Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking : 25-07-2017 to 04-08-2017delivery :24-10-2017 (tUe) Time :9AM-tillstockstOCK : 306

GAS NEWS Agency : KIM JOEBooking : 8th. June ., 2017 to 4th. July., 2017delivery :24-10-2017 (tUe) Time :9AM-tillstockStock :270 (19 kg. & 5 kg available)

GAS NEWS Agency : SASBooking :20th. May., 2017 to 20th. June, 2017delivery :24-10-2017 (tUe) Time : 9AM till stock laststOCK : 306/-rate:Rs. 749/-

HmasawnnaTharVol-33/22 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

changer (october) 24, 2017 thawleni (tuesday)

NEWS TOMkiMcHANcHIN LAKTAWI

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

JNV entrance form lak thei

ccPur: JNV/Tuinom a Class VI inchuk ding lakna ding le inzawma Entrance Test Exam application on-line fethlenga student han an pek dinga ti nisienkhawm student tam takin harsatna an tuok leiin Application zanikhan \hahnemtawk tak a hung tlung. Hi le inzawm hin Oc-tober 24, 2017 a inthawk Office hour sungin ZEO Office-ah Pumsong Hangs-ing, Nodal Officer, JNVST kuomah lak thei ning a tih tiin ei thu dawngna chun a hril.

Minister hlui Th. Krishna Singh a thi

imPhal: Manipur a Cab-inet Minister hlui Thoudam Krishna Singh chu October 22, 2017 11:50 AM khan kum 86 mi niin JNIMS, Porompat ah a thi. Thoudam Krishna Singh hi kum 1980 khan Thoubal A/C a inthawk MLA a th-langtling \an a ni a, hi huna hin Cabinet Minister (Medi-cal, Veterinary & Animal Husbandary) hai a chel a, kum 1990 a Manipur As-sembly Election-ah khan Thoubal A/C a bawk a term hnina dingin thlangtling nawk a ni a, hi huna hin Cabinet Minister (Forest and Revenue) hai a chel a nih. Thoudam Krishna Singh hin nau pasal 5 le nau nuh-mei 7 neiin a thisan a nih. A ruong chu October 22, 2017 zantieng khan a chengna Thoudam Maning Leikai-ah raw liem a lo ni tah.

TSA Diamond JubileeccPur: Hungtlung ding October 29, 2017, 1:00PM khin Damdiei Christian College, Taloulung Vil-lage, Kangpokpi District-ah “Unrelenting Resurgence” ti thupui hmangin Thadou Students Association (TSA) Diamond Jubilee lawm

ning a tih. TSA hi Octoer 29, 1956 a Lalkhopao Chongloi le C. Doungel, retired IRS & Ex-Finance Minister, Mani-pur han founder president le founder secretary ninaa Motbung village, Kangpok-pi district-a an lo indin a nih.

Electoral Roll-a inzieklut hun

ccPur: Puitling vote nei thei chin, electoral Roll-a hming la um lo (vote la nei lo) hai ta dingin tulai hi hming zieklut hun a ni leiin Electoral Roll-a hming la um lo hai ta dingin ngaiven hun a nih. BLOs han khuo tum tum haia electoral roll-a hming zieklutna hi an thaw mek a nih.

Vun natna hri an invawi phaimPhal: Thoubal Multipurpose Project a inthawka tui luonga in-silhai chu tulai hin vun natna an invawi tawl. Hi tuia insil hai chu an pang a hung inthak a, an hang

huot leh an pang a hung puor a, an pang puorhai chu panser angin a hung um a, hi lai biela cheng-hai chun an tuorhla hle niin ei thu dawngna chun a hril.

McPM in Nov. 2 ah general strikeimPhal: Maoist Com-munist Party Manipur (MCPM) chun PDS & Consumer Affairs Minis-ter le an thuruolpui Naoba, Lamlai A/C MLA mi le sa, Gobai, Khurai A/C MLA unau pa le Manglemjao of Kongba han PDS thil indik

lo takin an sukchavai a, hi lei hin hrem le PDS & Con-sumer Affairs Minister hi inban raw seh tiin an phut. An thil phut hi sukpuitling a ni naw chun November 2, 2017 ah general strike kan thaw ding a nih tiin MCPM chun thusuok an siem.

Winger le Auto inbawah nupui 1 a thi

imPhal: Zani zing dar 9:30 vel khan Joypur Khu-nou, Bishnupur District-ah Winger motor le Diesel Auto an inbaw a, Auto a chuong Haobam Ningol Thoudam Ongbi Ibetombi (63), w/o (L) Thoudam Nongthamba of Keinou Thongthak Awang Leikai chu a hmuna a thi a, Po-lice han an va lak a, post-mortem thaw dingin RIMS

morgue-ah an va sie. Winger Motor hi Churachandpur a inthawka Imphal pan, a registration number chu MN02-B0997 a ni a, Diesel Auto hi Nam-bol le Bishnupur inkara service, a registration numner chu MN06-SA 3413 a nih. Hi thil tlung le inzawm hin Bishnupur Police Station in FIR an registered.

Aadhaar number peklut hun sukseiimPhal: Student-hai ta dinga Aadhaar num-ber peklut theina hun chu November 20,2017 chena dinga suksei nawk a nih tiin Secretary, Board of Sec-

ondary Education, Manipur chun zanikhan inhriettirna a siem. Aadhaar number peklut huna hin Aadhaar Card Xerox copy peklut sa ding ti a nih.

59th Saikot Youth club Day hmang

-Muona InfimatesaiKot: Saikot Youth Club chun October 23, 2017 khan Saikot play-ground-ah 59th Saikot Youth Club Day ursun ta-kin an hmang. Hun hmang-na hi Pu Lalramthar, Asst., Secy., SYC le Nk. Debora Lalrozam han an kei\huoi a, Rev. J.F Lalropui-in in hun hawng \awng\aina a nei a, Chief guest in Lal-hrillien, EM, ADC, CC-Pur khuollienin a \hang a, Vanhmingthanga, Sailo, Principal, Shepherd Acad-emy functional president in

a \hang. SYC Day hmangna hi Pu Rosangliana @ Zo Rock khawma uop vein “Van-glaini” ti hla mawi taka sakin mipui an awi bakah veteran singer Tv Lal-zarlien Zote khawmin thiem takin mipui an awi bawk. Khuollien chun Saikot Sub-Division-a hlangkai a ni ta leiin Saikawt chu khaw pawimaw le hmatieng Re-public Day le Independence Day hai khawm Saikawt ngeia hmang thei a ni vat a beisei thu a hril.>>sunzawmna page 4-ah

SYC \huoitu thar ding thlang

ccPur: October 23, 2017 khan Saikawt Youth Club (SYC) kum 2017-2020 sunga \huoitu (OB) thar ding thlang a nih. Chairman dingin R. Lalkaisanga, Secretary in Lalramthar Famhoite, Asst. Secy. in David L. Faiheng; F/ Secy. in Nk. Darthang-pui; Treasurer in Tv. Lalro-sang Sungte, Secy. Games & sports Pu Zairemthang; asst. in T.C. Lalmalsawm hai thlang an ni a, thlang thar hai hi Rev. Lalngail-ien Puruolte in \awng\aipe-kna a nei.

GST Hi Gabbar Singh Tax, Miretheihai Suomtu A Nih: Rahul Gandhi“Make In India” Ti Zingin China Siem Mobile Phone A Tamlem Nia Hril

gandhinagar: In-dia Prime Minister la nih dinga beisei le Congress vice-president nih mek President dinga hlangkai beisei, Prime Minister hlui Rajiv Gandhi naupa Ra-hul Gandhi chun Prime Minister Narendra Modi sawrkâr hmalâkna sawisê-lin, sawrkârin a hmang thar GST (Goods and Service Tax) chu ‘Gabbar Singh Tax’ tiin a ko. Hi thu hi Gujarat state Assembly Election neina ding le inzawma elec-tion campaign OBC Ekta Manch an neina huna a hril a nih. Rahul Gandhi chun, demonetization har-satnain a mi chimbuoi zo charin inhremna dang GST a hung hmang nawk ng-hâl hi miretheihai ta dinga hremna double le inrawkna (looting) a nih tiin a hril. Gujarat capital Gandhi-nagar-a OBC leader Alpesh Thakore-in Congress a za-

wmna le inzawm vântlâng inkhâwmna ah, PM Modi chun a mimal inhniknain ni kum khan pawisa a that \eu a, tuhin miretheihai hremna dingin GST a hung hmang nawk a. Goods & Service Tax an nawa, Gabbar Singh Tax a nih tiin Hindi film Sholay-a misuol Gabbar Singh leh a hrilkhi. “Pu Modi-in a mimal inhawi tina dingin Demon-etisation a thaw leiin India mipui maktaduoi tel harsat-na a siem a. Chu chu la dit-tawk lovin hmawsarumin GST a hung hmang nawk a. Miretheihai a suom a nih” tiin a hril. “GST hi Congress sawrkâr siem suok/rawt a ni a. A tir chun 18% ceiling neia siem a nih, mirethei-hai ngaituona leiin. Tuta ang hin per cent insangtak 28% ding le chi nga nei dinga siem a ni nawh. BJP sawrkâr chu inhmaw lo din-gin kan ngena sienkhawm

an ngaisak nawh” tiin a hril bawk. Modi sawrkâr chu miretheihai dotu (anti-poor), mi hnuoihnunghai harsatna intluntu niin a hril a. “Gujarat pumpui khawm, mi tlâwmte an hlima chu, an lungngaiin an lung a sahal zo ta a. Lungril in-rim naw tukhawm an um ta nawh. Thil pakhat an nawleh thil dangah sawrkâr chunga lungawilo vawng an ni tah” tiin a hril bawk. Rahul Gandhi chun, BJP President Amit Shah

naupa Jay, NDA inlal china a hausakna van tawng raka kaisâng hrât el chungthuah iengleia an to \awk \awk am ti an dawn bawk a. De-monetization le an thiltum tak iem a chang taa tiin an dawn bawk. “November 8, 2016 khan iem a tlung? Modi chun zanril lai TV ah in-tithei deuvin Rs.500 le Rs. 1000 note ka dit nawh. Chuleiin, vawizan zanrila inthawkin ka that ding a nih” tiin thawk le khatin In-dia ram mipui po po a

\hawng a ni kha”. “Ni hmasatakna le ni hnina chena khan chu thil tlung dan ama khawmin a hrietthiem naw a. A ring nêkin a buoi a. Mumbai-a concert ah ‘hi hi ka thaw a nih’ a ti vel a. Ni ruk hnun-gah harsatna an sang taluoa economy an hnuoi taluo leiin a bei a dawng a, a thawsuol ti a hriet a. TV ah an lang nawka. December 30 chena ‘Black Money’ ka sukbo naw chun mi khai hlum ro’ a ti a. Black Mon-ey a bo ta?” tiin mipui lai open question a siem bawk. “Online le mobile phone payment, cash-less society a hrilmawi a. “Vawisun hin hnuoi\hatna in mobile phone or cheque hmangin in inchâwk thei ta? Pawia note bovin bazar in kai thei am?” tiin losin-thawtu (farmer) hai chu an dawn a. Mipui chun inring deuvin “No” tiin an lo khêk duol duol a. Kut an ben dur

dur bawk. GST chu ‘Gabbar Singh Tax’ (insuomna) a ni ta a nih” tiin Finance Minister Arun Jaitley khawm Con-gress recommendation hai a hnâwl leiin a bei bawk. Rahul chun Modi “Make in India” campaign khawm a sawisêl a. China siem thilhaiin India an hluo sip zo ta niin a hril. “Employment hi China ram tieng a suok ding a ni, India ram tienga laklut ding? Product (hmangruo) in hmang a tamlem, mobile phone, zakuo, camera, etc. kha China siem vawng an nih tiin a hril a. “Intithei deuva in mo-bile phone China siem in click a, selfie in lak khan China \halaihai chun pawi-sa an lo hmuin sin an lo in-siem pei a nih” tiin China-in technology le thil siem tieng a mi run nasat zie a hril bawk.>>sunzawmna page 4-ah

