ANG UNANG ADLAWMoluhd sa atubangan sa altar o sa larawan ni San Jose nga mahimayaon ug ihalad ta ang atong mga pag-ampo ug mga hunahuna sa labing dakung himaya sa pagtahud kang Maria Santisima ug sa paghinangop kang San Jose ug muingon kita;Tungod sa timaan etc., ug dayon pangadyeon ang Ginoong Jesukristo,Dios ug tawo nga matuod etc.PAG-AMPOSA ADLAWNG TANANMahimayaon nga Patriarca Seor San Jose,esposo ni Maria Santisima,pinaka Amahan ni Jesus nga atong kinabuhi,ug manlalaban namo nagahapa kami sa imong mga tiil ug nagahalad kanimo sa pipito ka Amahan Namo ug pipito ka Maghimaya ka Maria ug Gloria Patri sa paghinumdum ug pagtahud sa mga punoan nga kasakit ug kalipay nga gibati mo dinhi niining kinabuhi ingun man usab tungod sa kanunay nga kasubo nga gibati mo sa pagpalandong sa lawas nga walay buling ni Jesus nga bata ,nga sa ulahi nga adlaw sa ubos sakiton sa daku nga mga kasakit, pagaduphon nga tungod usab sa dakung kasakit sa kasingkasing mo sa pagbulag kang Jesus ug sa iyang Santos nga Inahansa imong ikamatay ;ingun man usab tungod sa kalipay nga daku sa imong kasingkasing sa pagpalandong sa mga bunga nga matam-is sa grasya ug sa pagka Santos nga hiambitansa mga tawo, sa kahoy nga Santos sa Cruz, ug sa pagtambong kanimo ni Jesus nga maayo ug sa Inahan niya nga mahigugmaon sa oras sa among ikamatay; busa nagahangyo kami sa imong paglaban ug nangmuyo nga idangat mo kami sa kamahalan nga diosnon sa mga grasya nga gitugot sa imong kalolot sa mga tawo nga nagadevocion kanimo ug ingun man usab ang pangayuon namu sa Dios labi nga angay sa iyang dakung himaya, sa pagtahud kanimo ug sa kaayohan sa among mga kalag. Amen Jesus,Maria y Jose.Karon pangadyeon ang pito ka Amahan namu ug pito ka Maghimaya ka Maria ug Gloria Patri.PAG-AMPOSA NAHAUNANG ADLAWSantos uyamot nga Amahan ug Patriarca Sr. San Jose tungod sa kasakit nga gibati sa kasingkasing mo sa pagtan-aw nga nanamkon sa Maria Santisima nga mahal nga esposa mo, kay bisan sa kalig-on kanimo ang dayag nga pagpakaila sa mahal nga virtudes niya ug sa hingpit niya sa pagkaulay,bisan pa ngani nakasakit kanimo ang kasayuran nga gikan sa mga mata mo, ug tungod niana imong katarungan gituyo mo dili kay isumbong mo siya, kon dili mipahawa ka ug mibulag kaniya ug kini nakasakit kaayosa kasingkasing mo;tungod sa kalipay nga gibati sa kalag mo sa ingun kanimo sa Anghel nga dili ka mahadlok, ka yang putli ug ulay uyamot nga esposa mo nga si Maria Santisima nanamkon sa Anak sa Dios, sa lalang sa grasya sa Espiritu Santo;nangamuyo kami kanimo nga ig-ampo mo kami, ug idangat kami sa atong Ginoong Dios, nga gawason mo kami sa ngatanan nga kalisod namo,aron makadawat kami dinhi niining kinabuhi sa kahusay ug kadait sulod sa among mga kalag; ug nangamuyo usab kami kanimo nga idangat mo kami sa gipangayo namu niining Novena, kon daw angay sa himaya sa Dios ug sa dungog mo.Amen.Jesus Maria y Jose. Karon ang tagsatagsa magadasig sa iyang maabut sa mga pulong ug mga pagpalandong nga labing angay sa iyang devocion, ug mangayo sa mahimayaon nga Patriarca Senyor San Jose sa grasya o kalooy nga gituyo niya.PAG-AMPO NGA KINATAPUSAN SA ADLAW NGATANANOh Dios nga walay sinugdan ug makagagahum s ngatanan, nga tungod sa imong kalooy gipili mo sa tanang mga tawo ang among Amahan Senyor San Jose arom mahimo nga esposo sa Mahal nga Birhen Maria ug magbalantay nga matinumanon sa hingpit niya nga pagkaulay, pinaka Amahan ug magbalantay ng amakugihun ni Jesus, testigos sa mga misteryo nga labi ug halawom, sinayran mo sa mga sekreto nga labing tinago; punoan ug pangulo sa imong balay ug mga sakop niya si Jesus ug si Maria, nga gibuhi niya sa singot ug kahago sa iyang lawas, giubanan niya ug gisilbihann sa ilang paghingilin ug mg akalisdanan ngatanan; gitabangan niya, ug gisagang sa padumot kanila sa mga tawo ug sa ilang peligro sa pagtuman nga hingpitsa kabubut-on nga Santos uyamot sa mga hataas nga katungdanan nga gihatag mo kaniya, ingun sa usa ka alagad nga masinugtanon tungod sa mga pahanungdan niining Patriarca nga Santos uyamot nangamuyo kami kanimo, Ginoo nga kaloy-an mo ang among kaluya ug kahangul, pasayloon mo ang among mga sala ug tagaan mo kami sa grasya nga ikatuman samga kayungdanan sa among pagkabutang ug ikatuman usab sa mga batasan nga Santos sa pagbuhat sa ngatanan nga angay sa pagsilbi kanimo ug sa pagpadayon kutob sa katapusan sa among kinabuhi aron makadawat kami sa usa ka Santos nga kamatayon ug sa katapusan dangaton namu ang bulahan nga dili matapus gihapun.Amen Jesus Maria y Jose .Ania:Exurgens Joseph a sommo fecit sicut praecepit et Angelus Domini et accepit conjugem suam.V:Constituit eum Dominum dumus suae.R:Et princepem omnis posseddionis suae.OREMUSDeus qui ineffabili providential Beatum Joseph Santisima Genitrics tuae Sponsum eligere dignatus es; praesta quaesumus,ut quem protectorem veneramur in terries intercessorem habere mereamur in coelis Qui vivis et regnas, etc.

