O A’OGA ASO SA - CCCSUPU TOMUA. EKALESIA FAAPOTOPOTOGA KERISIANO SAMOA TUSI MO FAIA’OGA O...

EKALESIA FAAPOTOPOTOGA KERISIANO SAMOA

TUSI MO FAIA’OGA

O A’OGA ASO SA

VASEGA MATUTUA FAAPITOA

& AUTALAVOU LAITI

2011

MATAGALUEGA O A‟OA‟OGA KERISIANO

UPU TOMUA.

I le suafa mamalu o Iesu Keriso le Ao o le Ekalesia, e faatalofa

faafeiloa‟i atu ai i le paia o le Ekalesia i le nofo a

Matagaluega, Susuga Toeaina ma Faletua, Susuga

Faafeagaiga ma Faletua, A‟oa‟o ma Tiakono faapea le lautele

o le Ekalesia ma tagata lotu i ona tulaga faalupeina. E

faafeiloa‟i faapitoa i le mamalu o Faiaoga Aoga Aso Sa i

vasega taitasi; malo le molimau ma le soifua faatuatua, malo le

galulue punoua‟i mo le Atua ma le Tala Lelei ia Iesu Keriso, e

ala i lenei galuega o le Faiaoga Aoga Aso Sa. E maualuga le

manatu ua maua se faasiliga malosi e ala i faiga tuuaga. O lea

ua toe amata galuega mo lenei tausaga 2011; ia manuia tele lo

outou alo faiva i le a‟oa‟oina o alo o le Ekalesia, ma ia i‟u atu

la outou galuega e fai ma viiga o le Atua silisili ese.

O Tusi mo Faiaoga o Aoga Aso Sa mo le 2011 ua saunia mo le

tausaga atoa. Ia silafia:

1. Ua maua nei Tusi Aoga 2011 i le Upega Tafailagi (website)

a le EFKS: www.cccs.org.ws.

2. E leai se suiga i Auala ma Metotia e a‟oa‟oina ai mataupu

mai tausaga talu ai. E tāua ai le teu faalelei pea o Tusi Aoga

2009 & 2010 e silasila i ai pe a mana‟omia. E maualuga le

manatu o le Matagaluega i le tofa saili ma le tofa taulagalaga

ma faama‟ite o susuga i Faiaoga Aoga Aso Sa, e fa‟aaogā ai

taleni ma agavaa o meaalofa a le Atua ua ia i latou, i le

faatinoga o le faiva faa-faiaoga.

3. O le Tusi Aoga mo le Vasega Matutua ua faavae i mataupu

o le Tusi Faitau Aso 2011.

http://www.cccs.org.ws/

4. O vaega masani o le Faatinoga o Mataupu e pei o Tatalo

Amata, Faafeiloa‟i le Vasega, Faamanatu Mataupu talu ai,

Tatalo faapa‟ia le foa‟i, Tatalo Faai‟u ma isi, ua lē o tusia i le

faasologa o mataupu i Aso Sa taitasi, mo le faasaoina o mea

lomia. Peitai o vaega masani nei o le faatinoga o mataupu e

tatau lava ona faatino i Mataupu ma Aso Sa taitasi.

5. Afai e fia maua se fesoasoani i fati o Pese, faamolemole

faafeso‟ota‟i mai lo tatou Ofisa i Mulinuu, telefoni 24340 &

25690, poo le e-meli: [email protected]

6. Afai ua lape le faatinoga o lenei galuega, e matua atu i la

outou tofa faaleAtua e magalo ai le aufaigaluega vaivai. Pe

afai foi e i ai ni fautuaga mo le faaleleia atili o lenei galuega,

faamolemole faafesoota‟i mai lo tatou Ofisa i tuatusi o i luga,

pe lafo mai i le Pusa Meli 163, Apia.

7. O lenei Tusi Aoga na saunia e Susuga Anzac Tuala, Peteru

Seiuli, Rimoni Wright & Lagaata Gase.

Ia faamanuia le Atua i le alo atu i galuega o lenei tausaga, auā

le a‟oa‟oina o alo ma fanau i Aoga Aso Sa ina ia TUPU A‟E

IA KERISO.

Soifua ma ia manuia.

Faitoaga Tolua

(Faatonu Aoaoga Kerisiano)

FAASOLOGA MATAUPU VASEGA MATUTUA FAAPITOA

MA AUTALAVOU LAITI – 2011

MANATU AOAO: O FA’AALIGA O LE ATUA I LE TUSI PAIA

(The Revelations of God in the Bible)

FEPUARI: O LE ATUA FOAFOA (God the Creator)

13 (Aso Sa Tupulaga) O le Upu Foafoa a le Atua

(God‟s Creating Word); (Galuega 3:1-16).

20 O le Agaga Foafoa o le Atua (God‟s Creating

Spirit)

(Galuega 13:1-12).

27 O le Manava Ola a le Atua (God‟s Breathe of Life);

(Galuega 17:22-3).

MATI: O LE ATUA FAAOLA (God as Saviour)

06 E faaola e le Atua ona tagata usiusitai

(God saves His obedients); (Eperu 5:1-10).

13 O le tāua o le faatuatua (The Essence of Faith);

(Luka 7: 1-10).

20 Ia agalelei faapei o le Atua (Be loving as God);

(Mataio 25: 31-46).

27 O le Atua le Leoleo Sili (God the Good Sherperd);

(Galuega 12: 1-11).

APERILA O LE ATUA ALOFA (God‟s Compassionate

love)

03 E faamagalo e le Atua agasala (God forgives sins)

(Luka 7:36– 50).

10 O le toto o le leleiga (The blood of reconciliation)

(Eperu10:1-25);

17 (Aso Sa Laupama) O puapuaga o Keriso (The

suffering of Christ); (Mareko 15: 1-39).

mailto:[email protected]

24 (Aso SaToetu). O le Toetu o Iesu (The

Resurrection of Jesus); (Luka 24: 13 – 35).

ME O LE ATUA GALUE (God as steward)

01 Ia avea ma auauna faamaoni

(Be a faithful servant); (Luka 16:1-13).

08 (Aso Sa Tinā) O le tinā o le pae ma le auli (The

mother as reconciliator); (Faataoto 31:1-31)

15 & 22 FONO TELE

29 O le tinā lelei e mata‟u i le Atua (The good mother

fears God); (Luka 1: 26-56).

IUNI O LE ATUA TOLU TASI PAIA (The Triune

God).

05 O le Atua le Tamā (God the Father).

(Luka 15: 11 – 32).

12 (Aso Sa Penetekoso). O le Atua le Agaga Paia

(God the Holy Spirit); (Galuega 2: 1 – 21).

19 O le Atua le Alo (God the Son); (Ioane 14: 1 - 14).

26 Ia faapaia le ola mo le Atua (Live a holy life);

(Fa‟aaliga 2: 18 – 29).

IULAI O LE ATUA FAAMAONI (God‟s faithfulness)

03 Ia faamaoni i le Atua (Be honest to God);

(Galuega 5: 1-11).

10 Ia moni le Alofa (Love wholeheartedly);

(Ruta 1: 6-19).

17 Ia faamaoni le ola tapuai (Worship God in spirit and

truth); (Ioane 4: 16 - 26).

24 Ia tatalo ma le faatuatua (Pray with faith);

(Iakopo 5: 13-18).

31 Ia fai ma auauna faamaoni (Be a faithful servant);

(Luka 12: 41-48).

AOKUSO O LE ATUA FETALAI (God‟s spoken Word).

07 O le tiute o le tamā i le Aiga.

(The father‟s role in the family); (Faataoto 3:1-12).

14 (Aso Sa o Tamā) O le tamā agalelei

(The loving father); (Luka 15:11-24).

21 O le tamā le usitai i le Atua (The unbelieved father);

(1Samuelu 15:10-23).

28 O le tamā faatuatua

(Perserverence in faith); (Luka 8:40-56).

SETEMA O LE ATUA LIUTINO TAGATA (God

Incarnate)

04 (Aso Sa o le Tala Lelei) O Iesu o le Upu Liutino a

le Atua.

(Jesus, the incarnate Word of God); (Ioane 1: 1-18)

11 O Iesu o le tagata tonu (Jesus, the proper Man);

(Luka 23:1- 49).

18 O le faamasinoga tonu a le Atua (God‟s Righteous

Judgement); (Mataio25: 31- 46).

25 Ua fefefe temoni ia Iesu (Demons fear Jesus).

(Luka 8: 26 – 39).

OKETOPA O LE ATUA MO TAGATA UMA (God is for

all people)

(2, 9. 16) TAPENAGA & MALOLOGA LOTU TAMAITI

23 E tāua i le Atua tamaiti (God loves the little

children); (Luka 18: 15 - 28).

30 E fa‟aaoga e le Atua tamaiti (Children as God‟s

instrument); (Ieremia 1:4-10).

NOVEMA O LE ATUA FAI VAVEGA (God‟s miraculous

power).

06 E faia e le Atua vavega pe a faatuatua

(By faith God‟s power manifest); (2 Tupu 4: 8 - 37).

13 Faalagolago i le mana o le Atua

(Have faith in God‟s power); (Ioane 11: 17- 44).

20 Ia ola faafetai i le Atua (Be thankful to God)

; (Luka 17: 11-19).

27 Loto fuatiaifo lelei (Give with true heart); (Galuega

10:1-6; 17-23; 30- 43)

TESEMA O LE ALOFA TUNOA O LE ATUA (The

Grace of God)

04 Na Alofa mai le Atua a o agasala pea le lalolagi

(God loves us while we are still sinners);

(Mataio 1:18-24).

11 Ia Ola ia Keriso (Live a Christ-like life)

; (Roma 8: 1-17).

………………………………………………..

MATAUPU VASEGA MATUTUA FAAPITOA

MA AUTALAVOU LAITI 2011

FEPUARI: O LE ATUA FOAFOA (God the Creator). O le manatu taiala o lenei masina o le „Atua Foafoa‟ ua faamamafa

ai le natura foafoa o le Atua i mea na Ia faia i le amataga e ala i lana

Upu fetalai (God‟s word), ma lona Agaga galue (God‟s working

Spirit). Sa silasila atu le Atua i mea na ia foafoaina ua matuā lelei

lava. O le faamoemoe lea o nei mataupu ia iloa e tupulaga le galue

mai pea o le Atua i Lana Upu ma lona Agaga ia lagona ai i le loto le

uiga moni o le ola fou ma le lalolagi fou ua faia e le Atua e ala ia

Iesu Keriso. Auā o lē ua ia Keriso o le tagata fou ia. Ua faaopoopo i

mataupu o Fepuari le manava ola (breathe of life) a le Atua i le

tagata ina ia aoaoina lona tāua i talavou ina ia atia‟e le ola i mea e

manuia ai ma ia faavae pea le ola ia Keriso ma tumau ai e manuia ai

le ola ma viia ai le Atua.

ASO SA: 13 FEPUARI, 2011

(Aso Sa o Tupulaga)

MATAUPU: O LE UPU FOAFOA A LE ATUA

(God‟s creating Word).

SINI: Ia aoaoina le vasega ia malamalama o

Iesu Keriso o le Upu Foafoa a le Atua,

ma o lona suafa e mafai ai ona foafoa ia

fou le tagata atoa – le tino, mafaufau,

ma le agaga.

TUSI FAITAU: Galuega 3:1-16

FESOASOANI MO LE FAIAOGA

1. O le Tala

Ua faamatala i le Tala le ō a‟e o Peteru ma Ioane i le

malumalu i le itula e tolu i le afiafi e tatalo. Sa i ai se tagata

pipili talu ona fanau mai sa masani ona ave e tagata ma tuu i le

faitotoa o le malumalu e igoa o le matagofie, ina mafai ona ia

faatoga atu i ē ō a‟e i le malumalu mo se meaalofa.

Sa iloa mai e le pipili Peteru ma Ioane ona ia faatoga atu lea

mo se meaalofa mo ia. Sa lē ulufale loa i la‟ua i le malumalu

„a ua la fai atu ia vaai atu iā i la‟ua. Sa fai atu Peteru i le pipili

„e leai sana ario po o se auro mo ia, peitai ua na o le mea ua ia

te ia – o le Suafa lea o Iesu Keriso o le Nasareta, na te fai atu

ai – Inā savali ia. Ua faatu foi o ia i luga e Peteru, ona ia savali

ai lea. Ua ia savali ma ua ia ulufale faatasi ma Aposetolo i

totonu o le malumalu. A o ia savali ua ia oso ma vivii atu i le

Atua. Sa iloa e tagata sa i totonu o le malumalu le mea fou ua

tupu, ona latou matuā ofo ai lea, ma ua segia foi ō latou mauli

(filled with wonder and amazement).

2. O le mana o le Suafa o Iesu

O le suafa o Iesu o Iesu lava lea auā o lo o auai mai o ia e ala i

le Agaga Paia i ona soo e fa‟aaupegaina i latou mo le galuega

tala‟i ma faamalolo i tagata. O galuega faamalolo sa ia faia o

lea ua faaauauina e ona soo e ala i lona Suafa. O le Suafa ua

foaiina i ai e le Atua le mana (power) ma le pule (authority) e

fai ai vavega (miracles) ma faailoga (signs).

Na ona pau lea o le mea sa ia Peteru ma soo o le Alii latou te

avatu. Ua na o le Suafa o Iesu Keriso lo latou Alii ma le

Faaola na maliu ma toetu. O le mafuaaga lea o le fai atu o

Peteru i le pipili, e leai se auro po o se ario, ae na o le mea e

tasi – o le Suafa lea o Iesu Keriso le Nasareta na te fai atu ai –

„Ina savali ia‟. Na faamanino foi e Peteru i lana lauga i tagata

Iutaia ina ua pulato‟a ia te ia ma tau fai ofo i le mea ua faia –

“…ua fasioti foi e outou le Alii o le ola, o ia ua toe faatuina e

le Atua nai e ua oti…o lona suafa ua faamalosia ai e ia lenei

tagata….o lē faatuatua mai ia te ia, ua foa‟i atu ai ia te ia lenei

faamalosi o lona tino” (ff. 11-16).

3. Uiga o upu ma fuaiupu i le tala ma faatatau i le

mataupu

(a). Upu

O le Upu e faasino ia Iesu Keriso. O le natura o le Upu, (i) e

sili atu ma tulaga „ese nai lo le tagata (superfinite and distinct);

(ii), e lē na o se sui auai ae „e fesootai i le Atua tolutasi (It is

not mere company but the most intimate communion to

Godhead); (iii). o lona tulaga Atua (His deity) ua iloa i lona

mana foafoa (His creative power), ma lona liutino tagata i lona

lava finagalo faitoatasi (His incarnation as a voluntary act). Ua

fa‟aalia manino ai le atoaga o lona ituaiga tagata (totality of

His human nature), ma lona mamalu (His glory) - o ia o le Alo

pele e toatasi o le Tamā ua ia matuā faataunuuina atoatoa le

uiga moni o le „Upu‟ (Logos) – o le fa‟aaliga faale-tagata o le

Atua (the personal manifestation of the whole deity).

(e). O nisi o molimau a le Tusi Paia i le Upu

Fai mai le toeaina o Ioane, o le „Upu o le ola‟ (1Ioane 1), a o

Ioane le fai Evagelia, “o le Atua foi le Upu…sa ia te ia le ola”

(Ioane 1:1,4). O le molimau a Ioane i le Fa‟aaliga, “ Ua ofu foi

o ia i le ofu ua fufui i le toto; ua faasuafaina o ia, O le Upu a le

Atua” (Faaa. 19:13).

(i). foafoa (create)

o le veape ua faamatalaina ai le foafoaga na faia mai le leai o

se mea (the creation that was created from nothing). E ui ina

faia e le Atua le foafoaga aoao mai le leai o se mea, a o le upu

„foafoa‟ i lona uiga faa-mataupu silisili ua faailoa mai ai – le

malosi silisili ese o le Atua na mua‟i amataina ma faagaioioia

mea uma mo le viiga o le Atua lava ia.

FAATINOGA O LE MATAUPU

1 (a). Usu le pese „Ina vivii i tatou nei..‟ pese 02 o le „

Tusi o Pese ma Viiga‟ e faatomua ai le Mataupu.

(e). Faailoa le mataupu ma faamalamalama le ulu

mataupu

2. Faitau le Tusi Faitau ma tali ni fesili i le Tusi Faitau

3. Faamatala le mataupu ma tuliloa ini fesili ina ia iloa ai

ua malamalama le vasega

4. Faia le galuega faatino

5. Aoaoga o le mataupu ma usu le pese ua saunia

GALUEGA FAATINO: Ia filifili se galuega faatino ua

ta‟ua i lalo e faatino e le vasega

1. Manatu fa‟aalia o le vasega i le mataupu

(brainstorming): „Upu a le Atua‟. Ia faavasega

(classify) le brainstorming i mea nei, (a). natura o le

Upu; (e). galuega a le Upu; (i). igoa o le Upu.

2. Fesili ma Tali e uiga i le Tala (Faa‟aoga le Tusi

Faitau).

3. Tusigasolo e uiga i le Upu a le Atua

4. Faatino le Tala e le vasega

A‟OA‟OGA:

1. O le Suafa o Iesu Keriso na maliu ma toetu tatou te

maua ai le ola fou

2. Faatuatua i le mana foafoa o le Atua

3. Saili le oa sili – o Iesu Keriso le Upu Foafoa a le

Atua na te toe fauina ia fou lou ola faale-agaga.

4. Ia fa‟aaoga tatau le malosi ua maua mo le Atua ma ana

feau

5. Fiafia i le fale o le Atua, ae le o nofoaga o le tiapolo

6. E faafou e le Alii lo tatou malosi pe a tatou manaomia

moni

PESE: Filifili se pese e mafai ona fa‟aaoga

(a). Silver and gold have I none (Peteru ma

Ioane)

1. Peter and John went to pray They met a lame man on the way

He asked for alms and held out his palms

And this is what Peter did say

2. Silver and gold have I none

But such as I have give I thee

In the name of Jesus Christ

Of Nazareth rise up and walk

Chorus: Walking and leaping and praising God x 2

In the name of Jesus Christ

Of Nazareth rise up and walk.

(e). I have decided to follow Iesus (Ua ou filifili e mulimuli

ia Iesu).

…………………………………

ASO SA: 20 FEPUARI 2011

MATAUPU: O LE AGAGA FOAFOA O LE

ATUA (God‟s creating Spirit).

SINI: Ia malamalama le vasega o le Agaga

foafoa o le Atua, o le siufofoga lea o le

Atua e ala i lana Upu ua lagona i ō tatou

loto lona tāua ma tatou usitai i ai



1. Tala:

A o i ai Paulo (Saulo) ma nisi o aoao ma perofeta i le ekalesia

i Anetioka o anapopogi ma auauna ai i le Alii, ae fetalai ane le

Agaga Paia ina ia totofi mo ia o Paulo ma Panapa i le galuega

ua valaauina ai i la‟ua. Ua anapopogi foi i latou ma tatalo, ma

faaee atu ō latou lima ia i la‟ua, ona latou tuuina atu ai lea o i

la‟ua e ō.

O le i ai o Paulo ma Panapa i Asia itiiti i le nuu e igoa ia Pafo,

sa fai ai ma faalavelave le tasi tagata Iutaia o Paiesu lona igoa,

o le taulaitu ma le perofeta pepelo. Sa nofo o ia i le sui

konesula o le malo o Roma o Sekio Paulo i lea Itumalo o Asia

Itiiti. O ia o se tagata faautauta, ma ua ia aami ia Paulo ma

Panapa i lona fia faalogo i le afioga a le Alii. Sa taumafai

Paiesu e faasese ma faaliliu ese le sui konesula i le faatuatua.

Peitai o Paulo ua tumu o ia i le Agaga Paia, ua pulato‟a ia te ia,

ma ia fai atu ia te ia, “O oe na ua tumu i le pepelo ma ulavale

uma, o le atalii o le tiapolo, o lē inoino i le amiotonu uma lava,

e te lē soia ea lou faapiopio i ala tonu o le Alii?” Ua fai atu foi

Paulo, “Faauta nei, o le a oo ia te oe le aao o le Alii, e tauaso

oe, e te le vaai i le la seia se aso”. Ua tauaso o ia ma ua ia saili

ni tagata e taitai ia te ia. Ua iloa e Sekio Paulo le mea ua faia,

ona faatuatua lea o ia i le Alii.

2. Uiga o upu ma fuaiupu

(a). Agaga Paia:

O lona uiga i le upu Eperu (ruah) ma le upu Eleni (niuma) o le

savili po o le matagi. Tatou te lagona lona pai mai ma lona

agi ae le vaaia lona tino. O le Agaga foafoa la o le Atua o le

Atua galue mai e ala i lona Agaga Paia i loto o tagata. O lo

tatou lagonaina o Afioga a le Alii ma tatou ola ai o le galuega

lea a le Agaga Paia

(e). Paiesu:

O Elima le isi ona igoa o lona uiga – o le taulaitu ma le

perofeta pepelo

(i). Pafo:

O le tasi o aai i le motu o Kuperu


1. (a). Amata i le pese (Agaga Sa e afio mai

pese 114 Tusi o Pese & Viiga EFKS)

(e). Ta‟u le mataupu ma faamalamalama le ulu

mataupu

2. Faitau le Tusi Faitau ma tali ni fesili i le Tusi

Faitau

3. Faamatala le Tala ma tuliloa ini fesili e iloa ai ua

malamalama le vasega


5. Aoaoga ma le pese faai‟u

GALUEGA FAATINO: Fesili & Tali (Ia galulue faatasi lau

Susuga ma le vasega ma fefaasoaa‟i i tali a le vasega i fesili ua

ta‟ua i lalo).

(1). O le ā le galuega a le Agaga Paia i le Tala?

Tali: Totofi ma valaauina Paulo ma Panapa mo le galuega a

le Atua (f2); Faailoa i auauna a le Atua le amio pepelo

ma le faale-mata‟u o tagata

(2). O ā ni galuega ma ni fua vaaia o se tagata o lo o

galue ai le Agaga Foafoa o le Atua?

Tali: Galulue faatasi ma le Ekalesia i le anapogi, tatalo, ma

le ola auauna i le Alii e faaauau le galuega foafoa a le

Agaga a le Atua i olaga o tagata.

(3). O ai na faatonutonu folau ia Paulo i le galuega a le

Alii? Tali: O le Agaga Paia o le Atua.

(4). O ā uiga o le taulaitu i le tala?

Tali: O le perofeta pepelo, tumu i le ulavale, atalii o le

tiapolo, inoino i le amiotonu, faapiopio i ala o le Alii.

(5). Mata o vaaia i nei aso ituaiga tagata e pei o le

taulaitu o Paiesu?

Tali: Ioe, tatou te maua i tagata e lē fiafia i le lotu, ma lē ola

auauna i le ekalesia, ma taitai sese tagata ia lē

faatuatua i le Atua?

(6). O le a le aogā o le mamafa o le aoaiga a le Agaga na

fai atu ai Paulo i le taulaitu?

Tali: Na faatauasoina ina ia iloa tino le mea leaga ua ia fai

ma salamō ai.

AOAOGA

1. E faafou e le Agaga o le Atua le tagata pe a salamō.

2. „A fia faafou le olaga ia matuā lagonaina le leaga o

mea sa fai, ma fo‟i loa i le Atua ma le faamaulalo.

3. E leai se mea fou i lalo o le la vagana ua foafoa e le

Agaga o le Atua

4. E lē iu lelei le olaga o se tagata e tetee i le Ekalesia

5. E aogā le a‟oa‟iga e iloa ai mea sese ua fai ma salamō

ai

6. E le i‟u lelei se tagata e ola tau faasese i le Talalelei

PESE: Po o fea lava o i ai Agaga (Where the Spirit of

the Lord – CD MAK, 2009).

………………………………….……

ASO SA: 27 FEPUARI, 2011

MATAUPU: O LE MANAVA OLA A LE ATUA

(God‟s breath of life).

SINI: Ia malamalama le vasega i le tāua o le

mānava ola o le Atua i le tagata, ina ia

faatāua ma atia‟e ai le ola i mea e

manuia ai e iloa ai le aogā ma le paia o

le ola na aumai e le Atua


FESOASOANI MO LE MATAUPU

1. Tala

Sa talai e Paulo le Talalelei ia Iesu na maliu ma toetu i Atenai.

Ona o ane ai lea o tagata Atenai ma taitai ia te ia i le malae e

igoa o Areopako se i ia faamanino atu lea aoaoga fou ua latou

faalogo i ai. Ua tulai Paulo ma ta‟u atu le ola tapuai o tagata

Atenai i atua. Sa ia iloa foi ia latou mea paia upu ua tusia ai,

„MO LE ATUA E LE ILOA‟. I le manatu o Paulo, o le Atua

ua latou tapuai i ai ma le lē iloa o le „a ia faailoa atu ia i latou.

O ia lea o le Atua na faia le lagi ma le lalolagi, e lē „o afio o ia

i malumalu e faia e lima; e lē o lima foi o tagata e auauna ai ia

te ia, peiseai ua mativa o ia i se mea e tasi. O le Atua lea o lo o

foai mai le ola, ma le manava, ma mea uma lava mo le ola

manuia o le tagata. Ua ia faia nuu uma o tagata i le toto e tasi

ma nonofo i le fogaeleele uma. Ua ia tuu foi tausaga na tofia

anamua, ma tuaoi o mea latou te nonofo ai, ina ia latou saili i

le Alii pe mafai ona latou tautagotago ma latou iloa o ia, ae

peitai e lē mamao o ia ma i latou. Auā o ia o lo o ola ai tagata,

ma gaoioi ai. Ua i ai foi i tatou ona o ia, auā o lana fanau i

tatou. Ona o i tatou o le fanau a le Atua, e lē tatau ai ona tatou

faatusaina le Atua i se auro, po o se ario, po o se maa ua talaiia

i le faiva ma le fuafua a tagata. O le Atua na faapalepale i ona

pō o le vālea, „a ua ia fetalai mai nei i tagata uma lava i nuu

uma lava ia salamō, auā ua faatuina e ia le aso e faamasinoina

ai le lalolagi ma le tonu e le tagata ua tofia e ia. O le molimau i

le faamaoni o le taunuu o le faamasinoga tonu a le Atua o lona

toe faatuina nai ē ua oti o lē na ia filifilia.


(a). mānava/ola/ma mea uma lava i le vao mea atoa (f25):

O le upu manava (breathe) o lona uiga o le agaga

(spirit/soul). E lē maua i meaola ae faapitoa i le tagata. A oti

ma pala le tino e ola pea le agaga. O le ola (life) i le tino ma

meaalofa e ola ai le tino e pei o le toto ma isi mea e tele na faia

uma lava e le Atua

(e). tagata ua tofia e ia/o lē na ia filifilia (f31):

E faasino ia Iesu Keriso o le Alo o le Atua na liutino tagata, na

maliu i le satauro, ma toetu nai le oti i le mana tele o lona

Tama ina ia faaolaina tagata uma e salamō ma faatuatua.

(i). MO LE ATUA E LĒ ILOA (f23):

O tagata Atenai e ola tapua‟i ma tofu uma ma atua, ae latou te

talitonu e i ai lava se isi atua latou te lē o iloa, ma o lea ua

latou tusia ai ia latou mea paia upu ia – „MO LE ATUA E LE

ILOA‟.

(o). o lana fanau i tatou (f28, 29):

O lo tatou ta‟u fanauina e le Atua ua faailoa mai ai lona tulaga

faa-Tama e tumu i le alofa mutimutivale i lo tatou vaivai ma le

valea.

(u). salamō (f30):

O le faanoanoa loloto i mea sese ma agasala sa fai ma ua fo‟i i

le Atua ma le loto maulalo ma salamō ma ua taumafai ai e

tetee i le agasala ia le toe faia

(f). o lo o i ai foi i tatou ona o ia (f28e):

O lo o tatou maua le ola ma gaoioi auā o lo o soifua le Atua o

le Ola faapei ona iloa i lona Suafa, „o a‟u o lē ola o lo o ola

lava (YHWH). O le Atua e soifua pea e faavavau ma ola ai foi

ma le tagata. O lo o i ona aao lo tatou ola ma le ola o meaola

uma na faia


1 Ta‟u le mataupu ma faamatala le uiga o le upu

„manava ola‟

2. Faitau le Tusi Faitau ma tali ni fesili a le vasega i le

Tusi Faitau

3.. Faamatala le mataupu (O nisi nei o mea ia manino i le

faamatalaina o le mataupu).

(a). O le ola tapua‟i o tagata Atenai faapea ma lo latou

talitonuga i le Atua latou te le o iloa e pei ona tusia ia

latou mea paia: „MO LE ATUA E LE ILOA‟.

(e). O le faatāuaina e Paulo o le ola tapua‟i o tagata Atenai,

ma lona faamalamalamaina o le Atua latou te le o iloa:-

(i). O le Atua na faia le lagi ma le lalolagi ma mea

uma i le vao mea atoa

(ii). O le Atua e latalata i le tagata, auā o Ia o lo o

ola ma gaoioi ai tagata; ua i ai foi i tatou ona o

ia, auā o lana fanau i tatou.

(iii). E lē afio o ia i mea e faia e lima o tagata auā o

le Alii o ia o le lagi ma le lalolagi

(iv). O le manava (spirit/soul) ma le ola (life) mai le

Atua mo le tagata ona o lana fanau i tatou, ua ia

faapalepale ai i lo tatou valea, „a ia tatou maua

meaalofa o lona alofa faaTamā – o le salamō

ma le faatuatua tatou te iloa ai le moni o lona

Alofa mo i tatou na ala mai i le maliu o lona

Alo i le satauro ma lona toetu nai le oti

(v). Tāua o le talaiga a Paulo auā ua faatalalelei ai

nisi o tagata o le aai o Atenai


5. Aoaoga, ma le pese o le mataupu

GALUEGA FAATINO: Fesili ma Tali e fetufaa‟i ai ma

le vasega

1. Aisea na naunautai ai Paulo e faamalamalama

tagata Atenai i le Atua moni?

Tali: Ia iloa e Atenai o le Atua o lo o tapua‟i i ai ma le lē

iloa o le Atua moni lea. Na ia faia le lalolagi ma

mea uma o i ai. E le afio o ia i mea e faia e lima o

tagata auā o le Atua o le Alii o ia o le lagi ma le

lalolagi

2. O ā mea i le tala e iloa ai o le ola atoa o le tagata na

faia e le Atua?

Tali: O le toto o le tagata mo le ola i le tino, faapea ma lona

agaga (spirit/soul) auā na faia o ia e le Atua i

lona faatusa ia foliga i le Atua; ma faapea ma le vao

mea atoa i le lalolagi mo le ola manuia o le tagata

3. O le a se feau o lenei mataupu mo tupulaga e le o

faatāuaina o latou ola?

Tali: Ia faatāua le ola ma ia atia‟e le ola i le tino, mafaufau

ma le agaga e tusa ma faasinomaga e manuia

atili ai le ola, ma i‟u atu ai le ola e fai ma taulaga ola e

malie ma paia i le Atua

4. O le a se fautuaga o lenei mataupu mo le faafitauli

(issue) o le „pule i le ola i tagata?

