Rakaskemmdir í íslensku íbúðahúsnæði Þór...Vatn er forsenda lífs og það hefur mikið...
Transcript of Rakaskemmdir í íslensku íbúðahúsnæði Þór...Vatn er forsenda lífs og það hefur mikið...
-
BSc í Byggingartæknifræði
Rakaskemmdir í íslensku íbúðahúsnæði
Orsakir rakaskemmda og afleiðingar þeirra
Samantekt á skoðunarskýrslum
Nóvember, 2019
Nafn nemanda: Arnar Þór Hrólfsson
Kennitala: 110268 – 3519
Leiðbeinendur: Eiríkur Ástvald Magnússon og Sylgja Dögg Sigurjónsdóttir
24 ECTS ritgerð til BSc í Byggingartæknifræði
-
Háskólinn í Reykjavík
Tækni- og verkfræðideild
Tækni- og verkfræðideild
Heiti verkefnis:
Rakaskemmdir í íslensku íbúðahúsnæði
Námsbraut: Tegund verkefnis:
Byggingartæknifræði
Lokaverkefni
Önn: Námskeið: Ágrip:
Haustönn 2019
BTLOK 1012
Tilgangur þessa verkefnis er að greina það hverjar
helstu orsakir rakaskemmda eru í íbúðarhúsnæði
hérlendis auk þess að kortleggja í hvaða hluta
húsnæðis rakaskemmdir koma helst fram.
Í þessu skyni voru teknar 150 skoðunarskýrslur frá
Verkfræðistofunni Eflu en þær höfðu að geyma
greiningu á rakavandamálum húsa.
Helstu orsakir reyndust í réttri röð vera gluggar og
útihurðir, vatnsvörn baðherbergja, þök og síðan
notkun íbúa eða hegðun þeirra í húsnæðinu.
Þeir hlutar húsnæðis þar sem rakaskemmdir komu
helst fram reyndust í réttri röð vera útveggir, gólf og
baðherbergi.
Höfundur:
Arnar Þór Hrólfsson
Umsjónarkennari:
Guðbrandur Steinþórsson
Leiðbeinendur:
Eiríkur Ástvald Magnússon
Sylgja Dögg Sigurjónsdóttir
Fyrirtæki/stofnun:
Verkfræðistofan Efla ehf
Dagsetning: Lykilorð íslensk: Lykilorð ensk:
29.11 2019 Rakaskemmdir
Orsakir rakaskemmda
Afleiðingar rakaskemmda
Dreifing:
opin lokuð til:
X
-
1
Efnisyfirlit Formáli ..................................................................................................................................................... 2
Töfluskrá .................................................................................................................................................. 3
Myndaskrá ............................................................................................................................................... 4
1 Inngangur ........................................................................................................................................ 5
1.1 Rannsóknin .............................................................................................................................. 7
1.2 Staða þekkingar ....................................................................................................................... 7
2 Aðferðir.......................................................................................................................................... 10
2.1 Heimilisskoðanir Eflu ............................................................................................................. 10
2.2 Skráningin .............................................................................................................................. 11
2.2.1 Skráning orsaka. ............................................................................................................ 13
2.2.2 Skráning rakaskemmda. ................................................................................................ 15
3 Niðurstöður ................................................................................................................................... 17
3.1 Aldursdreifing íbúðahúsnæðis ............................................................................................... 17
3.2 Orsakir rakaskemmda ............................................................................................................ 19
3.3 Sjáanlegar rakaskemmdir ...................................................................................................... 28
3.4 Þök ......................................................................................................................................... 29
4 Umfjöllun ....................................................................................................................................... 30
4.1 Gluggar og útihurðir .............................................................................................................. 30
4.2 Vatnsvörn baðherbergja ........................................................................................................ 31
4.3 Þök ......................................................................................................................................... 33
4.4 Notkun ................................................................................................................................... 34
4.5 Útveggir ................................................................................................................................. 34
4.6 Lagnir ..................................................................................................................................... 36
4.7 Dren (Þerrilagnir) ................................................................................................................... 36
4.8 Annað (Loftlúgur) .................................................................................................................. 36
5 Samantekt...................................................................................................................................... 37
6 Lokaorð .......................................................................................................................................... 38
7 Heimildir ........................................................................................................................................ 39
Viðauki ................................................................................................................................................... 41
-
2
Höfundur hefur lengi unnið í byggingariðnaði, bæði í nýbyggingum og einnig í
viðhaldi og endurnýjun eldra húsnæðis. Á síðustu árum hafa verkefni, tengd
rakaskemmdum orðið æ algengari viðfangsefni og hefur það aukið áhuga höfundar á
ástandi íbúðarhúsnæðis. Þegar svo tækifæri gafst, með ritgerðarsmíð að leggjast í
rannsóknarvinnu þeirra atriða sem helst valda húseigendum vanda var ekki hægt að
standast freistinguna. Það sem hér er skráð er ekki stórt innlegg í umræðuna en
varpar vonandi ljósi á hluta vandans.
Leiðbeinendum mínum, Eiríki Ástvald Magnússyni og Sylgju Dögg Sigurjónsdóttur
þakka ég af öllu hjarta fyrir stuðning, leiðbeiningar, jákvæðni og allt annað sem þau
veittu mér svo verkefnið gæti orðið að veruleika.
Ættingjum mínum þakka ég kærlega fyrir stuðning, hjálp og skilning á meðan
verkefnið var í vinnslu.
FORMÁLI
-
3
Tafla 1 – Orsakir rakaskemmda. ...................................................................................................... 13
Tafla 2 – Greinanlegar rakaskemmdir. ............................................................................................ 15
Tafla 3 – Fjöldi og aldur eigna. ......................................................................................................... 29
TÖFLUSKRÁ
-
4
Mynd 1 –Spírunartími og vaxtarhraði myglusvepps. ....................................................................... 6
Mynd 2 – Aldursdreifing eigna. ......................................................................................................... 17
Mynd 3 - Ummerki og orsakir rakaskemmda á hverja íbúðareiningu. ....................................... 18
Mynd 4 - Ástæður aukins raka. ......................................................................................................... 19
Mynd 5 - Rakaskemmdir af völdum drens. ..................................................................................... 20
Mynd 6 - Rakaskemmdir af völdum útveggja. ................................................................................ 21
Mynd 7 - Rakaskemmdir af völdum þaka. ...................................................................................... 22
Mynd 8 - Rakaskemmdir af völdum glugga og útihurða. .............................................................. 23
Mynd 9 - Rakaskemmdir vegna vatnsvarnar baðherbergis. ........................................................ 24
Mynd 10 - Rakaskemmdir af völdum lagna. ................................................................................... 25
Mynd 11 - Rakaskemmdir vegna umgengni íbúa. ......................................................................... 26
Mynd 12 - Rakaskemmdir af öðrum orsökum. ............................................................................... 27
Mynd 13 - Ummerki um rakaskemmdir. .......................................................................................... 28
Mynd 14 - Dæmi um skráðar upplýsingar um íbúðir. .................................................................... 42
Mynd 15 - Dæmi um skráðar upplýsingar um rakaskemmdir og orsakir þeirra. ....................... 42
MYNDASKRÁ
-
5
Hnötturinn okkar er undirlagður af vatni. Fyrir utan það að heimshöfin þekja nær 71%
af yfirborði jarðar þá höfum við stöðuvötn, ár og fljót auk skýja á himni og raka í
andrúmslofti svo það helsta sé upp talið.
Tilvist vatns, hvort sem það er á föstu formi sem ís, fljótandi formi sem vatn eða
saltvatn eins og reyndin er með úthöfin og mörg innhöf eða í gufuformi í
andrúmsloftinu er jákvæð þar sem ekkert líf gæti þrifist á jörðinni án þess.
Vatn er forsenda lífs og það hefur mikið afl til að bera. Brim sverfur strendur, ár móta
landslag, skriðjöklar sverfa yfirborð jarðarinnar og svo mætti lengi telja. Raki eða
vatnsgufa í lofti getur líka haft mikil áhrif á umhverfið þótt það sé með öðrum og
minna áberandi hætti.
Í nútímanum hafa vesturlandabúar vanist mikilli vatnsnotkun á heimilum sínum. Við
íslendingar erum ekki eftirbátar annarra í þessum efnum heldur höfum farið fram úr
flestum ef ekki öllum öðrum þjóðum á þessu sviði (Jónas o.fl., 2011). Miklu magni
vatns fylgir ekki aðeins mikið af rennandi vatni heldur einnig mikið af vatnsgufu í lofti
en það hefur það í för með sér að vatn er alls staðar í einhverjum mæli.
Það mæðir mikið á venjulegu nútímaheimili vegna vatns. Það sem venjulegt heimili
þarf að þola er meðal annars vatnsnotkun vegna baðferða, þvotta á leirtaui, gólfum
og fatnaði, matseldar og margs fleira. Þá er ótalið ytra álag á húsnæði af völdum
veðurs sem reynir á veðurkápu hússins auk jarðvatns sem hefur tilhneigingu til að
valda tjóni á undirstöðum húsa. Til viðbótar ofantöldu þá hefur nærvera íbúa ein og
sér í för með sér að rakamyndun eykst. Frá íbúum koma vatngufur sem eru
einfaldlega uppgufun af húð og þennan raka ætti ekki að vanmeta.
Ísland hefur þá sérstöðu meðal þjóða að mikill meirihluti húsa landsins eru á
svokölluðum heitum svæðum en með því er átt við að heitt jarðvatn er notað beint
eða óbeint til að hita húsnæði (Orkusetur - Húshitun, 2017). Þetta á meðal annars við
um allt húsnæði á höfuðborgarsvæðinu.
Ekki er gott að losna við allan loftraka úr húsnæði. Það hefur í för með sér að íbúum
líður illa. Æskilegur loftraki innilofts er á bilinu 30-50% (Raki í húsum, 2006). Allt er
gott í hófi. Ekki er gott að vera laus við allan raka en ef hann verður of mikill er verið
að búa til aðstæður sem geta leitt til stórra vandamála.
