Kommuneqarfik Sermersooq · Imm. 3. Ataatsimiititap suliassat aqutsineq pillugu inatsimmi § 25...

Kommuneqarfik Sermersooq

Kommunalbestyrelsi / Kommunalbestyrelsen (KOMBEST: 16/05-2017 Aqutsinermut Ileqqoreqqusap aappassaaneerneqarnera)

16-05-2017 15:30

Kommunalbestyrelsip ataatsimiittarfia

Information : Oqarasuaatikkut ilaalernermi oqarasuaat 150 kode 85 85 85 85

Mødeindhold

Punkt Side

Punkt 0: Saqqaa 1

Punkt 1: Oqaluuserisassat akuerineqarnerat 2

Punkt 2: Nalunaarutit 3

Punkt 3: Ilisimatitsissutit 4

Punkt 4: Aalajangiiffigisassat 5

Punkt 04A: Aqutsinermik Ileqqoreqqusap aappassaaneerneqarnera 6

Punkt 04B: Sisorarfiit aningaasaateqarfiata siulersuisuinut ilaasortamik aammalu 9

Punkt 5: Immikkoortut matoqqasut 12

Punkt 6: Taasariaqartut allat 13

Punkt 7: Imaqarniliap akuerinera 14

IlaasortatAsii Chemnitz Narup (IA)Malene Lynge (IA)Charlotte Ludvigsen (IA)Uju Petersen (IA)Harald Bianco (IA)Inge Olsvig-Brandt (IA)Rasmine Geisler (IA)Knud Mathiassen (IA)Henrik Rachlev (IA)Nivi Olsen (D)Randi Vestergaard Evaldsen (D)Justus Hansen (D)Mala Høy Kúko (A)Peter Davidsen (S)Thiiooq Knudsen (S)Ane Egede Mathæussen (S)Martha Lund Olsen (S)Rolf Píke (S)Laura Táunâjik (S)

Ilaasinnaanatik nalunaartut

Peter Davidsen (S)

Aggeqquneqartut

Jens Kristian Berthelsen (S)

Punkt 0: Saqqaa

1

Punkt 1: Oqaluuserisassat akuerineqarnerat

2

2A Borgmesterimiit nalunaarutit

2B Ataatsimiititanit ataavartuniit nalunaarutit

Punkt 2: Nalunaarutit

3

Soqanngilaq.

Punkt 3: Ilisimatitsissutit

4

Punkt 4: Aalajangiiffigisassat

5

04A Kommunalbestyrelsimut Aqutsinermi IleqqoreqqusaqAalajangiiffigisassaq J.nr.: 01.00.01 Pisortaanerugallartoq Lars Møller-Sørensen / LMS

Kommunalbestyrelse inissitsiterluni ataatsimiinnerani ulloq 2. maaji 2017 aqutsinermi ileqqoreqqusaq siullermeerluni suliarineqarpoq, tassanilu aqutsinermi ileqqoreqqusaq Kommunalbestyrelsimit akuersissutigineqarpoq, tamatumalu saniatigut aqutsinermi ileqqoreqqusap allanneqarneranik iluarsiissuteqarnissamut, aqutsinermi ileqqoreqqusap aappassaaneerneqarnissaanut, borgmesteri pisinnaatinneqarpoq.

Allanneqarnerata iluarsiissuteqarfigineqarnerata saniatigut, aqutsinermut inatsimmi § 44 imm. 2. malillugu, aappassaaneerneqarnissaanut siunnersuutigineqarpoq, Kommunalbestyrelsip Aningaasaqarnermut Inuussutissarsiornermullu Ataatsimiititaq missingersuutini aningaasaliissutinik ingerlatsinermut aningaasaliissutiniit ingerlatsinermut aningasaliissutinut allamut nuussinissaanut aamma sanaartornissamut aningaasaliissutiniit sanaartornermut aningaasaliissutinut allanut nuussinissaanut pisinnaatinneqassasoq.

Aqutsinermi ileqqoreqqusassatut siunnersuummi aappassaaneerneqarnissaanut allannguutit tamarmik sungaartumik nalunaaqutsersugaapput.

InassuteqaatBorgmesterip Allatseqarfiata Kommunalbestyrelsimut inassuteqaatigaa:

- Kommunalbestyrelsimut aqutsinermut ileqqoreqqusat siullermeerneqarneri akuerineqassasut

Suliassamik saqqummiussineq Kommunit aqunneqarnerat pillugu Inatsisartut inatsisaat nr. 22, 18. november 2010-meersumi § 1, imm. 2 naapertorlugu Kommunalbestyrelsimit kommunip aqunneqarneranut malittarisassat, tassunga ilanngullugu borgmesterip suliassai, aqutsinermut ileqqoreqqusani aalajangersarneqartassapput. Aqutsinermut ileqqoreqqusassamut siunnersuutit aamma ileqqoreqqusamut atuuttumut allannguutissatut siunnersuutit Kommunalbestyrelsimi sivikinnerpaamik ullunik 14-inik akuttussuseqartumik marloriarlugit suliarineqassapput.

Aqutsinermut inatsimmi § 44 imm. 2 malillugu, aqutsinermi ileqqoreqqusap aappassaaneerneqarnissaanut siunnersuutigineqarpoq, Kommunalbestyrelsimit Aningaasaqarnermut Inuussutissarsiornermullu Ataatsimiititap missingersuutini aningaasaliissutinik ingerlatsinermut aningaasaliissutiniit ingerlatsinermut aningasaliissutinut allamut nuussinissaanut aamma sanaartornissamut aningaasaliissutiniit sanaartornermut aningaasaliissutinut allanut nuussinissaanut pisinnaatinneqassasoq. ”… Tamatuma saniatigut Kommunalbestyrelsimit Aningaasaqarnermut Ataatsimiititaq missingersuutini aningaasaliissutinik ingerlatsinermut aningaasaliissutiniit ingerlatsinermut aningasaliissutinut allamut nuussinissaanut aamma sanaartornissamut aningaasaliissutiniit sanaartornermut aningaasaliissutinut allanut nuussinissaanut pisinnaatinneqarsinnaasoq. ” Siunnersuut aqutsinermi ileqqoreqqusami § 6, imm. 15-imi ilanngunneqarpoq.

