Programhefte 2015

www.gloppenmusikkfest.no www.facebook.com/gloppenmusikkfest 1

Musikk for ei tid - ei tid for musikk

31. AUGUST - 6. SEPTEMBER2015

PROGRAMHEFTE

musikkfestGloppe

www.gloppenmusikkfest.no2

2015musikkfestGloppe

Festivalsjef /Dagleg leiar: Hanne B Oftedal

Kunstnarleg leiingNora TaksdalAudun Andre SandvikPer Kristian Skalstad

Styret for Stiftinga Gloppen MusikkfestStyreleiar: Kjell Arnestad

Nestleiar og økonomiansvarleg: Anders RindeStyremedlemmar: Erling Sande, Reidun Sandøy Os, Solfrid Bjørkum, Henrik Silfverhielm

StabsleiararFestivalkoordinator: Ane Bergliot Oftedal, Viviann Alme.

ADMINISTRASJON OG STYREKjøkkensjefar: Reidun Sandøy Os og Margot AndenesBarsjef: Marianne Ryssdal SæterFolkeopplysar og ansvarleg for musikkfaglege tekstar: Arne SøholtSkribent og ansvarleg for musikaromtale: Nora TaksdalLagleiar Musicians United 2015: Jan Kjetil Øygard

Frivillege: elevar frå Firda vgs og medlemmar av venneforeininga

Grafisk formgjeving papir/nett: Geir Skagen

Viviann Alme og Marianne Ryssdal Sæther organiserer.


KJÆRE MUSIKKVENER!Årets musikkfest er den 13. i rekkja. Sjølsagt eit lukketal! For programmet leier oss

vidare, inn i nye klangverder. Vi kjenner på oss at kvar festival blir farga av ein eigen «toneart». I forfjor – «Jubel!» – feira vi merkedagar både for festivalen, fylket og Vereide kyrkje. Og i fjor – «Eg veit meg eit land» – var festivalen inspirert av Grunnlova og det sjølvstendige Noreg.

Det er tolv tonar i skalaen. No er «dusinet fullt», og første sirkel fullført. I år vil vi slå ut håret og suge til oss kraft frå mange ulike typar musikk – og dans.

Sjølve fjordlandskapet festivalen utspelar seg i illustrerer festivalens kunstnarlege terreng: frå djupet til tindar med vidt utsyn.. Frå Fanitullen til fandango, frå Haydn via Arne Nordheim til disco.

Vi har i år som tidlegare år handplukka eit lag av allsidige musikarar. Bandet «Music for a While» sameiner stilartar og epokar, Kringkastingsorkestrets eige discoband, der orkester- musikarane nyttar sjansen til å spele på andre strenger og annan musikk enn dei gjer til dagleg, spelar til dans laurdag. La deg fange av rytmen og set dansegolvet i kok!

Det er møta med publikum vi musikarar lever for. Togna før første tone. Blikket når musikken rører. Undringa, gjenkjenningsgleda, tvilen - når noko – når noko vert annleis. I ei verd overmett av ord og bilete, opnar musikken viktige rom.

Vi vil med dette rette ein varm takk til publikum som skaper grunntonen i konsertane, til alle våre samarbeidspartnarar og sponsorar.Sjå innom – Gloppen Musikkfest 2015 har opna dørene!

Audun Sandvik Per Kristian Skalstad Nora Taksdal



KJÆRE PUBLIKUM

Så er vi her igjen – ein ny haust, eit nytt skuleår, ein ny festival, ein ny Musikkfest!

Musikk for ei tid – ei tid for musikk: Ja, endeleg skal alt det vi har spekulert på, planlagt, gleda oss til å fortelje om og dele, ut til dykk – vårt kjære publikum. Her kjem musikalske opplevingar, tonar, ord, bilete, rørsler. Noko gamalt, noko nytt, noko frå ei anna tid, noko frå vår tid. Sprelske påfunn, sarte tonar, lys og skugge. Noko om born, noko for born. Ta deg tid til å nyte. Gje musikken og dansen TID og ROM! Vi lovar at du ikkje vert skuffa.

Årets festival er spunnen rundt den evige endringa musikk og anna kunst vert til gjennom. Nye tider krev nye uttrykk, men av og til må vi òg gå tilbake til røtene, og i år ser vi på musikk frå ulike epokar, hus frå ulike tider og rørsler, bilete og dans skal få vere med å illustrere dette.

Det er ei STOR glede at vi endeleg kan ha profesjonel-le dansarar med på festivalen. Med dei flotte rammene Trivselshagen og Kultursalen gir oss, var det på tide! Og at våre to dansarar har røter i fylket er ikkje noko minus. To unge menn, som i si tid måtte ut av fylket for å kunne gå vidare med dansen. Det er ei glede at Firda vgs no har slike fasilitetar at dei unge kan vere her til dei er ferdige på vidaregåande. Og likeeins er det stas at vi i år har utvida samarbeidet med Firda vgs til at både danse- og drama-elevane er med i den store framsyninga «Dans og musikk – gjennom TID og ROM». Musikklinjeelevane skal sjølvsagt også få sitt, gjennom workshops og seminar, og vi er også glad for å kunne arrangere masterclass for fløyteelevar frå heile fylket.


Til å opne årets festival har vi spurt ein god Musikkfestven, Tora Augestad. Ho har vore på festivalen fleire gongar, og det er ei ære at ho tek seg tid til å kome tilbake, som songar, som del av bandet Music for a While, og som representant for Hardanger Musikkfest, vår syster i sør.

Musikkfesten står midt i eit tett og godt samarbeid med ulike fagmiljø, næringsliv og offentlege institusjonar. Vi takkar Firda vgs, Gloppen kulturskule og Gloppen folkebibliotek, fylkeskommunen si kulturavdeling og våre mange små og store sponsorar for støtte og engasjement, og sist men ikkje minst, alle frivillege som gjer at vi kan lage festival.

Vi kjenner oss sikre på at vi også i år har eit program som vil glede og begeistre publikum, og takkar alle som har bidrege til det endelege programmet!

Hanne B Oftedal Kjell Arnestad



MUSIKK FOR EI TID – EI TID FOR MUSIKKDANS og MUSIKK – GJENNOM TID OG ROM!

Gloppen Musikkfest vier seg til klassisk musikk. Og i år opnar vi for nettopp klassikarar - frå mange ulike sjangrar, og musikk fra ulike epokar og århundre.

Dei ulike epokane har namn som renessansen, barokken, wienerklassismen, romantikken og modernismen. Og kvar epoke representerer noko nytt. Men det nye kjem ikkje plutseleg, det utviklar seg over tid: Som ei naturleg vidareutvikling? Som ein reaksjon på det gamle? Eit brot med fortida? Då Arnold Schönberg (ca. 1920) lanserte tolvtonemusikken, var det eit radikalt brot med eit fleire hundre år gammalt tonespråk. Dei tolv tonane i ein oktav vart like viktige, ikkje noko tonalt sentrum. Men, når han konstruerer sine tonerekkjer, brukar han dei same teknikkane som 1700-tals- komponisten Bach gjorde, ved å spele dei forlengs, baklengs eller i omvending.

