Aus-Brokkies – Afrikaanse Doer-Onder e-nuusbrief 8 Februarie 2017

Kortpad na advertensies Algemene nuusbrokkies Gemeenskapsadvertensies Kleinadvertensies (Persoonlik) Kleinadvertensies (Besigheid) Geestelike Pitkos Werksgeleenthede Afrikaanse kerkdienste Landswye dagboek Riglyne vir adverteerders Kanselleer intekening / Unsubscribe

8 Februarie 2017

Redakteursbrief Ek wil eerstens groot verskoning vra dat Aus-Brokkies hierdie jaar so laat begin. Ons het ‘n groot verfprojek by die huis aangepak en ek het vergeet hoeveel werk dit kan veroorsaak. Mense het al gevra wat aangaan, maar hier’s ons weer! My oproep einde verlede jaar het tot heelwat nuwe intekenaars gelei; dankie vir die hulp. Aus-Brokkies het nou sy vestigingsjaar agter die rug, maar ons intekenaarsbasis moet aanhou groei omdat die blad oor mense gaan. Ons wil voortgaan om positiewe immigrantestories te vertel van mense wat Australië hul nuwe huis gemaak het. Dit gaan vir ons nie oor die negering van ons verlede nie, nee. Ons probeer die goeie raaksien en behou, en probeer om opbouende inhoud daar te stel wat van waarde is vir elkeen wat graag nou en dan ietsie in Afrikaans wil lees. Indien jy ons met ons doelwit kan help om die adreslys sterk uit te bou, vertel asseblief jou familie en vriende van Aus-Brokkies en verwys hulle na ons webwerf toe sodat hulle kan inskryf, by www.brokkes.net Ons het ook heelwat Engelssprekende lesers wat hul vermoë om die taal te lees, nie wil verloor nie. Baie welkom ook aan julle. Ek hoop dit is ‘n mooi jaar vir almal, en mag ons die deurmekaar wêreld met kalmte, begrip, geduld, sensitiwiteit, sagmoedigheid, beskeidenheid, mededeelsaamheid, warmte, geloof, hoop en liefde teenwerk. AS JY LUS IS VIR DANS eerskomende naweek, mag die goeie nuus in Gemeenskaps-advertensies dalk vir jou wees! Philip Langenhoven Redakteur (Skryf gerus aan my by www.brokkies.net/kontak )

IN MEMORIAM: Ons groet vir Joost Die nuus dat oud Springbok Joost van der Westhuizen gesterf het, het gekom toe hierdie uitgawe feitlik gereed was om uit te gaan, maar ek bring graag kortliks hulde. Joost het sy stryd teen ‘n uitmergelende siekte verloor. Vir jare lank het hy die verbeelding aangegryp en met vindingryke kragspel sy stempel as die wêreld se beste skrumskakel van sy tyd afgedruk. Hy het veggees soos min geopenbaar en dit was bekend dat hy nie van verloor gehou het nie. Selfs tydens sy siekte wou hy nie die twee jaar aanvaar wat voorspel is nie, en het dit tot jare meer uitgerek. Hy is gerespekteer omdat hy die foute van sy lewe erken en probeer regmaak het. Ons rig graag aan sy naasbestaandes ‘n woord van troos. Dankie vir die herinnerings Joost; jy was ‘n yster!

Aus-Brokkies – Afrikaanse Doer-Onder e-nuusbrief 8 Februarie 2017

Algemene nuusbrokkies

Terug na bo...

Hoe het ons mense Australia Day gevier? Aus-Brokkies het ‘n paar SA-Aussies gevra wat hulle op Australia Day gedoen het, en hoe hulle daaroor voel.

Die Bothmas van Sydney het GESWEM! Hierdie gesin staan vir niks terug nie…op Australia Day het hulle saam met baie ander swemmers van Manly Beach na Shelly Beach geswem – ‘n roete van 1.5km. Trouens, hulle doen dit gereeld, sê Carel Bothma, ‘n Menslikehulpbron-bestuurder by Aged Care Plus. “‘n Mens se program maak dit nie altyd moontlik nie, maar ek probeer om elke dag die roete te swem, en dit is lekker dat my kinders dit graag saam doen wanneer hulle kan. Ek doen dit as ‘n lid van die ‘Bold and Beautiful Swim’-groep in Sydney. Al die swemmers dra altyd pienk swempette. “Dit is ‘n baie informele klub (sonder formele lidmaatskap) wat nagenoeg 8,000 lede het. Elke oggend om 7 uur swem so veel van ons as wat opdaag dieselfde roete. So probeer ons fiks bly. “Op Australia Day was dit ‘n spesiale geleentheid om dieselfde te doen en meer mense te betrek. Ek was in die bevoorregte posisie om my seuns en dogter saam met my te hê. Ons het die water saam aangedurf. (Op die foto verskyn Ryan, Lauren, pa Carel en Murray.)

“Na al die aksie het ons in my oudste seun, Murray, se woonstel ontbyt gemaak. Ons het daar ook sommer afskeid geneem van my dogter Lauren en haar man Thomas wat eersdaags vir ses maande Lesotho toe gaan om sendingwerk te gaan doen. Hulle gaan onder andere ook aan ‘n wateraanlegprojek werk. Hulle word deur ons kerk, Saint Stephens, Belrose Kerk ondersteun. “Ek, my vrou Helen en ons kinders het reeds 19 jaar gelede na Australië geëmigreer en beskou onsself volwaardig Aussie. Daarom kan ons onsself heeltemal met Australia Day vereenselwig. Dit was ‘n wonderlike dag, en ‘n welkome geleentheid om die besige werkweek te onderbreek.” Die Adams’e van Melbourne het GEBRAAI! Irvin en Joy Adams (insetsel, links onder) woon in Melbourne, nadat hulle vir jare in Nieu-Seeland gewoon het waar hulle die gewilde radioprogram South Africa NZ Live Radio begin en bedryf het. Hulle het pas hul tweede Australia Day gevier en voel al heel goed ingeburger. Joy sê die geesdrif loop gewoonlik hoog en plaaslike regerings reël oral gratis geleenthede met ‘n vuurwerkvertoning om dinge mee af te sluit. Sy vertel: “Ons het besluit om te braai (hoe anders?) maar ons het eers rondgery om te kyk wat oral aangebied word. Daar was ‘n see van blou en rooi op karre en huise gedrapeer en die landsvlag was oral. “Op hierdie dag is almal ‘n Australiër, ongeag of jy ‘n immigrant is of nie. Die dag laat immigrante welkom voel en baie gesinne ontvang op hierdie dag hul burgerskap. Daar is altyd ‘n groepie wat Australia Day as ‘n ‘invalsdag’ beleef en daar was ‘n paar betogings hier en daar, maar dit het nie die meeste mense se entoesiasme vir die dag oorskadu nie.

