PRIVILEGJET DHE PËRPARËSITË E TË PANDEHURIT NË … · procedura penale akuzatore e cila...
Transcript of PRIVILEGJET DHE PËRPARËSITË E TË PANDEHURIT NË … · procedura penale akuzatore e cila...
PRIVILEGJET DHE PËRPARËSITË E TË PANDEHURIT NË PROCEDURËN PENALE...
91
K.D.U. 342.12
Phd. Cand. Xhemajl VELIQI
PRIVILEGJET DHE PËRPARËSITË E TË PANDEHURIT NË
PROCEDURËN PENALE: ASPEKTE TEORIKE DHE
KOMPARATIVE
Përmbledhje
Punimi flet për privilegjet dhe përparësitë e të pandehurit në
procedurën penale. Aspekti i analizës komparative të të gjitha aspekteve të
privilegjeve dhe përparësive të të pandehurit në procedurë zënë një vend të
rëndësishëm. Punimi argumenton se instituti i privilegjeve dhe i përparësive
të të pandehurit kanë për qëllim që të mbrojnë dinjitetin dhe të drejtat e tija
kushtetuese e ligjore kundrejt palës tjetër në procedurë – prokurorit publik.
Kjo për faktin se në kohën e sotme ku dominon sistemi i përzier i procedurës
penale, këto institute përbëjnë nyjën kryesore ku mbërthehet garanacioni
mbi ruajtjen e dinjitetit dhe të drejtave të të pandehurit në procedurën
penale. Pa këto garancione vështirë se mund të arrihej ndonjë mbrojtje
ligjore dhe kushtetuese e të pandehurit në procedurën penale. Punimi po
ashtu problematizon të metat e disa prej privilegjeve dhe përparësive të
cilat gjenden në normat pozitive të Kosovës mbi procedurën penale dhe të
cilat mund të mos ofrojnë garancionin e duhur të mbrojtjes së të pandehurit
në procedurën penale.
Phd. Cand. Xhemajl VELIQI
92
Fjalët çelës: Kodi i Procedurës Penale (KPP); i dyshuari ; i
pandehuri; i akuzuari; aktakuza; in dubio pro reo; beneficium cohaesionis;
fjala përfundimtare e të akuzuarit në procedurën penale; identiteti objektiv i
aktgjykimit dhe i aktakuzës; përparësitë e të pandehurit në procedurën
penale tek mjetet e rregullta juridike; përparësitë e të pandehurit në
procedurën penale tek mjetet e jashtëzakonshme juridike.
I. VËSHTRIMI PËRGJITHSHËM I PRIVILEGJEVE DHE
PËRPARËSIVE TË PANDEHURIT NË PROCEDURËN
PENALE
1. Nocioni dhe veçoritë e të pandehurit në procedurë penale
Në procedurën penale subjekt themelorë janë: gjykata, prokurori i
shtetit dhe i pandehuri. I pandehuri është subjekti qendror në procedurën
penale. Për të pandehurin fillohet dhe zhvillohet procedura penale në rastet
kur ekziston dyshimi me bazë se ka kryer vepër penale. Gjykata është
subjekt themelor i procedurës penale por jo edhe palë në procedurë kurse
prokurori i shtetit dhe i pandehuri konsiderohen edhe palë në procedurën
penale.
Shprehja “i pandehur” përdoret edhe si shprehje e përgjithshme për
të pandehurin, të akuzuarin si dhe të dënuarin. KPP-ja përdor terma të
ndryshëm si shprehje e përgjithshme për të pandehurin, të akuzuarin si dhe
për të dënuarin. Varësisht nga rrjedha e procedurës penale, në nenin 19 të
KPP-së bëhet edhe interpretimi përkatës. Kështu, “i dyshuar” konsiderohet
personi për të cilin policia dhe prokurori i shtetit dyshojnë se ka kryer vepër
penale, por kundër të cilit nuk ka filluar hetimi; “i pandehur” është personi
kundër të cilit zbatohet procedura penale; “i akuzuar” është personi kundër
të cilit është paraqitur aktakuza dhe është caktuar shqyrtimi gjyqësor; dhe,
së fundi, “person i dënuar” është personi i cili për kryerjen e veprës penale
është shpallur fajtor me aktgjykim të formës së prerë.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
93
Cilësinë e të pandehurit në procedurën penale mund ta fitoj çdo
person fizik i cili posedon aftësinë për të vepruar. Zotësia e veprimit e të
pandehurit, e po ashtu e personave fizik në përgjithësi, manifestohet
ndërmjet moshës së caktuar dhe gjendjes shëndetësore e shpirtërore të
tij/saj. Mosha si karakteristikë e fitimit të cilësisë së të pandehurit është
përcaktuar me të drejtën materiale. Personi i cili në momentin e kryerjes së
veprës penale nuk e ka rritur moshën 14 vjeçare konsiderohet fëmijë dhe
është jashtë sferës penale, pra, ndaj tij nuk mund të fillohet dhe zhvillohet
procedura penale. Është me rëndësi të theksohet se kjo moshë në disa shtet
është e rregulluar ndryshe dhe ndryshon nga vendi në vend1. Sipas të
drejtës materiale është me rëndësi gjendja shëndetësore dhe shpirtërore e të
pandehurit në momentin e kryerjes së veprës penale si dhe në momentin e
zhvillimit të shqyrtimit gjyqësor.
Krahas zhvillimit historik të së drejtës procedurale penale pozita e të
pandehurit ka pësuar ndryshime të vazhdueshme, varësisht nga shkalla e
zhvillimit dhe rregullimit shoqëror, politik dhe ekonomik të një shteti. Në
procedurën penale bashkëkohore gjithnjë synohet përmirësimi dhe avancimi
i pozitës së të pandehurit në procedurën penale. Nga zhvillimi historik e
kulturor i shoqërive perëndimore kanë lindur disa institute që përbëjnë
thelbin e privilegjeve dhe përparësive të të pandehurit në procedurën penale.
Këto institute kanë lindur dhe janë zhvilluar si pjesë e luftës shekullore të
shoqërive të avancuara perëndimore për liri e dinjitet njerëzor. Këto institute
përbëjnë veçoritë bazike të të pandehurit në procedurë që e dallojnë atë nga
palët tjera procedurale. Si të tilla, këto veçori janë si vijon: prezumimi i
pafajësisë, të drejtat dhe detyrat e tij, si edhe privilegjet e të pandehurit si
tipare të pozitës në procedurën penale.2
1 Për një studim komparativ të çështjes së moshës dhe përgjegjësisë penale, shih më shumë në:
Hubble, Gail, “Juvenile Defendants: Taking the Human Rights of Children Seriously”. Alternative
Law Journal Vol. 25 (2000); Lisa, Bradley, “The Age of Criminal Responsibility Revisited”.
Deakin Law Review Vol. 4 (2003). 2 Murati, Rexhep, Rishikimi i Procedurës Penale për shkak të fakteve dhe provave të reja (Fakulteti
Juridik: Prishtinë, 2006) fq. 77.
Phd. Cand. Xhemajl VELIQI
94
2. Privilegjet dhe përparësitë gjatë zhvillimit të procedurës
penale
Vështrimi i zhvillimit historik të procedurës penale si tërësi tregon se
ajo rrjedh prej veprës penale dhe procesit të kuptuar si çështje private, deri
te vepra penale dhe procesi i kuptuar si çështje e rregullimit juridiko-publik.
Ky transformim kësi soji ka rezultuar në organizimin e nduarnduart të
procedurës penale.3 Në vijim të këtij zhvillimi historik të procedurës penale
janë krijuar dhe ndërruar tri sisteme të mëdha, respektivisht tri lloje
kryesore të procedurës penale: procedura penale akuzatore-adversare,
procedura penale inkuizitore-joadversare dhe procedura penale
bashkëkohore e përzier. Procedura penale akuzatore dhe inkuizitore njihen
si procedura me karakter origjinal, kurse procedura penale bashkëkohore
është e përzier, pasi që kjo e fundit është fuzionim i elementeve pozitive të
dy tipeve të mëparshme të procedurës penale4.
Gjatë zhvillimit historik të procedurës penale ndërrimi i këtyre
tipeve të procedurave penale ose kalimi i këtyre nga njëra në tjetrën, është
bërë për një kohë të gjatë dhe shkallë-shkallë.5 Pozita e të pandehurit që nga
procedura penale akuzatore e cila është forma e parë e procedurës penale,
është ndryshuar në mënyrë të vazhdueshme dhe kjo varësisht nga zhvillimi
shoqëror, politik dhe ekonomik të një shoqërie apo shteti. Përmirësimi dhe
avancimi i pozitës së të pandehurit në procedurë si dhe baraspeshimi i
pozitës së tij me pozitën e prokurorit publik si organ shtetëror është bërë nën
frymën e tendencës për mbrojtjen e të drejtave të njeriut dhe tendencës për
efikasitet të procedurës penale.