Rundt 1910 oppstår det eit heilt nytt musikalsk uttrykk i New Orleans, og ein ny musikksjanger har oppstått, jazzen. Men heller ikkje jazzen har oppstått av ingen-ting; han er ein syntese av ulike europeiske og afrikanske impulsar. Så kanskje kan vi konkludere med at alt heng i hop med alt …? Kom inn, lytt, undre deg!

Musikkfesten begynner torsdag ettermiddag med mottaking i foajeen i Trivsels- hagen. Der vert det helsingar og opning av festivalen – ved Tora Augestad. Ho er m.a. kunstnerisk leiar for Hardanger Musikkfest og Noregs nominerte til Nordisk Råds musikkpris 2015. Og Tora vert å høyre i mange format og med ulikeensemble gjennom festivalen.

Men først: Torsdag kveld er det première på vandreforestillinga «Dans og musikk – gjennom rom og tid»: ein hyllest til bygningane på Firda, til dei ulike epokane som forma dei, og til menneska som har skapt liv der. Hovedbygninga på plassen gjen- speglar sjølvaste Eidsvollsbygninga og grunnlovsfedrane ville nok gle seg over Firda og kulturskulen sine danseelever av i dag, som kan dyrke talentet sitt heime i fjord-fylket. Dei unge dansarane skal virvle oss frå rom til rom - til levande musikk før vår «rom-odyssé» munnar ut i Kultursalen i Trivselshagen. To unge dansarar fra fylket - Jonas Øren frå Høyanger og Dag Rune Sjølie frå Gaupne - er solistar i Ørens koreo-grafi, som han har laga for høvet og skreddarsydd for festivalens eigne musikarar. Sjå omtale av heile denne framsyninga annan stad i programheftet.

Fredag skal vi igjen til bilhallen til Frydenbø, der fylkets eigne musikarar har sett kvarandre stemne – og gir oss perler frå ulike deler av musikkhistoria. Ta med mat-pakka og kom!


Tora Augestad er frontfigur i bandet «Music for a While», som fredag kveld gir oss barokk- og renessansemusikk, kabaret og jazz i sin eigen vidunderlege tapping gjennom nennsam jazzimprovisasjon.

Lørdag blir det klassikarar i ein annan sjanger – eviggrønne melodiar frå den gong då. Kom til Gloppen omsorgsenter og møt Embrik og Petter frå Kringkastings- orkesteret som lever ut draumen om å få spele gamle slagerar!

Familiekonserten er det slagverkar Knut Lothe som står for. Finn Mr.Ping egget? Velkomen til born frå 3 år og oppover.

Laurdag kveld får publikum først sitje ned og lytte – på scena i Trivselshagen, tett på dei beste musikarane. La deg flyte med til tonar frå mange ulike århundre. Og så – er det ei sprudlande glede for oss å invitere til bygdefest i foajéen i Trivselshagen. Discobandet fra KORK spelar opp, kveldens hovedvokalist er Julie Ervik frå hovud- staden, men ho blir supplert av både Tora og disco-vokalistar frå musikklinja ved Firda..

Vi håper og tror at vi byr på musikk som både born, unge og vaksne kan gle seg over. Vi lever i ei tid kor det er lov å gle seg over mangfaldige typar musikk, gjerne saman med born, borneborn – og foreldre.

Det umiddelbare kjenneteiknar ein kvar god konsert. Den klassiske musikken kling også best når han ber preg av å vere improvisert. Vi håpar å spele den gamle musikken som om den var ny, og den nye som om den var gammal.

Frå konsertkvelden i kultursalen i fjor.



FIRDA VIDAREGÅANDE SKULE

G L O P P E N K O M M U N E


PER KRISTIAN SKALSTAD – «PK» mellom sine mange vener – kjenner verken latside eller kvileskjær. Han virvlar gjennom musikklandskapet som ei lerke om våren, når han ikkje vier seg til kone og fire born.

PK er noko nær den komplette musikar. Som tidlegare fiolinist, strykekvartettmusikar og konsertmeister i ulike orkestre, er han no jamnt meir etterspurt som dirigent i inn- og utland. PK har teke over fiolinen til sjølvaste med-drammensar og komponist Johan Halvorsen. Den er magisk, og let briljant sjølv om utøvaren aldri har tid til å øve.

– PK er ein skjønnånd som vert trekt mot dei klassiske kunstar og stader, særleg der det vert snakka italiensk. Han kan virke veloppdragen og skikkeleg, men har du sett dei hemningslause parodiane han har av andre for-står du at han heldigvis har mange lag. Og eit stort hjarte.

NORA TAKSDAL falt for bratsjen då ho var 17, etter ein barndom med den litt for lyse fiolinen. I ti år turnerte ho med Vertavokvartetten, og var tilsett både i Bergen - og Oslo-filharmonien. Ho juksa også litt i solistfaget.

No er ho solobratsjist i Kringkastingsorkestret: «eit ihuga og litt rampete orkester for alle – med mangfald i repertoar og kollegiet». Nora har aldri avgjort å verte musikar, brått berre var det slik. «Takk og pris! Eg er ei rotlaus sjel. Musikken vart heimen min.»

Ho trur ikkje på astrologi, men kan ikkje skjule at ho er født i eit eldteikn og er prega av glød. Dei siste åra har ho jamnt opptrett som konsertkåsør, og på festival- laurdagen vil ho fortelje om samanhengen mellom pop og klassisk musikk. – Nora elskar fjordfylket. Ho lurer stadig på om ho ikkje kan få gifte seg med heile Gloppe-bygda…

KUNSTNARELEG LEIING



Foto

: Gei

r Ska

gen

energikultur bulyst

Sogn og Fjordane Energi ønskjer at fylket vårt skal vere ein god stad å bu. Derfor samarbeider vi med eit rikt kulturliv som skapar trivsel og bulyst i lokalsamfunna våre.

Sjå meir på sfe.no


AUDUN SANDVIK har høyrt til i Gloppen musikkfest frå første stund. Vi gler oss til han ein dag kjem seglande til musikkfesten frå familien sitt øyrike i Solund, ytterst i Sognefjorden. Audun er festivalen sin evige tjuagutt, med fantasi, sjarm, alltid ein kjapp replikk, og friske på-funn. Han har både hjerne og intuitiv teft for cellospel – og fotball. I heimbygda Bergen gret dei enno over at den lovande juniorspelaren fekk øydelagt sportskarrieren av uoppdaga kyssesykje.