(Photo:Saikawt News)

HT Sangliana Rolling Trophy Football khuollienin a kick-off-Spl. Correspondent

ccPur: HYA 12th Gen-eral Conference, 2017 le inzawma HT Sangliana Rolling Trophy Football & Volleyball chu Oct. 23, 2017 chawhnung tieng khan Sielmat Playground ah \an a lo ni tah. Rolling trophy hawng-naa hin Pi Lal\hazam MCS, SDO Saikot chu Chief Guest-a \hangin a Kick-Off a, Pi Laihlizo DTO, CCPur chu Guest of Honour le Pu Lalvullien Hmar, President, HAA GHQ chu Functional President in an \hang bawk. Guest han thu an hril na haiah hiengang huna fiela an umna le hieng ang huoihawt thei a aum chu lawmum an ti thu hai hril tawlin hi hun a mipui fekhawm, inkhel ding hai le HYA member hai chu infuina tha tak tak pein Organising Committee

kut ah thilpek an inhlan tawl a, Organising Committee khawmin lawmthu hrilna’n Memento an inhlan ve. Hun hmangna hi hnam sunga pawl tum tum a \huoitu ha’n an uop a, Nk. Gloria Khawlhring le Nk. Cindy Lalruotmawi Inbuon han mipui hlain an in awi a, Pro-Pastor Michael le Rev. Zothanghrin Zote han hun hawng le hun khar \awng\aina an nei.

Opening Football Match 1st Round a chun HYA, Rengkai-B in HYA, Muolvaiphei-B chu 2-1 in an hne a. 2nd Round a chun HYA, Muolbem in HYA, Thenmuol chu 3-1 in an hne bawk. Hi inkhelna hun a hin Daniel (jersey no. 14), HYA, Muolbem chun goal 3 thunin hat-trick a hmu a nih. Ama hi hat-trick hmu hmasatak a nih.>>sunzawmna page 4-ah

Tlângrama khawm Computer hmang a \ul: K. VashumimPhal: Parliamentary Secretary (Transport & Plan-ning) Mr Khasim Vashum chun, tulai khawvel chu iengkim thawna dingin Com-puter a \ul ta a. Hmasâwnna ding chun computer bo chun a thei ta nawh. Chuleiin, tlangrama hai chen computer an thiem le hmang a \ul tah, tiin inhrilhriet le inchuktirna ei mamaw hle niin a hril. Hi thu hi “3-Months Cer-tificate Course in Computer Application” (Border Area Development Programme), LCM, Lamphelpat, Imphal kharna huna a hril a nih. “Tulai Information Tech-nology Age ah chu thil/sin thawna dingin computer a \ul vawng tah leiin thiem vat vat a pawimaw a nih” tiin a hril. Khasim Vashum chun, Manipur chu mithiem tam-tak doctor le scientist hai puo

tienga inchûkna nei vawng ei ni thu le thiemna khawm in-sangtak ei nih tah niin a hril a. Phairam ang bawkin tlân-grama mihai khawm suk-changkâng an \ul thu a hril bawk. ICM, Lamphelpat-a hotu le student hai inlaichinna a \haa, program hai \ha taka hlen an nina thua a lâwm hle laiin, tlângram le kilkhawra umhai khawm computer literate an ni theina dinga hma la dingin an fui bawk. Tlangram le hmun kilkhawr

computer facility nei phâk ve lohai khawm huom an \ul zie uor takin a hril. Thla 3 sung Computer Training Course hin July 24 khan student 50 leh, Ukh-rul a inthawkin \an a ni a. Word Processing, Excel Spreadsheet, Power Point, Image Editing (Photoshop) le a dang danghai inchûktir an nih. A Course hi Institute of Cooperative Manage-ment, Imphal-in Planning Department, Government of Manipur sponsored-na

hnuoia a thaw a nih. Miss SP Khankhami chu ‘all-rounder student’ lawmman inhlan a nih. Computer Course bâkah ni 10 Entrepreneurship De-velopment Program (EDP) le ni 3 Orientation on Health and Nutrition and Fruit & Vegetable Preservation khawm MSME-DI ah in\hangtir/nei a ni bawk. A function hi Dr. Th. Munindro Singh, Director, Planning Department, Mani-pur-in Functional President-in a uop a. Thu \hatak tak a hril bâkah student hai Course Certificate an hlân bawk. Dr. N. Ranjana Devi, Direc-tor, ICM, Debrabrata Mitra, Deputy Director, MSME-Development Institute, K. Joychandra Singh, Course Coordinator/Sr. Faculty, ICM le Faculties le ICM stu-dent tamtak an \hang bawk.

MNC hnuoia ANM le GNM exam \an a nihccPur: Manipur Nurs-ing Council hnuoia ANM le GNM student hai chun Octo-ber 23, 2017 a inthawk khan Exam Centre tum tum haiah exam an nei \an a, October 26, 2017 khin zo an tih. CCPur a khawm GNM Training Centre chu Exam Centre pakhat a ni le inzaw-min GNM Training School le Bethesda School of Nursing/Bethesda College of Nursing haia ANM le GNM inchuklai han exam an pek. CCPur Exam centre-a hin GNM Training School a inthawk ANM Second Year Student 10 le GNM First Year Student 27 hai bakah Bethesda School of

Nursing a inthawk GNM First Year Student 39, Second Year Student 37 le Third Year Student 40 exam-a hin an \hang a, hi centre-a exam pe hi an ren-gin student 153 an nih. Morning shift 9AM-12noon inkar in GNM first year han Biological science paper 1 le GNM second

year han medical surgical nursing paper 1; Evening shift 1-4PM inkar in ANM first year han health promo-tion paper 2, second year han health centre manage-ment paper 6 an exam a, GNM third year han com-munity health nursing II paper 3 an exam.Manipur Nursing Coun-

cil in 2014 a kha GNM Training School hi Mani-pur –a ANM/GNM Exam Centre pakhat ni ve dinga a ruot a ni a. Exam hun sung K. Sunita Devi, Principal, FHW Training School, Lamphelpat, Imphal le V. Goihzachiin, Princi-pal, GNM/ANM Training School, CCPur hai Pre-siding officer ning an ta, Invigilators in N Pushpa Devi, A Subhir, Jubin le Rajesh Kumar LC ning an ta, Manipur Nursing Council a inthawk MNC member Tangbi Devi, Tu-tor, FHW Training School, Lamphelpat, Imphal in en-kaipui bawk a tih.

YMA in Protest an sunzawm

ccPur: Young Mizo As-sociation (YMA) Lamka Branch chun New Bazar-a Women market bawlna ding le inzawma YMA Lamka Branch Office le Bus Waiting Shed inkawp sawrkarin \hiekdar dinga Eviction notice an suo dodalnain Oct. 23, 2017 khan sit-in-protest an sun-zawm nawk. YMA Lamka Block chun \hiekdar a ni ding khawmin sawrkarin com-pensation mi pe raw seh tiin an ngen a nih. Protest a hin Block member tam tak

an \hang a, placards hai an chawi bawk. Sit in protest hi zantieng 5PM chen khan an nei a. Zan kara \hiek in-lau leiin zan huna veng le umchil pawl khawm an um niin ei thu dawngna chun a hril. YMA Lamka Branch chun ADC hmuna an office le Waiting Shed inkawp building hi \hiek chu an hniel a ni hran naw a, sienkhawm mipui sum le mipui tha hmanga bawl a ni leiin ADC in compensa-tion a mi pek ding a nih tiin sawrkar an phut a nih.

JERC member dingin Ngangom Sarat Singh

imPhal/new delhi: Mr Ngangom Sarat Singh chu Joint Electricity Regu-latory Commission (JERC) for Manipur and Mizoram a member dinga ruot a ni a.

Mr Ngangom Sarat Singh hin zani ma khan Power and New & Renewable Energy Minister R K Singh maah member dinga in-tiemkamna a nei.

JERC hi member 2 umna Commission niin member hai chu Manipur le Mizoram tienga in-thawk pakhat ve ve an ni a, Mr Sarat Singh hi Manipur tienga inthawk JERC mem-ber dinga ruot a nih. Mr Sarat Singh hi B.Sc (Electrical Engineering) a niin Electricity Depart-ment, Govt. of Manipur-a inthawk Superintending Engineer (Electrical) a pen-sion a nih.

Ngangom Sarat Singh

Hmasawnna Thar2 changer (october) 24 2017thawleni (tuesday) article/health & emPloyment news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIMi popo le inremna le thienghlimna hnawt ro, chuong le naw chun tukhawmin Lalpa hmu naw ni hai; - Hebrai 12:14

EditorialTuilam siem\hat

Manipur mipui han mamaw le harsatna chi tum tum ei nei a, chuhai laia pakhat chu lamlien hi a nih. Lamlien \hat naw leia ei harsatna hi hril ngai-na um lo a nih. lamlien \ha chu ei ram le a mipui han ei mamaw hle a nih. Lamlien sietna hi ei State pumpui sung a ni leiin a siem \hatna ding hin sum cheng vaibelsie tel a lut ding a nih. Ei State Sawrkar chun \hal huna lamlien sietna hai siem \hatna sin hi a hung thaw ding niin a hril a. |hal hun hungt-lung ding hi nghakhla a um ta khawp el. Ei State Sawrkarin lamlien siem \hatna sin a hung thaw le thaw naw chu hunin a la hung hril ding a ni a, mipui han ei lo nghak phawt a \ul a nih. Manipur Sawrkar hin lamlien sietna hmun hai chu a siem naw der chu a ni nawh. Lamlien inkuok-na hmun hai khawm siem \hain a hruk bit hlak, Chun, \ul zuola a ngaina hmun hai a siem \ha mek bawk. Amiruokchu, tu kum hin kum dang nekin ruotui a tam a, lamlien inkuokna (pot hole) le lam-lien a siem \hatna hai khawm tuihawkin a suksiet nawk pei leiin hun sawt an dai nawh. Lamlien sira tuilam (nullah/drainage) \ha ei mamaw hle a nih. Lamlien sira tuilam hai siem \hat a ni hmakhat chu lamlien \ha le tlo ei nei thei ring a um nawh. Lamlien sira tuilam haiah tuihawk luong lovin lamlienpui (main road) haiah tuihawk a luong hum hum a, lamlien \hat ngaina a um der nawh. Ruotui a tam chang lem chun ei lamlienpuihai chu vadung ang elin tui a luong el bakah lamlienpui hmun tam tak hai chu Nga dil tiet tieta an kuo leiin tuihawk an tling khawm a, kelawng le motor a inlawn vel hai ta dingin harsatna namen lo takel a siem hlak. Hi lei hin Sawrkarin lamlien a siem \hat huna tuilam hai hi lamlien a siem ang thova a ngaipawimaw nuom a um. Lamlien sira tuilam hai siem \hat a ni naw chun lamlien siem \ha hlak inla khawm hun sawt \ha ngai naw nih. Hi lei hin ei State Sawrkarin tuilam (nullah/drainage system) hi lo thei lova lamlien a siem \hat ang thoa a hung siem \hat hi thil \ul mak-maw a nih. Tuhin chu tuilam a \ha tawk naw leiin ruo a hung sur changin tuihawk han luongna ding an invai a, luongna ding dang an nei tlat naw leiin lamlien haiah an luong el hlak a nih. Lamlien sira tuilam hi khawpui sung el chau ni lovin khawpui puotienga State le National Highway haiah khawm a \ha chuong naw a, ei lamlienhai hi a se zung zung el niin an lang. Manipur State khawpui tak Imphal khawmin lamlien sirah tuilam a nei \hat naw leiin ruo a hung ser met chun tuilien ang elin harsatna an tuok nghal hlak. Tuilam nei \ha hai sienla chu hi harsatna hi an pumpel thei ring a um. Tulai khawm ruo a hung sur met a, Imphal khawpui sunga Bazar hmun le kawtthler haiah tui an tling a, hmun inhnuoina deu a um In sung haiah tui a lut bawk a, tu kum sung ringawt khawm hin thawk ruk lai zet hi harsatna hi an tuok ta a nih. Manipur a second town tia hril le hrieta um Churachandpur town sung khawm ieng uol a ni bik chuong nawh. Khawpui sunga lamlien sir haia tuilamhai \hat naw leiin ruo a hung sur chang tui-hawkin luongna ding an invai a, an thu le hla lovin lamlienah an luong hum hum a, vadungte ang elin Churachandpur town laili tak chu a hung um hlak. Tuihawkin hmunhnawk po po lamlien lai a len dar a, hmunhnawk \hahnem takel lamlien haiah an chambang a, khuo a hung \ha pha chu a thu veng vung el hlak a nih. Hi thil ei pumpelna ding chun tuilam siem \hat a \ul a nih. Tuilam siem \hat hi ei State pumpuiin a mamaw ve a nih.