Tali: Ia matuā atia‟e le ola i lona atoatoa ia maloloina i le

tino, le mafaufau, ma le agaga, ina ia tatou mafai ai ona

teena le ita ma le lagona faamaina faapea le mitamita

sese (pride) e masani ona fai ma mafuaaga o le pule i le

ola, ma fai ai tatou ma savali a Keriso e faamafanafana

i mafatiaga o nisi o mafatia ma pa‟u atu i lenei

faafitauli o le fia pule i le ola.

5. O le a se fua lelei o le lauga a Paulo i Areopako?

Tali: Ua liliuina nisi o tagata sa faalogo i ai ma ua fai ma

kerisiano

A‟OA‟OGA:

1. Ia fa‟aaoga tatau le ola ua aumai e le Atua

2. Foi i le Atua ma le loto salamō ma fanaufouina ai e

lona Agaga le ola tuai

3. E mafai ona ola pea i le tino „a ua oti le agaga

4. Ia inoino i amioga ma tuinanaga leaga o le tino e oti ai

le ola ma le agaga

PESE: „Ave lou ola ia aogā‟ pese 157 Tusi o Pese ma Viiga

EFKS

……………………………………

MATI: O LE ATUA FAAOLA

O le manatu taiala o lenei masina o le Atua Faaola ua faatāua

ai le natura faaola o le Atua i ona tagata filifilia e tumau i le

usiusitai ma le faatuatua ia te ia, ma fa‟aalia pea i ō latou olaga

le alofa ma le agalelei faale-Atua i ē o puapuagatia ma fia

maua se fesoasoani. O le mea o lo o fia maua i tupulaga, e

galue ma fesoasoani mai le Atua i ō tatou mafatiaga ma

manaoga, pe a tatou usiusitai ma tumau i le faatuatua ia te ia.

ASO SA: 06 MATI, 2011

MATAUPU: E FAAOLA E LE ATUA ONA

TAGATA USIUSITAI

(God saves His obedients).

SINI: Ia malamalama le vasega e faaola ma

lavea‟i e le Atua ona tagata e usiusita‟i

ia te ia.

TUSI FAITAU: Eperu 5:1-10

FESOASOANI MO FAIAOGA

1. Tala

Ua faamatala e le Tusi o Eperu le tofiga o le ositaulaga o se

tagata usiusita‟i i le Atua. E agamalu ma lotomaulalo ma amio

migao i le Atua, ma faafofogaina ai o ia e le Atua i lona

puapuaga. O le uiga lea sa ia Iesu Keriso ua fai ai o ia e le

Atua ma Ositaulaga Silisili o le Ositaulaga foi e faavavau e

uiga faatasi ma Mekisateko. O mea na tiga ai o ia na aoaoina

ai o ia ia usiusitai. O lona usitai i mea tiga na oo ia te ia na

fa‟aatoatoaina ai o ia, ma faaola ai ē uma e usiusitai ia te ia e

pei ona faaola o ia e le Atua nai le oti.

2. O le Atua Faaola ma le tagata usitai

E finagalo le Atua e faaola i le tagata na ia faia i lona faatusa,

ma ia avatu i ai le manava ola (breath of life) ma avea ai ma

tagata ola. E ui ina o le tagata o le lefulefu ma le efuefu

(mortal), ae o ia o se foafoaga maualuga ma le paia (higher

and holy creation) auā na faia o ia i le faatusa o le Atua. O le

mafuaaga lea e ui ai i le agasala a le ulua‟i tagata ma aafia ai

tagata ola uma, ae ua fa‟aalia i le Tusi paia atoa le Atua Faaola

i le Tala a Kenese seia oo mai lava i le nuu filifilia o le Atua o

Isaraelu.

O le lagonaina i le loto o le Upu a le Atua, ma usitai i ai o le

faailoga lea o le tagata ua taitai e le Atua e ala i lona Agaga

Paia lona ola. Pe feagai la ma mea tiga ma puapuaga o le faia

ma le olaina pea o le finagalo paia o le Atua i se tiute faapitoa

ua valaauina ai, e le solomuli pe faavaivai ai. Ua faamoemoe

tasi i le Atua lona Faaola e malu ai ma ola ai. Pei ona molimau

i ai le faisalamo, “Lo‟u agaga e, ia e faamanu atu i le Alii,...o

lē faaola mai lou ola ai le tuugamau‟‟ (Sal 103:2, 4).

3. O Iesu Keriso ua fa‟aalia manino ai le Atua Faaola

O Iesu Keriso ua faaali tino mai ai i le olaga le Atua Faaola. O

le Alo pele o le Atua ua afio mai e faaola le nuu o le Atua ma

le lalolagi ai ā latou agasala. Ua le gata i le tino ma le

mafaufau, ae ua faapena foi ma le agaga. O le tagata atoa ua

faaola e le Atua. Ia maloloina le tino, le mafaufau ma le agaga.

O le avea ai o Iesu faapei o se tagata, na fai ai o ia ma Faaola e

ala i le avea ai o ia ma Ositaulaga e faavavau. Sa matuā

fa‟aalia i lona ola le usiusitai atoa i le Atua. Sa fa‟aalia foi ia te

ia le agamalu ma le lotomaulalo ma le amio migao i le Atua.

Ma na fa‟aatoatoaina ai o ia e le Atua i lona usitai e ui i le

ogaoga ma le matuitui o mea tiga sa oo ia te ia. O so o se

tagata la e usiusitai ia Iesu Keriso, latou te maua le ola na

maua e Iesu lo latou Alii ma le Faaola, o le Ositaulaga na ia

osia i lona lava soifua paia le taulaga togiola ina ia le tauia a

tatou agasala. Ma tatou te maua le ola fou ma faaola i tatou e

le Atua e ala i lo tatou usitai ia Iesu Keriso le Ositaulaga e

faavavau ua faa‟alia ai le Atua Faaola i le olaga.


(a). ositaulaga siIi:

O le tagata ua tofia e le Atua e faia taulaga mo agasala a le nuu

ma ia foi, ona faato‟a ia ulu ai lea i le mea paia (holy of holies)

i le faailoa mai o le Atua i le ao i luga o le nofoa o le alofa e

iloa ai ua talia ma ua alofa mai le Atua.

(e). Mekisateko:

O le ositaulaga o le nuu o Salema. Sa fai meaalofa ia

Aperaamo. E uiga faatasi ma Iesu Keriso. E lē o ta‟ua sona

tupuaga, ma le taimi na oti ai. Na ia valoia Iesu Keriso o le

Ositaulaga e faavavau.

(i). taulaga e totogi ai agasala:

Ua faia lea taulaga e le tagata e toatasi po o le toatele pe a solia

le tulafono ma le iloa, ua mao faia se mea e le tatau (Levitiko

4). E fasia le manu e pei o le mamoe po o le povi ma fa‟aaoga

lona toto. E ave nisi e nini i nifo o le fata faitaulaga; a o le

toto uma ua totoe ua liligi i lalo ifo o le fata. O le ola o le

manu e pei ona faailoa mai e lona toto, e sui ai le ola o le

tagata e tatau ona oti ona o ana agasala

(o). Keriso:

O lona uiga o lē ua faauuina. E tutusa ma le uiga o le suafa

Mesia. E faatatau uma ia Iesu o lē ua faauuina e le Atua e

faaola lona nuu ma le lalolagi ai a latou agasala


1. Faatomua le mataupu

(a). Pese: Abba Father

(e). Ta‟u le mataupu

2. (a). Faitau le Tusi Paia; (e). Tali ni fesili i le Tusi

Faitau

3. (a). Faamatala le mataupu; (e). Tuliloa le mataupu

ini fesili po o ua malamalama lelei

4. Fai le galuega faatino

5. Aoaoga o le mataupu ma le pese faai‟u


le vasega

1. O ā mea a le Ositaulaga e fai?

Tali: Tofia e le Atua e fai ma ana auauna e talia meaalofa a

tagata mo le Atua, ma fai taulaga mo agasala a tagata

faapea foi ma i latou. O lē tu i le va o le Atua ma ona

tagata

2. O ā uiga faale-agaga ua faaalia i le ositaulaga sili i le

Tala?

Tali: Agamalu, lotomaulalo, migao, usitai

3. Aisea ua fai ai Keriso ma Ositaulaga e faavavau?

Tali: O lona usiusitai atoatoa i le Atua lona Tamā, ma o ia

foi o le Alo o le Atua e leai sana agasala.

4. O le ā le fesootaiga na fesootai ai Keriso i le Atua e

fesoasoani mai i ona puapuaga?

Tali: Tatalo e le aunoa i le Atua lona Tamā

5. Faapefea ona faaatoatoaina Keriso?

Tali: E ala i lona usiusitai atoatoa i lona Tamā i lona tulaga

Alo ma Atalii o le Atua, ma avea ai lona usitai e le gata

ua faaatoatoaina ma faaolaina ai o ia, a o tagata uma

foi ua usiusita‟i ia te ia.

AOAOGA

1. O le usitai i le Atua o le ola e ofo atu ae toe aumai e le

Atua

2. E faaola e le Atua ona tagata usita‟i faapei o Iesu nai le

oti ma puapuaga

3. Ia agamalu ma lotomaulalo ma ola migao e tauleleia ai

ō tatou talavou

4. Ia fai i tatou ma faaola i nisi o mafatia ma puapuagatia


1. Faalogo ma usitai (Trust and Obey).

………………………………..


MATAUPU: O LE TĀUA O LE FAATUATUA

(The Essence of Faith)

SINI: Ia malamalama le vasega e fesoasoani

mai le Atua pe a tatou faatuatua ia te Ia

TUSI FAITAU: Luka 7:1-10


1. Tala

Ua faamatala e Luka i le tala le tāua o le faatuatua e mafaia ai

ona faia e le Atua mea tatou te ole atu ai. O le auauna a le tasi

taitai o le toaselau o le malo o Roma i le aai o Kapanaumi i le

itumalo o Kalilaia na ma‟i lana auauna sa ia faapelepele i ai.

Ua ia faalogo ia Iesu i le aai ona ia auina atu lea o toeaina o

Iutaia e aioi ia Iesu ina ia maliu atu ma faaola i lana auauna. Sa

ō atu toeaina ia Iesu e pei ona poloa‟iina ai ma matuā faatoga i

le manao o lenei taitai. Ua latou ta‟u atu ia Iesu le aogā ona ia

faia o le manao o lenei taitai auā ua ia alofa i lo latou nuu i

lona faia o le sunako. Ona afio atu ai lea o le Alii ma toeaina i

le fale o le taitai‟au. Ina ua latalata atu Iesu i le fale ona auina

mai lea e lenei taitai o ana uo ia Iesu ia fai atu ia te ia, “Le Alii

e, „aua ne‟i faalavelaveina oe, auā e lē aogā a‟u e te ulu mai ai

i lo‟u fale, o lea foi na ou manatu ai ou te lē aogā ona ou alu

atu ia te oe A ia oo mai sau fetalaiga, e faamaloloina ai la‟u

auauna..”. Sa faafofoga Iesu i le mana‟o o lenei taitai, ona ia

fetalai lea i tagata na mulimuli atu ia te ia, “Ou te lē i iloa ia

Isaraelu lava se faatuatua e faapena ona tele”. Ona malōlō ai

lea o le auauna a lenei taitai‟au ona o lona faatuatua.

2. O le faatuatua e ui ina lē vaai ia Iesu (Healing from a

distance).

Ua le gata i le tāua o le faatuatua i le Atua e ola ai, a o lou

faatuatua e ola ai oe ma ola ai foi ma nisi tagata o lo o

faalagolago ia te oe. E pa‟i mai le mana faaola ma faamalolo o

le Atua i ē faatuatua ia te ia e ui ina le vaaia o ia. Na manatu le

taitai o le toasaelau e tau lava o se fetalaiga a Iesu e malolo ai

lana auauna. E fai o lona le tusa ma le Alii i lona afio atu i lona

fale, ae ua ia talitonu atoa ia Iesu. E le tau afio atu le Alii, ae

tau lava o sana upu i le manatu o le tagata faatuatua faapei o le

taitai o le toaselau


(a). Kapanaumi:

O le aai e tumatafaga i le vai tuloto, ma sa afio soo i ai Iesu. Sa

fai ai vavega a Iesu peitai na valoia e Iesu lana sala ina ua

latou le talia o ia (Mataio 11:23). Ua taunuu lea valoaga auā ua

le o toe iloa i ona po nei lea aai. O le nuu o Aneterea ma

Peteru o soo o Iesu.

(e). Taitai o le toaselau (centurion):

O le ta‟u o le taitai o tagata tau po o fitafita o lona aofai e

toaselau o le malo o Roma

(i). sunako:

O le ta‟u o falesa po o fale tapuai o tagata Iutaia i le Feagaiga

Fou. E ta‟ua lea fale o le tapeneto (tabernacle) i le Feagaiga

Tuai.

(o). faatuatua:

O le faalagolago lea i mea ua faamoemoe i ai, o le mautinoa

lea o mea e le o vaaia. Aua ona o lea ua tauleleiina ai o e

anamua. O le faatuatua ua tatou iloa ai na faia mea uma i le

afioga a le Atua..


1. (a). Faatomua le mataupu i le pese „ FETALAI mai

le Alii e, Tusi o Pese ma Viiga 165

(e). Faailoa le mataupu

2. Faitau le Tusi Paia

3. Faamatala le mataupu



GALUEGA FAATINO: Fesili ma Tali e fetufaai ai ma

le vasega

1. O ā ni fua vaaia o le faatuatua o le taitai o le toaselau i

le Tala?

Tali: Lagona lona le tusa e feagai ma Iesu, ae tau lava o sana

fetalaiga e malolo ai lana auauna

2. O ā ni galuega lelei na faia e le taitai Roma?

Tali: O le sunako po o le falesa o le nuu

3. O le a se lagona tāua e iloa ai le moni o le mana‟o na

fai atu lenei taitai i toeaina e fesootai ai ia Iesu?

Tali: Ia aioi po o le matuā faatoga ia Iesu

4. O ai Iesu i le manatu o lenei taitai?

Tali: O le Alii o lo o i ai le pule ma le mana e faia ai mea e

le mafaia ona faia, ma usiusitai ma faalogo i ai mea i

lana upu e fetalai atu.

5. O le a le tele o le faatuatua o lenei taitai‟au i le manatu

o Iesu?

Tali: Talitonu atoatoa i le mana ma le malosi o le upu a le

Alii e faamalolo ai ma‟i e ui ina le vaaia o ia

A‟OA‟OGA

1. E tali mai le Atua i o tatou manao pe a faatuatua

2. Faatuatua i le Atua ma galue

3. E galue mai le Atua e ala i lona mana tele i ē faatuatua

ia te ia

4. Ia lagona lo tatou ava ma migao i le Atua pe a tatou

pepese, ma tatalo, ma tapuai atu ia te ia

5. Ia fesoasoani muamua ia i tatou ona fesoasoani mai lea

o le Atua


1. „Galue ia se ia uma ai‟, Pese ma Viiga 177.

2. Nothing is impossiple (E leai se mea e le mafai).

CD MAK 2009

……………………………


MATAUPU: IA AGALELEI PEI O LE ATUA

(Be loving as God)

SINI: Ia malamalama le vasega e finagalo le

Atua ia tatou agalelei i tagata

puapuagatia, auā o le tasi lea o natura o

le alofa o le Atua

TUSI FAITAU: Mataio 25:31-46


1. Tala

O le tala o aoaoga mulimuli a Iesu ona aga‟i ai lea o ia i ona

tiga ma puapuaga i le satauro. Ua faaiu ai e Iesu ana faataoto e

ono, faatasi ai ma lapataiga ina ia sauni ma mataala ai ona soo

se ia oo i lona toe afio mai (Mataio 24:32-25:30). O le tala la

po o aoaoga mulimuli a Iesu i ona soo o se vaaiga faa-faaaliga

i le faamasinoga mulimuli a le Atua i le taimi e toe afio mai ai

Iesu Keriso e faatu le malo faavavau o le Atua i le lumanai. I

lenei faamasinoga e tuueseeseina ai e le Alii tagata sa agalelei

i tagata puapuagatia, mai tagata sa agaleaga i tagata

puapuagatia. O le itu taumatau e tuu ai tagata agalelei ua

faatusaina i mamoe, a o le itu tauagavale e tuu ai tagata

agaleaga ua faatusaina i „oti. O tagata i le itu taumatau o tagata

ua faamanuiaina e le Atua ma „e fai mo latou tofi le malo o le

Atua, a o tagata i le itu agavale o tagata faafanoina, ma e ō atu

i le afi faavavau ua saunia mo le tiapolo ma ana agelu.

O tagata o le malo po o tagata ua faamanuiaina e le Atua, o

tagata ia na agalelei i ē na fia aai ma fiainu; alolofa i tagata

„ese; faaofu i tagata lē lavalava; fesoasoani i tagata mama‟i,

ma asiasi i tagata mafatia i le falepuipui.


(a). Atalii o le tagata (Mortal/Son of man):

O le tasi lea o suafa o Iesu, aua ua fanau o ia faapei o se tagata

ina ia fai o ia mo tatou Faaola. O le Alo o le Atua o le suafa

lea ua ta‟ua mai ai lona itu Atua. Na ta‟ua e Tanielu le Mesia o

le atalii o le tagata (Tanielu 7:13). Na faatatau e Iesu lea igoa

ia te ia lava. O le atalii o le tagata e ta‟ua ai tagata uma auā e

oti tagata uma. Na fetalai ai foi le Atua i le perofeta o

Esekielu. Peitai o Iesu e ui ina avea ma tagata ma maliu ai i le

satauro, ae na toe faatuina o ia e le Atua i le aso tolu.

(e). ē amiotonu (righteous men):

O i latou e faia le finagalo o le Atua faapei o le agalelei atu

i ē puapuagatia

(i). le lavalavā (nakedness):

O tagata ua matuā manino ma aliali lo latou matitiva ma le lē

tagolima

(o). aupito itiiti:

E faasino i tagata puapuagatia, le taualoa ma maualalo ma fia

maua se fesoasoani

(u). afi faavavau:

O le afi e lē uma lona mumu ma lona vevela

(f). tiapolo ma ana agelu

O le isi igoa o satani ma ana „au; o lē faaosooso i tagata e tetee

i le Atua


1. (a). Faatomua le mataupu i le pese „Abba Father‟ (i). Abba Father let it be

Yours and yours alone

Let thy will forever be

Ever more your own

(ii). Never let my heart grow cold

Never let me go

Abba Father let me be

Yours and yours alone


2. Faitau le Tusi Faitau



5. Aoaoga ma usu le pese faaiu


le vasega

1. O le ā le ata faatusa o le Atalii o le tagata i le Tala, ma

o ai o lo o faasino i ai?

Tali: O le leoleo mamoe ma le Tupu le ata faatusa, ma o lo o

faasino ia Iesu Keriso.

2. O le a le tulaga (role) o le Atalii o le tagata i le Tala?

Tali: O le Tupu e tietie i lona nofoalii mamalu pe a toe

afio faalua mai e fai le faamasinoga e tuueseese ai

tagata amiotonu mai tagata amioletonu.

3. O le a le ata faatusa o tagata i le itu taumatau ma ē i le

itu tauagavale ma o la uiga?

Tali: O tagata i le itu taumatau o mamoe a o tagata i le itu

agavale o „oti. O mamoe e filemu ma faalogo a o „oti e

ulavavale ma lē faalogo

4. O ā foliga o le Atalii o le tagata i le olaga i aso fai soo,

ma o le a e tatau ona e faia i ai?

Tali: O nai tagata o lo o puapuagatia, ma afai o lo o saili

fesoasoani ma e fesootai i ai, e tatau ona ofo atu i ai le

fesoasoani

5. O le ā le isi ta‟u o tagata puapuagatia i le Tala?

Tali: O ē aupito itiiti

6. O le ā le eseesega o le ola faavavau ma le afi faavavau?

Tali: O le ola faavavau o le olaga i le malo o le Atua e maua

ai le fiafia ma le olioli e le uma, ma e maua e

tagata amiotonu po o i latou na faia le finagalo o le

Atua i le ola nei, a o le afi faavavau o le taui o tagata

amioleaga faatasi ma satani ma ana agelu. E ola i se

lalolagi e puapuagatia i le vevela o le afi e lē matineia

A‟OA‟OGA

1. O tagata agalelei i ē puapuagatia o tagata ia o le malo o

le Atua.

2. O tagata o le Atua o le aao faaola o le Atua mo tagata

puapuagatia.

3. „Aua le faailoga tagata auā e lē faailoga tagata le Atua

…………………………..


MATAUPU: O LE ATUA LE LEOLEO SILI

(God the Good Sheperd)

SINI: Ia malamalama le vasega i le mana

lavea‟i o le Atua i ona tagata faatuatua

ia te ia



1. Tala

O le tala o lo o faamatala ai e Luka le sauāina o le ulua‟i

Ekalesia e le tupu o Herota. Sa ia taumafai e pupu‟e i nisi o le

Ekalesia ina ia faasauā i ai. Ua na fasioti foi ia Iakopo le uso o

Ioane o le fanau a Sepetaio na fai e Iesu ma ona soo. Sa iloa e

Herota le fiafia o tagata Iutaia o lo o tautu i le tulafono i le mea

ua na faia, ona ia fiafia ai lea e faaauau lona faasauā i le

ekalesia. Ua ia pu‟e foi ia Peteru ma tuuina atu i le falepuipui.

A o i ai Peteru i le falepuipui, sa tatalo le ekalesia i le Atua mo

ia. Ua manatu foi Herota o le a taitai ane Peteru i le nuu pe a

mavae le paseka, peitai a o le i faataunuuina lea fuafuaga, „a

ua auina mai e le Alii lana agelu i le po ma lavea‟i ia te ia. Ua

fafagu e le agelu Peteru ma ua matala fua maea uamea sa

noatia ai o ia, ma ua faatonu e le agelu Peteru ia fusi lona ofu,

ma faamau ona seevae, ia pulupulu foi lona ofu ma mulimuli

atu ia te ia. Ua la pasia le muai leoleoga ma lona lua ma ua

matala foi le puipui uamea e ulufafo atu ai i le aai. Ua tu‟ua foi

Peteru e le agelu ma ua iloa ai e Peteru e lē o se faaaliga a o le

agelu a le Alii ua ia auina mai e lavea‟i ia te ia.


(a). Herota: o le tupu sauā i le taimi o le uluai Ekalesia

(e). faasosolo: faaauau

(i). paseka:

O lona uiga o le sopo loa (pass over). Ua faaigoa ai e

Isaraelu le „aiga faamanatu i le alofa faaola o le Atua

mo i latou i Aikupito, na sopo loa ai e le agelu

faaoosala a le Alii fale uma o Isaraelu ona o le toto o le

tama‟i mamoe na vali ai laau faalava o faitotoa o ō

latou fale. Ua latou faamanatu ai lea aso i areto e lē

faafefeteina.

(o). Ekalesia:

O le ta‟u o tagata ua talitonu ma faatuatua i le Alo o le

Atua o Iesu Keriso, ma ua latou faia o Ia ma ō latou

Alii ma Faaola


1. Faailoa le mataupu




5. Aoaoga ma usu le pese


le vasega

1. O ai o le fanau a Sepetaio na fai ma soo o Iesu na

fasiotia e Herota?

Tali: O Iakopo

2. O le a le mea sili ona leaga na fai e Herota?

Tali: Ua ia faasaua i le Ekalesia

3. E faapefea ona lavea‟iina Peteru i le falepuipui?

Tali: Ua aauina mai e le Atua lana agelu e laveai ia te

ia?

4. Na faapefea ona matala maea uamea na noatia ai

Peteru?

Tali: O le mana o le Atua

5. Na faapefea ona lē iloa e tagata tau na leoleoa Peteru

le mea ua tupu?

Tali: O le malamalama o le Alii i le taimi na alu ifo

ai le agelu

6. Aisea na le faamasinoina ai Peteru i le aso na pu‟e ai

Herota ia te ia?

Tali: Ona o le aso o le faamanatuina o le paseka

7. O le a le mea na fai e le uluai Ekalesia ina ua

faa-falepuipui e Herota Peteru?

Tali: Tatalo faatauanau i le Atua mo Peteru

A‟OA‟OGA

1. E lavea‟i e le Atua ana auauna ua ia filifila

2. Ia tatou tatalo mo tagata o le ekalesia o lo o sauāina

3. E mana le tatalo a le ekalesia mo ona tagata

puapuagatia

4. E lē o le fitafita, e lē o le malosi a o le Agaga o le Atua

lo tatou fesoasoani sili

5. Faalogo ma mulimuli i le Alii „aua le masalosalo e

saogalemu ai

PESE: . Saviour like a Shepherd Saviour like a Shepherd lead us

Marching in thy tender care

In thy pleasant pastures feed us

On our homeward journey there

Blessed Jesus, Blessed Jesus

Thou has brought us kindly home

Blessed Jesus, Blessed Jesus

Thou has brought us kindly home .

…………………………….

APERILA: O LE ATUA ALOFA

(God‟s commpessionate love)

O le Alofa o le Atua o lona finagalo lea o lo o faapogai i mea

uma lava ua Ia faia. Auā o se mea na faia, o lo o faia, ma o le

a faia e le Atua e mafua lava ona o lona alofa. Ma o le ala foi

lea e ta‟ua ai lea alofa, „O le Alofa Matalasi‟, auā e le tasi, ae

tele, (lasi) mea e fai ai.

ASO SA: 03 APERILA 2011

MATAUPU: E FAAMAGALO E LE ATUA

AGASALA (God forgives Sins)

SINI: A‟oa‟o le vasega ina ia latou iloa ma

malamalama lelei, e ala ona faamagalo e

le Atua agasala a tagata ona o

lona alofa ina ia ola ma lavea‟iina.

TUSI PAIA: Luka 7: 36 – 50

FESOASOANI MO FAIAOGA:

1. Otootoga:

O le valaau faapitoa a Iesu mai le Faresaio, ina ia la talisua

(aai) ma ia i lona fale ma sa faapena lava ona fai. O lo o ta‟ua

ai ma le isi fafine o le nuu lava lea, e ta‟ua o ia e tagata o le

fafine agasala. E lei valaaulia lenei fafine agasala e le

Faresaio, ae o lo o ta‟ua lona ulufale atu ma auai faatasi ma

Iesu ma le Faresaio. Sa le fiafia le Faresaio ia Iesu, ona o lona

manatu o lo o silafia e Iesu o lenei fafine o le fafine agasala e

le tatau la ona ia taliaina o ia, ae ao ona ia tuliesea. Sa faapea

foi lona manatu i le fafine, sa le tatau ona pa‟i atu ia Iesu ona o

ia o le fafine agasala. Peitai, o lo o iloa i le tala, o le ulufale

faamalosi o lenei fafine agasala, e le ona o sona fia ai, ae o

lona fia magalo ma fia ola. Ma e foliga mai, o le auaunaga sa

ia pa‟i atu ma faia ia Iesu, o le tino lena o lona loto talitonu

moni, o Iesu e magalo ai o ia. Ma o le ala foi lea o lona le

faatali i se valaau, ae ua ulufale ma le talitonu, o Iesu lava lea

e magalo ma faaolaina ai o ia.

E lei pogisa le Alii i le mea sa i le loto o le Faresaio, ma o le

ala lea o lona tala atu i ai o le tala faatusa e uiga i le matai ma

e sa aitalafu ia te ia. O i tonu foi na iloa ai e le Faresaio, o Iesu

lava ia, e alofa ma naunau lona finagalo, ina ia magalo ma ola

tagata. Sa faamanatu foi e Iesu i le Faresaio, le tele o tiute taua

faale-aganuu sa tatau ona ia faia, a o lea sa le galo i le fafine

ona fai ia Iesu. Ona faaiu ai lea o le felafolafoaiga i le faapea

atu o Iesu i le fafine agasala; “O lou faatuatua ua faaolaina ai

oe, ina alu ia oe ma le manuia”.

2. Fafine Agasala:

O le molimau a le Tusi lenei a Luka, o le agasala o iloa ai le

lenei fafine, o le talitane. O le tala faatusa sa fai e Iesu i le

Faresaio, e uiga i le matai ma ē sa aitalafu ia te ia, o lo o iloa

mai ai iina, o le fafine agasala lenei o le tagata lea o lo o autu i

ai le tala. Auā o lona uiga talitane, o le faamaoniga lena o le

matuiā ma le tele o le agasala a lenei fafine; ona e le gata o le

fai soo o le faatinoga o le agasala i le tino, ae sili ona matuia,

ona o le faatino ma le loto i ai o le mea sese. Peitai la, o le tele

o lona alofa e pei ona fa‟aalia i mea lelei e tele ua ia faia mo

Iesu e le gata o le tali masani lea mo le faamagaloga, ae o le

taunuuga tatau foi lea o le faatuatua pei ona fetalai Iesu ia te

ia, “O lou faatuatua ua faaolaina ai oe, ina alu ia oe ma le

manuia.”

3. Faresaio:

O le igoa lea sa ta‟u ai se vaega tele o tagata Iutaia, sa vavae-

ese mai tu faapaupau. (O le Au Faresaio – o tagata ua vavae

ese). E talitonu i le toetu mai o tagata nai le oti. Latou te

talitonu foi e faamagalo e le Atua agasala.

Peitai, o le faafitauli tele o iloa iinei, e le o iloa e le Faresaio, o

Iesu lava o le Atua (Alo o le Atua) na te faamagaloina agasala.

O lo o iloa i le f.49 le femusua‟i ma le faaletonu o Faresaio,

ina ua fetalai Iesu e faamagalo agasala a le fafine. Ua avea

lava le teena o Iesu i le loto o le Faresaio ma ala ua pogisa ai

ona mata faale-agaga, ua na le iloa ai, o le Alo o le Atua

lea na te faamagaloina agasala a tagata faatuatua ia te Ia.

4. Faataoto (Tala Faatusa):

O le aitalafu lava ia, o le aitalafu. Pe lima-sefulu, pe lima

selau tenari, ae o aitalafu uma lava. O le agasala pe tasi pe lua,

pe laitiiti pe tele o le agasala lava. O le uiga o le finagalo o

Iesu, na te le o sailia le tele ma le laitiiti o le agasala, aua o le

agasala lava o le agasala. Ae o le itu tāua o saili mai e le Alii,

o le loto o le tagata. Le ala lea o le tilotilo o le Faresaio ia

Iesu, ae na te le o iloa. A o le fafine agasala, na vave ona ia

iloa ma talitonuina i lona loto, ma alu loa i ai ma le faatuatua.

5. Faamagaloina o Agasala

O le faamagaloina o agasala, o le faaolaina lava lea o le tagata

ua salamō ma faatuatua i le Alofa Tunoa o le Atua. E

faaolaina le tagata i ni galuega lelei na te faia, e pei ona faia e

le fafine agasala ia Iesu. Auā o le tino lena, po o foliga vaaia o

le loto talitonu ma le faatuatua. Manatua e le i ai fua se

faamagaloina, e aunoa ma se loto salamō moni. E ui lava la o

auaunaga e tusa ma le aganuu sa faia e le fafine agasala, ae lei

faia fua e aunoa ma le loto talitonu ma faatuatua. O le tagata

faatuatua o le tagata ua faamagaloina, ina ua salamō mai ona

leaga.


