GRONDWET - beefmastersa.co.zabeefmastersa.co.za/images/photos/BeefmasterGrondwet-AJV-08-07 … ·...

GRONDWET

VAN DIE

Gewysig: AJV 12-07-2011 Gewysig: AJV 09-06-2013 Gewysig: AJV 08-07-2014

BEEFMASTER

~ 2 ~

INHOUDSOPGAWE

Bladsy

WOORDOMSKRYWINGS EN UITLEG ..................................................................

3

KLOUSULES

1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18

NAAM VAN DIE GENOOTSKAP ................................................................ DOELSTELLINGS EN OOGMERKE .......................................................... MAGTE ....................................................................................................... LIDMAATSKAP .......................................................................................... REGISTER VAN LEDE .............................................................................. AANWENDING VAN PRESTASIEDATA ................................................... LEDEGELD EN GELDE ............................................................................. BEDANKINGS, SKORSING EN OPHEFFING VAN STEMREG VAN LEDE .......................................................................... VERKIESING VAN DIE RAAD ................................................................... MAGTE EN PLIGTE VAN DIE RAAD ........................................................ VERGADERINGS ...................................................................................... NOTULES VAN VERGADERINGS ............................................................ FINANSIËLE BEPALINGE ......................................................................... AFFILIASIE ................................................................................................. GRONDWETLIKE WYSIGINGS ................................................................. KANTOOR VAN DIE GENOOTSKAP ........................................................ JURISDIKSIE ............................................................................................. HERROEPING EN OUTENTIEKE LESING VAN HIERDIE GRONDWET .................................................................

5 5 6 6 9 9 9

10 11 13 15 18 18 19 19 19 19

20

VERORDENINGE

1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19.

KUDDEBOEK ............................................................................................. VOORVOEGSEL EN KUDDEKENMERKLETTERS .................................. IDENTIFIKASIE .......................................................................................... NAME ......................................................................................................... KENNISGEWING VAN GEBOORTES ....................................................... DEKKING- EN INSEMINERINGSERTIFIKATE EN DIE GESAMENTLIKE BESIT VAN BULLE ....................................................... DRAGTIGHEIDSPERIODE ....................................................................... VEREISTES VIR REGISTRASIE ............................................................... KEURING EN PLIGTE VAN DIE KEURDER ............................................. KUNSMATIGE INSEMINERING ................................................................ DIE OPVANG EN OORPLASING VAN EMBRIO’S ................................... REGISTRASIESERTIFIKATE .................................................................... PRIVAAT KUDDEREGISTER .................................................................... DNS-TIPERING........................................................................................... OORDRAGTE ............................................................................................ HERSTEL VAN DIERE IN DIE KUDDEBOEK ........................................... AMPTENARE VAN DIE GENOOTSKAP .................................................... OORDRAG VAN BEVOEGDHEDE ............................................................ NIE-LEDE ...................................................................................................

21 22 23 23 24

25 26 26 26 27 28 29 30 30 30 31 31 31 32

SKEDULES

Bylae A Bylae B

Minimum Ras- en Produksiestandaarde Veilings

33 40

~ 3 ~

GRONDWET VAN DIE BEEFMASTER BEESTELERSGENOOTSKAP

VAN SUID-AFRIKA WOORDOMSKRYWINGS EN UITLEG Wanneer dit in hierdie Grondwet gebruik word en 'n strydige bedoeling nie duidelik uit die verband blyk nie, beteken – (a) "Beefmaster", 'n dier wat ingevolge die bepalings van hierdie grondwet aan die

minimum ras- en prestasiestandaarde van die Beefmaster voldoen en wat in die Kuddeboek geregistreer is of daarvoor geskik is, en die woorde "Bees/te", "Dier/e", "Vers/e", Koei/e", Bul/le", en Kalf/Kalwers" sal dieselfde betekenis hê;

(b) "Eienaar", die persoon wat (i) Volgens die rekords van Stamboek sodanige Beefmaster besit, of (ii) Wat tot bevrediging van die Raad bewys lewer dat sodanige Beefmaster

geskik is om so in sy naam geregistreer te word;

(c) "Eisel", 'n eisel van 'n Beefmaster en ook 'n embrio;

(d) "Embrio", 'n bevrugte eisel van 'n Beefmaster;

(e) "Finansiële jaar", daardie periode van tyd tot tyd deur die Raad bepaal waarvoor ŉ verslag ten opsigte van die finansiële status van die Genootskap voorberei en aan die algemene jaarvergadering voorgelê word;

(f) "Geboorte", die geboorte van 'n Beefmaster-kalf;

(g) "Genootskap", die dieretelersgenootskap bekend as die Beefmaster Beestelersgenoot-skap van Suid-Afrika, wat as sodanig by die Registrateur van Veeverbetering in die Nasionale Departement van Landbou in terme van die toepaslike wetgewing ŉ sertifikaat van regspersoonlikheid verkry het;

(h) "Grondwet", die grondwet van die Genootskap;

(i) "Keurder", 'n persoon in dié hoedanigheid as keurder van die Beefmaster-ras deur die Raad aangestel;

(j) "Koper", die persoon of persone aan wie eienaarskap/gesamentlike eienaarskap van 'n Beefmaster oorgedra word deur die verkoper van sodanige dier;

(k) "Kuddeboek", die Beefmasterkuddeboek waarin alle besonderhede van alle geregistreer-de Beefmasters deur Stamboek ingeskryf word;

(l) "Lid", ŉ persoon wat aan al die vereistes vir lidmaatskap voldoen en as sodanig tot die geledere van die Genootskap toegelaat is;

(m) "Lidland", enige ander land dan die RSA waar Beefmasters geteel word en waar die telers daarvan lidmaatskap van die Genootskap bekom het en waarvan die diere ingevolge die bepalings van hierdie grondwet by Stamboek geregistreer word;

(n) “Produksiestandaard”, ŉ geskrewe standaard van prestasie norme gebaseer op produksie soos gemeet deur deelname aan Logix Vleis Produksie-aantekening en

~ 4 ~

wat deel uitmaak van hierdie grondwet en waaraan elke dier, na die uitsluitlike oordeel van die Genootskap, moet voldoen alvorens sodanige dier aanbeveel sal word vir registrasie deur Stamboek;

(o) "Raad", die Raad van die Genootskap;

(p) "Rasstandaard", ŉ geskrewe fenotipiese en/of genotipiese standaard van voortreflikheid wat deel uit maak van hierdie grondwet en waaraan elke dier, na die uitsluitlike oordeel van die Genootskap, moet voldoen alvorens sodanige dier aanbeveel sal word vir registrasie deur Stamboek;

(q) "Registrateur" die beampte in die Nasionale Departement van Landbou aangewys as Registrateur van Veeverbetering ingevolge die toepaslike wetgewing;

(r) "Registreer", die prosedure van inskrywing van ’n Beefmaster deur Stamboek in die kuddeboek of waardeur n’ voorvoegsel deur Stamboek op rekord geplaas word;

(s) "RSA", die Republiek van Suid-Afrika;

(t) "Sekretaris", die Sekretaris van die Genootskap soos van tyd tot tyd deur die Raad aangestel;

(u) "Semen", die semen van 'n Beefmaster;

(v) "Stamboek", die Suid-Afrikaanse Stamboek- en Veeverbeteringsvereniging wat ingevolge toepaslike wetgewing as registrerende owerheid vir die Beefmaster optree;

(w) "Teler", die eienaar van - (i) Die moeder ten tyde van die geboorte van 'n Beefmaster; (ii) Sodanige Beefmaster tydens aansoek om registrasie in die kuddeboek; of (iii) Die ontvangerkoei ten tyde van die geboorte van n’ Beefmaster as gevolg

van n’ embrio-oorplasing;

(x) "Verkoop", ook skenk, nalaat, ruil of oordrag van eienaarskap van ŉ Beefmaster op welke wyse ookal; en

(y) "Verkoper", die persoon of persone wie volgens die rekords van Stamboek die eienaar/ gesamentlike eienaars is van 'n Beefmaster wat verkoop is, of in die geval van ŉ ingevoerde Beefmaster, die eienaar in die land van oorsprong.

(z) "Verordeninge", die verordeninge van die Genootskap wat van tyd tot tyd deur die Raad gewysig en goedgekeur word.

Ander woorde, afkortings en terme gebruik in die grondwet, wat nie hierbo omskryf is nie, en waaraan 'n bepaalde betekenis geheg word in toepaslike wetgewing sal dieselfde beteken as in daardie betrokke toepaslike wetgewing.

Tensy 'n teenstrydige bedoeling duidelik uit die verband blyk, sal alle woorde wat in die grondwet na persone in die manlike geslag verwys die vroulike geslag insluit en woorde in die enkelvoud sal die meervoud insluit en woorde in die meervoud sal die enkelvoud insluit.

~ 5 ~

KLOUSULES 1. NAAM VAN DIE GENOOTSKAP

Die naam van die Genootskap is die Beefmaster Beestelersgenootskap van Suid-Afrika.

2. DOELSTELLINGS EN OOGMERKE

2.1 Doelstelling Onderhewig aan die bepalinge van toepaslike wetgewing en hierdie grondwet is die doelstelling van die Genootskap om uitstaande beeste ooreenkomstig die Lasater filosofie en die ses essensiële elemente te teel.

2.2 Die Lasater filosofie (a) Kreatiewe radikalisme beteken reproduktief - doeltreffende koei - kalf

telers.

(b) Die vyf gebooie (i) Selekteer vir die ses essensiële elemente. (ii) Streef na reproduktiewe doeltreffendheid. (iii) Doen prestasietoetsing in ŉ konstante omgewing. (iv) Pas direkte seleksie toe. (v) Benut die aanpassings vermoëns van die natuur.

(c) Die ses essensiële elemente (i) Vrugbaarheid.

(ii) Temperament. (iii) Gewig. (iv) Konformasie. (v) Melkproduksie. (vi) Gehardheid.

2.3 Oogmerke Die oogmerke van die Genootskap is om – (a) uit hoog presterende gekruiste en suiwer geteelde beeste te selekteer

en te teel;

(b) op grond van prestasietoetsrekords en funksionele doeltreffendheid ‘n’ ras- en produksiestandaard vir die Beefmaster-ras op te stel en toe te sien dat dit toegepas word;

(c) ŉ hoë standaard van administrasie te handhaaf, met spesifieke verwysing na – (i) produksie- en registrasierekords; (ii) die hou van simposia en kursusse; (iii) die standaard van keuring; en (iv) gesonde finansiële praktyk;

(d) die Lasater filosofie deur die hou van boeredae, uitstallings en ander aktiwiteite te bevorder; en

(e) die verkoop van Beefmasters te bevorder.

~ 6 ~

3. MAGTE Onderhewig aan die bepalinge van toepaslike wetgewing en hierdie grondwet is die magte van die Genootskap om sodanige funksies te vervul en pligte uit te voer soos aan die Genootskap opgelê is deur die algemene jaarvergadering, toepaslike wetgewing en as gevolg van sy lidmaatskap van Stamboek: Met dien verstande dat geen bepaling in hierdie grondwet vervat die Genootskap beperk om sodanige handelinge uit te voer as wat in die normale verloop van sake en by wetgewing van ŉ regspersoon verwag word om in die belang van sy lede uit te voer nie.

4. LIDMAATSKAP

4.1 Kategorieë van lidmaatskap

4.1.1 Gewone Lid Enige persoon bo die ouderdom van agtien jaar wat direk of indirek gemoeid is met die teelt van die Beefmaster en wat in die RSA of die lidlande woonagtig is, kan in aanmerking kom vir lidmaatskap van die Genootskap as Gewone Lid: Met dien ver-stande dat vir die doeleindes van hierdie subklousule 'n maatskappy, private maatskappy, beslote korporasie, trust, vennootskap of ander wetlik erkende regspersoon as 'n persoon beskou word.

4.1.2 Lewenslange lid Enige gewone lid kan met die goedkeuring van die Raad en by betaling van ŉ bedrag van tyd tot tyd deur die Raad vasgestel, kwalifiseer vir lewenslange lidmaatskap: Met dien verstande dat sodanige lewenslange lid al die regte en voorregte van lidmaatskap sal geniet, insluitende stemreg by enige vergadering van die Genootskap en sal ŉ lewenslange lid ook tot die Raad verkiesbaar wees.

4.1.3 Lewenslange Erelid Vir spesiale dienste gelewer in belang van die Beefmaster mag die algemene jaarvergadering 'n persoon, wie aktief met die teelt van die Beefmaster gemoeid was of is, tot Lewenslange Erelid verkies: Met dien verstande dat dit op aanbeveling van die Raad geskied en dat sodanige Lewenslange Erelid al die regte en voorregte van lidmaatskap sal geniet, insluitende stemreg by enige vergadering van die Genootskap en sal ŉ Lewenslange Erelid ook tot die Raad verkiesbaar wees.

4.1.4 Spesiale Erelede en Ere-president Persone wie nie noodwendig aktief gemoeid is met die teelt van die Beefmaster nie, mag deur die Raad, met die goedkeuring van die algemene jaarvergadering, as Spesiale Erelid of as Ere-president vereer word op sodanige voorwaardes soos deur die Raad bepaal mag word: Met dien verstande dat daar hoogstens vier spesiale erelede en hoogstens een ere-president op enige gegewe stadium sal wees. n’ Spesiale erelid sal geen stemreg by vergaderings van die Genootskap hê nie en ook nie tot die Raad verkiesbaar wees nie. Die Ere-president sal ipso facto in 'n raadgewende hoedanigheid lid van die Raad wees, terwyl spesiale erelede enige algemene vergadering van die Genootskap mag bywoon.

4.1.5 Junior lede Enige persoon onder die ouderdom van agtien jaar wat direk of indirek gemoeid is met die teelt van die Beefmaster en wat in die RSA

~ 7 ~

of die lidlande woonagtig is, kan in aanmerking kom vir lidmaatskap van die Genootskap as Junior Lid: Met dien verstande dat ŉ junior lid geen stemreg het nie en ook nie tot die Raad verkiesbaar is nie, maar sodanige junior lid kan aan die ander aktiwiteite van die Genootskap deelneem. Die ouers of voogde van ŉ persoon wat aansoek om junior lidmaatskap doen moet die aansoekvorm onderteken en volle verantwoordelikheid vir die finansiële en ander verpligtinge namens sodanige junior lid aanvaar.

