IONSTRAIMÍ REACHTÚLA.

I.R. Uimh. 8 de 2017

————————

RIALACHÁIN AN AONTAIS EORPAIGH (RIALACHÁIN UM CHÁILÍOCHTAÍ

GAIRMIÚLA A AITHINT) 2017

2 [8]

I.R. Uimh. 8 de 2017

RIALACHÁIN AN AONTAIS EORPAIGH (RIALACHÁIN UM CHÁILÍOCHTAÍ

GAIRMIÚLA A AITHINT) 2017

SOCRUITHE NA RIALACHÁN

Cuid 1

Réamhráiteach

Rialachán

1. Lua.

2. Tosach Feidhme.

3. Léiriú.

4. Raon Feidhme na Rialachán.

Cuid 2

Údaráis inniúla, ionad náisiúnta comhordúcháin agus cúnaimh

5. Ainmniúchán údarás inniúil sa Stát.

6. Feidhmeanna údarás inniúil.

7. Comhordú náisiúnta

8. Ionad cúnaimh.

Cuid 3

Éifeachtaí aitheantais

9. Éifeacht ghinearálta aitheantais.

10. Páirt-rochtain.

Cuid 4

Soláthar saor in aisce seirbhísí ar bhonn sealadach agus ócáideach

11. Prionsabal soláthar saor in aisce seirbhísí.

12. Díolúintí, ceanglais agus cúlghairmeacha i ndáil le soláthar saor in aisce

seirbhísí.

13. Dearbhú le déanamh roimh ré.

14. Úsáid teideal gairmiúil nuair a bhítear ag soláthar seirbhísí sealadacha

agus ócáideacha.

15. Seiceáil cáilíochtaí gairmiúla.

[8] 3

16. Comhoibriú riaracháin.

17. Faisnéis a bheidh le tabhairt d'fhaighteoirí seirbhíse.

Cuid 5

Córas ginearálta i gcomhair fianaise ar oiliúint a aithint.

18. Raon feidhme Chuid 5.

19. Leibhéil cáilíochta.

20. Cóir chomhionann do cháilíochtaí.

21. Coinníollacha aitheantais.

22. Bearta cúitimh.

23. Tréimhse oiriúnaithe.

24. Triail Inniúlachta

Cuid 6

Aithint uathoibríoch taithí ghairmiúil in earnálacha ceardaíochta, tráchtála

agus tionsclaíochta

25. Raon feidhme Chuid 6.

26. Aithint uathoibríoch taithí gairmiúla.

27. Gníomhaíochtaí a dtagraítear dóibh i liosta I d'Iarscríbhinn IV a ghabhann leis an Treoir.

28. Gníomhaíochtaí a dtagraítear dóibh i liosta II d'Iarscríbhinn IV a ghabhann leis an

Treoir.

29. Gníomhaíochtaí a dtagraítear dóibh i liosta III d'Iarscríbhinn IV a ghabhann leis an

Treoir.

Cuid 7

Aithint uathoibríoch — dochtúirí leighis

30. Aithint uathoibríoch dochtúirí.

31. Oiliúint dochtúirí.

32. Rochtain agus saothrú gníomhaíochtaí gairmiúla dochtúirí.

33. Cearta a fuarthas a bhaineann go sonrach le dochtúirí speisialaithe.

34. Cearta a fuarthas a bhaineann go sonrach le cleachtóirí ginearálta.

Cuid 8

Aithint uathoibríoch — altraí atá freagrach as cúram ginearálta

35. Aithint uathoibríoch altraí atá freagrach as cúram ginearálta

36. Oiliúint altraí atá freagrach as cúram ginearálta.

37. Rochtain agus saothrú gníomhaíochtaí gairmiúla altraí atá freagrach as

cúram ginearálta.

4 [8]

38. Cearta a fuarthas a bhaineann go sonrach le haltraí atá freagrach as cúram

ginearálta.

Cuid 9

Aithint uathoibríoch — cleachtóirí déidlíochta

39. Aithint uathoibríoch cleachtóirí déidlíochta.

40. Oiliúint déidlíochta.

41. Rochtain agus saothrú gníomhaíochtaí gairmiúla cleachtóirí déidlíochta.

42. Cearta a fuarthas a bhaineann go sonrach le cleachtóirí déidlíochta.

Cuid 10

Aithint uathoibríoch — tréidlianna

43. Aithint uathoibríoch tréidlianna.

44. Oiliúint tréidlianna.

45. Rochtain agus saothrú gníomhaíochtaí gairmiúla tréidlianna.

46. Cearta a fuarthas a bhaineann go sonrach le tréidlianna.

Cuid 11

Aithint uathoibríoch — cnáimhseacha

47. Aitheantas uathoibríoch cnáimhseach.

48. Oiliúint cnáimhseach.

49. Rochtain agus saothrú gníomhaíochtaí gairmiúla cnáimhseach.

50. Cearta a fuarthas a bhaineann go sonrach le cnáimhseacha.

Cuid 12

Aithint uathoibríoch — cógaiseoirí

51. Aithint uathoibríoch cógaiseoirí.

52. Oiliúint cógaiseoirí.

53. Rochtain agus saothrú gníomhaíochtaí gairmiúla cógaiseoirí.

54. Cearta a fuarthas a bhaineann go sonrach le cógaiseoirí.

[8] 5

Cuid 13

Aithint uathoibríoch — ailtirí

55. Aithint uathoibríoch ailtirí.

56. Oiliúint ailtirí.

57. Rochtain agus saothrú gníomhaíochtaí gairmiúla ailtirí.

58. Cearta a fuarthas a bhaineann go sonrach le hailtirí.

Cuid 14

Aithint uathoibríoch — comhchearta a fuarthas

59. Oiliúint tosaithe roimh dhátaí tagartha

60. Poblacht Dhaonlathach na Gearmáine.

61. Poblacht an Seice agus an tSlóvaic.

62. An Eastóin, An Laitvia agus an Liotuáin.

63. An tSlóivéin agus an Chróit.

64. Teideal difriúil i gcomhair cáilíochta.

Cuid 15

Iarratais ar aithint cáilíochtaí gairmiúla

65. Raon feidhme Chuid 15.

66. Nós imeachta iarratas.

67. Doiciméadú agus foirmiúlachtaí.

68. Amhrais dhlisteanaithe.

69. Malartú faisnéise.

70. Aitheantas cúrsa oiliúna gairmiúil.

Cuid 16

Cárta Gairmí Eorpach

71. Raon feidhme Chuid 16.

72. Ainmniúchán údarás inniúil i gcomhair iarratais ar Chárta Gairmí

Eorpach.

73. Feidhm agus éifeacht Chárta Gairmí Eorpach.

74. Iarratais ar Chárta Gairmí Eorpach — forálacha ginearálta.

6 [8]

75. Cárta Gairmí Eorpach i gcomhair seirbhísí sealadacha agus ócáideacha i

mBallstáit eile gan réamhsheiceáil.

76. Cárta Gairmí Eorpach i gcomhair seirbhísí sealadacha agus ócáideacha

sa Stát gan réamhsheiceáil.

77. Cárta Gairmí Eorpach i gcomhair seirbhísí bunaithe nó sealadacha agus

ócáideacha le réamhsheiceáil, i mBallstáit eile.

78. Cárta Gairmí Eorpach i gcomhair seirbhísí bunaithe nó sealadacha agus

ócáideacha le réamhsheiceáil, sa Stát.

79. Próiseáil agus rochtain ar shonraí maidir le Cárta Gairmí Eorpach.

Cuid 17

Cúlghairm doiciméad, freaschur cinntí agus achomhairc

80. Cúlghairm doiciméid ag údarás inniúil.

81. Freaschur cinneadh aitheantais.

82. Achomhairc.

Cuid 18

Saothrú gairme

83. Úsáid teideal gairmiúil.

84. Eolas ar theangacha.

85. Úsáid teideal acadúil.

Cuid 19

Foláirimh

86. Sásra foláirimh.

Cuid 20

Próiseáil leictreonach agus táillí

87. Nósanna imeachta trí mhodhanna leictreonacha.

88. Gearradh táillí ag údarás inniúil.

Cuid 21

Cúlghairmeacha, leasuithe agus socruithe eatramhacha

89. L e a s ú a n Achta Cógaisíochta 2007.

[8] 7

90. Leasú an Achta um Ghairmithe Sláinte agus Cúraim Shóisialaigh 2005.

91. Leasú Acht na nAltraí agus na gCnáimhseach 2011.

92. Leasú Acht na bhFiaclóirí 1985.

93. Leasú Acht na Lia-Chleachtóirí 2007.

94. Bearta eatramhacha.

Sceideal 1

GAIRMEACHA RIALAITHE AGUS ÚDARÁIS INNIÚLA

Sceideal 2

GAIRMEACHA INAR GÁ D'ÚDARÁIS INNIÚLA FORÁIL I

gCOMHAIR CLÁRÚ SEALADACH UATHOIBRÍOCH AR AON

DUL LE RIALÚCHÁN 12(2)

Sceideal 3

GAIRMEACHA A bhFUIL IMPLEACHTAÍ SLÁINTE NÓ

SÁBHÁILTEACHTA POIBLÍ AGUS I nDÁIL LE CÉ NA hÚDARÁIS

INNIÚLA A D'FHÉADFADH CÁILÍOCHTAÍ GAIRMIÚLA A

SHEICEÁIL ROIMH CHÉAD SOLÁTHAR SEIRBHÍSÍ AR BHONN

SEALADACH AGUS ÓCÁIDEACH

Sceideal 4

LEIBHÉIL CÁILÍOCHTA FAOIN gCÓRAS GINEARÁLTA

AITHEANTAS FIANAISE OILIÚNA

Sceideal 5

GAIRMEACHA AGUS GNÍOMHAÍOCHTAÍ GAIRMIÚLA AR GÁ

EOLAS CRUINN AR DHLÍ NÁISIÚNTA CHUN IAD A SHAOTHRÚ

AGUS, I nDÁIL LEIS SIN, AR GNÉ RIACHTANACH AGUS BHUAN É

DEN GHNÍOMHAÍOCHT GHAIRMIÚIL SOLÁTHAR COMHAIRLE NÓ

CÚNAIMH MAIDIR LE DLÍ NÁISIÚNTA

Sceideal 6

GAIRMEACHA AGUS ÚDARÁIS INNIÚLA LENA mBAINEANN CUID 9 (CÁRTA

GAIRMÍ EORPACH)

8 [8]

I.R. Uimh. 8 de 2017

RIALACHÁIN AN AONTAIS EORPAIGH (AITHINT

CÁILÍOCHTAÍ GAIRMIÚLA) 2017

Déanaimse, RICHARD BRUTON, an tAire Oideachais agus Scileanna, i bhfeidhmiú na gcumhachtaí

a tugtar dom le hAirteagal 3 d'Acht na gComhphobal Eorpach, 1972 (Uimh. 27 de 1972) agus chun éifeacht

a thabhairt do Threoir Uimh. 2005/36/CE de chuid Pharlaimint na hEorpa agus na Comhairle an 7 Meán

Fómhair, 20051 mar a leasaíodh i dTreoir Uimh. 2013/55/CE de chuid Pharlaimint na hEorpa agus na

Comhairle an 20 Samhain, 20132 agus Cinneadh Tarmligthe an Choimisiún (CE) 2016/790 an 13 Eanáir

20163

agus chun éifeacht iomlán a thabhairt do Rialachán Forfheidhmiúcháin Coimisiúin (CÉ) 2015/983

an 24 Meitheamh 20154, agus chun éifeacht iomlán a thabhairt d'Airteagal 49 den Chonradh ar Fheidhmiú

an Aontais Eorpaigh sa mhéid a bhaineann an tAirteagal sin le haithint cáilíochtaí cógaiseoirí, leis seo na

rialacháin seo a leanas:

Cuid 1

Réamhráiteach

Lua

1. Féadfar Rialacháin an Aontais Eorpaigh (Cáilíochtaí Gairmiúla a Aithint) 2017 a

ghairm de na Rialacháin seo.

Tosach Feidhme

2. Tiocfaidh na Rialacháin seo i ngníomh an 17ú lá de mhí Eanáir 2017

Léirmhíniú

3. (1) Sna Rialacháin seo—

ciallaíonn "tréimhse oiriúnaithe" an bhrí atá leis i Rialacháin 23;

ciallaíonn “triail inniúlachta” an bhrí atá leis i Rialacháin 24;

ciallaíonn “údarás inniúil” —

(a) sa Stát, an t-údarás a ainmnítear mar údarás inniúil i gcomhair gairme

nó gairmeacha faoi Rialachán 5, nó

(b) i mballstát eile, aon údarás nó foras arna chumhachtú ag an

mBallstát sin dioplómaí oiliúna, doiciméid nó faisnéis eile a

eisiúint nó a fháil, agus na hiarratais a dtagraítear dóibh sa Treoir a

fháil agus na cinntí a dhéanamh 1OJ Uimh. L 255, 30.9.2005, lch 22. 2OJ Uimh. L 354, 28.12.2013, lch. 132. 3OJ Uimh. L 134, 24.5.2016, lch. 135. 4OJ Uimh. L 159, 25.6.2015, lch. 27.

Foilsíodh fógra ar dhéanamh na hIonstraime Reachtúla seo in “Iris Oifigiúil” an 20ú Eanáir, 2017.

1 IO L 255, 30.09.2005, lch 22. 2 IO L 363, 20.12.2006, lch 141.

[8] 9

;

Ciallaíonn "Treoir" Treoir 2005/36/CE Pharlaimint na hEorpa agus na Comhairle an

7 Meán Fómhair1 mar a leasaíodh i dTreoir 2006/100/CE na Comhairle an 20

Samhain 20065, Rialachán Coimisiúin (CE) Uimh. 1430/2007 an 5 Nollaig 20076,

Rialachán Coimisiúin (CE) Uimh 755/2008 an 31 Iúil 20087, Rialachán Coimisiúin

(CE) Uimh. 1137/2008 Pharlaimint na hEorpa agus na Comhairle an 22 Deireadh

Fómhair 20088, Rialachán Coimisiúin (CE) Uimh 279/2009 an 6 Aibreán 20099,

Rialachán Coimisiúin (CE) Uimh. 213/2011 an 3 Márta 201110, Acht a bhaineann

le haontachas Phoblacht na Cróite11, Rialachán Coimisiúin (CE) 623/2012 an 11

Iúil 201212, Treoir Comhairle 2013/25/AE an 13 Bealtaine 201313, Treoir

2013/55/AE Pharlaimint na hEorpa agus na Comhairle an 20 Samhain 20132 agus

Cinneadh Tarmligthe an Choimisiúin (AE) 2016/790 an 13 Eanáir 20163;

Ciallaíonn “ECTS” an Córas Eorpach d'Aistriú Creidmheasa, an córas creidmheasa

ardoideachais a úsáidtear sa Réimse Ardoideachais Eorpaigh;

Ciallaíonn “duine cáilithe”—

(a) náisiúnach de chuid Ballstáit,

(b) ball teaghlaigh de chuid náisiúnach Ballstáit, faoi mar a

shainmhínítear in Airteagal 2(2) de Threoir 2004/38/CE Pharlaimint

na hEorpa agus na Comhairle an 29 Aibreán 200414, dár tugadh ceart

cónaithe nó cónaí buan sa Stát de bhun na Treorach sin

(c) duine dár tugadh stádas teifigh nó coimirce thánaisteach sa Stát faoi

Threoir 2004/83/CE na Comhairle an 29 Aibreán 2013, nó ball

teaghlaigh cleithiúnach a leithéid de dhuine;

Ciallaíonn “Cárta Gairmí Eorpach” teastas leictreonach a chruthaíonn—

(a) go gcomhlíonann an gairmí na coinníollacha riachtanacha uile chun

seirbhísí a sholáthar i mBallstát aíochta ar bhonn sealadach nó

ócáideach i ngairm ar leith, nó

(b) aithint cáilíochtaí gairmiúla chun iad a bhunú i mBallstát aíochta; 5OJ Uimh. L 363, 20.12.2006, lch. 141. 6OJ Uimh.. L 320, 6.12.2007, lch. 3. 7OJ Uimh. L 205, 1.8.2008, lch. 10. 8OJ Uimh. L 311, 21.11.2008, lch. 1. 9OJ Uimh. L 93, 7.4.2009, lch. 11. 10OJ Uimh. L 59, 4.3.2011, lch. 4. 11OJ Uimh. L 112, 24.4.2012 lch. 6. 12OJ Uimh. L 180, 12.7.2012, lch. 9. 13OJ Uimh. L 158, 10.6.2013, lch. 368. 14OJ Uimh. L 304, 30.9.2004, lch. 12.

10 [8]

Ciallaíonn “fianaise ar cháilíochtaí foirmiúla” dioplómaí, teastais agus fianaise eile

a eisíonn údarás i mBallstát a ainmnítear de bhun forálacha reachtaíochta, rialála nó

riaracháin sa Bhallstát sin agus a dheimhníonn comhlánú rathúil oiliúint ghairmiúil a

fuarthas, den chuid is mó, san Aontas Eorpach agus mar a bhfuarthas cáilíocht i stát nach

Ballstát é, i gcomhlíonadh Rialachán 4(1)(b);

Ciallaíonn “Ballstát baile” Ballstát ina bhfuair duine a c(h)áilíocht ghairmiúil nó

ina bhfuil sé nó sí bunaithe go dleathach i gcomhair a g(h)airm a shaothrú;

Ciallaíonn “Ballstát aíochta” Ballstát inar mian le duine gníomhaíocht ghairmiúil

a shaothrú de bhun na Treorach;

Ciallaíonn “IMI” an Córas Faisnéise Margadh Inmheánach a bunaíodh le Rialachán

(AE) Uimh. 1024/2012 na Parlaiminte agus na Comhairle an 25 Deireadh

Fómhair 201215;

Ciallaíonn “Rialachán Cur chun Feidhme” Rialachán Cur chun Feidhme ón

gCoimisiún (AE) 2015/983 an 24 Meitheamh 20154;

Ciallaíonn “foghlaim ar feadh an tsaoil” an uile oideachas ginearálta,

gairmoideachas agus gairmoiliúint, oideachas neamhfhoirmiúil agus foghlaim

neamhfhoirmiúil a rinneadh ar feadh an tsaoil, ar toradh dó feabhsú eolais, scileanna

agus inniúlachtaí, a bhféadfaí go n-áireofaí leo eitic ghairmiúil;

Ciallaíonn “bainisteoir gnóthais” aon duine a shaothraigh gníomhaíocht i

ngnóthas sa réimse gairme atá i gceist:

(a) mar bhainisteoir gnóthais nó mar bhainisteoir brainse gnóthais; nó

(b) mar thánaiste an úinéara nó an bhainisteora nuair a bhaineann

freagracht leis an bpost sin ar ionann í agus freagracht an úinéara nó

an bhainisteora atá i gceist; nó

i bpost bainistíochta ina bhfuil dualgais tráchtála agus/nó teicniúla agus

freagracht as rannóg amháin, nó níos mó, de chuid an ghnóthais;

Maidir le “lia-chleachtóir” i s i o n a n n a n c h i a l l a t á l e i s a g u s a n

c h i a l l a s a n n a d h d ó s a n A c h t L i a - C h l e a c h t ó i r í 2 0 0 7 (Uimh.

25 de 2007);

Ciallaíonn “Aire ” an tAire Oideachais agus Scileanna;

Ciallaíonn “Ballstát” —

(a) I ndáil le gach foráil seachas Rialachán 96(2), stát ar ballstát é den

Aontas Eorpach, agus

(b) I ndáil le Rialachán 96(2)— 15OJ No. L 316, 14.11.2012, p. 1.

[8] 11

(i) stát ar páirtí conarthach é sa Chomhaontú ar an Limistéar

Eorpach Eacnamaíoch a síníodh in Oporto ar 2 Bealtaine 1992,

nó

(ii) An Eilvéis;

Ciallaíonn “comhordaitheoir náisiúnta” an duine a cheapann an tAire de bhun

Rialachán 7;

Ciallaíonn “sárchúiseanna leasa ghinearálta” cúiseanna a aithnítear mar a

leithéid i gcás dhlí Chúirt Bhreithiúnais an Aontais Eorpaigh;

Ciallaíonn “taithí ghairmiúil” saothrú iarbhír agus dleathach lánaimseartha nó

cómhaith pháirtaimseartha na gairme atá i gceist i mBallstát;

Ciallaíonn “cáilíochtaí gairmiúla” cáilíochtaí dearbhaithe ag fianaise ar

cháilíochtaí foirmiúla, fianú inniúlachta nó taithí ghairmiúil;

Ciallaíonn “oiliúint ghairmiúil” gan dochar d'Airteagal 46(4) den Treoir,

tréimhse cleachtas gairmiúil a dhéantar faoi stiúir ar acht go bhforáiltear leis

coinníoll rochtana ar ghairm rialaithe, agus go bhféadann sé tarlú le linn nó i

ndiaidh cur i gcrích cúrsa oideachais ar toradh dó dioplóma;

Ciallaíonn “oideachas agus oiliúint rialaithe” aon oiliúint a dhírítear go sainiúil

ar shaothrú gairm ar leith agus ina gcuimsítear cúrsa nó cúrsaí a gcuirtear leo

trí, nuair is cuí, oiliúint ghairmiúil, nó cleachtas promhaidh nó gairmiúil, agus

struchtúr agus leibhéal na hoiliúna nó an chleachtais sin á mhonatóiriú nó á

fhaomhadh ag an údarás inniúil;

Ciallaíonn “gairm rialaithe ”—

(a) gairm nó gníomhaíocht ghairmiúil sa Stát a liostaítear i gcolún 1 i

Sceideal 1, nó

(b) gníomhaíocht sa Stát a liostaítear in Iarscríbhinn IV a ghabhann leis an

Treoir, a bhfuil rochtain uirthi nó a saothrú ag brath ar eolas agus

inniúlachtaí ginearálta, tráchtála nó gairmiúla;

Maidir le “tréidlia-chleachtóir” is ionann an chiall atá leis agus an chiall a sannadh dó i

mír 2 den Acht um chleachtadh tréidliachta 2005 (Uimh, 22 de 2005).

(2) Is ionann an chiall, ach amháin más gá sa chomhthéacs, atá le focal nó le

nath a úsáidtear sna Rialacháin seo, agus a úsáidtear sa Treoir.

Raon Feidhme na Rialachán

4. (1) Faoi réir mhír (2), baineann na Rialacháin seo le duine cáilithe—

(a) a fuair a c(h)áilíóchtaí gairmiúla i mBallstát seachas sa Stát, nó

12 [8]

(b) ar eisigh stás seachas Ballstát a c(h)áilíochtaí, mar ar dheimhnigh

Ballstát seachas an Stát go bhfuil taithí ghairmiúil trí bliana ina

chríocha ag an duine sa ghairm atá i gceist, an fhianaise sin ar

cháilíochtaí foirmiúla a bheith aitheanta ag an mBallstát sin de réir a

rialacha,

agus ar mian leis/léi gairm rialaithe a shaothrú sa Stát, ar bhonn féinfhostaithe

nó fostaithe.

(2) Ní bhaineann na Rialacháin seo le nótaire arna cheapadh ag acht oifigiúil

rialtais.

(3) Cuimsítear i raon feidhme Mhír (1)(a) duine cáilithe a shaothraigh cúrsa

oiliúna gairmiúil taobh amuigh dá B(h)allstát féin.

Cuid 2

Údaráis inniúla, Ionad náisiúnta comhordúcháin agus cúnaimh

Ainmniú údaráis inniúla sa Stát

5. (1) Tá na húdaráis a liostaítear i gcolún 2 de Sceideal 1 ainmnithe mar na

húdaráis inniúla sa Stát, maidir leis na Rialacháin seo, An Treoir agus an

Rialachán Cur chun Feidhme, i ndáil leis na gairmeacha rialaithe a liostaítear i

gcolún 1 den Sceideal sin.

(2) Tá an comhordaitheoir náisiúnta ainmnithe mar údarás inniúil gairmeacha

sa Stát nach bhfuil rialaithe.

(3) Faoi réir mhír (4), tá An tSeirbhís Oideachais Leanúnaigh agus Scile- anna

(SOLAS) ainmnithe mar an údarás inniúil maidir leis na Rialacháin seo, an

Treoir agus an Rialachán Cur chun Feidhme, maidir leis na gníomhaíochtaí a

liostaítear in Iarscríbhinn IV a ghabhann leis an Treoir a bhfuil rochtain air

agus a shaothrú ag brath sa Stát ar eolas agus inniúlachtaí ginearálta, tráchtála

nó gairmiúla.

(4) Sa chás a mbíonn gairm a liostaítear i gcolún 1 de Sceideal 1 ag gabháil

do ghníomhaíocht a liostaítear in Iarscríbhinn IV a ghabhann leis an Treoir, is

é an t-údarás comhfhreagrach a liostaítear i gcolún 2 den Sceideal sin, seachas

an t-údarás dá dtagraítear i mír (3), an t-údarás inniúil.

Feidhmeanna údarás inniúil

6. (1) Gan dochar dá chumhachtaí agus feidhmeanna, tá d'fheidhm ag udarás

inniúil sa Stát iarratais a fháil agus a mheas ó iarratasóirí agus na bearta agus

cinntí dá dtagraítear sna Rialacháin, an Treoir agus an Rialachán chun Feidhme

seo a dhéanamh.

(2) Féadann údarás inniúil sa Stát comhairle a fháil ó thríú páirtí cuí maidir

lena fheidhmeanna a chur i gcrích faoi na Rialacháin, an Treoir agus an

Rialachán chun Feidhme seo, agus féadann an tríú páirtí íocaíocht a fháil ar a

leithéid de chomhairle.

[8] 13

(3) Cabhróidh údarás inniúil sa Stát, má iarrtar air, leis an Stát tuairisc a chur

i dtoll a chéile le cur faoi bhráid an Choimisiúin Eorpaigh de bhun Airteagal 60

den Treoir agus tiomsóidh sé achoimrí staitistice de chinntí atá déanta aige i

leith cheanglais an Airteagail sin.

(4) Oibreoidh údarás inniúil sa Stát i ndlúthpháirt leis an gComhordaitheoir

Náisiúnta, an tIonad Cúnaimh, Ranna Rialtais agus le forais bhainteacha eile sa

Stát le comhlíonadh na Treorach a éascú sa Stát.

(5) Oibreoidh údarás inniúil sa Stát i ndlúthpháirt le húdaráis inniúla i

mBallstáit eile agus tabharfaidh cúnamh le feidhmiú na Treorach a éascú.

(6) Cinnteoidh údarás inniúil sa Stát rúndacht an eolais a mhalartaíonn sé le

húdaráis inniúla i mBallstáit eile.

(7) Malartóidh údarás inniúil sa Stát, le húdaráis inniúla i mBallstáit eile,

faisnéis a bhaineann le gníomh smachtaithe nó smachtbhannaí coiriúla a tógadh

nó le cúinsí tromchúiseacha, sainiúla eile ar dócha go mbeidh tionchar acu ar

shaothrú gníomhaíochtaí faoin Treoir nó faoi na Rialacháin seo.

(8) Nuair a bhítear ag malartú faisnéise de bhun pharagraf (7), tabharfaidh

údarás inniúil sa Stát an aird chuí ar rialacha cosaint sonraí pearsanta a fhoráiltear

faoi Threoir 95/46/CE Pharlaimint na hEorpa agus na Comhairle an 24 Deireadh

Fómhair 199516 agus Threoir 2002/58/CE Pharlaimint na hEorpa agus na

Comhairle an 12 Iúil 200217.

(9) Is é a dhéanfaidh údarás inniúil sa Stát, nuair a fhaightear faisnéis dá

dtagraítear i mír (7) —

(a) fírinneacht na n-imthosca a eascraíonn a scrúdú,

(b) cinneadh ar chineál agus raon feidhme na bhfiosrúchán ar gá iad a

dhéanamh, agus

(c) a chur in iúl don údarás inniúil a thug an fhaisnéis faoi na conclúidí

ar tháinig sé orthu ón bhfaisnéis atá ar fáil aige.

(10) Chun críche mhír (5) go (9), úsáidfidh údarás inniúil sa Stát feidhm as

IMI.

Comhordú náisiúnta

7. (1) Ceapfaidh an tAire oifigeach de chuid na Roinne Oideachais agus

Scileanna mar chomhordaitheoir náisiúnta an Stáit faoin Treoir arb é a

phríomhthasc gníomhaíochtaí na n-údarás inniúil sa Stát a chomhordú. 16OJ Uimh. L 281, 23.11.1995, lch. 31. 17OJ Uimh. L 201, 31.7.2002, lch. 37.

14 [8]

(2) Féadann an tAire ceapachán a chúlghairm faoi mhír (1) agus oifigeach

eile a cheapadh le teacht in ionad an oifigigh a ndearnadh a cheapachán a

chúlghairm.

(3) Is é a dhéanfaidh an comhordaitheoir náisiúnta, i gcomhar le

comhordaitheoirí náisiúnta a cheapann Ballstáit eile—

(a) feidhmiú aonfhoirmeach na Treorach a chur chun cinn,

(b) an fhaisnéis ar fad atá bainteach le cur i bhfeidhm na Treorach, amhail

coinníollacha rochtana gairmeacha rialaithe i mBallstáit, a bhailiú,

(c) moltaí le haghaidh creat comhoiliúna agus trialacha comhoiliúna faoin

Treoir a imscrúdú,

(d) faisnéis agus dea-chleachtas a mhalartú chun críche barrfheabhsú forbairt

ghairmiúil leanúnach sna Ballstáit, agus

(e) faisnéis agus dea-chleachtas a mhalartú ar fheidhmiú bearta cúitimh faoi

Rialachán 22 agus Airteagal 14 den Treoir.

(4) Chun críche an tasc a leagtar amach i mír (3)(b), a dhéanamh, féadann an

comhordaitheoir náisiúnta cabhair a iarraidh ar na hionaid cúnaimh dá

dtagraítear in Airteagal 57b den Treoir.

(5) Oibreoidh an comhordaitheoir náisiúnta, Ranna Rialtais agus forais

bhainteacha eile sa Stát i ndlúthchomhar le comhlíonadh na Treorach sa Stát a

éascú.

Ionad cúnaimh

8. (1) Ceapfaidh an tAire duine nó eagras mar an ionad cúnaimh sa stát chun

críche na Rialachán seo agus na Treorach seo.

(2) Féadann an tAire ceapachán a chúlghairm faoi mhír (1) agus duine nó

eagras eile a cheapadh le teacht in ionad an duine nó an eagrais a ndearnadh a

cheapachán a chúlghairm.

(3) Is é sainchúram an ionaid cúnaimh cuidiú a thabhairt do shaoránaigh, chomh

maith le hionaid cúnaimh i mBallstáit eile, maidir le haithint cáilíochtaí foirmiúla

faoi na Rialacháin agus an Treoir seo, lena n-áirítear faisnéis ar an reachtaíocht

náisiúnta lena rialaítear na gairmeacha rialaithe agus saothrú na ngairmeacha sin,

reachtaíocht shóisialta agus, nuair is cuí, rialacha na heitice.

(4) Cuideoidh an t-ionad cúnaimh le daoine na cearta a tugadh dóibh mar

gheall ar na Rialacháin agus an Treoir seo sa Stát a fheidhmiú i gcomhar leis an

ionad cúnaimh sa Bhallstát baile agus leis na húdaráis inniúla agus na pointí

aonair teagmhála sa Stát, más cuí.

[8] 15

(5) Comhoibreoidh údarás inniúil sa Stát go hiomlán leis an ionad cúnaimh sa

Stát agus, nuair is cuí, leis an ionad cúnaimh sa Bhallstát baile, agus soláthróidh

sé an fhaisnéis ábhartha ar fad faoi chásanna aonair d'ionaid cúnaimh den sórt má

iarrtar í agus faoi réir rialacha cosaint sonraí ar aon dul le Treoir 95/46/CE

Pharlaimint na hEorpa agus na Comhairle an 24 Deireadh Fómhair 199516 agus

Treoir 2002/58/CE Pharlaimint na hEorpa agus na Comhairle an 12 Iúil 200217.

(6) Ar iarratas ón gCoimisiún Eorpach, cuirfidh an t-ionad cúnaimh torthaí

fiosruithe a bhfuil sé ag plé leo in iúl don Choimisiún Eorpach faoi cheann dhá mhí

i ndiaidh a leithéid d'iarratas a fháil.

