæmi um

nýjan reiðveg sem lagður var á árinu er reiðvegur upp frá Skarhólabraut að Hafravatni.

Verkefni á vegum þjónustustöðvar eru mjög fjölbreytileg. Stærsti hluti vetrarþjónustu er snjó-

mokstur og hálkueyðing, á aðventunni eru sett upp jólatré víðsvegar um bæinn sem þjónustu-

stöð sér síðan um viðhald á meðan þau eru uppi. Þjónustustöð safnar í og sér um brennu á

þrettándanum og hreinsar síðan upp flugeldakassa og safnar jólatrjám frá bæjarbúum.

Ennfremur eru sorpkassar sem eru á víð og dreif um bæinn tæmdir vikulega eða oftar.

Viðhald umferðarmerkja er alltaf að aukast með ört vaxandi bæ. Strætisvagnaskýlin eru í umsjá

þjónustustöðvar og er reynt eftir fremsta megni að halda þeim hreinum en baráttan við veggja-

krotara er stöðug. Á sumrin eru ráðnir inn sumarstarfsmenn sem þjóna m.a. garðyrkjudeild,

viðhalda biðskýlum og mála gult við öll niðurföll bæjarins, því það hjálpar mjög mikið þegar

komast þarf snögglega í þau í asahláku á vetrum.

STARFSEMI VEITNA

Helstu framkvæmdir á vegum veitustofnana Mosfellsbæjar voru framhald framkvæmda við

endurnýjun hita‐ og vatnsveitulagna meðfram Vesturlandsvegi í tengslum við tvöföldun hans.

Dregið hefur verulega úr lagningum heimæða frá árunum 2006 / 07 þegar þær voru í hámarki.

Helstu framkvæmdastaðir eru Krikahverfi og Leirvogstunga. Liðlega 18 heimæðar voru lagðar á

síðasta ári m.v. 70 stk á ári þegar mest var. Rekstur veitukerfanna var með eðlilegum hætti og

var ekki mikið um stórar bilanir þar sem loka þurfti fyrir heilu kerfin. Þó varð bilun í hitaveitu-

stofnlögn í Arnarhöfða, sem kom í ljós um um nótt, og þurfti að loka fyrir Höfðahverfið af þeim

sökum í um 5 klst. Unnið hefur verið að því að bæta kaldavatnsþrýsting í Krikahverfi, þar sem

komið hefur í ljós að nokkur hús eru þannig staðsett í hverfinu að ekki hefur náðst lágmarks-

þrýstingur. Hefur það verið leyst með því að setja dælur á inntak þeirra húsa og hefur sú lausn

reynst vel. Mótor í kaldavatnsdælustöð í Skarhólabraut brann yfir og þurfti að skipta honum út,

en þrátt fyrir það urðu ekki rekstrartruflanir á kaldavatnskerfinu á meðan viðgerð fór fram.

Eitthvað hefur verið um að veitumenn heimsæki notendur og þá sérstaklega vegna hitakerfa og

er það árvisst að þegar fyrstu kuldakaflar koma á haustin þarf að hreinsa síur og jafnvel yfirfara

hitaveitugrindur.

Unnið er að nýrri rennslisgreiningu vatnsveitu í Mosfellsbæ um þessar mundir. Vegna verð-

hækkunar á vatni síðustu misserin í tengslum við vísitöluhækkanir og aukningar á vatnsnotkun



er verið að skoða leiðir til þess að nýta Laxnesdý betur til þess að lækka kostnað. Nokkur

árangur hefur orðið af þeim aðgerðum á árinu. Mjög líklegt er að nauðsynlegt reynist að byggja

nýjan vatnstank til miðlunar á allra næstu árum. Sem dæmi má nefna að ný iðnaðarhús eru nú

gjarnan útbúin með öflugum vatnsúðakerfum, sem eyða ein og sér jafnmiklu vatni og lítið til

meðalstórt sveitarfélag þega þau fara í gang. Bæjarráð samþykkti á árinu 2011 að kanna frekari

möguleika á borun og nýtingu á köldu vatni fyrir sveitarfélagið og mun skýrsla um það efni mun

væntanlega líta dagsins ljós 2012.

