Hvernig er samspili stefnu og stjórnunar háttað hjá VÍS · 2018-10-15 · Hvernig er samspili...
Transcript of Hvernig er samspili stefnu og stjórnunar háttað hjá VÍS · 2018-10-15 · Hvernig er samspili...
Hvernig er samspili stefnu og stjórnunar háttað hjá VÍS
Elísabet Tanía Smáradóttir
Hvernig er samspili stefnu og stjórnunar háttað hjá
Vátryggingafélagi Íslands?
Elísabet Tanía Smáradóttir
Lokaverkefni til MS-‐gráðu í viðskiptafræði.
Leiðbeinandi: Dr. Runólfur Smári Steinþórsson
Viðskiptafræðideild
Félagsvísindasvið Háskóla Íslands
Júní 2016
3
Stefnumótun VÍS. Hvernig er samspili stefnu og stjórnunar háttað hjá Vátryggingafélagi Íslands? Ritgerð þessi er 30 eininga lokaverkefni til MS prófs við viðskiptafræði, Félagsvísindasvið Háskóla Íslands. © 2016 Elísabet Tanía Smáradóttir Ritgerðina má ekki afrita nema með leyfi höfundar. Prentun: Pixel Reykjavík, 2016
4
Formáli
Þessi ritgerð er lokaverkefni til meistaraprófs í Stjórnun og stefnumótun við
viðskiptafræðideild Háskóla Íslands. Vægi hennar er 30 einingar ( ECTS ).
Leiðbeinandi var Dr.Runólfur Smári Steinþórsson og þakka ég honum faglega aðstoð,
greinagóðar ábendingar og góða leiðsögn.
Starfsfólki VÍS þakka ég fyrir að gefa af sínum tíma til að svara rannsókn minni.
Sérstakar þakkir fá þeir stjórnendur sem sátu viðtal en ómetanlegt er að þeir skuli hafa
gefið mér tíma til að svara spurningum mínum á háannatíma vegna innleiðingu nýs
kerfis. Sérstakar þakkir fær Óskar Friðrik Sigmarsson deildarstjóri verkefnastofu en hann
var mér til halds og trausts jafnt innan sem utan höfuðstöðva VÍS.
Maríu Sólveigu Héðinsdóttur vil ég þakka einstaklega vel fyrir prófarkalestur og
ómetanlega hjálp. Að lokum vil ég þakka eiginmanni mínum fyrir þolinmæði og einstaka
hjálp heima fyrir en þessi ritgerð hefði orðið að veruleika án hennar. Dætur mínar fá líka
þakkir fyrir að sýna mömmu sinni skilning en ég veit að þeim hlakkar mikið til að
ritgerðinni verði skilað því þá fá þær mömmu sína aftur.
5
Útdráttur
Tilgangur þessa verkefnis var að rýna í stefnumótun VÍS og skoða tengsl stefnunnar og
stjórnunar. Árið 2011 kom nýr forstjóri, Sigrún Ragna Ólafsdóttir til starfa og hófst mikil
stefnumótunarvinna í kjölfarið. Árið 2011 var farið í mikla greiningarvinnu og var bæði
litið til innra umhverfis og þess ytra. Í byrjun árs 2012 var ný stefna kynnt og er sú stefna
enn við lýði. Mikil áhersla er lögð á stefnuna og umfang hennar er mikið í
skipulagsheildinni.
Því var lagt upp með þessa rannsókn til að skoða hvernig stefnumótunarferlið virkaði
hjá VÍS, hvernig starfsmenn upplifðu það og hvernig og hvort fræði stefnumiðaðrar
stjórnunar tengist þeirra aðferðafræði. Rannsóknarspurningarnar voru tvær, sú fyrri
hljóðar svo ,,hvernig er samspili stefnu og stjórnunar háttað hjá VÍS”? Seinni er ,,hver er
upplifun starfsmanna á stefnumótunarferli VÍS”?.
Í rannsókninni er framkvæmd tilviksrannsókn með hjálp tveggja aðferða. Eigindlegum
og megindlegum aðferðum var blandað saman og var vonin að fá ítarlegri niðurstöður
með þeim hætti.
Í eigindlega hlutanum var tekið viðtal við níu stjórnendur VÍS og þar á meðal
forstjórann Sigrúnu Rögnu Ólafsdóttir sem hóf þetta stefnumótunarferli.
Megindlegi hlutinn var spurningakönnun sem send var á alla starfsmenn VÍS en þeir
telja 218. 62% starfsmanna svaraði könnuninni víðs vegar af landinu.
Helstu niðurstöður sýna mikil tengsl eru á milli stefnu og stjórnunar hjá félaginu og að
framkvæmd stefnu sé vel ígrunduð. Flestum þykir vel staðið að ferlinu og hlutverk
starfsmanna skýrt í því. Eftirfylgni virðist með ágætum en þó mætti auka hana á
landsbyggðinni en starfsfólk þar virðist örlítið undanskilið.
6
Abstract
The purpose of this thesis is to review the strategy at VÍS and how the interaction is
between strategy and management. In the year 2011 a new chief executive officer,
Sigrún Ragna Ólafsdóttir was selected and subsequently a thorough strategic
formulation was set forth. The same year, alot of time was invested in analysing the
internal and external factors of the firm. Early in 2012 a new strategy was introduced
and is still incorporated. Great emphasis is laid upon the new strategy and plays a big
role in the whole organization. Consequently, to better understand how the strategic
implementation at VÍS turned out one would need to analyse how the employees
experienced the process and how or if the strategic science was incorporated. Two
research questions were raised: "How is the interaction between strategy and
management arranged at VÍS" and "How do employees experience the strategic process
at VÍS".
In order to approach the research questions a case study was executed. To better
support the researcher findings quantitative and qualitative methods were mixed.
Nine directors were included in the qualitative part of the research including the CEO
Sigrún Ragna Ólafsdóttir who commenced the strategic process.
All employees of VÍS were included in the quantitiatve research. Electronic
questionnaire was sent to all 218 employees, generating 62% response rate.
Main findings of the study were that there is positive interaction between
management method and strategy, and that the strategy is well pondered.
Most of the respondants find that the strategy was well implemented and the role of
the employees is important in that process. Respondants seemed to be generally
satisfied with the support and endorsment from directors. However findings showed
that employees in rural areas seemed somewhat to be neglected in the process.
7
Efnisyfirlit
Myndaskrá .................................................................................................................... 10 Töfluskrá ....................................................................................................................... 11 1 Inngangur ................................................................................................................ 12
1.1 Lýsing á viðfangsefninu .................................................................................... 12 1.2 Rannsóknarspurningar ..................................................................................... 12 1.3 Val rannsóknarefnis .......................................................................................... 12 1.4 Fyrri rannsóknir ................................................................................................ 13 1.5 Uppbygging ritgerðar ....................................................................................... 14
2 Rannsóknaraðferð ................................................................................................... 15
2.1 Tilviksrannsóknir (e. Case study) ...................................................................... 15 2.1.1 Framkvæmd tilviksrannsókna ............................................................... 16
2.1.1.1 Skýr tilgangur ................................................................................. 17 2.1.1.2 Vel útskýrt ferli .............................................................................. 17 2.1.1.3 Vel ígrunduð hönnun rannsóknar .................................................. 18 2.1.1.4 Siðferði rannsóknar ........................................................................ 18 2.1.1.5 Takmarkanir vel útskýrðar ............................................................. 18 2.1.1.6 Fullnægjandi greiningar ................................................................. 19 2.1.1.7 Niðurstöður eru fundnar á óhlutdrægan hátt ............................... 19 2.1.1.8 Niðurstöður aðlagaðar að markmiðum rannsóknarinnar .............. 19
2.1.2 Mismunandi tegundir tilvika ................................................................. 20 2.1.3 Rannsóknaraðferð valin ........................................................................ 21
2.2 Eigindlegar eða megindlegar rannsóknaraðferðir? .......................................... 21 2.2.1 Eigindlegar rannsóknaraðferðir ............................................................ 22
2.2.1.1 Framkvæmd eigindlegra rannsókna .............................................. 23 2.2.2 Megindlegar rannsóknaraðferðir .......................................................... 24
2.2.2.1 Framkvæmd megindlegrar rannsóknar ......................................... 25 2.3 Val aðferða og framkvæmd rannsóknar ........................................................... 25
3 Fræðilegt yfirlit ........................................................................................................ 28
3.1 Hvað er stefna? ................................................................................................ 28 3.2 Mótun stefnu .................................................................................................... 32 3.3 Hvað er stefnumiðuð stjórnun? ........................................................................ 34 3.4 Ólíkar aðferðir við stefnumótun ....................................................................... 35
3.4.1 Forskriftar eða birtingaraðferð? ........................................................... 38 3.5 Hvað býr í skipulagsheildinni? .......................................................................... 40
8
3.5.1 Samkeppnisforskot og kjarnafærni ....................................................... 40 3.5.1.1 Auðlindanálgun (e.Resource based view) ...................................... 41 3.5.1.2 Atvinnuveganálgun (e.Industry based View) ................................. 43 3.5.1.3 Stofnananálgun (e.Institution based view) .................................... 44
3.6 Stefnumiðuð skipulagsheild ............................................................................. 45 3.6.1 Framkvæmd stefnu ............................................................................... 45 3.6.2 Stefnukort ............................................................................................. 48 3.6.3 Skorkort ................................................................................................ 50
3.7 Hlutverk leiðtogans í innleiðingu stefnu ........................................................... 52 3.8 Fyrirtækjamenning ........................................................................................... 54
4 Vátryggingafélag Íslands ( VÍS ) ................................................................................ 55
4.1 Stefna, gildi og hlutverk VÍS .............................................................................. 56 4.2 Þróun og ferli stefnumótunar VÍS ..................................................................... 58
4.2.1 Árið 2011-‐2012 ..................................................................................... 59 4.2.2 Árið 2013 .............................................................................................. 60 4.2.3 Árið 2014 .............................................................................................. 60 4.2.4 Árið 2015 .............................................................................................. 61
4.3 Samanburður stefnumótunar VÍS við fræðin ................................................... 65
5 Niðurstöður ............................................................................................................. 68
5.1 Niðurstöður eigindlegrar rannsóknar ............................................................... 69 5.1.1 Hvað er stefna ....................................................................................... 69 5.1.2 Mikilvægi skýrrar stefnu ....................................................................... 70 5.1.3 Eign allra ............................................................................................... 73 5.1.4 Lifandi ferli ............................................................................................ 75 5.1.5 Aðgreining ............................................................................................. 76 5.1.6 Fjarlægðin skiptir máli .......................................................................... 77
5.2 Niðurstöður megindlegrar rannsóknar ............................................................. 79 5.3 Samtekt niðurstaðna ........................................................................................ 89
6 Umræður ................................................................................................................. 95
6.1 Skýr stefna – líflína skipulagsheildarinnar ........................................................ 95 6.2 Starfsmennirnir eru grunnurinn ....................................................................... 96 6.3 Við ætlum að vera best .................................................................................... 98 6.4 Góður leiðtogi er lykill að árangri ................................................................... 101 6.5 Rannsóknarspurningum svarað ...................................................................... 101 6.6 Annmarkar rannsóknar, fyrri rannsóknir og frekari rannsóknir ..................... 102
7 Lokaorð .................................................................................................................. 103 8 Heimildaskrá .......................................................................................................... 104
9
8.1 Ritaðar heimildir ............................................................................................. 104 8.2 Rafrænar heimildir ......................................................................................... 106
9 Viðaukar ................................................................................................................ 108
9.1 Viðauki 1. ........................................................................................................ 108 9.2 Viðauki 2. ........................................................................................................ 109
10
Myndaskrá
Mynd 1.Víddirnar fjórar ( Runólfur Smári Steinþórsson,2003a). ........................................... 30
Mynd 2.Stefna mótuð með forskriftarnálgun.( Lynch 2003). ........................................... 38
Mynd 3.Stefna mótuð með birtingarnálgun.(Lynch 2003). .............................................. 39
Mynd 4.Nálgunum blandað saman. (Mintzberg, 1985) ................................................... 40
Mynd 5.Atvinnuvega,auðlinda og stofnananálgun sett saman (Peng, Sun,
Pinkham, and Chen, 2009) ................................................................................... 45
Mynd 6.Hringrás stefnu í stöðugri endurskoðun.(Kaplan&Norton,2008). ....................... 47
Mynd 7. Framtíðarsýn VÍS ................................................................................................ 56
Mynd 8. Skipurit VÍS ......................................................................................................... 58
Mynd 9. Lækkun rekstrarkostnaðar vegna einföldunar, VÍS ............................................ 61
Mynd 10.Stefnuhringur VÍS .............................................................................................. 64
Mynd 11. Aðferðafræði stefnumótunar VÍS ..................................................................... 65
Mynd 12. Hringrás stefnumiðaðrar stjórnunar VÍS. ......................................................... 66
Mynd 13.Stefnumarkmið VÍS ........................................................................................... 66
Mynd 14.Mælikvarði VÍS .................................................................................................. 67
Mynd 15. Stefnukort VÍS .................................................................................................. 68
Mynd 16.Kynjasvarhlutfall ............................................................................................... 80
Mynd 17.Aldursdreifing ................................................................................................... 80
Mynd 18.Starfsaldur ......................................................................................................... 81
Mynd 19.Starfsstaða ........................................................................................................ 81
Mynd 20.Menntunarstig .................................................................................................. 82
Mynd 21.Starfsstöð .......................................................................................................... 82
Mynd 22.Hversu vel þekkiru hvað stefna er? ................................................................... 83
Mynd 23.Hversu vel þekkiru stefnu VÍS? .......................................................................... 84
Mynd 24.Hversu mikilvægt er að hafa skýra stefnu? ....................................................... 84
11
Mynd 25.Hefuru mikið um mótun stefnu VÍS að segja? ................................................... 85
Mynd 26.Hversu vel er staðið að framkvæmd stefnunnar? ............................................. 85
Mynd 27.Viltu breyta umfangi stefnumótunar hjá VÍS? ................................................... 86
Mynd 28.Er þitt hlutverk í stefnumótunarstarfi VÍS skýrt ? ............................................. 86
Mynd 29.Skilar þitt vinnuframlag árangri sem styður við lykilverkefnin? ........................ 87
Töfluskrá
Tafla 1.Kóðar fyrir þema 1. ............................................................................................... 70
Tafla 2.Kóðar fyrir þema 2 ................................................................................................ 72
Tafla 3.Kóðar fyrir þema 3 ................................................................................................ 75
Tafla 4.Kóðar fyrir þema 4 ................................................................................................ 76
Tafla 5.Kóðar fyrir þema 5 ................................................................................................ 77
Tafla 6.Kóðar fyrir þema 6 ................................................................................................ 79
Tafla 7.Meðaltal og staðalfrávik lýsandi spurninga. ......................................................... 88
Tafla 8. Fylgni og marktækni lýsandi spurninga. .............................................................. 88
Tafla 9.Krosstafla. Hversu mikið hefur þú um stefnu VÍS að segja. .................................. 91
Tafla 10.Krosstafla. Hvernig er staðið að framkvæmd stefnu VÍS? .................................. 92
Tafla 11.Krosstafla. Er þitt hlutverk skýrt í stefnumótun VÍS? .......................................... 93
Tafla 12.Krosstafla. Stuðlar þitt vinnuframlag að árangri í lykilverkefnum VÍS? .............. 94
12
1 Inngangur
1.1 Lýsing á viðfangsefninu Tilgangur rannsóknarinnar var að skoða hvernig samspili stefnu og stjórnunar er
háttað hjá Vátryggingafélagi Íslands, VÍS hér eftir.
Þegar nýr forstjóri , Sigrún Ragna Ólafsdóttir, tók við árið 2011 urðu miklar
áherslubreytingar á stefnumótun félagsins. Mikil greiningarvinna fór af stað og voru allir
starfsmenn þátttakendur. Í byrjun árs 2012 var ný stefna innleidd og var hún sett til
fimm ára eða til 2017. Hún hefur tekið breytingum en undirstöðuþættir hennar eru þeir
sömu.
Áhugi rannsakanda á viðfangsefninu kviknaði eftir að hafa unnið tvö verkefni í
meistaranáminu um VÍS og fengið um leið viðtöl við forstjórann, Sigrúnu Rögnu ásamt
tveimur samstarfmönnum hennar. Sýn hennar á mikilvægi skýrrar stefnu heillaði
rannsakanda mikið enda stefnumótun ávalt verið ofarlega í áhugasviði þar. Hins vegar
var það hvernig þau lístu ferlinu og öllu því sem snýr að mótun og framkvæmd
stefnunnar sem varð til þess að ég vissi að mig langaði að rannsaka það enn frekar. Var
það því ákveðið í samráði við Sigrúnu Rögnu að rannsóknin yrði lögð fyrir og var Óskar
Friðrik Sigmarsson fenginn til að vera tengliliður.
1.2 Rannsóknarspurningar Til að afmarka rannsóknina var ákveðið að skoða stefnumótunina út frá því hversu vel
stjórnun VÍS styður við stefnuna. Einnig var leitað eftir hver upplifun starfsmanna væri á
stefnumótunarferlinu.
Rannsóknarspurningarnar eru því tvær:
1. Hvernig er samspili stefnu og stjórnunar háttað hjá VÍS?
2. Hver er upplifun starfsmanna á ferli stefnumótunar?
1.3 Val rannsóknarefnis Stefnumótun má telja öllum fyrirtækjum mikilvæg. Að þrífast í síbreytilegu og kviku
umhverfi er veruleiki stjórnenda og er því skýr stefna ein helsta leiðin til að mæta því.
Skilvirkni stefnumótunar í skipulagsheildum skiptir gríðarlegu máli. Framkvæmd eða
13
innleiðing stefnunnar er þó ekki síður mikilvæg ef ekki mikilvægari (Kaplan & Norton ,
2008).
Með þessar fullyrðingar í huga vildi rannsakandi kafa dýpra í þann hafsjó af fræðum og
kenningum um stefnumótun. Stefnumótun er vítt hugtak og er það eitt af þeim sem
fellur undir stefnumiðaða stjórnun (e. strategic management). Hvað er þá stefnumiðuð
stjórnun? Hvað er stefna? Þessu og fleira til verður svarað í fræðilega hlutanum.
1.4 Fyrri rannsóknir Til er mikið af rannsóknum og greinum sem skrifaðar hafa verið um stefnumótun
fyrirtækja. Bæði hafa fræðimenn og ýmsir meistaranemar skrifað um málefnið.
Þar sem þessi rannsókn beinist að einu fyrirtæki var því ekki við hæfi að skoða þær
sem beindust að heilum iðnaði eða fræðunum yfir höfuð. En hér fyrir neðan má finna
tvær rannsóknir sem þóttu áhugaverðar og tengjast rannsóknarefninu.
Rannsókn ein birtist í Þjóðarspeglinum 2012 og höfundar eru Börkur Grímsson og
Snjólfur Ólafsson. Rannsókn þeirra var gerð til að athuga hvort skipulagsbreyting sem
var gerð 2007 á Símanum hafi haft áhrif á innleiðingu og framkvæmd stefnu Símans. Var
þá leitað eftir að finna hvaða þættir sem orsakast af skipulagsbreytingunni hefðu áhrif á
framkvæmd stefnunnar og hvaða leiðum var beitt til að styðja við framkvæmdina.
Rannsóknin var byggð á 9 hálfopnum viðtölum. Helstu niðurstöður leiddu í ljós að
skipulagsbreytingarnar höfðu mikla þýðingu fyrir framkvæmd stefnunnar. Í kjölfar
breytinganna var skipaður nýr forstjóri sem reyndist mikill leiðtogi og náði að skapa
sameiginlega framtíðarsýn og styðja við fyrirtækjamenningu sem hafði jákvæð áhrif á
framkvæmd stefnunnar.
Önnur rannsókn eftir Guðrúnu S. Ólafsdóttir þótti rannsakanda mikilvægt að skoða.
Sú rannsókn fjallar um innleiðingaferli á nýrri stefnu Landsbankans og er tímabilið
afmarkað við 2010-‐2012. Framkvæmd var bæði eigindleg og megindleg rannsókn.
Markmið hennar með rannsókninni var að varpa ljósi á hvort stefnan væri að skila þeim
árangri sem vonast var eftir , hvernig innleiðingin væri gegn starfsfólki og hvort tenging
væri við fræðin. Helstu niðurstöður leiddu í ljós að vel hafði gengið að innleiða stefnuna
14
með hjálp lykilstarfsmanna og leiðtogum sem leiddu innleiðingu og eftirfylgni. Tenging
þótti vera við fræðin.
1.5 Uppbygging ritgerðar Í upphafi verður farið yfir rannsóknaraðferðirnar sem notaðar voru. Í þeim kafla
verður rýnt í fræði um tilviksrannsóknir og eigndlega og megindlega aðferðafræði. Næsti
kafli er um fræðileg hugtök sem tengjast rannsókninni. Næsti kafli fjallar um
viðfangsefnið eða VÍS og farið yfir sögu félagsins og aðferðafræði stefnumótunar. Þar
næst koma niðurstöður en sá kafli er þrískiptur. Í fyrsta lagi eru það niðurstöður
eigindlegrar rannsóknar. Næst eru kynntar niðurstöður spurningakönnunar og að lokum
eru niðurstöður dregnar saman. Að því loknu er umræðukafli og lokaorð.
15
2 Rannsóknaraðferð
Rannsóknaraðferðin sem varð fyrir valinu var tilviksrannsókn (e. case study) og var hún
gerð til að greina raundæmið til hlítar.
Í fyrri hluta þessa kafla verður farið yfir hvað slík rannsókn er og hugtökin sem henni
fylgja. Einnig er hentugleiki tilviksrannsókna listaður upp sem og hvers vegna hún var
valin að þessu sinni. Fræði eigindlegra og megindlegra aðferða er næsta umfjöllunarefni
og verður farið ítarlega yfir hvað þær rannsóknir standa fyrir. Gerð er grein fyrir
ástæðum vals á rannsóknaraðferðum. Einnig verða tilgreindir kostir og gallar hverra
rannsóknaraðferða.
Seinni hluti fjallar um skref rannsóknarinnar, ítarlega lýsingu á henni auk þess sem
vinklar hennar verða listaðir upp.
2.1 Tilviksrannsóknir (e. Case study) Tilviksrannsókn fjallar ítarlega og vandlega um þætti af einstaka tilviki. Tilviksrannsókn
inniheldur því raunverulega staðsetningu og breytileika þess tilviks sem rannsakað er.
Tilviksrannsóknir geta verið um ákveðið samfélag, skóla, persónu, fjölskyldu , fyrirtæki
eða atburð (Bryman, 2012).
Þrátt fyrir að tilviksrannsóknir henti sérstaklega vel til að rannsaka einstaka tilvik , til
dæmis eina skipulagsheild, þá má einnig nota hana til að skoða margar skipulagsheildir
en þá kallast rannsóknin samanburðar tilviksrannsókn (Ghauri og Grønhaug , 2010).
Tilviksrannsókn hentar með lýsandi (e. Explanatory) , skírandi (e. Descriptive) og
könnunarlegum (e. Exploratory) aðferðum líkt og aðrar rannsóknaraðferðir. Talið var að
tilviksrannsóknir hentuðu best eða jafnvel eingöngu í könnunarlegar rannsóknir ,Cooper
og Schindler (2011) segja það þó ekki vera og hugmyndir um slíkt sé vegna reynsluleysi
af slíkum rannsóknum (Cooper & Schindler, 2011).
Yin (2009) skilgreinir tilviksrannsóknir sem fræðilega og raunverulega úttekt á
ákveðnu tilviki í raunverulegu samhengi þar sem tengsl tilviks og aðstæðna er ekki
augljós og margvísleg gagnaöflun er notuð. Einnig segir hann að með tilviksrannsóknum
megi kafa djúpt í það ákveðna tilvik og skoða ákvarðanir við þetta tilvik. Betra reynist
16
samkvæmt Cooper & Schindler (2011) að varpa ljósi á ákveðið tilvik frá mörgum
sjónarhornum í raunverulegu samhengi með tilviksrannsókn heldur en öðrum
rannsóknaraðferðum.
Ghauri og Grønhaug (2010) benda á að tilviksrannsókn sé lýsing á stjórnunarlegum
aðstæðum og að munnlegar heimildir, persónuleg viðtöl og aðhugun séu megin aðferð
til gagnaöflunar.
Því víðara sem sem sviðið er á tilviksrannsókninni þeim mun líklegra er að
rannsakandi finni mynstur og útskýringar sem ekki var búist við og jafnvel ekki var leitað
að. Að því leyti er slík aðferð góð til að þróa kenningu. Til að ná því fram er best að beita
margvíslegum rannsóknaraðferðum við tilviksrannsóknina. Með því móti má einnig nota
styrkleika einnar aðferðar til að bæta upp veikleika annarrar (Cooper & Schindler 2011).
Tilgangur og framkvæmd tilviksrannsókna innan félagsfræðinnar hljóta oft þá
gagngrýni að ekki sé hægt að nota þær til þess að búa til eða sannreyna kenningar þar
sem niðurstöður sé ekki hægt að alhæfa. Hins vegar er sú aðferð afar hjálpleg þegar
þróa á kenningar þar sem hún hentar einstaklega vel til að svara spurningum eins og ,,af
hverju" og ,, hvernig ".
Góð tilviksrannsókn byrjar á vandamáli eða viðfangsefni sem ekki er hægt að útskýra,
er ekki nægilega vel útskýrt eða tilfelli sem er útskýrt á mismunandi hátt, jafnvel með
þversögn. Tilgangur tilviksrannsókna er því að skilja raunverulega viðfangsefnið og nýta
gagnaöflunina til að leggja fram nýjar skýringar og fræðilegar niðurstöður. Þó ekki sé
hægt að alhæfa niðurstöður á allt þýðið þá má alhæfa fræðilega niðurstöðu. (Cooper &
Schindler 2011).
2.1.1 Framkvæmd tilviksrannsókna
Niðurstöður tilviksrannsókna eru stundum sagðar hlutdrægar og án efa eru margar
slíkar til, þar sem vafasamar aðferðir eru nýttar til gagnaöflunar, gögnin greind á
óþekktan hátt og óskýrt er greint frá niðurstöðum.
Þetta er þó því miður einnig raunin af rannsóknum sem eru framkvæmdar með
öðrum aðferðum. Það er ekki aðferðin rannsóknarinnar sem ákveður gæði hennar
heldur er það framkvæmdin. Framkæmdin á tilviksrannsókn veltur mikið á hvernig kostir
17
hennar eru nýttir og hversu nákvæm hún er. Samkvæmt Cooper & Schindler (2011) eru
níu þættir sem stuðla að góðri framkvæmd á tilviksrannsókn.
• Tilgangur skýr
• Ferli rannsóknar vel útskýrt
• Hönnun rannsóknar vel ígrunduð
• Fyllsta siðferðis gætt
• Takmarkanir rannsóknar vel útlistaðar
• Fullnægjandi greiningar
• Niðurstöður kynntar óhlutdrægar
• Niðurstöður aðlagaðar
2.1.1.1 Skýr tilgangur Til að tilgangur rannsóknar sé vel skýrður þarf að ígrunda vel hvers vegna þetta tilvik sé
til rannsóknar og hvað á virkilega að rannsaka við það. Best er að vera eins nákvæmur
og hægt er þegar ákveða á hlutverk rannsóknar.
Mikilvægt er að lista vel upp tilgátur rannsakanda eða hvernig útkomu hann væntir
enda hefur það mikil áhrif á hvaða viðmælendur verða fyrir valinu og hvaða spurningar
eru lagðar fram og hvaða gögn eru skoðuð. Ekki skiptir máli þó að tilgátur eða útkoma
sem vænst var verði ekki raunin eftir gagnaúrvinnslu. Það er í raun merki um góða
rannsókn þegar tilgátur eru vel skýrðar í byrjun en að lokum leiðir rannsókn annað í ljós
og þær niðurstöður eru þá vel útskýrðar (Cooper & Schindler 2011).
2.1.1.2 Vel útskýrt ferli Ítarleg lýsing á ferli rannsóknar eykur trúleika hennar þar sem lesandi á auðveldara með
að skilja hana.
Rétt eins og í öðrum rannsóknaraðferðum, þar sem nákvæm grein er gerð fyrir
þýðinu sem er notað, nálguninni og öðrum mikilvægum þáttum er slíkt hið sama gert í
tilviksrannsóknum þar sem rannsakandi útskýrir vel hvaða gagna var aflað og hvernig.
Það þýðir að þeir viðmælendur sem koma að rannsókn, þau gögn sem eru send og aflað
eru vandlega útskýrð til hlítar.