Myglugró eru alls staðar en mygla er nauðsynlegur hluti náttúrunnar því að án hennar
myndi ekkert lífrænt niðurbrot eiga sér stað. Myglugró svífa um í andrúmsloftinu. Ekki
bara utandyra heldur berast þau einnig inn í híbýli okkar. Þegar hús eru í byggingu
1 INNGANGUR
-
6
lokast þessi gró eðlilega inni í byggingarhlutum. Við því er lítið að gera auk þess sem
það kemur ekki að sök svo lengi sem kringumstæður eru réttar.
Myglugró þurfa ákveðnar aðstæður til þess að þrífast og dafna. Passlegur hiti þarf að
vera til staðar og hiti inni á íslenskum heimilum skapar góðar aðstæður að því leyti.
Af fæðu er yfirleitt ofgnótt. Allskyns lífræn efni, lím undir gólfdúkum, timburvörur
ýmiss konar, bréfið sem heldur saman gifsplötunum á veggjunum og svo mætti lengi
telja. Það tvennt sem búið er að nefna er alltaf til staðar en það er þriðja forsendan
sem hægt er að hafa stjórn á. Hlutfallsraki þarf að vera að lágmarki um 70% til að
mygluvöxtur eigi sér stað (Morse et al., 2014).
Mynd 1 –Spírunartími og vaxtarhraði myglusvepps (Morse et al., 2014).
Loftraka og efnisraka má reyna að halda niðri en ef rakastigið verður of hátt byrja
vandræðin. Byggingarefni eru mismunandi rakadræg og rakaþolin. Sum efni eins og
pappi á venjulegum gipsplötum drekka auðveldlega í sig raka og eru að auki
úrvalsfæða fyrir mygluna á meðan gler er það ekki. Mygla getur þó þrifist í
óhreinindum á glerrúðum.
Af einhverri ástæðu er ekkert svo langt síðan umræða um þessi efni byrjaði að
heyrast. Um síðustu aldamót könnuðust fáir við mygluvandamál í híbýlum og þegar
umræða fór af stað litu margir á þetta málefni sem hjátrú eða ranghugmyndir. Í dag er
þetta að verða viðurkennt og stórt vandamál. Mygluvöxt má finna ótrúlega víða inni í
húsum þar sem hann á alls ekki að eiga sér stað. Sem dæmi um þá viðurkenningu
sem þetta viðfangsefni er að fá má nefna skýrslu Alþjóðaheilbrigðisstofnunarinnar um
raka og myglu í innilofti (WHO, 2009) auk nýlegs viðtals við landlækni (Ásrún Brynja
Ingvarsdóttir, 2019) þar sem tilkynnt var um stofnun fagráðs sem ætlað verður að
draga saman upplýsingar um myglu þannig að þær verði aðgengilegar.
Ekki er einfalt að benda á orsökina fyrir þessum umskiptum. Er ástæðan sú að hús
eru orðin þéttari þannig að loftun byggingarhluta hafi minnkað? Eru notuð
byggingarefni sem eru mygluvænni en þau sem áður tíðkuðust? Er fólk einfaldlega
viðkvæmara í dag en fyrir þrjátíu árum?
-
7
1.1 Rannsóknin
Markmiðið með þessari rannsókn er að greina þá þætti sem helst valda
rakaskemmdum í íslensku íbúðarhúsnæði auk þess að skrá í hvaða hluta húsnæðis
rakaskemmdir koma helst fram.
Með því að tengja saman hvað veldur vandamálum varðandi rakabúskap og hverjar
afleiðingarnar eru má sjá samhengi sem gæti nýst sem eitt innlegg af mörgum í því
þróunarferli sem stöðugt er í gangi í þá átt að byggt sé íbúðarhúsnæði sem betur er
fallið til íveru og endist betur.
Hvatinn að þessari rannsókn er sá mikli skaði sem of mikill raki getur haft í för með
sér. Hér er verið að hugsa tvö svið þar sem tjón verður áþreifanlegt. Annars vegar er
það fjárhagslegt tjón þegar húsnæði þarfnast endurbóta vegna rakaskemmda. Þetta
tjón má reikna út. Hins vegar er það heilsutjón þeirra sem búa í húsnæðinu. Ef íbúi
verður fyrir heilsuskerðingu vegna heilsuspillandi húsnæðis er viðbúið að auk
persónulegs tekjutaps hljóti þjóðarbúið minna framlag úr hendi íbúans í formi
skatttekna en stærsta tjónið hlýtur að vera skert heilsa íbúans sem rýrir lífsgæði hans
umtalsvert. Lakara heilsufar verður ekki auðveldlega metið til fjár.
Innan verkfræðistofunnar Eflu er starfrækt deild, Hús og Heilsa, sem hefur sérhæft
sig í rannsóknum rakavandamála. Meðal margs annars sem fengist er við innan
deildarinnar eru svokallaðar heimilisskoðanir en þá er farið í íbúðarhúsnæði og
framkvæmd skoðun með áherslu á hækkað rakastig og orsakir þess. Í framhaldinu
eru útbúnar skoðunarskýrslur með niðurstöðum sem húseigandi fær í hendur.
Í rannsókninni verður byggt á þessum skýrslum. 150 skýrslur verða rýndar og unnar
úr þeim upplýsingar um orsakir og afleiðingar rakaskemmda. Í framhaldinu verður
farið í greiningu og niðurstöður settar fram.
Þær niðurstöður sem skýrslan inniheldur eru ekki vísbendingar um almennt ástand
húsa á Íslandi því yfirleitt er verið að skoða húsnæði þar sem búast má við að
rakavandamál séu til staðar. Ekki er gerð nein tilraun til að meta heildarumfang
rakaskemmda.
1.2 Staða þekkingar
Þar sem hús þau sem verða hér til skoðunar eru öll byggð á tuttugustu öldinni eða á
þeim árum sem liðin eru af þessari öld verður fyrst farið örstutt yfir þróun
íbúðarhúsnæðis á tímabilinu.
-
8
Í byrjun tuttugustu aldarinnar voru timburhús algengust sem íbúðarhúsnæði í þéttbýli
á Íslandi. Þau voru ýmist reist á hlöðnum eða steyptum undirstöðum. Eftir tvo
stórbruna á Akureyri og brunann mikla í Reykjavík árið 1915 má segja að öld
steinsteypunnar hafi gengið í garð. Þó var eitthvað byggt áfram af litlu íbúðarhúsnæði
úr timbri (Guðmundur L. Hafsteinsson, e.d.). Steinsteypan er þó ráðandi
byggingarefni í dag (Björn Marteinsson, 2008).
Íbúðarhús sem eru í notkun í dag eru uppbyggð á margvíslegan hátt og í raun varla
framkvæmanlegt að gera grein fyrir öllum þeim fjölbreytileika sem er til staðar. Ýmis
byggingarefni hafa verið notuð. Til dæmis hafa hús verið hlaðin úr holsteini og önnur
verið klædd að utan með múrsteinum.
Þó hefur ráðandi veggjagerð síðustu öld verið steyptir veggir. Steyptir veggirnir voru
lengi vel oftast múrhúðaðir að utan en að innan einangraðir og innan á einangrunina
var síðan yfirleitt pússað. Veggur sem er byggður upp á þennan hátt eru oft kallaður
Íslenski útveggurinn (Björn Marteinsson, 2008). Hafi veggir þessa uppbyggingu er
steinsteypan sem er hluti af burðarvirki hússins og rakadræg að auki orðin hluti af
veðurhjúp byggingarinnar.
Algengasta útfærsla þaka á íbúðarhúsnæði er síðan annað hvort létt timburþak borið
uppi af sperrum eða uppstólað þak en þá er sperruvirki þaksins reist á steyptri
loftaplötu hússins.
Á þessari öld virðast hafa orðið nokkrar breytingar hvað varðar uppbyggingu veggja
og þaka. Tvö atriði verða hér nefnd. Annars vegar færist það í vöxt að steyptir veggir
séu einangraðir að utan og síðan klæddir. Með þessu móti er steypan komin í nokkuð
gott skjól gegn veðri og vindum. Hitt atriðið er að flöt þök eru að verða algengari en
það eru þök sem eru aðeins með litlum vatnshalla. Þessi þök geta hvort heldur verið
steypt eða byggð upp með sperruvirki. Oftast gengur kantur upp fyrir þessi þök og
rammar þau inn þannig að úrkomu þarf að fjarlægja með aðstoð niðurfalla eða á
annan hátt.
Raki í húseignum á sér þrjár meginástæður en þær eru byggingaraki, utanaðkomandi
rakaálag og raki í innilofti (Raki í húsum, 2006). Byggingaraki er sá raki sem er í
byggingu frá því að hún var reist. Sem dæmi má nefna vatn sem er að þorna út úr
steypu, timbur í þakvirki sem er rakamettað þar sem það var geymt úti á
byggingartíma hússins og þannig mætti áfram telja. Með utanaðkomandi rakaálagi er
átt við úrkomu úr lofti og raka í jarðvegi. Raki í innilofti kemur síðan ekki síst vegna
viðveru íbúa en þeir geta valdið rakaálagi með viðveru sinni og þar má nefna þrif,
matargerð og margt annað.
Raki hefur áhrif á ástand húsnæðis og hversu gott það er til búsetu. Tvær kannanir
hafa verið framkvæmdar hérlendis af Birni Marteinssyni þar sem sendir hafa verið út
spurningalistar varðandi ástand húsa og nú er þriðja könnunin í gangi. Samkvæmt
könnun númer tvö sem framkvæmd var árin 2005-2006 eru rakavandamál algeng í
íslenskum húsum frá öllum tímabilum (Iðan, 2013). Fram kemur að í húsum sem
-
9
byggð voru á seinni hluta tuttugustu aldar eru rakavandamál í 43-70%
íbúðarhúsnæðis. Niðurstöðum er skipt eftir áratugum og er prósentan breytileg eftir
tímabilum. Sé litið á hús byggð á þessari öld kemur fram að tíðni rakavandamála er
30%. Þar sem könnunin var framkvæmd árin 2005-2006 voru þessi hús í mesta lagi 5
ára gömul.