Procedura penale akuzatore është forma më e vjetër e procedurës
penale, e cila zhvillohet në formë të kontestit ndërmjet dy palëve të
barabarta, paditësit dhe të pandehurit. Fillet e kësaj procedure i hasim në të
drejtën orientale kurse formën më të përsosur e fiton në Greqi dhe në
3 Sahiti, Ejup, Murati, Rexhep, E Drejta e Procedurës Penale (Fakulteti Juridik: Prishtinë, 2013) fq.
37. 4 Esmein, Adhemar, A History of Continental Criminal Procedure With Special Reference to France
(The Lawbook Exchange Ltd. Union: New Jersey, 2000) , Chapter I.: “Different Types of Criminal
Procedure”, fq. 3-12. 5 Murati, Rexhep, op. cit., fq. 53.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
95
Romën e vjetër6. Në këtë procedurë funksionet themelore janë të ndara, ku
funksionin e ndjekjes e ushtron paditësi, funksionin mbrojtjes i pandehuri
kurse atë të gjykimit e ushtron gjykata. Funksionin e ndjekjes zakonisht e
ushtron personi i dëmtuar me vepër penale i cili parashtron padi private,
mirëpo, në kohën e Republikës në Romë mund të ushtrohej edhe actio
popullaris-padi popullore, të cilën ka mundur të paraqesë çdo kush nga
populli pavarësisht nëse është i dëmtuar apo jo me atë vepër penale.
Në këtë formë të procedurës penale, barra e provave i takonte
paditësit i cili duhej të ofronte prova të mjaftueshme në mënyrë që gjykata
ta shpall fajtor të pandehurin. Në të kundërtën nëse paditësi nuk mund ta
provonte fajësinë e të pandehurit, gjykata duhej ta lironte atë. Për ndjekje
sipas detyrës zyrtare (ex officio) ende nuk mund të flitet në këtë fazë të
procedurës. I pandehuri e ushtronte funksionin e mbrojtjes i cili kishte
pozitë mjaftë të favorshme me të vetmin detyrim që të lëshohej në
procedurë. Po që se i pandehuri nuk i përgjigjej thirrjes së gjykatës ai sillej
me forcë. Lidhur me veprën penale për të cilën paditet, i pandehuri nuk ka
pasur obligim që të deklarohet para gjykatës, se a do të deklarohet i është
lënë në vullnetin e lirë të të pandehurit.
Gjykata e ushtron funksionin e gjykimit vetëm në bazë të iniciativës
së dhënë me padi nga ana e paditësit pra, nuk e fillon procedurën me
vetiniciativë e as nuk angazhohet lidhur me sigurimin e provave. Në qoftë se
gjykata do ta fillonte procedurën me vetiniciativë nuk do të ishte objektive
pasi që nga fillimi i procedurës deri diku do të ishte e bindur se i pandehuri
është fajtor. Pasi kjo formë e procedurës penale zhvillohej në formë të
kontestit ndërmjet palëve, thirrja në prova dhe analizimi i tyre iu është lënë
palëve në fazën e gjykimit. Gjykimi zhvillohej nën qiell të hapur, ku secila
palë kishte mundësi të paraqesë prova dhe t’i kundërshtoj provat e palës
kundërshtare. Përveç parimit kontradiktor në këtë formë të procedurës vijnë
në shprehje edhe disa parime të tjera siç janë: parimi i publicitetit, i
drejtpërdrejtë dhe i bindjes së lirë të gjykatës. Gjykata përbëhej nga trupi
gjykues prej gjyqtarëve laik, numri i të cilëve ishte i ndryshueshëm. Gjykimi
përcillej deri në fund nga gjykata, e cila duke i çmuar provat sipas bindjes së
lirë e merrte aktgjykimin me shumicë votash.
6 Adhemar, Esmein, op. cit. Chapter II.: “Roman Criminal Procedure”, fq. 13-29.
Phd. Cand. Xhemajl VELIQI
96
Si anë negative të kësaj forme procedurale janë: mungesa e stadit të
hetimeve dhe shumë shkallshmërisë së procedurës si dhe mënyra e ndjekjes
së kryerësve të veprave penale e cila nuk jepte garanci se do të zhvillohet
procedura penale çdo herë kur kruhej vepra penale, pasi që mund të kishte
marrëveshje në mes të pandehurit dhe të dëmtuarit apo kërcënimi nga i
pandehuri i të dëmtuarit si dhe të qytetarëve tjerë. Nga kjo që u tha amë lartë
mund të konkludohet se në këtë tip të procedurës penale përkundër anëve
pozitive të tij ende nuk mund të flitet për privilegjet dhe përparësitë e të
pandehurit në kuptimin e sotëm.
Zëvendësimi i tipit akuzator me atë inkuizitor është bërë me
ndryshimin e raporteve shoqërore gjegjësisht me vendosjen e perandorisë në
vend të republikës në Romë, forcimin e monarkisë absolute në mesjetë si
dhe ndryshimi i karakterit të veprës penale, nga ai privat në atë publik. Këtu
duhet vënë në dukje posaçërisht të drejtën kanunore në përcaktimin e së
cilës kanë kontribuar dekretet e papës Inoçenti III (Kuvendi i Latentit i
1215-ës).7
Për dallim nga procedura penale akuzatore ku tri funksionet
themelore ishin të ndara, në procedurën penale inkuizitore janë të
përqendruara (kumuluara) në kuadër të Gjykatës. Funksionin e ndjekjes e
ushtronte gjyqtari hetues (inkvirenti) i cili posa të paraqitej dyshimi se i
pandehuri ka kryer vepër penale e fillonte ndjekjen sipas detyrës zyrtare-ex
officio. I pandehuri nuk konsiderohej subjekt i procedurës por objekt i saj.
Gjyqtari hetues kujdesej edhe për ushtrimin e funksionit mbrojtës,
gjë që ushtrimi i këtij funksioni me objektivizëm ishte pothuajse i
pamundur pasi që detyrë kryesore e tij ishte të mbledhë prova të nevojshme
për vërtetimin e fajësisë së të pandehurit ku vendimin për këtë e marrte
kolegji gjyqësor. Sistemi i të provuarit është ndryshuar në atë mënyrë që
është hequr dorë nga provat irracionale, ndërsa janë pranuar provat
racionale8. Pra, në këtë procedurë pohimi i të pandehurit konsiderohej
mbretëreshë e provave-provë e plotë, dhe për këtë filloi të zbatohej tortura
legale. Zbatimi i torturës legale bëhej nga ana e gjyqtarit hetues, të cilën në
bazë të iniciativës së tij e lejonte gjykata. Për sigurimin e pohimit nga i
7 Murati, Rexhep, op. cit., fq. 63. 8 Për zhvillimin historik të provave irracionale në Mesjetë, shih më shumë në Esmein, Adhemar, op.
cit. Chaptwr III.: “Primitive Germanic Criminal Procedure”, fq. 34-42.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
97
pandehuri zbatoheshin mjete të ndryshme dhe pohimi i tillë duhej të
vërtetohej brenda 24 orëve në të kundërtën tortura mund të vazhdohej.
Zbatimi i torturës legale kishte për qëllim zbulimin e kryerësit të
veprës penale. Mirëpo, ky qëllim nuk mund të arrihej pasi që mundësia për
të përballuar torturën nuk varej nga ajo se është i pandehuri fajtor apo jo,
por varej nga qëndrueshmëria edhe konstrukti fizik i tij. Nga kjo që u tha më
lartë është evidente se faza e hetimit ishte faza kryesore dhe më e
rëndësishme e procedurës penale inkuizitore. Gjykimi zhvillohej në dyer të
mbyllura ku marrja në pyetje e të pandehurit dhe e dëshmitarëve si dhe
provat shënoheshin në procesverbal, e pastaj këto procesverbale që përbënin
shkresat e lëndës i dërgoheshin kolegjit gjyqësor për të vendosur. Gjykata
kishte autorizim që edhe me vetiniciativë të merrte dhe të ndriçonte prova
për të cilat mendonte se mund t’i kontribuonin zgjidhjes së çështjes penale
në mënyrë të drejtë.