IKADUHANG ADLAW SA PAG-AMPOSantos uyamot nga Amahan ug Patriarca Sr.San Jose nga nasubo ka sa Belen kay walay hingkit-an mo bisan sa ka balay nga pagasak-an ni Maria Santisima, ang mahal nga esposa mo; ug gidala mo didto sausa ka kamalig nga guba niadtong gabii nga katingalahan; ug sa pag-abot sa oras sa atong kapalaran gianak niya nga ulay ang Bata nga Dios tungod sa kasakit nga gibati sa kasingkasing mo sa pagtan-aw niadtong Bata nga Diosnon nga giligad sa malaksot nga ligaran sa usa ka pasungan ug giputos sa mga pobres nga noog ug gibutang sa dagami nagakurog sa katugnaw minghilak tungod sa among mga sala ug tungod sa kalipay sa imong kalag sa pagtan-aw mo sa maong gabii nga gisimba ang Batang Dios sa mga Espiritu nga langitnon;ug sa mga pastores, sa pagmatuod nila nga siya mao ang Mesias nga gisaad; nangamuyo kami kanimo nga ig-ampo kami ug idangat mo sa atong Ginoong Dios nga ang among kalag, gawas ang tanan nga pagkadautan, mahimo nga matahum nga ligaran ug puloy-anan niya nga diha magpuyo sa gihapun, sa pagpaambit kanamo sa kadait nga Santos sa langit nga gibalaod sa mga Angeles; ug nangamuyo usab kami kanimo nga idangat mo kami sa among gipangayo niining Novena, kon daw angay sa himaya sa Dios ug dungog mo. Amen. Jesus Maria y Jose.

IKATULO KA ADLAW SA PAG-AMPOSantos uyamot nga Amahan ug Patriarca Sr. San Jose tungod sa kasakit nga gibati sa kasingkasing monga ang Bata nga Dios sa ikawalo ka adlaw sa iyang pagkatawo nga Santos nagcircunsidar ingun ug tawo nga makasasala, bisan kinaiya ang pagka Santos gipakita mo nga giula ang luha lakip ang iyang mahal uyamot nga dugo sa samad nga gibuhat sa mahait nga hinagiban, ug diha gihatag kanamo sa iyang gugma nga walay kutob ang mga primicias nga bayad sa pagpanubos sa mga tawo ug tungod sa kalipay nga daku nga gibati sa imong kalag ,kon ikaw ug ang imong halangdon nga esposa nga nagangalan sa Bata sa ngalan nga matam-is ni Jesus ingon sa gipahibalo kanimo sa Anghel kay siya mao gayud ang Manunubos sa kalibutan nangamuyo kami kanimo nga atong Ginoo nga hugasan mo kami ug hinloan sa mahal uyamot nga dugo ni Jesus nga Santos uyamot ug among hinigugma; ug ipatik sa among mga kasingkasing ang ngalan niya nga matam-is uyamot ug nangamuyo kami usab kanimo nga idangat mo kami sa among gipangayo niining Novena,kon daw angay sa himaya sa Dios ug dungog mo.Amen Jesus,Maria y Jose.