Aus-Brokkies – Afrikaanse Doer-Onder e-nuusbrief 8 Februarie 2017

“Om by ‘n nuwe land aan te pas, is nie maklik nie. Ons het 18 jaar in Nieu-Seeland gewoon en met ons aankoms hier was daar baie Australiërs wat ons laat welkom voel het. Daarom kon ons baie spontaan en opreg saam met hulle die dag vier. Ons het ‘n klomp mense bymekaar gehad om te braai. Daar was vyf gesinne van Auckland wat as ‘Kiwi Suid-Afrikaanse burgers’ beskryf kan word. Dit was ‘n groot voorreg om almal so bymekaar te kon hê. Ja, ons het oor Suid-Afrika en Nieu-Seeland gesels, maar meer gefokus op nuwe herinneringe wat ons besig was om in Australië te skep. “Ons het baie pret gehad. Ons braaimeesters (ons mans) was in chef-klere uitgerus (nie!) maar hulle het heel oulik gelyk met hul voorskote. Ons spyskaart was eenvoudig maar ons gunstelinge was daar: koeksisters, Kaapse Maleier-pasteie, slaai en natuurlik die braai self met vleis en garnale op die kole. Ons kinders het die feestelikheid geniet, en ons het tot ounag toe gekuier. Hoe dan anders? Ons het immers die Braaidag-tradisie in Auckland begin, so ons moet bly oefen! “Australië is ‘n land van pioniers; nie volgelinge nie, en dit moedig mense aan om hul eie identiteit te behou of te ontwikkel, en om oorspronklik te wees. Daarom beplan ons om vir die volgende Australia Day die land se eerste groot Suid-Afrikaanse Braaidag in Melbourne te reël,” sluit Joy af. Die Dinkelmanns van Gold Coast het op die STRAND GEKUIER Janine Dinkelmann vertel hoe heerlik dit was om op 26 Januarie wakker te word en te besef dat hul elfde Australia Day pas aangebreek het. Hulle het besluit om die dag as gesin saam deur te bring, maar om ook hul ‘nuwe, aangenome familie’ in Aussieland daarby te betrek om die dag te vier. “Ons was al vroegoggend uit die vere. Hierdie gewilde vakansiedag het vanjaar op ‘n weekdag geval, so dit was lekker om nie werk toe te gaan nie. Ons het vroeg, voordat jou lyf kan brand dat hy in die warm son soos vark-kaiings voel, saam met die familie ‘n heerlike koffietjie gedrink en ‘n vroeë ontbyt by McDonalds geëet. “Toe is ons see toe om eers ‘n ver ent op die strand te stap. Dit was ‘n goeie tyd om diep gesprekke met mekaar te voer terwyl die branders lawaaierig naby ons gebreek en die water koel oor ons voete gespoel het. “Daarna kon ons nie anders nie as om heerlik in die branders af te koel. Toe ons gedaan was en nie meer een brander kon ry nie en die son te warm begin brand, het ons verder gaan kuier in ‘n nabygeleë kafeetjie. Daar het ons weggelê aan slap chips en melkskommels wat in my oë die perfekte partytjiekos was om so ‘n dag mee af te sluit. Daarna is ons huis toe om die tennis te gaan volg en te bespiegel oor wie die Australiese Ope sou wen. “Ons volwasse dogters Ullrike en Anke woon en werk naby aan ons hier op die Gold Coast; ons voel so geseënd daardeur. Elf en ‘n half jaar gelede het ons Suid-Afrika verlaat en vol vertroue ‘n nuwe toekoms aangepak. Inderdaad was dit een groot avontuur met hoogtepunte en laagtepunte. Was ons al een dag spyt dat ons Australië ons nuwe tuiste gemaak het? Die antwoord hierop is ‘n besliste nee. “Ek dink altyd so daaraan: Baie mense sal wat wil gee om aan die Gold Coast te kan vakansie hou, en hoe bevoorreg is ons nie om hier te kan woon en werk nie! “Toe Australia Day ten einde loop het dit stil geraak in my binneste. Ek kon nie anders as om my seëninge te tel nie. Dankie Australië, jy is goed vir ons. Dankie Vader vir die wonderlike geleentheid om hier te kan wees.” Janine is ‘n onderwyseres by ‘n privaat Christen-skool en sy is getroud met Paul Dinkelmann wat ‘n tandtegnikus is.

Janine Dinkelmann (regs) en haar vriendin Margaret van Essen beskou mekaar as familie.

Aus-Brokkies – Afrikaanse Doer-Onder e-nuusbrief 8 Februarie 2017

Jellievis-inval in Queensland soos nooit tevore

Nee, dit is nie hoogwater nie, en nog minder is dit ‘n mat van ‘bubble wrap’ wat iemand oornag uitgerol het. Dit is ‘n plaag van jellievis wat die strand by Deception Bay, noord van Brisbane in Queensland ingeval het. Dit gebeur glo elke jaar, maar volgens die Brisbane Times beweer plaaslike mense dat daar nog nooit soveel van hulle op een slag was nie. Gewoonlik duur dit ‘n week lank, maar mense dink hierdie jaar sal die jellievisse ‘n bietjie langer op die strand te sien wees. Soos die gety in- en uitgaan raak hulle weg en kom weer terug. En dit ruik glo glad nie te lekker terwyl hulle daar sonbaai nie! Hierdie spesie word genoem catostylus mosaicus – ook bekend as die ‘blue blubber’ jellievis – ‘n effens giftige meneer (en mevrou) wat gereeld in groot getalle op strande uitspoel. ‘Each to their own’, sê die Engelse uitdrukking, so as hulle dit wil doen is dit seker hul goeie reg as burgers van Australië! Hierdie spesie sal swemmers glo nie baie pyn besorg indien hulle mekaar in die water ontmoet nie (hoewel dit vir my klink of daar wel pyn betrokke sal wees indien hulle ‘n mens steek – of is dit ‘brand’?) Die kenners beveel aan dat indien ‘n mens deur enige jellievies in suid-oos Queensland gebrand word, moet jy ‘n warm stort neem. Hulle het nie gesê of mens sommer ook jou tande moet borsel en jou hare moet was terwyl jy besig is nie... Ons moet blykbaar meer versigtig wees vir die bloublasie (bluebottle) wat glo baie seerder kan maak. Ek wonder of iemand al die moontlike ooreenkomste tussen hierdie seedier se jaarlikse leeglêery op die strand en deelname aan die vieringe rondom Australia Day ondersoek het?

Aus-Brokkies – Afrikaanse Doer-Onder e-nuusbrief 8 Februarie 2017

Aanlyn skelmstreke…Sou hulle jou gevang het? Ons hoor gereeld van mense wat deur die een of ander aanlyn skelmstreek gevang word, en die skelms word al slimmer en tegnies beter met hul valse voorstellings. Maar, hoe gemaak as selfs die bedrewe rekenaar- en internetgebruiker nie die gevaar herken nie? Die Sydney Morning Herald het onlangs aangetoon hoe maklik ‘n mens mislei kan word. Hulle het by wyse van uitbeeldings van verskeie situasies hul lesers uitgenooi om te besluit watter een die ware Jakob is, en watter die skelmstreek. Hier verskyn ‘n paar voorbeelde. Wettig of skelmstreek? Kyk of jy die regte een sou gekies het…

Verlede jaar het Aussies ‘n valse bevestigings e-pos van ‘Ticketek’ ontvang met ‘n skakel om kaartjies te druk. Mense wat die ‘normale ding’ gedoen en geklik het, is skadelike virusse afgelaai. Watter een is die valse e-pos?