Gjykata mund të merrte aktgjykim lirues, dënues si dhe aktgjykim
me të cilin i pandehuri lëshohej nën gjykim në mungesë të provave. Ky lloj i
aktgjykimit ofronte pasiguri dhe rendim të pozitës së të pandehurit pasi që
kundër tij në çdo kohë mund të rifillohej procedura penale për të njëjtën
vepër. Përkundër disa përparësive të kësaj procedure siç janë: atakimi i
aktgjykimit me ankesë si dhe ndjekja e rasteve sipas detyrës zyrtare, për
dallim nga tipi akuzator pozita e të pandehurit në procedurën penale
inkuizitore ishte e rënduar në një masë të madhe sidomos me zbatimin e
torturës legale, me mungesën reale të së drejtës në mbrojtje, vendosjes
vetëm në bazë të shkresave të lëndës etj. Në procedurën penale inkuizitore
gjente zbatim tendenca për efikasitet të procedurës penale inkuizitore në
dëm të asaj për mbrojtjen e të drejtave të njeriut.
Ndryshimi i rrethanave shoqërore në Francë, respektivisht
Revolucioni Francez i vitit 1789, në një anë i ka dhënë fund procedurës
penale inkuizitore kurse në anën tjetër ka hap rrugë për vendosjen e
procedurës penale mikste (bashkëkohore) në të cilën parashikohej
prezumimi i pafajësisë. Procedura penale mikste ka formë kontradiktore dhe
i kthen të pandehurit cilësinë e subjektit procedural me të drejta dhe
obligime të caktuara. Në këtë tip të procedurës penale gjykimi zhvillohej në
dy faza: atë të hetimit dhe të gjykimit. Në fazën e hetimit vihen në pah
Phd. Cand. Xhemajl VELIQI
98
elementet e procedurës penale inkuizitore. Tek të drejtat pozitive çështja e
hetimit është e rregulluar në mënyra të ndryshme, kështu diku atë e zhvillon
gjyqtari hetues si subjekt që i takon gjykatës e diku tjetër hetimi është në
kompetencë dhe nën mbikëqyrjen e prokurorit publik (shtetit)9.
Faza e hetimit ka për qëllim mbledhjen e provave dhe të dhënave të
nevojshme për të vendosur se a do të ngritët aktakuza apo të pushohet
procedura si dhe mbledhja e provave, sigurimi i të cilave në shqyrtim
gjyqësor do të ishte i pamundur ose i vështirësuar. Në fazën e gjykimit më
tepër vijnë në shprehje elementet e procedurës penale akuzatore siç janë:
parimi i publicitetit, parimi gojor, i drejtpërdrejtë, kontradiktor, vlerësimi i
provave sipas bindjes së lire të gjykatës etj. Mirëpo, në këtë tip të
procedurës penale hasim edhe disa elemente të tipi inkuizitor siç janë:
parimi me shkrim i cili kombinohet me parimin me gojë pastaj edhe roli
aktiv i gjykatës. Tipi mikst i procedurës penale paraqet përmbledhjen e
elementeve pozitive të tipit akuzator dhe atij inkuizitor, ku që nga
Revolucioni Francez e deri më tani u zbatua në Evropën Kontinentale dhe
më gjerë. Fuzionimi i elementeve pozitive të dy tipave të mëhershme në
tipin mikst të procedurës penale ka ndryshuar dhe përmirësuar pozitën e të
pandehurit në procedurën penale.
II. KUPTIMI, BAZAT DHE ARSYESHMËRIA E
PRIVILEGJEVE DHE PËRPARËSIVE TË PANDEHURIT NË
PROCEDURËN PENALE
Në procedurën penale bashkëkohore i pandehuri gëzon një varg
privilegjesh dhe përparësish, të cilat dallojnë prej njërës procedurë në tjetrën
për nga vëllimi dhe brendia e tyre. Këto privilegje dhe përparësish të
pandehurit i mundësojnë një pozitë të barabartë me prokurorin publik si
organ shtetëror, mirëpo, kjo barazi e cila synohet në të drejtën bashkëkohore
ka karakter parimor dhe jo absolut.
9 Për zhvillimin e procedurës penale në Francë gjatë Revolucionit Francës, si dhe ndikimet e këtij
revolucioni në vendet e ndryshme në Evropë dhe më gjerë, shihe më shumë në: Esmein, Adhemar,
op. cit. Part III: “History of Criminal Procedure Since French Revolution”, fq. 402- 599.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
99
Në literaturën e procedurës penale favoret e të pandehurit,
përkatësisht të drejtat që i takojnë atij si palë dhe si burim informacioni, siç
është thënë, quhet favor defensionis, që do të thotë përparësi e mbrojtjes. Më
fjalë të tjera në procedurën e sotme penale ka një varg rregullash që synojnë
ta bëjnë më të mirë pozitën e të pandehurit, të cilat në tërësinë e tyre
përbëjnë favor defensionis10
.
Para se të lëshohemi në shtjellimin e llojeve të privilegjeve dhe
përparësive në procedurë penale do të shpjegojmë kuptimin e ngushtë dhe të
gjerë të tyre. Pra, privilegjet në kuptimin e ngushtë të fjalës janë të drejta të
cilat i gëzon vetëm i pandehuri dhe të cilat të drejta nuk i ka prokurorin e
shtetit si palë e kundërt. Kurse përparësitë e të pandehurit në procedurë kanë
të bëjnë me disa të drejta të drejta të veçanta të cilat i posdon edhe prokurori
i shtetit mirëpo i pandehuri në situatë të caktuar ka një epërsi në raport me
të. Privilegjet në kuptimin e gjerë përfshijnë privilegjet në kuptimin e
ngushtë si dhe përparësitë e të pandehurit në raport me prokurorin e shtetit.
KPP-ja ka paraparë privilegjet dhe përparësitë e të pandehurit në
procedurën penale, sipas të cilit privilegjet kryesore të tij janë in dubio pro
reo,11
fjala përfundimtare e të pandehurit në procedurën penale,12
Identiteti
objektiv i aktgjykimit dhe i aktakuzës,13
ndalimi reformatio in peius14
,
beneficium cohaesionis,15
etj, kurse përparësitë e të pandehurit ndeshen në
procedurën sipas mjeteve të rregullta juridike (p.sh. rivendosja e gjendjes së
mëparshme), si dhe në procedurën sipas mjeteve të jashtëzakonshme
juridike. Të gjitha këto lloje të privilegjeve dhe përparësive të pandehurit në
procedurën penale, të cekura më lartë do të shtjellohen në vazhdim të këtij
punimi.
1. Kuptimi i ndalimit reformatio in peius
Ndalimi reformatio in peius paraqet moskeqësimin e pozitës së të
pandehurit dhe është një institucion i cili shkon në favor të pandehurit si dhe
10 Murati, Rexhep, op. cit., fq. 79. 11 Neni 3, paragrafi 2 i KPP-së 12 Neni 355, paragrafi 1 dhe 4 i KPP-së. 13 Neni 360, paragrafi 1 i KPP-së. 14 Neni 395 i KPP-së 15 Neni 397 i KPP-së.
Phd. Cand. Xhemajl VELIQI
100
përbën privilegjin më të rëndësishëm të tij, që zbatohet në procedurën sipas
mjeteve juridike (të rregullta dhe të jashtëzakonshme). Shumica e
legjislacioneve bashkëkohore e parashikojnë këtë privilegj përfshirë edhe
procedurën tonë penale16
. Fillet e këtij institucioni i hasim në periudhën e
fundit të procedurës inkuizitore. Kodi Penal Austriak i vitit 1803 e më vonë
edhe Kodi Penal i Prusisë i vitit 1805, për herë të parë e ka paraparë këtë
institucion.
Kushtet dhe vëllimi i zbatimit është e rregulluar në mënyra të
ndryshme, në ligjet dhe kodet e procedurave penale të vendeve të caktuara.
Me paraqitjen e ankesës vetëm në dobi të pandehurit, aktgjykimi për sa i
përket cilësimit juridik dhe sanksionit penal nuk mund të ndryshohet në dëm
të tij (neni 395). Ndalimi reformatio in peius vlen me rastin e vendosjes
përkitazi me mjetet e rregullta dhe ato të jashtëzakonshme e po ashtu edhe
kur vendoset në rigjykim deri te i cili është ardhur në bazë të mjetit juridik
të paraqitur në dobi të pandehurit.
Reformatio in peius ka qëllim sigurimin e lirisë për të pandehurin në
përcaktimin e tij për paraqitje të ankesës kundër vendimeve që i çmon të
padrejta dhe të paligjshme. Ky njëherit paraqet një përjashtim të
rëndësishëm nga parimi i së vërtetës në procedurën penale. Karakteri
absolut i këtij institucioni ka të bëjë me atë se kur njëherë krijohen kushtet
për zbatimin e tij, ai vlen deri në përfundim të procedurës penale në atë
çështje.