4.1.6 Geoktrooieerde lede Alle lede in subklousules 4.1.1, 4.1.2, 4.1.3 en 4.1.4 bedoel wat voor 1 Mei 1986 by die Genootskap aangesluit het, is Geoktrooieerde lede.

4.1.7 Graad lede Enige persoon wat belangstel in, maar nie betrokke by die teelt van Beefmasters is nie, kan in aanmerking kom vir lidmaatskap van die Genootskap as Graad Lid: Met dien verstande dat ŉ graad lid geen stemreg het nie en ook nie tot die Raad verkiesbaar is nie, maar sodanige graad lid kan aan die ander aktiwiteite van die Genootskap deelneem.

4.2 Wetlik erkende regspersone

4.2.1 'n Maatskappy, private maatskappy, beslote korporasie, trust, vennootskap of ander wetlik erkende regspersoon wat om Gewone Lidmaatskap aansoek doen, moet aan die Genootskap sodanige feite en gegewens voorlê as wat nodig mag wees om die aard van die beherende aandeel daarin te bepaal en moet dan, of te enige tyd daarna, benewens die vereiste gegewens wat van alle aansoekers verlang word, die Genootskap verder in kennis stel van die naam en adres van die persoon wat aangestel is om as verteenwoordiger by vergaderings van die Genootskap op te tree: Met dien verstande dat sodanige verteenwoordiger die reg sal hê om skriftelik 'n plaasvervanger te benoem om die Genootskap nie later as een uur voor die aanvang van die vergadering waarop sodanige plaasvervanger moet stem, te bereik nie.

4.2.2 Ten opsigte van 'n vennootskap moet die volle name en adresse van alle vennote ten tyde van aansoek om lidmaatskap aan die Genootskap verstrek word en sulke vennote sal gesamentlik en afsonderlik verantwoordelik wees vir alle verpligtinge teenoor die genootskap.

4.2.3 Alle stukke wat aan die verteenwoordiger in subklousule 4.2.1 bedoel, gerig is, word beskou as behoorlik op die maatskappy, private maatskappy, beslote korporasie, trust, vennootskap of ander wetlik erkende regspersoon bestel te wees en by alle vergaderings wat deur sodanige verteenwoordiger bygewoon word, word die maatskappy, private maatskappy, beslote korporasie, trust, vennootskap of ander wetlik erkende regspersoon beskou as behoorlik verteenwoordig te wees.

4.2.4 Die verteenwoordiger in subklousule 4.2.1 bedoel, mag tot die Raad van die Genootskap verkies word.

4.2.5 Indien 'n maatskappy, private maatskappy, beslote korporasie, trust, vennootskap of ander wetlik erkende regspersoon in gebreke bly om

~ 8 ~

aan die vereistes van Gewone Lidmaatskap te voldoen, soos in subklousule 4.1.1 uiteengesit, sal sy lidmaatskap van die Genootskap beëindig word en die bepalinge van die subklousule 4.2.6 sal mutatis mutandis op so 'n maatskappy, private maatskappy, beslote korporasie, trust, vennootskap of ander wetlik erkende regspersoon van toepassing wees.

4.2.6 In die geval van die likwidasie van 'n maatskappy, private maatskappy, beslote korporasie of ander wetlik erkende regspersoon of die ontbinding van 'n trust of vennootskap, sal lidmaatskap aan die Genootskap outomaties beëindig word: Met dien verstande dat − (a) Alle gelde of bedrae aan die Genootskap verskuldig op die

datum van likwidasie of ontbinding deur die genootskap gevorder sal word van die likwidateur van sodanige maatskappy, private maatskappy, beslote korporasie of ander wetlik erkende regspersoon, of van die lede (hetsy gesamentlik of afsonderlik) van sodanige vennootskap, of van die trustees van sodanige trust;

(b) Die likwidateur van sodanige maatskappy, private maat-skappy, beslote korporasie of ander wetlik erkende regs-persoon en die lede van sodanige vennootskap en die trustees van sodanige trust verplig sal wees om al die verpligtinge van so 'n maatskappy, private maatskappy, beslote korporasie, trust, vennootskap of ander wetlik erkende regspersoon na te kom ten opsigte van registrasies, oordragte of enige verpligtinge wat die maatskappy, private maatskappy, beslote korporasie, trust, vennootskap of ander wetlik erkende regspersoon moes nakom as lid van die Genootskap; en

(c) Enige gelde wat betaalbaar mag wees, soos kuddegelde, registrasies, oordragte of ander verpligtinge wat na so 'n outomatiese beëindiging van lidmaatskap nagekom moet word, ooreenkomstig die skaal vir ŉ Gewone Lid opgelê sal word.

4.3 Aansoek om lidmaatskap

4.3.1 Aansoek om lidmaatskap van die Genootskap moet op die vorm van tyd tot tyd deur die Raad voorgeskryf aan die Genootskap gerig word.

4.3.2 Die aansoek moet ook vergesel gaan van die betrokke subskripsie en/of intreegeld soos van tyd tot tyd deur die Raad bepaal.

4.3.3 ŉ Aansoek om lidmaatskap moet vergesel gaan van die nodige bewys van deelname aan Logix Vleis Produksie-aantekening en dat aan die vereistes van die betrokke lidmaatskap kategorie voldoen word.

4.3.4 Die Raad mag die aansoek om lidmaatskap van enige persoon aanvaar, hetsy onvoorwaardelik of op sodanige voorwaardes as wat die Raad mag bepaal, of enige aansoek weier sonder om redes vir sodanige weiering te verstrek.

4.3.5 Indien 'n aansoek om lidmaatskap geweier is, sal die aansoeker geregtig wees op die terugbetaling van alle gelde wat sy aansoek vergesel het.

~ 9 ~

4.4 Regte en voorregte van lidmaatskap Met die uitsondering van eksekuteurs van bestorwe boedels, trustees van insolvente boedels en likwidateurs van maatskappye en beslote korpora-sies, is die regte en voorregte van lidmaatskap aan die Genootskap in die lid self gevestig en is dit nie oordraagbaar nie, hetsy uit eie keuse of by wyse van die bepalinge van wetgewing. Die regte en voorregte sluit in – (a) Om alle verslae en ander materiaal deur die Genootskap uitgegee vir

verspreiding onder lede te ontvang; (b) Om onderworpe aan die bepalings van hierdie grondwet aansoek te

doen vir die registrasie van diere in die kuddeboek of inskrywing in die Basiese register;

(c) Om alle algemene vergaderings van die Genootskap by te woon en onderworpe aan die bepalings in subklousule 4.1 vervat, stemreg uit te oefen, al dan nie;

(d) Om, indien beskikbaar, ten opsigte van Beefmaster aangeleenthede kundige tegniese advies van keurders en ander amptenare van die Genootskap te ontvang: Met dien verstande dat alle koste wat hieraan verbonde mag wees deur die aansoeker betaalbaar is; en

(e) Om die genootskap se amptelike verslae te ontvang en te raadpleeg. 5. REGISTER VAN LEDE

5.1 Die Genootskap sal 'n register van alle lede hou waarin die datum van toelating tot lidmaatskap, posadres, ander kontakbesonderhede, bedrae ontvang en die datum van betalings en agterstallige gelde wat verskuldig mag wees, indien enige, ingeskryf moet word.

5.2 Elke lid moet die Genootskap skriftelik van 'n verandering van sy posadres in kennis stel en alle kennisgewings of publikasies wat aan 'n lid se aangetekende adres gestuur is, sal beskou word as behoorlik op sodanige lid bestel te wees.

5.3 Alle stukke wat per aangetekende pos deur die Genootskap aan lede versend is, sal as bindend beskou word.

6. AANWENDING VAN PRODUKSIEDATA

Alle produksiedata van lede verbonde aan Logix Vleis Produksie-aantekening mag op versoek van die Genootskap, en onderworpe aan die voorwaardes wat deur die trustees van die data opgeneem in die Logix stelsel voorgeskryf mag word, aan die Genootskap beskikbaar gestel word: Met dien verstande dat die Genootskap sodanige data nie tot die nadeel van enige lid, of lede, of Logix Vleis sal aanwend nie en dat die verdere verwerking van die data nie tot die nadeel van die oogmerke van Logix Vleis Produksie-aantekening sal wees nie.

7. LEDEGELD EN GELDE 7.1 Alle ledegeld of enige ander gelde en kommissie aan die Genootskap

betaalbaar, word van tyd tot tyd deur die Raad bepaal en vir kennisname aan die eerste daaropvolgende algemene vergadering voorgelê.

7.2 Die jaarlikse ledegeld is vooruitbetaalbaar op die eerste dag van die finansiële jaar en sal as agterstallig beskou word as dit sestig dae daarna nog nie betaal is nie.

7.3 Enige lid wie se ledegeld agterstallig is of wat geld aan die Genootskap skuld ten opsigte van enige gelde of verpligtinge vir meer as dertig dae nadat 'n skriftelike eis om betaling daarvan deur die Sekretaris aan hom gerig is, sal daarna geen regte en voorregte van lidmaatskap geniet voordat sodanige

~ 10 ~

skulde aangesuiwer is nie.

7.4 Die Raad mag opdrag gee dat rente en/of boetes gehef word op alle agterstallige rekeninge teen 'n koers soos van tyd tot tyd deur die Raad vasgestel mag word.

7.5 Enige lid wat, om watter rede ookal, ophou om ’n lid van die Genootskap te wees sal aanspreeklik bly vir alle bedrae wat ten tyde van die beëindiging van sy lidmaatskap deur hom aan die Genootskap verskuldig was.

7.6 Indien die Raad sou beslis dat die rekening van 'n lid agterstallig is of ten tyde van die beëindiging van sy lidmaatskap uitstaande is, sal so 'n lid, indien sy rekening vir invordering aan 'n prokureur oorhandig word, verantwoordelik gehou word vir die betaling van alle regskoste, invorderingsgelde, prokureursgelde en kliënt kostes wat dit mag meebring, tesame met die oorspronklike bedrag, boetes en eise wat deur hom aan die Genootskap verskuldig is.

8. BEDANKINGS, SKORSING EN OPHEFFING VAN STEMREG VAN LEDE

8.1 Enige lid mag bedank as lid van die Genootskap deur nie minder nie as een maand voor die tyd skriftelik en per aangetekende pos kennis daarvan aan die Genootskap te gee: Met dien verstande dat − (a) Sodanige bedanking minstens voor die eerste dag van die nuwe

finansiële jaar ingedien moet word en by gebrek hiervan sal die lid ten volle verantwoordelik bly vir die betrokke finansiële jaar se ledegeld;

(b) Geen ledegeld of gedeelte daarvan terugbetaalbaar sal wees nie; en

(c) Alle gelde aan die Genootskap verskuldig ten volle betaal is en die lid sy verpligtinge nagekom het ten opsigte van dokumente, rekords, registrasies en oordragte of enige ander verpligting met betrekking tot sy lidmaatskap deur die Genootskap vereis.

8.2 Die Raad mag 'n lid skors wat − (a) In gebreke gebly het om enige bedrag wat deur hom aan die

genootskap verskuldig is te betaal binne sestig dae nadat 'n skriftelike eis vir sodanige vereffening deur die Sekretaris onderteken, aan hom gepos is;

(b) Die grondwet of enige reël van die genootskap oortree het, of wat na oordeel van die Raad op enige wyse oneerbaar of afbrekend teenoor die karakter, of ten nadele van die belange van die genootskap of enige van sy lede opgetree het;

(c) Deur sy optrede of gebrek daaraan werklike of moontlike oneer aan die genootskap gebring het of wat skuldig was aan gedrag ten werklike of moontlike nadele van die doelstellinge van die genootskap;

(d) Met opset of vir persoonlike gewin of voordeel, foutiewe informasie aan die genootskap of enige van sy amptenare, of aan Stamboek verstrek het, of wat aan die liggaam van 'n Beefmaster sodanige kosmetiese veranderings aangebring het om enige persoon te mislei ten opsigte van die ware eienskappe van die dier; of

(e) Probeer om 'n keurder of ŉ amptenaar van die genootskap om te koop:

Met dien verstande dat geen skorsing in werking gestel sal word nie, alvorens die genootskap nie minstens dertig dae voor die datum van die Raadsvergadering waarop sodanige skorsing op die sakelys is, 'n

~ 11 ~

geregistreerde brief aan so 'n lid gerig het waarin hy in kennis gestel word van sy voorgestelde skorsing en waarin daar 'n beroep op hom gedoen word om persoonlik, of indien hy so verkies, deur sy behoorlik gemagtig-de verteenwoordiger, sy kant van die saak op die Raadsvergadering te stel. Indien sodanige skrywe nie betyds aan die lid gerig is nie, mag die Raad in belang van onpartydigheid nie die skorsing of die omstandighede bespreek nie.

8.3 Die Raad of enige komitee van die Raad sal geregtig wees om behoorlik navraag te doen in verband met die gedrag van 'n lid en om sodanige inligting by so 'n plek, persoon, firma en/of instansie in ontvangs te neem en daarop te handel op so 'n wyse as wat die Raad mag goeddink. Met dien verstande dat die gewone reëls wat betref die lewering van getuienis nie van toepassing sal wees op sodanige bona fide navraag nie en geen lid sal enige aksie, eis en/of reg van verhaal teen die Raad of sy komitee hê in verband met enige aangeleentheid en/of saak wat voortspruit uit sodanige navraag of inligting wat bekom was nie.

8.4 Enige lid wat geskors is, moet deur die genootskap skriftelik daarvan in kennis gestel word binne vyf dae na die datum waarop die besluit met betrekking tot sy uitsetting uit die register van die genootskap goedgekeur is.

8.5 Na sodanige skorsing van 'n lid mag die Raad opdrag aan die Sekretaris gee om sy naam uit die kuddeboek en enige ander registers of verslae van die genootskap te verwyder en by Stamboek aansoek doen vir die kansellering van alle geregistreerde Beefmaster-diere wat deur die geskorste lid geteel is en ten tyde van sy skorsing in sy besit was.

8.6 Die Raad mag verder van die geskorste lid verlang om onverwyld alle registrasiesertifikate ten opsigte van Beefmaster-diere wat ten tyde van sy skorsing in sy besit was, aan Stamboek te oorhandig en na sodanige datum sal geen diere deur hom geteel, geregistreer of oorgedra word nie, en geen geboortekennisgewing ontvang van hom sal aanvaar word nie en hy sal dienooreenkomstig deur die Sekretaris in kennis gestel word.