Norsk samantekt sem byggist á gögnum frá árunum 1993-2002 leiðir í ljós að yfir
70% vandamála í byggingum eru vegna raka (Byggforskserien, 2010). Samkvæmt
samantekt tryggingafélags sem hefur skoðað yfir tíu þúsund heimili í Noregi finnast
rakavandamál í 31% íbúða (Becker et al, 2017). Þar af teljast 4% íbúða ónothæfar til
íveru. Þegar athuguð er finnsk könnun þar sem 450 hús voru skoðuð af
verkfræðingum var niðurstaðan sú að rakavandamál fundust í 55% þeirra eigna sem
skoðaðar voru (Nevalainen et al, 1998). Margar fleiri slíkar skoðanir og rannsóknir
finnast og verður að telja víst að rakavandamál í húsum séu víða og eitthvað sem
þarf að horfast í augu við.
Í 10. kafla núgildandi byggingarreglugerðar eru komin nokkuð ýtarleg ákvæði um að
mannvirki skuli þannig hönnuð og byggð að vatn og raki hafi hvorki skaðleg áhrif á
mannvirkið sjálft né notendur þess (Byggingarreglugerð, 2012). Þarna er kveðið
nokkuð sterkar að orði en í fyrri reglugerðum.
Árið 2009 gaf Alþjóðaheilbrigðisstofnunin út viðamikla skýrslu um gæði innilofts
(WHO, 2009) þar sem sérfræðingar víðs vegar að úr heiminum fóru yfir heimildir og
söfnuðu saman gögnum varðandi raka og myglu í húsnæði. Þar kemur fram að of
hátt rakastig stuðlar að vexti myglu, baktería og annarra örvera. Einnig kemur þar
fram að raki eykur líkur á útgufun rokgjarnra lífrænna efnasambanda (VOC) úr
byggingarefnum. Í skýrslunni segir ennfremur að þessar aðstæður, það er raki og
mygla, séu heilsuspillandi. Í skýrslunni er því haldið fram að 10-50% húsa á
heimsvísu séu þjökuð af rakavandamálum.
Myglusveppir eru hópur innan fylkingar sveppa. Ólíkt plöntum lifa þeir eingöngu á
næringu úr umhverfi sínu. Með starfsemi sinni vinna myglusveppir að niðurbroti eða
rotnun lífvera og örva þannig eðlilega endurnýjun náttúrunnar. Þeir eru því
nauðsynlegur hluti af umhverfinu. Sveppir fjölga sér með því að gefa frá sér gró sem
berast milli staða. Meðal annars berast gró í andrúmslofti og eru því alls staðar í
kringum okkur hvort heldur er úti eða inni (UST, 2015). Gró sem berast inn í hús eru
engum til tjóns svo lengi sem raki er ekki of mikill. Fari rakinn hins vegar yfir ákveðin
mörk spíra gróin og mygla byrjar að vaxa.
Mygla eða myglusveppir gefa frá sér efni sem geta verkað á ýmsan hátt á
líkamsstarfsemi manna. Meðal þeirra áhrifa sem þessi úrgangsefni geta valdið eru
astmi, ofnæmisviðbrögð og annars konar einkenni eitrunar (UST, 2015).
Astmi og ofnæmisviðbrögð eru þau orð sem oftast eru notuð í skýrslum og umfjöllun
um einkenni íbúa sem búa í of röku húsnæði. Íbúar sjálfir lýsa aftur á móti
langvarandi veikindum og vanlíðan af ýmsu tagi.
-
10
2.1 Heimilisskoðanir Eflu
Heimilisskoðanir Eflu eru framkvæmdar í þeim tilgangi að finna hugsanleg
rakavandamál og leita orsaka þeirra. Í flestum tilfellum er það þannig að íbúar fá
skoðun á húsnæði vegna gruns eða vissu um að vandamál séu til staðar. Þegar
óskað hefur verið eftir skoðun er verkferlum fylgt. Eftir ákveðinn undirbúning mætir
skoðunarmaður á staðinn. Hver skoðun tekur eina klukkustund. Almennt er gert ráð
fyrir að farið sé yfir húseignina sem er til skoðunar og þá með mesta áherslu á
votrými og önnur svæði þar sem mestar líkur eru á rakavandamálum. Stundum er
það samt svo að íbúi hefur bara ákveðin atriði í huga sem hann vill að
skoðunarmaður líti á. Eins getur líka verið að íbúi vilji ekki að ákveðin rými séu
skoðuð og þá er það að sjálfsögðu virt.
Það skal tekið fram að við heimilisskoðun er leitað eftir ummerkjum um aukinn raka.
Ekki er beinlínis verið að leita að myglu en sjáist hún er nokkuð ljóst að rakastig er of
hátt. Skoðun fer þannig fram að farið er yfir svæði með sjónskoðun og jafnvel notuð
lýsing til að leita að rakaummerkjum. Ef ástæða þykir til er notaður snertirakamælir af
gerðinni Protimeter Surveymaster til nánari skoðunar. Rakasvæði eru þá kortlögð
með viðmiðunarmælingum. Snertirakamælar mæla þó ekki rakastigið heldur gefa þeir
upp gildi á bilinu 1-100. Mælt er á stað sem er talinn vera þurr eða í eðlilegu
rakaástandi og síðan á þeim stað þar sem búist er við meiri raka og þannig fæst
samanburður sem er góð vísbending um hvort vandamál eru til staðar. Eftir hverja
heimsókn fær íbúi síðan í hendur skýrslu þar sem tiltekið er hvað var skoðað, á
hvaða hátt skoðun fór fram og hvað fannst. Verkferlar við heimilisskoðanir eru
grundvallaðir á erlendum fyrirmyndum og hafa verið þróaðir áfram í samræmi við
reynslu skoðunaraðila.
Íbúi getur óskað eftir nánari skoðun ef talin er ástæða til. Þar getur verið um að ræða
loftgæðamælingar, sýnatökur í rýmum eða af byggingaefnum, nákvæmari mælingu á
raka með hlutfallsrakamæli og svo mætti lengi telja. Þegar hlutfallsrakamælir er
notaður eru boruð göt í byggingarhluta og mælinum komið fyrir. Þannig fæst
nákvæm mæling á rakastigi.
2 AÐFERÐIR
-
11
2.2 Skráningin
Höfundur greindi upplýsingar um 150 íbúðareiningar. Við skráningu voru notaðar
skoðunarskýrslur frá árunum 2017 - 2019 úr safni Húss og Heilsu hjá Eflu
verkfræðistofu.
Skýrslurnar sem byggt er á eru af tvennum toga. Annars vegar skýrslur unnar í Excel
og hins vegar skýrslur sem unnar eru í Ajour en það er meðfærilegt forrit sem hefur
verið að festa sig í sessi síðustu árin og er mikið notað til eftirlits og við úttektir í
byggingariðnaði. Í Ajour er meira um myndir og minna um útskýringar í textaformi.
Skráning í Ajour er tiltölulega nýtilkomin en það veltur á skoðunarmanni hvor
framsetningin er notuð.
Í Excel skýrslunum er heimilisskoðunum lýst með texta. Útskýrt er hvaða hlutar húss
eru skoðaðir. Auðvelt er að sjá hvort um er að ræða sjónskoðun, rakamælingar eða
aðrar nálganir. Því er lýst hvort og þá hvaða rakaummerki finnast. Í Ajour skýrslunum
eru aðallega settar fram myndir sem teknar voru þegar skoðun fór fram og síðan er
texti við myndirnar til nánari skýringar. Vegna mismunandi framsetningar hóf
höfundur verkið á því að skrá skýrslurnar í tvennu lagi og bar síðan niðurstöður
saman. Við samanburð kom í ljós að niðurstöður þessara tveggja forma voru svo
líkar að ákveðið var að sameina skráninguna í eitt gagnasafn.
Áður en verkið hófst þurfti að setja upp form þannig að hægt væri að skrá upplýsingar
á skipulegan hátt þannig að unnt yrði að vinna gögnin áfram, framkvæma greiningar
og samantektir og fá niðurstöður.
Farið var í gegnum nokkurt magn af skoðunarskýrslum til að athuga hvaða
upplýsingar væri þar að finna og hvernig skráningu væri best fyrir komið. Fyrst var
lagt af stað með skráningarform sem leiddi í ljós að ýmislegt var að hverri eign og
orsakirnar gátu verið margvíslegar.
Eftir nokkrar tilraunir var að lokum valið form sem hentaði rannsókninni. Í það voru
fyrst skráðar ákveðnar upplýsingar um hverja eign og síðan tilgreind sjáanleg
rakaummerki ásamt mögulegum orsökum þannig að hægt væri að tengja saman
orsök og afleiðingar. Skráningar fóru fram í Excel og sjá má sýnishorn af
skráningarforminu í viðauka 1 ásamt útskýringum.
Eftir að formið hafði verið sett upp í Excel var hver og ein skýrsla skoðuð, greind og
niðurstöður skráðar í gagnasafnið. Ákveðið var að skrá frekar meiri en minni
upplýsingar þannig að sem mest af gögnum væru til staðar ef áhugi væri fyrir nánari
skoðun eða greiningu á einhverjum atriðum sem seinna skytu upp kollinum.
Fyrst var skráð heimilisfang ásamt póstnúmeri eignarinnar. Heimilisföng voru höfð
með til hægðarauka þannig að hægt væri að endurskoða mat á einstökum eignum ef
ástæða væri til. Að því kom í rannsókninni að ákveðið var að breyta skráningum ekki
frekar og var heimilisföngum þá eytt út þannig að ekki væri hægt að tengja skráðar
upplýsingar við ákveðið húsnæði. Næst var skráð byggingarár eða öllu heldur það ár
-
12
sem eign varð fokheld. Notast var við vef Þjóðskrár Íslands (Fasteignaleit) og þar sett
inn heimilisfang viðkomandi eignar. Þannig var byggingarárið fundið. Byggingarár
segir til um hvenær húsnæði er byggt. Sjaldnast er hægt að átta sig á hvort eða að
hversu miklu leyti endurbætur hafa átt sér stað.
Þar á eftir var tilgreint hvort um væri að ræða sérbýli eða fjölbýli. Sérbýli er ef eign
stendur á botnplötu og hefur þak. Hér er um að ræða einbýlishús, parhús og raðhús.
Eign telst í fjölbýli ef önnur íbúðareining er fyrir ofan eða neðan þá einingu sem er til
skoðunar.