18
2.1.1.3 Vel ígrunduð hönnun rannsóknar Miklu skiptir að rannsakandi viti hvað hann ætli að fá út úr viðmælendum sínum eða
gögnum sem hann aflar. Ef hann leggur upp í rannsóknina með illa hugsaðar væntingar
má búast við að upplýsingar sem aflast verði síður en svo mikilvægar eða í takt við
rannsóknina. Þátttakendur í rannsókn geta ekki gert þetta sjálfir, rannsakandinn verður
að hugsa vel hvernig hann ætlar að ná þeim upplýsingum fram sem vænst er.
Tilviksrannsóknir bjóða upp á margvíslega gagnaöflun og því er mikilvægt að hugsa
hvaða gögn eru mikilvæg og hvernig eigi að ná í þau.
Einnig er gott að rannsakandi vinni gögnin sín vel, hafi vel útskýrt hvernig þau voru
unnin og hafi vinnuna gegnsæja. Með því er auðveldara fyrir aðra að endurtaka
rannsóknina síðar og fá sömu eða aðrar niðurstöður.
2.1.1.4 Siðferði rannsóknar Líkt og með önnur rannsóknarsnið þarf rannsakandi að gæta fyllsta siðferðis í
rannsóknarstarfi sínu. Hægt er að setja helstu siðerðisreglurnar í tvo leiðarvísa.
Sá fyrri er að rannsakandi verður að passa upp á að réttur þátttakenda brjóti ekki í
bága við eigin aðgerðir eða við rannsóknina sjálfa. Þagnarskylda er mikilvæg þar sem oft
koma mikilvægar upplýsingar fram í tilviksrannsóknum. Þannig er mikilvægt að halda
trúnaði við samvinnuaðila svo úrvinnsla gagna og skýrslan leki ekki til samkeppnisaðila.
Af þessari ástæðu getur þagnaréttur verið í hættu í tilviksrannsóknum
Sá seinni er að rannsakandi hafi ávallt heiðarleikann að leiðarljósi við úrvinnslu gagna
og hafi ávallt í huga að niðurstöður hans verði þær sömu eða líkar niðurstöðum sem
annar rannsakandi fengi ef hann væri að vinna að sömu rannsókn.
2.1.1.5 Takmarkanir vel útskýrðar
Í öllum rannsóknum ætti að útlista takmarkanir. Með takmörkunum er átt við þær
hömlur sem kunna að vera til staðar í rannsókninni. Voru til dæmis öll gögn aðgengileg?
Eða voru allir viðmælendur sem óskað var eftir lausir?
Rannsakandi verður að gera grein fyrir öllum vafa sem hann telur að hafi á einhvern
hátt áhrif á upplýsingarnar sem aflað verður. Með því móti eykst nýtni rannsóknar
einnig því niðurstöður eru lagðar fram án alhæfingar fyrir þetta ákveðna tilvik.
19
2.1.1.6 Fullnægjandi greiningar
Með tilviksrannsókn má nota megindlega aðferðafræði sem er áhrifarík leið til að greina
upplýsingar. Það er þó langt frá því að vera eina leiðin því samanburður og tímaflokkun
eru til að mynda aðferðir sem einnig má nýta.
Þó hafsjór möguleika standi til boða í tilviksrannsóknum þá reynist það rannsakanda
oft erfitt því aðferðin að greina reynist enn óljós.
Áður en sérstök greiningarleið er ákveðin er mikilvægt að setja fram leiðarvísi. Til að
útbúa hann þarf að skoða hvort rannsóknin sé lýsandi eða með könnunarsniði og til þess
þarf að hugsa um markmiðið. Er rannsakandi að leitast eftir að byggja upp nýjar
kenningar? Eða er hugmyndin að uppgötva og greina gögn til að geta lagt fram
fræðilegar tilgátur?
2.1.1.7 Niðurstöður eru fundnar á óhlutdrægan hátt
Í góðri tilviksrannsókn eru niðurstöður lagðar fram án hlutdrægni. Siðferðið vegur þungt
og hunsa þarf tilfinningar eða hugsanir sem rannsakandi kann að hafa jafnt sem
fyrirfram ákveðnar tilgátur.
Einnig er mikilvægt að lesandi geti á einfaldan hátt áttað sig á aðalatriðum
rannsóknarinnar. Til þess þarf rannsakandi að reyna að setja niðurstöður fram á
skilyrðislausan hátt og ef einhverjar niðurstöður eru skilyrtar þarf að taka það skýrt
fram. Til að ekki sé of mikið magn af niðurstöðum og erfitt sé að lesa hvað virkilega
skiptir máli þarf rannsakandi að vera nákvæmur og með skýra sýn á hvaða niðurstöðum
var leitað eftir. Gott getur verið að nota myndir og töflur sem auðvelda lestur og skilning
niðurstaðna.
2.1.1.8 Niðurstöður aðlagaðar að markmiðum rannsóknarinnar
Auðvelt getur reynst að fá margsvíslegar niðurstöður og gleyma rammanum sem
rannsóknin er innan. Þegar niðurstöður liggja fyrir verður að aðlaga þær að rammanum
svo niðurstöður nái ekki langt út fyrir rannsóknarviðfangsefnið.
Ekki má gleyma að niðurstöður tilviksrannsókna er ekki hægt að alhæfa á allt þýðið
heldur eingöngu á þetta einstaka tilfelli. Því verður verður að fara varlega í að yfirfæra
niðurstöðurnar á önnur dæmi.
20
Tilviksrannsóknir henta einstaklega vel til að rannsaka viðfangsefni á viðskipta-‐ og
vísindasviði þar sem niðurstöður geta gefið innsýn í hvers vegna ákveðin ferli virka eins
og þau virka og hvað þarf til að fá hluti til að fara í þá átt sem er óskað eftir. Hins vegar
er þetta eingöngu raunin ef rannsóknin er framkvæmd vel. Illa framkvæmdar
tilviksrannsóknir valda helstu fordómum í garð aðferðarinnar (Cooper & Schindler
2011).
2.1.2 Mismunandi tegundir tilvika
Hægt er að skipta tilviksrannsóknum upp til að átta sig á hvernig er best að rannsaka
viðfangsefnið. Samkvæmt Yin (2009) má greina fimm mismunandi tegundir af tilvikum:
• Tvísýnt tilvik (e. Critical case) Hér má sem dæmi nefna þegar Festinger et al
(1956) rannsakaði heimsendir sem átti samkvæmt ákveðnum trúarhópi að skella
á. Þegar það svo gerðist ekki þá gat hann rannsakað hvernig fólk brást við
brostnum væntingum.
• Óvenjulegt eða einstakt tilvik (e. Extreme or unique case) Slík tilvik eru algeng í
klínískum rannsóknum og beinist þá rannsóknin að sjaldgæfum þáttum.
• Skýrandi tilvik (e. Representive or typical case) Tilvik sem þessi eru hugsuð til að
rannsaka það sem er í daglegu umhverfi en í víðara samhengi.
• Umbreytinga tilvik (e. Revelatory case) Hér gefst rannsakanda tilefni til að
rannsaka fyrirbæri sem voru áður óaðgengileg til vísindalegra prófana.
• Langtíma tilvik (e. Longitudinal case) Þetta hentar vel þegar rannsaka á á tveimur eða fleiri tímabilum og að hægt sé að rannsaka það yfir tíma.
Hvert tilfelli getur falið í sér blöndu af þessum tegundum og þannig getur eitt
viðfangsefni verið til að mynda bæði mjög mikilvægt og einstakt á sama tíma (Bryman ,
2012).
Einnig skiptir Yin (1994) tilviksrannsóknarsniði upp í fjóra flokka og fer það eftir
hvernig tilvik um ræðir í hvaða flokk það fer. Flokkarnir fjórir eru:
• Týpa 1. Heildrænt (e. Holistic)/ einstakt snið (e.Single)
21
• Týpa 2. Inngróið (e.Embedded)/ einstakt snið
• Týpa 3. Heildrænt / margfalt snið (e.Multible)
• Týpa 4. Inngróið / margfalt snið
Megin munur er gerður á einstaka og margföldu rannsóknarsniði og er því best að
ákveða snemma í ferlinu hvort eigi að nota. Einstakt snið er hentugt þegar tilvikið er
tvísýnt (e.Critical) og við viljum nota það til að prófa kenningar. Það kallast tvísýnt tilvik
þegar það mætir öllum þörfum sem þarf til að staðfesta, ögra eða bæta við kenninguna.
Einstakt snið hentar einnig með tilvikum sem eru óvenjuleg eða einstök og einnig með
umbreytingatilvikum. Margfalt snið er talið hentugara með tilvikum sem ekki eru talin
sjaldgæf, tvísýn eða umbreytingaleg (Yin ,1994).
2.1.3 Rannsóknaraðferð valin Að gera tilviksrannsókn kann að hljóma einfaldara en aðrar aðferðir en það er þvert á
móti. Til að rannsóknin verði fullnægjandi þarf að gera margvíslegar prófanir og
sveigjanleiki aðferðarinnar er bæði kostur og galli þar sem auðvelt reynist að gleyma sér
í endalausum prófunum í stað þess að ákveða á skilvirkan hátt hvaða aðferðir verða
nýttar (Cooper & Schindler 2011).
Eigindlegar rannsóknir hafa verið mikið tengdar við tilviksrannsóknir og hafa
fylgjendur slíkra rannsókna oftast kosið þá aðferð vegna þess að þær þykja sérstaklega
gagnlegar til að fá nákvæmar og gagnlegar upplýsingar og gefa mikla nánd. Þrátt fyrir
það eru tilviksrannsóknir hentugur vettvangur fyrir bæði megindlegar og eigindlegar
rannsóknaraðferðir (Bryman ,2012). Heppilegt getur því verið að nota báðar aðferðir
enda eigindlegar rannsóknaraðferðir hugsaðar til fanga einkenni og eðli einhvers meðan
megindlegar skoða meira magnið (Maanen , Dabbs & Faulkner, 1982).
2.2 Eigindlegar eða megindlegar rannsóknaraðferðir? Mikill munur er á hugmyndafræði eigindlegra og megindlegra rannsóknaraðferða þar
sem önnur hefur fyrirfram ákveðnar hugmyndir um útkomu og vegur, telur og mælir á
meðan hin metur niðurstöðurstöður út frá tilfinningum, orðasamböndum, umhverfi og
þróar þannig skilning á viðfangsefninu. Þegar kemur að því að velja hvaða
22
rannsóknaraðferð skal nota til að framkvæma rannsókn, tilviksrannsókn í þessu tilfelli,
getur reynst erfitt að finna hver hentar best. Engin ein aðferð er rétt eða röng en velja
þarf aðferð eftir hrntugleika viðfangsefnisins (Silverman, 2010). Gott getur verið að
spyrja sig eftirfarandi spurninga til að ákveða hvaða aðferð skal nota:
• Hvert er viðfangsefni rannsóknar?
• Er rannsóknin könnunarleg, lýsandi, orsakabundin eða spádómur?
• Hvert er markmiðið með rannsókninni? Hvernig útkomu er vonast eftir?
• Hvernig upplýsingar þarf að nálgast og hvaða upplýsingar eru nú þegar
aðgengilegar?
Þrátt fyrir að þessum spurningum sé svarað á sama hátt geta mismunandi
rannsakendur valið ólíkar aðferðir þrátt fyrir að hafa verið með sömu svör. Það er nær
ómögulegt að ákveða hvaða snið hentar hverju sinni og er það í raun ekki það sem
skiptir mestu máli, heldur er það hversu vel rannsóknin er framkvæmd eins og talað var
um hér fyrir framan (Cooper & Schindler 2011 ).
2.2.1 Eigindlegar rannsóknaraðferðir Creswell (1998) segist hugsa um eigindlegar rannsóknir sem margbrotið efni sem er
samsett af mörgum þráðum, er marglitt, með ólíkri áferð og úr ýmsum tegundum af
efnisviði. Þetta efni er ekki útskýrt á einfaldan hátt og líkt og hver þráður í þessu efni er
vafinn þá er allsherjar beinagrind sem heldur eigindlegri aðferðafræði saman.
Rossman og Rallis (1998) nefna nokkur mikilvæg einkenni eigindlegra rannsókna :
• Eigindlegar rannsóknir bjóða uppá nánd. Rannsóknin fer oft fram í
raunverulegu umhverfi þátttakanda, heimili hans eða skrifstofu. Gefur þetta
rannsakanda tækifæri til að fá ítarlegri innsýn á þátttakanda.
• Eigindlegar rannsóknir bjóða uppá margskonar aðferðir við gagnaöflun sem
eru bæði víxlverkandi og mannúðlegar. Opnar kannanir, viðtöl og fyrirliggjandi
gögn eru algengustu formin til gagnaafla en með tæknivæðingu hefur margt
23
bæst við líkt og tölvupóstar, hljóðupptökur, minnisbækur og myndir svo
eitthvað sé nefnt.
• Eigindlegar rannsóknir bjóða upp á útvíkkun fremur en þröngan ramma.
Spurningarnar geta breyst eftir því sem rannsakandi lærir betur hvern á að
spyrja og að hverju. Þannig getur rannsóknarspurningin einnig breyst sem og
aðgengi að gögnum.
• Eigindlegar rannsóknir snúast að mestu leyti um túlkun þar sem rannsakandi
túlkar gögnin sem hann safnar. Það þýðir að það þarf að sía gögnin, túlka þau,
búa til þemu og kóða og að lokum leggja fram tilgátur út frá þeim.
• Eigindlegi rannsakandinn nálgast félagsleg fyrirbæri á heildrænan hátt sem
útskýrir hvers vegna slíkar rannsóknir virka svo stórar og yfirgripsmiklar
fremur en örgreindar.
• Eigindlegar rannsóknir endurspegla rannsakandann og hafa skoðanir, gildi, trú
og persónuleiki áhrif á rannsóknina. Þannig verður erfitt að greina á milli
rannsakandans og hans persónulega sjálfs. Það hefur áhrif á heiðarleika
rannsóknarinnar og verður hún lituð af gildum rannsakanda.
• Eigindlegi rannsakandinn nýtir margskonar leiðir í röksemdarfærslu sinni. Að
mestu leyti er röksemdarfærslan aðleidd en þó eru bæði aðleiðsla og afleiðsla
í ferlinu.
• Eigindlegi rannsakandinn velur að lokum eina eða fleiri leiðir til að
framkvæma rannsóknina (Creswell, 2003).
Kostir þess að nota eigindlega aðferðafræði í tilviksrannsóknum er að mismunandi
sjónarhorn koma oftast fram og þær einfalda skilninginn á hvernig og afhverju hlutir
gerast (Simons, 2009).
2.2.1.1 Framkvæmd eigindlegra rannsókna
Sú aðferð sem er oftast notuð í eigindlegum rannsóknum er að taka viðtöl. Viðtölin geta
verið formleg (e.Structured) eða óformleg (e.Un-‐structured). Í eigindlegum rannsóknum
er yfirleitt stuðst við hálf formleg (e.Semi-‐structured) eða óformleg viðtöl.
Formleg viðtöl eru sérstaklega hentug ef markmiðið er að útskýra eða lýsa
viðfangsefninu en þau gefa ekki möguleika á að kanna það frekar þar sem spurningar og
24
svör eru fyrirfram ákveðin af rannsakanda. Til að kanna viðfangsefni þarf viðtalið að vera
hálf formlegt eða hálf opið en þannig fær viðmælandinn möguleika til að breyta um
stefnu í viðtalinu og koma jafnvel með nýjar hugmyndir og frekari rannsóknarefni á
yfirborðið sem rannsakanda hafði ekki fyrr dottið í hug. Í hálf formlegum viðtölum er
rannsakandi með spurningalista en nýtir hann meira sem leiðarvísi og gátlista til að
athuga hvort viðmælandi hafi svarað þeim spurningum sem brunnu á honum. Með því
móti má koma með nýjar spurningar jafnóðum eftir því hvernig viðmælandi svarar og fá
jafnvel nýja sýn á rannsóknarefnið (Cooper & Schindler 2011 ).
Greining og samanburður aflaðra gagna er mikilvægt í hverslags
rannsóknaraðferðum. Kóðun er algeng leið til þess að greina eigindleg gögn og með því
móti eru svörin sett í ákveðna flokka. Fyrsta skrefið er að lista upp kóðum og er engin
ein heilög regla um það hversu margir þeir eiga að vera heldur fer það eftir
viðfangsefninu hverju sinni (Ghauri og Grønhaug , 2010).
2.2.2 Megindlegar rannsóknaraðferðir
Öfugt við eigindlegar rannsóknaraðferðir fást megindlegar aðferðir við að mæla, sjá
hversu mikið um ræðir fremur en um hvað. Með megindlegum aðferðum má mæla
samband eða fylgni milli breytna, fá með því mælanleg gögn og með þeim er hægt að
leitast við að fá niðurstöður. Algengasta leiðin til þessa er að leggja fram
spurningakönnun (Creswell, 2003).
Megindleg aðferð hentar vel þegar óskað er eftir yfirliti af heildinni, þá geta
staðalfrávik og meðaltal gefið góða sýn þeirra eiginleika sem eru flestir í hópnum
(Sigurlína Davíðsdóttir , 2013).
Spurningakönnun gefur af sér mælanlega lýsingu á venjum, hegðun eða skoðunum
hjá því þýði sem um ræðir. Megin tilgangur með megindlegum aðferðum er það að
kanna áhrif einnar breytu á aðra með fullri stjórn á öllum þáttum. Sem dæmi um
stjórnun á þáttum er þegar úrtaki er skipt í hópa, annar hópurinn fær meðferð en hinn
ekki, þá er hægt að útiloka hvort það var meðferðin eða persónuleiki einstaklinganna í
hópnum sem hafði áhrif á niðurstöðuna (Creswell , 2003).
25
2.2.2.1 Framkvæmd megindlegrar rannsóknar
Eins og áður kom fram er spurningakönnun algengasta form megindlegra rannsókna
(Creswell, 2003).
Þegar hanna á spurningakönnun er vert að hafa ýmsa þætti í huga sem stuðla að
skilvirkri og réttmætri svörun.
Til að byrja með þarf að velja úrtak úr þýðinu sem á að rannsaka og þarf að vanda
það vel. Ef vel er staðið að valinu og brottfall ekki mikið er talað um að hægt sé að
yfirfæra niðurstöðurnar yfir á allt þýðið. Til að hægt sé að komast að niðurstöðu og
nálgast svör við rannsóknarspurningum þarf að hafa spurningar sem veita innsýn í
eiginleika þátttakendanna. Þá eru spurningar líkt og aldur, kyn, búseta og fleira lagðar
fram til að afla þessara upplýsingar. Þegar þessar upplýsingar ásamt þeim sem snúa að
viðfangsefninu er komnar má bera þær saman með tölfræði og finna þar með hvort ein
breyta hafi áhrif á aðra, til dæmis hvort viðhorf til stjórnar sé ólíkt miðað við kyn eða
aldur. Tölfræðilegu upplýsingarnar gefa svo hugmynd um réttmæti niðurstaðna og hvort
þær séu líklegar til að standast frekari prófun. Að lokum er hægt að gera
aðhvarfsgreiningu til að finna orsakasamband en erfitt getur annars verið að sýna fram á
það þó tengslin hafi fundist. Ef um langtímarannsókn er að ræða er vissara að kanna
forspá þar sem líklegt er að sömu einkenni finnist hjá sömu einstaklingum ef rannsókn
er endurtekin (Sigurlína Davíðsdóttir , 2013).
Megindlegar aðferðir henta því vel þegar rannsakandi veit nokkurn veginn hvað hann vill
vita , hverju hann leitast eftir að svara og spyr í takt við það. Safnar svo svörum og
skoðar tölfræðina. Út frá þeim má svo sjá hvort tilgátur sem settar voru fram standist
eða ekki (Sigurlína Davíðsdóttir, 2013).
2.3 Val aðferða og framkvæmd rannsóknar Með því að blanda báðum aðferðum má nýta kosti þeirra beggja og vega upp á móti
göllum þeirra. Ýmis rannsóknarsnið er hægt að finna með blönduðum aðferðum og þar
á meðal það þar sem rannsakandi aflar megindlegra gagna á þann hátt að hann hefur
aðgang að þátttakendum og tekur viðtöl við ákveðinn hóp innan þeirra þátttakenda sem
eru taldir hafa eiginleika til að gefa frekari innsýn í rannsóknarefnið.
Í rannsókn þessari var stuðst við þá aðferð. Tilviksrannsóknin var framkvæmt þannig
að megindlegum gögnum var safnað með spurningalista sem sendur var á alla 218
26
starfsmenn VÍS. Áður hafði verið sendur póstur til allra sem útskýrði tilgang
rannsóknarinnar og hvatti þá til að svara. Spurningalistinn innihélt 17 spurningar og þar
af voru 2 hálfopnar spurningar þar sem þátttakendum gafst færi á að svara annars vegar
neitandi eða gefa upp svar við spurningunni í einni setningu. Hinar 15 voru lokaðar og
svarmöguleikar staðlaðir. Tíu spurningar voru lýsandi og sjö voru bakgrunnsspurningar.
Rannsóknin var sett upp á SurveyMonkey.com og var keyptur aðgangur að því forriti.
Rannsóknin var opin í 4 vikur og var send ítrekun til starfsmanna einu sinni á því tímabili.
Úrvinnsla gagna fór fram með aðstoð SPSS og exel. Með SPSS forritinu var fundið
meðaltal , staðalfrávik og fylgni milli ýmissa breytna sem þóttu eiga við til að svara
rannsóknarspurningum. Í exel voru töflur settar upp til að fá myndræna lýsingu til
einföldunar. Einnig var framkvæmt marktæktarpróf til að meta áreiðanleika
rannsóknarinnar.
Eigindlegum gögnum var safnað með viðtölum sem voru alls níu. Sjö þeirra fóru fram
í höfuðstöðvum VÍS í Ármúla en tvö þeirra í síma þar sem þeir viðmælendur búa ekki né
starfa á höfuðborgarsvæðinu. Allir viðmælendur voru stjórnendur en á mismunandi
stigi, deildarstjórar, framkvæmdarstjórar og loks forstjóri. Viðmælendur voru ; Magnús
Jónsson umdæmisstjóri Norðurlands, Guðni Ólafur Guðnason umdæmisstjóri
Vesturlands, Óskar Friðrik Sigmarsson deildarstjóri verkefnastofu, Anna Rós Ívarsdóttir
framkvæmdastjóri mannauðssviðs, Þorvaldur Jakobsen framkvæmdastjóri þróunarsviðs,
Katrín Brynjarsdóttir deildarstjóri tjónaþjónustu, Bergrún Lilja Sigurjónsdóttir
deildarstjóri einstaklinsþjónustu, Þorvaldur I. Birgirsson deildarstjóri fyrirtækjaþjónustu
og að lokum Sigrún Ragna Ólafsdóttir forstjóri VÍS. Lengd sérhvers viðtals var á bilinu 40-‐
60 mínútur og var spurningalistinn hálfopinn þar sem ákveðnar spurningar voru notaðar
fyrir rannsakanda sem viðmið fremur en staðlaðar spurningar. Þannig var viðmælanda
gefið færi á að koma með nýja sýn á málefnið með því að finna upp spurningar
jafnóðum í takt við þróun viðtalsins.
Eftir að viðtöl voru tekin voru þau afrituð jafnóðum með rannsóknarspurningarnar í
huga til þess að koma auga á hugsanlega kóða og þemu. Áhugavert var að afrita viðtölin
og þrátt fyrir að það sé verulega tímafrekt þá er það ferli einstaklega lærdómsríkt og
auðveldar úrvinnslu. Gögnum var skipt á þemu og reyndust sex þemu vera áberandi en
frá þeim verður greint í niðurstöðukafla. Undir hverju þema voru listaðir upp kóðar sem
27
áttu við og þeir settir upp í töflu með hjálp Microsoft exel. Töflurnar má sjá undir
hverjum þema kafla.
Að lokum var rýnt í gögnin með rannsóknarspurningarnar að leiðarljósi til að gera
tilraun til svara þeim. Allar niðurstöður má finna í niðurstöðu og umræðukafla.
28
3 Fræðilegt yfirlit
Í þessum kafla verður farið yfir fræðileg hugtök sem beinast að rannsóknarefninu og
þýðingu þeirra. Ítarlega verður fjallað um stefnumótun, stefnumiðaða stjórnun og hvað
stefna er. Einnig verður farið yfir samkeppnisforskot, kjarnafærni, ólíkar áherslur í
stefnumótun, atvinnuvega, stofnana og auðlindasýn, fyrirtækjamenningu og
áætlanagerð.
3.1 Hvað er stefna? Stefna (e. Strategy) er flókið hugtak sem erfitt getur verið að útskýra en eitt virðast
fræðimenn vera sammála um og það er mikilvægi hennar (McGraw, Thomas og Wilson
2010). Með hliðsjón af kenningum Porter (1980) skilgreinir Runólfur Smári Steinþórsson
(2003) stefnu sem afstöðu um þann sérstaka ávinning sem fyrirtækið hefur að bjóða
viðskiptavininum í samkeppni við önnur fyrirtæki í atvinnugreininni og það hvernig
ávinningurinn á einstakan hátt er búinn til af fyrirtækinu í samstarfi við viðskiptavininn
og aðra hagsmunaaðila. Svipað má hafa eftir Barney & Hesterly (2010) og Porter (1980)
en þeir tala um mikilvægi þess að stefnan kortleggi leiðina til árangurs jafnt sem leiðina
til samkeppnisforskots.
Thompson og Strickland (1998) skilgreina stefnu sem aðgerðaráætlun stjórnenda á
staðsetningu skipulagsheildar í atvinnugrein og hvernig megi gera samkeppnina
árangursríka og ná góðum viðskiptaárangri og þóknast um leið viðskiptavinum. Nefna
þeir enn frekar að fimm þættir einkenni stefnumótun:
• Framtíðarsýn mótuð
• Markmið sett
• Útbúa stefnu til að ná markmiðum
• Framkvæma stefnuna á bæði skilvirkan og hagkvæman hátt
• Mæla árangur og betrumbæta eftir reynslu og þörfum
29
Lynch (2000) lýsir stefnu sem tilgangi skipulagsheildar og áætlun hvernig megi ná
honum. Hann minnist á að stefna sé mynstur tilgangs, megin markmiða og áætlana og
framkvæmda til að ná þeim, sett þannig fram að augljóst sé á hvaða markaði
skipulagsheildin vill starfa og hvernig skipulagsheildin er eða vill verða í framtíðinni.
Það eru ólík sjónarhorn og skoðanir á öllum vinklum stefnu og því ómögulegt að það
sé til ein skilgreining á henni. Markmið fræðimanna er ekki heldur að skilgreina stefnu á
einn hátt heldur velta upp hennar ólíku sjónarhornum og meta virði hvers og eins ,
þannig hvetja til krítískrar hugsunar um stefnu (De Wit & Meyer 2004).
Stefna getur heitið ýmsum nöfnum og fer það eftir tilgangi hennar hvaða nafn það er.
Fyrirtækjastefna er algengust og er hún einnig kölluð heildarstefna en hún er það
mynstur af ákvörðunum í skipulagsheild sem ræður og opinberar markmið hennar,
hlutverk, leggur grunn að gildum og áætlun til að ná þessum markmiðum, ákveður
hvaða markað á að “keppa” á, hvernig á að ná til þess markaðar, hvernig skipulagsheild
það ætlar að vera og hvaða framlag til efnahagskerfisins það ætlar að færa. Í
heildarstefnu er ákveðið virði sem hægt er að ná með því að stjórna viðskiptaeiningum
skipulagsheildarinnar þannig að virði hennar sé hámarkað (McGee, Thomas og Wilson,
2010). Í öllum fyrirtækjum, óháð stærð þá er fyrirtækjastefna sú sem nær til allrar
skipulagsheildarinnar meðan viðskiptastefnan sem er umfangsminni segir til um hvaða
vörur eða þjónustu á að bjóða upp á , viðskiptastefnan er sú sem mun ákveða hvernig
fyrirtækið ætlar að keppa á markaði og hvernig það ætlar að staðsetja sig með tilliti til
samkeppnisaðila. Báðar eru afrakstur vel ígrundaðrar stefnumótunarvinnu. (De Wit &
Meyer 2004).
Stefnu má skoða út frá þremur víddum. Þær eru ferli (e. Process) stefnu, innihald (e.
Content) stefnu og aðstæður eða samhengi (e. Context) stefnu. Það er þó ekki þannig
að ferli, innihald og samhengi stefnu séu ekki partur af sömu stefnu heldur má aðgreina
þessar víddir. Í samhengi má segja að í einum og sama kassa er talað um lengd, vídd og
hæð en hver vídd er þó sértæk á sinn á hátt (De Wit & Meyer 2004).
