MUHASHO wa VHULIMI, VHUSIMAMIRI na · PDF fileMUHASHO wa VHULIMI, VHUSIMAMIRI na VHUREAKHOVHE...
Transcript of MUHASHO wa VHULIMI, VHUSIMAMIRI na · PDF fileMUHASHO wa VHULIMI, VHUSIMAMIRI na VHUREAKHOVHE...
MUHASHO wa VHULIMI, VHUSIMAMIRI na VHUREAKHOVHE
RIPHABULIKI YA AFRIKA TSHIPEMBE
Manyuaḽa wo dzudzanywaho u ya nga khethekanyo ya vhu 14 ya Mulayo
wa Ṱhuṱhuwedzo ya Tswikelelo ya Mafhungo, wa 2000
(Mulayo wa vhu 2 wa 2000)
Wo ṅwaliwa nga : Mufarisa Muofisiri wa Mafhungo
Muofisiri wa Mafhungo Muhulwane
Ms Priscilla Tsotso Sehoole
Luṱingo : 012 319 6527
Fekisi : 012 319 6161
E-meili : [email protected]
Yo khwinifhadzwa : 31 Ṱhafamuhwe 2011
Marangaphanḓa
Marangaphanḓa nga Minisṱa
Musi ri tshi vhofhololwa kha ngeḓane dza muvhuso wa khethululo we wa vha
u tshi shuma nga tshiphiri, shango ḽashu ḽine ra ḽi funa ḽo vha tsumbo yavhuḓi
nga maanḓa ya demokirasi, u vha khagala na u sa dzhia sia. Gundo ḽa Vhathu
ḽa 1994, ḽo dzheniswa kha Mulayotibe wa Pfanelo—khethekanyo ya vhu 8 ya
Ndayotewa ya Riphabuḽiki ya Afrika Tshipembe, ya 1996 (Mulayo wa vhu 108
wa 1996).
Tshithu tsha ndeme kha u vhona uri vhathu vhashu a vha tsha ḓo dovha vha
vha kha muvhuso wa tshidzumbe na u dzhia sia, Mulayo wa Ṱhuṱhuwedzo ya
Tswikelelo ya Mafhungo, wa 2000 (Mulayo wa vhu 2 wa 2000), wo tendelwa
nga Luhuhi 2000. Ri a ḓihudza na u tikedza PAIA sa iṅwe ya mbofholowo dza
mihumbulo dza milayo ya mafhungo kha ḽifhasi.
Ngauralo, Khomishini ya Tshumelo dza Vhuthu ya Afrika Tshipembe
(SAHRC) ndi yone ine ya vhona uri PAIA i a shuma, nahone ndi yone
tshiimiswa tsha u tsireledza, u ṱuṱuwedza na u lavhelesa u tevhedzelwa ha
pfanelo dza vhuthu Afrika Tshipembe. SAHRC i tikedza na u vhona uri
pfanelo dza vhuthu, tshirunzi na ndinganyiso zwi a tevhedzelwa. Mushumo wa
Khomishini ndi u vhona uri PAIA i a shuma na u vhona uri hu vha na u
tevhedzelwa, u ṋetshedza vhugudisi na u thusa vhafarisa vhaofisiri vha
mafhungo khathihi na miraḓo ya tshitshavha u shumisa pfanelo dzavho dza u
wana mafhungo.
Muhasho wa Vhulimi, Vhusimamiri na Vhureakhovhe wo ḓinekedzela kha
tshumiso ya PAIA na u khwaṱhisedza uri tshivhumbeo tsha dzangano tsho ita
uri hu vhe na ofisi yo ḓinekedzelaho malugana na u shumisa PAIA. Kuitele
kwashu kana ngona yashu i ombedzela ndeme ya demokirasi ya
vhushelamulenzhe, u elela tshifhinga tshoṱhe ha mafhungo a u ṋea maanḓa,
khathihi na u vhona uri zwitshavha zwashu, nga maanḓa vhathu zwavho, vha
pfesesa mushumo wavho kha u tevhedzela demokirasi.
Khethekanyo ya vhu 32 ya Riphabuliki ya Afrika Tshipembe i bula uri muṅwe
na muṅwe u na pfanelo ya tswikelelo ya mafhungo maṅwe na maṅwe a re na
muvhuso na u ṋetshedza thendelo ya khumbelo ya pfanelo ya u swikelela nga
muṅwe muthu kha vhathu vhoṱhe musi mafhungo eneo a tshi ṱoḓiwa
malugana na u shumiswa kana u tsireledzwa ha pfanelo ifhio kana ifhio.
U khwaṱhisedza tswikelelo ya mafhungo, muhasho wo ṅwala manyuaḽa u itela
u thusa kilaente dzashu na vhafaramikovhe u swikelela tshumelo dzashu,
dzirekhodo na mafhungo nahone nga u ita ngauralo ri lwela u tevhedzela
milayo ya Batho Pele (Vhathu phanḓa!). Iyi manyuaḽa ndi tsumbanḓila ine
ya ṱuṱuwedza demokirasi ya u dzhenelela kana u shela mulenzhe.
Ri ṱuṱuwedza kilaente dzashu na vhafaramikovhe u shumisa maitele o
ṱalutshedzwaho kha iyi manyuaḽa u swikelela rekhodo dzashu na u dovholola
tshiḽogeni tshashu tshine tsha shumiswa nga SAHRC. “Kha vha ḓivhe pfanelo
dzavho. Vha ṱanganedze vhuḓifhinduleli havho”.
Demokirasi ndi pfanelo, vhuḓifhinduleli na mushumo’! Ri tshi shuma roṱhe, ri
nga ita zwinzhi u tevhedzela iyi demokirasi na zwoṱhe zwine ya zwi imela!
Vho S Zokwana, MP
Minisṱa wa Vhulimi, Vhusimamiri na Vhureakhovhe
Dziakhironimi
CD : Chief Director
CDCI : Chief Director Communications
CIO : Chief Information Officer
DAFF : Department of Agriculture, Forestry and Fisheries
DDG : Deputy Director General
DDGAPHFS : Deputy Director-General: Agriculture Production, Health
and Food Safety
DG : Director-General
DAFF : Department of Agriculture, Forestry and Fisheries
DAIS : Director Agriculture Information Services
DCFM : Director Communications Fisheries Management
DIO : Deputy Information Officer
GPR : General Published Reasons
HR : Human Resources
IO : Information Officer
MOA : Memorandum of Agreement
MOU : Memorandum of Understanding
MCS : Monitoring, Control and Surveillance
MLRA : Marine Living Resources Act, 1998 (Act 18 of 1998)
MLRF : Marine Living Resources Fund
PAIA : Promotion of Access to Information Act, 2000 (Act No. 2
of 2000)
SAHRC : South African Human Rights Commission
SARS : South African Revenue Services
SG : Strategic goal
SO : Strategic objective
TAC : Total allowable catch
TAE : Total allowable effort
WCMAPP : Western Cape Marine Anti-Poaching Project
SOP : Standard Operating Procedures
Dziṱhalutshedzo
1. Muhasho : zwi amba Muhasho wa Vhulimi, Vhusimamiri
na Vhureakhovhe.
2. Tshiimiswa tsha nnyi na nnyi : zwi amba muvhuso wa lushaka, wa
vunḓu na wapo.