(a). Agasala (.37) - O le tu po o le aga ua sala; ua

sese; ua le sa‟o po ua le tatau foi.

(e). Fagu alapasa(f 37) :

O le ala pasa, o le igoa o le maa taua ma sinasina; e fai

ai fagu e utu ai mea manogi. O le (Fagu alapasa) O se

fagu matagofie tele, e anagata toe taugata.

(i). Sogi (f 38): kisi

(o). Nono (f 41): aitalafu

(u). Tenari (f 41): O le totogi o le tagata faigaluega i le aso

atoa


1. Faailoa le mataupu i le vasega ma faamalamalama uiga

o upu autu o le mataupu

2. Faitau le Tusi Faitau ma faamalamalama nisi o upu o i

ai i le Tusi Faitau e le malamalama ai tamaiti i o latou

uiga.

3. (a). Faamatala le tala (Ia pu‟upu‟u ma malamalama,

ma ia fa‟aaoga le gagana faigofie)

(e). Fai ni fesili fetalia‟i (Faiaoga i tamaiti, tamaiti

foi i le faiaoga) ina ia atagia ai le tulaga o lo

latou malamalama ua i ai i le mataupu.


5. Aoaoga ma le pese faaiu

GALUEGA FAATINO: Filifili se galuega e mafai ona

faatino

1. Faatino le tala

2. Tusiga solo: Tusi sau solo, e tasi le fuaiupu ae fa laina

ia atagia ai le Alofa faamagalo o le Atua.

(ft): Maeu le alofa o le Atua i le tagata!

Aua ua Ia faamagaloina uma ana agasala

Lea na maliu ai Iesu lona Alo pele e toatasi

Ina ia ola ma lavea‟iina tagata uma o le lalolagi.

3. Pese: Jesus is the Rock that He rolls my sins away

Jesus is the Rock He rolls my sins away x 2

Jesus is the Rock x 3 He rolls my sins away

I‟ve seen the light The army of the Lord x 2

The army of the Lord x 3

Its coming to you, you, you x 2

O Iesu o le papa na te ave ese a‟u agasala x 2

O Iesu o le papa x 3 Na te aveese au agasala

Ua ou vaaia Le autau mai le lagi x 2

Le autau mai le lagi x 3

Ua oo m ai ia te oe x 2

A‟OA‟OGA:

1. E faamagalo e le Atua agasala uma i lona alofa.

2. E tatau ona faatuatua i le alofa o le Atua ina ia magalo

ai agasala.

3. E lē fo‟i fua se tagata e alu ia Iesu.

……………………………………..

ASO SA: 10 APERILA 2011

MATAUPU: O LE TOTO O LE LELEIGA

(The Blood of Reconciliation)

SINI: Aoao tamaiti ina ia latou iloa, o le toto o

le leleiga, o lo‟o faasino i le toto o Iesu,

ua lelei ai le Atua ma le tagata agasala.

TUSI PAIA: Eperu 10: 1 – 25 (Faiaoga)

Eperu 10: 11 – 25 (Vasega)


1. Agasala:

O le aga ua sala, ia po o se mea ua sese. E mafai foi ona

faapea, o se gaoioiga ua le sa‟o, ma ua oia ai le leleiga i le va o

ni itu se lua. O le mea tonu lea ua tupu e tusa o le molimau a

le Tusi Paia, i le va nonofo ai o le Atua ma le tagata. Sa fai le

tagata e le Atua i le amataga, faamanuia i ai ma tu‟u i Etena e

pule i mea uma, vagana le laau e tasi sa vaoia ai. Sa le tausisia

e le tagata lea aiaiga, ma masofa ai loa ma le leleiga lea i le va

o le Atua ma le tagata ina ua agasala le tagata i lo la va ma le

Atua.

2. Taulaga:

O le Taulaga o le mea e fai ma le faamoemoe e toe faaleleia ai

le va nonofo o ni itu se lua ua le lelei (E tele uiga o le upu

taulaga, ae o lona uiga lava lea e tusa o lenei tala). Ina ua

agasala le uluai tagata ma lē lelei ai ma le Atua, ona osi lea o

taulaga ma le faamoemoe e faamama ai agasala a le tagata, ma

toe lelei ai ma le Atua. Anamua la i taimi o le Feagaiga Tuai,

sa osi taulaga i manu ma o latou toto (oti, povi, mamoe). O le

toto o lona uiga o le ola. Sa masani ona ave le toto o manu e

osi ai le taulaga. Na o le Ositaulaga foi e pa‟i i ai i le toto, ma

na osia le taulaga lea e faamalie ai le finagalo paia o le Atua,

ina ia toe lelei ma le tagata. Peitai, e lei maua ai se leleiga i

taulaga faa-Feagaiga Tuai sa osia i le toto o manu ona e

agasala pea le tagata.

3. Feagaiga Fou

Ina ua soifua mai Iesu le Alo o le Atua i le lalolagi, fai mai

Ioane le papatiso, “Faauta i le tamai mamoe a le Atua, na te

aveesea le agasala a le lalolagi.” (Ioane 1: 29) O le taulaga lea

sa osia e Iesu, e pei ona sa maligi ai lona toto i le satauro ma

maliu ai, lea ua toe lelei ai nei le tagata agasala ma le Atua. O

le togiola ua faia e Iesu mo le leleiga o le tagata ma le Atua.

4. Toto o le Leleiga:

O le uiga lea o le mataupu o lenei Aso Sa – Toto o le Leleiga.

O lo o faasino i le toto paia o Iesu sa faamaligiina i le satauro,

lea ua toe maua ai le leleiga i le va o le tagata ma le Atua.


1. Faailoa le mataupu ma faamalamalama upu autu o le

mataupu e pei ona faamatalaina i Fesoasoani

2. Faitau le Tusi Paia ma faamalamalama nisi upu mai le

Tusi Faitau e le o malamalama ai tamaiti.

3. (a). Faamatala le tala (Faapu‟upu‟u ma faafaigofie, e pei

ona

tu‟uina atu le fesoasoani)

(e). Fai ni fesili e tuliloa ai ua malamalama tamaiti e uiga i

le mataupu.



GALUEGA FAATINO: Filifili se galuega faatino e fa‟aaoga

1. Faamatala mai se mea na tupu na mafua ia se

feeseeseaiga i le va o se toalua ae pe na faapefea foi

ona toe fai se leleiga? O le a le mea na fai? (E mafai

ona e faamatalaina se mea moni na tupu, e mafai foi

ona e faamatalaina se tala fatu, o le itu taua o fia iloa,

po ua e malamalama i le uiga o le Leleiga)

2. Taliga Fesili (MALAMALAMA LAUTELE FAALE-

TUSI PAIA)

(a) Sa fasioti e Kaino lona lava uso o Apelu, ma faamaligi

lona toto. Se taulaga o se leleiga le mea lena pe leai?

Tali: Leai, e le o se Taulaga o se leleiga, ae o le

agasala o le fasioti tagata e faapogai mai le loto

ita.

(e) E faapefea le tagata faatoa fanau mai ua uma ona osia

le Taulaga e Iesu. E faapefea ona toe lelei ma le Atua?

Tali: Salamo i le loto faamaoni

(i) O ā taulaga ia e tautala i ai le f. 3?)

Tali: O Taulaga faa-feagaiga Tuai ia sa e osi i manu

ma o latou toto.

PESE: Le toto paia o lo tatou Alii (Tusi o Pese ma

Viiga 35, EFKS).

A‟OA‟OGA:

1. E alofa faamaoni le Atua i tagata

2. E lelei le salamō pe afai o agasala

……………………………….

ASO SA: 17 APERILA 2011 (Aso Sa Laupama)

MATAUPU: O PUAPUAGA O KERISO

(The suffering of Christ)

SINI: A‟oa‟o le vasega ina ia latou iloa, o

puapuaga o Iesu Keriso, o le ala ua

saunia mo le faaolaina o tagata uma

lava.

TUSI FAITAU: Mareko 15: 1 – 39 (Faiaoga)

Mareko 15: 1- 19 (Vasega)


1. Otootoga:

O puapuaga o Iesu Keriso, o lo o faasino i lona sauaina, lona

faamasinoina, lona faasatauroina, atoa ma lona maliu (oti). O

puapuaga foi e le o tafa tasi, ae o a‟afia lona tagata atoa lava i

le tino, mafaufau ma lona agaga. O itu ia o lo o atagia ai, le

matuitui tele o puapuaga sa feagai ma le Alii o Iesu. O le isi

itu e mamafatu ai, ona e le gata o ona lava tagata (tagata

Iutaia) o tete‟e ia te Ia, ae o ona uso foi i le tulaga faa-taitai i le

galuega, o lo‟o taulamua ona finau ina ia oti o Ia.

E ui lava ina mamafatu ma matuitui puapuaga o Iesu, ae o le

ala lava lea ua saunia e le Atua mo le lavea‟iina ma le

faaolaina o tagata uma lava.

2. Sauaga i le tino:

O lo o ta‟ua lava e Luka sauaga ogaoga i le tino, sa feagai ma

le Alii o Iesu. Auā sa noanoa i maea, ma fetaia‟i solo i mea e

loto i ai i latou sa tetee ia te ia. I luma o Pilato le sa faia le

faamasinoga, sa matua sasaina ai o ia, ma tu‟uina atu ai loa ina

faasatauroina. Sa faia foi e fitafita le pale tuitui ma faapale ai o

ia, ma ta lona ao i le u. E oo lava foi i lona satauro mamafa, sa

ia amoina lava, vagana le fesoasoani a Simona le Kurene, lea

sa ia fesoasoani i le amoina o le satauro o le Alii.

3. Sauaga i le mafaufau:

E le o matuā iloa manino mai i le tala ni taimi faapitoa sa

manu‟a ai le mafaufau o Iesu. Peitai, o le fetaiaiga i mea na

fai

ia te ia, o upu sa tuufesili ai ma alalaga ai tagata ia te ia, ma

mea sa tau i ai lana silasila, e le o aunoa lava le manua ai o

lona mafaufau. O le ala foi lea o le le tali o Iesu i le tele o

fesili e fesiligia ai o ia i taimi o lona faamasinoga, ona ua i ai i

lona mafaufau, sei faataunuu ia le mea na ia afio mai e fai, o le

Taulaga lea mo le Faaolataga o le Lalolagi, e ala i lona maliu i

le satauro.

4. Sauaga o le agaga:

O le faamanu‟alia pea o lona finagalo i lana silasila atu i le au

le malamalama, ma le pogisa pea o loto o tagata, sa ia lagona

ai lona faanoanoa. Auā e le gata i tagata Iutaia i tulaga tofi e

fia o le Lotu, a o tagata lautele foi sa alalaga, “Ina faasatauro ia

ia te ia” (ff13, 14).

5. Puapuaga:

O lo o ta‟ua i le otootoga itu ua matuitui tele ai puapuaga o le

Alii o Iesu, e pei lava ona faamauina e Luka. Ma ua fai lava

ma itu faigata i manatu, pe aisea lava ua uia ai e Iesu le ala o le

satauro. Peitai, e mulia‟i auina mai e le Atua lona Alo mo lea

faamoemoe, ae o le ala lava ua leva ona ia faataoto, e pei ona

ta‟ua mai e le Perofeta o Isaia i le Feagaiga Tuai (Isaia53).


(a). fouvale (f 7): faatupu vevesi ma fai mea leaga

(e). mataua (f 10): ita/loto leaga

(i). „au (f 16): vaega o fitafita

(o). ū (f 19): tao e fana i le aufana (arrow le fa-

Peretania)

(u). faatauemua (f 20): O le loto inoino, faatasi ma le saua i ai,

i le o ita i ai.


1. (a). Tau le mataupu i le vasega

(e). Faamalamalama le upu puapuaga o i ai i le

mataupu, ma upu o tuuina atu i luga pe afai e le

malamalama ai tamaiti, ma nisi upu latou te

fesili ane ai.

2. Faitau le Tusi Paia. (Vaai le vaega ua faatatauina mo le

Vasega)

3. (a). Faamatala le Tala (Fa‟aaoga le gagana faigofie,

faapu‟upu‟u, ma taumafai ia ausia le sini)

(e). Fai ni fesili fetaliai (Faiaoga ma tamaiti) ina ia

vaili ai le malamalama ua i ai le mataupu.



GALUEGA FAATINO:

1. Faatino (E manaia pe a faatino e tamaiti, e lelei foi pe a

aofia ai ma Faiaoga) le Tala lenei i puapuaga o Iesu

Keriso. E aofia ai lona faamasinoga, lona sasaina ma

lona faasatauroina.

2. Taliga Fesili (Fa‟aaoga le Tusi Paia)

(a) O le a le mea na oo ia Pilato, talu ai le le tali o Iesu i le

tele o ana fesili?

Tali: Sa matuā ofo Pilato

(e) O le a le faaupuga o i ai i le Tusi Paia, o iloa ai le

teuteu lumafale o Pilato i tagata, ma lona le fai mea

sa‟o? Tau mai ma le fuaiupu.

Tali: (f15) “Ua loto Pilato e faaloto malie i le motu o tagata,

….”

(i) O a mea sa fai e tagata ia Iesu, o lo‟o iloa ai lo latou

faatauemu ia te Ia?

Tali: Nonoa ma saisai, sasa faatigaina, tu‟u feanu i ai, fai iai

upu leaga ma upu faifai; ma isi lava uiga le lelei.

(o) O puapuaga o Iesu o ta‟ua nei, fai mai o le ala i le

faaolataga mo tagata uma lava. E lavea ai ma Pilato,

ma tagata faatauemu nei o le Lotu Iutaia sa alalaga e

faasatauro Iesu?

Tali: Ioe. E aofia ai tagata uma lava le afaina pe lelei pe

leaga. Ae faaolaina lava na o le tagata e salamō ma

faatuatua.

PESE: „A sousou le vasa o le ola nei‟, pese 225 Tusi o Pese

ma Viiga EFKS

A‟OA‟OGA:

1. Ia lagona le loto faafetai i le Alofa o le Atua.

2. Amuia oe, pe afai o „e tiga ona o le lavea‟iina o nisi.

3. Salamō ona o ō tatou leaga.

………………………………..

ASO SA: 24 APERILA 2011 (Aso SaToetu)

MATAUPU: O LE TOETU O IESU

(The Resurrection of Jesus)

SINI: Aoao tamaiti ina ia latou iloa, o le toetu

mai o Iesu nai le oti, o le vavega sili lea

ua faia e le Atua, ina ia talitonu ma

faatuatua le tagata ia te Ia, auā o le

atoaga foi lea o lana faaolataga mo le

tagata.

TUSI FAITAU: Luka 24: 1 – 35 (Faiaoga)

Luka 24: 1 – 12 (Vasega)


1. O Iesu o le Mesia sa valoia:

O le uluai aso o le vaisapati, o le aso tolu lea talu ona maliu

Iesu, o le taeao tonu foi lea i le tafa o ata, na o ai Maria le

Makatala, o Ioana, o Maria le tina o Iakopo ma isi i le

tuugamau e asi Iesu, ma ave i ai teu fugalaau manogi. E oo

atu i latou nei ua fuliesea le maa sa pupuni ai le gutu o le

tuugamau. E ulu atu foi i totonu ua leai se tino maliu o Iesu, ua

toe o le tuugamau ua avanoa.

Sa fememeai o latou lagona, ae sa ta‟u ane i ai e Agelu e

toalua sa i ai, o Iesu o lo o latou sailia ua toetu mai o Ia nai le

oti; i le ma le isi, mafaufau i lana fetalaiga sa fai atu iā i latou a

o i Kalilaia o ia. Na vave ona latou manatua sa fetalai Iesu e

faasatauroina o Ia, ma toe tu mai o Ia i le aso tolu. Sa toe foi ai

i latou, ma ta‟u atu le tala e uiga i le tuugamau ua avanoa i le

au aposetolo. O lea na tulai ai Peteru ma tamoe se‟i vaai. O le

tuufua o le tuugamau, o le faailoga ua alu „ese Iesu auā ua

toetu.

2. Malaga i Emau

O le taeao lava lea ua vevesi ai Ierusalema i le tala e uiga i le

tuugamau ua avanoa. Sa o ai soo e toalua i Emau, ma

talatalanoa i le mea lava lea. Ae te‟i ua faatasi ane i ai ma le

isi tagata la te le masani ai, ona latou solo faatasi lava lea i le

ala. A o talanoa soo nei, sa fesili ane i ai le tagata lea. O a ea

ia mea e te lua talanoa i ai? O Kaleopa le igoa o le isi soo, o ia

lea na tali atu ia Iesu. E te sau mai Ierusalema, ae e te fesili

mai po o a mea o tutupu ai? Toe fesili le tagata lea, “O ā

mea?” Ona la faamatala lea i ai o mea uma lava na tutupu, e oo

lava foi i fetalaiga a Iesu, sa muai fai i le mea lea a o le i tupu.

O tala na fai ane ai fafine e uiga i agelu, ma ē na asiasi i le

tuugamau, ae ō mai lava ma le molimau lea ua leai se Iesu ua

toetu, ma sa fa‟aalia e lenei au so‟o lo la ofo tele i ia tala. O le

faailoga o lo la le mautonu. O le ala lea na fetalai i ai Iesu, “O

tagata valea ma le a‟u le talitonu oulua”. Ua faamatala foi i ai

e Iesu mea uma ua tusia i Tusi. Ua lata ina po, ona vavao lea e

ia so‟o Iesu latou te momoe, a o iina na la iloa ai e sa‟o lava, o

Iesu toetu lea, i le taimi o ia tofitofi le areto o la latou aiga i le

po.

3. Toe foi i Ierusalema

Ina ua fa‟aali Iesu toetu i soo sa malaga i Emau, ma ua la

talitonu o Iesu lea, ona la toe foi lea i Ierusalema ma ave le

tala. E foi atu la, o lo o pisa foi le au soo i Ierusalema e uiga i

le molimau foi a Simona ua toetu Iesu, sa fa‟aali ane lava ia te

ia. Ma ua tupu tele le tala, atoa foi ma molimau faamaoni e

uiga i le mea ua tupu, ua matuā ofo tele ai tagata.

4. O le oti ma le toetu

O le oti i le taliltonuga ma le vaai a tagata, o le mutaaga lea o

le ola, ma mea uma lava. O le mua‟i fetalai la o Iesu i lona

maliu (oti) ma lona toetu mai i le lona tolu o aso, o se mea sa

le taliagofie e tagata ma faigata ona talitonuina. Peitai, o lea

ua faamaonia nei, aua sa faasatauroina ma tanumia i le

tuugamau, a o lea ua avanoa le tuugamau, ma ua toe feiloai i

isi tagata, ua toe soifua mai o Ia. O se mea lava ua matuā ofo

ai le lalolagi, ae o se vavega tupito foi ua faia e le Atua, ua

avea ma ala e faatuatua ma talitonu ai le toatele ia te Ia.


(a). vaisapati (f 1): vaiaso atoa (mai le isi Aso Sa

(sapati) e oo i le isi Aso Toonai

(sosoo ma le isi Sapati) o le va o

sapati

(e). tafa o ata (f 1): toeitiiti lava malamalama lelei,

ua ao.

(i). fememea‟i (f 4): faaletonu, le mautonu

(o). aai (f 13): nuu

(u). pulunaunau (f 29): tauanau malosi, taumafai malosi

e tauanau.

FAATINOGA O LE MATAUPU:

1. Faailoa le Mataupu i le Vasega.

2. (a). Faitau le Tusi Paia.

(e). Faamalamalama upu o i le Tusi Faitau e le

malamalama ai tamaiti, ae maise le upu autu o i le Ulu

Mataupu o le TOETU, ona e le mafai ese poto po o se

malosi ona fai se Toetu.

3. (a). Faamatala le tala, ia taumafai e faapuupuu ma

faigofie.

(e). Fai ni fesili ma tali faa-felafolafoaiga ma le vasega e

iloa ai le tulaga ua i ai lo latou malamalama i le

mataupu.



GALUEGA FAATINO:

1. Fai se faatinoga pu‟upu‟u o le tala, ae maise lava le

malaga i Emau, ma le fa‟aali i ai o Iesu Toetu i le au-

soo.

2. Faauma mai e oe, le solo e uiga i le Toetu o Iesu (Ua

lava se 2 fuaiupu, ae 4 laina i le fuaiupu e tasi, e te

sosoo maia ai le fuaiupu muamua ua ou amataina)

(i). Sa alalaga tagata, Osana! Osana! i le alo o Tavita

„A ua latou toe faasatauroina ina ua latou feita

Peitai sa fetalai Iesu, na o le tolu lava aso toe sau

Lea la ua pisi ai, aua ua leai se isi i le tuugamau

PESE: God‟s not dead (E le o maliu le Atua)

(CD MAK 2009)

A‟OA‟OGA:

1. O le Atua, o le Atua e soifua pea e faavavau

2. Fai oe ma a‟u, ma molimau faamaoni o le Toetu

3. Faatuatua i le Alofa Soifua.

……………………………………

ME: O LE ATUA GALUE

(God as Steward)

O le tasi lea o natura o le Atua, o lo o iloa pea i le soifuaga ma

le siosiomaga o ana mea na foafoa. E le o se Atua na ona

faatonu mai ma faamaepaepa, ae o le Atua o lo o galue pea i lo

outou soifua ma lo tatou ola, e ala i lona Agaga musumusu mai

ma faamaoni mai ia i tatou. Ua faatāua foi i lenei masina le sao

taua o tina na faia ai e le Atua

ASO SA: 1 ME 2011

MATAUPU: IA AVEA MA AUAUNA

FAAMAONI (Be a faithful servant)

SINI: A‟oa‟o tamaiti ina ia latou iloa lelei o le

faamaoni, o le ala sili lea e

faamanuiaina ma faaeaina ai so o se

tagata, i galuega ua tofia ma valaauina i

ai.

TUSI FAITAU: Luka 16: 1 – 13


1. O le Tala:

O le tala i le tagata mauoa, ma le tagata sa faigaluega ia te ia

sa ta‟ua o ia o le auauna pule. Sa faatuatua i ai le mauoa, ma

tu‟u i ai le vaaiga o ana oloa. Peitai, sa le faamaoni lea alii e

pei ona ta‟ua i le tala, o lea na tuliesea ai loa o ia e lona matai.

Sa iloa e lenei alii le mea o le a tupu ia te ia, o lea na ia fai ai le

togafiti, ina ia talileleia mai o ia pe a te‟a ma le galuega.O le

f.8, ina nei fesili ai se tamaitiiti, ae maise foi o lou silafia, ona

e foliga mai o lo o vivii e le mauoa le tagata le faamaoni fai

mai, „Ua vivii atu le alii i le auauna amioletonu‟. O le itu

muamua, e le faigofie ona tatou iloa po o le alii o ta‟ua o

faasino ia Iesu, po o faasino i le mauoa o le faataoto.

(i). Afai e manatu o le alii le mauoa i le faataoto, o lona uiga o

lo o ia faailoa mai le le amiotonu o lana auauna, ae o lo o ia

faamamafa lona atamai e fai togafiti.

(ii). Afai o Iesu, o lona uiga o le afa muamua (vaega muamua)

o le f. 8, o se faamaumauga e le‟i tu‟usaoina mai le manatu o

Iesu e pei ona fa‟aalia i le tala, ae o le afa mulimuli, o le

saunoaga tu‟usao o upu mai ia te Ia. (O le vaega mulimuli foi

lea o le f.8. (8e), e pei o le faaupuga o i ai a Iesu, i le

Mataio10: 16e – “Ia atamamai e pei o gata, ae fifilemu e pei o

lupe.” O faaupuga e pei o lo o vivii ai le poto o le gata, ona e

aoga le poto mo le ola manuia.

2. Auauna pule:

O le auauna lenei e ui lava ina ta‟ua o ia o le pule, a o ia lava o

le auauna, ona o lo o galue i lalo o le vaaiga a le isi tagata. O

lona uiga, e i ai tulafono ma aiaiga e limataitaiina ai lana

auaunaga. Ua tatou iloa i le tala le mea ua tupu i le va o le

auauna lenei ma lona matai, atoa foi ma isi o lo o aafia i lenei

mea ua tupu. O le mea ua tupu, ua fa‟aaoga sese e le auauna

pule lona tofi. Ua pule i mea e le o ni ana mea totino; ua

faalelei ma isi tagata ina ia viia ai o ia, ae le o ni ana mea. E ui

lava ina foliga e alofa ma loto fesoasoani lana gaoioiga ua fai,

ae o le taufaavalea lava ma le gaoi ua ia faia, o faailoga ia o le

le faamaoni. Ma o le faailoga lea o le auauna na te le o talia le

galuega musumusu mai a le Agaga o le Atua ia te ia.

3. Faamaoni:

O le faamaoni e pei ona ataata mai i le sini, e le o se laasaga e

ausia gofie, ma e le faigofie foi ona faamatala lona uiga. Aua,

e mafai ona faapea, o le faamaoni o le usiusitai lea e mulimuli

ma tausisi i aiaiga ma tulafono uma ua tuuina mai e faatino ai

se galuega ua tofia i ai oe. I le ma lenei, ia galue lelei ma fai

mea sao, auā o le faamaoni o le auaunaga e fa‟aalia ai le tagata

o galue ai le Atua i lona loto ma ia taliaina.

4. Faamanatu mo le tagata galue:

O lo tatou fa‟aaogaina o tupe e pei o le auaunaga o ta‟ua i le

tala, o se tofotofoga tele lea ma aoga mo tatou, i lo tatou tulaga

avea ma auauna sili. O le mea e ao ina iloa, ia tatou fa‟aaoga

tatau ma sa‟o mea ua tatou maua. O tupe e mafai ona

fa‟aaogaina mo le lelei atoa foi ma le leaga, o le mea lea e

tatau ai ona tatou fa‟aaogaina tupe mo le lelei. O le tupe foi o

le mea malosi, o lea e tatau ai ona tatou faaeteete. E tatau foi

ona tatou fa‟aaogaina a tatou oloa faale-tino nei i se ala e

atiaeina ai le faatuatua ma le usiusitai. O le faia o ia mea uma,

o le faailoga o le Atua o galue i totonu o le loto o le tagata

galue, ma avea ai oe ma auauna faamaoni. O lē e faamaoni i

nai mea iti, e faamaoni foi o ia i mea e tele.

5. Uiga o upu ma fuaiupu:

(a). mauoa (f 1): tagata e tele lona tamaoaiga, maumea;

tele tupe ma oloa

(e). faamaumau (f 1): so‟ona fai, fai faatautala; fa‟aalu ma le

le fuafuaina lelei.

(i). faiva (f 3): galuega (o lona uiga lena i le tala lenei)

(o). fale faavavau (f.9): lagi


1. Faailoa le mataupu i le vasega ma

faamalamalama upu autū o i ai i le mataupu

2. (a). Faitau le Tusi Paia.

(e). Faamalamalama upu o i le Tusi Faitau, e faigata

ma lē malamalama ai tamaiti.

3. (a). Faamatala le tala. (Ia malamalama ma pu‟upu‟u

e pei ona taumafai atu Fesoasoani)

(e). Fetufaai i ni fesili e saili ai lo latou malamalama

ma le iloa o i ai i le mataupu ua fai.

4. Faia le aoaoga


GALUEGA FAATINO: Filifili se faatinoga e mafai ona

fa‟aaoga

1. Fai se Faatinoga o le tala, po o le faataoto o lo‟o avea

ma Mataupu o lenei Aso.


(a) O le f 2, o lo‟o atagia ai le le fiafia o le mauoa i lana

auauna pule. O le a le mea sa tatau ona fai, ina ia toe

talia ai le auauna pule e lona matai?

Tali: Tautino le sa‟o, ma faatoese i le matai ma le loto

salamo faamaoni.

(e) Aisea na fai ai le auauna pule i e sa aitalafu, e tusi

faalaitiiti kalone suauu ma taga saito sa la fa‟aaogaina?

Tali: Ina ia alofagia ai o ia e tagata nei, i le taimi e alu ese ai

mai le galuega (taimi ua tuli ma le galuega)

(i). O le f 9, o loo taua ai, “O le o‟a o le amioletonu ia

outou fai ai uo ma outou”. O le a le uiga o le fuaitau

lea?

Tali: O lona uiga, o le ala lava lea e saili ai uo a le lalolagi, o

le amioletonu.

(o) O le f 8, O ai tagata o le tala, o lo‟o faatusa iai “tagata

o le olaga nei”

Tali: Auauna pule, aitalafu suauu, ma le aitalafu taga saito.

(u). Afai o le mauoa e ono faatusa i le Atua pe a fua i le

tala, o ai e faatusa iai le auauna pule, o oe po‟o au?

Tali: O ta‟ua uma.

3. Tusiga Solo: (Fai ma galuega e fai i le fale –

Homework)

Tusi mai sau solo, e uiga i le Auauna Faamaoni, 3 fuaiupu, 4

laina i le fuaiupu. O nisi na o galuega faatino ua saunia mo le

vaega, ae fuafua lava e oe i le taimi.

PESE: Salamo 53 „Create in me a clean heart, O Lord‟

(CD MAK, 2009)

A‟OA‟OGA:

1. Ia avea ma tagata galue faamaoni

2. „Aua le fefe e ta‟u le sa‟o

3. Ia iloa ona faatoese, aua o le tali filemu lava lenā e

aveesea ai le ita.

……………………………….

ASO SA: 8 ME 2011 (Aso Sa Tinā).

MATAUPU: O LE TINA, O LE PAE MA LE

AULI (The mother as reconciliator)

SINI: A‟oa‟o tamaiti ia latou iloa ma

malamalama lelei, o le tasi lea nafa taua

faa-tina, o le avea ma faalelei mafutaga,

po o le avea ma teuteuala i taimi faigata

o le ola.

TUSI FAITAU: Faataoto 31: 1 – 31 (Faiaoga)

Faataoto 31: 1 – 9 (Vasega)


1. O le Tala:

O le tala o lo o amata mai i le apoapoaiga a le tina i lana tama,

o Lemueli, le sa avea ma tupu. E le o ta‟ua le igoa o le tinā, ae

o lo o iloa i le tala, e mafai ona faaigoa o ia, o le tagata o le

Atua. E le o tele foi se talaaga o Lemueli, vagana o lenei, o ia

o le tama a le tagata o le Atua. O le apoapoaiga atoa ia

Lemueli, o lo o atagia ai se tinā e naunau i le faamaoni, ina ia

toamalie ma manuia le aiga, aemaise le atunuu o ia pule ai.

O le vaega lua, o le vaega mulimuli foi lea o le tala, o lo o

faamatala mai i lenei vaega, le uiga o se tina e na te faatupu le

filemu, ma tausi le nofo fealofani o se aiga po o se sosaiete. E

le gata e iloa mai ia te ia ma ana mea e fai le toamalie ma le

manuia o lona aiga, ae o lo o fa‟aalia mai foi i ana fanau ma

ona au aiga, ae maise lana tane. Ma o lenei tala atoa, po o

lenei faataoto, o lo o fa‟aalia ai le ata o se tinā malosi, atamai,

tele sona silafia, ae maoa‟e foi lona alofa; e toafilemu ma

fealofani lona aiga, e fiafia foi lona lotoifale.