Með því að skilja allar þrjár víddirnar er auðveldara að vinna í vandamálum sem koma
upp á sviði stefnu þar sem þau í eðli sínu falla undir þær. Það er því óneitanlega hægt
að segja að víddirnar hafi áhrif á hver aðra (Pettigrew and Whipp, 1191; Ketchen ,
Thomas & McDaniels 1996). Til dæmis mun það hafa mikið að segja um innihald
30
stefnunnar hvernig ferlinu er háttað. Eins mun að öllum líkindum samhengi
framtíðarstefnu byggjast á innihaldi núverandi stefnu. Ef tengsl víddanna eru hunsuð má
leiða líkur að því að stefnumótunin líði fyrir vegna eins sjónarhorns í stað þriggja.
Mögulegt er að einblína á eina stefnumiðaða vídd ef hinar eru hafðar í huga (De Wit &
Meyer 2004).
Fjórða víddin hefur verið sett fram þó hún komi ekki beint við stefnu en hún snýr að
tilvist skipulagsheildar eða hvers vegna hún er til staðar og hvers vegna stefnan sé að
leiða hana í þá átt sem hún er að fara (Runólfur Smári Steinþórsson, 1995).
Runólfur Smári Steinþórsson setti fram eftirfarandi mynd sem útskýrir víddirnar fjórar
betur (2003a).
Mynd 1.Víddirnar fjórar ( Runólfur Smári Steinþórsson,2003a).
Að búa til stefnu er leiðarvísir að framkvæmdum sem stuðla að settum markmiðum.
Skipulagsheildin hefur ákveðin tilgang og stefnan er sett fram til að tilgangurinn skili sér.
Stefna er þannig eins konar áætlun um hvernig eigi að standa undir hlutverki sínu. Þar
sem það er mjög mikilvægt að átta sig á hlutverki skipulagsheildarinnar til að skilja
stefnuna þá hefur þessi vídd verið sett fram og gerð jafn mikilvæg og hinar þrjár. Þær
31
eru því fjórar settar fram, hlutverk (e.Purpose), ferli (e.Process ), innihald (e.Content) og
samhengi (e.Context) ( Runólfur Smári Steinþórsson, 2003a; De Wit & Meyer ,2004).
Hafa ber í huga að þegar talað er um stefnumiðuð vandamál er ekki endilega um
neikvæðan þátt að ræða þó það hljómi þannig. Heldur er stefnumiðað vandamál
(e.strategic problem) notað yfir aðstæður sem þarf að takast á við í stjórnun
skipulagsheilda t.d hagnast á tækifærum og eins bregðast við mögulegum áhættum.
Betra væri ef til vill að nota orðið stefnumiðuð viðfangsefni fremur en vandamál. Til að
bregðast við geta stjórnendur ekki bara hugsað heldur þurfa þeir að fara í gegnum
stefnumiðað ferli til að meta og leysa slíkar aðstæður. Stjórnendur verða þannig hver og
einn að byggja huga sinn upp á rökréttan hátt og hugsa stefnumiðað (De Wit & Meyer
2004).
Þegar huga á að hvaða vandamál geta orðið á vegi skipulagsheildarinnar má skipta
þeim hugsunum (e. Cognitive) upp í fjóra hluta. Fyrsti hluti er að koma auga á
viðfangsefnið (e. Identifying) og meta það. Næst er að greina (e. Diagnosing) það.
Þekkja verður uppbyggingu viðfangsefnisins og undirliggjandi þætti þess. Þar á eftir er
að finna lausn (e. Conceiving). Ef fleiri en ein lausn er möguleg þá þarf að vega og meta
hver mun líklega bera mestan árangur. Að lokum er að mæla árangur (e. Realizing).
Athuga verður hvort að aðgerðir til að mæta áskorunum virki og því nauðsynlegt að
meta árangurinn. Stjórnendur geta hér nýtt sér ýmis tæki og tól til að finna og meta
möguleg vandamál og má þar nefna til dæmis SVÓT greiningu sem metur styrkleika,
veikleika, ógnanir og tækifæri sem mögulega geta herjað á skipulagsheildina (De Wit &
Meyer 2004).
Ef stjórnendur byggja sínar stefnumiðuðu ákvarðanir eingöngu upp á gömlum vana
og hugsunum sem hafa fest sig í sessi ómeðvitað gæti það leitt til verri árangurs. Þannig
verða stjórnendur að geta fundið muninn á persónulegum skoðunum og rökstuddum
grundvelli þess að vandamál sé fyrir hendi. Því má segja að stjórnendur verði að hafa
rökrétta hugsun sem er öguð og nákvæm leið til að hugsa á grundvelli reglna.
Þegar skipuleggja á hugsanir má hugsa að þær rökréttu séu lóðréttar hugsanir. Á móti
koma láréttu hugsanirnar sem eru skapandi hugsanir. Þar er ímyndunaraflinu gefinn laus
taumur og hugmyndir byggjast ekki upp með rökstuðningi. Oftast er hugmyndum sem
koma með skapandi hugsunarhætti fylgt eftir með rökréttum hugsunarhætti.
32
Oft þarf að nota skapandi hugsun þegar koma á auga á og meta stefnumiðuð
vandamál. Sama máli gegnir um lausn vandamálanna en þar getur þurft nýjar leiðir til
að mæta nýjum stefnumiðum. Erfitt getur verið að sameina slíkan hugsunarhátt í einni
og sömu manneskjunni og jafnvel hópum því er oft talað um að þversögn sé milli
sköpunar og rökréttrar hugsunar en þó er krafist hvoru tveggja af stjórnendum (De Wit
& Meyer 2004).
3.2 Mótun stefnu Í mótun stefnu er mikilvægt að koma auga á tækifæri og ógnanir í umhverfi
skipulagsheildarinnar og meta áhættuna á staðgönguvörum. Áður en ákvörðun er tekin
má lista upp styrk og veikleika í samanburði við auðlindir. Raunveruleg geta til að skynja
þarfir markaðarins og til að mæta mögulegri áhættu ætti einnig að meta (De Wit &
Meyer, 2004).
Sú stefnumiðaða áætlun sem kemur út úr því að bera saman tækifæri og getu
fyrirtækisins með ásættanlegri áhættu er hagkvæmisstefna (e. Economic strategy).
Ferlinu sem lýst hefur verið áætlar að sá sem mótar stefnuna sé rökvís og hlutlægur
þegar hann áætlar mögulega getu fyrirtækisins og tækifæri sem eru nú þegar eða eru
möguleg á markaðnum. Hversu mikla eða litla áhættu er vilji að taka fer eftir
hagnaðarmarkmiðum. Þegar búið er að meta hvað fyrirtækið gæti gert með tilliti til
tækifæra í umhverfinu og búið er að meta hvað fyrirtækið getur gert með tilliti til getu
og krafts þarf að finna milliveg á þessu sem er hentugur jafnvægispunktur eða ákveðin
samnefnari. Við ákvörðun stefnu þarf einnig að taka tillit til valkosta sem forstjórinn vill
og jafnvel aðstoðamenn hans eða hennar hvort sem þeir eru í takt við efnahagsleg
sjónarmið eða ekki. Persónuleg gildi, metnaður og hugsjón hafa einnig áhrif á
lokaákvörðun um hvert hlutverk fyrirtækisins eigi að vera. Einnig ætti að taka til greina
við ákvörðun og mótun stefnu það sem stjórnendur hafa löngun til að gera. Að lokum
hefur siðferði áhrif á stefnumótandi ákvarðanir, mismikið og á ólíkan hátt eftir eðli
iðnaðar. Út frá siðferði og samfélagslegri ábyrgð kemur því fjórði þátturinn í
stefnumótandi ákvörðunum sem er hvað fyrirtæki ætti að gera (De Wit & Meyer, 2004).
Í einfaldri mynd má segja að það sé hægt að fara tvær leiðir í mótun stefnu. Það
er að hún flæði að ofan og niður (e. Top-‐down) eða að hún verði til í grunninum og flæði
33
upp á við (e. Bottom-‐up). Efst eru þá toppstjórnendur og neðst valdaminni starfsmenn.
Þegar fyrri leiðin er notuð er aðalatriðið hvað stjórnendur hafa að segja , hver er þeirra
vilji og hugmyndir. Allar mikilvægar ákvarðanir líkt og hlutverkið, staðsetning og aðrar
skilgreiningar eru teknar af stjórnendum og síðan er útkoman kynnt fyrir öðrum
starfsmönnum. Hinn almenni starfsmaður hefur ekki mikil áhrif á stefnumótun þegar
þessi leið er valin. Hin leiðin er þveröfug en hún snýst um að byrja í grunninum. Nýta
þannig þekkingu hópsins, framkvæmdavilja og sköpunarkraft og þannig nýta máttinn
sem býr í mannauðnum sem heild. Með þessum hætti er raunveruleg staða tekin með í
myndina og starfsmönnum sýnt að framlag þeirra skipti máli í stefnumótunarstarfinu.
Með þessum hætti geta hugmyndir orðið áhugaverðar og með góðri skipulagningu getur
framtíðarsýnin orðið metnaðarfull. Starfsmenn upplifa hópinn samheldnari og treysta
hvort öðru og fyrirtæki sínu betur. Með þessu móti má einnig bæta fyrirtækjamenningu
þar sem starfsmenn móta sjálfir starfsmannastefnu og eru með því að ákveða sjálfir siða
og starfsreglur sem þeir vilja vinna eftir (Helgi Þór Ingason og Haukur Ingi Jónasson,
2011).
Kostir þess að vinna eftir fyrri aðferðinni er sú að stjórnendur þekkja vel raunverulega
stöðu fyrirtækisins og má leiða líkur að því að starfið verði skilvirkt. Það er því einfalt og
þægilegt að vissu leyti. Ólík sjónarmið starfsmanna verða þó þarna út undan og því
hætta á að margar góðar hugmyndir skili sér ekki. Einnig eru minni líkur á að starfsmenn
fylgi eftir breytingum og finni mikinn áhuga til að fylgja eftir markmiðum og sýnum sem
þeir hafa ekkert um að segja (Helgi Þór Ingason og Haukur Ingi Jónasson, 2011).
Með seinni aðferðinni eru starfsmenn virkir frá byrjun til enda. Þannig er öll vinnan
sameiginleg og útkoman einnig. Helstu kostirnir eru einmitt þeir að hópurinn er
samstilltur og siglir í sömu átt. Fram geta komið margar hugmyndir sem geta reynst
eflandi fyrir fyrirtækið á margan hátt. Galli við slíka aðferð er að sama skapi að erfitt
getur verið að halda nógu vel utan um ferlið án þess að setja því hömlur og því mjög
sterk stjórnun sem þarf. Einnig getur slík nálgun reynst erfið því að eftir að hin
sameiginlega sýn hefur verið sett á blað tekur við lengra og erfiðara ferli sem er
framkvæmdin. Mjög nauðsynlegt er að starfsmenn finni árangur og sjái hlutina verða að
veruleika, annars er hætt við að traustið, samheldnin og sameiginleg vinna verði að
engu þegar ekkert verður af áformum.
34
Þrátt fyrir að leiðirnar séu ólíkar þá er algengast að þeim sé blandað saman og
ákveðið jafnvægi ríki milli starfsmanna og stjórnenda í ferlinu. Þannig má nýta sér
helstu kosti beggja leiða til hlítar. Árangursrík stefnumótun verður til með sterkri
leiðsögn og þekkingu æðstu stjórnenda á starfseminni og með því að gefa
starfsmönnum hlutverk á markvissan hátt má auka enn fremur líkur á árangri (Helgi Þór
Ingason og Haukur Ingi Jónasson, 2011).
3.3 Hvað er stefnumiðuð stjórnun? Stefnumótun, stefna, innleiðing og framkvæmd eru hluti af mörgum þáttum sem upp
koma þegar hugsað er um stefnumarkandi aðgerðir en segja má að öll þessi atriði megi
setja í samnefnarann stefnumiðuð stjórnun.
Samkvæmt Runólfi Smára Steinþórssyni (2003a) snýst stefnumiðuð stjórnun um
hvernig megi ná sem bestum árangri í skipulagsheild. Áætlun um hvað eigi að vera
hlutverk fyrirtækisins jafnt sem það vill verða til lengri tíma litið hefur mikið að segja um
hversu slæmur eða góður árangurinn er. Í síbreytilegu umhverfi er mikilvægt að
stjórnendur fylgist grannt með og séu tilbúnir að tryggja fyrirtækinu árangur í víðustu
mynd, allt frá arðsemi til góðrar ímyndar, í umhverfi sínu. Ef ekki er fylgst vel með er
auðvelt að missa tökin og jafnvel þannig að ekki sé hægt að snúa til baka. Hjá
fyrirtækjum sem ná góðum árangri er stefnumiðuð stjórnun höfð að leiðarljósi og er
árangursmiðun helsta einkenni hennar (Runólfur Smári Steinþórsson , 2003a).
Líkt og fleiri greinar innan stjórnunar þá ber fræðimönnum ekki saman um hverjar
helstu skilgreiningar og áherslur stefnumiðaðrar stjórnunar er. Það eru því ólíkar
skoðanir á lofti og verða stjórnendur og ráðgjafar að hafa það í huga og geta greint á
milli fræðilegra kenninga eða tískubóla þegar þeir leita upplýsinga um fræðin (Runólfur
Smári Steinþórsson, 2003a).
Runólfur Smári (2003b) vitnar í Sjöstrand (1997) og hans orð um að taka skuli með
fyrirvara kenningum og skoðunum um stefnumiðaða stjórnun þar sem þær beri
eingöngu með sér kerfisbundna rökræna nálgun en mannlegi þátturinn sé þar
undanskilinn og því sé betra að leita víðari kenninga sem líta til þess að starfsmenn þurfi
að vita hvað þeir eiga að gera til að stefna skipulagsheildarinnar gangi upp og beri
árangur. Þannig þarf að gæta að því að innihald stefnunnar sé dregið fram og misskiljist
ekki með því að gæta að ferlinu og öllu samhenginu þar sem hinn almenni skilningur sé
35
grundvallaratriði. Því er stefnan sjálf ekki það mikilvægasta heldur ferlið og samskiptin
sem fram fara til að ná henni fram. Þær leiðbeiningar og viðmið sem starfsmenn fá til
að stuðla að árangri eru því mikilvægustu vörðurnar í stefnumiðaðri stjórnun.
Einstaklega mikilvægt er því að starfsmenn skilji hlutverk skipulagsheildarinnar og átti
sig á þeim ávinningi og þeim gæðum sem þeir eiga þátt í að skapa. Runólfur Smári
(2003b) vitnar aftur í Sjöstrand (1997) þegar hann segir að betri skilningur leiði til betri
árangurs (Sjöstrand, 1997; Runólfur Smári Steinþórsson ,2003b).
Stefnumörkun skipulagsheildar og stefnumiðuð stjórnun ræðst því frekar af daglegri
starfsemi hennar heldur en skilgreindum verkþáttum, fundum og ráðstefnum þó slíkt
verklag sé nauðsynlegt til að starfsmenn fái leiðbeiningar, hugmyndir og boð og því er
það mikilvægur vettvangur fyrir umræðu, miðlun reynslu og fræðslu. Því er sú
afmarkaða stefnumótunarvinna gríðarlega mikilvæg en skilar ekki árangri ein og sér
(Runólfur Smári Steinþórson ,2003b).
3.4 Ólíkar aðferðir við stefnumótun Til eru ólíkar aðferðir í stefnumótun og má rekja þær til ólíkra skilgreininga á stefnu.
Henry Mintzberg segir að ekki ætti að reyna að einfalda skilgreiningarnar á stefnu og
leggur til fimm skilgreiningar sem kallast p-‐in fimm (Mintzberg, 1979; Mintzberg,
Ahlstrand og Lampel 1998).
• Áætlun ( e.Plan ) Þessi skilgreining vísar til þess að stefna sé ekki tilviljanakennd
heldur er hún áætlaður leiðarvísir fyrir framtíðina. Áætluð stefna er einnig nefnd
( e.Intended strategy ).
• Mynstur ( e.Pattern ) Önnur skilgreiningin bendir á að stefna verði til út frá
mynstri fyrirtækisins, mótast þannig af aðgerðum og hegðun yfir tíma. Stefnan
hér er ekki áætluð heldur aðlagast og er síðar innleidd ( e.Realized strategy ),
fyrirtækjamenning og verklag þróast og verður stefnan til út frá því samkvæmt
þessari skilgreiningu.
• Staðsetning (e. Position). Skilgreining þessi leiðir að samkeppnishæfni fyrirtækja
og hvernig stefna skuli fela í sér leiðir til að auka virði fyrir viðskiptavini framar
samkeppnisaðilum. Samkvæmt þessu sjónarhorni felst stefna, og um leið
36
samkeppnishæfni fyrirtækja, í því að skapa einstakt og meira virði fyrir
viðskiptavini en keppninautarnir. Hér felur stefna í sér að mestu leyti ytri þætti
fyrirtækisins eða þá sem snerta viðskiptavininn.
• Samhengi ( e.Perspective ) Þessi fjórða skilgreining snýr að því að stefna sé
samhengi þess hvernig fyrirtækið starfar og gerir hlutina. Stefna sem þessi snýr
að innra umhverfi fyrirtækisins og snertir samhengi þess og viðhorf.
• Kænskubragð ( e.Ploy ) Stefna er hér sett fram sem herkænska og hvernig megi
ná árangri og hafa betur í samkeppni með þeirri leið.
Til að fjalla um ólíkar leiðir stefnumótunar hefur verið talað um
stefnumótunarskólana tíu (Mintzberg, Ahlstrand og Lampel 1998). Skólunum er skipt
upp í þrjá hluta og er hver nálgun ákveðin einföldun á því flókna fyrirbæri sem
stefnumótun er. Fyrstu þrír eru fyrirskipandi ( e.Prescriptive ) í eðli sínu og áhersla meira
lögð á hvernig stefna ætti að vera mótuð frekar en ekki endilega hvernig það er gert.
Þessir eiginleikar eru einkennandi fyrir forskriftarnálgun sem vikið verður að nánar í
næsta kafla. Næstu sex skólar eru meira lýsandi og falla þeir að birtinganálgun (
e.Descriptive ). Einkenni þar eru að hugsað er um stefnumótun sem lýsandi ferli og
hvernig þau eru búin til í raunveruleikanum. Síðasti skólinn er einn í sínum flokki en sá
fellur undir að vera einskonar stilling og er í raun sameining allra skólanna og sameinar
forskriftar og birtinganálgunina (Mintzberg, Ahlstrand og Lampel 1998).
1 Áætlanaskólinn (e.The planning school). Stefnumótun er hér fastmótaður ferill
sem er mjög formlegur. Nákvæm greining er gerð, markmið sett fram og ferlinu síðan
haldið við með áætlanagerð, mælingum og endurmati.
2. Hönnunarskólinn (e.The design school). Megináhersla hér er að staðsetja
skipulagsheildina í samkeppnisumhverfi sínu. SVÓT greining sem mælir styrkleika,
veikleika, ógnanir og tækifæri hefur reynst heppileg fyrir þessa nálgun og er hún sú
útbreiddasta í heiminum. Hér er megin áhersla lögð á að fullbúin stefna kemur úr
sköpunarverki.
37
3. Staðsetningarskólinn (e.The positioning school). Staðsetningarskólinn hefur
einkenni af bæði áætlana-‐ og hönnunarskólanum en byggir í megin atriðum á hvernig
megi ná að staðsetja skipulagsheildina í samkeppnisumhverfi með sérstöki tilliti til í
hvaða viðfangsefni fyrirtækisins best sé að eyða tíma, orku og fjármagni.
Samkeppniskraftar eru vel skilgreindir hér.
4. Frumkvöðlaskólinn (e.The entepreneurial school). Sýn frumkvöðulsins á
stefnmótun hefur hér lykilhlutverk. Hann hefur völdin og skipulagsheildin fylgir honum.
Lítið er hugað að vinnuferlinu hér heldur hugsjón eins einstaklings.
5. Hugræni skólinn (e.The cognitive school). Sálfræði og huglægar vangaveltur
einkenna stefnumótun sem slíka. Erfitt getur reynst að útskýra og skilja
stefnumótunarferli sem á sér stað í hugarheimi einstaklinga.
6. Lærdómsskólinn (e.The learning school). Stefnumótun er ferli, samkvæmt
lærdómsskólanum, sem er stanslaust í þróun samstíga því að fyrirtækið og starfsmenn
eru að læra með tímanum. Stefna sé þannig að þróast innan deilda og þekking sem
skapast í lærdómsferlinu sé nýtt til að gera betur og þróa deildina.
7. Valdaskólinn (e.The power school). Völd spila lykilhlutverk hér og verður stefna til
út frá samningaviðræðum valdamikilla aðila í fyrirtækinu. Slíkar viðræður geta verið
tímafrekar og mögulegt er að farið sé á mis við ýmsa möguleika sem geta orðið án
valdabaráttu.
8. Menningarskólinn (e.The cultural school). Menningarskólinn er ferli sem snýr að
því að sameiginlegir hagsmunir allra í skipulagsheildinni séu undirstöðuatriði.
Fyrirtækjamenning hefur hér áhrif á stefnumótunina og hefur það verið helsta
gagngrýnin einnig þar sem sú áhersla getur verið varasöm ef breytingar eru
nauðsynlegar.
9. Umhverfisskólinn (e.The environmental school). Ytra umhverfi ræður ríkjum hér og
leggur megináherslu á að skipulagsheildin sé vakandi fyrir breytingum í því. Helsta
gagngrýnin er að erfitt getur verið að hafa áhrif á það þrátt fyrir að það þekkist að stefna
fyrirtækja geti það einmitt.
10. Samstillingarskólinn (e.The configuration school). Hugmyndir hér eru minna
formaðar en tekist er á við ástand eins og það er. Þannig viðurkennir hann áhrif frá
38
hinum skólunum níu og sameinar á einfaldan hátt. Einfaldleikinn hefur verið mesta
gagngrýnin og segja þeir að slíkt eigi alls ekki við í atvinnulífinu.
3.4.1 Forskriftar eða birtingaraðferð? Eins og komið var inn á í síðasta kafla er um tvær ólíkar nálganir að ræða þegar litið er á
hvernig stefna er búin til.
Sú fyrri sem er forskriftarnálgun (e.Prescriptive) nálgast stefnumótun á þann hátt að
megin markmið og hlutverk hafa verið skilgreind áður en stefnumótun hefst. Helstu kostir
með þessari nálgun er að hún stuðlar að heildaryfirsýn af skipulagsheildinni sem gerir kleift
að bera saman árangur og sett markmið (Lynch, 2003). Með þessu móti er einfaldara að
leggja mat á og skipuleggja auðlindir skipulagsheildarinnar , sérstaklega þeim sem skapa
samkeppnishæfni , og nýtingu þeirra fágætu. Með forskriftarnálgun er einnig auðvelt að
vakta framkvæmdina og áætlunina (Lynch , 2003).
Myndin hér fyrir neðan lýsir vel ferli áætlaðrar stefnu.
Þróun&og&ú*ærsla&á&markmiði&skipulagsheildarinnar&&
Greiningar&á&ytra&umhverfi,&efnahagsumhverfi&ofl.&&
Endurskoða&markmið&með&BlliB&Bl&ytra&umhverfis&
Þróa&stefnumöguleika&
Velja&stefnu&út&frá&möguleikum&að&ná&markmiðum&
Innleiða&valda&stefnu&
Mynd 2.Stefna mótuð með forskriftarnálgun.( Lynch 2003).
Seinni nálgunin, birtingarnálgunin (e.Emergent) er mjög ólík þeirri fyrrnefndu. Hér er
gengið út frá því að lokamarkmiðið sé ekki skýrt og hlutverkið er þróað með tímanum
eftir hvernig stefnunni miðar áfram (Lynch, 2003). Með þessari nálgun er inntakið að
mannfólkið er ekki alltaf jafn skynsamt og rökvíst eins og forskriftaraðferðin gerir ráð
fyrir. Birtingaraðferðin nálgast stefnuna þannig að hún verði til yfir tíma, aðlagist þörfum
mannauðsins og þróist áfram. Lítið virði er sett í að gera langtímaáætlanir. Samkvæmt
þessari nálgun er stefnumótun flóknari en sú fyrri gefur til kynna og samkvæmt
rannsóknum fræðimanna (Pettigrew ,1985; Mintzberg ,1990; Johnson ,1986; Lynch,
39
2003) má ekki undanskilja þátt mannauðsins. Það þurfi að taka fólkið, kænsku og
menningu skipulagsheildarinnar með í myndina. Þannig er samkvæmt þessu réttast að
líta á stefnu sem lærdómsferli og lítil skref fram á við (Lynch, 2003).
Hér fyrir neðan er dæmi um ferli stefnumótunar þegar birtingarnálgunin er við völd.
Markmið(
Árangur(
Ræða(a/ur(við(stjórnendur(
(Ræða(við(deildir(
og(samstarfsaðila(
Tillaga(A(Mistekst(
Tillaga(B(
Árangur( Mistekst(
Umræða(við(stjórnendur(
Umræða(við(deildir(og(
samstarfsaðila(
Mynd 3.Stefna mótuð með birtingarnálgun.(Lynch 2003).
Þrátt fyrir að hér séu listaðar upp ýmsar skilgreiningar þá verður sjaldnast ein ákveðin
fyrir valinu. Stefna sem sprettur upp frá stífri stefnumótunarvinnu án allra áhrifa frá
fyrirtækjamenningu er sjaldnast raunin. Þannig er stefna oftast blanda af áætlaðri stefnu
og mynstri (Barney & Hesterley, 2010; Mintzberg og Waters, 1985; Mintzberg, Ahlstrand
og Lampel 1998).
Hér fyrir neðan er mynd sem lýsir ágætlega hvernig nálgun stefnu blandast saman.
40
Áætluð'stefna'
'
Stefna'sem'var'áætluð'en'var'ekki'innleidd'
'
Stefna'sem'verður'
ómeðvitað'6l'úr'áætluðu'stefnunni'
Innleidd'stefna'
Upprennandi'stefna'
Mynd 4.Nálgunum blandað saman. (Mintzberg, 1985)
3.5 Hvað býr í skipulagsheildinni? Til að skýra mismunandi gengi og samkeppnisforskot fyrirtækja eru tvær nálganir
ríkjandi. Sú þriðja hefur reyndar litið ljós síðustu ár og er talin af mörgum fræðimönnum
eiga vel við í nútímasamfélagi (Ingi Rúnar Eðvarðsson, Runólfur Smári Steinþórsson og
Helgi Gestsson, 2003 ; Peng, Sun, Pinkham og Chen ,2009).
Fyrri tvær eru þó mun þekktari enda töluvert eldri. Í kaflanum verður farið yfir þær
allar þrjár, auðlindanálgun, atvinnuveganálgun og þá nýjastu stofnananálgun. Einnig
verður farið yfir hvað samkeppnisforskot , færni og kjarnafærni er svo hægt er að setja
allt í samhengi.
3.5.1 Samkeppnisforskot og kjarnafærni
Það er ekki tilviljun ein sem ræður hagnaðarmöguleikum fyrirtækja heldur er það
uppbygging atvinnugreinarinnar í heild. Þannig getur ein atvinnugrein verið mjög
hagnaðarsöm á meðan önnur berst sífellt í bökkum með verðstríði og litlum hagnaði.
Hvernig samkeppni þróast innan atvinnugreinar má rekja til kenninga um einokun (e.
Monopoly ) annars vegar og fullkominnar samkeppni (e.Perfect competition) hins vegar.
41
Í raunveruleikanum falla atvinnugreinar á milli þessara tveggja ýktu kenninga (Grant,
2005).
Greining á samkeppnisforskoti er órjúfanlegur þáttur stefnumiðaðrar stjórnunar.
Síendurtekið ferli athafna leiðir til hugmynda að mögulegri stefnu sem er prófuð með
getu fyrirtækisins, stöðu samkeppnisaðila og möguleika á fleiri tækifærum að leiðarljósi.
Þetta ferli er grunnurinn að því að finna hvað það er sem veitir varanlegt
samkeppnisforskot og ætti að vera hluti af heildarstefnu fyrirtækisins til að berjast í
kviku umhverfi iðnaðarins (Quinn, Mintzberg & James, 1988 ).
McGee, Thomas og Wilson (2010) fjalla um samkeppnisforskot sem mögulega getu
skipulagsheildar til að skapa einstakan ávinning til viðskiptavina sinna , skapa arðsemi
yfir meðallagi í iðnaðinum sem hagsmunaaðilar jafnt sem eigendur njóta góðs af. Til að
slíkt náist verður skipulagsheildin að hafa sérstöðu og vera ólík samkeppnisaðilum.
