Sa Josepha Spiteri PERSONAĠĠI LI TAW - WordPress.com · 1. Ġan Franġisk Agius de Soldanis...
Transcript of Sa Josepha Spiteri PERSONAĠĠI LI TAW - WordPress.com · 1. Ġan Franġisk Agius de Soldanis...
PERSONAĠĠI LI TAW
KONTRIBUT LIL-
LINGWA MALTIJA L-ORAL TAL-MALTI ĊES.
Miġbura minn Sa Josepha Spiteri
Sa Josepha Spiteri
1. Ġan Franġisk Agius de Soldanis
• Ġan Piet Franġisk Agius twieled fit-30 ta’ Ottubru
1712, ir-Rabat, Għawdex.
• Ta’ sbatax-il sena, l-Isqof laħħqu kanonku tal-
Kolleġġjata ta’ Għawdex, u ftit snin wara laħaq
qassis.
Sa Josepha Spiteri
• Il-biċċa l-kbira ta’ ħajtu qattagħha l-Belt, Għawdex.
• Kien jogħxa jikteb fuq l-istorja, il-kultura, l-
arkeoloġija u fuq l-ilsien Malti.
• Huwa ta xhieda tar-rabta tiegħu ma’ Għawdex bil-
kitba tal-istorja ta’ din il-gżira. Sa żmienu, min kien
jikteb fuq Malta lil Għawdex kien jaqbżu.
• De Soldanis kiteb fuq kemm hija għammiela l-gżira
tiegħu, fuq il-kaċċa, l-għasafar u l-ħut, l-istorja tal-
ordnijiet reliġjużi f’Għawdex, drawwiet qodma u fuq
familji Għawdxin magħrufa.
Sa Josepha Spiteri
• De Soldanis kien jippubblika l-kotba tiegħu barra
minn Malta għax fi żmienu mhux dejjem kellna
stamperija.
• Dan kien ifisser battikata kbira minħabba s-safar li
kien ikollu jagħmel u minħabba l-ispejjeż tal-ġarr
tal-kotba.
• Huwa ppubblika Ruma, Napli, Venezja u Avignon.
Sa Josepha Spiteri
• Il-patrijottiżmu ta’ de Soldanis nikkonfermawh
minn żewġ xogħlijiet.
• Fl-ewwel wieħed, xandar bit-Taljan u bil-Franċiż
il-fehma tiegħu li San Pawl innawfraga Malta u
mhux Meleda.
• It-tieni xogħol patrijottiku għandu xejra politika u
nkiteb wara l-konġura tal-ilsiera tal-1749. De
Soldanis ħejja ktieb kontroversjali fuq din il-ġrajja
għax fih ikkritika l-abbużi tat-tmexxija tal-Kavallieri
u ddefenda d-drittijiet tal-Maltin.
Sa Josepha Spiteri
• De Soldanis kien l-ewwel bibljotekarju tal-
Bibljoteka Pubblika (illum il-Bibljoteka Nazzjonali),
il-Belt.
• De Soldanis miet fit-30 ta’ Jannar 1770. Difnuh fil-
knisja parrokkjali ta’ San Pawl, il-Belt. Ħafna mill-
manuskritti tiegħu ħalliehom lill-Bibljoteka.
Sa Josepha Spiteri
• L-ikbar biċċa xogħol ta’ de Soldanis fuq l-ilsien
Malti kienet id-dizzjunarju. Dam jiktbu mill-inqas
17-il sena. Kellu jagħmel ħafna sagrifiċċji biex
jiktbu.
• De Soldanis kien idum ifisser il-kliem għax kien
jagħti ħafna dettalji li llum ma narawhomx imorru
f’dizzjunarju.
Sa Josepha Spiteri
• De Soldanis jikkritika lil dawk il-Beltin, b’mod
speċjali n-nisa, li kienu qed iħalltu l-Malti mat-
Taljan.
• Għalih b’dan il-mod la kienu qed jitkellmu Malti
tajjeb u lanqas Taljan tajjeb.
• Hu kien jaqbel li meta jkun hemm bżonn, nissellfu
kliem minn ilsna oħra. Imma kien joħodha kontra
min juża kelma Taljana flok waħda Maltija
b’kapriċċ.
