Cov Ntaub Ntawv Kev Qhia Rau Cov Koom Haum thiab Pej [email protected]...

DRAFT #2 - 8 hlis tim 26, 2020

California Department of Education, July 2020

California Qhov Tuam Chaw Saib Kev Kawm, 7 hli 2020

Tus Qauv Kev Kawm Txuas Ntxiv thiab Kev Npaj Rau Kev Mus Kawm Ntawv (2020–21) Qhov kev qhia kom ua tiav Tus Qauv Kev Kawm Txuas Ntxiv thiab Kev Npaj Rau Kev Mus Kawm Ntawv muaj nyob rau ntawm https://www.cde.ca.gov/re/lc/documents/lrngcntntyatndncpln-instructions.docx.

Koom Haum Saib Kev Kawm Hauv Cheeb Tsam (LEA) Npe Tus Neeg Mus Cuag thiab Txoj Hauj Lwm Email thiab Xov Tooj

Hauv Paus Tsev Kawm Ntawv Fresno Santino Danisi, Executive Officer [email protected] 559-457-3661

Cov Ntaub Ntawv [Piav txog qhov kev cuam tshuam los ntawm tus kab mob COVID-19 rau Lub Koom Haum Saib Kev Kawm Hauv Cheeb Tsham (LEA) thiab nws lub zej zog.]

[Teb rau ntawm no]

Kev Qhia Rau Cov Koom Haum thiab Pej Xeem Hauv Zej Zog [Tshab txhais qhia cov kev mob siab ua los mus nrhiav cov koom haum thiab pej xeem hauv zej zog cov tswv yim thiab kev xav.]

[Teb rau ntawm no]

[Ib qho kev tshab txhais qhia txog ntawm cov hauv kev uas muaj rau kev mus koom rau zej tsoom cov rooj sib tham hauv huab cua thiab kev tshaj tawm rau zej txoom.]

[Teb rau ntawm no]

[Ib qhov kev tshab txhais luv luv txog ntawm cov lus los yog tswv yim los ntawm tej cov koom haum thiab neeg hauv zej zog.]

[Teb rau ntawm no]

https://www.cde.ca.gov/re/lc/documents/lrngcntntyatndncpln-instructions.docx

mailto:[email protected]



[Ib qho kev tshab txhais ntawm cov tswv yim ntawm Tus Qauv Kev Kawm Txuas Ntxiv thiab Kev Npaj Rau Kev Mus Kawm Ntawv uas cuam tshuam los ntawm tej lub koom haum thiab neeg hauv zej zog cov lus muab tswv yim ntxiv.]

[Teb rau ntawm no]

Txuas Ntxiv ntawm Kev Kawm Muaj cov kev Qhia Ntawv Tim Ntsej Tim Muag [Ib qho kev tshab txhais qhia txog ntawm cov kev nqis tes ua uas Koom Haum Saib Kev Kawm Hauv Cheeb Tsam (LEA) yuav kawm cov chav kawm kom muaj kev muab kev qhia ntawv hauv chav kawm ntawv yog hais tias ua tau, tshwj xeeb tshaj yog rau cov me nyuam uas poob kev kawm ntau vim tsev kawm ntawv raug kaw hauv xyoo kawm 2019–2020 los yog muaj kev plhom sij ntawm kev poob kev kawm vim tsam muaj kev kaw tsev kawm ntawv rau yav tom ntej.]

[Teb rau ntawm no]

Cov Kev Nqis Tes Ua Hais Txog Kev Qhia Ntawv Tim Ntsej Tim Muag Uas Muaj [ntxiv kab thiab kev nqis tes ua ntau me ntsis yog tim tsum]

Kev tshab txhais/qhia Tag Nrho Nyiaj

Pab Los

[Ib qho kev tshab txhais hais txog qhov kev nqis tes ua zoo li cas; tej zaum nyob rau haud kom muaj ib qho kev qhia tau tias qhov kev nqis tes ua ntawd ua rau muaj kev pab cuam zoo dua qub los yog ntau dua qub]

[$ 0.00] [Y/N]

[Ib qho kev tshab txais hais txog qhov kev nqis tes ua zoo li cas; tej zaum nyob rau haud kom muaj ib qho kev qhia tau tias qhov kev nqis tes ua ntawd ua rau muaj kev pab cuam zoo dua qub los yog ntau dua qub]

[$ 0.00] [Y/N]



Lub Khoom Kas Ntawm Kev Kawm Deb Muaj Kev Qhia Ntawv Txuas Ntxiv Tas Li [Ib qhov kev tshab txhais qhia txog tias lub LEA yuav muab kev qhia ntawv txuas ntxiv tas mus li nyob rau ib xyoos kev qhia ntawv twg kom paub tseeb tias tag nrho cov tub ntxhais kawm ntawv muaj peev xwm tau txais kev kawm ntawv kom zoo ib yam los ntawm tus qauv qhia ntawv txawm tias lawv yuav siv yam kev qhia ntawv twg los xij, kom lub LEA muaj kev npaj rau kev qhia ntawv thiab kev pab cuam rau kev qhia ntawv uas qhia tau tias muaj kev qhia ntawv txuas ntxiv tas li rau cov tub ntxhais kawm ntawv yog tias muaj kev hloov ntawm kev qhia ntawv tim ntsej tim muag mus rau kev qhia ntawv kawm deb/online.]

Lub hauv paus tsev kawm ntawv muaj qhov kev cog lus tseg tag mus li los muab kom tau kev qhia ntawv hauv online zoo tshaj plaws rau txhua tus tub ntxhais kawm ntawv txhua txhua hnub los ntawm eLearn nyob rau tom Kuv Lub Tsev Kawm Ntawv (My School). Kev los koom nyob rau hauv ib qho kev kawm deb/online, tub ntxhais kawm ntawv yuav muaj npe kawm ntawv nyob rau tom lawv lub tsev kawm ntawv nrog rau kev qhia ntawv los ntawm lawv cov xib fwb qhia ntawv.

Cov Hom Phiaj Ntawm Kev Qhia Ntawv Ntawm eLearn > Muab kom tau kev qhia ntawv hauv online zoo tshaj plaws rau txhua tus tub ntxhais kawm ntawv, uas siv hauv paus tsev kawm ntawv tus qauv tso cai kev qhia ntawv > Muaj kev paub txog txhua tus tub ntxhais kawm ntawv kev tim tsum los ntawm lawv kev nyuaj siab ntxhov plawv > Tsim los ntawv cov peev xwm ntawm cov tub ntxhais kawm ntawv, cov xib fwb, cov thawj coj thiab tag nrho cov txwj haug tseem ceeb rau kev kawm thiab muaj peev xwm rau yav pem suab > Tag nrho cov xib fwb qhia ntawv yuav muaj ib qho kev paub txog eLearn los mus xyaum qhia ntawv thiab siv technology los qhia ntawv Kev Qhia Ntawv Tau Mus Zoo Cov xib fwb qhia ntawv yuav ua hauj lwm nrog rau cov tub ntxhais kawm ntawv, cov tsev neeg thiab cov neeg saib xyuas los tsim ib qhov kev qhia ntawv hauv online zoo rau tub ntxhais kawm ntawv kawm thiab qhia tau tias yog lawv tug. Cov xib fwb siv hauv paus tsev kawm ntawv tus qauv qhia ntawv los sib txuas lus nrog rau cov tub ntxhais kawm ntawv ntawm tej co kev kawm/ntsiab lus uas nyuaj thiab muab kev pab cuam tam sim ntawd rau lawv. Cov xib fwb qhia ntawv txuas lus nrog cov tub ntxhais kawm ntawv online tam sim ntawd, muab hwv tsam rau tub ntxhais kawm ntawv kom muaj kev koom tes ua ke, kev los daws teb meem, thiab tsim lwm yam tshiab. Cov xib fwb kev koom los ntawm: > Kev txuas hauv online nrog rau tsev neeg thiab cov saib xyuas yog cov neeg tseem ceeb rau ntawm kev nyab xeeb thiab tub ntxhais kawm ntawv > Txuas lus txhua txhua hnub thiab txhua lub lis piam txog kev npaj los ntawm kev kawm rau cov tub ntxhais kawm ntawv thiab niam txiv > Qhia ntawv kom raws qib uas siv hauv paus tsev kawm ntawv tus qauv qhia ntawv thiab xib fwb cov kev pab cuam lwm yam



> Tsim kom muaj hwv tsam rau cov tub ntxhais kawm ntawv los ua hauj lwm ua ke, uas yog tus xib fwb muaj kev pab ncaj qha rau tej pab pawg me me thiab rau tej tug, yog lawv tim tsum > Tsim kom muaj lub caij/sij lawm thiab kev pab rau qhov Kev Kawm Lus As Kiv (English Language Development [ELD]) > Txhawb/pab cuam cov tub ntxhais kawm ntawv ua yog muaj kev tim tsum tshwj xeeb kom raws li lawv daim Individualized Education Program (IEP) > Tsim kom muaj qhab nias rau tej ntaub ntawv lawv ua kom lawv muaj hwv tsam los nthuav tawm txog lawv tej kev kawm > Muab lus teb rov qab rau tub ntxhais kawm ntawv kom lawv paub tias lawv kawm nce qib tau zoo li cas thiab kom lawv muaj peev xwm kawm tau rau lawv tus kheej Hauv paus tsev kawm ntawv cov kev koom xws li yog: > Kev pab rau cov tub ntxhais kawm ntawv, cov tsev neeg thiab cov neeg saib xyuas txog kev kawm ntawv thiab kev nyuaj siab ntxhov plawv kom muaj kev koom tes txuas ntxiv mus > Muab ntau hom kev kawm, txhawb kev kawm thaum pib mus kom nce siab zuj zus hais txog kev siv computer thiab siv tus qauv qhia ntawv kom qhia ntawv tau zoo hauv online. > Kho sij hawm ntawm kev qhia ntawv los mus saib txog cov sij hawm tau plam kom tsawg los ntawm kev kawm ntawv thaum tsev kawm ntawv tau raug kaw nyob rau thaum lub 3 hlis xyoo 2020 > Taw qhia txog cov kev ntaub ntawv uas ua tau zoo thiab tsim nyog kawm hauv online > Tsim kom muaj cov kev qhia sij hawm qhia ntawv uas tiv thaiv lub niam tswv yim qhia ntawv, thiab kom xib fwb muab sij hawm ntsib tub ntxhais kawm ntawv txhua hnub hauv online, tab sis cia xib fwb muaj kev txiav txim txog kev qhia ntawv ntawm nws tus kheej > Txhawb cov xib fwb thiab cov neeg ua hauj lwm los siv Microsoft Teams ua ib qhov kev kawm thiab muab kev kawm kom txhim kho tau qhov txuj qhia ntawv kom tau zoo > Txhawb cov tsev kawm ntawv los ntawm kev muab lwm yam ntaub ntawv thiab technology xa mus rau tom vaj tom tsev Kev Qhia Ntawv Txuas Ntxiv Mus Li Kev qhia ntawv txuas ntxiv mus li yog muaj tseeb los ntawm kev siv hauv paus tsev kawm ntawv tus qauv pom zoo rau kev qhia ntawv rau txhua txhua chav. Kev qhia ntawv raws li ntaub ntawv thiab txheej txheem yuav nyob li qhov qub txawm tias ib tug tub ntxhais kawm ntawv twg yuav kawm hauv online los yog kawm nyob hauv chav qhia ntawv tim ntsej tim muag nrog tus xib fwb (thaum mus kawm tau lawm) 1. Cov tub ntxhais kawm ntawv yuav nkag tau mus siv cov ntaub ntawv kawm thiab lawv cov xib fwb nyob hauv Microsoft Teams uas yog yam technology lawv tuaj yeem siv los rau kev qhia ntaub ntawv. Txuas ntxiv ntawd, muaj cov ntaub ntawv pab ntxiv yuav tau muab los ntawm txhua lub tsev kawm ntawv. Tag nrho cov ntaub ntawv tseem ceeb nyob rau cov qib nrab rov saud, thiab lej/ELA for qib me, puav leej muaj kawm hauv online nrog kev nkag mus siv tau cov qauv rau kev kawm, muaj cov phau ntawv ua digital online, muaj txheej txheem qhia ntawv, muaj kev nqi tes ua, thiab lwm yam hauj lwm.



2. Cov kev pab cuam rau kev qhia ntawv muaj: a. Hauv paus tseem ceeb, tus qauv txog kev kawm digital b. Mircosoft Office 365 accounts thiab cov twj siv digitally (piv txwv li One Drive, Word, PowerPoint, Forms, lwm yam.) nrog rau Microsoft Teams c. Cov kev pab cuam ntxiv, muaj li cov phau ntawv xyaum nqi tes ua, cov phau ntawv sau, cov tej daim ntawv, mem kua, cov markers uas so tawm tau, lwm yam (ua kuj mus nqa tau rau cov hnub ua lub tsev kawm ntawv teem tseg). d. Lenovo tablets muaj rau qib Pre-School rau qib 3, and HP los yog Lenovo laptops rau qib 4th thiab siab dua ntawd e. Muaj wireless hotspots rau siv yog tim tsum 3. Nrog rau kev siv hauv paus tsev kawm ntawv qhov ntaub ntawv pom zoo, lub eLearn qhov ntaub ntawv txuas ncaj qha xws li kev qhia ntawv tim ntsej tim muag hauv chav qhia ntawv. Qhov zoo ntawm cov ntaub ntawv yeej tsis hloov raws li ntawm txoj kev qhia ntawv. Muaj kev cob qhia xib fwb los siv cov ntaub ntawv digitally kom zoo thiab los tsim cov kev pab cuam uas niaj hnub siv nrog rau kev qhia ntawv. Txuas ntxiv ntawd, Hauv Paus Tsev Kawm Ntawv pawg neeg tsim ntaub ntawv tau tsim kev kawm txuas ntxiv los pab rau lub caij plam tsis tau kawm tag los lawd, los ntsuas thiab kho tej tswv yim kev qhia ntawv kom pab tau rau cov sij hawm uas plam tag los thiab pab tau rau kev kawm tshiab. Cov xib fwb yuav siv lub niam tswv yim no los kho lawv cov ntaub ntawv kev qhia ntawv los npaj qhia rau ntawm “tom thawj txog sij hawm cov kev pab cuam” (“just-in-time supports”). Cov kev pab cuam “Just-in-time” txhais tau hais tias yog cov kev pab rau cov tub ntxhais kawm ntawv rau lub sij hawm tam sim ntawd. Qhov no kuj muaj peev xwm yog kev kawm nrawm, muab kev pab ntxiv, kev pab rau pab pawg, los yog, kev qhia ntawv pauv mus los uas siv ntau yam kev qhia kom pab tau tus neeg kawm. Nov yog lub sij hawm uas tus xib fwb los yog cov neeg ua hauj lwm pab yuav muab teeb ib qho zuj zus los yog muab cov kev pab/qhov qauv kev pab rau kev kawm thiab kev nyuaj siab ntxhov plawv. 4. Nrog rau kev siv cov ntaub ntawv digitally thoob plaws rau hauv paus tsev kawm ntawv, cov tub ntxhais kawm ntawv yuav muaj peev xwb yuav hloov thiab kawm tau yooj yim yog thaum twg lawv rov qab mus kawm ntawv hauv chav kawm nrog xib fwb los yog kawm ke kawm deb/online txuas ntxiv mus, yog lawv tim tsum. Cov tub ntxhais kawm ntawv yuav hloov tau mus los ntawm kev kawm ntawv kev deb/online yog tim tsum(yog hais tias muaj kab mob loj nyob rau tom tsev kawm ntawv, los yog ib tug tub ntxhais kawm ntawv/xib fwb muaj mob, los yog lwm yam) thiab thiaj tsis plam sij lawm los ntawm kev kawm ntawv. Tsis tag li ntawd, cov xib fwb muaj peev xwm yuav muab tau tej niam tswv yim no thiab tej twj tib yam no coj los siv tau rau hauv lawv cov chav qhia ntawv tim ntsej tim muag nrog lawv cov tub ntxhais kawm ntawv.

Yuav Tsum Muaj cov Devices thiab Txuas Tau Rau Internet [Ib qhov kev tshab txhais qhia txog tias lub LEA yuav ua li cas thiaj li muaj peev xwm tau cov devices los siv thiab txuas tau rau internet rau tag nrho txhua tus tub ntxhais kawm ntawv los txhawb kev kawm ntawv deb.]