Cuid 3

Éifeachtaí aitheantais

Éifeacht ghinearálta aitheantais 9. (1) Faoi réir Rialachán 10, le haithint cáilíochtaí gairmiúla ag údarás inniúil sa

Stát, tá an tairbhí i dteideal rochtana sa Stát ar an ngairm chéanna ina bhfuil sé nó

sí cáilithe ina B(h)allstát baile agus í a shaothrú sa Stát faoi na coinníollacha céanna

agus atá ag náisiúnaigh an Stáit.

(2) Chun críche na Rialachán seo, is ionann an ghairm ar mian leis an

iarratasóir a shaothrú sa Stát agus an ghairm ina bhfuil sé nó sí cáilithe ina

B(h)allstát baile más inchomparáide na gníomhaíochtaí a chumhdaítear.

Páirt-rochtain 10. (1) Tabharfaidh údarás inniúil sa Stát páirt-rochtain, ar bhonn cás ar chás,

ar ghníomhaíocht ghairmiúil sa Stát nuair—

(a) atá an gairmí iomlán cáilithe sa Bhallstát baile an ghníomhaíocht

ghairmiúil a shaothrú dá bhfuil páirt-rochtain á hiarraidh sa Stát,

(b) atá difríochtaí sa ghníomhaíocht ghairmiúil a chleachtar go dleathach sa

Bhallstát baile chomh mór sin gurbh ionann feidhmiú bearta cúitimh

agus gur ghá don iarratasóir an clár iomlán oideachais agus oiliúna a

bhfuil gá leis sa Stát a chomhlánú le go mbeadh rochtain ar an ngairm

iomlán rialaithe sa Stát, agus

(c) is féidir an ghníomhaíocht ghairmiúil a scaradh go hoibiachtúil ó

ghníomhaíochtaí eile a thagann faoin ngairm rialaithe sa Stát.

(2) Chun críche mír (1)(c), cuirfidh údarás inniúil sa Stát san áireamh cé acu

is féidir nó nach féidir an ghníomhaíocht ghairmiúil a shaothrú go neamhspleách

sa Bhallstát baile.

(3) P

16 [8]

Féadann údarás inniúil diúltú do pháirt-rochtain a iarrtar faoin Rialachán seo

más inchosanta a leithéid de dhiúltú de gheall ar chúiseanna sáraitheacha leasa

ghinearálta, a oireann do ghnóthú an chuspóra a iarrtar agus nach dtéitear níos

faide ná mar is gá chun an cuspóir sin a bhaint amach.

(4) D'ainneoin Rialacháin 15(8) agus 85(1), cleachtfar gníomhaíocht

ghairmiúil dár tugadh páirt-rochtain faoin Rialachán seo faoi theideal gairmiúil

an Bhallstáit baile agus féadann an t-údarás inniúil sa Stát úsáid an teidil

ghairmiúil sin a éileamh i dteanga an Bhéarla.

(5) Léireoidh gairmithe a bhaineann leas as páirt-rochtain faoin Rialachán seo go

soiléir do na faighteoirí seirbhíse raon feidhme a ngníomhaíochtaí gairmiúla.

(6) Ní bhainfidh an Rialachán seo le gairmithe a bhaineann leas as uath-aithint a

gcáilíochtaí gairmiúla faoi Chuid 6 go 14.

(7) Scrúdófar iarratais ar pháirt-rochtain ar ghairm sa Stát i gcomhréir le Cuid

4 nó 5, de réir mar is cuí.

Cuid 4

Soláthar seirbhísí saor in aisce ar bhonn sealadach nó ócáideach

Prionsabal soláthar seirbhísí saor in aisce

11. (1) Gan dochar d'fhorálacha na coda seo, ní chuirfidh údarás inniúil sa

Stát srian, ar aon chúis a bhaineann le cáilíochtaí gairmiúla, ar sholáthar

seirbhísí saor in aisce i ngairm rialaithe sa Stát ar bhonn sealadach agus

ócáideach nuair—

(a) atá an soláthraí seirbhíse bunaithe go dleathach i mBallstát seachas an

Stát chun críche an ghairm chéanna a shaothrú sa Bhallstát sin,

(b) a bhogann an soláthraí seirbhíse chun an Stáit chun an ghairm a

shaothrú ar bhonn sealadach agus ócáideach, agus

(c) mura bhfuil an ghairm ná an t-oideachas agus oiliúint ar gá ina leith

rialaithe ag an mBallstát baile, gur shaothraigh an soláthraí seirbhíse

an ghairm sin i mBallstát amháin nó san iomad díobh ar feadh bliain

amháin ar a laghad le linn na 10 mbliana deiridh roimh an soláthar

seirbhísí.

(2) Chun críche mír (1), measúnóidh údarás inniúil sa Stát nádúr sealadach

agus ócáideach an tsoláthair seirbhísí ar bhonn cás ar chás, go háirithe maidir

lena thréimhse ama, a mhinicíocht, a rialtacht agus a leanúnachas.

(3) Féadann údarás inniúil sa Stát doiciméadú nó faisnéis ó dhuine a

airbheartaíonn seirbhísí a sholáthar sa Stát de bhun an Rialacháin seo lena

shocrú ar comhlíonadh ceanglais na Coda seo.

[8] 17

(4) Nuair a bhogann soláthraí seirbhíse chun an Stáit agus soláthraíonn

seirbhísí i ngairm rialaithe sa Stát ar bhonn sealadach agus ócáideach de bhun

mhír (1), beidh sé nó sí faoi réir aon rialacha gairmiúla, reachtúla agus

riaracháin a bhaineann leis an ngairm sin, lena n-áirítear rialacha a bhaineann le

—

(a) sainmhíniú na gairme,

(b) úsáid teideal,

(c) míchleachtas tromchúiseach gairmiúil a bhfuil nasc díreach sainiúil aige

le cosaint agus sábháilteacht tomhaltóirí, agus

(d) smacht.

Eisceachtaí, ceanglais agus cúlghairmeacha a bhaineann le soláthar seirbhísí saor in aisce 12. (1) D'ainneoin Rialachán 11(4), mar a soláthraíonn soláthraí seirbhísí i

ngairm rialaithe sa Stát ar bhonn sealadach nó ócáideach faoin gCuid seo,

díolmhóidh údarás inniúil na gairme sin an soláthraí seirbhíse ó na ceanglais a

chuireann sé ar ghairmithe a shaothraíonn an ghairm sin sa Stát mar a bhaineann

sé le—

(a) údarú ag, clárú le nó ballraíocht d'eagras nó foras gairmiúil, agus

(b) clárú le foras poiblí coimirce sóisialaí chun críche cuntais a íoc le

hárachóir a bhaineann le gníomhaíochtaí a saothraíodh ar mhaithe le

daoine árachaithe.

(2) D'ainneoin mhír (1)(a), agus faoi réir mhír (3), d ' fhonn fe idhmiú

forá lacha sm achta s a Stá t a éascú i gcomhréi r l e Rialachán 11(4),

féadann an t-údarás inniúil socrú a dhéanamh maidir le clárú sealadach

uathoibríoch le, nó ballraíocht pro forma den eagras nó foras gairmiúil, a fhad

is nach gcuireann clárú ballraíochta den sórt moill ar sholáthar seirbhísí ná cur

as dóibh ar bhealach ar bith agus nach dtabhaítear aon chostas breise don

soláthraí seirbhísí.

(3) I gcás na ngairmeacha a liostaítear i Sceideal 2, forálfaidh na húdaráis

inniúla i gcomhair clárú uathoibríoch sealadach, i gcomhréir le mír (2).

(4) Chun críche mhír (2), nuair nach ionann an t-údarás inniúil agus an t-

eagras nó foras gairmiúil, is é an t-údarás inniúil a fheidhmeoidh clárú

uathoibríoch sealadach nó ballraíocht pro forma trí na nithe seo a leanas a chur

chuig an eagras nó foras gairmiúil—

(a) cóip den dearbhú agus, nuair is infheidhme, den athnuachan, dá

dtagraítear i Rialachán 13(1) agus (2), agus

(b) maidir le gairmeacha a liostaítear i Sceideal 3 nó a bhaineann leas as

aithint uathoibríoch Chuid 7 go 14, cóip de na doiciméid dá

dtagraítear i Rialachán 13(3).

18 [8]

(5) D'ainneoin mhír (1)(b), cuirfidh soláthraí seirbhíse in iúl don chomhlacht

dá dtagraítear sa mhír sin roimhe nó, i gcás práinne, ina dhiaidh, faoi na seirbhísí

a sholáthraíonn sé nó sí ar bhonn sealadach nó ócáideach faoin gCuid seo.

(6) Déanfaidh údarás inniúil sa Stát clárú sealadach uathoibríoch nó

ballraíocht pro forma duine a sholáthraíonn seirbhísí sealadacha agus

ócáideacha faoin gCuid seo a chúlghairm nuair—

(a) atá an dearbhú nó na doiciméid dá dtagraítear i Rialachán 13

míchruinn nó easnamhach.

(b) nach gcuireann sé nó sí ar fáil don údarás inniúil dearbhú athnuaite i

gcomhréir le Rialachán 13(2),

(c) a éiríonn sé nó sí bunaithe sa ghairm bhainteach sa Stát,

(d) nach n-éiríonn sé nó sí bunaithe sa ghairm bhainteach i mBallstát

eile,

(e) a bhíonn cosc air nó uirthi, go buan nó go sealadach, ó shaothrú na

gairme i mBallstát eile,

(f) nach bhfuil na seirbhísí atá an Stát a sholáthar sealadach ná

ócáideach, nó

(g) nach gcomhlíontar ceanglais na Coda seo ar bhealach eile.

(7) D'ainneoin mhír (6), féadann údarás inniúil a shocrú gan clárú sealadach

uathoibríoch ná ballraíocht pro forma duine a sholáthraíonn seirbhísí sealadacha

nó ócáideacha a chúlghairm faoin gCuid seo nuair—

(a) is údar gearáin é an duine atá fós gan réiteach nó nár pléadh leis faoi na

nósanna imeachta iomchuí smachta, lena n-áirítear nósanna imeachta

feidhmiúlacht chun cleachtadh, agus

(b) is le leas an phobail gan clárú ná ballraíocht a chúlghairm.

Dearbhú le déanamh roimh ré

13. (1) Nuair a bhogann soláthraí seirbhíse chun an Stáit ó Bhallstát eile an chéad

uair chun seirbhísí a sholáthar faoin gCuid seo, cuirfidh sé nó sí in iúl don údarás

áitiúil sa Stát faoina leithéid de bhogadh, de dhearbhú scríofa roimh ré agus arna

sholáthar trí aon mhodh, lena n-áirítear mionsonraí aon chumhdach árachais nó

modhanna eile cosaint phearsanta nó comhchosanta maidir le dliteanas gairmiúil.

(2) Déanfar an dearbhú dá dtagraítear i mír (1) a athnuachan uair sa bhliain má

bheartaíonn an soláthraí seirbhíse seirbhísí sealadacha nó ócáideacha a

sholáthar sa Stát i rith na bliana sin.

[8] 19

(3) Maidir leis an gcéad soláthar seirbhísí, nó má tá athrú ábharach ar na

cúinsí a léiríodh sna doiciméid, beidh na doiciméid seo a leanas le dearbhú a

chuirtear ar fáil de bhun an Rialacháin seo:

(a) cruthúnas ar náisiúntacht an tsoláthraí seirbhíse;

(b) fianú a dheimhníonn go bhfuil an sealbhóir bunaithe go dleathach i

mBallstát seachas an Stát chun críche na gníomhaíochtaí bainteacha

a shaothrú agus nach bhfuil cosc air ná uirthi ó chleachtadh, fiú go

sealadach, tráth seachadta an fhianaithe;

(c) fianaise ar cháilíochtaí gairmiúla;

(d) nuair is Rialachán 11(1)(c) atá infheidhme aon mhodh cruthúnais gur

shaothraigh an soláthraí seirbhíse an ghníomhaíocht atá i gceist ar

feadh ar a laghad bliain amháin de na 10 mbliana roimhe;

(e) maidir le gairmeacha in earnáil na slándála, earnáil na sláinte agus

gairmeacha a bhaineann le hoideachas ógánach, lena n-airítear cúram

leanaí agus oideachas luath-óige, fianú a dheimhníonn nach ann

d'fhionraíochtaí sealadacha nó deiridh ó shaothrú na gairme nó

ciontuithe coiriúla;

(f) maidir le gairmeacha ina bhfuil impleachtaí sábháilteacht othar, dearbhú

faoi eolas an tsoláthraí seirbhíse ar an teanga atá riachtanach chun an

ghairm a chleachtadh sa Stát.

(4) Faoi réir Rialachán 15, má chuireann soláthraí seirbhíse isteach dearbhú

riachtanach de bhun an Rialacháin seo, beidh sé nó sí i dteideal rochtain ar an

ngairm atá i gceist agus an ghairm sin nó gníomhaíocht ghairmiúil a shaothrú

ar fud chríocha iomlána an Stáit.

Úsáid teideal gairmiúil nuair a bhíonn seirbhísí sealadacha agus ócáideacha á soláthar

14. (1) Faoi réir mhír (3) and (4) agus Rialachán 15(8), is faoin teideal

gairmiúil a úsáidtear sa Bhallstát baile a sholáthrófar seirbhísí sa Stát faoin

gCuid seo.

(2) Léireofar an teideal gairmiúil dá dtagraítear i mír (1) i dteanga oifigiúil

nó i gceann de theangacha oifigiúla an Bhallstáit ar bhealach ina seachnófar aon

mhearbhall ó thaobh an teidil ghairmiúil a úsáidtear sa Stát.

(3) Nuair nach ann do theideal gairmiúil ar an ngairm atá i gceist, léireoidh

soláthraí seirbhíse a sholáthraíonn seirbhísí sa Stát faoin gCuid seo a

c(h)áilíochtaí foirmiúla i dteanga oifigiúil nó i gceann de theangacha oifigiúla

an Bhallstáit.

(4) I gcás gairmeacha atá faoi réir aithint uathoibríoch faoi Chuid 7 go 14,

soláthrófar seirbhísí faoin gCuid seo sa Stát faoin teideal oifigiúil atá in úsáid sa

Stát.

20 [8]

Seiceáil cáilíochtaí gairmiúla

15. (1) Faoi réir mhír (2), don chéad soláthar seirbhísí, i gcás daoine a

sholáthraíonn seirbhísí sa Stát ar bhonn sealadach agus ócáideach sna gairmeacha

a liostaítear i Sceideal 3, nár bhain leas as aithint uathoibríoch faoi Chuid 6 go 14,

féadann an t-údarás inniúil sa Stát cáilíochtaí gairmiúla an tsoláthraí ghairmiúil

roimh an gcéad soláthar seirbhísí faoin gCuid seo a sheiceáil.

(2) Ní féidir an tseiceáil tosaigh dá dtagraítear i mír (1) a dhéanamh ach nuair

is aidhm don tseiceáil díobháil thromchúiseach ar shláinte nó sábháilteacht an

fhaighteora seirbhíse a sheachaint mar gheall ar easpa cáilíocht ghairmiúil an

tsoláthraí seirbhíse agus nuair nach dtéann an tseirbhís níos faide ná an méid atá

de dhíth maidir leis an aidhm sin.

(3) Faoi réir mhír (4), nuair a bhaineann an Rialachán seo le soláthar seirbhísí,

tráth nach moille ná mí amháin i ndiaidh go bhfaightear dearbhú agus doiciméid a

ghabhann leis a chuirtear ar fáil i gcomhréir le Rialachán 13, cuirfidh an t-údarás

inniúil in iúl don soláthraí seirbhíse a chuir a leithéid de dhearbhú agus doiciméid

ar fáil faoin gcinneadh atá déanta acu maidir le—

(a) gan a c(h)áilíóchtaí gairmiúla a sheiceáil, nó

(b) tar éis a c(h)áilíóchtaí gairmiúla a sheiceáil—

(i) iallach a chur ar an soláthraí seirbhíse triail inniúlachta a

dhéanamh, nó

(ii) an soláthar seirbhísí a cheadú.

(4) Nuair a bhíonn deacracht ann ar toradh di moill ar chinneadh a dhéanamh

faoi mhír (3), cuirfidh an t-údarás inniúil in iúl don soláthraí seirbhíse faoin gcúis

atá leis an moill laistigh den sprioc-am céanna agus réiteofar an deacracht faoi

cheann míosa den chur in iúl sin agus déanfar an cinneadh deiridh faoi cheann dhá

mhí de réiteach na deacrachta.

(5) Nuair a bhíonn difear suntasach idir cáilíochtaí gairmiúla an tsoláthraí

seirbhíse agus an oiliúint is gá sa Stát sa ghairm bhainteach, a oiread agus go

bhfuil an difear chomh mór sin go mbeadh sé díobhálach do shláinte nó

sábháilteacht an phobail agus nach féidir é a chúiteamh trí thaithí, scileanna

agus cumais ghairmiúla an tsoláthraí seirbhíse a fuarthas trí fhoghlaim ar feadh

an tsaoil a dheimhníonn foras bainteach chuige sin, tabharfaidh an t-údarás

inniúil deis don soláthraí seirbhíse a léiriú, trí thriail inniúlachta, dá dtagraítear

i mír (3)(b)(i), go bhfuil an t-eolas, scileanna nó cumas a bhí in easnamh faighte

aige nó aici agus déanfaidh an t-údarás inniúil cinneadh ar an mbonn sin cé acu

atá nó nach bhfuil an soláthar seirbhísí le ceadú.

(6) Pé scéal é, is gá gur féidir an tseirbhís a sholáthar faoi cheann míosa den

chinneadh i gcomhréir le míreanna (3) agus (4) chun an soláthar seirbhísí a

cheadú.

[8] 21

(7) Mura bhfuil aon fhreagairt ann ón údarás inniúil laistigh de na sprioc-amanna

a leagtar sa Rialachán seo, d'fhéadfaí go soláthrófaí an tseirbhís a bhítear ag iarraidh

a sholáthar.

(8) I gcásanna nuair a dheimhnítear cáilíochtaí gairmiúla faoin Rialachán seo,

soláthrófar an tseirbhís faoin teideal gairmiúil a úsáidtear sa Stát.

Comhoibriú riaracháin 16. (1) Féadann údarás inniúil sa Stát a iarraidh ar údarás inniúil an Bhallstáit baile,

i gcás amhrais inchosanta, aon fhaisnéis a thabhairt a bhaineann le dlíthiúlacht bhunú

agus dea-iompar soláthraí seirbhíse, le cois easnamh aon phionós smachta nó coiriúil

gairmiúil.

(2) Sa chás go gcinneann údarás inniúil cáilíochtaí gairmiúla soláthraí seirbhíse a

sheiceáil de bhun Rialachán 15, d'fhéadfadh sé faisnéis a iarraidh ar údarás inniúil an

Bhallstáit baile faoi chúrsaí oiliúna an tsoláthraí seirbhíse a oiread agus is gá chun

difríochtaí suntasacha a d'fhéadfadh a bheith díobhálach do shláinte nó sábháilteacht

phoiblí a mheas.

(3) Údarás inniúil sa Stát a n-iarrtar faisnéis air i dtaobh soláthraí seirbhíse atá

bunaithe sa Stát, de bhun Airteagal 8 den Treoir, cuirfidh sé ar fáil an fhaisnéis sin i

gcomhréir le hAirteagal 56 den Treoir.

(4) I gcás soláthar seirbhísí sa Stát faoin gCuid seo i ngairm nach bhfuil rialáilte sa

Bhallstát baile, féadann an t-údarás inniúil sa Stát faisnéis a iarraidh ó ionad cúnaimh

a ainmnítear faoi Airteagal 57b den Treoir.

(5) Cuirfidh an t-ionad cúnaimh a ainmnítear faoi Rialachán 8, má iarrtar orthu,

faisnéis ar fáil d'údarás inniúil i mBallstát eile maidir le hiarratais ar sholáthar

seirbhísí sa stát sin ag soláthraí seirbhíse i ngairm nach bhfuil rialáilte sa Stát agus a

fuair a c(h)áilíochtaí gairmiúla sa Stát.

(6) Cinnteoidh údarás inniúil sa Stát go malartófar an fhaisnéis ar fad a bhfuil gá

léi i gcomhair gearán ag faighteoir seirbhíse i gcoinne soláthraí seirbhíse faoin gCuid

seo, má táthar le plé leis mar is ceart, agus cuirfear toradh an ghearáin in iúl

d'fhaighteoirí.

Faisnéis atá le tabhairt d'fhaighteoirí seirbhíse 17. I gcásanna nuair a sholáthraítear seirbhís faoin gCuid seo faoi theideal gairmiúil

an Bhallstáit baile nó faoi cháilíochtaí foirmiúla an tsoláthraí seirbhíse, féadann an t-

údarás inniúil sa Stát iallach a chur ar an soláthraí seirbhíse aon chuid nó gach cuid

den fhaisnéis seo a leanas a chur ar fáil don fhaighteoir seirbhíse:

an bhfuil an soláthraí seirbhíse cláraithe i gclár tráchtála nó clár

poiblí eile den sórt, an clár ina bhfuil sé nó sí cláraithe, a (h)uimhir

chlárúcháin, nó modhanna coibhéiseacha aitheantais sa chlár sin;

(a) má tá an ghníomhaíocht faoi réir údarú sa Bhallstát baile, ainm agus

seoladh an údaráis inniúil maoirseachta;

(b) aon chomhlachas gairmiúil nó foras cosúil lena bhfuil an soláthraí

seirbhíse cláraithe;

(c) an teideal oifigiúil nó, murar ann dá leithéid de theideal, cáilíochtaí

gairmiúla an tsoláthraí seirbhíse agus an Ballstát inar bronnadh é;

(d) má shaothraíonn an soláthraí seirbhíse gníomhaíocht atá faoi réir CBL,

22 [8]

an uimhir aitheantais CBL dá dtagraítear in Airteagal 22(1) den Séú

Treoir Chomhairle 77/388/CEE an 17 Bealtaine 197718;

(e) mionsonraí faoi aon chumhdach árachais nó aon mhodh eile cosaint

phearsanta nó chomhchosanta maidir le dliteanas gairmiúil.

Cuid 5

Córas ginearálta i gcomhair fianaise ar oiliúint a aithint.

Raon feidhme Chuid 5

18. Baineann an chuid seo le duine atá ag iarraidh gníomhaíocht ghairmiúil

a shaothrú sa Stát in—

(a) gairm rialaithe sa Stát nach bhfuil cumhdaithe ag Cuid 6 go 14 nó,

(b) cás de na cásanna seo a leanas nuair nach sásaíonn an t-iarratasóir ar

aithint, ar chúiseanna sainiúla agus eisceachtúla, na coinníollacha le

haghaidh aitheantais a fhoráiltear ina leith sna forálacha dá dtagraítear i

mír (a):

(i) maidir le gníomhaíocht a liostaítear in Iarscríbhinn IV a ghabhann leis

an Treoir nuair nach gcomhlíonann an t-imirceach na ceanglais

bhainteacha a leagtar amach i Rialachán 27, 28 nó 29;

(ii) maidir le dochtúirí a bhfuil bunoiliúint acu, dochtúirí speisialaithe,

altraí atá freagrach as cúram ginearálta, cleachtóirí déidliachta,

chleachtóirí déidliachta speisialaithe, tréidlianna, cnáimhseacha,

cógaiseoirí agus ailtirí, nuair nach gcomhlíonann an t-imirceach

ceanglais bhainteacha cleachtas éifeachtach, dleathach gairmiúil dá

dtagraítear i Rialachán 33, 38, 42, 46, 51 nó 59 nó Cuid 14;

(iii) maidir le hailtirí, nuair atá fianaise ag an imirceach ar cháilíocht

fhoirmiúil nach liostaítear i pointe 5.7.1 d'Iarscríbhinn V a

ghabhann leis an treoir; 18OJ Uimh. L 145, 13.6.1977, lch. 1.

[8] 23

(iv) Gan dochar do Rialacháin 30, 35, 39, 43, 47, 52 agus 56 agus Cuid

14, maidir le dochtúirí, altraí, cleachtóirí déidliachta, tréidlianna,

cnáimhseacha, cógaiseoirí agus ailtirí a bhfuil fianaise acu ar

cháilíochtaí gairmiúla mar speisialtóir ar gá dóibh páirt a ghlacadh

san oiliúint ar toradh dó sealbhú teidil a liostaítear i bpointí

5.1.1, 5.2.2, 5.3.2, 5.4.2, 5.5.2, 5.6. agus in Iarscríbhinn V a

ghabhann leis an Treoir agus chun críche aithint speisialtacht

bhainteach agus í sin amháin;

(v) maidir le haltraí atá freagrach as cúram ginearálta agus sainaltraí a

bhfuil fianaise acu ar cháilíochtaí gairmiúla mar speisialtóir a ghlac

páirt san oiliúint ar toradh dó sealbhú teidil a liostaítear i

bpointe 5.2.2 d'Iarscríbhinn V a ghabhann leis an Treoir, nuair a

iarrann an t-imirceach aithint i mBallstát eile mar a saothraíonn

sainaltraí, nach bhfuil oiliúint acu mar altraí cúram ginearálta, na

gníomhaíochtaí gairmiúla bainteacha;

(vi) maidir le sainaltraí gan oiliúint mar altraí cúram ginearálta, nuair a

iarrann an t-imirceach aithint i mBallstát eile mar a saothraíonn altraí

atá freagrach as cúram ginearálta, na gníomhaíochtaí gairmiúla

bainteacha, sainaltraí gan oiliúint mar altraí cúraim ghinearálta nó

sainaltraí a bhfuil fianaise acu ar cháilíochtaí gairmiúla mar

speisialtóir a ghlac páirt san oiliúint ar toradh dó sealbhú na dteideal

a liostaítear i bpointe 5.2.2 d'Iarscríbhinn V a ghabhann leis an

Treoir; agus

(vii) imirceach as stát nach Ballstát é a chomhlíonann na ceanglais a

leagtar amach i Rialachán 4(1)(b).

Leibhéal cáilíochta

19. Chun críche Rialacháin 21 agus 22, grúpálfar cáilíochtaí i leibhéil cáilíochta

a leagtar amach i Sceideal 4.

Cóir chomhionann cáilíochtaí

20. (1) Aon fhianaise ar cháilíochtaí foirmiúla nó tacar d'fhianaise ar cháilíochtaí

foirmiúla arna eisiúint ag údarás inniúil i mBallstát seachas an Stát, a dheimhníonn

comhlánú rathúil oiliúna i mBallstát nó Ballstáit, ar bhonn lánaimseartha nó

páirtaimseartha, laistigh no lasmuigh de chláir fhoirmiúla, a aithníonn an Ballstát

sin go bhfuil sé ar chomhleibhéal agus trína mbronntar ar an sealbhóir na cearta

céanna rochtana nó saothrú gairme nó a ullmhaíonn i gcomhair shaothrú na gairme

sin, caithfidh údarás inniúil leis mar fhianaise ar cháilíochtaí foirmiúla dá

dtagraítear i Sceideal 4, lena n-áirítear an leibhéal atá i gceist.

(2) Aon cháilíocht ghairmiúil, d'ainneoin nach gcomhlíonann sí na ceanglais atá

sna forálacha reachtaíochta, rialála nó riaracháin atá i bhfeidhm sa Bhallstát baile i

leith rochtain nó saothrú gairme, a bhronnann ar an sealbhóir cearta faighte de bhua

na bhforálacha seo, caithfear leo freisin mar fhianaise ar cháilíochtaí foirmiúla faoi

na coinníollacha céanna mar a leagtar amach i mír (1).

24 [8]

(3) Feidhmítear mír (2) go háirithe má ardaíonn an Ballstát baile an leibhéal

oiliúna is gá i gcomhair iontráil ar ghairm agus í a chleachtadh, agus má tá

oiliúint fhoirmiúil déanta ag duine aonair nach gcomhlíonann ceanglais na

cáilíochta nua agus má bhaineann sé leas as cearta faighte de bhua forálacha

náisiúnta reachtaíochta, rialála nó riaracháin; ina leithéid de chás, déanfaidh

údarás inniúil sa Stát an oiliúint seo a rinneadh cheana a mheas, chun críche

fheidhmiú Rialachán 21, mar oiliúint atá coibhéiseach le leibhéal na hoiliúna

nua.

Coinníollacha aitheantais

21. (1) Má bhraitheann rochtain nó saothrú gairm rialaithe sa Stát ar shealbhú

cáilíochtaí sainiúla gairmiúla, tabharfaidh an t-údarás gairmiúil sa Stát cead

d'iarratasóirí an ghairm sin a rochtain agus a shaothrú faoi na coinníollacha céanna

agus a bhaineann le náisiúnaigh an Stáit má tá dearbhú inniúlachta acu nó fianaise

cáilíochtaí gairmiúla dá dtagraítear i Sceideal 4, atá de dhíth ar Bhallstát eile leis an

ngairm sin a rochtain agus a shaothrú ina chríocha.

(2) Faoi réir mhír (4), ceadófar rochtain agus saothrú gairm rialaithe sa Stát

freisin d'iarratasóirí a shaothraigh an ghairm atá i gceist ar bhonn lánaimseartha ar

feadh bliana nó ar feadh tréimhse fhoriomlán den fhad céanna ar bhonn

páirtaimseartha le linn na 10 mbliana roimhe i mBallstát eile nach rialaíonn an

ghairm sin agus a shealbhaíonn dearbhú inniúlachta amháin nó níos mó nó fianaise

cáilíochtaí foirmiúla a d'eisigh Ballstát eile nach rialaíonn an ghairm sin.

(3) Chun a bheith aitheanta ag údarás inniúil sa Stát, is é is gá maidir le

dearbhuithe inniúlachta agus fianaise cáilíochtaí foirmiúla—

(a) go n-eiseoidh údarás inniúil i mBallstát eile, a ainmnítear i gcomhréir

le dlíthe, rialacháin nó forálacha riaracháin an Bhallstáit sin, agus

(b) dearbhófar gur ullmhaíodh an sealbhóir i gcomhair shaothrú na

gairme atá i gceist.

(4) D'fhéadfadh sé nach dteastódh an taithí ghairmiúil bliana dá dtagraítear i mír

(2) ón údarás inniúil sa Stát má dheimhníonn an fhianaise ar cháilíochtaí foirmiúla

atá ag an iarratasóir oideachas agus oiliúint rialaithe.

(5) Glacfaidh údarás inniúil sa Stát an leibhéal a dhearbhaítear faoi Sceideal 4 ag an

mBallstát baile, le cois an teastais trína ndeimhníonn an Ballstát gur ionann an t-oideachas

agus oiliúint nó an ghairmoiliúint ina bhfuil struchtúr sainiúil dá dtagraítear i leibhéal

(c)(ii) i Sceideal 4 agus an leibhéal a fhoráiltear ina leith i leibhéal (c)(i) i

Sceideal 4.

(6) D'ainneoin mhíreanna (1) go (4) den Rialachán seo agus de Rialachán 22,

d'fhéadfadh údarás inniúil sa Stát rochtain agus saothrú na gairme a dhiúltú do

shealbhóirí dearbhú inniúlachta a aicmítear faoi leibhéal (a)

[8] 25

i Sceideal 4 má aicmítear an cháilíocht náisiúnta ghairmiúil atá de dhíth chun an

ghairm a chleachtadh ina chríocha faoi leibhéal (e) i Sceideal 4.

Bearta cúitimh 22. (1) Ní chuirfear cosc mar gheall ar Rialachán 21 ar údarás inniúil sa Stát

iallach a chur ar iarratasóir tréimhse oiriúnaithe suas le trí bliana a chomhlánú

nó triail inniúlachta a dhéanamh más amhlaidh—

(a) go gcumhdaíonn an oiliúint a fuair an t-iarratasóir nithe atá difriúil ar bhonn

suntasach leo siúd atá cumhdaithe san fhianaise ar cháilíochtaí foirmiúla

faoi mar is gá sa Stát, nó

(b) go bhfuil gníomhaíocht rialaithe amháin nó níos mó sa ghairm rialaithe sa Stát

nach ann dóibh sa ghairm choibhéiseach i mBallstát baile an iarratasóra, agus

go gcumhdaíonn an oiliúint is gá sa Stát nithe atá difriúil ar bhonn

suntasach leo siúd atá cumhdaithe i ndearbhú inniúlachta an iarratasóra nó

san fhianaise ar cháilíochtaí foirmiúla.