Men musikklivet jublar, og Audun er snart rikskjendis etter sine mange solokonsertar og tv-opptredenar. Han vart kjent som mentor i Bardu i TV-serien «Da Kork kom til bygda», med gode råd, utsøkt cellospel og spenstige armhevingar. Audun sin humor og lettbeinte måte hindrar han ikkje i å vere ein usedvanleg seriøs, djupt- loddande og uttrykksfull cellist og pedagog, og ein kammermusikar kollegaene set særs høgt.

Audun er vert for musikkfesten sin torsdagkveld på Gloppen Hotell.

ARTISTAR PETTER WINROTH, trombone, tangentar og band-leiing. Gløym Volvo, gløym ABBA – trombonisten Petter Winroth i Kringkastingsorkestret er Sveriges beste eksportartik-kel! Han utgjer i seg sjølv eit slags «mini-Kork». Petter er nemleg ein usedvanleg allsidig og kompetent musikar. Han gler publikum og kollegaer med soloane sine, både i klassiske verk og som utsøkt jazz-improvisator. Petter lagar også lekre arrangement både for Kork og andre en-semble.

I Gloppen finn vi han som leiar for Korks disco-band, der han sjølv trakterer tangentane. I ungdommen heldt han seg mest ved jazz-klaveret.

– På fritida er Petter glad i å springe. Langt og fort. Gjer-ne maraton, tilsynelatande uanstrengt. Han reiser også gjerne til fjerne himmelstrok, der han øver på si knall raude plasttrombone.



accountor.no

VI HAR LIDENSKAP FORRESULTAT

Kontakt oss; tlf 57 86 86 [email protected]


RAGNHILD HEMSING, fiolin. Festivalkollegaene gler seg over å ha med Ragnhild i år, for ho er ein sjeldsynt lydhøyr og fininnstilt kammermusikar. Som kunstnar sameiner ho stadig tradisjon med nyskaping. Ho har solistoppdrag både «heime og ute», og kjem gjerne heim med kofferten full av prisar. Oppvaksen i Aurdal – i hjartet av Valdres – er ho samstundes berar av ein stolt folkemusikk- arv. Ho har med framifrå spel på hardingfele også med-verka til ei rekkje moderne verk og framsyningar.

Ragnhild blei fiolinist i 5-årsalderen, men begynte først som 9-åring (!) ved Barratt-Dues Musikkinstitutt i Oslo. Seinare reiste ho til Wien og professor Boris Kuschnir. Eit stort publikum såg NRKs portrettprogram frå 2010 – «Ole Bulls tone» – der Ragnhild saman med systra, med- fiolinist Eldbjørg, leitte verda rundt etter særpreget til den gamle meisterfiolinisten. Dokumentaren vann ein vel- fortent pris under fjernsynstevlinga Circom 2011 i Romania.

Ragnhild Hemsing spelar på ein fiolin bygd av Francesco Ruggeri, kollega til Stradivarius i fiolinmakarbyen Cremona. Han såg dagens lys i 1694 og vekkjer i seg sjølv andakt. Ragnhild låner fiolinen av Dextra Musica AS.

EMBRIK SNERTE, fagott og el-bass. Spreke Embrik hadde oppveksten sin både i Nord-Noreg, Oslo og Hemsedal. Også musikalsk strekkjer røtene hans seg vidt. Han får stjerner i augene av dei fleste musikksjangrar, berre det er godt spelt. Embrik har vore tilsett som fagottist i fleire ensemble og orkester rundt i landet, og er no lukkeleg som ein fargerik og ytterst sosial musikar i Kork.

Dei vakre og leikne fagottsoloane hans er blant orkestrets fortrinn. I tillegg får han utfalde seg som (kul & venstrehendt) el-bassist i Korks eige discoband, som opptrer fleire gonger under årets festival.

Embrik er alltid begeistra for eit eller anna, men har og ei frigjerande evne til å seie frå når noko irriterer han.

– Fagotten til Embrik er det verdt å merke seg. Den kom til landet med dei tyske soldatane som i 1940 marsjerte oppover Karl Johans gate i Oslo. I hendene til Embrik er han eit langt mektigare våpen.

© Cathrine Dokken

© Cees van de Ven



Vi ynskjer lukke til med Gloppen Musikkfest!

A new beginning

VI INTRODUSERER HELT NYE VOLVO XC90

BESTILL PRØVEKJØRING IDAG

Volvo Dealer 031–234 569www.testbolaget.se

Pris inkl. frakt-, leverings- og adm. kostnader levert forhandler. Tilbudet gjelder ved bestilling av ny 2015-modell ut juli 2015 eller så langt lageret rekker. Gj.sn. forbruk 5,3 l/100 km, CO2-utslipp 139 g/km. Forbehold om trykkfeil. Avbildet bil kan ha ekstrautstyr.

Volvo Dealer OrtsnamnTestgatan 12

031–234 569www.testbolaget.se

* Pris inkl. frakt-, leverings- og adm. kostnader levert forhandler. Tilbudet gjelder frem til 31. mars 2015 eller så langt lageret rekker. Gj.sn. forbruk 5,3-10,7 l/100 km, CO2-utslipp 139-249 g/km. Forbehold om trykkfeil. Avbildet bil kan vise annet utstyr og felger enn omtalt i tilbudet.

SOGNDAL:57 67 34 00

MINDE:55 59 97 00

ÅSANE:55 53 68 00

BERGEN VEST:982 05 882

FØRDE:57 83 72 00

KRISTIANSAND:38 04 90 00

SANDANE:57 86 61 00

www.frydenbo-bil.no

SJÅ DEN PÅ VÅR STAND UNDER MOTORFESTIVALEN.


JULIE ERVIK (1980) er fysioterapeut, vocal coach og songar som held til i Oslo. Ho er fødd i Vancouver, og oppvaksen i Squamish, Canada.

Julie Ervik blei kjent frå årets sesong av «The Voice», der ho blei omtalt som Noregs svar på artisten Adele. Med sin versjon av «Chandelier» fekk ho fire mentorar til å snu seg i stolane i håp om å få henne på sitt lag. Ho deltok i tre program med Yosef Wolde-Mariam som sin mentor, og hausta lovord for si formidlingsevne og dynamikk.

Julie syng med dynamikk og forteljarevne. Ho ga ut debutsingelen sin «Last Love» i juni i år.

HEMING VALEBJØRG kjem frå Tinn Austbygd i Telemark. Han er til dagleg slagverkar i Oslo-Filharmonien. Tidligare har han spelt i både Kongelige Norske Marines Musikkorps og Luftforsvarets Musikkorps. Heming er også aktiv som kammermusikar og frilansar i pop/rock/jazz såvel som klassisk. Ein etterspurt kammer- og orkester- musikar, men jammen har han laga lyd til mykje musikk i andre sjangre enn den klassiske også. Lytt på t.d. Sigrun Loe Sparboe, Sigrun & The Kitchen Band, Susanne Sundfør o.a. eller ein lydbok? Heming har vore med!