Því næst var skráð hvernig uppbygging þaka væri. Ætlunin var að skoða hvort sjá
mætti einhvern mun eftir tegundum. Þar sem einbýli voru sérstaklega merkt var hægt
að tína öll einbýli út og skoða þök þeirra sérstaklega. Öll þökin reyndust vera af
einhverri eftirfarandi gerða:
1) Létt timburþak. Hallandi þak borið uppi af timbursperrum með klæðningu,
þakpappa og veðurhjúp sem vanalega er bárujárn eða annað sambærilegt
efni. Oft er einangrað á milli sperra.
2) Uppstólað þak. Létt timburþak sem hefur verið reist á steyptri loftaplötu. Þá er
þakinu veittur aukinn stuðningur með tengingum eða stólum milli steyptrar
plötu og þaksins. Síðan er einangrað ofan á steyptu plötuna.
3) Flatt þak. Þak með mjög litlum halla. Þessi þök voru fá í samanburði við hinar
tvær tegundirnar. Nokkuð erfitt var í einhverjum tilfellum að ákvarða hvort
þessi gerð þaka var timburþak eða steypt og ákveðið var að flokka þau ekki á
þann hátt heldur einungis sem flöt.
Að lokum var skoðað hvernig uppbyggingu útveggja væri háttað og reyndust allar
skráðar eignir rúmast innan fjögurra flokka:
1) Veggir steyptir og einangraðir að utan.
2) Veggir steyptir og einangraðir að innan.
3) Létt timburgrind.
4) Veggir steyptir og einangraðir bæði að utan og innan.
Greining á húsnæðinu var byggð á skoðun teikninga sem fundust á vef viðkomandi
sveitarfélaga. Ef erfitt reyndist að átta sig á teikningum sem fundust með þessu móti
var fyllt í eyðurnar með því að skoða myndir af viðkomandi eign á vefnum ja.is.
-
13
2.2.1 Skráning orsaka.
Við skráningu orsaka rakaskemmda voru búnir til átta flokkar til að ná utan um þær
orsakir sem hægt var að lesa út úr skýrslunum. Flokkarnir hefðu getað verið færri en
þá hefði samhengið milli rakaskemmda og þess sem veldur þeim orðið óljósara. Eins
hefðu flokkarnir geta orðið fleiri en það var ekki talið heppilegt. Það freistaði að hafa
glugga og útihurðir hvort í sínum flokknum en þar sem of oft var erfitt að greina á milli
þeirra í skýrslum var ákveðið að hafa hvort tveggja saman í einum flokki. Auk þess
eiga gluggar og útihurðir það sameiginlegt að útbúa þarf göt í annars heilan
veðurhjúpinn til að koma þeim fyrir og útbúa síðan góðar þéttingar í kring.
Þessa átta flokka má sjá í töflu 1 hér fyrir neðan.
Orsakir rakaskemmda
Dren
Útveggir
Þak
Gluggar - Útihurðir
Lagnir
Vatnsvörn baðherbergis
Notkun
Annað
Tafla 1 – Orsakir rakaskemmda.
Dren. Þerrilagnir er annað orð sem notað er yfir það sem í daglegu máli
kallast dren. Hér er átt við drenlagnir, drendúk, möl og annað sem er
ætlað að halda jarðvatni frá undirstöðum húss.
Útveggir. Allt frá veðurkápu húss og að máluðu innra byrði útveggjar.
Þak. Veðurhjúpur þaks ásamt burðarvirki og einangrun.
Gluggar og útihurðir. Gluggar og útihurðir í veggjum ásamt þakgluggum. Þessi
flokkur er notaður ef eitthvað er að gluggum eða hurðum en einnig ef
-
14
frágangur milli glugga eða hurða annarsvegar og veggjar eða þaks hins
vegar er ekki í lagi.
Lagnir. Í þessum flokki eru neysluvatnslagnir, ofnalagnir og frárennsli eða með
öðrum orðum allt lagnakerfi mannvirkis nema drenlagnir, rennur og
niðurföll. Blöndunartæki, kranar og annað sem tengt er við kerfið
flokkast einnig undir þennan lið.
Vatnsvörn baðherbergis. Baðherbergi er votrými með miklu rakaálagi. Þar
sem vandamál varðandi baðherbergi voru mjög áberandi í skýrslunum
var ákveðið að hafa þau sem sérstakan flokk. Vatnsvörn baðherbergis
telst vera uppspretta rakaskemmda ef vatnsvörn sú sem ætla má að sé
í rýminu virkar ekki.
Notkun. Notkun vísar til þess hvort íbúi hafi stuðlað að rakauppsöfnun eða
rakaskemmdum. Hér með telst meðal annars skortur á útloftun, lek
heimilistæki sem ekki er gert við heldur leyft að valda skemmdum og
ýmislegt annað sem íbúi gæti sinnt til að koma í veg fyrir rakauppsöfnun
en lætur hjá líða að gera.
Annað. Ekki var hægt að fella allar uppsprettur rakaskemmda undir þá sjö
flokka sem nefndir hafa verið hér að framan. Í stað þess að búa til
marga fleiri flokka var ákveðið að hafa einn til viðbótar sem hægt væri
að setja aðrar orsakir í. Meðal þess sem lendir í þessum flokki er
sprunga í bílskúrsgólfi sem er völd að leka í íbúð undir bílskúr. Einnig
eru sett hér undir nokkur tilvik þar sem óþétt loftlúga í íbúð olli því að
heitt og rakt loft barst upp í óupphitað þakrými þar sem rakinn þéttist og
olli síðan skemmdum á þakvirki.
Lengi vel var áformað að hafa níunda flokkinn en þar undir átti að skrá orsakir
rakaskemmda sem væru til komnar vegna framkvæmda í upphafi eða seinna á
líftíma mannvirkis. Þar að auki þau augljósu mistök sem væru fólgin í rangri hönnun
eða misskilningi varðandi góðan frágang. Fara átti mjög varlega í skráningu í þennan
flokk þar sem að í skoðunarskýrslum var yfirleitt bent á þann byggingarhluta sem olli
rakavandamálum í stað þess að nefna slæleg vinnubrögð og lélega hönnun sem
orsök. Það er mjög matskennt og teygjanlegt hvað á heima í þessum flokki. Auðvelt
hefði verið að skrá í hann flest þau rakavandamál sem upp hafa komið á þessari öld.
Því var að lokum tekin ákvörðun um að sleppa honum alveg. Efnið er áhugavert og
mjög þarft að fjalla um það en tölfræðilega hefðu niðurstöðurnar ekki verið marktækar
vegna þess hvernig gögnin voru fram sett.
-
15
2.2.2 Skráning rakaskemmda.
Eftir lestur skýrslna kom í ljós að heppilegast var að skipta upplýsingum um íbúðir í
átta flokka. Með því móti náðist best skipulag á skráningu sýnilegra rakaskemmda.
Þessa flokkun má sjá í töflu 2 hér fyrir neðan.
Greinanlegar rakaskemmdir
Gólf
Útveggir
Þak
Innveggir
Loft
Gluggar - Útihurðir
Baðherbergi
Innréttingar
Tafla 2 – Greinanlegar rakaskemmdir.
Gólf. Hér er átt við gólf íbúðar ásamt gólfefnum.
Útveggir. Allt frá veðurkápu húss og að máluðu innra byrði útveggjar.
Þak. Veðurhjúpur þaks ásamt burðarvirki.
Innveggir. Allir veggir mannvirkis að útveggjum frátöldum.
Loft. Loft allra rýma í húsnæði.
Gluggar - Útihurðir. Gluggar og útihurðir ásamt þakgluggum en einnig
umbúnaður þeirra.
Baðherbergi. Rakaskemmdir sem finnast á baðherbergi hvort sem það er á
gólfum, veggjum, í lofti, búnaði eða annars staðar innan rýmis.
Innréttingar. Sjáanlegar rakaskemmdir í innréttingum.
-
16
Það verður að hafa í huga að rakaskemmd er ekki það sama og rakaskemmd. Það
að skipta um vatnsbólginn botn í skáp undir eldhúsvaski er ekki mikið mál fyrir þann
sem kann til verka en að skipta um ónýtt burðarvirki í þaki eða veggjum er stórmál.
Þegar úrvinnsla gagna hófst var vilji fyrir því að meta rakaskemmdir eftir umfangi.
Það reyndist ómögulegt og því eru dæmin sem nefnd eru hér að framan um skápinn
og þakið tvö tilvik um rakaskemmdir sem lögð eru að jöfnu í skýrslunni.
-
17
3.1 Aldursdreifing íbúðahúsnæðis
Aldursdreifing þeirra 150 eigna sem voru greindar reyndist vera eins og sjá má á
mynd 2.
Sjá má að aðeins tólf eignir eru frá fyrstu fjórum áratugum síðustu aldar. Á því geta
verið margar skýringar. Mikið af húsnæði byggt á þessum tíma gæti annað hvort hafa
verið rifið eða farið í gegnum endurnýjun. Einnig voru íbúðabyggingar mun færri á
þessum tíma heldur en síðar.
Mynd 2 – Aldursdreifing eigna.
3 NIÐURSTÖÐUR
-
18
Á næstu mynd má sjá hvernig afleiðingar og orsakir rakaskemmda greinast og
skiptast sé miðað við 20 ára tímabil. Tölurnar sýna meðalfjölda skráninga á hverja
íbúð.
Í einni og sömu húseigninni geta verið fleiri en ein skýring á rakaskemmdum. Þannig
er mögulegt að þak, lagnir og dren séu öll völd að skemmdum í sömu íbúð. 384
orsakir rakaskemmda voru skráðar í þeim 150 eignum sem voru skoðaðar.
Mynd 3 - Ummerki og orsakir rakaskemmda á hverja íbúðareiningu.
Fyrsta tímabilið sker sig nokkuð úr og ekki hægt að sjá neina augljósa skýringu á því,
hvorki með hliðsjón af húsagerð né öðru sem aðgengilegt er. Þó má hafa í huga að á
umræddu tímabili eru einungis fimm eignir.
Að öðru leyti sýnir mynd 3 það sem búast hefði mátt við. Flest tilfelli um ummerki raka
og orsakir eru í elstu eignunum og fæst í þeim yngstu.
-
19
3.2 Orsakir rakaskemmda
Hlutfallslega dreifingu má sjá á mynd 4.