Yuav tsum tau txais cov devices thiab txuas tau rau internet yog ib yam yuav tsum muaj thiaj li yuav kawm tau zoo thiab nce qib los ntawm kev kawm ntawv deb. Cov tub ntxhais kawm ntawv yuav tsum muaj tej twb/technology raws li lawv qib, muaj feem xyuam tau txais kev pab



cuam rau digital, thiab kev pab thiab koom tes los ntawm tsev neeg thiaj li kawm ntawv tau zoo, nce qib thiab vam meej rau kev kawm ntawv hauv online. Tam sim no twb muaj ntau tshaj li ntawd 70,000 qhov devices uas tau muab rau cov tub ntxhais kawm ntawv los txhawb lawv txoj kev kawm ntawv hauv online lawm. Tom qab thaum kaw tsev kawm ntawv thaum lub 3 hlis ntawd, hauv paus tsev kawm ntawv tau hloov mus siv tus qauv 1:1, txhais tau tias txhua txhua tus tub ntxhais kawm ntawv muaj feem tau ib lub device raws li lawv qib kawm los ntawm hauv paus tsev kawm ntawv rau lawv siv nyob rau tom tsev thiab hauv lawv chav kawm. Muaj li 50,000 tus/lub 1:1 device uas tau muab rau cov tub ntxhais kawm ntawv tom qab thaum tsev kawm ntawv tau kaw lawm. Cov tub ntxhais kawm ntawv nyob qib 4th – 12th tau txais ib lub laptop, thiab cov tub ntxhais kawm ntawv nyob qib Preschool rau 3rd tau txais ib lub tablet. Cov tub ntxhais kawm qib 3 muab cov keyboards nrog rau lawv cov tablets, los rau lawv xyaum npaj rau thaum lawv mus rau qib 4. Tej twj los txhawb rau kev kawm ntawv deb twb tau muab tso rau hauv cov devices tag lawm, kom los tswj kev siv internet ncaj ncees thiab muab kev tiv thaiv rau kev ruaj ntseg rau kev siv internet. Yuav kom muaj kev txuas tau rau internet zoo, Fresno Hauv Pauv Tsev Kawm Ntawv tau koom tes nrog lub Koom Haum 1 Million Project nyob rau ntawm qab xyoo 2019 ntawd los muab tau 1,000 lub hotspots rau cov tub ntxhais kawm ntawv nyob qib high school uas nkag tsis tau rau internet zoo. Nyob rau thaum lub 3 hlis, muaj li ntawm 1,000 lub hotsports tau muab ntxiv. Tom qab thaum pom tau hais tias cov hotspots uas tau muab rau cov tub ntxhais kawm ntawv no ua rau lawv kev kawm tshaj lij thiab vam meej, lub Koom Haum 1 Million Project muaj tau 8,300 lub hotspots ntxiv rau Fresno Hauv Paus Tsev Kawm kom cov tub ntxhais kawm ntawv thoob plaws hauv hauv paus tsev kawm ntawv tau siv tag nrho yog 10,300 lub hotspots. Muaj kwv yees li 2 tug tub ntxhais kawm ntawv twg rau ib tse neeg, cov hotspots no yuav tau ntau tshaj li ntawm 20,000 tus tub ntxhais kawm ntawv kom muaj peev xwm siv tau internet. Qhov no yog ib qho kev txhim kho uas tseem ceeb tshaj li ntawm 4 – 10% ntawm cov tub ntxhais kawm ntawv uas tsis muaj feem siv tau internet nyob rau cov hauv paus tsev kawm ntawv nyob rau tej nroog loj loj. Rau yav pem suab, hauv paus tsev kawm ntawv npaj los tsim lawv ib qho internet, EduNet, nyob cheeb tsam nroog Fresno sab hnub poob nram hav thiab phaj hnub tuaj nram hav los pab kom kev txuas nkag rau internet zoo dua thiab daws teeb meem txog kev tsis paub siv digital. Cov Devices yog muab rau txhua tus tub ntxhais kawm ntawv pib thaum lub 3 hlis. Kev mus cuag rau sawv daws tau muaj los ntawm ntau txoj hauv kev hauv ntau yom lus, xws li kev tshaj tawm xov xwm rau cov neeg muab xov xwm, kev tshaj tawm, kuv mus cuag sawv daws los ntawm cov tsev kawm ntawv, los ntawm ATLAS niam txiv thiab tub ntxhais cov portals, email, hauv paus tsev kawm ntawv qhov website, thiab lwm yam txoj hauv kev. Cov niam txiv thiab cov neeg saib xyuas tau tuaj mus nqa cov devices ntawm lwv cov tsev kawm ntawv los yog muab cov device xa mus rau lawv. Cov Devices raug xav los ntawm cov neeg ua hauj lwm mus rau cov tub ntxhais hluas uas tsis muaj vaj tse nyob thiab cov chaw rau cov tub ntxhais hluas mus nyob. Cov niam txiv thiab neeg saib xyuas uas tsis mus nqa cov devices thaum lub 3 hlis mus txog rau lub 7 hli ntawd twg tau raug qhia hais tias tseem muaj cov devices pub rau sawv daws. Yog hais tias tus niam txiv los yog neeg saib xyuas hu tuaj mus thov ib lub device rau ib tug tub ntxhais kawm ntawv, ces yuav xa ib lub mus rau lawv. Yuav kom txhua tsev neeg muaj kev txhawb los ntawm muaj devices thiab txuas tau rau internet, Fresno Hauv Paus Tsev Kawm Ntawv tau los tsim ib lub chaw hu tias Tsev Neeg Kev Kawm thiab Txhawb Nqa Technology (Family Learning and Technology Support [FLATS]). Lub chaw FLATS muab kev pab cuam rau txhua tsev neeg nrog rau cov devices, password reset, pab rau qhov ATLAS Niam Txiv thiab Tub Ntxhais Kawm Ntawv portals, thiab pauv los yog hloov lub device tshiab yog tias lub qub puas, ploj, los yog tsis ua hauj lwm lawm. Cuag tau lub chaw no los ntawm kev hu xov tooj los yog ua email, thiab muaj kev pab rau cov tsev neeg hauv lus As Kiv, Spanish, thiab Hmoob.



Tub Ntxhais Kawm Ntawv Kev Koom thiab Kev Nce Qib [Ib qhov kev tshab txhais qhia txog tias lub LEA yuav ua li cas los ntsuas tub ntxhais kawm ntawv kev nce qib los ntawv cov kev sib cuag mus los tim ntsej tim muag thiab kev qhia ntawv hauv online tim ntsej tim muag, thiab ib qhov kev tshab txhais qhia tias lub LEA yuav ua li cas los ntsuas kev los koom thiab sij hawm uas tub ntxhais kawm ntawv ua lawv tej ntaub ntawv.]

Fresno Hauv Paus Tsev Kawm Ntawv paub zoo txog qhov tseem ceeb los npaj, ua, thiab txhawb tub ntxhais kawm ntawv qhov peev xwm los kawm ntawv online kom txoj kev kawm no muaj tseeb thiab mus tau zoo; kom txawj thiab siv tau tej twj kawm hauv online zoo, kom muaj kev sib koom, thiab kawm tau mus sai; thiab kawm tau kev txawj npaj rau lub neej pem suab. Cov thawj kauj ruam kom tub ntxhais kawm ntawv muaj kev sib koom yog los tsim kom muaj kev txuas mus thiab raug zoo nrog rau cov tub ntxhais kawm ntawv thiab cov tsev neeg/neeg saib xyuas, kom tub ntxhais kawm ntawv muaj kev koom tes los tsim kev kawm ntawv online ua ke, thiab kom muaj kev qhia ntawv hauv online zoo thiab tsim nyog. Yuav kom los txhawb tau cov xib fwb thiab thawj coj ua kom tau qhov no, Fresno Hauv Paus Tsev Kawm Ntawv yuav los tsim kom tau cov kev los ntsuas txog txoj kev koom thiab kawm nyob hauv online thiab txuas lus nrog tub ntxhais kawm ntawv thaum lawv tsis tuaj koom. Cov xib fwb yuav soj ntsuam txhua txhua hnub los ntsuas tub ntxhais kawm ntawv qhov kev tuaj koom nyob hauv online los ntawm kev tim ntsej tim muag nrog cov tub ntxhais kawm ntawv sib txuas lus uas siv Fresno Hauv Paus Tsev Kawm Ntawv qhov ATLAS student information system. Cov xib fwb qhia ntawv nyob qib qis yuav saib txog tub ntxhais kawm ntawv kev tuaj kawm ib zaug rau ib hnub twg hos cov xib fwb qhia ntawv nyob qib nrab rov saud yuav saib/ntsuas ob zaug: sawv ntxov sib ntsib tim ntsej tim muag rau thaum 12:00 teev tav su thiab yav tav su dua sib ntsib tim ntsej tim muag rau thaum 3:00 teev yav tsaus ntuj hauv online. Txoj kev no yuav ua rau hauv paus tsev kawm ntawv thiab lub tsev kawm ntawv muab tau kev txhawb thiab pab cuam sai nrog rau tsev neeg los muab kev koom tes txhawb rau cov tub ntxhais kawm ntawv uas pom raug tias tsis muaj kev koom thiab kawm tsis tau ntawv hauv online. Cov xib fwb yuav siv tej ntaub ntawv lawv muab rau tub ntxhais kawm ntawv ua los ntawm cov ntaub ntawv tau pom zoo siv los lawd los yog cov xib fwb yuav tsim tej ntaub ntawv (assignments) tshiab rau cov tub ntxhais kawm ntawv ua los ntsuas cov txheej txheem ntawm lawv kev tuaj koom/kawm nyob hauv online ntau thiab tau zoo npaum li cas. Nyob raws li kev muab qhab nias hauv ATLAS, cov xib fwb muaj peev xwm ko tau qhia tias tub ntxhais kawm ntawv ua tiav los tsis tiav nws cov ntaub ntawv. Yog ua tsis tiav, qhov no qhia rau lub tsev kawm ntawv thiab hauv paus tsev kawm ntawv paub tias lawv yuav tsum tau muab kev txhawb thiab pab cuam rau tus tub ntxhais kawm ntawv ntawd Yuav kom muaj kev txhawb thiab pab cuam tau zoo, Fresno Hauv Paus Tsev Kawm Ntawv yuav soj ntsuam txuas ntxiv mus kom muaj ib qhov ncauj xub ke los saib txog tub ntxhais kawm ntawv kev koom thiab kawm los ntawm online/digital platforms. Piv txwv li, Microsoft Teams yog yam tau pom zoo thiab nyiam siv los qhia ntawv thiab siv rau kev sib cuag mus los tim ntsej tim muag hauv online ho Clever siv los qhia tau tias pes tsawg zaus tub ntxhais kawm ntawv nkag mus (log in) rau peb hauv paus tsev kawm ntawv cov ntaub ntawv kawm uas muaj. Qhov kev siv nkag mus no yuav cia cov tub ntxhais kawm ntawv muaj peev xwm nkag mus rau tag nrho cov ntaub ntawv qhia hauv huab cua (digitally), thiab cia kom muaj kev soj ntsuam hauv txoj kev nkag mus thiab kev siv. Txuas ntxiv ntawd, cov tub ntxhais kawm ntawv yuav koom nrog rau i-Ready los txhawb kom kawm tau ceev thiab sai thiab los daws kev kawm uas tau plav, poob qab thiab qeeb lawm. i-Ready yog ib qho online program uas tab tom raug siv thoob plaws rau hauv cov tsev keam ntawv los mus saib tub ntxhais kawm ntawv cov kev tim tsum pab rau kev nyeem ntawv thiab ua lej. Ib yam twj no muab tau kev qhia los txhawb kev ntsuas xws li yog sij hawm thiab kev siv tau. Cov data muab thiab qhia tau ib daim duab txog tub ntxhais kawm ntawv kev koom, uas Fresno Hauv Pauv Tsev Kawm Ntawv kawm thiab siv cov tswv yim zoo tshaj plaws los txhawb thiab pab cov tub ntxhais kawm ntawv thiab cov tsev neeg/neeg saib xyuas.



Kev Cob Qhia Ntawm Kev Kawm Kev Deb [Ib qhov kev tshab txhais qhia txog tias ntawm kev kawm/cob qhia thiab tej kev pab cuam uas muab rau cov neeg ua hauj lwm los txhawb rau lub khoos kas kev kawm kev deb, nrog rau kev txhawb rau technology.]

Hauv Paus Tsev Kawm Ntawv Fresno tau tsim ib qho hom phiaj rau kev kawm thiab cov kev pab los mus txhim kho kom cov neeg ua hauj lwm kom paub siv tag nrho cov technology tseem ceeb thiab cov twj siv hauv huab cua rau kev kawm kev deb. Tag nrho cov kev kawm rau xyoo kawm 2020/21 tsim los ntawm cov ntawv qhia, cov lus muab tswv yim, thiab kev kawm pib thaum lub 3 hlis ntawm 2020 thiab cov ntaub ntawv qhia los ntawm Hauv Paus Tsev Kawm Ntawv cov kev pib kev kawm ntawm tus kheej (PLi (Personalized Learning Initiative)) uas tau pib 4 xyoos dhau los. > Hom Phiaj 1: Siv ib qho sij hawm teem tseg rau kev kawm ntxiv los must sim kom muaj cov thawj cwj uas muaj peev xwm thiab xib fwb rau tej twj siv yooj yim: kev kawm hauv online thiab kev koom tes > Hom Phiaj 2: Siv ib qho kev kawm kev deb rau cov tub ntxhais kawm ntawv: cov xib fwb txuas mus rau cov tub ntxhais kawm ntawv hauv online siv cov twj qhia ntawv > Hom PHiaj 3: Siv ib qho kev qhia txog kev kawm rau cov xib fwb: cov ntsiab lus txhawb thiab koom tes > Hom PHiaj 4: Siv ib cov kev pab rau cov xib fwb thiab cov thawj coj: ntsiab lus hauv online, ntsiab lus, thiab kev qhia Cov kev kawm ntxiv yuav tau tsim kom raws li kev tshawb fawb, ua kom zoo ib yam li lwm cov hauv paus tsev kawm ntawv, thiab cov ntaub ntawv (data) kom raug li pe blub zeem muag rau ntawm kev qhia ntawv (Kev Qhia Rau Kev Qhia Ntawv) nrog rau cov tswv yim muab los ntawm cov xib fwb thiab cov thawj coj uas tau khaws cov tswv yim los ntawm: > Cov Ntawv Soj Ntsuam txog Kev Kawm Kev Deb > Pab Pawg Muab Tswv Yim (Focus Groups) (Cov Chav Mloog) > Cov ntawv muab tswv yim thaum kawm hauj lawm > Pab Pawg Muab Tswv Yim > Tsev Kawm Ntawv Cov Thawj Coj Ntsib Cov Neeg Ua Hauj Lwm Thaum Lub Caij Nplooj Hlav thiab Ntuj So 2020, kev kawm rau cov xib fwb kuj muaj nyob rau hauv huab cua los mus txhawb cov xib fwb thiab cov thawj coj. Muaj ntau tshaj li ntawm 100 rooj cob qhia hauv huab cua pub rau thiab ze li ntawm 6,000 daim ntawv sau npe. Cov cov hawm no tau muab kaw tseg thiab muaj ntau tshaj li ntawm 4,000 tus neeg mus saib. Cov pawg pib kev kawm ntawm tus kheej (PLI team) tau nraug muab cov kev qhia hauv huab cua tshim sim tam sim ntawd rau, muab cov rooj sib tham xub kaw cia, cov twj siv rau kev kawm hauv on-deman, thiab lwm yam kev qhia dawb rau hauv cov rooj sib tham hauv huab cuag (platforms) xws li Flipgrid thiab qhov Remind app. Nrog rau cov kev pab rau ntaub ntawv qhia hauv huab cua mus sim nkag rau Go Math, Wonders, Springboard, Big Ideas, Khan Academy, thiab qhov xeem iREADY. Qhov kev kawm nyob rau hauv on-demand tau tsim kom muab cov ntsiab lus txawv coj los qhia ua ntu zus uas tsim los ntawm plaub theem tseem ceeb: Qhov Pib (Foundational), Tshawb Nrhiav (Exploration), Kev Vam Meej (Advancing), thiab Cov Neeg Sawv Cev (Ambassador). Muaj ze li 10,000 phab ntawv rau saib thiab ntau tshaj 4,600 cov neeg siv. Qhov kev kawm plaub theem tau muab txhim kho rau hauv cov