(2) Faoi réir mhíreanna (3), (4) agus (5), nuair a úsáideann údarás inniúil sa Stát an

rogha atá ar fáil i mír (1), ní mór dó rogha idir an tréimhse oiriúnaithe agus an triail

inniúlachta a thairiscint d'iarratasóir.

(3) Tá d'iallach ar iarratasóir dul i mbun triail inniúlachta i gcás na ngairmeacha agus

na ngníomhaíochtaí gairmiúla a liostaítear i Sceideal 5 a bhfuil eolas cruinn ar an dlí

náisiúnta de dhíth i leith a saothraithe agus ar gné riachtanach, bhuan í den ghníomhaíocht

ghairmiúil soláthar comhairle agus cúnaimh a bhaineann leis an dlí náisiúnta.

(4) Féadann údarás inniúil sa Stát t réimhse oiriúnaithe nó triail

inniúlachta a shonrú sna cásanna seo a leanas:

(a) na cásanna dá bhforáiltear i Rialachán 18(b)(ii) agus (iii);

(b) na cásanna dá bhforáiltear i Rialachán 18(b)(iv) maidir le dochtúirí agus

cleachtóirí déidliachta;

(c) na cásanna dá bhforáiltear i Rialachán 18(b)(vi);

(d) na cásanna dá bhforáiltear i Rialachán 18(b)(vii);

(e) na cásanna dá bhforáiltear i Rialachán 18(b)(i), má tá beartaithe ag an

imirceach gníomhaíochtaí gairmiúla a shaothrú ar bhonn féinfhostaithe nó mar

bhainisteoir gnóthais inar gá an t-eolas ar agus feidhmiú na rialacha sainiúla

náisiúnta atá i bhfeidhm, a fhad is atá eolas ar agus feidhmiú na rialacha seo de

dhíth ar an údarás inniúil sa Stát i gcomhair rochtain a lei théid

de ghníomhaíochtaí ag náisiúnaigh an Stái t;

(f) I gcás sealbhóir cáilíocht ghairmiúil dá dtagraítear i leibhéal (a) i Sceideal 4 a iarrann

aithint a c(h)áilíochtaí gairmiúla nuair a aicmítear an cháilíocht ghairmiúil atá de dhíth

faoi leibhéal (c) i Sceideal 4; agus

(g) I gcás sealbhóir cáilíocht ghairmiúil dá dtagraítear i leibhéal (b) i

Sceideal 4 a iarrann aithint a c(h)áilíochtaí gairmiúla nuair a aicmítear an

cháilíocht ghairmiúil atá de dhíth faoi leibhéal (d) nó (e) i Sceideal 4.

(5) I gcás sealbhóir cáilíocht ghairmiúil dá dtagraítear i leibhéal (b) i Sceideal 4

a iarrann aithint a c(h)áilíochtaí gairmiúla nuair a aicmítear an cháilíocht

ghairmiúil atá de dhíth faoi leibhéal (d) i Sceideal 4, féadann an t-údarás

inniúil sa Stát tréimhse oiriúnaithe le cois triail inniúlachta a fhorchur.

26 [8]

(6) D'fhonn cinneadh a dhéanamh cé acu ba chóir nó nár chóir iallach a chur

ar iarratasóir tréimhse oiriúnaithe a chomhlánú nó triail inniúlachta a dhéanamh

faoi pharagraf (1), is é a dhéanfaidh údarás inniúil—

(a) an aird chuí a thabhairt ar phrionsabal na comhréireachta, agus

(b) a fháil amach an bhfuil an t-eolas, na scileanna agus na hinniúlachtaí

a fuair an t-iarratasóir le linn a t(h)aithí gairmiúla nó trí fhoghlaim ar

feadh an tsaoil agus a bhailíochtaigh foras cuí go foirmiúil chuige sin,

in aon Bhallstát eile nó i stát nach Ballstát é, ag leibhéal a

chumhdaíonn, go hiomlán nó go páirteach, na nithe atá difriúil ar

bhonn suntasach.

(7) Tabharfar údar cuí do chinneadh ag údarás inniúil sa Stát iallach a chur

tréimhse oiriúnaithe nó triail inniúlachta a dhéanamh faoin Rialachán seo agus

tabharfar an t-eolas seo a leanas don iarratasóir:

(a) an leibhéal cáilíocht ghairmiúil a bhfuil gá leis sa Stát agus an leibhéal

cáilíocht ghairmiúil atá ag an iarratasóir i gcomhréir leis an aicmiú a leagtar

amach i Sceideal 4; agus

(b) na nithe atá difriúil ar bhonn suntasach agus ná fáthanna nach féidir

na nithe sin a chúiteamh ag eolas, scileanna agus inniúlachtaí a

fhaightear le linn taithí ghairmiúil nó trí fhoghlaim ar feadh an tsaoil

a bhailíochtaíonn foras cuí chuige sin.

(8) Cinnteoidh údarás inniúil sa Stát go bhféadfaidh iarratasóir an triail

inniúlachta a dhéanamh faoin Rialachán seo tráth nach déanaí ná sé mhí i

ndiaidh an chinnidh tosaigh a chuir iallach ar an iarratasóir triail inniúlachta a

dhéanamh.

(a) Sa Rialachán seo ciallaíonn "nithe atá difriúil ar bhonn suntasach"

nithe ar gá eolas, scileanna agus inniúlachtaí ina leith chun an ghairm

a shaothrú agus a bhfuil difríochtaí suntasacha idir iad agus an oiliúint

a fuair an t-imirceach i dtéarmaí inneachair agus an oiliúint a bhfuil

gá léi sa Stát.

[8] 27

Tréimhse oiriúnaithe

23. (1) Is é a bheidh i dtréimhse oiriúnaithe dá dtagraítear sa chuid seo

tréimhse shaothrú na gairme rialaithe baintí sa Stát faoi mhaoirseacht agus

freagracht ball cáilithe den ghairm sin.

(2) D'fhéadfadh breis oiliúna dul le tréimhse cleachtas maoirsithe dá

dtagraítear i mír (1).

(3) Beidh an tréimhse cleachtas maoirsithe dá dtagraítear i mír (1) faoi réir

measúnaithe.

(4) Is é an t-údarás inniúil a leagfaidh síos na rialacha mionsonraithe faoina

rialófar an tréimhse oiriúnaithe agus a measúnú chomh maith le stádas

iarratasóra faoi mhaoirseacht.

(5) Is iad na húdaráis bhainteacha sa Stát a bhunóidh, i gcomhréir le dlí

infheidhme an Aontais Eorpaigh, an stádas atá ag duine atá ag gabháil do

thréimhse oiriúnaithe sa Stát de bhun na coda seo, go háirithe maidir le ceart

cónaithe chomh maith le hoibleagáidí, cearta agus leas sóisialta, liúntais agus

luach saothair.

Triail inniúlachta

24. (1) Is é a bheidh i dtriail inniúlachta dá dtagraítear sa Chuid seo, triail

nach mbaineann ach le heolas gairmiúil an iarratasóra, arna eagrú nó arna aithint

ag an údarás inniúil, ar aidhm di cumas an iarratasóra a mheasúnú chun an

ghairm rialaithe atá i gceist a shaothrú sa Stát.

(2) D'fhonn triail inniúlachta a éascú, cuirfidh údarás inniúil liosta ábhar i

dtoll a chéile nach bhfuil cumhdaithe ag dioplóma nó fianaise eile cáilíochtaí

foirmiúla atá ag an iarratasóir, bunaithe ar chomparáid idir an t-oideachas agus

oiliúint a bhfuil gá leo sa Stát agus a bhfuil faighte ag an iarratasóir.

(3) Ní mór go gcuirfí san áireamh sa triail inniúlachta gur gairmí cáilithe an

t-iarratasóir sa Bhallstát baile nó sa Bhallstát ar as dó/di.

(4) Cumhdófar i dtriail inniúlachta ábhair a bheidh le roghnú uathu sin atá ar

an liosta dá dtagraítear i mír (2), ar gá eolas a bheith orthu le gur féidir an ghairm

ar leith a shaothrú sa Stát.

(5) Le cois na nithe dá dtagraítear i mír (4), d'fhéadfaí a chuimsiú i dtriail

inniúlachta eolas ar na rialacha gairmiúla a bhaineann leis na gníomhaíochtaí

atá i gceist sa Stát.

(6) Is iad na húdaráis bhainteacha sa Stát a shocróidh an stádas sa Stát atá ag

iarratasóir a dhéanfaidh triail inniúlachta de bhun na Coda seo.

28 [8]

Cuid 6

Aithint uathoibríoch taithí ghairmiúil in earnálacha ceardaíochta,

tráchtála agus tionsclaíochta

Raon Feidhme Chuid 6 25. Baineann an chuid seo le duine atá ag iarraidh gníomhaíocht ghairmiúil a

shaothrú sa Stát i ngníomhaíocht amháin a liostaítear in Iarscríbhinn IV a

ghabhann leis an Treoir.

Aithint uathoibríoch taithí ghairmiúil 26. (1) Más amhlaidh—

(a) g o m b r a i t h e a n n r o c h t a i n , s a o t h r ú c h e a n n a m h á i n d e n a

g n í o m h a í o c h t a í a l i o s t a í t e a r i n I a r s c r í b h i n n I V a

g h a b h a n n l e i s a n T r e o i r , s a S t á t a r s h e a l b h ú e o l a i s

a g u s c u m a i s g h i n e a r á l t a , t h r á c h t á l a n ó g a i r m i ú i l

agus

(b) gur saothraíodh an ghníomhaíocht i gcomhréir le Rialachán 27, 28

nó 29,

aithneoidh an t-údarás inniúil sa Stát saothrú na gníomhaíochta roimhe seo i

mBallstát eile mar dhóthain cruthúnais ar a leithéid d'eolas agus cumais.

(2) Eiseoidh an t-údarás inniúil teastas ina ndeimhneofar gur aithníodh taithí

ghairmiúil duine i gcomhréir le mír (1).

Gníomhaíochtaí dá dtagraítear i liosta I d'Iarscríbhinn IV a ghabhann leis an Treoir

27. (1) Faoi réir mhíreanna (2) agus (3), do na gníomhaíochtaí i liosta I

d'Iarscríbhinn IV a ghabhann leis an Treoir, is gá gur saothraíodh cheana an

ghníomhaíocht atá i gceist—

(a) ar feadh sé bliana i ndiaidh a chéile ar bhonn féinfhostaithe nó mar

bhainisteoir gnóthais.

(b) ar feadh trí bliana i ndiaidh a chéile ar bhonn féinfhostaithe nó mar

bhainisteoir gnóthais, má chruthaíonn an tairbhí go bhfuair sé/sí oiliúint

roimhe seo dar fad trí bliana ar a laghad sa ghníomhaíocht atá i gceist agus

fianaise teastais a aithnítear sa Bhallstát eile nó a measann foras inniúil

gairmiúil é a bheith iomlán bailí.

(c) ar feadh ceithre bliana i ndiaidh a chéile ar bhonn féinfhostaithe nó mar

bhainisteoir gnóthais, má chruthaíonn an tairbhí go bhfuair sé/sí oiliúint

roimhe seo dar fad dhá bhliain ar a laghad sa ghníomhaíocht atá i gceist a

dhearbhaítear le teastas a aithnítear sa Bhallstát eile nó a measann foras

inniúil gairmiúil é a bheith iomlán bailí.

(d) ar feadh trí bliana i ndiaidh a chéile ar bhonn féinfhostaithe má

chruthaíonn an tairbhí gur shaothraigh sé nó sí an ghníomhaíocht atá i gceist

ar bhonn fostaithe ar feadh cúig bliana ar a laghad, nó

[8] 29

(e) ar feadh cúig bliana i ndiaidh a chéile i ról feidhmeannaigh agus ar

a laghad trí bliana acu sin ag baint le dualgais theicniúla agus

freagracht as ar a laghad rannóg amháin de chuid an chomhlachta,

má chruthaíonn an tairbhí go bhfuair sé nó sí, maidir leis an

ngníomhaíocht atá i gceist, oiliúint roimhe seo dar fad trí bliana ar

a laghad, a dhearbhaítear le teastas a aithnítear sa Bhallstát eile nó a

measann foras inniúil gairmiúil é a bheith iomlán bailí.

(2) Sna cásanna dá dtagraítear i mír (1)(a) agus (d), ní mór nár tháinig

deireadh leis an ngníomhaíocht níos mó ná 10 mbliana roimh an dáta ar chuir

an duine atá i gceist an t-iarratas faoi bhráid an údaráis inniúil.

(3) Ní bhainfidh mír (1)(e) le gníomhaíochtaí i nGrúpa ex 855, gnóthais

gruaigeadóireachta, den Ainmníocht Aicmiú idirnáis iúnta Caighdeán de

réir t ionscail (ISIC).

Gníomhaíochtaí dá dtagraítear i liosta II d'Iarscríbhinn IV a ghabhann leis an Treoir

28. (1) Faoi réir mhír (2), maidir leis na gníomhaíochtaí i liosta II d'Iarscríbhinn

IV a ghabhann leis an Treoir, ní mór gur saothraíodh an ghníomhaíocht atá i gceist

cheana—

(a) ar feadh cúig bliana i ndiaidh a chéile ar bhonn féinfhostaithe nó

mar bhainisteoir gnóthais

(b) ar feadh trí bliana i ndiaidh a chéile ar bhonn féinfhostaithe nó mar

bhainisteoir gnóthais, má chruthaíonn an tairbhí go bhfuair sé/sí

oiliúint roimhe seo dar fad trí bliana ar a laghad sa ghníomhaíocht atá

i gceist agus fianaise teastais a aithnítear sa Bhallstát eile nó a

measann foras inniúil gairmiúil é a bheith iomlán bailí.

(c) ar feadh ceithre bliana i ndiaidh a chéile ar bhonn féinfhostaithe nó mar

bhainisteoir gnóthais, má chruthaíonn an tairbhí go bhfuair sé/sí oiliúint

roimhe seo dar fad dhá bhliain ar a laghad sa ghníomhaíocht atá i gceist a

dhearbhaítear le teastas a aithnítear sa Bhallstát eile nó a measann foras

inniúil gairmiúil é a bheith iomlán bailí,

(d) ar feadh trí bliana i ndiaidh a chéile ar bhonn féinfhostaithe má

chruthaíonn an tairbhí gur shaothraigh sé nó sí an ghníomhaíocht atá i gceist

ar bhonn fostaithe ar feadh cúig bliana ar a laghad,

(e) ar feadh cúig bliana i ndiaidh a chéile i ar bhonn fostaithe má chruthaíonn

an tairbhí go bhfuair sé nó sí, maidir leis an ngníomhaíocht atá i gceist,

oiliúint roimhe seo dar fad trí bliana ar a laghad, a dhearbhaítear le teastas

a aithnítear sa Bhallstát eile nó a measann foras inniúil gairmiúil é a bheith

iomlán bailí, nó

(f) f

30 [8]

ar feadh sé bliana i ndiaidh a chéile ar bhonn fostaithe má

chruthaíonn an tairbhí go bhfuair sé nó sí, maidir leis an

ngníomhaíocht atá i gceist, oiliúint roimhe seo dar fad dhá bhliain

ar a laghad, a dhearbhaítear le teastas a aithnítear sa Bhallstát eile

nó a measann foras inniúil gairmiúil é a bheith iomlán bailí

(2) Sna cásanna dá dtagraítear i mír (1)(a) agus (d), ní mór

nár tháinig deireadh leis an ngníomhaíocht níos mó ná 10

mbliana roimh an dáta ar chuir an duine atá i gceist an t-

iarratas faoi bhráid an údaráis inniúil.

.

Gníomhaíochtaí dá dtagraítear i liosta III d'Iarscríbhinn IV a ghabhann leis an Treoir

29. (1) Faoi réir mhír (2), maidir leis na gníomhaíochtaí i liosta III

d'Iarscríbhinn IV a ghabhann leis an Treoir, ní mór gur saothraíodh an

ghníomhaíocht atá i gceist cheana —

(a) ar feadh trí bliana i ndiaidh a chéile ar bhonn féinfhostaithe nó mar

bhainisteoir gnóthais,

(b) ar feadh dhá bhliain i ndiaidh a chéile ar bhonn féinfhostaithe nó

mar bhainisteoir gnóthais, má chruthaíonn an tairbhí go bhfuair sé/sí

oiliúint roimhe seo dar fad dhá bhliain ar a laghad sa ghníomhaíocht

atá i gceist a dhearbhaítear le teastas a aithnítear sa Bhallstát eile nó a

measann foras inniúil gairmiúil é a bheith iomlán bailí,

(c) ar feadh dhá bhliain i ndiaidh a chéile ar bhonn féinfhostaithe nó

mar bhainisteoir gnóthais, má chruthaíonn an tairbhí gur shaothraigh

sé nó sí an ghníomhaíocht atá i gceist ar bhonn fostaithe ar feadh trí

bliana ar a laghad, nó

(d) ar feadh trí bliana i ndiaidh a chéile ar bhonn fostaithe, má

chruthaíonn an tairbhí go bhfuair sé/sí oiliúint roimhe seo dar fad dhá

bhliain ar a laghad sa ghníomhaíocht atá i gceist a dhearbhaítear le

teastas a aithnítear sa Bhallstát eile nó a measann foras inniúil

gairmiúil é a bheith iomlán bailí,

(2) Sna cásanna dá dtagraítear i mír (1)(a) agus (d), ní mór nár tháinig

deireadh leis an ngníomhaíocht níos mó ná 10 mbliana roimh an dáta ar

chuir an duine atá i gceist an t-iarratas faoi bhráid an údaráis inniúil.

Cuid 7

Aithint uaithoibríoch — dochtúirí leighis

Aithint uathoibríoch dochtúirí

30. (1) Faoi réir mhíreanna (2) agus (5), aithneoidh an t-údarás inniúil

sa Stát do lia-chleachtóirí fianaise ar cháilíochtaí foirmiúla san oiliúint

bhunúsach leighis a liostaítear i bpointe 5.1.1 d'Iarscríbhinn V a ghabhann

leis an Treoir a shásaíonn na coinníollacha íosta oiliúna dá dtagraítear in

Airteagal 24 den Treoir agus tabharfar an éifeacht chéanna dá leithéid

d'fhianaise sa Stát, de bhun rochtain agus shaothrú ghairm an lia-

chleachtóra sa Stát mar fhianaise choibhéiseach ar cháilíocht fhoirmiúil a

fuarthas sa Stát.

Ní mór fianaise ar cháilíocht fhoirmiúil dá dtagraítear i mír (1) a eisiúint tríd an

[8] 31

údarás cuí sa Bhallstát bainteach agus ní mór aon teastas a liostaítear i bpointe

5.1.1 d'Iarscríbhinn V a ghabhann leis an Treoir i leith na cáilíochta a bheith

leis an bhfianaise.

(2) Faoi réir mhíreanna (4) agus (5), aithneoidh an t-údarás inniúil sa Stát do

lia-chleachtóirí fianaise ar cháilíochtaí foirmiúla mar dhochtúir speisialaithe a

liostaítear i bpointe 5.1.2 d'Iarscríbhinn V a ghabhann leis an Treoir a shásaíonn

na coinníollacha íosta oiliúna dá dtagraítear in Airteagal 25 den Treoir agus

tabharfar an éifeacht chéanna dá leithéid d'fhianaise sa Stát, de bhun rochtain

agus shaothrú ghairm an lia-chleachtóra sa Stát mar fhianaise choibhéiseach ar

cháilíocht fhoirmiúil a fuarthas sa Stát.

Ní mór fianaise ar cháilíocht fhoirmiúil dá dtagraítear i mír (3) a eisiúint tríd an

údarás cuí sa Bhallstát bainteach agus ní mór aon teastas a liostaítear i bpointe

5.1.2 d'Iarscríbhinn V a ghabhann leis an Treoir i leith na cáilíochta a bheith

leis an bhfianaise.

(3) Ní théann Míreanna (1) agus (3) i bhfeidhm ar na cearta a fuarthas dá

dtagraítear i Rialachán 33 agus Cuid 14.

(4) Faoi réir mhír (7), aithneoidh an t-údarás inniúil sa Stát do lia-

chleachtóirí, chun críche lia-chleachtas ginearálta a shaothrú sa Stát i gcreat chóras

slándála sóisialta an Stáit, fianaise ar cháilíochtaí foirmiúla a liostaítear i bpointe

5.1.4 d'Iarscríbhinn V a ghabhann leis an Treoir agus a eisítear i gcomhréir leis

na coinníollacha íosta oiliúna a leagtar amach in in Airteagal 28 den Treoir.

(5) Ní théann Mír (6) i bhfeidhm ar na cearta a fuarthas dá dtagraítear i

Rialachán 34.

(6) Sa Rialachán seo, is é is "fianaise ar cháilíochtaí foirmiúla mar dhochtúir

speisialaithe" ann ná fianaise a bhronnann an t-údarás inniúil, dá dtagraítear i

bpointe 5.1.2 d'Iarscríbhinn V a ghabhann leis an Treoir, a chomhfhreagraíonn,

maidir leis an tsainoiliúint atá i gceist, leis na teidil atá in úsáid i mBallstáit

éagsúla eile agus dá dtagraítear i bpointe 5.1.3 den Iarscríbhinn sin.

Oiliúint Dochtúirí

31. Cinnteoidh an t-údarás inniúil do dhochtúirí sa Stát do lia-chleachtóirí go

sásaíonn oiliúint lia-chleachtóirí sa Stát ceanglais Airteagail 24, 25 agus 28 den

Treoir.

Rochtain agus saothrú gníomhaíochtaí gairmiúla dochtúirí

32. Cinnteoidh an t-údarás inniúil sa Stát do lia-chleachtóirí go mbeidh

rochtain agus saothrú gníomhaíochtaí gairmiúla sa Stát faoi réir sealbhú fianaise

ar cháilíochtaí foirmiúla dá dtagraítear i bpointe 5.1.1, 5.1.2 nó 5.1.4

d'Iarscríbhinn V a ghabhann leis an Treoir, a dhearbhaíonn go bhfuair an t-

iarratasóir, le linn a (h)oiliúna, mar is cuí, an t-eolas, na scileanna agus na

hinniúlachtaí dá dtagraítear in Airteagal 24(3) den Treoir.

32 [8]

Cearta a fuarthas a bhaineann go sainiúil le dochtúirí speisialaithe

33. (1) D'fhéadfadh an t-údarás inniúil sa Stát do lia-chleachtóirí iallach

a chur ar dhochtúirí speisialaithe, arbh iad forálacha reachtaíochta, rialála

agus riaracháin a bhí i bhfeidhm faoi 10 Mheitheamh 1975 a rialaigh a

sainoiliúint pháirtaimseartha leighis agus a thosaigh ar a sainoiliúint tráth

nach déanaí ná 31 Nollaig 1983, teastas a bheith lena bhfianaise ar

cháilíochtaí foirmiúla ina maítear go bhfuil siad i mbun na

ngníomhaíochtaí bainteacha ar bhonn éifeachtach agus dlíthiúil ar feadh

ar a laghad trí bliana i ndiaidh a chéile le linn na gcúig bliana roimh

bhronnadh an teastais sin.

(2) Aithneoidh an t-údarás inniúil sa Stát do lia-chleachtóirí cáilíocht

dochtúir speisialaithe a bronnadh sa Spáinn ar dhochtúirí a chomhlánaigh

a n-oiliúint speisialaithe roimh 1 Eanáir 1995, fiú mura sásaíonn an

oiliúint sin na riachtanais íosta oiliúna a fhoráiltear ina leith in Airteagal

25 den Treoir, a fhad is atá teastas arna eisiúint ag údaráis inniúla na

Spáinne a dhearbhaíonn gur éirigh leis an duine atá i gceist sa scrúdú san

inniúlacht shainiúil ghairmiúil a tionóladh i gcomhthéacs na mbeart

eisceachtúil a bhain le haithint faoi mar a leagadh anuas i bhForaithne

Ríoga1497/99, d'fhonn go bhfaighfear amach go bhfuil ag an duine atá i

gceist leibhéal eolais agus scile atá inchomparáide leo sin atá ag dochtúirí

a bhfuil cáilíocht acu mar dhochtúir speisialaithe mar a shainmhínítear

don Spáinn i bpointí 5.1.2 agus 5.1.3 in Iarscríbhinn V a ghabhann leis an

Treoir.

(3) Aithneoidh an t-údarás inniúil sa Stát do lia-chleachtóirí cáilíocht

dochtúir speisialaithe a bronnadh san Iodáil agus a liostaítear i bpointí

5.1.2 agus 5.1.3 in Iarscríbhinn V a ghabhann leis an Treoir, ar dhochtúirí

a thosaigh ar a n-oiliúint speisialaithe i ndiaidh 31 Nollaig 1983 agus roimh

1 Eanáir 1991, d'ainneoin nach sásaíonn an oiliúint atá i gceist na riachtanais

oiliúna uile a leagtar amach in Airteagal 25 den Treoir, má tá teastas arna

eisiúint ag údaráis inniúla na hIodáile ag gabháil leis an gcáilíocht a

mhaíonn go bhfuil an dochtúir atá i gceist ag saothrú go héifeachtach agus

go dleathach gníomhaíochtaí dochtúir speisialaithe sa réimse speisialaithe

chéanna atá i gceist, ar feadh ar a laghad seacht mbliana i ndiaidh a chéile

le linn na 10 mbliana roimh bhronnadh an teastais.

Cearta a fuarthas a bhaineann go sainiúil le cleachtóirí ginearálta

34. (1) Aithneoidh an t-údarás inniúil sa Stát do lia-chleachtóirí an ceart

gníomhaíochtaí cleachtóra ghinearálta i gcreat chóras slándáil shóisialta

an Stáit, gan an fhianaise ar cháilíochtaí foirmiúla dá dtagraítear i bpointe

5.1.4 Iarscríbhinn V a ghabhann leis an Treoir, a bhronntar ar gach

dochtúir a bhaineann leas as an gceart sin ón dáta tagartha a luaitear sa

phointe sin de bhua forálacha a bhaineann le gairm an leighis a thugann

rochtain ar ghníomhaíochtaí gairmiúla dochtúra a bhfuil bunoiliúint

aige/aici agus atá bunaithe ón dáta sin sa Stát agus a bhfuil leas bainte acu

as Airteagal 21 nó 23 den Treoir.

(2) Eiseoidh an t-údarás inniúil sa Stát do lia-chleachtóirí, má éilítear,

teastas ina maítear ceart an tsealbhóra gníomhaíochtaí cleachtóra

ghinearálta a shaothrú i gcreat chóras slándáil shóisialta an Stáit, gan an

fhianaise ar cháilíochtaí foirmiúla dá dtagraítear i bpointe 5.1.4

Iarscríbhinn V a ghabhann leis an Treoir do dhochtúirí atá bunaithe sa Stát

a bhaineann leas as cearta a fuarthas de bhun mhír (1).

[8] 33

(3) Aithneoidh an t-údarás inniúil sa Stát do lia-chleachtóirí teastais a eisíonn

na húdaráis inniúla i mBallstáit eile de bhun Airteagal 30 den Treoir agus

tabharfaidh siad dá leithéid de theastais an éifeacht chéanna sa Stát mar

fhianaise cáilíochta foirmiúla a bhronnann sé agus a cheadaíonn saothrú

gníomhaíochtaí cleachtóra ghinearálta i gcreat chóras slándáil shóisialta an

Stáit.

Cuid 8

Aithint ua thoibr íoch —altraí atá freagrach as cúram ginearálta

Aithint uathoibríoch altraí atá freagrach as cúram ginearálta

35. (1) faoi réir mhíreanna (2) agus (3), Aithneoidh an t-údarás inniúil sa Stát

d'altraí ginearálta fianaise ar cháilíochtaí foirmiúla mar altra atá freagrach as

cúram ginearálta a liostaítear i bpointe 5.2.2 d'Iarscríbhinn V a ghabhann leis an

Treoir a shásaíonn na coinníollacha íosta dá dtagraítear in Airteagal 31 den

Treoir agus, chun críche rochtain agus shaothrú ghairm an altra ghinearálta sa

Stát, tabharfar an éifeacht chéanna dá leithéid d'fhianaise sa Stát agus a thugtar

d'fhianaise choibhéiseach ar cháilíocht fhoirmiúil a fhaightear sa Stát.

(2) Ní mór gurb é an t-údarás cuí sa Bhallstát bainteach a eiseoidh fianaise ar

cháilíocht fhoirmiúil dá dtagraítear i mír (1).

(3) Ní théann mír (1) i bhfeidhm ar na cearta a fuarthas dá dtagraítear i Rialachán

38 agus i gCuid 14.

Oiliúint altraí atá freagrach as cúram ginearálta

36. Cinnteodh an t-údarás inniúil sa Stát d'altraí ginearálta go sásaíonn

oiliúint altraí ginearálta sa Stát riachtanais Airteagal 31 den Treoir.

Rochtain ar agus saothrú gníomhaíochtaí gairmiúla altraí atá freagrach as

cúram ginearálta

37. Cinnteoidh an t-údarás inniúil sa Stát d'altraí ginearálta go bhfuil rochtain ar

agus saothrú gníomhaíochtaí gairmiúla altraí atá freagrach as cúram ginearálta sa

Stát faoi réir sealbhú fianaise ar cháilíochtaí foirmiúla dá dtagraítear i bpointe 5.2.2

d'Iarscríbhinn V a ghabhann leis an Treoir, a dhearbhaíonn go bhfuil faighte ag an

iarratasóir, le linn a (h)oiliúna, mar is cuí, an t-eolas, na scileanna agus na

hinniúlachtaí dá dtagraítear in Airteagal 31(6) agus (7) den Treoir.

Cearta a fuarthas a bhaineann go sainiúil le haltraí atá freagrach as cúram ginearálta

38. (1) D'ainneoin Chuid 14, Is le haltraí atá freagrach as cúram ginearálta

amhain a bhaineann na cearta a fuarthas a fhoráiltear ina leith sa Chuid sin má

chuimsítear sna gníomhaíochtaí gairmiúla iomlán freagrachta as pleanáil, eagrú

agus riar cúram altrachta a thugtar don othar.

34 [8]

(2) Aithneoidh an t-údarás inniúil sa Stát d'altraí ginearálta fianaise ar

cháilíochtaí foirmiúla altrachta—

(a) a bronnadh sa Pholainn ar altraí a chuir oiliúint i gcrích roimh 1 Bealtaine

2004, nár chomhlíon na coinníollacha íosta oiliúna a leagtar síos in

Airteagal 32 den Treoir, agus

(b) a dhearbhaítear tríd an dioplóma “baitsiléir” a fuarthas ar bhonn clár

speisialta uasghrádúcháin in —

(i) Airteagal 11 d'Acht an 20 Aibreán 2004 ar leasú an Achta ar

ghairm an altra agus na cnáimhsí agus ar roinnt achtanna

dlíthiúla eile (Iris Oifigiúil Phoblacht na Polainne 2004 Uimh

92, pos. 885 agus 2007, Uimh 176, pos. 1237) agus Rialachán an

Aire Sláinte an 11 Bealtaine 2004 ar choinníollacha sonracha

soláthar staidéir d'altraí agus do chnáimhseacha a bhfuil teastas

meánscolaíochta acu (scrúdú ceann cúrsa — matura) agus ar

céimithe iad de choláiste leighis agus de theagasc altra nó

cnáimhsí gairmscoileanna leighis (Iris Oifigiúil Phoblacht na

Polainne 2004 Uimh 110, pos. 1170 agus 2010 Uimh 65, pos.

420); nó

(ii) Airteagal 52.3 pointe 2 d'Acht an 15 Iúil 2011 ar ghairmeacha

altra agus cnáimhsí (Iris Oifigiúil Phoblacht na Polainne 2011

Uimh 174, pos. 1039) agus Rialachán an Aire Sláinte an 14

Meitheamh 2012 ar choinníollacha sonracha soláthar cúrsaí

ardoideachais d'altraí agus do chnáimhseacha a bhfuil teastas

meánscolaíochta acu (scrúdú ceann cúrsa — matura) agus ar

céimithe iad de mheánscoil nó d'iar-mheánscoil leighis i ngairm

altra agus cnáimhsí (Iris Oifigiúil Phoblacht na Polainne 2012,

pos. 770),

chun críche a dheimhniú go bhfuil ag an altra atá i gceist leibhéal eolais agus

inniúlachta atá inchomparáide le haltraí a bhfuil na cáilíochtaí acu a liostaítear don

Pholainn i bpointe 5.2.2 d'Iarscríbhinn V a ghabhann leis an Treoir.

