Research Paper
-
Upload
ic-rech-causapin -
Category
Documents
-
view
152 -
download
0
Transcript of Research Paper
PANIMULA
Ngayon, ang listahan ng mga oportunidad sa advertisement sa kabuuan nang iba't-
ibang mga format ng media ay halos walang hanggan. Mapapanood sa telebisyon at
maririnig mo sa radyo ang iba’t ibang uri ng mga patalastas na nagtatanghal sa iba’t ibang
mga produkto at serbisyo. Nagkalat na rin ang mga posters at naglalakihang billboards na
nagbibida sa mga produktong kanilang itinatampok. Hindi lamang dito nagtatapos ang mga
lathala ng mga produkto, pati na rin sa internet at mga social networks ay karaniwang
matutunghayan ito.
Nilalayon ng mga nabanggit na medyum ng paglalathala o advertisement na
makakuha ng pansin at mahikayat ang mga konsumer na tangkilikin at bilhin ang kanilang
mga produkto at serbisyo. Gamit ang mga marketing strategies na ito, napapalabas nila ang
magandang panig ng kanilang mga produkto. Ngunit kadalasan, pawang mga huwad o di
kaya’y kulang ang mga impormasyong ito para mabigyang tulong ang mga mamimili na
makagawa ng mabuting desisyon sa pagpili at pagbili.
Sa pagkilala ng mga medya ng komunikasyon sa paglathala, mas magiging matalino
at praktikal ang bawat desisyon ng mga konsumer sa kanilang pagbili at maiiwasan ang
malawakang panloloko o pandadaya ng mga advertising media.
1
PAGLALAHAD NG MGA SULIRANIN
Ang pangunahing layunin ng pag-aaral na ito ay upang malaman ang mabuti at
masamang epekto ng medya sa gawing pagbili ng mga konsumer partikular na ang mga U01
na mag-aaral ng FILBAS230.
Sa pananaliksik masasagot ang mga sumusunod na katanungan.
1. Anu-ano ang iba’t ibang medya ang ginagamit sa advertisement?
2. Anu-ano ang mabuting epekto ng medya para sa mga konsumer?
3. Anu-ano ang masamang epekto ng medya para sa mga konsumer?
4. Paano lalabanan ang masamang epekto ng medya sa mga konsumer?
KAHALAGAHAN NG PAG-AARAL
Ang resulta ng pag-aaral na ito ay maaaring makatulong sa mga mamimili o mga
konsumer na mapagtanto at timbangin ang kanilang desisyon pagdating sa pagbili ng mga
produkto o serbisyong bibilhin. Sa pamamagitan ng pag-aaral na ito, tayo ay magkaroon ng
kamalayan sa nakakakumbinsing kapangyarihan o convincing power ng medya sa iba’t ibang
uri ng tagapanood at tagabasa ng mga patalastas.
Ang kinalabasan ng pag-aaral na ito ay maaaring maging aid ng mga konsumer sa
paggawa ng matalinong desisyon sa hinaharap. Hindi na sila madaling mahikayat sa
pamamagitan ng mga depektibong mga pangako ng advertisement.
2
KAHULUGAN NG MGA TERMINOLOHIYA
Ang advertising ay isang uri ng komunikasyon inilaan upang manghimok ng isang
madla (mga manonood, mga mambabasa o tagapakinig) upang kumuha ng ilang mga
aksyon.
Ang online advertising ay isang anyo ng promosyon na gumagamit ng Internet at
World Wide Web para sa mga layunin na ipinahayag ng paghahatid ng mga mensahe
sa pagmemerkado upang maakit ang mga kustomer. Mga halimbawa ng mga online
advertising na isama ang contextual ads sa mga resulta ng search engine na pahina,
banner ads, Rich Media Ads, Social network ng advertising, interstitial ads, online na
inuri sa advertising, advertising network at mga e-mail sa marketing, kabilang ang
mga e-mail na spam.
Ang isang social network ay isang sosyal na istraktura na ginawa ng mga indibidwal
na (o organisasyon) na tinatawag na "nodes," kung saan ay nakatali (konektado) sa
pamamagitan ng isa o mas tiyak na mga uri ng interdependency, tulad ng
pagkakaibigan, pagkakamag-anak, mga karaniwang interes, pinansiyal na exchange,
masuya, seksuwal na relasyon , o mga relasyon ng paniniwala, kaalaman o mabuting
pangalan.