Færni og geta skipulagsheildar til að aðgreina sig frá öðrum er kölluð kjarnafærni (e.
Core-‐competencies). Með því að nýta þessa þætti til að nýta auðlindir sínar á
skipulagðan hátt getur skipulagsheildin skapað sér sérstöðu. Uppsöfnuð reynsla,
fjölbreytt framleiðslufærni , samþætting tækni og sameiginleg þekking skipulagsheildar
myndar kjarnafærni. Þannig er hún upplýsingar og ferlar sem eru bæði áþreifanlegir
jafnt sem óáþreifanlegir og einstakir í hverri skipulagsheild (McGee, Thoman og Wilson,
2010).
Haft er eftir Runólfi Smára Steinþórssyni (2003b) að kjarnafærni er samþætting
athafna, hugvits og tæknibúnaðar sem skipulagsheildin framkvæmir á betri hátt en allar
aðrar skipulagsheildir. Einnig að áhersla sé lögð á rétt skipulag mannauðs, skipulag sem
eflir umboð starfsmanna til athafna, skuldbindinga og ákvarðanatöku og eflir því
valddreifingu er líklegra til þróa , skapa og viðhalda kjarnafærni sinni og ná þannig
samkeppnisforskoti.
3.5.1.1 Auðlindanálgun (e.Resource based view) Auðlindir og skipulagsheildir eru órjúfanlegur þáttur og veitir greining á auðlindunum
dýpri þekkingu á hvað virkilega býr í skipulagsheildinni. Auðlindir eru þeir þættir sem
skipulagsheildin hefur til að moða úr verðmæti og skapa einhverskonar virði. Auðlindir
42
geta verið áþreifan-‐ og óáþreifanlegar eignir sem skipulagsheildin nýtir til að móta og
framkvæma áætluð verkefni (Barney & Arikan, 2001).
Margaret A. Peteraf (1993) fjallar um í grein sinni Hornsteinar samkeppnishæfni (The
cornerstones of competitive advantage: A research based view) að síðastliðin ár hafi ný
nálgun verið að þróast um samkeppni skipulagsheilda sem er einstök á sviði
stefnumiðaðar stjórnunar. Nálgun þessi kallast auðlindanálgun og er álitið af sumum að
hún geti haft örlagaríka þýðingu fyrir kenningar á þessu sviði. Aðrir veltu fyrir sér hvort
sú nálgun væri að bæta einhverju nýju við þá þekkingu sem þegar var til staðar. Til að
mynda byrjar klassísk stefnumótun á mati á samkeppni á markaði og auðlindum
skipulagsheildar (Peteraf, 1993; Andrews, 1971).
Með auðlindum er átt við það sem veitir fyrirtækinu styrk eða veikleika og geta þær
verið áþreifanlegar og óáþreifanlegar og eru nánast bundnar óaðskiljanlegum böndum
við skipulagsheildina.
Birger Wernerfelt (1984) lítur til kenninga Penrose (1959) í umfjöllun sinni um að
fyrirtæki séu samansafn víðtækra auðlinda (Wernerfelt , 1984). Hann fjallar um, í grein
sinni um auðlindanálgun, leiðir til að finna samband auðlinda og hagnaðar jafnt sem að
finna heppilegar leiðir til að ráðstafa auðlindum skipulagsheildarinnar yfir tíma.
Árið 1986 fjallaði Jay Barney í grein sinni Strategic Factor Markets: Expectations,
Luck, and Business Strategy um hvernig sum fyrirtæki geta náð betri árangri en önnur.
Hann fjallar þar um að til þess að svo verði þurfi skipulagsheildin að skipuleggja auðlindir
sínar vel og innleiða stefnu sem tekur mið af auðlindum sem nú þegar eru til staðar.
Slíkar auðlindir séu skref í rétta átt að auknu samkeppnisforskoti svo framarlega sem að
þær séu ekki á allra færi. Auðlindir sem slíkar gætu verið framleiðsluþekking (Williamson
,1975) , einstök blanda af reynslu í skipulagsheild (Chamberlin, 1933) og teymisvinna
stjórnenda (Alchian and Demsetz, 1972).
Barney kom síðar með aðra grein árið 1991 , Firm Resources and Sustained
Competitive Advantage, og fjallaði sú um auðlindanálgun og samkeppnishæfni.
Þar byggir hann á að auðlindir séu ólíkar á milli skipulagsheilda og að sá mismunur sé
stöðugur yfir tíma. Þannig skoðar hann fylgni samkeppnishæfni við auðlindir. Hann
setur fram módel með fjórum þáttum sem að geta sagt til um hvort að auðlindin sé
43
líkleg til að auka samkeppnishæfni skipulagsheildarinnar. Líkanið heitir VRIO og eru
þættirnir V-‐ virði , R-‐ fágæti, I-‐ hermanleiki og O-‐ skipulag.
Með þessu líkani má finna út hvað auðlindin hefur að geyma en Barney vill meina að
auðlindir skapi ekki viðvarandi samkeppnisforskot nema þær séu verðmætar, fágætar,
erfitt að herma eftir og þá þarf einnig skipulag skipulagsheildarinnar að styðja við þær
(Barney , 1991).
Erfitt getur verið að útskýra hvað það er sem gerir einni skipulagsheild kleift að ná
betri árangri en annari þegar ekki er hægt að tengja það við ólíkar aðstæður í
iðnaðinum. Með tilkomu auðlindanálgunar hefur það breyst og nú má tengja auðlindir
skipulagsheildar við hagnaðarmöguleika hennar (Peteraf, 1993).
Inga Jóna Jónsdóttir (2003) vitnar hér í kenningu Penrose (1959) um vöxt fyrirtækja.
„Það er sérstaðan (e. Heterogenety) en ekki einsleitni (e. Homogenety)
framleiðsluþáttanna sem fyrirtæki ræður yfir, eða hugsanlega ræður yfir, sem gerir
hvert fyrirtæki einstakt. Það er ekki aðeins að starfsfólk fyrirtækis geti lagt að mörkum
fjölbreytt úrval einstæðrar þjónustu heldur líka að unnt er að nota efnislegar auðlindir
fyrirtækisins á fjölbreyttan hátt, sem þýðir að það getur boðið upp á mjög fjölbreytilega
þjónustu.“
Telja má starfsmennina eina mikilvægustu auðlind hverrar skipulagsheildar og til að
sú auðlind skapi verðmæti er nauðsynlegt að starfsfólkið hafi gleði og áhuga á starfinu
sínu. Til að auka líkur á að svo verði er mikilvægt að starfsmenn og stjórnendur sigli í
sömu átt með sameiginleg markmið skipulagsheildarinnar að leiðarljósi (Runólfur Smári
Steinþórsson, 2003a).
Það sem er hvað ólíkast með auðlindanálgun og atvinnuveganálgun sem fjallað
verður um í næsta kafla er að í þeirri fyrri má segja að horft sé að innan og út á við en í
seinni er því öfugt farið eða út á við og inn (Mintzberg, Ahlstrand og Lampel 1998; Ingi
Rúnar, Runólfur Smári & Helgi, 2003).
3.5.1.2 Atvinnuveganálgun (e.Industry based View) Michael E. Porter gaf út bókina Competitive strategy árið 1980 og í kjölfarið varð mikil
breyting hjá ráðgjöfum og fræðimönnum, mikið var um athafnasemi og nálgunin varð
fljótt yfirgnæfandi á sviðinu. Nálgunin sem um ræðir er staðsetningaskólinn og er
atvinnuveganálgun í stefnumótun ríkjandi þar (Porter, 1980; Mintzberg, Ahlstrand og
44
Lampel 1998). Megintilgangurinn þar er að staðsetja fyrirtækið vel í
samkeppnisumhverfi með tilliti til utanaðkomandi þátta , læra hvað það er í umhverfinu
sem getur skapað sérstöðu fyrir viðskiptavini og til að skara fram úr
samkeppnisaðilinum. Hvernig skipulagsheildin er svo staðsett í samkeppnisumhverfinu
mun segja til um möguleika hennar til árangurs og samkeppnisforskots (Ingi Rúnar ,
Runólfur Smári & Helgi, 2003).
Til að skýra betur hvað átt er við með þessari nálgun má horfa til nafnsins,
staðfærsluskólinn. Með staðfærslu hér er átt við hvernig skipulagsheildin skipuleggur
starfssemi sína þannig að hún geti varist og haft áhrif á samkeppni með því að nýta sína
eigin styrkleika, gert er ráð fyrir að á markaði ríki fullkomin samkeppni (Mintzberg,
Ahlstrand og Lampel 1998). Með staðfærslunálgun eru auðlindir sagðar einsleitar og
jafn aðgengilegar öllum skipulagsheildum (Barney, 1986).
Porter (1980) setti fram líkan sem útskýrir kraftana sem eru í atvinnugreininni og
hvernig þeir hafa áhrif á samkeppni og árangur. Líkanið er kallað fimm krafta líkan
Porters og greinir það eins og nafnið segir til um, fimm helstu kraftana í umhverfinu.
Hvernig hver og einn kraftur í umhverfinu mun svo hafa áhrif á stefnumótunina. Porter
(1985) setur einnig fram annað módel sem leiðbeinir við mótun stefnunnar og snýst það
um að ákveða hvort skipulagsheildin muni vera með aðgreinandi vöru eða þjónustu eða
hvort verðið verði í brennidepli en sú aðgreining , hvort sem það verður , er lykilatriðið
aðgreiningin ef fyrirtækið ætlar að skara fram úr (Mintzberg, Ahlstrand og Lampel 1998).
Fleiri módel komu frá honum líkt og virðiskeðjan en ekki verður farið í hana né önnur
módel hér.
3.5.1.3 Stofnananálgun (e.Institution based view) Í grein Inga Rúnars, Runólfs Smára og Helga (2003) er fjallað um nýja nálgun sem kemur
frá Peng, Sun, Pinkham og Chen (2009) og hefur hún verið að festast í sessi á 21.öldinni.
Sú nálgun, stofnananálgunin, er úr stofnanahagfræði og stofnanafélagsfræði. Í þessari
nálgun eru aðstæður og leikreglur í sviðsljósinu. Samkvæmt Peng og félögum (2009) er
það stjórnendum mikilvægt að líta til þessara þriggja nálgana þar sem þær stuðli saman
að stefnumiðaðri stjórnun.
Myndin hér fyrir neðan sýnir hvernig þessar þrjár nálganir blandast saman.
45
Samkeppni)í)greininni)
Auðlindir)og)geta))
Ástand)skipulagsheildar))
Stefna) Framkvæmd)
Mynd 5.Atvinnuvega,auðlinda og stofnananálgun sett saman (Peng, Sun, Pinkham, and Chen, 2009)
3.6 Stefnumiðuð skipulagsheild
3.6.1 Framkvæmd stefnu
Allt að 80% fyrirtækja ná ekki sínum stefnumiðuðu markmiðum og er algeng ástæða
fyrir því sú að ekki er nógu skýrt hvernig framkvæmd stefnu á að vera (Kaplan &
Norton,2008).
Þegar ný stefna er sett fram má áætla að henni fylgi ný verkefni, ný markmið og oft
breytingar.
Áður en hafist er handa við að framkvæma stefnuna eru þrjú atriði sem nauðsynlegt er
að vera með á hreinu. Það fyrsta er að útlista markmið skipulagsheildarinnar.
Markmiðin þurfa að vera skýr, mælanleg og raunhæf. Í öðru lagi þarf að útbúa
árangursmælikvarða sem mæla árangur stefnunnar. Þriðja atriðið er að innleiða
stefnumiðað árangursmat sem er vel ígrundað (Niven , 2006).
Samkvæmt Niven (2006) eru fjórar ástæður sem geta hindrað að framkvæmd stefnu
gangi eins og tilætlað er:
• Skilningur er ekki nægur (e. Vision barrier). Stefnunni er ekki komið nægilega
vel til skila til allra starfsmanna og því ná þeir ekki sömu tengingu.
46
• Hvatning er of lítil (e. People barrier). Mikilvægt er að huga að og sníða
hvatakerfi sem snúa að markmiðum til lengri tíma en ekki eingöngu til
skammtíma.
• Skortur á stjórn (e. Management barrier). Stjórnendur fylgja framkvæmd
stefnunnar ekki nægilega vel eftir.
• Skortur á aðföngum (e. Resource barrier). 60% skipulagsheilda tengja ekki
fjárhagsáætlun við framkvæmd stefnunnar. Fjárhagsáætlanir eru gerðar til
styttri tíma en stefna er langtímamarkmið og því þarf að tengja þessa þætti
saman ef þeir eiga ekki að stangast á.
Kaplan og Norton (2001) minnast á að þegar litið er á nokkrar skipulagsheildir sem hafa
náð verulega góðum árangri minnast stjórnendur þar oftast á tvö orð til að útskýra
hann. Orðin eru uppröðun ( e. Alignment ) og einbeiting ( e. Focus ). Þannig er átt við að
með réttri röðun og einbeitingu má raða stjórnunarteymi, viðskiptaeiningum, mannafla,
upplýsingatækni og fjárhagstöðu á réttan hátt til að styðja við stefnuna (Kaplan &
Norton, 2001).
Enn fremur minnast þeir félagar á að það séu fimm lykilatriði sem einkenna
stefnumiðaða skipulagsheild:
• Stefnan er yfirfærð á rekstrarlegan grundvöll (e. Translate the strategy to
operational terms)
• Skipulagsheild er skipulögð með stefnuna að leiðarljósi (e. Align the organization
to the strategy)
• Stefnan er gerð mikilvæg öllum starfsmönnum (e.Make the strategy everyone´s
everyday job)
• Stefnan er endurskoðuð (e. Make strategy a continual process)
• Breytingum er stjórnað af sérfæðingum (e. Mobilize change through executive
leadership)
47
Mynd 6.Hringrás stefnu í stöðugri endurskoðun.(Kaplan&Norton,2008).
Hægt er að velja um ýmsa aðferðafræði til að búa til og framkvæma stefnu. Ein þeirra
hefur reynst vel og er til að mynda aðferðin sem stjórnendur notuðu í dæmunum hér að
ofan um fyrirtæki sem hafa náð góðum árangri í stefnumálum. Aðferðin er stefnumiðað
árangursmat (e. Balance scorecard) og var hún sett fram fyrst af fyrrnefndum höfundum
Kaplan & Norton 1992. Aðferðafræðin snýst í meginmáli um að koma stefnu
skipulagsheildar á skilvirkan og árangursríkan hátt til starfsmanna með hjálp tveggja
verkfæra. Þegar sú aðferðafræði er notuð er stefnu komið áfram með svokallaðri hríslun
(e. Cascading). Með því er átt við að heildarstefna skipulagsheildarinnar hríslast um allar
deildir með skor og stefnukortum sem verður útskýrt betur hér á eftir. Heildarstefnunni
er því skipt upp í nokkra liði eða undirstefnur sem eru ítarlega útskýrðar. Þannig komast
skilaboðin skýrar til allra starfsmanna og skilningur verður betri. Árangurinn verður
skilvirkari því þó að undirstefnurnar séu hluti af sömu stefnunni, heildarstefnunni ,
reynist árangursríkara að útskýra stefnuna með því að útskýra hvern lið ítarlega (Snjólfur
Ólafsson, 2005). Samkvæmt Kaplan & Norton (2000) er skilningur starfsfólks á innihaldi ,
tilgangi og markmiðum stefnunnar einmitt grundvallaratriði til að framkvæmd stefnu
verði árangursrík. Ekki er þó hægt að skilja stefnu sem ekki er hægt að lýsa og því er
mikilvægt að búin sé til umgjörð á lýsingu stefnunnar. Áður var lögð áhersla á
48
fjárhagslega umgjörð fyrir stefnulýsingu og hentaði það ágætlega fyrir stefnur byggðar á
kaupum og stjórnun áþreifanlegra eigna. Í dag eru viðmiðin önnur, þekkingarveröldin
gerir það að verkum að óáþreifanlegar eignir skapa sjálfbært virði. Dæmi um slíkt er
geta og þekking starfsmanna, upplýsingatæknin sem styður starfsmenn og tengir
skipulagsheildina við viðskiptavini og birgja og umhverfið sem hvetur til nýsköpunar við
lausn vandamála og framfara. Þessar óáþreifanlegu eignir geta skapað virði en
fjárhagsmælingum sem mikið voru og eru notaðar til að mæla árangur yfirsjást þetta,
bæði að mæla og eins að tengja við virðissköpun (Kaplan & Norton, 2001).
Stefnumiðað árangursmat er áhrifarík umgjörð til að lýsa stefnu með því að tengja
áþreifanlegar og óáþreifanlegar eignir við virðissköpun. Ekki er þó ætlunin að reikna
virði eignanna heldur mæla þær í einingum. Á þann hátt má nota stefnukort við
stefnumiðað árangursmat til að lista upp allar eignir og setja þær í samhengi og mæla
hvernig þær skapa virði, viðskiptavild og hagstæða fjárhagsútkomu (Kaplan & Norton,
2001).
Þessi aðferðafræði býður upp á tvö verkfæri sem geta einfaldað framkvæmdina
stefnukort (e. Strategy map) og skorkort (e. Scorecard) og verður farið yfir tilgang þeirra
í næsta köflum.
3.6.2 Stefnukort Með stefnukorti má lýsa stefnunni myndrænt. Þá eru markmiðin listuð upp og
aðgerðum um hvernig eigi að ná þeim. Oft er lykilmarkmiðið þá sett eftst á kortið þannig
að öll markmiðin vinni að því. Áður var stefnu lýst með orðum og getur það hentað í
þeim tilvikum sem ekki þarf að lýsa stefnunni ítarlega eða fá skilning starfsmanna. Hins
vegar ef ætlunin er að skilaboð stefnunnar komist virkilega til skila og hafi áhrif á
starfsmenn skipulagsheildarinnar er nauðsynlegt að beita öðrum aðferðum. Stefnukort
gefur möguleika á að stefnunni sé lýst á annan og betri hátt en með öðrum aðferðum,
jafnvel eina aðferðin til að lýsa stefnu á djúpan og skilvirkan hátt ef hún er flókin og eða
ítarleg (Snjólfur Ólafsson, 2005).
Með stefnukorti er hægt að setja stefnuna fram á samloðandi, náinn og kerfisbundinn
hátt. Stefnukort á að lýsa ferli virðissköpunar á öllum þáttum stefnunnar.
49
Innihald og markmið stefnunnar er sett fram í fjórum víddum þar sem hver og ein
vídd inniheldur lykilmælikvarða. Víddirnar í heild sinni innihalda markmið
skipulagsheildarinnar sem ætlað er að ná á næstunni og aðgerðaáætlun til að ná þeim
og allt það sem mun aðgreina hana frá samkeppnisaðilum og veita langtíma virði fyrir
viðskiptavini og hagsmunaaðila (Kaplan & Norton, 2001). Orsakasamhengi milli
markmiða og vídda er oft útskýrt með örvum og sýnir að eitt markmið getur haft áhrif á
annað og jafnvel fleiri mörg. Á myndinni hér fyrir neðan má sjá stefnukort VÍS.
Það er talað um fjórar víddir í stefnumiðuðu árangursmati og oft koma þær fram á
stefnukortinu:
• Fjármálavídd ( e. Financial perspective )
• Viðskiptavinavídd ( e. Customer perspective )
• Lærdóms og þróunarvídd ( e. Innovation and learning perspective )
• Ferlavídd/verklag ( e. Internal business perspective )
Fjárhagsvídd lýsir áþreifanlegum þáttum stefnunnar líkt og arðsemi, efnahagslegum
virðisauka, rekstrarhagnað, tekjum á viðskiptavin og kostnað á einingu. Þessir þættir eða
mælikvarðar gefa gaum um hvort stefnan sé að skila sér í áþreifanlegum niðurstöðum til
hluthafa.
Viðskiptavinavídd inniheldur mælingar er varða viðskiptavininn líkt og ánægju, tregðu
og vöxt. Jafnframt eru mælingar til að mæla þjónustuloforð ( e.Value-‐proposition ) eða
þann ávinning sem lofað er af skipulagsheildinni. Þjónustuloforðið er þannig sú
aðgreining sem viðskiptavinurinn upplifir af skipulagsheildinni á móts við
samkeppnisaðila, þetta er hjarta stefnunnar.
Verklag eða ferlavídd inniheldur það verklag eða starfsferla sem veitir viðskiptavinum
ánægju og uppfylla fjárhagsleg markmið hluthafa. Mikið af ferlum eru framkvæmdir í
hverri skipulagsheild og þó ekki sé meiningin að hætta því þá er mikilvægt að koma auga
á þá sem virkilega skipti máli í tengslum við stefnuna og hafa þá í stanslausri þróun.
Lærdóms-‐ og þróunarvíddin listar upp þau störf og starfsfólk , upplýsingakerfi og
innviði skipulagsheildarinnar sem stuðla að virðisaukningu.
Fjárhags-‐ og viðskiptavinavíddin í stefnukortum lýsa hvaða stefnu fyrirtækið ætlar að
hafa og verklags og lærdómsvíddin lýsir hvernig hún ætlar að innleiða stefnuna.
50
Stefnukort hefur verið þróað lengi og er upphafspunktur allra sem ætla að nota
stefnumiðað árangursmat (Kaplan & Norton, 2008).
3.6.3 Skorkort Það er lykilatriði í stefnumiðuðu árangursmati að setja fram mælikvarða sem
endurspegla heildarstefnuna. Stefnukort er notað til að setja markmið sem koma fram á
stefnukortinu eða stuðla að þeim. Mælikvarðar eru svo fyrir hvert og eitt markmið og
geta þeir verið einn eða fleiri.
Mikilvægt er að mælikvarðar séu góðir og það getur reynst flókið verkefni.
Mælikvarðar hafa bæði áhrif á atferli starfsmanna og gefa innsýn í stöðu reksturs en
einnig er mikilvægt að ræða um gengi skipulagsheildarinnar til að móta mælikvarða og
þannig draga mikilvægan lærdóm af.
Stefnukort eins og það sem sýnt var í kaflanum á undan getur auðveldað mótun á
skilvirkum mælikvörðum (Snjólfur Ólafsson, 2005).
Kaplan og Norton (1996) taka skýrt fram að allir stjórnendur ættu að hafa það að
markmiði að innleiða einhversskonar mælikerfi til að framkvæma stefnuna á skilvirkan
hátt. Þær skipulagsheildir sem tengja stefnu sína við mælikvarða eru mun betur í stakk
búnar til að takast á við að innleiða hana á árangursríkan hátt því hægt er að koma til
skila markmiðum og væntingum. Með þessum hætti geta stjórnendur og starfsmenn
einblínt á þá þætti sem eru mikilvægastir og styðja við þá fjárhagslega og á annan hátt
og þannig stuðlað að því að ná stefnutengdum markmiðum.
Til að finna mælikvarða sem endurspegla stefnuna er gott að horfa á þrjá eftirfarandi
þætti:
• Orsök og afleiðing
• Árangursmæling
• Fjárhagstenging
Að finna út hvað er orsök og hvað afleiðing er mikilvægt í mælingum. Því er mikilvægt
að finna mælikvarða sem er hlekkur af orsaka-‐ og afleiðingakeðju sem endurspeglar
þýðingu stefnunnar fyrir skipulagsheildina.
Gott skorkort inniheldur hentugt jafnvægi af framtíðarmælikvörðum (e.Lead
indicators) annars vegar og fortíðarmælikvörðum (e.Lag indicators) hins vegar.
51
Fortíðarmælikvarðar væru til dæmis mæling á getu starfsmanna en
framtíðarmælikvarðar gætu verið mæling þeim á markaði sem skipulagsheildin kýs að
keppa á.
Að lokum er mikilvægt að orsakatengsl allra mælinga eigi tengingu í fjárhagsleg
markmið (Kaplan & Norton, 1996).
Niven (2003) Listar upp nokkra þætti sem einkennir góða mælikvarða:
• Tengist stefnunni
• Er auðskiljanlegur
• Mælanlegur í tölum
• Hægt er mæla reglulega
• Ekki endanlegur
• Hefur jákvæð áhrif á starfsfólk
Á skorkortum koma víddirnar fjórar oft fram og eru þær oft yfirsýn yfir
mælikvarðana. Fyrir hverja og eina vídd gætu verið á milli fjórar og sjö mælingar á þeim
markmiðum sem undir hana falla og því innihalda skorkort oft hátt upp í 25 mælikvarða.
Markmið fyrir hverja og eina vídd eru til þess að tengja mælikvarðana við árangur og
stefnuna (Kaplan & Norton, 1996).
Með skorkorti er það gert einfaldara að sjá hvort markmið eru að nást og því hvernig
innleiðing stefnunnar gengur. Með góðum mælikvörðum reynist hvetjandi fyrir
starfsmenn að fá endurgjöf á hegðun. Að sama skapi geta mælikvarðarnir hringt
varúðarbjöllum þegar svo á við. Oft eru notaðir sömu litir og eru á umferðarljósum og
er merking ljósanna eftir því. Þannig er rautt-‐ stopp merki og þýðir aðgerðarbil. Þá sýna
mælikvarðar að viðmiðum var ekki náð og mikilvægt sé að gera eitthvað í stöðunni strax.
Gult er kallað starfshæft bil og merkir það að mælikvarðinn sýni að viðmiðum var ekki
náð en ekki endilega langt í það. Því þurfi að veita þessu athygli og jafnvel gera eitthvað í
því. Grænt er kallað styrkleikabil og það er það ákjósanlegasta því þá er viðmiðum náð
(Snjólfur Ólafsson, 2005).
52
3.7 Hlutverk leiðtogans í innleiðingu stefnu Komið hefur verið inn á ýmis fræði er tengjast stefnumótun og hvernig megi stuðla
að árangursríkri framkvæmd jafnt sem hvað beri að varast.
Ólíkt er hver framkvæmir og stýrir en oftast fellur það á hendur stjórnenda. Í þessum
kafla verður farið yfir hvert hlutverk leiðtogans er í innleiðingu stefnu.
Börkur og Snjólfur (2012) vitna í fyrrnefndri grein um stefnumótun Símans í
kenningar Hrebiniak (2005;2008), Kotter (1996) og Speculand (2005;2009) þegar þeir
fjalla um hlutverk leiðtogans í þessum málum. Kenningar fræðimannana þriggja eru
ólíkar að mörgu leyti en eitt eru þeir allir sammála um og er það þátttaka leiðtogans.
Mikilvægt sé að hann sé með sitt hlutverk á hreinu og skilji hvað hann þarf að gera
því hann þurfi einnig að geta sannfært starfsmennina um þörfina og mikilvægi
stefnunnar. Samkvæmt Hrebiniak (2008) er einna mikilvægast að upplýsingaflæði sé
skilvirkt og leiðtoginn sé sífellt með stefnuna á bak við eyrað og tileinki sér leiðir sem
styðja við stefnuna (Hrebiniak ,2008; Börkur&Snjólfur,2012).
Hann þurfi að geta hrifið starfsmenn með sér og smitað eigin sýn yfir á þá er
meiningin hjá Kotter (1996) og jafnframt að hann megi ekki sofna á verðinum því ef
leiðtoginn gleymir sér er annsi hætt við að starfsmennirnir geri það líka. Því er mikilvægt
að leiðtoginn hafi stefnuna sýnilega með ýmsum hætti og fylgi ferlinu eftir frá byrjun til
enda (Kotter, 1996; Börkur&Snjólfur,2012).
Allir eru fræðimennirnir sammála um að árangursríkt upplýsingaflæði skipti miklu
máli. Að endurgjöf og ábendingar á öllum stigum ferlisins sé nauðsynlegt. Kotter(1996)
og Speculand(2005) segja áhrifaríkt að gera minni markmið að einkonar vörðum og
verðlauna þegar þeim er náð. Það gefi starfsmönnum í skyn að starf þeirra sé ekki til
einskins (Kotter, 1996; Speculand,2005;Börkur&Snjólfur,2012).
Einnig nefna þeir að mikilvægt sé að stefnan sé ekki á skjön við fyrirtækjamenningu
skipulagsheildarinnar (Kotter, 1996; Speculand,2005;Börkur&Snjólfur,2012). Stundum
geti reynst nauðsynlegt að gera breytingar á fyrirtækjamenningunni svo að hún og
stefnan eigi vel saman því ef svo er ekki er það stefnan sem mun gefa eftir á endanum
(Kotter,1996).