8.7 Enige lid wat geskors word sal alle gelde deur hom verskuldig aan die genootskap ten volle betaal en al sy verpligtinge nakom ten opsigte van registrasie en oordragte of enige ander verpligtinge met betrekking tot sy lidmaatskap: Met dien verstande verder dat enige lid wat van die genootskap geskors word aanspreeklik bly vir alle ledegeld en gelde deur hom verskuldig aan die genootskap ten tyde van sodanige skorsing.

8.8 Enige persoon wat op welke wyse opgehou het om lid van die genootskap te wees, mag weer vir lidmaatskap in aanmerking kom ooreenkomstig die bepalinge van subklousule 4.3: Met dien verstande dat alle agterstallige skulde, indien enige, vereffen is.

9. VERKIESING VAN DIE RAAD EN DIE UITVOERENDE KOMITEE

9.1 Die belange van die genootskap sal beheer en bestuur word deur 'n Raad wat jaarliks tydens die algemene jaarvergadering of ŉ spesiale algemene vergadering vir dié doel byeengeroep, verkies word uit volopbetaalde stemgeregtigde lede wat reeds twee jaar of meer aktief lid is van die van die genootskap: Met dien verstande dat Raadslede op ŉ provinsiale grondslag verkies word en wel as volg:

~ 12 ~

Gauteng en Mpumalanga (as eenheid beskou) Drie (3) Limpopo Een (1) Noordwes Drie (3) Noord-Kaap Een (1) Vrystaat Drie (3) KwaZulu-Natal Een (1) Oos-Kaap en Wes-Kaap (as eenheid beskou) Twee (2)

9.2 Een Raadslid uit elk van die vyf streke (deur lot bepaal), tree na die eerste jaar na aanvaarding van hierdie grondwet uit diens. Tydens die tweede algemene jaarvergadering na aanvaarding van hierdie grondwet tree die oorblywende ses Raadslede uit diens en die twee jaar siklus van diens op die Rad kom in werking: Met dien verstande dat uittredende Raadslede, ingevolge die bepalings van hierdie subklousule, weer verkiesbaar sal wees.

9.3 ŉ President en ŉ Vise-president word agtereenvolgens na afhandeling van die verkiesing van Raadslede deur die algemene jaarvergadering of ŉ spesiale algemene vergadering vir dié doel byeengeroep uit die veertien Raadslede verkies: Met dien verstande dat die nominasie van kandidate vir gemelde portefeuljes per geslote nominasie sal wees en slegs indien twee stemgeregtigde lede ŉ bepaalde kandidaat genomineer het, word die nominasie as gesekondeer beskou en kandidate wie slegs een nominasie ontvang het, kan nie tot die portefeulje verkies word nie. Sodanige nominasiebrief sal ŉ handtekening bevat om die identiteit van die nominant as lid van die genootskap te bevestig.

9.4 Die President word jaarliks op die voorgeskrewe wyse verkies vir ŉ termyn van een jaar, met dien verstande dat geen persoon vir langer as drie opeenvolgende termyne in die amp van President sal dien nie

9.5 Die verkiesing van Raadslede en die daaropvolgende verkiesing van die President en die Vise-president uit die behoorlik genomineerde kandidate sal per geslote stembrief geskied. Sodanige stembrief sal geen nommer en/of handtekening bevat om die identiteit van die kieser te openbaar nie.

9.6 Indien 'n lid van die Raad te sterwe kom, bedank, ophou om lid van die genootskap te wees of sy amp verbeur ingevolge subklousule 9.7 kan die Raad 'n ander lid van die genootskap aanwys as sy plaasvervanger met volle magte vir die res van sy dienstermyn. Die Raad sal as behoorlik gekonstitueer beskou word en sal voortgaan om al die magte wat aan hom opgedra is uit te voer nieteenstaande enige vakatures wat daarin mag ontstaan: Met dien verstande dat waar die amp van President of Vise-president vakant raak voor die verstryking van die tydperk waarvoor hy tot die Raad verkies is, moet die Raad by sy daarop volgende vergadering per geslote stembriefies een uit sy geledere nomineer en verkies om die vakature vir die onverstreke tydperk, te vul.

9.7 Lede van die Raad wat van twee agtereenvolgende vergaderings van die Raad afwesig was sonder toestemming of grondige rede, sal hul amp verbeur.

9.8 Benewens die elf verkose lede van die Raad sal ook die Ere-president, die Sekretaris en enige ander persoon deur die Raad gekoöpteer in ‘n adviserende hoedanigheid, sonder stemreg op die Raad dien.

9.9 Die Raad sal uit sy geledere een Raadslid verkies om saam met die President en Vise-president die uitvoerende komitee te vorm: Met dien

~ 13 ~

verstande dat alle besluite deur die uitvoerende komitee geneem deur die eersvolgende Raadsvergadering wat volg op uitvoerende komitee se vergaderings goedgekeur en bekragtig moet word.

10. MAGTE EN PLIGTE VAN DIE RAAD

Die Raad het, onderworpe aan die bepalinge van die grondwet en die besluite van enige algemene vergadering van die genootskap soos wat van tyd tot tyd geneem word, die mag om sodanig op te tree as wat in belang van die genootskap is, of vir die bevordering en volvoering van sy doelstellinge wat nodig of wenslik geag mag word, en in besonder het die Raad die mag om –

10.1 Betaling van lenings op enige wyse te sekureer, insluitende die verhipotekering of verpanding van goed, en sonder om afbreuk te doen aan die algemeenheid daarvan, in besonder deur die uitreiking van die soort skuldbrief of skuldbriefeffekte, met of sonder sekuriteit;

10.2 Geld aan enige persoon of maatskappy te leen;

10.3 Vrywaring en waarborge en borgstelling aan te gaan en betaling daar kragtens op enige wyse te sekureer;

10.4 Donasies of skenkings te maak;

10.5 'n Trust te onderneem en uit te voer;

10.6 Gratifikasies en pensioene te betaal en pensioenskemas en ander aansporing-skemas ten opsigte van sy ampsdraers en werknemers tot stand te bring;

10.7 Onderhewig aan die bepalinge van klousule 7 die ledegeld of verpligtinge van lede van tyd tot tyd te wysig of aan te pas en om enige bykomende gelde en verpligtinge voor te skryf soos nodig geag mag word;

10.8 Een of meer bankrekenings namens die genootskap te open en enige wissel, skuldbewys, tjek of ander verhandelbare dokument wat op sake van die genootskap betrekking het te trek, te aanvaar, te endosseer, aan te gaan of uit te voer;

10.9 Geboue, grond, goedere, roerende bates en besittings te koop, te huur, op verband te neem of vir die genootskap aan te skaf; om roerende goedere of vaste eiendom van die genootskap te verkoop, te verpand, te verhuur, te vervreem of andersins daarvan ontslae te raak en die vergoeding daaruit verkry op so 'n wyse aan te wend as wat tot die grootste voordeel van die genootskap gereken mag word;

10.10 Enige gelde wat nie vir die onmiddellike behoeftes van die genootskap nodig is nie te belê of op enige ander wyse te behartig teen sodanige sekuriteite en op sodanige voorwaardes soos die Raad mag goedvind en van tyd tot tyd enige sodanige beleggings te verander of te onttrek;

10.11 Al die kostes en rekenings met betrekking tot die administrasie en bestuur van die genootskap te betaal;

10.12 Gelde, donasies en ander skulde en fondse in te samel en te ontvang en dit tot voordeel van die genootskap en/of tot bevordering van die Beefmaster aan te wend;

10.13 Op sekuriteit van enige eiendom van die genootskap geld vir die genootskap te leen;

~ 14 ~

10.14 Ooreenkomstig subklousule 7.3 te weier om keuring- of registrasiedienste en ander werk vir lede te doen indien hulle rekenings agterstallig is;

10.15 Algemene vergaderings van die genootskap te belê, òf na aanleiding van 'n spesiale versoek daartoe wat volgens die bepalinge van die grondwet gerig is, òf andersins indien dit noodsaaklik geag word;

10.16 Na goeddunke sodanige ouditeure, prokureurs of ander regsverteenwoor-digers, agent, ampsdraers of amptenare of ander werknemers permanent, tydelik of met die oog op spesiale dienste aan te stel, te ontslaan, of te skors; om hul magte en pligte te bepaal, hul vergoeding en diensvoor-waardes vas te stel en om sodanige voorsorg te tref vir die behoorlike uitvoering van hul pligte, as wat in besondere gevalle raadsaam geag mag word;

10.17 'n Geding in te stel, te voer, te laat voer, te verdedig, of 'n skikking aan te gaan ten opsigte van enige geregtelike stappe deur of teen die genootskap of teen enige van sy ampsdraers of amptenare of ander werknemers in verband met die aangeleenthede van die genootskap; en om enige skulde wat betaalbaar is te verminder, of uitstel te verleen vir die afbetaling daarvan of die voldoening aan enige eise of aanskrywing deur of teen die genootskap;

10.18 Kontrakte buite die RSA aan te gaan en kontrakte, aktes en dokumente in 'n vreemde land te verkry;

10.19 Aanbevelings te maak en goedkeurings te verleen ingevolge toepaslike wetgewing met betrekking tot die registrasie van of nageslag verwek uit skenkerdiere, of ingevoerde diere, of nageslag verwek uit ingevoerde semen en embrio’s;

10.20 Keurders aan te stel om diere wat vir registrasie aangebied is, te keur en vir die doel van enige ander werksaamhede waarvoor lede van die genootskap die dienste van keurders mag verlang en om aan sodanige keurders opdragte te gee en magte te verleen met betrekking tot hul pligte om te verseker dat die doelstellinge van die genootskap uitgevoer word, of om hulle te ontslaan;

10.21 Opdrag te gee aan keurders en/of ander amptenare van die genootskap om ondersoek in te stel na gevalle waar daar nie behoorlik rekords gehou word nie of waar daar twyfel mag ontstaan met betrekking tot die identiteit van 'n bees en om sodanige stappe te neem soos in die belang van die genootskap wenslik geag mag word;

10.22 Die dienste van enige persoon of ŉ lid van die genootskap op die Raad te koöpteer en om subkomitees te benoem op sodanige voorwaardes en sodanige magte aan hulle te verleen as wat van tyd tot tyd wenslik geag mag word. Die President van die genootskap is ex officio lid van alle subkomitees met alle regte en voorregte;

10.23 'n Sisteem van keuring ten opsigte van die Beefmaster in te stel en om reëls, voorwaardes, en terme aangaande sodanige keuring te formuleer: Met dien verstande dat wanneer die Raad enige sodanige reëls òf herroep òf op enige ander wyse verander het, sodanige reëls by die eersvolgende algemene vergadering van die genootskap vir die inligting van sodanige vergadering voorgelê moet word;

~ 15 ~

10.24 Verkope van die Beefmaster onder die beskerming van die genootskap te organiseer en te bevorder, hetsy deur openbare veilings of uit die hand en om vir hierdie doel afslaers en agente aan te stel;

10.25 Aan enige lid van die Raad of enige amptenaar of werknemer van die genootskap verlof tot afwesigheid toe te staan vir enige tydperk en op sodanige voorwaardes as wat in elke geval bepaal mag word;

10.26 Een of meer lede, amptenare of ander persone aan te stel en te beklee met die gesag om namens die genootskap dokumente te onderteken, stukke en gegewens te ontvang, geregtelike stappe te doen, op te tree, ‘n eis in te stel, of gedagvaar te word, sodat die sake van die genootskap na behore uitgevoer en afgehandel kan word;

10.27 ŉ Verteenwoordiger aan te wys om die genootskap te verteenwoordig by die algemene jaarvergadering van Stamboek, of enige ander liggaam of organisasie soos wat nodig mag wees;

10.28 Aansoeke om lidmaatskap te ontvang en te oorweeg en dit na eie oordeel te

aanvaar of af te wys;

10.29 Reëls met betrekking tot die beheer van sake, hetsy administratief of andersins, en die uitvoer van die doelstellinge van die genootskap op te stel, te wysig of op te hef;

10.30 Ooreenkomstig klousule 8 die lidmaatskap van enige persoon te beëindig;

10.31 Sodanige strawwe of boetes op te lê of af te dwing as wat van tyd tot tyd vir lede van die genootskap bepaal mag word vir die oortreding of skending van die grondwet, reëls en regulasies van die genootskap;

10.32 Ondersoek in te stel na geskille wat uit die toepassing van die grondwet mag ontstaan en om uitsluitsel daaromtrent te gee;

10.33 Die verordeninge van hierdie grondwet en enige bylae wat by die grondwet aangeheg is, te verander of te wysig soos van tyd tot tyd nodig geag mag word: Met dien verstande dat dit nie teenstrydig sal wees met die bepalinge van toepaslike wetgewing of die grondwet van Stamboek nie;

10.34 In die algemeen alles wat nodig is te doen met die oog op die welvaart van die genootskap en die hantering van sy sake, altyd op voorwaarde dat enige stappe wat gedoen word of opdragte wat gegee word, nie teenstrydig sal wees met die bepalinge van toepaslike wetgewing en die grondwet nie; en

10.35 Van tyd tot tyd die Ras- en Produksiestandaarde (Bylae A) (“minimum rasstandaarde”) te hersien.

11. VERGADERINGS

11.1 Die uitvoerende komitee sal vergader soos benodig om die opdragte gedelegeer vanaf die Raad uit te voer.

11.2 Die Raad sal op sodanige tyd en plek vergader as wat van tyd tot tyd deur hom bepaal mag word, of soos wat die President of in sy afwesigheid die Vise-president mag besluit: Met dien verstande dat minstens twee Raads-vergaderings gedurende elke finansiële jaar gehou sal word.

11.3 'n Spesiale Raadsvergadering –

~ 16 ~

(a) Mag deur die President (of in sy afwesigheid deur die Vise-president) belê word, op sodanige tyd en plek as wat sodanige ampsbekleër mag besluit, of

(b) Sal belê word op grond van 'n aansoek onderteken deur nie minder nie as vier Raadslede waarin die redes vir die vergadering gemeld word. Sodanige aansoek moet aan die Sekretaris gerig word.