Ang marketing ay ang proseso kung saan ang mga kompanya ay natukoy kung ano
ang mga produkto o serbisyo na maaaring makakuha ng interes ng mga mamimili, at
ang diskarte sa paggamit sa mga benta, mga komunikasyon at business
development.3
Ang konsumer ay isang malawak na label para sa anumang indibidwal o kabahayan
na gamitin ang mga kalakal at serbisyo na nabuo sa loob ng ekonomiya.
Ang konsumer behavior ay ang pag-aaral ng kung kailan, bakit, paano, at kung saan
ang mga tao ay bumibili n o hindi bumili ng produkto.
Ang infomercial ay isang patalastas sa telebisyon na tumatagal ng limang minute o
higit pa. Nilalayon nitong magbigay ng impormasyon sa mga manonood tungkol sa
mga adhikaing panlipunan.
Ang commercialism ay isang konsepto kung saan nilalayon ng mga negosyante na
gamitin ang mga imahe, serbisyo at iba pa upang pagkakitaan.
Ang radio advertising ay isang form ng advertising sa pamamagitan ng daluyan ng
radyo.
Ang billboards ay malaking istruktura na matatagpuan sa mga pampublikong lugar
na kung saan ipinapakita patalastas sa paglipas naglalakad at motorists.
SAKLAW NG PAG-AARAL4
Ang pag-aaral na ito ay base sa mga reaksyon at panayam sa 40 na mag-aaral ng
FILBAS, seksyon U01 ukol sa masama at mabuting epekto ng medya sa kanilang gawing
pagbili o buying habits. Sa 40 estudyante ng U02, kalahati lamang dito ang aming isinurbey.
Ang mga karagdagang mga impormasyon ay nanggaling sa internet, aklat at iba pang mga
nalathala na may kaugnayan sa pag-aaral.
Nakakatiyak na ang paggawa ng surbey ay sinunod sa sayintipikal na pamantayan
upang makasiguro na anumang data na nakalap ay mapagkakatiwalaan.
PAGLALAHAD NG MGA DATOS
Isa sa palatandaan ng isang mabisang merkado ay sapat na pagkalat ng
impormasyon at mahusay na sistema ng komunikasyon. Sa pamamagitan ng iba’t ibang uri
5
ng lathala of advertisement mapupunan ang pangangailangang ito. Ang medya ay isang
mabisang pwersang nagdadala ng ninais na mga resulta sa pamamagitan ng pag-engganyo
sa tagapanood, tagabasa o tagapakinig na tumugon ayon sa ibig na sagot ng advertiser.
Nilalayon ng isang lathala na makuha ang atensyon ng mga inilaang konsumer at mapilitan
silang tangkilikin ang mga iniendorsong produkto o serbisyo.
Base sa aming pag-aaral, humigit kumulang 62% o mayorya ng mga konsumidor ang
nahihimok na sumubok ng isang bagong produkto o brand ng isang produkto kapag ito ay
inilathala. Ang mga lathala ay karaniwang binubuo upang maragdagan ang konsumpsyon ng
mga mamimili sa isang tiyak na klase ng produkto sa pamamagitan ng pagtatatak.
Gumagawa sila ng imahe ng isang produkto upang mapukaw ang kyuryusidad ng isang
pangkaraniwang tao. Sa pamamaraang ito, nakamtan ng mga advertiser ang kanilang unang
layunin na pukawin ang interes ng publiko at kalaunan ay makumbinsi sila na subukan ito.
6
Ang aktwal na nilalaman at structuring ng mensahe sa isang patalastas ay
nakapahahatid ng epekto ng mapanghikayat na komunikasyon. Ang mga mensahe na
malinaw na nakasaad at simple ang konstruksiyon ay magkaroon ng mas mahusay na
pagkakataon na ilahad ang atityud at kagustuhan ng nagpadala o pinagmulan. Sa gayon,
malaki ang posibilidad ito ay magdadala ng ninanais na pagtugon (Markin, 1974).