53
Edgar H. Schein vitnar í Bennis and Nanus, 1985; Conger, 1989; Leavitt, 1986 í bók
sinni Organizational Culture and Leadership (2004) þegar hann segir að einfaldasta
leiðin til að útskýra hvernig leiðtogar koma skilaboðum sínum áfram sé með
persónutöfrum. Að það sé þessi óútskýranlegi þáttur sem fær undirmenn til að hlusta og
koma frá sér sýn og gildum á einfaldann og skilvirkann hátt (Bennis and Nanus, 1985;
Conger, 1989; Leavitt, 1986). Aftur á móti séu einnig til leiðtogar sem skortir þessa
persónutöfra en koma skilaboðum vel frá sér með ýmsum leiðum (Schein,2004). Nefnir
hann sex eftirfarandi þætti sem stuðla að því hvernig leiðtogar get kennt undirmönnum
sínum hvernig þeir eiga að skynja, hugsa, líða og hegða sér með sinni meðvituðu og
ómeðvituðu sannfæringu.
• Þættir sem leiðtogar taka eftir, mæla og stýra daglega. Þetta getur verið allt
sem þeir kerfisbundið. Ef leiðtogar veita þessu athygli og eru samkvæmir
sjálfum sér þá mun það sem þeir taka eftir, mæla og því um líkt verða til að
skilaboðin komist áfram til starfsmanna.
• Hvernig leiðtogar takast á við mikilvægar aðstæður og krísur hefur mikið að
segja. Þegar slíkar aðstæður myndast þá skapa viðbrögð leiðtogans ákveðin
gildi og viðmið um hvernig er tekið á málunum. Krísur valda stressi hjá
starfsmönnum og góð leiðtogamennska felst í að lágmarka það.
• Hvernig leiðtogar ráðstafa auðlindum út frá gildum og eigin forsendum.
• Hvernig leiðtogar hugsa um eigin fyrirmynd, kennslu og þjálfun. Leiðtogar eru
meðvitaðir um að þeirra daglega hegðun hefur áhrif á hvernig skilaboð þeir
senda til starfsmanna, sérstaklega nýrra.
• Hvernig leiðtogar ráðstafa hvatningu. Leiðtogar geta fljótt komið gildum
sínum og hugsunum til skila með því að verðlauna og “refsa” á viðeigandi
hátt.
• Hvernig leiðtogar velja, ráða, hækka í tign og reka starfsfólk sýnir
starfsmönnum vel hvaða gildi og forsendum hann tileinkar sér (Schein,2004).
54
3.8 Fyrirtækjamenning Þegar litið er á hvernig hlutir eru gerðir eða túlkaðir á ólíkum stöðum hvort sem það
er í mismunandi bæjarfélögum, löndum eða fyrirtækjum er oft talað um ólíka menningu.
En hvað er þá menning? Samkvæmt Edgar H. Schein (1999) er freistandi og stundum
viðeigandi að segja að menning sé ,, hvernig við gerum hlutina hér “ , ,, venjur og
helgisiðir í fyrirtækinu “ , ,,árferði fyrirtækisins “, ,,gildin okkar” og svo mætti lengi telja.
Allt er þetta merki um menningu en ekkert sem sýnir virkilega að menning skiptir máli.
Betri leið til að átta sig á menningu er að skilja að hún er til í mörgum lögum og við
verðum að skilja og geta stjórnað dýpri lögunum.
Það eru þrjú lög af menningu og fara þau allt frá því að vera mjög sýnileg yfir í mjög
undanskilinn og ósýnileg. Sú menning sem auðveldast er að koma auga á er það sem er
á yfirborðinu eða það sem þú sérð, finnur og tekur eftir þegar þú ert á staðnum. Hægt er
að fá ákveðna hugmynd af menningunni við þetta en raunverulegur skilningur á henni
kemur ekki við að doka við og taka eftir aðstæðum því að það er einungis það sem er á
yfirborðinu. Undirliggjandi geta verið hinar ýmsu ástæður (Schein ,1999).
Næsta lag eru föstnuð gildi og eru þar oft gömul gildi og venjur sem útskýra að
einhverju leyti það sem sést á yfirborðinu. En ekki ætti að láta þar við sitja því kafa þarf í
enn dýpra lag menningar. Þannig eru dýpri hugsanir og skynjun á bak við og hvetja þessa
hegðun á yfirborðinu ( Schein ,1999 ).
Fyrirtækjamenning hefur síðastliðin ár orðið samofin við leiðtogafræði. Leiðtogar
koma fyrirtækjamenningu af stað með eigin gildum og áætlunum. Fyrirtækjamenning
hefur verið ein leið af mörgum sem leiðtogar nýta sér til að stuðla að sterkri
skipulagsheild (Madu, 2012).
Til að skilja mismunandi menningu þarf að uppgötva forsendur sem eru til staðar án
þess að tekið sé eftir þeim af því að þær er orðnar að vana. Að hugsa um menningu á
þennan hátt er djúpstætt og fyrir það fyrsta þá verður það skýrt að hún er stöðug og
erfitt að breyta. Það er vegna þess að hún endurspeglar uppsafnaða þekkingu hóps,
hugsanir, tilfinningu og skynjun á umheiminum sem hefur gert hópinn árangursríkan.
Annað sem lærist er að mikilvægur hluti af menningu er ósýnilegur og má segja að
menning í svona djúpum lögum sé sameiginleg andleg líkön sem eru tekin sem
sjálfsögðum hlut af einstaklingum í skipulagsheildinni (Schein ,1999).
55
Það er því engin rétt eða röng, besta eða versta menningin heldur er hún í eðli sínu
hin lærða, sameiginlega ,hljóðlausa forsenda sem fólk byggir sínar daglegu hegðun á
(Schein ,1999).
4 Vátryggingafélag Íslands ( VÍS )
Á Íslandi eru mörg tryggingarfélög en af þeim eru þrjú sem eru hvað stærst. VÍS er með
liðlega þriðjungs hlutdeild á markaði og er leiðandi fyrirtæki í vátryggingum á Íslandi.
Útibú VÍS er að finna um allt land og státar félagið sig af öflugu þjónustuneti. Félagið
býður upp á víðtæka vátryggingaþjónustu og er góð þjónusta, viðeigandi ráðgjöf,
skilvirkni og sveigjanleiki áhersluatriði hjá þeim ( Vís e.d.a).
Víðtækar tryggingar er að finna hjá VÍS en meginstarfsemin liggur á sviði
skaðatrygginga og er þar áhersla á sjó og farm tryggingar, eignatryggingar, lögboðnar
ökutækjatryggingar, frjálsar ökutækjatryggingar ,slysatryggingar, ábyrgðartryggingar og
erlendar endurtryggingar. Félagið á einnig og rekur Lífís sem er líftryggingafélag og
býður það upp á persónutryggingar líkt og líf og sjúkdómatryggingar( Vís e.d.a).
Tryggingafyrirtækið VÍS, Vátryggingafélag Íslands, var stofnað formlega árið 1989
þegar Samvinnutryggingar og Brunabótafélags Íslands var sameinað. Sögu þess síðara
er hægt að rekja langt aftur eða til 1917 og var það stofnað til að annast lögbundnar
brunatryggingar. Brunabótafélag Íslands var sett á fót til að annast lögbundnar
brunabótatryggingar fasteigna en þróaðist sá rekstur fljótt í alhliða tryggingastarfsemi.
Samvinnutryggingar voru stofnaðar 1946 sem gagnkvæmt tryggingafélag og hafði slíkt
félagsform reynst gagnlegt víða um heim. Við sameininguna færðust flest viðskipti
beggja félaga í nýja félagið , VÍS, og hófst þar alhliða vátryggingastarfssemi frá 1989. Ef
horft er til iðgjalda urðu Samvinnutryggingar fljótt stærsta vátryggingarfélagið en frá
stofnun voru öll kaupfélög, fjöldi einstaklinga og annar samvinnurekstur viðskiptavinir
þeirra. Einnig urðu brunatryggingar hluti þjónustu þeirra eftir að einkaréttur
Brunabótafélags Íslands var afnumin árið 1954. Jafnframt reyndust þeir einstaklega
nýjungagjarnir í vöruúrvali , sérstaklega fyrir einstaklinga. Líftryggingafélagið Andvaki
gt.var svo stofnað 1949 í kringum norskt félag sem keypt var þá.
56
VÍS stuðlar að öryggi og ber ábyrgðir með viðskiptavinum með öflugum forvörnum og
eru verkefni sem eru forvarnalegs eðlis í forgangi (Vís e.d.a).
4.1 Stefna, gildi og hlutverk VÍS 1. mars árið 2012 var sett ný stefna um framtíðarsýn, gildi og hlutverk með tilkomu
nýs forstjóra, Sigrúnu Rögnu Ólafsdóttir sem tók við því starfi 2011. Framtíðarsýnin er:
Ánægja og tryggð viðskiptavina með einföldun að leiðarljósi. Áhersla á einföldun á
öllum þáttum starfsseminnar leiðir til skilvirkari reksturs, betri þjónustu ásamt lægri
rekstrarkostnaði og er ávallt leitað leiða til að bæta stöðugt um betur.
Hér fyrir neðan má sjá framtíðarsýn VÍS
Framtíðarsýn fyrir VÍS
• Heimasmíðuð UT kerfi
• Handvirkir ferlar
• Afsláttadrifin verðlagning
• Ósamræmi í
þjónustu
• Stöðluð UT kerfi
• Skilvirkt verklag
• Áhættumiðuð verðlagning
• Ánægja og tryggð
• Ferladrifin UT kerfi
• Stöðugar umbætur
• Mikró verðlagning
• Einstaklingsmiðuð þjónusta
Mynd 7. Framtíðarsýn VÍS
Hlutverk VÍS er að vera ,, traust, leiðandi og framsækið þjónustu fyrirtæki sem veitir
viðskiptavinum viðeigandi vátryggingavernd og stuðlar að öryggi þeirra með öflugum
forvörnum” ( Vís e.d.b).
Gildi VÍS, umhyggja, fagmennska og árangur eru í takt við hlutverkið og
framtíðarsýnina sem ,, fyrirmyndar VÍS 2017” og er ítarleg starfsáætlun til tveggja ára
sett fram sem leiðarvísir. Gildi VÍS eru höfð að leiðarljósi þegar unnið er að
lykilverkefnum sem stefnan byggir á. Eitt af sterkustu gildum VÍS er umhyggja en í því
felst að velferð viðskiptavina , starfsmanna og samfélagsins í heild skiptir máli.
Umhyggjan endurspeglast í viðhorfi starfsmanna til starfsins síns og trú þeirra á að VÍS
hjálpi fólki í raunum og er loforð VÍS til viðskiptavina að hjá þeim snúist tryggingar um
fólk.
Út frá þeirri stefnu sem félagið setti sér um hlutverk, gildi og framtíðarsýn stefnir VÍS
á næstu 5 árum á að verða það tryggingafélag sem aðrir líta til sem fyrirmyndar á öllum
57
sviðum þ.e.a.s í rekstri, í ánægju viðskiptavina, í rafrænni þjónustu og í árangursríku
forvarnarstarfi. Jafnframt því er ætlunin að gera góðan vinnustað framúrskarandi (Vís
e.d.c).
Í byrjun árs 2013 var stefnan svo þróuð enn frekar og lykiláherslum breytt út frá
gildum VÍS og stefnunni sem byggir til næstu ára. Lykilverkefnin eru nú:
• Framúrskarandi þjónusta og forvarnir
• Sækjum og ræktum mikilvæg viðskiptasambönd
• Einfaldleiki að leiðarljósi
• Arðsamur rekstur
• Öflug liðsheild
VÍS má finna víða um land og er það vegna ríkrar áherslu á skilvirkni, sveigjanleika og
gæði þjónustu við viðskiptavini. Einnig er VÍS í tryggingaviðskiptum víða um heim , til
dæmis Bretlandi, Svíðþjóð, Noregi og Þýskalandi og er það á grundvelli EES samningsins.
Auk landanna innan EES hefur félagið einnig heimild til starfssemi í fleiri Evrópulöndum.
Starfsemi VÍS er skipt í 6 svið og heyra þau öll undir forstjórann, Sigrúnu Rögnu
Ólafsdóttur. Sviðin eru tjónasvið, mannauðssvið, fyrirtækjasvið, einstaklingssvið,
fjármálasvið og þróunarsvið. Að auki sviðanna 6 heyra áhættustýring,
lögfræði/regluvarsla, tryggingastærðfræðistofa og fjárfestingar beint undir forstjóra (Vís
e.d.d).
58
Mynd 8. Skipurit VÍS
4.2 Þróun og ferli stefnumótunar VÍS Í þessum kafla verður farið yfir stefnumótun VÍS og hvernig hún hefur þróast síðustu ár.
Miðað verður við árið 2011 en lítið er um stefnumótun félagsins að finna fyrir það.
Við tilkomu nýs forstjóra árið 2011 tók stefnumótun félagsins miklum stakkaskiptum og
mikil greiningarvinna fór af stað:
,, Ég legg gríðarlega mikla áherslu á liðsheildina og ég er mjög stefnumiðuð, ég legg því
mikla áherslu á stefnumiðaða stjórnun og með þátttöku allra finnst mér það skila mestu.
Þess vegna hef ég frá upphafi verið að vinna að stefnu félagsins.
Mér finnst það rosalega mikilvægt að fólk sé vel upplýst, viti hvert við erum að fara og sé
sammála um það og eigi eitthvað í því og þannig finnst mér ég ná að virkja einmitt alla “
(Sigrún Ragna Ólafsdóttir, munnleg heimild 9.mars 2016).
Haft er eftir forstjóra að frá seinni hluta árs 2011 og fram til 2012 hafi verið farið í mikla
stefnumótunarvinnu og byrjaði hún hjá starfsmönnum félagsins. Nokkurskonar SVÓT
greining var gerð með starfsmönnum og skoðað hvaða þættir snúa inn að fyrirtækinu,
hvaða styrk-‐ og veikleikar væri fyrir hendi og hvaða tækifæri og ógnanir væru. Mikil
greiningarvinna var þarna fyrst um sinn og leitað var ráða víða. Litið var á aðstæður hér
heima og erlendis jafnt sem að fyrirtæki sem voru að ná árangri voru skoðuð. Þannig
59
var litið til fyrirtækja sem þóttu skara fram úr á einhverjum sviðum, hvort sem það væri
ferlar, starfsmannamál , þjónustu eða annað, þau heimsótt og lært af þeim.
Hagsmunaaðilar og samstarfsaðilar úr ólíkum áttum voru fengnir til liðs við félagið og
skiluðu þessir þættir ásamt fleiru þeirri stefnu sem er enn í dag.
Stefnan er svo fínpússuð á ári hverju og þar sem fyrirtækið hefur verið í miklu
breytingarferli síðan 2011 hefur verið haldinn stór fundur á hverju ári þar sem
starfsmenn koma saman , VÍS dagur heitir það , og þar er farið yfir breytingar áður en
stefnan er fullkláruð.
Ólíkt er á hvaða enda er byrjað en í fyrstu var það framkvæmdastjórnin sem myndaði
verkefnahóp, hvert og eitt í framkvæmdastjórninni bar ábyrgð á ákveðnum þáttum. Þau
voru svo með vinnuhópa með sér, fólk víða að úr fyrirtækinu til þess að bera ábyrgð á
hverjum og einum þætti. Eftir það voru allir starfsmenn kallaðir á fund, viðskiptavinum
og ýmsum hagsmunaaðilum var einnig boðið á fund. Að lokum var stefnan samþykkt af
stjórn. Á síðasta ári á VÍS degi komu ábendingar frá starfsfólki um að þeim aðkoma
þeirra að ferlinu sein. Til að laga það var byrjað á starfsmönnum og var safnað saman
ábendingum , niðurstöðum á verkefnum og ýmsu fleira sem safnaðist saman á VÍS
deginum 2015. Þannig voru starfsmenn með fyrstu snertingu að nýrri stefnu. Henni er
síðar komið til stjórnenda, svo framkvæmdastjórnar og að lokum til stjórnar sem fer yfir
allt sem komið er og samþykkir (Munnleg heimild, ýmsir stjórnendur. Viðtöl tekin í
byrjun mars 2016).
4.2.1 Árið 2011-‐2012 Ný heildarstefna VÍS var eins og áður koma fram unnin í yfirgripsmikilli
stefnumótunarvinnu frá október 2011 til febrúar 2012. Stýrihópur sem myndaður var af
framkvæmdastjór annaðist greiningarvinnu, gagnaöflun, hlusta á hagsmunaaðila og
skoða fordæmi. Stefnumótunarfundir voru haldnir með starfsmönnum ásamt forstjóra
og komu því allir að ferlinu. Einnig voru sérstaklir vinnufundir stjórnar og stjórnenda.
Í mars var svo nýtt hlutverk, gildi , framtíðarsýn og starfsáætlun kynnt fyrir
starfsmönnum. Lykilverkefni sem styðja við framgang og innleiðingu stefnunna og
lykilmælikvarðar sem mæla hvort markmið næðust voru einnig kynnt.
60
Í ágúst sama ár var svo öllum starfsmönnum boðið til kynningar í Hörpu þar sem farið
var yfir hvernig innleiðing nýrrar stefnu gengi og árangri lykilmælikvarða. Að lokum var
kynnt nýtt merki VÍS sem og nýrri auglýsingaherferð hleypt af stokkunum.
Skipulagsbreytingar voru einnig gerðar til að styðja enn frekar við nýja stefnu og voru
starfsmenn og verkefni færð milli sviða og var markmiðið með þeim að einfalda ferla og
auka hagræði ( VÍS, e.d.e).
4.2.2 Árið 2013 Líkt og komið hefur verið inn á setti VÍS sér viðamikla stefnu árið 2012 og var hún lögð
fram til fimm ára með lykiláherslur á einföldun, skilvirkni og betri rekstur. Þrátt fyrir að
ekki sé lögð fram ný eiginleg stefna ár hvert er hún löguð að breyttum aðstæðum í
samvinnu við starfsfólk. Þannig er aðkomu allra í fyrirtækinu háttað og eftir að allir hafa
lagt sitt af mörkum verður til svokallaður stefnuvísir fyrir starfsemina.
Með þessum hætti má skerpa á áherslunum í samræmi við helsta markmið félagsins
sem er að veita framúrskarandi þjónustu með áherslu á mikilvægi forvarna og að
reksturinn verði sambærilegur við það besta sem gerist á hinum Norðurlöndunum.
Árið 2013 var hafið að innleiða straumlínustjórnun eða LEAN aðferðafræði og er það í
samræmi við stefnu félagsins um að auka ánægju viðskiptavina, einföldun á starfsemi og
aukna skilvirkni. LEAN gengur einmitt út á það að einfalda og staðla ferla og voru
fagaðilar á þessu sviði fengnir til liðs. Í lok árs 2013 var þegar búið að byggja upp þó
nokkra þekkingu starfsmanna á LEAN en þetta átti einungis að vera upphafið að breyttri
menningu til frambúðar þar sem byggt verður á stöðugum umbótum og hugsjón um að
alltaf megi gera betur (VÍS e.d.f)
4.2.3 Árið 2014 Enn er farið í betrumbætur á stefnunni. Farið var yfir þann árangur sem hafði náðst ,
breytingar í markaðsumhverfinu og drög að nýrri starfsáætlun fyrir komandi ár var sett
fram. Slagorð VÍS er þar sem tryggingar snúast um fólk og er reynt að láta það skila sér í
starfseminni. Þannig eru allir þættir sem snúa að viðskiptavininum kortlagðir og skoðað
hvernig og hversu mikið hver og einn skiptir máli. Með þeim hætti má bregðast við
væntingum viðskiptavina, hvar má bæta og hvar mikilvægast sé að byrja.
61
Innleiðing LEAN menningar er á öðru ári og tókst að ljúka við þrjár deildir á árinu og
þrjár aðrar enn í ferli. Ávinningur þessa mældist strax og var hann í samræmi við sett
markmið.
Markmið voru sett fram um að vera í fararbroddi í rafrænni þjónustu í takt við
líklegan vilja viðskiptavina að afgreiða sig sjálfir. VÍS varð fyrst til að taka í notkun rafræn
skilríki og var ákveðið að árið 2015 yrði settur nýr vefur í loftið sem á að styðja við það (
VÍS e.d.g).
4.2.4 Árið 2015 Frá því að ný stefna var sett árið 2012 hefur verið fjárfest mikið til að styrkja og einfalda
innviði VÍS. Öll lykilverkefni og stefnumið eru þannig miðuð að því að undirliggjandi
rekstur sé einfaldaður og styrktur og virði búið til fyrir viðskiptavini. Mun þessi
fjárfesting til lengri tíma auka hagkvæmni í rekstri og bæta þjónustu VÍS við
viðskiptavini.
Sjá má á myndinni fyrir neðan að verulegur árangur hefur náðst í lækkun
rekstrarkostnaðar með því að setja einföldun og stöðugar umbætur í forgang (VÍS e.d.h)
Mynd 9. Lækkun rekstrarkostnaðar vegna einföldunar, VÍS
Líkt og fyrri ár var stefnan skoðuð með þátttöku allra starfsmanna og var það gert á
VÍS deginum. Farið var yfir þær breytingar í markaðsumhverfi félagsins og hvaða árangur
62
hafði þegar náðst. Einnig var unnið í hópum þar sem rætt var hvað gekk vel, hvað mætti
betur fara, hvort breytingar væri æskilegar og hvort VÍS væri á réttri leið. Yfir 500
ábendingar í ýmsum formum líkt og verkefni og hrós komu frá þeirri hópavinnu og voru
þær allar yfirfarnar og settar í viðeigandi farveg til úrvinnslu.
Tvö ný stefnumið voru einnig til umræðu og komu yfir 1000 atriði fram sem snúa að
þeim (VÍS e.d.h)
Endurbætt stefna og starfsáætlun er síðar unnin upp úr grunninum sem hlíst þessari
vinnu og að lokum samþykkt af stjórn. Í byrjun nýs árs er þetta svo kynnt fyrir öllum og
svokallaður stefnubæklingur með áhersluþáttum og stefnu er afhentur öllum
starfsmönnum.
Til að framkvæma stefnuna eru skilgreind stefnumið, lykilverkefni og
lykilmælikvarðar. Til að vita hvernig innleiðingin gengur er rýnt í mælikvarðana
mánaðarlega.
Stefnumiðin eru fimm og eru þau nánari útfærsla á framtíðarsýn, áherslum og
markmiðum félagsins næstu þrjú til fimm árin. Í hverju stefnumiði er að finna yfirlýsingu
á stefnu, stefnupunkta fyrir hvert og eitt ásamt aðgerðaráætlun og lykiláföngum (VÍS
e.d.h)
Stefnumiðin fimm eru:
• Fremst í þjónustu
• Rafræn þjónusta
• LEAN menning
• Gagnagreind
• Öflug liðsheild
Fremst í þjónustu felur í sér að veita þarf framúrskarandi þjónustu til þess að
viðskiptavinir upplifi þjónustuloforð VÍS sem er að tryggingar snúast um fólk. Til að
bæta þetta var farið í skipulagsbreytingar. Markaðsdeildin varð að þjónustu og
markaðsdeild og þannig á hún að styðja betur við nýtt hlutverk deildarinnar.
Verkefni,líkt og endurkoðun á meðhöndlun kvartana, voru skilgreind ásamt bættum
þjónustumælingum til að ná þessum markmiðum. Jafnframt var stór rannsókn gerð til
63
að skilja betur upplifun viðskiptavina á þjónustunni og hvað skiptir raunverulega mestu
máli. Aðkoma viðskiptavina var einnig bætt með talsverðum breytingum á móttöku
þeirra í anddyri hússins með það að markmiði að gera hana þægilegri og meira
aðlaðandi og þykir það hafa tekist vel.
Rafræn þjónusta er svar við ósk sífellt fleiri viðskiptavina sem vilja nýta sér slíka
þjónustu og sjálfsafgreiðslu og telja stjórnendur VÍS að enn fleiri vilji það á næstu árum.
Mikil tækifæri liggja í því að víkka út þjónustunetið með rafrænum hætti og er það
viðskiptavinum til hagsbóta.
Nýr vefur VÍS var settur í loftið á árinu og voru helstu áherslur þar á einfaldleika og
þarfir viðskiptavina. Vefurinn skilaði VÍS verðlaunum frá samtökum vefiðnarins fyrir
hönnun og viðmót. Í kjölfar nýs vefs er mikil áhersla lögð á tengingu hans og nýs
tryggingakerfis en samþætting þessara kerfa er afar mikilvæg þegar litið er til sjálfvirkni
og sjálfsafgreiðslu viðskiptavina (VÍS e.d.h)
LEAN menningin hefur nú verið innleidd um allt fyrirtækið og hafa allir starfsmenn
VÍS fengið þjálfun og kennslu og var það eitt af markmiðum ársins. Ávinningur
verkefnanna var mælanlegur og í takt við upphafleg markmið og má til dæmis nefna að
með innleiðingunni höfðu 21. 593 vinnustundir verið sparaðar. Ýmsu verklagi var breytt
og daglegum starfsmannafundum komið á þar sem farið er yfir skipulag og
árangursmælingar. Deildarstjórar nýttu sér svo LEAN aðferðafræðina í lok
innleiðingarinnar til að bæta þjónustu, auka skilvirkni og fylgdu þannig þeirri menningu
að byggja á stöðugum umbótum. Árangur VÍS á innleiðingu LEAN menningu hefur vakið
mikla athygli og hefur fjöldi hópa komið til VÍS fyrir ráðleggingar sem og að VÍS hélt
ráðstefnu um málefnið í samvinnu við Stjórnvísi.
Gagnagreind er mikilvæg þar sem starfsemi vátryggingafélaga byggir á öflugri og
skilvirkri vinnslu gagna. Til að hafa rétta verðlagningu er áreiðanlegt áhættumat ásamt
virðisgreiningu sem byggir á sögulegum gögnum ómissandi og er forsenda
einstaklingsmiðaðrar þjónustu að geta greint viðskiptavini og þeirra þarfir. Ný deild var
stofnuð við síðustu skipulagsbreytingar, gagnagreining, og var það gert til að styðja
betur við stefnu VÍS í þessum mikilvæga málaflokki.
Öflug liðsheild er fimmta og jafnframt nýjasta stefnumið VÍS og var það skilgreint á
árinu en hefur þó verið lykiláhersla frá 2011 þegar heildarendurskoðun stefnunnar fór
64
fram. Með stefnumiði þessu verða áherslur og verkefni sem snúa að mannauði félagsins
skýrari. Eins og áður kom fram þá voru um 900 atriði sem komu fram á VÍS deginum sem
snéru að þessu stefnumiði. Eitt stærsta verkefni ársins sem fellur undir Öfluga liðsheild
er jafnlaunavottun og markmiðið er að ná henni árið 2016 (VÍS e.d.h)
Hér fyrir neðan má sjá nýjasta stefnuhring VÍS.
Mynd 10.Stefnuhringur VÍS
Stefna er ákveðinn vegvísir sem segir mér hvert við viljum fara og hvernig við viljum
vera. Þannig er stefna fyrirtækis kort, risastórt landakort. Þú getur skoðað einstaka lönd
og borgir en einnig geturu farið og skoðað allt ítarlega eins og vegi og þannig.
Tilvísun þessi er lýsing eins viðmælanda á hvað stefna er. Stefnumótun VÍS hefur
augljóslega verið umtalsverð síðastliðin fjögur á og tekið breytingum þegar við á.
Þegar spurt var um mikilvægi skýrrar stefnu var svarið einróma hjá þeim er sátu viðtal
hjá rannsakanda, lífsnauðsynlegt. Eins og haft er eftir einum viðmælanda:
Ef þú veist ekki hvert þú ert að fara þá skiptir engu máli hvað þú ert að gera en þegar þú
ert komin með stefnuna þá veistu það, þú verður að hafa framtíðarsýn til að vita það og
þegar þú veist það þá geturu ákveðið hvað þú þarft að gera til að ná því og að lokum
65
hvernig. Ef stefnan er ekki skýr þá raknar þetta allt upp og þú ferð að gera eitthvað allt
annað ( munnleg heimild, mars 2016).
Stefnan, lykilverkefni og stefnumið eru endurskoðuð árlega og eru breytingar gerðar í
takt við breytt umhverfi. Hlutverk og gildi hafa þó haldist óbreytt frá 2011. Haft er eftir
starfsmanni að ,, þú ert aldrei búin að innleiða eða framkvæma stefnuna því að
umhverfið breytist og þá þarf að framkvæma öðruvísi verkefni. Stefnumál eru þannig
mjög lifandi verkefni sem að aldrei lýkur”.
4.3 Samanburður stefnumótunar VÍS við fræðin Þegar borin eru saman fræði stefnumiðaðrar stjórnunar og hugmyndafræði VÍS má
finna góða tenginu. Stjórnendur virðast þannig nýta sér fræðin sér til aðstoðar.
VÍS styðst við hugmyndafræði stefnumiðaðs árangursmats (e.Balance Scorecard) við
mótun, framkvæmd og mælingar á stefnu (Óskar Friðrik Sigmarsson, munnleg heimild
5.mars 2016).
