timfundziso ta

JESU

SIFUNDVO SESIKOLO SESABATHA SEBANTFU LABADZALA

Lokucuketfwe ngulesifundvo

1. Babe wetfu waseZulwini lonelutsandvo (28- Kholwane 4) 6

2. INdvodzana (Kholwane 5-11) 14

3. Moya loNgcwele (Kholwane 12-18) 22

4. Lusindziso (Kholwane 19-25) 30

5. Ungasindziswa kanjani (Kholwane 26-Ingci 1) 38

6. Kukhula kuKhrestu(Ingci 2-8) 46

7. Kuphila njenga Khrestu (Ingci9-15) 56

8. Libandla (Ingci16-22) 64

9. Umsebenti wetfu (Ingci 23-29) 72

10. Umtsetfo waNkulunkulu (Ingci 30-5) 80

11. LiSabatha (Inyoni 6-12) 88

12. Kufa nekuvuka (Inyoni 13-19) 96

13. Kubuya kwaJesu kwesibili (Inyoni 20-26) 104

Lihhovisi lekuhlunga:12501 Old Columbia Pike Silver Spring, MD 20904

Wota usivakashele lapho sitfolakala khona ku website: http://www.absg.adventist.org

Losibhalele sifundvoCarlos Steger

Lohlunge sifundvoClifford R. Golden

Losihlunge kwesibiliSoraya Homayouni

Lophetse tekushicilela Lea Alexander Greve

Losita labasihlungakoSharon Thomas-Crews

Losihlanganisile e Pacific Press RWendy Marcus

Umdvwebo nekuhlobisaLars Justinen

Sifundvo sesikolwa seSabatha sebantfu labadzala silungiswa lihhovisi lelisendlunkhulu yema Sabatha“General Conference of The Seventh Day Adventists” Kulungiswa kwaletifundvo kungaphansi kwekuhola kwe “Sabbath School Publications Board”,lokuyikomidi lencane ye” General Conference Adminstrative Committee” (CADCOM), lekungiyona ishicilela letifundvo Sifundvo lesishicilelwe sikhombisa imibono lefakwe yikomidi yemhlaba wonkhe lebukisisa sifundvo kanye nekuvunyekwa yi “Sabbath School Publications Board” ngaloko-ke kusho kutsi lesifundvo asikhombisi nje kuphela umcabango noma inhloso yebabhali betifundvo .

4

Umfundzisi lovela Ezulwini

Labanyenti betfu kungenteka kutsi bayamkhumbula umfundzisi lomkhulu lowatsatsekisa kuphila kwetfu, samtsandza sabuye samjabulela. Labanye bafundzisi bendlula tikhatsi tabo tekufundzisa, ngisho sebatsetse umhlala phansi bayachubeka ndlela tsite batsatsekise titukulwane letilandzelako. Bafundzisi labente kahle batsatsekisa timphilo tebantfu nemicabango yebantfu futsi bayahlonishwa emhlabeni wonkhe. Ngekweliciniso Jesu ngu Mfundzisi lomkhulu, lobendlula bonkhe. Labo labebaphila ngesikhatsi saKhe bavuma kutsi nembala abenguMfundzisi ngoba waba netimphawu ta“Rabbi,” (umfundzisi) wangetikhatsi teminyaka yekucala leyinkhulungwane. Njengemhambo wangaleso sikhatsi, bekahlala phansi kute abafundzise. Bekavamile kucaphuna emiBhalweni bese uchaza loko lekushoko. Kwekugcina, Jesu ebenesicuku sebafundzi lebebalalela emavi aKhe, bamlandzele baphindze bamkhonte. Leti kwakutimphawu tebafundzisi besikhatsi nendzawo yaKhe. Wawukhona umehluko emkhatsini waJesu nalaba labanye bafundzisi . Ngalesikhatsi laba labanye bafundzisi banakisisa emaphutu lakhomba kuhlakanipha kuleso naleso sifundvo, Jesu Yena bekanaka umuntfu ngamunye lobekakhona lapho , bese uyabamema kutsi abente tincumo letihambisana naNkulunkulu. Kwengca kuloko, labo labeva Jesu “bamangaliswa sifundziso sakhe ngoba wabafundzisa njengalowo lobekaneligunya hhayi njenge baBhali” (Makho 1:22) Ligunya laKhrestu laya ngekuya likholeka ngoba loko bekakufundzisa bekakwenta, kepha ngetulu kwaloko, umtfombo waleligunya bekanalo kwakunguYe cobo lwaKhe.Wafundzisa