2. Apoapoaiga:

O apoapoaiga nei a le tinā lelei mo lana tama o Lemueli le

tupu:-

(a). Taumamao ma le faitaaga, auā o le ala masani lea e

fano ai le tele o tupu.

(e). E le tatau, ma e le ono mea ia te oe ona e tago i le ava

malosi, auā a onā ona galo lea o le tulafono ma le sa‟o

ai ona fai le faaiuga mo tagata vaivai; a o oe o le Tupu

e faamoemoe tasi i ai faaiuga tonu mo tagata uma o i

lalo o lau vaaiga. Faamasino ma le tonu tagata, ina ia

lavea‟iina ē gugu ma ē ua aumatua, ae maise ē vaivai

ma matitiva. O lenei apoapoaiga atoa, o lo o atagia ai

le filemu o le Atua i totonu o lenei sosaiete.

3. O le Tinā lelei:

E tautele, e sili atu nai lo penina; amuia se tane na te maua! E

le mativa, e agalelei ma toaga, e tapenapena mamao mo lona

aiga. E faatusa i le vaa-la‟u oloa. E loto alofa ma agalelei i

tagata vaivai ma matitiva. E le solomuli i faigata, ona e le loto

e ola falolo ma faaletonu lona lotoifale faale-aiga. E loto atu i

mea lelei e fafaga ai lona aiga, ina ia latou iloa, e le o le lalelei

le mea sili, ae o le alofa, auā o foliga ia o le filemu o le Atua.

4. Uiga o upu (f1-31)

(a). aumatua (f 8): matutua, faaitiitia le tāua.

(e). lino (f 13): mafanafana ma lamolemole pei

o le ie mamoe.


1. Faailoa i le vasega le mataupu.

2. (a). Faitau le Tusi Paia

(e). Faamalamalama uiga o upu autu o i ai i le mataupu

(Pae & Auli), ma upu o fia malamalama ai mai le Tusi

Faitau.

3. (a). Faamatala le tala.

(e). Fetufaai i ni fesili e faalautele ai le mataupu, ma

iloa ai se malamalama ua iai le vasega i le mataupu sa

faamatala nei.



GALUEGA FAATINO

1. Taliga Fesili

(a) Faalaulelei, faalamolemole, faalaugatasi,

faamafolafola, faamanifinifi. O fea le upu o upu ia, e

le aiga ma Pae ma Auli?

Tali: faamanifinifi

(e) Afai o le tina o se aiga, o le pae ma le auli. O lona uiga

o ia o le tupu o le aiga. O ia o le tagata e faia tonu o le

aiga. O ia e faia mea e lelei ai le aiga. O ia e tu ma le

sasa i le aiga. O fea le tali sa‟o?

Tali: O ia e faia mea e lelei ai le aiga.

(i) Aisea na faapea ai le tina o Lemueli ia Lemueli, e le

ono i tupu le inu uaina !

Tali: Ona o le inu uaina e tupu mai ai le onā, ae o le onā e le

sagatonu ai se mea e fai, ae na ole vevesi ma le le nofo

filemu ai o tagata (E mafai ona silafia e lau Susuga;isi

tali sa‟o i o latou faaupuga)

(o) O le a le uiga loloto o upu ia o i ai i le f.10. “O le āva

amio lelei,..E silisili lona tau i penina”. (Faamatala

mai i au lava upu)

Tali: E taugata penina, ae sili ai ona taugata i luma o le

silafaga a le Atua, le āva po o le fafine e amiolelei. (O

lo o i lau susuga isi tali sao o lenei fesili)

(u) O ai o lo‟o fai ma pae ma auli i lo outou soifua ma lo

matou ola?

Tali: O le Atua.

2. Tusi mai sau solo (2 fuaiupu pe 3 foi, ae 4 laina i le

fuaiupu e tasi) e uiga i le tina lelei po o se tina le lelei

foi.

PESE: Love is something that you give it away - O le

alofa o se mea e te faasoa atu - CD MAK,

2009).

AOAOGA:

1. Fai ma teuteuala i lou aiga, lau aoga, ma so o se mea e

te i ai.

2. Ia tatou alolofa i o tatou tina

3. E lelei le mata‟u i le Atua.

…………………………..…………………..

Aso Sa 15 & 22 Me: Malologa o le Fono Tele 2011.

……………………………………………..

ASO SA: 29 ME 2011

MATAUPU: O LE TINĀ LELEI E MATA’U I LE

ATUA (The good mother fears God)

SINI: A‟oa‟o tamaiti, ina ia latou iloa ma

malamalama, o le tagata e ola mata‟u i

le Atua, o le tagata lelei auā e osofia pea

lona loto e le Agaga o le Atua, ma na

faia ai mea sili.




1. O Maria:

O le igoa lea o le tina o lo o ta‟ua i le tala, ma o ia foi o lo o

faatatau i ai le mataupu o le aso. O lo o ta‟ua o ia o le taupou

o le aiga o Tavita, ae nofo i le nuu o Kalilaia, ma faufautane ia

Iosefa. O ia lea sa faailoa i ai le agelu a le Atua e igoa ia

Kaperielu ma fai i ai, “Ua alofaina oe e le Atua. Faauta, o le a

to oe ma e fanauina se tama tane, e te faaigoa foi ia te ia o

Iesu,” Sa popole Maria i lenei alofaaga, ma sa tau manatunatu

pe se ā le uiga moni o lenei mea, auā o ia e lei faaipoipo. Ae

sa tautino i ai e le Agelu, e ia te ia le Agaga Paia ma le mana o

le Atua; o lē foi o le a ia fanauina, O le Alo o le Atua. Ia e

talitonu foi, e leai se mea e faigata i le Atua.

2. Ola mata‟u:

E le o faapea mai lava le tala, o ai e mata‟u i le Atua, a o ai foi

e le mata‟u. Peitai, e le faigata ona tatou iloa, o le tina o Maria

po o le taupou o Maria, o ia lava o se tagata mata‟u i le Atua.

O lona olaga, o ana upu e tautala ai, ma ona lagona o fa‟aalia,

o lo o iloa ai lona loto i lo la va tapuia ma lona Atua. O lona

ola mata‟u lea ua alofaina ai o ia e le Atua, ma filifilia ai o ia,

e fai ma tinā o Iesu le Alo o le Atua. O lo o fa‟aalia manino foi

i lana Pese Vivii i le Atua, lona lagona faatauvaa ma le

faaeaina

o ia e le Atua.

3. O le Pese faaneenee (Magnificat)

O le pese lea a Maria o lo o faaneeneeina ai le Atua, mai lona

loto talitonu ma lona loto faafetai, e leai se mea e le mafaia e

le Atua, ff 46 – 55. Ua talitonu Maria, o ia o le tagata mativa

vaivai ma le lē taualoa; ae o lona filifiliaina e fai ma tina o

Iesu, e pei ona ia faaneenee ai nei, o le mea faitoatasi lea a le

Atua.

4. Uiga o upu ma fuaiupu (26 – 39)

(a). faufautane (f 27): faamau, faigauō (engage)

(e). atuatuvale (f 29): le mautonu, popole vale

(i). taumanatunatu (f 29): taumafaufau

(o). pa (f 36): lē fanau


1. Faailoa le mataupu ma faamalamalama upu autu o le

mataupu (SILI & MATA‟U)

2. (a). Faitau le Tusi Paia

(e). Faamalamalama ni upu o le Tusi Faitau e le o

malamalama ai le vasega.

3. (a). Faamatala le tala, taumafai lava ina ia ausia le

sini o fia tuliloa. (Ia pu‟upu‟u, fagofie, ma

manino)

(e). Fai ni fesili fetufaa‟i, e iloa ai po ua

malamalama vasega i le mataupu.



GALUEGA FAATINO: Filifili se galuega faatino e mafai

ona fa‟aaoga

1. Faatino le fetaiaiga a Maria ma le Agelu e pei ona i ai i

le vaega muamua sa faitauina e le vasega.

2. O le Pese a Maria (f 46 – 55), e i ai ona fati masani e

pei ona amata mai e le Ekalesia Katoliko, ae ua pepese

ai foi le toatele. Taumafai lau susuga ma le vasega e

usu lona f 1 & f 2; a‟o ma tauloto ai lava „aua nei toe

galo.

(i) Vivii lo‟u loto i le Alii

Olioli lou agaga i le Atua lo‟u faaola

Aua ua silasila mai i lana auauna fafine

Ua faamaulaloina.

(ii) Auā e amata mai nei lava,

Ona faaamuia mai o tupulaga uma

Aua o Le e ona le mana ua faia mea sili mo a‟u

E paia lona Suafa.

3. Suesuega lautele i le Tusi Paia (Fa‟aaoga Tusi Paia, ma

faauma mai tali sao o fesili o tuuina atu i lalo)

Fa‟aaoga le Tusi Paia (f 26 – 56)

(i) f. 43 (O ai e ona le fesili po o upu na?

Tali: O Elisapeta

(ii) E tele lava faamanuiaga eseese a le Atua mo tagata

latou te usiusitai ia te Ia, ma faia lona finagalo. Ae o le

a lava se faamanuiaga tupito, ua iloa ai le tulaga ese o

le mata‟u o Maria i le Atua?

Tali: O ia o le taupou o le failoga o se tamaitai ola mamā ma

paia i luma o le Atua o le ola mata‟u lava lea i le Atua

(iii) f. 50 “O lona alofa foi …….. E au tupulaga lava lea. O

le a le uiga o lea faaupuga?

Tali: O le Alofa o le Atua e faavavau, pe „e oo i tupulaga

uma lava, o ē matatau ia te Ia.

(iv) Fai mai Maria i le f 34, na te lei iloa se tane. O lona

uiga e lei faia sona toalua, sa‟o pe sese?

Tali: Sa‟o

PESE: Nothing is impossible (CD MAK, 2009).

A‟OA‟OGA:

1. E lelei le ola mata‟u i le Atua

2. Fiafia e vivii i le Alii

3. Talitonu e mafaia e le Atua mea uma

4. E lelei lo‟u tina.

…………………………………

IUNI: O LE ATUA TOLU TASI PAIA (The Triune God)

O le manatu taiala o lenei masina ua faatāua ai le Atua Tolu

Tasi Paia. O le Atua e tasi lava o Ia ae tolu ona peresona ua

fa‟aali mai ai. O le Atua le Tamā ma le Alo ma le Agaga Paia.

O mataupu o lenei masina ua faamamafa ai le natura alofa,

faaola, ma galue mai pea o le Atua e faaola ma faalelei, ma

taitai tonu le tagata ia ola i se olaga e tusa ma lona finagalo

paia

ASO SA: 05 IUNI 2011

MATAUPU: O LE ATUA LE TAMĀ

(God the Father)

SINI: Ia malamalama le vasega i le alofa

faatamā o le Atua faapei ona fa‟aalia i le

faataoto. O le Atua le Tamā e tele lona

alofa faapalepale i lana fanau ua toe foi

atu ia te ia ma le salamō faamaoni


FESOASOANI MO LE FAIAOGA:

1. O le alofa faa-tamā i le Tala

O le faataoto ua aoao mai ai le alofa faapalepale o le Atua i le

tagata ua salamō faamaoni. O uiga ma lagona na fa‟aalia e le

tamā i lona atalii i le tala ua fa‟aalia ai le loloto ma le lautele o

le alofa o le Atua e toe talia ai le tagata salamō i le aiga o le

Atua. Na momo‟e atu le tamā ma faafeiloai lona atalii, ae o

ona aao foi ua aapa atu ma fusi mai i si ona atalii na leiloa, „a

ua toe foi mai. Ua ia sogi atu ma faafeiloai i lona atalii, ma ua

ia valaau foi i ana auauna se‟i aumai le ofu tatapu vae e aupito

lelei se‟i faaofu ai i lona atalii. Ia faapea foi ona tuu se mama i

lona lima ma faasee i ona vae. Ia fasi foi se tamai povi peti sei

taumamafa ai ma olioli ai, auā o lona atalii lenei na leiloa, ae

ua toe maua; na oti ae ua toe ola mai. O le uiga faatamā lea o

le Atua e alofa faapalepale i ē salamō, faapei ona iloa i lenei

faataoto.

2. O le uso uii ma le uso matua i le tala

Ua fa‟aalia i le tala le le fiafia o le uso matua i lona uso laititi

(f28). Auā ua toe talia e lo la tamā i le aiga ma le olioli ma le

fiafia e ala i le aiga fiafia ua faia. Na oo lava i le tamā le faaseā

a le tama ulumatua (ff29-30), peitai na faamafanafana i ai le

tamā i lona atalii ulumatua (ff31-32).


(a). Sena e (father):

O le igoa e masani ona valaau ai e fanau o latou matua.

E faasino i le tamā i le Tusi Faitau, auā na valaau ai e

le uii lona tamā ina ua mana‟o i lona tofi

(e). Matelaina:

Ua leai se meaai, ua leai se vai, ona matūtū ai lea o le

tino o le tagata, ua matelaina i le fia ai ma le fia inu.

(i). Ofu tatapuvae:

Ofu talaloa e „uumi i lalo, e tau lava i lalo i tapuvae o

le alii po o le tamaitai.

(o). Na oti „a ua toe ola mai:

O lona uiga o lea fuaitau, o le atalii o le tamā na oti i le

tiapolo ma le tuinanau o le lalolagi, a o lea na toe

salamō ma toe foi mai i lona tamā ma lona aiga.


1. Faailoa le mataupu.




5. Aoaoga ma usu le pese ua saunia atu

GALUEGA FAATINO: Finauga (Debate).

Ia vaevae le vasega ini vaega se lua, ma ia faia se finauga

(debate) e faatatau i le fesili ua ta‟ua i lalo. O le autu o le

finauga, o le Fesili: O ai o le ulumatua ma le uii e tatau i ai le

faia o se feiloaiga fiafia? Ia tasi le minute o le sui o itu

taitasima. E tasi (1) le togi o le itu e saunia lelei. Ia tolu sefulu

minute (30 minute) le umi o le finauga. O lau susuga i le

faiaoga o le faamasino ma pulea le taimi o le finauga.

Vaega (1) O le uii:

O le itu a le uii na alu e faamaumau oa a lona tamā ua

toe foi mai ua salamō, ma lona manao ia avea o ia ma

auauna ae aua nei toe ta‟ua o se atalii.

Vaega (2) O le ulumatua:

O le itu a le ulumatua na foi mai le vao ua fai atu le

siva

ma le „aiga fiafia i totonu o lona aiga, ona ita ai lea ua

le fia alu i totonu o le fale.

PESE: Filifili se pese e faa‟aoga

1. Sau ta o ma a‟u i le fale o lo‟u Tamā (Come and go with me to my Father‟s house).

2. Le Faaola e, ua ou sau nei, „Pese ma Viiga‟ 137 EFKS

A‟OA‟OGA:

1. O le Atua le Tama e mutimuti vale lona alofa i le

tagata salamō

2. Ia fai lou aiga ma aiga o le Atua alofa ma agalelei

3. Ia vave ona atamai ma alu „ese ma le olaga agasala

manu e le i tuai

4. E leaga le ola tafao vale ma mimita vale.

…………………………………..

ASO SA: 12 IUNI 2011 (Aso Sa Penetekoso)

MATAUPU: O LE ATUA LE AGAGA PAIA

(God the Holy Spirit)

TUSI FAITAU: Galuega 2: 1 – 13 (Vasega)

Galuega 2: 1 – 21 (Faiaoga)

SINI: Ia malamalama le vasega i le Atua galue

mai e ala i lona Agaga Paia e faapaiaina

ma fa‟aaupegaina le uluai Ekalesia, po o

tagata ua fai Iesu Keriso ma ō latou Alii

ma Faaola


1. O le afio a‟e o Iesu i le lagi

A o le‟i afio a‟e Iesu i le lagi ina ua mavae lona toe soifua mai,

sa ia faatonu lona au soo atoa ma e ua mulimuli atu ia te Ia, ina

ia latou nonofo pea i Ierusalema e faatali le afio ifo o le Agaga

Paia. Ma o le aso Penetekoso na tupu ai se vaaiga ofoofogia i

le fale na i ai le au soo ma le motu o tagata e toatele. Sa faateia

i latou i le taalili mai o leo faititili. Ua agi mai foi le matagi ma

ua tumu ai le fale i mea pei ni laulaufaiva afi i luga o le au soo.

O lea lava taimi na tutumu ai loto ma agaga o nei tagata i le

Agaga Paia mai le Atua. Ma ua latou iloa ai ona tautala ia

latou lava gagana eseese i vavega o le Alofa Tunoa o le Atua

ia Iesu Keriso. O le Agaga Paia ua afio ifo e sui tulaga ia Iesu,

ma fai ma fesoasoani, ma konesula, ma faamafanafana i lona

au soo filifilia aemaise le uluai Ekalesia.

2. O le Agaga Paia

O le Agaga Paia o le tasi lea o suafa o le Atua. Ua ta‟ua lava o

Ia o le Atua, auā na auina mai o ia e le Tamā ma le Atalii

(Galu 5:3-4). O Ia o le fesoasoani sili mo tagata uma e

faatuatua i le Atua. Ua afio mai o ia e sui ia Iesu i le lalolagi e

taitai tonu ia i latou ua mulimuli ia Iesu. O mea ua iloa ai o Ia

o upu faapei ona saunoa i ai Iesu. Ou te papatiso atu ia te

outou i le suafa o le Tamā, le Alo ma le Agaga Paia. E leai

sona tino mai, auā ua faapei o se savili po o se matagi (Ioane

3:8). Na fegaoioia‟i foi le Agaga o le Atua i le fogatai i mea sa

gaogao ma nunumi ma faia mai ai le foafoaga na matuā lelei i

le silasila a le Atua (Ken 1:2).

3. O le Aso Penetekoso

O le upu Penetekoso o le upu Eleni o lona uiga o aso e

limagafulu. O le ma‟ea ai o vaiaso faa-sapati e fitu e tusa ma le

fitusefulu iva (49) aso o le faamanatuina o le tausamiga o le

paseka, o le aso la e lima sefulu ai aso o le aso penetekoso lea.

Ma ua atoa i ai le lima sefulu aso talu ona toetu Iesu ma afio

a‟e i le lagi. O le aso lea na afio ifo ai le Agaga Paia ma

papatisoina le „au faatuatua i Ierusalema, ma ua tautatala ai le

„au faatuatua iā latou lava gagana i vavega o le Alofa Tunoa

ua faaali tino mai ia Iesu Keriso O le aso fanau foi lea o le

Ekalesia i lona amataga. Ua taunuu ai le saunoaga a le Alii: “O

le a maua e outou le mana, pe a afio ifo le Agaga Paia i luga ia

te outou, e fai foi outou ma molimau ia te a‟u i Ierusalema ma

Iutaia atoa ma tulimanu uma ole lalolagi”.


(a). Penetekoso:

O le aso Penetekoso e atoa i ai le 50 aso talu ona toetu

mai Iesu ma afio a‟e i le lagi. Sa papatisoina ai foi

uluai tagata o le Ekalesia a Iesu Keriso, e ala i le Agaga

Paia ua pei o ni laulaufaiva afi

(e). Gagana eseese:

O gagana a lea nuu ma lea nuu ua tautatala ai i latou na

papatisoina e le Agaga Paia o le Atua i vavega o le

alofa tunoa o le Atua.

(i). Segia o latou mauli:

Ua faateia le loto o le tagata ina ua vaaia se mea fou e

le i faalogo i ai pe na vaaia muamua foi

(o). Mesopotamia:

O le igoa o le nuu sa i le va o vaitafe o Euferate ma

Hitekelu. O lona uiga, o le va o nuu


1. Faailoa le ulu mataupu

2. Faitau le tusi Paia




GALUEGA FAATINO: Tautinoga a le vasega

Faiga o Tautinoga a le vasega

Ia fai se faiga o tautinoga a le vasega e tusa ma so latou

fesootaiga ma le mana o le Agaga Paia. Auā soo se mea lelei

lava e faia e le tagata e tusa ma le finagalo o le Atua o le

taitaiga a le mana o le Agaga Paia, e faapei o le vaaiga na iloa

i le aso Penetekoso.

Faataitaiga o Fesili e amata ai le Tautinoga:

1. Po o ai se tasi sa ia lagonaina le pa‟i atu o le Agaga

Paia ia te ia i se aso po o se taimi o lona olaga?

2. Po o faaiuga lelei ua tatou faia i soo se taimi o le

olaga o musumusuga ia o le Agaga Paia?

3. Pe „a „e faalogo ma lagona i lou loto le upu a le Atua, o

lou lagonaina lea o le galue o le Agaga Paia ia te oe?

PESE: A i ai nisi pese e mafai ona fa‟aaoga e lelei foi

1. Where the spirit of the Lord is, there is love (Po o fea

lava e i ai le Agaga e i ai le alofa). (CD MAK 2009).

A‟OA‟OGA:

1. O le Agaga Paia o le Fesoasoani Sili mo tagata o le

Atua

2. E faamanuia le Atua ma foai meaalofa a le Agaga

Paia i le tagata e ola faalagolago ma faatuatua i le

Atua

NISI A‟OA‟OGA

1. O le tagata e ola latalata i le Alii, o le tagata lena ua ia

te ia le Agaga Paia.

2. O le feau a le Agaga Paia e faapea, ia fai i tatou ma ona

soo e ō atu e talai le talalelei i tagata ua taumamao ma

Iesu Keriso.

………………………………………..

ASO SA: 19 IUNI 2011

MATAUPU: O LE ATUA LE ALO (God the Son)

TUSI FAITAU: Ioane 14: 1-14

SINI: Ia malamalama le vasega o le Atua le

Alo ua liutino tagata ai le Atua e faaola

le lalolagi agasala


1. Tala:

O le tala o upu faamafanafana a Iesu i ona soo auā ua lata ona

po na te tuua ai i latou. Na ia fetalai i ona soo, “Aua le

atuatuvale o outou loto; ia outou faatuatua i le Atua, ia

faatuatua mai foi ia te a‟u”…Ua outou iloa foi le ala i le mea

ou te alu i ai” (ff1-4). Peitai ua fesili le soo o Toma, “Le Alii e,

matou te le iloa le mea e te maliu atu i ai, matou te mafaia

faapefea ona iloa o le ala” (f5). Na tali Iesu, “O a‟u nei le ala

ma le upu moni ma le ola; e le alu atu lava se tasi i le Tama, pe

a le ui mai ia te a‟u…”(ff6, 7). Ua le gata ai ia Toma fesili a le

„au soo, „a ua fesili foi Filipo ia: “Le Alii e, ia e faailoa mai le

Tama ia te i matou..?”(f8). Ua tali Iesu ia Filipo, “..ua loa lava

ona ou i ai ia te outou, ae e te le i iloa ea a‟u? O le ua vaai mai

ia te a‟u, ua vaai o ia i le Tama..”(ff9-11).

2. O mea ua fa‟aalia ai le Atua le Tamā ia Iesu i le Tala

(a). O lē ua vaai ia Iesu ua vaai o ia i le Atua le Tama

(e). O Iesu o i totonu o le Tama, o le Tama foi o

i totonu ia Iesu

(i). O upu na fetalai ai Iesu i ona soo e le na o

ia o fetalai, a o le Tama o lo o nofo i totonu ia

te Ia, o Ia lava o lo o fetalai ma faia ana galuega

(o). „A le talitonu ia Iesu, ia vaai i galuega e pei

o vavega ma faailoga ua faia e le Atua e ala

ia Iesu

3. O le Atua le Alo ua liutino tagata ai le Atua

O le Atua le Alo sa i le amataga, ua liutino tagata ai le Atua

faapei ona molimau Ioane, “Sa i le amataga le Upu, sa i le

Atua le Upu, o le Atua foi le Upu. O ia lava sa i le Atua i le

amataga….” (Ioane1:1-2). O le faamoemoe o lona afio mai o

lo o molimau ai foi Ioane, “Aua ua faapea lava ona alofa mai o

le Atua i le lalolagi, ua ia aumai ai lona Atalii e toatasi, ina ia

le fano se tasi e faatuatua ia te ia, a ia maua e ia le ola

faavavau” (Ioane 3:16).

4. O Iesu le ala i le Atua le Tamā

Ua tautino atu e Iesu i lona au soo le ala tonu e sao atu ai le

tagata faatuatua i le malo o le Atua. Ua loa foi ona mafuta le

„au soo ma Iesu peitai o lo o faanenefu lava i le au soo - o Iesu

o le Ala, le Upu Moni ma le Ola. Ua faailoa manino mai e

Iesu, e leai lava se isi ala i le Atua le Tama ma lona malo ua na

o Ia – o le Alo pele e toatasi o le Atua ua liutino tagata e

faaola le lalolagi agasala e ala i lona soifua paia.



2. Faitau le tusi Paia





fa‟aaoga

1. Faatino le tala (Role Play).

2. Fetufaa‟i ma le vasega i tulaga (roles) faa - tamā o

Iesu i ona soo, ma faa-fanau o soo o Iesu ia Iesu i le

tala ma ni aoaoga tāua e maua mai ai mo tupulaga

PESE: Jesus wants me for a sunbeam

A‟OA‟OGA:

1. O Iesu le Alo lo tatou ala i le Atua le Tama ma lona

malo ina ua tatou ola ia Keriso i le usitai i lona finagalo

2. Ua faailoa mai e Iesu le Alo po o le Atalii - le Atua

faaola, le Atua alofa, ma le Atua galue mai e togiola le

tagata agasala

3. Ua na o Iesu le ala tonu e sao ai tagata uma i le malo o

le Atua.

4. O Iesu Keriso o ia o le Ala, le Upu Moni, ma le Ola

…………………………………..

ASO SA 26 IUNI 2011

MATAUPU: IA FAAPAIA LE OLA MO LE

ATUA (Live a holy life)

TUSI FAITAU: Fa‟aaliga 2: 18 – 29

SINI: Ia malamalama le vasega i le tāua o le

ola faapaiaina, auā o le tagata ola

faapaiaina na te maua le taui lelei ua

folafola mai e le Atua.


1. O le tusi ia Tuatira

O le tala lenei i le nuu lona fa o nuu e fitu faapei ona poloaiina

ai Ioane e Iesu Keriso e tusi atu i ai i le agelu a le Ekalesia i

Tuatira. O le tusi lenei i le nuu o Tuatira, “ua ou iloa au

galuega ua sili au galuega mulimuli i lo au galuega muamua.

(Faaaliga 2:18) ” Peitai ua i ai pea nai mea ua le fiafia ai le

Alii i le aulotu i Tuatira, auā ua latou faataga pea le fafine o

Iesepela e fai talaiga pepelo i totonu o le nuu ma le ekalesia.

Auā o se perofeta pepelo ua ia faatāua le faitaaga ma le aai

faaletatau i mea ua faasaina i le ekalesia. O lenei ua tuu atu foi

i ai e le Alii nai aso sei salamō ai, ae peitai ua faama‟a‟a pea o

latou loto.

2. E tāua le ola faapaiaina

E tāua lou ola usitai ma savali i aoaoga a le Alii. O le tagata e

tausi i poloaiga a le Alii na te maua le manuia e ui ina

puapuagatia ma sauaina ona o le tumau ia Keriso. Ae sili atu

mea faigata e oo i le tagata e le faalogo ma usitai i le Atua. Ua

fetalai le Alii; “Ou te lafo i le tagata le salamō i le moega o

tiga, ou te faaoo le puapuaga tele i e mulilulua” Faaa 2:22). O

le „a tauia e le Atua le tagata lē salamō po o le tagata ua leai se

ola faapaiaina o lona olaga. Ua tusi mai le Alii e faatatau i le

tagata e le salamō ma le tagata e le ola faapaiaina mo le Atua,

o le a lafoina o ia i le malaia o le pologa ma le maasiasi. O le

mea lea e tāua tele ai le ola faapaiaina mo le Alii, auā e paia le

Alii ma „e tatau ia te ia le viiga ma le mamalu. O tagata o le

Alii o tagata ola faapaiaina.

3. O le taui o le tagata ola faapaiaina

Ua tusi atu le Alii ia Tuatira o le a ia le toe faaopoopo se isi

avega mamafa i le tagata ua fulitua i aoaoga pepelo a le

perofeta fafine o Iesepela. O i latou foi e tutumau ma onosai

seia oo i le gataaga, o le a ia avatu i ai le pule. O le a pule o ia i

nuu „ese ma le tootoo uamea na te faaumatia ai tagata amio

leaga. O le a ia avatu foi i lea tagata le fetu ao, o Iesu Keriso

lava lea ma lona malamalama e tapasa ai lona ola tumau ia

Keriso. O le ua ia Keriso ua pulea ma taitai e le malamalama o

Keriso lona ola faatuatua.


(a). Tuatira:

O Tuatira o se tasi o aai e tu i le 30 maila ma i le nuu o

Pekamo. E tetele ona fale faigaluega sa faigaluega ai

tagata i Asia itiiti. E tele oloa o lona tamaoaiga i oloa o

le vavae ma vali ofu. O le aai o loo i ai le ekalesia a le

Alii ua afaina ona ole fafine faitaaga o Iesepela ma ana

talaiga pepelo.

(e). Iesepela

Ua ta‟ua o ia o le perofeta fafine. O se igoa faatusa i

amioga faa-Iesepela pei ona faia e Iesepela le faletua o

Aapo ia Isaraelu (1 Tupu 16:2).

(i). Mumu o le afi ona mata

O le faatusa lena o le malosi o fofoga o le Keriso, o

fofoga lava ia o le Atua e le mafai e le tagata ona vaai i

ai. O le faatusa lava ua faapei ona ta‟ua foi e le tusi o

(Tanielu 10:6)

(o). Vae pei o le apa pupula

O lo o faatusa i ai le mamalu o le Alii e pupula malosi

mai lona malamalama, ua tatou iloaina le apa a susulu i

ai le la ona iila mai lea o lona pupula, o lo o ta‟ua foi i

le tusi o Tanielu 10:6. O vae o lo o savali i le

malamalama o le Alii, e savavali i lalo ifo o ona aao.

(u). Satani

O lona uiga o lē ua ita mai, po o lē ua tetee mai foi. O

lona uiga o lē tetee i mea uma ua poloaina e le Atua e

tatau ona faia


1. Faailoa le ulu tala ma faamalamalama

2. Faitau le Tusi Paia (Ia faitau atoa le vasega i le tala mo

lenei Aso Sa ina ia latou malamalama lelei i ai)




GALUEGA FAATINO: Fesili ma Tali e fetufaa‟i ai

1. Faamatala mai le uiga o le faaupuga; O uiga faa-

Iesepela?

Tali: O le fafine o Iesepela o le fafine faapaupau ma le

amioleaga. Ua faatusa i ai se tagata e ola faapaupau ma

le amioleaga.

2. Aisea ua leaga ai Tuatira faapei ona poloaiina

Ioane e le agelu e tusi atu i ai?

Tali: Ua leaga auā ua faataga pea e le Ekalesia i Tuatira

tagata faapei o le fafine amio leaga o Iesepela e fai ana

talaiga pepelo i totonu o le nuu ma le Ekalesia.