Þar sem hér er fyrsta skífurit skýrslunnar sýnt er rétt að hafa orð á því hvernig lesa á
úr slíkum myndum. Skýringar eru hægra megin við skífuritið og þegar lesa á saman
skýringar og skífu þá á fyrsta skýringin, í þessu tilfelli dren við þann hluta skífunnar
sem byrjar efst og fer síðan réttsælis eins langt og ljósblái liturinn nær og má þá sjá
að dren eru undirrót 7% rakavandamála í húsum. Þar næst koma útveggir með 11%
og síðan er haldið áfram réttsælis eftir úthring skífunnar.
Gluggar og útihurðir auk vatnsvarnar baðherbergja eru áberandi algengustu orsakir
rakaskemmda.
Mynd 4 - Ástæður aukins raka.
-
20
Á skífuritinu hér á undan kemur fram hvað það er sem veldur rakaskemmdum í
íbúðarhúsnæði. Á næstu átta skífuritum verður sundurliðað í hvaða hlutum íbúðar
orsakirnar valda helst skaða.
Aftur er talin þörf á útskýringum. Á mynd 4 kemur fram að dren veldur 7% þeirra tjóna
sem verða vegna raka í íbúðarhúsnæði. Hafa verður í huga að þó að íbúðirnar séu
einungis 150 eru orsakir rakaskemmda alls 384. Því er það þannig að þó að dren
valdi einungis 7% tjónanna samkvæmt mynd 4 þá er um að ræða 7% af 384 en ekki
7% af 150 og þannig eru tjón af völdum drens alls 27 talsins. Dren er því orsök
rakaskemmda í 18% húseigna.
Á næstu mynd má sjá hvar dren veldur skemmdum. Flest tjón verða á útveggjum en
þar á eftir koma gólf.
Mynd 5 - Rakaskemmdir af völdum drens.
-
21
Útveggir eru valdir að rakaskemmdum í 28% húseigna.
Á þessari mynd má sjá hvar útveggir valda skemmdum. Eins og sést eru langmestar
rakaskemmdum í útveggnum sjálfum.
Það sem vekur þó mesta athygli er að ekki er sýnilegt að útveggir valdi skemmdum á
gluggum eða hurðum. Skýringin liggur væntanlega í því hvernig byggingarhlutar eru
flokkaðir. Frágangur milli glugga og hurða annars vegar og útveggja hins vegar
flokkast með gluggum og hurðum. Af því leiðir að rakaskemmdir sem koma þar fram
flokkast ekki undir útveggi.
Mynd 6 - Rakaskemmdir af völdum útveggja.
-
22
Þök eru völd að rakaskemmdum í 36% húseigna.
Hér má sjá að rakaskemmdir af völdum þaka eru mestar í loftum. Þar á eftir koma
skemmdir á þökunum sjálfum og í þriðja sæti eru útveggir.
Það kemur á óvart að þök eru ekki efst á blaði á þessu skífuriti. Ástæðan er sú að
rakaskemmdir eru vel sýnilegar í loftum herbergja. Ekki var í öllum tilvikum skoðað
hvernig ástatt var um þökin sjálf þar sem ómögulegt var í sumum tilfellum að skoða
þökin nema rjúfa þau með tilheyrandi raski og kostnaði. Í þeim tilfellum þar sem ekki
var minnst á rakaskemmd í þaki var engin skemmd skráð á þaki.
Mynd 7 - Rakaskemmdir af völdum þaka.
-
23
Gluggar og útihurðir valda rakaskemmdum í 61% húseigna.
Skemmdir af völdum glugga og útihurða eru áberandi mestar á útveggjum. Þar á eftir
koma síðan gluggar og útihurðir ásamt gólfum.
Mynd 8 - Rakaskemmdir af völdum glugga og útihurða.
-
24
Vatnsvörn baðherbergis veldur rakaskemmdum í 54% húseigna.
Þegar vatnsvörn baðherbergis virkar ekki verður yfirgnæfandi hluti skemmda eðlilega
á baðherberginu sjálfu eða yfir 70%.
Mynd 9 - Rakaskemmdir vegna vatnsvarnar baðherbergis.
-
25
Lagnir valda rakaskemmdum í 23% húseigna.
Rakaskemmdir af völdum lagna eru tíðastar í gólfum og innveggnum. Þar á eftir
koma baðherbergi.
Mynd 10 - Rakaskemmdir af völdum lagna.
-
26
Notkun veldur rakaskemmdum í 31% húseigna.
Rakaskemmdir vegna rangrar umgengni íbúa eða hvernig þeir haga sér koma helst
fram í útveggjum. Því næst koma gólf ásamt gluggum og hurðum.
Mynd 11 - Rakaskemmdir vegna umgengni íbúa.
-
27
Annað veldur rakaskemmdum í 5% húseigna.
Aðrar orsakir rakaskemmda eru aðallega vegna óþéttra loftlúga sem hleypa heitu
rakamettuðu lofti upp í kalt þakrými húss.
Mynd 12 - Rakaskemmdir af öðrum orsökum.
-
28
3.3 Sjáanlegar rakaskemmdir
Rakaskemmdir reyndust samkvæmt samantekt vera 678. Skoðaðar skýrslur voru 150
og því voru að meðaltali rúmlega 4,5 rakaskemmdir í hverri íbúð.
Á mynd 13 má sjá í hvaða hlutum húss rakaskemmdir komu fram.
Eins og sjá má eru ummerki um raka oftast sýnileg í útveggjum. Gólf eru í öðru sæti
og baðherbergi í því þriðja.
Mynd 13 - Ummerki um rakaskemmdir.
-
29
3.4 Þök
Þar sem myndirnar hér að ofan taka mið af öllum eignum var ákveðið að skoða nánar
þau 75 þök sem tilheyra einbýlum.
Þök eru hér flokkuð í þrjár gerðir. Hefðbundin létt timburþök, uppstóluð þök og síðan
flöt þök.
Fjöldi Meðalaldur [ár]
Létt timburþök 52 43
Uppstóluð þök 13 44
Flöt þök 10 24
Tafla 3 – Fjöldi og aldur eigna.
Varðandi meðalaldur þá er ekki vitað hvort í einhverjum tilvikum er búið að endurgera
þak að einhverju eða öllu leyti.
Við athugun á gögnum kom í ljós að um 50% léttra timburþaka og uppstólaðra þaka
orsökuðu rakavandamál. Hvað varðar flöt þök þá voru 40% eða fjögur þök af tíu völd
að rakaskemmdum.
Eins og sjá má hér að ofan þá eru flöt þök að jafnaði nær helmingi yngri en þök með
annarri uppbyggingu.
Það verður þó að fara varlega í að draga ályktanir af þessu þar sem úrtakið er fremur
lítið.
-
30
Niðurstöður út frá þeim atriðum sem valda rakaskemmdum.
4.1 Gluggar og útihurðir
Gluggar og útihurðir eru stærsta einstaka orsök rakaskemmda í íbúðarhúsnæði
samkvæmt þeim skýrslum sem voru greindar og eiga í sameiningu sök á 24% eða
nær fjórðungi allra rakaskemmda. Þetta ætti ekki að koma á óvart. Gluggar og
útihurðir eru hluti af veðurhjúp bygginga en með ísetningu þessara eininga eru rofin
göt í útveggi og þök.
Fjölda skýringa er að finna í skoðunarskýrslum en meðal þess helsta má nefna að í
mjög mörgum tilvikum hafa þéttingar milli gluggaramma og veggja gefið sig. Þá er að
sjálfsögðu hætt við að vatn komist bæði inn í útvegginn og inn í íbúðina. Þegar
skoðaðar eru skýrslur um nýleg hús má jafnvel láta sér detta í hug að þessi frágangur
hafi ekki verið fullnægjandi í upphafi. Annað sem er mjög áberandi í skýrslum er að
þéttilistar við opnanleg fög og hurðir séu farnir að gefa sig. Erfitt getur verið að bæta
úr þessu. Eitt vandamál í því sambandi er að ekki er alltaf auðvelt að finna rétta
tegund þéttilista þegar kemur að endurnýjun þeirra. Annað vandamál er að þótt réttir
þéttilistar finnist er oft erfitt að koma þeim fyrir í gömlum fölsum því þeir geta losnað
mjög auðveldlega. Þetta skýrist bæði af því að smávægilegar breytingar hafa átt sér
stað í römmum og fölsum og að stundum hefur aðeins brotnað úr efni þannig að
raufar sem þéttilistar skorðast í gefa ekki lengur fullnægjandi festu.
Einnig er spurning hvort gluggar og hurðir þola í öllum tilvikum íslenskt veðurfar þar
sem slagregn er meira en víðast annars staðar.
Sem dæmi um prófun sem framkvæmd er á Íslandi og framleiðendur geta státað sig
af er slagregnsprófun sem framkvæmd er af Nýsköpunarmiðstöð Íslands (NMÍ).
Framleiðandi skilar inn glugga og glugginn er prófaður. Standist glugginn staðlaða
prófun hefur viðkomandi fyrirtæki fengið staðfestingu um að framleiðsluvara
fyrirtækisins uppfylli slagregnsprófun. Þessi prófun heldur aðeins gildi sínu ef
glugginn er frágenginn og glerjaður af framleiðenda en vitað er um framleiðendur
sem státa af þessari vottun en eiga það til að afhenda glugga óglerjaða út úr
verksmiðju og jafnvel fylgja lamir fyrir hurðir og opnanleg fög með í kössum ásamt
þéttilistum þannig að kaupandi þarf að púsla öllu saman sjálfur.
4 UMFJÖLLUN
-
31
Ísetning glugga og útihurða auk þéttinga milli ramma og aðliggjandi veðurhjúpa er
síðan kafli út af fyrir sig. Ekki er að sjá að mikið finnist af leiðbeiningum varðandi
festingar, þéttingar og frágang á þessum hlutum hússins þó telja verði að nefnd atriði
séu mikilvægari en margt annað. Það gæti verið verðugt rannsóknarverkefni að
kanna regluverk og leiðbeiningar um ísetningu glugga og útihurða þar sem það virðist
vera stór orsök í lekum og skemmdum sem þeim fylgja.
