Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die...
Transcript of Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die...
![Page 1: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/1.jpg)
Rom 14:13-23Fokus: Rom 14:13-15
Die belangrikheid van Kerk-eenheid en ons hantering van versskille (e)
November 2013
![Page 2: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/2.jpg)
Ps-vooraf Ps 18: 14, 20
Ontmoetingsdiens.
Votum.
“Ons slaan ons oë op na die berge: waar sal ons hulp vandaan kom? Ons
hulp is van die HERE wat hemel en aarde gemaak het.”
Amen
Seëngroet
Gemeente van ons Here Jesus:
“Genade vir julle en vrede van God, onse Vader,
en die Here Jesus Christus
deur die kragvolle werking van die Heilige Gees”
Amen.
Lofprysing – Ps 33: 1, 2
Geloofsbelydenis
Verootmoediging en Versoeningsdiens.
Ons gaan nou luister na die wet van die HERE soos ons dit vind in Eks 20.
Psalm na die wet – Ps 38: 1, 8, 17
2
![Page 3: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/3.jpg)
Gebed om skuldbelydenis en verligting.
Psalm na gebed – Ps 40: 4
3
![Page 4: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/4.jpg)
Woorddiens.
Broers en susters, die Woord van die HERE spreek tot ons uit Rom 14:13-23
(sê iets oor reeks uit Romeine 14-15)
Psalm as antwoord op die Woord na verklaring en toepassing – Ps 119:
59, 60
Ons fokus op vers 13-15 (lees dit)
Skrifverklaring
Inleiding
Geliefdes wanneer vers 13 sê:
“besluit dít liewer,
om nie die broeder ‘n hindernis of struikelblok in die weg te lê nie”
dan kom Paulus by ‘n nuwe saak1 in Rom 14-15.
Opmerking
En in Rom 14-15 gaan’it mos oor’ie belangrikheid
van eenheid tussen gelowiges
en hoe ons verskille hanteer.
En nou gaan ons tema vanoggend uit vers 13 se woorde kom.
Dit gaan wees:
Moenie ‘n struikelblok wees nie.**************
Terugblik
Maar kom ons kyk net gou eers
hoe ons hier aangekom het.
A. Nou Paulus sê in Rom 14:1
en hy sê dit in Rom 15:7 weer
1 Μηκετι οὖν αλληλους κρινωμεν (10a) – Met οὖν maak Paulus ‘n gevolgtrek uit die voorafgaande (Greek grammer beyond basics bl 673; Greijdanus se Rom komm vol 2 bl 600). Op grand van wat Paulus nou geleer het in vers 3-9 en die verwysing na die regbank van Christus in vers 10-12, kom Paulus nou tot die gevolgtrekkende (οὖν) opdragte in vers 13. Hierdie opdragte is waaroor dit nou gaan handel in vers 13-23 (Greijdanus se Rom komm vol 2 bl 600; Ridderbos se Rom komm bl 310; Moo se Rom komm bl 850; Jonker se Riom komm bl 182).
4
![Page 5: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/5.jpg)
dat ons mekaar moet aanneem
soos Christus ons ook aangeneem het …” 2
So begin gelowiges hulle verskille oplos.
Dis waar’it begin. Nêrens anders nie.
Opmerking3
En natuurlik is daar grense.
Paulus sê beslis nie hier
dat alles maar aanvaarbaar moet wees nie.
Opmerking
Net verder aan in Rom 16:17 sien mens’it al klaar.
En dan het mens nog nie eers die res
van Paulus se briewe gelees nie.
En in Rom 14:1-12 kon ons al heelwat hieroor leer.
En ons sal vandag in die verklaring van veral vers 14-15
weer daaraan raak.
*************
Maar goed: Ek dink die belangrike les
wat Paulus in Rom 14-15 leer
is dat wanneer gelowiges verskille het
die oplossing begin by ons wat mekaar aanneem
soos Christus ons aangeneem het.
En Paulus sê’it reg aan die begin in Rom 14:1
*************
B. Maar juis daarom is die opdragte in vers 3 so belangrik.
Die opdragte van:
• Moenie mekaar in liefdelose hoogmoed verag nie.
• En moenie mekaar met julle selfuitgedinkte reëls veroordeel nie. 2 Vgl Rom 14,1&15,7.docx3 Vgl Rom 14,1&15,7.docx; Rom 14,1-2&5.docx
5
![Page 6: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/6.jpg)
Verduidelik4
Want die moment wanneer ons so met mekaar maak
Kom’aar net mooi niks nie van:
‘neem mekaar aan
soos Christus julle aan geneem het.’
Daarom dat die opdrag in vers 5 ook so baie belangrik is.
Vers 5 waar Paulus sê:
“Laat elkeen in sy eie gemoed ten volle oortuig word.”
van wat reg is.
Met ‘n vry gewete
wat nie met veragting en veroordeling gedwing word nie.5
**************
C.6 Maar daarmee saam moet ons dan net nie die maatstaf
van hoe ons oortuig word vergeet nie.