3. O le a le uiga o le upu ola faapaiaina?

Tali: O le tagata ua vavaeeseina mo le Alii ma lona finagalo

4. O le a le taui ua folafola mai mo le tagata e fulitua i

aoaoga pepelo a Iesepela?

Tali: O le a pule o ia i nuuese ma le tootoo uamea na te

faaumatia ai tagata amio leaga.

PESE: Trust and obey

A‟OA‟OGA:

1. E tāua le usiusitai i poloaiga a le Atua ma ola

faapaiaina ia tea „ese ai i tatou ma le tele o

puapuaga ma avega mamafa o le olaga nei.

2. E puipuia e le Atua tagata uma o ē alolofa ia te ia, ma

tagata latou te auauna ma le faatuatua ia te ia.

3. O le tagata e le iloa salamō, o le ā faaumatia e ala i le

tele o puapuaga ma le tele o mafatiaga e feagai pea ma

lona olaga atoa, seiloga e vave ona salamō.

………………………………………….

IULAI : O LE ATUA FAAMAONI

(God‟s Faithfulness)

O mataupu o lenei masina o le a suesue ma aoaoina ai le fanau

i le faamatalaina o le Atua e ala i le faamaoni o lona alofa mo

le tagata. O lo o aumai ai foi ma ni luitau mo tagata e ala i le

ola faamaoni e tusa ona faamaoni mai o le Atua. O le a manino

i nei aoaoga se luitau tāua mo le fanau ina ia latou ola i le

faamaoni i totonu o aiga, nuu, ma le Ekalesia

ASO SA: 03 IULAI 2011

MATAUPU: IA FAAMAONI I LE ATUA

(Be honest to God)

SINI: Ia aoaoina le vasega ina ia malamalama

lelei o mea uma tatou te faia e silafia e

le Atua, o le mea lea e tatau ai ona tatou

faamaoni i lo tatou va feagai ai ma le

Atua i aso uma.

TUSI FAITAU : Galuega 5: 1-11


1. Tala

Ua tupu olaola le galuega a Peteru ma Ioane i le faatasi mai o

le mana o le Agaga Paia. Ua mafai ona faia vavega ma

faamalolo i mai i le suafa o Iesu Keriso. E oo foi i tagata na

vaai ma faalogologo i lo la aoao atu ua talitonu ma mulimuli i

le talaiga. Ua faatumuina i latou i le mana o le Agaga Paia e

molimau atu ai i le suafa o Iesu Keriso.

O Anania ma Safaira o lo o faailoa manino mai ai se ulugalii

ua la talitonu ma mulimuli atu ia Iesu, peitai o lo o nanau pea i

le tupe ma le tamaoaiga faale-lalolagi nei. O nisi nei ituaiga

tagata o lo o i totonu o le mafutaga ae ua liliuina ma galueaina

e le Agaga Paia o le Atua. Ua lagona le musumusuga a le

Agaga Paia e ala i le faatau atu o lo la‟ua fanua ae tuuina atu

atoa le tau mo le galuega a le Atua. Peitai ua loto gatasitasi i

la‟ua e tuuina atu na o se vaega ae tuu ia te i la‟ua le isi vaega.

Ua la talapelo foi ina ua fesiligia i la‟ua ma i‟u ai ina maliliu i

lea lava ituaso. O le i‟uga lea o le tagata e le faamaoni i le

Atua, auā ua ia pepelo i le Agaga Paia o le Atua. O le faailoga

manino foi lea o le silafaga ati a le Atua i le ola o le tagata. E

le mafai ona pepelo pe alo le tagata i le silafaga a le Atua. E

faamaoni lona alofa e tatau ai foi i le tagata ona faamaoni ona

savali i ona luma.

2. Faamaoni

O le faamaoni o lo o faailoa mai i lenei tala, o le mulimuli i

tautinoga ua uma ona faia i luma o tagata faapea ma le Atua.

Peitai ua le mulimuli Anania ma Safaira i le la tautinoga na fai

e ala i le faatauina atu o lo la fanua ae ofoina atu tupe uma mo

le galuega a le Atua. Ua la tofotofo i le Agaga Paia, ma ua

aufaatasi e faia le agasala.

3. Faatatau

Ua aoao mai lenei tala i le tāua o lo tatou faamaoni i luma o le

Atua e ala i o tatou tiute ua valaauina ai i tatou i totonu o aiga,

nuu, ma le ekalesia. E faamaoni pea le alofa o le Atua mo le

tagata. O le ala foi lea na auina mai ai Iesu Keriso ina ia

faaolaina le lalolagi agasala e ala i le salamō faamaoni ma le

faatuatua i le Atua. E tatau foi ona tatou tali atu i lea alofa o le

Atua e ala i lo tatou ola faamaoni i ona luma.

O le le faamaoni o Anania ma Safaira, na oo ai le oti ia te i

la‟ua, ona ua auaufaatasi e fai le agasala. O se luitau foi lea mo

tatou le tupulaga. Ia alo ese mai le taupulepule faatasi e fai ni

mea leaga e pei ona mafua ai le femisai o aoga ma afaina ai le

ola o nisi o fanau.


(a). ..to lana manava (ff5) – ua aveesea lana manava pe ua

oti po ua maliu.

(e). ...tofotofo i le Agaga o le Alii (ff9) – faaoleole ma

faifai


1. Ia faailoa le mataupu o lenei Aso Sa – IA FAAMAONI

I LE ATUA

2. Ia faailoa le Tusi Faitau ma faitau manino i ai le fanau.

3. Ia faamatala le tala i se gagana faigofie



GALUEGA FAATINO

1. Ia vaelua le vasega i tama ma teine ma ia tuu le avanoa i

vaega e lua e suesue ai tama ia Anania ae suesue teine ia

Safaira. Ia faamauina ni mafuaaga o le faafitauli ua mafua

ai ona le faamaoni i laua i luma o le Atua. Ia faamauina foi

ma ni luitau lelei mo tupulaga o loo faamanatu mai i lenei

mataupu e fesootai lelei ma le ola aoaoina o tupulaga i

totonu o aoga poo aiga aemaise le ekalesia. Ia faailoa i

luma o le vasega suesuega a vaega e lua ma fetufaai i

manatu o vaega taitasi. Ia matua manino ai le tāua o le ola

faamaoni

Faataitaiga : Anania

Faafitauli : Pepelo

Mafuaaga : Ua manao le loto i le oa ma le tamaoaiga o le

lalolagi

Luitau :

Ua aoao mai ina ia tatou iloa lelei le leaga o le pepelo ma

le tuinanau e oo mai ai mafatiaga.

A‟OA‟OGA.

1. E tāua le ola faamaoni auā o le Atua e taui atu i le

tagata faamaoni i le manuia.

2. „Aua le fiafia e pepelo auā o lo o silafaga le Atua ia

tatou tautinoga ma gagana e fai i soo se taimi.

3. O le Atua e pule aoao, o lona Agaga Paia e ao ina tatou

faamoemoe i ai i taimi uma.

PESE : Great is thy faithfulness

………………………………………..


MATAUPU: IA MONI LE ALOFA

(Love wholeheartedly)

SINI: Ia aoaoina le vasega ia malamalama i le

faatinoga moni o le alofa faamaoni e pei

ona faia e Ruta.

TUSI FAITAU: Ruta 1: 6-19


1. Tala

O le oge tele sa i le nuu o Peteleema i Iuta na malaga atu ai

Elimeleka ma lona toalua o Naomi i le nuu o Moapi. Ua oti

Elimeleka ona tuua ai lea na o Naomi ma ona atalii e toalua o

Maalona ma Kiliona. Ua faiāva atu foi ona atalii i teine Moapi,

o Maalona ia Ruta a o Kiliona ia Orepa. Ua mavae foi tausaga

pe tusa o le sefulu ona maliliu ai lea o Maalona ma Kiliona.

Ua totoe ai nei na o Naomi ma āva a lana fanau. Ua faalogo

Naomi ua faamanuia le Atua i lona nuu o Peteleema ma ua

foai meaai ia te i latou, ona toe foi atu lea o ia ma āva a lana

fanau i Iuta. Ua fai atu Naomi ia Ruta ma Orepa ina ia toe foi

atu i o la aiga ma ia agalelei le Atua ia la‟ua e pei ona la faia i

e ua oti atoa ma ia. Ua sogi atu foi Naomi ia Ruta ma Orepa

ona fetagisi ai lea o i latou ua leotetele.

2. Naomi

O le uiga o le igoa Naomi o le tausaafia (pleasant) po o le

fiafia (enjoyable) O se tina matua ua oti lana tane faapea lana

fanau o Maalona ma Kiliona. Ua ia mautinoa e le toe fanauina

e ia se tama e toe mafai ai ona nonofo ma Ruta ma Orepa e

tusa o aganuu faa-Isaraelu. Atonu o le mafuaaga lea na ia

taumafai ai e tuu atu ia Ruta ma Orepa e toe foi atu i o la‟ua

aiga i Moapi ae sei toe foi atu na o ia lava i lona nuu o

Peteleema i Iuta. E foliga o se malaia ua oo i lenei aiga aua o

Moapi o tagata o nuuese e sa i le tulafono a Isaraelu ona

fesootai pe faiava ma nofotane ai tagata o le nuu o le Atua.

3. Orepa

O le igoa lea o le toalua o Kiliona, o ia o le fafine Moapi. O le

fafine na ia taliaina lelei le faamavae atu ai o Naomi ina ia la

toe foi atu ma Ruta i o la aiga. O le sogi atu o Orepa, o le

faamavae atu lea ia Naomi.

4. Ruta

O le uiga o le igoa Ruta o le matagofie. E faamatalaina lenei

matagofie i le matagofie o lona alofa fa‟aalia sa faatinoina mo

lana tane o Maalona e ui ina maliu o ia. O lea alofa sa

faaauauina pea e Ruta ia Naomi le tina o lana tane. E

faamatalaina lenei alofa o se alofa ua faamaoni e oo i le oti. E

le gata ua faia mo lana tane, ua faia foi mo le tina o lana tane,

ae ua silisili ai ona faia mo le Atua o Isaraelu ina ua ia

tuulafoai i lona nuu ma lona aiga ma ona atua faapaupau.

5. Alofa faamaoni

E ui lava ina le taugofie le faatinoga o lenei alofa e Ruta mo

Naomi le tina o lana tane, ae o foliga manino ia o se alofa ua

faamaoni mo le isi ou uso a tagata faapea foi ma le Atua. E i ai

le talitonuga e faigata lenei faatinoga aemaise ai o le

faamoemoe o Ruta i le fia auauna pea ma fesoasoani ia Naomi

le tina ua oti lana tane. Sa faaauauina e Ruta lenei alofa ia

Poasa lona toalua. O le taunuuga, sa faamanuiaina ai e le Atua

ma fanauina ai e ia Opeta le tama o Iese lona atalii Tavita na

tupuga mai ai Iesu lo tatou faaola.

6. Faatatau

Ua aoao mai lenei tala ina ia tatou alolofa atu i o tatou uso a

tagata atoa ma le Atua ma le loto atoa ma le agaga atoa ma le

malosi atoa. (Teuterenome 8:5; Mataio 22:37) O le alofa e

faavae i le loto ua tuuina atu atoa e auauna ma fesoasoani mo e

ua mafatia ma ua leai se faamoemoe. O le alofa foi e faavae i

le faatuatua faamaoni ma le usitai i le Atua. O le faamaoni o le

alofa o le Atua na auina mai ai Iesu ina ia faaolaina oe ma au

ma le lalolagi agasala e ala i lo tatou salamo faamaoni ma

faatuatua i le Atua.




2. Faamatala le tala



GALUEGA FAATINO

Ia taumafai lau susuga i le faiaoga ma le vasega e

faatinoina le tala i se tulaga ina ia matua manino mai ai le

sini o le mataupu e uiga i tu ma aga o le faatinoina o le

alofa faamaoni.

A‟OA‟OGA

1. Ia alofa faamaoni i soo se tagata aemaise i latou o

manaomia tele le fesoasoani.

2. Ia „e alofa atu i le Alii lou Atua ma lou loto atoa, ma

lou agaga atoa, ma lou malosi atoa.

3. „Aua e te alofa faafoliga pe taufaasee i se lua mafutaga

ma sau uo po o se isi lava e te lua mafuta.

PESE : Ruta le teine lototele (CD MAK, 2009).

…………………………………….


MATAUPU: IA FAAMAONI LE OLA TAPUAI

(Worship God in spirit and truth)


tāua o le ola tapuai i le Atua ma le

faamaoni.

TUSI FAITAU: Ioane 4: 16-26

Mo le Faiaoga: Ioane 4: 1-26


1. Tala

O le tala lenei i le malaga a Iesu i Kalilaia o lo o faamauina i le

Evagelia a Ioane. O lo o faamatalaina ai le malaga a Iesu na ui

atu i Samaria ma fetaui ai ma le fafine Samaria i le vaieli o

Iakopo. Ua manao Iesu i se vai e inu ai o ia peitai ua musu le

fafine Samaria ona o tulafono e le mafai ona feaveaia mea a

Iutaia ma Samaria. Ua faailoa atu e Iesu i le fafine Samaria le

vaiola e ao ina inu ai ona le toe fiainu lea e oo i le faavavau. O

lo o faauigaina lenei vai ia Iesu o ia o le vaiola mai le Atua. O

le iuga o lenei talanoaga na talosaga ai le fafine Samaria ia

Iesu ina ia avatu ia te ia lena vai ina ia le toe fiainu.

2. Fafine Samaria

O le fafine sa alu ane i le vaieli e utuvai ae feiloai ai ma Iesu.

O se fafine o lo o iloa i fetalaiga a Iesu o se fafine talitane. O

lo o manino lelei e toalima tane sa ia te ia, a o le tane foi o lo o

la nonofo i le taimi nei e le sana tane lea. Ina ua fai atu Iesu e

alu e valaau lana tane sa faapea ona ia pepelo e leai sana tane.

Peitai ina ua tau atu e Iesu ana tane sa fai, na ia talitonu ai o

Iesu o le perofeta i lona tulaga o le silafia o mea na tutupu i

lona olaga. O tane e lima o lo o ta‟ua o le mulilua lea ma le

faitaaga ma e tutusa lea ma le ifo i tupua, ma ua faailoa atu e

Iesu i le fafine e toatasi lava le Atua o le foai mai le vaiola e

ala ia Iesu Keriso.

3. Tapuaiga

O le talitonuga i tapuaiga i le Atua, o le tasi lea mafuaaga o le

feeseeseai ai o le malo i matu (Samaria) ma le malo i sauté

(Ierusalema). O le talitonuga o le malo i Saute o tagata

Samaria ua fefiloi o latou toto ma tagata o nuuese, e ifo i tupua

e le o toe faapaiaina e pei o tu faa-Isaraelu moni. O le

mafuaaga foi lea o le faamamao ai o tagata Isaraelu mai tagata

Samaria e pei ona atagia mai i le feiloaiga a Iesu ma le fafine

Samaria.

O le afio mai o Iesu ua manino ai le uiga moni o le tapuaiga e

tatau ona tapuai ai tagata uma i le Atua. O le tapuaiga i le Atua

i le agaga ma le faamaoni auā o lo o saili le Atua ia i latou e

tapuai faapena ia te ia. O le Atua o le agaga lava ia, o e tapuai

ia te ia, e tatau ona tapuai atu ai i le agaga ma le faamaoni.

4. Faatatau

O le ituaiga tapuaiga moni lea ua aoao mai ai Iesu e ao i tagata

uma ona vivii ma tapuai atu ai i le Atua. Ia tapuai atu i le Atua

i le agaga ma le faamaoni. O lona uiga ia silafia e le Atua lou

loto ua tuuina atu atoa e vivii ai i lona suafa mamalu ma le

silisiliese. O le tapuai atu i le Atua ma le faamaoni, o se

matafaioi tupito lea i le tagata e ala i le saunia lelei o lona loto

ia mama ma faamaoni e aunoa ma ni lagona eleelea i le va

feagai ai ma le isi ona uso a tagata, ae silisili ai le silafaga paia

a le Atua. E le o le igoa o le tapuaiga po o nisi lava tulaga, ae o

le agaga ma le faamaoni.




3. Faamatala le Tala



GALUEGA FAATINO: Faatino le Tala (Role play)

Ia faatino e le vasega le tala e pei ona aumai i le Tusi Faitau

A‟OA‟OGA

1. Ia faamaoni lo tatou ola tapuai i le Atua

2. Ia tatou alo ese mai le faailoga tagata ona o tatou

talitonuga faale-tapuaiga ua le maua ai le nofo

fealofani.

3. Ia tatou alolofa atu i o tatou tuaoi pei o tatou ia i tatou

lava.

PESE : Ua ou filifili e mulimuli ia Iesu

(I have decided to follow Jesus).

…………………………………


MATAUPU: IA TATALO MA LE FAATUATUA

(Pray with faith)

SINI: Ia aoaoina le vasega ia malamalama

lelei i le uiga o le tatalo ma lona tāua i le

va fesootai o le tagata ma lona Atua.

TUSI FAITAU: Iakopo 5: 13-18


1. Tala

O tusitusiga a Iakopo o lo o faamamafaina ai aoaoga ma

faatonuga mo so o se kerisiano i le lalolagi atoa, o i latou ua

talia Iesu e avea ma Alii ma Faaola i o latou olaga. O le vaega

o lo o aumai i le tatou Tusi Faitau o lenei aso o lo o tautala ai

Iakopo i le uiga o le tatalo ma lona tāua i le va fesootai o le

tagata ma le Atua. O lo o avea o se fa‟aaoao mo le olaga o le

kerisiano i aso uma o lona ola, ina ia ola ai ma le faatuatua i le

Atua.

2. Tatalo

O lo o aoao mai le aposetolo o Iakopo i kerisiano uma i le uiga

o le tatalo. O le auala pito sili lea ona latalata ai le tagata i le

Atua. E faamatalaina o le tatalo o le sailiga manuia lea a le

tagata i le Atua i taimi o puapuaga ma mafatiaga. O ituaso e

tigaina ai le tagata, ua aoao mai le tala ina ia tatou tatalo atu i

le Atua. O le tatalo e tatau ona faia ma le faatuatua o le loto o

le tagata. E mautinoa i le tatalo le faamaloloina o tatou mai ma

le faamagaloina o a tatou agasala. O loo aoao mai foi ina ia

ta‟uta‟u atu a tatou agasala i le Atua, ma ia tatalo le tasi mo le

isi..

O le fa‟aaoaoga sili lava na faia e Iesu Keriso e pei ona ia aoao

mai i le tatalo a le Alii. O tatalo e tāua tele i le va fesootai o le

tagata ma le Atua. O le avanoa e tautau atu ai i le Atua o tatou

sese ma agasala ina ia faamagaloina ma ole atu ai mo ana

faamanuiaga mo le tagata. O le avanoa foi e faaleoina ai le

agaga faafetai o le tagata i le Atua e tusa o lona alofa mai.

3. Elia

O Elia o le tasi o perofeta a le Atua i le Feagaiga Tuai. O lo o

faamauina i le 1Tupu 17:1, na matuā tatalo o ia i le Atua ina ia

le i ai se timu, ona leai lea o se timu i le fanua i tausaga e tolu

ma masina e ono. Na ia toe tatalo i le Atua ona toe to ifo ai lea

o le timu mai le lagi, ona fua mai ai lea o le eleele i ona lava

fua. (1Tupu 18:42) O le molimau lea o le faamaoni o le tatalo

ma le faatuatua i le Atua e talia e le Atua o tatou manaoga.

4. Faatatau

E leai lava se mea e le mafaia i le faatasi mai o le Atua. O le

tatalo o le avanoa lelei lea tatou te fesootai ai ma lo tatou Atua.

E silafia lelei e le Atua le loto o le tagata. Afai tatou te ole atu

ma le faatuatua e tali mai lava o ia i o tatou manaoga uma. E

tali mai le Atua i tatalo e tusa lava ma lona finagalo ae le o le

faatauanau atu o le tagata. Afai foi e na o le tatou fiafia e

tatalo ae leai so tatou loto e galulue ai ina ia taunuu o tatou

faamoemoega lelei, e le o se amiotonu lea i le silafaga a le

Atua. E finagalo le Atua i le tatalo a le tagata faatuatua e o

faatasi ma le faamaoni e galue ina ia maua se taunuuga lelei. E

maua i le Atua lo tatou fiafia pe afai tatou te fiafia i le ola

tatalo ia te ia. E oo lava foi ia Iesu na ia tatalo i lona Tama i

taimi na puapuaga ai ma mafatia i lana galuega faaola mo le

lalolagi.


(a). ua ff17: timu

(e). uaina ff17: to mai timuga






5. Aoaoga ma pese faai‟u

GALUEGA FAATINO

1. Ia faatalatalanoa ma le vasega vaega tāua o le tatalo. O

le Faaneetaga, Faafetai, Faatoesega, ma le vaega o

Manaoga. Ia faataitai e le vasega e ala i ni faatinoga

pupuu e atagia mai ai ua malamalama i le tatalo.

2. Faataitaiga – Tatalo Agaga Paia, O le tatalo lea e amata

ai le lotu i le Aso Sa. E tatalo ina ia faatasi mai le

Agaga Paia e lagona ai e tagata le mamalu o le Atua,

ma faamaoni le tapuai atu i le Atua.

Tatalo Foai – O le tatalo lea e faapaia ai le foai poo le

sene e aoina e tagata lotu mo le faaogaina i galuega ale

Ekalesia. E faapaia ai foi ma tagata ua foai ma le tatalo

i le Atua e talia le foai a tagata mo lana Afio.

A‟OA‟OGA.

1. O le tatalo e tatau ona faatino ma le faatuatua i le Atua.

2. Ua na o le Atua lava e tali mai i o tatou manaoga uma.

3. Ia fiafia e tatalo e faafetai ai le alofa o le Atua, ia tatalo

faatoese foi i agasala ua tatou fai, ma tatalo mo isi o

tatou uso a tagata o lo o manaomia le fesoasoani.

PESE : Fai sau tatalo i le taeao (Whisper a prayer in the

morning, CD MAK 2009).

………………………………………………..


MATAUPU: IA FAI MA AUAUNA FAAMAONI

(Be a faithful servant)


tāua o le galue faamaoni ma le

filifiliga, aua e taui atu e le Atua le

manuia i le tagata faamaoni ae taui atu le

leaga i le tagata le faamaoni.

TUSI FAITAU: Luka: 12:41-48


1. Tala

E faatauaina tele i tusitusiga a Luka le afio mai o Iesu o le

Faaola mo Isaraelu faapea le lalolagi uma. O le vaega o lo o

faatauaina mo lenei mataupu, o lo o tautala ai le Faievagelia i

le faatusatusaina o le auauna galue faamaoni ma le auauna ua

leai se faamaoni. O le tali a Iesu ia Peteru o lo o faailoa atu ai

lenei faataoto e faatatau mo tagata uma lava. O lo o faatusaina

ai le valaauina e le Atua o tagata i soo se galuega e galue ai ma

le faamoemoe o le Atua lava o lē ona le galuega. O le autu o le

ola auauna ia maua le faamaoni e galue ai ma le filifiliga ina ia

taunuu manuia ma faamalieina ai le finagalo o le Atua e ana le

galuega.

2. Auauna

O le tulaga auauna, o se faiva aupito sili lea ona maualalo ma

faatauvaa i le sosaiete o tagata. Sa taatele lenei faiga i ona po o

le Feagaiga Tuai, sa faaogaina ai tagata matitivama limavaivai

e i latou e mauoa e fai ma pologa. O le natura o se auauna po o

se pologa o le faatinoina lea o faatonuga a le matai. Sa

faitauina faatasi le pologa ma meatotino a le matai, e leai sona

leo e lagona ae na o le gugu lava ma faatino feau. E pule foi le

matai i se totogi e tuuina atu poo le leai foi. O le masani a

auauna o le taumafai e galulue faamaoni ina ia faamalieina le

matai. Afai ua lelei ma atoatoa se auaunaga, ona siitia lea o le

tulaga seia oo lava ina tofia e avea ma pule i nisi galuega e

tofia ai e le matai.

3. Auauna faamaoni

O le auauna lea na tofia e le matai na te vaaia le galuega ae

tuua e ia i latou mo se vaitaimi. Na tuuina atu ia te ia le pule i

le galuega e tausi ai isi ana auauna ma fafaga ia te i latou i lea

ituaso ma lea ituaso. Peitai o le auauna faamaoni na ia le tuua

ai lona tiute o ia o le auauna ua tofia e le matai e vaaia le

galuega. Sa ia fafaga lelei i isi ona uso auauna ma galue

faamaoni i ona tiute ua valaauina ai. O lo o fetalai Iesu amuia

lenei auauna pe afai e sau lona alii e maua o ia o lo o faapea

ona fai. E moni ou te fai atu ia te outou e tofia o ia e pule i ana

mea uma. O lo o fetalai manino Iesu, “Auā o le ua foai atu i ai

o mea e tele, e sueina atu foi ia te ia o mea e tele; o ia foi ua

tuuina atu i ai o mea e tele, latou te fai atu foi ia te ia e aumai

mea e sili ona tele.”

4. Auauna le faamaoni

O le ituaiga auauna lea ua tofia e le matai e sui tulaga ia te ia

ae ua faapea ifo i lona loto, e tuai ona foi mai lou matai. Ua

mafai ai ona galo nimo ia te ia le faigata o le ola auauna ina ua

leai se alofa ma ua manatu faapito ia te ia lava. O le mafuaaga

foi lea ua na sasa ai ma faapologa i auauna tane atoa ma fafine.

Ua ia le faamaoni ona tausi i isi auauna a le matai ma avatu

mea e ai ia i latou i ona ituaso. Ua na ona ai ma inu ma ona i le

uaina. Ua ia le manatu foi i se ituaso e foi mai ai lona matai a

ua soona mitavale ma soona fa‟aaoga mea a le matai. O lo o

fetalai Iesu e foi mai lava le matai e le iloa e ia. O le iuga o

lenei auauna le faamaoni e matuā faasalaina ma avatu lona tofi

faatasi ma ē le faatuatua. E i ai foi nisi auauna ua latou iloa le

finagalo o le matai ae ua latou le faia e faapena foi ona

faasalaina. O i latou foi ua latou le iloa le finagalo o le matai

ae ua latou le famaoni e faasalaina foi i se sala mama.

5. Faatatau

Ua aoao mai mo i tatou lenei mataupu ina ia avea i tatou le

fanau o ni tupulaga talavou e fiafia e ola auauna atu ma le

faamaoni. E saili gata tele le faamaoni i o tatou tagata ona o le

tele o taimi e faaosoosoina gofie ai i tatou e le tiapolo i mea

faatosina leaga o lenei olaga. O ia faaososoga e tele ina tatou

fiafia i ai ae galo ai lo tatou valaauina ma ua le faamaoni ai i

auaunaga ua valaauina ai i tatou. Ia manatua le leaga o le leai

o se faamaoni e iuvale ma faalumaina lona taunuuga. Ia „aua

nei o tatou faaogaina sese se pule e tuuina mai e faatino ai o

tatou manaoga faaletagata, ae leai ai se alofa i nisi.




3. Faamatala le tala



GALUEGA FAATINO: Ia faatino e le vasega le tala

A‟OA‟OGA

1. Ia tatou galulue faamaoni i totonu o aiga ma aoaoga ina

ia tatou maua le poto ma le atamai.

2. Ia tatou alo ese mai faaosoosoga e faigofie ona tatou le

faamaoni ai i galuega ua tofia ai tatou

PESE: When we all work together (CD MAK, 2009)

……………………………………

AOKUSO: O LE ATUA FETALAI (God‟s spoken Word)

O le manatu autu o lenei masina ua faatāua ai le tulaga (role)

faa-Tamā o le Atua i lona fesootai mai e ala i lana Upu Fetalai.

E fetalai mai le Atua e faamanuia, faatonu, ma aoa‟i lana

fanau. O tagata ua ia Keriso, o fanau a le Atua i latou, ma e

fetalai mai pea le Atua e ala i le Tusi Paia ma ana auauna e

taitai tonu e tusa ma lona finagalo. Ua faatāua foi i lenei

masina le sao o tamā i aiga, nuu, malo ma le Ekalesia e

faatāuaina ai le Aso Sa o tamā.

ASO SA: 07 AOKUSO, 2011

MATAUPU: O LE TIUTE O LE TAMĀ I LE

AIGA (The father‟s role in the family)

SINI: Ia iloa e le vasega le tāua o le usitai i le

taulogologo o tamā i le aiga auā e

manuia ai le ola ma le lumanai

TUSI FAITAU: Faataoto 3:1-12


1. Tala:

O le tala o lo o faamatalaina ai e Faataoto le tasi o tiute

faatamā ma faatinā i le aiga – o le taulogologo i fanau ina ia

ola e tusa ma le finagalo paia o le Atua. O aoaoga i le tala o le

tauvalaau lea a le Poto i lona tulaga faamatua i lona atalii ina

ia ola ma tutumau i nisi nei o mea tāua e manuia ai le ola i le

taimi nei ma le lumana‟i.

(a). Ia „aua nei galo „a ia tausia ma teu i le loto tulafono

ma poloaiga auā e faaopoopo ai aso ma tausaga e ola

ai, faapea ma manuia mo le ola.

(e). Ia tumau, asoa i le ua, ma tusi i le papa o le loto le

alofa ma le faamaoni, auā e maua ai le alofa ma le

manuia lelei i luma o le Atua atoa ma tagata

(i). Ia faatuatua i le Atua ma le loto atoa, ae „aua le

faalagolago i se atamai ua maua

(o). Ia manatua le Atua i ou ala uma, ona faatonuina ai lea

e ia o ou ala

(u). „Aua le faafiapoto; ia mata‟u i le Alii; ia alo ese i le

leaga auā e malosi ai le pute ma su ai ivi

(f). Ia ava i le Atua i lou oa ma le faapolopolo o au mea

uma e tutupu auā e tutumu ai ou fale saito i le mau; ma

feosofi ai ou tuugauaina i le uaina fou

(g). „Aua e te inoino pe faatauvaa ia te oe le aoaiga a le

Alii, auā o lē ua alofagia e le Alii e aoaiina o ia e ia.


(a). tulafono (law/teaching):

O tulafono e sefulu na tusia e le Atua i papa ma‟a ma

tuuina atu ia Mose mo lona nuu e tausi ma sasavali i ai

auā e manuia ma filemu ai

(e). poloaiga (commandment):

O poloaiga a le Atua o lo o ta‟u mai ai le tāua o le iloa

o tulafono ma faatino i le ola. Ia faia ma olaina

tulafono.