Ayon sa aming panayam, ang mga TV o radio commercial at lathala sa pahayagan at
mga magasin ang maituturing na pinakaepektibong mass-market advertising format.
Kabilang sa iba pang instrumento ng medya, ang mga ito ang madaling ma-access ng mga
tao. Kaya hindi na nakapagtataka na kapag tayo ay nanonood ng telebisyon hindi natin
maiwasang mapansin na mas mahaba pa ang takbo ng mga patalastas kung ihahambing mo
takbo ng oras ng isang palabas. Karaniwang ang mga patalastas ay itinatapat sa mga high-
rating na mga palabas upang masigurong marami ang maaabot ng mensaheng ipinababatid.
Sa mga pahayagan naman, mapapansing mas marami ang lathala na nakalimbag sa mga
pahayagan at magasing nasa nasyonal na sirkulasyon o di kaya’y may maraming
mambabasa.
Isa ding mabisang aparato sa advertisement ang mga poster, billboard, fliers at mga
leaflets. Mapapatunayan ito sa mga naglalakihang mga billboards na nakatayo sa gilid ng
mga kalyeng palaging dinadaanan ng mga motorist. Ang iba naman ay namamahagi ng mga
7
fliers at leaflets sa mga matataong lugar katulad ng mall, plasa, labas ng simbahan at iba pa.
Nakapaskil rin ang mga nakakatawag pansing mga poster sa mga pook na palaging
dinadaanan ng mga tao. Hindi na kataka-taka na hindi mo na makikita ang tunay na pintura
sa pader dahil sa dami ng poster na nakadikit dito.
Sa pag-usad ng makabagong teknolohiya, hindi na rin maiiwasan na umusad din ang
pamamaraan ng paglalathala. Hindi na lamang ito limitado sa mga telebisyon, radio at mga
nakalimbag na ads, usung-uso na rin ang paglalathala sa internet, lalo na sa mga social
networking sites tulad ng facebook, friendster, twitter, myspace at iba pang site kung saan
madalas bumisita ang mga internet user.
Ngunit hindi lahat na nakasaad sa isang advertisement ay totoo. Ang iba ay may
kasamang pagmamalabis o exaggeration sa paglalarawan at pagbibida ng kanilang mga
produkto. Pawang mga magagandang katangian ng isang produkto ang inilalagay sa lathala
at ang mga masamang epektong dulot ng produkto ay nilalaktawan. Sa kadahilanang ito,
nadadaya ang mga mamimili at hindi nila nakukuha ang karapat-dapat na benepisyo kapalit
ng kanilang pera.
Bukod sa masamang epekto, mayroon din naming mabuting dulot ang lathala. Sa
pamamagitan ng advertisement, malalaman ng mga tao ang iba’t ibang mga produktong
maaari nilang pagpilian. Maiiwasan ang monopolyo sa merkado dahil maitatatag ang
8
kompetisyon sa pagitan ng mga prodyuser. Malalaman din ng mga konsumer kung may
bagong labas na produkto at madaragdagan ang kanilang mga pagpipilian.
Sa huli, ang pagpapasya kung paano tumugon sa isang lathala ay nasa kamay pa rin
ng konsumidor ngunit hindi maipagkakailang malaki ang impluwensya ng advertisement sa
desisyon ng mga konsumer. Kaya dapat mahubog ng isang konsumer ang analitikal at
mapagtanong na pag-iisip upang hindi agarang maengganyo ng mga mababaw na
advertisement.
PAGLALAGOM
9
Para mas maunawaan ang isang bagay, dapat muna nating kilalanin ito para
magkaroon tayo ng malawak na pagbabasehan ng ating mga hinuha. Sa ating pananaliksik
nakilala natin ang iba’t ibang uri o porma ng lathala at natutunan rin natin ang intensidad ng
impluwensya ng bawat isa. Ang mga advertisement sa telebisyon, radyo, internet,
pahayagan, magasin, billboards, fliers at leaflets ay mga halimbawa lamang ng kumakalat na
medya na nakaaapekto sa mga desisyon ng mga konsumidor.