Holræsakerfi bæjarins er viðhaldið af þjónustustöð og er árlega þó nokkuð um útköll vegna

stíflana í kerfinu. Einnig er nokkuð um útköll vegna vatnsleka og vatnsleysis bæði í hita- og

kaldavatnsveitu. 11% af ábendingum sem bárust til þjónustustöðvar vörðuðu holræsi og veitur

(sjá mynd 10)

Kaldavatnsnotkun Mosfellsbæjar

Heildar vatnsnotkun Mosfellsbæjar fyrir árið 2011 var 1.100.057 m³, þar af var notkun á köldu

vatni frá Laxnesdýjum 245.910 m³ (Graf 3 og tafla 5). Heildarvatnsnotkunin hefur aukist um 9%

á milli áranna 2010 og 2011, en notkunin úr Laxnesdýjum hefur minnkað um 12%.

Tafla 6: Kaldavatnsnotkun í Mosfellsbæ 2008 - 2011

Mynd 11: Skipting kaldavatnsnotkunar í Mosfellsbæ 2008 - 2011

Aðkeypt vatn Laxnesdý Heildarvatnsnotkun Laxnesdý, % af

heildarnotkun

2008 943.470 m³ 227.254 m³ 1.170.724 m³ 19%

2009 780.372 m³ 254.918 m³ 1.035.290 m³ 24%

2010 727.162 m³ 278.802 m³ 1.005.964 m³ 28%

2011 854.147 m³ 245.910 m³ 1.100.057 m³ 22%

2008 2009 2010 2011

227254 254918 278802 245910

1170724 1035290 1005964

1100057

Vatnsnotkun í Mosfellsbæ 2008 - 2011

Laxnesdý Heildarnotkun



VEÐURATHUGANIR

Veðráttan skiptir miklu máli fyrir hina ýmsu starfsemi sviðsins. Því er fylgst með veðri á ýmsan

hátt og má þar nefna netsíður Veðurstofunnar, vedur.is, og norsku netsíðuna yr.no. Einnig er

veðurstöðin á þaki Þjónustustöðvarinnar mikilvæg og er upplýsingum úr henni, s.s. um hitastig,

vindhraða og vindátt varpað jafnóðum á vef Mosfellsbæjar til upplýsingar fyrir bæjarbúa.

Mælingar úr veðurstöðinni undanfarin ár sýna að veðurfarið í Mosfellsbæ er líkara því sem

mælist á Korpustöðinni en á veðurstöð Veðurstofunnar í Reykjavík.

Mynd 12: Vindrós – Mosfellsbær 1. jan. 2011 til 31. des. 2011

Á vindrósinni hér að ofan má sjá að austan‐ og suðaustanáttir eru ríkjandi og þá líka þegar

vindur er hvass. Á myndinni má einnig sjá að NV‐átt er nokkuð tíð, en þá stendur vindurinn af

urðunarstað Sorpu í Álfsnesi inn Leirvoginn og veldur lyktarmengun þar.

Mæld hámörk og lágmörk árið 2011 voru sem hér segir:

Hlýjast mældist 19,9° þann 5. ágúst 2011 og kaldast ‐14,1° þann 20. mars 2011.

Mesta vindhviðan mældist 41,5 m/s þann 28. ágúst 2011.

Mest úrkoma mældist 5,74 mm þann 3. febrúar 2011. Úrkoma á árinu var 6% meiri en

árið 2010.

% Vindhraði

5,2 >10m/s

8,4 7,5 < 10m/s

21,7 5 < 7,5 m/s

36,5 2,5 < 5 m/s

22,3 1 < 2,5 m/s

4,9 0,5 < 1 m/s

0,9 < 0,5 m/s



EIGNASJÓÐUR, HELSTU VERKEFNI 2011

Viðhald fasteigna Mosfellsbæjar er verkefni sem unnið er stöðugt að allt árið. Farið er jafn-

óðum í aðkallandi, minniháttar viðhald en stærri verkefni er reynt að skipuleggja á þann hátt

að þau séu unnin þegar starfsemi stofnana er í lágmarki, t.d. yfir sumartímann.

fasteignir sem Eignasjóður hefur undir sínum hatti og sinnir viðhaldi á eru eftirtaldar:

Leikskólinn Hlaðhamrar

Leikskólinn Hlíð

Leikskólinn Hulduberg

Leikskólinn Reykjakot

Leikskóladeild Leirvogstunguskóla

Leik‐ og grunnskólinn Krikaskóli

Varmárskóli eldri og yngri deild

Lágafellsskóli

Íþróttamiðstöðin að Varmá

Vallarhús á Tungubökkum

Brúarland

Skátaheimili

Þjónustustöð

Brúarland

Bólið

Frístundasel

Fasteignirnar Hlégarður, Bókasafnið, Tónlistarskólinn og félagslegu íbúðirnar í bænum eru ekki

á forræði Eignasjóðs, en starfsmenn eignasjóðs sjá þó um viðhald þeirra. Eignasjóður annast

einnig viðhald Íþróttamiðstöðvarinnar Lágafells.