qauv saib muab qhab nia rau cov xib fwb thiab cov thawj coj mus ua kev soj ntsuam ntawm lawv tus kheej thiab kev kawm mus rau hauv 2020-21 nyob rau hauv cov txheej txheem kawm hauj lwm. Cov theem rau cov neeg Sawv Cev nyuaj rau cov xib fwb uas twb paub siv cov twj technology los mus pab lwm tus xib fwb los ntawm cov hwv tsam rau kev coj thiab cov kev cob qhia los ntawm hauv paus tsev kawm ntawv. Rau xyoo kawm 2020/21, cov rooj sib tham hauv huab cua uas raug muab kaw cia thiab cov kev pab hauv on-demand yuav muaj cia rau tag nrho cov xib fwb thiab thawj coj rau kev npaj kev qhia hauj lwm kom tsis tus ncua (tus kheej kev kawm, kev kawm rau cov xib fwb haus tsev kawm ntawv, PLCs). Nws yog ib yam uas tag nrho cov xib fwb tsim nyog yuav tau kawm kom txawj nrhiav cov txuj theem pib ua ntej pib tsev kawm ntawv kom muaj kev ua tau zoo rau kev kawm kev deb. Kev Kawm hauv On Demand rau kev kawm kev deb Qhov Pib | Kev Tshawb Nrhiav | Kev Kawm Kom Siab Dua Cov Ntsiab Lus Ib Qho Zuj Zus (Cov kev pab ntau yam hauv txhua txhua qhov ntsiab lus) > Pib Npaj > Txuas mus rau cov Tsev Neeg > Tsim kom muaj kev Teeb Txawb thiab Sij Hawm rau Kev Kawm Kev Deb > Tso cov Sij Hawm Txhua Hnub los yog Txhua Lub Lis Piam rau hauv Teams > Kev Qhia Ntawv Tim Ntsej Tim Muag thiab Kev Qhia Ntawv Tsis Tim Ntsej Tim Muag Hauv Kev Qhia Ntawv Hauv Online > Teem Caij thiab Muaj Kev Qhia Ntawv Tim Ntsej Tim Muag Qhia Ntawv nrog rau cov Tooj Sib Tham Hauv Teams > Tsim thiab qhia cov Kev Nqis Tes Hauv Huab Cua Yam Tsis Tim Ntsej Tim Muag > Tsim cov Kev Nqis Tes ntawm tus kheej hauv Huab Cuas > Tsim cov Kev Nqis Tes Sib Koom Tes Tsis Tim Ntsej Tim Muag > Muab tswv yim haub ntau yam kev Hauv Huab Cuas > Siv cov Kev Soj Ntsuam hauv Online los rau cov qhov kev Qhia ntawv Rau Tej Pab Pawg > Saib koj yuav Txhawb Cov Xib Fwb rau koj qhov PLC, Tsev Kawm Ntawv, los yog Hauv Paus Tsev Kawm Ntawv Cov Ntsiab Lus Qhia Hauv Huab Cua (Ntau tshaj 30 rooj cob qhia tau raug muab kaw tseg uas tau muaj tshwm sim thaum lub caij Nploog Hlav thiab caij Ntuj So rau cov kev kawm yam tsis tu ncua) > Siv Flipgrid los mus Ua Qhov Kev Txuas Lus nrog cov Tub Ntxhais Kawm Ntawv > Txuas rau cov Tsev Neeg thiab Tub Ntxhais Kawm Ntawv nrog rau Microsoft Teams ua qhov Chaw Rau Txhua Leej Txhua Tus > Tsim Qhov Kev Kawm Kev Deb rau lub Caij Tam Sim No > Txhawb kev cia txhua leej txhua tus tuaj kom, Kev Txhim Kho Lus thiab Neeg Kawm Lus As Kiv thiab Tus Twj Pab Rau Kev Nyeem Ntawv (Immersive Reader Tool) > Qhia Kev Kawm Ntawv Kev Deb Zoo Li ib tus neeg muaj npe nrog rau Teams zoo li ib qho Chaw Rau Txhua Leej Txhua Tus



> Lub Lis Piam ntawm Ib Daim Ntawv (Week of One Note): Haum Rau Kev Xyaum Qhia Ntawv Zoo nrog rau qhov kev siv tau zoo ntawm qhov kev siv Chav Kawm Daim Ntawv Sau (Class Notebook), pib txwv li cov tswv yim Ua Lej thiab Ntawv thiab cov kev pab chav kawm daim ntawv hauv huab cua > Kev Muab Cov Ntaub Ntawv Coj Los Saib Kom Tob thiab Cov Kev Xav rau cov Xib Fwb thiab Cov Thawj Coj > Cov Twj Uas Siv Yooj Yim rau kev Qhia Ntawv Zoo thiab Kev Koom Tes Ntawm Cov Tub Ntxhais Kawm Ntawv > Cov Cov Kev Xyaum Qhia Ntawv Zoo Raws Kev Tshawb Fawb cov los rau kev qhia ntawv hauv online > Siv Tej Ntaub Ntawv cov mus Qhia Rau Kev Koom Tes Rau Kev Kawm Online thiab Kev Qhia Ntawv > Cov Tswv Yim Rau Tej Ntsiab Lus thiab Siv Tej Technology nkag mus rau Kev Xyaum Ntsiab Lus Txhawb (Kev txhawb tej ntaub ntawv qhia hauv Online haum rau cov ntaub ntawv txais coj los qhia) > Cov Ntaub Ntawv Qhia Hauv Huab Cua Wonders Online Pab Txhawb Qib K-6 > Cov Ntaub Ntawv Qhia Hauv Huab Cua Go Math Online Pab Txhawb Qib K-6 > Go Math Qib 7-8 Hauv Huab Cua Online > Cuam tshuam rau HSS Cov Kev Pab Ntaub Ntawv Qhia Hauv Huab Cua > Big Ideas Online Kev Pab Hauv Huab Cua- High School Lej > SpringBoard Online Kev Pab Hauv Huab Cua Qib 7-11 Cov kawm ntxiv rau xib fwb rau cov ntsiab lus uas teem los ntawm lub tsev kawm ntawv rau xyoo kawm 2020/21 hauv ib qho kev kawm rau xib fwb, ntaub ntawv teev los ntawm lub tsev kawm ntawv (site-based matrix). Cov tswv yim no yog coj qhia los ntawm cov chaw ua hauj lwm (department) rau tej co ntsiab lus thiab yuav muaj rau hauv huab cua. Txhua yam yeej teem kom muaj qhov kev soj ntsuam kev ua tau, muab qhia rau cov neeg twg, thiab hauj lwm txhawb ntxiv rau haud; xws li kev qhia kom paub hauv huab cua. Coj qhia rau tej ntsiab lus rau siab rau tej yam thiab yuav muaj hauv huab cua. Txhua yam kev rau siab rau ntawd yeej muaj kev soj ntsuam kev ua tau, Txhua yam yeej teem kom muaj qhov kev soj ntsuam kev ua tau, muab qhia rau cov neeg twg, thiab hauj lwm txhawb ntxiv rau haud; xws li kev qhia kom paub hauv huab cua. Tag nrho cov kev kawm rau txhua leej txhua tus, kev kawm tshwj xeeb, thiab kev kawm ob hom lus cov xib fwb puav leej tau txais kev kawm cov ntaub ntawv txhais tshiab coj los qhia/programs, cov kev tim tsum soj ntsuam, thiab kev tswj chav kawm. Cov kev txhawb nqa los ntawm cov tsev kawm ntawv muaj xws li pab pawg neeg kev kawm hauj lwm, kev txhawb los ntawm cheeb tsam, thiab cov kev qhia xib fwb hauv lub tsev kawm ntawv. Hauv paus tsev kawm ntawv cov kev pab rau cov xib fwb tshiab muaj: 1. Neeg ua hauj lwm thiab Kev Qhia Hauj Lwm hauv huab cua 2. Rooj Sib Tham Rau Cov Xib Fwb Tshiab Hauv Huab Cua 3. Huab Cua, Cov Kev Kawm Npaj Xib Fwb hub Saturday txhua hli 4. Kev txhawb rau xib fwb tshiab rau kev coj qhia hauv huab cua 5. Kev kev kawm rau tej qho ntsiab lus hauv huab cua 6. Kev pab rau kev kawm dav dav kom muaj kev meej tseeb



Cov thawj coj tau txais kev kawm hauv kev siv Microsoft Teams thiab kev kawm rau tus kheej kom nkag siab cov hauj lwm kev kawm kev deb thiab mus pab cov xib fwb kom muaj kev txuas lus zoo rau cov tub ntxhais kawm ntawv. Cov thawj coj kuj kawm saib yuav siv Teams li cas los mus muab kev kawm rau cov xib fwb thiab sij hawm Pab Pawg Neeg Kawm (Professional Learning Community (PLC)). Tag nrho cov thawj coj tshiab kuj yuav tau txais: 1. Neeg Ua Hauj Lwm thiab Kev Sib Qhia Hauv Huab Cua 2. Kev Sib Koom Tes Hauv Huab Cua 3. Thawj Coj Ua Muaj Txuj Ci- Kawm Kev saib xyuas hauv huab cua thiab kev soj ntsuam 4. Kev Pab Qhia Cov Thawj Coj Tshiab rau Kev Coj Qhia Hauv Huab Cua 5. Kev pab rau cov thawj coj kev paub meej ntawm cov ntaub ntawv pov thawj Hauv Paus Tsev Kawm Ntawv Fresno tau pib xyoo kawm 2020/21 lus mus txhawb Kev Kawm Kev Deb nrog rau cov hwv tsam kev kawm hauv huab cua thaum muaj lub rooj kawm rau cov Xib Fwb Tshiab (414 tus neeg) Thawj Xib Fwb Pawg Neeg Kawm (103 tus neeg) thiab lub lis piam zoo tshaj hauv huab cua uas muaj xws li rooj cob qhia hauv huab cua (14,000 tus neeg sau npe thiab 2,861 tus xib fwb), Hnub Xib Fwb Ua Hauj Lwm (Buyback Day) (tag nrho cov tsev kawm ntawv), thiab 2 hnub ua hauj lwm (tag nrog cov tsev kawm ntawv). Ntxiv ntawd, cov tsev kawm ntawv yuav muaj 2 hnub nrab rau kev kawm rau cov xib fwb thaum pib kawm thawj lub lis piam. Vim muaj txoj kev kawm rau xib fwb txog Kev Kawm Ntxiv (PLi) thiab kev faib cov devices rau cov tub ntxhais kawm ntawv, Hauv Paus Tsev Kawm Ntawv yog lub hauv paus uas muab 1 lub device rau 1 tug tub ntxhais kawm ntawv. Qhov no yuav cuam tshuam cov kev kawm rau xib fwb thiab kev teem cov kev qhia ntawv tsim rau peb txoj kev nyiaj ntxeem rau ntau xyoo yav tom ntej thaum peb npaj rau kev npaj cov xib fwb thiab kev txhim kho xib fwb/thawj coj hauv peb lub hauv paus tsev kawm ntawv.

Neeg Ua Hauj Lwm Cov Hauj Lwm thiab Tes Dej Num [Ib qhov kev tshab txhais qhia cov hauj lwm tshiab uas yuav muaj kev cuam tshuam rau cov neeg ua hauj lwm vim yog COVID-19.]

[Qhov kawg ntawm kev cuam tshuam los ntawm tus kab mob COVID-19 uas txaus ntshais thiab kev ceeb uas cuam tshuam rau peb cov neeg ua hauj lwm tej dej num thiab lub luag hauj lwm thoob plaws hauv lub koom haum. Lub Nroog Fresno yog lub nroog uas muaj npe rau qhov saib nruj uas txhais tau hais tias muaj kev txwv rau kev qhia ntawv tim ntsej tim muag kom txog rau thaum lub npe tsis nyob rau qhov lawv saib nruj hauv 14 hnub sib lawg lia uas tsis muaj neeg kis tus kab mob. Yog li ntawd kev kawm ntawv yuav pib tus qauv qhia ntawv 100% hauv online thiab cov neeg ua hauj lwm lub luag hauj lwm puav leej raug cuam tshuam los mus txhawb ib puag ncig ntawm kev kawm. Yuav teb tau zoo rau tus qauv kawm ntawv hauv online, cov xib fwb thiab lwm tus xib fwb muaj ntawv pov thawj pab txhawb rau ib puag ncig kev kawm ncaj qha uas muaj peev xwm ua hauj lwm hauv tsev los yog tsev kawm ntawv tuaj mus. Cov hnub qhia ntawv kuj raug muab kho ntawm tus qauv uas muaj lub sij hawm kawm blocks rau cov kev qhia ntawv, tej pab pawg me thiab kev pab rau tej tus me nyuam. Li qhov hais ua ntej los, daim ntawv qhia sij hawm kawm yuav muaj kev qhia ntawv tim ntsej tim muag (synchronous) thiab kev cia cov tub ntxhais kawm ntawv ua ntaub ntawv ntawm lawv tus kheej (asynchronous) sij hawm kawm. Ntxiv ntawd, thawj ob hnub kawm ntawv ntawv rau xyoo



kawm tshiab, uas ib txwm ua mas yog pib kev qhia ntawv, uas tau muab cim tseg uas cov xib fwb, tub ntxhais kawm ntawv, tsev neeg thiab neeg saib xyuas thiaj swm rau thaj chaw kawm tshiab. Tsev kawm ntawv cov sij hawm muaj nyob rau ntawm qhov link no: https://www.fresnounified.org/covid19/#grades-tk12-%e2%80%93-school-schedules Kev qhia ntawm kom cuag rau tus qauv teem tseg rau kev kawm uas zoo tshaj uas yeej nyob rawv ntawm lub hom phiaj, muaj kev kho kom ua tau raws li lub hom phiaj uas tim tsum. Piv txwv, cov xib fwb tim tsum kev nkag mus rau hauv cov ntaub ntawv qhia hauv online txhua hnub kom cov tub ntxhais kawm ntawv nkag tau rau hauv cov phau ntawd uas yuav raug xa mus rau hauv tsev. Ntxiv ntawv, cov xiv fw yuav siv Microsoft Teams platform los mus qhia ntawv, khaws thiab soj ntsum cov ntaub ntawv txib kom ua uas muab rau cov tub ntxhais kawm ntawv. Cov xib fwb Tuav Cov Dej Num Tshwj Xeeb thiab hauv paus cov neeg ua hauj lwm uuav siv txoj hauv kev tshiab los mus los mus pab hauv online. Piv txwv, tej tus neeg yuav raug xa mus pab cov tsev kawm ntawv mus pab cov xib fwb kev qhia ntawv rau hauv cov chav kawm tseem (Txuj Lus As Kiv, Lej, Science thiab Kev Kawm Txog Tib Neeg Lub Neej). Zoo ib yam li, tsev kawm ntawv cov neeg ua hauj lwm yuav yoog kom haum rau txoj kev ua hauj lwm tshiab uas yuav yoog raws lawv txoj hauj lwm tshiab. Ib qho piv txwv xws li cov neeg ua hauj lwm faib zaub mov. Thaum lub caij tsev kawm ntawv raug kaw txuas ntxiv rau kev qhia ntawv, lub hauv paus tsev kawm ntawv yuav muaj faib zaub mov noj dawb rau kev tuaj mus nqa. Ua raws nraim li txoj cai, kom muaj kev ruaj ntseg uas raug siv raws li qhov kev piav qhia hauv phab ntawv qhia “Tsev Kawm Ntawv Kev Noj Zaub Mov” ntawm qhov kev npaj, kom muaj kev lees txais dej num thiab kev faib zaub mov yam muaj kev ruaj ntseg. Lwm qhov kev piv txwv, muaj xws li cov neeg ua hauj lwm pab xib fwb qhia ntawv cov uas yuav, nyob ntawm tsev kawm ntawv cov kev saib xyuas, pab cov tub ntxhais kawm ntawv rau txoj hauv kev tshiab thiab txoj hauv kev txawv. Qhov no kuj muaj xws li kev pab npaj muab cov khoom siv, phau ntawv los yog mus cuag cov tub ntxhais kawm ntawv thiab cov tsev neeg. Qhov kawg, cov neeg ua hauj lwm thawj coj thoob plaws hauv hauv paus tsev kawm ntawv yuav nyob raws nraim lub hom phiaj los muab txoj kev pab uas zoo tshaj. Cov neeg ua hauj lwm puav leej raug txhawb kom ua hauj lwm hauv tsev tuaj mus kom ntau li ntau tau, tiam sis yuav rau muab coj los saib thiab yuav los mus txhawb nqa cov niam txiv txuas ntxiv, tsev kawm tnawv thiab lub zej zog. Qhov no muaj peev xwm ua tau raws li kev teem caij, thiab cov tuam chaw ua hauj lwm yuav tim tsum kom cov qhua tuaj txhua tus yuav tau thaiv qhov ncauj qhov ntswg. Txhawb kom muaj kev pab hauv huab cua thiab cov kev teem caij, tiam sis cov tuam chaw ua hauj lwm yuav muaj txoj kev pab tim ntsej tim muag yog hais tias tim tsum ua kom tau raws li cov kev tim tsum los ntawm cov neeg.]