Sa Josepha Spiteri
• Id-dizzjunarju ta’ de Soldanis hu mera tal-Malti
mitkellem mill-ħaddiema, in-nies tal-klassi l-
għolja, il-foqra, ir-raħlin u l-beltin tas-seklu 18.
Lilhom kollha kien iqishom kelliema ndaqs tal-
Malti.
• Din hi r-raġuni għala fid-dizzjunarju ma ħalliex
barra l-kliem ta’ nisel Taljan li kien jinstema’ f’ħalq
in-negozjanti u n-nies “il-puliti” fl-inħawi tal-Port.
Sa Josepha Spiteri
• Fl-1749, kavallier Portugiż xtaq li jkollu f’idu
grammatika tal-Malti. De Soldanis sema’ b’dan u
daħal għal din il-biċċa xogħol b’ruħu u b’ġismu
tant li sena wara għaddielu kopja manuskritta.
• De Soldanis kiteb fuq kemm għandna nibżgħu
għal dan l-ilsien qadim li sa żmienu kien
ittraskurat minn kulħadd.
Sa Josepha Spiteri
• De Soldanis jibqa’ magħruf fuq kollox għad-
djalogi li inkluda fil-grammatika.
• Huma jirriflettu r-realtà tas-seklu tmintax, mhux
biss għax juruna kif kienu jitkellmu missirijietna
imma wkoll għax jixhdu l-istil ta’ ħajjithom.
• De Soldanis kiteb djalogi fuq il-kaċċa, l-aħbarijiet,
il-qoton, iż-żjarat tan-nisa fid-djar, iż-żwieġ u l-
mewt.
• Huwa ħadem ukoll fuq ġabra ta’ qwiel li kienu
jintużaw fit-taħdit.
Sa Josepha Spiteri
2. Mikiel Anton Vassalli
• Vassalli twieled Ħaż-Żebbuġ fil-5 ta’ Marzu 1764 fi
żmien meta bosta ma kinux jirfsu l-għatba tal-
iskola u b’hekk ma kinux jitgħallmu jaqraw u
jiktbu.
• Vassalli nnifsu jgħid li qabel kellu 17-il sena ma
kien jaf bl-ebda lsien barrani imma nafu li ta’ 19-il
sena kien idur l-irħula jitħaddet mal-bdiewa u
mar-ragħajja biex jiġbor il-qwiel u tifsiriethom.
Sa Josepha Spiteri
• Mikiel Anton studja l-Għarbi fl-Iskola tal-
Propoganda Fide fil-Belt u ta’ 21 sena rebaħ
premju u bil-għajnuna ta’ patrimonju sagru
Vassalli mar Ruma biex ikompli jistudja għal
qassis.
Sa Josepha Spiteri
• Il-Malti kien jinteressah mhux biss kif kien mibni
imma wkoll bħala għodda f’idejn in-nies biex
jitgħallmu kulma jinħtieġu biha.
• Vassalli fehem li jekk isib tarf kif il-Malti jiktbu tajjeb,
ikun jista’ jistampa kotba sħaħ bih, u fuq is-suġġetti
differenti.
• Għalhekk qatta’ żgħożitu jistinka biex jibni r-regoli
tal-Malti, u meta sab tarfhom ippubblika minn butu:
• Alfabet Malti Mfysser byl Malti u bit-Taljan,
• Il-grammatika Mylsen Phoenico-Punicum,
• Id-dizzjunarju ta’ tmintax-il elf kelma Ktyb yl Klym Malti
Mfysser byl-Latin u byt-Taljan.
Sa Josepha Spiteri
• Waħda mill-akbar skoperti li kien għamel kienet il-
preżenza tal-għerq fil-kliem Malti.
• Vassalli sab li kelma tista’ tlissinha differenti imma
l-ittri tal-għerq ma tibdilhomx fil-kitba. Ngħidu
aħna, għalkemm inlissnu “miktup”, “kitep” u
“ktiep” irridu niktbu “miktub”, “kiteb” u “ktieb” għax
l-għerq hu K-T-B.
Sa Josepha Spiteri
• Skont Vassalli, l-isbaħ Malti kien jinstema’ f’fomm
ir-raħlin.
• Ir-raħlin ta’ żmienu kienu jinqdew b’Malti safi,
mhux bħan-nies tal-Belt u tal-Kottonera li kienu
jħalltu l-Malti bi kliem Taljan.
