Qyteterimi Antik Ne Kaoni
-
Upload
valbona-ramallari -
Category
Documents
-
view
36 -
download
12
description
Transcript of Qyteterimi Antik Ne Kaoni
REPUBLIKA E SHQIPËRISË
UNIVERSITETI I TIRANËS
FAKULTETI I HISTORI-FILOLOGJISË
DEPARTAMENTI I HISTORISË
Qytetërimi Antik në Kaoni
PUNOI PRANOI
Armand Ramallari Prof.as.Dr Teki Kurti
Tiranë, 2015
PASQYRA E LËNDËS
HYRJE………………………………………………………………............................................3
VENDNDODHJA E KAONËVE ………………………………………………………………4
KAONËT SI NJË NGA FISET KRYESORE TË EPIRIT………………………………………..5
ZHVILLIMI I QYTETEVE ANTIKE SI DHE QYTEZAT RRETH TYRE NË KAONI ……….7
EPILOGU………………………………………………………………………………………...8
BIBLIOGRAFIA………………………………………………………………………………9
2
HYRJE
Shumë historianë, filozofë, arkeologë, etnologë, gjuhëtarë, dramaturgë, muzikologë kanë folur e
shkruar për qytetërimin antik në Kaoni. Përqëndrimi i tyre më interesant ka qenë në hershmërinë
e krijimit, vazhdimësinë e lulëzimit të tyre. Territori kaon, nga eksplorimi që i është bërë, është
një thesar i rrallë i historisë sonë kombëtare. Jeta urbane e kësaj krahine nuk është ndërprerë për
mbi 2500 vjet duke evidentuar një pasuri të konsiderueshme të trashëgimisë kulturore shqiptare.
Janë evidentuar gjurmë të lashtësisë në mbi 300 vendbanime si: qytete, qyteza, kështjella, kala,
mure fortifikues, banesa, ura, ujësjellësa, tuma etj.. Shumë qytete e qyteza në Kaoni kanë
lulëzuar njëkohësisht, të tjera ia kanë lënë vendin njëra - tjetrës. Disa kanë pasur jetëgjatësi
njëzet a tridhjetë shekullore, të tjerë jo më shumë se shtatë - tetë shekullore. Disa i kanë ruajtur
mirë gjurmët e ekzistencës së tyre, disa janë braktisur e rrafshuar në vite nga banorët përreth.
Kaonia dallohet për njëkohësinë e saj me antikitetin ilir e helen. Historia shqiptare krenohet kur
argumenton se Butrinti është një Trojë në miniaturë, kur thotë se Foinike, qendra kryesore e
Kaonisë u bë kryeqyteti i një shteti të fuqishëm të Epirit, kur thekson se Saranda e sotme ka
historinë portuale këtu e 2500 vjet më parë.
3
VENDNDODHJA E KAONËVE
Toponimi Kaoni përfshinte e shtrihej nga brigjet e detit Jon në perëndim e deri në Vjosë në lindje
dhe me një shtrirje gjatësore veri-jug nga Akrokeraunet deri në lumin Thyamis (Kallama) që e
ndante nga Thesprotia. 1Hershmëria e përmendjes së kaonëve nis qysh me Homerin në veprën e
tij “Odiseu”, kur thotë: “Në Kimerë, përkundrejt Korkyrës, rron një popull trim, i pamposhtur,
luftarak”.331 Më tej përmend kimerët: “...nga Perëndimi, kur rrugët i mbulojnë hijet e natës,/
arritëm ndër kufijtë e oqeanit,/ ku truall e banesa kanë kimerët./ Jeton ky popull krejt mbuluar me
mjergull/ edhe me re, pëlhurë që kurrë s'e çan/ të thuash një rreze dielli.” Kaonët përmenden për
herë të parë prej Hekateut, dijetar grek i fundit të shek. VI p. l. K. dhe fillimit të shek. V p. l. K.
në librin e tij Udhëtim rreth botës. I përmend edhe Pseudo – Skylaksi, bashkëkohës i Hekateut.