NEc Scholarship buoipui hun ding imPhal: Academic Session 2017-18 a ding NEC Schol-arship fresh le renewal a ding hnina lekha (application form) peklut hun ding chu November 1, 2017 to Decem-ber 30, 2017 inkar sung ning a ta, application form hi On-line-a peklut ding a nih tiin Directorate of University and Higher Education, Government of Manipur chun inhriet-tirna a siem. Manipur mi, India ram sung hmun hran hrana recognised higher educational institution haia post-matric higher professional course a dinga admission thaw tasa hai ta dingin NEC Scholarship hi hni thei ning a tih. Online application form chu hi Directorate website www.higher-educationmanipur.gov.in ah peklut ding a nih. Thu chieng lem khawm hi website-ah hin hriet thei ni bawk a tih.

APcc in Kamakhya Tasa chungah FIRguwahati: Jorhat Lok Sabha MP Mr Kamak-hya Prasad Tasa in India hnam pa Mahatma Gan-dhi le Prime Minister hlui Jawaharlal Nehru, Indira Gandhi le Rajiv Gandhi hai hmunhnawk (garbage) an nih tia \awngkam mawilo tak a saksuok leiin Assam Pradesh Congress Com-mittee (APCC) chun Mr Kamakhya Prasad Tasa chungah First Information Report (FIR) an file. FIR hi APCC General secretaries Imdad Hussain

le Mukul Sarma han Bhan-gagarh Police Station-ah an file a ni a, Mr Kamakhya Tasa chu dan dungzuia man nghal dingin an phut bawk. Mr Kamakhya hin Oc-tober 21, 2017 nia Chara-ideo district-a Sonari hmu-na public rally huna thu a hrilnaa hi thu hi a hril a nih. Congress workers hai chun Mr Kamakhya thuhril dodalnain zani hmasa khan Guwahati hmuna protest neiin Tasa lim (effigies) an raw.

UDAN scheme thuah centre remtipuina la nghakshillong: Regional Connectivity ‘UDAN” tia ko hnuoia Umroi airport, Meghalaya le India hmar-sak state haia vuongna ser-vice ding thuah sawrkar thlungpui remtipuina la nghak mek a nih tiin offi-cial thusuok chun a hril. UDAN scheme hi tuta hma khan Prime Minis-ter Narendra Modi chun Shimla Airport-ah a lo

hawng ta a, hi scheme hnuoia hin Umroi airport chu North east state 5 haia Agartala, Aizawl, Di-mapur, Imphal le Silchar hai karah vuongna service ding le chuongman mi pakhatah Rs. 2,500 pei lak ding a ni a, hi thila ding hin Air Deccan leh Centre le state han 90:10 funding pattern hnuoia agreement siem a nih.

Sakei in naupang kum 10 mi a se hlumsehore: Madhya Pradesh-a chun Ratapani Wildlife Sanctuary bul lai nuhmei naupang kum 10 mi Sakei in a sehlum niin zanita official thusuok chun a hril. Nuhmei naupang hi zani hmasaa kha Khanabad village huomsunga ramhn-uoia a sanghai pahni ran an ching huna Sakei hin a bei le a sehlum nia hril a nih. A sang pahni (nuhmei le pas-alte) hai chun an unu hi san tumin Sakei hi lungin an

deng a, sienkhawm Sakei hi tlanse el lovin a se zing a, inring taka an \ap hnungin Sakei hi a fehmang chau a nih. Naupang pahni hai chun an unu ruong hi khaw-sung chen an sawm a, chu hnunga an thiltuok hi hrieta hung um a nih. A ruong post-mortem thaw a ni hnungin a sunghai kuomah inhlan a nih. Police chun case registered in an suizui mek. (PTI)

siPai|ha Part-22 timothe 2:35

By Lalramhlun, Zote Veng, Rengkai

Khawvela chu Sipai tamtak an uma, Hienghai hi chu hril a ngai ta nawh. Tuta ei hril tum tak chu

Sipai chi hni an uma, Isu Sipai le Setan sipai an nih. Ka chinlai Pawlnga kan chuklai, “Ei Paradise inhmang chu” ti lekha Bu kan inchuka, Lucipher (Zingtieng naupa) chun anina ansit a, a lal\hungpha chu Pathien neka insanga dawmsang tum in \hang a laka, Vantirko danghai khawm ama tienga \hang dingin a fiel tawla, vawt zawnglaia Taima deu a vawt (vote) zawngtuhai angin Taima deuin Vantirko lai ama tienga \hang ding a zawng nasa ning a tih, ama tienga \hang Vantirko an tam ve em leiin. Pathienin Lucipher (setan) in a lal\hungpha dawmsang chu \ha a ti naw leiin, Lucipher le a rawihai chu hnawt thlak tumin Van indona a suok tah a. Vantirkohai chu Gabriel le Michaelin an inrawia, Lucipher (setan) le a rawihai le chun nihni an indo a, a nithum ni chun Naupa rawi in ando a, chuongchun setan le a rawihai chu an hne ta a, Seolah Vansam tawp rêta chun an hnawt thlak tah a. Isai 14:12. Setan (lucipher) kha Vantirko laia chunghnungtak Pathien naupa dawttu ani leiin, Pathien le a naupain Hnuoi siema a sunga chengtu ding Mihriem siem antuma, an siem thu kha a lo hriet ruka, setan chu Seola inthawkin a suoka, Eden huon chu a zawng suok ta a, Eden huona Rulsunga chun a lut a, Evi kha amatienga \hang dingin var takin Councilling a thaw ta a, setan kha a hlawtling hle el, Evi chau kha Councilling a thaw ana, anachu Adam kha a man sa tlat el, Adam kha mansa naw sien chu thaw dan ala um chu tie, Adam nakru danga inthawkin a kawppui ding nuhmei dang an siem nawk el ding ana. A pawi em em chu setan Councillingna ah Evi a piengthara, Evi in awlsam deu in Adam a zukmansa nghal el kha a nih a pawi bek bek chu. Setan in thil chite hmangin mihriemhai hi awlsam deuin a lawm zawng le a ângsunga a \huoi el hlak a nih. Zu vawikhat chau dawn, Damdawi mumkhat, Inkhawm \hula um vawikhat, um mei mei vawikhat injection sawn, Sum indik rak naw lakna dinga vawikhat hming ziek, vawikhat chul manta mi ta zuk lak zau, le a dang danghai kha, awlsam deuin a nawk anthawtir nghal hlak a nih. Chuleiin, Pu Hrangkapchin in hla in alo inzawt Ind. No., 176

1. Tiena Pi le puhai Eden huon sunga mi, Doral a hrat lei in, Thina le Lungngaina mawphurin ansuoka, |apna hrenaw ding chu \ap nau amin changtir. Ava pawi ngei, ava pawi ngei de maw! Tui chen khawm hin, Hmangai kulsunga mi; Abawia um dingin; Ngam thlem na leiin maw? Hrengthir amin bun hi.2. Dodan thiempa setan, ralhrangpa thaw dan hi, Ei ni’n hrethiem inla, Ngamna thlarau ngunhnam Pathien thu ngeitawn hin, Doralhai ngam dingin biethu tiem sa a nih.Setan le a rawihai Seolah an hnawt thlak lei khan, Adam le Evi Pathienin ama angna neia a siem, Eden huonsunga mi kha Dodan thiempa setan in, Mu Arlak takin a lo lak tah. Ava pawi ngei ti naw chu hril ding aum ta nawh. Pathien khawm hril hai hleng a tih. Pathien lungsenna a tlung tah, thil suksuol tuhai chungah |awngsie an khum tah. Chu \awngsie khawm chu thupeka (by order) a nih. Setan leiin Vanah in\hena le indona a tlunga, Chuphingchun setan le a rawihai chu Seolah pei thlakin an um tah. Hmangaitu Pathien chun ama angpuia hringna neia a siem hai kha, Isu Krista ah chun nauah amin buka a ringtuhai chu! Hitaka inthawk hin khawvela mihriemhai chu Chihni or Hnamhni ei ni tah. Mi pakhatin ami hril a, Pastor Thanglerin Pastor Thangngur kuomah Lalthang pa, khawvela hin hnam iengzat am an uma? Ata, an dawna, Pastor Thangngurin Hnamhni, Ringtu hnam le Ringnawtu hnam ata, andik khawpel. Setan lei in khawvel hi Hnamhni in ei in\he ta a, chu Hnam hnihai chun \huoitu (Leader) ei nei ve ve a, setan a rawi le Krista rawi ei ni tah. Genesis 3:15, Nang le Nuhmei hi indotir Ka ti cheu a, i thlahai le, a thlahai lan dotir bawk ka tih. Ama chun i lu la sukthithling a ta, nangin a kekhawng la sukthithling bawk i tih, a ta, khawvela indona puongin a um tah, Pastor Thanglerin hla in a lo inzawt. Ind. Hla no. 134,

1. Suolna ralthlatu a hrang khawhri,Khawvel chunga hin nun a rawng ie, Pi pu chena ka doral, Thisen ralthuom, Hmangin hneng ka tih.2. Ka lal ral hrang hi a tlawm ngai nawh,Imanuel hming a \uoi ngai nawh, Chatuona lal hlun a nih, A ram in kin, Ni lêm nei naw nih.3. Khawvel Puon angin la hlui a ta,