Aaqqiissutissatut siunnersuut – suliatigut naliliineqAqutsinermi ileqqoreqqusassatut siunnersuummi Kommunalbestyrelsimit ataatsimiititat tulliuttut pilersinneqassapput:

Punkt 04A: Aqutsinermik Ileqqoreqqusap aappassaaneerneqarnera

6

- Aningaasaqarnermut Inuussutissarsiornermullu Ataatsimiititaq- Meeqqanut Atuarfeqarnermullu Ataatsimiititaq - Meeqqanut Ilaqutariinnullu Ataatsimiititaq- Sanarfinermut Avatangiisinullu Ataatsimiititaq- Isumaginninnermut Suliffeqarnermullu Ataatsimiititaq

Taamaalilluni Kommunalbestyrelsimut aqutsinermi ileqqoreqqusap siulianut sanilliullugu ima allannguuteqassaaq:

- Aningaasaqarnermut Ataatsimiititaq imaalillugu allanngortinneqassaaq Aningaasaqarnermut Inuussutissarsiornermullu Ataatsimiititaq

- Meeqqanut Ilaqutariinnut Atuarfeqarnermullu Ataatsimiititaq imaalillugu allannguuteqassaaq Meeqqanut Atuarfeqarnermullu Ataatsimiititaq.

- Meeqqanut Ilaqutariinnullu Ataatsimiititaq ataatsimiititatut nutaatut pilersinneqassaaq- Sanarfinermut Avatangiisinullu Ataatsimiititaq allannguuteqassanngilaq - Isumaginninnermut, Suliffeqarnermut Inuussutissarsiuteqarnermulu Ataatsimiititaq

imaalillugu allanngortinneqassaaq Isumaginninnermut Suliffeqarnermullu Ataatsimiititaq

Aningaasaqarnikkut sulisoqarnikkullu naliliinerit Ataatsimiititat aaqqissuussaanerata allannguutaat aningaasaqarnermut sunniuteqarnissaa naatsorsuutigineqarpoq. Aningaasaqarnermut sunniutaasut qulaajarneqareerpata ilassutitut aningaasaliissutaaratarsinnaasut Kommunalbestyrelsimit suliarineqassapput.

Inatsisitigut tunngavissaq allakkallu tunngaviusumik uppernarsaatitallit Kommunit aqunneqarnerat pillugu Inatsisartut inatsisaat nr. 22, 18. november 2010-meersoq Kommuneqarfik Sermersuumi Kommunalbestyrelsimi Aqutsinermi Ileqqoreqqusaq

IngerlariaqqinnissaqAqutsinermi ileqqoreqqusaq Kommunalbestyrelsimit akuerineqarpat, ulloq 16. maaji 2017 Kommunalbestyrelsip ataatsimiinnerani aappassaaneerluni suliarineqassaaq. Aqutsinermi ileqqoreqqusaq Kommunalbestyrelsimit aappassaaneerluni, sivikinnerpaamik ullunik 14-inik akunnilerlugit, oqaluuserineqareerpat aqutsinermi ileqqoreqqusaq ataaseq Naalakkersuisunut nassiunneqassaaq.

Aningaasaqarnermut Allatseqarfimmit oqaaseqaatit Aningaasaqarnermut Allatseqarfimmit oqaaseqaatinik pissarsiniartoqanngilaq.

Innuttaasunik peqataatitsineq/attaveqaqatigiinneqAqutsinermi ileqqoreqqusaq aappassaaneerneqareerpat kommunip nittartagaatigut tamanut saqqummiunneqassaaq.

Ingerlatsivinnit allanit oqaaseqaatitSoqanngilaq.

Siusinnerusukkut aalajangerneq Kommunalbestyrelsip aalajangernera marlunngorneq maajip aappaaneersoq:Kommunalbestyrelsip inassuteqaat akueraa, taamaalillunilu aqutsinermi ileqqoreqqusap aappassaaneerneqarnissaanut allatanik iluarsiissuteqarnissamut borgmesteri pisinnaatinneqarluni.

Ilanngussaq1. Kommuneqarfik Sermersuumi Kommunalbestyrelsimi Aqutsinermi Ileqqoreqqusaq

Punkt 04A: Aqutsinermik Ileqqoreqqusap aappassaaneerneqarnera

7

• 2017-2021 Aqutsinermi Ileqqoreqqusaq.docx

Bilag til Punkt 04A: Aqutsinermik Ileqqoreqqusap aappassaaneerneqarnera

8

xx. xx. 2017J.nr. 01.00.01

Aqutsinermi Ileqqoreqqusaq

Kommuneqarfik SermersuumiKommunalbestyrelsimut

Punkt 04A, Bilag 1: 2017-2021 Aqutsinermi Ileqqoreqqusaq.docx

Kommuneqarfik SermersuumiKommunalbestyrelsimi Aqutsinermi Ileqqoreqqusaq

§ 1

Kommunalbestyrelse 19-inik ilaasortaqarpoq, kommunit aqunneqarnerat pillugu Inatsisartut Inatsisaat (tulliuttuni aqutsineq pillugu inatsimmik taagorneqartoq) nr. 22, 18. novembari 2010-meersumi § 3, imm. 2 naapertorlugu qinerneqartunik.

Imm. 2. Kommunalbestyrelse aqutsineq pillugu inatsimmi § 6 naapertorlugu, imm. 3 aamma imm. 4 naapertorlugu ataatsimiinnermi inissitsiterfiusumi borgmesterimik aamma borgmesterip tullersortaanik siullermik tullermillu qinersisassaaq.

§ 2

Kommunalbestyrelsip ataatsimiinnissaanik piareersaanerit, aggersaanerit ataatsimiinnerullu ingerlanneqarnissaanut malittarisassat, aqutsinermut inatsimmi § 1 naapertorlugu Kommunalbestyrelsimit aalajangersarneqartassapput.