Në nenin 395 të KPP-së është përcaktuar kuptimi i ndalimit
reformatio in peius, sipas të cilit në qoftë se është paraqitur ankesë vetëm në
dobi të të akuzuarit, aktgjykimi për sa i përket cilësimit juridik të veprës dhe
sanksionit penal nuk mund të ndryshohet në dëm të tij. Kurse në nenin 396
është paraparë efekti shtesë i ankesës së paraqitur për shkak të vërtetimit të
gabuar ose jo të plotë të gjendjes faktike ose shkeljes së ligjit penal. Sipas
këtij neni ankesa e paraqitur në dobi të të akuzuarit për shkak të vërtetimit të
gabueshëm ose jo të plotë të gjendjes faktike, ose për shkak të shkeljes së
ligjit penal përfshin edhe ankesën kundër vendimit lidhur me dënimin,
16 Shih më shumë për reformatio in piues në aspektin komaparativ në: Spangher, Giorgio, Tratatto di
Procedura Penale . Vol. 5 (UTET GIURIDICA: Milano, 2000) fq. 835- 839.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
101
trajtimin e detyrueshëm për rehabilitim dhe marrjen e dobisë pasurore të
fituar me vepër penale.
Në Evropën kontinentale ku zbatohet procedura penale
bashkëkohore ky institucion vjen në shprehje pas Revolucionit borgjez,
përkatësisht pas mendimit të Këshillit Shtetëror Francez të vitit 1806. Kodi
Francez i Procedurës Penale i viti 1808 nuk e parashikon këtë institucion17
.
Ai ka gjetur vend në legjislacionin francez vetëm në Ligjin e Procedurës
Penale të vitit 1958.18
Në disa legjislacione bashkëkohore reformatio in peius është
miratuar shprehimisht ndërsa disa shtete tjera nuk janë shprehur për këtë
ndalim. Në ato shtet ku ky institucion nuk është pranuar e as përjashtuar në
legjislacionet e tyre, barra e konstatimit se a ekziston apo jo ndalimi
reformatio in peius i bie teorisë dhe praktikës.
Baza e ndalimit reformation in peius është garancia e cila i iepet të
akuzuarit, se ankimi i bërë në dobi të tij nuk mund të ndryshohet
respektivisht nuk mund të veprojë kundër tij. Arsyeshmëria e këtij ndalimi
qëndron në lirinë që i jepet të pandehurit për paraqitje të mjeteve juridike si
dhe me garancinë e moskeqësimit të pozitës së të tij. Kjo siguri procedurale
i mundëson të pandehurit liri të plotë në përcaktimin për paraqitjen e mjetit
juridik pa frikën e keqësimit të pozitës.
Arsyetimi i mëtutjeshëm i ekzistimit të ndalimit reformatio in peius
qëndron në parimin e dispozicionit të palëve që me nismën e vet, duke
paraqitur mjete të caktuara juridike ta filloj procedurën penale para gjykatës
së shkallës së dytë.
Lidhur me mjetin juridik të paraqitur nga i pandehuri në dobi të tij,
gjykata kompetente e cila vendosë lidhur me atë mjet juridik është e
detyruar që aktgjykimin e kundërshtuar të gjykatës më të ulët ta shqyrtojë
vetëm në pjesën e atakuar me ankesë, ndërsa pjesët të aktgjykimit
konsiderohen res judicata pra, sipas parimit tantum devolutum quantum
apellatum dhe vetëm për shkaqet ankimore nga të cilat kundërshtohet
17 Shih më shumë për këtë deri në fillim të Luftës së Parë Botërore në: Garner W., James, “Criminal
Procedure in France. The Yale Law Journal Vol. 25 No. 4 (February 1916) fq. 255-284 18 Abraham J., Henry, The Judicial Process: An Introductory Analysis of the Courts of the United
States, England and France (Oxford University Press: Oxford, 1998) fq. 282-298.
Phd. Cand. Xhemajl VELIQI
102
aktgjykimi (ne eat judex ultra partium petita), përveç rasteve të
parashikuara në mënyrë të veçantë në ligj.19
Ky institucion respektivisht zbatimi i tij paraqet përjashtim nga
parimi i së vërtetës materiale pra, hynë në sferën e tendencës për mbrojtjen e
të drejtave të njeriut në dëm të asaj për efikasitet të procedurës penale.
Aktgjykimi mund të ndryshohet në dëm të akuzuarit vetëm në pjesët
e atakuar me ankesë në dëm të tij. Kjo nënkupton se nuk mund të
ndryshohen pjesët e aktgjykimit të cilat nuk janë atakuar me ankesë në dëm
të tij e po ashtu nuk mund të ndryshohet edhe sa i përket bazave ankimore
për shkak të cilave aktgjykimi nuk është kundërshtuar. Kushtet për
paraqitjen e ndalimit reformatio in peius janë që ankimi të mos jetë bërë fare
në dëm të akuzuarit; nëse ankimi në dëm të akuzuarit është hedhur poshtë si
e palejuar ose jashtë afatit, ose atëherë kur ankimi në dëm të akuzuarit është
refuzuar si e pabazë.20
2. Kuptimi i institutit beneficium cohaesionis
Instituti beneficium cohaesionis paraqet njërin ndër privilegjet më të
cilin synohet sigurimi i baraspeshës ndërmjet të pandehurit dhe prokurorit
publik në procedurën penale. Ky institut është privilegj të cilin e hasim në
procedurën sipas mjeteve të rregullta juridike si dhe sipas mjeteve të
jashtëzakonshme: (te kërkesa e rishikimit të procedurës dhe te ajo e
mbrojtjes së ligjshmërisë). Si i tillë, ky institut ka gjetur shprehje edhe në
praktikën e Gjykatës Evropiane për të Drejtat e Njeriut (GjEDNj)21
.
Në procedurën penale unike ku shumë persona janë përfshirë dhe kur
ndaj tyre është dhënë një aktgjykim, ky institut zbatohet kur njeri nga të
akuzuarit me sukses ushtron ankesë kundër aktgjykimit. Pra, beneficium
cohaesionis vjen në shprehje te koneksiteti i veprave penale.
KPP-ja në nenin 397 ka përcaktuar nocionin e këtij instituti dhe e ka
rregulluar në atë mënyrë që kur paraqitet ankesa nga cilido i akuzuar,
19 Murati, Rexhep, op. cit., fq. 84. 20 Ibid., fq. 93. 21 Shih më shumë për këtë në Tretter, H., “The Implementation of Judgments of the European Court
of Human Rights in Austria”, botuar në: Barkhuysen, Tom, Michiel van Emmerik and Piet Hien van
Kempen (eds.), The Execution of Strasbourg and Geneva Human Rights Decisions in the National
Legal Order (Martinus Nijhoff Publishers: The Hague, 1999) fq. 167-185.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
103
gjykata e apelit çmon se arsyet për të cilat ka marrë vendim në dobi të të
akuzuarit e që nuk janë të natyrës personale duhet të shkojnë në dobi edhe të
bashkakuzuarit tjetër i cili nuk ka paraqitur ankesë ose nuk e ka paraqitur në
atë drejtim. Në kësi rastesh gjykata e apelit vepron sipas detyrës zyrtare
sikur ankesa e tillë të ishte paraqitur edhe nga i bashkakuzuari tjetër.
Kur Gjykata Supreme e Kosovës e vërteton se shkaqet për të cilat ka
marrë vendim në dobi të të pandehurit ekzistojnë edhe për ndonjërin nga të
bashkakuzuarit që nuk ka paraqitur kërkesë për mbrojtjen e ligjshmërisë,
vepron sipas detyrës zyrtare sikurse kërkesa e tillë të ishte paraqitur nga
personi i tillë. Sipas kësaj rregulle, Gjykata vepron ashtu sikur të ekzistonte
ankimi i bashkakuzuarit që nuk ka bërë ankim, i bashkakuzuarit ankimi i të
cilit është hedhur poshtë si e palejuar ose jashtë afatit, si dhe, në kushte të
caktuara, ankimi i të bashkakuzuarit që ka hequr dorë prej tij. Siç mund të
shihet sipas nenit 397 të KPP-së me të akuzuarin që nuk është ankuar duhet
të barazohet ai person i akuzuar, ankimi i të cilit është hedhur poshtë si i
palejuar ose jashtë afatit.22
Tek ky institut kemi veprimin e zgjeruar përkatësisht efektin e
zgjeruar të mjetit juridik edhe për të bashkakuzuarin që nuk është ankuar ose
nuk është deklaruar lidhur me ankimin e suksesshëm të bashkakuzuarit
tjetër. Kjo rregull, e cila njeherit është privilegj shumë i rëndësishëm për të
pandehurin, ka të bëjë me të gjitha vendimet e përfshira në aktgjykim: si me
vendimet për përcaktimin e përgjegjësisë penale ashtu edhe me vendimet e
dhënies së sanksioneve penale.