IKAUPAT KA ADLAWSantos uyamot nga amahan ug Patriarka Sr.San Jose,tungod sa kasakit nga gibati sa kasingkasing mo ug sa oras sa paghalad sa Bata nga Dios sa Simbahan nadungog mo nga gitagna ni Simeon nga Santos ang daghanan nga mga kasakit nga pagaantuson ni Jesus tungod sa pagpanubos kanato sa sala ug sa kamatayon ug ingon man usab gitagana niya ang kalis sa mga kasakit nga makalagbas sa kalag ni Maria Santisima nga imong halangdon nga Esposa ug tungod sa kalipay sa imong kalag sa pagpakasayud mo nga tungod sa iyang pagpasakit ug pagpakamatay pagatumanon niya ang pagpanubos kanato nga daghanan nga mga tawo nga makadangat sa kinabuhi nga dayon tungod sa iyang Dugo nga mahal uyamot nangamuyo kami kanimo nga ig-ampo mo kami ug idangat mo sa Dios nga atong Ginoo nga mahaagum kami sa bunga sa iyang Santos nga pagpasakit ,ug nga makadangat kami sa pagdumot sa tibuok nga kasingkasing sa mga sala ngatanan; ug ingon man usab mangamuyo kami kanimo nga idangat mo kami sa among gipangayo niining Novena kon daw angay sa himaya sa Dios ug sa dungog mo.Amen Jesus.Maria y Jose.

IKALIMA KA ADLAW

Santos uyamot nga Amahan ug Patriarca Sr.San Jose ,tungod sa kasakit nga gibati sa kasingkasing mo tungod sa sugo sa Anghel minlakaw ka paingon sa Ehipto uban kang Jesus nga imong hinigugma ug sa iyang santos nga Inahan ,sa paglikay sa kabangis ni Herodes nga nagita sa Bata nga Dios sa dakung kakugi aron kuhaan niya sa kinabuhi ug nahimo nga bag-ong kasakit sa kasingkasing mo nga mahigugmaon,ang mga kahago,kahangol ug mga peligro nga giantus sa Dios nga Bata ug sa iyang halangdon nga Inahan niadtong dalan nga mapait ug hataas ug tungod sa kalipay sa imong kalag nga nakita mo diha sa pag-abut sa Ehipto nga tungud sa pag-atubang ni Jesus nga halangdon nga Hari,nangapukan sa yuta ang mga larawan,nga gipakadios sa mga tawo sa Ehipto ug ang mga yawa minggula niining mga larawan,nangamuyo kami kanimo nga ig-ampo mo kami ug idangat sa Dios nga atong Ginoo,nga gob-on niya ang mga dios-dios nga bakakon sa among gugma nga walay pulos ug sa among dautan nga kailibgon aron si Jesus lamang ang magpuyo ug maghari sa among kasingkasing ;ug mangayo usab kami kanimo nga idangat mo kami sa gipangayo namo niining Novena kon angay sa himaya sa Dios ug sa dungog mo.Amen Jesus Maria y Jose.

IKAUNOM KA ADLAWPAG-AMPO

Santos uyamot nga Amahan ug Patriarca Sr. San Jose tungod sa kasakit nga gibati sa kasingkasing mo sa paggikan sa Ehipto aron sa pagpauli sa yuta sa Israel sa ubus na mamatay si Herodes, kay nasayud ka diha sa dalan sa nagahari si Arquelao nga anak niya ,ug natahap ka nga mosunud sa kabangis sa iyang Amahan sa pagtinguha sa kamatayon sa Dios nga Bata;ug tungod sa dakong kalipay sa kalag mo kay gikuhaan ka sa Anghel ning katahap ug sa pag-abut mo sa Nazaret mingsulod ka sa imong pobre nga balay uban kang Jesus ug kang Maria ;nangamuyo kami kanimo nga ig-ampo mo kami ug idangat mo sa Dios nga atong Ginoo nga biyaan namo ang kadautan sa mga kasal-anan,aron magtagana kami sa kahiladman sa among mga kasingkasing ug usa ka hinlo nga puluy-anan nga gipuy-an ni Jesus maingon sa iyang kaugalingon nga balay,ug ingon man usab nangamuyo kami kanimo nga idangat mo kami sa gipangayo namo niining Novena kon daw angay sa himaya sa Dios ug sa dungog mo.Amen Jesus Maria y Jose.

IKAPITO KA ADLAWPAG-AMPOSantos uyamut nga Amahan ug Patriarca Seor San Jose, tungud sa kasakit nga gibati sa kasingkasing mo ,kon nawala ang Batang Dios sa may edad nga napulo ug duha ka tuig sa paggikan mo sa Jerusalem ug nakadugang sa kasakit mo,ang pagtan-aw sa dili matugkad nga kasubo sa halangdon mo nga esposa ug gihilakan ninyo nga duha ang pagkawala sa inyong hinigugma nga Jesus, ug gipangita ninyo sa tibuok nga lungsod nga puno kamo sa kamingaw ug kayugot; ug tungud sa kalipay nga daku uyamut sa imong kalag nga sa ikatulo ka adlaw,sa paghisulod ninyo ni Maria Santisima sa simbahan, hikit-an ninyo Siya nga nagapatalinghug nga mapaubsanon, ug sa iyang pagpangutana nagatoon sa mga maalam sa kaalam nga langitnon nangamuyo kami ug idangat mo sa atong Ginoong Dios nga dili kami kawad-an gihapon ni Jesus ug dili usab magpahilayo sa among mga kalag ;ug kon daw giu-la namo siya tungod sa among mga sala , idangat mo kami sa mga luha sa hingpit nga paghinulsul aron hikit-an namo siya, ug mangamuyo usab kami kanimo nga ipaninguha mo kami sa among gipangayo niining Novena kon daw angay sa himaya sa Dios ug sa dungog mo.Amen Jesus Maria y Jose