Borgmesteri

§ 3

Kommunalbestyrelsip ataatsimiittarneranut atatillugu borgmesterip suliassaanut malittarisassat erseqqinnerusut, suleriaatsimi aalajangersarneqarput. lmm. 2. Aqutsineri inatsimmi § 19 naapertorlugu, borgmesteri ulluinnarni kommunip allaffissornikkut aqunneqarnerani qullersaavoq.

lmm. 3. Suliani ataatsimiititap aalajangersimasup oqartussaaffigisaanut tunngasuni, Kommunalbestyrelsip suliami aalajangiinnginnerani oqaaseqaatit ataatsimiititamit pissarsiarineqarsimanissaat borgmesterip isumagisassavaa.

Imm. 4. Suliat naammassineqartarnissaat borgmesterip isumagissavaa, tassungalu ilanngullugu suliat pisariaqanngitsumik kinguaattuunnginnissaat nakkutigissavaa, pisariaqarfiatigullu tamatumunnga maleruagassiorsinnaalluni. Borgmesteri ataatsimiititani sulisorisanillu suliat pillugit paasissutissanik sunilluunniit taakku oqartussaaffigisaannik paasiniaallunilu suliat qanoq isumagineqarnerat pillugu paasissutissanik pissarsiniarsinnaavoq.

§ 4.

Aningaasaliissuteqarfigineqareersimanngitsunik aningaasartuuteqartoqannginnissaa isertitaqartoqannginnissaalu taamattaarlu aningaasartuutit isertitallu Nakkutilliisoqarfimmit kommunalbestyrelsimillu maleruagassiissutit naapertorlugit pisarnissaat Borgmesterip nakkutigisassaraa. Aningaasanik atuineq aningaasaliissutaariinngitsunik tunngaveqartoq borgmesterip paasippagu, taava apeqqut tassunga attuumassutilik Aningaasaqarnermut Ataatsimiititaq aqqutigalugu Kommunalbestyrelsimi saqqummiunneqassaaq.


Imm. 2. Kommunalbestyrelsip paasissutissatut piumasaqaatai borgmesterimit nalunaarutigineqartussaatitaapput, borgmesterilu inatsisitigut killiliussatut aalajangersarneqartut naapertorlugit Kommunalbestyrelsip aalajangerneranik malinnittussaatitaavoq.

Ataatsimiititaliat pilersinneqarneri taakkulu ingerlanneqarnerinut assigisaannullu malittarisassat nalinginnaasut.

§ 5

Aqutsineq pillugu inatsimmi §§ 24 aamma 26 naapertorlugit ataatsimiititat makku pilersinneqassapput.

1. Aningaasaqarnermut Inuussutissarsiornermullu Ataatsimiititaq (ilaasortat arfineq-marluk)2. Meeqqanut Atuarfeqarnermullu Ataatsimiititaq (tallimanik ilaasortaqartoq) 3. Isumaginninnermut Suliffeqarnermullu Ataatsimiititaq (tallimanik ilaasortaqartoq). 4. Sanarfinermut Avatangiisinullu Ataatsimiititaq (tallimanik ilaasortaqartoq)5. Meeqqanut Ilaqutariinnullu Ataatsimiititaq (tallimanik ilaasortaqartoq)

Imm. 2. Aningaasaqarnermut Inuussutissarsiornermullu Ataatsimiititaq eqqaassanngikkaanni, aqutsineq pillugu inatsimmi § 27 naapertorlugu, ataatsimiititat namminneq siulittaasussaminnik qinersissapput. Borgmesteri Aningaasaqarnermut Inuussutissarsiornermullu Ataatsimiititamut siulittaasussaatitaavoq.

Imm. 3. Ataatsimiititaliat namminneq suleriaasissartik aalajangersartarpaat.

Imm. 4. Ataatsimiititat tamarmik aalajangiinernik imaqarnilianik suliarinnittassapput, tassani ataatsimiititat aalajangiineri allanneqartassallutik, ataatsimiinnerullu naanerani ilaasortanit ataatsimiinnermi peqataasimasunit atsiorneqartussamik. Ilaasortat tamarmik isummaminnik allaanerusunik aalajangiinermit imaqarniliamut ilanngussisinnaatitaapput, sulianilu ataatsimiititamit oqartussaasunut allanut nassiunneqartussani imaqarniliap imaanik ilisimatinneqarnissaq piumasarisinnaallugu.

Imm. 5. Ataatsimiititat Kommunalbestyrelsip ukiumoortumik missingersuutitigut akuersissutigisai naapertorlugit, suliassaqarfittut akisussaaffigisaminni isumaginnissapput. Taakku aningaasaliissutigineqartut atuinivimmit aallaanerunnginnissaat isumagissavaat, taamattaarlu aningaasaliissutaasunit allaanerusunit aningaasaliinissaq kissaatiginartoq imaluunniit pisariaqartoq nalilerunikku, Aningaasaqarnermut Ataatsimiititaq aqqutigalugu Kommunalbestyrelsimut inassuteqartassallutik.

Imm. 6. Iliuusissanik ataatsimiititamut allamut pingaarutilinnik aallartitsinnginnermi, ataatsimiititaq ataatsimiititamik pineqartumik, pisariaqartillugu borgmesterip peqataatinneqarfigisaanik, aqutsineq pillugu inatsimmi § 29 naapertorlugu, isumaqatigiinniuteqassaaq.

Imm. 7. Ataatsimiititat, inatsimmi killissarititaasut malillugit Kommunalbestyrelsilu allamik aalajangiinngippat, kommunip aqutsineranik apeqqusiinngitsumik, suliani assigiiaartuni allamik aalajangiisinnaanermik pisinnaatitsisinnaatitaavoq.