• Vassalli maqdar lil dawk l-ommijiet li kienu jkellmu
lil uliedhom bit-Taljan, kemm għax ma kinux jafu t-
Taljan tajjeb kif ukoll għax kienu jċaħħdu lit-tfal
mill-Malti.
• Għal Mikiel Anton Vassalli, l-isbaħ djalett kien iż-
Żebbuġi, u l-kotba tiegħu bniehom fuq dan id-
djalett.
Sa Josepha Spiteri
• Waqt li Vassalli kien qed jippubblika l-aħjar kotba
tiegħu, Malta kienet bdiet tintlaqat minn taqlib
politiku kbir.
• Fi ftit snin artna għaddiet mill-ħakma tal-Kavallieri
għal taħt il-Franċiżi u spiċċat taħt l-Ingliżi. Il-
fiduċja kbira fil-Franċiżi waslitu biex f’Mejju 1797
Vassalli spiċċa arrestat wara li nkixfet konfoffa
kontra l-Ordni tal-Kavallieri li hu kellu sehem fiha.
Il-Kavallieri tefgħuh il-ħabs għal għomru imma
ħelsu Napuljun wara li ħa ’l Malta f’idu.
• Fi żmien il-Franċiżi reġa’ daq il-ħabs wara li r-
raħlin u l-Ingliżi bdew jissuspettaw fih għax kien
simpatizzant tal-Franċiżi. Il-Maltin kienu jqisuh
traditur u l-Ingliżi eżiljawh.
Sa Josepha Spiteri
• Fl-istess żmien Vassalli ġie mqabbad mill-
Protestanti biex jaqleb il-Vanġelu bil-Malti.
• Fl-1827 ħareġ it-tieni edizzjoni tal-grammatika u
s-sena ta’ wara ħareġ ġabra ta’ 863 qawl.
• Mikiel Anton Vassalli miet ta’ 65 sena.
• Huwa magħruf bħala Missier l-Ilsien Malti.
Sa Josepha Spiteri
• Twieled fis-6 ta’ Ġunju 1817 minn Vincenzo u
Maria Vassallo.
• Kien jaf tajjeb il-Malti, it-Taljan, il-Latin barra l-
Franċiż, l-Għarbi u xi ftit l-Ingliż.
• Ġan Anton beda l-kors tal-liġi fl-Università fl-1839
u ħa l-lawrja fl-1842. Fl-1850 beda jgħallem it-
Taljan il-Liċeo, u fl-1863 laħaq Professur tat-
Taljan fl-Università.
3. Ġan Anton Vasallo
Sa Josepha Spiteri
• Ta’ 25 sena beda jikteb il-poeżija bil-Malti.
• Kiteb ħafna bijografiji ta’ nies.
• Bil-Malti ħareġ Storja ta’ Malta miktuba għall-
poplu Malti (1862), Il-ħajja tal-Appostlu Missierna
San Pawl (1858), kif ukoll Ġesù Kristu fid-
Dinja (1861) u żewġ kotba ta’ poeżija, wieħed bl-
isem ta’ Ħrejjef (1861) u ieħor bl-isem ta’ Ħrejjef
u Ċajt bil-Malti (1863).
• Aktarx li l-aktar xogħol magħruf tiegħu huwa Il-
Ġifen Tork, epika li kiteb fl-1842.
Sa Josepha Spiteri
• Il-ħsieb letterarju ta’ Vassallo jinqasam fi tnejn:
fuq naħa hemm il-ġid morali, filwaqt li fuq in-
naħa l-oħra hemm il-gost letterarju. Ried
jgħallem daqskemm ried jagħti gost u pjaċir.
• Ġan Anton Vassallo kien juża kemm il-Malti kif
ukoll it-Taljan bħala għodda għat-tagħlim.
• Il-Malti kien jidhirlu li għandu jinkiteb kif inhu
mitkellem fil-bliet biex ikun Malti suffiċjenti, anzi
għani u jkun jista’ jinqeda bih kull min irid ifisser il-
kunċetti tal-ħajja ċivili.
• Vassallo miet qasir il-għomor fl-età ta’ 51 sena fit-
28 ta’ Marzu, 1868.
Sa Josepha Spiteri
4. Ġużè Muscat Azzopardi
• Twieled Ħal Qormi fl-1 ta’ Settembru 1853.