Han har og vore engasjert som solo-slagverker i Trondheim Symfoniorkester, samt vore studieleder for klassisk slagverk på NTNU Institutt for musikk, konserva-toriet i Trondheim.

Heming har hatt ei rekkje solistoppdrag og har vore med i diverse kammermusikkprosjekter samt dirigert og undervist i korps og orkester.



Musikk for ei tid - ei tid for musikk

Kl 17.00 Mottaking og opning av festivalen, i Trivselshagen.

Kl 18.00: «Dans og musikk – gjennom rom og tid». Vandrekonsert med dans og musikk – i Firda vgs sine hus og i Trivselshagen. Kr 300/150.

Kl 21.00: Torsdagskveld frå… Gloppen Hotell, der ein laussluppen vert – Audun Sandvik – presenterer musikk og musikarar, pølser, øl og fotball. Kr 200/100.

Fellesbillett torsdag Kr 400/200.

Kl 12.00: Lunsjkonsert – med distriktsmusikarane i fylket, Frydenbø bilsenter. GRATIS.

Kl 20.00: Music for a While Kultursalen i Trivselshagen. Kr 300/150

Kl. 22.00: «Endelig står verden på hodet» Hege Woxen sin lyrikk og klassisk kammermusikk. Gloppen folkebibliotek. Kr 200/100.

Fellesbillett fredag Kr 400/200

Fredag4. september

Måndag31. august

19.00 Opning av fotoutstilling hos Eikeseth Nygjerd Fotografi, Nordstrandsvegen 13. Kunstnarar og musikarar portrettert av Andreas Eikeseth Nygjerd. Kunstneriske innslag og høve til noko godt i glaset. GRATIS.

Torsdag3. september

BILLETTAR: www.trivselshagen.no

PROGRAM


Kl. 11.30 «På en grønnmalt benk...» ...og andre eviggrøne melodiar frå den gong då. Med musikarar frå Kringkast-ingsorkestret. Gloppen omsorgssenter. Gratis.

Kl. 14.00 Musikk for ei tid – ei tid for musikk Konsertkåseri med Nora Taksdal o.a. Hotellet stiller med kakebord. Gloppen hotell. Kr 150.

Kl. 16.00 Mr. Ping Familiekonsert med Knut Lothe. Aulaen på Firda vgs. Kr 200/50

Kl. 19.00 Konsertkveld i Kultur-salen, TrivselshagenKl. 19: Tora Augestad m/vener Kr 200Kl 20: Klassisk på sitt beste Kr 200Kl 21: Klassisk Disco - KORK sitt discoband m.fl. Konsert og dans Kr 300Mat og drikke vert å få kjøpt

Fellesbillett konsertkveld Kr 400/200.

Kl 15.00 Kyrkjekonsert Vereide kyrkje – klassiske perler frå ulike tidsepokar, med strykarar, blåsarar, trekkspel og vokal. Kr 300/150.

Søndag6. september

Laurdag5. september

FESTIVALPASS vaksen: 1200 kroner (familiekonsert går utanom).

Helgepass: 1000 kroner. (familiekonsert går utenom)Ungdomspass: 600



MARITA ELISE HOLME - årets unge solist! - er 24 år gamal og er nett ferdig med si bachelorgrad i utøvande musikk ved Griegakademiet i Bergen.

Ho har spelt klarinett i Gloppen Kulturskule frå ho var sju, med Geir Eikenes og Elisabeth Røgeberg som lærarar og i 2007 byrja ho på musikklinja på Firda Vgs. Etter vidare- gåande jobba ho eit år som vikar på Gloppen Kulturskule, til glede for både henne og skulen. Fagmiljøa i Gloppen har vore svært viktig for at ho har satsa på musikken!

Gjennom fire år på Griegakademiet har ho fått jobba med flinke musikarar: Masterclass med t.d. Andreas Sundén som har vore i Gloppen fleire gongar, og lærarane Christian Stene og Håkon Nilsen har gitt massevis av inspirasjon. Ved fleire høve har ho spelt med Sjøforsvarets Musikkorps Vestlandet, og har vore med på fleire sam- arbeidsprosjekt mellom Griegakademiet og samtids- ensemblet Bit20.

I sommar har ho vore med i Ungdomssymfonikerne, Norges nasjonale ungdomsorkester. Marita har vore med på dei to konsertane Gloppen Musikkfest har arrangert for å fremje dei unge solistane frå Sogn og Fjordane, noko ho seier har betydd mykje. Vi ynskjer henne velkomen som årets representant for desse dyktige og hardtarbeidande unge!

STIG HEGRENES er trommeslagar I discobandet under den store danseframsyninga torsdag i festivalveka. Han kjem frå kulturbygda Jølster, men er no busett i kultur-bygda Gloppen – og det trur vi han trivst med. Godt det ikkje er så langt “heim”! Han har lang fartstid som trommis i ulike band innanfor pop/rock og fusion.

Tidlegare var han med i cover/tribute-band med fokus på musikk frå 70-talet og fram til i dag, og det høver jo godt når han no held takta til f.eks. ABBA. Han har også arbeidd ein del i studio med innspelingar i så ulike retningar som progressiv metal og viseprega pop. Han har mange år bak seg som instruktør på trommesett og som musikklærar i ungdomsskulen.


RØRSLE, LYD OG HISTORIEI prosjektet «Dans og musikk - gjennom TID og ROM» vil publikum få oppleva historie med øyre, auge og kropp. Saman med danseelevar frå Firda, kulturskulen og danse-verkstaden i Førde har koreograf Toini Kristensen laga ei framsyning som finn stad i dei fire ulike bygga kring skuleplassen på Firda. Samstundes reiser vi òg gjennom norsk skule- og arkitekturhistorie. Vandrekonserten munnar så ut i ein heilt ny koreografi laga av dansaren Jonas Øren frå Høyanger til den største salen i Trivselshagen.

I verkstader i vår har danseelevane sjølv utvikla koreografi til kvart av bygga, med ut-gangspunkt i musikk skrive i same tid som dei fire husa er bygd i.

- Me har utforska kva som skjer med dansen når han kjem inn i eit rom med identitet og historie, og kva som skjer med rommet når vi dansar der, fortel Kristensen. Ho har lang røynsle som lærar og koreograf, først frå danselinja i Bodø og sidan frå Statens Balletthøgskule.

Då det eldste skolebygget på Firda sto ferdig i 1922, var det eitt av fire landsgymnas i Noreg. Med ein slik skule følgde det også tilreisande, og framleis kan ein merka korleis Sandane er open for nye menneske og nye uttrykk, til dømes gjennom korleis Gloppen Musikkfest koblar lokale krefter og profesjonelle utøvarar saman.