§ 6

Aningaasaqarnermut Inuussutissarsiornermullu Ataatsimiititaq


Aqutsineq pillugu inatsimmi §§ 24 aamma 25 naapertorlugit aningaasaqarnermut ataatsimiititamik pilersitsisoqassaaq. Ataatsimiititamittaaq inuussutissarsiornermut tunngasut ingerlanneqarnerat akisussaaffigineqarpoq, taaguuteqarlunilu Aningaasaqarnermut Inuussutissarsiornermullu Ataatsimiititaq.

Imm. 2. Aningaasaqarnermut Inuussutissarsiornermullu Ataatsimiititap borgmesteri, ataatsimiititami siulittaasuusoq, kiisalu Kommunalbestyrelsimut ilaasortat arfinillit ilaasortarissavai.

Imm. 3. Ataatsimiititap suliassat aqutsineq pillugu inatsimmi § 25 aamma kapitali 5 naapertorlugit tassunga suliassarititaasut ingerlanneqarnissaat isumagissavai.

Imm. 4 Ataatsimiititap kommunimi akissarsianut sulisoqarnermullu suliassat ingerlanneqarnissaat isumagissavai.

Imm. 5. Kommunimi suliassat, kulturikkut sammisassaqartitsinermut tunngasut, ataatsimiititap isumagissavai.

Imm. 6. Ataatsimiititap kommunip innuttaasunik sullissiviata ingerlanneqarnera nakkutigissavaa.

lmm. 7. Suliat kommunip pilersaarusiornermik suliassaanut, aningaasaqarneranut allaffissornermulluunniit tunngasunut nalinginnaasunut tunngasut tamaasa pillugit, suliaq Kommunalbestyrelsimut aalajangiiffigisassanngorlugu saqqummiunneqannginnerani, ataatsimiititaq oqaaseqaatinik pissarsiniartoqassanersoq pillugu malittarisassanik aalajangersaassaaq.

Imm. 8. Kommunip aningaasatigut pilersaarusiorneqarnerata, tassunga ilanngullugu missingersuusiortarnermut najoqqutassiortarnerit aqunneqarnerat Aningaasaqarnermut Inuussutissarsiornermullu ataatsimiititap isumagissavai. Ataatsimiititap kommunip pilersaarusiutaasa ataqatigiissakkamik aaqqissuunneqarnissaat isumagissavaa.

Imm. 9. Ataatsimiititaq kommunip missingersuutaanut siunnersuusiortarpoq, kommunillu naatsorsuutai Kommunalbestyrelsimut saqqummiuttarlugit.

Imm. 10. Illunik pisinerup, attartornerup, tunisinerup aningaasanillu taarsigassarsinermut sallunaveeqqusiinerup aqunneqarnerat ataatsimiititap isumagissavaa.

Imm. 11. Kommunimi immikkut ilisimasallit siunnersoqatigalugit ataatsimiititaq kukkunersiuinermik siunnersuusiussaaq kommunillu karseqarneq naatsorsuuteqarnerlu pillugit malittareqqusaa pillugu Kommunalbestyrelsimut inassuteqassalluni.

Imm. 12. Ataatsimiititat ataavartut aamma nunaqarfinnik aqutsisut/najukkani siunnersuisoqatigiit ataatsimiititat taakkununnga attuumassutillit suleqatigalugit, ataatsimiititaq kukkunersiuisut oqaaseqaatigisimasaannut akissutissanik Kommunalbestyrelsimut saqqummiussassamik siunnersuusiussaaq.

Imm. 13. Ataatsimiititaq imigassanik kimittuunik tuniniaasinnaanermut sassaallersinnaanermullu akuersissuteqarfigineqarnissamik qinnuteqaatinut tunngatillugu Kommunalbestyrelsimut inassuteqaateqartassaaq isumaginnittuuvoq.

Imm. 14. Ataatsimiititap kommunip ingerlatseqatigiiffiiniittut soqutigisai nakkutigissavai.

Imm. 15. Ataatsimiititap aningaasatigut pilersaarusiornermut ingerlatsinermi aningaasartuutissanik


missingersuutiniittunik nikisiterisinnaanermut kiisalu sanaartugassanut aningaasaliissutinik sanaartugassanut allanut nuussisinnaanermut tunngasoq suliarissavaa.

§ 7

Aningaasaqarnermut Inuussutissarsiornermullu Ataatsimiititap makkua malittarisassaliussavai:

Nalunaarusiat kommunip pisortaqarfianeersut Ataatsimiititap missingersuusiornermik aningaasanillu akuersisarnermik nakkutiginninnera pillugu

Kommunimi sulisorisat pillugit suliassat ingerlannissaat Kommunip nalilinnik pigisaasa qanoq annertutigisumik sillimmasernissaat Kommunip niuerniartarnerata ataqatigiissumik aaqqissuunneqarnissaa Maleruagassat aamma akigititat kiisalu motoorilinnik qamutaatilinnik nakkutilliinermut

tunngasut.

§ 8

Aningaasaqarnermut Inuussutissarsiornermullu Ataatsimiititap nakkutigissavaa:

aningaasanik nalillit ingerlanneqarneri Kommunalbestyrelsimi aalajangikkat naapertorlugit pisarnersoq, nakkutigissallugillu nakkutilliineq aamma isumannaallisaaneq pillugit aalajangersakkat naapertorlugit ingerlatsisoqarnersoq, taassuma ataani atsiuisinnaanermut aamma aningaasanik tunniussisinnaanermut maleruaqqusat naammassineqarsimanersut.

kommunip karsiinik aamma kommunip naatsorsuutaanik ingerlatsinerit isumannaatsumik ingerlanneqarnersut.

ukiumut ataatsimut missingersuutini aningaasaliissutissatut nalunaarutigineqarsimasut Kommunalbestyrelse akuersiseqqaarnagu ilassutitut aningaasaliissutitut isikkoqartillugit sippuisoqartannginnersoq.

kommunip allagaataasa toqqorsivimmiittut isumannaatsumik inissisimanissaat.

