11. tbl. nóvember 2017
Transcript of 11. tbl. nóvember 2017
11. tbl. nóvember 2017
Skipholti 29, 105 Reykjavík Sími: 551-5166, fax: 551-5136 Netfang: [email protected] Veffang: www.kgeysir.is
Facebook: Klúbburinn Geysir
Félagar og starfsfólk við Ráðhúsið 10. október síðstliðinn
Félagar og starfsfólk komu sér í gírinn á Hrekkjavöku 26. október síðastliðinn.
2
Fullt nafn: Ján Jakub I lavsky. Aldur: 27 ára (fæddur síðla árs 1989) og er eldri en landið mitt. Hvar ertu fæddur og uppalinn? Ég er fæddur í Bratislava, en uppalinn í bænum Cífer. Þessi bæir eru í heimalandi mínu Slóvakíu, en ég fæddist í Tékkóslóvakíu (sem er ekki til lengur). Átt þú systkini? Engin. Ég er einkabarn. Er leiðinlegt að vera einkabarn? Nei, alls ekki. Ég á frænda sem er líka einkabarn og við erum eins og bræður. Eruð þið jafngamlir? Nei, alls ekki. Hann er tíu árum eldri. Fjölskylduhagir: Laus og liðugur. Menntun: Ég byrjaði í heimspeki-námi, en hætti þremur mánuðum fyrir lokapróf þar sem þetta var orðið of alvarlegt að fá háskólagráðu. Mér fannst það of mikið fyrir mig. Uppáhaldsmatur: Allt og ekkert. Ég get borðað allt. Uppáhaldslitur: Gulur. Áhugamál: Ekkert sérstakt. Les mikið og hlusta mikið á góða tónlist.
Hvað ertu búinn að vera lengi á Íslandi og í Klúbbinum Geysi? Ég kom til landsins 28. ágúst og byrjaði strax tveimur dögum seinna að vinna í klúbbhúsinu. Í mjög stuttu máli, hvað hefur þú verið að gera annað síðan þú
komst til Íslands? Ég lifi nú draum minn þar sem mig hefur lengi dreymt um að koma til Íslands. Hefur þú ferðast eitthvað um Ísland? Ekkert enn utan Reykjavíkur, nema frá flugvellinum,
sem er aðeins fyrir utan bæinn, ekki satt?! Hvað gerir þú í klúbbhúsinu? Ég er mest í eldhúsinu núna til að byrja með; að elda og hjálpa fólki, en ég hjálpa líka til í húsinu í viðgerðum og við ýmislegt annað sem þarf að gera. Hvað gerir þú í frístundunum? Mest slappa ég af og hitti vini mína
Ég lifi í draumi mínum
Ján (borið fram Jan) er nýr sjálfboðaliði í Klúbbnum Geysi. Mér fannst ekki annað hægt
en að kynnast þessum hressa unga manni og kynna hann
fyrir lesendum Litla-Hvers. Við Ján settumst niður og
eftirfarandi samtal varð niðurstaðan.
Aðeins brugðið á leik
Ján Jakub Ilavsky sjálfboðaliði í Geysi
3
fyrir utan að lesa og hlusta á tónlist. Stundum fer ég á bari og skemmti-staði til að hlusta á tónlist. Heilla íþróttir þig? Það er hægt að horfa á sumar íþróttagreinar. Ég horfi stundum á slóvakísk landslið í hvaða íþrótt sem er, en ég er lítill íþróttaáhugamaður og horfi sjaldan á íþróttir og tek ekki þátt í nokkurri íþrótt. Stundum hef ég þó gaman af því að horfa strandblak kvenna og er það eina íþróttin sem ég get horft á ef ég horfi á einhverja íþrótt. Hvað heillar þig mest að gera í framtíðinni? Ég hef enga áætlun um framtíðina heldur er ég að njóta stundarinnar og sé bara til hvernig ástandið verður. Hvernig gengur dagurinn fyrir sig hjá þér? Ég vakna seint ef ég hef ekkert að gera, en ef ég hef vekjara-klukku og ef ég þarf að mæta ein-hverstaðar vakna ég og sinni öllum skyldum mínum. Mér finnst gott að leggja mig eftir vinnu og fara síðan eitthvert út.