• Hu studja fis-Seminarju tal-Imdina u fl-Università
ta’ Malta fejn ħa d-diploma ta’ prokuratur legali fl-
1875.
• Ġużè Muscat Azzopardi miet fl-4 t’Awwissu 1927
fil-belt Valletta.
• Ġużè Muscat Azzopardi kien kelliem kapaċi,
politiku popolari, ġurnalist u parteċipant attiv fl-
ambjent soċjo-kulturali.
Sa Josepha Spiteri
• Huwa kien ukoll membru tal-Giunta Teatrale tal-
Gvern fejn b’ħeġġa kbira kien jippromwovi d-
drama Maltija.
• Kien l-editur ta’ diversi fuljetti u pubblikazzjonijiet
li kienu joħorġu b’mod regolari, fosthom In-Naħla
Maltija (1878) u Il-Ħabib (1911).
• Kien kittieb regolari f’pubblikazzjonijiet oħra bħal
Id-Dawl (1892) u Il- Ħabbar Malti.
Sa Josepha Spiteri
• Bl-għajnuna ta’ kittieba oħra, waqqaf l-Għaqda
Kittieba tal-Malti (li llum hija magħrufa bħala l-
Akkademja tal-Malti).
• Fl-1920 ġie elett bħala l-ewwel president tagħha,
kariga li żamm sa mewtu.
• Fl- 1924 sar l-ewwel editur ta’ Il-Malti, il-
pubblikazzjoni uffiċjali tal-għaqda u li għadha
toħroġ sal-lum mill-Akkademja tal-Malti.
• Huwa ‘Missier il-lettaratura Maltija’, isem li jixraqlu
tassew minħabba l-għadd kbir ta’ rumanzi,
poeżiji, reċti, bijografiji u traduzzjonijiet li kiteb.
Sa Josepha Spiteri
• Muscat Azzopardi jibqa’ magħruf ħafna bħala
rumanzier.
• Huwa ppubblika għadd kbir ta’ rumanzi storiċi,
jiġifieri stejjer li jseħħu fi sfond u żmien storiku
partikulari tal-istorja ta’ pajjiżna. Fost l-aktar
magħrufa nsibu r-rumanzi Toni Bajjada (1878),
Mattew Callus (1878), Vicu Mason (1881),
Susanna (1883), Ċejlu Tonna (1886), Ċensu
Barbara (1893) u Nazju Ellul (1909).
Sa Josepha Spiteri
• Ġużè Muscat Azzopardi kien ukoll poeta mirqum.
Ħafna mill-poeżiji tiegħu jinstabu f’Ġabra ta’
Poeżiji bit-Taljan u bil-Malti (1876), Ħamsin
poeżija bil-Malti (1890) u Ġabra sħiħa ta’ Sunetti
bi Studju fuqhom tal-Kittieb Innifsu (1956).
• Ġużè Muscat Azzopardi għamel ukoll xi
traduzzjonijiet għall-Malti mit-Taljan u l-Latin.
• Muscat Azzopardi kiteb bosta reċti, xi wħud
minnhom huma oriġinali filwaqt li oħrajn huma
maqluba mit-Taljan.
Sa Josepha Spiteri
5. Dun Karm Psaila • Dun Karm twieled Ħaż-Żebbuġ nhar it-18 ta’
Ottubru 1871.
• Fi tfulitu Dun Karm attenda l-Iskola Primarja tal-
Gvern ta’ Ħaż-Żebbuġ.
• Wara daħal is-Seminarju u sar saċerdot meta
kellu 23 sena.
• F’din il-ħabta Dun Karm beda jikteb xi poeżiji bit-
Taljan, iżda l-bidu tiegħu bħala poeta seħħ meta
kellu 41 sena.
Sa Josepha Spiteri
• Mons. Pawl Galea u Ġużè Muscat Azzopardi qalulu li
huma kellhom jibdew joħorġu gazzetta bil-Malti, Il-Ħabib, u stidnuh biex jiktbilhom xi poeżija sabiħa bil-Malti għall-ewwel ħarġa.
• Għalkemm Dun Karm minn dejjem kien iħobb il-lingwa tagħna, hu kien għadu jikteb poeżiji bit-Taljan biss.