Lawmna Par angin la \uoi a ta, Ka Lalpa hming chul naw nih, Chatuon rammawi,

Ah Parsuok a tih. tiin a lo khekpui a nih.Pas-tor Thangler chanchin mi mihril la zuk hril vak ka tih. Rawvakawta Pastor Thangler hai in tuolah Lamkhuong kung lien deu el hi a uma, tienlai ringtu an tam hma khan khawhri an inlar nasa an ti hlak hrim a nih. Rawvakawt thlanmuola inthawkin khawhri ni awm tak a samsei deu el, a sam chun a hmai a hlie vawnga, zan sawt pha th-lanmuola inthawkin a hung hlaka, Lamkhuong bul chen, thlanmuol tieng bawk a kir nawk hlak. Chuphingchun tlangval ruol khawlai lengngam an um ta nawh. Chu thu chu Pastor Thangler an hrila, Pastor Thangler chun Lamkhuong bul hlie ah alo inbi a, alo inchâna, khawhri anhrilpachua hung nawk ngei a kun nghut nghut in, Lamkhuong bul a hung tlung char chun Pastor Thangler chun a bak sama alo mana, tuta hnung chu hung ta der naw rawh alo ti a, chutaka inthawk chun a re vang vang an tih. Chun, Upa Zika chanchin la zuk hrilsa met ei tih. Upa Zika hi Kohran Upa hmasatak dawt a nih. Upa Chawnglianzuala (Upa Chawnga) hi Kohran Upa hmasatak ana, a pahnina chu Upa Zika a nih. Anni pahni hi Pamthul khuo a umlaia Kohran Upa an nih. Pamthul khuoa an umlai Loneina a hla in a harsa em leiin, 1888 in iemanizat in Rawvakawta an in sawn thlaka, a hnungin an rengin, Luoksuoah Upa Zika hin Serthlum bila siema, Luoksuo a chun a riek hlaka, chutaka chun khawhri LASI an ti hai in Upa Zika chu ZAWLA in man dingin an thlem hlaka. LASI anti hai chun ZAWLIN inman ei ta SA i nuom zat zat inkap tir kan che an ti a, Upa Zika chu a nuom naw a, an thlem an thlem khawm chun a nuom chuong naw a, Lasi hai chun Upa Zika chu an sawisak \an ta a. Upa Zika in Sa an chana, a kap tawm\ep damin Lasi hai chun Sa chu an suk zam pek hlaka, vawikhat chu Upa Zika a huona riek chu Pathien ni hmang dingin khuotieng a hung in lawia, Funghrawl ding Ruo abuktu hrui le an tangna ding um thak lo chu Upa Zika chun a sata, hang kei dawk a tum chun a keidawk zo ta naw a, chuphingchun Upa Zika lungsen chun chem a kei dawka, Khawhe! Nangni rawi rawp rawp a ta, chem chun a hang thela, chuphingchun a hung sen puta Upa Zika chu an ben thluk dera, a Hnar le a Nakuo a hai thisen suok neng nung in, tlangvalruolin an zu zawn dawk hiel a nih Chutaka inthawk chun Upa Zika chu an thlem nawk ta ngai nawh. Ka zuk hrilna san chu Ringtuhai hi khawhri hai in an thlem nuom bika, tienlai khan anni ngei in Ringtuhai anthlem hlaka, tulai chu anni inlang ta lo in Lungrila mi anthlem lem tah a nih. Pastor le Kohran Upa hai khawm anthlem rin naw a, an hne theina dingin Nung-hak, Nuthlawi, Sum le pai le a dang dang hai hmangin anthlema, mi tamtak anthlem tluk hlak a nih. Pastor le Upa ni naw hai khawm antluk awl na ding hmangruo a hmangin anthlem hlak a nih. A hming hril awi lo, mi pakhat hin “kei chu Suolin ami thlem na tieng tieng ka thlu zung zung el a nih, a ti chu.” Ringtuhai hi suol dona kawnga nasa nawk zuola \hang lak ei \ul a nih. Tirko Paula in Suol do in thisen suok khawpin inla\hang nawh a ti hi ti awm tak hrim a nih. Upa Zika anga thisen suok khawpa \hang lak a \ul a nih. “Lal sipaihai ei nih, thisena intlansa,” ti hlasak a kut ben ringawt kha suol do hnena an nawh. Krista rawi le setan rawi hi Vana inthawka indo ei ni tah. Khawvela khawm hin ei indo zinga, khawvel tawp chena indo ding ei nih. Suol le indona a hin tuor a ngaia, chân khawm a ngaia, sawl khawm a ngaia, rinum tuor chu mâkmaw a nih. Chuleiin, Tirko Paula in Timothe kuomah “Krista Isu Sipai \hatak angin, rinum mituorpui rawh. Sipai a thlangtu chu an suklawm theina dingin Sipai tukhawm indo laiin hi damsung khawsak na a hin an sukhnawk ngai nawh,” a lo ti a nih. Tienami pakhat, |eka Bereisuon a pu tak Sakei in a thata, a phuba la dingin a puhai Paruol pasari an fe a, Sekei in an rengin a lo that vawnga, TEKA BEREISU-ON chu a hung tlangval ve ta a, a puhai phuba la dingin a fe ta a, Sakeipa, a puhai thattu kuoma chun a fe tah a, a zinga chun Teka Bereisuon chun Thingkung a hâwng a khek fai vawnga, Thingkunga chun a lawn a, Thal le Sahriekbur a chawia, Sahriek chu thingkunga chun a bura, Sakeipa chu thingkunga chun hang lawn a tuma, an nal leiin a kai thei naw a, an tawl thla nawka, a tawpa Sakeipa chu a sawl ta leiin a bawka, chuphingchun |eka Bereisuon chun thalin a hang kâpa a Bawk taka, chuphingchun Sakeipa chu a thi ta a, |eka Bereisuon chun Sakeipa lu chu a tan tah a nih. |EKA BEREISUON in a puhai phuba a lak ang hin, eini ringtuhai khawm, ei pi le pu “thina le lungngaina mawphurin an suoka, |apna hre naw ding \apnaua setan in an changtir hi a phuba lakna chang hrieng ei tiu; Hun sien la, a bak chu Part 3 ah inhmu nawk ei tiu.

eMplOyMent newsrBI recruitment 2017 :Reserve Bank of India (RBI) has re-leasedanotificationfortherecruitmentof623Assistants.Interested candidates may check the eligibility criteriaandapplyonlinefrom18-10-2017to10-11-2017.Vacancy details:•PostName:Assistant•No.ofVacancies:623•PayScale:Rs.14,650-34,990Job location: All Indiaeligibility Criteria for rBI Assistant:EducationalQualification:CandidatesshouldhavepassedBachelor’sDegree inanystreamfromarecogniseduni-versity.Age limit (as on 01-10-2017): Minimum 20 years andMaximum28yearsAgeRelaxation:Sr.No. CategoryofCandidates RelaxationofAgePer-missible1.SC/STCandidates 05Years2.OBCCandidates 03Years3.Ex-servicemen 03Years4.PWDCandidates 10yearsselection process: Selectionof candidateswillbemadeonthebasisofPreliminaryExaminationandMainExami-nation.Application Fee:General/UR/OBCcandidateshavetopayRs.450andSC/ST/PWD/Ex-servicemenhavetopayRs.50throughonlinemodeusingNet-banking/CreditorDebitCard/Mobile Wallet/IMPS.How to Apply: Interestedandeligiblecandidatesmayap-plyonlinethroughRBIwebsite–https://www.rbi.org.in/–from18-10-2017to10-11-2017.Important dates:•StartingDateofOnlineApplication:18-10-2017•LastDateofOnlineApplication:10-11-2017•PreliminaryExamination:27-11-2017to28-11-2017•DateofMainExamination:20-12-2017

Patidar leader Nikhil Sawani BJP a inthawk an ban; ahmedabad: Assembly Election hmasuon mek Gu-jarat-a chun zanikhan Pa-tidar leader Nikhil Sawani chun Bharatiya Janata Party (BJP) a inthawk an ban thu a puong a. BJP in Patel hnam hai ta dinga thaw dinga an tiem hai sukpuitling a nein-aw leia inban a ni thu a hril. Hi thu hi zanita Mr Sawani in press conference huna a puong a nih. Mr Sawani in a hril peinaa chun, Patidar hnam hai ngirhmun siem\hat

le dawmsangna na dinga BJP in thu an lo tiem hai iengkhawm sukpuitling an neinaw leia inban ka ni a, BJP ka zawm nasan khawm

chu chu a nih. Sienkhawm Patidar hai dawmsangna dinga rawtna pali kan siem sukpuitling dinga an mi tiem hai BJP in pakhat

khawm an sukpuitling naw a, thlawpna an hmu theina dinga an election propagan-da mei mei niin an lang tiin a hril. Congress tieng a awn ding le dingnaw thua indawnna dawnin, a ngaipawimaw tak chu Pa-tidars hai ngirhmun dawm-sangna ding a ni thu a hril a. Hi thua hin ama le Hardik Patel han an ngaidan hrilpui dingin Congress Vice Pres-ident Rahul Gandhi inhmu-pui an tum thu a hril. (ANI)

Pastor nuhmei suolluia intum leiin manPatna: Bihar-a chun Alamganj hmuna Indian Mission Church a pastor sinthaw Chandrama Raj chu a kohran member nuh-mei pakhat suolluia intum-na leiin Police han an man. Suolluia intum nuhmei hi lung tiengpang natna nei a ni a, sukdama a um theina dinga a chengna ina \awng\aina neipui ding tia Pastor hin a suollui niin Mahila Police station -a FIR file-a uma chun zieklang a nih. Ama baka hin nuh-mei dang pakhat khawmin

pastor chunga hin intumna a siem a, Police han a state-ment an lak bawk. Nuhmei pahni hai hin September 23, 2017 khan police station-ah complaint an lo peklut ta a ni a, NGO pakhat \hangpuina an ngen hnunga October 8, 2017 nia kha pastor chunga FIR hi registered a nih. Pastor hi judicial custody (Jail) a thun phawt a ni a, thu indawnna la nei pei dinga ti a nih. Pastor man thua hin a Kohran chun iengkhawm an la hril nawh. (ENS)

Hmasawnna Thar3 changer (october) 24 2017thawleni (tuesday) national/international & advertisement

laKtawi

LAWMThu hRiLNA Pile natna leiin phingna, phingsip, luna, kesa, bu du lo, fak khawma phingpuiin sa-wichip thei lo, kut le ke ngawi le inhnawm harsatna hai ka nei hlak a. Ka beidawngin M.V. Azad Phusam ka pan a, tuhin chu ka dam fel tah. Hi lei hin M.V. Azad Phusam chungah hin lawmthu hi Chanchinbu hmang hin ka hung hril. A pan nuom han a hnuoia hmunhai le phone number haia hin pan le biekpaw thei a nih.1. Teddim Road, Opp, J.P. Selection, ICI Church Road, Lamka, Ccpur.2. mobile Phone nos. : 8014025567 / 7628890261

sd/-minlal Salbung

cBI Spl. Director dingin Rakesh Asthananew delhi: Gujarat cad-re senior IPS Officer Rakesh Asthana chu Central Bureau of Investigation (CBI) Spe-cial Director ding le Gur-bachan Singh chu Intelli-gence Bureau (IB) Special Director dinga ruot an nih. Chun, Deepak Kumar Mishra le Sudeep Lakhtakia hai chu Central Reserve Po-lice Force (CRPF) a Special DG dinga inkaisangtir (pro-moted) an ni a, Rajesh Ran-jan le A.P. Maheshwari hai chu Border Security Force (BSF) Special DG Rank-a inkaisangtir an ni bawk. Gurbachan Singh hi a hmain Additional Director, IB chel a ni a, CBI Spe-cial Director thar dinga ruot Rakesh Asthana hi 1984

batch IPS Officer a ni a, CBI-a additional director ni-lai a nih. Lakhtakia le Mishra hai hi a hmain CRPF a Addi-tional DG sin chel an ni a, Ranjan le Maheshwari hai hi BSF a Additional DG sin chel an nih.