11.4 Skriftelike kennisgewing van die tyd, datum en plek van 'n voorgenome Raadsvergadering moet nie minder nie as veertien dae voor die vergadering sal plaasvind, deur die Sekretaris aan elke lid van die Raad gepos word (hetsy elektronies of andersins).

11.5 Geen besluit van ŉ Raadsvergadering mag verander of ongeldig gemaak word nie, tensy minstens veertien dae kennis van die beoogde verandering of ongeldigmaking gegee was aan elke Raadslid: Met dien verstande dat so ŉ besluit wel sonder die beoogde kennisgewing verander of ongeldig gemaak mag word as alle Raadslede teenwoordig is en eenparig dienooreenkomstig besluit.

11.6 'n Algemene vergadering van die genootskap wat bekend staan as die Algemene Jaarvergadering word een keer in 'n finansiële jaar gehou op so 'n tyd en plek as wat die Raad mag bepaal.

11.7 By so 'n algemene jaarvergadering sal die Raad sy jaarverslag voorlê, tesame met 'n behoorlike geouditeerde balansstaat en 'n verslag van die finansiële jaar waarop die verslag betrekking het.

11.8 Sodanige algemene jaarvergadering moet gehou word - (a) Nie later nie as ses maande na die einde van elke finansiële jaar van

die genootskap; en (b) Binne hoogstens vyftien maande na die datum van die jongste

voorafgaande algemene jaarvergadering van die genootskap.

11.9 'n Spesiale algemene vergadering van die genootskap mag te eniger tyd met minstens dertig dae kennisgewing belê word deur die Raad, of die President (of in sy afwesigheid die Vise-president) en sal in laasgenoemde geval belê word op grond van n’ skriftelike aansoek daartoe, wat aan die Sekretaris gerig is en wat deur nie minder nie as tien lede van die genootskap onderteken is. So ŉ aansoek moet die doelstellinge van die vergadering duidelik uiteensit en gedurende sodanige vergadering mag slegs die gemelde sake behandel word.

11.10 'n Voorlopige kennisgewing van die tyd, datum en plek van 'n algemene jaarvergadering moet minstens sestig dae voor die vergadering deur die Sekretaris aan elke lid gepos of in die amptelike mondstuk van die genootskap gepubliseer word. Enige lid wat van plan is om enige saak by die algemene jaarvergadering vir bespreking voor te lê, moet die Sekretaris nie minder nie as veertig dae voor die vergadering, skriftelik daarvan in kennis stel.

11.11 'n Finale kennisgewing van die tyd, datum en plek waarop enige algemene vergadering gehou sal word, tesame met die agenda vir die vergadering, moet minstens dertig dae voor die vergadering aan elke lid van die genootskap gepos word.

11.12 Daar sal geen besluit op enige algemene vergadering geneem word tensy kennis daarvan op die agenda, wat tesame met die kennisgewing van

~ 17 ~

vergadering aan lede gestuur is, verskyn nie, of tensy so 'n vergadering met 'n twee-derde meerderheid van stemme van lede wat teenwoordig en stemgeregtig is, besluit om enige saak wat nie spesifiek op die agenda is nie, te bespreek en daaroor te stem.

11.13 Enige algemene vergadering mag verdaag word deur 'n twee-derde meerderheidstem van die lede wat daarby teenwoordig is.

11.14 Vir die doel om besluite op 'n algemene jaarvergadering geneem, te herroep, word 'n twee-derde meerderheidstem tydens dieselfde of ŉ daaropvolgende algemene vergadering vereis.

11.15 Die President beklee die voorsitterstoel by alle vergaderings en indien hy afwesig is beklee die Vise-president die amp. Indien nie een van hierdie ampsdraers by ŉ vergadering teenwoordig is nie, mag die lede wat teenwoordig is, ŉ ander lid verkies om by sodanige vergadering die voorsitterstoel te beklee en die persoon wat op so 'n manier verkies is, sal met betrekking tot daardie vergadering oor die mag beskik om al die pligte van die President uit te voer.

11.16 Alle sake wat voor enige vergadering gelê word, tensy andersins voorsien word, moet besleg word deur die meerderheid van stemme van die lede wat by die vergadering teenwoordig is en stemgeregtig is en in die geval van 'n staking van stemme sal die persoon wat by daardie vergadering die voorsitterstoel inneem 'n beslissende stem naas sy gewone stem hê.

11.17 Onderworpe aan die bepalinge van subklousule 9.5 sal stemming by alle vergaderings met die opsteek van hande geskied, tensy enige teenwoordige lid stemming per briefie verlang, in welke geval stemming per geslote stembriefies sal geskied.

11.18 Geen saak wat behoorlik en grondwetlik op enige vergadering afgehandel is, kan ongeldig verklaar word slegs weens die feit dat enige lid geen kennisgewing kragtens die vereistes van die grondwet ontvang het nie.

11.19 Kworums vir die hou van vergaderings is as volg: (a) Elf stemgeregtigde lede van die genootskap wat persoonlik teen-

woordig is by die aanvang van enige algemene vergadering; (b) Twee lede van die uitvoerende komitee wat persoonlik teenwoordig is

by die aanvang van enige uitvoerende komiteevergadering; en (c) Vier Raadslede wat persoonlik teenwoordig is tydens enige

Raadsvergadering en wat stemgeregtig is.

11.20 Indien daar by enige vergadering nie 'n kworum teenwoordig is nie kan die vergadering verdaag tot 'n tyd (nie minder nie as veertien dae daarna) en plek wat deur die lede persoonlik teenwoordig bepaal word. Op so 'n uitgestelde vergadering vorm die teenwoordige lede wel 'n kworum: Met dien verstande dat enige vergadering waar daar geen kworum is nie, maar waar die President of Vise-president teenwoordig is, vir ŉ halfuur verdaag moet word waarna die lede wat dan teenwoordig is, ŉ kworum vorm vir die afhandeling van sodanige sake (behalwe grondwetlike wysigings) as wat die lid wat die voorsitterstoel beklee dringend mag verklaar. Sodanige verdaging vir 'n halfuur sal nie tot nadeel van die regte van die vergadering wees nie om nadat aandag aan die noodsaaklike aangeleenthede gegee is, te verdaag tot 'n tyd en plek soos hierin bepaal.

~ 18 ~

11.21 In geval van die verdaging van ŉ vergadering, soos in klousule 11.20 voorsien, moet al die betrokke lede binne vyf dae in kennis gestel word van die verdaging en van die plek, tyd en datum tot wanneer die vergadering verdaag is, asook die rede van die verdaging van die vergadering.

12. NOTULES VAN VERGADERINGS

12.1 'n Afskrif van die notule van alle algemene vergaderings sal voorsien word aan elke lid van die genootskap.

12.2 In die geval van die notule van ŉ vergadering van die Raad, die uitvoerende komitee, of ŉ subkomitee aangestel deur die Raad, word dit slegs aan die betrokke lede beskikbaar gestel.

12.3 Die notule van alle vergaderings geteken deur die President of 'n persoon wie die voorsitterstoel beklee gedurende die daaropvolgende vergadering, sal bewys wees daarvan dat alle verrigtinge behoorlik geskied het en dat alle verkiesings, aanstellings en besluite aanvaar gedurende sodanige vergadering, bindend en van krag is.

13. FINANSIËLE BEPALINGE

13.1 Die Raad sal een of meer bankrekenings namens die genootskap open, waarin alle gelde wat die genootskap ookal mag ontvang, gedeponeer moet word.

13.2 Alle betalings uit die fondse van die genootskap word per tjek of elektro-niese bankdiens gedoen en die tjeks, sowel as die finale klaring van enige elektroniese betaling, moet deur die Sekretaris of 'n persoon wat deur die Raad daartoe aangestel is, onderteken en medeonderteken word deur sodanige persoon of persone as wat deur die Raad daartoe gemagtig is, ooreenkomstig subklousule 10.26: Met dien verstande dat niks wat hierin vervat is die Raad sal verhoed om 'n kleinkasfonds in stand te hou en te beheer nie.

13.3 Die genootskap moet behoorlike rekeningboeke hou wat van tyd tot tyd maar nie minder nie as een keer per jaar deur n’ rekeningkundige beampte of ŉ ouditeur wat deur die algemene jaarvergadering van die genootskap daartoe aangestel is, geouditeer word en ŉ behoorlik geouditeerde balansstaat en verslag van die finansies van die genootskap soos aan die einde van die finansiële jaar waarop die verslag betrekking het, moet saam met die agenda in subklousule 11.11 bedoel aan die lede gesirkuleer en aan die algemene jaarvergadering van die genootskap voorgelê word.

13.4 Al die besittings van die genootskap is gevestig in die Raad.

13.5 Die inkomste en besittings van die genootskap, uit watter bron ookal ontvang, sal enkel en alleen aangewend word ter bevordering van die doelstellinge van die genootskap en geen deel daarvan sal direk of indirek as dividend of bonus of andersins betaal of oorgedra word aan enige persone wat te eniger tyd lede van die genootskap is of was nie: Met dien verstande dat niks wat hierin vervat is die betaling in goeder trou aan enige werknemer of ander persoon vir dienste wat aan die genootskap gelewer is, kan verhoed nie.

13.6 Indien daar na die beëindiging of ontbinding van die genootskap en nadat al die skulde en verpligtinge nagekom is, enige eiendom oorbly, sal sodanige eiendom nie onder die lede van die genootskap verdeel of aan hulle uitbetaal

~ 19 ~

word nie, maar geskenk of oorgedra word aan sodanige ander instellings waarvan die doelstellinge ooreenstem met dié van die genootskap soos deur die meerderheid op 'n algemene vergadering van die genootskap besluit.

14. AFFILIASIE

Die genootskap sal lidmaatskap van Stamboek as registrerende owerheid in stand hou op die voorwaardes soos deur Stamboek bepaal. Verder kan die genootskap ook met enige vereniging, genootskap of organisasie waarvan die doelstellinge met dié van die genootskap ooreenstem affilieer of inkorporeer op voorwaarde dat so 'n besluit goedgekeur word deur minstens twee-derdes van die stemgeregtigde lede wat by enige algemene vergadering van die genootskap persoonlik teenwoordig is en stem.

15. GRONDWETLIKE WYSIGINGS

15.1 Byvoegings tot, of wysigings aan die klousules van die grondwet mag slegs aangebring word deur 'n meerderheidsbesluit van nie minder nie as twee-derdes van die lede wat by ŉ algemene vergadering van die genootskap teenwoordig en stemgeregtig is en stem. Ook moet van die voorgestelde wysigings van, of byvoegings tot die klousules van die grondwet, asook van die vergadering waartydens dit sal plaasvind, skriftelik kennis gegee word aan elke lid van die genootskap nie minder nie as dertig dae voor die vergadering.

15.2 Sodanige byvoeging tot, of wysiging aan die klousules van die grondwet wat goedgekeur is soos in subklousule 15.1 hiervan beskryf, moet binne dertig dae nadat die wysiging aangebring is aan Stamboek voorgelê word en dit sal negentig dae nadat dit aldus voorgelê is, in werking tree: Met dien verstande dat indien Stamboek van mening is dat die byvoeging en wysiging onbestaanbaar is met die bepalinge van enige toepaslike wetgewing en/of die Konstitusie van Stamboek, sal die genootskap binne bedoelde negentig dae daarvan in kennis gestel word waarna sodanige byvoeging en wysiging van nul en gener waarde sal word.

15.3 Byvoegings tot, en wysigings aan die verordeninge in die grondwet vervat mag eenparig deur die volle Raad gewysig word: Met dien verstande dat sodanige byvoegings tot, of wysigings aan die verordeninge in die grondwet vervat nie strydig mag wees met die bepalings van die Konstitusie van Stamboek nie.

15.4 ŉ Gewysigde Grondwet moet na elke wysiging aan die Suid Afrikaanse Inkomste diens gestuur word.

16. KANTOOR VAN DIE GENOOTSKAP

Die kantoor van die genootskap sal op 'n plek wees soos wat die Raad van tyd tot tyd mag bepaal en sal bestuur word deur die Sekretaris.

17. JURISDIKSIE

In die geval van enige onopgeloste dispuut uit die toepassing van hierdie grondwet, sal die jurisdiksie van ŉ Suid-Afrikaanse landdroshof as bevoegde gesag erken word en alle lede stem deur aanvaarding van lidmaatskap van die genootskap toe tot die jurisdiksie van die landdroshof.

~ 20 ~

18. HERROEPING EN OUTENTIEKE LESING VAN GRONDWET

18.1 Hierdie grondwet herroep die vorige grondwet van die genootskap in geheel en tree onmiddellik in werking by aanvaarding hiervan deur die algemene vergadering van die genootskap waartydens hierdie grondwet oorweeg en goedgekeur word.

18.2 Geen besluite wettig geneem deur enige vergadering van die genootskap in terme van die vorige grondwet word deur die herroeping van daardie grondwet beïnvloed nie en alle besluite bly geldig en van krag.

18.3 Aangesien hierdie grondwet in Afrikaans opgestel, ingedien en oorweeg is, word die Afrikaanse weergawe as outentiek beskou.

~ 21 ~

VERORDENINGE

1. KUDDEBOEK Die Kuddeboek, wat bekend sal staan as die Beefmaster-kuddeboek, sal bestaan uit ŉ Hulpstamboek- en Volgeregistreerde afdeling.

1.1 Eerste Aanvaarding diere (EA) Vroulike diere wat die nageslag is van Brahman-bulle of -koeie en enige ander vleis- of dubbeldoelrasse en wat by keuring die fenotipiese eienskappe van die Beefmaster vertoon: Met dien verstande: Diere mag nie die nageslag van enige melkrasdier wees nie. Diere mag nie van ŉ ander erkende vleis- of dubbeldoelras wees wat nie Brahman-bloed bevat nie.

1.2 Hulpstamboek A (A) (a) Die vroulike nageslag uit die paring van ‘n Eerste Aanvaarding

vroulike dier en ‘n Hulpstamboek B, Hulpstamboek C of Volgeregistreerde Beefmasterbul en wat aan die minimum ras- en produksiestandaarde voldoen, mag in die Hulpstamboek A afdeling geregistreer word. Die manlike nageslag van sulke parings sal as “nie vir registrasie” aangeteken word.