Hér að neðan má sjá mótun stefnu VÍS á mynd. Aðferðafræðin Heimsóknir*stýrihóps*/l*• Icelandair*• Toyota**Tillögur*vinnuhóps.*• LF*• ALKA*• TopDanmark*• Ergo**
Vinnufundur*stjórnar**Vinnufundur*stjórnenda*• 39*þáJtakendur*• 1.298*atriði*seJ*á*blað*• Vinnuhópur*skipaður*7*stjórnendum*vann*úr*niðurstöðum*
j*
Vinnufundir*með*viðskiptavinum*og*samstarfsaðilum*• 110%*mæ/ng*• Vinnuhópur*skipaður*11*starfsmönnum*vann*úr*
*Vinnufundir*starfsmanna*• 13*fundir*–*212*manns*• 2.903*atriði*seJ*á*blað*• Vinnuhópur*skipaður*13*sjálVoðaliðum*vann*úr*
*
Vinnuhópur*vann*að*innri*greiningu**• 6*starfsmenn*• Samandregnar*niðurstöður*
*Vinnuhópur*vann*að*ytri*greiningu*• 7*starfsmenn*• Samandregnar*niðurstöður*
!
*
Mikill*samhljómur!*
Mynd 11. Aðferðafræði stefnumótunar VÍS
Líkt og áður var nefnt er stefna ekki eitthvað sem endir einhvers heldur er stefna ferli
sem ekki tekur enda ef vel er að verki staðið. Þannig er sífellt verið að endurskoða
stefnuna, mæla, greina og aðlaga að breyttum aðstæðum. VÍS er með stefnumálin
66
áberandi og er einbeittur vilji að allir starfsmenn skynji það. Stefnumótunarferlið er
hringrás og er stefnan að lágmarki endurskoðuð einu sinni á ári (munnleg heimild, ýmsir
stjórnendur VÍS, mars 2016).
Hér að neðan má sjá hringrás stefnumiðaðrar stjórnunar VÍS.
Stefna'Fram+ðarsýn'
Greiningarvinna'
Hlutverk'og'gildi'
Starfsáætlun'
Verkefni'gangse<'
Mælingar'og'e>irfylgni'
er'hringrás'
Stefnumiðuð stjórnun Endurskoðun stefnu- og starfsáætlunar
Mynd 12. Hringrás stefnumiðaðrar stjórnunar VÍS.
VÍS setur sér skýr markmið og setur á skilvirkan hátt lykilverkefni sem stuðla að settu
markmiði í forgang.
Hér fyrir neðan má sjá stefnumarkmið VÍS. Athugið að tölunum hefur verið breytt.
Ánægðir og tryggir viðskiptavinir með einfaldleika að leiðarljósi
Stefnumarkmið VÍS – F3 2015
Ánægjuvog)VÍS)!
Framúrskarandi þjónusta Einfaldleiki og skilvirkni Sækjum og ræktum mikilvæg viðskiptasambönd
Viðskiptatryggð)X!
Endurnýjunarhlu;all)X%!
Kostnaðarhlu;all)X%!
Auka)tryggð)viðskiptavina)með)því)að)veita)persónulega)þjónustu)og)
framúrskarandi)rafrænar)þjónustuleiðir)
Nýta)gögn)Gl)að)velja)eHirsóknaverða)viðskiptavini)og)verðleggja)þá)í)samræmi)við)
áhæJu)og)aðstæður)
Lækka)rekstrarkostnað)og)gera)þjónustu)aðgengilegri)og)skilvirkari)
Auka)Viðskiptatryggð)úr)X)í)X)fyrir)árslok)2016!
Halda)Endurnýjunarhlu;alli)>)X%)á)öllum)mörkuðum!
Lækka)rekstrarkostnað)per)viðskiptavin)um)X%)fyrir)lok)árs)2015!
Hækka)ánægjuvog)úr)X)árið)2014)í)X!fyrir)2017!
Lækka)kostnaðarhlu;all)úr)X!%)í)X%)fyrir)árslok)2017!
Kostnaður)per)viðskiptavin)X!Kr.!
Framsækið VÍS
Mynd 13.Stefnumarkmið VÍS
67
Lykiláherslur VÍS eru kallaðar Stefnumið (e. Initiatives) og eru þau ítarlegri útfærsla af
stefnu félagsins til að ná fram framtíðarsýninni. Stefnumiðin hafa þann tilgang að
útskýra stefnuna betur og hvað hver punktur í framtíðarsýninni merkir í raun.
Stefnumiðin skilgreina áfanga sem stefnt er að og er hver til þriggja ára. Með
stefnumiðum er stefnan færð nær starfsfólkinu og útskýrir betur hvað þarf til og hvernig
er hægt að vinna að framtíðarsýninni. Þannig eru lykilstarfsmenn virkjaðir og valdi og
ábyrgð dreift (munnleg heimild, ýmsir stjórnendur VÍS, mars 2016).
Hér fyrir neðan má sjá dæmi um mælikvarða hjá VÍS og hvernig litaörvarnar skýra
stöðuna. Athugið að tölunum hefur verið breytt. Skilgreining á mælikvarða
Ánægðir og tryggir viðskiptavinir með einfaldleika að leiðarljósi
Hækka%ánægjuvog%VÍS%úr%x%árið%2014%í%x&fyrir%2017&
Tenging&við&fram3ðarsýn&2015& Tenging&við&fram3ðarsýn&2017&
! Mælingar%staðfesta%aukna%ánægju%viðskiptavina% ! Viðskiptavinir%eru%ánægðir%og%mæla%með%VÍS%
! VÍS%er%í%fararbroddi%með%rafræna%þjónustu%
! Allir%verkferlar%og%verkefni%eru%hugsuð%úDrá%virði%El%viðskiptavina%
Mælingar%ánægju%eru%víða%hjá%VÍS%og%ef%við%hreyfum%
þær%í%réGa%áG%á%það%að%endurspeglast%í%ánægjuvoginni.%
Ánægjuvoginn%endurspeglar%heildaránægju%
viðskiptavina.%%
Rafræn%þjónusta%og%horfa%á%virði%viðskiptavina%tengist%
ánægjunni%verulega.%
Umferðaljós& Brey=ng&(Trend)&
Erum%á%áætlun%/%markmiði% Gult%í%Grænt%eða%RauG%í%Gult%
Erum%yfir%aðvaranamörkum% ÓbreyG%staða%
Erum%undir%aðvaranamörkum% Grænt%í%Gult%eða%Gult%í%RauG%
Framsæ
kið VÍS
Á
nægðir viðskiptavinir
með einfaldleika að leiðarljósi
Mynd 14.Mælikvarði VÍS
Eins og fram kom í fræðikaflanum um stefnumiðað árangursmat þá er oft stuðst við
stefnukort og er það upphafspunkturinn ef nýta á þá aðferð samkvæmt höfundum
hennar.
VÍS aðhyllist þessa aðferðafræði og leggur mikið upp úr að hægt sé að mæla stefnuna
og eru skilgreindir mælikvarðar fyrir helstu lykilverkefnin til að fylgjast megi með árangri
með markmiðin að leiðarljósi (munnleg heimild , ýmsir stjórnendur VÍS, mars 2016).
Tilgangur mælikvarðanna er að fylgjast með þróun, mæla árangur, mæla rekstur og
áhrif LEAN aðferðafræðinnar og ná fram og fylgja eftir breytingum. Lykilmælikvarðarnir
68
mæla svo hversu vel gengur að fylgja stefnunni, hver árangurinn af henni er og hvort
félagið sé að nálgast framtíðarsýnina (munnleg heimild, ýmsir stjórnendur VÍS, mars
2016).
Hér fyrir neðan má sjá hvernig mælikvarðar eru settir upp í stefnukort og hvernig þeir
tengjast allir innbyrðis. Allir mælikvarðar styðja hvorn annan
Mynd 15. Stefnukort VÍS
Nánar verður vikið að tengingu aðferðafræði VÍS í niðurstöðukaflanum.
5 Niðurstöður
Í þessum kafla verða helstu niðurstöður rannsókna kynntar. Í fyrri köflum verður farið
yfir eigindlega hlutann og verður þar farið yfir sex þemu sem rannsakanda þóttu mest
áberandi í greiningu gagna.
Í seinni hlutanum verður svo farið yfir megindlega hluta rannsóknarinnar og verða
þar helstu niðurstöður kynntar með hjálp tölfræðiforritsins SPSS.
Að lokum verða niðurstöður dregnar saman og svör við rannsóknarspurningum sett
fram.
69
5.1 Niðurstöður eigindlegrar rannsóknar Í þessum kafla verður farið yfir niðurstöður eigindlegu rannsóknarinnar. Leitast er við
að draga fram þær upplýsingar sem fram komu í viðtölunum og geta aðstoðað við að
svara rannsóknarspurningunni.
5.1.1 Hvað er stefna Rannsakanda þótti áhugavert að spyrja viðmælendur hvað stefna merkir fyrir þeim.
Upphaflega var lagt upp með að sú spurning væri meira til að komast nær því hvernig
viðmælendur hugsuðu um stefnu en eftir að öll viðtölin höfðu verið tekin og afrituð var
ljóst að þetta væri einn kóðanna enda síendurtekið í gegnum viðtölin og ljóst að
merkingin skipti miklu máli með tilliti til upplifunar á ferlinu.
Allir viðmælendur voru á sama máli að stefna væri einhverskonar leið að markmiði og
með stefnunni væri hægt að ákveða hvaða leið ætti að fara til að ná því. Einn
viðmælandi segir stefnu vera ,, uppskrift til að komast áfram og þróa fyrirtækið til að
mæta breyttum aðstæðum frekar en að vera einhver fastmótuð skoðun á hvernig við
ætlum að vera” .
Annar viðmælandi nefndi svo ,, stefnan er grunnurinn að árangri okkar “ og er það í
takt við flest svörin. Mikið var um að viðmælendur notuðu samlíkingar til að útskýra
þetta og er hér ein ,,stefna er bara svona risastórt kort, landakort, svo geturu farið niður
á mismunandi level á kortinu hvort sem þú vilt bara sjá löndin eða ítarlegar líkt og
vegakerfið eða þannig “. Önnur samlíking kom frá öðrum viðmælanda sem sagði ,,
stefna er bara eins mastrið á skipinu, þú ferð ekkert án þess “.
Augljóst virðist af svörunum að dæma að stefna er ákveðinn þáttur í að starfsfólk og
stjórnendur skilji sinn tilgang betur og haft er eftir einum viðmælanda ,, það sem fær
mig til að mæta í vinnuna á hverjum einasta degi af því að mér finnst ég vita hvað ég er
að fara að gera , tilhvers og hvernig. Þetta er minn drifkraftur alla daga” .
Að stefna sé ákveðið markmið skein í gegnum svör viðmælenda og minntust allir á að
hún væri ómissandi hlekkur til að ná markmiðum sínum líkt og einn viðmælandi sagði ,,
við erum með markmið, eitthvað æðra markmið og til að ná því setjum við okkur fleiri
markmið og finnum okkur leið til að ná þeim. Þannig að stefna er í raun leiðin að því,
útskýring á hvernig við ætlum að ná okkar markmiðum”.
70
Á meðfylgjandi mynd má sjá kóða sem merktir voru og tengjast því hvað stefna
merkir fyrir viðmælendur.
Tafla 1.Kóðar fyrir þema 1.
5.1.2 Mikilvægi skýrrar stefnu
Rannsakanda þótti einnig mikilvægt að heyra hvað viðmælendum þótti vera mikilvægt
við það vera með skýra stefnu og var augljóst á viðtölum að einróma var að hún væri
gríðarlega mikilvæg. Í gegnum öll viðtölin minntust viðmælendur aftur og aftur á
mikilvægið og þótti rannsakanda því ekki spurning að þetta væri eitt af aðalþema
rannsóknarinnar.
Haft er eftir yfirstjórnanda ,, það er svo mikilvægt að fá alla til að róa í sömu átt og
geta sagt fólki hvert það á að fara og að auki vita það sjálfur! “ Einnig minntist hann á
mikilvægið kæmi líka í ljós vegna þess að þá er auðveldara að útskýra breytingar , að
þær séu bara lítill hluti af stærra púsli. Að það sé einfaldara að fá fólkið með sér þegar
það skilur tilganginn með breytingunum og eins hvað það þær þýði fyrir sig.
71
Annar viðmælandi segir ,, að hafa skýra stefnu er bara lífsnauðsynlegt, ef hún er ekki
til staðar þá veit enginn hvert hann er að fara og ef enginn veit það þá verður fyrirtækið
stefnulaust og það getur endað illa og ekki á löngum tíma”. Þannig virðast allir
viðmælendur vera á sama máli með að skýr stefna fyrirtækisins sé mikil nauðsyn.
Að skýr stefna sé einskonar leiðarljós fyrir alla stjórnendur og starfsmenn kom einnig
fram og að leiðarljósið þurfi að vera vel útskýrt svo að allir sitji við sama borð. Hvernig
auðlindum er úthlutað var einnig minnst á í flestum viðtölum ,, það skiptir gríðarlega
miklu máli að við vitum hvernig við ætlum að ná markmiðum okkar og með auðlindir við
þurfum að nota, hvort sem þær eru fjárhagslegar eða mannauður. Þá getum við verið
með fyrirfram ákveðið hvað á nota fyrir hvert verkefni og þá þarf ekki að standa í þeim
pælingum fyrir hvert verkefni fyrir sig. Hvert verkefni á ekki að vera álitið sem stakt
verkefni heldur er þetta allt hluti af stærra verkefni, stærra samhengi”. Þessu virtust
flestir vera sammála og var margoft minnst á það að hvert verkefni sem færi í gang væri
í takt við stefnuna og því væri ekki farið af stað með verkefni sem væru á skjön við
stefnuna. Þannig væru öll verkefni partur af heildarmarkmiðinu. Til dæmis nefndi einn
viðmælandi ,, eitt af okkar markmiðum og því hluti af stefnunni er að auka ánægju og
traust viðskiptavina og með einfaldleikann að leiðarljósi erum við að vinna að
hagkvæmari rekstri sem skilar sér í hagstæðari leiðum fyrir viðskipavininn og þar af
leiðandi meiri ánægju og trausti hjá honum” .
Annar yfirstjórnandi talar um breytingaferlið sem félgið hefur verið í síðustu ár ,, við
einsettum okkur að taka félagið og umbreyta því og verða nútímalegri. Þetta eru
rosalega miklar breytingar , hvort kalla megi umbyltingu jafnvel , allavega risastórt
samansafn af breytingaverkefnum t.d upplýsingakerfið okkar, ferlar, vinnubrögð og
menningin. Við hefðum aldrei getað gert þetta á þessum skala ef ekki væri fyrir stefnuna
sem við gátum svo brotið upp í smærri verkefni. Þannig eru allir með vegvísir að
verkefnunum og vita hver er væntanleg lokaútkoma”.
Sami viðmælandi minntist enn fremur á mikilvægi stefnunnar í ljósi þess að ná
framförum ,, það er alveg crusial að hafa skýra stefnu ef þú ætlar að ná einhverjum
markmiðum og árangri það er að segja ef þú ætlar ekki að sullast í sama polli endalaust
”. Að fá alla starfsmenn og stjórnendur til að sigla í sömu átt og stefna í átt að sömu
markmiðum virtist vera það sem allir viðmælendur voru sammála um. Að auki var
72
nokkuð oft minnst á ástæða fyrir því að viðmælandann langaði virkilega að mæta í
vinnuna og hlakkaði hreinlega til væri vegna þess að hann vissi hvað væri ætlast til, vissi
hver ávinningurinn af starfi hans væri og vissi að ekki væri verið að vinna í verkefnum
sem skipta ekki máli.
Það var ólíkur starfsaldur viðmælenda og var hægt að merkja í svörum þeirra sem
lengur höfðu verið að meiri vitund um stefnumál ætti við síðastliðin 4-‐5 ár. Einn
viðmælenda sem lengi hefur starfað hjá félaginu sagði svo ,, í fyrsta skipti núna er hér
mjög ákveðin sýn og það vita allir hvert er verið að fara og að allt sem við erum að vinna
tengist þessu markmiði og ég finn svo mikinn mun frá því áður því þá var kannski verið
að vinna hitt og þetta, mismunandi milli deilda og jafnvel innan sviða. Þannig var ekkert
samræmi, einn ákvað að fara í eitt en annar í eitthvað annað og ekkert talað saman og
því enginn að stefna í sömu átt. Mér finnst þess vegna vera miklu meiri samstaða og
vitund hjá okkur núna “.
Á myndinni má sjá kóða sem féllu undir þemað mikilvægi skýrrar stefnu.
Tafla 2.Kóðar fyrir þema 2
73
5.1.3 Eign allra Það var nokkuð ljóst á svörum viðmælenda að stefna félagsins var álitin sem eign
allra. Það var einstaklega áberandi í svörum að mikilvægt væri að allir starfsmenn kæmu
að ferlinu, kæmu með ábendingar og að álit allra skipti virkilega máli. Einn tók svo til
orða ,, við fengum ábendingar í fyrra um að starfsmönnum fannst þeir koma seint að
ferlinu þ.e.a.s á eftir deildar og framkvæmdarstjórum og því hlustuðum við á það og
snérum ferlinu við. Nú byrjum við hjá starfsfólkinu og við fengum svo mikið af frábærum
ábendingum , yfir 500 stk , þetta gerum við klárlega áfram! “.
Allir starfsmenn koma því að þegar búin eru til svokölluð stefnumið en það eru
langtímamarkmiðin eða lykiláherslur. Þá eru allir með í því að útfæra stefnumiðin,
hvernig á að ná þeim og hvaða auðlindir þarf til. Einn viðmælandi segir ,, þá erum við
með allt starfsfólkið saman komið og skiptum í hópa og búin er til ákveðin framtíðarsýn,
til hvers erum við að þessu og það þarf að styðja við stefnuna og svo búin við til
stefnupunkta til að vinna að framtíðarsýninni bara svo punktar sem útskýra betur hvað
við þurfum að gera til að ná þessari framtíðarsýn og einnig búum við til vörður eða
milestones. Þá erum við með framtíðarsýn, tékklista og tímabil fyrir hvert stefnumið og
allt komið beint frá staffinu “.
Allir voru sammála um það að stefnan eigi að vera eign allra en hvort öllum fyndist
það nú þegar var ekki alveg ljóst hjá öllum ,, til að þetta gangi upp verða allir að skilja til
hvers er ætlast af þeim og hvaða áhrif verkefni og breytingar hafa áhrif á það. Þetta er
það sem við höfum verið að vinna með. Með stefnumiðum og mælikvörðum sem við
komum niður á deildirnar og þá verður einfaldara fyrir alla starfsmenn að skilja að ef ég
geri þetta þá er ég að standa mig vel og ég er að leggja mitt af mörkum til að félagið nái
markmiðum, þannig er tengingin komin til allra. Þetta er allt í vinnslu, ekki orðið
fullkomið en það kemur “.
VÍS útbýr stefnuhring sem sýnir á myndrænan hátt hvernig stefnumiðin,
lykilverkefnin og aðrir mikilvægir þættir stefnunnar raðast upp og hvernig allt tengist.
Allir viðmælendur voru sammála því að þessi stefnuhringur sé einn liður í því að færa
stefnuna nær öllum starfsmönnum og gera hana skiljanlegri fyrir alla, hér er haft eftir
einum millistjórnanda ,, ...svo er þessi stefnuhringur sem er svo góður fyrir okkur
stjórnendur til að tengja verkefnin og daglegt tal við stefnuna. Þó við séum alltaf að
74
máta okkur við stefnuna þá eru ekki endilega allir starfsmenn að því og því er svo gott
að geta vitnað í auðskiljanlega mynd eins og stefnuhringurinn er og þannig ná flestir
sömu tengingunni og sama skilning á af hverju við erum að gera hlutina eins og við
gerum þá “.
Þegar spurt var um hvort að hægt væri að hafa almenna starfsmenn meira inn í
stefnumótunarferlinu voru nær allir á sama máli um að VÍS biði nú þegar upp á þannig
vettvang að allir starfsmenn sætu við sama borð þegar það kæmi að þessum málum.
Einnig voru mörg svör á þennan veg ,, VÍS býður upp á það að allir taki þátt en það er þó
ekki hægt að ætlast til að allir séu tilbúnir í slíka vinnu. Fyrir þá sem vilja virkilega taka
þátt í þessu ferli þá er vettvangur fyrir það, þetta er val eins og flest annað “. Það voru
flestir á því máli að allir starfsmenn ættu að taka þátt og láta sér málið varða því að að
stefna sem allir eiga þátt í að marka verður auðveldara að fylgja eins og haft er eftir
einum yfirstjórnanda ,, það er svo mikilvægt að starfsfólkið mæti á VÍS daginn og láti í
sér heyra, þau þekkja hlutina best, vita hvar við erum að gera góða hluti og hvar má
gera betur “.
Mikið var rætt um mælikvarða og þótti það merkjanlegt á svörum að ekki næri nóg
farið yfir mælingar og niðurstöður þeirra. Því væri ábótavant að starfsmenn fengju
ábendingar og vitneskju um þann árangur sem hefði náðst og hvað væri enn eftir. Einn
viðmælandi nefndi svo ,, ef starfsmenn taka þátt í stefnumótuninni þá eru þeir líklegri til
að vilja fara eftir henni en þeir verða vita hver staðan er miðað við markmið. Skiptir því
öllu máli fyrir starfsmenn að vita hvar þeir standa, hvernig þeir eru að standa sig og að
þeirra framlag sé að skila einhverju. Betri mælingar og endurgjöf myndu vera góður
partur af þessu “.
Á myndinni fyrir neðan má sjá kóðana sem tengjast þemanu eign allra.
75
Tafla 3.Kóðar fyrir þema 3
5.1.4 Lifandi ferli Rannsakanda þótti áhugavert að skoða hvernig horft er til stefnunnar og hvernig
endurskoðun á henni virkar. Svörin voru keimlík því allir voru sammála því að stefnuna
þarf að endurskoða reglulega því umhverfið væri kvikt og nauðsynlegt væri að vera
tilbúin að mæta breytingum. Oft virðist talað um í stefnumótun að stefna sé lokaútkoma
einhvers ferlis og þá sé komið eitthvað skjal sem má vinna eftir. Allir viðmælendur voru
sammála því að sett stefna væri langt frá því að vera lokaútkoma einhvers ferlis því hún
væri lifandi verkefni sem tæki aldrei enda.
Haft er eftir einum viðmælanda ,, þetta er eilífðarverkefni, aldrei bara búið! Það
koma áskoranir úr öllum áttum og við leggjum áherslu á það við tökum breytingum
fagnandi og erum meðvituð um að það er allt á fleygiferð í kringum okkur og því er
stefnan lifandi og getur tekið breytingum. Hún er endurskoðuð einu sinni á ári og oftar
ef okkur þykir þurfa “.
Einnig var mikið talað um að horfa ekki til baka heldur fram á við og skoða hvernig
megi bæta árangurinn í framtíðinni. Yfirstjórnandi tók svo til orða ,, breytingar eru ekki
til að hræðast , það er bara gott að fólk færist til í starfi og að ferlar breytist. Þó að
ákveðið sé að breyta einhverju þá þýðir það ekki að hitt hafi verið rangt því við erum
ekki að horfa í baksýnisspegilinn, ekki að horfa á breytingar af því að hitt hafi verið
ómögulegt heldur erum við að hugsa hvað getum við gert betur til framtíðar og hvernig
erum við betur undirbúin fyrir hana “.
76
Allir virtust viðmælendur á sama máli um það að endurskoðun stefnunnar væri opin
og vel væri horft til breytinga. Einnig var minnst mikið á að oftast væri um
áherslubreytingar að ræða og því ekki of ruglandi fyrir hinn almenna starfsmann.
Á meðfylgjandi mynd má sjá kóða fyrir þemað lifandi ferli.
Tafla 4.Kóðar fyrir þema 4
5.1.5 Aðgreining Á upprunalega spurningalistanum var ekki spurning um aðgreiningu en líkt og farið
var yfir í aðferðafræðikaflanum þá var hlustað vel á viðmælendur og spurningar
útvíkkaðar eftir þörfum. Þannig þótti rannsakandi augljóst eftir fyrstu viðtöl að
aðgreining var eitthvað sem var öllum ofarlega í huga og því þótti vert að kafa dýpra í
það.
Einkennandi var stollt til vinnustaðar í svörum viðmælenda en þótti þeim flestum
vanta betri aðgreiningu. Einn viðmælandi sagði svo ,, ef ég ætla að vera alveg brútal þá
hefur tryggingabransinn ekkert breyst í 100 ár og ekki við heldur, þess vegna höfum við
einsett okkur að verða nútímalegri “.
Flestir virtust sammála um að tryggingafélögin væru í raun öll eins og með eins
tryggingar líkt og einn viðmælandi sagði ,, ef við finnum okkur ekki eitthvað sem
aðgreinir okkur frá hinum þá erum við aldrei að fara neitt framar en þeir “.
77
Einnig talaði einn um að stefna allra tryggingafélaga væri nú líklegast mjög svipuð og
sagði ,, stefnan okkar eitthvað brilliant, nei örugglega ekki! En framkvæmdarhlutinn
okkar er virkilega vel gerður , þetta er sko ekkert plagg ofan í skúffu hér “.
Einn viðmælandi sagðist oft spyrja um þetta á fundum ,, ef þú hefðir 15 sekúndur til
að selja mömmu þinni af hverju VÍS en ekki eitthvað annað tryggingafyrirtæki, hvernig
myndiru gera það ?”. Svörin við þessari spurningu sagði hann snubbótt og það ætti ekki
að vera það ,, VÍS er stærst, skiptir það öllu máli? , víðtækasta verndin-‐ hvað með það?
Fókus á skilvirkni og ánægju, eru ekki allir að því? Þetta verður challenge en
óhjákvæmilegt sem næsta skref að finna betri tilgang “.
Allir voru sammála um að félagið væri opið fyrir breytingum og fylgdist vel með því
sem væri að gerast í umhverfinu. Þannig mátti túlka að nýjum aðferðum og hugmyndum
væri tekið fagnandi ef það væri væntanlegt til árangurs. Hvernig félagið ætlar að
aðgreina sig í skilmerkilegan hátt virðist þó ekki augljóst og ef til vill eitt af
lykilverkefnum félagsins í nánustu framtíð.
Á myndinni hér fyrir neðan má sjá kóða fyrir þemað aðgreining.
Tafla 5.Kóðar fyrir þema 5
5.1.6 Fjarlægðin skiptir máli
Þegar lagt var upp í rannsóknina voru nokkrar tilgátur settar fram. Á meðal þeirra er
ein um að starfsfólkinu á landsbyggðinni sé ekki jafn mikið inn í stefnumótunaferlinu og
þeir á höfuðborgarasvæðinu. Viðmælendur voru því spurðir hvort þeir teldu að þekking
og skilningur á stefnu félagsins og mikilvægi skýrrar stefnu yfir höfuð væri sú sama á
landsbyggðinni og á höfuðborgarasvæðinu.
78
Augljóst var á svörum að þetta væri eitthvað sem þyrfti að skoða betur því þegar um
var hugsað virtust allir á sama máli að líklegast væri svo ekki.
Einn viðmælandi svaraði ,, nei því miður örugglega ekki. Það koma allir á VÍS daginn
og svona en það er bara svo mikil þróun sem fer fram hér í bænum, já ætli það sé ekki
minna meðvitað um mikilvægið, finnst það ekki ólíklegt “.
Eins var spurt hvort viðmælendum þótti skipta máli að allir væru með sömu þekkingu
og skilning óháð staðsetningu. Allir voru á sama máli með það að það væri ekki
spurning, það skipti öllu máli. Einn segir ,,hringiðan er hér í bænum en ætli
upplýsingaflæðið gæti ekki verið betra. Erfitt að snúa sér í þessu því fjarlægðin hefur
alltaf mikil áhrif þrátt fyrir skype og alla tækni sem er til staðar “.
Einnig var minnst á að það væri í raun ákveðin menningarmunur ,, það er alltaf talað
um þetta global vandamál, þennan kúltúr, en ég meina það er nóg að horfa á Reykjavík
og landsbyggðina því oft verða vandamál vegna menningarmuns “. Sami viðmælandi
segir einnig ,, það er svo mikilvægt að þau séu hluti af þessu með okkur, helmingur
viðskiptavina er á landsbyggðinni ,þetta skiptir bara öllu máli. Hver segir líka að allt þurfi
að vera í Reykjavík, ef það á að gera breytingar þá verðum við að horfa á fyrirtækið sem
eina heild og því gæti t.d þjónustuver alveg eins verið á Akureyri eins og í Reykjavík “.