3. Milayo ya Batho Pele (Vhathu Phanḓa) : zwi amba milayo i no nga sa
vhueletshedzi, maimo a tshumelo, tswikelelo,
mikhwa yavhuḓi kana ṱhonifho, mafhungo, u
vha khagala na u sa dzumba, u lugisa, ndeme ya tshelede.
4. Muhumbeli : muthu ane a khou ita khumbelo ya mafhungo
kana tswikelelo kha rekhodo dza muhasho, kana muthu ane a khou humbela mafhungo
kana dzirekhodo o imela muṅwe.
5. Muhumbeli ene muṋe : muthu ane a khou ita khumbelo ya rekhodo ine
ya vha na mafhungo nga hawe. 6. Dzimbadelo : Tshelede ine ya badelwa:
o Mbadelo ya khumbelo: Mbadelo ine ya
badelelwa u dzudzanya khumbelo (hune
zwa konadzea)
o Mbadelo ya tswikelelo: Mbadelo ine ya
badelelwa mafhungo kana rekhodo dzo
dzudzanywaho sa zwe dza humbeliswa
zwone
o Mbadelo ya Aphiḽi : Mbadelo ine ya
badelelwa u dzudzanya aphiḽi.
7. Rekhodo : hu nga vha ḽiṅwalo, data kana mafhungo a re
kha muhasho.
8. Muimeleli : muthu kana tshiimiswa tsha mulayo nga nnḓa
ha muhumbeli ene muṋe kana muhasho une
wa vha na rekhodo.
9. Muhweleli : muthu kana tshiimiswa tsha mulayo a/tshi no
khou aphiḽa malugana na tsheo yo dzhiiwaho
nga DIO.
10. Khothe : zwi amba Khothe ya Ndayotewa ine ya khou
shuma u ya nga khethekanyo ya vhu 167 (6)
(a) ya Ndayotewa ya Riphabuḽiki ya Afrika
Tshipembe, ya 1996 kana Khothe Khulwane
kana iṅwe khothe i re na maimo a fanaho,
kana Khothe ya Madzhisiṱaraṱa.
11. Gaidi : zwi amba ḽiṅwalo kana bugu yo bveledzwaho
nga Khomishini ya Pfanelo dza Vhathu ya
Afrika Tshipembe u itela u thusa muthu ane a
vha na lutamo lwa u shumisa pfanelo ifhio
kana ifhio u ya nga PAIA.
12. Maḓuvha a u shuma : zwi amba maḓuvha nga nnḓa ha Migivhela,
Dziswonndaha kana holodeni dza
tshitshavha.
Zwi re ngomu
Khethekanyo Ṱhalutshedzo
1 Mushumo wa Manyuaḽa 9
2 Gaidi ya SAHRC kha Manyuaḽa 10
3 Zwidodombedzwa zwa Vhukwamani zwa Vhaofisiri vha
Mafhungo na Vhafarisa Vhaofisiri vha Mafhungo vha
DAFF (khethekanyo 14 (1)(b) ya Mulayo)
11
4 Mishumo na tshivhumbeo tsha DAFF (khethekanyo ya
vhu 14(1)(a) ya Mulayo)
14
5 Ṱhalutshedzo ya thero dzine DAFF ya vha na rekhodo
dzadzo (khethekanyo ya vhu 14(1)(d) ya Mulayo)
19
6 Maitele a khumbelo (khethekanyo ya vhu 14(1)(d) ya
Mulayo)
25
7 Ṱhalutshedzo ya tshumelo dzine dza vha hone dza
tshitshavha kha DAFF na uri idzi tshumelo dzi swikelelwa
hani (khethekanyo ya 14(1)(f))
29
8 Ṱhalutshedzo ya nzudzanyo dza u dzhenelela ha
tshitshavha kha u vhumbiwa ha mbekanyamaitele kana
tshumiso kana kushumele kwa mishumo ya DAFF
30
9 Ṱhalutshedzo ya ndulamiso dzoṱhe dzine dza vha hone
malugana na u dzhia vhukando kana u kundelwa u dzhia
vhukando nga DAFF (Khethekanyo ya 14(1)(h) ya
Mulayo)
31
10 Maṅwe mafhungo nga nḓila ine a vha o randelwa nga
Minisṱa wa Vhulamukanyi na Mveledziso ya Ndayotewa
(khethekanyo ya 12 maṅwe mafhungo)
34
11 Maṅwe mafhungo 35
12 Ṱhumetshedzo :
Ṱhumetshedzo ya 1: Fomo ya khumbelo
Ṱhumetshedzo ya 2: Fomo ya aphiḽi ya nga ngomu
Ṱhumetshedzo ya 3: Mbadelo dza tshivhumbeo
1. MUSHUMO WA MANYUAḼA
Ndivho ya Mulayo wa Ṱhuṱhuwedzo ya Tswikelelo ya Mafhungo, wa 2000
(Mulayo wa vhu 2 wa 2000), ine ya vhidzwa PAIA, i kwama zwi tevhelaho:
• U tsireledza pfanelo dzashu dza ndayotewa dza u swikelela mafhungo.
• U ṱuṱuwedza u vha khagala, vhuḓifhinduleli na vhukoni ha muvhuso
• U randela maitele na u langa tswikelelo kha mafhungo.
U ya nga khethekanyo ya vhu 14 ya PAIA, tshiimiswa tsha muvhuso tshi tea u
ṋetshedza zwidodombedzwa zwa rekhodo dzine dza wanala kha tshiimiswa
tshenetsho u itela u tshimbidza khumbelo dza tswikelelo ya mafhungo.
Ndivho ya uyu Manyuaḽa ndi u nweledza maitele ane a tea u tevhedzelwa
musi hu tshi swikelelwa mafhungo a re kha Muhasho wa Vhulimi, Vhusimamiri
na Vhureakhovhe (DAFF) u ya nga ṱhoḓea dza PAIA.
Manyuala u dovha hafhu wa vha na mafhungo nga ha aḓirese dza Muofisiri
wa Mbalelano (ane a dovha hafhu a ḓivhea sa Muofisiri wa Mafhungo)
khathihi na Vhafarisa Vhaofisiri vho nangiwaho, matavhi a DAFF khathihi na
rekhodo dzine dza vhulungwa nga davhi ḽiṅwe na ḽiṅwe.