(3) I gcás iarratasóra ar a ndeachaigh oiliúint mar altra atá freagrach as cúram

ginearálta sa Rómáin agus nach gcomhlíonann a n-oiliúint na riachtanais íosta

oiliúna a leagtar amach in Airteagal 31 den Treoir, aithneoidh an t-údarás inniúil sa

Stát d'altra ginearálta an fhianaise seo a leanas ar cháilíochtaí foirmiúla mar altra

atá freagrach as cúram ginearálta mar dhóthain cruthúnais, a fhad is go mbíonn

teastas ag gabháil leis an bhfianaise ina maítear go raibh an t-iarratasóir go

héifeachtach agus do dleathach ag gabháil do ghníomhaíochtaí altra atá freagrach

as cúram ginearálta sa Rómáin, lena n-áirítear freagracht iomlán a ghlacadh as

pleanáil, eagrú agus cur i bhfeidhm cúram altrachta d'othair, ar feadh tréimhse trí

bliana i ndiaidh a chéile ar a laghad le linn na gcúig bliana roimh dháta eisiúna an

teastais:

(a) Certificat de competent,e profesionale de asistent medical generalist le

hiar-mheánscolaíocht a fuarthas ó scoala postliceala, a dhearbhaíonn oiliúint lenar cuireadh tús roimh 1 Eanáir 2007;

[8] 35

(b) Diploma de absolvire de asistent medical generalist le staidéar

gearrthréimhseach ardoideachais, a dhearbhaíonn oiliúint lenar cuireadh tús

roimh 1 Deireadh Fómhair 2003;

(c) Diploma de licent,a de asistent medical generalist le staidéar

fadtréimhseach ardoideachais, a dhearbhaíonn oiliúint lenar cuireadh tús roimh

1 Deireadh Fómhair 2003;

Cuid 9

Aithint uathoibríoch —cleachtóirí déidliachta

Aithint uathoibríoch cleachtóirí déidliachta

27. (1) Faoi réir mhíreanna (3) agus (4), aithneoidh an t-údarás inniúil sa

Stát d'fhiaclóirí fianaise ar cháilíochtaí foirmiúla mar chleachtóir

déidliachta a liostaítear i bpointe 5.3.2 d'Iarscríbhinn V a ghabhann leis

an Treoir a shásaíonn na coinníollacha íosta dá dtagraítear in Airteagal

34 den Treoir agus, chun críche rochtain agus shaothrú ghairm an

fhiaclóra sa Stát, tabharfar an éifeacht cheann dá leithéid d'fhianaise sa

Stát agus a thugtar d'fhianaise choibhéiseach ar cháilíocht fhoirmiúil a

fhaightear sa Stát.

28. Faoi réir mhíreanna (3) agus (4), aithneoidh an t-údarás inniúil sa Stát

d'fhiaclóirí fianaise ar cháilíochtaí foirmiúla mar chleachtóir

déidliachta speisialaithe a liostaítear i bpointe 5.3.3 d'Iarscríbhinn V a

ghabhann leis an Treoir a shásaíonn na coinníollacha íosta dá

dtagraítear in Airteagal 35 den Treoir agus, chun críche rochtain agus

shaothrú ghairm an fhiaclóra sa Stát, tabharfar an éifeacht chéanna dá

leithéid d'fhianaise sa Stát agus a thugtar d'fhianaise choibhéiseach ar

cháilíocht fhoirmiúil a fhaightear sa Stát.

(2) Ní mór don údarás cuí sa Bhallstát bainteach fianaise ar cháilíochtaí foirmiúla dá

dtagraítear i mír (1) nó (2) a eisiúint agus ní mór aon teastas dá leithéid de cháilíochta a

liostaítear i b p ointe 5.3.2 nó 5.3.3, de réir mar is cuí, d'Iarscríbhinn V a ghabhann leis

an Treoir, a bheith leo.

(3) Ní théann Míreanna (1) agus (2) i bhfeidhm ar na cearta a fuarthas dá

dtagraítear i Rialachán 42 agus i gCuid 14.

Oiliúint déidliachta 29. (1) Cinnteoidh an t-údarás inniúil sa Stát d'fhiaclóirí go sásaíonn bunoiliúint

déidliachta sa Stát riachtanais Airteagal 34 den Treoir.

30. Cinnteoidh an t-údarás inniúil sa Stát d'fhiaclóirí go sásaíonn sainoiliúint

déidliachta sa Stát riachtanais Airteagal 35 den Treoir.

(2)

Rochtain ar agus saothrú gníomhaíochtaí gairmiúla cleachtóirí déidliachta 31. (1)

Cinnteoidh an t-údarás inniúil sa Stát d'fhiaclóirí go bhfuil rochtain ar agus

saothrú gníomhaíochtaí gairmiúla cleachtóirí déidliachta sa Stát faoi réir

sealbhú fianaise ar cháilíochtaí foirmiúla dá dtagraítear i bpointe 5.3.2

d'Iarscríbhinn V a ghabhann leis an Treoir, a dhearbhaíonn go bhfuil faighte

ag an iarratasóir, le linn a (h)oiliúna, mar is cuí, an t-eolas, na scileanna agus

an hinniúlachtaí dá dtagraítear in Airteagal 34(3) den Treoir.

36 [8]

(2) Chun críche na Treorach agus na Rialachán seo, is iad gníomhaíochtaí

gairmiúla cleachtóirí déidliachta na gníomhaíochtaí dá dtagraítear i bpointe

5.3.2 d'Iarscríbhinn V a ghabhann leis an Treoir.

(3) Cinnteoidh an t-údarás inniúil sa Stát d'fhiaclóirí go mbíonn cleachtóirí

déidliachta in ann, de ghnáth, gníomhaíochtaí coisc, diagnóise agus cóireáil

aimhrialtachtaí agus galair a théann i bhfeidhm ar na fiacla, béal, giall agus

fíochán atá buailte leo a rochtain agus a shaothrú, agus an aird chuí ar na

forálacha rialála agus ar rialacha na heitice gairmiúla ar na dátaí tagartha dá

dtagraítear i bpointe 5.3.2 d'Iarscríbhinn V a ghabhann leis an Treoir.

Cearta a fuarthas a bhaineann go sainiúil le cleachtóirí déidliachta

32. (1) Faoi réir mhíreanna (2) agus (3), aithneoidh an t-údarás inniúil sa Stát

d'fhiaclóirí fianaise ar cháilíochtaí gairmiúla mar dhochtúir arna eisiúint san

Iodáil, s a Spáinn, s a n Ostair, i bPoblacht na Seice, s a t Slóvaic nó sa Rómáin

d'iarratasóir a chuir tús lena (h)oiliúint leighis ar nó roimh an dáta tagartha a

luaitear i bpointe sin 5.3.2 d'Iarscríbhinn V a ghabhann leis an Treoir a

bhaineann leis an mBallstát atá i gceist, má bhíonn teastas leis arna eisiúint ag

údarás inniúil an Stáit sin a dheimhníonn na nithe seo i dtaobh an iarratasóra:

(a) go bhfuil sé nó sí go héifeachtach, go dleathach agus go príomha sa

Bhallstát sin ag gabháil do na gníomhaíochtaí dá dtagraítear i

Rialachán 41(3) ar feadh trí bliana i ndiaidh a chéile ar a laghad le

linn na gcúig bliana roimh bhronnadh an teastais; agus

(b) go bhfuil sé nó sí údaraithe na gníomhaíochtaí thuasluaite a shaothrú

faoi na coinníollacha céanna mar shealbhóir fianaise ar cháilíochtaí

foirmiúla a liostaítear don Bhallstát sin i bpointe 5.3.2 d'Iarscríbhinn

V a ghabhann leis an Treoir.

(2) Iarratasóir ar éirigh leis nó léi ar a laghad staidéar tri bliana a chur i gcrích,

arna dheimhniú ag údarás inniúil sa Bhallstát atá i gceist mar choibhéiseach na

hoiliúna dá dtagraítear in Airteagal 34 den Treoir, beidh sé/sí díolmhaithe ón

obair phraiticiúil trí bliana dá dtagraítear i mír (1)(a).

(3) Maidir le Poblacht na Seice agus an tSlóvaic, tabharfar an leibhéal aitheanta

chéanna d'fhianaise ar cháilíochtaí foirmiúla a fuarthas san iar-Sheicslóvaic le

fianaise ar cháilíochtaí foirmiúla de chuid na Seice agus na Slóvaice agus faoi na

coinníollacha céanna faoi mar a leagtar amach i míreanna (1) agus (2).

(4) Faoi réir mhíreanna (5) agus (6), aithneoidh an t-údarás inniúil sa Stát

d'fhiaclóirí fianaise ar cháilíochtaí gairmiúla mar dhochtúir a eisítear san Iodáil

d'iarratasóir a chuir tús lena (h)oiliúint ollscoile leighis i ndiaidh 28 Eanáir 1980

agus tráth nach moille ná 31 Nollaig 1984, má bhíonn teastas leis, arna eisiúint ag

údaráis inniúla na hIodáile, a dheimhníonn na nithe seo a leanas i dtaobh an

iarratasóra—

[8] 37

(a) gur éirigh leis nó léi sa triail inniúlachta bhainteach a thionóil údaráis

inniúla na hIodáile chun críche a chinntiú go bhfuil leibhéal eolais agus

scileanna aige nó aici atá inchomparáide le daoine a bhfuil fianaise acu

ar cháilíochtaí foirmiúla a liostaítear don Iodáil i bpointe 5.3.2

d'Iarscríbhinn V a ghabhann leis an Treoir,

(c) go bhfuil sé nó sí go héifeachtach, go dleathach agus go príomha

ag gabháil do na gníomhaíochtaí dá dtagraítear i Rialachán

41(3) san Iodáil ar feadh trí bliana i ndiaidh a chéile ar a laghad

le linn na gcúig bliana roimh bhronnadh an teastais; agus

(d) go bhfuil sé nó sí údaraithe a bheith ag gabháil do nó go bhfuil

sé nó sí go héifeachtach, go dleathach agus go príomha ag

gabháil do na gníomhaíochtaí dá dtagraítear i Rialachán 41(3)

faoi na coinníollacha céanna a liostaítear don Iodáil i bpointe

5.3.2 d'Iarscríbhinn V a ghabhann leis an Treoir.

(5) Iarratasóir ar éirigh leis nó léi ar a laghad staidéar trí bliana a chur i

gcrích, arna dheimhniú ag údarás inniúil na hIodáile atá i gceist mar

choibhéiseach na hoiliúna dá dtagraítear in Airteagal 34 den Treoir, beidh

sé/sí díolmhaithe ón obair phraiticiúil trí bliana dá dtagraítear i mír (1)(a).

(4) Iarratasóir a chuir tús lena (h)oiliúint leighis ollscoile i ndiaidh 31 Nollaig

1984, caithfear leis nó léi ar an gcaoi chéanna le duine lena mbaineann mír

(4), a fhad is a chuir sé nó sí tús leis na trí bliana staidéir dá dtagraítear i mír

(5) roimh 31 Nollaig 1994.

(7) Maidir le fianaise ar cháilíochtaí foirmiúla cleachtóirí déidliachta,

aithneoidh an t-údarás inniúil sa Stát d'fhiaclóirí a leithéid d'fhianaise de bhun

Airteagal 21 den Treoir i gcásanna nuair a chuir an t-iarratasóir tús lena

(h)oiliúint ar nó roimh 18 Eanáir 2016.

(8) Aithneoidh an t-údarás inniúil sa Stát d'fhiaclóirí cáilíochtaí foirmiúla mar

dhochtúir a eisítear sa Spáinn d'iarratasóir a chuir tús lena (h)oiliúint leighis

ollscoile idir 1 Eanáir 1986 agus 31 Nollaig 1997 má bhíonn teastas leis, arna

eisiúint ag údaráis inniúla na Spáinn, a dheimhníonn na nithe seo a leanas i dtaobh

an iarratasóra —

(a) go bhfuil trí bliana staidéir curtha i gcrích aige nó aici, arna dheimhniú

ag údarás inniúil na Spáinne mar choibhéiseach na hoiliúna dá

dtagraítear in Airteagal 34 den Treoir,

(e) go bhfuil sé nó sí go héifeachtach, go dleathach agus go príomha

ag gabháil do na gníomhaíochtaí dá dtagraítear i Rialachán

41(3) sa Spáinn ar feadh trí bliana i ndiaidh a chéile ar a laghad

le linn na gcúig bliana roimh bhronnadh an teastais; agus

(f) go bhfuil sé nó sí údaraithe a bheith ag gabháil do nó go bhfuil

sé nó sí go héifeachtach, go dleathach agus go príomha ag

gabháil do na gníomhaíochtaí dá dtagraítear i Rialachán 41(3)

faoi na coinníollacha céanna a liostaítear don Iodáil i bpointe

5.3.2 d'Iarscríbhinn V a ghabhann leis an Treoir.

38 [8]

Cuid 10

Aithint uathoibríoch — tréidlianna

Aithint uathoibríoch tréidlianna

33. (1) Faoi réir mhíreanna (2) agus (3), aithneoidh an t-údarás

inniúil sa Stát do thréidlianna fianaise ar cháilíochtaí foirmiúla

mar thréidlia a liostaítear i bpointe 5.4.2 d'Iarscríbhinn V a

ghabhann leis an Treoir a shásaíonn na coinníollacha íosta dá

dtagraítear in Airteagal 38 den Treoir agus, chun críche rochtain

agus shaothrú ghairm an tréidlia sa Stát, tabharfar an éifeacht

chéanna dá leithéid d'fhianaise sa Stát agus a thugtar d'fhianaise

choibhéiseach ar cháilíocht fhoirmiúil a fhaightear sa Stát.

(4) Ní mór don údarás cuí sa Bhallstát bainteach fianaise ar cháilíochtaí foirmiúla

dá dtagraítear i mír (1) a eisiúint agus ní mór aon teastas dá leithéid de cháilíochtaí

a liostaítear i b p ointe 5.4.2 de réir mar is cuí, d'Iarscríbhinn V a ghabhann leis

an Treoir, a bheith leo.

(2) Ní théann míreanna (1) agus (2) i b h f e i d h m a r n a c e a r t a a

f u a r t h a s d á d t a g r a í t e a r i R i a l a c h á n 4 6 a g u s C u i d 1 4 .

Oiliúint tréidlianna

34. Cinnteoidh an t-údarás inniúil sa Stát do thréidlianna go sásaíonn

bunoiliúint tréidlianna sa Stát riachtanais Airteagal 38 den Treoir.

Rochtain ar agus saothrú gníomhaíochtaí gairmiúla tréidlianna

35. Cinnteoidh an t-údarás inniúil sa Stát do thréidlianna go bhfuil

rochtain ar agus saothrú gníomhaíochtaí gairmiúla tréidlianna sa Stát

faoi réir sealbhú fianaise ar cháilíochtaí foirmiúla dá dtagraítear i bpointe

5.4.2 d'Iarscríbhinn V a ghabhann leis an Treoir, a dhearbhaíonn go

bhfuil faighte ag an iarratasóir, le linn a (h)oiliúna, mar is cuí, an t-eolas,

na scileanna agus an hinniúlachtaí dá dtagraítear in Airteagal 38(3) den

Treoir.

Cearta a fuarthas a bhaineann go sainiúil le tréidlianna

35. Gan dochar do rialachán 63, aithneoidh an an t-údarás inniúil sa Stát

do thréidlianna cáilíochtaí iarratasóra ar eisíodh a c(h)áilíochtaí foirmiúla

nó ar thosaigh a (h)oiliúint san Eastóin roimh 1 Bealtaine 2004, má bhíonn

teastas leis arna eisiúint ag údarás inniúil an Stáit sin a dheimhníonn go bhfuil

an t-iarratasóir go héifeachtach agus go dleathach ag gabháil do na

gníomhaíochtaí atá i gceist san Eastóin ar feadh cúig bliana i ndiaidh a chéile

ar a laghad le linn na seacht mbliana roimh dháta eisiúna an teastais.

Cuid 11

Aithint uathoibríoch — cnáimhseacha

Aithint uathoibríoch cnáimhseach

36. (1) Faoi réir mhír (2),

37. aithneoidh an t-údarás inniúil sa Stát do chnáimhseacha fianaise

ar cháilíochtaí foirmiúla mar thréidlia a liostaítear i bpointe 5.5.2

d'Iarscríbhinn V a ghabhann leis an Treoir a shásaíonn na

coinníollacha íosta dá dtagraítear in Airteagal 40 den Treoir

agus, chun críche rochtain agus shaothrú ghairm na cnáimhsí sa

[8] 39

Stát, tabharfar an éifeacht chéanna dá leithéid d'fhianaise sa Stát

agus a thugtar d'fhianaise choibhéiseach ar cháilíocht fhoirmiúil a

fhaightear sa Stát.

(2) N í t h é a n n mír (1) i bhfeidhm ar na cearta a fuarthas dá dtagraítear i

Rialachán 51 agus i gCuid 14.

Oiliúint cnáimhseach

27. Cinnteoidh an t-údarás inniúil sa Stát do chnáimhseacha go sásaíonn

bunoiliúint tréidlianna sa Stát riachtanais Airteagal 40 den Treoir

Rochtain ar agus saothrú gníomhaíochtaí gairmiúla cnáimhseach

28. (1) Bainfidh an chuid seo le gníomhaíochtaí cnáimhseach sa Stát, gan

dochar do mhír (3), a shaothraítear faoi theideal ‘cnáimhseach chláraithe

(RM[CC])’.

(2) Cinnteoidh an t-údarás inniúil sa Stát do chnáimhseacha go bhfuil rochtain

ar agus saothrú gníomhaíochtaí gairmiúla sa Stát faoi réir sealbhú fianaise ar

cháilíochtaí foirmiúla dá dtagraítear i bpointe 5.5.2 d'Iarscríbhinn V a ghabhann leis

an Treoir, a dhearbhaíonn go bhfuair an t-iarratasóir le linn a (h)oiliúna, de réir mar

is cuí, an t-eolas, na scileanna agus na hinniúlachtaí dá dtagraítear in Airteagal 40(3)

den Treoir.

(3) Cinnteoidh an t-údarás inniúil sa Stát do chnáimhseacha go dtig le

cnáimhseacha na gníomhaíochtaí seo a leanas ar a laghad a rochtain agus a

shaothrú:

(a) soláthar faisnéis agus comhairle iomchuí pleanáil clainne;

(b) diagnóis toircheas agus monatóireacht toirchis normálta;

(c) na scrúduithe is gá a dhéanamh i gcomhair monatóireacht forbairt

toirchis normálta;

(d) oideasú nó comhairliú ar na scrúduithe is gá a dhéanamh i leith na

diagnóise is luaithe agus is féidir ar thoirchis atá i mbaol;

(e) soláthar cláir ullmhúchán tuismitheoireachta agus ullmhúchán

cuimsitheach i gcomhair breith linbh, lena n-áirítear comhairle ar

shláinteachas agus cothú;

(f) cúram agus cúnamh a thabhairt don mháthair le linn tinneas clainne

agus bail an fhéatais san útaras a mhonatóiriú trí na modhanna cuí

cliniciúla agus teicniúla;

(g) saoluithe spontáineacha a dhéanamh lena n-áirítear, nuair is gá,

eipeasatóimí agus, i gcásanna éigeandála saoluithe tóna;

(h)

40 [8]

comhartha rabhaidh mínormáltachta sa mháthair nó sa leanbh

a aithint ar gá atreorú chuig dochtúir ina leith agus cuidiú leis

an dochtúir nuair is cuí; na bearta éigeandála a bhfuil gá leo a

dhéanamh mura bhfuil an dochtúir i láthair, go háirithe

glanadh na placainte de láimh, agus scrúdú féideartha útarais

de láimh ina dhiaidh sin;

(i) scrúdú a dhéanamh agus cúram a thabhairt don leanbh nuabheirthe;

gach beart is gá a thionscnamh i gcás riachtanais agus athbheochan

láithreach a dhéanamh nuair is gá;

(j) cúram agus monatóireacht a dhéanamh ar dhul chun cinn na

máthar sa tréimhse iarbhreithe agus gach comhairle agus is gá

a thabhairt don mháthair ar chúram leanaí lena chur ar a cumas

a oiread dul chun cinn agus is féidir a chinntiú ag an leanbh

nuabheirthe;

(k) cóireáil a ordaíonn an dochtúir a fheidhmiú;

(l) na tuairiscí scríofa a bhfuil gá leo a dhréachtú.

Nósanna imeachta i gcomhair aithint fianaise ar cháilíochtaí foirmiúla

cnáimhsí 29. (1) Beidh an fhianaise ar cháilíochtaí foirmiúla cnáimhsí dá

dtagraítear i bpointe 5.5.2 d'Iarscríbhinn V a ghabhann leis an

Treoir faoi réir aithint uathoibríoch faoi Rialachán 47 sa mhéid go

sásaíonn siad critéar acu seo a leanas:

(a) oiliúint lánaimseartha mar chnáimhseach ar feadh trí bliana ar a

laghad, a d'fhéadfaí a chur in iúl freisin le creidiúintí

coibhéiseacha ECTS dar suim iomlán ar a laghad 4,600 uair an

chloig d'oiliúint theoiriciúil agus phraiticiúil, agus oiliúint

chliniciúil i gceist le trian, ar a laghad, den fhad íosta;

(b) oiliúint lánaimseartha mar chnáimhseach dar fad dhá bhliain ar a

laghad, a d'fhéadfaí a chur in iúl freisin le creidiúintí

coibhéiseacha ECTS dar suim iomlán ar a laghad 3,600 uair an

chloig, ag brath ar shealbhú fianaise ar cháilíochtaí foirmiúla

mar altra atá freagrach as cúram ginearálta dá dtagraítear i

bpointe 5.2.2 d'Iarscríbhinn V a ghabhann leis an Treoir;

(c) oiliúint lánaimseartha mar chnáimhseach ar feadh 18 mí, a

d'fhéadfaí a chur in iúl freisin le creidiúintí coibhéiseacha ECTS

dar suim iomlán ar a laghad 3,000 uair an chloig, ag brath ar

shealbhú fianaise ar cháilíochtaí foirmiúla mar altra atá

freagrach as cúram ginearálta dá dtagraítear i bpointe 5.2.2

d'Iarscríbhinn V a ghabhann leis an Treoir, agus ina dhiaidh sin,

bliain cleachtas gairmiúil ar eisíodh teastas ina leith i gcomhréir

le mír (2).

(2) Maidir leis an teastas dá dtagraítear i mír (1)(c), ní mór —

(a) gurb é an t-údarás inniúil sa Bhallstát baile a d'eisigh, agus

(b) go ndearbhaítear ann gur shaothraigh an sealbhóir go sásúil, i

ndiaidh fianaise ar cháilíochtaí foirmiúla a fháil, gach

gníomhaíocht de chuid cnáimhsí ar feadh tréimhse

chomhfhreagrach in ospidéal nó in ionad cúram sláinte a

[8] 41

fhaomhtar chuige sin.

Cearta a fuarthas a bhaineann go sainiúil le cnáimhseacha

30. (1)

I gcás iarratasóra a sásaíonn a f(h)ianaise ar íosriachtanais oiliúna a leagtar síos in

Airteagal 40 den Treoir ach, de bhua Rialachán 50, nach bhfuil aitheanta mura

bhfuil teastas cleachtas gairmiúil leis dá dtagraítear i Rialachán 50(2), aithneoidh

an t-údarás inniúil sa Stát do chnáimhseacha mar dhóthain cruthúnais fianaise ar

cháilíochtaí foirmiúla arna eisiúint sa Bhallstát bainteach roimh an dáta tagartha dá

dtagraítear i bpointe 5.5.2 d'Iarscríbhinn V a ghabhann leis an Treoir don Bhallstát

sin, ma bhíonn teastas leis a mhaíonn go raibh an t-iarratasóir go héifeachtach agus

go dleathach ag gabháil do na gníomhaíochtaí atá i gceist ar feadh dhá bhliain i

ndiaidh a chéile ar a laghad le linn na gcúig bliana roimh bhronnadh an teastais.

(2) Aithneoidh an t-údarás inniúil sa Stát do chnáimhseacha go huathoibríoch na

cáilíochtaí sin nuair a thosaigh an t-iarratasóir ar oiliúint mar chnáimhseach roimh

18 Eanáir 2016 agus gurb é an riachtanas iontrála dá leithéid d'oiliúint ná 10 mbliana

d'oideachas ginearálta nó leibhéal coibhéiseach do shlí I in Airteagal 40(1) (a) den

Treoir, nó a comhlánaigh oiliúint mar altra atá freagrach as cúram ginearálta a

dhearbhaítear le fianaise ar cháilíocht fhoirmiúil dá dtagraítear i bpointe 5.2.2

d'Iarscríbhinn V a ghabhann leis an Treoir roimh thosú ar oiliúint cnáimhsí faoi shlí

II in Airteagal 40(1) (b) den Treoir.

(3) Bainfidh na coinníollacha a leagtar síos i mír (1) freisin le hiarratasóir a

ndeimhníonn a f(h)ianaise ar cháilíochtaí foirmiúla mar chnáimhseach comhlánú

oiliúna a fuarthas in iar-Phoblacht Dhaonlathach na Gearmáine agus a shásaíonn na

híosriachtanais oiliúna uile a leagtar síos in Airteagal 40 den Treoir, ach nach n-

aithnítear, de bhua Rialachán 50, fianaise ar cháilíochtaí foirmiúla ach má tá teastas

taithí ghairmiúil leo dá dtagraítear i Rialachán 50(2) a dhearbhaíonn cúrsa oiliúna

ar cuireadh tús leis roimh 3 Deireadh Fómhair 1990.

(4) Aithneoidh an t-údarás inniúil sa Stát do chnáimhseacha fianaise ar

cháilíochtaí foirmiúla mar chnáimhseach—

(a) a bronnadh sa Pholainn, ar chnáimhseacha a chomhlánaigh oiliúint roimh

1 Bealtaine 2004, nár chomhlíon na híosriachtanais oiliúna a leagtar síos

in Airteagal 40 den Treoir, agus

(b) a dhearbhaítear le dioplóma 'baitsiléir' a fuarthas ar bhonn uasghrádú

speisialta a bhí in—

(i) Airteagal 11 d'Acht an 20 Aibreán 2004 ar leasú an Achta ar

ghairmeacha altra agus cnáimhsí agus ar roinnt achtanna dlíthiúla

eile (Iris Oifigiúil Phoblacht na Polainne 2004 Uimh. 92, pos.

885 agus 2007 Uimh. 176, pos. 1237) agus Rialachán an Aire

Sláinte an 11 Bealtaine 2004 ar choinníollacha mionsonraithe

staidéar a sholáthar d' altra agus cnáimhseacha, a bhfuil teastas

meánscolaíochta acu (scrúdú ceann cúrsa — matura) agus ar

céimithe iad d e choláiste leighis agus gairmscoileanna leighis

ag teagasc i ngairm altra agus cnáimhsí (Iris Oifigiúil Phoblacht

na Polainne 2004 Uimh. 110, pos. 1170 agus 2010 Uimh. 65, pos.

420), nó

42 [8]

(ii) Airteagal 53.3 d'Acht an 15 Iúil 2011 ar leasú an Achta ar

ghairmeacha altra agus cnáimhseacha (Iris Oifigiúil Phoblacht na

Polainne 2011 Uimh. 174, pos. 1039) agus Rialachán an Aire

Sláinte an 14 Meitheamh 2012 ar choinníollacha mionsonraithe

cúrsaí ardoideachais a sholáthar d'altraí agus cnáimhseacha, a

bhfuil teastas meánscolaíochta acu (scrúdú ceann cúrsa —

matura) agus ar céimithe iad d e mheánscoil leighis nó iar-

mheánscoil ag teagasc i ngairm altra agus cnáimhsí (Iris Oifigiúil

Phoblacht na Polainne 2012 pos. 770),

Chun críche a dheimhniú go bhfuil ag an gcnáimhseach atá i gceist leibhéal eolais

agus inniúlachta atá inchomparáide le cnáimhseacha a bhfuil na cáilíochtaí acu a

liostaítear don Pholainn i bpointe 5.5.2 d'Iarscríbhinn V a ghabann leis an Treoir.

(5) I gcás iarratasóra ar bronnadh a f(h)ianaise ar cháilíochtaí foirmiúla mar

chnáimhseach (asistent medical obstetrica -ginecologie/altra cnáimhseachais-

banliachta) sa Rómáin roimh 1 Eanáir 2007, agus nach sásaíonn na híosriachtanais

oiliúna a leagtar síos in Airteagal 40 den Treoir, aithneoidh an t-údarás inniúil sa

Stát do chnáimhseacha an fhianaise seo ar cháilíochtaí foirmiúla mar dhóthain

cruthúnais chun críche gníomhaíochtaí cnáimhsí a shaothrú má bhíonn teastas leo

a mhaíonn go bhfuil an t-iarratasóir go héifeachtach agus go dleathach ag gabháil

do ghníomhaíochtaí cnáimhsí sa Rómáin ar feadh cúig bliana i ndiaidh a chéile ar a

laghad le linn na seacht mbliana roimh eisiúint an teastais.

(6) Ní bheidh cearta a fuarthas i gceist leis na cáilíochtaí seo a leanas a fuarthas

sa Chróit roimh Iúil 2013: via medicinska sestra gineko- loko-opstetrikog smjera

(Ardaltra Banliachta-Cnáimhseachais), medicinska ses- tra ginekoloko-opstetrikog

smjera (Altra Banliachta-Cnáimhseachais), via medic- inska sestra primaljskog

smjera (Ardaltra ag a bhfuil Céim sa Chnáimhseachas), medicinska sestra

primaljskog smjera (Altra ag a bhfuil Céim sa Chnáimhseachas), ginekol- oko-

opstetrika primalja (Cnáimhseach Banliachta-Cnáimhseachais) agus

(Cnáimhseach).

Cuid 12

Aithint uathoibríoch - cógaiseoirí

Aithint uathoibríoch cógaiseoirí

39. (1) Faoi réir mhíreanna (2) agus (3), aithneoidh an t-údarás inniúil do

chógaiseoirí sa Stát fianaise ar cháilíochtaí foirmiúla mar chógaiseoir a liostaítear i

bpointe 5.6.2 d'Iarscríbhinn V a ghabhann leis an Treoir a shásóidh na coinníollacha

íosta oiliúna dá dtagraítear in Airteagal44 sa Treoir, agus tabharfar, chun críche

rochtain agus shaothrú ghairm an chógaiseora sa stát, an éifeacht chéanna sa Stát

don bhfianaise sin a thugtar dá chómhaith d'fhianaise ar cháilíocht ghairmiúil a

ghnóthaítear sa Stát.

[8] 43

(2) Is gá gurb é an t-údarás cuí sa Bhallstát bainteach a thabharfaidh cáilíochtaí

dá dtagraítear i mír (1) agus is gá go mbeidh aon teastas in éineacht leo a liostaítear

i bpointe* 5.6.2 d'Iarscríbhinn V a ghabhann leis an Treoir do na cáilíochtaí sin.

(3) Ní bhaineann Mír (1) d'aon chearta a fuarthas dá dtagraítear i Rialachán

55 agus i gCuid 14.

Oiliúint Cógaiseoirí 40. Cinnteoidh an t-údarás inniúil do chógaiseoirí sa Stát go sásaíonn oiliúint

Cógaiseoirí sa Stát na riachtanais faoi Airteagal 44 den Treoir.

Rochtain agus Saothrú gníomhaíochtaí gairmiúla cógaiseoirí 41. (1) Chun críche na Rialachán seo agus na Treorach, is ionann gníomhaíochtaí

cógaiseora agus gníomhaíochtaí ar a bhfuil gá sa Stát, le teacht orthu agus le hiad a

shaothrú, le cáilíochtaí gairmiúla agus atá oscailte dóibh siúd ag a bhfuil fianaise ar

cháilíochtaí foirmiúla de na cineálacha atá liostaithe i bpointe 5.6.2 d'Iarscríbhinn

V a ghabhann leis an Treoir.