Hulle gebruik ‘n vals AGL kragrekening wat rekenaars met ‘n virus (‘ransomware’) besmet wat die rekenaar as ‘gyselaar’ neem. Jy moet baie geld oorbetaal voordat hulle dit sal ontsluit. Mens dink jy laai ‘n faktuur af, maar die virus registreer alles wat jy intik; ook wagwoorde.

Verlede jaar was daar ‘n grootskaalse e-pos foefie met die onderwerp "You've a new statement". ‘n Skakel het gebruikers na ‘n vals Netbank intekenportaal geneem. Die skelms het daarin geslaag om ‘n regeringsvlak domeinnaam in die hande te kry en het hul eie kamma-rekords opgelaai. Dit word ‘domain shadowing’ genoem. Watter een is die valse e-pos?

Netflix-gebruikers is gevra om ‘n "Membership on hold" te kanselleer. Dis aan ‘n dinamiese webwerf gekoppel wat kan verander. Wanneer die leë spasies in die vorm voltooi is, kon hulle jou finansiële instelling identifiseer met jou kredietkaartnommer, waarna hulle tipies vir meer bevestiging/identifisering vra, deur gebruik van "MasterCard SecureCode" of "Verify with Visa" boksies. Wanneer ‘n bank dan vir addisionele sekuriteitsinligting vra, verander die vorm, wat dit ‘n ‘slim’ slapriem maak.

Antwoorde Ticketek – Regs is vals | AGL – Regs is vals | Commonwealth Bank – Links is vals | Netflix – Links is vals Top 10 stukke advies om jouself aanlyn te beskerm

1. Oppas! Skelms slaan enige tyd en enige plek toe! 2. Moenie reageer nie; ignoreer verdagte e-posse, oproepe ens. 3. Moenie dadelik ‘n aanbod aanvaar nie; doen eie navorsing. 4. Vra jouself wie betrokke is; hulle gee soms voor jy ken hulle. 5. Moenie laat hulle jou emosies manipuleer nie. 6. Hou jou rekenaar veilig; hou jou ‘anti’-programme bygewerk.

7. Gebruik ‘n veilige betaaldiens – kyk vir ‘n internetadres (URL) wat met ‘https’ begin en met ‘n geslote hangslot-simbool.

8. Moet nooit geld aan ‘n onbekende stuur wat jy nie vertrou nie. 9. Beskerm jou identiteit – jou inligting is privaat en waardevol. 10. Versprei die woord – rapporteer verdagte (of bevestigde)

skelmstreke aan www.scamwatch.gov.au

Aus-Brokkies – Afrikaanse Doer-Onder e-nuusbrief 8 Februarie 2017

Worsie se ‘ma’ se stem word stil…

Onthou jy nog die gewilde Afrikaanse TV-komediereeks VETKOEKPALEIS? Wie sal nou vir Frik en Worsie kan vergeet? Dan onthou jy seker ook Worsie (deur Willie Esterhuizen gespeel) se melancholiese ma Ella, wat deur Marga van Rooy gespeel is. Marga is onlangs in Suid-Afrika aan kanker oorlede. Sy was 75 jaar oud. As Worsie se ‘ma’ in die gewilde komediereeks het sy wanneer sy vir ou Worsie wou manipuleer, vertel van ‘al die verskriklike pyn’ wat sy gehad het met Worsie se geboorte, en dan kon sy hom uit haar hand laat eet. Ons kinders was al die jare in Nieu-Seeland vasgenael voor die DVD-reeks en het daardie Afrikaanse kultuurvenster baie geniet. Van Rooy het benewens in Vetkoekpaleis ook in ander televisieproduksies gespeel, naamlik Egoli, Villa Rosa en Mollie en Wors. Sy was ook voorheen in die rolprente Vrou soek boer, Die Windpomp en Fanie Fourie’s Lobola te sien.

Die ‘eiendoms-investeringsgolf’ in Aus mag verby wees

Volgens die Australian Financial Review het ‘n eiendomspesialis van Deloitte Access Economics, Chris Richardson, gesê dat eiendom binnekort Australië se ‘swakste belegging’ mag word. Hy het beweer dat die eiendoms-beleggingsgolf wat Australië al vir geruime tyd ervaar, binne die afsienbare toekoms verby mag wees. Hy het gesê dat woonstelpryse waarskynlik gaan val en dat die die lae rentekoerse nie vir ewig laag sal bly nie. Sy kommentaar het op die hakke gevolg van ‘n waarskuwing deur die Reserwebank van Australië oor ‘n moontlike ooraanbod van stedelike woonstelle oor die volgende paar jaar wat ook hiertoe mag bydra. Daar is egter ander kenners wat nie heeltemal hiermee saamstem nie, soos Nigel Stapledon van die UNSW Business School. Hy is van mening dat eiendom moontlik wel ‘die swakste belegging’ in die land mag word, maar dat ‘n verhoging in rentekoerse ook ‘n negatiewe invloed op ander beleggingsoorte sal uitoefen. Hy was verder van mening dat selfs indien rentekoerse nie opgaan nie, sal mense waarskynlik nie meer die groot opbrengste ontvang as waaraan hulle gewoond geword het nie. Hy voel egter nie die bangmaakstories van pryse wat met 30-40% val, is haalbaar nie. Goeie nuus vir eienaars?

Aus-Brokkies – Afrikaanse Doer-Onder e-nuusbrief 8 Februarie 2017

Pta-skool se nuwe restaurant na gewilde hekwag genoem

Vincent Mtembu is deur die leerlinge van die Afrikaanse Hoër Meisieskool in Pretoria vereer.