2. GAIDI YA SAHRC NGA HA MANYUAḼA
Khomishini ya Pfanelo dza Vhathu ya Afrika Tshipembe (SAHHRC) u ya nga
khethekanyo ya vhu 10 ya PAIA, yo ṅwala gaidi nga ha kushumisele kwa
PAIA. Iyi gaidi i wanala nga nyambo dzoṱhe dza tshiofisi kha senthara dzo
fhambanaho dza mafhungo dza muvhuso
Gaidi i dovha hafhu ya wanala kha Ofisi dza Khomishini ya Pfanelo dza
Vhathu kha aḓirese dzi tevhelaho:
Khomishini ya Pfanelo dza Vhathu ya Afrika Tshipembe
Yuniti ya PAIA
Muhasho wa Ṱhoḓisiso na Maṅwalo
Aḓirese ya Fhethu: 33 Hoofd Street
Braampark Forum 3
BRAAMFONTEIN, GAUTENG
2198
Aḓirese ya Poswo: Private Bag X2700
HOUGHTON
2041
Nomboro ya luṱingo : +27 11 877 6500
Nomboro ya fekisi : +27 11 403 0625
Webusaithi : http://www.sahrc.org.za
Aḓirese ya E-meiḽi : [email protected]
3. ZWIDODOMBEDZWA ZWA VHUKWAMANI ZWA VHAOFISIRI VHA
MAFHUNGO NA VHAFARISA VHAOFISIRI VHA MAFHUNGO VHA
DAFF (KHETHEKANYO YA VHU 14(1)(b) YA MULAYO)
Zwidodombedzwa zwa Vhukwamani zwa Muofisiri wa Mafhungo na Mufarisa
Muofisiri wa Mafhungo wa DAFF
Muofisiri wa Mafhungo:
Edith V. Vries
Mulangi-Dzheneraḽa
Muhasho wa Vhulimi, Vhusimamiri na Vhureakhovhe
Private Bag X250
Pretoria
0001
Luṱingo : (012) 319 7300
Fekisi : (012) 325 3618
E-meili : [email protected]
Vhafarisa vhaofisiri vha Mafhungo:
Vho P.T Sehoole
Muofisiri Muhulwane wa Mafhungo
Muhasho wa Vhulimi, Vhusimamiri na Vhureakhovhe
Private Bag X250
Pretoria
0001
Luṱingo : (012) 319 6527
Fekisi : (012) 319 6161
E-meili : [email protected]
Mufarisa Mulangi-Dzhenerala
Davhi: Ndangulo ya Vhureakhovhe
Muhasho wa Vhulimi, Vhusimamiri na Vhureakhovhe
Private Bag X2
Rogge Bay
8012
Luṱingo : (021) 402 3098/3107
Fekisi : (021) 419 6942
E-meiḽi : [email protected]
Mufarisa Mulangi-Dzhenerala
Davhi: Ndangulo ya Tshomedzo Dzapo na Vhusimamiri
Muhasho wa Vhulimi, Vhusimamiri na Vhureakhovhe
Private Bag X250
Pretoria
0001
Luṱingo : (012) 309 5718
Fekisi : (012) 309 5842
E-meiḽi : [email protected]
Mufarisa Mulangi-Dzhenerala
Davhi: Mveledziso ya zwa Vhulimi, Mutakalo na Tsireledzo ya Zwiḽiwa
Muhasho wa Vhulimi, Vhusimamiri na Vhureakhovhe
Private Bag X250
Pretoria
0001
Luṱingo : (012) 319 6500
Fekisi : (012) 319 6819
E-meiḽil : [email protected]
Mishumo ya vhafarisa vhaofisiri vha mafhungo ndi u khwaṱhisedza tshumelo i
re khagala na vhuḓifhinduleli, ya phurofeshinala na tshumelo dza kilaente
dzavhuḓi kha u langa khumbelo dza tswikelelo kha mafhungo sa zwe zwa
randeliswa zwone nga PAIA na u ṋetshedza thuso ine ya tshimbilelana na
tswikelelo ya dzirekhodo nga DAFF u ya nga PAIA.
Manyuaḽa na u wanala hawo:
Uyu manyuaḽa u wanala nga nyambo tharu dza tshiofisi nga zwivhumbeo zwi
tevhelaho:
1) Tshibugwana
2) Webusaithi
Zwibugwana zwi vhewa kha ofisi dzoṱhe dza DAFF nga nḓila i tevhelaho :
Ofisi ya Lushaka : Agriculture Place
20 Steve Biko Street
Pretoria
Ofisi ya Cape Town : Room 103
Parliament Towers
Ofisi ya Vhureakhovhe :Foretrust House Martin Hammerschlag Way Foreshore Cape Town
Webusaithi ya Muhasho wa Vhulimi, Vhusimamiri na Vhureakhovhe ndi www.daff.gov.za
4. MISHUMO NA TSHIVHUMBEO TSHA DAFF (KHETHEKANYO YA VHU
14(1)(a) YA MULAYO
NDAELA
DAFF i na vhuḓifhinduleli ha u vhona uri hu vha na tsireledzo ya zwiḽiwa, u
ṱuṱuwedza ndinganyiso, na mishumo i bvelaho phanḓa khathihi na tshumiso i
bvelaho phanḓa ya tshomedzo dza mupo kha sekithara.
MBONELOPHANḒA
Sekithara yo sedzesaho kha vhathu, I bvelaho phanḓa yo faranaho ine ya vha
na mafulufulu yo rangaho phanḓa.
NDIVHO
Mbonelophanḓa yashu i ḓo swikelelwa nga kha mveledziso na u bvela
phanḓa na sekithara ine ya shela mulenzhe kha na u tikedza:
Nyaluwo ya ikonomi
U sikwa ha mishumo
Mveledziso ya mahayani
Tshumiso i bvelaho phanḓa ya tshomedzo dza mupo
Tsireledzo ya zwiḽiwa
MIKHWA
Ṱhuṱhuwedzo : U ṱuṱuwedzwa u ṋetshedza tshumelo ya maimo a
nṱha
Vhuḓipfi : U vha vhashumi vha re na vhuhovheleli, vho ḓinekedzelaho,
vha fhulufhedzeaho na u funa mushumo wavho
U sa dzhia sia : U ita zwithu vha sa dzhii sia, u vha na vhupfela
vhuṱungu kana u pfesesa, u fhulufhedzea na u vha khagala
Ndivho : U livha kana u sedzesa kha mveledziso ya vhathu,
ikonomi na mahayani
NDIVHO DZA PULANI DZA MAITELE (STRATEGIC GOALS (SG)) NA
NDIVHOTIWA DZA PULANI DZA MAITELE (STRATEGIC OBJECTIVES
(SO)):
Ndivho dza pulani dza maitele na ndivhotiwa zwi nga nḓila i tevhelaho:
SG 1: Mveledzo ya u vhuedza yo engedzedzwaho ya zwiḽiwa, mupfumu
na mabulannga nga zwigwada zwoṱhe zwa vhabveledzi (vha u
ḓitshidza, vhaṱuku na vha u bindudza)
Ndivhotiwa dza pulani dza maitele
SO 1 U ṱuṱuwedza mveledziso yo linganaho, kufarele na maitele a zwiḽiwa,
mupfumu na mabulannga
SO 2 U konanya vhurangeli ha tsireledzo ya zwiḽiwa nga muvhuso
SO 3 U khwinisa sisṱeme ya u bveledza yo ḓitikaho kha vhukoni ha u
bveledza zwibveledzwa nga mutengo wa fhasi na vhukoni ha u
rengisa zwibveledzwa zwinzhi kha vunḓu ḽiṅwe na ḽiṅwe.
SO 4 Thikhedzo nga vhuḓalo ya mveledziso ya mahayani
SG 2: Ndangulo i bvelaho phanḓa ya tshomedzo dza mupo
Ndivhotiwa dza pulani dza maitele
SO 1 U ṱuṱuwedza sisṱeme dza mveledziso dzi bvelaho phanḓa dza vhupo
SO 2 U khwaṱhisedza ndangulo i bvelaho phanḓa na tshumiso yavhuḓi ya
tshomedzo dza mupo
SO 3 U khwaṱhisedza tsireledzo ya tshomedzo dza dzhinethikhi dzapo
SO 4 U engedzedza mishumo kha sekithara ya vhupo uri vhathu vha kone
u wana masheleni a u ḓitshidza
SG 3: Tshumelo dza ndaulo dza lushaka na sisṱeme dza ndangulo ya
risiki kana ndozwo dzi shumaho zwavhuḓi
Ndivhotiwa dza pulani dza maitele
SO 1 U ṱuṱuwedza zwiḽiwa zwo tsireledzeaho nga u langa vhuimo ha
khombo dzine dza tshimbilelana na zwiḽiwa, malwadze,
zwikhokhonono, zwiwo zwa mupo na makwevho.