• Għall-ewwel ħabat se jaqta’ qalbu, imma mbagħad niżel għarkupptejh quddiem inkwatru tal-Madonna li kellu f’kamartu u talabha biex tgħinu.
• Dik il-lejla stess, fl-1912, Dun Karm kiteb l-ewwel poeżija bil-Malti u semmieha: Quddiem Xbieha tal-Madonna.
Sa Josepha Spiteri
• Minn dakinhar ’l hawn, Dun Karm beda jikteb ħafna poeżiji bil-Malti.
• Fosthom insibu l-Innu ta’ Filgħodu (Reġa’ sebaħ Ja Mulejja), l-Innu ta’ Filgħaxija (Riesaq il-lejl Mulejja), Innu lill-Madonna (Fil-Ħlewwa ta’ Mejju) u fuq kollox l-Innu Malti u għadd kbir ta’ poeżiji sbieħ fuq pajjiżna li wassluh biex ikun magħruf bħala l-Poeta Nazzjonali.
• Dun Karm baqa’ dejjem mimli bi ħsibijiet kbar u bi mħabba safja lejn il-lingwa tagħna sakemm miet fit-13 ta’ Ottubru tal-1961, meta kellu kważi 90 sena.
Sa Josepha Spiteri
6. Pietru Pawl Saydon • L-isem tal-Monsinjur Pietru Pawl Saydon jibqa’ għal
dejjem marbut mat-traduzzjoni tal-Kotba Mqaddsa
fil-Malti u mal-ilsna Semitiċi.
• It-traduzzjoni tal-Iskrittura Mqaddsa mill-ilsna
oriġinali kienet biċċa xogħol li ħadd qablu ma kien
daħal għaliha u swietlu tletin sena sħaħ ta’ ħidma u
dedikazzjoni. Kien ħa ħsieb ukoll jidħol għall-ispiża
kollha tal-pubblikazzjoni.
Sa Josepha Spiteri
• Saydon twieled fl-24 ta’ Lulju tal-1895 fiż-Żurrieq.
• Tgħallem fl-iskola primarja tar-raħal u s-
Seminarju. Wara l-eżamijiet tal-Matrikola, daħal l-
Università biex jistudja għall-qassis u ggradwa fil-
Letteratura, fil-Liġi Kanonka u fit-Teoloġija.
• Mar Ruma fl-Istituto Biblico biex jispeċjalizza fl-
Istudji Bibliċi minn fejn kiseb il-Liċenzjat fl-
Iskrittura Mqaddsa.
Sa Josepha Spiteri
• Fl-1931, meta Saydon kien għad kellu biss 36
sena, inħatar Professur tal-Iskrittura Mqaddsa,
tal-Lhudi u l-Grieg Bibliku fl-Università tagħna, u
baqa’ f’din il-kariga għal 33 sena.
• Nistgħu ngħidu li kien bis-saħħa tal-istudji bibliċi u
tal-istudju tal-ilsien Lhudi li Saydon beda
jinteressa ruħu fl-ilsien Malti. Kien attiv ħafna fl-
Għaqda tal-Malti (Università) u mexxieha għal
għaxar snin u ħa ħsieb joħroġ il-Leħen il-Malti.
Sa Josepha Spiteri
• Fit-12 ta’ Novembru 1966, l-Università Rjali ta’
Malta tatu l-grad ta’ Duttur tal-Letteratura (Hon.
Causa) bħala għarfien tax-xogħlijiet kbar tiegħu.
• Saydon kien qrib ħafna tal-bdiewa ta’ Bengħajsa
fil-kappella ċkejkna tal-Kunċizzjoni u dejjem ta l-
kontribut pastorali tiegħu fil-parroċċa taż-Żurrieq
fejn miet fit-22 ta’ Marzu tal-1971, fl-għomor ta’ 76
sena.
Sa Josepha Spiteri
7. Ninu Cremona
• Twieled nhar is-27 ta’ Mejju 1880 fir-Rabat,
Għawdex.
• Fl-1888 ssokta bl-istudju fis-Seminarju ta’
Għawdex kif ukoll f’tal-Furjana.
• Fl-1928 sar l-editur responsabbli mit-
traduzzjonijiet u l-pubblikazzjonijiet kollha tal-
Gvern.