Ons kon nie anders nie as om hierdie mooi storie uit Netwerk24 te herpubliseer. So ‘n lekker warm storie… Hy is ’n gees in dié skool wat beslis verdien om onthou te word. Só voel die leerlinge van die Afrikaanse Hoër Meisieskool in Pretoria oor Vincent Mtembu, die skool se hekwag. Daarom sal die skool se splinternuwe restaurant, duskant Mtembu se waghuisie, eersdaags Vincent’s heet. Mtembu ken elke meisie op die naam. Dis meer as 1,200 name. Hy weet ook wie haar ouers is en watter motors hulle ry. “Ek móét dit ken,” sê hy terwyl hy breed glimlag. Vir die afgelope tien jaar leer hy binne die eerste twee weke van ‘n skooljaar elke kind se naam en wie haar ouers is. Toe ’n nuwe gr. 8-meisie onlangs nie haar ouers se motor kon gewaar nie, het Mtembu laat hoor: “Daar is jou pa, sussie.” Hy is ook die een wat jou sterkte vir die eksamen toewens en weet dat jy kooroefening het as jy laatmiddag by die skool opdaag. Moet ook nie dink omdat hy jou ken, dat jy dalk vroeër sal mag huis toe gaan nie, want sonder die amptelike uittekenbriefie wat jou die nodige toestemming gee, sal hy nie bes gee nie. Dit geld ook vir diegene wat hy nie ken nie. Mtembu is baie streng en in vlot Afrikaans verneem hy eers waarvoor jou besoek aan die skool is en wie jy gaan sien, voordat hy jou binne toelaat. Elaina Lotter, ’n onderhoofmeisie, sê Vincent is ’n legende. “Om die restaurant na hom te noem, is ’n baie mooi manier om vir hom dankie te sê. Hy is deel van die hartklop van die skool. Daar is baie min skole wat ’n Vincent het.” Zahn Rijnen, hoofmeisie, sê Mtembu is ’n rolmodel. D’Xien Purchase, nog ’n onderhoofmeisie, sê Mtembu se glimlag elke oggend is genoeg om jou optimisties oor die dag te maak. Mtembu se naam, Vincent, is uit meer as tien name, waaronder Café le Blue, Die Pêrel, Affieteria, Die Affie Kaff (DAK) en #eksienhaareet, wat die meisies self benoem het, gekies. Mtembu is Vrydag deur Marna Jordaan, skoolhoof, voor die hele skool onder luide toejuiging van die eer in kennis gestel. Sy het toe gesê: “Vincent, jy weet ons dogters, ons personeel en ons ouers is baie lief vir jou. Jy is vir ons ’n baie belangrike mens in ons skool. Die kinders het gestem, en daardie restaurant se naam sal Vincent’s wees.” Die nuwe restaurant is glo veel meer as net ’n skoolsnoepie. Dit is ’n volwaardige restaurant waar enigiemand (ook die publiek) van ‘n biefstuk tot ’n toebroodjie kan koop. Vincent’s sal op 1 Maart sy deure open. Hierdie YouTube-video wys wat tydens die aankondiging gebeur het.

Aus-Brokkies – Afrikaanse Doer-Onder e-nuusbrief 8 Februarie 2017

Geestelike Pitkos

Terug na bo...

‘n Voorreg om Hom te kan ken

Wat ‘n voorreg om vir Jesus te ken! As jy Hom boonop as jou Verlosser en Here ken, is jy regtig ‘n begenadigde. Daar is soveel terreine in die lewe waar Hy as Verlosser net eenvoudig elke dag vir ons help, troos en hoop gee. En dit alles het my en jou deel geword sonder dat ons ‘n aandeel daarin het. Van ons kan nie eens onthou wanneer ons Jesus leer ken het nie. Ons onthou net Hy was altyd—vandat ons kan onthou—deel van ons lewe. Ander kan dalk die dag onthou toe Hy in hul lewe ingebreuk het en alles kom verander het...en ook hulle weet hulle het nie daarna gevra of gesoek nie. Dit was alles genade. Niemand kom immers na die Vader as hy nie getrek word nie. Probeer jouself vir ‘n oomblik indink in ‘n situasie van iemand wat Hom nie ken nie… soos ‘n klomp mense in die wêreld. Wat sou jy doen as jy hoor jou kind se verkoue—so het jy gedink– is eintlik ‘n dodelike siekte? Of jou vrou/man het kanker? Of iemand naby aan jou is dood? Ek en jy wat Hom as Here en Verlosser ken, weet dat Hy in beheer is en dat Hy alles ten goede laat meewerk vir die wat Hom liefhet. Hóé weet ons nie altyd nie, maar ons hou aan die belofte vas dat Hy dit kan doen en sal doen. Maar wat doen hulle wat Hom nie ken nie in sulke tye? Hoop hulle op geluk? Op die natuurwette? Of dalk op iets anders? Ja...dis inderdaad ‘n voorreg om Hom te ken. Kom ons onthou dus hierdie week, vandag soos ek hierdie woorde lees, dat ek ‘n Here het wat mag het oor alles in die hemel en op aarde. (Matt 28:18) en dat Hy by ons sal bly, al die dae van ons lewe tot en met die voleinding van die wêreld (Matt 28:20). Niks en niemand kan ons ook uit Sy hand ruk nie want ons is daar ingegraveer. Wow! So ‘n Here en Vader kan mens net loof en eer en ons hele lewe aan Hom wy. Ds Gawie Cloete Gereformeerde Evangeliese Kerk van Australie – Bunbury Gemeente (E-pos: leraarbunbury@dodo.com.au) (Soos in sy ‘Gedagte’ uitgegee en goedgunstiglik tot Brokkies se beskikking gestel.)

Aus-Brokkies – Afrikaanse Doer-Onder e-nuusbrief 8 Februarie 2017

Vir nuwe lesers: So lyk en werk Aus-Brokkies…

Ter wille van die talle nuwe intekenaars wat sedert Aus-Brokkies se loodsing een jaar gelede bygekom het, volg ‘n beknopte opsomming van wat toe geskryf is: Brokkies was vir bykans 16 jaar ‘n huishoudelike naam onder Suid-Afrikaanse en Namibiese immigrante in Nieu-Seeland, en nou bestaan sy eweknie in Australië. Na lang voorbereiding het Brokkies in twee nuusblaaie vertak: Kiwi-Brokkies en hierdie Aus-Brokkies. Lees Brokkies se geskiedenis. Die advertensie-afdeling het al ‘n goeie klompie adverteerders bygekry, maar daar is nog baie oop spasies. Mense wat kleinsake in Australië bedryf en wat graag die openingsaanbod (wat nie meer lank sal bestaan nie) van GRATIS advertering wil benut, kan op die Bokkies-webwerf gaan lees hoe advertering werk en voorbeelde van advertensies sien. Bemark jou gemeenskapsgeleentheid Aus-Brokkies bied die geleentheid om jou kerk- of gemeenskapsaak se spesiale geleenthede in meer diepte bekend te stel en dit versterk jou promosies op Facebook. Afrikaanse kerke kan hul gereelde dienste GRATIS adverteer. Kyk ‘Afrikaanse Kerkdienste’ elders. Afrikaanse radiostasies, taalklasse en sosiale geleenthede soos potjiekos, braaivleise en musiekaande kan ook gratis geadverteer word. Ook ‘Aussie-gerigte’ geleenthede waarby SA immigrante betrokke is. Aus-Brokkies benodig jou stories of storiewenke! Watter soort stories word benodig? Mense se prestasies, interessante stokperdjies, belangstelling, aktiwiteite, of hul eie skryfwerk is goeie materiaal. Dit kan gaan oor mense se deelname op werk-, studie-, sport-, kultuur-, sake-, kerklike of sosiale gebied. As jy voel jy skryf nie te lekker nie, gee net die inligting deur en ons doen die res! Lees net eers ons riglyne vir plasing van artikels by www.brokkies.net/bydraes.