Kev Txhawb Qab rau cov Tub Ntxhais Kawm Ntawv uas Muaj Kev Tim Tsum Txawv Dua Ntais [Ib qhov kev tshab txhais qhia cov kev pab cuam ntxiv uas lub LEA yuav muab nyob rau thaum muaj kev kawm kev deb los pab cov tub ntxhais kawm ntawv uas muaj kev tim tsum, xws li cov neeg kawm As Kiv, cov tub ntxhais kawm ntawv uas muaj kev tim tsum pab tshaj plaws thoob plaws txuas yam, cov tub ntxhais kawm ntawv uas nyob rau tsev niam qhuav txiv qhuav, thiab cov tub ntxhais kawm ntawv uas tsis muaj vaj tse nyob los yog nyob tsis muaj chaw.]

Cov Kev Txhawb thiab Pab rau Cov Neeg Kawm As Kiv

about:blank#grades-tk12-%e2%80%93-school-schedules

about:blank#grades-tk12-%e2%80%93-school-schedules



Lub hauv paus tsev kawm ntawv yuav muab txuas ntxiv txog kev qhia ntawv, kawm thiab cob qhia, soj ntsuam thiab pab cuam rau cov neeg kawm As Kiv (ELs) thiab nce qib mus ua cov tub ntxhais kawm ntawv uas paub lus As Kiv (RFEP) zoo lawm, thiab koom tes nrog cov niam txiv los ntawm lub koom haum Hauv Pauv Tsev Kawm Ntawv Pawg Txwj Laug Rau Neeg Kawm As Kiv (DELAC]), tsev kawm ntawv Pawg Txwj Laug Rau Neeg Kawm As Kiv (ELAC]), thiab muab kev pab rau kev kawm lus nyob hauv online (piv txwv li, ntsib tim ntsej tim muag, Microsoft Teams). Kev qhia ntawv yuav muaj rau tag nrho cov lus khoos kas xws li yog qhov kawm ob hom lus thiab cov khoom kas rau cov neeg tuaj tshiab. ELPAC kev xeem txhua lub xyoo thiab xeem thawj zaug yuav muaj txuas ntxiv los ntawm cov kev xaiv thiab ua raws li California lub Tuam Chaw Saib Kev Kawm (California Department of Education [CDE]). Yog tub ntxhais kawm ntawv sau npe kawm hauv online, los ntawm kev hu xov tooj los yog teem caij/sij hawm, cov tub ntxhais uas yog cov neeg kawm As Kiv (ELs) yeej qhia tau tias yog leej twg los ntawm daim ntawv soj ntsuam Kev Hais Lus Tom Tsev (ua hauv computer los yog daim ntawv). ELPAC cov kev xeem muaj thawj zaug los ntawm tus kws soj ntsuam Kev Pab rau cov Neeg Kawm As Kiv. Lub caij muab nce qib/hloov (reclassification) mus ua neeg paub lus As Kiv zoo lawm yuav muaj thaum cov tub ntxhais kawm ntawv ua tau raws li cov cai teem tseg hauv zej zog lawm. Kev muab tso tias yog Kawm Lus As Kiv (English Language Development [ELD]) thiab paub me ntsis lus As Kiv lawm yuav muab tso kom muaj nyob hauv cov qauv qhia ntawv huv si. Cov kev pab cuam rau cov niam txiv thiab cov tub ntxhais kawm ntawv muaj nyob hauv hauv paus tsev kawm ntawv qhov website hauv lus As Kis, Spanish thiab Hmoob, nyob ntawm hauv paus tsev kawm ntawv qhov website. Tag nrho cov tub ntxhais kawm ntawv yeej tau txais cov devices thiab siv tau internet, uas tseem muaj muab txuas ntxiv mus yog tim tsum. Yuav kom mus cuag tau tej kev tim tsum los ntawm kev nyeem thiab hais lus As Kiv ntawm cov tub ntxhais kawm ntawv xyaum kawm lus As Kiv, lub koom haum InterAct Fellows thiab cov tub ntxhais kawm ntawv nyob qib siab yuav los muab kev pab qhia ntawv rau lawv. Cov xib fwb ua Ntaub Ntawv/Hauj Lwj Tshwj Xeeb (TSAs) yuav muab kev kawm/cob qhia, qhia ntawv ua piv txwv thiab muab kev pab rau kev qhia ntawv rau cov xib fwb thiab thawj coj los daws teeb meem thiab muab kev pab cuam rau cov tub ntxhais kawm ntawv uas yog Neeg Kawm As Kiv (ELs). Cov Kev Txhawb thiab Pab rau Cov Tub Ntxhais Kawm Ntawv Uas Nyob Tsev Niam Qhuav Txiv Qhuav thiab Tsis Muaj Tsev Nyob Fresno Hauv Paus Tsev Kawm Ntawv lub khoos kas Project ACCESS pawg neeg ua hauj lwm muaj li 12 tug Clinical School Social Workers (CSSW) uas yuav ua tib zoo los soj ntsuam, nyob hauv online, tag nrho cov tub ntxhais kawm ntawv uas muab rau lawv ua hauj lwm rau, uas yog nyob rau hauv cov tsev niam qhuav txiv qhuav thiab cov tsis muaj vaj tse nyob, lawv tej kev nyob nyab xeeb thiab kev nyuaj siab ntxhov plawv. Lawv yuav soj ntsuam thiab sib cuag mus los nyob ntawm kev hu xov tooj los yog sib tham thiab ntsib tim ntsej tim muag hauv online/video raws li HIPPA txoj cai. Cov social workers yuav soj ntsuam txog lawv kev tim tsum raws li saib tim tsum kev pab ntau npaum li cas raws li kev txhawj xeeb los ntawm lawv kev nyuaj siab ntxhov plawv. Ib ntawm 12 tug CSSW’S yog los ua hauj lwm pab tag nrho rau cov tub ntxhais kawm ntawv thiab cov tsev neeg/neeg saib xyuas uas nyob rau cov chaw rau cov neeg tsis muaj vaj tse nyob nkaus xwb. Cov kev pab cuam nyob hauv online txog kev noj qab haus huv yuav muaj xws li yog: > Kev sib tham txog kev nyob nyab xeeb nrog rau ib tug thiab ib pawg neeg twg > Kev txhawb/pab rau kev nyob nyab xeeb > Kev Tswj/Saib Xyuas Kev Ua Hauj Lwm rau cov neeg tau txais kev pab cuam > Xa mus rau lub zej zog tej kev pab cuam > Koom tes nrog rau lub zej zog tej neeg los sib koom nyob rau tej rooj sib tham los ntawm Tsev Niam Qhuav Txiv Qhua, koom tes nrog



rau cov kws daws kev nyuaj siab ntxhov plaws (mental health therapists), cov social workers hauv lub roog, thiab chaw saib neeg muaj plaub ntug (probation) los tshem tawm tej kev cov nyom rau txoj kev kawm > Daws tej kev txhawj xeeb thiab txhawb cov neeg saib xyuas/niam txiv hais txog cov cai tshiab ntawm kev tuaj kawm ntawv > Ua kom tiav cov ntaub ntawv cog lus thiab pab sau npe mus kawm ntawv sai li sai tau rau cov tub ntxhais kawm ntawv uas tsis muaj vaj tse nyob/nyob tsi muaj chaw thiab pauv tsev kawm ntawv rau cov tub ntxhais kawm ntawv uas yog tub ntxhais hluas nyob hauv tsevniam qhuav txiv qhuav Cov kev pab cuam rau cov tub ntxhais kawm ntawv uas muaj Kev Tim Tsum Tshaj Plaws li Lub Tuam Chaws Saib Kev Kawm Tshwj Xeeb tuaj yeem los muab kom tau kev qhia ntawv zoo rau ntawm txoj kev kawm deb, kom mus cuag tau raws li tej tug neeg txoj kev tim tsum rau lub xyoo kawm ntawv ntawd. Tag nrho huv tib siv, txoj kev qhia ntawv ntawm kev kawm deb yuav qhia kom tau raws li cov kev tim tsum uas muaj tag li los ntawm txhua tus tub ntxhais kawm ntawv thiab muaj tej ntaub ntawv uas qhia kom raws li thiab cuag tau cov hom phiaj los ntawm ib tug tub ntxhais kawm ntawv twg qhov Khoom Kas (Program) Ntawm Ib Tug Txoj Kev Kawm Ntawv (IEP). Yuav muab kev pab cuam xws li, kev txhawb los ntawm cov neeg ua hauj lwm rau kev kawm/ua ntaub ntawv ntawm kev kawm ntawv tus kheej raws nws li sij hawm, thiab tseem muaj tej kev kho los yog hloov tej yam txog ntawm txoj kev kawm deb uas yuav muab coj los siv. Tag nrho cov kws txawj txug thoob plaws ntawv Hauv Paus Tsev Kawm Ntawv koom lub niam tswv yim thiab hom phiaj los muab kom tau txoj kev qhia ntawv zoo tshaj plaws rau txhua tus tub ntxhais kawm ntawv. Kev kawm ntawv deb yog ib txoj kev xaiv uas muaj rau txhua tus tub ntxhais kawm ntawv, thiab cov kev pab cuam rau txoj kev kawm ntawv deb yuav muaj muab los ntawm Hauv Paus Tsev Kawm Ntawv tas li rau txhua tus tub ntxhais kawm ntawv thiab cov tsev neeg/neeg saib xyuas. Nws yog ib qho tseem ceeb heev kom muaj kev sib cuag mus los nrog rau cov niam txiv, kom txhua tus tub ntxhais kawm ntawv nkag tau thiab siv tau internet, thiab muab kom tau Zej Tsoom Ib Txoj Kev Kawm Ntawv Dawb uas zoo thiab Tsim Nyog (FAPE) rau txhua tus tub ntxhais kawm ntawv los ntawm txoj kev kawm ntawv deb. Hauv Paus Tsev Kawm Ntawv yuav muab kom tau qhov technology thiab kev txuas/nkag kom tau rau hauv internet uas yog kev tim tsum rau txoj kev kawm ntawv deb, ntxiv rau lwm yam kev tim tsum raws li ib tug tub ntxhais kawm ntawv daim IEP uas yog kev pab rau kev siv technology. Txuas ntxiv ntawd, kev pab daws kev nyuaj siab ntxhov plawv yuav muaj rau txhua tus tub ntxhais kawm ntawv yog lawv tim tsum, thiab muaj kev pab rau tsev neeg/niam txiv/tus saib xyuas yog ua tau. Cov kev pab no yog muab los ntawm Hauv Paus Tsev Kawm Ntawv cov psychologists thiab social workers. Kev pab cuam rau kev nyuaj siab ntxhov plawv los ntawm kev kawm ntawv (ERMHS) kuj yuav muaj pab los ntawm Haum Paus Tsev Kawm Ntawv cov neeg ua hauj lwm daws kev nyuaj siab ntxhov plawv kom raws nrais li cov tub ntxhais kawm ntawv daim IEPs. Dhau ntawm Hauv Pauv Tsev Kawm Ntawv cov kev cob qhia thiab pab cuam rau tag nrho cov neeg txawj txug thiab tsev neeg/tus saib xyuas lawd, lub Tuam Chaws Saib Kev Kawm Tshwj Xeeb yuav muab kev kawm hais txog tus khoos kas qhia ntawv thiab kev kawm ntawv deb uas yog tej kev pab cuam rau ntawm kev kawm ntawv tshwj xeeb thiab lwm yam. Thiab lub Tuam Chaw Saib Kev Kawm Tshwj Xeeb yuav muab kev cov qhia hais txog kev kawm ntawv tshwj xeeb rau cov tsev neeg/saib xyuas thiab tuaj yeem tsim kom muaj tej co kev cob qhia uas muab tau 24 teev rau ib hnub twg rau lawv yog tim tsum, nrog rau cov kev pab cuam rau kev kawm ntawv deb rau txhua tus tub ntxhais kawm ntawv uas muaj kev tim tsum lwm yam txuas ntxiv mus kom cuag cov kev xaiv los ntawm Hauv Paus Tsev Kawm Ntawv.



Cov Kev Nqis Tes Ua Rau Ntawm Khoos Kas Kev Kawm Ntawv Deb [ntxiv dua kab thiab kev nqis tes ua rau yog tim tsum]

Tshab Txhais/Qhia Tag Nrho Nyiaj

Pab Los

[Ib qho kev tshab txhais qhia tias qhov kev nqis tes ua yog dab tsi; tej zaum kuj yog ib qho kev tshab txhais qhia tias qhov kev nqis tes ua ntawd ua tau zoo li cas rau cov kev pab cuam ntau dua qub los yog zoo dua qub lawm]

[$ 0.00] [Y/N]

[Ib qho kev tshab txhais qhia tias qhov kev nqis tes ua yog dab tsi; tej zaum kuj yog ib qho kev tshab txhais qhia tias qhov kev nqis tes ua ntawd ua tau zoo li cas rau cov kev pab cuam ntau dua qub los yog zoo dua qub lawm]

[$ 0.00] [Y/N]

Tub Ntxhais Kawm Ntawv Kev Plam Ntawm Kev Kawm [Ib qhov kev tshab txhais qhia tias lub LEA yuav ua li cas los daws tau tub ntxhais kawm ntawv kev plam ntawm kev kawm ntawv vim yog COVID-19 nyob rau ntawm lub xyoo qhia ntawv 2019-2020 thiab 2020-2021, ntxiv rau tias lub LEA yuav ua li cas los ntsuas kom tau cov tub ntxhais kawm ntawv tias lawv kawm tau zoo li cas tiag, qhov tseem ceeb yog ntawm kawm As Kis thiab lej.]

i-Ready yog ib lub khoos kas hauv online uas yeej ib txwm siv thoob plaws nyob hauv Hauv Paus Tsev Kawm Ntawv los qhia txog tub ntxhais kawm ntawv kev tim tsum nyob rau qhov kev kawm nyeem ntawv thiab lej. Lub khoom kas cia ib tug neeg kawm los ua xib fwb los soj ntsuam kev kawm ntawv seb kawm tau mus zoo li cas. Rau lub xyoo kawm ntawv tuaj no, i-Ready qhov ntawv qhia yuav muab siv los soj ntsuam tub ntxhais kawm ntawv kev kawm ntawv sau thiab hais lus As Kis, thiab lej seb lawv kawm tau npliag npaum li cas tiag, xws li los ntawm i-Ready CHECK design yog tsim los mus soj ntsuam kev tuaj koom hauv online vim yog tsev kawm ntawv qhia ntawv hauv online. Qhov CHECK design yog ib qhov yooj yim, nyob tom tsev qhia rau cov tsev neeg/neeg saib xyuas kom tau txais qhov kev qhia tau zoo thiab raug tshaj plaws txog kev soj ntsuam tub ntxhais kawm ntawv txoj kev kawm. Tsim qhov kev soj ntsuam no los qhia txog tus tub ntxhais kawm ntawv kev tim tsum kev pab li cas. Qhov no yog i-Ready qhov kev soj ntsuam ntawm kauj ruam #1 Yuav muaj ob yam ntaub ntawv qhia txawv los qhia tom qab qhov kev soj ntsuam: > Non-Cohorted Cross Sectional – Daim ntawv qhia no yuav muaj qhia txog ntau tus tub ntxhais kawm ntawv uas tsis kawm ua ke nyob rau ib lub caij nyoog (tsis yog ib pawg kawm ua ke) twg. Cov tub ntxhais kawm ntawv uas ua tiav ib daim kev soj ntsuam los ntawm i-Ready txawm tias lawv yuav nyias kawm txawv nyias xyoo thiab txawv caij nyoog los puav leej muab coj los tso rau hauv daim ntaub ntawv qhia no. Cov tub ntxhais kawm ntawv uas muab coj los suav nyob rau hauv daim kev soj ntsuam no yog nyob ntawm 3-xyoos uas lawv tsis kawm ua ke, tab sis yog tias lawv ua tiav ib daim kev soj ntsuam/xeem nyob rau ib xyoo twg ntawm 3 xyoo ntawd uas yog thaum lub caij Nplooj Ntoo Zeeg 2018/19, lub caij Nplooj Ntoo Zeeg 2019/20 los yog lub caij Nplooj Ntoo Zeeg 2020/21 ntawd.