Ai shprehet: “Pas ilirëve vijnë kaonët, pas Kaonisë vjen fisi i Thesprotëve”.2 Pseudo Skilaksi
thotë se “kaonët, thesprotët dhe molosët banonin në fshatra d.m.th. një familje e madhe
patriarkale ose një grup familjesh të tilla të një vëllazërie”. Përsëri ai thotë: “Pas ilirëve vijnë
kaonët. Kaonia ka limane të mira, lundrimi anës Kaonisë mban gjysmë dite. Kaonët jetonin
nëpër katunde (kata-komas). 3 Ky pohim edhe po të merret në kuptimin që në atë kohë nuk
kishim qytete, përsëri do të thotë se ata e kishin kapërcyer fazën e jetës endacake pas bagëtive
dhe kishin kaluar në jetën sendentare, duke u ngulur në qendra banimi. Por ky proces nuk duhet
të ketë ndodhur në të gjithë territorin e Kaonisë në të njëjtën kohë. Pas tyre kaonët i përmend
Tuqiditi në fund të shek. V para Krishtit, si aleatë të spartanëve e të ambrakasve kundër Athinës.
Kaoninë e përmendin edhe dijetarët të tjerë antikë si: Skymni shek. III p. l. K, Straboni shek. I p.
l. K. Sipas Plinit shek I p. l. K. (Natyral History, Libri IV, 4) emri Kaoni vinte nga kaonët e
bregdetit të Akrokerauneve, ku ndodheshin fortesat Himairai dhe poshtë saj ndodheshin burimi i
ujit hyjnor dhe Meandria.
1 Dhimosten Budina, Disa rezultate të gjurmimeve në vendbanimet e lashta ilire të Kaonisë: Konferenca II e Studimeve Albanologjike II, Tiranë 1972, f. 322- 3232 Homeri, Odisea, Onufri, Tiranë 2006: Kënga XI. v.15, f.188 (përkthimi në shqip P. Gjeçit).3 Selim Islami etj., Iliria dhe ilirët tek autorët antikë, Tiranë 1965, f. 36.
4
KAONËT SI NJË NGA FISET KRYESORE TË EPIRIT
Në shekujt e parë të mijëvjeçarit të fundit para Kr., ishin formuar bashkësi fisnore dhe në
përgjithësi ato kishin zënë vend në trojet e tyre historike. Nga burimet historiko-epigrafike
rezulton se fisi i Kaonëve u bë pjesë përbërëse e Epirit të lashtë. Kaonia zinte pjesën
veriperëndimore të tij dhe përbëhej nga 17 fise, ku tre prej tyre përmenden me dy emra:
Antigone – Argjirinë, Foinate – Kaonë, Omfale - Ofylë. Që prej autorëve të mësipërm e deri te
Straboni, si fise të Epirit përgjatë brigjeve të Jonit përmenden kaonët, thesprotët dhe
kasiopët.Ndërsa Pukëvili kur shprehet për Epirin, citon:“Të gjithë këta janë të një kombësie,
vendas dhe madje stërnipër të një populli fillestar të lashtë autokton që sipas historianëve të
antikitetit, rronte në këtë vend të Evropës para grekërve”. Kaonët si në shtrirjen gjeografike dhe
në kontributin që kanë dhënë në fuqizimin e shtetit të Epirit kanë qenë më kryesorët. Kaonia si
fis tepër i rëndësishëm për shtrirjen gjeografike dhe si model i një organizimi të brendshëm të
veçantë, përmendet shpesh nga historianë të antikitetit. Herë përmendet për ekonominë, herë për
strategjinë mbrojtëse, herë për trimërinë, për rolin tregëtar në shumë porte të Mesdheut, herë për
rolin ndihmues ndaj trevave kur ato rrezikonin. “Ky fis i madh I Epirit ka pasur një organizëm
federativ të Kaonëve. Ishte një ndërtim politiko-shoqëror e me familjen ishte ndërtimi i shoqërisë
patriarkale.4 Autorët e vjetër grekë vënë në dukje se kaonët “qeverisin pa mbretër” që do të thotë
se ata nuk e njihnin pushtetin e mbretit, po qeveriseshin nga dy funksionarë të zgjedhur që
quheshin prostatë. Kështu në vitin 430 para Kr. sipas Tukididit në krye të tyre “ishin prostatë për
një vit Foti e Nikonidhi, që rridhnin nga fisi i parë”d.m.th. nga familjet e larta të fisit që