(e). asoa i le ua (bind around the neck):

O se faiga ina ia manatua pea tulafono ma poloaiga ia

„aua nei galo gofie

(i). papa o le loto (tablet of the heart)

Ua le toe tāua i le Poto papa maa o tulafono, ae o le „a

tusia tulafono ma poloaiga i le loto. Ua latalata mai le

manuia ma le malaia auā ua i le loto. Ua faamasinoina i

tatou i taimi uma auā ua i papa aano o le loto tulafono

ma poloaiga a le Alii

(o). manuia lelei (good repute):

O le manuia e maua i le tausi i tulafono ma poloaiga a

le Atua

(u). faa-fiapoto (be wise in your own eyes):

O le faia o le loto o le tagata ae ua le faalagolago i le

Atua

(f). malosi ai le pute (be a healing for the flesh)….e su ai

ivi (refreshment for the body):

E manuia ma maloloina le tino pe a tausi ma ola i

tulafono ma poloaiga a le Atua


1. (a). Faatomua le mataupu i se pese



3. Faamatala le mataupu ma tuliloa le mataupu i ni fesili




le vasega

1. O ai o lo o taulogologo i lona atalii i le Tusi Faitau?

Tali: O le Poto i le kenera/ituaiga fafine ae i le Feagaiga Fou

ua liutino tagata mai i le kenera tamaloa e ala ia Iesu

Keriso. O le itu fafine o le Poto i le Feagaiga Tuai o

lona uiga o le Poto o le Atua o le pae ma le auli e

faapei o tina i aiga, e manuia ai le ola pe a faalogo ma

usiusitai i ai. O le itu tamaloa o le Poto i le Feagaiga

Fou ua fa‟aalia ai le Atua ua liutino tagata e ala i lona

Alo e faaola ma toe faalelei le tagata agasala ma le

Atua

2. O le a le eseesega o le tulafono mai le poloaiga?

Tali: O le tulafono o upu ia na aumai e le Atua ia Mose ua

ta‟ua o Tulafono e sefulu. O tulafono muamua e fa e

tausia e Isaraelu i lona va fesootai ma le Atua, a o

tulafono e ono mulimuli e mo le va fesootai o le isi

tagata i le isi. O le faataitaiga faigofie o le poloaiga,

o le poloaiga a Iesu i ona soo ina ia latou fealofani

(Ioane 15:12).

3. O a faamanuiaga o le tagata e tumau i le alofa

ma le faamaoni?

Tali: E maua ai le alofa ma le manuia lelei i luma o le Atua

atoa ma tagata

4. Aisea „e tatau ai ona faatuatua ma le loto atoa ae „aua

le faalagolago i le atamai?

Tali: O le faatuatua o le meaalofa foaifua mai a le Atua mo

le tagata e faalogo ma usiusitai atoatoa ia te Ia. O lona

uiga ua taitai le Atua e ala i ana tulafono ma poloaiga i

le ola atoa o lea tagata, ma ua faalagolago tasi ai i le

Atua „a ua le faalagolago i lona lava atamai

5. O le a le eseesega o ala o le tagata ma ala o le Atua?

Tali: O ala o le Atua o ala e manuia ai le tagata, ma e tatau

ona manatua e le tagata ala o le Atua e faatonuina ona

ala ina o gatasi ma le finagalo o le Atua

6. O le a le fautuaga a le Poto pe a maua le oa ma le

tamaoaiga?

Tali: Ia lagona le agaga faafetai i le Atua i oa ma mea tatou

te maua

7. Aisea e aoaiina ai e le Poto lona atalii?

Tali: Ona o lona alofa faatamā ma faatinā i lona atalii i mea

ua vaivai ma agasala ai

A‟OA‟OGA

1. Ia ola faalagolago i le Atua lo tatou Tamā faale-lagi

2. Ia gaua‟i i le taulogologo a matua ma tagata o le Atua

mo mea e manuia ai le ola ma le lumana‟i

3. O Iesu Keriso o le Poto liutino o le Atua e faaolaina ai

le tagata agasala

4. „Aua le ola faafiapoto „a ia faalagolago tasi i le poto o

le Atua e ala ia Keriso

5. Ia tau o le satauro o Keriso e mitamita ai ae „aua i lo

tatou poto ma se malosi ua maua

PESE: Pe fai ea oe ma ou Tamā (Tusi o Pese ma

Viiga , EFKS).

…………………………………….

ASO SA: 14 AOKUSO, 2011 (Aso Sa Tamā).

MATAUPU: O LE TAMĀ AGALELEI

(The loving father)

SINI: Ia aoaoina i le vasega le tāua o le olaga i

le aiga o le Atua auā o lo o i ai le alofa

faa-Tamā o le Atua e talia ai soo se

tagata e foi atu ia te ia ma le salamō

TUSI FAITAU: Luka 15: 11-24


1. Tala

O le tala o le tasi o faataoto a Iesu ua faamatalaina ai le

mutimuti vale o le alofa faa-tama o le Atua i le tagata ua

lagona le leaga o le alu „ese ma le Atua, ma ua toe foi atu ia te

ia ma le loto salamō faamaoni.

O lenei faataoto e toafa ituaiga tagata ua ta‟ua ai. O le tamā o

le aiga, o ana auauna ma lana fanau e toalua o le uii ma le

ulumatua. O le tasi aso ua manao ai le uii i lona tofi o le

tamaoaiga mo lona tulaga uii i le aiga. Ua vaelua foi e le tamā

le tofi o ona atalii ma ia avatu le vaega a le uii. Ua ave uma e

le uii lana oa ma alu malaga i atunuu e mamao, ma faamaumau

ai lana oa ma soona ulavale ai. Ua uma lana oa ma ua oge foi

le nuu ona faatoa mativa ai lea o ia. Ua fai foi o ia ma faga

puaa a le tasi tagata o lea nuu. Ua ai foi o ia i meaai a puaa aua

ua leai se tasi na avane se meaai mo ia.

O le tulaga maulalo lea na atamai ai o ia ma ia manatua ai lona

aiga moni o lo o toatele ai auauna a lona tamā faapea ma

meaai e tele. Ua manatu o ia e toe foi i lona aiga. E toe foi ma

le loto salamō i luma o le Atua faapea ma lona aiga. Ia le toe

ta‟ua o ia o le atalii „a ia avea pei o se tasi o auauna.

O le iloa mamao mai e le tamā o lona toe foi atu, na

mutimutivale ai lona alofa i lona atalii. Ua ia momoe atu ma

fusi ia te ia, ma sogi ia te ia. Ua fai atu foi le uii i lona tulaga

agasala ma le le aoga ona toe ta‟ua o ia o sona atalii a o se tasi

o ana auauna. Peitai ua faaofu o ia e le tamā i le ofu tatapuvae

e aupito lelei, ma faamama ia te ia; ma faasee i ona vae. Ua

fai atu foi le tamā i ana auauna ia fasi le tamai povi peti e aai

ai ma olioli, ona o lona atalii na oti, „a ua toe ola mai; na le

iloa, „a ua maua. Ona latou olioli ai lea.


(a). tofi (heritage):

O le tofi i le Isaraelu o le fanua (land) ma le fanau (children).

A i ai se fanua ma se fanau i se aiga ua i ai le faamoemoe ma

le mautinoa o matua mo taeao ma le lumanai

(e). atamai ai lea o ia:

O le lagonaina o le mea sa‟o e tatau ona fai faapei o le salamō

i se agasala ua fai ma fo‟i loa i le Atua ma le loto faamaulalo

(i). mutimutivale:

O le alofa ua naunau e faatino mo le tagata puapuagatia ua

leai se malosi e ola ma saoloto ai

(o). olioli:

O le loto faafetai ma le ola vivii i le alofa faaola o le Atua




3. Faamatala le Tala



GALUEGA FAATINO: Ia filifili se galuega faatino o i lalo

e mafai ona faatino

1. Fesili ma Tali e fetufaai ai ma le vasega

(a). O le a le tulaga (role) a le tamā i le faataoto?

Tali: Faapalepale i le vaivai o le uii ma talia o ia ina ua toe

foi atu i le aiga ma le loto maulalo

(e). O le a le uiga leaga o le uii o lo o fa‟aalia i le tala?

Tali: Le fia ola i le aiga ae fia ola tutoatasi ma fai lona poto.

E ola mimita ma ola ulavale, ma soona faamaumau

lona tofi i mea le aogā

(i). O le a le uiga lelei o le uii o lo o faaalia i le tala?

Tali: Vave ona atamai i le i‟uga leaga o le ola i fafo ma le

aiga. Lagona le loto salamō ma faatoese i le tamā i le

leaga o le olaga agasala sa ola ai. Ua naunau foi e fia

fai ma auauna i le aiga

(o). O le a le tāua i le tamā o le aiga o le lagona o le uii na

toe foi atu ma ia?

Tali: Ua mutimutivale lona alofa ia te ia, ma ua ia faaofu,

faaseevae ma faamama ia te ia o le faailoga o le taua i

le tama faapea ma le Atua o le loto salamo faamaoni.

Ua fasi foi le manu peti ma fai ai le aiga, auā o lona

atalii na oti, „a ua toe ola, na leiloa „a ua toe maua

(u). O le ā se feau o lenei tala mo tupulaga ua le fia nonofo

i ō latou aiga, ma tagata o se nuu e le fia auai i le aiga o

le Atua?

Tali: Mo tupulaga e lē fia nonofo i aiga, o le fautuaga o le

aiga lava i lalo o le taitaiga a matua e manuia ai le ola

ma le lumanai. Mo tagata o se nuu e le fia ola i le olaga

tapuai ma ola auauna o tagata o le Ekalesia, o le

fautuaga, ia vave ona foi ia Keriso ma le Ekalesia ina

ia e iloa le mamalu ma le paia ma le maualuga o le tāua o

le ola i le Aiga o le Atua

2. Faatino le Tala e le vasega: Ia faatāua uma ituaiga

tagata i le tala (tamā, uii, ulumatua, auauna). Ia

faamamafa pea le uii ma lona alu ese faapea ma lona

toe foi i le aiga, faapea ma le alofa faatamā na fa‟aalia i

lona salamō.

A‟OA‟OGA

1. E le fuaina le alofa faatamā o le Atua i lo tatou leaga

2. Vave ona salamō i mea leaga ua tatou fai

3. E lagona i le loto salamō le tāua o le ola auauna

4. E i‟u leaga le ola mimita ma le „ai lalolagi

5. Ia ola ava ma fa‟aaloalo i ō tatou tamā

NISI A‟OA‟OGA

1. A fia vave maua se laveaiina mai le vevela o le agasala,

ia vave foi i le Atua

2. E mamalu ma matagofie tupulaga e pipii i le Atua ma

fa‟aaoga le ola e auauna ai i le Aiga o le Atua le

Ekalesia

3. E tele faamanuiaga e foai e le Atua i le tagata salamō

faamaoni


1. Salamo 51:10-12: Pese CD MAK 2009

Le Atua e, ia e faia se loto mama mo a‟u

(Create in me a clean heart O God)

2. Sau ta o ma a‟u i le fale o lo‟u Tamā

(Come and Go with me to my Father‟s House)

……………………………..


MATAUPU: O LE TAMĀ LE USITAI I LE ATUA

(The unbelieved father)

SINI: Ia aoaoina le vasega ina iloa le i‟uga

leaga o le ola le usitai i le Atua

TUSI FAITAU: 1Samuelu 15:10-23


1. Tala

O le tala ua faaalia ai le salamō o le Atua i lona fai ma tupu o

Saulo. Ua le faaiuina e Saulo le upu a le Alii, o le faailoga o

lona fouvale i le Atua. Ua ia faatu foi i Karamelu le faailoga

mo ia. Ina ua feiloa‟i Saulo ma Samuelu sa ia faamanuia ma

fai atu i le perofeta ua ia faaiuina le upu a le Alii. Peitai, o le

faalogo o le perofeta i le tagi o manu ua ia faamaonia ai le

afioga a le Alii e uiga ia Saulo, faapea ma le finau vale po o le

taumafai o le tupu e sisi‟o i le mea leaga ua ia fai. O le finau

vale o le tupu ua ia tali ai i le fesili a le perofeta, o manu lelei

na aumai e le nuu e fai ai taulaga i le Atua. Ona ta‟u atu lea e

le perofeta o le upu a le Atua ia Saulo. Sa tofia o ia e le Atua e

fai ma tupu a o faatauvaa o ia i lona manatu. Na ia auina foi o

ia e faaumatia Amaleka le nuu agasala ma le agaleaga i le nuu

o le Atua. Peitai, aiseā ua ia le faalogo ai i le Atua? O le tali a

Saulo ua fa‟aalia ai pea lona finau vale po o lona taumafai e

ufiufi le mea leaga ua ia fai. Ma o lona lafoa‟i o le upu a le

Alii, ua faapea ona lafoa‟i ai o ia e le Atua ia le fai ma tupu.

2. O le uiga o le usitai i le Atua i le Tala

Ua fa‟aalia i le tala o le usitai i le Atua o le faatino i le atoatoa

o mea tonu na fetalai ai le Atua ia faia. Ua tatou iloa i le tala o

le usitai i le Atua e le suia i se mea lelei i lo tatou manatu. Sa

faatino e Saulo le upu a le Alii „a ua ia le faai‟uina. E ui o

mamoe ma povi lelei na faasaoina e le nuu e fai ai taulaga

faapei ona fai atu ai Saulo ia Samuelu, peitai e le suia i se mea

lelei i le manatu o le tagata le tāua i le Atua o le usita‟i atoatoa

i lona finagalo.


(a). salamō:

o le faanoanoa o le finagalo o le Atua (regret) i

lona filifilia o Saulo e fai ma tupu

(e). Karamelu:

o le tumutumu o le atu mauga sa matagofie i Isaraelu

anamua. Sa valoia e le perofeta o Amosa lona

faatafunaina, auā ua avea ma mauga tula ma lafulafuā

i nei ona po

(i). Kilikala:

o lona uiga o le faataavalevale, e faatusa ai Isaraelu pei

se maa tele ua fuliesea ina ua peritomeina i latou. O le

mea na to lauapi ai Isaraelu ina ua oo i Kanana. Sa fai

ai taulaga i ona po o Saulo

(o). Amaleka:

o le igoa o le nuu e latalata i le mauga o Sinai. Sa

agaleaga ia Isaraelu ma latou sii taua i ai, peitai na

faatoilaloina e le faamasino o Kitiona.

(u). faalogo e sili i le taulaga, usitai e sili i le gao o

mamoe poa;

o le faalogo ma le usitai o le tagata i le Atua e le

suia i se isi mea lelei faapei o taulaga ma ga‟o o

mamoe po‟a. O le ola faalogo ma usitai i le Atua o le

tagata o le taulaga ola (living sacrifice) e malie ma paia

i le Atua

(f). fouvale e tusa ma le agasala o le faataulaitu:

o le fouvale (tetee) i le upu a le Atua e tutusa lava ma le

agasala o le faataulaitu, auā o le tasi o mea o lo o

vaoia e le Atua i lona nuu auā o tagata faataulaitu pe

saili fofo i taulaitu e tetee atu i le Atua ma lona

finagalo. Faataitaiga o le taulaitu o Paiesu na tauaso i

lona faasese i le Talalelei (Galuega13:4).

(g). finau vale e tusa ia ma le leaga o le tapuai i tupua

o le finau vale o se uiga leaga auā ua taumafai le tagata

e sisio ma ufiufi se mea leaga ua fai. E tusa ma le leaga

o le tapua‟i i tupua


1. (a). Faatomua le mataupu i se pese

(e). Tau le mataupu i le vasega





le vasega

1. O ā mea e lua i le tala ua matuā faaalia ai le lē usita‟i o

Tali: O le fouvale (tetee) ma le finau vale (ola sisio)

2. O ā agasala i le Atua e tusa ma le fouvale ma le finau

vale?

Tali: O le faataulaitu ma le ifo i tupua

3. O le ā le uiga o afioga a le Alii: “…o le faalogo e sili lea

i taulaga, ma le usiusitai e sili lea i le ga‟o o mamoe

po‟a?

Tali: E tāua i le Atua taulaga a o le tagata i totonu ia fai

muamua ma taulaga ola e ala i le loto faalogo ma

usitai i le Atua

4. O le a le mea na fai e Saulo ua faaalia ai lona ola

faamaualuga i luma o le Alii?

Tali: Ua ia faatu le faailoga mona ua faaalia ai lona fia

viia ma fia tauta‟ua

A‟OA‟OGA

1. E lafoa‟i e le Alii le tagata ola fouvale ma finau vale i

lona finagalo auā e tusa ia ma le agasala o le faataulaitu

ma le ifo i tupua

2. „Aua le ola sisio auā e le lilo se mea i le Alii

3. O le tagata atoa o le taulaga e ala i le faalogo ma usitai

atoatoa i le Atua

NISI A‟OA‟OGA

1. Ia faautauta i tamā lē faatuatua

2. E lafoa‟i e le Atua le tagata fouvale ma finau vale ia te

ia

PESE: Ave lo‟u Ola ia aoga (Pese 157 Tusi o Pese &

Viiga EFKS).

…………………………………


MATAUPU: O LE TAMĀ FAATUATUA

(Perserverence in faith)

SINI: Ia aoaoina le vasega ina ia iloa le tāua o

tamā faatuatua i aiga ma nuu

TUSI FAITAU: Luka 8:40-56


1. Tala

O le tala o le faamaloloina lea e Iesu o le afafine o Iairo o le

pule o le sunako. Sa ia sau ia Iesu ma ia faapa‟u i ona vae ma

faatoga mai ia Iesu mo lona afafine e toatasi o le a oti. Na

maliu atu Iesu peitai na faalavelaveina e le fafine puna toto sa

ma‟i mo le sefulu lua tausaga ae leai se tasi na faamalolo ia te

ia. Sa ia mulimuli ia Iesu ma ia pa‟i atu i le ofu o le Alii, ona

utu lea o lona puna toto. Sa le lilo le faamaloloina o lenei

fafine auā ua alu atu le mana nai le Alii, ma ua fesili foi le Alii

po o ai na pa‟i atu ia te ia. Ua iloa e lenei fafine ua le lilo o ia,

ona ia alu atu lea i le Alii ma le gatete, ma faapa‟u i ona luma

ma tautino lana mea na fai ma faamaloloina ai. Na fetalai atu

Iesu i lenei fafine o lona faatuatua ua malolo ai.

E ma‟ea le feagai ai o Iesu ma le fafine puna toto, ae oo mai le

tala ia Iairo ua oti lona afafine, ma ia „aua le toe faalavelaveina

le a‟oa‟o. Ua silafia e Iesu ona ia fetalai atu lea ia Iairo, e „aua

le fefe ae tau ina faatuatua e ola ai lona afafine. Sa maliu atu

Iesu i le fale o Iairo ma ua ia faataga na o matua o le teine

faatasi ma Peteru ma le fanau a Sepetaio latou te ulu atu i le

fale. Sa fetagisi ma tagitui i latou uma, „a ua fetalai atu Iesu ia

soia le fetagisi e le i oti o ia, „a ua moe. Sa latou tapisa i le

teine auā ua latou iloa ua oti o ia. „A ua tago atu Iesu i lona

lima ma valaau, „Funa e, ina tulai ia”. Ona toe foi mai lea o le

agaga o le teine, ma ua ia tulai i luga. Ua fetalai atu Iesu ina ia

avatu ni ana mea e ai. Ua matua ofo foi ona matua i le mea ua

faia e Iesu.


(a). fetaomi ma fetuleni:

E tutusa ma le upu lolofi. O tagata ua o mai faatasi ma

tautulei le tasi i le isi

(e). faatuatua:

O le talitonu i le tala ua aumai. O le talitonu i le tala ia

Iesu na maliu ma toetu, ma ua lagona i le loto, ma

faalagolago tasi ai i le maliu o le Alii e maua ai le ola

(i). toe foi mai lona agaga:

O le fuaitau e faasino i le teine i le tala na oti, ae ina ua

fetalai Iesu, funa e, ina tulai ia ona toe ola ai lea o ia.

Ua toe foi mai lona agaga. O le agaga e faaliliu mai le

upu Peretania o le soul po o le spirit. E tutusa ma le

manava ola (breath of life) na manava e le Atua i le

efuefu na ia faia ai le tagata ma avea ai le tagata ma

tagata ola




3. Faamatala le Tala ma fai ni fesili e tuliloa ai le

mataupu


5. Aoaoga ma usu le pese faai‟u

GALUEGA FAATINO: O nisi ia o faatinoga e mafai ona

faatino e le vasega

1. Faatino e le vasega le tala

2. Fesili ma Tali e fetufaa‟i ai ma le vasega: Faataitaiga:-

(a). O ā faatinoga e iloa ai le talitonu o Iairo i le mana

faamalolo o Iesu?

Tali: Ua ia saili ia Iesu, faapa‟u (tootuli/ifo) i le Alii, ma

faatoga (aioi) ia te ia ina ia maliu atu i lona fale mo

lona afafine e toatasi o le a oti

(e). Aisea na le maliu sa‟o ai Iesu i le fale o Iairo semanu e

maua atu le afafine o le pule o le sunako o ola, „a ua ia

mua‟i saili i le tagata na pa‟i atu ia te ia auā ua alu ese

atu le mana nai ia te ia?

Tali: (i). Mo le fai Evagelia o Luka, e leai ni pa vaeloto o le

Alofa Faaola o le Atua. Ua avanoa le Alofa faaola ma

faamalolo o le Atua mo tagata uma e faatuatua ia Iesu

(ii). E le faailoga tagata le Atua. E lē seiloga o le tagata

taualoa pei o Iairo e leai, e tāua foi i le Atua nai tagata

le taualoa pei o le fafine puna toto ma tamaiti faapea

ma tagata e ta‟ua o tagata agasala

(iii). E lē mafai e le malosi o le oti ona taofia le alofa

faaola o le Atua mo lē na te manaomia moni

(i). Aiseā e tāua ai le fesili o Iesu po o ai na pai ia te ia?

Tali: Tatou te le folomolemoleina le alofa faaola o le Atua, e

tatau ona fa‟aalia i lumamea vavega ua faia e le Atua i

o tatou olaga. E tatau ona faafoi le faafetai i le Alii ma

faailoa atu lo tatou saili ia te ia ma le faatuatua i le mea

e gata ai lo tatou mafai

(o). O le ā le eseesega o tagata na faamaloloina e Iesu?

Tali: (i). O le fafine puna toto na ma‟i i le sefulu lua tausaga,

ma sa leai se tasi na mafai ona faamalolo ia te ia. O ia

lava e toatasi na saili ia Iesu i se auala talafeagai e tusa

ma lona tulaga o le fafine ma‟i e mafai ai ona ia pa‟i i

le Alii.

(ii). O le afafine o Iairo ma lona faamaloloina na auala

mai i le faatuatua o lona tamā. Sa ia aioi, ma faatoga

mo lona afafine. Sa ia faatalitali pea ma le faatuatua ia

Iesu e malolo ai lona afafine

A‟OA‟OGA

1. E mafai e le faatuatua o matua ona faaolaina fanau

2 E le faailoga tagata le Atua

3. „Aua le mā e faailoa atu i le Alii lo tatou vaivai

4. Ia tuuina atu o tatou mafatiaga i le Atua, ma faatalitali

ma le faatuatua

PESE: There‟s no one like Jesus

(E leai se sili atu ia Iesu)

(CD MAK, 2009)

………………………………………………

SETEMA: O LE ATUA LIUTINO TAGATA

(God Incarnate)

O le Atua, o le Atua Tolu Tasi Paia. O lona uiga, e tasi le

Atua, ae tolu ona peresona (fa‟aaliga) ua tatou iloa ai o Ia. O

le Atua le Tama, o le Atua le Alo, ma le Atua le Agaga Paia.

O le peresona lona lua la o le Atua, e ala ia „Iesu lona Alo

Pele‟, sa fanau mai i le tino tagata i le lalolagi lenei, lea tatou

te tulimatai i le auau o lenei masina, O le Atua Liutino tagata.

ASO SA: 4 SETEMA 2011

(ASO SA TALA LELEI)

MATAUPU: O IESU O LE UPU LIUTINO

TAGATA A LE ATUA. (Jesus the incarnate Word of God)

SINI: Aoao tamaiti ina ia latou iloa lelei, o le

Atua o le Upu e pei ona sa i ai i le

Amataga, lea sa liutino tagata e ala ia

Iesu Keriso.

TUSI FAITAU: Ioane 1: 1 – 18


1. O le Upu, o le Atua

Sa i le amataga le „Upu‟, sa i le Atua le „Upu‟, o le Atua foi le

„Upu‟ – (Ioane 1: 1). O lo o ta‟u mai ai le Atua o le amata

mea

o mea uma lava. O lo o ta‟ua i le Tusi o Kenese, le tulaga

pogisa ma le nunumi o mea sa i ai, a o le Atua, e ala i lana

Upu, lea na foafoa ai mea uma, ma amata mai ai mea uma i le

malamalama. O le f 4, o lo o ta‟ua ai, sa i le Atua le Ola, o le

ola foi o le malamalama lea o tagata. E lei vaaia le Atua o

galue, ae o le Atua lava e ala i lana Upu, lea na faavaeina ma

amata mai ai loa ona ola mea uma i le malamalama.

2. O Iesu, o le Atua:

E le toe tau faamalamalamaina lenei fuaitau, atonu ua silafia

uma ma iloa. O Iesu, o le Alo lava lea o le Atua. E iloa le

Atua e ala i lona Alo Pele o Iesu. E le‟i vaaia lava le Atua i le

amataga, ae sa iloa lona finagalo moni e ala i lana Upu foafoa

na faia ai mea uma, ma na faailoa mai e le Atua e ala mai i ana

Perofeta ma ē sa ia valaauina e tala‟i lona finagalo. O le Afio

mai la o Iesu i le fa‟aatoaga o tausaga i le amataga o le

seneturi

muamua (TA1), o ana fetalaiga ma ana faatinoga, o fetalaiga

lava ma faatinoga a le Atua.

3. O Iesu, o le Upu liutino a le Atua:

O le ulu mataupu lea. O lo o faasino i le Upu a le Atua i le

amataga, sa foafoa ma faia ai mea uma sa finagalo ai le Atua i

le Feagaiga Tuai. Ae o Iesu lava foi i le Feagaiga Fou, o Ia

lava o le Atua i lona tulaga o le Alo o le Atua. Sa ia foafoa ma

faia mea uma e tusa o le finagalo o le Atua lona Tamā. O Iesu

lava la, o le Upu lava lea a le Atua sa liutino tagata. Fai mai

Ioane i le f 14, “sa latou mau faatasi ma ia, sa latou matamata

foi i lona mamalu, o le mamalu lava lea o le Atua.”


(a). tumu (f 16):

atoatoa; tamaoaiga uma

(e). alofa tunoa e faaopoopo….tunoa (f 16):

Manuia le uma mai le alofa tunoa o le Atua.

(i). fatafata o le tama” ( f 18):

O le faaupuga e faatatau i le Atua ma le Atalii, o la‟ua

lava e tasi.


1. (a). Faailoa le Mataupu i tamaiti.

(e). Faamalamalama le upu liutino, i tamaiti.

2. Faitau le Tusi Paia, ma faamalamalama ni upu o i ai i

le Tusi faitau e le malamalama ai tamaiti.

3. (a). Faamatala le tala, ia taumafai lava ina ia ausia le

sini. O le itu ia taumafai lava ia manino, e pei ona

taumafai atu fesoasoani, „O le Upu‟ na foafoa ai le

amataga, o le Atua lava lena. O Iesu foi i le Feagaiga

Fou, o le Atua foafoa lava lena e tasi.

(e). Fai ni fetufaaiga ma tamaiti e ala i ni nai fesili ma

tali felafoa‟i, e saili ai le tulaga ua i ai lo latou

malamalama i le mataupu.



GALUEGA FAATINO


(a) O le f.8, o ai e faasino i ai le upu „ia‟, a o ai foi e

faasino i ai le upu „malamalama‟?

Tali: „Malamalama‟ e faasino ia Iesu. „Ia‟ e faasino ia

Ioane.

(e) O le a le tala o i le Tusi Paia, po o le Tusi o le Tusi

Paia, o lo o faatatau i ai le f. 3?

Tali: E faatatau i le tala o le foafoaga o lo o i le Tusi o

Kenese 1: 1 (ff)

(i) O ai lea e fai mai Ioane; “sa maliu mai i lona nu‟u, ae

lei talia o ia e ona tagata ma lona nu‟u, f 11?

(a) Ta‟u mai lona igoa, ma lona nuu moni lava?

(e) O ai lona nuu ma ona tagata o faatatau i ai i le

taimi lenei pe a faamataupu silisili le fuaiupu?

Tali: (a) O Iesu, a o lona nu‟u o Peteleema i Iutaia na

fanau ai, a o Nasareta i Kalilaia sa ola a‟e ai.

(e) O Isaraelu le nuu, a‟o tagata o tagata Iutaia.

(o) Faamatala mai i au lava upu faigofie, le uiga o la tatou

mataupu o le Aso Sa lenei – „O Iesu o le Upu liutino a

le Atua‟.

Tali: O Iesu, o le Alo/Atalii o le Atua ua fanau mai faapei o

se tagata

O Iesu, o le Upu lava lea a le Atua ua liutino tagata.

(E mafai ona i ai nisi faaupuga sa‟o o le tali, e silafia e lau

susuga i le Faiaoga)

(u) O le f.13, sei e ta‟u mai, po o ai tonu i latou ia e faasino

i ai le fuaiupu lea?

Tali: I latou o le au faatuatua i le Atua e pei ona tau

faamatala mai le f. 12. O tagata uma lava e talitonu ma

latou talia faamaoni Iesu i lona afio mai i le lalolagi i o

latou loto, o i latou na o faatatau i ai le f.13

2. Tusi mai sau solo e uiga i le „Atua ua liutino tagata e

ala ia Iesu‟. (3 fuaiupu – 4 laina i le fuaiupu o le

galuega lea e fai i le fale (Home Work), ae ao i le Aso

Sa o soso‟o ai).

PESE: Pese ma Viiga 13, EFKS

1. Lo matou Atua e, le Alii mamana

Silasila mai ia, ma faafofoga mai

Lo matou Atua e, o le Tolu Tasi

Oe le Tama, le Alo, le Agaga

2. Lo matou Atua e, le Alii mamana

O le lalolagi ma lagi i luga

E saga viia ai lau lava afio

Oe le Tama, le Alo, le Agaga

A‟OA‟OGA:

1. Talia Iesu i lou loto.

2. Fai Iesu ma ou malamalama

3. Faalogo ia Iesu le Upu Ola a le Atua.

……………………………………….


MATAUPU: O IESU O LE TAGATA TONU

(Jesus the proper Man)

SINI: A‟oa‟o tamaiti ia latou iloa, e leai se

sese o Iesu i lona soifuaga atoa, auā o le

tagata amiotonu Ia.




1. Tala:

O se vaega lea o le tala na tusia e Luka, e uiga i le

faamasinoga

ma le faasatauroina o Iesu. A o lea molimau atoa i lavasiga sa

feagai ma le Alii, o lo‟o atagia manino ai, le leai o se mea e

sese pe sala ai o ia. Aua sa fesiligia lava, a‟e sa tali sao foi o ia

i fesili; ma na i‟u ai ina tautino e Pilato, e leai se mea e sala ai

o ia. O le ala foi lea o le fetuunai solo o Iesu, ua le iloaga se

faamasino, e ave iai na te faamasinoina, ona e leai lava se mea

sese o iloa ia te ia. (Faitau le fuaiupu 14 – 15: O le fetu‟unaiga

o Paulo i le va o o Pilato ma Herota, ae leai se sēsē o iloa ia te

ia. Peitai, o lona iuga e pei ona faasatauroina ai o ia, o le faia

lava lea o le loto leaga o tagata ia te ia, ae le o le mea moni. O

faamasino foi latou, ua latou teuteu lumafale i le vaaiga a

tagata, ma fai ai le faaiuga sese, e ui ina o ia o le tagata tonu e

leai sona sese.