> Cohorted Longitudinal – Daim ntaub ntawv qhia no yuav tso cai rau kev soj ntsuam muab tag nrho cov qhab nias ntawm cov tub ntxhais kawm ntawv uas yog kawm ua ke, ua ib pab pawg tab sis tau xeem nyob rau txawv sij hawm coj los xyuas. Cov tub ntxhais kawm ntawv uas ua tiav ib daim i-Ready qhov kev soj ntsuam nyob rau ntawm tag nrho cov caij nyoog uas muaj kev xeem yuav muab coj los suav rau haud. Cov tub ntxhais kawm ntawv yuav muab coj los suav nyob rau ntawm qhov kev suav uas kawm ua ke 2-xyoos sib law ntxaws yog tias lawv ua tiav ib daim kev soj ntsuam/xeem nyob rau thaum lub caij Nplooj Ntoo Zeeg 2019/20, lub caij Ntuj No 2019/20 thiab lub caij Nplooj Ntoo Zeeg 2020/21 ntawd. Cov ntaub ntawv qhia nram qab no yuav muab coj los saib raws li kev tseem ceeb: > Kev kawm nce/plam rau thaum caij Nplooj Ntoo Hlav thiab caij Ntuj So > Kev kawm nce/plam muab piv rau ib tug tub ntxhais kawm ntawv qhov kev muaj peev xwm ua tau los ntawm i-Ready nyob ntawm lub xyoo kawm ntawv 2019/20 (thaum twg muaj) ces ho muab los piv rau thaum pib kawm rau xyoo kawm ntawv 2020/21 ntawd (Diagnostic #1) > Qhia txog kev kawm nce zuj zus kom thiaj li paub txog cov kev uas muaj peev xwm paub, txawj thiab ua tau nyob thoob plaws rau cov qib kawm tag los lawd los pab kev txhawb kom pom thiab pab cov tub ntxhais kawm ntawv kev kawm uas tsis tiav. Cov kev nqis tes ua nram qab no yuav muab cov ntaub ntawv los txhawb kom haum rau qib kawm thiaj li yuav pab tau kev kawm uas tau plam lawm: > i-Ready “Kuv Txoj Ncauj Xub Ke” (“My Path”) muab cov kev qhia ntawv kom raws qib kawm, uas yog qhia los ntawm ib tug tub ntxhais kawm ntawv qhov kev soj ntsuam uas nws nyuam qhuav ua los no > Tus xib fwb txiav txim thiab muab cov kev qhia/kawm ntawv raws li daim ntawv qhia (report) ntawm kev kawm nce qib tau zoo li cas coj los muab cov ntaub ntawv kawm uas kom daws tau cov kev plam ntawm kev kawm ntawv es thiaj li yuav mus kawm tau cov ntaub ntawv raws li qib kawm. Yuav kom los daws kev kawm uas tau plam lawd thiab soj ntsuam cov Neeg Xyaum Kawm As Kiv (ELs) kev seb kawm tau zoo li cas, Cov Xib Fwb uas nyob rau kev Hauj Lwm Tshwj Xeeb yuav muab kev pab rau cov tsev kawm ntawv kom siv tau hauv paus tsev kawm ntawv cov ntaub ntawv qhia (reports) zoo, soj ntsuam seb kev kawm tau mus zoo li cas thiab qhia siv cov niam tswv yim rau kev kawm kev deb kom zoo. Lub ELPA qhov kev soj ntsuam kuj yuav muab ua kom tiav rau thaum lub caij nplooj ntoo zeeg coj los mus muab siv thiab ua kom tiav cov kev soj ntsuam uas ua tsis tiav vim yog tsev kawm ntawv kaw. Cov kev soj ntsuam no yuav siv/ua raws li California Tuam Chaw Saib Kev Kawm Ntawv cov cai.

Cov Niam Tswv Yim los daws Tub Ntxhais Kawm Ntawv Kev Kawm uas tau Plam [Ib qhov kev tshab txhais qhia cov kev nqis tes ua thiab cov niam tswv yim uas lub LEA yuav siv los daws tub ntxhais kawm ntawv kev plam ntawm kev kawm ntawv thiab kawm kom tau mus ceev raws li kev tim tsum, kom muaj qhia tias cov niam tswv yim siv no zoo/txawv li cas rau cov neeg xyaum As Kiv; cov neeg tau nyiaj txiag tsawg; cov hluas nyob tsev niam qhuav txiv qhuav; cov tub ntxhais kawm ntawv uas muaj kev tim tsum kev pab tshaj plaws li; thiab cov tub ntxhais kawm ntawv uas twb ntsib kev tsis muaj vaj tse nyob.]



Yuav kom daws tau tej kev kawm uas tau plam lawd thiab kawm kom tau mus ceev dua qub rau cov Neeg Xyaum Kawm As Kiv, yuav muaj kev kawm qhia ntawv hauv online rau tag nrho txhua tus xib fwb, nrog rau cov kws qhia ntawv uas qhia ob yam lus, kom paub npaj kom tau kev qhia ntawv zoo los qhia thiab siv ELD tej ntaub ntawv qhia, siv kom tau lub niam tswv yim ntawm cov ntaub ntawv tseem ceeb los qhia, nyeem thiab sau ntawv, thiab kom nkag siab txog hauv paus tsev kawm ntawv daim EL ntawv qhia (report) los soj ntsuam tub ntxhais kawm ntawv kev kawm kom mus zoo rau ntawm txoj kev kawm ntawv deb. Raws li txoj kev koom tes nrog rau California State University, Fresno, lub koom haum 50 InterAct Fellows yuav muab lawv cov neeg los muab kev pab rau kev qhia, nyeem thiab sau ntawv rau cov tub ntxhais kawm ntawv uas raug pom tias yog cov Kawm As Kiv ntev heev los lawd thiab yog cov muaj feem yuav tau Kawm As Kiv ntev heev, los daws lawv cov kev kawm uas tau poob qab thiab qhia kom lawv kawm tau ceev thiab sai dua qub mus ntxiv. InterAct Fellows yuav pab qhia cov tub ntxhais kawm ntawv uas yog cov Kawm As Kiv (ELs) ua lawv tej ntaub ntawv uas muab rau lawv ua ntawm lawv tus kheej raws li lawv sij hawm; pab rau kev nkag kom tau, kom nkag siab, thiab ua kom tiav ELPAC cov xeem uas muab los xyaum ua; txuas lus nrog rau tsev neeg thiab xib fwb txog tub ntxhais kawm ntawv kev kawm tau zoo li cas; thiab cob qhia lwm yam txog ntawm kev tim tsum. Cov Xib Fwb uas nyob rau kev Hauj Lwm Tshwj Xeeb yuav muab ntau qhov hwv tsam rau ntawm kev kawm kom muaj tas li rau InterAct Fellows txog cov niam tswv yim los pab cov Neeg Kawm As Kiv kom tau zoo thiab kom muaj caij ntsib lawv tas li. Yuav kom daws tau tej kev kawm uas tau plam lawd thiab kawm kom tau mus ceev dua qub, cov tub ntxhais kawm ntawv uas yog cov Kawm As Kiv (ELs) yuav tau txais lub hwv tsam mus kawm ntawv rau thaum caij ntuj so thiab kawm tej kev kawm ntawv uas yog kawm lus uas siv ELD cov Qauv ntawm lub niam tswv yim qhia ntawv. Los mus txhawb ntxiv qhov ntsiab lus ntaub ntaw thiab lus tim tsum rau cov Neeg Kawm Lus As Kiv, kev qhia ntawv ntxiv thiab cov kev pab coj qhia yuav muaj los ntawm qhov khoos kas InterAct Fellows thiab cov neeg coj qhia hauv qib high school uas yuav pab ncaj qha rau Cov Neeg Kawm Lus As Kiv Ntev Xyoo hauv qib 5-6 thiab cov kev coj qhia rau qib 7-12. Tus Xib Fwb Tuav Tes Dej Num Tshwj Xeeb(TSAs) yuav muab txoj kev kawm rau xib fwb, kev cob qhia kev qhia ntawv thiab cov kev npaj txhawb nqa rau kev kawm rau cov xib fwb los mus saib txog cov Neeg Kawm Lus As Kiv cov kev tim tsum. Ib qho kev qhia rau cov xib fwb li 40 feeb uas cov xib fwb yuav tsum tau mus koom rau xwb xwb hauv huab cua los mus kawm txog cov tswv yim los mus qhia cov Neeg Kawm Lus As Kiv hauv huab cua. Ua ntej yuav los mus saib txog kev tsis tshua muaj kev tuaj koom rau cov tub ntxhais kawm uas yog Neeg Kawm Lus As Kiv nyob qib siab zog lawm, muaj ib qho kev kawm caij ntuj so qhov program coj qhia rau raug mua tso ntxiv los mus muaj kev koom tes rau cov tub ntxhais kawm ntawv uas yog Neeg Kawm Lus As Kiv uas tsis tshua tuaj mus koom los yog cia li tsis tuaj mus koom lawm. Cov neeg tuaj tshiab uas yog Neeg Kawm Lus As Kiv raug muab tso ua khub rau cov tub ntxhais Kawm Lus As Kiv uas twb raug muab tso tawm lawm muaj muab kev pab txhawb rau kev kawm lus thiab kom tau qhab nia ntxiv. Qhov hom phiaj no yog muab kev txuas ntawm ib tug thiab kev kawm txuas mus rau tom tsev kawm ntawv, uas tseem tab tom suav rawv rau tsev neeg txoj kev tim tsum. Qhov program no tau raug nthuav dav mus rau lub xyoo kawm ntawv kom thiaj pab tau ntau tus tub ntxhais kawm ntawv nyob rau theem qib siab dua. Cov Neeg Kawm Lus As Kiv Ntev Xyoo (LTEL) qhov program coj qhia, muab cov tub ntxhais kawm ntawv high school uas twb tau raug tso tawm hauv pawg neeg kawm lus as kiv ua khub nrog rau cov tub ntxhais kawm qib nrab. Qhov program no tau raug txhim kho kom muaj ntau yam kev kawm rau cov neeg coj qhia los must ham txog qhov kev sib nrug deb ntawm txoj kev kawm los ntawm qhov teeb meem kev mus kawm ntawv hauv lub caij nploog hlav thiab mus txhawb nqa thiab kom muaj kev tim tsum ntau dua thaum ua Neeg Kawm Lus As Kiv Ntev Xyoo hauv qib nrab. Plaub chav kawm rau Cov Neeg Tuaj Tshiab hauv qib 3 – 6 tau raug ntxiv rau lub caij ntuj so rau thawj zaug los mus saib txog kev txhawb cov tub ntxhais kawm ntawv uas tsis tshua muaj los yog tsis muaj kev mus cuag tsev kawm ntawv tom qab tsev kawm ntawv raug kaw. Tsis tag li ntawd tau ntxiv ib los



yog ob rau hauv tag nrho cov chav kawm Txhim Kho Kom Paub Lus ELD thiab Cov Neeg Tuaj Tshiab rau cov chav kawm caij ntuj so los ntawm qhov Progrom Kawm Rau Xib Fwb. Qhov hom phiaj rau qhov kev txiv rau cov chav kawm hauv huab cua uas tso cai rau kev pab rau kev kawm thiab kev txhawb thaum nyob rau tej pab pawg me ua ke. Ua kom raws li eLearn Cov Hom Phiaj Kev Qhia Ntawv (Instructional Goals), cov neeg uas muaj kev tim tsum kev pab tshaj plaws li yuav tau txais kev qhia ntawv zoo uas yog siv hauv paus tsev kawm ntawv cov ntaub ntawv qhia ntawv thiab cov kev pab cuam uas tau pom zoo tso cai los ntawm hauv paus tsev kawm ntawv. Qhov kev cog lus no muab txhawb nqa los ntawm cov hwv tsam kev kawm rau cov neeg ua hauj lwm rau kev Kawm Tshwj Xeeb kom tau txais thiab muaj ib qho peev xwm thiab paub siv eLearn tej kev xyaum qhia ntawv thiab technology. Kom ua raws nraim li cov neeg qhia ntawv thoob plaws thiab cov khoom kas, cov xib fwb qhia ntawv Tshwj Xeeb yuav tau txais kev qhia ntawv zoo los ntawm kev ua hauj lwm nrog rau cov tub ntxhais kawm ntawv thiab koom tes nrog cov tsev neg los tsim ib txoj kev soj ntsum thiab kev kawm zoo nyob rau hauv online uas qhia tau tias yog tub ntxhais kawm ntawv li ntiag tug tiag. Cov xib fwb koom/tham nrog cov tub ntxhais kawm ntawv txhua hnub nyob hauv online, muab cov hwv tsam rau tub ntxhais kawm ntawv los koom tes ua ke, daws teeb meem, thiab tsim tswv yim tshiab. Txuas ntxiv ntawd, Hauv Paus Tsev Kawm Ntawv yuav daws tub ntxhais kawm ntawv kev plam ntawm kev kawm ntawv thiab kawm kom tau mus ceev rau cov uas muaj kev tim tsum kev pab tshaj plaws li vim yog COVID-19 thaum xyoo kawm ntawv 2019/20 thiab 2020/21 uas yuav siv cov niam tswv yim thiab kev nqis tes uas muaj raws li no, tab sis kuj tsis yog cov no nkaus xwb: Raws li kev soj ntsuam thiab kev kawm tau mus, Tus Neeg Ua Hauj Lwm yuav tham nrog cov tsev neeg txog ntawm cov kev xaiv los daws ib tug tub ntxhais kawm ntawv txoj kev kawm uas tau plam/poob qab vim yog COVID-19 thiab kev kawm kom tau mus ceev muaj raws li: > Cov khoos kas los pab thaum sij hawm xaus kawm ntawv lawm > Neeg txawj txug muab kev pab rau cov sij hawm uas tsis qhia ntawv hauv chav kawm thaum sij hawm tsev kawm ntawv tseem tsis tau xaus uas yog Hauv Paus Tsev Kawm Ntawv muaj kev kawm ntawv deb thoob plaws > Xaiv tej co Saturday los muab kev pab thiab daws teem meem txuas ntxiv > Nthuav kom muaj ntau cov kev xaiv rau cov neeg uas muaj kev tim tsum kev pab tshaj plaws li rau thaum lub caij ntuj so, xws li yog kom muaj sij hawm ntxiv los qhia ntawv rau cov tub ntxhais kawm ntawv uas tau txais kev pab cuam los ntawm tsev kawm ntawv ib xyoo twg > Muaj ntau cov hwv tsam rau kev kawm/cov qhia los ntawm Tsoom Zej Zog Kev Kawm rau Neeg Txawj Ua Num (Professional Learning Communities) los muaj kev soj ntsuam kom haum/raug raws li cov qauv qib kawm tam sim no los yog lwm yam qauv kawm, yog tias muaj Muaj ob tug Kws Sab Laj Kev Kawm hauv Project ACCESS uas muab kev txhawb rau kev kawm thiab saib txog kev plam rau kev kawm ntawm cov tub ntxhais kawm ntawv nyob nrog niam qhuav txiv qhuav los yog tsis muaj vaj tse nyob. Cov kev pab muaj nyob rau hauv huab cua, los ntawm HIPPA kom raug txoj cai siv txoj hauv kev video los yog xov tooj. Thaum pib lub 8 hli, cov Kws Sab Laj Kev Kawm yuav mus cuag rau cov tub ntxhais kawm ntawv uas raug qhia tias muaj kev txhawj xeeb rau kev kawm hauv hauv paus tsev kawm ntawv qhov chaw teev ntaub ntawv (district engagement tool), thaum lub quarter (plaub) los mus muab cov ntaub ntawv khaws tau txog tus tub nxhais kawm



ntawv txoj kev tim tsum. Qhov Project ACCESS Cov Kws Sab Laj Kev Kawm yuav koom tes nrog rau tsev kawm ntawv cov kws sab laj kev kawm kom cov tub ntxhais kawm ntawv kawm rau cov chav kawm uas haum thiab tau txais cov kev pab rau kev kawm hauv theem II. Ntxiv ntawd, cov kws sab laj kev kawm yuav muab cov kev pab li nram qab no: > Ua kom tag nrho cov tub ntxhais nrog niam qhuav txiv qhuav/tsis muaj vaj tse nyob tau txais tej devices rau kev kawm. > Saib cov ntaub ntawv qhab nia thiab soj ntsum cov tub ntxhais kev tsim nyog tau txais cov kev zam rau qhab nia > Monitor student academic achievement and progress > Cov kev sib tham ntawm tej tus me nyuam kheej uas muaj qhab nia D thiab F > Muab cov kev pab mus txhawb cov hauv kev mus kawm qib siab thiab hauj lwm > Txuas lus nrog rau cov niam txiv los yog cov neeg saib xyuas mus pab rau qhov txheej txheem kawm ntawv kev deb elearn > Koom tes nrog rau cov neeg hauv zej zog txog kev ua ntaub ntawv thov nyiaj pab kev kawm (FAFSA) thiab kev npaj rau kev kawm tom qhab kawm tiav qib kaum ob.