Hvað hefur þú lært þennan stutta tíma sem þú hefur verið á Íslandi og í sjálfboðavinnunni? Ég hef lært að aðlaga mig nýjum aðstæðum og séð uppruna minn í nýju ljósi. Átt þú einhver leyndarmál? Nei. Átt þú eitthvert lífsmottó? Já, það er að njóta lífsins eins og hægt er, taka lífinu ekki of alvarlega og vera almennilegur við annað fólk. Er eitthvað uppbyggilegt og skemmtilegt sem þú vilt segja að lokum? Lífið er fallegt eins og papaja-ávöxturinn. Ég er svolítið órökréttur og finnst gaman að grínast með lífið. Ján fær að lokum kærar þakkir fyrir þetta skemmtilega viðtal og óskir um velgengi í öllu sem hann tekur sér fyrir hendur í lífinu.
Steinar Almarsson
Jólaveisla Klúbbsins Geysis verður haldin föstudaginn 1. desember næstkomandi kl. 18:00. Eins og alltaf er miði möguleiki því hver miði gæti verið vinningsmiði fyrir einn af mörgum happadrættisvinningum sem dregið verður um. Nokkur jólalög verða sungin og er einnig von á leynigesti. Verði er stillt í hóf og er 3000 krónur.
Jólaundirbúningsnefndin ætlar að hittist til að skipuleggja jóla-skreytingar, jólakort og annað jólastúss 16. nóvember kl. 15:00 í
klúbbhúsinu. Boðið verður upp á pipakökur og kakó. Allir félagar sem áhuga hafa eru beðnir um að taka þátt í þessu skemmtilega starfi.
Jólaveislan 2017
Marteinn Már Hafsteinsson færði Klúbbnum Geysi gjafabréf að upphæð 50.000 í tilefni af fimmtugsafmæli sínu í október sl. Marteinn Már hefur verið öflugur félagi í Geysi allt frá stofnun klúbbsins og góð fyrirmynd. Klúbburinn þakkar Marteini Má þessa höfðinglegu gjöf og óskar honum farsældar í lífi og starfi. Myndin að ofan er af Marteini Má í Reykjavíkurmaraþoninu 2017, þar sem hann tók þátt í áheitahlaupinu fyrir Geysi
Jólanefndin 2017
4
Mats
eðill b
irtu
r m
eð f
yrir
vara u
m b
reyti
ng
ar
Mats
eðill fy
rir
nóvem
ber
2017
Má
n.
Þri
. M
ið.
Fim
. F
ös.
Lau
.
1.
Kjú
kli
ng
ab
rin
gu
r
í o
fni
2.
Hla
ðb
orð
3.
Kjö
tsú
pa
4.
6.
Eg
gja
ka
ka
7.
Ofn
ba
ka
ðu
r fi
sku
r
(Fa
nn
ar)
8.
Ha
kk
ab
uff
me
ð e
gg
i
9.
Hla
ðb
orð
10
.
La
mb
ast
eik
11
.
13
.
Grj
ón
ag
rau
tur
14
.
Ka
rrý
fisk
rétt
ur
15
. S
tóra
r k
jötb
oll
ur
í sæ
tri
só
su
16
.
Hla
ðb
orð
17
.
Fis
h ´
n‘ C
hip
s
18
.
20
.
Pa
sta
og
sk
ink
a
me
ð s
pe
rgil
ká
li
21
.
Sa
ltfi
sku
r
22
. H
ak
k o
g s
pa
ge
ttí
23
.
Hla
ðb
orð
24
.
Grí
sap
ott
rétt
ur
25
.
27
.
Me
xík
ósk
sú
pa
28
.
Ste
iktu
r fi
sku
r
29
. P
yls
up
ott
rétt
ur
30
.