Kjo rregull, sidoqoftë, ka një përjashtim sa i përket vendimit lidhur
me kërkesën pasurore juridike edhe pse lidhur me te nuk është përjashtuar
plotësisht zbatimi i beneficium cohaesionis. Aplikimi i këtij institucioni
arsyetohet me përjashtimin e formalizmit procedural në një anë si dhe me
shmangien e pasojave eventuale të mosinformimit të pandehurve në
procedurën sipas mjeteve juridike ose në një procedurë tjetër. Instituti
beneficium cohaesionis ka për qëllim trajtimin e barabartë të akuzuarve që
ndodhen në një situatë të njëjtë juridike dhe që përgjigjen për të njëjtën
çështje penale si dhe në të njëjtën procedurë.
22 Murati, Rexhep, op. cit. fq. 95.
Phd. Cand. Xhemajl VELIQI
104
Zbatimi i beneficium cohaesionis ka si pasojë ndërhyrjen në pjesën e
pakundërshtuar të aktgjykimit, gjë që paraqet njërën ndër arsyet kryesore
kundër këtij favori. Përveç kësaj mendohet se aplikimi i beneficium
cohaesionis vjenë në kundërshtim, përkatësisht përjashton dy rregulla të
rëndësishme të procedurës penale: kufizimin e gjykatës më të lartë që në
zgjedhjen e ankimit të shqyrtojë vetëm pjesën e kundërshtuar të aktgjykimit
(tantum devolution quantum apellatum) dhe arsyet për të cilat kundërshtohet
aktgjykimi (ne eat judex ultra partium petitia).
3. Kuptimi i rregullës in dubio pro reo
Për zgjidhjen e çështjes penale vendosë gjykata në bazë të vërtetimit
të fakteve vendimtare, të cilat vërtetohen me radhë e po ashtu vërtetohen
edhe disa fakte të tjera të rëndësishme. Marrja e vendimit nga ana e gjykatës
mund të bëhet pa vërtetimin e fakteve të tjera të rëndësishme por jo edhe pa
vërtetimin e fakteve vendimtare. Gjykata gjatë vërtetimit të fakteve
ndërmerr procesin e subsumimit përmes silogjizmit gjyqësor të ligjit
material ose procedural. Kjo rrethanë bënë që vërtetimi i fakteve të jetë një
parakusht thelbësor për zbatimin e ligjit penal.
Vërtetimi i drejtë i gjendjes faktike në pajtim me parimin e së
vërtetës në procedurën penale, është detyrë e gjykatës në mënyrë që të japë
një vendim të drejtë dhe të ligjshëm. Gjatë dhënies së aktgjykimit gjykata
duhet të jetë e bindur se ka vërtetuar me siguri ekzistimin ose mosekzistimin
e një fakti të caktuar vendimtar në rastin konkret. E në rast të dilemës vjen
në shprehje ose zbatohet rregulla in dubio pro reo, që nënkupton se në rast
dyshimi lidhur me ekzistimin ose mosekzistimin e fakteve të caktuara
vendimtare duhet gjykuar në dobi të të pandehurit. Kjo përcaktohet qartë në
nenin 4 të KPP-së. Sipas këtij neni mëdyshjet lidhur me ekzistimin e
fakteve të rëndësishme për çështjen ose për zbatimin e ndonjë dispozite të
ligjit penal duhet të interpretohen në favor të pandehurit dhe të drejtave të tij
që garantohen me KPP dhe me Kushtetutën e Republikës së Kosovës. Këtu
fjala është për faktet që përbëjnë veçoritë e veprës penale të dënueshme si
dhe për faktet nga të cilat varet zbatimi i dispozitave të legjislacionit penal.23
23 Murati, Rexhep, op. cit., fq.102.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
105
Mirëpo, kjo rregullë nuk vlen gjatë interpretimit të legjislacionit penal në
kuptimin e ngushtë, sepse në këtë raste para gjykatës shtrohet detyra që të
realizohet thelbi dhe kuptimi i ligjit.24
Po ashtu rregulla in dubio pro reo nuk
vlen në vërtetimin e fakteve provuese apo indiceve. Në fakt gjykata
përcakton veç e veç indicet sipas vlerësimit të lirë.25
Vetëm atëherë kur
gjykata në bazë të indiceve nxjerr përfundimin për faktin vendimtar, vlen
rregulla in dubio pro reo. Kjo rregull nuk vlen as për vërtetimin e fakteve
ndihmëse ose kontrolluese.26
Në Kodin e procedurës penale të Shqipërisë rregulla in dubio pro reo
është paraparë në nenin 4 të tij. Ky nen në paragrafin 1 parasheh
prezumimin e pafajësisë dhe në kuadër të këtij paragrafi është paraparë edhe
kjo rregulle sipas të cilit çdo dyshim për akuzën çmohet në dobi të
akuzuarit.
Në mënyrë të njëjtë rregulla in dubio pro reo është rregulluar edhe
me ligjin e procedurës penale të Maqedonisë respektivisht në nenin 4 të tij.
Sipas këtij neni për dyshimin në lidhje me ekzistimin apo mosekzistimin e
fakteve që e përbëjnë karakterin e veprës penale, apo nga të cilat varet
zbatimi i ndonjërës nga dispozitat e Kodit Penal, gjykata do të vendosë në
mënyrë më të volitshme për të akuzuarin.27
Njejtë si me privilegjet tjera, edhe kjo rregull ka pasur një zhvillim
shkallë-shkallë përgjatë historisë së procedurës penale. Fillet e saj i hasim në
të drejtën romake, megjithëse aplikimi i saj i saktë nuk është krejt i njohur.
Gjatë kohës së Republikës në Romë, rastet për të cilat nuk mund të merrej
vendim fajësues ose shfajësues gjykata mund ta marrte llojin e tretë të
aktgjykimit non liquet, me të cilin i pandehuri lëshohej nën gjykim. Në
rastet kur nuk mund të jepej aktgjykimi dënues apo ai lirues atëherë vet
dhënia e aktgjykimit të tretë ishte pasojë e aplikimit të rregullës in dubio pro
reo28
.
24 Ibid. 25 Ibid. 26 Ibid. 27 Neni 4, i Ligjit të Procedurës Penale të Maqedonisë. 28 Për zhvillimin historik të këtij instituti, shih më shumë në Sootak, Jaan, “Conviction Based on an
Alternative Offence.The Competeing Principles of In Dubio Pro Reo and Iura Novit Curia”.
JURIDICA Vol. 2 (2009) fq. 108-113; Hulsroj, Peter, The Principle of Proportionality (SPRINGER
Doderecht, Heidelberg, New York and London 2013) fq. 1-20.
Phd. Cand. Xhemajl VELIQI
106
Edhe pse procedura penale inkuizitore njihte institucionin e
aktgjykimit absolutio ab instantia - lënia e gjykimit të hapur për shkak të
mungesës së provave, kjo procedurë nuk e njihte rregullën in dubio pro reo
pasi që esenca e kësaj rregulle është në kundërshtim me premisat në të cilat
mbështetet procedura penale inkuizitore. Pozita e të pandehurit gjatë dhënies
së aktgjykimit të tillë ishte mjaftë e rëndë pasi që e linte të pandehurin në
pozitë të pasiguritë dhe të dyshimtë ku ndaj tij mund të ngritej procedura në
çdo kohë. Për të parën herë emërtimi in dubio pro reo është përdorur nga
autori i mirwnjohur italian Egidio Bossi (1487-1546)29
. Në të drejtën
bashkëkohore kjo rregull zbatohet gjerësisht për shkak edhe të zbatimit
prezumimit të pafajësisë në të drejtën procedurale të Evropës Kontinentale.
Siç e thamë më sipër, in dubio pro reo vlen për faktet nga të cilat
varet zbatimi i dispozitave të legjislacionit penal në procedurën penale.
Mirëpo, shtrohet pyetja nëse kjo rregulle vlen atëherë kur në procedurën
penale vërtetohet fakti, prej të cilit varet aplikimi i dispozitave që nuk i
përkasin legjislacionit penal, sikurse që janë çështjet prejudikuese dhe
kërkesat pasurore juridike.
Në lidhje me çështjet prejudikuese rregulla in dubio pro reo vlen
atëherë kur çështja prejudikuese është objekt i përcaktimit në procedurë
penale ndërsa në lidhje me kërkesën pasurore juridike nuk vlen.30
Përveç
kësaj, kjo rregulle nuk ka të bëjë edhe me vlerësimin e fakteve të
përcaktuara në procedurën e caktimit të dënimit, për të cilat gjykata është e
lirë t’i çmoj vet.31
Lidhur me përmasat e zbatimit të kësaj rregulle në teorinë
e procedurës penale janë të pranishme dy pikëpamje, ajo e gjerë sipas së
cilës kjo rregulle mund të zbatohet edhe gjatë interpretimit të ligjit kur në
rast dyshimi rreth interpretimit të rregullave juridike duhet miratuar zgjidhja
më e favorshme për të pandehurin.