Vers 6-9 se maatstaf
wat net mooi niks te doen het met hoe ek oor iets voel nie.
Maar alles te doen het met:
leef vir die Here Jesus in my ganse lewe.
Verduidelik7
Want wanneer ek al meer oortuig word met hierdie maatstaf
gaan ek al meer ophou
om met my eiewillige reëls te oordeel.
En ek gaan al meer ophou
om in liefdeloosheid ander te verag.
Want vir die Here lewe beteken:
ek dien my broeder en suster in liefde
soos Jesus ons lief gehad het. 4 Vgl Rom 14,3-4.docx5 Vgl Rom 14,5-9.docx6 Vgl Rom 14,5-9.docx7 Vgl Rom 14,5-9.docx
6
![Page 7: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/7.jpg)
Want so het Jesus ons Here ons beveel.
En dan? Wel dan neem ons mekaar aan.
En ons word al meer verenig
in die wil van ons Here.
Opmerking
En hieroor kon ons heelwat leer
vanuit Rom 14:1-2&5 en Rom 14:3-4 en Rom 14:5-9 en Rom 14:10-12.
****************
Terug by vandag
Maar nou’s ons vandag by Rom 14:13 waar Paulus sê:
“besluit dít liewer,
om nie die broeder ‘n hindernis of struikelblok in die weg te lê nie.”
En wat Paulus hier sê
is net so belangrik vir ware eenheid tussen gelowiges
as alles wat vers 1-12 sê.
En daarom gaan ons nou meer hieroor leer.
En dan’s ons tema:
Moenie ‘n struikelblok wees nie.
En dan gaan ons stilstaan by
• Die opdrag self in vers 13
• Die situasie waarin dit uitgeleef moet word in vers 14
• Hoe ‘n struikelblok veroorsaak word in vers 15
• Hoe ernstig dit is in vers 15
• En die les vir ons vandag.
***************
1. So kom ons begin by vers 13 se opdrag waar Paulus sê:
“maar besluit dít liewer,
om nie die broeder ‘n hindernis of struikelblok in die weg te lê nie.”
7
![Page 8: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/8.jpg)
Opmerking
En nou’sier drie goed wat ons moet raaksien.
A. Die eerste is dat Paulus hier spesifiek praat
met die sterkes in die geloof
in die kerk in Rome.
Bewys8
En dis veral vers 15
waar’it gaan oor kos wat dit wys.
Want vers 15 vertel van gelowiges
wat met hulle kos hulle broeder grief en ten gronde rig.
En dit alles vat ons terug by vers 2
en die sterkes wat alles eet
en die swakkes wat net groente eet
en vir wie dit ‘n probleem is as die sterkes alles eet.
So Rom 14 se konteks wys ons
dat Paulus in vers 13 veral met die sterkes in die geloof praat.
B. Maar nou’sie vraag:
Wat’s hierdie hindernis en struikelblok
wat die sterkes voor hulle swak broeders en susters kan lê.
En dis die tweede ding
wat ons moet raaksien by vers 13 se opdrag.
8 Vgl ook Moo se Rom komm bl 850-851; TDNT vol 3 bl 797, vol 4 bl 66-67; Wilson se Rom komm bl 224; Rom 14,1-12-struktuur.docx.
8
![Page 9: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/9.jpg)
Verduidelik9
Nou dis beslis nie iets
soos ‘n klip of ‘n baksteen nie.
Nee hierdie hindernis of struikelblok van vers 13 is verskriklik.
• Want dis iets wat skade maak in jou verhouding met die HERE.
• Dis iets wat die vaste vertroue van jou geloof los skud
en jou laat twyfel.
• Dis iets wat jou laat sonde doen.
• Dis selfs iets wat jou vir ewig in die hel kan laat verlore gaan.
Opmerking10
En as ons by vers 23 kom
sal ons nog meer hieroor leer.
*************
C. Maar wat nou belangrik is
Opmerking
En dis’ie derde ding
wat ons moet raaksien in vers 13.
is dat Paulus vir die sterkes in die geloof
en ook vir ons elkeen sê:
‘Neem ‘n baie besliste besluit11 om dit geheel nie te doen nie.’
9 προσκομμα het die betekenis van ‘’n aanstoot’/ ‘struikelblok’/ ‘oortreding’/ hindernis in die geloofsuitlewing/ geestelike verwoesting (Baljon bl 834-835; NIDNTT vol 2 bl 705; TDNT vol 6 bl 747). Dis iets wat my broeder in sy geloof en uitlewing van geloof skok, hinder en aan die wankel bring ... laat sondig en selfs heeltemal kan verwoes en laat verlore gaan – TDNT vol 6 bl 753 voetnoot 51 wys daarop dat προσκομμα en απολλυμι (15c) sinoniem is. Dis ‘n verkragting van sy gewete (Baljon bl 834-835; NIDNTT vol 2 bl 706; Ridderbos, Paulus, bl 327). ἢ σκανδαλον het die betekenis van ‘of ‘n struikeling’. Dit is iets wat jou laat sondig. Dit verbreek jou verhouding/eenheid met die kerk en met Christus (Baljon bl 886-887; NIDNTT vol 2 bl 710; TDNT vol 7 bl 355; Ridderbos, Paulus, bl 327). Dis hierdie σκανδαλον en προσκομμα wat απολλυμι in 15c veroorsaak (TDNT vol 7 bl 356).