(b) Vroulike diere wat uit ‘n kudde kom waarvan die lid ‘n bevredigende verslag aan die raad kan lewer dat die diere die nageslag is van Hulpstamboek B, Hulpstamboek C of Volgeregistreerde Beefmasterbulle en vleis- of dubbeldoelras vroulike diere en wat by keuring die vereiste fenotipiese eienskappe vna die Beefmaster vertoon, mag in die Hulpstamboek A afdeling geregistreer word.

1.3 Hulpstamboek B (B)

(a) Nageslag gebore uit die paring van ŉ Hulpstamboek A vroulike dier en ŉ geregistreerde Hulpstamboek B, Hulpstamboek C of Volgeregistreerde Beefmaster-bul, en wat aan die minimum ras- en produksiestandaarde voldoen, mag in die Hulpstamboek B Afdeling geregistreer word

(b) Nageslag gebore uit Hulpstamboek A, Hulpstamboek B of Volge-registreerde vroulike diere as gevolg van meerbulparings met Hulpstamboek B, Hulpstamboek C of Volgeregistreerde Beefmaster-bulle, en wat aan die minimum ras- en produksiestandaarde voldoen, mag in die Hulpstamboek B afdeling geregistreer word.

1.4 Hulpstamboek C (C)

Nageslag gebore uit die paring van ŉ Hulpstamboek B vroulike dier en ŉ geregistreerde Hulpstamboek B, Hulpstamboek C of Volgeregistreerde Beefmaster-bul, en wat aan die minimum ras- en produksiestandaarde voldoen, mag in die Hulpstamboek C afdeling geregistreer word.

1.5 Volgeregistreerde afdeling (SP)

Nageslag gebore uit die paring van ŉ Hulpstamboek C vroulike dier en ŉ geregistreerde Hulpstamboek C of Volgeregistreerde Beefmaster-bul, asook die nageslag gebore uit die paring van Volgeregistreerde diere en wat aan die minimum ras- en produksiestandaarde voldoen mag in die Volgeregistreerde afdeling geregistreer word.

~ 22 ~

1.6 Poenskopdiere

1.6.1 Natuurlike poenskopdiere met geen teken van die los horingkies (“scurs”) nie sal by registrasie die letters PP toegeken word, indien- (a) in die geval van ŉ vroulike dier, haar naaste gehoringde

voorouer, of voorouer met los horingkies, minstens vier generasies verwyder is en bewyse voorsien word dat die betrokke vroulike dier nog geen gehoringde nageslag opgelewer het nie; of

(b) dokumentêre bewys gelewer word dat sodanige dier nog geen gehoringde nageslag opgelewer het nie en dat minstens agt van die nageslag van sodanige dier die gevolg is van parings met gehoringde diere; of

(c) beide ouers PP is en geen gehoringde nageslag opgelewer het nie.

1.6.2 Natuurlike poenskopdiere met geen teken van die los horingkies nie, sal by registrasie die letter P toegeken word, indien beide ouers natuurlik poenskop is.

1.6.3 Diere met los horingkies sal by registrasie die letters PH toegeken word, indien (a) die dier los horingkies vertoon, ongeag of beide ouers

natuurlik poenskop is; of (b) die dier natuurlik poenskop is, maar een van die ouers

gehoringd is.

1.6.4 Indien ŉ dier, waaraan een of beide ouers die letters PP, P of PH toegeken is, voor keuring vir registrasie onthoring is, moet skriftelike kennis hiervan aan Stamboek gegee word en sal ŉ aantekening dienooreenkomstig op die rekord van die dier aangebring word.

1.6.5 Indien nageslag met horings of los horingkies gebore word uit die paring van ouers met die letters PP of P, moet Stamboek daarvan in kennis gestel word en die ouers se poenskop status verander word na PH.

1.7 Die volle telingsbesonderhede en/of gegewens van alle Hulpstamboek en Volgeregistreerde Beefmaster-diere moet by Stamboek ingedien word ooreenkomstig die bepalinge van Stamboek se Konstitusie.

2. VOORVOEGSEL EN KUDDEKENMERKLETTERS

2.1 Diere sal nie vir geboortekennisgewing of registrasie aanvaar word nie tensy die lid voor die tyd, deur bemiddeling van die genootskap by Stamboek vir sy uitsluitlike gebruik 'n voorvoegsel en kuddekenmerk-letters registreer waardeur al die diere wat deur hom geteel is en geregistreer word, onderskei en geïdentifiseer sal word.

2.2 Geen voorvoegsel mag agtien karakters oorskry nie, en die naam van 'n dorp, poskantoor of stad in die RSA of ŉ lidland sal nie aanvaar word vir registrasie as 'n voorvoegsel nie.

2.3 Die kuddekenmerk, soos deur die genootskap by Stamboek geregistreer vir die lid se uitsluitlike gebruik, mag uit een tot hoogstens vier letters bestaan.

2.4 Aansoek om registrasie van sodanige voorvoegsel en kuddekenmerk-letters deur Stamboek word by die genootskap gedoen en moet vergesel gaan van

~ 23 ~

sodanige registrasiegelde as wat van tyd tot tyd deur die Raad neergelê word.

2.5 Die oordrag van 'n voorvoegsel en kuddekenmerkletters van een lid na 'n ander sal nie toegelaat word nie, behalwe onder sodanige omstandighede en aan sodanige persone as waarvoor in die verordeninge van die Konstitusie van Stamboek voorsiening gemaak word.

3. IDENTIFIKASIE

3.1 Tatoeëring en/of brandmerking is die amptelike identifikasie van die genootskap om die eenvormige identifikasie van Beefmasters te verseker. 'n Standaard tatoeëernommer of -letter van een sentimeter groot moet gebruik word. 'n Brandmerk kan ingevolge wetgewing nie op 'n dier jonger as speenouderdom aangebring word nie.

3.2 Die identifikasienommer van die dier bestaan uit die kuddekenmerkletters in subverordening 2.3 bedoel, die jaartal en die volgnommer. Geen jaartal-volgnommer kombinasie mag deur enige lid herhaal word nie en sal onder geen omstandighede toegelaat word indien dit enige verwarring met betrekking tot die identifisering van diere kan veroorsaak nie. Volgnommers dui die volgorde waarin kalwers gebore is aan.

3.3 Alle lewendige kalwers moet voordat die geboortekennisgewing ingestuur word, maar nie later as dertig dae na geboorte nie, duidelik in die oor getatoeëer word en alle diere wat vir registrasiedoeleindes aangebied word, moet ooreenkomstig subverordening 3.2 getatoeëer of gebrandmerk wees.

3.4 Net een van die oorkodestelsels (bekend as die Primrose McConnel- en Versfeld-kodes), word deur die genootskap erken en mag gebruik word. Alle nuwe lede mag alleenlik die Primrose McConnel-stelsel gebruik.

3.5 Enige fout wat met die aanbring van identifikasiekenmerke op 'n kalf begaan word, moet dadelik aan die Sekretaris gerapporteer word en die dier sal dan weer getatoeëer word in die teenwoordigheid van 'n keurder wat deur die Raad daartoe aangestel is, nadat sodanige keurder oortuig is van die ware identiteit van die dier.

3.6 Met die uitsondering van verpligtinge opgelê deur wetgewing of die vrywillige brandmerk van Volgeregistreerde diere met die brandmerk van Stamboek, mag hoegenaamd geen verandering van merke of die byvoeging van ander merke aangebring word sonder dat verlof van die Sekretaris verkry is nie.

3.7 Indien die tatoeëer- of brandmerk dof en onleesbaar word, moet die betrokke eienaar die Sekretaris daarvan in kennis stel. Die betrokke dier mag deur die eienaar weer gemerk word, alleenlik nadat 'n keurder van die genootskap die identiteit van die dier bevestig het.

3.8 Geen dier mag verkoop of oorgedra word indien dit nie duidelik geïdentifiseer is nie.

4. NAME

4.1 Geen dier sal in aanmerking kom vir inskrywing in die kuddeboek nie, tensy dit duidelik gemerk en uitdruklik van 'n naam of nommer voorsien is. Die Raad het die reg om enige aansoek ten opsigte van 'n dier wat na sy oordeel nie duidelik gemerk is nie, of 'n misleidende naam het, te weier.

~ 24 ~

4.2 Geen naam, insluitende die voorvoegsel, mag uit meer as vier woorde bestaan nie en sal nie twintig karakters (agt en dertig saam met die voorvoegsel) oorskry nie.

4.3 Indien die naam van 'n dier alreeds geregistreer is, kan dit daarna nie weer gewysig of verander word nie, tensy die naam 'n ooglopende fout openbaar, in welke geval die naam dan net op so 'n manier verander sal word as wat nodig is om die fout te herstel.

5. KENNISGEWING VAN GEBOORTES

5.1 Die teler van 'n kalf van 'n geregistreerde koei, of 'n koei wat vir registrasie in aanmerking kom, moet Stamboek van die geboorte van die kalf in kennis stel, ongeag of so 'n kalf lewend of dood gebore is, raseg of 'n kruising is, of vir registrasie behou word, al dan nie.

5.2 Geen geboortekennisgewing van ŉ kalf sal aanvaar word van ouers wat tydens dekking jonger as agt maande was nie.

5.3 Kennisgewings van geboorte moet op die voorgeskrewe geboortekennis-gewingvorm geskied, in alle opsigte behoorlik voltooi en deur die lid onderteken en nie later nie as sestig dae na die geboortedatum van die betrokke kalf aan Stamboek gestuur word: Met dien verstande dat Stamboek 'n kennisgewing van geboorte kan aanvaar wat hulle bereik meer as sestig dae na die geboorte van die kalf, indien die kennisgewing verder in orde is en by betaling van die boetegeld wat van tyd tot tyd vasgestel word.

5.4 In die geval van veelvoudige geboortes moet die teler benewens die gegewens wat gewoonlik verlang word, ook op die geboortekennis-gewingvorm van elke kalf die getal en geslag van die ander kalf of kalwers aandui.

5.5 Elke teler sal ŉ voorraad van geboortekennisgewingsvorms hou wat op aanvraag deur enige teler van Stamboek verkrygbaar is teen 'n prys wat van tyd tot tyd bepaal sal word: Met dien verstande dat ŉ lid wat van elektroniese of telefoniese metodes van aanmelding van geboortes gebruik maak, nie sodanige verpligting het nie.

5.6 Wanneer 'n teler skriftelik kennis van geboorte van 'n kalf gee moet die afskrif van sodanige vorm so voltooi word dat die inligting wat daarop verskyn in alle opsigte ooreenstem met die gegewens op die oorspronklike vorm of vorms wat aan Stamboek gestuur is. Al die afskrifte moet deur die teler bewaar word op so 'n manier dat dit te alle redelike tye beskikbaar is vir insae en kontrolering. Dit is die verantwoordelikheid van die lid om die besonderhede op die dokumente vanaf Stamboek ontvang vir korrektheid na te gaan en enige afwykings aan Stamboek te rapporteer vir regstelling.

5.7 By ontvangs van 'n geldige vereiste kennisgewing van geboorte van 'n lewendige kalf wat nie tot niet gemaak word nie, of dokumentasie van ŉ dier geregtig op registrasie, sal Stamboek op versoek ŉ geboortesertifikaat of registrasiesertifikaat uitreik. Die geboortesertifikaat en/of registrasie-sertifikaat sal deur die teler bewaar word vir verdere voorlegging aan – (a) Stamboek wanneer aansoek gedoen word om die oordrag van die

dier aan 'n nuwe eienaar of as dit gekanselleer moet word; of (b) die keurder wanneer die betrokke dier vir keuring aangebied word.

~ 25 ~

5.8 Die Raad sal toesien dat daar namens elke teler rekords gehou word van alle geboortes van kalwers (hetsy lewendig of doodgebore) waarvan die teler behoorlik kennis gegee het en ook van sodanige ander besonderhede as wat nodig geag mag word.

5.9 Diere ten opsigte waarvan geboortekennisgewings ontvang en in orde gevind is, word in die Kalfboek ingeskryf en sal daarin bly totdat dit aanvaar word vir registrasie of afgekeur of gekanselleer word.

5.10 Die geboortekennisgewing/aansoek om registrasie sal die volgende verklaring bevat − "Ek verklaar dat die afstamming, telingsbesonderhede en identifikasie-merke van die dier/diere wat hierin beskryf is juis is en dat aan al die vereistes van die grondwet, die Konstitusie van Stamboek en toepaslike wetgewing (indien enige) met betrekking tot geboortekennisgewings voldoen is":

Met dien verstande dat ŉ lid wie van elektroniese of telefoniese aanmelding van geboortes by Stamboek gebruik maak, stilswyend hierdie verklaring maak en daartoe verbind word.

5.11 In die geval van ŉ dier ingevoer in utero, moet die geboortekennisgewing vergesel gaan van die nodige dokumentasie en DNS-tiperingsbesonderhede van beide ouers, geëndosseer deur die erkende registrerende owerheid in die land van herkoms, tot dien effekte dat − (a) die identiteit van die vaer, soos aangedui in die dokumentasie, korrek

is; en (b) die vaar voldoen aan die minimum ras- en prestasiestandaarde soos

van tyd tot tyd deur die Raad neergelê. 6. DEKKING- EN INSEMINERINGSERTIFIKATE EN DIE GESAMENTLIKE BESIT

VAN BULLE

6.1 Dekking-/Insemineringsertifikate 6.1.1 Indien dragtige koeie verkoop word moet die verkoper 'n dekking-/

insemineringsertifikaat aan die koper voorsien (afhangend of bevrugting deur natuurlike dekking of kunsmatige inseminering teweeg gebring is). Die dekkingsertifikaat moet die identifikasie-merke en registrasienommers van die betrokke bul en koei verstrek asook die dekkingsdatum.

6.1.2 Indien die presiese datum van dekking nie bekend is nie, moet die dekkingsertifikaat die tydperk aandui wat die betrokke vroulike dier en genoemde bul saam geloop het en verder dat die betrokke dier nie gedurende daardie tydperk deur enige ander bul gedek kon gewees het nie.

6.2 Gesamentlike besit van bulle 6.2.1 Wanneer 'n bul oorgedra word aan gesamentlike eienaars, moet die

volle naam en adres van elke mede-eienaar op rekord wees by Stamboek.

6.2.2 Indien 'n vroulike dier die eiendom van 'n ander teler is as een van die mede-eienaars van die bul en deur die betrokke bul gedek word, moet 'n dekkingsertifikaat soos in subverordening 6.1 bedoel, deur ten minste een van die mede-eienaars onderteken word.