2. O pagota:

O le pagota, o le tagata ua na fai se mea sese po ua na solia se

tulafono, ma ua faamaonia le solitulafono, ona faasalaina ai lea

o ia e nofosala i se taimi umi e aumai i le iuga e fai e le

faamasino. E mafai lava foi ona faasalaina i le oti, e pei o

pagota o ta‟ua nei i le tala. O lo o matua tautino faamaoni e le

isi pagota, e leai se mea e le tusa ua faia e Iesu, ae o lo o tatau

le sala mo la‟ua tagata le tonu. O le pagota foi lenei sa aioi i le

Alii e manatua mai ia, ma sa lei galo lava i le Alii, sa la fetaia‟i

i le parataiso i le aso lava lea.

3. Taitai o le toaselau:

O le taitai lenei o e na tofia e faasatauro ia Iesu, o ia o le

fitafita Roma, e le o se kerisiano. Peitai, ina ua tutupu

faafuasei faailoga e pei ona pogisa ai le nu‟u i se taimi umi;

saeluina le ie puipui o le malumalu.; ma alaga leotele Iesu i

lona Tamā ma tu‟uina atu i ona aao lona agaga; na vave ona ia

iloa ia mea ua faia ona vivii lea i le Atua ma tautino; “E moni,

o le tagata amiotonu lenei tagata.


(a). pagotata (f 39) - O tagata solitulafono ua

faamaonia solitulafono ma ua

faasalaina i lalo o le poloaiga a

le faamasinoga.

(e). Mata‟u ( 40) - fefe, faalogo ma usitai ma fai

mea tonu uma

(i). Parataiso (f. 43) - O le upu Peresia, o lona uiga, o

le fanua ua puipuia lelei, ma e

totō ai laau matagofie ma fua

lelei, pei o Etena.

(o). Saeluagalemuina (f 45) - vaelua tutusa

(u). „to‟ ai lea o lana manava (f 46) – uma le manava/nofo

le manava/oti ua le toe manava.


1. Faailoa le Mataupu.

2. Faitau le Tusi Paia.

3. Faamatala loa le tala.


5. Aoaoga ma le pese.


fa‟aaoga

1. Faatino le Tala (Faasatauroina o Iesu ma tautinoga a

le pagota ma le taitai o le toaselau)

2. Fesili ma Tali (Fa‟aaoga le Tusi Paia)

(a) Toeitiiti lava oti le pagota, ae toe liliu lava ia Iesu mo

lona faamagaloina, ma sa talia lelei e Iesu… O le

faailoga lea, o a tatou amio e le lavea‟iina ai tatou;

vagana le a?

Tali: Faatuatua ma taltionu i le Alii o Iesu.

(e) Aisea na ita ai le isi pagota i le isi pagota?

Tali: Ua lagoa e le isi pagota, le le tatau o le sala ia Iesu, ae

o lo o tatau lava mo la‟ua. Ua na iloa e sa‟o lava o Iesu

o le Alo o le Atua, o ia foi o le tupu, e le tatau ona

soona tautala i ai ma le le ava se tasi.

(i). O fea le upu sa‟o mo le avanoa? (tatalo, fa‟aaloalo;

salamō; tautala sa‟o) Po o le a lava lo tatou leaga, ae a

tatou _________ , e talia mai lava tatou e Iesu

Tali: salamō.

(o). O le a le umi na pogisa ai le nuu?

Tali: 3 itula (Tutonu o le la – 12 noon – 3.00 p.m)


(a). There‟s no one, there‟s no one like Jesus

(e). Fai mea tonu (Pese ma Viiga 368)

A‟OA‟OGA:

1. Fai Iesu ma fa‟aa‟oa‟o o le ola faamaoni

2. Faatuatua ia Iesu e faaolaina ai.

3. E leaga le tu‟ua‟ifua i tagata le sala.

4. O Iesu o le tagata foi pei o tatou.

5. „Aua le palaai le taitai e fai le faaiuga sa‟o.

……………………………..


MATAUPU: O LE FAAMASINOGA TONU A LE

ATUA (God‟s righteous judgement)

SINI: A‟oa‟o tamaiti ia latou iloa lelei o le

faamasinoga tonu a le Atua, e fa‟aalia

manino mai ai lou tagata, ma mea o „e

faia i le ola nei o e i ai.

TUSI FAITAU: Mataio 25: 31 – 46


1. O le Tala:

O le tala i le Atua ma lona malo, atoa ma le filifilia po o le

faamasinoina o tagata tonu e tatau ona i ai i lona malo. O le

taimi o le faamasinoga, e afio le Alii i lona nofoalii, faatasi ma

ana agelu paia o avea ma alii o le faamasinoga o siomia ai le

nofoalii mamalu. Ona valaau lea o le vao o tagata uma o le

lalolagi e potopoto mai i luma o le Faamasino Sili. Ona

faagasolo lea o le faamasinoga seia iloa i latou e nonofo i le

itu-taumatau i latou ia ua faatusaina i mamoe, ma i latou i le

itu tauagavale, ua faatusaina i oti.

O i latou uma i le itu-taumatau, ua ta‟ua i latou na, o ē ua

faamanuiaina e le Atua; a o ē i le itu tauagavale, ua ta‟ua i

latou na, o ē ua faafanoina. O ē ua faamanuiaina, o lo o faapea

mai le Faamasino Sili, o i latou ia sa fa‟aalia lo latou agalelei

ia te ia, i mea uma sa mativa ma mafatia ai, e ui latou te le o

manatua. A o ē ua faafanoina, o i latou na sa le loto fesoasoani

ma lē alolofa i le Faamasino Sili, tainane foi latou te le o

manatua lea mea.

2. Mamoe ma „Oti:

O manu lava ia o lafu e masani ona fa‟aaoga e osi ai taulaga

mu i le Atua i le Feagaiga Tuai. Peitai, o le fa‟aaogaina iinei,

ua na o se faailoga e faailoa ai, i latou sa faia le galuega lelei a

o i ai i le ola lenei, ma ē latou te le‟i faia lea tulaga. O mamoe

o i latou na sa agalelei i tagata matitiva, ma vaivai, ma alolofa

i tagata mafatia ma fia maua se fesoasoani. Lea sa fetalai i ai le

Atalii o le tagata (Alii Faamasino) “Ua outou faia i sē aupito

itiiti o o‟u uso nei, o a‟u lava lea ua outou faia iai” Auā o le

finagalo lea o lo tatou Alii mo tatou uma, ia agalelei ma loto

alolofa i e vaivai ma matitiva. O oti la, o i latou ia ua

faafanoina, auā sa latou le agalelei ma lē alolofa i tagata vaivai

ma matitiva, e pei ona finagalo ai le Alii.

3. Iuga:

O le faiga o le iuga e pei ona atagia mai i taualumaga o le

faamasinoga, o lo o faavae i le olaga sa ola ai le tagata, ma

lana auaunaga sa fai i le va nonofo ai ma le isi ona uso a

tagata. Pe sa ola e faatino le alofa pe leai foi, auā e leai so

tatou alofaga, i lo tatou faagaloina o i latou o i ai moni i

mafatiaga loloto o le ola (Isaia 58: 7)

4. Uiga o Upu ma fuaiupu

(a). faafanoina (f 41): faamalaiaina; fetu‟uina

(e). tiapolo (f. 41): satani; agaga leaga; taufaaosooso


1. Faailoa le Mataupu


3. Faamatala le tala.


5. Aoaoga ma le pese

GALUEGA FAATINO

1. Fai se faatinoga o le Tala, e fa‟aata mai ai le

faamasinoga.

2. Tali mai i le „Sa‟o‟ po o le „Sese‟, e iloa ai e te

malamalama.

(i) O le „nofoalii mamalu‟ o ta‟ua i le f.31, o lona uiga o le

Nofoa lea o le Faamasino Sili, le o ta‟ua o le Atalii o le

tagata

Tali: Sa‟o

(ii) Ua faatusa oti i tagata ua faafanoina, ona e ulavavale;

ae faatusa mamoe i tagata faaolaina, ona o le manu

filemu.

Tali: Sese

(iii) O le f.40, o lo o i ai upu ia, “… aupito itiiti o o‟u uso

nei” o upu ia o lo o faasino i tagata vaivai ma matitiva,

ae le o soo laiti o Iesu.

Tali: Sa‟o

(iv) Afai o oe o le tagata lelei pe a fua i le tala, o lona uiga

o oe o le mamoe, e tatau ona e alu i le itu tauagavale o

le Faamasino.

Tali: Sese

(v) Tusa lava pe e te alofa ia Iesu, ae e te lē alofa i tagata

vaivai, e avea lava oe ma oti.

Tali: Sao

PESE: Filifili se pese e fa‟aaoga

(a). Love is something that you give it away

(e). Pese ma Viiga 142, EFKS

A‟OA‟OGA:

1. Fiafia i le alofa i tagata matitiva ma vaivai

2. O lou olaga i le ola nei, o lou i‟uga lava lea.

3. E leai se tasi e sao i le faamasinoga a le Atua.

3. Alofa ma agalelei i tagata, e faaolaina ai oe.

…………………….


MATAUPU: UA FEFEFE TEMONI IA IESU

(Demons fear Jesus)

SINI: A‟oa‟o tamaiti ina ia latou iloa, po o le a

lava le matautia ma le sauā o temoni, e

usiusitai lava ia Iesu, auā e fefefe ai ona

latou te iloa, e mafaia e Iesu so o se

mea.



1. O le Tala:

O le tala lenei i le tagata mai le nuu e igoa o Katara; ua leva

ona le toe nofo i se aiga, ae ua mau o ia i le mea o i ai

tu‟ugamau; e le ofu ae faasausau faasoloatoa. E mafua ona

faapea lenei tagata, ona o lo o ulu ia te ia temoni. O le maliu

a‟e la o Iesu i uta mai le va‟a ae fetaiai ai ma ia lenei. O le

taimi lava na vaai ai le tagata lenei ua pulea e agaga leaga

(temoni) ia Iesu, sau loa faapa‟u i luma o Iesu ma aioi ia Iesu,

e malie „e „aua le faia se mea e tiga ai o ia.

Na fesili i ai Iesu i lona igoa, ae fai mai o Lekeono, o lona uiga

e le tasi ae toatele temoni o ulutino ia te ia, ma o le ala lena e

fiu ai e fusifusi i maea u‟amea, ae uma lava ona ia motusia. O

le fesili la o Iesu i lona igoa, sa aioi mai ai loa temoni o i

totonu o lenei tagata ia Iesu, malie „aua le fetalai ina ia latou o

i le fafa, ae ua faanoi mai e ave latou i le lafu puaa, o lo o tataa

ai i le mauga o lata ane. Ona fetalai atu lea o Iesu i temoni, e o

i fafo mai le tagata, ae o e ulutino i pua‟a. Ona faapena lea,

peitai ina ua ulutino temoni i puaa, ona o ai lea o puaa ua

feosofi ifo i le fafa (tofe) o i ai le vai, ua malelemo ma mamate

ai. Ua iloa e i latou sa fafagaina ma tausia nei puaa le mea ua

tupu, ona sosola ai lea ma ta‟u atu le tala i le aai ma ona faoa

aai. Ua o mai tagata sei vaai, ua latou iloa le tagata sa ulu ai

temoni, o lo o nofo i tala ane o Iesu, ua fai lona ofu, ua atamai

ma ua ola. Ona matatau ai lea o tagata ma fefefe, ona aioi lea

ia Iesu tagata o le nuu o Katara e afio ese nai lo latou nuu. Sa

aioi le ua malolo ia Iesu la te faatasi pea, a ua fetalai i ai Iesu,

e alu atu i lona aiga, ma tala atu mea tetele ua faia e le Atua ia

te ia.


(a). Temoni:

O le igoa lea faa-Eleni o agaga leaga. E foliga tutusa

ma le upu „aitu‟ po o le „saualii‟, i la tatou faa-Samoa.

E fefefe i le Atua, aua latou te iloa lava, e leai se

malosi e sili atu i le Atua, o le ala lea latou te aioi lava

ma faanoi ia Iesu i so‟o se mea e loto ai.

(e). Puaa:

Ua tatou iloa uma le manu o le puaa. O lo o ta‟ua i le

Levitiko 11: 7, o le manu e le aina lona aano, ona e

ta‟ua o le manu e le mama. Atonu o le ala foi lea na

faatonu ai e Iesu temoni e ulu i puaa, ona e le afaina o

manu e le mama i le tu faa-Iutaia.

(i). Katara (f.26):

O le igoa o le nuu e feagai ma Kalilaia i le sami o

Kenesareta.

(o). Temoni ( f 27): agaga leaga, saualii, aitu

(u). Lekeono (f 30):

O le ta‟u lea e tau ai agaga leaga e tele, sili atu ma le

tasi le temoni. O lo o ta‟ua i le Mataio 26: 53, o le

Lekeono e tutusa ma le 6,000.

(f). Fafa (f 31):

O se vanu maualalo ma loloto. E mafai foi ona ta‟ua ai

se ana pogisa ma tele (e, g fafa o saualii i Savaii). E

uiga faatasi ma le upu „tofe‟, o lo‟o i le (f 33)

(g). Faoa aai (f 34):

Vaega tutu solo ma maotua o le nuu, e le sosoo lelei i

le aai po o le nuu autu. Pe mafai foi ona faapea, o ni

pitonuu tu valavala o se nuu.


1. Faailoa le mataupu i le vasega


3. (a). Faamatala le tala (manino, faigofie, pu‟upu‟u)

(e). Fai fesili ma fetufaai ma le vasega, e te silafia ai le

tulaga ua i ai lo latou malamalama i le mataupu.


5. Aoaoga, Pese


faatino

1. Faatino le tala. (ae maise lava le vaega o le fetaliaiga

a Iesu ma Lekeono, ma le faamaloloina o le tagata o

ulufia e temoni, ina ua tutuli ese e Iesu temoni mai ia te

ia)

2. Taaloga o ‘vaueli ma numera’

VAUELI → A E I O U

NUMERA→ 1 3 5 2 4

Vaai po‟o a vaueli o le Upu po o le Igoa, ona iloa ai lea

o lona numera, e faasolo mai le amataga.

(Faataitaiga – O le igoa “Lekeono”. O ona vaueli mai le

amataga, o le – “e, e, o, o” – O lona numera o le 3322)

O ā numera o igoa nei mai le tala?

(a) Iesu, (e) Katara (i) temoni,

(o) tuugamau (u) uamea

(f) motumotusia (g) puaa, (l) tofē

(m) malelemo (n) uluitino

Tali: (a) 534 (e) 111, (i) 325

(o) 44114, (u) 4131 (f) 242451

(g) 411 (l) 23 (m) 1332

(n) 44552

O ai igoa pito laititi lona numera, a o ai foi e pito tele?

Tali:- laititi - tofe

tele - motumotusia

PESE: Nothing is impossible (CD MAK 2009).

A‟OA‟OGA:

1. E usiusitai mea uma ia Iesu, e oo lava i agaga leaga.

2. E mafaia e Iesu ona faia soo se mea i lana pule.

3. Faatuatua ia Iesu

4. „Aua le feoai po, o amio na a temoni

……………………………………………

OKETOPA: O LE ATUA MO TAGATA UMA

(God is for all people)

O le manatu taiala o lenei masina ua faamanatu mai mo i tatou

le tāua o le tagata i le Atua. O le Atua na te faatāuaina tagata

uma. O tagata i lanu eseese ma tomai eseese, o tagata malolosi

ma tagata vaivai, o tagata maualuluga ma taualoa seia oo lava i

tamaiti laiti.

ASO SA: 23 OKETOPA 2011

MATAUPU: E TĀUA I LE ATUA TAMAITI

(God loves the little children)


SINI: Ia malamalama le vasega i le taua o

tamaiti i le Atua aua ua faatusa i tamaiti

i latou e sao atu i le malo o le Atua, o

tamaiti e mama o latou loto


1. Ua tutuli e le „au soo tamaiti

Ua vavao e le au soo tamaiti „aua nei aumaia ia Iesu, ona o

tamaiti laiti e le tauoloa i totonu o le sosaiete o tagata Iutaia. O

tamaiti nei o tamaiti Iutaia ua taumafai mai o latou matua e

aumai ia Iesu se i faamanuia atu i ai.

Peitai ua le faapena le manatu o le au soo, auā o tamaiti ua na

o ni tama meamea i latou. O tamaiti e le tatau i latou ia Iesu

ona e laiti tele, auā o Iesu o lo latou taitai, o le perofeta, o le

faiaoga ua faia vavega tetele. O Iesu o se tagata maualuga ma

le mamalu e le tatau ona aumai i ai ni tamaiti laiti.

2. Ua faapei o tamaiti i latou e ō i le malo le Atua

O le vavaoina e le au soo o Iesu o tamaiti aua nei aumaia ia

Iesu, na mafua ai ona fetalai Iesu i le tāua o tamaiti. O tamaiti

laiti e mama o latou manatu ma uiga. O loto mama o lo o maua

ai le fanau laiti po o tama meamea faapei ona saunoa i ai Iesu,

ua faatusa i ai e le Alii i latou e sao atu i lona malo. O le loto

lea e lei faaluafesasi lona mafaufau i le mau mea o tumu ai le

lalolagi, o le faalotoloto lua, o le loto leaga, o le amioleaga ma

le loto femoumouai.

3. O le ā le loto mamā?

O le loto mama, o le loto o le tagata o lo o tumau ma sagatonu

i le faia o le finagalo o le Atua. O le loto o lo o ave atoa i le

mea ua i ai lona faatuatua, e le femoumouai pe masalosalo foi.

4. O le lagi ma le faulaigaoloa

Na momoe mai le alii mauoa ia Iesu se i saili mai po o i ai se

isi mea o totoe na te lei faia na te maua ai le ola e faavavau. O

lo o ta‟ua e le mauoa sa ia tausia mai lava tulafono e sefulu a

Mose i lona laititi. Sa manatu le mauoa ua lava taoso o ia mo

le ola e faavavau. Peitai ua silafia lelei e Iesu le tele o le

faaletonu o lenei taulealea, aua ua ia aoao ma tausi i tulafono,

ae le faatinoina le alofa o lo o lautua i le Tulafono. O le uiga

lena o le taumafai atu o le Alii i lenei taulealea mauoa ia

faaolaina ai o ia i le tele o le faulaigaoloa o i le lagi. Peitai ua

vave ona alu ese atu le taulealea ma le faanoanoa ona ua

faigata ia te ia le finagalo o le Alii ma lana aoao atu.


(a). Tama meamea:

O tamaiti laiti e le iloa se mafaufauga leaga i o latou

loto

(e). Pu ole Āu:

O le mea lapotopoto o le nila, o le pu e tui ai le manoa

po o se pito filo

(i). Faulaigaoloa:

O le upu e faatatau i le tele o le tamaoaiga ua

faaputuputu e le tagata.


1. Faalauiloa le ulu tala ma faamalamalama le mataupu

2. Faitau le tusi Paia (E lelei le faitau atoa le vasega i le

tala mo lenei Aso Sa ina ia latou malamalama lelei i

ai).

3. (a). Faamatala lelei le mataupu ina ia malamalama

pei ona ta‟ua i fesoasoani. Ia taumafai e

faamalamalama uiga o upu faigata i le tala

(e). Faatalanoa le mataupu ma fetufaai i ai ina ia

tele ni manatu ma ni lagona fa‟aalia o le vasega

i le uiga o le mataupu.



GALUEGA FAATINO

1. Ia faia se felafolafoaiga a le vasega i le va o tama ma

teine e faatalatalanoa ai le mataupu ua ta‟ua i lalo

2. Ia taumafai lau susuga i le faiaoga e tau faapulapula

laititi le uiga o le upu „loto mama‟ i le vasega e toe

faatupu manatu atili ia i latou ina ia maua ai ni o latou

manatu fou

Fesili:

Ia faamatala mai se uiga e te iloa ai se tagata loto mama ua e

faalogo pe vaai i ai i lou olaga?

PESE: Create in me a clean heart oh Lord, Salamo 53,

CD MAK 2009

A‟OA‟OGA

1. E manaomia e le Atua tagata loto mama e o atu i lona

malo e faavavau

2. E le sao atu se tagata mauoa i le malo le Atua, pe afai

ua vaeluaina atu lona loto i mea e lua, e faapei o le oa

faale-lalolagi ma le oa faalelagi.

3. O tamaiti o tagata loto mama e lei faaleagaina o latou

mafaufau aua ua mu‟amu‟a o latou mafaufau.

…………………………………………

ASO SA 30 OKETOPA 2011

MATAUPU: E FA’AAOGA E LE ATUA

TAMAITI (Children as God‟s

Instrument)

TUSI FAITAU: Ieremia 1: 4 – 10

SINI: Ia malamalama le vasega i le

fa‟aaogaina e le Atua o tamaiti, pe

laititi ma leiloa tautala e auai le Atua ma

fa‟aaoga e fai ma ana ave feau


1. O Ieremia le tamaititi

O le tala lenei i le tofiaina e le Atua o Ieremia e fai ma ana

perofeta. O lo o faamatalaina i le Tusi Paia faapea na oo mai le

afioga a le Atua ia te ia a o le i fanau mai o ia i le manava o

lona tina. Sa faapaiaina e le Atua le manava o lona tina seia oo

ina fanau mai lana auauna filifilia, le tamaititi o Ieremia. Ua na

o ia ua taunuu ai lenei tala o le tagata na uluai iloaina e le Atua

a o le i faia o ia e le Atua i le manava o lona tina.

Sa popole Ieremia ona o lona laititi, ona o lona le iloa fai se

upu, aua ua na o ia o se tamaititi. O lona lea manatu pe ā fua i

lona tamaititi ma lona le iloa fai se tala. Peitai ua le faapena le

silafaga ati a le Atua ia te ia ma lona tagata. O le tautinoga a

Ieremia ma le finagalo o le Atua ua iloa ai le auala na galue

mai ai le Atua ia te ia. Na galue mai lava a o le i faia ma i ai i

le manava o lona tina, ao le ofoofogia lena o fuafuaga paia a lo

tatou Atua.

2. O le valaauina o Ieremia

Fai mai Ieremia: “Aue, le Alii e le Atua, ou te le iloa ona

tautala, aua o a‟u o le tamaitiiti”. O le manatu lava lea o so o

se tagata e manatu lava i le vaivai ma le le iloa ona faia o se

mea. O le manatu e fua i lona malosi ma lona iloa, ae galo ai i

le tagata soifua e leai se mea e le mafaia e le Atua. Sa oo atu le

afioga a le Atua ia Ieremia ma faapea atu “aua e te faapea o

oe o le tamaititi, aua ou te ia te oe e laveai ia te oe”

E ofoofogia auala o tofiga a le Atua i so o se tagata ma lona

fa‟aaogaina i ana feau aua e galue le mana o le Atua i le tagata

ua ia filifilia. O auala ia o le fa‟aaogaina o i tatou e le Atua po

o le a lava le ituaiga tagata tatou te i ai, pe matua pe laititi, e

pule lava le Atua i mea uma o le foafoaga e oo lava i le tagata

o le paleailii o ana galuega mamana

3. O le fa‟aaogaina o tamaiti

O le fa‟aaogaina o tamaiti laiti e tusa ma lenei tala o le Tusi

Paia ua momoli mai ai se feau taua e ala i le Atua ma lona

finagalo i ai tatou le fanau. Ua tatou iloa ai e tutusa tagata uma

i le Atua, e le faailoga tagata le Atua. O le Atua e le

faamoemoe i se tagata ma lona tulaga, po o lona agavaa po o

lona tomai. E le faapea foi se i saunia lelei i tatou ona faatoa

fa‟aaogaina lea o i tatou e le Atua. O le Atua o taimi uma o le

Atua o aso uma o le Atua o tagata uma ma le Atua pule aoao i

ana fuafuaga i ai tatou ma lo tatou ola, pe a finagalo ai o ia. E

valaauina lava i tatou, pe a finagalo ai le Atua e fa‟aaogaina

lava i tatou po o o le a lo tatou faatauvaa.

4. Uiga o Upu ma Fuaiupu

(a). Ieremia:

O le atalii o Hilikia le faitaulaga. Na tofia e le Alii e fai ma

perofeta ina o itiiti o ia. Na tuusaoloto o ia i le pule a

Nepukanese. Sa nofo i le nuu o Mesepa e le i alu o ia i le

tafeaga i Papelonia.

(e). Perofeta –

O le upu Eleni, o lona uiga „O le ua tautala mo le tasi‟. O i

latou e molia mai le afioga a le Atua i tagata.

(i). Anatota –

O le aai o le au faitaulaga i le aiga o sa Peniaminā. E tu vāva

lalata ma Ierusalema. O le aai lea sa tupu mai ai le perofeta o

Ieremia.

(o). Hilikia –

O le faitaulaga sa nofo i Anatota le nuu o sa Peniaminā. O le

igoa lea o le tamā o Ieremia le perofeta a le Atua na valaauina

ma tofia a o le i fanau mai o ia i le manava o lona tina. Na ia

avatu ma faitauina i luma o le tupu o Iosia le tulafono e lima a

Mose.



2. Faitau le Tusi Paia (e lelei le faitau atoa le vasega i le

tala mo lenei Aso Sa ina ia latou malamalama lelei i ai)

3. (a). Faamatala le mataupu ina ia malamalama pei

ona ta‟ua i fesoasoani.


tele ni manatu ma ni lagona fa‟aalia o le vasega

i le uiga o le mataupu.




le vasega

1. O le a le uiga o le faaupuga faapea: „Na au iloa oe a o

lei fanau mai oe i le manava o lou tina?‟

Tali: O Ieremia o le auauna perofeta a le Atua na ia uluai

tofia a o lei oo mai i le lalolagi. O lona uiga o le tagata

filifilia o ia. Sa i ai i fuafuaga loloto a le Atua se tagata

faapei o Ieremia talu mai lava le amataga. O le a avea

ma perofeta ao lei faia le lagi ma le lalolagi.

2. O le a le uiga o le faaupuga faapea: „E te pule ma liaina

ma lepetia ma soloia o malo. E te toe faatuina foi ma

totoina?‟

Tali O le perofeta a le Atua ua oo mai na te folafola atu i

tagata o le a oo mai lo latou malaia, ma o le a

faaumatia

ma soloia malo uma pe afai latou te le tausia poloaiga a

le Atua. Peitai pe afai latou te salamo ma savavali i ala

o le Alii, o le a faamanuiaina malo uma o le lalolagi, o

le a toe faatuina foi i latou ma totoina i totonu o le

malo o le Atua o se fatu fou ua pa‟u i le eleele lelei i

totonu o le faatoaga a le Atua.

3. Aisea lava ua filifilia ai e le Atua Ieremia i lea

vaitaimi o lona olaga?

Tali: O le a leai se tali maumaututu o lenei fesili, ae lelei ona

tatala pea le avanoa i manatu faaalia i tama ma teine o

le vasega. Auā e eseese lava ni manatu ae auga uma

lava i le pule faitalia a le Atua ma lona tofiaina o i

tatou o lana fanau ia fa‟aaogaina i ana feau ma galuega

PESE: Nothing is impossible (CD Aoga, MAK 2009).

A‟OA‟OGA

1. E fa‟aaogaina i tatou e le Atua i so o se auala, pe tusa

lava pe tatou te matutua pe laiti foi

2. E le faailogaina tagata e le Atua faapei ona faia e tagata

i le lalolagi

3. E le popole le Atua pe e te laititi pe matua foi, pe e te

poto pe valea, aua e le faamoemoe le Atua i se

tagata, o le tagata e vaivai ma le atoatoa, ao le Atua na

te faaatoatoa le tagata, pe „a ia finagalo ai e faaaogaina

i tatou i ana feau ma ana galuega

……………………………………..

NOVEMA : O LE ATUA FAI-VAVEGA

(God‟s Power in Miracles)

E autu mataupu o lenei masina i le suesueina ma le aoaoina o

fanau i le natura fai vavega o le Atua. O vavega o galuega

ofoofogia po o mea e tutupu i le olaga e le mafai e le malosi po

o le iloa o le tagata ona faia. Ua na o le malosi tele o le Atua e

mafai ai ona faatino ma faaali ia vaaiga ofoofogia. O le

finagalo o le Atua ia faatuatua tagata ina ia mafai ai ona tutupu

vavega i ō tatou ola.

ASO SA: 6 NOVEMA 2011

MATAUPU: E FAIA E LE ATUA VAVEGA PE

A FAATUATUA

(By faith God‟s power manifest))


lelei ua na o le Atua lava e faia vavega i

o tatou ola e ala i lo tatou faatuatua.

TUSI FAITAU: 2 Tupu: 4: 8-37


1. Tala

O le tala lenei i se tasi o vavega na faia e le perofeta o Elia i le

tasi o aiga Sunema. O le aiga lenei sa fiafia e taimalo i le

perofeta pe afai e malaga atu ma pasia lo latou aiga. Ua oo ina

fai lenei aiga ma aiga e afe soo ai le perofeta o Elisaia ma

talisua ai. Ua iloa e le tama o le aiga o le tagata o le Atua

Elisaia ona latou tapena lea o le afeafe aupito i luga o le fale e

fai ma mea e nofo ai Elisaia. Ua iloa e le perofeta ua agalelei

tele lenei aiga ia te ia ma lana auauna o Kiasi ona manao lea e

faia o se mea e taui atu ai e tusa o lo latou agalelei.

Ua iloa e Elisaia e ala ia Kiasi e leai se tama a lenei ulugalii

ona fai atu lea i le fafine, o le la tausaga, e te sapasapaia i sau

tama tane. Ona to ai lea o le fafine, ua fanau mai ai lana tama

tane, e faatatau i le tau o le olaga sa fai atu ai Elisaia ia te ia.

Ua matua le tama ona alu atu lea o ia i lona tama o lo o galue i

le fanua. Ua tiga lona ulu ona ia fai atu lea i lona tama ua tiga

lona ulu. Na fai atu lona tama ia avatu o ia i lona tina. Sa sii e

lona tina i ona vae le tama peitai ina ua tu tonu le la, sa faapea

ona oti le tama.

2. Faatuatua o le fafine Sunema

O se fafine faatuatua i le Atua e ala i le perofeta o Elisaia. Ua

ia iloa ua oti le tama ona faanatinati atu lea o ia i le mauga o

Kalamelu e saili fesoasoani ai ia Elisaia. E lei toe faatali i lona

talosaga atu i lona toalua e auina mai se asini e alu ai e saili i

le perofeta. E ui e le o malamalama lelei lona toalua i le

mafuaaga, ae na ia faanatinati lava. O le mau a lona toalua e na

o le sapati ma le masina faatoa vaaia e ao ona saili ai tagata i le

perofeta e tusa o tu ma aganuu i ia ona po.