10 Vgl Haldane se Rom komm bl 602 11 κρινατε = aor imperat akt2de pers mv van κρινω, met hier met die spesifieke betekenis van ‘julle moet
besluit’ (Baljon bl 539; NIDNTT vol 2 bl 362, 364; Ridderbos se Rom komm bl 310).9
![Page 10: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/10.jpg)
Toepassing
Ja Paulus roep in vers 13 elkeen van ons baie ernstig op
om ‘n vaste besluit te neem.
En hierdie besluit is:
Ek wil nie vir enige broeder of suster van my
‘n hindernis of ‘n struikelblok wees nie.
*************
Selfondersoek
So doen ons dit op hierdie oomblik biddend geliefdes?
Onthou as Paulus hier skryf
dan’sit die Woord van ons Here!
Dis Woord van Christus deur sy apostel wat sê:
Neem nou ‘n besluit
om nie die broeder ‘n hindernis of struikelblok in die weg te lê nie.
Want dis skrikwekkend om dit te doen.
Bewys
Jesus het eenmaal in Luk 17:2 gesê:
“Dit is beter vir hom as ‘n meulsteen aan sy nek gehang
en hy in die see gegooi word,
as dat hy (iemand) ... sou laat struikel.”
So geliefdes kom ons bid
dat die HERE op hierdie oomblik deur sy Gees in ons sal werk
sodat ons hierdie besluit van vers 13 sal neem.
***************
Oorgang
Maar goed:
Kom ons gaan eers weer terug na die teks toe.
10
![Page 11: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/11.jpg)
Paulus het nou in vers 13 die opdrag gegee
dat die sterkes in die geloof
maar ook ons almal
moet besluit om nie ‘n hindernis of struikelblok te wees nie.
Maar as ons nou van vers 13 na vers 14 gaan
dan kry ons die konteks of die situasie
waarbinne die sterkes in Rome nou hulle besluit moet uitleef.
2. En nou’s ons by ons tweede punt
waar’it gaan oor die situasie
waarbinne vers 13 se besluit geleef moet word.
En Paulus vertel daarvan in vers 14:
“Ek weet en is oortuig in die Here Jesus
dat niks op sigself onrein is nie,
maar hy wat reken dat iets onrein is,
vir hom is dit onrein.”
Opmerking
En dadelik sien ons in hierdie situasie twee kante
of twee werklikhede.
A. Kom ons kyk na die eerste een.
Dis waar Paulus sê: “Ek weet en is oortuig in die Here Jesus
dat niks op sigself onrein is nie ...”
Verduidelik
So hoor u wat sê Paulus. Hy sê:
“Ek weet en is oortuig
ja ek het regtig vaste geloof-sekerheid gekry12
in die Here Jesus ...” 12 Vgl TDNT vol 6 bl 3; NIDNTT vol 1 bl 591
11
![Page 12: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/12.jpg)
Of ons kan ook sê:
by Jesus of ingelyf in Jesus13 wat ook die Here is.
So hoor u waar Paulus weet
en waar Paulus oortuig geraak het
“dat niks op sigself onrein is nie ...”
Dis by die Here Jesus! Ingelyf in Hom.
***************
En hoe is dit dat Paulus so by en in Jesus kan wees?
Verduidelik
Wel deur die geloof.14 Dis deur’ie geloof
dat die Gees ons aan die Here Jesus bind
of in die Here Jesus inlyf.15
En dis deur’ie Gees
dat die Here Jesus by ons en in ons bly.
Bewys
So leer Paulus bv in Rom 6:1-5
en Rom 8:9 en 1Kor 12:13 en Efes 3:17.
***************
Maar weet u:
Nou’sit wanneer Paulus in vers 14 baie spesifiek sê
dat hy in die Here Jesus is dat ons ook agterkom
waarom Paulus oortuig is “dat niks op sigself onrein is nie ...”
13 Dit kan wees dat εν κυριω ιησου hier wys op die Agent – Dus: ‘ek is oortuig deur die Here Jesus’. εν + dat as agent is egter iets wat baie raar is. Tog lyk dit asof ek hier met die regte vereistes te doen het – perf pas + εν + dat (Greek grammer beyond basics bl 373-374). Wat meer waarskynlik is, is dat Paulus hier sê dat hy, ingelyf in Christus (1Kor 12:13) en onder heerskappy van die Here Christus, nou in hierdie gemeenskap met die Here oortuig is (NIDNTT vol 3 bl 1191; TDNT vol 2 bl 542;l Jonker se Romkomm bl 183).
14 Sondag 7 v/a 20-2115 Sondag 20
12
![Page 13: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/13.jpg)
Opmerking
Want hoor mooi:
Paulus sê nie in vers 14
dat hy bv in Christus is nie.