Á árinu voru mjög takmarkaðir fjármunir til viðhalds. Reynt var að sinna öllu tilfallandi

bráðaviðhaldi, en annað látið bíða. Helstu verkefni á árinu 2011 voru:

Varmárskóli – yngri deild:

Gert við þakglugga yfir kringlu og matsal.

Endurnýjaðir efri gluggar í S-álmu, austanmegin og gluggar í stigagöngum

vestanmegin.

Við útikennslusvæði voru gámar klæddir að utan og byggður pallur með þaki að

hluta.

Varmárskóli – eldri deild:

Lagfæringar vegna athugasemda í úttektarskýrslum brunavarna.

Háfur í eldhúsi stækkaður.

Undirbúningur vegna útboðs nýrrar utanhússklæðningar.

Lækjarhlíð – sundlaug:

Viðgerðir á sandsíum og breytingar á stjórnbúnaði í kjallara.

Viðgerðir á flísalögn í sturtuklefum og salernum, einnig á lausum flísum og múr við

sundlaugarbakka innilaugar.

Bekkir og undirstöður í baðstofuklefa endurnýjað.

Lágafellskóli:

Málun og veggdúklögn á 6 kennslustofum.

Ryðfrí styrktarhorn (200 stk) sett á úthorn veggja, sem gjarnan vildi brotna uppúr.

Leikskólinn Hlíð:

Viðgerð á glugga í tengibyggingu og afleiddum skemmdum vegna hans.

Málun veggja og dúklögn álagsveggja.



Mynd 13. Hjúkrunarheimili í smíðum að Mynd 14. Leikskóladeild Leirvogstunguskóla

Langatanga 2a.

Helstu eignfærðu verkefni eignasjóðs á árinu 2011 voru eftirtalin:

Nýtt þak á gamla íþróttahúsið við Varmá

Lokið var við battavöll við Varmáskóla og frágang kringum hann.

Göngustígur norðaustan við battavöll og stígur bak við íþróttahúsið við

Varmá tengdir saman (u.þ.b. 70m).

Framkvæmdir við Hjúkrunarheimili við Langatanga 2A.

Leikskóladeild Leirvogstunguskóla. Leikskólinn samanstendur af þremur

færanlegum stofum ásamt tengibyggingum, sem fluttar voru frá Gerplustræti

14 að Laxatungu 70.

Talsverður aðdragandi og undirbúningur var vegna staðarvals leikskólans, þar sem lóðin sem

ætluð er fyrir leikskóla til bráðabigða í deiliskipulagi, er ekki í eigu Mosfellsbæjar. Að lokum var

þó ákveðið að staðsetja skólann inn á framtíðar skólalóð hverfsins.

Sú tilhögun hefur verið að aukast hjá Mosfellsbæ að eftirlit með nýframkvæmdum á vegum

bæjarins flust yfir á starfsmenn eignasjóðs og sjá þeir nú alfarið um eftirlit með framkvæmdum

við nýja hjúkrunarheimilið. Er það gert í hagræðingarskyni.

LANDUPPLÝSINGAKERFI

Umhverfissvið rekur landupplýsingakerfi á tölvutæku formi yfir sem inniheldur allar tiltækar

landfræðilegar upplýsingar um bæjarlandið og mannvirki í sveitafélaginu. Þar er m.a. að finna

loftmyndir, hæðarlínur, lóðarmörk, og upplýsingar um legu lagna, gatna, stíga og allra mann-

virkja í sveitarfélaginu. Stöðugt er verið að uppfæra þau gögn sem þarna liggja inni og leitast

við grunnurinn sé sem best úr garði gerður.

Skoðunarkerfi landupplýsingakerfisins, Geomediu, var skipt út á árinu þar sem það var barn

síns tíma og virkaði ekki lengur sem skyldi í nýjum tölvubúnaði. Skipt var yfir í Bentley

Navigator, sem er skoðunarkerfi beintengt við MicroStation teiknikerfið og uppfærist beint við

hverja vistaða breytingu í upplýsingakerfinu, sem þýðir að nýjustu upplýsingar eru alltaf tiltæk-

ar. Nokkrir byrjunarerfiðleikar hafa þó látið á sér kræla, eins og gjarnan vill verða við upp-

setningu nýrra kerfa.