Swaraj in Dhaka khawpuia chanchery complex thar a hawngdhaKa: Bangladesh-a ni 2 sung cham dinga inzin mek External Affairs Min-ister Ms. Sushma Swaraj chun an zin tawpni zan-ikhan Dhaka khawpuiah Indian High Commission Chancery complex thar chu candle sitvarin a hawng. Hi huna hin Ms Swaraj chun India \hangpuina hnu-oia development proj-

ects sin thawa um 15 hai a hawng bawk. Hi huna hin Bangladesh

Foreign minister AH Mah-mood Ali, Health Minister Mohamad Nasim le Prime Minister Sheikh Hasina polit-ical affairs adviser HT Imam le Bangladesh ram \huoitu dang dang hai an \hang. Ms Sushma Swaraj hi zani zantieng khan Dhaka khawpui suoksanin New Delhi a hung pan nawk tah. (AIR)

TTV Dinakaran in RK Nagar byelec-

tion ngir a tum

new delhi: Bana lo um tah AIADMK deputy general secretary TTV Di-nakaran chun RK Nagar byelection hung um dingah a ngir ding thu zanikhan a puong. RK Nagar assembly constituency hi Tamil Nadu Chief Minister hlui J.Jayalalitha lo ngirna hlak a ni a, Jaya thi leia hung ruok le byelection nei hung \ul a nih. Election Com-mission chun hi biela bye-lection chu tukum kum-tawp tienga nei ni dingin a hril. (EWD)

Nirmala Sith-araman in Philip-

pines a pannew delhi: Southeast Asian Defence Ministers meetinga \hang dingin De-fence minister Ms Nirmala Sitharaman chun New Delhi suoksanin Philippines a pan. Ni 2 sung aw ding ADMM (ASEAN Defence Ministers’ Meeting)-Plus meeting huna hin member rambung han defence le security tiengpanga thawt-langna \ha lem an nei thei dan ding le Asian rambung han security thila chona dang dang an tuok hai hma-sawn dan ding chungthu hriltlang a ni ring a nih. Ms Sitharam hin Phil-ippines defence minister khawm a hranpa takin an biekpui ring a nih.

SP in Gujarat election-ah Congress an thlawp ding

lucKnow: Gujarat Assembly Election hung um dingah Samajwadi Party (SP) chun Congress party an thlawp ding thu an puong. Hi thu hi Uttar Pradesh Chief Minister hlui le Samajwadi Party na-tional president Akhilesh Yadav in zani zantienga kha Lucknow hmuna a pu-ong a nih. Chanchinbumihai in-dawnna dawnin Mr Akh-ilesh chun, Gujarat Assem-bly Election hung um dinga

hin SP chu Assembly Con-stituency 5 haiah an ngir ve ding thu a hril a, a dang haia chun party leaders le workers han Congress an thlawp ding thu a hril. A party candidate hai ta dingin Gujarat-ah election campaign a nei ding thu Mr Akhilesh chun a hril a, Uttar Pradesh-a Local Body elec-tion um dingah Congress le SP an \hangruol ding am ti thua indawnna ruok chu Mr Akhilesh hin a dawn nawh. (AIR)

Marawi City, Philippines ah helpâwl An um Tah Nawh: DSmanila: Philippines Defence Secretary Delfin Lorenzana chun, Islamic helpâwl han Marawi City hluo chila Muslim lalram indin an tumna a inthawka thla ngana sung charah Marawi City chu ‘helpâwl um ta lo’ khawpui a ni nâwk tah tiin a puong. Southeast Asian Defence Minister hai annual meeting huna thu hrilin, Lorenzana chun reporter hai kuomah, Philippines army hai chun helpâwl nuhnungtakhai ruong 42 chu an lak suok vawng tah niin a hril. “Maute group pawla mi member nuhnungtakhai an nih a. An umna building sûnga kâp hlum vawng an nih. An bo tah, helpâwl an um tah nawh” tiin a hril. Thaw\anni zingkâr khan security official pahni chun khawpuia um Reuters palaihai kuomah building sûngah mithi ruong hmu a ni thu an hril a. Hi building hi helpâwl han ai kuo tâwp \hang an khawna building niin an hril.

Lorenzana chun, hi hma hin helpâwl han an man/hrentanghai chu inthla suok vawng le san suok vawng an nih tiin a hril a. Syria le Iraq rama Muslim lalram indin tumtuhaiin an hlâwsam hnunga Southeast Asia tieng indin an tumna khawm abîkin Marawi City-a mi chu a hlâwsam tah a nih, tiin a hril. Southeast Asia Defence Minister hai an-nual meeting hin a tumtak hlak chu helpâwl-hai do a nih. Meeting \annain Brunei defence

minister chun Marawi City helpâwlin an run leia thina tuokhai po po an sûnpui thu le Philippines sawrkâr a lâwmpui thu a puonga, meeting tan a nih. Brunei minister Hishammuddin Hussein chun, “Philippines a thil tlung hi khawlai khawm tlung thei zing, ei inralringna ding le invêngna ding (wake-up call) a nih” tiin rambung tin minister hai chu helpâwlhai laka invêng fimkhur seng dingin a ngên tâwl. May 23, 2017 khan Muslim helpâwl za telin Marawi City hi an hluo chila, an awp a nih. Asia saktienga Islamic State indin tum an nih. Kohran, sawrkâr department le market hai khawm an awp vawng a. Khawmi tamtak an that a, tamtak an tlan suok bawk. Thla nga lai army hai le an indo sung hin mi 1, 131 an thi hman a, helpâwl 919 le sipai 165 an thang. Midang 1, 780 chu helpâwl han an man/hrentang a, Roman Catholic Pastor khawm a thang. An rêngin sansuok

an nih. Helpawlhai chun army hai dangna dingin an mi manhai chu phawin an hmang a. A tâwp taka 20 hai chu Pathienni zan khan sansuok an nih. Marawi City beina ding hin rambung 10 in moral support an pek bâkah, US le Philippines a tak taka \hangruolin an bei a. Vawikhatnaa dingin, helpâwl dona dingin aircraft le Drone hai hmang an nih. Kar liemtah khan FBI in helpâwl ‘most wanted’ an nei Isnilon Hapilon le Islamic helpâwl (Maute group) hotu Omarkhayam Maute hai an kap hlum. Hapilon hi US mi mana hrentang hlak, nunrâwng taka that hlaktu a ni leiin US-in luman (reward $5 million) a puong a nih. A ruong hi US ah DNA test thaw a nih a, ama Isnilon ngei a ni thu Manila-a US em-bassy chu hung hril a nih. Foreign helpâwl Malaysia mi thi chu Amin Baco le Qayyim tia hriet hai an nih.

toKyo: Japanin sawrkâr thar a nei ding le inzawma US Pres ident Donald Trump-in Asia Tour nei a tumna Japan sir hmasatak a tum laiin Thaw\anni zingkar khan, tuipui a inthawka hung suok thlipui le ruoipui vanawn Typhoon Lan-in Japan rama hrût hrep a, mi 5 an thia 90 neka tam an hliem bawk. Thlipui le ruopui “Hrat tak le râpthlâk tak” hin dar 9Am velin Pacific Ocean a inthawkin Japan thlang tieng tuipui kam khawmuol a hung hrût niin an hril. Kar liemtah (Weekend) a inthawka Japan hmun lien lem lo hrût tah typhoon hi a hrât dan chu darkar khatah

Km. 162 zeta hrât a nih tiin meteorology agency chun an hril. Thlipui le ruopui a nasa taluo leiin bullet train service tamtak khawm inchawltir an nih. Japan hmartieng khawm “Shinkansen” bullet train hai ‘black out’ an ni leiin zan khat tawp passenger po

po rail ah inriektir an nih. Vuongna (flights) 300 nêka tam cancelled vawng an nih a. Flight vuong lai 500 vel chu Pathienni khan an tum hmun ding ni lova lo in\umtir an ni ta bawk. Japan thlangtieng ah khawm Ferry (lawng) tamtak chu tuipui fawn

nasa taluo leiin inchawltir an nih. Toyota khawmin an company sin po po a châwl vawng. Official news ni lo NHK chun mi 120 neka tam hliem an umin a hril a, sawrkâr ruok chun mi 90 niin a hril. Hienglai zing hin Japan PM Shinzo Abe chun a tling thar lawmna ding le inzawmin US President Trump inzinna dingah a lo inbuotsai mek a. An pahnia an inhniktak sports Golf an khêlna ding chenin a lo sukfel tah. Thaw\anni khan President Trump telephone-a biein Nov.5 ah Golf an khêlna ding hmun chenin a lo sukfel ta thu a hril.

Thlipuiin Japan Nuoi, 5 Thi 90 hliem, Trump inzin Ding

BJP in Rs. 1 crore pek dingin an thlem niin a hrilahmedabad: Har-dik Patel inrawi Patidar Anamat Andolan Samiti (PAAS) North Gujarat Convener Narendra Patel chun BJP a zawm zo dark-ar tlawmte hnungin BJP in an party zawm dinga Rs. 1 crore pek dingin an thlem niin zani hmasa zana press conference huna a puong a, sienkhawm sawrkarna siemtu BJP chun Narendra Patel intumna hi an hniel. Mr Narendra Patel hin zani hmasa zan khan state BJP president Jitu Vaghani hrietpuiin BJP a zawm a, a zawm zo darkar tlawmte hnungah press conference

koa, BJP in Rs. 1 crore pek dinga an thlem thu hi a pu-ong a nih. Hieng laizing hin BJP ruok chun intumna hi hnie-lin ama thua BJP zawm a ni thu hrilin, Congress in thu-pek anga hiengang drama hi a hung thaw a nih tiin an intum a darkar tlawmte sunga a hung inletkir nawk thut hin tum lawk hrim a nih ti a sukchieng tiin

Gujarat BJP spokesperson Bharat Pandya chun a hril. Mr Narendra Patel chun BJP in Rs. 1 crore pek dinga an tiem hai laia advance-a an lo peklawk nia a hril Rs. 10 lakh chu Chanchinbumihai hmu thei dingin a pholang a, pawisa hi PAAS leader hlui le BJP zawm tah Varun Patel in a pek niin a hril. Hieng thil popo hi Mr Varun hmalak-

naa thaw a ni thu le Rs. 90 lakh chu Thaw\annia BJP function huna pek dingin Varun hin a tiem niin a hril. Narendra Patel in a hril peinaa chun, BJP party nina indiktak pholang nuomna leia Varun thuhril zawma hieng thil hi a thaw niin a hril a, ‘ka hnam inphatsan ngainawng ka ta, Patidar ta dinga ka ringumna hi BJP in inchaw thei ngai bawknaw nihai tiin a hril. PAAS leader Hardik Patel mi hmang \angkai Varun Patel le Reshma Patel hai chun ni 2-3 vel liemta khan BJP an zawm a nih. (PTI)

Demonetisation in Indian economy a suksiet: Yechurychennai: CPM general Secretary Sitaram Yechury chun, sawrkar thlungpuiin Demonetisation a thaw chun Indian Economy nasa takin a suksiet a nih tiin an tum a, sawrkar thlungpui chun ei rama corporates/company lien hai ditsaknaa a thaw a nih tiin zani hma-saa ‘Parliament Speech of Sitaram Yechury lekhabu tlangzarnaa thu a hrilnaah a hril. Lekhabu tlangzara um hi Mr Yechury in Par-liament-a thu a hril hai le-

khabua khawrpum a nih. Mr Yechury in a hril peinaa chun, Demonetisa-tion khan indiklo taka sum hmusuok le black money hai white money (sum thieng-

hlim) in an changtir ringawt a ni a, Demonetisation feth-lengin corruption nasa tak an tlun a, Mr Narendra Modi sawrkar chun economy tlasie mek keingir nawk dan ding a hriet tanaw a nih tiin an tum. Gau Rakshak hmingin Dalit le Muslims hai tumbik le bei an ni a, ei consititution khawm a sukderthawng a nih. Hi lei hin ei ram le mipui hai himna dingin opposition parties hai \hangruol a \ul tiin Mr Yechury chun a hril bawk. (ENS)

Mi 476 in Nomi-nation an file

shimla: November 9, 2017 nia Himachal Pradesh Assembly seats 68 haia inthlangna um ding le inzawma ngir nuom hai ta dinga nomination paper file theina hun tawpna tak chu October 23, 2017 kha a nita a. Zanikhan mi 275 in nomination paper an file nawk leiin Assembly seats 68 inchu dinga nomination paper file-a um chu a ren-gin 476 a nih. Nomination paper hai hi vawisun scrutiny nei ning a ta, inhnukdawk nu-omhai ta dinga inhnukdawk theina hun tawpna tak chu October 26, 2017 ning a tih.