Land van verskeidenheid

Aus-Brokkies – Afrikaanse Doer-Onder e-nuusbrief 8 Februarie 2017

Vertel ons van mense se prestasies of belangstellings Ken jy ‘n mede-immigrant vanuit SA of Namibië wat ‘n prestasie behaal het of ‘n interessante werk, belangstelling of stokperdjie het? Of dalk het hulle iets baie interessant beleef. Onthou, Aus-Brokkies soek altyd sulke stories om gereeld sy Afrikaanse lekker met almal te deel. Jy kan help deur stories self te skryf; ons sal dit redigeer indien nodig. Of, jy kan net die agtergrond deurgee met die persoon se kontakinligting sodat ek dit met hulle kan opneem. Kyk by www.brokkies.net hoe dit werk by 'Bydraes'.

Gee jy jou Brokkies aan vir iemand? Hier’s ‘n spesiale versoek aan alle intekenaars... Talle lesers van die vorige Brokkies het hul kopie van die e-pos wat Brokkies se jongste uitgawe bekend stel, aan familie en vriende elders aangestuur. Dit is goed dat hierdie proesel Afrikaans so versprei word, maar mense kan ons baie help om ‘n beter gevoel te kry vir die werklike aantal lesers wat Brokkies weekliks bykry. Daar is derduisende gesinne wat op Kiwi-Brokkies ingeteken is en Aus-Brokkies se adreslys groei reeds sterk. Daar is ook talle ander, ook buite Australasië, wat dit onregstreeks ontvang. Hiermee ‘n versoek dat jy liewer hierdie skakel aan hulle stuur sodat hulle self kan inskryf.

Kom gesels saam op Facebook in Afrikaans Het jy al op Facebook die onlangs hernude groep ‘Afrikaans in Australia’ raakgeloop? Indien nie, maak gerus daar ‘n draai en gesels lekker met ander lede. Nooi ook jou vriende uit om by die groep aan te sluit.

Besoek ‘Afrikaans in Australia’ op Facebook

Die Brokkies-webwerf bied alles wat jy nodig het Of jy wil inteken op Aus-Brokkies, vir die redakteur wil skryf, stories wil aanbied,‘n advertensie wil bestel of hernu, of jou adres wil verander - alles word deur die Brokkies-webwerf gedoen. Alle uitgawes van Brokkies word op die webwerf gehuisves vir mense wat iets soek wat in ‘n vorige uitgawe verskyn het.

Besoek Brokkies se Facebook-bladsy Brokkies het sy eie Facebook-bladsy. Die adres is https://www.facebook.com/Brokkies.Net Help ons asseblief deur die nuwe webwerf se skakel (www.brokkies.net) aan vriende en familie te stuur. Onthou om te ‘like’ as jy dit ‘like’!

Kommunikeer so met Aus-Brokkies Vir Advertensie-riglyne, om 'n brief of ander bydrae in te stuur, om iemand in te teken of jou adres te verander, besoek www.brokkies.net. Die webwerf bevat skakels waardeur al bogenoemde funksies verrig kan word. Om op te hou om Aus-Brokkies te ontvang, besoek http://brokkies.net/skryf-in en versoek dat jou e-posadres verwyder word. Aanspreeklikheid en Regte (Lees volledige Gebruiksvoorwaardes en Privaatheidsbeleid by brokkies.net - heel onder aan tuisblad) • Die redakteur van Aus-Brokkies aanvaar nie aanspreeklikheid vir die korrektheid, wettigheid of algemeen aanvaarbaarheid van enige nuus-of

algemene item nie. Dieselfde geld ook vir enige geplaasde advertensie of advertensie-artikel se inhoud of die belofte van ‘n produk of diens se gehalte wat in advertensies vermeld word. Enige probleme met advertensies se inhoud, dienslewering of produkgehalte moet regstreeks met die adverteerder opgeneem word, en die redakteur raak nie by daardie proses betrokke nie.

• Die redakteur behou die reg voor om enige voorgelegde bydrae (nuus of advertensie) van die hand te wys en nie te publiseer nie, sonder verstrekking van redes. Dit sluit in die reg om te enige tyd korrespondensie oor diesulke situasies eensydig te beeïndig.

Aus-Brokkies – Afrikaanse Doer-Onder e-nuusbrief 8 Februarie 2017

Gemeenskapsadvertensies

Terug na bo...

1. Brisbane Noord se VALENTYNSDANS! Saterdag 11 Februarie

Kom dans lekker by Musiekfabriek se Valentynsdans. Heerlike bekende, voetejeuk klanke vir oud en jonk. Bring jou vriende saam! Datum: Saterdag 11 Feb 2017 Tyd: 7nm tot laat Plek: Samford Communitiy Hall, School Road, Samford Toegang: Kinders onder 5 gratis, 5 tot 12 jr ($5), bo 12 jr ($10) per persoon Kaartjies: Besoek Faceboek ‘North Shore Langarm Sokkiejol’ vir inligting oor

tafelbesprekings. Drag: Informeel BRING: Piekniekmandjie met eetgoed, drinkgoed met eie eetgerei en glase BRAAIERS: Geen braaiers word voorsien nie, maar bring gerus een saam. MUSIEK: O.l.v. Hennie Botha van die Musiek Fabriek (Besprekings: 0455 98 5275).\ Versoeke welkom (bring jou versoek op CD of musiek DVD vir

groot-skerm). NAVRAE: Vrae welkom op Musiek Fabriek op Facebook of e-pos na adres:

j.botha@bigpond.com . 1. Afrikaans Sonder Grense (ASG) – Vars uit Australië!

Afrikaans Sonder Grense (ASG) is 'n 2 uur lange Afrikaanse musiek radioprogram wat weekliks lewendig uitgesaai word uit Bundaberg, Queensland in Australie. Wanneer : Elke Donderdag 6-8 nm (Queensland-tyd) Waar: Via Internet by www.coralcoastradio.net.au en op radio in en om Bundaberg op 94.7 Fm.