Viðmælandi úr höfuðstöðvum VÍS á höfuðborgarasvæðinu sagði ,, með tækni og vilja
geta allir tekið þátt í fundum sama hvar þeir eru staðsettir eða veikir heima. En það er
samt ekki það sama að hlusta á fund eða vera á honum í alvörunni “.
Enn fremur nefnir einn viðmælandi að þetta sé nauðsynlegt að hafa á bak við eyrun
en að erfitt sé að snúa sér í þessum málum ,, ... þau eru svo langt í burtu og það er svo
mikið af örðuvísi samskiptum og verkefnum hér í Reykjavík. Þau koma samt alltaf á VÍS
daginn og það er algerlega ómissandi “. Rannsakandi spurði í kjölfarið hvort það skipti
máli að grynna þetta bil? ,, Ekki spurning, það verður að vera sem allra minnst. Við erum
einn hópur, eitt fyrirtæki “.
Þannig virðist fjarlægðin skipta miklu máli þrátt fyrir að allir séu að vilja gerðir að
fyrirtækið sé sem einn hópur. Frá einum viðmælanda kom þetta ,, starfsmenn af
landinu vilja vera meira með. Auðvitað eru ekki allir kannski sem vilja það en heilt yfir er
vilji um meiri þátttöku. Því mætti boða oftar á skypefundi þó það sé ekki alveg sami
hluturinn og að sitja hann en þó betra en lítið sem ekkert samband. Einnig mættu
79
framkvæmdarstjórar koma oftar í umdæmin út á landi, það næðist mikið betri tenging
þannig ” .
Á myndinni fyrir neðan má sjá kóða fyrir þemað fjarlægð.
Tafla 6.Kóðar fyrir þema 6
5.2 Niðurstöður megindlegrar rannsóknar Í þessum kafla verða helstu niðurstöður úr megindlegri rannsókn kynntar. Farið
verður yfir þau svör sem þykja henta til að komast að svari við rannsóknarspurningu og
einnig verður farið yfir marktækni og fylgni ýmissa þátta er varða málefnið.
Í spurningakönnuninni var spurt að sjö bakgrunnsspurningum sem hægt væri að nýta
til að sjá hvort fylgni væri á þeim og lýsandi spurningunum sem voru tíu talsins. Það
voru 133 starfsmenn sem svöruðu rannsókninni og er það 62% af heildinni.
Hér í fyrsta hluta verður farið yfir tíðni svara og hlutfall við bakgrunnsspurningunum en
þær eru síðar notaðar til bera saman við lýsandi spurningar og sjá fylgni , meðaltal og
staðalfrávik.
Fyrsta myndin sýnir hlutfall kynjanna en rannsakanda þótti áhygavert að sjá hvort
munur væri á svörum eftir kyni.
80
Mynd 16.Kynjasvarhlutfall
Eins og sjá má á myndinni er lítill kynjamunur á þeim sem svöruðu eða rétt um 4% og
því var marktækt að keyra breytin kyn í krosstöflu við lýsandi spurningarnar.
Í næstu bakgrunnsspurningu var spurt um aldur svarenda.
Mynd 17.Aldursdreifing
Sjá má á myndinni að 74% þeirra sem svöruðu voru á aldursbilinu 36-‐67 ára og af
þeim lang flestir á bilinu 36-‐50 ára. Rannsakandi ákvað að keyra aldur ekki saman í
krosstöflur vegna þess að ekki var lagt upp með þá tilgátu að fylgni væri milli aldurs og
þekkingar eða upplifunar á stefnumálum.
Næsta spurning var um hversu lengi viðkomandi hafði starfað hjá fyrirtækinu eða
starfsaldur.
81
Mynd 18.Starfsaldur
Svörin við þessari spurningu voru annsi dreifð en þó voru flestir sem höfðu starfað í
16 ár eða meira eða rúm 25%, en meðalstarfsaldurinn í fyrirtækinu er 12 ár (Anna Rós
Ívarsdóttir, munnleg heimild 4.mars 2016). Næst mest var hópurinn sem starfað hefur í
4-‐6 ár eða rétt rúm 20%. Rannsakanda þykir athugavert hversu hátt hlutfall neytar að
svara en tæp 20% gera svo. Starfsaldur var engu að síður keyrður í krosstöflu við lýsandi
spurningar en rannsakanda þótti forvitnilegt að vita hvort fylgni væri þar á milli.
Næsta spurning var um hvaða stöðu viðkomandi gegnir.
Mynd 19.Starfsstaða
Langflestir sem svöruðu voru almennir starfsmenn eða rúm 75%. Hér er vakin athygli
á að rúm 13% neyta að svara sem er nánast jafn hátt hlutfall og er af stjórnendum.
Krosstafla var keyrð á þessar breytur.
Athugað var hvaða menntunarstig væri í fyrirtækinu.
82
Mynd 20.Menntunarstig
Augljóst er að það er hátt menntunarstig í fyrirtækinu og voru um 60% með
háskólapróf eða framhaldsmenntun á háskólastigi, þar af eru um 20% sem eru með
MS,MA,MBA,Phd eða sambærilega menntun.
Næsta spurning sneri að starfsstöð viðkomandi og var ákveðið að skoða ekki einstök
umdæmi heldur horfa á landsbyggðina sem eina heild og svo höfuðborgarasvæðið sem
aðra.
Mynd 21.Starfsstöð
Eins og sjá má á myndinni voru rúm 19% svarenda af landsbyggðinni sem er svipað
hlutfall og starfsmenn VÍS á landsbyggðinni eru í raun eða um 20% ( Sigrún Ragna
83
Ólafsdóttir, munnleg heimild 9. Mars 2016 ). Rannsakanda þótti áhugavert að skoða vel
hvernig staðsetning vinnustöðvar hefði áhrif og hvort það hefði áhrif yfir höfuð. Keyrðar
voru krosstöflur við þessa breytu og eins var skoðaðar fylgnitöflur og staðalfrávik, vikið
verður að því síðar í kaflanum.
Lýsandi spurningarnar voru tíu eins og áður sagði og verður farið yfir þær hér fyrir neðan
og hvernig útkoma þeirra reyndist. Fyrstu þrjár voru flokkaðar sem greining á þekkingu
en næstu 7 sem greining á upplifun.
Fyrst lék áhugi á að byrja á að heyra hversu vel eða illa svarandi gæti útskýrt hvað
stefna er og voru svarmöguleikarnir fimm, frá því að vera mjög illa yfir í mjög vel.
Mynd 22.Hversu vel þekkiru hvað stefna er?
Eins og sjá má á myndinni voru langflestir sem sögðust þekkja vel hvað stefna er eða
rúm 53%. Næstflestir þekkja mjög vel hvað stefna er en rúm 17% segjast hvorki þekkja
það né ekki. Aðeins einn merkti við að hann þekkti mjög illa hvað stefna væri og einn
illa.
Rannsakanda lék forvitni að vita hversu hátt hlutfall þekkti hver stefna VÍS væri og var
það næsta spurning.
84
Mynd 23.Hversu vel þekkiru stefnu VÍS?
Rúm 56% svarenda segjast þekkja stefnu VÍS vel og rúm 15% mjög vel. Tæplega 15%
svöruðu svo hvorki né. Eins og sést á þessum niðurstöðum er annsi hátt hlutfall sem
telur sig þekkja stefnu VÍS vel og jafnvel mjög vel.
Ein af tilgátum rannsakanda sneri að því að ekki væri allir sammála um mikilvægi
skýrrar stefnu í skipulagsheild og væri það ólíkt eftir starfsstöðu. Krosspróf var keyrt á
þessar breytur og niðurstaða þess kynnt hér neðar í kaflanum. Á næstu mynd má sjá
svar við næstu spurningu sem var um hversu mikilvægt væri að hafa skýra stefnu í
skipulagsheildum.
Mynd 24.Hversu mikilvægt er að hafa skýra stefnu?
Augljóst er miðað við svörin að svarendur telja skýra stefnu mjög mikilvæga eða tæp
50% og rúm 25% segja hana mikilvæga. Hér vekur athygli rannsakanda að 27 starfsmenn
ákváðu að svara ekki þessari spurningu en það er um 20% þeirra sem svöruðu
rannsókninni en það verður að teljast annsi hátt hlutfall.
85
Stjórnendur VÍS leggja mikla áherslu á að allir starfsmenn taki þátt í stefnumótun
félagsins. Rannsakanda þótti því áhugavert að skoða hvernig starfsmenn upplifa það.
Næsta spurning var því ; telur þú þig hafa mikið eða lítið að segja um mótun stefnu VÍS.
Mynd 25.Hefuru mikið um mótun stefnu VÍS að segja?
Næstum þriðjungur svarenda eða 27,3% svarar hér hvorki né og rúm 11% svara mjög
lítið eða ekkert og tæp 9% lítið. Aðeins 22% svara að þau telji að þau hafi mikið um
stefnuna að segja og 8% mjög mikið. Svör þessi virðast stangast á við það sem ósk
stjórnenda er, að allir starfsmenn eigi hlut í stefnunni og hafi sitt að segja. Krosstöflur
voru keyrðar á þessa breytu og verða niðurstöður úr henni kynntar neðar.
Hvernig svarendum þykir staðið að framkvæmd stefnu VÍS var næsta spurning. Þótti
það áhugavert þar sem stjórnendur VÍS leggja mikið upp úr því að starfsmenn á öllum
lögum félagsins taki þátt í framkvæmdinni enda sé það leiðin til að verkefnin eða
stefnumiðin hafist.
Mynd 26.Hversu vel er staðið að framkvæmd stefnunnar?
Nær helmingur eða tæplega 40% telur að vel sé staðið að framkvæmdinni og önnur
13% mjög vel. Rúm 20% velja hvorki né möguleikann og má draga ályktun að það sé
86
vegna lítils skilnings á hvað framkvæmd stefnu er yfir höfuð. Tæp 8% svarenda segja að
mjög illa sé staðið að framkvæmdinni sem má teljast mjög lítið hlutfall.
Rannsakandi hafði tekið viðtal við forstjóra VÍS áður en þessi rannsókn var ákveðinn
og því vissi hann vel hversu mikil ákefð væri fyrir stefnumótunarstarfi. Því lék áhugi á því
að kanna hvernig starfsfólki liði með starfinu sem færi fram í félaginu er sneri að stefnu
og hvort þeim þætti að það mætti draga úr því eða auka umfang þess.
Mynd 27.Viltu breyta umfangi stefnumótunar hjá VÍS?
Hér eru langflestir sem vilja ekki breyta neinu eða svara hvorki né en í þessu tilfelli á
það við sama svarmöguleika svo að langflestir eða um 49% vilja hafa umfangið óbreytt.
Rétt tæp 20% vilja auka umfang á meðan um 11% vildu draga úr því.
Hvernig starfsmenn upplifðu að þeir virkilega gætu haft áhrif á framgang stefnunnar
var ofarlega í huga rannsakanda. Því var næsta spurning um hversu sammála eða
ósammála ertu um að hlutverk þitt í stefnumótunarstarfi VÍS sé skýrt?
Mynd 28.Er þitt hlutverk í stefnumótunarstarfi VÍS skýrt ?
87
Langflestir eru sammála um að hlutverk þeirra sé skýrt eða um 35% og rúm 12% mjög
sammála því. Aftur er frekar hátt hlutfall þeirra sem kjósa hvorki né og má draga þá
ályktun að þeim 22% sem svara svo þykir sitt hlutverk ekki nægilega skýrt. Rúm 8%
segjast að lokum vera ósammála því að hlutverk þeirra sé skýrt í þessu ferli.
Næsta spurning snéri einnig að upplifun starfsfólks. Spurninginn hljóðaði svo: Hversu
sammála eða ósammála ert þú um að þitt vinnuframlag skili árangri og stuðli að
framgangi í lykilverkefnum VÍS?
Mynd 29.Skilar þitt vinnuframlag árangri sem styður við lykilverkefnin?
Sjá má grafinu að rúm 36% er sammála því að þeirra vinnuframlag skili árangri og
stuðli að framgangi í lykilverkum. Hátt hlutfall er mjög sammála því eða rúm 22%. Mjög
fáir eru því ósammála en um 17% svara hvorki né.
Hér fyrir neðan er tafla með meðaltali og staðalfráviki yfir lýsandi spurningarnar sem
voru með staðlaða svarmöguleika. Í töflunni má sjá hversu margir svöruðu, lægsta gildi
og hæsta gildi.
Staðalfrávik er notað til að skoða dreifingu talna og er talan hærri eftir því hversu ólíkar
þær eru.
88
Tafla 7.Meðaltal og staðalfrávik lýsandi spurninga.
Spurningum var gefið gildi frá 1-‐5 og var 1 þá mjög illa eða mjög ósammála en 5 er mjög
vel eða mjög sammála. Í spurningu 8 er gildið 1 fyrir það að draga úr en 5 fyrir að auka
umfangið. Eins og smá má á töflunni hér fyrir ofan er frekar mjög hátt meðaltal í
spurningu 5 sem snýr að mikilvægi þess að hafa skýra stefnu í skipulagsheildum. Það
þýðir að langflestir svarenda telja það mikilvægt eða mjög mikilvægt. Einnig er hátt
meðaltalið eða rétt rúmlega 4 í spurningu 1 og 10 en þær snúa að því hversu vel
viðkomandi gæti útskýrt hvað stefna er og svo hversu líklegt þeim þykir að þeirra
vinnuframlag stuðli að framgangi á lykilverkefnum VÍS.
Tafla 8. Fylgni og marktækni lýsandi spurninga.
89
Fylgniviðmið Field (2005) voru nýtt í rannsókninni og eru þau eftir farandi:
0.00-‐0.29 er skilgreind sem veik fylgni.
0.30-‐0.49 er skilgreind sem miðlungs fylgni.
0.50 og hærra er skilgreint sem sterk fylgni.
Marktækni er á rannsóknarbreytum ef það er undir 0,05 ( sig ).
Hér fyrir neðan má sjá fylgni, fjölda og marktækni á öllum lýsandi spurningum saman.
Merkt var inn á með lit þar sem fylgni mælist hvað sterkust. Fylgnin mælist sterkust eða
0,593 og jákvæð við svörin við eftirfarandi spurningum ,, hversu vel þekkir þú stefnu
VÍS?” Og Hversu mikið eða lítið hefur þú um mótun stefnu VÍS að segja?”. Svörin eru
marktæk þar sem gildið er 0,00.
Fylgni mælist sterkust þar sem hlutverk svaranda er skýrt við svör á umboði eða
upplifun á því hversu mikið eða lítið viðkomandi hefur um stefnuna að segja, um hvort
að starf hans stuðli að árangri í lykilverkefnum og hvort staðið sé vel eða illa að
framkvæmd stefnunnar hjá VÍS. Þær niðurstöður eru allar marktækar.
5.3 Samtekt niðurstaðna Í þessum kafla verða niðurstöður beggja rannsókna bornar saman og sameiginleg
niðurstaða kynnt.
Sex kóðar komu upp við afritun og rýningu viðtala sem að mati rannsakanda þóttu
mikilvægastir. Kóðarnir eru, hvað er stefna, mikilvægi skýrrar stefnu , eign allra, lifandi
ferli, aðgreining og fjarlægðin skiptir máli.
Gagnagreining eigindlegra gagna leiddi í ljós að viðmælendur voru allir sammála að
skýr stefna í skipulagsheild væri eina leiðin ef markmiðið væri að ná árangri og skara
fram úr. Án skýrrar stefnu myndu starfsmenn og stjórnendur ekki sigla í sömu átt og ekki
væri mikið um skilvirkni. Stjórnendur leggja mikla áherslu á að stefna sé álitin eign allra
og allir eigi sinn hlut í sköpun og framkvæmd. Ekki voru þó allir sammála því en þó því að
þetta væri bara spurning um tíma því það væri klárlega það sem koma skyldi.
Allir voru samála því að stefnan væri lifandi ferli og sífellt væri reynt að betrumbæta
og finna hagstæðari leiðir að öllum þáttum. Þar má nefna innleiðingu
straumlínustjórnunar eða LEAN en það hefur sparað fyrirtækinu um tæp 30%
90
vinnustunda. Upp kom í flestum viðtölunum einnig að nauðsynlegt væri að aðgreina sig
ef félagið ætlaði að skara fram úr en eins og staðan væri núna þá væri sú aðgreining ekki
ljós. Það væri þó næsta mál á dagskrá að endurskilgreina hlutverk félagsins og finna
betri aðgreiningu.
Að lokum var þemað fjarlægð skoðað betur. Fjarlægðin virðist skipta máli og virtist
hringiðan vera á höfuðborgarsvæðinu sem engann undrar. Fjarlægðin verður þó til þess
að svo virðist sem ekki sé sama tenging við stefnuna og því ekki eins góður skilningur hjá
starfsmönnum. Þá virtust allir sammála því að grynna þyrfti þetta bil því þetta skapaði
ákveðin menningarvandamál og því hætt við að ekki séu allir að tala sama máli er kemur
að stefnunni.
Til að draga viðtölin saman þá er augljóst að stjórnendum þykir mikilvægt að stefnan
sé allra, ekki einhvers ákveðins hóps heldur að allir í skipulagsheildinni finni til jákvæðrar
tengingu við hana. Einnig var augljóst að viðmælendum þótti mun betra að vinna í svona
stefnumiðuðu umhverfi og vita nákvæmlega hvert hugmyndin er að stefna. Þótti þeim
öryggi í að vita hvaða verkefni væri framundan og það skapaði góðan móral innan
félagsins því starfsmenn væri almennt ánægðari í starfi líkt og einn viðmælandi sagði ...
,, þetta er bara allt annað, nú bara vita allir hvað er ætlast til og hvert við ætlum að fara,
engar vangaveltur lengur um hvaða verkefni væru næst!.. “
Sterkur leiðtogi var augljóslega mikilvægur í augum viðmælenda og voru allir á sama
máli um að forstjórinn Sigrún Ragna væri ástæða þess að stefnumál hefðu breyst á
jákvæðan hátt. Hún væri með skýra framtíðarsýn og að mikið væri lagt í að allir
starfsmenn myndu skilja hana , tengjast henni og vilja taka þátt.
Í megindlegu rannsókninni voru tvær opnar spurningar þar sem svaranda var gefið
tækifæri á annars vegar að segja í einni setningu hvað stefna er í eigin merkingu og hins
vegar í eigin orðum hver stefna VÍS væri. Ástæða þess að þetta að var gert var til að sjá
hvort tenging væri við stefnuna eða hvort reynt væri að þylja upp það sem stæði á
stefnubækling. Alls svöruðu 98 fyrri spurningunni og 88 þeirri seinni sem verður að
teljast gott. Svörin vöktu líka athygli rannsakanda þar sem greinilegt virðist að flestir
höfðu skoðanir á málinu. Svör við fyrri spurningu voru á þennan veg ,, að við vinnum
sem ein heild, framtíðarsýn fyrirtækis, hvað fyrirtæki vill áorka með þessu brölti sínu,
það sem lagt er til grundvallar, þ.e. hugtök eða gildi, til að ná markmiði, hvert viljum við
91
fara og hvernig komumst við þangað, markmið sem fylgt er eftir og árangur mældur,
áttaviti fyrirtækis, lína í viðskiptaháttum” osfrv. Markmið og framtíðarsýn var einna
mest nefnt en ótal svör komu og ekki mörg beint upp úr bæklingnum.
Hér eru nokkur dæmi um næstu spurningu sem var hvað er stefna VÍS í einni setningu
,, Framúrskarandi fyrirtæki, ánægja og tryggð viðskiptavina VÍS, rafræn þjónusta, að vera
öruggt og ábyrgt og stærst á markaðinum, þar sem tryggingar snúast um fólk,
framúrskarandi”. Gildi VÍS umhyggja, fagmennska , árangur voru mjög oft nefnd líka.
Í megindlegu rannsókninni komu ýmsir þættir fram. Sumir stangast á við niðurstöður
hér fyrir ofan en aðrir styðja við þær.
Til að mynda var svarhlutfall við þekkingarspurningunum mjög hátt og er það í takt
við niðurstöður viðtala um skilning og sýnileika stefnunnar. Hversu vel viðkomandi getur
útskýrt hvað stefna er, hver stefna VÍS sé og hversu mikilvæg skýr stefna er í
skipulagsheild voru allt spurningar sem féllu undir þennan flokk.
Næstu spurningar snéru að upplifun starfsmanna. Þar voru svörin ekki eins jákvæð.
Fyrsta spurningin í þessum flokki var um hversu mikið starfsmenn telja sig hafa að segja
um mótun stefnunnar. Nú merkir næstum þriðjungur svarenda við hvorki né
möguleikann eða tæp 30%. Önnur 20% segjast hafa lítið eða mjög lítið um hana að
segja. Aðeins um 20% telja sig hafa mikið um stefnuna að segja og 8% mjög mikið.
Hér var því rýnt í krosstöflur til að sjá hvort hægt væri að sjá hvar helsti munurinn
væri.
Tafla 9.Krosstafla. Hversu mikið hefur þú um stefnu VÍS að segja.
92
Langflestir sem finnst þeir hafa mjög lítið eða ekkert að segja um stefnumótunina eru
starfsmenn sem hafa unnið hjá fyrirtækinu í 7-‐10 ár eða 28,6% en 25% þeirra sem hafa
unnið hjá fyrirtækinu í 1-‐3 ár telka sig hafa lítið að segja. Langflestir merkja við eins og
áður var nefnt hvorki né. Almennir starfsmenn sem starfað hafa hjá fyrirtækinu í 1-‐3
eða 16 ár eða meira sem merkja oftast við þann möguleika. Þeir sem telja sig hafa
mikið að segja um stefnuna eru frekar karlmenn sem starfað hafa hjá fyrirtækinu í 4-‐6
ár. Áhugavert er að skoða þá sem merktu við svarmöguleikann mjög mikið því þar eru
töluvert fleiri konur sem segjast gera það, langflestir sem eru með starfsaldur upp á 4-‐6
ár og eru stjórnendur á höfuðborgarsvæðinu.
Næsta var að athuga hvernig starfsmenn upplifa framkvæmd stefnunnar og hversu
vel er staðið að henni. Mikill meirihluti segir að vel eða mjög vel sé staðið að henni á
meðan rúm 20% velja hvorki né möguleikann.
Hér fyrir neðan má sjá krosstöflu á bakgrunnsbreytum og þessari spurningu.
Áhugavert þykir að af þeim sem svara að frekar illa sé staðið að framkvæmdum
stefnunnar eru töluvert fleiri stjórnendur en almennir starfsmenn og flestir sem starfað
hafa í 4-‐6 ár. Lang flestir merkja við að vel sé staðið að framkvæmdinni þó fleiri karlar,
starfsaldur upp á 1-‐3 ár, almennur starfsmaður og á höfuðborgarsvæðinu. Töluvert fleiri
konur telja mjög vel staðið að framkvæmdum, fleiri með starfsaldur upp á 4-‐6 ár og 16
eða meira og eins eru fleiri stjórnendur sem telja svo vera.
Tafla 10.Krosstafla. Hvernig er staðið að framkvæmd stefnu VÍS?
93
Langflestir eru sammála um að hlutverk þeirra sé skýrt eða um 35% og rúm 12% mjög
sammála því. Aftur er frekar hátt hlutfall þeirra sem kjósa hvorki né og má draga þá
ályktun að þeim 22% sem svara svo þykir sitt hlutverk ekki nægilega skýrt. Rúm 8%
segjast að lokum vera ósammála því að hlutverk þeirra sé skýrt í þessu ferli.
Hér fyrir neðan má sjá krosstöflu fyrir þessa breytu.
Tafla 11.Krosstafla. Er þitt hlutverk skýrt í stefnumótun VÍS?
Mun fleiri karlar , stjórnendur með starfsaldur upp á 4-‐6 svara hér að hlutverk þeirra
sé skýrt. Af þeim sem þykir hlutverkið sitt mjög skýrt eru fleiri konur , stjórnendur með
starfsaldur upp á 16 ár eða meira.
Í síðustu spurningunni var spurt um hvort viðkomandi þætti sitt vinnuframlag skila
árangri og stuðla að framgangi í lykilverkefnum VÍS.
Sjá má að rúm 36% er sammála því og hátt hlutfall er mjög sammála því eða rúm
22%. Mjög fáir eru því ósammála en um 17% svara hvorki né.
Hér fyrir neðan er krosstafla af þessari breytu.
94
Tafla 12.Krosstafla. Stuðlar þitt vinnuframlag að árangri í lykilverkefnum VÍS?
Svarendur sem svara að þeir séu mjög sammála eru langflestir stjórendur, konur og
með starfsaldur annað hvort 1-‐3 ár eða 16 ár eða meira. Lítill munur var á svörum
þeirra sem svara vel nema þá að flestir eru karlmenn sem starfað hafa í 1-‐3 ár hjá
fyrirtækinu. Langflestir þeirra sem velja hvorki né eru almennir starfsmenn af
landsbyggðinni og hafa starfað hjá fyrirtækinu í 7-‐15 ár.
95
6 Umræður
Meginmarkmið rannsóknarinnar var að athuga hvernig samspilið væri á stefnu og
stjórnun VÍS og hvort hægt væri að tengja aðferðafræði þeirra við fræðin. Einnig var
markmið að rannsaka upplifun starfsmanna á stefnumótunarferlinu og hvort það
hugmyndir stjórnenda og upplifun starfsmanna færi saman. Stiklað verður á stóru á
þeim fræðum sem hafa verið sett fram í skýrslunni og þau tengd við niðurstöður
rannsóknar. Rannsóknir sem þegar hafa verið gerðar um svipuð málefni verða til
umræðu og niðurstöðir bornar saman. Annmarkar á rannsókninni verða útskýrðir og
jafnframt hugmyndir að frekari rannsóknum.
6.1 Skýr stefna – líflína skipulagsheildarinnar Í upphafi fræðikaflans er fjallað um að stefna sé hugtak sem ekki er einfalt að útskýra
en að sama hversu ólík skilgreiningin sé þá væri allir sammála um mikilvægi hennar
(McGraw, Thomas og Wilson 2010). Í bæði viðtölunum og á spurningakönnuninni voru
svarendur beðnir að útskýra hugtakið stefna og hvað það táknaði fyrir þeim. Svörin voru
jafn ólík og þau voru mörg og er það í takt við hversu erfitt getur verið að útskýra hvað
stefna er. Hvað stefna er skiptir ef til vill ekki öllu máli en það gefur hugmynd um
hvernig viðmælendur hugsa til hennar og hversu mikilvæg þeim þykir hún. Þrátt fyrir
ólík svör þá voru viðmælendur með öllu sammála um mikilvægi hennar og var jafnvel
nefnt að hún væri líflínan en haft er eftir einum viðmælanda ,, ef við hefðum ekki skýra
stefnu þá myndum við bara deyja , það er erfitt að vera í mikilli samkeppni og ef þú ert
ekki með það skýrt hvernig þú ætlar að lifa af þá ertu ekki lengi að visna upp “. Barney &
Hesterly (2010) og Porter(1980) minnast einmitt á að mikilvægt sé að stefnan kortleggi
leiðina til árangurs og samkeppnisforskots.
Aðgerðaráætlun til að staðsetja skipulagsheild, ná góðum viðskiptaárangri og þóknast
viðskiptavinum er skilgreining Thompson og Strickland (1998) og einnig telja þeir fimm
þætti einkenna góða stefnumótun. Þau eru að móta framtíðarsýn, setja markmið ,
útbúa stefnu sem leiðir að markmiðum, stefnan er framkvæmd á hagkvæman og
skilvirkan hátt og að lokum er árangur mældur og endurbætur gerðar þegar þess er
þörf.
96
Þegar VÍS hóf hina umfangsmiklu vinnu árið 2011 að búa til nýja stefnu var farið í
gegnum sömu skref og Thompson og Strickland (1998) mæla með. Til að byrja með var
farið í ítarlega greiningarvinnu til að meta umhverfið, bæði ytra og innra. Út frá því sem
kom fram í þeim greiningum voru markmið sett og stefnan mótuð. Á hverju ári er svo
stefnan endurbætt og aðlöguð að breyttum aðstæðum. Haft er eftir einum viðmælanda
,, þetta er eilífðarverkefni, aldrei bara búið! Það koma áskoranir úr öllum áttum og við
leggjum áherslu á það við tökum breytingum fagnandi og erum meðvituð um að það er
allt á fleygiferð í kringum okkur og því er stefnan lifandi og getur tekið breytingum. Hún
er endurskoðuð einu sinni á ári og oftar ef okkur þykir þurfa “.