- Eg er glad for at dansarane får jobbe med levande musikarar, seier Kristensen. - Sku-len er heldig som har undervisning i musikk, dans og drama samla på ein plass. Slik kan dei læra av kvarandre på tvers av fag.

I gamleskulen på Firda får vi høyra felespelar Synnøve Bjørset frå Jølster. Etter krigen fekk den selskap av eit nytt realskolebygg, og her skal fiolinisten Ragnhild Hemsing spela musikk av Arne Nordheim, tileigna den sveitsiske målaren Paul Klee som sjølv var inspi-rert av musikk. Neste stopp er aulaen frå 1970-tallet. Her blir det disco for alle pengane med Abba og ei stor gruppe kulturskuleelevar. I tråd med ideane frå denne tida om at kunst skulle vera tilgjengeleg for alle, får publikum kanskje også dansa litt sjølv?

I kulturhuset Trivselshagen, som kom på 1990-talet og ramma inn skuleplassen, får me først sjå elevane dansa til musikk av den polske komponisten Penderecki, med Ma-rita Holme på klarinett og tekster av Gloppens eigen lyrikar Hege Woxen.

Til sist vil publikum gå samla inn i kultursalen i Trivselshagen for å sjå tingingsverket laga av Jonas Øren. Han er utdanna i klassisk ballett blant anna frå Lyon i Frankrike og Kunsthøgskulen i Oslo. I dialog med dansaren Dag Rune Sjølie frå Gaupne, som òg er danseutdanna i Oslo, har Øren latt seg inspirera av byggeprosessar og samband mellom menneske og arkitektur. Festivalmusikarane bidrar også her. - Koreografi og arkitektur har mykje felles. Båe kan handla om rom, om å byggje noe, og om at noko ber noko anna, fortel Øren.

av Hild Borchgrevink



JONAS ØREN, dansar. Jonas Øren (1988) kjem frå Høyan-ger. Han har formell danseutdanning frå The Hammond School (UK), Fagerborg vgs., Conservatoire National Su-perieur Music et la Danse Lyon (Frankrike), og ein BA i klassisk ballett frå Balletthøgskulen i Oslo. Han har hatt solistroller i dei klassiske ballettane «Nøtteknekkeren» og «Coppelia» ved Opera Nordfjord og Sandefjord Teater.

I 2013 sette han opp framsyninga «Ut-kast», oppha-veleg i eit privat husvære. Samme år produserte han to dansefilmar saman med fotograf Hinda Fahre. Han koreograferte og framførte eit dansestykke for kunstfil-men «Rehearsal Migration» produsert av T-Michael Film Lab og Finn Erik Rognan. Den vart premiert ved «The AS-VOF Film Festival» ved Pompidou-senteret i Paris (2014). I 2015 vart han belønna med «Shooting Star», «RIFF R.E.D. International Film Festival» for sitt arbeid med danse-filmar. Filmen «Pool Boy», som han gjorde saman med Fahre, var ein del av det offisielle utvalet ved festivalen.

Jonas arbeider også som skribent for mote- og livsstils-magasinet «PS: Magasin».

DAG RUNE SJØLI (24), frå Luster, blei introdusert for dan-sen som 16 åring, gjennom Dans Utan Grenser i Sogn og Fjordane. I dag har han utdanning frå Kunsthøgskulen i Oslo og Statens Balletthøgskole, med ein bachelor i jazz-dans. Dag Rune er fast dansar i jazz-kompaniet Oslo Dan-se Ensemble, og er å sjå i deira nye produksjon som vert sett opp på Dansens hus i desember. Han er og medlem i Hip-Hopgruppa Cre8.

I tillegg til dette har han som freelance dansar gjort ei rekkje mindre produksjonar for TV-reklamer og musikk-videoar. Han har m.a. vore dansar i fleire av Ylvis-brørne sine videoar. Han jobbar og som koreograf og instruktør for Dans Uten Grenser, sist med framsyninga «På Eigne Bein» i samband med 250-årsjubileumet til Sogn og Fjordane.


TOINI KRISTENSEN Toini Kristensen er utdanna dansar og pedagog frå England. Ho har også studert koreografi ved Kunsthøgskolen i Oslo.For tida tar ho ein mastergrad i Dansevitenskap ved NTNU i Trondheim.

Toini har jobba profesjonelt med dansekunst sidan 1990. Ho har lang undervisningserfaring frå privat ballett- skule, vidaregåande skule, høgskule og PRODA (profesjonell dansetrening). Ho har koreografert mykje for opera, initiert eigne prosjekt, og koreografert for Stellaris DansTeater, der ho også var med som utøvar i perioden 1997 – 2001.

Toini har dei siste 14 åra arbeidd som leiar av den gam-le danselinja og den nye Bachelorutdanninga i klassisk ballett ved Kunsthøgskolen i Oslo. Gjennom heile karrieren har Toini hatt gleda av å arbeide med kreative ungdommar som ønskjer å skape dans på utradisjonelle stader, noko som gjorde henne ideell for årets store danse- prosjekt, kor ho har leia danseelevane på Firda i deira arbeid fram mot dei fire små danseframsyningane de får sjå i framsyninga «Dans og musikk – gjennom tid og rom».

Toini er også opptatt av formidling av dansehistorie, og i 2014 publiserte ho nettstaden www.ellenkjellberg.com som er støtta med midlar frå Kunsthøgskolen i Oslos FOU-utval.

GABRIELLE LEAHY TILLSON er administrativ leiar for Kulturkirken Jakob I Oslo, og har tidligare jobba som produsent for Nasjonalballetten og teatermaler for Den Norske Operas malersal.

Hos oss er ho produsent for den store danseframsyninga, og hennar kombinasjon av fagkunnskap, administrative evner og kjennskap til bade danse- og musikarmiljøet har vore godt å ha på laget!



AI-LING CHIU - fødd i Taipei, Taiwan, er aktiv både som solist og som kammermusikar. Ho har si utdanning frå National Taiwan Academy of Arts. Seinare tok ho Mastergrad i fiolinspel ved Universitetet i Kansas, og i 2008 avslutta ho diplom- utdanning som solist ved Högskolan för scen och musik ved Göteborg universitet, og debutkonserten der fekk strå-lande kritikk i Göteborgs-posten: : «... Det skulle inte förvåna om hon går en strålande internationell solistkarriär till mötes.»

Sidan 2004 har Ai-Ling vore tilsett som fiolinist i Ålesund strykekvartett og som alternerande konsertmester i Ålesund symfoniorkester, og har også fleire gongar vore solist med same orkester under dirigentar som Rune Berg-mann, Bjarte Engeset og Eva Ollikainen. I mars 2015 sto ho på hovudscenen på Den Norske opera og Ballett under Per Arne Glorvigens leiing, i Piazzollas tango-opera «Maria de Buenos Aires», og vi er særs glade for å ha ho med oss i år.