kryesonte koinonin. Me kalimin e kohës forma e qeverisjes u reformua, veçse jo drejt
përqendrimit të pushtetit në sa më pak duar, siç mund të pritej, po duke rritur shkallën e
demokracisë. Sundimi i përbashkët i dy personave dhe ndërrimi i tyre në krye të çdo viti tregon
për një regjim qeverisjeje mjaft të përparuar te kaonët, qeverisje që mund të krahasohet me
regjimin republikan të Romës, ku në krye të shtetit qëndronin dy konsuj. 5 Në gjysmën e dytë të
shekullit V para Kr. kaonët, thesprotët e molosët merrnin pjesë në ngjarje të tilla politike të
4 Aristidh Kola “Arvanitasit dhe prejardhja greke” Tiranë 2002 f. 1445 H. Ceka, N. Ceka “Mbi zhvillimin e shtetit te ilirët” ndodhet tek “Ilirët dhe gjeneza e shqiptarëve” bot. 1998 f. 42
5
historisë së botës së Mesdheut, siç ishte Lufta e Peloponezit. Tukididi në vitin e tretë të luftës së
Peloponezit shkruan: “Në gjirin e Ambrakisë, komandanti Spartan mori edhe një përforcim nga
barbarët. Këta ishin në radhë të parë Kaonët, një popull që nuk sundohej nga mbretër dhe që
dërguan 1000 burra nën komandën e dy prej fisnikëve të tyre. Skylaki kur flet për Ilirinë sqaron:
“Fqinjë me gjithë këta në viset e brendshme janë atintanët, sipas Orikisë dhe Kaonisë gjer në
Dodonë...” Në këto vise janë malet Keraune (Epir) dhe aty afër është një ishull i vogël që quhet
“Sason”. 6Ndërsa Plini ka saktësuar: “Epiri i marrë në përgjithësi fillon në malet Keraune. Ai
përfshin në fillim kaonët prej nga vjen dhe Kaoni, thesprotët...mollosët, ku ndodhet tempulli i
Dodonës, i përmendur për orakullin e tij, mali Talar me njëqind burimet që gurgullojnë në
këmbët e tij. Për vërtetësinë historike të Kaonisë dëshmon me theksimet e tij Straboni, ku
shprehet: “Theopompi thotë se fiset e Epirit janë katërmbëdhjetë, më të dëgjuara janë kaonët dhe
mollosët. Kaonët, thesprotët e pas këtyre me radhë kasiopët... banojnë në anëdetjen që nga malet
Keraune deri tek Gjiri i Ambrakisë... dhe më tej një tjatër liman, i quajtur Onhezmi. Kundrejt të
cilit ndodhet bregu perëndimor i Korkyrës...”. 7Sipas poetit të famshëm Virgjili në veprën
“Gjeorgjikat” “Lisat qenë pasuri e mbretit të Kaonëve”. Edhe në librin III të poemës “Eneida”,
Virgjili përmend mbretërinë kaone nga e cila i ra një pjesë Helenit pas vdekjes së Neoptolemit që
këto fise i quajti Kaoni, legjendë që përmendet nga Pompei Trogu.
ZHVILLIMI I QYTETEVE ANTIKE SI DHE QYTEZAT RRETH TYRE NË KAONI
Në historinë shumëshekullore të ekzistencës së fisit Kaon është pasqyruar denjësisht dhe
qytetërimi autokton antik. Ky qytetërim është i lidhur ngushtësisht me ekzistencën e një numri të
madh të qyteteve e qytezave në gjithë territorin ku shtrihej Kaonia. Shumë vendbanime kanë
lindur, të tjerë janë zhdukur, kanë lulëzuar për shumë shekuj, a janë venitur për pak kohë. Kaonia
ka pasë qytete të rëndësishme ku përmendim: Butrintin, Foiniken, Onhezmin, Antigonenë,
Çukën e Ajtoit, Sopotin, Himarën, Panormin, Orikumin, Kardhiqin, Amantian e të tjerë. Janë
kryeqendrat më të mëdha të Kaonisë, që me vendndodhjen e tyre, historinë, organizimin,
zhvillimin, kordinimin mes trevave të banuara dhe kontributin që kanë dhënë në mbrojtjen e
vendit, zhvillimin ekonomik dhe në zgjerim të besimit e të kulturës brenda qytetit a qytezës, por
dhe më tej, kanë lënë gjurmë të pashlyeshme. Kur flasim për qytete e qyteza në Kaoni, ne kemi
parasysh jo çfarëdo fortifikimi të banuar me mure, por vetëm ato qendra, të cilat, pavarësisht nga