§ 9

Aningaasaqarnermut Inuussutissarsiornermullu Ataatsimiititap, Kommuneqarfik Sermersuup aamma Sermersuumi Inuussutissarsiornermut Siunnersuisooqatigiit akornanni kiffartuussinermut isumaqatigiissummi suliassaqarfiit ilaatinneqanngitsut, isumagisassarai. Tassa immikkoortut makku ataatsimiititap isumagisassaralugit:

Oqartussaasutut suliassat, soorlu aalisarnermut akuersissutinik agguaassinerit kiisalu Piniarnermut, aalisarnermut nunalerinermullu tunngasuni tusarniaanermi

akissuteqaasiornerit Sermersuumi Inuussutissarsiornermut Siunnersuisoqatigiit aamma Destination East

Greenlandip kiisalu Nanu Travelip akornanni kiffartuussinissamik isumaqatigiissutinik akuersissuteqartarneq

Suliassaqarfimmi kiffartuussinissamik isumaqatigiissutinik akuersissuteqartarneq Sermersuumi Inuussutissarsiornermut Siunnersuisoqatigiit inuussutissarsiutit pillugit

pilersaarusiaannik akuerissuteqartarneq Ataatsimiititap susassaqarfiani illuutinik ingerlatsinerit. Illuliornernut tapiissutit (Malugiuk una Sanarfinermut Avatangiisinullu Ataatsimiititamiit

nuunneqarmat)

Sermersuumi Inuussutissarsiornermut Siunnersuisoqatigiinnut isumaqatigiissuteqarneq


atorunnaarsinneqarpat, siunnersuisoqatigiit susassaqarfii ataatsimiititap utertillugit tigussavai.

Imm. 2. Ataatsimiititap Sermersuumi Inuussutissarsiornermut Siunnersuisoqatigiinnit inuussutissarsiornermut pilersaarusiat immikkoortunik allanik, nammineq ataatsimiititaliallu allat attuumassuteqarfigisaannut ataqatigiissartassavai.

Imm. 3. Ataatsimiititap kommunip attaveqaatitigut pisariaqartutigut aammalu inuussutissarsiornermut ineriartortitsinermut pilersaarutaasa ataqatigiinnerat qulakkiissavaa.

Imm. 4. Ataatsimiititaq makku pillugit Kommunalbestyrelsimut inassuteqaasiortassaaq:

• Ataatsimiititap susassaqarfiinut tunngasunut ataatsimut politikki• Ataatsimiititap suliassaqarfiinut periusissat• Ataatsimiititap suliassaqarfiinut ineriartortitsinermut pilersaarutit

Ataatsimiititat ataavartut

§ 10

Meeqqanut Ilaqutariinnullu Ataatsimiititaq tallimanik ilaasortaqartoq.

Imm. 2. Meeqqanut Ilaqutariinnullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.

Imm. 3. Meeqqanut Ilaqutariinnullu Ataatsimiititap meeqqanut ilaqutariinnullu attuumassuteqartut makku isumagisassarai:

• Meeqqanut, inuusuttunut ilaqutariinnullu ikiorsiissutit• Meeqqat annertuumik innarluutillit ikorfartorneri• Pinaveersaartitsineq• Ataatsimiititap suliassaqarfiani illuutinik ingerlatsineq

Imm. 4. Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit inassuteqaateqartassaaq:


§ 11

Isumaginninnermut Suliffeqarnermullu Ataatsimiititaq tallimanik ilaasortaqarpoq.

Imm. 2. Isumaginninnermut Suliffeqarnermullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.

Imm. 3. Ataatsimiititap isumagissavai suliassat kommunimi isumaginninnermut suliffeqarnermullu attuumassuteqartut aqunneqarnerat, makkua ilanngullugit:


- Pisortanit qulakkeerinnissutitut tunniussat- Utoqqalinermi siusinaartumillu pensionisiaqalersitsinerit- Imigassamik atornerluinermut katsorsaanerit- Inunnik annertuumik innarluuteqartunik ikorfartuineq- Suliffeqarnermik annertusaanerit- Suliffissarsiuussinerit, tassunga ilanngullugu avataanit suliartortunik nakkutilliineq- Ataatsimiititap suliassaqarfiani illuutinik ingerlatsineq- Piareersarfiit Majoriaq- Piorsaavik

Imm. 4. Ataatsimiititaq isumaginninnermi annertusaalluni suliniutit pillugit pilersaarutinik Aningaasaqarnermut Inuussutissarsiornermullu Ataatsimiititaq aqqutigalugu kommunalbestyrelsimut siunnersuusiortarlunilu inassuteqaasiortarpoq aammalu piginnaasanik ineriartortitsinermi pingaarnernik pilersaarusiornerit aamma sammisassaqartitsinermut tunngasut.

§ 12 .

Sanarfinermut Avatangiisinullu Ataatsimiititaq tallimanik ilaasortaqarpoq.

Imm. 2. Sanarfinermut Avatangiisinullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.

Imm. 3. Sanarfinermut Avatangiisinullu Ataatsimiititap suliassaqarfiit teknikkimut avatangiisinullu tunngasut, pilersaarusiornerup ineriartortinneqarneranut, kiisalu pinngortitamut piujuartitsinissamullu tunngasuni kommunip suliassaanut tunngasut isumagisarai, taakkununnga ilanngullugit:

Nunaminertanut Oqartussaqarfik Sanaartornermut Oqartussaqarfik Avatangiisinut Oqartussaqarfik Illoqarfiup Pilersaarusiorneqarneranut Oqartussaqarfik Aqqusinernut tunngasut Nunat sunngiffimmi ornigarneqartartut Kommunimi innaallagissiorfiit, imeqarfiit il.il. Pilersuisoqarneq Eqqaaveqarneq aamma avatangiisinut tunngasut Sanaartugassat Kommunip illuutaanik ingerlatsineq aserfallatsaaliuinerlu Kommunip illuutaanik iluarsaaneq Piginneqatigiilluni inissialiortiterneq aamma 10/40/50 atorlugu inissialiortiterneq (Malugiuk

Aningaasaqarnermut Inuussutissarsiornermullu Ataatsimiititamut nuunneqarmat) Qatserisartoqarneq Pinngortitamik illersuinermi kommunip suliassai Ataatsimiititap suliassaqarfiani illuutinik ingerlatsineq

Imm. 4. Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit inassuteqaateqartassaaq:

Kommunimi pilersaarusiorneq (illoqarfiup ilaanut pilersaarusiorneq aamma qanoq iliuuseqarnissamik pilersaarusiorneq il.il.).