Hla
ðb
orð
5
Lausar stöður í RTR á Bakka: Frá og með 1. desember eru laus RTR-staða á Bakka. Áhugasamir hafi samband við Benna í síma 551-5166. Myndin að ofan er tekin á vöruhótelinu Bakkanum.
Tölvuver er í boði fyrir félaga í Geysi á þriðjudögum frá kl. 11:15 til 12:15. Þar geta félagar fengið aðstoð og
leiðbeiningar í notkun ýmissa forrita, eins og Word, Publisher, internetið og
öðru sem félagar hafa áhuga á. Félagar eru hvattir til að kynna sér aðstöðuna
og taka þátt.
Tölvuverið
RTR-fréttir
Viðhorfskönnunin sem lögð hefur verið fyrir félaga í Geysi lýkur um miðjan nóvember Nú er að taka frá 10 mínútur til þess að fylla út könnunina. Allir félagar eru hvattir til að taka þátt!
Viðhorfskönnunin
Heilsufundir Heilsuhópurinn er nú farinn af stað eina ferðina enn. Hann ætlar að hittast aðra
hvora viku á þriðjudögum kl. 10.00. Heilsuhópnum er ekkert óviðkomandi sem snýr að heilsueflingu og bættum
lífsgæðum félaga. Allir velkomnir á fundina.
Lifi geðheilsan!
Ingrid Kuhlman Um aðferð jákvæðrar sálfræði
Ingrid Kuhlman frá Þekkingarmiðlun kom í heimsókn í Geysi um miðjan október sl. Hún hélt frábæran fyrirlestur um aðferð jákvæðrar sálfræði og hvernig við getum nýtt okkur aðferðir hennar í daglegu lífi. Jákvæð sálfræði er vísindaleg nálgun sem beinir athyglinni að jákvæðum þáttum mannlegrar tilveru eins og styrkleikum, vellíðan, velgengni, þakklæti, seiglu, gildum, von, jákvæðum tilfinningum, tilgangi, flæði, bjarsýni og hamingju. Myndirnar að ofan eru teknar á fyrirlestrinum sem var vel sóttur. Góðar og upplýsandi umræður voru svo opnaðar í lok fyrirlestursins. Við þökkum Ingrid kærlega fyrir að koma í Geysi til þess að efla þekkingu félaga á þessum málum.
Afmælisveislan fyrir félaga sem eiga afmæli í
nóvember verður þriðjudaginn 28. nóvember
kl. 14:00
6
Þátttaka í alþjóðastarfi Fountain House
Vinnumiðaður dagur í Klúbbnum Geysi er til þess að efla sjálfsöryggi félaga – þeir vaxa til meiri ábyrgðar og er ekkert þak á því hvað þeir geta tekið að sér. Ég er í fræðsluráði alþjóðahreyfingar Fountain House og í stjórn Klúbbsins Geysis. Þannig hef ég vaxið til meiri ábyrgðar þau rúmu 17 ár sem ég hef verið félagi í Klúbbnum. Enginn félagi má verða til þess að aðrir félagar fái ekki notið sín. Ég vil vera fyrirmynd sem sýnir hvað er hægt svo aðrir geti farið í mín spor. Með þátttöku minni í fræðsluráði, þátttöku félaga og starfsfólks í þjálfun og ráðstefnum höldum við okkur við efnið og tileinkum okkur það nýjasta í þeim efnum.