Nee! Paulus sê: ‘Ek is in die Here Jesus.’
En nou’sit hierdie ding dat Paulus in vers 14 spesifiek sê
dat hy in die Here Jesus is wat ons ook wys
waarom hy nou oortuig is “dat niks op sigself onrein is nie ...”
Verduidelik
Want as Paulus vir Jesus Here noem
dan erken Paulus die waarheid
waaroor Petrus op Pinksterdag in Hand 2 gepreek het
en toe in Hand 2:36 gesê het:
“Laat dan die hele huis van Israel sekerlik weet
dat God Hom Here ... gemaak het,
hierdie Jesus wat julle gekruisig het.”16
En as Jesus nou Here is
dan is Hy nou op die oomblik
Here aan die regterhand van God die Vader
vanwaar Hy nou as Here heers.
Bewys
Ps 110 sê dit bv vir ons.17
En dit beteken net een ding:
En dit is dat as Jesus nou Here is
en aan die regterhand van God regeer 16 Wanneer Paulus praat van εν κυριω lê die klem veral op Christus as Koning en Heerser (Floor,
Perspektiewe op die prediking van Paulus, bl 70). Dus, in gemeenskap, deur die geloof (Sondag 7 v/a 20), met sy Koning is Paulus beweeg tot sy oortuiging. εν κυριω wys my ook duidelik op die bedeling waarin ons nou staan. Ons is nou in die bedeling waarin Christus heers as Koning ... Die nuwe tyd het nou aangebreek (Hand 2:36) (Floor, Perspektiewe op die prediking van Paulus, bl 70).
17 Hand 2:33-3413
![Page 14: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/14.jpg)
dan het die nuwe-tyd
van die Messiaanse Koninkryk van God aangebreek.
Die wonderlike tyd
waaroor die profete geprofeteer het.
Die tyd waarin die HERE sy volk verlos
en sy vyande vernietig.
En die Here Jesus die volheid
van die vrede van die Koninkryk laat kom.
***************
Nou die boek Hebreërs noem hierdie tyd
waarin Jesus nou Here is die tyd van die herstelling.
En dan sê Heb 9:10
dat al die OT rein-en-onrein-wette
en die offer-wette en die priester-wette
en die wette oor besnydenis
in hierdie nuwe tyd van die Koninkryk
ja in die tyd van die herstelling
ophou.
Want dit was alles net “‘n beeld (of ‘n skadu of ‘n heenwysing)
met die oog op die teenwoordige tyd” sê Heb 9:9.
Ja Christus het aan die kruis al hierdie dinge vervul.18
*************
En nou’sie wonder dat Paulus
saam met al Jesus se ware gelowiges
deur die geloof in die Here Jesus kan wees.
En by Jesus oortuig word dat Hy die Here is
18 Efes 2:15; Kol 2:16-1714
![Page 15: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/15.jpg)
wat die tyd van die Koninkryk laat aanbreek
die tyd waarin ons oortuig kan wees
“dat niks (meer) op sigself onrein is nie ...”
Soos Paulus in vers 14 sê.
****************
So dis’ie eerste kant die eerste werklikheid
in die situasie daar in die kerk in Rome.
Toepassing
En dis wonderlik!
Want dis ook ‘n werklikheid vir ons.
Dis ‘n werklikheid wat sê:
Niemand het meer nodig
om die OT-rein-en-onrein wette na te kom nie.
Niemand het ook meer nodig
om die offer-wette na te kom nie.
En hoekom nie?
Wel omdat Jesus ons vryheid in sy Koninkryk gegee.
Ja die OT-rein-en-onrein-wette
en die OT-offer-wette geld nie meer nie.
Nee! Nou geld Christus se wet van vryheid.19
*****************
Voorbeelde
I Daarom dat Paulus die swakkes in vers 3 gewaarsku het
om nie te oordeel met hulle eet-net-groente reël nie.
Hulle mag nie. Want Christus het vryheid beveel.
*************
II20 Daarom dat Paulus in Galisië geweier het
19 Vgl Calvyn, Die Institusie van die Christelike Godsdiens, boek 3 hfst 19, par 8, 14; Cark, What do Presbyterians believe?, bl 188-190 20 Vgl Calvyn, Die Institusie van die Christelike Godsdiens, boek 3 hfst 19, par 11-12
15
![Page 16: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/16.jpg)
dat Titus besny moes word
toe daar valse broeders was
wat daarop aangedring het.
Ons lees daarvan in Gal 2:3-4.
En hoekom?
Wel omdat Christus vryheid beveel het.
**************
III21 Daarom dat Luther gelowiges in sy tyd
in sy boekie ‘die vryheid van die christen’ oproep
om baie dapper en kragtig te stry teen die Pous
en sy kardinale en biskoppe en priesters
met hulle wette waar Christus vryheid beveel.
**************
So dis’ie een werklikheid die een kant
van die situasie in vers 14.
Christus gee en beveel vryheid.