Peitai o le alofa faatina i fanau o lenei fafine ua ia le toe faatali

ai ae ua ia faanatinati atu e saili se fesoasoani ia Elisaia le

perofeta mo lana tama ua oti. Ua iloa atu e Elisaia lenei fafine

ua alu atu ona ia auina mai lea o lana auauna o Kiasi e fesili ia

te ia po ua manuia o ia ma lona aiga. Na tali atu ia Kiasi o lo o

lelei mea uma. Ae ina ua ia oo atu ia Elisaia na ia ifo ma ua uu

i vae o le perofeta. Ua tau atu foi ia Elisaia le mea ua tupu i si

ana tama, a o Kiasi ua faalatalata ane o le a tulei ese ia te ia.

3. Faia e le Atua vavega

O le perofeta a le Atua na suitulaga ia Elia ina ua aveina i le

lagi. O le tagata vaai na te iloa le finagalo o le Atua ma na tau

atu i tagata. O le perofeta e ala mai ai le finagalo o le Atua e

mafai ai ona ia faatino vavega. Sa agalelei lenei tina ma lona

aiga ia Elisaia ma valoia ai e Elisaia se tama e fanauina e lenei

tina. Ua silafia e Elisaia le manao o lenei tina ona ia auina atu

lea o Kiasi lana auauna ma lona tootoo ina ia faaee i luga o le

tama ua oti. E le i mafai e Kiasi, peitai na tumau le naunau o

lenei tina ma le faatuatua ia Elisaia ina ia alofagia lana tama. O

le ala lea na tulai ai Elisaia ma mulimuli atu i lana auauna o

Kiasi. Ua ulufale atu Elia i le mea o taoto ai le tama ua oti i le

moega sa taoto ai o ia a o nofo i lo latou aiga. Ua tatalo foi

Elisaia i le Atua, ua faō foi o ia i luga o le tama, ua faatatau

lona gutu ma ona mata ma ona lima i lima o le tama. Ua savali

foi i le lotoifale ona toe taoto ai lea i luga o le tama. O ia

gaioiga a le perofeta na mafatua faafitu ai le tama ua pupula

foi ona mata ua ola. Ua ifo foi le fafine Sunema ma sii i lana

tama.

4. Faatatau

U aoao mai lenei mataupu mo i tatou ina ia tatou faatuatua i le

Atua e mafai ai ona faia e le Atua vavega i o tatou tagata. Ia

avea i tatou ma tagata e alolofa ma tausia lelei auauna a le

Atua e pei o lenei fafine Sunema ma lona aiga sa agalelei ia

Elisaia le perofeta. E mafaia lava e le Atua ona faia vavega i o

tatou tagata pe afai tatou te galulue faamaoni ma le faatuatua

ia te ia. E taua le tatalo ma le faatuatua i le Atua aua e taui mai

ia te i tatou i o tatou manao.


1. Faailoa le mataupu o lenei Aso Sa – E FAIA E LE

ATUA VAVEGA PE A FAATUATUA

2. Faitau le Tusi Faitau ma faitau ia malamalama lelei i ai

le vasega.

3. Faamatala le mataupu i se gagana faigofie e faaogaina

ai fesoasoani ua saunia.

4. Galuega faatino

5. Aoaoga, Pese

GALUEGA FAATINO

1. Ia faatino e le vasega le tala ma ia tofia lelei ni sui e

faatinoina ina ia manino lelei le vavega na tupu ma le

faatuatua o le fafine Sunema.

A‟OA‟OGA

1. E mafai e le Atua ona faia vavega pe afai tatou te ole

atu ma le faatuatua i le tatalo

2. Ia avea i tatou o ni talavaou e alolofa ma agalelei i

auauna a le Atua

3. Ia saili ma le mautinoa e fesoasoani mai le Atua e tali i

o tatou manao

4. Aua tatou te taumafai e tulei ese tagata ua saili e fia

maua le Atua

PESE : Nothing is impossible (CD MAK, 2009

……………………………………….


MATAUPU: FAALAGOLAGO I LE MANA O LE

ATUA (Have faith in God‟s power)


lelei o Iesu toetu manumalo e tatau

ona faalagolago i ai tagata uma i lona

mana.

TUSI FAITAU: Ioane: 11:17-44


1. Tala

O le tala lenei o lo o faamatalaina ai le oti o Lasalo le tuagane

o Maria ma Mareta ma lona toe faatuina mai le oti i le mana o

le Atua. U silafia e Iesu ua po fa Lasalo i le tuugamau a o agai

mai o ia mai Ierusalema i Petania. Ua toatele foi tagata Iutaia

ua o ane i le fale o Maria ma Mareta e faamafanafana ia i la‟ua

ona o le oti o lo la tuagane. Ua iloa foi e Maria ua maliu mai

Iesu ona alu atu lea o ia e faafetaiai ia te ia. Ua ia fai atu foi ia

Iesu ana vave mai semanu e le oti lona tuagane. O le faailoga o

le popole ma le faanoanoa aemaise o le le mautonu. Ua tali atu

Iesu e toe ola mai lava o Lasalo. Peitai na faauiga e Maria lea

fetalaiga a Iesu i le toetu i le aso gataaga. O lea na fetalai ai

Iesu e faailoa atu o ia o le toetu ma le ola pe afai e faatuatua

tagata uma i le Atua. O tagata uma e faatuatua ma talia o ia e

le oti lava e faavavau.

2. Ua tagi Iesu

Ina ua lagona e Maria ia fetalaiga a Iesu, na ia toe foi atu i le

fale o loo i ai lona uso o Mareta. Ua logo atu foi ia Mareta ua

latalata mai Iesu, na ia tulai loa ma alu atu foi ia te ia. Ua

faapena foi ona mulimuli atu ma tagata na i lo latou fale ia te

ia. Ua manatu i latou ma le manatu o lo o agai atu Mareta i le

tuugamau e tagitui ai ona o lona tuagane. Ua ia oo atu ia Iesu

ona faapau lea ma ifo. Ua ia fai atu foi i upu na fai atu ai

Maria, “Le Alii e, ana e i inei, po ua le oti lo‟u tuagane.” Ua

silafia e Iesu lona tagi ma lona loto mafatia, ona tagi ai lea o

Iesu. O le tagi e faamatalaina o le tiga ua ootia loloto pe ua

nutimomoia lagona ona o le alofa. (His compassion for their

pain moved Him into tears). O le tagi na manatu nisi aemaise

lava ia i latou e tetee ia Iesu o le faailoga lea ua le mafaia e

Iesu ona tali atu i manaoga o Maria ma Mareta. E manatu foi

nisi o le tagi o le tiga o le finagalo o Iesu ia Maria ma Mareta i

lo la le faatuatua i le mana o le Atua. Peitai ua manino lava o

le tagi o le alofa ina sei faailoa atu ia Maria ma Mareta atoa

ma tagata uma na i ai o Iesu lava o le Toetu ma le Ola.

3. Ua faatuina Lasalo

Ua po fa Lasalo i le tuugamau o lona uiga ua oti lava ma ua

amata ona manogi leaga. Ua fai atu foi Mareta ia Iesu i lea

manatu, peitai na fetalai Iesu e faamanatu ai lana fetalaiga e

uiga i le mamalu o le Atua e mafaia ai mea uma e ala i lona

mana pe afai e faatuatua tagata ia te ia. Ua aveesea le maa nai

le gutu o le tuugamau ona tepa lea o Iesu i le lagi ma ua fai atu

i lona Tama. Ua aioi atu ina ia faafofoga mai i lona manao ina

ia talitonu tagata i lona mana e ala i le toe faatuina mai o

Lasalo. Ua uma atu ana upu ona alaga lea ma le leo tele ma

valaau atu ia Lasalo i totonu o le tuugamau ina ia sau i fafo. O

se vaaiga ofoofogia ina ua vaai mata o i latou uma na i ai ua

sau i fafo Lasalo ma lona tino ua fusifusia i ie solosolo. Ua

latou tatala ia te ia ma tuu atu e alu.


(a). manogi (f39): manogi leaga, elo.

(e) po fa (f39): ua atoa le fa pō o tanumia i le tuugamau

5. Faatatau

Ua manino i lenei tala le silisili „ese ma le pule aoao a le Atua

e ala i lona mana faaola mo tagata uma. Ua fa‟aalia manino e

Iesu o ia lava o le toetu ma le ola. O tagata uma o ē o lo o ola

ia faatuatua ia te ia ina ia le oti i latou e faavavau. Ua faailoa

mai e Iesu le mana o le Atua e mafaia ai mea uma e oo lava i

le oti sa avea ma fili o tagata, e mafai lava ona toe faatuina mai

e le Atua pe afai tatou te faatuatua ma le talitonu i lona mana

faaola. E alofa faamaoni Iesu i tagata e faatuatua ma talitonu ia

te ia. E pei o Lasalo sa agalelei lona aiga ma talileleia ia Iesu i

aso e afio atu ai i lo latou aiga. E faapena foi i tatou pe afai

tatou te talia lelei Iesu i o tatou loto ma agaga ma fai i tatou ma

aiga e afio tumau ai Iesu. O ia foi e aumaia le toetu ma le ola i

o tatou tagata pe a tatou talitonu ma faatuatua i lona mana.


1. Faailoa i le vasega le mataupu o lenei Aso Sa. –

FAALAGOLAGO I LE MANA O LE ATUA.


3. Faamatala le mataupu i se gagana faigofie e faaogaina

ai fesoasoani ua tuuina atu.


5. Aoaoga ma le pese

GALUEGA FAATINO

1. Ia faatino e le vasega le tala ina ia malamalama atili i le

uiga moni o le mataupu – FAALAGOLAGO I LE

MANA O LE ATUA

2. Ia tali mai le fesili lenei e tusa ma le talitonuga o le

tamaititi e faatatau i lona olaga. O ā ni vaega tāua o lo

tatou olaga e tatau ai ona tatou faalagolago i le mana o le

Atua? Ia faasoa mai lava le tamaititi e tusa o lona iloa ia

te ia lava e fesootai ma le mataupu.

A‟OA‟OGA

1. O Iesu o le toetu ma le ola, o tagata uma e faatuatua ma

talitonu ia te ia e le oti e oo i le faavavau.

2. O le mana o le Atua e mafai ai mea uma tatou te ole

atu ai ma le faatuatua.

3. Ia saili ia Iesu e maua ai le ola ma manuia ai o tatou

olaga.

PESE : O Iesu o le tali (Jesus is the answer)

CD MAK 2009

……………………………


MATAUPU: IA OLA FAAFETAI I LE ATUA

(Be thankful to God)


lelei e tatau ma onomea ona faafetaia le

alofa ma le agalelei o le Atua i aso uma

lava e le aunoa.

TUSI FAITAU: Luka: 17: 11-19


1. Tala

O le tala lenei i le faamaloloina e Iesu o lepela e toasefulu. O

le agai ane o Iesu i Ierusalema e ui atu i Samaria ma Iutaia na

ia fetaui ai ma lepela nei e toasefulu i se tasi o aai. Ua iloa atu

o ia e i latou ona latou alalaga atu lea ia Iesu ina ia alofa atu ia

te i latou. Ua silafia e Iesu i latou ona fetalai atu lea ina ia

latou o atu e fa‟aali atu i latou i ositaulaga. Ua o i latou ona

latou iloa lea i le ala ua faamamaina lo latou lepela. O le

toatasi o

nei lepela e toasefulu o le tagata Samaria ua ia iloa ua

faamamaina lona lepela ona ia foi atu lea ma vivii i le Atua ma

le leo tele. Ua ia toe foi atu ia Iesu ma faapa‟u i ona vae ma ifo

atu ia Iesu.

Ua fesili atu foi Iesu ia te ia pe le i faamaloloina le isi toa iva,

po ua latou le iloa ea ona vivii atu i le Atua vagana lenei tagata

ese. Ua fetalai atu foi Iesu i le tagata Samaria ina ia tulai ma

alu auā o lona faatuatua ua faamamaina ai lona lepela.

2. Lepela

O le mai lepela o se mai inosia e tagata, ma e talitonu tagata

Isaraelu e mafua mai ona o le agasala. E aveesea lenei tagata

mai le nuu ma tuu i se nofoaga faapitoa e mamao „ese ma

tagata ina nei pipisi ai lenei faamai leaga. (Levitiko 13: 45-46)

Afai e maua se tagata i le lepela, o se ositaulaga na te taumafai

e faamama ia te ia ma faamaonia ua faamamaina se lepela o se

tagata. (Levitiko : 14: 1-2) O le mafuaaga foi lea o le fetalaiga

a Iesu e pei ona fetalai atu ai i nei lepela e toasefulu. Ia o atu

ma fa‟aali atu i le ositaulaga ina ia faamaonia ai ua

faamamaina lo latou lepela. Ua silafia e i latou ua

faamaloloina peitai ua na ona o le tagata Samaria na toe foi ma

vivii i le Atua.

3. Ola faafetai

E tāua i le Atua le tagata e iloa ona ola faafetai ia te ia. E pei o

lenei tagata Samaria, ua faamalieina ai le finagalo o Iesu ma

fai atu ina ia alu auā o lona faatuatua ua malolo ai. Na latou

ole atu ia Iesu ina ia alofa atu ia te i latou, ona faamaloloina ai

lea o i latou. Ae paga lea e toatasi lava ua ia iloa ona faafoi atu

le faafetai i le na maua ai le faamalologa. Ana le seanoa le

Atua e le faamaloloina i latou ae ua leai se agaga faafetai ma le

ola vivii i le isi toaiva o lepela.

4. Faatatau

O totonu o se olaga inosia ma le tuulafoaiina e tagata e lagona

ai lo tatou faatauvaa ma le manaomia o se fesoasoani. E leai

lava so tatou fesoasoani sili ua na o le Atua tatou te ole ma

alalaga atu i ai ma le faatuatua ina ia faaolaina ai i tatou. E

alofa le Atua i ona tagata o ē ole atu ma le naunau mo se

fesoasoani. O le ala lea e tatau ai lava ia i tatou ona tatou iloa

ona tali atu i le loto faafetai i le Atua e tusa o lona alofa mai. Ia

avea lenei tagata Samaria o se aoaoga lelei mo i tatou e tusa o

le tali atu i le Atua mo ana faamanuiaga ua tatou maua.




3. Faamatala le mataupu i se gagana faigofie e

fa‟aaogaina ai fesoasoani ua tuuina atu.



GALUEGA FAATINO

1. Ia aua‟i le vasega e faatino se talanoaga e fa‟aaogaina

ai ni mea e foai atu e le isi tagata i le isi ae tali fuaitau

mai le tasi e momoli mai le agaga faafetai e pei ona masani

ai. Ia pule lava le tagata i se mea na te foai atu i le isi

ae ia momoli mai ai le agaga faafetai o le ua ofoina atu ai

le foai po o se fesoasoani.

2. E manaia foi ae faaogaina ai nisi vaega o le aganuu pe

afai e talafeagai ma le silafia o le vasega ma le

fesoasoani a lau susuga i le faiaoga.

3. Ia faapena le fesootaiga ma le alofa o le Atua o le foai

mai i le anoanoai o faamanuiaga ua tatou maua ma le

tali atu a le tagata i le loto faafetai e tusa ma

faamanuiaga ua tatou maua.

A‟OA‟OGA

1. Ia iloa ona faafetai atu i le Atua i aso uma ona o lona

alofa ma ana faamanuiaga ua tatou maua.

2. E finagalo le Atua i le faafetai e ofoina atu mai ona

tagata faatuatua.

3. E faamaloloina o tatou mai uma, ma faafouina lo tatou

ola e le Atua pe afai tatou te ole atu ma le faatuatua.

PESE: (a). Faafetai i le Atua, Pese ma Viiga 92

(e). In my heart there rings a melody

………………………………………..


MATAUPU: LOTO FUATIAIFO LELEI

(Give with true heart)

SINI: Ia aoaoina le vasega ina ia malamalama

lelei i le ola loto fuatiaifo lelei.

TUSI FAITAU: Galuega 10: 1-6; 17-23; 30-43


1. Tala

Ua faasalalauina pea le talalelei e le gata i le aai o Ierusalema,

ae ua faapea foi i tua atu o Ierusalema. Ua liliuina e le Agaga

Paia loto o le toatele o tagata ma ua avea ai ma Kerisiano

faamaoni. E pei la o le tagata lenei e igoa ia Konelio, o ia o le

taitai o le toaselau po le „au e igoa o le „au a Italia. Ua oo ia te

ia le fa‟aaliga mai le Atua e saili ia Peteru le soo o Iesu o lo o

nofo o ia i le tasi Simona le fai ofu pa‟u o manu i le nuu o

Iopa. O Konelio o se tagata agaalofa i lona nuu ma fiafia e

tatalo i le Atua. Ua oo a‟e foi ana mealofa e faia mo tagata

mafatia ma ana tatalo i le Atua, o le ala lea o le fa‟aaogaina e

le Atua e ala i le fa‟aaliga na ia iloa. O le faailoga o le tagata

ua ofoina atu ana mea e fai mealofa ai mo lona nuu i lona loto

fuatiaifo lelei. O le loto fuatiaifo lelei o le alofa lea e faatino e

se tagata mo le isi tagata ua manaomia le fesoasoani e aunoa

ma se manao i se taui e toe maua mai ai. O le alofa e faia ma le

agaga atoa e le faa-foliga pe faailoga tagata.

2. Fa‟aaliga

O le fa‟aaliga o se vaaiga lea e iloaina e se tagata mai le Atua.

O vaaiga paia e mafai ona fetalai tuusao mai ai le Atua e ala i

lona siufofoga pe auala mai foi i se agelu, po o le Agaga Paia.

Sa fa‟aaogaina tele e le „au perofeta o le Feagaiga Tuai

fa‟aaliga latou te vaaia ma faalogo ai mai le Atua e aoao atu ai

ma faatonu i tagata o le nuu o le Atua. E faapena le fa‟aaliga

na iloaina e Konelio. Ua fa‟aali mai le Atua ina ia saili ia

Peteru, ona faailoa atu lea e Peteru le talalelei ia Iesu, auā o ia

o le soo na vaai tino ia Iesu. O le oo atu o auauna a Konelio na

faateia ai Peteru ma ua talitonu e le faailoga tagata le Atua. Ua

lauga atu foi Peteru ma tau atu i tagata uma Iesu le Nasareta, o

le na faasatauroina ma toetu manumalo i le tuugamau. O Iesu

lena na vaai tino i ai ma ua foai mai lona Agaga e fai ma

malosiaga e molimau ai tagata uma ua talitonu ma faatuatua ia

te ia. O i latou o e ua fai le amiotonu, e talia i latou e le Atua.

3. Uiga o upu

(a). taitai o le toaselau, ff1 – O le taitai „au o fitafita Roma

e toa selau

(e). „au a Italia, ff1 – o fitafita Italia o lo o tautua mo le

malo o Roma i nuu na pulea e Roma


1. Faailoa le mataupu o lenei Aso Sa



GALUEGA FAATINO: Fesili ma tali

1. O ai lea tagata e igoa ia Konelio?

Tali: O le taitai o le toaselau i le „au e igoa o le „au a

Italia.

2. O a ni uiga o lenei tagata o Konelio?

Tali: O se tagata amio Atua, e mata‟u i le Atua ma avatu

meaalofa i le nuu.

3. O le a le fa‟aaliga na iloa e Konelio?

Tali: O le fa‟aaliga o le agelu a le Atua.

4. O le a le uiga o lea fa‟aaliga?

Tali: O le faailoa mai ia Konelio ua talia e le Atua ana tatalo,

ma ana mealofa ua faia mo tagata. Ua faatonuina foi e

aami ia Peteru.

5. O le a le manatu o Peteru e uiga ia Konelio?

Tali: Ua iloa e lē faailoga tagata le Atua e ala i le valaauina

o Konelio. Ua ia folafola atu foi ia te ia le tala ia Iesu.

A‟OA‟OGA

1. Ia tatalo i le Atua ma loto alofa i tagata.

2. E le faailoga tagata le alofa o le Atua.

3. Ia tatou fiafia e fesoasoani atu i nisi tagata.

PESE: Iesu e, ou te fia fai o la‟u taulaga ia te oe.

…………………………………….

TESEMA: O LE ALOFA TUNOA O LE ATUA

(The Grace of God)

O le manatu taiala o lenei masina ua faatāua ai le Alofa Tunoa

o lo tatou Atua. O le Atua e tigā lava ona agasala le tagata ae

tumau lava lona alofa mai. O lona alofa tunoa lea na auina mai

ai lona Alo pele e toatasi i le lalolagi, ina ia le fano se tasi e

faatuatua ia te Ia, „a ia maua le ola e faavavau.

ASO SA: 04 TESEMA 2011

MATAUPU: UA ALOFA MAI LE ATUA I LE

LALOLAGI AGASALA

(God loves us while we are still sinners)

TUSI FAITAU: Mataio 1:18-25

SINI: Ia malamalama le vasega i le alofa o le

Atua I ai tatou o lana fanau. E ui lava i

lo tatou agasala soo ae na afio mai lava i

le lalolagi ia avatu I tatou i le mafutaga

ma ia i aso uma.


1. Ua faaola i tatou e le Atua

I le tusi a le fai-evagelia o Mataio; ua faamatala mai ai mo i

tatou se tala i le mea na faia e le Atua mo le faaolataga o le

tagata agasala. Na fa‟aali le agelu a le Atua ia Iosefa ma

faamatala i ai le mea ua faia e le Alii. O le a to Maria; o lana to

mai le Agaga Paia. O le a fanau mai e ia se tama tane, o le a

faaigoa ia te ia o Iesu; o lona uiga, o le Faaola o Ia i lona ai a

latou agasala.

Sa oo ia Iosefa le fefe ona o lona musu nei maasiasi o ia i luma

o tagata ma le nuu o le Atua. Sa lē maua sona manatu i le mea

o le a fai peitai sa maua e ia le fesoasoani mai le Agaga Paia o

le Atua ona malamalama ai lea o le loto o Iosefa ma talia

Maria e fai ma ana ava. Ua taunuu upu a le au perofeta fai mai,

„o le a to le taupou ma fanau mai se tama tane, o lona igoa o

Emanuelu; a faamatalaina, „Ua ia te i tatou le Atua‟.

2. Na alofa mai le Atua a o agasala pea le lalolagi

Ua silafia e le Atua le pa‟u atu o le tagata i le loloto o le

agasala, faapei ona agasala Atamu ma tulia ese o ia ma le

faatoaga. Ua silasila atu le Atua ona mutimutivale ai lea o lona

alofa i lana fanau agasala, ona saunia lea e ia o le faaolataga

mo lana fanau e ui i le agasala pea o le lalolagi ma ua le maua

se mafutaga ma ia ae taumafai pea le Atua ia avatu le tagata i

le mafutaga ma ia.

Ua auina mai le agelu ma logo Iosefa ma Maria o le a fanau

mai e i la‟ua se tama tane, e ui e lei iloa e Iosefa o Maria auā o

le taupou o ia, ma o lana to e mai le Agaga Paia. O le auala ua

faia e le Atua e fesootai mai ai i le lalolagi agasala. Ua afio

mai o ia o se pepe fou i le aso Kirisimasi. Ua igoa o ia ia Iesu,

o lona uiga „o le Faaola o lona nuu,‟ o le isi ona igoa o

Emanuelu, o lona uiga „ua ia te i tatou le Atua.‟ O le alofa

tunoa lea o le Atua, aua e ui i le tele o agasala a le lalolagi ma

ola pea tagata i le agasala


(a). Iesu – O lona uiga „o le Faaola‟

(e). Emanuelu – O lona uiga „ua ia i tatou le Atua‟

(i). Faufautane – O le feagaiga lea o le faamau e tasi le

tausaga e faia ai e tusa ma le tu a Iutaia a o le i oo i le

taimi e faaipoipo ai le alii i le tamaitai

(o). Iosefa – O le tane a Maria, o le tufuga o ia mai

Nasareta, na lei toe ta‟ua mulimuli o ia ona i ai lea o le

manatu na vave oti lenei Iosefa.

(u). Maria – O ia lea sa faufautane ia Iosefa, o le ituaiga o

le aiga o Tavita. O le taupou, o le aiga foi o Elisapeta,

le tina o Ioane le papatiso, lona toalua o Sakaria.


1. (a). Fesili po o se pese e faatomua (ia saunia e le

faiaoga ni fesili)

(e). Tau le mataupu i le vasega

2. Faitau le Tusi Paia (Ia faitau atoa le vasega i le tala mo


3. (a). Faamatala lelei le mataupu ina ia malamalama

pei ona taua i fesoasoani. Ia taumafai e

faamalamalama uiga o upu faigata i le tala Tusi

Paia.


tele ni manatu ma ni lagona faaalia o le vasega i

le uiga o le mataupu.

4. Faia le galuega faatino o le mataupu


GALUEGA FAATINO: Faatino le Tala

PESE: CD Aoga Aso Sa – MAK 2009

1. Le alofa o le Atua e ofoofogia

2. The virgin Marry had a baby boy

A‟OA‟OGA

1. O le Atua e tele lona alofa e ui ina agasala i tatou

2. E manao le Atua ia faalelei lana fanau agasala

3. Tali atu i le Alofa o le Atua e ala i le salamō ma le

faatuatua

………………………

ASO SA: 11 TESEMA 2011

MATAUPU: IA OLA IA KERISO

(Live a Christ- like life)

TUSI FAITAU: Roma 8: 1 - 17

SINI: Ia malamalama le vasega o le tagata ua

ola ia Keriso e fiafia i ai le Atua. E

faamanuia e le Atua le tagata e usiusitai

ia Iesu Keriso ma ana aoaoga.


1. Ia ola i la le Agaga

O le tagata e ola i la le Agaga o le tagata ua talia Iesu Keriso

ma le loto atoa. O lo o apoapoai mai le Aposetolo o Paulo ia

manatua e i latou uma ua avea Keriso ma o latou Alii ma

Faaola, ina ia ola i le Agaga ae „aua le naunau i le ola faale-

tino. Na auina mai e le Atua lona Alo e toatasi i le lalolagi ina

ia faaola le lalolagi agasala. Auā ua fiafia i latou i tu faapaupau

ma ua leai foi so latou mata‟u i le Atua, o lea na afio mai ai o

Keriso i le lalolagi e aumai le ola fou i tagata uma.

Sa faia e Iesu Keriso o vavega tetele ma le ofoofogia. Sa ia

faamalolo i e mamai; sa ia faaola foi i e ua maliliu i le

faatuatua. O le tagata e tumau i le Agaga o le tumau lava lea ia

Keriso ma ana poloaiga, ae o i latou e malosi i la le tino o le

inoino lava lea ia Keriso ma lana faaolataga.

Fai mai le Aposetolo o Paulo o le tagata e loto i le tino ma ona

tuinanau, o le ita lava lea i le Atua, auā o le le usiusitai lea i

tulafono a le Atua. A o i latou e ola faale-Agaga e fiafia i ai le

Atua, auā ua latou tausi i ana poloaiga. E tāua tele lo tatou

fiafia i le ola faale-Agaga faapei o le usiusitai, o le onosai, o le

filemu ma le agamalu ma isi auā o le ola lava lea, ae o le fiafia

i manaoga ma tuinanau leaga o le tino o le oti lava lea.

2. O i tatou o tagata o le Agaga

Afai o tagata o le Agaga i tatou o lona uiga o fanau lava i tatou

a le Atua e toatasi ua suli tutusa lava i tatou ma Keriso, o le

mea lea e tatau lava ona tatou amio faatasi ma Keriso ae le o le

amio faale-tino e oti ai. O le agaga tāua lea o lo o taumafai le

Aposetolo o Paulo e aoao atu i tagata o le Ekalesia i Roma. O

le tagata e taitaiina lona olaga e le Agaga o le Atua ua ta‟ua o

ia o le atalii o le Atua e suli faatasi foi ma Keriso. O lona uiga

o lea manatu o le Aposetolo so o se tagata lava ua suli faatasi

ma le Alo o le Atua e tatau foi ona tiga faatasi ma ia, ina ia

faamanuiaina foi lea tagata faatasi ma Keriso. O le mea lea o i

tatou o tagata o le Agaga auā ua tatou tausia poloaiga a le Alii

ua amio faatasi i tatou ma le „au paia ua mulimuli i le Alii e

faavavau


(a). Agaga – O le uiga e faatusa i ai le tagata ua amio tutusa

ma aoaoga a Keriso. O Keriso ua aoao mai ia tatou

faamaoni, ia alolofa ma ia onosai i faigata o le olaga.

(e). Tino – O le uiga ua faatusa i ai le tagata e naunau e

faamalie manaoga o lona tino, e tupu ai le tuinanau ma

alofa ia te ia lava, ae soli ai tulafono o le alofa ma le

faamaoni faapei ona aoao mai e Keriso.

(i). Suli faatasi ma Keriso – O le mataupu a Paulo e faatusa

i ai tagata ua ola alolofa ia Keriso, o le tagata ua suli

tutusa ma Keriso pe afai latou te faia le finagalo o le

Tama.


1. (a). Fesili faatomua (saunia pea e le faiaoga ni

fesili)

(e). Ta‟u le mataupu i le vasega

2. Faitau le Tusi Paia (faitau atoa le vasega i le tala mo


3. (a). Faamatala le mataupu ina ia malamalama pei

ona ta‟ua i fesoasoani.

(e). Faatalanoa ma fetufaa‟i ma le vasega i le

mataupu e iloa ai ua malamalama i le mataupu



GALUEGA FAATINO:

Ia tuu le avanoa i le vasega e faasoa mai ai i manatu ua

ta‟ua i lalo:

1. O le loto i mea a le tino o le ita lea i le Atua

2. Afai o fanau i tatou a le Atua, o suli lava o le Atua

faatasi ma Keriso

PESE: Ua soona olioli nei (Pese ma Viiga 144)

1) Ua soona olioli nei, lo‟u loto ia Iesu

Ua ia faaola ia te a‟u, o la‟u lea pese fou

Tali:

Pese, pese, Aleluia, o le la o lo‟u agaga oe

Iesu e, o le faaola mai, ua ou olioli ai

2) O le tau totogo a‟e laau, Lo‟u ola ua fai nei

Talu lona alofa ia te a‟u, ua mua mea lelei

A‟OA‟OGA

1. E tāua le olaga faale-Agaga auā e manuia ai i tatou i le

ola e faavavau

2. O tagata e ola i la le Agaga e ta‟ua i latou o fanau a le

Atua

3. Afai e fia avea oe ma suli o le Atua faatasi ma Keriso,

ia ola i le amio lelei ae „aua i le amio leaga

4. Ia fai ma au meaalofa o le Kirisimasi le ola ia Keriso

………………………………………………………

Ia manuia le Kerisimasi & Tausaga Fou 2012

……………………………………………………..

O A’OGA ASO SA - CCCSUPU TOMUA. EKALESIA FAAPOTOPOTOGA KERISIANO SAMOA TUSI MO FAIA’OGA O...

Documents

Transcript of O A’OGA ASO SA - CCCSUPU TOMUA. EKALESIA FAAPOTOPOTOGA KERISIANO SAMOA TUSI MO FAIA’OGA O...