SO 2 U thoma na u ṱhogomela sisṱeme dza u tsivhudza na dza u fhungudza
kana u tsitsa.
SG 4: Sekithara yo shandukiswaho na u shumisana
Ndivhotiwa dza pulani dza maitele
SO 1 U engedzedza ndinganyiso, vhuṋe na u dzhenelela ha vhathu vhe
vha vha vho thudzelwa kule kale (previously disadvantaged
individuals (PDIs))
SO 2 U khwinisa dzisisṱeme u tikedza tshumiso ya ndaka nga nḓila yavhuḓi
SO 3 U khwinisa nyimele dza mushumo dza vhathu kha sekithara
SO 4 U ṋetshedza vhurangaphanḓa na thikhedzo kha ṱhoḓisiso, vhugudisi
na nyengedzedzo kana khuliso kha sekithara
SG 5: Vhushelamulenzhe ho engedzwaho ha sekithara kha nyaluwo ya
ikonomi na mveledziso
Ndivhotiwa dza pulani dza maitele
SO 1 U engedzedza nyaluwo, muholo na zwikhala zwa mishumo zwi
bvelaho phanḓa kha ndunzhendunzhe ya mishumo kha khamphani
dzine dza shumisana.
SO 2 U engedzedza vhuimo ha vhubindudzi ha tshitshavha na ha
phuraivete kha sekithara
SO 3 U engedzedza tswikelelo ya makete wa hayani na wa mashango a
nnḓa u itela zwibveledzwa zwa Afrika Tshipembe na zwa Afrika zwa
vhulimi, vhusimamiri na vhureakhovhe
SO 4 U engedzedza mveledzo ya zwibveledzwa zwine zwa shumiswa u
bveledza zwiṅwe u tikedza sekithara ya u ita kana u bveledza
SO 5 U ṱuṱuwedza u shumiswa ha zwibveledzwa zwine zwa shumiswa u
bveledza zwiṅwe zwiṱuku u itela fulufulu ḽine ḽa wanala kha tshomedzo
dza mupo
SG 6: Kuvhusele kwavhuḓi
Ndivhotiwa dza pulani dza maitele
SO 1 U thoma na u khwaṱhisedza kuvhusele kwa tshumisano na vhushaka
ha u shuma na vhafaramikovhe vhapo na vha dzitshaka.
SO 2 U khwaṱhisedza mbekanyamaitele, u dzudzanya, u lavhelesa kana u
monithara, u linga, u vhiga na mafhungo a sekithara.
SO 3 U ṋetshedza odithi dza vhukuma, tshomedzo dza odithi, tshomedzo
dza vhashumi dza u ṱoḓisisa na dza mulayo na ndangulo ya risiki ya
zwa masheleni.
SO 4 U khwinisa tshumelo ya maimo a nṱha ya muhasho nga u shumisa
maimo a khwaḽithi, milayo ya Batho Pele (Vhathu Phanḓa) na maanḓa
nga u angaredza ndaela dza u angaredza dza mulayo o
ṋetshedzwaho nga vhusimamilayo.
SO 5 U ṋetshedza vhurangaphanḓa na u langa vhudavhidzani na
mafhungo na madavhi
Tshivhumbeo tsha Vhulimi, Vhusimamiri na Vhureakhovhe
DG
Corporate
Services
Chief Financial
Office
Stakeholder Relations,
Communications and
Legal Services
Fisheries
Management
Forestry and Natural
Resources
Management
Agricultural Production,
Health and Food
Safety
Food Security
and Agrarian
Reform
Economic Development,
Trade and
Marketing
Policy, Planning,
Monitoring and
Evaluation
CD: Operations
Support
CD: Chief Information
Officer (PAIA
Implementation
Office)
Davhi NDIVHO
1. Tshumelo dzo ṱanganelanaho I ṋetshedza ndangulo yavhuḓi ya tshomedzo
dza vhashumi na mveledziso, tshumelo dza
ndangulo ya mafhungo khathihi na tshumelo
dza tsireledzo
2. Ofisi Khulwane ya zwa
Masheleni I ṋetshedza tshumelo dzavhuḓi dza zwa
masheleni kha muhasho
3. Vhushaka ha vhafaramikovhe,
Vhudavhidzani na Tshumelo
dza Mulayo
I ṋetshedza tshumelo dza mulayo na dza
vhudavhidzani khathihi na u ṱuṱuwedza
vhushaka ha mivhuso na vhafaramikovhe
4. Mbekanyamaitele, U
dzudzanya, u lavhelesa kana
u Monithara na u Ṱola
I ṋetshedza tshumelo dza u dzudzanya
tsenguluso ya mbekanyamaitele, u ṱola na u
lavhelesa kana u monithara
5. Mveledziso ya Ikonomi,
Mbambadzo na u Maketa
I khwaṱhisedza u ṱangana ha khamphani dzine
dza shumisana, u leludza tswikelelo ya makete
malugana na zwibveledzwa zwa sekithara hu
tshi khou tikedzwa nyaluwo ya ikonomi, u
sikiwa ha mishumo na mveledziso
6. Tsireledzo ya Zwiḽiwa na
Tshandukiso ya zwa Vhulimi
U tshimbidza na u ṱuṱuwedza tsireledzo ya
zwiḽiwa na mbekanyamushumo dza zwa
vhulimi na vhurangeli
7. Mveledziso ya zwa Vhulimi,
Mutakalo na Tsireledzo ya
Zwiḽiwa
U langa khombo dzine dza tshimbilelana na
malwadze a phukha, zwikhokhonono zwa
zwimela, zwitshili zwo vhumbiwaho nga u
shandukisa dzidzhini na u vhuṅwalisi ha
zwibveledzwa zwine zwa shumiswa kha u
bveledza zwiḽiwa u itela u ṱuṱuwedza tsireledzo
ya zwiḽiwa na u bveledza vhupo vhu konisaho
ha u bveledza ho engedzeaho nahone hu
bvelaho phanḓa
8. Ndangulo ya tshomedzo dza
Mupo na dza Vhusimamiri
U bveledza na u tshimbidza tshumiso ya
mbekanyamaitele na mbekanyamushumo ho
livhiwaho khadzo u khwaṱhisedza ndangulo ya
miri kana maḓaka, tshumiso i bvelaho phanḓa
na tsireledzo ya mavu khathihi na u langa risiki
kana ndozwo dza mveledzo ya zwiḽiwa na
zwiwo
9. Ndangulo ya Vhureakhovhe U ṋetshedza ndangulo nga u angaredza na
vhurangaphanḓa kha ndangulo ya zwa
lwanzheni, hu tshi katelwa ṱhoḓisiso kana
risetshe, u lavhelesa ndaulo na u ṱola na u
khwaṱhisedza mveledziso na tshumiso ya
tshomedzo dza lwanzheni i bvelaho phanḓa
5. ṰHALUTSHEDZO YA THERO DZINE DAFF YA VHA NA REKHODO
DZADZO (KHETHEKANYO YA VHU 14(1)(d) YA MULAYO)
Maṅwalo o ṋetshedzwaho afho fhasi a a wanala nga nnḓa ha u ita khumbelo
ya tswikelelo u ya nga PAIA. Vhafarisa Vhaofisiri vha Mafhungo vha nga
kwamiwa malugana na u swikelela idzi rekhodo. Tshiṅwe hafhu, kha dziṅwe
nyimele aya maṅwalo a wanala mahala kha webusaithi ya muvhuso.