~ 26 ~

7. DRAGTIGHEIDSPERIODE

7.1 Die minimum dragtigheidsperiode is 266 dae en die maksimum 295 dae. 7.2 Die minimum periode tussen die geboortedatums van twee agtereen-

volgende kalwers uit een koei sal 300 dae wees. 7.3 Geen dragtigheidsperiode of interkalfperiode buite die tydsbestek in

subverordeninge 7.1 en 7.2 bedoel, sal erken word nie, tensy ouerskap deur 'n DNS-tiperingstoets bevestig word.

8. VEREISTES VIR REGISTRASIE

8.1 Keuring is 'n voorvereiste vir registrasie en behalwe deur spesiale goed-keuring van die Raad sal geen dier onder die ouderdom van twaalf maande geregistreer word nie.

8.2 Geen vroulike dier uit 'n veelvoudige geboorte van beide geslagte sal vir registrasie in aanmerking kom tensy haar vermoë om te teel deur kalwing of 'n DNS-tiperingstoets bevestig is nie.

8.3 Die onthoorning van diere word aanbeveel, maar is nie verpligtend nie.

8.4 Geen dier wat nie voldoen aan die minimum ras- en prestasiestandaard soos deur die Raad neergelê is, sal vir registrasie in aanmerking nie.

8.5 Geen Beefmaster sal vir registrasie in aanmerking kom as dit met groei-stimulante, hetsy hormonaal of andersins, behandel is nie en sodanige praktyke sal as strydig met die belange van die genootskap beskou word.

8.6 Indien daar twyfel bestaan oor die besonderhede wat op die aansoek om registrasie en meegaande dekkingsertifikaat van 'n dier verskyn, mag die dier na die oordeel van die Raad van registrasie uitgesluit word.

8.7 In die geval van ŉ ingevoerde dier, moet die aansoek om registrasie vergesel gaan van − (a) die sertifikaat van registrasie of die uitvoersertifikaat uitgereik deur die

registrerende owerheid in die land van herkoms; (b) bewys daarvan dat die dier voldoen aan die minimum ras- en

prestasiestandaard, soos van tyd tot tyd deur die Raad, neergelê; en (c) ŉ verslag deur die keurder uitgereik tot dien effekte dat die dier se

permanente identiteitsmerke ooreenstem met die besonderhede op die registrasiesertifikaat of die uitvoersertifikaat.

9. KEURING EN PLIGTE VAN DIE KEURDER

9.1 Die Raad sal 'n keurder of keurders aanstel om alle diere wat geregistreer moet word, te keur. Indien moontlik, sal alle telers wat diere vir keuring wil aanbied, ten minste een keer per jaar besoek word.

9.2 'n Keurder sal elke dier wat vir registrasie in aanmerking kom, keur nadat die bewys van geboortekennisgewing daarvan aan hom voorgelê is. Hy moet homself vergewis dat die kleur, identifikasie, ouderdom en ander besonderhede van die dier reg aangegee is en ooreenstem met die dier wat vir keuring aangebied word. Verder moet hy tot eie bevrediging seker maak dat die dier in alle opsigte voldoen aan die minimum ras- en prestasiestandaarde soos van tyd tot tyd deur die Raad bepaal. Enige verskil of teenstrydigheid kan so 'n dier diskwalifiseer vir registrasie in die kuddeboek en sal verslag van gegee word aan die Raad.

~ 27 ~

9.3 Dit is verpligtend dat alle telers tydens die besoek van die keurder alle kalfboekdiere wat nie geregistreer is nie en bo die ouderdom van twaalf maande, maar onder die ouderdom van drie jaar is, voor die keurder bring vir keuring. Die keurder het die mag om na eie oordeel enige dier oor te hou vir keuring tydens die volgende besoek ongeag die maksimum ouderdom waarna hierbo verwys word.

9.4 Tydens die besoek van die keurder moet alle kalfboekbulle en -verse van die dieselfde ouderdoms- en prestasietoetsgroep, as ŉ groep voor die keurder gebring word: Met dien verstande dat in die geval van ŉ veiling onder beskerming van die genootskap wanneer diere van dieselfde prestasietoetsgroep, wel as ŉ subgroep by die veilingskrale gekeur kan word (indien vooraf gereël).

9.5 Enige teler wat nie met 'n keurder se beslissing tevrede is nie, mag binne drie weke na die keuring appèl aanteken by die Sekretaris. Sodanige appèl moet van 'n deposito van R200,00 vergesel gaan. 'n Appèlraad wat deur die Raad van die genootskap aangewys word, sal dan die betrokke dier of diere keur en indien die appèl slaag, sal die deposito terugbetaal word. Indien nie, verbeur die appellant sy deposito en is verantwoordelik vir alle bykomstige kostes deur die genootskap en die Appèlraad aangegaan.

9.6 Telers sal vroegtydig van die tyd en datum van die keurder se voorgenome besoek in kennis gestel word.

9.7 Alle spesiale keuringsbesoeke kan slegs met toestemming van die Sekretaris plaasvind en die aansoeker moet die reis- en ander kostes van die keurder betaal.

9.8 'n Keurder mag bykomend tot sy pligte as keurder − (a) Teen sodanige tarief as wat die Raad van tyd tot tyd mag vasstel,

beeste van telers klassifiseer en gradeer; en (b) Demonstrasies en lesings tydens boeredae en keuringskursusse

aanbied.

9.9 'n Keurder mag in opdrag van die Raad van tyd tot tyd sonder vooraf waarskuwing 'n algemene keuring van enige kudde doen.

9.10 'n Keurder mag nie instruksies of kommissie van lede of nie-lede aanvaar om die koop en verkoop van Beefmasters te bewerkstellig nie: Met dien verstande dat telers wat as keurders aangestel is, nie aan hierdie bepaling onderworpe is nie.

9.11 Geen teler mag optree as keurder van sy eie diere nie. 10. KUNSMATIGE INSEMINERING

10.1 Diere wat deur kunsmatig inseminering verwek is, sal vir registrasie in aanmerking kom op voorwaarde dat aan al die vereistes van die grondwet met betrekking tot registrasie mutatis mutandis voldoen is.

10.2 Geen geboortekennisgewing van diere wat so verwek is, sal met die oog op registrasie deur Stamboek aanvaar word nie, tensy dit geëndosseer is "deur KI verwek".

10.3 Indien verskillende bulle vir die verskaffing van semen gebruik word vir kunsmatige inseminering van dieselfde vroulike dier, minder as 28 dae uitmekaar, sal geen nageslag wat hieruit verwek word vir registrasie in

~ 28 ~

aanmerking kom nie, ongeag die bepalinge van subverordening 10.1 hiervan tensy die vaderskap deur DNS-tipering en/of ŉ ander wetenskaplik erkende metode deur Stamboek aanvaar, bevestig is.

10.4 Die genootskap behou die reg om deur middel van sy ampsdraers toesig te hou oor en/of inspeksie uit te voer aangaande die noukeurige aantekening van die toepassing van kunsmatige inseminering deur sy lede.

10.5 Ooreenkomstig die bepalinge van toepaslike wetgewing behou die genoot-skap die reg om te weier om nageslag wat deur kunsmatige inseminering verwek is, te laat registreer indien die skenkerdier nie vooraf vir goedkeuring aan die Raad voorgelê is nie.

10.6 Telers wat in lidlande woonagtig is en wat die voorregte van die registrasie van die Beefmaster geniet, mag aansoek doen om die registrasie van kunsmatig verwekte nageslag: Met dien verstande dat die semen verkry word van 'n bron wat deur die genootskap goedgekeur is en verder op voorwaarde dat die opvang van die semen, die hantering daarvan, die inseminering van diere en die hou van verslae so gedoen word as wat die genootskap van tyd tot tyd mag goedkeur.

11. DIE OPVANG EN OORPLASING VAN EMBRIO’S

11.1 Beefmaster-kalwers wat deur embrio-oorplasings ontstaan het sal vir registrasie in aanmerking kom indien − (a) aan die vereistes van die grondwet mutatis mutandis voldoen is. (b) ouerskap van elke kalf voortspruitend uit 'n embrio-oorplasing deur

DNS-tipering of enige ander wetenskaplik erkende metode deur Stamboek aanvaar, bevestig is; en

(c) die volgende dokumente binne 120 dae na oorplasing ingedien word: (i) die DNS-tiperinglaboratoriumnommers van die eiselskenker

en die semenskenker; en (ii) 'n sertifikaat deur 'n veearts, embrio-oorplaser of in die geval

van binne-kudde embrio-oorplasing die eienaar of 'n persoon voltyds in sy diens te dien effekte dat die bepalinge van toepaslike wetgewing nagekom is;

11.2 Die genootskap behou die reg voor om te weier om nageslag wat deur embrio-oorplasings ontstaan het vir registrasie aan te beveel indien enige van hierdie verordeninge nie ten volle nagekom is nie.

11.3 In die geval van ŉ ingevoerde embrio, is die registrasie van die kalf onderworpe daaraan dat die volgende dokumentasie, geëndosseer deur die erkende registrerende owerheid in die land van herkoms, ingedien word − (a) bewyse van die inseminering en spoeling van die embrio, sowel as

die betrokke datums; (b) twee-generasie stamboom van beide ouers; (c) DNS-tiperingsertifikate van beide ouers; en (d) dat beide ouers voldoen aan die minimum ras- en prestasie-

standaarde soos van tyd tot tyd deur die Raad neergelê.

11.4 Ooreenkomstig die bepalinge van toepaslike wetgewing behou die genootskap die reg om te weier om nageslag wat deur embrio-oorplasing verwek is, te laat registreer indien die skenkerdiere nie vooraf vir goedkeuring aan die Raad voorgelê is nie.

~ 29 ~

11.5 Telers wat in lidlande woonagtig is en wat die voorregte van die registrasie van die Beefmaster geniet, mag aansoek doen om die registrasie van nageslag verwek uit embrio-oorplasing: Met dien verstande dat die semen en die eisel verkry word van 'n bron wat deur die genootskap goedgekeur is en verder op voorwaarde dat die oorplasing van die embrio, die hantering daarvan, die oorplasing in die ontvangerdier en die hou van verslae so gedoen word as wat die genootskap van tyd tot tyd mag goedkeur.

12. REGISTRASIESERTIFIKATE

12.1 Registrasiesertifikate uitgereik ten opsigte van Beefmasters mag in oorleg-pleging met Stamboek in die vorm wees wat die Raad van tyd tot tyd mag bepaal: Met dien verstande dat produksiedata afkomstig uit Logix Vleis Produksieaantekening, klassifikasiedata en ander inligting op die registrasiesertifikaat mag verskyn.

12.2 Nageslag gebore uit kunsmatige inseminering of uit embrio-oorplasing moet die letters “AI” of “ET”, na gelang van die geval, na die naam van die dier op die registrasiesertifikaat dra.

12.3 Enige wysiging van of byvoeging tot die inligting of besonderhede wat amptelik op enige registrasiesertifikaat voorkom en wat nie deur die Hoofbestuurder van Stamboek geparafeer is nie, of enige ongemagtigde endossement of opmerking op sodanige sertifikaat sal sodanige sertifikaat ongeldig maak.

12.4 'n Duplikaat van die oorspronklike registrasiesertifikaat van 'n dier sal op aansoek deur Stamboek uitgereik word indien daar tot bevrediging van Stamboek bewys gelewer kan word dat die oorspronklike verlore is, per ongeluk vernietig is, of in die besit is van 'n persoon wat wederregtelik weier om dit aan die persoon wat daarop geregtig is, te oorhandig. Die aansoek om 'n duplikaat of registrasiesertifikaat moet vergesel gaan van 'n verklaring deur die aansoeker wat die eienaar van die betrokke dier moet wees waarin die omstandighede wat die uitreiking van ŉ duplikaat of registrasiesertifikaat noodsaak, uiteengesit word. Sodanige aansoek en verklaring moet aan die Sekretaris gerig word, tesame met sodanige gelde as wat die Raad van tyd tot tyd mag voorskryf.

12.5 Indien 'n dier wat geregistreer is of vir registrasie in aanmerking kom vrek, gekastreer of gesteriliseer word, of vir slagdoeleindes verkoop word, of nie meer aan die minimum ras- en prestasiestandaard , soos van tyd tot tyd deur die Raad neergelê, voldoen nie, moet Stamboek binne sestig dae na sodanige gebeure daarvan in kennis gestel word en die registrasiesertifikaat of die geboortekennisgewing-sertifikaat van sodanige dier moet terselfdertyd aan Stamboek teruggestuur word vir kansellering met die datum van die onderskeie gebeure behoorlik daarop geëndosseer.

12.6 Die Raad mag aan die Sekretaris opdrag gee om Stamboek te versoek om die registrasie te kanselleer van ŉ dier wat – (a) foutiewelik geregistreer is; (b) geregistreer is op grond van foutiewe, bedrieglike of vals inligting deur

die eienaar verskaf; (c) geregistreer is nadat die eienaar versuim het om te voldoen aan

enige van die betrokke verordeninge; en in die geval van ŉ vroulike dier wat nie aan die minimum ras- en produksiestandaard, soos van tyd tot tyd deur die Raad neergelê, voldoen nie,

~ 30 ~

en om die teler of die eienaar binne dertig dae skriftelik, na sy jongste bekende adres kennis te gee van die Sekretaris se voorneme om dit te doen.

12.7 Die aantekening- of registrasiesertifikate deur Stamboek uitgereik is die uitvoersertifikate van die genootskap.

13. PRIVAAT KUDDEREGISTERS

13.1 Elke lid wie 'n teler en eienaar van geregistreerde diere is, moet geskikte en juiste rekords van sy kudde hou met ten minste die name, identifi-kasienommers, datums van geboorte, vaders, moeders en alle geregistreerde diere of diere geskik vir registrasie en wat van hulle geword het. Sodanige rekords moet ooreenstem met die kuddelyste (vroulike sowel as manlike diere) waarop die kuddegelde baseer word en wat volgens die rekords van die genootskap opgestel en jaarliks voor die datum bepaal vir die uitstuur van kuddelyste aan elke lid gestuur word.

13.2 Noukeurige rekord moet gehou word van die datums wanneer elke manlike dier by bepaalde vroulike diere geloop het ten einde die vaderskap van die kalf vas te stel.