Daarom dat Paulus sê:
“Ek weet en is oortuig in die Here Jesus
dat niks op sigself onrein is nie”
***************B. Maar nou’saar ook ‘n tweede werklikheid ‘n tweede kant.
Paulus vertel daarvan in die laaste deel van vers 14.
Hy sê: “maar hy wat reken (of: nog oortuig is22)
dat iets onrein is, vir hom is dit onrein.”
Verduidelik
Nou hierdie ouens is die selfde ouens
van wie Paulus in vers 2 vertel
dat hulle net groente eet
21 Vgl Luther, De vrijheid van den Christen, in Luthers werken, bl 16722 τω λογιζομενω = praes part akt in die datief van λογιζομαι, met die betekenis van ‘vir die een wat
meen/ glo/ van die oordeel is/ hou vir/ werklik oortuig is’ (Baljon bl 566; TDNT vol4 bl 284,289).
16
![Page 17: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/17.jpg)
en swak is in die geloof.
Dis hulle so’t ons nou al geleer
wat werklik gelowig was
maar nog net nie die geloofskennis-en-oortuiging gehad het
dat Christus ons vryheid gegee het nie.
**************
Maar dadelik moet ons by sê
dat hierdie swakkes in die geloof nie was
soos daardie valse broedres
van wie Paulus praat in Gal 2:3-4 nie.
De swakkes in die geloof was ook nie
soos die Pous met sy hordes wette
waar Christus vryheid beveel het.
Bewys
Nee! As hulle so was
sou Paulus baie ernstig teen hulle geskryf het.
Soos bv in sy brief aan die Galasiërs en Kolossense.
Maar nou was dit nie so met hierdie swakkes in die geloof nie.
Verduidelik
Nee! Hulle het geglo dat Christus alleen Verlosser is
en dat Christus alleen ons Here is.
Hulle wou regtig ook nie hulle eie moets en moenies maak
waar Christus vryheid beveel het nie.
Maar vir een of ander rede
heel waarskynlik omdat hulle Joodse gelowiges was23
met hulle opvoeding in die OT-rein-en-onrein-wette
23 Vgl Rom 14,1&15,1.docx17
![Page 18: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/18.jpg)
was dit vir hulle net baie moeilik
om daarvan afskeid te neem.
**************
En dit is die situasie.
Aan die eenkant is daar die werklikheid van Jesus
wat met sy bloed vryheid gee en as Here vryheid beveel.
Maar aan die anderkant
is daar die werklikheid van opregte gelowiges
wat nog net nie daardie geloofskennis-en-oortuiging het nie.
En daarom ook nie alles eet nie.
Oorgang
En nou’sit in hierdie situasie dat Paulus in vers 13
vir die sterkes in die geloof
wat die geloofs-kennis-enoortuiging het van die vryheid in Christus
sê: “besluit dít liewer,
om nie die broeder ‘n hindernis of struikelblok in die weg te lê nie.”
Maar nou’sie vraag:
Hoe gaan’it nou gebeur
dat hulle ‘n hindernis en ‘n struikelblok gaan wees.
Ja hoe gaan hulle skade maak aan die swakkes se geloof?
Hoe gaan hulle daardie vaste vertroue
van die swakkes los skud?
Hoe gaan hulle veroorsaak dat die swakkes struikel
en sonde doen?
18
![Page 19: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/19.jpg)
3. En nou’sit met hierdie vrae24
dat ons by ons derde punt kom
wat gaan oor hoe die sterkes in die geloof in Rome
in hierdie situasie ‘n struikelblok kan wees.
En Paulus gee die antwoord
as ons van vers 14 na vers 15 gaan waar hy sê:
“Maar as jou broeder deur voedsel gegrief word,
dan wandel jy nie meer volgens die liefde nie.”
En net hier wys Paulus ons
hoe ons vir ons broeders en susters ‘n struikelblok is.
Verduidelik25
Want as Paulus in vers 15 praat oor die sterkes
wat met hulle kos hulle swak broeders en susters grief
dan’s grief ‘n woord wat praat van regtig hartseer wees.
En dit omdat jou verhouding met die HERE nie meer reg is nie
soos dit moet wees nie.
Ja dis die hartseer
24 ει δε δια βρωμα … Wat is die funksie van δε? Ek dink dat Paulus met δε oorgaan van vers 14, waarin hy die situasie geskets het waarin vers 13 se opdragte tot die nie stel van σκανδαλον en προσκομμα, uitgeleef moet word, na die spesifieke toepassing en verduideliking van vers 13 se opdragte (Greek grammer beyond basics bl 674; Calvyn se Rom komm bl 505). Ek sou δε dan vertaal het met ‘nou’ (Greek grammer beyond basics bl 674). Dus: ‘laat ons dus nie langer mekaar oordeel nie. Maar julle moet liewer dit besluit, naamlik dat julle nie vir die broeder ‘n aanstoot en struikelblok stel nie. Ek weet en is oortuig in die Here Jesus dat niks as gevolg van dit self onrein is nie. Daar is egter ‘n uitsondering: vir hom wat reken dat iets onrein is, vir hom is dit onrein. Nou dan: as jy ...’