Thero dza maṅwalo:
o U bveledza phukha
o Mivhigo ya ṅwaha: ya Muhasho wa Vhulimi
o Adzhenti dza khemikhala
o Zwiliṅwa
o Ngudo ya zwa u bveledza, u shumisa na u pfukisa lupfumo
(Economics)
o Vhubulasi
o Ndangulo ya pfulo
o U limiwa ha ngade dza miroho na maluvha
o Ndondolo ya nama
o U vhulunga mavu
o Zwiliṅwa
o Ngudo ya zwikhokhonono na mbungu
o Zwithu zwo fhambanaho
o Mavu
o Ḓaka na pfulo
o Fomo dza khumbelo dza thendelo dza zwa lwanzheni na ṱhoḓea
o Maitele a vhufuwi ha zwa lwanzheni
o Tshibugwana tsha Tsedzuluso ya Kushumele ya Ṅwaha
o Rekhodo dza tsheo (Maitele a u Ṋetshedza Pfanelo dza Vhureakhovhe
o Manweledzo kana Zwiitisi zwo Anḓadzwaho zwa u Angaredza
(Summaries or General Published Reasons (GPR))
o Dziredzhisiṱara
o Fomo dza khumbelo ya thendelo na ṱhoḓea
o Nyimele dza thendelo
o Manweledzo a TAC na TAE nga sekithara
o Data ya ikonomi
o Mivhigo na maṅwalo a Tshigwada tsha u Shuma tsha zwa Saintsi ine
ya si tshimbilelane na themendelo dza uno ṅwaha dza TAC/TAE
o Mabambiri a zwa saintsi o anḓadzwaho na mivhigo
Nyanḓadzo
o Bammbiri ḽa mafhungo ḽa ṅwedzi nga ṅwedzi ḽine khaḽo ha anḓadzwa
mivhigo ya mishumo ya mihasho na tswikelelo. o Mveledziso kha sekithara ya vhulimi o Tshitatisitiki tsha makete ya u bveledza zwibveledza zwa fureshe
Zwiṅwe
Pulani dza maitele
Tshibugwana tsha vhureakhovhe ha u ḓimvumvusa
Nyimele ya Tshomedzo dza Lwanzheni dza Afrika Tshipembe
Muvhigo wa ṅwaha wa MLRF
Zwitatamennde zwa masheleni
Data ya tshumelo dza vhashumi
Ndaulo na MLRA
5.1. Ṱhalutshedzo ya zwigwada zwa rekhodo dzine dza wanala ho itwa
khumbelo u ya nga PAIA
Rekhodo dzi re afho fhasi dzi a wanala arali dzo humbelwa u ya nga PAIA.
Khumbelo dza rekhodo dzi tea u rumelwa kha Vhafarisa Vhaofisiri vha
Mafhungo. Malugana na fomo dzo teaho na mbadelo, kha vha sedze kha
dziṱhumetshedzo.
Ṱhalutshedzo dza thero dzine DAFF ya vha na rekhodo dzadzo na zwigwada
zwa rekhodo dzine dza vha hone kha thero iṅwe na iṅwe.
Afha fhasi hu tevhela mutevhe wa thevhekano ya ndeme ya faili dzine dza vha hone kha Muhasho wa Vhulimi, Vhusimamiri na Vhureakhovhe. Faili dzo khethekanywa nga zwigwada zwivhili zwihulwane.
Tshigwada tshithihi tshi ṋetshedza mishumo ya u tikedza ine ya vha:
Mulayo
Dzangano na ndaulo
Tshomedzo dza Vhashumi
Gwama
Ndaulo na Kuvhusele
Tshumelo dza Tsireledzo
Mutakalo na Tsireledzo
Thekhinolodzhi ya Mafhungo na Vhudavhidzani
Pfunzo na Vhugudisi
Tshumelo dza Mulayo
Mishumo na miṱangano ya madzangano
Mivhigo na mafhungo
U dzudzanya ho ṱanganelanaho
Dziṅwe faila dzi ḓo tendela Dairekhithoreithi dza u ita mishumo ya
ndeme u
Tshumelo ya Mafhungo a zwa Vhulimi
Saintsi ya zwa Mveledzo na tshomedzo
Vhudzulo ha Rabulasi
Gwama ḽa zwa vhulimi na Mveledziso ya tshumisano
Vhushaka ha dzitshaka
Tshumiso ya Mavu na Ndangulo ya Mavu
Tsireledzo ya Zwiḽiwa na Phulufhedziso ya Khwaḽithi
Mutakalo wa Zwimela
U maketa
Tshomedzo dza Dzhinethikhi
Mutakalo wa Phukha
Tshumelo dza Vhuinzhinia
Zwitatisitiki zwa Vhulimi
Mulangi-Dzhenerala
Mbambadzo ya Dzitshaka
Sisṱeme dza u Bveledza Zwimela
Mveledziso ya Bindu na Vhabindudzi
Risiki kana ndozwo dza zwa vhulimi na Ndangulo ya Zwiwo
Sisṱeme ya Mveledziso ya zwa Lwanzheni na Phukha
U dzudzanya Mbekanyamushumo
Mveledziso ya Risetshe na Thekhinoḽodzhi
Tsireledzo ya Zwiḽiwa na Mveledziso ya Mahayani
Tshumiso ya Maḓi na Mveledziso ya Tsheledzo
Tshumelo ya u Ṱola Zwibveledzwa zwa Vhulimi (Agricultural Product
Inspection Services (APIS))
Grootfontein (a i athu tendelwa kana u ṱanganedzwa)
Tsireledzo kha khemikhala dzine dza lwadza
Nyimele dza thendelo
Saveyi ya u ela nga u vhambedza zwiṱanḓadi ya vhufuwi ha zwitshili zwa
maḓini
Mvelelo dza u gonya ha zwishumiswa zwa u ita zwiḽiwa zwa zwitshili zwa
maḓini na u bveledza zwitshili zwa maḓini
Bugupfarwa ya u khovhe dzine dza vha na khofheni hune ha fana na ha
tshimange
Dziredzhisiṱara
Faili dza khamphani
Bugupfarwa nga ha u bveledzwa hafhu ha athifishiala na u ṱhogomela
khovhe dzine dza vha na khofheni ha u fana na ha tshimange dza Afrika
‘Clarias Gariepinus’ Sub-Saharan Afrika
Muvhigo wa China-SA
Ndangulo ya Ṱhoḓisiso/Risetshe ya Vhulimivhufuwi ha zwa Lwanzheni
Mutheo wa Ndangulo ya Risetshe ya zwifuwo na zwimela zwa maḓini
Maambiwa a miṱangano ya Tshigwada tsha Mushumo
Zwitatisitiki zwa ṅwedzi nga ṅwedzi/kana zwa luvhili nga ṅwedzi
WCMAPP
DziMCS SOP
Fomo dza khumbelo dza pfanelo dza u rea khovhe
Ṱhumetshedzo dza fomo dza khumbelo
Maṅwalo a aphiḽi
Thendelo dza zwa vhubindudzi, dziḽaisentsi na u sa katelwa
Khumbelo dza u Shandukisa Ngalavha kana Tshikepe
Maambiwa a miṱangango ya Tshigwada tsha u Shuma