Hreyfingin hefur sannað gildi sitt. Rannsóknir á vegum virtra háskóla hafa sýnt fram á það auk þess sem við höfum séð svo marga félaga öðlast betra líf með þátttöku í starfi Klúbbsins. Alþjóða heilbrigðisstofnunin hefur litið til módelsins sem fyrirmyndar að aðgerðum í geðheilbrigðismálum á heimsvísu. Hlutverk okkar sem eru í fræðsluráðinu er að fara í klúbba og veita þeim viðurkenningu sem fara eftir leiðbeiningum alþjóðlegra staðla fyrir klúbbhús og fræða um það sem betur má fara. Ég fór nýlega á árlegan fund ráðsins. Þar leitar stjórn alþjóðasamtakana ráða, brýnir okkur í þeim aðferðum sem beitt er í heimsóknum í klúbbhús og ber undir okkur tillögur að breytingum á stöðlum sem unnið er eftir. Allskyns markatilvik eru rædd og fjallað um menningarmun og lagaumhverfi sem getur haft áhrif á starfsemi klúbba í ólíkum menningarheimum. Með þátttöku minni í fræðsluráðinu get ég skýrt aðstæður hér á landi og hvernig verður að taka tilliti til þeirra þegar leitað er eftir viðurkenningu alþjóðasamtakanna. Jón Sigurgeirsson
Blade Runner 2049 er mynd sem að margir hafa beðið eftir en biðin er loks á enda en myndin gerist þrjátíu árum eftir atburði fyrri myndarinnar. Nýr hausaveiðari, lögreglumaðurinn K kemst að gömlu leyndarmáli sem gæti valdið miklu umróti í samfélaginu. Uppgötvun hans leiðir hann í leit að Rick Deckard sem er fyrrum hausaveiðari sem er búinn að vera týndur í 30 ár. Það eru úrvals leikarar í hverju hlutverki en með aðalhlutverkin fara Ryan Gosling, Harrisfon Ford, Jared Leto, Ana De Armas, Dave Bautista, Robin Wright en þess má geta að íslendingurinn Tómas Lemarquis fer einnig með hlutverk í myndinni. Handritið er skrifað af Michael Green og Hampton Fancher, en sá síðarnefndi skrifaði einnig handrit fyrri
myndarinnar sem byggð var á bókinni Do Androids Dream of Electric Sheep? eftir Philip K. Dick. Þess má geta að þeir Denis Villeneuve og Harrison Ford hafa báðir látið hafa eftir sér í viðtölum að handritið að Blade Runner 2049 sé besta handrit sem þeir hafi nokkurn tíma unnið eftir. Blade Runner 2049 kom í kvikmyndahús föstudaginn 6. október en myndin er bönnuð börnum innan 16 ára. Hér er á ferðinni magnaður Sci-Fi þriller. Sjáumst í bíó! Helgi Halldórsson
7
Félagar og starfsfólk Klúbbsins Geysis fjölmenntu ásamt öðrum úrræðum á geðheilbrigðissviðinu 10. október síðastliðinn til að fagna árlegum alþjóða geðheilbrigðisdegi. Hátíðarhöldin byrjuðu fyrir utan Ráðhús Reykjavíkur þar sem borgarstjórinn Dagur B. Eggertsson ávarpaði mannfjöldann. Þar nefndi hann hvað borgin væri að gera til að hafa meiri sveigjanleika fyrir starfsfólk sem hefur átt við andleg veikindi að stríða. Eftir ávarp borgarstjóra var haldið áleiðis í átt að Tjarnarbíói þar sem skemmtidagskráin átti að fara fram. Lengri leiðin var valin í kringum tjörnina í hópgöngu þar sem sumir gengu með kröfuspjöld! Í Tjarnarbíói tók Þorsteinn Guðmundsson, grínleikari og skólastjóri Bataskólans, við stjórn hátíðahaldanna, sagði skemmtisögur og stutta brandara. Þorsteinn kynnti forsetafrúna Elizu Reid til sögunnar eftir að hafa rætt aðeins um uppruna hennar í höfuðborg Kanada. Forsetafrúin las bréf frá eiginmanni sínum, Forseta Íslands, þar sem hann hafði ekki séð sér fært að vera viðstaddur hátíðarhöldin. Forsetafrúin talaði síðan um alþjóða geðheilbrigðisdaginn og upplifun hennar af honum í heimalandi sínu og sagði hvers vegna hún væri klædd í fjólublátt í tilefni dagsins, sem væri siður í heimalandi hennar. Eftir ávarp forsetafrúarinnar sagði Þorsteinn hátíðarhaldastjóri að