25 λυπειται = praes ind pas van λυπεω, met die betekenis van ‘hy gegrief word’/ ‘verdrietig gemaak word’/’pyn toegedien word’. Dit gaan hier veral daaroor dat ek met my uitlewing van die vryheid wat Christus gebring het my broeder/suster hartseer maak en hulle blydskap wegneem (Baljon bl 572; NIDNTT vol 2 bl 419; TDNT vol 4 bl 320). Greijdanus se Rom komm vol 2 bl 604 wys my daarop dat hierdie hartseer egter baie ernstig is. Want ek hier met ‘n spesifieke vorm of uitwerking van σκανδαλον en προσκομμα te doen – dit waarteen Paulus in vers 13 ‘n opdrag gee ... Dis ‘n hartseer agv ‘n verkragting van my gewete, en die krisis in my verhouding met die HERE (vgl ook Lange se Rom komm bl 420; Ridderbos se Rom komm bl 311; Moo se Rom komm bl 854). Veral omdat λυπεω ivm απολλυμι (15c) staan (Moo se Rom komm bl 854) is hierdie hartseer baie baie ernstig. Want απολλυμι gaan daaroor om ewig verlore te gaan in die hel – vgl Rom 2:12; 1Kor 1:18; 15:18; 2Kor 2:15; 4:3; 2Tes 2:10 (NIDNTT vol 1 bl 464, Moo se Rom komm bl 854 vgl ook voetnoot 28). Met απολλυμι is daar ook ‘n baie sterk verband na σκανδαλον en προσκομμα – vgl Woordstudie by προσκομμα en σκανδαλον. Ek het dus hier ‘n praktiese voorbeeld van hoe daar in vers 14 se konteks ‘n σκανδαλον en προσκομμα vir my broeder gestel word. Dit kan gebeur deur my uitlewing van die vryheid wat Christus gebring het.
19
![Page 20: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/20.jpg)
omdat die vaste vertroue net ne meer daar is nie.
Dis hartseer
omdat daar gestruikel is oor ‘n struikelblok.
**************
So sien u hoe’s’ie sterkes ‘n struikelblok?
Hulle was ‘n struikelblok toe hulle die vryheid
wat Christus vir hulle gegee het volheid uitgeleef het
en toe by die kerk se saam-eet-geleentheid
oesters en vark-spek geëet het
terwyl dit vir hulle swak broeders en susters
wat net groente geëet het
‘n reuse gewetens-probleem was.
En waar het die probleem in gekom?
Wel Paulus sê dit in vers 15.
Hy sê: “Maar as jou broeder deur voedsel gegrief word,
dan wandel jy nie meer volgens die liefde nie.”
Ja dit was die probleem.
Die sterkes het nie
in ooreenstemming26 met ons Here se gebod
van liefde geleef nie.
Verduidelik
En wat Paulus sê beteken
dat die sterkes hulle vryheid in Christus uitgeleef het.
Maar nie hulle volle vryheid nie.
En hoekom nie?
Wel Omdat Christus ons nie net vrygemaak het
van die OT-rein-en-onrein-wette nie.
26 κατα αγαπην - κατα + akk dui hier op die standaard of reël of wet waar volgens of in ooreenstemming waarmee (Greek grammer beyond basics bl 377; Greidanus se Rom komm vol 2 bl 604). Dus: ‘volgens liefde’/ ‘in ooreenstemming met liefde’.
20
![Page 21: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/21.jpg)
Nee! Die vryheid waarmee Christus ons vrygemaak het
is net soveel oneindig ryker en groter en dieper en wonderliker.
Want toe Christus op Golgota dit uitgeskreeu het met:
‘My God My God waarom verlaat U My?’
het Christus ons met sy baie kosbare bloed
losgekoop en bevry uit Sonde se Slawerny.27
Sodat Paulus in Rom 6:18 kan sê:
“en, vrygemaak van die sonde,
het julle diensbaar geword aan die geregtigheid.” 28
**************
En wat is hierdie geregtigheid?
Wel dis ‘n lewe in lyn met ons Here se gebod.29
En in Joh 15:12 sê ons Here Jesus:
“Dit is my gebod,
dat julle mekaar moet liefhê net
soos Ek julle liefgehad het.”
Bevinding
Sien dit geliefdes? Is dit nie wonderlik nie.
Christus het ons vrygemaak van die sonde
sodat ons weer vir die geregtigheid kan leef
en weer kan begin lief hê.
Daarom dat Paulus ook
as hy in Gal 5:13 praat oor ons vryheid sê:30
“julle is tot vryheid geroep, broeders;
gebruik net nie julle vryheid as ‘n aanleiding vir die vlees nie,
maar dien mekaar deur die liefde.”
****************27 Vgl Ridderbos, Paulus bl 325, 326, 32728 Vgl Reymond, A new systematic theology of the Christian faith, bl 65829 Vgl Ridderbos, Paulus, bl 287; Floor, Die Evangelie van die KK, bl 4730 Vgl Ridderbos, Paulus bl 325, 326, 327
21
![Page 22: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/22.jpg)
En hierdie vryheid is so anders as Sonde se slawerny.