6 Skilaksi “Lundrimi” “Ilirët dhe Iliria te autorët antikë ”v.1965, f. 36.7 Straboni V C f 158.
6
sipërfaqja që zenë, shprehin praninë e një bashkësie të organizuar qytetare me funksione
ekonomike dhe marrëdhënie sociale tipike urbane, me mënyrë të re jetese, me një organizim të
veçantë politiko – administrativ etj.. Vendbanime me tipare të tilla urbane nuk kanë qenë të pakta
në Kaoni. Gërmimet arkeologjike kanë nxjerrë në dritë në shumë prej këtyre qyteteve godina
shoqërore dhe kulti, banesa, vepra të artit monumental dhe të vogël, objekte të ndryshme të
përdorimit të përgjithshëm si dhe një tok mbishkrimesh të rëndësishme që i paraqesin këto
vendbanime qendra të zhvilluara tregtare, politike, administrative dhe kulturore. Duke pranuar
një urbanizim në përgjithësi intensiv të trevës kaone përpara pushtimit romak, duhet thënë se ky
urbanizim nuk u zhvillua me një ritëm të barabartë dhe nuk pati të njëjtën shtrirje kudo. Në
Kaoni ai u zhvillua më herët dhe përfshiu dhe zonat e brendshme të tij. Ky proces urbanizimi, i
shkallëzuar në kohë dhe në hapësirë, është pa dyshim shprehje e një zhvillimi të barabartë social,
ekonomik e politik të qyteteve e qytezave antike kaone. Fakti që në Kaoni kishte zhvillime të
qendrave urbane, bile të rëndësishme që në gjysmën e parë të shekullit I p.l.K. siç ishte Butrinti,
Foinike, Himara apo Meandra, le të kuptohet se zanafilla e tyre duhet kërkuar më përpara,
meqënëse qyteti nuk është fenomen që shfaqet menjëherë në formën e tij të përmbaruar, por
është produkt i një procesi zhvillimi të gjatë historik. Për këtë janë shprehur si arkeologët
shqiptarë dhe ata të huaj. Këto qytete lidheshin me rrugë të rëndësishme të komunikacionit
tregëtar. Këtu ekzistonin dhe premisat ekonomike për zhvillimin e jetës urbane. Këto
marrëdhënie tregtare pasqyrojnë një zgjerim të mëtejshëm të prodhimit lokal të mallrave si dhe
stabilizimin e shtresave të reja sociale gjatë antikitetit në Kaoni. Në varret e kësaj periudhe janë
gjetur artikuj të importit grek dhe enë lokale gri me forma tipike të qeramikes greke si:
kanthares, kylikse, kotone etj.. Prodhimet vendase në Foinike, Buthrot apo Antigone organizuan
shtresat e reja të zejtarëve e të tregtarëve që do të përbënin në vazhdimësi edhe komponentët
kryesorë socialë të qyteteve kaone. Duke u vendosur pranë këtyre vendbanimeve, këto shtresa
produktive hyn në marrëdhënie të reja prodhimi me aristokracinë lokale dhe në bazë të këtyre
raporteve ata organizuan dhe ekonominë. U krijuan kështu kushte të favorshme për zhvillimin e
një komuniteti të qëndrueshëm prodhuesish dhe konsumatorësh me interesa të përbashkëta
ekonomike e politike. Lindi kështu bashkësia qytetare. Në zhvillimin e qyteteve kaone dallojmë
tri etapat kryesore: 1. Etapa e lindjes dhe formimit të tyre (shek. V- fundi shek. IV p.l.K.) 2.
Etapa e intesifikimit dhe e lulëzimit të tyre më të madh (fundi i shek. IV – gjysma e shek. II
7
p.l.K.) 3. Etapa e zhvillimit të qyteteve dhe rrethanat e krijuara pas pushtimit romak (shek. I
p.l.K. – shek. III pas K.)8
EPILOGU
Kaonia ishte zona më e pasur në materiale. Mbi 300 pika arkeologjike qysh prej paleolitit me
vendbanimin prehistorik të Shpellës së Kërçmoit, Xarrës, tumat e Bajkajt e deri në periudhat e
vonëta japin mundësinë për të njohur qytetërimin antik në Kaoni. Materiali arkeologjik paraqet
një nga fazat më të hershme të ngritjes së vendbanimeve të fortifikuara të epokës së bronzit të
vonë 1500-1200 para Kr.. Të kësaj periudhe janë rrathët e Qiroflekasit, midis fshatrave Vergo e
Senicë, si dhe vendbanimi i Shqevit në veri të fshatit Tatzat, Gjashnjari pranë Lukovës që
dëshmojnë se konceptimi i jetës është zhvilluar brenda fortifikimit si një vendbanim fisnor.