dagurinn væri hátíðardagur en ekki sorgardagur og besta meðalið væri hlátur. Þá kynnti hann til sögunnar Ara Eldjárn, sem er orðinn heimsþekktur fyrir grínið sitt, bæði á Íslandi og í Bretlandi. Salurinn var í
hláturssköllum á meðan Ari talaði og sagði meðal annars hvað honum þætti skrýtið að kalla flugfélag Vá! og væri ekki til að fá fólk til að treysta
því (sem Ari sagði að væri eins og að kalla banka því ljóta nafni Fokk!, eins og að bankamennirnir vissu ekki
hvað þeir væru að gera). Síðan vakti einnig kátínu þegar Ari gerði grín af þeim sem kunna ekki að nota hljóðnema og síðan fengu handþurrkur sinn skammt af gríni
hjá Ara. Fleiri atriði komu í kjölfarið og má nefna ljóðalestur og skemmtilegt leikrit (þó með alvarlegum undirtóni) frá Hlutverkasetri og tvö tónlistaratriði. Alla vega berum við út boðskapinn á öllum dögum ársins um bætt geðheilbrigði fyrir alla og virðingu. Höldum í góða skapið! Sigurður Bjarni Gunnarsson Steinar Almarsson
Alþjóða geðheilbrigðisdagurinn 2017
8
Fimmtudagur 2. nóv. Kvikmyndahús
(Nánar auglýst síðar)
Fimmtudagur 9. nóv. Heimsókn í Stofnun
Vigdísar Finnbogadóttur
Fimmtudagur 16. nóv. Sundferð
Fimmtudagur 23. nóv.
Jólaföndur í Geysi kl. 16:00 til 18:00. (Kakó og
piparkökur)
Föstudagur 1. des. Jólaveisla Klúbbsins Geysis
kl. 18:00 til 21:00
Félagsleg dagskrá í nóvember
Deildarfundir Fundir í deildum eru haldnir á hverjum degi
kl. 9:15 og 13:15. Þar er farið yfir verkefni sem liggja fyrir hverju sinni.
Æskilegt er að félagar mæti á deilda fundina. Tökum ábyrgð og ræktum
vináttuböndin.
Klúbburinn Geysir er opinn alla virka daga frá kl. 8:30 - 16:00, nema
föstudaga er opið frá 8:30 - 15:00.
Húsfundir Húsfundir eru miðvikudaga kl. 14:30. Þar er rétti staðurinn fyrir félaga til að koma skoðunum sínum á framfæri og
taka þátt í opnum umræðum. Allir að mæta!
Nýr varamaður
Starfandi er notendaráð Reykjavíkurborgar og Seltjarnarnesbæjar. Hlutverk ráðsins er að fara yfir reglur og koma með tillögur að bættu lagaumhverfi fyrir öryrkja og fatlaða. Aðalmaður fyrir Klúbbinn Geysi í ráðinu er Sigrún Jóhannsdóttir og nýr varamaður Sigurður Bjarni Gunnarsson, sem tekur nú við af Steinari Almarssyni sem snýr sér að öðrum störfum. Við óskum Sigurði Bjarna til hamingju og óskum honum velfarnaðar í þessu verkefni.
Sigurður Bjarni Gunnarsson
Starfsmannamatið
Árlegt mat félaga á starfsmönnum fer í gang um miðjan nóvember. Þar gefst félögum einstakt tækifæri til þess að leggja mat á störf, árangur og útgeislun starfsmanna. Matið er skriflegt og ópersónugreinanlegt. Það fer þannig fram að félagar fá viku til þess að meta hvern starfsmann, þannig að fimm vikur fara í verkefnið. Starfsmannamatið hefst mánudaginn 13. nóvember. Félagar eru hvattir til þess að taka þátt.
Árangurskönnuninni lýkur föstudaginn 10. nóvember.
Félagar sem eiga eftir að taka þátt eru hvattir til þess að drífa
hana af.