Want toe ek nog vasgevang was
in my ou sondige verdorwe natuur
was ek totaal selfgesentreerd.
Ek het gehaat en was haatlik
sê Paulus in Tit 3:3.
Maar Jesus kom maak ons vry van hierdie slawerny
om weer te kan begin lief hê soos Hy
met ‘n totaal selfopofferende liefde.
***************
En dan word hierdie vryheid om weer lief te hê
die ding wat ons totale dink en doen bepaal en bestuur.
Verduidelik31
So die sterkes in die geloof in die kerk in Rome
moes gaan dink het en toe vir hulself gesê het:
‘Maar hoor hier.
Hierdie broeders en susters van ons is nie
soos die Fariseërs nie.
Hulle is ook nie soos daardie valse-broeders in Galasië nie.
Hulle is ook nie soos die Pous en sy kardinale nie.
Hulle is ook nie soos een of ander sinode
wat eiewillige wette op ons wil af forseer
waar Christus vryheid beveel nie.
Hulle verwag ook nie van ons
om iets soos homoseksualisme
wat ons Here duidelik verbied
goed te praat nie.
31 Vgl Ladd, A NT theology bl 523; Ridderbos, Paulus bl 327.22
![Page 23: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/23.jpg)
So wat sal ons doen?
Wel ons moet dat die vryheid om lief te hê
rigting gee aan ons vryheid om alles te kan eet.
En dan sal ons by die gemeente-ete ‘n lekker groente-slaai eet.
En by dit alles: Ons is mos vry om alles te kan eet.
En groente is mos deel van alles.’32
En dan? Wel dan gaan daar vrede kom.
Ons gaan mekaar kan aanneem.
Ons gaan selfs Bybelstudie kan doen
oor wat die vryheid van Christus alles beteken.
***************
Maar nou het die sterkes in die geloof dit nie gedoen nie.
Hulle self het nie nog nie die volle geloofskennis gehad
oor hoe Christus ons vrygemaak het nie.
En toe? Wel toe word hulle struikelblokke
omdat hulle net een deel van die vryheid
wat Christus beveel uitgeleef het.
4. En dis erg. En dis ons vierde punt.
Ja dis baie erg.
Want kyk net
wat sê Paulus in die laaste deel van vers 15.
Hy sê: “Moenie deur jou voedsel hom te gronde rig
vir wie Christus gesterf het nie.”
Verduidelik
En as Paulus sê dat jy jou broeder of suster
vir wie Christus gesterf het
met jou alles-eet ten gronde rig 32 Vgl Calvyn, Die Institusie van die Christelike Godsdiens, boek 3 hfst 19, par 10.
23
![Page 24: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/24.jpg)
dan’s dit ‘n verskriklike woord.
Want ten gronde rig
beteken ook om verlore te laat gaan tot in die hel.33
So wat Paulus met vers 15 se laaste deel sê is:
‘luister, moet tog nie die sonde doen
om nie julle hele dink-en-doen
te laat bepaal en bestuur met die vryheid
om weer lief te kan hê nie.
Want so kan jy iemand vir wie Christus gesterf het
verlore laat gaan in die hel!!’
Verduidelik34
En dadelik moet ons sê
dat so iets nooit kan gebeur nie.
Christus het nie een druppeltjie bloed verniet laat vloei nie.
Bewys
I In Mat 1:21 bv leer ons duidelik
dat Christus die een is
“wat sy (uitverkore)volk van hulle sondes sal verlos.”
En hier staan hier nie dat Christus gekom het
om dit te probeer nie.
Nee! Christus het gekom om sy volk te verlos.
En dan doen Christus dit kragtig effektief
in Goddelike almag.
33 Vgl NIDNTT vol 1 bl 464, Moo se Rom komm bl 854 vgl ook voetnoot 2834 Vgl Reymond, A New systematic theology of the Christian faith, bl 679-680, 698-699; Camenga&Hanko,
Saven by grace, bl 105-107; Wilson se Rom komm bl 22524
![Page 25: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/25.jpg)
II Daarom dat Christus in Joh 10:27-28 sê:
“My skape luister na my stem,
en Ek ken hulle, en hulle volg My.
En Ek gee hulle die ewige lewe,
en hulle sal nooit verlore gaan tot in ewigheid nie,
en niemand sal hulle uit my hand ruk nie.”
En dan praat Chritus verder in Joh 10:29
en dan sê Christus:
“My Vader wat hulle aan My gegee het (in die uitverkiesing35),
is groter as almal;
en niemand kan hulle uit die hand van my Vader ruk nie.”
III En in Rom 8:30 praat Paulus-self oor hierdie wonder
en dan sê Hy:
“en die wat (God) vantevore verordineer (of uitverkies) het,
dié het Hy ook geroep;
en die wat Hy geroep het,
dié het Hy ook geregverdig;
en die wat Hy geregverdig het,
dié het Hy ook verheerlik.”
Opmerking36
Hoor u dit? het Hy ook verheerlik.