5

liciniso ngoba beka “liciniso” Njenga Nkulunkulu lebekentiwe waba ngumuntfu watsi “ Isho kanjena iNkhosi” ,noma kunjalo bese uyengeta utsi “kepha Mine ngitsi kini…”. Kulekota sitawufundza letinye taleto timfundziso taJesu letibalulekile njengoba tibhaliwe etincwadzini temavangeli. UMsindzisi wetfu wafundzisa tintfo letinyenti letihambelana nemphilo yetfu yakaMoya neyalapha emhlabeni. Wetfula timfundziso takhe eticukwini letehlukene, anaka kutsi indlela lafundzisa ngayo iyabafanela bantfu ngekwehlukana kwabo. Kuletinye tikhatsi abeshumayela, kuletinye tikhatsi abekhulumisana nemuntfu ngamunye nome akhulume neticuku. Kuletinye tikhatsi abekhuluma kuve wonkhe umuntfu . Kani kuletinye tikhatsi bekafihla inchazelo yemavi aKhe. Kuleso naleso simo, noma kunjalo wafundzisa liciniso ngaNkulunkulu nange lusindziso. Bekungaba netindlela letinyenti tekuhlela nekukhuluma ngetimfundziso taJesu. Ake sente sibonelo, bekungenteka kube ngendlela yekufundza imifanekiso yaKhe noma ngekucwaningisisa tinshumayelo taKhe letehlukene. Lenye indlela bekungaba ngulena yekubukisisa tinkhulumo taKhe nebantfu labehlukene noma neticuku, kanye netinkhulumo taKhe nalabo bebaphikisana naYe. Ngalokunjalo bekungatsatsekisa kubukisisa tento taKhe, indlela lebekatsatsa ngayo tintfo, nemimangaliso yaKhe leyayitindlela latisebentisa kufundzisa tifundvo letimcoka. Nguleyo naleyo ndlela ingaba nemphumela lomuhle. Kodvwa kuze sibe nesitfombe lesibanti ngetimfundziso taJesu, lesifundvo salekota sitawuhlanganisa tindlela letimbalwa. Sitawubuka timfundziso taKhe ngendlela lehlelekile, sibukisise kutsi Jesu wafundzisa kanjani ngetihloko letitsite ngetikhatsi letehlukene nangetindlela letehlukene, lokuyintfo letakwenta sive kahle ngetimfundziso taKhe letinyenti. Uma sivula imiBhalo kule kota sifundza emavi aJesu asitibone sisemkhatsini walabo labebamlalela ngaseceleni lentsaba, ngaselugwini lwelwandle, noma esinagogweni. Asithandazele kuvuleka kwemehlo etfu akaMoya, kuze sivisise umlayeto waKhe, siphindze sibone lutsandvo lwaKhe lolungenakulinganiswa ,lolubonakaliswe esiphambanweni. Nalapho siva livi laKhe lelinemusa lisibita kutsi simlandzele asivusetele sincumo setfu sekuhamba naYe malanga onkhe ngelukholo nangekulalela. Uma sicitsa sikhatsi etinyaweni taKhe, sitawusho njengalabafundzi base Emawuse sitsi“…Angitsi sivele satsintseka etinhlitiyweni tetfu ngesikhatsi akhuluma asichazela imiBhalo endleleni” (Lukha 24:32)

Carlos A Steger usebente njenge Mfundisi, Thishela, uMbhali wetincwadzi neMphatsi. Kwanyalo unguMphatsi (Dean) wesikolwa sebafundzisi e River Plate Adventist University. Yena kanye nemkakhe Ethel banebantfwana labatsatfu nebatukulu labatsatfu.

Uma sivula imiBhalo kule

kota sifundza emavi aJesu

asitibone sisemkhatsini

walabo labebamlalela

ngaseceleni lentsaba,

ngaselugwini lwelwandle,

noma esinagogweni.

66

77