(2) Déanfaidh an tÚdarás inniúil sa Stát do chogaiseoirí rochtain agus saothrú

gníomhaíochtaí cógaiseoirí sa Stát a chur faoi réir fianaise a bheith ann ar

cháilíochtaí foirmiúla dá dtagraítear i bpointe 5.6.2 d'Iarscríbhinn V a ghabhann

leis an Treoir, a thugann fianaise go bhfuair an t-iarratasóir, le linn a t(h)réimhse

oiliúna, mar is cuí, an t-eolas, na scileanna agus na hinniúlachtaí dá dtagraítear

in Airteagal 44(3) den Treoir.

(3) Déanfaidh an t-údarás inniúil sa Stát do chógaiseoirí a chinntiú go mbeidh

siad siúd ag a bhfuil fianaise ar cháilíochtaí foirmiúla sa chógaisíocht ag leibhéal

ollscoile nó ag leibhéal a aithnítear mar chomhionann, a shásaíonn riachtanais

Airteagal 44 den Treoir, ábalta teacht ar na gníomhaíochtaí seo a leanas, agus iad a

shaothrú, faoi réir an riachtanais, nuair is cuí, le taithí ghairmiúil fhorlíontach:

(a) an leagan cógaisíochta de tháirgí míochaine a ullmhú;

(b) táirgí míochaine a dhéanamh agus a thástáil;

(c) tástáil ar tháirgí míochaine a dhéanamh i saotharlann le haghaidh táirgí

míochaine a thástáil;

(d) táirgí míochaine a stóráil, a chaomhnú agus a leithdháileadh ag céim an

mhórdhíola;

(e) táirgí míochaine sábháilte éifeachtacha den cháilíocht riachtanach a

sholáthar, a ullmhú, a thástáil, a stóráil, a leithdháileadh agus a

urghnamh i gcógaslanna atá oscailte don phobal;

(f) táirgí míochaine sábháilte éifeachtacha den cháilíocht riachtanach a

sholáthar, a ullmhú, a thástáil, a stóráil agus a urghnamh i

gcógaslanna in ospidéil;

(g) eolas agus comhairle a thabhairt maidir le táirgí míochaine, lena n-

áirítear iad a úsáid mar is cuí;

44 [8]

(h) tuairisc a dhéanamh do na húdaráis inniúla ar fhrithghníomhaíochtaí

díobhálacha in aghaidh táirgí cógaisíochta;

(i) tacaíocht phearsanta d'othair a thógann a gcógas;

(j) cur le feachtais sláinte poiblí áitiúla nó náisiúnta.

Cearta a fuarthas a bhaineann go sonrach le cógaiseoirí 42. Aithneoidh an t-údarás inniúil sa Stát do chógaiseoirí cáilíocht fhoirmiúil mar

chógaiseoir dar bhain an maolú in Airteagal 2(4)(a) den Treoir Chomhairle

85/432/EEC 16 Meán Fómhair 1985,19 agus a mbeadh a sealbhóir, murach

aisghairm na Treorach sin ag Airteagal 62 den Treoir um Cháilíochtaí Gairmiúla, i

dteideal aitheantais mar dhuine ag a bhfuil cáilíocht chuí le haghaidh cleachtais.

Cuid 13

Aithint uathoibríoch - Ailtirí

Aithint Uathoibríoch - ailtirí 43. (1) Faoi réir mhíreanna (2) agus (3), aithneoidh an t-údarás inniúil d'ailtirí sa

Stát fianaise ar cháilíochtaí foirmiúla mar ailtire a liostaítear i bpointe 5.7.1

d'Iarscríbhinn V a ghabhann leis an Treoir a shásóidh na coinníollacha íosta oiliúna

dá dtagraítear in Airteagal 46 nó 47 sa Treoir, agus tabharfar, chun críche rochtain

agus shaothrú ghairm ailtire sa Stát, an éifeacht chéanna sa Stát don fhianaise sin a

thugtar dá chómhaith d'fhianaise ar cháilíocht ghairmiúil a ghnóthaítear sa Stát.

(2) Is gá gurb é an t-údarás cuí sa Bhallstát bainteach a thabharfaidh cáilíochtaí

dá dtagraítear i mír (1) agus is gá go mbeidh aon teastas in éineacht leo a liostaítear

i bpointe 5.7.1 d'Iarscríbhinn V a ghabhann leis an Treoir do na cáilíochtaí sin.

(3) Ní bhaineann Mír (1) do na cearta faighte dá dtagraítear i Rialachán 59

agus i gCuid 14.

(4) Tugann fianaise ar cháilíochtaí foirmiúla mar ailtire dá dtagraítear i bpointe

5.7.1 d'Iarscríbhinn V a ghabhann leis an Treoir, atá faoi réir aitheantais

uathoibríoch de bhun mhír (1), cruthúnas gur críochnaíodh cúrsa a tosaíodh tráth

nach luaithe ná le linn na bliana acadúla dá dtagraítear san Iarscríbhinn sin.

Oiliúint Ailtirí 44. Cinnteoidh an tÚdarás inniúil sa Stát d'ailtirí go sásaíonn oiliúint ailtirí sa

Stát riachtanais Airteagal 46 nó 47 den Treoir.

Saothrú gníomhaíochtaí gairmiúla ailtire 45. (1) Chun críche na Rialachán seo, is ionann gníomhaíochtaí gairmiúla an

ailtire agus na gníomhaíochtaí a dhéantar go rialta faoin teideal gairmiúil 'ailtire'. 19OJ No. L 253, 24.9.1985, p. 34.

[8] 45

(2) Measfar, i leith duine atá údaraithe an teideal 'ailtire' a úsáid de bhun dlí

a thugann an chumhacht do Bhallstát an teideal sin a bhronnadh ar dhaoine atá

cáilithe ag caighdeán a gcuid oibre i réimse na hailtireachta, go sásaíonn an

duine sin na coinníollacha riachtanacha do ghníomhaíochtaí ailtire, faoin teideal

gairmiúil 'ailtire'.

(3) Tabharfar fianaise ar nádúr ailtireachta gníomhaíochtaí duine lena

mbaineann mír (2) le teastas a bronnadh sa Bhallstát baile.

Cearta a fuarthas a bhaineann go sonrach le hailtirí

46. (1) Aithneoidh an t-údarás inniúil sa Stát d'ailtirí na nithe seo a leanas —

(a) fianaise ar cháilíochtaí gairmiúla mar ailtire atá liostaithe in Iarscríbhinn

VI a ghabhann leis an Treoir, a thugann fianaise ar chúrsa oiliúna a

thosaigh tráth nach déanaí ná an bhliain acadúil dá dtagraítear san

Iarscríbhinn sin, cé acu a shásaíonn nó nach sásaíonn siad na riachtanais

íosta atá leagtha síos in Airteagal 46 den Treoir,

(b) teastais a d'eisigh na húdaráis inniúla i bPoblacht Chónaidhme na

Gearmáine a thugann fianaise gurb ionann cáilíochtaí gairmiúla a eisíodh

ar an 8 Bealtaine 1945 nó roimhe ag údaráis inniúla Phoblacht

Dhaonlathach na Gearmáine agus fianaise atá liostaithe in Iarscríbhinn

VI a ghabhann leis an Treoir, agus

(c) fianaise ar cháilíochtaí foirmiúla mar ailtire atá liostaithe in Iarscríbhinn

V a ghabhann leis an Treoir nach sásaíonn na riachtanais íosta atá leagtha

síos in Airteagal 46 den Treoir, nuair a thosaigh an oiliúint roimh an 18

Eanáir 2016.

(2) Gan dochar do mhír (1) agus faoi réir mhír (3), aithneoidh an t-údarás

inniúil sa Stát d'ailtirí teastais a d'eisigh na húdaráis inniúla sna stáit a leanas ó

na dátaí a leanas:

(a) 1 Eanáir 1995 don Ostair, don Fhionlainn agus don tSualainn;

(b) 1 Bealtaine 2004 do Phoblacht na Seice, don Eastóin, don Chipir, don

Laitvia, don Liotuáin, don Ungáir, do Mhálta, don Pholainn, don

tSlóivéin agus don tSlóvaic;

(c) 1 Iúil 2003 don Chróit; agus

(d) 5 Lúnasa 1987 do gach Ballstát eile.

(3) Ní mór do na teastais dá dtagraítear i mír (2) na nithe a leanas a dhearbhú—

(a) gur údaraíodh an sealbhóir, tráth nach déanaí ná an dáta bainteach

teideal gairmiúil an ailtire a úsáid, agus

(b) go bhfuil an sealbhóir páirteach go gníomhach, faoi na rialacha

infheidhme sa Bhallstát bainteach, sna gníomhaíochtaí atá i gceist le trí

bliana i ndiaidh a chéile ar a laghad le linn na gcúig bliana roimh

bhronnadh an teastais.

46 [8]

(4) Aithneoidh an t-údarás inniúil sa Stát d'ailtirí fianaise gur críochnaíodh

oiliúint má ba ann di ar an 5 Lúnasa 1985, agus ar tosaíodh í tráth nach déanaí ná

an 17 Eanáir 2014, a thug 'Fachhochschulen' i bPoblacht Chónaidhme na

Gearmáine thar thréimhse trí bliana, a shásaíonn na riachtanais atá leagtha amach

in Airteagal 46(2) sa Treoir agus a thugann rochtain ar na gníomhaíochtaí a dhéantar

sa Bhallstát áirithe sin faoin teideal gairmiúil 'ailtire', sa mhéid gur leanadh an

oiliúint le tréimhse ceithre bliana de thaithí gairmiúil i bPoblacht Chónaidhme na

Gearmáine, arna dhearbhú le teastas a bhronn an t-údarás inniúil a bhfuil ainm an

ailtire atá ag iarraidh leas a bhaint as an mír seo le feiceail ina rolla.

Cuid 14

Aithint uathoibríoch - comhchearta a fuarthas

Oiliúint a tosaíodh roimh na dátaí tagartha

47. Sa chás nach sásóidh fianaise ar cháilíochtaí foirmiúla mar dhochtúir ag

tabhairt rochtana ar ghníomhaíochtaí gairmiúla dochtúra le bunoiliúint nó dochtúir

speisialaithe, mar altra atá freagrach as cúram ginearálta, mar fhiaclóir, mar

fhiaclóir speisialaithe, mar thréadlia, mar chnáimhseach nó mar chógaiseoir, gach

riachtanas dá dtagraítear in Airteagail 24, 25, 31, 35, 38, 40 nó 44 den Treoir, mar

is cuí, aithneoidh an t-údarás inniúil sa Stát mar dhóthain cruthúnais fianaise ar

cháilíocht fhoirmiúil a eisíodh sa Bhallstát bainteach sa mhéid go gcruthaíonn an

fhianaise sin gur críochníodh oiliúint a thosaigh roimh an dáta tagartha atá leagtha

síos i bpointe 5.1.1, 5.1.2, 5.3.2, 5.3.3, 5.4.2, 5.5.2 nó 5.6.2 d'Iarscríbhinn V a

ghabhann leis an Treoir agus a bhfuil in éineacht léi teastas a dhearbhaíonn go bhfuil

an sealbhóir páirteach go gníomhach agus go dleathach sna gníomhaíochtaí atá i

gceist le trí bliana i ndiaidh a chéile as na cúig bliana roimh bhronnadh an teastais.

Poblacht Dhaonlathach na Gearmáine

48. Aithneoidh an t-údarás inniúil sa Stát gur leordhóthanach fianaise ar

cháilíocht fhoirmiúil mar dhochtúir a thugann rochtain ar ghníomhaíochtaí

gairmiúla dochtúra le bunoiliúint agus dochtúra speisialaithe, mar altra freagrach as

cúram ginearálta, mar fhiaclóir, mar fhiaclóir speisialaithe, mar thréadlia, mar

chnáimhseach nó mar chógaiseoir, a fuarthas i gcríocha Phoblacht Dhaonlathach na

Gearmáine mar a bhí, nach sásóidh na híosriachtanais oiliúna atá leagtha amach in

Airteagail 24, 25, 31, 34, 35, 38, 40 nó 44 den Treoir, mar is cuí, nuair a thugann

gníomhaíocht den sórt sin dearbhú gur críochnaíodh oiliúint a thosaigh roimh—

(a) an 3 Deireadh Fómhair 1990 do dhochtúir le bunoiliúint, mar altra

freagrach as cúram ginearálta, mar fhiaclóir le bunoiliúint, mar

fhiaclóir speisialaithe, mar thréidlia, mar chnáimhseach nó mar

chógaiseoir, nó

(b) an 3 Aibreán 1992 do dhochtúir speisialaithe.

[8] 47

Poblacht na Seice agus an tSlóvaic

49. (1) Gan dochar do Rialachán 42(1) go (3) agus faoi réir mhír (2), aithneoidh

an t-údarás inniúil sa Stát fianaise ar cháilíocht fhoirmiúil mar dhochtúir ag tabhairt

rochtana ar ghníomhaíochtaí gairmiúla dochtúra le bunoiliúint nó dochtúra

speisialaithe, mar altra atá freagrach as cúram ginearálta, mar thréidlia, mar

chnáimhseach, mar chógaiseoir nó mar ailtire sna cásanna seo a leanas—

(a) más údarás cuí san iar-Sheicslóvaic a d'eisigh an fhianaise ar cháilíocht

fhoirmiúil, nó

(b) más údarás cuí i bPoblacht na Seice nó sa tSlóvaic a d'eisigh an fhianaise

ar cháilíocht fhoirmiúil, agus má thosaigh an duine lena mbaineann a

(h)oiliúint don cháilíocht sin roimh an 1 Eanáir 1993,

agus sa chás go dtugann an t-údarás cuí i gceachtar den dá Bhallstát dearbhú

gurb ionann bailíocht dhleathach na fianaise sin ar cháilíocht ghairmiúil taobh

istigh dá chríocha féin agus atá ag an bhfianaise sin ar cháilíocht ghairmiúil atá

sonraithe do na Ballstáit sin i bpointe 6 d'Iarscríbhinn VI a ghabhann leis an

Treoir, i ngeall ar rochtain ar ghníomhaíochtaí gairmiúla dochtúra le bunoiliúint,

dochtúir speisialaithe, altra atá freagrach as cúram ginearálta, tréidlia,

cnáimhseach, cógaiseoir i ndáil leis na gníomhaíochtaí dá dtagraítear i

Rialachán 54(3) nó ailtire i ndáil leis na gníomhaíochtaí dá dtagraítear i

Rialachán 58(1) agus saothrú na ngníomhaíochtaí sin.

(2) In éineacht leis an dearbhú dá dtagraítear i mír (1) is gá go mbeidh teastas

a d'eisigh an t-údarás dá dtagraítear sa mhír sin á ra go raibh an duine i gceist

gníomhach go héifeachtach agus go dleathach sna gníomhaíochtaí i gceist ar

feadh trí bliana ar a laghad de na cúig bliana roimh dháta eisiúna an teastais sin.

An Eastóin, An Laitvia agus an Liotuáin

50. (1) Faoi réir mhíreanna (2) agus (3), aithneoidh an t-údarás inniúil fianaise

ar cháilíocht fhoirmiúil mar dhochtúir ag tabhairt rochtana ar ghníomhaíochtaí

gairmiúla dochtúra le bunoiliúint nó dochtúra speisialaithe, mar altra atá freagrach

as cúram ginearálta, mar fhiaclóir, mar fhiaclóir speisialaithe, mar thréidlia, mar

chnáimhseach, mar chógaiseoir nó mar ailtire sna cásanna seo a leanas—

(a) más é an t-údarás cuí san iar-Aontas Sóivéadach, a thug an fhianaise

ar cháilíocht fhoirmiúil,

(b) má thosaigh an duine atá i gceist ar a (h)oiliúint san Eastóin roimh an 20

Lúnasa 1991

(c) má thosaigh an duine atá i gceist ar a (h)oiliúint sa Laitvia roimh an 21

Lúnasa 1991

(d) má thosaigh an duine atá i gceist ar a (h)oiliúint sa Liotuáin roimh an 11

Márta 1990

48 [8]

agus sa chás go ndearbhaíonn an t-údarás cuí in aon cheann de na Ballstáit

réamhluaite go bhfuil an bhailíocht chéanna ag an bhfianaise sin ina

chríocha féin agus atá ag fianaise a eisíonn sé féin agus, i ndáil le hailtirí,

ag an bhfianaise ar cháilíocht fhoirmiúil atá sonraithe do na Ballstáit sin i

bpointe 6 d'Iarscríbhinn VI a ghabhann leis an Treoir, maidir le rochtain

ar ghníomhaíochtaí gairmiúla dochtúra le bunoiliúint, dochtúra

speisialaithe, altra atá freagrach as cúram ginearálta, fiaclóir, fiaclóir

speisialaithe, tréidlia, cnáimhseach, cógaiseoir i ndáil leis na

gníomhaíochtaí dá dtagraítear i Rialachán 54(3) nó ailtire i ndáil leis na

gníomhaíochtaí dá dtagraítear i Rialachán 58(1) agus saothrú na

ngníomhaíochtaí sin.

(2) Is gá go mbeidh in éineacht le dearbhú dá dtagraítear i mír (1)

teastas a d'eisigh an t-údarás dá dtagraítear sa mhír sin á rá go raibh an

duine atá i gceist gníomhach go héifeachtach agus go dleathach sna

gníomhaíochtaí atá i gceist ina chríocha féin ar feadh ar a laghad trí bliana

i ndiaidh a chéile le linn na gcúig bliana roimh dháta eisiúna an teastais.

(3) Maidir le fianaise ar cháilíocht ghairmiúil mar thréidlia lena

mbaineann mír (1)(a) nó (b), is gá go mbeidh in éineacht le dearbhú dá

dtagraítear i mír (1) ón údarás cuí san Eastóin teastas a d'eisigh an t-údarás

sin á rá go raibh an duine i gceist gníomhach go héifeachtach agus go

dleathach sna gníomhaíochtaí atá i gceist ina chríocha féin ar feadh ar a

laghad cúig bliana i ndiaidh a chéile as na seacht mbliana roimh dháta

eisiúna an teastais.

An tSlóivéin agus an Chróit

51. (1) Gan dochar do Rialachán 51(6) agus faoi réir mhír (2), aithneoidh

an t-údarás inniúil sa Stát fianaise ar cháilíocht fhoirmiúil mar dhochtúir ag

tabhairt rochtana ar ghníomhaíochtaí gairmiúla dochtúra le bunoiliúint nó

dochtúra speisialaithe, mar altra atá freagrach as cúram ginearálta, mar

fhiaclóir, mar fhiaclóir speisialaithe, mar thréidlia, mar chnáimhseach, mar

chógaiseoir nó mar ailtire sna cásanna seo a leanas——

(a) más é an t-údarás cuí san iar-Iúgslaiv a d'eisigh an fhianaise ar

cháilíocht ghairmiúil

(b) má thosaigh an duine atá i gceist a (h)oiliúint sa tSlóivéin roimh

an 25 Meitheamh 1991, nó

(c) má thosaigh an duine atá i gceist a (h)oiliúint sa Chróit roimh an 8

Deireadh Fómhair 1991,

agus sa chás go ndearbhaíonn an t-údarás cuí in aon cheann de na Ballstáit

réamhluaite go bhfuil an bhailíocht chéanna ag an bhfianaise sin ina chríocha

féin agus atá ag fianaise a eisíonn sé féin agus, i ndáil le hailtirí, ag an bhfianaise

ar cháilíocht fhoirmiúil atá sonraithe do na Ballstáit sin i bpointe 6

d'Iarscríbhinn VI a ghabhann leis an Treoir, maidir le rochtain ar

ghníomhaíochtaí gairmiúla dochtúra le bunoiliúint, dochtúra speisialaithe, altra

atá freagrach as cúram ginearálta, fiaclóir, fiaclóir speisialaithe, tréidlia,

cnáimhseach, cógaiseoir i ndáil leis na gníomhaíochtaí dá dtagraítear i

Rialachán 54(3) nó ailtire i ndáil leis na gníomhaíochtaí dá dtagraítear i

Rialachán 58(1) agus saothrú na ngníomhaíochtaí sin.

(1) Is gá go mbeidh in éineacht le dearbhú dá dtagraítear i mír (1) teastas a

d'eisigh an t-údarás dá dtagraítear sa mhír sin á rá go raibh an duine atá i gceist

[8] 49

gníomhach go héifeachtach agus go dleathach sna gníomhaíochtaí atá i gceist

ina chríocha féin ar feadh ar a laghad trí bliana i ndiaidh a chéile le linn na gcúig

bliana roimh dháta eisiúna an teastais.

Teideal difriúil ar an gcáilíocht

52. (1) Faoi réir mhír (2), aithneoidh an t-údarás cuí sa Stát mar dhóthain

cruthúnais, do dhaoine nach dtagann a bhfianaise ar cháilíocht fhoirmiúil mar

dhochtúir, mar altra atá freagrach as cúram ginearálta, mar fhiaclóir, mar thréidlia,

mar chnáimhseach nó mar chógaiseoir, leis an teideal don Bhallstát bainteach a

thugtar i bpointe 5.1.1, 5.1.2, 5.1.3, 5.1.4, 5.2.2, 5.3.2, 5.3.3, 5.4.2, 5.5.2 nó 5.6.2

d'Iarscríbhinn V a ghabhann leis an Treoir, fianaise ar cháilíocht fhoirmiúil a

d'eisigh an t-údarás cuí sa Bhallstát sin in éineacht le teastas a d'eisigh an t-údarás

nó an foras inniúil.

(2) Déanfaidh an teastas dá dtagraítear i mír (1) a lua gur teastas é ar cháilíocht

ghairmiúil a dhearbhaíonn gur críochnaíodh oiliúint go rathúil de réir Airteagail 25,

25, 28, 31, 34, 35, 38, 40 nó 44 den Treoir, mar is cuí, agus go gcaitheann an t-

údarás eisithe leis ar bhealach comhionann leis an gcáilíocht a liostaítear a dteideal

i bpointe 5.1.1, 5.1.2, 5.1.3, 5.1.4, 5.2.2, 5.3.2, 5.3.3, 5.4.2, 5.5.2 nó 5.6.2

d'Iarscríbhinn V a ghabhann leis an Treoir, mar is cuí.

Cuid 15

Iarratas ar aithint cáilíochtaí gairmiúla

Raon Feidhme Chuid 15

53. Baineann an Chuid seo le hiarratais ar aithint cáilíochtaí gairmiúla faoi

Chodanna 5 go dtí 14.

Nós Imeachta Iarratais

54. (1) Déanfar iarratas leis an údarás inniúil sa Stát don ghairm atá i gceist.

(2) Tabharfaidh údarás inniúil sa Stát admháil go bhfuarthas iarratas tráth nach

déanaí ná aon mhí i ndiaidh a fháil agus cuirfidh an t-iarratasóir ar an eolas má

tá aon eolas gann.

(3) Faoi réir mhír (4), cuirfear an nós imeachta i leith iarratas a scrúdú i gcrích

chomh tapa agus is féidir agus, in aon chás, beidh cinneadh i leith iarratais ón

údarás inniúil sa Stát tráth nach déanaí ná 3 mhí tar éis an dáta a cuireadh isteach

an comhad comhlánaithe iarratais.

(4) D'fhéadfaí síneadh aon mhí amháin a chur leis an tréimhse ama dá

dtagraítear i mír (3) i gcás iarratais faoi Chuid 5 nó 6.

50 [8]

Doiciméadú agus Foirmiúlachtaí

55. (1) D'fhéadfadh údarás inniúil sa Stát a éileamh go ngéillfí na doiciméid

agus na teastais seo a leanas chun críche iarratas a mheas:

(a) cruthúnas gur duine bailí é an t-iarratasóir;

(b) cóipeanna de na dearbhuithe ar inniúlacht ghairmiúil nó den fhianaise ar

cháilíochtaí foirmiúla a thugann rochtain ar an ngairm atá i gceist, agus

dearbhú ar thaithí ghairmiúil an duine atá i gceist, nuair is cuí;

(c) eolas maidir le hoiliúint an iarratasóra oiread agus is gá lena dhéanamh

amach cé na difríochtaí substaintiúla, más ann, leis an oiliúint

riachtanach sa Stát, mar a leagtar síos i Rialachán 22;

(d) i gcás iarratais de bhun Chuid 6, teastas faoi nádúr agus fad na

gníomhaíochta eisithe ag an údarás nó ag an bhforas inniúil sa

Bhallstát baile nó sa Bhallstát ónar tháinig an t-iarratasóir;

(e) sa chás go n-éilíonn an t-údarás inniúil sin ar dhaoine ar mian leo dul

le gairm faoi riail a chruthú go bhfuil carachtar agus clú maith acu,

nár dearbhaíodh féimheach iad, nó go dtoirmeascann sé saothrú na

gairme sin nó go gcuireann sé ar fionraí é i gcás mí-iompar mhóir

ghairme, nó coire coiriúla, doiciméid eisithe ag údaráis inniúla sa

Bhallstát baile nó sa Bhallstát ónar tháinig an t-iarratasóir, á léiriú go

bhfuil na riachtanais sin comhlíonta;

(f) sa chás go n-éilíonn an t-údarás inniúil sin cruthúnas ar na

saincheisteanna dá dtagraítear i bhfomhír (e) agus nach n-eisíonn an

Ballstát baile nó an Ballstát ónar tháinig an t-iarratasóir na doiciméid

dá dtagraítear san fhomhír sin, ráiteas faoi mhionn déanta ag an duine

atá i gceist os comhair údaráis chuí dlí nó riaracháin nó, nuair is cuí,

nótaire nó foras cáilithe gairmiúil de chuid an Bhallstáit baile nó an

Bhallstáit ónar tháinig an t-iarratasóir, agus in éineacht leis teastas ón

údarás nó ón nótaire sin a dhearbhaíonn bailíocht an ráitis sin faoi

mhionn;

(g) sa chás go n-éilíonn an t-údarás inniúil ar náisiúnaigh an Stáit ar mian

leo dul leis an ngairm, doiciméad a bhaineann le sláinte fhisiciúil nó

mheabhrach an iarratasóra, an doiciméad riachtanach sa Bhallstát

baile nó, sa chás nach n-eisíonn an Ballstát baile an doiciméad sin,

teastas eisithe ag údarás inniúil sa Bhallstát baile;

(h) sa chás go n-éilíonn an t-údarás inniúil ar náisiúnaigh an Stáit ar mian

leo dul leis an ngairm na nithe seo a chur ar fáil—

[8] 51

(i) cruthúnas maidir le stádas airgeadais an iarratasóra, nó

(ii) cruthúnas go bhfuil árachas ar an iarratasóir in aghaidh rioscaí

airgeadais a eascraíonn óna d(h)liteanas gairmiúil de réir na ndlíthe

agus na rialacha atá i bhfeidhm sa Stát i dtaca le téarma agus síneadh

an chumhdaigh,

dearbhú chuige sin eisithe ag bainc agus ag geallúintí árachais

Ballstát eile;

(i) sa chás go n-éilíonn an t-údarás inniúil ar náisiúnaigh an Stáit ar mian leo

dul leis an ngairm, dearbhú nach bhfuil fionraí sealadach nó iomlán ó

shaothrú na gairme, nó nach bhfuil aon chiontú coiriúil ann;

(j) i gcás iarratas faoi Chodanna 7 go dtí 14, agus sa chás go sásóidh an t-

iarratasóir na coinníollacha riachtanach oiliúna, teastas ó údarás inniúil

an Bhallstáit baile á rá gurb ionann an fhianaise ar cháilíochtaí foirmiúla

agus é sin a chlúdaítear sa Treoir.

(2) Glacfaidh údarás inniúil leis na doiciméid agus na teastais dá dtagraítear

i mír (1) mar dhóthain fianaise ar na riachtanais lena mbaineann siad, mura

gcruthaítear a mhalairt.

(3) Sa chás nach féidir le hiarratasóir an t-eolas a thabhairt dá dtagraítear i

mír (1)(c), rachaidh an t-údarás inniúil i dteagmháil leis an údarás inniúil sa

Bhallstát baile, nó le haon fhoras eile bainteach sa Bhallstát baile, nó leis an

bpointe aonair teagmhála sa stát sin, arna shannadh de réir Airteagal 6 de

Threoir 2006/123/CE de chuid Pharlaimint na hEorpa agus de chuid na

Comhairle dar dáta 12 Nollaig 2006.20

(4) I gcás iarratais ar údarás inniúil sa Stát, ó dhuine lenar mian dul le gairm

i mBallstát eile de bhun na Treorach, doiciméid a eisiúint a léiríonn gur sásaíodh

na riachtanais dá dtagraítear sa chéad mhír de phointe 1(d) d'Iarscríbhinn VII a

ghabhann leis an Treoir, agus gurb é cleachtas an údaráis inniúil é na doiciméid

sin a chur ar fáil, cuirfidh an t-údarás inniúil na doiciméid sin ar fáil taobh istigh

de dhá mhí.

(5) Sa chás go mbíonn dlíodóir nó coimisinéir mionnaí sa Stát mar fhinné ar

ráiteas faoi mhionn de bhun an dara paragraf de phointe 1d d'Iarscríbhinn VII a

ghabhann leis an Treoir, ag duine lenar mian gairm a shaothrú i mBallstát de

bhun na Treorach, tabharfaidh sé nó sí teastas a dhearbhaíonn bailíocht an ráitis

faoi mhionn.

(6) I gcás iarratais ar údaráis inniúil sa Stát, ag duine lenar mian gairm a

shaothrú i mBallstát eile de bhun na Treorach, teastas a eisiúint dá dtagraítear i

bpointe 1(e) d'Iarscríbhinn VII leis an Treoir, eiseoidh an t-údarás inniúil an

teastas sin taobh istigh de dhá mhí. 20OJ Uimh. L 376, 27.12.2006, lch. 36.

52 [8]

(7) Ní ghlacfaidh údarás inniúil sa Stát leis na doiciméid dá dtagraítear i mír

(1)(e), (f), (g) nó (h) má bhíonn siad níos mó ná trí mhí d'aois faoin dáta a thugtar

isteach iad.

(8) Tabharfaidh údarás inniúil sa Stát barántas faoi rúndacht an eolais a

fhaigheann sé faoin Rialachán seo.

(9) Sa chás go n-éilítear ar iarratasóir ráiteas faoi mhionn a dhéanamh, agus

sa chás nach féidir le náisiúnaigh Ballstát eile foclaíocht an mhionna a rinne

náisiúnaigh an Stáit a úsáid, cinnteoidh an t-údarás inniúil go n-úsáidfear

foclaíocht mhalartach chuí.

Amhrais dhlisteanaithe

56. (1) I gcás amhras dlisteanaithe, d'fhéadfadh údarás inniúil sa Stát a

éileamh ar údaráis inniúla Ballstát eile dearbhú a thabhairt faoi údaracht

dearbhuithe agus fianaise ar cháilíochtaí foirmiúla a bronnadh sa Bhallstát eile

sin, chomh maith, nuair is cuí, le dearbhú go gcomhlíonann an tairbhí, i leith na

ngairmeacha dá dtagraítear i gCodanna 7 go dtí 14, na coinníollacha íosta

oiliúna atá leagtha amach in Airteagail 24, 25, 28, 31, 34, 38, 40, 44 agus 46

den Treoir.

(2) I gcásanna go bhfuil amhras dlisteanaithe ann, nuair atá fianaise ar

cháilíochtaí foirmiúla eisithe ag údarás inniúil i mBallstát nach é an Stát céanna

é, agus nuair atá san áireamh ann oiliúint a fuarthas go hiomlán nó i bpáirt in

institiúid atá bunaithe go dleathach i gcríocha Ballstát eile, d'fhéadfadh údarás

inniúil sa Stát na nithe a leanas a dhearbhú leis an bhforas inniúil sa Stát arb as

an cháilíocht—

(a) cé acu atá an cúrsa oiliúna san institiúid a thug an oiliúint dearbhaithe

go foirmiúil ag an institiúid oideachais atá bunaithe sa Bhallstát arb

as an cháilíocht, nó nach bhfuil;

(b) cé acu is ionann an fhianaise eisithe ar cháilíochtaí foirmiúla agus an

cháilíocht a bhronnfaí dá mba sa Bhallstát arb as an cháilíocht a leanfaí

an cúrsa ina iomláine, nó nach ionann;

(c) cé acu a bhronnann an fhianaise ar cháilíochtaí gairmiúla na cearta

gairme céanna i gcríocha an Bhallstáit arb as an cháilíocht, nó nach

mbronnann.