Nuna tamakkerlugu pilersaarusiornermut kommunip ilanngussai


Pilersuinermik suliffeqarfinni akigititat, tassunga ilanngullugit busseqarneq.

Imm. 5. Ataatsimiititaq, Aningaasaqarnermut Inuussutissarsiornermullu Ataatsimiititaq, aqqutigalugu inissialiortiternerup annertusaavigineqarnissaanut pilersaarusianut tunngasunik Kommunalbestyrelsimut inassuteqaateqartassaaq.

Imm. 6. Ataatsimiititap nakkutigissavaa kommunimut iluaqutaasussamik pigisanut aalaakkaasunut pisussaaffiit pisussaaffinnullu uppernarsaanerit eqqortinneqarnissaat.Imm. 7. Ataatsimiititaq kommunip illuliassanut sanaartugassanullu tamanut sanaartornermi sanaartortuuvoq, tassunga ilanngullugit illunik annertuumik allanngortiterinissat aamma iluarsaanissat.

Imm. 8. Ataatsimiititaq makku pillugit, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut siunnersuusiorlunilu inassuteqaateqartassaaq:

Ataatsimiititap susassaqarfiinut tunngasunut ataatsimut politikki Ataatsimiititap suliassaqarfiinut periusissat Ataatsimiititap suliassaqarfiinut ineriartortitsinermut pilersaarutit

§ 13

Meeqqanut Atuarfeqarnermullu Ataatsimiititaq tallimanik ilaasortaqarpoq.

Imm. 2. Meeqqanut Atuarfeqarnermullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.

Imm. 3. Meeqqanut Atuarfeqarnermullu Ataatsimiititap meeqqanut, inuusuttunut atuarfinnullu attuumassuteqartut makku isumagisassarai:

• Ulluunerani meeqqanut paaqqinniffissanik neqeroorutit• Meeqqat atuarfiat• Sunngiffimmi atuartitsineq, innuttaasunut paasissutissiineq kiisalu meeqqanut

inuusuttunullu sunngiffimmi sammisassaqartitsineq• Nipilersornermik Ilinniarfik• Timersornikkut sammisassat• Meeqqanut inuusuttunullu sammisaqartitsinerit ineriartuutaasut• Perorsaanikkut Tarnikkullu Atukkatigut Siunnersuisarfik• Inersimasunut sunngiffimmi nalinginnaasumik atuartitsineq• Ataatsimiititap suliassaqarfiani illuutinik ingerlatsineq

Imm. 4. Ataatsimiititap isumagisassarai ininik atortitsisarnerit attartortitsisarnerillu kommunip illuutai peqatigiiffinnit atorneqarsinnaasut Ataatsimiititamut isumagisassanngortinneqarsimasut.

Imm. 5. Ataatsimiititap isumagisassarai peqatigiiffinnut assigisaannullu Kommunalbestyrelsip sukumiinerusumik aalajangersagai naapertorlugit tapiissuteqartarneq aamma suliniuteqartarneq.

Imm. 6. Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, kommunimi atuarfeqarfinni ilinniagassatut pilersaarutit pillugit Kommunalbestyrelsimut siunnersuusiortassaaq inassuteqaateqartassallunilu.

Imm. 7. Ataatsimiititaq makku pillugit, Aningaasaqarnermut Inuussutissarsiornermullu


Ataatsimiititaq aqqutigalugu,Kommunalbestyrelsimut siunnersuusiorlunilu inassuteqaateqartassaaq:


Nunaqarfinni aqutsisut

§ 14

Aqutsineq pillugu inatsimmi kapitali 6 naapertorlugu nunaqarfimmi aqutsisut makku pilersinneqassapput.

Imm. 2. Nunaqarfiit Kulusuk, Tiniteqilaaq Tiilerilaaq aamma Isortoq Isertoq ataatsimut nunaqarfimmi aqutsisunik tallimanik ilaasortalinnik qinersissapput.

Nunaqarfiit Kuummiut Kuummiit Sermiligaarlu ataatsimut nunaqarfimmi aqutsisunik tallimanik ilaasortalinnik qinersissapput.

Nunaqarfiit Kapisillit Qeqertarsuatsiaallu ataatsimut nunaqarfimmi aqutsisunik tallimanik ilaasortalinnik qinersissapput.

Nunaqarfik Arsuk nunaqarfimmi aqutsisunik pingasunik ilaasortalimmik qinersisassaaq.

Imm. 3. Nunaqarfimmi aqutsisut siulittaasumik nammineerlutik qinersisarput.

Imm. 4. Nunaqarfiit aqutsivigineqarnerannut maleruagassat erseqqinnerusut nunaqarfimmut suleriaasissatut aalajangersakkami, aqutsineq pillugu inatsimmi § 52 naapertorlugu, Kommunalbestyrelsimit aalajangersarneqassapput.

§ 15

Nunaqarfimmi aqutsisut ataatsimiinnerinut piareersarneq, ataatsimiigiaqqusineq ataatsimiinnernilu ingerlatsineq pillugit maleruagassat, taakkununnga ilanngullugit nunaqarfimmi aqutsisuni siulittaasup tamatumunnga tunngatillugu suliassai, aqutsineq pillugu inatsimmi § 52 naapertorlugu, nunaqarfimmi aqutsisut suleriaasissaanni aalajangersarneqassapput.

§ 16

Kommunalbestyrelsip nunaqarfimmi aqutsisunut suleriaasissani aalajangersassavaa, nunaqarfimmi aqutsisuni ataasiakkaani oqartussaaneq qanoq ittoq tunniunneqarsimanersoq.

Imm. 2. Ingerlatsineq pissaaq Kommunalbestyrelsip missingersuusiatut akuerisaasa iluanni, aamma maleruaqqusaasut Kommunalbestyrelsimit aalajangersarneqartut malillugit.