Ai-Ling er grunnlegger og kunstnarisk leiar av Ålesund Kammermusikkfestival og Ålesund Kammersolistar. Ho spelar på ein fiolin av C. G. Testore, Milano, laget i 1710. Instrumentet er kjøpt med økonomisk støtte frå Stiftinga Kjell Holm og Sparebanken Møre.

SYNNØVE BJØRSETer fullblods folkemusikar frå Jølster. Ho spelar både fele, bratsj og hardingfele, og har turnert i stor skala både i Noreg og utanlands. Ho har også gitt ut ei lang rekke eigne plater. Synnøve spelar i bandet «Majorstuen». Ho er freelancer, og arbeider også som komponist og pro-dusent. Ho brenn samstundes for teaterkunsten, og har deltatt både som musikar og skodespelar ved fleire opp-setjingar. Ho har samarbeidd med teatersjef Agnete Haa-land i stykket «Per Gynt – en monolog for ungdom», der Synnøve har skrive all musikken og framfører han sjølv.

Ved årets musikkfest vil Synnøve m.a. by på «Fanitullen» i uvante rammer. Ho er kjent for å ta vare på og samstun-des fornye tradisjonsmusikken – med kraft og nennsomt raffinement.


… blei danna i Oslo i 2004, av det samme stjernelaget som vi får høyre i Gloppen. Både leiaren for bandet, songaren Tora Augestad, og kvar einskilt musikar, står for stor sjangerbreidde. Dei møtest i skjeringspunktet mellom tradisjon og doggfrisk impro-visasjon, mellom solo- og ensemblespel. Musikken deira bygger både på kyrkje- og barokkmusikk, kabaret og jazz. Bandet har gitt ut tre cd-ar, seinast «Canticles of Winter» som kom i fjor. Sidan Gloppen Musikkfest i år ønskjer å vise samanhengar mellom ulike typar musikk og samanheng mellom ulike tiders musikk, er det ei stor glede for oss å ha nettopp Music for a While som heidersgjester i år.

BANDET «MUSIC FOR A WHILE …»



TORA AUGESTAD høyrer til kolonien av framståande norske musikarar som no er busett i Berlin. Ho repre-senterer i seg sjølv eit heilt musikkliv – både som songar, band-leiar, skodespelar, og som kunstnarisk leiar for Hardanger Musikkfest. Ho syng både opera, samtids- musikk, jazz – og ikkje minst kabaret – på leiande scener over heile Europa.

Også i Gloppen vil vi få oppleve Tora i fleire uttrykk. Stemma og personlegdomen hennar har inspirert ei rekkje komponistar og regissørar til å lage nye verk nett-opp for henne.

Den 27. oktober får vi vite om Tora blir tildelt Nordisk Råds Musikkpris 2015 – som ho og ti andre framståande musikarar i våre nordiske land er nominert til. Tvi tvi, Tora!

MATHIAS EICK. Både musikkfestens publikum og elevane ved Firda har mast om å få trompetar Mathias Eick tilbake til Gloppen. Konsertane og improvisasjonskursa han heldt i 2012 tende ein usløkkjeleg glød i mangt eit sinn. – Mathias står, som alle i «Music for a While», støtt på eigne kunstnarbein.

Han vaks opp i ein musikkglad familie på Eidsfoss i Vest-fold, og meistrar sjølv mange instrument. Etter eit år på Toneheim, studerte han ved den anerkjente jazzlinja i Trondheim (NTNU). Han har opptredd med Jaga Jazzist, Trondheim Jazzorkester, Turboneger, DumDum Boys, Motorpsycho, D’Sound og Bigbang, – og har spela kyrkje-musikk med Torbjørn Dyrud, i tillegg til å medverke ved ei rekkje innspelingar.

Mathias blei i 2006 utnemnt til «Årets største unge jazz- talent» – stemt inn av jazzfestivalar frå heile verda. Det ragar nesten like høgt som å vere anerkjent i Gloppen.


MARTIN TAXT. Martin er ein av tubaens fremste ambas-sadørar. Han har studert ved Musikkhøgskolen i Oslo og Paris, og grunnla allereie som student banda «Florebius» og «Silucian».

Sidan 2004 har Taxt vore tubaist i årets festivalband «Music for a While». Som studiomusikar har han jobba m.a. med Odd Nordstoga, Hanne Hukkelberg og Maria Mena. Martin samarbeider fast med japanske musikar- kollegaer, han arrangerer festivalen «Fri Resonans» for eksperimentell musikk (i Trondheim), og han er med på å drive plateselskapet SOFA.

STIAN CARSTENSEN, multimusikar. Stian er vår tids største eidsvollsmann, fødd og busett ved grunnlovas vogge. Til liks med konstitusjonsfedrane, gløder han både for det nasjonale og for den store verda.

Han har reist langt og lenger enn langt for å lære musikk frå nær sagt alle verdshjørne. I tillegg til rike tankar og sprudlande snakkety, trakterer han trekkspel, gitar, steel-gitar, fløyter, banjo, kaval og gaida (balkanske blåseinstrument). Han kombinerer saumlaust tema og sjangrar – frå fransk barokk til bluegrass og balkan- musikk. I studietida (ved jazzlinja i Trondheim) etablerte han kvintetten «Farmers Market».

Stians improvisasjonsevne er vel kjent for svært mange. Publikum har den førre GMF-konserten hans friskt i minne. Den prega både hjarte, hovud og lattermusklar i lang tid.

PÅL HAUSKEN. Jazztrommeslagar Pål Hausken – også frå «Music for a While» – kjem frå Rennesøy i Rogaland. Han spelar samstundes i jazztrioen «In The Country» med pianist Morten Quenild og bassist Roger Arntsen. Den allsidige Pål samarbeider både med Susanna Wallumrød, Bull of the Year («ein hardtsvingane jazzrock-kvartett»), Zahl og ei rekkje andre band.

Langt fleire enn borna gler seg til barnehage- og skule-konsertane som blir leia av tospannet Martin og Pål! Vi vil ikkje røpe kva dei to herrar har gøymt i ermet...



MUSIKKFESTEN ER STØTTA AV

SandaneTaxi948 55 555


HILD BORCHGREVINK / IDA HABBESTADHild Borchgrevink er redaktør for tidsskriftet «Scene-kunst». Ho har ein mangeårig og svært variert bakgrunn som musikkskribent, og har studert ved Skrivekunst- akademiet i Bergen. Hild er særleg oppteken av tilhøvet mellom musikk, samfunn og politikk.

Ida Habbestad spelar fløyte, men har vigd seg til å skrive om musikk. Ho har vore musikkmeldar bl.a. i Dagsavisen og i Aftenposten, og er no redaktør av den anerkjente nettavisa «Ballade». Ho er også leiar i Norsk kritikerlag.