Þetta styður við skilgreiningu Lynch (2000) sem lýsir stefnu sem tilgangi
skipulagsheildar og áætlun hvernig megi ná honum. Hann minnist á að stefna sé
mynstur tilgangs, megin markmiða og áætlana og framkvæmda til að ná þeim, sett
þannig fram að augljóst sé á hvaða markaði skipulagsheildin vil starfa á og hvernig
skipulagsheildin eða vill verða í framtíðinni.
6.2 Starfsmennirnir eru grunnurinn Helgi Þór Ingason og Haukur Ingi Jónasson (2011) fjalla um tvær leiðir í mótun
stefnunnar. Annars vegar að hún flæði að ofan og niður (e.Top-‐down) eða byrji að
neðan og flæði upp (e.Bottom-‐up). Fyrri aðferðin lýsir því að hugmyndir og vilji
stjórnenda sé það eina sem skiptir máli með mikilvægar ákvarðanir líkt og stefnumótun.
Því eru ákvarðanir teknar á “toppnum” og síðan komið til starfsmanna. Hinn almenni
starfsmaður hefur ekki mikið áhrif á stefnumótun þegar þessari aðferð er beitt. Þegar
hin leiðin er valin byrja ákvarðanir í “botninum”. Þá er þekking hópsins, sköpun og
framkvæmdavilji hans nýttur. Starfsmenn hafa mikið um ákvarðanir að segja þegar þessi
leið er valin og starfsmönnum er sýnt að framlag þeirra skipti máli. Þegar þessi leið er
valin upplifa starfsmenn hópinn samheldnari og treysta hvort öðru og fyrirtæki sínu
betur. Með þessu móti má einnig bæta fyrirtækjamenningu þar sem starfsmenn móta
sjálfir starfsmannastefnu og eru með því að ákveða sjálfir siða og starfsreglur sem þeir
vilja vinna eftir (Helgi Þór Ingason og Haukur Ingi Jónasson, 2011). Það eru margir kostir
við seinni aðferðina en einnig gallar og eru þeir helstu að erfitt getur verið að halda utan
um ferlið án þess að setja því hömlur og þarf því sterkan leiðtoga. Einnig getur þetta ferli
verið langdregið. Mikilvægt er að starfsmennirnir upplifi árangurinn og finni að hlutirnir
97
fari í farveg því ef ekki er hætt við að traustið, samheldnin og sameiginleg vinna verði að
engu.
Rannsakanda þykir mikil tenging við þetta og stjórnunaraðferð VÍS. Augljóst var á
greiningu viðtala að reynt er að færa umboð til athafna nær starfsfólkinu og líkt og einn
viðmælandi segir ,, VÍS bíður upp á það að allir taki þátt en það er þó ekki hægt að
ætlast til að allir séu tilbúnir í slíka vinnu. Fyrir þá sem vilja virkilega taka þátt í þessu
ferli þá er vettvangur fyrir það, þetta er val eins og flest annað ”. Í gegnum öll viðtölin
var mikið á þetta minnst að byrjað væri hjá starfsmönnunum og allur grunnur kæmi
þaðan. Líkt og Helgi þór og Haukur Ingi (2011) minnast á þá skiptir miklu máli að sterkur
leiðtogi stýri ferlinu svo það fari í ákveðin farveg. Annars er hætta á að ekki náist
niðurstaða og ferlið verði of langdregið. Til að starfsmenn treysti hópnum og
samheldnin haldist er mikilvægt finni að þeirra framlag sé metið. Það er því áhugavert
að skoða spurningu sex í spurningakönnuninni en þar var spurt hvort starfsmenn teldu
sig hafa lítið eða mikið um mótun stefnu VÍS að segja.
Næstum þriðjungur svarenda eða 27,3% svarar því hvorki né og rúm 11% svara mjög
lítið eða ekkert og tæp 9% lítið. 22% svara að þau telji að þau hafi mikið um stefnuna að
segja og aðeins 8% mjög mikið. Svör þessi virðast stangast á við það sem stjórnendur
telja og vilja en það er að allir starfsmenn eigi hlut í stefnunni og hafi sitt að segja. Einn
viðmælandi svarar aðspurður um hverju hann myndi breyta ef það væri eitthvað ,, ferlið
er gott en það er annsi langt. Ég hugsa að ég myndi reyna að stytta það alveg um
helming ef ekki meira” . Hér er augljós munur og því vert að skoða hvað þurfi að gera til
að laga hann. Í töflu 9 má sjá krosstöflu þar sem þessi spurning er keyrð við
bakgrunnsspurningarnar. Vekur það athygli að af þeim sem svara að þeim þykir þeir
hafa mikið um stefnuna að segja eru 33% stjórnendur en 2,8% almennir starfsmenn. Því
má draga ályktun að ekki er nægilegt samræmi þarna og að almennir starfsmenn telji sig
ekki hafa jafn mikið um stefnumótunina að segja og stjórnendur telja. Einn viðmælandi
nefnir þó ,, eins og ég sagði þá erum við að færa umboð til athafna nær fólkinu og það
var gaman að fylgjast með því að fólk var alveg já , er það , má ég og á ég að gera
tillögu að breytingum, það veit um fullt af hlutum en það hefur ekki verið formlegur
vettvangur eða farvegur til að koma svona breytingum í framkvæmd þannig að
innleiðingin hjá öllum deildunum og sviðunum, erum komin langt með hana en hún snýr
98
að því að fólk fái umboð til athafna og fái atkvæði til að breyta og það er verið að mæla
mjög mikið sem að talar síðan við heildarmarkmið fyrirtækisins. Við erum alltaf að
komast lengra og lengra, þarna gerast hlutirnir með fleiri og fleir hjörtu sem vinna að
þessu”. Það er því greinilega að ferlið er allt í þróun og það getur útskýrt hvers vegna
ekki fleirum þykir þeir hafa mikið að segja um málið.
6.3 Við ætlum að vera best Samkvæmt Runólfi Smára Steinþórssyni snýst stefnumiðuð stjórnun um hvernig megi
ná sem bestum árangri í skipulagsheild. Mikilvægt er samkvæmt honum að vera
meðvitaður um breytilegt umhverfi og vera tilbúin að takast á við breytingarnar svo þær
verði ekki að falli. Þær skipulagsheildir sem ná góðum árangri einkennast af
árangursmiðun og stefnumiðaðri stjórnun (Runólfur Smári Steinþórsson , 2003a).
Það hefur verið unnið leynt og ljóst að því að tileinka sér stefnumiðaða stjórnun hjá
VÍS. Einn viðmælandi nefnir þegar um stefnumiðaða stjórnun var rætt ,, við erum alltaf
að læra eitthvað nýtt og það eru grunnstef alveg frá byrjun að taka breytingum
fagnandi og við erum alveg meðvituð um það að það er allt á fleygiferð í kringum okkur
og ef við ætlum ekki að vera fyrri til að spotta trend og hluti í kringum okkur þá munum
við sitja eftir, breytingar eru ekki til að hræðast” .
Runólfur Smári (2003b) vitnar í Sjöstrand(1997) þegar hann fjallar um að mikilvægt sé
að starfsmenn skilji hlutverk skipulagsheildarinnar og átti sig á þeim ávinningi og þeim
gæðum sem þeir eiga þátt í að skapa. Runólfur Smári (2003b) vitnar aftur í Sjöstrand
(1997) þegar hann segir að betri skilningur leiði til betri árangurs (Sjöstrand, 1997;
Runólfur Smári Steinþórsson ,2003).
Stjórnendur VÍS vitna meðal annars til stefnuhrings VÍS þegar spurt er um hvernig
þáttum stefnunnar er komið til skila til starfsmanna. Þar megi sjá myndrænt hvernig
lykiláherslum, stefnumiðum og framtíðarsýn er raðað í takt við stefnuna.
99
Einn viðmælandi nefnir ,, Það er auðvitað þessi hringur sem að við erum með sem er
einmitt í bæklingnum, stefnuhringurinn, hann svona rammar þetta allt svona inn og þá
vitum við vel hvaða verkefni í gangi og þau eru utan um hringinn og mér finnst við vera
fókusera rétt í þessu það sem við ætlum að gera og þessi stefnumið ríma við”. Flestir
viðmælendur voru sammála því að stefnuhringurinn væri ákveðin einföldun á stefnunni
og hún sett fram á myndrænan og skiljanlegri hátt. Þannig mætti stuðla að betri skilningi
starfsmanna. Í megindlegu rannsókninni var spurt út í hversu mikið eða lítið þeir teldu
að þeirra starf stuðlaði að árangri í lykilverkefnum VÍS. Það voru lang flestir eða rúm 50%
sem voru sammála eða mjög sammála því , rúm 20% sem voru hvorki sammála né
ósammála en um 12% mjög ósammála. Það eru því langflestir sem eru sammála því að
vinnuframlag þeirra bæri árangur.
McGee, Thomas og Wilson (2010) fjalla um samkeppnisforskot sem mögulega getu
skipulagsheildar til að skapa einstakan ávinning til viðskiptavina sinna , skapa arðsemi
yfir meðallagi í iðnaðinum sem hagsmunaaðilar jafnt sem eigendur njóta góðs af. Til að
slíkt náist verður skipulagsheildin að hafa sérstöðu og vera ólík samkeppnisaðilum.
Kjarnafærni er geta og færni skipulagsheildarinnar til að aðgreina sig. Ef skipulagsheildin
ráðstafar auðlindum sínum á réttan hátt getur hún skapað sér sérstöðu. Kjarnafærni
myndast af uppsafnaðri reynslu, fjölbreyttri framleiðslufærni og sameiginlegrar
þekkingar (McGee, Thoman og Wilson, 2010).
Eitt af þemum sem kom upp við greiningu viðtala var aðgreining. Flestir minntust á
aðgreiningu vegna þess að þeim þótti vanta að hún væri skýrari. Haft er eftir einum
100
viðmælanda,, ef ég ætla að vera alveg brútal þá hefur tryggingabransinn ekkert breyst í
100 ár og ekki við heldur, þess vegna höfum við einsett okkur að verða nútímalegri “.
Flestir virtust sammála um að tryggingafélögin væru í raun öll eins og með eins
tryggingar líkt og einn viðmælandi sagði ,, ef við finnum okkur ekki eitthvað sem
aðgreinir okkur frá hinum þá erum við aldrei að fara neitt framar en þeir “.
Einnig talaði einn um að stefna allra tryggingafélaga væri nú líklegast mjög svipuð og
sagði ,, ... stefnan okkar eitthvað brilliant, nei örugglega ekki! En framkvæmdarhlutinn
okkar er virkilega vel gerður , þetta er sko ekkert plagg ofan í skúffu hér “.
Það er hár meðalstarfsaldur hjá félaginu en það eru 12 ár og því má ætla að mikil
sameiginleg þekking og skilningur sé til staðar. Það ásamt fleiri auðlindum félagsins má
ætla að geti stuðlað að samkeppnisforskoti félagsins. Líkt og Barney (1986) fjallar um að
til þess að skipulagsheildin ætli að ná betri árangri en aðrar verði skipulagsheildin að
skipuleggja auðlindir sínar vel og innleiða stefnu sem tekur mið af auðlindum sem nú
þegar eru til staðar. Slíkar auðlindir séu skref í rétta átt að auknu samkeppnisforskoti
svo framarlega sem að þær séu ekki á allra færi. Auðlindir sem slíkar gætu verið
framleiðsluþekking (Williamson ,1975) , einstök blanda af reynslu í skipulagsheild
(Chamberlin, 1933) og teymisvinna stjórnenda (Alchian and Demsetz, 1972).
Greinileg tenging er á milli stefnu og stefnumiðaðs árangursmats (e. Balance
scorecard) . Aðferðafræðin snýst í meginmáli um að koma stefnu skipulagsheildar á
skilvirkan og árangursríkan hátt til starfsmanna. Með því er átt við að heildarstefna
skipulagsheildarinnar hríslast um allar deildir með skor og stefnukortum sem verður
útskýrt betur hér á eftir. Heildarstefnunni er því skipt upp í nokkra liði eða undirstefnur
sem eru ítarlega útskýrðar. Þannig komast skilaboðin skýrar til allra starfsmanna og
skilningur verður betri. Árangurinn verður skilvirkari því þó að undirstefnurnar séu hluti
af sömu stefnunni, heildarstefnunni , reynist árangursríkara að útskýra stefnuna með því
að útskýra hvern lið ítarlega (Snjólfur Ólafsson, 2005). Samkvæmt Kaplan & Norton
(2000) er skilningur starfsfólks á innihaldi , tilgangi og markmiðum stefnunnar einmitt
grundvallaratriði til að framkvæmd stefnu verði árangursrík. VÍS styðst við mælitæki
þessarar aðferðafræði og hefur greinilega tekist vel til.
101
6.4 Góður leiðtogi er lykill að árangri Börkur og Snjólfur (2012) vitna í fyrrnefndri grein um stefnumótun Símans í
kenningar Hrebiniak (2005;2008), Kotter (1996) og Speculand (2005;2009) þegar þeir
fjalla um hlutverk leiðtogans í þessum innleiðingu stefnu. Kenningar fræðimannana
þriggja eru ólíkar að mörgu leyti en eitt eru þeir allir sammála um og er það þátttaka
leiðtogans.
Telja þeir upp nokkur atriði sem leiðtoginn ætti að uppfylla. Að vera með sitt hlutverk
á hreinu, geti sannfært starfsmenn um mikilvægi og þörfina fyrir stefnunni.
Upplýsingaflæði þarf að vera skilvirkt og leiðtoginn sé alltaf með stefnuna sem leiðarljós.
(Hrebiniak ,2008; Börkur&Snjólfur,2012). Að geta hrifið starfsmenn með sér og smitað
eigin sýn yfir á þá er meiningin hjá Kotter (1996) og jafnframt að hann megi ekki sofna á
verðinum því ef leiðtoginn gleymir sér er annsi hætt við að starfsmennirnir geri það líka.
Því er mikilvægt að leiðtoginn hafi stefnuna sýnilega með ýmsum hætti og fylgi ferlinu
eftir frá byrjun til enda (Kotter, 1996; Börkur&Snjólfur,2012).
Allir eru fræðimennirnir sammála um að árangursríkt upplýsingaflæði skipti miklu
máli. Að endurgjöf og ábendingar á öllum stigum ferlisins sé nauðsynlegt. Kotter(1996)
og Speculand(2005) segja áhrifaríkt að gera minni markmið að einkonar vörðum og
verðlauna þegar þeim er náð. Það gefi starfsmönnum í skyn að starf þeirra sé ekki til
einskins (Kotter, 1996; Speculand,2005;Börkur&Snjólfur,2012). Sigrún Ragna hefur frá
því að hún tók við gert miklar breytingar á stefnumálum félagsins. Hún hefur hrifið fólkið
með sér og er sjálf mjög stefnumiðuð. Einn viðmælandi nefnir þegar hann er spurður
um hvort félagið einkennist af stefnumiðaðri stjórnun ,, sko þegar það kom nýr forstjóri
þegar Sigrún byrjaði þá svona varð allt frekar skýrt og þá finnst mér að þegar að það er
farið í einhver verkefni þá eru þau kláruð, þetta er ekki bara tal um að gera eitthvað
heldur er það gert “.
6.5 Rannsóknarspurningum svarað Svo virðist sem það hafi tekist vel að gera skipulagsheildina stefnumiðaðri og af
greiningu gagna er það mat rannsakanda að það sé jákvætt samspil milli stefnu og
stjórnunar hjá félaginu. Það segir að stjórnunin í félaginu styður við framkvæmd
stefnunnar og spilar leiðtoginn Sigrún Ragna þar stórt hlutverk en hún hitti til að mynda
102
alla starfsmenn til að miðla eigin sýn og með því fá starfsmennina með sér í upphafi
ferlis.
Hvernig starfsmenn upplifi sig í stefnumótunarferlinu má svara í nokkrum hlutum.
Annars vegar virðist ábótavant hversu mikið þeir telja sig hafa að segja um mótun
stefnunnar. Hins vegar virðist upplifun þeirra jákvæð um að vel sé staðið að framkvæmd
stefnunnar, að hlutverk þeirra sé skýrt í stefnumótunarstarfinu og að vinnuframlag
þeirra styðji við stefnuna.
6.6 Annmarkar rannsóknar, fyrri rannsóknir og frekari rannsóknir Niðurstöður í fyrri rannsóknin gefa til kynna að framkvæmd stefnunnar hafi gengið
vel og að leiðtoginn hafi gegnt mikilvægu hlutverki í því. Sama má segja um þá seinni en
þar upplifa starfsmenn einnig meðvitund um stefnuna og að þeir tækju virkan þátt í
henni.
Þessi tilviksrannsókn var ekki ætluð til að alhæfa en með henni gefst ágætis innsýn í
þetta tiltekna dæmi. Velta má fyrir sér hvort niðurstöður væru þær sömu ef rannsóknin
væri gerð aftur og á annari skipulagsheild.
Einnig veltir rannsakandi fyrir sér hvort tímasetning hefði mátt vera heppilegri en á
sama tíma og spurningakönnunin var lögð fram var verið að innleiða umfangsmikið
tölvukerfi. Því má velta fyrir sér hvort svör væru gerð í flýti. Einnig hefði verið áhugavert
að taka viðtöl við fleiri viðmælendur og þeir væru almennir starfsmenn. Það getur gefið
nýja sýn á upplifun starfsmanna á ferlinu. Það er ef til vill vettvangur fyrir slíka rannsókn
þ.e.a.s að skoða þetta nánar frá öfugu sjónarhorni eða sjónarhorni starfsmanna.
103
7 Lokaorð
Þegar nýr forstjóri tók við sem forstjóri VÍS árið 2011 fór stór umbreytingabolti að
rúlla og hefur hann ekki enn hætt. Sigrún Ragna var alveg frá upphafi með ákveðna sýn á
hvernig stefnumótun skildi háttað. Starfsmenn á öllum stigum skipulagsheildarinnar
ættu að taka þátt og eiga sinn hlut í stefnunni. Það hefur ekki breyst og virðist ekki ætla
að gera það. Skýr aðferðafræði er greinilega áhersluatriði og merkja má mörg líkön
fræðimanna þar. Aðferðafræðin sem stuðst er við er stefnumiðað árangursmat eftir þá
félaga Kaplan og Norton. Stefnunni er skipt upp í nokkra hluta eða minni stefnur. Hver
þáttur hefur sín verkefni, áætlun og sín markmið. Útbúið er árlega bæklingur sem
kallaður er stefnubæklingur og er honum dreift til allra starfsmanna og má sjá hann á
flestum borðum þar. Í bæklingnum má finna öll stefnumiðin sem eru helstu lykilverkefni,
mælikvarða, markmið, yfirlýsingu á stefnu, gildi, framtíðarsýn og hlutverk ásamt fleiru
sem snýr að stefnunni. Í bæklingnum er mynd sem inniheldur samþættingu allra
stefnumiða og sýnir hvernig öll verkefnin tengjast. Þessi þýðingamikla mynd er kölluð
Stefnuhringur og er hann endurnýjaður á hverju ári. Stefnuhringurinn einfaldar það að
skilaboð stefnunnar hríslist um fyrirtækið.
Margt bendir til að framkvæmdin hafi gengið vel og að almennt sé jákvæð upplifun af
stefnumótunarferlinu. Líkt og stjórnendur benda á í viðtölum þá er þetta ferli ekki með
upphaf og endir heldur er þetta lifandi ferli sem er sífellt verið að endurskoða og getur
tekið breytingum. Það má því ætla að með áframhaldandi skilvirku stefnumótunarstarfi
megi takast að framkvæma stefnuna enn betur og auka jákvæða upplifun starfsmanna
enn frekar.
104
8 Heimildaskrá
8.1 Ritaðar heimildir
Alchian, A. A. & H. DEMSETZ. (1972). "Production, Information Costs, and Economic Organization," Amer. Economic Rev., 62.
Barney J.B. og Arikan A.M. (2001). The Resource-‐based View: Origins and Implications Í The Blackwell Handbook of Strategic Management: Hitt M.A. ,Freeman R.E. og Harrison J.S (ritst.) Blackwell Puplishers Inc. Malden.
Barney, J.B. og Hesterly, W.S. ( 2006). Strategic Management and Competitive Advantage. New Jersey: Pearson.
Barney, J.B. og Hesterly, W. S. (2010). Strategic management and competitive advantage. New Jersey: Pearson Education Inc.
Bob De Wit & Ron Meyer. (2004). Strategy. Process, Content, Context. An international perspective. Thomson.
Bryman, A. (2012). Social Research Methods. 4´th edt. Oxford: Oxford University Press
Chamberlin, E. H.(1933). The Theory of Monopolistic Competition, Harvard University Press, Cambridge.
Cooper R. D. og Schindler S. P. (2011). Business Research Methods Third European Edition. Berkshire: McCraw-‐Hill Education.
Creswell, J.W.(1998). Qualititive inquiry and research design: Choosing among five traditions. Thousand Oaks, CA:Sage.
Creswell, J. W. (2003). Research Design: Qualitative, Quantitative, and Mixed Methods Approaches. CA: Sage.
Field. A.P. (2005). Discovering statistics using SPSS. London:Sage
Ghauri, P. N., Grønhaug, K. og Kristianslund, I. (2010). Research methods in business studies: a practical guide. New York; London: Prentice Hall.
Haukur Ingi Jónasson og Helgi Þór Ingason. (2011). Stefnumótunarfærni. Markmið, stefna og leiðir. Reykjavík: JPV.
Inga Jóna Jónsdóttir. (2003). Stefnumiðuð mannauðsstjórnun: Málskrúð eða raunveruleiki? Í I. Hannibalsson, Rannsóknir í Félagsvísindum IV, bls. 183-‐194. Reykjavík: Félagsvísindastofnun Háskóla Íslands.
James Brian Quinn , Henry Mintzberg, Robert M. James . (1988). The strategy process: concepts, contexts, and cases. Englewood Cliffs NJ: Prentice-‐Hall
105
John Van Maanen, James M. Dabbs & Robert R. Faulkner, ( 1982 ) Variets of Qualitative research. Beverly Hills, CA:Sage
Kaplan, R. og Norton, D. (1996). The Balanced Scorecard. Boston: Harvard Business School Press.
Lynch, R. (2000). Corporate Strategy (2. ed). Essex: Pearson Education Limited.
Lynch, Richard. (2003). Corporate Strategy (3. ed). Harlow: Edinburg Gate
Madu. B.C. (2012). Organization culture as driver of competitive advantage. Journal of Academic and Business Ethics. Vol5. Grand Canyon University
McGee, J., Thomas, H. og Wilson, D. (2010). Strategy: analysis and practice. (2. útgáfa). McGraw -‐ Hill Education.
Mintzberg, Henry og Waters, J.A. (1985). Of strategies, deliberate and emergent. Strategic Management Journal, 6.
Mintzberg, H., Ahlstrand, B. og Lampel, J. (1998). Strategy safari. Englewood Cliffs NJ: Prentice-‐Hall.
Mintzberg, H., Ahlstrand, B., og Lampel, J. (2005). Strategy safari – a guided tour
through the wilds of strategic management. New York: The Free Press.
Niven, P. R. (2003). Balanced Scorecard Step by Step for Government and Non-‐Profit
Agencies. Hoboken, New Jersey: John Wiley and Sons Inc.
Niven, P. R. (2006). Balanced Scorecard step by step: Maximizing Performance and Maintaining Results. Hoboken, New Jersey: John Wiley & Sons, Inc.
Peng, M.W., Sun, S.L., Pinkham, B. & Chen H. (2009). The Institution-‐Based View as a Third Leg for a Strategy Tripod. Academy of management. August. Bls 63-‐81
Penrose E.T. (1959). The theory of the growth of the firm. Oxford: Oxford University Press
Peteraf M.A. ( 1993). The Cornerstones of Competitive Advantage: A Resource-‐Based View. Strategic Management JournalVol. 14, No. 3
Porter, M. E. (1980). Competitive strategy. New York: The Free Press.
Robert M. Grant. (2005). Contemporary Strategy Analysis. Blackwell Publishing Ltd.
Rossman, G.B. & Rallis, S.F. (1998). Learning in the field: An introduction to qualitative research. Thousand Oaks,CA :Sage.
Runólfur Birgir Leifsson (2003). Stefnumótun í skipulagsheildum: Athugun á stefnumótun hjá nokkrum íslenskum fyrirtækjum. Í Ingjaldur Hannibalsson (ritstj.),
106
Rannsóknir í félagsvísindum IV, Viðskipta- og hagfræðideild (bls. 307-‐316). Reykjavík: Félagsvísindastofnun Háskóla Íslands.
Runólfur Smári Steinþórsson (2003b). Lýsing á stefnu og stefnumótunarvinnu. Í Ingjaldur Hannibalsson (ritstj.), Rannsóknir í félagsvísindum IV, Viðskipta- og hagfræðideild (bls.317-‐329). Reykjavík: Félagsvísindastofnun Háskóla Íslands.
Sigurlína Davíðsdóttir. (2013). Viðtöl í eigindlegum og megindlegum rannsóknum.
Sigríður Halldórsdóttir (ritstj.), Handbók í aðferðafræði rannsókna
Akureyri: Háskólinn á Akureyri.
Silverman, D. (2010). Doing qualitative research: A practical handbook. London: Sage
Simons, H. (2009). Case study research in practice. Los Angeles ; London: SAGE.
Sjöstrand, S. E. (1997). The Two Faces of Management: The Janus Factor. London:
International Thomson Business Press.
Thompson, A. og Strickland A. (1998). Strategic Management: Concepts and Cases (10. útgáfa). Boston: Irwin/McGraw-‐Hill.
Wernerfelt B. (1984). A Resource-‐Based View of the Firm. Strategic Management Journal. Vol. 5, No. 2.
Williamson, 0. E.(1975). Markets and Hierarchies: Analysis and Antitrust Implications, Free Press, New York.
8.2 Rafrænar heimildir
Kaplan, R. S., & Norton, D. P. (2008). Mastering the Management System. Harvard Business Review. Sótt af: http://hbr.org/2008/01/mastering-‐the-‐management-‐ system/ar/1
Kaplan, R.S. & Norton, D.P. (2000). Having trouble with your strategy then map it. Harvard Business Review Sótt af: https://hbr.org/2000/09/having-‐trouble-‐with-‐your-‐strategy-‐then-‐map-‐it
Runólfur Smári Steinþórsson. (2012). Stefna og forskot. Hádegisfyrirlestur á vegum Viðskiptafræðideildar Háskóla Íslands-‐ 16. október 2012. Sótt af http://www.hi.is/sites/default/files/admin/meginmal/skjol/stefna_og_forskot___handout.pdf
Runólfur Smári Steinþórsson. (2003a). Stefnumiðuð stjórnun: Fimm greiningarlíkön. Tímarit um viðskipti og efnahagsmál, 27-‐54. Sótt af http://www.efnahagsmal.is/wp-‐
107
content/uploads/2010/12/2003_RunolfurSmariSteinthorsson_StefnumidudStjornun.pdf
Runólfur Smári Steinþórsson. (2013). Stefnumiðað starf: Hvað virkar? -‐ Hvað kom fram í umræðunni? -‐ Hvað svo? Fyrirlestur hjá Stjórnvísi -‐ Félagi um framsækna stjórnun: faghópi um stefnumótuno g balanced scorecard, 10. október 2013. Sótt af http://www.stjornvisi.is/stjornvisi/images/original/[94]-‐ Stefnumidad%20starf%20-‐%20hvad%20virkar_Runolfur_Smari_%20101013.pdf
Vís (e.d.a) Starfsemi og rekstur. Sótt af: http://vis.is/vis/starfsemi-‐og-‐rekstur/sagan/
Vís (e.d.b) Rekstur og skipurit. Sótt af: http://vis.is/vis/starfsemi-‐og-‐rekstur/skipurit/
Vís (e.d.c) Hlutverk og gildi. Sótt af:http://vis.is/vis/starfsemi-‐og-‐rekstur/hlutverk-‐og-‐gildi/
Vís (e.d.d) Stjórnarhættir. Sótt af: http://vis.is/vis/samfelagsabyrgd/stjornarhaettir/
Vís ( e.d.e) Árskýrsla VÍS 2012. Sótt af: https://www.vis.is/media/1346/vis_skyrsla2012_vefur.pdf
Vís (e.d.f) Ársskýrsla VÍS 2013. Sótt af: https://www.vis.is/media/1335/arsskyrsla_vis_2013.pdf
Vís (e.d.g) Ársskýrsla VÍS 2014. Sótt af: https://www.vis.is/media/1247/arsskyrslavis2014.pdf
Vís (e.d.h) Ársskýrsla VÍS 2015. Sótt af : 2015. http://arsskyrsla2015.vis.is/vid-‐erum-‐vis/stefnan-‐okkar
108
9 Viðaukar
9.1 Viðauki 1.
109
9.2 Viðauki 2.