Atin ding nahinuha na ang lathala ay parehong may inihahatid na mabuti at
masamang epekto sa mga tugon ng mga konsumer. Ang pagpapalaganap ng impormasyon
sa pamamagitan ng advertisement ay isa sa mga mabuting dulot nito. Nabibigyan din ng
mas maraming pagpipilian ang mga mamimili dahil mayroon silang malawakang kaalaman.
Nag-uudyok rin sa mga negosyante ang advertisement na pagbutihin ang kanilang mga
produkto at serbisyo dahil sa mahigpit na kompetisyon sa merkado.
Ngunit kung minsan ang mga advertisement rin ang dahilan kung bakit nadadaya ang
mga tao. Hindi lahat na sinasabi sa lathala ay pawing mga katotohanan, halos sa lahat ng
pagkakataon may pagmamalabis itong kalangkap o di kaya’y kinukubli ang masamang
epekto o side effect ng isang produkto.
KONGLUSYON10
Ang isang lathala ay hindi palaging nagreresulta sa agarang pagbili ng produkto
ngunit nahihikayat nito ang mga mamimili na subukan ito. Sa pamamagitan ng iba’t ibang
uri ng patalastas, ang mga mamimili ay nagkakaroon ng ideya kung ano ang maaaring
kapakinabangan ng isang produkto. Kung ang ginagamit na medya sa paglathala ay kapani-
paniwala mas malaki ang tsansa na mahikayat ang isang mamimili.
Base sa aming pag-aaral, nakarating kami sa isang kongklusyon na ang mga mamimili
ay bulnerable sa makapangyarihang paghihikayat ng advertisement. Labingtatlo sa 21 na
respondent ang nagpatunay na susubukan nila ang isang produkto kapag ito ay may kalakip
na lathala. Bukod dito, sa gitna ng mga iba't-ibang paraan ng advertisement, ang telebisyon
at mga pahayagan ay may pinakamalawak na saklaw ng impluwensiya.
REKOMENDASYON
11
Ang pagkamulat mula sa pagkamangmang ay isa sa mga hakbang upang tayo hindi
agarang maloko o malinlang ng mga naglipanang mga patalastas. Aming inirekomenda na
kilalanin mabuti ang isang produktong inilathala bago ito subukan. Dapat maging
mapaghanap ang mga konsumer ng impormasy6on at hindi lamang nakadepande sa mga
kaalamang ibinibigay ng telebisyon, radio at iba pa. Subukan ninyong tanungin ang mga
taong nakasubok na sa mga produktong nais ninyong bilhin upang magkaroon kayo ng ideya
kung ito’y angkop at matutumbasan ba nito ang halaga ng perang iyong binayad. Huwag
maging padalos-dalos sa inyong desisyon sa pagbili.
Maaari niyong i-tsek o basahin ang mga review at komentaryo ng mga ekspertong
manunuri ukol sa isang produkto. Mas mapagkakatiwalaan ito kung ihahambing sa mga
mababaw na advertisement. Ngunit sa huli nasa ang ating desisyon ay nakasalalay sa ating
mahusay na paghatol at pagtitimbang.
TALASANGGUNIAN
12
Schiffman, Leon G. at Leslie Lazar Kanuk. Konsumer Behavior. Jurong, Singapore : Pearson Education Asia Pte Ltd., 2001.
Malkin, Rom J. Konsumer Behavior: A Cognitive Orientation. USA: Macmillan, 1974.
Sternthal, Brian. Konsumer Behavior: An Information Processing Perspective. USA: Prentice Hall College Div, 1982.
Hawkins, Del I. et al. Konsumer Behavior: Building Marketing Strategy. Boston: McGraw-Hill Irwin, 2004.
Olson, Jerry C. at J. Paul Peter. Konsumer Behavior and Marketing Strategy. USA: Irwin Professional Pub, 2007.
“Marketing” Encyclopedia Britannica. 2009 ed.
Advertising.Nakuha noong Mayo 13, 2010 mula sa
http://en.wikipedia.org/wiki/Advertising
Trosclair, Carroll. Advertising.Nakuha noong Mayo 15, 2010 mula sa
http://advertising.suite101.com/
APENDIKS
Sample Ng Mga Nasagutang Surbey
13
14
15
16
17