Nëse rregulla in dubio pro reo zbatohet tek faktet që shkojnë në dobi
të pandehurit apo vetëm në dëm të tij, si dhe për të dyja rastet gjatë
zhvillimit të procedurës janë shfaqur mendime të ndryshme. Si në teori
ashtu edhe në praktikë lidhur me këtë mbizotëron mendimi se kjo rregull u
29 Pjesa “In Dubio Pro Reo”, botuar në MEMIM ENCYCLOPEDIA (2016). Në internet gjendet në:
http://memim.com/in-dubio-pro-reo.html (shikuar së fundi më 15 maj 2016). 30 Ibid. 31 Ibid.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
107
referohet fakteve që shkojnë në dobi të pandehurit e po ashtu edhe fakteve
që shkojnë në dëm të tij.
Në pajtim me rregullën e parë, fakti në dëm të pandehurit mund të
merret se ekziston vetëm atëherë kur është vërtetuar me saktësi dhe se
ekzistimi i tij është jashtë çdo dyshimi të arsyeshëm.32
Edhe për sa i përket
shkallës së dyshimit të nevojshëm për përdorimin e kësaj rregulle janë
shfaqur mendime të ndryshme. Disa autorë që angazhohen për zbatimin më
të gjerë të rregullës së përmendur thonë se kjo rregulle duhet përdorur sa
herë që dyshohet në ekzistimin e fakteve qoftë më dëm, qoftë në favor të
pandehurit, kurse për autorë të tjerë që përkrahin zbatimin e ngushtë të kësaj
rregulle, nuk mjafton çfarëdo dyshimi, por kërkohet një shkallë e caktuar e
dyshimit ose besueshmëria e bazuar se ekziston një fakt juridik relevant, e
kjo do të thotë se probabiliteti duhet të mbështetet në një arsye serioze.33
4. Fjala përfundimtare e të akuzuarit në procedurën penale
Pas përfundimit të procedurës penale gjyqtari i vetëm gjykues ose
kryetari i trupit gjykues u jep fjalën palëve, të dëmtuarit dhe mbrojtësit të
cilët duke u mbështetur në rezultatet e procedurës provuese në fjalën
përfundimtare paraqesin dhe i arsyetojnë përfundimet në të cilat ata kanë
arritur lidhur me çështjet për të cilat duhet të vendos gjykata. Sipas nenit
352 të KPP personat në fjalën përfundimtare mund t’u referohen provave të
pranueshme si dhe procedurës, ligjit në fuqi, karakterit dhe sjelljes së
dëshmitarëve gjatë procedurës gjyqësore, ata mund të përdorin tabela,
diagrame, përshkrime incizimesh të lejuara nga gjykata, mbledhje dhe
krahasime të provave nëse ato bazohen në prova të pranueshme, si dhe
zmadhim të ekzemplarëve të tyre për t’i demonstruar ose për t’i paraqitur si
ilustrim në gjykatë.
Prokurori i shtetit në fjalën e tij përfundimtare paraqet vlerësimin e
tij për provat e shqyrtuara në shqyrtim gjyqësor, shpjegon konkluzionet e tij
mbi faktet e rëndësishme për marrjen e vendimit, paraqet dhe arsyeton
propozimin e tij për përgjegjësinë penale të akuzuarit, për dispozitat e Kodit
32 Murati, Rexhep, op. cit fq. 103. 33 Ibid., fq. 104
Phd. Cand. Xhemajl VELIQI
108
Penal (më tej shkurt: KP) të cilat duhet zbatuar si dhe për rrethanat
lehtësuese dhe rënduese që duhet të merren parasysh me rastin e caktimit të
dënimit. Prokurori i shtetit nuk mund të propozojë lartësinë e dënimit, por
mund të propozojë shqiptimin e vërejtjes gjyqësore ose ndonjë dënim
alternativ nga neni 49 i KP-së.
I dëmtuari ose përfaqësuesi i tij i autorizuar, në fjalën e tij
përfundimtare mund të shpjegojë kërkesën e tij pasurore juridike dhe
potencon provat që ndërlidhen me përgjegjësinë penale të akuzuarit.
Mbrojtësi ose i akuzuari në fjalën përfundimtare praqet personalisht
argumentet për mbrojtjen e tij dhe mund të komentojnë pretendimet e
prokurorit dhe të dëmtuarit. Pasi mbrojtësi të ketë prezantuar argumentet për
mbrojtjen, i akuzuari ka të drejtë të deklarohet personalisht nëse pajtohet me
mbrojtjen e prezantuar nga mbrojtësi i tij dhe mbrojtjen e tillë ta plotësojë.
Prokurori publik dhe i dëmtuari kanë të drejtë të përgjigjen në mbrojtje,
kurse mbrojtësi apo i akuzuari kanë të drejtë që këto përgjigje t’i
komentojnë.
Në fjalën përfundimtare i akuzuari mund të merret me çdo problem i
cili sipas tij meriton vëmendje nga ana e gjykatës, mjafton që këto të kenë
lidhje me çështjen penale. Në qoftë se i akuzuari në fjalën e tij zbulon fakte
të reja që kanë rëndësi për çështjen, gjykata ka të drejtë që sipas detyrës
zyrtare ose me propozim të ndonjërës palë të rifilloj procedurën provuese
me qëllim që të pranohen ato. I akuzuari është i fundit i cili e merr fjalën
përfundimtare dhe kjo paraqet njërin ndër privilegjet më të rëndësishme për
të akuzuarin pasi që gjykata tërhiqet me përshtypjet e fundit në seancën për
këshillim dhe votim për të marrë vendim lidhur me çështjen.
Sipas nenit 356 të KPP-së, paraqitja e fjalës përfundimtare nga palët
mund të kufizohet në kohë nga gjyqtari i vetëm gjykues apo nga kryetari i
trupit gjykues. Gjyqtari i vetëm gjykues ose kryetari i trupit gjykues pasi të
ketë bërë vërejtje paraprake, mund të ndërpresë personin i cili në fjalën e tij
përfundimtare fyen rendin publik dhe moralin, fyen personin tjetër, përsërit
ose jep shpjegime të gjata të cilat qartazi nuk ndërlidhen me çështjen. Në
procesverbal të shqyrtimit gjyqësor shënohet koha dhe arsyeja e ndërprerjes
së fjalës përfundimtare. Kur akuzën e përfaqësojnë disa persona ose
mbrojtjen e përfaqësojnë disa mbrojtës, vetëm prokurori apo mbrojtësi
PRIVILEGJET DHE PËRPARËSITË E TË PANDEHURIT NË PROCEDURËN PENALE...
109
kryesor ose mbrojtësi i caktuar nga mbrojtësi kryesor mund të paraqet fjalën
përfundimtare në emër të palës së tyre. Pas paraqitjes së fjalës përfundimtare
nga të gjithë, gjyqtari i vetëm gjykues ose kryetari i trupit gjykues pyet nëse
ndokush ka edhe ndonjë deklaratë tjetër.34
Fjala përfundimtare e të pandehurit ose diskutimi përfundimtar siç
quhet në Kodin e Procedurës Penale të Shqipërisë është rregulluar me
paragrafin 4 dhe 5 të nenin 378 të këtij kodi. Sipas paragrafit 4 në çdo rast i
pandehuri dhe mbrojtësi duhet të kenë fjalën e fundit në qoftë se e kërkojnë
vet. Për dallim nga ky paragraf në procedurën tonë penale fjalën
përfundimtare i fundit e merr i pandehuri dhe për këtë nuk kërkohet nga ai
që të bëjë kërkesë. Kurse sipas paragrafit 5, diskutimi përfundimtar nuk
mund të ndërpritet për të marrë prova të reja, përveçse kur gjykata e çmon të
domosdoshme.35
5. Identiteti objektiv i aktgjykimit dhe i aktakuzës
Pas mbylljes së shqyrtimit gjyqësor, trupi gjykues së bashku me
procesmbajtësin tërhiqen në seancën për këshillim dhe votim në të cilën
merr aktgjykim. Aktgjykimi është vendim gjyqësor i cili merret dhe shpallet
në emër të popullit dhe njëherit përfaqëson zbatimin e KP në një rast
konkret. Aktgjykimi i formës së prerë ka fuqinë e ligjit për çështjen
konkrete penale dhe si i tillë është i detyrueshëm për të gjithë. Nëpërmjet tij
zbatohen masat e shtrëngimit shtetëror kundër atyre që është vërtetuar se
kanë kryer vepër penale.