§ 17

Nunaqarfimmi aqutsisut kommunip aningaasaataanik atuinera Kommunalbestyrelsip


nakkutigissavaa.

Missingersuutit, naatsorsuutit aamma kukkunersiuineq

§ 8

Ukiumut tulliuttumut kommunip missingersuutai qanoq aningaasalersornissaannik takussutissartalerlugu missingersuummullu missiliuutitalerlugu, aqutsineq pillugu inatsimmi § 42, imm. 4 naapertorlugu, kingusinnerpaamik missingersuutit inaarutaasumik akuerineqarnerannit ullut 14-it qaangiutsinnagit Naalakkersuisunut nassiunneqassapput.

Imm. 2. Kommunalbestyrelse, aqutsineq pillugu inatsimmi § 49 naapertorlugu, kukkunersiuisumik naalagaaffimmit akuerisaasumik sulisitaqassaaq.

lmm. 3. Kommunip karsiani naatsorsuuteqarneranilu aaqqissuussinissamik ingerlatsinissanillu maleruagassat Kommunalbestyrelsip peqqussutitut aalajangersassavai. Peqqussut kommunip kukkunersiuisuanut nassiunneqassaaq, tassungalu aamma peqatigitillugu peqqussut atuutilersinnagu peqqussummi allannguutigitinniakkat tamaasa pillugit, aqutsineq pillugu inatsimmi § 50 naapertorlugu, ilisimatinneqassaaq.

§ 19

Kommunip naatsorsuutai Aningaasaqarnermut Inuussutissarsiornermullu Ataatsimiititamit, piffissap Naalakkersuisunit aalajangersarneqarsimasup iluani, aqutsineq pillugu inatsimmi § 47 naapertorlugu, Kommunalbestyrelsimut saqqummiunneqassapput.

Imm. 2. Ukiumut naatsorsuutit Kommunalbestyrelsip kukkunersiuisunut, ukiup naatsorsuiffiusup kingorna 1. juuli nallertinnagu, tunniutissavai. Peqatigitillugu ukiumut naatsorsuutit ataatsit Kommunit Nakkutilliisoqarfiannut nassiunneqartassapput.

Imm. 3. Kukkunersiuinerup naammassinerata kingorna ukiumut naatsorsuutit kukkunersiuisunit nalunaarusiorneqassapput, karsimut naatsorsuuteqarnermullu peqqussummi aalajangersakkat naapertorlugit kukkunersiuineq ingerlanneqarsimanersoq.

Imm. 4. 1. oktobari nallertinnagu kukkunersiuisut ukiumoortumik naatsorsuutit kukkunersiorsimanerannik Kommunalbestyrelsimut nalunaarusiussapput.

Imm. 5. Ukiumoortumik naatsorsuutit aamma kukkunersiuisut nalunaarutaat kiisalu Kommunalbestyrelsip tamatumunnga akissutaa Naalakkersuisunut decembarip qaammataata naannginnerani nassiunneqassapput. Peqatigitillugu nassiunneqassaaq kukkunersiuisunut akissutitut allakkiap assilinera ataaseq.

§ 20

Kommunalbestyrelsip kukkunersiuisut periarfississavai misissuinissanut il.il., taakku pisariaqartutut isigisaannut, isumagisassallugu kukkunersiuisut paasissutissinneqassasut ikiorneqassasullu kukkunersiuisut suliaminnik ingerlatsinissaminnut pisariaqartitamisut isigisaanni, aqutsineq pillugu inatsimmi § 49 naapertorlugu.

§ 21


Ukiumoortumik naatsorsuutit kukkunersiorsimanerannik kukkunersiuisut ukiumut nalunaarusiaminni kukkunersiuinerminnik aamma oqaaseqaateqarfigisariaqakkaminnik imaluunniit pissutsinik allanik saqqummiuttariaqakkaminnik nalunaarusiussapput. Naatsorsuutini sunik Kommunalbestyrelsip aalajangigaanut naapertuutinngitsuusorisaqarunik imaluunniit inatsisinut aalajangersakkanullu atuuttuusunut naapertuutinngitsuusorisaqaraangamik kukkunersiuisut oqaaseqaateqartassapput.

Imm. 2. Nalunaarusiaq Aningaasaqarnermut Inuussutissarsiornermullu Ataatsimiititamut akisassanngorlugu saqqummiunneqassaaq, ilanngullugit oqaaseqaatit Aningaasaqarnermut Inuussutissarsiornermullu Ataatsimiititap ingerlataanut attuumassuteqanngikkaluit kiisalu ataatsimiititanut ataavartunut ataasiakkaanut attuumassutillit, Kommunalbestyrelse ataatsimiinnermini inaarutaasumik aalajangiitinnagu kukkunersiuisut oqaaseqaataat apeqqutaasinnaasullu allat naatsorsuutinut pineqartunut attuumassutillit qanoq akineqassanersut.

Akissarsiat il. il.

§ 22

Borgmesteriunermut, borgmesterip tulliunermut, Kommunalbestyrelsimi ilaasortaanermut, nunaqarfimmi aqutsisuni ilaasortaanermut, ataatsimiititami siulittaasuunermut, nunaqarfimmi aqutsisunut siulittaasuunermut ajunngitsorsiaqartitsineq, aqutsineq pillugu inatsimmi kapitali 8-mi aalajangersakkat naapertorlugit Kommunalbestyrelsimit najoqqutassiani aalajangersarneqartassaaq.

Ileqqoreqqusami allannguutit

§ 23

Ileqqoreqqusaq una Kommunalbestyrelsip atuuffiani atuutilersumik 16.maj 2017 atuutilissaaq.

§ 24

Ileqqoreqqusamut tassunga allannguutissatut siunnersuutit tapiliussallu Kommunalbestyrelsip ataatsimiinnerini marlunni eqqartorneqassapput, sivikinnerpaamik ullunik 14-inik akunnilerlugit, aqutsinermi ileqqoreqqusami § 1, imm. 2 naapertorlugu, allannguutitullu akuerineqartut tapiliussallu Naalakkersuisunut ingerlateqqinneqassapput, aqutsinermut inatsimmi § 1, imm. 4 naapertorlugu.