IKAWALO KA ADLAW PAG-AMPO

Santos uyamot nga Amahan ug Patriarca Seor San Jose tungod sa kanunay nga giabti sa kasingkasing mo sa pagtan-aw sa pagkatawo ug sa lawas nga hinlo ni Jesus ,atong kayo kon giatubang sa imong hunahuna sa ngatanan nga oras ang daghanan ug mapintas nga mga kasakit nga bation niya unya sa iyang Santos nga pagpasakit ug pagpakamatay sa Kruz, ug tungod sa kalipay nga daku uyamut nga gibati mo sa pagpalandong sa mga dili maiisip nga mga kaayohan sa grasya ug sa paghimaya nga danaton sa mga tawo tungod sa pagpasakit ugpagpakamatay sa atong Manunubos nagamuyo kami kanimo nga ig-ampo kami ug idangat mo sa atong Ginoong Dios ,nga mahibalo kami,magpasalamat kaniya nga mapinaubsanon tungod sa dagahanan nga mga kasakit nga giantus niya sa iyang Santos uyamot nga lawas tungud kanamo,ug nga mangusog kami pagpasakit sa among lawas nga makasasala ,sa pagpugong sa mga kailibgon namo nga dautan ug nga kauyunan namo ang pagbuot nga silingbahon sa Dios sa mga kasakit ug mga kalisud niining kinabuhi;ug nangamuyo usab kami kanimo nga idangat mo kami sa among gipangayo niining Novena kon daw angay sa himaya sa Dios ug sa dungog mo Amen. Jesus Maria y Jose.

IKASIYAM KA ADLAWPAG-AMPOSantos uyamot nga Amahan ug Patriarca Seor San Jose ,tungod sa buhi nga kasakit nga gibati sa kasingkasing mo sa kinatapusan sa imong kinabuhi, kon magabulag ka na sa matam-is ug hiligugmaon nga paghiuban kang Jesus nga atong kayo ug sa iyang Santos nga Inahan nga Esposa mo nga mahigugmaon uyamot; ug tungud sa imong kalag kon hapit na mabugto ang imong ginhawa gitambongan ka nga bulahan sa dakung gugma sa Anak ug sa iyang Inahan nga dalaygon ug gisandigan mo si Jesus sa imong pagkamatay;nangamuyo kami kanimo nga ig-ampo mo kami ug idangat mo sa Dios nga atong Ginoo,nga sa oras nga makalilisang sa among pagkamatay dili kami bulagan sa grasya sa atong Manunubos ug sa pagtabang ni Maria among Inahan o patik sa pagtabang mo kanamo ug nga dawaton ni Jesus ug ni Maria ang among katapusan nga paginhawa ingun man usab nangayo kami kanimo nga ipaninguha mo kami sa gipangayo namo niining Novena kon daw angay sa himaya sa Dios ug sa dungog mo. Amen Jesus Maria y Jose .

GOZOS

Kay sa Dios kang gipalangga Sa himayang langitnon.Jose imo kaming panlaban Sa kinabuhi ug sa kamatayon.

NAHAUNANG KASAKIT Sa nanamkon si Maria , Dili mo ang Misteryo hibaw-an, Gituyo nga mingawon Nga mobulag ka kaniya Kasakit nga dakung tuod, Makalilisang ug hatas-on.

Jose imo kaming panlaban Sa kinabuhi ug sa kamatayon.NAHAUNANG KALIPAYNagpakita ang Anghel nga Santos, Miingun dili ka mahadlok, Sa Esposa mo ang gipanamkon , Gikan sa Espiritu Santo Ang kasakit mo nabalhin,Sa kalipayan nga daku.Jose imo kaming etc.IKADUHANG KASAKITNakita mo ang Dios nga Tawo, Sa pasungan mihilakAng pagsakit na gisugdanUg giubanan mo nga mingaw,Sa Belen kasakit tuodAng buot mo nga masulob-on.Jose imo kaming etc.IKADUHANG KALIPAYAng pagkatawo sa Dios Sa mga Angheles gibalaodAng Bata ilang gisaulogGisimba uban sa mga PastorSa kalipay ka naloonKay gisimba ang Batang DiosJose imo kaming etc.