Vi er glade for å ha så kvalifiserte musikkskribentar som Ida og Hild i Gloppen også i år. Dei gir elevane i ungdomsskulen og på vidaregåande kurs i å skrive kritikk og omtalar av konsertar. Det er ein viktig og inspirerande måte å opne øyrene til elevane på, for musikk dei kanskje møter med for første gong.

GRO SANDVIK er ei Grand-Ever-Young-Lady i norsk musikkliv. I år kjem ho til Musikkfesten for å inspirere fylkets fløytistar på eit eige seminar. Ho har stått for en heil æra som solist og solofløytist i Bergen Filharmoniske Orkester, og som fløytist i Bergen Blåsekvintett. I tillegg har ho ved si sprudlande undervisning og glød losa mange unge musikarar inn i det profesjonelle musikklivet. Gro interesserer seg for konsertregi og korleis ein framstår på scena, dei seinare åra i samarbeid med teaterregissøren Bud Beyer. Ho er professor emeritus ved Griegakademiet i Bergen og har vore gjesteprofessor ved Universitetet i Iowa, USA. Gro beint fram elskar musikk, og det pregar alt ho gjer. I tillegg kan ho skryte på seg å ha sett vår cellist Audun til verda.



by Strukturplast

®


oppsto brått og overraskande hausten 2010. Nora tok utfordringa med å red-de eit evenement for ei stor nærings- verksemd, då dei andre artistane mel-de forfall. Fagleg kåseri, kammer- konsertar, taffelmusikk, underhaldning under middagane, og deretter: ein heil- aftans discokveld. «Glimrende! Jeg har et ensemble som gjerne gjør alt dette,» høyrde (skrekkslagne) Nora seg sjølv seie. Etter at det unike bandet var hyra, måtte ho forte seg å skape det. Heldigvis ikkje av ingenting! Kollegaene Petter og Embrik i Kork overtok og ordna alt. No er «lomme- disco-bandet» ein sjølvsagt liten enklave

av Kork. Det er samansett av stryketrio, el-bass (ved venstrehendte Embrik, elles fagottist), trommesett og gjestevokalist(ar). Petter (til vanleg trombonist) leiar ensemblet, arrangerer alle låtane og spelar tangentar. Han er i sanning uerstatteleg.

Bandet har tidlegare spelt til bryllaup på Sandane! No skal dei spele for både danseelevar og dei profesjonelle under framsyninga «Dans og musikk – gjennom ROM og TID» og så blir det dansefest for oss alle laurdag kveld. Gjennom den kvelden får vi møte ulike vokalistar: Elevar får musikklinja på Firda vgs, Tora Auge-stad og Julie Ervik.

KORK SITT DISCOBANDIkkje heilt disco, men mykje KORK og ganske rocka i Karnils i fjor.



KNUT LOTHE er ein avhalden slagverkar – vårt friske festivalpust frå Bodø. Han spelar jazz-, rock- og pop- trommesett. Han er ein av dei mest erfarne utøvarane til Rikskonsertane – hittil med over 1800 konsertar for born og unge på samvitet! Ifølgje NRKs Per Sundnes burde han få medalje.

Knut er utdanna ved Musikkhøgskuen i Oslo, der han også har vore tilsett sidan 1997. Han har turnert både med band og som solist, og byr gjerne på trommesirkus eller kyrkjeklokker. Nettopp born, med deira umiddel-bare reaksjonar, utgjer yndlingspublikumet hans.

Vi gler oss til han får møte sjølvaste gloppeborna! Alle må hjelpe Knut og pingvinen PING med å få klekt ut eit løyndomsfullt egg. Kva finn vi der inne, tru …?

Kva skulle vi gjort utan? Vi hadde ikkje klart å lage festival!

Frivillig innsats kan vere så mangt: Eit rom til ein musikar? Ei kake til ein pause? Hente eller bringe noko på flyplassen? Sette opp stolar? Pynte til mottaking? Lage mat? Hjelpe med oppvasken? Henge opp plakatar? Kort sagt: Vere med på laget!

Og Musikkfesten har ei veneforeining – visste du det? Det kostar litt å vere medlem – kr 150 i 2015, men så vert du f.eks invitert til programslipp og får kjøpe festivalpass til redusert pris. Det hender nok vi sender ein epost til venene for å spørje om dei kan tenke seg å bidra med det eine eller andre, men det er inga plikt! Og har du idear til kva veneforeiniga kan gjere, tek vi i mot tips. Vil du vere med? Send oss ein e-post eller ta kontakt med Reidun Sandøy Os.

FRIVILLIGE OG VENER


ANDREAS EIKESETH NYGJERD er ekte nordfjording, litt frå innvik, litt frå Gloppen. Etter nokre år utanfor fylket er han no etablert som portrettfotograf med studio & galleri på Sandane. Han har ein sterk og klar forkjærlighet for klassisk svart/kvitt-portrett tufta på godt handverk og nøysom lyssetting, og dette er han også høgt premiert for i nasjonale konkurransar. I perioden 2011 til 2014 studerte han under meisterfotograf Hans Jørgen Brun i Bergen, men no kan du altså ta turen innom galleriet hans og nyte synet av eit godt portrett. Musikkfesten tykkjer det er stas at vi også I år kan samarbeide med ham og ha eit så annleis kunstnarisk uttrykk representert I festivalen.

HEGE WOXEN – årets festivallyrikar – er poet, litteraturvi-tar og gjendiktar. Ho har vore med i programrådet vårt i fleire år, og har hatt ansvar for dei litterære nattbada. I år fann vi eit fint høve til å setje henne «på den andre sida av bordet» - i samband med at hennar andre bok kom ut i april 2015. Hennar første diktsamling - «Gjemsel med korte dager» - kom i 2000, og i år kan vi gle oss over «Endelig står verden på hodet», som kom på Tiden i april i år.

Forlaget skriv: «Endelig står verden på hodet» er en varm og ekspressiv diktsamling om å få og leve med barn, der «pappa er en fornøyelsespark med karuseller, sukker- spinn», mens «mamma er et bibliotek med bøker helt opp til taket».

I det litterære nattbadet vert ho presentert gjennom samtale, opplesing og musikk. Hild Borchgrevink er bade- vert, og våre tre kunstnariske leiarar spelar musikk til dikta.

Hege har ei urban fortid frå Oslo, Göteborg og andre byar, og kunne fort ha halde fram med det om det ikkje hadde dukka opp ein boklesande småbrukar frå Gloppen, som viste seg å lengte heim att til fjord og fjell, og dermed vart bydama gloppar!