Me rastin e marrjes së aktgjykimit gjykata duhet të ketë kujdes për
identitetin subjektiv dhe atë objektiv të aktgjykimit me aktakuzë.
Aktgjykimi mund t’i përkas vetë personit të akuzuar dhe vetëm veprës e cila
është objekt i aktakuzës së parashtruar, ndryshuar ose të zgjeruar në
shqyrtim gjyqësor. Njëra ndër shkaqet e atakimit të aktgjykimit shkeljet
esenciale të dispozitave të procedurës penale në këtë rast në veçanti kur
gjykata me aktgjykim ka tejkaluar akuzën.
34 Neni 356, pragrafi 1, 2, 3 dhe 4 i KPP-së. 35 Neni 378, paragrafi 4 dhe 5 i Kodit të Procedurës Penale të Shqipërisë.
Phd. Cand. Xhemajl VELIQI
110
Identiteti objektiv i aktgjykimit dhe i aktakuzës paraqet njërin ndër
privilegjet më të rëndësishme për të pandehurit pasi që mbron të drejtat e
këtij të fundit për të mos u akuzuar ose dënuar për veprën penale të cilën
nuk e ka kryer.
6. Përparësitë e të pandehurit në procedurën penale tek mjetet e
rregullta juridike
Deri më tani kemi folur dhe shtjelluar privilegjet më të rëndësishme
të të pandehurit në procedurën penale. Para se të lëshohemi në trajtimin e
përparësive të pandehurit është me rëndësi të shpjegohet kuptimi i
privilegjeve dhe përparësive. Siç kemi theksuar edhe më herët KPP ka
paraparë një varg privilegjesh dhe përparësish. Lidhur me definicionin apo
kuptimin e nocionit të privilegjeve është me rëndësi të theksohet se ato i
japin të pandehurit një të drejtë, një pozitë privilegjuese të cilën pala e
kundërt nuk e ka. Kurse përparësitë e të pandehurit kanë të bëjnë me të
drejtat procedurale, këto të drejta realisht i gëzon edhe pala e kundërt
mirëpo në situata të caktuara ka një epërsi ndaj prokurorit publik sikurse ky
i fundit gëzon disa epërsi me vet faktin se është organ shtetëror në raport me
të pandehurin. Për këtë arsye përparësitë e të pandehurit synojnë
baraspeshimin e pozitës së të pandehurit me atë të prokurorit të shtetit si
organ shtetëror. Ti shohim tani një nga një se cilat janë përparësitë e të
pandehurit në procedurën penale, përkatësisht institution e restitutio in
integrum dhe institutiin e ankesës.
Rikthimi në gjendjen e mëparshme paraqet njërin ndër përparësitë e
të pandehurit tek mjetet e rregullta juridike. Procedura penale përbëhet prej
një varg afatesh të cilat kanë për qëllim të zhvillimi të saj pa zhargitje në
pajtim me parimin e ekonomizimit si dhe atë të shpejtimit. Në aspektin e
përgjithshëm afatet kanë rëndësi të madhe në zhvillimin dhe përfundimin e
procedurës penale ku lëshimi i tyre ka si pasojë humbjen të drejtave të
caktuara nga ana e subjekteve procedurale, sidomos nga i pandehuri në këtë
rast. Mirëpo, përkundër që kjo konsiderohet si efekt pozitiv në raste të
caktuara kur lëshimi i afatit për ndërmarrjen e ndonjë veprimi procedural
PRIVILEGJET DHE PËRPARËSITË E TË PANDEHURIT NË PROCEDURËN PENALE...
111
bëhet për shkaqe të arsyeshme, atëherë lëshimi i tij ka pasoja negative në
këtë rast.
Pasojat negative të lëshimit të afatit më së tepërmi vërehen te lëshimi
i afatit për paraqitjen e mjetit juridik, meqë gjykata a limine e hedhë atë pa e
marrë në shqyrtim.36
Pasi që shkaqet e lëshimi i afatit mund të jenë të
arsyeshme ligjvënësi ka paraparë mundësinë që subjektet procedurale
konkrete mund të kërkojnë rikthimin në gjendjen e mëparshme duke kërkuar
nga gjykata të rivendos afatin e me këtë të eliminohen pasojat a pakëndshme
të lëshimit të afatit duke i mundësuar ndërmarrjen e veprimeve procedurale.
I pandehuri mund të kërkojë kthimin në gjendjen e mëparshme për
shkak të lëshimit të afatit për paralajmërimin e ankesës si dhe për shkak të
lëshimit të afatit për paraqitje të ankesës. Ankesën si mjetit juridik mund të
paraqesin shumë persona. Mirëpo, këtu duhet potencuar faktin se kthimin në
gjendjen e mëparshme për shkak të lëshimit të afatit për paralajmërimin apo
për paraqitjen e ankesës mund të kërkojë vetëm i pandehuri.37
Kjo paraqet
një përparësi me rëndësi me të cilën i mundësohet të pandehurit që pas
lëshimit të afatit për paraqitje të ankesës përmes kësaj kërkese t’i rifitoj të
drejtën për paraqitje të mjetit juridik. Pasi vetëm i pandehuri mundet me
paraqitë kërkesën për kthim në gjendjen e mëparshme për shkaqet e cekura
më lartë kjo është një përparësi e tendencës për mbrojtjen e të drejtave të
njeriut.
Sipas nenit 447 të KPP-së nëse i pandehuri për shkaqe të arsyeshme
nuk paraqet ankesë kundër aktgjykimit ose kundër aktvendimit për
konfiskimin e dobisë pasurore juridike brenda afatit, gjykata i lejon kthimin
në gjendje të mëparshme për paraqitjen e ankesës nëse brenda (8) ditësh nga
pushimi i shkaqeve për mosrespektimin e afatit i pandehuri paraqet kërkesë
për kthim në gjendjen e mëparshme dhe paraqet paralajmërimin për ankesë
ose ankesën së bashku me kërkesë. Kërkesa për kthim në gjendjen e
mëparshme nuk mund të paraqitet nëse kanë kaluar (3) muaj.
Lidhur me kërkesën për kthim në gjendjen e mëparshme vendosë
kryetari i trupit gjykues i cili ka marrë aktgjykimin ose aktvendimin kundër
të cilit është ushtruar ankesë. Kundër aktvendimit me të cilin lejohet kthimi
36 Sahiti, Ejup - Murati, Rexhep, op. cit., fq. 104. 37 Ibid.
Phd. Cand. Xhemajl VELIQI
112
në gjendjen e mëparshme nuk lejohet ankesë. Kurse kur i pandehuri paraqet
ankesë kundër aktvendimit me të cilin refuzohet kthimi në gjendjen e
mëparshme, gjykata detyrohet që këtë ankesë, përgjigjen në ankesë dhe
procesverbalet t’ia dërgojë gjykatës më të lartë për marrjen e vendimit.
Parimisht kërkesa për kthim në gjendjen e mëparshme nuk e pezullon
ekzekutimin e aktgjykimit, por gjykata kompetente për marrjen e vendimit,
sipas nenit 449 të KPP-së, mund të vendosë ndërprerjen e ekzekutimit derisa
të merret vendimi lidhur me kërkesën.
Ankesa paraqet një përparësi mjaftë të rëndësishme të cilën e ka i
pandehuri tek mjetet e rregullta juridike. Mirëpo, duhet theksuar se KPP-ja i
vitit 2013 nuk e parasheh këtë përparësi mjaftë të rëndësishme për të
pandehurin dhe kjo paraqet një mangësi si dhe regres pasi që KPP-ja i
mëparshëm e ka paraparë atë ashtu që ne në vazhdim do të trajtojmë këtë
sipas KPP-së të vjetër. Është me rëndësi të theksohet se ankesë kundër
aktgjykimit të marrë nga gjyqtari i vetëm ose trupi gjykues i gjykatës mund
të paraqesin personat e autorizuar në afat prej 15 ditësh nga dita e dorëzimit
të kopjes së aktgjykimit dhe se respektimi i këtij afati është me rëndësi pasi
që me paraqitjen e ankesës në afatin e caktuar pezullohet ekzekutimi i
aktgjykimit.
Ankesë mund të paraqesin prokurori i shtetit, i akuzuari, mbrojtësi,
përfaqësuesi ligjor i të akuzuarit dhe i dëmtuari. Sipas nenit 382 të KPP-së
ankesa kundër aktgjykimit duhet t’i përmbaj këto elemente: të dhënat mbi
aktgjykimin i cili ankimohet; arsyet për kundërshtimin e aktgjykimit nga
neni 383 i këtij KPP-së: propozimin për anulim të tërësishëm apo të
pjesërishëm të aktgjykimit ose për ndryshim të tij; dhe, së fundi,
nënshkrimin e ankuesit.