BERAM A NEITU HRIET LoOctober 22, 2017 khan kan In bul lai Ui hawnin Beram pakhat an bei hrawn a, kan va sansuok a, sienkhawm an lo se hliem hman leiin chang thei lovin a um a, kan inah kan sie. A neitu indik tak chun a hnuoia hmingziek kuomah hin a um dan indik taka hrilin Nov. 26, 2017 chen khin lakkir thei ning a tih. Hun tiemchin sunga a ngaiventu an um naw a, suk riral a lo ni khawma thu buoi siem thei nita naw nih.

sd/- lianTeddim Road, Light House Lane, CCPur.

J & K inbieknaa palai dingin IB Director Hlui Ruot

new delhi: Jammu & Kashmir ah inremna le muongna hlun a um theina dinga inbiekna sunzawm peina dingin Centre chun Intelligence Bureau (IB) director hlui Dineshwar Sharma a ruot a. Ama chun pawl hran hran le mipuihai inbiekpuiin inremna lam-pui zawng a tih tiin Union Home Minister Mr Rajnath Singh chun a hril. Mr Sharma hi Cabinet Secretary rank nîng a ta. Tu tum inbiekpui ding ti haiah thutlukna siem a ti tiin, Hurriyat Conference le an inbiek ding am ti za-wna dawnin a hril. “Centre chun J & K thuah titakzeta

inremna siem a nuom zie a suklang tah a, inbiekna hi sunzawm pei nisien a nuom leiin Sharma hi a ruot ta a nih” tiin reporter hai a hril. Prime Minister Inde-pendence Day thuhril com-ment-in, Centre chun J & K thu a ngaiven em em a. PM in State buoina chu ‘silaimu le tharumin sukveng naw ni a, mipuiin an sukveng lem ding a nih” a ti khan, centre policy a suklang chieng hle a nih, tiin a hril bawk. Pu Rajnath chun, J & K pawl hran hranhai le in-biekna an neina inthawkin a tam lemin inbiekna nei sunzawm pei an nuom thu an hril niin a hril bawk.

Kha hmaa hmalaknahai a hlawsamna thuah, “Tuta inthawk chu kan thaw thaw chu titakzeta thaw vawng ning a tih, ti hi mi ring ro” tiin a hril. Inbiekna palai tam-lem an hlâwsam vawngna thuah, “Hlawtling naw nih ti lâwk thei an nawh. Kan thilthaw hin kan titak zie a suklang a. Sharma hin abîkin \halai hai inhmupui-in inbiekpui phawt a ta, ra \ha an suo ngei ei beisei a nih” tiin a hril. Sharma hi 1979 Batch IPS a nih a. December 2014-2016 chen khan IB director a nih a. Kum 2002 a inthawka J &K palai pa-lina a ni tah. Palai danghai chu KC Pant, NN Vohra, le member-pathum umna (MM Ansari, Radha Kumar le Journalist famtah Dileep Padgaokar) hai an nih. Politician nih lo ruot thuah, politician nih lo, thil umdân po po hrietu secu-rity officer hi palai ding chun a \ha hlie hlie niin a hril bawk.

Opposition han Note ban an-niversary-ah joint protest

new delhi: India rama Opposition parties hai chun Demonetisation thawa um kum khat tlingna champha November 8, 2017 khin India ram pumpui huopin joint protest nei an tum. Opposition parties hai chun Demonetisation hin Indian economy nasa ta-kin a suksiet bakah ah India rama sin tam tak a nghawng pha niin an intum. Hi le inzawm hin Octo-ber 23, 2017 khan Congress inrawinaa Opposition parties \henkhat chu Parliament-a Rajya Sabha Opposition Leader Ghulam Nabi Azad office chamber-ah inhm-

khawmin thil thaw dan ding hai an hriltlang. Meeting huna hin Congress bakah Lef, BSP, TMC, DMK le Sharad Yadav inrawi JD(U) hai an \hang tawl. An thil thaw tum hi Opposition party dang hai inhriettir le la hriltlang nawk a ni ding thu Gh-ulam Nabi Azad chun re-porter hai kuomah a hril.

BJP - HP election star campaigners ding 40

new delhi: BJP chun Himachal Pradesh Assem-bly Election hung um dinga an party ta dinga star cam-paigners ding mi 40 hming an puonglang. Star campaigners ding hai lai hin Prime Minister Nar-endra Modi, BJP president Amit Shah le Union Minis-ters 10 hai hming a \hang. Star campaigners dinga Union ministers \hang hai chu- Rajnath Singh, Arun

Jaitley, Nitin Gadkari, Su-shma Swaraj, J P Nadda, Thawar Chand Gehlot, Smriti Irani, Uma Bharti, Vijay Sampla le V K Singh hai an nih. Star campaigners a hin Uttar Pradesh CM Yogi Ad-ityanath, Madhya Pradesh CM Shivraj Chouhan, Haryana CM Manohar Lal Khattar le Uttarakhand CM Trivendra Singh Rawat hai an \hangsa bawk.

Malaysia Mimkeia Thi, Foreigner 11 An Tling TahKuala lumPur: Kar liemtah Inrinnia Malaysia hmartieng Penang state-a sûngkuo tamtak hluo ding in (building) lien deu sâwng 49-a insâng bâwla um mek chim leia mithi chu, Thawtanni chen khan 11 an tling tah a, a tamlem

chun foreigner worker vawng an nih. Kangmei \heltu le san-suokna sin thawtu Moha-mad Rizuan Ramli chun, Thaw\annia mithi ruong hmu belsa nawkhai chu Bangladesh mi le Malaysia mi pakhat an ni a. |eklei

le cement tumin a del hai lak dawk an nih tiin a hril. Malaysia rama khuolz-inmi (tourist) hai fe rawn-na tak Penang state laia sûngkuo tamtak umna din-ga bawl Building sâwng 49 a insâng chu a founda-tion innghatna tlang lai

mimkei leiin a chim a. Sinthawtu mi 14 \eklei le cement lung (concrete) in a del hai laia pathum chu sansuok an nih. Mithihai hi a tam lem chu foreigner China, Pakistan, Indone-sia, Myanmar le Bangla-desh mi an nih.

Indian Nuhmeite Nih dinga Ring Ruong US ah Hmu

houston: Richardson City, Texas-a police hai chun nuhmeite pakhat kum 3 vel dinga upa a thisa ruong an hmu a, karthum vel liemtaa Indian mi inhmang Sherin Matthews ruong ni dinga ring a nih. Sherin Matthews hi October 7 khan a pa hrawnin a bawngnene a lo dawn zo vawng leia lungsenin in a inthawkin zanril lai a hnawt dawka. Chu china inthawk chun a umna hriet tah lo a nih. Richardson Police hai chun an zawng hrep hnungin, mithi ruong pakhat, naupang ruong, a taksa la um po chu Spring Valley le Bowser roads, Central Expressway s a k t i e n g c u l v e r t l a i , Matthews hai In a inthawka Km .3 ah an hmu a. Sherin ruong ngei ring a nih. Ruong fiena dinga process chu a fe mek a. A thina san khawm sui nghâl a nih.

She r in Ma t thews h i Wesley Matthews (37) in Kerala a inthawka nau dinga a lak (adopted) a nih a. Hi zan hin bawngnene a lo dawn zo vawng leiin dar 3AM velin tuola thingbul hnuoia va ngîr dingin a pa hrawn in a tir a. Khawhnunga a va en nawk chun a lo um ta naw niin a hril. Khawvar hnung chen a nghâk khawmin a hung inlawi ta nawh a. Police hril el lovin ni thum vel chu an zawng niin a hril bawk. Sherin Matthews ruong ni

dinga ring an hmu hnung hin Wesley Matthews chu man a nih a. Ni khat hnungah USD 250, 000 (Rs.1.62 crore vel) bail-in insuo a nih, tiin police Sergeant Kevin Perlich chun a hril. Sherin inhmang thua hin India sawrkâr khawmin a ngaiven em em a. October 19 khawm khan External Affairs minister Sushma Swaraj chun, “Hi thil hi kan ngai pawimaw hle a. US-a Indian embassy khawmin an bawzuia thil umdân an mi hung hril pei” tiin a tweet. Houston-a India Consul General Anupam Ray khawmin, “Sherin Matthew case hi ngun takin kan suizui zing a. Khawtlang \huoitu le hotuhai le inbiek paw zing a nih” tiin a hril. Police han Uisathiem le \hanga an dap hrep hnungin an hmu ta a nih. (Reuters)

Rel in nuhmei 4 a rawthlum

munger: Bihar-a chun zani zingkar 6AM vel khan Adalpur Halt bul lai Rel in nuhmei 4 a rawthlum a, pakhatin hliemna a tuok. Nuhmei hai hi zingkar tui insila fe In pana an kir tieng Rel lampui an kan huna Rel hin a rawt niin Munger Superintendent of Police Ashish Bharti chun a hril. |ieusum a zing nasa taluo leia Rel hung tlan an hmu-naw leia hieng thil hi tlung ni dinga ring a nih tiin SP, Ashish Bharti chun a hril. Mi 4 bawhlumtu Rel hi Bhagalpur-Danapur Inter-city Train a nih. Hi thil tlun-ga hliem pakhat chu hliem inrik tak tuorin Hospital-ah enkawl mek a nih. (PTI)

Hmasawnna Thar4 EntErtainmEnt / SportSchanger (october) 24 2017thawleni (tuesday)

SUNzawmNa

Transgender Playboy ‘Playmate” hmasatak Chulos angeles: “Ka Pi chu ka Pu a lo nih zing!” an ti hlak ang kha a ni tah. Khawvêl hi an letling naw khawma mi \henkhat nun chu an letling tah. Khawvela pasal inhnelpui dinga siem magazine hmasatak Playboy chun ‘playmate’ dingin nuhmei (tak tak) model a hmang hlak a. Tuhin chu pasal a inthawka nuhmeia insiem (transgender) khawm a hmang tah. Mihriem ditzâwng le duzawng “Taste” izira magazine hai khawmin an style an thleng pei a nih a. Ei châk zawng a danglam tah ti khawm hi an hriet nîng a tih. Transgender khawm a hlutsak an tam deu deu angin Playboy khawmin a ‘Playmate’ dinga transgender hmasatak dingin French model Ines Rau chu November/December issue central-fold le cover ah hmang a nih. Ines Rau hi pasal nuhmeia insiem a ni a. An siem \an tir lai vel khan Playboy magazine May 2014 “A-Z” issue ah “Evolution” tiin phêk khatah an lang a. Pasal a inthawka nuhmeia insiemna (transgender) issue nasataka hril lai hun a nih. Ama khawmin pasala pieng nuhmei anga hei um ding chu a pawm thiemna dingin hun

sawttak a lak thu a hril. “Hun sawttak chu transgender ka nina thupin ka lêng a. Pasal ngaizâwng hmu zo lo dam kan lau em em a. Miin mak an mi tih ka \i bawk a. Iemani chen hnungah chun, ‘I ni ni nih rawh’ tiin thutlukna ka hung siem tah a. Nuhmei ka ni tah a nih” tiin a hril. A nina a pawm thiem hnungin, “Mani nina indiktak puong chu sandamna a nih ringawt, ka zâng huoi el. Mani nina indiktak, nuhmei, pasal, ditzâwng le chakzawng ieng khawm lo nisien, pawm hi a \hatak a nih. Miin an hmangai che le che naw thu an nawh. Nang le nang inhmangai la, inhawi i ti dan ding ang takin um rawh” tiin Playboy a hril.