Hoofsaaklik Afrikaanse musiek vir jonk en oud, nuusgebeure, humor en onderhoude met besoekende kunstenaars. Van tyd tot tyd kry ons interessante Suid Afrikaners wat vir ons kom kuier in die ateljee. 'Like' ons op Facebook by Afrikaans Sonder Grense met Rochelle en word so deel van ons Afrikaanse musiekfamilie in Australië. As jy jou e-pos met ons deel, ontvang jy altyd 'n briefie van wat in die program gaan gebeur. Skryf vir Rochelle by rochelle.radio@yahoo.com.au Die e-pos in die ateljee tydens ASG is: requests@coralcoastradio.net.au (stuur ons jou versoeke!) 2. australia.gov.au webwerf vir al jou inligtingsbehoeftes Australië se regering het 'n baie bruikbare inligtingswebwerf genaamd australia.gov.au. Dit vat al die staatsdepartemente se inligting vir die publiek in een webwerf saam. Hoewel jy 'n soektog deur die soekfunksie kan doen, word die volgende temas aangebied waaronder 'n mens na inligting kan soek: • Voordele en betalings • Omgewing • IT en Kommunikasie • Openbare veiligheid en die Reg • Besigheid en Industrie • Familie en Gemeenskap

• Werk en Werkplek • Sekuriteit en Verdediging • Kultuur en Kuns • Gesondheid • Geld en Belasting • Vervoer en Streke

• Opvoeding en Opleiding • Immigrasie en Visas • Paspoorte en Reis • A-Z van regeringsdienste Besoek australia.gov.au

Wil jy in Gemeenskapsadvertensies adverteer? Hierdie spasie is hoofsaaklik bedoel vir Suid-Afrikaners in Australië wat hul steungroepe, sosiale groepe, klubs of Afrikaanse kerke se spesiale geleenthede wil adverteer of bevorder. Of die funksie of projek op mede-immigrante gerig is, of ook op die breër Aussie-gemeenskap, maak nie saak nie. Solank daar ‘n Suid-Afrikaanse konneksie is (bv omdat ‘n SAner dit vir ‘n breër gemeenskapsgroep reël, of omdat dit op SAners gemik is) kan advertensies hier geplaas word. Dit is GRATIS om hier te adverteer. Al wat benodig word, is die Wat (paragraaf of twee), Wanneer, Waar, Koste, Kontakbesonderhede. Besoek www.brokkies.net/adverteer

Aus-Brokkies – Afrikaanse Doer-Onder e-nuusbrief 8 Februarie 2017

Kleinadvertensies (Persoonlik)

Terug na bo...

1. Midweek time of fellowship – Perth Kerksku?! Many ex Southern Africans do not go to church on a Sunday for whatever reason. Dolores and I are opening our home in Perth on Tuesday evenings for bible study, discipleship, prayer, maybe a song or two and Fellowship. Two great reasons to attend: Its free and we know what 'lekker' means. See you soon! Please contact Giulio di Somma of Alkimos Lifegroup. Tel. +61 414 344 632 / +61 450 460 623 or email disomma15@gmail.com Wil jy jou motor of kajak verkoop, ‘n ou meubelstuk verkwansel, boeke weggee, of benodig jy ‘n geleentheid om ‘n paar items in iemand anders se vraghouer vanuit Suid-Afrika na Australië te laat kom? Dit is maar enkele voorbeelde van die soort advertensie wat vir bostaande Persoonlik adertensie-kategorie bedoel is. Of verras almal met iets interessant! Daar is tans gratis advertensieruimte beskikbaar; benut die geleentheid – Lees meer by www.brokkies.net/adverteer

Kleinadvertensies (Besigheid)

Terug na bo...

Klik op die besigheidstipe van jou keuse:

Algemeen Eiendomme te huur of te koop Professionele dienste Versekering Akkommodasie / Tydelike verblyf Finansiële dienste Rekenaardienste SA-produkte Ambagsmanne / Kontrakteurs Motors Skoonheid & Gesondheid

Algemeen

Terug na besigheidstipes...

1. Hannie’s Sewing - Naaldwerk professioneel gedoen! Naaldwerk en herstelwerk professioneel en netjiese gedoen. Diploma in naaldwerk, klere-ontwerp, patroonmanipulasies en ‘taillering’. Industriële masjien vir netjiese afwerking. Rookvrye en troeteldiervrye huis. In Butler, Quinns Rocks, Clarkson omgewing. Skakel vir Hannie asseblief vir ‘n afspraak en kwotasie +61 0435123365. (Het ‘n ABN nommer.) 2. ONStv bring die beste Afrikaanse flieks na teaters in Australië en jou woonkamer Besoek www.onstv.net en sien waar die fliek gaan wys asook die ander tuisvermaak wat NOU beskikbaar is om te huur/te koop. 'LIKE' ons Facebookblad www.facebook.com/ONStv en bly op die hoogte van die nuutste verwikkelinge. 3. Frendz Art & Craft Supplies and Café in Clarkson,WA Besoek ons vir al jou Art en Craft produkte onder een dak. Klasse in pewter, mosaïek, “scrapbooking” kaartjies, kalligrafie, olie/ water/ pastel/ akriliese verf. Ook klasse vir kinders in craft, pastel/water/akriliese verf, teken en klei. Kinderpartytjies ook aangebied. Skakel Wilna 0894078860. Epos: frendz@frendz.com.au. Webwerf: www.frendz.com.au 4. ‘Fingerboards R’us maak ou herinneringe weer werklikheid Vingerbord ... Vingerbakatel ... Flicker-bord ☆ Uitmuntende kwaliteitborde en diens ☆ Kan jy nog onthou? Het jy goeie kinderdae-herinneringe rondom die gesins-gunsteling? Jy kan een by jou deur afgelewer kry; bel nou vir ‘n kwotasie! Puik vir interaksie tussen oud en jonk! Hoor weer jou gesin lag en gesels rondom die gewilde spel! Kontak Zenobia Pretorius | 04 669 07699 | E-pos: info@fingerboardsrus.com.au | www.fingerboardgame.com

Aus-Brokkies – Afrikaanse Doer-Onder e-nuusbrief 8 Februarie 2017

5. kykNET op ShowMax bring lekker Afrikaanse TV-programme binne jou bereik! Jy kan nou elke dag al die lekkerste Afrikaanse programme kyk al woon jy nie meer in SA nie. Teken in op kykNET Internasionaal op ShowMax teen net US$8.99 pm. Gaan na ShowMax.com vir ’n 7-dae gratis proeflopie. 6. Eksklusiewe Juwele! Ontwerp en vervaardig volgens jou smaak Ons ontwerp en vervaardig bekostigbare, eksklusiewe juwele soos verloof- en trouringe, oorbelle, hangertjies, armbande en mansjuwele. Ons ontwerp dit volgens jou persoonlike smaak en voorkeur. Kontak ons vandag vir 'n gratis konsultasie om jou behoeftes te bepaal. Liana Coetsee | liana@thediamondtree.com.au | www.thediamondtree.com.au | +61 04 280 75775 7. Geleentheid om groente te produseer By die Lifestyle Centre in Samford / Brisbane is daar 2.5 akker met waterregte beskikbaar vir die regte persoon teen minimale teenprestasie. Die ideale persoon moet belangstel in plaaslike voedselproduksie (‘local food growing’) met minimale tot geen gebruik van chemiese gifstowwe. ‘n Vraag na die produk bestaan reeds. Registreer jou belangstelling by izak@lifestyle.net.au 8. Strykwerk gedoen vir jou – Mindarie / Clarkson en omgewing Strykwerk gedoen in 'n rook- en dierevrye huis, in Mindarie, Clarkson en omgewing. Volwassenes se items: $2.00 per item Kinders (7-10 jaar): $1.50 per 2 items Kinders (0-6 jaar): $1.50 per 3 items Skooluniforms: $1.50 per uniform Ook beddegoed, tafeldoeke ens. Alle pryse beskikbaar op ons Facebook-bladsy Yolandi van der Merwe, Ironmate Ironing Services, tel 0452484677, e-posadres: yolvdmerwe@gmail.com

Akkommodasie / Tydelike verblyf

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Ambagsmense / Kontrakteurs

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Eiendomme te huur of te koop

Terug na besigheidstipes...

