Por:

-Arselina

-Celia

-Maite

Les xanes son seres mitolóxicos que viven nes viesques.

Xana ye’l nome que reciben les hades n´Asturies, normalmente les xanes guarden ayalgues debaxo l’agua.

Represéntensen como una moza xoven y de tremenda belleza, de rasgos más bien nórdicos, de cabellos y güeyus claros, peinase nes orielles de les fontes o saltos d’agua con peines d’oro, esperandu a incautos caballeros pa encantalos colos sos encantos y promeses de tesoros.

Tienen fios pequeños y peludos, nomaos xaninos.

Les nueches de San Xuan xúntensen en grupus y bailen en coros al son de los cantares de los ventolinos. Casi siempre son custodiaes polos cuelébres.

Viven nes fontes, en cueves xunto a los ríos ¡hai tantes, tantes lleendes al rodiu d´elles que ye imposible cuntales toes!

LEYENDESUn viudu de Carrandena, conceyu de Colunga, tenía dos fiyinos. Mentantu él trabayaba la tierra, daquién cuidaba los fíos y iguaba-y la casa, ensin qu´él supiera quien yera. Un día quedose escondiu y descubrió que yera una xana. Entos propuso-y quedase a vivir con él. Ella aceptó cola condición de que si, de la que diba tolos díes a mecer al Sueve, sentía daqué al pasar pela cueva el Moru, nun-y dixera ná. Corrierun unes dómines felices pa toos; los neños, sobre tou, perqueriela y espoxigaben. Pero´l viudu entamó a murniar pocu a pocu. La xana entrugaba-y por que taba tan triste y el nun-y contestaba. Hasta que, un día, tiempu después, dixo-y que de la que pasaba per la cueva El Moru, y por más qu-atapaba les oreyes, siempre sentía:

-Ah, xana hermana, ven ver a to má, que ta mui mala!

La xana al oyílo tiró la restiella y coló pa nun volver más , diciendo-y:

-Si aguantares cuatro díes más en contámelo, seríes ricu y a min desencantábesme pa siempre.

Una muyer vió salir de les agües d´un regatu un filu d´una seda perguapa. Entamó facer un duviellu con él y nun terminaba enxamás. Entós cortolu. A pocu ayese una voz que salía del agua:

-¡Porqué pocu lu perdiste!