Siv Cov Niam Tswv Yim Kom Tau Zoo los Daws Tub Ntxhais Kawm Ntawv Kev Kawm ua Tau Plam/Poob [Ib qhov kev tshab txhais qhia tias yuav ntsuas li cas txog ntawm cov kev pab cuam tau zoo npaum li cas los yog cov kev txhawb uas tau muab los daws kev kawm uas tau plam/poob.]

Peb (3) yam hwv tsam tseem ceeb yuav muab siv los ntsuas qhov kev ua tau zoo npaum li cas txog ntawm cov kev pab cuam thiab kev txhawb uas muab los daws kev kawm uas tau plam/poob: Tiav Hlo, Kev Koom, thiab Kev Kawm. Ntawm qhov kawm tiav hlo (achievement), i-Ready qhov kev qhia (reporting) yuav muab siv los soj ntsuam tub ntxhais kawm ntawv kev kawm thiab paub Sau As Kiv, Nyeem As Kiv, Hais Lus As Kiv, thiab Lej los ntawm i-Ready CHECK design los ntsuas kev tuaj kawm thiab koom ntawm tus kheej hauv online vim yog tsev kawm ntawv qhia ntawv hauv online. Qhov CHECK design no yog ib qho yooj yim, qhia tau rau tsev neeg nyob tom tsev los txais qhov ntaub ntawv (data) uas yog/tseeb thiab zoo tshaj plaws txog ntawm qhov soj ntsuam. Qhov no yog i-Ready qhov Kev Ntsuas (Diagnostic) #1 (saib #3a). Qhov ntsuas tau zoo npaum li cas kuj qhia tau los ntawm kev loj hlob thiab ntaub ntawv (data) los ntawm Kev Ntsuas (Diagnostic) #1 rau Kev Ntsuas (Diagnostic) #2 thiab #3. Qhov Kev Ntsuas (Diagnostic) #1 yog teem caij rau thaum tsev kawm ntawv pib qhib, qhov Kev Ntsuas (Diagnostic) #2 yog teem caij ua ntev yuav mus so thaum lub caij ntuj no, thiab qhov Kev Ntsuas (Diagnostic) #3 yog teem caij rau thaum lub caij Nplooj Ntoo Hlav nruab nram ntawd, ua ntej yuav muaj qhov SBAC/CAASPP. Los ntsuas cov kev pab cuam thiab txhawb nqa seb tau zoo npaum li cas los daws kev kawm uas tau plam/poob lawd los ntawm kev koom, yuav ua tib zoo saib txog tub ntxhais kawm ntawv thiab zej zog (piv txwm li, tsev neeg/tus saib xyuas, cov neeg ua hauj lwm) kev sib koom. Hauv paus tsev kawm ntawv muaj daim ntawv soj ntsuam teb lus rau hauv paus tsev kawm ntawv txog kev koom tes ntawm tsoom neeg zej zog (piv txwv li, cov xib fwb ntsib nrog cov tub ntxhais kawm ntawv, cov xib fwb ntsib nrog cov tsev neeg/cov neeg saib xyuas, cov thawj coj tom tsev kawm ntawv ntsib nrog cov xib fwb, cov thawj saib xyuas tom tsev kawm ntawv ntsib nrog cov thawj coj tom tsev kawm ntawv, lwm cov) uas yuav muab ua tib zoo soj ntsuam saib kom thoob plaws los nrhiav kom tau hais tias yam/qhov twg thiaj ua hauj lwm thiab yam/qhov



twg yuav tau kho. Tub ntxhais kawm ntawv kev tuaj kawm thiab kev koom yuav muab ua tib zoo saib thiab soj ntsuam thoob plaws txhua yam kev soj ntsuam, xws li hauv qab no: “Cov Kev Qhia (Signals)” txog Tub Ntxhais Kawm Ntawv Kev Koom > Microsoft Clever analytics – Qhov kev qhia ntawm qhov system tso cai rau cov tub ntxhais kawm ntawv nkag mus rau hauv tag nrho cov ntaub ntawv qhia hauv huab cua, thiab tso cai kom muaj kev koom tes soj qab txog kev nkag mus thiab kev siv. > Microsoft Teams analytics – Tso cai rau kev soj qab saib cov tub ntxhais kawm ntawv kev koom tes hauv rooj sib tham (pom ntsej muag tam sim ntawv) zoo li cas, cov ntaub ntawv hauv huab cua, thiab kev koom tes rau hauv online. > i-Ready analytics > ATLAS (tub ntxhais kawm ntawv qhov system txog lawv tus kheej cov ntaub ntawv) analytics Kev kawm nthauv dav (PL), yuav muaj kev txhawb nqa zoo rau tsev kawm ntawv cov thawj coj thiab cov xib fwb, raws li kev sau hauv qab no: Kev txhawb nqa zoo los pab tsev kawm ntawv cov thawj coj los coj txoj kev kawm ntawv deb muaj xws li: > Kom muaj kev cob qhia nyob rau hauv on demand hauv qhov website uas muaj kev kawm nthuav dav (PL) rau lub sij hawm ntawd Kev pab los txhawb cov xib fwb qhia ntawv kev deb muaj xws li: > Cov thawj coj thiab pawg Personalized Learning Initiative (PLI) thiab TSAs nyob hauv lawv cov chav fai raws li cov sij hawm teem tseg > Pawg PLI thiab TSAs muaj kev sib cog qhia ua ke nyob hauv online > Kom muaj kev cob qhia nyob rau hauv on deman hauv qhov website uas qhia txog tias yuav ua li cas thiaj muab tau kev cob qhia/kawm nthuav dav rau lub sij hawm ntawd. > i-Ready “Kuv Txoj Ncauj Xub Ke (My Path)” thiab cov kev kawm uas Xib Fwb Muab raws nraim li tej tug neeg cov ntaub ntawv soj ntsuam Yuav ua li cas thiaj paub tias xib fwb kawm tau zoo npaum li cas, yog li no yuav muab cov zauv (number) qhia tias pes tsawg leej xib fwb tau txais kev kawm coj los soj xyuas thiab saib thiab yuav kom cov xib fwb muab lus teb qhia tias lawv kawm tau zoo li cas tiag (piv txwv li, xib fwb daim ntawv teb lus thiab lawv kev xav). Lwm yam kev soj ntsuam kuj muaj xws li: > Kev xav/tej ntaub ntawv nug txog ntawm kev cob qhia/kawm nthuav dav > Tub ntxhais kawm ntawv kev txuas lus thiab sib koom los ntawm qhov system analytics



Cov Kev Nqis Tes Ua los Daws Tub Ntxhais Kawm Ntawv Kev Kawm uas tau Plam/Poob [ntxiv dua kab tshiab thiab kev nqis tes ua rau, yog tim tsum]

Tshab txhais/Qhia Tag Nrho Nyiaj Txiag

Pab Los

[Ib qho tshab txhais qhia tias qhov kev nqis tes ua ntawd yog dab tsi; tej zaum kuj muaj xws li ib qho kev tshab txhais qhia tias qhov kev nqis tes ua ntawd ua rau cov kev pab cuam ntau los yog zoo dua qub lawm]

[$ 0.00] [Y/N]


[$ 0.00] [Y/N]

Kev Nyuaj Siab Ntxhov Plawv thiab Kev Noj Qab Nyob Nyab Xeeb Ntawm Kev Xav nrog rau Kev Haum Xeeb [Ib qho kev tshab txhais qhia tias LEA yuav ua li cas los soj xyuas thiab txhawb kev noj qab nyob nyab xeeb txog kev xav thiab kev haum xeeb ntawm cov tub ntxhais kawm ntawv thiab cov neeg ua hauj lwm nyob rau ntawm lub xyoo kawm ntawv, xwb li yog kev kawm thiab kev pab cuam rau cov tub ntxhais kawm ntawv thiab cov neeg ua hauj lwm los daws lawv tej kev nyuaj siab ntxhov plawv thiab lwm yam uas tshwm sim los ntawm COVID-19 nyob rau ntawm tsev kawm ntawv lub zej zog.]

Ntau lub chaw ua hauj lwm nyob hauv Hauv Paus Tsev Kawm Ntawv yuav soj xyuas, txhawb thiab muab kev pab los daws kev nyuam siab ntxhov plawv thiab txhawb kev noj qab nyob nyab xeem ntawm kev haum xeeb thiab kev xav rau cov tub ntxhais kawm ntawv thiab cov neeg ua hauj lwm raws li teem tseg hauv qab no: Tub Ntxhais Kawm Ntawv Cov Kev Txhawb Nqa Lub Chaw Tiv Thaiv & Daws Teem Meem (Department of Prevention & Intervention [DPI]) Ib pawg li 29 tug ntawm tsev kawm ntawv cov Neeg Ua Hauj Lwm Pab Tim Neeg (Clinical School Social Workers [CSSW]) yuav ua qhov kev soj xyuas kev noj qab nyob nyab xeeb ntawm kev xav thiab ua daim ntawv soj ntsuam hauv online los txiav txim siab muab kev pab cuam los daws kev nyuaj siab ntxhov plaws raws li sib tham hauv xov tooj pab rau kev noj qab haus huv thiab/los yog muab kev pab hauv xov tooj, muaj xws li: > Kev sib tham txog kev nyob nyab xeeb nrog rau ib tug thiab ib pawg neeg twg > Kev txhawb/pab rau kev nyob nyab xeeb > Kev Tswj/Saib Xyuas Kev Ua Hauj Lwm rau Cov Neeg Txais Kev Pab > Xa mus rau lub zej zog tej kev pab cuam



Yuav tsum tau mus cuag cov tub ntxhais kawm ntawv uas muaj kev xav txov tus kheej txoj sia ua ntej tshaj plaws, raws li qhov kev ntsuas kev ruaj ntseg ntawm tus kheej. Dhau ntawd lawm ces mam mus cuag cov pw tsev kho mob, mus koom rau kev sab laj xyoo kawm dhau los, thiab cov ntawv xa tshiab mus cuag rau kev pab. Cov hwv tsam xa mus cuag kev pab ntxiv uas tau ua los ntawm tsev kawm ntawv cov neeg ua hauj lwm xa cov tub ntxhais kawm mus cuag rau kev pab xws li hauv pauv tsev kawm ntawv ib qho email uas tsev kawm ntawv ib tug xib fwb twg muaj peev xwm xa tus tub ntxhais kawm ntawv los yog xa ib daim ntawv hauv online mus cuag kev pab txog kev nyuaj siab ntxhov plawv los ntawm kev siv daim ntawv tso hauv hauv paus tsev kawm ntawv qhov website. Ib tug tub ntxhais kawm ntawv twg, tus niam txiv thiab neeg ua hauj lwm twg muaj peev xwm ua tau daim ntawv xa mus cuag kev pab. Cov Neeg Pab Tib Neeg (Social workers) yuav koom tes nrog rau tus kws sab laj kev kawm (counselors) thiab tsev kawm ntawv cov psychologists mus cuag tus tub ntxhais kawm ntawv ncaj qha uas tau muaj cov kev txhawj xeeb los lawm hauv 4 lub quarter, thiab muaj kev soj ntxuam txog kev nyob nyab xeeb thiab cov kev pab txog kev nyob nyab xeeb ntawm lub hlwb. Rau xyoo kawm 2020/21, hauv paus tsev kawm ntawv koom tes nrog rau lub koom haum CareSolace, los mus txuas nrog rau tub ntxhais kawm ntawv thiab cov tsev neeg mus rau cov koom haum saib kev nyab xeeb hauv lub hlwb thiab cov kev pab rau kev quav yeeb tshuaj. Lub koom haum Care solace kuj muaj kev pab saib xyuas cov neeg tim tsum kev pab, los mus tham txog tej yam thaiv kom mus koom tsis tau. Tsis tag li ntawm, qhov cov xib fwb xa cov ntaub ntawv mus rau lub koom haum CareSolace, cov niam txiv thiab tub ntxhais kawm ntawv muaj peev xwm xa tus kheej yam tsis pub leej twg paub mus rau lub koom haum CareSolace hauv qhov link nyob rau ntawm hauv paus tsev kawm ntawv qhov website. Tus Neeg Pab Rau Tub Ntxhais Kawm Ntawv Txoj Kev Mus Kawm Ntawv (Child Welfare Attendance Specialists (CWAS)) - CWAS Pab Neeg yuav rau siab rau txoj kev pab rau Theem 2 cov kev pab hauv online xws li: > Muab kev pab nrog tej pawg me me rau cov tub ntxhais kawm ntawv muaj kev tim tsum kev pab txog ntawm kev nyuaj siab thiab haum xeeb, coj xeeb ceem, thiab tuaj kawm ntawv > Daws kev tsis haum xeeb, npaj hom phiaj, coj qhia, daws kev chim, thiab qhia kev ua Hauj Lwm Muaj Nuj Nqis. Cov Hauj Lwm Muaj Nuj Nqis yog hais txog cov tub ntxhais kawm ntawv cov “hauj lwm” hauv chav kawm hauv online, xws li: Kev Pab rau Tech, Soj Ntsum Kev Coj Cwj Pwm, Tus Neeg Saib Kom Muaj Kev Qhia Ntaub Ntawv Kom Ncaj Ncees, Tus Neeg Tuav Sij Hawm thiab lwm txog dej num uas txhawb tub tnxhais kawm txoj kev koom tes thiab qhov kev xav tias nws muaj ib qho chaw haum hauv chav kawm ntawv thiab. > Muaj kev sib cuag txhua lub lis piam los yog txhua hnub (piv txwv, saib xyuas thaum tuaj/thaum tawm) rau cov tub ntxhais kawm ntawv nyob rau ntawm cov tsev kawm ntawv uas tau raug xaiv Tub ntxhais kawm ntawv cov kev pab rau lawv yuav raug soj ntsuam los ntawm kev siv tsev kawm ntawv tej ntaub ntawv xws li yog ntaub ntawv xa mus rau lwm tus/qhov chaw vim yog raug txim, kev rau txim uas yog muab ncua tsis cia tuaj kawm ntawv rau tej lub caij nyoog, thiab cov ntaub ntawv (data) txog kev tuaj kawm ntawv. Pawg neeg muab kev pab rau cov tub ntxhais kawm ntawv no ua hauj lwm ze ze nrog cov xib fwb los soj ntsuam thiab saib ntsoov cov tub ntxhais kawm ntawv uas tau koom thiab txais cov kev pab cuam no los ntsuas kev paub ntawm tub ntxhais kawm ntawv xeeb ceem thiab mus cuag Kev Kawm Tswj Tus Kheej (SEL) qhov hom phiaj thiab kev txawj. Txuas ntxiv ntawd, cov Neeg Pab Rau Tub Ntxhais Kawm Ntawv Txoj Kev Mus Kawm Ntawv (Child Welfare Attendance Specialists) yuav sau thiab saib tub ntxhais kawm ntawv daim ntawv teb txog ntawm lawv tus kheej los ntsuas kev tim tsum yuav tau pauv xeeb ceem coj thiab mus cuag tau kev txawj tswj kev nyab xeeb rau kev haum xeeb thiab kev xav.