(3) I gcás amhras dlisteanaithe, d'fhéadfadh sé go n-éileodh údarás inniúil sa

Stát ó údaráis inniúla i mBallstát eile dearbhú nach bhfuil an t-iarratasóir ar

fionraí nó faoi chosc ó shaothrú na gairme i ngeall ar mhí-iompar tromchúiseach

gairme nó ar chiontú i gcoireanna coiriúla i ndáil le saothrú a ghníomhaíochtaí

gairmiúla.

Malartú Faisnéise

57. Trí mheán IMI a dhéanfar faisnéis a mhalartú idir údaráis inniúla sa Stát

agus údaráis inniúla Ballstát eile faoin gCuid seo, agus Teideal III, Caibidil IV

den Treoir.

[8] 53

Aithint cúrsa oiliúna gairmiúil 58. (1) Má bhíonn rochtain ar ghairm faoi riail sa Stát ag brath ar chúrsa

oiliúna gairmiúil, aithneoidh an t-údarás inniúil, agus iarratas á mheas aige,

cúrsaí oiliúna gairmiúla a rinneadh i mBallstát eile ar acht go mbeidh an cúrsa

oiliúna ag teacht leis na treoirlínte foilsithe dá dtagraítear i mír (3), agus

tabharfar aird ar chúrsaí oiliúna a rinneadh i stát nach Ballstát é.

(2) Ní thiocfaidh aithint cúrsa oiliúna de bhun mhír (1) in ionad aon

riachtanas atá socraithe maidir le pas a fháil i scrúdú le rochtain a fháil ar an

ngairm atá i gceist.

(3) Foilseoidh na húdaráis inniúla sa Stát lena mbaineann an Rialachán seo

treoirlínte faoin eagraíocht agus aithint cúrsaí oiliúna a rinneadh i mBallstát eile

nó i stát nach Ballstát é, go háirithe maidir le ról stiúrthóir an chúrsa oiliúna.

Cuid 16

Cárta Gairmí Eorpach

Raon Feidhme Chuid 16 59. (1) Baineann an Chuid seo leis na gairmeacha atá liostaithe i gcolún 1 de Sceideal 6.

(2) Beidh feidhm ag na rialacha i dtaca le heisiúint Cárta Gairmí Eorpach atá

sa Rialachán Feidhmithe i leith na ngairmeacha dá dtagraítear in Airteagal (1).

Ainmniúchán údarás inniúil i gcomhair iarratais ar Chárta Gairmí Eorpach 60. (1) Ainmnítear na húdaráis inniúla i gcolún 2 de Sceideal 6 mar na

húdaráis inniúla, chun críche na Rialachán seo, na Treorach agus an Rialacháin

Forfheidhmithe, a bhfuil freagracht acu as iarratais ar Chárta Gairmí Eorpach i

ndáil leis na gairmeacha comhfhreagracha atá liostaithe i gcolún 1 sa Sceideal

sin.

(2) Cuirfidh na húdaráis inniúla ainmnithe faoin Rialachán seo, agus an t-ionad

cúnaimh ainmnithe faoi Rialachán 8, daoine ar an eolas, iarratasóirí ionchasacha

san áireamh, faoi fheidhmiú agus faoi luach breise Cárta Gairmí Eorpach.

Feidhm agus Éifeacht Chárta Gairmí Eorpach 61. (1) Is féidir go gcuirfeadh sealbhóir cáilíochta gairmiúla i ngairm lena

mbaineann an Chuid seo isteach ar Chárta Gairmí Eorpach de réir na Coda seo,

na Treorach agus an Rialacháin Forfheidhmithe nó is féidir go mbainfeadh sé

úsáid as nósanna imeachta i gCodanna 4 go dtí 15 na Rialachán seo agus na

Treorach.

(2) Chun críche bunaithe sa Stát i ngairm faoi riail de bhun na Rialacha seo

agus na Treorach, ní thabharfaidh eisiúint Chárta Gairmí Eorpach ag údarás

inniúil i mBallstát eile ceart uathoibríoch gairm áirithe a chleachtadh sa Stát

más ann do riachtanais chlárúcháin nó nósanna imeachta eile rialaithe atá

socraithe sula dtugtar isteach Cárta Gairmí Eorpach don ghairm sin.

54 [8]

Iarratais ar Chárta Gairmí Eorpach - forálacha ginearálta

62. (1) Cuirfidh iarratasóir ar Chárta Gairmí Eorpach a (h)iarratas isteach tríd

an uirlis ar líne a chuireann Coimisiún na hEorpa ar fáil de bhun Airteagal 4b

den Treoir agus cuirfidh ar fáil freisin doiciméid agus faisnéis tacaíochta a

éilítear faoin Rialachán Forfheidhmithe.

(2) Tráth nach déanaí ná aon seachtain ón iarratas ar Chárta Gairmí Eorpach

a fháil ag údarás inniúil sa Stát, admhóidh an t-údarás sin go bhfuarthas an t-

iarratas agus cuirfidh an t-iarratasóir ar an eolas faoi aon doiciméad atá ar

iarraidh.

(3) Eiseoidh údarás inniúil sa Stát, trí chomhad IMI an iarratasóra, aon teastas

nó aon fhaisnéis tacaíochta nó riachtanach, i ndáil le hiarratas ar Chárta Gairmí

Eorpach, lena n-áirítear dearbhú bhunús dleathach an iarratasóra sa Stát agus

dearbhú go bhfuil gach doiciméad riachtanach a eisíodh sa Stát bailí agus

údarach.

(4) I gcás amhras dlisteanaithe maidir le cúrsaí dá dtagraítear in Airteagal (3),

rachaidh an t-údarás inniúil i gcomhairle le haon fhoras bainteach agus is féidir

go n-iarrfaidh sé cóipeanna dearbhaithe de dhoiciméid ar iarratasóirí.

(5) I gcás iarratas ina dhiaidh sin ar Chárta Gairmí Eorpach ag an iarrthóir

céanna, ní féidir le húdarás inniúil sa Stát a iarraidh go gcuirfí isteach arís

doiciméid atá i gcomhad IMI an iarratasóra cheana féin.

Cárta Gairmí Eorpach i gcomhair seirbhísí sealadacha agus ócáideacha i

mBallstáit eile gan réamhsheiceáil

63. (1) Sa chás—

(a) gur rún le duine seirbhísí a sholáthar ar bhonn sealadach nó ócáideach

i ngairm atá faoi riail i mBallstát eile faoi Theideal II sa Treoir,

(b) agus go bhfuil ceachtar díobh seo thíos fíor—

(i) níl na seirbhísí i ngairm faoi riail atá liostaithe ag Ballstát faoi

Airteagal 57(1)(c) den Treoir mar ghairm ag a bhfuil impleachtaí

sláinte nó sábháilteachta poiblí, nó

(ii) tá tairbhe ag an duine ó aithint uathoibríoch faoi Chaibidil II nó

III na Treorach,

déanfar iarratas ar Chárta Gairmí Eorpach i leith sholáthar na

seirbhísí sin a dhéanamh leis an údarás inniúil sa Stát agus beidh

feidhm ag forálacha an Rialacháin seo.

[8] 55

(2) Déanfaidh an t-údarás inniúil sa Stát seiceáil ar an iarratas agus na

doiciméid tacaíochta sa chomhad IMI agus eiseoidh an Cárta Gairmí Eorpach

taobh istigh de thrí seachtaine.

(3) Tosóidh an tréimhse ama dá dtagraítear in Airteagal (2) ar na doiciméid

atá ar iarraidh a fháil, dá dtagraítear i Rialachán 75(2) nó, murar iarradh aon

doiciméid bhreise, ar thréimhse aon seachtaine a bheith ídithe dá dtagraítear san

Airteagal sin.

(4) Déanfaidh an t-údarás inniúil sa Stát an Cárta Gairmí Eorpach a aistriú

láithreach go dtí an t-údarás inniúil i ngach Ballstát aíochta atá i gceist agus

cuirfidh an t-iarratasóir ar an eolas dá réir.

(5) Más mian le sealbhóir Cárta Gairmí Eorpach a eisíodh faoin Rialachán seo—

(a) seirbhísí a sholáthar i mBallstáit eile seachas na cinn a luadh san

iarratas ar an gcárta, nó

(b) leanúint de sheirbhísí a chur ar fáil i mBallstá(i)t eile, go ceann tréimhse

níos faide ná 18 mí,

cuirfidh an sealbhóir iarratas isteach ar an údarás inniúil sa Stát dá réir agus

cuirfidh ar fáil freisin aon fhaisnéis ar athruithe bainteach sa chás a dearbhaíodh

sa chomhad IMI a d'fhéadfaí bheith ag teastáil ón údarás inniúil sa Stát de réir

an Rialacháin Forfheidhmithe.

(6) Déanfaidh údarás inniúil sa Stát, a fhaigheann iarratas faoi Airteagal (5),

an Cárta Gairmí Eorpach nuashonraithe a aistriú go dtí na Ballstáit Aíochta atá

i gceist.

Cárta Gairmí Eorpach i gcomhair seirbhísí sealadacha agus ócáideacha sa Stát

gan réamhsheiceáil 64. (1) Sa chás—

(a) gur rún le duine seirbhísí a sholáthar ar bhonn sealadach agus

ócáideach i ngairm faoi riail sa Stát faoi Chuid 4,

(b) agus go bhfuil ceachtar díobh seo thíos fíor—

(i) níl na seirbhísí i ngairm faoi riail atá liostaithe i Sceideal 3 mar

ghairm ag a bhfuil impleachtaí sláinte nó sábháilteachta poiblí, nó

(ii) tá tairbhe ag an duine ó aithint uathoibríoch faoi Chodanna 6 go

dtí 14,

déanfar iarratas ar Chárta Gairmí Eorpach le haghaidh na seirbhísí sin a

sholáthar leis an údarás inniúil sa Bhallstát baile de réir Airteagal 4b agus 4c(1)

sa Treoir, agus nuair a eisíonn an t-údarás inniúil sin an cárta agus aistríonn é

go dtí an an t-údarás inniúil sa Stát, mar Bhallstát aíochta, beidh feidhm ag

forálacha an Rialacháin seo.

56 [8]

(2) Beidh an Cárta Gairmí Eorpach, nuair is infheidhme, mar dhearbhú faoi

Rialachán 13 agus ní féidir leis an údarás inniúil sa Stát aon dearbhú breise a

éileamh faoin Rialachán sin go ceann 18 mí.

(3) Beidh an Cárta Gairmí Eorpach bailí i gcríocha iomlána an Stáit fad agus

a bheidh de cheart ag a shealbhóir cleachtadh, de réir na ndoiciméad agus na

faisnéise atá sa chomhad IMI.

Cárta Gairmí Eorpach i gcomhair seirbhísí bunaithe nó sealadacha agus

ócáideacha le réamhsheiceáil, i mBallstáit eile 65. (1) Nuair a bhíonn rún ag duine—

(a) é/í féin a bhunú i mBallstát eile faoi Chaibidlí I go dtí III de Theideal

III sa Treoir, nó

(b) seirbhísí a sholáthar ar bhonn sealadach agus ócáideach i ngairm faoi

riail i mBallstát eile faoi Theideal II sa Treoir agus—

(i) nuair a bhíonn an ghairm liostaithe ag an mBallstát faoi Airteagal

57(1)(c) sa Treoir mar ghairm ag a bhfuil impleachtaí sláinte nó

sábháilteachta poiblí, agus

(ii) níl tairbhe ag an duine ó aithint uathoibríoch cáilíochtaí gairmiúla

faoi Chaibidil II nó III de Theideal III sa Treoir,

déanfar iarratas ar Chárta Gairmí Eorpach leis an údarás inniúil sa Stát, a

chomhlánóidh na céimeanna uile ullmhúcháin i dtaca le comhad aonair an

iarratasóra a cruthaíodh sa chomhad IMI de réir an Rialacháin seo.

(2) Déanfaidh an t-údarás inniúil sa Stát, taobh istigh d'aon mhí amháin,

údaracht agus bailíocht na ndoiciméad tacaíochta sa chomhad IMI a dhearbhú.

(3) Tosóidh an tréimhse ama dá dtagraítear in Airteagal (2) ar na doiciméid

atá ar iarraidh a fháil dá dtagraítear i Rialachán 75(2) nó, murar iarradh

doiciméid bhreise, ar an tréimhse aon seachtaine a bheith ídithe dá dtagraítear

san Airteagal sin.

(4) Tar éis dearbhaithe de réir Airteagal(2), déanfaidh an t-údarás inniúil sa

Stát an t-iarratas a aistriú láithreach go dtí an t-údarás inniúil sa Bhallstát aíochta

agus, ag an am céanna, cuirfidh an t-iarratasóir ar an eolas faoi stádas an

iarratais.

(5) Nuair a iarrann údarás inniúil i mBallstát eile faisnéis bhreise nó cóip

dhearbhaithe de dhoiciméad ar údarás inniúil sa Stát de bhun Airteagal 4d(2) nó

(3) den Treoir, cuirfidh an t-údarás inniuil sa stát an fhaisnéis nó an doiciméad

sin ar fáil tráth nach déanaí ná dhá sheachtain tar éis an t-iarratas a fháil.

[8] 57

Cárta Gairmí Eorpach i gcomhair seirbhísí bunaithe nó sealadacha agus

ócáideacha le réamhsheiceáil, sa Stát

66. (1) Sa chás go bhfuil rún ag duine—

(a) é/í féin a bhunú i ngairm faoi riail sa Stát faoi Chodanna 5 go dtí 14, nó

(b) seirbhísí a sholáthar ar bhonn sealadach nó ócáideach i ngairm faoi riail

sa Stát faoi Chuid 4 agus—

(i) tá an ghairm liostaithe i Sceideal 3 mar ghairm ag a bhfuil

impleachtaí sláinte nó sábháilteachta poiblí, agus

(ii) níl tairbhe ag an duine ó aithint uathoibríoch cáilíochtaí gairmiúla

faoi chodanna 6 go dtí 14,

déanfar iarratas ar Chárta Gairmí Eorpach leis an údarás inniúil sa Bhallstát

baile, a chomhlánóidh na céimeanna ullmhúcháin uile i dtaca le comhad aonair

an iarratasóra a cruthaíodh sa chomhad IMI de réir Airteagail 4b agus 4d(1) den

Treoir agus aistreoidh an t-iarratas go dtí an t-údarás inniúil sa Stát, agus beidh

feidhm ansin leis an Rialachán seo.

(2) Faoi réir Airteagal (8), i gcás duine ag a bhfuil rún é/í féin a bhunú i ngairm

faoi riail sa Stát faoi Chodanna 6 go dtí 14, déanfaidh an t-údarás inniúil sa Stát an

cinneadh, tráth nach déanaí ná aon mhí amháin ó fuarthas an t-iarratas aistrithe ón

údarás inniúil sa Bhallstát baile, cé acu Cárta Gairmí Eorpach a eisiúint nó gan sin

a dhéanamh.

(3) Faoi réir Airteagal (8), i gcás duine ag a bhfuil rún—

(a) é/í féin a bhunú i ngairm faoi riail sa Stát faoi Chuid 5, nó,

(b) na seirbhísí a chur ar fáil dá dtagraítear in Airteagal (1)(b)

déanfaidh an t-údarás inniúil sa Stát cinneadh, tráth nach déanaí ná dhá mhí ó

fuarthas an t-iarratas aistrithe ón údarás inniúil sa Bhallstát baile, cé acu ba chóir

Cárta Gairmí Eorpach a eisiúint nó beartas cúitimh a chur i bhfeidhm i leith an

duine sin.

(4) I gcás amhras dlisteanaithe, d'fhéadfadh an t-údarás inniúil sa Stát faisnéis

bhreise a iarraidh ar an údarás inniúil sa Bhallstát baile, nó cóip dhearbhaithe

de dhoiciméad a lorg uathu.

(5) Faoi réir Airteagal (8), beidh feidhm ag na tréimhsí ama dá dtagraítear in

ailt (2) agus (3) ainneoin aon iarratais faoi Airteagal (4).

(6) Sa chás nach bhfaigheann an t-údarás inniúil sa Stát an fhaisnéis a

d'fhéadfadh bheith de dhíth air de réir na Treorach, an Rialacháin

Forfheidhmithe agus na Rialachán seo maidir le cinneadh a dhéanamh faoi

eisiúint Cárta Gairmí Eorpach ón mBallstát baile nó ón iarratasóir, d'fhéadfadh

sé a dhiúltú an cárta a eisiúint agus is amhlaidh a bheidh an diúltú sin

dlisteanaithe.

58 [8]

(7) Sa chás go dteipfidh ar an údarás inniúil sa Stát cinneadh a dhéanamh

taobh istigh den teorainn ama atá leagtha amach in Airteagal (2) nó (3) no go

dteipeann air triail inniúlachta a eagrú de réir Rialachán 15(5), measfar go bhfuil

an Cárta Gairmí Eorpach eisithe agus cuirfear é go huathoibríoch, trí IMI, chuig

an iarratasóir.

(8) Faoi réir Airteagal (9), d'fhéadfadh an t-údarás inniúil sa Stát síneadh dhá

sheachtain a chur leis na spriocanna ama atá leagtha amach in ailt (2) agus (3)

le haghaidh eisiúint uathoibríoch Cárta Gairmí Eorpach.

(9) Nuair a chuirfidh an t-údarás inniúil sa Stát síneadh le sprioc ama faoi

Airteagal (8), tabharfaidh sé míniú ar an síneadh agus cuirfidh an t-iarratasóir ar an

eolas dá reir.

(10) Ní féidir síneadh faoi Airteagal(8) a dhéanamh arís ach uair amháin, agus

sa chás amháin go bhfuil sé barr-riachtanach, go háirithe ar chúinsí a bhaineann leis

an tsláinte phoiblí nó a sábháilteacht siúd a mbeidh na seirbhísí ag riar orthu.

(11) Tiocfaidh gníomhartha leis an údarás inniúil sa Bhallstát baile de réir

Airteagal 4d(1) sa Treoir in ionad aon iarratais ar aithint cáilíochtaí gairmiúla

sa Stát faoi na Rialacháin seo.

Próiseáil agus rochtain ar shonraí maidir le Cárta Gairmí Eorpach

67. (1) Gan dochar do thoimhde na neamhchiontachta, déanfaidh údarás

inniúil sa Stát nuashonrú tráthúil ar an gcomhad comhfhreagrach IMI le faisnéis

i dtaca le gníomhartha pionóis nó toirmisc choiriúla a bhaineann le cosc nó le

srian agus a bhfuil iarmhairtí acu maidir le saothrú gníomhaíochtaí ag sealbhóir

Cárta Gairmí Eorpach faoi na Rialacháin seo agus faoin Treoir.

(2) Nuair a bhíonn an comhad IMI á nuashonrú faoi réir Airteagal (1), cuirfidh

údarás inniúil sa Stát rialacha maidir le cosaint sonraí san áireamh, de réir

fhorálacha i dTreoir 95/46/CE Pharlaimint na hEorpa agus na Comhairle an 24

Deireadh Fómhair 1995/6 agus i dTreoir 2002/58/CE Pharlaimint na hEorpa agus

na Comhairle an 12 Iúil 200217.

(3) Beidh san áireamh le nuashonruithe faoi Airteagal (1) faisnéis a scriosadh

nach bhfuil riachtanach a thuilleadh.

(4) Cuirfear sealbhóir Cárta Gairmí Eorpach, chomh maith leis na húdaráis

inniúla i mBallstáit a bhfuil rochtain acu ar an gcomhad comhfhreagrach IMI,

ar an eolas láithreach faoi aon nuashonruithe de bhun Airteagal (1), gan dochar

do na hoibleagáidí rabhaidh sna forálacha i Rialachán 87.

(5) Bainfidh na nuashonruithe dá dtagraítear in Airteagal (1) leis na hábhair seo

a leanas amháin:

[8] 59

(a) sonraí aitheantais an ghairmí;

(b) an ghairm i gceist;

(c) faisnéis faoin údarás náisiúnta nó faoin gcúirt a rinne an cinneadh

faoin gcosc nó faoin srianadh;

(d) raon feidhme an choisc nó an tsrianta; agus

(e) an tréimhse a mhairfidh an cosc nó an srianadh i bhfeidhm.

(6) Cuirfidh údarás inniúil sa Stát sealbhóir Cárta Gairmí Eorpach ar an eolas

faoi ábhar an chomhaid IMI ach an sealbhóir sin a iarraidh.

(7) D'fhéadfadh sealbhóir Cárta Gairmí Eorpach, am ar bith, gan aon chostas

don sealbhóir sin, iarratas a dhéanamh leis an údarás inniúil sa Stát go gceartófaí

sonraí atá neamhiomlán nó míchruinn, nó go scriosfaí nó go mblocálfaí a

c(h)omhad.

(8) Cuirfear an sealbhóir ar an eolas faoina c(h)eart faoi Airteagal (7) ag an

am a n-eiseoidh údarás inniúil sa Stát an Cárta Gairmí Eorpach, agus cuirfear é

i gcuimhne dó/di gach re bliain ina dhiaidh sin, trí IMI.

(9) I gcás iarratais comhad IMI a scriosadh maidir le Cárta Gairmí Eorpach a

eisíodh faoi Rialachán 79, cuirfidh an t-údarás inniúil sa Stát fianaise ar fáil don

duine atá i gceist a dhearbhóidh gur aithníodh a c(h)áilíochtaí gairmiúla.

(10) Maidir le próiseáil sonraí pearsanta sa Chárta Gairmí Eorpach agus i

ngach comhad IMI, measfar an t-údarás inniúil sa Stát mar rialaitheoir taobh

istigh de bhrí phointe (d) d'Airteagal 2 de Threoir 95/46/CE Pharlaimint na

hEorpa agus na Comhairle an 24 Deireadh Fómhair 1995/6.

(11) Gan dochar d'Airteagal (6), is féidir le fostóirí, custaiméirí, othair,

údaráis phoiblí agus páirtithe leasmhara eile údaracht Cárta Gairmí Eorpach a

thaispeánfaidh a shealbhóir dóibh a dhearbhú de réir Airteagal 22 den Rialachán

Forfheidhmithe.

Cuid 17

Cúlghairm doiciméad, freaschur cinntí agus achomhairc

Cúlghairm doiciméad ag údarás inniúil

68. (1) Faoi réir Airteagal (2) agus (3), is féidir go ndéanfadh údarás inniúil

doiciméad a chúlghairm a d'eisigh sé de bhun na Rialachán seo agus na Treorach,

ceachtar acu údarás inniúil de chuid an Bhallstáit aíochta nó an Bhallstáit baile, sa

chás go mbeidh sé sásta nach cruinn ar fad doiciméad ar a raibh eisiúint an

doiciméid ag brath, nó nach cruinn é i bpointe bainteach, agus nach bhfuarthas an

taithí nó na cáilíochtaí a dhearbhaíonn an teastas.

60 [8]

(2) Nuair a bhíonn sé i gceist ag údarás inniúil doiciméad a chúlghairm de

bhun Airteagal(1), déanfaidh sé na nithe seo a leanas i scríbhinn chuig an té lena

mbaineann an doiciméad—

(a) é/í a chur ar an eolas faoina rún an doiciméad a chúlghairm agus na

fáthanna leis seo,

(b) an fhaisnéis mhíchruinn a bhaineann leis an doiciméad a shainaithint,

agus

(c) cuireadh a thabhairt don duine ionadaíocht a dhéanamh don údarás

inniúil le linn tréimhse nach lú ná dhá sheachtain ó dháta an fhógra.

(3) Más amhlaidh, ag deireadh na tréimhse a ndéantar foráil ina leith in

Airteagal (2)(c), i ndiaidh aon ionadaíocht a rinne an duine i gceist nó a

ndearnadh ar a s(h)on, go mbíonn an tuairim chéanna ag an údarás inniúil gur

chóir an doiciméad a chúlghairm, is féidir leis an údarás inniúil, trí fhógra

scríofa, an doiciméad a chúlghairm agus na fáthanna leis an gcúlghairm a lua.

Freaschur cinneadh aitheantais

69. (1) Faoi réir Airteagal (2) agus (3), is féidir go ndéanfadh údarás inniúil sa

Stát cinneadh a fhreaschur fianaise a aithint ar cháilíochtaí gairmiúla faoi na

Rialacháin seo nuair a bhíonn sé sásta nach cruinn faisnéis áirithe, nó nach cruinn í

i bpointe bainteach, ar a bhfuil cinneadh a rinne an t-údarás inniúil ag brath.

(2) Nuair a bhíonn sé i gceist ag údarás inniúil cinneadh a fhreaschur de bhun

Airteagal (1), déanfaidh sé na nithe seo a leanas i scríbhinn chuig an duine atá i

gceist—

(a) é/í a chur ar an eolas faoina rún an cinneadh a fhreaschur agus na

fáthanna leis seo,

(b) an fhaisnéis mhíchruinn a bhaineann leis an gcinneadh a shainaithint,

agus

(c) cuireadh a thabhairt don duine ionadaíocht a dhéanamh don údarás

inniúil le linn tréimhse nach lú ná 2 sheachtain ó dháta an fhógra

(3) Más amhlaidh, ag deireadh na tréimhse a ndéantar foráil ina leith in

Airteagal (2)(c), i ndiaidh aon ionadaíocht a rinne an duine i gceist nó a ndearnadh

ar a s(h)on, go mbíonn an tuairim chéanna ag an údarás inniúil gur chóir an

cinneadh a fhreaschur, is féidir leis an údarás inniúil, trí fhógra scríofa, an

cinneadh a fhreaschur agus na fáthanna leis an bhfreaschur a lua.

Achomhairc

70. (1) Faoi réir Airteagal (5), nuair a dhéanann údarás inniúil sa Stát na

nithe seo a leanas—

(a) cinneadh páirt-rochtain a thabhairt d'iarrthóir ar ghairm faoi

Rialachán 10, nó cinneadh gan sin a thabhairt,

(b) cinneadh clárúchán sealadach nó ballraíocht pro forma a chúlghairm

faoi Rialachán 12(6),

[8] 61

(c) cinneadh iallach a chur ar iarratasóir beartas cúitimh a ghabháil faoi

Rialachán 22

(d) cinneadh gan cáilíochtaí gairmiúla iarratasóra a aithint faoi Chodanna 5

go dtí 14,

(e) gan a admháil go bhfuarthas iarratas ar aithint cáilíochtaí gairmiúla roimh

dheireadh na tréimhse a ndéantar foráil ina leith i Rialachán 67(2),

(f) gan cinneadh a dhéanamh i leith iarratais ar aithint cáilíochtaí gairmiúla

roimh dheireadh na tréimhse a ndéantar foráil ina leith i Rialachán 67(3),

nó aon tréimhse shínte faoi Rialachán 67(4),

(g) cinneadh gan Cárta Gairmí Eorpach a eisiúint faoi Rialachán 76,

(h) gan cinneadh a dhéanamh i leith iarratais ar Chárta Gairmí Eorpach

faoi Rialachán 76 roimh dheireadh na tréimhse a ndéantar foráil ina

leith in Airteagal (2) den Rialachán sin,

(i) gan údaracht agus bailíochta na ndoiciméad tacaíochta i gcomhad IMI

a chinntiú i leith iarratais ar Chárta Gairmí Eorpach roimh dheireadh

na tréimhse a ndéantar foráil ina leith i Rialachán 78(2),

(j) gan iarratas ar Chárta Gairmí Eorpach a aistriú, de réir Rialachán

78(4),

(k) cinneadh gan Cárta Gairmí Eorpach a eisiúint faoi Rialachán 79,

(l) gan cinneadh a dhéanamh i leith iarratais ar Chárta Gairmí Eorpach

faoi Rialachán 79 roimh dheireadh na tréimhse infheidhme ama a

ndéantar foráil ina leith in Airteagail (2), (3) nó (8) den Rialachán sin,

(m) cinneadh doiciméad a chúlghairm faoi Rialachán 81,

(n) cinneadh a fhreaschur faoi Rialachán 82,

(o) cinneadh rialuithe teanga a dhéanamh de bhun Rialachán 85, nó

(p) rabhadh a chur amach faoi Rialachán 87

Is féidir leis an duine atá i gceist achomharc a dhéanamh ar an gcinneadh sin nó ar

an teip an cinneadh a thógáil leis an Ard-Chúirt faoi dháta nach déanaí ná 42 lá ó

dháta an fhógra faoin gcinneadh sin nó ídiú na tréimhse ar cheart an cinneadh nó an

admháil a dhéanamh lena linn.

(2) Cuirfidh údarás inniúil duine ar an eolas faoi chinneadh faoi Airteagal( 1)

a bhaineann leis/léi i scríbhinn agus na fáthanna leis an gcinneadh sin agus

cuirfidh an duine sin ar an eolas faoin gceart atá aige/aici ar achomharc faoin

Airteagal sin.

62 [8]

(3) Ar an achomharc a chloisteáil faoin Rialachán seo d'fhéadfadh an Ard-

Chúirt aon ní díobh seo a dhéanamh:

(a) cinneadh an údaráis inniúil a dhearbhú nó a chur i leataobh,

(b) cinneadh nó aithint a dhéanamh nár éirigh leis an údarás inniúil a

dhéanamh le linn na tréimhse a leagadh síos,

(c) ordú a thabhairt don údarás inniúil cinneadh a dhéanamh taobh istigh

de thréimhse áirithe,

(d) an cheist a chur chuig an údarás inniúil, bíodh treoir leis nó ná

bíodh, le go measfaí athuair é agus go ndéanfaí cinneadh nua,

(e) cinneadh leis an údarás inniúil a leasú nó a chur ina cheart,

(f) cinneadh nua a chur in áit chinneadh an údaráis inniúil,

(g) leigheas cuí a thabhairt i dtaca le haon dochar a tháinig as foláireamh

bréige, nó

(h) aon ghníomh eile ba chuí chun críche an chirt.

(4) Cinneadh deiridh críochnúil a bheidh i gcinneadh na hArd-Chúirte i leith

achomhairc faoin Rialachán seo.

(5) Ní bhainfidh an Rialachán seo le gairm sláinte nó cúraim shóisialta ainmnithe

faoi Airteagal 4 den Acht um Ghairmithe Sláinte agus Cúraim Shóisialta 2005

(Uimh. 27 2005) ar bunaíodh clár ina leith faoi Airteagal 36(1) den Acht sin agus

ar ainmníodh an bord clárúcháin ina údarás inniúil de bhun Airteagal 27A (a chuir

Airteagal 5 isteach den Acht um Ghairmithe Sláinte agus Cúraim Shóisialta

(Leasaithe) 2012) san Acht sin.

Cuid 18

Saothrú Gairme

Úsáid Teideal Gairmiúil

71. (1) Sa chás go bhfuil rialú ar úsáid teideal gairmiúil a bhaineann le

gníomhaíochtaí gairme atá faoi riail sa Stát, úsáidfidh duine ar aithníodh a

c(h)áilíochtaí faoi Chodanna 5 go dtí 14 an teideal gairmiúil is riachtanach a úsáid

sa Stát, agus úsáidfidh aon inisealacha bainteacha.

(2) Sa chas gur riachtanach ag daoine atá ag cleachtadh gairm rialaithe sa Stát

bheith mar bhall de chumann nó d'eagraíocht áirithe, ní bheidh cead ag duine dá

dtagraítear in Airteagal (1) an teideal gairmiúil a úsáid a eisíonn an cumann nó

an eagraíocht sin, ná a leagan giorraithe, ach amháin má chuireann an duine

cruthúnas ar fáil gur ball den chumann nó den eagraíocht sin é.

[8] 63

(3) Má bhíonn ballraíocht cumainn nó eagraíochta dá dtagraítear in Airteagal (2)

teagmhasach le cáilíochtaí faoi leith, is féidir leis an gcumann nó an eagraíocht sin

a dhéanamh amhlaidh sa chás amháin go gcomhlíontar na coinníollacha sa

Rialachán seo agus sa Treoir, i leith daoine incháilithe a bhfuil cáilíochtaí gairmiúla

acu.

Inniúlacht ar theangacha 72. (1) Beidh ag aon duine a fhaigheann tairbhe ó aithint cáilíochtaí gairmiúla

faoi na Rialacháin seo eolas ar theangacha is riachtanach leis an ngairm

bhainteach a chleachtadh sa Stát.

(2) Le heolas ar an mBéarla nó ar an nGaeilge amháin a bhainfidh aon rialú

a dhéanfaidh údarás inniúil, nó a dhéanfar ar a shon, maidir le comhlánú na

hoibleagáide faoi Airteagal (1).