Saintsi ya zwa u bveledza, u phaḓaladza na u shumisa thundu kana
tshumelo
Tsedzuluso dza Kushumele kwa zwa Vhureakhovhe
Miṱangano ya dzitshaka
Mafhungo nga ha vhureakhovhe ha u Ḓimvumvusa
Data ya u thusa ṱhukhu na ya tshifhinganyana
Tshivhalo tsha khovhe dzi songo rewaho
Data ya risetshe na dzithendelo
Mivhigo ya Risetshe
Zwiṅwe
Mafhungo o tiwaho a vhashumi
Ṱhalutshedzo dza mushumo na Thendelano dza kushumele
Dziṅwe rekhodo dzine dza wanala kha zwivhumbeo zwashu zwa u
tikedza
DZIṄWE REKHODO DZINE DZA WANALA KHA DAFF
1) Maambiwa a miṱangano
2) Dzikonṱiraka
3) dziMOU and dziMOA
4) Dzimbekanyamaitele na maitele
5) Rekhodo dza HR
6) Dzifaiḽi
7) Vhudavhidzani ha u angaredza
8) Zwibugwana zwa mafhungo
9) Mivhigo
10) Pulani dza Maitele
11) Manyuaḽa dza vhugudisi
5. KHETHEKANYO YA MAITELE A KHUMBELO YA VHU 14(1)(d) YA
MULAYO
Muṅwe na muṅwe u na pfanelo ya u ita khumbelo ya tswikelelo ya mafhungo
ane a wanala DAFF. Naho zwo ralo, khumbelo i tea u itwa kha fomo yo
randelwaho nahone nga murahu ha musi mbadelo yo randelwaho yo
badelwa. Khumbelo i ḓo dzudzanywa u ya nga zwiitisi zwa u sa katelwa zwo
waniwaho kha Ndima ya vhu 4 ya PAIA. Khumbelo i nga itwa nga muṅwe na
muṅwe a tshi itela ene muṋe kana muṅwe muthu ane a si kone u ḓiitela.
6.1. Muhumbeli u tea u ṋewa thendelo ya u swikelela rekhodo ya
tshiimiswa tsha tshitshavha arali muhumbeli a tshi tevhedzela zwi
tevhelaho:
Muhumbeli u tevhedzela ṱhoḓea dzoṱhe dza maitele kha Mulayo
dzine dza tshimbilelana na khumbelo ya u swikelela rekhodo
yeneyo;
Tswikelelo kha rekhodo a i hanelwi u ya nga zwiitisi zwa u hana
zwiṅwe na zwiṅwe zwo bulwaho kha Mulayo.
6.2. Lushaka lwa khumbelo
Muhumbeli u tea u shumisa fomo yo ganḓiswaho kha Gazete ya
Muvhuso (Nḓivhadzo ya Muvhuso R187—15 Luhuhi 2002). (Fomo
ya A)
Muhumbeli u tea hafhu u sumbedza arali a tshi ṱoḓa khophi ya
rekhodo kana arali a tshi ṱoḓa u tou ḓa a sedza rekhodo ofisini dza
DAFF. Kana arali rekhodo i si nga tshivhumbeo tsha ḽiṅwalo, i nga
vhoniwa nga tshivhumbeo tsho humbelwaho arali zwi tshi
konadzea. Kha vha sedze kha khethekanyo ya vhu 29(2).
Arali muthu a humbela tswikelelo nga tshiṅwe tshivhumbeo,
muhumbeli u tea u kona u swikelela nga nḓila ye a humbela yone.
Izwi zwi nga konadzea nga nnḓa ha musi u zwi ita zwi tshi nga
thithisa matshimbidzele a tshiimiswa tshenetsho tsha muvhuso,
kana zwa tshinyadza rekhodo, kana u sa tevhela nzivhanyedziso
ya mulayo. Arali hu na tshiitisi tshi pfadzaho, tswikelelo i sa ḓo
ṋetshedzwa nga tshivhumbeo tshi ṱoḓeaho fhedzi i tshi nga
ṋetshedzwa nga iṅwe nḓila, mbadelo i fanela u rekanywa u ya nga
nḓila ye muhumbeli a vha o i humbela u thomani. Kha vha sedze
khethekanyo ya vhu 29(3) na ya vhu 4.
Arali, nga nnḓa ha phindulo yo tou ṅwaliwaho malugana na
khumbelo yavho ya rekhodo, muhumbeli a tshi ṱoḓa u vhudziwa
nga ha tsheo yo dzhiiwaho nga iṅwe nḓila, sa tsumbo, nga luṱingo,
izwi zwi tea u sumbedzwa. Kha vha sedze khethekanyo ya vhu
18(2)(e).
Arali muhumbeli a tshi khou humbelela muṅwe mafhungo, hu tea u
sumbedzwa uri khumbelo i khou itwa kha vhuimo vhufhio. Kha vha
sedze kha khethekanyo ya vhu 18(2)(f).
Arali muhumbeli a sa koni u vhala kana u ṅwala, kana a na
vhuholefhali, khumbelo ya rekhodo i nga itwa nga mulomo.
Muofisiri wa mafhungo u tea u ḓadza fomo o imela muhumbeli
onoyo a mu fha khophi. Kha vha sedze kha khethekanyo ya vhu
18(3). Vha khou humbelwa uri vha katele mbadelo yo randelwaho
na fomo dza khumbelo sa ṱhumetshedzo ya manyuaḽa.
Mbadelo dzo randelwaho dzo nambatedzwa sa Ṱhumetshedzo ya
C.
6.3. Hu na tshaka mbili dza mbadelo dzine dza tea u badelwa u ya nga
Mulayo, dzone ndi mbadelo ya khumbelo na ya tswikelelo (kha vha
sedze kha khethekanyo ya vhu 22)
Muhumbeli ane a ṱoḓa tswikelelo ya rekhodo ine ya vha na
mafhungo a vhuṋe a muhumbeli onoyo ho ngo tea u badela
mbadelo ya khumbelo ine ya ṱoḓea. Muhumbeli muṅwe na muṅwe
ane a khou ṱoḓa tswikelelo ya mafhungo ane a si vhe awe, u tea u
badela mbadelo ine ya ṱoḓea ya khumbelo.
Muofisiri wa mafhungo u tea u ḓivhadza muhumbeli (nga nnḓa ha
muhumbeli ane a ita khumbelo nga ene muṋe) nga nḓivhadzo, a
tshi khou mu humbela uri a badele mbadelo yo randelwaho (arali i
hone) phanḓa ha musi hu tshi dzudzanywa khumbelo.
Mbadelo ya khumbelo ine ya badelwa kha zwiimiswa zwa Muvhuso
ndi R35. Muhumbeli a nga ita aphiḽi ya nga ngomu, hune zwa vha
zwo tea, kana khumbelo kha khothe malugana na thendara kana
mbadelo ya mbadelo ya khumbelo.
Nga murahu ha musi muofisiri wa mafhungo o dzhia tsheo nga ha
khumbelo, muhumbeli u tea u ḓivhadzwa nga ha tsheo yeneyo nga
nḓila ye muhumbeli a vha a tshi ṱoḓa u ḓivhadzwa ngayo.