IKATOLONG KALIPAYAng kasingkasing mo nayugot Sa iyang circumcisionKay ang gina-ula nga dugoMaoy primisias sa PasyonKining kasakit nakataslopSa kalag mo ug kabubut-on.Jose imo kaming etc.IKATOLONG KALIPAYAng Bata nga Dios ug tawoMaoy sugo sa AmahanNga inyong duha ginatuman Nga paganganlan si JesusKining matam-is nga ngalanGimbut-an nga matuod.Jose imo kaming etc.IKAUPAT NGA KASAKITAng mga kasakit nga tinagna Simeon nga gilamdagan Nahimong krus sa Dios nga BataUg sa Inahan hinagiban;Kanimo ang dakung kayugot Sa kasingkasing mo nakatubos.Jose imo kaming etc.IKAUPAT NGA KALIPAYSa Dios ang dakung kalooyKanimo nagpahimuot,Kay ang tambal sa kalibutanGitugyan sa imong kamut,Kay nakalipay kanimoAng mahal nga palad namo.Jose imo kaming etc.IKALIMA NGA KASAKITSi Herodes nga mamumunoSa Batang Dios nagdumotPati ang Inahan imong gihatudSa mga lungsod sa EhiptoKining kaaway nga mabangis Sa kasingkasing mo nakalisud.Jose imo kaming etc.IKALIMA NGA KALIPAYSa pagsulod sa EhiptoSa Batang Haring LangitnonNangasukamud sa yutaAng mga Diosnon nga bakakonNatugobka sa kalipayKay ang mga yawa nadaug. Jose imo kaming etc.IKAUNOM NGA KASAKITSa namatay na si HerodesMindayonkamo pag-uli,Napuno ka sa kamingawKay naghari si ArquelaoDaku tuod ang kasakit moKay sa hinigugma ang kadaut. Jose imo kaming etc.

IKAUNOM NGA KALIPAYSa Anghel ka gibalitaanUg iya kang gipangumustaUg ang Nazaret nga bulahanGitudlo niya inyong puloy-ananTinabangan ka sa AnghelNga kanimo nakigkuyog. Jose imo kaming etc.IKAPITO NGA KASAKITAng kasakit mo nadakuKon hilakan mo nga nawalaAng Batang Dios gipalandong Ang kasubo sa InahanHapit ka na mamataySa hilabihan nga kayugot Jose imo kaming etc.IKAPITO NGA KALIPAYNangapuno kamong duha Sa kalipay ug himaya ,Kon hikit-an sa Simbahan;Ang hinigugmang Dios nga BataKanimo nagbahandi-anonKining kalipay nga matuod Jose imo kaming etc.PANGILABA KANG SAN JOSEAng mga kasakit mo ug kalipayAmo nga gayud nga ginatahudSa panlaban mo nangayoAng tanan nga mga tawoAng among kinahanglanonGitugyan sa imong kamut .

Jose imo kaming panlabananSa kinabuhi ug sa kamatayon.V.Et principem omnis possessions suae.R.Constituit eum Dominum domus suae.OREMUSSanctissimae Genitricis tuae sponsi,quaesumus Domini meritis, adjuvemur ut quod posiblitas nostra non obtinet ejus nobis interressione donetur.Qui vivis et regnas etc. ( maghalad)Kining musunod nga mga ehemplo gisumpay kay aron ang tawo nga magnovena arang makadugang sa usa ka ejemplo sa tagsa ka adlaw nga isunod sa pag-ampo nga kinatapusan sa dili pa ang Gozos._____*_______Ejemplo 1.0SA NAHAUNANG ADLAWMay usa ka tawo nga tigulang nagapuyo sa usa ka dapit sa Lyon,nga sakop sa ginharian sa Francia,sa umaabut na kaniya ang peste nga mao ang naglaglag niadtong siyudad,nga sa tuig usa ka libo unom ka gatus katloan ug walo;nangutanasiya sa Seor Kura kon wala na bay lain nga butang nga arang makaluwas sa iyang kinabuhi .Mitubag kaniya ang Seor Kura: nga wla nay lain nga bubuhaton , kon dili ang pagsaad nga magcelebrar sa tuig nga tanan sa fiesta ni Seor San Jose ,magkompisal ug magkalawat ;ug unya sa pagcelebrar o pagdayeg sa maong fiesta ,mag-andam sa paghimo sa usa ka novena, ug sa tagsa ka adlaw niini magadye sa pito ka Amahan namo ug pito ka Maghimaya ka Maria ,ug sangpiton ang Santos nga ngalan ni Jesus ug Maria ug ni Jose.Ang maayong tigulang nakatuman niining saad nga gitudlo kaniya sa Seor Kura ug gilayon naayo ang tigulang ug nawala usab ang peste sa maong lungsod.Mangadye ug usa ka Amahan namo ug usa ka maghimaya ka Maria ;nga ipahinungod sa mga matarung aron makapadayon sa mga buhat nga mayo.