Taamaasilluni Kommunalbestyrelsip 2. maj 2017 ataatsimiinnerani, aammalu Kommunalbestyrelsip 16. maj 2017 ataatsimiinnerani aappassaaneerlugu akuersissutigineqarpoq.

Nuuk, 16. maj 2017

Asii Chemnitz Narup Borgmesteri


Sisorarfiit aningaasaateqarfiata siulersuisuinut ilaasortamik aammalu Angalanermut aningaasaateqarfiup siulersuisuinut sinniisussanik qinersineq

Aalajangiiffigisassaq J.nr.: 01.04.49 Pisortaanerugallartoq Lars Møller-Sørensen / LMS

Suliassamik eqikkaaneq Kommunalbestyrelsip 2 maaji 2017 inissitsiterluni ataatsimiinneranut atatillugu aningaasaateqarfinni siulersuisoqarfinnilu siulersuisuni ilaasortanik sinniisussanillu nutaanik Kommunalbestyrelse qinersivoq.

Sisorarfiit Aningaasaateqarfiannut siulersuisunut ilaasortaq toqqarneqartoq siulersuisunit tunuarniarluni nalunaaruteqarpoq. Taamaattumik Kommunalbestyrelse Sisorarfiit Aningaasaateqarfiannut siulersuisunut ilaasortamik nutaamik qinersissaaq.

Tamatuma saniatigut Kommunalbestyrelse Kommunalbestyrelsip Angalanermut aningaasaateqarfiata siulersuisuinut ilaasortanut sinniisussanik pingasunik qinersissaaq, taakku Kommunalbestyrelsip inissitsiterluni ataatsimiinnerani toqqarneqannginnerat pissutigalugu.

InassuteqaatBorgmesterip Allatseqarfiata Kommunalbestyrelsimut inassuteqaatigaa:

- Kommunalbestyrelsimi amerlanerussuteqartut Sisorarfiit Aningaasaateqarfiani siulersuisunut ilaasortamik nutaamik toqqaassasoq

- Kommunalbestyrelsimi amerlanerussuteqartut Angalanermut aningaasaateqarfiup siulersuisuinut ilaasortanut ukununnga Rasmine Geisler (IA), Mala Høy Kúko (A) aamma Ane Egede Mathæussen (S) sinniisussanik toqqaassasut

Suliassamik saqqummiussineq Kommunalbestyrelsip 2 maaji 2017 inissitsiterluni ataatsimiinneranut atatillugu aningaasaateqarfinni siulersuisoqarfinnilu siulersuisuni ilaasortanik sinniisussanillu nutaanik Kommunalbestyrelse qinersivoq.

Sisorarfiit Aningaasaateqarfiannut siulersuisunut ilaasortaq toqqarneqartoq siulersuisunit tunuarniarluni nalunaaruteqarpoq. Taamaattumik Kommunalbestyrelse Sisorarfiit Aningaasaateqarfiannut siulersuisunut ilaasortamik nutaamik qinersissaaq.

Tamatuma saniatigut Kommunalbestyrelse Kommunalbestyrelsip Angalanermut aningaasaateqarfiata siulersuisuinut ilaasortanut sinniisussanik pingasunik qinersissaaq, taakku Kommunalbestyrelsip inissitsiterluni ataatsimiinnerani toqqarneqannginnerat pissutigalugu.

Aaqqiissutissatut siunnersuut – suliatigut naliliineqKommunalbestyrelse Sisorarfiit siulersuisuinut ilaasortamik toqqaassaaq, Kommunalbestyrelsimut ilaasortaasariaqanngitsumik.

Kommunalbestyrelse Angalanermut aningaasaateqarfiup siulersuisuini ilaasortanut sinniisussanik pingasunik, Kommunalbestyrelsimut ilaasortanik toqqaassaaq.

Inatsisitigut tunngavissaq allakkallu tunngaviusumik uppernarsaatitallit

Punkt 04B: Sisorarfiit aningaasaateqarfiata siulersuisuinut ilaasortamik aammaluAngalanermut aningaasaateqarfiup siulersuisuinut sinniisussanik qinersineq

9

Kommunit aqunneqarnerat pillugu Inatsisartut inatsisaanni nr. 22, 18. november 2012-imeersumi § 31, imm 1 naapertorlugu Ataatsimiititalianut, isumalioqatigiissitanut, siulersuisunut taamaaqataannullu kommunalbestyrelsip aalajangersakkat allat naapertorlugit sinniisoqarfigisassaanut ilaasortat kommunalbestyrelsip qinissavai.Aningaasaateqarfik Sisorarfiit malittarisassaatAngalanermut Aningaasaateqarfiup malittarisassai

IngerlariaqqinnissaqKommunalbestyrelsip aalajangiinera suliassanngorlugu ingerlateqqinneqassaaq

Aningaasaqarnermut Allatseqarfimmit oqaaseqaatit Borgmesterip Allatseqarfianit Aningaasaqarnermut Allatseqarfimmit naliliisoqarnissaa pisariaqarsorineqanngimmat oqaaseqaatinik piniartoqanngilaq.

Innuttaasunik peqataatitsineq/attaveqaqatigiinneqSoqanngilaq.

Ingerlatsivinnit allanit oqaaseqaatitSoqanngilaq.

IlanngussaqSoqanngilaq.


10


11

Soqanngilaq.

Punkt 5: Immikkoortut matoqqasut

12

Punkt 6: Taasariaqartut allat

13

Punkt 7: Imaqarniliap akuerinera

14

Kommuneqarfik Sermersooq · Imm. 3. Ataatsimiititap suliassat aqutsineq pillugu inatsimmi § 25...

Documents

Transcript of Kommuneqarfik Sermersooq · Imm. 3. Ataatsimiititap suliassat aqutsineq pillugu inatsimmi § 25...