Rakaskemmdir í útveggjum má í 42% tilfella rekja til glugga og útihurða. Sú
staðreynd ætti ekki að koma á óvart. Veðurkápan er rofin til að koma römmum fyrir
og ef frágangur er ekki fullnægjandi þá er komin lekahætta í útvegginn eða þakið
með ávísun á rakavandamál. 35% tilfella um hækkaðan raka í gólfum má einnig rekja
til glugga og útihurða. Í gólfinu geta skapast vandamál þar sem það er vanalega klætt
með dúk, flísum, parketi eða öðrum hefðbundnum gólfefnum. Raki í parketi eða
dúkalími skapar kjöraðstæður fyrir vöxt myglu og hana vill enginn hafa heima hjá sér.
Það er nokkuð greinilegt að betur þarf að huga að ísetningu og viðhaldi glugga og
útihurða þar sem þetta tvennt virðist vera helsti skaðvaldurinn í íbúðarhúsnæði miðað
við þessa úttekt.
4.2 Vatnsvörn baðherbergja
Vatnsvörn er það kallað þegar vatnshelt lag er sett á gólf og veggi votrýma í þeim
tilgangi að vatn og raki berist ekki inn í aðliggjandi byggingarhluta. Vatnsvörn eða
membru var byrjað að nota á baðherbergi undir lok síðustu aldar. Þar áður var
svokölluðu dragi blandað í flísalím og blandan var síðan dregin á fleti til að búa til
vatnshelda himnu. Þar áður kom það fyrir að rýmið var tjargað til að mynda vatnsvörn
en það var þó sjaldgæft í íbúðarhúsnæði. Framan af tuttugustu öldinni voru
baðherbergi þannig skipulögð að yfirleitt var baðker en ekki sturta. Því var ekki jafn
mikið rakaálag á baðherbergi af völdum rennandi vatns og er í dag.
Baðherbergið er yfirleitt það rými íbúðarhúsnæðis þar sem vatnsálag innan úr rýminu
er mest. Þegar vatnsvörn baðherbergis er ekki til staðar eða hún bregst veldur það
rakavandamálum á baðherbergjum og í mörgum tilfellum einnig í aðliggjandi rýmum.
Vandamál sem orsakast af ófullnægjandi vatnsvörn baðherbergja valda rúmlega
fimmtungi af rakaskemmdum í íbúðarhúsnæði.
Samkvæmt samantekt eru það baðherbergi og þá í flestum tilvikum gallar í vatnsvörn
þeirra sem valda langflestum rakaskemmdum á baðherbergjum. Að auki er vatnsvörn
baðherbergja orsök um fjórðungs þeirra rakaskemmda sem finna má í innveggjum en
það eru þá veggir sem eru aðliggjandi baðherbergjunum.
Við skoðun á skýrslum sést að nokkuð er um flísafúgur sem byrjaðar eru að gefa sig.
Ekki er hægt að líta þannig á að flísar og þaðan af síður fúgan á milli þeirra sé
vatnsheld (Jón Sigurjónsson, 2017). Einnig er algengt að minnst sé á slakan frágang
þar sem lagnir koma inn í baðherbergi, til dæmis við heitt og kalt vatn í sturtu. Nokkuð
algengt er að veggur hefur verið gataður til að koma vatnslögn á sinn stað. Ekki er
-
32
hugað að því að þétta milli lagna og veggja heldur er rósetta eða annað sett yfir gatið
til að fela það. Þó svo að íbúinn sjái ekki opið inn í vegg leitar rakinn þangað inn og
vatn getur jafnvel runnið þessa leið inn í vegginn, til að mynda við blöndunartæki
sturtu þar sem hluti vatnsins lendir á vegg og rennur niður. Þriðja atriðið sem mikið
ber á í skýrslum er að kíttun eða þéttiefni er byrjuð að mygla. Myglað kýtti á
baðherbergjum getur átt sér tvær orsakir. Fyrri skýringin er sú að ryk og óhreinindi
hafi safnast utan á rétta tegund af kýtti og síðan hafi rykið byrjað að mygla. seinni
skýringin er að röng tegund af kýtti hafi verið notuð. Þá byrjar kýttið sjálft að mygla.
Mygla í íbúðarhúsnæði er alltaf ávísun á vandamál.
Við skoðun mynda af aðstæðum virðist vera að nokkuð mörg baðherbergi í eldri
húsum þar sem rakavandamál eru til staðar hafi fengið andlitslyftingu, það er að
segja að þau virðast vera nýlega uppgerð. Það vekur upp þá spurningu hvort
vatnsvörn hafi verið sett þegar baðherbergi var endurnýjað. Einnig er spurning hvort
alltaf séu notuð þéttiefni sem þola það álag sem er fyrir hendi.
Það blasir við í þeim skýrslum sem voru skoðaðar og ekki síður er það skoðun
höfundar eftir áralanga reynslu sem iðnaðarmanns að þegar unnið er við
baðherbergi, hvort heldur þau eru nýútbúin eða endurgerð að mest áhersla er á að
þau líti rétt út en ekki að þau séu rétt uppbyggð.
Það virðist vera þannig að þegar gera á upp gamalt baðherbergi eru valdar flísar,
tæki og innréttingar sem falla að smekk íbúðareiganda og mikill metnaður er lagður í
nýtt og glæsilegt útlit en eðlilega er það þannig að sá sem er að láta endurgera
gamalt baðherbergi hefur lítið vit á byggingareðlisfræði og rakavandamálum og
leggur því mesta áherslu á hversu vel endurgerðin lítur út þegar verkinu er lokið. Oft
er litið á handverk flísalagningamannsins sem mælikvarða á hversu vel hefur tekist til.
Því miður er það þannig að þeir sem ráðnir eru til verksins hafa oft og tíðum heldur
ekki vit á byggingaeðlisfræði. Þar sem oftast er farið í slíkar endurbætur án aðila með
þekkingu sem hefur umsjón með framkvæmdum er ekki sjálfgefið að rétt sé staðið að
öllu. Það leita því á hugann efasemdir um hvort vatnsvörn var sett á veggi rýmisins
þegar búið var að fjarlægja eldri frágang.
Upplýsingagjöf til almennings sem fer í framkvæmdir virðist því miður ekki vera of
mikil. Mikla þekkingu má finna í RB-blöðunum svokölluðu sem voru lengi gefin út af
Rannsóknarstofnun Byggingariðnaðarins og margir iðnaðarmenn og hönnuðir voru
áskrifendur að. Þau eru í dag gefin út af Nýsköpunarmiðstöð Íslands. Þó að netið sé
komið til sögunnar voru þessi blöð lengi vel ekki finnanleg þar og þau ekki fáanleg
nema farið væri í Grafarvoginn og útprentaðar leiðbeiningar keyptar. Vorið 2019 var
byrjað að selja þessi leiðbeiningarrit rafrænt. Þó svo að flest þessara rita kosti ekki
nema tvö til þrjú þúsund krónur gæti það hindrað kaup margra þar sem ritin eru mörg
og til að versla öll þau rit sem snúa að raka og tengdu efni svo dæmi sé tekið gæti
þurft að greiða fyrir sex til tíu bæklinga. Almennt áttar fólk sig ekki á mikilvægi þess
að ganga rétt frá hlutunum og telur að með því að kaupa einhverjar leiðbeiningar sé
einungis verið að auka kostnað við framkvæmdir. Íbúarnir vita auðvitað hvernig rýmið
-
33
á að líta út þegar framkvæmdum er lokið. Ef þeir sem fara í framkvæmdir hefði
aðgang að þessum RB-leiðbeiningum án endurgjalds gætu einhverjir aðilar sparað
sér stórar fjárhæðir vegna mögulegra rakaskemmda þar sem þeir hefðu þá fengið
góðar leiðbeiningar.
Sé tekið mark á þeim aðilum sem standa að byggingu íbúðarhúsnæðis í dag geta
ekki komið upp mörg vandamál. Gæðakerfi, gæðatryggingar og önnur kerfi auk
mikillar þekkingar á því hvernig byggja á húsnæði gerir það að verkum að fáir gallar
ættu að vera í nýbyggðum húsum. Reyndin virðist vera nokkuð önnur. Það er
niðurstaða nýlegs meistaraverkefnis í byggingaverkfræði við HR (Sigurður Rúnar
Birgisson, 2013) þar sem skoðaðir voru byggingagallar í húsnæði sem byggt var á
árunum 1998 - 2012 að bætur hafi verið greiddar vegna tjóns í einni af hverjum
þrettán húseignum sem byggðar voru á þessu tímabili. Þetta eru einungis þau mál
þar sem dómur var felldur. Leitt er líkum að því að þau mál sem samið var um séu
mun fleiri.
Samkvæmt skoðuðum skýrslum finnast dæmi um baðherbergi í nýlega byggðum
húsum þar sem engin vatnsvörn virðist vera til staðar og þar sem opin göt eru í
veggjum. Einnig dæmi um að niðurfall í gólfi sé hæsti punktur gólfsins eða að kítti
sem þolir ekkert rakaálag hafi verið notað á baðherbergi. Einnig finnast dæmi þess
að ekki sé notað kítti í kverkum heldur sé flísafúga sett þar sem veggur mætir vegg
eða gólfi.
4.3 Þök
Ýmislegt tínist til sem gerir það að verkum að rakavandamál orsakast af völdum
þaka.
Í nokkrum tilvikum er minnst á leka meðfram skorsteinum, reykrörum og túðum en
þetta eru hlutir sem eiga það sameiginlegt að gata veðurhjúp hússins. Bæði má sjá
að minnst er á lélegan frágang í kringum opnanir á veðurhjúp þaksins en einnig kom
það fyrir að frágangur var kominn til ára sinna og þurfti orðið endurnýjunar við.
Annað sem kemur fram í skýrslum er að loftun virðist vera til vandræða í sumum
tilvikum. Annars vegar var minnst á í skýrslum að loftun væri hreinlega ekki að virka
og að rakavandamál væri framkomin vegna hennar en mögulega er því um að kenna
að loftrásir eru farnar að stíflast vegna aldurs húsa þar sem óhreinindi hafa safnast
fyrir í skordýravörnum loftrása. Hins vegar var minnst á hús byggð á þessari öld þar
sem rakavandamál hafa komið fram í þökum vegna ónógrar loftunar en þar er ekki
hægt að kenna því um hversu gömul þökin eru orðin. Þar er minnst á þök með margs
konar uppbyggingu en mesta athygli vekja tvö dæmi um flöt þök uppbyggð með
timburvirki. Í öðru tilvikinu er búið að endurbyggja bæði veðurhjúp og annað sem
tilheyrir efsta lagi þaksins og í hinu tilvikinu er búið að reyna lagfæringar og það
næsta sem er á döfinni er að endurbyggja þakið eins og það leggur sig.