Arali khumbelo yo tendelwa, hu tea u badelwa tshelede ya
tswikelelo ya malugana na u ṱoḓa, ndugiselo na u bveledza hafhu
na tshifhinga tshiṅwe na tshiṅwe tshine tsha ḓo vha tshi tshi fhira
tsho randelwaho tsha u ṱoḓa na u lugisela rekhodo u itela u dzi
bvisela khagala.
And here
is your
request
My PAIA request and
fee
7. ṰHALUTSHEDZO YA TSHUMELO DZINE DZA VHA HONE KHA MIRAḒO
YA TSHITSHAVHA KHA DAFF NA URI IDZI TSHUMELO DZI NGA
SWIKELELWA HANI.
Tshumelo dzine dza wanala kha Muhasho wa Vhulimi, Vhusimamiri na
Vhureakhovhe dzi sumbedzwa kha mishumo yawo, ndivho dza maitele na
ndivhotiwa khathihi na matavhi na ndivho dzao dzo ṋetshedzwaho kha uyu
manyuaḽa.
Mutevhe wa tshumelo dzine dza wanala kha Muhasho na uri dzi nga swikelelwa
hani zwi ḓo nambatedzwa kha uyu manyuaḽa sa ṱhumetshedzo. Ri ḓo khwinisa
iyi ṱhumetshedzo tshifhinga tshoṱhe nahone ri ḓo u anḓadza musi zwo tea kha
webusaithi ya muhasho kha www.daff.gov.za.
Kha pulani ya Maitele ya 2011/12, DAFF i ombedzela zwi tevhelaho:
o Tswikelelo kha zwa masheleni
o Tswikelelo kha vhugudisi na mveledziso
o Tswikelelo kha tshomedzo dza u bveledza themamveledziso
o Tswikelelo kha mimakete
o Tshumelo dza thikhedzo ya thekhinikhala na dza u hudza kana u
engedzedza
o Pulani kana nzudzanyo dza zwikhala
o Tswikelelo ya maṱereṱere/mbekanyamushumo ya mitshini
o Zwigwada zwa thundu kana zwibveledzwa
o Tshikwama tsha zwa Vhulimivhufuwi na vhushaka vhukati ha vhathu,
zwimela, phukha na vhathu
o U fentsela
o Zwikimu zwa tsheledzo na zwipelupelu zwa u bommba maḓi
o Madamu
o U vhea miṱa ya 200 000 kha zwikimu zwa bulasi ṱhukhu nga 2015
8. ṰHALUTSHEDZO YA U VHEKANYA U SHELA MULENZHE HA NNYI NA
NNYI YA MALUGANA NA U BVELEDZWA HA MBEKANYAMAITELE
KANA NYITO KANA KUSHUMELE KWA MISHUMO NGA DAFF
Kha DAFF nzudzanyo dzenedzo dzi ḓo katela:
Kha mbekanyamaitele ya pulani ya maitele muhasho u thola
vhafaramikovhe vha sekithara dzoṱhe kha mveledziso ya nḓowetshumo
ya vhoṱhe.
Kha vhuimo ha vhushaka vhukati ha mivhuso muhasho u shumisana na
mihasho yapo yo teaho na ya muvhuso wa vundu.
Kha vhuimo ha vhusimamilayo
Dzibodo, dzikhoro na foramu dza vhaṅwe vhafaramikovhe: Mulayo wa
DAFF kha zwiṅwe zwibveledzwa wo itelwa dzibodo, dzikhoro na dziṅwe
foramu dza vhafaramikovhe u ya nga uri vhaimeleli vha shumela
nḓowetshumo ifhio.
Maitele a vhueletshedzi a a tevhelwa musi hu tshi itwa mvetamveto ya
mulayo nga u fara wekishopho kha shango nga vhuphara na
vhafaramikovhe. Nga murahu ha u ita mvetamveto ya mulayo, Milayotibe i
a anḓadziwa uri hu ṋetshedzwe mihumbulo nga tshitshavha phanḓa ha
musi u tshi phaḓaladzwa.
Muvhigo wa Ṅwaha wa DAFF u iswa Phalamenndeni nahone u a wanala arali
tshitshavha tshi tshi ṱoḓa mafhungo.
Mbudziso dza u angaredza:
Muraḓo muṅwe na muṅwe wa tshitshavha a nga ṅwalela Mulangi-Dzhenerala
na/kana Minisṱa arali a tshi ṱoḓa u vhudzisa.
9. ṰHALUTSHEDZO YA NDULAMISO DZOṰHE DZINE DZA VHA HONE
MALUGANA NA U DZHIA ḼIGA KANA U KUNDELWA U DZHIA ḼIGA NGA
DAFF (KHETHEKANYO YA VHU 14(1) (H) YA MULAYO
Tsheo dzo dzhiiwaho nga Vhaṅwaleli u ya nga Mulayo u fana na Mulayo wa vhu
36 wa 1946 na Mulayo wa vhu 15 wa 1997 dzi nga itelwa aphiḽi.
Tsheo dzifhio kana dzifhio dzo dzhiiwaho nga DAFF dzine dza kwama nga nḓila i
si yavhuḓi pfanelo dza tshitshavha dzi nga ṱoḓisiswa u ya nga Ṱhuṱhuwedzo ya
Mulayo wa Vhulamukanyi ha Ndaulo wa 2000 (Mulayo wa vhu 3 wa 2000).
Fomo ya aphiḽi ya nga ngomu i tea u ḓadziwa ya iswa DAFF. U dzudzanywa ha
fomo hu dzhia maḓuvha a 30 u ya nga PAIA.
Muhumbeli a nga ita aphiḽi ya nga ngomu malugana na tsheo yo dzhiiwaho nga
Mufarisa Muofisiri wa Mafhungo malugana na u hanela khumbelo, kana
malugana na khumbelo na mbadelo ya tswikelelo, kana u engedzwa ha
tshifhinga tsha u shumana na khumbelo.
9.1. Fomo
9.1.1 Aphiḽi i tea u itwa kha fomo yo randelwaho (Fomo ya B) yo bviswaho u
ya nga PAIA, kana fomo ine ya tshimbilelana na iyi fomo. Khophi ya iyi
fomo yo nambatedzwa kha iḽi ḽiṅwalo sa ṱhumetshedzo. Khophi dza iyi
fomo dzi a wanala na kha ofisi dza DAFF kana webusaithi ya
muhasho.
9.1.2. Aphiḽi i tea u itwa hu sa athu fhela maḓuvha a 60 kana arali hu tshi
ṱoḓiwa nḓivhadzo u bva kha muimeleli nga khethekanyo ya vhu
49(1)(b) i fanela u itwa hu sa athu fhela maḓuvha a 30 nga murahu ha
musi nḓivhadzo yo ṋetshedzwa muhweleli wa tsheo yo aphiḽiwaho,
kana arali nḓivhadzo ya muhweleli i sa ṱoḓiwi, nga murahu ha musi
tsheo yo dzhiiwa. Aphiḽi i tea u itwa kha aḓirese, nomboro ya fekisi
kana poso ya iḽekhiṱhironiki zwa Vhafarisa Vhaofisi vha Mafhungo.
9.1.3. Muhweleli u tea u ṋetshedza zwidodombedzwa zwo linganaho kha
fomo ya aphiḽi a badele u ya nga zwiitisi zwa aphiḽi ya nga ngomu, uri u
ṱoḓa u ḓivhadzwa hani nga ha tsheo ya aphiḽi, na u badela mbadelo ya
aphiḽi yo randelwaho (arali i hone).
