Nciuba-ubaKuti Mufutulwe

Lufutuko ndubauba pesi luladula. Kwakali muulo ngwakapa Jesu kuti swebo tujane lufutuko kakunyina muulo. Leza wakapa lufutuko kuti bantu boonse bayanda bakonzye kulujana. Kuti lufutuko nelwali kutambulwa nkaambo kalwiiyo lwa muntu, naanga bunji bwa bantu nebatalujani pe. Buumi butamani nebwali kutambulwa nkaambo kalubono ndwajisi muntu, bunji bwesu naanga takwe kuyoo njila kujulu. Kufutulwa nekwali kupegwa nkaambo kamicito mibotu toonse netwakalela. Leza upa lufutuko nkaambo kalusyomo lwa muntu, oolo lwakuti nekuba mwana musyoonto inga wazumina. Munzila eeyi, bantu boonse bajisi ciimo comwe kubusyu bwa Leza. Boonse beelede kuza kulinguwe munzila yomwe. (Baroma 10:9-10) “Nkabela makani taazwi kulindinywe nubeni, ncipo buyo cizwa kuli Leza… Teensi makani aancito zyesu, pe, kuti kutabi muntu uulikankaizya.” Baefeso 2:8-9.

NCIUBA-UBA BUTI KUTI NDIFUTULWE1. Nciuba uba mbuli kunjila mumulyango. “Ndime cilyango, mulindeme muntu woonse uunjila ulafutuka…” Johane 10:9.2. Nciuba-uba mbuli kwiita kuti ugwasigwe. “Ikuti umwi aumwi uulilila izina lya-Mwami ulafutuka.” Baroma 10:13.3. Nciuba-uba mbuli noboola na waitwa. “Amuboole kulindime nyoonse nomukatede nomulemenenwa, ndime entikamulemunune.” Matayo 11:28.4. Nciuba-uba mbuli kutambula cipego. “Cakuvola ca cibi ndufu pele cipo ca Leza mbuumi ibutamani muli jesu Kristo Mwami wesu.” Baroma 6:23.

5. Nciuba-uba mbuli kunywa Meenda, “Pele ooyo uuti nywe maanzi ngeti mupe, tacifwi limbi, pele maanzi ngeti mupe buyooba bulolo bwamaanzi mulinguwe aatuntumukila kubuumi ubutamani.” Johane 4:14.

6. Nciuba-uba mbuli kulya nsima, “Nkaambo insima ya-Leza ngooyo uuzwa kujulu, uupa nyika buumi. Ndime nsima ngumi iyakazwa kujulu, na muntu wiilya nsima eyi unooli muumi lyoonse, alimwi insima njenti pe ngo mubili wangu, kuti inyika ibe abuumi.” Johane 6:33, 35.

7. Nciuba-uba mbuli kuzumina, “Ncobeni ndamwaambila kasimpe, oyo uusyoma uli abuumi butamani.” Johane 6:47.

Bunji bwa bantu balaalilwa kubona kuti lufutuko taluli luyumu pe. Bayeya kuti baleelede kucita cintu cimwi kuti bajane cipego cibotu eeci ca lufutuko. Masimpe cintu cimwi cileelede kucitwa kuti kube lufutuko, pesi Jesu walo wakacicita kale cintu eeci. Ncoelede buyo kucita yebo mukwesu nkuzumina buyo kuti Jesu wakafwa nkaambo kacibi cako akuti waka buka alimwi. Weelede kumutambula mumoyo wako. Ninzi ncotasali inzila eeyi mpati itisandule buumi bwako akukuleta mumukwasyi uululeme wa-Leza? Nciuba-uba alimwi cilabeleka.

CILIKULINDUWE!Sena ulayanda kumanizya kaambo kako kabuumi butamani? Sena uyakusala ni? Inga wasala Jesu sunu. “Lyakuti, anooli wazumina kumulomo kuti Jesu ngu-Mwami akusyoma mumoyo wako kuti Leza wakamubusya kubafu noti futulwe.” Baroma 10:9.

FELLOWSHIP TRACT LEAGUEP.O. BOX 164 • LEBANON, OH 45036www.fellowshiptractleague.org © Tract 8188 (Tonga)All tracts free as the Lord provides. Not to be sold.

IzinaKeyalaDolopo CisiMyaka yaku zyalwa

Nawa sala kusyoma Jesu Kristo kuti abe mufutuli noomanakubala kapepa aka, utu lembele kuti tu zibe.

Na uyanda kutambula Jesu Kristo mbuli Mwami amufutuli wako upaile mupailo oyu a moyo wako woonse; Taata Leza, ndazumina kuti ndili sizibi akuti ndiya kugehena. Ndilizi kuti sikonzyi kulifutula. Ndeempwa kucibi cangu ndabika lusyomo lwangu muli Jesu Kristo abulowa bwakwe bwaka tika aciingano nkaambo kandime. Ndakutambula kuti ube mufutuli wangu kuti ukanditole kujulu. Ndalumba akundifutula. Amen.