Gjykata posa ta pranoj ankesën shikon se a është hartuar në
përputhje me ligjin dhe nëse ajo është e mangët, e thërret ankuesin që ta
plotësojë ose atë e hedhë. Përveç kur ankesën e ka paraqit i akuzuari i cili
nuk ka mbrojtës të cilin gjykata e shkallës së parë e thërret që brenda afatit
të caktuar ta plotësojë ankesën me parashtresë me shkrim, ose me
procesverbal pranë kësaj gjykate.
Në rast se ankuesi nuk e përmbush kërkesën e tillë dhe ankesa nuk
përmban informatat lidhur me arsyet e atakimit të aktgjykimit, arsyetimin
PRIVILEGJET DHE PËRPARËSITË E TË PANDEHURIT NË PROCEDURËN PENALE...
113
dhe nënshkrimin e ankuesit, ankesa hedhet. Mirëpo, ankesa e parashtruar
nga i akuzuarit i cili nuk ka mbrojtës nuk hedhet vetëm atëherë kur përmban
të dhënat se cilit aktgjykim i referohet dhe kjo paraqet një përparësi për të
pandehurin në raport me prokurorin publik i cili nuk e gëzon këtë të drejtë
pasi që gjykata e hedh ankesën.
7. Përparësitë e të pandehurit në procedurën penale tek mjetet e
jashtëzakonshme juridike
KPP parasheh disa përparësi tek mjetet e jashtëzakonshme juridike
e posaçërisht tek rishikimi i procedurës penale. Një përparësi e rëndësishme
e të pandehurit është kur sipas nenin 424 të KPP gjykata kompetente për të
vendosur mbi rishikimin e procedurës penale mëson se ekzistojnë shkaqet
për rishikimin e procedurës penale, për këtë e njofton të dënuarin ose
personin e autorizuar për paraqitje të kërkesës për rishikim. Siç është cekur
edhe më herët kjo paraqet një përparësi të cilën pala e kundërt gjegjësisht
prokurori publik nuk e ka.
Së fundi, si përparësi tjetër e të pandehurit mund të merret mundësia
e rishikimit të procedurës penale në favor të të dëmtuarit në çdo kohë. Me
fjalë të tjera kjo domethënë se rishikimi mund të bëhet edhe pasi i dënuari ta
ketë vuajtur dënimin, pa marrë parasysh parashkrimin, amnistinë dhe
faljen.38
38 Murati, Rexhep, op. cit. fq 107 dhe 108.
Phd. Cand. Xhemajl VELIQI
114
PËRFUNDIM
Në procedurën penale bashkëkohore i pandehuri gëzon një varg
privilegjesh dhe përparësish, të cilat dallojnë prej njërës procedurë në tjetrën
për nga vëllimi dhe brendia e tyre. Këto privilegje dhe përparësish të
pandehurit i mundësojnë një pozitë të barabartë me prokurorin publik si
organ shtetëror, mirëpo, kjo barazi e cila synohet në të drejtën bashkëkohore
ka karakter parimor dhe jo absolut.
Në literaturën e procedurës penale favoret e të pandehurit,
përkatësisht të drejtat që i takojnë atij si palë dhe si burim informacioni, siç
është thënë, quhet favor defensionis, që do të thotë përparësi e mbrojtjes. Më
fjalë të tjera në procedurën e sotme penale ka një varg rregullash që synojnë
ta bëjnë më të mirë pozitën e të pandehurit, të cilat në tërësinë e tyre
përbëjnë favor defensionis. Është me rëndësi të theksohet se opinioni publik
dhe praktika gjyqësore supozohet se kanë njohuri të solide lidhur me
definicionin dhe përmbajtjen e privilegjeve dhe përparësive të pandehurit në
procedurë penale. Kjo nga shkaku se privilegjet në kuptimin e ngushtë të
fjalës janë të drejta të cilat i gëzon vetëm i pandehuri dhe të cilat të drejta
nuk i ka prokurori i shtetit si palë e kundërt. Ky punim synon që sado pak të
jep njohuri për ata që janë në pozitë të vendosin për privilegjet dhe
përparësitë e të pandehurit në procedurë penale.
Përparësitë e të pandehurit në procedurë, në anën tjetër, u pa se kanë
të bëjnë me disa të drejta të drejta të veçanta të cilat i posedon edhe
prokurori i shtetit mirëpo i pandehuri në situatë të caktuar ka një epërsi në
raport me të. Privilegjet në kuptimin e gjerë përfshijnë privilegjet në
kuptimin e ngushtë si dhe përparësitë e të pandehurit në raport me
prokurorin e shtetit.
KPP i Kosovës i vitit 2013 ka paraparë privilegjet dhe përparësitë e
të pandehurit në procedurën penale, sipas të cilit privilegjet kryesore të tij
janë in dubio pro reo, fjala përfundimtare e të pandehurit në procedurën
penale, identiteti objektiv i aktgjykimit dhe i aktakuzës, ndalimi reformatio
in peius, beneficium cohaesionis, etj, kurse përparësitë e të pandehurit
PRIVILEGJET DHE PËRPARËSITË E TË PANDEHURIT NË PROCEDURËN PENALE...
115
ndeshen si në procedurën sipas mjeteve të rregullta juridike ashtu edhe në
procedurën sipas mjeteve të jashtëzakonshme juridike.
Ky punim dhe diskutimi në te ka për qëllim provokimin e një
hulumtimi të mëtejmë të kësaj materje e cila nuk është lëruar aq sa duhet
ndër ne në botën shqiptare. Kjo është kështu në veçanti sa i përket aspekteve
komparative dhe teorike të saj. Në Kosovë, si dhe në vendet tjera ish
komuniste që kanë kaluar tranzicionin, nuk ekzistojnë shënime të sakëta sa i
përket gjendejs së privilegjeve dhe përparësive të të pandehurit në
procedurën penale, përkatësisht vështirë të thuhet se si është gjendja e të
pandehurit në praktikë. Kjo nënkupton se në parim, diszpozitat procedurale
penale dhe legjislacioni pozitiv kosovar pas vitit 1999 ka qenë relativ isht
modern dhe ka ndjekur standardet evropiane mbi këtë çështje. Shpresojmë
se ky punim do të provokoj më shumë diskutim e hulumtim edhe sa i përket
aspekteve praktike të pozitës së të pandehurit në procedurën penale
kosovare.
Phd. Cand. Xhemajl VELIQI
116
Xhemajl Veliqi, Phd. Cand
PRIVILEGES AND ADVANTAGES OF THE DEFENDANT IN
CRIMINAL PROCEDURE: THEORETICAL AND
COMPARATIVE ASPECTS
Summary
This paper discusses and analyses from a comparative and national
perspective the position of the defendant in criminal proceedings. This
position is determiuned, inter alia, by several institutes of criminal
procedure that taken toghether constitute the so called privileges and
advantages of a defendant in criminal proceedings. As such they are ment to
enable the defendant to preserve their rights and dignity during criminal
proceedings. Some of these privileges are as old as the Roman Law
stretching to the modern times. This is in particular the case with the
institute in dubio pro reo.
In dubio pro reo in Roman and Medical times, nevertheless, had a
different meaning and content as it was menat to serve those societies based
entirely on inquisition.
Other instituttes and advantages of the defendant are of equal
importance as they perserve the solid position of the defendant duyring
criminal proceedings. One of them is beneficium cohaesionis which aims at
preserving the advantagous position of the defendant vis-a-vis the
prosecutor during all its phases, no matter the knowledge of the former
regarding his/her situation during the criminal proceedings.
Reformatio in peius is not less important as a privilege as it enables
the defendant to get protected in case he/she complains or goes further with
criminal proceedings. No action undertaken by him/her can go to their
detriment. This is an old rule as well known in antiquity but had a very
different menaning.
PRIVILEGJET DHE PËRPARËSITË E TË PANDEHURIT NË PROCEDURËN PENALE...
117
Other institutes and advantages, such as the identity of the
indictement with the judgement, are very important and are discussed in this
paper. This advantage alongiside with the right to a final word enbale the
defandant to express their views as they deem usefull and at the same time
protect the defendant from not being convicted for something that they have
not committed.
This paper and its discussion aim to provoke further research on this
subject which is really in scarcity in Kosovo. This is true in particular when
it comes to comparative aspects of it. In Kosovo, as in many former
Communist countries that underwent the transition, no records on the
situation of human rights existed or kept properly so that others would be
able to know more on the state of affairs of the privileges and advantages of
the defendenats during criminal proceeedings. We hope that this paper
would represent a small contribution in this regard.
Phd. Cand. Xhemajl VELIQI
118