© Andreas Eikeseth Nygjerd



Han skal passe på eit egg, og det må haldast varmt og tørt. Kanskje kjem det ein liten pingvin til verda? Eit stort ansvar er det i alle fall! Mr. Ping bur i Antarktis. Her er det frykteleg kaldt og mykje snø. Enda verre er det at andre dyr kanskje ynskjer å få tak i egget hans. Mr. Ping må halde auga, og ikkje minst øyrene opne. Publikum er med på å hjelpe Mr. Ping til ein trygg stad der han kan klekke egget.Slagverkar Knut Lothe har med seg ei stor kasse med lydar

til konserten. Lothe er ein av Noregs mest etterspurte slagverkarar og i tillegg til å spele med ein rekke band, har han lang erfaring med å skape gode lytteopplevingar for born og unge.

Medverkande:Knut Lothe, lydar, song og forteljing

Velkomen til familiekonsert!

MR. PING HAR FÅTT EIT STORT ANSVAR


DISTRIKTSMUSIKARANE I SOGN OG FJORDANESogn og Fjordane har tre Distriktsmusikargrupper med til saman 15 musikarar. Som ein kan sjå nedanfor – dei representerar eit stort musikalsk mangfald! Dei tre gruppene er knytt til kvar si kulturskule - i Gloppen, Førde og Sogn. Distriktsmusikarane underviser i kulturskulen, held konsertar både på skular og i barnehagar og deltek på større konsertprosjekt i samarbeid med andre profesjonelle musikkaktørar samt frivillige musikkaktørar i fylket. Vi er glade for at dei nok ein gong har sett kvarandre i stemne for å dele tonar og melodiar med Musikkfestens publikum.

DISTRIKTSMUSIKARANE i FØRDEChristine Marøy, songArvid Anthun, trompetHenri G. Eftevand, fiolinHelga Lied Wyrtz, fløyteJakob Wyrtz, gitarAkiko Anazawa, piano

DISTRIKTSMUSIKARANE I GLOPPENAnn-Margrit Silfverhielm, songOtto Ose, trompet, fiolin, bassHenrik Silfverhielm, celloThomas Aanonlie, slagverkTone Holgersson, piano

DISTRIKTSMUSIKARANE I SOGNBjørn Gisle Seter, songHans Holgersson, celloLeif Aslaksrud, basstromboneDorina Komani, piano



DET DU IKKJE SER...Musikkfesten er oppteken av å gje tilbod til born og unge, og samarbeide med etablerte fagmiljø i Gloppen og fylket. Det er eit mål for oss å la born og unge få opp-leve musikarar og andre kunstnarar i toppklasse i ei daglegdags råme, og det er viktig for oss å bidra positivt til det sterke kulturelle og musikkfaglege miljøet i Gloppen og fylket. Det er ein del av samfunnsoppdraget festivalen har – å nytte gode fagfolk til beste for dei fagfolka og det rike kulturlivet som allereie finst.

I år samarbeider Gloppen Musikkfest m.a. med musikk-, danse- og dramalinja ved Firda vgs, Gloppen ungdomsskule, Gloppen kulturskule og Danseverkstaden i Førde om eit mangfald av tilbod – utanom det offisielle programmet.

Musikarane våre blant dei beste på sine felt, og fleire av desse skal halde seminar og workshop. Mathias Eick, (trompet), Tora Augestad (vokal) og Stian Carstensen (trekk-spel, banjo m.m) skal leie elevane på musikklinja gjennom eit seminar der elevane spelar sjølv og får tilbakemelding og rettleiing frå desse røynde musikarane og pedagogane.

– Elevane ved musikklinja får gjennom dette samarbeidet møte og lære av inter- nasjonalt profilerte utøvarar, og dei og vi lærarane får mykje ut av dette samarbeidet, seier fagkoordinator på musikklinja Tore Hovde.

Håkon Thelin og Bugge Wesseltoft møtte musikkelevar på Firda vgs i fjor.


I tillegg skal 3.klassingane ved musikklinja og alle 10-klassingane i kommunen ha kritikarseminar, med kritikararane Ida Habbestad og Hild Borchgrevink. Elevane får lære om å lytte, vurdere og setje ord på konsertopplevingane, både munnleg og skriftleg. Seminaret er utvikla her i Gloppen, og er etterkvart blitt eit ettertrakta tilbod ved festi-valar rundt om i landet. Seminaret er ein del av norskfaget, og aukar kompetansen for både lærarar og elevar i musikk og norsk.

– Dette er veldig god oppvarming til konsertane. Tore Hovde frå musikklinja og rektor Ragnhild Bruvoll ved Gloppen ungdomsskule seier vidare at det er verdifullt at dei unge får opplæring i korleis ein kan lytte og vurdere ei konsertoppleving. Det opnar dører til musikk som i utgangspunktet kan vere ukjend og framand, og det opnar igjen for rikare opplevin-gar ved eit neste høve.

Framsyninga «Dans og musikk – gjennom TID og ROM» er skapt i eit samarbeid mellom Musikkfesten, lærarar og elevar på danse- og dramalinja og innleigd koreograf. I arbeidet med framsyninga har Toini Kristensen vore her i til saman tre arbeids- periodar og rettleidd elevane fram mot det publikum får sjå. Gjennom slike tiltak trur vi i GMF at vi bidreg til det gode faglege nivået på Firda vgs. Fagkoordinator på danselinja – Judith Karin Bakketun – seier: Vi dansar vanlegvis til innspelt musikk, så dette blir ei ny, spennande oppleving. I dette prosjektet blir elevane presentert for ulik musikk, arkitektur og musikkepokar, og dei får ei anna innsikt i musikken.

Publikum blir leia gjennom bygga av elevar frå dramalinja på Firda, og dramalærar Ingeborg Stige og Bakketun framhevar – at det er verdfullt for elevane og skulen at dei får vere med på slike store oppsetjingar med profesjonelle aktørar, og det er lærerikt for lærarane også!

Unge dansarar frå både Gloppen kulturskule og fleire stader i fylket er invitert til å vere med i denne framsyninga, og det er veldig kjekt at vi slik får til å skape eit møte-punkt for dansemiljøa i heile fylket.

I løpet av musikkfesten er om lag 350 unge med på seminar, konsertar og i staben som lagar Musikkfesten.

I tillegg blir det fløyteseminar for fløytistar frå heile Sogn og Fjordane. Korpsdirigent og kulturskulelærar John Rune Ødven seier: For oss fløytelærarane i fylket er det fint å møtast og lærerikt å sjå ein så røynd pedagog som Gro Sandvik undervise våre eigne elev-ar. Gro Sandvik er ein nestor i norsk og europeisk fløytemiljø. Ho har vore solofløytist i Bergen Filharmoniske orkester i 40 år. No er ho pensjonist, men fortsatt aktiv som pedagog i kraft av si stilling som professor emeritus ved Griegakademiet.Og i tillegg til desse seminara blir det både musikarbesøk på skulane, barnehagekon-sertar og kontorkonsertar. Det er altså mykje du som publikummar ikkje veit om, men … det er der!



www.gloppenmusikkfest.no

Programhefte 2015

Documents

Transcript of Programhefte 2015