Foinike (Finiqi), Onhezmi, Metoqi e Çuka zotëronin zonat pjellore të lumenjve Kalasë e Bistricë.
Karakterin blegtoral të këtij territori e shpreh niveli kulturor e arkitekturor i qytezave. Një nivel i
lartë ekonomik, arkitekturor e kulturor është zbuluar dhe në territorin e Antigonesë, në luginën
pjellore të Drinos. Krahas qyteteve të Antigonesë e Melanit janë edhe qytetet e Leklit, Labovës e
Selosë që kontrollonin rrugët që kalonin në këtë luginë dhe lidhnin Kaoninë me Molosinë.
Ndërsa Kardhiqi që dyshohet të jetë qyteti antik i Fanotës kontrollonte rrugët që lidhnin pjesën e
brendshme të Labërisë me Gjirokastrën, Janinën e Korkyrën nëpërmjet Qafës së Skërficës dhe
luginës së lumit Belicë (lugina e Lumit të Bardhë). Orikumi e Amantia zotëronin zonën
bregdetare të Adriatikut dhe rrugët e brendshme për lidhjen e zonës veriore me atë jugore.
Ndërsa Himera-Himara ishte kryeqendra e Bregdetit, nëpër të cilën kalonte rruga që vinte nga
Brindizi – Aulona – Akrokeraunia – Llogora – Foinike – Buthrot – Pelod - Nikopojë. Monedhat
e gjetura në gërmimet arkeologjike në këtë territor flasin për një qendër të madhe zejtare,
bujqësore dhe tregëtare, e lidhur me zonat mesdhetare dhe perëndimore. Vlen të përmendet një
përcaktim i Ciceronit se “limani që shërbente për të lidhur Finiqin me Korkyrën quhej Onhezmi.
Kjo ishte pikë tranziti midis Ilirisë dhe Italisë”. Për këtë ka shkruar dhe Straboni e Ptolemeu si
një qendër e banuar gjatë shek. IV para Kr.. Në krye të të gjithë qyteteve qëndronte Foinike me
muret impozante të rrethimit që mbronin një sipërfaqe prej 70 ha. Disa ndër to flasin për faljen e
lirisë nga ana e pronarëve skllevërve të tyre, të përmendur një për një me emër. Këto dokumente
mbishkrimore vërtetojnë njëkohësisht se zhvillimi ekonomik që mori Kaonia në shek. V para Kr.
8 Frano Prendi “Urbanizimi I Ilirisë së Jugut” tek “Kuvendi I studimeve ilire” 15-20 shtator 1972, f. 109, 110, 112
8
e këtej, i detyrohej në radhë të parë përdorimit me shumicë të skllevërve në prodhim. Pra si
përfundim, qytetërimi antik në Kaoni e bart kulturën e kësaj zone, dëshminë autoktone për
qytetërimin, kulturën, ekonominë dhe zhvillimin politik të tyre që kanë karakterizuar gjithë
historinë e trashëgimisë kulturore shqiptare.
BIBLIOGRAFIA
Budina, Dhimosten, Disa rezultate të gjurmimeve në vendbanimet e lashta ilire të
Kaonisë: Konferenca II e Studimeve Albanologjike II, Tiranë 1972.
Ceka,N. Ceka,N “Mbi zhvillimin e shtetit te ilirët” ndodhet tek “Ilirët dhe gjeneza e
shqiptarëve” bot. 1998.
Islami, Selimi etj., Iliria dhe ilirët tek autorët antikë, Tiranë 1965.
Kola Aristidh “Arvanitasit dhe prejardhja greke” Tiranë 2002.
Odisea, Homeri, Onufri, Tiranë 2006: Kënga XI. v.15, f.188 (përkthimi në shqip P.
Gjeçit).
Prendi Frano “Urbanizimi I Ilirisë së Jugut” tek “Kuvendi I studimeve ilire” 15-20
shtator 1972.
Skilaksi “Lundrimi” “Ilirët dhe Iliria te autorët antikë ”v.1965.
Straboni V C f 158.
9