Ja dit staan so vas
dat elkeen vir wie God uitverkies het
en geroep het
en in die kruisdood van Christus geregverdig het
ook op die nuwe aarde verheerlik sal word.
ja dit staan so vas
dat Paulus in die verlede tyd daaroor praat.
35 DL 1:736 Vgl Reformation study Bible bl 1627
25
![Page 26: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/26.jpg)
So asof dit al klaar gebeur het.
So geliefdes as Paulus in vers 15 se laaste deel sê
dat ek met my liefdelose optrede iemand
vir wie Christus gesterf het kan laat verlore gaan
dan praat Paulus nie oor iets wat regtig kan gebeur nie.
Nee! Hy praat oor my.
Verduidelik37
I Oor my skrikwekkende liefdelose gesindheid.
II Hy praat oor my skrikwekkende blindheid
waarin ek net een deel van Christus se bevrydingswerk wil raaksien.
Ja net daardie deel
wat my vryheid gee van die OT-rein-en-onrein-wette
en vryheid gee van elke wet wat mense die kerk wil invoer
wat Christus nooit ooit beveel het nie.
III Ja Paulus praat oor my
wat die heeltyd met bloedige ywer stry
teen elke greintjie eiewilligheid.
Ja Paulus praat oor my
wat elke mensgemaakte gebod
met wortel en tak uit die kerk wil uitroei.
Iets wat op sigself wonderlik goed is.
Penehas38 en Elia39 en Christus40 self
het dit ook op ‘n stadium gedoen.37 Vgl Haldane se Rom komm bl 60338 Num 2539 1Kon 1840 Joh 2
26
![Page 27: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/27.jpg)
Maar wat verskriklik sondig is
is as ek blind bly vir die volheid van die vryheid
waarmee Christus ons vry gemaak het.
Ja as ek blind bly vir die vryheid
om weer lief te kan begin hê
soos Christus ons lief gehad het.
Want as ek so blind bly
dan word ek ‘n struikelblok.
Dan bly ek ‘n liefdelose mens
vir wie dit min skeel dat my broeder of suster
uiteindelik in die vlamme van hel opeindig.
Ja dan sit ek eintlik nog vas gevang in die slawerny
van die Sonde en die Dood.
Dan’s ek nog so totaal anders as Christus.
Want Christus het ons kom bevry
om lief te hê soos Hy.
En Hy het so lief gehad
dat Hy aan die kruis in die hel in was
vir daardie broeder van my
wat ek in liefdeloosheid die hel in wil stuur.
****************
Slot
5. So geliefdes wat sê dit vir ons
in ons hier-en-nou lewe?
Opmerking
En nou’s ons by ons vyfde punt
27
![Page 28: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/28.jpg)
waarmee ons gaan afsluit.
Weet u: Dit sê so ontsettend baie.
Dit sê: “besluit dít liewer,
om nie die broeder ‘n hindernis of struikelblok in die weg te lê nie.”
Soos Paulus in vers 13 onderrig het.
Dit sê: ‘wandel in ooreenkomstig ons Here se gebod van liefde’
Soos Paulus onderrig in vers 15.
En dan moet dit ons op ons knieë bring met trane
en lippe wat smeek:
‘Ag Here vergewe ons!
En Here laat ons tog deur U Gees deel
in die volheid van U vryheid.
Ja Here maak ons vry
om te leef volgens U gebod van:
“julle moet mekaar liefhê
net soos Ek julle liefgehad het.”41
En Here laat hierdie vryheid
om weer lief te begin hê
ons totale alles bepaal en bestuur
in die kerk van Daspoort.’
Ja geliefdes dit
wat die Gees ons hier in Rom 14:13-15 leer
moet ons bring by dit wat Martin Luther een maal verstaan het
toe hy gesê het:42
“’n christen is volkome vry, heer oor alles,
41 Joh 15:1242 Luther, De vrijheid van een christen, In Luthers werken, bl 136.
28
![Page 29: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/29.jpg)
en aan niemand onderworpe nie.
Maar tegelyk (agv die vryheid om weer te begin lief hê)
is ‘n christen ‘n dienskneg van almal,
onderworpe aan almal.”
Amen.
AntwoorddiensPsalm as antwoord op die Woord – Ps 119: 59, 60
Gebed
29
![Page 30: Rom 14:1-9 - Gereformeerde Kerk Daspoort 14,13-15.pdf · Rom 14:13-23 Fokus: Rom 14:13-15 Die belangrikheid van Kerk-eenheid en ons hantering van versskille (e) November 2013](https://reader035.fdocument.pub/reader035/viewer/2022071510/612f209f1ecc515869433eef/html5/thumbnails/30.jpg)
Barmhartigheidsdiens
Psalm tydens kollekte : Ps 145: 8, 9, 11, 12
Slotpsalm : Ps 146: 5, 6, 7, 8
Wegstuurseën.
Ontvang nou die seën van die HERE en gaan in vrede.
“Die genade van die Here Jesus Christus
en die liefde van God
en die gemeenskap van die Heilige Gees
sy met julle almal!
Amen.
30