Tus Txawj Txug Pab rau Kev Xeeb Ceem (Behavior Intervention Specialist [BIS]) – Ib pawg uas muaj 9 leeg cov Txawj Txug Pab rau Kev Xeeb Ceem (BISs) yuav muab cov kev pab cuam nram qab no rau cov me tub me ntxhais kawm ntawv nyob qib PK-3, los siv zog kawg nkaus muab Theem III kev tim tsum pab rau kev coj xeeb ceem thiab kev nyab xeeb ntawm kev haum xeeb thiab kev xav. > 1 rau 1 Qhia Kom Paub thiab Txawj Ntawm Tus Kheej > Koom tes hlo pab cov thawj coj thiab cov neeg ua hauj lwm los tsim kom tau cov kev npaj rau kev pab cuam zoo txog ntawm kev xeeb ceem > Qhia thiab coj qauv zoo los ua piv txwv nrog rau cov xib fwb, cov thawj coj thiab cov neeg ua hauj lwm los nrhiav cov niam tswv yim los coj xeeb ceem kom zoo > Koom tes nrog rau cov neeg ua hauj lwm tom tsev kawm ntawv los muab kev pab thiab txhawb luv luv rau cov tub ntxhais kawm ntawv > Tham nrog cov tsev neeg/neeg saib xyuas thiab lwm cov neeg hauv hauv paus tsev kawm ntawv txog tub ntxhais kawm ntawv kev tim tsum uas lawv muaj, los pab rau kev kawm ntawv saum huab cuam kom zoo dua tuaj thiab kom muaj kev txuas mus cuag rau lwm cov koom haum nyob sab nraud Dhau ntawm kev txuas lus nrog rau cov tsev kawm ntawv thiab cov tsev neeg/neeg saib xyuas txhua hnub lawd, muaj cov kev sib tham txhua hli los ntawm Pawg Tub Ntxhais Kawm Ntawv Kawm Tau Mus Zoo (Student Success Team) nrog rau cov neeg tseem ceeb hauv lub zej zog los soj xyuas txog tub ntxhais kawm ntawv kev kawm mus tau zoo li cas. Tsev Kawm Ntawv cov Psychologists – Tsev kawm ntawv muaj cov Psychologists los ua hauj lwm rau txhua lub tsev kawm ntawv los muab ntau yam kev pab txog ntawv kev nyob nyab xeem ntawm kev haum xeeb thiab kev xav thiab kev kawm ntawv rau tag nrho cov tub ntxhais kawm ntawv. Tsev kawm ntawv cov psychologists, cov neeg muaj peev xwm thiab tseem ceeb ua pab pawg ntawm tsev kawm ntawv los txhawb cov tub ntxhais kawm ntawv kev muaj peev xwm kawm ntau ntawv thiab cov xib fwb kev muaj peev xwm qhia tau ntawv. Lawv siv lawv tej kev txawj txug rau fab kev nyob nyab xeeb ntawm hlwb, kev kawm, thiab xeeb ceem, los pab cov tub ntxhais kawm ntawv kawm, haum xeeb, coj xeeb ceem, thiab nyob nyab xeeb ntawm kev xav thiab lub cev ntaj ntsug kom tau mus zoo. Tsev kawm ntawv cov psychologists koom tes nrog rau cov tsev neeg/neeg saib xyuas, cov xib fwb, cov thawj coj ntawm tsev kawm ntawv, thiab lwm cov neeg paub tab los ua kom tau tej chaw kawm ntawm cheeb tsam ruaj khov, nyab xeeb, thiab txhawb nqa uas kom ua rau kev sib txuas lus thiab sib raug zoo los ntawm tsev, tsev kawm ntawv thiab lub zej zog. Cov kev pab cuam thiab txhawb nqa no teb zaum kuj muaj xws li: > Kev pab cuam los ntawm sib tham txog kev nyob nyab xeeb— pab/tham nrog ib tug los yog ib pawg ntawm cov tub ntxhais kawm ntawv, raws nraim li HIPPA txoj cai saib video hauv online los yog hauv xov tooj, los txhawb kev daws teeb meem, kev tswj kev npau taws, kev tsis sib haum xeeb, kev tswj tus kheej kom tus, kev nyiaj ntxeem, lwm yam. > Koom tes nrog cov neeg ua hauj lwm rau kev noj qab nyob nyab xeeb, nrog rau tsev kawm ntawv cov kws txawj txug ntawm kev nyab xeeb rau hlwb, cov kws sab laj kev kawm (counselors), tsev kawm ntawv cov neeg pab tib neeg (social workers), cov kws kho neeg kom haum xeeb (restorative practices counselors) thiab Theem 2 cov kws txawj txug (Tier 2 Specialists) saum huab cua/online. > Kev pab ncaj qha rau hauv paus tsev kawm ntawv kev daws xwm txheej tam sim ntawd, xws li soj ntsuam txog kev txov tus kheej txoj sia thiab soj ntsuam txog kev hawv, uas siv tej kev pab cuam no nyob rau saum huab cua/online. > Muab kev pab thiab tham ncaj qha nrog tsev kawm ntawv cov neeg ua hauj lwm txog kev pab rau kev kawm ntawv thiab txhawb kev coj xeeb ceem zoo nyob rau ntau theem kev txhawb rau qhov kev kawm online los yog kev kawm nyob hauv chav kawm > Kev sib koom ua ib pab pawg los daws teem meem nyob rau tom cov tsev kawm ntawv, muaj xws li kev txhawb nqa kev coj xeeb ceem



zoo thoob plaws tsev kawm ntawv thiab paub txog cov tub ntxhais kawm ntawv uas muaj feem yuav muaj kev cov nyom rau ntawm lawv > Txuas nrog cov tsev neeg/neeg saib xyuas thiab ua ntaub ntawv xa mus cuag cov neeg muab kev pab cuam tom lub zej zog, ntxiv rau saib xyuas cov kev pab cuam ntawd nrog pawg neeg tom tsev kawm ntawv > Cov kev pab rau kev kawm— sab laj nrog rau cov neeg ua hauj lwm txog cov kev pab rau kev kawm thiab ua daim ntawv xa mus cuag rau cov kev pab rau kev kawm ntawv tshwj xeeb rau cov tub ntxhais kawm ntawv nyob rau hauv chav kawm rau txhua leej txhua tus. > Pab cov tsev kawm ntawv rau kev khaws cov ntaub ntawv, soj ntsuam, thiab tshawb xyuas kev kawm thiab seb kev kawm tau zoo li cas ntawm tus tub ntxhais kawm ntawv > Muab kev qhia rau tsev kawm ntawv cov neeg ua hauj lwm txog kev tim tsum rau kev nyuaj siab ntxhov plawv thiab kev tiv thaiv kev txov tus kheej txoj sia > Sawv cev ua ib tug thawj coj rau kev kawm ntawv tshwj xeeb nyob rau tom cov tsev kawm ntawv los kom paub meej tias tub ntxhais kawm ntawv uas muaj lawv daim IEPs tau txais kev kawm thiab kev pab cuam zoo los pab rau lawv txoj kev kawm ntawv kom muaj yeej Tsev Kawm Ntawv Cov Kws Kho Neeg Haum Xeeb (Restorative Practices School Counselors) Txoj dej num ntawm Tsev Kawm Ntawv Cov Kws Kho Neeg Haum Xeeb (Restorative Practices School Counselor) ua hauj lwm nrog cov tub ntxhais kawm ntawv thiab cov neeg laus los mus muab kev pab rau kev daws teeb meem thiab txhim kho kom txhob muaj kev raug mob hauv chav kawm thiab lub zej zog. Cov kws sab laj no yuav ua hauj lwm nrog rau lwm tus neeg ntawm pab neeg pab rau kev nyuaj siab ntxhov plawv los mus muab txoj kev pab li nram qa no: Muab Kev Pab Saum Huab Cua/Online > Muab kev pab rau kev noj qab nyob nyeeb xeeb rau ib tug los yog ib pawg neeg me me twg raws li lawv kev coj, thiab kev pab cuam daws kev mob siab, ntshai thiab pab rau kev saib xyuas kev ua hauj lwm rau cov neeg txais kev pab > Tswj koob tsheej kev cob qhia, cov Koob Tsheej/Vaj voog Rau Kev Kho Kom Haum Xeeb (Restorative Conferences/Circles), Kev Pab Cuam (Mediation), cov Vaj Voog Rov Qab Tuaj (Re-entry Circles), thiab cov Vaj Voog Tos Txais (Welcome Circles) Saib Ntsoov Cov Kev Pab > Ntsuas tub ntxhais kawm ntawv kev noj qab nyob nyab xeeb (cov ntaub ntawv nug [kev soj ntsuam]) ua ntej/tom qab muab kev pab rau > Ntaub ntawv ntawm ATLAS Lub Tuam Chaw Kev Noj Qab Haus Huv muab kev pab tseem ceeb txog ntawm kev nyab xeeb ntawm hlwb rau cov tub ntxhais kawm ntawv, cov tsev neeg/neeg saib xyuas thiab cov neeg ua hauj lwm nyob rau chaw kawm ntawv. Chaw Noj Qab Haus Huv yuav muab kev pab rau



kev los nrhiav, kho, xa mus rau kev pab cuam thiab soj qab mus saib xyuas cov tub ntxhais kawm ntawv uas muaj kev tim tsum txog kev nyab xeeb ntawm hlwb thiab pab hais kom tau kev pab rau kev nyab xeeb ntawm hlwb. Lub tsev kawm ntawv tus neeg muaj ntaub ntawv saib mob nkeeg (school nurse) yog ib tug neeg muab kev pab cuam tseem ceeb los pab neeg ua hauj lwm tom tsev kawm ntawv kom nkag siab txog ntau yam teem meeb cuam tshuam txog kev nyab xeeb ntawm hlwb thiab pab txo tej yam kev hais tsis zoo thiab tsis yog ntawm kev mob nkeeg txog ntawm hlwb. Lub tsev kawm ntawv tus neeg muaj ntaub ntawv saib mob nkeeg (Credentialed School Nurses) yuav muab kev pab/koom hauv online/video nrog cov tub ntxhais kawm ntawv thiab cov niam txiv los daws tej teem meem ntawm kev noj qab haus huv. Cov neej ua hauj lwm tom tsev kawm ntawv thiab cov neeg kho mob nkeeg thiab kho kev nyab xeeb ntawm hlwb kuj soj xyuas txog kev tim tsum kev pab ntawm kev nyab xeeb ntawm hlwb, los pib ua tej ntaub ntawv xa mus cuag kev pab cuam, thiab los tsim ib daim kev npaj thiab ua raws li qhov kev npaj ntawd los muab kev pab rau tom tsev kawm ntawv los yog thaum cov tub ntxhais kawm ntawv rov qab tuaj tom tsev kawm ntawv dua lawm. Cov kev npaj no kuj yog ib qho ntawm qhov Khoom Kas Kev Kawm Ntawv rau Ib Tug Twg (IEP), Tsev Kawm Ntawv kev Npaj rau Kev Pab ntawm Kev Noj Qab Haus Huv ntawm Ib Tug Twg (ISHP) los yog qhov Section 504 Plan. Chav fai nuj qhov sij hawm caij sib ntsib saum huab cua/online muaj los uas ib qho kev pab rau kev noj qab haus huv rau cov tsev kawm ntawv, ua hauj lwm nrog rau cov neeg ua hauj lwm tom tsev kawm ntawv los tsim tej kev los muab thiab txhawb cov tub ntxhais kawm ntawv kev noj qab haus huv, thiab txuas/ntsib cov tsev neeg saum huab cua ntawm Skype. Pab/Txhawb Nqa Cov Neeg ua Hauj Lwm Hauv Paus Tsev Kawm Ntawv thiab Cov Txwj Laug Tswj Kev Noj Qab Hauv Huv (District and Joint Health Management Board [Risk Management]) Hauv Paus Tsev Kawm Ntawv thiab nws Cov Txwj Laug Tswj Kev Noj Qab Haus Huv yuav pab/txhawb kev noj qab nyob nyab xeem ntawm hlwb, cev ntaj ntsug, thiab kev haum xeeb thiab kev xav txuas ntxiv mus rau cov neej ua hauj lwm, los muab kom tau cov kev pab cuam kom tau txais kev noj qab haus huv. Pom raug tias muaj ntau yam kev nyuaj txog ntawm kev noj qab haus huv thiab kev pab rau kev noj qab nyob nyab xeeb vim kev pab cuam tsawg lawm ntau vim yog COVID-19, txawm tias raug rau ncaj qha los tsis caj, cov kev pab/txhawb cov neeg ua hauj lwm tau muaj raws li, tab sis kuj tsis tag rau cov nram qab no: > Neeg ua hauj lwm tsis tau them qhov nyiaj (co-pay) txais kev pab saum huab cua/online rau kev noj qab haus huv rau txhua yam mob nkeeg txawm tias mob vim yog COVID-19 los tsis yog > Qhia thiab txhawb cov kev pab cuam saum huab cua/online ntawm kev nyuaj siab ntxov plawv > Cov hwv tsam muaj nyob hauv on-line rau cov neeg ua hauj lwm thiab cov twb so hauj lwm lawm los qoj ib ce/dhia (exercise) > Txhawb kev pab cuam los ntawm lub khoom kas Kev Pab Neeg Ua Hauj Lwm (EAP) ntxiv mus



Dhau ntawd lawm, Hauv Paus Tsev Kawm Ntawv thiab Cov Txwj Laug Tswj Kev Noj Qab Haus Huv ua tib zoo saib ntxoov cov neeg hauv xeeb thiab cov neeg tos ntsoov lawv (dependent) kev siv cov kev pab cuam los soj ntsuam txog kev tim tsum kev pab txuas ntxiv. Peb (3) qho kev ntsuas los saib tag nrho cov kev pab cuam ntawm tshuaj muaj tam sim no nyob hauv peb qhov PPO data dashboard lawm. Cov kev ntsuas no muaj xws li tej cov kev pab cuam tau muab nyob saum huab cua/online, piv xam li yog chav fai kev sib ntsib thiab sib tham, hu xov tooj sib tham/xyuas/ntsib hauv chav fai, sib xyuas hauv computer, soj xyuas saib neeg mob nkeeg hauv online, thiab kev tswj/xyuas raws li ib txwm ua los lawm. Ntxiv ntawd, Tiv Thaiv & Daws Teem Meem (DPI) thiab Kev Kawm Ntawv Tshwj Xeeb (Special Education) yuav koom muab ib lub hwv tsam koom ua lub koob tsheeb rau cov xib fwb nyob rau lub 8 hli, muaj npe hu tias “Saib Xyuas Tus Kheej rau Cov Neeg Laus (Self Care for Adults)” los txhawb kev noj qab nyob nyab xeeb rau neeg txawj txug nyob rau thaum pib xyoo tshiab kawm ntawv no. Kev Kawm Nthuav Dav (Professional Development) Kev kawm nthuav dab yog qhia los ntawm peb cov Kws Txawj Txug paub txog faim Huab Cua thiab Kab Lig Kev Cai yuav ua raws li tej kev pab rau kev Noj Qab Nyob Nyab Xeeb zoo (Trauma-Informed Practices [TIP]). Qhov no yog los tsim kom tau chav kawm ntawv zoo thiab ywj pheej, muaj kev sib raug zoo, lub zej zog zoo, thiab qhia kev paub coj tus, sib hwm thiab muaj kev noj qab nyob nyab xeeb (piv txwv li, nyiaj ntxeem, nkag siab txog lwm tus, paub txog tus kheej thiab paub cai, txiav txim tau siab). Nyob rau lub 8 hli, cov xib fwb yuav tau cov hwv tsam mus koom kev kawm nthuav dav nyob saum huab cua/online uas qhia txog TSWV YIM (TIP) muaj xws li: > Npaj rau kev Muaj Yeej! Tsim Kev Npaj kom Zoo nrog rau Kev Noj Qab Haus Huv thiab Ywj Pheej nyob rau ntawm kev xav > Tsim cov Chaw uas Pab/Txhawb cov Tub Ntxhais Kawm Ntawv uas tau ntsib kev Nyuaj Siab Ntxhov Plawv los lawd > SEL Cov Niam Tswv Yim los Txhawb Tub Ntxhais Kawm Ntawv kev Nyab Xeeb > Kev Txuas Los Ntawm Kev Sib Koom Ua Ke Ua Vaj Voog Hauv Chav Kawm los ntawm eLearning Nyob rau thaum caij Nplooj Ntoo Zeeg, ib sob kev kawm yuav muaj rau cov xib fwb thiab rau cov thawj coj kom sawv daws paub tias “trauma” yog dab tsi, nws ho ua li cas rau tib neeg, ua tus neeg paub tias kev paub txog “trauma” zoo li cas, thiab COVID-19 ho ua rau tib neeg muaj “trauma” li cas. Kev los txhawb rau cov tub ntxhais kawm ntawv kev hloov rov qab tuaj kawm ntawv dua, cov xib fwb yuav siv zog heev los muab kev qhia ntawv los qhia kev tsim kho lub zej zog thiab qhia SEL cov kev qhia nyob rau thawj thawj 3 lub lis piam kev rov qab tuaj kawm ntawv. Cov neeg ua hauj lwm los pab kev noj qab nyob nyab xeeb (piv txwv li, cov neeg ua hauj lwm pab tib neeg, cov kws kho neeg kom haum xeeb, cov neeg pab rau tub ntxhais kawm ntawv txoj kev mus kawm ntawv, thiab cov neeg muab kev pab rau xeeb ceem) twb tau txais kev kawm/cob qhia txog ntawm TIP ua ntej lawm. Lawv yuav tau txais kev kawm nthuav dav txuas ntxiv mus tas li. Lawv muab kev pab