13.3 Die genootskap het die reg om die rekords wat deur lede gehou word en wie aansoek doen om registrasie van diere na te gaan en indien dit nodig geag word, kan die Raad versoek dat sodanige volledige rekords ten opsigte van name, rekenaarnommers en kenmerke van alle diere, in die lid se besit aan die genootskap gestuur word.

13.4 Ten einde die bogenoemde vereistes na te kom, is dit verpligtend dat lede die amptelike teeltrekords van vroulike diere deur Stamboek uitgereik, op datum hou.

14. DNS-TIPERING

Ongeag ander bepalinge in hierdie grondwet vervat, behou die Raad die reg om te enige tyd indien dit nodig geag word, 'n DNS-tipering- of ander wetenskaplik erkende ouerskapbepalingstoets van enige dier te vereis. Die koste verbonde aan sodanige toets sal deur die genootskap gedra word in gevalle waar die genootskap die toets verlang: Met dien verstande dat in gevalle waar enige twyfel bestaan aan die kant van die teler of eienaar met betrekking tot die ouerskap van die dier en ouerskapbepaling deur DNS-tipering of ŉ ander wetenskaplik erkende ouerskapbepalingstoets uitgevoer word, moet die koste deur die persoon gedra word wat om die verlangde ouerskapbepaling aansoek doen.

15. OORDRAGTE

15.1 Vir alle verkope of verwisseling van eienaarskap van geregistreerde diere of diere wat vir registrasie in aanmerking kom, moet aansoek vir oordrag aan die koper of nuwe eienaar gedoen word deur die verkoper of oordraer wie die oordraggelde moet betaal.

15.2 Sodanige aansoek om oordrag moet binne dertig dae na die oordragdatum van die betrokke dier aan die Stamboek gepos of oorhandig word.

15.3 Sertifikate vir diere is beskikbaar aan telers op versoek, dit kan teen ‘n koste by S A Stamboek aangevra word. Nie-lede ontvang egter met die oordra van ‘n dier steeds sertifikate.

15.4 Vir die doel van voorafgaande subverordening 15.3 word die oordrag-datum gereken as die datum waarop die dier die besit van die verkoper of oordraer

~ 31 ~

verlaat.

15.5 Indien dragtige koeie verkoop word moet die verkoper 'n dekking-/ insemineringsertifikaat na gelang bevrugting deur natuurlike dekking of kunsmatige inseminering teweeg gebring is, aan die koper voorsien. Die dekkingsertifikaat moet die identifikasiemerke en registrasienommers van die betrokke bul en koei verstrek asook die dekkingsdatum.

15.6 Verandering van eienaarskap sal as plaasgevind beskou word indien − (a) 'n dier verkoop is; (b) 'n vennootskap ontbind is; of (c) 'n bul geregistreer is in die naam van twee of meer eienaars en enige

een afstand doen van sy aandeel in die bul wat so geregistreer is of om enige rede afstand doen van sy belange in genoemde geregistreerde bul.

15.7 Indien die Raad van mening is dat die verkoper of oordraer heeltemal in gebreke bly of weier om enige stappe te doen ten uitvoer van sodanige oordrag en in gebreke bly of weier om die oorspronklike registrasie-sertifikaat of geboortekennisgewingsertifikaat te verskaf en indien die nuwe eienaar bereid is om sodanige gelde as wat die raad mag voorskryf, te betaal, mag die Raad met die toestemming van Stamboek, sodanige stappe doen as wat nodig geag mag word om te voldoen aan die wense van die koper of nuwe eienaar.

16. HERSTEL VAN DIERE IN DIE KUDDEBOEK

16.1 Die gekanselleerde rekords van 'n dier mag herstel word indien sodanige kansellasie gedoen is − (a) deur die genootskap as gevolg van 'n afkeuring vir registrasie deur 'n

keurder tydens keuring, mits die dier nie intussen verkoop is nie. Sulke diere mag later na herkeuring deur die keurder vir registrasie goedgekeur word;

(b) deur die eienaar as 'n uitskotdier, mits die dier na keuring deur 'n keurder vir registrasie goedgekeur word; of

(c) deur die eienaar as gevolg van 'n fout deur hom begaan, mits 'n bevredigende verklaring ingedien word.

16.2 Die voorwaardes vir die herstel van 'n dier geskik vir registrasie is dat die aansoek om herstel gedoen word deur die eienaar in wie se besit die dier was tydens die kansellasie.

16.3 Geen dier geskik vir registrasie wat as graaddier verkoop is, sal herstel word nie.

17. AMPTENARE VAN DIE GENOOTSKAP Met die uitsondering van die uitvoering van sy pligte, mag geen amptenaar van die genootskap betrokke wees by, of enige diens lewer met betrekking tot die koop en verkoop van Beefmasters nie.

18. OORDRAG VAN BEVOEGDHEDE Ondanks enige bepalinge in die grondwet strydig hiermee, mag enige lid deur 'n volmag prokurasie, behoorlik uitgereik en deur die Sekretaris geliasseer, 'n ander persoon volmag gee om namens hom geboortekennisgewings, aansoekvorms om registrasie of oordrag, oordragsertifikate, dekkingsertifikate, opgawes of verslae of

~ 32 ~

enige ander dokument met betrekking tot die administrasie van 'n Beefmaster-kudde te onderteken en enige sodanige handtekening deur so 'n ten volle gemagtigde persoon sal deur die genootskap as net so geldig en bindend aanvaar word asof dit die lid se eie handtekening is: Met dien verstande dat niks wat hierin vervat is, so 'n gevolmagtigde persoon daartoe in staat sal stel om op enige moontlike manier deel te neem aan die nominering van die stemming vir enige Raadslid of oor enige aangeleentheid waaroor sy prinsipaal stemreg het of om enige vergadering namens sy prinsipaal by te woon nie.

19. NIE-LEDE

Sodanige voordele van lidmaatskap as wat die Raad mag bepaal, mag aan nie-lede verleen word: Met dien verstande dat geen wetlike of ander verpligting op die genootskap sal rus ten opsigte van sodanige nie-lede nie en op verdere voorwaarde dat alle gelde met betrekking tot enige dienste wat deur die genootskap aan nie-lede gelewer word, sal wees soos van tyd tot tyd deur die Raad bepaal.

~ 33 ~

BYLAE A

BEEFMASTER MINIMUM RAS- EN PRODUKSIESTANDAARDE PRODUKSIESTANDAARDE 1. PRODUKSIEDATA: Deelname in voorspeen-, speen- en naspeen evaluasie op Logix Vleis is verpligtend. Alle

diere wat opgeneem en geregistreer is, moet minstens oor die volgende produksiedata beskik, wat op Logix Vleis aangeteken is.

1. Speengewig 2. 12 maande en/of 18 maande gewig 1.1 Reproduksie: 1.1.1 ’n Vers moet voor die ouderdom van 39 maande (1186 dae) kalf. 1.1.2 Geen kalf-interval mag 26 maande (790 dae) oorskry nie. 1.1.3 Die dae sedert laaste kalwing (DSLK) mag nie 26 maande(790 dae) oorskry nie. 1.1.4 Die minimum aantal kalfgeboortes wat ‘n koei op vasgestelde ouderdomme moet hê, is as volg: Ouderdom van koei Minimum aantal kalfgeboortes 3 Jaar 3 maande 1 4 Jaar 3 Maande 2 5 Jaar 3 maande 2 6 Jaar 3 maande 3 7 Jaar 3 maande 4 8 Jaar 3 maande 5 9 Jaar 3 maande 6 10 Jaar 3 maande 7

1.2 Moederlike vermoë: 1.2.1 ‘n Koei mag hoogstens twee kalwers speen met ‘n speenindeks onder 85. 1.2.2 ’n Koei moet ten minste twee van enige drie opeenvolgende kalwers grootmaak tot op speenouderdom. 1.3 Groei en skrotumomtrek van bulle: 1.3.1 Prestasie-indekse: 1.3.1.1 Naspeen gewigte: * Minimum binne-kudde speenindeks van 90 * Minimum binne-kudde 12-maande indeks van 90 en /of * Minimum binne-kudde18-maande indeks van 90 In gevalle waar bulle nie op die ouderdom van 12 maande geweeg kon word nie, sal die speen- en 18 maande indekse voldoende wees 1.3.1.2 Op-die-Plaas (Fase D) en Sentrale Groeitoetse(Fase C): * Minimum GDT indeks van 90

~ 34 ~

* Minimum VOV indeks van 90 (slegs Fase C) Alle bulle wat nie aan hierdie minimum standaarde voldoen nie, moet geslag word. 1.3.2 Skrotumomtrek: * Minimum 30 cm vir ‘n gewig van onder 400 kg * Minimum 31 cm vir ‘n gewig van 400 - 449 kg * Minimum 32 cm vir ‘n gewig van 450 - 499 kg * Minimum 33 cm vir ‘n gewig van 500 - 549 kg * Minimum 34 cm vir ‘n gewig van 550 - 599 kg * Minimum 35 cm vir ‘n gewig van 600 kg en hoër 1.4 Groei van verse: 1.4.1 Prestasie-indekse: * Minimum binne-kudde speenindeks van 85 * Minimum binne-kudde 12-maande indeks van 85 en/of * Minimum binne-kudde 18-maande indeks van 85 Indien verse voor die ouderdom van 18 maande gekeur word, sal die speen- en

12 maande indekse voldoende wees. In gevalle waar verse nie op die ouderdom van 12 maande geweeg kon word nie,

sal die speen- en 18 maande indekse voldoende wees. RASSTANDAARDE

BEEFMASTER STANDAARD VAN VOORTREFLIKHEID GROOTTE EN KAPASITEIT Die Beefmaster is bekend vir sy gewigstoename en diere moet ‘n goeie gewig vir ouderdom toon. Hulle moet goed gespierd en lank van liggaam wees met ‘n relatiewe groot kapasiteit. Die vroulike dier moet ‘n goeie lengte van lyf toon en relatiewe groot kapasiteit. VEL, HARE EN BEEN Kleur Die Beefmaster het geen spesifieke haarkleur nie omdat dit geen rol speel in funksionele doeltreffendheid nie. Indien ‘n teler ‘n spesifieke kleurpatroon verkies kan daarvoor geselekteer word. Keurders mag nie teen velkleur diskrimineer nie. Hare Kort, dig, glansend, glad en reguit. Vel Van middelmatige dikte, los en soepel met voldoende pigmentasie. Been Sterk, droog en duursaam, oormatige verfyndheid of grofheid ongewens. Gewrigte sterk en droog en nie vleserig dik of jigagtig nie. KOP Bulle Duidelik manlik en sterk. Oë goed geplaas en helder, met ‘n fors tog kalm uitdrukking. Van middelmatige lengte en breedte. Gesig skerp omlyn met goed ontwikkelde oog banke. Vroulike diere Kop moet kenmerkend vroulikheid vertoon. Oë goed geplaas en helder, met ‘n waaksame tog rustige uitdrukking. Voorkop

~ 35 ~

Breed, met goeie wydte tussen die oë. Neusbeen Breed, ovaal en sterk. Van middelmatige lengte. Neusspieël Groot, breed en vleeskleurig. Neusgate groot en oop. Kake Breed en sterk. Onderkaak wyd, met tande wat vierkantig op die bokaak se kussing pas. Ore Van middelmatige grootte en wakker gedra. Horings Diere moet verkieslik onthoring wees. NEK Bulle Manlik, met duidelike definieerbare bespiering. Skerp omlyn met goed ontwikkelde skof. Nek goed aangeheg en moet netjies saamsmelt met kop en skouers. Verdonkering van kleur op nek en voorkwarte is verkieslik. Vroulike diere Van middelmatige lengte, plat, met netjiese uiters vroulike voorkoms. Die nek van die vroulike dier moet nie tekens van ‘n donkerder verkleuring in vergelyking met die res van die liggaam toon nie. VOORKWART Bulle Gelyk met die rug, goed gespierd, moet vrylik beweeg en goed saamsmelt in die liggaam. Bladbeen nie te los nie en moet teen die regte hoek lê Vroulike diere Gelyk met die rug, nie swaar bespierd, netjies, moet vrylik beweeg en goed saamsmelt in die liggaam. BORS Bulle Diep, breed tussen die skouerknoppe. Oor-prominente skouerknoppe ongewens. Borsstuk breed, maar nie te prominent nie. Vroulike diere Soos in die bul, maar nie so massief en breed nie. ‘n Prominente borsstuk wat ‘n swaar vetneerslag toon is ongewens. MIDDELSTUK Borsomvang Diep breed met goeie sprong van voorribbes. Ribbes Lank, plat en goed gewelf, en lê effens skuins na agter. In bulle diep deur die borsgedeelte. Ribbekas Lank en relatief diep, met goeie kapasiteit en ribsprong.

~ 36 ~

RUG (KAMBENE EN LENDE) Kambene Reguit, sterk en breed. Lende: Bulle Breed en sterk, bespiering prominent en goed gedefineer en moet die indruk skep van sterkte. Goed aangesluit met kruis. Vroulike diere Prominent, tog glad bespierd. Definiëring van spiere soos in die bul moet nie teenwoordig wees nie. Goed aangeheg aan die kruis. AGTERKWARTE Heupbene: Bulle Taamlik wyd van mekaar, maar nie so wyd of prominent dat ‘n indruk van vroulikheid geskep word nie. Vroulike diere Wyer van mekaar as in die geval van die bul en sonder enige oortollige vetaanpakking. Kruis Lank en breed en effens gerond bo. ‘n Effense dakkigheid van beide kante van die stertaanhegting is wenslik, asook ‘n effense val vanaf die heupbene tot by die sitbene. Sitbene Wyd uitmekaar en effens laer as die heupbene geplaas. Draaibene Wyd (wydste deel van die dier) hiervandaan moet ‘n geleidelik wig sigbaar wees na voor. DYE Bulle Lang en duidelike gedefineerde bespiering moet getoon word in ‘n vol binne- en buitedy wat afgaan tot by die hak. ‘n Breë tweede dy moet ook teenwoordig wees. Vroulike diere Lank, plat en glad bespierd tot by die hakke. STERT Moet mooi uit die liggaam kom en reguit hang. Stert moet tot ten minste by die hakke hang en ‘n goed ontwikkelde stertkwas toon. Prominente stertwortel ongewens. MANLIKE GESLAGORGANE Testes Moet goed ontwikkel wees en van gelyke grootte en moet laag afhang in die skrotum. Skrotum Moet ‘n goed ontwikkelde nek toon, nie gedraai wees en nie te lag hang nie. VROULIKE GESLAGORGANE Goed ontwikkel met geen tekens van infantilisme of misvormigheid nie.