-
34
Enn eitt verður að nefna sem hefur valdið vandamálum í þökum. Það er þegar
þakkantur er endursmíðaður. Fyrir kemur að lítil þekking er til staðar þegar kemur að
loftun þaka og endursmíðaður þakkantur lokar fyrir allt aðstreymi lofts að loftun þaks.
Það sama á sér stað eins og varðandi vatnsvörn baðherbergja. Eigandi húsnæðis
veit hvernig endurbyggður þakkantur á að líta út. Nýr þakkantur er byggður en lokað
er fyrir loftun vegna þekkingarleysis. Sá aðili sem vinnur verkið en það gæti verið
eigandinn sjálfur eða einhver annar veit ekki að gegnumstreymi lofts gegnum þakið
er mikilvægt til að rakinn í þakinu haldist innan marka. Þar sem loftun þaksins hefur
verið lokað sem afleiðing af endurbótunum tekur við uppsöfnun raka sem leiðir af sér
rakaskemmdir og tilheyrandi vandamál.
4.4 Notkun
Eitt atriði enn sem nefnt verður hér sem ein af orsökum rakaskemmda er notkun íbúa
á húsnæðinu eða það hvernig venjulegur íbúi hagar sér þar sem hann býr. Með góðri
umgengni getur íbúi átt stóran þátt í að húsnæðið virki rétt og að allt sé í lagi en
nokkuð virðist vera um að íbúar hafi litla hugmynd um það hvernig þeir eigi að ganga
um húsnæðið til að allt haldist í góðu horfi.
Eitt sem minnst er á í skýrslum er að leka verður vart frá tækjum og búnaði sem íbúi
lætur hjá líða að stöðva. Mest áberandi eru þó skemmdir af völdum rakaþéttingar
vegna skorts á útloftun. Heitt inniloft getur innihaldið ákveðið magn af vatnsgufu.
Margt sem íbúi gerir veldur því að rakaíbæting á sér stað. Sem dæmi má nefna
uppvask, baðferðir og þrif en auk þess gefur íbúinn sjálfur frá sér raka í formi svita
eða útgufunar um húð. Með því að opna glugga eða loftræsa húsnæðið á annan hátt
er rakinn jafnframt fjarlægður en sé lofti ekki hleypt út safnast rakinn upp þar til hann
fellur út eða þéttist á kaldari flötum eða byggingarhlutum. Sem dæmi um
rakaútfellingu er þegar raki þéttist á rúðum eða við kuldabrýr.
Raki af völdum íbúa kemur nokkuð jafnt niður á öllum hlutum byggingarinnar að
þakinu undanskildu. Þó verður að hafa í huga að hver skoðun tekur aðeins
klukkustund og því óraunhæft búast við að þak sé skoðað gaumgæfilega.
4.5 Útveggir
Útveggir voru við greiningu gagna flokkaðir í fjórar gerðir, timburveggi, steypta veggi
einangraða að utan, steypta veggi einangraða að innan og steypta veggi einangraða
bæði að utan og innan.
Við vinnslu skýrslunnar var áhugi fyrir að bera saman mismunandi gerðir útveggja og
sjá hvort hægt væri að greina eitthvað mynstur varðandi rakaskemmdir eftir gerðum
útveggja. Úr því varð þó ekki. Af 150 eignum sem voru greindar reyndist 131 vera
með hinum hefðbundna íslenska útvegg, það er að segja steypt að utan og
einangrað að innan og þær 19 eignir sem eftir voru skiptust í hina þrjá flokkana
þannig að samanburður hefði ekki verði markverður. Þetta hlutfall vegggerða kemur
þó ekki á óvart þar sem íslenski útveggurinn svokallaði hefur í áratugi verið ráðandi
-
35
við byggingu íbúðarhúsnæðis hér á landi. Vaxandi efasemdir hafa verið um ágæti
þessarar veggjagerðar en af einhverri ástæðu hefur hún verið ráðandi. Ekki hafa
fundist rök fyrir þessari séríslensku uppbyggingu en sú skýring hefur heyrst að vegna
veðurfars hérlendis hafi það einfaldlega verið freistandi að forða sér sem fyrst í skjól
undan misjöfnum verðum og verður sú skýring að teljast líkleg.
Það sem reyndist valda mestu rakaálagi á útveggi að gluggum og útihurðum
frátöldum voru útveggirnir sjálfir eða veikleikar í þeim. Þar virtist oft vera um að ræða
sprungur, gjarnan við svalir en einnig við steypuskil og á öðrum stöðum.
Það má efast um ýmislegt varðandi Íslenska útvegginn, ekki síst í ljósi þess sem
kemur fram hér að framan. Fyrst má velta því fyrir sér hvort steinsteypan á nokkuð
heima úti í veðrum og vindum. Væri ekki öruggara að hafa steypt burðarvirkið innan
veðurkápunnar í stað þess að steypan sé sjálf veðurkápan? Steypa er rakadræg sé
hún ekki útbúin eða varin á réttan hátt og hún þarfnast viðhalds og umhyggju. Ef
viðhaldi er ekki sinnt á réttan hátt getur steyptur útveggurinn hæglega skemmst
vegna víxlverkunar frosts og þíðu í sprungum svo eitthvað sé nefnt.
Annað sem liggur beint við að nefna varðandi útvegginn sem er til umræðu er
byggingaeðlisfræðin. Inni í íbúðarhúsi má búast við yfir tuttugu stiga hita eins og
íbúar kjósa yfirleitt að hafa í hýbýlum sínum. Flestir íslendingar eru svo lánsamir að
geta haldið því hitastigi sem þeim líður vel í heima hjá sér án þess að veskið tæmist.
Úti getur verið frost. Steypti útveggurinn sem hefur mjög lítið einangrunargildi getur
kólnað það mikið að frost sé á mörkum steypu og einangrunar. . Dæmi þekkjast um
að rakt loft sem berst í skil milli steypu og einangrunar hafi kólnað þannig að
rakaútfelling hafi átt sér stað. Síðan gerist það að raki sem safnast þannig upp hafi
frosið og þegar útveggur var opnaður blasti við klaki í miðjum vegg. Ekki var hægt að
greina í skýrslum hvort þetta var reyndin í einhverjum tilvikum.
Enn ein athugasemdin sem gera má við Íslenska útvegginn er varðandi kuldabrýr.
Köld steinsteypan er tengd við plötur og milliveggi þannig að kuldi leiðir í gegnum
steypuna sem hefur lágt einangrunargildi og inn í rými hússins. Þar er viðbúið að
verði rakaþétting með þeim afleiðingum að mygla byrjar að ná sér á strik. Þetta getur
komið fram sem sverta við útveggi þar sem steyptur útveggur er tengdur beint við
plötu.
Með því að fylgja eftir þeirri þróun sem er að verða í byggingu útveggja mætti ætla að
mörg vandamál væru leyst. Með því að einangra hús að utan og setja veðurkápu yst
er komið í veg fyrir vandamál varðandi sprungur í steypu sem geta leitt raka inn í hús,
kuldabrýr og rakaútfellingu milli steypu og einangrunar í íslenska útveggnum svo
eitthvað sé nefnt.
Þó verður alltaf að huga vel að frágangi. Dæmi eru um að þéttingar á steypuskilum
og við glugga í nýlega byggðum húsum hafi ekki verið nægilega vel frágengnar. Fleiri
vandamál hafa einnig komið upp.
-
36
4.6 Lagnir
Lagnir valda rakaskemmdum í 23% íbúða samkvæmt þessari samantekt. Hér er
tvennt sem hafa verður í huga. Annað er það að undir lagnir flokkast ekki bara rör og
pípur heldur líka allur búnaður eins og kranar, blöndunartæki og annar tengibúnaður
við lagnakerfi. Hitt er það að við nánari skoðun kom í ljós að meðalaldur húsa þar
sem lagnir voru að valda skemmdum er um fimmtíu ár. Hús þarfnast viðhalds og því
er mjög freistandi að áætla að í mörgum tilfellum sé einfaldlega kominn tími á
endurnýjun lagna og tengds búnaðar vegna aldurs.
4.7 Dren (Þerrilagnir)
Dren hefur valdið rakaskemmdum í 18% þeirra eigna sem skoðunarskýrslur ná yfir.
Þegar skoðaður er aldur þessara eigna kemur í ljós að þær eru að meðaltali 58 ára
gamlar. Í skýrslum er í einhverjum tilvikum efast um að dren virki sem skyldi en einnig
er spurning hvort drenlagnir eru yfirhöfuð til staðar í mörgum þessara gömlu eigna.
Mörg tilfelli eru þekkt í eldri hverfum Reykjavíkur þar sem verið er að setja dren í
fyrsta skipti sem endurbótaaðgerð á eldra húsnæði.
4.8 Annað (Loftlúgur)
Hér voru sett örfá atriði sem ekki pössuðu annars staðar inn í flokkunina. Þegar þessi
atriði eru skoðuð nánar sést að flest þeirra snúast um að sett hefur verið lúga í loft
íbúðarhúsnæðis til að komast upp í kalt þakrými yfir íbúð. Slíkar loftlúgur eru jafnvel
settar í votrými eins og þvottahús.
Hugmynd íbúa með slíkri ráðstöfun er að sjálfsögðu að gera aðgengilegt gott
geymslurými sem annars stendur bara tómt engum til gagns. Það sem gerist eftir að
lúga hefur verið sett upp er að heitt rakt loft fer að streyma neðan úr íbúðinni og upp í
þakrýmið. Þar kólnar loftið með þeim afleiðingum að raki fellur út ef loftun þaks er
ekki þeim mun betri. Þekkt eru dæmi um að burðarvirki heilla þaka hafa eyðilagst
vegna myglu þar sem orsökin er rakin til loftleka með óþéttum loftlúgum.