English Premier League:

Arsenal-in Everton an sawp a, Tottenham lakah Liverpool tlawm bawktottenham : Pathienni zan English Premier Legaue inkhel pahni a um a, goal a lut rawn thawkkhat hle. A renga belkhawmin goal 12 tawp thun a nih. Inkhel hmasa lemah Everton chun Arsenal an mikhuol a. Min-ute 12 na chauah Everton chun Wayne Rooney hman-gin goal an thun nghal a. Half hma char minute 40 naah Arsenal tieng chun Nacho Monreal hmangin an goal bat an rul a. Half zo char minute 53 naah Mesut Ozil chun Ar-senal ta dingin goal khat a hung thun a. Everton an hrat naw lem naksapah minute

68 naah Idrissi Gana Gu-eye chun red card a la hei hmu nawk a. Everton a kim lova an \hang hnung Arsenal chun goal an thun nawn ta tlut tlut el a nih. Minute Mintue 74 le 90 na haiah Alexendre Lacazette le Aron Ramsey haiin goal

khat ve ve an thun a. Min-ute 90 na bawkah Alexis Sanchez chun goal tawpna tak a thun nawk bawk leiin Everton ta dingin law ngai-na a um ta nawh. Arsenal an hrat le inruolin Chelsea an hnawt phak a, point 16 ve ve an nei. Anachu Chel-

sea goal difference an in-sang lem leiin Arsenal hai pangana an nih a, Chelsea palina an nih. Everton ruok chu relegation zone-ah an tlahnuoi ve thung. Inkhel pahninaah Tot-tenham Hotspurs chun Liv-erpool an mikhuol ve a. 4-1 tawpin an lo hne. Minute 4 na chauah Spurs chun Harry Kane hmangin goal an thun nghal a. Chu hnung minute 12 naah Heung-Min Son chun Spurs ta ding bawkin goal a thun nawk a. Minute 24 naah Mahamed Salah chun Liverpool ta dingin goal khat a thun a. Half hma char minute 45 naah Dele

Alli chun Spurs ta dingin goal thunin half chenah 3-1 in hma an \huoi a nih. Half hnung minute 56 naah Spurs ta ding bawkin Harry kane chun goal khat a thun sa nawk a. Goal dang a lutsap ta nawh. Harry kane hin tuta season sung hin club le ram ta dingin goal 17 tawp a thun tah. Tottenham hai hin pahni-na Manchester United an hnawt phak a, point 20 ve ve an neia chu goal differ-ence an inhnuoi lem leiin pathumnaah an um. Liver-pool ruok chu poin 13 chau neiin pakuona an nih.

La Liga : Vilarreal, Las Palmas le Leganese an hrat

madrid : Pathienni zan la Liga inkhel pathum a um a. Villarreal chun Las Palmas an mikhuol a, goal 4 tawp batin an inlawitir. Hi inkhela hin half chenah goal thun bik an um naw a, half zo minute 48 naah Cedric Bekambu chun Vil-larreal goal hmasa a thun a, minute 65 naah Mario gas-per chun goal dang a thun sa

nawk a. Las Palmas player Ximo Navarro chun minute 67 naah anni goal tieng a thun pal nawk nghal leiin Villarreal chun 3-0 in hma an \huoi a nih. Hun tawp tawm char minute 90 naah Nicola Sansone chun goal tawpna tak a thun bawk. Hi dungzui hin Villarreal hin point 16 neiin parukna an ni a, Palmas ruok chu 18na

an nih. Inkhel dangah Celta Vigo chun Atletico Madrid an lo mikhuol a, Madrid hai hi goal khat ngawiin an hrat lem. Hi taka goal umsun thuntu chu Kevin Gameiro a nih a, minute 28 naa a thun a nih. Hi dungzui hin Atletico Madrid hi point 19 neiin pa-lina an ni mek a, Celta Vigo hai 10-na an ni bawk. Leganese le Athletico Bilbao an inkhel ve a, muolneitu Leganese hai goal khat bawkin an hrat lem. Hi goal um sun hi minute 54 naa Claudio Beauvue thun a nih. Lega-nese an hrat lei hin pangana an inhlangkai a, Bilbao hai sawmpakhatna an ni bawk.

French Ligue 1:

PSG le Marseille an inhnetawk zan Neymar-in Red Card hmu; Memphis depay hattrick

marseille : Pathienni zan French Ligue 1 inkhel pathum a um a, hma\huoitu Paris St. Germain chu Marseille tieng an van zin a. Goal 2 ve ve thunin an inhne tawk. Marseille ta dingin minute 16 le 78 na haiah Luiz Gustavo le Thauvin haiin goal khat ve ve an thun a. PSG ta din-gin Neymar-in minute 33 naah goal khat a thun a. Minute 87 naah red card a hmu nawk a, hun belsa, 9+3 minute-ah vangnei thlak takin Cavani chun PSG ta dingin goal khat a thun a, hratnaw an pumpel hram hram a nih. PSG hi draw hai sien khawm point 26 neiin pakhatna an la ni zing a, a hnaitaktu chu Monaco niin point 22 an nei. Nice chun Strasbourg an mikhuol a, Strasbourg hai 2-1 in an hrat hram. Minute 23 naah Strasbourg chun Duno Da Costa hman-

gin goal an thun a, ama bawk hin minute 49 naah goal a thun nawk nghal a. Chu zo char minute 53 naah Strasbourg tieng Ernest Seka chun red card a hmu a. Hi fault lei hin Nice chu penalty pek an ni a, Pierre Lees chun a thun a, goal dang an thunsap ta naw leiin mikhuol team an hrat lem ta a nih. Strasbourg an hrat lei hin relegation zone an suoksan thei char a, Nice hai ruok chu 14na an nih. Inkhel tawpna takah Lyon hai chu Troyes tieng an inzin a, khuolr^lah goal pan-

ga tawp va thunin hlawtling takin an inlawi. Hi taka Lyon ta dinga goal thuntuhai chu Bertrand Traore(21`), Mem-phis Depay (48`, 56` le 70` Penalty), le Mario Diaz(90`) hai an nih. Memphis Depay hattrick siem hi hi club ta dinga hattrick a siem hma-sak tak a nih. Troyes hai an hrat naw naksapah minute 69 naah Christopher He-relle chun red card a hmu bawk leiin an ta ding chun mangsiet zan a ni takzet. Hi zana inkhel pathum haiah red card phawr seng a nih tina a nih.

Slaven Bilic hun la pek hri a nih

west ham : Kar liem tah Zirtawpni zana Brigh-ton laka 3-0 tawpa tlawm West Ham club thuneituhai chun manager Slaven Bilic chu insiem\hatna hun an la pek belsa. Kum 49 mi Bilic hin inkhel nawk pahni bek a la enkawl ding a nih. Chu result dungzui chun a sin a sunzawm thei ding le ding naw hriet a ni chau ding a nih. An fixture hmasa pahn-

ihai chu Nilaini khin Cara-bao Cup-ah Tottenham leh inkhel an ta, Inrinni pha pre-mier league-ah Crystal Pal-ace leh inkhel bawk an tih. Bilic chun, ‘Ieng khawm ip le thup ka tum nawh, ka mawphurna chu ka thaw a, Board kuta iengkim um a nih,’ tiin a hril. Chu umzie chu b^n ni sien khawm awm a ti el khelah pawi a ti bek bek nawa tina a nih.

Kha inkhel nuhnung tak hma char khan West Ham neitu David Sulivan chun, ‘Contract ei ziek hi ieng ieng khawma inza a ngai a nih. iemani tia thil a fe suol hle annaw chun contract lan za hri phawt ning a tih,’ tiin a lo hril bawk. Bilic hi kum 2015-a kha an lak a ni a, tuta season-a hin inkhel hmasa pathum haiah an hrat naw vawng a, kha khan b^n ding ang deuin thu a hung um a, anachu inkhel nawk pan-gahaia inthawk point 8 an hlawdawk leiin a mawphur-na chu a la sunzawm pei a, anachu premier league kai thar chau Brighton lakah 3-0 tawpa an tlawm lem lei khan a ngirhmun a hung derthawng nawk ta a nih.

Bella hadid helicopter-in Weekend A hmang

new yorK: Model inlâr le inthang mek Bella Hadid chun Weekend inhawi taka hmang dingin helicopter a inthawkin New York khawpui chungah a vuong kuol a. Bra hak lova zakuo inphan deu a hak lai lim le Statue of Liberty lim helicopter a inthawka a lakhai fans hai a shared. IMG model Bella Hadid hin taksa rawng

zakuo le kekawr inphan deu a bun a. Za-kuohnuoi a hak nawh ti chieng taka hmu thei dingin a um bawk a. Tarmit dum bunin helicopter chungah a khata a um lai, New York khawpui hei inlang theina thlalâk a post a. Statue of Liberty vuongna chunga inthawka a lak a shared bawk. Dior hand bag khaiin soft drink chawia a vuong tawm thlalâk a share bawk a. A hung tum hnungin an huon, a Sakawr vainaa a Sakawr thlalâk postin, “WHERE-IBELONG” (KA UMNA) tiin a post. Bella Hadid hin a Sakawr Lego hi a ngaina em em a. A zawr tum le Olympic-a tui inhlieu champion ni tuma a bei laia Lyme Disease leia a thei naw thu a hriethai kha a hringnuna harsa tak thil pahni niin Teen Vogue a hril. Palestinian-American model Bella Hadid chun, “Lego ka zawr ding khan chu ka \ap chau an nawh, ka chau hawp vawng a nih. Olympic ka thang thei naw ding ti ka hriet nêkin a na lem” tiin a hril. Bella Hadid (21) hi September 2015 khan tuta Selena Gomez ngaizawngpa The Weenkd leh an in\he a. Chu hnungin rapper Drake leh an inzui tah a nih.

FoR oNE LIFE ASIA Dist. Second Divn. League 2017 Venue : Peace Ground, Tuibong, CCPur

resUlts : 23rd OCt, 2017(MOndAy) 1. Unau FC 0-2 Bright Star SC.