Ejemplo 2.0SA IKADUHANG ADLAWMay usa ka tawo nga nakasala sa daku kayo kay naglapas man sa iyang saad ug sa tungud niini, nagadala siya niining daku nga kahadlok sa pagkompisal saiyang mga sala.Nagpuyo siya sa dugay nga tiempo sa mingaw nga pagkabutang ug nagangutngot ang iyang kasingkasing sa walay pahulay.Ug niini ginabati niya sa walay hunong ang pagkalibog sa iyang hunahuna,kon dili niya ika-asoy ang mga kasamdan sa mahitungod sa iyang kalag.Ug tungudniining pagkabutang nga masulob-on naghunahuna siya sa pagtawag kang Sr. San Jose nga tabangan siya unta sa iyang mga kaluya ug hatagan ug kakusog nga ikadaug niadtong iyang mga kaulaw.Busa naghimo siyag usa ka novena ni San Jose us sa tapus niini,gihatagan siya ug kusog ug kaisog nga arang makadaug niadtong mga kaulaw nga gialayon ningluhod siya sa tiilan sa usa ka konpesor,nga mao ang iyang pagaasoyan niadtong daku nga sala,sa walay kaulaw ug katahap.Kutub niini nga orasa gisaligan niya si san Jose sa pagbantay sa iyang kalag ug gibatasan niya gihapon ang pagsab-ong sa lawas niya sa larawanni San Jose bisansa gabii kay mao kana ang iyang gihimo nga taming batok sa mga malaw-ay nga damgo.Gibalan ni San Jose kining iyang devocion sa daghan nga mga kaayohan ingon sa gisugid sa maong tawo.Usa ka Amahan Namo ug usa ka Maghimaya ka Maria tungud sa mga makasasala arn magbalik sila sa Dios.Ejemplo 3.0SA IKATULO KA ADLAWAng talahuron nga ulipon sa Dios si Alejo Vijibano religioso,Capuchino nga namatay sa usa ka matarung nga hamili nga kamatayon ,sa haduol na siya mamatay namulong siya sa usa sa mga religioso nga nagatambong kaniya magdayeg kamo ug magsuga Nahatingala sila sa gipangayo sa masakiton.Ming-ingon ang maong masakiton, kay tungod nga ang Mahal nga Birhen u gang Esposo nga si Sr. San Jose mianhi sa pagduaw kaniya,kinahanglan nga dawaton sila sa usa ka daku nga pagtahud,sa gidagkutan na ang suga giila nila kadtong mahimayaon nga visita ,mingsinggit ang masakiton nga puno sa kalipay ug namulong: tan-awa ninyo ang Rayna sa langit,ug si San Jose nga iyang Esposo.Mangluhod kamo mga Padres ug dawaton ninyo sila sa daku nga pagtahud.Sa tapus siya mamulong niini gilayon gitugyan ang iyang kalag,sa ilang mga kamut.Ug kini nahitabo sa ikapulo ug siyam sa bulan sa Marzo,sa adlaw nga pagdayeg sa mahimayaon nga Patriarca Seor San Jose nga nagbalus sa maong religioso sa pagdevocion kaniya;mianhi sa pagkuha kaniya niining kinabuhi;aron mouban kaniya sa paghimaya sa kalipay nga dayon.Usa ka Amahan namoug usa ka Maghimaya ka Maria tungod sa mga erehes.

Ejemplo 4.0SA IKAUPAT KA ADLAWMay usa ka tawo nga bantugan nga nagdeboto kang San Jose nagbatasan siya sa pagcelebrar sa tuig nga tanan sa fiesta ni San Jose sa usa ka daku nga pagdaug.Kining tawo nga may anak siya nga totolo,ang usa kanila namatay sa adlaw sa fiesta ni San Jose ;ug sa sunod nga tuig namatay ang ikaduha sa mao man usab nga adlaw.Ug tungod niining duha ka kalisud nga nahitabo kaniya,nagahunahuna siya sa pagbiya sa pagcelebrar sa fiesta ni San Jose;natahap ang iyang buot kon ugaling mamatay usab ang iyang ikatulong anak.Ug niini nakahunahuna siya sa paglakat sa usa ka lugar nga arang nga kapahulayan sa iyang buot nga masulub-on.Ug sa maong paglakat niya nagahunahuna na siya sa mao nga kalisud,ug gihangad niya ang iyang mga mata,ug diha nakita niya ang duha ka bata nga gibitay sa usa ka kahoy;ug diha mismo nagapahayag kaniya ang usa ka Anghel nga namulong sa maingon niini: nakita mo ba kanang duha ka bata bga gibitay nianang kahoy? Pues masayod ka nga mao man unta kana ang abuton sa imong duha ka anak kon nangabuhi pa sila.Apan tungud lay ikaw may debosyon kang San Jose,nangamatay sila sa bata pa kay aron mahalikay sila sa mga kaulaw sa imong banay ug labi pang mayo hinoon kay makasiguro sila sa langit tungud niining masayon nga kamatayon.Padayonon mo ang pagcelebrar sa fiesta ni Seor San Jose ug dili ka matahap nianang imong anak nga nahabilin karon nga mahimo siya nga usa ka Obispo ug mabuhi siya sa hataas nga mga tuig.Kini nga tanan nahitabo niining mga pagtagna sa Anghel. Usa ka Amahan Namo ug usa ka Maghimaya ka Maria tungud sa mga walay bunyag.Ejemplo 5.0SA IKALIMA KA ADLAW May duha ka pobre nga religioso ni San Franscisco,nga nagasaky sila paingon sa Elandes,giabutan sila sa usa ka dakung bagyo ug nalunod ang ilang sakayan,uban ang katloan ka tawo nga pasahero nga ilang gikasakay.Sa diha na sila sa ilang pagkalunod,ang maong duha ka religioso naga-abay sa kahoy nga gitagana sa Dios kanila,ug nagalangoylangoy sila sulod sa tolo ka adlaw ug tolo ka gabii sa mga dagkong balud ug nagahulat na lamang sila sa oras sa kamatayon.Sa diha na sila sa dakung kalisud,nagatawag sila kang Seor San Jose sa gikan sa ilang kasingkasing nga ilang pagadevocionan naa bisan pa ug dunggon ang ialng mga pag-ampo ug sa wala madugay,nakita nila ang usa ka maambong nga tawo, nga matahum kayo ang dagway ug namulong kanila,dili kamo mahadlok kay magamalinaw na ang tiempo ug maluwas kamo sa kalisdanan dili kamo maunsa,ug gitudloan sila kutub sa daplin.Ug sa nahigawas na sila sa kalisud nangutana sila sa nagatudlo kon kinsa siya: ug mitubag kanila : ako si Jose nga inyong gitawag ug mianhi ako sa pagtabang kaninyo.Ug diha nangluhod sila sa iyang atubangan sa pagsimba ug pagtahud kaniya,ug ang Santos nalipay ug daku ug nag-agda kanila nga padayonon ang ilang pagdevocion ug mangadye sa matag adlaw pito ka Amahan namo ug pito ka Maghimaya ka Maria ug pito ka Gloria Patri,nga ipahinungod sa pito ka kasakit ug pito ka kalipay nga gibati niya uban si Jesus ug si Maria.Ug tapus niining mga pulong nawala ang mao nga Santos ug silanga nahabilin puno sa kalipay,ug nagasaad sila nga sa ilang mahimayaong mananabang.Usa ka Amahan namo ug usa ka Maghimaya ka Maria,tungud sa mga misionero.