(3) Ní féidir rialuithe de réir Airteagal (2) a chur i bhfeidhm ach amháin sna

cásanna a leanas—

(a) má bhíonn impleachtaí sábháilteachta d'othair ag an ngairm atá le cleachtadh, nó

(b) i dtaca le gairmeacha eile, i gcásanna ina mbíonn amhras tromchúiseach

daingean faoi eolas an duine ar theangacha i dtaca leis na gníomhaíochtaí

gairmiúla is rún dó/di a shaothrú,

agus sa chás amháin gur eisíodh Cárta Gairmí Eorpach de réir Chuid 16 nó tar éis

gur aithníodh cáilíocht ghairmiúil, sa chás.

(4) Beidh aon rialuithe faoin Rialachán seo comhréireach leis an

ngníomhaíocht atá le saothrú.

(5) Is féidir le sealbhóir Cárta Gairmí Eorpach, chun críche an Rialacháin seo,

aon doiciméad riachtanach le heolas ar theanga a chruthú a chur isteach trí IMI.

Úsáid teideal acadúil 73. (1) Gan dochar do Rialacháin 14, 15 agus 84, tá duine a fhaigheann tairbhe ó

aithint cáilíochtaí gairmiúla faoi na Rialacháin seo i dteideal teidil acadúla a

bronnadh air/uirthi sa Bhallstát baile, nó ina riocht giorraithe, i dteanga an Bhallstáit

baile.

(2) Sa chás go n-úsáidfidh duine teideal acadúil de bhun Airteagal (1), i

ndiaidh an teidil sin beidh ainm agus seoladh na hinstitiúide nó an bhoird

scrúdúcháin a bhronn í.

(3) Nuair a úsáidfidh duine teideal acadúil de bhun Airteagal (1), ar féidir go

mbeadh mearbhall idir é agus teideal a úsáidtear sa Stát ar ghá go mbeadh

oiliúint bhreise ag teastáil ón duine nach bhfuil aige/aici, úsáidfear teideal

acadúil an Bhallstáit baile i bhfoirm chuí, a leagfaidh an t-údarás inniúil síos

don ghairm bhainteach rialaithe.

64 [8]

Cuid 19

Foláirimh

Sásra foláirimh

74. (1) Déanfaidh an t-údarás inniúil sa Stát comhordú agus láimhseáil ar

gach foláireamh isteach agus amach i leith a ghairme faoin Rialachán seo,

Airteagal 56a(1) den Treoir agus Caibidil II den Rialachán Forfheidhmithe agus

comhlíonfaidh sé, chun na críche sin, gach nós imeachta atá leagtha síos sa

Chaibidil sin den Rialachán Forfheidhmithe.

(2) Déanfaidh an comhordaitheoir náisiúnta comhordú agus láimhseáil ar

gach foláireamh isteach sa Stát faoi Airteagal 56a(3) den Treoir agus Caibidil

II den Rialachán Forfheidhmithe agus comhlíonfaidh sé, chun na críche sin,

gach nós imeachta atá leagtha síos sa Chaibidil sin den Rialachán

Forfheidhmithe.

(3) I gcás na ngníomhaíochtaí gairmiúla a leanas, cuirfidh an t-údarás inniúil

sa Stát na húdaráis inniúla i ngach Ballstát eile ar an eolas faoi aon ghairmí ar

cuireadh cosc nó srian, go sealadach féin, ar a g(h)níomhaíochtaí sa Stát ina

iomláine nó i gcodanna de, ag údaráis nó ag cúirteanna sa Stát:

(a) dochtúir leighis nó cleachtais ghinearálta ag a bhfuil fianaise ar cháilíocht

fhoirmiúil dá dtagraítear i bpointí 5.1.1 agus 5.1.4 d'Iarscríbhinn V a

ghabhann leis an Treoir;

(b) dochtúir speisialaithe leighis ag a bhfuil teideal dá dtagraítear i bpointe

5.1.3 d'Iarscríbhinn V a ghabhann leis an Treoir;

(c) altra freagrach as cúram ginearálta ag a bhfuil fianaise ar cháilíocht

fhoirmiúil dá dtagraítear i bpointe 5.2.2 d'Iarscríbhinn V a ghabhann leis

an Treoir;

(d) cleachtóirí déidliachta ag a bhfuil fianaise ar cháilíocht fhoirmiúil dá

dtagraítear i bpointe 5.3.2 d'Iarscríbhinn V a ghabhann leis an Treoir;

(e) fiaclóirí speisialaithe ag a bhfuil fianaise ar cháilíocht fhoirmiúil dá

dtagraítear i bpointe 5.3.3 d'Iarscríbhinn V a ghabhann leis an Treoir;

(f) tréadlia ag a bhfuil fianaise ar cháilíocht fhoirmiúil dá dtagraítear i

bpointe 5.4.2 d'Iarscríbhinn V a ghabhann leis an Treoir;

(g) cnáimhseach ag a bhfuil fianaise ar cháilíocht fhoirmiúil dá dtagraítear i

bpointe 5.5.2 d'Iarscríbhinn V a ghabhann leis an Treoir;

(h) cógaiseoir ag a bhfuil fianaise ar cháilíocht fhoirmiúil atá liostaithe i

bpointe 5.6.2 d'Iarscríbhinn V a ghabhann leis an Treoir;

(i) sealbhóirí teastas luaite i bpointe 2 d'Iarscríbhinn VII a ghabhann leis an

Treoir a dhearbhaíonn gur chríochnaigh an sealbhóir oiliúint a shásaíonn

an t-íosriachtanas atá liostaithe in Airteagail 24, 25, 31, 34, 35, 38, 40 nó

44 faoi seach den Treoir, ach a thosaigh níos luaithe ná na dátaí tagartha

do na cáilíochtaí atá liostaithe i bpointí 5.1.3, 5.1.4, 5.2.2, 5.3.2, 5.3.3,

5.4.2, 5.5.2, 5.6.2 d'Iarscríbhinn V a ghabhann leis an Treoir;

[8] 65

(j) sealbhóirí teastas ar chearta a fuarthas dá dtagraítear in Airteagail 23, 27,

29, 33, 33a, 37, 43 agus 43a den Treoir;

(k) gairmithe eile ag saothrú gníomhaíochtaí ag a bhfuil impleachtaí

sábháilteachta othar, nuair a bhíonn an gairmí ag saothrú gairme faoi riail

sa Stát;

(l) gairmithe ag saothrú gníomhaíochtaí a bhaineann le hoideachas

mionaoiseach, lena n-áirítear cúram leanaí agus luathoideachas páistí,

nuair a bhíonn an gairmí ag saothrú gairme faoi riail sa Stát.

(4) Cuirfidh an t-údarás inniúil sa Stát an fhaisnéis dá dtagraítear in

Airteagal(3) mar fholáireamh trí IMI tráth nach déanaí na trí lá ó dháta an

chinnidh a chuir srian nó cosc ar an ngníomhaíocht ghairmiúil, ina hiomláine

nó i bpáirt, a shaothrú ag an ngairmí atá i gceist.

(5) Ní chuirfear mar fhaisnéis de bhun Airteagal(3) ach an méid seo a leanas

amháin:

(a) sonraí aitheantais an ghairmí;

(b) an ghairm atá i gceist;

(c) faisnéis faoin údarás nó faoin gcúirt sa Stát a thóg an cinneadh faoi

chosc nó faoi shrianadh;

(d) raon feidhme an choisc nó an tsrianta;

(e) an tréimhse arb infheidhme an cosc nó an srianadh lena linn.

(6) Nuair a chiontófar duine i gcúirt sa Stát as uirlis bhréige a úsáid mar fhianaise

ar cháilíochtaí gairmiúla faoi na Rialacháin seo nó faoin Treoir, déanfaidh an t-

údarás inniúil sa Stát, tráth nach déanaí ná trí lá ó glacadh le cinneadh na cúirte,

gach Ballstát eile a chur ar an eolas trí IMI faoi shonraí aitheantais an duine a

ciontaíodh.

(7) Déanfar próiseáil sonraí pearsanta chun críche an mhalartaithe faisnéise dá

dtagraítear in Airteagail (1) go dtí (6) de réir Threoir 95/46/CE Pharlaimint na

hEorpa agus na Comhairle an 25 Deireadh Fómhair 1995/6 agus Threoir

2002/58/CE Pharlaimint na hEorpa agus na Comhairle 12 Iúil 2002. 17.

(8) Déanfaidh údarás inniúil sa Stát, a chuir faisnéis ar fáil de bhun Airteagal

(3), údaráis inniúla gach Ballstát eile a chur ar an eolas gan mhoill faoi na nithe

seo a leanas—

66 [8]

(a) aon athrú ina dhiaidh sin ar dháta ídithe an tsrianta nó an choisc ar

thug sé faisnéis fúthu, agus

(b) dáta ídithe an tsrianta nó an choisc sin.

(9) Déanfar gairmí a gcuireann údarás inniúil foláireamh ina leith de bhun an

Rialacháin seo a chur ar an eolas i scríbhinn faoin gcinneadh an tráth céanna a

chuirtear an foláireamh.

(10) Sa chás go ndéanfar achomharc faoi chinneadh ar fholáireamh,

déanfaidh an t-údarás inniúil sa Stát an foláireamh a cháiliú lena thabhairt le

fios go bhfuil sé faoi réir imeachtaí ag an ngairmí.

Cuid 20

Próiseáil Leictreonach agus Táillí

Nósanna imeachta trí mhodhanna leictreonacha

75. (1) De bhun Airteagal (3), beifear ábalta gach riachtanas, nós imeachta

agus foirmiúlacht a bhaineann le hábhair atá clúdaithe ag na Rialacháin seo agus

ag an Treoir, a chríochnú go leictreonach agus go cianda, tríd an bpointe aonair

teagmhála bainteach ainmnithe faoi Rialachán 31(1) de Rialacháin an Aontais

Eorpaigh (Soláthar Seirbhísí) 2010 (S.I. Uimh. 533 2010) nó tríd an údarás

inniúil sa Stát.

(2) Ní chuirfidh Airteagal (1) aon chosc ar údarás inniúil sa Stát ó chóipeanna

dearbhaithe de dhoiciméid a iarraidh a cuireadh isteach go cianda agus trí mheán

leictreonach ar ball, sa chás go mbeidh amhras dlisteanaithe agus gur géarghá.

(3) Ní bhainfidh mír (1) le tréimhse aistrithe ná le triail inniúlachta.

(4) Sa chás gur dlisteanaithe ag údarás inniúil sa Stát sínithe leictreonacha

ardleibhéil a iarraidh, mar a shainmhínítear in Airteagal 2 den Acht um Thráchtáil

Leictreonach 2000 (Uimh. 27 2000), le haghaidh nósanna imeachta a chríochnú dá

dtagraítear in Airteagal (1) den Rialachán seo, glacfaidh an t-údarás inniúil le sínithe

leictreonacha mar chomhlíonadh le Cinneadh an Choimisiúin 2009/767/CE 16

Deireadh Fómhair 2009 agus déanfar foráil i leith modhanna leictreonacha le

doiciméid a phróiseáil le sínithe leictreonacha ardleibhéil i bhformáidí sainmhínithe

ag Cinneadh an Choimisiúin 2001/130/AE an 25 Feabhra 2011.22

(5) Déanfar gach nós imeachta faoi na Rialacháin agus an Treoir seo i

gcomhréir le hAirteagal 8 de Threoir 2006/123/CE de chuid Pharlaimint na

hEorpa agus na Comhairle an 12 Nollaig 2006.20

(6) Tosóidh na teorainneacha ama do nósanna imeachta leagtha amach i

Rialacháin 15 agus 67 an t-am a gcuirfear isteach an t-iarratas nó aon doiciméad

ar iarraidh ó shaoránach chuig an bpointe aonair teagmhála nó go díreach chuig

an údarás inniúil.

21OJ Uimh. L 274, 20.10.2009, lch. 36. 22OJ Uimh. L 53, 26.2.2011, lch. 66.

[8] 67

(7) Ní mheasfar gurb ionann iarratas ar chóipeanna dearbhaithe dá dtagraítear i mír

(2) agus iarratas ar dhoiciméid atá ar iarraidh.

Gearradh táillí ag údarás inniúil 76. (1) Is féidir go ngearrfadh údarás inniúil sa Stát táille as aon fheidhm nó seirbhís

a dhéanamh nó a chur á dhéanamh faoi na Rialacháin seo nó faoin Treoir.

(2) Nuair a ghearrfar aon táille de bhun Airteagal (1)—

(a) beidh sé réasúnta, comhréireach agus ar cóimhéid leis na costais a thabhaigh

an t-údarás inniúil i leith na seirbhíse nó na feidhme sin faoi leith,

(b) ní bheidh sé níos mó ná fíorchostas na feidhme nó na seirbhíse a tugadh,

(c) ní shocrófar é ag leibhéal a d'fhágfadh nárbh indéanta i bhfírinne na cearta

seo a chleachtadh a ndéantar foráil ina leith faoi na Rialacháin seo agus

faoin Treoir, agus

(d) is gá, i gcás bunráta, an táille a dhlisteanú ag tagairt do mheánchostas na

feidhme agus na seirbhíse a chuirtear ar fáil.

Cuid 21

Cúlghairmeacha, leasuithe agus socruithe eatramhacha

Cúlghairmeacha 77. (1) Faoi réir Rialachán 96, déantar iad seo a leanas a chúlghairm:

(a) Rialacháin um Aithint Cáilíochtaí Gairmiúla (Treoir 2005/36/CE) 2008 (S.I.

139 2008);

(b) Rialacháin um Aithint Cáilíochtaí Gairmiúla Altraí agus Cnáimhseach (Treoir

2005/36/CE) 2008 (S.I. 164 2008)

(c) Rialacháin um Aithint Cáilíochtaí Gairmiúla (Gairmeacha Sláinte agus Cúraim

Shóisialta) 2008 (Treoir 2005/36/CE) (S.I. 166 2008), seachas Rialachán 5 de

na Rialacháin sin;

(d) Rialacháin um Aithint Cáilíochtaí Gairmiúla Fiaclóirí (Treoir 2005/36/CE)

2008 (S.I. 263 2008);

(e) Rialacháin Comhphobal Eorpach (Treoir 2006/100/CE) (Aithint Cáilíochtaí

Míochaine na Bulgáire agus na Rómáine) 2008 (S.I. 393 2008);

(f) Rialacháin Comhphobal Eorpach (Rialacháin um Aithint Cáilíochtaí Gairmiúla

i dtaca le Gairm an Chógaiseora) (Uimh. 2) Rialacháin 2008 (S.I. 489 2008)

seachas Rialachán 9 sa mhéid go dtéann sé isteach díreach san Acht um

Chógaisíocht 2007 (Uimh. 20 2007);

(g) Rialacháin um Aithint Cáilíochtaí Gairmiúla (Gairmeacha Sláinte agus

Cúraim Shóisialta) (Treoir 2005/36/CE) (Leasaithe) 2011 (S.I. 109

2011);

(h) Rialacháin an Aontais Eorpaigh (Aithint Cáilíochtaí Gairmiúla i dtaca le

Gairm an Chógaiseora ) 2012 (S.I. 235 2012);

(i) Rialacháin an Aontais Eorpaigh (Aithint Cáilíochtaí Gairmiúla i dtaca le

Gairm an Chógaiseora) 2013 (S.I. 377 2013);

68 [8]

(j) Rialacháin an Aontais Eorpaigh (Aithint Cáilíochtaí Gairmiúla i dtaca le

Gairm an Fhiaclóra, an Lia-Chleachtóra, Altra agus Cnáimhsí) 2014

(S.I. 7 2014);

(k) Rialacháin an Aontais Eorpaigh (Aithint Cáilíochtaí Gairmiúla) (Treoir

2005/36/CE) (Leasú) 2014 (S.I. 368 2014)

(l) Rialacháin um Aithint Cáilíochtaí Gairmiúla (Gairmeacha Sláinte agus

Cúraim Shóisialta) (Treoir 2005/36/CE) (Leasú) 2014 (S.I. 315 2014)

(2) Glacfar mar thagairtí do na Rialacháin seo aon tagairtí in achtacháin i

Rialacháin a aisghairmeadh faoi mhír (1), nuair a admhaíonn an comhthéacs

sin.

Leasú ar an Acht um Chógaisíocht 2007

78. Déantar an tAcht um Chógaisíocht 2007 a leasú—

(a) in Airteagal 2(1) trí na sainmhínithe a leanas a chur isteach:

"'tá ag 'Treoir Cáilíochtaí Gairmiúla' an bhrí a shanntar do 'Treoir' sna

Rialacháin um Aithint Cáilíochtaí Gairmiúla';

ciallaíonn 'Rialacháin Cáilíochtaí Gairmiúla' Rialacháin (Aithint

Cáilíochtaí Gairmiúla) an Aontais Eorpaigh 2017 (Uimh. 8 2017);"

(b) in Airteagal 7(2)(a)(vi), trí 'Coimisiún Forfheidhmithe Rialachán (AE)

2015/983 an 24 Meitheamh 2015 agus na Rialacháin um Cháilíochtaí

Gairmiúla," tar éis "Treoir um Cháilíochtaí Gairmiúla",

(c) in Airteagal 14—

(i) i bhfo-Airteagal (1), tríd an méid a leanas a chur in ionad Airteagal

(h):

[8] 69

“(h) mar náisiúnach de chuid an Stáit nó de chuid Ballstát

eile, go bhfuil an Chomhairle sásta go bhfuil an

inniúlacht is riachtanach sa teanga aige nó aici le

bheith mar chógaiseoir cláraithe sa Stát." agus

(ii) t r í f ho - Ai r te a ga l (3) a scriosadh,

(d) in Airteagal 16 (mar a leasaíodh ag Rialacháin 3 agus 4 de chuid

Rialacháin an Aontais Eorpaigh (Aithint Cáilíochtaí Gairmiúla i dtaca le

Gairm an Chógaiseora) 2013 (S.I. 377 2013)—

(i) tríd an méid seo a leanas a chur in ionad fho-Airteagal (1):

“(1)Tá cáilíocht chuí don chleachtas ag duine má bronnadh

cáilíocht fhorordaithe sa Stát air nó uirthi, de réir oiliúna agus

oideachais fhorordaithe.",

(ii) i bhfo-Airteagal (2), tríd an méid a leanas a chur in ionad mhír (a):

“(a) "is náisiúnach é nó í de chuid stáit bhaintigh agus

aithníonn an Chomhairle a c(h)áilíochtaí faoi na

Rialacháin Cáilíochtaí Gairmiúla, nó",

(iii) trí na fo-ailt a leanas a chur in ionad fho-ailt (3) go (10):

“(3) D'fhéadfadh an Chomhairle na nithe seo a dhéanamh—

(a) lena cur féin ar an eolas chun críche fho-Airteagal

(2)(b) faoi chaighdeán na hoiliúna, an oideachais,

scrúduithe agus cáilíochtaí i stát eile, iallach a chur ar

dhuine ar cosúil go mbaineann an fhoráil sin leis/léi,

scrúdú a shuí,

(b) i gcás ar bith go bhfuil sé in amhras faoi cheist dá

dtagraítear san fhoráil sin, iallach a chur ar dhuine ar

cosúil go mbaineann an fhoráil sin leis/léi cur isteach

ar aon oiliúint a dhéanamh a shaineodh an

Chomhairle.

(4) Déantar foráil bhreise i Sceideal 2 faoi aithint cáilíochtaí

gairmiúla sa chógaisíocht.

(5) San Airteagal seo-

folaíonn 'náisiúnach de chuid stáit bhaintigh' duine nach

náisiúnach de chuid stáit bhaintigh é, ach ar duine incháilithe é,

mar a shainmhínítear i Rialachán 3 de na Rialacháin um Aithint

Cáilíochtaí Gairmiúla;

ciallaíonn 'stát bainteach'—

70 [8]

(a) Ballstát,

(b) stát ar stát conartha é leis an gComhaontú AEE de réir

na brí a thugann an tAcht um Chomhphobail

Eorpacha (Leasaithe) 1993 (seachas Ballstát nó an

Stát)

(c) an Eilvéis;

ciallaíonn 'an tríú tír' tír nach stát bainteach é."

(e) trí aisghairm a dhéanamh ar ailt 21A agus 24A (curtha isteach le

Rialacháin 8 agus 9 de na Rialacháin Comhphobal Eorpach (Aithint

Cáilíochtaí Gairmiúla i dtaca le Gairm an Chógaiseora) (Uimh. 2) 2008

(S.I. 489 2008),

(f) in Airteagal 24b (curtha isteach ag Rialachán 9 de chuid Rialacháin

Comhphobal Eorpach (Aithint Cáilíochtaí Gairmiúla i dtaca le Gairm an

Chógaiseora) (Uimh. 2) 2008 (S.I. 489 2008), trí na fo-ailt a leanas a

chur in ionad fho-ailt (2) go dtí (5):

“(2) Cuirfidh an Chomhairle isteach i gCuid B den Chlár

Cógaiseoirí, ainmneacha daoine a chuireann seirbhísí cógaiseora

ghairmiúil ar fáil sa Stát ar bhonn sealadach agus ócáideach de bhun

Chuid 4 de na Rialacháin um Cháilíochtaí Gairmiúla.

(3) Ainneoin fhorálacha Chuid 6 faoin Acht seo, is féidir go gcuirfeadh

an Chomhairle clárú ar neamhní faoi Chuid B den Chlár Cógaiseoirí faoi

aon imthosca dá dtagraítear i Rialachán 12(6) de na Rialacháin um

Cháilíochtaí Gairmiúla faoi dhá mhí den dáta a fhoilsítear an fhaisnéis i

gceist don Chomhairle.",

(g) i mír 20(1)(f) de Sceideal 1, trí "nó na Rialacháin um Cháilíochtaí

Gairmiúla" a chur isteach tar éis 'an tAcht seo' agus

(h) i Sceideal 2, trí mhíreanna 1, 2, 3, 4, 5 agus 10 a chealú.

Leasú ar an Acht um Ghairmithe Sláinte agus Cúraim Shóisialta 2005

79. Déantar an tAcht um Ghairmithe Sláinte agus Cúraim Shóisialta a leasú—

(a) in Airteagal 3(1) (mar a leasaíodh ag an Acht Sláinte (Forálacha

Ilghnéitheacha) 2014 (Uimhir 33 2014))—

(i) tríd an méid a leanas a chur in ionad an tsainmhínithe ar "Treoir

2005/36/CE":

“'Tá le Treoir 2005/36/CE ' an bhrí an shanntar do "Treoir" i

Rialachán 3(1) de na Treoracha um Cháilíochtaí Gairmiúla;", agus

(ii) tríd an sainmhíniú a leanas a chur isteach:

[8] 71

"Ciallaíonn 'Rialacháin um Cháilíochtaí Gairmiúla' Rialacháin an

Aontais Eorpaigh (Aithint Cáilíochtaí Gairmiúla) 2017 (S.I.

Uimhir 8 2017);"

(b) i mír 42(2) (mar a leasaíodh ag Airteagal 8 den Acht um Ghairmithe

Sláinte agus Cúraim Shóisialta (Leasaithe) 2012 (Uimhir 46 2012))—

(i) i mír (a)—

(I) trí 'fo-Airteagal 27A(2)(a) nó (b)" a chur in ionad "mír

27A(2)(a)", agus

(II) trí 'an cinneadh a chealú, nó' a chur in ionad 'an cinneadh a

chealú'

(ii) i mír (b), trí 'an cinneadh a chealú, nó.' a chur in ionad 'an

cinneadh a chealú."

(iii) tríd an mír a leanas a chur isteach tar éis mhír (b)

“(c) más cinneadh dá dtagraítear i mír 42B(2A) é an

cinneadh, faisnéis i dtaca leis an gceart ar chur isteach

don Chomhairle faoi threoir na míre sin.”,

(c) in Airteagal 42A(1)(a) (curtha isteach ag Airteagal 9 den Acht um

Ghairmithe Sláinte agus Cúraim Shóisialta (Leasaithe) 2012), trí

'Airteagal27A(2)(a) nó (b) a chur in ionad (Airteagal27A(2)(b)”,

(d) in Airteagal 42B (curtha isteach ag Airteagal 9 den Acht um Ghairmithe

Sláinte agus Cúraim Shóisialta (Leasaithe) 2012)—

(i) i bhfo-alt(1)—

(I) trí "Airteagal 27A(2)(a) nó (b) a chur in ionad "Airteagal

27A(2)(b)", agus

(II) t r í m h í r (a) a chealú,

(ii) i bhfo-Airteagal (2)—

(I) i mír (a), trí 'le measúnú a dhéanamh ar a c(h)áilíochtaí gairmiúla

faoi roinn 27A(2)(b)' a chur isteach tar éis "déanta ag an duine",

agus

(II) i mír (b), trí "i dtaca le measúnú ar a c(h)áilíochtaí gairmiúla

faoi Airteagal 27A(2)(b)" tar éis "an duine a chur ar an eolas

faoi chinneadh”,

(iii) tríd an bhfo-Airteagal a leanas a chur isteach in ionad fho-Airteagal (2):

72 [8]

“(2A) D'fhéadfadh duine cur isteach don Chomhairle ar

threorú ón gComhairle go dtí bord clárúcháin sa chás go

ndéanfadh an Chomhairle na nithe seo a leanas—

(a) cinneadh páirt-rochtain ar ghairm a thabhairt, nó gan a

thabhairt, d'iarratasóir faoi Rialachán 10 de na

Rialacháin um Cháilíochtaí Gairmiúla,

(b) cinneadh clárúchán sealadach nó ballraíocht pro forma

a chúlghairm faoi Rialachán 12(6) de na Rialacháin um

Cháilíochtaí Gairmiúla,

(c) cinneadh iallach a chur beartais cúitimh a fheidhmiú ar

iarratasóir faoi Rialachán 22 de na Rialacháin um

Cháilíochtaí Gairmiúla,

(d) cinneadh gan cáilíochtaí gairmiúla iarratasóra a aithint

faoi Chodanna 5 go dtí 14 de na Rialacháin um

Cháilíochtaí Gairmiúla,

(e) gan a admháil go bhfuarthas iarratas ar aithint cáilíochtaí

gairmiúla taobh istigh den tréimhse a ndéantar foráil ina

leith i Rialachán 67(2) de na Rialacháin um Cháilíochtaí

Gairmiúla,

(f) gan cinneadh a dhéanamh i dtaca le hiarratas ar aithint

cáilíochtaí gairmiúla taobh istigh den tréimhse a

ndéantar foráil ina leith i Rialachán 67(3) de na

Rialacháin um Cháilíochtaí Gairmiúla, ná aon tréimhse

shínte faoi Rialachán 67(4) de na Rialacháin sin.

(g) cinneadh gan Cárta Gairmí Eorpach a eisiúint faoi

Rialachán 76 de na Rialacháin um Cháilíochtaí

Gairmiúla,

(h) gan cinneadh a dhéanamh i dtaca le hiarratas ar Chárta

Gairmí Eorpach faoi Rialachán 76 de na Rialacháin

um Cháilíochtaí Gairmiúla taobh istigh den tréimhse

a ndéantar foráil ina leith i mír (2) den Rialachán sin,

(i) gan údaracht bhailíocht doiciméad tacaíochta sa

chomhad IMI a dhearbhú do Chárta Gairmí Eorpach

taobh istigh den tréimhse a ndéantar foráil ina leith i

Rialachán 78(2) de na Rialacháin um Cháilíochtaí

Gairmiúla,

(j) gan iarratas ar Chárta Gairmí Eorpach a aistriú de réir

Rialachán 78(4) de na Rialacháin um Cháilíochtaí

Gairmiúla,

[8] 73

(k) cinneadh gan Cárta Gairmí Eorpach a eisiúint faoi

Rialachán 79 de na Rialacháin um Cháilíochtaí

Gairmiúla,

(l) gan cinneadh a dhéanamh i dtaca le hiarratas ar Chárta

Gairmí Eorpach faoi Rialachán 79 de na Rialacháin

um Cháilíochtaí Gairmiúla taobh istigh den tréimhse

a ndéantar foráil ina leith i mír (2), (3) nó (8) den

Rialachán sin,

(m) cinneadh doiciméad a chúlghairm faoi Rialachán 81 de

na Rialacháin um Cháilíochtaí Gairmiúla,

(n) cinneadh a fhreaschur faoi Rialachán 82 de na

Rialacháin um Cháilíochtaí Gairmiúla,

(o) cinneadh rialuithe teanga a fheidhmiú de bhun

Rialachán 85 de na Rialacháin um Cháilíochtaí

Gairmiúla, nó

(p) cinneadh foláireamh a chur faoi Rialachán 87 de na

Rialacháin um Cháilíochtaí Gairmiúla”,

(iv) an méid seo a leanas a chur in ionad fho-Airteagal (3)(a):

“(a)

más iarratas faoi fho-Airteagal (1) nó (2A) é an t-iarratas—

(i) tráth nach déanaí ná 30 lá ón uair a fhaigheann

an duine an scéala faoin gcinneadh ón mbord

clárúcháin,

(ii) tráth nach déanaí ná 30 lá tar éis don tréimhse

ídiú, nó

(iii) i gcás iarratais faoi fho-Airteagal (2A)(j), tráth

nach déanaí ná 30 lá ón uair a dhearbhaítear

bailíocht agus údaracht na ndoiciméad tacaíochta

de réir Rialachán 78(2),

mar is cuí, nó”

(v) i bhfo-Airteagal (4)(a)—

(I) trí "nó (2A) a chur isteach tar éis (fo-Airteagal (1)", agus

(II) i bhfomhír (i), trí "nó" a chealú,

(III) i gclásal (III) d'fhomhír (ii), trí 'nó' a chur isteach tar éis 'a

mheastar is cuí', agus

(IV) tríd an bhfomhír a leanas a chur isteach tar éis fhomhír (ii):

74 [8]

“(iii) in aon chás eile, aon treoir a thabhairt don

bhord clárúcháin a mheasann an Chomhairle

is cuí”

(vi) tríd fho-Airteagal (6) a chealú,

(e) in Airteagal 44 (mar a leasaíodh ag Airteagal 10 den Acht um Ghairmithe

Sláinte agus Cúraim Shóisialta (Leasú) 2012, tríd an méid seo a leanas a

chur isteach tar éis fho-Airteagal (3);

“(5) beidh cinneadh leis an gComhairle tar éis achomhairc in aghaidh

treorach ón gComhairle faoi Airteagal 42B(2A) ina chinneadh críochnúil

deiridh.", agus

(f) in Airteagal 79(4)(b) (mar a leasaíodh ag Airteagal 12 den Acht um

Ghairmithe Sláinte agus Cúraim Shóisialta (Leasú) 2012), trí 'de bhun

Chuid 4 de na Rialacháin um Cháilíochtaí Gairmiúla a chur in ionad "a

c(h)áilíochtaí gairmiúla a mheasúnú taobh istigh de bhrí Airteagal 7.4 de

Threoir 2005/36/CE".

Leasú Acht na nAltraí agus na gCnáimhseach

80. Déantar Acht na nAltraí agus na gCnáimhseach 2011 (Uimhir 41 2011) a

leasú—

(a) in Airteagal 2 (mar a leasaíodh ag Rialachán 4 de Rialacháin an Aontais

Eorpaigh (Aithint Cáilíochtaí Gairmiúla i dtaca le Gairmeacha an

Fhiaclóra, an Lia-Chleachtóra, Altra agus Cnáimhsí) 2014—

(i) tríd an méid a leanas a chur in ionad an tsainmhínithe ar 'Treoir

2005/36/CE":

“‘tá ag Treoir 2005/36/CE an bhrí a shanntar do "Treoir" i

Rialachán 3(1) de Rialacháin 2017”,

(ii) trí shainmhíniú 'Rialacháin 2008" a chealú agus

(iii) tríd an sainmhíniú a leanas a chur isteach:

ciallaíonn "Rialacháin 2017" Rialacháin an Aontais Eorpaigh

(Aithint Cáilíochtaí Gairmiúla) 2017 (S.I. 8 2017) ”,

(b) in Airteagal 9(2)(e)(i) trí 'faoi Rialacháin 2017' a chur in ionad 'a

bhronntar nó a aithnítear i mBallstáit nó i stáit eile taobh istigh de

bhrí Rialacháin 2008", agus

(c) in Airteagal 41(2), trí 'Rialacháin 2017" a chur in ionad 'Rialacháin

2008".