2.SeilalVengYC0-1VengnuamUnitedSoccer. 3.TangnuamYC3-0ZomiSC.

There will be no match on 24th Oct, 2017 due to District champions United Khawzim Brothers’ home match in the

ongoing Manipur State Winners’ Cup 2017

Seikam Memorial open Football Tournament 2017 Venue : Kholmun Playground, Churachandpur.

resUlts : 23rd OCt, 2017(MOndAy) 1.L.SemolYC1-1AnpakFC.

2.EbenezerYC0-0GolngaiFC. 3.S.NabilKL2-2KholmunYC. 4. UKB Juniors 2-0 FOREGO.

FIxtUres:24tH OCt, 2017 (tUesdAy) 1.LenlaiClubvsYoungPlayersSC@11:00am.

2.HalleluiyahFCvsKoiteAreaYAFC@12:10pm. 3.YCPearsonmunvsBijangYC@1:30pm.

4.K.SalbungYC(A)vsC.MunkotFC@3:00pm. Venue:Kholmunplayground,Churachandpur.

George Clooney-in Film Thar le An Nu Pholang

l o s a n g e l e s : Hollywood A-l is t s tar George Clooney chun a film siem thar “Suburbicon” chu Pathienni khan a premiere a. Red Carpet an hung hraw laiin a film thar premier-na a nih bawk nau inphir nei an nu Amal Clooney bâkah a tarpinu Baria Alamuddin khawm a pholang sa bawka, cameramen hai an hlim hle. G e o r g e h i n a n n u international human rights lawyer, zakuo infuol duom dar tieng inhawng vanga a pawl le vara \iel hak a hung \huoi hnungin a tarpinu

Lebanese mi Baria khawm a hung \huoi bawk a. Red Carpet lai hun iemani chen thla an lakaa, mi dang an inken naw vâng a nih. George chun a film hi a script a ziek \haa, a direct bâkah a ruolpa Grant Heslov leh an produced a nih. A changu ding khawmin a ruol\ha Matt Damon le Juliana Moore hai a hmang. George Clooney le Amal hai hin nau inphir an nei a, nuhmei le pasal. A upa lem chu Alexander an saka a naupang lem chu Ella an tih. Lebanon nunghâk British mi

nih tah Amal hin millionaire nuhmei a nih bawk leh, lunghlua siem nabe a be bawk a. A nabe hai bâkah a zakuo (Gown) hak khawm hi a man a to hle. George ruok chu a dum vawng (suit) in an thuom a, a pheikhawk chenin a dum vawnga. Coat suit a hâka chu a thawdan angin necktie ruok chu a awr ve nawh. Amal a nu Baria khawm Arab nuhmeihai zakuo le puonbat inphan hi a hâka, a la nunghâk hle. Lebanese nuhmei hai sam le mithmul a dum angin an mithmul khawm a dum \ha hle. Gorge chun an nauhai chanchin a hril a. An naupa Alexander chu a sangnu nêkin pound thum zetin a rik lem niin a hril. “An pahni hniin personality \ha tak an nei ve ve a. Ella chu a zei a, a nal a, a nu Amal angang a nih. Alexander ruok chu a thau tul a, a rik bawk. An nui ring thei taluo a, room-a mi po po a sukhar vawng hlak, kan hlimpui tak a nih” tiin thla li-nga vel chauh a nauhai chanchin hlim takin a hril.

Kim Kardahsian Kum 38 Tling A Nu Kris-in Lâwmpui

los angeles: Reality TV star Kim Kardashian chu Inrinni khan kum 38 a tling chara, lâwmpuina thu tam-tak a dawng laiin a nu Kris Jenner-in naute a nih laia a pawm lai thlalâk suklanga lâwmpuina thu a thawn chun mi lungril a them tak. A chinlai thlalâk lim post-in, “Happy birthday to my beauty @kimkar-dashian!! You are beau-tiful inside and out, the most loving mummy and wife, incredible woman and loyal friend. You are such a blessing, and I am grateful to God for giving me you as a daughter. I love you! Mommy. Xo #ProudMama #HappyBirthdayKim” tiin kum 61-a upa Kris Jenner chun a ziek. A dawtah a sangnu Khloe Kardashian (33)-in message a post ve a. A naunu North le Black and White thlalâk a târlang pek bawk a. “Happy

birthday Keeks!!! Cheers to another year and to be-ing blessed!!! You have no idea how much I love you and look up to you!’ She continued: ‘You’re such an incredible wife, mommy and sister! I’m so grateful for you! May this year be better than your last! May it also just be the beginning! Have the happiest of birthdays my Keeks!’ A dawta mi chu a unu Kourtney Kardashian a nih a. Fashion Week laia front row-a an \hung lai thlalâk post-in, ‘Happy Birthday Kimberly Noel Kardashian West! I couldn’t imagine life without you by my side. Wishing you the world!’ tiin a post. Ruol\ha tamtak Cheban, Larsa Pippen le a pasal Ke-nye West le midang dang khawmin lâwmpuina thu an thawn a. Kim chun an rênga chungah lâwmthu hrilin. “‹Thank you everyone for all of the love & light this year on my birthday! I love seeing all of your messages, they make me so happy. I love u” tiin a ziek. Kim hi Inrinni khan a birthday an lawma, hi hma char Zirtawpni khan Los Angeles-a an In Bel Air mansion chu rukruin rawk a lo tum bawka chu ieng-khawm a lak hman nawh a. Kim a staff hai iPhone pakhat ruok chu a lo inruk hman. Kim le Kanye West hai hin nau pahni an nei tah a. Pathumna ding a pai thei ta naw leiin midang phîng hmangin an inpaitir mek.

A hril pei dân chun, “Gujarat ah chauh khawm \halai nuoi 30 neka tam sin nei lo an um a. Ni tinin ei ram pumpuiah mi 30, 000 vel sin zâwnga inzieklut an um zie a, 450 chauvin sin an hmu hlak” a ti bawk. Gujarat-a hnam hnuofuol le OBC hai \huoitu \henkhatin BJP han Crore tela inchâwk an tum thu an hril le inzawmin, “Gujarat mipui râwl le rights chu pawisa suma inchâwk le hupbo thei an nawh” tiin

a hril. “Dalit tribal dang hotuhai (Hardik, Jignesh Mewani) hai khawm an to thei tah nawh. Rawl an insuo a nih. Hi hi râwl narân an nawh. Inchâwk thei an nawh. “Crore za am, crore sang tel am, khawvel pumpui pe tum hai sienkhawm, mipui rawl chu thupbo/inchâwk mei mei thei an nawh” tiin mipuihai chu indiktaka mani râwl insuoa chanvo claimed dingin an fui tâwl.

GST Hi Gabbar Singh Tax, Miretheihai Suomtu A Nih

Functional President chun Saikawt khuo hmasawnna ding chu politician le khaw mipui hai mawphurna a ni thu hrilin SYC in hma sawn le in\hanglien pei dinga ditsakna an hlan. Programme hmang sung hin Saikawt khuo sunga school tum tum- Saikot Govt. High School, Standard English School, Salvation Army M.E School le Shepherd Academy han March past an nei a, khuo sunga vengbuk tum tum han inruolsiekna an nei bawk. Football : 1st - Children’s Home, Saikot, 1st runner-up: Eden Street. Volleyball(Nuhmei): 1st- Sichung, 1st run-ner-up: Vengthlang. Volleyball (Pasal): 1st

Homeland + Hmarveng+ New Saikot, 1st runner-up: Vengthlang. Tug of War (Nuh-mei): 1st- Vengtang, 1st runner-up: Home-land. Tug of War (Pasal): 1st-Vengthlang, 1st runner-up: Homeland. Lawmman semna hun hmang a ni zoin lawmthu hrilna hun Pu Rohminglien F. Tusing, Chairman, SYC in a hmang a. Rev. Hrangtinai in \awng\ainain hun a khar. Zan huna SYC Hall-ah hun hmang nawk a ni a, Hi huna hin Pu James Cole, Saikawt Lal chun ‘Saikawt News’ tlang-zarna a nei a, Saikawt khaw sunga Kris-tien Thalai Pawl - ICI (N), ICI Sub. Hqtr, EFCI, RPC han inpakna hla mawi tak takin mipui an inawi.

59th Saikot Youth club Day hmang

Free coaching sunzawm pei a nihccPur: Leimakhong, Kangpokpi District –a In-dian Army lakna ding le inzawma physical le med-ical test fethleng, written Exam-a \hang ding hai ta dinga Khuga Dam a um 6th Sikh Light Infantry (Khuga battalion) chun an camp hmuna coaching an nei chu an sunzawm pei a, za-nikhan ARO Sahad in writ-ten exam hmasuon ding hai training a pek.

Khuga Battalion hin written exam-a \hang ding hai hmakhuo ngainaa Oc-tober 10, 2017 a inthawka kha Free Coaching an huoi-hawt a ni a, October 26, 2017 chen sunzawm an tih. Written test hi October 29, 2017 khin Bhagat Sta-dium, Rangabar, Dimapur, Nagaland hmuna nei ning a ta, hi taka hlawtling hai chu direct in Army-ah an lut ta ding a nih.

Opening Match a hrat hai ve ve HYA, Rengkai-B le HYA, Muolbem hin Oct. 25, dar 3:00 PM in Quarter Final, Sielmat Playground ah an inkhel ding tina a ni tah. Hi football inkhelna a hin HYA Branch tum tum haia inthawk team 16 an suok a nih. Hieng HYA Branch tum tum a inthawka team hai hin Oct. 24 in dar 1:30 PM & 3:00 PM hai ah

Sielmat, Saikot le Saidan Playground ah inkhel an ta. Oct. 25 in Quarter Final dar 3:00 PM in Sielmat, dar 1:30 PM & 3:00 PM in Saikot le dar 3:00 PM in Saidan Playground hai ah inkhel an ta, Oct. 26 in Semi Final dar 3:00 PM in Saikot le Saidan Play-ground hai ah inkhel an ta, Oct. 30 dar 3:00 PM in Fi-nal, Sielmat Playground ah

HT Sangliana Rolling Trophy Football khuollienin a kick-ofan inkhel ding a nih. Volleyball inkhelna ruok chu Nov. 1-in ni khin huoihawt ning a ta, hi taka \hang ding player list pelut an um mek a, a la pelut lo Branch hai chun an hmatienga player list pelut ding le hun/dar bi indu-onga um ang taka vawng dik seng dingin Organising Committee chun inhriet-tina le ngenna a siem a, HT Sangliana Rolling Trophy hmanga HYA Branch tum tum hai Football le Vol-leyball a insukhlimna huoi-hawt a um a hlawtlingna dinga hmalatuhai popo kuom ah Organising Com-mittee le HYA GHQ chun lawmthu a hril bawk.

Argentina President A La Hrât Nâwkbuenos aires: South America-a rambung lien-tak Argentina President Maurico Macri \hangruol (coalition) coalition sawrkâr chun Pathienni-a Congress election neina ah hnêna a chang nawk a, 2015 an lal \an a inthawka major-ity sawrkâr ni theina ding chance hmasatak a nei tah.Maurico Macri hmaa Presi-dent lo chel, left-party Presi-dent Christina Fernandez, corruption leia hek thlaka um khawm Senate seat hnê-na a chang bawk le inruolin politics a hung lut nâwkna ding kawt an hawng nawk

ta a nih. Ruling Centre-right \hangruol President Mau-rico pawlhai chun Argentina province pawimaw tak tak Buenos Aires, Cordoba, Sante Fe le Medoza, mipui tamna tak haia hrâtna an chang vawng.