cuam/daws teeb meem uas twb muaj tim tseeb qhia tias pab tau zoo heev los lawd, nrog rau TIP xws li yog SEL cov kev qhia, saib tus neeg peev xwm ua tau, txhawb qhov zoo ntawm kev sib raug zoo, thiab qhia tej yam kom lub hlwb ua hauj lwm zoo (piv txwv li, kawm txog lub hlwb thiab kev xav). Ntxiv ntawd lawm, yuav kom los pab tau cov tub ntxhais kawm ntawv kom muaj kev noj qab nyob nyab xeeb zoo vim yog kev cov nyom los ntawv COVID-19, cov kev pab cuam los ntawv cov neeg pab rau kev haum xeeb twb tau muab kho kom muaj kev pab cuam/tham/txhawb kev noj qab nyob nyab xeeb los daws lawv tej kev nyuaj siab, ntxhov siab, tu siab, thiab ntshai uas los ntawm COVID-19. Cov kev pab cuam muaj kho thiab pab txuas ntxiv los ntawm tsev kawm ntawv cov neeg ua hauj lwm pab tib neeg (Clinical Social Workers). Kev kawm nthuav dav kuj muab txog ntawm tej kev ceeb/ntshai, tu siab, thiab ploj nruam. Cov kev pab cuam uas muab rau cov tub ntxhais kawm ntawv muaj xws li kev noj qab haus huv tham saum cua nrog ib leej thiab tej pab pawg kev sib tham/pab. Kev tswj/saib xyuas kev ua hauj lwm rau cov neeg txais kev pab yuav muab rau cov tub ntxhais kawm ntawv nrog rau kev muaj peev xwm xa lawv mus rau cov koom haum muab kev pab cuam rau kev nyab xeeb ntawm hlub/kev nyuaj siab ntxhov plawv thiab daws kev quav yeeb tshuaj. Tsev kawm ntawv cov neeg ua hauj lwm pab tib neeg (Clinical Social Workers) yuav muab kev pab rau cov neeg ua hauj lwm thiab ua ntaub ntawv xa lawm mus rau Hauv Paus Tsev Kawm Ntawv lub Khoom Kas Pab Neeg Ua Hauj Lwm (EAP) thiab haj tseem muaj peev xwm xa lawv mus rau lub koom haum Care Solace uas muab tau kev pab cuam saum huab cua/online txog kev nyab xeeb ntawm hlwb/kev nyuaj siab ntxhov plawv, tshwj xeeb yog pab raws li tus neeg ua hauj lwm daim ntawv kho mob (medicall insurance) thiab pab teem caij thiab daws lwm yam kev nyuaj uas ua rau lawv tsis tau txais kev pab. Muaj ntau cov kev kawm rau cov neeg ua hauj lwm txog kev tu/saib xyuas tus kheej kom zoo xws li yog tswv yim ua kom noj qab nyob nyab xeeb los txo kev dhuav hauj lwm, nkees tsis xav ua hauj lwm, thiab tswj kev nyuaj siab. Nyob rau thaum lub 4 hli, twb tsim tau ib pawg neeg ntawm cheeb tsam los muab kev pab/txhawb lawm. Qhov kev tsim ntawm Theem II/III Pawg ntawv Cheeb Tsam muaj peev xwb cia neeg txawj uas ua hauj lwm los muab kev pab rau cov tsev neeg kom ntau, txhij thiab zoo tuaj. Kev siv cov pawg neeg ua hauj lwm no yog los muab kom tau cov kev pab zoo dua qub thiab kom cov tub ntxhais kawm ntawv thiab cov tsev neeg tau txais cov kev pab cuam vim yog “trauma.” Koom tes nrog rau Fresno County Superintendent of Schools (FCSS), hauv paus tsev kawm ntawv koom tes nrog rau lub khoom kas Tag Nrho Rau Cov Hluas (All 4 Youth), uas yog lub khoos kas muab kev pab cuam txog kev nyab xeeb ntawm xeeb ceem, uas cov neeg ua hauj lwm (clinician) muab kev pab cuam rau ib tug, ib tse neeg, thiab ib pawg. Kev ua ntaub ntawv xa mus muab kev pab cuam muaj ntau txoj ncauj xub ke, xwb li yog los ntawm tus kheej, ntawm cov neeg ua hauj lwm hauv tsev kawm ntawv, thiab cov tib neeg ntawm tej tse neeg. Tag nrho cov tsev kawm ntawv muaj peev xwb ua tau ntaub ntawv xa mus txais kev pab ntawm lub khoos kas Tag Nrho Rau Cov Hluas (All 4 Youth). Tab sis, kev ua hauj lwm tam sim no tsuas muaj rau ntawm 18 lub tsev kawm ntawv nyob qib qis (elementary) xwb. Cov tsev kawm ntawv no yuav tau txais 6 teev (hours) txog kev kawm nyob rau ntawm kev nyuam siab ntxov plawv (trauma) thiab kev qhuab qhia/rau txim, nyiaj ntxeem kev nyuaj siab, thiab tsim cov chav qhia ntawv ua paub txog “trauma.”

Tub Ntxhais Kawm Ntawv Kev Koom Tes thiab Kev Mus Cuag [Ib qho kev tshab txhais qhia txog tub ntxhais kev koom tes thiab kev mus cuag, xws li cov txheej txheem ntawm cov tswv yim rau kev koom tes ntawm cov tub ntxhais kawm ntawv uas tsis mus koom rau kev kawm ntawv deb, thiab seb Lub Koom Haum Kev Kawm Hauv Cheeb Tsam (LEA) yuav mus cuag rau cov tub ntxhais kawm ntawv thiab lawv cov niam txiv los yog neeg saib xyuas li cas, xws li cov lus lawv siv uas txawv



tshaj lus As Kiv, thaum cov tub ntxhais kawm ntawv ua tsis tau li cov kev tim tsum kom muaj kev mus kawm ntawv, los yog hais tias Lub Koom Haum Kev Kawm Hauv Cheeb Tsam (LEA) qhia tias tus tub ntxhais kawm ntawv tsis muaj kev koom tes rau kev qhia ntawv thiab muaj feem yuav poob kev kawm.]

[Teb rau ntawm no]

Tsev Kawm Ntawv Kev Noj Zaub Mov [Ib qho kev tshab txhais qhia txog tias LEA yuav ua li cas muab tau cov zaub mov ntsim nyog rau tag nrho cov tub ntxhais kawm ntawv noj, xws li cov tub ntxhais kawm ntawv uas muaj feem tau txais kev noj mov dawb los yog them tsawg, thaum lawv tuaj kawm ntawv tom tsev kawm ntawv thiab thaum kawm ntawv kev deb, raws li ua tau.]

Hauv paus tsev kawm ntawv lub chaw Ua Zaub Mov yuav siv tus qauv muab zaub mov uas pib thaum lub 3 hli tim 16 txuas ntxiv. Qhov tseem ntsiab yog los muab kom tau tshais thiab su tab sis yuav kom ua raws txoj cai sib nrug deb. Tus qauv los muab zaub mov noj kuj txawv ib lub tsev kawm ntawv rau ib lub, raws qho kev lawv tsim lub tsev kawm ntawv ntawd: tsav tsheb dhau mus muab zaub mov noj, tsav tsheb mus nres rau ntawm sab kev, mus kev taw rau tom chav noj mov es mus nqa, lwm yam. Tsev kawm ntawv cov cai nqa zaub mov kom muaj kev ruaj ntseg muaj raws li nram qab no: > Cov neeg ua hauj lwm yuav tsum tau ntsuas lawv tus kheej txog kev noj qab haus huv txhua txhua hnub ua ntej tuaj ua hauj lwm > Cov neeg ua hauj lwm yuav tau muaj ntaub npog ntsej muag, ua muab los ntawm hauv paus tsev kawm ntawv, yog tim tsum > Cov Neeg ua hauj lwm yuav tau nyob nrug deb li ntawm 6 kauj ruam > Tshuaj ntxuav tes thiab hnab looj tes muab rau tag nrho cov neeg ua hauj lwm kom siv nyob rau ntawm cov chaw muab zaub mov > Xav kom cov neeg tuaj nqa zaub mov coj ntaub nplog ntsej muag > Zaub mov tau muab ntim rau hauv hnab thiab tso rau saum rooj ces cia li tuaj nqa xwb los yog qhib po tw tsheb es muab tso rau nrad, ua li ntawd thiaj txuag tau kev sib nrug deb > Nyob ntawm cov chaw uas cov neeg ua hauj lwm muab cov zaub mov uas ntim hnab cev rau cov tuaj nqa zaub mov nyob hauv tsheb, lawv yuav cev deb li ntawm ib sab npab nrog rau kev coj hnab looj tes; cov neeg ua hauj lwm yuav tsis los ze thiab xauj rau qhov rais tsheb > Rau cov ua tej kab mus nqa, cov neeg mus nqa zaub mov ua ib kab nrug deb yam tsawg yog 6 kaum ruam ntawm ib tug neeg, thiab cov zaub mov uas ntim hauv hnab yuav muab tso rau saum rooj nrog rau cov neeg ua hauj lwm sawv, yam tsawg yog 6 kaum ruam deb > Cov cim qhia kom nyob sib nrug deb (piv txwv li, ntaub nplaum lo rau saum txoj kev) ua qhov cim qhia rau cov neeg ua hauj lwm thiab tsev neeg kom nco ntsoov nyob sib nrug Nyob rau thaum so rau lub caij ntuj sov, cov pluas mov muaj muab rau ntawm 22 qhov chaw. Thaum pib kawm ntawv, tau muaj kev nthuav dav kev faib zaub mob rau 63 lub tsev kawm ntawv uas hauv paus tsev kawm ntawv ib txwm muaj 95 qhov chaw muab zaub mov. Pluas



tshais thiab su yuav raug muab faib rau tib lub caij pib thaum 7-9 teev sawv ntxov nrog rau kev ua kom raws li tsev kawm ntawv kev qhia ntawv thiab sij hawm. Cov thawj coj ua hauj lwm ze, nrog nraim peb koom haum saib cov neeg ua hauj lwm (CSEA) kom muaj lub khoos kas muab zaub mov zoo thiab tsim nyog. Hauv Paus Tsev Kawm Ntawv Fresno yuav muaj tus qauv no kom txog rau thaum cov tsev kawm ntawv rov qhib rau kev qhia ntawv tim ntsej tim muag rau hauv tsev kawm ntawv. Nyob rau lub sij hawm no cov zaub mov yuav muaj rau cov tub ntxhais kawm ntawv hauv tsev kawm ntawv thiab cov uas raug xaiv mus koom rau kev kawm kev deb. Kev ruaj ntseg yuav muaj txuas ntxiv uas yog qhov tseem ceeb tshaj rau thaum lub caij tuaj kawm ntawv tim ntsej tim muag hauv tsev kawm ntawv. Cov caiv kev ruaj ntseg uas cov neeg ua hauj lwm tau ua los yuav muaj txuas ntxiv thaum cov tub ntxhais kawm ntawv pauv tuaj kawm rau hauv cov tsev kawm ntawv. Npog qhov ncauj qhov ntswg, kev nyob sib nrug deb, coj hnab looj tes, ntxuav tes thiab muab tshuaj ntxuav tes yuav muaj txuas ntxiv rau peb cov neeg faib zaub mov. Qhov chaw noj mov (cafeterias) yuav muaj kev kev qhia nyob sib nrug nrog rau cov cim qhia kev. Muaj qhov chaw noj mov rau sab nraum zoov kom ntau thiab cov zaub mov yuav raug muab ntim kom nqa mus tau. Thaum peb pauv tuaj kawm ntawv rau hauv tsev kawm ntawv, hauv paus tsev kawm ntawv yuav muaj faib zaub mov txuas ntxiv txhua hnub rau cov tub ntxhais kawm ntawv uas xaiv txoj kev kawm kev deb. Fresno Hauv Paus Tsev Kawm Ntawv yuav siv tus qauv no kom txog thaum cov tsev kawm rov qab qhib qhia ntawv rau cov tub ntxhais kawm ntawv tuaj kawm hauv chav kawm tom tsev kawm ntawv dua. Txog thaum ntawd, zaub mov yuav muaj rau cov tub ntxhais kawm ntawv tuaj kawm ntawv noj thiab muaj rau cov kawm ntawv deb huv tib si. Fresno Hauv Paus Tsev Kawm Ntawv twb tau muab ntau tshaj li ntawm 3.5 lab qhov zaub mov (tshais thiab su) txij li thaum kaw tsev kawm ntawv nyob rau thaum lub 3 hlis tim 16, 2020. Dhau ntawd lawm, kuj muaj zaub mov nyob hauv tsheb van txias txias uas yog tau kev koom tes los ntawv lub koom haum Live Again Fesno, thauj mus muab rau cov tub ntxhais kawm ntawv uas nyob rau cov cheeb tsam hauv lub zej zog uas tsis muaj kev ruaj ntseg rau lawv taug kaw taw tuaj tom tsev kawm ntawv vim yog yeeb tshuaj thiab kev nyiag/yuav tib neeg. Muaj tshais thiab su txhua hnub rau cov tub ntxhais kawm ntawv uas nyob rau cov chaw rau neeg raug tsim txom los ntawm tus txiv/poj niam/khub. Ntxiv ntawd, Fresno Hauv Paus Tsev Kawm Ntawv kuj xa zaub mov mus rau cov tub ntxhais kawm ntawv uas tsis taus es lawv tsev neeg tsis muaj peev xwm tuaj nqa tau zaub mov tom cov chaw muab zaub mov. Lub khoom kas muab zaub mov muaj txuas ntxiv rau thaum lub lis piam so (spring break) ntawm lub caij nplooj ntoo hlav thiab muaj thoob plaws rau thaum lub caij ntuj so, uas hauv paus tsev kawm ntawv kuj tau raug them nyiaj tshaj ntxiv rau cov neeg ua hauj lwm muab zaub mov vim qhov no tsis nyob rau lawv daim ntaub ntawv tau pom zoo thiab tsis yog sij hawm rau peb cov neeg ua hauj lwm los muab zaum mov. Tau muab zaub mov ntau me ntsis ua ntev los taj cov hnub so (holidays) vim tias tsis muaj muab zaub mov rau cov hnub so (holidays) li.



Cov Kev Qis Tes Ua Ntxiv los Siv Daim Kev Npaj rau Kev Kawm Txuas Ntxiv [ntxiv dua kab tshiab thiab kev nqis tes ua rau yog tim tsum]

Kev Pab Cuam Nce los yog Zoo Dua rau Cov Hluas Nyob Tsev Niam Qhuav Txiv Qhuav, Cov Neeg Kawm As Kiv, thiab Cov Tub Ntxhais Kawm Ntawv uas Tau Nyiaj Tsawg Fee Pua ntawm kev Pab Cuam Nce los yog Zoo Dua

Nce Me Ntsis/Ib Qhov Los Ntawm Kev Sau Npe Kawm ntawm Cov Hluas Nyob Tsev Niam Qhuav Txiv Qhuav, Cov Neeg Kawm As Kiv, the Cov Tub Ntxhais Kawm Ntawv uas Tau Nyiaj Tsawg

[Sau Fee Pua rau ntawm no]% [Muab nyiaj tso rau ntawm no]

Yuav Tsum Muaj KevTshab Txais/Qhia [Cov kev nqis tes ua muab thoob plaws rau lub tsev kawm ntawv, los yog thoob plaws hauv paus tsev kawm ntawv los yog county office of education (COE), ib qho kev tshab txhais qhia txog (1) yuav ua li cas los muab kev pab cuam rau cov hluas nyob tsev niam qhuav txiv qhuav,

Seem Tshab Txhais/Qhai Tag Nrho

Nyiaj Txiag Pab Los

[Seem ntawm qhov Kev Npaj Kev Kawm Txuas Ntxiv txog qhov kev piav qhia kev nqis tes; muab sau hais tias N/A yog hais tias qhov kev nqis tes tsis raug rau seem ntawv]


[$ 0.00] [Y/N]

[Qhov seem ntawm Kev Npaj Kev Kawm Txuas Ntxiv piav qhia kev nqis tes; The section of the Learning Continuity Plan related to the action described; muab sau hais tias N/A yog hais tias qhov kev nqis tes tsis raug rau seem ntawv]


[$ 0.00] [Y/N]



cov neeg kawm As Kiv thiab cov tub ntxhais kawm ntawv uas tau nyiaj tsawg ua ntej, thiab (2) cov kev nqis tes ua no pab tau zoo npaum li cas rau cov tub ntxhais kawm ntawv no cov kev tim tsum.]

[Muab kev tshab txhais/qhia rau ntawm no]

[Ib qho kev tshab txhais qhia txog tias ua li cas cov kev pab cuam rau cov hluas nyob tsev niam qhuav txiv qhuav, cov neeg kawm As Kiv thiab cov tub ntxhais kawm ntawv uas tau nyiaj tsawg thiaj li nce los yog zoo dua los ntawm feem pua.]

[Muab kev tshab txhais/qhia rau ntawm no]

Cov Ntaub Ntawv Kev Qhia Rau Cov Koom Haum thiab Pej [email protected]...

Documents

Transcript of Cov Ntaub Ntawv Kev Qhia Rau Cov Koom Haum thiab Pej [email protected]...