Gratis advertensieruimte beskikbaar – Lees meer by www.brokkies.net/adverteer

Finansiële dienste

Terug na besigheidstipes...

1. Is jy bekommerd oor jou geld wat nog in SA is? Rand Rescue is ‘n plaaslike maatskappy wat Suid Afrikaners voorsien van praktiese en koste-effektiewe maniere om hulle Rande te “Rescue”! Ons spesialiseer in geblokkeerde fondse soos uittree-annuïteite, pensioenfondse, aandele en erfgeld. Ons doen ook kontantoorplasings vanuit enige SA-handelsbank en kan jou help met jou SARS belasting uitklarings. Kontak Marlene: 02 9098 0380 / 0420 663 562 / www.randrescue.com

Aus-Brokkies – Afrikaanse Doer-Onder e-nuusbrief 8 Februarie 2017

2. Omega Finance Brokers vir jou Huislening Ons maak seker jou huislening pas by jou omstandighede en spaar jou so duisende Dollars. Kontak Gideon vir gratis evaluering en diens by 0411 236 620 of gideon@omegafinancial.com.au Gideon Kirsten is a Credit Representative (#465060) of BLSSA Pty Ltd ACN 117 651 760 (Australian Credit License # 391237) 3. cashkows.com – Ons vir jóú Suid-Afrika Nes die Engelse gesegde, ‘I’ve got your back’, so help cashkows.com duisende Suid-Afrikaners om toegang te kry tot hul fondse wat nog in ‘n Suid-Afrikaanse polis of aftree-annuïteit lê. Klik hier vir professionele advies - ons maak die proses maklik en pynloos. ‘n Diens deur Suid-Afrikaners aan Suid-Afrikaners.

Motors

Terug na besigheidstipes...

Besit jy ‘n motorwerktuigkundige besigheid? Hierdie ruimte is GRATIS beskikbaar. Meer by www.brokkies.net/adverteer

Professionele dienste

Terug na besigheidstipes...

1. Regsadvies vir Suid-Afrikaanse Aussies – MiGrate Lawyers Met kantore in beide Suid-Afrika en Australië, en Afrikaanssprekende prokureurs wat steeds in beide lande op die rol is, kan ons help met alles van huiskoop (in Queensland), visas, boedelbeplanning, oprigting van maatskappye en trusts en testamente wat oor beide jurisdiksies sal strek - veral as jy nog belange in Suid-Afrika het. Alex Pretorius | Tel 07 4154 5500 | E-pos: alexpretorius@migratelawyers.com | Web: www.migratelawyers.com 2. Oorweeg jy om na Nieu-Seeland te verhuis? Indien jy oorweeg om Australië vir Nieu-Seeland te verruil, kontak ons gerus vir bystand en advies. Ons netwerk kom een keer per maand in Auckland bymekaar om nuwe immigrante by te staan met advies en netwerkgeleenthede. Besoek ons webtuiste by www.networkfinancialservices.co.nz of kontak Eugene by euegene@networkfinancialservices.co.nz of +64 22 276 0082 3. Leiding met Loopbaan-, Studie- en Vakkeuses Potential Profiling help jou kind ‘n loopbaan kies wat sy/haar brein se natuurlike denkvoorkeure pas. Verhoed teleurstelling, frustrasie, tydmors, demotivering, konflik, onderprestasie en studieskuld-las eie aan verkeerde beroepskeuses. Vir ‘n unieke loopbaanleidings-diens, skryf vir Martin Hefer by cmgt22@gmail.com Tipiese adverteerders in bogaande seksie sluit ook in prokureurs, dokters, tandartse, immigrasie-adviseurs, ens. Jy kan tans gratis adverteer. Besoek www.brokkies.net vir meer inligting.

Rekenaardienste

Terug na besigheidstipes...

Of jy rekenaars herstel, bou of verkoop – of dienste soos programmering of webontwerp doen, hierdie afdeling is vir jou. Jy kan tans gratis in hierdie advertensieruimte adverteer met geen verpligting later nie. Kyk www.brokkies.net/adverteer

Aus-Brokkies – Afrikaanse Doer-Onder e-nuusbrief 8 Februarie 2017

Skoonheid & Gesondheid

Terug na besigheidstipes...

1. SOLAL* nou in Australië beskikbaar! SOLAL is ‘n uitgebreide verskeidenheid van gesondheid- en welstandprodukte met innoverende en doeltreffende voedingsaanvullings wat geformuleer is om jou te help om die onderliggende oorsake van gesondheidsprobleme meer natuurlik aan te spreek. Kontak ons per epos by info@theskinworx.com of KOOP AANLYN by www.theskinworx.com

Versekering

Terug na besigheidstipes...

1. Is jy nuut in Australië? Ons help nuwe immigrante oor die laaste 15 jaar met hulle:

• Lewensversekering • Pensioenfondse (Superannuation) • Aftreebeplanning

Kontak ons vir vriendelike en professionele dienste. Marius De Lange | Nautilus Financial Planning | Tel 04 025 77 374 | E-pos riskreview@gmail.com

SA-produkte

Terug na besigheidstipes...

1. Ausrika – Unieke SA-geskenke vir jou (In ons winkel OF aanlyn!) Ausrika verkoop unieke Suid-Afrikaanse geskenke en huishoudelike items, met die fokus op Afrikaanse sê-goed. Ons winkel is in Baldivis, Perth en ons het ook ‘n webwerf waar mense aanlyn kan koop. Ons pos gereeld produkte na kliënte regoor Australië. Ons voer gereeld nuwe produkte in vanaf Suid-Afrika, so mense is welkom om met ons te gesels indien hulle ‘n bestelling wil plaas vir iets spesifieks. Jean-Marie van Niekerk | Tel: 042 047 3559 | E-pos: ausrika@simplybusi.com.au Webwerf: www.ausrika.com.au | Adres: 14 Jutland Ave, Baldivis, Perth 2. Spaza | Ons bring Suid-Afrika na JOU! Kry 'n stukkie van Suid-Afrika by Spaza. Ons bring die nuutste Suid-Afrikaanse musiek-CD's, DVD's, films en boeke na jou. Ons het ook 'n verskeidenheid mans- en vroueklere reekse beskikbaar van gewilde SA vervaardigers. Gesels met Jaco Ungerer van Spaza, by tel 04 289 64112 of 04 6857 1042, of e-pos hom by spazashopping@gmail.com Besoek ook Spaza se webwerf: www.spaza.com.au

Werksgeleenthede

Terug na bo...