Landupplýsingakerfið veitir mikilvæga stoðþjónustu við öll skipulags‐ og byggingarmál, hönnun

gatna og lagna, samningagerð og fleira. Öll kortagerð af sveitarfélaginu er sem dæmi unnin á

einn eða annan hátt upp úr grunni landupplýsingakerfisins. Þannig er kerfið grunnur að þeim

kortum og kortasjám sem Mosfellsbær hefur gefið út á síðustu árum.

Íbúar geta nú nálgast loftmyndir af sveitarfélaginu á vef Mosfellsbæjar og tengst inn á vef Fast-

eignaskrár. Æskilegt væri að í nánustu framtíð verði fleiri upplýsingar úr kortasjánni aðgengi-

legar fyrir bæjarbúa, s.s teikningar af byggingum, veitur og lagnir ýmiskonar, þannig að íbúar

geti skoðað og prentað út á auðveldan hátt gögn, sem tengjast eignum þeirra og nánasta um-

hverfi.

BYGGINGASTJÓRINN

Eignasjóður rekur tölvugrunn, Byggingastjórann, sem heldur utan um allar fasteignir í eigu

Mosfellsbæjar. Þar eru m.a. ljósmyndir, teikningar, verkbeiðnakerfi og viðhaldssaga allra

mannvirkjanna. Tilgangur með notkun Byggingastjórans er m.a:

Að tryggja yfirsýn yfir rekstur og umfang allra eigna bæjarins.

Markviss upplýsingasöfnun um einstakar fasteignir.

Að vera grunnur fyrir áætlanagerð og verkstýringu

Að afmarkar eignir sem tilheyra Mosfellsbæ.

Að stuðla að réttri opinberri skráningu.

Að veita yfirsýn yfir nýtingu eigna.

Tilgangur verkbeiðnakerfis er að vera farvegur fyrir allar verkefnabeiðnir, en það tryggir örugga

umsjón og góða yfirsýn. Jafnframt tryggir það yfirsýn yfir frávik frá áætlunum og auðveldara

verður að leggja faglegt mat á allar viðhaldsbeiðnir. Engu að síður er fundað reglulega með

forstöðumönnum og farið yfir notkun kerfisins og viðhaldsþörfina.

Gerðar eru ástandsúttektir árlega, þar

sem viðhald og viðhaldsbeiðnir eru

flokkaðar í forgangsflokka. Það viðhald

sem þykir brýnast, fer inn á viðhalds-

áætlun í tengslum við fjárhagsáætlun

hvers árs. Nú var í fyrsta sinn einvörð-

ungu stuðst við ástandsúttektir sem

unnar voru af starfsmönnum umhverfis-

sviðs. Samningi um utanaðkomandi á-

standsúttektir var sagt upp í upphafi árs

2010 í hagræðingarskyni. Á árinu 2011

var leikvöllum Mosfellsbæjar bætt við í

kerfið.

Mynd 15: Loftmynd af Mosfellsbæ.



GAGNASJÁ

Gagnasjáin er gagnabanki sem heldur utan um allar teikningar í tengslum við byggingar og

önnur byggingarleyfisskyld mannvirki í Mosfellsbæ. Þar er m.a. að finna aðaluppdrætti,

burðarþolsteikningar, deiliteikningar, lagnateikningar og rafmagnsteikningar. Gagnasjáin er

beintengd inn í ONE-skjalastjórnunarkerfið þar sem einnig er hægt að nálgast allar teikningar

úr gagnabankanum.

LOKAORÐ

Verkefni Umhverfissviðs eru mjög mörg og fjölbreytt. Breytingar í umhverfinu kalla á sífellda

endurskoðun á þjónustu sviðsins til að hún verði skilvirkari og ánægja viðskiptavinanna verði

meiri með hverju árinu. Sinna þarf endurmenntun starfsmanna enn frekar til að viðhalda hæfni

þeirra og tryggja betur gæði þjónustunnar. Þannig var á árinu lögð áhersla á bætta stjórnun,

skipulag og þjónustu sem vonandi skilar sér til íbúa sveitarfélagsins.

Gildi Mosfellsbæjar; virðing - jákvæðni - framsækni - umhyggja; eru höfð að leiðarljósi í

starfsemi umhverfissviðs.

Mosfellsbæ, 23. febrúar 2012

Jóhanna Björg Hansen,

framkvæmdastjóri umhverfissviðs

Skýrsla um starfssemi umhverfissviðs 2011

Documents

Transcript of Skýrsla um starfssemi umhverfissviðs 2011