Ejemplo 6.0SA IKAUNOM KA ADLAW Sa tuig usa ka libo unom ka gatus katloan ug usa, ang bukid sa Vesubio nagadilaab sa daghang mga kalayo ug mga abo ug tungud niining hitaboa mao ang mga lungsod nga haduol ug labi na kadtong gihinganlan ug Torre del Grigo.Niining lugara may nagapuyo nga usa ka babaye nga si Camilia ang iyang ngalan nga may devocion siya kang Seor San Jose ug may ginahuptan siya sa balay nga usa ka humagbos nga naga-edad sa lima ka tuig ug si Jose ang ngalan gikugos sa babaye kadtong bata kay molikay sila tungud niadtong daw baha nga kalayo nga nagabugwak sa bukid. Ug niini ginasunod sila sa kalayo ug sa ilang alagianmay nagabalabag usa ka bato nga daku nga migula sadagat,daw natunga-tunga sila sa daku nga kalisud o masunog sila sa kalayo o kon dili malumos kon molukso sa dagat.Niining malisod nga oras,ang makalolooy nga babaye nahinumdoum sa iyang Santos nga mananabang midangop siya ug namulong :San Jose gisalig ko kanimo kining bataa,tabangan mo siya.Sa tapus siya mamulong niini, gitongtong niya ang bata sa ibabaw sa bato;ug sa dakong kakulba niya minglukso sa dagat,mayo kay wala molukso sa kabukiran kon dili balas lamang sa walay bisan unsa nga nahitabo sa iyang lawas.Matuod siya nahigawas sa kalisud apan daku kayo ang iyang kamingaw ug paghinumdum sa bata sa ibabaw niadtong bato kay sa walay duhaduha masunog sa kalayo;ug nalisdan siya kay tungud nga wala siya mahibalo sa pagkabutang niadtong bata.Apan saw ala madugay nadungog niya ang usa ka tingog nga nagtawag sa iyang ngalan ,ug kining tingoga mao ang iyang humagbos nga bata nga puno sa kalipay ug miduol kaniya. Oh Dios ko,misinggit siya ug gigakus niya ang bata ,kinsa ba anak ko nga hinigugma ang nakaluwas kanimo sa kalayo nga makasunog unta kanimo? Mingtubag ang bata nga nagayuhumyuhum: Si San Jose nga mao ang sinaligan mo kanako ug mao ang nagabitbit sa akong kamut ug gibutang ako niya niining lugar nga gikitaan mo kanako. Gilayon kining devote nga si Camilia nga napun-an sa kalipay mingluhod ug nagpasalamat sa iyang Santos nga mananabang tungud niining duha ka milagro nga nagadungan sa paghitabo kaniya , ang usa tungod kay giluwas ang iyang humagbos sa kalayo nga nagasunod kanila u gang usa kay giluwas siya sa balud nga mao unta ang iyang kalumsan ,kon wala pa ang pagtabang ni Seor San Jose.Usa ka amahan nao ug usa ka Maghimaya ka Maria,tungud sa atong mga kaaway.Ejemplo 7.0SA IKAPITONG ADLAWMay usa ka comerciante nga taga Valencia nagdebosyon kang Sr.San Jose nga nagabatasan sa tuigtuig, adlaw sa Natividad sa pagkaon sa iyang lamesa,sa totolo ka pobre,usa ka lalake nga tigulang,usa ka babaye ,ug usa ka bata, tungud sa pagpasidungog ni Jesus,Maria ug Jose kay gipalandong niya nga wala gayud masayop ang gipamulong sa manunubos: ang ngatanan nga gihimo sa usa ka pobre ,ngapalandong siya nga dawaton ang mga lawas ni Jesus,Maria ug Jose.KIning maloloy-on nga comerciante nagpakita sa tapus na siya mamatay,diha sa pila ka tawo nga naga-ampo sa Dios tungud sa iyang kalag;namulong siya Sa hapit na ako mamataygiduaw ako ni Jesus Maria ug Jose nga namulong kanako:kay tungud sa buhi ka pa imo kaming gikalawat sa imong balay,karon mianhi kami kanimo sa pagdala didti sa among puloy-anan.Ug sa tapus niini gilayon gidala nila ang iyang kalag sa kahimayaan nga dayon sa langit .Bulahan ang comerciante nga mahibalo magpakalat ingon sa comerciante ug magtipig sa iyang salapi sa mga kamut ni Jesus Maria ug Jose.Usa ka Amahan namo ug usa ka Maghimaya ka Maria nga ipahinungud sa mga masakiton.