9.1.4. Maanḓalanga o teaho vha ḓo tendela uri aphiḽi i itwe ho no fhela
tshifhinga fhedzi arali ṱhalutshedzo kana thikhedzo ya muhweleli i tshi
pfala. Muhweleli u ḓo ḓivhadzwa arali aphiḽi yawe yo lengaho yo
hanelwa kana i songo ṱanganedzwa.
9.2. Mbadelo ya Aphiḽi
9.2.1. Muhwelei u tea u badela mbadelo yo randelwaho (arali i hone). Tsheo
nga ha aphiḽi ya nga ngomu i nga lengiswa u swikela mbadelo ya
aphiḽi i tshi badelwa.
9.2.2. Nga murahu ha u ṱanganedza aphiḽi, Mufarisa Muofisiri wa Mafhungo
u fanela u rumela aphiḽi ya nga ngomu, zwiitisi zwa tsheo, na
zwidodombedzwa zwa muimeleli ane a kwamea, arali zwi hone kha
Muofisiri wa Mafhungo hu sa athu fhela maḓuvha a u shuma a 10.
9.3. Muimeleli
9.3.1. Arali DAFF i tshi khou dzhiela nṱha aphiḽi ya nga ngomu ya malugana
na u hanelwa ha khumbelo ya tswikelelo ya rekhodo ya muimeleli
malugana na zwiphiri zwawe, madzangalelo a zwa vhubindudzi na
maṅwe mafhungo a tshiphiri, na rekhodo dza SARS, muhasho u tea u
ḓivhadza muimeleli nga ha aphiḽi hu saathu fhela maḓuvha a 30 nga
murahu ha u ṱanganedza aphiḽi, nga u ṱavhanya nga hune zwi nga
konadzea. DAFF i ḓo fha muimeleli ṱhalutshedzo ya zwi re ngomu ha
aphiḽi, zwidodombedzwa zwa muhweleli na uri naa muhasho u khou
tenda naa uri mafhungo a bviselwe khagala hu tshi khou itelwa
tshitshavha. Zwenezwo muimeleli u na maḓuvha a 21 u ṋetshedza
vhuṱanzi ho tou ṅwaliwaho ha uri ndi ngani khumbelo ya mafhungo i
songo ṱanganedzwa, kana a fha thendelo yo tou ṅwaliwaho ya u
ṋetshedza muhumbeli thendelo ya tswikelelo.
9.3.2. DAFF i nga ṱoḓa u ita aphiḽi ya nga ngomu malugana na u ṋetshedza
tswikelelo ya mafhungo. Zwenezwo muhasho u ḓo tea u ḓivhadza
muhumbeli nga ha aphiḽi yeneyo hu saathu fhela maḓuvha a 30 ho
ṱanganedzwa aphiḽi ya nga ngomu. Muimeleli u na maḓuvha a 21 a u
ṋetshedza vhuṱanzi ho tou ṅwaliwaho ha uri ndi ngani tswikelelo ya
rekhodo i tshi tea u ṋetshedzwa.
9.4. Nḓivhadzo ya tsheo
9.4.1. DAFF i nga khwaṱhisedza tsheo ya u thoma, kana ya dzhia iṅwe
tsheo. Izwi zwi ḓo itwa hu saathu fhela maḓuvha a 30 kana hu
saathu fhela maḓuvha maṱanu a u shuma nga murahu ha u
ṱanganedza vhuṱanzi ho tou ṅwaliwaho malugana na aphiḽi. Nḓivhadzo
i ḓo ṋetshedzwa muhweleli, muimeleli muṅwe na muṅwe a kwameaho
na muhumbeli, i tshi khou amba tshiitisi/zwiitisi zwa tsheo.
9.5. Khumbelo ya khothe
9.5.1. Muhweleli, muimeleli kana muhumbeli na ene u ḓo ḓivhadzwa uri a
nga ita khumbelo khothe malugana na tsheo malugana na aphiḽi ya
nga ngomu hu sa athu fhela maḓuvha a 60 kana maḓuvha a 30 (
arali nḓivhadzo i tshi tea u ṋetshedzwa muimeleli). Zwifhinga zwo
randelwaho zwi ḓo shuma arali DAFF i nga dzhia tsheo ya u
ṋetshedza thendelo ya tswikelelo ya rekhodo hune muimeleli a kha ḓi
vha na pfanelo ya u ṋetshedza vhuṱanzi malugana na iyi tsheo phanḓa
ha musi tswikelelo ya rekhodo i tshi ṋetshedzwa.
9.5.2. Arali DAFF ya kundelwa u tevhedzela aya maitele a re afho nṱha na
zwifhinga zwo randelwaho malugana na aphiḽi ya nga ngomu, DAFF i
ḓo dzhiiwa yo fhelisa aphiḽi ya nga ngomu.
9.5.3. Muhumbeli kana muimeleli a nga ita khumbelo kha Khothe Khulwane
(kana khothe ya vhuimo vhu fanaho na honoho) FHEDZI u itela u
thusa nga murahu ha musi muhumbeli kana muimeleli o shumisa
maitele oṱhe a aphiḽi ya nga ngomu, hu sa athu fhela maḓuvha a 30
nga murahu ha tsheo ya nga ha aphiḽi ya nga ngomu. A hu na rekhodo
dzine khothe ya ḓo hanelwa nadzo. Matshimbidzele a khothe a si a
vhugevhenga, nahone khothe i nga khwaṱhisedza, u shandukisa kana
u vhetshela thungo tsheo yo dzhiiwaho nga ha aphiḽi ya nga ngomu
kana ya fha ndaela ya khothe.
.
10. MAṄWE MAFHUNGO ANE A NGA KHA ḒI RANDELWA NGA MINISṰA
WA VHULAMUKANYI NA MVELEDZISO YA NDAYOTEWA
Zwa zwino a hu na maṅwe mafhungo a u ḓadzisa u bva kha Minisṱa wa
Vhulamukanyi na Mveledziso ya Ndayotewa u ya nga khethekanyo ya vhu 92 ya
Mulayo.
11. MAṄWE MAFHUNGO
Maṅwe mafhungo malugana na muhasho a nga waniwa u bva kha webusaithi ya
DAFF kha www.daff.gov.za kana vha nga kwama:
Mulangi Muhulwane:Mulangi Muhulwane: Vhushaka ha Vhafaramikovhe na
Vhudavhidzani
Private Bag X250
Pretoria
0001
Luṱingo: 012 319 7348
E-meili: [email protected]
Mulangi : Mulangi: Tshumelo dza Vhudavhidzani
Private Bag X144
Pretoria
0001
Luṱingo: 012 319 7960
E-meili: [email protected])
Mulangi : Mulangi: Vhudavhidzani
Fisheries Management
Private Bag X2
Rogge Bay
8012
Tel: 021 402 3911
E-mail: [email protected])
12. DZIṰHUMETSHEDZO
Maṅwalo a tevhelaho o ṱumetshedzwa kha iyi manyuaḽa:
Ṱhumetshedzo ya A: Fomo ya Khumbelo
Ṱhumetshedzo ya B: Fomo ya Aphiḽi ya nga ngomu
Ṱhumetshedzo ya C: Shedulu ya dzimbadelo