-
37
Eins og sjá má hér að framan er ýmislegt sem getur valdið rakavandamálum í
húsnæði en erfitt er að benda á eitt atriði sem aðalorsök. Til að gera langa sögu
stutta verða hér nefndir stærstu valdarnir að rakaskemmdum samkvæmt þessari
samantekt.
Gluggar og hurðir eru efst á blaði. Ísetning og frágangur þessara eininga virðist vera
með ýmsu móti og alls ekki í eins föstum skorðum og æskilegt væri. Þegar kemur að
endurnýjun á það sama við. Viðhaldi virðist þess utan oft ekki vera sinnt fyrr en allt er
komið í óefni.
Þörf er á vitundarvakningu þegar kemur að frágangi og endurgerð baðherbergja. Í
ljósi þess tjóns sem getur orðið af völdum baðherbergja ætti að standa mun betur að
framkvæmdum en almennt virðist vera gert. Þau geta orðið dýrustu herbergi hússins
ef ekki er vandað til verka.
Þriðja atriðið sem verður sérstaklega nefnt hér er hvernig íbúar umgangast
húsnæðið. Það virðist vera þannig að koma mætti í veg fyrir mikið tjón með því að
umgangast húsnæði á réttan hátt með því til dæmis að opna glugga eða bregðast við
þegar vart verður við leka eða annað sem gæti orsakað skemmdir.
Íbúðarhúsnæði eldist eins og allt annað og lætur á sjá með tímanum og ekkert er
eðlilegra en þá er líka rétt að bregðast við. Þegar upp er staðið er fyrirbyggjandi
viðhald alltaf ódýrara en björgunaraðgerðir þær sem fara þarf í þegar allt er komið í
óefni. Auk þess er það þannig að kostnað við viðgerðir á húsnæði má meta í krónum
og aurum en ekki er hægt að leggja þá mælistiku á tjón þeirra einstaklinga sem
veikjast og missa heilsuna vegna veru í rakaskemmdu og óíbúðarhæfu húsnæði.
5 SAMANTEKT
-
38
Fyrir nokkrum árum var boðuð innleiðing einhvers konar handbókar um hvernig
standa ætti að framkvæmdum við húsnæði til þess að sem flest væri rétt gert og sá
sem ekki vissi gæti leitað á góðan stað til að fá leiðbeiningar. Því miður bólar ekkert á
slíku enn en það eitt væri eflaust til mikilla bóta. All mikið er þó til af leiðbeiningum um
ýmislegt sem snýr að viðgerðum og góðum frágangi og má þar meðal annars nefna
hin svokölluðu RB-blöð. Þau voru þó ekki finnanleg á netinu fyrr en fyrri hluta árs
2019 þegar loks var opnað fyrir rafrænan aðgang og því voru margir sem vissu ekki
einu sinni af tilvist þeirra. Auk þess þarf að greiða fyrir aðgang.
Margar spurningar hafa vaknað við vinnslu þessarar skýrslu. Spurningar eins og
hvort hönnun sé í lagi, hvort byggingarefni og meðhöndlun þeirra sé í lagi, hvort þeir
sem vinna störfin viti hvernig eigi að bera sig að, hvort fólk kunni að búa í húsunum
sínum og þannig mætti halda áfram.
Það sem hefur vakið einna mesta furðu er mikill skortur á rannsóknum og hversu
umdeilanlegar byggingaraðferðir eru þar sem staðreyndir liggja ekki endilega fyrir um
kosti og galla mismunandi uppbyggingar byggingarhluta hérlendis heldur virðist það
upp að vissu marki vera skoðanir og trú sem ræður för.
6 LOKAORÐ
-
39
Becher, R., Høje, A.H., Bakke, J.V., Holøs, S.B., Øvrevik, J. (2017). Dampness and Moisture
Problems in Norwegian Homes. International Journal of Environmental Research and Public
Health. Sótt 8. nóvember 2019 af: https://www.ncbi.nlm.nih.gov/pmc/articles/PMC5664742/
Byggforskserien. (2010). 700.110 Byggskader. Oversikt. Sótt 14. Nóvember 2019 af:
https://www.byggforsk.no/dokument/629/byggskader_oversikt#i4
Ásrún Brynja Ingvarsdóttir. (7.október 2019). Hefur skipað faghóp um vandamál tengd myglu.
RÚV. Sótt 7. Nóvember 2019 af: https://www.ruv.is/frett/hefur-skipad-faghop-um-vandamal-
tengd-myglu
Björn Marteinsson. (2008). Íslenski útveggurinn – efniseiginleikar, rakaástand og
viðhaldsþörf. Nýsköpunarmiðstöð Íslands.
Byggingarreglugerð. (2012)
Fasteignaleit. https://skra.is/leit-i-fasteignaskra/
Guðmundur L. Hafsteinsson (e.d.). Ágrip íslenskrar húsagerðarsögu fram til 1970. Sótt af:
http://www.minjastofnun.is/media/skjol-i-grein/agripislhusagG.pdf
Iðan fræðslusetur. (2013). Námskeiðsgögn. Þök, rakaástand og mygla.
Jón Sigurjónsson. (2016). Frágangur votrýma. Nýsköpunarmiðstöð íslands.
7 HEIMILDIR
https://www.ncbi.nlm.nih.gov/pmc/articles/PMC5664742/https://www.byggforsk.no/dokument/629/byggskader_oversikt#i4https://skra.is/leit-i-fasteignaskra/http://www.minjastofnun.is/media/skjol-i-grein/agripislhusagG.pdf
-
40
Jón Sigurjónsson. (2017). Flísaklæddir votrýmisveggir. Nýsköpunarmiðstöð íslands.
Jónas Hlynur Hallgrímsson & Sveinn Agnarsson. (2011). Hagfræðileg greining á nýtingu
vatns (No. C11:04). Hagfræðistofnun Háskóla Íslands. Sótt af:
https://ust.is/library/Skrar/Atvinnulif/Haf-og-
vatn/Vatnatilskipun/Hagfr%C3%A6%C3%B0ileg%20greining%20vatnsnotkunar%202011-
C11_04.pdf
Morse, R., Acker, D. (2014). Indoor Air Quality and Mold Prevention of the Building
Envelope. Sótt 29. október af: https://www.wbdg.org/resources/indoor-air-quality-and-mold-
prevention-building-envelope
Nevalainen, A., Partanen, P., Jääskeläinen, E., Hyvärinen, A., Koskinen, O., Meklin, T.,
Vahteristo, M., Koivisto, J. & Husman, T. (1998). Prevalence of Moisture Problems in Finnish
Houses.
Orkusetur – Húshitun (2017). Sótt 6.september 2019 af: https://orkusetur.is/hushitun/
Raki í húsum – Almenn atriði. (2006). Rannsóknastofnun byggingaiðnaðarins.
Sigurður Rúnar Birgisson. (2013). Byggingargallar í nýbyggingum á Íslandi.
http://hdl.handle.net/1946/16104
Umhverfisstofnun. (2015). Inniloft, raki og mygla í híbýlum.
World Health Organization, 2009
WHO guidelines for indoor air quality: dampness and mould. Sótt 10. október 2019 af:
http://www.euro.who.int/__data/assets/pdf_file/0017/43325/E92645.pdf?ua=1
https://ust.is/library/Skrar/Atvinnulif/Haf-og-vatn/Vatnatilskipun/Hagfr%C3%A6%C3%B0ileg%20greining%20vatnsnotkunar%202011-C11_04.pdfhttps://ust.is/library/Skrar/Atvinnulif/Haf-og-vatn/Vatnatilskipun/Hagfr%C3%A6%C3%B0ileg%20greining%20vatnsnotkunar%202011-C11_04.pdfhttps://ust.is/library/Skrar/Atvinnulif/Haf-og-vatn/Vatnatilskipun/Hagfr%C3%A6%C3%B0ileg%20greining%20vatnsnotkunar%202011-C11_04.pdfhttps://www.wbdg.org/resources/indoor-air-quality-and-mold-prevention-building-envelopehttps://www.wbdg.org/resources/indoor-air-quality-and-mold-prevention-building-envelopehttp://hdl.handle.net/1946/16104http://www.euro.who.int/__data/assets/pdf_file/0017/43325/E92645.pdf?ua=1
-
41
Hér má sjá sýnishorn eða skjáskot af því skráningarformi sem sett var upp í Excel til að halda
utan um upplýsingar þær sem skráðar voru.
Línur voru hafðar beykilitar eða hvítar til skiptis. Alltaf þegar byrjað var að skoða næstu eign
var skipt um lit þannig að upplýsingar yrðu sýnilegri.
Hver eign hafði línufjölda til samræmis við fjölda þeirra atriða sem orsökuðu rakavandamál í
viðkomandi íbúð. Þannig gátu línur sem tilheyra hverri íbúð verið á bilinu 1-8.
Þegar hafin var skráning nýrrar skýrslu voru upplýsingar um eignina settar í fyrstu línuna sem
tilheyrði þeirri íbúð. Í sömu línu var sett fyrsta eða eina orsök rakaskemmda sem heyrði til
sömu eign. Oft voru fleiri orsakir rakaskemmda í sömu íbúð og var þá bætt við línum eins og
þurfti.
Eins og sjá má á mynd 14 voru ákveðnar upplýsingar um eignina skráðar í dálka A-L.
Á mynd 15 má sjá að upplýsingar um rakaskemmdir voru skráðar í dálka M-T. Síðan voru
upplýsingar um orsakir rakaskemmda skráðar í dálka U-AB.
Í dálk AC voru skráðar athugasemdir þegar eitthvað vakti sérstaka athygli. Þar á eftir voru
dálkar nýttir til að setja upp skilyrði í Excel til að kalla fram þær upplýsingar sem leitað var að
hverju sinni. Í framhaldi af því voru búin til skífurit eða súlurit eða annað sem vantaði til að ná
fram upplýsingum.
Eins og sjá má á skjáskotum var talan 1 sett til að merkja við þegar eitthvað var viðeigandi en
annars var ekki merkt í reit.
VIÐAUKI
-
42
Mynd 14 - Dæmi um skráðar upplýsingar um íbúðir.
Mynd 15 - Dæmi um skráðar upplýsingar um rakaskemmdir og orsakir þeirra.
Forsíða - Titilsida 2019Lykilsíða - Arnar Þór HrólfssonSkýrslan