~ 37 ~

MELKAANDUIDINGS, UIER EN SPENE In die vroulike dier moet ‘n genoegsame melkproduksie-potensiaal getoon word in ‘n absolute vroulike houding. Eenvormige spene silindries in fatsoen, vierkantig geplaas en wat reguit afhang en van middelmatige lengte (6-8cm). Uier moet goed aangeheg wees, soepel en elasties, bedek met fyn, sagte hare. BENE EN KLOUE Die dier moet vierkantig staan en beweeg met ‘n gemaklike vrye gang. Voorbene Sterk van middelmatige lengte met matige been. Moet effens inkom van elmboog tot knie, maar moet reguit en vierkantig geplaas wees van knie tot klou. Agterbene Sterk, van middelmatige lengte met matige been. Van die kant gesien moet die hakke die wenslike hoekigheid vorm. Reguit en vierkantig geplaas wanneer van agter gesien. Kloue Van goeie grootte, ovaal en diep. Kloue moet vorentoe wys met styf passende kloutjies van amber tot swart kleur. ALGEMENE VOORKOMS Groot, goed gebalanseerd en simmetries. Goeie lengte en breedte van liggaam. Uitstaande geslagsegtheid met ‘n mak temperament. Die dier moet kwaliteit en sterkte toon en vrylik kan beweeg op vier sterk bene. Bulle Manlik, robuust en sterk, met ‘n goeie houding en lewenskragtigheid. Goed gedefinieerde bespiering moet getoon word oor die skouers, rug, lende en dye. Genoeg breedte van voor en van agter. Diere van middelmatige grootte, Growwer van vel, haar en been as die vroulike dier, met ‘n dieper, beter ontwikkelde voorkwart. Vroulike diere Fyner in alle opsigte as die bul en vertoon, algehele vroulikheid. Goed, maar glad bespierd. Wanneer in melkproduksie, moet minder gespierdheid vertoon word, en die raamwerk meer sigbaar wees. Van die kant gesien, moet die agterkwart dieper vertoon as die voorkwart, wat ‘n effens tipies vroulike, wigvormige voorkoms vertoon. ‘n Goed ontwikkelde en aangehegte uier, met vier goedgeplaaste spene van middelmatige grootte. Die bul moet dus ‘n kragtige sterk en manlike voorkoms vertoon, terwyl die koei netjies, fyner en vroulik moet wees.

~ 38 ~

Funksionele afwykings (diskriminasies) :

Die Inspekteur sal bepaal of die gebrek so ‘n uiterste geval is dat dit die diskwalifikasie van die dier sal meebring :

swak liggaamshouding

swak bespiering

bulle met ‘n vroulike of osagtige voorkoms

verse met ‘n manlike of osagtige voorkoms

ponie–agtige diere of oorgroot diere

te fyn of te growwe beenstruktuur

reguit, sekelagtige of aankaphakke (baie duidelik) inswaai voorbene

slap kote

‘n plat, hangende of dakagtige kruis

koeie met misvormde uiers of spene

tekort aan pigmentasie

oordrewe velontwikkeling in die nael- keelvel of ore

~ 39 ~

Erfbare afwykings (diskwalifikasies)

Diere met die volgende afwykings sal nie geskik wees vir opname of registrasie nie:

hypoplasia van een of beide die testis

ongewenste temperament

‘n skewe gesig

‘n swak of oorontwikkelde onderkaak

wollerige somer haarbedekking

uitgegroeide of misvormde hoewe en hoefontsteking

permanente uitsakking van die voorhuid

aangebore verdraaide stert en skeefaangegroeide stert

enige ander afwyking wat op ‘n wetenskaplike basis gediagnoseer word

oormatige lang skede

~ 40 ~

BYLAE B

Veilings onder Beskerming van die Beefmaster Genootskap – Vereistes, Prosedures en Onderneming

Vereistes en Prosedures: 1. Beefmaster klubs, groepe en telers wat veilings aanbied word sterk aangeraai om al

hul veilings onder Beskerming van die Genootskap aan te bied. 2. Aansoeke vir alle veilings onder Beskerming van die Genootskap vir die

daaropvolgende jaar moet jaarliks voor die finale datum vir kalender samestelling (Raadsvergadering in September) na die Beefmaster Kantoor gestuur word.

3. Die Raad sal die aansoeke vir veilings onder Beskerming van die Genootskap oorweeg en die betrokke klub, groep of teler wat die veiling aanbied in kennis stel of die aansoek aanvaar is. Die Raad behou die reg voor om in samewerking met die applikant veilingsdatums te skuif indien daar botsende datums binne ‘n bepaalde gebied of streek is, met dien verstande dat reeds bestaande veilings voorkeur sal geniet met die toekenning van datums.

4. Vereistes vir diere om op ‘n veiling onder beskerming van die Genootskap aangebied te word, is as volg: 4.1 Bulle, koeie en verse moet voldoen aan die Genootskap se minimum ras- en

produksiestandaarde; 4.2 Bulle moet beskik oor ‘n geldige vrugbaarheidsertifikaat en ‘n sertifikaat wat

aandui dat die bul negatief getoets is vir Trichomoniase (bulle wat reeds gebruik is, moet 3 skedewasse ondergaan deur ‘n veearts of kundige persoon, voordat die bulle as skoon gesertifiseer kan word. Vir bulle wat nog nie gebruik is nie, is een skedewas voldoende. Die laaste skede was moet nie langer as 6 weke voor die veiling gedoen word nie) en Vibriose of inge-ent teen Vibriose.

4.3 Koeie en verse moet beskik oor ‘n sertifikaat wat aandui dat die koei of vers negatief getoets is vir TB.

4.4 Koeie moet beskik oor ‘n sertifikaat wat aandui dat die koei negatief getoets is vir BM.

4.5 Alle verse ouer as 32 maande en alle koeie sonder ‘n kalf verkieslik dragtig wees en sodanig gesertifiseer wees.

5. Die betrokke klub, groep of teler wat die veiling aanbied moet minstens 6 weke voor die veilingsdatum die veilingsbesonderhede en ‘n lys van veilingsdiere aan Stamboek stuur vir die druk van ‘n voorlopige veilingskatalogus. Die lys van diere moet bestaan uit elke dier se ID nommer, rekenaarnommer, lotnommer, inligting met betrekking tot inentings, toetse, opmerkings wat die teler self wil byvoeg en enige ander inligting soos deur SA Stamboek vereis.

6. Stamboek druk ‘n voorlopige veilingskatalogus (in die veilingskatalogus formaat soos bepaal deur die Genootskap) en stuur dit aan die betrokke klub, groep of teler. Op die voorlopige veilingskatalogus sal diere wat nie voldoen aan al die vereistes soos deur die Genootskap bepaal nie, sodanig aangedui word.

7. Die Raad sal jaarliks ‘n raadslid aanwys as veilingkatalogus-kontroleerder met opdrag om alle voorlopige veilingskatalogusse te kontroleer en seker te maak dat alle diere voldoen aan die Genootskap se minimum produksiestandaarde en ander vereistes, waar van toepassing.

8. Die veilingkatalogus-kontoleerder van die Genootskap sal die voorlopige katalogus nagaan in samewerking met die verkopers of betrokke eienaars vir ontbrekende en moontlike foutiewe data en versoek, indien nodig, vir SA Stamboek om dit onmiddellik te laat bygevoeg of regstel op Logix voordat ‘n tweede voorlopige veilingskatalogus gedruk word.

~ 41 ~

9. Die veilingskatalogus-kontroleerder sal die volgende doen: 9.1 Kontroleer dat alle diere voldoen aan die Genootskap se minimum

produksiestandaarde en ander vereistes, waar van toepassing. 9.2 Waar van toepassing, diere wat nie aan die minimum produksiestandaarde of

ander vereistes voldoen nie, laat regstel of skrap van die veilingskatalogus. 9.3 Wanneer hy en die betrokke klub, groep of teler wat die veiling aanbied tevrede

is met die voorlopige veilingskatalogus, sal hy Stamboek opdrag gee om ‘n finale veilingskatalogus te druk en aan hom, al die betrokke eienaars en die Beefmaster kantoor te stuur.

9.4 Dit is verpligtend dat die Stamboek Katalogus vrylik by die veiling beskikbaar is! 10. Die Raad wys, in samewerking met die betrokke klub of verkopers of teler wat die

veiling aanbied, twee Beefmaster keurders (Beskermhere) aan vir die veiling. 11. Die Beefmaster kantoor stuur ‘n finale veilingskatalogus aan elk van die Beskermhere. 12. Die betrokke klub, groep of teler wat die veiling aanbied kontak die Beskermhere en

kom ooreen oor die vergoeding, indien enige, van hul reis- en verblyfkoste. Sodanige kostes moet binne 30 dae na afloop van die veiling deur die betrokke klub, groep of teler aan die Beskermhere betaal word.

13. Die Beskermhere reël met die betrokke klub, groep of teler wat die veiling aanbied vir ‘n besoek voor die veiling.

14. Die Beskermhere sal tydens die besoek voor die veiling die volgende pligte uitvoer: 14.1 Inspekteer al die veilingsdiere visueel vir voldoening aan die rasstandaarde en geskiktheid om op die veiling aangebied te word. 14.2 Kontroleer dat al die veilingsdiere beskik oor ‘n brand- of tatoeërmerk en dat dit

ooreenstem met die nommer wat op die veilingskatalogus verskyn. 14.3 Kontroleer dat die nodige dokumentasie ten opsigte van die vrugbaarheid-,

teelgeskiktheid, trichomoniase-vry, vibriose-vry TB-vry en BM-vry en dragtigheidsertifikate beskikbaar is en ooreenstem met die inligting op die veilingskatalogus.

14.4.Teken twee kopieë van die finale veilingskatalogus waarop aangedui is watter diere afgekeur is vir verkoop onder Beskerming van die Genootskap die veiling en vir watter rede(s) hul afgekeur is. Hulle stuur dan direk na die veiling een van hierdie getekende veilingskatalogusse aan die Beefmaster kantoor vir veilige bewaring vir ingeval daar enige navrae is na afloop van die veiling.

15. Manlike en vroulike diere wat deur die Beskermhere afgekeur is vir die veiling, mag nie “Onder Beskerming van die Genootskap” aangebied word op die veiling nie. Indien die afkeurrede nie ‘n diskwalifikasie is nie maar net ‘n diskriminasie, mag hulle wel as kommersiële diere aangebied word op die veiling, maar dit moet voor en tydens die veiling duidelik afgekondig word dat dit kommersiële diere is en nie “Onder Beskerming van die Genootskap” verkoop word nie.

16. Die Beskermhere moet tydens die veiling teenwoordig wees om toe te sien dat slegs goedgekeurde diere “Onder Beskerming van die Genootskap” verkoop word. Hulle mag voornemende kopers op versoek van raad voorsien en bystand verleen.

B. Onderneming aan Kopers: (Let wel: dit moet voor in die veilingskatalogus gedruk word) 1. Die diere se brand- of tatoeërmerke is gekontroleer met die nommer wat op die

veilingskatalogus verskyn en dit is korrek. 2. Dier- en ouerskapinligting, prestasiedata en teelwaardes in die veilingskatalogus is die

amptelike data op SA Stamboek se Logix stelsel ten tye van die druk van die veilingskatalogus en word as sulks as korrek bevestig deur die Genootskap.

3. Die diere se prestasie- en reproduksiedata in die veilingskatalogus is deur die Genootskap gekontroleer en voldoen aan die minimum produksiestandaarde van die Genootskap.

4. Die diere is voor die veiling onderwerp aan visuele inspeksie deur Keurders van die Genootskap en die diere voldoen aan die minimum rasstandaarde van die

~ 42 ~

Genootskap. 5. Inligting in die veilingskatalogus met betrekking tot TB en BM toetse,

dragtigheidsondersoeke van koeie en verse, vrugbaarheid- en teelgeskiktheid-, trichomoniase- en vibrose toetse van bulle is gekontroleer teenoor die stawende dokumente wat daarvoor ontvang is van die eienaar.

Die Genootskap het egter geen beheer oor toetse gedoen en/of inligting verskaf deur derde partye nie en kan dus nie ‘n onderneming gee rakende die volgende nie:

1. Immunisering en gesondheidstatus van die diere. 2. Dragtigheidstatus van koeie en verse. 3. Teelgeskiktheid van bulle. 4. Vrugbaarheidstatus 5. Geslagsiektes. 6. Foutiewe inligting as gevolg van drukkersfoute. 7. Kommersiële diere en diere wat nie goedgekeur is vir verkoop op die veiling nie.

(Sodanige diere word nie “Onder Beskerming van die Genootskap” verkoop nie). Ingevoerde embrios / semen voorwaardes vir voornemende invoerders van Beefmastergenetika Indien die behoefte ontstaan dat Beefmaster genetika van ‘n ander land bekom wil word moet die volgende kriteria voldoen:

Die invoerder moet ‘n volbetaalde lid wees van die Beefmastergenootskap.

Die bul of skenkerkoei moet geregistreer wees in die land van oorsprong by ‘n genootskap.

Die bul of skenkerkoei moet nie in ‘n opgraderingsfase wees nie, maar vol geregistreerd of in ‘n fase waar sy suiwer bevestig kan word.

In die geval van ‘n bul moet die speenindeks bo 90 wees en die Blup waardes ten minste in die top 60% van die ras in daardie jaartal.

Die maks. geboorte gewig mag nie meer as 45kg wees nie

Skrotumomvang van bulle moet soos riglyne by plaaslike rasstandaarde wees vir KI bulle

Die invoerder moet ‘n driegslag stamboom van die dier by sy aansoek byvoeg

‘n Foto/ videoclip van die bul moet ook die aansoek vergesel.

Die besluit van die goedkeuring berus by die rasverbeteringskomitee

GRONDWET - beefmastersa.co.zabeefmastersa.co.za/images/photos/BeefmasterGrondwet-AJV-08-07 … ·...

Documents

Transcript of GRONDWET - beefmastersa.co.zabeefmastersa.co.za/images/photos/BeefmasterGrondwet-AJV-08-07 … ·...