Ejemplo 8.0SA IKAWALONG ADLAW May usa ka tawong dungganan nga taga Valencia;naghupot sa dalaygon nga iyang gibatasan ang pagpangadye sa adlaw nga tanan diha sa larawan sa ni San Jose nga nagpintal sa usa ka bongbong ;apan kining tawo daw wala sa iyang buot, ang pagsulod niadtong uban nga buhat nga nahatungod sa tolohoan nga kristianos,u gang pagtuman sa mga sugo sa Dios.Kining tawo giabutan sa usa ka makusog nga balatian ,ug gikatahapan sa dako ang mga kaayuhan saiyang kalag ug lawas.Apan ang usa ka mananambalnga langitnon nga si San Jose ,mianha sa pagtabang kaniya sa tiempo nga walay paglaum ang kaayo sa iyang balatian.Ang masakiton nakakita nga dihay mingsulod sa iyang puloy-anan,usa ka lalake nga pareho gayud ug dagway sa iyang gipangadyean sa adlaw ngatanan.Kining Santos nga nagpakita: daw ingon niadtong usa ka silaw sa adlaw nga milagbas sa usa ka lugar nga mangitngit,ug gilayon nahawan ang mga kangitngitan sa iyang kalag ug giila niya ang tanan nga mga sala nga iyang nabuhat sa tiempo nga nagpangadye ,busa iyang gihinulsulan sa usa ka mapait nga pagbasul; ug naghimo siya sa usa ka mayo nga pagkompisal ug giubanan sa daghang mga luha.Ug tungud niini,takus gayud tohoan ang mismong Santos nga si San Jose nga nagauban kaniya hasta sa tiilan sa halangdon nga maghuhukom ,kay aron mao ang magatabang kaniya ,kon kinahanglan pa.Usa ka Amahan namo ug usa ka Maghimaya ka Maria nga ipahinungod sa mga tawo nga nahisalaag sa dalan nga matarung.

Ejemplo 9.0SA IKASIYAM KA ADLAW Ang talahuron nga babaye nga si Prudencia Zagnoni, relihiyosa nga nabantug sa orden ni San Francisco;ug labut pa sa iyang hataas nga mga birtudes naghupot sa bug-os nga kinabuhi ,sa usa ka mainit nga devocion kang San Jose .Sa hapit na siya mamatay gibaslan ni San Jose niining usa ka labing daku ug matam-is nga kaayoham ug sa iyang mayo nga pagkamatay ,nagtambong si San Jose kaniya ;ug sa mao nga oras nagapahayag kaniya nga naggakus sa mga bukton sa Nio Jesus,nga mao ang kalipay sa Paraiso ug ang kabuhian sa mga putli nga Kalag. Ug labut pa niini sa maong paghitabo dili arang maasoy ang mga kalipay ug himaya nga naglukop sa kasingkasing niining masakiton, tuman lamang nga pamulongon kadtong mga relihiyosa nga nagtambag kaniya nga nangalipay sa dakung himaya ,sa pagkabati nila sa maong masakiton nga nagsulti kanilang duha kang San Jose nagpasalamat tungud niining mga pagduaw nga mao ang timaan niadtong kalipay nga iyang pagahiaguman sa langit;ug sa Nio Jesus nagapasalamat man usab siya tungud nga miduaw ug maoy usa ka paghalad kaniya sa walay katapusan nga iyang hiaguman sa langit, ug ginatagana sa mga ulay nga putli nga kalag nga iyang hinigugma.Sa mga paglihok ug pagpanan-aw sa masakiton , maila nga kadtong oagkupot ni San Jose sa mga bukton sa Nio Jesus maoy usa ka larawan niadtong hamili nga kamatayon didto sa Nazaret sa mga kamut niining Diosnon nga Manunubus.Usa ka Amahan Namo ug us ka Maghimaya ka Maria nga ipahinungod sa mga himalatyon..