• Kien jgħallem il-Malti fil-klassijiet ta’ filgħaxija u fl-
1936 kien l-ewwel għalliem tal-Malti fil-
Liċeo. Matul is-snin kien ukoll wieħed mill-
eżaminaturi tal-Malti fl-Università.
Sa Josepha Spiteri
• Ninu Cremona kien wieħed mill-Fundaturi tal-
Għaqda tal-Kittieba tal-Malti (illum magħrufa
bħala l-Akkademja tal-Malti).
• Kien żamm il-kariga ta’ Viċi-President u kien
wieħed mill-edituri ta’ Il-Malti (ir-rivista tal-
Għaqda). L-akbar kontribut tiegħu fil-Malti kien fit-
tfassil tal-ortografija Maltija.
• L-istudju tiegħu għadu jgħodd sal-lum u nsibuh fil-
ktieb Tagħrif fuq il-Kitba Maltija li deher għall-
ewwel darba fl-1924.
• Kien iħobb id-drama u l-aqwa xogħol tiegħu f’dan
il-qasam bla dubju huwa Il-Fidwa tal-Bdiewa.
Sa Josepha Spiteri
• Fost il-kotba li ppubblika nsibu Weraq mar-
Riħ (1932), Rand u Rihan (1945) u Mis-Siġra ta’
Ħajti (1970).
• Ippubblika wkoll novelli: Ktajjen Maqtugħa(1968).
• Fil-qasam lingwistiku nsibu X’inhu l-Malti
Safi (1925), A Manual of Maltese Orthography
and Grammar (1929), Tagħlim fuq il-Kitba
Maltija (l-ewwel volum fl-1935 u t-tieni volum fl-
1938). Ippubblika wkoll A Historical Review of the
Maltese Language (1945).
Sa Josepha Spiteri
• Fl-1946 ingħata l-midalja tad-deheb Ġużè Muscat
Azzopardi u fl-4 ta’ Ġunju 1960 ġie mogħti mill-
Università Rjali ta’ Malta l-Grad Honoris Causa
tad-Dottorat tal-Letteratura għall-ħidma kbira
tiegħu fil-qasam letterarju, grammatikali u
xjentifiku tal-Ilsien Malti.
• L-aħħar xhur ta’ ħajtu qattagħhom fil-gżira ta’
Għawdex sa ma miet nhar it-Tlieta, 4 ta’ Jannar
1972. L-Għaqdiet tawh ġieh b’pubblikazzjonijiet
speċjali b’tifkira tiegħu, fosthom għadd 18 tal-
Leħen il-Malti fl-1973.
Sa Josepha Spiteri
8. Ġuże Aquilina
• Il-Professur Ġużè Aquilina twieled il-Munxar fis-7
ta’ April 1911 u studja fis-Seminarju tal-Isqof
f’Għawdex u aktar tard fl-Università ta’ Malta u
fis-School of Oriental and African Studies of the
University of London (1937-40).
• Minn meta laħaq Kap tad-Dipartiment tal-Malti u l-
Ilsna Orjentali fl-Università fl-1937 ma heda qatt
bl-inizjattivi favur l-istudju tal-Malti u f’ħafna ċentri
kulturali barra minn Malta
Sa Josepha Spiteri
• Aquilina kiteb ’il fuq minn 50 ktieb fuq il-
lingwistika, proża, poeżija u kotba oħra fuq il-
lingwa u l-letteratura f’perjodiċi xjentifiċi f’Malta u
barra minn Malta.
• Ix-xogħlijiet ewlenin tiegħu huma Papers in
Maltese Linguistics, A Comparative Dictionary of
Maltese Proverbs, Comparative Maltese Arabic
Grammar, The Structure of Maltese, Teach
Yourself Maltese, u naturalment id-
dizzjunarju Maltese-English Dictionary f'żewġ
volumi u English-Maltese Dictionary f'erba'
volumi.
Sa Josepha Spiteri
• Rebaħ għadd ta’ premjijiet fosthom il-Midalja tad-
Deheb Ġużè Muscat Azzopardi (1966), il-Midalja
tad-Deheb tal-Konfederazzjoni tal-Kunsilli Ċivili
(1973), u l-Midalja tad-Deheb tas-Soċjetà tal-Arti,
Manifattura u Kummerċ (1979).
• Ġużè Aquilina miet fit-8 t’Awwissu 1997.
Sa Josepha Spiteri