Geleentheid om groente te produseer By die Lifestyle Centre in Samford / Brisbane is daar 2.5 akker met waterregte beskikbaar vir die regte persoon teen minimale teenprestasie. Die ideale persoon moet belangstel in plaaslike voedselproduksie (‘local food growing’) met minimale tot geen gebruik van chemiese gifstowwe. ‘n Vraag na die produk bestaan reeds. Registreer jou belangstelling by izak@lifestyle.net.au _______________________________________________________________________________________________

Hierdie ruimte is beskikbaar vir advertensies van vakatures; en in die meeste gevalle word hulle GRATIS geplaas om ons immigrantegemeenskap te ondersteun. Doen navraag by die redakteur by www.brokkies.net deur die skakel 'Kontak' en hy sal meer riglyne verskaf.

________________________________________________________________________________________________

Aus-Brokkies – Afrikaanse Doer-Onder e-nuusbrief 8 Februarie 2017

Afrikaanse kerkdienste Terug na bo...

Afrikaanse kerkdienste in Australië Terug na bo... 1. BUNBURY – Gereformeerde Evangeliese Kerk Eredienste elke Sondag om 9vm in Afrikaans. Adres: RSL Saal, 19 Spencer straat, Bunbury. Kontak ds Gawie Cloete by 0420481965 of 08-97951125 vir meer inligting. 2. PERTH - Eredienste in Suide van Perth op 3 plekke: Deo Gloria Community Church Afrikaanse diens in Leeming Ons het elke Sondag om 9vm ’n diens in Afrikaans by Livingston Seventh Day Adventist Church, Nicholson Rd, Canning Vale, waar ds Gerhard Bredenkamp die voltydse leraar is. Daar is ook in een van die ander lokale ‘n erediens vir Engelssprekendes om 9vm elke Sondag. Ds Dirk de Swardt bied die dienste aan. Dirk is ook die voltydse leraar vir ons hoërskooljeug en jong werkendes. Afrikaanse diens in Secret Harbour Terselfdertyd vergader ons elke Sondag om 9vm ook in Afrikaans te Secret Harbour Community Centre, Oasis Drive, Secret Harbour, waar ds Peet Grobbelaar die voltydse leraar is. Engelse diens in Mandurah Vir Suid-Afrikaners en ander Engelssprekendes wat dalk in Engels bedien wil word, het ons ’n gemeente in Mandurah, wat op Sondag om 9.30vm te Foundation Christian College, Multi-Purpose Hall Valentine Drive, Greenfields bymekaarkom. Ds Johan de Swardt is die voltydse leraar. Besoek ons webwerf by www.deogloria.org.au of volg ons direkte uitsendings by http://deogloria.sermon.net/main Kontak ds Peet by 0415 680 930, ds Gerhard by 0450 467 557 of ds Johan by 0417 981 614 of ds Dirk by 0481 331 138 veral vir jeug-verwante aangeleenthede. 3. WES-AUSTRALIë – Eredienste op die PLATTELAND van WA: Outreach WA in

samewerking met die Gereformeerde Evangeliese Kerk van Australië Eredienste word gereeld op rotasiebasis in Afrikaans gehou by die volgende dorpe: Esperance, Albany, Katanning, Brookton, Northam en Hyden. Daar word gewoonlik na die diens saam ge-eet en gekuier. Vir meer inligting en ook vir die reël van ‘n pastorale besoek, kontak ds Gawie van der Merwe (woonagtig in Perth) op selfoon 0415846599 of e-pos na ds.gawie@parc.org.au 4. WES-AUSTRALIë - Eredienste op Geraldton: Living Word (GEKA) Elke Sondag om 9vm in die SDA Kerk, 8 Milford Street, Geraldton. Die leraar is dr Tienie Bekker. Na die diens word daar lekker saamgekuier oor ‘n koppie koffie/tee. (Indien daar Engelse mense in die erediens is dan vind die diens in Engels plaas.) Skakel Tienie by 0458 976 007 of e-pos na leraar@bigpond.comvir meer inligting of besoek ons webwerf: http://www.livingwordgeraldton.com.au/ 5. PERTH - Eredienste met Geloofsonderrig: Drie bedieningspunte - Lux Mundi-gemeente Clarkson Om 9:30vm in die Sewende Dag Adventiste kerkgebou op hoek van Marmion Ave en Renshaw Blvd, Clarkson. Elke eerste Sondag van die maand is dit ‘n Engelse erediens maar al die ander Sondae van die maand word daar gelyklopend ‘n Afrikaanse sowel as ‘n Engelse erediens in twee verskillende lokale aangebied. Kontakpersoon is Ds Manie Strydom by tel 0487768936 of e-pos manie@luxmundi.org.au Ellenbrook Afrikaanse eredienste elke Sondag om 9:30vm

Aus-Brokkies – Afrikaanse Doer-Onder e-nuusbrief 8 Februarie 2017

Engelse eredienste elke eerste en derde Sondag van die maand, ook om 9:30vm Adres: Ellenbrook Christian College te 5 Santona Blvd, Ellenbrook. Kontak Ds James Walters by tel 0424824897 of e-pos james@luxmundi.org.au vir meer inligting. North Beach Om 9vm in die Sewende Dag Adventiste kerkgebou te Wendling rd, North Beach. Elke Sondag is daar ‘n Afrikaanse erediens. Kontakpersoon is Ds Manie Strydom by tel 0487768936 of e-pos manie@luxmundi.org.au

Landswye dagboek

Terug na bo...

Dagboek: Melbourne Besoek http://www.eventfinda.com.au/whatson/events/melbourne-inner-city vir aktiwiteite. Dagboek: PERTH Besoek http://www.eventfinda.com.au/whatson/events/perth vir aktiwiteite. Dagboek: Sydney Besoek http://www.sydney.com/nz/events vir aktiwiteite. Dagboek: Canberra Besoek http://www.eventfinda.com.au/whatson/events/canberra vir aktiwiteite. Dagboek: Brisbane Besoek http://www.queensland.com/en-AU vir aktiwiteite. Dagboek: Adelaide Besoek http://goo.gl/SkxjJ7 vir aktiwiteite. Laat weet maar van ander stede of dorpe se ‘event’ inligting, by www.brokkies.net

Riglyne vir adverteerders

Terug na bo...

Lees Aus-Brokkies se advertensieriglyne by www.brokkies.net/adverteer,

Kanselleer intekening / UNSUBSCRIBE

Terug na bo...

Om Aus-Brokkies te kanselleer, doen dit by http://brokkies.net/skryf-in of doen dit vanuit jou weeklikse subskripsie e-pos. To unsubscribe email brokkies@afrikaansnz.net with subject ‘Unsubscribe'. Provide your old email address in the body.