Leasú Acht na bhFiaclóirí 1985

81. Déantar an tAcht um Fhiaclóir 1985 (Uimhir 9 1985) a leasú—

[8] 75

(a) in Airteagal 2, tríd an sainmhíniú a leanas a chur isteach:

“ciallaíonn 'Rialacháin 2017' Rialacháin an Aontais Eorpaigh (Aithint

Cáilíochtaí Gairmiúla) 2017 (S.I. 8 2017);”,

(b) in Airteagal 27(2), tríd an méid a leanas a chur in ionad mhír (c):

“(c) gur aithníodh a c(h)áilíochtaí gairmiúla mar fhiaclóir faoi

Rialacháin 2017, nó",

(c) in Airteagal 30(1) tríd an méid a leanas a chur in ionad mhír (c):

“(c) gach duine ar aithníodh a c(h)áilíocht ghairmiúil mar fhiaclóir

speisialaithe faoi Rialacháin 2017”.

Leasú Acht na Lia-Chleachtóirí 2007

82. (1) Déantar Acht na Lia-Chleachtóirí 2007 (Uimhir 25 2007) a leasú—

(a) in Airteagal 2 (mar a leasaíodh ag Rialachán 3 de Rialacháin an Aontais

Eorpaigh (Aithint Cáilíochtaí Gairmiúla i dtaca le Gairmeacha an

Fhiaclóra, an Lia-Chleachtóra, Altraí agus Cnáimhsí) 2014)—

(i) tríd an méid a leanas a chur in ionad "Treoir 2005/36/CE":

“tá le 'Treoir 2005/36/CE' an bhrí a shanntar do 'Treoir' i

Rialachán 3(1) de Rialacháin 2017;" agus

(ii) tríd an sainmhíniú a leanas a chur isteach:

"ciallaíonn 'Rialacháin 2017' Rialacháin an Aontais Eorpaigh

(Aithint Cáilíochtaí Gairmiúla) 2017 (S.I. 8 2017)",

(b) i bhfo-Airteagal 7(2)(g)(i), trí 'faoi Rialacháin 2017' a chur in ionad 'a

bhronntar nó a aithnítear i mBallstáit”,

(c) in Airteagal 37(b), trí 'faoi réir Airteagal 50' a chealú,

(d) in Airteagal 38, trí na míreanna a leanas a chur in ionad míreanna (e) go

(g):

“(e) ní chleachtann an cleachtóir míochaine ach amháin ar

dhuine i gcás éigeandála, nó

(f) ní chleachtann an cleachtóir míochaine ach in aon chumasc

dálaí a shonraítear i míreanna (a) go (e).”

76 [8]

(e) in Airteagal 45 (mar a leasaíodh ag Airteagal 7 d'Acht na Lia-

Chleachtóirí (Leasaithe) 2011 (Uimhir 12 2011), trí fho-ailt (4), (5)

agus (6) a chealú,

(f) in Airteagal46(b), tríd an méid a leanas a chur in ionad fho-

Airteagal(iii)::

gur aithníodh a c(h)áilíochtaí mar lia-chleachtóir faoi

Rialacháin 2017, nó”

(g) in Airteagal47(1)—

(i) tríd an méid a leanas a chur in ionad mhír (c):

“(c) gach lia-chleachtóir ar aithníodh a c(h)áilíochtaí mar

dhochtúir speisialaithe faoi Rialacháin 2017; nó",

(ii) trí mhíreanna (d) agus (e) a chealú,

(h) in Airteagal 48(2)—

(i) trí 'náisiúnach de chuid Ballstáit' a chealú, agus

(ii) tríd an méid a leanas a chur in ionad mhír (a):

“(a) ar a i thn íodh a c (h)á i l íoch t a í m ar l i a -

ch leac h tó i r f ao i R ia l achá in 2017 ”,

(i) tríd an méid a leanas a chur in ionad Airteagal 50:

“50.— (1) Sa chás go gcomhlíonann lia-chleachtóir

riachtanais uile Chuid 4 agus Rialachán 85 de chuid Rialacháin

2017, déanfaidh an Chomhairle na nithe seo a leanas—

(a) an cleachtóir a chlárú go sealadach i Rannóg na

gCleachtóirí Cuairte AEE

(b) na sonraí a chur sa chlár maidir le ráiteas an chleachtóra

a rinneadh de bhun Rialachán 13 de Rialacháin 2017,

agus d'fhéadfaí go ndéanfadh sé an clárú sealadach sin a

chúlghairm de réir Rialachán 12(6) de Rialacháin 2017.

(2) D'fhéadfadh cleachtóir AEE fógraíocht a dhéanamh ar a

s(h)eirbhísí mar lia-chleachtóir.

(3) Ní dhéanfaidh cleachtóir cuairte AEE míochaine a

chleachtadh sa Stát ach amháin de réir ráitis a rinne an

cleachtóir faoi Rialachán 13 de Rialacháin 2017 nó i gcás

éigeandála”,

[8] 77

(j) in Airteagal78(4)—

(i) i mír (a), trí "lia-cleachtóir" a chur in ionad lia-chleachtóir,

agus”,

(ii) i mír (b), trí 'ar fionraí' a chur in ionad 'ar fionraí, agus

(iii) t r í m h í r (c) a chealú,

(k) tríd an méid a leanas a chur in ionad Airteagal 87:

“87.— (1) Cinnteoidh an Chomhairle go gcomhlíonfaidh aon oideachas

agus oiliúint míochaine riachtanais Threoir 2005/36/CE agus Rialacháin

2017.

(2) Tabharfaidh an Chomhairle fógra gan mhoill don Aire faoi aon

bheartas riaracháin a chuireann sí i bhfeidhm chun críche an ailt seo”,

(l) in Airteagal 88(2)(a), trí 'Airteagal (87)(2)' a chur in ionad 'Airteagal87'

(m) in Airteagal 89(3), trí 'Airteagal 87(3)' a chur in ionad 'Airteagal 87'.

(2) Glacfar leis gur tagairtí d'Airteagal 47(1)(c) de chuid an Achta sin tagairtí

i rialacha 4, 5 agus 6 de Rialacha Clárúcháin na Comhairle Míochaine 2011 (S.I.

417 2011) d'Airteagal 47(1)(d) agus (e) d'Acht na Lia-Chleachtóirí 2007.

Beartais Eatramhacha 83. (1) Sa chás go mbeidh iarratas déanta ar údarás inniúil sa Stát seo ag

iarrthóir, díreach roimh theacht i bhfeidhm do na Rialacháin seo, faoi Rialacháin

dá dtagraítear i Rialachán 90, leanfar de chur i bhfeidhm na Rialachán seo

amhail is nár cúlghairmeadh iad ar na nithe seo a leanas—

(a) an t-iarratas sin, agus

(b) aon achomharc a dhéanfar i leith an iarratais sin.

(2) leanfar de chur i bhfeidhm na Rialachán dá dtagraítear i Rialachán 90 in

aon ghníomh a dhéanfar i leith na nithe a leanas-

(a) iarrthóir nó gairmí nach ballstát de chuid an Aontais Eorpaigh é a

B(h)allstát baile, agus

(b) aon chúrsaí a théann i bhfeidhm ar Bhallstát nach ballstát de chuid

an Aontais Eorpaigh é, sa mhéid go mbaineann an gníomh sin leis

an mBallstát sin.

78 [8]

Rialachán 5

Sceideal 1

GAIRMEACHA RIALAITHE AGUS ÚDARÁIS INNIÚLA

A. Gairmeacha agus gníomhaíochtaí gairmiúla rialaithe ag an dlí

Colún 1 Colún 2

Gairm nó gníomhaíocht ghairmiúil Údarás inniúil

Innealtóir Cothabhála Aerárthaigh Údarás Eitlíochta na hÉireann

Ailtire Institiúid Ríoga Ailtirí na hÉireann

Seandálaí Aire na Roinne Ealaíon, Oidhreachta, Gnóthaí Réigiúnacha, Tuaithe agus Gaeltachta

Cuntais Comhlachta a iniúchadh Comhlachas na gCuntasóirí Deimhnithe Cairte Institiúid na gCuntasóirí Poiblí Deimhnithe in Éirinn Institiúid na gCuntasóirí Cairte in Éirinn Institiúid na gCuntasóirí Poiblí Corpraithe Institiúid na gCuntasóirí Cairte i Sasana agus sa Bhreatain Bheag Institiúid na gCuntasóirí Cairte in Albain

Abhchóide Comhairle Chumann Onórach Óstaí an Rí

Measúnóir Rátála Fuinnimh Foirgneamh (BER) Údarás Fuinnimh Inmharthana na hÉireann

Suirbhéir Foirgneamh

Suirbhéir Cainníochta

Cumann Suirbhéirí Cairte na hÉireann

Tá na gníomhaíochtaí seo a leanas sa tógáil faoi réir seilbh a bheith ar Theastas SafePass agus teastas inniúlachta:

Tógáil Scafall — bunúsach Scafall —ardleibhéal Scafall túir shoghluaiste Craein túir a oibriú Craein túir féinseasaimh a oibriú Crochán/comharthaíocht Ionramhálaí teileascópach a oibriú Scartaire tarracóra a oibriú Craein shoghluaiste a oibriú Craein ráillí a oibriú Dumpaire altach a oibriú Dumpaire suímh a oibriú Tochaltóir 180a oibriú Miontochaltóir a oibriú Tochaltóir 360 a oibriú Cumhdra/Bratra díon agus balla Feiltiú Dín Comharthaíocht, soilsiú agus slándáil ar bhóithre Seirbhísí faoi thalamh a aimsiú Séideadh pléascán Sláinte agus Sábháilteacht ar Oibreacha Bóithre

An tSeirbhís Oideachais Leanúnaigh agus Scileanna (SOLAS)

[8] 79

Colún 1 Colún 2

Gairm nó Gníomhaíocht Ghairmiúil Údarás Inniúil

Tá na gníomhaíochtaí a leanas sa chairéalú faoi réir seilbh a bheith ar theastas inniúlachta

Cairéalú Crochán/Comharthaíocht Ionramhálaí Teileascópach a oibriú Tarracóir/Scartaire a oibriú Craein shoghluaiste a oibriú Craein ráillí a oibriú Dumpaire altach a oibriú Dumpaire righin a oibriú Dumpaire suímh a oibriú Tochaltóir 180a oibriú Miontochaltóir a oibriú Tochaltóir 360a oibriú Lódaire tosaigh a oibriú Séideadh pléascán Maoirseacht Pléascán

Innealtóir Cairte Institiúid Innealtóirí na hEireann

Éisteolaí1

Oifigeach Sláinte Comhshaoil1

Aire Sláinte

Bithcheimiceoir Cliniciúil1 An tAire Sláinte nó, arna ainmniú faoi

Airteagal 27A den Acht um Ghairmithe Sláinte agus Cúraim Shóisialta 2005, an Bord Clárúcháin Bithcheimiceoirí Cliniciúla

Ortoptach1 An tAire Sláinte nó, arna ainmniú faoi

Airteagal 27A den Acht um Ghairmithe Sláinte agus Cúraim Shóisialta 2005, an Bord Clárúcháin Ortoptach

Coslia1 An tAire Sláinte nó, arna ainmniú faoi

Airteagal 27A den Acht um Ghairmithe Sláinte agus Cúraim Shóisialta 2005, an Bord Clárúcháin Coslianna

Síceolaí1 An tAire Sláinte nó, arna ainmniú faoi

Airteagal 27A den Acht um Ghairmithe Sláinte agus Cúraim Shóisialta 2005, an Bord Clárúcháin Síceolaithe

Diaitéiteach An Bord Clárúcháin Diaitéiteach

Teiripeoir Saothair An Bord Clárúcháin Teiripeoirí Saothair

Teiripeoir Radaíochta

Radagrafaí

An Bord Clárúcháin Teiripeoirí Radagrafaithe

Teiripeoir Urlabhra agus Teanga An Bord Clárúcháin Teiripeoirí Urlabhra agus Teanga

Ard-pharaimhíochaineoir Teicneoir Míochaine Éigeandála

Paraimhíochaineoir

Comhairle Cúraim Éigeandála Réamh-

Otharlainne

80 [8]

Múinteoir Bunscoile1

Múinteoir Iar-Bhunscoile1

Múinteoir Breis-Oideachais1

An Chomhairle Mhúinteoireachta

Fostaithe soláthraithe seirbhísí réamhscoile a oibríonn go díreach le páistí2

Aire Leanaí agus Gnóthaí Óige

[8] 81

Colún 1 Colún 2

Gairm nó Gníomhaíocht Ghairmiúil Údarás Inniúil

Príomhinnealtóir Príomhoifigeach innealtóireachta tancaeir ola, ceimiceán nó gáis leachtaithe Príomh-mháta Príomh-mháta tancaeir ola, ceimiceán nó gáis leachtaithe Oifigeach Leictrea-Theicniúil Rátáil Leictrea-Theicniúil Gach máistir, oifigeach, aicmeach agus eile dá mbíonn ag obair ar long phaisinéirí atá ainmnithe le dualgais a chur de mar atá leagtha amach sna rialacháin Gach máistir agus aicmeach ainmnithe le saindualgais a chur de a bhaineann le lastas nó le trealamh lastais ar thancaeirí ola, ceimiceáin nó gáis leachtaithe. Máistir Máistir tancaeir ola, ceimiceáin nó gáis leachtaithe Oifigeach i gCeannas ar Fhaire Loingseoireachta Oifigeach i gCeannas ar Fhaire Innealtóireachta Daoine atá ainmnithe le haon fheidhmeanna éigeandála, sábháilteachta saothair, slándala, cúram leighis agus teacht slán mar atá sainithe sna Rialacháin Daoine ar gá teastas a bheith acu de réir Rialachán III/10.4 den Choinbhinsiún Sábháilteachta. Daoine a bhfuil príomhfhreagracht orthu as lódáil, díchur, cúram le linn aistrithe, ionramháil lastais, glanadh taiscumair nó aon oibríochtaí a bhaineann le lastas ar thancaeirí ola, ceimiceáin nó gáis leachtaithe de réir an cháis. Oibreoir Raidió Aicmeach Máirneálach Inniúil Deic Aicmeach Máirneálach Inniúil Inneal Aicmeach mar chuid d'Fhaire Loingseoireachta Aicmeach mar chuid d'Fhaire Innealtóireachta Dara hInnealtóir Dara hoifigeach innealtóireachta tancaeir ola, ceimiceáin nó gáis leachtaithe Innealtóir Grád 1 iascaireacht Innealtóir Grád 2 iascaireacht Innealtóir Grád 3 iascaireacht Dara mairnéalach lán iascaireacht Dara mairnéalach teoranta iascaireacht Iascaireacht speisialta Scipéir Lán iascaireacht Scipéir Teoranta iascaireacht Oibreoir Innil mhuirí Máistir Bád Paisinéirí Cócaire Loinge

An tAire Iompair, Turasóireachta agus Spóirt

Fiaclóir/Déidlia Fiacla Altra Fiacla3

Teicneoir Cliniciúil Déidliachta Teiripeoir Ortódóntórachta

Comhairle Fiaclóireachta

82 [8]

Súileolaí Dáiliúcháin

Radharceolaí

Bord Clárúcháin na nGairmithe

Radharceolaíochta

[8] 83

Colún 1 Colún 2

Gairm nó gníomhaíocht ghairmiúil Údarás inniúil

Dochtúir/Liachleachtóir Comhairle na nDochtúirí Leighis

Maoirseoir Dorais

Garda Slándála

An tÚdarás um Shlándáil Phríobháideach

Oide Tiomána An tÚdarás um Shábháilteacht ar Bhóithre

Leachtaitheoir

Iniúchóir

An tÚdarás Éireannach um Mhaoirseacht ar Iniúchadh agus Chuntasóireachta Cumann na gCuntasóirí Dearbhaithe Cairte Cumann na gCuntasóirí Idirnáisiúnta Institiúid Cairte Cuntasóirí Bainisteoireachta Institiúid Cairte Airgeadais agus Cuntasóireachta Poiblí Institiúid Cuntasóirí Cairte i Sasana agus sa Bhreatain Bheag Institiúid Cuntasóirí Cairte in Éirinn Institiúid Cairte Cuntasóirí Cairte in Albain Institiúid Cuntasóirí Poiblí Dearbhaithe in Éirinn Institiúid Cuntasóirí Poiblí Corpraithe Dlí-Chumann na hÉireann

Cleachtóir Dócmhainneachta Pearsanta

Idirghabhálaí Faofa

Seirbhís Dócmhainneachta na hÉireann

Soláthraí Seirbhísí Maoine: • Díol maoine nach talamh. • Díol nó ceannach talaimh, beag

beann ar mhodh. • Ligean talaimh ar cíos. • Seirbhísí bainistithe maoine.

An tÚdarás Rialála Seirbhísí Maoine

Cigire Aerthimpistí Príomh-Chigire an Aonaid um Imscrúdú Aerthionóiscí le faomhadh ag an Aire Iompair, Turasóireachta agus Spóirt

84 [8]

Eolaí Míochaine1 Acadamh na hEolaíochta Cliniciúla agus an

Mhíochaine Saotharlainne nó, ar a ainmniú faoi Airteagal 27A den Acht um Ghairmithe Sláinte agus Cúraim Shóisialta 2005, An Bord Clárúcháin Eolaithe Míochaine

Gníomhaire Paitinní Gníomhaire trádmharcanna

Rialtóir Paitinní, Dearaí agus Trádmharcanna

Cógaiseoir Comhairle Chumann Cógaisíochta na hÉireann

Fisiteiripeoir Bord Clárúcháin Fisiteiripeoirí

Cnáimhseach/Cnáimhseach Chláraithe

Altra/Altra Cláraithe

Bord Altranais agus Cnáimhseachais na hÉireann

Comhairleoir Lotnaidicídí Cigire Trealamh Lotnaidicídí Dáileoir Lotnaidicídí Oibreoir/Úsáideoir Gairmiúil Lotnaidicídí

An tAire Talmhaíochta, Bia agus Mara

Oibrí Sóisialta Bord Clárúcháin Oibrithe Sóisialta

Dlíodóir Dlí-Chumann na hÉireann

Cleachtóir Tréidliachta

Altra Tréidliachta

Comhairle Tréidliachta na hÉireann

[8] 85

B. Gairmeacha agus gníomhaíochtaí gairmiúla faoi riail foras gairmiúil a

aithníonn an Stát i bhfoirm speisialta

Colún 1 Colún 2 Colún 3

Gairm nó gníomhaíocht ghairmiúil

Giorrúchán Údarás Inniúil

Teicneoir Cuntasóireachta ICAI Institiúid na gCuntasóirí Cairte in Éirinn

Teicneoir Cuntasóireachta CAT Cumann na gCuntasóirí Dearbhaithe Cairte

Innealtóir Cairte

Teicneoir Innealtóireachta Innealtóir Gairmiúil Céime Teicneoir (Innealtóireachta)

C Eng, MIEI Eng Tech IEI

A Eng, AMIEI MIEI Tech, IEI

Institiúid Innealtóirí na hÉireann

Cuntasóir Dearbhaithe Cairte

ACCA Cumann na gCuntasóirí Dearbhaithe Cairte

Cuntasóir Poiblí Dearbhaithe ICPAI Institiúid na gCuntasóirí Poiblí Dearbhaithe in Éirinn

Cuntasóir Cairte ICAI, FCA Institiúid na gCuntasóirí Cairte in Éirinn

Pleanálaí Cairte Baile MRTPI Institiúid Ríoga Pleanála Baile, Brainse na hÉireann, an Rannóg Theas

Ceimiceoir FICI, MICI Institiúid Ceimice na hÉireann

Cuntasóir Poiblí Corpraithe

IIPA Institiúid na gCuntasóirí Poiblí Corpraithe

Comhairleoir Cánach AITI Institiúid Cánach na hÉireann

Pleanálaí Baile / Spáis MIPI Institiúid Pleanála na hÉireann

86 [8]

1 Arna rialú chun críche rochtain ar fhostaíocht earnáil phoiblí amháin.

2 Faoi ré i r d íolú in t í i Rialacháin 9(5) agus (6) den Ach t um Ch ú ram Leana í 1991 (Seirbhísí Luath-

Óige) Rialacháin 2016 (S.I. Uimh. 221 de 2016).

3 . I gcás altraí fiaclóireachta a dhéanann X-gha amháin atá rialú éigeantach.

[8] 87

Rialachán 12

Sceideal 2

GAIRMEACHA INAR GÁ D'ÚDARÁIS INNIÚLA FORÁIL I

gCOMHAIR CLÁRÚ SEALADACH UATHOIBRÍOCH AR AON

DUL LE RIALACHÁN 12(2)

Ard-Pharaimhíochaine

Bithcheimiceoir Cliniciúil1

Teicneoir Fiaclóireachta

Sláinteolaí Fiacla

Altra Fiacla

Fiaclóir / Cleachtóir

Fiaclóireachta

Diaitéiteach

Súileolaí Dáiliúcháin

Dochtúir/Liachleachtóir

Teicneoir Éigeandála Míochaine

Eolaí Míochaine1 Cnáimhseach /

Cnáimhseach Chláraithe Altra /

Altra Cláraithe

Teiripeoir Saothair

Radharceolaí

Teiripeoir Órtodóntachta

Órtoptach1

Paraimhíochaine

Cógaiseoir

Fisiteiripeoir

Coslia1

Síceolaí1

Teiripeoir

Radaíochta

Radagrafaí

Teiripeoir Urlabhra agus

Teanga

Oibrí Sóisialta

1 Ar ainmniú, mar údarás inniúil, Bhord Clárúcháin na Gairme seo faoi Alt 27A den Acht um Ghairmithe

Cúram Sláinte agus Cúraim Shóisialta 2005.

88 [8]

Rialachán 15

Sceideal 3

GAIRMEACHA A bhFUIL IMPLEACHTAÍ SLÁINTE NÓ

SÁBHÁILTEACHTA POIBLÍ AGUS I nDÁIL LE CÉ NA hÚDARÁIS

INNIÚLA A D'FHÉADFADH CÁILÍOCHTAÍ GAIRMIÚLA A

SHEICEÁIL ROIMH CHÉAD SOLÁTHAR SEIRBHÍSÍ AR BHONN

SEALADACH AGUS ÓCÁIDEACH

Ard-pharaimhíochaine Seandálaí1 Éisteolaí Suirbhéir Tógála Innealtóir Cairte Bithcheimiceoir Cliniciúil Teicneoir Cliniciúil Fiaclóireachta Sláinteolaí Fiacla Altra Fiacla Fiaclóir/Cleachtóir Fiaclóireachta1

Diaitéiteach Súileolaí Dáiliúcháin Dochtúir/Liachleachtóir1 Oide Tiomána Teicneoir Éigeandála Míochaine Oifigeach Sláinte Comhshaoil Eolaí Míochaine Cnáimhseach/Cnáimhseach Chláraithe1 Altra/Altra Cláraithe1 Teiripeoir Saothair Radharceolaí Teiripeoir Órtodóntachta Órtoptach Paraimhíochaine Comhairleoir Lotnaidicidí Dáileoir Lotnaidicidí Cigire Trealamh Lotnaidicidí Úsáideoir/Oibreoir Gairmiúil Lotnaidicidí Cógaiseoir Fisiteiripeoir Coslia Síceolaí Teiripeoir Radaíochta Radagrafaí Oibrí Sóisialta Teiripeoir Urlabhra agus Teanga Altra Tréadliachta Cleachtóir Tréadliachta1

1 Maidir leis na gairmeacha seo, ní cheadaítear réamhsheiceáil ach nuair a bha in du in e t a i rb he a s

a i th in t u a tho ib r í och c á i l í oc h ta í faoi Chodanna 6 go 14.

[8] 89

Rialacháin 19, 20, 21 agus 22

Sceideal 4

LEIBHÉIL CÁILÍOCHTA FAOIN gCÓRAS GINEARÁLTA AITHINT

FIANAISE OILIÚNA

(a) dearbhú inniúlachta eisithe ag údarás inniúil sa Bhallstát baile a

ainmníodh de bhun fhorálacha reachtaíochta, rialála nó riaracháin an

Bhallstáit sin, ar na bunúis seo a leanas—

(i) cúrsa oiliúna nach cuid de theastas nó de dhioplóma é faoi chiall

leibhéal (b), (c), (d) nó (e), ná scrúdú faoi leith gan oiliúint roimh

ré, ná saothrú lánaimseartha na gairme mBallstát ar feadh trí

bliana i ndiaidh a chéile nó seal comhionann ar bhonn

páirtaimseartha le linn na 10 mbliana roimhe, nó

(ii) oideachas ginearálta bunscoile nó meánscoile, a dhearbhaíonn go

bhfuil eolas ginearálta faighte ag an sealbhóir;

(b) teastas a dhearbhaíonn gur críochnaíodh cúrsa meánleibhéil go

rathúil—

(i) atá ginearálta, arna fhorlíonadh le cúrsa staidéir nó oiliúna

gairmiúla seachas iad sin a luaitear i leibhéal (c) agus/nó an

cleachtas promhaidh nó gairmiúil atá riachtanach le cois an

chúrsa sin, nó

(ii) atá teicniúil nó gairmiúil, arna fhorlíonadh nuair is cuí ag cúrsa

staidéir nó oiliúna gairmiúla dá dtagraítear i bpointe (i) agus/nó

an cleachtas promhaidh nó gairmiúil atá riachtanach le cois an

chúrsa sin.

(c) dioplóma a dhearbhaíonn gur críochnaíodh go rathúil—

(i) oiliúint dara leibhéal seachas sin dá dtagraítear i leibhéil (d) agus

(e) a mhair bliain ar a laghad nó fad comhionann ar bhonn

páirtaimseartha, ar coinníoll iontrála dá chuid, mar riail

ghinearálta, gur críochnaíodh cúrsa dara leibhéal go rathúil atá

riachtanach le dul isteach san ollscoil nó san ardoideachas, nó gur

críochnaíodh go rathúil a chómhaith d'oideachas meánscoile

leibhéal a dó, chomh maith leis an oiliúint ghairmiúil a

d'fhéadfadh bheith riachtanach le cois an chúrsa iar-

mheánleibhéil sin, nó

(c) oideachas agus oiliúint rialaithe nó, i gcás gairmeacha

rialaithe, gairmoiliúint le struchtúr speisialta, le hinniúlachtaí

a théann thairis siúd a ndéantar foráil ina leith i leibhéal (b),

cómhaith an leibhéil oiliúna a ndéantar foráil ina leith faoi

phointe (i), má chuireann an leibhéal sin oiliúna caighdeán

gairmiúil inchomparáide agus ullmhaíonn an t-oiliúnaí le

haghaidh leibhéal inchomparáide freagrachtaí agus

feidhmeanna ar acht go bhfuil an dioplóma á thionlacan ag

teastas ag an mBallstát baile;

90 [8]

(d) dioplóma a dhearbhaíonn gur chríochnaigh an sealbhóir go rathúil

oiliúint iar-mheánleibhéil a mhair fad trí bliana ach nach mó ná

ceithre bliana, nó a chómhaith d'fhad ar bhonn páirtaimseartha, a

bhféadfadh líon coibhéiseach pointí creidmheasa ECTS a chur in iúl,

ar ollscoil nó in institiúid ardoideachais nó in institiúid eile ar leibhéal

coibhéiseach agus, nuair is cuí, gur éirigh leis nó léi an oiliúint

ghairmiúil riachtanach a chríochnú le cois an chúrsa iar-

mheánleibhéil;

(e) dioplóma a dhearbhaíonn gur chríochnaigh an sealbhóir go rathúil

cúrsa iar-mheánleibhéil a mhair ar a laghad ceithre bliana, nó fad

coibhéiseach ar bhonn páirtaimseartha, a bhféadfadh líon

coibhéiseach pointí creidmheasa ECTS a chur in iúl, ar ollscoil nó in

institiúid ardoideachais nó in institiúid eile ar leibhéal coibhéiseach

agus, nuair is cuí, gur éirigh leis nó léi an oiliúint ghairmiúil

riachtanach a chríochnú le cois an chúrsa iar-mheánleibhéil.

[8] 91

Rialachán 22

Sceideal 5

GAIRMEACHA AGUS GNÍOMHAÍOCHTAÍ GAIRMIÚLA AR GÁ

EOLAS CRUINN AR DHLÍ NÁISIÚNTA CHUN IAD A SHAOTHRÚ

AGUS, I nDÁIL LEIS SIN, AR GNÉ RIACHTANACH AGUS BHUAN É

DEN GHNÍOMHAÍOCHT GHAIRMIÚIL SOLÁTHAR COMHAIRLE NÓ

CÚNAIMH MAIDIR LE DLÍ NÁISIÚNTA

Teicneoir Cuntasóireachta

Ailtire

Idirghabhálaí Faofa

Cuntais Comhlachta a

Iniúchadh

Cuntais Phoiblí Comhlachta a Iniúchadh

Abhchóide

Measúnóir Rátála Foirgneamh (BER)

Suirbhéir Foirgneamh

Cuntasóir Dearbhaithe

Cuntasóir Poiblí Dearbhaithe

Cuntasóir Cairte

Innealtóir Cairte

Oide Tiomána

Leachtaitheoir

Gníomhaire Paitinní

Cleachtóir Dócmhainneachta

Dlíodóir

Comhairleoir

Cánach

Gníomhaire

Trádmharcanna

92 [8]

Rialacháin 72 agus 73

Sceideal 6

GAIRMEACHA AGUS ÚDARÁIS INNIÚLA LENA mBAINEANN CUID

9 (CÁRTA GAIRMÍ EORPACH)

Colún 1 Colún 2

Gairm Údarás Inniúil

Altraí freagrach as cúram ginearálta Bord Altranais agus Cnáimhseachais na hÉireann

Cógaiseoir (bunoiliúint) Comhairle Chumann Cógaisíochta na hÉireann

Fisiteiripeoirí Bord Clárúcháin Fisiteiripeoirí na hÉireann

Treoraithe Sléibhe Aire Oideachais agus Scileanna

Gníomhairí eastáit réadaigh Údarás Rialála Seirbhísí Maoine

ARNA thabhairt faoi shéala

m'oifige, 17 Eanáir 2017.

RICHARD BRUTON,

Aire Oideachais agus Scileanna.

[8] 93

NÓTA MÍNIÚCHÁIN

(Ní cuid den Ionstraim é an nóta seo agus ní iarrann bheith ina léirmhíniú

dlíthiúil)

Tugann na Rialacháin seo (1) feidhm do Threoir 2005/36/CE de chuid

Pharlaimint na hEorpa agus de chuid na Comhairle an 7 Meán Fómhair 2005, mar

a leasiagh Treoir 2013/55/AE de chuid Pharlaimint na hEorpa agus na Comhairle

an 20 Samhain 2013 agus Cinneadh Tarmligthe an Choimisiúin (AE) 2016/790 13

Eanáir 2016 (2) tugann siad lánfheidhm do Chinneadh Tarmligthe an Choimisiúin

(EU) 2015/983 an 24 Meitheamh 2015, agus (3) tugann siad feidhm d'Airteagal 49

den Chonradh um Fheidhmiú an Aontais Eorpaigh sa mhéid go mbaineann an

tAirteagal sin le haithint cáilíochtaí cógaiseora.

Déanann na Rialacháin seo aisghairm ar na Rialacháin um Aithint Cáilíochtaí

Gairmiúla (Treoir 2005/36/CE) 2008, chomh maith le líon Rialachán comhchosúil

i dtaca le gairmeacha sláinte áirithe.

Is féidir tagairt a dhéanamh do na Rialacháin seo mar Rialacháin an Aontais

Eorpaigh (Aithint Cáilíochtaí Gairmiúla) 2017.

BAILE ÁTHA CLIATH

ARNA FHOILSIÚ AG OIFIG AN tSOLÁTHAIR

Le ceannach díreach ó

FOILSEACHÁIN RIALTAIS,

52 FAICHE STIABHNA, BAILE ÁTHA CLIATH 2 (Teil:

01 - 6476834 nó 1890 213434; Fax: 01 - 6476843)

nó trí aon díoltóir leabhar.

——————

DUBLIN

PUBLISHED BY THE STATIONERY OFFICE

To be purchased from GOVERNMENT

PUBLICATIONS,

52 ST. STEPHEN'S GREEN, DUBLIN 2.

(Tel: 01 - 6476834 or 1890 213434; Fax: 01 - 6476843)

or through any bookseller.

——————

€17.78

Wt. (B32525). 305. 1/17. Essentra. Gr 30-15.